رواية أطباء في الحب \ رواية حجازية

~~~~~~~~

A6baa fe al-7o0b

~~~~~~~~







رائد بيطل في الخريطه الالكترونيه في السيارهـ ومكــشر .

: شنو ذا وين احنا فيــهـ .

كاسر راخي المقعــدهـ مـرهـ ومسترخي : رودي اتركك من ذا الخرطيه وامش مثل مابقلكـ ..

رائد مد يدو وطفا الخريطه : زين بنمشي علي كلامكـ مو تظيعنا ..

: ماعليكـ موب ظايعن حفظت المكان

: زين الحين بنتفق علي كل شــي ..

: علي شنوو

: انا جبتلكـ مفاتيح الشاليهـ بتقعد فيه .. ولا بتاجرلكـ شقه ولا اوتيل .. شنو تحــب ..

كاسر يتمغط : والله الشاليهات بعيده حيل .. وهدوء ماحد بداري عنكـ لو تموت .. مابيهاا ..

رائد : زين شطبنا الشاليهات شنو .. شقه ولا اوتيل ..؟؟

كاسر : اممممممممم اوتيل مابي .. شقه احسن شي .. تكون بموقع استراتيجي وحلـوهـ وبعمارهـ كبيره ونظيفه حيل بحي راقي .. وماقول لا لو كانت تطل علي البحررر

رائد : هههههههههه لو مالقيتلكـ وحده بذا الموصفات ببنيها لكـ بايدي ..

: يافديتكـ يااارووودي

صلح جلستو فجاءهـ : ارجع فوت الفــه

رائد رجع بالسيارهـ علي طول : هناا ..

: ايه ادخل .

دخل بالسيارهـ وكاسر استمر يوصفلو الطريق لين وقفو قدام العمارهـ .

رائد صار يطل فيها من فوق لتحت بتحطيم : قول انكـ تمزح معي

: ههههههههه لا لبي قلبكـ .. هنا انا عايش حاليااا ..

رائد فتح الباب ونزل : كسووور .. قد ماوصفتلي ما اتوقعت الوظع كذااا

كاسر نزل وشال شنطتوو : ههههه بعدكـ ماشفت شــي وانا اخوكـ .. الوظع من الخارج ازين كثير .. لادخلت البيت بتنصدم ولا شفت غرفه جسام بالتحديد بتموت من قوهـ الصدمــهـ ..

رائد لف حولين السيارهـ بعد ماقفلها وشال الشنطه عن ايد كاسر : انا الحين حدي مصدوم ..

كاسررر يفرفر شعروو ويبتسم : بس رودي ترا الموظوع موب ذاكـ السواء

رائد طل في بستنكار : اجل شنوو

يهز كتوفوو : ماعرف يعني الايام الي قظيتها هنا وياهم احلي من الشهرررين الي قظيتهم بلحالي في الشاليهـ ..

رائد قرب منو ورفع ايدو علي كتفوو ودخلو العمارهـ : موب معقول وانا اخوكـ

كاسر اتنهد : الوحدهـ موب زاينه ابد .. رغم عيشتهم المقرفه شعوركـ بيصير احسن لا حسيت انو فيه حد حولينكـ

رائد ماحب يعلق علي الايام الي قضاها كاسر لحالوو هزز راسو ووسكت ..

وصلوو لشــقه ..

كاسر يضحكـ : الرودي غمض عيونكـ انا خايف قلبكـ يوقف ..

: ههههههههههههه اذا انت قدرت تستحمل انا بعد ..

قمر فتح الباب ووشوو مصفر ولونو مخطوف : كاسر كاسر انته جيت .. فين حسام فين مهند ..؟؟

كاسر طل في بخوف وما فاتتو ملامح وشو الشاحبه : شنو فيكـ قمر صايرلكـ شي

قمر يحركـ راسوو يمين ويساار برتباكـ : اممم لا لا مافي شي .. امم انته ليش جيت ليش جيت

رائد يرفع خشمو : شنو ذا الريحه لا تقول كذا ريحة بيتهم ..؟؟

كاسر يستنشق الريحه ويفرصع عينوو : قمرر شنو مسووين

قمرر رجع علي وراا بخووف : ولا شي والله ولا شــي ..

دفو عن طريقوو : وين بدر وهلال وينهم ..

بدر ياشر علي المطبخ : هناكـ هما قالو يسوو اكل انا مالي شغل واللهـ

كااسرر بصدمه راح للمطبخ .. ورائد دخل ورا وهوا يقلب عيونو في الشقه وهوا مستصيب من الي شايفوو .. في احد عايش كدا في ناس بيوتهم كداا ..

كاسر وصل للمطبخ ومن دخل راسوو استصاب ..

بدر حاط كرسي جنب البتقاز وواقف علي ومولع النارررر .. والصاج علي البتقاز والنار مشعلله ..

وجوة الصاج بطاطس مو بس انحرررق .. خلاص اتعدا مرحله الانحراق لونو بدا يضرب علي سواد ..

وهلال في الجه التانيه حاط كرسي وواقف علي المغسله .. يحاول يطفي المساكه الي اطرافها مولعه

جري علي لعندهم شال كل واحد من قفاا لانهم صغار ونحاف .. راح بيهم لباب المطبخ ورماهم برااا

: شنو ذا شنو تصلحووون

بدر ياشر علي قمر : هوا قال جيعان

قمر ياشر علي هلال : هوا قال نسوي بطاطس ..

هلال ياشر علي بدر : هوا حرق المنشفهـ هوا حرقها هواا

كاسرر عيونو طلعت شرارا : انتم شنو شنوو

رائد : كسوور الحق المطبخ

كاسر راح للمطبخ بسرررعه طفا النار

وشال الصاج والمساكه حطهم في المغسله ومن الزكاء الخارق الي في شغل المويه علي طول .. والزيت اتفاعل مع الموياا وطلع صوت مزعج مع دخااان يخنق .. وريحه تسد النفس ..

وكاسر انحرق من البوخ بعد عن النااارر وهوا يفركـ ايدوو : يالله ..

رائد دخلوو بسرعه : كسور شنو تسووي مايصير كذا

كاسر بعصبيه : شنو دراني انا بعد ..

رائد سحبو من يدوو : وين حمامهم بعد وين

كاسر ياشر علي الحمام رائد سحبو بسرعه دخل وحاول يغض النظر عن الحمام فتح المويا ودخل يد كاسر تحتها عشان تبرد من البوخ : شنو تحط المااي مع الزيت الحار

كاسر ساكت لان عصبيتو من البزوره وصلت حدووو .. رائد فهم انو مارح يهرج فسكت هوا التاني

خرجو من الحمام كاسر راح علي الغرفه ورائد وقف يكلم البزورهـ : ليش تصلحون كذا

هلال ببرائه : كونت جيعان انا .. كونا جيعانين بس

رائد حزن عليهم : زين يوم تكونون جيعانين تحترون حد يعملكم اكل مو تصلحون كذاا ..

بدر يلف وشو مو عاجبو الكلام .. وقمر فجاءهـ يبكي ..

كاسر خرج من الغرفه فتح الشبابيكـ كولها تبعت الصاله والمطبخ والغرف لان ريحه الشقه ما صارت تنطاق مـرهـ ..

يوجه كلامو لاخوان حسام : شنو الي قعدتو تصلحونه اغبياء انتم تبون تحرقون البيت وتحرقون انفسكم ولا شنوو

هلال وقمر انكمشوو من صريخوو .. وبدرر بدون خوف : كونا جيعانين نموت جوع يعني

كاسر : شنو ما اكلكم وسام

بدر يشمق : لا ماساوا شي

كاسر عصب من حركه بدر راح لعندو واعطا قفا : تكلم عدل زين لا اكوفنكـ فيذاا

رائد بدهشه اشبو كاسر صاير شرير وبس يصرخ : كسور فديتكـ هد اعصابكـ

قمر الدموع اربعه اربعه : انا ابغا ماما ابغا اكل ابغا اكل .. اهـــي اهــــي

كاسر نسي عصبيتوو وقلبووو اتحركـ طوالي .. حزن عليهم مــرهـ ايش ذنبهم اذا اخوهم مالو داعي كدا

خرج الجوال من جيبوو : شنو تبون تاكلون

هلال بحماس : كنتاكي كنتاكي

بدر : ابغا بابل بابل

كاسر يكشر : واحد مطعم كلكم شنو تبون زين

بدر يزغر في هلال يخوفوو هلا انكمش وبصوت راخي : بابل انا كمان ..

كاسر يعاند بدر زي الاطفال : لا كنتاكي كلكم من كناكي طيب

هلال يضحكـ وبدر يكشررر

رائد يهز كاسر وياشر علي قمر : وذا شنو فيه علامه يصيح .. ؟؟!!

كاسر راح لقمر وشالو علي رجلوو : خلاص شنو تكلمنا وشنو قلنا عن الرجال وكذاا

قمر : مابغا اصير رجال ابغا ماما .. ويرجع يبكــي ..

كاسر في قلبوو .. انا بعد ابي الوالدهـ لكنو شنو بايدنا : خلاص الحين انت اسكت وكل وبعدين حسام بيدور علي امكم زين

قمر مرا ما اتصرف لانو عار فانو حسام مايدري فين امهم زيو زيهم لكن سكت وهز راسوو لانو جيعان

: طــيب

رفع الجوال لادنو كلمهلم المطعم وطلبلهم الي يبغوو وقفل ..

رائد يطل في الشقه ويهز راسوو يحاول يستوعب : كسور بناخذهم وبنروح ناكلهم براا

كاسر يهز راسوو : لا بلم اغراضي خلاص ماني طايق اقعد فذا المكان ولا دقيقه زيادهـ ..

رائد مشي معا لغرفه حسام : زين الي تشوفه

دخلو علي الغرفه ورائد بطنو لعبت طوالي : كسور وين كنت تنام

كاسر ياشر علي السليب باق : هههههههههههههه هني كني مسافرر.. اشيلها وين مارتاح وانام مره هنا مره بغرفه وسام ذاكـ مره بالصاله علي حسب الظرف هههههههههههههــ وتخيل شنوو

رائد بصدمه : شنو بعد ..

: كل نهايه اسوبع انزله للمغسله يغسلونه ههههههههههههههههههـ

رائد صدق هم يبكي وهم يضحكـ .. : ههههههههههههههههههه

كاسر فتحت شنطتو والي الاغراض مازالت جوتها بس مقربعه وحاط الحجات الوسخه لحال والنظيفه في جه تانيهـ ..

رائد طل في الشنطه بعدم رضاا : كسروو حبيبي اتركها بنروح نشتري ملابس جديده وشنطه جديده وكل شي جديد ..

قرب منو .. حتي انت يبيلكـ تجديد بالحيل متبهدل .

كاسر ابتسم : زين علي امركـ .. بس شلون بتجددني ..؟؟ ههههههههههه

رائد بدو يخرج خلاص .. : بتعرف اليــوم .. ياللهـ .. بتمشي معي

طل علي الباب : موب تاركهم بلحالهم .. مابوه حد في البيت خوفي يصحلون شي ..

رفع يدو لساعه : شويات بيجي حسام وبعدها بنمشي زين ..

رائد يرجع يتلفت في المكان بعد رضا .. : زين كسوور زين

خرجو علي الصاله شغلو التيفي .. وجلسوو ورائد طبعا لام بعضو علي بعضووو .. نفس شعرو الكاسر اول ما جاا ..

ويبغالو وقت علي ما يتاقلم اكــيد ..

اما كاسر قلب في التي في وحط علي قناهـ اطفاال .. وجلس يحش مع البزوره وياخد ويدي معاهم في الكلام

يحس نفسو زيهم بالزبط ضايع بدون امو واهلوو .. ومسكين ويحزن واي شـــي ..

ورائد بيطل في كاسر بتعجب .. مره اتغير .. الدلع الي في راح الدلال .. التكبرر .. عدم المسؤوليه .. كل دا اتغيرر .. معقوله شهررين تغيروو لدا الحد ..

رجع طل في الشقه واتنهد .. الي كاسر مر فيها مو أي شهرررين .. شهرين كانت بجد صعبه ..







~~~~~~~~

A6baa fe al-7o0b

~~~~~~~~







خرج من الغرفه الخاص بيهم .. رامي المعطف علي كتفوو .. ومدخل يدينو في جيبوو وسرحان عند نسيم .. وطبعا عند تسنيم

من يوم عرف انهم اخوات وهوا يقاررن .. لبسهم . اسلوبهم .. شكلهم .. اخلاقهم ..

وكل شويا يهز راسوو باسف .. كيف دي طالعه كدا قمه في الادب والاخلاق والذووق ..

والتانيه العكــس تماماا ..

رفع الجوال لادنوو بعد ما طلب رقم حسام

حسام واقف مع اسراء في الدرج وبيضحكو علي فاضي ومليان زي السكرانين

قطع علي الجوال : ايوااا ابو هند خيبييييييييييير

مهند يتنهد : جيتنا اليوم للمستشفي علي فااضي ..

حسام يطل في اسراء ويبتسم بخبث : اتكلم عن نفسكـ هههههههههههههههههـ ..

مهند يكشر : ايش بتسااوي ابو السمس

اسراء تضحكـ بصوت .. حسام رفع يدو لفمها وسدلها هوو : احم ولا شي بعاين مريض ايوا مريض

مهند سمع الضحكه قفل الخط بدون مايهرج ورزع الجوال في جيبوو ..

نزل للقسم يسجل خررروج شاف تسنيم واقفه وفي يدها الملف حق ابوها بتشوف بعض نتايج الفحص ..

مهند جالو شعور اهبل .. راح لعندها وابتسم : دكتورا تسنيم

تسنيم بعدت عنو خطوتين : اهلا دكتور مهند اساعدكـ في شــي

صار يطل فيها يحاول يطلع أي شبه بينها وبين نسيم : لا لا ايوا ايوا اقصد امم ايوا كيف حال ابوكي

اتحولت ملامحها لاســي : مو بخير يا دكتور مهند مره مو بخيرر ..

مهند حزن علي طول : الله يشفي يارب أي عندو بالزبط .. اشبو ايش صايرر

تطل في نتايج التحليل : كل مالها الامور بتزداد .. وكل شويا يكتشفوو شي جديد .. ودحين تخيل يبغو ينومو لتلاته الاسابيع الجاايهـ .. والله لو دري انو الموضع كدا حيزعل مره حيزعل يادكتور مهند

مهند اتكتف : الله يكون في عونكم يارب

زفرت من قلبهاا : امين يارب تخيل دكتور مهند مافي احد يرافق مع بابا دايمن .. بابا مايمشي .. الممرضين حيتعبو وحيعلولو قلبوو .. مابغا كدا مابغا .. وانا مارح يسمحولي زي ما انت عارف

عيونها دمعت وهيا تتكلم .. ومهند ماعرف ايش يقول حتي : الله يعينكم يارب

رفعت يدها تهف علي عينها مافي داعي لدموع دحــين بالمــرهـ .. : امين يارب امين ..

بلقافه : طــيب دحــين مين معاا .؟؟!! روحيلوو

اتنهدت : اختي معا دحين حرحلوو .. الله يعينني كيف حقلو علي النتايح .. حيزعل مني مراا

مهند يفكر في نسيم : هاتي ابلغو انا ..

تسنيم تمدلو الملف وتجلس علي الكرسي .: في كل الحالات حيزعل بس قلو قلو يادكتور خلاص قلوو ..

حطت راسها علي الطاوله وهيا تنهد

مهند كان بودو يطبطب علي ضهرها ويمسد علي راسهاا .. لكن يعرف الخطوط عندها حمرااا

بعكس اختها تمام

ميل فمو علي جنب ببتسامه : حبلغو دحين وانتي شويا اطلعيلو طـيب ..

اشرتلو بيدها انو روح بدون ما ترفع راسهاا ..

مهند طل في الملف وعرف رقم الغرفه واسم المريض راح بسرعه للغرفه وقف عند الباب

نزل المعطف عن كتفوو لبسوو وصلحوو .. خلل اصابيعو بين شعروو يمسدووو

رفع الجوال لوجهوو .. مسد علي حواجبو يرتبهااا .. رجع الجوال لجيبوو ..

دق الباب بهدووء ودخل بدون مايسمع رد

نسيم الطرحه علي كتفها وشعرها منغبر بدون ترتيب .. والعبايه مفتوحه وباين تحتها التيشرت الاخضر .. مع الجنزز الرمادي رافعه رجل علي الكرسي والرجل التانيه مطيرتها بعيد ..

وفي يدها الببي بططق وماعندكم احد .. والسماعات في ادنهاا .. والصوت علي الاخيررر ..

زعلانه منكـــ تكززززززززززززوب علياااا ..

ابوها راقد علي السرير ولابس النضارت وفاتح الكتاب قدامو بيقراا كعادتوو

ومن دخل مهند انتبهلوو بعكس نسيم الي ماا انتبهت ابدن ..

ابوها اتنحنح : اهلا دكتور ..

لف عينو علي نسيم ويتحنح يبغها تنتبه وتغطي راسهاا : يانسيم يابنتي ..

نسيم طبعا مو سامعه ابوها وبالها بس في الببي الي في يدهاا ..

ومهند يسررق نظرات لهاا .. ويبتسم .. لون شعرها مــرا عجبوو

نسيم بتررد مع الاغنيه كمان: وعن حوووووبكـ ما بتووووووب . وزلعلانه منكــ ..

ابو تسنيم انحرج ومهند كمان رجع خطوتين علي ورا : اسف معليش ..

ابو تسنيم شال الكتاب من يدو ورما عليهااا .. انفجعت شدت السماعه عند ادنها : بابا اشـ ...

قبل ما تكمل كلمتها انتبهت لمهند نزلت رجلها طوالي ورفعت الطرحه علي راسهااا وطلت في ابوها بتكشيرره وتاشرلو ليش ما قلتـ لي .. وابوها يرد لها نفس الطلات ..

ومهند ضااايع عند نسيم .. وسرحان

هيا احلي من اختها بكتير .. امم صح الي يميزها اصلا جرائتهاا .. امم لون شعرها حلوو .. بيبرز لون عيونهاا .. امم اطول من تسنيم وجسمها احلي .. سبحان الله .. ولا وحده فيهم تشبه ابوههااا

حــ ...

فاق من سرحانوو .. لما ابو تسنيم رجع يرهجوو : اشبكـ ياولدي بكلمكـ ..

مهند ابتسم وحكـ شعرو بخجل وابتسم لانو كان سرحان يفكر في كل العيله : احم ايوا كيف الصحه اليوم

ابو تسنيم يفسخ النضارهـ : الحمد لله بخير متي الخروج ..

مهند يحط الملف تحت يدو ويطقط اصابيعو : ياعمي مافي خروج حاليا اسفين

اكتئب علي طول وملامحوو قلبت : انا مافيا الا الصحه

: انشالله اكيد .. واحنا حنخليكـ بس عشان نتاكد انو الصحه حتكون افضل والعافيه كمان

رجع لبس النضارهـ وسكــت .. ورفع الكتاب يكمل قرايه وهوا حاسس بضيقه ..

يحس ايامو معدوده واكبر همو انو مايموت في مستشفي تحت راحمه الاطباء دول .. الي يعلو الواحد ..

مهند لما شاف ملامحو كيف عذر تسنيم وانها ماتبغا توصلو خبر زي كدا ..

: عمي امممم .. دحين حيجيكـ الممرض ياخد منكـ تحاليل دم .. وكمان حنرجع نعملكـ اشعه مقطعيه مرهـ تانياا .. لكن انشالله ماكيون الا خــيرر ..

لف واعطي ضهرو لمهند يعني مابغا اسمع ولا كلمه زيادهـ

مهند قفل الملف .. واتنهد بحزن علي حالتووو .. ونسي وجود نسيم بالمــرهـ ..

نسيم ماهمها ابوها ولا انو مضايق لانو حيجلس ولا اصلا سمعت مهند ايش بيقلوو .. كانت مشغوله تتاملوو ..

وكيف جسمو وكيف طولوو .. وكيف ظريقه كلاموو .. حستو مره حنون من الحزن الي بادي علي وشوو

مهند اتنهد للمره التانيه ولف خرج من الغــرفه ..

نسيم علي طول خــرجت ورااا .. : دكتور مهند دقيقهـ

مهند نسي ابوها والحزن واي شي ابتسم : اهلا نسيم

نسيم ماتدري ايش تبا تقلوو لفت يدينها ورا ضهرهاا وتتحرك بهبهل : امم اشبو بابا

مهند يحس مو وقت الهرجه دي ابدن : تسنيم حتفهمكـ اكيد

هزت راسها : امم ايوا صح صح ..

مهند فجاءهـ يحس نفسوو خاق معها مايدري ليــش .. : ايوا نسيم ايش الهرجه الي تبغيني فيهاا ..

: اممم هرجه بخصوص حنين

شهق فجاءهـ : حنين

انفجعت من شهقتوو : امم لالا ايوا اممم اشبكـ تشهق كدا .

مهند اتزكر كلام حنين علي طول : تعرفيها انتي تعرفيهاااا

نسيم خافت من الي حتقولو ويمكن ياثر علي علاقتها بمهند : اممم لا لا ماعرفهااا

مهند قرب : اجل ايش .. اشبها حنين ايش عرفكـ فيهاا ..؟؟!!

نسيم رفعت يدها وخبطت خدو بخفه مره : روق اشبكـ شوشت كدا ..

مهند لمستها خدرتوو وهجد طوالي .. وانكسف : ههههههه سوري كل شي الا حنين ..

طلت يمين وشمال بحذر : لا ماعرفها بس اعرف انو في بنات في الجامعه متقعدين لها ويحاولو يضروها باي شكل من الاشكال بس ..

تنح : ايش دراكـي

بتردد : امممم .. ادري ادررري بس

مهند : كيف تدري ؟؟!!

ماحبت تفصل اكتر عشان خافت تخسروو وخافت تخسر اجوان في نفس الوقت

اتنهدت براحه ولاول مره حبت تسنيم لما دخلت للقسم .. لانها كانت حتتورط .. : مهند اختي جات

سوت بيدها تلفون وغمزتلو .. : علي الجوال نكمل طيب ..

هز راسو بتناحه ولف يطل في تسنيم الي جات وعيونها محمرهـ .. مايدري من كتر بكيت ولا من كتر حابسه الدموع ..

: مهند مهند كلمت بابا

: ايوا خلاص قلتلووو

: ايش قال أي ساوو

مهند يهز كتوفوو : زعل مــرهـ ولف ضهرو مارضي يخليني اكمل كلام ..

علي طول دموعها ادحدرت : كونت عارفه كونت عاارفه

: معليش حصل خــير ..

لفت عنو ودخلت علي الغرفه .. ومهند تكا جنب الباب وهوا يفكر .. في كلام نسيم ..

وايش عرفها باختووو .. وايش حكايه البنات دول .. وحنين والكلام الي قالتو علي نسيم ..

حس نفسوو ضايع في دوامه الافكاار .. الي يحاول يفسرها لكن .. مالو الا حسام يساعدو في تفسيرهاا ..

اتحركـ من مكانو : ايوا حسام حسام ..









~~~~~~~~

A6baa fe al-7o0b

~~~~~~~~

~~~~~~~~

A6baa fe al-7o0b

~~~~~~~~











والله ورجعت تدق يا قلــــــــــبي غريبه الحال معــاكـ

والله وعرفت تحـــــــــس يا قلبي بطيبه .. رميها زمان وراكـ ..

الاغنــيه المصررريه الهاادئه شغاله في السيــارهـ .. وسعيد منشكح يهز راسوو يمين ويــسار .. ويردد مع الاغنيه بصوت بيـــض ..

وزهاد متكيه علي الشباكـ في المقعدهـ الخــلفيهـ .. ومعالم القلق والخوف علي وشهااا واضحه ..

وكل ما سعيد يقرب لفله عمها كل ما احساسها بالقلق يزيد .. ايش يبغا منهااا

مو كافي الي صايرلهم في حياتهم بسبب عمايلووو .. مو كافي ..

فتحت شنطتها وطلعت البندول اخدتلها حبتن بدون موياا .. لسا ماقابلتوو وتحس نفسها صدعت من نبره صوتوو المستفززهـ ..

بعد دقايق كانو قدام الفله الكــــبيرررهـ بشكل هائل وملفته بسبب تصميمها الغررريب .. والوان الرخام الي تندرج من السكرري لين البيج الغامق مع الطحــيني .. ..

سعيد وقف السيارهـ قدام البوابــهـ الكــبيرررهـ وضرب البووري كزا مــرهـ

ثواني وانفتح البابــ علي الاخــيررر .. دخل سعيد بالسياارهـ ومشي في الساحه الي ارضيتها مسفلته .. وعن يمينها ويسارهاا .. انواع واحجام الاشجاار .. والمضلات والكراسي الملونهـ المشعتره في كل مكان في الحديقه .. مشيو مساافه مو بسيطه قبل مايكونو قدام القــصر تماما ..

والي ابوابوو مفتوحــه عن مصرعيهااا ..

سعيد يطل في البوابه الكبيرره والي يحس قيمتها لحالها اغلي من الاجار الي تدفعو زهاد علي شقتهم الهريانه

صفر بعجااب : زوزو والله عمكـ نصبكم صح

زهاد اتنهدت وهيا تطل في القصرر دا تاني سبب يمنعها من انها تجي لهنا .. كل ما تشوف العز الي عايشينوو .. الحقد الي في قلبها يززيد ويززيد ..

شالت شنطتها وفتحت باب السيارهـ ونزلت : سعيد خليكـ مارح اطول

نزل من السيارهـ وهوا يطل في ملعب الباسكت المتوسط . : مخليني حلعب شويااا

زغرت في كدا : تلعب في عينكـ انرزع في السياارهـ والله ان جا هيثم وعرفكـ مالي دخل

سعيد بلع ريقوو : هيثم مارح يجي صح مارح يجي صح ..

: ايووا صح ماراح يجــي .. انطق في سيارتكـ ولا اشوفكـ توطوط هنا ولا هناكـ مارح اطول

هز راسوو وبتريقهـ .. : سمعا وطاعه طال عمركـ

لفت عنوو واخدت نفس عمــيق .. طلعت الدرجات الرخاميه الطويله بهدوء والي من لمعتهااا زهاد خافت تخدشها بكعبهاا ..

وصلت للبوابه المفتوحه .. دقت الجررس وهيا تتمني ماحد يرد عليهااا .. عشان تشيل بعضها وترجع وتقول لهيثم رحت ومالقيت احد

لكــن علي مين الاماني لا تتحقق دائما ..

خرجت لها وحـدهـ من الخدم بالطقم الاسود المرتب علي مريله نوص ورديــهـ .. وشعرها منسدل علي كتوفها

: اهلا مس .. مستر علي بينتظركـ في مكتبوو ..

زفررت بتوترر ورسمت ابتسامه علي فمها : طــيب شكررن ..

: اتفضلي مس من هون

زهاد من طرف خشمها مع انها لسا راسمه الابتسامه علي شفايفها : اعرف الطــريق ..

الخدامه مشيت وتركتها مع نفسهاا ..

دخلت واتحاشت تتامل التغيرات الي صارت من اخر .. مــرهـ .. كل شهر .. يتغير الاثاث .. البوياتـ .. التوحف الصوور ..

حست بغصه في حلقها .. وهيا واخوها مو لاقين شــي ..

اتوجهت لمكتب عمهاا .. دقت الجرس الصغير الي علي طرف الباب

انفتح الباب الكترونكـ .. دخلت ورفعت راسهاا اكيد جالس فوق كالعادهـ ..

اتوجهت لرفوف المكتبه الي مفصله علي شكــل دررج .. طلعت عليهااا بشويش لين وصلت لاخـر رف ..

بعدها سحبت واحد من الرفوف الي قدامها وانفتح دخــلت جوا وشافت عمها جالس علي مكتبوو .. بكل هيبتوو .. ووسامتوو وحتي خطوط الشيب تحسها مرصوصه بترتيب .. ومعطيتو وسامه بزيادهـ ..

نزل السجارهـ البنيه عن يدوو : اهلا ببنتي اهلااا ..

حاولت حاولت حاولت بشتي الطرق تبتسم بس ما قدرت : اهلا عمو كيف حالكـ

قام من خلف مكتبوو وراح لعندها ضمهااا : كيفك يابنتي

اتمنت في يدها سكينه تطعن ضهروو تغدر في زي ما غدر في ابوهاا ..

لكــن طبعا الي حتقولو غيررر هزت راسها بتوتر وهيا تبعد عنو : بخير عـ

حتي كلمه عمي استصعبت تنطقهاا ..

طل فيها كدا : ليش ما جيتو الغدا لما عزمتكم ..

برضو حاولت تبتسم لكن لا شي سوا ملامح الكرهـ : انشغلنا مع ماماا

كشر ملامحــوو .. ولف ورا المكتب .. شال السماعه : ايش تشرربي ..

: ولا شـي عموو ايش تبغا مني مستعجله انا ..

رجع رخا السماعه واشرلها علي الكــرسي : اتفــضلي .. اجلسي طيب ..

اتقدمت للكرسي الجلد .. وجلست : اهاا ..

شبكـ يدينو في بعــض .. وبدون مقدمات رمالها النبله : .. يابنتي انا عرفت مكان ابووكــي ..

زهاد ملامح القلق والطفش الي في وشها كلها انقلبت لصدمـــهـ .. : ايش بابا

عمها هزز راسوو ياكد كلمها : ايوا باباتكـ .. يعني يا زهاد يمكن تشوفو قررريب

عيونها اتعبت دموع ورجعت تكررر بعدم تصديق : بابا بابتي اناا .. بابا ..

عمها يرفع السجارهـ لفموو : وعدتكـ اني حلقا .. ودحين لقيتو وانشالله حيجي حنجيبو هنا غصبن عنوو

زهاد لسانها انرربط .. ماقدرت تعلق ولا تقول شــي ..

سند ضهرو علي الكرسي المريح .. واخد نفس عميق : ولو جااا حينحل كـل شــي انشالله وترجع المويا لمجاريها .. اتفقنا ..

وقفت وعقدة لسانها انفكت .. : مافي شي حيرجع زي ما كان .. اصلا اكرهكم كولكم .. اكرهكـ اكره بابا اكره هيثم .. اكرهكم كولكم .. مافي شي حيرجع مافي شي حيرجع

عمها انصدم ما اتوقع ردهـ الفعل هادي .. : يابنتي اسـ

رفعت اصابعها بتهديد : لا تقول بنتي .. مني بنت احد .. ولا عندي احد .. انا ربيت نفسي بنفسي .. لا تقول بنتي ..

ردها دا خلا عمها يسكت بجد ..

شالت شنطتها ولفت خرجت من غرفه المكــتبه واتوجهت لصالون عشان تروح للباب الرئيسي

وقبل توصل .. سمعت اصوات ضحكات .. وقبل لا تتعجب او تتسال .. دخلت بنت عمها .. ومعاها صحباتها .. العبي عبي .. والشنط شنط .. وروايح العطووور سابقتهم بتنين كيلوو ..

زهاد رفعت يدها بسرعه لعينها تخبي دموعها ..

شهد اتقدمت لعندها ولوت شفايفها بقرف : زوزووو .. ايش بتسوي هنا .

وحدهـ من صحباتها : يااااي زهااد اتغيرتي

التانيه تكشر : دي الي تهرجينا عنها دايم ..

زهاد دا الي ناقصهاا فلسفه بنت عمها .. وشلتها الهايفهـ .. شدت يدها علي شنطتها وخرجت من الفلهـ .. ورجعت دموعها تدحدر انهار وسيووول .. دي المفروض كانت حياتها ... دا المفروض كان بيتهاا .. كل شي راح بسبب عمهاا كل شي كل شي

دخلت سيارهـ سعيد وقفلت الباب بعصبيه وتركت العنان لدموعها وشهقاتها ..

سعيد خاف : زوزو حبيبي اشبكـ

زهاد تهز راسها وتتكلم من بين شهقتها : علي البيت سعيد مافي شـــي ..

سعيد احترم بكاها الي يقطع القلب وسكت خرج بالسيارهـ من الفلهـ .. وهوا متشائم اكيد انقالها شي .. ما اتحملتو او شافت شي ما اتحملتوو ..

اما زهاد خلاص القهر الي فيها لا يمكن ينوصف ..

ويقلي لقيت ابوكــي .. ايش ابغابوو .. ايش ابغا بيكـ انته كمـــان .. الله ينعلكـ وينعل كل شي فيكـ ...

راحت في دوامــه بكاا .. وماحست بالوقت مــرهـ ..

سعيد بحذر : زوزو وصلنــا ..

رفعت راسها وطلت في الحي وفي العمارهـ والشبابيكـ .. وجاها احباط من اول وجديد ..

: سعيد لا تروح دحين نازله

هز راسوو بدون أي اعتراض .. : طيب

نزلت ودخلت بيتهم وهيا متقرفه منو متقرفه من عيشتهم ومن وضعهم واي شي.. والي زود قرفها قرف

سيرهـ ابوهاا ..

دخلت الشقه وجاتها ضيقه من شافتهاا .. شقتهم كلها علي بعضها اصغر من مكتب عمها لحالووو .. وربي شي يقرف بجد .. ويخلك بدكـ تموت ..

راحت لغرفه امها دقت الباب وماجاها رد .. فتحتو ودخلت شافت امها نايمه .. باست راسها بقووهـ وحضنتها علي خفيف

امها اتحركت : جيتي زوزو

تحاول ماتبين انها بتبكي .. : ايوا ماما بس خارجه رايحه لدبابه طيب ..

امها بلا مبالهـ : طيب خلي فلوس عشان نشتري غدا انا واخوكـي ..

هزت راسهاا وهيا تمسح دمعتها : طـيب ماما ..

رجعت باست امها مــرهـ تانيه وخرجت

راحت علي الحمام غسلت وشها مزبوط ومسحت عيونها .. غيرت ملابسها بسرعه لبست شي مريح ولبست عبايه سادهـ وشالت نضارتها الشمسيه .. حطتها علي راسها وراحت علي المطبخ .. عملت لها ترمزهـ حليب بالشاهــي ..

وخرجت من البيت ناويه تختلي بنفسها ترتب امورهاا وترتب افكارهااا .. وهل حتقول لامها وقصي عن ابوها ولا أي شالحل ما تدري

شالت الجوال ودها تتصل علي اهداب .. لكن اتزكرت قد ايش هيا مقهورهـ منها فرجعت قفلت الجوال .. مع انها مــرهـ محتاجه حد تتكلم معا أي احد .. الظاهر مالها الا سعيد ..

نزلت لسعيد ركبت ورقعت وراها الباب بقـوهـ ..

سعيد ما حاول حتي يعلق علي الباب .. ولا سالها علي فـــين .. ولا شــي .. حركـ السيارهـ وهوا ساكت

: سعيد تخيل ..

سعيد بهتمام : قولي يازوزو فضفضي أيــش في ..؟؟







~~~~~~~~

A6baa fe al-7o0b

~~~~~~~~