رواية أطباء في الحب \ رواية حجازية

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

اطباء في الحــب \\ روايــه حجـازيه \\ بكيبوردي

للـكـآتبة قطعــــة شكلاتــه او (( kemo0 ))

حلم يتلاشى
~~
غيره قاتله
~~
مستنقع من الكذب
~~
أمال محطمه
~~
ورود ذابله
~~
حب خارق عن الطبيعه
~~
أنتظار طويل
~~
قسوة قلوب
~~
ضيآآآآآآآآآآآآع
~~
الآآم
~~
احــــزانـ
~~
خــــــــيآآنه
~~
والكثــــــــير الكثير مــن الدمــوع
~~

وهل سيجد اطبئنا العلاج لكل هذا .... ؟
أترككم مع روايتي التانيه .. ][ أطباء في الحب للكاتبه ][ ..
الكــاتبه .. ][ قطعة شكلاته ][ ..

~~~~~~~~
~~~~~~~~

.... سؤال يطـــرح نفــسو ....
من أنا" .. ؟
من اكون" .. ؟
ياترى هل أنا أبنك او شهوه من شهواتك وبعدها رميتني ......... ؟
حتى لاأجلب لك العار ....
أعذرني على وقاحة كلامي ولكن ليس هناك تفسير آخر يجعلني أتفهم تصرفاتك........!!
ياترى هل سيأتي اليوم الذي أسامحك فيه ؟؟؟؟

..................
.............

تســــــــلمين على الرواية
قعدت حوالي ساعتين وانــــآآآآ اقراهــآآآآ طبعاً مع استراحـــــآآآآآت
ولا تحرمينــــآآآآآ من مواضيعج

وديـ ...

7la

مشكور والله يعطيك ااااااالف عافيه وما قصرت
[img][/img]

~~ BARt [24 ]
اطـــــــــباء فــي الحـــب ... ... ...

~~

يؤمن اخصائي علم النــفس ..
بان جمـــيع نواحــي حيــاتنـا ..
من افكار او انماط او تصرفات ..
ماهي الا ناتج مباشر لعلاقتناا ..
وبان كل علاقة نخوضها ماهي الا نسخة اخري عن العلاقه الاولي
ولكننا نحاول مرة بعد مرة حــتي نصححها ..

~~

فتح عينووو وطل في الســاعهـ .. ساعه بس الي قدر يغفيهااا .. لا اكثر ولا اقل ..
قام عن الســريررر وهوا يضحكـ بصوت راخي .. اما حلم حوولم عجيب .. مو فاكر ولا شي منو .. الي فاكروو بس انوو اعناب موجودهـ من بدايه الحلم لين نهايتوو .. لا لا اصلا الحلم كلو يدور حولين اعناب ..
اتمغط لين جسمو اتقطع ..
رجع طل في السااعهـ .. مرااا بدرررري .. علي الدوام .. بس يادوب ادن الفجررر ..
قام اتوضا وصلي .. ورجع انسدح علي السريرر .. الا سمع صوت وائل جنبوو ..
: وجع اقلقتنا لا نومت ولا خليتنا ننام ..
مازن طل في بنص عين : ليش واقف اغني علي راسكـ خبيتي ولا كـيف .. ؟؟!!
وائل قام عن الفرشه الي فارشها في غرفة مازن وينام عليها دايم .. : انته عارف كــيف اقلقتني .. لكن ما اقول الا يابختكـ يا اعناب مشخره برا .. ليتني روحت نومت عندها اصرفلي ..
مازن يرفع حواجبو : ياشيخ اصرفلكـ .. مرا يعني خلاص
وائل : ههههههههههههه لا تعصب قولت ياليت مو خرجت نومت عندها .. بعدين لو عليا اقطعها مو انام عندها
مازن يدفوو : اقول قوم اتوضا وصلي واتجهزز .. امممم علي بالوو انا انزل اسوي فطور
وائل يرفع حواجبوو : ايش ايش عجيب .. مين بيخوش المطبخ .. مازن ماغيروووو ؟؟!
مازن اتلبكـ : لا لا عشان امي مافيش وانته اخويا الصغير لازم تتغذاا ..
: لا استريح ما ابغا اتغذاا .. طول عمر يما اتغذاا
مازن يفركـ وشوو : انا باكل طيب وي لا تاكل انته .. وهي اسمع لما تخرج للصالون امشي بشويش لا تصحي البنت ..
وائل يشمق : وليش ماتصحا ان شالله خلاص اصلا تقوم يكفي نوم في بيت مافيلو الا ولدين واحد منهم حاقد عليهاا ..
مازن يزفر : ياليل ياوائل وبعدين مع اهلكـ
: اهلي مسافرين اتركهم في حالهم
مازن دفو : انقلع صلي ولا تخرج من الغرفه لما انا اطلع ..
وائل يفرصع عينو : ايش ايش ايش كيف ما اخرج انحبس عشان العنبه الي نايمه برا ..
سكت شويا : اصلا نايمه برا
مازن : ايوا اجل فين
: يمكن صحيت وخرجت ولا أي شي
مازن تنح لدقايق وبعدين مشي بسررعه علي الباب وخلفو وائل .. فتج الباب بشويش وخرج راسوو ..
وفي ثواني انفتتن بشكلها علي طوول ..
الحاف علي الارض .. وراقده علي بطنها ويدها في الارض .. والطرحه مفكوكه وشعرها مشعترررر وجولها لامتها عل بعض بطريقه الي يشوفها يقول بردانه جدن
ماحس بنفسوو وكيف بيطل فيهااا وبوودوو يقووم .. يرفع يدها ويصلح رجلها ويغطيهاا ..
وائل شمق : زي البزوره نايمه ايش شكلو دا
مازن فاق علي صوت وائل وطل في بعصبيه ودفو علي وراا : ليش جالس تطالع
وائل بدهشه : وانته جالس تطالع ..
مازن : انا انا انا ..
وائل : انته ايش حكايتكـ .. من جات الادميه دي هنا وانته مفوت .. خير يابويااا
مازن انكسف من نفسوو : اقول انقلع ولا تفتح الباب البنت متقشعه
: مو متقشعه نايمه بعبايتها بعد أبطلع

: وتطلع فين ان شاللهـ
: مو شغلكـ بطلع اتجول في بيتنا يا اخي
مازن دفو بقوه رجعو جوة الغرفه : مارح تطلع يا وائل .. البنت متقشعه
: يعني هيا تتقشع واحنا ننحبس
: ايش الي تنحبس .. محسسني كل صباح تطلع تاخد جولهـ
وائل : مازن ابعد حطلع
مااازن : دقيقهـ
خرج لعند اعناب وبشويش رفع الحااااف و قرب لها عشان يغطيها الا اتحركت وفتحت عينهااا ..
وشكلها كانت بتحلم حولم مزعج .. من شافت مازن قدامهاب الحاف .. شكلها اتخيلت انو بدو يخنقهاا ..
ضربت صووت وصارت تصرخ زي الخبلهـ ..
مازن انفجع ورجع خطوتين : هي بنت
اعناب : ابعد عني .. لااااااااااااااااااااااااااااااااااااااااااااااااا اا ..
مازن بصدمه : اشبكـــــ
وائل خرج من الغرفه متصربع بسبب صريخها : ايش في
اعناب من شافت وائل سكتت واتنهدت وهيا حاطه يدها علي قلبهاا : آآهـ .. انفجعت
مازن ووائل بودهم يقومو يكفخوها لين تقول الله واحد ..
وائل بعصبيه : اشبك انتي قاعده تصرخي كدا ..
اعناب تطل فيهم بتناحه .. ايش بيسوو وائل ومازن قدامي .. : انا اشسمو انا ..
سكتت لما استوعبت الوضع وانها في بيتهم نايمه وطبيعي تشوفهم قدامهاااا ..
شهقت وصارت تدور علي طرحتهااا
مازن ياشر لوائل : علي الغرفه ..
وائل يطل في بستنكار : ايش ..
: قلت لكـ علي الغرفه اتقلع هيااا ..
وائل لف علي الغرفه وهوا متعجب من مازن .. لا الادمي في شي صايبوو علي دي الفجريهـ ..
مازن عيونو تراقب وائل لين دخل الغرفه وقفل الباب .. رجع التفت علي اعناب ..
: صباح الخيرر
اعناب تشد الطرحه علي راسها : صباح النور
مازن يطل في الساعه : قومي صلي وكدا .. وانا حجهزز واخدك في طريقي لاي مكان تبغي طـيب
اعناب تفكر في اسراء .. : اوكي ماشي .. شكرن تعبناكـ
مازن لف عنها وهوا مفتون بشكلها .. مايدري ليش .. مو اول مره يشوفهااا .. شي غريب ..
اعناب وقفت بسرعه ولحقتو : احم مازن ..
اخد نفس عميق ولف عليها : ايواا ..
بانحراج : احم احم ايوا اقصد امم .. الحمام فين الحمام
مازن ياشرلها : هناكـ علي يمينكـ ..
خدودها حمرت ماتدري ليش : اوكـي طيب شوكرا ليكـ
: مو مشكــلهـ اذا خلصتي انزلي استنيني تحت في الصالون
: اوكــي ..
تركها ونزل علي المطبخ وصار يخبط صدروو بخــفهـ .. : اوووف ياااربي حريت ايش هوا دااا
سحب الريموت وشغل التكــيف .. وهوا متعجب من قلبو الي بيرقص .. ومفتون بيها حد الثمالهـ ..
طيب ليش .. نفسها اعناب .. نفسها الي كل يوم في المستشفي .. نفسها الي هرجت عليكـ .. نفسها الي وسخت سمعتكـ أيش الجديد في الموضوع ..
فرك جبهتو بــقوهـ .. وقرر يعمل فطور خفيف .. طبعا في ايامهم العاديهـ عمرهم مايفكرو يسوو فطور ولا غــيروو ..
في جهة تانيه اعناب .. خرجت من الحمام بعد ما اتوضت وخلصت ..
ندرت علي الصاله الي نامت فيها وجلست تتلفت في المكان .. تبغا تصلي لكــن ماتعرف كـيف الـقبلهـ ..
فضلت تدور شويتين .. بعدين قررت تنزل تسال مازن ..
يادوب مشيت خطوتين .. الا طلع وائل من الغرفه لابس سروال بدلة السكربس .. وصدرو عاري ..
ماتدري ليش انفجعت : بسم الله
وائل يقلدها : بسم الله .. يعني مرا افجع دحين ..
اعناب اتلبكت : لا بس اشسموو ..
وائل طنشها ونزل الدرج .. اعناب اتنهدت براحه .. ماتعرف ليش تخاف من البني ادم دا لدرجه دي ..
طلت من الدربزان لين شافتو اختفاا .. الا نزلت بسرعه و راحت علي المطبخ طوالي

دخلت واتحنحت : احم احم .. مازن
مازن انفجع طاحت السكينه من يدوو .. : اوووف ..
التفت عليها وابتسم : ايوا ..
مرا استعجبت ايش تبا الابتسامه دي دحين .. : احم ايوا انا اشسمو
نسيت نزلت ليش .. من شافت ابتاسامتو الحلوهـ الي خلفها صف سنون بيضاا تجيب العافيهـ ..
مازن يرجع يبتسم : ها بغيتي شي
تهز راسها : ايوا اللهم صلي عليكـ يانبي .. : ايوا كيف القبلهـ .. بصلي عشان ..
لف ظهرو : كداا ..
تاشر بيدها : يعني كدا ..
: لا لا طولي فيا كدا
: اها طـــيب ..
: صلي بسرعه عشان تفطري فطور كداا .. خفيف
ابتسمت : انته بتسوي الفطور ..
: ايوا انا ..
: اها طيب ..
مازن لف عنها : صـــلي بسرعه وتعالي ..
: اوكــي ..
خرجت علي الصالهـ و صلت بسرعه ماتدري ليش جايها حماس ترجع لمازن المطبخ وتساعدو في الفطوور
وقفت قدام المرايه في طريقها للمطبخ .. وطلت في شكلها كيف مقربع لابعد الحدود
وشها مغسوووول .. وحواجبها مشعترهـ ..
رتبت حواجبها علي السريع وصلحت حجابها وما اهتمت للشكل .. مازن صحاها من النوم اكيد شاف خوشتها وهيا مشنقله فمها .. يعني جات وراحت علي حواجب مشعتره .. ياعمي رووووق ..
رجعت علي المطبخ بحماس .. وخشت ... : امممم مازن انـ ..
سكتت وانكمشت علي نفسها لما شافت وائل ..
وائل كشر علي طول .. وجودها منرفززو جدن .. بعد عينو عنها وقف علي البتقاز يقلي البيض .. الي معا قطع بصل وطماطم ..
ومازن في الجهه التانيه بيجهز الشاهي والكووفي ..
اعناب اتحنحت وبصوت راخي : احم احم .. اساعدكم في شـي ..
مازن : لا استريحي
وائل : تقدري تطلعي براا
قالوو جملتهم في نفس الوقت .
حست انو مو مرغوب فيها وسط المطبخ .. واصلا وجود وائل في المكان خلاها تفضل انها تنسحب ..
خرجت من المطبخ وهيا ماطه بوزها ومعصبه من وائل .. .. مازن الي هرجت علي مو حاقد قدوو ..
ايش القلق دا واحد حالق شنبو والتاني تعبان علي .. ؟؟!!
طلعت فوق تدور شنطتها الي مليان قرابيع .. اخدتها ورجعت نزلت وقفت عند الماريه الي في الممر ..
طلعت قلم الحواجب .. زبطت حواجبها وحطت ملمع خفيف .. شويا رفعت عينها شافت وائل جاي من وراها ومعفس وجهو بطريقه تسد النفس : هي الفطور جاهز تعاالي من اول مستنين حضرة جنابكـ وانتي هنا تتمكيجي .. ؟؟
طلت في بقهر .. حتي الي يبغا يفطر يبطل من الطريقه الزفت الي جاي يعزم بيها .. !!!
قفلت الشنطه بعصبيه بعد ما رمت الاغراض وسطها : طــيب ..
وائل يطل فيها بقرف : لو ماتبي تفطري عادي ترااا
طنشتوو ومشيت علي غرفة الاكل المتوووسطه وعلى طول راحت جهة الطاولة حقت الأكل
ولقت كل الكراسي مقلوبة ما عدا 3 كراسي واحد مازن كان جالس عليه والثاني عليه معطف وائل فأستنتجت انو التالت لهاا ..
اتقدمت وسحبت الكرسي بكل ادب وهدووء عشان تجلس
ويادوب جلست الا طلع صوت مرة لا .. وكلهم طالعو فيها باستغراب .. وهيا تنحت .. وبلمت .. اخر شي استوعبت الصوت وجهها قلب الوان قامت وقفت بسرعه تبا تخرج وبطلت تفطور خير شر .. ايش الكسفه دي الي هيا فيها
مازن بسرعه بيحسسها انو عادي ماسمعو شي .. مسك يدها وسحبها : اقطري سمي اللهـ ..
شدتو كانت قويه رجعت جلست علي طول والصوت طلع مرا تانيه ..
اعناب مندهشه .. ايش هوا داا .. موستحيل .. : والله مو اناااا
وائل كاتم ضحكتو .. : والله مو انتي اييييييييييييشششش ..

وائل كاتم ضحكتو .. : والله مو انتي اييييييييييييشششش ..
هنا مازن عرف انها واحد من مقالب وائل الهبلة .. طل في وائل بتوعد ورجع حول نظراتو لاعناب : اوقفي
اعناب بدون مقدمات وقفت ووشها من قوة الانحراج اتحول من احمر لازررق وعيونها دمعت من الكسفه
: اشموو مـو انا واللهـ
مازن وقف ومسك وائل من قفاهـ : شيل التفاهه الي حاطهاا ..
وائل انفلت ضحكـ : هههههههههه اشسموو ..
مازن انقهر من ورجع صقعو علي قفا : تاااافهـ ..
وائل يطل ف ياعناب وكيف وشها صاير من الانحراج .. ويموت علي نفسوو من الضحكـ
مازن عصب : وائل بهرج من جد اتحركـ بلا سخافه خلينا نفطر ونمشي ..
وائل راح للكرسي ورفع المفرش الي علي وشال العبه السخيفه الي حاطها وهوا ميت ضحكـ ..
مازن يبتسملها : افطري اعناب اخسريكي منووو
طل في ساعتو : ترا اتاخر الوقت ..
وائل : هههههههههههههههه انا محقدر اكل كلو انتوووو
مازن طنشوو .. وشال صحن اعناب يغرف لهااا .. افطري وسيبيكي منو
اعناب ساكته ومنحرجه وتتوعد وائل في قلبهاا ..
الله يفشلك الله يفضحكـ .. وربي ماحعديها لكـ يا تافه يا غبي يا عقيم >> ؟؟!!

~~~~~~~~
A6baa fe al-7o0b
~~~~~~~~

المنبه يرررن بازعاااج ..
حسام فتج عينوو . وابتسم .. صاحي مروق .. لانو بختصار نايم وهوا مرتااح .. ومروووووق جدن ..
رفع يدو وفركـ عينوووووو بحماس ومن يوم فتحها صرخ بفجعه .. : وجع في اهلكم
اخوانو يضحكـوا بطريقه توحفه .. : هههههههههه فجعناكـ
حسام : ههههههههههههههههههههه وجع فجعتوني لو كنت حامل لو ولدت
بدر : اما تولد .. لا لو كنت حامل ماتولد .. لازم يودوك المستشفي .. يشقو بطنك؟ـ
هلال : صح اما تولد كدا
حسام يصلح جلستو : لا يا اهبل .. لو ابغا اولد مو لازم اشق بطني ..
بدر يفرصع عينو : ليش كيف تولد طــيب
قمر : ماما تقول ولدتنا من فمها ..
هلال : لا لا فمها صغير ما تولدنا من هناكـ
بدر : ايوا صح شقولها بطنها وطلعونا صح حسام انته ما طلوعكـ من بطن ماما كدا ..
حسام يضحكـ : هههههههههههههه لا لا لا
بدر اتحمس : كيف ولدتكـ ماما ..
حسام بحماس : اسمعووو انا اقلكم الام كيف تولد ..
هلال نقزز ولصق في حسام : كيف كيف ؟!!
حسام ياشر عيل بطنو من تحت : لما كنتو في بطن امكم كنتو هناا ..
بدرو وهلال وقمر .. يطلو في بطنو بدهشه : ايوا
حسام : يعني قريبين من مكان الاشووو
هلال يهز راسوو ويدق كتف بدر : اها ايوااا
حسام : بعدين لما امكم تقرب تودلكم .. يجيها الم هناا .. ودا يسمو طلق ..
هلال : ؟؟؟!!
قمر : ؟؟!!!!!
بدر : طــلق .. ايش يعني طل
حسام : ياحبيبي يعني طلق يعني انتو تبغو تخرجو خلاص ..
بدر بتناحه : من فين
قمر : من فمهااا ..
حسام يهز راسوو : لا لا يا موخ انته وهواا يعني حتخرجو مـ ..
دخل كاسر الغرفه : صباح الخير يا الاخوان .. شنو عندكم متجمعين علي ذا الصباح
بدر وقمر وهلال بصوت واحد : اوووووووووووش .. اسكت .. خلاص .. ولا شي ..
كاسر : ؟؟؟؟!!!!
حسام : ابو كسره ايش جابكـ من متي انت هنااا
: جيت ابدل كل ملابسي في ذااا .. انتو شنو عندكم متجمعين كذا علي ذا الصباح . ؟؟
بدر يصقع رجول حسام :سيب كاسر .. كمل كمل . من فين حنخرج ..
كاسرر : شنو فيه وش خروجه الي تكلمون عنه ..
قمر بحماس : حسام بيقولنا من فين ماما ولدتناا ..
كاسر : ؟؟!! اماا .. صدق حسوم
حسام بلا مباله : ايوا بفهمهم عشان لا يصيرووو جنوط ..
كاسر يضحكـ : ايه علمهم .. كولنا بيشقون بطون امهاتنا ويطلعوناا .. وبس كذا ولا اشلون حسوم ..
بدر يهز راسو بقوهـ : لا لا حسام يقول ماما يجيها طلق هنا .. > وياشر علي بطنو .. وبعدين نخرج من ..
رجع لف علي حسام : من فين
كاسر فرصع عينو .. : حساااام ؟؟!
حسام بدلاخه : ايششش ..
كاسر يغمزلو : وبعدين تخرجو من فمها صح حسام
حسام : ؟؟؟؟!!!
قمر : لا حسام يقول مو من فمها ..؟؟!!
كاسر بفجعه : الا من هناك من وين يعني
هلال : اسكت عشان حسام يقلنا

حسام استوعب : احمم ههههههههههههه ايوا ايوا من الفم كنت امزح معاكم
كاسر يتنهد براحه : ايه شفتو شلون من وين بتطلعون يعني
بدر يطل فيهم وشاك انو مو من من الفم : لا حسام يقول مو من فمهاا
حسام بسرعه : الا الا من هناكـ .. امزح كنت .. يلا هوووني بدي اتحمم والبس
كاسرر ياشرلهم : يلا يلا بسويلكم فطور .. تخيلو مين بيسويلكم فطور .. الكاسر سعود ماغيره يعني تهنو .. وانبسطو واحمدو ربكم
حسام : اقول لا يكثرر ابو كسره اقفل الباب ورااكـ ..
كاسر يخرج البزورهـ ويطلع : هههههههههههه زين اخلص بسرعه مانبي نقابل الاكل وانت تبطي علينا
: اووووكـ
خرج كاسر وقفل الباب ورا .. حسام قام اخدلو دش يتنشط وخرج لبس في دقاايق ..
وقف قدام المرايه يمشط شعروو .. وفي قلبو مشااعر مختلطهـ
مشااعر سعااادهـ مو طبيعيه بسبب مهند .. رغم انو لساعو متحسس شويتين منو .. بسبب معاملتو لو في الايام الي فاتت
اما شعور تاني جالو فجئه .. بخصوص البنت الي اسمها اجواان دي .. مايدري ليش .. ؟؟ ولا كيف .. ولا سببو .. بس انها نقزت في بالو من دقايق واستقرت .. ياتري ايش هرجتهااا ..
رمي المشط وشال شنطتو الي فيها الاب توب .. وكم قرنبع معااا ..
خرج علي براا لقاهم جالسين علي الارض وفارشين سفرهـ .. فاااضيه بس جبنه كاسات مع عيش ابيض وشاهي
حسام : هههههههههههه ابو كسره دا فطوركـ
بدر : ويقول حسوي فطور طيب يقول حشتري فطور .. في فرق كاسر
كاسر : شرتيه ولا صلحته بنفسي المهم فطوركم علي ..
حسام اتربع جنبهم : ياسلام علي الفطور ياشيخ تسلم يدكـ ..
كاسر ببتسامه : لا وش عليكـ .. ماصلحنا شي ..
حسام : هههههههههههههههه الحمد لله انكـ عار ف
جلس يعملهم سندوتشات ويوزعها عليهم .. ويصبلهم الشاهي وهوا حاسس انو مسوي انجاازز ..
يعني فطوور من اول وعرضو متكلف بي .. يعني دا شي مرا كتير علي
رن جوالو بنغمه رسايل وقطع علي ..
رمي الملعقه من يدوو .. وخرج الجوال بسرعه .. استغرب مرا لما شاف نكـ زهاد ..
فتح الرسالهـ بكل حماس
(( احمممم صباح الخير .. ايوا اشسمو حبيت اصبح عليكـ .. واقلكـ لا تفطر .. جبتلكـ حليب .. وشندوتش لذيذ يعجبكـ .. وكمان ايوا فطاير كدا لذيذهـ .. وبس .. وصباحكـ حلوو .. ))
جلس يقرا الرساله مره واتنين وتلاته وهوا متشقق .. وصف اسنانو يبان من مية كيلوو ..
حسام دق كتفوو : ارحمني يابويا أيش الابتسامه دي ايش بتقرااا ..
كاسر فاق علي نفسوو : ها لا ولا شي .. ولا شي
حسام يبا ياخد الجوال منو : لا وريني أيش الرساله دي الي خلتك تتشقق
كاسر يبعد الجوال : ولا شي اتركـ زززين ..
حسام : اوب خلاص لا تطير
كاسر حط السندوتش من يدووو : الحمد للهـ
حسام يطالع في القطمه الصغيرهـ : ما اكلت .. ياهوو
كاسر يمسد علي شعروو ببتسامه توحفه : لا اشسمه ايه بفطر بـ .. لا اقصد مالي نفس .. لا لا اقصد شبعت ايه شبعت
حسام يضيق عينوووو : ابو كسره ايش طرالكـ .. ؟؟!!
كاسر وقف بسرعه : ولا شي افطروو انتم انا بمشي للمستشفي .. صح وسام يقعد مع اخوانكـ لا يجبون العيد .. ولا تاخر علي الدوام حسووم ..
حسام : الكاسر دقيقه نمشي مع بعض ..
كاسر : لا لا مستعجل حديييييي بمشي ..
حسام : هي طــب بــ ...
سكت لان كاسر خرج وقفل الباب ورا بقــوهـ ..
نزل علي سيااارتوو .. ركبها وشغل اغنيتو المفضلهـ .. وهوا مبتسم ..
حركـ السيارهـ متحمس للمــستشـفي ..
رفع الجوال لادنو بعد تردد دام لعشرهـ دقايق واخيرن طلب رقم زهاااد وغمض عينووو .. وهوا يتمتم .. ان شالله ماترد يارب ماترد اووف .. لا تردي ..
لكـن جالو صوت زهاد بحماس : الووو كاسررر صباح الخيرررررررررر

حس باحساااس عجيب .. صوتها المرررح علي الصباح جابلو التفاااائل .. : احم اهلا صباح النووور
زهاد : وصلتكـ رسااالتي
: احم ايه اوصلت .. وكذا ..
: اها كويس لا يكون فطرت
بسرعه : لا لا ما افطر انا احممم احم ما افطر ابد ..
: اها كويس .. خرجت انته ولا لسااا ..؟؟!
: ايه دوبني طلعت وانتي
: لسا دحين بستنا السواق .. علي وصول هوا
: اها زين
: اشسموو ايوان ايش عندك اليوم وكدااا ..
كاسر متعجب منها تخرج من هرجه تخوش في هرجه .. : احم شلون يعني
: يعني في المستشفي وكدا
: اها .. ماعرف بنوصل وبنشوف وكذاا
: اهاا
قضوها سوالف .. وزهاد هيا الي تسحب منو الكلام .. وهيا الي تقرقر بدون انقطاع زي الي ماصدقت لقت احد يهرج معها
مو عارف انها خاقه عندو لنوخاع .. وبتهرج ورا بعض ماتبغا يقفل ابدن ..
في الشــقه حسام بوس اخوانو وجلس يشوتهم لين جبلهم المرض .. وخرج من الشقه اخيرن ..
وصل لعند سيارتو ويدوب بدو يركب سمع صوت من خلفوو : يا صباااحووو
ابتسم لا شعوريا مفتقد الصباحات الي كدا لو فتره .. التفت علي مهند .. : صبااح النووووور
مهند قرب لعندو وصقعو علي جبهتو مكان الصقه الصغيرهـ : كيفكـ اليوم
مسكـ جبهتو : اخ بلا في شكلكـ مو كافي يعني .. ؟!!
مهند : هههههههههههه لا تذكرني
حسام يرمي الاغراض في المقعدهـ الخلفيه : خنيث وربي
مهند يشمق : انته السبب ليش ترمي تقالات في الغرفه وحجات مضره
حسام بعصبيه : لا والله ما ادري انو في احد حيحاول يموتني بيها
مهند ميل فمو وما عجبو الحوار : احم الموهم
حسام لاحظ الشي دا : اها هات الموهم ..
مهند يلوح بمفاتيحو في الجو : بتحاشر معاكــ ..
حسام .. يرفع حواجبو : علي مين ياعمي عشان انا الا اخسر بانزين .. اقول بسياارتكـ فاهم بسيارتكـ
مهند : ههههههههههــ اوكي
حسام خرج اغراضوو .. وراحو علي سياره مهند
فتح الباب الخلفي ورمي اغراضوو وركبو هما الاتنين وحركوو ..
حسام ينغبر في السيديهاات .. يدور شي يسمعوو
مهند : تبا شي من البقالهـ قبل ندعس
حسام : اممممم جيب هلستون .. وجيب فلكـ ..
: بس
: لا لا لا تجيب فلكـ معايا في الشنطه ..
: طيب مااشي
نزل مهند وحسام لف .. يسحب شنطتو الا انتبه للظرف الي مرمي باهمال ..
بدون تردد شالو وفتحوو .. وهوا يدندن ..
تنج لما شاف صوروو مع حنين
قفل الملف بسرعه ورجع رما علي المقعده الخلفيه ..
وصارت علامات التعجب تدور حولينوو .. ياتري مهند ايش الي اتغيرررر في موضوعو .. ليش جا واعتذررر ..
طيب ايش صار .. حنين كلمتو .. اعترفتلوو .. ايش بتسوي الصور هناا .. ياللهـ ايش صايررر ..
مهند دخل السياره : وهاادي العصيرات
حسام طل في يحاول يطلع من ملامحو شي ..
مهند التفت علي حسام واستغرب من طلاتو : ايشبكـ ؟؟!
حسام ابتسم يرقع : وحشتني يا مخنث
مهند يخرج لسانو ويلحس شفايفوو : اقول ابو السمس تـخلي .. ؟؟!
حسام : وجججججججججججععع في شكلكـ ..
مهند : هههههههههههههههههه امززززح ..

A6baa fe al-7o0b
~~~~~~~~

زهاد بعبايتها وشنطتها كمان علي كتفهاا .. والسله الي وسطها الحليبات والفطاير جنبها ..
والجوال في يدها تستنا سعيد يتصل .. وابتسامتها شاقه فمهاا ..
صبحت علي صوت كاسر .. ولاول مراا .. مرا احساس شي
طبعا سعيد ما اتاخر ولا شي .. لكنها حستو انو مرا اتاخر .. خصوصا انو كاسر قرب يوصل المستشفي ..
متحمسه تروح وتصبح علي فيسوو الي يجيب العافيه ..
رن الجوال في يدها وقطعلها حبل افكارها الورديهـ ..
وقفت بسرعه وشالت الشنطه بدون ما ترد ولا تطل ف يالجوال حتي .. اكيد سعيد وماف يغيررروو
خرجت من العمار وهيا تهرووول .. صارت تدول سياره سعيد بعيونها .. ياربي فينوو .. لا يقول موقف برااا
شويا تنحت لما شافت هيثم جاي لعندهاا وراسم علي وشو ابتسامه تسد النفس ..
: صباح الخير ليش ماتردي
طلت في الجوال بتعجب : هوا انته
: ليش مابتردي
فسخت النضاره : معليش حسبت السواق الي اتصل عشان كدا نزلت بسرع ومارديت
: اهاا طيب اسمعي
زهاد : هيثم السواق دحين يجي وعندي دوام ضروري اورح ايش بغيت جاي لهنا
هيثم رب لها خطوتين : احم اسمعي .. امممم .. ابوكي هنا في جدهـ وفي بيتنا بالتحديد ..
زهاد بملت : هاا
هيثم ما اتوقع ردة فعلها دي .. اتوعها تصرخ يغمي عليها اقلها تبكي .. اما كدا : بقلكـ ابوكي عندنا في البيت .. ويبغاكـي تجي دحين .. وحاخدك عشان اوديكي لوو
رجعت خطوتين علي ورا : ما ابغا ارحلو ما ابغا اشوفوو ما ابغاا
هثيم : ضروري تروحيلوو . لو مارحتيلو حيجي هنا ولو جا هنا حتشوفو امكـ ولو شافتو انتي تعرفي ايش ممكن يصير فيها صح ولا لا
زهاد مو مهتمه : قلت لكـ ما ابغا اشوفوو .. ما ابغا ارحلو يا هيثم ابعد عني
هيثم بهدوء يحاول يتفاهم معها : زهاد ابوكي يبغا يشوفكـ مايبغا منكـ ولا شي بس يبغا يشوفكـ
تحرك راسها بقوهـ : انا ما ابغا اشوفوو .. ما ابغا اوووف منكـ روح عني ما ابغا اشوف احد ولا بابا ولا عمي ولا انته ما ابغاكم يارب اكرهكم اكرهكم من كل قلبي اطلعو من راسي ياخي اطلعوووو
هيثم ضحكـ لانها بدت تنهار : قرب منها وشد يدها بقوهـ : قلت لكـ حتجي معايا قدامي غصب عن اهلكـ فاهمه
زهاد تركت السله من يدهاا وطاحت واتنكتت الحجات الي جوتهاا وصارت تصقع هيثم بشنطتها : ما ابغا اشوف احد اتركني بقول اتركني
هيثم شد الشنطه منها ورمها .. وقرب صفقها علي وشها واحد فوقها : حتمشي قدامي غصب عنكـ فاهمهـ ..
زهاد تنحت علي الصفعه .. دي بدايتها .. اتجمعت الدموع في عينها : ما ابغا اشوف احد ما ابغا يا هيثم ما ابغاا
هيثم شدها بقوهـ ودخلها السيارهـ .. ولا اهتم لشنطتها الي مرميه ولا سلتها الي مشعتره عند بوابه العمارهـ ..
حركـ السيارهـ ومــشي ..

زهاد لمت نفسها علي بعضها : قصي خلينا ناخد قصي ابغا قصي يجي معاياا
هيثم : حنمر مدرستو وحناخدوو ..
زهاد اتنهدت براحه .. صح قصي صغير .. ولو جا معاها ماحيكون بيدو حيله لكن .. وجودو معها حيطمنها رغم كل شي
حاولت تتمالكـ نفسها وتهدي لان البكا مارح يفيد .. حتشوفي ابوكــي .. وحيكلمكـ وبس .. وماراح يصير شي ..
كل شويا تمسح دموعها الي بتخونها وتنزل غصب عنها مو برضاهااا ..
هيثم : انتي عارفه انو ابوكي .. مريض
زهاد ماردت علي .. ان شالله يموت ويفكنااا
هيثم : مريض بالسرطان تعرفي الشي دااا ..
زهاد رفعت عينها علي هيثم .. وبرضو ماردت علي ..
هيثم : تعرفي الشي دا ولا لاا ..
مستمره تمسح دموعها بسكات ولا ناويه ترد علي
عصب منها : بكلمكـ بقلكـ تعرف انو ابوكي مريض بالسرطان ولا لااا ..
صرخت في : لا ما اعرف ايش يدريني قولي كيف حعرف .. كيف يعني . كيف .. ؟؟
رفع حواجبو علي صرختها : وطي صوتكـ لا اكسر سنونكـ ..
لفت عنو ومسحت دموعها بقهر .. : الله يموتو يارب
هيثم : لا تدعي علي عمي
: بابا وانا حره ان شالله يموت هوا وابوك وانته وانا ونريح الناس كولهم منننا يارب اموت انا وافتكـ منكم .. ما ابغا اشوفو ياربي ما ابغاا
رجعت دفنت وشها بين يدينها وانفلتت بكاا .. : مابغا اشوفوو ما ابغاا اكرهوو واكرهكم كولكم يارب اموت وافتك منكم
هيثم مندهش .. اشبها بتدعي كيدا ايش صاير عليهااا ..
ميل فمو علي جنب : امــين ..
ركبهم سكوت فجئه .. ومر الوقت سريع .. وكانو وافين قدام درسه قصي الي قريبه اصلا من البيت
هيثم نزل : حطلع قصي واجي
زهاد ماردت علي واكتفت بانها تمسح دموعها بقوهـ .. ماتبغا قصي يشوفها بتبكي وكاره تشوف ابوها لدا الحد
دخل علي المدرسه وهيا صارت تتلفت تبغا تكلم كاسر الي اكيد دحين بيستناها ..
زفرت .. لما اتزكرت انو هيثم الحمار خبطها بالشنطه ورمها في نوص الشاعر ..
جوالها محفظتها كول شي جوتوو يالله ايش حتسووي .. الا جوالها مايضيع بلاويها كولها جوااا
انتبهت لجوال هيثم علي الاستاند تبع الاكواب شالتو بسرعه وفتحتوو
اتمنت انها حافظه رقم كاسر.. كان اتصلت استنجدت بي .. لكن مالها الا سعيد ..
: الوو ..
: سعيد فينكـ
: عند بيتك من اول بتصل فينكـ انتي جوال مين دا
: سعيد اسمعني صارلي ظرف حروح بيت عمي طيب انا مع هيثم . اسمع شنطتي يمكن تلقها عند الباب يارب تلقاهاا .. شيلها وخليها معاكـ لين اقدر اقابلكـ اوكي انا دحين حقفل قبل يجي هيثم
: طــيب انـ
قاطعنو : باي باي
قفلت الخط ومسحت الرقم ورجعت الجوال مكانو وهيا تتنهد بضيقه .. ياربي أيش الوضع الزوباله الي انا في ..
اوف ياربي .. يارب ماحد شال شنطتي .. الله يحرقكـ ياهيثم ويكسر يدكـ ويحرق ابوكـ قول امين
في جه تانيه جوة المدرسه بالتحديد هيثم واقف في غرفة الادري يستني قصي ينزلوو
ثواني ودخل قصي مو فاهم ايش في .. خصوصا لما شاف هيثم

: السلام عليكم
هيثم وقف بسرعه ويطل في السااعه .. : بسرعه ياقصي هات اغراضكـ وتعال
قصي بتناحه : ليش ايش في دوبنا تاني حصه ليش بتطلعني
هيثم رخا صوتو : حاخدكـ ابوك هنا في جدهـ وبالتحديد في البيت عندنا ويبا يشوفكـ
قصي كشر : ابويا انا
هيثم : ايوا بسرعه جيب اغراضكـ
قصي مو متحسس من الموضوع قد زهاد .. لانو بختصار وقت ما صارت كل المشاكل ماكان واعي ولاحس بيها زي زهاد ..
: اوكي ماشي
في ثواني طلع جاب اغراضووو .. وكلم اصحابوووو وودعهم علي امل القاء ونزل لهيثم
خرجو لسيارهـ مع بعض
قصي اتفاجء لما شاف زهاد : زوزو
زهاد من شافت قصي بكيت : قصي ما ابغا اروح لبابا ما ابغا اشوفوو
قصي يتكي علي الشوباكـ : زوزو ليش بتبكي اشبكـ زوزو
هيثم : يبويا اطلع اتاخرنااا ..
قصي يهز كتف زهاد الي منهاره بكا علي نفسهاا : اشبك زوزووو اشبك
هيثم صرخ في قصي : بقلكـ اركب بسرعه لا انزل اركبكـ ..
قصي خاف من صرختو وطلع السيارهـ بسرعه ركب خلف زهاد بالزبط واتقدم يهديهاا ويكلمهااا
وهيا تبكي وتشهق .. وهيثم شمتنان في قلبو حتي النوخاع . مع انو مو عارف ليش بتبكي وليش ماتبغا تشوف ابوها
بس كونها بتبكي بدي الطريقه . دا شي يخلي يستمتع وبشدهـ ..
قصي استوعب الوضع ومرا انهار علي بكا اختو .. وعار فانو ماحيقدر يسووي شي ..
سند ضهرو علي ورا وهوا مقهور من كاسر جدن .. هوا السبب لو سيبو يكمل خطتو .. لو هيثم الحيوان دا مقلوع في السجن .. وماحد يقدر يجرهم يوديهم أي مكان غصب عنهم ..
فتح جوالو وكتبلو مسج
(( شكرن لا ساعدتنا .. ولا سبتنا نساعد نفسناا .. ولا هم يحزنون . علي العموم الله لا يحوجناا ))
ارسل المسج وقفل الجوال عشان مقهور مرا ولا يبغا يرد علي كاسر في حال اتصل علي او شي
كاسر ف يالمستشفي وجالس في الانتظار بيستي .. عشان اول ماتدخل زهاد يشوفها ..
جالس بيطقطق ف يجوالو . ويلعب العاب مالها داعي ..
المسج طلع من جو البيض الي هوا في
استغرب لما شاف الاسم .. اول زهاد ودحين قصي .. ياسلام
فتح المسج واستغرب مرا مرا واتنين وتلاته .. ايش يقصد .. ايش صاير .. ايش في
طبعا بدون مقدمات طلب رقم قصي وعلي طول اعطالو مقفل ..
اشبو ليش راسل مسج كدا أيش الحكايهـ ..
قلبو قبضوو فجــئهـ .. اكيد صايرر شي
طلب رقم زهاد علي طول .. رنين متقطع .. ومافي أي رد
كاسر ما اخد وقت عشان يقلق ..
وقف وصار يروح ويجي ويجي ويروح .. اكيد صاير شي .. المسج ورا شي .. وزهاد مابترد على جوالها اكيد في شي ياربي شنو صاير لهم .. هيثم .. معقول ولد عمهم ذا عاملهم شي
يالله شنو يدريني الحين
: اهداب ايه اهداااااب
طلب رقمها علي طول ..
جالو صوتها كلو نووووم : ايوا
كاسر : احم ادري ازعجتكـ بس ابيكـ ضروري ..
اهداب صلحت جلستها : ايش في .؟؟!

: ماعرف اممم ما اعرف بس احس صاير شي معها ممكن تطمنيني عليها امم عندك رقم بيتهم او رقم امها او أي شي هي ماترد واخوها قافل جواله
اهداب بتناحه : مين هيا واخوها مين عن مين بتهرج
كاسر عصب : زهاد منو بعد
اهداب : اها زوزو اشبها طيب
: ماعرف احس صاير لها شي ممكن تكلمينها او تكلين امها او تكلمينهم علي أي رقم يردون عليه وتطمنيني
اهداب تتاوب : اوكي دحين اشوف طي ب
: بسرعه ردين علي
: طيب ماشي
قفل الخط من هنا واهداب جلست تطل في الجوال وهيا تتسال : ايش حيكون فيها يعني مافيها شي اكيد .. اشبو كاسر داا .
رجعت رمت راسها علي المخدهـ بعد ماحولت الجوال سايلنت
وطارت في سبات عميق ..

A6baa fe al-7o0b
~~~~~~~~

لبست الطرحه بعجلهـ : التكسي وصل يا نسيم
نسيم علي سريرهاا ومرضانه من كتر البكي .. : طيب طيب
تسنيم مشيت لعندها وباستها : حبيبتي لا تبكي ولا تسوي في نفسكـ كدا ارجع من المستشفي اليوم وحنحلها ان شاللهـ طيب
نسيم تهز راسها بكسل : طيب
فرفرتلها شعرها : اطلبيلكـ فطور من أي مطعم وكلمي صحباتكـ يجوكي لا تكتئبي طيب ولا تبكي خلاص ..
نسيم : طيب ماشي
تسنيم لفت شالت شنطتها ورجعت باست نسيم للمره المليون .. وخرجت من الغرفه ..
راحت لغرفة ابوها جري .. باستوو هوا التاني .. لين ورمتلو وشوو ..
خرجت وقفلت وراها الباب بهدوووء ..
اتوجهت لباب الشقه وافكارها خاشه في بعض .. مو عارفه ايش تسوي .. مو عارفه كيف حتتفاهم مع الي اسمو يامن داا ..
مو عارفه ايش تسوي في حياتها
فتحت باب الشقه وسمرت عندووو لما شافت يامن ..
ياتري دا يامن ولا عشان بتفكر في يامن متخيلتو قدامي
يامن ابتسم : ماشالله مع مين رايحهـ يا اخت مرتي
رفعت يدها لصدرها واتنفست بهدوء .. ياربي هوا ما بتخيل : ايش تبغاا ..؟؟!!
: ابغا مرتي .. ؟؟!!
سمعتو طبعا بس ما استوعبت : مــين .. ؟!!
: بقول ابغا مرتــي ..
رجعت ترمش بفهاوهـ : يامن تبغا مين
ابتسم ابتسامه عبيطهـ .. وخلل ايدينوو بين شعروو .. : ابغا نسيم .. ن س ي م .. اختكـ مرتي .. اعيد مرا تانيه كمان
خرجت علي برا وردت وراها الباب .. : يامن اسمعني صلي علي النبي .. بابا مايدري عن الي صار ..
رفع حواجبو : وانا اشلي .. بقول ابغا ابوكي لا .. بقول ابغا مرتي .. ممكن
تسنيم تفركـ يدينها في بعض .. : يامن اسمعني اعرف انكـ متحسس من الي صار بـ
قاطعها بضحكه مستفزهـ : ايششش .؟؟! متحسس .. لا مرا مو متحسس ولا شي .. راضي بنصيبي وابغا اكلم مرتي انتي اشبكـ ياخي ماتبينا نكلم بعض ولا ايش
تسنيم : يامن اسمع ارخي صوتكـ لو سمحت واسمعني .. نسيم منهاره بكي من امس بسبب الي سوتوو .. واتوقع انـها ماردت علي اتصالاتكـ لانها ما تبا تكلمكـ .. ممكن تخزي الشيطان كدا وتلغي التوقيع .. يعني بالعربي تطلقهااا
طل فيها كدا لثواني .. وبعدين انفلت ضحكـ : لا مارح اطلقهاا .. وهيا دحين مفجوعه بس .. ممكن تناديها عشان اكلها .. عشان ياناس من ملكت ماكلمت مرتي .. مايصير ..؟؟!
تسنيم اتنرفزت منو يعيد ويزيد ف يكلمة مرتي .. لدرجة دي مبسوط بيها .. : يامن اسمعني
: اوو هووو سمعتكـ كتير .. خلاص ابغا مرتي .. ممكن
انفجرت في : لا تقعد تنق مرتي مرتي مرتي .. تراها منها مرتكـ ولا شي .. يا اخي .. الي صاير .. انها وقعت ما كانت تبغا بــ..
قاطعهاا : اهاا وقعت .. يعني مرتي غصبن عنكـ بتناديها ولا كيف
حطت يدها علي وسطها : كـــيف .. ؟؟!!
طل فيها كدا واتجاهلها ضغط الجرس وعلق علي
تسنيم بسرعه : يامن بابا بابا نايم لا يصحي يامن باباا حتي نسيم نايمه والله نايمه
يامن مطنشها ومعلق علي الجررس : بتناديها ولا كيف
: خلاص حناديها حناديها دقيقه خلينا نتفاهم
شال اصباعو عن الجرس : مافي تفاهم .. ناديلي نسيم دحين دحين ..
قبل مايكمل كلمتو طلعت نسيم وهيا متعجبه مين الي بيدق الجرس علي دا الصبااح ..
نسيم سحبت الباب المردود وطلعتلهم بشوشتها وعليها الروب القصير الملون ..
طلت فهم هما الاتنين وكيف باين من ملامحهم انهم متشاحنين : ايش في
يامن نزل يدو عن الجدر وابتسم : مرتتتتي
تسنيم فرصعت عينها : نسيم ادخلي اشبكـ
نسيم استوعبت الوضع ورجعت دخلت علي جووو تغطي نفسها : اشبكم ..
يامن يدف الباب : ياعمي انتي مرتي اشبكـ
نسيم حشرها البكاااا وهيا متكيه علي الباب : يامن مني مرتكـ طلقني طلقني الله يخليك بابا مايدري والله بابا مايدري ..

تسنيم جات لعندها وقلبها مليان قهرررر : اختي هدي نفسكـ حيجي يتفاهم مع بابا اليوم
نسيم قامت وراحت علي الغرفه وقفلت وراها الباب .. يعني ماتبغا تهرج مع احد ..
تسنيم اتنهدت وخرجت من البيت ايش الي صاير .. ايش الي سوتي يا نسيم
ايش انته يا يامن .. ايش الي بتسووي .. احترم الاادميه الي هيا انا الي انته كنت خاطبها وحتتزوجها
نزلت تحت ومالقت سياره التكسي .. طبعا مشي .. من اول لاطعتوو اوف ياااربي
فكرت تخرج لطرف الشارع تشوفلها سياره تكسي لانها اتاخرت .. وبدون مقدمات بدت تمشي .. خلاص مافي وقت ..
رن جوالها في الشنطه خرجتو بسرعه فكرت يمكن نسيم فكرت تنطق او تبكي او تشكي ..
لكن اتعجبت لما شافت نكـ دكتور ماجد علي الشاشهـ ..
بلعت ريقها بهدوء : الوو ..
ماجد : احم دكتورا تسنيم فينكـ اتاخرتي .ز
تسنيم زفرت : صارتلي موشكله خفيفه كدا دحين بدور تاكسي وجايا يا دكتور ماجد
: اها اممم طيب كونت بسئلكـ ..
: اتفضل دكتور ..
: انتي عندكـ مناوبه اليوم فجدولكـ صح .. ؟؟!
تسنيم : ايوا صح ليش دكتور
ماجد يجمع يدينو يس يس يس : احم ولا شي بس كنت بتاكد من شعله .. انتبهي لنفسكـ لوا تتاخري
ابتسمت .. علي نبرة الاهتمام في صوتو : ان شالله دكتور اممم وانته كمان
ماجد بسماجه : انا ايش
تسنيم غمضت عينها وبسرعه قالتها : انتبه لنفسكـ ..
ماجد مات ضحكـ : هههههههههههههههه طيب طيب
تسنيم وشها حمر : هيا مع السلامه
ماجد مايبغها تقفل : احم اشسمو دقيقه ..
تسنيم : همم يب ..
: اشسمو ابغا فلوسي الي اتسلفتيها مني
: اها ايوا ايوا لا جبتها جبتهاا ..
: طيب يلا توصي شي
: لا تسلم
: احم انتبهي لنفسكـ
: اوكي
: وانا ما انتبه لنفسي
ضحكت .. ورجعت قالتها بسرعه : انتبه لنفسكـ ..
ماجد : ههههههههههههه طيب مع السلامه ..
قفلت الخط واثار الضحكه لسا علي وشها
ومتعجبه من نفسها .. دوبها حاسه بغيره من اختها بسبب يامن .. وامس سهرانه مع بهاء ورجعت حلمت احلام سعيدهـ .. ودحين تكلم ماجد وقلبها يسوي طربق طربق .. ياتري ايش الي هيا في
ياتري ايش الــي .. .. .. ؟؟!!

~~~~~~~~
A6baa fe al-7o0b
~~~~~~~~

جالسه بتتقلب علي السريررر .. وماودها تقوم .. اول بالاصح ماودها تشوف وش نيار ولا تسمع صوتها علشان ضغطها لا ينرفع ..
اصلا عندها نيه انها تغيب عن الدوام .. وتجلس مع اياد .. وتكبلو كل العشااا .. وتقلو يطلق نيار خلاص يكفي كداا ..
ولعت الابجورا ورفعت نفسها علي طرف السريرر .. وسحبت الرموت من فوق الكمدينه .. فكري ايش تبي تقولي رتبي كلامكـ .. ..
شغلت التي في .. وصارت تقلب بدون ما تركزز .. ايش حتقلو .. ايش حتهببلو .. لازم يطلع كلامها مرتب .. وتبين انها تحبو .. بدون مايبان انها ميته علي .. ياتري كيف تقدر توصلو دا الشعور..
لسا دوبها بتقلب في القنوات بملل .. الا سمعت دقات هاديه مرا علي باب غرفتهاا ..
قررت ماترد وتعمل نفسها نايمهـ .. لين تعرف ايش تبا تقلو بالزبط ..
لكن الدقات اتكررت باصرار .. وشويا جاها صوت اياد : اسراء .. سرو حبيبي ..
: اسراااء .. سروو صحيتي ولا نايمه
يخبط علي الباب ويناديها : اسراااء افتحي سروو الساعه سبعه ونوص تراني .. قومي ما باقي شي
اسراء تقرطم اضافيرها : مابدي ادااوم اياد ..
ايااد بخوف : سروو ليش مو مداومه فيكي شي سروو حبيبي .. صايرلكـ شي .. ؟؟
اسراء : لا مافيا شي مكتئبه وما ابغا اداوم اياد سيبني في حالي طيب شويا حناديكـ نتكلم ..
اياد باصرار : سرو افتحي الباب ..
: اياد مافيا شي وربي مابغا اداوم بدي افكر .. احم اقصد بدي ارجع انام ..
زفررر : طيب اوكي انا حخرج
اسراء فزت : ايش تخرج ليش .. فين اقصد ؟؟
: اممم باخد نيار وبنروح نشوفلنا اثاث للفله الجديدهـ وكدا
قامت من السريره بسرعه وفتحت الباب : ايش فين
اياد طل فيهاا وتنح .. مرا وحشتووو .. من اليل ما عاد شافهاا .. اخر شي يتذكرو دموعها بكيت وبكيت وماقدرت تهرج ولا قدر يقولها شي ..

كدا اليوم باين نفسيتها احسن بكتيرر ..
اسراء : هي بكلمكـ
فاق : اها ايوا نعم .. ؟؟
اسرء : انا لسا ماوفقت اشتريها ولا شي .. اثاث ايش الي بتتكلم عنوو
اياد يميل فمو : احمم نسيت اقلكـ علي حاجه ..
اتكتفت : ايش .. ؟!!
: اممم اخو نيار حيشتريلها الفلهـ .. يعني مو محتاجينكـ تشتريهاا
رمشت بفهاوهـ .. شوف كيف يقولها مو محتاجينكـ تشتريها .. يعني خلاص ماعاد نبغاكـي ولا نحتاجلكـ .. ولا شي ..
اسراء : اياد مارح تشتري الفله ولا راح تروح مع نيار دي مكان .. انته حتطلقها طيب .. ؟؟!
اياد اندهش : حايش ..؟!
اسراء تكرر بثقه : انته راح تطلقها طيب انا مرتكــ وبس .. ونيار دي ترجع بيت ابوها ولا يشترولها فله وتتنيل فيها لحالها
اياد يغمض عينو بسبب صوتها العالي : كــيف ..
صرخت : اياد بكلمك كلام واضح .. نيار انته حتطلقها فاهم .. اليوم قبل بكــرهـ ..
اياد بستفهام : وليش اطلقهاا .. وليش دوبكـ تكلميني ..؟!!
اسراء اتلبكت : انا اشسمو .. انته .. ماعرف ماعرف حتطلقها يعني حتطلقها اوكي
اياد يبتسم : ليش اطلقها ايش في شي يخليني اطلقها ..؟! الادميه زي الوز معايا .. لا وتحبني .. وتهتم لامري .. وتقدرني .. ومعتبرتني رجال .. ومعتبرتني زوجها ومعتمده عليا .. وكمان تسمع كلامي .. ليش اطلقها
: اياد انا
: انتي بتسويلي شي من دا .. لاا .. صح .. ليش اطلقها واحرمني منها .. ؟!!
اسراء تطقطق اصابيعها في بعض .. اياد اشسموو اياد انا احبكـ ..
اياد قلبوو طاح من مكانووو .. وحس جسمو دفي .. بس لانها قالت احبكـ ..
يهرج نفسوو .. اهجد اهجد لا تكب العشا دخيلكـ ..
اسراء تطل في ما اتحركـ ولا قال شي .. رجعت تكررلو بسرعه : اياد احبكـ طيب احبكـ خلاص .. ونيار دي ماني طايقتها .. وانته ما ابغا احد يشاركني فيكـ يا ايااد ..
اياد ماقدر يمسك ابتسامتو اكتر من كدا .. : وايش كمان بس كداا ..
اسراء عصبت من ابتسامتوو رفعت يدها لوشو وصقعتو بخفه : لا تضحكـ كدا
اياد موو قادر : ايش كمان طيب .. بسرعه اقنعيني اطلق نيار اقنعيني ..
ترفع شعرها ورا ادنها : امم اشسموو انااا .. امم اشسموو ..
ماعرفت ايش تقوول .. : بس احوبكـ اياد
اياد خلاص كدا وبس .. قلبوو صار يسووووي طربق طربق
قرب لها وضمهااا بقــوهـ : وانا كمان احوبكـ
خبطت ضهرو : ادري اعرف انكـ تحبني كتيررر
بعدها عنو وطل في وشها كدا شويتين بعدين باس خدها : احوبكــ
اسراء حاسه براحه .. الموضوع مو زي ما كانت متخيلتو .. هيا كلمة صغيره من اربعه حروف ممكن تحل كل شي
لامت نفسها انها ماقالتها من اول ..
حستها كلمه حلووهـ خصوصا انها طالعه من قلبها .. رجعت كررتلو هيا : احبكـ ايااد
اياد شويا يحلق .. واخيرن قالتها اسراء .. صح من اول حركاتها موضحه دا الشي .. وتعاملها وغيرتها من نيار .. لكن مو زي لما تقولها كدا .. مرا لها طعم غيررر
رجع باسها : سروو تحبيني
هزت راسهااا : ايوا
: لا لا قوليها تاني هههههه
: طيب احبكـ
: لا لا قولي احبكـ ايااد
: احبكـ ايااد
: قولي احبكـ اياد زوجي ..
ضحكت : احبكـ اياد زوووجي
اياد عجبو الحال : قولي احبكـ اياد زوجي حبيبي الي اصغر مني
اسراء معطيتو وجه : احبكـ اياد زوجي حبيبي يالي اصغر مني

اياد يفكر : طيب اسمعي .. قولي ياحبكـ اياد زوجي حبيبي الي اصغر مني واوعكـ اسمع كلامكـ واكون مرتكـ زي الخلق والمسلمين
اسراء كشرت واستصعبت العبارهـ : كيف
اياد يكشر : ايش الي .. قوليها يلا
ضغطت علي نفسها : اوكي .. احوبكـ اياد زوجي حبيبي الي اصغر مني واوعدكـ اسمع كلامكـ واكون مرتكـ زي الخلق والمسلمين
اياد يضحكـ : هههههههههههههه لا مو راكب عليكي ..
اسراء مو مهتمه : اياد متي حتطلق نيار
: طيب متي حتبوسيني
قربت منوو وباست خدو : روح طلق نيار دحين
اياد يقدلمها خدو التاني : امممم
اسراء باستو بقلة صبر : متي حتطلقها قولي روح دحين هياا
اياد مسكـ كتوفها : والله حطلقهاا خلاص بس اصبري انـ ..
سكت والتفت مع اسراء لما سمعو شهقة نيااار ..
اياد طل في نيار بدهشه .. متي طلعت وراهم دي ..
نيار عيوها تزغلل وفي ثواني اتجمعت الدموع وبدت تدحدر : اياد انته انته انته
ماعرفت ايش تقول لان البكيه طلعت خلاص
صارت تبكي وتشهق من قلب .. اسراء ما اهتمت لها مرا
اما اياد قلبو وجعو عليها .. بس نية الطلاق سوت فيها كدا .. اجل لما تستلم الورقه في يدها ايش حتقول ايش حتسووي ..
لف رايحلها الا اسراء مسكتو من يدوو : سيبها اتركها تبكي .. انته كدا ولا كدا حتطلقهاا ..
اياد : اتركيني اتفاهم معاها علي الاقل واقولها ليش بدي اطلقهاا .. ؟؟
اسراء ترفع خوشمها : اياد لا تروح لها يا اياد ..
نيار رجعت لفت علي غرفتها وقفلت وراها الباب .. اياد حس باحساس خايس
صح انو اتزوجها بس عشان يجيب راس اسراء .. وصار انو يجيب راس اسراء .. لكن حس انو في كم شي جمعو بنيار .. حرام يطلقها كدا .. او بالعربي .. حس انها مناسبه لوو .. ايش حيسوي ياتري
وعد اسراء انها لو صرحتلو بحبها راح يسوي الي هيا تبغا .. في نفس الوقت مو عارف كيف حيطلق نيار
حاليا هوا في موقف لا يحسد علي ..
اسراء .. التفت علي الانترفون لما دق .. وطلت في اياد بتعجب : مين
اياد يرفع كتوفو : مين ..
سحبت اياد معها لعند الانترفون ورفعت السماعه .. واشتغل الكام علي طول ..
بدهشه : عنوشه ايش بتسوي عندي
: حكايه طويله افتحي بسرعه خلي الادمي يمشي
: أي ادمي ..
: ياربي افتحي اسراااااء .. ياربي ..
اسراء : طيب طيب
ضغطت علي الزر وانفتح الباب : خوشي واقفلي الباب وراكي
اعناب تلتفت علي مازن : اوكــي

اشرتلو انو الباب خلاص انفتح ..
مازن يهز راسو ووياشرلها بيدو انو مع السلامه ..
لوحت بيدها وهيا خاقه معا وماتدري عن نفسها .. من شافتو بيعمل الفطور وبدت رجلة الخققان الي ماتدري متي حتنتهي
مازن ابتسملها ومشي ..
دخلت علي الفله وهيا تتنهد : ايش الي سويتيه في الادمي مرا حرام عليكي .. وربي مرا مايستاهل ..
دخلت علي جوة الفله الا انفتح الباب وطلعت لها اسراء وماسكه اياد في يدها : اشبكـ ايش صايرر
اعناب طلت في اياد وكيف اسراء ماسكتو واتعجبت : السلام عليكم
اياد : وعليكم السلام .. اتركيني اسراء ..
اسارء مطنشتو : اشبكـ اعناب ايش صاير أيش في
اعناب تطل في اياد بانحراج : احم ولا شي .. احم احم بكلمكـ بس اشسمو يعني احم
اياد سحب يدو من يد اسراء : حتركم لحالكم
اسراء لفت علي اياد بتهديد : لا تروح لنياار يا اياد
اياد يهز راسوو : الا حروحلها افهمها
اسرا : اياد لا تروحلها يا اياد بقلكـ لا تروحلها
اياد يرخي صوتو.. اسمعي كلامي قلت بروحلها انتهيناا ..
خلاص كلامو وطلع الدرجات جري ..
اعناب ماصدقت اياد راح انفلتت : تخيلي يا اسراء نمت في بيت الدكتور مازن .. لا وعند غرفتو .. وهوا الي صحاني وفطرني وجابني عندكـ تخيلي
اسراء نسيت ااياد ونيار وشهقت : ايش كيف بيت مازن كيف صرتي هناكـ
اعناب تهف علي وشها : يوو لا تخليني احكيكي
اسراء بحماس : الا حكيني ايش صار كيف صرتي هناك
شهقت : لا يكون اتحرش فيكي
اعناب بحزن : لا والله ولا قرب مني فديتوو
اسار : ايش فديتي .. ؟؟! ايش حكايتكـ يابنت ايش صاير وجع اهرجي
اعناب تتنفس : اول شي ابغا ملابس وابغا معطف وابغا اتحمم .. عشان ضروري اروح المستشفي ..
سكتت وبتعجب : وانتي ليش مارحتي اتوقعت اجي ما القاكي بس حمد لله لقتيكـ
اسراء : مابغا اروح بجلس مع اياد ..
اعناب : حركات مع مين .. ؟؟!
اسراء : حتي انا عندي حكاووووي اسمعي.. تخـ..
قاطعتها : سرو اتاخرنا علي الدوام .. خليني البس والبسي انتي كمان وبعدين ححكيكي .. كل شي .. وحتحكيني في طريقنا ..
: لا مابغا اروح
: يو علينا طيب انا ابغا اروح دبريلي لبس بسرعه وباستحمه بسرررعه
: يوو لا تجعري طيب

~~~~~~~~
A6baa fe al-7o0b
~~~~~~~~

دخلت الجامعه ونزلت الطرحه عن راسهااا وخللت يدينهاا بين شعرها تفرفرووو ..
شبكـت سمعات الجوال علي طول طبعاا ..
ثواني وهيا خاشه جوو مع الاغنيه الاجنبيه .. وماشيا بخطوات رايقه متوجهه للكفترياا ..
وبالها مرا مشغوول .. تحس في شي صايرر .. قلبها قارصها .. بس مو عارفه ايش صايررر ..
طبعا ما جا في بالها مرا ولا صفر بالميه انو ندي تكون هرجت مهند وفرطتو الاكو والماكوو ..
انقطع حبل افكارها لما صادفت في وشها جمانه ..
طارت كل مشاعر القلق الي حاسها بيها وحلت محلها مشااعر كره وقرف .
بدون شعور لوت شفايفهااا .. وحولت عينها عن جمانهـ ..
جمانه لحقتهاا ومسكتها من يدها .. : هي هي
حنين سحبت يدهااا بقرف ونفضت كم التيشرت : لا تلمسيني ..
جمانه ترفع حواجيهاا : طيب وقفي بهرجكـ
حنين اتكتفت : مابيننا هروج والله
لفت تكم طريقها الا جمانه رجعت نقزت قدامها : وقفي بكلمكـ .. اقول
حنين رجعت اتكتفت وسكتت .. يعني هاتي الي عندكـ وخلصي اهلي ..
جمانه تتلفت حولينها وتبتسم ابتسامه حيوانه : الي صار في اختي بسببكـ مارح اعدي فاهمه
حنين اتحولت ملامحها لتعجب : الي صار في اختكـ
جمانه تتلفت وتلوي شفايفها : ايوا الي صار في اختي .. وقسم ان ما صلطت عليكي من يضيع شرفكـ ما اكون جمانه
حنين رفعت حواجبها بدهشه : هي هي انتي ايش بتخربطي وايش بتهددي لا مرا خوفت .. مو كافي الي صايرلي بسببكــ ..؟؟!!
جمانه تتخصر : والله الي صارلكـ بسببي .. قليل .. ماشفتي شي لسااا .. ومرا تانيه لما تبي تسوي شي تنتبهي
حنين : هي هي انا الي بحزركـ .. وربي الي شفتو والي صارلي بسببكـ كافي .. اقربي وادعسيلي طرف مرا تانيه وشوفي ايش حسوي فيكــي .. ترا لين دحين ماطلعت وشي التاني
جمانه تضحكـ ضحكه ماصخه : علي العموم وصلكـ الهرج .. الي صار لاختي بسببكـ ماراح اعدي فاهمه
حنين عصبت : وجع في شكلكـ ايش سويت لاختكـ كمان .. ؟؟!! بلا فيكي وفيهااا
جمانه اتلفتت بحذر : ارخي صوتكـ بنتفاهم احنا
: لا والله جايا تهددي وتقولي تفاهم .. حلي عني بلا فيكي وفي اختكـ وفي اهلكم كولهم
لفت تكمل طريقهااا .. وهيا تتحلطم وتسبسب
جمانه بصوت عاالي : علي العموم .. انتي وحسام .. مارح تسلمو مني .. ؟!!
حنين تنحت لما سمعت اسم حسام ..
وقفت ورجعت التفتت : مين ..
جمانه رفعت الشنطه علي كتفها وراحت .. بدون ماتررد

حنين بتناحه : حسام . كمان حسام .. ياربي ايش هرجة الادمي داا .. ايش مسوي لجمانه عشان ما يسلم منها .. مو المفروض انو في صفها .. لا ياربي ايش صااايررر ..
وصلت الكفتريا وصارت تدور علي ندي بعيونها
ندي علي وحده من الطولات مع شلتهااا .. وجالسه بتهرج وتضحكـ معاهم علي الصباح
سكتت من شافت حنين .. وصرخت : بنات بنات خبوني .. حنين حنين
وحده من صحباتها : ليش ايش في
: ايش صايررر ..
: اشبها حنين
: بينكم شي
ندي رخت راسها وحطت شنطتها قدامهاا : انتو مو فاهمين .. خبوني خبوني
حنين انتبهت للشله وراحت لعندهم مدرعمه : بنات فين ندي
البنات طلو في بعض طله هبلهـ ..
قبل مايهرجو حنين شافت ندي راخيه راسها : بنت ندو تخيلي
ندي رفعت راسها بهدو : ايش في
حنين : وجع اشبكـ متخبيه كدا
ندي بخوف : ولا ولا شي احم بدور اشسموو ..
رفعت الجوال ببتسامه : طاح جوالي ..
: اها اها اسمعي
اتقدمت للبنت الي جالسه جنب ندي ووقفتها من الكرسي وجلست : قابلت جمانه الهم
البنت تطل فيها بدهشه : مكاني
حنين مطنشتها : وقالتلي هرج مالو داعي وووسط الهرجه في اسم حسام .. ؟؟1
ندي بتناحه : بس دا الموضوع
حنين تصقع رجولها : ندي صحصحي معاياا .. تقولي لا انتي ولا حسام حتسلمو مني .. وعلي الي سويتو في اختي .. ايشبها دي تشرب ولا سكرانه ؟؟ ايش سويت في اختها انا كمان
اشبهم عليااا ايش صايررررر
ندي تتنهد براحه لان مهند مابين شي لحنين والظاهر انها ماتدري انهم هرجو : اممم مــ
قاطعتها .. : واساليني كمان ايش صاير وربي حاسه انو في شي
ندي تتنهد : ايش صاير قولي ..
: مهند مهند مدري اشبووو .. اول شي جالس ساعه يبربر لماما ويقلها غلطت في حق حسام حسام علي راسي حسام ماعرف ايش .. يعني اتوقع اتصالحو هوا وحسام ..
ندي بلعت ريقها بخوف : طــيب
: ايش الي طيب .. اقولكـ اتصالح مع حسام .. كيف وليش ومتي .. وايش الي استجد في المووضع وربي صاير شي ..
ندي تبلع ريقها وووشها صفرر .. بطريقه ملفته
حنين طلت فيها كدا لثواني وبعدين شهقت : كلمتي ..
: كلمتي مهند يا ندي كلمتي وقلتيلوو كل شي
ندي جات تفتح فمها حنين قاطعتها : لا تنكررري لا تنكررري يا حيوانه لا تنكرري
البنات من اول ساكتين يسمعو حوارهم وودهم يتلقفو لكن الذوق مقطعهم ..
ندي طلت فيهم كدا ووقفت : حنين تعالي نتفاهم ..
حنين شالت شنطتها وهيا مصعوقه : مو مصدقه يا ندي وربي مو مصدقه يعني سوتيها وكلمتي يعني كلمتي يعني ماهمتكـ صادقتنا .. يعني بايعتها
ندي صرخت : وجع في شكلكـ مو بايعه شي .. اهو مهند ماسوالكـ حاجه
: ياحماره ايش قولتيلوو .. الولد انا حاسه انو فيلو شي .. ايش ضمنكـ انو مارح يسويلي حاجه .. مرا نزله انتي مرا نزله
ندي تسحبها بعيد عن نظرات البنات : بقلكـ اهجدي عشان اقولكـ ايش صاير .. وايش سويت .. وايش قلت لوو
سحبت يدها بقوهـ : لا تلمسيني مالكـ داعي وربي انكـ نزلهـ .. لا جد نزله .. مرا نزلهـ ..
حنين علي طول دمعت : ايش حيقول مهند ايش حيفكر .. ياربي ايش حيسوي فياا انتي اصلا ايش قولتيلووو .. ايش قلتيلوو

ندي مسكتها : حنين صلي علي النبي .. مهند مارح يسويلكـ شي .. انا فهمتو كل حاجه وقلت لو علي جمانه وخباثتها وانها هيا السبب في كل شي ..
حنين خلاص بكيت والدموع سالت انهار .. : مابغا مهند والله حينحرني وانتي السبب .. والله مارح اسامحكـ ياندي لو مهند ساوالي شي .. والله مارح اسامحكـ والله مالكـ داعي مالكـ داعي
تكت علي الجدر وجلست تبكــي ..
وندي تحاول تهدي فيهااا باي شكل من الاشكال .. بس البنت بتبكي .. بقلب
تحاول تتخيل انو مهند عارف عن كل عمايلها .. اشبو لدحين ساكت وما اتحركـ ..
لاحظت انو في الصباح ما احتكـ فيها المره ولا جلس يازيها ويمزح معاهاا ..
ندي في دي الحظه بالتحديد ندمت انها هرجت
ولو انها مبسوطه انو مهند ما ساوا شي لحنين
لكن ما تعرف علي قولة حنين بيفكر في ايش ..
زفرت بطفش .. ايش سويتي يا ندي ..

~~~~~~~~
A6baa fe al-7o0b
~~~~~~~~

مازن خرج من مكتبوو .. في يدو رزمة ملفااتـ .. وعلي فمو ابتسامه مايعرف ايش تبغا في الحــياهـ ..
اتوجهـ للقسم .. وشاف القروب كولهم موجودين ما عادا اعناب .. معقوله لسا ماوصلت .. ايش بتسوي في بيت اسراء الين دحين ..
الشباب والبنات كولهم مستغربين علي ابتسامتو الي سادحها بدون معنا
انتبه لنفسوو لما شاف نظراتهم متعجبه
اتنحنح وصلح وقفتو : صباح الخيرر يا قرووب
باصوات متفرقه : صباح النور
: اهلا دكتور
: صباحكـ زين .. << دا كاسر طبعا
مازن يفركـ دقنو مابدو يهرج قبل ما تجي اعناب : احم احم كيفكم اليوم
الشباب يردو وهما متعجبين
: بخير
: الحمد لله
: تمام دكتور ..
مازن مكمل : كيف التدريب معاكم استفدتو شي
مهند بتعجب : اكيد استفدنا كتيرر ..
كاسر والقلق واصل في حدو واخلاقو في اصباع رجلو : دكتور مازن الحين طالينا عشان تسالنا ذا الاسئله ..؟؟!!
مازن رفع حواجبوو وطل في كاسر بستنكار علي الطريقه الي هرج بيهاا : ايوا عندكـ مانع ..
كاسر لف وشوو وسكت ..
مهند : احم دكتور انـ
قاطعو لما شاف كيف حسام واقف جنبو ومتكي علي كتفوو .. : دكتور مهند ودكتور حسام اخيرن رجعت الامور بينكم اوكي
حسام ومهند طلو في بعض .. لدرجه دي الكل كان منتبه لهم .. من جوو والكل يقلهم اخيرن اتصفيتو .. اخيرن اتصالحتو .. الحمد لله رجعت المويا لمجاريها .. وماعرف ايش
حسام يفرفر شعرو : اصلا ما اتمشكلنا سوء تفاهم وبس
مهند يهز راسو : يب سوء تفاهم بس
مازن التفت علي تسنيم اخر شي : دكتور تسنيم نقول الف مبرووكـ .. مع انها متاخرهـ ..
الشباب طلو فيها واتذكرو انو ملكتها كانت امس ..
كلهم انفلتو باصوات متفرقهـ .. : الف مبروكـ
: منه المال ومنكـ العيااال ..
: تتهنو ان شاللهــ ..
: الله يتمملكم علي خير
تسنيم حست وشها مرا حمر اشبهم دووول
: احم احم اشسمو انــ
دخل ماجد علي القسم وقاطع عليهم : صباح الخيررر ياقرووب
التفتو علي بتعجب .. اشبهم الدكاتره اليوم كولهم مروقين دوم يارب
ردو علي : صباح النوور
وقف جنب مازن وابتسم لتسنيم : صباح الخير دكتورا تسنيم صباح الورد والسكر..
تسنيم انحرجت لانو خصها بالتصبيحه دي ايش يحس في .. ردت بكسفه : صباح النووررر
مهند وحسام وكاسر صارو يطلو في ماجد وتسنيم بتعجب ..
تسنيم مرا وشها صار خبيص ورجعت تتمتم : صباح النووور
مهند ماقدر يكتم دهشتو .. الادميه امس مملكه ودحين طايحتلي انحرجات مع ماجد
قرب خطوتين منها وبعبط رمالها الكلمه : مو كنو ملكتكـ امس
تسنيم قربت تسيح علي بعضهاا .. : احم لا
ماجد يضحكـ : عسي قلتو الف مبروكـ ..؟؟
حسام : ايش دراكـ انته
مازن يقطع عليهم : دي الامور مو وقتها هنا دكتور ماجد بغيت شي
ماجد بجراءهـ : لااا جيت اصبح علي دكتورا تسنيم بس .
تسنيم تتمني الارض تنشق وتبلعها ولا تشوف النظرات دي من القروب ومن دكتور مازن .. الله يقلعكـ يا ماجد
حسام يصقع كتف كاسر : اشبهم دول ياخي وراهم شي ..
كاسر بعصبيه : شنو دخل اهلكـ فيهم وراهم شي ولا قدامهم
حسام طل في بعصبيه : وجع مو ملاحظ
: لا لاحظ انت بروحكـ ولاحظ صاحبكـ معكـ
مهند : اشبكم بتتساسروو
حسام : كل دا الصوت وتقول نتساسررر ..

ماززن حس انو اعناب مطوله : احم حوزع عليكم هادي الحالات اليوم وطبعا دا اختبار .. حدخل علي كل واحد فيكم .. وحيديني الحاله بالتفصيل الممل .. مع الاسباب وطرق العلاج .. واختلاف الاعمار والحالاتـ .. والظروف .. اوكــي
حسام بدهشه : اما اختبار
مازن : ايوا اختبار ومو أي اختباار .. حقيمكم تقيم كامل .. زي ما انتو عارفين .. طبعا مـ
قطع كلمتو لما انفتح باب القسم وخشت اعناب متصرفدهـ .. المعطف الي لابستو مرا ماسكـ علي جسمها والبنطلون الي لونو غريب من تحت مرا شكلو ملفت .. والحجاب الوانو صارخه .. والتيشرت علي قلوب فوشهـ ..
مازن نسي القروب .. ونسي دكتور ماجد .. وتنح في اعناب .. لا اشبها دي .. لا جد اشبهاا .. مالقت عند اسراء الا دا البس يعني ..
الشباب كولهم انبهرو بالون لبسها طالعه حلاوة عيد .. مو متدربه في مستشفي ..
وصلت لهم ورسمت ابتسامه تسليكيه علي وشها : صباح النور اسفه علي التاخير
مازن جد ماعجبو منظرها وماقدر يسكت : دكتورا أيش المنظر دا ..
اعناب اتلبكت : انـ..
مازن مكمل : وليش التاخير .. ؟؟!
اعناب : انـ .. اشسموو .. انا
مازن حضن الملفات : انتي ايش .. ؟؟!!
حسام يدق كتف مهند : زمان ما هزئها شكلو اليوم حيسويها
مهند مكشرر .. : تستاهل ان شالله تتهزء قليلة ادب
حسام وكاسر انصعقو من كلمتو .. : ؟؟؟!!!!!!!!!!!
كاسر : اما كذا
حسام : اما انته تقول كدا
مهند يطل فيها معصب : انتو مو فاهمين شي
مازن جالس يطل فيها يستنها تهرج وتقول جمله مفيدهـ .. بس اعناب ماعرفت ايش تعلق .. معقوله تقلو دي ملابس اسراء الي تجي قدي بس .. طبعا مارح تقول شي زي كدا قدامو ..
مازن اتنهد بقلة صبر وحول عينو عنهاا : حعيد من البداايه .. حوزع علي كول واحد فيكم حالهـ .. وحجي اقيمكم ..
رجع طل فيها وحس الكلام طار منو : اختبار اشسمو .. ايوا اختبار طبعا .. اختبار تقييم ..
اعناب تتحاشا تطالع في .. وفي نفس الوقت مقهوره منوو .. يسالها ليش التاخير .. كنو مو عارف .. ويسالها أيش دا المنظر كنو مو داااري عن موقفها الزوباالهـ ..
كاسر طفش مد يدو : وين حالتي دكتور
يادوب خلص جملتو .. دخل علي القسم وائل وبيفركـ عينو بطفش .. >> كان نايم في وحده من الغرف ..
مازن دوبو اتزكرو : وائل فين كنت . احم اقصد دكتور وائل فين كنت
وائل يتمغط ويفرك عينو : كنت نايم ايش فاتني
مازن عصب علي : نايم يا دكتور وائل في المستشفي
وائل بلا مبالهـ : ماخليتني انام انته ودي .. >> وياشر علي اعناب بيدوو
الشباب كولهم مع دكتور ماجد : ؟؟؟!!!!

مازن يرفع حواجبو لوائل يعني غبي انتي تبا تفضحنا : احم اقصد ايوا اممم ..
حس انو محشوك : مانمت اسف ..
مازن وزع الملفات علي القروب .. وجلس بربر علي راسهم : تقدرو تتوكلو كل واحد علي شغلوو
برضو قبل لا يتفركشوو .. دخل مدير المستشفي علي القسم .. ومعا اتنين من كبار الاطباء في المستشفي ..
مازن التفت بسررعه ودف اعناب خلفوو .. عشان لاحد يعلق علي لبسها : اهلا دكتور
ماجد متعجب : اهلا دكتور
المدير يتلفت : دكتور مازن فين طلاب الامتياز الي انته مشرف عليهم ..
مازن ياشر علي الاولاد الاربعه مع تسنيم : هدول يا دكتور أي خدمه
المدير يقلب في الملف الي في يدوو : امم ايوا ابغا الطالب حسام عبد الفتاح هاشم
حسام قلبو طربق .. قبل مايتقدم خطوتين : انا .. يا دكتور
المدير طل في كدا من فوق لتحت وقفل الملف : اتفضل معايا وانته كمان دكتور مازن في مشكله بخصوص الطالب دا
حسام بطنو مشيت وعلي طول نقزت اجوان في بالوو .. الله يلعنها معقوله سوت شي
مازن متعجب : ايش في دكتور
المدير : اتفضلو علي مكتبي ونتفاهم
مهند مسك يد حسام بخوف : ايش في حسام ايش صاير
كاسر قرب هوا التاني : شنو مسوي حسووم .. ؟؟
حسام يشد علي يدو بعصبيه : الكلبه .. معقول ..
مهند يهزوو : ايش في ايش صايرررر
مازن يطل في حسام بستفهام : ايش مسوي ياحسام في شي مشكله ايش
حسام يهز كتوفو : ماعرف دكتور
مازن التفت علي المدير : ثواني ونلقحكـ ..
المدير راح مع الدكاتره الي معاا ..
ومازن التفت علي القروب .. : كل واحد يمسكـ حالتو ويبدا يبحث مزبوط .. بعد ساعتين بالتمام .. حجي .. وابداء تقيم .. ومعاي دكتورهـ لميس .. ودكتور انور .. اوكي أي اساله
القروب كولهم بالهم مع حسام ومتنحين
مازن رجع كرر : أي اساله بقول ..
باصوات متفرقه
: لا مافي
: خلاص فاهمين
: لا دكتور
مازن التفت علي حسام : وانته اتفضل معاياا .. دكتور ماجد تعال معاناا
ماجد اتحمس : اوكــي ..
حسام مشي مع مازن وهوا متنح .. معقول .. ايش تقدر تسوي يعني ايش مسويتلي يالله اتوقعتها تكزب .. اوف منها .. يعني حامل من جد وتباني اتزوجها .. لا لا موستحيل .. خير احنا فين .. يالله ايش الحل .. ياربي ايش ممكن تكون مسويتلي ..
خرجو من القسم وفضلو القروب يطلو في بعض وشايلن هم حسام .. وكل واحد يحاول يفكر .. موشكله ايش الي ممكن يكون طايح فيها حسام علي ا الصباح
طبعا الكل بالهم معا .. ما عادا تسنيم الي لفت وبتقلب في الملف الي في يدها ومقهوره من ماجد .. والطريقه الي كسفها بيها قبل دقايق .
مهند اتكتف وركبو القلق .. : اشبو حسام
كاسر من اول قلقان ودحين قلق بزيادهـ .. تكا علي الجدر وحط يدو علي خدو : شنو فيه حسام ..
وائل طبعا مو مهتم لهم .. صفر لاعناب : اللهم صباح خير .. رايحه زواج انتي ولا دوام مستشفي ..
اعناب طلت في من فوق لتحت ومانسيت حركتو الي علي الفطور : مالكـ دخل
وائل بعناد : نايمه في بيتنا ومسويه زحمه ولما اسلكـ تقولي مالكـ دخل
اعناب طلت في الشباب وحمدت ربها انهم ماسمعو : مو لازم تفضحني طيب .. ؟؟!!
وائل : ههههههههههههههههـ بغيضهـ .. حتي نوم مانمنا بسببكـ
اعناب خشمها طلع دخان : وائل اتلهي علي عينكـ ولا تكلمني لو سمحت
: طيب لما تخرجي من المستشفي اصحكـ تجي بيتنا ..
اعناب شالت ملفها وخرجت من القسم : بلا في شكلكـ من وائل ..

» رواية نهاية جنون \ رواية حجازية للكاتبة قطعة شوكلاتة
» رواية عشان الحب أذل نفسي / كاملة
» تحميل رواية رقصات على أوتار الحب
» رواية وش جاه محبوبي مشى وخلآني مابين نيراني وبين احزني / رواية جريئة رومانسية
» شوفوا الحب وش يسوي بالشباب صدق لا قالوا الحب عذاب