رواية أطباء في الحب \ رواية حجازية

[ندعوك للتسجيل في المنتدى أو التعريف بنفسك لمعاينة هذه الصورة]

اطباء في الحــب \\ روايــه حجـازيه \\ بكيبوردي

للـكـآتبة قطعــــة شكلاتــه او (( kemo0 ))

حلم يتلاشى
~~
غيره قاتله
~~
مستنقع من الكذب
~~
أمال محطمه
~~
ورود ذابله
~~
حب خارق عن الطبيعه
~~
أنتظار طويل
~~
قسوة قلوب
~~
ضيآآآآآآآآآآآآع
~~
الآآم
~~
احــــزانـ
~~
خــــــــيآآنه
~~
والكثــــــــير الكثير مــن الدمــوع
~~

وهل سيجد اطبئنا العلاج لكل هذا .... ؟
أترككم مع روايتي التانيه .. ][ أطباء في الحب للكاتبه ][ ..
الكــاتبه .. ][ قطعة شكلاته ][ ..

~~~~~~~~
~~~~~~~~

.... سؤال يطـــرح نفــسو ....
من أنا" .. ؟
من اكون" .. ؟
ياترى هل أنا أبنك او شهوه من شهواتك وبعدها رميتني ......... ؟
حتى لاأجلب لك العار ....
أعذرني على وقاحة كلامي ولكن ليس هناك تفسير آخر يجعلني أتفهم تصرفاتك........!!
ياترى هل سيأتي اليوم الذي أسامحك فيه ؟؟؟؟

..................
.............

[b]الساعه 8 بتوقيت السعوديه وتحديد في منطقة جده في مستشفى الــ..........
واقف بكل طفش بالبنطلون الجينز أسود مع تيشيرت أبيض ماركهـ (polo) متكي عندالبوابه الخارجيه وحولينو الدخان المتطاير من السجاره الي حاطها علي طرف فمو
بيدخن بتوتر ومنهمكـ في الكلام : أنا بعرف شي واحد شنو دخلني الطب وانا مالي فيه
:رفع ايدو علي كتف صاحبو : أعقل وخل عنك الكلام اللي مامنه فايده ذا مستقبلك ولازم تعتمد على نفسك وانت كرفت ست سنين والحين جاي تسال نفسك ذا السؤال
ضحك بصوت عالي خلى اللي حولينو يلتفتو عليه : مستقبلي قلت لي .. خلاص مابوه مستقبل يارودي
رائد يهدي : كسور أسمع أنت وعدت أخوك بتكون قدها تحمل ياخي
الكاسر يصرف الهرجه لان مافحيلو لمحضارت من رائد : ياحبي لك يارودي جاي وياي كأني بزر بأول يوم دوام له
رائد : ههههههه شفت كيف وأصبر علي كم أسبوع وبنقل للجده مابخليك تتنفس
الكاسر : يعني مامن فكه منك
رائد وياشر علي قلبو : الموت يفكك مني يالله فارق لازم تكون ملتزم بالمواعيد وماتتأخر وذا أول يوم لك
قرب كاسر وضم رودي ضمه خفيفه ومسد علي ضهرو : عساني مااخلى منك
رائد : ولا منك يالله روح قبل لايزفونك على التأخير
نزل السجارهـ من يدو وداس عليها برجلو وكنو يطلع التوتر الي في عليها
نزل نظارتو وعلقها على التي شيرت من فوق
مد يدو وشال البالطو الي من اول رائد مادو لوو ولبسو في ثوانــي وعدل الياقه
وطل في رائد ببتسامه مغرورهـ : كيف يجي مني دكتور
رائد ويمشي يدو علي شعر كاسر بحنيه : ههههههههه لا يجي منك طالب بس مابعد صرت دكتور
الكاسر : طيب يالله فمان الله
رائد : انبسط لبى قلبك ولاتكدر روحك يالله سلام
~~
الكــآآســر .. : 26 سنـــه دايم معصب وبدو يضارب ونادر ما تشوفو رايق وفيلوو غروور ومايحب يختلط مع حيا الله ناس يعني ياخد وقت علي مايثق في الناس يحب الهدوء ويكره الكزب مــرهـ
نجـدي طبعا وجابتو ظرووفوو لجــدهـ .. ابيضانـي وملامحوو حادهـ مــرهـ والي يشوفوو يتاكد انو معصب وهوا
كزالك شعرو دايم مخلــي عادي مايحب يبدع فيلو ونفس الشي مع خط الشارب الخفيف مع السوالف
كدا طــويل وجسمو متوسط ومرتبـ
يحب الاستيلات العاديه والي ما تلفت الانتباهـ يعشق الاغانــي الاجــــــــنبيهـ
~~
رائــد .. 26 ســـنه .. ينبوع من الحنــيه والصـــدق .. والي في قلبو علي لســانو ولما يزعل يرمي كلام مو من قلبو لكن
يروق عــلي طول قلبوو صاافي وتحســو انسان نضيف من الداخــل
لا يحــقد ولا يزعــل .. والامورالي تضايقوو او تزعــلو من جد يكتفي بانو يكتمهــا في قلبـــو
رائد من النــاس الي اجتمعت فيهم كل ملامح الجمال والعزهـ
الواحد لما يشووف ينجذب لو لعد ة اسباب .
جمالو الهادي .. ملامحو الناعمه .. رزانتو.. حنيتو .. ابتسامتو الحلوهـ .. نظرات عيونو الي تطمن الواحد لو ..
وهوا من الناس الي يقدسو الصداقهـ
عشان كدا اهم شــي في حياتو صاحبــو ويحس انو الكاسر من مسؤولياتو ويجي بعدو أي احد تاني

~~~~~~~~
~~~~~~~~

كان يا مكان , كانت هناك عاهرة تدعى ماريا . لحظة لو سمحتم " كان يا مكان " هذه هى العبارة المثلى للبدء بقصة خرافية لأطفال " فيما كلمة " عاهرة "
كلمة تستعمل للبالغين !!.
كيف بالأمكان اذا البدء بقصة على هذا التناقض المبين ؟ لكن بما أننا فى كل لحظة من حياتنا لدينا قدم فى قصص الجنيات الخرافية وقدم أخرى فى الهاوية
, فلنحتفظ اذا بهذه البداية .

كان يا مكان , كانت هناك عاهرة تدعى ماريا . ولدت عذراء بريئة ككل العاهرات وحلمت ايام مراهقتها ,
بان تلتقى فتى أحلامها ( أرادته أن يكون ثريا وذكيأ وجميلا ) وأن تتزوجه ( مرتديه ثوب الزفاف ) وأن تنجب منه طفلين
( لا يلبثان أن يصبحا مشهورين فى المستقبل ) , وأن تقيم فى بيت جميل ( يشرف على البحر ) .
اوووووبس إين ذهبت أحلامها وماذا جنت من احلامها ؟؟؟؟؟؟؟

...........................
...........................

واقف في ممر المستشفى بملل وبيطالع في ساعتو
ويرجع ويطالع في صاحبو بحقد وقهر
: دحين بدي اعرف اشبو مخلينا مداومين من صباحيه ربي ومايجي
مهنــد وميت ضحك علي عصبية حسام بدون داعي : خلاص يابويا انسا احنا جينا وخلاص ايش تستفيد من النق قولي
حسام يدف مهند من كتفو : مو منك من الي يسمع كلامك
مهند ويبا ينسي : تخيـــــل كم موزهـ معانا في القرووبـ .؟؟
حسام يطل في ويبتسم ابتسامه مدري من فين مطلعها من قوة خباثتها ويرجع يشرب من الكوفي ..
مهند : هههههههههههه اش أفهم من طلتكـ دي ؟
حسام : طلاتي يابابا تفهمك سبب وجودي في المستشفي الي طبعا مكان لا يخلووو من البنات والمزز سواء دكاتره او ممرضات او مريضات حتــي
مهند : ههههههه اهم شي انتبه ها ولا تنسي انت ايش .. ؟؟
حسام يفركـ يدوو علي صدروو : آآهـ بس مافي احد يقلك دا مكان وعوائل ومدري كيف
لف علي مهند ورفع اصباعو علي راسو : افهمني يابويا الحريه الي ابغها هنا
مهند يضيق عيونو : طيب ولين متى دهـ الحال
حسام يتنهد : الين ألاقي اللي ضاع مني وحسيت أنو صفى جوي بموتها
مهند حس انو مزاج حسام بدا يقلب فحب يغير الهرجه : امممممم تتوقع المشرف راح يكون متعاون معانا
حسام : ماعلينا من المشرف علينا من اللي حيشرف عليهم ههههههههههه
مهند: هههههههه لئيم ووسخ
:يالله خلنا نروح نشوف جا دهـ المشرف ولا باقي
مهند يفرك يدو بحماس : يلا يلا
حسام رمي كوب الكوفي في الزبالهـ ولبس الاب كوت حقو وعدل شعرو المكدش
ورجع يطل في مهند اللي متنح فيه
:مشينا
مهند بصوت راخي :يارب عدي الامور على خير
~~
مهــند .. : 24 سنه حبوب طيووب ومره بريئ سواء تصرفاتو او حركاتوو او هيئتو حساس احيان يحب البساطه وياخد كل الامور بسلاسه ويكره التعقيد
اسمــرانـي طبعا ويحب الاستايلات الغريبه رغم انها احيان ما تركــب علي هيئتوو ولا علي ملامحوو البريئهـ والهادئه
شعروو دايم طولان ومايحب يقصوو الا بي مضاربــه
مهند مكنس وجهو ولا شنب ولا لحيه اللهم سوالف سخيــفه من الجنــب
وكدا مــره نحــيف وكمــان قــصير يعني الي يشووفو يقول عنو ابو طعــش >> طعش يعني شلة الخمسطعش والسطعش
يعني بالعربي الي يشوفو مايدي سنــو يدي اصغـر بكتـير
~~
حســــــام .. : 25 سنه . حبووب مــره ودمــو خفـــيف واذا حقــد يحقــد من قــلب ونادر ما يزعل لكن لما يزعل لاحد يقرب منــو ..
مــره مغزلجــي ويكرهـ شــي اسمــو بنات وهمو يخربهم ويقضي علي سمعتهم
حسام ابعد مايكــــون للجمال طويل وابيضانـي وحواجبــو مرهـ كثيفـه وعريــضه وعيونو صغــيررره وشعروو دايم
مكــدش ملفلف ربـــانــي
لكــن رغــم ذالكـ فيــلو جازبيه الكل ينجزب لي بسبب روحو المرحه وخفة دمـــو وتواضعوو وشكلو الي يوحي بالثقه

~~~~~~~~
~~~~~~~~

تك ...تك ...تك
تك...تك...تك
كلما فقدت الامل وسلمت للقدر ارى في عينيك كل التحديات
ارسم آمالا واقطع عهود وعندما اراك تتبخر كل الامال .,واضطر للكذب,,
احلف ان لا اراك واعاهد ان اقاطع عينيك
وفي الصباح القريب انسى كل ما عاهدت به نفسي بالامس,,وأضطر بالكذب,,
لا اعرف ما سر هذا الضعف اهو الحب ام ماذا ؟؟!!!
فأنا لااحب اظهار الضعف ولكن هناك دائما ما يبرر ضعفي بالكذب عليك’’
مع انني اعرف بإنها مجرد وعود وكذب وبانني ساأنكشف يومآ ما ومع ذلك ,,اضطر إيضآ بالكذب عليك,,
ياترى ماسبب الكذب هل من أجل ان لا أخسرك؟؟؟
وياترى هل أخسرك؟؟؟؟؟؟؟؟

.....................
.....................

جالسه قدام مراية تسرحيتها المتشطبه من كل مكان واللي ما فوقها الا قرابيع مالها داعي مع كم علبة مناكير واقلاب تحديد واروج الوان مختلفه
وسرحانه كالعاده وتفكر بحالتها وتندب على حظها وليش ماطلع ابوها تاجر كبير ولا هامور وموفرلها كل شي واي شي في كل وقت
وليش ماطلعت امها سيدة اعمال
ويصير الخــير مغطيها من فوق لتحت
اتنهدت بطفش بعد ما كشت علي نفسها في المرايه : المنحوس طول عمرو منحوس
انتقلت بافكارها لمحور اخر واتوسعت ابتسامتها لما أفتكرت أنو اليوم راح تبداء دوام في المستشفي : اخيرا حلقالي شي يلهيني واغير جو
نقزت بسررعه واتوجهت علي دولابها الصغيرر والي مليان ملابس >> تلاته ارباعها استاجرتها من عند صحباتها ومارجعتها لسا ولا هي ناويه ترجعهم اصلا ..
اتكتفت وراحت بافكارها للمستشفي الي اكيد مليانه ممرضين ودكاتره وموظفين شباب ولازم تكشخ عشان تعرف تزبطهم واحد واحد لان الشباب الي معها دحين صارو ماينفعوو
الي عقل والي استوعب انها بتستغلوو والي اتاكد انها خلصت لو فلوسوو
ابتسمت ابتسامه شريررهـ اهم شي اخدت منهم الي تبا واستغلتهم افضل فتره ممكنه
ودحين حان الوقت انها تغيرهم وتبدا تستغل شباب تانين
تكلم نفسها بحماس : خليني أطلع أشوف العائله الكريمه قبل لاأتجهز
سحبت جـولها الببي الي اشترتو مستعمل بالاقصاد وكاشخه في اكبر كشخه
علقتو علي رقبتــها وخرجت من الغرفه وابتسامتها معبيه وشهاا
: سلام صباح الخير امـي صباح الخـير قصــــــي
امها بطفش : هلا صباح النور ها اتجهزتي
طلت في روبها الاصفــر : ايوه اتجهزت
امها تقلب في الريموت بطفش : ايش تستني ما تـروحي
لفت علي قصي: ليش مارحت المدرسه ياخي ؟
قصـي : مادري مابغا ماليا نفــس
: افا مالك نفس ولا ناقصك شي شي شي
: لا لا مابا شي بس مابغا اداوم
: طـيب علي راحتكـ
لفت علي امها : امــــــي
صفاء وبكل طفش العالم : نعـــــــم ها ايش في لا ترفعي صوتكـ
زهاد تنحت : اشبكـ امي معصبه
قصي يغمزز : مافي سجاير ولا معاها فلووووس
حطت يدها تحت دقنها : اهااا اجل كيدااا تعال قصوووو تعال
: علي فين
: تعال انزل اشتريلها سجاير
: اقلك ما عندها فلوووووووس
: انا معايا تعال وانت ساكتـ
: طيب طيب
دخلت علي غرفتها ورها قصــي : زهوو متي رايحه
: من وحده يبداء دوامــي
: واشبكـ صاحيه من دحين
: ههههههه اول شي مع الفرحه وتاني شي اصلا بدي اروح بدري قد ما اقدر
: اها طــيب
: خرجتلو فلوس من محفظتها : يلا خد اشتريلها واشتري فطور بالمره
قصي يطل في الفلوس بستنكار : دهـ المبلغ يا سجاير يا فطور الاتنين ما يجوو
: ياخي ادبررر
: اما كيف ادبررر زيديني
حطت يدها علي كتفــو ودفتو علي بــره : خلاص مو لازم تفطروو
: اما لازم ناكل
: ياقصوو حل لا تحسسني انك كل يوم بتفطر
: ههههههههههه طيب سي يا
: سي يا
~~
زهـــاد .. 23 ســنه .. مهويه ورجه وفيها جرائه ماهي في احد وحاطه علي الدونيا اكس .. حســاسه حبتين
وعيبها .. الكدب علي طرف لسانها دايــمـ .. مستهتــرهـ .. وتاخد كل الامور بلعب .. ولسانها متــبري منــها .. وما تخاف من
احــد .. ولا تعمل حساب لاحد
ماتعرف متي وقت الجد ومتي وقت العبــ .. تستهين في الناس وفي مشاعرهــم
يمكن بسبب ظروفهــا الي عاشتها اتعلمت انو ماحد ينفع احد وصارت عايشه حياتها علي المصالح ..
زهــاد تتعلــق في الناس بشكــل جنـــوني . ودي نقطة ضعفهــا ..
تعتبر من الناس الي جمالهم عادي .. لكن لو ضحكت او ابتسمت تتغير ملامح وشها وكل مين ينجزب لضحكتها

~~~~~~~~
~~~~~~~~

في ليلة من الليالي كان شاب وصبية يقودون السيارة متجهون للبيت بعدما قضو وقتا ممتعا في السينما وفجأة لاحظ الشاب خللا ما عندما خيم الصمت بينهما
وبعدها طلبت الفتاة منه بان يوقف السيارة لانها تريد التكلم فاستجاب لطلبها وتوقف فأخبرته بان مشاعرها تغيرت وانه آن الأوان للتحرك فجأة
وإذ بدمعة صامتة بدأت تسقط على خده عندما وصل لجيبه ببطء شديد وسلمها مذكرة وفي نفس اللحظة اذ بسائق مخمور يقود سيارته بسرعة كبيرة جدا بنفس
الاتجاة الذي هم متوقفون عليه فاصطدمت السيارتان وجها لوجه وقتل الشاب على الفور اما الفتاة فمن حسن حظها كانت جالسة في المقعد الخلفي ولم تصب بأي أذى
وعندما فتحت المذكرة التي اعطاها اياها قبل ثوان من
موته انهارت بالبكاء عندما قرأتها اذ كان مكتوب عليها " من دون حبك سأموت"
ياترى هل من غير وجودك ساأعيش؟؟؟؟؟؟؟

.............................
.............................

ماشيه في ممرات المستشــفي بكل هدووء وبالها مره مو معها
بالها هناك عند ابوها وكيف اوضاعوو وكيف اموروو وهل اختها جالسه معاا ولا سفهتو وراحت تتسلتح مع صحباتها
سحبت جوالها من جيبها وطلبت رقم اختها بســرعه تتاكد هيا فين
_ _ _ رنين متقطع وماحد علي الخط التاني
تسنيم:زفرت بطفش ورجعت الجوال في جيبها وهيا تتوعد اختها لو كانت تركت ابوها وراحت مارح تعديلها الحركه ع خــيررر
شبكت سمعات الجوال وشغلت اغنيه لشيماء الشايب ورخت الصوت وخشت جووو مع الاغنيه
وطلعت مذكرتها الصغــيره وجلست تكتب فيها ملحظات وهيا بدوور في اقسام المستشفي
فجاءه بدون مقدمات ابتسمت لما رجعت اتزكرت انها في المستشفي اخيرن وبتدرب
هنئت نفسها علي اصرارهاا انها توصل لهدفها الي قربت منـو كتــيرر
فاقت من سرحنها لما انتبهت لاصوات ضحكات شبابيه عاليه جايه من بدايه الممرر
وركزت نظرها على اللي ساندينه أصحابو وهو متكي عليهم لانو مو قادر يمشي
أبتسمت أبتسامه خفيفه للمنظر : سبحان الله ماهوا قادر يمشي من التعب ومع ذلك ملون الحياه باإبتسامتو
اللهم عافي وأشفي كل مريض وأجعلني ملاك الرحمه لهم وأعني على مساعدتهم
وقفت تزبط نفسها قبل لايجي المشرف زبطت البالطوا واتوجهت ورى الطلاب اللي مجتمعين وماشين كلهم للمكان معين
وراحت بخطوات سريعه تلحقهم
~~
تسنيــم .. 25 ســــنه .. بنوته طـــيووبه ونعـــومه وجاادهـ في كتــير من امور حياتهاا
وفي أي مكان تحطها تثبتلك اصول الترتيب والانتظام .. فيها شويه غموض
تحــب الرجــه والفله لكن في وقتهــا وبحدود .. تعتبــر من الناس الي يتحملو المسؤوليه بصــدر رحــب
افكــارها نضــيفه وقلبهــا كبـــير وما تزعــل علي طــول وتحاول تاخد الناس علي قد عقولهم وتسايرهم
لانهــا تكــرهـ المشاكــل . تمشي علي الجدر وتقول يارب ستركـ .. تخاف من جنــس الرجال خوف مو طبيعي
تسنيم جسمها مــره صغير وقصيــرهـ واي احد يشوفها يديلها بنت ثانوي لسا ودهـ الشي مسببلها ازمه
لكــن ملامح وشها كولها انوثه ونعومــه ..
تحب الموضه والازياء لكــن في وقتها وفي مكانهاا .. استيلها دايم ناعم وماهو ملفت لانتباهـ

~~~~~~~~
~~~~~~~~

من ربوع الوطن ، نجمع حبيبات الثلج
أنا وأنت ، ولا نشعر بالبردِ
عجباً عجباً !.....أين البرد؟
رويداً على أمل من رجوع البرد
على شوق من صقيع شديد
برد يطاردنا في كل مكان
ويرجع البرد
برد قاسٍ
حتى يجعلنا نبحث عن مأوى
وبلا جدوى
نتوه في العراء
أحببت البرد !
كرهتُ البرد !!!!!
ولا زلت بين الجزر والمدِ
في الشتاء هذا
هل لهُ من انقضاء
ارتعشتُ
تجمدتُ
والقطةِ بلا مواء
أخذتُ بعض الحصى ألقيها واحد تلو الأخرى بالعدِ
خرجتُ عن الطور
يا أيتها القطة الحسناء
ألقي عليا معطفكِ، أو بعض من الوجدِ
كفى
كفى
كفى ..إلى هنا وكفى
لم ألقى منكِ إلا الصدِ
لم أذق منك رحيقاً ولا الشهدِ
وأنا لم أخن العهدِ
ولم أرفع بنيان من السدِ
يا أيتها القطةِ
سواءً بسواء
نمحو ذلك الانطواء ونجتث جذور العداء
ونعيش في ديمومة السعدِ في السراء والضراء
ونلعب برمال الصحراء يا أيتها العذراءِ
نهجر الشتاء
خوفاً من البرد
لا لا لا
بل نعيش وسط البرد
كي ألفُ حولكِ ساعدي والعضدِ
وتهديني من شفتيكِ قبلةً على الخدِ
ومن ثم
لا نشعر بالبردِ
بل .

.
.
.
.
.
بالحب

.....................
.....................

وااقفه في ممر المستشفى الطويل اللي وعدهم المشرف يلتقي بيهم فيلو
وماسكه في يدها مرايه مره تعدل حواجبها ومره تطلع المرطب وتحط ع شفايفها ومره تبخ من عطرها ومره تعدل في الشال الفوشي حقها وشويا تنشغل باضافيرهاا
ودهـ حالها من اول تنتظر وتستنا حضرت المشرف يشرفـ
زفرت بطفش : دهـ اول يوم وكيدا ممل الله يستر من باقي الايام
ماكملت كلمتها إلا شافت القروب كلهم متجهين لهــا وعلى طول عدلت في الاب كوت وعدلت حجابها ووقفت تستنا معاهـم لانو مابقى شي ويشرف الظاهر
~~
اعنــــــابـ .. 25 .... واهم شي عندها مظهرهــا .. ولازم تكون اكشخ وحده في المكان
ومبهدله نفسها بالجري ورا الموضه والفاشن .. تحكم علي النــاس من مظاهرهــم
.. جمالها عادي وهادئ وناعم ولكنها تبرز جمالها دايــم وتعرف تختار الحجات الانســب لها .. بكدا صايـر جمالها ملفت
اعناب من الناس .. الحساسين مــرهـ والي يخافو من نسمة الهواا حــتي .. والي مايعتمدو علي نفسهم ابــد
وكمــان مزاجيه ..
اول ما تشوفهوهـا ما تعجبكم .. بس لما تجلسو معاها كم يوم تكتشفو انها عاديــه والي في قلبها علي لسانها
بس انها شويتين فشخرجيه وممكن تزعجكم من كتر تهرج عن نفسها ..

~~~~~~~~
~~~~~~~~

لمحتهو بعيداً يختال بنفسه وسط الجموع ولكن فى كبرياء وشموخ أنه ينأى بنفسه أن يستجدى نظرة إعجاب او شهقة ولكنه اسمى و اكبر من ذلك .
تجاوزته سريعاً كي لا يشعر بقدر نفسه وأنا أمثل الكبرياءو الغرور
ولكن هيهات لقد لاحظنى ولم يعرنى انتباهاً ليشجعنى على التقدم نحوه تقدمت اليه غير مكترثة إلى أنى اقتربت منه وبدأت اتكشفه ملياً .
ما لبثت ان اقتربت منه حتى التصقت بجانبه ولم استطع الفكاك وكلى امل أن اظل ملتصقة به واعتقد انه تمنى ذلك أيضآ ..... stop
ياترى هل تمنى ذلك ؟؟؟؟؟
او تلك أمآآآآل ستصبح محطمه؟؟؟؟

.........................
.........................

جالس بسترخاء وساند ضهروو علي الكــرسي بكل كــسل ورجلينو رافعها قدام علي المكــتب
حاط الاب توب في حضنـــو ومنهمكـ مع برنامج طـــبي ..
رفع عينــو علي الباب لما سمــع دقات خفــيفه .. : مـــــــين
جالو صوت انثوي رايق : لميـس يا دكـــتور
نزل رجلو بسرررعه وحط الاب علي الطاوله ورجع شعــرو علي ورا يزبطــو : اهلا اتفــضلي
فتحت الباب ودخلــت وريحة عطرها سابقتهاا وابتسامتها مرسومه علي وشها : كيف حالكـ دكتور مازن
ردلها نــفس الابتسامه : ياهلا بخـير انتي كــيف حالكـ
:بخير الله يسلمكـ
قفل الجهاز : اتفضلي ارتاحــي : تشربي شي
جلســت علي الكرســي : مويه لو سمحــت
وقف بسرعه وفتح التلاجه الصغيره وخرج قارورة مويه ومدها لها : اتفضلي
اخدتها منووو وهيا تقلب نظرتها في مكتبوو : شكرن
: ها اقدراخدمك في شي دكتوره
: لا بــس انا توي جايه وكنت بسالك قابلت دكاترة الامتايز الجدد
: لا أستناهم يكملو عشان نبدء الراوند رجع طالع في ساعته دحين مكتملين اتوقع حروحلهم
: ايوه اكيـد اكتملو شدد عليهم وحسسهم بالمسؤليه يا دكتور
: من غير ماتوصي
: اوكــي حتقلــي علي التطورات اول باول
: اكيد اكيد يا دكتــوره ولــو
: تمام وبكره انا حجــي بدري وحكون معاكم في الراوند
: خــلاص صار انشالله
وقفت وهيا تصلح معطفهاا : طيب دكتـور انتبه علي الطلاب لا يجيبو العيد ترا المرضي مو لعبه
: لا اكيد يا دكتوره انا معاهم خطـوه بخطـوه
: اكيد واثقه فيكـ يادكتور مازن يلا عن اذنكـ
: اذنك معاكي
فتحت الباب وخرجت بهدوء زي ما دخــلت
جلس علي طـرف المكتــب وصار يفكــر في الدكاتره الله يستر منهم
وحس انو السنه دي راح يتعب غير عن كل سنه >> كدا فجاءه جالو دهـ الاحساس
سحب المعطف من الشماعه لبســو بسرعه وخــرج علي بــرهـ
وهو يمسد شعروو بيدوو ويزبط نضارتو الطــبيه
راح لعند الكونتــر ويكلم النيرس : فين طلبة الامتياز
: مجتمعين في أخر الممر على يسارك . زي ماطلبت منهم
: اوكـ طـــيب عن اذنكـ
:أذنك معك دكتور
~~
مــازن ..: 27 ســنه من الناس الي اهم شي عندهم الشغل والعمل ويكرهوو العب والفرفررهـ بدون داعي
مــره عصــبي ومزاجــي كمان ومظهــرو كدا يخلي الناس يحترمو غصب ويخافو منــو ويعملولو حساب
لكن في الحقيقه هوا انسان فلاوي ويحب الوناسه لكن وقت الجد جد ووقت العب لعب يكره خلط الامــور
مازن ملامحــو شويه بخاريه وشعروو طــويل دايم ماسكــو بمطاط وعندو ابتسامه حــلوهـ وتعتبر ملامحوو هادئه
ومبهدل نفــسو بالتياب الي في كل مكان رازهاا

~~~~~~~~
~~~~~~~~
[/b]

~~ A6baa fe al-7o0b ~~
~~~~~~~~~~~~~~
baart
~ 1 ~

الساعه 52 : 11
الاجـــــواء هادئه وجد طبيعيه
لكن كــل واحد فيهم الجــو عندو اليــوم غير والامور مو طبيعيه ابد
في احد الممرات الطــويله والي تزينها ابواب علي اليمن وعلي اليسار طبعا
ماشي بكل رزانه وثقه وهيبتو تمشــي معاا
وهما ماشين ورااا ومرعوبين وشايلين هم وحاسين انو التدريب مارح يعدي ع خـير
بعد الي صار قبل دقايق و طلما دهـ مشرفهـم
كل واحد هايم في افكااروو
: .. شكلوو شديد
..: الله يستــر منوو
: .. الله يعدي الامور ع خــير
: .. لازم نكون منضبطين معــا
انقطعت حبال افكاارهم لما وقف الدكــتور ولف عليهم وعيونوو تتفحصهــم بتهديد
انكمشو علي بعضهــم
الدكــتور مازن بصوت جهووري وهادي في نفس الوقت .. : كدا انتهينا من الراوند أي اسئله
لف بعيونو عليهم واحد واحد ورجع كرر كلامو : أي اساله تانيه
الكاسر رفع يدو بهدوو . بعد اذنكـ دكتور
مازن ركز عيونو علي : اتفضل .. ؟
الكاسر : وين مكان الغرف الخاصه فينا
مازن كشــر : دحين دا وقت تسئل فيلو عن غرفكم
الكاسر بندهاش : طيب أنت قلت إي أسئله ثانيه وسئلت ولا أنا غلطان
مازن طنشــو ولف ع المجموعه : مارح اكرر كلامــي ياحضراتكم
اعناب كشــرت وهيا تدخل طرف شعرها وسط طرحتها الملونــه
مازن رفع حواجبو : مو عاجبك كلامــي الي لسا ما قلتــو ..!!
اعناب ارتبكت : لا سوري دكتور بفكـر في شي تاني
مازن بتهديد : وانا اقول ماراح اكرر كلامي وانتي تفكــري في شي تاني ؟؟
وشها حمــر : قصدي دكتــور
قاطعها : لما تداومي في المستشفي بلاش دي الكعوب في مرضي ينزعجو من اقل صوت
لا ارديا طلت في جزمتها وكل المجموعه نزلو عينهم يطلو في جزمتهااا
وشها رجع حمـــر وعصبت لما سمعت همهمات الشباب : اسفه دكتـور
طنشها وكمل كلاموو : ركزو معايا زي ما قلت لكم مارح اكرر كلامـــي
: تاخــير مو معاياا والدكتور المناوب .. لا يحاول يعتذر باي شكل من الاشكال الا اذا اللهم قالو انك بتموت وقتها ممكن تفكر تعتذر وفيها اوافقلك وفيها تموت عندي
الكاسر يتمتم بصوت خفيف:وش يحس بوه ذا
تسنيم فرصعت عينها بدهشه
مازن قرب وشو منها : سمعتي كلامي يا يا
رخا عينو وطل علي جيب معطفها : فين بطاقتكـ
تسنيم اتلبكت وصارت تتحسس جيب الاب كوت وهيا ترجع علي ورا : والله كانت هنا يادكتور
: وانا شلتها مثلا ؟؟
جلست تتحسس جيوبها : لا لا دكتوور
: اسمكـ .
: تسنيم
: اخر مره اشوفك من غير بطاقتكـ
هزت راسها بهدووء : اوكـ دكتور
رجع لف عليهم : ايش كنت بقول ؟
مهند بسرعه : كنت بتقول انك مارح تسمح لاحد يعتذر لو بدو يموت ..
مازن ابتسم لا اراديا علي كلام مهند : احسنت مركز معاياا
مهند ابتسم ابتسامه لزيزه : اكيد دكتور
مازن : الموهم وغير موضع الاعتذار عن المناوبه مابغا ادق علي واحد فيكم ويتاخر لو كنت في الحمام تخرج تجي تشوفني ايش ابغا وترجع تكمل حمامكـ .. والي اشوفو يسوي شغله مو لو راح اتصرف معا تصرف تاني وماحد يرمي شغلو ع التاني ولا صاحبك ولا ابوك ولا امكـ ولو هوا سامحلك وشغل الممرضين لهم ماتجي وانت دكتور اشوفك تسوي شغل ممرضات وممرضين والي اشوفو ماشي من غير بطاقتو لو تصرف تاني مره واي أي مشكله تواجهكم تجو لعندي طوالي والي اقلو ينطق في مكانو ينطق مو اجي القا في مكان تاني يتسلتح وغــير كل دهـ الاحترام اهم شي الاحترام بينكم وبيني وبينكم وبين بعضكم .. واخر شي واكتر شي اكرهو الكزب والتصريفات السخيفه عندك أي شي تعال وقول الصراحه لكن لو تالف قصه وروايه واكتشف انها قصه ليا تصرف تاني مارح يعجبكم اوكــي
كولهم بصوت واحد : اوكــي
مازن استغرب اشبهم يردو جماعي طنش ورجع يسترسل في كلامو
: نقطه تانيه حاليا حتبدؤو شغل علي خــفيف مــرهـ لكن حركز معاكم اكتر شي في الاسابيع التلاته الاولي دي علي محاضرات تستفيدو منها وتزكركم بالحجات الي درستوها في السنوات الاولي والي متاكد انكم ناسين نوصها كدا اوكــي
اعناب في قلبها ايوهـ والله ناسين نوصها
مــازن يطل في وجيههم بتفحــص : وطبعا اخر شي اقلكم هوا الاسابيع دي حتكونو كلكم في قسم الباطنه وبعدو حبداء اوزعكم علي الاقسام طبعا وحتصيرو تحت اشراف اخاصئين واكيد عارفين ده الكلام
الكاسر يزفر بطفش كم مره بيعيدون علينا نفس الحكي يعني كل واحد قام يكرر نفس الكلام سلامات حد قايلهم اننا ما نفهم
رفع عينو بطفش وهوا يتمتم لما سمع مازن يرفع صوتوو
: أي اسئله ؟؟
حسام في قلبوو هوا احد يتجراء يسئلك بعد ده الكلام الكبيررر
مازن اتنفس بطفش : اوكـ هادا كل شي لليوم اتوكلو خدولكم لفه في المستشفي وشوفو الحجات الضروريه ولما اخلـص شغلي حاطلبكم وياريت لما اطلبكم ماحد يتاخـر زي ما سبق وقلت
ورفع عينو علي الكاسر : وشوفو غرفتكم اذا تحــبو
الكاسر يناظره نظرات يعني حدك مو عاجبني
: يلا عن اذنــكم
قال كلمــتو ولف عنهم ومشي بخطواتو الهادئه كالمعتاد
حسام اتنفس برتياح : يالله نشف ريقي انا من كتر يبربر ...
مهند رفع يدو علي كتف حسام : ههههههههه حسوم ايش بك مكشر كيدا
حسام : ايش بيا ايش رئيك يعني من شفت مازن دهـ وانا اتنكدت
تسنيم : لا يسمعك تقول عنو مازن دهـ كدا .. دكتور هوا
حسام بتناحهـ : ها
تسنيم لفت وبعدت عنهم
مهند : حرام عليك حبيب الدكتور مازن
حسام : يا ابويا حل عني كل ده وحبيب اجل لو ولد حرام ايش حيكون الوضع ؟
الكاسر من وراهم : احم احم ورى ماتخلون الهذره ونروح نشوف غرفنا
مهند : امم اممممم انت امم الكاسر
الكاسر بطفش : شكلك تنبسط وأنت تقول أسمي
حسام : لا بس شكلو يحاول يتأكد من أسمك هل هو اسم ولا لقب
كاسر مد يدو : أهااا يالله نتشرف بالقروب
مهند ببتسامه : عاد احنا في نفس الجانب لازم ننتبه علي بعض
الكاسر ابتسم : اكيد مايحتاج وانا اخوكـ
حسام يرخي صوتو : شواكيش البنات وحتي الممرضات ماشفت وحده تفتح النفس الين دحين
مهند : افا جاي تدرب ولا تتفرج ع البنات
لف وطل في مهند طله يفهمو بيها يعني انت عارفني
حول نظراتو من مهند علي تسنيم واعناب : يعني عصفورين بحجر علي قول القايل ولا مو يا كاسر
الكاسر مشغول في الآي باد مدري ايش بيخبص : شنو
حسام طنشوو وتنح يطل في اعناب وتسنيم لانو طول الجوله وهوا مارفع عينو عليهم بسبة الدكتور مازن
مهند يهزلو كتفو : بس ياخي بس عيب مو شايف خير انته
: لا لا مشبه عليهاا
: وانت مشبه علي كول البنات
يهز راسوو ولسا متنح : اوش خليني اسمع بتكلم مين
: اشلك يابويا
حسام رفع يدو وحطها علي فم مهند : اووش
في الجهة التانيه اعناب الجوال علي ادنها و منهمكه : لاااااااااا تخيلي
…..:
: لا ياهبله فكررري
:.....
: خلاص حقولكـ
: اطلعي الدور التاني وتعالي عند قسم الباطنه
:......
: تعالي وبس
:.......
: يوو عليكي
: ههههههههههه لا تعجبيني لما تصيري زكيه تعالي بسرعه ولا اروح
: يلا باي
قفلت الجوال وابتسامتها شاقه حلقهااا وهيا مبسوطه اعلي درجه من الانبساط
حطت الجوال في جيب الاب كوت واتحسست بطاقتها تتاكد موجوده ولا يمكن راحت في الجيب فجاءه
رفعت عينها وجات في عيون حسام الي متنح فيهااا
شككها في نفسهاا اتحسست الحجاب وصلحتو ولفت عينها عنــو
تنحت لما انتبهت انو تسنيم مو موجودهـ .. وي فين راحت دي طيب تتنحنح تقول شي
يلا مع نفسهاا
مهند : حسوم يلا جيعان انا
حسام : والله وطلعت موزه البنت ماهي شاكوشه
: والله انت ماعندكـ نظر ايش نسويلكـ عاد سرينا ياخي ناخد جوله في المشتفي
حسام بصدمه : دحين الدكتور مازن لفلف روسنا وتقول نلف تاني
: طيب ايش نسوي
: نروح نشوف الغرفه علي قول كاسر
والكاسر وبروضو مشغول في الآي باد : شنو
حسام أنقهر منو أبد مو معاهم وكل ما اتكلمو معا صرفلهم شنو
مشق ولف عينو وابتسم ببنهار لما انتبه للممرضه الي جايه جرري ورافعه المعطف بيد وبيدها التانيه ماسكه الحجاب الي خضارو باهت بلون الشوز الرياضـــي المريح
اعناب صرخـــت بصوت راخي وهيا تجري بتجاه الممرضه .. .. : اسراااااآآآء
اسراء بنفس الحماس : عنوووووووووووشه
حسام : ههههه العب
اسراء ضمت اعناب بقوه وصارو ينقززو هما الاتنين وضحكاتهم معبيه الممرر وملفته الانتباه
اسراء بحماس : يالله عنوشه مو مصدقه ياررررررربي لي ماقلتلي
: ههههههههه قلت افاجئكـ كيف اتفاجئتي
: انا حطيح من كتر متفاجئه يالله عنوش حتدربي هنا يعني
: يابنت شوفيني اهو دوبي مخلصه من الجوله مع الدكتووور مازن
اسراء : اما دكتور مازن هوا المشرف عليكم ..
: يب هوا بزاتوو
: يابختكم مين قدكم
اعناب كشرت : يابخت مين يا امي الادمي ما ينطاق تخيلي
بحماس : متخيله ايش ؟
: يقلي لا تلبسي كعب
اسراء رخت عينها تطل في جزمة اعناب : هههههههه من غير لا يقلك لما تشوفي الكرف كيف حتبطلي تلبسي كعب
اعناب بخوف : في كرف يعني
: ليش انتي جايه تلعبي ... ؟؟
: لا بس يعني مابغا اكرف
: شوفي حبيبتي قد ما تكرفو كرفكم مايجي شي بالنسبه لينا
: اما
: والله كل شي ع روسنا احنا والممرضين الشباب زي قلتهم
: هههههههه حرام عليكي
: والله جد علي طاري الشباب فين مجموعتك انتي لحالكـ مامعاكم شباب ولا احد ولا كيف
: لا لا خمسه احنا
ورخت صوتها : شوفي الشباب واقفين هنا مدري ايش بيسوووووو
اسراء رفعت عينها وطلت فيهم طله سريع : شكولهم ما تدي دكاتره ياشيخه
: يعني انا الي شكلي دكتوره يعني
: ههههههه تبي الصراحه هما يهونو عنكـ
: ادري بس لا تدققي
: طيب مافي بنات
: الا وحده بنت ماعرفهااا صراحه اسمها تسنيم
: يلا مصيرك تتعرفي عليها
: يب اكيد
اسراء صلحت حجابهاا ورفعت الكمامه ع خوشمها : لا يادوبه وراياا حجات وحجات
: متي تفضي
: متي تفضي دي صراحه ما اسمع بيها الا لما ارجع البيت
: افا جد
: والله أي وقت افضي اكلمك
: ايوه لازم نتقابل
اسراء بجديه : حبيبي احنا في مستشفي اوكـي
اعناب كشرت : ويعني
: يعني فاهمتني مو اهم شي نفلها لو لقينا وقت فاضي نتقابل اوكـ
: اوكـ طيب حلي عني اليوم بس اخد محاضرات
اسراء قربت منها وباست خدها : يلا قود دي ويارب تنبسطي في اول يوم تطبيق
: يارب يلا سي يوو
: سي يوو
اخدتلها نفس طــويل ولفت علي الشباب ورمتلهم ابتسامه عريضه : لين متي حتوقفوو
حســام يشد التيشرت الاخضــر : واقفين واقفين يا دكتورهـ اعنــــــاب
: واشبك تمط اسمي كدا مو عاجبكـ يا دكتور حســاااااااااااام
مهند : هههههههههه
لفو علي الكاسر واعناب وحسام وطلو في يعني ماحد بينكت هنا
اتنحنح : احم احم انا ماشي
مسك يد حسام وشدو : يلا يا كاسر
الكاسر مشي معاهم بدون مقدمات وهوا يكــرر : شنو >> مفهي الواد
مهند اشرلو بيدو بلا مباله وراحو علي المصعد
اعناب وقفت وطلت يمين ويسار : يلا خليني اتوكــــل
~~
اســراء 24 .. امم تتميز بعقلها الي اكبر من سنها بكتــيرر .. وتحسو انو فيها حكمــه .. وقلبهــا كــبير مــره اكبر من اكبر مكان ..
تعشــق شــي اسموو اطفاال .. مشكلتها احيان كتيرهـ ما تقدر تمسك نفسها وتتفجر
عواطفهاا ..
اسراء من البنات .. النعومــين .. والمفهين .. والي يحبوو الحيــاهـ .. والفله .. والروحات والجــيات
حلوهـ وملامحهــا جذابه .. النظرات تلاحقهــا غالبا
وده الشي بيعجبهــا طبــعا لكنها ما بتستغلو ابــد ..

~~~~~~~~
A6baa fe al-7o0b
~~~~~~~~

في غرفتها وصوت الاغاني اعلي شـــي
مشغله فيــــــــروز وعايش الجــــووو
اتنهدت بحماس وهيا تفتح الدولاب للمره العاشره
سحبت جنــز اسود مع تيشرت عادي طلما انها مارح تفسخ عبايتهااا
فكرت وكشرت واتنهدت ماعندها عبايه عدلـــه
زفرت بطفــــش ورفعت الجوال لادنها بعد ما طلبت رقم صديقتها الصدوقه
حلست تهز راسها مع نغمات الاغنيه الاجنبيه
ابتسمت لما جاها صوتـ .. صحبتها : الو يالله صباح خيرر زهاد ايش تبي اختصررري
زهاد تضحك بهسترهـ : هههههههه صباح الخيررر دباب اشبك شايشه
اهداب تفتح الاسبكر : اقولك اتصالتك دي الي في اوقات غلط اكيد ورها طلبات
: ههههههه مشكلتك ظالمتني دبابه
: دبابه في شكلك ايش تبي خلصيني
: يالله بدي اسلم عليكي عيب عليكي يابنت
: طيب انا بخير يارب لك الحمد يلا تبي شي
: ههههههه يب ابا عبايتك ديكا الي اشتريتها لما كنتي في دبي
: وانا اقول اكيد وراكي طلب
: اخلص عليا ابغها ارسليلي هياا
: انا نوص العبايات الي عندي من دبي أي وحده بالزبط
: امم الي اطرافها قولي معاياا
: الي فيها سولفان
: لا
: قيطان
: لا
: امم عباية حليمه
: لا لا ديكا
: ايش لونها
: اسود
: يااااالله اسود معقوله عبايه لونها اسود
: دباب بلا مصاخه
: انتي الي ماصخه اقلك ايش لونها تقولي اسود
: طيب سوده هيا
: اقلك حرسلك أي عبايه وخلاص
: امممم بس اسمعي مابغا تجبيلي وحده مره مبهرجه ولا ابغها مره كيوت ابغها بين البين واهم شي تكون ضيقه من الصدر وكلوش من تحت
: ياسلام شايفتني محل خياطه ايش الطلابات دي
: دبابه عندك عبي كتيره لا تصيري بخيله
اهداب شهقت من كل قلبها : انا بخيله
زهاد بسرعه : لا حشا لله ارسلي أي عبايه وخلصيني ورايا دوام
: ياليل الدوام حقك الي راجتني في الي يسمع دكتوووره
زهاد بعصبيه : اهم شي شغله وبلا في شكلك ولو ما عجبتني ابوكي حيوتسطلي في أي نيله تانيه فاهمه
: طبعا فاهمه كيف ما افهم كم زهاد عاطله عندنا
: اقووووووول ارسلي العبايه بسرررعه ويلا مع السلامه
قفلت ورمت الجوال ع السريررر
وشالت منشفتهاا وخرجت من الغرفه واتوجهت للحمام الوحيد في البيت والي مشتركين في هما التلاته ..
دخلت وسكت الباب بعصبيه
رمت منشفتها علي الارض وفسخت ملابسها بعصبيه ورمتها
دخلت تحت الدووش بعد ما فتحت المويا الدافيه وغمضت عينها
وساحت بافكارها لين متي حتستمر كيدا ولين متي حيكون حالهم كيدا
متي ربي يفرجهااا عليهم
مشقت ولوت فمها وهيا تتزكر مصايبها وبلاويها والين فين حتوديها والين فين حتوصلهااا
خرجت من الحمام بعد ما مارست طقوس التــرويش
مرت علي الصاله لقت امهاا بتشفط في السجايررر ومروقه علي الاخـر : ياسلام دحين راقت صفصف
امها طلت فيها بنص عين : ماروحتي لسا
: انتي ايش عندك تبيني اروح ..؟؟
: ابد ماعندي شي جيبي معاكـي سجاير
زهاد شهقت : ناويه تخلصي دي كولها دحين
: مو ناويه عزمت خلاص
: انتبهي علي صحتك ماما مافيا يجيكي فشل كلووي ونتورط معاكـي
: يجيني فشل كلوي ؟؟!!
زهاد تجفف شعرها : قصدي سرطان الرئه والحنجره
: استغفر الله يالطيف الله يكفينا الشرر
: امين يارب ماما انتبهي للباب يمكن تجي ويوين في أي وقت
: وايش جايه تسوي
: ولا ش انتبهي للباب خاشه البس
: طيب طيب
دخلت غرفتها وهيا تدندن باغنيه اجنبيه
ومتحمسه للدوام مره

~~~~~~~~
A6baa fe al-7o0b
~~~~~~~~

جالسه علي الكونتـــــــــر وصافه هروج مع الممرضات الاجانب الي جالسين
ومابقت شي عن نفسها ما قالتلهم هوااا
: اصلا انا دخلت الطب وكانت نسبتي تسعين
: واصلا انا جيت ادرب هنا بواسطه تعرفو عشان صحبتي هنا ممرضه حبيت اكون معهااا
: وعارفين ايش كمان
الممرضات بحماس : أيش
: ولا اقلكم كيدا يكفي اكملكم بكرااا
: لا كملي
: عارفين مين الممرضه صحبتـــي
: مين
: اممممم هيا افضل ممرضه هنا وهيا في قسم النساء
وامممم واحلي ممرضه هنا والمستشفي تعتمد عليها اعتماد كبير عرفتوها
وحده من الممرضات تحك راسها : امممم سلمي
اعناب تهز راسها بهدوء : لا لا
ممرضه تانيه تخمن : سهي
اعناب كشرت : لا لا معقوله ماعرفتوها
: مين قولــــــــي
ابتسمتلهم بحماس : اسمها اسراااء اسرااء
كشرت الممرضه : Is in the children's section
اعناب كشرت : لا من جــد
Yes, there are :
: لا متاكدهـ
Yes I am sure :
: اها طيب طيب شوفو شغلكم
لفو الممرضات عنها وانشغلوو في اعمالهم
اعناب خرجت جوالهاااا وطلبت رقم اسراء
وجلست تدندن علي ما ترد عليهاااا
اسراء بهدوء : هلا عنوشه
: اممممم سروو انتي في أي قسم
: اما فجاءه ليـــــــــش بتسالي
: بس توها اختلطت عليا الامـــور
: اهـــا انا في قسم الاطفال
: لا يا شيخه
: والله ايش في
: مو انتي قلتيلي انك في النساء
: ركزي ياماما قلت لك نفسي اكون في قسم النساء لكن مني هناكـ
: اها وكيف البزوره معاكـي
: كويسين ربي يحفظهم لاهاليهم ويشفيهم
: مو معزبينكـ
: لا لا عااادي ايش الاسئله الكتيــــره دي فجاءه
: مشي حالكـ طفشانه
: ليش ما بدئتو شغلكم
: اممم لا قلنا الدكتور خدو لفه وكيدااا
: اهاا طيب طيب يلا لازم اروح اطس ورايا شغل طيب
: طيب طيب ياربي ع شغلك الي رجتيني في سلام
: سلام
قفلت الجــوال وجلست تتامل الشاشه بطفش
ابتسمت فجاءه لما طلعلها اسم وهـيب في الشاشه
دوبها كانت بتفكــر تتصل علي صدق مين قال القلوب عند بعضهااا
حطت الجوال ع ادنها بحماس : وهييييييييييييييييييييييييييييييييييييب توي كونت ابغا ادق عليك
: اماااا لا تقنعيني
: والله جد اخبارك ياخي امورك ايش مسوي في حياتكـ
: يابنت لا تحسسني انك من سنه ماشفتيني
: ههههههههههه لا امس شفتكـ مع فيسكـ بس عشاني طفشانه انبسطت باتصالكـ
: اماا طبيبه ومتدربه وفي اول يوم وطفشانه
: يب يب متخـــيل الوضع
: ليش كيف اموركـ حكيني ايش سويتي
: والله ابد خشينا اترصينا زي المدري كيف لمدة نوص ساعه وجا الدكتور
وبدينا الراوند مع بعض وفكك روسنا اسئله ياخي وجبلنا المدري ايش وحسسنا اننا ما درسنا طب
وكل شويه والتاني يقلنا معقوله دارسين سته سنين ؟؟
: ههههههههههههههه شكلو شديد
: يووو ياخي قليل كلمة شديد لو سمعت الاوامر الي رصها علينا بعد الجوله تموت قهررر
: افا معقوله الله يعنكم علي
: امين ياشيخ واكتر شي يقهر ملقوووف ياخي علي لقافه يقلي ليش تلبسي كعب
وهيب مات ضحك : وايش لبسك كعب
: ياخي حره رجلي ولا رجلووو ملقوووووووووووف
: ههههههههههههه يابت اعقلي دكتوركـ دهـ
: انا عاقله واعقل منووو هين يا مازن هين حطلع عينك
: افا اسمو مازن
: ايوه مازن جاتووو مدري ايش
: وتبي تطلعي عينو كيف انشالله
: مادري لكن حطلع عينوو
: افا افا لدرجه دي موتركـ
: ايوه اشلو شغل في جزمتي
: كل دهـ عشان جزمه
: يب البس حوريه شخصيه
: هههههههههههههههه عنوشه لا تصيري سطحيه
: انته سطحي
: ول قلبت علياا
: ههههههههههه لا انت بيبوو اقلك تخيل لابس توب وغتره وفوق التوب المعطف ويجي يغلط علي الجزمه حقتي
: هههههههههههههههههههه توب ههههههههههه وايش فيها
: احد يلبس توب ويدوام في مستشفي
: ايوه احد اهو الدكتور حقكم بسلامتوو
: ياشيخ مدري كيف هادا مازن
: ههههههههه عنوشه بدي اجي اشوف شكلك كيف في المستشفي
اعناب تصلح جلستهاا : تعال مره وناسه شبكت كل الممرضات هههههههه
: يجي انتي ماشالله عليكي ما تتعبي في التشبيك لكن انتبهي خليك علي البنات بس
: هههههههههه افا عليك وهيب
: ههههه عنوشه لازم اقفل اوكـ
: علي فين طفشانه انــا
: والله روحي شوفلك شغله الي يسمع يقول جالسه في البيت
: طيب الله يعين علي فين انته
: ما تبطلي لقافه يعني
: معروووووف عني
: مني قايلك نكاله واجلسي فكري فين روحت بلكن يطير الطفش
: مالت عليك بيب
: طيب سي ياا
قفلت الجــوال وحطتو قدامها واتنهدت بطفش ورفعت عينها صدفه وسمــــرت لما شافت دكتــور مازن قدامهاا ومتكتف واضح انو واقف من زمان وشكلو سمع نوص كلامهــا
اعناب اتشعترت ووقفت برتباك : احم احم دكتــور
مازن يطل حولينو ويحك دقنو بطرف اصباعــو : طفشانه اجـــل
اعناب شويا تطيح من الخـــوف منظرو يدل انو في أي لحظه يندر يدوو ويدها كف يخلها تتلوح
وكلمتو دي اكدتلها انو سمع كول شي
بحركه هبله شالت الملف الاصفر : احم لا مو طفشانه احم لا لا بشتغل
طل في الملف الي في يدها : حطي الملف وامشي وراياا
قال كلمتو وراح وسيبها
اتنهدت بخوف وسبيت الملف وصلحت مسفعها الفوووشـــي بتوتر ولفت وخرجت من ورا الكونتــر
ومشيت ورا علي طرف اصابيعها عشان كعبها لا يطلع صــوت
وصلو لغرفه من غرف المرضي دخل الدكتور ودخلت ورا علي طــول
شال الملف من طرف السرير وجلس يتصفحوو ومدو لها : شوفي شغلكـ
من الخــوف مو عارفه تسوي شي
مدت يدها برتباك ومسكت الملف لكنو طاح من يدها
نزلت بسرعه ورفعتــو وشها محمر خايفه ومرعوبه ومتوتره ومنحرجه منو كمان
فتحت الملف وحاسه انها مو عارفه شي
مازن بقله صبــر : ايوه
: اممم دكتــو امممم
مازن بعصبيه : تونا مرينا علي دي الحاله وشرحتها لكم صح
هزت راسها بشويش : ايوه ايوه دكــتو
: طيب اشوفك ساكته
: لا ام ديققيه لحظه ثواني دكتــور خليني اركز
اتكتف وسند ضهرو علي الجدر : طيب خدي راحتكـ
اعناب عيونها دمعت والكلمات والرموز خشت في بعض ماصارت شايفه شي خوافه اكتر شي في العالم
مازن تنح لما شاف عيونها مغرغره دي ماشفت شي ما اتهزئت ما اتعاقبت ماشافت ناس تموت وتبغا تبكي
الشرهه مو عليها علي الي مدخلها طب
سحب الملف منها وفتحووو وقلها علي الحاله بسرررعه ورجع مدلها الملف : الحاله دي انتي حتمسكيها ولا اجي اسئلك مره تانيه القاكي متنحه بدا الشكل فاهمه
هزت راسها بدون ما تهــرج
مازن التفت علي المــريض : سلامات ما تشوف شــر
المريض مافحيلو يتكلم هز راسوو بتعب
مازن : اتفضلي دكتوره اعناب
مشيت بخطوات هادئه وخرجت برة الغرفه وعلي طول راحت علي الدبليو سي
دخلت وسكت الباب حطت الملف وهوت عينها : مو لازم تبكي ايش في شي يبكي
ماقدرت تهدي نفسهاا : مع نفسوو مازن دهـ
حطت يدها علي فمها بخوف واتخيلت انو يمكن يكون عند الباب ويسمعهاا
جلست لدقايق الين ما هديت
غسلت وشها مرتين و تلاته
واعطت نفسها فوش اب
انتي ماقلتي شي وهوا ماسمع شي اصلا ولو سمع مع نفسووو انتي ركزي وكيدا
اشبك بلمتي
صلحت طرحتها وخرجت من التوليت
صادفت في وشها تسنيم
تسنيم استغربت من شكلها : دكتوره اعناب
اعناب ببتسامه : اهلن فين روحتي
: روحت اخدت جوله
: اها كويس
: وانتي
: ابد جلست هنا وكيدا وجاني دكتور مازن سلمني حاله وبس
تسنيم بحماس : جد استلمتي حاله
: ايوه اشبك متحمسه
: فينو ابغا استلملي حاله انا كمان
: جايك الدور لا تستعجلي
: طيب طيب عن اذنك بدي ارحلو
اعناب بتناحه : الله معاكي

~~~~~~~~
A6baa fe al-7o0b
~~~~~~~~

ماشين ويوزعو ابتسمات كل ما يشوفوو ممرضه او دكتــوره او مريضه او حتي عامله نضافه
مادري قصدهم يغازلو ولا يعاكسوو ولا مبسوطين بس
ماشي وراهم وماهو داري عن شي الا جهازو
مهند بطفش : حسووم طفشان
حسام واقف قدام علبة الاطفاء ويزبط شعروو علي وراا : ها طفشان قلت
: ايوه طفش ياخي فين الشغل وفين الكرف والكلام الي يقولو عنو
: لسا جايك الخـير لا تستعجل علي رزقكـ
: بالله دهـ رئيكـ
: يب من وجهة نظري المتواضعه جدا
: هههههههههههههههههه
التفتو مهند وحسام يطلو في كاسر الي بيضحكـ فجاءه بدهـ الشكل
انتبه علي نفسـو ورفع عينو عليهم : أي خدمه ؟
مهند قرب يطل في الآي باد : وريني ياخي مشغول في ايش من اول
الكاسر بعد عنو بسرعه : لاتحاول تقرب
حسام يحكحك دقنو : كدا تشككنا فيكـ
الكاسر بلا مباله : طيب شكوا مثل ماتبون مايهم
حسام يغمز لمهنــد غمزات مدري ايش تبــغا
الكاسر يبعد علي ورا : خــير ماخبري فيكم حريم ورى هالفضول
حسام يبتسم : هههههههه صدقني حتى الرجال فضولهم زاد عن الحريم
الكاسر قفل الآي باد وحطو في الحافظه وعلقها علي كتفو : كذا أريح ول عليكم
حسام : الكاسر انت درست الطــب فين
: بالمريخ خل عنك اللقافه
حسام بعد عنو : اقول قرينه من الي يسئلك مو منكـ
مهند يطل في ساعتــو : شباب مو كنو وقت الغدااااااا يا هـــووووو
حسام يقرص خدود مهند : جيعان هنووود
مهند يمسد بطنــو : يب والله جيعان
: نروح ناكل بره المستشفي ولا ؟؟
الكاسر : لا مانيب بخارج
حسام : مين عزمكـ اصلا
مهند : ههههههههههه كاسر روح روح سوي شي في نفسكـ
الكاسر مشق فيهــم ولف عنهــم : عالم حدها فاضيه
حسام : مدري مين بيقلب في الجهاز من النهار ويثبتلك اصول الفضاوه
الكاسر رفع يدو بلا مباله وراح من عندهــم
حسام قرب من مهند وفرفرلو شعروو : مشتهي شي معيـــن ؟
: لا لا أي اكل مره جووع
: ليش مافطـــــــرت
: افطر مين من الفرحه ما نمت ولا اكلت
: كل دي فرحه علي التــدريب
: شفت كــيف
حسام رفع يدو ع كتف مهند وقرب منــو : متحمس يا هووو هنود شفت كيف البنات كتار
مهند يلوي فمو : يب يب شفت
حسام حس انو طفش مهند بهروجو عن البنات فكدا غير الهرجه : يالله من فين مشتهي تاكل
: اي مكان مايهم
: خلاص تعال نرروح الكفتريا هنا
: اوك قدام
مشــيو بخطوات هادئه وهما يتلفتو يمين وشمال ويستكشفو المكان اكتر واكتررر
بعد دقايق كانو في الكفتريااا
مهند طلب بطاطس مقــلي وعصيررر غازي
وحسام طلب لو كوفي وبس
جلسوو ع الطاوله وبدو ياكلوو وهما بيهرجو ويعلقو علي بعض الحجات الي شافوها
مهند : فين راح كاسر
: مدري عنو ياخي أحس أنو جدي
: واضح انو ما بيمزح
حسام : واضح انو مو من جدهـ
: يب يب مــره واضح
اتنقلو من هــرجه لهرجه ومن موضوع لمووضع
وحسام عيونو غرغرت علي البنات لدرجة حس انو يبا يروح البيت يحط قطره
اخدهم الوقت وماحسو بنفسهم
وقف حسام وفي ايدو الكووفي : يلا هنود اخدنا الوقت ترااا
مهند يطل في ساعتووو : طيب يلا يلا
توي بدوو يوقف رن البيجــر تبعوو سحبو من جيبو بسرررعه وطل في الرقم : امممم امممممم
حسام سحب البيجـر منو : وريني
: اممممم القسم اتوقع مشيناا
: طيب يلا مشينا
خرجو من الكفترياا وعلي المصعد طــوالي
وقفو واتكتفوو وقبل لا ينقفل المصعد دخلت اسراااء وباين عليها مستعجله
: السلام عليكم
مهند وحسام باكبر ابتسامه : وعليكم السلام ورحمة الله وبركاته
طلت في حسام وهيا مكشره حواجبها يعني سلامات مبتسم دي الابتسامه
مدت يدها وضغط علي الدور التانــي
حسام يغمز لمهنــد : كيف شكلي
مهند كــشر : شكلك مضرروب
: افاا عليكـ
: اقول حسام روق
حسام يطل في المراياا ويمسد شعرو علي ورااا ويتنحنح يبغا اسراء تطالع في لكنها مطنشتــو
انفتح المصعد وخــرجو وكل مين راح في طــريقوو
وصلوو لقسمهم وشافو كااسر وتسنيم واعناب واقفين وقدامهم مازن بيبربر
حسام : معقوله اتاخرنا
مهند يرفع كتوفوو : مدري
وقفو جنب المجموعه وجلسو يسمعو لبربرة الدكــتور مازن
مازن بنهماكـ : فاهمين عليااا
كاسر وتسنيم واعناب يهزو روسهم يعني فاهمين وحسام ومهند متنحين
مازن رفع عينو عليهم : فاهمين كلامي
مهند يهز راسو : لا عيد دكتــور
مازن : يلا اتوكلو علي الله وانتو الاتنين خليكم هنا
راحو يشوفو شغلهم طبعا
ومازن لف ورا الكونتر وسحب ملفين مد واحد لمهند والتاني لحسام
: انت حتمسك الحاله الي في غرفه تلات ميه واحد وانت الحاله الي في غرفة متين وعشره اوكـ
حسام يتصفح الملف بحماس : اوكـ اوكـ
: تابعو كل التطورات واي شي يستجد بلغونــي بي اوكـ وحتمسكو الحاله لين تحسو انو الحاله صارت اوكي وتكتبو خروج فاهمــين ؟؟
: ايوهـ
مازن يكمل : وطبعا طبعا ما تتخدو أي اجراء الا لما ترجعولي وتبلغوني بكل شي اول باول عن طريق التقارير اوكــي
حسام يهز راسوو : ايوه فاهمــين
مهند : امم دكتــور
: ها يا دكــتور مهند
مهند يقرا معلومات المريض : امممم ايش كونت بدي اقلك الحاله دي الي معاياا بنت
مازن : ايوا بنت ما تبغا بنات ولا ايش ؟
حسام عيونو طارت وبصوت راخي : هنود بادلني
مهند بصوت راخي كمان : لا لا
مازن : يلا علي شغلكمـ
قال كلمــتو ولف عنـــهم
حسام سحب الملف من يد مهند وفتحو : واااو ميار 17 سنه هنود بادلني
مهند سحب الملف : لا لا حــل
كشــر : شوفني يقلكـ عبد العزيز 31 سنه يوووو
: مشي حالك ورح شوف مريضكـ
: طيب طيب رايحن
: حسوم اذا خلصت قابلني هنااا
: ليش تبغا شي
: لا بس تبا تجلس هناك يعني
: يمكن
هز كتفو : اوكـ سلام

~~~~~~~~
A6baa fe al-7o0b
~~~~~~~~

دخلت المستشفي وهيا مو مصدقـــــه نفسهااا
النضارت الشمسيه السخيفه ماركة ديوور تقليد نمبر عشررهـ
وعلي كتفها الشنطه الطويله بربري برضوو تقليـــد
ماشيه بخطوات هادئه وواثقه والي يشوفها من بعيد يقول بس جات مديرة المستشفي
راسمه علي فمها ابتسامه مغزلجيه وواضح من معنها يلا تعالو رقموني سررريع
اتوجهت علي الاستقبال وقفت بطفش بعد ما فسخت النضاره
ومررت اصابيعها بنعومه علي جبهتها ترفع خصل شعرها الي نازله وتدخلها جوة المسفع الي اطرافو بربررري
: السلام عليكم
موظفة الاستقبال : اهلا كيف اقدر اخدمكـ
: اممم انا زهاد
: اهلا اخت زهاد
: انا موظفة الاستقبال الجديدهـ
الموظفة جاها انهيار : اما انتي موظفة استقابل جديده
زهاد ببتسامة شماته : ايووه
: بس انا ماحد خبرني عن أي موظفه جديده جايا او شي زي كيدا
: والله عاد مدرري كلميهم بسرعه ورديلي
: اكلم مين
زهاد بطفش : أي احد مدير المستشفي وكيل المستشفي رئيس شؤون الموظفين أي احد ؟؟
الموظفه بقلة صبر رفعت سماعه التلفون وطلبت التحويله وباين علي وشها مستغربه
: ايوه استاذ
: معاك رهام في الاستقبال
: ايوه عندي بنت هنا تقول انها موظفه جديده واستقبال ومدري كيف
رفعت عينها علي زهاد : مادري ماعندي أي خبر استاذ
: ايوه
: مادري تقول اسمها زهاد
: كيف يا استاذ
: طيب اوكــي حرسلكـ هيا
رهام قفلت الخط ورفعت عينها علي زهاد : اتفضلي من الممر الرئيسي تاني مكتب علي يدك اليسار اتفضلي
زهاد ببتسامه حــلوه : شكرن ان شالله ما اكون قروشتكـ
رهام ببتسامه مصطنعه : لا اتفضلي
لفت زهاد وهيا تصفــر بحماس ومبسووطه : تعيش الواسطه لوول
دخلت النضاره في شنطتهااا وزبطت مسفعهااا ودقت الباب بهدوء : استاااذ
جالها صوت رجال طفشان اطفش شي في العالم : ادخـــل
زهاد تكـشر وي وي صوتو ما يطمن
فتحت الباب بهدوء ودخــلت : السلام علـــيكم
رفع عينو عليها ونزل النضارات علي طرف خشموو وطلعها ونزلها بعينووو : اتفضلي مين الاخت
زهاد بتناحه اشبو يطل فيا كيدا مو عاجبتو : انا زهاد
رجع علي ورا وسند ضهــرو علي الكــرسي : زهاد مين وايش تبي
زهاد بتلبكـ : امم جايه ابداء دوامي
رفع طرف خشمو بطريقة تخوف : تبداء دوامكـ فين ومين قلك تعالي هنا واسمك مو موجود عندنا اصلاا
زهاد بتلبكـ : انا من طرف الدكــتور علاء متوكــل
يحك طرف دقنو : علاء مين ؟ ماعرف احد بدا الاسم ولا جاتنا توصيه ولا شــي وشكلك غلطانه واتاكدي من معلوماتك وراجعي المكان الصحيح
زهاد انهارت كيف كدا لما كلمتها اهداب قالتها مالك الا انك تروحي يوم السبت وتقولي اسم بابا وكل شي راح يزبط اشبو دهـ يرميلها كلام فاضي وايش غلطانه وفي احد مايعرف الدكتور علاء
فاقت من سرحانها لما سمعت صوتو عـلي : لو سمحتـي تقدري تتفضــلي
شدت يدها علي الشنطه وخرجت من المكتب بعصبيه استندت علي الجدر في الممر
ورفعت جوالها بسرعه لادنها بعد ما طلبت رقم اهداب وهيا تتوعدها لانها انحطت في دهـ الموقف
اهداب ولسا نايمه : همممممممممم زهوو كيفك
: كيفي زفت
اهداب انفجعت من صوت زهاد الي باين عليها معصبه : وي ايش في خير اللهم اجعلو خــير
: فين يجيني خيـر وانتي صحبتي
: افااااااا
: افا في عينك دحين وي قال متوسطتلي
: وجع زهاد اهرجي عدل ولا قفلي وانقلعي عن خلقتي
: اشبي قدامك دحين
: وجع تتصلي وتصرخي من صباح الله خيرر
: صرنا ضهر ياماما
: مع نفسك مره تانيه تبغي تصرخي لا تتصلي عليااا
زهاد : اقول لا تكتري كلام اسمعــــ ....
نزلت الجوال عن ادنها وطلت في صدمه : شوف الكلبه قفلـــت
رجعت اتصلت وبكل عصبيه : وجع دباب لا تقفلي في وشي
: انتي تقفلي عادي
: مو وقتك موقفي زي الزفت يقلي الرجال ده هوا مدير هوا فراش مدري عن قلعتو يقلي مافي اسمك وما نعرف احد اسمو علاء وطلعني براا
اهداب تنحت : اما
: والله كلميلي ابوكــي بســرعه يشفلي ايش في ماني راجعه البيت دحين
: اقلك لا تجلسي تصرخي دحين اكلم بابا
: بسسرعه ياشيخه
: اطير يعني
: ايش دخل الطيران
: انا ادري عنكـ وجع باي
قفلت زهاد و اتكتفت وحلفت انها مارح تتزحزح من هنا لين تكسر خشم الرجال لما يعرف مين علاء متوكل
في نفســي الممر جاي من الجهه المعاكســه حاضن الملف الاصفــر بيدو
وفي يدوو التانيه كــوب حـــليب بالقرفه الي يموت لو ما شربو خمسه مرات في اليوم زي فرض الصــلاة
وسرحان هناكـ عند محلات الكيك ويتخيل اشكال ونكهات الكيك
ومشتــهي كيك بالشوكلا من محل سعد الدين ويفكــر يروح يشــتري وياكلو مع الحــليب اخــر فلــه >> ؟؟
انتبهلها واقفه وعيونها محمــره مايدري محمره دموع ولا الم ولا ايش بالزبط
لكن منظــرها ما يــدل انها مــريضه
قرب منها : لو سمحــتي
رفعت عينها : خــير
رفع حواجــبو بدهشه : سلامات
اتخصرت : عسي شايفني خبــله
: هيييييييه تراك بمستشفى قصري حسك
: اماااااااانه مستشفي احسب انا في كزنــو
طل فيها بستحقـار : شكلك وحده خالصه
: حل عنــي ياخــي
بفجعه : شايفه منو اللي بيحل عن الثاني أنا دكتور فيذا وأنتي
ويطل فيها من فوق لتحت باإستهزاء
زهاد عصبت : انا عندي واسطه اخليك سكيروتي >> فاهمه الواسطه غلط صدقونــي
جا دور الكاسر يعصب : انا احذفكـي انتي مع واسطتكــ ذي الي مدري وش تبي ورا الشــمس
زهاد بتحدي : انا ادبحكـ انت علي واسطتكـ
: أنا قلت عندي واسطه مثلآ ؟
: وخــر روح روح
الكاسر واقف يطل فيها وهوا يعد للعشره في قلبوو ويهدي نفسوو عشان لا يكت الكوب الي في يدوو علي وشهاا ثم يرمي الكاسه علي جبهتها وبعدين يشوتها علي بطنها ويطيحها في الارض وينكب عليها بالملف الاصفر ويغرزو في بطنها بوحشيه عشان لما تشوفو مره تانيه تهج عن طريقو
فاق من سرحانووو لما سمــعها تتكلم في الجوال
: ايوا اهداب
: اسمعي يقلك بابا روحي لمدير المستشفي
: ايش اسوي عندو عشان يطردني زي دهـ
: لا لا هوا بابا مكلملك المديــر
: لا تمــزحي
: والله روحي سريع قوليلو انكـ من طرف علاء متوكــل هوا دوبو مكلمو كل شي حيزبط
: طيب طيب باي
: قفلت الجوال ومشيت يمين ورجعت مشيت يساار
اخر شي لفت علي الكاسر الي الين دحين واقف يطل فيها : لو سمحت
رفع حواجبــو لها من غير مايتكلم
طنشتو : فين مكتب المديرر
الكاسر في قلبــو اشبها تسال عن المدير
اكتفي بانو يطل فيها من فوق لتحـــت ويلف عنها ويروح وهوا يدعي يارب لك الحمد في ناس وجودهم في الحياه غلط
زهاد بخطوات سررريعه رجعت لاستقبال : لو سمحتي فين مكتب المديــر
رهام طلت فيها بطــفش : الدور التالت اول ما تخــرجي من المصعد الرئيسي خدي يسار واخر مكتب تلقي في وشكـ
: اها طيب طيب شكران
بخطوات سريعه تكاد تكون جري ماشايه لجهة المصعد الي بينقفل وصلت لو بسرعه وجلست تضغط في الزرر ورا بعض ورا بعض لين رجع انفتح الباب
دخلت بسررعه وما اعطت أي اهتمام للكاسر الي طل فيها بطفش ورايا ورايا ولا ايش
لفت علي المــرايه وجلست تزبط طرحتها والنفخه الي قدام
لا وفتحت الشنطه وطلعت المرطب وزبطتو علي شفايفهااا وخرجت العطر بخت بختين سريعه علي حلقها وفي الجـــــــــووو كنها تقول في ريحه
انفتح المصعد وكاسر جا بدو يخــرج
الا جات من ورا بسرعه ودفت طرف كتفوو وخرجت بسرررعه
الكاسر شاف كوب الحليب انكب منو شوياا علي يدووو وعلي اطراف الكــوب
زفــر بطفش لاأبوك لابو من جابك فيذا شنو فيها متصربعه كذا
زهاد في عالم اخــر
وصلت عند مكتب المديــر واخدتلها نفســ ودقت الباب
فتحت الباب لما ما جاها رد وطلت في الغرفه
مكتب اصغر من صغـــير وعلي جهاز نوعو غريب وجالس ورا المكتب ولد باين علي صغيــر في السن وحاط سماعات الهدفون علي راسوو ومنهمك اشد الانهماكـ ما ندري في أيــش
قربت وبصوت عالي : السلام عليكم ممكن اقابل المديررر
رفع عينو عليها ورمالها ابتسامه احلي من حلووه : اهلا اختــي مين اقلوو
: قلوو زهاد
: اها انتي زهاد اهلا المدير بيستناكــي
حست باحساس انها كدا وحده كشخه : طيب شكررران
فتحت باب المكتب ودخلت بهدووء : السلام عليــكم
: وعليكم السلام اهلا زهاد
: اهلا بيك استاذ
: مين
: احم دكتوور
: ياهلا بيكي اتفضلي يابنتي تشربي شي
بدها تطير من الفرحه : لا تسلم دكتــور
: الموهم يابنتي معليش علي الي صار والي مايعرفك ما يثمنك
حست انو احلي شي في العالم لما يكون عندكـ واسطــه : شكرن شكرن دكتوو
: لا شكر علي واجب علاء ابوكــي اكتر من اخ واكتر من صاحب عزيز علي قلبي واللهي يابنتي
: اهاا بس هوا مو ابويا
المدير كشــر : مو ابوكي انتي مو بنتوو
: لا لا
: اجــل ايش
خافت تقول ابو صحبتي يكرشها من المستشفي : انا هوا خالي يصير بس هوا مربيني عشان كيدا
: اهااا اجل بنتو كيف تقولي منو ابوكي الموهم يلا دحين حتروحي مع حاتم سكرتيري وحيزبطلك كل شي
: يغت تحلق من الوناسه : اوكـ شكرن دكــتور
: يابنتي لا عاد اسمعك تقولي شكرن زي ما قلتلك ابوكي ده اكتر من اخ واكتر من صديق وعزيز عليا
: انا منحرجه منك يا دكتور والله
: افا افا تقولي منحرجه يابنتي اعتبريني عمكـ اخو ابوكـي ولا تنكسفي مني ولا احد يقدر يقلك شي هنا اوكــي
حست انها لو ما خرجت حيغمي عليها من الانبساط : اكيد يا عموو عن اذنكـ
الدكتور : ياسلام ايش عيدي
: ياعمو شكرن
: ايوه انا عمكـ كدا خليكي انتي زي بنتي

~~~~~~~~
A6baa fe al-7o0b
~~~~~~~~

جالس علي طـرف المكتــب وصار يفكــر في الدكاتره الكتاكيت الي اشكالهم مو دكاتره اصلا
وحس انو حيتعب معاهم مع انو الي واضح من اول راوند انهم كويسين
سحب المعطف من الشماعه لبســو بسرعه وخــرج علي بــرهـ
راح لعند الكونتــر ويكلم النيرس : طلبتيني قبل ساعه
: يس دكتوور مريض غرفه رقم 300 يبغاكـ
: يبغاني انا
: ايوه يقول يبغاكـ
: اوكـ طـــيب عن اذنكـ
مشي بخطوات سريعه في الممر لين وصل للغرفه دق الباب بهدوء ودخــل : السلام عليكم
الرجال الي باين علي في متوسط العمر : وعليكم السلام اهلا يا دكتور
: هلا بيكـ كيف صحتكـ دحــين
: احسن يا دكتور نحمدو علي كل حال
: طيب طلبتني يا اخ
: ايوه يادكتور راسلي دكــتوره بزره تسحب مني تحاليل
مازن كـشر : دكتوره بزره
: ايوه يادكتور رجاء الطلاب دول ما ابغاهم انا
: ياحبيبي ماهي بزره هيا دكــتوره
: دكتوره علي احد تاني مو عليااا شكلها مو شكل دكتووره حسستني اننا بنلعب مستشفي
مازن شال الملف وشاف اسم الدكتــوره وضحك في قلبو عليها من جد شكلها مو دكتوره خصوصا مع المنظــر الي جايه فيلو
اتوسعت ابتسامتو لما اتزكـر كيف كانت تهرج عنووو وتتفقعن
وبعدها بدقايق شويا تبكــي من الخواااف
فاق من سراحنو علي صوت المريض
التفت بتناحه : ها
المريض : ها ايش قلت دكتور
: قلت هيا متدربه ولازم تدرب اوكـي
: لا مو اوكـي لو هيا الي حتدخلي تاني انا حخرج من المستشفي
: طيب الله معاكـ اذا بدكـ تخرج لكن هيا دكتوره اوكــي يلا عن اذنكـ ولو احتجت شي اطلب الدكتورهـ
خرج من الغرفه معصب من المرضي دول يعني ايش ما يدربو الدكاتره ولا ايش
رجــع للكونتـر وحط المــلف بعصبيه
اعناب انفجعت وقفت بســرعه
طل فيها مازن من فوق لتحـــت ونزل عيونــو علي قزازة المناكــير الي محطوطه علي طرف الطاوله
ورجع رفع عينو علي يدها الي ماسكه بيها ريشة المناكيرر
اخر شي رفع عينو عليها بنظرره خلتها تنــشف
وبنبرة باردهـ : بتحطــي مناكـير هنا
اعناب اتلخبــطت : لا لا دكــتور انا اشسمــو
: انــتي ايش جايه تدربي ولا تحطي مناكيـر ونلبسي كعوب وتنشدي طفشانه طفشانه
: لا انــا بس دكــتور كنت ما بســ ...
قاطعها وهوا يطل في الساعه : يعني قرب ينتهـي الدوامـ بدل ما تجــلسي تكتبي التقـرير حقك جالسه
قاطعتـو بنبرة انتصار : كتبتو خلصــتو
مازن اتفجاء منهـا : كتبتي وخلصتي ؟؟
ببتسامه مدري من فين مطلعتها مع ملامح الخوف الي في وشها : ايوه دكــتو
: اها طــيب ايش تستني ما تسلميني هوا
رخت يدها وشالت التقرير ومدتو لــو : اتفضــل
اخد و منها وهوا يفكــر ويدورلو تهزيئه يقلها هيا قبل لا يمشي : لو سمحتي بكره لا تداومي بدهـ المنظرر
لا شعوريا رفعت يدها علي الحجاب ومشت يدها التانيه علي معطفها : انشالله دكــتور
طل فيها كدا شويتين خلها تشك في نفســها ولف وتــركها
جلست عــلي الكرســي بطـفش : اوف ياربي دهـ ما يجيني الا وانا بسوي شغله كسيــفه
قفلت المناكير بعصبيه : ايش ذنبي اذا مافي شي اسووي اوف بس

~~~~~~~~
A6baa fe al-7o0b
~~~~~~~~

جالسه في غرفة الطبيبات المتدرباتـ وقدامها الاب حقها وشابكه الكونكت طبــعاا وبتتصفح في النت
وبتشوف اخر الموديلات واخر الصيحات في الملابس والشنط والشوزات وكل شــي
جنبها كوب شاهي مزبطتوو بنفســها
صارلها اكتر من النص ساعه جالسه تفرفرر وتعبت ماهي من النوع الي يطول علي الجهااز وكدا
تمل منوو بسرررعه
عشان كدا رفعت يدها وقفلت الجهاز بعد ما طفتووو
رفعت يدها ومشتها ورا رقبتها وطقتها يمين ويساار واتنهدت وهيا تتامل الغرفه حولينها كيف مبهدله
خرجت ورقه وقلم بسرررعه من يوم جاتها الافكار
وجلست تكتب فيها ايش الحجات الي ممكن تلزمهم ويحتاجوها في الغرفه وكــدا
مبتسمه وهيا بتكتب وجات علي بالها اعناب ما حست انها من البنات الي ممكن تسوي صحبه معها
اكيد حيكون الوضع بينهم فقط زمالة عمــل لا اكتررر
هزت كتوفها وهيا تفكـر ما تدري لازم تبطل تحكم علي الناس من اشكالهم
كتبتلها كزا شغله في الورقه وطوتها وحطتها في شنطتــهاا
رفعت يدها لساعه يعني باقي حق نوص ساعه وينتهي الدوامـ
وقفت ورفعت الحجاب الاسود علي راسها ولفتو تمام وحطت السمعات علي رقبتهااا بعد ما غلفتها بلون فووشـــي
شالت التقريرر وخرجت من الغرفه وراحت علي المصعد طلبت الدور التاني وفكــرت تمر علي المــريضه الي ماسكه حالتها >> حماس بس عشان اول يوم دوام
خرجت بعد ما طلت في نفسها طله اخــيرهـ
ما كملت خطوتين الا قابلتـ دكتور مازن ماشي ومروق علي الاخــير
سدحتلو ابتسامه من الذي هيا : دكــتور
وقف وطل فيها بعد ما كان مسرح : اهلا دكــتورهـ
مدتلو التقرير بخجــل : دهـ تقرير لليوم يا دكتوور
اخدو منها وابتسم : ماشالله اشوفكم مخلصن من بدررري ايش الحكايه
ماحبت تسولف : شغلنا دكــتور
حس من طريقة كلامها انها ما تحب تدي وتاخد في غيرالشغل : اها كويس استمروو
صلحت نضارتها : اكيــد انشالله يلا عن اذنكـ دكــتور
لفت عنو ومشيت قبل لا يرد عليها اصلااا
ابتسم علي طريقتها وحس انها بنت من النوع المحافظ وكدا باين من اسلوبها وكلامها بعكس اعناب الله يستر منــها
نادها ورفع يدووو وهوا مو عارف ايش يبغا منهــا : لو سمحتي دكتورهـ
لفت علي بهدوء ويدها في جيب معطفها : ايوه دكــتور
اتورط : امم ااا اشسموو
رفعت حوجبها : اها دكتور بغيت شي منــي
: ايوه ابغاكـي تروحي لدكتور ماجد وتجبيلي من عندو ملف دي اربعطعش بعد اذنكـ
مشقت وبينها وبين نفسها تقول ياسلام اشلي في
لكنها اكتفت انها تبتسم : اوكـ دكتور بس ماعرف دكتور ماجد
: قدام اخـر مكتب يا دكتوره وجيبي الملف علي مكــتبي
: اوكـ يادكـتور عن اذنكـ
لفت وهيا مكشرره شوف الرجال بدينا حركات الدكاتره بدو يستلمنا رسلات يعني ايش شايفنااا وبعدين هوا واقف في السيب يعني كان مغط رجولو وشخطتين ويلقا نفسوو في مكتب ماجد دهـ يالطيف مايسمعو بالمثل الي يقول اخدم نفسكـ بنفســكـ
اوف بس
وصلت لمكتب ماجد الي مكتوب علي بابوو بخط رهيب دكتور ماجد ولون الباب مميز عن باقي الابواب الي لونها اخــضر فاتح
شكلو دكتور من شلة الاسبشل دامو صايغ بابو غيررر
قبل لا تدق الباب وصلتها اصوات ناس محششين وميتين ضحكـ
ابتسمت ياسلام دوم الضحك يارب
دقت الباب بهدوء وجالها صوت جهوري ورايق اكتر شي : هلا اتفضل
فتحت الباب ودخلت بهدووء وتنحت في منظر المكتب من جوهـ مره حلوو ومرتب وديكورو رهيب : السلام عليكم دكتور ماجد
ماجد ومعا بهاء : وعليكم السلام
كشرت ايش بيسوي هنا الين دحين : امم دكتور مازن طلب ملف دي اربعطعش من عندك ممكن
ماجد كــشر : دي اربعطعش مني انا
هزت راسها : ايوه بعد اذنكـ
ماجد يكلم نفسوو : ملف دي اربعطعش ماعندي شي زي كيدا يمكن تقصدي دكتور عبد المجيد وماسمعتي كويس
رفعت حواجبها بتعجب : لا سمعت قال من عندكـ وقال مكتبك في اخر الممر
: اممم اها طيب ثواني
وقف وخرج من المكتب علي الغرفه الي جنبووو واتسك ورا الباب
لفت عينها بهدوء علي بهااء ومن يوم شافتو يطل فيها رفعت عينها عنــوو
وهيا مستغربه ايش جالس بيسووي من قبل الضهر الين دحـــين في المستشفي هدا اللي كانو ساندينو أصحابو وعرق اللقافه اشتغل وصار فمها يحكها ونفسها تسالوو ايش بتسووي لكنها لفت علي بسرعه لما كلمها وماسمعتو : ها
بهاء ببتسامه : فين مسرحه يادكتوورهـ بكلمك من اول
خجلت لما اتخيلت نفسها تقلو انها بتفكر فيلو وايش بيسوي هنا : لا ابد كلمتنــي
: ايوهـ كنت بقلك ماشالله متدربه
رفعت واحد حاجب : ايوه
: حبيت أتأكد لانو شكلك مره صغيرررر
ضغطها ينرفع لما احد يقلها شكلك صغير : لا مني صغيره وانا متدربه
: اها طيب لا تعصبي
بستنكار : ماعصبت
بهاء بستغراب : الا عصبتي
لفت وشها عنو يعني انها ماتبغا تهرج خلاص :طيب
: طيب من متي انتي هنا اول مره اشوفكـ
: من اليوم اول يوم ليااا
: اها ماشالله الله يكون في عونكم يارب
: امين شكرا
رفعت عينها تطل في الباب فين اختفــي الدكتور دهـ كمان
كنو بهاء فهم عليها : لا تخافي دحـــين يجي
: هوا انا سالت فينو
: واضح عليكي
: طــيب
سكتت مع انو نفسها تسالو ايش بتسوي هنا من داك الوقت
لكنها حمدت الله لما خرج ماجد وفي يدو الملف : معليش طولت بس نسيت انو عندي اصلا ويادوب لقيتو
اخدت منو الملف : مو مشكله شكرا دكتور
: اهلا وسهلا انتي متدربه صح
ببتسامه خفيفه : ايوه دكتوور
جلس ورا مكتبوو : ماشالله في اي قسم انتي ؟
: هنا عندكم في الباطنه
: اها كــويس ولا قلي عليكم دكتور مازن ناوي يستغلكم لوحدوو
بهاء : هههههههههههههههه يستغلهم
ماجد ضحك معا نفس الضحكه
وتسنيم مستغربه منهم : يستغلنا
ماجد يشرب من كاسة المويه : لا تدقــ...
قبل لا يخلص كلمتو رن البيجر حقوو شالو بسررعه وطل فيلو طله سررريعه
وقف ولبس المعطف حقوو : دكتوره شكرن علي وقتكـ ولا تدققي امزح مع صاحبي
لف علي بهاء : وانته انتبه علي صحتكـ و بكره لازم تكون هنــا اوكـ
ويلا عن اذنكم مستعجـــل قفل وراكـ باب المكتب بهاء
خرج في غمضة عين وسيبهم لحالهم
تسنيم بسرررعه مشيت علي جهة الباب ورجولها اتعكفت وكانت راح تطيح لكن اتوازنت في اخر لحظه
بهاء بتريقه : هههههههه والله مارح اكلك علي مهلكـ دكتوره
لفت علي وانحرجت وعصبت من نفسها علي فين داعسه من جد مارح ياكلني
: لا بس قلت نخرج بما انو راح الدكتور
: ايوه نخرج ما اختلفنا لكن علي مهلكـ لا تطيحي
: اوكـ عن اذنكـ
: الله معاكــي بالتوفيق
خرجت تسنيم وسكت وراها الباب بعصبيه واتنرفزت ما تدري لــيش
وقفت دقايق عند الباب تفكـــررر اشبها تتصرف بهبل من اول يوووم
واشبها خايفه من الدكاتره ومن كل الرجال
هيا دكتوره ولازم تتعود تختلط بيهم وتجلس معاهم ولو حتي في مكان منعزززل
زفرت بطفش وهيا تانب نفسها
اشبك كدا شردتي كنو الرجال يبغا ياكلكـ
انتقلت بافكارها لبهاء واضح انو بينو وبين الدكتور ماجد معرفه ولكن ايش بيسوي الين دحــين هنا
سمعت صوت الباب ينفتح وخرج بهااء وماسكـ جنبوو
لفت وطلت في بهبل
بهاء طل فيها : انتي مارحتي
لساعها متنحه في : ؟؟؟؟
بهاء طل في نفسوو : في شي
لفت عنو وراحت بدون ما ترد علي ورجعت عصبت من نفسها خير تنحت في الرجال كيدا والله مايصيررر
دخلت المصعد وهيا طفشانه فجاءه
يادوب بدو يتقفل الباب رجع انفتح ودخلوو تلاته ممرضين واصوات تسطيحهم سابقتهم طبعااا
رجعت علي ورا ولصقت في المصعد
لدرجة انو الممرضين استغربو منها المصعد ياكبوووررر اشبها متلصقه في الاخــير
انفتح المصعد خرجت بسرررعه وراحت علي مكتب مازن
دقت الباب بهدووء ودخلت بدون ما تسمع جوابو حطت الملف علي المكتب : اتفضل دكتور
مازن طل فيها بتعجب لانو ملامح وشها باين معصبه : شكرا دكتورهـ
: أي خدمه دكتور
: لا تسلمي
: عن اذنك
لفت وخرجت وسكت الباب بقــوهـ : وجع وجع وجع
عامل النضافه الي لابس ازرق في ازرق يطل فيها بتناحه يعني سلامات ولا ليكون وجع عليااا
طلت في طلات تهديديه
لف عنها يكمل شغلووو
~~
بهــاء .. : 27 سنــه . من الناس الي مخلين كــل شي علي الله ومايشيل هم شي ابــد ويحب يتكل علي الناس في اشغالو
وامورو يعني بالعربــي كســول ولكــن في نفــس الوقت يحب الفله والوناسه والهبقاتـ
بعتــبر شخــص حبووب مــره من قبل اهلـو واصحابو واي شخص يتعرف علي
بهاء من الناس الي ربــي ادالهم جمال هادئ وجذاب في نفس الوقت
جسمــو حلــو ومرتب وكدا وهوا بيعتنـي في كمــان
يحب الاستيلات الرسميه ويكتر من التياب يعني مايتعب نفسو أي مكان يخش التوب ويمشــي
~~
ماجد ..: 30 سنـــه .. من الرجال الواطـــين .. والي افكارهم منتهــيهـ ..
عايش حياتو بالطول والعــرض .. مايعترف بفكره الارتباط والزواج بالمــرهـ ..
فلاوي .. ويحب يندمج مع الناس علي طول .. يكـرهـ احد يتامر علي ..
ماجد ملامحو عاديه .. وسيم نوعا ماا .. لكــن علي نظرات ما تطمن احد ابد .. ووجهو واسلبو وكلامو مايوحي بالثقه مـرهـ

~~~~~~~~
A6baa fe al-7o0b
~~~~~~~~

ماشي بخطوات سرررريعه وماسكـ في ايدو ملف المــريضه الي ازعجت دين اهلوو
اربعه ساعات وهوا رايح وراجع لها تنادي ع الفاضي والمليااان .. ولما اشتكـي لدكتور مازن اعطالو موشح من ابو طويل
وصل لباب الغرفه اتنهد بطفــش وزبط المعطف والسمعات الي اتشتولو مع الصرفده
دق بهدووء واتنحنح : احممم احممم
جالو صوتها من جو بكل مياعة العالم : ادخـل دكتــوور
دخل وهوا يدعي الله انو يكون سببها مقنع المره دي عشان لا يطيح فيها شحوطه بلي المغززي
وقف قدامها بطفـش وساكت يستنها تقول ايش عندهــا
ميار تطل في بخــجل : دكتــور
زفر : يانعم
: شوف انا احس انوو لازم تغيرلي ابرة المغزي
: شايفتني ممرض
: عادي انت دكــتور
: اسمعيني يابنت الناس انا دكــتور
ابتسمتلو بهبل : ادري انك دكتوور طيب عشان كيدا بنادي عليكـ
: طيب عشاني دكتور تناديني لما يكون شي كبير مو تناديني اغير ابرة المغزززي
: طيب مابغا الممرضه تعوورنــي
: يالله عليكي يا كيووت
ضحكت ضحكه اسخف منها مافي : دمكـ خفيف يا دكتوور
: طـيب الله يرضا عليكي يا ميار انا ورايا تقريررر اخلصوو اذا ما عندكـ شي ضروري لا تطلبيني اوكـي
: طيب دكتور اوعدكـ ما اطلبكـ تاني بس علي شـرط
: ها
: بس غيرلي ابرة المغززي
: طيب حغيرلكـ هياا
قرب منها ومسكـ يدها ورفعهاا يطل في ابرة المغزي : بس جديده واضح
: لا من الصباح دكتور
: اها طيب
مد يدوو ودق الجرس
جات الممرضه بسررعه : يس دكتور
طلب منها الاغراض وراحت تجيبها
وميار ماسكه يد مهند مو راضيه تسيبهاا : دكتور عارف اخويا اسمو مهند
سدحلها ابتسامه صفره : عاشت الاسامي
: ههههههههههه طبعا تعيش الاسامي عشانو اسمكـ
: ايوه اكيد
: دكتور اديني القلب الي في جيبكـ
مهند بتناحه : ليــش ؟
: دكتور اديني هوا ياربي مارح اسرقلك هوا
: طيب سيبي يدي
: لا اديني بيدك التانيه
بطفش خرج القلم من جيبو ومدلها هوا : اتفضلي
اخدت القلم وفتحتو بسرررعه ومسكت يد مهند وكتبت رقمها : دكتور كولمي طــيب
: اكولمكـ فين وانتي في وشي لسا تلاته ايام كمان
: لا حنقل من المستشفي اليوم
مهند مستغرب : ليش مو مرتاحه هنا
: يب بابا يقلي ماجلس هنا ماتغيرو ابرة المغزي الا مرتين في اليوم
كشر يعني هوا دهـ السبب مالت عليكي وعلي ابوكــي
دخلت الممرضه وفي يدها الاغراض : تيكـ دكتوور
اخدها منها وبدء يزبطلها المغزززي والممرضه حلفت علي انو هيا تسويلهاا لكنوو طنشها عشان ينفكـ من نز المريضه دي
خلص لها كــل شي : كدا اوكــي
: ايوه بس لا تنسي تتصل بيا لما اخرج
بنفس الابتسامه الصفراا : طبعااا يلا تبي شي تاني
هزت راسها : ايوه دكتوور
اللهم طولك ياروح : ايش كمان
: ابغا ابغا القلم حقك دكتور
: خدي يفداكــي
وخرج من جيبو المذكره الصغيره وكم ورقه مدري أيش مكتوب فيهم : وخدي كمان
ابتسمتلو بهبل : دكتور انت ليش طفشان
اكتفا بانو يدير ضهرو ليها ويخرج من الغرفه وهوا يصقع جبهتو بيدو : ياربي عالم فكك
رجع للكونتـر : حــسوم حتجنني البنت دي
حسام بشماته : ههههههه قلت لك بادلني
: ياخي لو ماخرجت بكــره والله حبادلكـ
: خلاص قدام وشوفني خلصت لك تقريركـ
مهند يدور عيونو يمين وشمال وياشر لحسام باصباعو : اووش اسكت تبغا مازن يسمعنا
: خلي يسمعني
: يعني ماسمعت الاوامر الي رصها لنا
: ياخي ايش درا ابو شكلو
الكاسرقام من عند الجهاز : وانت تتكلم بذا الصوت بيسمعكـ وبيدري عنكم بعدين
مهند : ايوه هوا دهـ
الكاسر: يلا اشوفكــم بكره انشالله
حسام بفجعه : خلصت تقريركـ
: يب خلصته وراك أنفجعت كذا قول ماشاءالله لاتنظلني
: ييي ماشالله حل يابويا حـــل
خرج من خلف الكونتـر : يلا رايح اسلمه حق هتلر توصون على شي
مهند يهز راسوو : الله معاك يا كاسر
حسام مات ضحكـ على تعليق كاسر لمازن ومسميه هتلر >> لانو حده متسلط
الكاسر طلعو ونزلو بعيونو : لذا الدرجه ضحكتك ؟؟
حسام يهز يدو : لا لا الله وياك يا كاسر
لف كاسر وراح عنهــم
حسام وقف وصقع مهند علي خدوو بخفه : خــير مكـــشرر فكها
: ياخي اقرفتني البنت دي
: خلاص لو طلبتـك تانــي انا حروحلها
: اوكـ طيب اديني اروح اسلم التقارير لمازن
: لسا انا ماخلصت حقي
: وتخلصلي تقريري وانت ما خلصت حقكـ
: عادي فدا هنوود
مهند يبوس حسام : ههههههههه طـيب طيب
حسام ياشر علي الكـرسي جنبوو : تعال اجــلس
: لا مرتاح وانا واقف
: لا اقول اجلس اجلس
: اوكـ
جلس جنب حسام : اقلك حسووم
منهمكـ في التقرير علي الجهاز : همممممممم
: تعال عندي اليوم
: اوكـ من عيوني
سكت شوبا ورجع ينق : اممم حسوووم
: هااا اوس بلا قروشه بكتب انا ثواني واخلــص
: طيب ياخــي لا تنافخ
: اووش هنود
مهند سكت وطلع الام بــي من جيبو وشبكـ السمعات وحط سماعه في ادنو وسماعه في ادن حســام
وراحــو جوو مع الاغاني الاجنبيه ..
مرت خمسه دقايق وهما الاتنين مستكنين
جات الممرضه وتكلم مهند انو المريـضه تبغا
حسام ببتسامه : ابو هنووود خلصلي التقرير وانا اروحلها
مهند : علي الرحب والسعه يا مان
جلس مهند علي الجهاز يكمل التقرير لحساام
وحسام راح علي غرفة المريضه وابتسامتــو تنطــق وقبل لا يدخل وقف وزبط شعروو علي ورااا
ودخل الغرفه بعد ما دق دقتين خفيفه علي الباب : السلام عليكم
ميار الي كانت مبتسمه تتوقع دخول الدكتور مهند اختفت ابتسامتها وكشرت : مين انته
حسام ببتسامه مغزلجيه : انا دكتور حسام صاحب الدكتور مهند
ميار بهدوء : فين مهنــد ؟؟
: راح بيتو تبي شي مهم
ميار بتحطيم : ايوه كنت ابغا اكلموو ..
يحرك يدو علي صدروو : تقدري تكلميني
: لا هوا دكتوري
: ياختي اعتبريني دكتوركـ
: طيب كنت ابغا يسندني ابغا اروح الحمام
حسام فرصع : وفين الممرضات انشالله
: رحت مع الممرضه اول طيحتني
: وليش طحتي انشالله اشبها رجلكـ عسي ماشر سلامات
: لا انت مو عارف شي
: طيب عرفيني عشان اقدر اساعدكـ
: تقدر تساعدني بانك تناديلي الدكتوور مهند
حسام سايح في طريقة كلامهااا وقصة شعرها الغريبه فاق علي نفسوو لما انتبهلها تتذمر
: دكتور انت مسرح في أيــش ؟؟
: ها ايش ولا شي مو مسرح انا
: طيب ما تقدر تجبلي دكتور مهند
: قلت لك راح بيتوو الدكتــور مهنــد
: طيب كلمو يجي اكيد ما وصل لسا
: اكلمو يجي عشان يسندك من جدكـ
بكل جديه : ايوه من جدي هوا دكتوري
: يابنت الرجال ما خش عليكي الا من كم ساعه صار دكتوركـ
: يب دكتوري انت مو عارف شــي
: طيب دحين مافي مهند كيف اقدر اخدمكـ
: طيب امري لله تعال اسندنــي ابغا اروح الحمام
حسام بخباثه : اكــيد ولووو
مشــي بهدوء وقف عندها نزلها الحاجز تبع السرير ومسك يدهااا : يلا بهدووء
: اصبر عليا يا دكتور
: مو مشكله علي مهــلكـ
ميار حاولت تقووم بصعووبه وهيا ماسكه طرف بطنها بيد ويدها التانيه ساندتها علي حسام الي استغرب اشبها مو قادره تقووم للدرجه دي
وبعد صعوبه ومحاولات ومناوشات وقفت وسانده كل جسمها علي حسام ومشيو حبه حبه لين وصلو للحمام وحسام بيفكر كيف حتدخل لحالها وطبعا مره مره مافكر انو يدخل معهااا
وقفي دقيقه اناديلك الممرضه تدخل معاكـي
ميار بعصبيه مع الالم الي تحس في : قلت لك طيحتني الممرضه
حسام فرصع عينو : طيب ماقدر ادخل معاكـي انا ثوانــي
شدت علي معطفو بيدها : دكتور انت ليش دكتور
حسام علي قد وسخاتو وانحرافوو وشو اتلون : لا لا دقيقه
رفع صوتو : نيررررررررررس نيررررررررررس
ميار تعبت من الوقفه رغم انها راميه كل حيلها علي حسام
: دكتوور
: ها نعم اشبك شي يوجعكـ
ميار وشها حمــر فجاءه : ايوه
حسام بخووف طيب اجلســـي
: ابا الحمام طـــيب
حسام عصب ورفع صوتوو : نيررررررررررررررررررررررررررس
دخلو ممرضتين وهما مفجوعين : يس دكتوور
: اسندوها عشان تدخـــل
ميار تشد علي يد حسام عشان لا يتركها : قلت لك طيحوني اول
: طيب مارح يطيحوكـ دحين روحي معاهم
ميار عيونها غرغرت : بيوجعــني
حسام مو عارف حالتها اصلااا : طيب طيب ادخلي دحــين
تركها بعد ما سندوها الممرضات
وخرج جري علي بررررهـ وصار يفحط في السيب : هنوود هنوود
مهند وقف : خير ايش في
: اقلك اقلك اشبها أيش عندها
مهند بتناحه : مين هياا
: اشسمها البنت الي اقرفتك مدري اقلقتكـ
: اهاا خارجه من عملية الزايدهـ ليش
: توها توها
: لا لا مو توها من اول لــيش
: مدري البنت حالتها حاله
: اما اشبها
: تخيلي تبغاني ادخلها الحمام
مهند كشر : دخلتها
: لا طبعا ناديت لها النيرس بس شكلها بتتوجع الحقها
: طيب طيب اسمعني انا رايحلها وانت سلم التقارير لدكتور مازن وبعدها نمـــشي
: طيب اوكــي
مهند: سررريع
حسام : يلا انت روحلهااا طـــيب
مهند حط السماعات حولين رقبتووو وشال المعطف من علي الكرسي : يلا ادعيلي
: هههههههه يارب وفق هنود
: اتريق اوكـ
: لا لا رووح

~~~~~~~~
A6baa fe al-7o0b
~~~~~~~~

ماشي بكــل هدوء العالم وفــي يدوو الكووبـ النيلي ومكتوب عليه أسمه بالانجليزي باللون الابيض من برا ومن جوا أسم رائد فيلو حليب بالقرفه طبعاا
وفي ايدو التانيه الآي باد ومايدري عن شي من الي حوولو
والشي الوحيــد الي عارفو انو خلص دواموو لاول يوم في المستشفــي
ويحس نفســو نعسان وتعبان وجسمو مكسر مانام اليل طوولوو
مبتسم وهوا يفكــر في السرير والمخـدهـ والمكــيف البارد واي شـــي
اتعدي من عند الاستقبال وشدو صوت البنت الي جالسه تضحكـ بصوت عالي وواضح انها مبسوطه حدهاا
وقف بدون مايلف عليها خرج نضارتو الشمسيه ولبسهــا وهوا بالوو مع هرجـهاا
: ييب يب لا تشيلي هم
....
: هههههههههه لا كل شي زبط حبيبي
....
: هههههههههه تخيلي قلي اعتبريني عمكـ
...
: هههههههههههه ايوا ايوا وتخيلي قلي انت بنت الدكتور علاء
...
: هههههههههههههههه انتي بالكـ ياشيخه اهم شي مريت علي مكتب مدير الموظفين وطلعتو ونزلتو بعيوني ههههههههه ماقدر يفتح فموو
...
: اقلك دبابه بوسيلي ابوكي بوسه كبيررره اكبر شي
...
: لا ماعليكي
...
: لا موجوودهـ
...
: خلاص حبيبي نتقابل لا لا لازم احكيكي ايش صار
الكاسر يرفع حواجبوو ياكثر هذرتها كل ذا وتبي تحكيها بعدين كمان
: لا لا ماحكيتك بالتفصيل
ماقدر يمنع ابسامتوو عليها وعلي حماسهااا
لف بهدوء وطل فيها وهوا عارف انها نفسها المتصرفدهـ الي اووول صوتها كدا مزعج وعاالي
نزل طرف النضارهـ وطل فيها وكيف بتتكلم بحماس
مشي بخطوات هادئه ووقف قدامهــاآ وحط كوب الحلــيب فوق الطاوله
رهام موظفة الاستقبال التانيه : اهلا دكــتور كيف اقدر اخدمكـ
الكاسر بالو مو مع رهام بيطل في زهاد ويستنها تقفـــل ..
رهام رجعت كررت ورفعت صوتها : كيف اقدر اخدمكـ دكـتور .. ؟؟
انتبهلها ولف عليــها .. : امم أبد ولا شي بس فين القسم الخاص ؟؟
رهام بدون ما تنزل عينها عنــو .. : اخر دوور يادكتور من المصاعد الرئيسيه ..
شال الكوب ورشف منـو رشفتين . : اهااا
: أي خدمه تانيه
يهز راسوو : ايه دقــــيقه
حط الآي باد فوق الطاوله برضـــو وفسخ المعطف ومسكــو في يــدو
يتمطط في الوقت يستنــها تقفل
رهام وخقت عندو : ها اقدر اخدمكـ
طل فيها كيدا : لا شكــرا
رجع نظــرو علي زهاد الي بدت تستغرب من وقفتــو قدامها بدا الشــكل وطلاتو عليها كنها مدري ايش مسويتلوو
قفلت الجوال وفوق راسها الكتير من علامات التعجـــب عقدت حواجبها وهيا تحاول تتذكـر فين شافتوو >> مهويه البنت
الكاسر لا شعوريا ضحك علي تعابير وشها . : هههههههههههههههههههااي
رهام وزهاد طلو في بعـض ورجعو طلــو فيــلو
زهاد : اقدر اخدمك
الكاسر اتورط من اول واقف ويستنها تقفل وفي الاخير ما يدري ايش بدو يقلها اصلا
اشر عليها وفي يدو الكوب : هي انتي لاتمشين ثاني مره وتصقعين بخلق الله هالمره عديتها بمزاجي ولاتجربيني المره الثانيه
زهاد علي طول افتكرتوو : هي انتــه مو عشانكـ دكتور ترفع صــوتكـ ها ها ها
يتريق عليها : هاا هاا هاا هاا
زهاد عصبت : هي انته
اشر عليها باصباعو : انتي الي هي قوليلي يادكتور حتى أسمي لاتنطقينه بلسانك
بجديه : يصير خير وروح من هنا لو سمحتـ
رفع صوتو وقرب وشو : ترى حدك واثقه من نفسك أنتي
زهاد فرصعت عينهاا وخافتـ : هي لا تعلي صوتكـ انت في مستشفي
: والله مستشفي متأكده ماهوب كزنو مثل ماتفضلتي قبل
زهاد من النوع الي اذا عصب يخبص طوالي : اقلك حبيبي وراكـ ناس اذا ماعندكـ شي روح
الكاسر ببرود لف وطـل وراا في الساحه الفاضيه : مابوه ناس
زهاد صارت تطل بتناحه : اخلص ايش تبا
: مابي شي من ورى هالوجهـ
: اصلا احسنلك تبعد عــني انت ماتعرف انــا مــين
: عندي استعداد اعرف منو انتــي
رفعت اصباعها بتهديد : انته انته لو سمحت روح من هنا لا اطلبلك الامن
: ههههههههههه هي انتي تحسبين نفسك بشركة ابوكـ
رهام ماتت ضحكـ : ههههههههههههههههههه لو سمحــت ايش تبغاا
الكاسر لف عليها وابتسم وشال كوب الحــليب : لاأبد عن أذنكم
لف عنــهم وابتسامتوو شاقه حلقوو يكــره انواع البنات الي كدا جريئين وما همهم احد ولسانهم طويل وفي الغالب يكونو قليلات ادب كمان
مشق وهوا يخرج من المستشفي .. : ياشينك مع هياطك عالم وجودهم بالحياه غلط
راح للمواقف دخــل سياارتــو وهوا يدنن اغنيه أجنبيه يعشقهاا
سك الباب شغل السياره والمكــيف اول شـــي
ضغط زر بلي في السي دي واشتغلت الاغنيه الي ناسخها في كل السي دي عشان تنعاد وتنزاد بدون مايتعب نفســـو يحبها مـــــرهـ
~~
As I look into your eyes
I see all the reasons why
My life's worth a thousand skies
You're the simplest love I've known
and the purest one I'll own
Know you'll never be alone
~~

نزل المــرايه طــل في نفــسو وابتسم : عدى اليوم على خير من غير تعقيدات
حركـ السيارهـ ومــشي
..............
نرجــع ورا للاستقبال ماسكه الآي باد في يدهــها وماشيه بخطوات سررريعه وعبايتها طايره وراهــا
وصلت لباب المستشفي وماعرفت فين حتلقا طلت يمين ويسااار وما شافت احد اكيد مــشي
رفعت الآي باد وطلت فيلو شويتين يلا اكيد حيفتقدو ويرجع ياخدو لو ما جا اخدو دحين اكيد حيسال عنو بكــرهـ
رفعت وجلست تضغطـ فيلو وتشوف ايش في وايش مافــي بلقافه طبعااا
وفي نفس الوقت مستغربه كــيف شال كوب الحليب ونسي دهـ
كيف ما افتقدو اليــن دحـــين
رجعــت دخلت علي المستشفي وجلست علي كرسيها
رهام : يو مالقيتي راح .. ؟
زهاد : يعني لو لقيتو لو رجعت وهو في يدي
: ودي للامانات وبكره لما يجي يستلمو
: لا حاخدو معايا واسلمو لو بنفسي امانه عندي
رهام في قلبها بس يا امينه انتـي : بس اكيد هوا يداوم من الصباح فعشان كدا خلي هنا
: مدري اشوف طــيب
رهام اكتفت بانها تبعد عينها عنها وتركزها علي الجهاز الي قدامهاا
وزهاد بتفكـر تروح تكشخ بيلوو وتاخدلها كم صووره معاا قبل ترجعو لصاحبووو
ماقدرت تمنع ابتسامتها الشيطانيه وهيا بتفكـر بافكارها الي ما ندري ايش تباا

~~~~~~~~
A6baa fe al-7o0b
~~~~~~~~

خرج من مكتــبو بســـرعه وفسخ المعطف وهوا ماشي بخطوات ســريعه جداا الي يشووفو يحس انو في شي يعني مو طــبيعي صايرلوو
حسام وقف متــنح اشبوو دهـ متصرفد كيدا .. : لو سمحت دكــتور
دخل علي المصعد الي انفتح : بعدين بعدين يا دكتور مستعجل
حسام لساتو متــنح : دكتور بس بديلك التقارير
: روح روح حطها علي مكتــبي
: طــيب دكتـور اقدر اساعدكـ في شــي
مازن يفركـ وشو بقــوهـ : لا تســلم
انقفل المصــعد وحسام واقف متـــنح رفع التقارير وطــل فيها ورجع طل علي باب المصعد
رفع كتــوفوو بستغراب
ومــشي راجع في الممــرر وهوا يفكــر اشبو الدكتور كدا انشالله مو صاير شي كـبير
الله يعــين
وصل لمكتب الدكتــور مازن فتح الباب بعد ما دق مع انو عارف انو مافي احد لكــن الادب مقطع نفســو
فتح الباب ودخل وهوا يمثل : احم ياواد مازن اوقف
: كم مره اقلك لا تجلس هنا ما تفهم انته
: ايش بتسوي الين دحين
: انقلع براا براااا
حط الملف فوق المكتب ومات ضحك علي نفسوو وهوا يتخيل انو مدير المستشفي وقاعد يهزء في دكتور مازن
اتنهد بالم آهـ بس متي اصير مدير المستشفي او هو يا حسام لساعكـ مطول اركد بــس
لف ورا المكــتب وجلس علي كــرسي مازن ورفع رجلو علي المكـــتب
ورجع يمثل تاني : يا دكاتره يا متدربين اغلاط مابغا وهباله ما ابغا فاهــمين المرضي ماهم لعبه
اندق باب المكتـب بهدوء
حسام انفجع علي نفسوو وقف بسرعه ولف حولين الكــرس وخرج من ورا المكتب : ايوه مين
انفتح الباب ودخــلت الاخصائيه لمـيس
وقفت تحاول تركب الامور ورجعت طلت علي الباب ولفت تطل في حسام مره تانيه
حسام ببتسامه حــلوهـ : دكتور مازن الظاهر جالو ظرف ضروري وخرج وانا دخلت احط التقارير علي مكـتبو بس
لمـيس بستغراب : سمعتكـ تتكلمـ
حسام انحرج : ايوه كنت بفكر بصوت عالي بــس
بطل في بتفحص : اهــا طــيب انته دكتور متدرب صح
حسام ببتسامه وسيعه : أيــوه
: اها ماشالله انا الاخصائيه الباطنيه هنا لمـيس
حسام ببتسامه كــبيره : اهلا دكــتوره ما عرفنا عليكي الدكتور مازن
: تتعرفو مع الوقت مو مــشكله
: اكيد يادكــتوره اتفضلي ارتاحي
لمــيس ببتسامه : مو مكــتبكـ
حسام اتلونـ : ههههههههه اسف بس قلت مايصير اخليكي واقفه دكتوره
: مو مشكله يادكتور يلا طلما مازن مو موجود انا استاذن وشد حيلك لا اوصيك
: اكيد دكتوره
: عن اذنكـ واخرج من المكتب
: اهو خارج وراكــي
خرجت لميس وحسام وراها علي طــول وابتسامتو شاقه حلــقو حمدالله ربي عوضهم الاخصائيه باين عليها زوق واخلاق وتجنن بعكس مازن كويس ما طلعو الاتنين كدا كان اتورط معاهم
سرح فيها كيف حلووهـ وملامحها ناعمه رغم كــبر سنها
رجع للكونــتر ولقا مهند بيستنا
: حسوم طولت كل ده تودي تقارير
: ههههههههه مشس حالك وصلت للمصعد ولقيت مازن مستعجل وقلي اوديها مكتبو وكدا ورحت وديتها
وقابلت اخصائيه الباطنه مره دكتووووووووره زوء يا مان
: احلف
: والله جد راح تعجبكـ
: كويس
حسام فسخ المعطف حقوو ومسكو في ايدو ورفع يدو التانيه علي كتف مهنــد : هدهود ككدا انتهي اول يووم تدررريب
مهند مســكـ يد حسام الي علي كتــفو : يب يب فيفا اول يـــوم
حسام بحنيه : تعبان حسوم
مهند يهز راســو : لا بس تعال علي عندي
: كل يوم وأنا راز نفسي عندكم تعال انته معايا
: طيب اكلم امي وأشوف
مهند سحب الجوال من جيبو وطلب رقم امــو
---- رنين متقطع ولا رد علي الخط التاني
عاد مهند علي طــول يقلق : اشبها امي ما ترد
حسام : واشبك خفت طوالي
طلب رقم اختوو : اوش اوش
حنين علي الخط : هلا هنود
مهند : كيفك حنوو
: بخير انته اخبارك حكيني سريع هنود كيف المستشفي
: هههههههه بخــير اهو دحين خارجين
: كيف كيف حماس
: ههههههههههه ايوه حمـــاس
: كووويس بنستناك علي الغدا
: اقلك فين امـــي
: راحت تاخدلها غــفوهـ علي ما تجــي
: امممم بدي اروح لعند حسام يجي ولا
: لااااااا لا لا جيب حسام يتغدي معانا ترا ماما ماخلتنا ناكل عشان حضرتكـ وتقول تروح
: خلاص فهمنا جاي جاي
: يلا لا تتاخــر
: سلام
: باي هنود جبلي معاكـ بطاقة شحــن
: اوكـ عمري ما اكلمك الا وتطلبي طلب يالطيف
: كم حنين عندكـ
: صح وحده حنين لكن مو تفقريني
: هههههههههه سلام لا تطول
: اوك سلام
قفل وطل في حسام ببتسامه : تعال معايااا انت
: وشي طاح كل يوم منرز عندكم
: ويعني تعال ولا تكتـــر لا اشدك من عينكـ
: هههههههههه اوكـ بس غدا ايش احد يتغدا دحــين
: انت عارف وقت الغدا عندنا هوا وقت وجوود هنود
: يابختكـ ياشيخ
: هههههههه
قربو لو وضمو علي خفيــف : ايوه يابختي
وصلو لبوابة المستشفي
حسام خرج نضارتو الشمسيه ولبســها
مهند وقف طــل في : نسيت نضارتي فووق بدي اروح اجيبها
حسام : وقف اروح اجبلكـ هياا
مهند : لا خلاااص انا طالع بـــسرعه
: يابويا خليكـ اروح اجبلكـ هيـــا
: انت الي انطق نضارتي بدي اجيبها بنفسي
: لا لا انت باين عليك مدروخ اروح اجبلك هيا بسرعه
مهند شد حسام من يدو : خلاص مو لازم نضاره
حسام فسخ نضارتو ولف مهند لو ولبسو هيا : كدا تمام
مهند ابتسم وهوا يرجع شعرو علي ورا : طــيب شكرررن
مهند: حسام علي عندي طيب
حسام هز راسو بدون مايهــرج
افتـــروقو وكل واحد راح علي سياارتــوو

~~~~~~~~
A6baa fe al-7o0b
~~~~~~~~

وبكدا انتهي اول يوم من حياة ابطالنا
وانتهــي اول بارت بنهاية يومــهمــ
واتمـــني القا تفاعــل عشان اكمــــــل طبعاا

اطبـــــاء في الحب
للكــاتبه
قطعــــة شكلاتــه
...

~~ BART [ 2 ]
اطـــــــــباء فــي الحـــب ... ... ...

~~~~~
أحيآناً ..
نحتآجُ أن نتبعثرْ .. لِـ نُعيدَ تَرتِيبَنآ مِن جَديدْ ،

ونَحتآجُ أن نَنكسِر .. لِـ نتَعلّم المَشي
~~~~~

فاردهـ رجولها بكــل راحــه فوق الســرير
حاط راسو علي رجلها وجالسه بتلعب في شعــروو الي لونــو ضارب علي بياض بثتثناء شعرات قليلة
بالون الاســود والرمــادي
داا اكتــر شــي يبسطها في الحيــاهـ
لما تجــلس معا وتقضي كل وقتها بقربووو وتكــرهـ الحظه الي حتبعد فيها عنووو
مبسووطه وضحكاتها معبيا المكــان : طــيب بابا أيــش سويتو وقتهاا
محمد وبيكح مع كتر الضحكـ : كح كح كح
تسنيم نزلت يدها علي صدروو : بابا لا تضحكـ كتــير اشبكـ
: ههههه انتي بتضحكيني يابنتــي
: طــيب حسكت بس كمــلي ايش صار
مسكـ يدهــا : يابنتي قومي ناميلك ساعتين وراكــي دوام
: مارح انام لما تنام
: كيف انام وانتي جالسه علي راســي
بوزت : يعني انا الي طفشتك بابا
: ههههههه ايوه روحــي نامي وراكــي قومه من بدررري
رفعت يدها تطل في ساعتها : امم خلاص مافي وقت اصلااا
: الا في لو نومتي لك ساعتين تلاته راح تنفعكـ
: مصرر يعني
: ايوه روحــي نامــي يلا
سحبت رجلها من تحت رااسوو بهدوء وسحبت المخدهـ وحطتلو هــياا
: بابا نام حتي انته طــيب
: انشالله يابنتـــي
وقفت وسحبت التبــسي الي فوق الكمدينه الي فيلو ادويه اشكال والوانـ وجك مويه وحجات كدا
: بابا تبا شي قبل لا اروح
: لا يابنتي الله يعطيكي العافيه روحي نامي بس
: طيب طيب
قربت منو وباست راسووو وخدوو وجبهتوو وكمان ايدو : اشوفك لما اصحي بابا
: انشالله يابنتي الله يرضا عليكــي
بس تحب تسمع الجمله دي من فم ابوهــا ابتسمت : بابا ابا اجي انام جنبكـ
: لا لا لو جلستي مارح تنامي
: والله انام اوعدكـ
: لا روحي نامي في غرفتك يا بنتي يلا سكي النور معاكـي
رجعت باست راسوو : طيب تصبح علي خير بابا
: وانتي من اهلو يابنتي
خرجت من غرفة ابوها وسكت الباب بهدوووء
راحت علي المطبخ حطت الاغراض وفتحت التلاجه تحســ انها جيعانه وبدها تشوفلها اكله خفيفه
قربعت شويات في المطبخ وخرجت في ايدها صحن صغــير فيلو قطع طماطم وخياار
وفي ايدها التانيــه كاسه موياا
راحت
علي غرفتهااا دفت الباب بقفاهاااا : نسوو نايمه
نســيم تدخل راسها تحت الحاف : ايوووهـ
: يا بنت بلا مجااغه ايش عندك ايش بتسووي
نسيم تخرج راسهاا من تحت الحاف وترتب شعرهــا : ولا شــي ايش عندي يعني
: متي جيتي
تطل في الساعه الي معلقه علي الجدار : من زمااان
جلــست جنبــها : اها حلوو
مدتلها الصحن : كلي جيعانه
: ولو جيعانه تتوقعيني اكــل طماطم وخياار ..!!
: اشبهم الطماطم والخيار انشالله
مشقت ولفت عينها : مابهم شي بالعافيه ياستي
قامت تسنيم وجلست علي سريرها : الله يعافيكــي ماسئلتيني كيف كان يومي في الهوسبتل
نسيم ومشغوله في جهازها : كيف كان يومكـ في الهوسبتل
تسنيــم ابتسمت بحماس : مــرهـ حماس وفـــله
نسيم بلا مباله : ايش الفله وايش الحماس في المكان داك ما ادري
تسنيم راحت بافكارها للمستشفي : كدا حماس لما تحسي انك بدك تساعدي الناس
نسيم تطل عليها بنظره عجيبه : اها بالتوفيــق الله يعينكـ
: امين ويوفقك ياربـ
وقفت بسررعه وراحت علي المطبخ رجعت كل شي مكانو ورتبت المطبخ الي مقربع قربعه بسيطه
وراحت علي الحمام خرجت بعد دقاقيق
ورمت نفسها علي سريرها بعد ما طفت الانوار : نسوو متي حتنامي ؟؟
: مو دحين لــيش ؟
: صحيني الساعه سبعه او قبل اوكــي
: اوكــي

~~~~~~~~
A6baa fe al-7o0b
~~~~~~~~

خــرجتـ من غرفتهــا تتسحب تسحــيب
ماشايا علي اطراف اصابيعهااا ورافعه طــرف الرووب الابيض الطوويل الي لابستووو
نزلتـ الدرجــات بهدووء لــين وصــلت للمطبخ
فتحت النور الدهــبي الصغــير
راحت للتلاجــه وفتحتها بشوويــش طلعتـ جكــ المويه وحطتو علي الطاوله وخرجت الكــاسه
جلست فوق الطاوله تشرب المويا بهدووء
سمعت خطوات جايه للمطبخ بنفس الهدووء الي هيا جات بيلوو
شالت الجك والكاسه ودخلت تحت الطاوله
انتبهتـ لرجولوو الي لابس فيها شبشب اسوود اكبر منــووو
مشي خطوتين في المطبخ وطفا النوور وراح
اتنهدت برتياح وخرجت راسها تتاكد راح ولا بــاقي
وقفت بعد ما اتاكدت انو اتوكل
رجعت جك المويه في التلاجه وحطــت الكاسه ع الطاوله وخرجت من المطبخ
رفعت روبها ومشيت خارجه بنفس الهدووء
ما كملت درجتين من بدات تطلع الا انتبهت لضلوو علي الدرج
رفعت عينــها بطــفش مرهـ مو وقتوو
دخلت يدها بين شعرهاا وكملت طلوع ليــن وصلتلو : مـــانومــت
اتكتف : ايش رئيكـ
اســراء : ام ليــش ما نومــت
بنبرةـ ترجــي : تعالي نامــي معايا
: عندي اشغال ورايا قومــه بدي انامـ
: انا ما طلبتك شي قلت تعالي نامــي معــاياا
مشيت الخطوتــين واتجاوزتــو : تصبح علي خــير اياد
اياد لف ومــسكـ يدهــا : اسـراء وقفي
اسراء وعارفه أيــش بدو يبدا يقول : يا اياد وريا دوام سيبني يرحم اهلكـ
اياد بقله حــيله سيب يدهــا : اوكــي اتسهــلـي
اتنهدت برتياح ولفت علي غرفتها
سكت الباب بهدوء وجلست علي الصوفا الي لونها اصفر فاقع مــرهـ
سحــبت الريموتـ ورفعــت الصوتـ علي قنــاة الام بي ســي
وراحــت جــو .. ونســيت انو في شخــص بــرهـ يموت ويجــلس معهاا

~~~~~~~~
A6baa fe al-7o0b
~~~~~~~~

نــايم براحه علي الـــسرير الي مغطــي بشراشف لونــها نيــلي بلــون الستااير الي منسدله علي القــزاز الي اخد جداار كـــامل من الغــرفه
رمــش رمــشتين واتخللت اشعة الشمــس لعيونووو
رجع غمضهــا بقووهـ ودفن راسو وسط المخدهـ الرماديه ورفع صوتـــو : ميرنــــــــا يا ميــــــرنا ..
مافي أي رد
عصب ورجــع رفع صوتو اعلي واعلي : ميرنــــــــا تعالي للهني لا اجــي اذبحكي الحــين
رفع راسو وطل يمين ويسااار
اتنهد بالم لما استوعب الواقع المــرير .. ماهو في الرياض .. ولا هو في بيتو .. ولا هو في غرفتو .. ولا في ميرنا خادمتــو .. كــل شــي اتغـــير
حط راســو علي المخدهـ بالمـ : اووف كــل يوم انســـي ذا الي انا فيه
جـــالو صوت يعشق يسمعو كــل صباح وكل مساء وفي أي وقتـ : شنهو الي تنساهـ ؟؟
لف بحماس : رودي من متي انت في ذا
رائد : من عرفت انك مو معاير منبهكـ .. ؟
اتقلب في الســرير وهوا يضحكـ : ههههههههههههههه بس شوفني صحــيت
رائد ياشر علي الشباكـ : صحــيت بسبة ذاا
الكــآسر و يخلل اصابيعو بين شعــرو : كم الســاعه بوهـ وقت اتحمم واعبي بطني ولا
: لا فيه وقــت بس تحرك الحيــن
الكــآسر يطمطط بكــسل : يالله ما شبعت نومـ بعد
رائد يقرب ويمد يدو : يالله قووم جبتلكـ كيــك والحيــن بصلحلكـ الحلــيب
كــآآسر مسكـ يد رائد ووقف : والله جايب كيك مــن وين
: من وين تحبه انت بعد من سعد الدين
: اجل بقوم اتحمم ســريع وراجعلكـ
رائد قرب من الكآسر فجاءهـ وباس خدو : ما قلت لك صباح الخــير
كــاسر كــشر : صباح النــو وشـ قصتكـ تبي تقلب لي مزاجـي وانا حدي رآآيق
رائد يرفع حواجــبو : لا ابد بصبح عليكـ بس
: ما تعرف تصبح علي بدون ما تبوسني
يبتسم ابتسامه حــلوه : لا ماعرف
كاسر دفو عن طريقو ومشــي : ابي حلــيب
: الحــين بتلقاهـ لا تصيف بالحمام
: لا مانيب
دخل الكــاسر وقفل ورا الــباب بــقوهـ >> يقال معصب ..
رائد يطل في باب الحمام ويتنهــد : الله لا يخــليني منكـ ..
راح علي المطبخ الصغــير والي نظاامو امــريكــي ومفتوح علي صاله متوسطــه
اثاثها بيج واحمــر مع سرميكـ اسود بلمعــات خفــيفه ملونــه ولما تنعكــس عليها اشعه الشمــس تصير
شي تاني
شغل علي الغلايه وخرج الكــوبين النيليهـ وخرج ترمزهـ متوسطه عشان يعمل فيهــا حليب لكاسر ياخدو
معا المستشفي
جهــز كــل شــي وتكا علي الطــاوله يتفرجـ علي التلفزيون الي شغال علي قنــاه اخــباريه
مامرت دقايق الا ورائد اندمــج مع الاخبار وصار عاقد حواجــبو ويقول في نفــسو الله يكفينا الشــر
اخبار ما تطمن ولا تــسر ما غـير تجيب الكــئابه للواحــد وبــس
التفت ببتسامه لما انتبه لكااســر جاي لجهــتو ولابس روب الاستحمام النيلي وشعرو ينقط مويــا
: وين الحلــيب
رائد يمدلو الكووب : هذا هــو اتفضل
ابتسم وهوا ياخد الكوب من يد رائد : تسلم الايادي
: اقعد كــسور بجبلكـ الكيك الحين
جلــس كــآسر ورفع رجلينو بالشبشب الرمادي علي الطربيزهـ المستطيله قداموو : وهاذي جلسه
سحب الريموت وقلب القناه : رودي الله يهداك تتابع اخبار
: ايه خلنا نشوف اخبار العالم
حط علي قناة اغــاني اجنبيــهـ : شوف هاذا الامور الي الواحد يقعد يطالعهــا
رائد حطــلو الكيــك قدامــو : اقول لا تبسطـ وراكـ دوام
: ايه اعرف يامال المنيب بقايل آآهـ بس
: وش فيك تتنهد
: بس كذا احــس اني موب مكاني ولا بشغلي ولا بعالمي ولا شــي يارودي احـس اني ضايع
: افا تضيع والرودي بجنبكـ
: آآهـ بس مابوهـ شــي مصــبرنـي علي ذا العيــشه الا الرودي ذا
رائد ببتسامه يواسي : انت بمكانك الصحيح لازم تكون كذا وتعتمد علي روحكـ انت موب صغـير
رفع الكوب لفمو واكتـفي بالسكوتـ
رائد : بتلبس بدلة السكروبس ولا . ؟
: ايه بلبسهــا
: زيــن وانا جاي جبتهــا لكـ
كــآسر برضــو اكتــفي انــو يطل في رائد طلات يقول بيهــا ايش حسوي في يوم من الايام بدونكـ
رائد : لا تفكـر وخلهــا علي ربكـ
كــآآسـر يفكـر ما ندري في ايش التفت علي رائد فجاءه : ايه تذكرت شفت جهـازي الآي باد مانيب
بلاقيه
رائد يحاول يتذكـر : لا ما شفته
: مادري وينــه امس يوم اني وصلت البيت ادورهـ مانيب بلااقيه
: امم متي اخر مره تذكر كان وياكـ
: بالمسـتشفي قبل لا اطلع كان وياي كنت اكلم ماهـر اخــوي
: دورتــه زين بسيارتكـ بغرفتكـ
: لا مادورتـه كنت تعبان حدي ونمت ولما صحيت خرجت وياك ولما رجعت نمت بعد وتونــي افتقدته حــيل
: اجل تلاقيه بسيارتكـ يمكـن
: يمكــن اكون ناسيه فيهاا
وقف وشال صحــن الكيك : بروح البس احتريني
: اوكـ

~~~~~~~~
A6baa fe al-7o0b
~~~~~~~~

حسام واقف ومكــشر حواجــبوو
ومهنــد ميــت علي ضحكـ بدلة السكروب جايه ناطه علـــي وماسكه : ههههههههه حسوم وربك شكلك مضروب
حسام : ايش شكلو دهـ كيف صارت كيدا
مهند يرفع كتوفو : ايش يدريني هههههههههههههههه حسوم امانه روح شوف شكلكـ في المرور
: يابويا من غير مرايا السراول ضيق موستحــيل
: ههههههههه ايش الي مستحــيل
بجديه : مستحــيل يصير كيدا امس كان تمام معقوله طولت
مهند مستصيب من حسام : هههههههههه حسام انته اغبي واحد في العالم
حسام كــشر : مخك الغبي ايش فــي ؟
مهند انشرق من كتر يضحك : كح كح هههه كح
حط كوب الشاهي في الارض : ياحمار انت لابس بدلتي
حسام كشر تنح بلم واخــر شـي انفلت ضحكـ : هههههههههههههه وانا اقول في احد بدهـ القصر اترنو انتـهـ
جا دور مهند يعصب : مو مره قصير يلا حــل
حسام فسخ البنطلون : انته الي حــل
لف وخرج البدله التانيه ولبس البنطلون ولف حولين نفسوو : دهـ طول حسام ودهـ جسم حسام مو
بدلتك
مهند شال الملعقه ورمـها علي حسام : يا مداس
حسام لف وبعد عن الملعقه ومكمل شمــاته في حسام : اقلك انت فصلتها عند خياط اطفال ؟؟
مهند عصــب وقف ونقز علي حــسام : لا تمزح معايا
حسام : اقول بعد عني ما اضارب مع ناس اصغر مني حجما وسنا وعقلاا
مهند يشد شعررر حسام المكدش : اجل انــا
حسام : هههههههههههههه مهنــد يا بهيم
مهند يشد باقوي ما عندوو : اجل انــا
سمعوو دقات خفيفه علي البابـ
مهند : ميـــــــــن
جالو صوت امو من بره : افتح ياولدي
لف علي حسام : احمد ربك امي جات
قام واتوجه للباب بسرعه وفتح لامــو : هلا امــي
رفعــت يدها ومسدت علي خدو : ايش الجنجنه دي انت وحسام من الصباح عيب الناس نايمين
: هههههههههههه امي ماعليكي من حسام
حسام من جوا : يا خاله ولدكـ بيفتري فياا
ام مهند ابتسمتـ : عيب تسوو شقاوهـ زي الصــغاار ..
حسام : من جد ياخاله عيب قولي لمهند قوليلو عــيب
مهند يضحك لانو عارف ايش يقصد حســام : ههههههههه خلاص امـي دحين رايحين اصلا
: طــيب الله معاكــم انا رايحه انام طــيب
قرب منها وباس راسـها : تصبحي علي خــير
: حتتاخر اليوم ياولدي
: لا ما اتوقع زي امــس حرجع انشالله
: طيب يلا انتبهو علي نفسكــم
: انشالله امــي
قفل الباب وشال ملابســو : حسوم خلصني البس
واقف قدام التسريحه يدهن جسمو ويزبط شعرووو : لابس البس انتــه
دخــل مهند الحمام وسك الباب
حسام جلس علي طــرف السرير ولبس الكوتــش الابــيض الي فيــلو قيطــان ازرق بلون بدلة السوكروبس
رفع جــوالوو وصار يمشــي في الاسماء يبا يشفلو بنت كدا ولا كدا يزبطهــا اليوم ويخرج معهاا
لو اسبووع او اكــتر ما ديــت ..
استغـرب لما شاف الاسـم : مين دي
: ياربـــي ميـن هيا اممم بيان بيان اممم
جلس يسال نفــسو : كم بيان تعرف امممم فكر فكر
طلب رقمــها بدون تردد وحط الجوال علي ادنــو
جالو صوتهاا واضح انها نايمه وخق عندها علي طول وبصوت رايق ومغزلجــي : بيــان
بيــان وفي صوتها نبرة استغراب : مـــين
: : افا انا حســام تقوليلي مــين
بيان بحماس : يااااااااااي حــساام كيف حالكـ
حسام كــشر يحاول يتزكرهــا : بخير انتي اخباركـ
: انا بخــير يالله حسام زكريات مــره لك وحــشه
: ماتشوفي وحــش انتي كمــان وحــشتيني
: اما وحــشتكـ ؟
بشويش خايف يقول شي غلط : أيـ ـ ـوهـ ... ما تــوحشيني يعــني
ضحكت بحمــاس : هههههههههههه حسووم كيف حياتكـ قلي
بدلاخه هرج : والله بخــير امــس كان اول يوم تدريب لياا
بيان بستغراب : تدريب أيــش
يفرك وشو يحاول يتزكرهــا وفي نفس الوقت يتزكر ايش قلها وايش الف عليها : أيــوهـ تدريب الطب
بيان بفجعه : انت تدرس طب ؟؟؟؟؟؟!!!
قفل الخط بســرعه وقفل الجوال لما اتزكــر مــين بيان
: وربكـ انكـ ما عندك سالفه حسووم
خرج مهند من الحمام لابس ومخلص : توك تدري انك ما عندك سالفه
حسام : ههههههههه ابو هنود خد الهرجه شفت رقم بيان واتصلت عليها وقلت لها انو بدات تدريب
مهند ويطفش من هروج حسام عن البنات : اها طيب ايش المشكله
: المشكله اني اتزكرت اني قلت لها انــي موظـف ومخلص دراسه ليا خمسه سنين
مهند : هههههههههه مهوي
: يوووو كفشتني والله لو عرفت شي حقيقي عني البيان دي راح تنشبلي زي الهم علي القلب
: الله يعينك استحمل
: هوا انا ناقص نشباتـ بناتـ
: مشي حالكـ انته بتجيب لنفسك
: وير افــر
رن جوال حــسام التــاني رمي الجوال لمهند من يوم ماشاف اسمهــا : قولها حسام مات
مهند مسك الجوال بسرعه قبل لا يطيح : مين هيا
: مدري أي احد يبغاني قلو مات حسام
مهند رد وفتح اسبيكــر
جالهم صوت بنت بتشهق وتبكــي : حسام حساام اهلي حيعرفو عن كل شي رد عليا الله يخليكـ
حسام برضو يكــشر ياربي علي دي النشبه
مهند : حسام ماهو في
حسام عصب واشر لمهند وسو انو بيموت : قولها ماتـ
البنت تبكــي : فينو فين حسام
مهند : والله ماهو في اقلو شــي
: الله يخليك ابوس يدكـ قولوو يكلمني ضروري
مهند بحزن لانو عارف حسام ايش سوا في البنت : اوكــي حقلوو
: الله يخليكـ قلو اهلي حيعرفو كل شي هوا قال حيدفعلي فلوس عشان اسوي العمليه انا ما عندي
فلوس
مهند يطل في حسام طلات قهــر : انا حبلغو
قفلت البنت بدون ما ترد
مهند رما الجوال لحسام بعصبيه : مشينا
حسام ولا نوقطه اهتمام : بنات لبش ترضا علي نفسها وتباني ادفعلها فلوس عمليه مع نفسها
مهند رفع عينو وطل في حسام طلات اسف : انا ماشي
حسام عارف انو مهند ينكد من دي المواضيع فكدا ما كلمو
خرجو من الغرفه ومن بعدها علي برة البيت
كول واحد اتوجه علي ســيارتووو بدون أي كلمه

~~~~~~~~
A6baa fe al-7o0b
~~~~~~~~

واقفه قدام الدولاب بحــيرهـ أيــش راح تلبــس يعنــي
البس الي لبستــو امــس تعتبرو من احسن الملابس عندهــا واكترها رسميه ايش يباها تلبس يعني
مازن دهـ
كــشرت من يوم جا في بالها وعصبت من نفسها
من خرجت من المستشفي امس وهيا تفكر في مازن واذا هرجت تهرج عن مازن وعن تسلطووو
حتي لما صحيت كانت حلمانه فيلو حولم مو مفهوم
خرجتلها بنطلون اســود مع تيشرت اسوود برضـــو
خرجت من غرفة الملابس ورمتهم علي السريرر بعصبيه : مالت عليك يادكتور مازنـ
خرجت علي سيب غرفتها وفتحــت دولاب الجـزم خرجتلها اوطي شوز وكان فيلو كعــب بسيط ولونــو
رمــادي
حركت راسها بنفــي لا راح يطلع صوتـ لو مشــيت
اتزكــرت الشوز الرياضي الي كــانتـ لابــستو اسراء
زفرت : طيب ما عندي كوتش ايش اعمــل يــعني
خرجت لــها شوز مــره راخــي لونــو ابيــض بدون كــعب وفيلو فيونكــه ســوده من الجــنب
اتنهدت : دهـ اهونـ شــي لازم اروح الســـوق دام الووضع كيدا
دخلت علي الغرفه لبست ملابسهــا بســرعه ولبست الشوز تشوفو جاي مع الملابس اور نوتـ
الشوز ابيض وفيلو فيونكه سوده يعني حيجي مع البس وحيجي مع الاب كوتـ كمان
ابتسمت واتوجهت علي التسريحــه زبطتـ حواجبــها وكترت البلاشــر ..
وما قدرت تمنع نفســها من الروج الاحمــر الي كان قدامهــا
رفعت شعرهــا كوكــينه كبيره علي فوق بحيث يطلع شكل الطرحه لما تلفها ملــفت وحــلو
ما نسيت تعمل نفخــه بســيطه من قدام ..
لبست عبايتهــا بســرعه ورمت الطــرحه باهمــال علي راسهــا وشالت جوالها وخــرجت من غرفتها
نزلت الدرجــات جــري : سينا يا سيناا
جاتها الشغاله : يس مــس
: اطلعي جيبي اغراضي من فوق وديها السيارهـ بسرعه وقولي لميرفي يشغل سيارهـ دحين خارجهـ
: اوكـ مــس
راحـت علي غرفة الاكــل : السلام عليكم ماما
امــها باخلاق ضيقه : وعليكم السلام
اعناب علي طول ضيقت اخلاقها ومن طــرف خوشمهــا : فيــن بابا ؟؟
: ماجا لســـا
: فين وهــيب
: ما صحــي لســا
اعناب اتنهدت بطفش متي يجي ابوهــا متشوقه تحكيلو عن اول يوم لها في الهوسبتل
كلمتو امــس قلها حكون هنا علي الفطور فينو ليش ما جاا
امــها : مطوله توقفي عند الباب تعالي كوليلك حاجــهـ
مشقت ومين ياكل معاكــي وانتي كدا .. : شبعانه باي مام
امها مشقت واكتفت انها تقلب في صفحات الجــريدهـ
اعناب لفت و رفعت الجوال لادنــها بعد ما طلبت رقم ابوهــا
_ _ _ وكالعادهـ الجوال مقفل
خــرجــت من البيت وركــبت السيارهـ بعصبيه : امــشي ميرفــي
: اوكـ مـس
سحبت شنطتها الكبيره والي فيها أي شي وكل شي يخطر علي البال
خرجت نضارتها الشمسيه لبستها بسرعه
وحاست وهيا تدور وسط الشنطه علي سماعات الجوال لين لقتها حطتها في ادنــها وشغلت اغانـي
اجنبــيه
بدت تروق وتخوش جو مع الاغانــي الا رن جوالهــا
: هلا ســروو
اسراء بحماس : روحـتي المستشفي
: تووي خارجه يا بنت والناس تقول السلام عليكم كيف حالكمـ
: ههههههههههـ مــشي حالكـ متحمــسه اليــوم
: لــيش
: انا في الطــريق في المستشفس اقولك
: لا قولي دحـــين
: لا بس الولد الي احبو حياتي علي اسمو عبد العزيز حنكتبلو خــروج اليوم صح حيوحشني بس اخيرن
لو سته شهور يا حياتي علي
: هههههههههههه ودهـ الي محمسكـ
: ايوه الولد يا قلبي علي خلاص يبا يروح بيتهم ربــي يسعدوو
: كويــس الحمد لله سرو فطــرتي
: لا لا
: افا ليـــش
: ما احب وجبه الفطور انا ملغيتها من فترهـ قريبهـ
: افا وجبة الفطور اهم وجبه
: حاليا عندي مالها لزمه
: الموهم انا مافطرت وجيعانه تفطري معاياا
: اقلك ما افطر انا من فين تسمعي
: هههههههههههه اسمع من خشمي
: يلا افطري في الطريق
: طيب سي يوو
قفلت وتكلم مرفــي : وقف لو كروسون
: اوكـ مــس

~~~~~~~~
A6baa fe al-7o0b
~~~~~~~~

متربــعه فووق المــرتــبه المرتــفعه والي تحاول تقنع نفسها دايم انهــا سريرر >> ؟؟
جــالسه بتحط مناكــير في اصابيعهــا ومتكيه بكتفها علي الجوال : اهــا
علي الخط التــاني واحد من الشباب الي تعرفهم بالكــوم لكن دا مميز عنهم في كتير حجات الوحيد الي عارف حجات كتيرهـ عنها : ايش الي اها انتي معايا زهــاد
: أيــوه معاكـ مع مــين اجــل
: لا انتي مســرحه مــرهـ
: ياسعيد مو مســرحه بس مستغربه من جهازي بيخبص
سعيد : أي جهاز الاب توب
ضحكت ضحكه مايعه : ههههههههههااي انته قديم ايش لاب توب الاي باد
بتعجب من فينلها : اشتريتي أي باد
: يب يب امــس روحت اشتريرتو وكــيدا ..
: يابنت اشتريتي ولا فشختي ولا جاكي هديه
ضحكت : ههههههههههههه لا اشتريتو بحر مالي
: اها يلا مبروكـ يديكي خيرو ويكفيكي شــرو
: امــين يارب
: اقلك زهاد دامكـ فاضه وجهــازكـ بيخبص امركـ نفطــر وازبطلك الجهاز وانزلكـ علي برامج ايش رئيكـ
: جهازي يا حبيبي نزلت في كــل شي خلاص مو ناقصو شــي
: طيب تعالي نفطــر سوا زهاد من فتره وعدتيني نخرج والين دحــين ما اشوف شــي
تفكــر في مصلحه من ورا الفطور : امممممم بشررط
: هاتــي ..
: شــوف نروح نفــطر وكيدا وبعدها نزلني المول واشتريلي كزا شي علي حسابك كنوع من الشكر ليا
اني فطرت معاكـ وبعدها توديني علي دوامــي طــيب
سعيد بتفكـير : خلاص بديتي دوامكـ ؟؟
: ايوه ههههههههه ماقلت لكـ
: هوا انتي من متي تقوليلي شــي
: ههههههه سوري يمكن قلت لسعيد التاني
عصــب : اقلك لا تجيبي سيرة الشباب الي تعرفيهم وانتي تكلميني
: ولــيش انشالله ؟
: بس ممكن
مشــقت وكشت علي الجوال : طــيب ها ايش قلت
: علي ايش
: علي الفطور والشوبنق والدوام ؟
: خلاص اوكــي متي امــركـ وفين دوامكـ اصلا
: شوف علي ما البس وكيــدا يعني مرني بعد ساعه ودوامي في مستشفي الـ .. طيب
: حركات تشتغلي هناك
: ايوون شوفت كيف ابوو دبابه اتوسطتلي
بتريقه : كووويس وايش تشتغلي سكرتيرة مدير
: لا يا حبيبي موظفة استقبااال
: طــيب طــيب حمركـ بعد ساعه لازم اقفل
: امم دقيقه لما نروح نفطر ونتسوق لازم ترجعني البيت اخدلي شور سريع والبس وكيدا
: طيب يا زهاد حاضر أي اوامر تانيه
: ليش موععسب السوسو حقي
سعيد ينبسط لما تكلمو كيدا : لا مو معصب بس ما تلاحظي انك بس تتامري
: طيب كم زهاد عندكـ
اتنهد بطفــش : ون زهاد أي خدمه لازم اقفل
: لا
قالت الكلمه وقفلت الجوال في وشو ورمتو علي المرتبه
رفعت يدها لفمها تهوي المناكــير : شباب اخر زمن يباني اكلمو بدون ما اتامر علي وذ يور سلفوو
رفعت الاي باد حق كاآسر بحمــاس ما رضيت تلعب فيلو كتـير خايفه تنتهـي البطاريه وتتورطـ
كدا لازم تكشخ بيلو شويا عند سعيد
صح انها اتصورت مع الاي باد كم صورهـ لكن يعني ما كشخت فيلو لايف
حطت يدها علي خدها وراحت بافكارها عند كاسر
كــريه ومتعجرف وصوتو عالي وكمان يحب الحليب
رفعت صوتها : استغفر الله في رجال يحب الحليب
جالها صوتـ قصي وكــلو نــوم : ايوه يا كترهم لــيش
: بسم الله متي دخلت فين كنت ليش مارحت المدرسـه
: مالي نفــس
: قصوو امس غايب واليوم ايش الحكايه
قصي يتمطط ويدخل يدو وسط فنيلتو الصفرا : ولا شي مابدي اروح
مدت يدهــا : تعال قصوو تعاال
مشي بخطوات كسووله لين وصلها رمي نفسوو جنبهاا : همم جيتك
جلست تلعب في شعروو : قلي صاير شي في المدرسه كيدا ولا كيدا
غمض عينو : الصراحه الصراحه الصراحه
زهاد تهز راسها : ايوه الصراحه الصراحه الصراحه
رفع عينو يطل فيها : متاكده تبيني اقول الصراحه الصراحه الصراحه
: يب يب اباك تقول الصراحه الصراحه الصراحه
يغمزلها : ترا الصراحه الصراحه الصراحه يمكن تصدمكـ
زهاد تقرص ادنوو : خلصني قصي
: طــيب طيب الحقيقه مفصول تلاته ايام لا تقولي لصفصف هانم
: اما افااا لــيش ايش سوويت
: يابنت الحلال لا تنخضي خخخخخخخخخخخ
: تتريق مع وشك وانت مفصول تلاته ايام
: افلل شي في الحياه لما تنفصل
زهاد عصبت : قصي ايش مسووي
قصي بخوف : زهـاد لا تعصبي
: ياسلام مفصول من المدرسه وما تبغاني اعــصب
: اسمعي دحين احكيكي وانتي احكمي
: هات قول
: شوفي خططنا نشرد من المدرسه طـيب ؟
تهز راسها : طـيب
مكمل بجديه : وشردنا من المدرسه
: اها
: وكفشونا وفصلونا تاديبي
: مالت عليك ليش تشرد
: بشرد مع العيال خلاص ليش معصبه كلها تلاتيه ايام وي
: وي في عينك قصي علي ايش اتفقنا
: يرحم اهلك لا تعيدي علي ايش اتفقنا انا فاكــر
زهاد بزعـل : روح بره وسك الباب قصــي
قصي مره مايحبها تزعــل منــو : زهو حبيبي اسمعي
: اقلك اطلع لو ما طلعت حروح اقول لماما انك مفصول
: اسمعي ياشيخه
: ايش في
: قلي المدير جيب ولي امركـ اجبلو ميــن
زهاد بحزن : ليش ما كلمتني اكلملك أي احــد ؟
: أي احد مــين
: أي احد عمي واحد من اخوان صحباتي واحد من ابائهم أي احد بس ما تنفصل
قرب منها وباس خدها : خلاص بكره اخر يوم وحرجع منتظم وعد
: طيب طيب ماشي
: فطرتي زهوو
: لا رايحه افطر مع وحدهـ صحبتي
: خدونــي
: لا لا كلنا بنات لكن حجبلكـ معايا فطور
: طيب ماشي
: اقلك ماما صاحيه
: لا لا يلا انا ماشي مع العيال وحرجع علي تسعه عشره جبيلي فطور
: لا استنه
سحبت محفظتها وخرجت منهـا خمسطعشر ريال : خد افطر مع اصحابك خلاص
ابتسملها : خمسطعشرررررررررررررر بس
: قول الحمد لله ورح
: طيب الحمد للـ ...
قطم كلمتو لما انتبه للاي باد وبكل حماس : زهووووووووووو من فينلك دهـ
زهاد انفجعت : وجع رخي صوتكـ بلا في شكل العدوو
طنشها وشال الجهــاز : أي باد من فينلك زهوو
زهاد سحبتو منــو : هات هات امانه عندي حق وحدهـ صحبتي
رجع شدو من يدهــا بقوهـ : اشوف مني اكلو ياشيخه
زهاد وقفت : جيب هات قصى هات مو حقي
رافع يدو علي فوق وطبعا اطول منها بكتـير : مافي دقايق اشوفوو
: قصي وربي حشتكيك لماما
طل فيها وضيق عينو : بدينا تهديد
: اقلك جيب حق صحبتييييييييي
: وحق صحبتك يعني حرام نشوفووو بعدي
دفها بخفه وخرج من الغرفه : اوري اصحابــي وارجعوو ليكي
زهاد جاها انهــيار وصرخت باعلي صوتها : قصي ياولد الاي يعني اصحابك مايعرفو
قصي انفجع من صرخـتها وحذفو لهـا بعصبيه : مالت امسكي
زهاد نقزت بسرعه تحاول تمسكو لكن الجهاز ماردو الا الجدرر مع صوت الصقعه وطاح علي حوض السمك
المتوسطـ الي فيلو مويا بدون اسماك >> ؟؟
قصي بلم لما شاف الجهاز يغوص في المويــه
جري بسرعه : زهاد الحــقي
زهاد توها فاقت من الصدمه وصرخت : لا لا لا
وصلت للحوض ودفت قصي بدفاشه وشالت الجهاز وطلت في بصدمه رجع اتزحلق من يدها ودخل وسط المويا مره تانيهـ
قصي دفها وشال الجهاز الي الوان شاشاتو ضربت وبينقط مويا
: يو زهاد شوفي
اخدتو منو وهيا تطل في بعدم تصديق : قصي يا حيوان شوووفـ
قصي مفجوع وبخوف : اقلك اشسمو اشبووو ..
رفعت عينها الي بطلع شرارهـ علي : قصي انقلع عن وشــي
دخلت علي غرفتها بسرعه وصارت تروح يمين ويسار وهيا تطالع في الجهاز بصدمه
مين قلي اخدو
مين قلي اجيبو معاياا
بلا في شكلك قصي
سرحت ثانيه عند صاحب الجهاز كيف كان عصبي وشرير وهيا ما عملتلو شي بس مجرد صقعه
بتتخيل دحين اي ممكن يسوي
هزت راسها بقوهـ : لا اصلا أيـش يدري
جلست علي السريررر وشالت جهازها تكلم سعيد يشفلها حــل الجهاز مو لها
جالها صوت سعيد : هلا زهوو
: اسمــع ....

~~~~~~~~
A6baa fe al-7o0b
~~~~~~~~

جــالس في مكتــبو بـكل رواق وجهازو مفتوح علي بريد الجميــل ويشوف اخـر الرسايل والايميلات الي
واصلتوو
في يدو كوبـ كوفــي .. ومندمج اندمــاجـ كــامل في الي قدامــو
كالعادهـ جــفل ونزل رجلو مـن فوق المكتــب بحركه ســريعه لما سمع دقــات خــفيفـه علي الــبابـ
: أيــوهـ اتفــضل
لمــيس فتحت البابـ بهدووء ودخــلت : دكتور مــازن
مــازن شال الجهــاز عن حضــنو : اهلا دكــتورهـ اتفــضلي
بخطوات هادئــه وصلت للكــرسي الي قبال المكتب المتوسط وجلــست : صباح الخــير
طل في الساعه وابتــسم : صباحـ النــور اهلا دكــتورهـ تشربــي شي
اشرت علي كوب الكوفي: في كوفــي
: ايوهـ اكــيد
لف علي الة الكوفـــي وصبلهــا كوبـ ومدو لهــا ببتسامه : اتفضلــي
: تسلم
شال الكوبـ حقو ورشف منـو رشفتـين وهوا يفــكر صايــرهـ تزورنـي كــتير ايش ورهــا
لمــيس : مريت مكتبك امــس مالقيتكـ خرجـت بدري يمكــن
: ايوهـ امــس دق عليا واحـد من العــيال يقلي مجموعه من الشباب مسوين حادث وخــرجت بسـرعهـ
: اها وفينهم جو علي عندنا في المستشفي
: أيــوهـ موجوديـن
: اهــا لا باس عليهم
: الله يسلمكـ
: كــنت بسئلك عن الحــاله الي في غرفه تلاتميه وخمـسه لــيش كتبتولهـا خــروج
: انا تركتلك التقــرير علي مكتبكـ
: أيــوهـ بس ما حسيت انـو المفروض تكتبولهـا خروجـ
: لــيـش
وقــفت وزبطت معطفهــا : انا حقولكـ لــيش تعال مــعايــا
: طــيب خليهــا بعدين بعد شويــا حيبداء الراوند
: طيب وصلو المتدربــين
: ما عندي خــبر بس لما يكتملو حيجيني خــبر
: طيب انا استاذن
: مو قلتي راح تحضري معانا الراوند اليــومـ
: أيــوهـ لكــن اتاسف عن اذنكـ
خرجت وسكــت وراهــا الباب بهدووء
مازن رجع رفع رجلينو علي المكتـــب وجر الابتوب لحضنو بعصبيه كيف ما كان المفروض اكتبلها خــروج
انا حاطلها التقرير مــن الصباحـ الباكــر وتـوهـا تنتــبهـ
رفع يدو لســاعه بعصـبيه ورجع اتلهـــي مع بريــدوو

~~~~~~~~
A6baa fe al-7o0b
~~~~~~~~

دخلــت المستشفي وابتسامتها معبيــه وشهــا مدخله ايدينهــا جوت جيوب المعطفـ الابيض الطوويــل
والجــوال معلــق علي رقبتهــا .. وصلت للاستقبال
: السلام عليكــم رهام كيفك
رهام ببتسامهـ : بخــير يا قلبي انتي اخباركـ
اسراء وابتسامتهــا معبيه وشهــا : بخــير يارب لك الحمد اخباري اليوم ميه ميه ميــتين تلاتميه
: يه يه دوم ياربـ
اسراء طلت في الكــرسي الفاضي : فين سمـر
: سمـر ماعاد بتجي تخيلي
اسراء بدهشــهـ .. : لــيش .. !!
: فجــاءهـ جات موظــفه جديـدهـ وتداوم بــس سبعه ساعات وكدا
: اما مين هيا
: ياشيخه بنت من النوع المستفز مــرهـ مشي حالك
اسراء بفجعه : وسمــر
: اشبهــا
: كدا خلاص
: ايوهـ يا ستــي اصلا البنت دي من طـرف المديــر
اسراء تكت علي الطاوله : اها قولتيلي وعشان كيدا يطيرو في خلق الناس
رهام تمشق : تسمعي بالواسطه يا ستي
: علي قولكـ
: يابنت مــشي حالك الحمد لله الاخــرهـ بالاعمال
: هههههههههههههههههه الحمد لله يالا يابنت استاذنكـ
: اذنك معــاكــي تيكـ كــيرر
: يو توو
لفت اسراء وراحــت علي المــصعد وهيا متشققه من الفــرحه لدرجة نفسهــا تبوس أي احــد يصادفهــا
ضغطت زر المــصعد الفــرعي والي تقريبــا ما يستخدمو الا الموظفــين
تكت علي الجدار جنب المصعد وجلــست تقلب في جوالهــا وكالعادهـ كم وكم رساله ورساله مــن اياد
مــن يوم تخرج من البيت يستلمها رسايل وما كنهم كانو مع بعض
,, كيفك بيبي ,,
,, وصلتي حبيبي ,,
,, انتبهي علي نفــسكـ ,,
زفرت بطفــش : ياربــي قلق من جــد قلق
انتبهت للمصعد الي طلع طنطنه خفيفه تعلن وصلووو لفت بدون ما ترفع عينها عن الجهــاز
دخــلت وضغطت علي الدووور
وبعدهــا انتبهتتلووو رمتلو ابتسامه علي طــول : صباح الخــير
حسام وعلي طول انشكحـ : صباح النــور
اسراء بجديه : لا تولف ترا مزاجي رايق اليوم
كــشر طيب اتفلسفي : طــيب
اسراء سكتت واندمجت تحذف في الرسايل الي مالها داعــي
مدلهــا كــوب الكوفــي الي في يدو : اتفــضلي اشتريت واحد احتياط
طلت في الكوبـ : لا تــسلم
: اوكـ بس يفوتكـ
شددت علي الكلمه : شكــرا
حسام وما يقدر يقاوم معا بنت في نــفس المكان وما يتميلح : امممم دوم يارب مزاجك يكون كويس
بدون ما تلف علي : اهاا شكراا
رفع يدو لدقنو وهوا يتامــل تفاصيــل جسمهـا وكــيف المعــطف ماسكـ عليهـا : اممم انا دكتور متدرب
هنــا
: أيــوهـ اعرف
لسا مكمــل : صحبتكـ في نــفس مجموعتنا
اســراء بقلة صــبر : اعرف برضــو
: ما اتعرفنــا ؟؟
انفتح المــصعد خــرجت اسراء بدون ما تــعبــروو
خــرج وعيــونو طــايرهـ ورهــا بدون شعوور لــف وراهــا وسرع خطواتو لانها ماشياا بــسرعــه
اسراء انتبهتلوو ولفت علي ورفعت حواجبهــا بدهشــه
حسام انتبه علي نــفســو : احم احم
اســراء ضيقت عينهـا
حسام رجع خطوهـ علي ورا يحس انها حتطب علي
: مو كنك كنت طالب الدور التالتـ ؟؟
حسام رفع كوب الكوفي بهبالهـ : مصر انك تشربــي الكــوفــي
اسراء قربت منوو وشالت الكوب : شكرا
لفت ومشــيت بســرعه
حسام ابتسمـ وضم يدينو لبعض : يس
رجع للمصعد ونزل لدور الي طالبوو خرج ولقا مهنــد يستنا عند المصعد : خــير كـل دهـ تجيب قهوهـ
تصنعها انت ولا أيــش
حسام والابتسامه تشكـي : يب نصنع القهوهـ لعيونهـم
مهند علي طــول فهم انو حسام شايفلو شــوفــه : اقول حســوم
حسام : عيون حسوووم
مهند مشق : اقول هات القهوهـ
حسام ومصدوم : قهوتــي
مهند يرفع حواجبو : وقهوتــي
: اعطينها للموووزهـ
مهند مسك الكوب بقوهـ : واطـــــــــي سيب
حسام شاد علي الكوبـ : سيب لا ينكب
: سيب هات اشــوف
: والله انزل اشتريلكـ دحــين
: لا تنزل شكــرن هات اشوف هات جــيب حسوم لا تعصبني
حسام سيب الكوبـ : يالطيف خد بـس خد
مهند : بســرعه امــشي اتوقع جا دكتور مــازنـ

~~~~~~~~
A6baa fe al-7o0b
~~~~~~~~

دخــل المستــشفي وبالــو مــو مــعا يحــاول يتذكـر فــين تركـ جهازو اخــر مــرهـ
ماسك الاب كــوت في أيــدو وماشي بخطوات بطيــئه مـــرهـ
انتبهتلو موظفــة الاستقبال رهـــام وخقت علي شكلوو باللبس الازرق الي ماكل منــو حتــهـ
وحبت انهــا تكلمو تقلو أي شــي لو تــصبح عــلي
لفت بعيونــها يمين ويــسار اتاكدتـ انــو الساحــه تقريبا فاضــيهـ
رفعت صوتهــا شويــا : دكـــتور
الكــاسر مكمــل مشــي ولا انتبه لهــا
رجعت كررت بصوت اعلي : اكسكيوزمي دكــتورر
الكــاسر لف عليها وطــل بلا مباله ورجع يكمل مشي وهوا يكلم نفسو ياكثر الدكاتره هني مابوه دكتور
الا انت من ينادون تناظــر ..
رهــام تنحت اشبو دهـ علي الصباح طنشت واتلهــت في جهــازهــا ما بدو يرد الله ويااهـ
الكــاسر فجــاءهـ لف علي الاستقبال واتذكــر انو لمــا كــان بيكلم البنت الغجريــه كان الاي باد في يدوو
لوا شفايفو بقــرف لما اتزكـرها
حــرك راسوو بخفه يعني مو وقت تفكـر في ناس زي كيدا
مشي بســرعه لعند الاستقبال : لو سمحــتي
رهام رفعت عينها واتوسعت ابتسامتهـا : اهلا دكــتور صباح الخــير كيف اقدر اخدمكـ
يالله وش ذا الابتسامه الي حدهــا تخقق : اهلا فيك صبحك الله بالنور
: كيف اقدر اساعدكـ دكــتور
: اممممم لو تذكــرين امــس يوم انـي اتكلم معهاا ..
وياشر علي الكــرسي الفاضي : ما نسيت شي هنـي
رهـام : الا الا نسيت جهـازكـ دكتــور
برتياح : حــلوو وينـه
: اخدتو معها زهــاد
: شنو زهــاد ؟؟
رفعت يدهــا علي فمها وضحكت بخفه : الموظه الي امس كنت تتكلم معها اسمها زهاد
مشق كل شي فيها سخيف حتي اسمهــا
طــيرها من تفكيرو ورجع للمهــم : وينها
: هيا ما تداوم دحــين يبدا دوامها من الساعه 1
حط يدو تحتـ دقنو بتفكـير: اهــا ولــيش اخذته وياهـا ؟
: عشان انته نسيتو انا قلت لها تودي للامــن قالت بدها تاخدو معها لانو امانه عندها
ابتسم بشماته : ايه امانه ليش ما خذيتيه انتي دامك تجين بدري
: هيا الي شافتو وشالتو ولحقتك الين برهـ بس ما شافتكـ
: اهــا انزيــن متي تجي قلتي ؟
: الساعه وحــدهـ المفروض انهـا تكون هنــا
: اوكـي شكــرا علي وقتكـ اخـتـي
ببتسامه حلـوهـ : لا تامرنـي دكــتور
لف بدون مايرد عليهــا وش تحـس بوهـ وهي توزع ذا الابتسامات طول الوقــت ..
وصل للمصــعد دخــل وطلب الدور التالت وهوا يفكــر في البنت المزعجــه
باي حق تاخد الجهــاز معها البيتــ
رجع ابتسم : قال شنو زهاد وش يحسون بوهـ يوم انهم يسمونهـا كذا
رجع ســرح كل شــي فيها منتهــي وحتي اسمها بعــد
خرج من المصعد واتوجــه للمجموعــه الي واقفين وكــل اتنين اخدين جــو في الهروج
: السلام عليكم
كلهم باصوات متفرقــه : وعليكم السلام
كاسر : انا اخـر واحــد
حســام : خــير ليش متاخـر
: ما حسبت اني متاخــر ما بديتو الراوند صــح
اعنــابــ تتكتف : لا مـــازن ما جــا
الكــاسر طل في جزمتهــا وابتسم : كذا اريحلكـ
طلو كولهــم في جزمتهــا وانفلتو ضحكـ : ههههههههههههههههههههههاي
اعناب بعصبيه : مافي شي يضحكـ
مهند بتريقه : شباب لا احد يضحكـ مافــي شي يضحكـ
حسام عصب من جدو : خــير قلها الدكتور ما تلبس جزمه عاليه ولبست جزمه واطيه ايش الي يضحكـ
اعنابـ لفت وشها عنـــهم وعيونهــا غرغرتـ : ماصخــين
تسنيم بصوت راخي : ماعليكي كدا الشبابــ انتي لا تحتكي فيهم
اعناب رفعت عينها لتسنيم : شايفتني بحتكـ فيهمـ
تسنيم بعدت عن اعناب وفي قلبها مو منكـ من الي يخفف عنكـ
حســام يقرب لاعنــاب : ماعليكي ترا الشباب مزحهــم تقــيل
: اعرف انــو تقـيل بعــد
بعد عنــها لانو صوتهــا علي : طيب ريلاكــس
مهند يسحب حسام مــن قفا : تعال هنا اتركهــا
حسام بصوت راخــي : موزهـ ياناس موزهـ
كـاسر يكـشر : شنـــو
مهند يسحـب حسام وراا : ولا شـي لاتدقق معـا
حسام يرفع حواجبــو بتريقه : تسحبني وراكـ وانت طولك شــبرين يادوبـ
اعناب انها تردهــا لمهند ضحكت بصوت عالي : هههههههههههههههههههااي
كلهم طلو فيهــا فجاءهـ بطله غــريبه
انكسفت ماحد ضحكـ معــها
تسنيم دقــت يدهـــا : بنت
مــازنـ من ورا : ماشالله في مقهــي احنا ايش الضحكه دي
اعناب استصابت ولا ارديا : ما نضحكـ دكتور ؟؟
مازن رفع حواجــبو : تضحكو لكن مو بدهـ الشكل الماصخ
اعناب حست انهــا صغــرت ولسانهــا انربطـ : انــا انــا
اتعدي بدون ما يعيرها أي انتباهـ : وراياا
مهنــد والكــاسر وجيههم زرقت من كتــر كاتمــين الضحكــه وحسام مقهــور منهــم
مــشيو كلهم ورا مــازن ما عادهـ اعنــاب الي وقفت تستوعبـ للمــرهـ الكــم تتهزء قدامــهم
مازن فتح باب الغــرفه ولف يطــل كدا مايدري لــيش لــف وانتبه انها مو موجــودهـ
كــل القروب لفو يطلو ورااا في بداية الممر واقفه وما اتحــركــت
تسنيم تـحاول تداركـ الموقف : دحين اناديها دكتور
مازن بعصبيــه : خليكي هنــا
دخــل يدو في جيب الاب كوت ومشي بخطوات وســيعه ليــن وصلهــا : ما سمعتيني
اعناب رفعت عينهــا بخوف : ......
مــازن بقلة صــبر : ورايــا
ومــشي وتركــها وهيا مشــيت ورا بسرعه لانو لو رجعلها مـره تانيه رايح يرجعلها بمسطــرهـ
وافتحي يدكـ ويدلها عشــرهـ هنا وعــشرهـ هناكـ
دخــلو كلــهم علي المــريض الي باين عــلي دوبو صاحي
مازن : السلام عليكم
: وعليكم السلام
قرب مــازنـ ومسد بيدو علي كتـف المريض : سلامات لا باس كيف الصحـه اليوم
هز راســو بتعب : الحمد للهـ
مــازن ياشــر لنيرس : ابدائي
شالت الملف وجلــست تشرح الحــاله بســرعهـ بالانجــلش
مــازن لــف : دكــتورهـ اعنــابـ
اعنــاب في عالم اخــر واقفه خــلف الكــاســر وكنها تحاول تتخبا
ولما سمعــت اسمــهــا حاولت تقنع نفســها انو مو اسمهــا
مازن : اتفضلي هنا دكــتورهـ اعنــاب
الكاسر بعد عن طريقها ومهند بعد وكمان حسام
اتقدمت بخطوات بطيئه : دكــتور
مازنـ مدلها الملفـ واتكتف : اتفــضلي
اعناب وتحس الغرفه باردهـ طلت في الملف طله ســريعه وبدت تتكلم : عبد المحــسن صادق 32سنــه اتنوم مــن امس اليل جا بسبب انو يحس باعراض غريبه منها ارهاق وتعب بدون سبب وفي كل وقت وايظا يحــس بفقدان شهــيه وفقدان في التوازن مفاجئ وتجيلو كمان حكــه وغير درجة الحراره الي ما بتنزل لها فترهــ واكتر شي متخوف منو المريض الانتفاخ الي في الثدي والالم الي في اسفل الضهر
مازن كــشر كان نفــسو تغــلطـ عشان كدا يهزئها يحسها مـره مستهتــرهـ
طل فيها طله غير راضيه واعناب زفرت ايش اقول يعني
لف علي المريض : من متي معاك الاعراض دي
المريض عبد المحسن ويرمش بتعجب علي الدكاتره الصغار : يعني من فتره مو بعيدهــ
مازن : تقدر تحدد
هز راسو بتعب : لااا
: قد روحت مستشفي قبل كدا وعملت تحاليل
هز راسو : لا لا بس كونت اروح مستوصف الحي وكنت اشتري ادويه بس
: اهــا انشالله خــير ايش في شي غريب كمان تحس بيلو
المريض بتفكير : ايوهـ عيوني احيان تقلب للون الاصفر
مهند سحب النور من جيبو واتوجــه بسرعه للمريض وفتح عينوو وركز النور عليها : دكتور
مازن قــرب وطل فيها شويتين : اها خــير انشالله
رفع عينو لحسام الي مسرح في اعناب : دكتور حسام
حسام لف ولسا متنح : دكتور
: ايش ممكن نسوي بعد ما سمعنا الاعراض
حسام وكـان بالو مع اعناب مو داري عن شــي : اااممم اشسمـــو
اعناب خشت فجاءه : لازم ما نتسرع ونعمل تحاليل اول شي وبالنسبه للاعراض دي لازم نعمل تحليل بول وتحــليل دم وايــ ....
مــازن لف عليها بعصبيه وقاطعها : انا سالتكـ
وشهــا تحسوو طــاح : انا بس كـــنـ ...
قاطعهــا : لما اوجه لكـ سؤال جاوبــي اوكــي
هزتـ راسهــا ورخـــت عينــها علي تحت وهيا تتمنــي تقوم تصفقــو وتدعي ربها الدموع ما تنفلت
مــازن حط الملف ولف عليها : امسكي الحاله وابدي اعملي التحاليل وبعد ما نخلص راوند تعالي كملي فحص
لف واتوجه للبابــ : ورياا
خرجو كولهمـ وحسام قرب لاعنــاب وطل فيها طله تكااد تكون بريئه لكن تحمل في طياتها
كل الخــبث : معلــيش مصيرنا نصير دكاتره وماحد يقدر يفتح فموو علينا
اعناب ابتسمت لا اراديا : شكـرا
حسام بحنــيه مصطنعه ما ادري كــيف يقدر يطلعها : يلا مشــينا لا ينتبه لنــا
زبطت نضارتها علي عيونهــا : اوكـــي

~~~~~~~~
A6baa fe al-7o0b
~~~~~~~~

نخرج من جــو المستــشــفي شــويــا ..
في قاعه من القاعات الكـــــبيــرهـ حقت المحضرات طبعا
ورا في المــــــقاعد الاخــيـرهـ والي تبثت انو الي جــالس فيهــا مــرهـ مو مع المحاضره لا روحا ولا
جسدا
جــالســه بكــسل وراخيه نوص جسمها علي تحتــ شابكه سمعــات الجوال وراخــيه الصوتـ
وفي يدهــا الجــوال جالسه بتلعب العاب بيــض بس اهــم شــي ما تركــز مع الدكــتورهـ
جالهــا مسج فتحتو بحمــاس ’’ ندو ’’ ( حنو فينكـ رايحــين نفطــر اذا فاضيه قابليني عند البوابه )
بسرعه ردتلـها ( بنت انا في محاضره لا تخــرجو استنونــي )
ما مارت ثوانــي الا جـــاتهــا رســالهـ من ندو ( اقلك احنا دحين ماشين حتطولي )
ردت طوالي ( لا يا هبله باقي ربع ساعه بس بليز انتظرونــي )
ردتلها ندى ( مدام ربع ســاعه استاذني بســرعه البنات راحو لازم الحقهم )
حنـين عصبــت وارسلتلها ( خلاص ثواني الفطور مالو اجنــحه ياولك تروحــي ندو )
جالها رد من ندي ( لا اطلعيلي بعصايه احــسن خلاص انتظرك لا تتاخــري )
قفلت الجوال بحمــاس وشالت السمعات عن ادنهــا ودخلت كل حجاتهــا في الشنطــه الحمــرا
المتوسطــه والي ما تشيل فيها غـير دفــتر وكم قلم و باقي الحجات مالها لزمــهـ ..
سندتـ كوعهــا علي الطاوله تحاول تسمع ايش تقول الدكـتورهـ
زفــرت لما شافت انو الدكــتورهـ متحمــسه في الشــرح وما شكلهـا ناويه تنهــي الي بتقولو الا لما
ينتهي الوقتـ بالتمــامـ
رفعــت يدهـا وقاطعت الدكـتورهـ : لو سمحـتـي مس
الدكــتورهـ طلــت فيها بقله صــبر يعني خلصيني قــبل ينقطع حبل افكاري
حنــين : اممم ممكن اخــرج
: لــيش
: سيــارتــي بــرهـ معليش
الدكتورهـ بلا مباله : اتفضلي
شالت شنطتهــا بحمـــاس : شكرا مــس
مشيت بــسرعه وابتسامتها معبيه وشهــا وهيا تغمــز لصحباتهــا غمزات تفهمهم انو اخرجو وطنشوكم
منهااا
فتحت باب القاعه وخــرجت وعلي طول خــرجت جوالهــا
وطلبت رقم ندي : ندوو
: همم فينكـ
: خــلاص جيــتكـ ثوانــي
: خرجتي يعني
: يب بقلك جيتيك واكون جوا
: وتقولي جيتك وانتي ما جيتي
: مو وقتك ندووووووو سي يوو
قفلــت وخــرجت عبايتهــا السادهـ الي تخلو من أي شي ماغير قيطان فضي رفيع لبستها علي عجل
ورفعت شعرها كوكيــنه
ما مرتـ دقايق الا هــيا عند البوابـــه واستصابت من عبايه صحبتها : يه يه علي فين بدي العباايــهـ
ندي: يا شيخـــه خــرجت متصرفــدهـ مع سيام وكانت مع ابوها وما امداني القا عبايتي التانيه
: مره مالك داعي بدي العبايه رايحه زواج انتي
: خيــر اقلبها يعني
حنين بجديه : اقلبيهااا
ندي صقعتهــا بخــفه علي ضهــرها : اسكــتي بلا هيافه
لبست مسفعـهـا ولفت التمه تحــت خوشمــها : يلا
خــروجوو وراحــو علي الســيارهـ
ركـبوو وندي فكت وشهـا طوالي : ياربي انكتمت
: هههههههههههه انكتمتي وانتي لافه التمه تحت خوشمــكـ اجل لو فوقوو
ندي بجديهـ : يمكن امــوت
: هههههههههههه تموتي في عينكـ خبله انتي
: انتي الي خبــله فوكـي التمه السيارهـ مضللهـ
حنــين : خـير والسواق مو رجال
السواق يهــز راسوو : رجال رجال
الاتنين انفلـــتو ضحــكـ : ههههههههههههههههههه
حنــين : اقلكـ مين من البنات سبقوكـي
: اممم نونه وسموو وجوجوو وتفاحـه
حنين بعصبيه : اف جمــانه معاكم
: يب يب
: لي ما قلتيلي كان ما جيت
: اعتبريها مو فــي
: كيف اعتبرها مو في بالله انتي عارفه جمانه وتصرفاتهاا ياربي عليكي حنو رجعيني الجامعه اصلا عندي
محاضره بعد ساعتـين
: لااااااااا ماني مرجعتك انا لي كلمتك عشان مابا اكون معاهم لحالي
: وليش حياكلوكي ولا حياكلوكي
: لااا بس انا معاهم مو مره تعرفي
: واذا انتي معاهم مو مرهـ لــيش تروحــي معاهمـ بالله
: طفشت وما عندي محضرات يا شيخه
حنــين : رجعيني نجلس في الجامعه انا وانتي جمانه دي ماورها الا المصايب
: يييييييييي أي مصايب
: انتي عارفه يا شيخــه
بندهــاش : عارفه ايش ؟
: ندي لا تستخــفي معااياا جمانه دايم ما نطلع مكان الا وتجبلنا شباب
ندي مشقت : والشباب حياكلوكــي
حنين مستصيبه : اقلك شبابـ ايش ياكلونــي رجعيني الجامعه
: يوو صلي علي النبي خلاص نجلس لحالنا انا وانتــي
حنين : بشرط نروح مطعم غــير الي هما رايحينو
: لا لا لازم ارحلهم بيستونونا وقلتلهم انك حتجي معايا
: اوف عليكي مالكـ داعي وربــي
: يووو ياشيخه انتي لا تكبري الامور كولها ساعتين ونرجع
حنين انها زعلت سكتت ولفت وشهــا
ندي طلعت جوالها وارسلت مسج علي جوال نهال ( قولي لجمانه لا تجيب احد من اصحابها حنو
معصــبه )
قفلت الجوال ورمــتو في الشنــطه
مـــر الوقــت وقربو يوصلو للمطعم
ندي طلعت شنطتها وزبطت البلاشر والروج الحمي الخفــيف خرجت نضارتها لبستها
: هي حنوو يلا
: يلا ايش ننزل والسيارهـ بتمشي يعني
ندي وتمطمط صوتها : حنووووووووووو خلاص طيب من تسوي شي يزعلك اوعدكـ نقوم
وقف السواق قدام المطعم
حنين زبطت لتمتهــا : طيب طيب
نزلو من السيــارهـ واتوجـهـو علي المطعــم
في لحــظات كانو في الدور التانــي اتوجــهو للمجموعه البنات الي اصواتــهم في كــل المكــان
وقفو وسلمو علي بعــض وجلسوو
حنــين تطل في جمــانه ومتنرفزهـ منــهــا
ندي تقرب لحنــين : حـــنــو افرديها لا تحسسيني اني جايبتك غصب
حنين رسمــت ابتســامــه عجــيبه علي فمــها : طــيب
جمــانه بدلع لابق عليها : حنو اشبك مبوزهـ كيدا
حنين : لا ولا شــي سلامتكـ
ندي : ها طلـــبتو
نهال : لا نستناكــم
جمــانه : استنو يجــو الشباب
حنين فرصعت عينهــا ولفتها علي ندي بعــصبيــه
ندي رفعت كتوفها ايش سويتلك انا
حنين : أي شباب
تفاحــه : أي شباب يعني
ندي بخوف لفت علي نهال واشرتلها : فين جوالكـ
نهال : سبتو مع اختي في الجامعــهـ
حـــنين وقفتـ : انا بدي امــشي
ندي وقفت معــها : اوكـي نستاذن
تفاحه بفجعه : بدري بنات علي فين اشبكم
جمانه : امممم حنين قلبي ما تبي الشباب يجوو ؟؟
حنـين طلت فيها بقرف : يعني عارفه
جمــانه : خلاص دحــين نكلمهم ما يجوو
: لا استمتعــو انا استاذن
جمانه وقفت : لا بجد اجلســي والله اكلمهم ما يجوو حنين خليكي
قبل لا تتكلم سمعو اصوات ضحكات شبابيه يتخللها صوت بنت معاهم
اتقدمو مجموعه اربعه شباب وبنت : سلام
: عسي ما اتاخرنا
: عسي ما اكلتو بدوننا
حنين طلت في جمانه وندي وكنها تقوم تقتلهم صكت علي اسنانها بقوهـ وخوف في نفس الوقــت : عن اذنكــم
واحد من الشباب يطل فيها وهوا مبتسم : ليــش بدري ولا اذا حضرت الملائكه ذهبت الشياطين
كولهم ضحكو ما عادا ندي وحنين
الولد لما شافها ما ضحكـت استغــرب ورفع اصابيعوو : امزح بس
حنــين مسكت يد ندي : يلا نشوفكم في الجامعه مع السلامه
خــرجو من المطعم وكل وحده معصبه
حنين بسبة الشباب
وندي بسبة الفطور والفله الي حتفوتها
: هي حنو ليش انتي كدا شباب مارح ياكلوكي
: قلت لك من اول شباب مابغا وانتي صحبتي وعارفتني وتسوي كيدا ووربي انك اذا متحسفه روحيلهم
خلاص انا حرجع الجامعه ماصار شي
: لا انتي تنرفزي
: انتي الي تنرفزي انتي عارفتنين ما ابغا شباب ولا اطيقهم وبرضك تصري تجمعيني في مكان واحد مع
الشله الهايفه دي
: دول صحباتي
: اقول انتي نفسك اول قلت منك معاهم مــره دحين صارو صحباتكـ
: حنــين ارخي صوتكـ
: ماني راخيه فين سواقكـ دهـ كلمي بســرعه ولا اروح بتكسي
ندي عصبت : روحي بتكــسي
حنين حطت شنطتهــا تحت يدهــا وشدت العبايه علي جسمهــا : طيب اشوفكـ بكــره
بخطوات ســريعه كــانت علي طــرف الشارع تحاول توقفلها سيارهـ
ندي طنشتهــا وطلعت للبنات

~~~~~~~~
A6baa fe al-7o0b
~~~~~~~~

حاضنه الملف الاصــفــر وماشــيه باين عليهــا الهدوء لكــن اليــن دحــين هيا معــصبه في داخــلها من دكتور مازن
مايصدق عليها زله الا ويهزء فيها ولا قد هزء احد من الشباب رغم انهم يغلطو كتير ويسرحــو ويتاخــرو وكـل شي لكن ما عمرو هزء ولا واحــد فيــهــم
معقولهـ حاقد عليا عشان امس سمعني اهرج عنــو واهزئو وكيدا
جــايـز لــيش لا
ضغطــت زر المصعد ووقفــت قدامــو وهــيا تــفكــر اليــن متي يعنــي بدو يكرهــني
اوفـ يارــبي
دخــلت المصعد لما انفتح وتكت علي الجدار وهيا مــرهـ مضايــقه
ما تحب يكون في احد كدا تحس انو يكرههــا ومتقعدلهــا وغـير كدا ما تحب تتهزء قدام الناس علي
الطالع والنــازل
جــا علي بالها حــسام فجــاءهـ
اتنهــدت شكــلو الولد الوحــيد الي يراعي مــشاعـر الناس في المــستشفــي كولهــا
انفتح المصعــد خــرجت واتوجــهــت علي قــسم الاطــفالـ
وصلت للكــونـتـر : السلام عليكم
الممرضه : وعليكــم السلام
: فين اسـراء
: قبل دقايق كانت هنا مامدري فين راحت دحـين
: اها طـــيب طــيب ماشــي شكــرا
رفعت الجوال لادنــهــا بعد ما طلبت رقــم اسراء بدها تكلمها وتشكيلها علي مازن الي ما صارلها يومين
معا ورفعلها ضغطها
- - - - - طبعا رنــين متقطع ومــافي أي رد
رفعــت يدها لساعتها وزفرت مــن قلب تحــس انها مكتــئبه حدهــا
رجعت للمصعد وضغطت الزر وجــلســت تقــلب في المــلف وهيــا سايحـه في افكــارهاا
رفعــت عينــها للمصعـد الي ابوابو انفتحــت وجات عينهــا في عــين الدكــتور مــازن
لولهــه خافت وكانت مابدهــا تدخــل المصعد ما تدري تحــس انو ممكن يحشكهــا ويفــرشها وسط
المصعد كدا تحــس في نــظراتــو تهديد لها
اتقدمــت بخطوات هادئــه ودخــلت المصــعد
مــازن قرب وضغط علي الدور التــالتـ
اعنــاب واقفه ومديتــو قفــاهــا
مــازنـ يطــل فيــها من فوق لتحــت و ابتسم لما شاف الشوز الي لابســتو
في قلبو ,, كويس عليها لحسن لو طلعت من الناس الي يحبو العناد مشكله
انفتحــ المصــعد خــرجو كلهم وماشين في نــفــس الاتجــاهـ
اعناب بدتـ تحس بتوتـر اشبو ماشي ورايا ليكون بدو يدورلو علي شــي تهزئـه كيدا ولا كــيدا
وقــفت عند الكــونــتر وخرجت ملف المريض الي ماسكـه حالتــو وجــالسه تــقلــب وهيــا نفــسهــا
تلــف وتطالع مازن ايش بيسوي وراهــا بالزبط
لمـا حــست انــو مطول شالت الملف بهدوء واتوجــهت بخطواتـ تكاد تكون سريعه لغرفة المـريـض
دقت الباب بهدوء ودخــلت : السلام عليكم
رجـال عاقد حواجــبو ومعصب : وعليكم السلام
اعناب كــشرت خير قالب خلقتو الاخ : اممم كــيف الصحـه اليوم
من طـرف خشمو : مافي دكـــتور
اعناب بتحطيــم : الا بــس انــا الدكــتورهـ المسؤوله
: عرفنا انكـ الدكــتوره مافي دكــتور مسؤول
اعناب اتنهدت بطــفش كدا كتــير عليهاا : لو سمحت لا ترفع صــوتكـ انا الدكــتورهـ المسؤوله هنا
فركـ وشــو بطــفش : قلنا مافي دكتور
صلحــت النضارهـ علي طرف عينها : لا مافي
لف ضهــرو عليــها : لو سمحــتي روحي برهـ ابغا دكــتور
رفعت حواجبها بقهــر وخــرجت من الغــرفه وهيا تندب حظها الي خلاها تنق علي المستشفي دي
تكت علي الجدر جنــب الباب وهــيا تفكــر في حجــات وحجات من ضمنها تسحب وتدورلها مستشفي
تانيه بس ياتري تقدر ولا ؟؟
فاقت من افكارهــا لما جالها صوت مازن : دكــتورهـ
حضنت الملف بتحطيم وكنها تستعد لتهزيئه : دكـتور
: ليش واقفه هنا
شوف الرجال بدو يقلنا كمان اوقفو هنا ولا توقفو هناك صح مشرف علينا لكن لا يتعدي حدوو
دهـ الي جال في خاطرها لكن الكلمه الي طلعت منها غــير : المريض طردني
مــازن بعصبــيه : ايش طردكـ
: ايوه يقول يبغا دكـتور
مــازن فتح البــاب ودخـل : تعالي
دخلت ورا بخوف وكنها خايفه من المريض انو يقول عنها فتانه ما قدرت علي راحت مشتكيتو عند الي
يقدرلووو
مــازن : السلام عليكم
المريض صلح جلستو : اهلا دكــتور وعليكم السلام
: كيف الصحــه انشالله احــسن
يطل في اعناب طلة انتصار : بخـير يارب لكـ الحمد
مازن فاجئو لما سالو : ايش مشكلتكـ مع الدكــتورهـ
يرفع كتــوفو : مابغا دكــتورهـ
مازن يحاول يتفاهم معا : ليش
: البنات مكانهم البيت
اعناب ومازن رفعو حواجبهم بحركه توحــفه يعني عجــــــــــيب يا حكيم
المريض استغرب منهم : قلت شــي غلط
مازن ويكره النوعيه من الناس الي يفكرو كدا : لو سمحت هيا طبيبه ومتدربه والبنات مكانهم البيت دهـ
الكلام تقولو في لقاء اجتماعي لما احد يسئلك اين مكان المرءه مو في مستشفتنا هنا
المريض سيب كل العبارهـ وركز مع كلمه وحدهـ : ايش متدربــه ؟
مــازن يهز راسو : أي نعـم متدربــه وهيا الي حتشرف علي حالتكـ ولما تكلمكـ الدكــتورهـ ترد عليها
بحترام وما تطرد الناس لانكـ مو في غرفة بيتكـ طيب
المريض تنح : ما ابغا دكــتورهـ
مــازن ولسا بيتكلم بحترامـ وباقيلو تكتين ويعصب : قلت لكـ هيا الدكــتورهـ المسؤولـه
لف ضهـرو : اتفضلي دكتوره اعناب شوفــي شغلكـ
اعناب وخايفه من الرجال : انشالله دكــتور
خــرج مازن من الغرفــه
والمريض بيطل في اعناب وفي النيــرس طله تناحــه
اعناب اتجاهلت طلاتــو ولبست الجونــتي الابيض النايلونـ وبدت تشوف شغــلها وهيا خايفه
كتبت كـل شي بعد ما خـلصت فحــص
وطلبت من الممرض يسحب منــو بعض التحاليــل تحــس كدا انـــو صحتو مــش ولا بد
خـرجــت من الغرفه وعلي الكــونـتر تكلم الممرضه : اكسكيوزمي
: يس دكتور
: المريض غرفه 314 نزلو حــالا يعمل اشعــه طــيب
: اوكـ دكــتورهـ
لــفت وهيا مــاسكـه المــلف تحاول تستنتج بعض الامور ..
مهند قاطعلها تاملاتهــا : سلام اعنــاب
اعناب وهيا مركزهـ : وعليكم السلام
: خــير في ايش بتفكري حتي الاعمــاق
: امممم الرجال المنيل علي عينو دهـ مدري اتوقع معــا Inflammation of the liverموشكــله
رفع حواجبو : اما كيف استنتجتي عمليتلو تحاليل
: لا لا كدا من الفحـص والاعراض بس توي طلبت يعملولو تحاليل
: كويس
: يب يب وكمان اشعــه احس في شي
مهند يرفع عينو بتفكـير : ايش دخل الاشعه
اعناب بنفـس التفكــير : مدري قلت نسوي اشـ ...
قطعت كلمتها ولفت علي مهــند واتزكرت انو كان بيتريق عليها في الصباح : انته ايش بتسوي هنا
مهنـد : بسم الله عندك انفصام شخصيه فجاءه قلبتي كيدا
بعدت عنو وقفلت الملف : ايوه عندي انفصام شخــصيــهـ حـاد أي خدمه
مهند يرفع كتوفو ببرائـه : احنا في مستشفي اقدر اساعدكـ
رفعت حواجبهـا : بعد اشوف بعد
يطل قدامو : ما اشوف اني واقف في طريقكـ
: اوف مهند روح
: اما مهند خير الاخت تمون اسمي دكتور مهند
اعناب خجلت : اسفه دكتور مهنـد
مهند انفلت ضحكـ : من جدكـ مابينانتنا يا اعنابـ ههههههههه
اعناب اتنفست برتياح : ههههههههه حسبتك زعلــت
: خــير ازعل عشان ناديتني باسمـي مافي مشكله احنا خلاص نمون
: وليش صرنا نمون مالنا يومين بدري علي الميانهـ
: انا الميانه تطيح عندي من اول دقيقتين مع الواحد يعني لنا يومين اعتبرو عمــر ههههههههه
: طــيب كويس
مهند رجع للجد : افتحــي نشوف ايش حكاية الرجال دهـ
اعناب وقلبها اطيب منو مافي نسيت كل شي وسحبت الملف بحمـاس : شــوف

~~~~~~~~
A6baa fe al-7o0b
~~~~~~~~

دقت بــاب غــرفة المــريضه بهدووء ودخــلت : السلام عليكــم
البنت الي باين عليها في بداية العشرينات باكبر ابتسامــه : وعليكم السلام
تسنيم وابتسامتهــا علي طول تطلع خصوصا للناس الي تبتسم لهـا : صباح الخــير
: صباح النور دكـتورهـ
تسنيم تاشر للمرضـه تخرجلها ملف المريـضه : كيف صحتك اليوم
تتمطط في الســرير : مــرهـ سو باد دكــتورهـ
تسنيم : ليــش عسي ما شــر
: اممم مدري كـل مال الالم احــسو يزيد
تسنيم تطـل في المــلف وعاقده حواجبــها : من متي بدا معاكـي الالم
: من شــي شهر يمكن تقريبااا
بستغراب : وتوكـ تجي
: امــس مره اشتد ما كنت قادرهـ اتحمل لين جيت هنا هدي الالم فجاءهـ
تسنيم فردتـ يدهــا للممرضه ولبستها الجونــتي الابيض النايلووون : اهــا طيب
سحبت الغطــا عن البنت ورفعتلها طــرف البلوزهــ : فين الالم بالزبط
البنت رفعت ايدها وتاشر لتسنيم اسفل بطنها علي الجنــب : امم هنــا
حاطــه السماعــات الفوشيه علي اسفــل بطنهــا وتحاول تركز مع الاصوات الي بتسمعهـا : لما تجيكي الدورهـ يزيد الالم
هزت راسها بنفــي : لاا
: طيب تحسي انك بدك تروحي الحمام وكدا
هزت راسها بهدوء : ايوه وغالبا يروح الالم بعد ما اروح الحمام
اعناب بتفكــير : اهاا امم طيب تحسي في غازات بزياده عن طريق الفم او الشرج
المريضه تهز راسها بخجل : ايوه دكتورهـ
: اممم طيب بتاصحبك حالات امساكـ واسهــال وكدا يعني
: يب مره يادكتورهـ مرات اسهال وشويه يقلب امساك مره شي ينرفز
: طيب فجاءه يجيكي الالم ولا يدرج اممم
: لا فجاءهـ مره فجاءه يقلب مزاجي ويقوم عليا جنبي وكدا
: طيب استعملتي ادويه شــي كدا ولا كدا
: امم يب كنت ابلبع بندول دايم وكمــان بروفـ وبندول نايت احيان من كتر الالم ما اقدر انام
: اهاا طــيب كان يخففلك الالمـ
: لا بس يهدي شــويه واقدر انــام
: اوكــ دحــين حتسحب منك تحاليل النيـرس ونــشوف انشــالله خــير
البنت بخوف : تتوقعي زايدهـ يا دكتوره
تسنيم ببتسامه تطمنهــا : لا لا مو زايدهـ انشالله
: طـيب شكرا دكتورهـ
: الله يسلمكـ عن اذنكـ
خرجــت تسنيمـ وهيا تخمــن اكيد بس قالونـ عصــبي وميبي شي تاني بس الاعراض تثبت انو قالون وعصبي كمان
يالا نــشوف التحـاليل وبعدين نحكم
صادفت في طــريقهـا دكتور ماجد الي ابتسملها : السلام عليكم
تسنيم وتسوي انها مشغوله حدها في الملف : اممممممممم وعليكم السلام
ماجـد : باين عليكــي مشغولــه الله يقويكــي
مكمله تمثيليــه : همممممم يب مشغولــه
ماجد ما علي مشغوله ولا متنييله : لو سمحــتي ركزي معاياا
رفعت عينها علي : اتفـضل
مدلها ملــف وردي : امسكـي حالة المــريض دهـ
: اممم بـس انا دكــتور مــازنـ قــ ..
: اشبو دكــتور مــازن
: انا هنا كــل المرضى الي ماسكتهــم في دهـ القســمـ
: طــيب مافـي مشكله تمــسكي حالتــو
طيب دكتور مازن قال نبقي في الباطنه وو
قطعها : دكتورهـ حتمسكي ومو لحالكـ انا معاكي حبه حبه
علي بالو خايفه : ام بس دكتور مازن
باصرار : انا حكلم دكتور مازن
انحشكت وما عرفت ايش تقول: طيب انا امم توي تاني يوم
: طيب تاني يوم ؟؟؟؟
انكسفت ايش تقصد بتاني يوم يعني ما تبغا تشتغل ولا اي : لا قصدي امم
انحشكـت مدتـ يدهـا واخدت الملف منــو : طيب دكتور
: امم كنت بديكـ كم معلومــه ترا اكـتر من صاحــبي ديري بالكـ علي وترا هوا معا فــشل كلوي وحيكون
متواجد هنا اسبوعــيا عشان الغـسيل وحتكوني انتي الي مشــرفه علي حالتــو وطبعا تحتـ اشرافـي
انــا أي تقـرير يخـص حالتو ليا انا مو لدكتور مــازن
هزتـ راســها : اهـا طـيب حــاضـر
رفع يدو بحركــه بريئه ومسد علي كتفها : واثق منكـ حاس انك كدا اشطـر وحدهـ في القــروبـ
بعدت عنو بطريقه خلتو ينفجع منهـا : لا تلمـسني
مــاجد انكســف من نفــسوو : اسـف
قال كلمتوو ولف عنهــا
وكالعادهـ رجعت عصبـت من نفــسهــا شوف كــيف فجعتي الرجال علي عمروو
وقفت في صف نفسها طوالي ليش يمسد وليش يقرب خــير شايفني بنتو ولا اختو ولا مرتو لا قدر الله
مسوي يمونـ اوفـ بــس
فتحــت الملف الوردي الي مخصص لقسم وحدهـ غسيل الكــلي
وجلــست تشــوف المعلومــات الي فيــلوو
بهـاء احــمد نــور
مــرهـ عجبهـا الاسم
راحت لــقســم غســيل الكــلي واتوجهت للكونتـر وجلــست تتامـر علي الممرضه بالانجــلش
وخلت عندها رقم بيجرها وانو أي شي يخص المريض بهاء احمد النور انو لازم يبلغوهـا بيلوو
قاطعتلها كلامهـا الممرضه السعوديــه : اممم خلاص بهـاء تحت رعايتي
: لا مــن اليوم تحت رعايتي انا استلمت حالتو اليوم
الممرضه بستصغار : انتي متدربــه
تسنيم انها تردلها هيا : انتي ممرضه
الممرضه عصــبت وبدون مقدمات : انا درست التمريض في بريطانيا
تسنيم بتعجب : انا سالتكـ فين درســتي .. ؟
الممرضه وشهــا حمــر : الدكــتور ماجد مكلفني كـل شـي يخص المريض بهــاء
تسنيم مستغربــه اشبها بدها تضارب علي المــريض : لكن حان الوقت انو يكلف دكتوره
وشددت علي الكلمه : الظاهر اكتفى من شغل الممرضــاتـ
ماعرفت ايش تقول : انا انا انا حكلم الدكتور ماجد
: كلمي وقليلو لكن بدل مايكون هوا مشــرف عليكي انا حصــير مشرفه عليكي ...
: تحلمو بالاشراف انتو
تسنيم عقدت حواجــبهــا : هــا
تنحت لما شافت الابتــسامــه الي حلت مكان التكــشيره علي وش الممرضه فجــاءه
لكن ما دام تعجبــها
خرجــت دانـه من خــلف الكــونتــر واتقدمــت لبهــاء : اهلا استاذ بهـاء
بهــاء وابتاسمه مدري من فيــن مطــلعهــا : اهلا دانه كــيف حــالكـ
: بخـير انت كيف صحتكـ لي متاخـر عن موعدكـ
: اهو الحمــد لله جينــا
: الحمد لله اتفــضل دكتور تبدالكـ الممرضه ودحــين اناديلكـ دكــتور مــاجد
تسنيم اتقدمت بخطوات واثقـه : من اليوم لا تنادي دكتور ماجد أي شي بخصوص الاستاذ بهـاء حتناديني
دانـه عــصبت : انشالله دكــتورهـ
بهــاء تنح : انــتي لــيش ؟
تسنيم وملامح وشها تكسوها الجديـه : الدكتور ماجد سلمني حالتكـ اليوم وملفكـ وكـل معلومــاتكـ
وشــو اتغــير وتحسو انو عـصب شويتين : اهــا عارفه كل ما اجي اسوي غــسيل كلي اكلم الدكــتور
ماجد لــيش
بجديـه : ليــش
: عشان يجــلس معايا واستعدي انك تجلــسي معايا اربعه لخمسه ساعات تلاته مرات في الاسبوع
اوكـي
تسنيم اتلبكت وبلمت : لي دكتور ماجد ما كان عندو شغـل غيركـ
حست بانو كلمتها غلط لما شافت بهاء يرفع حواجــبوو بتعجــب : ام اقصد هوا يعني ما عندو شغل
: لا كان يفضــي نفــسو عشــانــي
: اهـا طـيب انـا ...
قاطعها : انا حكلم ماجد دهـ
دانــه نطقـت : انا حكون معاكـ استاذ بهــاء
بهاء التفتلها والي واضح انو نسي وجودها لبرهـ : ما تقــصري دانــه
اتقدمت لو بجرائه ومسكــت يدو : اتفــضل معــاياا
لف وطل في تسنيم طــله ما ادري ايش تبا : اوكـ وناديلي دكتور ماجد اتفاهم معا
تسنيم مشــقت : مع نفسو مـره انا الي ميته واشرف علي حالتووو عالم مدري كيف يحسوو
حطت الملف بعــصبــيه وراحت
اتوجهــت للكونتر الي في قسمهـم جلــست خــلف الجهــاز بعــصبيــه
اعنــاب : خــير معـصبه
تسنيم طلت فيها : ولا شــي
: كل دا ولا شي
لفت عليها : لو سمحتي اعناب
اعناب بكل تحطيم العالم لفت وانشغلت في الجهــاز تدخل بعض بينات المرضـي وهيا تتسال اشبهم الناس علياا
وتسنيم سحــبت جوالها وطلبت رقم نســيم
علي الخط التاني نسيم وحولينها ازعاج : ها تسنيم
تسنيم بصدمه : خرجتــي وسبتي بابا
: بابا نايم ومارح يصحي دحين وانا خرجت مشوار قريب مع البنات وشويا راجعـه
: يا بنت مشــورا في وشك انتي ليش ما تفهمي ياخي موخك فيلو شبشب جزمه تليك ايش بالزبط
نسيم عصبت : هي شبشب في فمكـ لا تجعري انا مع صحباتي وكلها ساعتين وحكون في البيت
: وبابا
: بابا نايم قلتلك ما تسمعي انتي ايش اسوي عند راسو وهوا نايم
تسنيم دمعت : نسيم تخيلي صحي اختاج شي طلب شي يبا الحمام
نسيم : بنت اشبك خبله انتي اقلك نايم ومارح يصحا وكلها ساعتين اشبك انتي اشبكـ
تسنيم عصبت مره : يا شيخه الله . .. استغفر الله بـــس ..
قفلت السماعه في وش اختهــا وقفلت الجوال بعصــبيه : ناقصتكـ انا كمـان
اعناب رخت عينها بسرعه ولفت وشهااا لما تسنيم رفعت عينها تطل عليها لانها متنحـه علي كلامهـا
خــير كلام اولاد ..

~~~~~~~~
A6baa fe al-7o0b
~~~~~~~~

حــسام واقف جنــب سرير المريضه مـيار وكدا مو عارف من فين يبداء خباثتو وملعنتوو
ومخو يودي ويجيب وحاس كيدا ملامحها وجسمها ما لازم يمرو علي بدون شي ولا شي يعني بالعربي
مــيار في عالم اخــر وافكارهــا في مكان تانــي
ومندمــجه اخــر الاندماج مع الهرجه الي بتحكيها لحــسام الي طبعا هوا كمان في عالم اخـر ومكان اخر
رفع يدو علي كتفوو يفركو لما ميار قرصتو : اهـ
ميار : انا بكلمك من اول
عصب لسببين انها رفعت يدها وقرصتو وانو مو عارف من فين يدخلهــا : لا تمدي يدكـ
ميار انكمشت علي نفــسها وخــافت : اسفه دكتور بس كونت بكلمكـ مارديت
: ارد ما ارد ما ترفعي يدكـ
بوزت تصرف : نادي دكتور مهنــد
حسام وقف وسحب الاب كوت الي مرمي علي الكــرســي ولبسو بعصبيه : دكتور مهند مات
خرج من الغرفه ورقع الباب بقوهـ
ميار علي راسها الاف علامات التعجب سرح شويتين وبعدها قلب خـير اشبوو .. !!!!!!!
حســام راح بسرعه طلب المصعــد وجــلس يفكــر
ويتزكر انو مهند قال انو البنت اعطتو رقمــها ابتسم ابتسامه خبيثه وهوا يحكحك طرف دقنو بس لقيت
طرف الخــيط
دخل المصعد وهوا مكمل تفكير بس خليني اشفطلي سجارتين عشان ازبط الخطط
خرج وراح علي الغرفه الخاصــهـ بطلاب الامتياز
فتح الباب بدفاشــه
وجلــس يفرك جبهتو : اوف اوف
دخــل سحب البكت والولاعــه حطهم في جيبوو وخرج من الغــرفه
نزل علي الدور التالت وعلي الكونتـر دوغــري : فين مهند
تسنيم لفت يمين ويسار : قبل شويا كان هنا
حسام ويضـيق عينوو وهوا يطل في تسنيم طله وسخـه : ماعلينا من قبل شويا علينا في دحــين
تسنيم خلقه تخاف من الرجال مع طله زي كيدا انرعبت رجعت بالكرسي الكفرات علي وراا : مادري
حسام حس بخوفهــا حب يبهرها حبتين طلع لسانــو ولحــس شفايفوو : ما تدري
تسنيم استصابتـ اشبو دهـ خبل ولا خبل ولا خبـل واحد فيهم قبل لا تتكلم انتبهت لمهند جــاي
وابتسامتو الحلوهـ علي شفايفوو وفي ايدو كوبـ شاهـي
اشرت ببدها خلفو علي الممر : اهو مهــند
حــسام ضحكــ : هههههههههههههههه دكتورهـ تسنيم بمزح اشبك خفتي
تسنيم بجديه : لا تمزح معايا من متي المعرفه
حسام في قلبوو خير انشالله اتفلسفي جايك الدور : طيب مافي أي معرفــه
لفــت وشهــا عنو وركزت في الجــهاز
حسام لف علي مهـــند : هنود حبيبي
مهند فرد يدوو وضم حســام : فينك من بعد الراوند ماشفت طخــتكــ
: اما شوفني موجود
مهند يشفط من الشاي بصوت مزعج : خرجت ميار ولا باقي
: لا تقول قالت لابوهــا ماتبا تنقل عشان في دكتور طيب
مد اصباعو وغرزو في صدر مهند : والدكتور الطيب هوا انتــه
مهند رفع يدو لصدرو : اوت حسام
حسام يفرفر لمهنــد شعروو : تشرب شاهي وما تجــيب لصاحــبكــ
مهند مد الكوب لحـسام : خد خد
حسام اخد منو الكــوب : رايح ادخــن تخاويني
: فين خارج برهـ ولا فــين
: مافحيلي بشفلي اقرب مكــانــ تجي
مهـند يقلب في الملف : مافياا
حسام : هنود تردني
مهند يهز راسوو : يب اردكــ
حسام صقع مهند علي راسوو بخــفه : مع نــفسكـ
مهند : لا تطول اباكـ في هرجــه
حسام لف ورمــي لتسنيم طله برضو تخوف : اكيد مارح نتاخر دام الحلوين هنا
مهنــد لف طل في تسنيم ورجع طل في حسام واتنرفز منــو : حسام ؟؟
حسام وهوا يطل في تسنيم : حبيبي ابو هنـــود ..
مهنــد قفل الملــف بعــصبيه : حســام !!
حــسام : تشااو
لفـ عنهم وهوا يحــاول يفــسر عصــبيه مهند المفاجــئه لما يساوي حــركــه كدا ولا كــدا ....
تركـ المصعد الي حولينو زحمه اوادم وفتح البابـ ودخل علي الدرج الي تكاد تكــون مهــجورهـ
نزل كم درجه لين وصل لنوص وجــلس خرج السجارهـ ولعــهــا ودخــلها في طرف فموو وجــلس يدخــن
بستمتاع
طــبعا الباب عازل للصوت ومافــي احد في الدرجـ
عشان كدا بدا يستغــرب لما حــس انو بيسمع صوت شهقــات مايدري جايه من فوق ولا مــن تحـــت
وقــف ونزل خطوتــين لتحــت خــرج راسوو وتكا علي الدربزان يطالع علي تحــت شاف ضــل واتضحلو انو
في شخــص تحــت
نزل كمان ولف من الدرج ورجع طل تاني من الدربزان والصوت اتضح اكتر وكمان الصوورهـ
بنت منهــارهـ بكــي
عاد بنت كدا ولا كدا مارح يفوتهــا وكمــان بتبكــي
نزل بــسرعه ليــن وصــلهــا بلم لما عــرف انهـا نفسها البــنت الي ادالها الكوفي بداية الدوام
لكن حالتها حاله فاكه الحجاب وراميتو علي كتفها باهمال وشعرها منسدل علي كتوفها وعلي وشهاا
وازاراير البالطو كولها مفتوحــه وباين تحتها لبسها الابيض في ابيــض
اســراء رفعت عينها علي بلا مباله ورجعت دفنت وشها بين يدهااا وانفلتت بكــي ..
حــسام قــرب منهــا بخطوات حذرهـ ونادا علي اسمها يحاول يتاكد : اســراء
اسراء كنو قرصها لما سمعتو يناديهاا صوتهــا علي وشهقاتها زادت
حســام مره استغرب ايش الحكايه ايش الهرجــه ايش في لــيش بتبكــي بدي الطـــريقه
جلس يفكر بغباء يمكن انطردت من المستشفي ؟؟ يمكــن قتلت مريض بالغــلط يمـ ...
انقطعت افكاروو لما سمعها تكحكح من قوة البكــي
مستغرب ونفــسو يعرف اشبهااا اول مــره في كل حياتو الحافله بالاكشنات يشوف احد يبكي بدي
الطــريقه
رجع خطوتين علي وراا لما اسراء صرخت في : انت ايش واقف تسوي هنــا
حسام ومعروف باسلوبــو : معليش هدي نفسكـ مافي شي يستحق كل دهـ البكــا
اســراء بدون شعور فرطت : ما يستحق اقلك مات والله مات مات
حسام بلم وفي قلبو اها اكيد ماتلها احد انا اقول داا البكــا مو طبيعي
قرب خطوتــين ومو عارف كيـف يواسيــهــا : قولي امممم قدر الله ماشاء فعل
اسراء ماعبرتو ورجعــت دفنت وشها بــين يدينهــا ومكمله تشهق شهقات تقطع القلب
حسام بعد وهوا يفكـر لازم يناديلهــا صحبتها ويجبلها مويا حتموت وهيا بتبكــي
طبعا تفكيرو بمساعدتها يتخللو تفكــير خبــيث اكيــد
خرج بســرعه واتوجه علي الدور الارضــي اشترلها مويــه
ورجع بســرعه
دف باب الدرج بدفاشه ودخــلها وهيا لســا علي وضعها بتبكــي
قرب وجلــس جنبها علي الدرجــه ومدلها المويــه : اتفــضلي
اســراء تحــس حلقــها جــف وصار يوجعها فكدا اخدت منو المويــه بدون تــردد
فتحتها وشــربتلها جغمـتين بســيطه ومدتلو المويــه : شكــرا
حســام : لا اشربي كمــان
لفت علي بتناحه كنها توها تستوعــب نزلت عينها وطلــت في كيف جالس جنبها ومقرب منها مــرهـ
رمت قارورة المويه في الارض و انكبت بدون مقدماتـ
وبعدت عنــو ورجعت دفنت وشها بين يدينها وكملت بكا
حسام زفــر بطــفش لانو مو عــارف مــن فــين يدخــلهــا
قرب منهــا بحذر : طــيب قوليلي مين الي مــاتـ
كنها ما صدقت علي الله احد يسالهــا : هوا عبد العزيز مــاتـ تخــيل اهلو كانو جاين ياخدوو يا يا
حسام بجرائه مــسكـ يدهــا كنو يطمنهــا بس نيتو مـره تانيه : حــسام اسمي حسام
اسراء مع الي هيا فيلو ما ركزت في حركتو بالعكس شدت علي يدو ومكمله : تخــيل يا حسام كان مريض لمدهـ سته شهور وكدا قبل شهــر اتحسنت حالتو واليوم كنا كاتبينلو خروج كان فرحان هوا واهلوو وفجاءه مات طيب لــيش
حســام حزن علي الولد وشد علي يدهــا : الاعمار بيد الله مافي شي اسمو ليش
دموعها مو راضيه توقــف : بس بس كان بدو يروح بيتهم هوا والله
حسام مسد علي يدها بيدو التانيــه : قولي الحمد لله الله يصبر اهلــو
لما قالها الكمتين دي كنها رجعت اتزكرت شي ورجعت تشهق من قلب وتبكــي
حسام مستغرب اكتر شي يعني كل ما احد يموت بتبكي كدا .. ؟؟
ورجع فكــر لو مات احد من اهلها كــيف حتبكــي
انتقل بافكاروو لمحور اخر فجاءهـ وهوا بيتحسس يدها كــيف ناعمــه وصغــيررهـ
رنـ جوال اســراء سحبت يدها من يد حســامـ ..
خرجت الجوال طلت في وهيا تمسح دموعها بقفا يدها التانيــه ..
رجعتو في جيبها ووقفــت
حسام بســرعه وقف ومدلها حجابها الاخــضر الباهتـ : اتفضــلي
اخدتو منــو وهيا تحاول تبتسملو ابتسامه شكـر لكــن مي قادرهــ : شكرا
لفت الحجــاب باهمال وقفلت ازاريــر البالطووو ونزلت الدرجــتين وخرجت
وتركت خلفها حسام مبتسم وهوا بيفكــر انها شكلها من انواع البنات الي مارح يتعــب معاهـم
طلع علي الدور التالت وخــرج واتوجه علي الكونتــر علي طــول
شاف اعناب ومهند وتسنيم متجمعين حولــين ملــف واصواتهم خافته
: سلام
التفتو علي اعناب وتسنيم بلا مباله ورجعو طلو في الملف حركتهم دي مــره عصبتووو
مهند : هلا حسووم
حسام بدون مايطل في : هلا فيكـ
: سلامات مــسرح
حسام جمد مهند والتفت يكلم اعناب : لو سمحتي
تسنيم طلت في بقهر واعناب بستفهام : ؟؟
حسام ياشر لتسنيم : مو عليكي
وحول نظرو علي اعناب : اشسمو صحبتكـ تقول مات الولد الي اسمو عبد العزيز وهيا ترا مــره منهارهـ لو
تروحيليها يعني
تسنيم بلقافه : مين عبد العزيز
اعناب : اما اسراء
حسام يهز راســو : ايوه اســراء شفتها في الدرج حتموت بكي الحقيها
اعناب لفت وخرجت من ورا الكونتــر : رايحه رايحــه

~~~~~~~~
A6baa fe al-7o0b
~~~~~~~~

واقــف في الممــر ومتكــي علي الجدر وفي يدو كوب الحليب بالقرفه طبــعــا
وفي يدو التانيه الجوال علي ادنـــو : طــيب اشتقت للوالدهـ
رائد : لو اشتقت لهــا الحــين الوضع ما يسمحلك ابد انك تروح للرياض تبي ابوك يذبحك علي الي سويته
: طــيب ايش السواة يا رودي
: انا قــلتلك اصبــر كلــها يومــين وتهدي الامور في ذاكـ وتروحلهم
: وانت بطول ؟
: لا وعد مــني موب مطول ابد كلها يومــين ارتب اموري ولا تبيني اترك كل شي واجابلكـ
كــاسر في قلبو الود ودي ما تسافر: لا يارودي عادي سافر وشف اموركـ
رائد كنو يتاكد : جــد اسافــر
: رودي وش تحــس بوهـ قلت لك ايه سافــر
: ما احــس بشي احس انه موب لازم اسافر
يرشف من الكوب : ومن وين جاكـ ذا الاحساس
: كذا فجاءهـ
بدا يعــصب : رودي قلت لكـ سافـر خلاص
: طــيب وانت
: انــــا اشفيني بعد
: اتركك بلحالكـ
: خــير شايفني بزر برظاعتـه ؟؟
: خــلاص بســافر كذا ازين
كاآآسر وملامحو اتغيرت لان رائد حيسافر وكل ما يتزكلا كيف امورو تتكركب بدونو يرجع ينك : ايه ازيــن
: طيب تخيل انا ويني الحــين
: ويــنكـ
: اول شي قلي خلــصت ترمزة الحلــيب الي مصلحها لكــ
الكــآسر يطل في الكــوب : ايه هاذا انا بشرب اخــر شــي
: انزيــن انا قريب اوصلكـ ومعي لكـ كــيكـ وترمز حلــيب بعد ..
كــآآسر بحماس : والله انتظركـ اجــل
: خلاص تعال عند البوابه انا قريب
: الحــين بنزلكـ سلام
قفل وحط الجوال في جيبوو وشد المعطــف الابــيض عـلي جــسمــو وهــوا يفكـر
كيف حتعدي الايام بدون رائد
زفــر بطــفش ودخل يدو بين شعــرو ولما نزلها طل في الساعه علي طول شافها وحده وشي
اكــيد جــات البنت دي الي يقال لها زهــاد
ما منع ابتسامتو تطلع وهوا ينطق اسمهــا : زهــاد زهــاد وش تحس بوهـ لما احد ينادي عليها
طــلب المصعــد ونزل علي الدور الارضــي وبخطواتـ وسيــعه اتوجــه للاستقــبال
وقف واتنرفز لما مالقاهــا : السلام عليكم
رهــام وتبتسم علي طول لما تشوف كـاسر : وعليكم السلام كيف اقدر اخدمكـ دكتور
في قلبو لازم تشفلها جمله غير ذي ..
اشر علي الكـرس : وينهــا
رفعت كتوفهــا : والله مادري ماجات الين دحــين
رجع طل في الساعه يتاكد من الوقتـ زفـر بطــفش : طــيب شكراا
بعد ولبــس نضارتـو الشمــسيــه وخرج من بوابة المستشفي
وقف بــرهـ وطلع سيجــارهـ ولعها وجــلس يدخــن بطــفش وينه رودي لما الحــين
تووي بدو يدخل يدو عشان يخرج جوالو ويكلم رودي الا انتبهلوو جــاي وفي ايدوو كيـس سعد الدين
ابتسم وهوا يتامل رائد كــيف ماشي بخطوات سريــعه بالجنز الاسود مع القمــيص الرمادي
وصلو : سلام كسور عسي منت بواقف من زمان
كــاسر : ايه منذو مبطي
رائد ضمــو علي خــفيف ومدلو الكــيس : خذ
اخد من الكــيس وابتــسم : ثانكس رودي
رائد مسد علي شعــرو : كيف العمل اليوم
: عادي لما الحــين الوضع عادي
: متي بتبدون تناوبون
: امم اتوقع اليوم بينزل حدول المنوابهـ
: عادي اجــي اسهر وياكـ يوم تكون مناوبـ
كــآسر ومتحسس من النقطه دي : مو مســافر انتـ
: انت قلت لي اسافــر
: يعني لو قلتلك لا مابتروح
: لا مابروحـ وانت عارف
كــاسر يهز راســو ويغـير الهرجــه : اقلك تخيل شنو
رائد وعلي طول اتصرف : شنــو
: الآي باد حقي طلع مع موظفة الاستقبال كنت اتكلم معها قبل لا امشي ونسيته وشالته وخذته معاها
للبيتها
: زين واخذته منها
: ماجات لما الحــين
رائد رفع حوجبوو : امـا
: والله سالت الموظفه الثانيه قالت انــو هي يبدا دوامها الساعه وحدهـ
رائد لا اراديه طل في ساعتو : زين المفروض تكون موجوده الحين
كاسر هز كتوفو : ايه خــبري
رائد : يمكن ما تبي تداوم اليوم
: مــا ادري يــ ..
كاسر قطم كلمتو ونزل طرف النضارهـ وركز فيها وهيا نازله من السيارهـ
قدم راسو يطل في الولد الي بيسوق والي ملامحــو شاميــه مــرهـ علي طول اتسال بينو وبين نفــسو مين دهـ خويها ولا اخوها
جلست تضحك ثوانـي مع الي بيسوق واخيرن سكــت الباب ولفت ومعطفها الرمادي علي يدهــا وفي
يدها التانيه الشنطه الحمــرا الي بلون الشوز وبلون اطار النضارهـ الشمسيه المتوسطـه
انتبه لرائد الي بيكلموو : كـاسر
بيطل في زهاد وهيا داخله علي المستشفي : هممممممم
: اش فيك اول مـره تشوف بنت
: لا هاذي هي الي المفروض الاي باد معها
: خلاص روحــلهــا وانا بمــشي ياالله يمديني اعبي اغراضي طيارتي باليل
كــاسر يسوي انو مو مهتم : انزين
رائد قرب وضم كــاسر وباس خدو : بجي اخذك نهايه الدوامـ
كــاسر يهزز راسو وهوا يتحاشا انو يطالع في عيون رائد : انزين
رائد رفع يدو لخد كاسر وصقعوو بخفه : وش فيك مشفر
كــاسر نزل يد رائد بعصــبيه : مو مــشفر يلا وريا شغل عن اذنكـ
رائد : اوكـ سلام اول ما تخلص كلمني
: انزين سلام
لف كــاسر وهوا معــصب انو رائد راح يســافر ويفكـر متي حيرجع وهل راح تزبط اموروو
من طل في الاستقبال وانتبه لزهــاد اتغيرت افكاروو
واتنحنح كدا يحس البنت دي مافي تفاهم معها الامور لازملها مضاربه
اتقدم للكــونــتر وحـط الكيس الي في يدو والكوب وتكا بطرف كوعوو : السلام عليكـم
زهــاد كــانت مشغوله في المرايه الصغيره الي في ايدها تزبط امورهـا
لكــن من رفعتـ عينها وانتبهت لكااسر اتلبكــت : وعليكم السلام
رهــام : اهلا دكتور اهي الانسه زهاد شرفت
زهــاد وكنها ما سوت شي : بغيتني دكتوور
كــاسر بختصار شديد : فين الاي باد
زهــاد وقفت واتلبكت : امم اممم اممم الايباد
كاسر بقله صبــر يطقط باصبيعو علي الطاوله : ايه الاي باد تبعي الي خذيتيه
زهاد مو عارفه ايش تقول مع انو قصي حفظها الكلام كويس : امم الاي باد امم حقك ايوه اممم المربع
كاسر يطل فيها بندهاش : ايه الاي باد سمعت انك خذتيه معك عشانك امينه
رهام تطل في زهاد بستغراب : زهاد الاي باد اشبك
زهــاد طار الكلام وتحس كدا انو لو قالت أي كلمه بخصوص انو الاي باد خرب حينقزلها ويسدحها في الارض ويدعسها برجلووو >> متوحش
كــاسر نفذ صبرو : وش فيك انتي اقلك وينه مو انتي خذتيه معك
زهاد بخوف الدونيا : ايوه بس اممممم
الكاسر صقع ايدو علي الطاوله : بس شنو
رهام خافت هيا كمان : امم هيا يمكن نسيتو
طل في رهام طله يعني اطلعي منها ازين لكـ ورجع طل في زهاد : نستيه
زهاد تهز راسها بخــوف : لاا امم بس هو بس شويا يعني خـ خ، خــا خــي
كاسر استغرب اشبها علقت علي حرف الخا : شنو ؟؟
زهاد ونطقتها اخيرن : خــربــ
كــــآآسر كدا هوا معــصب خلــقه وتجي تقلو خــرب كــشر وملامحو اتغيــرت
وزهــاد رجولها صارتـ تترقــص
و
و
و
و
نهـــــــاية البارتـ التاني
اطــــــباء في الحـــب
قـــطعــة شكــلاتــه

~~ BARt [ 3 ]
اطـــــــــباء فــي الحـــب ... ... ...

~~~~~~~~~~
أحيانٌ كثيرة جداً نصابْ بالجنوُن من أنفسنا !
نصرخُ في داخلنا على ما يضايقنا ؛ نغلقُ أبوَابْ أروَاحنا . . .
وَ نكتمُ بداخلنا الهم الذيْ نحمله .. نظنها شجاعه
لكنها حماقه ؛ فكثرتُ الكبتَ تؤديْ إلى الإنفجار
ثم إلى الضياع فيْ دنيا اللاوُاقع ..
فضفضوُا أخرجوُا ما في قلوُبكم !
لا شيء في هذة الحياة يستاهل .. .. ..
~~~~~~~~

زهاد ونطقتها اخيرن : خــربــ
كــــآآسر كدا هوا معــصب خلــقه وتجي تقلو خــرب كــشر وملامحو اتغيــرت
وزهــاد رجولها صارتـ تترقــص
ورجعــت خطوتين لورا لانها حست كدا انو حينقز ويطيح فيها تلطيش
كاسر ويعد للعشــرهـ عشان يهدي نفسو
كدا من اول ما شافها مو طايقها وصارت منها حركه ازعجتووو وسكت
وشالت الاي باد معها وكان حيطنش المووضع اما يخرب ده اقوي شي
كل شي يخصوو موجود علي الجهاز كيف خرب كيف لو ما اتصلح كيف لو ضاعت الحجات الي في
كيف لو ولو ولو
زهاد استغربت من سكوتوو يعني اتوقعت أي رده فعل لكن مو دا السكوت
وفي نفس الوقت خافت تتكلم وتفتح ع نفسها باب
رهام صارت تطل في زهاد الي واضح انها خايفه وترجع ترفع نظراتها لكــاسر الي ساكت وعيونو تدور في مكانهاا
طبعا بلقافه هرجت : دكتور
الكاسر نزل عينو عليها وفاق من افكارو ورجع للواقع : نعم
رهام خافت ولما شافت كيف طلاتو انكمشت ع نفسها وسكتت
حول عينو لزهــاد وصوتو اترفع فجاءهـ : شولن خــرب
زهاد انكســفت لان ورا في اوادم واقفين
: امممم اممم دقيقه لحظه
كــاسر واصله معا : شنو دقيقته
زهاد لفت وخرجت من الاستقبال واتوجهت لعندو بخوف
بصوت راخي : اممم ممكن نتفاهم
: علي شنوو ؟؟
بدهشه : علي الاي باد الي خرب
: ايه هين خرب بروحه يعني ؟؟
زهاد تطل في الناس الي بيطلو فيهم : اتفضل للاستراحه ونتفاهم كناس عاقلين
رفع حوجبوو : اها عاقلين ؟؟ !! تلمحين اني مجنون الحين .. ؟
زهاد تهز يدها بخوف : لا لا ما اقصد ابد اتفضل نتفاهم
كاسر يطل فيها ونفسوو يخنقها بالقوهـ طلعت الكلمه منو لما شاف الناس يطلو فيهم : طيب
زهاد ماصدقت رضي : اتفضل دكتور
سبقتوو بخطوات سريعه وهيا تقلب الكزبات في راسها وتفكــر ايش تخترعلوو وكل شويا تطالع ورها تتاكد انو بيمشي .. ولا سحب ..
ثواني وهما عند الكراسي تبعت الانتظار
زهاد بدون مقدمات جلــست : اتفضل دكتور
كاسر ضام يدينو لبعض ويفكر دام فيها اتفضل اكيد مطوله في التفاهم وهوا مو فاضي لهاا
: مرتاح كذا
زهاد بعناد : اتفضل ارتاح دكتور احنا حنتفاهم بس
كاسر حط الكيس علي الكرسي وجلس بطفش : ايه
زهاد ضمت يدينها لبعض وبدات تبحر في الكزب : عارف يا دكتور اول شي اتاسفلك علي الي صار لكن مو بيدي انــ.....
كاسر قاطعها : ليش خذتيه معكـ للبيتكم ؟؟
زهاد بكدب طبعا : يعني قلت امانه عندي ولازم احتفظ بي معايا لين ارجعو لكــ يعني ليش حاخدو بالله يا دكتور انت عارف انو عندي منو اتنين فلا تحسب اني اخدتو عشان شي لا ابد اخدتو علي اساس اسلمك هوا بنفسي
كاسر : طيب وشنو صارله
: والله ابد انا يا دكتور حطيتو في درج الغرفه عشان لا احد يمسكوو لكن الشغاله الله يهديها خرجتو لما كانت بترتب الغرفه وعارف الغرفه لازم تتــرتب علشــ ...
يالله بتحكي قصة حياتها ذي قاطعها : اتركينا من غرفتك الحين ؟
زفرت : اوكـي الموهم هيا خرجتووو وجا اخوياا شافوو وحسبو حقي طبعا لانو زيو بالزبط اخدو وخرج بيلو بره علي القاردن تبع الفله وجلس عند المسبح
يالله بتوصفلي بيتهم ذي ولا اشلون يعني زفر بطفش : ايه وبعدين اختصري لو سمحتي وراي اشغال
ترفع يدها وتمسح جبهتها بنعومهـ : اه اسفه يادكتور
: ايه وشنو صارله
وتفكر تكمل الكزبه بايش : امممم الموهم اخويا تركو في القاردن عند المسبح وراح
كاسر وراحت عصبيتو واتحولت لطفش منها اشبها مطوله تختصر وتقول ايش صار : ايه
زهاد في عالم تاني وحابكه القصه : امممم انت عارف عندنا كلبين شي واوا اوكــي
رفع حواجبو : اها شي واوا
ابتسمت : يب يب مره حلوين وصغار كيدا ويجننو عارف كنا بدنا نشتـري ايش تخيل
نسي موضوع الاي باد لثواني وتنح : شنو
: كنا حنشتري جوكر بس بابا قلنا انو مره شرس ومتوحش وشريرر فكدا ماجبنا
يطلع بقرف في شكلها وحركاتها وطريقه هرجها : اهااا
: دكتور عندك كلب
كاسر كشر واتزكر هرجه الجهاز : شنو صار علي الاي باد بتقولين ولا اشلون
زهاد تعدل طرحتها : امم ابد زي ماقلت لك ناناي ونانو كانو بيلعبو في القاردن معاياا
الكاسر بتفكير مع تكشيرهـ : منو ناني ونانوو
زهاد تمط صوتها : الشي واوا يا دكتور
هز راسو بتصريف وتعجب في نفس الوقت : اها اها ايه كنتي تلعبين معهم انتي !!!
تبتسم ابتاسمه حلوهـ : ايوه مره احوبهمــ
نفسو يلطشها علي الابتسامه دي .. وفي قلبو صدق انها بطهـ
: ايه وشنو صار علي الاي باد
تمثل الدهشه والخوف : امم فجاءه واحنا بنلعب صقع ناني علي الطاوله الي قدام المسبح والي كان فوقها الاي باد وطاح علي طرف المسبح لسا ما خش الموياا
كاسر وانهار لما حس انو جهازو شرب مويه : اجل شنو
: طاح علي الطرف ولما جيت الحقو نانو الاهبل مره اهبل تراني جري لعندو وحاول يشيلو بفمو لكن بدل ما يشيلو طيحو علي المسبح وعلي ماوصلتلو كان دخل المويه
كاسر فرصع عينو وبصدمه : جهازي دخل وسط الماي
هزت راسها باسف : ايوه دكتور وانا علي طول نقزت يا دكتور في المويه وطلعتو وكانت الوانو ضاربه
كاسر ومستصيب : وينه الجهاز بشوفه وينه
: الجهاز اممم انا علي طول ركبت مع سواقي ورحت لاقرب مكان الكترونيات
بعصبيهـ : جهازي الاي باد تودينه مكان الكترونيات تستخفين انتي هذا ابل وش فيكـ
زهاد بلمت لمار فع صوتو وصارت تكمل بصوت متقطع : بس يعني امممم اتوقع مارح يزبط الحال فكدا قلي كم سعر الجهاز واجبلك واحد جديد او اعطيك الملبغ في يدكـ
بعصبيه مفاجئه مرهـ : شنو تجيبين مثله شنو تجيبين سعرهـ الحين خرب يعني خلاص وينه اقلك وينه
زهاد رجعت علي وار : دكتور هوا مع السواق قلت لو يودي كزا مكان و ...
: اقلك وينه جيبيه بشوفه
: دحين ما ما ...
قرب منها ورفع اصباعو بتهديد : دقي علي سواقكم ذا وخلي يجبيه الحين الحين بشوفه بنفسي
رجعت علي ورا وحطت يدها علي صدرها : طيب طيب يا دكتور امم انت هدي نفسك دحين ما اقدر
بتكشيره متعوب عليها : وليش انشالله
تاشر علي الساعه الاكتورنه المثبته علي الجدار : شوف الوقت انصراف المدارس وكدا اكيد حايس السواق دحين
فرك وشو وهوا مقهور منها مستفزه شكلا وصوتا وتصرفا حتي
زهاد بصوت راخــي : دكتور كم سعرو واجبلك زيو او اجبلك سعرو
رفع حواجبو بعصبيه : مو تقولين عندك مثله شلون ماتعرفين سعرهــ ..!!
اتلبكتـ : لا يا دكتور انت عارف يمكن انت اشتريتو اول ما نزل فكدا بيكون اغلي ويمكن يكون بشريحه الواي فاي ويمكــ....
قاطعها : جيبين لي جهازي وانا بشوفه
: طيب يادكتور الجهاز اتوقع انو انعدم خلاص حدفعلك سعروو
خرجت من جيب الاب الرمادي بطاقتها الي فيها رقمين جوال وتلاته ايميلاتـ : اتفضل وحنتفاهم علي كل شي بس حاليا انت عندك شغل وانا عندي شغل
مسك البطاقه وطل فيها بعصبيه وكاشخه باسمها بعد مع ذا الاميلات
زهاد ما ادتلو فرصه يفكــر وقفت : وانا اسفه مره تانيه يا دكتور مــره اسفه
كاسر وقف وهوا مستغرب بكل بساطه كدا : عارفه شنو فيذا الجهاز عارفه انه نص الاعمال الي تخصني فيه عارفه اني معتمد عليه اعتماد كبير الشغله موب شغله جهاز وبس الموظوع والمشكله شنو الي فيذا الجهاز
خافت لما رجع لعصبيتو مــرهـ تانيه : انا انا انا اسفه دكتور
كاسر خلل اصابيعو بين شعروو يحاول يهدي نفسوو : وشنو اسوي بهالكلمه وجهازي ظاع
: انا ام دكتور اسفه مره تانيه
: انتي بس تعتذرين خلاص اعتذرتي مره وحده شنو بعد ..؟؟
استغربت منو : بس انا غلطت عشان كيدا بعتزر دكتور
رن البيجــر حقوو طلعو وطل فيلو بعصبيه
لف عنها وجا ماشي لكنو رجع لف وكنو نسيها لفتره ورجع اتزكرها : انا شريت الجهاز من برا بالدولار
اتوقع يوازي اربع الاف وتسعميه اتمني تجيبين المبلغ بكره وجهازي الي غرقتيه بالماي اتمني تجبينه معكـ بعد
زهاد طلت فيلو بخوف لان منظرو يخوف كدا وهوا معصب هزت راسها بهدوء وبدن ماتهرح
: عالم وجودهم بالذا الدنيا غلط
راح وتركها علي راسها علامات تعجيب كتيره مو وحده
طلعت الجوال من جيبها وطلبت رقم سعيد : الوو
سعيد : همم هلا زوزو
: اخباركـ سعيد
: قولي اخبار الاي باد تبعكـ ههههههههه
ياليتو تبعي : ههههههه فاهمني ها ايش صار علي
: امم والله شوفني ده سادس مكان توي خارج منو وقلي نفس الكلام
: شو نفس الكلام
: قلي انو كان المفروض من يوم ما خرجتي من المويه كان فكتي القطع كولها لكن انتي سبتي والمويه اتغلت فيلو كل ما واحد طل في الشاشه قلي مافي امل لكن لعيونك حدور كمان وكمان
زفرت بطفش : اووف طيب تعتبك سوسوو
ابتسم : لا كم زهاد عندي
: تسلم يلا عن اذنك ورايا شغل وخبرني اذا استجد شي بخصوص جهازي
: اوكــي سلام
قفلت بدون ما ترد
دخلت يدها في جيبها ورجعت للاستقابل وهيا تفكــر كيف ممكن تطلع الاربعه الاف وتسعميه وتجيبها بكرهــ مين ممكن تستغل من الشباب مين راح يعبرهــا
جلست في كرسيها وسندت كوعها علي الطاوله وحطت ايدها تحت خدها وجلست تفكر مين من الشباب علاقتها معا باقيه كويسه ولسا ماسحب عليها
مين من الشباب ما طلبت منو شي كبير قبل كيدا
مين من الشباب ما يطلب مقابل لقاء خدماتو
مين من الشباب كان ميت عليها قبل وما عبرتو وجا الوقت الي تعبرهم بشروطـ
سحبت جوالها وطلت في الشاشــه
وبدات تراسل اصحابها الي علي الببي
وجلست ترسل وترسل وتالف وتالف لازم تدبر قيمة الجهاز بكــرهــ وتجيبو لدكتور

~~~~~~~~
A6baa fe al-7o0b
~~~~~~~~

حــاضنه كتاب طبــي احمــر وكبــير والظاهر انو تقــيل وماشيا بين رفوف الكتب العاليه والكتيرهـ
فكرت تنزل للمكتبه دامهــا فاضيه تستفيد وتضيع طــفش قبل يطلعلها ماجد بطلعه عجيبه
زي المريــض دهـ الي سلمها هوا اليــوم
رفعت ايدها وفركت جبهتها بعصبيه : خير مايسمع بشي اسمو طالب متدرب
اتعدا من جنبهــا دكتور كبير في السن وشعرو معظمــو مشــيب علي طول جا ابوهــا علي بالها
ابتسمت بحنيه تحس انو مــرهـ وحــشهاا
بدون مقدمات رفعت الجوال وضغطت اتصال سررريع رقم نسيم
نسيم واضح من صوتها زعلانه ومعصبه : نعم
تسنيم نسيت انها سكت السماعه في وشها اول : هاي نسو رجعتي البيتـ
: ايوه خــير
: بابا صحي ؟
: ايوهـ صحي
: امممم اكل ولا باقي
: اكل خلاص اتغدينا من اول
: اديتلو الدوا تبع الضغط
: ايوهـ
: ابره السكرر
: ايوهـ
: اتحمم ولا باقي
: لا بيستناكــي انتــي
: امممم طيب فينو دحين
: دقيقه
جالسه بتلعب في بطاقتهاا تفكها وترجع تركبها وافكارها عند نسيم اشبها ترد من طرف خوشمهاا
لتكون تعبانه شي ولا احد مزعلها >> نايسه بقوهـ
جالها صوت ابوها علي الخط : ايوه يابنتي
تسنيم بفرحه : بابااا
ابوها ضحكـ : ههههههههه ها يابنتي
: كيفك اتغديت كويس
: ايوه الحمد لله
: اممم كيف تحس يوجعك شي يعروكـ شي بطنك تمغصك بعد الاكل
: لا يابنتي ليش الاسئله دي
: لا بس بطمن وكيدا
: طـــيب انا بخير يابنتي انتبهي علي شغلكـ
: طيب بابا اذا احتجت شي طنشك من نسيم وكلمني طــيب
: هههههه انشالله يابنتي انتبهي علي نفسكـ
: طيب بابا باي
قفلت الجوال واتنهدت برتياح بعد ما اطمنت انو كل شي اوكـي
دخلت الجوال في جيبهــا وجلست علي اول طاوله صادفتهـا
حطت الكتاب الاحمر وسحبت السماعات من حولين رقبتها وحطتها علي الطاوله
فتحت الكتاب ويادوب بطل في اول صفحــهـ الا رن البيجــر
رفعتو بعصبيه وطلت في الرقم وعقدت حواجبهاا : امممممم اوف ليكون
قفلت الكتاب وسيبتو مكــانوو
شالت السماعات وخــرجت من المكتبه بخطوات هادئه جدا طلبت المصعد وعلي الدور التالتـ
خرجت وهيا تصلح معطفهــا
وصلت للكونــتر ورفعت حواجبهاا للمرضه الي كدا ماتدري ليش ماحبتها ابد : نعـــم
دانه وحتي هيا مو عاجبتها تسنيم شعور متبادل علي قولهم
من طرف خشمها : دكتور ماجد يبغاكــي في غرفه الاستاذ بهـاء
تسنيم زفرتـ : اوكـ فينو
: غرفه 209
: اوكـ شكرا
دانه اكتفت انها تلف عينها عن تسنيم وتتلهي في شغلها
تسنيم طلت فيها ومشقت من الي يشكرك مو منكـ
لفت ومشيت في الممر وهيا تطالع في الارقام لين وصلت للغرفه الي المفروض انو بهاء فيها
دقت بهــدوء وما استنت رد فتحت الباب ودخــلت : السلام عليــكم
بهــاء طل فيها بعصبيه : وعليكم السلام
ماجد ابتسم : وعليكم السلام اهلا دكتورهـ اتفضلي
اتقدمت خطوتين : شكرا دكتور كيف اقدر اساعــد
مــاجد يطل في ساعتــو : ابد تقدري تساعدي في انكـ تجلس مع بهــاء وانا كمان ساعه واجــي
استصابت ايش اسوي معا ساعــه : نعم ام ايش ليش انا عندي اشغال تانيه
بهاء لف عينو من عليها وطل في ماجد بحــقد
ماجد يرفع حواجبــو : انتي ماسكه حالتو دحــين
تسنيم فضلت انهــا تسكت عشــان لا تقول كلام مالو داعي
مــاجـد وقف وشال المعــطف لبسو بســرعه : عن اذنكــم
بهاء وتسنيم مبلمين ومو مستوعبين انو رايح وتاركهم كدا بكل بساطــهـ
ماجد طنشهم : يلا سلام
خرج وقفل ورا البابــ
تسنيم لفت وطلت في بهاء وعيونها جات في عينوو نزلتها بــسرعــه
وبهاء هوا التاني لف عينو عنهــا وفتح الجــريــدهـ
تسنيم قربت من الجهــاز وطلت فيلو بتعجــب تحاول تفهم شي تستوعب شي
غمضت عينها تسترجع زكريات الدراسه
زفرت بطفش واتزكرت دكتور مازن لما كان يقولهم دورات تذكرهم بالي درسوو
وحست انهم من جد يحتاجو دوراتـ
لفت علي بهاء : امم من متي مركبين لك الجهاز
بهاء بدون مايرفع عينو عليها : من ساعه ونوص تقريبا لــيش
جالسه بتفكر بصوت عالي : كنت دايم اتمني اجرب الغسيل كيف
بهاء رفع عينو عليها بتعجــب : تبي يجيكي فشل كلوي يعني .. ؟؟
تسنيم استوعبت الوضع : لا لا الله يحميني
رفع حواجبو بحركه يفهمها انو ايش تبي من حياتك انتي
ورجع نزل عينو يطل في الجــريدهـ
تسنيم انكسفت منو : اممم من متي انت معاك فشل كلوووي
رفع عينو عليها : ام مو قلتي عندكـ اشغال
علي طول فهمت من جملتو انو انكتمي ولا تدخلي ولو تخرجي من عندي احســن
: امم ايوه عندي اشغال
: طيب تقدري تتفضلي
: ايوهـ يب اقدر بــس امـ قلي دكتور مـاجد اجلس
: انتي روحي وقبل لا يجي بشويه ارجعــي
ابتسمت بفرحــه : طيب عن اذنكـ
فتحت الباب وخــرجت واتنهدت برتياح
ايش يحس في ماجد دهـ بدو يقعدني مع رجال غريب عني في غرفه ونجلس نسولف وليش خلصو الناس
وصلت للكونتــر وطلت في دانه بتفكـير
ليش ماتروح تجلس معا دايم الظاهر كدا انها تحب تجلس معا وتخدمو
اتوجهــت للمــصعد وضغطت الزر واتكتفت تستنا يوصلها
فكرت تطلع الغرفه تسترخي شويتين وتكتب التقرير بالمــرهـ
انفتح المصــعد وبدهــا تدخل انتبهت لدكتور مــاجد قدامــها
مــاجد طل فيها : ليش تركتي بهــاء ..؟
اتورطت : ام انا كونت ايوه صح هوا قلي بدو يقرا بهدوء وقلي اروح
: وانتي تروحــي .. .. ؟
: ام ايوه اشسمو الممرضه ايش اسمها ايوه دانه دانه هيا معــا
ماجد عقد حواجبو اشبها متلبكه كدا : طـــيب بس مره تانيه ياليت تنفذي الي اقولوو
في قلبها خير عرفنا انو مشرفنا مازن وننفذ الي يقولو انته نعــم
ماجد : اوكـي
هزت راسهــا : انشالله دكتور
خرج ماجد وانقفل المــصعد وبدل ما تطلع رجعت ضغطت الزر وانفتح الباب
خرجت واتوجهت بخطوات سريعه لمكتب الدكتور مــازن
دقت الباب بهدوء : دكتور
جالها صـوت مــازن من خلفها : اهلا
لفت علي وهيا مفجوعه : ام انا دكتور حسبتك جواا
: مــو مشكــله
فتح الباب ودخــل : اتفضلي
دخلت ورا بتوتر : امم شكراا
مازن فسخ المعطف وعلقو علي الشماعه وجلس علي الكرسي بتعب واتنهد بطريقه
خلت تسنيم تفكر تنسحــب لانو مزاجو ما يسمح لشكاوي
مازن رفع عينو عليها يعني ابدءي اتكلمي وقولي ايش عندكـ
تسنيم سايحه في افكارها ولا انتبهت لطلاتوووو
مــازن يتنحنح : احم احم بغيتيني في شي دكتورهـ
تزبط طرحتها وتلعب في اطراف الاب كوت ومره متردده تسالو : ام أيــوهـ دكتور امــ كونت بقلك امممم
حط القلم وسند ضهرو علي الكرسي بقله صبر : ايش ..؟
خافت يطلع شكلها مالو داعي : بس كونت بقلك انت مشرفنا صح
مازن بتعجب : صح
ومازالت متلبكهـ : طيب ام يعني المفروض ما اسمع كلام أي دكتور تاني
بلمت لما مازن انفلت ضحك فجاءهـ : ههههههههههههههههههههه
شدت علي معطفها وبجديهـ : لو سمحت دكتور
ماجد انتبه علي نفسوو : احم احم ايوه تابعي
حست مالها داعي تقول شي بعد الضحكه دي لكن .. هزت راسها بهدوء وتاشر بيدها علي وارر
: ابد بس اممم اشسمو ايوا دكتور ماجد سلمني مريض في قسم وحده غسيل الكلي ويبغاني اجلس معا طول ما هوا جالس والجهاز مركب علي لين ينتهي كدا ما يصير انا عندي اشغال ومرضي تانين وبما انو مو المشرف تبعي عادي لو ماسمعت كلامو
مازن ويفكر في تصرفات ماجد : اهااا ايوه تسمعي كلام أي دكتور هنــا طبعا .. كلنا مشرفين في نفس القسم ..
تسنيم بخيبة امل : بس دكتور اربعه الي خمسه ساعت مره كتير ايش اجلس اسوي وهوا رجال وبعدين يا مكتر الممرضين ولا الدكاتره المدربين كمان
مـازن مو فايقلها دحين فكدا حب يصرفها : طيب انتي نفزي الي يقلك علي وانا اتفاهم معا انشالله
حست انو ما عندو هرجــه : شكرا دكتور
فتحت الباب وخــرجت وهيا معصبه وتتسال بينها وبين نفسها ليش مافي مستشفي خاصه بالنساء بكل مافيها دكتورات مريضات مشرفات موظفات عاملات وحتي المديره حرمه

~~~~~~~~
A6baa fe al-7o0b
~~~~~~~~

حســام ماسكـ مهند من يدو ويسحــبو ورا
ومهند نعسان وطفشان من نق حســام : يالله يا حسووم تراك سامج
: يب سامج بس انته صح صح ياخي انت في دوام ونايم وحولينك كول دول الممزز كيف نفسك مديتكـ
مهند زفر وهرج بتهديد : حسام اترك يدي لا تخليني اشووش عليكــ ..؟؟
حسام ومايهتم في كلام مهند ابد : افا تشوش علي حسام
: ايوه اشوش اتركني وبطل سماجــه
: طيب خاويني اروح ادخــن وتعال ناكــل لنــا حاجــه
: ماني مخاويك تدخن لان مالك داعي وانت دكتور وتدخــن وتاني شي ماني جيــعان ليش اخاويكـ
الكــاسر من خلفهم : وليش اذا كنت دكتور ما تدخن واذا كنت مواطن عادي تدخن ؟
مهند : يلا كلو المدخن التاني جااا
حسام : ديم عليك يا مان قلو قلوو
مهند جر يدو من حسام بقوهـ : اقول اتركني ياخي شوف هادا الكاسر هوا يدخن وانت كمان روحو دخنو مع بعض وروحو كلو مع بعض
حسام : مهند مالك داعي تعال ياخي كم مره قلت لك تعال معايا وطنشــت
: ياخي بدي اروح اشوف المرضي
: يالله الشغل مقطعك يعني
الكاسر : انتم تهاوشون الحين ولا تفاهمون ؟؟
حسام لف علي كاسر وطنش مهند : كـاسر تخاوني ادخن واكل
الكاسر يهز راسوو : لا انا كليت ذا اول شي وثاني شي ما ادخن الا زيقاره وحدهـ في اليوم
حسام فرصع عينو : تمزحـ
الكاسر بضحكه مطلعها غصب : هه هه ايه امزح
حسام مو فاهم من جدو ولا يمزح .. : طيب تجي ولا
: قلت لكـ..
حسام لف بجسمو لمهند وبتهديد : مهند حتجي غصب عنك معاياا
مهند مد يدو لحسام يستسلام لانو عارف انو مارح يفكو من النق ابد : اوكـ خدني غــصب عنــي
حسام مسك يد مهــند ومشي : كاسر يا دكتور اذا ماعندك شي خاوينا
كــاسر مشي وراهم وفي يدو كوب الحليب جالس يرشف منو بهدوء : ايه ماعندي شي
اتوجهو بخطواتـ هادئه وملامحهم يكسوها الطــفش ولسان حالهم يقول متي ينتهي الدوام ؟!
وصلو للكفتريا ومهند وكاسر جلسو وحسام وقف علي راسهم : ها ايش تاكلو
كاسر : قلت لك مو جيعان
مهند : وانا كمان مو جيعان
: مهند حتاكل غــصب طــيب
مهند يهز راسو : طيب جبلي بطاطس وامم بربيكان
: اوك حلو وانت كاسر
كاسر رفعلو كوب الحليب وبعصبيه : قلت لك موب جيعان
حسام : لا ارقعني بالكوب احسن
كاسر بجديه : لو ما ظفيت وجهكـ بسويها
حسام : هههههههههه دكتور معــصب
بعد عنهم وراح يطلب
مهند زفر بضـيق : ياليل حسوم لما يبداء يتلبش فيك زي الدبانه ما تلقا الفكه منو لين تخبطو بالنشابه
الكاسر : هههههههههههههههه لا يسمعكـ
رافع حواجبو : حركات تعرف تضحك اول ماشفتك شكيت
ببرائه : لا لا اعرف منو مايعرف يضحكـ ؟؟
مهند : اقول علي الطاري فين جهازكـ ؟؟ اشوفك اليوم بتهرج اترنو مو معاك
الكاسر اتنهد لما اتزكر الهرجـه : تخـيل شنو ..!
: ايش
: نسيته امس هني بالمستشفي وموظفة الاستقبال عرفتها
مهند يهز راسو : لا اشبها
: المهم خذته معها للبيتهم وطيحته بالماي والظاهر انه خرب
مهند فرصع عينو : اما اخدتو وطيحتو في المويه
: يب تخيل وتوي يوم اكلمها تقلي ابعطيك سعره تستخف ذي بوهـ حجات كثيره تهمني انا بحاول استوعب الوظع اشلون لو ظاعت كلها
: ليش ايش فيلو
: كل شي يخطر ع بالكـ
: ووو امم والله انها ليش اخدتو لو يعني كــ.....
قاطعو بعصبيه وكنو هوا الي خربلو الجهاز : مادري عنها البطه ذي
حسام سحب الكرسي وجلس وحط التبسي الرمادي علي الطاوله والي فوقو صحنين بطاطس كرسبي
وعصــيرات : عسي ما اتاخرت شباب
مهند لف علي حسام : تخيل ليش كاسر جالس معانا ويهرج معانا
حسام بتفكير : لــيش
: جهازو الي امس خــرب
حسام : ههههههه وانا اقول
كاسر : لا لا تقوووول
مهند : هههههههه حسام بعد عنو ترا معــصب
حسام يسحب الكـرسي علي جهة مهند : ونبعد وليش لاا
مهند مد يدو وبداء ياكــل : حسام رحت لميار دي طلبتك كم مــرهـ
حسام لف بحماس : اقلك مو اعطتك رقمهــا
: ايوه ليش
انبسطت وفرك صردووو .. : اديني هوا سريع اسرع شـــي
مهند وسؤالو مدري ايش يبا : ايش تبغا بالرقم .؟
حسام طل في يعني سؤالك ماصخ مو عارف ايش ابا بيلو : اقول جيب رقمهــا خلصني
مهند : كتبتلي رقمها في يدي
فرد يدو ببرائه : وراح الرقــم
: ياسلام تقدر تطلبو تاني
الكاسر قط : وش تبي برقمهــا
حسام بتريقه : اتصل اطمن عليها واسال عن احوالها اذا كتبنا لها خروج
الكاسر ويحسبو يتكلم من جد : اهاا مايصير كذا كل مريض بتاخذ رقمه وتسال عنه ..؟
مهند وحسام : هههههههههههههههههه
كاسر رفع عينو من الجوال وطل فيهم : شنو
مهند : ولا شي كمل شغلكـ
كــاسر وقف : بمشي
حسام ويحسبو زعل لانو لسا مايعرفو مزبوط مالهم الا يومين : لا بدري كاسر ماجلسنا
كاسر يطل في ساعتو : بروح انهي التقرير مابقي شـي علي نهاية الدوام
حسام : عسي ماقلنا شي غلط
كاسر وماحط بالو مره : شنو
مهند ابتسم : الله معاك كاسرر
مــشي وتركهم
حسام : تتوقع زعل او شي
: اما يزعل بنات احنا ماقلنا شي يزعل .. ودامو قالكـ شنو اتاكد انو بالو مو معناا
حسام يتنهد ويفرك صدرو بيدو ومكز مع الجزء الاول من الجمله : آآه علي البنات اهـ ياقلبي آآهـ
مهنــد عــصب وصار ياكل الكرسبي حبه ورا حبه
حسام طل في بتعجـب : اشبكـ
: مافيا شــي
حسام : ماحكيتك علي اسراء دي يو يا تفوتك يا ابو هنود دخلت وشفتها البنت موزه بشكل
مهند رفع عينو وطل في حسام : ايوه موزه وبعدين
حط يدو تحت دقنو وبد يتخيل اسراء ا:ياهـ موزهـ ولقيتها كاشفه شعرها والبالطو مفتوح ويا عليها جــسم ياخــي يشكــي
مهند وقف : الحمد لله لما تخــلص اكـل الحــقني
حسام : !!!!!!!!!!!!!!!

~~~~~~~~
A6baa fe al-7o0b
~~~~~~~~

في جهـه تانيه من المستشــفي
وفي احد الممرات الطويله طبعااا
اسراء متكيه علي الجدر وقدامها اعناب ماسكه ايدها
: خلاص سوسو حبيبي
اسراء تمسح الدموع الي توقف وترجع تنزل غصب : الله يرحمــو
اعناب : امين يارب ويصبر اهلــو
اسراء من تسمع سيره اهلو ترجع تتنهد : عارفه عنوشه امو ياحياتي عليها والله امو ماحد قطعلي قلبي الا هيااا
اعناب وشويا تبكي هيا كمان : الله يصبرهم يارب
اسراء تمسح دموعها بقوهـ : انا بدي اروح البيت
: اممم طيب تستازني
: ماني مستازنه ولا حاجه بدي اروح والي فيها فيها ولو يفصلوني احسن نفسيتي اتازمت خلاص
: ياقلبي مايصير كدا انتي ممرضه لازم تقوي قلبك
عصبت اسراء : حد قال الممرضين المفروض يشوفو الناس يموتو ويتالمو وومايحسوو
اعناب بندهاش : اسراء اشبك عصبتي خلاص اخرجي
اسراء شدت علي يد اعناب : تعالي معايا ..؟
اعناب فرصعت عينها بدهشه : اما اما اما مايمديني
اسراء بترجي : عنوشه مابقي الا ساعه وشي علي نهاية الدوام مارح تخسري شي لو جيتي
: لا ماقدر من جدك
: عنوشه مابا اروح البيت عند اياد البش .. دحين يستلمني .. اشبكـ ايش فيكـي ويرج اهلي
اعناب بتكشيره : طيب ماتبي تروحي عند اياد استنيني اخلــص ونخرج سوا وتعالي معاياا
اسراء والدموع رجعت تنزل من عينها : اعناب والله مالي خلق شي تعالي معاياا
اعناب بتفكــير : اكلم دكتور مازن واشووف
: اكيد حيرضي قوليلو انو صحبتي بتموت
حطت يدها علي رقبه اسراء بحركه سريعه : يالطيف بسم الله عليكي ياشيخه
اسراء تبعد اعناب من قدامها : روحيلو بسرعه انا رايحــه اعبي اغراضي وانتظرك تحت
: هي هي ماقال طيب اول شي تاني حاجه مايطيقني الدكتور ده ويمكن اتهزء وبس
: يالله اعناب روحي طيب كلمي وشوفي لا تستبقي الاحداث انا حستناكي تحت
خلصت كلامها وتركت اعناب محتارهـ تترك صحبتها كيدا وخايفه تكلم مازن كمــان
اتوجهت للمصعد وهيا تتساسر مع نفسها
اكلمو ولا لا اكلمو ولا لا يعني انا خلصت تقريري وانا ماعندي شي وامممم واصلا فينو مازن ياربي ارحلو ولا لاا
وصلت للغرفه الخاصه بيهم شالت التقرير الي مخلصتو من فتره بحكم انو مافي شغل شديد لــسا
اتوجهتـ للقسم و لمكتب الدكتور مازن بالتحديد وهيا لسا مترددهـ تدق الباب وتطلب منو ولا بلاش
اتكت علي الجدر جنب البابــ واخدت لها نفس عمــيق
وفجاءهـ بدون مقدمات اتزكرت المريض الي ماسكه حالتووو وانو المفروض تشوف التحاليل هل طلعت ولا بااقــي
قررت تجمد اسراء وتروح تشوف ايش صار علي التحاليل
لكن ما مشيت خطوتين الا وانفتح باب المكتب وخرج مازن في ايدو المعطــف وشنطه متوسطه والظاهر انو خارج
علي طول وقفت اعناب كنها مسويا شي ولا شي
مازن بتعجــب : دكتورهـ
اعناب وعيونها تدور يمين ويسار : دكتور
وقف واتكتف وفكر يمكن تبا شي منو : ..
اعناب : ..
مازن بستفسار : ايش بتسوي عند مكتبي بغيتي مني شي ؟؟
: امم ايوا لا احم اقصد لا شكــرا دكتور ..
قالت الكلمه ومشيت بخطوات سريعه تبعد عنووو ماتدري ليش صارت من تشوفو يركبها خوف
مازن نادا عليها : دكتورهـ
وقفت ولفت علي بخوف زي الي عامل عمله : نعــم دكتور
مازن يحس انها تبغا شــي : اذا تبغي شي اتفــضلي
تدخل اضافيرها في اطراف الملفـ وتبعد عيونها عن مازن : لا بس انا كونت خلصت من التقرير وام كونت يعني انا ماعندي شي وصحبتي تعبانه كنت بدي استاذن بس اذا لا مو مشكله شكرن دكتور علي وقتكـ
ورجعت لفت بسرعه قبل يبدا يقول أي شي
مازن مات ضحك عليها في قلبوو اشبها تتكلم كدا بخــوفـ وكنو حيطب عليها بسكينه في أي لحظـه
ورجع نادا عليها قبل لا تبعد : دكتورهـ اعناب
اعناب وابتسمت لما سمعت اسمها منو وكيف ضاغط علي الحروف وكنو معصب
رجعت لفت بهدوء وماقدرت تخفي ابتسامتها : نعم دكتور
مازن بدو يتفتق عليها وكيف خايفه منـو وحتي الابتسامه الي تحاول تدسها فيها خوف
: حطي التقرير علي مكتبي واتفــضلي
ماستوعبت اول شي فكشرت تكشيره خفيفه سرعان ما اتحولت لابتسامه نابعه من قلب : شكرا دكتور
مـازن ورجع كشر ملامحو بعد ما كان مرخيهــا : اول واخــر مــرهـ اوكــ
اختفت ابتسامتها علي طول : انشالله دكتور اذا ممنوع ترا اجلس استنا وصحبتي تستنـ ....
قاطعهــا : حوطي التقرير واتفــضلي
رفع يدو يطل في ساعتــو : عن اذنكـ
بعد عنها واختفي من اول لفـــه
اعناب اتنهدت برتياح وسحبت من جيبها منديل ازرق مطبق ع شكل نجمه فكتو بهدووء ومسحت طرف جبهتها تحس انها عرقتــ
دخــلت علي غرفه الدكتور بعد ما اختفي وبعد مافاقت من تناحتهــا
وصلت للمكتب حطت التقــرير .. وبلقافه مدت يدها وسحبت البرواز تبع الصورهـ
وطلت فيها عن قرب يد كبيره ماسكه بيدين طــفل استغربت ايش يقصد حاط الصورهـ دي
ولا دي صورة يدو
مشقت وهيا تانب نفسها اتركيكي من القافه عنــوشــه ..
خرجت من الغرفه بنفس الهدوء
ورجعت متوجه لغرفتهم وهيا مستغربه ليش تتخربط من يوم تكلم مازن دهـ كل دهـ خوف يالطيف
مارح ياكلني ولا راح يدبحني ولا يقدر يسوي شي غير انو يعلي صوتو وبــس
فتحت باب الغرفه وهيا غارقه في افكارهــا انتبهت لتسنــيم جالسه وحاطه ايدها علي خدها بياس
: السلام عليكم
: وعليكم السلام ياهلاا
اعناب مشيت لدولاب وفسخت المعطــف : اشبك كدا مهمومه
تسنيم وتتنهد بضيق : لا ابد الله لا يجبلنا هم
اعناب بستعجال تلبس عبايتهــا : بس شكلك مضايقه عسي ماشر مابغا اتلقف يعني بس بطمن
تسنيم ابتسمت : لا مافي شي لا تحــطي في بالكـ
: طيب كويس
تسنيم : اممم طيب ماابغا اتلقف انا كمان بس ما انتهي الدوام
اعناب لفت علي تسنيم ببتسامه بعد ما حطت شنطتها الكبيره علي كتفهــا : يب يب انا استاذنت من دكتور مازن صحبتي حالتها متازمه بخرج معهــا واصلا مابقي الا ساعـهـ
تسنيم باستفهام .. : لــيش اشبها صحبتك عسي ماشر ..؟
: والله حكايه طويله مريض اتعلقت في مره وكانت صحتو تمام واتوفا فجاءهـ
لينت ملامحها : اما .. ياحياتي الله يرحمو
: يب يب ودحين بدها تخرج ورايحه معهاا
تسنيم وتحس السبب مالو داعي : اها الله يعينها يارب
اعناب فتحت الباب واشرت باصابيعها بحركه تدل ع نعومتهــا : عن ازنكـ اشوفك بكره انشالله
: اذنك معاكي علي خـير انشالله
سكــت البابـ ورها بهدوء واتوجــهتـ للمــصعــد وابتسامتها معبيــه وشهــا
رفعتــ الجوال لادنها بعد ماطلبــت رقمـ اسراء
وجلست تهز راسها بنعومـه مع نغمــات الاغنــيه .. وبحب الناس الرايقه الي بتضحك ع طووول
صوت اسراء بترجي : الو قولي وافق لك الدكتور
: يب انا نازلتلكـ حبيبي
: طـــيب كويــس
: انتي بــرهـ
: لا في الانتــظار ماشرف السواق
: طيب يلا نازلـتلك سي ياا
قفلت ورمت الجوال في الشنطـه وبخطوات خفيفه دخلت المصعد الي ابوابو انفتحت علي مصرعيهــا
رمت ابتسامه بريئه لحسام الي مبتسم ابتسامه خبيثه يخفيها خلف برائه مدري من فين جايبها
اعناب ضغطت علي جي وانقفل المصــعد
لفت علي حسام : السلام عليكم
حسام قرب وهوا يحكـ صدرو : وعليكم السلام
ما حطت بالها معا وكيف قرب منها ولا انتبهت اصلا
وكعادتو مع بنت في مكان واحد ويسكت مايقدر لسانو يحكو : انتي رايحه ..
تطل في عبايتها يعني مو شايفني لابسه عبايتي : ايوه رايحه
: مو كنو بدري
: استازنت من الدكتور مازن
بستغراب ويتزكر كيف مازن كان حاقد عليها في الراوند : اما اما خلاكــي
: يب يب
لحظــه سكوتـ وانفتح المــصعد خرجت اعنــاب : يلا سلام نتقابل بكــرهـ
خرج ورها ويحك صدرو : اكيد
كشرت في : الناس تقول انشالله
: انشالله اكيد
لفت واتوجهـت للانتــظار : سرو سرو عسي طولت
اسراء وقفت : لا اما طولتـي
: طيب كويس
: هيا جا السواقـ
اتوجهــو لبوابة المستــشفي وما مرت دقايق الا وهما بــرهـ
والشمــس الي تحسها بدت تروح مازلت موجودهـ
كل وحــده سدحت نضارتها الشمــسيهـ
ووقفو ع اخر الرصيف
اسراء بطــفش : مايفهم لازم كل مره اقلو تعال عند البابــ
: وي فينو
: مادري يباني ادوقها كعابي للمواقف
: يابنت انتي لي معصبه كلمي يجي
: اكلمو قال حشرشحوو
: يالطيف صلي علي المصطفي
: اللهم صلي علي
رفعت الجوال لادنهــا وسرعان مارد السواق . وصوتها علي وهيا بتشرشحو
اعناب اتنهدت تستني اسراء تخــلص شرشحه لسواقهـا
لفت يمين وعينها جات علي مــازن الي واقف جنبهم وبيكلم في الجوال ومنهمكـ اشد الانهمــاك
نزلت طرف النضارهــ تتاكد
كان نفسهــا تمشي تروح لعندوو تسمع ايش بيقول لان وشو الابيض محمر واضح انو معــصب اصلا
اسراء قاطعتلها تاملتها : يلا جاي
: طيب
ثوانــي وقفت قدامهم سياره السواق واعناب ماشايه ولافه راسها علي اليمين تطل في مازن مادري ايش لاقيه في
ومشيت الخطوتين وهيا ما بطل قدامها
وطبعا ما انتبهت لي الرصيف ما تصحا علي نفسها الا وهيا متكركبه علي الارض واكتر شي عصبها اغرضها الي اتشعترت حولينها اثر الطيحهـ
اسراء : وي بسم الله عليكـي ايش في
اعناب وقفت بسرعه وهمها مايكون مازن شافها لكن لما طلت لقتو بيطل فيهــا لا وعلي طرف فمو ابتسامه
اسراء طلت مكان مابيطل : بنت اشبك تطلي في الدكتور كدا ..؟
اعناب تنفض عبايتها : ولا شي لمي معايا بدل ما تسالي
دنقت اسراء ولمت الاغراض مع اعناب بسرعه وعلي طرف فمها ابتسامه : شافك طحتي
اعناب معصبهـ : ويعني.. ؟؟
اسراء تستفزها رغم الموقف الي هيا فيلو .. : مو بس هوا شوفي كول الي عند البوابه شافوكي
اعناب اتنرفزت وطلت في يدها الي اتوسخــت : ويعني
انطلق بوررررررري من السيارهـ الي واقفه ورا سيارتهم وخلاهم ينتبهو انو في ناس بتنتظر وهما واقفين
اعناب رمت الشنطه في السياره بعصبيه وركبت
اسراء دخلت وراها وسكت البابـ : لا تعصبي كول الناس تطيح
: مو معصبه اتعورتـ
: ياكيوت انتــي
: اسكتي لا ارجع المستشفي
: مين يهدد
بطفش وتمط صوتهـا : اسرااء
: ابا اعرف ايش طيحك الطيحه الغبيه دي ..؟؟
اعناب اتزكرت انها كانت تمشي وتطل في مازن لين قبعــت
انبت نفسها خير تطلي في لين تطــيحي !!!

~~~~~~~~
A6baa fe al-7o0b
~~~~~~~~

ماسكـ في ايدو ورقــه وقلم ,, وبيكتب اسامي البنات الي ناوي يخــلص عليهم في المستشفي
ومحتار يبداء من مــين
وجالس بيفكر في كل بنت وكيف شخصيتها ومين الي يبالها وقت ومين الي مارح تاخد معا دقايق
مهند صقعو علي كتــفو : هي حسوم
حسام ومازال غارق في التفكـير : همممم
مهند : قوم هيا ياخــي
: علي فــين
: خلاص قوم نسجــل خروج
حسام وقف والورقه في يدو : تتوقع اسراء ولا فاطمه اخـف
مهند زفـر بطـفش : انا ماشي لما انــت تخــلص من الي انت في اخرج
حسام يهز راسو بلا مباله : اوكـ
مهند لف عنــو وراح في طريقو وهوا يدعي في قلبو لحسام وانو ربي يهدي ويبطل الحركات دي مع انو يحس انو مافي امل بالمــرهـ ..
ماشي وهوا بيفكر بجديه : هل ياتري يحتاج لي دكتور نــفســي يشوف حالتـو
رجع اتزكر الي صار لحسام في حياتوو وكيف عاش طفوله بائسه ومراهقه مؤلمه بسبهاا
هز راسوو باســف ورجع لحسام مايقدر يروح ويخلــي
حسام ومازال بيشخبط في الورقه وياشر علي الاسماء وواضح علي انو بيرسم خوطه دقيقه لاصطياد البنات الي في المستشفي .. وحدهـ وحدهـ
مهنــد قرب منــو وسحب الورقه من يدو : حسوم هياا
حسام وقف ومد يدو : طيب هات ورقتي
مهند : لما نكون بره المستشفي حعطيكــ هيا
حسام رفع يدو لكتف مهـند : اوكــي وايش نسوي دحــين
: نروح نسجل خروج وننقلع علي بيوتنــا
: اقلك ماعندكـ مشاريع اليوم
مهنديرفع راسو بتفكير : الا عندي مشروع مزاكره ومراجعه واكل ونوم
حسام بجديه : لا ابو هند خلينا نخرج اليوم
: فين نروح ؟؟
: مدري نكلم الشباب ونخرج
: مالي خلق واحس اني تعبان ومدروخ مانمت اليل
: هوا انت عمرك كنت تنام اليل ..
مهند يطل في بنص عين .: ايوه كنت انام اليل .. وانت عارف
حسام يمثل الخوف : طــيب تنام اليل
وصلو للمكــتب وسجلو خروجهم بــسرعه ..
مهند : حسام في شي ناسي فوق قبل نخرج
حسام يتحسس جيبو : لا لا
مهند يزفر بطــفش : اليوم كان ممل صح
الكــاسر فجاءهـ من وراهم : ايه بالحيل
حسام : يعني مو مرهـ كيف مكان فيلو بنات يكون ممل
مهند وكاسر طلو في طله عجيبه حسام اتاكد انو قايل شي غلط
رجع يصحح كلامو : يعني احنا لــ..
انفتح المصعد ودخلو كاسر ومهند وطنشو حسام الي دخل وراهم بسرعه وهوا متنج : سلامات
رجعو طلو في نفس الطله
لف عنهم وخرج جوالوو : لو المستشفي كلها بنات فكـرهـ
الكــاسر ويتزكر زهــاد : وش فكرته انت بعد البنات ذولي اشين مخلوقات الله بعد البط
جا دور مهند يتنح : البط ..!!!
الكاسر بجديه ياكدلو : ايه البط اكره مخلوقات الله وبعدهم البناتـ ..
مهند يتاكد.. ويحرك يدو يقلد البطهـ : البطه البطه الي تسبح دي
الكاسر ياكدلو شكوكو : ايه البطه الي بالماي تشوفها وكذا وتطلع صوت مستفز
مهند ومبلم : احد يكرهـ بطــه ..؟؟
: ايه انا اكره البط والبنــات
حسام بندهاش : شوف البط ماسو شي لكن تبا تغلط عليهم اغلط اما البنات ما اسمحلكـ
الكاسر اكتفي انو يسكت ويلف علي الازارير يضغطها بقوهـ يعني يستعجل المصعد ..
مهند : اشبك معصب
الكاسر وكنو ماصدق احد يسئلو : عاد متنرفز منها ذي بكل بساطه تاخد جهازي وتخربه !!
حسام يحك دقنو : اهااااااااا وانا اقول مسرح من زمان الاخــ ..
الكاسر : اوف بودي .. اوف استغفرالله العظيم ..
حسام : ايوه استغفر ربكـ احسن
انفتح المصعد وخرجو التلاته وكل مين سايح في افكاروو
حسام ويفكر في البنات
مهند يفكر في النوم والاكل والمزاكرهـ
كاسر يفكر في جهازو .. و يفكر في زهاد ونفسو يروح يلطشها يحسها مستفزه
زفر بعصبيه وماحس بنفسو والكمله تطلع منو : ذا البنت وجودها قدامي غلطـ
حسام لف علي : أي بنت
الكاسر رفع عينو بستغراب ومايدري انو كان بيفكر بصوت عالي : شنو
مهند : اتركو دام رجع يقول شنو اكيد فصل
مشيو مهند وحسام علي البوابه وكاسر لف للاستقبالـ ..
حسام بلقافه : علي فيــن ..
الكاسر مارد علي واتوجه بخطوات سريعه للاستقبال ووقف قدام زهاد الي من يوم شافتوو
وقــفت وابتسمت ابتسامه حلــوهـ خلت كاسر يتنح فيها وينسي لثواني هوا لــيش جا مسرع بدي الطــريقه
مادامت تناحتو .. : انتي شسمه متي راح تجبين جهازي و الفلوس
زهاد تحس انها متورطه لادنها من فين تجبلو اربعه الاف وشي ماتدري : امم انت اشسمو متي تبغاها
: بكره قلت لكـ وجهازي ياليت تجبينه الحــين ولا سواقكم باقي مع مشاوير المدارس
زهاد تاركه كل الكلام في جه وبالها مع هرجه الفلوس الي لازم تجيبها بكرهـ : امم انا طــيب
: اقلك وينه جهازي الي غرقتيه بالماي ابيه تسمعيني ولا ماتسمعين ولا شنو نظامكـ
رهام وقفت وبخوف : لو سمحتو روحو اتفاهمو هنـــاكـ
الكــاسر رما لها طله خلتها ترجع تسكت .. وتتلهي في جهازها
زهاد في عالم اخــر تحاول تالفلها أي شي : طــيب طــيب دحين انا اشسمو امــ...
قاطعها ويحس انو طــفش منها مو راضيه تهرج كلمتين علي بعضها : انتي شنوو
حست انها ضيعت كل الهرج طلاتو وطريقه كلامو تخوف وغير العصبيه الي هوا فيها : ام اشسمو
لف وشو عنها بعصبيه ورجع طل فيها ويحاول يفهمها ايش يبغا : اقلك جهازي الي غرقتيه بالماي وينه ابيه الحين تقدرين تجيبينه ولا .. ؟؟
هزت راسها بخوف وكنها خايفه تقول لا يسويلها شي ولا شي
الكاسر فهم عليها : ومتي تقدرين تجبينه لي
: جهازك اجيبو بكــرهـ و الـ
قاطعها : انزين بكره ابي اشوف جهازي في ذا مع المبلغ انا بروح اشتري لي واحد بنفسي
وبنبره تريقه : لا تتعبين روحكــ
خلاص كلامو ولف عنهــا وبخطوات سررريعه كان متوجه للبوابه الي اتفتحت وخرج منهااا واختفي عن انظارهاا
اتنهدت بطفــش وجلــست
رهام بلقافه : كيف خربتي جهازو
زهاد رفعت عينها علي رهام بطله تفهمها فيها انو مالك صلاح تسئلي أي سؤال
رهام رجعت رخت عينها وهيا تهز كتوفهاا بلا مبالهـ
..
خــارج ابواب المستشفي القزازيه
واقف وبيدخــن بكــل عــصبــيهـ .. رفع يدو للساعه : وينك انت بعد يا رودي
رمي السجارهـ في الزباله بعــد ما طفاها
طلب رقم رائد ورفع الجوال لادنــو
حس براحه نفسيه من يوم سمع صوت رائد الهادي والي كلو حنيه : هلا كــاسر كاني وصلت لكـ انت وينكـ
يحس صوت رائد يهدي نفـسيااا ابتسم : انا واقف عند البوابه وكاني انتظر حد يحن علي
: ههههههههـ انا بحـن عليك الحــين
: انزين
: عد للعشرين وبتلقاني عندكـ ..
: انزين سلام
قفل الجوال وحطو في جيبو وابتسامه طفــيفه علي طــرف فموو
فسخ الاب كوت ومسكو في يدوووو
ثوانــي ووقفت سيارهـ رائد السودهـ قداموو مع ضربتين بوري تنبهووو
بخطوات شبه ســريعه اتوجه للسيراهـ .. دخل وسك الباب بهدووء : مسائك كــاسر
رائد : مسائي انــت
زحلق نفسوو علي المقعدهــ ورخاها علي وراا : جوعان حدي وتعبان وابي انام
: لي كان فيه كرف اليوم
: لا مابوهـ كرف بس احسني كذا طافي
: اعرفك ماكليت شي غير ذا الكــيكـ والحــليب
كاسر بتفكير : المفروض انو الحـــليب يغنني
رائد يسرق نظرات من كاسر الي مستلقي ومغمض عينو : يغنيك عن شنو
كسر يفركـ عيونو بارها : عن اني اكل أي شي ثانــي
: لا مايغنيكـ لازم تاكل يا كسور
: انزين بناكل اشتريلي اكل
: وشنو تبي تاكل
: ماعرف أي شي المهم اني جوعان وابي اكل
رائد يحول نظارتو شويا لطريق وشويا لكاسرر : كان نفسي اوديكـ للـ ... لكن مابوهـ وقت
كاسر وناسي هرجه السفر لانو مو مستوعبها : مابوه وقت ليش ما عندنا شي
: طيارتــي بعد ست ساعات من الحــين وانا ماعبيت شــي
كــاسر تنح وبلم واخر شي عصب وكشر ولف وشو علي الشباكـ : ايه طيارتكـ اعرف خلاص مابي اكل ودني للبيتـ
: لا بشتريلك اكــل تعرف مــن وين .. ؟
ورجع لعصبيتو وماخد وقت : قلت لك مابي اكل ودني للبيتـ ..
رائد يحاول يغير الهرجه .. : مابتوديني المطــار
مازال معصب وبيرفع صوتو : اوديك بسيارتكـ يعني ..؟
رائد بصوت هادي عشان كاسر يهدي : وشنو فرقت سيارتي ولا سيارتكـ
يلف وشو عن رائدة: تفرق ابي سيارتــي
: انزين بوديك للبيت وبناكل وبعدها بتوديني للمطار انا حدي جوعان بعــد
خرج جوالو ووجلس يقلب فيلو بملل
ورائد علي طول عرف انو معصب ومايبا يتكلم خلاص فكدا سكت هوا التاني
وكل مين سرح بافكاروو
كاسر يحس انو حيكون اناني لو طلب من رائد ما يسافرر .. ولكن في نفس الوقت لو سافر رائد راح يجلس في ضيااع لين مايجــي تــانـي
رائد يحــس انو لازم يروح لاهلو وانو لازم يجلس مع كااسر حيتفتق من التفكيرر لكن كل شويا يعزو نفسو بانو مارح يطول .. لكن الله يستررر كيف حتصير الامور

~~~~~~~~
A6baa fe al-7o0b
~~~~~~~~

غربـــت الشمــس وراحت تنور علي الجه التانيهـ من الارض .. وحل مكانها القمر ..
منسدحــه علي بطنــهــا وفي يدها اللتندو وخاشه جو في الالعاب كنها طفله عمرها ما يتجاوز الخمسه سنين
عيونها طايرهـ ومطلعه طرف لسانها علي بــرهـ . وشاده بشفايفها علي وعروقها مشدودهـ . دليل انها بتلعب من قــلب
رن جوالها ورن ورن ورن الين ما سكــت وهيا مو معبــرتو بالمرهـ
لكــن لمــا رجــع يرن تاني .. رمت الجهاز من يدها بعد ماضغطت زر استارتـ وسحبت الجوال
وردت بدون ما تطل في الشاشه : أيــوا ..
ندي : بنت حنين افتحي الباب انا برهـ
حنين رفعت خوشمها وخشنت صوتها : نعم ايش جابك ايش تبي
: اقول افتحي بلا مصاخه
حنين قفلت الجوال في وش ندي ورمتو بعــيد
اتمغطتــ وحطت يدها علي فمها تسدوو لما اتشنقل فجاءهـ
: اه ياربي اشبي بتاوب معقوله نعسانه
لبست الصندل الاسود الي في اطرافوو اجراس ترنرن من يوم تبداء تمشي
صلحــت بجامتها السودهـ الي مشتوله يمن ويسار من حماس العب طبعا
خرجت من غرفتهـــا واتوجهــت للصالهـ : السلام عليكم
امهــا ومنهمكه مع مسلسل عجيب وجنسيتو غريبه : هلا يا بنتي وعليكم السلام صحيتي
حنين بستغراب : ماكنت نايمه
: اما اجل اشبك طاسه
: لا كونت بلعب
: عيب عليكي بطولك دهـ وتقولي بلعب
لمت شعرها علي جنب وشدتو : طيب كونت ماسكه جهاز
: طيب وخري خليني اتابع
: طيب طيب ماما مهند جــا
: أيــوهـ جا بس يقول خــارج
: اما خارج ماشفتو من الصباح
: والله كان صحيتي بدري كان شفتــي
: ادري بـــ ...
قطعت كلمتها لما سمعت صوت الجــرس يدق زفرت بطفــش : دي ندي
: اها افتحيلهااا
مشيت لبــرهـ بخطوات متثاقله مقهوره علي حركه ندي اليوم في الصباح الين دحــين متوتره منها
والي قاهره اكتر انها تركتها ترجع بتكسي يعني زي الي تقول فكه منكــ
كشرت ملامحهــا كدا مزبوط وفتحت بابــ الشــقه
ندي دفتها عن طريقها وخشت : السلام عليكم
حنين ماشيه ورها بشويش : وعليكم السلام
ندي دخلت للصاله وقربت من ام حنين وسلمت عليها وباست خدها : كيفك ياخاله
مرامـ : بخير يابنتي انتي كــيف ايش مسويه كيف اموركــ
ندي تطل في حنين بنص عين : الحمد لله ياخاله ماناقصني شي
: اها كويس كيف مامتك ايش مسويه رجعت من مكه ولا لســه
: لا والله لســه لكن بكره بالكتــير انشالله
: انشالله سلميلي عليها يابنتي
: يوصل ياخاله يلا عن اذنكــ
: خدو راحتكم يابنات اكلملكم الشغاله تعملكـم شــي
حنين من طرف خوشمها : لا اصلا ندي مستعجله
ندي : خاله مابغا الشغاله مشتهيه جنزبيل من ايدكـ
مرام تطل في التمثليه : ولو يابنتي اخلص المسلسل واعملك زنجبيل حتي انا مشتهيتو وانتي ايش الي مستعجله
: ماعليك من حنو خاله انا جالسه ويمكن ابات واروح الجامعه معها
حنين بستنكار : اها بايتهـ
مرام : عيب يابنت الناس تقول الله يحيكي ومن دهـ الكلام
حنين مشقت ولفت عنهم وراحــت علي غرفتهاا جلست علي السرير وشالت العبه تنهمكـ فيها تاني مافحيلها تكلم ندي لحسن مقهورهـ منها اقوي شي
دخلت بعدها ندي للغرفه وسكت وراها الباب وقفلتو بالمفتاح
فسخت عبايتها ورمتها علي الصوفا السودهـ .. باهمــال
ونقزت فوق الســرير بقــوهـ : حنو زعلانه
حنين : لا فرحانه وبدي اتشقق
: اقلك انا عصبت في الصباح وانتي عصبتي وكل مين راح غسل سيارتو ليش زعلانه
حنين مستصيبه ومفرصعه عينها : اقول ندو بلا سخافه لا تسوي انك ماسويتي شي
: لا مو دي الحكــايه . بس انتــي يعني كبرت الامور كولهم كم ولد ليش زعلتي
حنين وقفت وبعصبيه : ندي لا تتحميري عندي قلت لك ماحب شي اسمو اولاد مااطيق شي اسمو اولاد وبعدين حرام عيب قله زوق سمعه وسخه وكم مره اقلك الشي دهـ لكن تعانديني وبس وتاني حاجه بكل بساطه سبتني اتلتل مع تكسي علي الضهريه .. وما ازعل يعني
ندي حكحت عيونها وزفرت بضيق : طيب كيف ترضي
: مارح ارضي شيلي بعضك ورحي بيتك قال تباتي قال
: لا ماني رايحه حنو بلا سخافه
حنين بعصبيه : اقولك انتي الي سخيفه يعني بكل برود تبيني اقلكـ عادي وكنو شي ماصار ..,,؟؟
: طيب اسفين مارح نكررهــا أي خدمه
حنين تاشر بيدها: ايوه روحي بيتكـ لا تجلسي عندي
: تطرديني يعنــي
تهز راسها بقوهـ : ايوه اطردكـ
: طيب مو خارجهـ
حنــين فتحــت باب الغرفه وخرجت : خليكي انا الي منقلــعهـ
سكت وراها الباب بعــصبيه الا انتبهتـ لمهند واقف قدام المرايه الي في السيب وبيزبط شعروو
اتقدمتلو : مهند هنود وحشتنــي
مهند لف عليها وارفع حواجبــو : امــا
قرــبت منو وضمتو علي خــفيف : ههههههههههه والله
مهند يبعدها عنو : اقول لا تحسبينا اخوان اتراكـ بعدي عني اشوف
ضربت كتفو بخفهـ : مالت كيف كان يومك وفين رايح
: كان يوم جيد ورايح مع حسام الصقه دهـ
: ههههههههه اشبو
: اقلو ابغا اذاكر ابغا انخمد ابغا انحرق لكن مصر انو ياخدني معا
: فيــن
لف عليها : خير تحقيق
: وجع هنود مو تحقيق بس بدي اعرف
: مدري عنوو يقول مقهي مدري كـوفي مدري نيــله
حنين تطل في الشورت الجنز الي لابسو حد الركبــه بالزبط ومــرهـ مــاسكـ ولونو ازرق فاتح ومعا فنيله كت سودهه ولابس صندل
: رايح كدا كوفي مدري مقهي
: ايوه ليــش
: دهـ لبس بحر هنود روح غــير
: لا لا مــاني مغيررر
: طـيب ازيو لايكـ
: اشبو صوتك عالي انتي وندي دي
حنين والي نسيت ندي لفترهـ مشقت لما اتزكرتــ : ولا شــي
رفع يدو لخدها ومسد علي بسرعه : حنو يلا ماشي تبي شــي
: لا تسلم اخويا لا تتاخر وراكـ دوام
: ياليل انا اول انسان في العالم يداوم ولا كــيفــ ..
تضحك علي عصبيتو : هههههههه كــيف
: يلا سلام سلمي علي صحبتك الغجريه الي جوا
: ههههههههههه طــيب لو تدري عنكـ ندي ههههههههه
حسام يمثل انو خايف : لا لا تدري ولكي عشرهـ ريال
: هههههه طيب روح
خرج حساام وحنين اتنهدت ورجعت للغرفه فتحت الباب وصارت تطل في السقف : ايش تشربي
ندي نقزت وضمت حنــين : مابغا اشرب شي لا تزعلي جد كيف اراضيكي
: انا اقولكـ كيف
: قولي
: عندي اربعه بحوثــ ؟
ندي بخيبه امل : مافي طريقه تانيه
حنين وتهز راسها : لا لا حتسويها والدكتورهـ كمان طالبه مننا مطوويه وجاري البحث عن حجات تانيه
: يييي حنو لا تصيري كيدا
: الا انا كدا ودي اخر مره تجمعيني بالشله الوسخات دوليك وماابغا اسوي فهاوهـ لكن لو ما تمشي معاهم انتي كمان يكون احــسن
: طيب ماش
: وحتديني خمسه واربعين ريال
: وي ليــش
: حق التكسي الي رجعت بي يوم سويتي نزاله
زفرتـ : الله يعين علي طلباتكـ
لفت علي المطبخ وندي وراها : جاري البحث عن طلبات كمان وكمان ..

~~~~~~~~
A6baa fe al-7o0b
~~~~~~~~

واقفــه قدام التــسريحــه .. تزبطـ حواجبهــا وتحط مرطــب خــفيف شفافــ
فكت شعرها ومشطتو علي السريع ورفعتــو كوكيــنه
لفت علي الشمــاعه وشالت العبــايه الناعمه والي مافيها غــيرر ورود صغــيره مرهـ بالون الموفــ الغامق
لبستهــا علي عجــل ولفت الطرحه بنفس السرعــه ..
جــلست علي طــرف السرير وخــشت البوت الرياضي الابيض في رجولهــا وربطت القيطان تمام عشان لا يتفكــ
شالت الشنطــه الموفــيه الطويله والي تحسوها مصنوعه من خــيش لبستها علي جنب بعد مارمت فيها كم غــرض علي السرريع
لفــت علي اختهــا : نسيم مارح نتاخر تبي شي واحنا راحعين
نسيم مشغوله في جهازها وماردت علي تسنيم
الي رجعــت تنديها : نسيم
نسيم : ..... >> زعلانه
تسنيم : نسيم بكلمكـ
رفعت عينها ببرود : نعم
: تبي شي واحنــا راجعــين
رجعت تطل في الجهاز : لا
: طيب سلام
: سكي وراكــي البــابـ
تسنيم زفرت بطفش ما تحب نسيم تزعل منها ولا شــويا لانها اختها الصغــيرهــ والوحيدهـ
لكن هيا تعصــبها بتصرفتها الي ما تسووي والي يقهر ان نسيم ما تهتم لها ابد
مشيت بشويش لين وصلت لنسيم رخــت نفسها وباستـ خدهــا : انتبهي علي نفسك مارح نتاخر
نسيم كررت كلمتها : سكي وراكــي البابــ
تسنيم خــرجت وهيا مضايقه من نسيم وتصرفتها معهــا لكن نسيت كل شي وابتسامتها ارتسمت علي شفايفها مــن يوم شافت ابوهــا : بابا خلاص عسي ما اتاخــرت عليكــ
ابوهــا يزبطـ الشرشــف عــلي رجولــو : لا يابنتــي ها فين حتوديني
: نروح الممــشي نشم هوا ونتمشي ونتكلم ونرجع طــيب
: طــيب يابنتي
: ولا اذا تبا مكان تاني بابا مــاعندي مشكله
: لا كــويس نروح الممشــي
قــربت منو وباست خدو بقووه ومسكت العــربيــه ودفتها علي بــرهـ الشــقه المتواضعه واتوجهت للمصعــد دخلت العربيه : بابا نسيم احسها ما تحبني
: اما اختك كيف ما تحبكـ
: مادري والله دهـ الي بحــسو
: لا يابنتي لا تحــسي علـــي كــيفكــ
: مدري بــابا طـــيب
رفع يدو ومسد علي خدهــا : الله يرضا عليكي يابنتي انتي واختك ولا يحرمني منكم
ماتدري ليش عيونها تدمع من تسمع كلمات ابوهــا : بابا انــا
ابوها وابتسم علي طول : ما تبطلي تنزلي دموعكـ علي فاضي ومليان
مسجت دموعها وضحكــت : هههههههههـ
خرجو مــن المصعد ولبرهـ العمارهـ .. واتوجهو لسيارهـ السواق الي متعاقدهـ معا بالشهر يقضيلها مشواريها ومشاوير اختهــا
نزل يامــن واتوجه لابو تسنيم وساعدو في ركوب السيارهـ وقفل الكرسي المتحركـ وحطو في الشنطــه
تسنــيم ركبت جنب ابوهــا وقفلت الباب : يامن الممشي يعطــيكـ العــافيــهـ
هز راســو بدون ما يهرج
تسنيم قربت من ابوها مــرهـ : ايوه بابا
: أيــوهـ ايش يابنتي ما كنت بقول شي
: طيب قول شــي
: هههههههـ كيف المستشفي معاكـي
كــشرت لما اتزكــرت بهــاء وماجد ومازن : والله يابابا عارف انا اقترح ايش
: ايش يا ام الاقتراحات
: اقترح يسوو مستشفي كلها نسائيه من البوابه للمديرهـ
: مدرسه صارتـ هههههههههــ حتي المدرسه البواب رجال
كشرت وهيا تطير التلاته من بالها : والله احــسن بابا
: ليش حد من الرجال ضايقكـ
هزت راسها : لا لا ماحد ضايقني بس احسني بتلبك وارتبش لما اتكلم معاهم خصوصا الدكاترهـ
: دهـ يابنتي عشان توكـ خشيتي دا المجال ويبالكـ وقت علي ما تتاقلمي وتتعودي
زفرت : بس بابا البنت الي معايا مره تحسها عادي انا من يكلموني انكمش واخاف ليش حيكلوني هما
: هههههههههـ دهـ عشانك بنت ابوكـي ماتعرفي رجال الا ابوكـي
: ههههههههههههههـ في هادي انته صادق
: يابنتي انتبهي وشدي حيلكـ وحاولي تثبتي نفسكـ .. البقاء لاقوي
رفعت يد ابوها وباستها : اكيد بابا طلما انته جنبي ومعايا صدقني حتشوفني في يوم من الايام من افضل الناس
: امــين يابنتي اما اختكـ دي الله يستر منها
: مره نسو مدري ايش احساسها تحسها عايشه علي عمها لا اهداف ولا هويات ولا اهتماماتـ
: يمكن عشانها صغيرهـ
: بابا 19 سنه صغيرهـ .. ماهي صغيره ولا شــي
: الله يعين ادعيلها انتــي
: هوا دهـ .. ااتركنا مــن نســو بابا تسمع شي
: انتي تبي تسمعي شي
رخت صوتها : ايوه ايوهــ
خرجت سي دي لعبد الحليم من شنطتهــا واعطتو ابوهــا : خلي يشغلي هــوا ..
: طيب يابنتي هاتي
اخد الشريط منو ومدو ليامن : خد شغل
يامن شغل السي دي ورفع الصوت شوياا وخشــو جو مع اغنيه اهواكــ
مر الوقت بدون مايحــسوو وهما يتنقلو من هرجه لهرجــهـ
تسنيم يكفيها انها تجلس مع ابوها ماتبا أي شــي تــانــي
وصــلو للممــشي ونززل يامــن وساعد محمد علي النزززول وركبو في الكــرسي المتحــركــ
تسنيم : يعطيك العافيهـ
محمد : ساعتين تلاته بالكتــير وارجعلنا هنــا
تسنيم : لا لا يامن لما نخــلص نكلمكـ
هز راسوو كالعادهـ بدون مايهرج
ركب سيارتــو وراحــ
تسنيم صلحــت طرحتهــا واخدتلها نــفس عمــيق : بابا تحــس الجو حــلو ومريح صح
محمد يمسد علي ايدهــا : اكيد
: يلا بابا خد نفس عميق زي عشان تسترخــي
: ههههههههههه تبيني استرخي وانا هنا
: ههههههههههه لا اقصد عشان تروق
اخد نفــس عميق زيها وزفر براحه : طيب اهو
بدت تمشي بكل هدوء وتتنقل مع ابوها من هرجه لهرجــه
: بابا عارف
: ايش
: نــفسي انحف وكدا
: اكتر من كدا يابنتــي
: ايوه يعني حق اربعه اور تلاته كيــلوو
: وكــيف تبي تنحفي انشالله
: يعني امــشي كل يوم واخفف اكــل
: الي يسمع يقول انتــي بتاكلــي يابنتــي
: لا والله باكل بابا
: انا مابشوفك تاكــلي علي قد ما اشوف اختكـ تاكل بالعافيه علــيها
: أيــوهـ بــ ....
قطــمت كلمتها لما انتبــهــت للواد الي بيهرول في الاتجاه المعاكــس لهم
لابس ابيض في ابيض وجنبوو اتنين اصحابــو
ابتسمت علي اشكالهم لكــن لما قربــو واتضحــت الصورهـ تنحت في بهـاء
بهاء لما شافها عرفها كــشر تكشــيرهـ خفيفه ورفع يدو بتحيه لابوهــا الي ردلو التحيه بنفس الطريقه
وفي ثواني اتعدوهم وراحوو
تسنيم لفت تطالع في وكمان بهاء لــف يطالع فيــها وعلي طــرف فمو ابتاسمــه
غمــضت عينها وعضت علي شفايفها لمــا بهــاء اتعنقـل وقــرب يطيح لانو مابيطالع في طــريقو
لكــن الله سـتر ومسكــ توازنــو
وقف هروله ولف عليهاا ورفعلها اصبعاو انو اوكــي ابتسمت ولفت عنو لابوها الي صارلو فتره يناديها
: هيا يابابا
: اش في
: لا ابد بس دهـ مريض عندي تخــيل عندو فــشل كلوي بابا
ابوها بحــزن : الله يرفع عنــو شاب في اول عمــروو
: أي والله يابابا الله يرفع عنــو ياربــ

~~~~~~~~
A6baa fe al-7o0b
~~~~~~~~

العــبايه مطــرزهـ .. مع ذالكـ شكلها طالع مو اوفــر بالعكــس عاكس نعومتــها
الصندل الاحمــر السحابـ بلــون الشنطه الصغــيرهـ الطويــله الي حاطتها علي كتفها وماسكتها
بايدها الي اضافيرهاا صابغتها منــاكيرر احمر باهــت بس مـن الاطــراف
وفي ايدهــا التــانيه ماسكه كــم كــيس
وجالسه بتتزمرر : طــيب فكــري سرو من فين
اســراء بطــفش : يا عنوشه ما تزكــر ياربي منكـ
رفعــت يدهــا ومسحــت طــرف فمهــا : لازم تتزكــري بدي اشتــري زيــو
: ياعنوشه الكوتشاتـ ياكتــرهــا مو لازمــ الكوتش داكا بالتحديد
: الا ابغا داكـ انا سرو اتزكــري هــيا
: والله مو فاكره اشتريتو من زمان يا عنوشه وتعالي خدي وفكيني مــن رجتكــ ..
: لا لا ابغا واحد جديد
اسراء : خلاص اشتريت كم شكل يشبهولو لا تصير زي الاطفال
: ابغا داكـ بالتحديد يا سروو
: طيب اذا مو فاكره ايش اسوي فهمــيني
: مادري اوف ياربــي
اسراء عقدت حواجبها وهيا تطل علي واجه احد المحلاتـ : شوفــي دهـ يابنــت يشبهلو مــرهـ
اعناب عيونها طارت علي الكوتش خضارو مــرهـ حــلو : يب يب ثوانــي
جلست علي الكرسي الخشبي الي قدام المحــل : سرريع
دخــلت اعناب وماسكه طــرف طرحتها الي منتــرهـ بفصــوص حمرا صغــيرهـ : السلام عليكم
صاحــب المحــل السعودي والي لابس اسود في اسود : وعليكم السلام اهلا وسهــلا
: لو سمحــت بكم الشوز الاخــضر هناكـ
ابتسم علي طــريقه كلامهــا : بـ ...
: طــيب هتلي مقاس سبعــه وتلاتين اذا سمحــتـ
: اتفضلي ارتاحــي ثوانــي
: جــلست علي الكــرسي الملون والي الوان متناسبه مع ديكور المحــل ..
ثوانــي وجالها الرجـال وفي ايدو الكــرتون الصغــير : اتفضلي تقيسي
: لا لا بدون قياس هتلي هوا بــس
مدلها الكرتـون : اوكـ اتفــضلي وحــاسبي هناكـ
: طيب مـاشي شكرا
: العفـو
اتوجهت للكاشــير ودفعت الفلــوس وخــرجت من المحل وهيا مبتسمه اخيرن لقت بوت يشبه حق اسراء مــرهـ كان عاجبها
كــشرت لمــا مالقــت اســراء اتلفتت يمــين ويــسار تحاول تميزها بــين الناس الحبتــين الي بيمشــو
لكــن مالقتـها دخلت الاكيــاس كولها وسط يدهــا وسحــبت شنطتــها وطلعت جوالهــا وهيا مكـشـرهـ
طلــبت رقم اســراء بــسرعه وحطت الجوال علي ادنهــا : سرو فينكــ
: هنا خــشيت فسس
: فسس في عينكـ ما اسيبك ثوانــي يعنــي
: حلوهـ ما تسيبيني تعاليلي سريع
: اقلك معايا اكياس كتــيرهـ مني جايا ولا شي انتي تعالي بســرعه
: مطوله بشفلي قلم حواجب وكدا وبجرب ياتجي يا تستني الله يعينكـ
: مو علي اساس انك ماتبي تتسوقي
: مو علي اساس انك جبتيني بالقوهـ خلاص حتسوق يلا باي
اعناب قفلت الجوال ورمــتو في الشنطــه ولــفت حطت اغراضها علي الكــرسي وجــلست ..
حــست ان حلـقها ناشف وتبالها شــي تشربــو لكــن مافحيلها تطلع بالاكيــاس لفووق وكدا
جــلست تطالع يمــين ويســار وتلعب في اضافيرهاا وتلعب في شنطتها وتقلب في جوالها تلهي نفسها باي طريقــه
رفعــت عينها كدا وانتــبهـتـ لبنت لابسه زي صندلها الاحمــر بالزبطـ كشرت لثوانــي وهيا تسحــب رجولها علي وراا
وجلست تتفحــص البــنت بعيونــها وتقيم طريقه لبسها واستايلهــا وشنطتها ودي الامور
رمــشت باستغراب لما شاــفت البنت جايا لجهتها وكنها تبا تكلمهاا
ركزتــ عينها عليها لين صارتـ قريبه منها مــرهـ بعدت عينها وجلــست تطل في جوالها
البــنت بكل هدوء جــلســت جنبها علي الكــرسي ورفعت الببي وصارتـ تضغط في ومو داريه عن الي حولها
اعناب تطل عليها بنــص عين واستغربت بزيادهـ لما شافتها حاطه المنــاكــير بنــفس الطريقه الي هيــا حاطتهــا
لــفت وشها لا اردياا وركزت نظرها عليها
البنــت حست انها بتطل فيها رفعت عينها عن الجوال وطلت في اعناب وهيا عاقدهـ حواجبها : أي خدمه
اعنابـ انحرجت وصلحــت طرحتــها : لا لا ســوري
ابتسمــت البنت ابتسامه حلوهـ : مشبها عليــا ؟؟
اعناب تهــز راســها : لا بس استغربت
: مــن أيـــش ؟؟
: هههههههه لا بس لابسه زي صندلي وحاطه المناكير بنفس طريقتي
البنت طلت في صندلها وفي صندل اعتاب وبعدين فردت يدها وضحكـت : هههههههههه يالله
: ههههههههههههــ شفتــي
البنــت مدت يدهــا لاعناب وفي عينها طله غريبه : انا علياء انتي مــين
اعناب حست باحساس غــريب وهيا تمد يدها للبنت : انا اعنــابــ
: اما اعناب ههههههههههههههههههه
اعناب وشها حمرر : اشبو اسمــي
: لا ولا شي اسمك اعناب من جد
اعناب وترفع حواجبها : يب من جد
: اها عاشت الاسامــي
رن جوال عليــاء وقفــت بســرعه : اتشرفنا عن اذنكــ جوزي جا
: اهاا جوزكـ طــيب في امان الله
مــشيت علياء بخطواتـ سرريعه واتوجهــت لرجال واقف ومديهم ضهروو مسكت يدوو ومشيت معا
اعناب بطل في الرجال تحس هيئتو مو غريبه عليهااا
لفو علي الجه التانيه واعناب رفعت نفسها حاولت تشوف وجهــوو لكــن مالحــقت
رجــعت جلست وكشرت لما اتزركت البنت كيف ضحكت علي اسمها بوزت وحست نفسها كدا تغير اسمهاا وكل فتره يطلعلها احد يضحك علي اسمهااا ويخلها نفسها تغيررو لكن ترجع تنسي بعد فتــرهــ
ابتسمت وحمدت ربها القروب في المستشفي ما علقو علي اسمها ولا كــان من جد غيرتوو
فاقت من سرحــنها علي صوت اســراء : بنت عنوشه فين وصلتــي
: هههههه الصــين
: اشبك مسرحه كدا عسي ماشر اخاف منك لما تسرحــي
: وي ليش عمري سرحت وضريتكـ
: لا لا مشــينا
: عطشانه سروو
: خلاص السواق تحتــ امشي نطلع ونشوفلنا اكل
: اما اكل لا بدري اكل من دحــين
: طيب الي يريحكــ قومي قومــي
: امممم خليني اتزكر نسيت شي ولا شي
اسراء تسحبها من يدها : والله لو نسيتي شي كملي بكــرهـ انا خلاص نفسيتي مسدودهـ
: طــيب خلاص ياربــي
اسراء : هاتي كم كيس عنكـ
: اعناب تعطيها كيسين : بدري توكـ انتبهتــي
: هههههههه ماعليكــي
: ههههههههههههه يب ماعليــا
: عنــوشــه تخــيلــ...
قطـــمت كلمــتها لما شافت اعناب واقفه قدام محل رجالي وتطل في البــس المعرروض
قربت منها : ها ايش تبي تشتري كمان
: احس دهـ الطــقم جــيد علي وهــيب بشتريلو هوا
: ياشيخه مو وقتكــ
: والله اشتري سريع دقيقه خدي
اعطت اسراء الاكياس وخشت المحل بســرعه واشتــرت الطــقم لوهــيب وخــرجــت وهيا تتزكر
: سرو عسي ما اتاخرت
: لا لا هيا مشيناا
: سور تخيلي جلست وحده قبل شويا جنبي ولما سالتني عن اسمي وقلت لها اعناب ضحكــت
اسراء : هههههههههههههههه جد
اعناب تمط بوزها : سروو تحسي لازم اغير اسمي
: رجتيني مع اسمكـ خلاص غيري وفكيناا
: اما رجيتك
: يب تجي اوقات تقولي بغير وتجي اوقات تقولي عاجبني اسمي ماعرفنالك يختي
: لا اخــر كلام احسني بدي اغيرو حستشير بابا واشــوف
: الله يعينك

~~~~~~~~
A6baa fe al-7o0b
~~~~~~~~

المــوسيــقه هــادئه في الغــرفـــهـ مع النــور الازرق الراخــي مــره والي يحسسك بالنومـ
راقد عــلي الســريرر وفي أيـدو قزازهـ بــيرهـ وعيونــو محمــرهـ وكآآتم البكــيه
وكالعادهـ بعد ماينتهــي من وساختــو يحــس بقهر والم كل ما يتزكرها ويتزكــر ايش كانت تساوي
قدام عيونو البريئه وهوا صغــير
وقدام عيونو الغيورهـ وهوا مراهــق
يتمني يقتلها يتمنــي موتهــا اليوم قبل بكـرهـ
رفع يدو بعــصبيــه ومــسح طرف عينو قبل الدمــعــه تنزل
وزفــر بطــفش يتمني ما يتزكرها ولاتجـي علي باالو يتمنــي يمحيها من ذاكرتوو لكــن الموضع صعـب
والي كان بيعاني منو ماراح ينسا ابد
التــفت وخرج من دوامه افكاررو لمــا انتبه لسهام خارجه من الحمام ولافه المنــشفه علي جسمهــا
طلعلها ابتسامه غــصب : نعيمــا
جــلست علي طــرف السرير تنشف شعرها : ينعم عليكـ ماتبا تقوم تستحما
شد الغطا علي جسمــو : الا بـس كــنت بستناكـي
: طيب بسرعه مو تقول خارج
هز راسوو بقوه لما اتزكر مهند : أيــوهـ
مدت يدها ومسحــت علي خدو : متي اجــيكـ تاني
حسام يفكــر انوو مايبغها تجي تاني ابد خلاص كل بنت لها مرتين او تلاته مرات بالكتــير منو وبعدها لازم يشوف غيرهاا وبزيادهـ علي كدهـ ماهي بنت ايش يبا بيها تاني
رفع عينو لها لما حس بيها تحرك ايدها علي خدو : هااا
ابتسمتلو ابتسامه وسخــه : متي اجــيكـ تــانــي
نزل ايدو وسحب الشورت حقو من الارض ووقف لبسو بسرعه : مادري
وقفت بلا مباله : طــيب اوكــ
دخل علي الحمام : مارح اطول
لفت تلبس ملابسهــا : طـــيب اوكــ
سك بابـ الحمــام وسند ضهــرو علي البــابــ واتنهد بالم وقهر
فسخ ملابســو وخــش اخدلو شور اسرع مــن السرريع ..
ما اخد اكتر من الخمسه دقايق وكان مخــلص
خرج من الحمام ولقا سهام لابسه ومخلصه ومطلعه المرايه الصغيره تزبط الميكـ ابـ
طل فيها طله مادري ايش تبا ولف علي الدولاب الي يعتبر فاضي لان نص الملابس برهـ في ارجاء الغرفهـ
لبــس جنــز اسود مع بلوزه كــت موفــيه راح للمرايــه ولبس طوق علي شعرو الملفلف اثر المويه
راح للكمدينــه .. وفتح الدرج الاخــير والي مليان جولات ابو كشااف ونوكيا مديلات ابو كلــب واحمس شي انو علي كول جوال كاتبــ اسم معيــن
شال واحد .. مع جوالو الاساسي حطهم في جيبو
لف علي سهام : مشينــا
وقفت ولبست عبايتها : حتوصلني ؟؟
: امممم ماعندكـ سيــارهـ
: الا بس لو توصلــني احــسن
خــرج مــن الغرفه وفتح الباب للاخــير : اتفضلي
لفــت التمه علي وشها وخرجــتــ قدامو
حسام قفل بابــ الغرفه وحط المفتاح في جيــبو
خرجو علي الـــصاله
حسام بصوت هادي : السلام عليكــم
وسام لــف علي ببتسامهـ لئيمه : وعليكم السلام
مالكـ يطل في حسام والبنت الي معا بنــص عين ويرجع يحول عيونو علي التلفزيونــ
حسام : ياخي رد السلام سنــه
سهام وماسكــه طرف التمه ماتبا احد يعرفها : خلاص مشــينــا
: طيب طيب
خلص كلمتو من هنا واندق جرس الشقه الي صوتو ضارب لانو خربــان
حسام يطل في الساعه المعلقه علي الجدار : اتوقع هنوود
مشي علي البابــ بسرعه وفتحــو وطلع في وشو مهند زي ما اتووقع وابتاسمتو شاقه حلقوو
: سلام حسووم
حسام يفرفر لمهند شعــرو : هلا هنود وعليكم السلامـ
مهند يدف يد حســام : يلا شباب
وسام وقــف : يلا انا مخــلص
وقف مالكـ وجري لمهند وسلم علي حربي : مهند لك وحــشه ياواد
: هههههههــ اما
: والله جد مابغينا نشوفكــ
حسام يلف يدو حولين رقبه مند : اهو شفتو بفضل الله ثم بفضلي ترا ما كان ناوي يخرج
وسام ياشر لحسام علي البنت الي واقفه واخدهـ وضعيه الميت : هي حسامـ
حسام التفت عليها وكنو اندهش لما شافها : انتي لســا هنــا
مهند طل فيها ورجع طل في حســام بنظراتـ انو مافي منكـ فايدهـ
مالكـ يمسكـ يد مهــند ويمتر حسام من فوق لتحت : مشينا مهند
خرج وسام وراهمــ .. وضل حسام متنح
سهام بخوف : يعني كنت ناوي تهرج مع اصحابك وانا واقفه الين متي
: ههههههه نسيتك والله
خرجت من الشــقه : طيب انسانــي
: سوسو حلــوين
رفعت يدها بلا مبالــهـ : يعني شوياا
رمالها بوسه علي الطــايــر ونزل من الدرج وتركها تنزل بالمــصعد
خرج من العمـــــــارهـ واتوجه لاصحاابو الي واقفــين جنــب سيارهـ مهند وضحكاتهم معبيا الشارع
: قااايززز
مهند : حسوووم يقول مالكـ نكعبها للكوفــي
حسام يستنشق الهوا : نكعبها ليش لااا
مهند كــشر : حسوم اركب معاي خليهم يكعبوهــا
حســام : ليش ماتبا تمشي مهند صحه وكدا
: صحه مين يابويا انا رايح بسياارتــي الي بدو يخاويني الله يحي
حسام رفع يدو : جاي معاكـ
وسام يعقد حواجبو : حسام كنت بكلمكـ علي البنت ديك الي بالي بالكـ
حسام بعد عن مهند ومسك يد وسام : يلا مشي وسام هنود نتقابل في الكوفي
مهند زفر : شوف الوسخ . حسام تعال اقلكـ تعال
حسام ياشر بيدوو : مهند لا تتاخــر
مشيو الشــباب برجولهم ومتوجهــين للشارع الرئيــسي لان الكوفي قريب
مهند وقف طــل فيهم شوويه ورجع طل في السياارهــ
قفل البابـ وزفرر مشي بخطوات سريعه لــين لحقهم
حسام التفت علي وابتسم : مهند جــيت
مهند يدخل يدو بين شعرو وبتريقه : لا مهند جاا
حسام مسك يد مهند وجروو علي قدام : ابو هنود حبيبيييي
مهند تنح :طــيب
حسام طنشو ولف علي وسام : كمل
وســام ومايحب يهرج قدام مهند : بعدين اكملكــ
دفلو كتفو بقوهـ : اقولك اهرج بلا مخنثه
وسام : امممم طــيب لما قالت تبا تشوف صورتي وريتها صورتكـ اوكـ
مهند زفــر وسحب يدو من حسام : سيب اتركـ
حسام رجع شد يد مهند : مهند رووق
مهند زفر بطفــش وسكــت
وسام ومكمل الهرجــه : لما شافت صورتكـ خقت مدري علي ايش علي عيونك الصغار دي ولا علي شعرك الي ماقد انكد
حسام : ههههههههههههه مين ما يخق عند حسووم مين قلي مين
: الموهم ماعلينــا مشيت عليها الفلم كويس انت أي يوم تبا تقابلها قولي وازبط الامور وعاد خدها وافشخهاا
حسام بتفكــير : بنت ولاااا
وسام : يب بنـــت ونص وموزهـ كمــــــانـ تفوتكـ
: صدقني مارح تفوتــني
مهند : حسام سيب يدي ولا اسكــتــ
وسام غمزز لحسام انو خلاص نكمل بعديــن
حسام رفع يدوو كالعادهـ ولفها علي رقبه مهند لانو اقصر منو بكتيــرر : ايش مضايقك اهو سكتنــا
مهند لف يطل في مالكـ الي ماشي ورا واخد وضعيه المــيت : مالكـ اسرع
حسام وعرف انو مهند اضايق لكــن مع نــفســو طبــعا
خــرج جوالوو ابو كشافـ والي مكتوب علي من وراا بالمزيل الابيض .( وسيم ).وجــلس يقلب في الاسماء يحس انو اليوم مانزل الي في راسوو مع سهام بختصار لانها مو بنــت
طبعا شاف ارقام البنات الكتــيرهـ والي من كترهم ماعاد يفرق بينهم
شدو اسم جيــان وقرر يتصل عليها ويزبطهــا اليله
طلب رقمها ومد الشاشه لمهند عشان يشوف الاسم
مهند رفع عينو لحســام واتنهد ولسان حالو يقول تعبت وانا اكلمك يا حساام
حط الجوال علي ادنــوو وخق عند صوت جيان : مسائك كاكاوو
جــيان بستنكار : ميـن
حسام : افا ماعرفتي انا مــين
جــيان بتفكــير : الا عارفه بس مو مصدقه
: ههههههههه صدقي معاكي وسيم بشحمو ولحمو
جيان وصرخـتـ : ياااي كيفك اخباركـ فينكـ مختــفي
كشــر وحاول يتزكرها مع انو عارف انو مافي فايدهـ من كتر البنات ماصار يقدر يجمع
: امم انا بخيررر وموجود ماني مختــفي انتي الي فينكـ
: انا موجوده ودايم اتصل علي جوالكـ مقفول الين شكيت انكـ غيرت رقمكــ
: لا ماغيرتوو بس مادري يمكن بتتصلي ومافي شبكه
: كل ده الوقت مافي شبكه اجل نروح نسوي مظاهراتـ عند شركه الاتصلااتــ
: ههههههههه لا مافي داعــي شريحتي زين هههههههههه
رخا صوتوو : انتي فـين
: في البيت فين يعني ايش السؤال دهـ
: كنت بدي اشوفكــ
: والله جد مو قلتــ ماتقابل مطلقاااتــ ههههههههههــ ....
حسام من سمع الكلمه دي قفل الخط في وشهــا وقفل الجوال وزفر : خير كل بنات جدهـ مطلقات ولا رجالهم ميتين ؟؟
الشباب التفتو علي لان صوتو عالي : ....؟؟؟؟؟
حس علي نفسوو وابتسم : حسب الاحصائيه تمانين في الميه من بنات جدهـ مطلقين ولا ارامل
مهند والي كان سامع هرجو في الجوال : ليت كلهم مطلقين يمكن ربي يهديكـ
مالكـ من ورا : صدقني مافي امل من حسام
حسام لف علي وعصب : انك لا تهدي من احببتــ
وسام : ههههههههههههههههههه حسام حركات من فين عرفت الايه دي
حسام مــشق ولف عنهم
مهند : شبابــ خلاص
وسام : اكيد خلاص وصلنا
دخلو الكــوفي واخدولهم طاوله منعزلــه واتفننو في طلب المعسلاتــ
وكانــت سهره شبابــيه رايــقه نوعــا مـــاا

~~~~~~~~
A6baa fe al-7o0b
~~~~~~~~

شنطتــها في حضنــها وماسكه الاي باد الخــربــان في يدهــا وعيونهاا مركزتها علي الطــريق
ومضايقه مره راح اليوم كلوو وهيا تحاول تدبرر الفلوس للدكتور لكــن الواحد لما يكون حظو منحوس مارح يتعدل بين يوم وليله
زفــرت بطــفش وهيا تحاول تفكر ايش حتقلوو بكرهـ كيف حيتقبل الهــرجهـ
ولو ادبرت من فين حتدبرلو الفلووس
من سوء حظها المعروف اصحابها الكتار نوصهم مختفين اليوم الي مايرد والي قافل جهازو والي رد وصرفها
حــتي هيثم الي يموت علي ترابهااا من سمع سيره اربعهـ الافـ سحــب علي اوم اومهــا
والي وافقوو بشرووط زي وشهم الي يقلها نامي معاياا والي يقلهااا اعملي معاياا مدري ايش والي يقولها كلام فاضي
حست عينها بدمع لسببين
اول شي الورطه الي هيا فيها
وتاني حاجه الطريق الي هيا ماشيا فيلو والين فين حيوصلها ما تدري
فاقت من سرحانها ومسحت دموعها بســرعه قبل لا تنزل علي خدها لما انتبهــت لسعيد مسكـ ايدهــا
: زوزو اشبكــ
: مافيــا شـــي ابد
: لا زوزو دموع كل دهـ عشان جهــاز الي خلاكــي تشتري تشتري غيــروو
حاولتـ تمسك دمعتها : فيلو فيلووو حجات مهمه وفيلو صور بابا وفيلو حجات مره مهمه يا سعيد
شد بيدو علي يدهــا : خلاص كل شي يتعوض لا تضايــقي نفــسكــ ..
: طــيب ماش
: نروح نتعــشي ولااا
: لا مالي نفــسي وديني عند دبابه
: طــــــيب ماش لا تكدري نفسكـ يمكن اجبلك زيو هديه بكــرهـ
شهت ولفت علي : جد
سعيد استغرب : ايوهـ جد تبغي
دورت عيونها في مكانها : يب ابغا اجل ايش
سعيد وبستغراب اكتــر : طيب روحي اشتريلك واحــد
رجعت اتحطمت وسكتت وهيا تانب نفسها مالقيتي الا سعيد يساعدكـ دهـ كل شي عندو بي مقابل وبغض النظر اصلا سعيد واحد مطفر طول العمررر حالو من حالكـ
لفت وطلت علي وهيا تسال نفسهاا ليش بمشي معا وبخرج معا وهوا لا جمال ولا مال ولا شي
رفعت راسهاا بتفكير يمكن عشانو طيووبــ يمكن وليش لااا
زفرت ودخلت الاي باد في الشنطه تبعتو الصغيــرهـ ودخلتو وسط شنطتها الكــبيــرهـ
: شغل شي سعيد
: طيب
فتح علي ازاعه بانوراما وخشو جو مع الاغاني الي بتتخللها فواصل طويله وشويات المزيع يلعل ومن دهـ الكلام
رن جوالهـــا رفعتو لادنها بسرعه بعد ماردتـ : ايووهـ
ماجد علي الخط التاني واضح علي مفوتـ : صباح الخير زوزو
زهاد وتدعي في قلبــها : اهلاا ماجد صباح النوور
: خير عسي ماشر داقه عليا فوق المليون مــرهـ
: يب كنت اباكـ ضروري
: ها اتفضلي امــري اقدر اساعدكــ في شــي
طلــت في سعيد الي مكـشر ومعصــب لانها بتكلم ولد قداموو : يب اذا مافي كلفه
: لا اتفضلي هاتــي
: طــيب ثواني
سدت سماعه الجوال بيدها : سعيد ممكن توقف شوياا
مكشر حواجبو لدرجه انهم حيخشو في بعض : لــيش
: بكلم ممكــن
: بتكلمي مين يا زهاد
زهاد وتعصب من حركاتو الي مسوي فيها يغار ومدري كيف مع انو لا بينهم حب ولا بطيخ : ايش الي بكلم مين بكلم ماجد ولا منك سامع
: وتقولي ماجد عيني عينكـ
: اقول وقف سعيد بسرعه ابغا في مووضع
: مووضع ايش قوليلي انــا
ضحكــت بستخفاف : انته قال
: ليش مو معبي عينكــ
: الا سلامتكـ بس وقف وخلــصنــي
: ماني موقف وقفلي منوو
بتهديد : سعيد اوكـ لا توقف وشوف زهاد مين الي حتكلمك والي حتخرج معاكـ تاني
سعيد وزي باقي الخــرفان سفط السيارهـ علي يمين بســرعه ونزل وهوا معصب وسك الباب بــقوهـ
: خدي راحتكـ ياخــتي
ابتسمت وهيا تعض طرف شفايفهاا ورجعت رفعت الجوال لادنها : ماجد
: معاكــي ايوهـ
: كويس ايش كنت ابغا احكيلكـ
: اول شي انتي فيــن
: في الشارع لــيش
: مع مــين
زفــرت مو وقتو دهـ التاني : مع سعيد
: مو قلتيلي انو قطعتــي علاقتك في
: ايوهــ بس داكـ سعيد تاني
: حعديها ليكي ايش تبــي ؟؟
: كنت بدي اقلكــ ماما ساحبه منــي بطاقتــي كنوع من العقاب وانا محتاجه فلوس ممكن تحولي علي حسابي التانــي
: كم
: اربعه الاف
: ليش ايش تبي تسوي فيها اربعه الاف
: من غير لا تسال تحولي ولا لاا
: اقطعي علاقتكـ بسعيد دهـ بعدين احولكـ
: اما
: ايوهـ وياليت تبطلي كدب يا زهاد
: انا كدبت عليكـ متي
: متي ؟؟ لسا بتسالي
: مــتي طيب زكــرني علي الاقل
: انتــي عارفه اوكـ يازهاد لما تصيري وحده عدله كلميني
فرصعت عينها وتحاول تتزكر هل كدبت علي كدبه كبيره تخلي يزعل دهـ القد : لا مو عارفه قــ.....
تنحــت وطلت في الجوال تتاكد انو قفل الخط في وشها
عصــبت وانقهرتـ مرهـ : وجع وااطـــي
رجعت طلبت رقمو مره تانيه اعطاها مقفول علي طــول
زفــرت بطــفش وهيا تندب حظها ايشبو اليوم صاير سئ بزيادهـ
فتحت باب السيارهـ ونزلتـ مشيت بخطوات هادئه وعبايتها تطايــر ورهــاا لين وصلت لسعيد
: هي سعيد
: خلــصتي
: اشبك دحــين
وقف وراح السيارهـ يعني الزعل واصل حدو
رجعــت وراا ودخلت السيارهـ وسكت الباب بسررعه تمثل الزعل هيا كمان
لفت وشها للشوبــاكـ وطلعت الببي وانشغلت تتراسل مع اصحابها ورافعه سعــد قوبــ
بعد ربع ساعه وزيادهـ وقف سعيد قدام فله اهدابـ الاكــبر من كبـــيرهـ وضرب البوري بعصــبيه
مرت ثوانــي انفتح باب الفــله ودخل سعيد ووقف السيارهـ قدام البابــ القزاززي الكــبير والي واضح المدخل من خلفــو والي تتوسطوو بــركــه متوسطه مع شلال فيلو مويه ملونــهـ
شالت شنطتها واغراضهــا وفتحت البابـ ولفت علي سعــيد ومن طرف خشمها : شكراا
سعيد لف عليها : زوزو
زهاد وتحاول ما تطلع ابتسامتها : نعم
: تصبحي علي خـــير
لينت ملامحها : وانت من اهلوو
: حنتكلم اليوم
في قلبها خليني ارفعلو شوياا : اكيد اذا مااكلم سعيد اكلم مـــين
ابتسم بهبل : طيب سلام
سكت باب السيارهـ ولوحت بيدهاا : هههههههههههههههه يعيشو الخــرفانــ
طلعت الدرجات الرخام بهدووء وفتحــت البوابــه الكبيــرهـ ودخــلت علي الفله
مشــيت علي جهة الدرج بخطوات هادئه عشــان لاحد ينتبه لهــا
طلــعــت بســرعه وجات ماشيه علي غرفه اهداب انفتح باب غرفه ساهــر وخرج لابس شورتـ اصفر مع فنيله خضـررا من يوم شاف زهااد كــشر وطــل يمين ويــسار ومشي لعندها بــسرعه : زوزو من متي انتي هناا
: توي جــيت
قرب منهاا : ادق عليكي ليش ما تردي
: ساهر بعد لا تخرج اهداب تشوفنــا بعد اقولكــ
: ماني مبعد رافعتني جلنط ليش اتصل ما تردي ولا شــي لا واحيان تديني بزي
لصقت في الجدر : ساهر اتصل علي لما اروح البيت ونتفاهم لا تجي اهداب ولا امكـ بعد ياشيخ
رفع يدوو ومسد علي خدهــا : حبعد بس اول شي قولي ليش ساحبه عليااا طفشتي مني ولا لقيتيلك احد اغني منيي ؟؟
: لا لا انته فاهم غــلطـ اســ
قطــمت كلمتها لما سمعت صوت اهداب جاي من الدرج والواضح انها بتتكلم في الجوال
التفتت هيا وساهر علي الدرج
زهاد دفتو : ارجع غرفتك بسرعه يا نيـله
ساهــر جري وراح علي غرفتو وقفل الباب من هنـــا وطلعت اهداب من هنا رفعت حواجبها بدهشه : زوزو من متي انتي هنــا
: تووي طالعه يادووبــ
اهداب قربت منها وضمتها : كيفكـ
زهاد زفــرت : ازفت من الزفــت
: ليش عسي ماشر تعالي تعالي
: ابد الشر مايجيكي
راحو علي غرفه اهداب وجلسو في الارض
اهداب في يدها اسكريم : يب كملي
زهاد سحبت الايسكريم منها ولحست لحستين : خربت الاي باد حق واحد دكتور عندنا في المستشفي ودحــين متورطه معاا
: مالك يوم وسويتي موشكله
: مو مشكله خربتو مو بقصد
اهداب بلا مباله : خدي حقي اعطيلو هواا
: اماا يبغا فلووسو تخيلي
: وي من فين حتجيبيهاا
: منكـ
: ماعندي فلوس انا
: دبابه بلا مصاخه كلمي ابوكــي
: ماني مكلمتو والله
زهاد فسخت عبايتها ورمتها علي اهداب : وي قال الصديق وقت الضيق .. المثل الاصح الضيق من الصديق
: هههههههههههه ولوو عاد مارح يديني بابا اربعه الاف كدا من غير لا يحقق معايا تعرفي بابا
: قوليلوو بشتري أي باد هديه لصحبتي لانها مسكينه وكلنا عندنا الا هيا
: هههههههههههه حيقول ليش انا خلفتها ونسيتها
زهاد بجديه : دبابه جد ما تقدري تساعديني والله اتوقع حيركبني بكرهـ لو ماجبتلو الفلوس
: وي ليش قوليلو ما اتسهلت معاياا
: مو هنا المشكله
: ليش
: قلت لو اني بنت عزز وعندنا كلاب حتي
: هههههه ول ول ماتبطلي بكش يابنت
: مو دهـ موضعنا ايش اسوي دحــين
: مادري عنك بعدين تعالي
: ها
: ايش جاب جهاز عندك وكيف خربتي هاتي من البدايه
: هوا كان بيكلمني ونسي ولما خرجت ورا لقيتو راح فاخدتو معايا البيت ولما شافوو قصي البهيم شالو وجريت وراا راح رامي علي عندي عشان امسكوو وتعرفي اختك حولهـ بدل ما امسكـو طاح علي حوض السمكـ وخرب
: وي وي ليش اخدتي بيتكم اصلا
تحكحك عينها من الصباح ما نامتــ وجالسه تفرفر تحاول تدبر فلوس وبدون نتجيه : ابد اخدتو اكشخ في بيني وبينكـ
: ههههههههههههههه اما
: جد ونزلت الصور في الفيس حتــي
: مالت علي شكلك ايش حتسوي دحين
: انا الي اسالك ايش حسوي دحين
: امم قوليلوو كدبتك المعتادهـ ماما سحبت بطاقتي كنوع من العقابـ
: دهـ الي فكرت في بس انا قلت لو انو عندي اتنين منو اخاف يقلي جيبي حقكـ
: ههههههههههههههههه عاد اتنين زوز ايش تحسي فيلو
: مو وقتك دبابه
: شوفي مستحيل حيقلكـ هاتي حقكـ يا حيطلب فلوس ولا جهاز جديد
: طيب اجل كدا حقولي الله يعــين
وقفت اهداب : زوزو تاكلي شي جيعانه انــا
زهاد مدت يدها لاهداب : خديني معاكي والله جوع ونعاس وقلق وكول شي
اهداب سحبتها ووقفتهــا : تخيلي اضاربت مع كينا توي قربت اقتلها لو مافرقو بيننا باقي الشغالات
: هههه وي لــيش
: بس خنزيره بنت خنزيرر
: ول ول ايش السبه الكبيره دي
: دحين اوركي ايش ساوتــ في الشوز حقــي
: كل دهـ عشان شوووز
اهداب تهز راسها : يب عشان شووز
خرجو من الغرفه وقابلو في وشهم ساهــر خارج من غرفتوو
اهداب : ساهر رايحين ناكل تجــي
ساهر : لا شبعان يا اوخــتي انا خارج تجو اعشيكم برهــ
اهداب : ايوه يلا يلا
ساهر يغمز لزهاد : ايش رئيك
فهمت علي وهزت راسها : طيب مــاش بس نطلب تيك اوي وترجعوني البيت علي طول اكيد ماما بتستناني
اهداب : اوك ماشي ناكل في السيارهـ ولا يهمكـ
ساهر يرميلها ابتسامه : اوكـ

~~~~~~~~
A6baa fe al-7o0b
~~~~~~~~

شــي مـــزعــج لــو يـــســـافــر مــن تـــحــب ..
رتــــب ثـــيـــاب الــســـفـــر و انـــتَ تـــشـــوفه,
الـــحــكــي فـــي هــذي الــلــحــظــه صـــعـــب .. الــمـــشــاعــر ويـــن؟ ويـــنــك يـــا حــروف؟ ..
.................
.................
وقف الســيارهـ وقفل المــسجل ببرود ويسوي انو الوضع عادي وهوا في داخلو يصرخ لا ترووح ارجوكــ
رائد اتنهد وفتح باب السيــارهـ : نزلنــا
كــاسر يهز راسوو بلا مباله : اكيــد
نزلو من السيارهـ وكاسر فتح الشنطه الخلــفيه وخرج الشنطتين الكــبيرهـ مسكـ وحدهـ في يدوو ومد التانيه لرائد : تيكــ
رائد اخد الشنطه وهوا يتنهد بتفكـير : يارب
كــاسر : وش فيك منذو مبطي وانت تتنهد عسي ما شــر
رائد لف عيونو لكــاسر : ماودي اتركك في ذا بالحالكــ
: كم مره اقلك ماحد ماكلني وانا موب صغيررر الله يهداكـ رح وانت بالكـ مرتاح واذا احتجتلكـ بطيرلكـ للرياض ماعليكـ
رائد ابتسم ورفع يدو لكــتف كاسر : زين تعدلت نفسيتكـ قبل ما اروح
: ليش وش تفــرق عندكـ
: اما وش تفـرق
كــاسر : لا يعني موب قصدي كذا الرودي انت فاهم علي
رائد بتفكــير : لا موب فاهمـ عليكـ
: انزين ماعلينـا
دخلو علي المطار وراح رائد يخــلص اموروو وكاسر جالس بيستنا في الانتظاار
بعد برهـ من الوقــت
رائد جاا لكاسر وفي ايدوو توكــس مع كــوبين كبتشينــوو : عسي ما طولتــ
كاسر قفل الجوال ودخلو في جيبوو واتمطط بشويش : ايه طولتـ
رائد سحب السمعات من ادنووو : تيكــ
كـاسر مايحب الكبتشينو لكن اخدو عشان رائد بــس : تسلم
: أيــه كسور شنو تبي اجيبلك من الراياض
: ههههههههه جبلي شوي من هوا الرياض وشوي من رمل الثمامهـ
: هههههههه ليش
: عشان احطهم عندي واحس نفسيتي ازين بدل ذا الجو الخايس والوضع الخايس الي انا فيه
: لذا الدرجه موب عاجبتك جدهـ
حول ملامحوو للقرف : وش فيها يعجبك بالله قولي .. لا جو ولا ناس ولا شي ماغير اقول حسبي الله علي الظروف الي جابتني في ذاا
: اذكر الله انت ما تدري الخــير وين وعسي ان تكرهو شيئا
: ايه قلتلي لا اله الا الله
: الحــين تطمــن من اجي واسكن معكـ بجدهـ بتتغير الاموور
: ايه انشاللهـ
رائد رفع يدو بحركتو المعتادهـ ومررها علي خد كاسر بهدوء : انشالله كل شي بيكون اوكي انت حاول تتاقلم
كــاسر زفــر : رودي الحــين لي شهرين وبصك الثالث وانا ماني قادر اتاقلم لا مع الجو ولا الناس ولا الاوضاع ولا شــي وقعدتي كذا بالحالي اهي الي راح تجنني اشتقت للوالدهـ كثير ودي اشوفهاا اشتقت للكسور الصغير اشتقتلهم كلهـم
رائد بحنــيه : بتشوفهم انشالله انــت بس اصبر اكــثر لين الموضع يبرد اكثــر
: بصبر هاذا انا مافي شي ثاني اسويــه
رائد وحزنان علي وضع كاسر اكتر منـو : الله يكون بعونكـ كسوور انت الحين دير بالك علي شغلكـ وتطبيقك وركز فيه
كـاسر ومايحب احد يحزن علي لف علي رائد يصرف الهرجه : رودي
: لبــيهـ
ابتسم بعد ما كان مكــشر : وانت بعد لمتــي بتقعد بالرياض
: والله مب عارف يا كاسر علي حسب ما تزبط اموري
كــاسر ويعقد حواجبو : تقريبا يعنــي
رائد اذا ازبطت اموري ومشت بدون تعقيد بكون بعد اسبوعين او ثلاث بجدهـ هنا معكـ
كــاسر ويفتح عينو بصدمه : واذا ما زبطت يعني بالطق الشهرين ولا شــنوو
رائد يهز راســو باسف : ايه اعتقد كذا
فتح التووكــس بعصبيــه : ومارح تجي لين تزبطت كل اموركـ يعني
: لا بحاول انقزلكـ كل ما سنحت لي الفررص
: اهــا انززيــن مــا قــلـتـ..
سكــت لما سمع النداء علي الرحــله لف عينوو وغمضها : رحلتك رودي
رائد : ايه اسمع انــا
كـاسر يضحكـ عشان رائد لا ينتبه لي كميه التحطيم الي هوا فيلو : ههههههههه ايه ادري انك تسمع بس باكدلكـ
: ههههههههههـ ياحبني لكـ ياكسور
كــاسرر : وانا بعد
: لا في ذي مانت بصادق ابد
: موب موظوعنـا يلا توكــل رودي
رائد شال شنطتــو السودهـ الصغيره وحطها ع كتفو : كسور انتبه علي نفسك زين
يهز راسو : زين
: وووو اشرب زين وكل زين وووو عاير منبهكـ وو لا تتاخر عن دوامكـ ولا تحاول تغيب او تسحب بدون عذرر
مستمر يهز راسوو : ايه وشنو بعد
: وووو انتبه علي نفسكـ زين وكل كل يا كاسر الكيك مع ذا الحليب موب نافعين بروحهم ووو انا بتصل عليكـ دايم ووياولك ما ترد علي
كــاسر يطل في رائد ويحس عينو حتدمع راح يفتقدوو زي دايم لو يبعد عنو يوم بس كل امورو تتلخبط كيف وهوا راح يطول كل دي الفتــرهـ
رائد رفع يدو لكتف كاسر وهزو : اكلمكـ انــا يابو كــسرهـ
كــاسر لف راسوو يطل في أي مكان تاني : اسمعك رودي
رائد : وشنو بعد بقلكـ امم شنو نسيت اللهم صلي علي محمد شنو يالله نــسيت
كــاسرر يضحك من ورا قلبو : لا تذكرت راسلني ههههههههههههـ يلا روح لا يطيرون عنكـ
قرب وضم كــاسر بــقوهـ : بفقدك ياكــسوور
: لا تفقدني قلتلك اذا جيتك باي لحظه اعرف اني مليت بلحالي
رائد بتهديد : لا تجي للرياض ابد
: لامانيب رايح لا تخترع كذاا
رجع ضمو مــرهـ تانيه : انتبه علي روحكـ زين
يهز راسو : انشالله وانــت بعد يا رودي
رائد رجع ضمو للمره التالته : ما بطول يا كسور مابطول
كــاسر بعد رائد عنو ويمسكـ كتفوو : خلاص رودي يلا روح الله معكـ
رائد رفع يدو لخد كاسر ومسد علي بهدوء ورقرب وباس خدو : فمان الله
لف وراح من عند كــاسر ومشي وقبل لا يدخل لف ورفع يدوو لوح تولحتين بسيطه ودخــل
كــاسر اتنهد ولف يطل يمين ويسار : وهذاني بلحالي من جديد
سحب الجوال من جيبو واتوجه للبوابه وخرج من المطار وهو يحس بضيااع علي طول من يبعد عن رائد
ركب السيارهـ وحركـ
شبك السماعــاتـ واحتـار هــل يكلم امــو ولا لاا خــايف لو كلمها ابو يحــس في شي زي المرات الي فاتت وبعدها هيا الي راح تتورطـ
نزل بالاسماء لــين وصل لاسم اخــو طلبو بدون تردد
يــاسر علي الخط : هلا بو كــسرهـ
: هلا بيكـ اخوي اشلونكـ
: حنا بخــير وماعلينا قصور انت اشلون اموركـ
: ابد لا جديد هذاني تو مودع رودي بالمطارر وذا الشي الوحيد الي يعتبر جديد
: وينه علي وين رايح
: طالعلكم للرياض
: جد زين انه جاي بعطيه كم شي يعطيه لكـ وكذا
: شي شنو ؟
: مو مهــم انت اشلونكـ اشلون التطبيق وياكــ
: كل شي زيــن
: الحمد لله طمنتني عليكــ
: ياسر انــت وينكـ
: بالبيت
بتردد : ابي اكلم الوالده
: لا الحــين ما انصحك الوالد وياها خلها مره ثانــيهـ
: طــيب الوالد كــيفه الحــين وكــيف يعني شنو صاير كيف الاوضــاع
: يعني علي حطه ايدكـ الوالد الي الحــين علي موقفه وعمــي بعد وازيدكـ من الشعر بيت
: شنو
: بنت عمكـ ادخلت اليوم للمستشــفي ويقولن مادري وش فيها
كاسر يمــشق : اصلا تدلع اهــي ومافيها الا العافيه انا عارف اهي تمثل وبــس
: انت وش دراك كاسر
: انا اعرفـ وموب ذا موضوعنــا اهي تدخل ولا تموت في المستشفي شنو دخلني فيها انــا .. ؟؟
: قول ماتشوف شر او سلامتها يا اخوي الملافظ سعد
: اقول ياسر مابكلم الوالدهـ يعــني
: لا موب لازم الحــين اهي بروحها قاعده تصيح وتبي تعرف وينكـ وبتجيكـ لو كلمتها بتصيح ومارح تسكت ابد لين اقلها وينك ولو اني قايلها وينك الوالد بيعرف ولو الوالد عرف انت عارف باقي القصه
زفــر بطـفش : زين طمنها علي
: ولا يهمكـ وانا اخوكـ توصي شي ثانــي بعد
: لا سلمي علي الوالدهـ وحب راسها عنــي وسلم علي خواتــي
ياسر بستفسار : والوالد
: شنو فيه
: ما اسلملكـ عليه .؟
: لا فمان الله
خلص كلمتو وقفل الخط ورمي الجوال علي المقعدهـ الي جنــبو
وضغط زر بلي واشتغلت الاغنيه الي يحب يسمعها في كل الظروف ..
~~
As I look into your eyes
I see all the reasons why
My life's worth a thousand skies
You're the simplest love I've known
and the purest one I'll own
Know you'll never be alone
~~
مــر الوقــت بدون ما يحــس فيــلوو
وقــف عند المغــسله الي علي اول الشــارع والي تعتبر اقرب مغسله للشاليه الي هوا ساكن فيلو
فتح الباب ونزل وداس علي السجارهـ الي من ثواني كانت في فموو
مشــي علي المحل ودق القزاز ببرود : هي اكسكيوزمــي
الباكــستاني من شافــو جا لعندو : ايوهـ
: ابي الي باسم رائد هنا
: اوكـي اتنين دقيقه
دخــل الباكــستاني وطس دقايق ورجع خرج وفي ايدوو بدله السكروبس مع المعطف الابيض مغلفه بكــيس نايلون : اتفضل
اخد الاغراض وجا ماشي الا نادا العامل : اكسكيوزمي
لف علي بقله صــبر : شنو
مدلو بطاقه ومع سمعات الجوال : هزا مستر كان في جوا هزا جيب
كــاسر اخد منو البطــاقه والسمعات ولف ركب السيارهـ وحركــ
بعد ربع ساعه وشي وقــف الســيارهـ قدام الشــاليه ونزل وهوا يشد البلوزهـ النيليه علي تحــت
وفي يدو الاغراض الي جايبها معا
دخـــل البــيت وزفــر بطــفش رمي الحجات الي في يدو علي الكنــبه الحمرا
اتوجــه للمطــبخــ شغل علي الغلايه
سحــب الريمووتـ وشغل التفي ورفع الــصوت مــرهـ عشان لا يحــس انو لوحدوو
فسخ ملابسوو رماها باهمال علي الارض
خــش الفنيله الكــت النيليه مع الشورتـ الازرق ورجع للمطبــخ عملو كوب حلــيب بالقرفه
دخــل الغرفه لف وشال الاب توب بلا مبالــه وهوا يتنهد بطــفش مره مفتقد الاي باد
من اتزكر الاي باد اتزكر طوالي زهــاد وكــشر ملامحــو بقرف : عالم وجودهم بالذا الدنيا غلطـ
فتح الــبابــ القزازززي الكــبيرر وخرج علي بــرهـ فرد الكــرسي الاصــفر وجــلس وحط الحليب علي الطاوله المصطــيله الحمرااا
شغل الابــ تــوبــ وشبكـ الكونكــت طبــعا وابحــر في عالم النــت
بعد ربــع ساعه طــفش مافي شي يسووي كل شي في الاي باد الجهاز دهـ اكتر من فاضــي
زفــر وهوا يتامــل البحــر وكيف امواجوو هادئــهـ
فكــر كيف الناس تستمتع لمــا تتفرج علي البحـــر شي غريب حــس انو منظر البحر كدا بيجبلو الكــئابه بزيادهـ
فجــاءه ابتسم لما اتزكر الكــرت الي اعطتو هوا زهــاد فكـر بما اني طفشان اضيفها اتونس عليهااا
راح بسررعه للصاله شال البطاقه الي كان رميها علي الكنبه
وطل فيها ببتسامه غجريه وهوا يطل في الايميلات التلاته
والاسم الي مكتوب بخط عريض وجنبو الدلع زوزو
ضحك بستخفاف وخرج علي بره
جلس وحط الجهاز في حضنوو وفتح المــسن وعمل ايميل جديد عشان يستهبل بيلو بــس
علي طول عملهــا اضــافــه ما مرت ثوانــي الا شافها متــصله
استغرب كدا تقبل أي ايميل هز راسوو وهوا يكلم نفسو : ايه اكيد بتقبل دامها توزع ذا البطاقاتـ كذا علي كل مين
طنطن المــسن عندو فتح المحادثــهـ وطل
في نككها بستغراب احتياج
: مين معاياا
ابتسم وهوا يردلهاا
الوحيد : انتي الي منــو
زوزو : انت ضايفنــي
: ايه لكن ماعرف انتي منــو
: انا مروهـ
رفع حواجبوو بستغراب : مروه ؟؟
: ايوه انــتي مــين
: اسف اخــتي شكلي اظفتك بالغلطـ
: لا مو مــشكله بس مين معايااا
: معاك الوحيد
: وهـ لــيش وحيد
: موب شغلكـ
ارسلتلو فيس مفجوع : امــا
: أيــه
: طيب ماعلينا انت بدوي
كـشر : لا نجدي لــيش تسالين
: لا بس كنت بتاكد
: من شنو تاكدين
: ولا شي ماعلينا من فين جبت ايميلي
: قلت لك ظفتك بالغلط واذا لذا الحد منزعجه بحزفكـي الحـين
: لا مو منزعجــه سووري
استغرب منها : سوري علي شنو
: اني عصبتكـ
: انتي شنو يهمك اعصب ولا لا تعرفيني ؟؟
: لا بس ممكن نتعرف ؟؟
رفع حواجبو بندهاش شوف البنت الخفيفه
رد عليها وبما انــو طفــشان وماحد عندو : ايه ممكــن
: اوكـ انا اسمــي مروهـ انت ايش اسمكـ
شف البنت النصابه ذي منو مروته بعد لا يكون ظايف غلط صدق
كان حيقلها اسمو لكــن في اخر لحظه مسحو وكتبلها : ناديني وحــيد
: اسمك وحيد يعني
: لا بس ناديني كذا
: طيب قول اسمك ليش ما تقول
: مابي اقول ناديني وحــيد وخلصــنا
: طيب ليش ع طول تعـصب انتـه يابابا الدونــيا ما تستاهــل
: الا تستاهــل
: لا شــوفنــي متورطه ورطه كبــيره مع ذالك ما عصـبت زيكـ
: وانا بعد متورط ورطه مابوهـ حد متورط مثلها ابد
: طيب بما انك ماتعرفني ولا اعرفكـ حكيني قلي .. ؟
: بصفتكـ منــو
: بصفتي ماعرفكـ ولا تعرفني ولا اقدر انفعك ولا اضركـ عارف زي القرش الحديد ماينفع ولا يضر
: هههههههههههههه
: شفت كــيف انت اضحكـ بــس مافي شي في الحياه يستاهل
: برجع اقلك للمره الثانيه الدنيا تستاهــل اوكـ
: طيب بربــ دقيــقه
جــلس استنا شويــاتـ لمــا حس انها طــولتــ قفل الجهاز واتمطط وهوا يتسال بينو وبين نفــسو
هل مافي شي في الحياه فعلا يستاهل ما اتوقع . !!

~~~~~~~~

وانــا بسئلكــم .. هل الحياه فعلا ما تستاهل . . ؟؟
نهــايه .. البــارتـ التــــالتــ
اطبــاء في الحــب
قطــعه .. شوكلاته
~~~~~~~~
A6baa fe al-7o0b
~~~~~~~~

..
..
..
..

~~ BARt [ 4 ]
اطـــــــــباء فــي الحـــب ... ... ...

~~~~~~~~~~~
أنَّ كثيراً مِن الناس يعيشُ لنفسهِ ويَحْيا لنفسه، وهو يظنُّ أنّ السعادة تلاحقُه، والهناءَ يحيطُ به، والسرور يطغى عليه، وكأن هذا الإنسانَ لَمْ يعلمْ أنه فقدَ جزءًا كبيراً من السعادة، ألا وهي صحبة الخُلاَّن،
~~~~~~~~~~~

في وحده من قاعاتــ المستــشفي المتــوسطــهـ والشبه فاضيه الا من مقاعد كتــيرهـ منتشــرهـ في كــل القاعه
وفي الــصف الاول بالتحديد مترصين عدد لا باس بيه من طلاب الامتــياز وكـل واحد وواحد علي وشو تعابير مختلفه
الي ملامحو يكسوها الطــفش
والي لسان حالو يقول لا ابوك لا ابو من فكر يدخل طــب
والي يطق رقبه دليل السهر طول اليل يمكن علي مايرضي الله ويمكن العكـس تماماا
والي سايح في افكار شاغلتوو ..
ونفرين او تلاته الي مركزيــن مع الدكــتور ومع المعلومات المهمه الي بيقولها والي نسيو تلاته ارباعها وشغالين يكتبو بعض الملاحظــاتـ ويسئلــو الكتير من الاسئله
وبعــد مرور وقــت وقــدرهــ
فسخ مــازن نضــارتــو وحطها علي المكتــب وفركـ عينــو بهدوء : كدا خلصنا لليوم
حسام يتذمر : لا لا تخــلص يرحم اهلكـ
مهند يدقو بكتفوو : انسد ياخووول
مــازن يمرر عينو علي كــل الطلابـ : أي استفسار او سؤال بخصوص الي قلتوو
اعنــاب ومعصبه من اول تكلمو مايرد رفعت صوتها : اممم ايووهـ دكــتو امم المحاضراتـ حتكون كل يوم في دهـ الوقت ولا
بدون مايطل فيها : لا زي ماطلبتكم اليوم حطلبكم في أي وقت يعني مافي اوقات معينــه
هزت راسهــا وهيا معصبه من حركتو : فهمــت عليكـ
شال الملــف والاوراق الي قداموو ومانسي نضارتو طبعــا : تقدرو تتفضــلو علي اشغالكــم ..
وقــفو الــشبــاب بـــسرعــهـ واتهافتو علي البوابه قبل الدكتور يحرك حتي وخرجو والي يطمطط والي
يتاوب والي يفكر في الاكل .. والي يفكر في السرير
مهنــد ماشي ومسرح زيو زي باقي المسرحين الا انتــبه انو حسام مو جنــبووو رجع لــف وانتبهلو واقف : هي حسووم
حسام ومتكـي علي البــاب يستنا البنــات يخرجو اشر لمهند بيدو انو روح
مهند رجعلو بــسرعه : هي ايش بتعمل
حسام يدفو : روح انته روح ياخــي
خــرجو البنــاتــ ماشين بهدووء ورواق واصواتهم راخــيه وكل وحدهـ بتتكلم مع الي جنبهاا بدون رجه
مهند من شاف البنــات بعد عن حســام : استناكـ فوق
حسام اشرلو : اوكـ روح
مــشيو مجموعه البنــات وبــقيت وحدهـ الي طول المحاضرهـ تقز حسام ويقز فيهــا
حســام يرمش بســرعه : صباح الخــيررر
شدت المعطــف علي جسمــها : خلص الصباح
حسام ابتسم ابتسامتو المعتادهـ والي تخقق الناس علي غــصبــ : معاكـي حسام طبيب متدرب في قسم الباطــنه
طلت في يدوو الي ما مدها : وانا ريما متدربــهـ هناكـ في قسم الاسنــانـ
: ماشالله ناويه علي اسنان
ضحكت علي لا شعوريا : هههههههه مــن زمان النيه
حسام والامور عندو سريع سريع ما يحــب التمهيداتــ : ارقام ولا
طــلعــت جوالهــا من جيبهــا ورفعـتـو : رقمك مميز
حسام سحب الجوال مــن يدها وطــلب رقم واحد من جوالتو ومدو لهــا : انتي احكمي
هزت راسهـا بهدوء : طــيب عن اذنكــ
قالتـ كلمتها وراحت من عندوو وهيا تمشي بهدووء وصوت كعبها الراخــي محلي مشيتها
حــسام يمسد يدوو علي صدرو ووهوا يتنهد : آآهـ مابغينا نشبكـ حسيت اني فقدت جازبيتي لبرهـ لكــن اتضح اني حسام زي ما انــا
اتنهد للمره التانــيه : آهـ منهم آهـ منهم آآهـ منهم
مشــي علي جهــة المصعد لكــنو اتعدا وتركو نظرا للزحمه الي قداموو راح للدرج فتح البــابــ ودخــل وعلي طول عم الهدووء
بداء يطلع الدرجــات لكــن سمع صــوت همهمــاتــ رجع وقف بســرعه لما اتاكد انها همهمات بنــت
نزل بهدووء لــين قــرب مــرهـ طل من علي الدربزان وصار سامعها بوضووح
اسراء : طــيب وبعدين
: ........
: لا قلت لكـ لا يا اياد لا
: ......
: خلاص طــيب مــاش
: ......
: لا لا تجــي تاخدنــي
: ......
: مابغا رايحه علي بيت اعناب اصلااا
: ......
: ايوه كل يوم عندها
: ......
: انت لي ما تروح طــيب
: ........
: علي العمــوم انــا مشغوله ولازم اقفل سلام
قــفلت الجوال بعــصبيه وحطتوو في جيبهااا جــلست علي طرف الدرج وفسخــت طرحتها الخضرراا وحطتها علي كتفهاااا وسحبت المطاط الملون الي رابطه فيلو شعرها وخللت اصابيعها بينوو وزفرت بطــفش
أيش الحــل مع اياد دهـ واشبو طالع لها بطلعات غريبه .. قبل فتــرهـ كان زي الوززز اشبو دحــين قايم يتفلسف ويقلها كاني مانــي
حطــت يدهــا علي قلبها وارتجفت فجاءه لما سمعت صوت حسام يكلمها
لفت عينها علي بشويش : فجعتــني
حســام نزل باقي الدرجــات لين وصلها : هوا انا وانتــي نحــب الدرج ولا ايش الحكــايهـ ؟؟
لمــت شعرها بــسرعه ولبــست طرحتهــا : ما احب الدرج ولا شـي
: تاني مره اشوفك في الدرج ايش تسوي
وقفت وعدلت الروب الابيض الطويل تبعهــا : كنت احس الدرج مكان هادي لكن الظاهر من اليوم خلاص
رفع يدو : اووش
سكتت وهيا مستغربه وصارت تلف عينها في المكان زيوو
رجع طل فيها وابتسم : شفتي مازال المكان هادئ
ماقدرت تمنع ابتسامتها : عن اذنكــ
: لو سمحــتــي
: أيــوهـ
بكدب : انا حاب اتخصص طب اطفال تقدري تفيديني
رفعت حواجبها بدهشه : اطفال ..؟؟
: أيــوهـ
: ما احسك تنفع مع احترامــي
: لــيش
اتنهدت : علي العموم مو انا الي اقدر افيدكـ روح للاخصــائي وهوا الي راح يفيدكــ عن اذنكـ
: اذنكـ .....
انسك الباب وراها قبل لا يكمل كلمـتوو
طلع الدرج وهوا يفكــر فيها يحسها من نوعو المفضل يدعي في قلبو انشالله ما تكون متزوجه ولا مطلقه ولا ارمله يعني بالعربــي انشالله تكون بنت بنوتــ عشان اذا شبكها يمخمخ كــويس
رفع حواجبو بتفكــير : ياتري في امــل معهاا
فتح الباب ودخل علي القسم واتوجه للكونتــرر جلــس علي الكــرسي بطــفش : هنود
مشغول في الملف الي معااا : هممممم خلصت من هبلكــ
: لا ماخلــصت بس باركلي اخــيرن رقمتــ حسيت اني فقدت الامل
مهند : طيب كــويس
حسام يلف ايدو حولين رقبه مهند : ابو هنود طفاشن زعلان مضايق
مهند يهز راسو : جميع ماسبق
: افا ليــش
مهند ومضايق وطفشان وزعلان من حسام وعلي حسام وبسبب حسام : لا لاتاخد بالكـ مشغول بالي شوويــا
: عليا
: لا لا موضوع مـو مهــم ماعليكــ
حسام بتفكير : يخصني
يهز راسو بنفي : لا لا ولا يمت لك بصله
يفرفرلو شعروو : طيب قوول
مهند يدف يد حسام عن راسوو : ماني قايل خلاص لا تقروشني
: افا ماتقول لابو السمس
عشان يفتك من نزوو : اقلك بعدين مو في المستشفي
حسام بستنكار : طول وقتنا في المستشفي واذا خرجنا كل واحد حيتوكــل
: لا حجــي معاك ولا تجــي معاياا اليوم
رفع كتوفو : اوكـ ما اضغطـ عليكــ
رفع الملف التاني وادا لو هوا : خد اشتغل معايا طلما انته قاعد كدا
حسام حط رجل علي رجــل ومسكـ القلم : اوكـ ماعليكــ
مهند وهوا مندمج : شفت كاسر
: لا من خرجنا من المحاضره دي جيتي علي عندك ماقابلتو لــيش
: لا بس بسال عنــو يعنـي
: اكيد هايت هنــا ولا هنــا
كــاسر حط كوب الحلــيب علي الطاوله : هذا انا منو يسال عنــي
حسام ياشر علي مهند : دهـ .. انا ماسلت عنكـ لا قدر الله
كــاسر يتجاهل حسام ويطل في مهند : بغتني في شي
ابتسملو ابتسامه تنبع برائه : لا بس بسئل عنكـ ياخي فين تختفي
كــاسر : بشوف اشغالي وين بروح يعني
: طــيب لا تدف يابوياا
كــاسر يطل في كوب الحليب الي قرب يخلــص : مابوهـ حليب
حسام بدهشه : روح جيب حليب
يتنهد : يبيلي بكرهـ اجيب ترمزهـ اكبررر عشان لا يخلث علي بنص الدوام مشكلهـ
حسام يسوي انو مصدوم : وااا ايش حتسوي مشكله ؟؟
كاسر يفرك وشو وبجديه : مادري شنو بسوي بعــد
اعنــاب جــات لعندهم وهيا ماشيه بســرعه : دكاتره دكاترهـ
حسام وقف بحماس وحط يدو علي صدروو : اهلا هلا في شــي
مهند قام وسحب حسام علي ورااا ووقف قداموو : ها يا دكتورهــ
حطت نتايج التحليل قدامهااا وفرصعــت عينها : عارفين الرجال الي اشسمو هناكـ الي اليوم الصباح عرفتو
كاسر ومهند وحسام بلمو فيها وهاي تتكلم بسررعه وبلخبطه : !!!
اعناب كــشرت وصقعت راسهــا : اقلكم ركزو معاياا المريض الي انا ماسكه حالتو من يومين وقالي مازن اعملو تحاليل عرفتــو
كــاسر ويرفع الكوب الفاضي لفمو وبعدين يتفاجء انو فاضي : طــيب شنو فيــه
مهند ويتزكر لما كانو بيهرجو امس علي : ايوه اشبو اشبوو
حــسام خاق عند اعناب وعيونو تتفحص تقاسيم جسمهااا
اعنــاب فتحت الملف الصغــير : تخيلو ايش عندوووو
كاسر زفر : شنو عنده خلصينا
رفعت حواجبها : انته انته
يرفع حواجبو : شنو فيني ؟؟
لفت عينها عنووو وطلت في حسام ومهند واتنهدت بطــفش
: خلاص حقول لمازن شكرااا
كاسر ويعصب ع طول : الحين جايه تركضين ويوم نسمعك تقولين بتقولين لمازن وش تحسين بوه
اعناب انكمشت وخافت منو : لا قصدي شكلكم مشغولين بس
حسام رفع يدو وعلي طرف فمو ابتسامه : لا لا خدي راحتكـ
: طيب
رجعت فتحت نتايج التحليل : شوفو الرجال اتوقع معا التهاب كبدي (A)
مهند تنح : اما اما اما
: مدري دهـ الي فهمتو
كــاسر سحب الاوراق من يدهــا : قلتي لمازن ؟؟
: اما مو تشوفني توي اقول رايحه اقول لمازن
حــسام سحــب الورقه : اشوف اشوف ياربي مو فاهم شي
مهند يسحبها منو : من متي انت فاهم شي ؟؟؟؟
حسام ينفخ صدرو : لا تغلط انا دكتور
كــاسر : اقول خل عنكم الهذره الفاضيه ومشينا نقول لمازن
اعناب سحــبت الورقه من يد مهند فجاءهـ : انا حروح اقلو انتو نعم مريــضي
كـاسر طل فيها كدا انكمشــت ومسكت طرف طرحتها : بس يعني انا الي جلست استنا النتايج ومريــضي هوا وو .. ووو
علق لسانها وخانها التعبيــر وكل دهـ خوف من طلاتو ما تنلام
حست انو صوت تسنيم انقذها : السلام عليكم اشبكم متجمعــين ؟؟
حــسام لف علي تسنيــم وضيق عيونو : انتي هنــا
تسنيم وتاخد نفس تحاول تتكلم معاهم عادي بدون خوف بدون توتر بدون حركات هبله : أيــوهـ هنــا
حسام ويضيق عينو اكتـر : من متي
تسنيم من شافت طلاتو رجعــت خافت وانكمشــت : عن اذنكــم
اعناب مدت يدها بـــسرعه ومسكت يد تسنيم : جايه معاكــي
مهند : اعناب رديلي ايش يقلك الدكتور
هزت راسها : اكيـــد
حسام : اجي معاكــي ؟؟
ابتسمت : لا شكــرن
مــشيو بخطوات سريعه وكنهم شاردين من شي يخووف
كــاسر يطل فيهم بستغراب : ياخي بوهـ شي يخوف بوجيهناا ؟؟
حسام : في وجهكـ ايوه لكن وجهي انا ومهند لااا
لف علي حسام : اقول انت تشوف مع عيونكـ ذي الصغار قال مابوهـ شي يخوف فيك طالع شعرك شولن مسوي وتعال تكلم
حسام بلم ومهند انفلت يضحك ضحكه عجيبه : ههههههههههههههههههههـــ حشونـي
كــاسر يطل في مهند : وانت لو بوهـ شي يخوف فيك ماهيب مشكله ماحدن شايفك مع طولكـ ذا
مهند مستمر يضحك وحسام انضم لوو
كــاسـر طل فيهم : ايه انشالله ما تموتون ظحكـ عن اذنكم بروح ادبرلي حــليب

~~~~~~~~
A6baa fe al-7o0b
~~~~~~~~

عيــونهــا منفخـه ورافعه شعرها علي فوق باهمال
حاطه شنطتها الحمــرا ع كتفهااا والي مو راكبه عالتشرت الاسود الي فيلو رسومات وهمــيه بالوان كــتيرهـ مع تنــوره جنــز لونها رمادي غامق
مــاشيه بكــسل ومتــوجــه للكفتريــا وهيا تحس الشوز الرمادي ضيق عليها وبتلوم نفسها انها لبستو
رفعت يدها وسدت فمهااا وهيا تتذمـر : الله يصيب عدوكـ يا ندو ماخلتيني انام
رمــت شنطتهــا في الارض باهمــال وراحــت للمكــينه دخـلت الرياليــن بقله صــبررر طلبت كبتشينوو
وقفت ثوانــي وهيا كل شووي تتاوب وترفع يدهــا تسد فمها بملل يخلي أي حد يشوفها يجيلو ملل
شالت الكــوب ومـشيت بخطوات متكاسله للمكان الي رمت فيلو شنطتها جلــست وفردت رجلينها كنها في البيت
شبكــت سمعات الجوال وطلبت رقم ندي علي طــول
ندي والصوت يخوف من قوه النوم : هاااا حنوو
: فينكـ
: ماني جايه والله مانومت
ندي عصبت وولعت والنوم كلو طار من عينها : بلا في شكلك انا في الجامعه دحــين ايش الي منك جايه والله لا اجي اسحبك من عيونكـ
ندي انفجعت وفزت من فوق السرير : بلا في شكلك انتي الله يصيبكـ صوت دهـ ولا طراطيع
ترفع اصباعها بتهديد وكنو ندي قدامها : اقول بلا كلام فاضي والله والله يا ندي لو ماجيتي الجامعه ليا معاكـي تفاهم تاني
ندي تفرفر شعرها بقوهـ : ياليل بدت حنين تهدد
: ايوه اهدد امس مانومتيني وقلت لكـ عندي اختبار مهم وقلتي حتجي وفينك دحين ها ما اشوفكـ وبكل وقاحه تقولي مو جايه ..؟؟
: ياربي يالله اوف ياكلمه ارجعي مكانكـ
: ندي شــ..
قاطعتها ندي : خلاص ياومي خلاص ياماما قايمه اتنيل علي عيني والبس واجيكي أي خدمه تانيه اكبسلك روجولكـ ؟؟
حنين ضحكت علي طــول : هههههههههــ ايوهـ حياكــي ومساج كمان
ندي زفرت : والله حنو مانمت طيب حجي علي عــشره
: يعني الي يسمعك يقول انا الي نومـت .. وقومي حركي سريع لا اخوشلك من السماعه
: طــيب خلينا نتفاهم
حنين بجديهـ : لا تخليني اعـصب ندي
: اوف طــيب سلام تبي شــي
ندي تطالع في كوب الكابتشينو : لا بــسرعه شوفي حاسبتلك الدقايق
: طيب فهمنا يالطيف الواحد لازم ينقي اصحابو مره تانيه
حنــين فرصــعت عينها : ايش قلتي عيــدي
ندي تضحكـ : هههههههههه قلت قايمه اتروش واجيكي سلام
قفلت الخط في وشهــا
حنــين طلت في الجوال ومــشقت طـيب يا حـــنو خــير انشاالله
شغــلت اغاني وحطت الجوال في حضنها واتــربعــت وصارت تطل في الرايحــين والجــايــين
بكل ملل .. وتعلق علي كل وحده في قلبهاا .. ايش تحس في مع دي التنورهـ .. كيف تمشي بده الكعب .. ايش الشنطه دي الي شيالتها .. الحمد لله والشكر احد يقص شعرو كدا .. يوو لازم تتخن توصيله دي .. يالطيف ايش دي الاسنان
وهيا في خضم حشها مع نفسها .. انتهــت لجمانه وشلتهــا داخــلين ع الكفترياا لوت شفايفها بــقرف
وحاولت تفهم شعور ندي وهيا جالسه معاهم كــيف تستمتع وتنبسط بنات مادري أيش يبو من عمـرهم
متنحه في جمانه وما انتبهت لنفسها الا لما شافت جمانه جايه لعندهــا وابتسامه حــلوهـ ع شفايفهــا
: صباح الخــير حنــين
حنــين بدون ما توقف ولا تمد يدها اكتفــت بانها تهز راسهـا : صباح النـور
تمرر يدها علي شعرها الي جايبتو كلو علي جنــب وتتكلم بكل دلع : اممم فــين ندو عنكـ
حنين وتطل في حركاتها وكيف زايدتها جمال ونعومه : ماجات لــسه
: اهاا جــايه يعــني
: يب انشالله
جمانه مسويه انها تمون ع ندي وهيا في الحــقيقه ما تدري ندي قد ايش تكرهها : ممكن اجلــس هنا معاكــي
لفت وطلت في صحباتها وكملت : هما بدهم يزاكروو انا مافيا
ندي رفعت حواجبها وفي قلبها من متي المعــرفه
ضلت ساكته وتطل فيها تستنها تقلها بمزح ماني جالسه معاكــي
لكنها رفعت حواجبها بتعجــب لمــا جمانه سحــبت شنطة ندي وجــلست وحطت شنطتها في حضنهـا
: اممم امــس لــي روحـتي وما جلــستي
حنــين بدت تعـصب : يعني مو عارفه
جمانه ترمش ببرائه ابعد ماتكون لهــا : لا مو عارفه بلا لــيش ضايقوكـي الشبابــ ؟؟
حنـين ومافحيلها تتكلم معها : أيــوهـ
: يالله طــيب كان قلتي من بدري لو ما عزمناهم واللهــي
: مو مشكله حـصل خــير
سحــبت شنطتها وطلــعت دفترها اليتيم والي هوا لايش بالزبط ماحد عارف الموهم انو دايم في الشنطه
فتحتوو وبدي الطــريقه تحاول تفهم جمــانه انـو تقــوم مــن جنبـها وتولــي
جمــانه ولاهــي هنــا فجاءهـ بنبهار : ياااااااي حنــين انتي رسمتي دهـ
حنــين كــشرت علي صرختها وكان نفسها تديها بالدفتر علي فمها : أيــوهـ انا
سحبت الدفتر من يدها وقربتو لي وشها : مره روعــه حنو ترسمي جرافتي
حنين وكشرت علي كلمه حنو لا دي من جد تحــسب نفسها تمون : ايوهـ ايش شايــفه
ماخدت بالها مــن نبره العــصبيه في صوتــها : مره مره روعــهـ
حنــين لهنــا وكــفايه .. شالت شنطتها ووقــفت : انا ماشيه
جمانه وبتقلب في الدفتر وتشوف الرسومات : بدري باقي علي المحاضره اكتر من الربع
حنــين مدت يدهــا : ممكن دفتــري
رفعت عينها وبلمت لكــن سرعان ما ابتسمــت : ههههههــ سوري والله مره انبهرت
مدتلها الدفتر : اتفــضلي
حنــين دخــلت الدفتر في الشنطــه : عن اذنك
جمانه مدت يدها : دقيقه حنــو قومــيني
حنــين علي قد عصبيتها وقهرها منها ماقدرت ما تمد لها يدها وتسحبهااا
سحبت يدها بســرعه بعد ما وقفت جمانه تحــس فشــله لو شافها احد ماسكه يد جمانه وهيا في كل
مكان معلنه كميه الكره الي تحملو في قلبها لجمانــهـ
جمانه رفعــت عينها ببتسامه : شكررن حنين خلينا نشوفكـ مع ندو اوكـ
هزت راسها واكتــفت بالسكوت
: يلا عن اذنكـ
لــفت بــسرعه وخرجت مــن الكــفتريا وجــلست علي اول كــرسي صادفــها
واتنهدتـ وهيا تسب جمانه في قلبها فظيعه كـيف تتصنع البرائه والي مايعرفها يبصم بالعــشرهـ انها
اشرف بنت علي ظهر الارض
مشــقت وعلي صوت افكارهاا : صدق من قال المظاهــر خداعه
رجــعت خــشت جــو مع الاغــاني الي مختارتها بعنــايه وكل اغنيه تخش معها جو اكتر من الي بعدهــا
غمــضت عينها وسندت راسها علي ورااا وبجد مــر الوقت بدون ما تحــس من اغنيه لاغنــيه
فتحت عينها بــشويش دليل انها نامت مو بس خــشت جو
ندي : نمتي حنوو
حنـــين طلت يمين ويسار بفهاوهـ ونزلت السمعات عن ادنها تحس راسها صدع : ها أيــش
ندي جلــست جنبها : اقول نمتي من النهار اناديكــي
حنــين تتمطط : لا ما نمــت بس استكنيــت
تبخ عطر ع طــرف البلوزهـ : كــويس خــير ناويه تسحبي علي المحاضــرهـ
: لا ناويه اتاخــر بــس الدكتور دايخ والمشرفه ادوخ منــو
: دام كولهم دايخين خلينــا
: ع قولكــ
: جيــعانه ؟؟
: لا نحمدوو
: اوكـ دقت عليا جمانه تقول اجي افطر معاهم
: اممم لي ما تحولي شعبتي
: ببساطه .. ؟ وبعدين اتعودت ع جدولي داكــ
: مو ببساطه بوساطه هههههههههــ
: ودي بالتحديد ما عندي منهــا
: طــيب ياخي امم دوريلك شله غيرهم
: حنو خلاص اتركيكي منهم ومني انا مو صغــيرهـ
: ادري عنكـ ع فكره توها جاتني جمانه مسويه تموووون
: هههههههه جد أي قلتيلها
: ايش قلت يعني جلست مبلمه طول الوقت هي قوليلها لا عاد تحاول تقربلي ابد ترا انا اذا عصبت اخرمش
: هههههههههــ عاد مع نــفسكـ
: والله جد قوليلها لا تحاول تكلمني قال اي جايه تقلي . ممكن اجلس ومن غير لا اجاوب جلست كننا صحبات من الابتدائيه
: هههههههههههههـ والله جوجو طيبه انتي لي حاقدهـ عليها كل دهـ عشان تكلم اولاد
: لا انتي عارفه ليشــ .. وسخه وشلتها كولهم فسدانــين
: مايجي تتكلم علي البنات كدا وانتي ما عاشرتيهم
: انتي عاشرتيهم وحيكتيني عنهم يكفي اني احكم عليهم وياليت ما تمشي معاهم عشان لا تلحقك سمعتهم الي تلق
: اوف عليكي حنو بجد مادري ايش احساسكـ ياشيخه
: احساسي احساس أي مواطن سعودي في يوم ممطــر
: تعرفي تصرفي كمان
: مين مايعرف يــصرف
: اقول دام اخلاقك كدا انا حروح افطر معاهم وانتي اسري محاضرتكـ مو لازم تتاخــري اوكـ
حنين وقفت ونفضت تنورتهاا بخفـه : يب اروح انام في المحاضره احسن لــي
ندي قربت وباست حنــين : يلا تيك كــير نتقابل في البريكـ
: مادري يمكن اقعد ابرشم
: نتقابل وابرشم معاكي ولا يهمكـ مع انو الناس بطلو يبرشمو
: ياماما قديمك نديمك ولو الجديد اغناكــ
: ياحركات صارت ترتب امثال
لبــست نضارتها :هههههـ يلا انتبهي ع نفــسكـ لو تقعدي لحالكـ افضل من الشله الهايفه ديكـ
: يابنت روحــي خلاص
: سي ياا
: تيك كير حنوونـي
هزت راسها ورفعت اطراف اصابيعهاا : بــيس

~~~~~~~~
A6baa fe al-7o0b
~~~~~~~~

ماسكــه النتايج في يدهـا ومتكيه جــنب بابـ مكتب الدكتــور مازن .. وكل شويا ترفع يدها للساعهـ
زفرت بطفش وهيا تتسال بينها وبين نفسها فين يروح الرجال دهـ فين يختــفي فجــاءهـ
عقدت حواجبها وهيا تفكــر ومدون مقدمات قررت تنفذ
راحت لاقرب كونتــر واخدت التلفون وطلبت رقم البيجــر تبع الدكتــور
قفلت السمــاعه وووقفت تاخد وتدي مع الممرضــهـ
بعد دقايق انتبهت لمازن جاي من بدايه الممر وماشي بخطواتـ اهدي من الهاديه كشرت وهيا تتزكرو
يقول أي واحد ادقلو يجي بسرررعه وهوا لما يدقولو يجي بشويش يا سلام علي .
سرحت في مــشيتــو تحسها مميزهـ كيداا ..
لما قربـ يوصلهــا اتنحنحت وفتحت النتايج تسوي انها مو منتبهتلوو
عقدت حواجبهاا وصارت تطل بنهماك والي يشوفها يقول باقيلها شويا وتكتشف اقوي اكتشاف في التاريخ
وصلها مــازن وعرف انها هيا الي طالبتــو : احم احم
ماتدري ليش سوت انها مو سامعتوو ومستمره عاقدهـ حواجبها وتطل في النتايج
مازن قرب منها وسحب الورقه من يدها وقلبها : كدا يا دكتورهـ اعناب ولا انتي تفهمي بالمقلوب وانا مادري
طلت في بتناحه وبعدين خدودها حمرت بطريقه خلت مازن يخق معهاا اخــر شي مثلت الدهشه : دكتور مازن من متي انته هنــا
مازن يتكتف : يعني تقنعيني انكـ ماشفتيني جاااي
بتمثيل : لا لا ابد ما انتبهتلكـ دكتور سوري
: مو مشكــله يادكتورهـ بسم الله تطالعي من اول في مين يكون احد جنبي وما ادري
برضو خدودها رجعت حمرت اكتر من اول لانو كافشهــا .. حبت تغير الموووضع
مدتلو النتايج : دكــتور شوف ايش اكتــشفــت
طنش الملف ومشـي لمكــتبو : اتفــضلي دكــتورهـ
مشقت وكشت علي وهيا ماشيه ورا وبرضو بالها مع مشيتوو
فتح البابــ ودخــل والبابــ رجع انسكـ في وشهاا من قوه التناحه مامدت يدها تمنعووو
مطت بوزها ورجعت فتحت البابــ بعد ما دقت علي دقتين خـفيفه
خشت ومشيت بهدوء ليــن وصلت للمكتب الي مازن تاركو و واقف في الركن مشغله الغلايه وبيدعبس
لف عليها : تشربي شي
حمرت خدودهاا : أي شــي
رفعلها البتون : شاهـي ؟؟
ببتسامه : ماحب الشاهــي
مازن عمل واحد كوب لنفسوو وجلس علي الكــرسي : أيـوهـ
تنحت يعني مايبا يضيفها شي يلا ماعلينا اصلو شكلو الشاهي يسد النــفس كدا وكمان سادهـ وبدون سكـر مادري كيف بيتستمتع
مازن رفع صوتو لما شافها مسرحــه : ايوهـ يادكتــوره ايش اكتشفتي ؟؟
رفعت الملف بحماس : اممم أيــوهـ دكــتور ايوه شوف
اخد النتايج وعقد حواجبـوو : دهـ المريض اممممم
يطل في الاسم : عبد المحسن صادق امم هادا الــ
قاطعتو بحماس : ايوه دكتــور الي قلت نعملو تحاليل واهي النتايج والرجال عندوو اتوقع وباء كبدي (A)
مازن رفع عينــو عليها بلا مبالهـ ورجع نزلها علي النتايج وعقـد حواجــبو : كيف استنتجتي
ببتسامه انتصار : من النتايج يادكتور كل شي واضحـ ...
قفل النتايج ووقف لبس المعطف وشال الكوب : لا تتاكدي
اعناب بتعجــب : طــيب بــس انـا متاكدهـ
: مو مشكله انا حشــوف وو
اعناب من الحماس الي فيها ان تطلع تحليلتها صح : طيب شوف دحــين
طل في الساعه الي علي الجدار : حشوف لما افضي
كــشرت وحست انها اتحطمت كانت تتمني يشوفها ويهنيها علي نتايجها وكدا لكن احساس يعور لما تطيح من فوق لتحت .. >> ؟؟
خرجت من المكتب قبلو وهيا ماطه بوزها وتفكر يمكن لو جو معها القروب لو عبرهم اكتــر
سكت البابــ بعصبيه ومشيت بشويش بعد ما طلعت جوالهاا طلبت رقم وهيب وحطت السماعه علي ادنها
وهيب علي الخط : هلا عنوشه حبيبي كيــفكــ
: بخــير نحمدو انته كــيف اموركــ
: بخير ليش مكتئبه
: مو مكتئبه احس الدكتور مازن يكرهني
: رجعنا لمازن تاني
تلعب بالسمعات الي علي رقبتها : هوا عندنا حد غيرو
: ليش مافي دكاتره تانين
زفرت وهيا لسا بتلعب في السمعاتـ : مو موضعنا وهيب اسمع
: ها ياوهيب قولي
: امم شوف قلي اسوي تحاليل لمريض ولما طلعت النتايج واتاكدت من المرض مو مهتم ايش يقصد
: وعشان ما اهتم صار يكرهكـ
دخلت يدها وسط الجــيب : مدري بس انا جالسه طول امس واليوم انز علي التحاليل عشان اشوف واخرتها كدا ولا جزاء ولا شكورا
وهيب يحاول يهديها : هوا انــتي بتشتغلي عشانو دهـ شغلك وواجبكـ ولا عشان حد يهنيكي
: طيب ماشي ماشي كني ناقصه محاضرت منكـ انته كمان
: عنوشه لا تصيري كيداا
دمعت عيونهاا : مادري ماحب احد يعاملني كيدا
: قلبي طيب انتو متدربين لازم تصبرو وهما لازم يعاملوكم كدا عشان لا تغلطو
: لا لا هوا احسو كدا مدري كارهني غيرعن الكل وحاط باللو معاياا
: ياعنوشه لا تصيري حساسه
عصــبت : وانا كول ما اشكيلكـ شي تقلي لا تصير حساسه ايش اسوي اذا انا حساسه
وهــيب عـصب : عنوشه لا ترفعي صوتكـ يلا انا مشغول
: هــي وهيب دقيقه
: ها نعم ايش كمان اجي اضربلكـ الدكتور دهـ ولا اتوسط عشان يفصلو
: لا وهيب ياربي لا تصير كيدا انته كمان
: اشبي مابيا شي
: خلاص يلا روح
: عنوشه حجي اخدكـ اليوم طـــيب
: طــيب مع السلامــهـ
قفلت الخطــ وسندت نفسها علي الجدررر بعد مادخلت الجوال في جيبهاا
لفت عينها بهدووء ورجعت شالتها عن مازن بصدمهـ .. لا ليكون سمعها لا ليكون ماشي وراها من اول يو لا لا
رجعت سرقت نظره منو لقتو واقف وبيطل فيهاا شالت عينها بكل خوف وصلحت وقفتهااا ومشيت بشويش .. لكــن صنمت لما سمعتو يناديها بصوت باارد : دكتوره اعنــابــ
حاولت تلف تطل في لكن الخوف منعهااا : نعم دكتوور
مازن بخطوتين وسيعه وصلهاا : انتي دكتورهـ متدربه زيكـ زي باقي الدكاتره المتدربين اوكــي
خدودها حمرت اكتر شي : بــس انــا انــ.. ــ ته دكــ .. ليش تسمعني
: ليش اسمعكـ ؟؟ ..
: امممم .. أيــوهـ .. انته تسمعني
هز راسو بتعجب : لا مابسمعكــ .. وانا مشغول ولما افضي حشوف النتايج ولو طلع كلامكـ صحيح صحيح مافي شي اوكــي
حست وشها صار اصغر شي .. تاني مره تهرج عنوو ويسمعهاا .. وياريت كلام عدل
صارت ترمش بسررعه وتلف عينها يمين ويسار وماهي عارفه ايش تقول الشي الوحيد الي عارفتو انها مكسوفه منو اكتر شي
مازن عارف انها مو قادره تهرج فكر يعتقها لوجه الله : تقدر تتفضلي يادكتوره اعناب
رجعت ابتسمت في قلبها طريقه نطقو لاسمها غيررر شكــل ولا يمكن لانو نادر مايناديها باسمهاا دايم دكتوره وبـس
لفت وشها عنــو وصارت ماشيه بســرعه وهيا لاصقه في الجدر زي الي خايفه احد يمسكها ويتهمها تهمه باطله
صادفها اول بابــ طلت في الوحــه .. w.c .. بس هوا دهــ
دفت البــاب ودخــلت بــسرعه وانسك البابـ وراها علي طــول
راحت للمرايه وصارت تهــف علي وشهــا الي حستو محمرر من قوه الكــسفه انبت نفسهاا
: ياربي عليكـ من دكتور ليش تسمعني اتكلم عنكـ دايم
طلت في البــابــ ورجعت تكلم نفسهاا اسكتي لا يخووش عليكــي تاني
انفتح باب الحمــام ودخــل مــازن هنــا فرصعت عينها علي الاخــير ورجعت علي ورا بخووف وهيا تفكر في افكار شيطانيه .. ايش بيا ؟ ليش داخل ورايا ؟ معقوله بدو يسويلي شي ؟ وصارت عيونها تدور في مكانها بي خوف
مازن انفجع من شكلها وفكر باكشن لا تروح تصرخ هنا وتجبلو مصيبه .. رفع يدو بهدوء : دكتوره حمام رجال
اعناب طلت حولينها بتناحهـ : ايش
مــازن فتح البــاب : اخرجي حمام رجال ما انتبهتــي
رحع وشها حمر اكتر .. رفعت يدها لطرحتهاا ومسكتها بخجل ومشيت بخطوات سريعه واتعدت من جنبو بسرعه وخرجت من الحمام وطلت في البابــ تتاكد .. صقعت جبهتها بقوه لما شافت علامه الرجال : حوله عميه انتــي
خرج وراها مازن وعلي طرف فمو ابتاسمه : لا مو عميه الحوادث تحدث دائماا
اعنابــ طلت في كداا طله غريـبه ولفت بــسرعه رايحه للغرفه الخاصه فيهم وهيا تدعي علي نفسها ملوين مره
أيش الهبالات دي الي بتسويها ورا بعض ويكفشها دهـ الدكتور .. اول مره الشوز علق علي تاني مره بتهزء في كفشها تالت مره طب عليها تحط مناكير من زود الفضاوهـ شافها تطيح عند باب المستشفي
اليوم بتحش في وسمعها للمره التانيه خشت حمام غلط بكل بلاهه العالم . غير الورقه الي سوت نفسها منهمكه فيها وقلبلها هياا ..
زفرت وهيا تخرج من المصعد : ياربي فين اودي وشي منــو

~~~~~~~~
A6baa fe al-7o0b
~~~~~~~~

فاتحه الجهاز قدامهــا ومشــغله اغنــيه اجنــبيه هادئه وراخيه الصوت مـرهـ بحكم انها في مستشــفــي
وفي يدهــا كتــابــ لروايه احنــبيه برضو جالسه وبتقرا فيلو بكل انهماكـ وخاشه مع الاحداث اجواء رهيبه
رن جهاز النداء حقهاا الي معلق في رقبتها بتعليقه فوشيه ناعمه ومع طنتو الخفيفه طلعت من العالم الي هيا فـيلوو
رفعتو وطلت في الرقم وهيا منزعــجه حطت الروايه بعصــبيه : يارب الواحد مايقرا يعنــي
رمشت رمشــتين وطلت حولينهاا : اشبك تسنيم انتي في شغل
وقفت وصــلحــت طرحتها وخــرجت مــن الغررفه واتوجهت للمــصعد ضغطت الزرر ووقفت تستناا
اتقدمو لجهتهـا اربعه شبابــ اتنين ممرضين ودكتور وعامل النضافه
طلت فيهم بفجــعه وبعدت عــن المــصعد وقررت تنزل بالدرج عاد وهنا المشكله الكــبررري
سمعت عن مصايب الدرج كتيرر وصارت تخاف منها كمــانــ ..
لكن اتوكــلت علي الله وفتحت الباب بهدووء
وصارت تنزل درجه درجه وبــشويش مــرهـ لين قربت توصــل ماتدري لي بطئت مشيتها بزيادهـ
ومــن يوم لفت انصعقت انذهلت انصدمت وتنحتـ لما انتبهت لدكــتور ماجد واقف وساند الممرضه الي في نفس القسم معا علي الجدرر وماتدري ايش بيهببو بالزبطــ لكــن منظرهم مع بعــض موريب والظاهر والاكيد انهم بيسوي شي مو كويس
لان الي بيسوو مضيعهم عن الدونــيا لحــسن ما انتبهولها الين دحــين
فاقت من دهشتها ورجعــت لـــفت تبا تطلع لكــن من الربكه والصدمه والتوتر ما انتبهت لطريقها ولا لدرج اتكركبــت وطاحــت
مسكت طرف ساقها بقــوهـ : اهـ ياربي
ماجد وشو ضرب الوان هوا مع الممرضه الي معــا وبدون شعور دفها بعيد عنو ..
تسنيم ماهي قادرهـ توقف مو عشان الالم عشان الصدمه الي هيا فيهاا
الممرضه مترت تسنيم من فوق لتحت ورفعت نظرتها لماجد بتشكيره اخر شي شدت معطفها علي جسمــها وقفلت الازارير الي كانت مفتوحه لنووص وحطت الكمامه علي فمها وخرجت بدون ما تهرج ولا كلمــه
وتسنيم قربت تنجلط كــيف راحت وتركتها مع ماجد لحالهــا
ضغطت علي نفسها ووقفت بــسرعه وهيا تصلح طرحتها بربكــه واضحــه
ماعرفت من فين تمــشي والخوف راكبها من فوق لتحتـ
لفت يمين جا ماجد قدامهاا راحت علي يسار جا قدامها برضوو
حست دموعها حتفرفر مــن عيونها غــصب : دكتور انــا
ماجد يضيق عينو بطريقه تخوف ويقرب منها بخطوات بطيئه : ماشفتـي شي يادكتـورهـ
تسنيم وشها حمــر وحست بكتمه ولفت وشها عنو تحاول تدور علي مخرج
ماجد يكرر كلامو : ماشفتي شي يا دكتورهـ
تسنيم صارت تطل في وتهز راسها بخوف
ماجد قرب منها مــرهـ وهيا جبــصتـ : ترا لو شفتي شي مو في صالحكـ فاهمه
رمــشت رمــشتين وهيا تهز راسها تحس حتي لسانها انربط
ماجد حس انها من النوع الخواف والي ماينخاف منو مترها بعينو كدا شويتين واخر شــي لــف عنها
فتح باب الدرج وخــرج علي بــرهـ
تسنيم رجعت علي ورا وجلست علي طرف الدرج تتنفس وتحرك راسها بقوهـ كنها تحاول تنــفض المنظر
الي شافتو من راسهــا وتثبت انها ماشافت شي لان مو في صالحها
جــلست تتنفس بسرعه وكنها خارجه من سباق طويل .. شالت الملف الي طاح من يدها ورفعتو وصارت تهف وشها فيلوو
عصبت من نفسها كول دهـ خوف اجل لو غلطتي في يوم ايش تسووي اذا وانتي مالك دخل خايفه ورجولك منك قادرهـ توقفي عليها
زفــرت بطــفش لكن سرعان ما اتحولت ملامح وشها لقرف مع كرهـ لماجد
من اول ما شافتو ماهضمتو ودحــين يطلع من انواع الرجال الي كدااا
ونفس الشي مع الممرضه دانه
حطت يدهاي علي دقنهاا ورفعت عينها علي فوق بتفكــيررر
انقطع حبل افكارها ووقفت بســرعه لما انفتح البابــ ودخــل حــسام وساحب ورا مهند كالعادهـ واصوات ضحكاتهم معبــيه المكــانـ
هنا تسنيم خافت عندها فوبيا تكون في مكان واحد مع الجنــس الاخــررر ولوحدهــا كمانـ
وقفت بســرعه : انا كونت خارجــهـ
حسام ابتسم وغمزلها غمزه وسخـه : بدري ماشربنا الشاهــي
مهند رفع يدوو مسكـ شعر حسام وشدلو هواا : ياواد سيب الدكتورهـ في حالها
حسام نوقطه ضعفو شعرو : اه ياولد الناس الـ .. الــ..
مهند : هههههههههه اتجراء وقول شي مو كــويــس
تسنيم تمشي بشويش كنها خايفه حد يقلها ماتخرجي وصلت للبابــ فتحتــو بســرعه وخـرجتـ
وكالعادهـ زفرتـ وانبت نفسهااا
جات ماشيا وماعرفت فــين كانت رايحه
بدون شعور رفعت صوتها : حسبي الله عليك من دكتور نسيتني نازله ليــش
وقفت وغمضت عينها : اللهم صلي عليك يانبي
ولعت المبه اخيرن : ايوه صح القسم
رجعت كــشرت لما اتزكرت انو قسم وحده غسيل الكلي هما الي طالبينها
اتوجهــت للقسم وهيا تدعي ربها ما تقابل ماجد ولا الممرضه السخيفه دي الي جالسه تضاربها علي المريض بهــاء
ابتسمت من جا علي بالها بهــاء : ياتري عندو موعد غــسيل اليوم ولا لا
لفت علي القسم ووصلت للكونتــر وماقدرت تمنع نظرهـ القرف والاستصغار لدانه
حست انها مو مستحمله تطل في وشها الله يعين مدام كدا الوضع من بدايتو
لفت علي الممرضه الاجنــبيه وهرجتها انجلش وفهمت منها انو بهاء في الغرفه ومركبينلو الجهاز وطالبها
دخلت يدها في جيب المعــطف واتوجهت للغرفه وهيا تدعي في قلبها انو مايكون ماجد موجود
مرهـ ماتبا تشوف وشو
دقت الباب بهدوء وفتحتوو بنفس الهدووء
جالها تحطيم قوي اول ما انتبهتــ لماجد جالس جنب بهاء وحاط رجل علي رجل لا وفي ايدو كوب
متي امدا يجيبو ؟؟
: السلام عليكم
ماجد ويطل فيها ببتسامه جد عاديه والي يشوفو يشك انو هوا الي قبل شويا : اهلا اتفضلي
حولت عينها عنوو لبهــاء وطلعتلو ابتسامه غــصب : كيف الصحه اليــوم
بهاء ردلها ببتسامه حلو خلتها تنكــسف من نفسها : بخير نحمدو ونشكروو
ماجد ياشر علي الكــرسي : اتفضلي دكتــورهـ
بدون أي كلمه زيادهـ سحــبت الكرسه وجــلست وطوالي رفعت رجلها علي رجولها التانيه وشبكت اصابيعها في بعــض
ماجد اتجاهلها تماما : ايوه بهاء كمــل
بهاء يرفع يدو ويمررها علي شعروو مرتين وتلاته : بعد مارجعت الاهل البيــت روحت للممــشي شويا عارف عشان الصحه
ماجد بستنكار : تروح الممشي وما تقول لصاحبكـ
بهاء لف وسرق نظره من تسنيم ورجع لــف : كلمتكـ مارديت علياا قولت يمكن مشغول
ماجد ويطل في الجريدهـ : اهاا كويس وايش كمان
بهاء يزحلق نفــسو علي تحــت : ولا شـي وبــس
ماجد يهز الكوب الي وسطو كوفي ويرجع يرفعو لفمو بســرعه : آآح اوكـ انا لازم امــشي
تسنيم ماطلت فيلو حتــي اكتفت انها تتنهد وتدعي الله يعينها علي الوقت الي راح تجلس فيلو مقابل بهاء ايش حيقولو ما تدري حتي
التفت لماجد : ها دكتوور
: انتي في مستشفي بلاش السرحان في الامور الي براا
بجراءهـ واختفي الخوف فجاءهـ ماتدري هل لان بهاء موجود : ولو بفكر في امور جوا المستشفي برضو ممنوع
ضــيق عينو وطل فيها بتهديد : برضو ممنوع خليكي في شغلكـ
وبنفس الجراءه الي ماتدري من فين جاتها : هيا الجلسه دي شغل
ماجد عصب وشد يدو علي الكوب وحس انو غلطان في حكمو عليها : ايوهـ شغل طلما انا طالبو منكـ وياريت ما تخرجي من الغرفه الا لما ينتهي بهاء من الغــسيل
لف علي بهاء وكنو يطلع عصبيتو في : وانت لا تطلب منها تخرج هيا بتشوف شغلها
بهاء ويردد كلام تسنيم : هوا دهـ شغل
ماجد كــشر وطل فيهم الاتنين ليكونو متفقين ينرفزو
بهاء فرد ملامحو بطريق توحفه : ههههههههههههههههــ امزح ياشيخ
ماجد يرفع حواجبو : صاير دمك خفيف في الايام الاخــيرهـ
بهاء يهز راسوو : رو ح روح شوف شغــلكــ
ماجد طل في تسنيم بتهديد وخــرج من عندهــم
بهــاء اتنهد ولف عليها : أيــوهـ كيف كان المــشي امــس
فتحت عينها ورفعت مع حواجبها خير الاخ ناوي يتونــس
بهاء ع طول فهم طلتهااا : اوكـ حنجلس ساكتــين يعــني
هزت راسها بدون ما تهرج
رفع الجــريدهـ : طــيب اذا حسيتي انكـ طفشــتي من السكوت كلميني
طنشتو وسكتت وهيا تفكر كيف حتتحمل الوضع دهـ كيدا ولين متي وليش مازن مارد عليها وليش ماكلم ماجد هوا قال حيكلمو بخصوص دهـ الموووضع كدا مره مايجي وحضره البهاء مستعد يسولف ويلعب معها سبت احد كمان
مرت دقايق حست انها طفــشت زفرت واتمنت انها جابت معاها الروايه الي كانت بتقرهاا اقلها كول مين يتلهي في شــي
رفعت راسها وبدون تردد : لو سمحــت
رفع عينو عليها وبستفسار : مصرع طفشـتي من السكوت
هزت راسها : لا لا مو كدا .. بس كونت بستاذنكـ بس بروح اجيب الروايه من فوق وارجعلكـ
: راوايه أيــش
تحك طرف خدها : روايه بقرها
يهز راسوو : اكيد روايه وتقريها ممكن اسمها
: يعني مارح اروح لو ماقلت الاسم .. ؟؟
: طبعا لا بس حابــ اعرف اسمها
: .. تولا يت
بتفكـير : سارقينها من الفلم ؟؟
ابتسمت : لا الفلم سارقينها من الروايه
طبق الجريدهـ وضم يدينو لبعض : ايش احـلي
تهز كتوفها :بالنسبه ليا الروايه طبعاا
: لــيش .. ؟
عاد لاحد يسئلها في الرواياتـ : ام كدا تحــس وانت بتقراها انكـ واحد كبير اما الفلم لما تتفرجو تحس انك مراهــق
رفع حواجــبو : عاد
: والله دهـ الي حسيتو
ورجعت هزت كتوفها : ومن وجه نظري زي ماقلتلكــ
: مو مشكله ماشفتو اصلا ..
: فاتكـ
: مو تقولي مراهــقين ؟؟!!
: يب يب بــس اممم
حست انها بتتونس معاا فكدا رجعت سكتت : اروح اجيبها
: طــيب باقيلكـ كتير وتخلصيها
: يب توي وصلت لنوص
يحك خشمو بطرف اصباعو : تسلفيني هيا لما تخــلصي
هزت راسها وهي تبتسم علي حركتو : اكــيد
: عندكـ روياتـ كمان
: الكتير والكتــير والكــتير منها هههههههههه
استغرب منها اشبها بتكلمو وتضحك معا فجاءه
حست علي نفسها وانها بتتكلم مع رجال وتضحكـ معا ماتدري تنبسط انها بدت تتعود ولا تزعل انها بدت تتحرر ولا ماهي عارفه ايش
شدت المعطــف واتنحنحت : اروح اجيبها ممكن
: اوكـ بسرعه لا يجي ماجد يرصك ويرصني
حست بهاء انسان غير ماجد كيف هما اصحاب ماقدرت تمنع نفسها من انها تسالو : امممم صاحبك ماجد من زمان ؟؟
استغرب سؤلها لكن جاوب بصدر رحـب : ماجد اخويا مو صاحبي
تنحت وفرصعت عينها : اما
ضحك علي دهشتها : لا يعني مو بس صاحبي ماجد اخو دونياا
طلت في بهاء وهيا تفكر مدام اصحاب لدهـ القد اكيد كولهم نفس الشي ونفس الطخه والافكار حتـي والسلوكيات
مشــقت وهيا تتخيل بهاء يعمل نفــس حركات ماجد
هزت راسها بستنكار لا شكلو واحد طيب ومايسوي كيدا
رجعت اتزكرت ماجد وكيف ماكنت متوقعه منو شي صدق من قال المظاهر خداعه
بهـاء : تقدري تتفضلي تجيبها بس بسرعه
طلت في وابتسمت وانبت نفسها كيف بتفكر عنو وهيا ما عاشرتو ولا شافت شي منـو : اوك عن اذنكـ
خـرجت من الغرفه وراحت للمصعد طوالي طلبتوو وقفت قدامو وهيا متحمسه تكمل الروايه ومتحمسه تحكيها لبهاء كمان وتحرقها علي

~~~~~~~~
A6baa fe al-7o0b
~~~~~~~~

واقــفه قدام التــسرريحــه وفي يدهــا قلم الحــواجــب السائــل بتزبطـ حواجبها الي ناتفه القليل منها
حطــت القلم بعــصبيه وزفــرت
كل ما يجي علي بالها الدكــتور ترجع تــتنهد وتتخــيل كـيف حتكون ردهـ فعلوو مـرهـ شايــله هم
وكل دهـ كوم ومــن فين حتجيب الفلووس كوم تــاني
كــشرت وهيا تتزكــر ساهــر سهــرت طول اليل تكلمــو وتلمحلو عشان لو طلبت منو الفلوس مايرفض
لكن طلع حمار سمعها صــوت القطار بعد تهزيئه طويله منوو
وكــيف انها بتسحب عليا وماترد وتطنشونو وتكلم غــيروو من يوم جابت سيرة الفلوس .. تو اتذكر
رفعت حواجبها بتعجــب وهيا بطل في نفسها في المــرايه وجلــست تتسال
ليش كل واحد عامل فيها الواد الي يغار يبو يفهموني انهم يحبونــي يبو يتزوجونــي يعني لــيش
بجد شــي محــير
المفروض انها صداقه وتسليه مع شويه انحراف الموضع مايزيد عن كداا
فتحــت الدولاب وخرجت بنطلون اسوود ومن الطــرف فيلو تنـيه بالون الرمادي الغامـق لبــستو
ومن فوق لبــست معا تي شررت رمادي ماسكـ ع جــسمهاا
خــشت الشوز الراخــي والي فيــلو طــوق بسيط
خــرجــت من الغــرفه ومعلقه علي رقبتها الببي اتوجهــت ع الصاله وهيا مو شايفه طريقها لان عيونها مركزه علي الببي وجاري محاوله ايجاد الاربعه الاف باي طريقه من الطــرق
فكــرت تسرق بنكـ لو استدعي الامـر لازم ترجع للدكتور البغــيض دهـ فلــوسوو
رفعت عينها لامهــا : صباح الخــير ماماا
امها وكالعادهـ ماعندها شغله غير تشفط في السجاير وتقلب في التلفزيون : صباح النور مع انو ادن الضهـر
زهاد قربت لامهــا وقرصتلها خدودهاا : ماما وحــشتيني جيت امس وانتــي نايمه
صفاء سحــبت زهاد من يدها وباست خدهـا : ليش ماجيتيني
: جيت ابا انام عندكـ لقيت قصو نايم جنبك قلت بلاش اسوي زحمه
: ها مــتي رايحــه
: خلاص شويــا
: مع سواق اهداب
بكدب : لا مو قلت لكـ علي سعيد اخــو صحبــتي اتفقت انو يوصلني دايم
: اخو صحبتكـ ميــن
وبرضو بكدب : صحبتي رنيم
صفاء ماعرفت مين رنيم لكنها مو من النوع الي يدقق : اها كــويس انتبهي علي نفــسك
: طــيب طــيب
رن جوالهااا بنغمه .. خاروفي خاروفي لابس بدله صوفي لو قرنين واربعه رجلين ياكل برسيم
المتــصل >> سعيـد
ردت علي وهيا متوجــه لغرفتهــا : همممم ايوهـ سعيد
صوتــو كلو نــومـ: انا بــرهـ زوزو
زهــاد وتعلي صوتها : صح صح سعيد لتكون نايم شــي
يتكلم بهدوء وكنو سكران اثر النــوم : لا زوز بس توي صاحــي من النوم
بتهديد: نعسان يعنــي
: شويا من اشوفك حصحصح
: طــيب يلا دقايق وخارجتلكـ
: خدي راحتكــ
: سلام
قفلتـ وراحت للسرير سحــبت العــبايه الي فشخــتها امــس من اهداب
ماسكــه مرهـ من الصدر ومكسمتــو كويس وكلووش من تحــت علي الصدر اليمين جيب صغــير علي بالرمادي تطريز بسيط علامه شنل وكدا العبايه بختصار تخلي الي جسمها بايخ يصير خـقق اجل كــيف ع زهاد والي جسمها اصلا خقق
طــلت باعجاب تام لنــفسها في المرايه لكــن اختفت ابتسامتهــا لما اتزركت الدكـتوور وانو لو جا صرخ عليهاا ايش حتسووي
عصــبت بس يعلي صوتو وعيونو تدور بطريقه مفجعه ايش احسااسوو يالطيف يخوف الي مايخاف
حطــت الطرحــه الخــفيفه ع راسهــا ولفتها باهمــال ونوص شعرها برهـ سواء من قدام او مــن وراا
شالت الشنطهـ الرماديـه والي برضو فاشختها من اهداب حطتها علي كتفهااا وشالتـ جوالهااا وخرجت علي بــرهـ
: ماما اشوفكـ لمــا ارجــع
صفــاء وبالها مع التلفزيون : طيب ماشي
زهاد اتوجهــت للبابــ الصــغيرر وهيا تزبط لتمتهــا : طيب تبو شي اجيبو معاياا
صفاء من جوا : لا سلامتكــ انتبهي علي نفسك بس
فتحت البابــ وخرجــت وهيا تعلي صوتها : طيب سلام ماما
صفاء فجاءهـ : زهاد زوزو زوزو
رجعت خشت جري : نعم ايش في ماما
امها بدهشه : اشبك مفجوعه مافي شي بس اتركيلنا فلوس نشتري غدا انا واخوكـي
: ماما ما معاياا كلو اندومي ولا مكرونه ولا أي شــي
: لا مشتهيه من البيكـ اليوم
: يالله ماما الي معياا كم ريال لا تخليني اطيرها عليكي وعلي ولدكـ
امها تولع السجارهـ بلا مبالهـ : قلتلك اتركي فلوس للغداا
وهزت بكت الدخان : والسجاير خلصت كمان
زهاد تطلع محفظتها : ماما كولها كم ريال اشترو الغدا الي تبو واذا بقي اشتري سجاير مالي دعوهـ
رمتلها الفلوس وخرجت : يلا سلام
نزلت الدرج بشويش وبلكاعه تحب تلطع سعيد دايم
خرجت من العمارهــ ولبست نضارتها الي تقليدها نمـبر عــشرهـ
اتوجــهت لسيارهـ سعيد دقت القزاز : هي سعيد
رفع المقعدهـ بســرعه وصلح جلستو : مانمت والله
: افتح افتح
: مفتوح
: انزل افتحلي البابـ ياخــي
: زوزو والله نعسانـ
قربت للبابـ وطقت علي القزاز : طيب سماح المرهـ دي
اتمغط وحكحك عينو : طــيب اركـبي
فتحت الباب وطلعــت ورا : يلا مشينا لا اتاخــر
لف عليها يتاكد : اما جالسه وراا
: يب دحين موعد انصراف الثنوي اخاف قصــو ينتبه
رفع حواجبو بدهشه : هوا انتي تخافي من احد ولا تعملي حساب لاحد
مشقت في : اقول سوسو حرك لا نتاخــر
لف وشغل السيارهـ ومــشي : اقلكــ تسمعي شي
: لا لا خــلينا مرووقــين
: طــيب
سحبت شنطتها وخرجت منها الشنطه السودهـ المتوسطـه الي جوتها الاي باد تبع الدكتور
خرجتوو وشغلتو علي امل انو يشتغل او شي
لكن من يوم اشتغل طلعتلها الشاشه لونها موف والاركان لونها اخضر ضارب علي صفارررر
زفرت بطفش وقفلتو ورجعت رجعتـو في الشنطــه وهيا تتنهد وتحاول تفكر كيف حتدبر الفلوس
انتبهلها سعيد : اممممم ليش جايبه معاكــي الجهاز وهوا خربان
رفعت كتوفها وبالها مو معاها : مدري قلت ادي لدكتور وخلاص
سعيد اتعجب بعدين ضحك : ههههههههههههههههههه اما للدكتور
رفعت عينها علي وهيا مستغربه من ضحكتو : ايوه هو حــ....
مسكت نفسها في اخر لحظه كانت حتفرطلو الاكو والماكــو : لا ياهبل واحد دكتور قد جهازو طاح في المويا فقلت اوديلو هوا يمكــن يشوفلو حــل
: ياماما المحلات الي روحتها امــس من احسن محلات الاجهــزهـ ومدام قالو مافي امل انسي
: لا في امل
يهز كتفو : يعني مستغرب دام رصيدك في البنك داك الرقم الفلاني الي دايم تقولي عنو ليش معزبه نفسك ماادري ماتروحي تشتري واحد جديد وخلصنا
عايشه الكدبه : انته اهبل سوسو الفلوس الي في البنك ماني صارفتها علي تفاهات بشترري فلتي الخاصه قرريب
هز راسو بعدم تصديق : اها اوك الله يعينكـ سويلي غرفه عندكـ طــيب
: يب جنب الباب
سعيد بتناحه : ليش
سبلت بعيونها ولفتها للجه التانـيه : ولا شي شغل تو باكــ
: فجاءهـ تو باكـ
: يب شغل ياخـــي وانت ساكــتــ
لف عليها : زوزو لــيش احيان كدا تكلميني من طرف خوشمكــ
زهاد فرصعت عينهااا بطريقه خلتو ينفجع : لا قصــ ....
: طول قدامك يا سعيد
غطت يدها بوشهــا تحاول ماتشوف أي الي ممكن حيصيرررر
سعيد ضغط فرامل بسررعه والسياره وقــفت لكن مو بسبه الفرامل وقفت لانها صقعت في السيارهـ الرياضيه الكشخه الي قدامهم
زهاد نزلت يدها وحطتها علي قلبها : سعيد ايش سويت
سعيــد نزل من السيارهـ منهار علي سيارتــو : ايش ايش دهــ
زهاد فتحت الباب ونزلت هيا كمــان بعد مافكت لتمتها تحس انها انكتمت : عسي خــيررر
رفعت عينها وطلت في السيارهـ واشبو صاحبها مانزل الين دحــين
مادامت تسائولاتها و راحـت في عالم اخــر واحلام ورديه وتتخيل الفلوس تطاير حولينها من كل مكان من يوم انفتح باب السيارهـ
وخرج الشاب الي باين علي في منتصف العشريناتــ لابــس تــوب ابــيض وجلست تفكر كيف تشبكو
لف وشــو عليهم وزهاد انهارت احلامها .. لا مو توب ابــيض بدله سكروبس وفوقها المعطــف
شهقت بصوت راخــي لما استوعبت انو نفسو الدكــتوررر الي خربتلو حهازززو
سك بابـ السيارهـ بعــصبيه وشد قبضة يدو يحاول يتماسكـ ومايطيح في الاحوال الي صقعو ضرربــ
قرب وملامحو يكسوها البرود بعكس الي في قلــبوو
رخا نــفســو وطــل في السيــارهـ وفي الصقــعه الي ما تعتبرررر مــرهـ قويه ولا مرره خــفيفه بين البين
وقف وطل في سعيد يستنا يقدم تبريرر
سعيد انسان مايحب المشاكل رمي ابتسامه لكاسر : ننتظر المرورو
كــاسر يطـل في ساعتــو بلا مباله ويرجع يرفع نظراتــو علي سعيد : اشلون صلحت كذا
سعيد : كونت لاف وجهي معليش ما انتبهـت مستعد ادفعلك التعويض
كاسر اتلفت في الناس الي بدو يتجمعــو ورجع طل في سعيد : وشلون ما تتنتبه تخيل حد تضرر
: الحمد لله ماحد تضـرر
اتزكــر زهاد لف بســرعه : زوزو اتعورتــي
تنح لما ماشافهاا : زوزو
مشي للسيارهـ : زوزو عسي ما اتعورتــي
فتحت الشوباكــ بشويش : لا
كاسر ويحسب صار شي للبنت الي معا اتقدملهم وقرب للشوباكـ : شنو في حد تظرر
زهاد رفعت الطرحه غطت وشها بسرعه وغيرت نبره صوتها : لا بس وراي شغل ممكن نمشي يا اخ
كاسر يقرب للشباكـ ويدخل راســو جوا : انتي بخــيررر
بعدت علي جوا خايفه يعرفها بطريقه او باخري مع انو مارح يسويلها شي حتي لو عرفهاا : لا مافيا شي
كــاسررر يشمر اكمام المعطـف : انا دكتور اساعدكـ في شي
رفعت يدها ومسكت طرف الطرحه ولمع الخاتم النيلي الي لابستوو : لا شكــرا
سعيد فتح البابـ ودخل : زوزو اشبك توك كونتي بخــير
زهاد بعصبيه : ومازلت بخـير خلي يروح خلاص
كاسر سمعهاا بعد عن الشوباكـ وهوا يحاول يتزكر نبره الصوت الغجريه دي فين سمعها : اوكـ
سعيد خرج وسك الباب ومد يدو لكــاسر : اسف مـرهـ تانيه
كاسر طل في بلا مباله وطنشو وطنش يدو الي ماددها وراح لسيارتــو ركبها ومــشي
سعيد طل في يدو بتناحــه لكن سرعان ما استوعب الوضع رفعها وفرك وشوو وهوا يطل في مقدمه السيارهــ
الناس الي حولينو باصوات متفرقه : بسيطه
: الحمد لله
: اهم شي ماحد اتعور
: كويس في الحديد مو فيكم
: الحمد لله علي سلامتكم بسيطه
لف ووزعلهم ابتسامات مع ايمئاتـ خفيفه ورجع ركب السيارهـ : زوزو انقزي قودام
زهاد ماسكه قلبها مو عشان الحادث البسيط عشان الدكتوور وكيف دخل راسو من القزاززز وريحه
عطروو اتغلغلت في خوشمهاا
كيف كان هادي ورايق مع انو سيارتو مصقوعه وهناك في المستشفي علي اقل شي يطرطع
اتنهدتــ وطلعت الابتسامه علي شفايفها بدون ما تحــس
رجعت لعالم الواقع والتفت علي سعيد طلت في ملامح وشو الي علي قد نعومتها وحلاوتها مافيها أي جازبيه
سعيد مد يدو وهز رجولها : بنت زوزوو
زهاد بفجعه : ها نعم اشبكـ
سعيد بقلق : انتي بخير من جدكـ
: ايو بخير ايش حيصرلي يعــنــي
: اشبك مسرحه من اول بكلمك ما تردي زوزو انتي بخـير مو
رفعت عينها علي الساعه قدامها : يب بخـيرررر اتاخرت ترانــي يلا يا سعيد
: خلاص اهو قربنا من المستشفي اصلا
لبــست النضارهـ ولفت وشها علي الشوباكـ وطارت بافكارها لعند الدكتوررر

~~~~~~~~
A6baa fe al-7o0b
~~~~~~~~

مهند جالس وفي يدو بسكــوتــ وايدو التانيه ماسك فيها القلم الابيض وبيكتب بينات واحد من المرضي
حسام واقف ينز علي راســو كالعادهـ : طــيب ايش الحــل امس صحيت لقيت منها مكالمتــين
: طــيب ايش اسوي انا
: ياخي فكر معايا في حل
مهند يصقع القلم في الملف الي قدامو : حسام ياحسام خليني اشتغل
حسام زفــر بطــفش والمهم انو مايسيب مهند في حالو : طيب معاكـ فلوس ؟
: لــيش
: ابغا فلوس مفلس مامعايا ولا هلله !
مهند رفع عينو بتعجــب : فجاءه واحنا في نوص الدوام تبا فلووس
حسام عينو علي الدكتوره الي بتمتشي بمياعه وتطل في طلات هبله : اممممم أيـــوااا
مهند حــس انو حســام مو معا رفع نفسو وطل مكان ما حسام بيطـل ومشق بعد ما متر البنت وخلاها تشك في نفسهاا رجع جلس وكمل شغلوو
حسام زي المغناطيس راح ورهــا وهوا يمسد بيدو علي صدروو
البنت تلتفت علي وترميلو ابتسامات مادري ايش تبااا
حسام ياشرلها بيدو علي البابــ الرمادي المقــفل وهيا تبتسم وتهز راسهاا
وصل حسام للباب فتحو ودخل علي الدرج ووقف يستنها تدخــل
مهند ماشي وراهم ولما شاف البنت خشت مع حسام علي الدرج
زفر بضــيق ورجع للكونتــر وهوا يدعي لحسام في قلبوو
انتبه لاعناب جالسه وحاطه يدها علي خدها والظاهر انها وصلت الصين بافكارها
جــلس علي الكرسي التاني ورجع فتح الملف : دكتوره من متي انتي هنا
بدون ما تطل في : توي جــيت
: ايش صار علي المــريض ؟؟ ايش قالكـ دكتور مازن
زفرت ولفت علي : يقلي لا تتاكدي
مهند يهز راسو يستنها تكمل
رجعت لفت عينها علي الجهاز : وبس قال هوا مشغول بعدين يشوف ويقلي
مهند يرفع حواجبو بتعجـب : بس
اعناب بتحطيم : يس بس وانا الي كونت متحمسه
رفعت يدها لفمها وهيا تتخيل يمكن يكون هنا ولا هنا ويرجع يسمعها : يب وبــس
رجع يكمل تسجيل البياناتـ : اهــا الله يعــين
لفت وصارت تطل في يدو الي بيكتب بيها : انته تكتب با اليسار
هز راسوو : يب الي تشوفي
: من متي
ضحك ضحكه من ضحكاتو الحلوه : ههههههههههههه مــن اتعلمت اكتب
: ههههههههههه والله جد
: ايوه تخيلي لما دخلت الروضه الابله كانت تعلمني كيف امسك المرسمه بيدي اليمين وانا مااقدر امسكها ابد .. وان مسكتها ما اعرف اكتب بيها ابد لين نادت امي في يوم وامي قالتلها اني متعود اسوي كل شي بيدي اليسار
بستغراب : يالله كل شي
: يب حتي الاكل الين المتوسطه وانا اكل واشرب باليسار لكن دحين اقلمت نفســي
ترفع عيونها علي فوق : عارف انها تعتبر اعاقه
صقعها علي كتفها بالقلم : ماني معاق
بعدت عنو وهيا تضحكـ : هههههههـ لكن تعتبر اعاقه
فرفر شعرو بيدوو : يب ايو نو انا دكتور مو بس انتــي
بتفكـير : عارف انا اعتبرها موهبــه
سند نفسو علي وراا : عارفه انا اعتبرها موهبه متي لما اكون اقدر استخدم يدي اليمين واليسار بنفس البراعه
: اها صح
هز كتوفو : عارفه انا كل شي بيدي اليسار
ابتسمت : بس احــس كدا حــلو يعني اسبشل
رجع رفع الملــف : اسبشل مــين يابنتــي
: والله اســبــ
قطعت كلمتها لما انتهت لحسام واقف قدامهم وعيونو تلمع ومطلع صف اسنانو برهـ
حطت يدها علي صدرها : انته من متي واقف هنــا دكتور
حسام ويغمز بعينو : من زمــان
مهند عــصب منــو اكيد عمل عمله مع ابتاسمتو دي نادي علي بتهديد : حسام ؟؟
حسام لف علي مهند ورفع حواجبو وبنفس الطريقه ردلو : مهند ؟؟
اعنــاب : هههههههههههههــ اشبكم
حسام يغمز لمهند : ولا شي مواضيع بين الاصحــابــ
مهند لف علي اعنــاب : كمــلي
اعناب وتسنيم قررو يبعدو من أي مكان فيلو حسام وقفت وصلحت طرحتها : لا عن اذنكـ
ابتسم وهوا يتامل ملامحها الناعمه والي فيها لمحه ضيقه معقوله عشان مازن يب البنت حساسه مره الظاهــر
حركت يدها قدام وشو : هيييي عن اذنكــ مهند
فاق وسدحلها ابتسامه حــلوهـ خلتها تخق عندو : اذنكـ معاكــي
حسام ويكشـر : وانا مو عن ذانــي
رمتلو ابتسامه صفرا : عن اذنكـ دكتور
حسام وزي الاطفال : هوا مهند وانا دكتور مالي اسم يعني
اعناب كشـرت وشددت علي اسمو : عن اذنكـ حسام
مهند : دكتورهـ اتفــضلي
لفت اعنــاب عنهــم وراحت وحسام بيطل في تفاصيل جسمها وبيفكر في افكار شيطانيه
مهند بداء يعصب من حركات حسام : حسووم
حسام لف علي مهند : هاا
يحاول يجبها بطريقه ما تزعلو : اممممم حسام فاكر لما اتخرجناا
حسام سرح بافكاروو : ايوه افتكر طبعا تونا متخرجــين تباني انسي
مهند مكمل يزكرو : اممممم طيب فاكر حفله التخرج ؟؟
حسام ابتسم : أيــوهـ فاكر اشبك تسال من جدكــ
مهند يهز راسوو : ايوه مــن جدي امــا
حسام فجاءهـ ضحكـ : ههههههههههههههههههه تحاول تزكرني لما مشيت بكل ثقه وروب التخرج شابص في بنطلوني من وراا
مهند لما اتزكر الهرجه : هههههههههههههههههههــ لاوالله هههههههههههه بس حلو زكرتني كان شكلك كسيف
حسام : ايوه ايووهـ .. سترني ربكـ لما لحقني محمود شرقااوي يالله ايش صار علي
مهند بتفكــير : راح ياخد التدريب برهـ دهـ الي سمعتــو
حسام يمشــق : والله الواد فكــر لو اني اخد التدريب برهـ كان احـــــي علي شغلكـ
مهند رفع عينو عن الارواق ورجع اتذكر ايش كان يبا يقول : حسوم كمل معاياا متزكر بعد المسيرهـ لما وقفناا
حسام كــشر لما حس علي مهند ايش يبا يقول
هز راسوو وهوا عاقد حواجبو : يب فاكــر
مهند يرفع عينو ويطل في عين حسام : فاكر لما كل واحد كان ماسكـ المــصحف ويقسم بالله
حسام جسمو كش واتقشعر وهوا يتذكر القسم مــشق في مهند ولف عنــو : رايح اشوف شغلي
مهند رفع يدو ومسك حسام : حسووم سوي شغلكـ وساختكـ واي شي برهـ المستشفي ؟؟
حسام يحاول يسحب يدو من مهند وعصبيتو وصلت حدها : مهند فك يدي
مهند وحزنان علي وفي نفس الوقت معصب من حركاتو : حسوم حبيبي انت اقسمت دهـ شغلكـ تعرف ايش يعني القسم انت هنا تشغل وبــس واقسمت علي دهـ الشي والي انت بتسوي دحــين مــ
حسام وصلت معا نفض يدو من يد مهند بقوه خلت مهند يقرب يطيررر : مهند انت فاهم ني اصلا انا داخل الطب كلو ليش
مهند يفرك كتفوو الي يحسو انخلع : فاهم فاهم لكن مايمنع اني اكلمكـ وانصحكـ سوي الي تبا بره المستشفي بعد عن المرضي بعد عن البنات بعد عن الدكاترهـ يا حسام وخصوصا بنات القروب بعد
حسام بين اسنانو ويعيد كلامو : انت عارف انا داخل طــب ليش ؟؟
مهند يهز راسوو : ايوه عارف وجا الوقت الي تغير اهدافكـ .. انت اقسمت ياحسام
حس بطنو تمغــصو ورجعتلو الزكريات الاليمـه وحس بخوفـ فجاءهـ طل في مهند طلاتـ ضعـف .. يفهمو بيها .. مو بيدي دهـ الــشي ..
لف عنــو وراح بدون ولا كلمه زيادهـ
مهند زفــر وفرك وجهو بيدوو .. وصار يتمتم : حــسام

~~~~~~~~
A6baa fe al-7o0b
~~~~~~~~

~~~~~~~~
A6baa fe al-7o0b
~~~~~~~~

وقــف الســـيارهـ في المواقف وهوا معــصب من الصقعه الشبه بسيطه الي وراا
قفل المسجل وزفر بطفش يحس انو اشتاق لرائد مــرهـ
كـشر وهوا يفكــر من يعبد رائد تتهافت علي المشاكل وتتخربط الاموررر لا يكون رائد رجل الحظ تبعوو
نزل من السيارهـ وهوا يبتسم علي افكاروو
لف ورا السيارهـ واتكتــف وهوا يطل في الصقعه ومكــشر ويحاول يفكـر علي مايرسلها للوكاله وعلي ما تتصلح وترجع ومدري كـيف .. يالله جاتو شغله هوا في غنا عنهااا
طلع الجوال من جــيبو وطلب رقم رائد وتكا علي السيــارهـ
رائد بلهــفه :هلا شلونكـ كاسرر وش مســوي شولن اموركـ
كاسر ابتسم واتسللت الراحه النفسيه لصدروو واخدلو نـفس يحس صوت رائد يجددلو الامل في حياتوو
: انا بخــير رودي انت اشلونكـ متي بتجي للجدهـ
: ههههههههه توني مارحت منها وتسال متي بجي
زفرر : انزين اشلون الرياض واشلون الجوو
: ابد مادري عن شي من وصلت نمــت ولما صحيت جالس بالبيت لسا ماشفت شي من اموري
كــاسر بعصبــيه : ومتي بتقوم تشوف اشغالك تبي تعطلني يعني وتطول الاقامه بالرياض ؟؟
: انا القها منكـ ولا من الوالدهـ ولا من خواتــي
: اوما
: ايه الوالده تقول مانت براجع جدهـ مره ثانيه والوالد نفس الشي وخواتي يصيحون لمجرد الفكرهـ وانت هنا تصارخ شنو اقص روحي اثنين واحط واحد عندكـ والنص الثاني بالرياض عند هلــي
كاسر بلا مباله : وش ذنبكـ دام الي يحبونك كثارر
رائد يتنهد : ايه وش ذنبي لا صار قلبي نصفين واحد عند هلي والنص الثاني عند كل هلــي
كــاسر ومايبغا رائد يتركـ اهلو ويجي يقعد معا وفي نفس الوقت مايبغا يجـلس لحالو بدون رائد
يصرف الهرجه دي الي توترو : رودي صارلي حادث قبل شووي
رائد بفجــعه : اما شولن كـيف انت صارلكـ شي
يضحكـ ويخفي الي في قلبو : لو صايرلي شي تتوقع بكلمكـ الحــين ؟؟
: شنو صار تكلم كسور
يدخل يدو في جيب المعطــف : ابد واحد كذا من الخلق الي ربي معطيهم عين ومايستخدمونها داقني من الخلف اعمي سلامتكـ
: عسي ماصرلكـ شي كسور
: لا ابد كاني ازقح مثل الفراشه
: هههههههههههـ دوم ياكسورر
حس مافي شي تاني يقولو : زين بقفل الحين بدخل للمســتشفي
بستفسار : ليش انت وين رحت .. ؟؟
: رحــت للبيت عملت حلــيب ورجعــت
رائد بفجعه : يالله مشيت كل ذيك المساافه عشان الحــليب زين استاذنت ولا
رفع يدو للساعه : ايه عشان الحليب وما استاذنت ولا شي والظاهر اني تاخــرتــ
رائد حس انو لازم يرجع للكاسر مايقدر يدبر نفسو بنفــسو مو متعود يعمل شــي ولا يسوي شي
بختصار مو متعود يعيش لحالوو : كسوور روح للمســتشفي الحــين واول ما تخرج تحاكيني
: زين فمان الله
قفل الجوال ورجع لعالم الضياع الي هوا فيلو
فتح باب السيارهـ وخرج الترمزهـ الكــبيره الي معبيها حــليب ودخــل علي المستــشفي
طــل علي الكونتــررر واتزكــر البنت فينها ليش ماجات الين دحــين
اتوجه للمــصعد الي عندو زحمه لدرجه غريبهـ شاف اشكال الناس الي ناوين يطلعو جالو احساس بالكتمه
لف وراح للدرج طلع بخطواتـ سريعه ليــن وصل للغرفه الخــاصه فيهم ...
دخــل وحط الترمزه علي الطاوله شال الكــوب النيلي بحماس وهوا مطلع طرف لسانو علي بــرهـ
صب الحليب في الكووب وصار يطل فيلو بتلذذ وعيونو قلبت نجووم
رفعوو لخشموو وصار يشم ريحتوو بستمتاع
خــرج من الغــرفه وابتاسمتو علي طرف فمــو ..
قابل حســام في وشو وسرحــان والظاهر بالو مو معاا
كاسر رفعلو الكــوب : سلام تبي حــليب
حسام طنــشو لان اخلاقو قافله دخــل علي الغــرفه ورقع البابــ ورا بــقــوهـ
كــاسر طل في البابــ ثوانــي ورجع رفع كتوفو بلا مبالهـ
وصار يرشــف من الحــليب بستمتاع وهوا يفكــرر في جهازو وفي البنت ليش ماجات الين دحين
مش وهوا يايد نفسوو علي نظرتو ليها وانها من البنات المستهترات واضح عليها فاكيد تتاخر عن الدوام مايبالهاا
اتوجه للقسم يشوف الاوضاع والامور وهل احد لاحظ غيابو ولا
وصل للكونتــر وطل في مهند وكــشر : سلام مهند انت لاصق بالكرسي ولا شنوو
مهند زفــر : لا ابد
: لا قبل اروح وانت جالس في ذا ورجعت وانت بعد جالس شنو تسوي ؟
رفعلو الملفاتـ : العب ايش بسوي بشوف شغلي وتقاريري
: مابوه شغله ابد غير ذا الي انت تشتغلها
رفع راسو لكاسر وزفر يعني انا انسان مافحيلي اهرج : ايوه مافي
كـاسر رفع حواجبو بستغراب : عسي ماشر شنو فيكم انت وخويكـ كل واحد مقفله اخلاقه
رفع عينو بسرعه : شفت حسام
: ايه فوق بالغرفه اكلمه مايرد
مهند زفــر ورجع حاول ينهمكـ مع شغلو علي الجهــازز : طـيب
: شنو في شي صاير شــي الله لا يقول
يهز راسوو : لا لا تحط في بالكـ
: زين سال عني دكتور مازن او حد او شي ؟؟
يهز راسو بالنفس الطريقه الي تحسسك انو الشخص طفشان واي سؤال زيادهـ حيقوم يلطشكـ
: لا يسئل عنكـ لــيش
حط الكوب علي الطاوله وخرج المشط النيلي الصغير من جيبو وبدا يمشط شعرو : مادري انا تاخرت قلت يمكن لاحظ غيابي
مهند بتريقه : علي اساس انو المستشفي قايمه عليكـ
كــاسر وقف من التمشيط وطل في مهند : شنو فيكم ياخــي صايرلكم شــي
مهند يطلع ابتاسمه صفرا لكن حلووا رغم ذالكـ : مافينا شي ياخـي
كاسر رجع المشط في جيبو وشال كوب الحــليب : زين
لف وترك مهند حايس مع افكارو ونزل للدور الارضي واتوجه للاستقبال وهوا عاقد حواجــبو
كــشر من يوم انتبه لزهاد كدا يحس مجرد شكلها يجبلو انزعاج داخــلي
وصل لهم وحط الكوب علي الطاوله زي دايم : السلام عليكم
زهاد رفعــت عينها علي وابتسمت طوالي ووقفت : وعليكم السلام دكتور اهلا
كاسر بتعجـب يطل فيها ويحاول يفهم سر الابتسامه دي الي علي وشها
شافتــو ساكــت وعيونو بدور في مكانها : امم مسائكـ كل شي حــلو
رفع حواجبو بزيادهـ وقرر يسئلها ويختصر : وين جهازي ؟
رخت يدها وشالت الجهــاز ومدتو لو باكبر ابتسامـه : اتفــضل
بصوت راخي : شنو ذا الابتسامه
قدمت راسها : قلت شي دكتور ماسمعت
هز راسوو بدون اهتمام ورجع طل في الجهاز وبستنا يشتغل
اتحولت ملامح وجهو لتحطيم وياس وصدمه لماشاف الوان الشاشه كــيف مــسويه
: يالله شنو ذاا
زهاد في قلبها يارب مايعصب عليا يارب مايعــصب
ربي ماستجاب دعوتها لان كاسر رفع عينو عليها : شنو ذاا
زهاد بخوف : قلتلكـ هوا طاح في المويه وانعدم
قالت كلمتها ورجعت علي ورا عشان لو فكر يصقعها كف ما تطولها يدينو
زفر ولف وشو عنهــا ورجع طل فيها : انتي ودتيه وقالو لكـ مابوهـ امل يتصلح
تهز راسها بخــوف : ودهـ الي صار ..
: وين فلووس الجهاز زين
خدودها حمرت ورفعت عينها علي فووق : شوف دكتور ماما سحبت بطاقتي كنوع من العقابــ لما ترجعلي هيا علي طول اسلمكـ فولسكـ اوكــي
طل فيها بعدم تصديــق ورجع طل في الجهاز وهوا مستصيب : طـيب
رفعــت بدها للطاوله : دكتور بجد اسفه لكــن اصبر علياا
طل في يدهاا بستغراب وهوا يكشر يحاول يتزكر الخاتم .. اتسلسلــت الزكرياتـ فجاءهـ
: انتــي ؟؟
زهاد بفجعه : ايش
ياشر عليها ويحاول يتاكد : انتي كنتي بالسياره الي اصدمت فيني قبل كم ساعه صح
زهاد انفجعت كيف عرفها غطت وشها من شافتوو
انكرت علي طول : لا أي سيارهـ واي حادث ماصارلي شي الحمد للهـ
رفع كتفو يمكن يكون غلطان لف عنها وهوا يصقع في الجهاز ويطفي ويرجع يشغلو
مو مستوعب انو الجهاز انتهي خلاص وكل شي فيلو راح في الباي بااي

~~~~~~~~
A6baa fe al-7o0b
~~~~~~~~

لابــسه عبايتهــا وجــالسه علــي الكــرســي تستنا الســواق يــشرف
طفــشانه . نعســـانـه . جيـــعانه . واي شــي ..
جمــانه ماشيه بــسرعه ولابسه نضارتهــا الشمــسيهـ . انتبهت لحــنين جالسه كدا لحالهااا
وقفت قدامهاا وفسخت النضارهـ ..
: سلام حنوو
حنين رفعت عينها لجمانه ورجعت نزلتها بــسرعه : وعليكم
جمانه مستغربه اشبها تكلمنــي من طرف خوشمها : امممم تستني سواقك
حنين وبالفعل من طرف خوشمها : ايش شايــفه ؟؟
جمــانه كــشرتــ : اممم ندي هناكـ تحبي اناديلكـ هيا ولا تروحيلها لان امم خلصنا محـ ..
قاطعتها : اعرف اوصل لندي لو ابغها !!
جمــانه عــصبت منها لبست النضارهـ : طيب عن اذنكـ
حنين اكتفت بانها تلف وشها عنها وماترد عليها
خرجت جمانه من الجامعه واتوجهت لسيارهـ الرماديه الي واقفه قدام البوابــه ركبت وسكت البابـ بقوهـ
وسام شهــق : لا تكســري الباب سيارتي جديدهـ
جمانه فسخت النضاره ونزلت الطرحه علي كتفها : مساء الخــير
حرك السيارهـ : مساء النور ليش الحلوين معصبين عسي ماشررر
جمانه تكرمش المسفع بعصبيه وترمي جوة الشنطه : في بناتـ في الجامعه تافهين
وسام يغمزلهـا : قولي مــين التافهــين دولــي وانا اوريكــي فيهم
: بنت حمارهـ ياخــي اكلمها تردلي من طرف خوشمهاا ومحسستني انها الشريفه وكل دهـ عشاني اعرف اولاد
رفع حواجبو بدهشه معها حق : طيب طنشيكي منهاا
: لا اصبر عليا والله لا اتعرف عليها واجرها معايااا لدهـ الطريق عشان نشوف من الشريفه اخر شــي
وسام انفجع منها : ول ول يابنتـ اتركيها مع نفسهاا
: لا جالسه توسخ سمعتي في الجامعه في كل مكان تهرج عني ومابقت احد ما قلتلو انو حمانه تخرج وتديت مع شبابــ
يهز كتوفو : طيب ماقلت شي غلطـ
جمانه رفعت يدها وصقعتو علي راسوو : وسام لا تعصــبني
: هههههههههــ نمزح يا جوجو مانمزح يعني
: مزاجي مو رايق لمزح اوكــي
يفرك راسوو بيدو : اوكـي ولوو
تحط يدها تحت دقنها وتفكـر : اقلكـ ياخــي افتريلي فيهاا
: تعرفني ماني حق الشغلات دي اعرف بنات برضاهم غصب عنهم مالي في الامور دي
جمانه لفت علي بحماس : فاكر صاحبكـ هداكـ الي قلت عنو انو يكره جنس البنات وهمو يدمرهم ويدمر سمعتهم
وسام ويفكــر في حسام ولاي درجه هوا واطــي : ايوه فاكرو اشبو لا لا تقولي والله الواد دهـ منتهي
مسكت يدو بترجــي : قلو عليها خلي يجيب راسها ياخــي
يحرك يدو : لو قلت لها علي مو قلتي تكره جنس الرجال كيف حترضي تكلمو اصلا
: مادري باي طريقه خلي ينهيها
يرفع حواجبو : اما اما اما ياجوجو لا تصيري حقودهـ .. عشان كم كلمه تبي تدمري مستقبلهاا ؟؟
: مابا ادمر مستقبلها ياشيخ بس ابغا يكلمها ويطرها تخرج معاا ووقتها ماتقدر تهرج عني
وسام يهز كتوفو : اكلمو متاكد انو مارح يرفض انتــي هاتي اسمها ورقمهاا
: اممم فريرهـ سجل
وسام طلع جوالوو : هاتي
: خد 055 ...........
حسام سجل الرقم وحفظ الرقم وسجل علي : البنت حقة جوجو
جمانه طلت في الاسم : ههههههههههههه اسمها حنين اما حقه جوجو
: هبله انتي تبيني اكتب حنين بكره النهار افتح الجوال وخديلك علي ما اتزكر مين حنين كدا احسن حعرفها علي طول ومن اقابل حسام حقلو عليهاا
: طــيب مــاشي يلا فين حتوديني
: فين تبغي تروحـــي
: شـــوف

~~~~~~~~
A6baa fe al-7o0b
~~~~~~~~

خرجــت من الغــرفه وهيا حاضنه الروايه وعاقدهـ حواجبها دليل الانهمــاكـ في التــفكــيررر
انقطع حبل افكارها علي طول لما شافت ماجد قدامها جسمها اتقشعر وكــش لما شافت دانه ماشيه وراا ولي يجيب القلق الابتسامه الي علي شفايفهم وعلي فين رايحين يا ترري ولا من فين جاين ..
ماجد اتكتف : دكــتورهـ
رفعت النضارهـ من الطرف وهيا تتحاشا تطالع فيــلو .. : دكــتور
: علي فين
رفعت حواجبها بدهــشه لا بدو يحاسبني كمان فين اروح وفين اجي اكتفت بانها تطل فيلو طله استنكار لسؤالوو الي مادري ايش يبا
ماجد ما اهتم للنظرهـ في عينها ورجع كرر سؤالو : علي فين يا دكتورهـ تسنيم
مشقت : خلصت شغلــي ..
: فين بهــاء
رفعت كتوفها : فين حيكون يعني جوااا
رفع يدو للساعه : أيــوهـ
رفعت حوجبها : أيــوهـ
مــاجد يبا يتحركش فيها وبــس : ليش خرجتي قبل مايخلص كل شي بهاء ؟
فركت جبهتها تحاول تفهم اشبو بيسوقها : هوا طلب مني اروح ؟! ممكن تدخل وتخاصمو هوا ؟؟
دانــه من طرف خوشمها : يا دكــتورهـ .. لازم تجلسي مع المريض لين يخلص كل شي
تسنيم رفعت عينها علي دانه واكتفت بانها تطل فيها طله قررفـ فهمتها علي طول وكمان فهمها ماجد
دانه : ايش
تسنيم : ممكن لساني مايجي علي لسانكـ .. ؟؟
ماجد طل في تسنيم بعصبيه وقرب خطوتين منها ورفع اصباعو بتهديد : قلت لكـ ماشفتـي شي لانو لو شفتي شي مو في صالحكـ
رجعت علي ورا خطــوتـيــن .. : انــ...
انفتح بابــ الغرفه وخرج بهاء وهوا يلبس الجاكيت الابيض علي فنيلتو الكت الي لونها ضارب علي صفار
واستغرب من شكلهم
خصوصاا لمــا انتبه لماجد كيف مقرب من تسنيم ورافع اصابعو بتهديد وابتاسمه دانه مايدري ايش تبا في دهـ الوقتـ
حرك عينو بينهم التلاته يستنا تفسيررر
ماجد لف علي بهاء وابتسم يرقع المووضع : بهاء صحه وعافيه
بهاء يطل في تسنيم الي مكشرهـ ويرجع يطل في ماجد : في شي
ماجد يرفع عينو لتسنيم بتهديد مع ابتسامه في نفس الوقت : طبعا مافي شي كونت بوضح للدكتوره بعض الامور بعد ما سالتني كم سؤال بخصوصكـ
بهاء يرفع حواجبوو ويطل فيها : ليش ما تساليني
تسنيم ماعرفت ايش تقول : امم اممم ااااا انته دكتور لا ؟؟
ماجد ماقدر يمنع ابتسامتو : صح انا الدكتور وتسالنـي انا
دارت بعيونها عليهم : توصو شي قبل امــشي ؟؟
بهاء يحرك عينو بدون مايهرج ماجد يرفع اصابيعو : لا اتفـضلي واكتبيلي تقرير عن حاله بهاء
لفت وطلت في بستنكار : تقرير
بهاء بنفس الاستنكار : تقرير
ماجد مايدري تقرير ايش لكن هز راسوو : أي نعم تقرير ايش صار في الخمسه ساعات الي جلستي فيها مع بهــاء ايش لاحظتي ايش صار من تغيرات كيف كان وضع الجهاز أي شي الموهم يجيني تقرير
بهاء رفع حواجبو : ماجد تمزح
تسنيم هزت راسها : حاضر دكتوررر
ماجد : قبل لا تخرجي ابغا اشوف التقرير ؟
تسنيم تطل في الساعه : بــس انــ ...
قاطعها : قبل ما تخرجي يا دكتوره تسنيم
هزت راسها وهيا تحاول تكبت عصبيتها : انشالله دكتور عن اذنكـ
مسكت طرف طرحتها ورفعت النضاره علي عيونهاا ومشت تاركتهم وراها يطلو في بعض طلات تعجب
ايش لاقين في بعض ما ندري
دانه اول واحد فاقت من التناحه مشيت بخطوات سرريعه وقربت من بهاء : اساعدكـ استاذ
بهاء ويسدحلها وحده من ابتساماتو الحلوهـ : تسلمي دانه
ماجد ومعصب مايدري ليش : دانه اتفضلي علي شغلكـ
دانه هزت راسها بعد مارزتلهم ابتسامه صفرا : عن اذنكم
لفت من هنــا وماجد لف وراهــا : مشينا بهاء
بهاء سرع خطواتو لين وصل لماجد : خير اشبك
: مافيا شي
: اشبك تكلم الدكتوره الكتكوته كدا
ماجد لف علي : ليش كيف كلمتها
بهاء يرفع اصباعو ويحول عينو يقلد ماجد : كدا احسك فجعتها هيا كدا باين عليها خوافه
: ويعني خوافه ما نتعامل معها كويس
: ايش دخل التعامل الكويس دحــين مابقي شي علي الدوام وينتهي ورازها عندي مخليها تاركه اشغالها واخر شي تباها تسوي تقرير رغم انو اول مره اسمع تقرير لحاله زي حالتي وفجاءه تبغا دحــين ايش كل دهـ
ماجد يفكر من جد ايش يقصد بتصرفو كدا معها بالعكس كدا يمكن تطر تخبر عنو او تشكي او تتكلم لاحد او يمكن لما تكتر جلساتها مع بهاء تقلوو او أي شي .. لكن لو عاملتها كــويس يمكن بجد ماتعتبر نفسها شافت شي .. زفر وهوا يلعن نفسوو ويلعن دانه في نفس الوقت وحتي تسنيم لعنها مع انو ايش لها دخل مايدررري ..
فاق لما بهاء صقعلو كتفو : ياخي بكلم نفسي انا هنا ؟؟
ماجد : خير ايش في نعم
: اشبك مستقعد للمدربه ؟؟
ماجد ينفخ صدرو : بهاء هما مدربين ومايجو الا بالعين الحمرا ..
: عين حمرا مين سياسه غلط دي وبعيدن روح حمر عينك علي الدكاتره المتدربين مو علي الدكتوراتـ
: كولهم واحد
: لا هما بنات ودي البنت بالذات باين عليها خوافه ياخي .. لاصقه في نهايه الغرفه كنو احد قلها اني اكل لحوم البشرر .. وغير كدا كمــ...
ماجد قاطعو : بهــاء لا تدخل في شغلي
: والله دحــين صار شغلكــ ..
وصلو لبوابه المستشفي ماجد يغيرالمووضع : خلاص انته روح ولا تنسي تاكل ولا تنسي الموعد بعد بكرهـ
بهاء : خلص الاجراءت
: لا توصي انا ايش عندي شغله غيرك وغير مراجعاتك واجرائاتكـ والجلسه معاكـ
بهاء يغمزلو : شايف الحياه بدوني صعبه . تيك كيــر .. وخف علي المدربين وخصوصا الكتكوته ديكـ
ماجد يفكر في تسنيم وتراودو افكار عجيبه : لا توصي انتبه للطريق يكفي الي فيك مانباك تجي بحادث
بهاء يحط يدينو علي بعض : فالكـ في سروالكـ ياشيح ..
طلعت ضحكتو غصب علي بهاء الي يخاف من الحوادث وسيرتها : روح روح ياعمي روح
: سلام
لف ورجع دخل المستشفي وافكارو عند تسنيم .. مو عارف كيف حيتعامل معها بعد ماشافتو بداك المنظررر .. طاحت كل الهيبه
.. الله يستر بس
.........
في غرفه المتدرباتــ .. دخلت تسنيم وقلبها فاير من تصرفات الدكتور ماجد .. قليل ادب وقح ولسانو طويل ويحب يتامر وفوق كل دهـ مفترررري .. يعني حبك التقرير دحين
مشقت وهيا ترمي المعطف علي الكرسي الاسود .. يالله ايش تكتب تقرير ايش يدريها ايش صار
كل الي تتزكرو انها بعد ماجابت الروايه قالت لبهاء هيا فين واقفه وبعدها اتلهو كل مين صار يقرا الي يقراا
وبهاء اخر شي استرخي وشغل ميوزكـ وراح في عالم اخــر
تكتبلو تقرير فيلو دهـ الشي يعني ولا كـــيف ؟؟

~~~~~~~~

~~~~~~~~
A6baa fe al-7o0b
~~~~~~~~

خــرج من غرفه الدكــتور مازن ورافع المعطف علي كتفوو والسماعات جالس يلوح فيها بكـل طــفـش
اتوجهـ للمصـعد .. ضغط الزر وتكا جنبو وهوا سايح في افكاررو .. او بالاحــري سايح في كلام مهند
.. ومعصب منووو اكتر شي .. كان يتوقع النصيحه دي من أي احد الا مهند
فرك جبهتوو .. مهند عارف كل شي عارف وضعي عارف نيتي لما دخلت الطب ليش يجي دحــين يسوي انو اليوم ولا امس يعرفني : اوف
دخـل المصعد ومالقا بال للبنت الي قداموو وابتسامتها علي وشهــا .. ضغط جي وهوا يزفر بضيقه مو طبيعيه
يحس نفسو يفسخ ملابسو كولها وكل جلدوو يمكن تروح الضيقه الي هوا فيها بسبه كلام مهند
.. خوفوو .. فوقــو .. ذكروو ..
خوفــو من الي بيسوو
.. فوقوو للواقع الي هوا فيلوو
ذكـرو .. بالقسم الي قالو وهوا حاط يدو علي المصحف
..
ماعمرو فكر في شي زي كيدا وماعمرو ادا اهميه لدهـ الشي ودايم كانت افكارو حول محور واحد
البنات .. والبنات .. ودمار البنات .. اشبو صار يفكر في شي تاني
زفر زفره طالعه من قلــب
زهــاد : امممم قول لا اله الا الله
لف عليها وبعد عنهاا وكنو بدو يسمع كلام مهند : لا اله الا الله
زهاد مشيت خطوتين وكعادتها لما تجي تواسي احد ماعندها الا الجمله دي : مافي شي يستاهل
حسام نسي كول شي في ثواني وهوا يتفحص صدرها بعيونو : كيف مافي شي يستاهل
زهاد وعارفه انو خق عندها وحبت تزودها حبتين بالابتسامه الي مطلعتها : اذا تحتاج تفضفض لاحد انا موجودهـ
وبدون تردد طلعت الكرت وادتلو هوا : اتفضل
حسام متنح يالله بنت لحدي وترقمني .. يابويا حريقه عليك يامهند وحريقه علي كلامك الي يوتر
سحب البطاقهـ : بيننا الو اكــيد
زهاد : بيننا الو ونشوف بعض دايم هنا
: انتي تشتغلي هنا
: ايوه في الاستقبال تعال صبحي علي ومسي كمان ههههههههههههه
: طــ ...
انفتح المصعد خرجت زهاد وخرج ورها حسام وهوا يفرك يدو بصدروو كالعادهـ .. كنو يحاول يهدي الي في داخلوو ..
مشي وراها وشافها دخلت وجلست في الاستقبال وابتسم ورفع البطاقه لخشمووو : احــي ..
اتوجه للبوابــه وهوا يفكــر كيف حيشبكها وكم يوم تحتاج وحتكون فوق سريروو وبين احضانو ياخد منها الي يبا ويضيعها وبكل ثقه يفتح الورقه ويكتب اسمها والتاريخ وانها البنت رقم كم الي خلص عليهاا وكم اخدت معا وقتــ
يب دهـ الي يهم حسام في حياتوو
خرج من المستشفي وراح للمواقف وعلي سيارتو طوالــي .. فتح الباب الخلفي ورمي المعطف والسماعات باهمــال وقفل الباب برجلو وهوا يغني اغنيه اكوون .. لونليـــــي أي مستر لونلي . أي هاف نو بدي .. وتحسو منطرب علي الاخــر
دخل السيارهـ وسك الباب .. وجلس ينغبر في السي ديهات يبغا سيدي اكون عشان يشغل اغنيه لونلي ..
رفع راسو لما سمع دقات خفيفه علي الشباكـ
شاف مهند واقف وحاط قدام وشو علبه الكولا ..
ابتسم علي في قلبوو ونزل القزاز ويمثل انو زعلان : نعم
مهند : امم حسام ياخي مو زعلان صح
حسام بلا مباله : لا ماقلت شي يزعل انته
: حسووم ياخــي علي عندي طــيب
يهز راسو : لا كل واحد علي عند نفسوو .. بلاش قلق
مهند يفرفر شعروو ودايم مايعرف ايش يقول لحسام لما يزعلوو .. لدرجه انو حسام هوا الي يجي يراضي
: امم طــيب بجي علي عندك
حسام رفع عينو وطل في طله يفهم منها انو انته اهبل ولا تتبهلل ولا تتبهلل : قلتلكـ بلاش قلق
: حسووم امممم . تعال عندي طيب
: ياخي ماتفهم انته روح بيتك واروح بيتي ونتقابل بكره تبا شي قبل ارفع القزاز
مهند وقف وكشر حواجبو وصار يهز راسوو بطريقه مؤسفه : لا كلمني لما توصل
حسام : واكلمك ليش مرتي ولا ام عيالي ؟؟!!
مهند : حسوم بلا هبل ..
حسام ماقدر يمسك ضحكتو : هههههههههههههههههههه مهند
مهند بوز ولف وشو رايح : مالك داعي سلام
حسام نزل من السياره وسحب مهند من قفا التي شرت : وقف اقول وقف
مهند لو مابدو يوقف مايقدر لان حسام زي ماقلنا اطول واعرض منو وهوا كل شي فيلو صغير : نعم ايش تبا
حسام يلف يدينو حولين رقبه مهنند ويصقع راسو : لا عاد تتفلسف وتساووي محاضرات فاهم
مهند : سيب كتمتني حاط باطك عند وجهي . اف
حسام ويرفع باطو علي وش مهند بالعانــي : لو انكتمت ماعندك مشاكل ابد احنا عند المستشفي
مهند عصب : حسام بلا مخنثه ياشيخ
حسام يشد علي رقبه مهند : مين مين مخنث
مهند وعصب من جد : حسام فك بلا مــ....*****
حسام سيبو : ههههههههههههـ حبيبي ابو هنود
: حبيبكـ في .**** بلا في شكللكــ .. تسمع بالترويش انتــه
حسام يستهبل : ايش يعني تروويش ؟؟
مهند يحك وجهوو الي زرق لانو كاتم نفسوو : بلا في شكلكـ سلام
حسام رجع لسيارتــو : مهند علي عندي الشبابـ يستنوننا
مهند يحس نفسو مكتوم : طيب طيب ادعي ربك ما اموت بسبب الريحه الي شميتها يالطيف ريحه فار
: ههههههههههه ماحد يموت ناقص عمرر لكن حدعيلك ولا تشيل هم كم مهند قصير نحيف عندي
: ههههههههههههههههههههههههـ ربي حيبليك ببزوره كولهم شبرين عشان تبطل تتريق
حســام يحط يدينو علي بعض : هههههههههههه دول بزورتكـ يا فقي >> ؟؟
مهند يمط بوزوو : حتزوج وحده طويله اطول شي عشان يطلعو البزورهـ عليها
حسا مكمل حـش : مين حترضي تتزوجكـ اصلااا . يمكن وحده في الابتدائي يادوبكـ
مهند : اقول حسوم حل حل عن سماياا لا اجي اركبكـ
حسام قطع المسافه الي بينهم بخطوات سريعه وصل لمهند وضمو بقوهـ : هههههههههه حبيبي ابو هنود
مهند يطبطب علي ضهــر حســام : مشكلتك من تقول حبيبي ابو هنود انسي كول سخافتك
: ههههههههـ يجي ..
: يلا نتقابل
: انشالله
لف كل واحد علي سيااارتو وكل مين هايم بافكارو
حــسام علي طرف فمو ابتسامه ويتنهد . وهوا يتخيل كيف حتكون حياتو بدون مهند
ويحس انو لو لا الله ثم وجودو في حياتو مايدري فين كان وصــل
مهند في افكار مــرهـ غير .. يفكر كيف هوا عكــس حسام في كل كل كل كل شي تتخيلو حتي ابسط الحجات مع ذالكـ هما قراب لبعض اقرب من اقرب احد
دخل سيارتـو وهوا يتسال .. كــيف كدا ..
كيف نكون اصحاب من الصغر واحنا عمرنا ما اتفقنا علي شي ولا عمرنا حنتفق علي شي
هل الصداقه .. زي الحــب .. الواحد يطيح فيها بدون مايدري .. هل الصداقه عمــيه ..؟؟
سك باب السيارهـ وهوا يتنهد ويفكر انو سؤالو مالو جوابــ ..

~~~~~~~~~~~~
دوري اسئلكم .. هل الصداقه عميه .. زي الحــب .. ؟؟
نهــايه البــــــــارتـ .. الرابــــع
اطبـــــاء في الحــب ..
قطعه شوكلاتــه ..

~~~~~~~~
A6baa fe al-7o0b
~~~~~~~~

[ 5 ]

اطـــــــــباء فــي الحـــب ... ... ...

~~~

صعب حين لانملك الحق في الحلم

حين نغلق اعيننا ونغوص في عالمنا بعمق ونحاول محاولات يائسه للبحث عن شخص نتخاطب معه

او ذكرى .. او ..

لكن لانجد سوي انفسنا في ظلام حالكـ وسط الا شيء

والمثير للشفقه حين نتوقف ونحس بالوحدهـ ولانعلم لمن سنتوجه

فالحقيقه والواقع لاتساوي الاالقساوه

~~~

طــفشــان .. زهفــان .. جــيعــان .. ونزود عليها .. نفسو مسدودهـ عــن كــل شي

قام عن الســريررر وهوا يفرفرر شعروو بيدوو ويشدوو .. كنو يحاول يطلع الي جواتو من طفش وزهق واحاسيس تانيه علي حبات الشعر البريئه

فتح البـــابـ القزاززي .. وخرج علي بــرهـ

مشي بخطوات بطيئه مــرهـ واخد فترهـ طويله علي مايكون قدام البحــرر

شد الفنيله وضم يدينو لبعــض وجلــس علي حــافه الدرجـ .. والي قدامها البحــر علي طول

ســرح بافكــارو للرياض .. لابو لامو .. اخوانــو اصحابوو .. فاقدهم بــقوهـ .. فاقد العيشه المترفه .. فاقد الدلع .. الحنان ..

فاقد الحنــيه .. فاقد لمــسات ايد الوالدهـ ..

فاقد .. العب .. الصياعه .. الا مــباله ..

كــل شي اتغير .. كان متوقع الامور حتكون ابسط من كدا بكتــير .. لكن بداء يحــس انــو مو متحمل الوضع .. وزود علي الدوام .. والتطبــيق

فركـ وشو بيدوو .. ورجع حول افكارو عند اصحابوو في الرياض .. درس معاهم سته سنــين .. اتخرجو مع بعض .. اتفقو وخططوو .. فين يبو يدربو مع بعــض .. وخططو لمستشفيات برهـ .. زفر بطــفش وهوا يلف ويطل حولينوو .. لفين وصل لفين راح .. ايش صار علي التخطيط .. علي التدبير .

كل شي راح في الباي باي .. بسبه ابــو ..

اصحــابو .. اكيد كول مين حقق مرادو .. وكل مين راح يدرب في المكان الي مخطط علي ..

فسخ البلوزهـ ورماها بعــصبيه .. وهوا يندب حظوو الي رمي في جدهـ .. ليش جدهـ من بين كل المدن فكـر يجي لها .. ليش ماراح علي الشرقيه .. الجنووبـ .. القصيم حتي .. ليش جدهـ

واخو ماصدق دبرلو تطبيق علي طول وادبس في جدهـ .. دحين مايقدر يتركهاا حتي لو يبا

وقف وفــسخ الشــورت النــيلي ورمي علي جنــب ونزل الدرجات بهدووء ومشي بخطواتـ رايقه وهادئه لين وصل لنهايه الممر الخــشبي المطلي بالون الاززرق والابــيض ..

طــلع عل الجتـ سكــي سحب النضاره الشمسيه الي تنمسكــ من ورا بمطاط لبسها وخرج من وسط السور الي اخد جزء بسيط من البحر

انطلق وسط المويــهـ باقصي ســرعه وشعروو يطااير خــلفــو .. وبيحاول بكــل مافي من قوهـ يطير الافكار والاحاسيس الي تنكدو من راسوو .. ياخد نفس عميق ويقنع نفسوو انو لازم يتاقلم علي وضعوو

بعد جووله ربع ساعه وشوياا رجع لشاليه نزل من الجت و البوكــسر النــيلي يقطر موويــه

شال ملابــسو من الارض ودخل علي الشاليــهـ رماها علي السله النيليه الي مليانه ملابس

راح علي الحمام وترك البابـ مفتوح . مافي احد غيروو في المكان

دخل تحت الدش واخدلو شوور ســريع ..

خرج ولاف المنشفه علي وسطــو .. رمي نفسوو علي الكنبه وسحب الريموت شغل التلفزيون علي قناهـ اوسن كومدي ..

حاول يندمج مع المسلسل . حاول يخش جو حاول انو يضحكـ .. لكن مافي امــل

رفع الجوال لوجهو ونزل بالاسماء لين وصل لاسم اموو

اتردد يتصل عليها ولا لا يمكن جنبها ابو ويمكن ويمكن ..

زفررر وهوا يفرفر شعرو بيدو خليني اتصل علي ماهر اول واشوف الاوضاع

هز راسوو .. لا ماهر مارح يخليني اكلمهاا خوفا من الي ممكن يصيررر

رفع الجوال لادنــو بعد ماا طلب رقم امو واتوكل علي ربوو

رنين متقطعـ كالعاد فز قلبوو بكل شوق لما سمع صوت امو : هلا مين

كـاسرر صلح جلستو : اشلونكـ يمي

ماصدقت انو كااسر : كااسر ولدي

كاسر عيونو شويا تدمع ويكرر سؤالوو : اشلونكـ يمي

انا مو بخــير ابد ياولدي وين اصير بخيرر وانت موب موجود حوليني

: انا بخــير يمــي صدقــيني انتي طمنيني عنكـ وِشـ ...

قاطعتــو : وينكـ ياكسوور وين قاعد وينكـ فيه تاكل زين تنام زين

: كل شــي بخــير يمي .. انتي طمنيني عنكـ بس

وصوتها اتحول لبكيه : كاسر . وينكـ تعال يمــي .. كيف اطمن وانا ماعرف انت وينكـ فيه

: والله انا بخــيرر يمي .. واكل زين وانام زين وابشركـ بديت تطبيق كمان

: أي ماهر قالي لكــن موب مطمنه لازم اعرف انت وينكـ

يتنهد : يمي اخاف يزل لسانكـ وتقولين للوالد

: لا مابقوله انا بجيكـ

: يمي لا جيتيني ابوي بيعرف عشان كذا موب قايلكـ انا بخــير وماهر يعرف ويني فيه ويطمنك علي وبس الامور تهدي بجيك بنفسي

: الامور الظاهر كذا مارح تهدي ابد ياولدي الله يهداكـ شنو الي سويته فيناا

رفع خشمو بلا مباله : يمي لازم اقفل الحين قبل يجي الوالد ..

: طيب ياولدي ابي اشوفكـ الله يرضي عليكـ

: يمي والله في اقرب فرصه بجيكم ولا بتفق مع ماهر ياخذك للاي مكان وبجي اشوفك انا بعد اشتقتلكـ حيل

وبدت تبكــي : طيب قلي وينكـ والله ماراح اخبر ابوكـ بس ابي اعرف

اتنهد وحس انو ضعف قدام صوتها الي كلو خوف علي : انزين يمي انا بجدهـ ..

شهقت : ليش يا يمي رحت للهناكـ وينكـ في وشنو قاعد تسوي هناكـ

: جالس هناك عايش هناكـ وبطبق هناكـ

: وين جالس

: بالشاليهـ يمــي

: من وين جبت مفاتيحه وكيف قعدت في شلون كل ذا

: يمي ماهر هو الي زبطتــلي كــل شي .. وانا عايش مبسوط ومرتاح الحين وما ناقصني غير شوفتكم وانشالله من تهدي الامور بجي بس يمي طلبتكـ الوالد لا يدري اني بجدهـ

: بجده يا وليدي بعيد بالحيل

: يمي مابوهـ شي بعد طياره وكم ساعه وبكون عندكم انتي لا تشيلين هم

: الله يرضا عليك ياولدي انتبه علي نفسكـ كل زين يايمي كل زين

حس عيونو شوي تفر منها الدموع : زين يمي سلمي علي خواتــي بفقل الحين

: زين يمي ويكلمكـ انا بعدين

: زين يمي الوالد لا يدري عن مكانــي بتعرفين شنو بيسوي لــي

تشهق : زين يمي انتبه علي روحكـ

: انشالله يمي فمان الله

: في حفظ الرحمــن ياولدي

قفل ورمي الجوال جنــبو ويحــس نفــسو اضايق بزيادهـ .. غطا وشو بيدينوو وانسدح علي الكــنبه

غمض عينوو بقوهـ عشان الدمعه لا تنزل بطريقه او باخــري

التفت للجوال لما سمعو يرررن رفعو وطل في صوره رائد الي بتنور وفكر مايرد علي

لانو مضايق للنوخاع ورائد حيكفشوو من يقول الوو .. وحيبدا يحقق معاا واشبك وايش فيك وايش صار ووو

ومارح يخلــصو مــنو .. وهوا مالو خلق حالياا

رمي الجوال وسحــب الاب وشغلــو .. وتسجيل دخول علي كل مكان . فيس . نت . قمزر . مسن . تويتر . سكاي . الخ .. من دي الامور

اتذكر الايميل الي عملو امــس وفكـر يدخل علي يمكن يلقا البنت المزعجه ويطقطق عليها

وبالفعل لما سجل دخول لقاها منصله وكاتبه في البروسنال .. هلب مي شبــابــ

علي طول خش عليها

Al.w7ed : سلام

Zoza : وعليكم السلام اهلا وحيد اخباركـ

.. : تعرفيني عشان ترحبين فيني كذا

.. : تعرفني عشان تسلم علياا ؟؟

حس انو انحشررر ضحكـ : لا ماعرفكـ

: طـيب ايش تبا

حس انو طفشان اتجاهل اسلوبها : وش حقه كاتبه زوزا وانتي تقولين ان اسمكـ مروهـ

: امــا انــا

ارسل فيس متنح : ولا مروه يدلعونها زوزا

: يب هوا دهـ

حب يستفسرر : ليش كاتبه جنب نكك هلب مي يمكن اقدر اساعدكـ

: ماحد يقدر يساعدنــي

: ليش انا اقدر

: محتاجه فــلوس

: اما ماعندك فلوس ؟؟

: لا طبعا عنــدي . بس ماما ساحبه مــني البطاقه كنوع من العقاب

: .. اهااا وشنو تبين بالفلووس

: انته حتحقق معاياا

: لا يمكن اساعدك كم البلغ الي تبينه ؟

زهاد واتحمست يمكن يعطيعهاا : خمــسه الافــ ..

: شنو تبين تسوين فيهم باللهـ

: محتاجتهم ضروري وبــس

: اجل كنت بعطيكـ لكـن بما انكـ مابتقولين ليش موب معطــيك اياهم

زهــاد : من جد تعطيني .. ؟؟

: ايه اسدحي رقم حسابكـ الحين وبتشوفين بشرط تقولين لي تبيهم في شنو

: يازكــي انته بقلكـ ماما ساحبه بطاقتــي .. كيف اديك رقم حسابي

: اول شي يعني ماعندك ـالا حساب واحد ثاني شي يعني لو موب ساحبتها بتعطيني رقم حسابكـ كذا

: ايوهـ

: وانتي ماتعرفين منو انا

: ايوه عادي ..

: طــيب مــاشــي قولين تبينها في شنو وبعطيكـ ايها

: كــيف تديني هيا طــيب ؟؟

: برسلها لكـ وين ماتبين او بقابلكـ واعطيك ايهاا

: من جدكـ ..

: ايه بس مثل ماقلتـ لكـ تقولين لي في شنو تبينها

: اممم ســر واللهـ ..

: خلاص لا صار مو سر بساعدكـ

زهاد اتحمست اقوي شــي .. : طيب طيب احلف معاك خمسه الاف دحــين

: لا ماحلف لانها موب معي لكن لو اتفقنا اقرب صراف وبسحبها لكـ وبسلمكـ ايهــا

: ياربي والله احسكـ تتونس علي راســي

: لا ماتونس .. عندي فلوس كثير ومانيب حاجه لها الحــين

: طيب اممممم .. ابغها لانــ اممم صحبــتي عيد ميلادها بكــرهـ .. وجابتلي في عيد ميلاد لاب وابا اجبلها شي يستاهل ..

: شنو الي تبي تشترينو لها بالخمس الاف

: يالله تبا تسالني ايش بدي اشتري هديه لصحبــتي .. لا تتلقف

: اما موب لقافه . الهديه ذي بتكون بفلوسي انا ودي اعرف شنو تبين تشترين لها . ولا اقولكـ خلاص موب لازم اعرف ويلا فمان الله مو منكـ من الي يبي يساعدكـ ..

: بــربــ

زهاد استصابتـ : لا لا لا تعال تعال خلاص اسمع بدي اشتريلها ساعه وكداا .. يلا اهو قلت لكـ

: اها طــيب .. بجبلكـ هيا وين تبي اعطيكـ ايهاا

زهاد تهف علي وشها بصدمه : لا تمزح اعرف انا اتفق معاكـ وكل شي وبعدين تطلع بتمقلبني

: اعرفك انا عشان العب وياك واصلح لك مقالبــ ..؟؟

زهاد : طيب تعرفني عشان تديني مبلغ كبير كداا

: خمسه الاف موب كبير بالنسبه لي ..

: جد

: ايه جد

زهاد تفركـ يدينها في بعض بحماس وهيا مستغربه من فين طاح عليها دهـ : طيب طيب امممم انته فين ساكن

: مالك شغل انا وين ساكن فيه انتي وين تبين اجــي اسلمكـ الفلوس ..

زهاد واتلخبــطت مــرهـ .. : ام فين ياربي لحظه امممم خليني اعرف فين ساكنه انا وربي نسيتني كل شي

: طيب اعرفي وين ورديلي بقوم ابدل وخارج ..

: لا لا دقيقه اقلكـ فين امم عارف امم مجمع امم العربــ ..

: ؟؟

: لا لا امم دقيقه .. شوف امم سنتر بونــت الي في .

: لا دقيقهـ

كاسر يرفع حواجــبو .. ايش فيها دي . تحاول تخترع مكـان ولا ايش

: قولي ويــن خلــصيني .. بقوم ابدل وطالع .

: طــيب طــيب خلاص امم اشوفكـ عند .. بندهـ الي في شــارع .... اوكـ

: اوكـ .. شلون اعرفكـ

: امم مادري مادري عندكـ ببي

: لا عندكـ بي مسنجــر

: ايوهـ ايوهـ

: طيب ذا البن تبعــي .. 12b2....

: طيب وانا دهـ ضيفــني ..

: اوكــ

: انا لما اخرج حرسلكـ اوكــ وانت لما توصل ارسلي وكداا ..

: طــيب

قفل الاب ويحــس نفسيتو اتعدلت لما طقطق معها او بالعربي لما اتلهي معها ونسي الي هوا في لدقايق

اتوجه للدولاب فسخ روب الاستحمام الي متسطح في من اول ورمي علي جــنب

خرج جنز نيلــي غامــق لبــسو مع بلــوزهـ ســودهـ ولبــس شوز سماوي فاتح .. رجع شعرو علي ورا باهمال .. شال مفاتيحوو والجوال الي حاطو علي الصامت من اول ..

طل في وانفجع من كميه المكلمات الي من رائد

عض علي شفايفوو اكيد حيعصب دحــين

خرج من الشاليه وحط الجوال علي ادنو مستعد يسمع صراخ من رائد

~~~~~~~~

A6baa fe al-7o0b

~~~~~~~~

خــرج مــن الســيارهـ وفي يــدو الجوال وجالس بيتلفت يمين ويسار . وراسم علي وشو ابتسامه ولا اروع ..

يدور علي موزهـ .. طــويلهـ .. حلـــوهـ .. لابسه شووز اورنج وشنطتها بيــضه ..

مسد بايدو علي صدروو وهوا يطل في البنات الرايحين والجاين وكل وحده امزز مــن التانــيهـ

هوا دا وصف بنــت حــلوهـ .. ياكتــر الحــلوين .. ينكب اهلكـ يا وسام

رفــع الجوال لادنــو بعد ماطلب رقم وسام .

علي الخط التاني وسام وبكـل حماس : ها شفتهــا

: شفتها مــين يابهيم توي موقف والمزز يوتروو الواحد ياكتــرهم

: طيب انته فينكـ

يلف علي قزاز سيارتوو ويطل في نـفسوو : فينــي يعنــي واقف جنــب سيارتــي

: اممم طــيب خليكـ خليكـ دحــين تجــيكـ هيا

حسام يفركـ صدرو بحماس : طيب سريع فين حروح يعنــي سلام

قفل الجوال ورمـي جوة السيارهـ وسحب العطر غرق نــفسو فيــلووو .. و

وصار يلف حولين نفسوو ويمسد علي بطنو وشويه يصلح الربطه الي علي راســو .. وشوياا يشد التــيشرت .. ويلهي نــفســو باي شــي في الحــياهـ

رفع يدو علي الساعهـ وجلس يتسائل : خــير كل دا تطلع من الكـوفــي .

اوفــ يـ .. .. .. انقطع حــبل افكــاروو وسدح احلي ابتسامه علي شفايفــو لما انتبه للبنوتـه الي ماشيه بهدووء لجهتــو وعلي شفايفها ابتسامه لا تقل جمالا عن ابتسامــتو

مــشي لعنــدهــا بسـرعه ومدلها يدو : اساعدكـ

مسكــت يدوو ورفعت اللتمه علي فمهــا تغطي الروج الاورنرج الصارخ : تسلم وساام

حسام بدلاخه : حسام حسام

لفت علي وكــشرت : حسام . ؟

ضحكـ يرقع : هههههههههه . كلها حــلوهـ من فمكـ

فتح باب السيارهـ : اتفــضلي اتفــضلي

مسكت طرف الباب : طــيب اسمك وسام ولا حسام

غمزلها : ايش احــلي

: هههههههههــ لا جد أيــش

: وسام زي ماقلتلكــ اتفضلي اركــبي

دخــلت ورفعت عبايتها بنعومـه سكلها البابــ بسرعه ولف ركــب وشغل علي موسيقه هادئه علي طول

: أيــوهـ

: ليــش قلت اسمكـ حسام

كــشر تبا تجلسلي علي الغلطه : يابنت ابويا سماني وسام وانا احس حسام احلي عشان كدا احب ينادوني حسام بس

: ماقد قلتــ لي شي كدا

: اها ماجات فرصه

رخــت علي صوت المسجل : ها راح نروح للــ ....

رفع حواجــبو : انا قلت اننا نبا نروح هناكــ ؟؟

كــشرت : وسام اشبكـ ؟؟

ببرائه : اشبي

لفت نفسها علي وقربت وشها مــنو : وسام انت توك توكـ قلت نروح للــ .. اشبكــ

قرب منــها فجــاءه وباس خدهاا : هههههههههه يب انا قلتـ كدا ادرري .. تسمعي بكلمه دوعابه ..

سندت ضهرها علي المقعدهـ ورفعت يدهاي لخدها مكان بوستوو : طــيب

: ولا اقلكـ عنــدي خــطه احــلي

خدودها حمــرت وحست جسمها دفي مره : أيــش

: لكـي مني . مكان احلي وسهره اروع ايش قلتــي

ماتدري عن نفسها : طيب طيب

رفع الــصوت علي موسيقه التكنــو لتايتنكـ : قدام

انفجعت من الصوتـ : وسام ارخــي

يهز راســـو مع الموسيـقي .. : لا ما ارخــي دي مسيقه الانحراف

دارت بعيونها حولينها ورجعت طلت قدام .. يعني لا تعليق علي كلامكــ

رن جوال حــسام .. بنغمــه مصــريه عجــيبهـ

وطلعتلو صورهـ مهند مبتسم وحاط مكرات ملونه في شعــروو كل مايشوف الصوره دي يموت ضحكـ

رخا الصوت علي الاخــير

: ايوهـ هنود

مهند يستفسار : حسام فينكـ

لف وطل في البنت طله تخوف : فيني .. ؟؟

مهند يكرر سؤالوو : حسوم فينكـ ياشيخ ..

: موجود .

: تعالي طــيب

يرجع يطل فيهاا : لا ماقدر دحــين

مهند عصب : ياخي فينكـ بلا مـ*****

حسام : فينــي ؟؟

مهند فهم علي : متي اشوفكـ طــيب

: مــن اخلــص حجــيك طــيب

: طيب سلام

: ابو هنود

: يانعم

: تحـــبني

: لا

: ههههههههههههههـ طيب سلام

: احبكـ يامعرص

: غصب عنكـ مو بكيفكــ

: مو منكـ سلام

قفل الجوال وهوا مبتسم ولف عليها : اشبكـ

: صاحــبكـ

: أيــوهـ

لفت وشها : حســام

دار عليها : نعــم

كــشرت : قصدي دهـ صاحبكـ حسام ..

ضحكـ : ههههههههههـ لا لا مهــند

: اهــا

: تسمعــي شــي معــين ولا ..

رفعت يدها لدقنــها : عندكـ أيــش

فتح العلــبه المتوســطه . ومدهــا لهــا : شوفــي

اخدت العلبه مــنو وهيا مستغرربه .. جلست تنغبر في السي ديهات لين استقرت علي واحد اجنــبي مدتو لحسام وهيا غارقه في افكارهــا : دا

شغل الشــريطـ .. وهوا يتسائل لتكون كفــشتو انو ماهو وسام .. جايزز

هيا في عالم تانـي .. ماكان بكلمها كدا .. ماكان صوتو كدا . ماكانت تتوقعو حيتصرف معها كدا .. اشبوو

رفعت يدها ومسكت طرحتها . يكون ماعجبو شكــلي عشان كدا

طلــت في بنــص عــين .. مبتسم ابتسامه تخــوف .. ومو سال فيها

ضمت يدينها لبــعض وقررت تسكت طلما هوا مو ناوي يهــرج

دقايق وخــشت جــو مع اغــاني .. شين وورد .. ولا حــست بشــي

بعد فتــرهـ فاقتـ وانتبهتـ انــو بيخش في حــي : علي فــين

وقــف السيارهـ قدام العمــارهـ وفتح البــابـ . : نزلنــا يلا

رخــت نفسها وطلــت من الشباكـ : فين ايش دهـ فين ننزل

سكـ البابــ بلا مباله ولف من جهتها فتحلها البــابـ .: يلا خـلصيني

انفجعتـ منــو : طيب اشبكـ ترفع صوتكـ

حسام يحس انو ... ... ... لاخر حد ومافحيلو تجلس تسويلو فيها تكتير

مد يدو ومسكـ يدها يطمنها : مو قلتلكـ مجهزلكـ سهره حــلوهـ

: ايوه بــس فيــن

: تعالي مارح اكلكـ والله

نزلت مــن السيارهـ وسكت ورها البابـ ..

شد يدو علي يدهــا واتوجهــو للعمــارهـ

تركو المصعد وطلعو بالدرج وحسام قلبوو يرقص والبنت قلبها يطربق ..

وصلو للشــقه : امم طـــيب ليش في البيت

قرب وباس خدها بدا تسخين الاخ : عشان ناخد راحتنا

دخلها الشــقه وسك البابــ وقفــلو : ادخــلي

: امم وسام .. انته

مسكـ يدها وقربها لوو وضمهاا بحنــيه : انا ولا شيي

ارتاحتــ لحضنــو : طــيب انــته لــيــش هنــ....

رفع اصباعــوو لفمهــا : اوش دحين تشوفي منتي واثقه فيــا

هزت راسها بخــوف : لااا

كــشر : افــا

خافت من تكشيرتو بزيادهـ : ام لا انــا اقصد ..

وبرضو قاطعها : مو مشــكله تعالــي

سحبها وراح لغرفتــو فتح الباب وانصدمت من منظر الغرفه مقــربعه اكــتر شــي .. فين السهره فين الخطاره فين الحركات دي .. اتوقعت شموع موسيقه طاوله لشخــصين يعني .. لكن مو كدهـ

حسام سحبها وسكـ البــابــ

: نبداء ..

لوت شفايفها وتحاول تستوعــب : . انتــه وسام .

: لا حســام ياقــلبي

رجعــت علي ورا ولصقت في الباب : خلينا نتفاهم

حسام مسك يدها بنعــومــه وباسهاا : اكيد نتفاهم لــيش لا

قرب منها وفسخلها العــبايه : وريني اشوف اح علي الجــسم

هيا في عالم تاني تطل في الباب والشباكــ .. وتتحسس شنطتها تفكـر في الجوال

حسام فاهم هيا بتفكــر في ايش فكدا حب يختصر الامـور

سحبها مــن يدهــا باقووي ما عندوو ورماها علي السريرر المتوسط

فتح ازارير القمــيص وعلي وشوو ملامح حزن الم قهــر ..

وجواتــو مشاعــر متضاربه .. خوف .. حقد .. تردد

يحس انو مايبغا يعمل شــي زي كيدا لكــن غــصب عنــو

نزلت الدمــعه مــن عيــنو غــصب علي منظــر البنت وكيف الخوف يكــسو ملامحــها ..

حاول يتراجع حاول يلف وشو عنهاا حاول لكــن كالعادهـ ماقــدر

رمي القميص علي الارض ومشيلها بخطــواتـ هادئه

وعيون كل واحد فيهم تدمع ..

دموع خــوف في عيونهــا

ودموع .......... في عيونوو

~~~~~~~~

A6baa fe al-7o0b

~~~~~~~~

خرجت من غرفتها بكامل اناقتهــا .. العبــايه السادهــ الي مافيها أي شي غير انها مكسمه جسمها اكتر شي .. اكممها وســيعه مــرهـ وطويــلهـ .. الاكــسسوراتــ الي في يدهــا والي الونها درجات النيلي مع الخاتم السخيف في اصباعها الوسطانـي مخلي شكل ادينها عزاب معلقه الببي علي رقبتها بتعليقه نيليه سخيفه مــرهـ وسانده كتفها علي وعلي الخط التاني اهداب تلعلع

: وربي حعد للخمسه وامشي

عاقدهـ حواجبهــا : دبابه لو مشيتي ياويلكـ قلت لكـ نازله تسمعي بشي اسمو دقيقه ولا ..

اهداب بعناد : لا ماسمع اقلكـ اتاخــرتـ

: ياليل ابـــو لمــبه

اهداب بعصبيــه : طيب خلصيني وبعدين فين خرفانكـ مافي ولا واحد منهم اليوم

: لا ياهبله ماعرفوو . ولــ..

قاطعتها : خلصيني باي

رفعت الجوال وطلت فيلو بصدمه ورجعت تركتــو مع نفسك دبابه

اتوجهت للصالهـ : ماما

صفــاء في يدها كودرد واليد التانيه السجارهـ والدخان يطاير منها : ايوهـ زوزو علي فــين

: قلتلكـ مع صحبتي ماما عشره مرات اقلكـ

قصــي : زهوو خديني انا انسان طفشان اطفش شــي

: هههههههههههـ ياقلبي كلنا بنات مايجــي

مد يدو : اسدحيلي مبلغ وقدروهـ انشالله ريالين مامعياا فلووســ ..

فتحت شنطتها : ولا يهمكـ حبيبي

خرجت من محفظتها عشـرين : ودي الفكه الي معياا لكن ولايهمكـ من اخد اول راتب لكـ مني ميه ريال

: هههههههههههه طـيب احرجتيني صراحهـ

ترمش بعيونها بحركه توحفه : ولوو احنا اخوان

صفاء تنفض السجارهـ : يوم اقلك اديني فلوس تتعللي ويوم قصي يقلكـ تدي بدون نقاش

شهقت : ماما تبي تحطي بالكـ من قصوو دحــين

قصي : ماما لا تحرشيها علياا

صفاء : اول حطيلي بسرعه حق البكتــ

اتكتفت : عاد عارفه لــيش ادي قصي مايشتري دخان والله ويبهدل صحتوو بعض ناس كل الفلوس علي الدخان

قصي يبعد عن امو ويضحكــ : هههههههههههههههههههههــ

صفاء تتنرفز لما يتفقو عليها هما الاتنين : طيب يا قصي

زهاد راحت لامها وباستها : ايش دعوهـ صفصف نتداعب نحنو

صفاء تاشر علي خدها التاني وتطالع في قصــي .. وقف وجري لعندها وباس خدها : كدا اوكـ

ابتسمت : جبولي سجاير ونصير اوكـ بجد

زهاد مشقت : ماما ترا انا اشتغل في مستشفي ومايصير تكوني مدخنه انتي

قصي : ههههههههههههههههـ في دكاتره مدخنين

: لا لا مافي واللهـ

ياشر بيدو : ايش دراكــي انتي

بثقه : اشتغل في مستشفي انــا .. ؟؟!!

قصي : هههههههه ويعنــي

: ويــعني انته كيف المدرسه معاكـ

: وتصريفه ضعيفه

قربت لقــصي وباست خدو : قصوو تيكـ كير اند ماما يمكن اتاخــر

: وانتي عمركـ رجعتــي بدري اصلا .. ؟

فرفرتلو شعــرو : هههههههههههههههـ لا تدقق .. بعدين انا رجال البيت وبصرف عليكم لازم اتاخر ههههههه

قصي يتحسس من النقطه دي : يلا مشي حالكـ باقيلي سنتين واتخرج من الثنوي وكمان اربعه سنين واتخرج من الجامعه هادا ان دخلتها وبعدها انا حصير رجال البيت وحريحكــ

زهــاد ابتسمتلوو وضمــتو وباست خدوو بقوهـ : اكيد حبيبي اكيد

صفاء : وانا يمكن اموت وقتها اخفف عليكم

زهاد شهقت : ماما لا تقولي كيدا اشبكـ

رفعت حواجبها : وي ايش في يمكن اموت قلت شي غلط

قصي راح لامو ولف يدو علي رقبتها : ماما لا تتكلمي كدا كلنا حنموت عارفين لكن بلاش نق ترا النق يقـصر العمــر

رن جوال زهــاد طلت في الشاشه ولما شافت نك اهداب نقزت : ياولي من دبابه يلا سي يوو

صفاء : لا تتاخري يابنت

قصي : عندك امل انها ترجع بدري يا امــي هههههههههههه

زهــاد : انكتم قصوو هادا وانا كنت بمر علي بيت صحبتي واجيب جهازكـ من عندها .. ؟

يضم يدينو لبعض : جيبي جيبي جيبيلي معاكـ كمان سي دي فاضي الاستاذ قلق

: طيب يلا مع السلامه .. ماما لا تدخني كتــيررر

: وانتي لا تتاخـري سكـي وراكــي البابـ

: انشالله سلام

خرجت من الشقه ونزلت الدرجــات جري والفلاتـ النــيلي كدا مزعجها مو متعوده تخرج بدون كعب ..

وصلت للسيارهـ الفخمه تبعتــ اهدابـ .. ووقفت جنب البابــ وحطت يدها علي وسطها ..

نزل الشوفــير الاندنوسي والي شكلو كدا صغــير ولزيز والزي الرسمي ماكل منــو حتــه .. مع القبعه السودهـ ابتسملها وهوا يفتحلها باب السيارهـ : ولكمـ مس زهاد ..

زهاد وتعشق ابتاسمتو : هاااااااااي كياشو

ضحكـ لانو عارف انها حتقلو اضحكـ : هههههههههـ ولكمو

زهاد بجرائه مدت يدها وقبصت خدو : هههههههههههههـ كمان اضحكـ

اتجاهلها وهو يمدلها يدو عشان تطلع ويهرج انجلش : اتفضلي

مسكت يدو ودخلت السيارهـ .. جلست قدام اهداب الي حاطه رجل علي رجل وبتهز بعــصبيه

زهاد تلطف الجــو : دبابه وحشــتيني ..

اهداب تشرب من كاسه العــصير وترجع تحطها علي الطاوله الصغيرهـ بعصبيه : يعني الين متي كنتي حتخليني واقفه ؟

زهاد بتقاله دم : اشوفكـ جالسه ..

اهداب : جد مالكـ داعي زوزو

زهاد تنزل الطرحه علي كتفها : يعنــي يابــنت بلبس وبودع الماما وقصوو وبس ونزلت وربي ماطولتـ

خرجت ببسي ورمـتو لزهاد : تيكـ اشربــي

: ثانكــس

اهداب نسيت كل شي رخت علي صوت التلفزيون : ايوه ايش حكايه الواد دهـ وخمسه الاف مين بسرعه هاتي الهرجه كويس

تفرك يدينها في بعــض : وربكـ حاسه انو يسوقها لكن قلت اروح وماني خسرانه شي

: انتي كدا هبله تطلبي فلوس من أي احد خير شحاته علي غفله

: يب شحاته محتاجه فلوس وماعندي وصحبتي بنت العز عندها الخير وبخلانه عليا مالي حل الا اني اشحت

اهداب تضربها : دوبه شايفتني جالسه علي بنك ولا الفلوس علي كيفي

زهاد بعصبيه : قولي والله حسابك في البنك فاضي .. .. يعني

اهداب زفــرتـ : زوزو انتي عارفه لو عندي مايغلي عليكــي

: ماعلينا مو موضعنا المهم قالي اقابلو وحيدني خمسه الاف

تلم شعرها علي جنب : وصدقتي

: زي ماقلت لكـ .. فكرت اروح جا كان بيها ما جا كان بيها بــرضــو ..

.. : وليش جارتني معاكي اشلي ورايا مواعيد ..

: يالله علي مواعيدك مواعيد ايش ..

اهداب رفعت اصابيعها تعدد : اول شي اسنان .. ورايحه استلم الفساتين .. الي طالبتها من البوتيكـ .. وابغا اروح للحجز تبع المساج ..وابغا اجيب كوكو من الدكتور .. وابغا اروح للكوفيرا عشان شعــ ..

زهاد تقاطعها بزعل من جد : اوف اسفين عطلناكــي ..

اهداب انتبهت لنبرتها : خلاص زوز ..

لفت تكلم السواق : شغل لزوزه الحلوه زعلانهـ

زهاد ضحكت : مع نفسكـ ولا تخلي يشغل شــي وايش رئيك في العدساتـ

: حلوهـ كل شي عليكي حلوو

تبتسم بغرووو : تتوقعي كدا لو شافني يشك اني بنت عز وكدا

اهداب تطل في السيارهـ : يكفي انو يشوف السياره الي انتي نازله منها والسواق يفتحلك الباب وبس

تضحك وترفع اصبعها انو اوكــي : عشان كيدا جايبتك معايا هههههههههههههههههه

: مالك داعي احسبك تبيني اساندكـ في حال ضحكـ عليكي

: تعرفيني ما احتاج الي نفسي ..

تدقها في الهرجه : ماتحتاجي الا نفسكـ ورايحه علي ملا وجهك تاخدي فلوس من واحد ماتعرفي

زفرت : شوفتي اخدت الفلوس من نقكـ مارح اقدر اخد شي وجع

: هههههههههه ماتعصبيش

طنشتها : كيا شو .. شغل أي شــي

بكل زوق وصوت راخي .. عرب اور اجنبي

: اجنبي اجنبي

بنفس النبره الهادئه : امريكي . فرنسي . مكسيكي . لاتيني . هـ..

قاطعتو اهداب : هي شغل أي شريط لا تقعد تعدد

هز ارسوو بهدوء : اوكـ

~~~~~~~~

A6baa fe al-7o0b

~~~~~~~~

توهــا استوعــبت الوضع لما انتبهت انهم داخلين علي القراج ..

: هي هي فين رايح ليش رجعــت البــيت ؟؟؟؟

يهز راسوو وبتردد طلع الكلماتـ : بابا اياد توي اتسل يقول لازم جيب انتي البيت

فتحت عينها بفجعه : اما ايش ايش وليش ما تقول عشان انا اكلمو

رخا راسوو وخايف تدي بالشنطه : هوا قال انا لازم ما يعرف انته

: انته في شكلكـ اطلع اشوف امشي رجعنــي بسرعه اخــرج

يهز راســو : لا بابا اياد بعــديـ....

عــصبت علي وقاطعتو : قلت لكـ امــشي احسنلكـ

بخــوف من صريخها : بابا اياد يقــول خلاص لازم يرجع انته بــيت

رفعت الطرحه ولفتها بعــصبيه : اياد الحمــار

السواق اكتــفي بانو يسكــت ويهز راســو ياكدلها انو اياد حمــاررر

: طيــب لو مامشيت دحــين والله مايصرلكـ شي طــيب

السواق مرعوب ومو عارف يسمع كلامها ولا كلامو كلهم راح يبهدلو لو ماسمع الكلام

: مدام والله بابا بعدين يسفر انــا

مدت يدها وصقعتو علي كتفوو : هي هي انا الي اسفر انــته احسنلكـ امـشـِي اقول .. ؟؟

السواق نزل مــن السيارهـ بعد ما طفاهــا : مئليش مدام بابا اياد يقول لازم رجع انته بــيت

سك البابـ وراح وسيبها تختلص مع زوجها

نزلت مــن السيارهـ بعــصبــيه .. وفي يدهــا اكياس محلاتـ

ويدها التانيه فيها شنطتها الملونــهـ .. وكوب كوفــي .. سكت الباب برجلها زعــقت : هي تعال هنا

لف السواق وهوا يدعي ربوو ما تفسخ الكعب وتدي علي راسوو : يس مدام

رمت الاكياس في الارض : طلع اشــوفـ

لفت بعد ماقالتـ كلمتها ومــشيت علي الفله اتوجــهت للبابــ النحاسي والي علي رسومات فرعونــيهـ دفتــو وصرخــت

: ايااد اياااد ايااااااااد .. فينكــ

خــرج اياد مــن جــه المطبخ رابط علي خــصرو مــريله صفراا وفيها صور اطفال صغاررر ورابط علي راســو بندانه حمــرا ابتسملهــا : اهلا الله بالخــير فينكـ كل دهـ سووق

بدون تفاهم لفت واشرت علي السواق : تكلم البهيم دهـ تقلو يرجعني البيت ليش ؟؟

السواق يرفع حواجبوو علي التهزيئه الي اكلها

اياد طــل في : خلاص حط الاكياس وروح

حطها علي الصوفا وهز راسو باسي وخرج واخد معا البــاب

لفت اســراء علي اياد واتكــتفتــ تستنا يرد عليها

اياد اتجاهل حركتها وقــرب منــها وباس خدهــا : اتاخــرتي

: اياد بلا هــبل ليش تقلو يرجعني البيت ؟؟

ببتسامه حــلوهـ : وحــشتيني

مــشقت في ولفت بعــصبيه تحــسو حيجلطها بالبرود الي هوا فــيلــو ..

اتوجهــت للدرج وهيا تلعن نفسها مــليون مــرهـ علي العيشه الي هــيا فيهــا

اياد من وراها : غيري وانزلي .. وحيكون الاكــل جاهزز ..

طلت في بكل عــصبيه : خـــارجــه

يطــل في الباب : لا منكـ خارجه غيري وانزلي بســرعه لا يبرد السلاتــ

يعرف انو نقطه ضعفهاا لينت ملامحها : سلاتـ

ابتسم : أيــوهـ واحــلي سلاتـ لا تتاخــري

زفــرت وكملت طلووع وصلت للغررفه رمــت كــل شي في يدها باهمال

فسخــت ملابــسها ورمــت كل قطعه في حــته

خـــشت الحمام غــسلت ايدها ووشوهاا .. تحس مافحيلها تترووش ..

خــرجت وراحت لدولابـ .. لبــست شورتـ اخــضرر وخشت معا بلوزهـ بيــضع عليهاصورهـ شمشون

سحــبت المطاط الابــيض ونغبــرت شعرهــا : اتنفس ياشعــري

شالتـ الكوب الي كان معها ونزلت لاياد دخــلت المطبخ وجلــست ورفعت رجولها علي الكرــسي الي قدمها : فينو الاكــل

لف عليها اياد وتو انتبهلها : جيــتي

طلت يمين ويسار : لا

ابتسم : كيف كان يومكـ

: زي كل يــوم ..؟؟

سحــب الكــرسي وجلس جنبــها : ليش طفشــانه

بعدت بالكــرسي عنــو : وحدهـ متزوجه واحد زيك ما تطــفش

رفع حواجبو : شكرا علي المديح

قام وراح يشوف الي بيطبخــوو

اسراء طلت في بلا مبالهـ وحولت عينها لطاوله الي فوقها جاهز كـل شي ماعادا الطــبق الرئيسـي

: اياد امم سويتـ رز

: يــب

وقــفت وخرجت الصحون من الدولاب ومدت لاياد واحد وفتحت قدر الرزز واستنشقت ريحتو بستمتاع

دهـ الي اسمو اياد علي نفس في الطبخ شي عجــيب .

غرفت الرز في الصحن المتوسط وجلــست وجلس بعدها اياد وهوا يشم ريحه السلاتــ

: حتاكلي صوابعكـ ورا يا سروو

: اكــيد ليش ماتفتح مطعم للسلاتـ بــس

: هههههههههـ اوكـ انتي بالمال وانا بالمجهود

بجديه : يب يب نشوف

غرفلها في صحنها ومدو لهاا وجلــس : يلا قولي بسم الله

اتحمــست : يب يب بسم الله

شبكـ اصابيعــو في بــعض وحطها تحت دقنو .. وتكا علي الطاولهـ : انشالله الف عافيه

رفعت نوص عين علي : ليش ماتاكل

: كلي انتي شبعان انا

كملت اكل وما لقتلو بال

اياد في عالم غير شكل .. جالس يتاملها كالعادهـ . طريقه اكلها . حركه ايدها وكيف تبعد شعرها عن عينهاا . كيف تحرك فمها وهيا تمدغ الاكل

انفجع ووقف بسرعه ومدلها كوب المويه لما انشرقت وبدات تكح : خدي خدي سوور

اخدت منو الكاسه وشربتها بــسرعه وحطتها بعــصبيه : تبا تموتــني

اندهش : اموتكـ

: ايوه تطل فيا وانا باكل وما تقول ماشالله ..؟؟

لف من جهتها : لا لا اما ماشالله اشبي بطل في اكلــكـ

اشرتلو علي كرسي : بعد بعد ارجع مكانكـ اياد

لف ورجــع مكــانو : طيب رجعنـا

رجعت تنهمكـ في الاكل

اياد ويلعب في الملعقه قدامــو : بابا كلمــني اليوم ..

رفعت عينها علي مع واحد حاجـب : أيــوه

: يبغو يجو هوا والاهل عنــدي

فرصعت عينها : اما ايش قلتلهم

رفع يدو ومررها علي شعروو بتوتـر : ماقلت شي اصلا مااتصل يستاذن اتصل يخبــرني

اسراء انسدت نفسها : طــيب متي

: يمكن علي بكــرهـ او بعدوو

: يو يو يالله .. يروحو فندق ياخــي

رفع حواجــبو : اتخيليني اقلو .. روح فندق يابابا

حطت الملعقه علي الصحن بعــصبيه وقامت : الحمد لله

اياد زفر بطــفش وهوا يفكـر في الوضع الي هما فيــلو .. الين متي يعني .. معقوله الي مالا نهايه

انفجع لما فكر انو ممكن يكون الوضع الي مالا نهــايهـ ..

وقــف ورجع ربط المريله علي خصروو وقرر يرتب القربعه الي مسويها طلما ماعندو شــي يسووي ..

~~~~~~~~

A6baa fe al-7o0b

~~~~~~~~

مــتربعه علي الســريررر .. وفاردهـ قدامها اشكال والوان واحجام الاوراق .. وجالسه بترتب فيها

ومقهــورهـ مــن نسيم اكــتر شي لانها هيا الي لخبطتلها الدولابـ بكل روح رياضيه ..

شعرها منــفوش والمــشط شابص فيلو مــن قدام .. وورا ادنها القلم وعاقده حواجبها . ومنهمكه في شغلها ..

دخــلت عليها نسيم وفي يدهــا بلوزهـ بيــضه سادهـ ومن طرف خوشمها : تسنيم ابغا البــس هادي ..

رفعت عينها بعصبيه : تعالي رتبي الاوراق اول ونتفاهم .. ؟؟

: ماني مرتبتها كيف ارتبها اصلا اوف البسها ولا

لفت عنها : البسيها اوفــ

خرجت نــسيم ورقعت ورها البــابـ وكشت علي بــقـوهـ : مع نــفسكـ وجع

لفت علي الصــاله واتوجهت للكوايه شبكت المكــوهـ وهيا تدندن اغنيه امارتيه لحنها لحالو يجب المغص ناهيك عن الاغنيه

سحبت الريموت وشغلت التي في علي قناهـ نجومــ

فردت البلوزهـ وبدت تكويها وهيا تدندن برضو مع الاغنيه الي بيغنيها رجال مالو شكل ولا طعم ولا لوون .. بالعربي الاغــنيه باد .. لكن يقال لو لا اختلاف الاذواق .. لا بارت السلع . وبالعفل كلام سليم

لان نسيم خاشه جوا مع الاغنيه وبتكوي وهيا منطربه لاخر حد ..

رن جوالها وبرضوو بنغمه اغنيه بيض سيبت المكوهـ علي البلوزهـ وراحت جري للجوال نقــزت علي الكنبه وانسدحت علي بطنها

: هلا ا جــــــــــــونــي

: هلا بيكــي يابنت كيفكـ اخباركـ

: بخــيررر وانتــي أيــ...

اجوان تقاطعها : ماعلينا من دي الهروج اختصرررري مخلصه

سحبت الريموت : اممممم يعني بس البس انتي قريــبه ..

: أيــوهـ قــريبه خلاص

رفعت الصوت : اسمعي رهيبه الاغنيه دي

اجوان : ماني سامعه

نسيم ترفع الصوت بزياادهـ لين صار في كل البيت : ها ايش رئيكـ

: مادري حلوه شكلهاا المهم جايه معاكي اختكـ

تهز راسها وتلوي شفايفها : طبعا لا لا

: ليــش جمانه معــاياا

: والله ليش خلتيها تجــــــــي

: هههههههه هيا الي خلتني اجي

: مالك داعي

: مادري قلت يمكن تجبي اختك وننبسط يعني

رمت الريموت وعدلت جلستهــا : من متي انبسط مع تسنيمو المعقدهـ انــا وبعدين عارفه اختك وعارفه اختي ماهم من النوع الي ممكن نجلسهم مع بعض

: كدا رئيكــ

هزتـ راسها : يــب اكيد كمــانـ لــ....

قطعت كلمتها لما دخلت عليها تسنيم معصبه : ايش دهـ الصوت بابا نايم ؟؟!!

سبلت بعيونها بطـفش : والمطلوب ..؟؟

تسنيم طنشتها ورفعت الريموت وكتمت الصوت ورجعت لفت عليها : نسيم بابا نايم

: طيب الصوت اترخا انتهينــا

: ايش الــ

قطعت كلمتها وجلست تستنشق الريحــه .. اخر شي طلت في المكوهـ .. وشهقت : نسيم شوفي

نسيم انفجعت لما شافت البلوزهـ : وي وي

تسنيم جريت بسرعه ورفعت المكوهـ لكن بعد فوات الاوان لان المكوه طبعت علي البلوزهـ وانشالت نوصها مع الحراررهـ

نسيم : جوجو اكلمكـ بعدين

اجوان اتنهدت : من اول بستني واسمع نقاركم اخر شي تكلميني بعدين طيب مع السلام

رمت الجوال ووقفت رايحه علي الغرفه : حاخد بلوزتكـ الرماديه

تسنيم بكـل تعجب رفعت حواجبها : نسيم فين رايحه اصلا

: مع صحبتي ولا تحققي ماراح اتاخــرر

نسيم ماتعرف ايش تسوي مع اختها دي جايبتلها الهــم والغلب اتنهدت ولفــت فصلت المكوه وشالتها

عشان تغسلها وفي يدها التانيه كمكمت البلوزهـ .. ورمتها في الزباله علي طــريقها

نسيم مشقت وخشت علي الغرفه فتحت دولاب نسيم وخرجت بلوزه فوشيه لبستها مع جنز اسكيـني

راحت للتسريحه عملت بف في شعرهاا .. وحطت مرطب لماع وجلست علي كرسي التسريحه وفتحت علب المناكير الكتــيـرهـ وصارت تحط في كل ضفر لون . فوشي . اصفر . احمر . ازرق . اورنج .. الخ ..

لبست العبيايه الي من ورا كولها قماش ملون بجميع الاوان ومن قدام اسود صافــي وبخت عليها عطر لين قالت ياكااافي لبست شوزز برتقالي صارخ بكعب .. والشنطه البيضه علي جــنب .. ورمت الطرحه باهمال علي راسها ورفعتها علي كتفها برضو باهمال

خرجت من الغرفه صادفت تسنيم داخله وماعجبها شكلها بالمــرهـ .. : فين رايحه كدا نسيم .. ؟؟

: اوف قلتلك مع صحــبتي ياربــي

: طــيب ماختلفنا لكن قوليلي فــين .. ؟؟

مشيت علي برهـ : مادري أي مكان كوفي مطعم مول أي نيــله ..انتي لي كدا ملقوفه

رفعت حواجبها : انا ملقوفه .؟

: ايوه انا مو بزره اعرف اروح واجي لا تقعديلي كل شويه فين رايحه وفين جايه سلامات ؟؟

زفــرت بطــفش تحس نسيم راح تطلعلها الشيب : طــيب انتبهي علي جوالكـ لما اتصل عليكي ردي عليا

: ولا تقعدي تتصلي ماحد ماكلنــي اوكــي .. اول ما اخــلص دشرتي حرجع فين حروح يعني

تسنيم بتهديد : نسيم لما ادق عليكـي ردي

نسيم شالت جوالها الي مرمي وحطتو في يد تسنيم : اريحكـ خلي الجوال معاكي سلام

فتحت البــابـ وخرجت وسكتو وراها بقوهـ وسيبت نسيم ورها متنحه وتطل في الجوال وهيا مو مستوعبه

ايش سبب تصرفات اختها ليش كدا تعمل معها ليش تعاندها .

رمت الجوال علي الطاوله واتربعــتـ علي الكنــب وسحبت الريموت تقلب في القنوات يمكن تلقا شي مسلي

~~~~~~~~

A6baa fe al-7o0b

~~~~~~~~

رجل هنا ورجل هنــاكـ .. وتحسوها اخده راحتها في النومه اكتر شي .. وشعرها كاشش حولينها .. وفوق كل داا علي طرف فمها ابتسامه عجــيبه
وهــيب واقف جنب سريرهــا ويبا يصحها ومايبا يصحيها يحس لو قومها حيحرمها مــن لذهـ النومه الي هيا فيها
وراح ياخدها من الاحلام الورديه الي الظاهر انها غرقانه فيها لنوخاع والدليل الابتسامه الي علي طرف فمها
نفــسو يمد يدوو ويمشيها علي خدها ورقبتها بنعومه نفــسو بمرر اصابيعو علي شفافيها الورديــه قبل مايبوسها بكل هدوء عشان لا يعورهــا .. يحسها انعم شي احلي شي اقوي شي >> ؟؟
اتحركــت في مكانها بهدوء ولفت وشها للجهــه التــانيـه ..
اتنهد وضم يدينو لبــعض وهوا يتمني حجات لا ولم ولن تحــصل ابــد
لف للجه التــانيه مــن ســريرها ورجع يتاملها كعادتــو .. رفع يدو لخدوو واتنهد تنهيده كان يتمني يطلع معاها الي في قلبو ولي لا يمكن يطلع ببساطه كــدا ..
انقطع حــبل افكاروو وانفجع لما سمــع صوتـ اختو مــن عند البــابـ .. وهــيب اشبك ماصحيتها الين دحــين
اتنفــس بفجعه ويحس وشو محمر مايدري ليش
رقع الهرجه وطلع ضحكه عفويه : ههههههههههه شكلو بنتكـ بتحلم ماحبيت اطلعها مــن الي هيا فيــلو
هناء مشيت : اما اقول صحيهــا
وهيب سحبها مــن يدها : بلله شوفــي الابتــسامه البريئه الي هيا فيها ههههههههههه
هنـاء قربت من اعناب وطلت فيها وابتسمت علي ابتسامتها : ههههههههههه شكلها بتجلم في الشوبنق
: هههههههههههههه عاد
قربت لاعنــاب وهزتها مــن كتفهـا : عنوشه اصحــي
وهــيب يسحب هنــاء : برفق البنت في احلام سعيده تبي تفوقيها وتصدميها بالواقع
: يالله عليكـ ياوهيــب انا رايحه صحيها ابوها علي وصوول
: طيب ماعليكــي
خرجت هنــاء . وهيب اتنفس برتياح . لو انها كافشه طلاتو مشكــله
رخا نفــسو وجلس علي السرير وبكل نعومه حط يدو علي كتفها ومشها بهدوء : عنووشه عنووشه قلبي
اتحركت بهدوء وفتحت عينها : خااالووووو
قرص خدها : خالك في عينكـ ههههههههههه اسمي وهـــيب
رفعت الحـاف وهيا تمطط : دامكـ تصحيني كدا تصير خالوو ليت كلهم زيكـ ياشيخ
: اما زي ..
: يب يعني يصحو الواحد برواق مو صريخ وزعيق ومويا وكلام فاضي
فرفرلها شعرها : طيب يلا قومــي ابوكي علي وصول
وقفت بحماس : تمزح بابا ..
هز كتفو : يب كدا هناء تقول مادري اذا في شي غلط
وقفت ونقزت من السرير وعدلت بجمتها الي مشتولهـ : قفل البابـ وراكـ وهــيب البس ونازله لكم
: طيب ولا يهمكـ ياموزهـ
: هههههههههههه يعيش الموز خالي
دخلت الحمام وسكـت البابــ بهدووء
وهيب اتنهد بالم وخــرج مــن الغــرفه نزل علي الصالون تحت
هناء بتفصفص ولي المعسل في اليد التانيه : صحيت
: ايوهـ دحين نازله فينو يوسف
سحب لي المعسل التاني : علي وصــول انشاللهـ ..
رفعــو الصوت علي الاغــنيه المصريه الي كدا تحسها من الاغاني الي مادري ايش تبا ..
بعد دقايق دخــلت اعناب عليهم لابسه بنطلون احمرررررررر مع فنيله كت بيضه فيها قلب صغير علي اليمين : فينو بابا
هناء : اتفضلي عبرينا سلمي علينا وبعدين اسالي عن ابوكــي
قربت لامها وباست خدها : مساء الخــير ماما
: مساء النووور
جلست حنب وهــيب : جبتلك بدله خقق روح جربها
ابتسم : فينها
اتمغطت مكانها واشرت علي المكتبه : شوف الكــيس
وقف بــسرعه وشال الكــيس وخرج الطقم وطل في : عنوشه انا البس كدا .. ؟؟
بترجي : بليززز والله حلوو البس البس البس
: ههههههههههههه مالكـ داعي
وقفت وسحبتو من يدو : قوم قيسها سريع
هناء : يابنت من متي وهيب يلبس الخرابيط دي
: من اليوم من اليوم هيا طيب جرب بس ووريني
رفع يدو لخدها : مشكلتي ماقدر ارفض طلب لدي المخلوقه ههههههههههههههههه
رمت نفسها علي الكنبه : يسعدني ياناس
خرج وهــيب : ثواني
: تيك يور تايم
هناء : كيف المستشفي
: بخير الحمد لله اللهم لو يشيلو الي اسمو مازن دكتور ده يكون كل شي بخير
امها تخرج الدخان من خوشها بطريقه رهيبه : الرجال دهـ مابقيتيلو ولا خلتيلو ايش موسيلك لدي الردجه يعني
تسترجع المواقف الهبله وتبتسم خصوصا موقف الحمام فجاءه ماتت ضحكـ
امها رفعت حواجبها : لا ياشيخه ده وتكرهي ؟؟
: اكرهو يعني ما اضحكـ ايش دخل في دخل .. ؟؟
دخل وهــيب والتفتو علي .. هناء علي طول ضحكت .. واعناب حطت يدها علي فمها : وااي مره فله وهيب
وهيب مستنكر البنطلون اللابيض الي ماسك مره علي جســمو ومعا البلوزهـ الكبيرهـ الي لونه اصفر فاقع وعليها سلاسل من كل مكان مكشر وعاقد حواجبوو
اعناب تنقز : قول عجبك قول عجبكـ
وهيب يحك ادنو وشعروو وميل فمو علي جنــب : شكلو عاجبني رئيكـ
: وهيب مالكـ داعي علي المووضه
بستنكار : الموضه البس سراول اصغر مني نمرتين وبلوزه اكبر مني نمرتين وليش ماحوجني
: انت ايش فهمكــ
: ياليل
: طيب بس البسو مــره وحده عشانــي طيب
هز راسوو : امري لله يا عنوشه
جريت لمو وضمتو وباست خدوو : يب ردد الي دايم تقولوو
ابتسم علي بوستها البريئه والي حركت فيلو حجات كتيرهـ : كم عنوشه عندي
: ههههههههههــ ون ون عنوشه
وهيب يسحب البلوزه : اروح افسخ قبل يجي يوسف ويشوفني ويحكم عليا غلط
: هههههههههه روح روح ..

~~~~~~~~
A6baa fe al-7o0b
~~~~~~~~

وقف الســيارهـ عند عمارهـ من عمــاير اسكــان جدهـ .. ورخا علي المسجــل : يلا حنو خلاص
حنــين تمط بوزها : هنود دي تسميها تمــشيه
يهز راســو : اكيد لو احد لفلفني زي ما لفلفتكـ اليوم حكون لو من الشاكرين ماقصر معاياا
: مهند اقول امشي ياخــي .
مهند يطل في الساعه : وديتك المكتبه ومشيتكـ شويا ايش تبي كمــان
ضمت يدينها لبعض : ابغا اتمشي كمــان
: والله حسام بيستنانــي يلا زحــلقي
تمطمط صوتها : ياربي علي حــسام دهـ . وماما مافي فوق ايش اسوي لحالي في البيت ..
: اوديكي عند وحده من صحباتكـ
لفت علي بحماس : يب وديني عند ندوو
رجع شغل السياره ناوي يمشييي حنين بصدمه : هي هي دقيقه انزل البس
لف عليها وكشر : شوفي انزلي البس واسريلكـ مع أي احد مارح استناكي مستعجل
: لاااااااا هنوود وربي بسرعه البس
: انزلي بســرعه طــيب
فتحت الباب ونزلت رجل وحدهـ بس .. : هنود قوال والله مارح تروح
مهند يبتسم ويحرك حواجبو : مارح اروح
: لا لا قول والله
ضحك : ههههه اوختي اختصر عليكي الامور حلي ماني مستني
: هنود اروح مع مــين
: ماادري صحباتكـ الي ياكترهم فينهم روحي معاهم ولا اريحك اجلسي انتــي في البــيت وخليهم هما يجوكــي
تزبط لتمتهــا : هنود لا تــصير كيدا
: يا حنو حلي حسام بيستناني
سكت البابــ بعصبيه مهند صرخ : وجعععععععععع حتي الشباب مايصكو الباب كدا
صقعت الباب برجلها : اجل حسام احسن منــي واهم مني انا اختكـ
رفع حواجبو : ايوه انتي حسام لا اجل حــلي ولا تصقعي السياره لا اجي اكسر رجولكـ
: مع نفسكـ سلام
لفت وراحت علي العمارهـ .. طلبت المصعد وهيا تدندن مع انها معــصبه
ثواني وهيا قدام باب الشقه الاكياس في ايد وماسكه شنطتها وتنغبر فيها تدور علي المفتاح
: اوف فينوو
جالها انهيار لما فكرت انو يمكن يكون مو معها . ماجبتو اصلا او نسيتو في سياره مهند . او طاح منها في مكان
زفرت وصارت تهز الشنطه تحاول تسمع صوت المفتاح لما ماسمعت صوتو نزلت الاكياس من يدها
وقلبت الشنطه كلها في الارض . ونغبرت بين الاغراض بس الظاهر مافي المفتاح
طلبت رقم مهند بسرعه وحطت الجوال علي ادنهــا : هنود ارجع بسرعه اسرع شي
: وي ليش ايش صايررر
: مفتاحي مفتاحي مو معاياا
ضرب علي الطارهـ : ماتبطلي الحركه دي والله مو راجعلكـ .. روحي لتانه لين تجي امــي
بترجي وشويا تبكي : هنود لا تصير بايخ اجلس عند الباب يعني
: لا قلت لكـ روحي لتانه الصقه دي .. لين تجي امك ـ مو راجعلكـ حسام بيستناني .
: ربي مادري ايش يساوي في حسام دهــ
شهق : لا تدعي لا تدعي يلا حلي سلام
قفل الخط في وشها طلت في الجوال باحباطـ : ياربــي عليك من اخ
لمت الاغراض ورمتها في الشنطه وشالت الاكياس واتوجهت للدرج نزلت للدور الي تحت
ووقفت قدام الباب بعد ما عدلت لتمتها .. دقت علي الجرس دقتين خفيفه
واتنهدت وهيا تدعي في قلبها مايفتحلها مـنيـر . ما خلــصت دعوتها الا جالها صوتو من جوا ..
: مــين
فكت التمه بسرعه ورمت الطرحه علي وشها غطتو كلو : انــا حنــين ..
فتح البابــ .. وابتسامتو معــبيه وشو : اهلا اتفــضلي
تحركـ اصابيعها : تانه جوهـ
: أيــوهـ اتفــضلي
: لا ناديها لو سمحــت
ابتسملها ابتسامه حلــوهـ : طيب ثوانــي معلــيش علي ما اناديهــا
: مــو مشكــله
دخل وترك البابـ مفتوح .. وحنــين هفت علي وشهاا .. ليش من تشوف الانسان دهـ تحس بحرارهـ
اتنهدت وابتسمتها علي فمها .. وسرحت بافكارهــا لهناكـ وهناكـ .. .. ..
طلعتلها تانه كاشخه علي الاخــر .. : هلا حنين
حنين نزلت الطرحه عن وشها : كيفك تانه اخباركـ
تهف بايدها علي عينها تحس العدسات تحرقها .. : بخير انتي كيفك ليش واقفه خــوشي
: داخله بس امم ماما مافي ونسيت مفتاحــي وكدا
: طيب حياكـي حياكــي
حنين بتوتر : امم شكلك خــارجه
تانه سحبتها مــن يدهــا : مو دحيــن ماشياا
حنين دخلت علي مضض .. اتوجهو لغرفه تانه.
جلست علي طرف السرير بعد مافسخت شوزها : انشالله ماكون عطلتكـ
: لا يابنت مو دحــين خارجه
حنين بستفسار : فين رايحه يمكن اقط فيسي معاكــي
: امــا جد تجي ياليت
: لا وديني لبيت ندي
تانه بتفكــير : ندي فيــن
: في الـ ....
: طيب مافي مشكــله تلبسي شي تبي تغيري امم تعملي ميك اب
لفت الطرحه علي راسها : لا لا انتي رايحه مع السواق
: لا لا منير بيوديني
رفعت شفايفها بتفكــير : اجل خلاص بستني امي هنا عادي
: لا نوديكي بلا بياخه
: لا حسبتكـ طالعه مع السواق
: منير مارح يقول لا يلا قــومــي ..
تتململ مع انها عارفه ان تانه لصقه ومارح تفكها : امم ياشيخه اخاف اتقل
تانه لبست عبايتها ولفت الطرحه وشالت شنطتها : مارح اسيبكـ تبي تروحي لندي اوديكـي
وقفت وشالت الاكياس : طيب طيب مــاشي
خرجو مــن الغــرفه وحنين زبطت لتمتها وماشيه جنب تانه بتفكـير
منــير واقف ومتكـي علي البابــ وفي يدو الجوال ومنهمكـ فيلو اشد الانهماكـ .. التوب الطحيني تحسو مخلي لزيز كيداا وشعرو البني الفاتح مــرهـ منسدل علي كتــفوو ومعطي منظر بريئ .. والشرطه الي في نوص حواجبـو معطيتو لمحه رهيبه .. رفع عينــو عليهم واستغرب : تانه
اتلتمتـ : منير بنودي حنين علي طريقنا للــ عندك شي وكدا
ابتسم : يعني لو عندي شي حقول قدامها المفروض تساليني بيني وبنيك
حنــين كشرت : اذا مشغول مو مشكله اصلا ماما علي وصول
فتح الباب : لا حياكـي ماعندي شي
خرجو ورا واتوجهو للمصــعد .. تانه ضغطت الزر ووقفت وجنبها حنين
منير مشي يضغط الازارير كلها انفتح المصعد الي جنــبو ودخــل : تعالو بنات
حنــين مشيت للمصعد وفي نفس الوقت انفتح المصعد قدام تانه ودخلت
وحنين دخلت مع منــير واتفاجئت لما ماشافت تانه ورها
منير قفل المصعد وضغط جي : اتوقع ركبت هناكـ
حنــين رفعت حوجبها بعدم رضا : طيب
منــير قرب منها : حنين
حنين كشت مع ذالكـ مابان عليها : نعــم
: كيف حال مهند
: تقدر تسال عنو لما تشــوفوو .. ؟؟
رفع حواجبــو وبعد عنهــا : اوكـ
بعد ثواني انفتح المصعد خــرجت بسرعه وشافت تانه قدامها عصبت عليها : اشبك روحتي هناكـ
بتعجب : ايش في
منــيررر يرفع شعروو : مافيا شي سرينــا
خرج وهما ماشين ورا وحنــين تطل في مشيتو وهيا خاقه عندها مع ذالكـ تحس انها تكرهو زي ماتكره باقي الرجال ..

~~~~~~~~
A6baa fe al-7o0b
~~~~~~~~

خــرج مــن الغــرفه وهوا مــرهـ منزعج من صوت بكاها.. خير مارح تسكت حتبكي للابد يعنـي
لبس التي شــرت الابيض علي الجنز الازرق .. ويحــس بتوتر مو طبــيعي زي كــل مــرهـ
ايش حيعمل معها دحــين ايش حيقولهــا
زفــر بــضيق وحط الجوال علي ادنــو : مهند
مهند ويهرج بسرعه : قريب قريب منك ترا
حسام يتنفســ ومو عارف ايش يحكــي : ............
مهند ويخاف علي طول : فيك شي حسام .. ؟؟
حسام يلف وجهو يرمش بســرعه : لا
مهند متاكد انو عامل عمله من عمايلو وكالعادهـ نفسيتو متازمه : خليك دحين جايكـ
قفل الخط في وش مهند ورمــي الجوال جنــبو ..
حرام بنت بريئه .. كدا جالو احساس مــرهـ مو كويس كالعادهـ
راح للمطبخ فتح التلاجه وخــرج جك المويه وكبو علي وشوو ماندري ايش يحاول يطيررر بدي الطريقه
دخل علي وسام المطبخ وعلي فمو ابتسامه خبيثه من الدرجه الاولي .. : ها ايش عملت
رفع يدو انو اوكـي .. لف وخــرج رجع للغرفه بعد ما كسا وجهو بملامح .لا مباليه
فتح البــاب ولقاها علي جلستهــا حاضنه شنطتها ومنهاره بكــي .. رجع الاحساس السيء لو مره تانيه
: قومي اخــرجي ولا ناويه تباتي هنا
اكتفت انها تعلي صوت بكيتها تحاول تستوعب الي صارلهااا .. :.....
حسام انزعج منها خلاص اتقدملها وسحبها من كتفها وقفها وشال شنطتها بيدو التانيه وجرها قداموو وهيا مستسلمه بعد الي صار خلاص ايش حيصير اخص منوو لو كان بيجرها عشان يموتها ماعندها مانع انها تموت ..
وصل لباب الشقه فتح الباب ودفها علي برهـ ورمي شنطتها عليها : تعرفي الطــريق اتوقع .. ؟؟
سك الباب بعــصبيــه .. يبغها تحل عن وشوو عشان يطير الاحساس السيئ الي هوا فيلوو
وبالفعل لما سك الباب حس براحه دخل علي الصاله ورمي نفسو علي الكنب
وسام لف علي : اشبك ابو السمس
اتنهد ورسم علي فمو ابتسامه : ميه ميه
رجع علي ورا وجلس جنب حسام : قبل شويه كنت مقفل
حسام فجاءهـ كــشر : امم وسام قد ايش لك عارف البنت ديكـ
: والله يعني حق اربعه شهــوورررر
بجديه : ايش رئيك تزبط البنات كدا دايم وتحطلهم صوري علي اساس انك انا واخر شي سيبو عليا
وسام بنظره خبيثه : وانا مالي يعني .. ؟؟
يدف كتفو : وانا مالي انت عامل فيها شرريف وماتبا بنات خلاص شبكهم عشاني .. وبعد ما انا اخلص عليهم خدهم من بعدي عشان لا تحس بالذنب
: وانت تحس بالذنب عادي
يسحب السجارهـ من فمو وينفخ الدخان في وش وسام : أيــوهـ عادي ..
وسـام بتفكـير :طيب طيب فينها البنــت دحين هاتها اخــلص عليهاا
حسام ياشر علي غرفتو : مو في وحده جواا ؟؟
: ايوه نايمه نخرجها دحين أيش علينا
هز كتوفوو : خرجتها بره وسكيت البابــ
وسام يرفع يدينو لوجهو ويعمل انو منهار ويهز راسو يمين ويسار : حرام عليكـ انا بنت ضيعتني ..
حسام : هههههههههههههههههـ واطي
وسام بدهشه : مين الواطي هنا مين الي بيخلي البنات يساووا كيدا
حــسام يرفع حواجبو : هي هي هي لا تسوي البريئ
وسام يرفع كتوفوو : كل الي اجيبهم برضاهم وماهم بنات ما بضيع احد انت بضيعهم بجد
فرصع عينو : شوف الواد يساعدني بكل صدر رحب ويجي يتفلسف كمان
وسام زفررر ويغير الهرجه : مالكـ مالو حــس .. ؟؟
: مادري عنو ياخــي
وسام فجاءه اتزكــر البنت : حسووم جايبلكـ رقم بنت
يشرب من كاسه المويه : بنت بالاسم ولا بنت بنت ..؟؟
: لا بنت بنت
اتحمس وصلح جلستو : هات هات
: شووف هيا بنت مطفشه الموزرهـ حقتــي .. فعشان كدا ادبهااا .. بس لا تزودها معها يعني كلمها وديت معها وبس
بي ملامح معفصه : انا اخرج مع بنت وبس ... !!
وسام يفرك يدينو في بعض : ام شوف اسمع هيا بنت تكره الرجال خــير شررر يعني اصلا ان ادتك وجه يادوب
بندهاش : حد يقدر يقاوم حسام
صقعو علي وشو : يالله منك مع عيونك الصغيره دي
يرمش بطريقه تضحكـ : عيوني الصغيره دي هيا الي مخقق الخلق عندي ..
يدفو من كتفو : ماعليناا الموهم خد رقمها ودبر نفسكـ بس زي ماقلتلكـ كم ديت وبس لا تزودها
خرج جوالوو وهوا يصرف : طيب طيب هات هات الرقم
وسام يملي : 05 ...........
حسام اتحمــس سيف الرقم ورفع راسو : ايش اسمها ؟؟
وسام يحاول يتزكر : اممممم
: لا تقول ناسي
بعد تفكير وبكل ثقه : حنان ايوه حنان وطلب الرقم علي طول وحط الجوال علي ادنــو
وهوا مو عارف انو مسيف رقمها .. اختــو .. صاحبو .. اقرب واحد لــو
صوت ناعم هادئ وراخــي في نفس الوقت : مــين
حسام : مين انتي ...؟؟
بنفس الهدوء : مين معاياا ..
يمثل انو رسمي : اختي انا اسف لكـن جاتني اتصلات متكررهـ من دهـ الرقم
حنــين بستغراب : لا واللهـي يا اخويا ما اتصلت يمكن غلطان
: لا متاكد يا اختي شوف اربعه مكالمات وكمان رسالتــين ..
تطل في الجوال بندهاش : لا انا داا جوالي وما اتصلت ولا ارسلت شي علي الرقم شكرن
: اقرالك الرسايل عشان تصدقي يعني
حنين حست صوتو مو غريب تحس مو اول مره تسمع صوتو : انته مــين
حسام قلب الجوال وطل في الاسم : معتز معاكي معتزز انتي مين
بدهاشه كانت حتتكلم : انــا حـ ..
استوعبت في اخر لحظه مين دهـ وليش اقول اسمــي : الموهم اسفه اذا اتصلت او ارسلتلك رسايل كنت غلطانه شكرن
اتقفل الخط في وشو بعد الجمله دي
اتمغط وفركـ علي صدرو بيدو : آآهـ . صوتها لحالو حكايه يا شيخ . تصدق احس صوتها مو غريب علياا
.: هههههههههههههه بدينا بكش حسام
: ههههههههههههههه يامخنث من جد بتكـلم .. الموهم ماعلينا الي جابت رقمها ماتقدر تجيب صور لها
يهز كتوفو : مادري اكلمها واشــوف
حسام وقــف : طيب انا مــاشي
: فين مهند مو جــايكــ .. ؟؟
خلص كلمتو مــن هنا ودق الجررس من هنــا : بس هوا دهـ جا ابو هنوود ..
شال محفظتوو وجوالين من المرميه علي الارض وخرج : سلام وسام
يتمدد ويسحب الرموت : الله معاكم
حسام وصل للباب فتحوو وطلعلو مهند في وجهو متنح
: هلا تدخل
مهند مازال متنح .. حسام قرب وكمشلو خدودووو : خير الاخ فاصــل
مهند ياشر لدرج ورافع حواجبو بدهشه وشكلو لزيز صاير : شوف ايش دي مين دي ايش دا كيف كدا
حسام و يضحك علي طريقه كلامو : هههههههه خير ايش في لي بتهرج كدا ركز
مهند سحب حسام من التيشرت وطلعو بره الشقه وسحبو لجة الدرج واشرلو علي البنت الي جالسه وعبياتها مفتوحه وباين جسمها لانها مو لابسه تحتها شي غير الاندررررر وي ودموعها بتنزل من عينها بصمت ..
مهند ومارفع اصباعو الي بياشر بي عليها ومن بين اسنانو : اكيد دي تخصكـ .. ؟؟؟
حسام جا دورو يتنح دي ايش مجلسها هنا الين دحين عصب منها ومشي لجهتها وشاتها برجلو : هي هي انتي روحي بيتكـ
: البنت لا صوت ولا حركه بس دموع تنزل كدا
مهند قلبو اتقطع عليها : حسام حسام يالله حسام
حسام سحب مهند من يدوو وراح علي المصعد : اتركها ياخي بنت واطيه
مهند شد يدو من يد حسام وضمها لصدرو : طيب
نزلو لتحت وخرجو مــن العمارهـ ومهند معصب مره من حسام وحسام معصب مره من البنت يعني ايش تقصد جالسه الي دحين تستنا يحن عليها يعني ويشفلها حل زي انو يتزوجها مثلا
ماحس بنفسوو وهوا يضحكـ علي افكاروو
مهند صقعو علي ضهرو : كمان تضحكـ ياخي مافي قلب جوه صدركـ
حسام عصب من مهند فجاءهـ وقرب لو مره وحط اصباعو علي صدرو : لا قلب هنا مافي قلبي راح من انا صغير مافي هنا الا الحقد الكرهـ .. تبا شي منهم ..
مهند كل شي ولا انــو حسام يتالم بسبب زكرياتو الي مادري ايش تبا
قرب وكالعادهـ مايعرف يواسي ولا يعرف يسوي شي غير انو يغير الهرجه : حسوم نروح البحرر
حسام يطل في بنص عين : لا سلامــات .. ؟؟
مهند يبنسط لان حسام ينسي بسررعه سدحلو ابتسامه من الذي هيا : اجل فين
حسام لف يدو حولين رقبه مهند وخرجو من المصعد : دحين تشوووف

~~~~~~~~
A6baa fe al-7o0b
~~~~~~~~

موقف سيارتــو بموزاهـ الرصيف
وعلي الشارع التــاني هايبر بندهـ .. فكر يوقف بعيد كدا احــسن
كل شوياا يطل في مؤخره السيارهـ . ومضايقتو الصقعه الي واضحه كدا ومشوهه المنظـر : اه بس فينك يارودي
بدون مقدمات طلب رقمو وحط الجوال ع ادنوو وبرضو اتنهد
جالو صوت رائد يتنهد هوا كمـان
كاسر ابتسم لا شعوريا حتي التناهيد يطلعوها مع بعض : رودي
: عيون الرودي شلونكـ كسوور
رفع يدو لشعرو : ههههههههه تو قبل شوي سالني ايش لونــي .. وانا باقي زي ما انا
: قاعد تنتظرها يعنــي
: ايه ماشرفت لما الحين مع ان كل شوي ترسلي . انا علي وصول
: مادري ايش تحس فيه تبي تعطيها ذا المبلغ
: عادي موب محتاجله
رائد يحاول يتفاهم معا : انت الحين موب محتاجله لكن لازم توفرهـ ابوكـ ماتعرف شنو موقفه بالزبط . وانت بطول اقامتك في جدهـ . يمكن تحتاج شي او شي كذاا
كـاسر بلا مباله : انت معي موب محتاج شي ولا راح احتاج شي
رائد يرفع صوتو : يالبي
كاسر : هههههههههههههــ
رائد يزكرو : انا هناكـ بالرياض
كـاسر يتنهد : ايه اعرف لكن بعد اعرف انك موب مبطي عني مو صح
: اكيد ياكسور واتوقع كذا ان الامور بتمشي بسلاسه اسالني ليــش
: لــيش .. ؟
: عشان لازم ارجعلكـ للجدهـ واشوف اموركـ
: ههههههههههههه رودي تخيل شنو
: هات شنو .. ؟؟
: ما وديت الاب كوت ولا بدله السكروبس للمغسله شكلي بداوم بكرهـ بلبس عادي
رائد : لا لا مايصير كسور . انت فيها روح ودي الاب كوت بالقليل .. واترك البدله البس أي شي من تحت
يهز راســو : ايه انشالله بشووف
جاتو رساله علي البي : دقيقه رودي
: زين
طل في الجوال وقرا المسج بصوت مسموع : انا وصلت عند بنده دحين انت موجود
رجع لادنو : اتقول انها وصلتـ
: يالله تحيها بس ودي اعرف ليش تبي تعطيها خمسة الاف وانت ماتعرفها
: مادري ياخــي بس بتاكد من شي بكره وبقولكـ علي طول
: هههههههه زين قلي شنو راح تسووي .
: زين فمان الله
قفل ورجع كتبلها بسرعه : انتي وينكـ شنو سيارتكـ ؟؟
ردتلو بسرعه : سيارتي ال...... سودهـ شفتني انته فينكـ ما اشوفكـ
: خليني انا اشوفكـ وبجيلكـ وش تبين فيني
استغربت منو ارسلتلو >> ؟؟؟
طل في السيارهـ وعرفها علي طــول
ابتسم علي الاستفهامات وردلها : شفتك الحين بجيكـ
جا بدو يمشي ويرحلها لكن اتزكر شي ما دقق فيلو .. حروحلها عادي ويديها الوس وتشوف وشو طب كيف حتمشي الخطه . مارهـ مايجي ..
دخل يدو من الشباكـ وسحــب الطاقيه السودهـ لبسها ورخاها مرهـ غطا حواجبو وادنــو والي يشوفو يقول عنو بردان ولا بردان ..
قفل السيارهـ ومشي بخطوات سرريعه قطع السكـه واتوجـه لهايبر بندهـ .. قرب لسيارهـ واتعدي من عندها وخطف نظره سرريعه من البنتين الي وحده فيهم واقفه جنب السيارهـ و متكيه عليها والتانيه جوتها والسواق متكي علي الشباكـ بطفش
بعد عنهم وهوا يفكـر كـيف يديها الفلوس اكيد مارح يطلعلها وشو ابد ..
انتبه لشله اطفال معاهم نفافيخ الكبيره دي الي علي اشكال نجوم واسكريمات وسبونج بوب .. وبيجرو في الساحه وضحكاتهم معبيه المكان
قرب لولد كدا صغيرر حق الخمسه او سته
نزل لمستوي : شلونكـ يابطل
الولد كش وبعد علي ورا كاسر مو عارف كــيف يجيبو : شلونكـ ان قلتلي زين بعطيك دخان
الولد فتح عينو بدهشه وبعيدن ابتسم بخبث : بابا عندو دخان
كاسر ضحكـ وقبصلو خدودو : اطلب منك طلب
هز راسو بلا وشعرو صار يروح يمين ويسار : بابا يقول لا تكلم احد
كاسر زفر وبعدين معا : اقلك عندك اخوو
يهز راسو : ايوه كبير
: فينو طيب
الولد لف واشر علي ولد كدا كبير باين علي حق ثنوي
كاسر وقف ومسك يد الولد الصغير لكنو سحبها منو بقوه : مابا
طنشو ورفع الجوال لما جالو مسج علي البي مره تانيه .. انته فينكـ من اول واقفين
ارسلها .. الحين بجيكـ علي شنو مستعجله
دخل الجوال في جيبو واتقدم من الولد : السلام عليكم
الولد التفت حولينو بتعجب بعدين رجع طل في كاسر : هلا وعليكم السلام
كاسر بدون مقدمات : ممكن خدمه
: اكيد
مدلو الحافظه القطيف الي لونها اسود : ممكن توصله للبنات هناك
الولد طل في البنات وخرج لسانو رطب بيلو شفايفو : اكيد ايش لياا
كاسرر خرج محفظتو وسحب منها مبلغ مايدري كم وحطو في يد الولد : كذا يكفي
الولد طل في التلاته الخمسيات بصدمه : يكفي يكفي
لف بدو يروح كاسر مسكو : لو سالوكـ قلهم عطاني ايه واحد وراح
وبتهديد : ولا تقلهم عني ولا تاشر علي ولا اوقولكـ انا بروح للشارع الثاني وبراقبكـ زين
الولد ببتسامه : ولا يمهكـ
: يلا رح
راح الولد منا وكاسر لف وبعد عنهم وبس صارت عيونو تراقبهم
عند البنات
اهداب تتافف : مصدقه انو حيجي
: يب عندي احساس انو حيجي
: من اول واقفين وما بين واللهي
زهاد تتلفت حولينها : حيجي في أي لحظه
اهداب زفرت : ارجعي ارسليلو تاني قوليلو ورانا اشغال محنا فاضين
: ياليل اشغالكـ ياشيخه
اهداب لما انتبهت للولد الصغيرر الي ماشي لجهتهم ولابس توب ابيض دقت يد زهاد : هوا دا
زهاد طلت في الولد الي ابتاسمتو معبيه وشووو وكدا مره دندون كشرت معقوله داا
وصلهم : سلام
زهاد قربت لو : وعليكم السلام
مدلها الظرف : اتفضلي
زهاد اخدت الظرف وهيا مبلمه : انته انته انــ
ابتسم علي تلبكها : لا لا واحد اعاطني هوا قال ادي لكم ..
زهاد اتنفست برتياح وبعدين ضحكت واهداب ضحكت معها
الولد لا شعوريا ضحكـ : يلا عن اذنكم
مسكتو : لا دقيقه
: ها
: مين هوا
: راح
: فين راح من فين راح
: راح اصلا قال ما اقلكم هوا مين
اهداب قربت : لا قول كيف شكلو
الولد ببرائه ياشر بيدو : كدا طويل وابيض كدا ولد عادي
زهاد اهم شي عندها العمر : طيب كبير هوا
رفع كتوفو : مادري بس اكبر مني
لف الوالد لما سمع ابو ينادي ويطل فيلو طلات غريبه اتلبك : عن اذنكم مع السلامه
زهاد ومو مصدقه : شكرن
دخلو علي السياره بسرعه وزهاد رمت الطرحه علي كتفها ومدت يدها شغلت النور
وفتحت السسته وانبسطت وهياتشوف الخمسميات الجديدهـ : دبابه شوفي مابيمزح مابيمزح
اهداب بلمت : من جدو والله انو والله انك >> خانها التعبيررررر
زهاد بحماس : يااهـ برجع للدكتور فلووسو .. واتمتع بالباقي هههههههههههههههههــ
: كويس طحتيلك علي حد جديد
تعض اصابيعها بحماس : انا حرجع البيت وحسهر معا لازم اشبكو يعني لازم اشبكو
اهداب تكلم السواق : حرك يابويا رجعنا البيت . وانتي مديكي فلوس يعني اكيد خلاص شبكتو بعض
: لا لا ياهبله ابالو تشبيكه من النوع الكويس ايش فهمك انتي
: الله يعنك بس
دخلت الفلوس في الشنطه وحضنتها : ياهـ والله بس ياريت شفت شكلو من ادخل مسن حطلب صور لوو
اهداب تضحك بتريقه : تتوقعي حيوريكي صوروو
: ايوه ليش لا حتي لو اطريت اوري صوري انا
: هههههههه انتي ما عندك مشاكل مو كل الناس زيك
ضربتها علي كتفها : مع نفسكـ
دقت القزاز : شغل شغل شكشكه
كشر : وتـ
اهداب تهرجو انجلش : شغل أي شي تكنو مثلا
هز راسوو وشغلهم اغاني اجنبيه وزهاد فالتها مع نفسها واهداب طفشانه ليش ما ندري

[

~~~~~~~~
A6baa fe al-7o0b
~~~~~~~~

جالسين في الكــوفــي .. وكل واحد قدامو الي طالبو مـن ما لذ وطابـ
جمانهـ لابتوبها قدامهاا والكوفي علي اليسارر وجنبها اتنين من صحباتها قدامها تلاته شبابــ .. وفي الاخير اجوان وجنبها نسيم الي مبلمه من اول وساكته وبتكتفي انها تضحكـ علي بعض من كلامهم وتعليقاتهم
فاقت لما اشرلها واحد من الشبابـ : معانا انتي
طلت في : فيــن
واحد تاني قط وهوا يولع السجارهـ .: لا لا ماهي معانا من اول ساكتــه
اتلبكت لما كلهم لفو عليهااا : انا امــ
اجوان رفعت يدها عل كتف نسيم وقربتها لها : هي لا تطلو في نسو كدا خوفتوهـا
نسيم ببتسامه مرتبكه وخدودها محمرهـ : لا لا
جمانه طلت فيها وفي اختها بلا مباله ورجعت لفت علي اصحابهاا ورجعو خشو جو في الهروج
اجوان رفعت الكوب ومدتو لنسيم : اشربي الناس شربت وخلصت وكرعت وانتي ربع الكوب ما شربتي
نسيم مسكت الكوب وقربت فمها لادن نسيم : مخوفننني الاوالد
اجوان بندهاش : اما عاد
: يب يب خصوصا الاشقر دهـ ماسابني بس يطل فيا
اجوان طلت في ورجعت لفت لنسيم وهيا رافعه حاجبها : موزه شايف موزه ليش مايطل .. ؟
نسيم تصقع يدها بخفه : والله خايفه منو بجد
: اقلك اصحاب جمانه دول مارح يسولك شي
وقــفت : طيب قلتيلي
تزبط طرحتها : يب سرينا ناخد لفه
نسيم وقفت بسرعه وبدون مقدماتـ : اكيد هيا
جمانه لما شافتهم وقفو طلت فيهم بتعجيب يعني علي فين
اجوان علي طول فهمت طلتها : راحين ناخد لفه ونرجع
جمانه بنبرهـ تهديد : لا تطولوو شويا وماشيين ..
مسكت يد نسيم : اوكـي
خرجو علي بره واتنفسو هما الاتنين برتياح
لفو طلو في بعض وانفلتو ضحكــ
نسيم : هههههههههههههه كنها اختكـ عامله لنا ازمه
اجوان تهز كتفها : مادري اشبها عليها طلعات دي احيان
: طلعات كيف
: زي اليوم ساحبه عليا وتقول لا تتاخري خير من متي ماما الي هيا ماما ماتقول لا تتاخري حتي تجي تهرج هيا
: مشي حالكـ بس
: هوا دهـ يمــشي
خرجو برهـ الكــوفي وصارو يمشو علي الرصيف الخالي الا من كم نفراتـ بيمشوو
نسيم تطل في الساعه : متي حترجعوو وكيدا
: زي ماقالت جوجو شويا يعني
نسيم تفكر في اختها : ياشيخه بتخيل لو تسنيم معانا وفي الشباب تنجلط وربكـ
: هههههههههه اختكـ معقدهـ
: ياشيخه تظلمي كلمه معقدهـ دي شي اكبر من كدهـ
اجوان بتفكـير : غريبه صراحه
: ماغريب الا الشيطانـ ..
نسيم انتبهت للسيارهـ الي واقفه بموازه الرصيف وبتتحركـ حركه غريبه : جوني شوفي
اجوان تطل في السايرهـ وتضحكـ : هههههههههههههه تتوقعي
نسيم تفرصع عينها : لا لا موستحيل احنا في شارع عام
اجوان تقرب للسيارهـ : يب وده المطلوب مين حيدري عنهم
نسيم تمسكها : هي علي فين راايحه وقفــي
: بعدي خلينا نطب عليهم ههههههههههههههههههههههااي
نسيم بخوف : ياهبله مالكـ دخل
: اكيد اتنين بيسوووي مصخره اقص يدي
نسيم تسحبها من طرحتها : قصي يدكـ وفكيناا
وصلو للسيارهـ ووقفو يطلو عليها مــن بعيد القزاز كلو مضلل طبعــا .. ماهم شايفين شي
اجوان : اموت واعرف ايش في جوااا
نسيم : ياربي مايمدحو القافه ولو بيسوي شي من وقفتنا الهبله دي عندهم حيبطلوو
: هههههه يبطلو لكن مايمديهم يزبطو امورهـم
قربت للسيارهـ بجرائه وحاولت تفتح البــابــ .. لكن مقفل
قبل ما تبعد انفتح قزاز السيارهـ وانتبهو للشابين الي جالسين ومنظرهم مره عادي مايدل انو وراهم شي
اجوان رفعتلهم يدها : هاي
حسام راح خرايطها من الهاااي رفع نفسوو ولصق في مهند عشان يطل معا : وعليكم الهاي
مهند : أي خدمه ؟؟
اجوان تطل في : لا بــس سيارتكم بتتحركـ
حسام يبرر : ايووهـ كنــ ...
مهند يلف علي يطل في طله ويرجع يلف علي اجوان : طيب تتحركـ ؟؟
نسيم قربت لاجوان وسحبتها من يدها : مشينا
حسام يفتح باب السيارهـ : دقيقه دقيقه
مهند بعصبيه : حسام اهجد لا اخربطك
حسام : والله ما اهجد لو ايش مزز لين عندي يجو واسيبهم
نزل من السياره ولف لنسيم واجوان الي واقفين بعد ما قلهم دقيقه
نسيم زفرت واجوان سدحت ابتسامه حلوهـ : هلا
حسام بدون مقدمات كالعادهـ : ارقمكـ ولا بلاش
مهند نزل من السياره وقف جنب حسام يستنا يخلص
اجوان بحيرهـ : ارقمك ببي يجي
حسام بحزن يرفعلها جوالو ابو كشاف : ماعندي ببي
شهقت ورفعت يدها لفمها : مستحيل ماشي بدا
نسيم تتافف وتسرق نظرات لمهند الي برضو بيتافف وفي قلبها اكيد صاحبو جايبلو البش زي صحبتي دي
قربت : جوني هيا
حسام يحك صدرو ويقرب راسو : ايش قلتي جوني اسمك ايش يابنت
اجوان وترفع الطرحه الي كل شويا تتزحلق عن راسها : اجوان اسمي
حسام ببتسامه بريئه وعينو تلمع : ياعاشت الاسامي
اجوان زي كل البنات الي راحو ضحايه عيون حسام الصغيره خقت علي طول وطلعت جوالها : كم رقمكـ
حسام يسبل بعيونو ويطل في مهند طله لها معني وينقل اجوان الرقم وياشر بيدو علي ادنو : نتكلم في اقرب فرصه
نسيم ضحكـت وهيا متنحه في مهند . : هههههههههههه
حسام طل فيها ويتمني يرقمها هيا كمان لكن مايجي عشان صحبتها وعشان عيونها علي مهند
مهند مومنتبه لطلاتها وبالو مو معها مسك يد حسام : يلا مشينا
حسام يسحب يدو : مشينا مين ما من اول جالسين بنرقص
اجوان : هههههههههههههه بترقصوو
طلت في نسيم وضحكو هما الاتنين
حسام ولازم يعلق : ضحكوني
اجوان بجرائهتها الي وارثتها عن اختها الي وارثتها عن امها الي وارثتها عن جدتهم >> ؟؟
: لا بس اول شفنا السياره بتتحركـ وشكينا انو هههههههههههههههه
نسيم بسرعه : لا لا انا ماشكيت افكاري نضيفه
مهند صوت رايق : نضيفه اجل
حسام التفت علي مهند بتعجب يهرج مع بنت
مهند رفع حواجبو يعني خــيررر
حسام يحط يدو علي كتف مهند ويدفو للسيارهـ : مو فاهم شكيتو في ايش لكن ماعلينا يلا عن اذنكم
اجوان : اما مو فاهم اسال صاحبك اكيد فهم
نسيم تقرص اجوان : اه أي
حسام خق عند الاهـ وضيق عينو : سلام
اجوان تمدغ البانه بطريقه عجيبه وهيا خاقه لنوخاع عند حسام : طيب سلام ونتكلم في اقرب فرصه اليوم امممم مثلا اممم او بعد شويا اممم او دحين
حسام ويسبل بعيونو : اما
مهند رمي نظره متاسفه لنسيم واجوان قبل ما يدخل السيارهـ ويسك البابــ ويحركو بعدها علي طول
اجوان لفت علي نسيم وهيا تهف علي وشها : ياربي مو معقول يجنن
نسيم تمشق : ايش يجنن فيلو
: مادري الكدش العيون الابتسامه عزاب
نسيم : والله اكبر شاكوش اما صاحبو كدا دندون ومززز مــرهـ
: ههههههههههـ اما ماطليت في حتي مره قصيررر يعني مره مو جووي
: ههههههههههه حرام عليكي عشان قصيررر
: يا امي من تشوفي الرجال قصير حطي علي اكس ...
: طيب امشي نرجع قبل تتفلسف احتك الي مادري ايش احساسهاا
: ع قولكـ يييي شكلي حكلمو دحــين
: يابنت اتعلمي التقل
: ياماما بلا تقل بلا هم
رفعت الجوال لادنها سحبتو منها نسيم وقفلت الخط : اقول اهجدي كلمي بعدين
تضرب رجلها في الارض : ياررررررررررربي اتركيني اكلمو وووو اف اف اف
نسيم تقفل الجوال وترمي في شنطتها : بطلي خفه منك مكلمتووو دحين

~~~~~~~~
A6baa fe al-7o0b
~~~~~~~~

جالسه جنــب ابوهــا ومتلصقه في وعاقده حواجبها : ليش تاني مره لين متي يعني بابا
: والله يابنتي السفر صار مرض عندي ماقدر ما اسافرررر
بزعل : طيب اليوم واصل ياخي ريحلك يومين تلاته بالكتير وارجع سافر علي طول بكرهـ
هناء ( ام اعناب ) تفصفص وحاطه رجل علي رجل : ابو طبيع ما ييوز عن طبعه
وهــيب يدخل : طيب ليش ما تاخدهم معاكــ
يوسف يهز كتفو ويطل فيهم : تجو معاياا تجوو كل سفره تجوو
اعناب تمشق : عارف عندي تطبيق دحين
هناء تمشق هيا كمان وتهف الدخان من فمها : مافيا للصرفده انته روق وشوف بيتك وعيالكـ
لف يدينو حولين اعنابــ : أي عيال هيا بنت وحــدهـ فديتهااا
اعناب تقفل الهرجــه وبزعل باست خد ابوها : يلا توصل بسلامه
يوسف بتعجب : مو مسافر دحين
اعناب ومرهـ زعلانه خلاص : ادري بس انا رايحه مع وهيب وادري لما نجي نلقاكـ نايم ولما اروح بكره تكون نايم
وهيب بندهاش : رايحه معاياا
تطل في تفهمو الهرجه : مو قلت نروح اشســـ...
ماقدرت تالف مكـان وهيب انقزهـا : ايوه صح صح
هناء تكشر : فين رايحــين
وهـيب ببتاسمه : بس باخدها معاي بنقي غرفه جديدهـ
: اهااا
اعناب والدمعه تبا تتزحلق : طالعه البس
وقف يوسف ومسك يدهاا : بنتي البكايه
اعناب بس قلها ابوها كدا ادحدرت الدمعه : انته بابا بس تسافر ايش هوا داا
هناء : يه يه بطولكـ دا وتبكي وتقولي كدا لو عمركـ سنتين اجل ايش تسوي
وهيب ويرجع بزكرياتو لوراا : من هيا صغيره دي كلمتها ودي حركتها وكدا دمعتها عند البابـ ..
ابتسمت غصب : وهيب خليك في حالكــ
يوسف يمسحلها الدموع ويبوس خدها : يابنتي امرض ونفسيتي تتعب لو ما اسافر ايش الحل
مطت بوزها : انا ماقلت لك لا تسافررر
رفع حواجبوو : ليش هوا انتي تقدري تقولي ما اسافر
وهيب وهناء انفلتو ضحكـ واعناب كشرت : قصدي توكـ راجع ارتاح اقلها
: انا لو نمت دحين حصحي الفجر مرتاح يكفي
بطفش : يعني مصر تسافر بكـرهـ
هناء : ايوه مصر حتي انا مرتو ما وحشتوو
يوسف يطل فيها ويضيق عينو : دحين اشبعك مني
وهيب وقف : عنوشه روحي البسي عشان نطلع .. وخلي امك وابوكي يشبعو من بعـض ..
: اوكــي ..
باست ابوها وراحت باست امها وطلعت علي غرفتهااا وهيا مكشررهـ
مــرهـ يوحشها ابوها وتستنا يجي بفارغ الصبررر .. ومن يجي ما يكمل يومين علي بعضها الا ويرجع يسافرر .. بدت تتسال بينها وبين نفسهاا ايش ورا سفراتو دي الي ماتخلص
لبست عبايتهااا ورمت الطرحه علي كتفهااا وخشت شوز ابيض راخي في رجلهااا وطبعا مانسيت ترمي كم غرض في الشنطه الملونه وتحطها ع كتفها باهمال
خرجت من الغرفه ونزلت لتحت دخلت علي الصالون
وماشافت الا وهـيب : سلام فين ماما وبابا
يتاوب وبعدين يلفلف عينووو عليها : امك طلعت غرفتها وابوكي خرج يقول عندو مشوار
: اهاا طيب مشينا
: طيب بس فين حنروح
: مادري ماتبا تختار غرفه جديدهـ ؟؟
: ههههههه طبعا لا غرفتي يازينها وياحلاتها بس تصريفه
: طيب أي مكان نتعشي ونرجع
مدت يدها ومسكت يدو بحسن نيه
لكــن .. هوا مسكها وجلس يحرك اصابيعو علي يدينهاا وماقدر يمنع نفسو انو يرفع يدهاا لفمو ويبوسها
اعناب ابتسمت : وهيب هههههههههههههههـ عليك طلعات شايفني جدتكـ تبوس يدي
قرب منها بسرعه وباس خدها : اهو مو جدتي
رفعت يدها وفركت خدهاا : ييييييييييي تحطلي من خيراتكـ
ضحك وهوا يفتح لها باب السيارهـ : يلا خوشي
ركبت ودخل هوا من الجه التانيه : يلا فين تبي تتعشي
: بيني وبينك نفسي مسدودهـ
: ليش افا مين استرجي يسدلكـ نفسكـ
: ياشيخ بابا مزعلني منو مايقر في جده يومين علي بعضها يوحشني
: يا عنوشتي يوسف من يومو يعشق السفرر ما اتعودتي علي
اتكتفت وهيا تتنهد : علي امل انو يجي اليوم الي يقر ويبطل يورح ويجي ع فاضي بجد يوحشني
: ماحس في امل الي يتعود علي السفرررر ترا مايقدر يتركو وبااء داا
: مادري خلي بالتوفيق
: طيب نخلي وربي يوفقو .. ها بما ان نفسكـ مسدوده فين تبي نروح
: .. مادري السنما
: هههههههههههه طيب .. أي سنما تبي
: مااادري بس ابغا سنما تعرض اخررر فلم نزل في الفوكس اوفس
يضحك علي نطقها : هههههههههههههههه طيب طيب جد علي فين
طلت في باسكن والي حولينو زحمه شباب واقفين : وقف ناخد اسكريم وكداا
عقد حواجبوو وراح علي يمين : اوكــ نزلنا
زبطت طرحتها ونزلت بحماس : يااهـ اشتهيت الملك شيك
وهيب مسكـ يدها وخشــو علي المحل الي مره مزحووم بطريقه غــريبه
اعناب كشرت : ياهـ ايش هوا دهـ فجاءه العالم يبو ايسكريم باكسن
وهيب : تصدقي غريبه الزحمه دي
: يب مــرهـ
راح يخوش بين الزحمه : خليكي هنا عنوشــهـ تبي ميلك شيك بس
: يب اجل معا شي تاني
: يمــكن هههههههههه دقايق
راح وهيب وهيا وقفت واتكتفت وهيا مستغربه من الزحمه في مثل هزا اليوم من الاسبوع
جالسه تطالع في الناس الرايحه والجايه والاطفال الي مبسوطين بي الاسكريمـات والناس الغجروالي اصواتهم في كل المكان ..
شدها ولد صغير كدا حق الاربعه اور تلاته سنــين .. مصنقر مع امو والا يبا اسكريم اكبــررر
رفعت يدها لفمها وضحكت بشويش ..
قربت لعندهم تحاول تعرف ايش بيحكــو ..
فجاءه امو وقفت ولفت علي اعناب .. الي سدحتلها ابتسامه تصرف بيهااا قربها منهم بدا الشكل ..
فجاءه ابتسمتلها : ياهـ انتي الي في السوق
اعناب تحاول تتذكر شكلها : انـا . في . السوق . ؟؟
ضحكت ضحكه حلوهـ : ايوه مو اسمك اعناب قلتي
ورجعت رفعت يدها لفمها وضحكت تاني
اعناب كشرت : ماعرفكـ
: ههههههههههههه يب ماتعرفيني لاننا اتقابلنا مره وحده اكيد نسيتي انا فاكرتك عشان اسمك
ورجعت تضحك تاني بطريقه مستفزه
اعناب عصبت منها : وايش الي يضحك لدا الحد ..
: لا ابد هرجه بخصوص اسمكـ
رفعت حواجبها : اسمي .. ؟؟
: ايوه بحاول ازكرك بيا امس مدري قبلو في المول شفتيني كنت لابسه زي صندلك وعلقتي عليا
اعناب ارتخت ملامحها : اهاا اتزكرتكـ
: يس اناا
ورفعت الولد الصغير : دهـ ولدي جنني يبا اسكرريم اكبر ومارح ياكلوو
اعناب دابت عند شكلو كيدا الدموع واقفه في ركن عينوو وشفايفو لاويها وخدودو مره محمره . حست فيلو شبه من احد تعرفوو حاولت تطلع الشبه ماقدرتـ : ربي يحمي يارب اشتريلو وكلي معاا
: مالي نفس لا انــا ولا ابــو دخلت عشانوو
بلقافه : فين ابوو
اشرتلها من خلف القزاز : بــرهـ عند السيــارهـ
اعناب طلت بتعجب واقف بره ومخلي مرتو خاشه في الزحمه مع الولد
طبعا مالها حق تعلق اكتفت بانها تشبك يدينها في بعض : اها
: عن اذانكـ ولا تنسيني مره تانيه يمكن نتصادف تاني
: طيب
نزلت ولدها في الارض وتقنعو : يلا نروح لبابا خلاص كل الاسكريم ده طيب
يهز راسوو وهوا يمسح الدموع عن عينو بقفا يدو : طيب
نظرات اعناب مركزهـ عليهم لين وصلوو للسيارهـ وراحوو
قطع عليها وهيب تالماتها : اوف جيتك اتفضلي
اخدتو منو : ياهـ تسلم خرجنا احسني انكتمت
: صادقه هيا هياا

~~~~~~~~
A6baa fe al-7o0b
~~~~~~~~

خــرجــت من المحــل وشايله في يدها كلبها الابيض الي كان تعبان وشكلو كدا يدنن مـرهـ والشريطه السودهـ الي ملفوفه علي رقبتو ومبرزه سواد عنونو مخليه شكلو كيوت اكتررر >> توصف كلب ؟؟
لبست النضاره الشفافه واتصلت علي الســواق يجيب السيارهـ لعندها
قفلت الخط ومامرت دقاقيق الا وكان واقف قدامها ..
ونزل بسرعه دار حولين السيارهـ وفتحلها البابـ اعطتــو الكلب شالو منها ودخلو جواا
وبعدين مد يدينو مسكت طرفها وطلعت علي السيــارهـ
سكـلها الباب ودار حولين السياره رجع مكانــو
قبل ما يحــركـ سمعت دقات خفيفه علي القزازز استغربت في البدايه بعدين عقدت حواجبهااا واتاففت
رجع دق علي القزاز باصررار
رخــت القزازز ونزلت النضارهـ بدون ما تهرج
حســان وملامحو باين عليها الطـفش : فكي البابـ بدخل
رفعت واحد حاجب : ؟؟؟؟؟
حسان يفرك وشوو ويمرر يدو علي شعروو بتوتررر : فكي البــاب بســرعه
: لــيش
: اقلك افتحي بســرعه قبل مايجوو
بتعجب : مين هما
صقع الباب : افتحي اهدااااب
خافت وبعدت عن الشباكــ وهيا ضامه الكلب لحضنها : ايش ايش تبا
طنشها ويصرخ علي السواق : افتح البــاب انــته .. ؟؟ هي !! افتح لا اجي ا*** انت واهلكــ
فرصعت عينهااا : كياا امشي امشي
حسان بتهديد : اهداب لو مشيتي من هنا مارح يصرلكـ شي طــيب
بخوف : كيا افتح البــابـ
دخل حسان بسررعه جلس قدام اهداب وسكـ البابــ .. ويكلم السواق : سك الشباكـ وامشــي بسرعه
السواق يطل في المرايه علي اهداب يعني امشي ولا كيف
اهداب وتتحاشا تطالع في حسان : سمعت ايش قال ياكياا
السواق حرك ومشي ويهرج انجلش طبعا : علي فين مس
اهداب تطالع في حسان طلات تسالو بيها علي فيــن
حسان ابتسملها : خايفه تكلمـيني يعنــي
تطل في كلبها الصغيرررر وتمسد علي : يعني المفروض ما اخاف
قام وجـلس جنبهاا وهيا لصقت في الباب : ابعد
طل فيها طله تخوف سكتت وبعدت عينها عنوو
مد يدو وشال الكلب من حضنها وماحاولت تعترض ابد .. حطو علي المقعده في الجه التانيه ولف عليها
: كلميني
: ها
: اشبكـ
: مافيا شــي ..
مسك دقنها ولف وشها علي : يعني تبيني ارمي نفـسي وسط الشارع تدعسني السيارت يمكن تصدقيني
رفعت يدها لخشمها ومسحتو بطريقه تضحكـ : لا لا ترمي نفسك قدام السيارت دا انتحار ..!!
لين ملامحو : طيب صدقتيني يعنــي
: مادري يمكــن
: طيب ايش اسويلكـ عشان تصدقيني
رفعت عينها تطل في عينوو : حسان سويت كل شي عشانكـ .. تعرفني .. تعرف ابويا .. ووضعكـ مافيلو أي شي .. تشتغل احسن شغله . ايش تستنا ما تجي تخطبني
حسان انفجع مره من طلبها لكن ما بين .. : انا حخطبك صدقيني بس
قاطعتو : بس وت ماخلصت لعب مع البنات يعني .. ؟؟!!
كشر طوالي : اهداب لا ترمي كلام منكـ قدوو
: اهاا قلتلي طيب اسفه انته دحين راكب سيارتـي ايش تبا ومين الي قبل ما يجوو
: اصحابي
: ايش جابهم هنا
: سخيفين ماعليكي
: طيب راكب سيارتي ايش تبا مني
: اباكي تصدقيني
: اوكـ صدقتكـ ممكن تتوكل تنزل عشان ورايا مواعيد لليل ..
عصب لكن في قلبو : طيب حنخرج تاني ونتقابل تاني
لفت وشها عنو : مارح نتقابل تاني ولا حنخرج تاني الا لما تجي تخطبني اوكـي دا اخر كلام
: طــيب
لبست النضاره الشفافه : كيا وقف هنا علي يمين
السواق بدون نقاش وقف علي جنب
اهداب تطل في حسان : الله معاكـ
حسان وملامحو مادري ايش تفسيرها : اوكـ اخر كلام يعني
لفت وشها وماحبت تتكلم معا لا يروح يقنعها ترجعلو تاني ..
فهم حركتها فتح البـــاب ونزل
اهداب : كيا علي الصالوون
حرك السواق وماقدرت تمنع نفسها تلف وتطل علي واقف وحاط يد علي وسطو ويدو التانيه علي راسوو ..
صلحت جلستها وشالت الكلب حطتو علي حضنهاا وجلست تمسد علي
وحاولت تطلع حسان من افكارها لكنو جابص
عارفتو وعارفه سلوكو مع ذاللكـ دايم تسامحو وحتي المره دي عارفه انو حيجي اليوم الي حتتعب فيلو وتسامحو وتنادي يجيهاا
عصبت من نفسها : اطلع من راسي يا حسان
كيا يطل فيها : يس مس
طلعت حرتها علي : حد كلمك انته خليك في سواقتك يرحم اهلكـ

~~~~~~~~
A6baa fe al-7o0b
~~~~~~~~

لابس بجامه نيليه >> ترا نوص ملابسو نيليه
متمدد بــرهـ علي الكرسي الملوون قدام البحــرر وجنبو علي الطاوله كيك وحليب بالقرفه
وفي حضنو الاب توووب فاتح كل شي تتوقعو في الحــياهـ
ومع ذالكـ طفشان .. اكتر شي ..
كل شويا يطل في الجوال يستنا رائد يتصل عليااا .. ما كلمو من اربعه او خمسه ساعات .. >> ؟؟
وتاني شي يستني زهاد تدخل علي المسن عشان تعلقلو علي الفلوس ولا يمكن عشان يطير معها طفش ولا يمكن لاي سبب تاني الموهم انو بيستنها تسجل دخوول علي الحساب الي مافيلو احد الا هيا ..
زفــر وحاول ينهمك في الفلم الي مشغلوو ومو داري شي عنــوو ..
رن الجوال وطلعو من جوا الوحده الي هوا في ومن شاف اسم رائد مع صورتو علي الشاشه جالو احساس جيد
: هلا رودي
: هلا كسور شلونكـ
: شلوني بعد مثل ما انا قاعد في ذاكـ
: ههههههههههه وديت لبسك للمغسله
يميل فمو : ايه وديته وخذيته بعد
بستغراب : اما متي امداكـ
: وقفت له علي راسه قلت له مانيب ماشي من في ذا غير وبدلتي وياي
: هههههههههههه علي شنو متصربع
: ابد بس مافيني حيل ارجع للبيت وارجع اطلعله مره ثانيه
: وكيف اقنعتو
: مادري طشيت بوجهه ذا الباكستاني كل الي في محفظتي راح غسله وكواه بسرعه جنونيه
: ههههههههههه اترك عنك التبذير وانا اخوكـ شفيك انت الفلوس ماهيب لعبه
: مادري ذا الي صار عاد
رائد اتنهد : كسور اشتقتلكـ ..
: أي يالبيهني منو مايشتاقلي
رائد بصوت رايق : اشتقتلي كسوور
كاسر يتنحنح : لا ما اشتقت لك بس ابيك تجي للجدهـ
: هههههههه زين متي بتنام .. ؟؟
: خلاص الحين شوي وبنام نعسان حدي وتعبان
: ليش شنو سويت في يومكـ
: ابد ماغير فرفرت بروحي في جده واكتشفت كذا مكان اول مره اعرفهم وتعشيت الون وكاني متسطح قدام جهازي الون
: اها شريت أي باد جديد ولا اجبلكـ معي
يتمطط ويحك بطنوو : جبلي معكـ واحد وبشتري واحد للاحتياط بس مادري وش نساني اليوم كنت بلفلف وحدي فاضي لو تذكرت لو رحت شررريتلي واحد حسبي الله علها من بنت
: هههههههههههههه منو هي الي خربته لكـ
: ايه هي بوهـ غيرهها هني يارودي ان شفتها تتوتر اعصابكـ علي طول تنرفز بالحيل وجوده صدج غلط ..
: هههههههههه تحاشا تشوفها انت وبس
: أي هين ذا الي بسويه مشكلتها احسها تطلعلك كذا ماتدري من وين ولا شلون فجاءه كذا تلقها ولا تلقا نفسك قبالها
: ههههههههههــ كسوور اشتقت لكـ
: وانا بعد متي بتجي للجدهـ
: ههههههههه كم مره تسال ذا السؤال وكم مره اجاوبكـ ؟؟
: ههههههههه حدي مشفر لا تواخذني
: علي طاري التشفيررر مريت لماهر اليوم وعطاني هتان وكاهو مشفرر وصاج البيت كله .. يبيني اجيبه لك وانا جاي للجده
كاسر بشوق : ياهـ هتان شلون صار
رائد يضحكـ : شولن صار يعني مثل ماهوو
: لا ماكبررر
: لا ماكبر مثل ماهو تصدق يدوركـ
: يالبيهني منو مايدور علي ولا يفقدني غير ابوي ..؟؟
: لا تقــول كذا كسوور
يغير الهرجه علي طول : اقول رو....
انتبه لزهاد سجلت دخووول بسرعه فتح محادثه وابتسم لما شاف البرسونال
.. ياهـ احوب الواد الي اسمو وحيييييييييييييييييد .. >>
انفلت ضحك بدون شعور : ههههههههههههههههههههههههه
رائد بتعجب : هي شنو فيك كسور ظحكني وياكـ
: ابد شفت البنت الي عطيتها فلوس اليوم
: أي شنو فيهاا
: توها كاتبه برسونال .. تقول فيه احب الواد الي اسمو وحيد
: ههههههه لبيه كلام الحجاز
كاسر يمشق : لبيه كلام نجد وبس فديتناا
زهاد خشت علي في المحادثه ..
Zoza
سلام وحيييييييييييييييييييييييد صباحكـ خمسه الاف
ابتسم : رودي .. منت مشغول الحين
رائد بحسن نيه : لا وش شغلته الحين
: مادري ماودكـ تقفل ماتحسني ازعجتك بتصلاتي
: انا الي متصل
: هههههههه زين انا بكلمها شوي وقبل ما انام بكلمكـ زين
: ياه يادنيا تصرفني انا رودي عشان تكلم معها
كاسر بسرعه : لا لا الرودي احبك انا .. ؟؟
رائد : ههههههههههه كسور كلمني قبل تنام فمان الله
: اكيد انتبه للجوالكـ فمان الله
قفل من رائد وباس الجوال : ياحبني لكـ
رجع للجهاز وابتسم لما شافها راسله شكررررررررن من بدايه الصفحه لنهايتهاا وراسله بوووسه
دخل عليها Al.w7ed
باكـ
زهاد بحماس : ولكموووووووووووووووووووو يا احلي وحيد
: عاد احلي وحيد ..
: ايوهـ ترا الين دحين مو مصدقه انك اعطيتني خمسه الاف
: اجي الحين اصكك بالبياله علي راسك يمكن تصدقين
: هههههههههههههههه عاد دمك خفيف
: ادري
زهاد ترفع المحفظه الي كانت جوتها الفلوس وتشم ريحتها : اقلكـ
: هلا
: ايش عطرك المفضل .. ؟؟
: ليش .. ؟
: عشان ريحه الحافظه السودهـ مره تجنن اكيد ربحه عطركـ
: ايه
: ايش هوا طيب
: موب لازم تعرفينه
: ياه اشبك كدا معصب
: وش عصبيته موب معصب ولا شــي .. شريتي الهديه للصحبتكـ
ترفع الخمسميات الجديدهــ وهيا طايره من الانبساطـ : ايوه اشتريتها خلاص
: شنو شريتين لها
: زي ماقلت لكـ ساعه
: من وين
: من امم امم من من دبنهامزز
: وش ذاا
زهاد خايفه تكون نطقت اسم المحل غلط ولا قالت اسم محل مايبيع ساعات اصلا و ماهي داريه انو كاسر مايعرف المحلات دي
مع ذالك كررت : بقلك دبنهامزز
: ايه كم سعرها ؟؟
: اربعه الاف وميتين يعني معاي باقي تمنيمه تبا ارجعهم لكـ
مندهش من سعر الساعه : بس كذا سعرها ؟؟
: ايوه ادري غاليه شويا لكن صحبتي تستاهل
بدهشه : ذي غاليه مادرري
زهاد تهف علي وشها شكلو واحد كاش مــره : لا مو مره يعني بس ماعلينا تبا التمنميه الباقيه
: شنو ابي فيهم حلالكـ
: ع فكره الين دحين مصدومه انكـ اعطيتني الخمسه الاف
: ياليل شنو ذي رجعيهم اذا موب مصدقه
: لا ماقدر ارجعهم جالسه اشم ريحتهم ترا مره حلووه
ارسلها فيس مستغرب : مو تقولين شريتي الساعه ولا قاعده تشمين ريحه الثمان ميه .. هههه
: ياه عندك حرف الها كنت احسبو خربان شي هههههههههههههههههه
: لا موجود وش يخربه لو خرب بطش الجهاز بالبحر هني
: ياه انت قدام البحررر .. ؟؟
: ايه
: ايش بتسووي هناك في اليل
: انا ساكن بالشاليه
: ياه جد تعزمني يوم فيلوو
: ايه اعزمك مابوه حد اصلاا
: لا قصدي استاجرو منك اعمل فيلو بارتي مع صحباتي وكدا
: ايه بعطيه لك تسوين بارتي
: ياه انت يا وحيد انسان غريب
: شنو الغريب فيني ماغريب الا الشيطان اذكري ربكـ
: لا كدا معطيني خمسه الاف وانت ماتعرفني وكدا ده لحالو اغرب شي
: يالله لا تقعدين تحنين علي الخمسه الاف انسينها لا تخليني اندم
ارستلتو فيس مفجوع : ايش فيك عصبت انا مستغربه بس
: لا تستغربي ولا شي زين وانتي الحين توك ترجعين للبيتكم
: ايوه مريت كزا مكان وكدا وتوي جيت انت متي رجعت ؟؟
: لا تلقفين
ارسلت فيس متنح : انت تسال عادي انا اسل اصير ملقوفه
: ايه
زهاد سكتت ومتعجبه منوو وهيا تفكر شكلي مارح اشبكو بسهوله يبالو وقت .. اوف
ارسلتلو فيس يتاوب : بدي اروح انام تبا شي
رفع حواجبوو وسجل خروج من المسن بدون مايرد عليهااا ..
قفل الجهاز ووقف شال صحن الكيك وكوب الحليب الفاضي ودخل علي الشاليه
انتعش لما حس ببرودهـ لان التكيف شغال
رمي نفسو علي السريررر وشبك السمعات وطلب رقم راائد
رائد علي طول : كسوور
كاسر : يالبيه
: وش فيك ابطيت ..؟؟
: لا ابد توي مسكر الجهاز وهذاني جيتكـ
: ها بتنام
: ايه
رائد ويكلم حد جنبوو .. : دقيقه كسور خليك معاي
طفا الابجوورهـ وخلا باب الشاليه مفتوح يسمع امواج البحرر وفي نفس الوقت تصحي الشمس غصب عنوو في حاله ماسمع المنبه
عقد حواجبوو وحاول يركزز سمعو مع رائد الي بيهرج ومعــصب
حس بعصبيه مين الي معصب رائد لدا الحد وليش ..
وهل ياتري ظرووفو راح تسمحلو يجي لجدهـ ويجلس معا
لف علي جنبوو ويحاول يتخيل الوضع بدون اهلو كولهم وبدون اهلو نوصهم
مره مايجي يعني يضل وحيد في جدهـ .. خصوصا مو قادر يتاقلم مع اهلها .. ولا جوها ولا أي شي
مره مايجي يجلس وحيد
الوحدهـ شي مؤلم
حاول انو مايعشم نفسوو .. وفي حاله رائد ماقدر يجي يعيش معا
هل راح يضل وحيد ..؟؟
هل راح يقدر يجلس وحيد ..؟؟
اصلا في احد في الدنيا يقدر يعيش وحيد .. ؟؟
صوت رائد الهادي طلعو من تسالتو : كسوور
: يالبيه .. شفيك تتكلم بصوت راخي كذا
: انت تبي تنام مابي ازعجكــ
كاسر غمض عينو : يب استمر بذا الهدووء

~~~~~~~~
وكالعادهـ انا اسئلكم .... ....
هل في حد يقدر يعيش وحيد .. ؟؟
بدون اهل وبدوان اصحاب .. ؟؟
ياتر هل في حد يقدرر .. ؟؟
نهايه البارت .. الخـــــــــامس
اطبـــــــاء في الحــب ..
قطــعه شكلاتــه ..

» رواية نهاية جنون \ رواية حجازية للكاتبة قطعة شوكلاتة
» رواية عشان الحب أذل نفسي / كاملة
» تحميل رواية رقصات على أوتار الحب
» رواية وش جاه محبوبي مشى وخلآني مابين نيراني وبين احزني / رواية جريئة رومانسية
» شوفوا الحب وش يسوي بالشباب صدق لا قالوا الحب عذاب