رواية أطباء في الحب \ رواية حجازية

~~~~~~~~
b3d sb3a snen
~~~~~~~~







لابسه عبايتهاا .. و جالسه بتنزل الدرج حبه حبه .. وهيا ماسكه ضهرهاااا .. وبطنها قدامهااا وفي رجلها بوت رياضي لونو فوشي .. ..
: بهاااء يا بهاااااء بهاااااء …
بهاء طلع راسوو من المخزن الي في نهايه الدرج ورفع حواجبوو : خلاص جاهزهـ ..
تسنيم : من اول استناك فوق ايش قاعد بتسووي هنا يااخي ..
بهاء وملابسو اتغبرتـ من فوق لتحت .. : جااالس .. ارتب المخززن من زمان مقربع ..
: يعني خارجين رايحن للممشي وحبك الترتيب دحين ..
بهاء يضحك : ههههههههه والله ماكنت ناوي ارتبوو بس دوبي شوفتو مقربع طن في راسي ارتبوووو
تسنيم وصلت لاخر درجه واخدتلها نفس عميق .. : اوووف تعبت ..
بهاء : ياسلامتها الي تعبت ..
وقفت طلت في بفيس خالي من المشاعرررر .. : الله يسلمك متي اولد واخلص خلاص طفشت وقرفت .. والله ماعاد احمل تاااني
: يابنت ههههههههه لا تحلفي علشان لا تصومي تلاته ايام .. بعد ماولدتي ماجد قلتي مارح تحملي تاني .. واهو حامل زي العجب
تمسح جبهتها بالمنديل .. : لا من جد ماححمل تاني .. وياويلك انته لو خليتني احمل ..
: ههههههههه انا مالي دخل تررااا
تسنيم : امشي خليني نلحق نمشيلنا ساعتين لوووو
بهاء : دقيقه بس بااقي شويه حجات ارتبهاااا .. ونمشي
تسنيم خشت وجلست علي كرسي في ركن المخززن .. : ماتتخيل قد ايش اخاف من المخزن داا ..
: والله مايخوف يا قلبي
تسنيم انتبهت لشنطه سودا .. شالتها وفتحتها : ايش في هنا تخيل وزغه
: هههههههه يمكن تراني ..
تسنيم : لا لا كتب .. شويا انتبهت لمفكره زي الي ماجد اعطالها هيااا .. خرجتها بعدم تصديق .. : بهااء ايش هادااا ..
بهاء التفت ولما شاف المفكره في يدهاااا غمض عينووو : امممم تسنيم طلعتي ملقوفه
تسنيم عيونها دمعت : هادي تبعت ماجد صح صح
بهاء يميل فموو .. : يعني امم الصراحه ايوااا .. من زمان لما جااا يساااافرررر .. اخو اعطاني المفكره هادي وقالي انها ليكي لانو كاتب فيها اهداء باسمك
تسنيم مو مصدقه : ليش ما اعطيتني هيا
بهاء : كنتي لسا منهاره من غيابوو عنك عشان كداااا ..
: طيب وبعد سنه وسنتين وتلاته لسا منهاره بهاء انته ماكنت تبا توريني هياااا صح
بهاء يميل راسوو : الصراحه ولا بنت عمهااا ..
تسنيم تطالع في : الصراحه ..
: يب ماكنت بوريكي هيا عشان لا تتزكري ماجد .. وكدا .. وتتنكدي ..
تسنيم دموعها شويا تفلت .. علي طول اتزكرت ماجد وايام حبها لي وايام ما ساوا الحادث وفقد الذاكره وكل الزكريات الي اتناستها طول السنين رجعت ادفقت دفعه وحده ..
وعيونها مرا اتعبت دموع وباين انو باقيلها تكه وتفلتها كولها وتجيب العيد .. ودا الشي الي منع بهاء يعطيها المفكرهـ ..
تسنيم جلست تقلب في صفحات المكفره .. وماهي مصدقه ..
هادي المفكره الي قالهاا .. عليها انو لسا ما خلصها وحيكلمها ويرسلها هياااا .. يالله
بهاء جلس وحط يدو علي رجلها : هادا الي ما ابغاكي تتزكري .. عشان كدا ما اعطيتك هيا .. يلا دحين شوفتيها حتتنكدي وبس وحتنسد نفسك عني كم يووم
تسنيم قفلت المفكره ووقفت باست خد بهاء : مار تنسد نفسي عنك ولا شي حبيبي
بهاء يسوي انو حزين : الا دايم من تتزكري ماجد تكرهيني ..
تسنيم بفجعه : لا موستحيل لا تقول كدا مرا لاااا ..
بهاء : الا عادي اعرف انك تحبي ماجد ومازلتي تحبي ماجد وانا متفهم هادا الشي .. بس انا ما ابغاكي تحززني وتتنكدي ..
تسنيم حطت المفكره في شنطتها وخرجت من المخزن بدون ماتعلق علي كلاموو .. : يلا خلينا نلحق نمشي لو ساعتين الوقت ..
بهاء طلع وراها وهوا ينفض ملابسووووو : طيب يلاا .. فين ماجد ؟؟
: جالس مع سيدوو فوق قلت لو ينتبه علي ..
: ليش عمي محمد مايبغا يجي معانا الممشي ..
: لا يقول تعبان شويااا ..
: اها طيب ..
ركبو السياره والسكوت مخيم عليهم .. بهاء خلاص ماعاد بيتحسس من حب تسنيم لماجد .. لانها بختصار صارت لو ومرتو وعندهم اولاد كمان .. والي في قلبها مايقدر يطلعوو
تسنيم مضايقه انو بهاء حاسس هيا قد ايش بتشتاق لماجد ويامو ..
تحس بهاء مرا مايستاهل الي يصيرلوو .. صح تحبو وتعشقو وكل شي .. لكن في جانب منها يبغا ماحد وبيفكر في ويسال عنو بستمراارر ..
ضلو ساكتين طول الطريق ولا احد اتكلم الين وصلو الممشي .. نزلو هما الاتنين
وصارو ماشين جنب بعض بهدووء .. وكل مين ضايع في افكارروو
بهاء : تسنيم
: عيوني ..
وقف ولف كتفها علي .. : يمكن تستغربي اني سويت دا الشي لكن كنت ابغاكي تشوفي عشان ترتاحي لاني اعرف من سافر وانتي نفسك تشوفي
تسنيم فرصعت عينها : ماجد ..
بهاء يهز راسوو : ايوا هوا في جده دحين لوو شهرررين ..
تسنيم ما همها الكلام : ماجد هنا يابهاء ماجد هنا ..
صوت ماجد من وراها مع ابتسامه كبيره : ايوا هنا ..
لفت وطلت في بعدم تصديق : ماجد
: ماجد ضم بهاء بهدووء : شكرن انك اتزوجتها وانتبهت عليهاا يابهاء ..
تسنيم مبلمه ومي قادره تتكلم حتي .. : ماجد انته اتزكرت ..
ماجد : ايوا خلاص .. انتي تسنيم الي المفروض كنتي خطيبتي .. وسويت حادث وفقت زاكرتي .. لمده اربعه سنين .. وبعدين رجعتلي
تسنيم تطالع في بهاء بفهاوهـ وترجع تطالع في ماجد بعدم تصديق ..
: وليش توكـ تجي .. بهاء ليش توك تقلي .. ليش ..
بهاء : اسالي ماجد ما كان راضي يقابلك . ودحين الي حس انو يقدر يقابلكـ
تسنيم جالسه بطالع في وماتحس بناحيتوو الا بالمشاعر القديمه .. غير كدا مابتحس بشي ..
: الحمد لله علي سلامتك كيفك وكيف ايامكـ .. تخيل دوبي اشوف المفكره الاخيره ..
بهاء : انسي الموضع خلاص
ماجد يطالع فيها ببتسامه ويطالع في بطنهاا : الحمد لله انك بخيررر .. والحمد لله انو بهاء اتزوجك مو احد تاني ..
تسنيم مسكت يد بهاء : ايوا الحمد لله الله لا يحرمني منوو
ماجد : كويس الحمد لله انتو بخيررر ..
تسنيم : وانته كيف حياتك ماجد ايش مسوووي ..
ماجد ياشر بيدوو : انا حياتي هناك في ايطاليااا .. بعد مارجعتلي زاكرتي وعرفت انك اتزوجتي وخلاص .. انا كمان اتزوحت
تسنيم تنحت : والله ..
: ايوا الممرضه حقتي ايطالياااا ..
لف وصار ينادي : كااااثررررين كم هيررر
جات لعندهم وحده طويله مراا وبيضه وعيونها خضراا : هلوو هاو اري افرررررري بدي ..
تسنيم مو مصدقه انو ماجد بخير ومتزوج كمان ضحكت بدون شعور : هلوو تووو
بهاء انبسط انو هادي رده فعلها لانو في قلبو كان متاكد انها لو وانها تحبو هواا .. ومشاعرها لماجد مشاعر هيا بكبرها ماتعرف ايش هيااا ..
ماجد حط يدو علي كتف كاثرين : يلا نعزمكم وكدا او تعزمونا .. الموهم نتقابل .. نتعشي او نتغدي او اي شي لاني علي الاسبوع الجااي حرجع ايطالياا
تسنيم تطالع في بهاء بحماس : امممم خلاص تعالو انتو عندنا
كاثرين والي تفهم عربي شويااا بسبب مازن .. : no You are pregnant
تسنيم تمسك بطنها : نووو بربلم تررست تمي ..
ماجد : لا لا خلاص نعزمكم علي مطعم او شي .. اوكي
بهاء يطل في تسنيم .. : موافقه حبيبي ..
تسنيم : يب عادي مو مشكله ..
ماجد : اووووكي .. يلا تسنيم ما تتخيلي قد ايش انبسطت اني شوفتك واطمنت عليكي ..
تسنيم : وانا كمان .. والله مرا اطمن ياماجد حمد لله انك بخيررر
بهاء يسحبها : خلاص يكفي ..
تسنيم انكسفت : طيب .. يلا بلاذن
ماجد يلوحلها بيدوو : مع السلامه .. بهاء الكلاب بيننا الوووو
بهاء : اكيد سلام
راح ماجد ومرتوو وتسنيم بطالع فيهم وعلي وشها ابتسامه .. بعدين لفت علي بهاء وخبطتو علي صدرو بقوه : ياكلبببببب من اول تدري عن ماجد وعن كل شي ولا قلت لي
بهاء ضرباتها بيدها الصغيره بضغضو مو بتعوررو .. : ههههههه هوا قالي اكتم السرر
تسنيم : ياااا مو مصدقه والله انو بخيرر الحمد لله يارررب
بهاء مسكـ يدهااا : والحمد لله انو تسنيم دحين ماعاد في شي يشغل بالهاااا .. غير عيالها وزوجها الحبيب وابوها الله يطول في عمررووو
تسنيم تتنهد : من جد حمد لله
بهاء سرع خطواتو : يلا مابنتمشي احنا بنتريض ..
تسنيم تسرع خطواتها : علي قولكـ ..

نسيم جالسه في الحفله حقه اهل زوجها وطفشانه مراا ..
خلاص قرفت من الحفلات الي من دا النوع ..
اختلاط .. ورقص .. وشررررب .. وقله حيا ومصخره .. لا ويامن يصر عليها تروح معا كل مكان .. غير انو معتبرها سلعه للعرض .. يشتريلها اغلي الملابس والاكسسورات .. من دهب والماس وفضه .. يباها تكون احلي وحده ..
عشان يبتاهي بيها قدام عيال عموو وخالوووو واصحابو حتي ..
تعبت من دي العيشه تعبت من دا الوضع .. لكن تستاهل هيا الي سمحت لنفسها تصير كدا من البدااايه ..
لفت علي يامن الي جالس جنبها وعلي وشو ابتسامه منشكحه .. : بهاء حروح التوليت وراجعه طيب ..
: طيب بسرررعه توحشيني بعدين
: طيب ماااشي ..
قامت عن الكرسي واتوجهت للحمامات .. ومن دخلت شافت اجوان واقفه تكلم جوال ومعصبه مراا : موستحل كيف كدااا لاااااااااااا مالي دخل والله مالي دخل ..
: لا بلا في شكلك .. الله ينعلكـ ..
: انقلع انته مطرررود اصلااا ..
قفلت الخط وحطت يدها علي المغسله تاخد انفاسهاا .. : الله يحرقوو الكلب ولد الكلاب ..
نسيم غسلت يدهااا ولفت علي اجوان : خير ايش في دحين كمان ..
اجوان : المحامي الحيوان .. يقلي ماتقدري تاخدي بنتك خلاص .. كل شي ضدي .. يعني ماراح اشوفها تاني يا نسيم ماراح اشوفهاا ..
نسيم حضنتها تخفف عنها : معليش يا اجوان هدي نفسك
اجوان بعصبيه : كيف اهدي نفسي كيف انا امها انا اولي انها تكون معاياااا .. الكلب ابوها سكيرر وعربيد مايدري عن شي .. والله لا اوكل محامي احسن من البهيم هادا وبنتي راح اخدها والله
نسيم تطلع منديل من شنطتهااا وتمسح عيووون اجوان : هدي حبيبي مكايجك بينعدم احنا لسا في اول السهررهـ ..
اجوان بلا مباله : والله حرام بنتي ابغهاااا ابوها ما يستاهلها والله ماحينتبه عليها .. والله راح تطلع صايعه ان عاشت معا
نسيم في قلبها .. اسم الله لو عااشت معاكي حتطلع داعيه .. الحمد لله والشكر كلكم ما تنفعو تعيش معاكم مسكينه بس الله يخلف عليهاا ..
: خلاص هدي وحتجيبي محامي احسن وحتصير عندك بنتك لاتبكي كدا مافي فايده ..
تشهق وتحس كلام صحبتها صحيح : من جد مافي فايده مافي فايده
نسيم خرجت علبه المكياج الصغيره وعدلت لها مكياجها : خلاص انبسطي دحين وبعدين كل شي حيكون تمام طيب
اجوان : اخ بس فين انبسط فين انبسط .. دوبو اتصل الدكتور تخيلي ان جمانه لازم تدخل جلسه الكيماااوي الرابعه دحين ..
نسيم بحززن : يالله دحين
اجوان : ايوا خلاص لاز لان السرطان مرا متمكن من جسمهااا ..
: يوو الله يعينها حتروحيلهاا ..
: تحسبي بابا راح يسيبني اترك الحفله انا نفسي اروحلهاا ..
نسيم : اذا ما معاها احد اروحلها انا ..
: لا الله يخليكي ما تبغا تقابل ولا احد وشعرها طايح ورموشها مافي .. ما تقابلني الا انا وبابا زي ما انتي عارفه .. ويامن احيان لما يصرر يدخل ..
: اها الله يعينها يارررب ..
اجوان تمسج خشمها للمره الاخيرره .. : يلا امشي نطلع لاحد يشك في اخلاقنا من اول في الحمام مع بعض ..
نسيم .. هوا في احد اخلاقو عدله في هادا المكان ماعادا هيااا .. : مشي حالكـ .. يلا طلعنا ..
خرجو من الحمامات واتوجهو كل وحده علي كرسيهااا .. نسيم جلست وماشافت يامن .. جلست تتلفت يمين ويسارر فين راح هاداا …
رن جوالهااا وبالقوه سمعتو وسط الازعاج .. والميوزك وكدا .. ردت علي بدون ما تطل في الشاشه : ايوو
المربيه اللبنانيه : مدام ابنك بدو يحكي معك يقول مشتاء اليك
نسيم تتافف : اعطيني هواا ..
مهند علي الخط : ماما متي تجي
نسيم : مو قلت لك لا تقعد كل شويا تتصل علياااا .. انا مع بابا لما نخلص من المشوار نجي ..
: ماما طيب انا ابغا انام ..
: طيب نام نام يا مهند نااام ايش تستنا انا وبابا راح نتاخر انته نام طيب
: لا ماما انا ابا استانكي
: لا نام وانا لما اجي اصحيك طيب
: لا انتي كزابه ماتصحيني
نسيم : الا اصحيك يلا نام ..
قفلت الخط في وشو واتاففت : ياربي قلق ..
رجعت تتلفت وتدور علي يامن الي مختفي وشويا لفت علي ولد عمو الي علي يمينها .. : فين راح يامن ..
اشرلها علي الباب .. : راح يكلم جوال .. اتوقع ..
وقفت وصلحت فستانها الطويل الاسود .. واتوجهت لباب القاعه المتوسط .. يادوب طلعت راسها شافت يامن واقف ومتلصق في وحده من البنات وميتين ضحك
اتقدمت لعندهم واتحنحت : احم احم
يامن من شاف نسيم بعد عن البنت بسرعه .. : احم احم
نسيم تطالع فيلو انو ماراح تبطل حركاتك هادي ولا كيف ..
يامن مشي لعندها : كونت بكلمها بس ..
نسيم تطالع في بطله تفهمو بيها انوووو انا فاهمتك وعارفتك وعارفه وساختك سبعه سنين مو قليل .. فلا تحاول تبررلي اي حاجه
يامن سحبها لجوة القاعه .. وهوا يتجاهل النظرات الي في عينها ..
نسيم اتنهدت باسي .. علي هادي العيشه الي عايشتهاا .. وحمدت الله كتير انو اختها الطيبه ما اتورطت في هادي الزواجه ..
هيا تقدررر تتحمل .. بس تسنيم مرا ما كانت حتقدر تتحمل دا الوضع ..








~~~~~~~~
b3d sb3a snen
~~~~~~~~









كاسرر نزل من السيارره .. وبدررر ورا بيتحلطم .. : انته ماشفتو كيف كان بيهرج عليا والله لو ماسكت لوو انته كمان ..
كاسرر : يابديررر الله يهديك .. موب كل ما احد تكلم وياك ولا غلط تشابكت معه بالايادي غلط كذاا ..
بدررر يرفع خشمو : مو شغلي لاحد يحتك فيا مرا العن خامس خامسينووو
كاسر : اقول الفلسه ذي اتركها عنك ززززين .. والله لو مره ثانيه .. اسمع انك متهاوش مع حد انا الي بشتكي عليك وبخليهم يتركونك بالحبس كم يوم عشان تبطل هياط
بدررر : هيييييي ما بهايط والله هوا الي بداا
: ياسلام كل يوم والثاني ماسكينك وتقول هم الي بدوو .. يالله انت ولا مرا من ذا المرات غلطت
بدرررر : ايوا هما الي يبدو انا ما احتك في احد هما يحتكووو
: اقول قلت لك مرا ثانيه لا انا ولا حسام ولا مهند بعد ماحد بيطلعك بتخيس فاهم
بدر مو عاجبو الكلام بس سكت ..
كاسر دخل علي الفله وهوا ينادي بصوت عالي : زوزوووو زوزوززز وينكـ فيه ..
زهااااد خشت من البكلونه الخلفيه المطله علي البحررر طوالي .. : هنا كسور ..
كاسررر مشي لعندهاااا وخلل يدينو بين شعرهاا : شلونك وش تسوين داخل
: ولا شي قاعده استناكـ ..
باسها بخفه .. : جااهزه وكدااا
: ايواااا .. فينك طولت
اشر لها علي بدر الي خاش ورا وشكلو مبهدل : رحت اجيب ذا الثوور من الحبس
زهاد تطل في بدرر : تاني مضاارب يابدرر تاني
بدرررر : والله هوااا الي بداا
كاسررر : اسكت زززين يابدررررر واترك عنك الهياط ..
زهاد مشيت لعندوو ومسكت يدوو : ايش سوا فيك كداا
بدر معصب : الولد الملعوووون ولد الملاعين .. خدشني بقزازه الببسي
كاسررر شهق : شنوووو لي ماقلت لي ..
بدرر معصب حدوو : انته خلتني اتكلم بس طايح تهزء فيا من بدايه الطريق
كاسر مسك يدوو ويطالع في الجررح : الله يكسر ايدووو
بدرر .. : لا تدعي خلاص كسرتهاااا … يدو كسرتها ابن الكلب
زهاد : يوو خليك دقيقه ..
راحت للمطبخ ورجعت ومعاها علبه الاسعافات الاوليه .. : وهادي العلبه خلينا نعقمك
كاسر اخد منها العلبهـ .. : روحي تجهززي وتعاالي .. انا بصلح هذااا له
زهاد : جاهزه بس البس عبايتي
كاسر لف وطالع فيها من فوق لتحت : زوزو موب رايحه بذا البس ..
زهاد تطالع في بنطلونا الجنز مع البلوزه السماويه الي اكمامها حيرانه وطويله لنوص الفخذ : اشبو لبسي
: روحي البسي بلوزه اطول من كذاااا .. وبنطولن اوسع من كذااا .. وياليت يكون الحجاب لونه غيرر هذاا .. وياريت تخففين مكايجك
زهاد تكشر : ياكاسر مو حاطه مكياج انا انته شايف مكايج
بدر : انا مو شايف مكياج
كاسر : انت اطلع منها .. وانتي زوزو انا شايف مكياج امسحيه زززززين ولا تكثرين حكي ..
زهاد ماحبت تتشاكل معااا لانهم كل اسبوع يتشاكلو علي البس والمكياج والي اخرهـ .. .. : طيب ماشي .. تبغاني اغسل وشي وامشي
: وش حلاته وشك وهو مغسل تجننين تاخذين العقل
لفت عنو وهيا تتحلطم .. : طيب يا كاسر طيب ..
كاسرر يرميلها بوسه من بعيد : حبيبتي زوجتي الي تسمع كلامي
زهاد لفت عنوو وهيا لاويه فمهاا ..
طلعت علي غرفتهااا .. وغيرت ملابسها بملابس اوسع واطول علي حسب اوامر الدكتور الكاسرر .. وحتي الحجاب الاصفر الي كانت لابستو غيرتو ولبس بدالوو واحد موفي غامق كدا .. ومسحت الروج الفوشي ومسحت البلاشرر .. وحتي االعدسات فسختهااا ..
ولبست عبايتها بسرعه وشالت شنطتهااا .. ونزلت طيران .. مرا تتحمس لتجمع الاسبوعي داا .. مع حنين وندي وحسام ومهند ووسام وكاسرر والتوائم مرا ينبسطوو ..
نزلت لكاسر لقتو مضمد لبدر جرحوو وجالس بيهرج معااا .. : يلا كسور اتاخرنا شكلهم كولهم وصلو الا احناا
كاسرر : شدعوه وصلوو .. كولهم بنفس العمااره ..
بدررر : كاااااسررر ليش ما تجي الشقه والله فاضيه وحسام مو راضي يسكن احد فيها عشانك ياخي لين مخك وتعال
كاسرر : لاااا انا شريت هاذي الفله للزوزو مثل ماتبيها وبتعيش فيهااا
زهاد تسبل بعيونهااا : لبااااااا كسوررري .. بس انو يعني مايمنع ناثث الشقه هناك ونروح نبات في الاجازات وكدا وايام السهرات عشان نكون مع بعض ومعاهم وكداا
بدر عجبتو الفكره : والله مرا فكره يا كاسررررر ايش رئيك
كاسرر : نفكرر مو مشكله ..
بدررر طبعا لو غرفه في بيت كاسر .. واغلب الوقت ينام عندوو .. حتي زهاد صارت تعتبرر ولدها الرابع .. : ثواني بطلع غرفتي اغير التيشرت وانزل ..
كاسرر مسكو من قفاا : لا مافي تاخرنا بتبدل يوم تروح للبيتكم هناكـ ..
: يوو طيب ماشي ..
خرجو من الفله وطلعو سياره كاسررر .. ومشيو متوجهين لعماره حسام الي تقريبا اسبوعيا يتجمعو فيهااا .. ويفلوها مع بعض ..
رن جوال كاسر.. ومن شافت نك رغد ابتسم : وحشوني الكلامب ..
زهاد : مين مين
كاسرر : مين بعد عياااالي فلاذات اكبادي ..
رد علي رغد بلهفه : اهلا رغوووده حبيبتي ..
رغد : شلونك اخوي وش مسوووي
: تمام انتي شلونك وشلوون عيالي حبايببني اشتقت لهم ..
رغد : هم بعد اشتاقلوو لكـ .. هاك خذ كلم عبدالله كلمه ..
عبدلله طبعا كلامو نوص حجازي نوص نجدي بسب ابو وامو وكل عيالو كدا : الووو ابووووووووي وحشتني جدن
كاسرر : يااا عيوووووون ابوه انت بعد وحشتني
عبدالله : بابا فينها ماما بوسها ليااا ..
: طيب طيب حبوسها
زهاد : حبيبي حبيبي انا اديني اكلمو
كاسرر : لا دقيقه . ايه عبدالله حبيبي .. قاعد تنتبه علي ريم وراما ولا قاعد تاذيهم ..
: لا ابووووي هم الي قاعدين يطفشوني حتي اسال عمه رغد
: مو مشكله انت الكبيرر والرجال انتبه عليهم زززين
: طيب بابا ابا اروووح خد عمه
رغد : ايوا كسووور
: ايه رغوده
زهاد تشهق : ماكلمت عبدالله حتي ..
كاسرر يهز يدوو انو لحظه .. : ايه رغوده ..
: اممم ايه اسمع .. الوالد يقولك لا تطلع بكرا تاخذهم .. يبيهم يقعدون عندنا كمان اسبووع
كاسر يطل في زهاد : لا ما اتوقع امهم اشتاقلت لهم خلاص والبيت بدونهم فاضي
رغد : هذا كلام الوالد .. وترا ما يستاذنك بيعطك خبر ..
كاسرر : لا لا موب بالقوه يقعدوون بعد حلوه هاذي
رغد : تراهم مبسوطين معناااا وما قالو يبغو يرجعووو ..
: موب لازم يقولون والله
: علي العموم انا وصلت لك الرساله .. اي تفاهم وهواش مع الوالد كلمه اصطفل وايااه
: زين سلام
قفل الجوال ولف علي زهاد : الوالد يبيهم يقعدون بالرياض بعد اسبوووع ..
زهااد : لا كسوور مرا ابغاهم ترا وحشوني حيكملو الشهر هناك والله كتيررر ترا
كاسرر : ايه كثير حيل انا بعد ابيهم اشتقت لهم ذا المجانين ..
زهاد : والله لو ماجبتهم بكرا ححجز بنفسي واسافر اجيبهم واجي
كاسر : ماعليكـ بجيبهم انا اشتقت لهم اكثرر منك خصوصا ذا الراما فديتها وفديت صياحهاا الي رج البيت رج
بدرر : والله ان البيت هاجد كدا احسن
كاسرر : هوا هاجد اي بس فديتهم حسهم بالبيت كل شي
زهاد بوزت : كسور حتجيبهم بكرا لا تقول ابوك مارضي وماعرف كيف
كاسر : عاد الوالد حبهم مابيدنا حيله ..
زهاد : ياسلام حب عيالي وماحبني .. واخواتك كمان حبو عيالي وما حبوني .. غش والله
: ههههههههه حبيبي زوجتي انا احبك مو كافي
زهاد تقلب عيونها : الا كافي ونووووص ..
بدر : بس بس بدو يتغزلو في بعض .. حسد ادني حسدهااا خدو راحتكم
كاسرر : بديرر كل تبن
: ههههههههه ماكل ماكل مايحتاج

خشت امو علي غرفتووو لقتوووو متمدد في نوص االغرفه وجنبوو قوارير وسكي و الافلام مرميه حولينو من كل مكان والمجلات والملابس وبكتات الدوخان في كل جه ونايم مو داري عن نفسوو
صفاء اتوجهت للشوباك وفتحتوو وهيا تتحسبن علي عيال الحرام الي سوو في ولدها كدا .. وماتدري انو ولده ا هوا الي بيجر العيال لكدا ..
شالت جك المويا الي علي التسريحه وكبتو علي .. قصي قام وهوا مفجووع : بسم الله بسم الله
صفاء : قوم بلا في شكلك شوف ايش موسي فيا وفي نفسك حرام عليك يا قصي والله حرام عليك
قصي يتافف : يلا صباح خيرر كل يوم علي دا الموال ياا امي
صفاء شويا تبكي علي الحاله الي وصلهااا .. : ايو كل يوم علي دا الحال .. جالس كدا لا شغول ولا مشغله .. وكل يوم طايحلي علي عيال حرام جايبهم هناا انته تبغا تجلطني
قصي يتمغط ويصلح البوكسر الي لابسوو .. : ايش تبيني اسوي يعني .. عندي فلووووس شغل مني مشتغل دراستي كملتها عشانك ايش تبي تاني
جلست علي الكررسي وحطت يدها علي راسها : قصي لو حتستمر بالحال هادا اطلع من عندي فاهم اطلع من عندي روح عيش في اي مكان بس مو عندي
: تحسبيني مافكرت فيها .. بس ما ابغا اسيبك لحالك يا امي
: لا سيبني اشبك داري عني لو اموت لو افطس انته مادريت عن شي اه يا زهاد فينك يابنتي يا حبيبيتي فينك
قصي يتمغط : هيا لا تبدئي تقارنين في زوزو يا ماما ..
: ماحقارنك فيها بس ايش ساوا فيك كدا ياولي حرام والله حرام
قصي يضحك : الفلووووووس تغير النفووس الفلووووس ..
اموو طلعت من الغرفه وهيا مجلوطه منو وتحسبن علي الفلوووس وتحسبن علي ابو الي سبلو كول دي الفلوس لين ضاع وضيع نفسووو ..
قصي ولا كانو شي .. دخل علي الحمام اخدلو شورر سررريع .. وطلع ..
دخل علي غرفه الملابس الكبيرره جدن بشكل ملفت .. خرجلو قميص اصفرر كت عشان يبان التتوو الي راسمو علي يدوو من فوق لتحت .. لبسوو مع شوووورت اخضررر ستااان لمعتو تبان من ابعد مكان .. وقف قدام المراايه ولم شعررو الي مضفررو ضفاير صغيره كدا ومطولو لنوص ضهرروو .. ربطو ببكله حمرا ولبس علي كاب ابيض .. ومانسي نضارات الكشخه الكبيره والي مافيها قزاز عباره عن اطار فقط ..
شال القيتااار حقوو ووشنطتو الي يلبسها علي الضهررر .. لونها ازرق .. رمي فيها كول شي يخطر علي البال ..
طل في الساعه .. اكيد الشباب بيستنو من اول كويس ان امو جات وصحتوو ..
طلع الجوال وشغلو واتفاجء بكميه المكلمات الي جاتو والجوال مقفل ..
اتعدا علي الصاله : امي انا ماااشي طيب
صفاء قدامها المعسل .. وبتقلب في التيفي الي اخد تلاته ارباع الجدران .. : يعني الي يسمع يقول لو قلت لا ماحرو
قصي ضحكــ وجا لعندها باسهاااا وضمها علي خفيف : يمكن ابات في اليخت حقي اليووووم لا تستنيني ..
: انا خلاص بطلت استناك يا قصي ولا تبات في اليخت هادا اخاف عليك من البحرر
: يا ماما كم مرا اقلك اليخت علي المرسي لا تخافي .. محنام فيلو جوه البحررر ..
: ياقصي اسمع الكلام ولا تنام جوه اليخت طيب
: لا اسف يا ماما حنام جوتوووو مع الشاباب كولنا حنبات هناك .. يلا سلام
خرج من الفله وتركهاااا ..
صفاء شالت الجوال وطلبت رقم هيثم علي طووول .. رنين متقطع شويا جالها صوت طفولي : مين
صفاء مافي اخلاق .. : انته الي مين
: انا انور
: اهااا .. طيب فين بابا اعطيني بابا بسررعه ..
انور نزل السماعه عن ادنو : طيب
راح وهوا ينادي : بابا بابا كلم التلفوون
شويا جاها صوت هيثم : ايوا مين
صفاء : كيفك هيثم ياولدي
: هلا بخير ياخاله انتي كيفك وكيف زوزو وقصي
: زوزو بخبر اما قصي بهدلني ..
: ليش اشبو ياخاله
: شوف برضوو مايسمع الكلام وراح ينام في اليخت اليووم
: يووو كدا خلاص يا خاله لا تشيلي هممم
: ايوا ياولدي الله يرضا عليك ماحقدر انام طلما هوا نايم في البحررر
: لا ياخاله حجبلك هوا للبيت من قفا اطمني
: طيب تسلم ياولدي سلم لي علي وصال
: طيب ياخاله يوصل
: مع السلامه
: مع السلامه







~~~~~~~~
b3d sb3a snen
~~~~~~~~







في عماره حسام .. وفي السطوح بالتحديد .. الي مسقف بمضلات منتشررهـ بطريقه عشوائيه .. وفارش الارضيه كولها زرع صناعي .. وعلي اليمين مجاريح وزحاليق اشكال والوان ..
وعلي الجه التانيه بيت شعررر ياكبروووو مكيف وماثث وفيلو شاشات بلازماااا ودش جميع القنوات الاوربيه .. دا البيت .. كل ماواحد من الشباب اتخاصم مع مرتو جا بات كم يوم هنا لحالوووو ..
علي الجه الي قدام بيت الشعرررر .. الشوايه الكبيرررر .. ومحرك الدفدي الي صوتو مرفووع علي اغاني شكشكه ..
وحنين وندي جالسين علي الطاوله بحجابهم .. ويدخلو الدجاج والاوصال في الاسياخ .. ومهند وحسام واقفين ينتبهو علي الشووووي …
وبزروه ندي عالم تاني مسوين ازعاج مو طبيعي رايحين يصرخوو وراجعين يصرخوووو
شويا انفتح بابا السطوح ودخل كاسرر معاااا زهاد وبدررر : سلااام يالررربع
مهند وحسام رفعو اياديهم : ابو كسره يا هلا والله ابطيت ..
كاسر ياشر علي بدر : اخوك المهايطي السبب
بدر يروح لعند حسام ويمد يدوو : والله ما هايطت خدشني بقزازه العصيرر الكلب ..
حسام طل في يد ولدووو : عسي ما اتعورررت ..
بدر يطالع في حسام بنص عين : تسوقها اخويا اقولك خدشني بالقزاز وتقلي عسي ما اتعوررت ..
حسام : هههههههههه مشي حالك اخوك مهووووي ..
حنين تطالع في حسام وتنقهر من تصرفات اخوانو معااا بعض الاحيان .. لانو ابوهم مو اخوهم .. والله لو يدرو انو ابوهم ماراح يعاملو كدا .. هما اخدين راحتهم عشان علي بالهم انو حسام مجرد اخوهم الكبيرر وبس ..
مهند : اشوف اشوف بديرر
بدر يشيل الصقه ويوري الجرح لمهند : بالله ما اضربوو
مهند : وي تكسر يدو مو بس تضربوو ..
بدر بفخر : اطمن كسرتها كسرتها ونوص كمان ..
مهند : من جد
بدر : ايوا والله كسرتهاااااا
مهند : كفوووووووو

زهاد فسخت عبايتها وجلست مع البنات : ها ايش عندكم ادوني احطلكم بركتي
حنين : هههههههه زهاد استريحي ..
ندي : سوي انك ضيفه ومشي حالكـ
زهاد تحط رجل علي رجل : خلاص ولا يهمكــم يلا اتحركو جيبولي عصير مويا سوو شي ..
حنين : عاد لا تصدقي نفسك
ندي : يابختك ياشيخه بالله مو مرتاحه كدا من دون البزوره ..
زهاد تكشرر : والله مرتاحه شويا وحلقي مرتاح من االصياح بس وحشوني والله مرا وحشوني خلاص ..
حنين : يلا مو مشكله مو بكرا جاين ..
زهاد : ياشيخه اليوم اتصلت اختو تقول وي ايش تباهم يجلسو اسبوع كمان .. مع نفسهم مرا عيالي حيطقو الشهر بايتين برااا .. وبعدين راما مرا وحشتني حياتي اناااا اول مرا تروح معاهم دايم ما اخلهيا تروح
: يووو الله يعينك ان شالله يجو بكررا
: والله لو ما جابهم كاسر ححجز بنفسي واروح اجيبهم وانا قلتلو كمان ..
عند الشباب جالسين بينتبهو للشوووي ويتجازبو اطراف الحديث ..
حسام : بدرررر انزل شوف قمر وهلال .. خليهم يطلعوو الشوووي حيجهزز عشان يجو ياكلوو حار بناروو
بدرر : الانذال ماسئلو عني من امس .. ماكني توئمهم
كاسر : انته الي ساحب عليهم بعد وتبي يسالون عنكـ ..
مهند : بطل نق وانزل صحيهم يلاا ..
بدر خرج من السطوح ونزل علي الدور الي تحتو علي طوووو .. فتح الباب ودخل وهوا ينادي .. : قمررررر هلال فينكم قمررررر هلال .. اخواني الانذال ..
دق دقتين علي غرفه قمر وفتح الباب .. قمررر من جوا : لا لا بدر لا تدخل ..
بس فات الاوان قد بدر كان دخل راسوو وشاف الي ماينشاااف ..
قمرر وقف ورخا بلوزتوو .. وصاحبووو بعد عنو بسررعه .. : احم احم ..
بدر لوا شفايفوو : يلا العشا فوق كولهم مجتمعين حسوم بيدور عليكم ..
صاحب قمرر الحميم مراا يبتسم : انا معزوم
بدر من طرف خشمو : لا لمه عائليه ..
قمرر مكسووف من اخوو الي اكتر من مرا يكفشوو مع اصحابووو في مواقف مخله للادب .. : طيب بدوري دحين اجي ..
بدر قفل الباب ولف علي غرفه هلال .. لقا نايم وبيشخرر وشخيرو واصل الصين .. شغل الانوار وطفا المكيف .. : هلال هلاااالوووو هلال يلا يلا قوووم
هلال فز من مكانو : الساعه كم الساعه كم
بدر : هي ريلاكس ريلاكس خلاص موعد النادي راح عليكـ ..
هلال خبط المخده بقوه : وجععععع كان لازم اروح ياشيخ ..
بدر : اقول قوم قوم مسوين فوق باربكيوو لا يفوتك
هلال وقف ومسد علي بطنوو : والله اني جيعان يا خويا ما تتخيل قد ايش ..
بدر : طيب يلا اطلع الحق ..
: وسام في ولا ماطلع ..
: لا لسااااااا
: اها طيب
راح هلال علي الحمااام .. وبدر راح علي غرفتو يغير ملابسوو المتربنه ..
هلال خرج من الحمام .. لبس الفنيله علي شورت البيت الاخضرر ودخل في رجلو الزنوبه .. وطلع من الشوقه .. نزل للدور الارضي ..
فتح الصندوق الصغيرر الي جنب الباب وطلع المفتاح .. فتح باب الشوقه ودخل .. : وسمي وسااام وسااام فينك
وسام طلع من وحده من الغرفه عاري الصدر وعلي بس بوكسرر والسجاره في يدوو .. : صحيت هلال
هلال يضيق عينوو : وسمي معاكـ احد ..
وسام : هههههههه ايوا دحين تمشي ماعليك خلصت منها
هلال يضحك : طيب اطلع علي فوق عاملين باربكيو في السطوح ..
: يب يب ادري كولهم خبروني .. يقفل حسام .. يتصل مهند .. يقفل مهند .. يتصل كاسررر .. يقفل كاسر تنزلي انته للدرجه دي مو حلوه الجلسه بدوني
هلال : مرا مو حلووووووووااا اطلع بسرعه ..
: يلا وراك
طلع هلال علي السطوح : السلام عليكم
كولهم : وعليكم السلام خلصت النووووم
حسام : هلووول اخويا نمت كويس ..
هلال : ليش ماصحيتني راح عليا موعد النادي ..
حسام : مو مشكله تعوضها بكرررا
هلال جلس علي الطاوله : يب اهم شي الاكل والله ميت جووع
كاسر : خلاص وهذا هوو بيجهززز ..
انفتح باب اسطوح ودخل بدرر لابس شورت جنز مع فنيله كت .. وجنبو قمرر لابس بنطلون ليموني ماسك مع بلوززه بيضه ماسكه عليها قلب فوشي .. ورافع شعرووو الي طولان لتحت كتفوو .. بطوق فوشي كدا عينك عينك
: السلام عليكم ..
بدر وقف جنب كاسر وتكا علي كتفوو : خير ماخلصتوو
قمرر وقف جنب مهند بعد ما باسوووو : كيفك
مهند يطل في : ياخوفي اجي يوم من الايام اشوف طالع لك صدررر ..
قمر يضحك بميااعه : هههههههههههههه لا ماتوصل
قرب فمو لادن مهند : دوبو طلع من عندي هاشم
مهند يصقعوو : والله ان ما تهجد حكلم حسام هه
حسام : سامع اسمي
قمر بسرعه : لا لا خلاص حسكت حسكت ..
حسام : خلاص اتفضلوو اجلسوو علي الطاووله ايش تستنوو يلا دحين اجي ..
مهند وزع الاطباق .. وحنين جلست تغرف الطحينه والسلطات .. وكدا .. وكولهم اتوزعو حولين الكراسي .. كاسر جنب زهاد .. ومهند جنب ندي الي مجلسه عيالها العفاريت جنبها ..
بدر جنب كاسر من الجه التانيه .. وجنبو اخوانو مرصوصين واشكالهم زي بعض بس الاستيلات اتغيرت مع الزمن وكل مين صار لو زوقو الخاص ..
دخل وسام عليهم وانبرش علي الكررسي : تكونو بديتو من غيررري
كاسرر : لا يالطيف وش تسوووي من النهار ندق عليك
وسام يغمز لهلال .. : امور كبار اطلع منهااا ..
هلال يمدلو الغمزه : ايوا امور كبار يا تدا تعلمني يا افضحك
وسام : ههههههههه نذل
حنين : يلا حسام كولهم جالسين ..
حسام جا بالطبق الكبيرر الي فيلوو جيمع المشويات ومغطا بالعيش الشامي .. : حطوو فوق الطاوله .. : بسم الله لاحد ينكسف ..
حنين ومهند كل واحد ياشر علي الكرسي الي جنبو في نفس الوقت : تعال اجلس هنا
حسام جلس يطل في الكرسي الي جنب حنين والكرسي الي جنب مهند : امممم
مهند : ابو السمسم مايحتاج تفكر تعال هنااااا
حنين : حسوووووووم .. ؟؟
مهند : ابو السمس
حسام: يوو علينا كل يوم كدا يعني
اتقدم لحنين وسحبها من يدهاا .. ووقفهاا واشر لهالا .. : قوم روح هناكـ
هلال قام بستلام وغير مكانوو .. حسام جلس وجلس حنين علي يمينو واشر علي الكرسي جنبوو : تعال ابو هند
مهند جلس جنب حسام وهوا يضحك : هههههههه حلوين
حنين تقلب عيونها : احسنننن ..
حسام : يلا سم الله واتركو المناكفه عنكم ..
كاسرر يعلي علي صوت الميووزك بالريموت .. ويالتفت علي زهاد .. : تزكرك بشي الموسيقي ..
: هههههههه ايواا
طبعا قضوو السهره صباااحي .. وانبسطوو وحششوو واضاربووو .. ودا صار روتين حياتهم ..
صارو اكتر من عيله .. واكتر من اخوان وقلوبهم دايم علي بعض .. ومايستغنو عن بعض ابدن ..




…..
….
…
..
.




سهرنا اليالي الطوال .. ونحن نتماشي مع ابطال روايه حملت بين حروفهااا جنون العشق مع احلي الفنون .. وتناسي البعض مع تلك الحروف اكبر الهموم ..
تجدد الامل للبعض .. واختفي اثر الندم عن البعض .. والاخرر عزف لجنون العشق احلي الالحان ..
تلاعب القدر بابطال ريوتنا كثيرا .. ولكن المكتوب لا بد من لقائه مهما طال الوجود
واضطر البعض بالتنازل عن بعض مشاعرهم لاسعاد من يحبوون .. وهم لا يعلمون بان من يحبون لن يكونو لهم ..
والبعض بداء بتخيل نهايته .. ولكنه تفاجء بامر القدررر وهوا يغير مسار حياته
.. توغل ابطال روايتنا داخل اقطاز المستشفي كثيرا .. البعض يمارس المهنه بشرف .. والاخر يمارس العشق بتخفي ..
تحت بعض الانظار تغيرت احوال البعض .. ولكن الاغلب ما زال يحاكي حب ينبت بين اقطار قلبه ..
وصفوو الكثير من الادويه .. الا الحب .. والنسيان .. لم يجدو لها الدواء



.
..
...
….
…..


نهـــــــــــــاية روايه اطباء في الحبـ ..
الكـــــاتبه .. قطعه شوكلاتهـ …

بنوتة لابشة فشتان منفوش كتب:

يعطيتسسسس العععآفية شذآويي

لكك +

وعسآكك عً القوة

تآبعي =]

يعــآفيـج ي قلبي

ششـكـرآآ

الله يقويـك

وآآآخيـراً

خللـصـت

مـــــرآآ ططويلـةة الروآآيـةة

تعبــــت

قرآءـة ممتـعـ’ةة