حالمَة ؟
رخيصَة ؟
ضعِيفَة ؟
أنانيّة ؟
متعنِّتَة ؟
مخادِعَة ؟
ما الذّي تحدثّهُ لنفسكَ الآن عنّي ؟
حســت انو كدااا مــرااا كتيــر
جوالــه لدحيــن مقفــل
قلبببها قابضــهاا
مخنــوووقــه
متوووتـــره
دخلت الجوال بجيــب الجيــنز ووقفـت بطـرف الرصيــف
مدددت يدهاا لين ماوقفــلها تاكسي وركبـــت
عارفــه انها حتتهور
بس الشي الوحيــد اللي خطر في بالها
انو امــه سرلها حــآجه
عششان كدا حتتوجه للمستشفى
عــآرفه حتى كم رقـم غرفتها مرا يزن قلها
من كتـــر مايحبــها اددددق التفاااصيل يقولها هياااا
ابســـط الاشيــآء
اصغغغر المواضيــع
مشبكه اصابعها في بعض وتحركها بتوتر
خــآيفه تحححس انو قلة زووق تروح لهناك
بس مو ذنبها الولد مختففففي
بدون اي اثـــر
حتى اخوانه مايعرفوو شي عن الموضوع
واخوانوو مايعرفو انو امهم في المستشفى عشان كدا
استنتجت انو يزن عند امـــو
الطــــررريق رااح ومر بســـرعه من كتر ماتفــكر
ولما شافت المستشفى من بعيييد خلاااص
قلببها ساااااار في صراااع من كتر مايدددق
ماتدري ايش بها لدي الدرجه خـآيفه
بس كل اللي تقولــه ان شالله خيــــــــــر ..
دخلــت المستشفى وحــآست حووســـه ليـــن مالقت رقم الغرفه وقفت قدام البـآب
التوتر متممممككككن منــها
قالت قبل لاتفتح الباب تتصل على جوال يززن لعل وعسسسى يكون فتح جواله بدال ماتحط نفسها في موقف بايخ هنا
واتصلت وبرضو مقفــل
هنننا حسسست مو مهتمه اللي يسير يسير
اهم شي تطمـــن عليه ويرتااح بالها
تحس انها ضايعه مررررررررررااا
شي نـــآقص جووواتها
دقت البـآب كدا مرا ومحد رد عليــها بتردد فتحت الباب
وكان فيــه صووت ياسر الدوسري قرااان ..
كَلَّا إِذَا دُكَّتِ الْأَرْضُ دَكّاً دَكّاً (21) وَجَاء رَبُّكَ وَالْمَلَكُ صَفّاً صَفّاً (22) وَجِيءَ يَوْمَئِذٍ بِجَهَنَّمَ يَوْمَئِذٍ يَتَذَكَّرُ الْإِنسَانُ وَأَنَّى لَهُ الذِّكْرَى (23)
يَقُولُ يَا لَيْتَنِي قَدَّمْتُ لِحَيَاتِي (24) فَيَوْمَئِذٍ لَّا يُعَذِّبُ عَذَابَهُ أَحَدٌ (25) وَلَا يُوثِقُ وَثَاقَهُ أَحَدٌ (26)
يَا أَيَّتُهَا النَّفْسُ الْمُطْمَئِنَّةُ(27) ارْجِعِي إِلَى رَبِّكِ رَاضِيَةً مَّرْضِيَّةً (28) فَادْخُلِي فِي عِبَادِي (29) وَادْخُلِي جَنَّتِي (30)
<< يارب اجعلنا من اصحاب هذه الايــه
ام يــزن كانت واقفه عند السرير اصلا ماسمعت انو احد دخخخل فلما شافت رنيم قدامها مرا انففجعععت وطاح الايباااد من يدها وانقفل القرااان جايها بدنــق وتاخده الا مسسكت ظهرها اللي ياألمها : آآآ
رنيييييييييييييم مراااااااا استحتتت بذااات لما مالقققت يييييزن
تســــب نفسسسسسسسسسسسسهااا الففف مراا جواااتهاا
منحرجه
مقهووره
وكل شـــي ماقدرت تخررج كدا
اتوجهت لاام يزن واخدت الايبااد من الارض
وادتها هوا ووجهها محمـــر : معللليششش بس دقيت كدا مرا ومحد شكلو سمعني من جد اسسسفه ومعليش على الازعااج
كانت تتأسف كدا مرررا من كتتر مو منحرررجه
ام يززن كانت رابطه ربطه على راســها علشان ماعندها شعــر
والارهاق والتعععب باين في وجهها قالت بصوت باين فيه التعب : عاادي _ اخدت الايباد _ تسلمي
رنيييم طبعا قالت حتخرج زي مادخلللت ماتعرف احد
ولا من سمع ولا من دري بجيتها دي
بـــس على مييييين
ويـــزن كل صوورة لرنيم يوريها لأمووو
وغيــر الوووصف
وغير كل حــآجه
الولد عـاشقها بشكل فضيـــع
رنيم ابتسمت باإرتباك وااضح ودارت جسسمها بتخــرج بس وقفـتها ووقفت قلبببها معاها لما قالت امو : رنيم ؟؟؟؟
ضغطت على اسنانها وملامحها جمدت مو قادره حتى تدير وتطالع فيـها
زفررت بدون ماتطلع صووت وججها كلو انصببببببببغ اللون الاحمر ودارت وهييييييا مكسسسسسسسسسسوووووووفه
وابتسامه تدل على خجلللهاا
ماقالت حتى ايووا بس وقفتها تدل على انها رنيييم ايوووا
ام يزن ابتسمت بتعب وهيا مضيقه على عينها باإرهاق : يعني ماغلطت
رنيم يادوب طلللع صووتها مع الاحراج : ايوا انا رنيم
ام يزن مدت يدها وتبى تسسسلم : اهلييين واخيرا شوفتك
رنيييم خلااااص وجهها طااااح بالارضضضض
قرببت منها وسلــمت : تقومي بسلامه ان شالله
ام يزن وابتسامه حب على وجهها : الله يسللمك حبيبتي _ اشرت على الكنبه _ تعالي اجللسي
رنيم لقتها فررصه تسئلها عن يييزن
اتوجهت للكنبه وجلسسست وجمبها ام يزن
رنييم قلبها يدددق وراا بعععض
مررت يدها اللي ترجف على جبينها
وبعدها ام يزن قالت : وي ليش ماجا يزن معاااكي
رنييييم هنا صعععععقققت هيا جايه تسئل عنو واتاري امو مو داريه اصلا عنو
خافت تقولها جواله مقفل ومختفي وتخووفها
ويزن يزعل منهاا فامالقت غير انها تدورلها صرفه ومبرر
: امم يزن اييوا حسبتو اصلا هنا بس شكلو في البيت
ام يزن : لا حبيبيتي اصلا من امس مدري عنو مو عوايده بس شكلو مشغول
رنييييم خلاااص بتتجننن حست بدي اللحظه انها بتبكي
لاأخوانو يدرو عنــو
ولا اموو
وجواله مقفـــل
واللي زاد الطيــن بله اخر مكالمه بينهم كانت زي الزفــت
اكيــد في مصيبــه
تتكلم واياديها تتنافض من كتر مو كابته
كل شوويا باإرتباك تمرر يدها على شعرها عـلى رقبتها
تحت عينها
ام يزن حسست انو في شي
مدت يدها وحطتها على يد رنييم وقالت بحنيتها المعتااده : ايش بك يابنتي يزن سوالك شي ؟
رنيـــــم وكأنو ماصدقت تسئلها دا السؤااال
ماكانت جايه عششان تشتكي
بس ضعععفت
اللي مخليــها جالسه لدحين
لأنو رجولها ترررجف
كللل الامور السيئه جاات في بالها
كل الصووور عن يزن جات في بالها
سحب عليها زي رودينا بدون اي سابق انذار لقاها مع غيرهاا
او
سرلو حــآدث
او او او او وكثــرت الاسباب
دموعها بدون اي سااابق انذار نززلت
حاولت تكتم انفاسسسها وتمسسسح دمووعها
بس ماقدرت
ضععععفت بشكل مو طبيعي
لأول مرا تحس بدا الخووف
شي بيقتلها من جوااتها
ام يزن مرا انفجعت : رنيم ايش في ايش سااير
رنيم كانت بتوقف حسست شكلها مرا غلط بس ام يزن شدت على يدهها وماخلتها : قوليلي ايش اللي ساير
رنيم تحس غصصه واقفه بحلقها
تاخد شهيق وتكتم جواتها قالت بصوت مخنوق : مرا اسفه ابى امشي و
ام يزن عارضتها وبقووه : ماحتمشي من هنا الا لو قلتيلي ايش اللي ساير ولدي في شي ؟
زفــرت وياريتــها مازفرت
صوت بكاها طلــع بصوت مسمووع
من التصورات اللي حاطتها في بالها خلااااااص خلتها تحس وكأنو دي التصورات من جدددددد: مدددري
ام يزن : :اايششش اللي ماتدري عنوو
رنيم تمسح دموعها وبرضو مستمره دموعها بنزول : امس كلمني وصوتو كان غريبب حسيت فيه شي بس قلي بعدين نتفاهم ودحين جواله مقفــل ومازن ونزار مايدرو فينو قلت دام مايدرو اكيد لاقدر الله تعبتي ويزن عندك فاجيت هنا على طول وحتى انتي طلعتي ماتعرفيـــه
حســـت باإحساس غريــب
سخيـــف
اهبـــل
حمااااار
متخللللللللللللللللللللللللللللف
جالســه تشتكي لاأم حبيبها ايش في وقاحه اكتر من كدا ..!
حسسست نفسها ولاشي بس ضعفت مو بيدهااا !
سارت تبكي عشان الموضوع وعشششان نفسسسها
بسببو ذلت نفسسسهااا
وكأنها وحده مالها اههههل جايه تسئل الادميه عن ولدها
تبــكي على حال الحــب اللي وصلت فيــه وخلتها كدا بدون اي قيمه
كرهت نفســها بشكل مو طبيعي
كررررهــت كل شي
بس في تصرفااات مانحس فيها وننددم بعد مانسويها
منززله عينها ولا قادره تطالع في امووو
مقهوره على نفســها بشكل مو طبيعي
مقهوره لأنها هيا مووو كدااا
هيا ماسوت شي غلللط مع يييزن ولا قد قالت كلمه غللط
ولا سوت اي حااجه ودحيين جاابت العيد بتصرفها دااا
باإختصــآر لوضعها دا حست نفسها " ولا شــــي "
ام يزن : كيف يعني مختفي ومحد يدري عنو حتى اخوانو
رنيييم خربت اوم الموضوع نفسها تخررج وتنكتتتم ماتدري ايش اللي فتح فمهاا : مدري انا بتصل عليه جواله مقفل حتىاخوانو فامو عارفه ايش بــوو
ام يزن اخدت جوالها على طوول واتصلت على رقم يزن : مقفل
رنييم : ايوا له كداا طول الييوم كملتلو 24 ساعه
ام يزن الخوف كاسي وجهها اتذكرت رقم يزن التاني واتصلت طالعت برنيم : بيدق
رنيم فتحت عينها على وسسعها وكأنها ماصدقت لقت بصيص من الامل : يارب يرد
ام يزن : دا رقمو التاني رقم العيله
رنيم ماهمها التاني ولا التالت والرااابع اهم شي تعرف كيفـــو
على قد ماكانت على اعصاابهاا طنشت كلمة " رقم العيله "
ام يزن : الوو
رنيم فزز قلبببها
ام يزن : فينك ياايزن ؟
يزن بصوووووت شبه صاحي ولا نايم ولا مخنووق ماينعرفلو بزبط : راجع البيت
ام يزن بكدب : ابوك بيسئل عنك طول اليوم
يزن : أهو راجع
ام يزن حسست من صوتو انو ساير شي : فيك شي حبيبي
يزن : لا
ام يزن :لاتخبي عليااا
يزن : لا بس مو نايم خلاص لو رجعت البيت حشحن جوالي التاني واكلمك لأنو مقفــل
ام يزن حست انو فيه شي بس بعدين لما يكون قدامها تعرف كل شي اما كدا بالجوال مايجمل : طيب مع سلامه
قفلــت ورنيم قالت على طول : فينو .؟
ام يزن : راجع البيت
رنيم ماعرفت ايش تقول غير : اها كوويسسس
ام يزن : يابن
رنيم قاطعتها وهيا حاااسه انها مقهوره من جيتها لهنا : تمام انو بخيــر انا خلاص حممشي لأنو عندي شغله مهمه ومرا اسفه على جيتي
ام يزن : عادي وانا اصلا كنت ابى اشوفك من اول بس في موقف زي كدا
رنيم ابتسمت مجامله لاأكتر : ان شالله اشوفك المرا التانيه وانتي برا المستشفى وبعافيتك
قالتلها كلاام وهيااااا مخنوووووووووقه واول ماخرررجت
ماصدقت تبـــكي
بس مو على يــــــــززززن
مقهووووووووووووووره على نفســهاا بشكل مو طبيعي
تحس انها سووت شي مجنون
غبــي بشكل مو طبيعي
لو واحد غيرها سوتو كان قصدت تقول يالطيـــف مافي اي حيــآ
وكلمة " رقم العيله "
ماتدري ليش حزت في نفســها
حسستها انها وحده من البنات اللي يعرفهم ولدها
دايما كدا من كتر مو هووا مرااا انسسسان عاالي
تحس نفسسها ولاشي وتجيها توهماات بطااله
وتصدقــــها ...
ركبــت التاكسي واتوجهت للقـآعه
نزار يستناها وبنفسس الوقت تبى تششوف يييزن
تبى تهزأه
تصررخ علييه
تقولو ذلييت نفسي عششششااانك وروحت اببكي بكل هبل قدام اممك
ايششش عذرررك انتااا ..!
اشياااء كتتتير جواتها تبى تووقف قدام يزن عشان تفجرها
واول ماوصلت فضلت مستنيه براا القاااعه ولا دقت على نزار وقالتلو جيــت اساسا جايه عشان تقولو ماحرقص عشان يزن
وحمدت ربها انو يزن ماسبقــها
اول ماشافتو راحتلــوو وعدت بوابه البيت
وهوووا اخخخخخر شي كان يتوقعــه
فووق كل اللي سوته فيه جايه بكل بجااحه قداااامووو
كانت بتعصب عليه بس لما شافت شكلو حست انو في شي : يزن فينك مختتتفي فيك شي
قفل باب السيـآرهـ وطالع فيها وهوا معقد حواجبه وكأنو مايعرفها قالل وهوا مسكوور من جواته بس بيحاول يكسرها زي ماكسرته
قعدد يوووم كاامل بعييد عنها عشان عاارف لو شافها ممكن يضعف ويبكــي ماينكر اصلا انو بكي
بنت بكتــو حس انو هززززت شي مراا فيــه
قهرتووو
وفووق دا كلوو بيحاول يتعامل معاها بقسسوه " وتحت بيحاول الف خط " لأنو من جواتو مهزوووز : ايش البجاحه دي داخله لهنا بدون احم ولا دستور
رنيييم مرا انففففجعتتتتت وباان دا في ردة فعلها اللي ضحكت لاشعوريا : ايش ببككك !
يزززن نادى بصووت علي : جميـــل جميــــــل
جا جميل البووواب ..
واشرلو بقرف : خرجهاا من هناااا كم مرا بنقولك ناااس زي دوول مايدخلللو
ضغط غلى زر السويتش وقفل السيااارهـ
ومشـــي ومتوجه للبيت
هيــآ
صدمـــه
قد شاافتو يعامل دانه بدا الاسلووب
بس ماتوقعت يجي دورها بنفس الوقاحه دي
كانت حاسه من كلام رودينا انو زي ماباع رودينا حيبيعها في يوم
بس مو كداا مو بدااا الشكككل
لا دمــعه
ولا كلمــه ولا حــآجه سووتها
طالعت في جميــل وبعدها بالبيت
وكأنها مو مستوعبه
تضحك
ولا تبــكي
ولا ايش وضــعها بــزززبببططط
ذلللللللللت اهلها وهيا تشتكي لأمو لأنو له 24 ساااعه بس ماتدري فينو
وهوا بغممضه عيييين بااااع كل شيييي
كل يوم
كل ساعه
كل دقيقه
كل لحظه
كل كلمه
كل حررررف
كااان بينننهم
طــآر في الهووى
سححبت نفســها من المكاان بكككل هدووووء
بسسس بكل صعوووبه
كااانت تجرر نفسسسسسسها جججججرررر
نفسسسسهااا تصـــررخ
تقوول ولو كلمـــه بس سارت تمممشي على الرصيـــف
بعد بيتهم خــط ســريع
السيارات طــآيره
ماقدرت حتى توقف تاااكسي
تبــى تختتتتلي بنفســهاا
كانت في شــجره لاشعوووريا اتتووجهت لها لما غبببشش كل شي قدااامها سنندت جسمها علييها
ولســآتها مو عارفه اللي سااار بزبــط
فضــلت كدا كم دقيقـــه
يعيد كلامو في راسهاا
نظرتـــو وكأنها شي مقزز
وهوا ياأشر للبواب
وهوا يممممشي ومو معبرها
فجأه طااحت من طوولها في الاررررضضضض وبكككككككت بصوووتها
خططط سريـــع محد داااري عنها سيارات شاااخططططه
لو بببكت لبكراا محد حيسمعهااا
وكأنو ماصدقت لقققت مكااان تتبببكي بكل دا الصصصوت ومحد يطاالع فيـــهاا
اصلا حتى لو كاان في احد من كتر مو منهاااره
مو مهتممممه كااانت تتنهد بكككل صوووتهااا
تحسسس انوو قلبببببها يوووجعها بشكل مو طبيعي
جرحححححححححححهاااا
قتـــلهاا من جوووااا
اماا هوووا ..
ماقدر الومــــه
ومايقدر يجي يسئلها والله انتي تخونيني او انتي تبيعي الاشياء اللي انا بعطيكي هيا ولا اي شي تاااني
كل شي مممر قداام عينو مايحتاج يحقق في الموضوع
حــس بللي كان يسويــه في البنــآت
رنيـــم ردتلللووو هووا وبقوووا كمااان
اتذكككر نظرتهاا وهيا تطالع فيــه وهوا يتكلم معاها بداك الاسلوب اللي بنسبه له جدددن بشششششعععع
وفوووق دا كلللو حس انو مخنوووق
نظرتهاا هزتووو
بعد كل اللي سوتوو برضو نظرتهاا حسستو وكأنو هوا غلطااان
مرر يدو على عينوو وهوا يمسسح دمووعه
دخخخل لغرفتتته وقفـــل الباب ورااهـ ...
من رطــب قلبــه بذكر الله .. لن يتعب من جفاف الحيــآهـ ...
سبحان الله وبحمده سبحان الله العظيـــم ..
بيــدور اي صــدفــه عشان يتقابل معاها ويكلمها
نفســو عزيزه ورافع خشششموو ومايقدر يدق على باب بيتها
عشان كدا يتعمد انهم يتصــآدفـو
كلم السواق لما تووصل راما البيت اديني رنـــه
واول ماوصلت راما البيــت السواق اتصــل عليــــه
في السيـــآرهـ
السووواق بكككككل غبـــآء : مستر اسامه هدا مدام راما انو اوصل خلاص
اسااامه انففففففجع : اوووصصصص لاتسسسسمممعك _ عصب _ خلاص خلاااص الله يفضضضحك سلااام
اما هيــآ دوبها كانت نازله من السيـآرهـ والسواق بهبالتو فضــح اسامه
عقدت حوآجبها : ايش دخــل اسامه !!!
السواق ببلاهه تامــه : هوا يقول كل ميوصل مدام راما سويلي كول
راما طغت على ملامحها الاستغراب : ليششش !!!
السواق :مدري مدام
راما باأمر : لا عااد تقولو متى اجي ومتى اخرج ولا فين ارووح كماان فااااهم
السوواق : اووك
نزلت من السيــآرهـ وهيا مو عــآرفه ايش يقصصصد اسامه باأسئلتو دي
لكن كل اللي تعرفــه انو بعد هرجة اعجابو بديك اللي يباها مازن زاد كرهها له
دخخخل العمـآرهـ طلعت اول الدرجاات الا لقتوو بوجهها نازل
وقفــت
ولا عبرتوو حتى بنظظره
بس هوا وقــف قبالها
حست انو يتنرفز لواحد كلمو بدون مايطالع فيــه عشان كدا ولا طالعت فيــه وقالت ت: ممكن تبعد
اسامه : ابى اهررجك
راما : ماعندي وقــت
اسامه : راما
نادى اسمها عشان تطالع فيــه وهيا ولا كـآها
اسامه نادى تااني مصممم انها تطالع فيـه : راممماا
راما اتثاوبت بملل : ابببعد ترا ابى ادخل اناام مو فايقه
اسامه بحددده وعصبيه : يعني كيف حتفااهم معااكي
رامااااااا خلاااص مستحيل تسكتلو ولو على بس نبرة صوتوو
طالعت فيـــه ورفعت صبااعها بتحذيـر وقالت وهيا تتكي على كلامها : لاتهرررج معايا بدا الاسلوب
اسامه انففجع منها بس مابان شي عللى ملامحه : انتي اللي بتخليني اكلمك كدا كلها دقيقتين اللي اباكي فيها وعاملتي مشغوله فيها
راما حطت صباعها على راسها : بكيييفي انا حرره اديك وجه ماأديك شي راجعلللي
اسامه بتحذير : لاتبدأي تستفزيني وانا جاي بهرجك بزوووق
راما : لا ياااشيخ تهرجنني بزووق انتا اخر وااحد تهرررج عن الزووق اصلا من يوم ماعرفتك ماشوفت منك اي شي يدددل على زوووقك منتا فااالح غيــر بتلاطيش الكلام اللي ترميها كل ماتشوفني قدااامك
طبببببعا انكررررررت كل شي سووواه عشششانها
نسيت كل حاااجه خير سواهااا
بس يحقلــها في النهايه
جرحه اكتر من خيرهـ
اسامه مايحب يعصــب كدا ماسسسك نفسسسسسو علـ اخخخخر : راماا لو انـ
راما قاطعتوو لما رفعت يدها وقالت بجفااصــه : شووف اللي بيني وبينك مجررد ورقــه مو كدا قلت لأبووك !!! مو قلتلو انو حبيت _ قلدت اسلوبو وهيا تستحقر الشي _ تستر عليااا وتسوي اجر فيــآ وانو ماهميتتتك ولا عمرك طالعت بوجهههي !!! طيب ابى افهم اليوم من صباااح ربناا جاي تكلمني ليششش وكمان دحين تبى تعرف موعد جيتي عشان تطب بوجهي وتهرج معايا !! ممكن افففهم عقليتك يعني ! قبل امس كنت وحده ماتحب تطالع في وجهها وامس طلعت بعينك اني افتح الباب لأي واحد وابى يسرلي زي اخر مرا .. اليوم ايش نظرتك عني ؟! قوول ايش بك سااكت
مسسسسسسسسسسسسسحت فييه البلااااط
الوااحد لما ينكبببببت وينفجججر فجأأأه مشكلـــه
ولا اصلا تبى تستنى رد منوو
هوا واقف قبالها على درجه
وهيا قباله على الدرجه اللي تحتو
جات من يمينو وطلعت في نفس درجتو وهيا رايحه لشقتها الا مسسكها من نص ذراعهاا
ولا طالــع بوجهها قال باإسلوووووووب واحد خجلات من نفسسسسو : راما بجد انا اسسف
اماا هيا غممضت عيينها بكل قووتها وجا في بالها الرججال اللي لمسسسها نفسس مسسكتو
مسسكها بدي الطريقه وراماها على السرير مستحيل تنسسى اي لحظظظه قالت بصووت متقططع : اساااامه سيب يدددددي
اسامه مرا استغرب من ردة فعلها : ايش بببك
راماا بكل هجوميه وهيا مو قادره اصلا تفتح عييينها : سيبببني بلااااا
صددددى صووتها في العماره كلللهااا
اسامه انفففجع سابها على طوول حس كأنو خانقها مو ماسك يدها
اما هيااا طللعت واتوجهت على طول لشقتها
اسامه تنـــح شويتين وبعدين استــوعب يمكن خافت منــي !!
اسلووبها يدددل على انها خايفه منوووو
مرا مفجووووع
دخخخلت شقتها وقفللت الباب ودقااات قلببها وراا بعععض
قلبها طااح في رجلها لما مسسسك يدهاا
خافت خووف مو طبيعي حسست انو حيسويلها زي داك الرجــآل
وبدأت ذاكرتها تعيد شريييط داك اليييوم وتبــكي
هووا اتصل على وضــآح وقلــه ماقدر اداوم دي الفتره
ابوهـ طلب منو مايخرج من العمارهـ وراما فيها
مو ناقصين يسـرلها شــي
حاول يشــغل نفسسو باأي شي
بس كل مرااا تجي هيا في بالوو
بعــد نص سـآعه ..
فتح الاب تــوب وعلى الفيس بوك على طول كتب في البحث اسم قروب الجامعه
ودخــل عليـــه كان بيدور على واحد دايما يكتب ملخصات وكدا
بس شاف نك لانا دخــل عليــه عرف انها صحبــة راماا
صفحتها الشخصيه مفتوحـــه ولقـى تعليق راما على صفحتها
دخل بعدها على صفحة راماا ماكنت متاحه عنده غير معلوماتها
لقى خيارين فوق
اضافة كصـديق
ارسال رسـآلة
نفسو يسوي الاتنين
بس حس بدري على الاضافه خليه يتأسف لو لقى رد منها يضيفها
فضل حق عشـره دقايق يكتب ويمسح ويكتب ويمسسسح ومرا مضيـــع
مو عارف كيف يجيب اللي في بالو ويكتبو
" راما ترا ماعندي اي جرأه اقولك دا الكلام بوجهك
ولو جاتني اساسا انتي ماحتسمعي
فاعشان كدا قلت اكتبلك
زي ماإنتي غلطتي وخرجتي مع بنات مو صاحيين وسارتلك مصيبه وعذرتك
انتي المفرووض تسوي نفس الشي
كلنا نغلــط وانا صح غلطت فيكي كتير بس ماقلتلك انا اسف الا وانا قاصدها
كل اللي اباه منك انو تحاولي تنسي اللي قلتلك هوا
انتي عارفه علاقتي مع ابويا مو داك الشي عشان كدا لما هرجت عنك قلت كلام مالو داعي
جيت برضايا يوم ملكتك وملكت عليكي برضايا لايمكن انســى انو انتي اللي قلتيلي انو امي في دبي
فادااقل شي اسويه ليكي وبجد اســـف على كل حرف قلتو اول "
خـــــــــلاااا ص حسسس انو كدا كتيـــر
رضييييت دا شي كوويس
ولو مارضيت ماعنده اي استعداد يذل نفسسو ويعتذر اكتر
من قال لا إله الا الله وحده لاشريك له الملك وله الحمد وهوا على كل شي قدير ( 10 مرات ) وكأنه عتق رقبه ..
هل تعرفـه قيمــه الانسـآن اللي يقوم ويصلي اخر الليل للله سبحانه وتعالى ..
يتــرك فراشه ويترك راحته ويمكن يكون تعبان وبكرا عليه دوام
يقول صلى الله عليه وسلم " الرجل من امتي يقوم من الليل يعالج نفسه "
اسمعو الكلمــه " يعـــآلج نفســـه "
فيقول الله للذيين وراء الحجاب " الملائكه "
انظرو الى عبدي هذا
يعالج نفسسسه ويسئلني ماسئلني عبدي هذا فهو له ..
هذا اللي قام الليل ويكــآبر ويجاهد نفسسسه
يقوم يصلي لله اي شي يطلبه ويدعي لله فالله حيكرموو ويعطيه هوا ...
قال صلى الله عليه وسلم اقرب مايكون الرب من العبد في جوف الليل الاخر
فاإن استطعت ان تكون من مايذكر الله في تلك السسساعه فــــكن
كم امنيـــه نتمنــآهاولسى ماتحققت ..؟
كم حللم بنينا كل شي فيــه ونستناه يسير .. ؟
صلو صلاة الوتــر وإن شالله كل شي نتمنــآه يسير .. لاتنسو انكم بتكونو قريبين من ربــنا فداك الوقت
ولاتنســوني من الدعــآء .. :$
لــه اسبـــوعيـــن وهوآآ دعاائه الوحيـــد انو ابــو رغــد يبــعد عنــه
مرتــآح بشكل مو طبيــعي
يحس انو ربــه من جد استجــآب دعائــه
لا بيشوفـــه ولا بيجيـــه ولا حــآجه الارض انشقت وبلــعته
خــرج من غرفتـــه ووسسسمع صووت ازعــآج تحت اتوجه للدرج وابتسسم لما شاف ابووه ووليد ووجنى وارووى واقفيين واخدهم الكلام
جنى حسست فيه رفعت عينها ووججها حممر وطالعت بولييد وهيا تشتت نظرها بخجــل
اما هوووااا من قلبــه ابتســـم ونزززل من الدرررج : ولا تنادووني ياجماااعه
ابوه : ماشالله هوا انتا اصلا صاحي
وضاح : ايييوا من ربع ساعه صاحي _ طالع في جنى _ يااهلين والله بجنى
جنى ابتسمتلو : اهليين
مسسسوين نهم مرا سطحيين مع بعض مع انهم ماكانو كدا قبل لايحبو بعض
لكن زي مايقولو االلي على راسو بطحه يحسس عليها
وضاح : كويس لقيتكم كلكم هنــآ
وليد : ليش في اخبار جديده
وضاح : ايييوا
ابوه : اطربننا ياسيد وضاح
وضـآح : خلاص انا قررت اخطب بدي اليومين
ابوووووه : على البررررركه ومييين سعييده الحظظظظ
جنى ماتوووووووووووقعتتت وضاااح بكل هبااااله كدا يسوي منكح فيييهاا
قلهاا حخليكي اليوم تندمي على مقااالبك
وقعدت تضضحك وتقولو وريييني ايش حتسسسوي
لفففت يمين بصربعه وبعدها يسااااار : فيين شنطتتي
وكانت بتتتشرد للغرفه اللي وراها الا وضاح قال : جننننى ايش بك راييحه تعاالي
اروى طبعا حاقده على جنى اليوم لأنو مقلبتها كمان : جنى تعاالي وي على فييين
جنى وجهها اتحوول فجأه لحمااااار مو طبيعي اششرت على الغرفه بكل احرااج وهي تسب وضاح جواتها : جوالي جوا
وضاح شويا ويضضحك يتكي على كلامه وهوا مبتسملها بحقاااره : لاحقققه على الجوال خلينا ننبسط دحيين ولا ماتبي تنبسطيلي ؟
ابوه طفففش : ياجنى تعاالي ابى اعرررف تكممملة الموضوع
وضاح : ماحهرج الا لما جنى تجي خلينا كلنا مجتمعين
وليد اتحمممسس يبى يعرف البنت : جننى خلاص مو وقتو الجوال اممشي
جننننى مكسسسسووووفه بشكل مو طبيعي
لأول مرااا تحس بالشعوور دا
في موقف لاتحسسسد عليييييه
قلبها بيوووقف من كتتر مايدددددق
جات في بالها فكره انها تطيح في الارض وتسوي نفسها اغمى عليها
بس قالت لا مايسير بعدين لما يعرفو انو وضاح يبوني يحسبوني مرا هيمانه فيه ومن الفرحه طحتت
وقفت فاضله في مكانها ولا اتحرركت ماتبى تقرب
واهم شي عند وضاح انها في : البنت هيا القصيره اللي هناك
كلهم طالعو بجنـــى وجننننننننننى راااحت فيــها
يعني حتى مو عارفه كيف تكون ردة فعلها
تسوي نفسها مصدومه ماتعرف
تشششرد
تستحي
ولا تبتسسسم
ولا ايش مصدرها من الاعراااب
ابوه متعود على جنى في البيت يحسها زي بنته كدا وشايف وضاح دايما يضرب معاها فقال دول مستحيلين يتفقو عشان كدا ماجات على بالو مراا قال وهوا مو مصدق : جنننى وانتا ؟
وضاح اتحطم : مو منااسبين يعنني
ابوه طالع في جنى وضحك : لا مو كدا يعني في النهايه ماحتلاقي زي بنت مجدي
جنى منزله عيينها
وولييد دوبو استووعب : ههههههههههههههههههههههههههههه جنى ووضاح تستهبلو انتو
وضاح طالع فيه بحقد : خيير ايش شايفنا بزوره
وليد : لا سلامتكم بس مبروووك _ طالع في جنى _ جنى تبي اخويا ولا لسى ماقررتي ؟
وهنا جا دوور اروووى اللي تبى تاخد حقها من وضاح واروى : مو اساسا هوا يحبها وهيا تحبــه كيف لسى ماقررت
جنى بصووتها : اروووووى
اروى : هههههههههههه ايش في قلت شي غللط
جنىى خلاص حست كدا كفاايه مستحيل تطب بيتهم حاليااااا الكل بيطالع فيها بنظظظره مرا خجلتها : السواق يستناااني
وشششششششششششررردت على طووووووووووووووووول
وضاح : حرااام عليكي ياأروى
كان بيلحق وراها الا ابوه مسكو : على فين
وضاح : بروح اكلمها
ابوه : لا يااشيييخ
وضاح ماعرف فين المشكله : بس اقلها انو انا موافق عليها
ابووه : ههههههههه اقول اطللع فووق
وضاح رفع حاجبه : محسسني اول مرا اروح اكلمها تراني عايش معاها نص يومي بدا البيت
ابوه : ماحتتكلمو عدل الا لما تملكو والله انا ماكنت داري نظرتك للبنت كدا حسبتها زي اختك
اروى باإنتصار : صح ياعمي اللي سويتو مايسير جنى ووضاح يهرجو دحيين
وليد وقف مع زوجتـه : ايوا ياأبوويا احنا كنا سايبينهم على راحتهم لأنه جنى مننا وفينا بس عيب دحيين نخليهم لوحدهم الا لو سارت حلاله
وضاح يطالع فيييهم مفجووع قال وهوا موولع : انا اساسا الغلطااان اللي جيت اقولكم كان خطبتها من سيدي وجيت اعطييكم الخخخخبر
ودخخخل الغرفه معصـــب منهم
ووليد وابوه واروى فرطو ضحـــك ..
بعض الاوجــآع لايزيلها دفئ البعض ولا بلاغتهم اللغويـــه في التخفيف علينا
فبعض الاوجــآع خلقت لتقربنا الى الله خلقت لكي نسجد ونتقرب لله كثيرآ ..
جالســـه في الغرفــه الصغيــرهـ وتبــكي بكــل صوتها باإنهيــآر من يوم ماصحيــت لين دحين ماأكلت اي شي
رنيم كانت تأكلها بالقوه ودحين رنيم مو فيــه
امس من كتتتر مو مستووعبــه اللي سرلــها ودخلت وخــرجت عاادي راحت للبقاله اتصرفت باإنكســآر
سمعت صوت جارتها كل يوم بتتضارب مع زوجها وكيف تصرررخ من ضربــه
ولما جاتها العزززى مانمحت الابتسامه من وجهها غير دا بس تجيب سيرة زوجها بالطيب ..!
اتذكــرت اكــرم على قد مصااايبووو اكتر واحد بالحاره يضحكك الكــل
حاولت تسسوي امس زيــهم وسوووت بس ماقدرت تمثــل اكتر من كداا
ماتقدر تلبسس زيــهم ولا تقدر تنــآم على الارض
ولا تقدر تاكل اكلهم اللي يوجع بطنــها وحتى الحمااام مو قادره تدخلو اكتتر من كداا
جســمها كل شوويا يحكها لما تطالع حوليـنهاا
بيئــه ماتأقلمت عليييها
شي ماعاشششتووو
ومو قااادره تعيشــــوو ولا تستحمــلوو
تبى امها تبى ابووها اللي ربووها
تبى عالمها اللي عاشت فييه طوول عمرها وكأنها ملــكه
تبــى تخرج من هنا وتررروووح لأهلها
بس خــآيفه يطردووها
تحس لو سمعت عمها يصرخ عليها
واللي بنسبه لها امها تطالع بصصمت ممكن تخرج وتسسوي شي بنفسسها
عشان كدا حابسسسه نفسسسهاا في دي الغرفـــه
رفعت عيينها ومسحت دموعها وطالعت باأرجااء الغرفــه
مو قادره تعيـــش هنا اكتر من كدااا سندت يدها على الجدااار ووقفــت
تبــى ترووح عند اصحــآبها رودينا شادن يزن نزار مازن اسامه
فضلت واقفه في مكانها وهيا حاسه انهم مو سائلين عنها
رنيم كل يوم تقولها انو في مكان
يوم في مطعم
يوم في المزرعه
ويوم مدري فيــن حسست نفسها وجودها زي عدمها بينهم
فكرت بتفكيرها الاهبل السطحي يمكن عشان عرفو اني بنت الخياطه ماعاد يبوني بينهم
حتى تفكيرها بعض الاحيــآن زي الاطفــآل
مافيه اي شي من العقلانيـــه
مو عـآرفه فين بتــروح بس كل اللي تعرفوو انها تبــى تخررج من هنــآ
مرررررا مكتوومه
مخنووقه
مضــآيقـــه
لبست جزمتها اللي عند الباب خــرجت من البيت وسابت الباب اصلا مفتوح
دمووعها عــلى خدددها تمممشي وهيا مو بوعيــها
كل اللي كان براسها ابوها وامها اللي ربــوهاا
الشواارع حالها تبكيــها اكتــر
كل اللي هنا ناااس تعاااني وتبتسم وتضحك وعايشـــه
هيا مو قااادره
اللي اكتشفتو انهم احسسسسسسسسسسن منهااا بكتيييييييييييييييييييير وهيا جمبهم ولاشي
لأنه فووق عيشتهم دي عايشيـــــن
كل شوويــآ تمرر يدهــآ على عييينها عشان تصفى عيونها وتشووف عدددل
كل ماتمر جنب احد بيطالع فييها مفجوووع
بس محد اتجرأ يجيها لأنهم مايعرفووها
جديده على الحارهـ
في نهــآيه الحاره .. وبزبــط محل الخردووات اللي يشتغل فيه نضـآل وهتان جاي عنده ياأذي
: قلتلك بلا هبــل
نضـال : يعني البنت عجبتك ولا كيف
هتان : اتشرطت تخيل تقولي ابى اسكن مدري فيين واباك تسوي وتعممل ياأبوويا خليها تطير ودي هيا جات من قرريه وعمرها ماعاشت في مدينه وكدا نافشه ريشها
نضال : ههههههههههه حظنا ياأخووويااا _ صرررخ على العيال اللي بعمر ال11 سنه بيلعبو بدبااب باأربعه كفررات مررا كبيــر _ هيي خلااااص وقفووو
هتان كشــر : ياااشيخ الله يصيب دا الغبي اللي جايبلهم الدباب
نضال : طلع صاحب منصور _ منصور ولد صغير من الحاره _ صاحبوو مرا مرتاح وابوه قلك بعيد ميلاده جبلو الدباب وشوفو جايبو لمنصور يلعب فييه
هتان : ناااس فايقه تقول على كم الدباب
نضال ضحك : بلاشي اقلللك
هتان : هههههههههههه
صاحب منصوور : دورك يامنصوور اركب
منصور بخوف : ماعرف اخااف انقلب
صاحب منصوور : وربي متععععه خلييك داعس على اخر شي
محمد : ياااشيخ اركككب لاتكون رمه
منصورنفخ صدره : اعرف اصلا بس عشان في مطبات
خالد : عاادي اقوول اركب اركب
منصوور ماحب يبان قدامهم ضعيــف وبالعككككس يبى يثبت نفسسه بينهم
ويدعععععععععععععععسسسسسس على اخر
ورككككب وشغل الدباب ودععععسسسس
اصلا من يوووم مابدأ بدي السرررعه رجاال الحااره سااروو يصرخوو عليه يوووقف
بسسس اصحابو الصغار يشجعوووووووه
سممممع احددد يصفرللله
وكاإنســآن اول مرا يركككب الدباب ومايدري انو لازم مايدير راااسووو وهوا بدي الســرعه
ددددار راســه يبى يشووف مين يصفر
يبى يبتسلللهمم
عششان يعرفوو انو مو خووواف
الا بصــرخه نضـــآل اللي انففجع : منصووووور لوووووف
دوبو كااان دقددام اللفه طالع قدااامووو الا هيا تخرررج من اللففففههههه
صـــرررخـــوو كل اللي كاانو فيــــه
الاتنين اتــرموو في الارض
والدبــآآآب جمبـــهممم
الكـــل جرى باإتجاااه منـــصوووووور
نضــآل وهتـــآن وبقيــة الشباب والرجال والبزوره اللي كانو فيــه
هتان بعد واحد من الصغغاار اللي قدامووو وفتتح عييينو على وسسعها
ورفــع يدو الثنتين ومسسك راسسو وقال بصوت مع الازعاج محد سمعو : الييين
دعاء الكرب
لا إله إلا اله العظيم الحليم، لا إله إلا الله رب العرش العظيم، لا إله إلا الله رب السماوات، ورب الأرض ورب العرش الكريم
اللهم رحمتك أرجو فلا تكلني إلى نفسي طرفة عين وأصلح لي شأني كله ، لاإله إلا أنت
لاإله إلا أنت سبحانك إني كنت من الظالمين
الله الله رب لا أشرك به شيئا
فــي غرفــة الطــعام جالسين الثنتين وبيستنو ..
منـآر طالعت في امها : فينو بابا
امها ابتسمتلها : كلي شكلو ماحيجي
منـآر : ترا من يوم ماجيت وانا مو حاسه انو فيــه
امها مسسسكت يد منار اللي كانت على الطـأوله : لاتلوميــه قد مافرحنا فيكي بس الين بنتنا ربيناهاا كبرناها مانقدر نتخيلها فجأه مو مننا دي بنتي وحتفضل بنتي حتى لو انها مو مني
منار وقفــت وامها على طول بعدت كرسيها ووقفت قبالها : على فييين
منار : برح انادي بابا خلاص ماسارت اباه يحسسني اني موجوده
امها قربت منها وحضنتهاا ونزلت دموعهاا : وربي حاسين بوجوودك بسسس خلي الين ترججععع وفرحتنا تكممل
منار بعد عن امها ودموعها تنزل : الين الين الييين في كل هرررجه اليييين انا انحرمت منكم بسبب الييين انا عشششت طوول عمممري مرميييه بالشواارع بسبب اليييين اتغربت وكرررهت عمممري بسبب الييين وانتو مو قادرين تعبروني عشان برضو الين
امها طبعا اتأثرت بكلامها رجعت حضنتها وتبـــكي معاهاا : خلاص الله يخليكي لاتقولي كدا دا مو غلطهااا مو زنبها وربي
مناار بكيييت في حضــن امها لييين ماقالت بس وبعدها انسحببت وراحت عند ابـــوهاا ..
دخلت علييه الغرفه وجلسست جمبو على الكرسي ومن شكلو كأنو هموم الدنيا كلها على راســه
منار : باابا
ابوها بدون اي كلمه طالع فيه
منار : تعال اجلس معانا
ابوها : ماليا نفسس روحي اقعدي مع امك
منار : انا ابى اجلس معاك
ابوها مخنووق مو قادر يحس بفرحته بمنار
يمكن لو الين تجي وقتها يستوعب : خلاص يامنار قلت روحي عند امك
منار : يعني دحين لو الين مارجعت حتفضل كدا على طول
ابوها : حترجع ان شالله فاولي خير
منار نزلت راسها وقالت بصوت واطي : ان شالله
ابوها : انا اللي مجنني فين حتكون راحت ازا صحباتها مادرو فينها اجل مين اللي يعرف
منار : علمي علمك يمكن تكون مع داك الي قلت شوفتهم بصوره << تبى تفتح موضوع الصوره عشان يحقد بس ماتدري انو يباها ترجعلو ولوو ايشششش
ابوها سكت شوويا وبعدها قال : هتاااان
منار اصلا ماشافت الصوورة وتعرف انو هتان يشتغل بواب عندهم : ايش بو
ابوها وقف : هووا اللي كان معاها يمكن يعرف فينها
مسك جواله بصربعه بعدين اخد التلفون سار يخخبص بالكلام : رقمو مين يعرف البيت والله نااسي فيين
منااار ولا قاااااالت شي كأنها ماتعرف هتااان وهيا تعرف كل شي بيتو ورقمو وكل شي
دووور ودوور ولو شي بسيــط عن هتــآن مالقــى .. اتووججه لزوجتــه وسألها عن رقم هتان قالت كااان عننندي
ولأول مررررررا ابوو اللين يهههرج عددل مع السواقين والخدم حققق البيت
مسك وااحد وااحد ونظراتو تترجاهم ولو واحد منهم عنده رقم هتان او عنوانه
لكن كل اللي استفاد منهم معلومه وحده " بيدرس في الجامعه مع اليين "
دي شغال الين الخاصه قالتلو
شكككر الشغااله ليين ماااقااال بسسس
الشغاله اصلا مفجووعه لأول مرا بحييياتها تشووفه
كدا اصلا الخدم كلهم اترعبو لما جا يكلمهم
بس سارو يطالعو بنفسهم بذهول وهوا ياإنكســآر يهرجهم
دعاء قضاء الدين
اللهم اكفنى بحلالك عن حرامك وأغننى بفضلك عمن سواك
محــآدثه جماعيــه بين شادن ورودينا واساامـــه
شادن بخووف : ترا وربي كتتير كدا مو معقوله اليين تسوي دي الحركات
رودينا : امس حلمت فيها حلم يخووف عشان كدا بس بطمن ازا هيا بخير ولا لأ
اسامه :والله مدري ايش بتهبب الست
رودينا : نزار اصلا كلمني قال انو عيد ميلادهم بعد 4 ايااام مو معقوله الين ماحنكون موجوده
اسامه : مو البنت قالت اسبوع وحترجع خلاص على بعد 3 ايام حتكون دوبها واصله كويس يعني
شادن زفرت بضيــق : اسامه دايما تهونها
اسامه : انتو البنات تضخمو المواضيع لازم تعطيكم تفاصيل يووومها
رودينا : ياأبووويااا افهمممممم دي مابتحضر الجامعه واختفت فجأه حتى ماساابت رساله مو عوايد اليين
اسامه : حتى يزن مماحضر اليوم
رودينا : فرق شاسع تراا
اسامه : اقول قروشتووني سلاااام _ وقفل قبل لاييسسسنع ردهم _
شادن : يجلطنني دا الوولد
رودينا : بلا دمو باارد متى اشوف اعصابو تنحرق ياشيخه
شادن : ماافي امل
رودينا : اووف ياربي خلاص حخرج الين شويا من راااسي وان شالله تكون بخير
شادن : ايوا ايش حتلبسي يوم البارتي
رودينا : مااااااااقلتلك
شادن : ايش ؟
رودينا : نزاار قال عاااامل مفاجأه لنا مو طبيعيه
شادن : هههههههههه ترا احنا المفروض اللي نعملهم مفاجأه
رودينا : ههههههههههه من جدددد بسس مرا اتحمممست
شادن : عاد نزار لو قال مفاجأه مفاجأه مايحتجلها
رودينا : مننن جددد فييينك ياألييين
شادن : تقولي سيدهم ايش حيجبلهم دي المرا
رودينا : قولي ابووهم ايش اللي حيجبلهم دي المراا
شادن : هههههههههههههههههه ترا بنفكر اكتر منهم
رودينا : اساسا كلمت نزار وشويا وانطنط اقولو متحمسسه اشوف ابوكم ايش جبلكم وهوا مراا باااارد يقول يعني ايش حيكوون مراا استفززني احسو كسر فرحتي
شادن : هههههههههههههههههههههههه شوفي محد الفرررحه تحسيها بوجهه غير مااازن منن جد لما تسويلو مفاجأه تنبسسسطي ردة فعلو تعجبني
رودينا تحب مازن اكتررهم : ربي يسسسسعده ياااشيخه
نهاية البارت الـ
27
زي ماقلتلكم نتقابل بعد 3 اسابيع ان شالله
بـ 3 فصصووول ونهاية الرواايـه
[ندعوك للتسجيل في المنتدى أو التعريف بنفسك لمعاينة هذه الصورة]
موضوع: رواية اشتعال السحب / بقلمي 
الجمعة 22 أبريل 2011, 02:01
