رواية أطباء في الحب \ رواية حجازية

~~~~~~~~

A6baa fe al-7o0b

~~~~~~~~





تكلمنا بحــسن نيه ولا ادري عن نوايهم

خطا ظنينيا كل الناس يحبوني ويبحوبنـــه

حسبنا الناس تهوانا مثل ما احنا نهواهم

اترايهم من الغيره يحسدوني ويحسدونه

الجوو في الســيارهـ .. مره هادي ورايق .. وصوت رابح صقــر مزود الجوو هدووء .. مستكنين .. وكل واحد سايح في افكاروو .. خلاص تعبــو .. من اول بيضحكــو .. بيحششو .. بيتكلمــو .. جا وقت الركوود اخيررن

حسام يدو ع الطــارهـ وفي يدو التانيــه الجوال .. يشوف كميه المكالمات الي مارد عليهاا ..

مهند جنبو متربع علي المقعدهـ وفي يدو جوالوو بيتصقح الفــيس

كــاسر ورا في عالم اخررر .. يحس انو غير جوو يحس انو انبسط شويا .. لكن يبقا الطفش سيد الموقف

حسام وقف السيارهـ قدام كزنــو مغلــق : يلا نزلنا

كاسر طل من الشباكـ واتافف : شنو ذا بعد .. .. وين حنا فيه

مهند نزل وسك الباب : انت بس تسال ياخي انزل وشووف

: انتم وش ذا الاماكن الي تروحون لها من وين تعرفونهــا

حسام يرفع اصباعوو : حبيبي اذا انت توكـ جاي جده احنا من انولدنا في جدهـ سلامات

كاسر نزل وسك الباب بهدوء : زين مايصير ندخل هنا وحنا لابسين لبس المستشفي

حسام يهز كتفو : تبا توقف براا خليكــ

كاسر يكـشر : اكيد براحتي اجل براحه منــو

مهند يسحب حسام : كاسر تعال حتنبسط

كاسر ياخد نفس عميق ويززفررر ويرجع يندب حظو الي رمى في جده من بين كل المدن

مهند سحب كاسر من يدو : يابويا تعال

كاسر : متي بتروحون بيوتكم ؟؟

حسام : ماني رايح البيت حدشر لصباح وارجع المستشفي قديني لابس

كاسر فرصع عينو بصدمه : من جدكـ انت

مهند : ههههههههههههههههه طبعا مو من جدو انت تصدق كل شي

رفع يدو ومسد علي شعروو : ايه ليش ما اصدق بعد

اتوجــهو للمدخــل الطويل والي كان شبه مضلم ما عادا انوار زرقا خافتهـ .. مرصوصه علي الجنــبين

وصلو للباب الي انفتح من وصلو لعندوو واتخللت ادانيهم اصوات الرجهـ مع صوت اغاني شكشكه

وروايح الدخاخين والمعسلاتـ علي طول اتخللت خشومهم

كاسر علي طول قرف ورفع يدو لخشمو : شنو ذا

حسام يدق كتف كاسر : انبسط وبــس

مهند ياشر : طاوله طاولهـ

اتوجهــو لطاولهـ الي كان حولينها كرســين بس

مهند جلس وحسام كمان وكاسر وقف يطل فيهم بدهشه : ايه ؟!

حسام : ههههههههههه دور كرسي كاسررر

كـاسر يلف يمين ويسار : موب جالس في ذا اصلا

مهند وقف : اجلس اجلس انا بدور كرسي

كاسرر لف : موب جالس في ذا القرف موب جالس

مهند وحسام : !!؟؟

كاسر طنشهم وخرج

مهند جلس مستغرب : الواد دا مو طبيعي كل شي قرف عندو كل شي مو حلوو ؟!!

حسام بتفكــر : شكلو متربي تربيه غـــيرر

مهند يايدو : اصلا من قال انو من الرياض غسلت يدي منوو

: هههههههههههـ حرام عليكـ

مهند : لا انته فاهمنـي غلطـ مو عن شــي

حسام يحركـ حواجبو : اجل عن أيــش

مهند وقف وطنشو : رايح اطلب المعسلات

: طيب طيب روح

حسام صلح جلــستو علي الكررسي وفتح جوالوو ورجع يتامل صور البنت ويحس انوو لازم يجيبها وياخد الي بالي بالكم وبعد ما يخلص عليها يسجل اسمها وتاريخ انتهائها

ابتسم بخبث وطلب رقمها حط الجوال علي ادنــو وجلس ينقر باصابيعو علي الطاولهـ

حنــين بصوت حذر : ميــن

حسام نزل رجولو الي رافعها وحط يدو علي صدروو : انا انا انتي حنان ..

حنين تكشــر : مــين معايا ايش تبغا

حسام يتحسس جيبو يدور علي جوالو ابو كشاف الي كلمهامنو المره الي فاتت .. : ابغاكـي

حنــين كشرت وقفت الخط في وشــو ..

حسام طل في الجوال وابتسم .: خير انشالله ارخي في وشي نشوف مين يجيبكـ بعدين

فتح الصور واختار صورتين من الي ارسلو هيا وسام .. وارسلها علي رقم حنين وهوا يدعي تكون شريحتها زين او موبايلي عشان توصلها الصــور

قفل الجوال وحطو ع الطاوله وهوا بمتسم

كاسر : سلامت تضحكـ مع روحكـ

حسام طل في : هههههههههههههه انت رجعت دخلت

كاسر واقف : ايه قوم ودني للماكن سيارتي بمشــي

مهند جا وفي يدو المعسلات : تمشي مين يابويا تونا ما جلســنا

كاسررر مــرهـ قلقــان والقلق الي هوا في مخلي يتاكد انو حيصير شي مو كويس اليوم .. : ابي ارجع للسيارتي

حسام سحب لي المعسل وبدا يشفط فيلو : شويا يا كاسر اجــلس انبـسط

كاسرر يتلفت : شف شلون يناظرون فينا اكيد بسبه لبسنا ذا

مهند : وي اشبو لبسنا

كاسر جلس ورفع رجلو : انتم كذا تشوهون صورتكم كاطباء

حسام يضحكـ : هههههههههههههههــ خليها تتشوهـ احنا مو اطباء احنا طلاب

كـاسر مضايق من الجلسه ومن نظرات الشباب الي عليهم ومن الروايح ومن صوت الشكشكه المزعج

زفــر بطفش وضم يدينو لبـعض

حسام ومهند متكنين كل واحد بيعسل برواااق ..

كاسر : انت مهند

: يانعم

: الحين يوم انكـ تقول لحسام دكتور ويدخن .. انت دكتور وتعسل شنو الفرق

مهند يرخي رجلو ويقرب مــن كاسر : انا ما اعسل كل يوم ..

واشر علي حسام : هوا يدخن كل يوم وفي المستشفي كمان

كاسر ما اقتنع لكن سلكـ : اها طيب

حسام يقدم : انــت اصــ...

قطع كلمــتو لما الشباب كولهم صارو يصرخو بصوت عالي وواحد رمي نفسوو في الارض وماسكـ حلقوو بقووهـ

الانظار كلها اتوجهت عليهم لان الواضح من لبسهم انهم دكاترهـ

واحد صرخ : الواد حيموت وانتو واقفين

واحد تاني من ورا : الواد مخنووق

و الولد الي في الارض ماسك حلقو وعيونو مفرصعه ووجهوو مزررق

مهند وقف بربشه ولف علي حسام وكاسر : ايش نسووي ايش نسووي

كاسر يبعد علي وراا ويطل فيهم طله غــريبــه

حسام يدف مهند علي قدام : روح شوفو روح شوفوو

مهند رجع ودف حسام : انته روح روح

كاسر دفهم الاتنين عن طريقو ومشي للولد الي طايح في نوص الساحه و وجهو قلب لازرق من جد وعينو خرجت علي برهـ

مهند وحسام مشيو ورا كاسر وجلســو علي ركبهم

العيال حولينهم كل مين يرمي كلمه

: دكاتره علي فاضي

: الرجال حيموت

: سو شي

: شوف الخولات واقفين يتفرجوو

كااسرر رفع يدوو وسحب يد الولد عن رقبتو

مهند متنح : اشبو دا

حسام نفس التناحه ويهز مهند : اكيد واقفه القمه في حلقوو

مهند قرب ورفع راس الولد وحطو علي رجلوو وحسام جا بدو يضغط علي بطنو مو عارف يضغط علي بطنو ليــش

كاسررر مو عارف ايش بيسوو لكنو ايدهم : ايه زين زين

حسام بس حط يدو علي صدر الولد .. الا الولد دفو وانفلت ضحكــ

مهند وكاسر وحسام : ؟؟؟؟!!!!

باقي الشباب كولهم ضحكــو والولد وقف وصار يضحكـ بقوهـ ويكحكح

والتلاته لا تدورو عليهم كاسر مره عصب : هي انت تحسب نفسكـ ظريف مع حركتكـ ذي

الولد يمشق : قال دكاتره قال .. هههههههههههههههههاي كونت حموت وانتو حوليني وبس يالله تخيلو محنوق من جد

مهند حس نفسو انكسف من جد دكاتره ومنطقين بيعسلوو .. وكمان طاح واحد اتلمو حولينو وتنحوو

حسام عصب زي كااسر لكنو ما اتكلم خرج محفطتو ورمي مبلغ علي الطاوله ووخرج ورا حسام وكاسر وسط تعليقات الشباب وضحكاتهم

وصلو السيارهـ وحسام مره عصب منهم : يستخفو فينا يعني عشان شافونا ببدل السكروبس

كاسر يحط الوم عليهم : قلت لكم مايصير ندخل بذا البس قلتو عادي زين افرحو الحيـن

مهند دخل السيارهـ وفجاءهـ ضحكـ : ههههههههههههه اتمقلبنا شباب

حسام : وديني ماعاد امشي بالبدله دي

كاسر : اقول ودني للسيارتي موب جاي معكم أي مكان مره ثانه عليكم اماك اوب معقوله مادري من وين تطيحون عليها

حسام : ياخي انت كمان فين تبانا نروح يعني

مهند : ههههههههههههه ليش معصبين مقلب بسيط اشبكم والله لو ماخرجنا ياشيخين

كاسر بستنكار : شنو نقعد نصلح انشالله

حسام : نستناهم الين يموتو ضحكـ علينا

مهند : ياخي خلو اخلاقكم رياضيه كان ضحكنا معاهم شويا وخلاص

حسام : انكسفت من نفسي جلسنا اتحوطنا حولينو كنو بيولد

كاسر من قهرو ضحكـ : هههههههههههههـ

حسام ومهند لفو علي : ؟؟؟!!!

كاسر يرفع كتفو : تسمعون بالمثل الي يقول هم يضحك وهم يبكي

حسام يهز راسو باسف : ياخي الولد كان مخنوق اشبنا جلسنا كدا

مهند يهديهم : ههههههههههههه خلاص اول ظهور لنا علي الساحه لازم يصير كدا

حسام : ياخي عيب ببدلنا دي واخرتها جلسنا كدا تخيل بيموت من جد كان مات وحولينو دكاتره ما استفاد منهم .. ياخي انسان عادي يقدر يحلها

مهند : هههههههههههههه رهبه الموقف يمكن

كاسر لاف وجهو علي الشباكـ ومو حاب يعلق

رفع يدو للساعهـ : المفروض يكون رائد علي وووصوول ..

مهند : خلاص شباب افردوهااا

كاسر : ....

حسام : .....

مهند : ولا خلتوني اكمل المعسل حــقي

حسام لف علي مهند : ابو هنوود انكتم خلاص

رفع علي صوت المسجل : لا اسمع حسكـ

مهند حاس انو الموقف عادي ومضحكـ بس اشبهم معصبين كدا .. لازم يتعودوو علي كدا حركات .. ولازم يمشوو الحال ..







~~~~~~~~

A6baa fe al-7o0b

~~~~~~~~

~~~~~~~~

A6baa fe al-7o0b

~~~~~~~~





خواتم مولنــه في كل اصباع من اصابيعهاا .. ماسكه الكود رد بيد .. وايدها التانيه علي وسطهاا وتزينها اساور مولنه جميع الاولان .. الطرحه الي اطرافها ملونه راميتها علي راسها باهمال وخصل شعرها متناثره من كل مكان ..

واقفه عند باب العماره تروح وتجي وشوزها الاخضــر .. يطلع طقطقه مزعــجهـ

رن جوالهــا رفعتو بسرعــهـ .. : اجوان .. ؟؟

اجوان بصوت عالي : خلااااااص شوفــيني عندكـ

: بلا ليش تقولي انكـ وصلتي وانتي لا ليا ربع ساعه عند العماره زي الشحاته

اجوان : هههههههههههههههههــ نسو لا تصيري عصــبيهـ

: اقول بسرعه لو جوو بابا وتسنيم حيجروني من قفيا علي البيتـ

: ههههههه خلاص قلت لك عندكـ انا سلام

قفلت ورمت الجوال جوه الشنطه الخضراا الي خضارها بعيد جدن عن لون الشوز

ثواني ووقفت سيارهـ اجوان قدام العمارهـ .. نسيم بخطوات سريعه وصلتها ودخلت رمت الطرحه علي كتفها : سلام بلا في شكلك

اجوان تقرص خدها : مايجوو الاتنين مع بعض .. يابلا في شكلك يا سلام

نسيم تخلل يدينها بين شعرهاا تفرفروو مزبوط : اجل بلا في شكلك

اجوان طنشتها لانها متحمسه للبارتي : هااا مستعدهـ

نسيم تحط يدها علي صدرها : يب يب مستعدهـ

: حتفسخي العبايه ترااني

: يوو عشرميه مره تقوليلي ادري عشان كدا لبست شي محتشم

اجوان تكشر : كيف محتشم

نسيم تفتح العبايه ويبان تحتها الاسكيني الاسود مع بلوزه بيضهـ فيها شخاميط بكل الاوان توصل لنوص الفخذ : ايش رئيكـ

اجوان تكشــر : بيئه ايش دا البس البيئه

نسيم تسبل بعيونها : واالله بيئه مو بيئه اهم شي حرتاح نفسيا لما افسخ عبايتي

اجوان تتافف : والله مالكـ داعي

نسيم تكشر : أي لابسه حضرتكـ

اجوان فتحت عبايتها وبان تحتها الشرت الفوشي مع بلوزه بيضه عليها قلووبـ : شوفي

نسيم استصابت : تبي تفسخي العبايه قدام عيال كدا ورجولكـ وفخودكـ برااااا

اجوان قلبت عينها : وتقولي اختكـ معقده وانتي أي ..؟؟

نسيم تتعقد من دي الهرجه : ماني معقده مع نفسكـ بــس ..

اجوان تصلح جلستها : اسمعي نسيم تبي تفشليني انزلي من دحين

نسيم عصبت : كيف يعني افشلك ها ها ها وضحـــي .. ؟؟؟

اجوان بعدت علي وراا : بلا في شكلكـ لا تصرخي

نسيم تطل في ساعتها وترجع تطل في اجوان : وضحــي

اجوان : يعني قصدي لا تفتحي فمكـ زي الي اول مره تروحي حفله فيها شباب ..

نسيم تهز كتوفها وتتكلم بجديهـ : اول مــرهـ اروح حفله فيها شباب طيب

اجوان زفــرت : طيب طيب

نسيم لفت وصلحت جلستها : مع نفسكـ اجوان تشووفي

اجوان ترفع حواجبها : اشوف ايش .. ؟؟

: لما نوصل هنــاكـ تشوفــي

اجوان تغير الهرجه : علي الطاري اليوم اضاربت في الجامعه هههههههههههههههــ

نسيم نسيت الهرجه طوالي واتحمــست : ههههههههههــ جد جد .. ايش صار حكــيني ..

اجوان لفت علي نسيم ورفعت الطرحه علي راسها : جات بنت ملعونه بنت ملعون

نسيم : ههههههههههههههههه كدا البدايه ايوا

اجوان تضربها علي كتفها بخفه : اصبوري

: طيب كملي

: جات الحمارااا وترفع صوتها تقلي .. انتي يا**** ويا**** والي فيكي و****

نسيم حطت يدها علي فمها : وووواي .. ليش ايش سوتيلها تقلكـ كدا

اجوان وعصبت كنو الموقف تو : مادري ماعرفها اول مره اشوف خلقتها اصلا

نسيم مسكت يدها بحماس : ايوا ايوا وبعدين

: مرررررررره عصبت ومن غير شعور امد يدي واديها ع وشها .. هيا تنحت ثانيه ورجعت رفعت يدها وادتني علي وشي كمان .. وهيا تدي وانا ادي وما نفوق الا واحنا بنتشقلب في الارض .. عاد متخيله ؟؟

نسيم : ههههههههههه عجب العوجاب

: وبس صارو البنات يحاولوو يفرقو فجاءه جاتي جمانه مدري مين نادا عليها وشدتني من شوشتي .. وسحبتني ههههههه قبل لا يجو الاداريات وتخرب الشغله

: وبعدين كدا خلاص

: خلاص مين جمانه الهم لبستني عبايتي وخرجتني من الجامعه غصب اقلها ورايا محاضرات ما خلتـني هههههـ

: عاد اختكـ عالم تاني .. ههههههههههه

: مره ياشيخه بلا في شكلهاا

: هههههههههههه حماس ليتني في الجامعه معاكم

: مشي حالكـ

نسيم بتفكيرر : ايوا كلمتي الواد داكـ

اجوان بتفكيرر : يا كتررر الوادات عندي حددي

نسيم تزكرها : المكدش ابو عيون صغار

اجوان هفت ع وشها : ياه ابو عيون عزززاب داكااا ارحموووني

نسيم تصقعها : بلا كلمتي ولا

اتاففت : لاا كل ما ادق جوالو مقفل مادري ايش حكايتوو ..

: هههههههههه شكلو رقمكـ غلط

: لا لا لا كاان خاق عندي ما لاحظتي

نسيم تفكر في صاحبو : لا لا الاحظوو كيف وكان جنبو المزز داكااا ..

اجون تضربها ع كتفها بخفه : مووز مين وطولو شبرررين ..

: ههههههههههه اهم شي الاخلاق ههههههههـ

: مع نفسكـ

نسيم بجديه : علي طاري الاخلاق .. لا تخربيها في الحفله اعرفكـ متهورهـ

اجوان : انتي مع لبسكـ دا لاتحاولي تكلميني

كشررت : اقلها محتشم مو زي لبس بعض ناس

جمانه بستخفاف : طلعنا ورحنا حفله شباب ويعني علي البس نسوي اخلاق يانسوو لا تناقضي نفسكـ

نسيم اتلبكـت : يعني خرجنا مع اولاد يعني .. خلاص نفسخ الحيا

اجوان تضيق عينها : خرجنا معاهم دا مو فسخ للحيا .. دا مو قلت ادب مو خيانه لاهلنا يكفي مارحت وجات علي قصير ولا طويل ولا محتشم لا تسوقيها عندي

نسيم حست كلام صحبتها صح وانها كدا بتناقض نفسها بقوهـ فكدا لفت وشهاا للشباكـ وطلبت رقم اختها

تسنيم بحماس : خلاص علي وصول احنا جبنالكـ اكل و...

نسيم قاطعتها بسرعه: انا خرجت مع اجوان وحسهر عندها وحكلم يامن يجي ياخدني الفجررر بوسيلي بابا باي

خلصت كلمتها وقفلت الخط في وش اختها وقفلت الجوال كلووو .. عشان لا تبدا تستلمها اتصلات وتهديدات

اتكتفت وفجاءهـ حست انها مضايقه من نفسها ومن تصرفاتها ..

ايش الفرق بينها وبين اجوان ..مافي أي فرق ..

زفرت وهيا تفكر لو شافوني الشباب بلبسي دا نفس الكلام الي يجي لاجوان حيجني مارح يقولو عني محتشمه ولا هم يجزنون .. جد اني غبيه

رفعت الطرحه علي راسها ولفتها باهمال .. وهزت راسها تطير الافكار عن بالها

لانها مقررهـ تروح الحفله رغم كل شــي .. واكيد حيمشي الحال ..