تسسسلمي حبيبتي اهم شي نااال اعجاابك البارت :$
البارت الـ 25
فــي دبــي ...
وصلت لبيت عمها نزلت من السياره والخدم كلهم واقفين عند الباب عشان يستقبلو ابو اسامه
ماتذكر اول مرا جات كانو كدا
ابو اسامه طالع فيها وابتسم : ادخلي البيت بيتك
نزلت نظرها للارض ومشيت مالها نفس تطالع في البيت
حسست بضيقه اول مادخلــت بذات لما جا في بالها اسامه
ماتدري كيف حتقابلو بكرا بالجامعه
كيف حيكون بينهم الوضضضع
ماتدري على ايش ناااوي ...
بس الشي الوحيد اللي عارفته انها حتنجررح
مهما كان هيا بنت وبنسبه لها هوا مملك عليها اقل شي تطلبو منو انو يحترمها ويقدرها
ودا الشي ماتتوقع تلقاه من اسامه
زفرت بضيــق طلعت ووراها الشغالتين شايلين اغراضها
جلسست على السرير واول ماخرجو الشغالات وقفلو الباب وراهم
شالت الحجاب من رااســها ورمتو على السرير
فررق بين شعورها اول يوم جات لدبي ودخلت دي الغرفه
وبين اليييوم
فررق شـــآسع
اتوجهت للحمام واستحمـــت وبعدها نــآمـــت ...
اشهد ان لاإله الا الله وان محمدآ رسول الله
مابعــد من عند الباب ماسك الباب بصدمه واخر شي نطقـــه : امي
طالع فيــها
نفسو يحضنها
يتأسفلها
يبكي
يبررلها
بس في اشيااء كتير جواته موقفته عن دا الشي
ماتوقعها تجي ولا يشوفها دي الفتره كلها بذات لأنها في العده وماتوقعها تخرج من البيت
ودا تاني سبب صادمــه
قالت بجفاصه وهيا تطالع فيه ينظره حاده: حتسيبني واقفه عند الباب
ادارك نفسسو فتح الباب بدون اي كلمــه فجأه يحسس لسانو عاجز يهرج باأي كلمــه
من كتر مافي قلبه كلام كتتتير حس بصعوبه حتى بالهررج
دخللت وصوت كعببها بطقطق في المكان كلو
تطالع في الصاااله اللي مقربــعه
اللي شبه مأثثه
ماعجبها المكان
دارت جسسمها وطلعت صوت مززعج لما احتك كعبها بالسيرامييك
اياد يكره دا الصوت عقد حوآجبــه لاشعوريا
وهنا هيا هرجت : كمان مكششر ايش ماتبى تشوف وجههي
اياد انفجع من ردة فعلها قال : لا انا ن
امو قاطعته لما رفعت يدها وهررجت: انتا تسكت لين مااخلص انا كلامي مو جايه اسمع صوتك ولا عشان اشوفك
اياد الشي الوحيد اللي كان يتحرررك فييه رموشه لما يرمششها بكل هدووء
ســآكت
عنده اهم شي انها جاته
دا الشي الوحيد يمكن باسطــو من جواتــه
مع انو مو داري ليش جايــه
امو : انا جيت لهنا عشان امس شوفت سيارتك عند البيت على ايش ناوي كمان مايكفي اللي سويتو
اياد راحلهم لأنو اشتقلها كان يبى يدخل يعتذرلها بس ماقدر
مو قادر يحس بطعم الحياه وهيا كدا حاقده علييه وكارهته
دي امـــوو
زمان ماكان يسئل عنها بس عارف انها راضيه علييه عشان كدا مايهتم
ودحيين مو قادر يرتاح لأنه دعاويها من داك اليوم تتردد على مسامعو
اياد بقهر قال : حسرق البيت مثلا ؟
امو : ازا انتا مادي لدي الدرجه قولي كم تبى ولاعاد تجي عند باب البيت
اياد يهرج بكل هدووء بعكس اللي جواته: ومين قال اني ابى فلوس
امو : ليش نسيت انو دا الشي الوحيد اللي كان يرجعك البيت تاخد المبلغ اللي تباه وترجع تخرج ومانشوفك بشهور
اياد : لأنو دا الشي الوحيد اللي كنتو تقدرو تدوني هوا
امو ابتسمت وشويا وتبكي : ليش ماديناك دحين اللي تباه لما طلبت الطلاق ماكفاك .؟
اياد قال مابين اسنانه : ماطلبتو عشان استهبل
امو : لسسسى لك وجه تطلع مبررات لتصرفاتك
اياد على صوته : لأنو ماتعرفي لسسى زوجك ايش بيسوي من ورااكي حتى في عمرك
ماسئلتي انا ايش اللي قاطعني عنكم ولا بررجع البيت بس بعدي دا الموضوع لكن
ماقدر اسكت على تصرفاته و
امو قاطعتو : خلللي شي في بااالك طول عمرك انتا مو موجود جممبي ابوك اللي واقف معايا
ولا كاني عندي ولد يسئل عني امرررض اطيييح امر باأسوا ايامي وانتا برا
الامارات واختك مشغوله بجامعتها وصحباتها واناا ماليا كان غيروو _ جااات
لعندوو وقالتلو بقهر _ ابوك دا تاااج راااسك
اياد : ابويا اللي بتقولي عنو تاج رااسي _ دموعه اتجمعت حولين عينو _
اتووفى من صغري ورجعتي اتزوجتي دا الفقير اللي تحبيه انا ابوويا مات وعمري
ماحعتبر دا الزززفت زي ابويا
اعطتتتو كـــف
وررجع طاالع فييها ولاكأنو انضضرب منها وعيونه محمرره : عاادي اضربيني سرت
كل ماوقف قدامك بنضضرب وبنهان وبسسكت لأني عارف اني مو غلطان زوجك دا ابو
رودينا مالي انا اي علاقه فيه تصرفاتك دي ماحتخليني اعتبره اكتر من حقير
دخل لعيلتنا
امو نززلت دموعها وقالت بقهر : داا اللي بتقوول عنو حقيير رباااك من عمرك
سنتين ضيييع عمره وهوا بيحاول يتقرب منك لما خلفت رودينا كان مايمسسكها
عششان لايحسسك مو ولده وبنعاملها احسن منك
اياد : طيب وبعدين .؟ قوليلي بعديين ايش سااار
امو سكتت مافهمته
اياد : وبعددين ساافرتي وسبتيني معاه ومع بنتووو قدامك بس كان بيحسسك اني
ولدو ولما تممشي من هنا اشوف معامله تانيه كان خايف مني لأني ولد ووومكن
اخد كل حلالك
امو صررخت عليه : اوووصصصص يااكللب ابوووك ماييفككر كدا
اياد رفععع صوتتته بكل عصبيـــه : لاتقوليلي ابوووك ابوويا عمممري ماشوفتــه ابوويا انسسان مو وسسخ زي زوجك دا
امو عمرها ماحست انو ابو رودينا بيغلط عليه عشان كدا مو قاده تصدقه : انتا
اللي كارهه عشان اكتشفت فجأه انو مو ابوك دا اللي مكرهك فييه بس هوا عمره
ماقصــر معاك
اياد : على اسااس لما فهمتيني وانا في الروضه انو دا مو ابويا ماكنت داري
..؟ تراا كان دايما يقولي هيا يقولي انا مو ابووك كنتي تبيني اكبر عشان
استوعب اني اسمي مو زي اسم رودينا بس من قبلها فااهم بسببو _ اشر على نفسسه
وقال بقههر وااضح _ انا ساااكت وساااكت ولأني ساكت دا اللي بلقااه منكم ..
طول عمري بقولو ابوويا لأنو ربااني وكبرني زي ماتقولي عممري مانقصصت
بقيمتو بس اكتشفت انوو مايستاااهل اكتشفت انو انا مدييه اكبر من حجمو انتي
احترميه بكيفك دا زووجك ابو بنتك بس اانا ماححترمو واللي سويتو مو ندمان
عليه
امو حستو مكبر الموضوع طالعت في عيــنه وقالت باأسف : انتا اكبر غلط في حياتي
اياد :لا عارفه ايش هوا اللي اكبر غلط .؟ اكبر غلط انو ابويا اتوفا وسابني
ليكي _ اشرلها على الباب وقال بصوت خانقو _ اخرجي وحعتبر انك ماجيتي اليوم
ولا قلتيلي دي الكلمه اللي سمعتو منك داك اليوم مكفيني
امو انصدمت من جملــته حست قلبها وجعها
مشي من قدامها وسبلها الصاله بكبرها
وهيا لساتها ماتحركت فضلت على وضعهها لدقايق وبعدها اتوجهت للباب وفتحتو
نزلت الدرجتين الللي عند الباب وجملتو اترددت في راسها
" اكبر غلط انو ابويا اتوفا وسابني ليكي "
ركبت السياره وسارت تببكي بصوووتهاا
ماتدري ليــش بتبكي على ولدها
ولا على نفســها
اتذكــرت لما كان صغيـر ودوبها بتقوله انو ابوه اتوفــى
رجعت فيــها الذاكرهـ لقبـل 17 سنـــه
واياد عمره 8 سنوآت
جالس على الكنبــه وهيا جلست جمبــه ودموعها بعينها مسكت يده : ايش فيك ماتبى تلعب برا
اياد وهوا صغير مرا كان انطوائي
لوحده
مايحب يختلط مع احد
عشان كدا ممادخل في قروب رودينا والشباب
ام رودينا : حبيبي رودينا برا تعال تلعب معانا
اياد يحركك راسه بنفي
ام رودينا : في احد مضايقك ؟
اياد برضو حرك راسه بنفي
ومنزل راسو للارض
رفعت امو راسو باإتجاهها : قولي طالع فيا مين زعلك
اياد : ابويا
امو : ايش سوالك
اياد سكت ودموعه نزلت
امو شالتو وحطتو في حضنها : طيب انتا قولي ايش سار وهوا حيجي يتأسفلك
اياد حط راسه في حضنها ومتمسسك فيها : ولاشي
امو : اياد حبيبي _ حطت ذقنها على راسـه وبدات تحكيه _ مو انتا دحين كبرت وسرت رجال
اياد وخانقتو العبره : ايوا
امو : انتا تحب بابتك
اياد سكت شويا وبعدها قال بكدب : ايوا
امو نزلت دموعها على خدو وهوا هنا جلسس وباأياديه الصغيره سار يمسحلها دموعها : ليش تبككي
امو : ححكيك حكايه قصيره عنك وانتا صغير
اياد يطالع فيها وهوا شويا ويبكي معاها
هنا ابو رودينا دخلل عليــهم : ايش بك هنا يلا تعالي
ام رودينا : شويا حجي بس بكلم اياد
ابو رودينا : بتقوليلو ؟
ام رودينا : امي قالت لازم يعرف
ابو رودينا جا جمبها وجلس : قوليلو طيب مع اني شايف انو صغير عشان يعرف
ام رودينا ابتسمت له باإنكسار وطالعت بعدها باإياد : شووف _ اشرت على زوجها
_ دا حيكون زي ابووك حيربيك ويكبرك بس بابتك الحقيقي راح الجنــه _ وفضلت
تقولــه كل شي واياد بس يسسسمع بدون اي ردة فععل _
كان يطالع فيهاا بصمممت
وكأنو دوبـه بدأ يصددق كلام ابو رودينا اللي يقولو هوا دايما
ام رودين خلصت : عشان كدا
اياد قام من عليها وكأنو ماسمع دوبــه شي شال الكوره من الارض وخررج بصممممت
بصممت كســرهاا
تكرره تشووف نظراته المكسسوره دي
تحسسها انو عاارف انو يتيم
قربت لحضضن زوجها وبكيــــــت
وهوا يطبطب على ظهرها : ياحيااتي شوفي الولد اتقببل الموضوع تراه صغيير شي طبيغي كدا تكون ردة فعلو
امو : نظرااتو تقتللني والله احس فييه شيييي
ابو رودينا : يعني ايش حيكون فيــه هددي انتي انا حعوضــه ان شالله
في السيــآرهـ وبــس بتبكي اتذكرت ردة فعل ولدها يوم ماعرف
صح كلام اياد لما قلها انا كنت عارف من قبــل
بدات تتذكر بعض الموااقف لإيااد واول ماسارت تحسس انو ولدها كان بيعاني
على طوول رجججعت للبيت وتبى تهــرج مع رودينا ..
مهما كان قلــب الام يحــن
اما هوا في الغرفــه قااعد على الكنبــه اياديه تتنافض يبى يبكــي
بس مو قاادر
سار مو قادر يبكي على نفســه
تعــب
وصــلت لبيتهاا وقفت السياره حتى ماوقفتها عددل نززلت
واول مادخللت البيت وهيا تنادي بكل صووتها : روديييننننا ..روديناااااااااا
خرجت الشغاله : مدام رودينا فوق في السطح
امها على طوول اتووجهت لفووق فتحت الباب لقت رودينا جالسسسه على الكرسيي وفاتحه الاغااني وبتكتب
جات لعندهاومسسكت الجهاز وقفلللت الصووت
رودينا طالعت فيها باإستغراب شالت النظاره الطبيه من عينها : ايش في ؟
حستها مرا معصبببه كدا رودينا انفجعت
امها : روديناا بسألك سؤال ولو عرفت انك مخبيه حرررف واحد عليا ماحسامحك لادنيا ولا اخره
رودينا مرا انفجعت قفلت الدفتر وعدلت جلستها : ومن متى بخبي عليكي ياماما ايش تبي تعرفي
امها تهرج بصوت يرجف وهيا واقفه ماقدرت حتى تجلس : اياد ابوكي عمرو ازاه بكلمه
رودينا اتغيرت ملامح وجهها مسكت نظارتها الطبيه باإرتباك : مافهمت
امها : روديننناا لاتخبي علياا اياد ايش اللي مايخليه يجلس بدا البيت
رودينا مو قادره تهررج
امها : ابوكي ايش سوالو _ جلسست جمب رودينا _ والله لو ولدي سرلو شي برقبتك انتي وابووكي وماحسامحكم
رودينا مسكت يد امها : ماما انا مالي صلاح انا زيي زيك
امها : ايش سااار
رودينا : انا ماعرف الا على السبب الرئيسي اللي مخرجو مدري ازا في موضوع غيرو
امها قلبها وجعها حست انو الموضوع كبير : رودينا ااهررجي وجيبي من النهايه
رودينا مو قادره تهرج لأنه بتهرج بسيره ابوها بس بنفس الوقت خايفه امها تعرف من اياد وتغضب عليها
رودينا قالت لأمها وصوتها يتقطططع مع الخوووف
امها مع الفجعه نززلت دموعها وحطت يدها على فمها
رودينا بترجي : اياد ساب البيت وانا ساكته مو قادره اهررج
امها خانها التعبير مو قادره تهررج دا وهيا ماتدري عن بلاوي زوجها
بس دا الشي لوحدوو صدمهاا
رفعت يدها وسارت تضررب على كتتتففف رودينا : ليششش ماقلتيييلي ليششش
رودينا مسسكت يدها : ماما والله ماقدرت اقوول لأحد كنت مصدومه ومفجوعه انا بس سمعتت ماشوفت شي
امها : انتي مفجوعه ومصدومه اجل هوا ايششش _ اشرت على نفسها بعتب _ وانا
اقوول الولد متغير مايبااني مايبى يجللس في البيت بس حطيت اللوم علييه قلت
اتغير سرت اطلع صفاات زفت فييه
رودينا : ماما اياد نسي سارت دي الهرجه من زمان
امها : انتتي ماتحححسسي
روينا ندمت انها قالت كدا
امها وقفت : حسبيه الله عليييك حسبيه الله عليك
رودينا بقههر : خلاص قوليلو اخدت حقك مو برد قلبه دحين وخلاه يطلقك
امها سار قلبها محروق على ولدها اكتر من زوجها طالعت برودينا وقالت بقهر :
اسسسكككتي ولا تفتحي فممك انا الغلطااانه لأني خليت اياد يعيش بينكم
رودينا : دحين سار الغلط علينا روحي لولدك شوفي كيف عايش بابا ماقصصر معاه
تعب ومابيقدر دا الشي اخر مرا لما دخل السجنن سوا المستحيل عششان يخرجه
وشوفتي قد ايش تعب بس ولدك خررج من هناا وزي عوايده يلملم بنات في
الشاليهات وماخاف ربي في يوم يسخطوو وله اسبوع قبل لاتطلقي مرمي في
المستشفى بسبب هبلوو وخررج وبرضو ماتاب بابا ماسوالو شي بابا غلللط بس كان
بيصللح غلطتو لكن اياد الزززفت سوا اللي براسوو
جا صوت من عند الباب : لاتهرجي عنو كدا
ام رودينا ودموعها على خدها وتحس نفسها منهاره طالعت في نادر
نادر : ياخاله اسمعيني
انا مابتكلم عن ولدك بدا الشكل عشنو ساعدني او وقف معايا او لأنو سوا حجه
مستحيل اي واحد يسويلي هيا انا بتكلم عن اللي شايفو اياد يمكن بيغلط بس
لأنو مو لاقيكي جمبو .. زمان كنت اهزء اياد لمعاملتو لأبوه بس هوا عمرو
ماقلي دا مو ابوويا كنت اشوف زوجك مابيعامل اياد كويس بس برضو بعاتب اياد
واقولو دا ابوك وتستحملو بس امس شوفت اوراق وكانت موقعه عليها رودينا
وطالعت باإسمها مو زي اسم اياد وهنا عرفت انو دا اساسا مو ابوه عششان كدا
انا لو مكانو كان سويت زيــو موفي النهايه زوجك غلط
رودينا : انتا اخر واحد تهرررج بابا غلط زي انتا ماغلطت واترميت 11 سنه في السسجن مافي احد كامل
ام رودينا : لاتداافعي عنوو مابى اسمممع سيرتوو دحيين
ساابت رودينا ونززلت ونادر طل برودينا بنظره عتب وبعدها لحقق امهاا ..
رودينا جلسست على الكرسي ودموعها نزلت
كل وحده شايفه ابوها كامل في عينها
تحب اياد وتعشقــه بس ابوها غيــر
مافي بنت تهرج عن ابوها بالبطال حتى لو عيوب الدنيا كلها فيـــه
" كل فتاة باأبيها معجبــه "
نادر : ياخخخااله
ام رودينا وقفت بنص السيب وماتحس احد تقدر تتكلم معاه غير نادر
نادر جا عندها: روحي لإياد
ام رودينا : ماقدر دحيين انا قلتلتو كلام مافي ام تقولو لولدها
نادر : مو عشان كدا روحيلو دحين
ام رودينا : ابى اجللس لوحدي ولو بخرج من دا البيت اول واحد حروحلو _ قالت بكره _ للي كان زوجي
اما في عمــآره لانا .. استوعبت انو اياد محولها على حسابها زياده عن مبلغ الايجار
وبما انها خــآرجه قالت تمر على شقتــوو وتتفاهم معاه
ماتبى زياده كل اللي تطلبه الايجار وبــس ..
نززلت وانتبهت لحرمــه خارجه من شقتــو مرا استغربت
شكلها كبيره في السن يعني تديها بالاربعيين وعليها
لين ماخرجت الحرمه من العماره هيا اتوجهت للشقــه مع انو الباب كان ردود
دوبها بتمد يدها وتضغط الجرسس الا هوا كان جاي يقفل الباب
نزلت يدها وطالعت فيه مفجوعه قالت بتردد بدون ماتسئلو ايش بك : ممكن نتفاهم
اياد حط يدو على الباب ومو ناقص يتكلم مع احد : خليها مرا تانيه _ وحاي يرد الباب الا حطت يدها على الباب _
لانا : كلمتيين وماشيه
اياد نزل يده من على الباب : ادخلي
لانا : تعالي في الحوش
اياد ساب الباب مفتوح : تبي تتفاهمي ادخلي
لانا تخاف من صنقرتو بس ععرفت انو الحرمه هيا اكيد لها سبب في قلبو دي
بس اصرت على رايها ماحترضى تدخل لشقته للمرا التانيه
اتوجهت للدرج : تعال هنا ماحدخل لشقتك
اياد شويا طالع فيها وبعدها رد الباب وخررج جا لعندها في الدرج الشبه مظلم
لأنو بيأذن المغرب والشمس غربــت
ومافي انوار هنا
لانا خافت من وقفتو كدا قبالها عشان كدا جلست على الدرج وهوا اتكى على الجدار
[ندعوك للتسجيل في المنتدى أو التعريف بنفسك لمعاينة هذه الصورة]اياد : ايش في لايكون بس ازعجناكي
: لا بس حبيت اتكلم معاك بخصوص المبلغ اللي حولتو على حسابي
اياد : طيب ؟
: انتا زدت عليه وانا ماطلبت منك غير الايجار المحدد وبس
اياد : يعني ؟
لانا مو عارفه تتعامل معاه وهوا يرد زي كدا : يعني انتا فاهم ايش اقصدد
اياد : خلاص رديلي الزايد وانتهينا
لانا ماتوقعت كدا يتفاهم : اوك المرا التانيه ياريت تلتزم بالمبلغ وبس
اياد : ماتوقع في مرا تانيه
لانا مافهمت : كيف يعني
اياد : دا الشهر وماشي
لانا لاشعوريا قالت : بدي السرعه
اياد سكت
وهيا حست بنفسها وقالت : قصدي كويس يعني اهلك رجعو ولا
اياد رمش عينو بهدوء سكت للحظات وبعدها قال : لا مارجعو
لانا لما مافسرلها خلاص حسست انو مالها داعي تجللس بذات وقفتو دي
كأنو يقولها خلصيني
لانا كانت دوبها بترفع نفسها الا هوا قلها : لانا
هيا رخت جسمها و جلست وطالعت فيه : نعم
تحسسس نفسها تتعرف علييه اكتتتر نفسها تفهم ايش فيه
ايش اللي بيسير بزبط له
طالع فيها وبعدها قال : لا ولاشي
جوو متوتر
مابين يباها
وبنفس الوقت يحس انو مابينهم ديك العلاقه اللي تخليه مرتحلها لدي الدرجه
لانا مهدتلو الطريق حستو زي طبعها يشتكي بس لازم احد يستدرجو لين مايضعف ويهرج
: عمتي سئلت عن اللي كانت عندك قلتلها انها اختك مع انو شكلها كبير مايدي
اياد : لا مو اختي
لانا : تقربلك ؟
اياد : دي امي
لانا بان الاستغراب في وجهها : مو قلتلي امك مسافره ؟
اياد : لا
لانا : ايش لا
اياد : اهلي هنا بس انا معتبرهم مسافررين _ قل بتريقه _ زي لما يقولو هنا ومو هنا
لانا عقدت حواجبها ومو فاهمه شي : كيف هنا ومو هنا
اياد جلس جمبها بدرج مع انو نفس الدرجه صغيره كانت زماان وقــحه مع الشباب
تجلللس جمممبهم ولاصقــه فييهم مايهمها
بس من بعد وفاة اهلها اتغييرت لاشعوريا سحبت الشنطه اللي في حضنها وحطتها بينهم
طالع اياد في الشنطه مع انو في فاصل مايحتاج تحط شي
لانا عاد سوالها بكل هدووء وبصوت خلاه يهرج بدون مايحس : كيف يعني
اياد بما انو حسها مضايقـه انو يكون جالس جمبها عشان كدا سند جسمو على الجدار وسارو على نفس الدرجه بس قبال بعض : لانا اسئلك سؤال
لانا : اسئل
اياد : عارف انو لو عشتي 100 سنه قدام عمرك ماحتنسي امك وابوكي ودا احلى شي
فينا انو تبقى فينا زكريات صح انو بعضها توجع بس على الاقل عندنا ضمير _
سئلها _ المهم سؤالي كم مرا احتجتيهم واتمنيتهم جمبك ؟
لانا حست انو قلب عليها المواجع حاولت ترد بدون ماتبين على نفسها : دايما
اياد :طيب متى اخر مرا اتمنيتي انو يكونو معاكي
لانا مو عارفه ايش يبى لعبت باأظافرها : قبل لادق عليك الباب
اياد دايما يوصل كلامو بطريقه غريبه مايجيب كلامو مباشره يخلي الشخص يحس فيه بس باإسلوب تاني : متى اخر مرا بكيتي عليهم ؟
لانا طالعت فيه : ايااد خلاص ايش تبي
اياد مصمم : ردي عليا وبعدين حقولك
لانا بلعت ريقها ورمشت عينها بهدوء : قبل لاانزلك
اياد سكت وبعدها قال : مابالك لما يكونو عايشين وبتعيشي دا الاحساس كلو
لانا دموعها اتجمعت في عينها : صدقني الموت اصعب
اياد : الموت اصعب في كل حاجه بس الموت ارحم في حاجات
لانا : زيي ؟
اياد : زي لما تكون امك ماتت وانتي عارفه انك ماتقدري توصليلها لأنها ميته
ماتقدري تكلميها لأنها ميته ماتقدري تكوني معاها زي اول لأنها خلاص ميته بس
لما تكون عايشه وماتقدري تسوي دا كلوو دا اللي يخنق
لانا : كل واحد يتمنى حاجات انا زمان كانت عندي دي الاشياء كلها ومافكرت مجرد تفككير اني اديها قيمه
بابا جمبي مافكرت احضنو مافكرت اخد وادي بالهرج معاه مافكرت اصلا فيه وماما
على طول معايا برضو نفس الحكايه ماتو وانا بعيده عنهم وانتا عكسي _ ضحكت
عشان دموعها لاتنزل _ كل واحد عنده حاجات مايقدر يوصلها
اياد ماحب يشتكيلها وهيا كدا : على فكره ابوكي مرا كان طيب
لانا اشرت راسها : عارفه عشان كدا كان يخليني براحتي ومايكلمني
اياد : لا عشان كان راضي عليكي ومايبى يزعلك
لانا طالعت فيه : عمري ماسويلتو شي ينبسط فيه
اياد : ترا دا ابوكي يكفي انو يشوفك تكبري قدامو دا يكفيه صدقيني لا الأم تطلب اكتر من كدا ولا الاب يطلب اكتر من كدا
لانا مسحت دموعها جملتو ريحتها " يكفي انو يشوفك تكبري قدامو "
اياد كمل : بكرا لما تتزوجي وتخلفي كل همك يكون بزرتك مبسوط وكل ماتشوفيه
يكبر ويكبر ويتخرج من المدرسه ويدخل للجامعه دا شي يكون ليكي بدنيا ومافيها
لانا ضحكت وبتسمح دموعها اللي تنزل لاشعوريا من كلامو : انا جايه ترا عشان اسئلك ايش بك مو عشان تبكيني
اياد ضحك : مافيا شي ياستي
لانا رفعت حاجبها : وامك ايش حكايتها
اياد : ولا حاجه بس جات تهرج معايا
لانا : دوبك بتقولي كلام ودحين بتقول كلام مو فاهمتك
اياد : قومي نخرج نروح كافي ولا
لانا قاطعتو : لا انا وانتا بدا الدرج المظلم حتهرجلي ايش فييك لأنو مابى اتعب من كتر التفكير فاريحني وخلاص
اياد : ليش ؟
لانا : ايش هوا اللي ليش ؟
اياد شويا ويضحك: بتعبك من التفكير ليش هوا انا في بالك كتير ؟
لانا وجهها راح فيها : لا مو قصدي كدا يعني الفضول تعرف ان
اياد قاطعها بضحكتو : لاتصرفيييها
لانا سحبتها شنطتها وضمتها :مابصررفها بس انتا جاري في النهايه من الواجب يعني اطمن الجار للجار
اياد بثقه: برضو ماقنعتيني
لانا : بكيفك
اياد : جملتك هيا الغريبه ايش حتعب من كتر التفكير
لانا : ايااد بلا مصاااخه انا قصدي شريف بالنهايه
ياد : ههههههههههههههه
لانا : تراك قبل شويا كنت منكد فلاتقلبها فجأه مروق
اياد : على فكره ترا انتي اخر انسسسانهه الواحد يهدا معاه يعني شايفتني روقت مشي معايا على الخط
لانا : ابى اعرف ايش فيك وانتا حتقولي غصبا عنك
اياد : هيا الشغله بالغصبيه
لانا : بزببببططط
اياد : طيب تعالي نروح اي كافي
لانا : قلتلك ماحرووح
اياد : اعتبريه اول موعد بيننا قولي طيب ولاتكشميني
لانا فرطت ضحك : هههههههههههههههههههههههه برضو مابى
اياد : طيب شوفي شوفي عندي حل
لانا : ماحخررج ترا
اياد : دحين دا الدرج يودي لفين
لانا : لسطوح
اياد : يعني اخوانك مايجو من هنا
لانا : لا طبعا
اياد بااستفسار : يعني دا درجي ودرجك من بعد اليوم ؟
لانا تعجبو طريقتو في الكلام وكيف يوصل لحاجه يباها : اممم نشوف معع الايام
اياد : كأني بطلب المستحيل يالطيف منك
اياد دق جواله وهنا عقد حواجبــه ..
لانا : ايش فيي
اياد : تسوي خير فيا ؟
لانا : ايش
اياد : ردي ولو قالولك احد يباني قولي الرقم غلط
لانا بتردد : طيب
اياد اداها الجوال ولما قرات الاسم " دنيتي "
ردت ماتدري دي كدا حبيبتو ولا زوجتو ولا مين بزبط
: الو .. لا ياأختي الرقم غلــط .. مدري دا رقمي مطلعتو اليوم .. والله ماعرف مع سلامه
اياد اشرلها براسو يعني كويس
لانا ادتو الجوال : مين دي دنيتك ياسيد روميو ؟
اياد : ههههههههه مين يعني
لانا : انا بسئلك ايش عرفني
اياد : دي امي
لانا : ورجعنا لمحور حديثنا
اياد ضحك : حاولي تنحرفي شويا عن الموضوع
لانا : ههههههههههههههه مستحيل .. ليش ماتبى امك تكلمك
اياد بقت ابتسامه بسيطه على وجهه : عشان ماحسمع الا شي يسد نفسي
لانا : عشان موضوع الطلاق
اياد : كان موضوع الطلاق بس حاليا ماسار دا الشي لوحدو
لانا : كيف يعني
اياد : انا ماطيق زوجها
لانا : داك اللي كان بشاليه مو ابوك ؟
اياد : لا طبعا ليش في اب كدا يعامل ولدو ؟
لانا دوبها استوعبت عدلت جلستها باإهتمام : طيب ؟
اياد : الهرجه ومافيها انو انا كنت غبي من صغري لأني ساكت على تصرفات هبله
بتسسير من ورا امي سكت عليها لين ماقلبت ضدي وسرت انا الغلطان قدام اللكل
فاخوفت يكبر الموضوع وسافرت قلت يمكن كمان انسى مرا وحده
بسسس 7 سنوات مسافر من دوله لدوله ومستفر اغلب وقتي بجده طفششت وقلت اهجد ياإياد وارجع ولمارجعت سارت دحين دي المشاكل كلها
قال كلامه بسسرعه بدون مايوضحلها اي شي ..
لانا ماستوعبت حاجه : اهاا مرا فهمت
اياد : هههههههههههههههههه ترا كدا اكون بنسبه ليا شرحت بتفصيل مراا
لانا : هوا انا فهمممت حااجه اي تفصيييل دا المهم تنسى ايش بزبط ؟
اياد وقف وسار ينفض الجينز : ترا الدرج مرا بارد _ لما طالعت فيه عرف نفسو وضحك _ ههههههههههههههههه
لانا عرفت انو يتهرررب وهيا ماحبت كدا تضغط عليييه شالت شنطتها ووقفت : انا ماشيه ياسيدي
اياد : ايش بك مو قلنا سهره هنا
لانا : ورايا مشوار حروح وارجع
اياد : اوك
لانا : وانتا ايش حتسوي
اياد : حنام
لانا طالعت بساعه : دحين ؟
اياد : ايش اسوي يعني طفش
لانا : ماتشتغل
اياد : لا
لانا : ليش ؟
اياد : مو محتاج
لانا : في ناس يشتغلو عشان يشغلو وقتهم ترا
اياد : وانا ماحب التزم بمواعيد ودي الخرابيط يومين حداوم في مكان وحسيبو عارف نفسي
لانا : وايش اللي مايخليك تلتزم ان شالله
اياد : نومي
لانا : ههههههههههههه عندك جيران مزعجيين حاول اقول تدورلك شغل وحنزلك لينا وليان يصحوك بالموعد بزبط
اياد : افكر بالموضوع
لانا : اوك اشوفك على خير
اياد : ان شالله
خرررجــت من العماره وهوا رجع جلس على الدرج ..
دا طبــعو مو اول بنت تجي تحاول تعرف ايش في
بس طبعو مايهرج ولا حيهرج في اشياء يقدر يقولها زي اللي قالو دوبوو للانا
حاجات تانيه سايبها لنفســه
دام محد داري عنها خلاص يخليها له ويريح راســو
افتككر امــو مرا مقهور منــها ومقهور لأنهم سارو يعرفو شقتو مايبى اي صله فيهم
دام قلها انو زمان اتعزب من زوجها وهيا مادتو كمان وجه خلاص يحس كدا كفايه بنسبه له
عرف انو زوجها اهم منه
حيسير يوقف سيارتو بعيد عن البيت
ويقول للانا لاعاد تفتحو لأحد باب العماره لو طلبني قوللوهم نقــل
يبــى يحاول يكمل حياته
ودام كل يوم واحد ناتط لشقتو مايتوقع حيكممل ولا حتى يتخطى اي لحظه
اول خطوه زي ماطلعوه من حياتهم
هوا بيحاول يطلعهم من حياتو ..
[center]دعوةالمسلم لأخيه بظهر الغيب مستجابة:
عن أبي الدرداء ـ رضي الله عنه ـ أنهقال : (ما من مسلم يدعو لأخيه بظهر الغيب إلا قال الملك الموكل ولك بمثل (1) رواه مسلم .
موضوع: رواية اشتعال السحب / بقلمي 
الجمعة 22 أبريل 2011, 02:01
