| كاتب الموضوع | رسالة |
|---|
آأمـؤرةٌ أألكـوؤن
مشرفـة قسم Ꞌ мy Cσмcpuτέя «ⱶ
مسـآهمـآتـﮯ.. : 1948
تقيـمآتـﮯ.. : 108
مخـآإلفـآتــﮯ :
чσuя sмs » : مـآأزـلتٌ آأتتحمـٌل ومـآأزـلوأ لآييشعـرون
 |  موضوع: رد: رواية اشتعال السحب / بقلمي  الخميس 27 أكتوبر 2011, 16:32 | |
| يعطيك أألق عـأأفيةة ححيأأـي | |
|
  | |
Aliaks
☆☆☆☆☆
مسـآهمـآتـﮯ.. : 11456
تقيـمآتـﮯ.. : 1082
مخـآإلفـآتــﮯ :
чσuя sмs » : سُبحًـان الله 3>
| | موضوع: رد: رواية اشتعال السحب / بقلمي الخميس 27 أكتوبر 2011, 17:13 | |
| يب يب انا دخلت أمس كآي وبنت سألت دعدوعآ وقالت مافي بارت
والله أععلم متى ="(
مرررررررررررره كنت متحمسسسه للربوع بس عشان أقرا البارت | |
|
| | |
Ms.sαrooи
مسـآهمـآتـﮯ.. : 6151
تقيـمآتـﮯ.. : 382
مخـآإلفـآتــﮯ :
чσuя sмs » : أن تتوقع من العالم أن يعاملك (بعدل ) لِأنك إنسانٌ طيب ,
يشبه نوعًا
ما توقّعك ألّا يهاجمك الثور لأنك نباتي ..
| | موضوع: رد: رواية اشتعال السحب / بقلمي الخميس 27 أكتوبر 2011, 20:03 | |
| بارت ولا اروع
تسلمين حياتي انتي
بانتظاااار البارت
متحمسهـ وبقواااااااا | |
|
| | |
بنت امها
مشرفـة ĸiтcнeи шиαsα |
مسـآهمـآتـﮯ.. : 3173
تقيـمآتـﮯ.. : 141
مخـآإلفـآتــﮯ :
чσuя sмs » :
| | موضوع: رد: رواية اشتعال السحب / بقلمي الخميس 27 أكتوبر 2011, 20:18 | |
| احسسسسسن
دعدوعا مقدر ضروفي
عشااان الاختبارات الكثييره الي عندي
مابتنزل بارت
هعع | |
|
| | |
بنت امها
مشرفـة ĸiтcнeи шиαsα |
مسـآهمـآتـﮯ.. : 3173
تقيـمآتـﮯ.. : 141
مخـآإلفـآتــﮯ :
чσuя sмs » :
| | موضوع: رد: رواية اشتعال السحب / بقلمي الأربعاء 02 نوفمبر 2011, 05:41 | |
| دعدااااع
خلاصص خلصت الاختبارات
جت اجازه والبارت مانزل
الله معاكي ويكون بعونك
آآمييييييييييييييييييييييين | |
|
| | |
Aliaks
☆☆☆☆☆
مسـآهمـآتـﮯ.. : 11456
تقيـمآتـﮯ.. : 1082
مخـآإلفـآتــﮯ :
чσuя sмs » : سُبحًـان الله 3>
| | موضوع: رد: رواية اشتعال السحب / بقلمي الأربعاء 02 نوفمبر 2011, 16:35 | |
| ههههههه يَ زين الحمآإسسس
إن شاء الله اليوم في بببببآرت =( | |
|
| | |
بنت امها
مشرفـة ĸiтcнeи шиαsα |
مسـآهمـآتـﮯ.. : 3173
تقيـمآتـﮯ.. : 141
مخـآإلفـآتــﮯ :
чσuя sмs » :
| | موضوع: رد: رواية اشتعال السحب / بقلمي الخميس 03 نوفمبر 2011, 00:06 | |
| جددددددددد
حمااااااااااس
يالبى دعدوووووع ماتخلي لي طلب | |
|
| | |
دمعهةة إششتيـآق
مسـآهمـآتـﮯ.. : 1277
تقيـمآتـﮯ.. : 116
مخـآإلفـآتــﮯ :
| | موضوع: رد: رواية اشتعال السحب / بقلمي الخميس 03 نوفمبر 2011, 02:55 | |
| ><
لـآآآآآآآآآآآآآع انا بننتـحححر<<ااممزح لآتصدقوون
وين البـآرت .؟ | |
|
| | |
Aliaks
☆☆☆☆☆
مسـآهمـآتـﮯ.. : 11456
تقيـمآتـﮯ.. : 1082
مخـآإلفـآتــﮯ :
чσuя sмs » : سُبحًـان الله 3>
| | موضوع: رد: رواية اشتعال السحب / بقلمي الخميس 03 نوفمبر 2011, 03:01 | |
| هههههههههههه يَ لبببببببببآه
دحين بنزلو لككٌكم --> قريته =P | |
|
| | |
Aliaks
☆☆☆☆☆
مسـآهمـآتـﮯ.. : 11456
تقيـمآتـﮯ.. : 1082
مخـآإلفـآتــﮯ :
чσuя sмs » : سُبحًـان الله 3>
| | موضوع: رد: رواية اشتعال السحب / بقلمي الخميس 03 نوفمبر 2011, 03:05 | |
| البارت الـ 21
لا ترحَل أبدًا ، وليذهَب كبريائِي معكَ إلى الجحِيم .. . أنَا لَا شيئ دُونكَ !
كُلّ كسرٍ كَان بيَ قبلكَ جبرتهُ أنتَ .
جلســـه هاديــه على طــآولة الطعــآم .. التوأم والاب والجــد اللي موجوديــن ..
سيدهم مستغرب من الهدوء دا مو بالعاده قطع صمتهم كلام مازن : فينها جنى
الجد : نايمه
مازن : احنا نصحى من عز نومنا عشان ناكل وهيا تنام متى ماتبى وتقوم متى ماتبى
الجد : وانتا تقارن نفسك بوحده عمرها 19 سنه
مازن : والله دامها قوانين ماشيه على الصغير والكبير
ابوهم : مازن احترم سيدك وبلاش فلسفه زايده
مازن : والله انا محترم الكل بس بحاول افهم عقلياتكم
سيدهم وابوهم طالعو في مازن مصدومين من إنو لساتو بيرد عليهم
نفسيتو متقلبه شويا بس يهرج ويضحك
وشويا بس يهرج باإندفاعيــه
مجدي " ابوهم " بيحاول قدر مايقدر مايضغط على الاولاد لأنو عارف خبر امس هوا اللي مخليهم متوتريــن
الجد : انا اصلا غاسل يدي منك لما امك ترجع هيا تتصرف معاك
يزن عينو على صحنو وكان في عالم غيرهم لاشعوريا قال : دا ازا رجعت
الكل طالع فيــه وهوا حس بنظراتهم ورفع عينو عليهم بلع ريقـه بعد الكرسي على ورا ووقف : الحمدالله
وخــرج من المكــآن
مازن على انو بيسوي نفسو طبيعي
وعلى انو صدمتييين اخدها وفووق دا كلو حاسس بوجع يـزن
حاول يتغاضى عن كل اللي يحسبو
الجد اشر على الباب اللي خرج منو يزن : ايش يخخخرف دا
نزار ماعلق على سيدو : الشوربه اليوم طعمها غريب
الاب بعدو صرف اوم الهرجه : ايوا ياعمي ايش قررت تسوي مع المهندس طلال
برا الغرفــه بعد ماخرج من غرفه الطعام وقف مو عارفه يطلع فوق
ولا يخرج من البيت
ولا يروح لأمو
شال فكرة انو يروحلها من راسو لأنو الشي الوحيد اللي حيسويه يبكي وبــس جمبها
وكلام خالتو قبل ساعه لما اتصلت عليه كلو تهزيئ
قالتلتو قبل لاتقفل لو تبى تجي تاني لاتبكي قدامها
كيف لايبكي
وهوا بس لما تجي في بالو دموعه لاشعوريا تتجمع في عينو
كيف لايبكي وهيا اتغيرت 180 درجـــه
كيف لايبكي وهيا خلاص على حــآفة المووت
زفر بضيــق وخرج من البيت كان بيركب السياره بس اتذكر كلام نزار " رنيم تنام بالقاعه "
بدون تفكيــر اتوجه للقــآعه عندو امــل انو يلقــآها بذا الوقت
فتح الباب ..
وانتبهلها سانده جسمها على شنطتها الحمرا وفي يدها شبس وعصير برتقال وبتاكل
اول ماشافتو نفضت يدها ووقفت : يززن
وهوا مشي لحدها طالع بشبس والعصير : يشبع مرا
رنيم ابتسمت : ايووا يشبع لاتتريق
يزن دخل يده بجيبه وطالع بعينها للحظات
ماتدري ليش وجهها حمر وحست بتوتر طالعت حولينها : ايش بك الا تبانا نكمل اليوم درس الرقص ترا مرا مالو
داعي احس الوقت غلط
دا طبعا هرج نزار مو يزن : ايوا فكرت برضو فيها وقلت مالو داعي
رنيـم : بس وربي خوفت لما قلتلي بعد اسبوع ونص الحفله مرا قدموها
يزن مايدري عن داا الخبر : خرجي دي الحفله من راسك دحين وخليني اوديكي اي مطعم تاكلي شي عدل
رنيم : وي دوبي اكلت خلاص
يزن : شبس وعصير كدا تشبعي ؟
رنيم : هههههههه ايوا متعوده المهم دحيين كيفها امك
يزن اختفت ابتسامته : ماتغير شي
رنيم : الله يشفيها ان شالله
يزن : ان شالله بروح اجيب السياره واجيكي
رنيـم : على فين نروح
يزن : ابى اتمشى شوياا تجي معايا ولا ماتبي _ رفعلها حاجبه _
رنيم ماتقدر طبعا ترفض هيا اكتر وحده عارفه انو محتاج احد جمبو : امم اووك
يزن اتـــوجه للبيت اخد سيـآرتو الريآضيــه الحمـرآ .. وجابها لعند القـآعه
وهيا تنحت مرا عجبتها السيــآره
ركبت سيارات الليمو حقتهم بس سيارات زي كدا ماقد طبتها
فتحت الباب ودخللت السيــآرا ..
يزن : مرا ماليا نفس ارجع الجامعه نفسي اسحب عليها
رنيم : دا وهما مدينكم اجازه
يزن لما جمعت بالكلام اتذكر انو هتان بنفس جامعته قال بتردد : وايش ردة فعل هتان لما شافك كدا ؟
رنيـم : تمام
يزن طالع فيها وبعدها طالع بطريـق : اها تماام رد جميل برضو
رنيم ماحبت تخبي عليه شي عشان هوا لايخبي شي عليها بعدين : امم اتضاربت معاه
يزن استغرب : لايكون الاهبل يباكي ترجعي زي اول
رنيـم : ههههههههههههههه لا طبعا
يزن : اجل ؟
رنيم : عرف اني سافرت معاك
يزن عارف طبعا بس سوا نفسو متفاجئ : ايش عرفو ؟
رنيـم : وصلو خبر مدري كيف المهم عصب واتنرفز وسسار يرمي كلام مالو داعي مرا
يزن : زي ايش ؟
رنيـم : انو انا رحت معاك لأني محتاجه فلوس وكدا هوا في النهايه صح انا سافرت عشان الرقص طبعا بس اسلوبو
كان غير حسسني اني وحده مالها اي قيمه كل همها الفلوس ومستعده تسوي اي شي عن الفلوس انا مو كدا وهوا
عارفني على الاقل يقدر اني شايله حمل اكتر من طاقتي يقدر اني بسوي كل دا عشان ماما بس كل اللي في راسو
غيره
يزن : طيب انتي قلتيلو دا الكلام
رنيـم : مو محتاجه اقولو عايشه معاه طول عمري المفروض يراعي هوا اكتر انسان عارف ايش الظروف اللي مريت
فيها والغيره اخر شي نفكر فيها
يزن : اقولك حاجه بس ماتزعلي
رنيم : ايش ؟
يزن : لما كنا بتركيا صحبتي الين اتصلت عليا تقول انها تعرف هتان هوا مراا صاحبها ومعاهابالجامعه وانو
بيدور على وحده بتركيا اسمها رنيم انا كنت حقولها اني اعرفها بس وقتها سارت هرجه وقفلت مني وكنت حكلمك
بالموضوع بس بعدها جات خطوبة رودينا عمتني ونسيت موضوع هتان
رنيــم مرا اتفاجأت : ماشالله وهوا سار بيسئل عني عند غيري وكأني بزره تايهه
يزن : ههههههههه
رنيم ماحست انو مو وقت مناسب للضحك : ايش فيي
يزن : لا كل مالي بتأكد من حاجات في بالي
رنيـم : اللي هيا
يزن : انك ماتحبي هتان
رنيـم رفعت حاجبها باإستغراب : وايش اللي خلاك تتاكد
يزن : لأنو بالعنيه قلت الين مرا صحبة هتان وانتي ماديتي للموضوع اهميه
رنيم : دا مو معناتو اني ماحبو
يزن وقف السياره عند الاشاره الحمرا وطالع فيها بجديه وقال بصوت خافت وترها : طيب انتي تحبيه ؟
رنيـم حسست قلببها يدق بصورة جنونيه ضمت يدها تحت صدرها وشتت نظرها عنو
نظراتو مرا توترها
صوتــو لوحده يخلي دقات قلبها تثور
رنيـم : ايش يهمك بالموضوع !
يزن : ولاشي بس حابب اعرف
رنيـم حاولت تقلب الموضوع مزح : دام مايهمك اجل لاتحشر نفسك بدي المواضيع
يزن : ابى اعرف تفكيرك كيف بنت ماتغار على حبيبها
رنيـم ابتسمت : واثقه فيه
يزن : كم مره اقولك الثقه شي والغيره شي تاني
رنيم : كلهم واحد
يزن : صدقيني لو نك حبيتي شخص حب من قلبك حتغاري عليه وعمرك ماحتحسي بالغيره مع هتان لأنو اللي بينكم
مجرد صداقه متينه يعني الصداقه اللي توصل انك تخافي عليه وتنبسطي لفرحو بس لما يجي الموضوع لبنت تانيه
في العلاقه ماحتهتمي
رنيم ولا رد ت عليييه
يزن : واللي ياأكد كلامي إنو بتفكري بكلامي دحييين ولادافعتي حتى
رنيم : لا مو كدا
يزن : هههههههههه خلاص راحت عليكي دا راايي بالموضوع وفي النهايه مايهمك لأنو انتي كدا ولا كدا مصممه انك
تبقي معاه
رنيم : خليك بحالك وروح كلم رودينا احسن لك
يزن : لا ماحروح اكلمها
رنيـم : ليشش
يزن: ماقدر اروحلها واقولها انا احبك وانا احس اني اهتم بشخص غيرها
رنيم خافت من كلامو ماتدري بيقصد مين بزبط : بس انتا كنت تحبها و
يزن قاطعها : لما تحبي شحص مستحيل تطالعي في غيرو او تهتمي بغيرو وانا مع رودينا كنت بخونها كل مرا
ماتكون هيا موجوده
رنيم : يمكن دا طبع فيك
يزن طالع فيها بنص عين : بعض الاحيان لو تسكتي احسن لك
رنيـم : ههههههههههههه صراحه ماعرف كيف تفكر بعض الاحيان
يزن : كويس برضو
رنيـم بتردد : ومين هيا اللي سرت تهتم فيها
يزن ابتسم ابتسامه بسيطه بدون مايطالع فيـها
مسكت لخاتم اللي بيدها وسارت تدورو بتوتر واضح : ماحترد يعني
يزن طاالع في يدها وبعدها بطريق : لاتتوتري تراكي مو انتي
رنيـم فتحت عينها على وسعها ولا شعوووريا مدددت يدها وضربتوو بكتفوو : مععع نفسسك دا اللي ناقص اصلا انتا
تفكر فياا
يزن : ههههههههههههههه بشووويش علياا
رنيـم ضمت يدها تحت صدرها وسندت جسمها على الكرسي : بلا اصلا انا الغلطانه ركبت معاك
يزن : هههههههههههه بمززح ايش بك انفجرتي كدا
رنيـم كششرت على طول : سلامتك
يزن : لاحول منك ماتصدقي على الله تضااربي مع اي احد وبعدين كم مرا اقولك لاتمدي يدك
رنيـم : دا اسلووبي لو تبى اتعاامل معايا بنفس الطريقـه
يزن: ماقدر امد يدي على بنت
رنيـم : بمزح ماقلتلك تعال هبدني
يزن : مو حلو الواحد يعود نفسو على كدا بذات الرجال لو انو بدأها بمزح في يوم من الايام ماحيحس بنفسو
ويمد يدو وهوا معصب
رنيم : ياألله عليك لما تتفلسف
يزن : والله من جدي يعني ايش استفيد لو مديت يدي اقدر امزح معاكي وانا بهرج بس مو مضطر ادفك عشان يوصلك
مزحي
رنيم : ماقلتلك دفني بس خبطه كدا على السريع
يزن : ههههههههههههههههههه خبطه عللى السريع هبله ياشيخه
رنيم : مو شايفه فيها شي فين العيب يعني
يزن : مو على حكايه عيب بقولك مو حلو الولد يتعود على دا الشي سيدي لو انو شافني اسوي لجنى او اروى كدا
وربي لاأسمع تهزيئ محترررم
رنيم : ياألله مرا انتو مدري كيف
يزن : مو عاجبينك
رنيـم : ماقلت كدا _ اتذكرت _ ايوووا ابووك ربي يسعده مرا حبيتو
يزن : تدري انو امس كان بيسئلني عنك بس سيدي دخل علينا الغرفه وماكمل الهرج
رنيم خافت : يسئئلك عني ..!
يزن : ايوا بيعرف مين انتي
رنيم : ايش حتقولو
يزن : صحبتي
رنيـم بخوف تهرج : لا لا مرا مو حلوه ايش صحبتك وجايه لعندك
يزن طالع فيها ورفع حاجبه : تبيني اقولو بتتعلمي رقص ؟
اسلووب يزن وهوا يقولها وكأنو الرقص شي باد
رنيم بجديه مرا هرجت : عارف تحسسني انو مو انتا اللي اصريت عليا اني اتعلم ولا انتا اللي بتعلمني وبتعلم
100 وحده غيري ليش فجأه تحسسني اني سرت اسوي شي غلط
يزن : ماقلتلك لاعاد ترقصي
رنيم : بس اسلوبك بيدل على كدا
يزن وقف السياره : أهو وصلنـآ
رنيم انتبهت للمطعم : قلتلك مابى اكل
يزن طفى السياره وقال بكدب : انا جيعان
نزل من السياره وهيا تبى تصنقر طبعا ماتبى تنزل بس لما جا لعندها وفتحلها باب لسياره
برضو ماتحركت مع انو من جواتها ابتسمت لحركتو
رفعتلو حاجبها وهوا عارف انها زعلت مد يدو ليها : يلا عشاني
خرجت من السياره بدون حتى ماتمسك يدو وهوا ضحك : عليكي راس يااشيخه مدري كيف شغال
رنيم ابتسمت ورجعت شعرها ورا كتفها : ماشي صح لاتشيل هم
قفل باب السياره : عارف ماينخاف عليكي
دخلــو المطـعــم واول ماشافو يــزن طبعا اتعامل معامله خــآصه
ترحيب خاص
مكان مميز
ومعامله غيــر
جلسو على الطـآوله ...
رنيم ضحكت : انتا مين بزبط
يزن بمزح :ههههههههههه ترا ماعرفهم شكلو واحد من اخواني مزبطهم
رنيــم : هههههههههههههههههههههههه لا مو من جدك
يزن : ههههههههه ياستي يعرفو ابويا
رنيـم : اهاا
يزن : عادي بعض الاماكن اتعودي انو كدا حتتعاملي دامك معايا
رنيـم : الله يرحم ايام تركيا
يزن : هههههههههههههههه والله انبسطت هناك
رنيم ابتسمت : حتى انا الجو هنا مرا غير
يزن : احس اني مو قادر اخد راحتي معاكي
رنيم : اهو جالسين مع بعض
يزن : برضو هناك جو تاني انا وانتي وشوارع تركيا وبس
رنيـم : هههههههههههههههه لو انك قلت الشيطان ثالثنا كان كرهتك
يزن قال بخبث : ههههههههههههههههه انا يكفي
رنيم : بلااااا _ رجعت فتحت الموضوع تاني _ دحين انتا ايش اللي قالبك على موضوع الرقصص
يزن مسك المنيو : خلينا نطلب
رنيم عرفت انو بيصرفها بس مشت معاه طلبو الاكل
وبعدها قربت للطاوله : ممكن افهم دحين
يزن : تفهمي ايش
رنيـم : بطل رزااله
يزن ضحك : مو فاهمك يختي
رنيـم : الا فاهمني ليش ماتباني ارقص اعطيني جواب يقنعني
يزن قرب للطاوله وحط يدو عليها : ماقلتلك لاترقصي
رنيـم : الا اسلوبك يدل على كدا يزن ريحني وقولي باايش تفكر خليني ولو لمره افهمك
يزن اخد الكاسه اللي قدامو وصبالو مويـآ : بالعكس ماقد غصبتك
رنيـم قاطعتو : يزززن بطل هببل واهرج
يزن سند جسمو على الكرسي وقبل لايحط الكاسه ففمو قال بهدوء : اغار عليكي _ ورفع الكاسه وبيشرب وعينو
مانزلت من عليها _
متسممره بمكانها
رمشت بعينها بهدوء
بلعت ريقها
ماطلعع اي ردة فعل غيرها
يزن نزل الكاسه وحطها على الطاوله رجع قرب للطاوله ويهررج بشوويش وبنبره توتر رنييم اكتر : رنو انا
ماقلتلك لاترقصي ولا بقولك سوي شي انا اباه دا قرارك وعارف ليش بتسوي كدا ودا احساسي ومنتي ملزومه
تسمعيه تاني انتي زنيتي الا تبي تعرفي رايي وقلتلك بسس كدا انتهى الموضوع
انتهــى الموضوع
ماتدري كيف بعد دي الجمله ينتهي المووضوع اصلا
ولا اسمــهاا " رنــو "
كل شي يوترها
ماتدري هوا عارف تأثيرو على البنات ويبى يعذبها
ولا هوا من جد معجب فيها
ولا ماتدري ايش حكايتو
بس كل اللي تعرفو انو دقااات قلبببهاا تدق بجنون
وانو كل شي فيــه مجننهاا
لكن كل اللي براسها كيف وحده زيها تحب انســآن بدا المستوى
هيا ولاشي وهوا كل شي
رفعت يدها وخللتها بشعرها بتوتر
يزن : ايش بك ساكته
رنيم قالت باإرتباك : يزن كلمه اغار ماتنقال لأي احد
يزن : عارف
رنيم بللت شفايفها بلسانها ضحكت ضحكه وحده ضااايعه
يزن : لو في شي قوليه
رنيـم : ايش تباني اقولك
يزن ندم انو هرج وبنسبه له ماقد قال ولا لوحده انا ااغار او معجب فيكي ولقى رد الصمت دا
رنيـم : انا احب هتان
يزن : ومين قلك لاتحبيه ! _ مد يدو للطاوله وحطها على جواله وسار يلف الجوال على الطاوله وقاال وعينو بس
على الجوال _ اليوم انا عايش بكرا يمكن اكوون ميت على الاقل تكوني تعرفي انا ايش كنت اعتبرك
رنيم وجعها قلبها من كلامه : يزن لاتقول كدا
يزن طالع فيها وشاال الجوال من الطاوله : اايش تبيني اقولك يعني عادي انا مو عارف ربي كم مديني عمر
وماطلبت منك كلمه احبك كل اللي كنت اباه انك تفهمي انا ليش ماباكي ترقصي
رنيم : تقولي اغار عليكي وماتستنى شي مني ؟!
يزن سكت
رنيم وترها وهوا يلعب بالجوال ويقلبو بيدو مدت يدها وسحبت الجوال منو : كلممني لاتخليني كداا
يزن عقد حواجبه : رنيم ايش تبي بزبط سئلتيني ليش ماتباني ارقص قلتلك اغار عليكي ودحين بتسئلي اسئله
مالها داعي
رنيم بقهر قالت : مالها داعي عندك مو عندي
يزن قال بتعب : رنيم انا ماسرت استنى شي من احد وماسرت افكر حتى ببكرا ابى اعيش الساعه اللي انا فيها
وبس قلتلك اغار عليكي وشي طبيعي الواحد يغار لو حب تبيني اقولك احبك _ رفعلها حاجبو وسكت ثواني لما
مالقى رد منها قالها _ رنيم انا احبك ارتحتي ! دا كل اللي براسي دحين تبينا نخرج من هنا وكأنو ماقلت شي
عادي اقدر ترا اسويها
رنيم سابت الجوال من يدها وقالت بهدوء : يزن ماباك تقول دا الكلام وانتا مصدوم او عشان شوفت امس امك تح
يزن قاطعها : امي ايش دخلها بموضوعنا
رنيم ماتدري ليش ربطت المواضيع بس صعقت من ردو وسارت ترد بجفاا مو لأنها ماتحس بالعكس هيا نفسها تبادلو
بنفس الشي بس ماتبى تجرح هتان : يمكن انتا تخبص بالكلام يزن احسك لسى مصدوم من اللي سار لحاتم والحرمه
اللي بطياره وامك دحين مابى اكون شي تفرغ فيه صدمتك وبس
يزن سكت شويا وبعدها قال : عارفه يمكن انا الغلطان لأني حكيتك كل شي _ وقف بهدوء _ بروح ازور امي
رنيم : يزن
يزن وكانو شي ماسار انسحب بهدووء خرررج بدون اي عصبيــه مايحس اصلا فيه طاقه للعصبيه بعد ردودها دي
اما هيــآ جلست على الطاوله تطالع في يدها اللي تتنافــض
كاااابرت
عشـآن هتااان
مع انو تحس دحيين باألف غصــه
مقهوره على يزززن
دموعها اتجمعت في عينها
هوا محتاجها وهيــآ ماقصــرت ردتو
مسحت بسســرعه دموعــها اللي نزلت
نفسها تبــكي اكتر
تحبــو
تبى تكون جمبو
بس ماتقدر
وصــل الأكل للطـآولــه وعرفت انو دفــع الحســآب قبل لايخرج
حسبــت حيورطها زي اخر مرا
بس ماتدري انو اللي ورطهــا ديك المرا اساسا مو هوا اخوه
ماقدرت تـآكل
مسكت كاستو اللي شرب فيــها وشربت باقي المويـآ
بعدت الكرسي ودموعهاا مغبشه طريقــها
مخنوووقققه
اول ماكانت حتخرج ابتسملها الرجال بالبدله السودا واشرلها على برا : السياره تستناكي
يزن وصاه يوقفلها تاكسي وهيا خارجه
خرجت برا المطعم ومافهمت ولقت التاكسي والرجال وصلها لباب التاكسي وفهمت انو دا من يزن
مايباها توقف بشــآرع لوحدها
ركبت السياره
وسارت دموعها تنزل
لو انو تقدر تنهي الموضوع حركاتو دي البسيطه لها الف معنى بنسبه لها
طلبت من التاكسي يوصــلها للحاره ..
اول ماوصلــت طبعا اغلب انظار الشباب عليها
ماتنكر انها ماسارت زي اول تصرررخ وتنادي من اخر الشارع
سارت فيه شوويا من طبايع يزن
تحترم نفســها
مو ناقصه احد يكلمها نزلت راســها ومشيــت
دخلت الحاره
واتوجهت على طول لبيت هتان دقت الباب كدا مرا
وعلى حظها هتان اللي فتح الباب
زعلانه منو ماتبى تهرجو دخلت بدون اي كلمه وكأنو باب تاني
وهوا مارد عليها اساسا قفل الباب ودخل وراها الغرفه
رنيم عقدت حواجبها : فينهم !!
هتان حك شعره وقال باإستفزاز: يمكن تلقيهم بدور التاني
رنيم : ياخفت دمك
هتان اشرلها على الارض : اجلسي ولا اجبلك كرسي يمكن
رنيم قاطعتو : هتاان بطل دا الاسلوب
هتان : عارفه يارنيم لما الواحد يكون مو شايف خير بحياتو وفجأه يشوف الخير يسير زي الملهووف يدور
سعادته وبس
رنيـم : وقصدك انا الملهوفه ؟
هتان : اخيرا احد بحارتنا سار ينضرب فيه دي الأمثال
رنيم : هتااان ترا لو ماعدلت اسلوبك بالهرج انتا الخسسران اللي فيا مكفيني
هتان : والله انا مو عارف ايش فيكي وحاليا ابدن مو مهتم بس خلي شي في بالك انو لو مارجعتي زي اول اللي
بيننا ممكن يتغير يارنيم
رنيـم انصدمت من بروده وهوا يقولها هيا سابت انسان تحبــه عشان ماتبى بس تجرح هتان
عشان خاطر السنين اللي بينهم : انا ماحرجع زي اول ولو انتا تحس اللي بيننا ممكن يتغير فابكيفك خليه
يتغير
هتان : سرتي حتى مو مهتمه
رنيـم : لما يجي واحد زيك يهرج معايا بدا الاسلوب شي طبيعي ماهتم
هتان : ايش تبيني اسويلك ولا ايش اقولك انبسطي بتركيا مع يزن
رنيـم خلاص مخنوقه هيا اساسا من نفسسسها جاي دا يكمل عليها : عارف انتا ايش مشكلتك انو ماجيتني وقلتلي
ليش يارنيم ليش سافرتي ليش بتسوي دا كلو اهم شي نفسسك باأبسسط الاشياء ماتفكر فيييه الا بنفسسك وانا
عاادي انا بنت ياهتان حسسني اني بنت ولو لمراا
هتان : والله انا عشت طول عمري معاكي وانتي تقولي ياهتان لاتحسسني اني وحده من دول البنات سافرتي ورجعتي
تقولي حسسني اني بنت ايش تبي بزبط
رنيـم : ماقلتلك افرشلي الارض حرير ولا قلت اباك تقولي احبك ووحشتيني وماقدر اعيش من دونك كل اللي اباك
تحس انو انا بنت شاييله مسئوليه اكبر مني بحاول ادبر سكن ليا ولماما بسافر عشان اقدر ااكلها وماخليها
تحتاج لأحد بس انتا ايش اللي خسران وظيفه وعندك تقعد قدام البوابه لين مايخلص دوامك وترجع جامعه واخوك
على وضعكم دا مدخلك احسن جاامعه عشان يحققلك حلمك وتسير مهندس طيب مافكرت انا كيف يومي يمر انا في
اليوم بحس باألف شي كان سئلتني على الاقل انبسطي في تركيا يارنيم ايش علاقتك مع دا للي سافرتي معاه كان
قلتلي اي حاجه تحسسني انك واثق فيا تحسسني انو انا اتربيت معاك ومستحيل اسوي شي غلط
هتان : مين ملى راسك بدا الكلام كلو يزن مو؟
رنيم ولللعت وسارت ترمي كلام مع القهر : ايوووا يزززن كل اللي انا فييه بسبب يزن انا اتغيرت عشاان يزن
انا ضحكت من قلبي بسبب يزن كل مرا كنت اجلس معاك كنت احس بهموم الدنيا كلهاا لأنو همك بس تجلس معايا
عمرك ماهتميت انك تبسطني ولا تعيشني يوم بدون ماهتم بحياتنا دي كل مرا تجلس معايا كلها حسابات في حسابات
سرت احس اني حموت وانا بس احاول كيف ادبر فلوسي بس يزن نساني دا الشي خلاني انسى انا مين ومن اي حاره
قلي عيشي يومك وكأنو اخر يوم وانتا تبى تعيشني كل يوووم وانا افكر كيف اعيششش بكراا _ نزلت دموعها _
تعبببت اناا تعبت من دا كلوو
هتان : والفلوس اللي حتغير نفسيتك يعني لما جاكي يزن ورمالك كم فلس سرتي تضحكي من قلللبك يارنيييم لو
تبي انـ
رنييــم قاطعتو بكل عصبيــه : بسسسسس لاتجيب سيررره الفللووس تاني ماعطااني شي عشان اضحك ولا صرف شي عشان
ينسيني انا مين لاتهررج معايا بداا الاسلووب وتكرهني فييك زياده انا ضحكت لأن
هتان : اهاااا طيب يارنيم لاتقوليلي انك ضحكتي وانبسطي معاه اتوقع روحتك معاه لوحدها تخليني اغير نظرتي
فيكي
رنيـم ضمت يدها تحت صدرها : غير نظرتك فيا عمري ماسئلتك مين الين اصلا انتا ماقد جبتلي سيرتها لو اعرف
انك تدخل وتخرج معاها عمري ماحجيك بدا الاسلوب واحسسك انو ماأثق فييك
هتان مايدري كيف جابت اسم الين : من فين تعرفيها
رنيـم : مو دا موضوعنا خلي شي في بالك ياهتان انتا اللي كسرت اللي بيننا حاولت كدا مرا اتكلم معاك بس
انتا اللي مو راضي تسمع غير يزن
هتان مو قادر يحزن عليها انها بتهرج وتبكي روحتها مع يزن وكيف كانت تحكي امها عنو حس انو كش منها : لو
انتي لساتك حاسه انو ماغلطتي فاشي طبيعي انا حتغير عليكي
رنيم : خلي شي في بالك مو انتا اللي حتتغير عليا انا اللي حتغير عليك
هتان : شوفي بقولك هيا _ قال بااسلوب اهدى وكأنو بيتفاهم _ مارضى على اختي تروح لأخر الحاره مع واحد كيف
انتي تسافري مع واحد رنيم انا لما سمعتك تهرجي مع امك وللعت انقهررت بس لما شوفتك متمسكه برايك
وبتدافعي عنو سرت احس السنين كلها اللي كنت متسمك فيكي راحت بالهوى انا مو قادر اساممحك علي سويتيه
عشان كدا بقولك اللي بيننا ماسرت مهتم لو
رنيـم : عارف ليش مو قادر تسامحني !
هتان سكت وكأنو مستني ردها
رنيـم : لأنو اللي بيننا صداقه قوويه عمرو ماكان حب
هتان : انا كنت احبك يارنيم
رنيـم : لو كنت تحبني _ رجف صوتها - كان قدرت تسامحني
هتان حرك راسه بنفي : ابى اقولها من هناا _ واشر على قلبه _ بس مو قادر انتي عارفه تفكيري وعقليتي
وانتي تماديتي بتصرفك لدرجه انو ماسرت اهتم باإيش حتسوي
رنيم ابتسمت بضعف : شكرا ياهتان مرا شكرا
هتان : لاتحسسيني دحين انا اللي غلطت
رنيـم : لا انا اللي غلطت غلطت لما فكرت فييك قبل ساعه
هتان مافهمها وهيا قصدها على يزن ماقالتلو شي عشان هتان
رنيـم : على العموم لو ماما رجعت قولها اني جيت
هتان : يوصل
ملامحو طاغي عليها البرود فكره انها سافرت مع يزن قلبت كل كيانو
البنت اللي كان يضعف قدامها سار مو مهتم لأي حررف يخرج من فمها
لما سافرت فجأه اضطر غصبا عنو يعيش بدونها
وهوا كل يوم يقلق عليها
فلما جات وتقول انها كانت مبسسوطه وهوا كان ينحررق من جووواته خلااص تقبل فكرت انو ممكن يعيش بدونها طول
العمر .
رنيم وقفت تستنى منو جمله كلمه ولو حرف بس مالقت شي
: مع سلامه
خرجت من هناا وهوا فضــل واقف بمكـآنه
ماينكر انو كل كلمه وجعتلو قلبه وهوا يقولها بس على الاقل حاسس فيها
مو قادر يسامحها
ولا قادر ينسى كلامها وهيا تقول بسبب يزن سارلها دا كلو
كل لرجال كبريااء وكبريائه مايسمح انو يتمسك فيها ولو بينهم مليييون سنــه
اما بالمستشفـــى ..
خارج الغرفــه يهرج بترجي : ياخاله الله يخليكي ابى اشوفها
خالتو : يايزن والله ماحترضى راعي نفسيتها
يزن : طـ طيب انتي قوليلها قوليلها يزن برا يبى بس يجلس معاكي
خالتو حطت يدها كتفو : اسمعني خليني احاول فيها اليوم ولو رضيت تعال بكرا
يزن : فين بكرا ياخاله هوا انا فيا عقــل لبكرا وربي ماقدر استنى
خالتو : يزن احمد ربك ترا اخوانك مايدرو انها هنا اساسا
يزن : اخواني ماشافوها ولا كان ماسكتو
خالتو :علشاني روح البيت ولا سوي اي شي _ مررت يدها على خدو _ يلا روح
يزن له ربع ساعه بيترجى خالتو ومافي امل مايبى يدخل وامو ماتبى
: خلاص حجي بكرا وحدخل سواء رضيت ولا مارضيت
خالتو : خلاص طيب
خالتو دخلت الغرفه وهوا مشي وفي راسو
شغلتييين
امو ورنيــم
زفر بضيييق ومانتبه لقدامو الا لما صددددم بشخص وطااح في الارض
يزن شال لعكااز حق الولد : اوو معلللليشش مانتبهت
مسك يد الولد اللي طاح وقومــه : لا عاادي
يزن طالع برجلو وبعدها اعطاه العكاز : اسف
ساري ابتسسم ومسك العكاز عدل : مو مشكله انا اللي مانتبهت
يزن ابتسملو بطيب نفــس ومشي
وســآري كمــل طريــقه واتـوجه للغرفــه ولقى الممرضــه بدأ يحس بتوتر
خــآيف من العمليــه
__________________________________________________ ________________________________________
مالو نفــس يرجــع البيت طالع في اليو اس بي االازرق وجات في بالو رودينـآ ..
شغل السياره وقرر يروحلــها بيسمع كلام رنيــم وعلى الاقل يوضحلها كل اللي سار
مايبى شي تاني
وكان بيدعي في نفسو لايكون في اياد او ابوها لأنو لو لقاهم بوجهه مستحيل يطلب رودينا
وحيكمل هرج معاهم ويمشي ..
وصـل وقف سيارتو وبعدها نزل يدق الجــرس فتحت الشغاله وطلب منها انها تنااديلو رودينا
.. ودخل وكان ولد خارج من المطبخ وفي يدو كاسة مويا
استغرب من شكلو
اما نادر اول ماشافو ابتســم واتوجه له : اهلييين ماازن
يزن ابتسم مجامله : لا انا اخوه يزن
نادر رفع حواجبه الثنتين مع الاستغراب واستوعب دحيين الاسم
دا يزن اللي حكتو رودينا عنـــو ...: اهاا اهليين برضو
يزن : اهلا فيك _ عقد حواجبه _ انتا مين !
نادر : انا صاحب اياد
يزن لسى ماستوعب لو صاحبه ايش جابو يعني هنا : وفينو اياد !
نادر : مو في البيت
يزن بان في ملامحو ام الاستغراب ونادر لاحظ بس ماحيشرح طبــعا
دخلــو الغرفــه جلسســو ويزن ام الصدمه اللي فهيا
نادر بيعاملو وكأنو البيت بيتو ..
ومو راضي يدخل براسو كيف صاحب اياد واياد مو في البيت ولابس نادر لبس بيت
ولا دقايق الا دخلت رودينا الغرفه طلت بسرعه في يزن وبعدها عدلت الاسورا اللي بيدها
ماركزت دا ميين بزبــط
ابدن ماجا في بالها يزن
: غريبه جاي بدون ماتتصل
قبل لاتوصل وتقرب منو طالعت فيه ومن لبسو عرفتــه
وقفت مكانها وقاالت بتردد : يزن !
نادر مايدري كيف قدرت تفررق بينهم هوا لساتو مو مستوعب انو دا انسان تاني مو مازن
يزن وقف حس بمشاعر متلخبطه لما شافها: ايوا ايش بك كدا مفجوعه
ناادر : انا بطلع
رودينا : لا خليك منتا غريب يانادر
نادر اصر انو يطلع : لا بلاشي مرا تانيه _ طالع في يزن _ اشوفك على خير
يزن : ان شالله
خرج نادر ..
ويزن واقف وقبالو رودينا وضامه يدها تحت صدرها ..: ايش اللي جابك
يزن : كدا احد يستقبل االناس
رودينا : والله للأسف انا مادرجك تحت مسمى الناس
يزن ابتسم : حركات هوا الواحد لما ينخطب يسير كدا
رودينا : انتا عارف ليش بهرج معاك بدي الطريقه اساسا ايش اللي جايبك لبيتي بعد دا كلو
يزن : جيت اسلم راجع من السفر مروق فاقلت مايسير ماأمر عليكي
رودينا من جواتها تفور من كلامو : بللهي لا والله فيك الخير
يزن : من يومي
رودينا : يزن من النهايه ايش اللي جايبك
يزن : فينو اياد كنت حاب اسلم عليه سمعت انو رجع
رودينا : اياد مو هنا
يزن : ومتى راجع
رودينا : ماحيررجع في دي اليومين
يزن : اجل صاحبو ايش مجلسو هنا
رودينا : ساكن عندنا في اسئله تانيه ياسيد يزن
يزن: هههههههه صاحبو ساكن في بيتكم عادي الوضع ككدا طبيعي يعني
رودينا اتنرفزت من ضحكته : والله مو كل الشباب زيك وعينهم زايغه
يزن : تراكي بتزوديها حبتين
رودينا : ايوا صح نا اللي دايما ازودها ماتزكر انتا ايش سويت بالجامعه افتكر مين اللي زودها
يزن : انا جيت علشان دا الموضوع
رودينا : ماتوقع حنقدر نتفاهم بدا الموضوع بعد اللي سويتو خليك مع صفاء احسن
يزن : لاتلوميني ازا انتي غبيه وتخلي اي احد يصورك في اي مكان تراكي من اول بترمي كلام مالو داعي وانا
ساكت _ خرج اليو اس بي من جيبو ورماه على الطاوله اللي بينهم _ دي كلها صور ليكي صفاء كانت تهددني فيها
وانا سبتك علشان الصور علشان سمعتك ياست رودينا وانتي ماصدقتي قمتي تنشري فضايحي بالجامعه كلها
رودينا طالعت باليو اس بي وقالت بتناحه : صور ايش
يزن : ترا كل اللي شوفتها وحده لو اني زي ماتقولي عيني زايغه كان كملت المجلدات اللي فيه
رودينا قبضها على قلبها : وصفاء من فين اصلا حتصورني
يزن : ازا منتي مصدقه خدي الزفت دا وروحي اتفرجي على صوورك
رودينا عينها على اليو اس بي بس بلعت ريقها بخوف وبعدها طالعت فيه : وليش ماقلتلي من البدايه
يزن : هيا طلبت مني كدا
رودينا : وانتا مشيت معاها يعني ايش عرفها بالموضوع لو دريت
يزن : كنت خايف تدري والصور تنتشر ولا يسير شي بس انتي ماشالله نشرتي صور غيرك بدون ماتفكري حتى
ابتدآ العتاب بينهم ..
رودينا : انتا عارف ايش سوويت فيا حررقت قلبي
يزن : سويلي زي ماسويتلك وانتي عارفه بسببك مازن انطرد من الجامعه وخرج من البيت وسيدي درا بالموضوع
وبعدين كل الي سويتو اني سحبت عليكي تقدري تطلعي اي حل غير انك تنشري شي انا ماوريتو لأحد غيرك
رودينا : على اساس انتا ماجبت سيرة بابا دحين !
يزن : انتي خليتي اصلا فيا عقل بعد اللي سويتيه ! ووبعدين كلها كلمه ورميتها يومين ولاأحد فتح الموضوع
اما الصورة سارت في يد كل كبير بالجامعه في فرق بين اللي قلتو وبين للي سويتيه
رودينا سكتت
يزن : علـ عموم كنت جايبلك اليو اس بي انتهيت من صفاء _ كان بيمشي الا وقفتو _
رودينا : يزن
يزن : نعم !
رودينا : انا مانخطبت قصدي هيا سارت شبه خطوبه بس وافقت عليه عشان انساك وانسى اللي سويتو فيا _ قالت
بكل تردد _ انا لساتي احبك
يزن انكتتتم
ورودينا تطالع فييه وتبى رد منو
يزن مية موضوع جا براسو
وكلو متعلق برنيــم
رودينا او رنيم
رنيم او رودينا
رنيـم سابتــه عشان هتــآن
وهوا محتاج احد جمبو بدي الفتره
قال بتردد واضح : وانا احبك يارنيـ _ ادارك نفسو _ رودينا _ بعد مالخبط بالاسامي حس انو يببى يخرج _
ابويا يباني دحين فاحمشي سلميلي على امك
رودينا ماتدري ايش فيه : ان شالله
يزن نزل نظرو للأرض وعدى من جمبها بدون اي كلمه غيرها
لا انتبهي على نفسك
ولا اكلمك بالجوال
ولا حتى سلم وهوا خارج
وماحست انا احبك فيها اهتمام
بس قالت يمكن لساتو مو مستوعب اللي سار دوبه
حتى هيا لساتها مو مصدقه هرجة اليو اس بي اخدتو وطلعت جــري لغرفتها
خررج من البيت وخلل يده بشعره : انا ايشش سوويت
وصلل للسياره ومع القهر ضرب الكفر برجلوو حس انو اتسسرع
بس مايدري ايش فيه دي اليومين كدا متلخبــط
رودينا بعد نص ساعه كسرت اليو اس بي مع الفجــعه ورمتو بالزبــآله
ماتدري كيف صورتها
عدل سابقا من قبل بنوتة لابشة فشتان منفوش في الخميس 03 نوفمبر 2011, 03:07 عدل 1 مرات | |
|
| | |
Aliaks
☆☆☆☆☆
مسـآهمـآتـﮯ.. : 11456
تقيـمآتـﮯ.. : 1082
مخـآإلفـآتــﮯ :
чσuя sмs » : سُبحًـان الله 3>
| | موضوع: رد: رواية اشتعال السحب / بقلمي الخميس 03 نوفمبر 2011, 03:06 | |
| جالسه على السرير حطت يدها على يد امــها : ماما ترا اتفاهمت مع بابا
امها ضمت يدها تحت صدرها وبدون مماطالع فيها قالت : وايش قررتي
شادن : حجلس معاكي طبعا شوفي انا مستحيل انكر بابا بس بنفس الوقت مستحيل اعيش معاه انتي اللي ربيتني
وكبرتيني ايش ماتسوي حفضل احبك وحتفضلي امي محد حيغير دا الشي
ام شادن ابتسمت : وانا عارفه اني كنت مقصره معاكي انشغلت في نفسي ونسيتك
شادن : عادي كلنا أهو بننشغل
ام شادن تبى تغير نفسسها بعد اللي سرلها عرفت انها ماتقدر تعيش من غير بنتها
: وايش سار مع الولد اللي قلتيلي عليه
شادن طلت بالجووال وبعدها باأمها : والله مدري قلي رايح المستشفى من 5 ساعات مدري شي عنو دحين
ام شادن : انا ككلمت الدكتور عزام وقلي العمليه شويا صعبه يعني الله يستر
شادن بدون اهتمام : الله يعينو ... يلا بقوم استحمى
راحت استحمت وبعدها كلمت رينــآد وبعدها اليــن وبعدها نزار
وراحت تنـآم
ليـــــــــــــن اليييوم التــآني
كانت على االكرسي وقدامها كتبها مشعتره على الطاوله .. مروان كان يفهمها الاشياء الصعبه
بس في النهايه مع نفسو تقدر تعتمد على نفســها ..
دق جوآلــها ..
باأغنيه ماهر زين .. for the rest of my life
شافت المتصــل سـآري ..
رفعت شعرها بشباصه واخدت جوالها وردت .. : اهليين .. كويسسا الحمدالله وانتا كيفك دحيين .. بلله _ صوتها
بان فيه الفرح _ الحمدالله على السلامه ايوا اساسا كلمني الدكتور عزام بس ماحبيت اتصل وازعجك .. العمليه
اخدت وقت شكلو مرا كتير .. يلا مو مشكله اهم شي قومت بسلامــه .. اهلك عندك ؟ .. امم ومتى ناوي تقلهم ..
اجل خليها لبكرا واجيك المستشفى .. ههههههه طيب مع سلامه
قفلت منــو وابتسامه على وجهها صح حيكون فيه انحناء بسيط بمشيتو
بس على الاقل احسن من زمان
دحين يقدر يعتمد على نفســه ويمشــي
في المستشفى ..
منسدح على السرير ويطالع برجلو يحس بغصه خانقتــه من كتر مو مبسسوط
هوا لسى ماوقف على رجلــو ومشي
بس يكفي انو رجلــو ماسارت زي اول
مرر يدو عليها كدا مرا كل شوويا يحس رجلو من عند القدم مايدري
هوا بيحلم ولا من جد دا كلوو
دي مو اول مرا يسوي العمليه وكل مرا ماتنجح
كل مايقول للناس انو حيسويها يسير له شي
ولما سواها على سكات نجحت العمليــه
: الحمدالله يااارب الحمدالله
يمكن لو كرر دي الكلمه من اليوم لأخر يوم في عمرو حيحس لساتو انو مقصر فيها ..
سند جسمو على المخده اللي وراه وغمض عينو والابتسامه على وجهه
يحس انو اسعد مخلوق على وجه الأرض ومافي احد زييوو ...
تلوثات من مصنع القلب
داخل المطعم وجهه مصفــر كلمتو وهيــآ تبكي باإنهيار وقفتلو قلبببه ومو راضيه حتى تقول ايش بها
بس تبى تشوفـــه
اتوجه لمكانهم المغلــق فتح الباب وشافهاعلى حالتها تبـــكي
جلس على طول في الكرسي اللي جمبــها : سهااد ايش بكك
سهاد دموعها على خدهــآ ووجهها محمـر من البكـى : بابا
نزار : ايش بوو
سهاد مسحت دموعها وتحاول تهرج عدل مع انها مو قادره : ولـد .. صاحبو اتقدملي وبابا مصر عليا
نزار : انتتي ماقلتيلهم اني حتقدملك
سهاد : ايش اقولهم بللهي ولسى ماسار شي رسمي ماقدر
نزار بعصبيه : سهااد ارفضي سوي اي شي
سهاد : انتا كلم اهلك دحيين ولا والله بابا حيفضل مصر عليا
نزار : سهاد امي بالمستشفى ماقدر دحين
سهاد قربت للطاوله وغطت وجهها وتبــكي
نزار قرب منها : حبيبي اسمعيني انتي ماطلي فيهم ولو اسبوع على الاقل
سهاد عاذرتو وبنفس الوقت مو قادره تسوي شي قالت بضعف : والله ماااقدر ليا 3 ايام وانا ساكته وماقلتلك على
الموضوع اليوم بابا صررخ عليا وخلاص اكره دا الضغطط
نزار مسك يدها : اسمعيني ابوكي مايقدر يغصبك
سهاد سحبت يدها : الا يقددر يانزار انتا اكتر واحد عاارف بابا لاتهرج بدي البرووده معايا في موضوع زي كدا
نزار : عارف ياقلبي والله بس امس ابويا فتح موضوع امي معانا تبيني اليوم اجي اقولو خلينا نتقدم لسهاد
سهاد مو عارفه تعصب ولا ايش تسوي بس مهما كان هيا بنت ماتقدر تزن عليه بموضوع زي كدا
سحبت شنطتها بهدووء وهيا من جواتها ميته بكاا : نزار انا قلتلك عن الموضوع وسايبه لك كل شي لو تباني
حتعرف ايش تسوي انا عازره ظروفك والله مقدره كل شييي بس بنفس الوقت انا ماقدر اسوي حاجه كل شي بيدك
حطت الشنطه على كتفــها وعيونها وخشمها محمريين من كتر مابكيــت
وخــرجت وسابتــه لوحدهـ
اما هوا زفر بضيــق مو عارف ايش يسوي
يعــشق سهاد وبنفس الوقت الوقت مرا غلط يفتح مع ابوه موضوع زي كدا
مررت ربع سااعه وهوا يفكر ايش يسوي
: استغفففر الله بسسس
خرج من المكــآن وهوا معصــب ماعنده حل اصلا غيرانو يفتح الموضوع مع سيدهـ
ركب سيــآرتو واتــوجه بســرعه للبيــت
طالع في الساعه ويتمنى يكون سيدو اتأخر وماخرج من البيــت
وزي مايبــآ لقااه بغرفتوو .. فتح الباب مع الصرفده بدون حتى مايدق الباب
سيدو طالع فييه : انتا متى تتعلم تدددق الباب وانتا دااخل
نزار يتنفس بسررعه مع الجري : كوويس لقييتك
سيدو واقف وساند جسمو على العصايه اللي بيدو : ها خير ايش تبى
نزار : سيدي مو انا قلتلك اهرج مع اهل البنت
سيدو : على ايش مستعجل
نزار : ياسيدي البنت واحد متقدملها وابوها غاصبها عليــه
سيدو : طيب انا اساسا كلمتهم
نزار مافهم : كيف كلمتهم وهيـ
سيدو قاطعو : قبل امس كلمت عادل والموضوع ان شالله يتم بس خلي امك ترجع
نزار فنجل عينو مع الصدمه : مين عادل ياسيدي
سيدو : اخوها
نزار رفع حواجبه مع الصدمه : انتا قصدك بنت سمير سهاااد !!!!
سيدو : اجل مين قصدك
نزار مع الصدمه مسسك راسسوو : سيدددديييي ايش سووويت انتا رووح كلمهم ولا شوفلك صررفه معااهم م
سيدو : ايش بكك انتا
نززار مع الصدمه جللس على طوول على السرير : سيدي قصدي سهاد ديك اللي جات اخر مرا عندنا مع ابوها وامها
سيدو بدون اهتمام : اهااا المهم انا كلمت الولد انتهى الموضوع
نزار عصصب : لاااا مانتهى الموضوع على كداا لاتجنني تراا فيووزي خلقه ضاااربه
سيدو : ايش تبااني اقول لعادل دحين والله ولدنا غير رايه دا كلااام رجججال ماتفهم انتا
نزار وقف : مااهمني ايش مايكون يكووون انا ابى سهاااد بنت كريييم
سيدو : كمان تبى تاخد وحده اجنبيـــه انا ابالك وحده مننا وفينا
نزار : ووليد ووضاح اردنين محد اتكللم فيهم لما اتقدم وليد لأروى ججات علييا دحين
سيدو : على الاقل عرب واتربو وكبرو هنا بيننا
نزار : سيدي بلاااشي دي المواضيع دحييين البنت والله لو رااحت من يدي ماحساامحكم
سيدو : لاتسامحني بكرا تكبر وتنسى
نزار دمو نشششف خلاااص : سيدي ترا حروح كلم ابو البنت بنفسسي واحطك قدام الامر الواقع ماحستنى لين ماتروح
البنت من يدي واقعد اتفررج
سيدو ببرود قال : دحين البنت دي سهاد ماقالتك مين يطلع اللي اتقدملها
نزار : قالت ولد صاحب ابوها
سيدو : وانا مو صاحب ابوها يعني !
نزار تنــح وفضضل ساكت
سيدو : عشان تاني مرا تتعلم تدق الباب وانتا داخل
نزار لسى ماستووعب : يعني انتا اللي تطلع صاحب ابوها انتا اللي كلمت عمي كريم !
سيدو : اجل مين حيكون والله انتا والبنت كل واحد اغبى من التاني مدري ايش حتخلفوو
نزار : هههههههههههههههههههههههههههه _ اتوجه لسيدو وباس يدوو وراسوو _ والله وانا اكلمك اول حسيت اني
اكرهك
سيدو ضربو بالعصاايه : رووح من قداام وجههي البنت لحسست مخك
نزار : والله ماحسير ادخل غرفه انتا فيها الا لما ادق الباب
سيدو : ههههههههه ايووا خلييك كداا
خررج نزاار من عند سيدوو ورااح جري لغرفتوو واتصــل على سهــآد ..
سهااد اول مادق نزار حطتو سايلنت وراحت لغرفتها قفلت الباب وبعدها ردت عليــه
وصوتها مراا مايبششر باأي خيــر ..
نزار جاتو فكره شيطانيــه : سهاد حبيبي كلمت سيدي وابويا وقالولي بعد شهرييين لو ابى نجي لأهلك مابيدي
صراحه اسوي شي
سهاد دموعــها تنزل بدون ماتطلع اي صووت
نزار : الوو حياتي انتي معايا
سهاد بلعتر يقها : ايوا
نزار : ايش بك سكتي
سهاد : ايش تباني اقول !
نزار : قولي لأهلك و
سهاد قاطعتو : نزاااار خلاااص بلييز اهلي قلتلك مااقدر عليهم بس انتا تقدر تطلع الف حل
نزار متعاطف بس بنفس الوقت اول مرا يسمعها كدا يحس انها تبااه من جد كدا استمتع من دي الناحيه : ايش
اسوي يعني ياسهاااد
سهاد : بابا ترا مابيكلمني له 3 ايام سار يرسل ماما تتفاهم معايا وانا دا كلوو كنت ساكته ومابقولك بس
لما شوفت الموضوع زاد قلتلك لأنو ماتوقعت يكون دا ردددك
نزار :سووستي وربي كلمت سيدي ايش بك انتي محسستني اني ماتكلمت معاهم
سهاد : ايوا كلمتو بنص ساعه وانا قاعده فوق راسهم ليا 3 ايام فررق ترا بيني وبينك مرا كبيير بس دا كلو
يبين مين يبى التاني اكتر .. بااي يانزاار
نزار : اصــبـ
وماخلتو يكمل الكلمه الا وهيا مقفله بوجهه طالع بالجوال : ياحيااااتي انتي
بس مارضي يتصل ويقولها يتخيل يوم مايتقابلو وتشوفو ايش حتكون ردة فعلها
لما اتذكر دا الشي خلاه قلبي يقسسى ومايرجع يتصصصل
اما هيييا جلست على الكتبه وضمت رجلها لصدرهاا وتبـــكي بحررقة قلـــب
اسلوبـــــه وهوا يهـــرج مرااا قهرهاا
ماحتربط المووضوع مع امــه لأنو نزار يقدر يفصل الف شغله عن شغله
مايعجن المواضيع كلها في بعضها
نزاار طالع في الساعه ولما اتذكر رنيــم عصب امس مالقاها في القاعه
غير ملابســه
ونزل لـــها .. قبل لايدخل القاعه سممع صوت الاغاني مندلللع منــها
فتح الباب وشافها ترقصص
بس مييين دي
عقد حوآجبه ودخلل وهوا يتأمل الرقــص
حتى الرقصص اتغير
دار عليـــه ولما شافتو جبست رجعت شعرها ورا اذانيــها : يززن جيت فجعتني
نزار قال بهدووء وهوا يتكي على حرف حرف " الله ينكببك يايزن "
غيييييييييييييييييير اوووم البببنت
رنيـم ماسمعت واساسا مرا متوتره بعد موضوعهم داك
رجعت اياديها ورا ظهرها : ايش بتقول
نزار يطالع فيبها من فوق لتحت مصدوووووووووووووووممممم : ها لا ولاشي
رنيم حست انو غريب شويتين : فيي شي
نزار : لا لا طبعا مافي شي
رنيم ابتسمت باإرتباك : كيف امك دحين
نزار : امم كويسا كملي رقــص حاسس انك اتحسنتي اكتر من اول
رنيـم حست بغرااااااااااااااابه مرااا : اووك
ترقــص وهيا مستحيــه ماتدري ايش بــهاا
وهوا اتكى على الجدااار وبيتفرج باإستمتاع تااام
لين ماشتغلت اغنيــه هاديــه بعدها
طبــعاا قاام على طول وجا لحدهــآ ومد يدو : دي الرقصــه معاكي وبعدين اخليكي تجلسي وحعلمك على اشيااء
جديده
رنيـم قلبهاا دق بســرعه : لا م
نزار مسك يدها :يلا
رقصــه هاديـــه
ابدن ماطالعت فيــه
بس حبه حبه بدات تعقد حواجبها لاشعوريا
ماتفتكر انو هيا توصل ليزن كداا
يزن اطول من نزار بشوويه بس هيا سارت تعررف لفين بزبط توصــل ليزن
لمســة يدو
حتى ريحة عطرو غيــر
طالعت في المرايــه وانتبهت لحواجب نزار
وهنا بدا الخوف يتسلل قلبها
ولما بدأ نزار يقولها سوي كدا وسوي كدا
لاشعوريا سحبت يدها وبعدت عنوو
نزار : ايش بككك
رنيــم دقاات قلبها وراا بعضضض حست نفسسها مجنونه ماتدري ايش بهاا
اما برا القــآعه يزن سمع صووت الاغااني قاال يدخل يشووفها
مع انو مخنووق من اللي سواه امس معاها ومع رودينا
بس دا مايمنــع انو يدخل ويشوفها
فتح الباب وصنــم في مكــآنه لما شافها بين يد اخووه
ماااقدر يخــرج مع انو لو ماخررج حتتعرف رنيــم
بس لاشعووريا فضضضل وااقف مكــآنه
نزار : رنييم ايش فيي حتكملي ولا
رنيــم شالت الربطه اللي بيدها ورفعت شعرها وقال باإرتبااك واضح في وجهها : اأ نـآ ماشيــه
دارت جسمها الا فتحت عينها على وسعها لما شااافت التااني واقف عند الباب
تلوثات من مصنع القلب
بعد ماخلصــت من صلاتــها رفعت يدهــآ ودعيــت انو وضــآح يبقــى لها وبــس
دعيت من كل قلبــها انو يبعد عنو عيون الناس
شالت سجادتها وشرشفــها وكالعاده اتوجهت لبيــت اروى على طول بدون اي مناقشــه او استئذان
اول مادخلت لقــت اروى في الصالون وبتشيل الالعاب تامر
سلمت عليها : اجللسي ايش بك
اروى وشايله كمية الالعاب بيدها : طالعه اصحي السيد وضاح
جنى على طول وقفت واتوجهت لأروى : طيب هاتي الالعاب اشيل معاكي
تبى تتلصق وتطلع معاها ..
اروى ماقدرت تردها خلتها تشيل نص الالعاب وطلعت معاها
وجنى من جواتها مبتسسسمه
اروى : كيفو بابا
جنى : كويسسس احسو مرا مشغول ومدووش
اروى : شي طبيعي
جنى ماشيه ورا اروى : شوفي يعني يامازن ويزن ونزار فيهم شي ياأنا اتوهم
اروى دارت راسها عليها وعقدت حواجبها :خير ايش في
جنى : والله ياستي كل واحد فيوزه ضاربه اكتر من التاني تقولي كل واحد عنددو بزوره وشايل هم كيف ياأكلهم
اروى : مو دي اليومين اصلا ماسمعت صوت ولا واحد فيهم
جنى : وماتوقع تسمعي
اروى : يبالي اكلمهم
جنى : محد حيرد عليكي
اروى : لا ياشيخه مو لدي الدرجه
جنى : انتي لو تشوفي وجيههم حتصدقيني يزن ليا فتره ماشوفو اكلمو امس ولا كأنو خاصرني شككوني في البدايه
نبفسي حسبت اني مسوية شي غلط يعني بس لاحظت انهم كدا على طول كل واحد بنفسيه يالطيف
اروى : غريبه _ وصلت لعند غرفه وضاح وفتحة الباب ودخلت وجنى طبعا وراها _
الغرفه مظلمــه وطااغي عليها البرووده
شغلت اروى الاضائــه وجنى على طوول قلبها قبضها لما شافتو بدي الصورة ناايـــم
اروى راحت لحد السرير : وضااح وضاااح قووم اذن المغرب من ساعه
وضاح ولافتح عينو قال وصوتو كلو نووم : صحيني بعد ساعه
اروى : اقولك قووم دحيين مافي وقت وراك عممل
وضاح ولا من تجاوب
اروى شغل الحقاره اشتغل عندها قالت بصوت عالي : جنى ودي خلاص الالعـ
ولا كملت الجمله الا وضاح فتح عين ومقفل عينو التانيــه واول ماشافها رفع جسمو من على المخده وسار يحك
جبينو
اروى طالعت فيه وسوت نفسها مستغربه : مو تبا تنام ساعه تانيه
وضاح وجهه كلو نوم بس فيه ابتسامه بسيطــه : لا خلاص
جنى ماسكه نفسها بس لاتضــحك ..
اروى : يلا لاتتاخر مستنيتك تحت
وضاح يهز راسو وهوا مو معاها اصلا : ان شالله ان شالله
اروى دارت : يلا جنى
اول مامشيت اروى قدام جنى جنى طالعت في وضاح وحركتلو يدها
وسارت تمشي وتطالع كل شوويا على ورا ليين مانتبهت للجدار اللي قدامها
وطااااخ
صقععت فيييه وطيحت كل الالعاااب
وضاح : هههههههههههههههههههههههههههههههه
اروى دارت مفجوعه عليها: ايش بككك انتي
جنى نزلت جمسها وسارت تلعب الالعاااب : ولاشي
اروى : لو انك تطالعي بطريقك ماكان سرلك كداا
جنى مقهوره من ضحكة وضاح
وضاح : مساء بدايتو هبل جنى ان شالله مايكون شؤوم بس
جنى بدون ماتطالع فييه : ارجعع نام احسسن لك _ وقفت وهيا شايله الالعااب وخرجت اصلا قبل اروى حتى _
اما وضــآح نزل من على السرير راح استحمى وصــلى ولقى اروى معبيتلو الاكل بغرفتو اكل
وخرج من الغرفــه نزل تحت لقى اروى لوحدها
فعلى اطول استنتج انو جنى فوق مع تامر ..
بدون ماتنتبه له اروى لنزوله رجع طلع تاني
واتوجه لغرفه تامر فتح الباب لقاها هيا وتامر جالسين بالارض
واول ماشافتو كشرت بوجهه
وهوا عكسها ابتسم ابتسامه عريضــه : ايش بو الحلو زعلان
جنى : خلي حفة دمك تفيدك
وضاح : هههههههههههههههههه اشلي بالموضوع انا اللي انخبطت باالجدار ولا اتتي
جنى : ايوا انا بس ماتقعد تضحك عليا
وضاح : من بدايتها دلع
جنى : مابدلع
وضاح : الاحمر عليكي يجنن
جنى مسكت تامر : اعرف
وضاح : ههههههههه حيطول دا المزاج ترا ورايا دواام
جنى : مامسكتك روح لدوامك
وضاح : ماقدر اروح وانتي كدا مصنقره
جنى : مني مصنقره مو انا اللي انخبطت بالجدار
وضاح :ههههههههههههههه خبطه جامده وربي
جنى رفعت حاجبها
وضاح بتريقه اتراجع عن كلامو : اقصصصد سلامتك حياتي فيا ولا فيكي
جنى ابتسمت : ايووا كداا
وضاح : يالطيف على بنات دا الجييل
جنى : ارحمنننني ياسيدي
وضاح : والله والله من جد
جنى : ايش ؟
وضاح : وحشتيني
جنى طالعت في تامر وبعدها في وضاح : عييب بعدين يتعلم كلام مو كويسس
وضاح : ههههههههههه بقولك وحشتيني تقوليلي كلام مو كوويسس تراا تامر اخوكي مخربوو يعني مو مشكله خلينا
ناخد راحتنا
جنى : ناخد راحتنا بعييينك
وضاح : احسك تكرهي تهرجي معايا واحنا قدام بعض اما بالجوال تحلالك الهرووج ماتخليني اناام عددل اهو كل
بعد ساعه اخد غفوه حق ربع ساعه بسبايبك
جنى : ههههههههههههه _ متربعه بالارض وهوا واقف بيهرج عند الباب قالت بدون ماطالع فه _ استحيي طيب
وضاح ابتسم : مشكله لما كنا قبل شهر بزبط تناديني من اخر دوور صوتك يلعلع لآخر المكان ودحين ماسمع لك
نفس لما تكوني قدامي
جنى : هههههههههههههههههههههههه وضااح رووح بللهي
وضاح : تصريف عيني عينك
جنى : هههههههههه لا مو كدا
وضاح دق جواله دخل يدو بجيبو وعينو طبعا على جنى ويرفعلها حاجبوو
الا اول ماخرج الجوال طاح من يدوو
جنى شهقققت : وااااا
تاامر قلدها : واا
وضاااح عققد حوااجبوو : بقولك وجهك شؤووم علياا _ اخد جوالوو ورجع البطاريه فيي مو راضي يشتغل _ هيا
خدلللك _ قال بمززح _ جنى اطلعي من البيت
جنى : ههههههههههههههههههههههههههه حسرلك عااهه اليوم
وضاح : قل اعوذ برب الفلق يااشيخه
جنى : وضااح سرري بللهي
وضاح طالع بسااعه : واا ارووى تستناااني
خرج من الغرفه وقفل الباب وبعدها فتحو ودخل راسوو بسسرعه وقال : احبببك _ ارسلها بووسه على الهوى وقبل
لايخرج راسو مع الربششه قفل الباب على رقبو _ اااا
جنى وتاامر ماتووو ضحككككك
اما وضاااح على طول خررج ولا طالع فييها حتىى بيمشي بالممر ويضضضضحك على نفسسو
نقدر نقــول جنى دعيــت وابواب السمـآ مفتوحـــه
" أدعوني أستجب لكم "
رغــد : والله دحيين جوالو مقفــل مدري ايش بوو دا
ابوها وقف : انا عندي مشووار بروح اجيب شي واجي اخدك لبيتووو فاهمه ولا لأ
رغد سكتت
ابوها ماسبلها طبعا مجال تقول طيب ولا لأ خرج من البيت وبعصبيه قفل الباب وراه
فضلت جالسسه في مكانها ساكته لمده ربع ساعه وبعدها دموعها سارت تنزل بصمــت
لاشعوريا اتصلت على مااازن كدا مرا
اكتر من 10 مراات
وهوا مايرررد
بس ماوقفت
فضلت تتصل وتتصل وتتتصل
لين ماجاتها رساله منــو
فتحتها لقتها فاضيــه
ماتدري ليش زاد بكااها
حست انو ماعندو شي يقولو
وماتدري ليش اصلا رسلها
بس عرفت انها مرا جرحتوو
كارهه نفسسسسها
كارهه الي في بطنهاا
كارهه كل حــآجه
اتذكرت امس لما راحت لعمل وضــآح كانت دوبها حتقرب منو الا سمعت كلامو على الجوال
يهمس احبك
اموت فيكي
مايكفي انها كرهت مازن بنفسسو كمان حتفرق اتنين يحبو بعــض
تحس انها اكتفت من دا كلوو
ماعاد تبى تعيشش
اللي شافتو في حياتها كفايه
لاقادره تتوب ولا قادره تبطل اللي هيا بتسويــه
تكره اي احد يلممس جسمها مااسارت حتى زي اولتاخد الحياه بهبل
لشيطان زين الفكره براســهاا دخلت الحماام
حاولت تمسسك الشفره وتمررها على يدها بس ماقدرررت
ملت المغسللله كلها موويــآ ودخلت يدها
وغمممضت عينها
ومررت الشفررررره على يدهاااا وبدااا الدممم يخرررررج بشكل جنوووني
طالعت في يدها بخوووف علىى طوول غطططت مكاان الجررررح ندممممت
انها سووت كدااا
ولا دقيقـــه الا طاااحت من طوولهــآ وبلاط الحمام بدأ يغطيــه الدم ..
كانت ترجــف تحاول تقوم تمسك شي تستند على شي تستنجد باأحد تصصرخ يمكن احد يلحقهاا بس جسمها كلوو
اتخدددر
دمووعها تنزززل
تقول ياريت بس الدقاايق ترجععع
كانت حتحاول تتوب بشتى الطرق
كانت تبى تسجد
تقرا قراان
تدعي
تستغفر اي شي
بس مافكرت بدا كلو الا بعد ماسارت غرقانه بدمـــهاا ... وبعد مانسحبت رووحهاا بكل ألممم
اما في مكــآن تااني
يحس انو مكتوووم ومضــآيق مستحيل يسحب عليها على سكاات
في كلام بقلبوو
يحس انو يبى يشووفها
طبعا مستحيل يرجعلهاا بس مايحس انو اللي شافو يومها صح او صح ويبى يسممع منها كل شي
مستعد يضربــها
بس يرتـآح
يهزأها يصررخ عليها
بس على الاقل يخررج ولو شوويا من اللي في قلبــوو راح عندها وهوا مصدوم ورجع بيتو بصدمتيـــن ..
حرك السيــآره واتــوجه لبيـتها
مايدري ايش يبى بزبــط بس شي كبييير جواته يقول روحلــهاا وطلع حرتك فيــهاا
بعد عشره دقايــق وصــل ونززل من السياره وطلع لعمارتــها المزعجــه
دق باب شقتهاا بس لقاه مردوود
ابوها خارج معصبب رزعوو وهيا ولا انتبهت
اساسا ماسارت تهتم بشي
ايش فيها يعني لو ماقفلت الباب ..
عقد حوآجبـــه فتح الباب بهدووء
اتوقع انو يلقــى رجال زي ديكك المرا قدامو بس المكاان كان جدآ هااادئ
دخل خطوتيــن وبعدها كان بيـرجع ويخرج الا انتبـه لشـي احمر من الحمام
بيتها مرا صغيــر
كم خطووه ووصل للحمام
وكااانت الفاااجعه
ننسسسي في لحظظظتها انها خايـــنه
صرررخ بكل صووته : رغغغغغغغغغغغغد
رفعهااا عن الارررض وقربها لحضنووو وهوا ينااااديهااا : رغغغغغد رغغغغغغغد
حط يدو على رقبتها يبى يحس فييه نبــص بس مالققققى اي شي
مسك يدها المجروحححه وسار ضاغط عليها وحاضنها ويبـــــكككككي
في ثوواني اتغطى بدمهااا
ماقدر يقووم من على الارررض
كااان يحبــهاا
اول مرا يحس بالحب
صح خانتو
صح استغفلتو بس مايقدر ينكر انو عششقهاا
يبكي بكل صووتــته وينااديـــها بكل الممم : رغغغغغغغغدددد قوومي
جيران رغد كانو خارجين من شقتهم بس سمــعوو صووت مااازن
واتوجهه له على طوول
3 شباب وحرمتيــن
الحريييم صرخوو والرجااال سارو يذكرو الله
وهوا ولا مع احدددد ماسكها ومحد داري بللي فيــه
يبــكى بكـآ مو طبيعي
يبكي بكاا صدمتو فيــها
يبكي لأنها خانتو
يبكي لأنها في حضنو وميــته
كان حاضنها بكل قوتــه مو قادر يسيبــهاا
واحد من الرجال جااا يحاول يكلمو
يحاول يخلييــه يسيبها
بس ولا كأنو سامعهم
ولا كأنو شايفهم
كل للي في راسو انو رغــد ماتت
كل اللي في راسو انو قبل ربـع ساعه كانت تتصل عليييه
كانت عايششششه
بسبب رسالتو الفاضيــه قتلها
بعض الأحيان الصمت اقسى من الكلام ..
دقااايق مرت عليييه وهوا على حالو غطى راسو بكتفهاا وزااد بكااه لما سمع صوت سياره الاسعااف
طلعوو رجال الاسعــآف سحبووها منو بالقووه
سند يدو على الجدار وبالقوه وقفــ
مشي وراهم ولما وصلــو لتحت غطوو وجهها بالشــرشف الابيض وهوا انجن
دخلوها السياره وقفلو ابوابها
وخلاص بيشوفها لأخر مراا فضل واقف مكانو لين ماختفت السياره من قدامووو
الرابح والجاي يطالعو فيـــه وهواا جلللس على الرصيــف زي الضاايع
مغطى بدمهاا ويبــكي بحرقــة قلبـ
تلوثات من مصنع القلب
معزولــه عن العــآلم
مرت لها 4 ايام ولا هيا راضيــه تخرج من الغرفــه
اندق باب الغرفــه ولا حتــى هـرجت
هوا فتح الباب .. ودخل بهدووء
وجلس على السرير : راماا ترا اللي بتسويه ماحيفيدك
راما ولا اي تجاوب منــها
: ابوكي حيجي دا الاسبوع
على طول طالعت فيييه وفرصعت عينها : لا ياعمي مابى اشوفو الله يخليييك
حط يدو على يدها : اسمعيني يابنتي لاتخافي طول ماأنا جمببك ابوكي ماحيدري عن اي حاجه
راما شويا وتبكي : برضو ماقدر اشوفو والله ماقدر
ابو اسامه : شوفي اللي سار محد حيدري فييه غير انا واسامه ..ابوكي جاي لهنا عشان اتكلم معاه بهدوء عن
الموضوع
راما : اي موضوع
ابو اسامه : مو قالو انك حتنخطبي لولد عمك
راما تبااه بس دحين وهيا بدي الحاله : ممااقدر والله حيقووول لبابا ولأهلي كلهم حيقتلووني _ رجعت تبكككي _
ابو اسامه على صوتوو : راماا خلاااص بطللي كل بعد شوويا تقوومي تبكيلي وكأنك صغيره انا هنا محد يقدر
يلمس شعره منك
راما تمسح دموعها بس شهقاتها ماوقفت : انا تعبااانه حس فياا ياعممي اللي بيسرلي مو قدي ما
ابو اسامه قاطعها : علشان كدا بقولك لاتخافي ابوكي حيجي هنا انا حجزلتو رحله وبالقوه رضي يجي وحقولو انو
اسامه يبى يتقدملك هوا صح حيعصب ويرفض بس لو شافك انتي واسامه متمسكين برايكم وانا الح عليه ان شالله
حيكون خير
راما ماستوعبت : ايششش
ابو اسامه : شوفي يابنتي انا عارف انو اسامه بنسبه لكي زي اخوكي بس احنا اللي نباه الستر وبس لو حتى
لشهر زواج وبعدين يطلقك انا جايبك لهنا ومايرضيني ارجعك والناس تهرج فيكي بالبطال
راما عيونها كلها دموع قالت بتلكلك : بـ بس اسـ
ابو اسامه قاطعها : لاتقولي بس ولا حاجه ابوكي بالعافيه رضي يجي هنا وولدي ماحيخسر شي كل شي على حسابي
هيا ورقــه حتسير بينكم وقدام الكل عاد انتو اتصرفو زي ماتبــو ماحكون مقصر معاكم بشي
راما ساكتــه مبكوومـــه
ابو اسامه : ولو على دراستك انتي وهوا حتكملوها عادي هنــآ قدكم بنفس الجامعه وماحيسير لأحد عليكم كلمه
يهرج فييكم
راما : بس انا ولد عمي يباني حتسير مشااكل
ابو اسامه حط يدو على صدرو : وكلها انا حتحملها انتي مابى منك ولا حاااجه زي مادخلتي بدي المشكله بسبب
اسامه للي استأجرلك شقــه باأخر الدنيا انا مستعد اصلح غلطوو انتي زي بنتي مايرضيني احد يهرج فيكي
راما بلعت ريقهاا ونفففسها تببكي
مارسمت احلامها مع اسامها
ماتوقعت كدا نهايتها
هيا راضيه بكلام ابو اسامه طبعااا ولا تنفضضح وتسير فضيحتها بالجلاجل
يستر عليهااا ولو لفتره وبعدها تطلب الطلاق وكل واحد يروح بطريقــو
مو صعبــه
بس اسامه خلقه يكره اعمامو ودحين هما كمان حيحقدو عليه
ماحتفكر من دي الناحيه طبعا
تبى تفكر بنفسسها وبــس
عمها سار يهرج ويهرج وهيا خلاص مو معاه
سابها وخررج من الغرفــه
وهيا رجعت انسدحت وتبــكي
ماتدري تبكي على اللي سرلهاا بسبب الشباب اللي مستحيييييييل تنساااه طوول عمرهاا
ولا تبكي على احلامها اللي راحت برمشــه عين
ولا تبــكي على حبيبها الللي استغنت عنوو مقابل انها تفضــل عايشــه
بلعت ريقــهاا " يااارب سهــلي امري يارب استترني بسترك "
ودخللت بدوااامه بكى لييين مانااامت ...
اما ابو اسامه يتصل على ولدو ولا يــرد عليــه ركب سيـآرتو واتــوجه للشقــه ..
اتوجه لشقتــو .. ودق الجــرس
اسامه فتحلوو وابووه دخل بدون حتى مايقولو اسامه ادخل او على الاقل يرحب فيــه
اسامه قفل الباب وفضل واقف بمكانو يطالع في ابووه
ابوه طالع بكل المكــآن وبعدها بولدو : اتوقع دي الشقــه تكفيك انتا ومرتك ولا تبوني اخدلكم اكبر
اسامه : ماحتناقش في داا الموضوع تاني
ابوه : اخر مرا قلتلك الهرجه مو تخير تتحمل نتجية اخطائك
اسامه : انتاا بتعزبني مو تعاااقبني في فرق بين اتحمل نتجية اخظائي وبين مسئوليه انا مو قدها
ابوه : ليش منتا قدها ناقصك يد ولا رجل ولا ايش بزبببط
اسامه : ابويا افهمني دا زوااج انا ابى اخد وحده انا اباها
ابوه : ماقلتلك اتزوجها طول العمر خدها حق ششهرين 4 7 فتره كددا وبس وطلقهاا مطلقه ولا احد يدري بللي
سرلها هنا ياأسامه
اسامه : برضوو ماحقدر انا مابى اعيش مع وحده انا ماتفق معاها زيك بزبط انتا وامي عزبتوني معاكم ودحين
تبا كمان تزوجني بوحده تطلع عيني على الروحه والجيا
ابوه : راما ايش فيها البنت طيبه و
اسامه قطعو : طيبه على عيني وعلى راسي والف واحد يتمناها بس مو انا ياأبويا
ابوه : اسامه اسمعننني البنت كلمتها ورضيت كل اللي تباه واحد ولد حلال يستر عليها دي الفتره انتا ولد
عمهاا واقل شي تسويه انك تتزوجها
اسامه : ماقدر
ابوه يبى يحاول يقنعو : طيب شووف زواج قدام اهلها ولما ترجعو دبي كل واحد في بيت اخليها عندي مو مشكله
وانتا بشقتك ماحيكون بينكم اي صله
اسامه : واصحابي والجامعه
ابوه : زوجتك في جده هنا محد دااري
اسامه : ايش شغل البزوره دا يعني مافي اوراق تبين انها متزوجه او انا متزوج
ابوه : ليش انتا حتروح توري بطاقتك للرايح والجاي
اسامه سكت
ابوه : شووف انا بجبلك كدا عررض وانتا فككر فيـــهم في النهايه تراك متزوجها متزوجها بس اختار طريقة
الزواج اللي تريحك عشان لاتضغط عليها ولا تضغط عليك
ابوه اتوجه للباب وفتحو وخـــرج ...
واسامه زفر بضيييق وجلس على الكنبـــه سند جسموو عليييهاا
مو ذنبــوو انو هوا اساسا مايفكر بزواج
كره طفولتــو من كتر ماتعقد بين امو وابــوه
كان شايل فكرة الزواج خير شر
ودحين ادبــس
غمض عينــو
وهوا يفكر بكلام ابووه
في النهايه هيا مظلومه
ماحيخسر شي لو ستــر عليــها
كلها كم شــهر وكل واحد يروح بطريـــقه
خلل يدو بشعرو ونزلها لنهاية رقبتــوو
اتذكـر شكلها لما كانت تبــكي
يحسها هبله بعض الاحيان المشاكل مايدري من فين تجيها من كل جهه
ايوا يخليها في بيت ابووه ويرتاح من مشاكلها
دا الحل الاخير اللي اتوصفلــو ..
تلوثات من مصنع القلب
كالعاده تجعــهم في بيــتها .. قامت بردة فعل سريــعه من على السرير .
: اثيــر تراكي جننتيني مازن مازن مازن خرجييه من راااسك
اثيـر : طيب انا حخرجو بس انتي شوفتيه كيف ديك المرا كلمني
الين : يعني ايش تبي بللهي تسوي هوا دا مازن كدا طبعي اخلاقوو في خشمو دايما
اثيـر : ايوا وانا الهبله اللي بس اتهزأ
الين : بلا عباطه لاتقولي على نفسك كداا
اثيـر قالت بضعف : الين انا مو زيك
الين بكل ثقــه : طيب عارفه انك مو زيي
اثيـر : ابى اكون زيك كداا ماخلي احد يهزأني ويحسسني انو انا غبيـه ولا أخلي مازن يقول عني هبله تاني
مرا
الين : لو تبي تسيري كدا خرجي اول شي مازن من راسك
اثيـر : كيف طيب
الين ماتدري ليش حابه اثيــر كدا مخرجه هتان من راسها ضمت يدها تحت صدرها : اممم اعرفك على اصحاب مازن
اثيـر : ها !
الين ضحكت : والله فكرااا اعررفك على اساممه ايووا اسامه مازن غيوور ترا انا وساامه نزبطك ونخلي مازن يرجع
يحبك وانتي الثقيله ماتبيه يعني
اثيـر ابتسمت بخوف : مافهمت شي
الين : اوووف منك _ جلست جمبها _ تبي مازن يرجعلك
اثيـر : لا ماباه
الين ضربتها على يدها : هبله انتي ماتعرفي دا وللد مييين مية وحده تتمناع قال ماتبيه غبيه وربي
اثيـر : انا مابى يقول عني هبله ولا غبيه
الين : مو عشان كدا حعدل شخصيتك الهبله دي ترا مازن مايجيبو غير البنت التقيله واللي بنفس الوقت بريئه
انتي بريئه بس يبالك تتعلمي التقل شويتين
الين وقفففت : واا اخيراا في شي اسووويه واستمتع فيييه
اثيـر حاسه الين مرا متحمســه : كيف تغيريني
الين : شوفي اول شي اتعلميــه اسئله كتير بعدي عنها وبذات مع اي ولد لاتحسسيه انك جاهله كيف وليش ومتى
دي ابعدي عنها نهائيا بذات مع مازن لأنو مازن ممكن يستمتع على راسك ويخرف عليكي ترا ماينعطي دا الولد
وجه
اثيـر : لا هوا دايما يقولي كل حاجه
الين : كلو تخريط بتخريط انا اعرفو تربيتي دا المهم خلينا في موضوعنا
اثيـر : طيب !
الين : انا ملاحظه ليكي ماتخرجي بشنطه نهائيا
اثيـر : ماحبها ماعندي شي احطو فيها
الين : عشششنك غبيه ولو انها فاضيه تشيلي شنطه وغير دا كلو لو انك تتعلمي كيف تحطي ميك اب عدل حتعرفي
ليش تشيلي شنطه
اثيـر : اعرف اسوي مكياج
الين : لا ياشيخه
اثيـر : ايوووا
الين طالعت بعلب المكيااج اللي على تسريحتها جات لحد اثيــر مسكت يدها : تعاالي
اثيــر قامت
واليين جابتها لعند التسريــحه وبدأت تخرجلها شي شي وتقولها دا لإيش وكيف تسويـــه
اعطتها مسكرا وفي يد الين برضو مسكــراا : يلا سووي زيي
الين جات لعند المرآيـــه وسارت تســـوي لرموشهاا
اثيـر قربت للمرايــه وفتحت فمها وهيا تسووي
الين خبطت ذقن اثيـر بيدها : قفلللي فمك
اثيـر قفلت فمها وتطالع بنص عين في اليــن
واستمرو على كدا عشــره دقــآيق وبعدها سدحتها الين على الكرسي لطويــل وقعدت تسووي لها ميك اب
لما اثيــر خلصت طالعت في نفسها بالمرايــه : واا لا م
الين قاطعتها : اووص ياهبله والله شكلك يجنن
اثير : ايوا حلو بس ماسويت قبل كدا
الين : عشان كدا اتعلمي دايما كدا تسوي مو اوفر ولا كأنك مو مسويا شي
اثيـر : طيب وبعدين
الين : وبعدين يااستي حنروح عند صحبتي رودينا وشادن اباكي تشووفي كيف احنا عشان تعرفي مازن على ايش
متربي
اثيـر : دحين ماقدر لازم ارجع البيت
الين : طبعا مو دحين خليها بكرا تجي عندي بدري ونخرج _ طالعت بساعتها _ السواق تحت اصلا يستنى من اول
اثيـر اخدت جوالها : ايوا مرا اتأخرت
نزلو الاتنين والين وهما بالحديقه قربت من اثيــر : شوفي اللي عند البوابه دا هتان
اثيـر : مو شايفتو عدددل
الين : اركبي السياره خلاص مرا تانيــه
اثيـر ركبت السيــآره ولما جات عند البوابه هتـآن كان بعالم تاني ولا فتحها ولا حاجـه اليين راحت لعنده
: هييي
هتان طالع فيــها وبعدها بسياره قام فتح البوآبــه ورجع جلس على الكرسي
الين استصابت اشرتلو : حتقفلها يعني ولا ايش تستنى
هتـآاان قام قفلها بدون اي كلمــه
الين حاولت تقول اللي عندها بس بدون ماتسوي نفسها مهتمه : والحمدالله على سلامه ابوك
هتان طالع فيها : ايش
الين : الحمدالله على سلامة ابووك !!
هتان : اها الله يسسلمك
الين بشك : في شي ساير
هتان : لا
الين اتوقعت سار شي لأبوه الفضول طبعا كعادتها زاد عندها : ابوك فيه حاجه _ شهقت _ لايكون مات
هتان فرصع عينو وقال بردة فعل سريعه : لا بسسم الله عليه الله يطولي بعمرو
الين حركت اكتفاها بدون اهتمام : حسبت
هتان سكت ثواني ولما شافها لساتها واقفه قال : رنيم سابتني
ماقدر يقول انا سبتها لأنو هوا كان متمسك فيها
بس هيا سابتو لأنه حسها مالت لغيرو بالعربي الفصيح " خانتو "
الين الشي الوحيد اللي كان موقفها لأنه بتعدل الشوز طالعت فيــه
نسيت ايش قال عنها ديك المرا مو عشان شي
بس اتعاطفت معاه لأنو تعرف قد ايش يحبــها : مو هيا تحبك
هتان : سافرت ونسيت
الين : من سفره !
هتان زفر بضيــق وهيا حست بلمعه بعينو حستو ماسك نفسو لايبكي
الين : طيب حاول تكلمها
هتان : هيا حاولت نتكلم بس مستحيل
الين : يعني هيا لو كلمتها ممكن ترجعو بعض !
هتان : ايووا حنرجع
الين : اجججل ايش تبى اكتر ممن كدا لاتسوي درامات
هتان : حرجع معاها بس ماحكون زي اول
الين : مع الايام حترجع زي اول
هتان : لا اعرف نفسي مستحيل يرجع الوضع طبيعي انا مقهور بس لأني مقدر اسامحها ومقهور لأنو في شخص قدر
يبسطها غيري
الين : في تركيا سار دا
هتان : ايوا شكلها تشتغل عندو او حاجه بس خلي يزن ينفعها
الين : اسمو يزن !!
هتان : ايوا
الين : اتعرفت عليه لما كانت بتركيــآ !!!!
هتان : هما سافرو مع بعض دا اللي اعرفو
الولد دايما مايقدر يفضفض بدي المواضيع غير لبــنت
مايقدر يهرج بشي عن رنيــم قدام اخوه او اصحابو
عشان لحد يتكلم عنها بالبطااال
بس يعرف الين مالها اي علاقه فيها
استمر كلامهم حق ربــع ســآعه
ولا كأنو شي سار داك اليوم
هيا الفضول قاتلها
وهوا الفضفه مريحتــو
طلعت لغرفتــها مصدوومـــه : معقووله يكوون يزن !! بس هوا قال ماعرفها . او ماي قااد يكون لقاها وشبكها
لالا هتان قال انو سافرو مع بعض صح اصلا ايش بو يزن سافر فجأه وااا مو هوا داك اليوم كان يضحك لما كنت
احكيه عن هتااان وربي انو حقيــر
دخلت غرفتها بتتصل على يزن لقت مكالمات فائتــه من رودينا
اتصلللت عليــــــهاا وصعقت من كلامها
يزن قلها احببك ورجعت المياه لمجاريــها
قفلت من رودينا وهيا مو عارفه راسها من رجلها
انسدحت على السرير : يمكن مايطلع هوا يزن مجرد تشابه اسامي .. ليشششش الدنياا كدا صغيييره لو طللع هواا
حيرججع يزن يلعب على الحبليين يعني وعلى راس رودينا مرا تانيه _ رفعت جسمها من على السرير _ لازم افهم
عددل
صح انها مع رودينا بس رودينا متسرعه بقرارتها عشان كدا حتفهم كل شي من يززن ..
تلوثات من مصنع القلب
خلصوو من الاجرآئــآت واول خطووه لإيااد ســآرت ..
استأجر الدور الاول
في وسط البيت الفــآضي من اي اثــآث واقفــه معاه : خد دي المفاتيــح
اياد :وماعندك نسخ تانيه ؟
لانا : ههههه الا طبــعا بس مدري فينها
اياد : يلا مو مشكله خليها عندك
لانا : لو لقيتها حعطيك هيا
اياد : اوك
لانا : وفين اغراضك
اياد : ههههههه لسى حروح اشتري
لانا : اهااا ماشالله
اياد : هيلب مي
لانا : ههههههههههه دحين مرا صعبه بروح ازاكر لليان بس لو في شي معين ماتفهمو وتبى رايي فيي اللي بيننا درج
اياد ابتســم : اووك ياستــي حجننك
لانا : هههههههه لاتوولف ترا اقدر اطردك
اياد : ايوووا بديناا بالمذله ترااني بدفععع
لانا ابتسمت : يلا انا استأزن
اياد : اووك وانا كمان ماااشي بجيب اغرااضي
لانا : اووك اشوفك على خيــر
اياد : باي ..
لانا طلعت لبيــتها وحست نفســها مخنوقـــه اجرت البيت نفســها تبــكي بس كالعاده ماسكه نفســهاا
بلعت ريقها وهيا تبلع الف غصه معاها
مسكت جوالها ولقت رســآله من مرت عمــها .. شالت شنطتــها واتوجهت للمطـآر اكيد دحيــن وصــلت ..
دارت علـ بيت لقت الكل نــآيم .. والشغاله كالعاده مع النونو اللي لانا ماتدري عنها حااجه ..
خرجت ركبت سيـآرتها وراحت
واياد كان لساتو بسيـآرتــه : دي اللي تبى تزاكر لليان
مو عارف ايش يسوي يروح للبيت ولا كيف بزبط ياخد ملابســه
اتصــل على نـآدر منقذو الوحيـــد يستنجد فيــه ..
اياد : اهليــن نادر
نادر : يوااد انتاا فييينك
اياد : موجود ابى خدمه منك ك
نادر : ايش فيي
اياد : حتلاقي وسط الدولاب الاول شنطتين خرجهم وعبي كل ملابسي واغراضي
واطلب من الشغالات شنط ولا اي حاجه لم كل شي بغرفتي
نادر : ليششش على فيين
اياد : استأجرتلي شقه
نادر : طيب بعد ساعه كدا اجيك
اياد بتردد : كيفها امي
نادر: زفت طبعا
اياد سكت
نادر : مافي اي مبرر للي سويتو
اياد : لا
نادر : اياد لو سويت كدا عشان سبب معين على الاقل وضحلها هيا مفجوعه منك ومصدومه من خبر الطلاق ضربتين والله على الراس توجع
اياد : خلاص يانادر كلامي ماحيغير شي بالعكس حيطين الموضوع زياده
نادر : على الاقل دافع عن نفسك انا عارف انو مستحيل تسوي زي كدا بدون سبب معين في راسك
اياد زفر : خلينا من دا الموضوع دحيــن
نادر : حتفضل تتهرب تتهرب مدري لمتــى ترا لو عشت كل الناس حتفهمك غلط اياد ماحتلاقي اي احد يفهمك بسبب تصرفاتك دي صدقني بتضيع نفسسسك وتهدم كل علاقاتك
اياد : نادر خلاص ترا مو ناقص حااجه سوي اللي قلتلك عليه ودا اللي اباه
نادر : براحتــك
اياد : وفي خبر عن اهلك
نادر : خبر ايششش
اياد : انتا تعال وبعدين نتفااهم
نادر : طيب قووولي دحين
اياد : لا اخاف ماترتب اغراضي خلاص خلاص حقفللل _ قفلل بدون مايسمع اي شي من نادر _
ونااادر قاام من مكانو وساار يلم اغرااضوو بســرعه .. | |
|
| | |
Aliaks
☆☆☆☆☆
مسـآهمـآتـﮯ.. : 11456
تقيـمآتـﮯ.. : 1082
مخـآإلفـآتــﮯ :
чσuя sмs » : سُبحًـان الله 3>
| | موضوع: رد: رواية اشتعال السحب / بقلمي الخميس 03 نوفمبر 2011, 03:10 | |
| تعليقي :
باررررررررت يححححزن مرره
رغغد الله يرحمممهآ .. معنو كان نفسي ماتممموت
أحححححححححححححححححححححححلى مقطع وقفتي عنده حق رنيم ويزن ونزار
آه إنقهررررررررت والله مقطع حمآسسسسسسسسي آخخر شي
نزآآر وسيدو وسههآد ضضحكوني مررره ^^
سآري فرحححتله يَ نننآسس
إلين نفسسي تسيب أثير فحححححآلههآ
شآدنن مالهآ حسسس . . !
ان شششاء الله الربوع الجآي البارت 22 يآرررب =( | |
|
| | |
SHATHA
مسـآهمـآتـﮯ.. : 2918
تقيـمآتـﮯ.. : 325
مخـآإلفـآتــﮯ :
чσuя sмs » : لبـآ كـل نفرـةة بالمنتـدى
| | موضوع: رد: رواية اشتعال السحب / بقلمي الخميس 03 نوفمبر 2011, 13:10 | |
| | |
|
| | |
بنت امها
مشرفـة ĸiтcнeи шиαsα |
مسـآهمـآتـﮯ.. : 3173
تقيـمآتـﮯ.. : 141
مخـآإلفـآتــﮯ :
чσuя sмs » :
| | موضوع: رد: رواية اشتعال السحب / بقلمي الجمعة 04 نوفمبر 2011, 19:24 | |
| القصص كل مالها تتعقد
رنيم والله تحزززن بس ان شاء الله يرجع لها هتان
ويزن يروح لرودينا
مو مطمنه من اياد والبيت لي اجره
اسامه وراما حال صعبه
نادر ايش صاار على اهله
مبروك لساري
بانتظار البارت الجديد | |
|
| | |
دمعهةة إششتيـآق
مسـآهمـآتـﮯ.. : 1277
تقيـمآتـﮯ.. : 116
مخـآإلفـآتــﮯ :
| | موضوع: رد: رواية اشتعال السحب / بقلمي الأحد 06 نوفمبر 2011, 05:34 | |
| يَ لبببببببببييييييييييييييييييهةةة
بـآرت خطنطـر
فدييتك علش عَ النقـل يَ قممـر
آند يسسلمو دعدووعـآ عَ البــآرتت
اسستنـي يييز و نزآر ورنييـم وايش صصَـآر لهمم ..!!
آند انتهيـت
وددـــي
دنووشـآ <<يَ فديتني بث | |
|
| | |
أميرة البنات
مشرفة « вløgs | diαяy »
مسـآهمـآتـﮯ.. : 1425
تقيـمآتـﮯ.. : 132
مخـآإلفـآتــﮯ :
чσuя sмs » : أح’ـب المـككـ’ـاأإآن الـ’ذي أجـ’د نفسـ’ي فيـ’ه وقـ’ت حزنـ’ي
{منتديات ونآسة بنات}
أح’بككـ’م بنوتـ’ـاأإآتْ
| | موضوع: رد: رواية اشتعال السحب / بقلمي الثلاثاء 08 نوفمبر 2011, 09:58 | |
| وآأإآأإآأإآأإآأإآأإآأإآأإآأإآأإآأآإأآإآأإآو
أولنـ / مشكوؤورهـ علششـ عـ تنزيللـ الباآرتتـ
مرررهـ باآرتتـ خطنطرر
و مررهـ إنقهرتتـ إنو رغد إنتحرتتـ
و كماآنـ متحمسهـ معـ الباآرتـ الجديد
و ياآ ربـ روؤوديناآ تفكناآ و تبعد عنـ يزننـ
و بسسـ
نستنىـ الباآرتتـ بفاآرغغـ الصبرر | |
|
| | |
دمعهةة إششتيـآق
مسـآهمـآتـﮯ.. : 1277
تقيـمآتـﮯ.. : 116
مخـآإلفـآتــﮯ :
| | موضوع: رد: رواية اشتعال السحب / بقلمي الخميس 10 نوفمبر 2011, 07:01 | |
| ششـيكت لكم عَ منتدى كـآي مَ لقيتهـآ منزلهةة بـآرت
><
انششالله تنزلهةة | |
|
| | |
أميرة البنات
مشرفة « вløgs | diαяy »
مسـآهمـآتـﮯ.. : 1425
تقيـمآتـﮯ.. : 132
مخـآإلفـآتــﮯ :
чσuя sмs » : أح’ـب المـككـ’ـاأإآن الـ’ذي أجـ’د نفسـ’ي فيـ’ه وقـ’ت حزنـ’ي
{منتديات ونآسة بنات}
أح’بككـ’م بنوتـ’ـاأإآتْ
| | موضوع: رد: رواية اشتعال السحب / بقلمي الخميس 10 نوفمبر 2011, 07:07 | |
| إنـ شاآء اللهـ
و مشكوؤورهـ عـ التشييكـ قلبوؤوشتيـ
| |
|
| | |
دمعهةة إششتيـآق
مسـآهمـآتـﮯ.. : 1277
تقيـمآتـﮯ.. : 116
مخـآإلفـآتــﮯ :
| | موضوع: رد: رواية اشتعال السحب / بقلمي الخميس 10 نوفمبر 2011, 07:18 | |
| العفوو مَ سسويـت ششـي يَ قممـر | |
|
| | |
دمعهةة إششتيـآق
مسـآهمـآتـﮯ.. : 1277
تقيـمآتـﮯ.. : 116
مخـآإلفـآتــﮯ :
| | موضوع: رد: رواية اشتعال السحب / بقلمي الأربعاء 16 نوفمبر 2011, 22:10 | |
| السلام عليـــكم ...
وحشتووني مرااا [ندعوك للتسجيل في المنتدى أو التعريف بنفسك لمعاينة هذه الصورة]
قبل لاأنزلكم البارت بقولكم اني وصلت لنفس المرحله اللي وصلتها بروايتي الاولى
واللي هيا بارت عن شخصيات معينـــه ..
دا البارت حيكون محصور عن 6 اشخــآص
واللي بعدو برضو 6 اشخاص
واللي بعدو 6 اشخــآص
عشـــآن الاحداااث يعنــي [ندعوك للتسجيل في المنتدى أو التعريف بنفسك لمعاينة هذه الصورة]
دا البارت عن السداسي " يزن نادر اياد ورودينا ورنيم ولانا " ...
وانتو اقترحو عليا البارت الـ 23 تبووه عن ميـــن وانا حكــتب ..
في دا البارت دخلت اكتتتر في العلاقات بطورها بزيد احداث وتعقيدات
ولو كنت بتكلم عن شخصيه شخصيه في كل بــآرت حوصل برضو لتلاتين وانا مو مخلصــه
عشان بنسبه ليا لازم دي الفصول تكون محصوره على شخصيات معيـــنه ..[ندعوك للتسجيل في المنتدى أو التعريف بنفسك لمعاينة هذه الصورة]
البارت الـ 22
صووت الاغاني عالي المكــآن
قلب ممتلي غيره
والتاني حيــره
والتالت كل همه لاينخرب الموضوع ..
تطــآلع في اللي قريــب منها وبعدها بللي واقف في بدايه القــآعه
فــرقت بينهم
مو فرقــت بزبط بس تعرف انو اللي بعيــد هوا اللي سافر معاها
عيونها هيا اللي تتكلم بدا الموقــف
الصمممت سيد الموقــف
نزااار فكر وحس انو مالو داعي يقولها داك يزززن ويمشي وكأنو الوضع عادي يعني .. قفل الاغاني
الا يزززن جاا لعند رنيـم : تعالي ابى اتفاهم معاكي
رنيم بعدت خطوه عنو وبرضو مو قادره تقول اي حــرف
نزار اشر ليزن انو يخررج بلاش يخبص الموضوع
نزار : رنيـم دا اخويـآ _ كان يبى ينبه يزن فقال _ اول مرا تتقابلو
يزن مو ناقص لحوســه مخ اللي ساير في علاقته مع رودينا ورنيــم تكفــي كان بيهرج الا
رنيم سبقتو وقالت وهيا مذهوله : لا مو اول مرا
صوته عطره نظراته خلتها تعرف انو دا اللي سافر معاها
يزن : نزاار خليني افهمها
نزار : يزن اهججد
رنيـم استوعبت انو كل واحد اســـم ..!
يزن وقف قبال رنيـم بزبط : اسمعيني كدا مرا كنت حقولك والله
رنيم تحس مشاعرها متلخبطه
صدمه
فجعه
محتاره
مستغربه
كل شي اتلمى في بعضو
يزن كمل : بس خووفت انك تزعلي مني
نزار مو عارف ليششش يزن بيفتح دي المقدمه كلها لوحده هوا بالقوه رضي يسافر معاها
رنيـم مكتووومه تحاول تفتح فمها بعدين يضيع الكلام منها وترجع تسسسكت
يزن اشر على نفسو : انا يزن انا اللي سافرت معاكي اول مرا شوفتك بالمطار واللي كان قبلها معاكي ويعلمك الرقص دا اخويا نزار ..ماليا في الرقص بس انو كان عندي اعلان بتركيا فانزار قلي اخدك معايا ولو قلك الحقيقه احتمال ماكان جيتي وهوا مصمم انك تروحي دي كل الحكايه
رنيـم اتجمعت دمموعها بعينها حست انها هبله انضحك عليها
يزن مد يدو الا هيا بعدت : لاتللمسسسني
نزار : رنيـم ترا مايستاهل دا كلوو
رنيـم دارت عليه : انتا اخر واحد تهرررج _ رجعت طالعت في يزن وقالت بقهر _ كنت تضضحك عليا دي الفتره كلها
يزن : ماضحكت عليكي بشي وربي ماكزبت عليكي ولا بحررف
نزار مقهور من يزن لأنو عاملها حساب زياده عن اللزوم وكمان بيحلفلها : يزن انتهينا خلاص لو
يزن : نزاار خلييك على جنب _ رجع كلم رنيـم _
رنيـم : انا حتى مو عارفه مع مين اتكلمت فيكم خليتوني بينكم زي الهبله تلعبوو فيا على كيفكم
يزن : هوا دا الشي الوحيد اللي خبيتو عليكي
رنيـم كانت بتمشي الا يزن وقف قبالها : اسمعيني
رنيـم : ابببعد عن طريقي يا _ سكتت مو عارفه تقول اي اسم _
يزن : خليني اكلمك ماحتمشي من هنا وانتي مو عارفه ولا فاهمه شي
رنيـم بعصبيه : الا فهمت اللي يكفيني
يزن مسك يدها : انتي اتعرفتي عليا اكتر بتركيا وانا اتعرفت عليكي هناك فين المشكله بالموضوع
رنيم حاولت تسحب يدها بس ماقدرت : المششكككله انو انا كنت هبله طووول دي الفتره
يزن : مالعبنا عليكي بشي انتي عارفه كل شي سويتيه معايا وعارفه كل كلمه قلتيها لنزار
رنيـم : يزن خليني امشي من هنا
يزن : دامك عارفه انا يزن ليش معصبه
رنيـم : ماحب احد يحسسني اني غبيه ويتلعب عليا كان قلتوولي طيب مو تستغبووني
يزن : وانا ايش عرفني اني ممكن احبك
رنيم على انها كانت بس بتحاول تسحب يدها بس رخت يدها لما قال دي الكلمه وقالت بدون ماتحس : ولما حبيتني ليش ماجيت قلتلي
نزار صعـــق
سار متنح وبس يسمع كلامهم وهما الاتنين بيهرجو وكأنو مافي غيرهم بالمكــآن ..
يزن : رنيـم ترا رودينا لما حبيتها سنييين اخد مني عشان حبيتها ماتوقعت اني اسافر اسبوع ونص مع وحده وتنسيني عشيرة رودينا كلها .. ماحسبت حساب إني ححبك او اني حستغنى عن اي شي عشانك لما رجعت هنا بديت احس بقيمتك .. جاتني كدا مرا كنت حقولك بس اترددت قلت يمكن نرجع دبي وكل واحد يروح بطريــقو
رنيـم حاولت تسحب يدها هوا بعد دا الكلام طبعا فلتها : ابى اممشي ممكن تبعد من قدامي
اما خــآرج المكـآن اول ماشاف سياره يزن جمب القاعه وقف سيارتو ونــزل
يبى اخووهـ اكتر من اي احــد ..
فتح باب القاعه وهيا خارجه وهوا داخل صدمو في بعــض
رنيــم بس انتبهت للشكل واللبس اللي مغطــى كلوو دم رجعت دخلت القاعه وحطت يدها على فمــها
اما نزار مع الفجعه رما الريمووت من يدوو ويززن اتووجه لماازن على طول ومسسكوو : ماازن ايش فيي
مازن ماكان بيبكي بس من بعد ماامسكو يزن على طول بكــي وحضنوو واشتكالو : رغد ماتت
رنيــم بعيد شوويا عنهم وحاطه يدها على فمها وبتشوفهم التلاته جمب بعض
كللللللللللهم نسسسخ بعض بس اللهم كل واحد ستايل
لكن مو دا اللي صادمهاا
بكاا مازن هوا اللي مخليها واقفــه
نزار واقف جمب مازن : مييين رغغد
يزن : ايشش دا الدم كلوو
مازن ولا بعد عن يزن كان بيشتكي وهوا مرتاح انو بين اخوانو : كنت مابى اشوفها تاني كارهها بس ماتمووت
والله ماباها تمووت
يزن بعد مازن عنو وحط يدو على كتفي : ميين رغد دي
نزار : مااازن اهررج
مازن مو قادر يهرج مو عارف ايش يقول داار كان يبى يمشي بس مسكو يزن : عللىى فين راايح وانتا بدا الشكل
نزار : سيدي وابويا لو شافوك كدا حيفتحو معاك الف باب تحقيق خليك هنا
يزن وجه كلامو لنزار : روح جبلو ملابـس
نزار خرج من القــآعه ويزن سحب مازن وجلســو بالارض
رنيــم كانت تبى تخرج بس انتبهت لأغراضها جمب مازن
اول مع الفجعه كانت حتخرج وماتشيلها معاها
قربت و قالت تاخد اغراضها وتمشي
يزن بدي يتوتر ويعصب : ماازن على الاقل فهمني ايش ساااير
رنيم اتنرفزت من اسلوب يزن معا مازن باينه الحكايه كلها
ماطاوعها قلبها تخرج كدا
ولا قدرت تاخد اغراضها
نزلت جسمها لمستوى مازن وسارت قباله قالت بشويش : كنت تحبــها ؟
يزن طالع برنيـم وبعدها باأخوه اللي على طول حط يدو على جبينو وغطى عينو ورجـع يبكي
يزن كل اللي يبى يفهمو : طيب انتا لك صلاح بموتها
مازن قال بقهر : بسببي كلوو
يزن بس سمع دي الكلمه على بالو هو سوا شي للبنت زي حكايتو مع حاتم
وقف على طول وخلل يده بشعره : دي نهاية مجانتك
رنيم بصرامه : يززن اسكتت _ رجعت تكلم مازن _ طيب فهمني سرلها حادث سياره
مازن حرك راسو بنفي
يزن : بيقوول بسببو ايش دخل السياره دحيين
رنيم : يزززن بقولك خليك بححالك
يزن سار رايح جاي بالمكان وهوا حاسس نفسو مخنوق اصلا يكفي انو اخوه يبكي دي لوحدها بنسبه له تخنقــه
رنيم حست مازن مرااا مو قادر يهرج مع احد ويزن يباه يهرررج ويحكيــه كيف ماتت
قامت من مكانها وراحت ليزن وهمستلو : خلاااص انتا مو شايف كيف اخووك
يزن : كلنا رايحيين فيها بيقولك ماتت بسببو انتي مستوعبه
رنيم : بسببو ولا مو بسببو خف عليه طاالع كييف شكلو وانتا كمان بتزيد عليه هدي نفسك
يزن همسلها : داا مازن عارفه ايش يعني مازن ماقدر اشوفو كدا واهددي نفسسي ياإني حخرج من المكان او حفضلل كداا
رنيـمم : فين تخرج حرام عليك خليك عندو
دخل نزار القـآعه وفي يدو ملابــس واتوجه نزار ويزن لمازن حاولو يكلموه
يطلبو منو يغير
بس ولاهوااا
لابيرد ولابيتخاطب معاهم
يزن قااام وخررج من القاعه بعد ماقفل الباب وراه بعصبيــه
رنيــم ماتدري تروح بعد اللي سار بينها وبين يزن كمان تروح تلحقــه
اتذكرت ايام ماكان يحكيها عن علاقته بماازن ..
ماطاوعها قلبـها تسيبـه
الحب يمكن اغبى احساس لأنو بيتغاااضى عن اشيااااااء كتيــــر حتى لو كانت تجررح
مازن حب وخانتو بس لما شافها بين يدها بتمووت نسي في لحظتها انها خانته وجرحتو
رنيــم حبت وكدب عليها وعشانو مقهور ومخنووق اتغاضت عن كدبــو وخــرجت وراهـ
يزن كان بيفتح باب السياره بس رجع قفلــها وسند جسمو على السياره
هيا خرجت ووقفت قبـآلو : اخوك جوا مقطع نفسو بكا وانتا هنا
يزن : لما يهدى حروحلو
رنيم : لكن لو
يزن قاطعها : رنييم ترا ماحقدر ادخل وانا كدا هوا عارف نفسو وانا عارف نفسي خلاص
رنيم ماحبت تدخل اكتر من كدا : اوك
مرررت لحظــه صمت بينهم طوويله وبعدها رنيم قالت : انا رايحه
يزن يردة فعل سريعه: دقيقه بقولك شي
رنيم طالعت فيه ورفعت حاجبها : ايش في
يزن بتردد : لا خلاص خليها في وقت تاني
رنيم ضمت يدها تحت صدرها : يزن لو فــي شي تاني مخبيه عليا قولي هوا دحين قبل لاأعرفو بعدين بنفسي
يزن : ترا ماتوقعتك تعصبي دا كلو عشان خبيت عليكي
رنيـم اشرت على نفسها بكل برود : ليش انا دحين معصبه ! ترااك ماتعرفني لما اعصب انا لدحين ماسكه اعصااابي
يزن انفجع دا وهيا ملامحها كلها تدل على العصبيه اجل لو عصبت ايش تسووي : اهاا ... تعرفي امس بعد المطعم
رنيم : ايوا روحت عند امك ؟
يزن: ايوا وانتي
رنيـم : روحت اهرج مع هتان
يزن : وانا بعدها روحت هرج مع رودينا
رنيم بان في وجهها التفاجئ لانت ملامحها لاشعوريا : ايوا ؟
يزن : اول شي ايش سار مع هتان لإيش اتوصلتو
رنيـم : حطينا النقاط على الحروف بس
يزن : وضحي اكتر
رنيم : انهينا العلاقه
يزن : لا مو من جدك _ لاشعوووريا ابتسسسسامه جات على وجههو وهوا بعز ضيقتو _
رنيم ماحبت الابتسامه بس رفعت حاجبها وهوا
حاول يخفف الابتسامه وحماسوو : قصدي بينكم فتره طويله
رنيم : خلاص كدا احسن المهم انتا ايش سويت مع رودينا
يزن اختفت الابتسامه من وجههو
رنيم حست باانو سوا شي اهبل : ايش سار ؟
يزن بعد جسمو من السياره وحك رقبتو بتوتر وقال : ولاشي
رنيم : ايش ولاشي دي
يزن : هرجنا في الموضوع _ مايبى يضيع رنيم من يدو ويقولها سوا شي اهبل كمان _ مجرد اصحاب
رنيم اطمنت بس مابينت في ملامح وجهها اي شي بالعكس كأنها مو مهتمه : اهاا
ضاع الكلام بينــهم
فتره صمت مرت عليــهم
كل واحد مطمن من جواته انهم لبعــض
بس بنفس الوقت كل واحد خايف من شي
رنيم خوفها من هتان اللي سابها بكل هدوء
ويزن خوفو من ردو واعترافو لرودينا لأنو ماقدر يكسر في نفسها
رنيم : امم ابى ادخل اخد اغراضي من جوا
يزن : مو انتي تنامي هنا
رنيم : ماليا نفس اشوفك بدي اليومين
يزن انفجع من ردها : وتديني هيا كدا بالوجه
رنيم : اجل حخبي عليك
يزن : رنيم والله اسف ماكان ققصدي اخبي عليكي
رنيم ضمت يدها تحت صدرها : حصل خير
يزن : بس ؟
رنيم : ايش تباني اسوي يعني ليا ساعه ساكته بحاول استوعب مين فيكم قلتلو ديك الكلمه ومين ضحكت معاه ومي
يزن قاطعها : علاقة نزار معاكي كانت سطحيه وانا قلتلك اول مرا قابلتك يوم المطار ومن هناك بدأنا نعرف بعض اكتر
رنيم : يعني ماقد كلمتني ولا مرا قبل المطار
يزن : امم الا مرا وحده جيتي عند الشاليهات ورميتي عليا كيس مدري ايش يطلع
رنيم : داك انتا !
يزن : ايووا
رنيم : والكيس ؟
يزن : حق مازن
رنيم : هيا خدلللك انا كت ضايعه بينكم التلاته يعني
يزن : اظن لأنو مازن قد مرا برضو كلمك
رنيم : انتا على بالك كدا بتهديني يعني
يزن : مابى اخبي عليكي شي ازا صارحتك تكرنتي وازا خبيت عليكي برضو حتعرفي بعدين وحتعصبي لأني ماقلتلك
رنيم سكتت
يزن : ترا كل اللي اباه منك انو ماتزعلي مني
قالها كدا بدون مايحس بنفسو
عمرو ماطلب بدا الذل دا لطلب
رودينا كانت ترضى بسرعه
اما رنيم يخاف من ردات فعلها عشان كدا طلب انها ماتزعل واتأسفلها كدا مرا لأنو مايعرف هيا باإيش تفكر حاليا
رنيم : لو انا سويتلك نفس الحركه و
يزن قاطعها : بما اني احبك حسامحك .. ماباكي تروحي خليكي هنا بالقاعه بلاشي تهجولي نفسك بسببي
رنيم ساكته
يزن : يعني حطولي كدا
رنيم : بفكر
يزن : باإيش !
رنيم : ازعل ولا مازعل
يزن كشر : لا ياشيخه
رنيم ابتسمت غصبا عنها : يحقلي
يزن : بدينا بشغل الدلع دا
رنيم : مابدلع بس دا ابسط شي اسويه
يزن : مشكلتك تفكري كتير لو انك تاخدي المواضيع ببسساطه كان ماسويتي دا كلو
رنيم : انا اتربيت على اني احلل كل شي وافكر الف مرا عشان لاينضحك عليا
يزن : شوفي تبي تزعلي يحقلك انا غلطت بنهايه لأنو ماقلتلك من البدايه بس اهم شي تبقي بالقاعه
رنيم انبسطت من ردو ضحكت وقالت : أهو انتا قلتلي ازعل _ مشيت الا هوا جا عندها وفجعها لما وقف قبالها على طول اختفت الابتسامه من وجهها وقالت بخوف _ قصدي خلاص مو زعلانه
يزن طالع فيها بنص عين : ايووا كدا
رنيم حابه شعور انو يزن يفرض كلمتو عليها بنظره
مو ذنبها انها ماتقدر تحس دا الشي مع هتان
مو ذنبها لما هتان يوقف بدي الطريقه قدامها قلبها مايدق
مو ذنبها دا كلـــو
بتحس باأشياء مع يزن غيـــــــــــــــر بكتتتتير عن هتــآن
ودا مو غلطــها .. " قلبها المسؤول "
رنيم رجعت خطوى على ورا : خلاص لاتقرب كدا
يزن مسك يدها : تعالي ندخل جوا
رنيم بخوف : لا لا اخووانك بل
يزن قاطعها : اتعودي عليهم
دخلــو جوا القـآعه
وكان نزار ومازن جالسين جمب بعــض وطبـعا ولا يهرجو ولا حـآجه
رنيم قربت من يزن : مراا كأنهم واحد
يزن رفعلها حاجبو : اهم شي تفرقيني بينهم
رنيم : لو ركزت اقدر اطلعك بينهم
يزن : كويسس خلاص مالك اي عزر من دي الناحيه بعد كدا
وقفو رنيم ويزن قبـآل نزار ومازن الي جالسيــن ونزار كاسي على وجهه الملل
ومازن بعالم تاني
نزار طالع بيد رنيم اللي بين يد اخوه
ورنيم لما حست بنظراته سحبت يدها
يزن جلس قبال مازن : بتهرج ولا لســآ
ماززن معقد حوآجبــه
كل ملامح القهر الجرح العتب طاغيه على وجهه : ماليا نفس دحين
نزار طالع برنيم : اجلسي
كانت لوحدها واقفه حست غلط بينهم كدا تجلسسس
يزن طل برنيم ورفع يدو وسحبها جمبو تجلسسس : ااي بشويش
يزن : عارفك حتفضلي متنحه وساعه عشان تستوعبي وتجلسي _ رجع طالع في مازن _ عادي اهرج
مازن ولا اتكلم
نزار : مازن ليا ساااعه قاعد جمبك وبحاول افهم شي واحد منك مو قادر
يزن : دحين دي رغد كنت تحبها
مازن بلع ريقه حس بغصه لما سمع اسمها وحرك راسه بالإيجاب
يزن : طيب كيف ماتت ؟
رنيم مرا حزنانه على مازن اخوانه بيستجوبوه عشان يبو يفهمو القصه ويرتاحو وهوا مو قادر اصلا يهرج فيها
يزن لما مالقى اي تجاوب : قولي بس كيف ماتت
مازن بلل شفايفه بلسانه ونطق بصوت مخنوق : انتحرت
الكــل بان في وجهه الدهشـــه ..
نزار بتردد : وانتا كنت معاها
مازن حرك راسو بنفي ورجعة الدموع تتجمع بعينو : روحت بيتها لقيت الباب مفتوح دخلت وشوفتها _ خانو صوتو وماقدر يهرج اي كلمه تانيه رجع رفع اياديه على جبينو ويغطي فيها عينو _
عل انو من اول ساكت بس لما رجع حكاهم رجع يبــكي
نزار : لاحول ولا قوة الا بلله
يزن حط يدو على رجل مازن وزفر بضيـق : الله يرحمها بس
رنيم : هيا كانت تبى دا الشي
نزار ويزن طالعو فيـها مو فاهمين قصدها
رنيم كملــت : محد ينتحر الا اللي يبى يموت ويبعد عن كل شي بدي الحياه هوا صح حرام _ ماكانت تبى تدخل بموضوع الحرام عشان لاتزيد الطين بله _ شوف انا قد فكرت مليون مرا باإني انتحر بس في اشياء كانت تخليني اتمسك بالحياه ومن ضمنهم ماما هيا يمكن مو لاقيــه احد جمبها يمكن تعبت من عيشتها ومن اشياء كانت تسويها عشان كدا ريحت نفســها ..
رنيم قالت الكلام وهيا مو مقتنعه لأنو اللي يبى يرتاح من الحياه وينتحر حيتعذب اكتر بالآخره
بس قالتو من باب انها تهدي شويا مازن ..
مازن افتكر لما شاف الرجال في بيتها
افتكــر لما قالتلو انا حامل
افتكر لما الرجال قلها الساعه محسوبه عليا
يعني في الف غيروو هيا من دي الناحيه ريحت نفســهاا من القرف اللي كانت تسويــه بس برضو مستحيل يخرج من راسوو كيف كان شكلها وهيا مغرقــه بدمها
عندو تعيش وهوا كارهها
ولا تموت كدا ..
يزن :ويمكن كدا احسن لها ماتدري لو عاشت ايش كان حيسير بينك وبينها ولا مع اي احد ربي كاتبلها تموت كدا
مازن اتوقع اصلا لو ماماتت هيا يمكن هوا لو شافها مع عصبيتو المعتاده كان قتلها واتورط فيــها
نزار : هيا مسأله وقت وحيعدي الموضوع دا قرارها في النهايه انتا قوم غير واللبس في انسانه تستاهل دموعك دي اكتر من رغد صلي وادعي لأمك احسن لك
مازن اخد الملابس اللي كانت جمبــو وقام واتوجه للحمام بدون اي كلمـه ... بيحاول يغير ويفكر لوحدو في الموضوع
اما عند يزن ونزار ورنيم ...
يزن طالع في رنيـم : دحين انا سبب تاني مو
رنيم ماستوعبت : ايش ؟
يزن ابتسم : مو قلتي في اشياء كانت تخليكي تتمسكي بالحياه واولهم امك
رنيم دفتو من كتفو : بلا انتا فين واحنا فين
يزن : هههه والله اني من جواتي متضايق بس لاشعوريا لما اشوفك
نزار اتنحنح : احمم ياأخي على فييين نحنو هنا
رنيم وجهها حمـــر نفسها تقوم تضربــو مو متعوده على نظراتو وكلام الغزل لما يجو اتنين مع بعضهم ..
يزن : يعني ايش نقووم مثلا
نزار جلس باإهتمام : دحين انا رسلتك معاها ورجعتلي البنت انسانه تانيه وكمان قدك تحبها !
رنيم باإحراج هرجت: لا مو كدا < مو داريه ايش كانت تقصد بدي الجمله
يزن : عندك اي اعتراض ؟ُ!
نزار : ابى افهم بسسس الموضوع
يزن : سافرنا غيرنا جو انبسطنا لعبنا هيصنا حبيتها ورجعنا بس
نزار : اهاااااااااااا قلتتتتتلي
اما رنيم : ههههههههه بيمزح معاك
يزن : انا بمزح !
رنيم مستحيه من نزار : ايوا مالعبنا ولاحاجه بس اتعلمت رقص وجينا
نزار طالع برنيم من فوق لتحت : اساسا الكتاب باين من عنوانه لاتحاولي تقولي مالعبتو دام فيها تغير شامل
يزن : لوم نفسك وخليك بسهاد
رنيم : اهاااااااااااااا هواا كدا
طالعو فيها الاتنين : ايششش في
رنيم : دقيقه دقيقه
يزن : ايش فيي
رنيم بتفكرر : اوصصص
وبعد دقيقتين كدا قالت : دحين استوعبت انا خرجت المطعم مرا مع نزار
يزن : ياحلاوة اهلك
رنيم ضحكت على ردوو: استنى _ كملت _ ووقتها جات سهاد وسارت ديك الحكايه ولما سافرنا اقولك سهاااد نسيتها قومت تلف الموضوع وعيشتني بصراع نفسي
نزار : هههههه جنناكي يعني
يزن ساب دا الموضوع كلو وركز بشي واحد : وايش عندكك انتي ونزار بمطعم ؟
نزار : ترا خرجنا قبل لاتعرفك
يزن : قبل ولا بعد ايش لك تخررج معاها
وقطــع كلامهم لما خــرج مازنن وكان خارج من كل القـآعه ..
يزن وقف : هي هي هيي علىىى فين
مازن وقف : بروح انام
يزن : لا مافي اي نوم خلينا نخرج
مازن : والله مرا ماليا نفــس
نزار برضو مايباه يجلس لوحدو : يلا انا عازمكم على مطعم جديد
يزن يدف مازن : امششي فررصه دي نزار مايعزمنا الا بسنه مرا
نزار : ههههههههههههههه تراا وربي فلسستني بسفرتك دي لتركياا اساسا كنت مستنيك ترجع عشان اسمعك محاضره ياطولها
يزن : ههههههههههههههه انتا اللي خليتني اروح
نزار : امشو بس قداامي
يزن : روحو انتو السياره دحين لاحقكم
نزار سحب مازن بالقووه معااهـ
ويزن راح لرنيــم : يلا تعالي
رنيم : لا وي مابى روح مع اخوانك
يزن : يعني الا تبيني اسحبك معايا بالقوه
رنيم : هههههههه مالو داعي والله
يزن : الا له داعي _ مسك يدها ومشي وهيا طبعا غصبا عنها مشيت وهيا منحرجه _
رنيم : يزن والله مرا بلاهه اخرج مع اخوانك
يزن : اتعودي عليهم مو مشكله
رنيم : مابى الله يخليك خل
يزن فتح باب القاعه : اسسكتي خلاص
اتوجهه كلهم بســيـآرهـ ..
نزار يسوق وجالس على يمينه مازن
وورى يزن ورنيـم ..
رنيم حاســـه نفسها مرررا غلط بينـهم
دخلو للمطعم وكل شويــآ يزن يأكل رنيــم
ورنييم خلااص وجهها مصبوغ احمر
باينه نظرات الحب
باينه نظرات الغيره من اي احد يطالعلها
باين كل شي في وجهه
مازن ملاحظ د الشي ومستغرب
مستحيل يزن يعرفهم على وحده ويجلسها كدا معاهم الا لو هوا خلاص مصمم ومتأكد من مشاعره
بس رودينا فين راحت ..؟
خرج الموضوع من راسو لأنو فييه اكبر من دا الشي يفكر فيــه
اما نزار اخر شي اتوقعــو يشوفو بدي الحاله يزن
البننننت باينــه اكلتلو عقــلو جالس بطاوله ومو معاهم ابدن بس معاها وكأنو المطعم بس في هيـآ ..
رنيم همست : انا غلطانه اصلا اجلس جمبك
يزن : هههههههههههه يعني الواحد مايعبر
رنيم : بشووييشش عليا داخل دخله غلط كدا
يزن : دا اقل عيار عندي ترا
رنيم قلت بين اسنانها : اخوانك هنا وانا كمان استحي لاتسوي كدا
يزن : ياألله عليكي محسستني اني قاعد اقول شعر فيكي قدام الكل
رنيم : دا الناقص يعني
يزن طالع فيها باإشمئزاز ممزوج بالمزح : وربي مهما اغير فيكي من برا مستحيل تتغيري من جوا مافي اي رومنسيه وشاعريه عندك
رنيم : هههههههههههههههههههه لا انا معدومه المشاعر والرومنسيه
يزن : كان قلتيلي من البدايه عشان اصفي حساباتي عدل
رنيم رفعت حاجبها باإستنكار : نععم !
يزن طالع في اخوانو وكأنو يشرررد من الجواب : ماتبو تحلو انـ _ وماكمل كلامو الا بصرخه _ اااي
نزار : ايشش فيي
رنيم كاتمه ضحكتها نرفزها اول مالقت غير انها تقرصو برجلو ..
يزن طالع فيها مفجوع وبعدها باأخوه : ولاشي
رنيم : احسن
يزن قرب منها : ترانا بمكان عام اهجدي لحسن اطلع عينك من جد
رنيم : يعني ايش حتسويلي
يزن : لو ملاحظه انا محترم المكان اللي احنا فيه ولا كان
رنيم قاطعتو : سقا الله ايام تركيا خليتنا مسخره قدام اللي يسوى ومايسوى
يزن : هههههههههه لا هنا بدبي غيـر في ناس كدا ممكن يعرفوني فامو حلوه بحقي
رنيم : اشك اساسا انك تهتم بكلامهم
يزن : هههههههههه عارفه اخواني عامل مساعد عشان ماسويلك شي
رنيم : اييوا ايوووا طلع اسباب دحيين
يزن ابتسسملها : نزار مازن انتو في عالم واحنا بعالم ولا ايش الحكايه
نزار : انا ادري عنك مطنشنا وكأنك مو معانا
يزن : هوا انا في النهايه ايش ابى فيكم بس بحاول اجاملكم بقدر الامكان
نزار : حاسس اني غلطت من يوم ماقلتك تعال معانا
رنيم : هههههههههه ايووا والله ترا يزن تنفعلو حبسه في البيت لمده اسبوع عشان ينكبت وماينبسطت
نزاار : لأول مرا اوفقك بشي
يزن : انتو شعب كئيب انا بحاول ارفه عن نفسي
نزار : اقوول انا راايح خلاص وصلت حدي منك _ شال محفظتو ووقف _ يلا سلام
يزن : ههههههههههههههه لا مو من جدك
مازن وقف معاه : حتى انا ماشي خلاص
رنيم : شوف انبسط شردت اخوانك
نزار ابتسم : ايووا والله انا عن نفسي يزن لما يروق احاول اني ماجلس معاه
خرجو نزار ومازن وبقو يزن ورنيــم ..
رنيــم : انا ابى افهم ايش اللي مخليك مروق كدا
يزن : اشياء كتير
رنيم : زي ؟
يزن يعدد : سبتي هتان .انا وانتي مع بعض حاليا واقدر اقول اللي اباه ليكي ..وعرفتك على اخواني وشكلهم حبوكي كمان ايش ابى اكتر من كدا ؟
رنيم ابتسمت : ملاحظه التلاته الاسباب كلها متعلقه فيا
يزن : كل شي حيتعلق فيكي من بعد اليوم
رنيم خلاص وصلت حدها بالاحراج رسمت ابتسامه بسيطه على وجهها المحمممر ..
عدل سابقا من قبل دَمْعَةُ إِشْتِيَاقْ .. “ في الأربعاء 16 نوفمبر 2011, 22:25 عدل 2 مرات | |
|
| | |
دمعهةة إششتيـآق
مسـآهمـآتـﮯ.. : 1277
تقيـمآتـﮯ.. : 116
مخـآإلفـآتــﮯ :
| | موضوع: رد: رواية اشتعال السحب / بقلمي الأربعاء 16 نوفمبر 2011, 22:14 | |
| تكمله البارت ال22 ..
في بيــتو الجديد وفي عز الظهر .. واقف عند باب البيت وفي هندي بيدخل الاغراض لوسط الشقــه ..
وقبالو نـآدر : طيب ايش قلك
اياد : قلي انو يعرف اخوك طارق بس اخر مرا شافو قبل 4 سنوات
نادر : طيب ماعندو رقمم جواله بيتو اي حاجه ..!
اياد :قلي اديني مهله حق 3 ايام او 4 ايام بالكتير وانا حجبلك كل شي
نادر زفر بضيـق : لسى 4 ايام
اياد : يااخي اصبـر وبعدين اخوك غطس سحب على كل اللي كان يعرفهم بعملو الاول
نادر : صبرك ياربب
اياد : طيب نوف دي ماعندها اي اقارب تعرفهم
نادر : مرت 11 سنه بلله فين تباني اتذكر شي عنهم
اياد : ماتدري يمكن نقدر نوصل لأهلها وعن طريقها توصل لأخوك
نادر : خلينا دحين نستنى دا الادمي لو ماجبلنا شي نفكر بعدين بطريـقه تانيه
اياد : زي ماتبــى _ طالع بالهندي _ بشووويش شيلهاا
كان دوبو مشتــري كنب للصالون .. اتوجه لعند السياره وهوا بيشوف كم باقي كنبـه ..
لابــس كعادته شورت ابيض فضفاض وتيشيرت اصــفر ومكشــر حواجبه من اشعه الشمسسس
نادر تيشيرت عادي وجينز وحاتط نظاره شمسيـه .. : اياد بكلمك في موضوع
اياد طالع فيــه وهوا معقد حوآجبه وفاتح نص عينو : ايش في
نادر : تعال جوا
اياد : اهرج هنا ..
نادر : انتا عارف امك دحين محتاجه احد يساعدها وابوك ساب كل الشغل على راسها
اياد : طيب .؟
نادر : قبل لااجي هنا قالتلي انو تباني اشتغل عندها
اياد : اهاا وظفتك يعني
نادر بتردد قال : خلتني بدال ابوك تبى تعطيني وكاله انو اتصرف باأي شي ووغير دا قالت في واحد بيعلمك كل صغيره وكبيره في العمل لأنو انا صراحه ماليا باأي حاجه
اياد حس انو انقهر من تصرف امو دا الغريب ... عارف انو هيا تبى تستفزو بتصرفها دا
عينت صاحبـــوو امنتو على كل شي يعني وهوا كأنو الغريب
حاول مايبين في وجهه انو اضايق طالع في الهندي : اها كويس
نادر : اياد انا رفضت في البدايه بس هيا مصره قلتلها انو في اياد يعني ي
اياد قاطعو : انا ماعنيلها حاجه دحين انتا حتأتمنك اكتر _ قالها وهوا محرووق من جواتو اتوجه للسياره المحمله الاغراض فجأه حس انو مو قادر يهرج مع نادر عشان كدا بعد عنو _
فضل واقف في مكانو وهوا يشوف اثاث الصالون وغرفة النوم تدخل للبيت وهوا دخل وراهم وشويا يخـرج
مرت حق نص ساعه وهوا بيشغل نفســو عن نادر
لين ماخلصو وخــرج معاهم لبرا البيت وادا لكل شخص فيهم حقــو ..
عند باب الفلــة ..
نادر دق جوآله خرجو ورد
اياد وقف قبالو ..
نادر : ايوا ياخاله .. لا انا اساسا برا البيت ..الله يعطيكي العافيه .. ايوا حكون موجود _ ابتسم _ تسسلميلي .. مع سلامه .
اياد ينفض يدو وبدون مايطالع في وجهه نادر قال : دي امي ؟
نادر : ايوا الله يسعدها امس قلتلها نفسي باأكله معينه ودوبها اتصلت تقولي تعال سويتلك اللي تباه
اياد ماعلق حتى حس انو مخنوق وبدي يغار من نادر ..
نادر حاب الوضع دا له سنين ماحس بمعنى الام وام اياد مافي اطيب من قلبها تخدم اي احد وتحسس الكل انهم عيالها ..
وولدها مو حاسس فيها دي الفتره منبوذ من امو وابـوه واختو
نادر : تجي معايا
اياد طاغي على وجهه الامبالاه : على فين
نادر : عند امك تتفاهم معاها
اياد حرك راسو بنفي : بلاشي ...
وقفت سياره جمب سيــآرة اياد واول مانفتح الباب
اياد ابتسم ونادر استغرب وطالع بسياره ..
خرررجت من السياره لينا وتجججري لعند اياد : ايااااااااااااااااااد
واول ماقربت منو اياد مد يدو وشالها : اوووباا متنتي يابت
لينا حركت راسها باإيجاب : ايووا سرت اكل مرا كتتتير
اياد : انتبهي تسيري بعدين زي لؤي
لينا ضحكت : هههههههه لا ماحسير زيوو
اياد طل في نادر : دي لينا زوجتي
لينا ضحكت بخجل : ايوا انا زوجتو
نادر : هههههههههههههههه ياأهلين والله
انا عند السياره مرت عمها ماسكتها : مين دول
لانا : دا اللي شايل لانا ساكن تحتنا واللي جمبو مدري مين
مرت عمها : حسبت محد ساكن تحت ماسمعت اي حس امس
لانا قفلت السياره : ايوا هوا ولد ساكن لوحدو عشان كدا ماحتسمعي شي
مرت عمها ماعجبها الوضع : كيف لوحدو ساكن هنا من متى دا ساكن
لانا ماكانت تبى هرج كتير فقالت كتصريفه :له فتره
وهوا له يومين بزبــط ..
مرت عمها : اهم شي الولد كويس لايكون بيآزيكي ولا
لانا قاطعتها : لا مرا مانسمعلو حس في حالو
مرت عمها براحه : خلاص دا اهم حـآجه انا داخله وانتي روحي جيبي اختك
لانا : طيب ..
مرت عمها سبقتها وهيا راحت لإياد
واول ماشفتها لينا جايه على طول حطت راسها على كتف اياد وهيا تضحك : مابى مابى اروح
اياد : ههههههههه لانا امشي من هنا
لانا ابتسمت : حاخدها معايا
اياد : خلييها ياشيخه
لانا : ترا دي ماتنعطي وجه لو خليتها تجي اليوم عندك بكرا وبعدوو حتفضل كدا فاطردها من بدري احسن لك
نادر طالع بساعه : انا مااشي
لانا طالعت فيه
واياد : اووك اشوفك على خير
نادر : ان شالله سلام ..
مشي نادر
لانا : ماقلت انو حيسكن معاك ؟
اياد : لا ماتوقع
لانا مدت يدها : ممكن اختي
اياد : لينا تبي تروحي مع لانا
لينا همستلو : لا
لانا ضحكت
اياد : أهو بتقول لا احترمي قرارها
لانا : ايوا خليها تتفرعن دحين عليا
اياد : لينا قوليلها ابى اجلس مع زوجي
لينا طالعت بلانا : ايووا بجلس
لانا ن: ههههههههههههههه اياد اهجد مرت عمي امس جايه بلاشي دحين اسمع هرج مالو داعي
اياد : ايش عليكي منها البنت مو عند احد غريب وبعدين انا بجلس معاها بالحوش افتحي الطاقه من فوق وخليها تراقبنا لو انها مرا خايفه
لانا : مو الحكايه كدا بس ماباها تقول انا ماهتم فيهم
اياد : قوليلها البنت مع زوجها _ وباااس خد لينا بكل قووتــه _
لانا ضحكت : مصمم يعني
اياد : انتي عندك عادي تخليها عندي ؟
لانا : عادي ماخاف على اختي منك
اياد : اجل خلاص في ايدي امينه بسس دحين مرت عمك كم حتقعد عندكم
لانا : والله مدري ليش
اخــدهم الكــلام عند باب الفله ..
مع انو الجو حررر
بس لساتهم واقفين ويهــرجو ..
اما في الطريــق وهوا ممكن مشي ربــع المســآفــه اتصلت عليــه ام اياد مرا تانيــه ..
نادر : ايوا هلا ..
ام اياد : نادر البيت اللي ساكن فيه اياد على اللفه اليمين اللي بعد المسجد مو ؟
نادر باإستغراب : ايوا ليــش !
ام اياد : دقيقه _ ومسكت جوالها التاني _ ايوا ادخل على يدك اليمين بعد المسجد ..طيب مع سلامه _ رجعت لنادر _ ايوا خلاص تسسلم
نادر حس انو حيسير شي : مين كان بيكلمك
ام اياد : عم اياد
نادر : ويبى يروح لإياد ؟
ام اياد : ايوا
نادر حس انو اياد اساسا مضايق يعني مالو داعي يهرجو معاه دحين ومتأكد انو ماسوا شي كدا الا ووراه شي : قوليلو لايروح انا حتفاهم مع اياد
ام اياد : نادر انتا مالك بدي المواضيــع خلي عمو يتفاهم معاه يلا مع سلامه
نادر قفل منها وقال للتاكسي يرجــــع لبيت اياد بســـرعه
اما في انسـآن بيسوق والعصبيه طاغيه على ملامح وجههو .. اخوه اتصل عليه يشتكي من ولده وقلو هوا سبب الطلاق
ومرت اخوه كلمتو تبـــكي وتشتكي من اياد
كاآي انسان طبيعي العصبيــه حتكون عاميتو
الموضوع اللي سار مو سهـل
دا طــــــلاق
بعد اكتر من عشريــن سنه يطلقو بسبب ولدهم اللي يشوفهم في السنه مرا
وقف سيارتو وعلى حظو اياد كان بــرا
واللي قهرو لما شافو بيضــحك
ماركز في البنت اللي واقفه معاااهـ
كل اللي في راسو اياد وبــــــس مين مايكون جمبو يكوون
فتح باب السياره وقفل الباب بكل قووتــه
لانا واياد قطعو هرجتهم بسبب الصوت طالعو في الرجال
ولانا وجهها صفــــر دا نفســو اللي بشركه وكان بيتحرش فيــها
بلعت ريقها بخوووف وهيا تحسب جااي لعندها
العصبيه باينه في وجهه
اما اياد نزل لينا من عليــه : ادخللي جووا ..
ليناا : ليشش
اياد بحزم : قلت اطلعي فوق شويا اجيكي
لينا دخلت على طوول الحوووش ودوبه بيطالع قدامو بيشوف عمو الا قدو عمو قدامو واعطاااه كف محتتتترررم
لانا نفجعت حطت يدها على فمها ..
مسكو من تيشرتو الاصفر وقربو لعندوو وقال بكل عصبيـــه : انتاا كداا اتماااااديت كتتتير بتصرفاااتك
اياد انفففجععع من الكككف دف ايادي عموو عنو
عمو وجههو محمممر مع العصبيـــه رفع يدوو وهوا يتكلللم بكل قهههر : سووويت اللي تباااه دوول امك وابووك يااحقير
اياد ضاغط على فكوو بقهر قال بالقوه : عمممي ال
عمو قاطعو : لاتقوولي عممممك انا من بعد اليوم مابى اسمع دي الكلمه منننك قووولي ايش استفددت دحيين
لانا مبلمممممه " عموو ". . .!!!!!
اياد :رووح اسئل اخووك قبل لاتجي تتفاهم معايا
عمو : ليش على بالك انا جاي وانا مو فاهم حاااجه كان فكرت على الاقل باأمك المسكينه اللي مقطعه نفسها بكا انتا ماترحم احد ولا تخلي رحمة ربنا تنزل على عباااده خليته يطلقهاا وعشانك طلقها عشان راحتك اكتر من 3 سنوات مابتسأل عن امك وابوك ودحين تجي بكل سهوووله تخليهم يطلقوو
اياد : والله ازا هوا قلك انا طلبت منو الطلاق عشان راحتي فالأحسن تمممشي من هنا لأنك مو فااهم حاجه وانا لدحييين محترررمك و
وقبل لايكمممل اياد كلامو عمـــو مسكوو بقهههر وقربوو لحدوو وسااار يصررخ عليييه
لانا مفجووعه كانت بتشششرد مو عاارفه تتصرررف
اياد بيتكلم كان بهدوووء مستفزز
وعمو مرا معصب
لمحت نااادر خارج من سياره تاكسي وحممدت ربــــهاا
نااادر جاا جررري لما شافهم بدي الحااله دددف عم اياد عن ايااااد
وعموو لساتو يصـــرررخ : الله ينتتقققم منننك خرربت بيتت اهلك ارتتتحت دحييين
نادر سار يدف عم اياد : امممشي منن هناا
اياد نفسيا اصلا قدو خلاص منتهي وجا عمو كممل الناقص
يد صغيره بارد اتخللت بيدوو ولاشعوريا انسحب وراها للحوش
قفلت الباب مع انو صوت عمو لساتو واصل
لانا واقفه قبالو وحزنانه علييه سحبت يدها منو : اخصرررك منو
مع انو هيا لساتها مفجوعه انو دا عمو بس ماتبى تفتح الموضوع دا حاليا
الولد فيه اللي مكفيــه ..
اياد بكل صممت انسسحب من قدامها ودخل لشقتـــه
اخر شي ممكن يتوقـــعه عمو يجيـــه
سمع دعاوي بما فيه الكفايه من امــو
ودحين جا عموو يزيــدها عليـه
اندق الباب الفلــى لانا فتحت بعد ماعرفت انو نــآدر
لانا : راح ؟
نادر طالع حوليـه : ايوا فينو اياد
لانا اشرت على الباب : دخل
نادر على طول اتووجه لعند باب شقة اياد وفتحو ودخــل ..
لساتها واقفه مكــآنهاا
فجأه صوووت اياد طلللع لعندهااا
فجعهاا
يههرج بقهههر مافهمت شي
الصووت بعيييد مرااا بس عررفت انو انفججر على ناادر ..
وقفتها ماحتسوي شي
طلعت لفووق وهيا تمووت وتعرف ايش سار ..
اما وســط الشقـــه ...
دففف الكككرسي بعصبيه من قدااموو .. صووت الكككرسي طلع ازعاج كبير في المكان الشبه فااضي من الاثاث
نادر : اياد
اياد هرج بكل صوووته : خلاااص مو ناااقصك انتا اللتاااني رووح كمل الطقه معاهم _ اشر على الباب وقال وشويا ويبكي _ رووح قولهم اني مرتااح ومبسسوط قولهم اني عاايش احسن عيشه كدا
نادر : انا مو فاهم ليش انتا معصب دحين
اياد واقف بعييد عن اياد ويحس نفسسو يمسك اي شي قدامو ويكسسرو طالع في ناادر : انا اقوولك ليش معصب لأنو كل ماسوي شي انا اطللع غلطاان بعين الكل سارت مصيبه اياد اكيد مبسسوط ..!
احد تسرلو بلوى في العيله يقولو اكيد اياد دحين ارتااح ..!
ساافرت وسبتلهم دا قررفهم كلللهم بس مافتكيت منهم وطلعت الولد اللي يسافر عشان يـ ***** وبسسس محد دااري انا ايش كنت اسوي هناك بس هما على طول يتوقعو انا مختفي اكيد ورايا مصيبه دا دايما تحليلهم رجععععت عشان اقولهم اني بحاول اتغيير وهاا شووف ايش سااار ايش يبووني اسووي ؟
نادر : روح فهمهم قولهم ايش سار بززبط معاك لاتفضل كدا ساكت وتبى الكل يتعزرك
اياد : ترا عمرك ماحتفهم كيف علاقتي باأهلي
نادر : ترا رودينا حكتني كل شي سرلك اول فافهم عارف انو لو انا مكانك ممكن كرهت برضو ابويا بس اللي سويتها كتير مو علشانك تخلي ابوك يطلق امك دي انانيه ابوك كان حيتغير كلم رودينا وانتا خربت كل شي شي سار بينك وبين ابوك زمان خلاص حاول تنساه
اياد انخنننق من نادر دا التاني اللي بيحملو الغلط زي اهلووو اخد سويتش السيااار
نادر : على فييين رايح
اياد بعصبيه : جههننم
فتح الباب وقفلو بكل قوتـــه ركب سيارتو وبس بيسووق
اتمنى انو ماعطى لنادر العنوان
خلاص هوا بعين الكل سوا جريمممه
محد حيفهمم
اتوقع نادر حيتفهم بس خبص بكلامو الموضوع
دقااات قلبــه مع القههر تدق وراا بععععض
صووت تنفســه مسموع بسيــآره
كان يسوووق ويبى يرووح لمكان لوحدووو
في نص الطريــق غبــش الطريـق غمض عينو ورجع فتحـهاا
بس لساتوو يحس الطريـق مو شايفو عددل
وقف السياره على طول على جمب
ولا ثواني الا رججع طبيعي
سند راسو على الكرســي وزفر بكل ضيــق
غمض عينو بيحاول يهدا مع انو مو قادر
مرت خمســه دقــآيق وبعدها حس بشي رفع يدو ومسك خشمو
وبعد يدو يطالع لقــى دم
ماتفاجئ
سحب مناديل ورفع راسو على وراا بيحاول يوقف الدم
اترفع عنده الضغط بعد اللي سرلو دا ..
سند جسمو مرا تانيه على الكرسي وفضل حاتط المناديل ويبى يهدا
اما لانا كانت بغرفتها وفاتحه الطاقه ولما شافتو يركب سيـآرته قفلتها ورجعت جلست على السرير ,,
وهيا بتفكككر بللي سار
عارفه انو مظلوم فاكره كلامو مع ابوه لما طلب انو يطلق اموو بدون مايعطيها اسباب
شكلو انقلب عليه الموضوع ماتدري ليش تبى تجللس معاه
هيا بدي الفتره كدا مرا لقتو جمبــها
فانفسها هيا تكون جمبـو
اما في الصاله مرت عمــها شايله كل شي على رآســها تبى تحسسهم انو هيا امهم ..
تاأكلهم تحكيهم تنيمهم ومقرره تنزلهم بكرا السووق
لانا يمكن ارتااحت شوويا من دا الحمل
كانت تشيل هم كل شي
ومرت عمها قالتلها ارجعي لدراستك وكل شي حيرجع زي اول
وكالعاده كل ماتستفرد بنفسها تقعد تبـــكي
امــآ نادر قلبو دليلو حاسس انو الموضوع فيه إنا بس مايقدر يسوي شي بدون مايفهم ..
وبنفس الوقت متنرفز من اسلوب اياد وسكوتــه دا
رجــع البيــت لقى اوم رودينا واول ماشافتو رفعت يدها : لاتفتح معايا الموضوع
وصلها كل شي من عم اياد .. واقفه بلبسها الرسمي وعقد اللولو اللي على رقبتــها
وشعرها المرفوع بطريـقه كلاسيكيه مهما تكون زعلانه شياكتها ماتبطلها
نادر : ترا انا مصمم انو اياد
ام رودينا قاطعتو بعصبيه : لو سمحتتت ياناادر قلتلك لاتجيب سيرتوو هنا
نادر : دا ولدك
ام رودينا : ندمانه لأني جبت واحد زيو اي ولد اللي يكون كل همو ابوه يطلق امو وبدون سبب لاتحاول تطلعلي اي عزر له لأنو بنسبه ليا مافي شي يدخل الراس سارت سيرتي على كل للسان بعد اكتر من 20 سنه وبسبب ولدي اطلللق اي ام اللي تستحمل دا الشي وتفضل راضيه على ولدها
نادر : انا مابطلعلو عزر بس حاسس انو ساير شي
ام رودينا تبى تنهي النقاش : بعد ساعتين حيبدأ دوامك حتروح هناك وحيبدا كل شي بنسبه لك خرج اياد من راسك
نادر : طيب ممكن سؤال
ام رودينا : اسئل
نادر : انتي وظفتيني عشان تعصبي اياد ؟
م رودينا دا مقصدها .. مررت يدها على شعرها الممسد من قدام : لا طبعا ولاتفتح دي السيره تاني
نادر مايقدر يرفض فرصة عمل كدا هوا يبى يبدأ من جديد
يبى يكون نفسو
بس بنفس الوقت عارف انو ام رودينا بتسخدمو عشان تغيض اياد
ومايلومها بعض الاحيان ..
مر الوقت بســرعه وخرج من البيت على السياره بعد ساعتين بــزبط ..
واتوجه لمقـر العمــل ..
اول ماخرج من السياره استقبـلو احد الرجال وابتسامه على وجهه
طبعا عرف من السياره انو دا نادر ..
اتوجه له ورحب فيـــه وبدأ اول شي يعرفو على كل شي في المكان
على المكاتب
على العاملين
لين مادخلو مكتبو ولقــى بنت لابســه تنورهـ سودا لحد ركبتها وبلوزه رسميه بيضا وعليها جاكيت اسود
ورافعه شعرها على فووق شاف قفاها ..
ولما دارت اتفاجئ ورفع حاجبه
اخر شي كان يتوقعه يلاقيـــها هنا ..
اما هيا شايله الملفات بيدها ولما شافتو رفعت يدها تعدل نظارتها السودا الطبيــه ..
الرجال : دي رودينـآ
رودينا اشرت للرجال : خلاص لهنا يكفي انا اكمل عنك
نادر مو طايقها اصلا بعد الي سار اخر مرا وكمان لبسسها دا كمل الناقص ..
خرج الرجال وسبلهم المكتب بكبرو ..
نادر : ماكنت اتوقع انك تشتغلي هنا
رودينا : ليش على بالك ماما حتوظفك قبل لاتوظف بنتها
نادر : لا طبعا بس اللي اعرفو وراكي دراسه
رودينا : دراسه وعمل ماحتفرق عندي
نادر طالع بلبسها : دراسه وعمل وقله حيا ماتفرق برضو
بعد لما قالتلو خريج سجون مو قادر يحترمها في بعض الكلام ...
رودينا انفجعت من ردو : نعععم !
نادر بتصريفه : طيب انتي ايش وظيفتك هنا غير الاستعراض
رودينا حطت الملفات بعصبيه على المكتب : نااادر ترا حدددك عاد
نادر : معليشش مو انا خريج سجوون يمكن ماعرف احترم احد
رودينا اصلا ندمانه لأنو قالتلو كدا بس العصبيه كانت عاميتها يومها : والله مشكلتك لو ماتعرف بس هنا ملزوم تحترمني دامك حتتعامل معايا كتير
نادر : ححاول برضو مو خسران حاجه
قالها بكل بروود
رودينا مرا مولعه : حناديلك منصور يكملك تعليمات _ شمقت بوجهه وخرجت من المكتب _
نادر على طول كشــر هوا دا بس اللي كان ناقصــه رودينا معاه بالعمــل ..
منصور دخل وعلى طول نادر سئله . : فين مكتبها .؟
منصور: اللي بالغرفه اليسار
نادر : وانا مضطر اتعامل معاها
منصور : اغلب الاجرائات اللي عندها من عندك تكتمل
نادر حاول يخرج موضوع انو حيتعامل معاها كتير من راسو : طيب خلينا نكمــل ..
في آحد الكبريــهـآت ..
قاعد عند البــآر رفع يدو وجالو الكـآس الرابـع شربو مرا وحده ورجعو تاني على الطاوله
فضل جالس في مكــآنو حق ســآعه
بعيد عن اجواء البنات والرقــص
مايهتم ادا الشراب حرام ولا لأ بدي الحاله
كل شي بعينو عااادي سار
مع انو بعد دخولو المستشفى قال حيبطل بس مع ظروفو دي مالقى غير انو يجي لهنا
بعد جسمو شويا عن الطاوله وطالع في الساعه
فرك عينو بتعب وقام من مكانو .. في حالتو ممنوع الواحد يســوق بس هوا ماهتم حتــى
ســآق وبالبــركه قدر يووصل للبيت فتح باب السيـآره وهوا يدندن بروقان
خرج من السياره وحتى ماقفل الباب وراه مشي خطوتين وبعدها حك شعرو ورجع يطالع بسياره اللي مشغله والباب مفتوح
رجع تاني بخطوات ثقيله وحتى ماطفى السياره كل اللي سواه قفل الباب
واتوجه لباب الفلــه ..
دخل يدو بجيبو
رفع حاجبو باإستغراب : فينوو كمان دااا
خرج جيبوو الاول وبعدها خرج جيبو التاني ومطاح مفتاح الشقـه : لاا مو دا
دق الباب بيدوو ورفففع صووتو بالحاره الهاديـــه دي : هييي انا جييييت افتحووو _ رجع يدددق على الجررس _
لانا غرفتها مطله على مقدمه الفلــه
سمعت صووت الجرررس
صووت واحد بيهرج بصوت عاالي
حارتهم هاديه
قامت من على السرير فتحت الطــآقه مفجوعه من الصوووت ولقــت اياد
لكن مو دا اللي صدمها زي لما شافت رجوع مرت عمها واخوانها دوبها السيــآره جـآيه حتى ماوقفــو
ودا شكلو سكــران وحيفضحهم بالحاره كلها
هيا اللي حتروح فيــها
هيا اللي مدخلتوو
كانت لابســه قميس قصير ابيض في اخضر بتروح تنــآم ..
سحبت الرووب السكري الطويل اللي مرمي على السرير وحطتو على جسمها
فتحت باب الشقــه ونزلت جــري بدون حتى ماتلبس شوزها وفتحت باب الفلـــه وهمست بخووف : ادخخخل
اياد ابتسم لما شافها : لاااااااااانا
لانا طلت ولقت مرت عمها بتوقف قدها السيـآره
سحبتو من بلوزتــه وانتبهت للمفتاح مدت بس يدها بســرعه واخدتوو ودخلت وقفلت باب الفلــه : تبببى تفضحنني انتا
اياد اشر على نفسو : انا افضحك _ قال باأسف _ لا لا ماسويها
مسكت يدو وحطت المفتااح : ادخخل شقتك قبل لحد يشووفك
اياد يطالع بالمفتاح وهوا مرااااا مو بوعيه : دا مفتاحي كيف جبتيه
لانا مرا متوتره بذات لما بدأت تسمع صوت اخوانها يقربو من باب الفلــه ..
هيا حزنانه عليــه وبنفس الوقت لو مرت عمها شافتو وشافتها بدي الصوره حتروح فيــها ..
سحبتو بســرعه من يدووو واتوجهت لباب شقتو اللي قبال بزبط باب الفلـــه
دخلت المفتاح في باب الشقــه وفتحت الباب : ادخخخل
اياد : انتي هيي ايش بك بس كدا تتأمري عليا
هيا عند باب شقتو
وبلبس النووم
الباب بيفتح قدوو
ااخوانها اصواتهم عاليـــه ومرت عمهم بتضــحك
انفتح شوويا من باب الفله
وهيا مالقت حـــل غير انها تدفو لوسط الشقــه وهيا دخلت وقفلت الباب وراها
دارت جسمها للباب وطالعت من العين .. الا مرت عمهاوالبزوره يدخلوحطت يده على قلبـــها
بس على حظهاا مرت عمها طيحت الكيـــس وكسسرت الاشياااء عند باب الفلــه وياحلاوتــك يالانا
بعدت عن الباب وضربت جبينها بيدها : اووووف
اياد بكل تناحه : بعدي اشووف
لانا حطت يدها على فمها : اووووصصصصص _ دخلت للغرفه التانيه ونادتو _ تعاال
ماتبى تهرج معاه عند الباب خافت اصواتهم تطلـــع ..
بقمه غصبها هيا وخوفــها
وهوا بقمه تناحتــو ومو بوعيو
مشي معاها وهوا يقفل عينو ويفتحها عشان يركز قدامو ..
وقفت وضمت يدها تحت صدرها : انتا عااارف لو احد شاافني حرووح في خبــركان
اياد رفع حاجبو ويطالع فيــها ..
وهيا كملت بكل عصبيه ممزوجهه بهمس : شوووف انا بحذرك من دحين لو عاد اشوفك ترجع البيت بدا الشكل ساعتها حدور بنفسي ناس يستأجرو دي الشقــه انا مابى فضــآيح ودي المرا اتسترت عليك بس لأنك قد ساعدتني كدا مرا
اياد رفع يدو واشر عليها : اقوول انتي لاأخر مرا اقولك لاتهرجي معايا بدا الاسلوب
لانا جات لعندو ودفت يدو اللي ماأشر بيها : اهررج معاك زي مابى انتا مستوعب الموقف اللي حطيتني فيــه
اياد : محد جبرك
لانا : شكلك مو مستوعب حاجه بس بكرا يسير خيــر وعلى فكره لو مرا تانيه تبى تشرب الافضل تروح لمكان تاني ولما تفوق ترجع هنا في العصر انصدمت انو داك الزفت عمك وفوق دا كلو جااي لهنا ويتهجم كنت ماحتكلم معاك بالموضوع بس مرت عمي سمعت اصوواتكم وفتحت معايا موشح بس عديتها لكن توصل فيك المواصيــل تجي للبيت سكران حدككك عاااد لو انتا واهلك مابينكم علاقه حاليا حاول تطنش كلامهم
خررجت من الغرفه بعصبيــه واتووجهت للباب لقـــت الشغاله بتكننس
ولؤي بيلعب كووراا مع ليان : اوووف ياااربي
دارت جسمها وشهقت مع الفجعه لما لقتو وراها على طول : فجعتني
اياد: اطللعي برا
لانا صعققققت اخوانهاا قدامهااا
كيف تخرج بدا الوقت من شقة اياد : اياد اخواني برا
اياد بدون مايهتم عاد جملتو وهوا ضاغط على اسنانه يحس انو شبه فاق من هرجهاا داك : بقولك اطللعي براا
اياد مسسسكها من يدها وسحبهاا وبيحاول يفتح الباب
وهيييا صوتها رجججف وشويا وتبووس يدو : اياد الله يخليييك اخووواني لايشووفوووني كدا اياااااد
كانت تشد على رجلها بالارض ماتبى تتحرك
بس هوا ساب الباب وساب يدها وقلها : ها تقدري تطنشي كلام اهلك !! مايهمك رايهم !
وجهها مصفر مع الفجعه سوا كدا بس عشان يوصلها ولو ربــع اللي هوا حــآسه ..
عشان لاتتفلسف على راسو وتقولو طنــش
اياد بعد عن الباب ودخل لنص الصاله وهيا مع اصوات اخوانها المزعجه برضو بعدت عن الباب خاافت ..
بلعت ريقــها وهيا حاسه نفسها مراااااااااا هبللللللله ..
بتردد قالت : اياد انا ماعندي في دي الدنيا غير اخواني ماعندي لا أب ولا اخ كبير عشان يدافع عني لو احد هرج فيا جيتك بدي اخر الليل وانتا بدي الحاله كانت حتسويلي مصيبه عشان كدا انفعلت عارفه انو عندك مشاكل مع عيلتك وهرجة الطلاق دي صعبه برضو عليك
اياد واقف قدام الطاوله وبيفتح الساعه اللي بيدو بس مع كلامها حس انو مو قادر حتى يفتحهاا
_ كانت تبى ااي رد منو شايفتو بيحاول يفتح الساعه بكل عصبيــه بس هيا بعيييده ومستنيه يفتح فمو _
واحد بحالتو شي طبيعي انو يهــرج
حتى لو مو طبعو يشتكي انفجرر على نادر بظههر ودحين دور لانا ..
المكاااااان هااااااااادي
كانت بس اضائــه خافته اللي منوره المكان
واقفه بعيد عنو وخايفه
وهوا دقات قلبــه ورا بعــض
كلامهاا خنقــو
ساااااااب كللل شي
ساب هرجه الطلاق
ساااب ظلم ابووه
ساب موضوع اموو
وطننااش اختو
وعموو
وقال بغيره طفوليه واضحــــه وهوا منزل راسو وعينو على الساعه اللي لساتو بيضارب معاها : امي في كم يوم سارت تسويلو حتى اللي يباه سبتو عند اهلي ولقيتو خلاص قدو مستولي على كل حاجه _اتصلت عليه قداامي وتقولو تعال البيت في حياتها ماطلبت مني _ ماحب يكمل هرج عشان لايبكي فاكتفى انو يعصب على الساعه _ دي كمااان مو رااضيه تفتح
لانا بلعت ريقـها ولساتها حزنانه عليه تحس وراه الف هرجه وهرجه
والموضوع طبعا دا مافهمتو ..
اتوجهت له بهدوء وقالت بشويش : انا افتحلك هيا
مد يدو ليها بكل طــآعه
وقالت وهيا عينها على الساعه : يمكن انتا ماكنت مرا مع امك
قالتها وهيا كمان تقصد نفسسسها ..
اياد بعد ماسارت قريبه منو مستحيل يهرج او يشتكي
كانت بعيده عنو يمكن اتسهلو الموضوع
بس وهيا كدا حس انو مايقدر ممكن يبكي ولا يفرط كل شي عشان كدا قال: اخوانك مالهم حس
فتحت الساعه ورفعت عينها عليه لقت عينو محمرره
نزلت عينها باإرتباك وبعدت عنو وحطت الساعه على الطاوله ..
اتوجهت للباب وزي ماقال مالقت اي حاجه : خلاص انا خارجه
اياد : طيب
بدون اي كلمـــه تانيه هيا خـــرجت وهوا اترمى على الكنبــه وانسسسدح
ويمسح الدموع اللي بطرف عينو ..
اما هيــــآ حمدت ربها مالقت احد قدامها طلللعت لفوووق ومرت عمها مشغوله مع البيبي
واخوانها يلعبو دخلت غرفتها وقفلت الباب جلست على سريرها وسحبت الدب وحضنتو
تحسو وهوا يهرج مرا مكبووت نفسها تجلس معاه ويحكيلها كل شي
انسدحت على السرير وكل تفكيرها محصوور على اياد ..
وهوا انسسدح وكل تفكيره كيف اعيــش بعد دا كلو
للمرا المليون يحس بدا الاحساس مافي شي يعيش عشانه
خلاص اتــحطم كليـــآ
لاأم
لاأب
لاأخت
لاعم
وحتى صاحبو فكرة انو امو سارت تميزه خلاص قتلتو من جوا
في العمــل دووبــه جلس على كرسيـــه .. الا هيا فتحت الباب ودخلت اتوجهت للدولاب ورجعت الملفات مكـآنها
وبعدها راحت لعنده وحطت ملف اسود قدآمو : خد
نادر : من بكرا حبدأ اليوم قالولي لاتسوي شي
جلست بالكرسي اللي قبال المكتب واخدت الملف وفتحتو : على قلتك ..
وسارت تقرا
رودينا وعينها على الاوراق : متى اخر مرا شوفت اياد
نادر سند جسمو على الكرسي اللي طلع صوت مزعج : قبل يمكن 3 ساعات ..
على انو محد طايق التاني بس في مواضيع لازم يهرجو فيــها ..
رودينا باهتمام وبنفس الوقت بتسوي انها مو مهتمه يعني كفضول تسئل : كيفو
نادر : كان عمك عندو وبيهزأو
رودينا قفلت الملف وطالعت فيه : بلله
نادر رفع حاجبه : عجبك الوضع
رودينا : اكيييد اللي سواه مو قليل
نادر : فاكره لما كنتي تقوليلي انتا صاحب على الفاضي انا بسئلك دحين انتي اخت على الفاضي !؟
رودينا شالت النظاره الطبيه : انتا اكتر واحد عارف اياد ايش سوا
نادر : طيب اقلها انتي تروحي تعاتبيه وتعرفي وجهة نظرو للموضوع
رودينا : ليش لو عرفت وجهة نظرو ايش اللي حيتغير ماما وبابا حيرجعو لبعض !
نادر : مهما كان دا اخوكي
رودينا : واللي سار لماما وبابا مو قليل
نادر اخد ورقه وسحب قلم من بين مجموعه الاقلام اللي على الطاوله وسار يكتب وبعدها مد يدو لها : خدي
رودينا اخدت الورقه : ايش دا
نادر : دا عنوان بيت اياد لو حا
رودينا قاطعتو وكرمشت الورقه وحطتها على المكتب: تسلللم ولا ابى اعرفو ..
نادر : شوفي
رودينا رجعت قاطعتو : انتا دحيين دوبك بتقول عني كلام ماينقال واستعراض وقليله ادب ودحين بتسوي انك مهتم للموضوع
نادر: انا همني اياد مالي فيكي وبعدين انا لما قلت استعراض دا رايي بلبسك مو بشخصيتك فلا تلخبطي المواضيع
روودينا مرا تتنرفز من ردودو اللي يطلع نفسو فيها بريئ وماكان يقصد شي : لا ياشيخ
نادر : ايوا طبعا يعني بنهايه انا احتررمك وماقدر اقول عن اسلوبك وشخصيتك شي مو كويس
رودينا : ايوا على بالك اقنعتني دحين
نادر : بكيفك .. انتي عارفتني دايما بنتقد طريقه لبسك وبس
روديننا : طيب خلي انتقادك لنفسك _ مسكت جوالها وتطالعع بشاشه ورجعت طالعت فيه _ لبسي انا حرا فيـه
نادر : ايش حكايتك انتي من امس بتطالعي بالجوال ..
رودينا : ولاشي
نادر على طول جابها : مستنيه يزن يتصل !
رودينا وقفت : لا طبعا _ شاالت الملف وخرجت من عندوو _
اتوجهت لمكتبها وهيا معصبـــه
يزن من بعد كلامهم داك ولا كلمها ولا حاجه
ماتدري ايش بـــو ..
فضلت حق خمسه دقايق مسرررحه وقالت تتصل
يمكن يكون سايرلو شي
وخوفها عليــه خلاها بثانيه تحط الجوال على ادنها وتسمع الدقات ...
مكـــآن بعيـــد عنها وفي احد مولات دبـــي ..
وفي القسسسم المغطىىى كلو بثلج والالعاب الثلجيـــه ..
لابســـيــن لبس ازرق في احمـــر لبس ثقيــل ومغطين شعــرهم
وصوت الموسيقــى عاليه بالمكــآن
غطت وجهها : يززززززززن لاااا
يزن شاايل ثلج بيدوو ويضضضحك : ههههههههه _ وسحب يدهاا عن وجها بالقووه وهيا تضضضحك وتحاول تديير وجهها _
رنيــم : يزززن امااانه ل
وقبل لاتكمل الجمللله دخلللها بوجهها
سابها وهيا سارت تمسسح وجهها : هههههههههههههههههه حقييير
يزن : نعممم ايش قلللتي
رنييم خافت : ها لا ولاشي
ممبسسسسسوطه معااااه بشكل مو طبيعي
اتوجه للمشروبات الساخنه واخدلها : اشربيه قبل لايبرررد
رنيم قربت الكوب لوجهها : الله
يزن يطالع في المكانو كلو : امم ايش حنسسوي دحيـــن
رنيم : خلينا نجلس شويا تعبببت وانا اجري
يزن : لو جلسنا حنمشي بعدها على طول
رنيم بردة فعل سريعه : لا بليييز خلينا هنا
يزن ابتسم : اول مرا تجي
رنيم : ايووا مرا حبيتو دايما اسمع عنو بس ماقد جيت
يزن ينبسط لما يوديها كدا اماكن هيا اتمنت تروحها ودا نفسو بس اللي يسويـــه دق جوالو خــرجو لقى المتصــل " رودينا " : دقيقه
رنيم مع انها ماتدري مين المتصل بس حولت ملامحها لزعل وقالت باإسلوب عتب : ييزن خلاص كل شويا احد يتصل عليك تطفشني كدا
يزن دار الجوال وخرج البطاريه ورفعها : يرضيكي كدا ؟
رنيم على طول ضحكت وشربت من الكوب تحب لما تطلب شي وبدون نقاش يسويـــه
يزن ولا أهتتتتم دخل الجوال بجيبو وهيا تشــرب وبتطالع بناس وهوا كل شويا يطالع فيـها
رنيم طالعت فيه لما حست بنظراته وهوا سوا كأنو ماكان بيطالع
رنيم : تراك بتوترني كدا
يزن مسوي انو بريى وماسوا شي رفع اكتافه : ايش سوويت دحين
رنيم : ولاحاجه طالع قدامك
يزن طالع قدامو زي ماقالت وكانو في بنات بيلعبو وهوا لاشعوريا ابتسم مو عشانهم عشان رنيــم وكيف مستحيه منو ماحس الا وخبطه على بطنو طالع فيها ولقاها مكشره : قصدي مو كدا
يزن ماستوعب مرا مسك بطنو : اااي ايش فيي
رنيم : ولا اقول طالع طالع فيييهم
يزن فهم دوبه : ههههههههههههههههههه وربي ماانتبهتلهم
رنيـم : صدقت طيب
يزن هدي صوتو وجا قدامها : تغاري
رنيم : لا
يزن : اجل عادي اطالع
دوبو بيدير جسمو الا هيا مسكت يدو بردة فعل سريعه : لا
يزن ابتسم ورفع حاجبه يباها تقول اغار بس دي من مستحيلات رنيــم .. : يعني تغاري
رنيم استحت طبعا تقولها مدت الكوب له : ماليا نفس فين احطو
مع انو نفسها فيــه بس عشان تصرف نفسها كدا قالت
يزن عض على شفايفو وكأنو بيقولها " اللهمني الصببر يارب "
اما هيا ضحكت : ايش ببك
يزن اخد الكوب وقال بقهر : سلااامتك
مشي قدامها وهيا وراه وكاتمه ضحكتها
عدل سابقا من قبل دَمْعَةُ إِشْتِيَاقْ .. “ في الأربعاء 16 نوفمبر 2011, 22:29 عدل 1 مرات | |
|
| | |
دمعهةة إششتيـآق
مسـآهمـآتـﮯ.. : 1277
تقيـمآتـﮯ.. : 116
مخـآإلفـآتــﮯ :
| | موضوع: رد: رواية اشتعال السحب / بقلمي الأربعاء 16 نوفمبر 2011, 22:20 | |
| تكملة البارت ال22
اما رودينا على مكتبــها .. ومرا مستغربه : ايش بوو دا ..
رمت الجوال على المكتب وعقدت حواجبها : اكيد وراه شي .. مع نفسسسسو
ماتبى تفرض نفسها بس بنفس الوقت بعد اللي سواه معاها وهرجه اليو اس بي حست نفسها حقيره
عشان كدا حتتنازل وتسأل عنو تانــي ...
رجعت البيــت على الســآعه 11 الليل وطبعا دوآمو زيـــها فاوصلو الاتنين للبيـت ..
كل واحد بطريــق كانت هيا بتطلع لفوق بس بتردد ناداها : رودينا
رودينا كانت بتطلع الدرج بس وقفت ودارت : نعم !
نادر اشر براســو على الغرفه اللي على يمينو : تعالي اباكي بموضوع
ودخل بدون حتى اي نقــآش
رودينا مرا استغربت وتتمنى من اعماق قلبـها انو مايكون الموضوع اياد عشان لاتعصب عليه لأنو ماتبى تتناقش يدا الموضوع اكتر من كدا .. كل جلساتها مع نادر سارت عن اياد
دخلت ووقفت عند الباب : ايش في
نادر اشرلها على الكنبه : اجلسي
رودينا : لو الهرجه عن اياد حخرج
نادر : لا اجلسي
رودينا اتوجهت للكنبه اللي من يسار نادر :خير ان شالله
نادر : اباكي تهرجي مع امك
روديتا : عن ؟
نادر : عن جلستي هنا كل ماجي افتحلها الموضوع تقولي دا بيتك وماعرف ايش وانا صراحه مابى اضيق عليكم
رودينا : منتا مضيق علينا ولا حاجه انتا بدال اتنين هنا بابا واياد
نادر : ماعليكي من هرجه مضيــقكم دي دا عزر بس خليكي في المبدأ نفسو
رودينا : اللي هوا ؟
نادر : انا مالي اي علاقه فيكم ومافي اي رجال هنا وانا بينكم
رودينا : انا مو شايفه فيها شي دام ماما راضيه وواثقه فيك فاعشان كدا ماحقدر اهرج معاها بالموضوع وماحعرف ايش حقولها
نادر : انتي قوليلها انو بديت اضايق منو وانا ابى ارتاح في البيت جيبي اي بلوه فيا وانا بعدها بيوم حقولها حمشي فاعشانك ماحتصر يعني
رودينا حطت رجل على رجل : طيب سؤال
نادر : اسئلي
رودينا : لو خرجت من هنا فين حتسكن
نادر : ارض الله واسعه
رودينا : ماقلنا شي .. بس قولي فين حتسكن ؟
نادر : امم مو مشكله تنحل اقدر ادورلي اي شقه صغيره
رودينا ابتسمت : طيب حلو .. بس من فين حدبر الفلوس ؟
نادر : من وظيفتي دي
رودينا انهت الموضوع : لما ينزل راتبك نهاية الشهر ساعتها حكلم ماما انك مضيق علينا
نادر : شهههر والله مرا كتير انا بد
رودينا قاطعتو : لا كتير ولا حــآجه لاتمرمط نفسسك انتا هنا عندك غرفه خاصه فيك شغاله 24 ساعه بتخدمك فلا تكون جاحد للنعمه
نادر : الحمدالله طيب بس انا رجال في النهايه وانتي بنت
رودينا : وفي ماما وماما واثقه فيك ولا ماكان خلتك هنا
نادر : انا جاي اطلب منك طلب لاتقفليها بوجهي
رودينا حطت شنطتها على رجلها : والله ماقفلتها بوجهكك يمكن في يوم تشكرني على اني ماسمعت كلامك
نادر : هههههه لا ياشيخه
رودينا ابتسمت : ايوا طبــعا دايما لما تجيك فرصه لاتسوي فيهاا وتطيرها
نادر : اوك ياستي ححاول اصبر لشهر
رودينا دق جوالها وعلى طول فتحت الشنطه وخرجت الجوال الا لقت مسج عن التبرعات .. بان في ملامحها التحطيم
نادر لاحظ دا الشي : يزن لما جا هنا اخر مرا ايش سار بينك وبينو ؟ اتفاهمتو ؟
رودينا : ايوا
نارد : يعني دوري انتهى
رودينا ابتسمت بشبه ثقه : اممم ايوا
نادر قلدها : اممم ايووا مو واثقه يعني بردك
رودينا : مدري بس انو متغير
نادر : هوا جا هنا وقلك يرجع الوضع زي اول يعني
رودينا : هوا قلي سبب المشكله
نادر : وقلك نرجع يعني !
رودينا : اسلوبو دل على انو يبانا نرجع
نادر : طيب هوا قاالها !
رودينا حاولت تتذكر كلام يزن وبعدها قالت بتردد : لا
نادر : لو انو يباكي ترجعيلو كان اتصل اول ماخرج من عندك وبما انو لدحين ماتصل فدا يدل إنو وراه شي وفي حاجه اهم منك شاغلتو
رودينا : لو انو مايبانا نرجع ماكان جا لهنا
نادر : يمكن له اسباب لجيتو
رودينا اتذكرت لما قلها ابى اشوف اياد : لا اكيد مشغول او حاجه
نادر : رودينا ترا الف احد يتمناكي لاتتعلقي بشخص منتي واثقه بمشاعرو ول
رودينا قاطعتو باإنفعال : ومين قال اني متعلقه فيه هوا اللي يبايني
نادر : لما تطالعي بجوالك عشششرين مرا باليوم لدرجه تنزليه وتحطيه على طاولة الطعام وانتي بتاكل وددا مو من طبايعك فاباين انك متعلقه فيــه
رودينا : ليش انا بس ماسكه الجوال عشان خاطر عيونو
نادر : عيونك فاضحتك ترا لاتحاولي تطلعي اسباب
رودينا سكتت
نادر : شوفي انا بقولك شي من باب الاقتراح يعني
رودينا طالعت فيه ببصمت
نادر :بما انو هادي راح في طريقو وربي ماكتبلكم نصيب فاأستغلي غيره الرجال
رودينا : كيف يعني
نادر : اكتر موضوع الرجال يغار منو لما يكون يحب وحبيبتو تقولي في احد اتقدملي والولد كااامل ومافيه اي عيب واهلك كلهم موافقين ومستنين ردك
رودينا بما انها تعرف عقليه يزن : حيقلبها حريقه عليا
نادر : طيب سووي زي كدا وشوفي ردو
رودينا : مع اني عارفه ردو بس مو خسرانه شي حجرب _ وقفت وشنطتها بيدها _ يلا انا طالعه انام تصبح على خيــر
نادر : وانتي من اهله
طلعو الاتنين الدرج وكل واحد راح باإتجـــآهـ ...
الســـآعه 11 الليـــل وهوا مســـرع في طريـــق من يمينه ويســآرهـ صحـرآ
: اوووف يزززن خفف السرعه والله ترا حموووت من الخووف
يزن : يابنتي عشان نووصــل
رنيــم مرا خايفه : يزن قدو اخر الليل فين تبى توديني خلاص برجععع
يزن طالع فيـها : بلاشي زن ترا صدعتيلي راسي
رنيـم : انتا قلتلي حترجعني ليش موديني هنا
يزن : ماتثقي فيا يعني
رنيم : ايوا طبعا ماأثق فيك
يزن طالع فيها مفجوع : يابت استحي على وجهك
رنيم تهرج بجد : ايوا انتا رجال في النهايه وانا دحين سرت انثى يعني ينخاف صراحه
يزن ضحك من قلبببو على ردها : ههههههههههههههههههههههههههه اهم شي انك كنتي عارفه نفسك ماتنشافي اول ..... وربي يارنيم لو انك اول تبووسي رجلي عشان احبك ماكان طالعت فيكي
قالها بس عشان يردها استفزتو بجمله ماأثق فييك فاردلها هيا
رنيييم على طول رفعت يدها تبى تضربو
الا هوا طالع فيها وفرصصع عينو وقال : هااا
تخاااف منوو
زمان كان هتان ايش مايقولها خلاص تبى تضربو حتضربو
بس يزن نظره وحده تخلييها تنزل يدها : ماحكلمك
يزن : هههههههههههه ياحشاشه قللبي
رنيم طالعت فيه : يزززن كم مررا اقولك تستفزني دي الجمله
يزن : مو عشان كدا بقولك هيا
رنيم : يعني مايكفي انك خاطفني كمان بتستفزني
يززن تعب من اسلوبها الجفص : خاطفك بعييينك ياااشيخه روحي ولللي انتي اخر انسانه تفهمي بالرومانسيه
رنيم : اي رومنسيه دي الله يقرفك
يزن : ان لله وان اليه راجعون
رنيم تعششق لما تهرج بجفاصه وهوا يتنرفز : اووف ايش بك دحين
يزن : لا مرا سلامتك بس ماقول الا حسبيه الله ونعم الوكيل عليك ينزار لو اني ماروحت تركيا ماكان متعزب دحين
رنيم : تراك بتجرحني من اول وانا ساااكته
يزن : ههههههههههههههههههههه كويس لو انك بتحسي ليا ساعه وانا بقولك كلمتين حلوه وانتي ماسكه جوالي وحاطه رقم الشرطه تحسبيني مو شايف ... هبله انتي حخطفك واقتلك يعني
رنيم فرطت ضحك : ههههههههههههههههههههههههههههههههههه وربي مو الشرطه ههههههههههههههههه
يزن : الا الشرررطه انا لامحو من اول بس بحاول اصبرر نفسي على غبائك
رنيم رفعت الجوال وهيا لساتها بتضحك : شوووف كنت بلعب دخلت بس رقمييين هههههههههههههههههههههههههههههههه
يزن شمق مع انو جواته مبتسم بسبب ضحكتها : حسببت
رنيم مستمره بضضحك : هههههههههههههههههههههههههههههههههههههههههههههههه اااه يااقلبي وربي مدري كيف تفكر بعض الاحيــآن
يزن : انتي اللي تشككي الواحد بنفسسو ماسكه جوالي وماتبيني اخدو
رنيم : ايوا شوفت صورتي انا وانتا اللي بتركيا وبعدها بطلت ارجعو عشان لو احد اتصل ماترد
يزن : قلتلك ماحرد خلاص على احد
رنيم : كزاااب فجأه مالقى غير الجوال في ادنك
يزن : خلاص ياشرشبيل قربنا
رنيم : ههههههههههههه يززن بلا مجاغه لاتقولي شرشبيل
يزن : بقولك حياتي قلبي عيوني ماتديني وجه اقولك شرشبيل تضحكي يعني شي احسن من لاشي ردة فعل احسن من
رنيم قاطعتو : بلاا خلاص مابى شي قولي رنيم وانتهينا.. دحييين فين حتوديني والله المكان يخووف
يزن : دحين حنوصل وماحتخــآفي
رنيم : طيب قووولي ليك ساعه بتناحلني ومرا تعبت تراا من العصر بنفرفر روحنا اتغدينا وبعدينا لعبنا بتلج وديتني السوق _ طالعت بجسمها _ واشتريتلي دا اللبس _ ودحين اهو كمان ماتبى ترجععني
يزن : يامفهيه مشتريلك بوت طويل وجينز وباين اللبس يعني لإيش بس لأنو مافي امل فيكي تحركي مخك بشي عدل فاعشان كدا ماحتعرفي المكان اللي حنروحو
رنيم : ليش البوت سار له اماكن معينه كمان
يزن طالع فيها بتعب : اقوول تجنني وانتي ساكته الله يخليكي اسكتتتي
رنيم : ماحسسسكت
يزن : دي اماكن كلها مسكونــآ فيــها جن وعفاريت
رنيم : اتعوذ من الشيطان بلا
يزن : ياشيخه اخاف اتعوذ من الشيطان تختفي من قداامي
رنيم شهققققت مع الفجعععه : يززززززززززززززن
يزن فررط ضحكك حسها قوويه : لا والله معليششش قصدي _ يبى يصرفها _ شووفي هناااك
رنيــم مانزلت عينها من عليه تطالع فيه مفجوعه لسى مو مستوعبه ردو
يزن : ههههههههههههههههههههههههه خلاااص اسسسف
رنيم : بلاا تراني مصدومه
يزن : ههههههههههههههههه أهو وصلناا
رنيم ضمت يدها تحت صدرها : ماهمني
يزن : لو عرفتي فين جايبك حتطيري من الفرح عارف نفسك تجي هنا
رنيم مقهوره من ردو : ماحنبسسسط
يزن : والله حتنبسطي
رنيم : انا حررره بكيفي ماحنبسط ياأخي انبسط انتا لوحدك
يزن : طيب نشوووف ياشرشبيل
رنيم : على فكره تراك مزودها
يزن : احسسسن عشان تاني مرا لما اقولك ياحياااتي القى شي بالمقابل خليكي على شرشبيل لين ماتتعلمي تهرجي عدل
رنيم : انا عوجه ماحهرج زي ماإنتا تبى حهرج زي ماأنا ابى ارتحت
يزن ابتسم : يالبى العوجه انا بس مافي امل حخليكي زي ماأنا احب
رنيــم عارفه نفسها مع يزن لاشعوريا تسير زي مايحب هوا
كتير طبايع لاشعوريا ماتوقعتها تتغير فيها اتغييرت
واولهم ادلع بالكلام
كل شي بيتغير
وهوا كمان نفــس الشــي بيسوي اي شي عشان يرضيــها ..
وقــف قداام بوآبــــه خضــرا دق البووري مرتــين ورجع دق تالت مرا وبعدها انفتحـــت
شافت حديقــــــــــــــــه كبيره على مدى نظرهاا : ايش دا
اول مادخلو الضوو مراا عالي
بعكس طول الطريـــق
المكان فيــه حيــآهـ
بس العامليــن
وقف سيـآرتو : يلا انزلللي
رنيم مرا خــآفت : اول قولي ليش جايبني
يزن : يابنتي دي مزرعه سيدي
رنيم : طيب ؟
يزن : اقول انزلي بس
يزن خرج من السياره وهيا فتحت الباب بتردد وبعدها نزلت
يزن مشي وشافها لسى واقفه عند لسياره : رنوو هنااا
رنيم مشيت ورااه واتووجه للمبنــى الخشبــي فتح الباب الكبيــر البني
ورنيـــم فنجــلت عيــنها : واااا خيوووول
يزن : كنت خايف ماتعرفيها
رنيم : لا يااشيخ
يزن ابتسم : مو نفسك تركبي خيــل يلا تعالي
رنيم ابتسسسمت بكل حـــب ومالقت اي كلمه تقولها
يزن فهم : امممشي نلعب ..اوريكي حصــآني الجميــل مايحب احد يركبو غيري .. قصدي يركبها هيا انثى
رنيم كشرت : عشششان كدا
يزن ضحك : ههههههههههههه
يزن وداها عند الحصــآن الابيــض
رنيم : شكلها يجن
يزن تنى جسمو ودخل من تحت الخشبـــه : تعاالي
رنيم دخلت معاه ولاصقه فييه خايفه
يزن اخد الفرشــه اللي بالارض وسار يمررها على جسم الحصــآن : مررررا وحشتتتتني اخر مرا شوفتها قبل لااروح تركياا
رنيم حست باإحساس غبي غارت من حصاان : طيب طيب يلا نركب
يزن : اصبررري طييب خليني
رنيم دارت جسمها : ماشالله كم حصــآن فيي
يزن : كل واحد فينا سيدو جايبلو وحد الا امي عشان ماتحبها
يزن اخد جزر واعطاه لرنيم : اكليــها
رنيم : لا اخااف
يزن اصر عليها : جررربي يااشيخه
رنيــم اخدت : طيب
اكتر شي يحبو فيـها انها ترضى بســرعه بالمغامرات مو زي رودينا مهما لح عليها ماكانت ترضى تسوي شي معاه
اما رنيم تتردد شويتين بعدين تتحمس
حطت الجزر عند فمها وسارت تاكل ورنيم ضحكت : ههههه _ بعدت يدها _ تضضضحك
يزن : هههههههههههههه كمليلها
رنيم يدها اليمين الجزر ويدها اليسار حاولت تمدها على وجه الحصــآن ولما حطتها عليييه لانت ملامحها : واا .. مين اكتر واحد فيكم له بالخيل
يزن : مازن جاتو فتره يدخل بسباقات مرا يحب الخيل وله يمكن فوق 5 سنوات بس قبل سنه ونص كان عندو سباق وحصانو مايدري ايش بو فجأه طاح الحصااان وهوا كمان اخدلو ضربه جامده وشوفي الحصان ماستمر اسبوع الا اتوفى ومازن خير شر ماسار يجي يدخل باأي سباق
رنيم : وي عشان الحصان مات يعني
يزن : ههههههههه بطلي هبل لا طبعا ..بس طيحتو ماكانت عاديه اتعقد مرا من بعدها وفتره على بال يتعالج خلاص ماسار يجي وبعدها اتعرف على اصحاب زفت شغلوه كمان
رنيم : هوا الكيس اللي ديك المرا كان معايا فيه حشيش مو
يزن : ايووا
رنيم : حق مازن ؟
يزن ماسار يخبي شي عليها اكبر مصايبو هيا عارفتها جات على دي : ايووا يمكن بعد ماتوفت دي رغد يهجد ماتدري
رنيم : الله يهديه
يزن : امين ... يلا تركبــي خيـل
يزن خرج من تحت الخشبه وكان بيفتحها عشان يخرج الخيــل
الا سيدو يدخل الاسطبــل وابتسامه عريضه على وجهه : انتا هناااا
يزززن انفففجع ووقف قبال رنيم عشان يغطيــها
رنيم نزلت جسمها وبينها هيا ويزن خشبــه
يزن بلع ريقـو وحاول مايبين الارتباك : سيددددي ماشالله ايش جابك
سيدو : من المغرب هنا _ يمشي باإتجاه يزن وبيهرج _ قلت الجو حلو خليني اجي
يزن : اها ماشالله _ مو قادر يروح يسلم على سيدو لأنو لو مشي رنيم حتبان _
سيدو : المكان ماسار ينداس بعد مازن مابطل
يزن رفع يدو فوق الخشبه وسوا نفسو يتكي : ايووا كان عامل جوو هنا
الحصان جمب رنيم شوويا اتحرررك
ورنيم مدت يدها ومسكت بتشيرت يزن من وراا بدون ماتحس سارت شادتو
يزن انخنق رفع يدو وسار ماسك التيشيرت من عند الرقبه ويحاول ينزلها
بس رنييم مراا خااايفه وشاده على التيشيرت ومغمضه عينها الحصان شويا ويحتك فيها
يزن يباها تستوعب سار بيكح ووهيا ولا هنــآ
سيدو : ايش بككك
يزن : ولا شي بس انششرقت
سيدو : روح اشرب مويا
يزن ماسك التيشرت : لا مالو داعي
سيدو : ايش بك ماسك البلوزه كدا
يزن قال مابين اسنااانه : عشششان لاأنخننننق
يباها تستوووعب
رنيييم بس سحببت التيشيرت اكتتتر لما اتحرك الحصاان " واا يامااماا "
تيشيرت يزن من قدام اتررفع بشكل ملحوظ
سيدو عقد حواجبه
وهوا حاول يصرفها : ماااسك التيشيرت بالخشبه
رجعع يدو على وراا وضضضرب يد رنييييم وقرصصصها وهيا سابت التيشيرت على طوول
نزل التيشيرت من قدااام واتنفس برااحه وابتسم باإرتباك : ايوا ياسيدي بخصوص مازن والخيــل
اتوجه باإتجاه سيدو وحط يدو على كتف سيدو وخلاه يدير عشان يخرجو : مازن دي الفتره شويتين مضايق في هرجه كدا سايره صاحبو اتوفى الله الله _ شد على كلمه الله عشان يبين انو متأثر يعني _ يرحمو المهم ومازن مرا مضاايق
اسلوبه بالكلام باااين انو عندو مصيبـــه مو حبا في اخوه
سيدو : لا حول ولاقوة الا بلله مين صاحبه
يزن : ماتعرفو ياسيدي
سيدو : كيف اتوفى
يزن : البعيد عنك انتحر المهم دا مو موضوعنا
سيدو انصفق من كلمه انتحر وقف بنص المكان : انتحححر
يزن اتمنى انو قال انشل انقتل اي حاااجه شااف رنيييم بتحاول تخررج والحصااان طللع صووت
سيدو كان بيدير الا رجع يزن مسكوو : ماازن مرا مضاايق
سيدو : والله انا ماشوفتو ولا كان روحنا لأهل الولد
يزن : لااا الولد له فتتتره خلاص العزا خللص وكلو بس لازم مازن يشغل نفسو بشي عشان ينسى مهما كان دا صاحبو
سيدو : زيي؟
يزن طالع وراه لقى رنيم خــرجت يعني لو دار بس سيدو حيشوفها بوجهه فاملقى الا انو يطلع حل لمازن عشان يتناقش مع سيدو : يعننني اشتريلو حصــآن جديد هديـــه وخليــه يرجع تاني مرا للي كان يسويه
سيدو : ماتوقع يرضى وبنفس الوقت انا خايف عليه يمكن يسرلو زي اخر مرا
يزن : ياسيدي بلاش تتشائم انتا عارف ماززن ماشالله عليــه عشقو الخيول بس اي واحد مكانه حيحتاج فتره عشان ينسى الحادث
خرجو من الاسطبــل وسيدو وقــف عند الباب : خلاص انا افكر اكتر بالموضوع
يزن دامو خرج خلاص ماهمو : بكيفك
سيدو ابتسم : واحلى شيشه جهزوها
قدااااااااام الاسطببببببببل بزبط في طااااوله وكرررسي والجو بديييع اخر الليل
يزن يبى يخرررج رنيــم : ياااسيدي الشيشه بطاله على صحتك بللاااشي
سيدو : شووف مين بيهرررج اقوول خليك بنفسسسك
يزن قرب راسو جمب شعر سيدو وشمو: سيدي ايشبو شعرك كدا ريحتو ارجع البيت استحمى احسن لك
سيدو دفاه : اقوول روح عن وجههي دي ريحهه حنه
يزن اصلا ماشم شي بس يبى يصرفو : لا لا ريحه تانيه
سيدو بعد عنو : اقول رايح اشيش _ نادى بصوت عالي وهوا ينادي احد العاملين المغفضلين عندو _ يامحمممد محممد
محمد جاا : ايوا مستر
سيدو : يلا جيب الضومنـآ وتعال نشيش
يزن : ياحبيييييبي _ قال بصوت عالي _ سيدي هوا انتا تفكر تجلس هنا لمتى
سيدو: ماووانا شي الشيشه وفي ومحمد ومافيه نوم والجو يجنن خلينا نسسسهر هنا
يزن _ قال بصوت عالي _ : محمد مافيك نوم
محمد هندي حرك راسو يمين ويسار كدا مرا وقال : لا مستر انا في نوم بعد العشا ساعتين دحين يروح نوم
يزن مبتسسسم وقال مابين اسنانه : راحت روحك ياشيخ ..طيب ايش رااايكم تغيرو مكان الطاوله احس الجو هنا كتمممه
سيدو جالس في مكانو ولي الشيشه بيدو : لا انا ابى اكون جمب الاحصنه عشان اسمع اصواتها
يزن : سيدي حسستني انها بتغرد كل شوويا
سيدو : مالك صلااح انا ابى كدا
يزن : طيب مو مشكله اسجلك صوتها وافضل نعيد ونزيد فيها طول السهره الجميله دي
سيدو : انتااا ايش فييك اليوم انا شاارد منكم ومن زنككم جاي لاحقني هنا
يزن : يااسيدي انا ابى رااحتك وراحتك تنام بدري وتبطل الشيشه
محمد : مستر انا اومي عمر 108 سنه كل يوم في دخان ومافي شي صحه كويس
يزن : ياحلاوه اهلك هيا امك لسى عايشه
سيدو بحده : يزززن
يزن : طيب خلااص انا دااخل جوا لو تبوني دقوو الباب عشان جالس مع حصاني وابى استفرد فيها طيب ياسيدي
سيدو اشر بعدم اهتمام : رووح من وجههي
دخل الاسطبل وقفل الباب وحط خشبه وراااه وطالع برنيييم اللي مدسيــه وراا الخشبــه : ياهبله اخررجي
رنيم خرجت راسها وماسكه العموود : دا سيدك ؟
يزن اشر عليها وقال بقهر : انتي احد قلك انك منحووســـه
رنيم مرعووبه : طيب ليش قفلت الباب
يزن : سيدي قبالنا جااالس وبيشيش الله واعلم لمتى
رنيم : واا يااربي ايش داااا
يزن : حظظظك _ اشر على مكان _ تعالي نجلس هناك عشان لو انفتح الباب ماتباني
رنيم اتوجهت للمكان الي اشر عليــه وكان مكان فااضي اللي هوا مكان حصان مازن الفاضي
دخلت من تحت الخشبه : حنجلس هنا لمتى
يزن دخل وراها : قولي 3 الليل اقل شي
رنيم شهقت : ييززززن الساعه 12 الا ربع
يزن : ايش اسوي يعني اشم على قفى يدي انو سيدي جاي
رنيم : اوووف يااااربي
يزن : طيب شوفي في كيس كبير هناك ادخلك وسطوو واشيلكك على اساس انك زباله وارميكي بعيد عن سيدي وبعدين تدخلي السياره
رنيم : ننععععم يارووح امك
يزن من ردة فعلها قال : بمززح ياهوو
رنيم جلسست بالارض وسندت جسمها على الجدار : وبعديين يعني
يزن واقف : اصبببري
رنيــم : حنجلس كدا يعني
يزن رفع حاجبه بمكر : نعسسل ؟
رنيم مالها بالمعسلات : ماعرف يع
يزن قاطعها بحماس : والله فكرا بدال مانجلس كدا طفشانين
رنيم : بس
يزن : اقوول _ اشر على المكنســه _ روحي خديها وكنسي دا المكــآن لاتبقي ولا حــآجه عشان لو طاح الفححم لانروح فيــها
رنيم : انتا فين رايح
يزن : ازببططلللك احلى معسسل
رنيم : وتسيبني لوحدي
يزن : فين تبيني اعلقك يعني .. شوفي انتي هنا الباب لو انفتح فيه صوت مزعج طلي بس ازا انا خلاص كويس ازا مو انا فاحتفضلي مكان مدسيه وماأظن احد يدخل سيدي دام مسك لي الشيشه ماحيسيبها
رنيم : ولو رجال تاني دخل
يزن : عماال محد يقدر يفتح فمو حيحسبك وحده مننا وفينا اهم شي انتي خليكي واثقه
رنيم : بلاااشي يايزن
يزن : اقول مو قاطع دا المشوار كلو عشان افضل محبووس وصدقيني حيحلى الهرج مع المعســل
رنيم اتشجعت تبى تجررب طبــعا : خلاص بس لاتتأخر
يزن : ماينفع بوسه وداع اخاف يكون اخر للقاء وننفضح و
رنيم ضحكت عرفت انو بدأ يروق : رووح من وجهي ياروميو
يزن : ههههههههههه ماحتأخر
خرج من تحت الخشبــه وراح جرري فتح الباب وهيا اخدت المكنســـه وسارت تنظظف وتخررج القــش من المكــآن
الصغيــر ..
ابتسمت وهيا تكنــس من جد مغامرات مع دا الولـــد
تعبش 100 شعور في اليوم الواحد
تخجل
تخاف
تتشجع
تصرخ
تضحك
تمزح ..إلخ
كلوو مع يـــزن .
برا المكان يــزن يأشر لمحمد : هييي محمممد محممد
محمد دااخل جوووووو مع سيد يزن لدرجه خلتو يخصصصر يزن : مايقدر في قوم انا يركز اوصصص
سيدو : رووح احنا مو فاضيين
يزن انفجع من محمد اول مرا يتكلم معاه بدي الطريقــه مشي معصصب واتوجه للمطبــخ
لقى فحم سريع الاشتعال على الطاوله وولعها ..
وسار يدور على المعسلات
يفتح كدا درفه ويدور
بعدها فتح احد الدرف لقى 3 معسلات
خرج الصغيــره حط المويــآ وشرآيــح الليمون والنعناع
وراس المعسسل زبطـــو بنكهتو المفضـــله
اخد لي المعســـل ووداه
وبعدها شال راس المعسسل ووداه
وبعدها شال قاعده المعسل ووداه
كلو بتقسيــط عشان سيدو ماخليهم يعسلو هناك
وبعدها واخر شي شال الفحــم .. ودخل وهوا يرقصــ ويغني : وليلتنا الييووم صباااحي
رنيم ابتسمت : اما لو دخل سيدك حنروح فيها
يزن : لا مستحيل دحين يدخل
جلس يزززن وحط المعسل بين رجلو وسار يزبطــهاا ولما خلص اتربـــع وشال الفحم حطو على الراس : الله دقها يامعلللم
رنيم جلست قريب منو .. ويزن اعطاها اللي : خدي
رنيم اخدت بتردد وقربتها من شفايفها وبعدها كحتتت
يزن : ياشيخه هاتي
رنيم : لا نكهتها عجبتني
يزن خلاها ولا دقايق الا سارت تنفخ بالهوى
يزن : هههههههههههههه خربتك
رنيــم : والله مرا لزيزه
يزن اخد منها اللي : دوري
سندو جسمهم على الجدار والمعسسسل سار بينهم
طالع فيها وابتسم : تدري على اني راسم كل احلامي مع رودينا بس كنت عارف انو عمرها ماحتبسطني
رنيم : كيف تحب انسانه انتا عارف ماحتبسطك
يزن : انا احب انبسط كدا يومي كلو افكر فيه بنفس اليوم ايش حسوي اليوم اما هيا لا تحب الشغل تحب كلو بوقتو ماتحب تلعب دا الشي ماكنت احبو فيها وكان يضايقني بس حاليا انا احمد ربي الف مرا لأني اتعرفت عليكي
رنيم : بس علشان بستهبل يعني وماشيه على مودك !
يزن : ههههههههههه تفهمي دايما كل شي بالمعوج .. لاطبعا بس من جد مو عارف ليش حابك
رنيم :عشان غيرتني وس
يزن قاطعها : بطلي هبل لا والله دا اخر شي ممكن افكر فيه بس فيه اشياء كتير فيكي حاببها فاكدا مو عارف اي واحد بزبط اللي خلاني اطيح لشوشتي
رنيم ابتسمت : مع المعسسل دا خلينا نلعب ايش اخر شي
يزن مافهم : ايش دا
رنيم معاها لي المعسسل : يعني اسئلك .. مين اخر شخص حضنتو
يزن : اهاااااا
رنيم : جاوب
يزن عقد حواجبه وبعدها قال : مازن امم اقولك خليها اسئله << في بالو طبعا شي
رنيم : طيب .. أبدا انتا
يزن : لو جاتك فرصه ترجعي اللي سويتيه تختاري انو ماتسافري تركيا عشان يفضل هتان معاكي ولا تخلي وضعنا زي ماهوا ..؟
ررنيم ضحكت : اوو
يزن بجديه : جاوبي
رنيم ادتو لي المعسسسل وقالت بثقه : اخلي وضعنا زي ماهوا
يزن ابتسم : وهتان
رنيم : ايش بو هتان ؟
يزن : خلاص بح
رنيم : قلتلك انهينا اللي بيننا ..اوك دوري اسئئل كم وحده قد قالتلك احبك ؟
يزن ضحككك من قلبــه :ههههههههههههههههههههههههههههههههههه ناسي والله
رنيم انفجعت : مو من جدك !
يزن : والله مو متزكر
رنيم : يعني اكتر من 5 ؟
يزن حك رقبتو : طبعا اكتر
رنيم انفجعت : وانتا
يزن : انا احبك
رنيم : قبل لاتعرفني لاتستهبل
يزن : ترا مو كلهم يقولولي احبك عشان يحبوني بعضهم يقولولي كدا عشان _ حط يدو على جيبو _ عشان فلوسي
رنيم : كل الناس عندها فلوس
يزن رفع حاجبه : انتي ماتعرفي لساتك مين ابويا ومين سيدي
رنيم تخاف لما يهرج كدا : يعني مافي بنات ممكن يطالعو بالفلوس قبل الانسان نفسو
يزن ضحك : هههههههههههه لا والله انك على نياتك نص البنات اللي كنت اعرفهم جوني عشان فلوسي ترا انا لما اروح حفلات في العيله بعض الرجال بايعين بناتهم فليجي يعرفني على بنتو مثلا ويقولي نص سيرتها يعني افهمها اتقدم يولد
رنيم : بجد ؟
يزن : وربي
رنيم : طيب اخر موقف بينك وبين بنت ؟
يزن : قبل امس
رنيم انفجعت من المده حسبت بيقول قبل شهر اقل شي بس خربها يزن لما عدل الوقت
يزن : لا والله امس
رنيم من جواتها فارت بس بتسوي انو ايزي يعني : ايش سار
يزن يتكللللللللم عاااادي وكأنو شي مراا طبيعي : روحت سوق شعبي عشان اشتري شي لأمي تحبو وكانت اللي معينينها في المحل اندونسيا او كوريا مدري عنها المهم سرت بسئلها عن الاشياء اللي ابها الا قالتلي _ كان بيهرج انقلش بس اتذكر انها ماتفهم فقال بالعربي _ انتا متزوج قلتلها لا فقالتلي مي تو ام فري هههههههه وربي ضحكتني
رنيم فهمت كلمه ام فري : ورمتلك هيا كدا
يزن : سيارتي جات غلط بداك المكان
رنيم : دحين انتا تبى تفهمني انو هيا قالتلك كدا علشان السياره مو علشان شكلك ؟
يزن : ايووا
رنيم شمقت : والله انتا اللي على نياتك
يزن : ههههههههههههههههه
رنيم : اقول غير السيره بطلت اسئله مابى انجلط اكتر من كدا
يزن : ههههههههههههههههههههههههه شوفي يارنيم من جدي بهرج معاكي
رنيم انفجعت من جديتو : ايش في
يزن : انا ماكنت كويس قبل كدا يعني صراحه كانت عندي علاقات كتير _ رجع عادها _ مرا كتير فاأي يوم لو سار شي تجي نتفاهم قبل لاتنفعلي
رنيم : اخاف اكون في يوم من الايام وحده من دي العلاقات
يزن غير جلستو بكل اهتمااام : لااااا امانه لاتفكري كدا انا قلتلك عشان مابى يوم تعرفي وتحسبيني خبيت عليكي رنيم انا والله احببك وماتتصوري قد ايش ولا عمري قد اهتمميت باأي وحده عرفتهم ولا كنت اخرج معاهم غير يومين بالكتير وعلاقتي معاهم محصوره على المطاعم اما انتي غير ابى اخرج معاكي كل مكان احب اشوفك تضحكي واكتر شي احبو لما اكون انا السبب لضحكتك سرت اعتبرك شي كبير بحياتي وانا اللي اخاف يجي يوم وتسيبيني فيه مو انتي اللي تخافي من دا الشي
رنيم ابتسمت باإحراااج طبعو يزن يرمي الكلام مرا وحده
فاكدا مرا تنحرررج
وجهها مرا حممر وسحبت منو اللي : دوري
يزن ضحك : هيا كأني كنت اكلم جدار
رنيم ضحكت من قلبــها ماتعرف ترد عليــه
اما يزن يحب سكوتها بدي المواقف مايدري ليش
بس يعشــق خجلها
رنيم : فاكر يوم ماطردتنا دانا من بيتها ؟
يزن : ههههههههههههههههههههههههههههه مسكينه وربي
رنيم : وربي يومها مرا خوفت منك اول مرا اشوف انسان مروق بدا الشكل
يزن : يمدحو روقاني
رنيم : بس كاإنطباع اول مرا ماأنصح احد يشوفك فيه
يزن ابتسم : لو بيدي ارجع تاني مرا تركيــآ
رنيـم : مهما انبسطنا هنا ماحسو زي هناك
يزن : كل دوله لها جوها
رنيم : والله انتا اخبر
يزن : ان شالله ماسافر بعد كدا الا وانتي معايا ...
رنيم اكتفت باإبتسامه بسيطه
تخاف تهرج عن المستقبــل
عشان لاتحلم
وفي يوم من الايام تعرف انو يزن مو مستواها وكل احلامها تروح ..
فضضضضلت معاه لساعه وحده ونص وسيدو راح للحمامات وهوا خرررررررج جررري مع رنيم لسياره وتفحيييط لبرا المزززرعه
الاتين ماتوو ضحككككك
انبسسسطو يوومهم كآآن مافي زيو
وصلها للقاعه واتمنالها انو تحلم فيــه وبــس ورنيم نزززلت وبتتمنى انو تعيش طول العمــر وهيا قريب منو ماندمت بدا اليوم انها سابت هتــآن ولو مجرد ندم بسيط ... بالعكس اتمنتلو وحده تحبو وتقدرو اكتر منها ...
__________________________________________________ _______
صحــي من النوم وهوا مالو نفــس ياكل شـــي .. مسدوده نفسو عن كــل حــآجه
مرت عليــه
ساعه
ساعتين
3
4 وهوا على كنبتـــو
بدون اي حركــه
منسدح وصاحي ومو صــآحي ..
قام وجلسسس يطالع حوليـــه
قرفان حياتو
حاسس بشي خانقو
كاتمو
مضيق علييه حتى البيت
فتح ازرار ياقة البجامه وزفر بكل ضيــق
اتوجه للمطبــخ واخدلو علبــه بيبسي وراح لشنطتو خرجلو اي للبس ولبسو
وخررج للحوش
قدو عصــر
من زمان ماينام بدا الكتــر
ماينام كدا الا لو كان مقهووور مايحس بنفسو الا وهوا داعسها 12 ساعه
ويتمنى لو ينام اكتر عشان يرتاح من وجع الراس اللي هوا عايش فيه
فتح علبــه البيبسي
خبطت في رجلو الكوره طالع لقها ليان جات بتلعب
ابتسمت له : معلييش
وهوا مالو نفسسس حتى يبتســم
جلس على الدرجتين اللي قبال شقتو وهيا سارت تلعب قداموو بالكوره
اتمنى في لحظه انو يكون بدا العمر
اكبر همو اللعبه
قرب علبه اللبيبسي لشفايفو ورفع راسو شويا على ورى وهوا بيشرب
بدي يفكر بحيـآتو اكتر
حياتو اتدهورت من بعد موقفو مع ابوه
سار يسوي كل شي عكس
ظظلم كم بنت معاااه
حتى الشغالات ماكان يسيبهم في حالهم
بس رجع دبي وكان بيحاول يتعدل
لكن ربي ماينسى دعوة اي مظلوم
ام وطردتو من البنت واتبرت منو
اخت ولا سارت تفكر تسأل عنو
اب اخر شي ممكن يهتم فيه ولدو
بلع ريقو وهوا يفكر بدا الموضوع يمكن كل اللي بيسرلو عقــآب من ربنا
حتى الشراب امس لما حاول يشرب بعد عدة كاسات حس فجأه انو مو طبيعي
احساس اول مرا يحس فيــه
كدا سابو وخرج من المكان
ماسار يقدر حتى يشــرب يتعب على طول
ويمكن دا بدايه لحياته لو بعد عن الشراب
حيقدر يكمل حياته
بس كل اللي شاغلو
حيكمل حياته مع مين
وكيف
وعشان ايش ..؟
زفر بدون مايحس بصوت مسموع
وليان طالعت فيــه وبعدها رمت له الكوره قالت بتردد : تلعب معايا ؟
اياد مالو نفــس : لا خليني اتفرج عليــكي
ليان : طيب _ وكملت لعب لوحدها _
اياد ماحب يكسر بنفسها حط علبه البيبسي على الدرج وقام : ارميلي الكوره
ليان ابتسمت وماصدقت احد يلعب معاها : ترا لولو زعلانه منك
اياد على بالو لانا حط الكوره تحت رجلو ومابدأ لعب : ليش ايش سويتلها
ليان : عشان امس صرخت عليها طلعت فوق وقعدت تبكي
اياد مايتذكر انو صرخ عليها بالعكس خرجت من عندو وهيا هاديــه : اما قعدت تبكي
ليان : ايووا هيا مرا تححببك وانتا قومت كدا تتكلم معاها _ طالعت بالكوره _ ايش بك ارمي الكوره
اياد ماستوعب : ها
ليان من جهتها شافت لولو جايــه فاأبتسمت وطالعت باإياد : أهو جات
اياد حسس بشعووور مو طبيــــعي
بس لما عرف انها جات فجأه قلبه يحسو طاح ودار راسو لمكان ماسمع صوت الخطوات :اهااا ليناااااا
ليان : اجل ؟
اياد ضحك : لا _ حك جبينو بتوتر واضح من غباء الشعور اللي حس فيه _ ولاشي _ طالع بلينا _ لولو تلعبي معانا
لينا طبعا نسيت اللي سار : ايوا ايوا انااا بس معااك
اياد ابتسم : اممشي
لينا : دقيقه انادي لؤي
ورااحت جررييي ورجعتلهم وهيا ساحبه لؤي
اللي بيطالع باإياد بنص عيــن ..
اياد يبى يكسب شويتين لؤي : الاولاد فريق والبنات فريق
ليان : طيب انتو كبار احنا صغار
اياد طالع بلؤي : لا احنا حنهدي اللعب ماعليكم
ليان : انا اصلا اعرف اللعب
ولا دقــآيق الا بدأو اللعب واصوواتهم عليــت بالمكــآن
ضحك
صريخ
كلو غش في غش
لينا تشيل الكوره بيدها وتروح ترميها بنفسها للمرمى
وهما سايبينها
وليان تكون معاهاالكوره لما يقرب منها اياد تجلس فوق الكوره عشان لاياخدها منها
ولؤي كل شووويا يطيـــح بدون سبب يلاقوه في الارض متزحلق
بعد ربع ساعه
اياد جلس على الدرج بتعب وهما فيهم لسسى طاقه : مانهد حيلكم ..
لينا : لا يلا قوم
اياد اخد علبه البيبسي ويكمل : لا خلااص انا تعبت
انبسسط معاهم ... اما فوق كانت بتناديهم للغدا لما فتحت الطاقه عشان تنادي شافت اياد يلعب معاهم
وكل شويا لما يبى الكوره يسحب وحده من اخواتها من بلوزتها ويرفعها من الارض وياخد الكوره
مارضيت تناديهم
راحت لمرت عمهم : عمه شويا نتغدى
عمتها : مو البزوره جيعانين
لانا :لما يطلعو من نفسهم نعبي الغدى
عمتها : بكيفكم .. خليني اروح احمم اختــك
لانا : اوك
عمتها راحت وهيا اكتفت باابتسامه
عدل سابقا من قبل دَمْعَةُ إِشْتِيَاقْ .. “ في الأربعاء 16 نوفمبر 2011, 22:33 عدل 1 مرات | |
|
| | |
دمعهةة إششتيـآق
مسـآهمـآتـﮯ.. : 1277
تقيـمآتـﮯ.. : 116
مخـآإلفـآتــﮯ :
| | موضوع: رد: رواية اشتعال السحب / بقلمي الأربعاء 16 نوفمبر 2011, 22:21 | |
| انتهـى البـآرت ..
=)
قرآءهةة ممتعهةة نزلتهةة لكـم وبروح اقـرآهةة ضض1
برب | |
|
| | |
بنت امها
مشرفـة ĸiтcнeи шиαsα |
مسـآهمـآتـﮯ.. : 3173
تقيـمآتـﮯ.. : 141
مخـآإلفـآتــﮯ :
чσuя sмs » :
| | موضوع: رد: رواية اشتعال السحب / بقلمي الخميس 17 نوفمبر 2011, 00:25 | |
| نفس الطريقة حق مداعبات
جــــارىء القراءة =) | |
|
| | |
SHATHA
مسـآهمـآتـﮯ.. : 2918
تقيـمآتـﮯ.. : 325
مخـآإلفـآتــﮯ :
чσuя sмs » : لبـآ كـل نفرـةة بالمنتـدى
| | موضوع: رد: رواية اشتعال السحب / بقلمي الجمعة 18 نوفمبر 2011, 12:53 | |
| ايشششششششششششششششششش خلص
لــآ مرآ حرآآم
قصصير بالمرة
آآف يله نسستنى اسبوعين عبال البارت الجاي
شكرآ دنوششش 2
ليكي احلى ++++ | |
|
| | |
| | رواية اشتعال السحب / بقلمي | |
|
