رواية نهاية جنون \ رواية حجازية للكاتبة قطعة شوكلاتة

البارت الخامس
الساعه 12:30
الجوووووو حرررررر وقرف ورطوبه زي الزفت مع ذلك الناس عند البحر زي النمل تحلف يمين ان كول اهل جده في البحر من كتر الناس
نواف : هههههههههههههههه شوف الناس كيف كنهم اليوم افتتحو البحر
مئيد : علي قولك
ريان : اقول شباب سرينا نركب دباب بحر
عبود : ما فحيلي مره روحو انتو وانا اشجعكم
نواف : هههههههههههه تشجعنا
انور ساكت ويتفرج في الناس الي رايحين وجاين
عبود : نوري خلاص فكك لا يطيح من التناحه
انور : يا اخي خليني اتفرج واسكت لا تقطع عليا تاملاتي
عبود : مره بتتامل يعني المصيبه مافي بنات حلوين حتي
انور : يعني لازم اطالع في البنات الحلوين بس
عبود : يعني تبغا تطالع في الشنبات
ريان : بلله اسكت انت وهوااا واحد يقوم يجبلنا اسكريم ولا عصير بارد
نواف : لي حضرتك ما تقوم
ريان : يو انا الكبير
مئيد يتنحنح : احم احم مادام الشغله فيها كبر اجل انا الي راح اروح اشتري الله يستر
نواف : لا ماراح تروح عبود يروح
عبود : انا راح اروح اجيبلكم العشاا
مئيد : اله يعافيك لا تروح تجيب العشا لانك اكيد راح تجيب من البيك وانا جد جد بديت اقرف منووو
نواف : خلاص مارح نتعشي من البيك
عبود : اذا انا الي راح اجيب العشا مالكم الا البيك ولا احد غيري يقوم
انور : مالك داعي عبود بس بيك بيك زي المدري مين
عبود : مالكم شغل يا اخي بطني وانا حر
ريان : اهاااا بطنك دحين معاك كم واحد انتبه
عبود : خلاص مني قايم اجيب شي بدل ما تشكرو ربكم اني معبركم وابغا اجيب لكم عشاا
مئيد : والبيك تسمي اكل
ريان : استغفر الله ايوا اكل لما ما تلقي غير البيك تعرف
مئيد يبوس يدو وجه وقفا : الحمد لله علي نعمة الاكل
ريان : فكونا احد يقوم يجيب اسكريم او عصير بليززززززز
عبود : بما انو قعري صار يوجعني ورجولي نملت راح اروح اجيب لكم عصير وايسكريم
ريان : الله يزوجك يا شيخ
عبود يرفع يدو لسما : اميــــــــــــييييين
الشباب : ههههههههههههههههههههههههههههههههه
نواف : مصروع علي الزواج
عبود : مره مصروع خلاص تعبت من العزوبيه
ريان : اجل ايش اقول انا الي شيبت
انور : اوما شيبت
عبود : نوري انت ما تحس انك تبغا تتزوج مو ناقصك شي
انور : مالقيت حرمة الحلال الي تناسبني
الشباب : يا هوووووووووووووووووواااا
انور ما يحب حركاتهم دي لما يتجمعو علي الواحد عشان كده لف وجهو عنهم وجلس يطالع في البنات التالاته الي جالسين قدامهم في الكراسي ومعطينو ضهرهم نفسوو يقوم يجلس معاهم بدل جلسة الشباب الي ما منها فايده
ريان : نوري هات الشبس من عندك
انور : ................
مئيد : نوري في عالم اخر
ريان : علي قولك
نواف : مئيد خلصت الدوريتس
مئيد يبتسم : يب يب خلصتو اقلك طعمو غير عند البحر
عبود وقف واتمطط شويه : اقول مئيد مع نفسك نفس الطعم بلا زناوه
مئيد : لا لا مو نفس الطعم
عبود : هي انت وهوا احد يقوم يدرج معيااا لين الكوكشك الضعيف الي هناك
ريان : نفسي اقوم يا هووو
عبود : ما احد مربطك
ريان يمد يدو لعبود : اسحبني بسرعه قبل انزل يدي
عبدو قرب من ريان يمسك يدووو ريان نزل يدو بسرعه : خلاص قدني نزلتهاااا
عبود : يا خنيث
ريان : هههههههههههههههههههه
مئيد : نذل سبحان الله
عبود : من جد فيلو عرق مدري ايش هوا
نواف : خلااااص روح يلااا
عبود : طلعو فلوسكم ترا محفظتي فاضيه
ريان رما محفظتو لعبود : خد روح بسرعه احس اني بديت اتوحم علي الاسكريم
الشباب : هههههههههههههههههههههههههه

********************************
برضو عند البحر بس في جه تانيه قريبه من جهة الشباب
كرم : هههههههههههههههههههههههههههه
اسامه : ما شفت شي يا هووو
كرم : من جد يا عمر ايش النكد الي انت في
عمر : بجد حسستوني اني نكدي بلا هم انت وهوا ترا انا اعاني من مشاكل
اسامه : تعاني من مشاكل متاثر مره
كرم : وي قال يعاني من مشكله
عمر : بجد اهرج انا وانتو تتونسوو
اسامه : كرم ما تلاحظ انو نكدي ودمو تقيل وكمان دلوع
كرم : هههههههههههههههههههههههههههههههههههههههه
عمر: مو منكم يا شيخين من الي يجلس معاكم
كرم : وووي نكدي ودمو تقيل ودلوع وزعول
عمر وقف وراح عنهم
اسامه : زعل بجد
كرم : دحين يرضاا
اسامه : لا قوم نروحلووو
قامو بيمشو بسرعه يلحقو عمر الي قرب يضيع بين الناس
اسامه صقع في عبووود
عبوود : احول
اسامه : لا اعمي
كرم : هههههههههههههههه عبووود لي معصب يا خول
عبود : كيموووووووووووووو هلا رب صدفة خير من الف ميعاد
كرم : هههههههههههههههههههههه ما اقدر علي الغه العربيه
عبود : كيفك يا هووو ايش اخبارك ايش مسوي
كرم : ميه ميه
عبود : ده صاحبك
اسامه : مو عاجبك
عبود : ايوه مو عاجبني
اسامه : مع نفسك
كرم : صلو علي الحبيب يا هوووو
اسامه وعبود : عليه الصلاو السلام
عبود مد يدو : اتشرشفناا
اسامه سلم علي عبود : وانا اشرف عبد الحليم حافظ
كرم يسوي انو يصفق : شطار حبايبي شطار
اسامه : اقول طير
كرم : عبود علي فين وفين الشباب المخانيث عنك
عبود : علي اساس اني الهندي حقهم هما جالسين وانا رايح اشتريلهم
كرم : ههههههههههههههههههههههه شغاله يعني
عبود : تقدر تقول
كرم : اسامه روح شوف عمر وانا اروح مع عبود نشتري
اسامه : اوكي مع انو مدري فين راح القاا وسط الزحمه دي
كرم : روح جهة السياره يمكن ناوي يروح
اسامه : اوك سلام
كرم : يلا عبود
مشيو علي عند كوشك الاسكريم وعبود يطلطل في البنات وكرم يطلطل في الشباب وصلو كشك الاسكريم وعبود جلس بيطلب وكرم بيكلم جوال
عبود واقف يتفرج في البنات وانبسط لما قربو تلاته بنات من عند الكوشك وعارف انهم راح يشتروو قام سوا فيها اخلاق وبعد شويتين
قربو هنادي واكرام وهديل من الكوشك واكرام تقلهم : بنات علي حسابي الاسكريم التعبان ده
هديل : اقلك لا تحكمي علي ترا مره لزيز
هنادي : اقول طعمو نفس طعم الاسكريمات الي في باقي الكوشكات والي في السيارت كمان
هديل : لا والله طعمو غير
هنادي التفت علي عبود وانتبهت انو بيطالع فيها وفي هديل بي تناحه ضحكت في قلبهاا وعرفت انو مستغرب
اما عبود في نفسو ياربي اكيد توائم وما قدر يمسك نفسوو : توائم صح
هديل كشرت ما تحوب تكلم الشباب وتعطيهم وجه بعكس هنادي الي ابتسمت : هههههههههههه ايوه انت ايش شايف
عبود يتميلح : يا بخت امكم عندها قمرتين في البيت
اكرام وهنادي : هههههههههههههههههههههههههه
هديل : يا دمك
عبود : افااا ليش توئمتك زعلانه
هنادي : ماهي زعلانه بس طفشانه وحرانه وتبغا اسكريم بسرعه
عبود : يا قلبي الحرانين
هديل : احترم نفسك
اكرام بصوت راخي : هديلو اشبك الواد لزوز
هديل بصوت عالي : مع نفسووو
عبود يتنحنح : خلاص راح اسكت
الرجال خرج الاسكريمات الكتيره لعبود وطلب منو الفلووس
عبود بيكشخ بي محفظة ريان الي مليانه فلووس ودفع الحساب ومد الاسكريمات للبنات: اتفضلو وانا اطلب تاني
هديل كشرت ولفت وجهااا اما هنادي واكرام : كل وحده اخدت لها اسكريم
واكرام اخدت واحد تاني وادتو لهديل الي اخدتو بي القوه بعد ما كيمو قالت لها مارح نستناكي تطلبي
عبود : بي العافيه يارب محل ما يسري يمري
وقتها خلص كرم من مكالمتو ورجع لعبود وبسرعه : عبود ها خلصت انا ابغــــ ......
سكت لما شاف اكرام وتنح شويتين وفي عقلو ياربي هيا ولا لا لان شكلها متغير بي المكياج اول لما شافها كانت مغسله وجهها
اكرام عرفتو طبعا : خيررررر
كرم : انتي اكرام
هنادي وهديل :؟؟؟؟؟؟؟!!!!!!
اكرام : ايوا انا نعم
كرم مسوي يمون : كيف حالك وكيف حال فاروق وكيفك بعد هداك اليوم الي حشكتك
عبود وهنادي وهديل : ؟؟؟؟؟؟؟؟؟؟!!!!!
اكرام : اقول احلف مسوي تعرفني
كرم : لو ما اعرفك لو ما عرفت اسمك
عبود : كيمووو ايش ده من فين تعرف دي
كرم : اسكت يا عبود لا تخليني اقلك كفشتها ايش مسويه مع فاروق
عبود : وي وي قويه ايش مسوين
هنادي تهز اكرام : كيموو ايش ده الشكل ومن فين يعرفك
اكرام : احكيكي بعدين
هنادي تسحب اكرام وتطالع في عبود : شكرا علي الاسكريم يا اخ
وراحو بعيد وهديل واقفه متنحه والاسكريم ساح علي يدهااا
عبود : هههههههههههههههههههههه تنحت
هديل انتبهت وكشرت في وجه عبود وراحت تلحق هنادي واكرام
عبود : هههههههههههههههههههههه
كرم : اقول طلبت لي اسكريم
عبود : ايوا ياود لا تدف وبعدين تعال حكيني ايش قصة اكرام دي
كرم : ههههههههههههههههههههههههه تفوتك كافشها ايش مسويه ترها مو سهله
عبود اخد الاسكريمات من الرجال ودفعلو الفلوووس ومشي جنب كرم
وكرم بيحكي ايش صار وعبود مو مصدق مفرصع عينو من الضحك
وصلو عند الشباب وهما ميتين ضحك
الشاباب : بدري اتاخرت
كرم : احد يعبرني
انور : هلاااااااااااااااا كرم
وقفو الشباب وسلمو علي كرم وجلس معاهم يسولف
مئيد : انور ما طلع لسانك الا لما قامو البنات الي قدامنااا
انور : مالك دعوه
وجلسوو ياكلوو وهما متونسين علي الاخر
*****************************

في جهة تانيه عند البحر برضو قريب من جهة الشباب
ابرار : ليتنا ما جينا عند البحر
انهار : وانتي الصادقه شوفي الناس كيف تحلفي يمين مااحد منطق في بيتوو
عبد المجيد جاي من بعيد وياشر لي ابرار الي مره انبسطت ووقفت : هلاااااااا ميجو اتاخرت
عبد المجيد : ههههههههههههه يا شيخه من اول ادور ادور موقف ماني لاقي لو تتخيلي فين وقفت سيارتي تنهاري
ابرار : فين
عبد المجيد : في الشارع التاني
انهار : ههههههههههههههههههههههه
عبد المجيد : هنوووو كيف حالك ايش مهببه
انهار : ميه ميه انت ايش مسووي
عبد المجيد : دام انا مع برووو كول شي يصير تمام غصب عنووو
انهار : يا عجيييييييييييب والله
ابرار: وهــــ بس يا ميجوو لا تحرجني
عبد المجيد: ما بينا احراج
انهار : هههههههههههههههههههه وربي انكم تحف
عبد المجيد : انتي بالك يا هنووو
ابرار تسوي فيها غيرانه : اسمها انهار ايش هنو دي
عبد المجيد : طويب طويب خلاص انهار
ابرار : ايوا خليك شطور
عبد المجيد مسك يد بروووو وبضيقه : قلبو تخيلي كلمت عمي اليووم
ابرار : بابا
عبد المجيد : ايوا ههههههههههههههه
ابرار: ايوا اشبو ايش قلك
عبد المجيد : تخيلي قال انو اجل الزواج عشان عندو سفره علي اليبان لمده شهرين
ابرار عصبت : طيب ما كلمني انا ليش ؟؟
انهار : احلف يا ميجوو
عبد المجيد : والله توي مكلمووو
ابرار والدموع في عيونهاا : ولا كلمني ولا شاورني كنو مو فرحي انا وليش يكلمك انت وليش ماما ما قالت لي او قالت لي انــــ.......
قطعت كلامها ولفت علي انهار : انهار لتكوني انتي تدر ي
انهار : لا والله توي ادري زي زيك يا برووو
عبد المجيد : يا برو لا تزعلي نفسك الهرجه ما تستاهل
اابرار : مو زعلانه علي انو اتاجل زعلانه عشانهم بيئجلو بدون ما يقولوولي ليش لي الدرجه دي يعني
عبد المجيد : اذا انتي زعلتي انا ايش اقول
ابرار : حتي انت ما قالولك
عبد المجيد : لا عمي كلم الوالد واليوم بس بيدونا خبر انا وانتي
ابرار تنغبر في شنطتها وعيونها مليانه دموع من القهر الين طلعت الجوال تبغا تتصل علي ابوهاا
عبد المجيد مسكها : خلاص برو نكلمهم بعدين دحين خلينا ننبسط
انهار : من جد يا بروو خلاص
في نفس المكان اسامه واقف بيستنا عمر الي را ح يشتريلو مويه وهوا بيطالع فيهم وكيف انهم زعلانين عشان الزواج اتاجل ويضحك في نفسوو عليهم شمتان علي الاخر
قرب منو عمر: ياسلام ايش الضحكه دي
اسامه : هههههههههههههه بضحك عليهم اتاجل زواجهم ومسوين هوليله
عمر لف عيونو وطالع عليهم وقلبو صار يدق بقوه وعيوني صارت حمرا وتطير شرار ونفسو يقوم يلطش عبد المجيد الي واقف وماسك يد برووو ومقرب منهاااا
اسامه : عمر سلامات اشبك
عمر : بروووو
اسامه باندهاش تو انتبه انها ابرار ما كان شايفها تمام : ووووي مو وقتهاااا
عمر : ياخي مدري ايش لاقيه في عبد المجيد ده
اسامه : فرصه فرصه اتاجل زواجهم الوقت قدامك تقنعهااا
عمر صرخ فجاءه : هيا معطيتني وجه عشان اقنعهاااا
انهار التفت علي صراخ عمر وعرفتو علي طول والتفتت بسرعه علي ابرار الي الين دحين مقهوره من ابوهاا وما انتبهت لعمر
قامت انهار بسرعه وراحت لعمر : هي انت
عمر : ..................
اسامه : ياهلا والله يسمعك يسمعك
انهار تطالع في اسامه من فوق لتحت: هي ما اكلمك انت
اسامه : سكتنااا مع اني نفسي ما اسكت لكن هم وحط يدو علي فموو
عمر : نعم
انهار : وخر من هنا لا تشوفك ابرار احسنلك انت عارف انها مع خطيبها دحين
عمر : والله البحر مو لها ولخطيبها ومكان ما ابغا اوقف اوقف وانتي لا تحتكي فيا مره ولا تكلميني
انهار : احلف علي بالك ميته عليك
عمر : انهار انتي عارفه ايش الي صار ولا تزيدي الطين بله ورحي من عندي
انهار : مني رايحه روح انت من عند ابرار احسنلك لا تشوفك
عمر وفرحان وعارف انو برو لسه تحبو ولما تشوفو تضايق وتبكي : والله لو شافتني مو شغلي بلا فكك
انهار علت صوتها : عمر انت عارف انو لو برو شافتك راح تبكي وهيا دحين مضايقه ومو ناقصهاا
عمر : مشغوله مع خطيبها لا تخافي مارح تشوفني
اسامه : يا جماعة الخير صــــ........
التفتو علي الاتنين وبصوت عللي : مالك شغل
اسامه يرجع علي ورا : طيب طيب مو مشكله
عمر : وانتي التانيه بدل ما تقوليلي انا اروح اسحبي اختك وروحي بلا هم
انهار مره عصبت من عمر : سخيف
عمر : لا تتفلسفي يا انهار احسنلك انا معتبرك اخت الين دحين
انهار : مالت عليك وعلي اخوتك ما جانا من وراك الي البهادل
عمر انقهر منهااا : اقول انهار روحي من عندي ولا تطولي لسانك
انهار : ولو طولت لساني
اسامه يشد عمر من يدو : يا عمر امشي خلاص بلا فضايح
انهار : ايو ا اشرد اشرد
وقفو جنبهم كم واحد وحده يتفرجووووو
عمر يدف يد اسامه : انا راح امشي لحالي وانتي يا انهار شكرا
انهار رفعت صوتها : شكرا مدري مين الي يقول شكرااا
انهار حست بحد يمسك يدهااا التفتت بسرعه وسحبت يدها وكانت ناويه تسب
بس لما شافتو ريان لفت وجهها عنووو
ريان : اشبك هنووو ؟؟
اسامه : بجد يا عمر امشي محنا ناقصين
عمر وهوا معصب مره : ومن ده التاني الي مع انهار
اسامه : مالك شغل يا هوووو وامشي بلا جر شكل
عمر : ؟؟؟؟؟؟!!!! انا الي بجر الشكل دحين
اسامه : انا لله وانا اليه راجعووون
عمر : بعد من عندي
وراح لجهة انهار :من ده
انهار : احلف
ريان : ؟؟؟؟؟؟!!!!!!!!
عمريطالع في ريان وعيونو محمره : من انت
ريان وحس انو يمكن واحد من اقاربهاا : من انت ؟؟
عمر : انا اخوهااا
ريان مره انفجع وفرصع عينوو وجهز رجلينو عشان يشرد
انهار : احلف انك اخوياااا
الناس بدو يتجمعو حولينهم ويكترووو
عمر من قهروو مسك ريان من بلوزتووو وشدوو : انته مين ؟
ريان مره ما يحب المشاكل ولا يدل طريقهااا وغيركده انو عمر طول بعرض : لو سمحت نزل يدك
انهار بصوت عالي : عمر مالك شغل نزل يدك اترك ريان
عبد المجيد سمع صوت انهار وشاف ناس متجمعين استغرب : برو خليكي واقفه هنا دقيقه
ابرار : ده صوت انهار بتصرخ علي مين
عبد المجيد : خليكي دحين اجي
ابرار تمسك يد عبد المجيد : بجي معاك
قبل لا يعترض جرتو ومشيت علي جهة التجمع وخشت وصطهم وشافت عمر ماسك ريان وانهار بتصرخ : اتركو مالك شغل يا حيوان
عبد المجيد نقز بينهم وبدو يفرق : صلو علي النبي
عمر ما صدق يبغها من الله سيب ريان ودفوو وهجم علي عبد المجيد اجماع وابكاس وعبد المجيد مستغرب اشبو ده صار كول واحد فيهم يدي التاني والناس اتجمعو اكتر واكتر
ابرار مصدومه عمر وبيضرب عبد المجيد: اشبو ده
انهار مسكت يد ريان : ريان فكهم فكهم
ريان يبغا يخش بينهم بس سبقو اتنين وفرقو بين عبد المجيد وعمر
انهار : عمر يا خايس
عبد المجيد لما سمع اسم عمر استوعب الموضوع كلوو وعرف انو طليق ابرار وحقد علي مره لانو ابرار حكتو عن الي كان يسوي فيهاااا
والناس فكوهم من هنا ورجع طب علي عمر مره تانيه
ابرار : عبد المجيد خلاص سيبوووو
انهار : ريان الحقهم

*******************************************

قريب من المضاربه الشباب جالسين ومبسطين
مئيد : الله يخسهم عمري ما اجي عند البحر الا واشوف مضاربه
نواف : ناس همج ما يعرفو يحلو امورهم بي التفاهم
انور : يفوتوك الي جالسين يتفرجو كنهم اول مره يشوفو احد بيضارب
نواف : مساكين
كرم : تصدقو نفس اروح اطب معاهم من زمان ما اتمشكلت
عبود : روح طب انت فيهااااا

$$ نرجع للمضاربه $$
الشباب بلقوه فرقو بينهم انهار ماسكه ريان : اتعورت
ريان ماسك كتفو الي اكل علي كم صقعه بنت كلب : لا لا
ابرار ماسكه عبد المجيد وتجروو علي برة الزحمه : اتعورت يا قلبووو
عبد المجيد يصرخ : لي ما قلتيلو انو ده هوا عمر الكلب الحقير
ابرار : خلاص يا ميجو الله يسعدك
عمر وعيونو محمره ويبغا يولع من منظر برو الي ماسكه في عبد المجيد وفي عيونها باين الخوف علي
فقلبو ياريت ربي اخدني قبل لا افكر اني اتخلى عنك يا برووو

نروح للبنات الي جالسين في كراسي قدام الشباب
اكرام وهنادي وهديل فاتحين الاب توب ومشغلين اغاني وفالينهااا علي الاخر
هنادي : كيمو والله لو شفتيها لا تشوخي من الضحك
هديل واكرام : هههههههههههههههههههههه
هديل : وانا اشهد يا كيمووو
اكرام : بلا هم حمستوني اشوفهااا
هديل تكلم هنادي : مو كنو الكونكت في السياره
هنادي : ايوا في السياره بس ما اعتقد انو مشحوون
اكرام : قومي جيبي يا هديل يمكن مشحون
هديل قامت وقفت : اقول انتي وهيا السياره بعيده ما ابغا امشي لحالي
اكرام : يعني يا هدوو مين راح ياكلك
هديل : ما احد راح ياكلني بس ما ابغا اروح لحالي شكلي غبي راح يكون
هنادي شالت الاب توب من عبها وحطتو فوق اكرام : امسكي بروح اجيبوو بسرعه واجي
هديل جلست : اووف ريحتيني ربي يريحك
اكرام : هدوو طالعه ماصخه
هنادي تاشرلهم : ماراح اتاخر
اكرام : اوكي
هديل : انتبهي هناا
راحت هديل بسرعه علي جهة سيارتهم وانتبهلهااا انووور الي من اول مفهي فيهاا هيا واختهاا ويقول سبحان من خلقهم اول مره يشوف توائم بده الشكل المتطابق مره مره
وقف بسرعه ولبس زنوبتووو وطنش الشباب الي استغربوو منوو وبيفكرو اشبو قام فجاءه وبيسالو فين رايح والي يقلو جبلي عصير والي يقولو جيب لي مويه راح ورا هنادي ولا عبر احد فيهم
الشباب : ........................
كرم الي انتبه انو رايح ورااا البنات وانتبه لي اكرام الي جالسه في الكرسي ومهي داريه انو ورهااا
فكر خليني ادق عليهااااا
$$ نسيب كرم واكرام شويا ونروح نشوف انور ايش بيسووي $$
انور ماشي وراا هنادي بشويش وهيا داعسه تبغا توصل بسرعه وماهي منتبه ابد خصوصا انو المكان كلو ناس رايحه وناس راجعه
وصلت هنادي عند سيارتهم ولقت امير جالس مع شلة هنود سواقين مدري كيف اتلم عليهم ومبسطين لا ومشترين كوفي واخر فله
هنادي في قلبهاا يا سلام حتي السواقين يعرفو يتمشوو - >> ليش مالهم رب
وبصوت عالي : امير افتح السياره
امير وقف وفتح قفل السياره برموت كنترول
وهنادي بسرعه فتحت الباب وجلست تنغبر في الدرج الي قدام الين طلعت الكونكت سكت باب السياره وهيا تدعي بصوت مسموع : ياربي يكون مشحووون
انور :يارب يارب
هنادي التفت علي انور وخقت علي طووول عيون عسليه وطووول يجنن وجسم معضل وزياده علي كول ده الابيض الي لابس عاكس السمار الي تخبل علي هنادي بدون ما تدري : يارب
انور : اذا طلع مو مشحون ايش رئيك اديكي الكونكت حقي
هنادي : هههههههههه لا لا انشالله مشحوون
انور : قلت لووووو
هنادي ومره مره خاقه علي طولوو : ماشالله طويل انته
انور يتميلح : لا وهادا ما شوفتيني بي الكعب
هنادي : ههههههههههههههههههههههههه تلبس كعب
انور : ايوا بس في الافراح مع الفساتين
هنادي : ههههههههههههههههههه الله يرجك
انور : فين جوالك
هنادي : يوو ترقم
انور : ما اقدر افوتك
هنادي : طيب جوالي مو معاياا
انور : طوووويب هاتي رقمك
هنادي : اوكي خد 055
انور : راح اكلمك قريب
هنادي : أي بنت تشوفها تطلب رقمها ياخي
انور : لا انا ما ارقم الي في السنه مره
هنادي : طيب ابغا اروح
انور : لا تنسي اذ الكونكت مو مشحون اتصلي علياا اديكي الكونكت حقي
هنادي : اوكي
انور : انا ترا اديتك رنه يعني سيفي رقمي وانا تراني احم احم اسمي انور ويدلعوني نوري :$
هنادي في قلبها كمان اسمو نوري يا ربوو يسعدووو : عاشت الاسامي بجد
انور : تعيشي وانت ايش اسمك
هنادي : اسمي هناا
انور : عاشت الاسامي يالله شو بيلبئلك
هنادي : ههههههههههه باي
راحت وسيبتووو ومره كان نفسها تجلس معا يونس ومره خطيره وتطالعي في ما تبغي تنزلي عيونك عنوو وكلامو مره يجنن وصتوو رهيب وابتسامتو تسدح
هنادي ماشيا علي جهة البنات وهيا مبتسمه ورها انور ماشي وحاط يدو علي قلبووو ومبتسم هوا التاني
كرم انتبهلو جاي من بعيد : هههههههههههههههههههههههههه
الشباب : ؟؟؟؟؟؟؟؟؟؟؟
كرم : ههههههههههه شوفو انور بلله خاق علي البنت وخققها معاااا وانا مني يوم شفت معاهم كيمو قلت عنهم فاصلين
عبود : دولي البنات الي اول عند الكوشك
كرم : ايوا ايوا
ريان : احـــي يا انور من اول ساكت ويخطط ويدبر
مئيد : ههههههههههههههه ولما شافها قامت قال جات من الله
كرم : هوا ده عليك نور
انور وصلهم واستغرب لما لقاهم كولهم بيطالعوو فيلووو
ريان : ها شبكتهااا
انور : اقول طير
عبود : طيرررررررررر انحشك انحشك
انور : طير انت التاني
نواف : ما ابغا اتكلم عشان لا يقولوولي طير
الشباب كولهم : ههههههههههههههههههههههههههههههه
انور حس بي احراج : اقول طيرو كلكم
كرم : انا ومئيد ما اتكلمنا ليش نطير
الشباب : ههههههههههههههههههههههههه
انور: وجعععع
وقام من عندهم وجالس يقلب في جوالووو وراح جلس في الكراسي الي قدام جنب كرسي البنات

هنادي : اقلكم مره يجنن اخ يا قلبووو يا كوتكوت
اكرام : مالت عليكي
هديل : ما تبطلي سخافه وربي انك مالك داعي علي طول اديتي الرقم
هنادي : معليش ما اقدر ما يمديني ما ادي الرقم اقلكم يسدح
اكرام : لا حووول
هديل : طيب خلصنا
هنادي انتبهت في انور الي مر وجلس في الكراسي الي جنبهم
مسكت قلبهاااا واشرت بعيونهااا
اكرام : ايش في
هنادي تفرصع عينها وتاشرلها وطي صوتك وتاشر بيدها علي جهتووو
اكرام التفتت وجات عيونها في عين انور عشان كده لفت تطالع علي ورااا تسوي انها ما تطالع فيلو قامت انتبهت لي كرم جالس ومسطح مع الشباب وانتبهت لعبوود وباقي الشباب
لفت علي هنادي : شوف الشباب الحلوين الي ورااا
هديل تطالع : وااااااو شله كلهم حلووين
هنادي طالعت بس من الجه التانيه عشان لا تشوف انور : واااو شكلووو خويهم صدقوني
اكرام : لا لا ما اعتقد اجل لي جالس لحالووو
هديل : اكيد جاي يتميلح عند هنادي
هنادي : هههههههههههه شوفووو الاسمر الي لابس اسووود يا ويل قلبوووو
اكرام : خليك علي نوري علي قولك
هنادي : علي قولك
ما كملت كلمتها الي وجاتها رساله
(( انا جنبك انا نوري (*_*) ))
هنادي حطت يدها علي فمها وضحكت : ههههههههههههههه
اكرام وهديل : ؟؟؟؟؟
هنادي ادتهم الجوال
اكرام وهنادي : ههههههههههههههههههههههه
اكرام والله انو تحفه
هنادي : من جد
جاتها رساله تانيه
(( شوفيني جنبك لابس ابيض وانا مره طويل ))
هنادي : ههههههههههههههههههههههههههههه
اكرام وهديل بعد ما ورتهم الجوال : هههههههههههههههههههههههه
انور يرسل وهوا مبسوط : آآه يا قلبي منها ومن اختهااا
جاتو رساله
(( مني شايفه احد لابس ابيض ))
انور : هههههههههههههه
ارسلها
(( افا بس ده النور كلوو ومنك شايفتن انتي بس لفي وجهك يمين وما عليكي ))
هنادي : مصدق نفسوووو
اكرام : ارسليلووو انتـــــ ...............
قطع كلامهااا جوالها الي رن خرجت شنطتها تنغبر لين طلعتو
المتصل >>> بابا
اكرم استغربت مره مره واشرت للبنات اسكتوو : الو
ابو اكرام : الو فينك
اكرام : دحين اجي
ابو اكرام : بسرعه
اكرام : انشالله
ابو اكرام : مع السلامه
قفل قبل لا ترد علي وجهها قلب
هنادي : كيموو
اكرام : هلااا
هنادي : اشبك
اكرام : بابا الهم يقلي اتاخرتي
هنادي تطالع في الساعه : الساعه اتنين ونص
اكرام : ما يسال وفجاءه يقلي تعالي البيت مع نفسووو
هديل : وووي روحي البيت وانتهينا وكلها كم يوم ويرجع يسافر صح
اكرام : علي قولك
هنادي انتبهت لجوالها الي طنطن برساله فتحتها بسرعه
(( لفي علياا بجد ))
هنادي لفت علي انور واشرتلو مع السلامه
هديل مكشره ومو عاجبتها حركات اختهاااا
اكرام وقفت : يلا بنات
هديل : ما شفنا المقطع لسااا
اكرام : خلاص مره تانيه
هنادي : خلاص انا ارسلك اللنك
اكرام : انشالله
هنادي : مشورتوني علي الفاضي
اكرام تغمزلها : مو علي الفاضي رجعتي برقم واحد خطير
هنادي تبتسم : علي قولك
هديل تنفض عبيتهاا: يلا بنات عشان نشتري في طريقنا عشااا
هنادي : قفلت الاب وقفت تنفض عبيتها هيا كمان
انور عرف انهم رايحن ارسل لي هنادي علي طول
(( لما توصلي البيت كلميني ))
هنادي لفت علي وهزت رسها انو طيب
كرم في مكانووو شاف البنات وقفووو
بسرعه وقف وراح لي اكرام وقف قدامهاا : لما اتصل عليكي ردي ولا تقفلي وجهي
اكرام : ؟؟؟
كرم : نهاية رقمي 394
اكرام تبغا ترد علي ما ادها فرصه وراح علي طووول
هنادي : ايوا صح ما حكيتيني من فين تعرفي ده
اكرام : هههههههههه راح احكيكي بس من فين جاب رقمي البعيد
هديل : وجع خربانين انتو الاتنين
هنادي : اسهري طول اليل وكلمي انس وقولي خربانين
هديل : مالك شغل
هنادي : وانتي كمان مالك شغل
اكرام : يووو علينا ما كنكم توائم بس تضاربو مالت عليكم
وصلو السياره وركبوووو وجلسو يتضاربو علي المطعم الي يبغو يشتروو منووو

****************************
ابرار : هههههههههههههههههههههههههههه
انهار : ماشالله عليك يا مجووود
ابرار : ايش مجود دي اسمو عبد المجيد
انهار : اقول ارمي روحي علي جنب
عبد المجيد : ما شفتوو شي
انهار : بس تصدق كم مره نمر من عندووو المطعم ده بس ما قد فكرنا نخشووو
عبد المجيد : احسن لكم اقلكم مرتين خشيتو مره اضاربت ومره الاكل جبلي اسهال شديد
ابرار : هههههههههههههه بسم الله عليك
عبد المجيد : يا قلبي اناا
انهار : بدينا نتغزل وقفو اروح بتكسي بدل ما اتحسف علي عمري
ابرار : وقفلها ميجوو
عبد المجيد : لا افااا دي الغاليه اخت الغاليه
ابرار : ههههههههههههههههههههه
انهار : ياولي من لسانك احسك هلاس
عبد المجيد : انا هلاس دحين بروو شوفيهاا
ابرار : انتي الهلاسه كول مين يشوف الناس بعين طبعوو
انهار : ابرار يا خراا انا اوختك تعرفيني قبل ما تعرفي عبد المجيد
ابرار : ههههههههههههههههههههههه
عبد المجيد : صح حبوو انهار
ابرار تدف عبد المجيد من يدوو : وبعدين
عبد المجيد : هههههههههه ولا قبلين يلا وصلناااااا
وقف عند فلتهم : يلا طربحي هنوو ابغا برو في كلمة راس
انهار: اقول شكلو كلمة الراس راح تطول عشان كده اتفصلووو
ابرار : لا مارح اطول
انهار: اوكي باي مجوود ومره تسلم وتصبح علي خير
عبد المجيد : وانتي من اهلووو باي
نزلت انهاار وسكت الباب ورها بهدوء
عبد المجيد طوط لها بوري
رجعت لو انهار : هلا
عبد المجيد يضحك : هههههههههههه ولا شي بس انكشك
انهار تكش علي بيدهاا : مالت
ابرار: هههههههههههههههههههههه
عبد المجيد التفت عليها : ياربي يسعد الضحكه وصاحبتها
ابرار: ربي يسعدك
: برو لا تتصلي علي عمي خلاص هوا اكيد راح يكلمك
: لا تذكرني بي الموضوع تراني توي بديت انساا
: المهم اشتري دماغك وسيبيهم علي راحتهم انا دحين سكت لهم ولا مو حركه انهم ياجلو الزواج وانا ما ادري
: صادق مالهم داعي والله
: المهم بس ده الي اسمو عمر ماراح اسيبوو
برو قلبها نغزها علي عمر : لا لا سيبو خلي
عبد المجيد يضيق عينوو : ليش يعني يا بروو
: لا يعني اقصد مع نفسوو سيبووو
: يعني سولنا فضيحه اليوم وتبغيني اسيبوو وبعدين جالس يتحركش في اختك
برو مو عارفه ايش تقول تعرف انو ايام ما كنت متزوجه عمر كان هوا وانهار زي الاخوان وتدري انو مستحيل يسويلها شي وما تبغا عبد المجيد يسولوو شي لانها ما تتحمل يصيرلو شي
عبد المجيد : اشوفك ساكته
برو : لا ابد بس لا تسويلو شي وتقوم تتورط معاا يا ميجوو انت عارف هوا من بيت مين وكده
: مع نفسوو
: بس ماابغاك تهتم لو
: اوكي خير انشالله بس حركتو الي اليوم مارح اطوفها لووو
: اوكي قلبو انت لا تشيل في بالك وخلاص
: اوكي حبو انا تصبحي علي خير
: وانت من اهلوو
عبد المجيد مسك يد ابرار وباسها من جوا ومن براا وبعدين قربها لو وبسها في خدها
: انتبهي علي نفسك حبوو
: انشالله قلبوو
فتحت باب السياره ونزلت ووصلت عند باب فلتهم واشرت لي مجود بيدهااا
عبد المجيد اشرلها ومشي
*************************************
$$ نروح الكويت شويا نشوف الاوضاع عندهم $$
نادر لابس بوكسر ازرق وفنيله كت كورهات ومتمدد فوق السرير وجنبو رناد لابسه روب احمر خفيف وقصير لنص فخذها وحاطه يدها علي صدروو وعايشه الجوو
رناد : يعني وش كنت تحس في يوم اني اتصلت عليك البارح
نادر في قلبو شفيها ذي مصدقه روحها وايد يعني وش كنت بحس فيه بستغرب وبس : والله وايد فرحت
رناد: انزين تحسفت ليشنك زعلتني
نادر في قلبوو هين ناوي اورك شغلك : أي وايد تحسفت وقلت لروحي اكو حد يزعل البنوته الزينه هاذي
رناد بغرور : أي كنت اعرف انك بتردلي
نادر بستغراب في قلبوو الحين مدري منو الي داق علي الثاني ويقول ارجع لي : أي اصلا انا ما اقدر اعيش بدونك
رناد بدلع : وسوير
: ايش فيهااا
: اممم ابي اعرف الصراحه انت تحبهااا
: يا امعوده ونهيتها وياك قلت لك سوير اختي مو اكثر من شذي لا تقعدين تحنين علي كل شوي سوير سوير
: انزين لا تصارخ علي
: يعني ما نقدر ننهي الي بديناه واحنا مستانسين لازم تخربين النهايه
رناد تقرب منو وتبوسوو : لا وش دعوه
نادر يضيق عيونوو : وش رئيك مره ثانيه
رناد : هههههههههه كان بودي لكن الحق تلفونك
نادر يطالع جوالوو الي من اول يرن ويدري اانها امو بس مطنش : أي علي قولك
نادر يبغا يقوم عشان ياخد جوالوو راناد تدفوو وترفع رجلها علي رجلو : علي وين يا معود
نادر : بجيب تلفوني
رناد : لا خلك
وتصارخ تنادي الشغاله : ستي يا ستي
ستي : يس مدام
: جيبي تلفووون مستر
: اوكي
راحت الشغاله وشالت الجوال وادتو لرناد وهيا تطالع فيهم بنص ابتسامه
رناد تغمز لهاا : روحي ستي
ستي : اوك مدام
خرجت وسكت الباب ونادر مستغرب من رناد الي ما عليها من احد كول الخدم شافوهم في ده الوضع وهيا ما عليها منهم ما تخاف من احد وهيا مسكتتهم بالفلوس علي قولهاا
رناد : هاك ندور تلفونك
نادر اخد جوالو من رناد وفتحو ولقا مكالمات من امو مره كتيره وحس علي دمووو اكيد هيا دحين مره قلقانه علي
نادر : انزين رنادو انا لازم اروح
رناد : توما جلسنا يا نادر
نادر يغمزلها : او هوو حنا جلسنا واكلنا ورقدناا وكل شي
رناد : بس انا ما شبعت منك بعد
نادر : لا تخافين عندنا باشر وبعدو والايام يايه
رناد : اوكي لا تطول علي ولا تنسي تدق علي تلفون
نادر وقف بدا يلبس ملابسووو : ايه اكيد انا انساك انتي انا بموت قبل لا يي اليوم الي انساك في
رناد : يا بعد قلبي
نادر خلص لبس وقرب من رناد وبسها في خدهاا : انا اذا وصلت البيت بدق عليك
رناد : اوكي انا احتريك
خرج نادر ورناد تفكر تتصل علي واحد من اخوينها التانين يجي تكمل السهره صباحي
نادر في السياره اتصل علي امووو
موضي : الوو وينك يا يمي خوفتني عليك
نادر ينقهر من خوف امو الزايد علي : اشدعو يمي شايفتني ياهل هني
موضي : أي ياهل ونص وينك لما الحين
نادر : كنت عند واحد من ربعي ونمت عندها لشيني تعبان
موضي : ولي ما ترد علي تلفونك
نادر: تلفوني ناسيه بي السياره
موضي : حرام عليك يا يمي الي تسوي فيني تعرفني ما اقوي انام وانت مو بالبيت
نادر حس بي تانيب الضمير ومره زعل علي اموو وانقهر من نفسوو لي ماراد عليها وقلها أي تصريفه عشان ما تستنا علي الاقل
نادر : انا اسف يمي الحين بجي البيت احتريني
موضي : انزين يمي لا تتاخر
وبالفعل ربع ساعه وكان نادر في البيت
دخل لقا اموو في الصاله : قوه يمي
موضي : ................. >>>> زعلانه يعني
نادر قرب من امو وباس راسهاا : انا اسف يمي نمت وانا ما ادري عن نفسوو شنو اسوي عاد والمشكله ما احد من ربعي قعدني من النووم لين قعدت بروحي ويت علي طول
موضي : حصل خير يا يمي
نادر: يلا عاد مضاوي لا تزعلين
موضي : يايمي دير علي بالك انا يكفي اني فقـــ .......... انتبهت انها كانت راح تقول مصيبه
نادر : يكفي انك شنووو
موضي : يكفي اني فقدت امي وابوي مابغا افقدك
نادر ما مشيت علي بس قرب من امو وضمهاا : انزين انا اسف قلت لك
وباسها علي راسهااا
: انزين يا يمي خلاص روح بدل ونام شوف الوقت شلون تاخر
: لا ببدل وبنزل اقعد وياك شوي احتريني يا مضاوي لا تنامين
: انزين انا احتريك
نادر طلع علي غرفتو وهوا يفكر بالكلمه الي امو قالتها ووقفت فقدت ايش يمكن تقصد ابوو غريبه جا علي بالووو ابوو جلس يفكر كيف ممكن يلقااا
وحس بي القهر انو ابو عايش ومو عارف عنوو شي مره قويه
دخل اخد دش سريع ولبس ملابس مريحه ونزل لامووو
**********************************

عزيزه في غرفتهااا وعيونها مليانه دمووع
ليلي : مافي داعي للبكا يابنت
: طيب خديني معاكي علي الاقل
: مافي احد قدك
: طبعا مافي احد قدي الله اعلم فين رايحه يا ماما
: اقول عن الكلام الي مالو داعي لا اشيل عنك النت كمان والجوال
عزيزه سكتت وبلعت لسنها لانو امها تسويهاا وهيا بجد لو شالت امها عنها الجوال والنت راح تموت الشين الوحدين الي بيسلوهااا
: يلا انا رايحه
عزيزه في قلبها في ستين داهيه : طيب
خرجت ليلي وسكت الباب ورهااا
اتمددت علي سرسرهاا وفكرت والله يا ماما يجي اليوم الي اسوي في زيك اجل فين رايحه الساعه تلاته مو معقوله محاضره
علي بالها حابستني ما اقدر اسوي شي لكن والله اقدر اجيب شباب البيت لكن خير يا ماما عيشي الدور وانك حارمتني من كل شي لكن لما انفلت والله ابن اموو يقدر يمنعني
رن جوالهاا استغربت
شالت الجوال
المتصل >>> بابتي
بفرحه ومو مصدقه : الوووووو هلا بابا وشحتني موووت
ابو عزيزه : كيفك يا بنتي
: مني طيبه يا بابا
: وه ليش منك طيبه
: بابا خدني عندك مابغا اجلس عند ماما
: مو دي امك الي قلتي تبغي تروحي عندهاا وما تبغيني
: ياربي داك اول بابا
: خير يا بنتي انا كلها كم شهر وارجع من كندا وانشالله اخدك عندي
: مره ياريت
: لس ايش مسويه لك امك
: يو يا بابا ايش مو مسويا ليا
: هههههههههههه يا قلبي يا بنتي اسمعيني ادخلي علي الاسكايب خلينا نتكلم وتشغليلي كامك ابغا اشوفك وحشتيني
: يا قلبي يا بابا حتي انت وحشتني ابا اشوفك اتغيرت
: ههههههههههه ايوه مره سمنت انا
: انا زي ما انا علي حطة يدك
: يلا ادخلي انا استناكي
: طيب يا بابا يلا مع السلامه
قفلت وجريت علي الجهاززز شغلتووو وتبغا تشغل النت مو راضي يشتعل استغربت
خرجت الصالون لقت امها شايل المودم
مره اتنرفزت وحست بقهر وعيونهاا دمعت وبصوت عالي : الله يحرقك يا ماما
ارسلت لي ابوها مسج
(( ماما الله يحرقها شالت المودم ))
ابوها اتصل عليهاا : معليش يا بنتي
: والله يا بابا مو عيشه ماما مره مبهدلتني
ابوها في قلبو كل مين يشوف الناس عارفه بلاويها وتحسب الكل زيها : مشي حالك قلت لك كلها كم شهر وارجع اخدك عندي وما احد يقدر يتكلم
: يارب عجل انت طيب

*************************

نهاية البارت الخامس
ابغا توقعاتك للبارت الجاي
$$ نهاية جنون $$
$ قطعة شكلاته $