رواية أطباء في الحب \ رواية حجازية

اعناب جالسه في الغرفه وضامه رجلينها لبعض .. ومحوطه عليها بيدينهاا .. الاتنين ..
وسرحانه هنااااكـ .. عند مازن .. وعند مازن .. وعند كلام مازن .. وعند تصرفات مازن .. بختصار مافي حد في عقلها وبالها الا مازن ..
رن جوالها قطع عليهاا عالم مازن الي في خيالهاا ..
طلت في اسم المتصل .. وحست نك وهيب مغبش .. استوعبت انو عيونها مدمعه .. مسحتها بقفا يدها بسرعه وردت علي الجوال
: ايوا خالوو
وهيب : كيفك حبيبي عنوشه ..
: بخير انته كيفك ..
: تمام اسمعي انا قريب لبيت ابوكي .. تجي معاياا ..
اعناب بتفكير : فين خالوو ..
: تعالي باخدك معاياا بالسياره .. نتكلم شويا وكدا وارجعكـ ..
حست نفسها تعبت من كتر تفكر في مازن .. وعقلها من جد ارهق خلاص .. ولازم تشيلو من بالها شويا
: طيب اوكي ..
: طيب البسي حبيبي ودحين امورك
: طيب ماشي خالوو ماشي ..
: يلا بسرعه ترا قريب انا ..
وقفت : اوكي بايز
قفلت الخط ورمت جوالها في شنطتها .. مع محفظتها .. ولفت شالت عبايتها لبستها علي لبسها الموريح .. الي عباره عن بنطلون اسود مع تيشرت قطني كت ..
لفت الطرحه باهمال .. وخرجت من الغرفه وهيا تنادي .. : بابا بابا .
كشرت .. اصلا يا تري ابوها في البيت ولا فينو بالزبط .. : بابا بابا .. عليااا عليااا ..
جالها صوت ابوها من الصالون : تعالي هنا يا اعناب تعااالي ..
اتوجهت للصالون ودخلت : سلامووـ..
سكتت لما شافت مازن جالس معاهم بس رجعت كملت بسرعه : سلامو عليكم
كولهم باصوات متفرقه : وعليكم السلام ..
ابوها متعجب : اشبك بعبايتك يابنتي علي فين
اعناب تاشر علي الباب وارتبكت من وجود مازن ماتعرف ليش : اشسمو انا ابا .. بروح شويا وجاياا
ابوها يطل في الساعه : فين رايحه ومع مين طيب .. واشبك تلبسي العبايه وكل شي واخر حاجه تكلميني
اعناب : لا لانو اشسمو ايوا تو كونت بخرج وجيت اقلك
مازن يطل فيها كدا من فوق لتحت ويبغاها تطالع في بس بتتحاشا .. لانو قالها تبعد عنو بالصريح ..
ابوها : طيب مع مين بقولك وعلي فين
اعناب مرا ما حبت تجيب اسم وهيب قدام مازن : اممم اشسمو مع صحبتي .. مع صحبتي مع اسراء ايوا اسراء
: وفين تبي تروحي معاها
: مطعم كوفي كوفي اقصد
ابوها يطل في ساعتو : اوكي لا تتاخري ..
لفت بسرعه : لا ماحتاخرر ..
خرجت من البيت ووقفت في الحوش تستنا وهيب .. وهيا متوتره مرا .. والي متوتره عشانو صار
خرج مازن من الفله في يدو كوب الشاهي حقوو .. : كيفكـ
لفت عنو : بخير حمد لله ..
: كان استنيتي جوااا .. بدل اللطعه هنا
: لا لا هوا .. اقصد هيا علي وصول . دحين تجي .. وكدا عشان كدا ..
مازن حس انها مرتبكه كدا ووشها قالب كل الاوان : اشبكــ .. ؟؟
اعناب تبا تصرفو تبغا يروح لا يجي وهيب ويشوفوو : ولا شي والله ولا حاجه .. روح انته انا بستنا ..
مازن يبتسم : ليكون عشان كلامي الي اليوم مسويا مستحيه .. مو انتي الي قلتي تحبيني انا الي استحي
اعناب من حمرت : مازن لا لا مو كدا الهرجه مو كدا ..
: اجل اشبك فيكي شي انا متاكد ..
اعناب فيا خووووووووف حل من هنا الله يخليك : والله مافيني حاجه ..
صلحت طرحتها : انا حخرج برا استناااا بالاذن ..
فتحت الباب وطلعت وياليتها ما طلعت لان مازن علي طول خرج وراها : اما تبي تستني في الشارع
اعناب تتلفت بخوف وترجع علي الفله : لا لا حدخل ..
جات لعند الباب ومازن واقف مابعد : ما تبي تقولي اشبكـ كدا ..
يادوب خلص كلمتو .. الا وقفت سياره وهيب قدام الفله ورخا القزاز وطوط بوري : عنوشه
اعناب طلت في وتسوي انها متافجئه .. : خالوو
مازن علي طول لوا شفايفو بقرف ورجع طل في اعناب : ايش بيسوي هنا ..
اعناب : اممم امممم ماعرف ما ادري ما ادري ..
وهيب يدق البوري : عنوشه اشبكـ هيا بسرعه ..
اعناب تطل في وهيب وشويا تطل في مازن .. وماهي عارفه كيف حتصرف الي صار .. : اممم وهيب هلا ..
وهيب : بسرعه يلا انا مستعجل ..
مازن : ايش تبغا انته جاي هنا ..
وهيب وناوي شر فتح باب السياره ونزل .. : انته الي ايش تبغاا .. ؟؟
مازن نزل الدرجتين الصغيره : بقولك ايش تبا
اعناب : لا لا مازن وهيب صلو علي النبي
وهيب يمتر مازن من فوق لتحت ويمسك يد اعناب : مشينا ..
اعناب طلت في مازن ومشيت ركبت مع وهيب ومشيووو .. مازن وقف متنح .. واستوعب حركاتها .. خايفه .. متوتره .. اترنها بتكدب من الاخرر
رما كوب الشاهي بعصبيه وخش الفله ويحس قلبو بينحرق .. ليش رايحه مع وهيب .. ايش بتسوي معاا ..
صقع راسو كم مرا : اطلعي من راسي اطلعي من راسي اطلعي من راسي ..
في جه تانيه اعناب في السياره جنب وهيب .. الي داعس في الخط وكنو يبا يطير ما تعرف علي فين
جالس كل شويا يلتفت عليها : اعناب حبيبي .. ليش ما تجي معايااا ..
اعناب تتنهد : قلت لك ما اقدر وهيب عشان تدريبي ترا دا اخر اسبوع الا احنا فيلوو ..
وهيب بلا مباله : طيب تعالي معاياا ..
: فين اجي معاك خالوو
وهيب يشغل المسجل : دحين تشوفي ..
اعناب بتعجب : اشوف ايش
وهيب يبتسم : دحين تشوفي فين ابا اخدك معاياا
اعناب : ما ابغا اروح مكان خالوو
وهيب كل شويا يطل في الساعه .. اتاخر مرا .. ويدوس علي البانزين اكتر واكترر ..
اعناب بدت تستوعب الطريق الي ماشين منوو : وهيب احنا فين رايحين
وهيب مطنشها ومركز علي الطريق بكل حواسوو .. يبا يوصل قبل يفوتو الوقت ..
اعناب تطالع في الطريق وتفكر انو مستحيل يجبرها تطلع معا الطياره : وهيب اجنا رايحن المطااارر
لف عليها وابتسم : ايوا حجزتلكـ تزكره معاياا حنروح للهند حالياا .. وبعدين نرتب امورنا
اعناب طلت في بتناحه : وهيب من جدك
وهيب بسرعه : ايوا وتدربي هناك من جديد .. ولا بس تختبري .. ولا تخافي لا تشيلي هم الملابس وكدا .. من نوصل هناك حوديكي السوق طيب ..
اعناب بلمت : وهيب اشبك وهيب .. ماحروح معاك مكان ..
وهيب يطل فيها كدا ويبتسم : الا حتجي معايااا انا احوبكـ وانتي تحبيني .. وما نقدر نسوي شي هنا لازم نسافر
اعناب لصقت في الباب : وهيب ما ابغا اروح معاك مكان .. انا ما احوبك وهيب اشبك وهيب وقف السياره ابغا انزل
وهيب يطل في الطريق : خلاص قربنا للمطارر .. حننزل هناك
اعناب ركبها خوف والدموع اتجمدت في عيونها ومارضيت تنزل بس مفرصعه عينها .. وتحاول تستوعب انو وهيب يبغاها تسافر معا وتعيش معا ايش يحس
ضلت باقي الطريق ساكته .. لان ما عرفت ايش تقول حتي ..
وصلوو للمطار اخيرن .. وهيب وقف السياره في المواقف .. والتفت علي اعناب : حتسافري معايا غصب عنك طيب .. مو برضاكي
دموعها فرت اخيرن : وهيب انته ايش بتسوي يا خالوو .. ما ابغا اسافر مكان .. بابا وماما وتدريبي .. وهيب اهجدك اشبك انته
وهيب نزل من السياره .. ومعا بس شنطة ضهر صغيره .. : اقول انزولي واهجدي احسنلك لا تفضحيناا ..
اعناب لاصقه في الكرسي : وهيب الله يخليك اسمعني خلينا نتفاهم وهيب .. مايصير اسافر كدا بابا وهيب بابا
وهيب فتح الباب من جهتها وجلس علي اطراف رجلو : عنوشه انا احوبكـ .. وهنا ماحقدر اسوي شي تجاهكـ .. عشان كدا .. حاخدك معايا صدقيني حتنبسطي معاياا ..
اعناب بخوف : لا ما ابغا وهيب ما ابغا وهيب اشبك رجعني
وهيب وقف واتلفت حولينو : اعناب ما ابغا اشدك غصب عنك .. بسرعه يلا اووراقك جاهزه وجواز سفرك معايا وكل شي .. بس الي علينا اننا نطلع الطياره ونبداء حياه جديده مع بعض علي كيفنا
اعناب مبلمه .. صح اتمادت مع وهيب .. وحبتو .. وحست بمشاعر غلط تجاهوو .. بس ماقد فكرت انهم يكونو مع بعض ويعيشو مع بعض ولا وصلت بافكارها لدا الحد ..
وهيب مسكـ يدها : يلا حبيبي
اعناب تحاول تشد يدينها من بين يدوو : لا وهيب سيبني ما ابغا اسافر ما ابغا اروح مكان معاك من جدك ما ابغا اعيش معاكـ .. اتركني
وهيب سحبها بقوه خرجها من السياره ولصقها عليها من بره .. حط ايدو تحت رقبتها .. وفجئه ملامحو قلبت .. وبنبرة تهديد .. : حتمشي معايا وانتي ساكته فاهمه .. وحنطلع الطياره بكل هدوء .. ولو سويتي اي حركه غبيه ماحيصيرلك شي طيب
اعناب هزت راسها مو من الخوف .. من الصدمه .. وهيب اطيب انسان عرفتو .. احن انسان عرفتو .. وهيب الي اتربت معا وعشقتوو صار كدا ..
اشبو ايش صاير
وهيب ابتسم لما هزت راسها .. مرر يدو علي خدها : اوكي حبيبي انا محتندمي ..
قفل السياره ورمي المفتاح علي الكبوت بلا مباله .. لانو بختصار مو ناوي يرجع ابدن ..
مسك اعناب من يدها ومشي جنبها وهوا منشكح .. واعناب وشها جامد من هول الصدمه .. اشبو وهيب ايش صايرلوو .. يكون خبل .. ايوا اكيد خبل .. هادي ماهي تصرفات شخص عاقل ابدن
وصلو عند بوابة المغادرين .. واعناب جات عينها علي وائل واقف جنب مجموعه شباب بيحضنو في بعض ويودعو بعض بطريقه دراميه وضحكاتهم معبيه المكان ..
طلت في يدها الي بين يدين وهيب والي ماسكها بخفه .. وجلست تحسب المسافه بينها وبين وائل وفي كم خطوه ممكن توصلو وتتخبا ورا ضهرو وتصرخ باعلي صوتها مجنووون ..
وهيب التفت عليها فجعها : تفكري في ايش
اعناب طلت في كداا وبعدين سحبت يدها من يدوو بسرعه وجريت بكل قوتهااااا وهيا تصرخ : وااائل واااائل ..
وائل والي ملهي مع اصحابوو .. ما استوعب لما سمع صوت انثوي ينادي ..
كل الشباب التفتو معا علي اعناب الي جايا طيران .. وائل تنح ومشي لعندها بسرعه لما شاف وهيب بيجري وراهاا
اعناب وصلتلو ومسكتو بيدينها الاتنين ولفت ورا : وهيب وهيب يباني اسافر معا تخيل يقلي تتجي غصب عنك تخيل تخيل
قبل ما وائل يعلق وهيب وصل لعندهم وطل في اعناب بتهديد : يلا اعناب يكفي لعب الطياره حتطير
وائل مو مستوعب : هي ايش تبا انته ..
وهيب يرميلو ضحكه : هههههه هههه ما بكلمك اوكي .. اعناب بسرعه الطياره يا اعناب
اعناب متلصقه في وائل : وهيب اطلع من راسي خبل انته ماحروح معاك مكان
وهيب يرخي عينو ويرفعها عليهااا : بقولك بسرعه حتفتونا الطياره اوكي حتفوتنا يا اعناب ..
اعناب تضغط علي كتف وائل : ابغا بابا .. خلي يروح ما ابغا اروح معا مكان
وائل يمسكـ يدها يطمنها : ماحتروحي مكان غصب عنكـ طيب
وهيب اتقدم لعندها يحاول يشدها .. بس وائل دفو بقوه : لا تلمسها
اتجمعو اصحاب وائل وكل مين يرمي كلمه : ايش في .. مين هادي وائل .. ايش يبغو دول .. ايش صاير
وائل ياشر علي وهيب : وضبو وخلو يحل من هنا ..
الشباب عاد عند الفزعه ماعندهم اي مشاكل .. اتقدمو علي وهيب وحوطوو ..
وئل لف علي اعناب بحماس : تبغيهم يموتو .. ولا ينومو في المستشفي كم يوم .. ولا كسور .. ولا رضوض .. ولا تعويرات بسيطه ..
اعناب بدهشه : لا لا يضربو .. خلو يتركني بس ..
وائل : اهو تركك غيرها غيرها بسرعه ينومو في المستشفي صح
اعناب ترفع نفسها علي اطراف اصابيعها تحاول تشوف ايش بيسو لوهيب : لا لا هوا حيسافر .. سيبو يلحق طيارتوو
وائل التفت علي اصحابو : شباب اتاكدو انو طلع طيارتو يكفي ..
دف اعناب من كتفها : وانتي قدامي نرجعك البيت .. كل يوم طالع ببلوه .. ايش ركبك معا دا وهيب ها ..
اعناب تطل في وائل بتناحه : احلف خالي
: والله البني ادم بيسفرك معا بالقوه بلبس البيت خبل داا ولا ايش .. ؟؟
اعناب تحاول تميز وهيب من بين الناس الي داخلين : ماعرف يا وائل
وائل يصقع جبهتها : تخيلي ماكنت واقف هنا بودع واحد صاحبي .. كان اخدك معا بالقوه صح .. بسرعه احمدي ربك اني كنت موجود
اعناب من قلب اتنهدت : الحمد لله
وائل : يالطيف ماوراكي الا المشاكل .. امشي امشي اطلعي بس اوديكي البيت
اعناب اتنرفزت : اي مشاكل جبتلك
: لا ياشيخه جايتني تجري كنك سوبر مان ومتلصقه فيا قدام اصحابي ايش اكتر من كدا
اعناب انكسفت : انو بس انا كونت .. خايفه
وائل يلوح بيدو .. : اطلعي اطلعي اقول مادري ايش حكايه اهلكـ ..
اعناب جات تركب ورا صرخ فيها : هيييي سواق انا ..
بلمت : دايم اطلع ورا مافرقت معاك
: اقول امشي انطقي قدام .. عشان اقنع اصحابي انك اختي من الرضاعه .. مو بنت ماعرف مين هيا جايا تتلبش فيا .. والله انك لبش من جد
اعناب عصبت وفتحت باب السياره .. : خلاص حرجع بتكسي شكرن ياوائل
صرخ فيها : اقول امشي انطقي هنا اشوف انطقي
اعناب قفلت الباب : ماني منطقه جالس تزل اهلي يعني
خرج من السياه : هي لا تعصبيني اطلعي بسرعه خليني ارجعك بلا فكك .. وايوا ازلك .. مو كافي بوديكي للدوام وبرجعك . كمان في كل مكان طالعتلي لا وتركب ورا كني سواق ابوها
اعناب طلت في وخشمها يطلع دخان : انته اصلا .. انا اصلا .. وائل انته .. وربي انتــ..
وائل : هيا كلو حتي جمله موفيده ما تقدر تقول .. انته كولك عاهات استغفر الله بس امشي امشي اطلعي
اعناب من قهرها رجعت ركبت السياره ورقعت الباب وراها بقوه : وجع
وائل : انتي الي وجع وربي لو صار شي في باب السياره ابيعك واصلحوو ..
اعناب رفعت حواجبها بدهشه وجات تعلق .. بس ماعرفت ايش حتقول .. كدا قفلت فمها وضمت شنطتها بقوه
وائل ميت ضحك علي شكلها لما تتنرفز من جد تضحك .. تغير مزاج الواحد
كل شويا يطل في هيا ويموت ضحك .. واعناب جالسه بتاكل في نفسهااا ..











~~~~~~~~
A6baa fe al-7o0b
~~~~~~~~












الساعه 8:25 بتوقيت جده حقنا .. >> ؟؟
تسنيم خاشه من بوابه المستشفي وهيا داعسه ميتين وسماعه الجوال في ادنهاا : ماجد طيب من اول بتصل عليك ما بترد
ماجد : طيب كونت نايم ما انام يعني
تسنيم : ايوا ما تنام وصاحبك عمليتو دحين وانته دكتور المفروض تكون واقف جنبو وتطمنو مو نايم .. ومبسوط انك نايم
ماجد : تسنيم لا تخوشي عند بهاء الين ما اجي
: ماجد ماحستناك اخاف عمليتو دحين حتي مو متاكدين من الوقت .. علي ماتجي ما اشوفو ماقادر اسفه مرا اسفه
ماجد قام عن سريرو : والله اهو انا قومت بس البس ومسافه الطريق
تسنيم : اوكي انته البس ومسافه الطريق .. وانا حشوف بهاء مع السلامه ماجد
قفلت الخط بدون ما تستنا يرد عليها ..
راحت لفسم العمليات واتوجهت للوحه الكبيره الي مكتوب عليها مواعيد كول العمليات وموقعها والدكاتره الي حيقومو بيها ..
جلست تاشر بيدها علي اليوم والتاريخ والساعه لين وصلت للمربع الصغير الي مكتوب علي اسم الدكتوررر مدحت المصري .. وموقع الغرفه الي حتتساوي فيها العمليه والوقت ..
شهقت .. : تمنيه ونوص تمنيه ونوص .. مابقي وقت .. اكيد دخلوو اكيد دخلوووو ..
رفعت عبايتها بسرعه وصار تفحط في الممرات لين وصلت عند الغرفه الي المفروض عمليه بهاء حتكون فيهااا ..
وصلت عند الغرفه ولقت الممرضين والممرضات بالفعل منتشرين .. وبيجهزو الغرفه للعمليه ..
بلعت ريقها : فين المريض بهاء ..
واحد من الممرضين السعودين كشر : دكتورا تسنيم
تسنيم طلت في تحاول تميز شكلو : ايوا
: بهاء شوي وبيكون هنا اي خدمه
استندت علي الباب واتنهدت : لا ولا شي شكرن ..
طلعت من الغرفه ووقفت تتستنا عند الباب .. وهيا تطقطق اصابيعها بتوتر .. متوتره ماتعرف ليش ..
وفجئه كدا بدون مقدمات حست بضيقه وخووووف .. لا وجاتها بكيه فوق كل دا ..
صارت تتمتم بينها وبين نفسها : يارب يسهلك يابهاء يارب يسهلك وتقوم بالسلامه يارب ..
شويات كدا .. طلعو من الفه الممرضين وساحبين معاهم السرير الابيض الي بهاء راقد علي بستسلام تام جدن ..
من شافتو جريت لعندوو : بهاء بهاء
بهاء طل فيها وابتسم لا شعوريا .. لانو قبل شويا كان بيدعي انها تكون موجوده : تسنيم ..
تسنيم مرا ارتاحت لما شافت ابتسامتووو .. : ها كيف النفسيه والاستعداد ..
يحط يدو علي قلبو : للامانه .. دوبي بديت احس بالخوف ..
تسنيم مسكت يدووو بدون مقدمات وضغطت عليها : ان شالله سهاله وتقوم بالسلامه .. يارب .. وانته كدا جديد ومعاك كليه جديده ..
بهاء يبتسم علي كلامها : يارب دعواتك محتاجلها تسنيم ..
الممرضين حسو انهم حيطولو فكل واحد قام يرمي كلمه .. : يلا الدكتور دحين حيوصل .. لازم نجهزوو للعمليه .. اي كلام اجلو لبعدين ..
تسنيم ترفع خوشمها : انا متدربه هنا وطلبت من دكتور مدحت اكون جوة الغزفه معاكم ..
طلو فيها كدا من فوق لتحت بعدم تصديق ..
تسنيم بسرعه فتحت شنطتها وطلعت لهم البطاقه .. ولفت علي بهاء : ما تتخيل قد ايش اترجيت دكتور مدحت يخليني بس اشوف العمليه عن قرب ..
بهاء بتكشيره : مو لازم يكفي اني شوفتك دحين قبل لا اخوش العمليه ..
تسنيم : لا لا حخوش دحين .. يلا اتجهز وجايتك
سيبتهم دخلو بهااء علي الغرفه واراحت هيا لبست الادوات المعقمه كولها والكممات وغطت شعرها ودخلت عندهم الغرفه ..
شافت دكتور مدحت مع مساعدينو جاهزين .. والادوات مرصوصه بكل ترتيب .. والعلبه الحمرا الي وسطها الكليه الجديده .. تنتظر تكون في جوف بهاء بعد دقايق ..
بهاء اتقدمت ورفعت يدها لدكتور مدحت : زي ما اتفقنا بس شويا واطلع
طل فيها كدا بلا مباله .. واشر لطبيب التخدير : يلا بسم الله
الدكتور ضغط علي الابره وهوا يكلم بهاء : عد من عشره لواحد ..
تسنيم بسرعه مسكت يدوو .. : بهاء عد من واحد لعشره
بهاء المخدر بدا يسري في كل عروقوو .. : واحد اتنين تلاته احوبك تسنيـ….
حتي ولا كملهاا اتغمضت عينو وارتخت كل عضلاتووو .. اتخففت انوار الغرفه الي برودتها زي التلج .. واشتغل الكشاف الكبير المسلط علي الجزء الاسفل من جسم بهاء
الدكتور مد يدووو : مشرط
اعطولو المشرط بسرعه .. : بسم الله
وشق جلد بهــاء والدم علي طول خررج وتسنيم علي طول لفت وشها وطلعت من الغرفه ..
نزلت الكمامه عن خشمهااا وجلست في الكرسي الي برا عند الانتظار .. دفنت وشها بين يدينها .. وماتعرف الا الان ماتعرف ليش دموعها فرت من عينهاا ..
فسخت الملابس تبعت العمليات المعقمه وخرجت علي برااا .. شافت براء ومعا كم شخص وشخصه خمنت انهم اكيد اهل بهاء وكدا ..
مسكت الجوال وطلبت رقم ماجد
ماجد في السياره : ايوا تسنيم حبيبي
تسنيم تشفط خوشمها : توهم بدءو العمليه لبهاء
ماجد صقع الدركسون بقوه .. : الله ينعلني مين قلي انام
تسنيم تهدي : مو مشكله تلحقو لما يصحا ان شالله انته فينكــ ..
: انا خلاص قريب للمستشفي .. احوبكـ تسنيم ..
تسنيم : ماجد تعال بسرعه
: طيب حبيبي انا مرا قريب للمستشــ…
شويا انقطع الخط .. تسنيم طلت في الجوال كدا شويا واستغربت ايش فصلوو
مسكت الجوال بين يدينهااا .. وجلست تهز رجولها بتوترر .. يارب سهل لبهاء يارب ..
سندت ضهرها علي الكرسي وغمضت عينهاا .. وتحس قلبها مرا يوجعها .. ضلت ضاغطه علي بقوهـ .. : يارب يارب
شويا ما حست بنفسها الا والنعاس شايلها .. بسبب الانتظار الممل ..
شارع طويل ومضلم .. واقفه وفي يدهاا كوب موياا .. قدامهاا بهاء وماجد وكل واحد ماد يدو عشان تعطيلو الكوب .. وهيا محتاره بينهم ..
شويا اتقدم بهاء وخطف الكوب منها بقوهـ .. وفي نفس الحظه ماجد مسك الكوب .. وصارو هما الاتنين يشدوو في الكوب ويضاربوو .. شويا انفلت الكوب وطاح وانكسرر .. فزت من نومتها وهيا مفجوعه ..
وطلت في الناس حولينها كنهم من عالم اخرر .. استغربت مرا من الحلوم .. طلت في الساعه .. نوص ساعه .. غفت نوص ساعه .. فين ماجد ما جا لدحين .. علي طول قلقت علي .. اوف اخ ياراسي صداع ..
قامت عن الكرسي وهيا تطلب رقم ماجد .. وبيعطيها مقفل علي طول ..
حست قلبها يطربق بقووه ..
خرجت من القسم ومازالت تطلب رقمو الي مازال يديها مقفل .. عيونها اتعبت دموع في ثواني ..
شافتها وحده من الممرضات وجات لعندها جررري : لو سمحتي انتي تسنيم خطيبه الدكتور ماجد
تسنيم اتاكدت انو في خبر مو كويس في الطريق : ايوا
: ترا في الطوااارئ صارلو حادث هنا عند المستشفي ..
تسنيم الدموع القليله صارت غزيره : فينو فينووو ..
الممرضه مسكتها من يدها وسحبتها معها : توهم دخلو لغرفه العمليات .. ضغطو مرا منخفض والضربه جات قويه علي راسوو .. ادعيلوو ..
تسنيم ماهي سامعه ولا شي .. تبا تشوف ماجد تبغا تشوفوو .. بس دا اهم شي ..
وصلو عند غرفه العمليات الي في الطوارئ والي حولينها مجموعه كبيره من الممرضين والممرضات والدكاتره وحتي بعض الموظفين في المستشفي .. لانو كولهم يعرفو الدكتور ماجد ..
تسنيم دفتهم تحاول تدخل بس منعوها علي طول ..
صارت تصرخ : هي انا دكتورا ابعدوو .. خطيبي هادا خطيبي والله ابعدوو انا متدربه هنا
الممرضين منعوها تدخل .. بالقووه ..
دانه الي دموعها هيا كمان اربعه علي اربعه مسكت تسنيم وجلستها علي الكرسي وادتها مويا : هدي نفسك ان شالله ماجد بخيرر
تسنيم دفت المويا من يدها بقوهـ : ابعدوو خطيبي ماجد ابغا اشوفوو انا دكتوره انا دكتورر ..
دانه مسكتها بقوه وجات دكتورا تانيه جلست جنبها ومسدت علي كتفوها : قولي لا اله الا الله ..
تسنيم تبكي بصوت ودموع : بهااء وماجد بهاء وماجد .. لا ياربي احميهم ياربي احميهم
الموجودين كولهم حزنو عليهاا .. وعلي الانهيار الي وصلت لوو
وتسنيم كل قواها ارتخت وصارت دموعها تدحدر بصمت .. والحلم الي قبل ساعه حلمتو جالس ينعاد وينزاد ..
ماتعرف ليش حست انها حتفقد واحد فيهم ..
صارت تتمتم بصوت راخي : يارب احميهم يارب احميهم ..












نهاية البارت التامن و العششرين ..
اطباء في الحب ..
قطعه شوكلاته ..

….
…
..
.

[ البــارتــ الاخيرر ]
… اطـباء فــي الحـــب ...






~~~

العالم مملوء بالاشخاص الجيدين
كيف نميزهم ؟
انهم الاشخاص الذين نفتقدهم بشده
وكل شيئ ينهار في غيابهم
انهم الذين يحبوننا
من قبل ان نخلق بمده طويله
انهم من يقومون بالبحث عنا عندما لا نجد طريق العوده …
نعم العالم مملوء بالاشخاص .. الجيدين
وافضلهم اولائك الذين يشعرونكـ بانه لا غني عنكـ في حياتهم ..


~~~










متربعه علي سريرها وقدامهاااا الاب توب بتسوي اي شي في الحياه .. تتصفح تكتب .. تنزل مقاطع تحمل اغاني .. الموهم انها مو قادره تنام من فرحتهااا ..
حييستلمو مفتاح فلتهم الجديده اليوم .. وحيروحو يشوفها وياثثوها زي ما يبوووو ..
كل ما تتزكر دا الشي تصرخ بدون شعوور : مو مصدقه يارررررررررررربي ..
اندق باب غرفتها بدقه طربيه ومن برا قصي يغني : وقولو اسم الله علي غزال طب قلو اسم الله وقلو اسم الله علي غزال طب قلو اسم الله ..
زهاد قامت للبابا وهيا تلوح بشعرها يمين ويسار .. : وقلو هلا بالي زهب لبس الحريررر ..
فتحت الباب لقصي وهيا تطق رقبتها .. : ياهلا والله بخوي وش مصحيك فديتك ..
قصي يضحك : مادري ايش تحسي مع دا الهرج الي ماسك معاكي ..
زهااااد : يالباا ذا الحكي وكل من تكلم كذا فديتهم لبا اخشامهم خشم خشم ..
قصي : هههههههه يالبا الروقان الي فيكي ..
خش جلس علي السرير : مو جايني نوووووم
زهاد تغمزلو : زي متحمس للفله وكدا ..
قصي يهز راسوو : لا لا متحمس للسياره .. اع اتوقع لما اشوفها حموووووت ..
زهاد تخبطو علي قفا : اجل بكلم هيثم يكنسلها .. تموت عشان سياره يالطيف ..
اتربع ولف عليها : اخخخ بس يا زوزو .. ابا اروح المدرسه بيها .. بشوف رده فعل الشباب .. لما قولت لهم حشتري الــ…. ماحد صدقني وكولهم صارو يضحكو .. اخ بس اخ
زها تفرفرلو شعرو : ماعليكـ منهم دحين تجيبها وتخششها في عيونهم عشان يصدقو الهبل ..
قصي يطلع من جيب البجامه الرخصه حقتوو ويشم ريحتها : متحمس ما تتخيلي قد ايش ..
زهاد : ههههههههه انا متحمسه للفله .. يووووو لو تشوفها يا قصي من جد تموت مو السياره ..
: اقولك يا اختي بيني وبينك انا خايف ..
زهاد مسكت يدو بسرعه : من ايش خايف يالبا انته ..
قصي : مادري خايف ما نتحمل اننا اغنياء ونطق نفسنا عين وفي ثانيه كل شي يرجع يروح ونرجع لوضعنا السيئ
زهاد شهقت وهيا تلوح بيدها : لا لا اعوذ بالله لا تقول كدا انته الي حتطقنا عين اقول اذكر الله ياشيخ ..
: ههههههههه ولا خايف ما نتحمل الفرحه ونموت من جد ..
زهاد رفستو طيحتو من السرير او المرتبه المرتفقع حقتها : وجع اتكلم كلام عدل ولا اطلع من هناااا .. قوم انقلع صلي الفجر ولا سوي اي شي مفيد ..
يحكحك ضهرووو : هههههه وجع عورتيني وبعدين صليت خلاص اسمعي .. قومي نطلع ..
زهاد تطل في ساعتهاا : لا نطلع فين ورايا دوام ..
قصي بجديه : علي طاري الدوام .. خلاص مانك محتاجه للكم الف حقتهم ايش تستني ما سحبتي عليهم لدحين .. ؟؟
زهاد تفكر في كاسرر .. : اممممم خلاص يمكن اليوم اخر يوم وحسحب عليهم اطمن .. ما احوجني خلاص علي قولك مو محتاجه للكم الف حقتهم .. انا دحين اقدر اشتري المستشفي كولها
قصي : هههههههههههههه لا لا تتهوري تراها مستشفي الحكومه ..
زها : هههههههههههههه معليش حماس زايد ..
: ماعليش معذوره حتي لو خبلتي عاذرك .. ولو انا خبلت اعذوريني يا اوختي ..
زهاد : ولا يهمك عازرتك من دحين ..
قصي يلتفت علي الباب ويرخي صوتو : زوزو ماما كيفها دحين ..
زهاد ترخي صوتها هيا التانيه : انا مرا مصدومه انها متاثره لدا الحد علي وفاة بابا ..
قصي : مو اكتر مني .. وربي لما قلنا لها انو اتوفا وورثنا .. اتوقعتها تضحك ترقص تصفق .. اما البكا الي بكيتو مرا مو ضمن التوقعات مرا صدمتني ..
زهاد تميل فمها : ياشيخ في شي بين ماما وبابا الله يرحمو مانعرفو ولا حنعرفوو الين نموت ..
قصي يضحك : لين نموت من الفرحه ههههههههــ ..
زهاد جات تهرج الا رن جوالها طلت في وانشكحت : هيثم ..
: ايوا الووووو ..
قصي : شغلي اسبيكر اسبيكررر ..
زهاد فتحت الاسبكر علي طول : يب ياصباح الخير ايش عندك
هيثم بحماس : بنت عمي ولد عمي .. انا تحت انزلولي طيران ..
زهاد وقصي يطلو في بعض بتعجب : ليش ايش في ايش بتسوووي تحت ..
هيثم : قصي سيبك من اختك الي بس تسال وانزلي بسرعه اسرع ما يكون ..
قصي فز بسرعه : طيب طيب نازلك ..
زهاد قامت بسرعه : استناني قصي استنا دحين نازله ..
قصي : بسرعه بدور شبشبي الي احبوو ..
هيثم يضحك علي الخط : بسرعه بسرعه ..
زهاد قفلت الخط ولبست عبايتها علي البجامه الحمرا القصيره .. ورمت الطرحه علي راسها باهمال .. وبسرعه اتوجهت للباب وشافت قصي دوبو خارج من غرفتووو ..
من قوه الحماس جو يطلعو مع بعض من باب الشقه الصغير .. بس انحشكو كم مرا .. اخر شي قصي دف زهاد علي بره : اطلعي خلصي اهلي ..
زهاد : هههههههههههه وجع عورتني ..
نزلو علي تحت شافو هيثم واقف في المدخل وعلي وشو اكبر ابتاسمه في التاريخ : صباحو يا الربع ..
قصي يفرك يدينو : ايش في ايش في ايش في بسرعه ..
زهاد : ليش بتضحك كدا لتكون بتمقلبنا يا ابني ..
هيثم طنش زهاد ومسك قصي من يدوووو وسحبو علي برااااااا .. قصي ماشي ورا بستسلام .. : ايش في طيب قولــ..
سكت وتنح وبلم وبعدين شهق من قلب لما شاف سيارتو وصلت .. وبالون النيلي الي هوا طالبوووو .. صرخ باعلي صوتو : لاااااا زوزو وصلت وصلت ..
زهاد هيا التانيه صارت تصرخ معااااا : وااااا قصي جات السياره ليتك اتمنيت الجنه
قصي جري للسياره وصار يلمسهااااا ويبوسها : سيارتي سيارررتي مو مصدق ياربي سيااارتي ..
زهاد هيا التانيه تلمس السياره : واااو قصي موستحيل لونها موستحيل ياشيخ ..
قصي يفرد يدينو علي كل السياره : زوزو ابعدي ابعدي عن سيارتي اوف مو مصدق واااااا وربي سيارتي صار عندي سياره و مو اي سياره يا زوزو مو اي سياره ..
زهاد صقعتو : قول قول ماشالله لا تطق نفسك عين قول بسرعه قول ..
قصي يتف علي السياره بسرعه : ماشالله ماشالله ..
ويرجع يتف عليها ويقرا المعوذات ..
وهيثم في جه تانيه ميت ضحك عليهم .. صح اتوقعهم ينبسطو بس مو لدا الحد .. دول مو مبسوطين دول خبلووو خلاص ..
قصي يدور هيثم : بسوق بسوق فين مفتاح المفتاح اقصد لا لا مفتاحي قصدي مفتاح سيارتي ..
قصي يرميلو المفتاح : هيا اتهنااا
قصي مسك المفتاح مع الريموت وصار يبوسوو ويبوسوو ويبوسوو لين زهاد صقعتوو : هيا خلينا نجربها اتحرك
قصي بحماس : يلا يلا هيثم تجي تجي ..
هيثم نزل الدرجات وهوا ميت ضحك علي ردة فعلهم : ايوا بس اول شي في سياره تانيه كمان ..
رفع يدو واشررر الا اتحركت وحده من السيارت الواقفه علي الطرف ووصلت لعندهم ووجوتها السواق طبعاا ..
زهاد وقصي : ؟؟؟؟؟؟؟
هيثم رفع يدو لكتف زهاد : هادا سواقك ودي سيارتك من اليوم .. تعرفي فله جديده وكبيره لازم فيها غرفه سواق .. وما ابغاكي تركبي مع كل مين هب ودب .. وترحي وتجي بتكاسي .. دا سواقك وسواق امك من اليووووم ..
زهاد بلمت والتفت علي قصي : لا كدا كتيررر مرا كتير تراني ..
هيثم يرفع يدو التانيه علي كتف هيثم : لا مافي ولا شي كتير عليكم .. خلاص انتو دحين غير وحياتكم غيررر .. وكل شي اتغيرر اتاقلموو .. طيب ..
قصي يدف يد هيثم عن كتفو وويروح لسياره : يلا يلا بسوقها بستفتحها يلا يلا ..
هيثم : ههههههه انا افتتحتهاا ..
قصي دخل السياره وطنشهم .. لحقو بسرعه وقفلو الابواب وكولهم متحمسين حتي هيثم اتحمس بدون شعور .. : يلا يلا مشينا ..
قصي يطل في العددات ويلمس الطاره ويبوسها .. : وااااااااع سياااارررتي بعدو بعدو بروح المدرسه بدخلها الحوووووش ترا ماحوقفها برا .. لا لا بدخلها الفصل كمان ..
زهاد : يلا يلا امشي ياخي ..
قصي شغل السياره وضم يدينو لبعض : يارب يارب احمدك واشكرك انو صارت عندي سياره زي الي اتمناها من سنين يارب احمدك وكل شي يارب يارب ..
زهاد ترفع يدها هيا التانيه : يارب نحمدك يارب ..
هيثم : يارب يارب اسعدهم يارب ..
قصي وزهاد التفتو علي ومازالو متعجبين من معاملتو الي انقلبت الفين درجه من بعد وفاه ابوهم ..
هيثم يهز كتوفو : ولا ماتبو ربي يسعدكم قولو امين ..
بسرعه : امين امين ..
هيثم : يلا يا قصي امشي عشان اقولك علي فين حتروووح ..
زهاد : لا لا فين ورانا دومات وقصي عندو مدرسه ..
هيثم .. : لا اممممممم بس انووووو …
قصي من الحماس .. : نلحق نلحق .. قول فين حوديكم ..
هيثم : لا الصراحه لو رحنا ماحنلحق .. حتتاخرو علي دوامتكم
قصي : لا لا الا المدرسه لازم اروحها بالسايره الجديده اشبك انته
هيثم يطلع من جيبو مفتاح ويمدو لزهاد : اوكي بس كونت بوديكم الفله ..
زهاد اخدت المفتاح وصرخت : خلاااااااص صارت فلتنا يعني ..
: فلتكم يعني ..
زهاد لفت وباست قصي : يااخي ابا ابوسكم كولكم كول شويا من كتر فرحانه
هيثم : مابوستيني ..
زهاد رفعت حواجبهاا : مايمديني ولا لو عليا ببوس اي شخص اصادفوو .. من كتر فرحانه ..
قصي .. وقف في الاشاره وجلس يكتشف محرك الدي في دي .. ويتفحص الشاشات الموجوده في السياره .. وجلس يشغل المكيف ويطفي ويضغط في الازارير الموجده الي لسه ما اكتشف ايش وظيفتها ..
وهيثم وزهاد بيطلو في ومبسوطين لبسطتوو ..
في عز الي هما في رن جوال زهاد الي كان فوق عبهاا .. قبل ما ترفعوووو هيثم طل في الشاه ولقط الاسم .. : كاسر .. ؟؟ مين دا ..
زهاد اتلبكت لان قصي يعرفوو ولا لو علي هيثم تقدر تالف لو اي كزبه وتصرفوو .. : امم اممممم
قصي طل فيها هوا التاني : كاسر الدكتور .. ؟؟
زهاد بسرعه : ايوا ايوا .. سويت تحاليل وووو ووو كان مشرف علي حالتي .. وووو ايوا كانت حتتاخرر وو ووو اخد رقمي عشان يبلغني اذاطلعت وكدا ..
هيثم كشر : تحاليل ..
قصي مرا ما مشيت علي : تحاليل ..
زهاد لاول مرا ما تقدر تفلت بكزبه عدله : ايوا ايوا تحاليل .. انو امممم اشسمووو ..
هيثم وقصي يطلو في بعض ويرجعو يطلو فيهااا : ؟؟؟؟؟؟
زهاد بسرعه : اكلمو وافهمك
ردت علي الجوال : ايوا دكتور كاسر اهلا ..
كاسررر : ههههههه صباحو زوز اشلونكـ ..
زهاد : ام طلعت النتايج اوكي دكتور .. شوكرن
كاسر : جنبك احد : ؟؟؟!!
بسرعه : ايوا ..
: طيب سلام ..
قفلت الخط واخدت نفس .. : كونت تعبانه وبس معايا امساكـ وانتو بكرامه .. روحت لدكتور قال اعملي تحاليل براز ..
قصي بعدم تصديق : تحاليل براز اشلها في دكتور كاسررر .. ؟؟؟
هيثم : انته تعرف كاسر دا ..
قصي : ايوا اعرفو صاحبي يعني وكدا .. اتعرفت عليا لما كونت ابغا انتقم منــ…
سكت لما استوعب : كانت عندي مشكله مع الشباب وكدا واتعرفت علي ..
هيثم : اهاااااا
رجع التفت علي زهاد : ايوا .. وكيف تحاليل مع دا كاسر مدري ايش اسموو ؟؟
زهاد : اشبكم كونت تعبانه وكدا واتوقعت انو في شي في بطني ورحت للدكتور وطلع هوا دا كاسررررر .. وووو بس وطلب مني تحاليل وقال انها حتتاخر واول ما تطلع يبلغني
قصي : ياسلام مو كنو معاكي في نفس المستشفي اول ما تطلع يقدر يكلمكـ .. هناك ما يبالها ارقام ومادري اي ش
زهاد اترفزت من قصي : ايش تبا انته ..
قصي رمالها طله ولف : ولا شي..
هيثم الين دحين ما حس انو في غلط في الهرجه : هدو يا جماعه ..
زهاد لفت وشها علي هيثم وقصي انشغل بسيارتو ومتعلق في الطاره وحاضنها كمان ..
هيثم بيطل في زهاد كدا ويبتسم .. زهاد ما فاتتها ابتسامتو : اشبك ..
هز راسو : لا لا ولا شي .. بس فاكره ايش كان بينناا ..
زهاد ناسيه هرجه الخطبه الي كانت قبل خمسه سنين مراااا : ايش كان بيننا .. ؟؟
قصي : كان خطيبك يا موخ .. وشكلو بيتميلح ناوي يخطبك تاني مدري ايش قلبك القلبه دي ..
هيثم : ههههههههه فاهمني .
زهاد جبصت : تخطبني تاني ..
هيثم يفتح الشوباكـ .. : ما ابغا اسمع اي رد دحين طيب ..
زهاد سكتت وهيا مبلمه .. من جدو بيخطبها تاني .. هيثم .. حبها الاول ..
حست باحساس دافي لما اتخيلت الفكره .. خصوصا انو رجع هيثم الي زماااان ..
ضمت يدينها لبعض وماخدت وقت عشان تسرح في ماضيها مع هيثم وكيف كان .. وكيف اتحملتو رغم كل المشاكل الي كانت قائمه .. وكيف اتحول حبهم لكره مو طبيعي .. لدرجه انو كسرلها اصباعها في يوم من الايام
التفتت وطلت في تحاول تسال نفسها .. هل هيا تكرهو دحين .. ولا تحاول ما تكرهو .. ولا تحبوو .. ولا تحاول ما تحبوو .. ولا نسيت .. ولا تحاول تنسي .. ولا ايش وضعها ..
بس الي متاكده منو شي واحد .. انو من جاب سيره خطبه مره تانيه انقلبت كل الموازين .. مع انو في قلبها شخص اسمو كاسر دحين .. والمفروض ما تنقلب اي موازين
ياتري دا يدل علي ايش .. ؟؟










~~~~~~~~
A6baa fe al-7o0b
~~~~~~~~

واقفه قدام المريور .. تحط المسات الاخير علي فيسها .. مرطب شويه ماسكررر .. وبلشر خفيف يبان طبيعي جدن ..
وبدندن : اليوم اخر يوم .. بكرا نشبع نوم
: اليوم اخر يوم .. بكرا نشبع نوم ..
: اليوم اخر يوم .. بكرا نشبع نووم ..
رمت المشط ولمت شعرها ديل حصان .. ولبست الطرحه الرماديه ولفتها بطريقه احترافيه .. ولبست العبايه .. شالت اغراضها وطلعت براا .. وهيا تبتسم بخبث .. علي الخطه الي جهزتها عشان يروحو يفطرو في بيت مازن ..
لهم كم يوم ما فطرو هناك ولا جو الشباب فطرو عندهم ..
دخلت علي الصالون : صباح الخير بابا صباح الخيرر علياء كيفكم
علياء : بخير وعليكم السلام صباح النور ..
جلست جنب ابوها الي باس راسها وضمها لوو : كيفك يابنتي .. كيف اصبحتي ..
اعناب تضحك بحماس : ههههههههههه تماممم ونومت تمام .. ومتحمسه اخر يوم تدرررريب تخيل بابا ..
: متخيل يابنتي .. ومو مستوعب .. قبل كم سنه .. كنتي صغيره وتتجاري جنبي .. زي اخوكي ..
وياشر علي فيصل : واليوم حتصيري دكتورا ان شالله وترفعي راسي فوق .. باذن الله
اتحولت ملامح الانشكاح لملامح متنحه .. وهيا تتخيل البلاوي الي سوتها والي توطي الراس .. حست بانها مقرررفه لوله ..
ابوها استغرب من قلبه ملامحهاا .. : اشبك يابنتي ..
اعناب بسرعه اتصنعت ابتسامه : لا لا ولا شي .. بس اتزكرت الاختبار وكداا ..
رجع باس خدهااا : لا تشيلي هم .. وصلتي لهنا وحتكملي ان شالله .. بس خليكي واثقه من نفسك
اعناب تتنهد : طيب ان شالله دعواتك ..
علياء : الله يوفقك حتي وائل شايل هم .. الله يعنكم يارب ..
اعناب كشرت علي سيره وائل .. وفي قلبها ان شالله يعيد سنه التدريب ويقابل بنت كلب تبهدلو طول التدريب زي ما بهدلها .. : امين ..
اعناب تمسك بطنها : فين فطوركم اليوم .. ؟؟
علياء : مافي فطور اليوم .. لمبات المطبخ ماعرف اشبها ..
ولفت علي زوجهاا .. : لا تنسي الكهربائى اليوم غريبه والله ..
اعناب تضحك بينها وبين نفسها : طيب انا جيعانه .. مافيا اوقف افطر من فطور براا ..
يوسف : لا دحين رايحن نفطر هناكـ ..
اعناب في قلبها .. يس يس يس : طيب هيا
وقفت : ترا مرا جيعانه
علياء : اممممم قبل لا نمشي بكلمك في هرجه ..
اعناب بدون تردد : طيب
علياء تطالع في ابووو اعناب وترجع تطل في اعناب : وائل
اعناب اتاففت علي طول : اشبوو .. ؟؟
علياء تبتسم وتلف علي يوسف : كلمني امس .. يبا يخطب اعناب ..
اعناب شهقت لين قلبها وقف : ايش .. ؟؟
ابوها التفت عليها : بسم الله اشبك ..
اعناب في ثواني اتعدت مرحله الصدمه .. ووشها اتخربط كل الاوان : ولا شي بس انو اشسمو اتفجعت لا اقصد ما اتوقعت اقصد انو ..
رفعت يدها : ولا شي ولا شي ..
علياء تضحكـ : هههههههههههه هوا قالي انك حتنصدمي .. لكن ايش رئيكم ..
يوسف : والله وائل اخوكي وانا شايفو وشايف اخلاقووو ولد كويس ان شالله .. بس الكلام لاعناب اولا واخيرن .
اعناب تبلع ريقها وتستناهم يضحكو ويقولو لها نمزح معاكي .. متنحه وتطل فيهم وهيا مو مستوعبه .. انو وائل اخو مازن الي تحبو بيخطبها
وياليت اخو مازن وبس .. اكتر بني ادم بهدلها ورفلعها ضغطها وجابلها القرررف ..
علياء تطل في اعناب الي ملامحهااا بتتحول .. من دهشه لتعجب لصدمه لفجعه وكل شعور في الحياه ..
يوسف : اشبك يابنتي .. ؟؟
اعناب حتي لسانها انربط : وائــ… وائــل .. بس انو هوا وائــ .. وائــ .. >> ماهي عارفه ايش تبا تقول حتي ..
علياء وقفت وصلحت لبسها : يلا حبيت اقلك وفكري وخدي راحتك .. طبعا مافي اي كلام رسمي .. بس وائل حب يعرف اذا انتي موافقه او لا . لكن كول شي حيكون بعدين طيب .. لما تتخرجو وتتوظفو وكل شي ان شالله يعني قدام
اعناب مازالت متنحه : طيب ..
يوسف رفع يدو علي كتف علياء : والله انا متافجء اكتر من بنتي .. دا اخوكي ناكبلها عيشتها ويخطبها دحين ..
علياء تضحك : ههههههههههههههه .. اعرف اخويا دا مايعرف يعبر عن مشاعرو بالشكل الصحيح ابدن .. كل الي كان بيسوي عكس الي يبا يسوي .. ترا دايم يجيب العيد ..
اعناب تسمع كلامهم ولسا مبله وماندري متي حتفك من التناحه الي هيا فيها .. يالله وائل مو معقول .. طيب مازن يدري .. طيب قال لمازن .. طيب مازن هوا الي قالو يخطبني .. طيب ايش صاير ياربي
ابوها رفع يدو التانيه علي كتفها ومشها معاا : خلاص يابنتي لا تتنحي كدا فكري ورديلنا بعدين وخدي وقتك في التفكير .. وائل مو مستعجل .. صح يا علياء
: لا مستعجل بيعرف الرد .. وبعيدن مو مستعجل علي اي شي .. بس بيتاكد ايوا او لااا .. !!..
اعناب تهز راسها لانها اصلا ما تدري ايش بدها تقول ولا ايش تعلق .. وشي واحد في راسها .. مازن عارف عن دا الشي ولا لاا ..
وصلو للقسم التاني من الفله .. وضربو الجرس طبعااا .. ثواني وانفتح الباب خلفو مازن علي لبس بيت خفيف سروال بجامه طويل مخطط .. وفنيله كروهات .. اعناب استغربت انو لسا بلبس البيت .. وفي نفس الوقت خقت معاا ..
مازن الابتسامه علي وشو : متوقعكم انتو ما تجو الا اوقات الاكل ..
علياء خبطتو : هههههههههههههه بلا
يوسف : لمبات مطبخنا خربانه ..
مازن : اها يعني مو جاين عشان وحشناكم
اعناب شويا تاكلو بعيونها .. انا خربت الملبات عشان وحشتني جلستكم علي الصباح .. : صباح الخير مازن ..
مازن طل فيها كدا وابتسم ابتاسمه تخلو من اي مشاعررر .. : صباح النور .. حياكم حياكم اقلطوو .. الريوق زاهب ..
علياء : ورجعت لخرمه اللهجه الكويتيه ..
: مادري ياشيخه لا تدققي ..
دخلو علي غرفه الاكل طوالي واتوزعو حولين الطاوله ..
ام مازن تتلفت : مازن فين اخوك
مازن : دحين نازل .. متحمس لاخر يوم تدريب … قاعد يخطط مع اصحابو مادري علي ايش ..
: روح روح نادي عشان نبداء
مازن وقف : ابدئو ابدئو حروح اضارب معا شويتين واسحبو من قفااا …
يوسف : لا حنستناكم ..
يهز كتوفو .. : ما انصحكم .. بس انتو احراررر ..
طلع علي الدور التاني واتوجه للغرفه فتح الباب وشاف وائل لابس ومخلص .. و جالس ومتكي علي التسريحه ويطالع في نفسو كنو اول مره يشوف نفسوو ..
مازن رمالو طله هبله : الفطور بدهم يبدوو ..
وائل يلوح بيدو : مو فاطر شبعان .. تعال اجلس بقلك حاجه .. كل ما اجي اقلك هيا يصير شي يطير الموضوع ..
مازن : جيعان مو دحين ..
وائل .. : لا لا موضوع ضروري .. جدن ..
مازن : لاااا ياشيخ بيستنونا تحت في يوسف واعناب وعلوش ..
وائل فز : اما جو يفطرو هنا .. ؟؟
: اجل ايش بيسوووو …
وائل وقف بسرعه : طيب طيب
مازن خرج ورا وائل وهوا متعجب من فزتو .. دوبو كان مايبا يفطر .. بس طبعا ما دقق بتاتا البته ..
ثواني وكانو داخلين علي غرفه الاكل .. : السلام عليكم صباح الخيرررر …
اعناب ماتعرف ليش بطنها مغصتها لما شافت وائل ومازن جنب بعض .. ومازالت تتسال مازن عارف عن الي وائل ناوي علي وساكت عادي لانو بكل بساطه ماقدر ينسي .. ولا مو عارف وحينصدم زي ما هيا انصدمت ..
وائل لف بسرعه وجلس في الكرسي جنب اعناب .. وهوا يطل في علياء قدامو ويغمزلها بيعيووو .. يحاول يفهم منها كلمت اعناب ولا باقي ..
مازن يطل فيهم الاتنين : اشبكم ..
علياء تغمز لوائل : اقول ..
وائل وشو اتلون .. : لا لا اشبكــ ..
علياء : عادي خلاص ترا انا كلمت اعناب وقالت تفكرر ..
يوسف : صح انها انفجعت فجعة عمرها بس قالت تفكررر ..
ام مازن تبتسم : سويتها يعيني يا وائل وانا الي احسبك تمزح اترنك من جد .. كويس والله حفرح في واحد فيكم قبل ربكم ياخد امانتووو ..
ابو مازن هوا التاني .. : يلا احسن من اخوك الي حيعجزز ولسا يقول ما يبا يتزوج ..
مازن الوحيد الي مو فاهم الطبخه .. رافع حواجبو فوق ويحاول يفهم ايش بيقولوو .. : ؟؟؟؟!!!
اعناب لما شافت النظره دي الي في عينو اتنهدت براحه .. يعني مايدري . يعني حيوقف كل شي .. اكيد ما حيرضا انو وائل يخطبني وينسحب ..
وائل التفت علي اعناب وشافها بطل في مازن .. علي طول لف علي مازن : ودا الموضوع الي من اسبوعين ابا اكلمك في وما نتكلم ..
مازن ما زال مو فاهم شي وعلي شفايفو ابتسامه ما ادري ايش تبا .. : اي موضوع ..
وائل حس نفسو مكسوف وهوا بيقولها : انو بخطب ..
ورخا صوتو بزياده وكمل : اعنــاب ..
ماززن الابتسامه علقت علي شفايفوو : اهااا ..
اعناب تضغط علي يدها بقوه .. اها .. دا الي ربي قدرك علي يا مازن ..
وائل يميل راسو : ها ايش رئيكـ ..
مازن شال المنديل عن عبوو وكرمشوو بعصبيه مو واضحه الا بالنسبه لاعناب .. ورما علي الطاوله : ايش الي ايش رئي .. الله يوفقك .. بدي اروح البس ..
سيبلهم المكان وخرج .. واعناب ماتعرف ايش تسوي بالنسبه لرده فعلو دي .. هل تطمن .. ولا ترتاح .. ولا تخاف .. ماهي عارفه
يوسف يلف علي اعناب : سيبي الكسفه عنكـ يابنيت وكلي .. مو تقولي جيعانه ..
وائل يميل لعندها : ادري انك مفجوعه ترا حتي انا مفجوع بس فكري كويس ..
لفت علي وفتحت فمها : انته تدري .. انو .. تعرف اني .. عارف اصلا مـ.. لو تعرف اني انا ومــ .. >> ماعرفت تقول جمله مفيده حتي ..
وائل : ههههههههههههههه تعصب تخربط كلام .. تزعل تخربط كلام .. تبكي تخربط كلام .. تنكسف برضو تخربض كلام .. ياعمي اشبها بنتكـ ..
يوسف يرفع يدو لكتف اعناب ويقرلها لعندو : لا تحرجها ياوائل واقفل علي الموضوع خلاص وخليها تفكر براحتهاا ..
وائل : طيب حاضرررين ولووو ..
وقف : يلا اعناب بتمشي معايااا ..
اعناب بدون ما تطل في : لا بدي اروح مع مازن ..
وائل كشر : مازن ليش ..
اعناب تقرب لابوها وترخي صوتها : بابا ما ابغا اطلع معا مكسوفه ..
يوسف ياشرلو .. : البينت مستحيه تطلع خلاص ترح مع مازن انته اسبقهم ..
وائل انقهر بس اكتفي بانو يفرفر شعروو بهدوء : اوكي ..
قال كلمتو من هنا ودخل مازن من هنا لابس ومتجهزز .. اتقدم للطاوله وصب لنفسو كوب شاهي ولف : بالاذن انا حمشي ..
اعناب وقفت بسرعه : مازن بجي معاكـ ..
مازن اشرلها :ماني رايح علي المستشفي علي طول بمر واحد من اصحاابي .. وباخدو معاياا معليش روحي مع وائل ..
اعناب : بس انا مــ...
قبل تكمل كلمتها كان مازن خرج من عندهم .. لفت علي وائل الي بيطل فيها ببتسامه ما نعرف ايش تبا .. : مالك الا انا يلا ..
اعناب اتنهدت .. اشبو مازن .. ليش كدا كانت ردة فعلو خاليه من اي تعبير .. ليش مارضي حتي ياخدها ويفهمها اي شي وكيف انو مصدوم زيها ..
ياربي اشبوو ..
وائل لاحظ انها بتفكر في شي مضايقها لان ملامحها يائسه مرا .. : اشبك اعناب ..
ابوها لاحظ هوا كمان : اشبك يابنتي ..
شالت شنطتهااا : ولا شي ..
باست راس ابوهاا .. ولفت : مع السلامه ..
وائل راح علي الصاله شال معطفو وشنطتو الصغيره الي علي جنب وخرج وراها بسرعه
لقاها واقفه ومتكيه علي السياره ومتكتفه ووالواضح انها واصله الصين بافكارها ..
فتح السياره : اطلعي ..
فتحت الباب وطلعت بدون ولا كلمه ..
وائل طلع هوا التاني وشغل اغاني ينبعاويه كالعاده .. شغل السياره ومشي .. وكل شويا يسرق نظره من اعناب .. ويموت ويعرف ايش الشي الي ماخدها كدا كولها مو مبقي منها الا جسمها ..
حتي مو قادر يستسمج عليها ولا يتقل دمو كالعاده ..
هز كتوفو كدا .. واتجاهلها وركز علي هرجه انو خطبها اخيرن ..
استرجع بزاكرتو لاول مرا شافها وكيف قلبوو ساوا وقتهاا .. ورغم كل شي اكتشفو عنهاا ماهمو ولا شي .. يهمو ترد علي وتقول انها موافقه ..
مايعرف ليش جالو احساس انها لو رفضت حيكون بسبب الي اسمو مهند ..
عشان كدا قرر من يروح المستشفي يرميلو كم كلمه كدا تبعدووو عن طريقها للابد ..
رجع طل في اعناب ومو عاجبو جو السكوت ابدن : تسمعي شي معين
اعناب ولا هي عندوو .. عيونها شويا تفرفر دموع .. اشبو مازن .. تموت وتعرف في ايش بيفكررر ..
وائل يميل راسوو : اشبك طيب ..
اعناب لسا عقلها وفكرها عند مازن .. وناسيه انو في بني ادم جنبها حتي ..
وائل مد يدوو وهزها بخفه : اعناب بكلمكـ ..
لفت علي وكنها اول مرا تشوفوو : وائل ..
وائل متعجب لاول مرا يشوفها مفوته بدا الشكل : ايوا
اتنهدت ولفت وشها علي الشباك : ولا شي .. مافيا شي سيبني بس ..
وائل كان نفسو يعلق يسالها .. هل كل دي الصدمه لاني خطبتك او اي شي .. بس قرر انو يسكت .. ويسيبها تتخطا الصدمه لحالها ان كانت مصدومه عشان تفكر كويس ..












~~~~~~~~
A6baa fe al-7o0b
~~~~~~~~

اياد بيسووق وهوا ساكت .. ومتوتر لابعد الحدود .. كيف حيقلها علي المصيبه .. كيف حيقولها انو نيارررررررر علي زمتو لسا .. وانها حامل كمان ..
كيف حيفجرلها القنبله دي في وشهاا ..
اسراء جنبو عيونها مفقعه نووم .. رافعه رجلينها وضامتها لصدرها .. وكل شويا تشنقل فمها تتاوبـ .. وترجع تطل في اياد وتتعجب من سكوتو .. مصحيها وحالف عليها ما تداوام
ومطلعها علي ملا وشها من البيت واخر شي ساكت ..
سدت فمها للمره المليون : اياد اشبك ياخي ..
اياد يلتفت عليها : اممممم ولا شي ..
اسراء تقدم راسها : الا فيكـ شي حتتكلم ولا كيف ..
: اممم الا الا حتكلم بس اصبري نوقف ..
سندت راسها علي الشوباك بكسل : نوقف ليش اتكلم .. حاسه انو وراك مصيبه .. لانك مو اياد الي اعرفوو ..
: امممم لا مصيبه ايش مافي مصايب والله ..
: اوكي حتتكلم ولا كيــف ..
: الا ياشيخه قلت لك دقيقه نوقف في مكان
: طلما الكلام يبالوو نوقف في مكان اكيد كلام كيبرررر ..
اياد يلمح لها : اممم ايوا يعني كبيرررر شويا كبيرر لا لا مرا كبيرر
اسراء كشرت : اياد اتكلم ..
لف عليهاا وقرر يفجر لها القنبله .. : انا اممممم اناااا اشسمو ايواا
اسراء تطل في وترمش تستنا يلقا التعبير المناسب ويهرج .. : اها ايوا ..
اياد : انا مــ…
شويا رن جوال اسراء وقطع عليهم .. طلت في الشاشه واتعجبت : هدي ..
اياد يتنهد : مين هدي ..
حطت الجوال علي ادنها : رميلتي في المستشفي ..
: ايوا الووو
هدي : سلام اسراء كيفكـ فينكـ .. ؟؟
: بخير حمد لله ماحداوم اليوم ..
هدي بسرعه : لا لا ضروررررري تجي ترا ..
اسراء فزت : ليش ايش في .. ؟؟
هدي : تخيلي مين جا الدكتوررر اياد منصور المشرف علي اقسام التمريض .. بيسوي محاضره مرا مهمه .. ضروري تجي
اسراء شهقت : اما اليوم مو علي اساس الاسبوع الجاي
: خرابيط في المواعيد ها حتجي ولا
اسراء تطل في اياد : اوكي اوكي حجي حجي .. هيا سلام ..
قفلت الخط وقبل ما تهرج اياد سبقها : مو كاني قلت ابغاكي في موضوع وكدا اشبك تقولي تبي تروحي ومادري ايش ايش في ..
اسراء طار النوم منها : دكتور اياد منصور جاي ..
اياد كشر : اياد ؟؟
اسراء تضحك : هههههههههههه يب اسمو اياد تخيل .. الموهم لازم اروح في محاضره ضروريه وكدا
مسكت الطاره : يلا لف لف ياشيخ لف لف ..
اياد بطفش : بس انا اباكي في موضوع ضروري ..
اسراء تنغبر في شنطتها : قول علي مانوصل البيت مادري اشبك مصر نجلس وكدا ..
يفرفر شعروو : والله انو الموضوع يحتاج جلسه .. يا سرو عشان تستوعبي يعني
وقفت نغبره ورفعت عينها علي : استوعب .. استوعب ايش ؟؟ اتكلم ..
اياد مرا ماحب يقلها هيا بدي الطريقه زفر بياس : خلاص ولا شي لما تكوني رايقه اقولكـ طيب ..
اسراء بتفيكر .. يكون بدو يعترف لي انو كان يحطلي حبوب منومه .. صح ماعاد احس باعراضها بس .. رفعت عينها علي .. : لا اتكلم
اياد يحاول يركز مع السواقه : قلت لك الموضوع يبالو جلسه ..
اسراء اتكتفت : وهادا احنا جالسين .. ؟؟ ولا
اياد : لا لا يا سرو حبيبي افهميني يبالو جلسه محترمه يعني ..
اسراء وبدت تقلق من الي يبا يقولوو : اياد اتكلم صاير معاك شي فيك شي اصلا انته من كم يوم بس مسرح ومتنح اشبك اتكلم ..
اياد يمرر يدو علي صدروو : لا لا الحمد لله مافيا شي ..
وقف السياره عند البيت ولف عليها : خلاص لما ترجعي من المستشفي نتكلم ..
اسراء طلت في كدا وماعجبها الكلام بس مستعجله ويادوب تطلع تلبس وتلحق الدوام عشان كدا هزت راسها بعدم رضا : اوكي ..
نزلو وخشو علي البيت .. واياد يمشي بشويش .. واسراء طبعا سبقتو وطلعت علي فوق ..
رمي نفسوو علي الصوفا الي في الصالون وغطا وشو بالخداديه الصغيره وصار يصقع نفسوو بقوه : ياربي ايش اسوي كيف اقولها كيف حتتقبل الموضوع ياربي ايش اسووي في حياتي ..
دايم لما يتوتر لدا الحد يكلم نيار مايعرف ليش .. يمكن لما يسمع صوتها الصوغنن البررريئ يحس انو لازم يقوي قلبو ويصدم اسراء بالحقيقه المره ..
بالفعل طلب رقمها وعلي طول اتنهد من سمع صوتها
نيار بحماس : قلت لهاا خلاص .. ايش قالت بسرعه اتكلم ..
اياد يميل فموو .. : لا ماقلت لها لساا
نيار تتافف : اياد وبعدين معاك كل يوم تقول اليوم ولا تكلمها يعني الين متي انا خلاص حنفجرر ..
اياد يهديها : والله حقولها انا كمان تعبت من الي انا فيلوو ..
نيار : ومتي ان شاللهـ ..
اياد : دوي كنت باخدها علي كوفي واقولها بس جاها اتصال من الدوام ومطره تروح ..
: ياسلام الهرجه محتاجه كوفي ..
: يب محتاجه كووووفي .. عشان لو كانت حتلطشني ولا تسبني .. مايمديها تسوي شي زي كدا .. واحنا قدام الخلق
نيار : اياد ايش تحس ..
اياد يتنهد : احس اني ابا اطلقكم انتو الاتنين .. طفشت من كتر التفكير طفشت
نيار تشهق : ايش ..
ميل فمو : اقول لا تسوي انك صدقتي ..
في جه تانيه اسراء لبست بسرعه وزبطت نفسها كالعاده في وقت قياسي .. ونزلت لاياد .. خشت علي الصالون وشافتو حاط الجوال علي ادنو : خلصت انا جهزلي كوب كوفي
اياد كان مسرح وما حس بيها لما خشت عشان كدا انفجع مرااا وسيب الجوال طاح من يدوو علي السرميك وطلع صوت مزعج ..
وقف شالو بسرعه : كوفي كوفي طيب طيب
اسراء : ؟؟؟؟؟ اياد ترا مرا مو عاجبني ..
اياد لف عنهااا : اما مو عاجبك مافيا شي عادي انا عادي ورايح اجهزلك كوب كوفي مافي شي ..
خش علي المطبخ واسراء دخلت ورا .. : اياد شبك
حط الجوال علي الطاوله بعصبيه : مافيا شي ..
راح لمكينه الكوفي .. وشغلها ..واسراء واقفه بطل في بتعجب .. البني ادم ورا شي اكبر من كبيرر ..
: ترا ماحداوم لما تقلي ايش تبا تقول ..
سحبت الكرسي وجلست : وهادي جلسه يا اياد ..
اياد لف عليهاا : لا تداومي .. ماني قايل شي دحين ..
تكت علي الطاوله وضيقت عينها : امممم الي تبا تقولو بخصوص الحبوب المنومه الي كنت تحطها لياا ..
اياد التفت عليها وتنح : ايش ..
سندت ضهرها علي الكرسي : يب اذا بدا الخصوص تقدر تتكلم .. لاني ما حنصدم ولا شي انا عارفه
اياد مازال متنح : ايش .. ؟؟
اسراء وقفت ورفعت الشنطه علي كتفها : حتجلس طول اليوم تقلي ايش ..
اياد فاق اخيرن : اسراء اناا انااا
اسراء صح كانت متاكده انو مافي غيرروو ممكن يحطلها حبوب منومه .. مع انها حاولت ما تصدق كل هرجه الحبوب المنومه دي اصلا .. : انته ايش .. ؟؟
اياد اتقدم لعندها : انا اممم انووو
اسراء تميل راصها ..وتلبكو دا من جد صدمها : اياد ليش تحطلي منوم ؟؟
اياد مسكـ يدها بسرعه : سرو حبيبي كيف عرفتي ..
سحبت يدها من يدو بعصبيه : عرفت وبس .. لكن الي من جد ابا اعرفو ليش تحطلي منوم .. ايش وراك ليش تخليني انام ليش ؟؟
اياد .. يفكر في كزبه من اي مكان بس مو لاقي : سرو حبيبي انا انا ..
شويا الجوال طلع صوت انو دوبو المكالمه انتهت .. الاتنين عيونهم اتحولت علي الجوال الي فوق الطاوله ..
اسراء كشرت وهيا تقرا الاسم : نونــ…
اياد سحب الجوال بسرعه قبل تكمل قرايه وحطو في جيبو .. : يووو نسيت اقفل من نيـ.. نوو .. نايف نايف نسيت اقفل منو ..
اسراء تطل في من فوق لتحت البني ادم دا فيلو شي بلا شك : اها نايف ..
اياد يصرفها هرجه المنوم اصرف : احم نرجع لموضوعنا .. كنت احطلك منوم لانو
دفتو من كتفووو : هوا دا الي خايف تقولوو ومتردد ويبالو جلسه ههههههههههه مالك داعي ترا .. كان قلت وخلصنا ..
اياد بندهاش : بس انـ..
قاطعتو : ادري انكـ حطيتها عشان انام وكدا اعرف انك ماحتسوي شي من ورايا انا متاكده منك اكتر شي
قربت منو وحطت يدها علي كتفوو : وواثقه انك لما حطيتها ما كنت بتضرني .. حتي لما انا اشتكيت من الم راسي من بعدها بطلت تحطلي هيا لاني من داك اليوم ماحسيت باعراض الحبوب
اياد يطل فيهااا ويرمش بعدم تصديق علي رده فعلهاا ..
قربت منو وباستو بوسه خفيفه وضمتو : لا تسوي غدا اليوم نروح نتغدا برا طيب ..
هز راسوو بتناحه : طيب ..
لفت خارجه من المطبخ .. الا اياد نادا عليها : الكوفي دقيقه ..
لوحتلو بيدها : اشربو انته .. خلاص ما ابغا انا .. باي هني ..
اياد يلوح بيدوو .. : باي حبيبي سرو انتبي لنفسكـ
جالو صوتها من برا : اوكي .. يو تو .. باي ..
سمع صوت باب الفله ينقفل بقوه .. جلس علي الكرررسي .. وشد شعرو بقوه .. موستحيل تعرف عن الحبوب وساكته .. وتقلو كدا وعادي .. وثقه ايش الي بتتكلم عنها ..
لا موستحيل .. تكون عارفه عن نيار وساكته .. لا موستحيل .. نيار نيارر
اتزكر انها سمعت نوص حوارهم .. عشان كدا علي طول حط يدو في جيبو يطلع الجوال .. جاتو سكته قلبيه مصغره لما ما لقاا ..
واتزكر تصرف اسراء وكيف حاولت تخرج بسرعه .. موستحيل .. يا الله موستحيل اخدت الجوال معاهاااا ..
خبط راسو بقوه : الــ الــ ..
ماقدر يسبها .. نفسو ما ادتو بالمره .. جلس علي الكرسي وحط يدو علي خدوو .. : هيا كلوو ..
في جه تانيه اسراء في السياره ومقهوره .. لان سرقتها راحت علي فاضي .. الجوال مقفل برقم سري ولا تعرف الرقم السري .. مع انو كم مرا قالو لها ..
جلست تطل في الجوال وهيا تدعي انو الجوال يدق مرا تانيه .. ويتصل نواف مادري نايف .. والي قلبها وجعها لانها متاكده انو نيار مافي غيرها
اصلا من اول حاسه انو اياد مووو لهاا .. نوص عندها ونوص تاني ماتعرف فين .. عقلو كمان نوصو عندها ونوص تاني ماتعرف فين .. وزاد علي كل دا هرجه الحبوب .. دا ان دال ما حيدل الا علي واحد شي .. انو نيار مازالت في الصوره
ماحست بنفسهاا وعيونها تدحدر دمعات قهر .. مسحتها بقوه : طيب يا اياد خير ان شالله ..









~~~~~~~~
A6baa fe al-7o0b
~~~~~~~~

اغنيه راب اجنبه مشغله باعلي صووووووت والبيت كلو يرج ..
وحسام ووسام وكاسررر ومعاهم البزوره جالسين بيرقصوووو ويصرخوو بازعاج ويرددو مع كلمات الاغنيه الي حفظوها صم .. من النهار وهما يعيدو فيهااا ويترقصووو ..
مهند عند الباب لو ساعه يدق .. ولا هم سامعينووو .. دق جرس .. ودق انترر .. وكمان دق علي جوالتهم ايش يحسوو دول ..
اتزكر انو عندو مفتاح لشقه حسام في سيارتوو .. عشان كدا .. قرر ينزل يشوف .. ويجرب حظوو .. وقرر انو لو ما لقا المفتاح حيشغل السياره ويمشي .. خلاص ماصارت ايش هوا دا .. من النهار وهوا يدق .. لا وصوت الاغاني لين برا .. ايش بيسوو دول مع الصباح ..
فتح السياره وركب وجلس ينغبر في الدرج الي في السياره .. ولقا رزمه مفاتيح .. : اممم يالله خلينا اجرب ..
قفل السياره وثواني كان عند باب الشقه للمره التانيه .. جلس يجرب في المفاتيح واحد واحد .. ومن قوه النحاسه اخر واحد هوا الي فتح معاا ..
دخل علي الصالون الا كولهم التفتو علي .. : مهند مهند متي جيت .. كيف خشيت ..
مهند مشي لمحرك السي دي الي طبعا ابو كسره مشتري .. وفصل الفيش بعفاشه : وجع من النهار انا بدق الجرس والانتر والجوالات حتي وصوت الاغاني لبره الشقه سلامات ..
كلهم سكتو وطلو في لانو باين انو معصب مرا : ؟؟؟؟؟!!
حسام بانشكاح : ابوووو هند انته جيت ..
من قال كلمتو دي كولهم انفلتوو ضحك .. ومهند حاول انو مايضحك بس ماقدر : وجع في اهل اهلكـ ياشيخ ..
حسام مشي لعندو وحضنووووو ورفعو عن الارض : هههههههههههههههه ووجع فيكـ مستعد لاخر يوم تدررررريب
كاسر بحماااااس : اخرررررررر يوم تدررررررررريب وي وي موب مصدق موب مصدق ..
وسام : ما ابا انكد عليكم بس لا تتحمسو في شي اسمو اختبار لو جبتو العيد في .. يعني سنه تدريب من اول وجديد لا تتحمسووو ههههههههههههههههههههههههههههههههههه
كاسر ومهند وحسام بدون مقدمات .. كل واحد شال اقرب شي لو وجلسو يحزفوووو وسام .. الا ما يصحا الا وشباشب وعلب مناديل وملاعق جايه لعندو طيران ..
: ههههههههه شباب شباب امزرح
البزوره اتحمسو وصارو يرمو اي شي يصادفهم علي وسام .. : هي وجع انته وهوا هههههههههه
مهند : اجل نجيب العيد لا تفاول ياخي لا تفاول احنا كدا مرعوبين
حسام : من جد وشايلين هم
كاسرر يضحكـ : انا موب مرعوب ولا شايل هم بس عجبتني ذا العبه .. لعبه التحذيف ..
وسام : هههههههه خلاص اسف اسف ..
مهند يطل في الساعه : شباب بما انو اليوم اخر يوم تدريب ايش مخططين ..
حسام زي الاطفال : بشقق المعطف وبدله السوكربس ..
كاسر ومهند ووسام طلو في طله خلتو يغير الجمله : اقصد بروح احتفل ..
كاسر بحماس : انا بعد بروح احتفل .. يالبااااااا .. الاحتفالاتــ ..
مهند : قدام ..
التفت علي وسام : وسمي جهزلنا حفله كدا من نطلع من الدوام نحتفل ..
والتفت علي حسام : ونشقق الملابس هههههههههههههههـ ..
حسام بحماس : والله ياخي نفسي اشققها لا تضحكووو ..
مهند يفرك يدينو بقوه : قدام والله لا اشقق نفسي من الفرحه مو بس الملابس ..
كاسر فجئه يموت ضحك وكلهم يلتفتو علي .. بتعجب : ؟؟؟!!!!!
سكت وطل فيهم : شنو ياخي ما نستانس اليوم اخر يوم دوام شنوو انتوووو ..
خلص جملتو من هنا وانفلتو كولهم يضحكو بطريقه هستريه .. يمكن الي يشوفهم يقول خبلو وجلسووو ..
مهند يكحكح من قوه الضحك : خلاص شباب .. يلا يلا لا نتاخرررر البسوو بسووووورعه ..
كاسر يلف علي غرفتو وهوا يصقع صدروو بقوه : احس قلبي بيوقف من الوناسه ..
حسام : ههههههههههه منتهين ..
وسام يمسك البزوره من قفاهم : يلا علي النووم بما اني الداده حقتكم ..
مهند بسرعه : لا لا لا تنومهم .. روح دشرهم عشان اليل ينخمدو لما نحتفل احنا
بدر يمط بوزو : بحتفل معاكم مالي ..
مهند يغمز لوسام : طيب طيب ..
حسام لف علي غرفتوو .. وهوا يغمز لوسام انو من نطلع نومهم ماعليك من مهند ..
دخل غرفتو وعلي طول علي الحمام اخدلو دوش سريع وجلس يدندن تحت المويا ويسوي افلام ومقابلات واي شي .. الفرحه وما تسوي ..
خرج من الحمام لقا مهند جالس علي السرير وبيتفرج علي البوم الصوور ..
حسام من شافوو شد المنشفه علي خصرو ومشي بسرعه شد الابوم من يدو : ابو هند ما تترك اللقافه عنك ياخي ..
مهند : هي بتفرح بس ..
حسام يحزف الابوم فوق الدولاب .. : وليش اللقافه ان شالله .. تتفرج ليش من ازن لكـ ..
مهند يتكتف : امممممم بشوف بس اول مر ه اشوف دي الصور لك مع امك
حسام لف عنو وجلس يلبس بدون مايرد علي ..
مهند مكمل : امممممم امك يعني دحين سافرت خلاص للابد من جد وكدا ..
حسام كشر : مين قال ..
مهند : مو تقول اخوانك بيعيشو معاك ؟؟
: اها اها ايوا ايوا .. يب سافرت خلاص
مهند : طيب هيــ …
حسام قاطعو : قفل هرجه امي ممكن ابو هند لا تنكد عليا مزاجي رايق علي الاخيرر ..
: اها اها طيب ماشي اوكي ..
حسام يصرف كل الهرجه : لما نخرج باخدك الشقه نشوف البويات والسرميك كيف تمام ولا
مهند يهز راسوو : اوكي اوكي ..
حسام خلص لبس وشال معطفو ونضارتوو .. واتنين من جوالاتو كالعاده : يلا يلا مشيناا ..
خرجو من الغرفه ولقو المكان هاجد جدن .. مهند بتعجب .. : هي فينهم اخوانك ..
حسام يدف مهند للباب : اكيد وسام .. اخدهم وطلع .. يلا يلا مشينا ..
صار يصرخ فجئه : كاسر كسوووووور الكااسر ابو كسررره ..
كاسر خرج من غرفتوو ووشووو قالب الوان : يب يب هذاني جيت لا تقعد تصارخ كذا ..
مهند وحسام ما فاتتهم ملامح وشو المخطوفه .. طلو في بعض ورجعو التفتو علي ..
كاسر فهم طلاتهم : مافيني شي ..
مهند : احد سالك ..
حسام يضيق عينووو : قبل شويا زي الفيل اشبو وشك ضارب دحين احد صدمك علي دا الصباح بخبر زي وشوو ..
كاسرر يلبس النضارات ويسبقهم للباب : لا لا مافيه شي يلا بنمشي لا نتاخر وكذا ..
فتح الباب وخرج .. ومهند وحسام خرجو ورا وهما متعجبين قد الارض ..
راحو كولهم علي سياره كاسررر .. واتحاشكو جنب بعض طبعا لانها مفردهـ ..
حسام يبتسم ابتسامه حالمه : شباب .. متخيلين مستقبلكم ولا كيف ..
مهند يضحك : ههههههههههههه متخيل نفسي دكتور عجوز ووحيد .. وبربي ولد اختي الي هوا ولد صاحبي لان ماعندي احد ..
حسام وكاسر طلو في بدهشه .. قام ضحك : خير كل شي جايززز ..
حسام : ياشيخ ينعل مستقبلك ..
: هههههههههههه استغفر ربك يا واد ..
حسام يلتفت علي كاسررر : وانته كيف متخيل مستقبلكـ ..
كاسرر يميل فمو : متخيل اني عايش مبسوط ومرتاح ومابوه شي منغص عيشتي الا ابوووي واصحابي الي هم انتم .. ولا كل شي زين بعدها ..
مهند اعطالو كوع : بلا في شكلك
كاسر : هههههههههههههههه كل شي جايززز ..
حسام يكش عليهم الاتنين : متعب تخيلاتكم اسمعوني شوفو كيف اتخيل مستقبلي ..
مهند : اتحفنا ..
حسام يرفع يدينو قدام وشوو .. : حسام عبد الفتاح .. اكبرر جراح في الشرق الاوسط .. غير انو صاحب سلسله فنادق الفله .. وغير انو والد المهندس الشهيرر مهند حسام عبد الفتاح .. وزوج عضوه مجلس الوزراء حنين ..
مهند يشهق : حنين عضوه مجلس الوزراء ههههههههههههه
كاسررر : ههههههههههه حسوووم يالبا احلم غير اني اقول الله يحققها لك لا تنصدم صدمه عمرك ..
حسام يحرك يدوو : اووش خلوني اكمل .. الموهم .. وعندي فلل في كل منطقه سياحيه .. وعايش مبسوط ومرتاح مع مرتي .. وعيالي وواصحابي ..
مهند يغمز لكاسر : ههههههههه ابو السمس ما ابا احطمك .. بس جد ما اتوقع .. مرا ما اتوقع ههههههههههههههههه ..
حسام صقعو : بلا في شكلكـ ..
كاسر يضحك هوا التاني : اذا بتخيل مستقبلك بتخيلك .. دكتور عصبي ودايم تطيح في اخطاء طبيه ودايم اهالي المرضي رافيعن عليك شكاوي لين تنطرد اخر شي .. وتجلس بالبيت تجابل اخوانك الي برفعون لك الضغط ويهبلون فيكـ .. وماحد بيكون صابر عليك الا ذا الحنين واخوها ذا الدلخ الي جنبي ..
حسام شهق : بلا في شكل شكلك تفل من فمك
مهند يفرك دقنو : امممممممم دا الكلام معقول اما الي اول امممممم صعبه شويه
حسام عصب منهم ومد يدو شغل الرديوو : انكتمووو بلا مو منكم من الي يشاركم تخيولاتووو ..
رفع الصوت علي اغنيه خليجيه ما ادري ايش تبا .. >> يردون قلت لازم يردون هذا طبع الي يحبوون لازم يردون ..
مهند وكاسر علي طول انفتلو هزز زي الي راكبهم عفريت اسمو تنكس ..
حسام ثواني هوا كمان نسي التخيلات الي هرجو عنهااا وجلس يهز معاهم ..
انتهت الاغنيه وجات الي بعدها والي بعدها .. وهما قالبينها شكشكه في السيارهـ .. لين وصلو المستشفي ..
كاسر وقف السياره في المواقف ونزلوو وسط الحش والسب والمضاربه المعتاده ..
دخلو المستشفي .. وهما يرددو بصوت راخي .. : واليوم اخر يوم وبكرا نشبع نوم نشبع نوم نشبع نوم .. >> من قوه التحشيش ..
حسام فارد يدوووو : يالبااااا جايني احساس كويس ..
مهند : ابا انام الين خلاص .. لما اخرج اليوم ..
كاسر : ابي انام في ذا .. بتوحشني الغرفه الي ياما سهرنا فيها ايام المناوبه وكذا ..
اتوجهو للقسم وكل مين يمني نفسوو ويحلم ..









~~~~~~~~
A6baa fe al-7o0b
~~~~~~~~









خشت المستشفي .. ووشها مضروب وملامحها قايله كدا .. << شي مو كويس يعني .. والكئابه تكسو كل شبر من وشها .. غير الارهاق الواضح علي عيونهاا الي محمره اكتر شي ..
في يدها شنطتهااا ومعطفها شايلتو باهمال لدرجه انو بيزحف في الارض ..
اتوجهت لقسم التنويم بدون تفكير طبعا .. وعلي الغرفه الي ماجد مرقد فيها .. رمت اغراضها علي الكرسي الي برا .. وفتحت الباب ودخلت ..
الغرفه بارده .. والاجهزه علي نفس طنينها المزعج .. وتخطيط القلب منتظم زي ما هواا .. مافي اي جديد ..
اتقدمت وجلست علي طرف السرير .. وجلست تتامل ملامحووو الخاليه من اي تعبيرر .. والي يكسوها البروود ..
وانفاسوو المنتظمه .. والمتناغمه مع جهاز تخطيط القلب الي يجيب القلق للواحد ..
رفعت يدها ومررتها علي جبهتو بهدوء .. : خلاص يكفي نوم يا ماجد .. اصحي ..
سيبت يدها علي جبهتو .. وقرت كم ايه من ايات القراءن .. واخر شي اتقدمت باست جبهتو وبعدت طلت في كدا لدقايق وبعدين لفت خرجت من الغرفه وهيا تتنهد باحساس خايس .. ماتدري ايش هوا ..
شالت اغراضها واتوجهت علي القسم شافت الكل مجتمعين .. كاسر وحسام ومهند .. الارض مو شايلتهم من الوناسه وتسطيحاتهم من بدايه الممرر تنسمع .. اعناب جسد بلا روح افكارها وعقلها عن مازن الي الين دحين مو مبين ..
وائل هوا التاني هاجد لان اعناب هاجده ويحاول يعرف اشبها مو فاهم .. معقول كل دا بسبب هرجه الخطبه ..
تسنيم طلت فيهم كدا .. وجايها احساس انها في مكان تاني غير الي موجودين فيلو دول الاوادم كولها
كاسر انتبه لهاا واشرلها بيدوو : شلونك تسنيم اشلون دكتور ماجد الحين ..
تسنيم ماتبا احد يسالها دا السؤال .. لانها ما تبا تجاوبهم الجواب دا .. : علي وضعو ادعولوو
حسام ومهند مع بعض : الله يشفي يارب ويرفع عنو ..
تسنيم لفت عنهم وتكت علي الجدر .. : امين يارب ..
مهند يصقع كتف حسام : والله البنت دي بئيسه وحظها مو كويس مرا ..
حسام باسي .. : ايه بالله مسكينه
كاسر : والله ان ماحد مسكين الا ذا الدكتور ماجد .. الي مرقد بغيبوبه لما الحين الله يشفيه بس ..
خلص كلمتو من هنا ودخل دكتور مازن علي القسم وملامحووو خاليه من اي تعبير في الحياه .. فسخ النضاره وحطها في جيبوو : السلام عليكم .. صباح الخير قروب
القروب باصوات متفرقه : صباح النور .. اهلا كتور .. وعليكم السلام ..
مازن ببتسامه : كيفكم اليوم ..
اعناب ماتعرف ليش عصبت من ابتسامتووو : بخير
مهند يضحك : اخرررررر يوم تدريب اكيد بخيررر
حسام يدق يد كاسرر : دكتور مخططين علي احتفال ..
كاسر يغمز لمازن : تراكـ معزووم ..
وائل يشهق : افااااا ولا تعزموني ..
التفتو علي كولهم وكنهم اول مرا يشوفوو : الا الا اكيد معزوم قبل دكتور مازن كمان ..
مازن يضحك : انتو انبسطو انا ورايا امور تانيه اهتم فيها ..
مهند يحلف : والله عليا الزواج تجي دكتور مازن ..
مازن رفع حواجبو بطريقه خلت مهند ينتبه انو ما بيهرج مع واحد من اصحابوو ..
حسام وكاسرر ماتو ضحك علي ملامح وشو الي انخبصت ..
مازن يفرك خشمو بطرف اصابعو وباين انو في حاجه في مخووو .. : الموهم .. طبعا مافي شي .. كالعاده روتينكم اليومي .. كل واحد يهتم بامورو العاديه وكدا .. ونهايه الدوام مرو علي مكتبي كلكم عشان اعطيكم البطايق حقتكم طيب ..
الشباب يهمهمو : .. اوكي .. ان شالله .. علي خير .. ومن دا الكلام ..
مازن يهز كتفو : سووو يو وانت اسك مي اني ثنك ..
كلهم هزو روسهم انو لا مافي اي اساله ولا غيروو ..
خطف من اعناب طله سريعه وندم لما لاحظ انها بطل في وكنها مستنيتو يطل فيها من اول وكدا .. : طيب بالاذن ..
خرج من القسم وتركهم متنحين خلفووو ..
تسنيم الوحيده الي ما كانت متنحه ولا هم يحزنون .. من خرج مازن من هنا علي طول حطت رجل وخرجت هيا التانيه من القسم ..
واتوجهت لوحده من الغرف المنتشره في الممر الطويل .. دقت الباب بهدوء : انا جيت ..
بهاء من جوا : خوشي .. تسنيم ..
فتحت الباب ودخلت علي بهاء الي جالس علي السرير وعلي قميص بجامه خربزي مع سروالها الطويل .. وشعرو كدا منفش وحالتو حاله .. وفوق كل دا علي فمو ابتسامه ولا اروع .. : هلا دكتورتي اتاخررتي ..
تسنيم تطل في الساعه : مريت علي ماجد بس ..
بهاء كشر : وكيفو لسا مافي اي جديد ..
تسنيم جلست علي الكرسي بياس : مافي اي جديد ادعيلو بهاء ..
بهاء بسرعه : الله يرفع عنو يارب في اسرع وقت ..
تسنيم تغير سيره ماجد عشان لا تنفلت بكا .. : طيب وانته كيفكـ ..
بهاء يرفع ايدو وينزلها : زي الفيل بالزبط مافي اي فرق .. بس انو حيوان وانا انسان .
تسنيم حاولت حاولت حاولت ما تضحك لان جواها مرا مو حق ضحك .. بس ما قدرت لان تعليق بهاء توحفه : هههههههههه حمد لله
بهاء بحماس .. : اليوم جا الدكتور .. وقال تجاوب الكليه مع جسمي مرا تمام خلاص .. ويمكن اطلع اليوم او بكرا بالكتيررر .. الحمد لله
تسنيم بودها تفرحلو اكتر من كدا بس الي صاير لماجد .. مو مديها مجال : الحمد لله يارب الحمد لله يا بهاء ..
بهاء مرا مو عاجبو وضعها كدا .. صح خطبها ماجد وصح حس انو بينهم علاقه .. بس مرا مايصير تسوي في نفسها كدا .. : امممم تسنيم ..
رفعت عينها الي الارهاق ينطق جواتها من كتر حارمه نفسها النوم بسبب قلقها علي ماجد وبهاء كمان : هاا ..
بهاء قفل الكتاب الي في يدوو .. ونزل عن السرير وجلس علي الكرسي قدامها : انتي بنت مؤمنه بالله ..
تسنيم رفعت حواجبها علي الدخله الي دخلها : ايش ..
بهاء حس انو الجمله مالها داعي كنو في مسلسل خليجي بايخ .. : اقصد اشسمو .. من الاخر ..
: ايش ..
: مايصير الي بتسوي في نفسك وماجد ان شالله حيقوم بالسلامه ..
تسنيم بستفهام : ايش بسوي في نفسي .. ؟؟
بهاء بدهشه : ايش بتسوي في نفسكـ .. مابقيتي شي ماسويتي .. نوم ما بتنامي .. اكل ما بتاكلي .. هرج ما بتهرجي .. بكا وخلصت دموعك .. دا كلو ما حيقوم ماجد .. ما يحتاج الا انك تدعيلو .. وتتماسكي عشان لما يصحا تقدري تكوني جنبوو .. مو كدا ..
تسنيم تطل في بهاء ومكشره كنو بيهرج موزنبيقي .. : هاا .. اها ..
بهاء يتنهد .. الادميه منتهيه مرا .. : قومي قومي معايااا ..
تسنيم : فين ..
بهاء وقف ولبس شبشبووو الراخي ولبس الروب علي بجامتوو ومسك المغزي بيدوو .. : الدكتور قالي امشي شويا .. تعالي معاياا ..
تسنيم وقفت : طيب ..
خرجو من الغرفه ماشين جنب بعض .. وكل واحد لام لسانوو .. طبعا بهاء من فرحتو بودو يهرج ويقول اي شي .. بس تسنيم ما تساعد انو يقولها اي شي . موخها مرا مو معاهاا ..
وتسنيم بالفعل موخها هناك عن ماجد .. متي حيفوق . حالتو مستقره وكل شي تمام .. بس باقي انو يفوق من الغيبوبه الي خاش فيها ..
بهاء لسانو يحكو ماقدر يسكت .. : امم تسنيم ..
تسنيم بدون ما تطل في : ايوا ..
بهاء مايعرف بيفكر في ايش .. : اممممم ان شالله ماجد يقوم بالسلامه وكل شي ..
: ان شالله يارب ..
بهاء يفرفر شعرو بزياده : بس انو امم بقلك شي تسنيم ..
: طيب قول ..
بهاء متردد : اممم انو ..
تسنيم لفت علي اخيرن : ايش ..
بهاء يتحاشا يطالع فيها .. : امممم يعني لو ماجد لاقدر الله صارلو اي شي انا حكون هنا ..
تسنيم تنحت في لدقايق وبعدين صرخت : ايش .. ماحيصرلو شي اشبك انته ايش بتقول صاحبك دا ايش يصير في يعني .. ماجد حيقوم بالسلامه يا بهاء حيقوم باالسلامه ..
بهاء انفجع من صريخها : ايوا حيقوم بالسلامه ان شالله اشبك انتي انا ماقلت شي ..
قربت منو ودفتو من صدرو بقوه .. : الا تقول لو صارلو شي .. ليش تفاول .. بدل ما تدعيلو جالس تهرج هرج فاضي ايش الي تكون هنا ايش يعني
بهاء رجع خطوتين وكان حيطيح : تسنيم هدي اشبك ..
: ماراح اهدي .. لا تتكلم عنو حيقوم بالسلامه فاهم .. ولوو صارلو شي ما حسامحك >> شطحت ..
بدهشه : ماحتسامحيني ..
تسنيم وكنها تستنا البكيه .. : ايوا ماحسامحك يا بهاء والله ماراح اسامحك
بهاء سكت لانو مو عارف ايش يعلق علي كلامهااا .. ودموعها الي فرت : ……
تسنيم مسحت دموعها بعصبيه .. ورمت لبهاء طله تهديده خلتووو يرفع عينو علي السكف .. وراحت مسيبتو متنح .. ويردد بينو وبين نفسوو .. : ياكلمه ارجعي مكانكــ ..
اما تسنيم رجعت نزلت الغرفه عند ماجد الي مرقد ولا حول له ولا قوه .. تستغل اكبر وقت ممكن قبل يجو اهلوو .. ويجلسو معا وتنحرم منو ..










~~~~~~~~
A6baa fe al-7o0b
~~~~~~~~

في المحاضره كالعاده .. الدكتور يشرح لنفسو .. والبنات كل مجموعه ملهين مع نفسهم .. الي يزاكرو لاختبار .. والي يسولفو .. والي مبسطين ورا يتقهو .. والي داخلين خارجين علي القاعه ..
وكم بنت مايتعدو علي الاصابع الي ساكتين وعيونهم علي الشاشات من ضمنهم حنين .. الا طبعا مو مركزه مع الدكتور .. بس ساكته ومسرحه عند حسام ..
من يوم الشوفه الهبله الي ساولهم هيا مهند وهوا ناشب في عقلها .. حركاتو .. ضحكاتو .. شعرو المكدش .. عيونو الصغار وكل شي ..
فاقت من سرحانها لما انتبهت للبنات يقوم من حولينها .. والدكتور .. يبربر .. : اوعوو تنسو البحوث الي طلبها منكوم اخر موعد للتسليم الاربعاء الجاي ..
قامت عن الكرسي وقفلت المجلات الي كانت مفتوحه قدامهاا .. وخرجت من القاعه علي الساحه الي تعتبر شبه فاضيه .. وتقريبا دا النظام المعروف في الترم الصيفي .. يكونو البنات اقل بكتير ..
خبطت جبهتها .. والاهمال دا شكلك حتحملي الماده .. مرا تانيه وانتي ما تدري عن نفسكـ ..
رمت شنطتها كالعاده في زاويه من الزوايا وجلست وطلعت جوالها طلبت رقم ندي بدون مقدمات ..
ندي : ايوا خلصت محاضرتك
: يعني بتصل من نوص المحاضره .. ؟؟
ندي : ههههههههههههههه ماعرف عنكـ يلا جايتك فينك
: في روكني المعتاد تعالي بسورعه
: طيب طيب
: وكلمي السواق يجي نبا نروح نفطر في شي مكان ..
: لا لا فطور مين يا اومي .. انا بروح للدكتورا بشوف بشرتي طالعتلي حبوب غريبه ..
: اما اما حبوب في عينك جيعانه انا
ندي : دحين اجيكي ونتفاهم .. خلصت كلمتها قفلت الخط في وجه حنين .. الي رمت الجوال في الشنطه وهيا تمشق : قال حبوب حبوب ايش
رجعت فتحت المجلات الي قدامها والي فيها اثاث وغرف نوم وغرف اكل واي شي .. وجالسه تتفرج وتشوف الي فيها .. واي شي يعجبها تحط علي دويرا .. وكيدا ..
شويا جات ندي لعندها رمت الشنطه والعبايه عليها وجلست ..
حنين تشيل العبايه وترجع ترميها علي ندي : وجع ..
: وجع فيكي ها كيف المحاضره .،
حنين تميل فمها ما استوعبت منها شي ياخي بسبب حسام دا
ندي شهقت : اتصل عليكي .. ؟؟
حنين شهقت هيا التانيه : لا لا لا ما اتصل بس انوو
وتسوي انها مكسوفه : ياشيخه من يوم شوفتو وبس متعشعش في راسي حتي في البيت بس اسرح وربي مو حاله .. احس مو راكب علياا
: هههههههههههههههههههه من جد مو راكب ..
حنين تفرفر شعرها : ايش اسوي قوليلي طيب ..
ندي : اممممم مالكـ الا انكـ تكلمي يا شيخه ..
حنين ترفع حواجبها : صعبه ياشيخه والله حسام دا اشك انو حتي لو اتاوب يقول لمهند انو اتاوب .. اجل اكلمو والله حيقول لمهند ..
ندي تمسك يدهااا وتحمسها : لا صدقيني مستحيل يقلو والله موستحيل ..
حنين بتردد : لا لا لا تقنعيني بليزز ما ابا اكلموو
: لا ياهبله والله كلمي احسن ايش فيها خلاص خطيبك دحين يعني وكدا .. اشبك
حنين بتردد : لا صعبه ياشيخه بس مهند انا خايفه من مهند ..
: والله ماحيقلو ولو قالو حاجه تعالي شبشبيني ..
حنين تحط يدها علي ادنها .. وتحرك راسها يمين ويسار : لا لا لا تقنعيني خلاص اسكوتي ما ابا اكلموو
ندي خرجت جوال حنين من الشنطه وتدور علي اسم حسام : كلمي وبطلي عبط خلاص ..
حنين مسكت يدها بسرعه .. : ياهبله دقيقه مهند مهند ..
ندي : يووو علي مهند اشبوووو كمان
: يمكن يكون مع حسام اشبك دول الاتنين لاصقين في بعض اربعه وعشرين ساعه
ندي : يوووو ايش الحل ..
حنين تسحب جوالها من ندي : الحل قفلي الهرجه ومني مكلمتو واتصلي علي السواق خلينا نطلع نفطر ياشيخه
ندي تطلع جوالها : لا لا .. انا بلاقيلكـ حل ..
حنين تطل فيها : ايش حل ايش ايش بتسوي ..
ندي حطت الجوال علي ادنها بعد ما طلبت رقم مهند .. : بكلم اخوكي اشوفو فين ..
حنين فتحت فمها تعترض بس ندي اشرتلها بسووورعه : اوووووش ..
ندي : الووو
مهند : ايوا ندي نعم
: يالطيف تبا تضارب انته ولا ايش نظامكـ
: لا ما ابا اضارب بس ايش عندك داقه عليا من الصباح ..
: بسلم عليك بس وبقلك تقدر تجي تاخدنا من الجامعه انا وحنين .. ؟؟
مهند يرفع حواجبو : وفين حنين ان شالله هيا الي اختي ولا انتي ..
ندي تتجاهلو : تقدر تجي ولا لاا ..
مهند : يعني كني في نوص دوامي .. طبعا ما اقدر وفينها حنين .. ؟؟
: امممم حنين هنا اسمع مهند انته لحالك
مهند بتعجب : ليش ..
: بقلك شي ..
مهند : ايوا لحالي .. ايش في حنين فيها شي ..
: لا لا اسمع حنين عيد ميلادها قريب بنخططلها علي حفله ايش رئيكـ ..
مهند سكت شويا .. وبعدين كشر : حنين عيد ميلادها مو قريب ايش تبي يا ندي .. ؟؟
ندي انكسفت وحنين صارت تضحك عليهاااا : لا ما ابا شي هيا مع السلامه ..
قفلت الخط في وشوو .. : اقولك بسرعه كلمي حسام مهند اكيد حيرجع يتصل تاني علياااا ..
حنين بتردد : لا ياشيخه ما ابا اشبك ..
ندي صقعتها : وجع يازفت وكلمت اخوكي عشان تقولي ماتبي ..
: ماحد قلك كلمي
قبل ماتفتح فمها ترد .. رن جوالها والمتصل مهند : شوفتي اتصل .. انا حتكلم معا الهي .. وانتي كلمي حسام طيب ..
ردت علي مهند وبعدت عن حنين عشان لا يسمع صوتها وكدا ..
اما حنين جلست تطل في الجوال لثواني واخر شي قوت قلبها وطلبت رقمووو ..
حسام ماشي في الممرات يدور مهند .. شويا رن الجوال في جيبوو طلعو ورد بدون مايطل في الشااشه .. ماصدق شي يلهي ..
بصوت منشكح ونبره مليانه روقان : ياهلااااااااا ..
حنين بلعت ريقهااا : الو ..
حسام من سمع صوتها كشر ومو متاكد .. : حنــ ..
حنين تغمض عينها : ايوا حنين ..
حسام ابتسم وصار يتلفت يمين ويسار لا يروح يطلعلو مهند : اهلا حنين كيفك
: حمد لله انته كيفكـ ..
: حمد لله مبسوط ..
: فين مهند ..
: مادري توي كونت بدور علي .. امم ما علينا منو .. وماقلتيلي كيف حالكـ ..
حنين انبسطت انو بتيكلم كدا بسلاسه .. : الا قلت حمد لله
: اها حمد لله ..
: …………….
: …………………….
: …………….
حسام : ايوا .. امم بغيتي شي ..
حنين : اممممممم لا لا امم اقصد ايوا ..
حسام : ها قولي تبي شي بتساليني عن شي اي شي قولي ..
حنين ما كان في راسها ولا شي عشان كدا ماتعرف ليش رمتلو الكلمه : انته ليش خطبتني .. ؟؟
حسام اتوقع اي سؤال الا دا .. ميل فمو بلاكي ما تدري انو مهند نشبلي .. دي كل الحكايه .. بس طبعا ماراح يقولها شي زي كدا ..
ماعرف ايش يرد عليهاا هز كتوفو : بس كدا ..
حنين ما عجبها جوابو : ايش ..
حسام : امم بس كدا خطبتك السؤال الي يحير انتي ليش وافقتي ..
حنين هنا تنحت هيا كمان ما اتوقعت دا السؤال : امممم اممممم >> ماعرفت ايش تقول فكدا سكتت ..
حسام : حنين انا اصــ ..
قبل يكمل كلمتو جالو صوت مهند من ورا : انه هنا ابو السمس
حسام قلبو صقط لان حنين علي الخط .. لاول مرا ينفجع من مهند : احم ايوا ايوا هنا
مهند وسؤالو عادي جدن ودايم يسالوو .. : بتكلم مين ..
حسام مايدري ليش حس السؤال غريب : ايشلك شغل ..
حنين من سمعت دا الحوار قفلت الخط وحطت يدها علي قلبهاا : يارررررربي ليش خطيبي صاحب اخويا ولاصق في طول الوقت ايش اللي ..
ندي صقعت كتفها : من جدددددد
حنين انفجعت : وجع انتي من متي هنا ..
: هههههههههههههههههههه من وقت انته ليش خطبتني ..
: اما ههههههههههه فين مهند ..
: قفل بعد ما اضاربنا ههههههههههههه شرير اخوكي وعصبي ..
حنين تضحك : وملقوووووووف .. دوبي طلع لحسام عشان كدا قفلت انا ..
: ها بس كيف لما كلمتي ارتحتي ..
: ارتحت في عينك الي يسمع قولنا شي .. بس يادوم سمعت صوتو وكفحلنا ..
: الموهم كيف
حنين تقلب عيونها : كيف يعني عااااادي
: ههههههههه عادي طيب طيب صدقتك .. يلا قومي السواق برااا
حنين وقفت بحماس: يا اني ميته جووووع
: اقول علي العياااااده شوفي بشرتي كيف خايسه ..
: اقوول علي الاكل بعدين علي اي مكان تاني ان شالله المريخ .. حطيح من الجووع ..
: اوو عليكي طيب ..











~~~~~~~~
A6baa fe al-7o0b
~~~~~~~~












زهاد خشت المستشفي واسنانها تبان من عشره كيلو من قوه الانشكاح ..
وصلت للاستقابل .. خشت وحطت شنطتها والسله في الارض .. وخرجت جوالها علي طول ارسلت لكاسر مسج .. : صباح الخير انا وصلت المستشفي تعال خد الحليب ..
قفلت الجوال وفتحت شنطتها ..زودت الروج حبتين .. وزودت البلاشر ..
خرجت الترمزه .. وطلعت منها الكوب حق كاسر .. وصبت فيلو الحليب ملتو لعينووو ..
وثواني كان كاسررر عندها بيخبط علي الرخام .. : صباحو تاخرررتي ..
زهاد تضحك من زود الوناسه : هههههههههههههه اليوم اخر يوم اداوم هنا خلاص ..
كاسررر يرفع حواجبوو : ليش ..
زهاد : عشان خلاص انته اخر يوم لكـ … وانا ما عدت احتاج الشغله دي خلاص عشان كدا ..
كاسر مره مبسوط لها ولي وضعها الي اتغيررر من اسوء شي لاحسن شي .. : اها يب موب محتاجتها .. وانا بعد خلاص ما ابيكـ في ذا .. وكل الرياجيل يجون يناظرون علي كيفهم وكذا ..
لفت وخرجت من خلف الرسبشن ومدتلو الكوب .. : يب عشان كدا ببطل انا كمان ..
رهام مو مستوعبه : يعني خلاص ماحتجي تاني ..
لفو عليها كاسر وزهاد .. وتوهم انتبهو انو في بني ادميه هنا اصلا .. زهاد تهز راسها : يب في احد توصي علي يجي بدالي عشان اسويلكم واسطه ..
رهام ترمش : ايوا ايوا ..
كاسر : هههههههه اتركي عنكـ وقوليلي .. وش سر ذا الوناسه الي زايده حبتين اليوم ..
زهاد تسحب الكوب منو وتشرب منو وشويا وتردلو هوا : ااححح .. ابدن .. استلمنا مفتاح الفله الجديده .. وقصووووص استلم سيارتو اليوم ..
كاسرر انبسط مرا : والله خلاص صرنا انا وياه مرسمين بالسيارات ..
زهاد : ايوا لو تشوفو قد ايش مبسوط وربي خايفه يموت يا كاسر من البسطه ..
: لا لا الله يطول بعمره وعمرك ان شالله وتتهنون يارب ..
زهاد ترفع يدها وتدعي من قلب : امين ياررررب ياررررررب ..
كاسرررر مات علي شكلها : سمعي زوزه
: لبيه ..
: ههههههههههه لبي قلبك .. اشسمه .. اقدر اكلم عمكـ اليوم ..
زهاد ترفع كتوفها : ماعرف عنوو .. بس كلمو عادي ..
كاسر : مرا خايف حيل .. يقلي كذا ولا كذا ووين اهلك ومادري شنوو ..
زهاد تصلحلو ياقه المعطف وتنفضلو هيا : لا لا ماعليكـ .. انته اهم شي قلو علي كل الحكايه وليش ابوك وامك مابيجو معاك واتوقع انو حيتفهم يعني ..
كاسر : شسمه الحين اخوك هو ولي امرك .. المفروض اخطبك منه ..
زهاد : ههههههههههه قصي الخبل .. ماينفع لشي .. ودحين بعد ما جاتو السياره .. صار اخبل واخبل ..
كاسر : لا جد تراه ولي امرك .. حتي بالمحكمه بيطلبونه هوا اهم من اي احد .. لو عندك عشر عمان .. كلمته هو الي تمشي ..
زهاد ومتعجبه : اما كدا ..
: ايه والله اجل شنو اقول انا ..
زهاد مازالت متعجبه : يعني تبا تخطبني من قصي .. ؟؟!!
كاسر : ههههههههههههههه لا لا .. من جدك ما ينفع لاززم حد كبير بس بقولك انو هوا ولي امرك رسميا .. تراه كبير وبالغ .. ولا تدققين بحركاته ..
زهاد وانشكحت : توي ادري والله ..
كاسر تكا علي الطاوله جنبوو : ايه وش فيه الحليب اليوم .. صاير اطعم حبتين ..
زهاد بسماجه : قلبتو باصباعي ههههههههههههه
كاسر رغم انو جملتها سامجه بس مات ضحك : ههههههههههههههههههههههه وانا اقول بوه شي ..
وهما في عزز ضحكاتهم .. وتصطيحاتهم .. وناسين المكان والزمان .. وكل شي ..
هيثم دخل علي المستشفي في يدوو المعطف الرمادي حق زهاد .. ويادوب مشي خطوتين الا انتبه لزهاد متكيه وكاسر واقف قدامها ومن كتر قريب منها شويا يخوش جوتها .. وواضح انهم منهمكين في الضحك والهروج ..
طل في كاسر والشريط في موخو يرجع علي ورا سريع .. لين وقف عند الموقف الي قبل كم شهر .. لما كان بيتشاكل مع زهاد .. وطب كاسررر يدافع عنها بكل لقافه .. ورجع الشريط يتقدم مرا تانيه لين وصل للموقف الي قبل ساعات في السياره .. لما اتصل عليها الدكتورر .. الي اسمو كاسرر وكيف اتلبكت واتخربطت وصرفت تصريفه مشيت علي وقتها ..
ياتري نفسو دا الدكتورر .. ؟؟
بعد تناحه دامت لدقايق .. حرك رجلينو اخيرن ومشي لين وصل عندهم ونزل النضاره عن عينو : السلام عليكم ..
زهاد خاشه جو مع كاسر وهرجو وضايعه معا ولا انتبهت لهيثم الا لما اتكلم .. حاولت تقنع نفسها انو دا مو ولد عمها ..
لكن لما لفت راسها بهدوء وشافتو واقف قدامها وفي يدو معطفها الي الظاهر نسيتو في السياره عندوو .. اتاكدت انو واقف هنا ..
كاسر هوا التاني خاف علي زهاد .. رجع خطوتين علي ورا .. وبكل برائه يدعي انو يكون هيثم ما انتبه لوو ..
لكن علي مين .. هيثم جلس يقلب نظراتو بينهم .. وحتي الكوب الي في يد كاسر مافووتو .. هوا الي كان في السله مع زهاد وهما في السياره ..
زهاد بلعت ريقها واخيرن فتحت فمهاا : هيثم ..
هيثم عيونو علي كاسر الي واقف ساكت .. ويحس انو الموقف مايبالو زياده اكشن .. فالسكوت خير حل ..
زهاد مشيت لعندوو : هيثم معليش شكلي نسيتو وكدا ..
هيثم مدلها المعطف : ايوا نسيتي ..
كاسر ياشر لزهاد انو انا حمشي .. في نفس الوقت هيثم التفت وانتبه لكاسرر ياشر لزهاد .. : ايش ..
كاسر يرشف من الكوب : ولا شي ما اكلمكـ ..
هيثم فسخ ساعتو الي قيمتها الشي الفلاني وحطها في يد زهاد .. وكاسر علي طول فهم ايش معنا الحركه دي .. مرا مو وقت مشاكل خصوصا بيخطب زهاد من ابو هيثم ..
عشان كدا لف بهدوء : احم بالاذن ..
هيثم نادا علي يتاكد : كاسر ..
كاسر وقف والتفت علي : نعم ..
من قال نعم .. هيثم فهم كل الطبخه .. واتقدم خطوتين لكاسر .. وقبل ما كاسر يستوعب اي شي كان هيثم نازل علي وشوو بضربه طلعتلو نجوووم في راسوو ..
كاسررر رجع علي ورر وانكب الحليب الي في الكوب مع قوه الضرب المفااجئه .. : اخ ..
هيثم رجع اتقدم عشان يديلو ضربه تانيه كمان .. بس كاسر كان استوعب الوضع وسبقوو وصقعو بالكوب علي كتفوو .. : لا تمد ايدكـ ..
في ثواني معدوده اشتكبو في بعض وكل مين يدي التاني باقوي ما عندوووو ..
زهاد تنحت : لا لا صلو علي النبي صلو علي النبي ..
رهام بسرعه ضغطت الزر وطلبت الامن واشرت لزهاد : ابعدي عنهم لا يعوروكي ..
زهاد رجعت خشت علي الاستقبال ونزلت علي تحت تتخبا وهيا تتمتم : ياولي اشبهم دول ..
اما كاسر وهيثم مازالو متماسكين .. وكل مين يدي التاني من كل قوتوو .. شويا جوو رجال الامن وفرقوهم عن بعض ..
كاسر يمسح خشمو الي بيطلع دم ويتمتم في قلبو كلام عجيب .. وهيثم بيطل في كاسر بكل حقد العالم ..
الامن يوجه كلامو لهم : انتو في مستشفي اشبكم .. ؟؟
هيثم شد يدو بقوه من يد الحارس : فوكني الله يفك دماغكـ
كاسر هوا التاني سحب يدو بقوه .. وفي ثواني رجعو اشتبكو تاني .. والامن فرقوهم بالقوه .. وخرجو هيثم علي برا .. لانو مو من المستشفي .. وسحبو كاسر للجه التانيه ..
واشرو للناس الي اتجمهرو يتفرجو انو خلاص كل واحد يروح يشوف شغلوو .. خلصت المضاربه
زهاد حست الوضع هدي .. هزت رهام من رجلها : هي هي فينهم
رهام تطل فيها : راحو خلاص .. الامن اخدوهم
زهاد تسحب شنطتها : فين راحو طيب .
رهام : اخدوو اشسمو داك علي برا .. ودكتور كاسر راح علي هناك ماعرف فين بالزبط ..
زهاد حطت يدها علي قلبها واتنهدت .. ياربي اشبك ياهيثم
طلعت جوالها .. وفتحتو تبا تكلم كاسر .. بس رن الجوال المتصل هيثم .. بلعت ريقها وماعرفت ترد علي وتطنشو ولا ايش الوضع .. بس قررت تكلمو احسن .. وتبررلو وقفتها كدا مع كاسر احسن لها ..
اتنحنحت : احم ايوا
هيثم وباين علي صوتو انو مشحون علي الاخر : اطلعيلي بسرعه ..
زهاد انرعبت : لا لا هيثم اسمع انته فاهم غلط انا بــ…
: بقولك اطلعيلي لا تطريني ادخل واتمشكل تاني ..
زهاد بخوف : لا لا مني طالعه اصلا اشسمووو انته فاهم غلط ترا دكتور كاسر اصلا هوا انــ…
هيثم يصقع السياره بقوه : بقولك اطلعي يا زهاد ولا تعصبيني اطلعي ونتفاهم ..
خلص كلامو وقفل الخط في وشهاا .. حضنت الجوال بخوف .. والله ماحيتفاهم اعرفو ماراح يتفاهم ياربي ايش اسوووووي ..
لسا بتفكر ايش تسوي رن الجوال مرا تانيه .. اتوفعتو هيثم متصل ينافخ ويهدد تاني .. بس اتنهدت براحه لما شافت نك كاسر .. : ايوا
كاسرر بندم : زوزو وينك اسف علي الي صار .. هوا مادري ايش فيه ..
زهاد : كسور فينك بسرعه بجيكـ ..
كاسر : لا زوزو ولد عمك في ذا ..
: لا لا فينك طلعو برا بيقلي اطلعلو مابغا اروح خايفه يسويلي شي عشان شافني واقفه معاك ..
كاسر يفرك جبهتو : زين اشسمه تعالي انا في الدور الثاني بقسم الباطنه دال ..
زهاد : طيب طيب دحين اجيك باي ..
قفلت الخط ورجعت هزت رهام من رجولهاا : اقولك شايفه هيثم .. ؟؟
رهام بتعجب : مين هيثم ..
زهاد : يووو الولد الي كان بيضارب مع كاسر .. ؟؟ احم اقصد مع دكتور كاسر ..
رهام تهز راسها : لا لا مو شايفتووو .. اطلعي روحلي لدكتور كاسر بسرعه .. قبل يرجع تاني ..
زهاد طلت في رهام طله تفهمها انو ماشالله فاهمه الطبخه يعني ..
رهام اتجاهلت طلتها : اطلعي بسرعه ..
زهاد وقفت وشالت سله الحليب وشنطتها وخرجت بسرعه وهيا تتلفت يمين ويسار ..
طلبت المصعد وثواني كانت في الدور التاني واتوجهت علي القسم تدور كاسر .. بعيونهااا لين شافتو جالس علي واحد من الكراسي وحاشي خشمو مناديل ..
راحتلو بسرعه : كسووووور حبيبي اتعورت .. يوو عليك يجعل يدك الكسر يا هيثم ..
كاسرر طار كول الالم الي حاس بي والقهر والقلق والندم .. وابتسم بهباله : شنو قلتي ..
زهاد مسكت دقنو ورفعت راسو تطل في خشموو : يووووو ليكون انكسررر ..
كاسررر يبعد يدها عن وشوو : شنو قلتي من شوي ..
زهاد ولا دققت مع الكلمه الي قالتها : ايش قلت .. ؟؟
كاسر : اممممم ماعرف حبيبي ماعرف شي مثل كذا ..
زهاد بستنكار : لا ماقلت ..
كاسرر : الا قلتي انا سمعتك شنو ما اسمع يعني ..
زهاد تلوح بيدها : مو مهم تعال لدكتور يشوف خشمك يمكن انكسرررر ..
كاسرر يتلفت يمين ويسار يتاكد انو الممر فاضي ويمسك ايدها : اول شي عيدي شنو قلتي .. ولا موب رايح مكان ..
زهاد : يوووووو حبيبي .. طيب حبيبي اوكي حبيبيييييي حبيبييييي طيب ..
كاسر : ههههههههههه ورا تقوليلنها وانتي معصبه كذا …
زهاد وقفت : لان مو وقتك ياكاسر .. هيثم تحت وماعرف ايش حيسوي فيا .. ويمكن لو روحت لعمي اليوم ولا كلمتو ويكون هيثم في كل شي يخرب غير انو خطبني اليوم .. وانته تقول قولي حبيبي وماعرف ايش ..
كاسر سكت وميل فمو علي جنب .. : خطبكـ
زهاد : ايوا خطبني ..
: ايه وشنو قلتين له ..
: ماقلت لو شي يستناني افكر ..
: وقاعده تفكرررين .. ؟؟
زهاد بسرعه : طبعاااا لااا ..
اتنهد براحه : متاكده ..
: ايوا اكيد اكرهو ولا يمكن اتزوجوووووو .. خلاص .. ما انكر انو لما قال بيخطبني تاني حسيت بشي لكن والله لو يخطبني مليون مرا ما وفقت علي ..
كاسر اتنهد براحه : زين طمنتيني اجل لازم اليوم اكلم عمك وكذا ..
زهاد تطقطق اصاببيعها : ب سانا خايفه انو يسوي شي يقول شي ماعرف خايفه ..
وقف ومسك كتفها : هدي نفسك زين .. كل شي بيكون تمام اوعدكـ ..
زهاد : انــ ..
رن جوالها وطلت في الشاشه .. وضعطت علي الجوال بقوه : ايش اسوي هيثم ماحيمشي لما اطلع لووو ياربي ايش حسووي .. مرا خااايفه كاسر ..
كاسر يهديها : ولد عمك ماراح يسويلك شي …
زهاد : انته ماتعرف مين هيثم اوكي .. كسرلي اصبااعي كسرووو .. لما يعصب ولا يكره ولا يزعل ما تتخيل ايش يسوي يا كاسر انا من جد خايفه ..
: امم خلاص لا تطلعين له .. اطلعي من البوابه الخلفيه ولا تروحين للبيتكم روحي لاي مكان وانا اليوم ان شالله بروح للبيت عمك وبتفاهم مع هيثم ومع عمك كمان انتي لا تخافين زين ..
زهاد مرا مو مقتنعه بكلامو وخايفه اكتر شي .. وخايفه بسبب الموقف الي دحين صار مع هيثم تخسر كاسر .. وتصير مشاكل من دا النوع ..
كاسر حس انها مو مقتنعه عشان كدا مسكها من يدها وسحبها معا : قلت لك تطمني انا وعدتكـ ..
زهاد تهف علي عينها ماتبا تبكي مرا مو وقت بكاا .. : طيب ..
وصلها للبوابه الخلفيه واتوجهو للمواقف .. ولعند سيارتو بالتحديد : يلا طلعي بوديكـ اي مكان ..
زهاد تتلفت : كاسر انــ ..
قاطعها : بقولك طلعي
ركبت السياره بعدم رضا : طيب فين حتوديني فين اي مكان يا كاسر ..
: اي مكان بس بيتكم لا لان هيثم بيروح لهناك وياليت لو ماتردين عليه لين اتصرف انا ..
: اصلا ايش ارد علي اقلوو .. اوف ياربي ..
كاسرر : زوزو حبيبي هدي نفسكـ زين .. انا بتصرف وعدتكـ ..
زهاد من جد نسيت كل شي وبلمت مع ابتسامه فجئه .. : ها ها طيب ..
كاسر علي طول ابتسم لابتسامتهاا : ها شنو فيكـ ..
لفت علي الشوباك وهيا تضحك : ههههههه ولا شي ..
كاسرر هوا التاني يضحك : ههههههههههههه زين اوكي ..
من التوتر الي فيهم صارو يضحكوو ..











~~~~~~~~
A6baa fe al-7o0b
~~~~~~~~

قريب من مكتب الدكتور مازن .. وعلي واحد من الكراسي المنتشره بشكل عشوائي .. جالسه ويدها علي خدها ..
وضايعه في افكارها .. وتبا تكلم دكتور مازن ماهي عارفه كيف .. ولا عارفه ايش تبا تقلو .. او بالاصح .. خايفه تكلمو ويقلها شي ماتبا تسمعو .. لان اصلا رده فعلو كولها ما تطمن ..
وهيا في عز سرحانها انتبهت لضل احد واقف عندها .. رفعت عينها بهدوء .. وما استعربت لما شافت مازن واقف
: ايش بتسوي هنا ..
هزت كتوفها : جالسه بس ..
مازن : ماعندكـ شي تسوي يعني .. جالسه كدا خلاص .. ليش انتي جايا تجلسي ..
: لا مو جايا اجلس ..
مازن : طيب حلو اتحركي شوفي شغلكـ يا دكتورا اعناب ..
اعناب ركزت عينها علي لثوواني وبعدين وقفت .. : دكتور مازن انته اشبك يعني الي صار ووائل خطبني وكل شي عادي خلاص .. ما تحس انك تبا توضحلي شي او تقلي شي او اي حاجه في الحياه خلاص حتسكت كدا يعني .. وحتجي تقلي شوفي شغلك ولا تشوفي شغلك .. ؟؟
مازن فتح فمو يبا يتكلم الا رن جهاز النداء حقووو .. اتنهد باسف : نتكلم بعدين ..
اعناب عصبت : مازن وقف مازن طيب قلي شي واحد فهمني اي شي ..
وهوا ماشي لف ورفعلها الجهاز : الواجب يناديني ماحوقف واهرج دحين لما افضي اكلمكــ ..
جلست تطل في وهيا مقهوره لين اختفي من قدامهااا .. رجعت جلست علي الكرسي وحطت يدها علي خدهاا .. ؟؟!! لا لا
دفنت وشها بين يدينها وبكيت .. ماتعرف من فين جاتها الدموع ولا تعرف ايش السبب الي بيبكيها .. ولا تعرف ايش جاب وائل في بالها دحين ..
جالها صوت مهند وحسبت انو في عقلها هوا التاني : اعناب .. ؟؟!!
اعناب مستمره تبكي .. مهند جلس جنبها وهز كتفها بخفه : عنوشه اشبكـ ..
نزلت يدها عن وشها ومن شافتوو زادت بكاا : مهند .. الحقني ..
مهند انفجع : بسم الله اشبكـ يابنت ايش صايرررر .. ايش في .. ؟؟
اعناب تشهق وتمسح دموعها : مهند ماني قادره استحمل مازن ووائل يارررربي .. مازن ووائل ..
مهند يمسكـ يدها : اشبك ياختي اتكلمي اشبهم اشبهم ..
اعناب بدون تفكيرررر : انا انا احب مازززن ..
مهند فرصع عينو : ايش ..
اعناب مكمله .. : وومازن قالي يحبني وكل شي بس قال بيفكر في حاجه انا سويتهاا ..
مهند مازال مفرصع عينو : هااا ..
اعناب تمسح دموعها : ووائل وائل تخيل انو خطبني يامهند تخيل ..
مهند ولا تعبير يوصف صدمتو .. : كيف .. ؟؟
اعناب تلوح بيدها : وانا ماعرف مازن عارف دا الشي ولالا ماعرف بايش بيفكر .. علي الفطور لما اتكلمنا ما اعرف كيف كانت رده فعلو ودحين بيبتسم عادي ودوبي اكلمو يروح ويسيبني ..
مهند انتهت علامات التعجب الي عندو صار يطل فيها وهوا ساكت : ……………
اعناب شدت علي بنطلونو : ايش اسوي قلي ؟؟
مهند يرمش بفهاوه : امم ايش تسوي .. اممم ماعرف والله امممم مازن يالله واشسمو وائل خطبك موشكله ايش تسوووي .. والله ماعرف الصراحه يعني انتي في وضع اهبل بحق وحقيقه .
اعناب تسند ضهرها علي الكرسي : واهبل من اهبل .. واهبل شي مازن ليش مايفهمني ايش وضعووو ..
مهند : اقولك احسن شي كلمي وائل وارفضي وقليلو انك تحبي اخو وقتها حينسحب بهدوء
اعناب تحط يدها علي راسها : يمكن مازن قايلو شي انا شاكه فيلو والله .. ماعرف ايش اسوي يا مهند .. والله ماني عارفه ايش اسووي ..
: قايلو شي زي ايش يعني
: ماعرف يمكن وائل قال لمازن انو يبا يخطبني .. ومازن يمكن انووو ..
سكتت وجلست تقلب عيونها : ماعرف ماعرف ..
مهند : قلت لك الحل الوحيد تكلمي وائل وتفهمي كل شي .. مع انو كدا كل الهرجه ماهي عاجبتني ..
اعناب تلف علي : مو لازم تعجبك مهند .. دا شي يخصني يا تساعدني يا لا تتفلسف علي راسي ..
مهند يرفع حواجبوو .. : ماشالله تحبي مازن ويحبك وماعرف ايش كننا في مصر .. واخو يخطبك وما ادري ايش وماتبيني اتفلسف .. بعدين ما بتفلسف بقلك الهرجه كولها علي بعضها غلط ..
طيب انا ايش اسوي يعني .. .
: ماعرف عنك قلت لك الحل الوحيد الي عند يانك تكلمي وائل وتقوليلو علي كل شي .. ولا انك تكلمي مازن .. ولا انك تجلسي كدا
: اجلس كدا .. اشبها كلمي مازن وكلمي وائل حلووول .. دا تسمي حل ..
: ايش اسوي يعني اقوم اخطبك انا واريحك منهم الاتنين ..
اعناب سكتت ورفعت حواجبها : مهند ما بتريق انا ..
مهند يشمق : انا الي بتريق يعني .. اصلا انتي ..
سكت واتنهد : نو كمنت قومي كلمي وائل وقوليلو كل شي وريحي دماغكـ ..
جا صوت وائل من جنبهم : وهادا وائل عندكم ايش تبو تقولوو ..
صنمو هما الاتنين وطلو في بفجعه .. من متي واقف هنا دا ..
وائل لاحظ طلاتهم وفهمها : لا لا لا تخافو مو من اول انا هنا .. دوبي جيت واتوقع في شي تبي تقوليلي هوا عشان تريحي دماغك ..
مهند وقف ورمالهم طله هما الاتنين يعني ماعرف ايش اعلق علي وضعكم : بالاذن ..
اعناب بسرعه : لا لا مهند وقف ..
مهند طل فيها : ايش كمان
اعناب تستنجد بيلو بعيونها .. وتسالو ايش اسوي ايش اقول .. ووائل بيطل فيها وفاهم انها تحاول تقول شي لمهند ..
وائل مايعرف ليش اتنرفز لدا الحد : ايش في يا مهند
مهند يرمي لاعناب طله يفهمها انو مالي دخل في الفلم الهندي حقك : ولا شي يا وائل بالاذن ..
وائل مسك مهند من يدوو : وقف
مهند يطل في يد وائل : اتركني
وائل : تعرف اني خطبت اعناب ..
مهند : ايوا اعرف مبروك .. الله يتمملكم علي خير بالاذن
وائل رجع مسكو من يدوو : ممكن ماعاد تقرب لها ولا تهرجهاا ..
مهند يميل فمو : طبعا ممكن .. احنا اليوم اخر يوم تدريب .. ويمكن اقابلها اخر مرا في الحفله ويمكن بعدها نفترق يعني اطمن اوكي ..
وائل اتنرفز من طريقه هرج مهند : اوكي لبقيه اليوم لا تكلمها ممكن
: برضو ممكن مع انو الادميه لسا ما وافقت عليك لا تستبق الامور يا اخ ..
خطف من اعناب طله سريعه ورجع طل في وائل : ومبروك مرا تانيه يا وائل واعناب ..
لف وتركهم واقفين يطلو في لين اختفي عن عينهم .. وائل لف علي اعناب يكلمها وقفت بسرعه ورفعت يدها : مافي شي اقولوو
وائل : الا ايش كان بيقلك مهند ؟؟
: ولا شي يا وائل شي مايخصك
: الا اتوقع يخصني .. لاني وبدون قصد زي ما انتي عارفه سمعتك تهرجي مع دا مهند .. ممكن تقولي ايش قالك تقوليلي ..
اعناب وقفت طلت في كدا من فوق لتحت : مو ممكن .. ودحين ممكن تسيبني امشي .. ؟؟
: لا مو ممكني ايش تقوليلي يا اعناب اتكلمي .. شي بخصوص اني خظبتك وكدا ولا ايش اهرجي يلا ..
اعناب ترفع كتوفها : لا شي مالو علاقه وائل بمشي ممكن ..
وائل مسك يدها : لا مو مكن لما تقولي ايش عندكـ
سحبت يدها بقووه من يدووو : لا تلمسني .. وقلت لكـ مافي شي سيبني امشي
وائل ومرا يتنرفز احد يعاملو كدا .. رجع مسك يدها مرا تانيه بعناد .. وضغطت عليها بقوه : ما خلصت كلامي لا تمشي طيب ..
اعناب تتاوه : آآه يدي اتركني ..
وائل يضغط علي يدها بزياده .. : حتتكملي ولا كيف ..
اعناب بصدمه : ماراح اتكلم اترك يدي اتركني وائل اشبك انته ..
وائل يقرب وشو ليهااا : مافيا شي حتقولي ايش كنتي بتقولي لمهند ولا كيف ..
اعناب اتلفتت وحاولت تسحب يدها : وائل بيطلو فينا اتركني ..
وائل لف طل في الدكتورتين الي واقفين يطلو فيهم بتعجب .. ورجع طل فيها بلا مباله : اتكلمي بسرعه ..
اعناب تحاول تسحب يدها من يدوو : وائل اتركني اخترم نفسك يا وائل ..
وائل : اصــ....
قبل يكمل كلمتووو جا مازن من ورا وسحب يدوو بقوه .. ورمالو طله تخوف : انته وهيا علي مكتبي ..
اعناب بسرعه : مازن انــ ..
طلتو خلتها ما تكمل كلمتها : قلت علي مكتبي ..
اعناب ووئل كل واحد يرمي لتانيه طله جواتها الف معنا .. واخر شي مشيو علي مكتب مازن .. الي ماشي وراهم .. ومقهور من تصرفهم ايش يبو الناس يقولو عنهم سلامات ..
خشو ومازن قفل الباب وجلس علي طرف المكتب : ايوا اشبك يا وائل ماسكها كدا قدام الله وخلقوو .. من بقيه اهلك هيا وانا ما ادري .. ايش تبا الخلق تهرج تقول .. ؟؟
وائل ياشر عليها بعصبيه : واقفه تهرج مع مهند عني واقلها تتكلم مو راضيه خليها تتكلم احسن لها ..
مازن يرفع حواجبوو : والله احسن لها الواحد صار في دا الزمن حتي الهرج غصب عنو ولا كيف ..
وائل : بس هيا كــ..
مازن ماسيبو يكمل كلامو : وائل اوكي خطبتها بس عيب الي بتسوي اوكي .. ما تمد يدك عليها كدا .. ولا انا حرفع فيك شكوي بنفسي اوكي .. اتفضل اطلع برا ..
وائل يرفع حواجبوو بعدم تصديق : مازن اشبك ..
مازن بعصبيه : اسمي دكتور مازن هنا اوكي .. اوطلع من المكتب هيا شوف شغلك ياوائل
وائل يضغط علي اسنانو : اسمي دكتور وائل .. اوكي ..
مازن لف عنو : اقفل وراك الباب ..
وائل بطلات تهديديه لمازن وكمان اعناب الي لامه لسانها من اول وساكته .. : اوكي يا دكتور مازن شوكرن ..
مازن بلا مباله : العفو ما سوينا شي ..
وائل طلع من المكتب وقلبوو يغلي بسبب اعناب وهرجها مع مهند عنو .. وبسبب حركات مازن معا قدام اعناب .. يبا يفش خلقو في اي شي .. لدرجه انو جلس يدور مهند يتشاكل معااا .. لانو لو مالقا احد يمكن ينتهي بي الحال بيضارب مع نفسووو ؟؟
جوة المكتب اعناب ماصدقت الباب انقفل ورا وائل علي طول اتقدمت ورفعت يدها بصدمه : خطبني خطبني ..
مازن رد فيها ببرود : خبركـ قديم ..
اعناب : مازن مازن كلمني قلي شي وائل خطبني وانته واقف كدا اشبك ياخي اتكلم قلو شي سوي شي ..
مازن يلف لمكينه القهوه ويصبلو كوب .. : ايش اقول .. ؟؟
اعناب تحس انها تبا تشبشبو علي برودو : قول اي اي شي يا مازن .. قول اي شي اما اشبك كدا ماتبا تعلق يامازن اتكلم اشبك يا اخي ..
مازن يطل فيها وكيف انها علي حافه الانهاير .. : مبروك تبيني اقول .. ؟؟
اعناب طلت في ورمشت رمشتين واتجمعت دموع في عينها علي وشك النزول : مبروكـ ..
مازن يجلس علي المكتب ويرشف من الكوب : يوووو ولا اكون اتسرعت يمكن ماتبي توافقي صح .. اممم
اعناب صرخت : مااازن بلا في شكلكـ ..
مازن وقف بسرعه ومد يدوو : هي هي لا تعلي صوتك
اعناب دموعها فرت خلاص : ايش الي ما اعلي صوتي اقلك وائل وائل خطبني .. اخوك اخوك وانته كدا وتقول لا اعلي صوتي ..
لا وكمان جاي يشدني وتفلسف علي راسي وانته تقلي مبروك اشبك مازن ..
مازن : اعناب حتكلم معاكي بس مو في المستشفي طيب ..
ضربت الارض برجلها : لا مو طيب قولي هنا قول وخلصني ايش تبا تقول
مازن مو عازف كيف يجيبها : اعناب ارفضي وائل اذا ماتبي ولا تكبري الموضوع ..
اعناب تمسح عينها : ايوا ارفضو وبعدين .. انته تجي تخطبني ولا ايش ولا كيف يعني ايش النظام ..
مازن يميل فمو باسف : ماعررررف ..
اعناب تطل في وتحاول تطلع مزح من بين ملامحو الي الجديه تكسوها : ايش ..
مازن ضغطت علي نفسووو ومسك يدهاا بهدوء وجلسها علي الكرسي وجلس قدامها : اعناب ..
اعناب من شافت ملامح وشو اتوقعت انو الكلام الجاي مرا مو كويس عشان كدا رجعت دمعت عيونها : ايوا ..
مازن : ليش رحتي مع وهيب داك اليوم وكزبتي علياا .. ؟؟
اعناب بسرعه : والله قالي بس يبا يشوفني شويا ووهادا خالي لا تنسي
بقرف : خالكـ الي .. اوكي اوكي ما علينا ليش كزبتي علياا ؟؟
اعناب شدت علي يدو : اسفه والله اسفه بس ماكنت ابغاك تزعل ما كنت ابغاك كدا اشسمو مازن والله اسفه سامحني سامحني ..
مازن يسحب يدو من يدينها : اوكي مسامحكـ ..
: طيب مازن مازن وائل ايــ..
قام من قدامها وشال كم ملف في يدووو .. : وائل بني ادم خطبك تبي وافقي ماتبي لا توافقي انا مالي دخل واتوقعك فاهمه قصدي يا اعناب ..
اعناب شويا تخبل : لا لا مازن ايش تقصد ماني فاهمه يا مازن والله ماني فاهمه ..
مازن اتوجه لباب المكتب : نكمل كلامنا بعدين برة المستشفي يا اعناب ورجاء لا تجي وراياا .. واطلعي من المكتب في اسرع وقت ..
خلص كلاموو وقفل الباب ورا وترك اعناب تحاول تستوعب كلامو .. وتقنع نفسها انو مايقصد شي .. وانو بس مشغول .. وحيوضحلها كل شي بعدين ..









~~~~~~~~
A6baa fe al-7o0b
~~~~~~~~








صحيت من النوم والاكتئاب مليان في عينها .. وزياده علي حولم مال اهلو الداعي .. ياربي ايش حكاية الاحلام العبيطه دي الي تحلمها .. اوف اوف
قامت من السرير واتمغطت : اضغاث احلام اكيد اضغاث احلام ..
شالت جوالها من فوق الكمدينه وفتحتو .. لقت عدد كبير من المكالمات كتير منها من الرودي .. علي طول طلبت رقمو اداها مقفل ..
رمت الجوال وقامت علي الحمام . اخدتلها شور طويل .. ومارست الطقوس .. وخرجت عليها روب الحمام الاسود وبدندن اغنيه لفهد الكبيسي .. وسرحانه في رائد ..
شويا انتبهت لجوالها ينور .. لانو سايلنت .. راحتلو بسرعه وردت بدون ما تطل في الشاشه ..
: هلا حبيببببببببببببي .. وحشتني ..
جالها صوت ساهر : سلامات .. سكرانه الاخت ..
كشت علي السماعه : لا افاا بس حبيت اعتبرك زي بقيه الاخوان .. لكن ماينفع معاك وجع ايش تبا ..
: يالطيف علي الاخلاق التجاريه دي الي معاكي ..
: اقول من الاخر ايش تبا علي الصباح
: صباح مين يا همي ليلي ..
: يوووو ساهر خلصني بقوم البس ..
: ولا شي اسمعي زهاد هنا تباكي .. شوفيها في الصالوون ..
اهداب لانت ملامحها : يوو زوزو وحشتني الكلبه زمان عن خلقتها خليها تطلعلي غرفتي مافيا انزل مسويا نفسها ضيفه يعني ..
ساهرر : طيب طيب سلام ..
قفلت الخط من اخوها وراحت لباب الجناح فتحتو وتكت علي .. شويا الا شافت زهاد طالعه من الدرج .. خرجتلها وضمتها : يا كلبه الاكلبين وحش كصيرر
زهاد تبادلها الضمه .. : ماتشوفي وحش انتي كمان والله فينك ايش صاير عليكي فين مختفيه يا بنتي ..
اهداب عقلها يروح عند رائد : لا ولا شي موجوده انتي الي فينك ..
زهاد تتنهد : موجوده انا كمان بس صارتلي اكشنات اكتر شي .. وانته مانك جنبي ياشيخه فقدتك بين احداث حياتي الي صارت ..
: اما كدا حكي حكي ..
: طيب نتحكي في الممر يعني ولا كيف ..
: ههههههههههه لا لا حياكي ..
دخلو علي الغرفه وجلسو علي السرير واهداب بتنشف شعرها : ايش في يابنت اكشنات ايش اتكلمي ..
زهاد تتنهد : بعد وفاه بابا ..
اهداب باسف : الله يرحموو ..
زهاد متحسسه لدحين انو زهاد ما كانت واقفه معها في دا الوقت الي كانت محتاجتها في : وو امممم بابا تركلنا فلووس ياشيخه ما تتخيلي قد ايش ..
اهداب تنحت : اما ..
زهاد تقلب عيونها في غرفه اهداب : اشترينا فله جناحي فيها اكبر من جناحك ..
اهداب تضيق عينها : اما ..
زهااااد بحماس : وجبت سواق خاص لياا .. طبعا مو زي كيا لكن قريبا حجيب واحد زيوو ..
اهداب فاتحه فمها : اما ..
زهاد : وتخيلي قصي ايش اشتري سياره
اهداب مازالت متنحه : ايش ..
زهاد بحماس : اشتري الـ …
اهداب شهقت : تمززززحي ..
زهاد مو قادره تشيلها الارض من فرحتها : والله صرنا اغنياااء … تخيلي اسهم بابا في مؤسسه الــ .. تلاته ارباع .. يعني هوا لو النصيب الاكتر وكلها لنا انا وقصي .. تخيلي ..
اهداب ماهي عارفه تصدق : ياشيخه كيف كدا ..
زهاد تميل فمها : مات بابا من هنا وكل امورنا اتزبطت من هنا الله يرحموو
اهداب حست بحاجه مو كويسه في قلبها : اهاا
زهاد مسكت يدها بحماس وضغطت عليها : صرنا اغنيااااااء خلاص ماحطفشك من اليوم ورايح ولا حزعجك .. ونوروح الصالونات مع بعض وانا ادفع لنفسي .. ونروح نعمل شوبنق وانا ادفع لنفسي كمان وكل كل شي .. وحزري ايش ..
اهداب بدون اي انفعال : ايش ..
: بشتري كلب .. بس مو زي حقك بشتري شي واواوو .. وكدا اتنين
اهداب مو مستوعبه : اها يب يب حلووو ..
زهاد ما زال الحماس ماكلها : وتخيلي الصدمه ..
اهادب : متخيله
زهاد بانشكااح : كااااااااسررر بيخطبني وحيكلم عمي اليوم اليوم اليوم
اهداب لهنا وبس .. : اما كاسر خطبك
: لا لسا بس اليوم بيكلم عموووووو وان شالله كل شي يصير كويس ادعي معاياا ادعي ..
اهداب : ان شالله
زهاد تضرب رجلها : وخدي الصدمه التانيه ..
: ايش كمان
زهاد تحط يدها علي صدرها : هيثم كمان خطبني .. متخيله
اهداب بقررررف : هيثممممممم ايش يبا الكلب
زهاد :: للامانه من اتوفي بابا مرا اتغير معاناا .. بس انو يخطبني تاني دا اقوي شي ..
اهداب : لا مرا ينقلع مع نفسووو ..
زهاد : الله يستر ياشيخه مايسوي مشكله لكسوووور لما يكلم عمو وكيدا ..
اهداب : مالو دخل يولي ..
زهاد : مو انتي مو فاهمه توووووو صار موقف مالو داعي في المستشفي .. نسيت معطفي في سياره هيثم لاني جيت معا وجا يرجعلي هوا شافني واقفه مع كسور وكدا واضارب معا وانا اندسيت عنهم .. ولما فكو الامن بينهم خرجو برا اتصل عليا كم مرا مارديت وجيت لعندك عشان لا يروح يجني علي البيت وكدا .. وشوفيني مقفله جوالاتي .. ودحين مرا خايفه يصير شي لما كسور يروح لعمي وكدا ..
اهداب : لا انــ...
قبل تكمل كلمتها رن جوالهاا .. المتصل رائد .. رفعت الجوال لوش زهاد : الرودي خطيبي ..
زهاد جا دورها تتنح : خطبك
اهداب بكدب : ايواااااا كلم بابا ..
زهاد انشكحت : واااااو نتزوج اصحااااااب ..
اهداب : لا تتحمسي يمكن عمك مايوافق .. هههههههههههههههه
زهاد جات تعلق علي جملتها اشرتلها انو اوس .. وردت علي رائد : ايوا الرودي حبيبي ..
رائد معصب مرا : هدوبه شلونكــ ..
اهداب اتعجبت من نبرتو : انا مشغوله مع زوزو اشــ..
ما استنها تكمل كلامها قفل الخط في وشها .. اهداب مرا عصبت منو .. فتحت الرسايل وكتبتلو مسج .. [ حيوان ]
سيبت الجوال ولفت علي زهاد : ايوا ايش كونا نقول ..
زهاد : انو اشسمو رائد خطبك .. غريبه كاسر ما قالي شي ..
اهداب بكدب : اممم حتي انا رائد ما قالي شي .. بالمرهـ ..
زهاد : علي العموم مرا كويس .. الرودي مرا انسان كويس وكدا صح مو اكوس من كسور بس ينفعلكـ
اهداب : هههههههههههههههههه يب يب حتي اهلو يجننوو فاتوكي ..
زهاد خبطت رجلها : وربي انك وسخه .. بابا اتوفا ماجيتي ولا شوفتك حالتي كانت زفت ما سالتي .. كمان تنخطبي ويجو اهل زوجك وكل شي ولا تقوليلي نفسي افهم متي كنتي ناويه تقوليلي يعني ..
اهداب تحك رجلها : اخخ كونت حقوليك بلا ..
رجع رن جوالها والمتصل رائد ..
ردت علي : ايوا ..
رائد انفلت يسب فيهاا كل سبات الدونيااا .. واهداب علي الخط من كتر متنحه فكها طاح ..
رائد بعد ما فرغ ال في قلبو سكت ..
اهداب ببرود : طيب خلصت الي عندكـ ..
رائد : ايه
اهداب : طيب انا دحين مع زهاد .. كلمني بعدين ..
زهاد طلت في الساعه : لا لا مالو داعي انا خلاص حقوم
اهداب : فين حتروحي ..
زهاد ترفع كتوفها : .. بروح امر علي ايكيا وكذا مكان دامي فاضيه
: اها طيب اوكي ..
زهاد خرجت جوالها وكتبت ارقامها لاهداب : دي ارقامي الجديده نتكلم بعدين طيب ..
اهداب : اوكي ماشي ..
زهاد قامت وباست .. اهداب : يلا بالاذن ..
زهاد : اقفلي وراكي الابواب ..
: اوكي ماشي باي ..
خرجت زهاد واهداب رجعت للخط : ايوا رائد ..
رائد من طرف خشمو : نعم ..
اهداب : ممكن اعرف ليش معصب دحين وبتغلط واشبك قالب اخلاقك من كم يوم يا رائد ..
رائد : اتوقع انك راسله لي رساله بكل وقاحه تقولين حيوان ..
: اتوقعك قفلت في وشي ..
: اتوقع قلتي مشغوله ..
اهداب تتنهد : رائد اشبك من داك اليوم الي اشسمو تفتكر يعني وانته متغير
رائد : كونت محتاجك وقتها وبس واقفلي علي ذا السيره ممكن
اهداب بياس : اوكي
رائد : واذا ماتبين تخسريني لا عاد تجيبين طاري ذا الموضوع تاني ..
اهداب في قلبها لدرجه دي يعني : اوكي ..
رائد : دام صديقتك راحت اطعلي بسرعه ..
: انته فينك
: يعني شايفه صديقتك توها اطلعت من هني وين بكون يعني
اهداب وقفت بسرعه : انته عند بيتي ايش بتسووي ..
: شنو اسوي يعني باخذن نتقلع نروح اي مكان نسوي اي شي يطير ذا المود الخايس الي انا فيه ..
اهداب بسرعه : اها اوكي اوكي نازله لك باي ..
قفلت الخط ولبست عبايتها بسرعه .. ودقايق كانت في السياره عندوو : مسائوو ..
رائد : مسائوو
اهداب : علي فين
رائد : انتي الي وين تبين تروحين
اهداب بلا مباله : مافرقت اي مكان ..
رائد : اسف علي الي قلته اول كنت معصب حدي ومابوه حد الا انتي حتي كسور مايرد مادري وش فيه
: مافيه شي زوزو كانت عندي وقالت لي انو اليوم رايح لعمها يكلمو
رائد يضغط علي الطاره : مايمزرح ذا الكسورر .. شيحس فيه .. بيتزوج كذا بدون اهله وبدون ولا احد معه متوقع عمها بيرضي وكذا
اهداب ترفع كتوفها : كل شي جايز ليش ما يرضي ..
رائد : مابي اصير كذا .. بس جد اتمني ان عمها ما يوافق ..
اهداب تميل فمها : وانا كمان اتمني انو ما يوافق ..
رائد لف عليها بتعجب : ليش ..
اهداب ترفع رجولها وتتربع : ماعرف مقهوره .. زهاد انا كنت احتقرها وصاحبتها بس لان ما كنت القا صحبات وهيا كانت منتفه ومعدومه .. صاحبتها عشان احس معاها اني احسن منها طول الوقت .. صح اتغير كل دا مع الوقت وصرت احبها كصحبتي .. لكن انها تصير احسن مني في كل شي دا الشي مو عاجبني ..
رائد اندهش من تفكيرها : لا تصيرين حسوده اهداب ..
اهداب تهز راسها : لا لا مو حسوده .. بس انو زوزو صارت غنيه علي قولها .. ودحين حتتروج كاسر .. وانا كدا ولا شي ولا جديد زي ما سبتوني من عشره سنين ترجعو بعد عشره سنين تلقوني زي ما انا .. مو حاله ..
رائد يكشر : معقوله تفكرين كذا .. علي الاقل ما ابي كسور يتزوج لاني حيل احبه .. اما ماتبينها تتزوج عشان كذا شنو تحسين ..
اهداب لفت علي : خلاص اقفل الهرجه وقلي
: شنو
: امممم رائد لا تقولي لا تفتحي الهرجه دي لان لازم افتحها .. الي صار قبل كم يوم هنا في السياره مو قادره انساا ..
رائد يتافف : اوكي لا تنسيننه انتي شنو يا اهداب ..
اهداب :مو مصدقه كلامكـ ..
رائد : موب لازم تصدقينه .. قلت لكـ .. كنت محتاج اثبت لنفسي شي واثبته شنو بعد ..
اهداب : اممممم طيب ليش ما تخطبني وكدا ..
رائد داس علي الفرامل فجئه وخبطو هما الاتنين ..
رائد : ايش شنو تقولين ..
اهداب حست انو الكلمه مرا مرا مرا قويه .. بلعت ريقها : احم ولا شي ما قلت شي ماقلت شي ..
رائد طل فيها كدا من فوق لتحت : ها احسب ..
اهداب بطنها مغصتها .. ولعنت نفسها مليون مرا كيف اتهورت وقالت كلمه زي كدا ..
كاسر رجع مشي ويحاول يقنع نفسو انو ماسمع كلمتها .. الي هوا في الحقيقه سمعها بوضوح ..
ميل راسو علي جنب .. اخطبها .. من جدها دي .. صح اصحاب صح حلوين .. صح فكرت انو ممكن علاقتنا ممكن تطور .. بوت نو وي ..
وصلو عند المطعم الي اتعودو يتغدو في من فتره ..
نزلت اهداب وحاضنه شنطتها وهيا ساكته .. مرا متحطمه من ردة فعل رائد علي كلمتها .. ايش يحس كنها كفرت .. مجرد كلمه .. ما تستحق انو يوقف بدي الطريقه ويفجعها ..
اخدولهم طاوله علي الشارع زي ما هما متعودين ..
كل واحد شال المنيوو .. وطلب .. الي في خاطرو ..
جلسو ساكتين يستنو الطلب وكل مين بالو يدور في نفس الافكار تقريبا لكن من زوايا مختلفه ..
رائد حس انو ما يقدر يتجاهل الكلمه الي قالتها ..
واهداب تحس انو الكلمه ماهي بداك السوء .. وكان يقدر يرد عليها بدل ما يسوي انو ماسمعها ..
فجئه اتكلمو هما الاتنين ..
: اسمعني
: سمعيني
اهداب : قول قول اسمعك
رائد بسرعه : لا لا انتي قولي ..
اهداب : لا لا انته قول
رائد : لا لا السيدات اول ..
اهداب : يوووو قول ايش تبا تقول رودي ..
: انا ما اقدر اتزوجك اولا عشان اهلي .. وثانيا عشانك انتي ..
اهداب بلمت : ايش ؟
رائد : حنا اصحاب وبس .. وحلوين وكل شي .. وما انكر اني بيوم من الايام فكرت لابعد من كذا .. بس الحين اقتنعت انو انتي صديقتي وبس .. عشان كذا قلت اقولك عشان لا كذا تحسبين انو احس شي او شي ناحيتك .. ومثل ما قلت لك الي صار قبل كم يوم باسياره وكذا ناتح عن الي كان فيني وبس .. اوكي ..
اهداب مرا ما عجبها الكلام وحست باحباط قوووي .. ايش العيب دا الي فهيا .. كل ما يخطبها احد يسيبها .. كل ما يعرفها ولد يقلها بس صحبات .. كل ما تحب احد ينسحب من حياتها .. لي حظها كدا ليش .. ؟؟
طبعا خبت المشاعر دي كولها خلف ابتاسمه : اوكي اكيد .. ولا تفهمني غلط انا بس كونت بساعدك وكدا ..
رائد .. : اكيد وانا مارح انسي الي سوتيه معايا ابد ..
اهداب : وحنضل اصحاب اكيد
مد لها اصباعو الصغيرر : اكيد والي قلناه ما يغير ولا شي زين ..
تتصنع ابتسامه سعيده بدقه .. : اكيد
شويا وصل الطلب حقهم .. وجلسو ياكلو ويتونسو ويحشوو ويضحكوو
ورائد مبسوط انها اتقبلت كلامو .. وواضح انو ماكنت تقصد كلمتها الا عشان المساعده بالفعل ..
واهداب .. صح بتضحك .. لكن جواتها بتبكي ..






~~~~~~~~
A6baa fe al-7o0b
~~~~~~~~

اياد دخل البيت عند نياررر .. وجلس ينادي عليها بصوت عاالي
: نيااار نونه .. نووووونتي .. نيااار فينكـ ..
نيار نزلت جررررري وهيا مبسووووطه : اياااد انته هناااا …
اياد : ايوا ايوا حبيبي
نيار فردت يدها تضموو : اتاخرت ليش ..
اياد اتجاهل ايدينها المفروده : الكفر بنشر عليا وعلي ما اصلحو واجي وكدا اسمعي اسمعي .. دقيتي علياا .. ؟؟
نيار بتعجب : لا من قفلت الخط بعد ما كنتو انته واسراء
تميل فمها : احم احم كنتو بتضاربوو .. ما عاد اتصلت تاني استنيتك تتصل ..
اياد اتنهد براحه : اووووووف ياربي الحمد لله
نيار بتعجب : ليش ايش في ..
اياد رمي نفسو علي الصوفا وفركـ وشو بقوهـ .. : اوف ياررربي ..
نيار تهزووو : يوو ايش في ..
اياد التفت عليها : حضرتك لما قفلتي الخط اسراء اتنبهت للجوال وشكلها لقطت الاسم كمان .. وماعرف كيف اخدت الجوال مني بدون ما انتبه
نيار ترفع حواجبها بدهشه : اخدت الجوال يعني دحين جوالكـ معاهاا .. ؟؟
اياد يزفر بطفش : ايوا هوا دا الي احاول اوصلكـ هوا ..
: طيب اتصلت كلمتها سويت شي
: كيف اكلمها وجوالي معاهاا .. وبعدين خفت تكوني كلمتيها وعرفت كل شي
نيار تحط يدها علي وسطها : مصيرها تعرف كل شي يا اياد .. ايش تحسب ..
اياد يفرفر شعروو : مصيرها تعرف اوكي بس مني مو تعرف بطريقه تانيه وتزعل مني ويمكن تطلب مني اطلقها دي سرورتي واعرفها
نيار مرا انقهرت من طريقه كلامو علي اسراء : اها طيب .. وفين جوالك التاني ان شالله
اياد ناسي بالمره : اها صح فينو عندك موو ..
نيار تشمق : ايوا اتوقع
اياد فز : صح جيبي جيبي بسرعه .. خليني اكلمها ..
نيار وفجئه مرا مقهوره من اسراء : طيب اوكي ..
راحت للغرفه وثواني رجعتلو في يدها الجوال رمتو جنبو وهيا متنرفزه : خد
اياد .. ولا انتبه انها معصبه ومتنرفزه ومضايقه ولا جايب خبرها .. طلب رقم اسراء بسرعه واتنهد
رنين متقطع وبعدين جالو صوتها هادي جدن وطبيعي .. :ايوا
اياد يتنهد : سرو حبيبي
اسراء : ايوا حبيبي معاكـ
: كيفك ايش مسوياا ..
: تمام
يسوي انو دوبو فقد الجوال : الحمد لله اممم اسمعي شوفتي جهازي الــ مني لاقي .. اخر مرا لما كان في المطبخ ماعرف انتبهتي او شي ..
اسراء والدمعه في ركن عينها : ايوا معاياا ..
اياد يعني انو ارتاح : اها كويس .. ايش ودا معاكي ..
اسراء تتصنع زيو : بالغلط شلتو ..
اياد عارف انها جالسه بتسوقها علي زي ما جالس بيسوقها عليها : طيب ..
اسراء : فينك حبيبي ..
اياد طل في نيار .. وبعد عنها : في البيت سرو ليش تبي شي ..
: لا لا ولا حاجه ..
: اوكي كونت بطمن علي جهازي كويس انو معاكي ..
اسراء : ايوا معايا اطمن تبا شي ولا ..
: لا تسلمي ..
: طيب مع السلامه ..
قفل الخط منها واتنهد بارتياح .. ونياررر تطل في وقد ايش كان متوتر وخايف انها تعرف وتزعل .. اجل كيف حيقولها ..
اياد التفت علي نيار ولما شافها مايعرف ليش حس باحساس خايس .. وقف ونفض ملابسوو : نونه انا بمشي طيب
نيار وقلبها يغلي : طيب اجلس شويا ..
: لا لا مايمديني بروح اشتري حاجه لسرو وكيدا .. شكلها حاسه انو في شي وزعلانه وغير انها عرفت عن المنوم زي ما سمعتي ..
نيار تهز راسها وتحاول تكتم القهر الي في قلبها .. : طيب ..
اياد قرب منها وباس راسها بخفه : يلا اشوفك علي خيرر ..
نيار : اياد انا استني اسراء تروح دوامها عشان تجلس معاياا .. ودحين هيا في الدوام وانته رايح .. طيب تقدر تشتريلها اي شي وانته راجع مو لازم من دحين
اياد التفت عليها : دي سرو يانيار ..
نيار تحاول بشتي الطرق ماتبين شي : اوكي هيا مرتك وانا كمان ..
اياد : حكلم اسراء وحفهمها وضعنا ومن بعدها .. كل شي حيكون تمام انتي اصبري
نيار : لين متي .. دحين من متي انا صابره .. متي حتقلها كل يوم بكره كل يوم بوكرا كل يوم بكرا ..
اياد بلا مباله : لو اقولها بعد سنه ما ابغا اصدمها وابغها تتقبل وما ابغها تتخلي عني وكدا .. حستني الوقت المناسب وحقولها اوكي لا تنقي علي راسي يا نيارر ..
نيار تلف وشها وتقلب عينها تحاول تمنع الدموع من النزول : اوكي روح
اياد : ما كان قلتي كدا من البدايه بدل النق دا .. يلا سي يو تيك كير اقفلي الباب ..
خلص كلامو وخرج من الفله بدون ادني اهتمام لنيار ومشاعرها واحاسيسها ودموعها الي فلتت من يوم قفل الباب ..
ماتدري ليش حست انها تبا تقتل اسراء وتفتك منها ..
شويا هزت راسها .. لا لا القتل ما حيفيد .. خليها تقهرها ايوا تقهرها هادا هوا الحل ..
في لحظه غضب والنفس اماره بالسوء والشيطان يرش ملح من كل مكان .. شالت جوالها وطلبت رقم اياد ..
اسراء جالسه وبطل في جوال اياد في يدها وسرحانه فيلو وفي مكالمتو الي كان واضح انو وراها حاجه .. اخ بس ..
رن الجوال في يدها وقطع عليهاا .. سرحانها ..
طلت في الشاشه بعدم تصديق لما شافت المتصل نونا .. : !!!!!!!
ماكنت تبا ترد .. ماحبت ترد .. احساسها قالها في نكد من ورا المكالمه دي ..
لكن في نفس الوقت ما قدرت تقاوم وتعرف كل شي ..
حطت الجوال علي ادنها وبلعت ريقها : ايوا ..
نيار تبتسم بخبث .. : اسراء
اسراء علي طول عرفت صوتها.. وجاها احساس خايس جدن : ايش تبي .. ؟؟
نيار : بس كونت بوفر علي اياد الي مو قادر كيف يقولك هيا .. لكن انا حختصر
اسراء ترمش وساكاته : …........
نيار : اوكي من الاخر .. انا حامل .. واياد ما طلقني .. ولا حيطلقني .. وانا في جده .. في فلتنا الجديده الي شوفتيها معانا .. اوكي .. اتمني انك ماتعصبي علي اياد .. لانو ما بيدو شي .. مو هاين علي بنتو ولا ولدو يتربو بعيد عنوو
اسراء حاولت بشتي الطرق تكدب الي سمعتوو .. : طيب
نيار : ها توصي شي ترا اياد دوبو خرج من عندي ..
اسراء قفلت الخط وطلبت رقم اياد بسرعه .. : الوو
اياد : هلا سرو حبيبي
اسراء : انته ما طلقت نيارر .. ؟
اياد اتلبكـ : سرو حبيبي نجلس ونــ ..
اسراء تقاطعو : نياار حامل .. ؟؟
اياد انجلط كيف عرفت كل دا : سرو سرو اسمعي انا دحين امرك المستـــ...
: لا تمرني ولا امركـ يا اياد .. نيار حامل جاوبني ..
اياد : ايوا ايوا بس اســ ..
اسراء ضاغطه علي الجوال بكل قوتها : مارح تطلقها صح
: الا الا حطلقها بــ...
: لا تكزب طيب …
قفلت الخط ورمت الجوال بقوه علي الارض .. وحطت راسها علي الطاوله قدامها وانفلتت بكاا بقهرر ..
صارت تبكي من كل قلبهاا .. ليش حبتوو بعد ما اتزوج .. لي مرتو صارت حامل .. ايش حتسوي دحين ..
موستحيل تسمح انو احد يشاركها في ايااد .. ومستحيل تتخلا عنو .. صارت مو بس تحبو .. تتنفسو كمان .. ايش حتسوي في حياتها دحين ايش حتسووو ..
حست باحد يهز كتفها : اشبك اسراء
رفعت راسها وشافت هدي مغبشه من قوه الدموع : لا ولا شي .. ولا شي
هدي تمسد علي كتفها : اشبك بتبكي كدا اشبك اسراء ايش صاير ..
اسراء دفت يد هدي عن كتفها وقامت : قلت مافي شي ..
خرجت من القسم وهيا تشهق وتمسح دموعها باطراف حجابها الملون .. لين وصلت لقسم اعناب .. وجلست تدور عليها ماهي لاقيتها ..
حسام انتبه لها وعيونها منفخه وخشمها محمر من البكي .. راح لعندها بدون نقاش .. : اسراء
اسراء من شافتو حاولت تمسح دموعها الي بتنزل غصب عنها : اهلا دكتور حسام
حسام يميل راسو : اشبك اسراء ايش صاير ..
اسراء تتحاشاا تطالع في ماتبا يشوف دموعها : ولا شي فين اعناب شفتها شفت دكتورا اعناب ..
حسام : اعناب جوا في الممر دال من اول جالسه هناك ماعرف ايش بتسوي الموهم انتي قوليلي اشبك
اسراء بعدت عنو : قلت ولا شي شكر لسؤالكـ دكتور حسام
لفت ودخلت علي القسم وبالفعل شافت اعناب جالسه وشها ناشف وعيونها محمره ووواضح وضوح الشمس انها بكيانه الين خلاص ..
جلست جنبها وبدل ما تشكيلها سالتها : اشبك اعناب ..
اعناب بس هادا السؤال الي تبا عشان دموعها ترجع تدحدر من تاني : مازن يا اسراء مازن ..
اسراء : بسم الله اشبوو ..
اعناب : تخيلي وائل خطبني ومازن عادي يقلي تبي توافقي وافقي ايش يقصد مادري ايش يقصد اسراء انا مرا ابغا ابكي ترا .. مرا ابغا ابكي
اسراء ضمتها وطبطبت علي ضهرها : ابكي ابكي .. ياشيخه ابكي ..
اعناب بالفعل جلست طلعت كميه من الدموع لا باس بيها لين رجعت هديت .. بعدت راسها عن حضن اسراء ورفعت المنديل الي خلاص اتقطع ومسكت عيونها وخشمها الي محمرين الين خلاص ..
اسراء : هدي نفسكـ خلاص ..
اعناب تهز كتوفها : لا ايش يقصد مازن ايش يقصد يارررربي ما شبعت بوكا ابغا ابكي الين خلاص ..
اسراء : لا لا لا تبكي انا الي ابغا ابكي .. اياد ما طلق نيار .. ونيار حامل .. ؟؟!!
اعناب نسيت مازن ووائل لثانيه وشهقت : حامل ..
هنا اسراء هيا الي بكيت لان الكلمه من فم اعناب مرا غير وزكرتها بالواقع المرير : ايوا حامل واياد طول دي المده مخبي عني .. وتوها نيار كلمتني وقالت لي علي كل شي تخيلي
اعناب مرا انقهرت بزياده : الحقيرر الكلب .. ليش يسوي كدا ايش يحس ..
اسراء دموعها تفرفر : ماطلقها يا اعناب ما طلقها اياد مو حقي لحااالي .. اياد حيجيلو بيبي منها ايش اسوي مني عارفه .. ما اسمح لوحده تشاركني في .. وما اقدر اسيبو ايش اسوي .. والله لا اقتل نيار اخر شي هيا والي في بطنها وربي حقتلهم ..
اعناب ضمت اسراء المره دي وصارت تبكي معها ..
وحالتهم صعبه هما الاتنين ضامين بعض وكل وحده تبكي وتشهق من قلب ..
دخل حسام علي الممر لان اللقافه لاعبه في حسبتو .. ومن شاف منظرهم كدا .. حزن لثانيتين وبعدين علي طول ضحك
خرج ونادا مهند وكاسر ووائل ..: الحقو البنات مسوين مناحه
مهند : اي بنات
حسام : يو تعالو شوفوووو ..
قامو الشباب وراحو للمر وصارو واقفين يتفرجو عليهم كيف بيبكوو ..
كاسر التفت علي حسام : وش ذا التفاهه الي معكـ .. قاعد يصيحون شنو يعني
حسام : وربي يحزنو احد يسويلهم شي ..
كاسر يمشق : اطلعو من عندكم بس عيب الي تسوونه ..
لف وسيبهم .. رجع للكونتر وهوا يتنهد ويفكر في زهاد .. وكيف حيسوي دحين حاسس نفسو مشوش لابعد الحدود ..
دخل علي القسم اياد .. وجلس يتلفت .. : السلام عليكم
كاسر طل في : وعليكم السلام ..
اياد : اشسموو شوفت ممرضه كدا .. سمرا بيضه لا اقصد بيضه طويله لابسه حجاب ملون كدا .. الممرضه هناك قالت لي انها هنا ..
كاسر يفكر في الموصفات : اسمها اسراء
اياد بسرعه : ايوا ايوا ايوا اسراء
كاسر ميل فمو بشبه ابتسامه .. واشر علي الممر : هناك بالممر ..
قبل كاسر يكمل كلامو اياد لف علي الممر .. وشاف اسراء علي الكرسي وضامه اعناب
راحلها بسرعه : سرو حبيبي
اسراء من سمعت صوتو لفت علي : اياااد ..
اعناب من قوه عصبيتها صرخت في : ايش جاي تبا كمان ..
اياد : ؟؟؟؟!!!!!!!!!!!
مهند يدق كتف حسام : مين دا كمان
حسام : زوجها زوجها تخيل
مهند بصدمه : اما كدا ..
وائل معصب : اشلها دخل اعناب تصرخ في الرجال ..
حسام : انته اشلكـ شغل . تصرح ولا ماتصرخ
وائل بدون مايطل فيهم : خطبتها ..
حسام ومهند : ؟؟!!!!!!!!!!!
اياد يمسك اسراء من يدها : قومي معايا نتكلم ..
اسراء سحبت يدها بقوه : اتركني ماني رايحه مكان ابعد عن وشي يا اياد ترا معصبه منك مرا
حسام يكشر : وااال ..
مهند : طبعا بزر تصرخ علي واكتر من كدا ..
وائل : شوف مين يتكلم ابزر واحد هنا ..
اياد يحاول يهدي نفسوو : اسراء الناس بتتفرج امشي معاياا نتفاهم
اعناب : اترك يدها ماحتروح مكان يا خاين
اياد يرفع حواجبو : اعناب ما بتكلم معاكي ممكن
اسراء تحاول تسحب يدها : اياد اتركني لا تخليني اصرخ
اياد مرا عصب بسب نظرات الموجودين : امشي لا تخليني اعصب ..
اسراء تسحب يدها : اتركني يا اياد اتركني اتركني
اياد شدها بقوه ووقفها : قلت حتمشي معايااا ..
اسراء ضربت صوت تصرخ ..
مهند ووائل وحسام واعناب وكل الموجودين اتفاجئو من صرختها .. وانفجعو كمان ..
اياد رفع يدو ونزل بيها علي وشها باقوي كف صدا جلس يرن في الممرات ..
مهند شهق : ووال ..
حسام : مو بزر طلع ..
وائل بيطل في اعناب وبالو مو معاهم ..
اسراء سكتت وبلمت اياد مد يدو عليها قدام الله وخلقووو .. اياد فاهم طلاتها : قلت لكـ لا تخليني اعصب ..
خلص كلمتو وسحبها معا بالقوه وخرج من الممر الي الناس واقفين فيلو بيتفرجو من زود اللقافه ..








~~~~~~~~
A6baa fe al-7o0b
~~~~~~~~









الساعه 6:30 بتوقيت جده حقناا .. >> ؟؟!!
جالسه علي الكرسي وحاطه راسها علي السرير جنب ماجد ورايحه في ستين نومه .. وعاقده حواجبها بطريقه تثبت انو واقعها المرير لاحقها حتي في نومها ومنكد عليها ..
اندق باب الغرفه دقات خفيفه .. وتسنيم فزت من نومتها وهيا مفجوعه ..
عدلت حجابهاا بسرعه وبعدت عن السرير .. : اتفضل ..
انفتح الباب ودخل ممرض واتعجب من وجودها : السلام عليكم ..
تسنيم وقفت وعدلت معطفها : وعليكم السلام ..
الممرض يطل فيهاا ويضيق عينوو : امممم انــ ..
تسنيم بسرعه : ايوا خطيبه الدكتور ماجد ..
رفع حواجبو : اهاااا ايوا طيب ممكن تتفضلي عشان
قاطعتو بعد ما طلت في الساعه : ايوا ايوا اكيد اتفضل انا كونت خارجه اصلا ..
خلصت كلامها وخرجت من الغرفه وهيا متعجبه من نفسها .. كيف قدرت تنام كل دا الوقت بدون ما تحس .. خلص الدوام من زمان .. ولا سجلت خروج ولا شي ..
اتوجهت للغرف الخاصه فيهم .. لبست عبايتها بسرعه وشالت شنطتها واغراضهاا .. ونزلت متوجه للمكت عشان تسجل خرووج ..
رن جوالهااا .. طلت في الشاشه واتاففت لما شافت انو المتصل بهاء رجعت الجوال في جيبها بلا مباله .. وراحت سجلت خروج ..
ورفعت الجوال لادنها واتصلت علي السواق الي لقت منو كم مكالمه والي اكيد جا واتلطع لين خلاص
: الوو ..
: معليش انته فينك
: انتي الي فينكـ .. ؟؟
: انا معليش سبت جوالي وانشغلت عنو وكدا تعالي ممكن ..
: اوكي اوكي
: طيب لا تتاخر شوكرن
: ماحتاخر بس مسافه الطريق العفووو ..
قفلت الجوال من هنا ورجع رن علي طول .. ردت علي بهاء وهيا تتافف .. مرا مقهوره منوووو : ايوا ..
بهاء يتنهد : تسنيم فينك من اول بتصل عليكي ..
: ايش تبا ..
بهاء يلعب في ازارير قميصوو : ولا شي ما عديتي عليا قبل تخرجي من الدوام كالعاده فمرا قلقت ..
: ما مريت عليك عشان كلامك البايخ الي قلتوو
بهاء يرفع حواجبوو .. ليش كلامو عصبها لدا الحد : طيب اسف اوكي ..
: طيب اوكي تبا شي ..
: ايوا ..
: ايش ..
: اممممممم انتبهي لنفسكـ ..
تسنيم .. حست انها شريره بتكلمو بدي الطريقه وهوا بيكلمها كدا : يوووو طيب دحين حمر عليك
بهاء بندهاااش : ايش تموريني .. فينك انتي ماخرجتي من المستشفي ..
تسنيم تتنهد : لا اخدتني نومه ..
بهاء صلح جلستو بحماس : طيب طيب استناكي ..
قفلت الخط .. ورزعت الجوال في جيبها اتوجهت لغرفه بهاء وقفت عند الباب زبطت حجباها ودقت الباب دقتين خفيفه : بهااء انا جيت ..
بهاء : اتفضلي اتفضلي اتفضلي اتفضلي ..
ضحكت غصب عنها اشبو علق البني ادمي .. خشت والابتسامه علي وشهاا : السلام عليكم ..
بهاء ارتاح لما شاف ابتسامتهااا : ياارب دوم ..
تسنيم سحبت الكرسي وجلست : كلمك الدكتور قالك شي ..
: ايوا ايوا خلاص حطلع اليوم .. يمكن علي عشره عشره وحاجه ..
: اها مرا كويس ..
بهاء يمسك جنبوو : تسنيم كل دا بفضل الله وبعدين انتي ..
تسنيم تلوح بيدها : لا انا ماسويت شي ..
: طيب اسفه علي كلامي الي اول بس انتي ما فهمتيني .. انا قصدت انو مــ…
رفعت يدها : خلاص اقفل الهرجه بهاء ما ابا اسمع شي خلاص ..
بهاء يميل فمو : طيب ..
وقفت وسفطت المعطف : يلا اول ما تخرج بلغني طيب ..
بهاء : طيب طيب دقيقه تعالي ..
تسنيم قربت خطوتين : ايش في ..
بهاء مد يدوو وخرج من المزهريه تلاته وردات صفره ومدلها هيااا : خديها ..
تسنيم : امااااا .. ؟؟؟
بهاء يضحك علي تعبير وشهاا .. : لا لا يعني استنيني اطلع من المستشفي وقتها حزبطلك هديه تعجبك ان شالله دحين دي تمشي الحال ..
تسنيم وقفت طلت في لثواني وبعدين اتقدمت واخدتها منو : شوكر ليكـ ..
بهاء يفرفر شعرو : لا لا مافي داعي تشكريني وكيدا ..
تسنيم ابتسمت : طيب مو شوكررر .. يلا بهاء بالاذن بعدي علي ماجد والسواق علي وصول .. اول ما تطلع بلغني ولو احتجت شي كلمني اوكي ..
يبتسم لها : اكييد ويمكن اكلمك لو ما احتجت شي ..
بتهديد : لا تحاااول ..
فتحت الباب وجات تطلع الا صدمت في براء .. رجعت خطوتين ومسكت جبهتها : اخخ ..
بهاء : تسنيم انتي هنا ..
تسنيم طلت في لثواني .. ولفت تطل في الي علي السرير .. وشويا شهقت : برراء ..
براء علي السرير ميت ضحك : ههههههههههههه والله ماعرفتني ..
بهاء يطل في الوردو في يد تسنيم : ايش دا تسنيم ..
تسنيم عصبت من حركة براء خشت ورمت الورود علي : سامج ..
بهاء استوعب وكشر ملامحو : مرا سامج ..
تسنيم تطل في بهاء .. وتتاكد من الكلام الي قالو براء .. : حتطلع اليووم ..
بهاء ببتسامه : ايوا عشان كدا جا التور دا ..
براء : يا حمار زبطتك وخليتها تسامحكـ واديتها ورود وتقول توررر …
بهاء يحط يدو علي كتف تسنيم ويطلع بيها علي برا : وستين تور سامج ..
قفل ورا الباب .. وتسنيم جلست تحرك كتوفها لين نزل يدو : امسحيها بوشي ..
تسنيم تتافف : ليش ما افرق بينكم يا اخي تالت مرا يسوي فيا الحركه دي ..
بهاء : مشي حالك اخويا وسامج ايش اسووي ..
: يلا مو مشكله .. انتبه لنفسك واول ما تخرج كلمني طيب ولو احتجت شي كلمني
بهاء اتقدم بخفه وباس جبهتها بسرعه وبعد : تسلمي ان شالله وانتي كمان انتبهي لنفسك
تسنيم رمشت كم مرا وحاولت تعصب بس ايش تستفيد .. كم مرا تعصب وتزعل مع ذالك ما بطل يبوس جبهتها .. لفت عنو بدون ما تهرج حتي ..
خرجت من القسم واتوجهت لغرفه ماجد .. تودعو زي ما اتعودت و توعدو انها حتكون موجوده بكرا وانها ما حتتاخر علي ومن دا الكلام ..
وصلت للغرفه واندهشت لما شافت مجموعه من الممرضين والدكاتره عند الباب وجالسين بيتودودو مع بعضهم .. من شافوها سكتو كولهم وصارو يطلو فيها كنها كائن فضائي ..
تسنيم حست انو في انه قبل ما تفتح فمها . اتقدم لعندها واحد من الممرضين وعلي فمو ابتسامه : خطيبك صحي .. دكتور ماجد فاق ..
تسنيم من قوه الفرحه صرخت : لااااااا ..
الممرض انفجع وبعد عنها خطوتين ..
تسنيم طبعا ولا هي عندو اتوجهت للباب عشان تدخل .. بس منعوهاا : معليش بيجرولر بعض الفحوصات وكدا ..
تسنيم حست انو الفرحه مو شايلتهاا .. جلست علي وحده من الكراسي .. والممرض نفسو جا جلس جنبهااا .. : من يوم ما طلعتي من عندو قبل شويا صحي ..
تسنيم ندمت اشد الندم انها ما استنت دقيقتين او تلاته .. ولا كان اول ما صحي لقاها قداموو .. رفعت عينها علي الممرض : انته السبب ..
رفع حواجبو : ايش ..
تسنيم : لو ما جيت انته وقلت شغل وما اعرف ايش لو كنت معا اول ما يصحا ..
اكتفا بانو يطل فيها وهوا ساكت ايش يعلق يقول بالله ؟؟
تسنيم اتجاهلت طلتو : ايوا وبعدين ..
: اممممم جلس بيطل وهوا مفجوع اول ما صحي عشان كدا .. طلبت الدكتور ودحين بيسويلو فوحصات وكدا ..
تسنيم : اتصلتو علي اهلوو اتصلتوو .. ؟؟
: لا بس اكيد حيبلغوهم دحين .. الحمد لله علي سلامتو انفجعنا علي كلونا ..
تسنيم تقرب وشها للممرض : انته تعرفووو ..
رفع رجل علي رجل : انا ليا في المستشفي سبع سنين اكيد اعرفووو ..
جا دور تسنيم ترفع حواجبها : اها سبعه سنين اول مرا اشوفك اليوم ..
: اها انا شوفتك من اول يوم تدريب وكيف كنتي خايفه من كل شي ..
وشها اتلون وهيا تتزكر كيف كانت وكيف صارت .. ياتري تنبسط ولا تزعل .. ؟؟
وهيا في عز افكارها انفتح باب الغرفه وخرجو الدكتورين مع الاستشارين وبيهرجو بالانجلش .. وبعدو عن الغرفه .. طبعا تسنيم مافكرت تلحقهم وتسالهم عن اي شي بس همها ماجد ..
قامت بسرعه وخشت الغرفه مع الممرضين والدكاتره الي خشو يحمدو لماجد علي السلامه .. ويفجعووو بالمره ..
بالقوه وصلت لسرير بين الحشكات ..
ماجد متمدد يقلب نظراتو بينهم بتناحه .. تسنيم لاحظت قد ايش هوا مرهق .. والدكاتره والممرضين بيبربرو علي راسوو ..
فجئه صرخت : ببببببببببببببس اصواتكم بس ..
كولهم سكتو والتفتو عليهاا : ؟؟؟؟؟؟؟؟
تسنيم تاشر علي الباب : اطلعو .. واحد واحد يدخل يحمد .. لا تفجعوو .. ولو سمحتو احد يروح يتصل علي اهلوو ..
علي نفس طلتهم وتعجبهم : ؟؟؟؟؟؟؟؟؟؟
تسنيم انتبهت انها بتكلم ناس اكبر منها ورجال باسلوب كنهم عيالهاا .. رخت راسها وتمتمت : اسفه بس يعني ماجد ازعجتو
حسو علي دمهم وكل واحد رمي كلمه وكلمتين لماجد وبدو يطلعو من الغرفه بدون ما يستنو يرد عليهم ..
ثواني فضيت الغرفه الا من تسنيم الي ما صدقت علي الله جلست علي طرف السرير .. والابتسامه مغرقه ملامحهاا : ماجد حمد لله علي السلامه .. وربي مرا كتير كنك في غيبوبه شهر ..
ماجد طل فيها بتعجب : مين انتي .. ؟؟
تسنيم تنحت بلمت .. شويا جالها احساس بالاحباط .. : موستحيل ..
اتزكرت الدكاتره الي كانو عندووو .. لفت وخرجت من الغرفه جررري .. لقتهم لسا في الممر بيمشو ويتلكعوووو .. وقفت قدامهم : دقيقه دكتور دكتور انا خطيبه الدكتور ماجد ..
الدكتور الاجنبي : سوو وات ..
تسنيم بدهشه : واتس رونق وذ هيم ..
الدكتور المصري : والله يا حببتي .. دا الدكتور معا فقدان ذاكره كلي .. بنسبه 50٪ يعني احتمال روجوع الذاكره لوو 50٪
تسنيم : ؟؟؟؟؟؟!!!!
الدكتور : علي العموم احنا دوت حنكلم اهلو وحنبلغهم .. تامري بحاقه حضرتكـ ..
تسنيم ساكته وترمش بفهاوه .. : ………..
الدكاتره عارفين انها مصدومه .. ومتعودين علي ردات الفعل دي عشان كدا مشيو وسيبوهاا ..
تسنيم تحاول تتحرك مو عارفه .. ايش يعني فقدان ذاكره كولي .. يعني ما حيتزكر ولا شي .. لا عنها ولا عن اهلو ولا عن شغلو ولا عن شي .. كيف نسبه خمسين .. يعني احتمال ترجعلو الذاكره كمان خمسين ..
يعني ماجد خلاص .. دحين انسان جديد بدون ذكريات .. يعني ماجد مايعرفها ولا يعرف انها خطيبتو ولا يتذكر قد ايش هوا يحبهاا ..
دموعهاا فرت خلاص .. صارت تمسحها بقوه وتمسح خشمها .. شويا صارت تبكي بصوت .. : ماجد موستحيل .. ماجد ..
رن جوالها وماقدرت حتي ترد علي المتصل .. هيا مصدومه صدمه عمرهاا .. والي هيا فيلوو دحين مرا كتيرر ..
بعد ما بكيت وطلعت كل الي في نفسها .. قامت .. وراحت علي الدبليو سي .. غسلت وشها كم مرا .. ونزلت اشترت باقه ورد من الاستقابل .. وطلعت لماجد الغرفه ..
لقت بهاء عندوو جالس علي السريررر بيكلموو .. استغربت : بهاء انته هنا ..
بهاء طل فهيا : انتي مارحتي .. كونت بتصل عليكي اقلك انو ماجد صحي ..
تسنيم عيونها رجعت دمعت .. : ايش بتسوي هنا ..
بهاء وقف ومشي لعندها .. : اتصلو عليا عشان رقمي كان عندهم ماعرف مين حطوو .. ؟؟ الموهم
طل في ماجد ورجع التفت علي تسنيم : فاقد الذاكره يقولووو .. ما يتزكر ولا شي ولا شخص ولا حاجه .
تسنيم الدموع رجعت فرت : ايوا ايوا ..
بهاء يهديها : اذكري الله يا تسنيم مافي داعي للبكا ..
تسنيم تشهق : خمسين في الميه يعني ماعاد حترجعلو الذاكره الا بمعجزه .. يارربي ياررربي
بهاء ضمها لووو ومسد علي راسهاا : هدي نفسك وادعيلوو زي ماربي قومو بالسلامه .. حترجعلو الذاكره ان شالله .
تسنيم تشهق : مايعرفني مايعرف اني خطيبتو مايعرف انك صاحبوو .. مايعرف انو دكتور .. مايعرف حاجه .. يابهاء
بهاء تو بدا يستوعب حجم المعانه الي حيعانيها ماجد قبل معاناتهم هما .. .. : هدي نفسك هدي نفسكـ ..
ماجد جالس ويطالع فيهم ومو فاهم شي .. كيف هوا هنا .. من متي هوا في المستشفي .. ايش صاير .. مين هدولي .. لي كدا ايش في .. احد يفهموو
مسك راسووو بقوه وضغط علي : مين انتو ايش في
تسنيم وبهاء لفو علي .. ومرا حزنوو لما شافو حالتوو .. اكيد بيحاول يتذكر يحاول يستوعب .. لكن الاكيد انو ماحيطلع معا شي .. لانوو فاقد للذاكره ..










~~~~~~~~
A6baa fe al-7o0b
~~~~~~~~

قافله علي نفسها الباب .. ونايمه بملابسهاا .. وعبايتها .. بكيت بكيت الين نامت ..
برا اياد جالس جنب الباب ورافع رجلينو .. وحاط يدوو عليها وراسو علي يدووو .. ورايح في سابع نومه .. هوا التاني جلس يدق يدق يدق .. واسراء مارضيت ترد علي ..
رن جوالوو .. وفجعوو .. صحي من النوم .. وحط يدو علي جيبوو واتنهد .. اسراء لسا جوا ولا فتحت الباب .. : اوف ..
طلع الجوال وطل في الشاشه ومن شاف نك نيار . مايعرف ليش انقهر منهاا لدا الحد .. هيا السبب في كول الي هوا في ..
هيا السبب في انو مد يدو علي اسراء .. هوا السبب في انو اسراء بتبكي لدا الحد ..
رد عليها رغم كل شي : ايوا
نيار اتنهدت براحه : انته بخيرر ..
اياد : لا زفت مني بخيررر .. ايش تبغي ..
نيار اطمنت انو اسراء ما قتلتو ولا سوت فيلو شي زي كدا : اممم ولا شي انو ما كلمتني من فتره وكدا صاير شي
اياد ما دقق مع اسالتها : لا مو صاير شي ..
نيار تميل فمها : امممم طيب ما كلمت اسراء يعني لسااا ..
اياد : لا ابشرك اسراء عرفت من لحالها ما ادري كيــــ…
قبل ما يكمل كلمتوو سرح : انتي كلمتي اسراء قلتي لها شي .. ؟؟
نيار بسرعه : لا لا كيف اكلمها ايش اقولها من جدك
اياد من كتر شايل هم اسراء وزعلهاا .. مو قادر يفكر .. : طيب
نيار : اشبك اياد .. ؟؟
اياد يتنهد : ضربت اسراء
نيار تبتسم لكن في صوتها تبين انو العكس : امااااا ليش ؟؟
اياد يفرد رجولو علي الارض : مو مهم ليش الموهم دحين .. كيف حقنعها تكلمني حتي .. ؟؟
نيار : الا اممم حتكلمك لانـ …
اياد كنو يكلم نفسوو : ما طلقتك .. وانتي حامل .. وكمان امد يدي عليها قدام الكل في المستشفي .. والله ماراح تسامحني لو ايش ..
نيار : الا تسامحك
اياد يقلب عيونو : انا ابغا اسراء انا ما ابغا اعيش بدون اسراء .. ما ابغاها تكون زعلانه مني .. وتبكي بسببي .. انا ليش ما طلقتك من البدايه وريحت نفسي انتي ليش حملتي ليش .. ؟؟
نيار تنحت ايش بيقول دااا كنو شارب : اياد ايش بتخربط انته ..
اياد سيب الجوال في الارض ولف يدق الباب برجلوو : اسراء افتحي يا اسراء والله حسوي كل الي تبغي انتي افتحي الباب بس ..
اسراء جوا قلبها يغلي .. بسبب كل الي صار .. وكدبو عليهاا .. وغير كدا مكالمتو لي نيار توو ..
اياد وقف وصار يخبط علي الباب : سرو حبيبي .. والله حسوي كل الي تبغي افتحي الباب ..
اسراء : …………….
اياد : اسراء اخر مرا اكلمك افتحي الباب ..
اسراء مطنشتووو وعيونها تدحدر دموع .. تستاهل .. كان لها لحالها بين يدينها .. وبهدلتوو .. ومرمطتو .. وكمان زلتو .. ودحين لما صار كدا تبكي .. ليش تبكي .. ما انتي السبب في كل الي انتي فيلووو ..
اياد خبط خبطه قويه : طيب يا اسراء انا حتصرف ..
اسراء طلت علي الباب لثواني .. بعدين حست بي يبعد عن الغرفه .. ياتري فين رايح .. ؟؟
اتجاهلتوو .. ايش بيسوي بيكلم الدفاع المدني يعني ..
قامت عن السرير وفسخت عبايتها الي خايسه بيها من ما تدري متي ..
رمتها وفسخت ملابسهاا .. لبست بجامه موريحه .. وجلست علي التسريحه تطل في عيونها الي مفقعه .. من كتر البكي .. والي زادها استغراب .. انها ما اتوقعت انو حبها لاياد وصل لدا الحد ..
لمست خدهاا واتزكرت الكف الي اكلتو منو قدام الخلق كولهم في المستشفي ..
وكيف بعدها مشيت ورا بكل انصياع .. فكرت انو لو استعمل العنف معها من زمان كان مشيت معا صح ..
سرحت فيلو وفي طيبتو وحبو لها بجنون .. وانو هادا السبب الي خلاها تتكبر علي وتتنمر .. بس شافتو اليوم رجال .. وشدها غصب عنهااا ..
ياتري فين مخبي شخصيتو التانيه دي .. معقول من كتر حبو لها ما بيتعامل معاها كدا ابدن ..
التفتت للباب وحست بحنين لووو : فين راح ..
صوتو من اول جنبها مطمنها ..
قامت وراحت للباب بهدووء فتحتووو وخرجت راسها تطالع .. يمين ويسار مافي ولا احد ..
مشيت علي اطراف اصابيعها لين وصلت لدرج مسكت الدربزان وطلت علي تحت .. الا انفجعت لما سمعت صوتو من وراهاااا : يعني خرجتي اخيرن ..
طلت في كدا من فوق لتحت ولفت راجعه للغرفه الا مسكها من يدها : من اول بقولك افتحي ..
رجعت علي ورا خطوتين : ما ابغا افتح بالقوه يعني .. ؟؟
: ايوا بالقوه لازم نتفاهم نتكلم علي الي صاررر
: نتفاهم ونتكلم .. ؟؟ اشوفك مديت يدك عليااااا قدام الخلق هناكـ
اياد يرخي صوتووو : اسراء انتي عصبتي .. ومو دا موضوعنا ..
: والله اجل ايش موضوعنا .. نيار .. ؟؟ والي في بطنها .. وعدتني تطلقها وما صار اي شي ..
اياد مو عارف كيف يقولهااا : بس هيا هيا حامل
اياد تضغط علي اسنانها بعصبيه : ومين الي خلاها حامل .. ؟؟
اياد : ؟؟!!!!
اتقدمت لعندوو ودفتو من صدرو بقوه : كيف تقول تحبني وكيف تقدرررر ؟؟ كيف سويتها يا اياد .. نيار ما تصير حامل من لحالها اوكي
اياد حس انو مرا خانهاااا بمجرد ما قالت دا الكلام : بس انتي كنتي
رجعت خبطتوو بقوه : انا ايش ..
اياد شايفها مرا معصبه وبتاكل في نفسها عشان كدا ما حب يزيد الطين بله .. رجع علي ورا خطوتين : ولا شي بس انوو
تطالع في بقهرر : انوو ايش
اياد يميل فمو : انو ما اقدررر اطلقهاا ..
اياد من سمعت كلمتو دي خبطتو علي صدرو بقوه : كمان تقول ما تبا تطلقهااا ..
اياد رجع خطوتين وما انتبه لدرج : لا بسـ…
قبل ما يكمل كلمتو حس نفسوو بيدردب في الدرج من البدايه لين وصل لاخر درجه وصار يرمش بفهاوه : اخخخخخ …
اسراء شهقت ونزلت الدرجات بسرعه : اياد اياد اياااااد ..
اياد ماسك رجلوووو : اي ابعدي عني اشبك انتي تدفيني كدا ..
اسراء تمسك رجلو : اتعورت ..
اياد يغمض عينو : اااايييي ابعدي عني رجلي اخخخ ..
اسراء طنشتو ومسكت رجلوو تبا ترفع البنطلون عشان تطالع .. : ااااااااااااااااي ابعدي عني رجلي رجلي ابعدي
اسراء انفجعت من صريخو : اياد مرا تعورركـ
اياد رخا راسو علي ركبوو وجلس ضاغط علي طرف رجلوو : ايوا اجل ايش ..
اسراء وقفت بسرعه : خليك خليك لا تتحرك خليك مكانكـ ..
طلعت بسرعه وطلبت رقم الاسعاف .. : الوووو ..
: ايوا اهلا ..
اسراء : ايوا اشسمو زوجي طاح من الدرج .. واتوقع رجلو انكسرت ..
: اوكي اختي العنوان ..
: حي الــ .. شاررررع الــــ .. فله رقم .. واجهتها رخام بني ..
الرجال يرسل بلاغ لاقرب نقطه اسعاف لمنطقتهم : اوكي اختي انتبهي يتحرك .. خلي علي وضعيته .. ولو كان يتالم ..
: اوكي اوكي لا تتاخررروو
:راح نكون عندكم بأقرب وقت ممكن ..
: طيب شكرن حاولو تستعتجلو.. قفلت الخط ونزلت لاياد جرري .. لقتوو علي جلستو وراخي راسووو .. جلست جنبوو ومسدت علي كتفوو : اسفه اياد ..
دف يدها عن كتفووو ورفع راسوو وعيونو محمره باين انو حابس الدموع .. : دحين اتكسرت مبسوطه يعني ..
اسراء : اياد من جدك انته انا ما قصدت انته الي رجعت انته الي ما انتبهت ..
اياد لف وشو عنهااا لانو متاكد انها دفتو عن قصد .. الغيره تسوي اكتر من كدااا ..
اسراء جلست تطل في وكيف معصب وواضح انو رجلوو مرا بتالموو .. : اياد اسفه ..
اياد ما رد عليها .. ولا ناوي يرد عليهااا ..
اسراء حطت يدها محل ما هوا ماسك رجلو وجلست تضغط معاا .. : والله ما قصدت ..
اياد صرخ فيها : اتررركيني قلت لك اشبك انتي .. ؟؟
اسراء عصبت : اشبك تصرخ دحين اشبك كمان ..
اياد : لا تكلميني اسراء لا تكلميني طيب ..
اسراء : ؟؟؟؟؟؟
اياد واضح انو بيتالم مرااا .. : كلمتي الاسعاف ولا جالسه جنبي كدا ..
اسراء جا دورها تعصب لفت عنووو ولا ردت ..
ثواني اندق جرس البيت .. رمت لاياد طله ما ادري ايش تباا .. وطلعت علي غرفتهاا لبست العبايه ورمت الطرحه باهمال .. ونزلت اتعدت من جنبوو وصقعت رجلو الي توجعو بالعاني ..
اياد : اااااااااااااااااااي اشبك انتي ..
سوت انها مو سامعتووو .. ونزلت فتحت الباب للمسعفين الي خشو ومعاهم النقاله وصلتهم لمكانوو .. وبعدت تركتهم يشوفو شغلهم ..
شويا كان اياد علي النقاله .. ورجلو حاطين لو عليها جبيرة مؤقتة الي يستخدموها لتثبيت القدم والساق بالطريقة الصحية
خرجو بره الفله واسراء وراهم . دخلو في السياره .. ودخلت معاهم بدون اي نقاش ..
طبعا الحاله جد عاديه وواضح انو بس كسر .. عشان كدا المسعفين جالسين مستريحين .. واسراء جالسه بطل في اياد .. واياد يردلها الطلات وجواتهم باين انو في مشاعررر مختلطه وكتيره كمان ..
لكن دحين مو وقت انهم يصرحو بيهااا ..














~~~~~~~~
A6baa fe al-7o0b
~~~~~~~~










في جه تانيه وفي مكان تاني .. الوضع غيررر والجووو غيررر ..
الشباب جالسين في الكزنوو .. وصافين المعسلات قدامهم .. والتي في شغال علي قناه وناسه .. وصوت عبدالله الرويشد يصدح في المكان ..
>> يقولون لي سيبو سيبوو .. تلاقي بديلو جم .. وقلبي يقولي لا .. تسيبو ترا تندممممم ..
>> وانا بتبع قلبي وبس ما علي من الناس كزب من يقولون المحبه لها مقياااس ..
وكالعاده حسام ووسام في النوص شغالين شكشكه .. وهز كتوووف وهز وسط وماعندكـ احد ..
مهند وكاسررر .. هز علي جلاااسي ..
صح احتفال ابو كلب في مكان ابو كلب .. بس اهم شي انهم مبسوطين .. وكل واحد ابتسامتو معبياا فمو الين تحسو وجوههم حتنشق .. >>؟؟!!
رن جوال الكاااسرر .. وقف بسرعه واشر للشباب بجوالووو .. وطلع بررا ..
رد علي ماهر بتعجب : ايه اخوووووووووي
ماهر : اشلونك كسووور شنو تسوي وش ذا الازعاج الي انت فيه .
كاسرر يضحك : هههههههه اليوم بنحتفل ماعليك انا بالكزنو مع الشباب تبي شي وكذاا ..
ماهر : ايه انا هنا بجده عندكـ ..
كاسررر تنح : شنوووو شنو تسوي في ذا ..
ماهر : جيت عشانك اخوي .. مو قلت بتكلم شسمه عمها ذا البنيه الي تبي تتزوجها وكذا ..
كاسر يرمش بفهاوه : ايه طيب شنوو ..
: زين متي بتروحله وكذا ..
كاسر يطل في الساعه : كلمته وقالي الله يحيني في بيته علي الساعه 9 يعني شسمه كمان ساعتين
ماهرر : اممم وكنت بتروحله يعني
كاسر بتعجب : اكلمه وما ابي اروحله يعني مثلا ولا شنوو
ماهر : زين زين انا بجي معك
كاسر تنح : شنوو ليش شنو تجي تسوووي ..
ماهر : اجي معك شنو اسوي .. بخطب معك يعني شنووو ..
كاسرر سكت شويا بعدين ضحك : ههههههههه اما كذا جد بتجي معي ..
: ايه بجي معك وراك موب مصدك
: ههههههه الحمد لله انو بوه حد في ذا العيله كلها محترم قرارتي وواقف بصفي وكذا ..
: ايه انا معك يا خوووي .. بعد الوضع الي عشته انا اشهد انك بتمشي الي براسك .. عشان كذا بكون معك عشان لا تفتشل قدام اهل البنيه ..
: هههههههه لا ياخويه مابوه فشايل .. انا اعرف شنو اقول .. صدقني ..
: ماعلينا بتجي تاخذني ولا كيف ..
: ليه انته وينكـ فيه
: انا في الكباين الي عشت فيها كم يوم انت ههههههههههههه
كاسر : يووووه مشوار انت تعال للكزنو امرح معنا شوي وبعدها بنمشي ..
: لا لا انت الحين ما تقلي شنو قاعد تسوين بالكزنوو
: ابد ولا شي قاعد نعسل ونشيش .. ونتمرقص يالبا الرقص يانه يوسع الصدرر
ماهر يكشر : زين وبتروح تخطب وانت ريحتك معسل وخياسه شنو انت يا كسور .. حمد لله اني جيت
: تصدق راح عن بالي ذا الشي .. اسمعني
: ها شنو
طل في الساعه : انا بروح للبيت الحين وانت تعال لهناك تعرف بيت حسام صح
: ايه ايه اعرفه زين اوكي ..
: يلا انا الحين بطلع وكذا ..
: اووووكي .. اخوي سلاااام ..
: سلاااام اخووووي ..
قفل كاااسر ودخل علي الشباب وهوا يصيح : شبااااااااا بسكم بسكم شكشكه بقولكم علي خبر من اول ساكت عنه
مهند سحب الريموت وكتم الصوت : ايش في يا خوووول ..
كاسرر : اشسمه الحين ومن منبري هاذا اعلن لكم اني بروح اخطب وكذاا ..
مهند : ؟؟
حسام : !!
وسام : حركااااااااااااات الف مبروك كنكجليشن .. <<
كاسر : ههههههههههههههه الله يبارك فيك ..
والتفت : حسام مهند الله يبارك فيكم مابوه داعي تحبون راسي وتباركون لي .. ذا التناحه الي بوجيهكم اكوس شي ..
مهند فاق علي نفسووو : انته بتتزوج وحسام بيتزوج .. واناا ..
مالكـ : لا تخاف انا جالس جالس معاكـ ..
مهند فجئه : لا والله حتي انا بتزوج ..
حسام : هههههههه روح اتزوج احد ماسكك يا عمممم ..
مهند : يووو ماعلينا خلينا في ابو كسره دحين بتخطب مين ..
كاسر يميل فمو : وحده بنت ناس ما تعرفونها الموهم بروح اتزهب واتشيك واصير خقه كذا لدرجه ان عمها يقول انا بتزوجك
الشباب : هههههههههههههههههههههههه
مهند : لا مصدق نفسك ترا
: اي لي ما اصدقني انا الكاسر سعووووووود الـ .. ولا نسيت ..
حسام : ورجعت حليمه لعادتها القديمه ..
كاسر يفرك ايدينو في بعض : شباب رايح اخطب تحمسوو معي شوووووي
حسام شال علبه المناديل ورما عليها : ليش ما تهرج من اول يا خنيييث ..
كاسر : ماعرف مادري شسمه بيني وبينكم ماكنت بقولكم
وسام : شوف المـــ****
كاسرر : لا لا موب فاهم انت .. شسمه .. زي ما تعرفون .. متقاطع ويا هلي .. والوالده ما رضت تجي تخطب معي ولا ابوي .. يعني بروح بروحي متخيلين وضعي
مهند ببرائه : ابو السمس خطب اختي بدون امو ولا ابو ولا اهلوووو عادي ..
كاسر يرفع حواجبو ويطالع .. حسام : والله ..
حسام يميل فموو : عادي عادي كاسرر ..
كاسر يغير الهرجه : طيب خذو معي شي ثاني مخوفني ..
وسام : ها ايش اتكلم ..
كاسر : شسمه اعرف ولد عمها ..
يميل ايدوو : وكذا يعني حصل بيني وبينه تتش .. تتوقعون ياثررر ..
حسام يرفع يدو : اكيد ياثرر ما يبالها كلام ..
: يووو كذا تقول .. ؟؟
مهند : لا علي حسب تتش من اي نووع ..
كاسر استصعب يحكيهم .. لان مايباهم يعرفو انو حيخطب زهاد موظفه الاستقبال ما غيرها : امممم ولا شي خلاص .. بتجون معي ..
حسام : ايوا اكيد ..
مهند وقف : مجهز شي حتاخد معاك شي ايش مخطط
كاسر بتناحه : اخذ شنوو ..
: ماعرف هديه شوكلاته ورد اي حاجه ما تروح ايدك فاضيه
: ياحبيبي بعد حركات الحريم لحقتنا حنا بعد ..
حسام : ههههههههههه يب تقدر تقول ..
خرجو من الكزنو واتوجهو لسياره وسام .. ركبوو كولهم طبعااا .. وحركو راجعين للبيت ..
حسام : ماخلصنا احتفال ..
مهند يصقع راس كاسر من ورا : لباا كسووور نكنسل الاحتفال عشانووو ..
كاسرررر مرا سعيد بالاصحاب دول الي عرفهم .. بدون ما يحس طلع مشاعرو لهم : والله ياني ندامان اني ما عرفتكم من زمان ..
حسام : شايف لو انك دارس في جده لو تعرفنا من زمان ..
مهند : ليش كيف كانو اصحابكـ الي اول
كاسررر : كولهم مخانيث .. ما عادا الرووودي فديته ..
كشر : الرووودي الررووودي نسيته
وسام : ايش نسيت في كمان .. ؟؟
كاسر يطلع جوالوو : اوووووووش
طلب رقم رائد علي طول .. : الووووو الرووودي حبيبي اشلونكـ ..
رائد مكتئب : بخيرررر فديتك انته شلونكـ ..
: اممممم انا بخيرر بروح للبيت مع الشباب .. الحين بلبس وكدا وبروح عشان اكلم عمها شسمها
يطل في الشباب جنبو : عرفتها
رائد : اها يعني بتروح وكذا من جد .. وانا اخر واحد تقولي ..
كاسر ما اهتم لنبره الزعل في صوتو .. : ايه بروح .. وتخيل شنوو ..
: شنووووو
: ماهر في ذا .. جا للجده عشان يجي معي .. ما توقعته يكون ويااي وهوا كذا نسخه الوالد .. ههههههههههههههه
رائد ما حس الكلام يضحك : اهااا
كاسر : زين مادري شنو فيك موب عاجبني لكن بتجي معي ولا شلون ..
رائد : تبيني اجي .. ؟؟
: ايه اكيد ..
: زين بلبس واخلص وبمركــ وبنروح مع بعض وينه ماهر ..
: ماهر بعد بيلبس وبيمرني علي بيت حسام .. لا تاخر رودي زين
: زين كسووور ..
: يلا فمان الله ..
قفل الخط من هنا الا حسام نقزلوو : اخوك في ماهرر ..
: ايه جااا عشان بيجي معي ..
: حرام عليك وتقول مافي احد من اهلك .. معاك اخوك الكبير ايش تبا تاني ..
كاسررر : ايه معي اخوي الكبيررر .. واخواني المخانيث الي هم انتم .. شنو ابي اكثرر .. اكيد ما ابي اكثرر .. بس هو عمها ياتراااااا بتملون عينه ولا شلون ذا الي انا خايف منه ..
حسام : لا تخاف الاموووور حتمشي انته قول يارب
كاسرررر يرفع يدووو .. : ياررررررب ..
رن جوالوو وشاف نك زهاد . اتلبك علي طول ما يبا يكلمها قدام الشباب .. اعطاها بزي بسرعه وحول الجوال صامت ..
وسام لاحظ حركتوو : ههههههه اكيد العروسه متصله
كاسر بسرعه : لا لا شنو عروسته بعد ..
حسام : ياراجل علينااا .. تعرفها اكيد صح .. ؟؟
كاسر بفجعه : لا لا لا
حسام : اقص حلقي من فوق .. ان ما كنت تعرفهاا
كاسرر : قصه واذبح روحك بعد ما اعرفها قلت لكـــ ..
مهند : اصلا جايني احساس انو ديك الادميه هيا الي بتخطبها لا لا مو احساس انا متاكد
كاسر يبلع ريقوو : منو تقصد
حسام يدق كتف مهند : قول قول معانا في المستشفي صح ..
كاسر وشو حمرر : لا لا موب معنا في المستشفي ماتعرفونها انتم ولا عمركم تشوفنها حتي ..
مهند يحط يدو علي دقنوو : اها غريبه اتوقعت انها احم احم .. اقول ولا
كاسر يسوي انو مو مهتم ويفتح المسج الي رسلتو زهاد .. : عادي قلت لكم موب من المستشفي ولا هي معنا
حسام يشهق .. : صح صح لتكون موظفه الاستقبال .. الي كل يوم تسيولك حليب .. ؟؟!!!
كاسر يفرصع عينو : لا لا لا مو هي شنووو تقول ..
حسام ومهند يطلو في كاسر وكيف فرصع عينوو .. وسام : اشبك انفجعت كدا ياهوو لدرجه دي موظفه الاستقبال مو كويسه ..
مهند حس انو كاسر يقصد زهاد .. وماحيعجبو انهم يهرجو عنهااا : خلاص شباب الي هيا .. يابختها في كاسرررررر ..
كاسررر ياشر لي سام : وقف وقف شوووي ..
وسام : ايش اوقف .. ايش في ..
كاسرر : وقف ياخي شووي
وسام علي طول وقف والتفت علي : اشبكـ
كاسر نزل من السياره : ثواني بس ..
طلع علي الرصيف وبعد عن السياره شويا وطلب رقم زهاااد ..
زهاد : ايووو كسوووور اشبك اديتني بززي
كاسر يتنهد : كنت مع الشباب وكذا .. شلونك ززززوز حبيبي
: مو بخيرررررر طفشت ..
: ليش شنو فيكـ ..
زهاد : اشبك ما كلمتني من الصباح لما نزلتني عند اهداب ..
: كنت مشغول بالمستشفي وبعدها طلعت مع الشباب وكذا ليش انتي ما دقتين علي ..
: خوفت تكون مشغول ..
: ماعلينا شنو فيك الحين ليش مو بخيررر .. وشنو مطفشكـ ..
: امم بس انووو طلعت من عند اهداب .. علي طووول .. وجلست اتسوق .. ورحت اتغديت وكداا .. ودحين انا جالسه برا عند البحر .. خايفه ارجع البيت وكدا ..
كاسر : ليش طلعتي من عند اهداب .. كان اقعدتي عندهاا ..
زهاد تميل فمهاا : كانت مشغوله حدها مع الرودي وكدا .. وكل شويا يتصل عليهاا
كاسر : اماا كذا ..
زهاد : صح ليش ما قلت لي انو رائد خطبها وكدا .. ؟؟
كاسر بدهشه : ايش شنوو الرودي خطب منوو
زهاد : خطب اهداب ..
: اما كذا منو قالك ..
زهاد بتعجب : هيا قالت لي ..
كاسرررر : هههههههه موستحيل ..
زهاد : الا وتقول اهلو جو لعندهااا ..
كاسر : ههههههههههههه اهله موستحيل قاعده تخرط عليكي الرودي يخطب وهله يجو للجده وانا ما ادري ذا المستحيل بعينه ..
زهاد ترفع كتوفها : مادري والله ..
كاسرر : ماعلينا .. هيثم اتصل عليك زين
: لا من فتحت جوالي لقيت منو كم مكالمه ومن بعدهااا ما عاد اتصل ..
كاسررر : زين حبيبي انا الحين مع الشباب وبنروح للبيت ونتجهز وتخيلي وين بنروح
زهاد : تحتفلووو
: لا لا احتفالنا خلصناه .. بنروح لبيت عمك عشان اخطبك منه وكذاااا .. بس يا اني خايف يطلع ذا الهيثم ويخرب كل شي ..
زهاد قلبها صار يطربق .. مو مصدقه انو بدو يخطبها من جد : امممممم
كاسرر : شنو فيكـ ..
زهاد تتنهد .. : لا بس انو مو مستوعبه كل دااا وكدا ..
كاسر جا يتكلم الا وسام جلس يضربلو بوووووووري .. : حبيبي الحين برجع للشباب عشان انا نزلت من السياره اكلمكـ ..
زهاد : اوكي يعني ما ارجع البيت انا ..
: اممممم كلمي قصي يجي يجلس معك واستانسو عند البحر وكذا وتعشوووو .. ويمكن اطلع من عند عمك واجي لعندك وكذااا شنو رئيك ..
زهاد تتافف : قصي جالس يفرج سيارتو للشباب الين دحين وماعرف متي حيخلص ..
: هههههههه لبي هو واخته فديتهم ..
: ههههههههه طيب انا حجلس شكلي حشوف صحباتي مين فاضيه تجي تسليني
: اوكي حبيبي توصين شي
: ايوا ايوا .. اسمع
: سامع يا لباا روحك
: اول ما تخلص شياكه اتصور وارسلي الصوره .. وقبل تخوش بيت عمي كلمني واول ما تطلع كلمني ..
: اوكي ولا يهمكـ .. يلا بقفل
: اوكي كسورر باي ..
قفلت الخط وجلست تطل في الجوال وهيا مو مستوعبه ياتري هل هيا بتحلم ولااا بتتخيل .. ولا دي حياتها من جد
كل شي مو خاش مزاجها .. ابوها ومتي جا ومتي راح وتركلهم العالم .. حياتهم وكيف انقلبت من اسوء ما يكون .. لاحسن مايكون .. كاسر الي اول مرا قابلتو اضاربت معا .. وكيف حبتو مع الايام .. وكيف انو دحين بيروح يخطبها من عمها رسمي ..
وقفت قدامها بنت صغيره تبيع العاب وحجات تنور وكدا . فوقتها من تخيلاتهاا .. : تشتري ..
زهاد مرا حزنت عليهاا .. : ايوا طيب بكم ..
البنت فردت لها الاغراض في الارض وجلست تقلها علي الاسعارر ..
زهاد اخدت منها كل الكيس .. وادتها خمسميه .. : خلاص روحي ..
البنت من كتر صغيره .. وماتعرف الا الريال والخمسه والعشره .. مرا ما عجبها انو زهاد اخدت منها كول الكيس وادتها بس ورقه وحده ..
: لا ما ابغا
زهاد فمهت انو البنت مو عارفه ايش يعني خمسميه .. حرام بس علي الي مخليها تبيع كدا مرا حرام ..
مسكتها من يدها وراحت لكوشك ذره صرفت الخمسميه خمسااااات .. واعطتها هياا .. : يلا روحي ..
البنت كدا انبسطت وراحت ..
زهاد اخدتلها كوب زره .. ورجعت جلست علي الكررسي .. وقعدت تتنهد .. : يارب خلي سعادتي تستمرر .. وحيايتي كل مالها تتغير للاحسن .. ولا تحرمني من كاسرر ..











~~~~~~~~
A6baa fe al-7o0b
~~~~~~~~

لابسه روب طووويل واكمامو طويله لونو مشمي باهت .. ولافه حجاب علي راسهاااا .. وجالسه علي الطاولات الي منتشره حولين المسبح بطريقه عشوائيه ..
من جات من المستشفي وهيا جالسه هنا تستنا مازن يجي عشان تقدر تكلمو وتقدر تتفاهم معا .. ولين داحين مازالت تقنع نفسها انو مايقصد الكلام الي قالوووو ..
حاطه راسها علي الطاوله .. ودموعها بتدحدر بدون ماتحس بنفسهااا .. سماعات الايبود في ادنهااا .. والاغاني بتنعاد وتنزاد من النهاررر ..
حست بايدو الصغيره علي رجلهاا .. رخت عينها وشافت فيصل قدامها بنظراتو البريئه .. مدلها الحلاوه الي في يدوو : خدي .. كولي حلاوه معاياا
اعناب اخدت منو الحلاوه .. : طيب حبيبي ..
يقرب وشو يطل في عيونها : اشبك داعده تبكي انتي .. مين بكاكي ..
اعناب اتبسمت غصب عنها : ابكي عشان انا احبك خالو مازن .. وخالو مازن ما يبا يكلمني
فيصل مو فاهم شي : خالو مادن حبوو ..
اعناب كشرت : لا مو حبو خالو مازن .. ماهو راضي يكلمني ..
فيصل : انا دحين ادول لماما تكلمو عسين يكلمكـ
اعناب تبتسم : طيب ولو كلمني ايش الحل ..
فيصل يهز كتوفو : ما ارعف ..
اعناب شالتو وجلستو فوق عبها : طيب خالو وائل يبا يتزوجني ايش اسوي ..
فيصل حط يدو علي فمو .. : خالو واعل حبوو ..
اعناب تبوسوو وتتنهد : ماهو حبو ولا شي .. بلاك مو عارف خالك
: الا ارعفوو ..
اعناب تطل في فيصل .. وتتمني انها ترجعي قدو .. احسن من الطفش دا الي هيا فيلووو ..
فيصل يحط يدو علي خدهاا : لا تبكي خلاص بعدين ندول لخالو مادن يزيب لنا حلاوه ..
اعناب تمسح دموعهااا بقفا يدها : طيب ..
فيصل يبوسها : خلاص لا تصيلي دعنانه ..
اعناب تبتسم : طيب متي يجي خالو مازن ..
فيصل يرفع كتفو : ما ارعف ..
اعناب حضنتووو بقوه ورجعت تبوسوو لين صار يدفهااا : يععععا ما ابااااا ..
سيبتوو وهيا تضحك ..
وفيصل بعد عنهااااا وجلس يمسح خدوو : يعه ..
نسيت مازن ووائل في الدقايق دي الي جلست تهرج فيها مع فيصل .. والضحكه كانت علي ملامحها من حركاتوو ..
لكن من انفتح باب الفله .. ودخل مازن .. كل شي رجع انقلب ..
رجعت لواقعها المرير .. واتزكرت انو الدموع ما جفت من عينها طول اليوم بسببووو ..
فيصل من شافوو نقز : خالوو مادن ززاااا ..
ماززن شال ملامح الطفش عن وشوو .. وابتسم لي ولد اختوو الصغيرر وفردلو يدينوو : يا هلا والله بلود علوووش ..
فيصل اتشعبط علي : خالو مادن انته فين لوحت ..
: روحت اطز الاولاد الي مو شاطرين ابره ..
فيصل يحط يدو علي خدوو : انا شاااتل ..
مازن يبوسوو وينزلو في الارض : ايوا شاطررر ..
مازن طول دا الوقت يسوي انو مو شايف اعناب .. : يلا حبيبي ندخل جواا ..
اعناب وقفت : يعني كني بستناكـ هنا ..
مازن بلا مباله .. : ما طلبت منكـ تستنيني ..
فيصل يشد مازن من بنطلونو : هيا دعنانه .. عشان انته ما تحوبها هيا تيدا تدوووول ..
مازن يرجع يشيلوو .. : انا ماقلت لها تحبني وبعدين هيا كزبت عليا يعني هيا مو شاطره يعني نطزها ابره
فيصل تنح لثواني بعدين كشر : لا انننااب حبووو ..
مازن يضحك : هههههههههه طيب خلاص ماحنطزها ابره بس ماراح نكلمها ولا نرد عليهاا .. طيب
اعناب اتقدمت لعندوو : الا حتكلمني وحترد عليااا ..
مازن وقف طل فيها كدا .. : اها يعني تلمحي انو بالقوه حنتكلم
: ايوا بالقوه حنتكلم ..
مازن حط فيصل في الارض : حبيبي روح قول لماما بروح مع خالو مازن بسرعه وتعال نشتري اسكريم يلا روح بسرعه
فيصل بحماس : طيب طيب
جلسو يطلو في لين راح ورجعو التفتو علي بعض وعيونهم جات في بعض .. :
مازن بنفس البرود : ايوا
اعناب جات تهرج .. الا سمعو صوت سياره وقفت عند الباب .. مازن بعد عنها بسرعه : اكيد وائل روحي
اعناب تتقدم لعندو : ويعني وائل .. ويعني ..
مازن يبعد عنها : اعناب وائل لا يشوفني معاكي ممكن
اعناب وقلبها يغلي : ليش ليش ما يشوفني .. ماتبغا يعرف اني احبك .. ؟؟
: ماتبغا يعرف انك تحبني .. ؟؟
رفعت اصباعها بتهديد .. : لو انته ما قلت لو .. انا حقلو صدقني ..
مازن مسكها من يدها وسحبها بسرعه ودخلو علي القسم التاني وقفل الباب وجلس يطل من الطررف ..
وبالفعل هما دخلو من هنا .. انفتح باب الفله ودخل وائل لابس ومتكشخ .. الا صادف فيصل في طريقوو .. لابس جزمتو وشنطتوو
جلس بمستاووي : علي فين ماشالله ..
فيصل يدور عينو يمين ويسار : بلوح انا ..
وائل : ياسلام فين بتلوح دحين ..
فيصل : بلوح مع خالو مادن نستلي عسكليم ..
وائل : فينو خالو مازن
فيصل يرفع كتوفووو .. : ماارعف ..
وائل شالو من قفا ودخل علي الفله .. ومازن التفت علي اعناب : ؟؟؟؟!!
اعناب : ايش في ..
مازن ياشرلها علي الفله .. : اعناب .. جيبي عبايتك وتعالي خلينا نتكلم في السياره علي رواق ونتفاهم علي كل شي اوكي .. انا اجيب فيصل واجيكي ..
اعناب ماصدقت علي الله انو يبا يتكلم ويبا يتفاهم .. : طيب طيب .. ماااشي ..
: اوكي بسرعه ..
دخلت علي الفله ومازن هوا التاني دخل جوا كمان .. شاف علياء في الصاله مع امو وابوو .. : السلام عليكم ..
: وعليكم السلام يا هلاا ..
فيصل جري لعندوو .. : خالو انته فين لوحت ..
مازن جلس : ولا مكان .. اهو انا هناا ..
فيصل يشدو من يدووو .. : دووم نلوح نشتلي عسكليم ..
: طيب طيب
علياء : وائل دخلو يقول ما لقاكـ ..
مازن : الا لا بس لفيت الجه التانيه واطلع ما القااا .. احم احم فينو وائل ..
امو تاشر علي الدرج : مادري يقول نسي حاجه بياخدها
مازن اطمن : خارج يعني ؟
: ايوا اتوقع ..
خلص كلمتو من هنا ونزل وائل جري في يدو كرتون كبير : سلام .. مع السلامه يا شعب ..
: مع السلامه .. الله معاكـ .. انتبه لنفسك يا ولدي ..
وائل خرج من هناا .. ومازن علي طول شااال فيصل ووقف : تبي شي من برا ..
: لا تسلم يعطيك العافيه ..
علياء : انتبه علي ولدي ..
ياشر علي عيونوو : هنا هنااااا .. اطمني …
خرج من الفله واتعجب لما شاف اعناب واقفه متكيه علي السياره .. ايش الحماس دا الي معاها ..
فتح الباب وطلع واعناب دخلت جنبووو ..
رفع فيصل وحطو علي عبووو .. : امسكي ..
اعناب : ايوا يا مازن ..
مازن : طيب خلينا نبعد عن البيت شويا اقلها ..
: مازن بسرعه اتكلم ترا اعصابي تلفت .. وعقلي وجعني من كتر افكرر ..
مازن لف علي .. : اعناب .. كان كلامي واضح .. ايش يعني لما اقلك تبي توافقي علي وائل وافقي تتوقعي لو كنت ابغاكي لو قلت لكـ كدا .. ؟؟
اعناب ترمش .. : لا
مازن : سو يعني فاهمتني .. ؟؟
اعناب تهز راسها بقوه : لا لا يا مازن ليش طيب وعدتني تفكرر وتقررر ايش الاحسن صح وعدتني انته متزكر ..
: وعدتك اني افكرر .. وارتب مشاعري .. واشوف من يفوز الشعور الي يبغاكي اكتر ولا الشعور الي مايقدر ينسي الي صارر ..
اعناب فاتحه فمها : ؟؟؟!!!!
مازن : وحزري مين فازز .. الشعور الي ما راح ينسا الي صارر ..
نزلت الدمعه وهيا ما زالت فاتحه فمها : مازن انا قلت لك اسفه علي الي صاررر .. ومستعده اعتزرلك قدام كل الخلق ليش بتقولي كدا دحين ..
مازن يضغط علي نفسو عشان الكلام الي بيقولوو .. : مو بس كدااا .. بالعكس دا الشي ممكن انسي .. لكن الي لا يمكن انسي علاقتك مع خالك وهيب .. لا وكزبك عليا عشانوو
اعناب : مازن والله كان شي وانتهي .. والله انا ما اسوي شي كدا دحين ..
مازن لف علي الطريق واتحشا يطالع في عيونها الي مليانه دموع لان قلبو مرا بيوجعووو : انتي تسوي شي ولا ماتسوي انا دحين يا اعناب خلاص اسف ..
اعناب : مازن بس انته قلت انك تحبني انته نسيت ولا كيف
: لا مانسيت .. وانا يا اعناب اقولك هيا مرا تانيه .. انا احوبك .. وحبتيك .. وانته البنت الي تنسابني .. وانتي البنت الي استنتها طول عمري .. لكن فوق كل دا اقلك انتي خربتي كل شي ..
: انا بالعربي .. ما اثق فيكي .. ولو اتزوجتك عمري مارح اثق فيكـ .. غير الاحساس المقرف الي يجيني كل ما اتزكر الي سوتي مع خالكـ .. مرا اسف بجد
اعناب حست كلامو دا مافيلو رجعه خلاص ابدن .. : مازن لا تقول كدا الله يخليك .. والله حكون قد الثقه .. ورب الكوـن يسامح ويغفر ويعفو وانته لا .. وانا وعدتك اني ماحسوي شي زي كدا تاني ..
مازن بدون مايطل فيها : اعناب اسف .. ماحقدر اثق فيكي ..
اعناب لفت علي ومسكت يدو : لا تثق فيا مو لازم تثق فياا .. بس خليني معاك الله يخليك
ميل فمو علي جنب وحاول انو ما يطالع فيها : اسف دا قرارررري ..
اعناب صارت تبكي وتشهق وهيا ماهي مستوعبه كلام مازن . او تحاول ما تصدقو محنا فاهمين .. : مازن اسمعني ..
مازن : اعناب اتوقع اني لمحت لك من البدايه علي كل شي .. لكن اصريتي اقلك هيا بكل وضوح .. واتوقع اني قلت لكـ .. دحين ممكن ما عاد تجي وتقولي نتكلم ونتفاهم وماعرف ايش ..
حس عينو حدمع هوا كمان .. مو مصدق انو حيتخلي عن البنت الي حبها من بين كل البنات : خلاص ما عاد بيننا تفاهم ولا غيرروو ..
اعناب لفت وشها علي الشوباك ومسحت عينها بقوه .. خلاص ما عاد في دموع حتي ..
: طيب يا مازن طيب اوكي .. اوكي ..
مازن قلبو مرا وجعو واضايق هوا اكتررر .. ليش شافها .. ليش مو اي احد تاني شافها وقالوو .. لانو وقتها مارح يصدقوو اصلا .. بس هوا اتخلا عنها لانو عارف ومتاكد انو الشي دي ماحيخلي يقدر يعيش معها
حيفضل طول عمرو مايثق بيها .. وحيضل طول عمرو يتزكر الموقف دا ويقرف منها .. فخليها بعيده عنو احسن ..
وقف عن البقاله القريبه من فلتهم .. : ماراح اتاخررر ..
دخل البقاله واتوجه لتلاجه الاسكريم تكا عليها وغمض عينووو .. مو مصدق انو قال الكلام الي قالو لاعناب .. مرا مو مصدق ..
جلس متكي فتره بسيطه وبعدين اتحرك وهوا يمسح عينو .. يخاف تكون دمعت بدون ما يحس ..
شال كم اسكريم من الفريزر حاسب عليهم .. ورجع للسياره .. اعطا لفيصل اسكريم وفتحلو هوا : يلا كل حبيبي ..
مد واحد تاني لاعناب .. اخدتو منو وجلست تطل في العلبه والملعقه وافكارها مانعرف فين بس الاكيد انها في عالم تاني غير عالمنا ..
مازن حس بدا الشي وقلبو وجعو اكترر ..
اعناب بدون ما تطالع في : ليش تقلي تبي توافقي علي وائل انتي حره .. عادي يعني اخوك يتزوج البنت الي تحبها
مازن : مو عادي طبعا ..
اعناب اتنهدت : طيب
وصلو عند الفله .. اعناب نزلت من السياره وخشت علي غرفتها طوالي .. اتمددت علي الصوفا وغمضت عينها .. تبا تنام تبا تموت تبا تسوي اي شي غير انها تبكي .. خلاص ماعاد في دموع جوه عينهاا ..
والدموع مارح تحل حاجه ..
مازن هوا التاني دخل علي اهلو حط الاسكريمات علي الطاوله .. وماهرج ولا كلمه .. طلع علي غرفتو طوالي .. فسخ الشوز ورقد علي بطنوو ..
وجالس يقنع نفسوو انو الي سوا هوا الصح .. لانو اصلا ماكان حيقدر يعيش معها بكل الاحوال ..











~~~~~~~~
A6baa fe al-7o0b
~~~~~~~~











دخلت علي الشقه وشنطتها تتجرجرر في الارض جنبهااا .. والاحباط يكسو كل شبر من ملامحهاا ..
ليش كدا مو قادره تتهنا في حياتهاا ..
كل ما صار شي في حياتها .. طلع شي تاني .. خرب كل شي ..
شافت ابوها واختها جالسين في الصالون .. وبيتفرجو علي التي في ويضحكوووو .. طلت فيهم كدا باسف ..
اختها من انخطبت ليامن وهيا متغيره مرا وصايره مبسوطه .. ابوها طبعا علي وضعووو .. ونقدر نقول هيا كمان علي وضعها بس الي يزيد انها تشيل هم ابوها بزياده كل يوم عن يوم
نسيم ومحمد يطلو فيها بتعجب .. اشبها واقفه كدا عند الباب وتطل فيهم بملامح يكسوها الاسي والحزن ..
محمد علي طول حس انو فيها شي : اشبك يابنتي .. ايش صايرر ..
نسيم تقلب في التي في : مافيها شي كاالعاده بس دحن ترجنا ماجد ما صحي وادعو لماجد كنو معندنا شغله غيرها هيا وخطيبهاا ..
تسنيم رمت الشنطه وجلست في الارض وحطت راسها علي رجل ابوهاا : بابا ماجد فقد الزاكره ..
ابوها انفجع : اشبو ماجد صحي ..
تسنيم تهز راسها .. ومن قوه الحزن الي فيها حتي البكا مايعبر عنوو : ايوو بابا صحي وفاقد الذاكره .. مو عارفني وو لا عارف اهلووو ولا اصحابو ولا احد ..
نسيم : واااااااووو اما كدا مسكين ..
تسنيم : انا الي مسكينه والله انا الي مسكينه ..
محمد يمسد علي راسها : يابنتي هدي نفسك واحمدي الله انو صحي ..
: ايش الفايده بابا .. صحي .. ومو عارفني ولا عارف اي شي عني ولا عن اهلووو ..
دموعها فلتت غصب : ونسبه انو الزاكره ترجعلو خمسين في الميه .. بابا مرا كتير ترا مرا كتيررر ..
نسيم جات جلست قدامهاا : الله يعنيو يا شيخه انتي هدي نفسك بس
: ايش اهدي نفسي يا نسيم انتو مو مستوعبين قد ايش ماجد حيعاني .. انا ما ابغا يعاني ..
محمد : متي صحي ومتي عرفتو كل داا ..
تسنيم تتنهد : كول دا دوبوو قبل لا اطلع ..
نسيم ليش سبتي ليش جيتي طيب كان جلستي معاا
: ايش اجلس اسوي فهميني .. ماهو عارفني ولا عارف اي احد .. وغير دا اهلوو كولهم عندووو .. وكولهم مصدومين وكدا نفس وضعي وامو مرا منهاره قلبي عليهاا ..
محمد : قلبي عليكي انتي يا بنتي ..
نسيم حزنت علي اختها مرا : مشي حالكـ يا اوختي ..
تسنيم وقفت وباست راس ابوهاا : هوا دا حمشي حالي .. بدي اروح انام وكدا لا تصحوني مرا .. سيبوني انام الين خلاص ..
نسيم تمسح علي خدها : لا تنامي وانتي زعلانه اوختي ..
تسنيم بلا مباله : خليني انام ايش ابا اصلا انا
محمد مسك يدهاا : لا يابنتي لا تقولي كدا وتسوي كدا خلي ايمانك بالله قوي ..
تسنيم تهز راسهاا بهدوء : طيب بابا ..
نسيم : حبيبي اطلعي روحي الممشي هدي نفسك وبعدين ارجعي ونامي .. لا تنامي كدا وانتي حزينه ..
تسنيم لفت علي غرفتها : دحين اشوف اذا حسيت نفسي مرا مضايقه اصلا ماحقدر انام
نسيم : هوا انتي لسا حتحسي نفسك مضايقه .. الضيقه بتنكب من عيونك
محمد : هدي نفسك يابنتي الله يشفيلك خطيبك
: امين يارب
لفت علي غرفتها سكت الباب وجلست علي السرير وهيا تتنهد .. طيب دحين ايش .. ؟؟
دق جوالها المتصل بهاء ..
ردت علي وسدة النفس واضحه في صوتها : ايوا
بهاء : كيفك تسنيم .. وصلتي البيت ..
: ايوا
: اممم انا مرا مضايق علي ماجد تسنيم
: وجاي تشكيلي انا عشان ابكيلك ولا ايش وضعك
: لا انا كتبولي خروج والمفروض اكون في البيت دحين ..
تسنيم صلحت جلستها : طيب فينك يعني ..
: انا عند بيتك انزلي خلينا نروح الممشي او اي مكان نتفضفض ..
: مالي خلق بهاء
: عشاني طيب ..
: رجعت وقفت : طيب خليك انا بعبايتي اصلا مافسختها لساا ..
: طيب استناكي ..
قفلت الخط وخرجت من الغرفه : بابا نسيم حروح الممشي شويا .. وراجعه ..
نسيم: ايوا كويس احسن لك تبي اجي معاكي ..
: لا لا مو مشكله
محمد : انتبي لنفسك يابنتي .. ولا تجلسي تبكي ..
: لا لا البكا مايفيد ..
: طيب لا تتاخري ..
خرجت من البيت ونزلت شافت بهاء موقف قدام البيت .. فتحت الباب الخلفي وخشت السياره .. : السلام عليكم ..
بهاء : وعليكم السلام ..
تسنيم تتنهد : ارخي صوت الاغاني بهاء
بهاء كتم الصوت مرا وحده .. والتفت علي تسنيم .. جا يهرج ماعرف ايش يقول ففضل السكوت ..
تسنيم : كيف اهلك سموحولك تركب السياره وتسوقها لحالك وانته توك خرج من عمليه ..
بهاء : مو توي خارج من عمليه .. توي خارج من المستشفي .. فرقي
: الي هوا كيف سمحولك
: ماحستناهم يسمحولي او غيرو طيب ..
تسنيم مافحيلها تنصحو وتقلو انو كان لازم ترتاح ومن دا الكلام .. : طيب ..
استمر السكوت دابحهم لين وصلو للممشي .. بهاء وقف السياره ونزل .. : يلا تسنيم
تسنيم : ماابغا انزل ما فيا ..
: ليش جاين الممشي
: يعني عشان امشي مثلا ..
بهاء فتح الباب من جهتها : انزلي يلا
تسنيم خرجت رجولها بكسل : مافياا ..
بهاء طل في ملامحها وكيف قايله من قوه الحزن والاحباط واي شي : طيب اوكي نجلس هنا ..
سحب السجاده من الشوباك فرشها علي طرف الرصيف وجلس قدام تسنيم وحط يدو علي خدوو : وهادي جلسه ..
تسنيم تطالع في .. : دحين فهمتك
: فهمتي ايش ..
حطت يدها علي خدها هيا التانيه : لما قلت لو صار شي لماجد حتكون هنا .. ودا الي صار .. انته هنا وماجد مانعرف فين حتي ..
بهاء : اهلوو حيطلعو من المستشفي لان صحتو تمام ..
: ايوا ..
: الدكتور يقول يبالو يسترخي مرا ويبدا من جديد .. وانهم لا يحاولو يذكرو بالماضي مرا .. واحسن لو يغيرولو كل شي في حياتوو ..
تسنيم بحزن : يعني دا الشي حيساعد ..
: ايوا حيساعد انو زاكرتو ترجع .. اما لو حاولو يذكرو باي شي ويطلعولو صور وكدا حيصدع وذاكرتو حتتعب مرا ويصير احتمال رجوع الذاكره اقل واقل .
: اها
بهاء حاسس بيها وفاهم طلاتها : لا يا تسنيم مايصير كدا .. ماجد حترجع لو ذاكرتوو .. وكل شي حيكون تمام اوكي ..
تسنيم : ما ابغا اكون متشائمه بس جد ما اتوقع يا ماجد 5٪ في الميه مو قليل ..
: واحتمال انها ترجعلو كمان 5٪ يعني خلي عندك شويه امل ..
تسنيم : لو حترجعلوو .. متي يا بهاء متي ..
بهاء سحب يدها وجلس يلعب في اصابيعهاا : انتي قولي يارب وبس ..
تسنيم سندت راسها وغمضت عينها : يارب ..
بهاء : يارب ..
سكتو هما الاتنين واياديهم محتضنه ايادي بعض ..
وافكارهم .. عند نفس الشخص ..









~~~~~~~~
A6baa fe al-7o0b
~~~~~~~~

حسام لابس توب رمادي علي تطريز ناعم مرر بالابيض .. والغتره البيضه كدا منشيه مع الشووز الراخي ..
قدامو وسام لابس توب ابيض .. وشماغ حماروو باهت .. بلون الشوز الي مايل علي وررردي غامق شويااا ..
طبعا اغنيه شكشكه شغاله وهما الاتنين طايحين هز من كول مكان وصوووب ..
مهند متكي علي الباب وجالس بيصفقلهم .. لابس تووب سكررري مع الغتره السكرريه الي عليها نقوش بالبني الغامق .. وكدا شكلو طالع دندون ..
انفتح باب الشقه ودخل مالكـ .. ما اخد ثواني عشان يتعجب .. من شاف اشكالهم بالتياب ..
مرا بلم : علي فين شباب ..
حسام يرخي الصوت : رايحن نخطب مع ابو كسره ..
وسام : عقبااالك مالك وعقبال مهند وعقباااااالي .. يالبي بس متي اتزووج .. وانام في حضن الحرمه اخخ بس ..
مالكـ لسا متنح : رايحين تخطبووو لي كاسررر ..
مهند : اي نعمممم اسمع ماالك كيف شكلي
مالكـ : انتو انتو راحين تخطبو لكاسرر ..
حسام : خيرر مو معبين عينكـ ..
مالك : والله مو معبين ولا سطل صغير انتو .. من جدكم .. شايفينها فاتحه ولا ملكه كولكم راحين كدا … الخطبه يروح العريس وابو وبس ..
حسام : كاسر مافي ابووو ..
: يروح مع اخو ولا مع اي احد منكم .. بس ما تزيدو عن الاتنين سلامات تبو تفجعووو الرجال الي هوا ابو العروسه .. اصلا مين العرروسه ..
مهند يرفع حواجبوو : وليش ينفجع ان شالله ..
: لانكم كتار سلامات ..
وسام : لا ابشرك باقي اخوو واحد تاني صاحبوووو ..
مالكـ : واااال كولكم راحين تخطبوو يا عيال قولو انكم تمزحوو
حسام : لا لا ما نمزح .. اسمع البزوره نايمين انتبه عليهم اوكي ..
مالكـ : ليشششش كان اخدتوهم معاكم بالمرره ..
مهند : ههههههههههههه لا لا بدون بزوره محنا راحين سابع احنا مادري ايش ..
انفتح باب الغرفه وخرج كااسرررر : وهذاني خلصت ..
الشباب التفتو علي كولهم وبدو يرمولو كلام مالو الداعي ..
: هلا والله بالعرررريس ..
: اموووت علي الكشخه
: تعال اخطبني يا شيخ ..
: ابو اهلو لو يرفضك وانته بالرزه هادي ..
كاسررر يسحب طرف الغتره ويغطي وشوو : خلاص استحي شباب ..
مهند : يسعدها يا ناااااااااس ..
كاسر : اقول خلاص لا يكثرر .. يلا الروودي وصل منذو مبطي .. وهو تحت ينتظرنا
مهند : اما ليش ما طلع ..
كاسرر ياشر علي حسام ويضحك : هههههههههه يقول ما يبي ثوبه يتوصخ ..
مهند ووسام ماتو ضحك .. وحسام تنح لثواني وبعدين استوعب : بلا في شكلو الشارع انضف يعني ..
كاسر : ايه مع الحشمه ..
مالكـ : هي كاسر .. لو رحت بدول كولهم اتاكد انك مطرود عزومه حشا مو خطبه
كاسر : حبيبي لا تخلط الامور .. موب خطبه بكلم عمها وكذا وبعدها بنشووف ..
: والله ماعرف عنك بس انصحك اذا وصلت خليهم براا ..
مهند : يا مـــ**** والكشخه تروج علي فاضي …
حسام : ابو ملك .. انتبه للبزوره ولا يكترر يلا سلام ..
مالكـ يرفع كتوفوو : مرا سلامات ..
خرجو الشباب من الشقه واصوات ضحكاتهم سابقتهم .. اتوجهو لرائد الي واقف جنب سيارتو .. و لابس توب ابيض يلق .. ومطقم معا كل شي ابيض ..
كاسر من شافوو كشرررر : الرودي شنو ذا ..
رائد يطل في نفسوو : شنووو فيني ..
كاسرر : ورا كذا كله ابيض ورا ما لبست كذا شي حطيت لون ثاني ..
رائد : والله مو حلوو كذا يعني ..
: لا لاا عادي بس شسمه كــ ..
رائد : اروح ابدل الحين ..
حسام ومهند ووسام .. : ؟؟؟؟
كاسرر : لا لا شنو تبدل من جدكـ ..
رائد يميل فموو .. : زين ..
حسام : اشوفك مو عاجبتك شقتي ..
رائد : لي هو فيها شي عشان تعجبني .. طبيعي ما تعجبني ..
وسام : تشوف شقتنا الجديده كولها كم يوووم .. وقتها ياويلك تتميلح تقول تبا تجلس معاناا ..
رائد : دام كاسرر في ذاك بجي واتميلح غصب عن خشمك وخشم صاحب العماره
حسام : افا غصب عني يعني ..
رائد : ليش انت صاحب العماره ..
كاسرر : ههههههههههه شباب انا المعرس وشفيكم متوترين الحين وتدورن التمشكل ..
مهند يصقع كتف كاسر : ماعرف مين الي متوتر صراحه ..
كاسر يفرك يدينو في بعض : ابد انا موب متوتر ابد ابد
حسام يشدوو من يدوو : ههههههههههههههههه باين انك مو متوتر ما علينا امشي في سيارتي عشان اهيئك طول الطريق ..
رائد علي طول مسك يد كاسرر التاني : شنو علي وين .. بيطل معي بسياارتي ..
مهند : هيا كلوووو
كاسر : اما شسمه لا تضاربون علي استحي بعدين ..
وسام صقعو قفاا : بطل بلا مخنثه .. حتجي في سيارررتي ..
رائد : موب طالع الا معي
كاسرر : شسمه كنه عندي سيارره ..
مهند بسرعه : انا بطلع معاكـ ..
رائد : بختصار كاسر بيكون معاي سواء بسيارتي بسيارته علي رجولنا علي دراجه بيكون معي طلعو منها ..
كاسر : اقول اركدو شسمه وينه ذا الماهرررر .. شيسوي لما الحين ما شررف ..
رائد يطل في السياره الي جايه لعندهم : الظاهر هذا هوووو ماهرر ..
خلص كلمتو من هنااا ووقفت سياره اليموزين الطوويله قدامهم ..
مهند وحسام ووسام تنحو مع ابتسامه انشكاحيه .. : ؟؟؟!!!!!!!
كاسر : ههههههه حمد لله مابوه مضاربات بنطلع كلنا مع ماهر
نزل السواق السعوودي الي توبوو يلق هوا التاني كنو رايح معاهم يخطب .. لف بسرعه وفتح الباب لماهررر .. : تفضل طال عمركـ ..
ماهر نزل من السياره .. : سلام شباب اشلونكم
كاسررر مشي خطوتين ودق ماهر بكتفو : يالبا اخووي الي بيجي يخطب معي .. من وانا صغير كنت حاس انك انت الي بتخطب لي ..
ماهررر : اقول اركد لو درا الوالد عني بيتبرا مني انا بعد .. وبجيك اقعد معاك نواسي بعض
كاسر : افااااا
رائد : ايه يعني المح ابوك لا يدري عن شي ..
وسام : ههههههههههههههه يعني كاسر حيروح يقلووو ؟؟!!
ماهرر : شسمه يمكن بالغلط ..
رائد يطلع السياره : شباب ترا تاخرنا وكذا يلااا ..
كاسر : ايه كل ذا بسبه ماهررر ..
ماهر : شنو تاخرت انتظر السياره توصل وكذا ..
حسام يدفهم عن طريقو ويطلع اليموززين : يلا شباباب فللللله
مهند طلع هوا التاني : اخ بس لو اننا رايحن علي مكان عدل ..
طلعو الباقين .. والسواق قفل لهم الباب وشغل السيارهـ .. كاسر مدلو جهازو الايباد الي فيلو العنوان .. وقفل القزاز الفاصل بينهم ..
ماهرر فتح التلاجه ووزع عليهم عصيرات .. وشغلو الدفيدي علي السي دي الموجود جوه المحرك ..
واشتغلت اغنيه اجنبيه هادئه مرا .. سكتو ثواني حاول يندمجو معاها بس ما قدروو
مهند : يووو ترا رايحن نخطب ..
حسام : من جد قفل البيض دا وشغل شي يشكشكـ ..
رائد : خلونا مروقين كذا عشان كاسر شسمه يطير عنه التوتررر ..
كاسر : ياليل قلت لكم موب متوترر ولا شي ..
مهند : اممممممم الا لو مو متوتر عشان الخطبه متوتر عشان ولد عمها وكدا ..
ماهر يرفع حواجبوو : ولد عم منوو ؟؟
كاسر : ها شسمه ولا شي مابوه شي موب متوتر وابو هند بتلم لسانك ولا اشلون
رائد يطل في ماهر ويتعجب هوا كمان : ولد عم مين .. ؟؟
كاسر طل في مهند بتهديد وزفرر .. مهند يرفع كتوفوو انو ما كنت ادري انو الهرجه سررر ..
كاسر : شسمه صار بيني وبين ولد عمها تتش وكذا ..
ماهر : شنو تتشه تكلم ..
كاسر يقلب نظراتو بينهم : شسمه انو كذا شوي تضاربت معاه شوووي شوووي
الشباب كولهم انفلتو بصوت واحد : ايش ؟؟ كيف ؟؟ لي ؟! متي .. ايش السبب .. ايش سويت لوو
كاسررر يرمش بتعجب : هي هي شنو في انت وهوووووو .. بس تضاربت معا وكذا بالمستشفي سوء تفاهم ..
حسام : اهاااااا قلت انها من المستشفي ..
كاسر رمالو طله خلتووو يغير جملتووو .. : اقصد مو مشكله اضاربتو هيا اشلها دخل ..
ماهرر : شنو كان سبب المضاربه ..
كاسرر مرا مستصعب يقولهم : ولا شي ولا شي خلاص
ماهر : بتقول كسورر ..
كاسر يستنجد برائد بنظراتو : هرجه كذا مالها الداعي ..
رائد علي طول فهم طلاتو : شسمه ماهر انا بقولك بعدين عشان الشباب موجودين الحين
وسام ومهند وحسام : ؟؟؟؟؟؟؟؟؟؟؟؟
كاسر يصرف : يلا بنشغل اغنيه شكشكه وكذا ..
فتح الدولاب السحااب الي علي الجنب .. والي مرصوصه في كميه كبيره من السي دهات ..
حسام اتحمس : اشوف ايش في ..
كاسررر : يلا تعال دور انا مافيني حيل برتب كلامي وافكر وش بقول للعمهاا ..
ماهرررر : لا لا انت خلك ساكت انا الي بتكلم زين
كاسرر : اكيد زين وبقوه بعد .. ماعرف ارتب حكي صراحه
رائد : ولا يهمك موجودين انا وماهرر خل علينا الكلام
كاسر : ماهر لو سئلك عن ابوووي وشسمه وهلي شنو بتقوله ..
ماهرر : انا بتفاهم معاا انت لا تشيل هم شي اخووي .. خلك المعرس السنع الي تجلس وانت ساكت وكذا ..
مهند : واذا لسانك بدا يحكك كلمني اعرف اتصرف ..
وسام : وانا امدح فيك الين بكرا لا تووووصي ..
حسام حايس ينغبر في السي ديهات .. : واذا تم كل شي علي خيرر .. انا حزززغرطلك .. وافسخ توبي وارقص مصررري .. لا تحسبني خبلت ابد والله بس من فرحتي ليك ..
كاااسررر : ههههههههههه يالبا انتم مدري من غيركم شنو كنت بسوووي ..
مهند : كنت حتتسربت مايبالها كلام ..
وسام : هههههههههههههه بالزبط كدا ..
سكتو كولهم لما اشتغلت اغنيه قديمه مرااااا لمحمد عبده وموقعها غلط ..
>> ومن العايدين ومن العايدن .. ومن الفايزين ومن الفايزن ان شالله ..
احباب احباب .. احباب .. اخوان اخوان .. اخوان جاين يغنو وفراحنين ..
شويا انقلب السكوت لضحكـ .. وتحشيش .. علي الاغنيه وكل واحد يتزكر مواقف صارتلو ايام العيد .. وحجات كدا ..
كاسر متحسف انو ماحيحضر العيد عند اهلو السنه دي لكن ايش يسوووي .. عندو عيله جديده اكيد راح تغني وتسد الفراغ ..
وقفت السياره اخيررن .. قدام الفله الكبيره .. وضرب السواق بوري .. دقايق وانفتحت البوابه الكبيرره ..
رخو القزاز عشان يتفرجووو .. علي الفله طبعا الملاقيف حسام ومهند ووسام ..
حسام : واااااااا يا كاسرررر شكلهم حيبهدلوك طلبات
كاسر : مو مهم ..
مهند : اموووت علي ملعب السله يا شيخ ..
وسام : اقول ما عندها اخوات بنات عم اي احد ..
كاسر يفرك يدينو في بعض وكل ما يقربو يزيد التوتررر الي هوا فيلووو .. لين وقفت السياره اخر شي قدام الفله .. نزل السواق بسرعه فتحلهم الباب
نزلوو واستقبلهم ابو زهاد الي كان واقف عند الباب وبتسم .. وفي نفس الوقت مندهش من عددهم .. كل دول جاين ليش .. ؟؟
وصلو لعندو وسلمو علي .. دخلهم المجلس الكبير الي يجري فيلو الخيل ويتعب كمان ..
ثواني وجاتهم الضيافه . عصيرات ومويا واي شي ..
عم زهاد جالس يرحب فيهم ويهلل .. لدرجة انو الشباب استغربو منو مراا ..
كاسر ما يدري ليش حااس بعد كل دا الترحيب المطول رد غبي يقول .. ( البنت مخطوبه .. محنا موافقين )
رائد في عالم تاني يتمني ابو زهاد ما يوافق باي شكل من الاشكال ..
حسام ووسام ومهند عيال الفقرر مشغولين يتفرجو في المكان وياشرو علي التحف واللوحات وكل واحد يتراهن علي سعرهاا ..
ماهرر الوحيد الي مستوعب هما ليش جاين .. ابتسامه تسليكه علي وشوو .. : الله يسلمك من طيب اصلكـ ..
كاسر يدق رجل ماهر : اتكلم بسرعه قول شي ..
ماهر : ايه يابوو هيثم .. ندخل بالموضوع ..
: اكيد يا هلا اتفضل ..
: حنا جاين نخطب بنت اخوكـ .. للكاسر اخووي ..
ابو هيثم يبتسم : هلا والله اتشرفنااا .. اهلا كاسررر .. انته الي كلمتني صح ..
كاسر يطقطق اصابيعو : ايه
: اها ما اتوقعت كلهم بيجو معك وكذا ..
مهند : افا كلام مالك طلع صحيح
كاسر : ايه عشان ابو مثل ما انت عارف ما يقدر يجي
: والله ماني عارف ياولدي ليش مايقدر يجي ..
ماهرر : والله الوالد عنده مشاكل مع اخووي عشان كذا زعلان عليه وما يبي يجي يخطبله ولا يزوجه
ابو هيثم يشرب من كاسه العصير : مشاكل كيف اقدر اعرف ..
ماهرر يحاوول يسلك : مشاكل عائليه وكذا ..
ابو هيثم مصر يعرف : مشاكل كيف طيب
كاسر من قوه التوتر فرط كل الشريط : والله ابوي كان يبيني اتزوج بنت عمي .. وانا مارضيت قام زعل علي وقاطعني يرضيك اتزوج غصب عني بنت ما ابيها ..
ابو هيثم يرفع حواجبو : اهااا .. طيب واهلكـ اممم مثلا الوالده وكدا ويسوو كلام حريم وشي من كدا ..
كاسر مكمل بكل صراحه : امي بعد رائيها من رئي ابوي ..
ابو هيثم مرا ما اهتم .. : اهاا ..
كاسر متحمس : ها شنو قلت
ماهر يخبط رجل كاسر انو خلاص اسكت : اللحين جينا وقدمنا الكاسر .. وانت اتفضل واسال عنه هوا كان يتدرب بمستشفي الــ .. وماله بجده كثير .. يعني ما حد يعرفه الا اصحابه الي هم هنا معنا ..
ابو هيثم يهز راسو : اكيد حنسال عنو وكل شي لكن ما نقدر نرد عليكم ولا بشي غير لما اخد رئي بنت اخوياا الله يرحموو
كاسر ابتسم .. اذا علي رئيها .. كل شي حيكون تمام اكيد : زين متي بتردون علينا .. ؟؟
ابو هيثم : ان شالله في اقرب وقت اسالهاا واسال عنك وما يكون خاطرك الا طيب ..
كاسر كان حيطير من الفرحه لكن سكت وتنح لما ابو هيثم سالو : انته تعرفها معاك في المستشفي تشتغل صح
بلع ريقو وماعرف ايش يجاوب : احم احم .. شسمه لا ما اعرفها بس شسمه بالمستشفي ايه وكذا ..
حسام ومهند يطلو في بعض بنظرات هبله ..
ابو هيثم لاحظ تلبك كاسر وابتسم : لا تخاف بس عشان لما اخوك قالي علي المستشفي اتزكرت انو بنت اخويا تشتغل هناك هيا كمان ..
كاسر خربها : لا هي تركت الشغل خلاص ..
كولهم : !!!!!!!؟؟؟؟؟
وكاسر غمض وميل فمو .. ابو لسانك المفلوت يا شيخ ..
االجوال رن وانقذ الموقف .. ابو هيثم وقف : عن اذنكم دقايق ..
خرج من الغرفه والجوال علي ادنوو : ايوا يا هلااا ..
هيثم جاي من برا ومتعجب انوار المجلس شغاله واليموزين الي برا .. مين في ..
اتوجه للمجلس وشاف ابو واقف عند الباب بيكلم جوال .. اشرلو علي الجلس : مين في ..
ابو رخا الجوال عن ادنو : ادخلهم معايا مكالمه مهمه اخلص وادخلكم
هيثم متنح : طيب مين .. ؟؟
: خطاب لزهاااد .. ادخل اجلس معاهم دقايق واجي
خلص كلامو ورجع الجوال علي ادنو وبعد عن المجلس متوجه لغرفه المكتب .. : ايو دحين اتاكد من الاوراق
هيثم متنح .. خطاب كدا عينك عينك يعني عشاني لمحت اني بخطبها تاني علي طول خطاب .. ايش هوا .. داا ..
اتوجه للمغسله الي عند المجلس وقف عند المرايه .. صلح خصلات شعررووو .. واتاكد انو شكلو مرتب ..
دخل علي المجلس وشافو جالس ومرتز بكل كشختو وشياكتو وابتسامتو الواثقه ..
اتقدم لعندو ونافخ صدرو وناوي علي مضاربه .. : انته ايش بتسووي هنا ..
الشباب من شافو كيف جاي لعند كاسر .. استوعبو انو دا ولد عمها الي صار بينو وبين كاسر تتش ..
كاسر وقف ونفخ صدرو هوا التاني .. : جاي اخطبها ولا شنو شايف انت ..
هيثم جلس يرمش بفهاوه : انته .. تخطبها ..
كاسر يتقدم خطوتين : موب عاجبك مثلا ولا شلووون ..
هيثم جلس يطالع في كاسرر بعيونو وعقلو وبالو عند زهاد .. اكيد بينهم شي .. اكيد تعرفو .. اكيد جا خطبها عشانو يباها .. واكيد حتوافق علي .. فابتالي طلبو الي اليوم ما كان لو الداعي ..
رجع رفع عينو علي كاسررر .. ورمالو ديك الطله الي ماعرف ايش تبغاا .. ولف خرج من المجلس وقلبو يغلي .. وسط همهمات الشباب ..
كاسر التفت علي الشباب واتبسم : قلت لكم تتش بسيط ..
خرج الجوال من جيبوو .. وخرج من المجلس طلب رقم زهاد علي طووول : زوزو
زهاد : ايوا كسور بسرعه ايش صار قلي خرجت ولا لسه ايش قالك عمي ايش قلت لووو ..
: كاسر : تخيلي اني لسا ببيت عمكـ ..
: اما ماخرجت ايش صارر
: ماعرف بس احس ان عمك كذا الامور تمشي معه بسلاسه ..
زهاد : وهيثم .. جا شفتو .. ؟؟
: هيثم ماعرف شنو يحس .. دخل يبي يتهاوش قلت له جاي اخطبك .. جلس يناظرني شوووي وعيونه مادري شنو تقول وبعدها طلع ..
زهاد مو مصدقه : بس
كاسر هوا كمان مو مستوعب انو دي ردة فعل هيثم .. : ايه بس ..
زهاد : اوكي وعمي ايش قال .. ايش قلت لوو
: قلت له ليش اهلي ما جو معي وكذا .. واخوي قاله يسال عني بنفس المستشفي .. وتخيلي انه سالني اذا اعرفك او لااا ..
زهاد : وااااا ايش قلت لووو ..
: شنو بعد قلت له ما اعرفك بس اشوفك بالمستشفي وكذااا ..
زهاد تتنهد : كويس اساسا عمو ما يدقق في دي الحجات ..
: اي واضح انه ما يدقق ولا في شي ..
ابو هيثم دخل علي الممر وانتبهلو كاسر : عمك جاا بكلمك شووووي لما اطلع زين
: اوكي تيك كير حبيبي
: باي
قفل الخط وساوا انو بيغسل يدووو .. ابو هيثم شاااافوو وابتسم لوو ..
كاسر قفل المويااا ونشف يدو : كونت بغسل ايدي شسمه حسيتها كذا
ابو هيثم و عجبو كاسررر .. : اكيد خد راحتك اتفضل نكمل اتفاقنا
كاسرر ياشرلو علي المجلس : اكيد ..
دخلو علي المجلس وكملو هروجهم واتفاقاتهم .. وابو هيثم جلس يسئل كاسر عن اهلو وحياتو في الرياض ..
وكاسر كان جدا سخي في الاجوووبه .. ورائد وماهر متحمسين معا .. والثلاثي المرح كل شويا يدخلو بدخلات غلط .. والامورر كدا باينه من البدايه انو ان شالله نهايتها تمام ..









~~~~~~~~
A6baa fe al-7o0b
~~~~~~~~

في الحياه هناك الكثير من النهايات ..
بعضها سعيده وبعضها حزينه ..
وبعضها تنتهي بالتغير ..
وتفتح بعض القصص الابواب .. لاشياء اكثر وامور اخري .. قد تكون افضل ..
وهناك نهايات القصص الخياليه .. حيث تحصل الفتاه علي اميرهاا ..
ونهايات تجبركـ علي تامل حياتك ومكانتك بين العالم ..
وهناك النهايت التي تتوقع قدومها من قبل .. وبرغم ذالك ما تازال تفاجئك ..
وهناكـ النهايات التي تصدمكـ ..



…
…
…











طلعت الشمس الي تعلن عن يووم جديد .. مثير .. غريب .. يمكن جايب معا مفجئات .. صدماتـ .. اخبار حلوهـ .. وحجات كتيرهـ ..
خشت الشمس في عينوو .. خلتو يرفع يدوو عليها بسرعه .. ويتحركـ في السرير الي جدن ماهو مريح ..
طبعا ماهو مرريح .. لانو راقد علي سرير المستشفي ..
شال يدو عن عينوو وابتسم لما شافها : ماما انتي هنا ..
امو قفلت المجله وقامت لعندوو : ايوا ياولدي كيفك دحين ..
اياد ياشر لها علي الستاره : قفلي مو قادر افتح عيني ..
مسدت علي شعرو وباست راسوو : لا خليها عشان ريحه المستشفي مني مستحملتها ..
سحب يدها وباسها : لا تقولي انك مسكتي طريق سفر عشاني ..
: طبعا عشانكـ ..
اياد متعجب : مين كلمك اسراء .. ؟؟
: ايوا اسراء ..
: اما ايش تحس وانتو علي طول تجوو ترا كسر بسيط ..
: لا ماهو بسيط .. هيا انفجعت واتصلت علينا لما قالو رجلك تحتاج عمليه .. لانو فيها كسر مزدوج
اياد يطل في رجلوو : لا عااااادي صح عمليه بس ما كان في داعي تكلمكم حتي العمليه مرا بسيطه ترا ..
: لا بالعكس كان لازم تكلمنا كويس منها .. دي عمليه اشبك انته ..
اياد متنح : ترا دي ما تسمي عمليه وربي ماحسيت بشي .. حتي لما طحت ما حست بالم لدي الدرجه ..
: طول عمرك عندك مشاكل في الاحاسيس ياولدي ..
يتلفت حولينو : لحالكـ ماما ..
: لا دونيا موجوده هناا .. بس راحت لبيتك تجبلكـ اغراض ..
اياد مو مصدق انو اهلو ضربو مشوار من المدينه لجده عشان رجلو انكسرتـ .. : وفين اسراء ماما ..
تاشر بيدها بلا مباله . : راحت مع اختكـ للبيت ..
اياد بصوت راخي : ونيار .. ؟؟
سحبت الكرسي وحطت رجل علي رجل : ماعرف يمكن ماعندها خبررر ..
جلس يتلفت : جوالاتي فين جوالاتي اكيد اتصلت كم مرا .. وقلقت عليااا ..
: اتوقع اغراضك كلها في البيت ..
مد يدوو : طيب اعطيني جوالكـ ماما ..
اعطتو الجوال اخدو منها بسرعه وطلب رقم اسراء الي حافظو عن ظهر قلب .. : الووووو
اسراء : اياااد انته صحيت كيفك دحين كيف رجلك طمني
اياد مقهور منها لانو راقد هنا والسبب عصبيتهاا .. : جوالي لا تنسي ..
اسراء : بسئلك كيف حالكـ اشبك ماترد علياا ..
اياد : نيار اتصلت ؟؟
اسراء حست انو زعلان بسبب انها دفتو .. من بين اسنانها : ايوا ..
: ايش قلتي لها ..
اسراء بلا مباله : مارديت عليهاا ..
اياد : اعطيني دونيا ..
اسراء مدت الجوال لاختو وهيا متنرفزه منوو .. : خدي كلمي اياد ..
دونيا حطت الجوال علي ادنها : حمد لله علي سلامتك يا احول اجل متكركب من الدرج ما تشوف انته ..
اياد .. ياسلام ولا قالت لهم انها دفتو << طبعا ماحتقلهم .. : هههههههههه مشي حالك تحصل احيان ..
: مو مهم الموهم انك بخير دحين .. ها حاسس بشي ..
: لا والله كويس اصلا مستغرب من نفسي اخاف عندي مشكله في الاحاسيس علي قول ماما ..
: هههههههههه لا ما اتوقع ..
: مو مهم اسمعي اختي . افتحي جوالي الباس ورد …… واديني رقم نيار بسرعه ..
: امممم طيب دقيقه اشوفوو فين ..
التفت علي اسراء : فين جوال اياد ..
اسراء تاشر علي شنطتها : معايا ليش ..
مديت يدها : اعطيني هوا ..
اسراء : ليش ..
دونيا تحاول ما تتنقاش معا : ابغا هاتي ..
اسراء معنده : ليش ؟؟
دونيا بدت تتنرفز : مو شغلكـ هاتي الجوال بسرعه ..
اسراء : والله جوال زوجي ايش الي مو شغلي ..
دونيا تقهرها : زوجك يبغا رقم مرتو التانيه حتجيبي ولا كيف ..
اسراء بعناد : كيف .. انا حطلع ..
دونيا تطل فها بتناحه .. : اياد انته كيف صابر علي الادميه هااادي .. ؟؟
اياد يزفر : ماعرف ..
دونيا : ماعليك دقيقه انا معايا رقم نيار
اياد : شوف البنت وجالسه تتناقري مع اسراء ليش ..
دونيا تضحك بخبث : بس كدا استمتع ..
: هههههههههه يالطيف ..
طلعت الرقم واعطتوو هوا : يلا احنا مسافه الطريق ونكون عندك طيب ..
: طيب يلا سلام ..
قفل الخط وهوا يتمتم مع نفسووو . : والله اممممم هممم لووو ممماا شي غريب ..
امو تتقدم لعندو : ايش بتقول ياولدي .. ؟؟
يهز راسو وهوا يحط الجوال علي ادنو : لا لا ولا شي ماما ..
نيار علي الخط : مين ..
اياد : نونا اناا اياد ..
نياررر : يووو اتصلت عليك الين جاني المرض فينك ليش ما بترررد ..
اياد : يووو ما تتخيلي ايش صارلي .. طحت من الدرج وانكسرت رجولي .. وانا دحين في المستشفي ..
نيار شهقت : ايش اما من متي ليش ما قلت لي ..
: ياشيخه سولي عمليه صغيره كدا .. انا دوبي صاحي ..
: يوووو كيف طحت طيب .. ايش صايررر ..
اياد يتزكر حركه اسراء ويميل فمو علي جنب : كنت واقف مع اسراء ومــ…
رفع عينو طل في اموو .. مرا مو لازم تعرف انو اسراء دفتو تكرهها بزياده .. : ومادري كيف طحت ..
نيارررر : اما ماتدري كيف ..
اياد : افهمك بعدين ..
نيار حطت يدها علي صدرها : اسراااء دفتك صح اسراء دفتك صح ..
اياد : يعني بس ما تقصد ..
نيار مفرصعه عينها : كونت عارفه انها حتسوي فيك شي بعد ما قلت لها علي كل شي ..
اياد تنح لدقايق .. : ايش قولتيلها كول شي انتي كلمتي اسراء .. ؟؟
نيار بسرعه : امم لا لا بس انو اقصد بعد ماعرفت ماعرف كيف عرفت بس انــ ..
اياد قاطعها : انتي الي قلتي لاسراء علي كل شي صح انتي يا نيار اتكلمي ..
نيار مرا خافت : ايوا بس يعني اشسمو انا ما قصدتـ والله .. بس كونت بكــ..
اياد عصب من نيار هيا التانيه : يعني شوفتي قد ايش خايف انها تعرف من احد غيري تقومي تروحي تقوليلها من جدك انتي .. ؟؟
نيار : لا اسمع انا ما كــ..
: ماني سامع ولا شي بلااا ..
قفل الخط في وشهاا .. ورمي الجوال : ايش يحسو هما الاتنين ..
امو جلست تطالع في بتعجب .. شكلهم حرمتينو مهبلين في .. والله مرا حرام بدري علي .. دوبو صغيررر .. الي قدووو لسا قاعدين يصيعو ويتسربتووو وياخدو مصروف من البابا والماما ..
وهوا مورط نفسو بحرمتين .. لا وبعد كم شهر حيصير عندو بيبي .. مرا كتير علي ..
اياد لاحظ طلاتها : اشبك ماما ..
مدت يدها تلعب في شعرو : مرا كتير عليك يا ولدي ايش سويت في نفسكـ ..
: لا ماسويت شي والله .. عادي ايش الي كتيرر
رفع عينو علي فوق : شعري كتيررر ؟؟!!
امو ضحكت غصب : الي انته في متزوج حرمتين وحيصير عندك بيبي وانته في دا العمرر .. مرا كتير عليك ..
اياد يميل فمو علي جنب .. وياكد لنفسو انو كل شي كان تمام لين ورط نفسو واتزوج نيار .. من جد ما كان قدهاا ..
اتنهد باسف : لا عادي ماما ..
امو : انته عارف صاحبك معتز ولد جارتنا وصال ايش بيسوي ..
اياد يميل فمو : ايش ..
: دحين سافر يكمل دراستو براا .. وعارف منيرر .. الي كان معاك في الثنوي ..
ايد بملل : اشبوو ..
: ماشالله اتخررج .. من الجامعه دحين ومسك وظيفتوو وتو جلس يرتب اموروو .. لا وكمان تعرف بندرر .. ايش بيسووي
اياد يزفر : ايش ..
: جالس بيروح ويجي ويسهر مع اصحابوو وعايش حياتووو .. وعارف كمان عيال خالتك وعيال خالك فينهم دحين في دا الوقت ..
بدا يحس بالاسف علي نفسو من جد .. : فين ..
: والله عيال خالكـ .. اخدين لهم كباين هنا في جده وطلعه شبابيبه ومبسوطين مع بعضهم .. وعيال خالتك في المغرب من كم يوم .. ما فكرت ليش ما اتصلو ولا عزموك ولا شي . لانك متزوج .. خلاص متزوج .. ومرتبط ومانك فاضيلهم .. انته ياولدي ما اتهنيت بشبابك وانا اشهد ..
اياد حس انو نفسو يطلق اسراء ونيار ويريح راسوو .. ويرجع يفلهااا مع نفسووو .. ولما يطق التلاتين يرجع يتزوجهم
امو تمسد علي خدوو : انته جبت لنفسك الله يهديك ودا الي ما يسمع كلام اهلووو ..
اياد يطل في امو : انتي لدحين زعلانه اني اتزوجت اسراء بدون رضاكي
: خلاص راح الزعل ياولدي بس الي مزعلني دحين الوضع الي انته في .. مرا كتير عليك ياولدي .. اتخليت عن كل شي عشان اسراء .. حتي دراستك ما كملتهاا ياولدي ..
اياد رفع حواجبو بدهشه : دراستي
: ايوا ياولدي اعرف عن كل هادا .. لا تقعنعني انك خلصت واشتغلت انا عارفه انو هيا الي بتصرف عليك .. لكن كل هادا يهون .. اما مرتك التانيه حامل دا الشي الي مو مستوعبتو انا انته لسا بيبي يا اياد كيف تربي بيبي ..
اياد استصعب كل شي بعد كلام امو هادا .. وسكت وجلس يفكر في حياتو الي ضاعت من جد ..
ابتسم وحس انو كل شي عشان اسراء يهون .. دراستو طز فيها .. شغلو ظز في .. كل شي .. طلما اسراء معا ما همو شي .. يحس المشكله الحقيقه الي هوا فيها دحين .. نيار والبيبي الي في بطنها ..
وايش الحل دحين .. ولو اسراء خيرتو بينهم الاتنين ايش حيسوي .. ياترا هل حيختار حب حياتو والي ضحا عشانها بكل شي .. ولا حيختار البنت الي في بطنها قطعه منوو .. اختيار جدن حيوان
امو لاحظت وشو كيف مكشر وواضح انو بيفكر في شي .. : اشبك حبيبي ..
اياد بطفش : ماما اسراء حسبتني طلقت نيار وانا ما طلقتها وما ابغا اطلقها عشانها حامل .. واخاف اسراء تطلب الطلاق لو ما طلقت نيار ايش اسووي ..
امو تنحت : بطتنا بطت بطتكم .. ؟؟!!
خلتو يضحك غصب : اوووووف يا ماما كل شي كان تمام لين ما غلطت انا واتزوجت نيارر .. وغلطت وخليتها تحمل .. اووووف
: يابابا .. انا لو عليا تطلقهم الاتنين وترجع ولدي تعيش عندي وتدلع عليا زي باقي الاولاد الي في سنكـ .. مو كدا ..
اياد : بس دا الشي لا يمكن يصير ايش اسوي ..
رجعت تكت علي الكرسي وحطت رجل علي رجل : انته الرجال اجل وكلهم حريمك انته اتصرف وقرر بنفسك ..
اياد سكت واتكتف وسرح بافكاروو .. وامو رجعت فتحت المجلات تقلب فيهاا ..
مر الوقت بدون ما يحسوو .. شويا اندق باب الغرفه ودخلوو دونيا واسراء .. : السلام عليكم ..
اياد يفرد يدينو ببتسامه : اوختي كان نفسي اقوم انقز بس زي ما انتي شايفه ..
دونيا جات لعندو وضمتووو : ههههههههههه خليك مو مشكله يا احول
يطلع اسراء وينزلها بعينو : ههههههههههههه الحول يحصل ايش نسووووي يا اخي ..
دونيا جلست علي طرف السرير .. : وحشتني يا كلب .. كيف طحت حكيني ..
اياد يطالع في اسراء بقهر : والله كونت واقف كدا علي طرف الدرج ولابس الشوراب .. ومااتزكر كيف طحت واللهي ..
: والله انو الهرجه كلها حول بعيد عن الجالسين .. ههههههههه
: ههههههههههههههههه شي من كدا خلاص لا تنقي انا انسان مريض ورجلي مكسره ..
اسراء جات لعندوو وباست خدوو : سلامتك كيف تحس دحين ..
اياد يلف وشو عنها : تمام تسلمي ..
دونيا طلت فيهم الاتنين وحست انو في شي : خير ..
امو تطل نفس الطله : مافي شي يا دونيا .. اتركيهم ..
اسراء جالسه بطل في ونفسها كدا تضموو .. وتقلو مرا اسفه .. لكن كل ما تتزكر نيار .. ترجع تضارب مشاعرها وتتمني تتقدم لعندو وتخنقو تريح راسهاا ..
رن جوال دونيا وطلت في الشاشه ببتسامه : نيار ..
اياد يكشر : اها ..
دونيا : ايوا نونا حبيبي
: امممم ايوا اطلعي الدور التاني ..
: امممممم لا لا الجناح بــ .. غرفه رقم .. …
اتنين هنا اتنرفزوو .. اياد الي مقهور من لقافتها لانها هيا الي قالت لاسراء كل شي .. واسراء الي متنرفزه اصلا من وجود نيار في حياتهم كولها ..
دونيا قفلت الخط : نيار وصلت
اياد : اهااا ..
امو تكشر : اشبك ياولدي ..
اياد يتكتف ويقرمط اضافيرروو .. : ولا شي ولا شي ..
دونيا : ياشيخ ما اعرفك انا ..
سحبت يدوو : ما تقرمط اضافيرك الا لما تتنرفز ايش منرفزك ها ..
اياد : دونيا اطلعي من راسي .. خلاص
دونيا طلت في امها بتعجب .. يعني اشبوو .. امها ترفع كتوفها انو ما ادري عنووو ..
شويات كدا اندق باب الغرفه ودخلت نيااار .. : السلام عليكم ..
كولهم ماعادا اسراء : وعليكم السلام ..
نيار اتقدمت لام اياد وباست يدها وراسها : كيفك يا خاله ان شالله بخيرر..
ام اياد تبتسم : بخير يابنتي الحمد لله انتي كيفك ..
: تمام الله يسلمك .. منورين جده يا خاله
: منوره باهلها حبيبي
اسراء اتنرفزت من نيار .. تحاول تسوي انها مره ولدهم الكويسه ولا ايش وضعها ماحد فاهم ..
نيار اتقدمت لدونيا وضمتها : كيفك حبيبي ان شالله بخيررر ..
: بخير ياقلبي انتي ايش مسويا ..
: تمام الله يسلمكـ ..
اتقدمت لاياد اخر شي وباست خدوو وجبهتو : سلامتك حبيبي ما تشوف شر والله
اسراء سيبوها شويتين وتولع في نفسها بنفسهاا ..
اياد يدفها عنو بخفه ويحاول ما يطالع فيها لانو متنرفز منها : بخير شكرن ..
نيار رفعت عينها علي اسراء وطلت فيها وعلي شفايفها طيف ابتسامه .. : كيفك اسراء
اسراء تطقطق اصابيعها .. وكنها علي وشك تقوم تطيح في نيار ضرب الين خلاص ..
نيار بتقاله دم : اسراء بكلمكـ ..
اسراء لفت جسمها كلو علي الشوباك وتدعي ربها ما تبكي من القهر الي جوتهاا ..
اياد لاحظ قد ايش هيا مقهوره .. ومرا ما عجبو هادا الاحساس بالمره : نيار خلاص لا تكلميهاا ..
نيار : اوكي حاضر حبيبي ..
شالت الشنطه الي جابتها معاهاا .. : اياد يلا قوم بدل دا اللبس الي عليكـ ..
طلعتلو تيشرت اصفر مع شورت : شوف ايش جبتلك
اسراء لفت تطالع .. واياد ابتسم : ايوا والله دا البس ينرفز ..
نيار طلعت قلم من الشنطه : شوف ايش جبت عشان نكتبلك زكريات حماس موووو ..
اياد ضحك غصب عنو علي طفولتها : ههههههههههههه ايوا
دونيا اخدت القلم منها : يلا يلا زكريات ..
قربت لرجولو الي مجبره كدا .. : احم احم .. الي اخويا اياد .. بطل حول مرا تانيه .. وامشي كويس وطالع في طريقكـ ..
نيار طلت في اسراء بغيره .. : حول ليش حول اسراء دفتو
دونيا وامها التفتو علي اسراء الي بلعت ريقها : لا ما دفيتوو
اياد بسرعه : لا لا مادفتني
نيار بخبث : وه انته قلت لي انها دفتكـ ..
اياد : لا لا مادفتني ليش تدفني .. احم احم لا مادفتني
دونيا تطل في اسراء بكره : اها طيب ماشي
اياد يصرف الهرجه : احم احم ابعدو بروح الحمام .. نادولي الممرض
نيار بسرعه مسكت يدوو : لا انا بوديك اياد استند علياا ..
اسراء ماقدرت تمسك نفسها مشيت المسافه الباقيه ومسكت يد اياد : قوم استند علياا ..
اياد قلب نظرتو بينهم وبعدين طل في امو واختو وانكسف من تصرفات اسراء ونيار .. : لا لا استريحو نادولي الممرض
نيار ماسكه يدو باصرار : لا حتجي معاياا ..
في الجه التانيه اسراء ماسكه يدوو هيا التانيه : اتركي انا بسندوو ..
اياد لا لا البنات بيضاربو عليا دي موشكله : لا استريحوو نادولي الممرض بس
اسراء بعصبيه : نيار اتركي اياد لا تخلييني اجي افتري فيكي
نيار تطنشها : اياد يلا قوم .. واستند علياا ..
اياد : هي اتركوني انتو الاتنين
اسراء : اياد خليها تترك يدك قولها تسيب ايدكـ ..
اياد بجد انكسف من حركاتهم .. حيقلبوها مضاربه هنا ولا كيف .. : احم احم ماما دونيا اتركوني شويا اتفاهم معاهم ..
امو قفلت المجله وخرجت وهيا تبتسم .. ودونيا جنبها متعجبه : يابختك يا اياد ..
امها : الا الله يعينو ياشيخه ..
خرجو من الغزفه وقفلو وراهم الباب .. واياد سحب يدو منهم الاتنين .. : اتركوني انتي وهيا ..
اشر علي اسراء : انتي كسرتيني ايش تي تاني ..
ولف علي نيار : انتي اتكلمتي من ورايا مع انك كونتي عارفه اني ما ابغا اسراء تعرف من احد غيرري .. ودحين انتي وهيا اطلعو برا ما ابغا اشوفكم ممكن ..
اسراء تطل في بعدم تصديق : اياد ..
اياد : ايوا يا اسراء لين هنا وخلاص ما ابغا اشوفكم اطلعو برا انتو الاتنين
نيار : اياد مرا اسفه بس حسيت انك ماراح تقلها ..
اياد : اطلعو برا انتو الاتنين لا تخلوني .. انادي الامن
اسراء .. بقهر : ماتكدب عليا وبكل بساطه تقلي اطلعي برا .. ما حطلع لما تطلقها دحين ولا اختار يا انا ياهيااا ..
اياد دا الشي الي ما يبا يسمعو من اول : اسراء انا مريض دحين اشبك
: منك مريض تطردني وتصرخ وتضيق اخلاقك علياا .. دحين تتكلم انا ولا هيا .. عشان لما اطلع من هنا .. يا اطلع للابد .. يا اطلع وارجع انا الوحيده الي علي ذمتك يا اياد ..
اياد يسند نفسو ويرفع المخده علي وشو : اطلعو برا انتو الاتنين ولا عاد تجو هنا خلوني ارتب افكاري اطلعو خلاص ..
نيارر حست انو مرا معصب وخافت يتعب بزياده شالت شنطتها وحضنتها .. : اياد طيب اسفه انا ..
: طيب روحي
نزل المخده عن وشو وشاف اسراء واقفه وعلي عيونها شبه دمووع .. وجنبها نيار هيا التانيه علي وشك تبكي .. : روحو يلا اطلعووو ..
اسراء اتوجهت للباب ووقفت : طيب حطلع يا اياد حطلع ..
رجع رفع المخده علي وشوو واتنهد بالم .. ايش الغباء دا الي حط نفسو جوتوو .. ليش اتزوج نيار من البدايه ليش ..
نزل المخده عن وشوو وشافهم لسا واقفين واسراء حاطه يدها علي مسكه الباب وقلبها يغلي من جوا : يا انا يا هيااا ..
صار يتلفت ويطل فيهم الاتنين وعلي راسو الكتير من علامات التعجب ..
: اطلعو برا بقووول ..
نيار خرجت من الغرفه .. وبقيت اسراء بطل في ومستغربه انو ما قال انتي بكل بساطه ..
اياد : اسراء اطلعي بررا ..
خرجت وقفلت الباب وراها بعصبيه .. وهيا مو مصدقه انو نيار .. مو مهتم لجملتها .. المفروض يقول اختارك انتي بدون نقاش .. ايش الي بيسووي . يطردني خير شر تشوف يا اياد تشوو ف
اياد رجع غطا وشو بالمخده وزفر بالم : اوووووففف











~~~~~~~~
A6baa fe al-7o0b
~~~~~~~~

خشو علي المطعم الفاخررر جدن .. واخدولهم طاوله كدا موقعها حلووو .. ونور الشمس داخلهم من القزاز الشفاف .. الي يطل علي الشارع الرئىيسي الي فيلو زحمه سيارات بغض النظر عن الوقت هادا
الي المفروض بالطبيعي جدن يكون الشارع هادي .. لكن جده غيررر ..
حنين تعدل حجابها : هوا دا مطعمك يا مهند ..
مهند : اسكتي بس واحمدي ربك احد معبرك ومطلعك تتغدي براا ..
اام مهند : ياعيني علينا .. كل شي لحسام هادا .. غدا مع حسام فطور مع حسام عشا مع حسام حريقه مع حسام واهلك من سنه لسنه لا وكمان تتمنن
مهند : افاااااااا ام مهند والله ما اتمنن بس ماتشوفي بنتك مو عاجبها شي من اول تعلق علي كل حاجه .. وبعدين ايش قصه حسام معاكم ..
حنين : هههههههههههه والله حسام دا موشكله
مهند : شوف البنت خطيبك وتقولي عنو كدا موشكله وما ادري ايش
حنين : خطيبي ما اختلفنا لكنو مشكله ..
تمسك دقنها بتهديد : خليني اتزوجو واخلص والله لا اخلي يسحب عليك صح عشان تقعد مع ماما ..
مهند يشهق : يا خبيثه ..
امو تضحك : والله من جد خبيثه انا ما ابغا احرضك .. لو انا منك اخلي حسام يسحب عليها من دحين ..
حنين : افا يا ماما صرتي في صف مهند وحسام علي اخر العمرر ..
: هههههههههههههه ايوا يابنتي اجل تبي تفرقي بينهم
مهند : عافيه عليكي ماما ..
جا الجرسون لعندهم ووزع عليهم المنيووو .. ووقف علي راسهم
مهند يطل في الساعه : ما نبغا نطلب شي دحين .. شويا كمان
: اوك سرر . تيك يور تايم ..
ام مهند تطل في بتعجب : وليش بعدين ان شالله ترانا ميتين جووع ..
مهند يطل في الساعه : بستني حسام ..
حنين تنحت ومسكت حجابها تعدلو : ايش حسام جاي ليش جاي ليش بتستناا ..
ام مهند هيا التانيه متعجبه : ايش جاي يسوي حسام ها اتكلم ..
مهند فتح فمو جا يهرج الا انتبه لحسام داخل علي قسم العوائل ومعا اخوانو التلاته .. وبيتلفت الظاهر بيدور علي … : وهادا حسام دقيقه ..
حنين تمسكو من يدوو : ايش بيسوي حسام هنا فهمني ..
مهند : يوووو جاي عشان نرتب لكل شي اتركيني
اموو من الدهشه ما قدرت تعلق : نرتب كل شي .. ؟؟
مهند سحب يدو من يد حنين : دحين جاي .. انتي لمي لسانك ولا تفتحي فمك ولا بكلمه طيب ..
حنين : ؟؟!!!!!
مهند مشي بسرعه ورفع يدووو : ابو السمس حسووووم هنا هنا
حسام التفت علي : اها ما شفتك من قصرك يا اخي الكراسي اطول منك حتي ..
مهند وصلووضمو علي خفيف وصقع راسوو : مخنننننثثث ..
قمرر يشد بنطلون مهند : احنا حناكل معاكم
: ايوااااا اكيد وتشوف امي تبا تشوفها
قمر اتحمس : ايوا ايوا
هلال : واختك في اختك في .. هيا مرا حلوه ..
مهند : هههههههههههه ايوا موجوده
حسام يخبط راس هلال : قصر عينك هادي حرمتي خلاص ..
بدر عيونو كولها نوم ودموع .. : ما ابغا اشوفها انا
مهند : افا افا مين مزعل ابو بديررررر ..
حسام يكش علي : ماعليك منو يبا يروح مع كاسر .. وكاسر ما رضي ياخدو معا ..
: فين راح كاسر بسلامتو من الضهرر
: مادري عنوو يقول رايح يفصل بدله سكربس للحفله اليووم .. ههههههههههههه
مهند : هههههههههه اما كدا .. الله يسهلو يلا يلا اتفضلووو
حسام يمسك مهند : ياشيخ اتوترت ..
مهند يخبط كتفوو : بلا تتوتر بلا كلام فاضي اجل حنين ايش تسووي قلي .. ؟؟
حسام : يووو والله حتي الهرج الي رتبتو طار خلاص بالمره ..
مهند يرفع يدو علي كتف حسام : انته اجلس وانا ابداء والكلام بعدين يجي ماعليك يلا امشي ..
حسام بتردد :متاكد انو عادي امك وحنين ..
: يو علينا والله عادي وبعدين معاك من امس وانته تعيد وتزيد في نفس القصه يلا امشي وخلصني ترا جيعانين ..
حسام يضم يدينو وينفخ فيها : طيب طيب يلا ..
اتوجهو للطاوله وحنين بطنها مغصتهاااا .. : ماما ماما شوفي كيف شكلي مهند مرا حيوان جاي هنا حسام جاي ..
امها : وي اشبو اخوك هادا خبل ولا ايش .. مايقولنا ولا شي بس كدا سلامات
خلصت كلمتها من هنا وحسام ومهند والبزوره وصلو للطاوله .. : السلام عليكم
ام مهند بس الي ردت اما حنين ماقدرت تتكلم حتي : وعليكم السلام ..
حسام خطف طله سريعه لحنين وبعدين التفت علي ام مهند وباس راسها : كيفك ياخاله ايش مسويااا كيف امورك
ام مهند دست كل تعجبها ورا ابتسامه كدا حلووه : بخير ياولدي انته كيفك ايش مسووي ..
: بخير الحمد لله ..
ياشر لاخوانو او اولادو بالاصح : يلا سلمو علي خاله ام مهند يلا
اتقدمو وسلمو عليها واتوزعو في الكراسي .. حنين جنبها امها وقدامها مهند وجنبو حسام وجنبو بدر .. وهلال وقمر جنب حنين ..
مهند : ياسلام احساس اللمله العائليه وناسه .. اتعودو كولكم حتكتر الطلعات الي كدا بعد الزواج ان شالله
حنين وشها صاير كل الاوان متي ياتري يشوفها حسام وهيا كاشخه كل المرات الي يشوفها مغسله وشها وجالسه ..
ام مهند تبتسم علي حماس ولدها : ان شالله
مهند : طبعا زي ما انتو عارفين وضع حسوم لا اهل ولا خرابيط يعني لازم يجبتمع بيكم عشان تشوفو الترتيبات .. كولها
ام مهند ومازالت متحسسه من هرجه انو مافي اهل ولا عمات ولا خلات ولا اي احد في الحياه : اها طيب نشوف الترتيبات
قمر : انا جيعان طيب
بدر : انا برجع البيت
حسام يغمزلهم بعيونو : اسكتو الكبار بيتكلموو ..
مهند : حركات كنكـ ابوهم مو اخوهم ..
حسام بلع ريقوو : لا لا اخواني اخواني ههههههههههههه اما اولادي ههههههههه حلوه حلوه ..
حنين رفعت حواجبها ايش الضحكه دي الي فيها ما فيها من التسليكـ ..
ام مهند : حتي انا والله جيعانه اشوف نطلب وعلي مايجي الاكل نتكلم ونرتب الامور ياولدي
حسام بسرعه : اكيد اكيد ياخاله اكيد كل شي علي امركـ ..
مهند نادا علي الجرسون .. وجا وزع عليهم المنيوو .. وكل مين طلب الي في خاطرو والي نفسوو في ..
راح الجرسون بعد ما اخد طلباتهم ..
مهند يتنهد : سوو نبدا ترتيبات ..
حسام يتحنح مو عارف يبداء بايش : احم ايوا اممم خاله متي تبو الملكه
حنين تنحت ملكه مرا وحده خلاص كدا .. حسام لاحظ طلتها .. وبسرعه : اقصد اذا ماتبوها دحين مو مشكله
مهند بلقافه : ليش مايبوها خير البر عاجله انا متحمس اصير خال ..
حنين تفرصع عينها وترفع رجلها تخبط رجل مهند من تحت وتعفس ملامحها في وشووو ..
ام مهند : والله ياولدي احنا ماعندنا شي وحنين جاهزه .. لفت عليها ولا يابنتي عندك اختبادت شي ايش رئيك ها اتكلمي
حنين تتمتم : ممم انن ممهه ععوو ممم وتتا يصاتا >> ماحد فهم عليها حروف واضحه وحروف متاكله ..
مهند : ايش .. ارفعي صوتك ..
: اممممم انو ماعرف مو مشكله ماعندي شي
مهند يبتسم : ووووووو كويس مرا .. ها ابو حسام متي تقترح يعني
حسام مكسوف هوا التاني .. : بكره او بعدو ان شالله نرح نسوي التحاليل عشان بعدهاا .. نحدد الملكه علي طول
حنين بطنها مغصتها ما حست انو الموضع كدا ماتعرف ليش
مهند : اوكي حلوووو من بكره حشدك مع شوشتك نروح نسوي التحاليل طيب .. حنووو
حنين في قلبها الله ينكبك يا مهند .. :….. ان شالله ..
ام مهند : بالنسبه للمهررر ..
مهند : ابو السمس مستعد يدفع لحنو من الريال للمليون بس انتو قولو الرقم الي تبغوووو ..
ام مهند : ما نحب ندقق في المهر لانو اهم الشي التوفيق جيب الي تقدر علي يا حسام
مهند بسرعه : لا لا يا امي ايش الي تقدر علي اسالي حنين كم تبغا
حنين تفرصع عينها دا مهند يبغا يجلطها بلا شكـ ..
حسام التفت علي حنين الي وشها قايل كل التعابير ومسوي كل الالوان .. : كم تبي مهركـ
حنين تبلع ريقهاا وتدعي علي مهند في قلبهااا .. : لا اشسمو مو مهم اي شي زي ما قالت ماما
حسام مسوي فيها هوا التاني : لا حنين قولي الرقم الي تبغي ..
حنين ترفع نظراتها علي مهند بتهديد : امم ماعرف والله اي رقم مهند يقلك
مهند : هي اختي قولي كم تبي مو بعدين تقولي صحباتي مهرهم الي تمانين والي تسعين والي ميتين .. هاتي الرقم الي تبي ..
ورخا صوتو : ترا ابو السمس حسابو مليان وجالس يبعزق فلوسو انتي اولي بيهاا ..
حنين وشها خلاص اتعدا مرحله الحمار وبدا يزرق : طيب عشرين عشرين
مهند وحسام يطلو في بعض ويضحكوو ..
مهند : والله انك بنت متواضعه .. جدن ..
حسام : خلاص مو مشكله .. خليها علي راحتها انا اجبلها المهر الي تستحقو ان شالله ..
مهند يرفع خشمو : اعمل حسابك انو مهرها لو ريال نوص بالنوص ليا وليهاا ..
ام مهند تشرب من المويا وتضحك : هههههههههههههههه
وحنين مقهوره حتي من امها الي جالسه كدا بكل برود ولا منتبه هيا قد ايش مكسوفه الين خلاص ..
حسام بصوت راخي : اصرف علي اهلك انا
مهند يغمزلو : اسكت اسكت ايوا مو قلت تصرف عليا وكدا هيا لا تجحدني من دحين
حسام يصقع كتفو : خير ان شالله اوس
ام مهند : كدا كل شي تمام عندك شي تاني ياولدي ..
حسام يبتسم : لا ياخاله .. بس تتم الملكه علي خيرر ان شالله نكمل باقي الترتيبات باذن الله ..
مهند اكتر واحد مبسوط كنو هوا العريس وهوا العروسه وهوا قاعه الافراح وكل شي : الله يتمملكم علي خيرررر يا شيخن وربي حنجلط من كتر مبسووط
حسام وحنين يطلو في وكدا نفسهم يقومو يفترو فيلووو .. بس مهند ولا هو هنا ..
فرك يدينو في بعض : ودحين خليني اقوم اشوفهم ليش اتاخرو في الطلب
ام مهند تطل في البزوره : ايوا من جد طفشوو وجاعو مساكين ..
مهند قام للجرس وضغطو كم ضغطه .. شويا جاهم الجرسون دعس وقلهم انو ثواني بالتمام ويكون طلبهم جاهزز ..
وبالفعل يادوب جلس مهند الا جا الجرسون وبدا يرص اللاطباق قدام كل شخص مع كاسات العصير الي تلمع .. والملاعق بكل احجابها ..
وبعدها بدا يرص المقبلات والخبز .. واخيرن جا بالاطباق الرئيسيه .. وقف وسالهم اذا يبغو اي شي تاني ..
ماعبروو .. حسام وقف وصار يغرف لاخوانو وحنين اخيرن سمحت لنفسها تطالع في .. ومهند علي طول شات رجلها من تحت وبهمس : كفتشك
حنين ردتلو الصقعه وبنفس الهمس : حيوان انته مرا حيوان
مهند يردلها الصقعه : الحيوانه انتي انكتمي
حنين رفعت رجلها تصقعو الا حسام جلس والصقعه جات علي رجلووو : اخخخ ..
حنين وشها اتلون وابتسمت بكسفه .. : اسفه كونت قصدت اشسمو مهند اسفه
مهند مات ضحك علي شكلها وحسام ماقدر يمسك نفسوو : ههههههههههههههههههههههههه
ام مهند ماهي فاهمه شي .. : اشبكم ايش مضحكم ضحكونا معاكم ..
مهند يدق كتف حسام : ولا شي ولا شي ..
حنين بدت تتنرفز من ضحكاتهم اذا كدا بدايتها الله يعينهاا . حيفضلو طول عمرهم يتفقو عليها ويضحكو عليها الله يستر بس ..
جالسه بتقلب في اكلها بالشوكه ولا هي قادره تاكل حتي بسبب وجود حسام كدا قدامهاا .. مستيحه تشنقل فمها وتاكل علي راحتها ..
صايره بس تاكل في البطاطس مع انها ميته جوع ..
مهند : احم طلما انتهينا من حسام وحنين جا دوري .. امي انا ابا اتزوج ..
امو وقفت اللقمه الي كانت رافعتها لفمها : ايش .. ؟؟
مهند : ابا اتزوج اتزوج ..
امو حطت الملعقه ولفت علي حنين : تتزوج مين .. ؟؟
حسام : اي وحده مزوه وصغيره وتخاف الله دورلي انتو
حسام يطل في مهند والواضح انو بيهرج من جدوو : تبا تتزوج كدا .. ؟؟
مهند : ايوا بتزوج زواج تقليدي ايش الموشكله
حسام : لا لا مافي موشكله بس ما قلت لي ..
مهند : الا اهو بقلك
ام مهند : من جد يا مهند
مهند طل فيها وملامحو مرا جديه : ايوا يا امي من جد بتكلم حسام حيتزوج وكاسر خطب وانا كمان بصون نفسي
: طيب ياولدي استنا اتخرج واتوظف وكداااا
مهند : ايوا ايوا ايوا اكيد بس ابدئو دورولي من دحين .. ولا اقولكم لا تدورر
حنين واموو وحتي حسام : <<؟؟؟؟؟؟؟؟
مهند : امم اشسمو ندي .. ابغا ندي كلميها شوفيها ترضي تتزوجني
حنين نسيت حسام ووجودو وراح الحيا والانحراج وكل شي : ايش تبا تتزوج حنين صحبتي انااا .. ؟؟
مهند انفجع منها : وي وي ايش فيها يعني اشبك ياختي .. ؟؟
حنين رجعت اتزكرت وجود حسام : لا ولا شي صدمتني
ام مهند تبتسم : والله ندي بنت ناس ومحتررررمه والله لو توافق يابختك يا مهند ..
مهند يفكر في مناقرتو مع ندي طول الوقت ويبتسم : هههههههه مادري ليش ما اتوقع انها حتوافق لكن كلميها وجرربي ..
حنين : طيب طيب ماشي .. ان شالله ..
مهند طل في حسام وغمزلوو .. : في مخطط اني اسوي زواجي مع زواجك
حسام : علي مين يابويا النوص بالنوص ..
مهند : هههههههههه كافشني يا خنــــ****
قطم الكلمه وعدلها .. لما لاحظ انو اهلو واخوان حسام هنا : ياخبل ..
حسام كمل اكل وهوا بيضحك ومبسوط لدا الوضع ودي اللمه وبيفكر انو من جد لو كل شي تم علي خيررر .. حتصير عندو عيله اخيررا .. ام حنين بمثابه امووو اكيد .. واولادوو موجودين ويحس انو لازم يقول لحنين عليهم لانو لو اكتشفت في يوم من الايام الامور ماحتكون بخيرر
مهند طبعا اخوااا ومايبالها كلام
اما حنين دي الي حتكون نوصو التاني .. وحبيبتو .. ومرتو .. وكرتون اسرارو كمان
سرح فيها بدون مايحس .. بسبب الموقف الي صار مع مهند .. عقل مرا وبطل حركاتو بدون مقدمات .. وهوا الي كان حالف انو ما حيتركها لين تموت امووو ..
لكن اهو تركها بسبب حنين واخو حنين .. والي كان حيخسررو بسبب انحرافوو وهبالتوو ..
حنين رفعت عينها وشافتو بيطل فيها ببتسامه هبله .. رخت عينها بسرعه وجلست تدعي علي مهند .. لكن جواتها شعور تاني ..
مبسووطه جدن .. علي قد ما كرهت حسام .. ما اتوقعت انها حتكون مرتو في يوم من الايام
من جد الواحد مايعرف فين نصيبوووو ..
يمكن اكتر شخص تحبووو يكون لغيرك
واكتر شخص تكرهو يكون لكـ ..










~~~~~~~~
A6baa fe al-7o0b
~~~~~~~~









صحيت من النوم علي رنين جوالها المتواصل .. رفعت عينها وشالت جوالها من فوق الكمدينه وطلت في ما بيرن ايش هوا دا .. اشبها تسنيم ايش النوم دا الي معها ؟؟
الجوال عند راسها ومن النهار بيرن وهيا مخمجه نوم لسااا .. ايش صاير فيها
قامت عن السرير بطفش وهزت تسنيم بقووه : هي بنت تسنيم تسنيم
تسنيم نايمه وعيونها مليانه دموع .. : zzzZZZzzzzzzzzzZZZZ
نسيم شافت انها في سبعه وسبعين نوم رحمتها .. شالت الجوال وردت علي : ايوا نعم مين .. ؟؟
بهاء طل في الشاشه يتاكد من الصوت .. : ايوا امم تسنيم
: نايمه مين ..
بهاء : معليش ابغها ضروري ممكن تصحيها
نسيم معلقه : مين ..
: انا بهاء ..
: اها طيب بس نايمه هيا ضروري مرا يعني ..
: ايوا بعد اذنك
نسيم نزلت السماعه عن ادنها وكشت فيهاا : طيب
حطت الجوال علي ادن تسنيم : بنت بهاء علي الخط ردي علي ..
تسنيم فتحت عينها ومسحت الدموع : ايش في مين ..
نسيم تاشرلها : اوووش اتكلمي علي الخط الرجال
تسنيم ولسا ماصحيت ذهنيا .. : مين
بهاء : كيفك تسنيم كيف نومتي وكيف اصبحتي ..
تسنيم ترمش بفهوه : ها نعم انا مانومت مانومت
بهاء : ركزي معايا تسنيم اشبك صحصحي بكلك شي ضروري ..
تسنيم فاقت اخيرن مسكت الجوال وصلحت جلستها :بهاء
بهاء يزفر : ياليل ابو لمبه ايوا بهاء اجل مين ..
تسنيم تفرك عيونها : ايوا اهلا كيفك بهاء
: بخير الحمد لله اسمعي ايش بقلكـ ..
: ايش في يابهاء علي العصريه دي .. ؟؟
بهاء مستصعب يقولها : كلمت منير اليوم وما تصدقي ايش قالي
تسنيم بتناحه : اول شي مين منير ..
بهاء بستغراب انو كايف ماتعرفي .. : منيرر اخو ماجد اشبك
تسنيم من سمعت اسم ماجد قلبها مغصها : ايش قالك اشبو صارلو شي اتكلم بهاء
بهاء يهديها : لا لا تخيلي مقررين يسفروو برا يعالجو بالتنويم المغنطيسي لان دا الشي ممكن يرجعلو زاكرتو
تسنيم بلمت : اما كدا
بهاء يميل فمو : ايوا غير انو الدكاتره طلبو منهم يدولو فتره نقاهه فدا الي قلي علي اليوم تخيلي ..
تسنيم ماهي مستوعبه : وانا طيب ..
بهاء يرفع كتفو : ا ادري يا تسنيم قلت من حقك تعرفي علي دا الشي في حال ماحد بلغك او كدا ..
تسنيم تهز راسها بعدم تصديق : فين بيودو وفين بيروح ومتي دا الكلام ..
بهاء : والله منير قالي انهم حيروحو ايطالياا ..
تسنيم وجاتها بكيه علي طول : وانا طيب وانا طيب انا يابهاء ..
بهاء صح حزين علي وضعها لكن في جزء منو مبسوط علي كل الي صاررر .. : ماعرف ياتسنيم هدي نفسكـ ..
تسنيم خلاص دموعها ادحدرت .. : طيب احد يكلمني يقلي شي خطيبتو انا خطيبتووو .. اشبهم اهلو من جدهم ..
بهاء يرفع حواجبوو : تسنيم هدي نفسك طيب .. اشبك يمكن حيكلموكي يمكن يصير شي اشبك لا تستعجلي الامور انا قلت اديكي خبر بس ..
تسنيم : بهاء ابغا اشوفو كيف اشوف ماجد ابغا اشوفوو الله يخليكـ
بهاء : طيب طيب ولا يهمك هدي نفسك انتي بس .. عشاني
تسنيم تمسح دموعها بقوه : طيب ابغا اشوفوو يمكن يعرفني يمكن يتزكرني ..
بهاء يهز راسو باسف : اوكي حخليكي تشوفي وعد بس هدي نفسك دحين
تحاول تكتم شهقاتها بس مو قادره : كيف بياخدو ايطاليا ليش ايش يسوي هناك مالهم داعي والله مالهم داعي
بهاء بيحاول يهديها باي شكل من الاشكال .. : تسنيم عشان هناك في دكتور معروف للتنويم المغنطيسي بيودو عندو وكدا .
تسنيم بنهيارر : ليش مايجيبو الدكتور هنا لا يا بهاء والله ما ياخدو هناك والله ما حخليهم ياخدو هناكـ والله ..
بهاء ندم انو قالها .. : ماعرف ياتسنيم حتهدي نفسك ولا كيف ..
تسنيم من جد بتحاول بس ماهي قادره .. : بهاء انا خطيبتو والله ماحخليهم ياخدو ووالله ماحسيبهم ياخدو يابهاء والله ..
بهاء حس انو مافي فايده من الكلام معاها دحين بالمره .. : تسنيم انا حتفاهم معاهم واردلك طيب ..
تسنيم قفلت الخط في وش بهاء ودفنت وشها بين يدينها وانفلتت تبكي تطلع كل الي جواتها من احاسيس اكيده تقولها انو ماجد بح خلاص ..
دخلت نسيم علي الغرفه وفي يدها كوب مويا وتنحت لما شافت تسنيم منهاره بوكاا ..
مشيت لعندها بسرعه : اشبك اختي ايش فيكي
تسنيم تدور احد تصرخ في : ماجد ماجد تخيلي ايش يقولو المجانين اهلو بيسفرو برا يعالجو ايش يعالجو في هوا فاقد الزاكره ولا تنويم مغناطيسي ولا تنويم كربوني ماحينفع
والله ما حترجعلو الزاكره الا لما ربنا يريد .. اما يسفرو كدا وخلاص وفين كمان ايطاليا مو مكان قريب والله مجانين دول لا جد مجانين ايش يحسوو
وانا وانا ماحد فكر يكلمني ولا يقولولي حاجه طيب انا خطيبتو علي فاضي .. ايشبهم دول ياربي موستحيل
نسيم ماقدرت تعلق : ؟؟؟؟!!!!!!!!!!!!
لفت وخرجت من الغرفه .. راحت لابوها الي جالس في الصاله وقدامو التي في شغال علي قناه اخباريه وجالس مندمج اشد الاندماج ..
نسيم بسرعه راحت لعندو : بابا الحق تسنيم الحق
: بسم الله اشبها ..
: تقول علي اهل ماجد مجانين لانهم بيسفرو ما ادري فين يتعالج مغنطيسي مدري كيميائي الحقها مرا منهاره يا بابا وحالتها حاله
: وي هادا وانا ماقلت لها علي الصدمه التانيه
نسيم : اي صدمه .. بابا
محمد يهز راسوو : مادري كيف حقلها بس عرفت انو حيسافر انهارت اجل لو عرفت الباقي ايش حتسوي الله يسترر ..
نسيم : بابا ايش في تاني ايش تاني قلي .. وانته تدري عن هرجه السفر يعني
هز راسو باسف : ايوا يابنتي .. دفيني دخليني لعندها اتكلم معاهاا
نسيم : بابا لو في اي خبر سي اجلو لبعدين لانها دحين من جد الي فيها مكفيها مو محتاجه شي تاني .. يزيد عليها
: انا اشوف احسن اقولها وخلاص .. بدل ما تبكي دحين وبعدين نقلها خبر تاني يبكيها زياده .. حبيبيتي واللهي اختك دي علي قد طيبتها ما يزبط شي معاها
نسيم : الحمد لله يارب مني طيبه بدا الشكل ..
دخلت ابوها علي الغرفه ودفتو الين عند السرير حق تسنيم الي جالسه علي ولسا بتبكي وحالتها حاله ..
حط يدو علي رجلها : تسنيم يابنتي هدي نفسكـ
تسنيم وتزيد بكا كل ما احد كلمها : بابا كيف اهدي نفسي بياخدو ماجد خطيبي يودو برا طيب وانا ما فكرو فيا خلاص ولا شي من جدهم ..
ابوها يمسك يدينها ويضمهااا : حبيبتي هدي نفسك الا هما فكرو فيكي صدقيني
تاشر بيدها : كيف حياخدو ويسافرر بي فكرو فيا كيف كيف قلي بابا ..
ابوها من جد استصعب يقلها بس مطر انو يتكلم : والله يابنتي .. كلمني ابو ماجد لسا قبل ساعه يمكن
تسنيم وقفت بكا وشهيق : ايشبو ايش قال ايش يبااا ..
محمد يرخي عينو عيني علي تحت : والله يابنتي .. امممم
تسنيم اتاكدت انو الكلام مارح يسرها ابدن من تردد ابوها واضح انو شي مرا مو كويس ..
رجعت تبكي مرا تانيه واختصرت الامور : بابا خلاص قول عادي انا نحس وطول عمري نحس وحضل نحس يعني مافي جديد
نسيم : ياتسنيم اهدي اشبك لا تبكي كدا البكا مايفيد ..
: خلاص اصلا مافي شي يفيد .. يا نسيم مافي شي يفيد ماجد انا متاكده انو خلاص ادري والله ادري ..
ابوها يمسد علي يدها : خلاص يابنتي طيب هدي نفسك اشبك كداا
تسنيم تمسح دموعها بقفا يدهاا .. : بابا ايش قالك ابو ماجد ايش يابابا قولي ..
ابوها ضغط علي نفسو وقالها : فسخ الخطبه لانو حيسافر ماجد زي ما انتي عارفه .. ومايعرفو متي حترجعلو زاكرتو وما يبغو يعلقوكي معااا ..
تسنيم تنحنت لثواني ورجعت تبكي من اول وجديد .. : مالهم شغل انا ابغا اتعلق معا مالهم دخل مالهم شغل والله
ابوها سكت يطل في لدقايق وبعدين سالها بتعجب : كيف عرفتي انو بيسافر مين قلكـ
جا دورها تسكت هنا : ايوا اشسمو ماعرف امم عرفت وخلاص بابا عرفت وخلاص ..
ابوها شايفها منهاره ما حب يدقق معاها : طيب انتي هدي نفسك يابنتي ..
تسنيم تحاول تمسك دموعها بس مو قادره : طيب بابا انا ايش اسوي ايش اسوي
مسكلها كتوفها ومسح علي خدها بهدوء : خلاص انسي وكملي حياتكـ ..
تسنيم تشهق وخشمها سايل وحالتها حاله : طيب بابا طيب طيب .. ان شالله
رجعت حطت راسها علي المخده .. وغطت وشها بالحاف : حكمل حياتي بدون ماجد حكملها يا بابا حكملهاا ..
اعطت ابوها ظهرها ورجعت تنخرط في البكااا ..
محمد حاسس بيها .. لكن ما بيدو شي دا نصيبها انو ماجد مايكون لهااا ..
وكل واحد ما ياخد الا نصيبوو
رفع يدوو وتمتم بهدوء : الله يشفيك يا ماجد .. ويعوضك يابنتي بالي احسن منو ..







~~~~~~~~
A6baa fe al-7o0b
~~~~~~~~

زهاد وقصي في غرفه امهم جالسين جنبها علي السرررريررر المتهالكـ .. الي اكل عليه الدهر وشرب ..
قصي فارد يدينو ومتحمس في الهرجه : والله ما تصدقو كيف لما الشباب شافو السياره .. كولهم جو يسووو اصحابي تخيلوو
زهاد حاسه باحساس اخوها وتبا تطير هيا كمان : والله يجي وايش قلت لهم طيب …
: ياماما اطلعلهم الاستماره والرخصه واطبعها في وجوههم .. لا وعزمت نوص المدرسه علي الفطور علي حسابي كولهم .. عشان يتاكدو اني من اليوم قصي واحد تاني كاااااااااااش اخ ياربي مو مصدق وانا الي ما اتوقعت نفسي في يوم من الايام تكون عندي سياره حتي .. فما بالكم سياره وكدا مرا كتير عليا تراني
زهاد تخبط صدرها : ولا انا ما اتوقعت يكون عندي سووواقي الخاص .. اوووه بديت احس باحساس دبابه الكلبه ..
امهم مبسوطه لحماسهم وفرحتهم .. وحزينه علي ابوهم الي وفاتو كانت السبب في سعادتهم لدا الحد ..
زهاد حست انو امها سرحانه هزت لها رجلها بقوه : ماما فين وصلتي
صفاء تتنهد وتمسح طرف عيونها : الله يرحمك يا ابراهيم ..
قصي واياد يتمتمو : الله يرحمك يا بابا ..
صفاء : لا تكرهو لانو حرمكم كل دا الخير في حياتووو .. وماقدرتو تتهنو الا بعد ما مات
قصي بلا مباله .. : عندي سيارتي .. وكلها كم يوم اكون في جناحي الخاص الي فيلو كل شي ابغاا .. وحنقل من مدرستي لمدرسه خاص .. ليش اكرهو بالعكس احبوو حبا جما اقلها استفدنا .. لو بعد ما مات ..
زهاد تتنهد : ايوا طبعا مارح نكرهوو الله يرحمو ابونا هادا ..
صفاء : كويس ولا تنسو من دعائكم ابدن
زهاد بتغير الهرجه : اكيد ماراح ننسي .. اسمعي ماما تقريبا دحين انا اخترت حجات كتيره .. لازم تجي معاياا عشان نشوف اثاث الضيوف .. واثاث لغرفتك وكدا ..
قصي : غرفتي اخترتها تران .. بس ابغا اصبغها اسود باحمررر .. وابغا جدر كامل كدا علي صوره هيكل عظمي ..
زهاد وصفاء : ايش ..
قصي يحط يدو علي راسو : غرفتي انا حر انا حر لاحد يكلمني
زهاد : ههههههههههه والله انته خبل تبا تصحا من النوم وانته مفجوع ولا كيف ..
: هههههههه مالك دخل
زهاد : من جد انته حرر
قصي : يب وبنزل اشتررري كدا حجات لغرفتي .. لا لا اقصد بنزل اشتري حجات لساااارتي وازبطها
زهاد تشهق : ازبط من كدا خلاص يكفي …
: لا لا انتي ايش فهمك بركب فيها اوفرات وسمعات خارجيه .. وجنووووط الواحد بالتلاته الاف وخمسميه .. وبركب انورا زرقا من تحت وكدا .. وبطبع صورتي والبن حقي احطهم ورا .. بصير فسقاااا ن وابعزق الفلوس الي كانت لازم تتبعزق من زمان ..
زهاد تضحك .. : صفصف ولدك خبل وجلس
صفاء : ايه والله يا قصي استخفيت .. كل شي تمام اما حركات الهمج الي تحط صورتك وبنك ورا السياره دي مرا مو لازم منها..
زهاد ماتت ضحك : من جد مالها الداااعي ..
قصي : مالكم دخل فيااااا فلووووووووسي وانا حررررررر ..
زهاد تطل في الساعه .. : طيب طيب اسمعووو .. امممم الحفله مارح تبدا الا تمنيه .. نقدر ننزل السوق ..
صفاء : سوق ليش .. ؟؟
زهاد : نتسوق نشتري اي شي وكل شي عندنا فلووووووس يا ماما .. مارح ناخد ولا شي من البيت دا .. حنروح هناك بس بلبسنا الي علينا ..
قصي : لا لا حتي لبسي بسيبو هنا واتروش من برا والبس برا وارح الفله وانا جديد .
زهاد : لا لا يا قصي ترا حالتك بجد صعبه
: طبعاا طبيعي تصيرر صعبه .. انسان يتحول من شخص ما عندو الا كم ريال يمشي حالو بيهم لشخص .. عندوو ملاااين .. احمدي ربك ما اشتريت جزيره الين دحين
زهاد ماتت ضحك : صدقني فلوسك ما تجبلك جزززيره وانتبه عليها لا تخلص وتفتح فمك
فصي يخبط راسها : ياماما علي مين تخلص ايش الدخل مستمر الا مالا نهايه
زهاد بدت تخاف علي اخوها من جد : لا انتبه يا قصي اشبك
قصي : اقول لا يكتر يلا نروح السوق يلا يلا متحمس اشتري اي شي اصادفووو سواء يلزمني او ما يلزمني ههههههههاي
زهاد تطل في امها : حسحب منو البطاقه خليكي في صفي
قصي يطلع بره الغرفه .. : اقول اجهزووو عشان احم احم حوصلكم بنفسي يلا يلا انا حكشخخخخخخ
خرج من الغرفه وترك زهاد وصفاء خايفين علي يروح يسوي مصايب وبلاووي بالفلوس الي في يدووو ..
زهاد : الله يستر منوو
صفاء : الله يهدي طبيعي يتصرف كدا
: انا زيو والله بنت فقر مع ذالكـ ما اتصرفت كدا ..
: ههههه انتي كبيره وعاقله يابنتي ..
: طيب كويس يلا قومي ماما
: لا يابنتي خلينفي في بيتي وانتو روحو وسو كل شي واختارو الي تبغو واشترو الي تبغوووو .. انا ماعندي موشكله ولا تفرق معاياا ..
زهاد تطل في امها : ماما انتي ليش كدا طول عمرك حزينه متي حتنبسطي وتعيشيي زي الخلق والمسلمين ..
: ماحعيش زي الخلق والمسلمين .. انتي واخوكي انبسطو وانا حكون بخير ما ابا شي تاني من الدونيا ..
زهاد تشدها : لا قومي حنروح انا وانتي الصالون .. نعمل تنظيف بشره ونصبغ وحركات ايش رئيك ..
: لا مالو داعي خلي عمك يردلك علي الي خطبك دا واذا حتصير ملكه او شي وقتها اروح اتانتك
زهاد زفرت : طيب تعالي معايا ماما
: لا يابنتي مارح اجي مكان قلت لك سيبيني ..
زهاد مطت بوزها ووقفت : طيب ماشي انا وقصي حنتسوق انتي خليكي ..
: ايوا كدا بالزبط خليني ..
باست خد امها كدا بقوه وطلعت : تبي حاجه من برا ..
: ايوا دام عندكم فلوس واغنياء علي قولكم .. جيبولي معسل جديد .. وكراتين مشروبات طاقه وياسلام
زهاد طلعت من الغرفه وهيا ميته ضحك : طيب ماما هههههههههههههههههههه
راحت علي غرفتها وجلست تطل فيها وتضحك .. قريبا حتكون لها غرفه اكبر من الشوقه كولها ياسلام ..
غيرت ملابسها علي السريع ولبست عبايه ساده كدا واطرافها ورود لونها موف غامق .. لبست شوز راخي وفيلو طوقه بسيطه لونو كمان موف ..
شالت في يدها بس محفظتها وخرجت من الغرفه تنادي علي قصي .. الي خرج من غرفتو جاهز ولابس ..
: ها فين ماما
اتوجهت لباب الشوقه : ماتبغا تجي .. يلا بسرعه عشان لازم ارجع بدري ورايا حفله ..
اتقدم لعندها وهوا يلوح بالمفتاح .. : اها طيب يلا يلا ..
زهاد مبسوطه لانو وضعهم اتغير .. عشان قصي يعيش حياه زي باقي الخلق والمسلمين .. اكتر من فرحتها لنفسهاا ..
خرجو من العماره واتوجهو لسياره قصي الي موقفها في مكان منزوي وسط دا الحي التعبان جدن .. عشان مايصرلها شي ..
اتقدم وشال عنها الغطا وحطو في الصندوق الخلفي ..
قبل لا يطلعو السياره سمعو صوت يناديهم من الخلف ..
زهاد بطنها مغصتها علي طول لما ميزت صوت هيثم ولد عمها .. لا ياربي ايش جابو هادا ايش يباا يوو علينا
قصي رفع يدو ببتسامه : هيثم هلا والله ايش جايبك
هيثم وصل لعندهم : كويس كفشتكم قبل تمشووو ..
قصي يمسح السياره باطراف يدوو : رايحن نتسوق تخاوينا ..
: لا لا بس ابا اكلم زوزوو ..
قصي : اختصرلك يا حبيبي زوزو مو موافقه عليك
هيثم : ههههههههههههه ادري ادري خبرك قديم خلاص انا صرت كوخه ..
زهاد بلعت ريقها ولفت علي : احم احم اهلا هيثم كيفك ايش مسوو وكدا ..
هيثم قرب لعندها وابتسم في وشهااا : بخير كيفك انتي
زهاد متعجبه من الضحكه هادي بعد كل الي صارر .. وماتدري ليش حاسه انو وراها مصيبه : بخير حمد لله ..
: اها يب الحمد لله ..
زهاد تطقطق اصابيعها : اشسمو بس بنروح السوق وكيــ..
قاطعها : من امس بتصل عليكي ورافعتني قب كل دا عشان الدكتور كاسرر ..
قصي لقط الاسم : الدكتور كاسر اشبو الدكتور كاسرر ..
هيثم يبتسم وقلبو من جوا مكسر اكسر شي .. : ابد ولا شي امس كان في بيتنا ..
قصي فسخ النضاره ولف وقف جنبهم : بيتكم ايش بيووسي هناكـ ..
زهاد تسوي انها ماتدري : ايش بيسوي عندكم ..
هيثم يتكتف : ابد والله بيخطب زهاد ..
قصي بحلق عينو لثواني وبعدين ضحك : اما اما خطبها كاسر اشسمو ماغيررر ..
: ايوا ماغيرووو قصي ابعد شويا بكلم زهاد
قصي : لا كيف خطبها كيف جاكم
هيثم : سامعني يا قصي ابعد خليني اكلمها
قصي بعد عنهم وممسكه معا ضحكه .. وجلس يتزكر كاسر وكلامووو .. وتعليقاتو .. كيف عرف زهاد وخطبها كيف كل داا ..
هيثم من الاخر : تعرفي بينكم شي
زهاد ماتدري من فين جاتها القوه : لا ابدن بس نعرف بعض من المستشفي وكنا نتكلم عادي وبس .. ولما اجيب حليب للبنات بيطلب اني اصبلو وبس والله مافي ايش شي تاني
هيثم يرمش بهدوء : حتوافقي علي ..
زهاد تبلع ريقها : اممممم
هيثم : جاوبيني ترا بابا مكلفني اسال عنو وعن اهلوو وسيرتو .. وعلي فكره بابا مرا حبوو وعجبوو وحسو رجال ويستاهل .. بس يستناني اسال عنو وكدا .. عشان يكلمك علي .. يعني لو حتوافقي علي وتعرفي انا حختصر كل دا وحرفعلو عند بابا ها انتي موافقه علي ..
زهاد ورودها خددت : امم ايوا اشسمو انو ايوا
هيثم باحباط : اها كويس طيب ..
زهاد : هيثم اسفه ..
هيثم يفرفر شعرو : لا عادي انا الي فرطت فيكي انا الي كرهتك فيا عادي طبيعي ما اتوقع انك حترجعي تحبيني مرا تانيه ..
زهاد ترفع يدها .. : يمكن انسي كل شي سويتي .. بس ما انسي كيف كسرت لي اصباعي بدون اي رحمه ..
هيثم يمل فموو : اسف ..
زهاد : مو مشكله انسي يا هيثم
هيثم : انتي الي انسي ونبدا صفحه جديده عيال عم واخوان ونساند بعض في الحلوو والمررر ..
زهاد تضحك : وشكلك طايح علي مسلسل خليجي تافه
: ههههههه شي من كدا .. ماعلينا خلاص موافقه يعني ..
زهاد تقلب عيونها : ايوا
هيثم يضيق عينو : اكيد اكيد ..
: ايوا اكيد ..
هيثم : ترا اهلو متبرين منوو .. ولا يبغو يزوجو بس اخو الي معا ..
زهاد تسوي انها مصدومه : اما كدا ..
هيثم اتحمس : والله تخيلي انو ابو كان بيزوجو بنت عمو بالغصب ..
زهاد : وااااي اما كدا ..
: والله قصتو عجيبه البني ادم دا .. لما بابا جلس يحكيني ما صدقت .. بس والله عمك ياانو انبسط منو وحبوو مرا ما تتخيلي قد ايش ..
: يعني عمو موافق علي ..
: ايوا مرا عجبو وارتحلوو … وكيف انو كمل جياتو واعتمد علي نفسوو ومارضي انو احد يمشي كلمتو علي حتي ابوو ..
زهاد تميل فمها : عمو مع عقوق الوالدين ولا ايش ..
: لا عمك وتعرفي اهم شي عندو الحريه الشخصيه ..
: يب يب واضح
هيثم مسك يدهااا .. : ما انكر اني كنت علي امل انو نرجع زي زمان .. لكن برضوو اتاكدت انو دا الشي مارح يصير لكن قلت اجرب حظي ..
زهاد تبتسم : لا لا خليك اخ وولد عم صدقني احتاجلك دحين ..
: جد في ايش ..
زهاد تتطل في الساعه : مثلا فلتنا الجديده .. لسا ما خلصنا كل شي فيها البويات السرميك وكدا والاثاث مرا حايسين وماما ما تبغا تسوي اي شي
هيثم يطل في ساعتو : طيب يلا قدام .. ماعندي شي دحين ..
زهاد بحماس : والله
: ايوا هياا ..
زهاد تلف علي السياره وتخش في النوص وهيثم يخش جنبها .. : يلا قصي ..
قصي : اوووووش اسمعو الاغنيه دي راكبه علي السياره ولا تحسوها حقه ددسن ..
هيثم : ههههههههههههه قصي حالتك صعبه
زهاد : يووو فوق ما تتصوررر …










~~~~~~~~
A6baa fe al-7o0b
~~~~~~~~










راقده علي جنبها اليمين وفاتحه قدامها راويه اجنبيه علي الصفحه رقم واحد .. من اربعه سااعت وهيا في الصفحه رقم واحد ..
والدمعه واقفه علي ركن عينها .. هيا ماتبغها تنزل لكن الدمعه مصره تنزل ..
اكتئاب .. حزن .. قهرر .. ملازمها في الساعات الاخيره .. حتكمل اربعه وعشرين ساعه واكتر وهيا ما نامت ولا حطت اي لقمه فمها .. ولا هرجت ولا مع مخلوق ..
دا الي تستحقو بعد سوتها .. خينتتها لاهلها مع خالها .. واتهامها لمازن بدون سبب .. ايش كانت تتوقع .. طبعا الي هيا في قليل عليها .. كان المفروض تنسخط علي الي ساوتوو ..
الافكار السيئه دي كمان ملازمتهاا .. وشيبت لها راسهاا ..
حست انها محتاجه لامها تبغها .. والي يقهر اكتر انها حاولت تكلمها كم مرا ماردت مرا مايصير كدا ..
وحشتها امهااا .. ومحتاجه تبكي في حضنها في دي الاوقات بالذاد ..
رجعت رفعت الجوال علي امل انها ترد عليها … طلبت رقمها وهيا تمسح خشمهااا .. الي بيسيل من لحالو كدا ..
رنين متقطع كالعاده ومافي اي رد ..
رمت الجوال في حضنها ورجعت تضيع بين سطور الروايه الي ثواني وتغبش مع الدموع الي بتتجمع في عيونها ..
مو معقوله انها خسرت مازن .. مرا مايصير كدا .. لازم تحاول ترجعلو لها باي شكل من الاشكال ..
حرام يروح كدا من بين يدينهاا .. لازم تفكر في حل لازم ما تستسلم .. هيا تحبوو ولازم تتمسك بي .. لازم تشفلها حل
والحل هادا هوا الي ما خلها تنام .. من النهار وهيا تفكر وماهي عارفه ايش تسوي .. كل الي تعرفو انو مازن لازم يرجعلها بس كيف ؟!!
اندق باب غرفتها دقات بسيطه .. وهيا علي طول قفلت الروايه وغمضت عينها تسوي انها نايمه مالها خلق ولا احد في الدونيا دي ماتبا تهرج حتي ..
ابوها فتح الباب ودخل : اعناب عنوشتي .. يابنتي ..
اعناب مغمضه عينها وماهي ناويه ترد علي وتدعي الله انو يمشي من عندها ويسيبها في حالها .. لكن ليس كل ما يتمناه المرء يدركه ..
ابوها جلس جنبها علي طرف السرير وهز كتوفها : يابنتي يكفي نوم اشبكـ
اعناب تحاول تمسك دمعتها لا تنفضح .. نوم مين بس آآهـ ..
ابوها رجع هزها مره تانيه : يابنتي قومي اشبك من الصباح ماشفناكي يعني مافي دوام مستشفي خلاص .. ما نشوفك
اعناب تتململ في الفراش وتسحب الحاف تغطي وشها : خلاص شويا اقوم بابا ..
: لا دحين قدامي .. لا اتغديتي ولا فطرتي .. قومي شوفينا جالسين بنشرب قهوه وشاهي وكدا وكلهم مجموعين
اعناب بطنها مغصتها : كولهم مين ..
: تعالي كولهم برا مرتي وامها واخوانها وبيسالو عنك وخصوصا وائل
كشفت الحاف عن وشها ولفت علي ابوها : ايش يبغا ..
: يبا ردك علي الخطبه زي ما انتي عارفه ..
اعناب تتنهد : لسا ما فكرت ..
: مو مشكله قومي يلا غسلي وجهكـ .. وغيري ملابسك وتعالي لنا
اعناب : والله بابا مكتئبه مالي خلق اقابل احد
: انا عارف انك مكتئبه اصلا واضح عليكي بس السؤال ليش يعني
اعناب تزفر .. وبكدب : عشان خالو وهيب ماعاد حيرجع هنا .. سافر للابد ..
ابوها علي طول مشيت علي لانو عارف هيا قد ايش تحب خالهاا .. : مو مشكله يابنتي .. تتكلمو تتواصلو مارح ينقطع عنك محنا في العصر الجاهلي
هزت راسها ومسحت الدمعه الي كانت حتفر بسرعه : طيب بابا ماشي ..
رخا نفسو وباس راسها : يلا يابنتي .. قومي وغيري نفسيتك وراكي حفله اليوم .. ولازم يكون مزاجك رايق عشان تنبسطي ..
اعناب تهز راسها .. : طيب طيب
: يلا بسرعه لا تطولي علياء مسويه كوب كيك من الي تحبي ..
ابتسمت غصب : طيب بابا ماشي ..
خرج ابوها من الغرفه وتركها تتنهد وتندب حظها .. اخو حبيبها الي ساحب عليها خطبها .. ياللا السخريه ..
قشعت الحاف عنها .. وقامت عن السرير .. اتوجهت للحمام .. وجلست تطل في نفسها .. عيونها مفقعه .. واغبي انسان حيلاحظ انها بكيانه الين خلاص .. وخشمها محمرر كمان ..
غسلت وشها كم مرا .. وخرجت حطت مكياج خفيف عشان يخبي معالم وشها البائس ..
لبست بنطلون اسود ومعا بلوزه زرقا طويله لين ركبها واكمامها كمان طويله .. .. لفت علي راسها حجاب وردي باهت ..
اتعطرت علي خفيف .. وحاولت ترسم ابتاسمه علي وشها لكن مرا ماهي قادره ..
بجد الاكتئاب والاحباط الي جوتها اكتر من انها تصطنع ابتسامه حتي ..
لبست الفلات الي صادفها لون كدا اصفر .. ولا جاي مع اللبس لكن مزاجها مرا مو حق انها تطقم في اللبس ..
خرجت من الغرفه واتوجهت علي الصالون وعلي طول سمعت اصوات ضحكاتهم وونستهم .. مع كل الاحاسيس السيئه الي فيها كمان حست انها دخيله عليهم ..
ماتدري احساسها صح .. ولا من النكد صارت تفكر في كل شي بدي الطريقه وبس ..
خشت علي الصالون وطلعت ابتسامه بطلوع الروح : السلام عليكم مساء الخير ..
كولهم التفتو عليها .. : وعليكم السلام يا هلا ..
وائل : كل دا نوم
اعناب معلقه علي الابتسامه لانها خايفه لو راحت ما عاد تقدر تطلعها .. : ايوا اشسمو خلاص مافي دوام
وائل : هههه صادقه حتي انا دوبي صحيت .. كيف متحمسه للحفله ..
اعناب جلست جنب ابوها ولصقت في : يعني مو مرا ..
مازن بيراقبها بعيونوو .. ويتمتم .. ترا وضعك مو احسن مني .. نفس الي انتي في بالزبط ..
واضح انها ما نامت وقضت اليل والنهار كولهم بكا وتفكيرر .. هز راسو .. ايوا زي كدا بالزبط ..
رفعت عينها علي مازن : انته ليش مارحت الدوام ..
مازن مستغرب انها بتكلمو حتي بعد كل الي قالو لها : انا دوبي جاي .. ودحين كمان مطر امشي حسبقكم علي الاوتيل ..
اعناب تبعد نظرها عنو : اهااا طيب ..
وائل وقف .. : ها اعناب تبغي شاهي قهوه كبتشينو نسكافي كلو متوفر ايش تحبي ..
اعناب بلا مباله : اي شي ..
وائل : اوكي طلما انا بشرب نسكافي انتي كمان حتشربي نسكافي ..
اعناب تهز راسها : طيب ..
علياء : اشبها عيونك كدا يا اعناب ..
اعناب ترمش بسرعه .. حتي مع المكياج الي حاطتو مفضوحه .. : ابد والله مانومت كويس مع الفرحه ..
علياء ما مشيت عليها : اهاا ..
ام مازن : لا يابنتي عيونك حمرا لا تكون توجعك او شي اسويلك شاهي مررر .. تكمديها
بسرعه : لا لا يا خاله والله مافيها حاجه .. بس انو عشان مانومت ..
وائل حطلها كوب النسكافي قدامهاا : واحلي كووووفي للمتخرجين ان شالله ..
تبتسم : ايوا ان شالله يارب ..
شال طبق الكوب كيكـ .. ومدو لها : واتفضلي ..
اعناب تطالع فيلوو كدا شويا وتتعجب من تصرفتوو يكون يحسب بدي الطريقه راح توافق علي .. اخدت الكيك وسندت نفسها : شكرن ..
وائل حط الطبق وجلس جنبها .. : ايوا كيفكـ
اعناب تطالع في نبص عين : بخير
علي الجه التانيه ماجد بيطالع في وائل وكيف مقرب لاعناب ويتكلم معاها ويضحك .. وواضحه نوايا يبغها توافق علي يبغها تكون مرتو ..
حس لوله انو بيروح ويقول لاعناب خلاص ابغاكـي .. تخيل وافقت علي وائل كيف حتتحول حياتو لجحيم .. بلا شكـ ..
صح الواضح والاكيد انها تحبني للجنون .. لكن يمكن توافق علي كنوع من الانتقام ..
لازم اتصرف .. لازم اكلم وائل واقلو علي كل شي .. او اني اكلم اعناب واتراجع عن كلامي الي قلتو كلو .. انا احبها لازم اسامحها .. لا لا لازم احاول اسامحها واثق فيهااا .. لازم ما افرط فيها حتي
رفع عينو لها ووضاح عيونها انها من جد مانمت اكيد ما بتفكر في وائل اكيد افكارها كولها عندي وبالها معايا وبكيت طول اليل بسببي كمان ..
غمض عينو وماحس بنفسوو وهوا يتافف ..
امو انتبهت لوو : اشبكـ .. ياولدي انته كمان
مازن : لا احم مافيا شي .. بس مالي خلق الحفله الي اليوم ومع ذالك مطر اروح لها ..
وائل : افا حفلتنا انا واعناب وباقي القروب المطيع المكافح المجتهد وماتبا تحضر
اعناب طلت في وائل وضحكت غصب : ههههههههه ..
مازن اتنهد براحه لما شاف ضحكتهاا .. : مالي خلق تعبان نفسيا وزهنيا عشان كدا ولا انتو قروب من جد مكافح ومجتهد ومطيع ..
يوسف يحوط كتف اعناب ويقربها لوو : والله وبنتي صارت دكتوره ..
وائل ياشر لامو : سوي لي شي زي كدا .. ضميني وقولي والله ولدي صار دكتور
اعناب برضو تضحكـ : ههههههههههههه انته ولد
مازن : ايوا وبعدين انا ولدها وصرت دكتور من قبلك خلاص ..
اعناب طلت في مازن وبعدت عينها عنو علي طول ..
ام مازن تاشر علي صدرها : ماعليك ياولدي تعال هنا في حضني .. والله وصرت دكتور ورجال لا وتبا تتزوج كمان الحمد لله الي بلغني فيكـ ..
وائل يرمش : احم احم ادعي انتي بس يا امي العروسه ماردت لدحين
مازن واعناب بطونهم مغصتهم علي الهرجه .. واما علياء تبتسم وتلمح : ياوائل لا تستعجل العروسه لسا بتفكر ولا كيف يا يوسف
ابو مازن : سيبوها تفكر علي راحتها لا تروح تنصدم صدمة عمرها بعريس الهنا .. زي ما امكم انصدمت فياا ..
وائل : ههههههههههههههههه مو كل الناس زيك يا ابوياا اشبك العروسه عارفتني وعارفه طبعي وكل شي .. وادربت معايا سته شهور مافي اي صدمات ..
يتنحنح : ولا كيف ياعرووسه احم احم ..
كل دا الكلام بيصر .. واعناب ومازن في عالم تاني كل واحد مركز عينو علي التاني .. وكل مين يحاول يفهم ايش بيدور في خاطر التاني ..لكن مو واضحلهم ولا شي
اعناب فاقت من سرحنها لما ابوها هزها واكتشفت انو كولهم بيطلو فيها يستنو ردهاا ..
رمشت بفهاوه : احم احم اشسمو ايوا .. انا امم انا ايوا اممم اشسموو ..
رن جوالها وانقذهاا .. خرجتو من جيبها بسرعه وشهقت لما شافت المتصل امها : ماما ..
ابوها : ايش تبغا ..
اعناب ردت علي امها وخرجت علي برا متجاهلتهم كولهم .. : الووو
هناء : ايوا نعم
اعناب بكيت علي طول : ماما وحشتيني ابغا اجي عندك يا ماما ..
: ايش تجي تسوي عندي ..
اعناب طلعت علي الحوش وهيا تشهق : ماما اسفه علي كل الي صار بس انا مرا محتاجتلك الله يخليكي سامحيني
هناء تشفط من المعسل : وي اشبك ايش صايرلكـ ..
: ماما خطبني وائل ايش اسووي
: وائل مين دا كمان .. ؟؟
اعناب : وائل اخو علياء مره بابا ..
: اها وهادا الي محتاجتني فيلووو
تهز راسها وتشفط خوشمها الي بيسيل : لا ماما بس انا ماني عارفه ايش اسووي .. مازن كان يبغاني وانا كنت ابغا ..
: يالسلام رايحه تتــ***** انتي ولا تعيشي عند ابوكي ولا ايش تسوي بالزبط ..
: لا لا ماما انتي مو فاهمه .. ماما ابغا اجي عندكـ افهمك كل شي ..
: مايمديني انا مني في جده اصلا .. وماحرجع الا بعد اسبوعين قولي هنا وخلصيني
اعناب سكتت شويا وهيا تندب حظها علي الي سوتو في نفسها وعلي هادي الام القاسيه الي ربي كتب عليها انها تكون امهاا ..
: خلاص مافي شي ماما ..
هناء تطقطق في اللبانه : اها طيب كويس .. واذا تبي توافقي علي وائل دا كلميني اشتري كم فستان ليكي من دبي قبل ما ارجع ..
اعناب تزفر هوا دا الي ربي قدرك علي تشتريلي كم فتسان : طيب ماما
: يلا وصلت الحرمه الي تبا تسويلي مساج .. لو ادري انو نفسيتك خربانه .. لو اخدتك معايا علي دبي ..
: ماكنت اقدر اجي انا اليوم خلصت التدريب ..
: طيب خلي ابوكي يحجزلك واطلعيلي اذا مرا تبي ..
اعناب تتنهد : طيب ماما ..
: يلا مع السلامه ..
قفلت الخط في وشها وتركتها تتنح في الخط .. موستحيل دي امها لا شكلها مو امها .. موستحيل تكون امها بدي الطريقه ..
سحبت الكرسي وجلست علي .. وحطت يدها علي خدها واتنهدت بالم : اهـ ياوجع الفؤاد ..
صوت مازن من وراهاا .. : سلامتك من الاه يا اعناب ..
اعناب وقفت وشالت جوالهاا .. : مازن اسمع في امل نتكلم تاني ..
مازن وقف يطل فيها والمشاعر رجعت تضارب في قلبوووو .. جزء يقلو كلمها واسمعها وانسي .. وجزء يقلو خلاص انته قررت .. وخليك عند كلمتك احسن لك واحسن لهاا ..
وبالفعل دا الي سوا .. لف عنها ودخل علي القسم حقهم ..
رجعت جلست علي الكرسي بعدم تصديق .. مو معقوله خسرت مازن مو معقول ..
شويا خرج وائل وفي يدو كوب النسكافي حقها والكوب كيك .. حطو علي الطاوله قدامها : عنبه ..
اعناب طلت في وكيف صاير شخص حبيب مرا .. : شكرن ..
سحب الكرسي وجلس قدامها : لين دحين بتفكري مو معقلوه يا ايوا يا لا
اعناب تطالع في الباب الي دخل منو مازن .. : ايوا لسا بفكر
شالت الكوب و الكيك : بالاذن ..
وائل : طيب طيب اسمعي ابدئي اتجهزي للحفه .. حتجي معايا اوكي .. لان مازن حيروح دحين طيب
بدون ما تلتفت علي : طيب ..









~~~~~~~~
A6baa fe al-7o0b
~~~~~~~~

متربعه في الصاله وسماعه التلفون علي ادنها وميته ضحك : يوووووو يا ندي ما تتخيلي كيف كان موقفي .. وشي ماعدت حاسه بيلو وربك ماعدت حاسه بيلو خلاص ..
ندي : هههههههههههههه يالطيف كل دي كسفه ..
: ايوا يوووووو لما قلالي كم تبي مهررر .. من زمان اتفلسف علي ماما واقلها لازم تسالوني عن مهري وانا اقول الرقم الي ابغا .. وكنت مخططه علي ميه وميتين وتلاتميه تخيل كم قلت تخيلي
ندي بين ضحكتها : عسي خمسين
حنين : يوووووو يارررريت .. الا قلت لهم عشررين عشررين
ند ي: هههههههههههههه يابنت الفقر دا الرقم الي ربي قدرك علي
: تخيلي انقهرت من نفسي واللهـ .. قبل كل شي .. ايش عشرين ياشيخه مشي حالكـ
ندي : ما علينا ايش الموضوع المهم الي بتقوليلي علي
حنين تضحك : موووضع لين دحين بضحك علي ياشيخه
ندي : طيب وجع اهرجي .. اتكلمي ..
حنين : نووو نووو والله لما اشوفك قدام وشي .. اقولك مرا مو موضوع تلفونات بتاتا البته ..
ندي : يووو حنين اشبك اهرجي عادي لا تحمسيني
: والله والله ما حقولك هوا تلفون تعاليلي واقلك هوا
ندي :والله ماعندك شي ..
: ماعندي ولا شي منطقه بالبيت ياعمري بالبيت .. لا وماما نزلت مكه عند صحبتها .. يعني تعالي نسهر ونخربها ..
ندي توقف : اجل دحين جايتك فوريره يابنت فوريره افرر شي ..
حنين : يابنت الذينا دوبي اقولك ابغا من بيت الدونات تقولي مايمديكي عساكي بمعرف ايش
: هههههههههههه لا تدعي بلا في شكلك خلاص دحين اجيكي واجبلك من بيت الدونات تبي شي تاني كمان ..
: ايوا مري الماركت جيبي حجات تسليه وانا دحين احمل كم فلم عبالو ونفلها طيب
: طيب طيب متاكده في موضوع مو اجي وبعدين علي فاضي
: ياحماره لو مافي موضوع نجلس مع بعض مالت عليكي ايش الي علي فاضي
ندي بتهديد : لا ياويلك لو مافي مووضع
: الا والله في يلا بسرعه تعالي .. ولا تنسي الدونات .. وجيبي موكا من اي مكان اسمعي وجيبي بــ…
: هي خلاص يكفي يلا سلام
قفلت الخط في وشها .. ندي رخت التلفون وجلست تتنهد : اه ياربي ايش الي بيصير في حياتي ..
مهند خش عليها الصالون .. : ايش الي بيصير في حياتك .. انا اقول اكوس انسان في الدونيا حيصير زوجك اي تبي كمان
حنين تضيق عينها : بطل ترفع في حسام خلاص وصلتو السما محسسني انو مو بني ادم عادي
مهند يضم يدينو : بالفعل حسام مو بني ادم عادي يمكن خارق يمكن اي شي بس مرا مو عادي ..
حنين تاشر بيدها : اقول لا يكتر ابو هند ..
مهند : عجيببببب صارت الاخت واحد من الشباب اقول لا يكتر انتي قال ابو هند اسمي هنوود هنا ابو هند عند الشباب ..
حنين : اقول ابو هند لا يكترر ..
مهند يرفع حواجبوو : اقول بطلي عربجه حتتزوجي اشبك انتي ..
: هههههههههههههههه احلف حتزوج
مهند قعد جنبها : ايوا وانا كمان حتزوج ها كلمتي ندي ..
حنين من تتزكر هرجه ندي تموت ضحك : هههههههههههههههههههههههههه لا لسا بس دحين حتجيني ونسهرررر وحصدمها وحتنفجع وتقول لا والف لا خلصو الناس عشان اتزوج مهند ..
مهند يكشر ملاحوو : بلا في شكلك وشكلها فين تلقا احسن مني ..
حنين : هههههههههههههههه لا لا مهند من جد تبا تتزوج ندي الله يخليك امزح
مهند متعجب من نفسو اكتر منها : ايوا تخيلي مادري ليش فكرت فيها ياخي .. ماعرف احسها كدا ماعرف
حنين تغمز وتدفو بكوعها : ماتعرف .. ولا عشان حتزوج صاحبك تبغا تتزوج صحبتي .. ها ها ها ..
: ههههههههه اما كدا طبعا لا بس ماعرف من جد ماعرف ..
حنين تلف علي : شوف للامانه انا ما ابغا احطمك بس والله ندي ماراح توافق عليك ترا مرا تكرهك لانك معقد شويا .. ودايم تتريق عليلك لانك كدا قصير وبطولها .. دايم تقول اخوكي دا لما نلبس كعوب نصير اطول منووو
مهند من جد اتحطم : احلفي ما تبغي تحطميني وتقوليلي الكلام دا اجل لو تبي تحطميني ؟؟
حنين تخبطو بخفه : بقلك الصراحه عشان لما اجي اقلك رفضت انها تفكر حتي لا تنصدم بمهدلك يعني اشكورني ..
مهند يتكتف : لدرجه دي ..
حنين : ايوا بس تصدق ..
: ايش كمان
: انا الي مستغربه .. انته كنت تقول عنها صايعه مادري ايش ماتغطي لسانها طويل اهلها فالتينها .. ودحين جاي تقول تبا تتزوجها ياشيخ مادري ليش احسك تتريق وانا مصدقتكـ ..
مهند يرفع كتوفوو : لا والله مابتريق اسمعي .. انا كمان متعجب من نفسي .. لسا امس متصله علي جوالي واضربنا وقفلت في وشها يعني ماعرف ايش احس ..
: والله من جد ياخي فكر يمكن بتتريق وماتدري عن نفسك ..
مهند بسرعه .. : لا لا انتي بس كلميها وافقت عادي نصير حبايب .. رفضت عادي .. نرجع نكره بعض ههههههه
: هههههههههههههههههه طيب ماشي ولا يهمكـ .. اصلا متحمسه اشوف كيف ملامحها تصير لما اقولها مهند يبا يتزوجك
مهند : لا ياهبله لا تفجعي اهلها كدا .. قوليلها مهند يحس انو يبا يخطبك يحس انك عجبتي شافك بنت شافك موزه . اول مرا يشوفك حلوه كدا يعني رفعيلها وبعدين اصدميها
حنين : ههههههههههههههههه مهند روح موت ياخي من جدك
مهند وقف .. والابتسامه علي وشوو .. : ايوا من جدي .. يلا انا بروح اللبس
: علي فين ان شالله ..
: الحفله نسيتي ..
: اها لا لا طيب يلا اللبس كويس لا اوصيك
لف يمشي علي ورا : لا توصي
راح مهند علي غرفتوو .. وحنين جلست تتلفت حولينها مافي شي تسوي ..
قامت علي غرفتها .. شغلت الجهاز وجلست تحمل افلام وشبكت البرجكترر .. ووللعت الفوحات .. وغيرت ملابسها بشي خفيف كدا ومريح ..
خرجت راحت علي المطبخ .. جهزت اكواب العصير وقوالب التلج والصحون الملونه الي حينتكو فيها الشبسات ..
حطت الغلايه علي النار تعمول قهوه عشان تتلذذ بيها مع الدونات ..
جهزت كل شي وجلست في الصاله سحبت الريموت جالسه تقلب في القنوات .. وكل شويا تتزكر مهند وتموت ضحك .. من جدو هادا ..
طلع لها مهند في وشهاا .. وومن شافتو ضحكت : هههههههههههه انته
مهند حسها سماجه : خلاص لا تزوديها انتي كمان ..
حنين : طيب طيب اسفه بس مني مستوعبه دي كول الحكايه هههههههههههههههه
مهند يرميلها الكمرا : صوري صوري ..
حنين وقفت : كدا رايح الحفله بلبس المستشفي ..
: ايوا قالو لنا نلبس لبس المستشفي او تياب .. عاد : كل المتدربين اتفقنا نلبس لبس المستشفي ..
حنين : اها كويس حلوو
مهند : دقيقه دقيقه الاب كوت ..
رخت الكمرا بعد ما لقطتلو كم لقطه : طيب بسرعه
مهند دخل علي الغرفه شال الاب كوت ولبس وجلس يتلفت قدام المرايا .. : اخخ حصيررر دكتور اخيرن .. يجي واللهـ ..
شال البطاقه حقتو وعلقها علي رقبتوو .. وشال الشنطه الي علي جنب الي فيها جوالاتووو وكم شي مهمين .. وخرج من الغررفه ..
: ها حنو كيف شكلي
حنين : موووز اخويا الدكتور موز والله امززز حاجه هبله ندي لو رفضتك هههههههههههههه
مهند رمي الشنطه عليهااا : مع نفسك وبعدين معاكي ياشيخه ..
حنين : خلاص والله هههههههههه مو قادره مو بيدي ..
مهند يزبط الوقفه ويطلع صف الاسنان برا وبيدو علامه النوصر : يلا تشيززززز ..
حنين صورتو كم صووره .. وبعدين وقفت جنبووو .. : يلا عشان بتصور معاك
وقفت جنبو وحاولت تشغل الموئقت بس مو راضيي : يو اشبو دا كمان ..
مهند ياخد الكمرا منها : اشوف ..
حاول يشغلو بس مو راضيي : يوو مادري عنو صراحه ..
حنين لصقت راسها في راسوو : يلا صور ..
مهند يمد يدو بعيد ويقرب لحنين ويصور .. كل مايطلو في الصوره يلقوها شوه .. وحده من فوق وحده من تحت وحده مهند باين وحنين لا وكدا ..
جلسين يطلو في الصور ويضحكو علي اشكالهم وكل مين يحش التاني ..
شويا دق الجرررس .. حنين طلت في مهند : ندي ندي ..
مهند يبتسم : مرحبا بيهااا ..
حنين استغلت الفرصه دحين وخليك علي طبيعتك لانو اتاكد بعد ما اقلها انك بتخطبها حتتغير معاملتها مرا ..
مهند : كدا تقولي ..
: ايوا والله انتبه ..
مهند يضحك : طيب ماشي ..
حنين فتحت الباب : هلا والله ندي
ندي في يدها عشورميه كيس .. : اخخخخخ يدي يدي اتكسرت اتكسرت اتكسرت ..
حنين تشيل عنها بعض الاكياس والضحكه ممسكه معاها : هههههههههههههههه منوره والله
ندي تطل فيها : ؟؟؟ ايش في ..
حنين : ولا شي ولا شي اتفضلي ..
دخلو علي الصاله وندي من شافت مهند كشرت : انته هنا ..
مهند نزل علي ضحك هوا التاني: هههههههههههههههه يعني جايه بيتنا وتقولي انته هنا انا الي اقول انتي هناا ..
ندي ترفع خوشمها : تقفل في وشي امس مانسيتها ترا
مهند : اطمني ولا انا
حنين : ندو بلا تمشكل جيبي الحجات لغرفتي ..
ندي : انا الي بلا تمشكل .. اخوكي هوا الي بيتمشكل
حنين : ياليل تعالي اقول
ندي لفت علي غرفة حنين وهيا تمتر مهند بعينها : كمان صاير دكتور ..
مهند : هههههههههههههه ايوا دكتور مو معبي عنك
ندي تميل راسها : لاااا ..
مهند : اقول تقلعي ولا يكترر ..
ندي: انته الي تقلع .. انا في بيت صحبتي
مهند : ؟؟!!!!! ياسلام
خرجت حنين ومسكت ندي من يدها : ياليل ابو لمبه امشي خلصيني ..
مهند : لا لا دقيقه حنين ..
: ها ايش في ..
: تعالي خليها تصورني معاكي ما اتصورنا ..
ندي : ماني مصورتك ..
حنين بسرعه : لا ندو بس صوره وحده سريع ..
مدلها الكمره ووقفت جنب مهند ولصقت راسها في راسووو .. وطلعو اسنانهم براا .. : يلا تشيزز
ندي : عز الله انحرقت الكمرا انتي وهوا ايش الضحكه هادي .. ؟
مهند : اقول صوري وانتي ساكته ..
حنين ميته ضحك علي مناكفتهم ولوه حست انهم من جد مناسبين لبعض وحيطلعو يجننو مع بعض .. لا وحيتفقو اكتر من ما يتخيلو هما بكبرهم ..
اتحمست انو ندي توافق ومرا عجبتها الفكره ..
ندي : هي حنو في ايش بتفكري وابتسامتك شاقه حلقك كدا ..
: هههههههههههه ولا شي يلا تعالي بقلك علي الموووضع ..
ندي : يو صح زكرتيني يلا
حنين تلف علي الغزفه : حتتنحي في البدايه لكن متاكده انك حتنبسطي ..
ندي راحت ورا حنين وحطت الكرا في يد مهند : الصوره مرا بيض .. بالاذن
مهند طل في الكمرا وضحك : هي حنو انا ماشي طيب ..
حنين من جوا : انتبي لنفسك وانبسط وقفل وراك الباب والانورا مع السلامه
مهند : طيب رديلي دحين طيب
: طيب طيب
: يلا سلام
خرج مهند من البيت .. وقفل ورا الابواب علي حسب توصيات حنين الي جلست قدام ندي ومسكت يدينها .. : وربي من اول بضحك بس دحين اتاكدت انو الموضع ممكن يصيرر ..
ندي : ايش في موضوع ايش اتاكدتي كيف
حنين من الاخر : مهند خطبك يبا يتزوجك قال ابغا اتزوج وقال اخطبولي ندي تخيلي
ندي تنحت لدقايق وبعدين شهقت : اييششششش مهند خطبني انااا .. >> مسكها الضحك هيا كمان : هههههههههه موستحيل
حنين تصقع رجلها : وربي ويقول ادري انها تكرهني وماحتوافق لكن كلميها وجربي حظك
: يوووووووو اما انا انا الي كنت اقول يكرهني اما خطبني موستحيل هههههههههههههههههههه
: وجع بطلي ضحك اتكلم من جد ماسمعتي تو يقول رديلي دحين
: قصدك اردلك دحين
: ايوا مهند وتعرفي ايوا ولا لاا
ندي تقلب عيونها : والله مهند قصيررر ودكتور كمان صعبه ياشيخه دحين يبالها تفكيرر
حنين : والله مهند يجنن ومافي منو ومافي اطيب منوو .. في اخ يسكت لاختو ويسامحها علي البلاوي الي انا سويتها .. والله اخويا دا اكوس انسان من غير مزح ياندي
ندي : يعني تعلميني في مهند اعرفو انا اعرفو بس ماني مستوعبه كول الحكــ..
قبل تكمل كلمتها رن جوال حنين : دقيقه يكون مهند هههههههه متحمس اصلا ..
مطت نفسها وسحبتو من فوق السرير .. وتنحت لما شافت المتصل حسام ..
علي طول وقفت : حسام حسام حسام ..
ندي وقفت معاها : وخير خير خيررر .. ردي علي ..
: ايش يبغا ايش يبغا ندي
ندي :يووووو ردي علي وشوفي ايش يبغا ايش يعرفنا كدا يعني ..
حنين تبلع ريقهاا وتحط الجوال علي ادنها : احم ايوا ..
حسام : اممممم كيفك حنين
: بخيرر الله يسلمك انته كيفك
: بخير حمد لله
: امممممممممم
: اممممممممممم
: امممم ايوا
حسام مو عارف كيف يقولها بس حس انو لازم يقولها .. : اممم حنين انا اتصلت عشان اقلك علي شي مهم لازم اقولك هوا ولازم تعرفي قبل لا نملك ونتمم كل شي
حنين ماتعرف ليش خافت : طيب شي ايش
حسام : اتمني انك تتفهمي وتراعيني وانا حقولك علي كل التفاصيل بعدين .. بس دحين حقولك علي الموهم طيب
حنين تاشر علي قلبهااا وتطل في ندي بخوف : طيب قول
حسام يبلع ريقوو .. : حنين انا امم اتمني انك تتقبلي طيب ..
حنين عصبت : طيب قول يلا ..
حسام يبلع ريقوو : امم انا اشسمو التوائم ماهم اخواني
حنين تتنهد براحه : طيب ايش الموشكله تقصد علي انهم بيعيشو معانا عادي بس ايش يقربولك هما
حسام بشويش : امممم اولادي ..
حنين انفاسها رجعت انكتمت : ايش
حسام بسرعه : حنين انتي اديني فرصه وحشرحلك كل شي انا زيك انصدمت اصلا انا توي عرفت من كم شهرر
حنين تفرصع عينها : كمان
ندي تسالها : ايش في ايش في
حسام يحاول يسيطر علي الاوضاع : حنين انا قلت اقولك عشان احسن بس حوضحلك كل شي
حنين ضغطت علي الجوال بقوووه : توك تقلي ياحسام توك تقلي
حسام يحاول يدارك الامور : حنين انا كمان توي عرفت انهم اولادي
صرخت في : وتوكـ تقلي علي دا الشي .. من جدكـ ..
خلصت كلامها وقفلت الخط في وشوو ..
مسكت بطنها الي وجعتها : موستحيل موستحيل
ندي مسكتها : ايش في ايش قالك حسام ايش في
حنين دموعها فلتت كانت حاسه انو ورا مصايبو هادي شي كبير زي انو يكون عندو اولاد ومو واحد كمان تلاته في عين العدو مستحيل موستحيل
الجوال رجع يرن .. وحنين مو مستوعبه انو قالها انو عندو عيال كيف كدا ياربي ..
شالت الجوال ورمتو علي الجدررر : موستحيل موستحيل يا ندي موستحيل
ندي مفجوعه : ايش في يا حنين اتكلمي
حنين رخت راسها علي عب ندي وانفلتت تبكي بكل مافيها من قهر وصدمه .. اولاد مره وحده اولاد .. طيب مهند يدررري ..
لا ياربي موستحيل …












~~~~~~~~
A6baa fe al-7o0b
~~~~~~~~

كاسررر واقف قدام التسرريحه يزبط شعرووو .. وشابك السمعات وزهاد علي الخط بتهرج بحماس
: يو يا كاسرررر غرف النوم هيا الي دوختني اكتر شي .. كل غرفه احلي من التانيه ماني عارفه ايش اختار والله مرا دوخت
كاسر : موهم بنختارها انا وانتي مع بعض ..
: ههههههههههه تمزح
: ايه لا ما امزح .. اشتري اي غرفه اللحين .. وبعد لما ناثث بيتنا الي بيكون علي البحر مثل ماتبين بنختار غرفه النوم مع بعض
زهاد انكسفت : ههههههه طيب ماشي ..
: اممممم ايه وشنو قلتي كنتي بالسوق مع هيثم ..
زهاد : ايوا ترا هيثم مرا كان غير ومازعل لانك جيت وخطبتني حس انو الموضع انو بيننا شي وكدا ولو بيننا شي انته خطبتني اكيد في شي جدي .. عشان كدا كان متفهم مرا
: اها اشوف التفهم يوم انها ناط علي مكسرلي خشمي اخخخ لما الحين يالمني
: هههههههه كزاب ..
: ماعلينا حبيبتي انتي وينكـ الحين ..
: انا خلاص دوبي خارجه .. بسواقي ههههههههههه مو مصدقه انو عندي سواق ياشيخ ..
: ههههههههههه لا صدقي دخيلك كل شي موب مصدقينه وشفيكم انتي علي اخوك لما الحين ما استوعبتو شي
زهاد : يووو علي طاري اخويا لا تشوف ايش ساوا لما هيثم قال الدكتور كاسر كان في بيتنا يخطبك
كاسر : ههههههههههه علي طاري اخوك عندي لك خبر ازين .. تراه اتصل علي
زهاد : اما كدا كدا كدا ..
: والله تخيلي
: ايش قال ايش قال ..
: مسكين موب مستوعب الوضع يقلي انت تعرف اختي .. انته خطبت اختي ولا دكتور كاسر واحد ثاني
: هههههههههههه حياتي قصي
: قلت له الا انا مابوه غيرررري … واستغفر الله يالله انك تسامحني .. قلت له انك طلعتي رفيقه اختي وبكذا خطبتك عشان ما ابيه يعرف شي وكذا
: ياعومرررر علي اخويا والله اني خايفه علي مرا ما تتخيل قد ايش ..
: اما ليش
: مرا كدا بتيتصرف بالفلوس غلط وفاهم كل شي غلط والقلبه الي صارتلنا احسها مرا ماثره علي ويمكن يخبل لا انا جد خايفه علي ..
: والله مادري كذا موشكله انا بس اصير زوجك وكل شي يصير تمام بقعد معه وبسنعه لك لا تشيلين هم ..
زهاد تصرخ : ياااااااي تصير زووجي ..
كاسر : هههههههه موب مستوعب تصدقين كلا اتزكر يوم اني اقابلك لاول مرا وتصدمين فيني .. واتنرفز منك حدي
زهاد بفشله : يووووو الخمسه الاف .. اخخ بس دحين حرجعلك هيا ترا
: لا والله ماتردينها ..
: والله اردهااااا والله ما اسيبها معايااا ههههههههه
: اقول زوزو خلاص انا بصير زوجكـ .. شنو تردين وارد لك وكذا ماهيب حلووه ترا
زهاد سرحت في كلمة زوجك وراحت بيها اماكن كتيرره : زوجي آآهـ
كاسر يضحك : هههههه شنو فيك يا زوجتي ..
حاطه يدها علي خدها وتتنهد بسعادهـ .. : مو مصدقه اني حصير مرتكـ وكيدا واعيش معاك وماعرف كيف
كاسر : بيني وبينك انا بعد .. بس اسكتي وخلينا نصدق
زهاد تتنهد للمره التانيه : طيب يازوجي ..
كاسر : هههههههههه زين زوجتي انا بطلع للشباب وبنمشي .. واشوفك هناك بالاوتيل زين .. اول ما توصلين ارسلين لي مسج اوكي ..
: طيب زووجي تبا شي ..
: ايه ابي حليب ..
: ههههههههه جبتو معايا تراااني ..
: كويس خلي في السياره وبعد الحفل بشربه وكذا ..
: اوكي .. زوجي
: اوكي زوجتي يلا سلاام
قفل الخط وحط الجوال في جيبووو .. وطلع من الغرفه ينادي علي حسام : ابو السمس وينك فيه حساام حسااام
حسام خرج من غرفتوو وووشو خالي من المشااعير والحساحيس .. : هنا الكاسر ..
كاسر طل في ورفع حواجبوو : شنو فيكـ .. ؟؟
: ابد مافيني شي .. يلا لا نتاخر
: شسمه وينه ابو هند عنكـ …؟؟
: خلاص بيطلع علي الاوتيل نتقابل معا هناك ..
كاسر يطل في حسام : متاكد مافيك شي ..
حسام يتنهد : لا يا كاسر مافيا شي ..
خرجو من الشوقه وكاسر لسا يستفسر : فين التوائم مع وسمي ..
: ايوا راح يوديهم الملاهي ..
: اها كويس والله .. ما قلت لي ..
: ايش يا كاسرر ..
: فين روحتو اليوم اتغديتووو ..
حسام ابتسم لما اتزكر حنين .. لكن علي طول رجعت قلبت ابتسامتو لما تزكر انها قفلت الخط في وجهو وماهي راضيه ترد علي .. طبعا من ابسط حقوقها ..
كاسر صقع كتفو : اكلمك انا من النهارر ..
حسام فاق علي نفسوو : ها ايش ..
: اسالك وين تغديتو اليوم بدير ما اعجبه الاكل والمكان ..
حسام : بدر مع نفسوو روحنا مطعم الــ …… بالعكس اكلهم لذيذ وانبسطنا
: اها كويس .. تعال بسيارتي حسووو م..
حسام مشي مع كاسر وهوا متكتف .. : اصلا مالي خلق اسوق
: اصلا كلك علي بعضك مالك خلق شي شنو فيك ياخي توك قبل شوي وش زينك وش حلاتك ادخل غرفتي ساعه واطلع القاك مقفل اخلاقك شنو فيك تكلم
حسام دخل السياره وسك الباب : ماقدر اقولك ..
: اما كدا .. طيب لا تقول لي ياخي اتصل وكلم ذا المهند الوحيد الي يعرف يتصرف معك وانت في ذا المود
حسام يفرك وشو : والله ماعرف ياكاسرر ..
كاسر شغل السياره ومشي : حسووم رايحن لحفله وكذا .. موب وقته ذا المزاج الخايس
حسام : من جد مو وقتو انا ليش اتكلمت دحين احس اني غبي
كاسر : لا لا تحس انك غبي تاكد انكـ غبي ..
حسام ضحك غصب عنوووو : خنيييييث … هههههههههههههههههههههه
كاسر : ايه يالبا ذا الضحكه .. استانس وانا صديقك .. لا تكدر لبا روحكـ ..
حسام : اخخخ بس يا بختك يا كاسرررر .. ماتدري ايش مكدرني ولا كان عذرتني
: زين تقدر تقلي ياخي وقتها اوعدك بعزرك وبتنكد واتكدر معك بعد ها شنو تبي اكثر ..
: ههههههه فديتك ابو كسره .. بس خلاص الي ابا تقفل علي الهرجه وشغلنا شي نروق .. ورانا حفله ترا ..
كاسررر : زين وهااااااذني بدورلك اغنيه كذا تروقكـ .. اسمع اسمع هاذي
حسام رخا المقعده ورخا علي المكيف .. واتمدد وغمض عينو يمني نفسوو ان حنين حتفك من الصدمه والزعل وحترجع تكلمو اكيد ..

I’m so lonely, listen to my heart
One n’ only, broken angel
Come n’ save me, before I fall apart

كاسر اندمج مع الاغنيه وصار يهز راسو يمين ويساار ويردد الكلمات بصوت عالي ونشازززز .. والانبساط يكاد ينقز من عينووو ..
جالس بيعيد ويزيد في الاغنيه طول الطريق مانعرف من زود ايش بالزبط .. ؟؟
بعد ساعه وشي بسبب الزحمه .. كانو وقفين قدام الفندق اخيررن .. كاسر يهز حسام : يلا يلا وصلنا
حسام : بطل تهز مني نايم ..
كاسر نزل من السياره وشد المعطف وعدل الياقه وصلح البطاقه الي عليها اسمووو وصورتوو .. وراسم علي شفايفو ابتسامه ولا اروع كانو نازل علي البساط الاحمرر في هليووود ..
حسام من الجه التانيه هوا كمان انشكح لما شاف الدكاتره الي داخلين وخارجين وكدا والبساط الاحمر الطويل الي فاردينو في الممررر ..
لف علي كاسر : جاك احساس ايش
كاسر : ههههههههههه ملاحظ انت
: اكيد ولووووووووووو ..
كاسر رمي المفتاح لواحد من الرجال الي واقفين .. : انتبه عليهاا ..
: اوكي سرر ..
دخلو علي الفندق وطلعو علي الدور الاخير الي مخصص للحفلات والاجتماعات واي شي .. من طلعو من المصعد صادفوو قدامهم .. اتنين ببدل رسميه .. استوقفوهم وسالوهم عن البطايق حقتهم ..
كاسر وحسام اشرولهم علي الباطيق ..
ابتسملهم الرجال : اتفضلوو .. الحفله علي وشك يبدا ..
حسام وكاسر راحو علي القاعه وهما يتسائلو ياتري اتاخرنا ولا ايش الوضع ..
دخلو القاعه الي مليانه دكاتره وممرضين ومتدربين وموظفين وكل شي ..
متوزعين بشكل مرتب ومنظم .. المدير وطقتو الكراسي الي في البدايه .. والمقاعد الي في الخلف .. المشرفين والاخصائين وكبار الاطباء
وعلي اليمين .. الاطباء المقيمين .. وخلفهم المتدربين .. وفي الخلف .. عامه الموظفين والممرضين ..
كان باين اانو الحفل مرتب .. ومتعوب علي .. بس الي اتفاجئو منو الشباب كميه الناس الموجودين .. ما اتوقعو كل المستشفي تحضررر ..
كاسررر يدور مهند بعيونو : وينه القصير ذا ما اشوفه انت تشوفه حسووم
حسام يقلب عيونوو : يمكن جالس تعال هنا ..
اتوجهو للكراسي المخصصه ليهم .. وقبل ما ينتبهو لمهند انتبه لهم وجا لعندهم وجنبو وائل وجالسين بيضحكوو ..
مهند : ابو السمس ابو كسره جيتوو ..
كاسر يتلفت : لا بعدنا بالبيت ..
مهند يضحك : ههههههههه اخخخخ كيف احساسكم شباب ايش تحسو اتحفوني ..
حسام : ملل ..
وائل يفرك يدينو في بعض .. : متحمس ياشيخ علي الخطاب حق مازن .. من تلاته ايام وهوا يكتب ويمسح ويشخمط ويعدل ويغير ..
: اما هوا حيقول خطاب يعني .. ؟؟
: ايوا حيقول ..
كاسر : هههههه انا احس بشي واحد اني خلاص دكتورررررر ..
: ياحبيبي كلنا نتمني كدا الله يستر بس ..
كاسر : لا انا ما اتمني انا دكتور خلاص .. شنو انت ..
حسام : اووو هوو عاد هادا ولد سعود الــ .. اتركو علي جنب .. ياخوفي نشوفو مدير مستشفي طوالي
كاسر : هههههههههه لا عاد ما توصل ..
اتقدم مازن لعندهم وابتسم وباين خلف ابتاسامتووووو نفسيه خايسه واخلاق مقفله .. : كيفكم شباب ..
الشباب بحماس : بخير .. مبسوطين .. متحمسين .. انته كيفك دكتور ..
مازن يضم يدينو لبعض : بخير الحمد لله .. ها شفتو دكتوره اعناب وتسنيم .. ولا ما جووو ..
وائل يصقع كتف مازن : حلوو ما جوو .. منك شايف اعناب خاشه معاياا ..
مازن يتجاهل وائل : اوكي روح ناديها .. وشوف في طريقكـ .. دكتور تسنيم موجوده ولا لا ..
: طيب
مازن : لا تتاخر يا دكتور وائل بسرعه ..
: طيب طيب
حسام يفرفر شعرو .. : ما اتوقع موجوووده .. ولا حتجي ..
كاسر : ليش ..
حسام : مهند يقول انو وائل يقول انو مازن يقول .. انو دكتور ماجد فقد الزاكره ..
كاسررر تو يدري بالخبرر : واااا تمزحوون
مهند : ابد ابد واسال دكتور مازن اهو قدامك
كاسر علي طول لف علي مازن : صدق
مازن باسف : ايوااا .. الله يكون في عونوو ..
كاسر : اجل اكيد مارح تجي مايبيلها كلام ..
مازن يطل في الساعه : لا انا قلت لها ضروري تجي ..
كاسر وجهو علي البوابه عشان كدا انتبه لتسنيم وهيا داخله .. وعلي طول : وهاذي دكتورا تسنيم .. جت ..
التفتو كولهم عليها .. وتنحو علي شكلها .. وشها مخطووف ومصفر الين خلاص ..
مازن يكشر : كويس جاات ..
تسنيم اتوجهت لعندهم ووقفت : السلام عليكم ..
كولهم باصوات متفرقه : وعليكم السلام .. اهلا . منوره .. كيفك
تسنيم تتكتف وتتكي علي الجدر : بخير شكرن ..
حسام يرفع حواجبوو : حمد لله علي سلامه الدكتور ماجد ..
تسنيم لاحد يزكرها بدا الشي .. صارت تقلب عيونها عشان لا تفر الدمعه .. : الله يسلمك شكرن ..
كولهم حاسين بيها فكدا ما احد زاد وعاد في هرجه ماجد وفضلو السكوت ..
جو اعناب ووائل ووقفو جنب بقيه القررروب ..
واعناب حالتها ماهي اخص من تسنيم .. كولهم قضو اليوم بكا .. وما اكلو وما ناموو .. يعني الحال من بعضووو ..
حسام يدق كتف مهند : اشبهم البنات متنكدين ..
مهند : وحده خطيبها فاقد الزاكره والتانيه اخو حبيبها خطبها طبعا يتنكدوو ..
حسام بصوت عالي : مين خطب مين .. حبيب مين
مهند دعس رجل حسام : ارخي صوتك بلا هبل
مازن انتبه لهم : دكتور مهند دكتور حسام هدوء ..
اعناب تطالع في ماززن .. وعيونها تلمع .. نفسها تبكي وتقلو اسفه علي كل شي لا تسيبني لا تعاملني كدا لكن … !!!
مازن اتكتف : امممم ماني عارف ايش ابا اقولكم صراحه ..
مهند يبتسم : لا تقول اجل
مازن يبتسم هوا التاني : مو عن كدا .. كنت بجهزلكم خطاب انتو كمان .. بس يادوب جهزت خطاب رسمي .. ماكفاني الوقت
كاسر : عادي دكتور تكلم كذا عبر راح نفهمك ماعليك
وائل : اما انا قلي بعدين في البيت لما نجي نننام ههههههههههه
مازن ضحك غصب .. رغم انو مودو مو ضحك مرا .. : اوكي اوكي .. ماعلينا اسمعوو
: انا حختصرر .. صراحه ابدعتو .. وكانت سنه كووويسه وحلوه وخفيفه وان شالله تكونو استفدتو .. طبعا الي سوتو والي شفتو خلال السنه دي ولا شي .. لما تصيرو دكاتره حتشوفو ايش يعني الطب وحتعرفو ايش يعني كمان ..
: اتمني لو احتجتو اي شي تجوني .. طبعا رقمي الخاص عندكم وايميلاتي وكل شي .. واكيد اكيد هادي ماهي اخر مره نشوف بعض ..
واخر شي .. اتمنالكم مستقبل باهر .. وحظ كويس في اختبار الهيئه .. وان شالله اسمع بيكم دكاتره مشهورين وبارعين .. وياريت ماتترددو تقدمو في المستشفي عندنا يمكن يحالفكم الحظ .. دا كل شي ..
كاسر : ويقول يبي يختصررر ..
مهند حس عيونو دمعت : مو مصدق انو مرت سنه والله مرا مو مصدق ..
وائل : ياشيخ مشي حالك ..
تسنيم تسترجع الاحداث الي صارت لها طول السنه وكيف كانت بنت عاديه ما همها شي الا دراستها وخلال سنه انقلبت ميه وستين درجه صارت تحب ومتعذبه بسبب الحب .. : الحمد لله علي كل حال
اعناب هيا التانيه تسترجع الاحداث كولها .. والين فين وصلت حالتهاا .. وكيف كانت بنت ما همها الا شكلها ومكيجهااا واهلهاا .. وصل بيها الحال انها تبكي ليل نهار بسبب غلط فادح : ايوا الحمد لله علي كل حال ..
الشباب يطلو فيهم بتعجب .. اشبهم دول منكدين بزياده عن اللزوم ..
مازن يطل في ساعتو : يلا دحين اتفضلو علي اماكنكم علي وشك يبدئوو ..
مهند : شباب ترا كل واحد اسمو علي الكررسي تحسو بحماس صح
حسام : حركات يجي والله
وائل : كاسر يلا
كاسررر : روح الحين بجي ..
بعد ما قرا المسج حق زهاد صار يتلفت يدورها بعيونو .. لين شافها واقفه عند واحد من الكراسي وتاشرلو علي البطاقه انو دا مكاني
كاسر بعد ما اطمن عليها .. غمزلها بعينووو .. واشرلها علي الجوال .. انو نهرج بيلو اوك
ابتسمتلو واشرتلو انو اوكـ
راح كاسر علي مكانوو .. وجلس جنب الشباب وجلسوو يتجازبو اطراف الحديث .. ويعلقو علي الحفل .. والاضائه والميكات .. ومين جا ومين ما جااا ..
شويا انطفت انورا القاعه وبقيت الانوار الدهبيه الخافته ..
واتوجه الكشاف الابيض الساطع علي مدير المستشفي الي واقف خلف المايكـ .. وابتسامتو تلمع ..
افتتح الحفله ببربره مالها نهايه .. عن الطب .. وصعوبه الطب .. ومدي التضحيه الانسانيه الي بيضحو فيها الاطباء .. ومدي اخلاصهم وامانتهم ..
وبعدها .. بدا بتكرريم الاطباء المقيمين الي ساعدووو المتدربين وكانو معاهام في كل خطوه ..
وطبعا كل ما ينادي علي دكتور مقيم يطلع ويتفلسف كتير علي المتدربين حقونو وكيف انهم كانو كوفء وشالو الكتير من الحمل وكانو قد المسؤليه .. ويبدا بتكريمهم طالب طالب وهكزا ..
لين نادا المدير علي الدكتور ماززن .. اخيررن
مازن طلع علي الاستيج .. والشباب علي طول وقفوو وصارررو يصفقوو ويصفررو بحماس .. حتي اعناب وتسنيم المنكدين اتحمسوو وصاررو يصفقوولوو .. شويا بدا التصفيق يرتفع من جميع المتدربين لانهم كولهم عارفين دكتور مازن واخلاقوو .. وكفائتو
مازن انكسف من كميه التصفيق والتشجيع .. وقف يتنحنح لين ما سكتوووو ..
قرب للمايكـ وابتسم : السلام عليكم طبعا جهرت خطبا طويل عريض اتكلم فيلو عن طلابي المتدربين .. بس بعد التفكير مالو داعي ..
: طلابي قبل ما يتعلمو مني ويستفيدو مني .. انا اتعلمت منهم واستفدت منهم ..
: طبعا طلابي كانو مجتهدين ومكافحين .. وطول السنه هادي مالاحظت منهم الا حبهم للطب .. وامانتهم واخلاصهم لدا الواجب الي هما مقدمين علي ..
فانا اتمنالهم التوفيق .. وكل المتدربين .. واتمنالهم مستقبل باهررر ..
اتقدم وشال الدروع الصغيره الي علي شكل قلب حولينو ادوات جراحه .. وفي النوص اسم كل دكتور متدرب ..
شال اول وحده واتقدم للمايكـ .. : الدكتورر حسام عبد الفتاح هاشم
حسام بكل حماس الدونيا وقف : انا انا ..
مهند خبطوو : الله يفشلك اركد
حسام يعدل المعطف والبطاقه ويتنحنح : صفقولي صفقولي ..
كاسرر : ياخي روووح ..
مشي بخطوات واثقه علي الاستيج لين وصل لدكتور مازن .. اخد منو الدرع وسلم علي حرربي : شكررن ..
مازن : ولو ماسوينا شي ..
شال الدرع التاني .. : الدكتور مهند عبد الهادي محمد ..
مهند بحماس طلع علي الاستيج وحضن دكتور مازززن بقوه .. خلا الموجودين يهمهموو .. واخد منو الدرع ببتسامه كبيره : احووبك يا دكتور ..
مازن فرفص ضحك : وانا كمان يا دكتور ..
شال الدرع التالت وابتسم باحساس حلوو .. : الدكتور اخوياا طبعا .. وائل محمد معتزز ..
وائل طلع علي الاستيج وعلي وشو ابتسامه ماحد فاهمها الا ماززن .. وصل لعندووو : وووووحصير دكتوووور يا خويا ..
ماااازن : وررراك اختبار يا خويا انزول انزول انزول هيااا ..
: ههههههههه شوكررر ..
مازن يشيل الدرع الرابع ويبتسم : الدكتوره المفضله في المجموعه والي كانت مكافحه اكتر شي وملتزمه .. : تسنيم محمد ماهر
تسنيم اترددت كتير قبل تطلع علي الاستيج .. وتمشي بخطوات هادئه وعينها علي الارض لين وصلت لمازن اخدت منو الدرع : شوكرن ..
مازن حزين عليها : العفوو دا اقل من حقك
نزلت بسرعه .. ومازن شال اخر درع وماحس بنفسووو .. وهوا يتنهد ويقرا الاسم .. : الدكتورا اعناب يوسف فريد ..
اعناب طلعت علي الاستيج وهيا تكلم نفسها تقدري تسويها تقدري تسويها يا اعناب تقدري تسويها .. وصلت لمازن وسلمات علي ..
مازن بدون مايطل فيها مدلها الدرع : اتفضلي
اعناب اخدتو منوو : شكرن ..
مازن : العفوو ..
لف علي المايكـ : شكرن لكم كولكم .. ودحـ…
سكت لما لاحظ انو اعناب لسا واقفه .. طل فيها بتعجب : ايش في ..
اعناب طلعت ووقفت جنبو : ممكن شويا ..
مازن : !؟؟؟؟؟؟؟
اعناب ما استنتو يبعد سحبت المايك لعندها : السلام عليكم ..
الكل مستغربين ويطلو فيهاا وكل مين يتسال ايش وراهاا .. وخصوصا اصحابها في القروب .. ومهند ووائل بالاخص ..
اعناب : احم احم طبعا انا ما خططت اني اطلع اتكلم علي المايك .. لكن توي قررت .. لانـو يعني زي مانتو عارفين انـ..
سكتت وحست الكلام ضاع منها : مو مهم .. حبيت اعتذر لدكتـور مازن علي الــ…
مازن من سمع اسمو استوعب ايش تبا تقول .. سحبها بسرعه : اعناب ايش بتسووي
اعنبا شدت يدها منوو : اتركني بتكلم
الناس كولهم بدو يهمهمو واصواتهم ترتفع . ايش في .. ايش بتقول .. ايش بينهم .. تعتزر لمازن علي ايش .. ليش ايش سوت لوو .. ايش صايرر ..
مازن : لا تتكلمي اعناب انزلي
اعناب طنشتوو ورجعت تكمل كلامها : بعتذر لدكتور مازن علي الكلام الي قلتو .. واتاسفلو قدامكم كولكم .. دكتور مازن اشرف انسان .. ولا كلمني ولا لمسني ولا اتحرش فيا .. اعتذر منو مرا تانيه ..
لفت علي مازن : اسفه دكتور مازن سامحني
الاصوات بدت ترتفع .. ومنسقين الحفل بيستنكرو الي بيصيرر … ومازن وشوو صار احمر اكتر شي .. نزل عن الاستيج وتركها
مهند : شوف البنت اشبها هادي
حسام : خبله
كاسرر : اما ما تحرش فيها ولا شي اجل ورا تقول تحرش فيها
حتي تسنيم رغم كل الي فيها ماقدرت ما تتعجب من تصرف اعناب .. الي مازالت واقفه علي الاستيج وتراقب مازن الي نزل وخرج من القاعه كولها ..
اتقدم واحد من منسقين الحفل .. وطلع علي المايكـ وجلس يهرج يصرف البلبله الي صارت ..
اعناب لمت بعضها ونزلت عن الاستيج ورجعت مكانها .. وياليتها مارجعت ..
كاسر ومهند ووائل وتسنيم .. استلموها اسئله .. اشبك ايش في .. ايش سويتي .. من جدك .. خبله انتي .. ليش تعتذري .. ايش صار اصلا .. ومن دا الكلام
اعناب ولا هي معاهم بالها في مكان واحد هناك عند مازن .. وكيف نزل وتركها بدون اي تعبيرر .. طيب حتي اعتذرتلو عن الي صار .. ان شالله يرضي لو بس يكلمها
طبعا منسقين الحفل اداركو الامور .. واكتملت فقرات الحفل علي اكمل وجه ..
لين وصلو للقسم الاخيررر ..
طلع المدير علي المايكـ .. وابتسم : طبعا حتادو القسم هادا لاكتر من مرا عشان لو فكرتو تخونو عملكم وشغلم تتذكرو انتو كم مرا قلتو ..
: الان .. وفي حفل تخرجكم .. ولما تستلمو وظيفتكم ..
خرج المصحف من جيبوو .. وحطوو علي يدوو اليمين ..
والمتدربين كولهم سوو نفس حركتووو ..
الانوار الدهبيه اتحولت لبيضه والكشاف اتركز علي مجموعه المتدربين الي واقفين في صفوف مرتبه .. ومنتظمه ..
الدكتور : بسم الله الرحمن الرحيم ..
الطلاب بيرددو ورا : بسم الله الرحمن الرحيم ..
اقسم بان اكرس حياتي لخدمة البشرريه
واعطي معلمي
الاحترام والتقدير الذي يستحقونه
وسامارس مهنتي .. بضمير وشرف .. وصحة مرضاي .. لها الاوليه دائما
ساحترام الاسرار التي يئتمنونني عليها
وساحافظ بكل السبل التي امتلكها
علي شرف المهنه ونبلها
سيكون زملائي هم اسرتي واخوتي
ولن اسمح للعمر ..
او المرض.. او الاعاقه .. او العروق.. او الجنس .. او العنصريه .. او الاختلافات السياسيه .. او المذهب .. او الجنسيه .. او الميول الجنسيه .. او الطبقات الاجتماعيه .. او أي هامل اخر
بأن يتدخل بيني وبين تاديتي لواجبي .. وبين مريضي
وساحمل اقصي احترام للنفس البشريه
ولن استخدم معرفتي الطبيه
في انتهاك حقوق الانسان والحريات
حتي تحت التهديد
اودي هذا القسم
بحريه
وعلي شرفي
..
خلص من القسم وباس المصحف .. والمتدربين كولهم باسو المصحف ورجعو في جيوبهم ..
والمدير اختتم الحفل بكم كلمه شكرررر للجميع والحضور والقائمين علي الحفل ..
..
حسام يدق كتف مهند : اتقشعر جسمي
مهند يفركـ يدوو : والله من جد ..
كاسر : احس اني تورطت .. ههههههههه كل ذا القسم .. والله يا انها مسؤليه علينا لو قصرنا .. او شي او اهملنا او غلطنا
مهند : بجد مسئوليه .. الله يعيننا ويقدرنا نكون قدهاا ..
حسام في قلبوو حمد لله انو عقلت وتوووووبت … اوووف .. : حمد لله
مهند يطل فيلو : اشبكـ ..
حسام من جد يحس شعر جسمو كلو واقف .. ومتقشعر مررا من القسم الي توهم قسمو وايدهم علي المصحف .. يعني مسؤليتهم كبيره من جد : ولا شي .. يالتني صرت ناشط سياسي
كاسر : ههههههههه اقول خل عنك انت قدها ان شالله
مهند : من جد قدها وقدود .. خليك دكتور وسيب السياسه لمرتك حنين هههههههه عضوه مجلس شوري فاكر كاسرر
كاسر : هههههههههههه ايه خبررري .. والله ماغير عضوه مجلس بيتك وعيالك
مهند : هي هي اختي ماحتصير ربه منزل ياولك يا حسام ..
حسام فجئه بدون مقدمات : ابو كسره شقلب بكلم اخو مرتي في موضوع عائلي ..
كاسرر يرفع حواجبوو : ياسلام يا مواظيع عائليه اصلا انا بشقلب .. اشوفكم ماعرف وين تبون تسون شي مخططين علي شي
حسام يدف كاسر : لا لا لو خططنا علي شي حنكلمكـ طيب شقلب شقلب

كاسررر : زين خلاص شنوووو ..
بعد عنهم واتوجه للكراسي الخلفيه الي مخصصه لجميع الموظفين في المستشفي .. وجلس يدور علي زهاد بعينوو .. لين شافهاا .. راح لعندها وابتسم : زوجتي
زهاد تضحك : ههههههههه زوجي .. كان شكلك خقه وانته علي الاستيج والله فاتك شكلك يا شيخ
كاسر جلس جنبها : هههههههههههههههه خساره لو اني كنت قاعد لو شفتني وما فاتني شكلي
زهاد تفتح جوالها : ما فاتك مافاتك شووووف
شغلت مقطع الفديوو والي الصوره مقربه مرا علي كاسر الي ماشي كدا بثقه ورزه .. واخد الدرع ونزل من الجه التانيه بنفس الهدووء والثقه ..
زهاااد : يانااااااس
كاسر : ههههههههه يالبهني والله ..
زهاد قفلت الجوال ولفت علي : كيف احساسكـ وانته تحلف وربي انا خفت ..
كاسرر : لا تزكريني مسؤليه الله يعننا بس ..
زهاد تبعد عنو : حكووون معاك واخليك مخلص في العمل لا تشيل هم ..
كاسررر : يالبي ما يخليني منكـ ابد فديتك ..
زهاااد ورودها خددت .. وتصرف : امم ها تجي للبوفي المفتوح نروح ناكل وكدا ولا شبعان ..
كاسرر يدور يدهااا ويمسكها : لا تعالي بنطلع من هناا ..
زهاد تضغط علي يدوو : وفين نروح ؟؟
كاسر وقف وسحبهاا : ماعرف بس بختلي فيك وكذااا .. واسويلك حجات ماهيب بزينه
زهاد وشها ضرب الوان : كاااسررر
كاسر يرفع حواجبوو : شنووووو تفكيرك صفي النيه اشياء ماهيب زينه يمكن ازبحكي واقطعكي وارميكي بالبحرر وماحد درا عنكـ ..
: هههههههههههههههههههه شريرررر ..
كاسر سحبها معا للمصعد وخشوو : انا موب شرير انتي الي مادري شلون تفكرين مو كويس نيتك ماهيب صافيه ..
انحرجت مرا : اقول اسكت خلاص ..
خرجو من الاوتيل .. والرجال جابلهم السياره للبوابه .. طلعوو .. وزهاد اتزكرت : كسور الحليب في سياره السواق .. هوا واقف هنا ..
كاسرر بعد عن البوابه : ززين بناخذه منه
اتوجهو لمواقف الاوتيل ولسياره السواق زهاد نزلت اخدت السله بسرعه وقالت للسواق يرجع البيت خلاص ..
ركبت السياره وتكاد تحلق من الفرحه : و هادا الحليب ..
كاسررررر يشغل المسجل .. علي السي دي الي كلوو مويزك وبس .. طلع علي الطريق العالم واخد يسااار وصار ماشي بهدووء مرا : يلا صبين لي
زهاد ترفع الترمزه : حااااااضررررر من عيووووووني الاتنين ..
صبتلو الحليب ومدتلو هوااا .. : واتفضل يا الكاسر سعووود ..
كاسر اخد منها الكوب ورشف منو رشفتين سريعه ولحس شفايفو بتلذذ : يممممممممي
زهاد : بالعااافيه وكدا ..
حط الكوب في المكان المخصص لووو .. ولف بجسمو علي زهاد .. : هاتي ايدك
زهاد علي طول ورودها خددت : ليش
كاسر اتقدم وسحب يدهاااا : ولا عشان شي علي قولك ههههههههههه
زهاد مقفله يدينها الصغيره والي علي اضافيدها مناكير وردي فاتح وخاتم فضي سخيف .. : وش صغرهم ..
زهاد : هههههههههه انته الي يدك كبيره ..
كاسر فرد يدينها ورفعها لفمو باسها من جووو .. : تسلم ايدك زوزوو ..
زهاد وشها ساوا كل الاوان .. : هههههه الله يسلمكـ
كاسرر رجع باس يدها مرا تانيه وتالته .. : الله لا يحرمني منهم ابد
زهاد كشرت : بس يدي يعني انا عادي
كاسر : اقول لا تصيرن نكديه وتغيرن الموظوع يعني ايدك بتسوي حليب بروحها ..
زهاد : ههههههههههه طيب ايش فيك عصبت
كاسر : لانك طلعتيني من الجوووو الخوقاقي الي كونت فيه
زهاد ترفع يدها لفمووو .. : ههههههههه اسفه عيدهااا ..
كاسر رجع باس ايدها وابتسم : الله لا يحرمني منهم ابد .. انتي عادي بس ايدك لاا اهم شي
كشرت : ياليل اليل ..
: هههههههههههه تستاهلين خربتي اوم الجووو
: ماخرب شي وي
كاسر ترك يدها : خلاص خرب افتحي الدرج الي قدامك بسرعه ..
زهاد فتحت الدرج وهيا تسالو : ليش ايش في
كاسررر ياشرلها : هاتي هاذي العلبه ..
زهاد خمنت علي طول علبه ايش خرجتهاا وهيا تضحك : ههههههههههه كاسرررر مو كنك اتحمست .. عمي لسا ماردلك
كاسر : عمك انا من جلست معه تاكدت من رده غير الكلام الي قلتي لي عليه وهيثم بيرفعلي تاكدي كل شي بيكون تمام انا وانتي نستاهل .. صح ولا شلون
زهاد فتحت العلبه وهيا شويا تحلق من الفرحه .. : واااااااااااااي كاسررر
كااااسررر : اقول لا تصلحين انه حيل خقه لو ما اعجبك ببدله
زهاد طلعتو بسرعه وجلست تتاملوو .. : لا لا حلوو والله لو مو حلوو ما حبدوو هادا زوقك كسووور ..
كاسرر : كنت كذا بلبسك اياه واقلك زهاد ابراهيم .. هل تقبلين بي زوجا لكي .. لكن انتي خربتي كل شي ..
زهاد طلعت الخاتم ولبستووو .. : هههههههههههه مو مهم خلاص
رفعت يدها قدامو : يجنن مراااااااااا وربي مرم حلوو كاسر من جدك ..
كاسررر : صدق اعجبك
: ايوا مرا حلوو والله ما بكزززب .
كاسر : خلاص من الحين انتي زوجتي ..
زهاد والكلمه هادي مرا حابتها منووو : وانته كمان زوجي
كاااسر سحب يدها ورجع باسهاااا : ايه وانا زوجك .. ومين كان متوقعني بتزوجك ولا بتتزوجيني .. ما اقول الا يابختي لاول مرا ابي شي ويحصل لي
زهاد اتجرئت وسحبت يدوو وباستهااا : وانا اخيررن بدت حياتي تتعدل .. واموري تزبط .. وكدا
كاسررر : انت اصلا تستاهلين كــ..
قبل يكمل جملتو رن جوال زهاد .. طلت في الشاشه وانفجعت لما شافت المتصل عمهااا .. سحبت يدها من كاسر بسرعه : عمي عمي عمي ..
كاسر : لا ناقزي تكفين وشنو يعني ردين عليه ..
رخت صوت الميوزك علي الاخيررر .. واشرت لكاسرر انو اسكت .. ردت علي عمها وهيا تتنتحنح : احم احم ايوا عموو اهلا
: كيفك يابنتي
: الحمد لله بخير عمو انته كيفك
: تمام الله يسلمك يابنتي كيف اخوكي مبسوطين تمام ناقصكم شي
: لا عمو كل شي بخيرر تسلم
: كلمك هيثم
ناسيه مرا : علي ايش ..
: علي الدكتور الي جا خطبكـ ..
رفعت عينها علي كاسرر : احم ايوا ايوا ايوا كلمني ..
: طيب يابنتي انا الولد مرا عجبني واخلاق .. وحبيتو وارتحتلو جدن .. وسالت هيثم عشان يسال عنو ودوبو ردلي قالي انو يعرفوو ومدحو عندووو .. واتوقع انك تعرفي لانو معاكي في المستشفي .. فابغاكي تقوليلي ردك دحين .. عشان ارد للولد.. لان اخو تو اتصل عليااا يستنا الرد شكلهم مستعجلين ..
زهاد تنحت ايش عصر السرعه دا الي هما في : هااا ..
عمها : ما اقصد انو لا تفكري ولا تستخيري ولا شي بالعكس سوي كل دا بس رديلي بسرعه طيب .. وزي ما قلت لك الولد ما ينعاب .. وانا شخصيا قعدت معا ولد فاهم وعاقل .. واخلاق .. يمكن مشكلتو الوحيده اهلوو
زهاد تطالع في كاسرررر وماهي عارفه ايش تقول : طيب عموو
: طيب موافقه .. ولا طيب تفكررري ..
كاسررر يفرصع عينو انوو قولي طيب موافقه ايش تستني .. : امم ايوا طيب موافقه انا اعرفو عشان
عمها : تعرررررفي ؟؟!!!
: لا لا مو اعرفو انو اعرفو من المستشفي واعرف اخلاقو وكل شي ..
: يعني نردلو متاكده يابنتي ..
تبتسم لكاسرر : ايوا ياعمو وهيثم كلمني عنو وقالي علي كل شي ..
: طيب كويس علي البركه والله انو ولد ناس بس اهلو مو ناس عدلين الله يعينوو يلا بنتي ورايا اشغال تبي شي
: تسلم عمووو ..
: مع السلامه
: مع السلامه ..
قفت الخط وعلي طول ضحكت : عمي يقول انته ولد ناس بس اهلك ناس مو عدلين
كاسرر : وانا اشهد والله .. ماهم باهل استغر الله بس
زهاد تغير الموضع عشان لا يتنكد : مو مشكله .. سوووووو ..
رفعت الخاتم : ما اتحممممممستتتتتت ..
كاسرررررر : خلاااااااااص بتصيرررررين زوجتي يا زوزوو ..
زهاااد وردها تخدد : احم احم لا انته الي حتصيررر زوجي انتبه ..
: لااا انا الي بطلع البطاقه واسمك بيكون تحت اسمي بتصيرين حقتي ..
زهاد تفرصع عينها : لا انته الي اسمك بيكون فوق اسمي .. يعني اشسمو انا اول بعدين انته ..
: هههههههههههههههههه لا تحاااولين بتصيرين حقتي غصب خلاص ..
مطت بوزها : مافي حليب ..
كاسر شال الكوب وشرب منو : بوه حليب .. هههههههههههههه
زهاد تضحك لضحكتووو والدونيا مو شايلتهااااا ..
واخيرررن الحياه بتنشكح لهاا .. بعد مرمطه وصياعه وبهدله وفقرر لمده تلاته وعشرين سنه . اخيرن بتعيش زي الاوادم والخلق ..
اخيرن بتتغير حياتها للاحسن .. اخيرن بتعقل وبتترك الكلام الفاضي عنها وبتخلص لكاسرر حبيبها اشد الاخلاص ..
……..
الحياه عندما تبكيك الف مرره .. تاكد بانها ستضحك لكـ ولو مره ..
وربما حينما تضحك لكـ .. لن تبكيك ابدن ..








~~~~~~~~
A6baa fe al-7o0b
~~~~~~~~

جالسه في اللوبي تبع الاوتيل .. ويدها علي خدها تستنا السواق يشرررف ..
النكد راكبها من قمه راسها لاخمص قدميهااا .. معقوله ماجد كدا خلاص .. مرا مايصيررر ..
طيب الاحلام الي جلسو يحلموهاا .. طيب التخطيطات الي خططوهاا .. طيب كل شي كدا خلاص يروح بارد مبرد ..
رن الجوال في يدها مسحت خشمها وردت بدون ما تركز في النك بسبب عيونها المدمعه : ايواا
بهاء : تسنيم كيفكـ
: انته عارف كيفي .. يا بهاء ايش تبغاا ..
: خلصت حفلتك صح
: ايوا بستنا السواق تبا شي بهاء .. ؟؟
: ايوااا انا عند الاوتيل .. تجي معايا ؟؟
تسنيم بطفش .. وكنو مو عارف الي فيها .. وجاي يعزمها ما تدري فين .. : لا يا بهاء مالي خلق اوروح مكان بستني السواق يرجعني البيت انطق وخلاص دا الي حسووي
بهاء بسرعه : اوديكي لماجد تشوفيه .. ترا يمكن علي الاسبوع الجاي يسافررر .. ؟؟
تسنيم فزت من مكانهاا .. : ايش كيف .. ماجد .. توديني لعندو .. ايوا ابغا اشوفووو يابهاء ابغا اشوفوو ..
بهاء : اوكي تسنيم انا عند الاوتيل .. اطلعيلي
تسنيم وقفت وهيا تمسح دموعهااا .. وهيا علي امل انو لما يشوفها يتزكرهااا .. او تحاول تزكرو او اي شي ..
صلحت حجابها وارسلت للسواق مسج انو لا يجيها خلاص ..
طلعت علي براا ووقفت ثواني الا بهاء اتقدم بالسياره ووقف قدامهااا .. فتحت الباب وطلعت .. : السلام عليكم ..
: وعليكم السلام
حرك السياره ومشي : كيفك تسنيم ..
من الي فيها خلاص ماعادت تتحمل هبت في بهاء .. : ومرا تانيه تسالني كيفي .. يعني ماتعرف كيفي .. ماتعرف اشبي .. وكل مرا تسالني كيفي .. وكل مرا اكزب واقولك بخيررر .. يعني تباني اقولك زفت .. وازفت من زفت ولا كيف
بهاء لصق في الباب ورمش رمشتين بفهاوهـ .. : اسف بس كونت بطمن عليكي
: لا تطمن طيب لا تطمن انا زفت .. وحالتي زفت ووضعي زفت طيب .. لا عاد تسالني كيفي ..
بهاء بلع ريقوو : طيب ..
شدت الطرحه الملونه الي لابستها وغطت وشها بيها وسندت راسها علي الشوباكـ .. : اوف ..
بهاء حزين علي وضعها .. وحزين علي نفسو اكتررر .. يحبهاا ويحبها وكمان يحبهاا .. ورايح يوديها بنفسوو لخطيبها .. عشان تشوفوو .. وترتاح ..
ما يبغا يشوفها كدا .. وضعها دا مرا مو عاجبووو .. وحالتها دي مرا مو عاجبتوو .. وبيحاول بقدر الامكان يساعدها .. يسوي اي شي يريحها .. لكن الظاهر مافي فايده مراا ..
تسنيم قلبها الي واجعها بياكد لها انو ماجد خلاص بح .. لكن تحاول تقنع نفسها بالعكس .. وماهي راضيه تستوعب دا الشي ابدن ..
وتطلع كل حرتها وقهرها واحباطها وتحطيمها في بهاء .. من بين كل الخلق ماتعرف ليش ..
يمكن لانها متاكده انو الوحيد الي حيتحملهاا .. وانو الوحيد الي يحبها لدرجه انو حيسامحها علي كل الي بتسووي .. يمكن
استمر السكوت مخيم عليهم .. وكل مين في قلبو مشاعير وحساحيس متضاربه ..
بعد مده ماهي طويله ولا قصيره .. بهاء وقف قدام الفله الكبيره .. الي واجهتها قزاز مائي ..
التفت علي تسنيم وبصوت راخي .. : استني هنا طيب
تسنيم نزلت الطرحه عن وشها وطلت في البيت : بيت ماجد هنا ماجد في
بهاء : ايواا ..
فتحت الباب ونزلت .. : فينو طيب فينوو
بهاء لف حولين السياره ومسكهاا .. : تسنيم اشبك هدي يعني بتخوشي علي اهلو ولا كيف .. بقولك استني هنا
تسنيم تبعد يدو عنها : بعد ياشيخ بدي ادخل اشوفووو بعد عني ..
بهاء مسكها من كتوفها بعصبيه ورفعها شويا عن الارض وهزها : اقول اهجدي يا تسنيم ولا تزوديهاااا قلت لك استني هناا افهمي ..
تسنيم فاقت علي نفسهاااا ورمشت بفهاااوه : اتركني ..
سيبها واشر علي السياره : خليكي هنا .. ولو اتحركتي وعد حنمشي بدون ما تشوفي ماجد ..
تسنيم جلست تطل في بفيس خالي من المشاعرر .. ولا ردت علي .. لدرجه انو بهاء خاف ورا سكوتها دا صرخه او تصرف غبي عشان كدا مشي بسرعه ودخل علي الفله ..
وترك تسنيم خلفوو ترمش بفهاوه وماسكه كتوفها الي وجعتها بسبب ضغطة يد بهاء عليهاا ..
اما بهاء اتوجه لباب الفله الداخلي ودق الجرس ووقف اتكتف قدام الباب وجلس يحرك رجلو بتوترر ..
جالو صوت انثوي علي الانترفون .. : مين ..
خبط صدرو واتحنح : احم احم بهاء يا خاله ..
ام ماجد : اهلا ياولدي كيف حالكـ
: بخير يا خاله انتي كيفك ان شاله احسن ..
: الحمد لله ياولدي الله يسلمك تبغا تشوف ماجد ..
: ايوا يا خاله ياريت ..
: اممم طيب بفتحلك الباب وروح علي غرفه ماجد علي طول تلقا منير عندو طيب
: طيب يا خاله تسلمي يعطيك العافيه يارب ..
: الله يعافيك ياولدي ماسوينا شي
: علي راسي يا خاله ..
اتقفل الانتر وانفتح الباب علي طول .. بهاء دخل واتوجه للدرج وعلي غرفه ماجد طوالي .. دق الباب دقتين خفيفه وفتحوو : السلام عليكم
شاف منير جالس علي الكرسي .. وماجد جالس علي السرير وضام يدينو لبعض .. : وعليكم السلام
بهاء اتقدم لعندهم : كيف الحال ايش مسوين
منير : حمد لله بخيررر ..
ماجد يطالع في ومكشر ملامحوو : بخير حمد لله ..
بهاء ضم ماجد بقوووه .. وباس جبهتووو : كيف تحس دحين
ماجد بيطالع في بهاء .. وزهنو شارد .. من استوعب انو فاقد للزاكره وصار بس يفكر وبس يحاول يعرف مين دول الاشخاص .. كيف دول اهلو من متي .. كيف دي امو كيف دا وضعوو
منير اشر لبهاء انو لا تدقق : استريح بهاء ..
بهاء : امممم لا ابغا اخد ماجد معايااا في شخص تحت بيشوفو ممكن
منيرر كشر : طبعا مو ممكن مين
ماجد : مين يبغا يشوفني احد يعرفني .. ؟؟
بهاء طنش ماجد ويوجه كلامو لمنير : ضروري بس هنا عند الباب يا منيرر
منيررر سحب بهاء وطلعو من الغرفه .. : اشبك يابهاء مين بيشوفوو .. الرجال كدا وعقلو بدا يتعب لانو بيحاول يتزكرنا من قلنالو اننا اهلوو .. ويادوب حيستوعبك انته .. وتقول شخص تاني مين بيشوفوو اتكلم
بهاء بلع ريقوو : خطيبتوو .. تبغا تشوفوو قبل يسافر .. والله تنرحم البنت .. ودحين هيا معايا في السياره
منير بستنكار : خطيبه ماجد معاك انته في السياره يا سلااام
بهاء بسرعه : لا لا لا تفهم غلط هيا دكتورتي ترا طول فتره العلاج عشان كدا اتعودنا علي بعض ولا مابيننا شي ولا تشك في اخلاقها بس انا حبيت اخدمها ..
منير يرفع حواجبوو انو الكلام مرا مو داخل موخوو : طيب بس اسف ماجد مانبغا نوري ناس تانين يعرفهم ويرجع يضارب مع زاكرتو يحاول يتزكرهم .. وحيتعب بزياده ودا الشي ممكن ياخرررر رجوع زاكرتوو .. اسف يعني
بهاء : لا يامنيرررر والله ضروري بس بتشوفو وتودعوو بس ثواني وانته كمان تعال معانا ..
: الشغله مو اجي ولا اروح .. اصلا اتصلنا علي ابوها وفسخنا الخطبه دا اول شي .. وتانيا الشغله مو ثواني ولا دقايق ماجد لو شافها حترسخ في بالو وحياحول يعرف مين هيااا .. واحنا ما نبغا دا الشي
بهاء : يا منير البنت حالتها زفت .. وتعرف انو الخطبه انفسخت بس بتشوفوو قبل يسافر ويطلع من حياتها حرام عليك يا اخي ..
منيرر يزفرر : اوكي حخليها تشوفوو بس ماجد مايشوفها اوكي
انفتح باب الغرفه وطلع ماجد وضاغط علي راسوو : مين يبا يشوفني مين
منير يطالع في بهاء ويقلو شايف مجرد انو بيفكررررر بيصدع .. وبيعاني .. عاجبك الشي داا ..
بهاء زفر : اوكي زي ما قلت كيف بس
منيررر ياشر لماجد : تعال يا ماجد نشم هواا
ماجد بجد يجس نفسو مخنوق وضايع وعايش في عالم غير العالم الانسان عباره عن زكريااات .. يعني مايصير انسان بدون زكريات .. يصير كائن حي .. فقط ..
منير يحاول يوشوش بهاء : انا حطلع بي علي سيااارتي وخليها تشوفو من بعيد وبس ولا تحاول تقربو ويشوفها اوكي يا بهاء
بهاء يدعي ربو ان تسنيم تتفهم .. : اوكي
منير يعلي صوتوو : امممممممممي خرجنا انا وماجد وبهاء دقايق وراجعين
ماسمع اي رد من امو مع ذالك خرج وبهاء سبقوو : حفهمهاا طيب
: طيب
بهاء رجع للسياره وشاف تسنيم واقفه ومكتيه عليها ودموعها جافه في ركن عينهااا .. : تسنيم
التفتت علي وصلحت وقفتها : فينو فين ماجد ..
بهاء مسك كتوفها بحنيه المره هادي : تسنيم حبيبي منيرر ما يبغاكي تقربي لماجد او يشوفك او تكلمي لان دا الشي مو كويس علي .. طيب
تسنيم ترمش بفهاوه : اجل ايش اسوووي ..
: تشوفي من بعيد وخلاص ..
تسنيم بسرعه : لا لا ابغا اكلمو ابغا اكلمو اقول انا تسنيم خطيبتو .. يمكن يتزكرني يا بهاء يمكن يتزكرني
: لا ماحيتزكر بدي الطريقه ياتنسم انتي دكتوره وعارفه وضعوو .. ولو شافك وحاول يتزكر حيجهد زاكرتو وبس اسمعي الكلام ..
تسنيم دموعها فرت : طيب هوا خلاص حيسافر حيرووح .. بس اكلمو مرا وحده بهاء
بهاء يبغها تقتنع : تسنيم دا لمصلحه ماجد .. احسن انو ما يشوفك يا تسنيم .. خلاص انتي شوفي وخــ
قاطعتو لما شافت ماجد خارج من الفله وجنبو منير حاط يدو علي كتفوو : ماجد ..
بهاء التفت معها وطالع في ماجد : ايوا
تسنيم عوينها دمعت .. واضح علي ماجد انو في اتم الصحه والعافيه .. وما كانو كان ممد قبل يوم في السرير لا حول له ولا قوه ..
دموعها فلتت وهيا تتمتم بصوت راخي : ماجد انا تسنيم تتزكرني .. انا خطيبتك كنت مرا تحبني ..
بهاء يطالع فيها ومصدوم مرا .. كان يعرف انو ماجد متجنن عليها ..لكن الي ما يعرفو انو تسنيم تحبو لدا الحد ..
تسنيم بدون مقدمات انفلتت تجري وعلي ما بهاء يستوعب كانت وصلت للسياره حقة منيرر وصارت تخبط علي القزاز .. : ماجد ماجد انا تسنيم انا تسنيم ماجد تتزكرني
ماجد يطل فيها ويرمش بفهاوه وعلي راسوو الاف علامات التعجب .. ؟؟
بهاء لحقها وهوا معصب منها ومن حركتها .. شدها بقووه : انا ايش قلت لك
تسنيم تحاول تسحب يدها منو : اتركني والله حيتزكرني ماجد حيتزكرني انته اتركني يا بهاء سيب يدي
بهاء سحبها بقوه راجع علي االسياره .. ومنير حرك وبعد عن الفله .. خير شرر .. وماجد ضايع وسط كل دااا
بهاء دخلها السياره ورزعها بالقوه .. وخلاص بدا يعصب مرا .. مايعرف هوا معصب ليش .. هل بسب تصرفات تسنيم .. ولا غيران لدرجه الجنون ..
ركب السياره وقلبو يغلي .. وتسنيم مع نفسها بتبكي وتشهق بصووت ..
بهاء حرك السياره وهوا ساكت .. او بالاصح بياكل في نفسووو ..
وتسنيم علي قد مو مقهور منهاااا .. قلبو متقطع علي بكاها بدا الشكل ..
وقف عند وحده من البقايل .. ونزل اشترا لها مويا .. ومدها لها : خلاص تسنيم هدي نفسك ..
تسنيم تحس حلقها جاف الين خلاص .. عشان كدا اخدت منو المويا وشربتهااا .. وفجئه صارت تكحكح بقوه .. انشرقت ..
بهاء لف عليها وشدها علي قدام وخبط ضهرها بخفه وهف علي وشها : بسم الله اشبك
تسنيم رجعت انفاسها وصارت تطل في بهاء بهبل ..
بهاء خلاص مرا وصلت معا لهناك وبس ..
.. وقف السياره علي يمين .. ونزل فتح باب تسنيم .. سحبها من يدهااا .. وهزها بقوه : تسنيم اشبك ياتسنيم ايش بتسوي في نفسك
تسنيم ترمش والدموع بتفرفر من لحالهاا ..
بهاء مكمل : صار الي صار لماجد .. ودا كلو نصيب الدونيا ما خلصت .. الدونيا ماوقفت .. تسوي كدا في نفسك اشبك يا تسنيم اشبك ..
تسنيم مازالت ترمش بفهاوه .. : …………
بهاء : ايش تحس وانتي بتسوي كدا .. ايش تبغي يعني ابا احاول افهم ايش بتستفيدي من كل دا البكا والمناحه الي بتسويها .. اوكي خطيبك وتحبي وحتفقدي بس ما خلصت الدونيا والله ماخلصت ..
: خلي ايمانك بربك قوي وادعيلوو ادعيلو دا الي يحاتجو الي بتسوي دا مو حل ياتسنيم مو حل ..
تسنيم مو مستعوبه كل الي صار في اليومين الاخيره .. وصراخ بهاء كدا في وشها كنو فوقها شويا ..
طلت في وحاولت تكتم شهقاتها بس ماقدرت .. وغير الدموع الي تنزل بدون ازن ..
حاولت تمسك نفسها بس ماقدرت : بهاء انا بهاء انااا ..
ملامحها بدت تتعفس وشهقاتها تعلاا.. : انا انا ماعرف انا انا .
بهاء مات علي شكلها وندم انو صرخ عليها .. مرا تنرحم الي فيها مكفيهاااا .. : تسنيم اسف اني صرخت عليكـي بــ…
قبل يكمل كلمتو تسنيم انفلتت تبكي زي االصغااار .. بدون ما تغطي وشهاا حتي ..
بهاء حاول حاول يتجاهلها بس ماقدررر .. كدا بيد وحده سحبها وصارت في حضنووو .. حوطها بيدينو الاتنين .. وصار يمسد علي راسها ويهديها ويسكتها .. زي ما يسكتو الاطفال ..
: خلااااص اوووووش ..
تسنيم تشد التيشرت حقوو .. : بهاء ماجد خلاص مافي احد معاياا ..
بهاء : اوووووش تسنيم انا معاكي وماحخليكي وعد .. والله ماحخليكي ياتسنيم
تسنيم تغمض عينها بقوه وتبكي .. تبا تخلص البكا الي عندها خلاص لانها تعبت من كتر تبكي ..
وبهاء جالس بيهزها بهدوء : خلاص ياتسنيم خلاص هدي نفسك انا معاكي وعد .. لو كولهم راحو حتلقيني ماحسيبك ابدن .
تسنيم ناسيه انها في حضن بهاء وفي الشارع كمان .. بس ماقدرت تتحرك او تسوي اي شي .. لانها مجتاجه هادي الضمه .. محتاجه هادا الحضن ..
محتاجه لاحد يحتويها ويحسسها انو معهااا .. محتاجه لاحد يعبيلها الفراغ الي سيبو ماجد ..
محتاجه للدفاا .. محتاجه للحنان .. مجتاجه للحب
عاشت كل حياتها .. هيا تعطي الحب .. وتعطي الحنان .. وتعطي الدفا كمان ..
بس تعبت خلاص .. دحين هيا تبغا دا الشي .. تبغا احد يعطيها بدون توقف .. ويكون موجود دايم لما تحتاجوووو ..
لا كان موجود دايم لما تحتاجووو ..
بهاء .. ماقد تركها .. في اسواء حالتها بيكون موجود .. وفي احسن حالتها بيكون موجووود ..
هدئت شهقاتهاا .. وتحس انها فرغت كميه كبيره من البكاااا في حضن بهاء ..
جات تبعد عنوو بس بهاء شد بيدينو عليهاا : خليكي ..
تسنيم فاقت للوضع : بهاء احنا في الشارع ..
: اووووش .. مافي احد ..
تسنيم تتململ من بين يدينو : خلاص سيبني ..
بهاء بعد عنها ومرر اصابيعو علي خدها يمسحلها الدموع الي بدت تنشف .. ووقف يطل فيهااا بعيون مليانه حب .. واهتمام .. وتضحيه كمان ..
تسنيم واقفه تبادلو النظرات وبتقرا في عيونو .. حب .. واهتمام .. وامان .. واشياء اكتررر ماقدرت تفهمها حتي ..
لكن الشي الوحيد الي فهمتو انو دا الانسان هيا تعنيلو شي مرا كتيرررر ..
بهاء يبتسم : انا موجود هنا يا تسنيم اوكي ..
تسنيم تهز راسها : اوكي
بهاء : دايم حتلقيني موجود ياتسنيم دايم حتلقيني .. موجود
تسنيم تتنهد وتبتسم اخيرن .. : طيب
فتحلها باب السياره : يلا برجعك البيت ..
طلعت وعدلت عبايتهاا .. : طيب
بهاء دخل من الجه التانيه .. وشغل السياره .. وهوا في بالو مصر انو يكون في حياتها اول شخص ..
وتسنيم في جه تانيه .. بالها عند ماجد الي خلاص رااح ..
وماهي عارفه هل حتقدر تكمل حياتها بدووونووو .. وتلقا احد تاني يحل محلوووو ..
لفت وطلت في بهاء بنص عين .. ولا انو ماحتقدر تحط احد محل ماجد ابد ..
سندت راسها وغمضت عينهاا .. وهيا تتنهد .. دا الشي الزمن كفيل بي .. يا تنسي وتكمل حياتها .. يا توقف عند دي النقطه وتعيش مع يئسهاا .. ؟؟!! ايش حتختار يا تري .. ؟؟
….
في الحياه الكثيرررر من الخياراتـ .. التي لن تختار نفسها..
علينا انا نختاررر دائما .. حتي بين الحزين والاكثر حزناا ..
ولكن هل نختار الصحيح دائماا .. ؟؟






~~~~~~~~
A6baa fe al-7o0b
~~~~~~~~

مهند وقف السياره قدام عمارتهم والتفت علي حسام : شوف اي واحد مكاني مارح يرضالك علي الي بتسوي لكن انا عارفك وعارف حنين وواثق منكم الاتنين
حسام : ياليل محاضرتك يا مهند .. تراك طول الطريق تعيد وتزيد في الكلام اشبك
مهند : لاني حاسس انو غلط الي بسوووي
حسام بترجي .. : والله بس كلمتين خليها تلبس عبايتها كمان وطرحتها بس بكلمهاااا ..
مهند : وامووت واعرف ايش هادا الشي الي تبا تقلها علي ..
: يالله حاجه فيا شي يخصني وبعدين مع اهلك ..
: يووووو كيف في سررر تقولو لاختي وانا لااا
حسام عصب من مهند : حبيبي هيا حتصير مرتي انته مرتي لااا بسلامتكـ ..
مهند : طيب اممممم ما يتجال الشي دا لبعد الملكه يعني
حسام يرفز بطفش : لا انا ابغا اقلها من دحين عشان لو ما وافقت او شي ما نتعب نفسنا ونسووي ملكه وغيرررووو ..
مهند يتلفت ويزفر بطفش : طيب قلي وانا اقولهاا ..
حسام سكت وجلس يطل في مهند بقهررر .. نقلو تور يقول احلبوو نقول ما ينحلب يقول زيدووو ..
مهند فهم طلتو دي والي وراها ياساااترررر … : خلاص خلاص .. بشرررط
حسام : يالله الله لا يزل مسلم يا شيخ ..
مهند : لا لا ما ابغا ازلك ولا شي بس افهمني صعب موقفي
: اقول مهند حل خلاص ما ابغا منك شي
مهند بسرعه : لا افا كلش الا زعل ابووو السمس حبيبي ..
حسام وزعل من جدووو .. : لا من جد ابو هند .. من النهااار اكلمك اقولك هيا بس كلمتين وانته عارف نيتي وجالس تزل اهلي كدا ..
مهند : لا ابو السمس من جدك والله ما تزعل بس انوووو يعني .. خلاص اوكي ما عليك انزل انزل
حسام نزل من السياره وهوا ساكت .. ومو ناوي يهرج مهند عشان لا يرجع يسال ويستفسر وكاني مانني .. ويرج اهلوو من اول وجديد
دخلو العماره وثواني كانوو عند الشقه ..
مهند فتح الباب والتفت علي حسام .. : خليك في المجلس ثواني ..
حسام مسكوو .. : ممكن طلب .. وتقلي طيب او لا بدون ما تتفلسف ..
مهند : طيب
: لا تقول لحنين اني هناا .. خليها تدخل علي المجلس وانا حكلمها علي طول وحخرج .. الموضوع ما ياخد ثواني طيب ..
مهند لو اي شخص تاني مكانو كان قال لا بدون تفاهم لكن مهند .. هز راسووو : طيب خليك ثواني ..
حسام دخل المجلس وجلس وهوا يتنهد ويدعي انها تسمعلووو .. مايعرف ليش حس انو خلاص يبغها وما يبا اي وحده غيرها .. بختصار لانها عارفتو وعارفه كل عيوبو ومصايبو وماضي الوسخ مع ذالك وافقت تتزوجوو ..
مهند اتوجه لغرفه حنين ودق علي الباب دقات خفيفه .. : حنووو حنووو حنين اختي اختي ..
حنين من التحطيم الي فيها بكيت بكيت الين جاها النوم وسحبت علي ندي .. الي كانت جالسه قدام الاب توب وبتتابع الفلم وتفكر في كلام حنين وخطبه مهند وكدا ..
ولما سمعت صوتوو ينادي علي حنين حسبت انها بتتخيل ..
لكن دقات الباب مرا تانيه وبقوه فوقتهاا … : ايوووا
مهند : حنين ادخل ولا في احد .. ابغاكي ..
ندي بسرعه : في احد في احد ..
مهند من سمع صوتها ابتسم .. : حنين فين يا ندووو ..
ندي تبتسم اما صرت ندو كدا ولا يتميلح الولد .. : نايمه نامت ..
مهند يزززفر : صحيها ابغاها ضروري ..
ندي وتطول المواضيع .. : توها نامت حرام ..
مهند : يووو بقلك ضروري صحيها لا تخليني ادخل ..
ندي لفت بسرعه : طيب طيب
صارت تهزز حنين بهدوووء وتموت وتعرف ايش قالها حسام خلاها تنهار لدا الحد .. : حنووو حنوووو مهند يبغاكي حنين حنين قومي حنين اصحي
حنين تتحررك : هاااااااااا
ندي تهزها بقوه : مهند برا يبغاااكي قومي ياررررررربي
مهند يخبط علي الباب بقله صبر .. : حنننننين حنيننننن يابنت افتحي افتحي ..
حنين فاقت اخيرن : اووووف ياربي ايش في ..
ندي : مادري لا تتاففي عندي مهند عند الباب يبغاكي ..
قامت حنين وهيا تتحلطم ومتنكده جدن .. فتحت الباب وهبت في مهند : نعم ايش في ايش تبا نايمه ما ينام الواحد يعني في دا الزمن ..
مهند هب فيها هوا التاني .. : لا ما تنامي يعني ندي عندك وجالسه كدا نايمه ومسيبتها
: اشلك ياخي نصطفل انا وصحبتي .. ايش تبا قلي
مهند : البسي عبايتك بسرعه وتعالي ..
حنين تنحت : ايش ليش فين راحين
مهند : ماتسوي شي يعني بدوووون .. ما تسالي البسي العبايه بسرررعه ياشيخه
حنين ترمش بتناجه : ليش طيب ياخي .. ندي هنا فين بتاخدني ..
: ماني اخدك مكان .. البسي العبايه وتعالي يا حنين وخلصيني مارح اكلك طيب
حنين : اوووف طيب طيب .. طيب مادري ايش تحس
خشت علي الغرفه واخدت عبايتها من الشماعه وهيا تتمتم .. : مرا سلامات
ندي من شافتها تلبس العبايه تنحت هيا التانيه : علي فين علي فين علي فين
حنين واخلاقها في خوشمهااا .. : مادري عن قلعة مهند يقلي البسي العبايه بنقلع اشوف ايش يباا ..
ندي بفهاوه : وانا
حنين والاخلاق تحت الصفر .. : انتي ايش كمان .. ؟؟؟؟؟
ندي : وجع دحين ليش مقفله اخلاقك عليااا ..
: ماني مقفلتها ولا شي بس شايفتني قرفانه .. لا تزيديها عليااا وي .. ايش الي وانا .. خليكي الغرفه غرفتك ماحطول انا بشوف ايش يبا وجايه ياربي
ندي : وجع لا ترفعي صووووتك بلا انقلعي
مهند براا : هي هي انتي وهيا الهرجه مو محوجه كل دا سلامات
حنين طلعت من الغرفه ورقعت الباب وراها بقوه : نعم ايش تبااا ..
مهند يطل فيها ومزاجها كدا مقفل .. مرا مو حق هرج وتفاهم وصدمات .. ايش بيقلها حسام .. الله يستر ما تهب في تخلي يسحب علي جد جدهااا ..
مسك يدها .. : دحين انتي اشبك ها ليش كدا متنكده .. ايش صاير قوليلي
حنين وكل ما تتزكر كلام حسام بودهااا تخنقووو .. بكل سهوله يجي يقلها عندي اولاد .. خير في افغانستان احنا ولا ايش .. : ولا حاجه .. ايش تبا خلصني
سحبها معا لغرفه الضيوف .. وفتح الباب .. : لا تعصبي عليا طيب ..
حنين ما استوعبت ايش يقصد بس مهند قفل الباب .. وتركها متنحه .. الا شويا جا صوت حسام من وراها : حنين
التفتت وطلت في حسام بعدم تصديق .. مهند دخلها علي حسام وراح ايش يحس ..
حسام لاحظ قفله الاخلاق والنكد والصنقره والتكرنه وكل شي علي ملامحهااا .. عشان كدا رفع يدوو بهدوء : بس بتفاهم معاكي هما كلمتين ..
حنين ضاغطه علي اسنانها .. وساكته .. : ……………..
حسام اتقدم ومسك يدها بحسن نيه وبعدها عن الباب يخاف مهند يكون عند الباب ويسمعهم ..
حنين قبل ما تفكر تعترض او تسحب يدها .. لقت نفسها في نهايه المجلس .. وحسام جلسها وجلس قدامهاا ..
فرك يدينو في بعض وركز عينو عليهااا .. : حنين انا حختصر كل الكلام عشان مهند برا وفي اي لحظه حيدخل ..
: الله يخليكي لا تتركيني علشان غلط صار مادري من كم سنه .. ودوبي اكتشفت عواقبووو ..
: صدقيني انا ماعرف شي توها امي جات وجابتلي هما وقالت لي علي كل الحكايه .. وانا مصدوم اكتر منك انهم عيالي .. وماحد يعرف بدا الشي الا انا وامي ..
ولا حتي مهند مهند الي حتي لما ارمش اقلو اني رمشت .. ما يدري عن دا الشي .. وانا لما قلت لك مو عشان شي .. عشان انتي حتصيري مرتي .. وحتشاركيني كل اسراري .. ومو من العدل ااني اخبي عليكي شي زي كدا ..
ولا تخافي .. اخواني احم اقصد عيالي .. لا لا اشسمو .. اخواني حيكونو اخواني وحيستمرو اخواني وماحد حيعرف بدا الشي .. وماحتربيهم ولا تهتمي فيهم ولا حخليهم ياثرو علي حياتنا ..
لهم شقتهم الخاصه ومربياتهم .. وكدا وانا وانتي مالنا دخل ..
انا ياحنين وثقت فيكي ولما قلت لك كنت ابغاكي تتاكدي انا ابغاكي مرتي ومارح اخبي عنك ولا شي ولا ادق التفاصيل .. دا السبب .. ولا كان بامكاني اكزب عليكي وتحسبيهم اخواني وماحد حيعرف شي
حتي الاوراق الي تثبت انهم عيالي رافعها في صندوق في البنك يعني ماحد حيعرف .. بس حبيت اقلك لانو من حقك تعرفي مو عشان تزعلي وتعصبي وتقفلي الخط في وشي .. واقعد اتصل عليكي مليون وعشرميه مرا وجولك مقفل ..
سكت يحس نفسوو تعب من كتر مسترسل في الكلام اخد نفس عميق .. واتنهد : حنين لا تخلي دا الشي ياثر علينا .. هما عيالي لكن اعتبريهم اخواني وخلاص ..
حنين مالحقت تستوعب شي من كلاموو من كتر بيهرج بسررعه وبيدخل الكلام في بعض .. بس الي فهمتو انو ما يبا يخسرها .. وبيكون صادق معاها من البدايه .. وحتي في عيونو شافت الشي دااا
حسام يفرك يدو بسرعه : حنين مهند حيدخل في اي لحظه خلاص احنا اوكي .. ؟؟
حنين تقلب عيونها : انا لسا معصبه لانك توك تقلي
حسام بقله حيله : متي اقلك يعني يا حنين متي .. بعد ما نتزوج يعني
: لا بس انو من قبل وتجيني باسلوب مو تجلطني كداا
حسام بسرعه : اسف .. دحين قوليلي طيب خلاص
حنين وقفت : طيب كيف عيالك كيف قالت لك امك كيف اكتشفت .. كيف اتاكدت انهم عيالك
حسام يتنهد براحه دامها بتستفسر اكيد وصلنا خيرر .. : حنوو مو وقتو قولي انك معايا لسااا
حنين تتحاشا تطالع في : طيب معاك خلاص
حسام يبتسم : خلاص اخرجي ولما نتكلم جوال ححكيك علي كل شي بالتفصيل الممل الين تقوليلي اسكت ..
تقلب عيونهااا : طيب ماشي حطلع انااا ..
: ياااا اناااااا بيننا الووووو ..
: طيب طيب
فتحت الباب وخرجت وهيا مكشره .. علي قد ما كانت مقهوره منو قبل كم ساعه .. وعلي قد ماهي مقهوره من نفسها دحين .. بكم كلمه لحس عقلها وخلاها ترجع تقلو انا معاكـ
لينت ملامحها : لا باين علي صادق .. وما بيكززب ياناس ..
دخلت علي الصاله وهيا سرحانه ..
مهند كان قاعد والتي في شغال قداموو .. وطبعا ولا هو عندوو بالو هناك عند حسام ويموت ويعرف ايش الشي الي حسام بيموت ويقولو لحنين ..
من شافها فزززز : حنووو
حنين فاقت من سراحنها : مهند
مهند يرفع حواجبووو .. علي مزااجها الي انقلب : ايش قالك حساام ..
حنين فتحت فمها بتهرح الا رجعت سكتت : قالي ما اقولكـ ..
مهند انقهررر : شووووف الوااااطي ..
حنين : مالك دخل .. خلاص شي بيني وبين زوجي المستقبلي ..
مهند : عز الله رحت فيها يا مهند ….
حنين وفجئه تضحك : ههههههههههه لا لا منك رايح فيها تخيل مين بتفكر توافق عليك ..
مهند نسي حنين وحسام وهرجتهم وانشكح : تمزززحي قالت تفكرررررر
حنين : ههههههههههههه شوف هيا قالت تفكرر .. بس والله حتوافق صحبتي واعرفهااا
مهند : هههههههه تمزحي يا شيخه ..
: والله ههههههههههه صح انصدمت وضحكت في البدايه بس بعدين جالسه تعدد حسناتك .. وتمدح شخصيتك ..
وطت صوتها وقربت لادنو : بيني وبينك لو عليها من دحين تقلي انها موافقه .. بس شكلها تسوي تقيله .. ولا مكسوفه من نفسها ولا ماني عارفه قصتهاااا ..
: هههههههههههههههههه يجي … ناديلي هيا يا شيخه ..
حنين : اما ايش تبا تقلها ..
: بكلمهاااا بس ناديهااا
: مادري حترررضي بعد ما عرفت انك تبا تتزوجهاا خخخخخخخ كنكم تلعبوووو …
مهند : اقول روحي ناديها ولا يكتررررر
: ههههه طيب ثواني ..
راحت لغرفتهااا .. وخشت علي ندي الي جالسه .. وماطه بوزها بسبب حنين .. : ندو ندوو كلمي مهند
ندي علي طول بوزها الممطوط اختفي : ايش ليش
: يباكي
ندي صلحت جلستهااا وتعدل شعرها : ليش ايش يبا لا يكون يبا الشوفه الشرعيه بدرررري مرااا تراا
: ههههههههه ماعرف عنو بتكلمي ولا كيف ..
ندي بتردد : مادري اكلمو ولا لاا
: عادي كلمي حبو مهند مارح يسويلك شي
ندي اتحمست : ههههههههه طيب طيب ..
لبست عبياتها ولفت الحجاب بسرعه .. : تعالي معايااا حنوو
: لا يمكن يبغاكي في سرر
: سر ايش ياهمي ليلي تعااالي ..
حنين : دقيقه افسخ العبايه ..
ندي : صح فين كونتي ..
حنين وتبتسم غصب لما تتزكر شكل حسام وكيف بيبررلها : في ولا مكان هنا هنا دحين احكيكي اطلعي اول
: طيب طيب
خرجو علي الصاله ومهند من شاف ندي ضحك : هههههههههههههههه
ندي تطالع في حنين وترفع حواجبهاااا بتعجب : ؟؟؟؟؟؟؟
مهند : احمم احم قصيرر ودكتور ومعقد … وما ادري ايش واخرتها من اخطبك موافقه
حنين وندي شهقووو .. ومهند مكمل بتريقه .. : لا تنكري وتقولي ما وافقتي .. لو ما وافقتي لو ما طلعتي دحين
ندي مرا انكسفت وصارت تدعي علي حنين في قلبهاا .. ومهند مستمتع بتعابير وشها الي صارت كم لون .. : علي العموووووم .. طلما موافقه .. استني كمان كم شهرر .. واجي اخبطك خبطه رسميه ..
حنين : تخبطها يا مفترررري ..
: يب اخبطهااااا كدا خبطه محترمه عشان كدا تعرف تقول عني قصيرر
ندي البس اكل لسانهاا .. بس تطالع في مهند .. وكيف بيهررج .. ونفسها تعلق بس مو قادره ..
مهند : علي العموم .. ابغا ردك دحين مو اجي اخبطك من عند اهلك وتفشليني عندهم
ندي تطل في حنين وتستنجد بيها ..
مهند : ماراح تنفعك حنين انا هنا جاوبيني يلااا ..
ندي كشرت : مو موافقه روح
مهند : ههههههههههه افاااا ليش كدا دوبنا حلوين ومستحين
ندي : وجععععععع حنين ايش اخوكي داااا
حنين : مهند قطيعه كسفها خليتها ترفضك دوبها كانت موافقه
ندي ترفع خوشمها : ما كنت موافقه لا تكزبي .. دكتور وقصير ايش اتزوج في
مهند مات ضحك علي شكلها وهيا متنرفزه : ههههههههههههههه طيب طيب .. حعتبر نفسي ما سمعت ردك هادا .. ولما تروقي حكلمك واخد ردك مرا تانيه .. بس فكري كويس .. مع مهند مش حتغمضي عنيكي
ندي حستو سامج هوا علي حنين الي واقفه وميته ضحك علي مناقرتهم ..
لفت ودخلت علي الغرفه وهيا متنرفزه من نفسها لانها خرجتلو بكل حماسها .. هيا عناد في ماراح اوافق وجعععععع
حنين : وجع فيك مهند اشبك كدا فشلت اهلهاا ..
مهند : بتاكد هيا ندي الي ابغا اخطبها ولا وحده تانيه
: يالسلام واتاكدت
: ايوا ايوا دي لو اتزوجتها حعيش مبسوط ..
: لا بالله
: والله كل ما اكون طفشان انرفزها واجلس اضحك فله واللهي ..
: وجع انقـ…
صوت حسام من برا : يا مهننننند مهننننننننننننند ابووو هننننند
حنين قلبها يطربق علي صوتو .. متي تفضي وتجلس تهرج معااا ..
مهند : يووو نسيت انو في بني ادم يخصني هناااك .. ايوااا ابو السمسم جايك جايك ..
حسام .. : بسرعه تعال بنشوف مكااان ننقلع نفلها في
مهند : طيب اغيرر وجايك فوريره ..
حنين خدودها محمره وتسمع هرجهم .. مهند انتبه لهااا خبط كتفها .. : هي هي سلامات روحي لصحبتك واسيها اكيد بتاكل في نفسهااا
حنين رجعت علي غرفتها وميته ضحك : من جد ههههههههههههههه
مهند راح غرفتو هوا كمان .. وغير ملابسو بسرعه بشورت جنزز لحد الركبه .. ومعا تيشرت ابيض كت وعلي برنوص ملون .. لبس طوق رفيع علي شعررروو .. وما نسي نضارتو حقة الكشخه الكبيره الي حولينها نوص اطار احمر ونوص ازرق ..
خرج لحسام ولقا جالس بيطقطق في جوالووو .. : يلا ابو السمس ..
حسااام يبتسم .. : يلا ابو هند
مهند تكا علي الباب .. : اموت واعرف ايش قلت لاختي حتي اخلاقها تعدلت
حسام يرفع يدو علي كتف مهند : مالك دخل يا صديقي .. الموهم من بكرا نسوي التحاليل متحمس للملكه ..
مهند : يعني خلاص رضيت بالسر الي عندك
حسام يبتسم : ايوا رضيت خلاص
مهند : طيب ماراح تقلي عندك عيب خولقي عندك حلمه تالته .. عندك شي غريب يعني
حسام : هههههههه اقول لا تخمن علي كيف اهلك .. يمكن اقلك في يوم من الاياام .. بس دحين لا قطعا لااااااا …
مهند : والله حقردن حنين لين تقولي
حسام : اتحداك لو قالت لك
: طيب تشوووووووف
حسام ومبسوووط انو حيتزوج اخت مهند .. : اقول اقول لا يكترر علي فين ابو هند .. تبغا ننبسط اليووووم
مهند يرفع يدو التانيه علي كتف حسام ومبسوط اكتر انو حيتزوج اختوو .. : يلا نروح للشباب ونشوف علي فين نروح ننبسط طيب ..
: قدااام
…
الحياهـ .. قد تحرمكـ من اعز الناس ..
ولكنها بالمقابل .. قد تمنحك اخرررون .. ربما هم يحبونكـ اكثر ..











~~~~~~~~
A6baa fe al-7o0b
~~~~~~~~

جالسه في الصاله جنب ابوهاا الي بيتابع مباره .. وعيونها شارده .. وعقلها عند مازن الي من طلع من الحفل ما عاد شافتو ولا تدري عنو شي ..
ياتري فينو .. ياتري ايش بيسوي .. طيب متي حيجي .. طيب حيرضي نتكلم تاني بعد ما اعتزرتلو قدام كل المستشفي .. طيب ليش ما جا لدحين
كل شويا تطل في الساعه .. ونفس الاسئله ترجع تتكرر في دماغهاا .. ودي حالتها من رجعت من الحفله ..
دخلت علياء الي ما دري فين كانت : السلام عليكم
كولهم : وعليكم السلام ..
فسخت العبايه ورمتها علي الكنبه باهمال .. : اووووف تعب ..
يوسف : سلامات اشبك اتاخرتي ..
تتافف : سواق صحبتي الي كنت برجع معاها اتاخر .. وابوها جاها .. انكسفت اطلع معا اتصلت بمازن ولطعني الا دحين لما جيت
بدل ما تكلمي مازن المشغول كان كلمتي وائل الي فاضي ولا شغله ولا مشغله ..
علياء تتاوب .. : كلمتو وجلس يتعلت ويقلي دوبي طالع من الحفله وكانت معا بنتك فكدا تركتووو ..
اعنبا تقلب شفايفهاااا بطفش .. لما تتزكر وائل قد ايش بهدلها ورج دين اهلها … طول الطريق وهوا يبرر ويسال .. ويتفلسف .. ويحاول يستخف دموو التقيل جداااا ..
علياء تتلفت : فين فيصل
يوسف وعينو علي التي في .. : عند ستوووو ..
: يوووو لازم يجي ينام وقت نومو دحين
اعناب وبتفكرر .. مازن في البيت دحين يعني .. وقفت بسرعه : اروح اجيبوو وكدا عشان تنومي اذا تحبي وكدا اذا لا مو مشكله
علياء : يسعدك دونيا واخره يارررريت الا جيبي ولو مارضي جيبي غصب ..
اعناب بحماس انها تشوف مازن وتكلموو : طيب ماشي ..
راحت لغرفتها ولفت علي راسها الحجاب .. بسرعه وطلعت من الفله متوجه للقسم التاني .. وهيا تدعي انها تصادف مازن لحالوو .. وتكلمو وتبكي .. ويسامحهااا ويجي يخطبها وخلاص .. ويصير حبيبها ولها وملكها
دقت الجرس .. ووقفت قدام الباب تطقطق اصابيعهااا ..
انفتح الباب وخلفوو مازن باين علي وشووو الارهاق والتعب .. وكل شي .. من شافها لف عنها ودخل علي جواا ..
اعناب تمشي بسرعه : مازن انا مازن دقيقه بكلمكـ ماززن ..
مازن التفت عليها .. : بعد ما فشلتيني اليوم بدي الطريقه لا تكلميني اوكي
خلص كلمتو وودخل علي الصالون الكبيرر واعناب وراا .. : امي ابويا تصبحو علي خير انا تعبان ومرهق حدي حروح انام من بدري واكسب اليل من اولو
: طيب ياولدي تصبح علي خيررر .. الله معاكـ ..
لف واتعدا من جنبها بدون ما يطل فهيا وطلع علي فوق .. واعناب متنحه الين خلاص ..
كيف يقول كدا .. انها فشلتووو .. بدي الطريقه .. انا كنت بعتذر منو وببرئو من كل الكلام الغلط الي قلتو في حقوو .. اشبو كداا
ام مازن ابتسمت لها : اهلا يابنتي كيفك
اعناب تحاول تبتسم : بخير يا خاله انتو كيفكم ..
: طيبين الله يسلمكـ
اعناب وقلبها من كتر بيوجعها ما عادت بتحس بيلو خلاص .. : ابغا فيصل فينيوو علياء تبغاا عشان تنوموو ..
ام مازن تاشرلها علي الدرج .. : والله يابنتي نام بس ياليت تاخدي لان لو جلس هنا حيقوم ويدور امو اخر اليل .. وانا مافيا حيل لووو ..
اعناب تلتفت لدرج : فينو طيب عشان اخدوو ..
: فوق في الصاله او في غرفه ماززن روحي شوفي
اعناب تهز راسها : طيب يا خاله
لفت علي الدرج وطلعت بسرعه واتوجهت لغرفه مازن بدون مقدمات .. دقت علي الباب دقات خفيفه .. وماقدرت تستنا يقوم ويفتح او يرد .. فتحت الباب : مازن بكلمك يا مازن ..
مازن كان راقد علي السررررير الكبيرر بالعرررض .. ومن سمع صوتاهااا فزز : اعناب ايش بتسووي هنا
اعناب مازالت واقفه علي الباب : بكلمك يا مازن تعال كلمني كلمني ..
مازن يتافتت : يا اعناب اتوقع اني قلت لك ما بيننا كلام خلاص صح ولا لا ايش تبي كمان دحين
: انا اعتذرت لك وكل شي خلاص ليش ما تسامحني
مازن خلاص تعب من كتر يصدها ويبعدها وهوا يبغها اكتر من ما هيا تبغاا حتي .. : اعناب عشرين مرا قلت لك مو دا السبب الرئيسي .. وحقولك هيا مرا تانيه
: علاقتك مع خالك وهيب ماراح انسها .. وحفضل طول عمري اتزكرها وحقرف منكـ .. ولا عمري راح اثق فيك .. ولا اقدر اختارك عشان تكوني ام لعيالي ..
: يا اعناب ارحميني ولا تقولي تبي تكلميني مرا تانيه .. انا تعبت خلاص تعبت من كتر اصدك تعبت والله تعبت .. لا عاد تقولي نتكلم تاني طيب .. لا تطريني اشيل عفشي وانقل من بيت اهلي طيب ..
اعناب دموعها فلتت : مازن .. الله يخليك سامحني ..
مازن يبغاها تحل عن وشو عشان لا يضعف ويخربهااا .. : انا سامحتك وماني زعلان منك ولا شي .. لكن اسمحيلي اكتر من كدا ما يمديني لهنا وبس يا اعناب .. لهنا وبس ..
اعناب ماهي مستوعبه .. ولا هي مقتنعه تحس لسا في امل معاا .. : ماززن الله يخليك اسمعني الله يخليك افهمني .. والله اسفه لا تثق فيا مو مهم اقرف مني مو مهم بس لا تبعدني الله يخليك
مااازن .. مسك كتوفها ودفها بشويش علي ورا : اسف يا اعناب .. اتمني انك ما عاد تقولي تبي تكلميني وغيرووو .. انا ماعندي كلام ليكي .. اسف
خلص كلامو وقفل الباب في وشهااا ..
اعناب مسحت دموعهاااا بقهرر … ولفت علي فيصل الي نايم علي الصوفا وفي يدوو لعبتوو .. شالتووو ..
ونزلت اتعدت من قدام ام مازن وابو في الصالون .. بودن ماتهرج ولا كلمه ..
وهيا طالعه من الفله صادفت وائل داخل كاشخ علي سنقه عشورميه وعشررين .. وفي يدو قيتاررر .. من شافها ابتسم .. : اعناب ..
اعناب .. حاولت تتجاهلووو .. : اهلا بالاذن
وائل حط القيتار علي الطاوله .. واتقدم لعندها : عنك عنك
اعناب تحاول تخبي دموعها : لا سيبو خلاص خلي عادي ..
وائل : لا والله تقيل عليكي هاااتي ..
اتقدم وقررب منها مراا وشال فيصل وحضنوووو : وووو اهوو كويسين كدا احنا ..
اعناب تطالع في وائل وكيف متغير وصاير حبيب وتقيل دم .. كل دا عشان يكسب رضاها وتوافق علي .. وهوا مو داري انها ميته عند مازن .. ومازن يبادلها نفس الشعور بس فضل يتخلا عنها بسبب غلط فادح ارتكبتوو .. <<
وائل يرفع حواجبوو : في شي ..
اعناب تقلب عيونها الي مليانه دموع : لا ابدن ..
وائل : بكيانه اشبكـ
اعناب : لا بس الهواا ما ببكي مافي شي
وائل ما مشيت علي : اولا مافي هوا تانيه اشبك بتبكي قوليلي ..
اعناب دموعها رجعت فرت .. : لا بس عشان ماما ابغها وحشتني ..
وائل يلين ملامحوو : طيب روحيلها ايش تستني ..
اعناب وتبكي من قلب .. : هيا سافرت راحت دبي تخيل .. راحت هناك ياوائل وانا دحين دحين ابغها ابغا اكلمها
وائل هزهز نفسوو عشان شايل فيصل .. : طيب اتصلي عليهااا ..
: لا ما ابغا ابغا اكلمها كدا وابكي
وائل : ليش تبي تكلميها وتبكي طيب قوليلي كلميني وابكي .. انا مستمع جيد ..
رفعت عينها علي .. واتخيلت نفسها تقلو عن كل شي صار من يوم مازن شافها مع خالها الين دحين لما قفل الباب في وشهااا .. مرا صعبه .. مرا مايمديها تقلو كدا .. مالها الا انها تبكي وبس
لفت عنووو : ولا شي خلاص
وائل مشي وراها : والله تقدري تقوليلي اي شي اعناب ترا انا موجود .. في اي وقت
اعناب دخلت علي الفله .. : شوكرن يا وائل ..
وائل دخل وراها اتوجهو علي الصالون حط فيصل علي الكنبه ومسك كتفوو : اووووت ولدك تقيل
يوسف : هههههههه ولدي تقيل ولا انته ماعندك لياقه حتي شويتين بزرر تعبت منوو ..
وائل : هههههههه والله للامانه مافي لياااقه
يوسف يطالع في اعناب وعلي طول يكفشها انها بكيانه : وبعدين معاكي يا عناب .. كل ما اشوفك عيونك مليانه دموع اشبك كمان دحين
اعناب تتنهد : ابغا ماما بس ..
يوسف يميل فمو علي جنب .. : اها طيب روحيلها
اعناب بجديه : بابا احجزلي تزكره علي دبي ماما هناك ابغا اروج لهاا
يوسف ومازن بندهاش .. : دحين
اعناب تمسح عينها : ايوا ديحن بكره الموهم اباا اسافر لماما وابغا اغيرر جوو .. مرا خلاص ما ابغا اجلس هنا
علياء دخلت علي جمله اعناب الاخيره .. : لا تكوني مضايقه مننا ولا شي ..
اعناب بسرعه : لا لا ابدن بس ابا اروج لماما شوياا ..
يوسف ياشرر علي حضنو : تعالي هنا يابنتي تعالي وقوليلي اشبك
اعناب من جد محتاجه لحضن .. ومافي احن من حضن ابوها .. قامت وجلست في حضنووو .. : مافيا شي بابا بس مرا مضايقه وابا اغير جوو
: خلاص من عيوني .. من بوكرا ححجزلك وحتروحي لامك شي تاني كمان
اعناب تشفط في خشمها الي بيسيل من قوه البكا .. : لا بس ابا اروحلها بسرعه ..
: خلاص ولا يهمك من بوكرا ححجزلك يا بنتي ..
وائل وتعب معها : طيب ممكن ترديلي قبل تسافرري
اعناب ناسيه الهرجه تماما : اردلك علي ايش
وائل انكسف يقولها اشر بيدو لعلياء وهوا يتنحنح .. .. : احم احم
علياء بسرعه : احم احم ايوا علي الخطبه يقصد
يوسف : ها ما كفا تفكير يابنتي ..
اعناب تطل في وائل وكنها تسالوو انته من جدك تبا تتزوجني .. وائل يهزلها راسوو : هاا .. ؟؟
اعناب لوله فكرت في مازن واتزكرت لما سالتو عن وائل وقلها طبعا مو عادي انك تتزوجي .. حست انها تبغا تقهرو لانو قهرها .. وهوا الي بداااا .. والله لا تتزوج اخووو وهيا عارفه انو يحبهااا .. وحتصير دايم قدام عينو .. وحيندم انو تركها اشد الندم ..
ردت علي وملامح وشها خاليه من اي تعبير في الحيااه : خلاص موافقه .. موافقه ..
ابوها ابتسم ومسد لها علي خدها : كنت متاكد انكم مناسبين لبعض ..
وائل مو مصدق انها قالت موافقه : موافقه متاكده ..
اعناب وقفت وهيا تعدل الحجاب .. : ايوا بس ما ابغا ولا شي دحين .. يا وائل ..
وائل بسرعه : مو مهم يا عمي حتي لو بعد عشرين سنه الموهم ابغا اضمن انك ليااا ..
علياء تزغررررط : كلولولولولي لي .. والله ومبروك علينا اعناب ..
وائل من الفرحه باس اختو واتقدم باس راس يوسف : شوكرن ياعمي شكرن ..
اعناب تطالع فيلوو وكيف مبسووط .. وتقول في قلبها والله انك مو عارف عن نيتي ولا ماكان فرحت كدا ..
وائل يغمزلهاا : مبرررروك يا اعناب ..
اعناب ضحكت غصب : طيب الله يبارك فيك .. بالاذن انا بروح انام ..
وائل : نووم العوافي علي يدك اليسار ارقدي لا لا اقصد اليمين اليمين .. وقولي دعاء النوووووم واحلمي احلمي
علياء ويوسف : ههههههههههههههههههه
اعناب هيا التانيه بتضحك بدون نفس : طيب ان شالله بالاذن ..
لفت وراحت علي غرفتها ووائل مو مصدق ولا مستوعب .. : ييييييييس .. حروح ابشر امي وابويا ومازن
علياء بحماس : جايا معاك جاياا
خرجو من الفله وراحو علي القسم التاني .. وهما يتجاروو ..
دخلو وووائل من قبل لا يوصل الصالون صرخ : اعناااااب وافقت عليااا وافقت وافقت وافقت
اموو مو مصدقه : عجيب شكلها ما كانت تبغا توافق
وائل : مو مهم شكلها الموهم انها وافقت وافقت مو مصدق
علياء ترجع تزغررررط .. : كلووووووووليش
ابو مازن مبسوط .. : والله مبرروكـ .. انا كمان ما اتوقعتها توافق
علياء : كولنا ما اتوقعناااا
وائل : فين اخويا فين مازن فينوووو ..
: في غرفتو راح ينام الحقووو بشررو قبل ينام .. خلي ينام مبسوط بدل ما هو متنكد ماعرف ليش
وائل ولا استنها تخلص كلامهاا ..
نقز الدرجات تنقيزز وفتح باب الغرفه بحماس : ماااااازن مازززززززن باركلي باركلي باركلي
مازن رفع راسو عن المخده وهوااا مفجوع : بسم الله ايش في ايش في قلي ..
وائل نقر علي السرير جنبوو : اعناب وافقت علياا تخيل .. دوبها ردتلي وقالت انها موافقه مو مصدددق
مازن وجهو ساوا كل المشاعر .. صدمه .. تناحه .. بلاهه .. فجعه .. تعجب .. قهر .. عصبيه .. غيره .. كل شي .. : …………….
وائل اتعجب من ردة فعلوو : اشبك بقلك وافقت وافقت
حاول يتصنع ابتسامه : والله مبروووو ك
وائل قام عن السرير .. : ايوا مبررروك دا الكلام الي ينقااااال اخ بس وربي مو مصدق .. بعد كل الي سويتو فيها توافق تتزوجني .. صدق من قال البس يحب خناقوو
مازن مو مستوعب ويحس وائل بيكزب علي وفي اي لحظه يقلوو صادوو قوم روح اتزوجها انته تحبهاا ..
لكن مو دا الي حيصيرررر .. وائل فتح دولاب مازن وغير التيشرت وهوا يدندن .. حرروح اخربها وانبسط .. تبا شي اخوياا
مازن ما زال .. تحت تاثير الصدمه : لا تسلم
وائل : قلي مبروك مرا تانيه .. قول
مازن وملامح وشو مخطووفه : مبرررروكـ
وائل ينفلت ضحك : ايوا والله مبرروك هوا داااااا
خرج من الغرفه ورزع الباب ورا ..
مازن حط راسو علي المخده وغطا وشو بيها .. دوبها كانت كانت هنا بتكلمني تبغاني .. وتحبني .. وتبغاني اسامحهاا .. ومستعده تعيش معايا حتي لو ما اثق فيها ودحين وافقت علي وائل ياتري بتقهرني بالحوكه دي ولا ايش موستحيل .. لانها لو بتقهرني انا فعلا انقهرت ..
موستحيل تتزوج وائل اخوو موتسحيل .. تصير مع وائل وهوا يحبها .. كيف توافق علي .. كيف سمحت لنفهساا ..
حس عيونو تحرقوو .. وفي مشروع دموع فيهاا
قهر كبيرر في قلبوو مايعلم بي الا الله ..
غمض عينو بقوه وجلس ياكل في نفسوووو .. ويقنعها انو ما يبغاها ..
ياتري هل حيندم علي قراررروو مدي الحياه .. ولا كيف
في جه تانيه اعناب راقده علي بطنها والدموع في طرف عينها .. و نفس الشي .. بتتسال هل حتندم علي قرارها ولا كيف ..
…
هناك حقيقه تقول .. بان الوقت يشفي الجروح ..
لكن .. عندما تجرح العلاقه ..
بعض الجروح تشفي في يوم .. والاخرون ينامون عزل لبقيه حياتهم ..









~~~~~~~~
A6baa fe al-7o0b
~~~~~~~~

الالم الي في رجلوو صحا من عز نوموووو .. وخلا يتلفت يمين ويساررر .. وقعد ثواني يستوعب هوا فين ..
راقد علي سريروو في بيت نيار .. بسبب انو اسراء منعت نيار تخوش بيتها فبالتالي راح علي بيت نيارر .. واسراء اطرت تجي معاهم ..
يحس بالم قوووي في رجلووو .. وما يبغا ينادي علي ولا وحده فيهم ..
: اخخخ بس ياليتك يا امي موجوده ..
من راحو اختو امو ونيار واسراء بس يتشاااكلوووو .. وكم مرا كانو حيتاماسكو بالايادي .. بسبب اياد .. وعلي ايااد ..
دحين ايش يسووي في الالم دا الي حاسس بيلووو .. لو علي يبغا اسراء بس .. انو نيار ما راح تعدي الامور وراح تجي تتلصق خصوصا انو في بيتهااااا .. اوف يارررربي ايش الحل ..
رفع نفسوو شويا وحاول انو يضغط علي نفسو ويستحمل الالم .. مو لازم ياكل الحبوب ويخف الالم من هنا ويرجع راسو يصدع بسببهم ..
شال الجوال وجلس يطل في الشاشه .. يبا يلهي نفسوو باي شي .. ويتجاهل الالم .. بس مرا ما قدرررر ..
فتح فموو يصرررخ : اسرااااااء اسراااااااء اسراااااااااااااااااء
انفتح باب الغرفه وخشت نياررررر .. ولعت النورر وطلت في : اياد حبيبي انته صحيت ..
اياد زفررررر : ايوا صحيت ..
نيارر جات لعندوو جلست علي طرف السرررريررر : اشبك بتنادي ..
اياد ياشر علي رجولوو : ابغا المسكن بتوجعني رجلي مرا بتوجعني ..
نيار تطل في الساعه : بس لسا مو دحين موعد الدوا باقي كمان نوص ساعه حبيبي
اياد يلف عينو عنها : طيب اطلعي وسكي الباب ..
نيار تقرب منو وترخي صوتها : لا خليني اسراء نايمه تراا ..
اياد : اطليعي خلاص طيب
نياررر : لا بجلوس معاك وحشتني ..
اياد يتمتم : اها طيب ماشي ..
نياررر تطالع فيلوو وحاسه بي قد ايش مضايق من وضعهم ومناكفتهم ومشاكلتهم .. حطت يدها علي بطنهاا .. : المفروض اروح موعد الدكتور اليوم
اياد كل ما ياتزكر انو في بطنها قطعه منووو ينسي كل شي .. : معليش خلي صحتي تتحسن وحكون معاكي ..
نيارر بحرن : اسراء راح تخلينا ..
اياد يمسك يدها : : ماراح اطلقك لو ايش لا تخافي خلاص انتي ام ولدي مدري بنتي الي هوا
نيار اطمنت : كويس بس انو هيا اسراء انته مرا تحبها لو ضغطت عليك ممكن توافق ..
اياد يتنهد : مادري والله
نيار بحزن : انا ماحكلمها ولا ححتك فيها والله هيا ايشبها بتسوي كدا ..
اياد يرفع كتوفو : مادري عنهاا ..
غمض عينووو وسند راسو علي المخده .. يحس انها وحشتووو .. : فينها طيب ..
نيار تاشر بلا مباله .. : نايمه ..
اياد يكشر ملامحوو : صحيها وناديلي هيا ابغاهاا ..
نيار تكشرر : انا جالسه معاك خليني لين تصحا هيا يصير انا اروح ..
اياد يهز راسوو : لا لا ناديها ابغاها دحين ..
نيار بصوت راخي : تراها مرا منكده دحين .. ونامت وهيا منكده ..
اياد قلبو وجعو عليهااا .. : اما فينها فينها روحي ناديها طيب ..
نياررر .. وقفت واتكتفت : انا ما اهمك انا لو مو حامل لو طلقتني من زمان وسبتني بدون ادني اهتمام .. يعني معقول ما اعنيلك ولا شي ..
اياد يطل فيها ومالو خلقها يبغا اسراء بس .. : نيار اهجدي انا انسان مصدع لا تزيديها علياا .. نادي اسراء بكلمها وبتفاهم معاها بخصوص حالتك
نيار ترفع حواجبها : وصرت حاله ياسلام .. لا جد ياسلام يا اياد اوكي اوكي .. حناديها واتفاهمو بحالتي .. واذا مالقيتو حل اقفلو الملف وارموني في الارشيف الي اشعار اخرر .. اوكي
اياد اشبها هادي .. : ؟؟؟؟!!!!!! اقول نادي اسراء
نيار خرجت من الغرفه وهيا معصبه .. راحت للصاله الصغيره الي قدام الغرفه ..
اسراء نايمه علي الكنبه وانفاسها مسموعه .. من قوه الارهاق .. والقهر يمكن كمان
نيار .. بودهاا .. ترش عليها قاز وتولع فيها وتنهيها خلاص .. وتعيش حياتها مع اياد .. الي تحس نفسها مناسبتو اكتر وبتعاملو كزوج لها ..
لكن مابيدها شي .. وطبعا انها تولع فيها دا حل مستبعد .. ما تنكر انها نفسها تنفذوو
اتقدمت لاسراء وهزتها من كتفها بقوه : اياد يبغاكي ..
اسراء طبعا نومها خفيف .. علي طول صحيت .. وطلت في نيار وكنها كابوووس موريع ..
نيار : اياد يبغاكي ..
كلمتها دي فوقت اسراء للواقع المرير .. نيار ماهي في الاحلام .. نيار كابوس علي واقع حياتهاا ..
صلحت جلستهاا .. : اياد صحي
نيار وتجر الشكل .. : بقولك يبغاكي يعني يبغاكي وهوا نايم ..
اسراء قلبها مفقوع من نيار لين خلاص .. ماتبا تكلمها ولا تحتك فيها .. لانو يمكن تقتلها وتقتل اياد بعدها وتريح اعصابهاا ..
قامت وراحت علي غرفه اياد وهيا حاقده علي مرا بسبب انو جا علي بيت نيارر بدل بيتهاا .. خشت الغرفه .. وعيونها مفقعه من كتر كاتمه البكيه من النهاارر ..
اياد من شافها قلبوووو حن لهاا : سرو حبيبي
اسراء من طرف خشمها : نعم
اياد ياشرلها علي صدرو : وحشتيني ..
اسراء : ايش تبغا يا ااياد ..
اياد بقله حيله : ابغاكي ..
اسراء تاشر علي الباب : انا قلت لك بكل وضوح انا ولا نيار .. وانته لين دحين .. مو راضي تختاررر .. وتقلي تبغاني
اياد يمد يدوو : تعالي طيب ونتفاهم ..
اسراء ومرا وحشها ونفسها تضمو بس بتضغط علي نفسها : اتفاهم من هنا
اياد ماد يدوو وياشرلهاا : لا تعالي
اسراء في لحظه ضعف مسكت يدوو وجلست جنبووو .. : ايوا
اياد مسك يدها وباسها وجه وقفااا .. وبعدين ضمهااا بهدووء : اسراء احبك
اسراء : باين لا جدن باين ..
اياد يتنهد : سرو حبيبي .. والله احبك .. ونيارر ما اقدر اطلقها لو تحبيني اتفهمي الشي دا .. نيار حامل بولدي الي مارضيتي تجيبيلي هوا تلاته سنين ونيار حبتني الحب الي ماقدرتي تديني هوا من تلاته سنين
اسراء : اوكي خليك معاها وبشوف كيف حتعيش اوكي وانا حنسحب من حياتك
اياد : لو تحبيني ماراح تنسحبي من حياتي
: لو تحبني حتسيبهاا ..
: احبك وكنت مستعد اسيبها عشانك وانتي عارررفه الشي دا .. لكن لما طلعت حامل ما اقدر مرا صعبه ..
اسراء : لكن تقدر تسيبني صح .. تقدر تضحي بيا عشان ولدك مدري بنتك طيب انا مستعده اجبلك ولد وبنت واخد فتمينات عشان يجو تلاته حق السنين الي راحت والي انته زعلان عشانهاا ..
اياد يشدها لو ويبوسهااا .. : اسراء حبيبي .. والله احبك .. ونيارر اعزها مرا وهيا ام لودي او بنتي .. لكن انتي الاساس وانتي علي الراس والله يا اسراء بس لا تخيريني بين ك وبينها الله يخليكي
اسراء شويا تبكي .. : اياد .. انا ما اتحمل تشاركني فيك نيار هادي مرا ما اتحمل وانته عارررررررف .. طلقها وخلاص
اياد باسف : انتي السبب في كل الي احنا في
اسراء ترفع حواجبها : انا
: ايوا للاسف .. انتي يا اسراء .. تلاته سنين .. اعطيتك كل حبي .. ولا عبرتيني .. ولا نوتي تحبيني .. ولا كنتي تشوفيني رجال اصلاا .. ورغم كل دا اتحملت وحبيتك .. ولما اتزوجت نيار بس كونت ابغاكي تجيني .. وكنت ناوي اطلقها من يوم تحسي فياااا .. لكن الي صار انها حملت صح انا غلطت .. بس انتي السبب اولا واخيرررن ..
اسراء كل ما تتزكر النقطه دي تنقهر بزياده .. : كيف سمحت لنفسك تنام معاها من الاساس .. وانته تحبني
اياد يميل راسوو : انتي السبب في كل شي صاير يا اسراء ولا تساليني انتي السبب وبس
: اياد لا تقول انــ..
خشت نيار عليهم وهيا مقهوره من هرجهم الي من اول قاطه ادنها من عند الباب تسمعهم : اياد ..
اياد طل فيها واتنهد باسف .. : ايوا
اتقدمت لعندووو وجلست علي طرف السرير وهيا مقهوره من اسراء الي متلصقه في اياد .. ومحوطها بيدينوو .. : موعد الدوا ..
اسراء : اطلعي خلاص .. انا حعطيلو هوا
نيار : انتي الي اطلعي من غرفتي انا حعطيلو هوا
اسراء زفرت .. : نيار اقصري الشر واطلعي برا بتكلم مع اياد ..
نيار لفت علي : تقنعي يطلقني يعني .. اطمنك ماراح يطلقني ابدن .. ودوبو قلي الشي داا .
اسراء طلت في اياد ورجعت لفت علي نيار : اطلعي من هنا
نيار تصب مويا في الكاسه .. : انتي الي اطلعي براا من غرفتي .. وانا راح اعطيلو الدواا ..
اياد حط يدوو علي راسوو .. اخخ يا الصداع .. بديناا … : اسراء نيار .. انا حاخد الدوا بنفسي الله يخليكم انا تعبان لا تتشاكلو عند راسي ..
نيار : سامعه اووووش ..
اسراء : اطلعي برا يانيارر
اياد : خلاص سيبيها يا اسراء
اسراء باصرار : كني بتكلم معاك خليا تطلع برااا
نيار : غرفتي وماني طالعه اذا في احد يطلع برا هنا فهوا انتي ..
اسراء وقفت وسحبت نيار من تيشرتها : لما اقلك اطلعي برا تقومي تنقلعي وتبلعي العافيه ..
نياررر مسكت تيشرت اسراء هيا التانيه : انتي الي تطلعي برااااا .. انتي
اياد يحاول يتحرك بس رجلو مجبره تجبيره يا كبرها : لا لا صلو علي النبي .. كل وحده تنزل يدها اتركو بعض اسراء انتي الكبيره ..
اسراء ولا هي هنا .. لاويه تيشرت نيار لين قربت تخنقهاا … : قلت اطلعي برا قبل اكفخك هنا
اياد : وي وي لا اسراء اتركيها
نيارررر .. تدف اسراء عنهااا .. : انتي الي تطلعي براااا وجع .
اسراء عصبت ومسكت شعر نيار : وجع فيكي
نيارر : آآآآآآآه آآآآآآّ وجعععععع اتركيني
اياد من مكانو يصررخ : نيارررر اسراااااء اخر مرا اتكلم ابعدو عن بعض .. والله والله حطلقكم انتو الاتنين واريح راسي
نيار واسراء لفو علي ومازلو ماسكين بعض : ايش ..
اياد .. : والله اليوم ماما كلمتني عن اصحابي الي في سني .. وعيال عمي وعيال خالي .. كولهم عايشين حياتهم ومتهنين .. وانا متورط بحرمتين . وحده مبهدلتني ووحده انا مبهدلهاا .. لا وحصير اب .. مرا كتير عليا كل هادا .. ممكن تهجدوو ممكن نتفاهم احنا التلاته .. ولا لو مافي تفاهم ماراح ينفع
انا ماعندي الا حل واحد يا اسيبكم الاتنين يا تجلسو علي زمتي الاتنين ..
لاني مارح اتنازل عن وحده فيكم علي حساب التانيه ..
اسراء احبك ولا يمكن اتخلي عنك عشان ولدي او بنتي الي في بطن نيار .. ونيار لا يمكن اسيبك عشان اسراء ..
الي عاجبها كلامي تضل معايا والي ومو عاجبها الكلام تطلع من دا الباب دحين وتقلي طلقني ومايصير خاطرها الا طيب ..
: اما تجلسو تضاربولي كدا زي الاطفال وتصدعو راسي ما اتفقنا علي كدا مراا
نياررررر واسررراء .. متنحين من الفلته الي انفلتها ..
اياد .. : دحين دحين يا اسراء ونياررر .. الي مو عاجبها كلامي تقلي مو عاجنبي الكلام طلقني .. ومالها الا طيبه الخاطرر دحين دحين ..
اسراء ترمش بفهاوه .. ونيارررر مبسوطه من كلامووو .. لان هادا الكلام ماعندها موشكله في اسراء الي معها موشكله ..
اياد يطل فيهم واصباعو علي الباب : دحين الي مو عاجبها كلامي تطلع من دا الباب دحين دحين ..
يقول الكلام دا وفي قلبو يدعي انو اسراء ما تسويها وتطلع لانو وقتها حيجري وراها زي الخبل .. لين يلقاهاا .. ويقلها حبيع كل الدونيا بما فيها عشانك ..
لكن حمد ربو كتير لما كل وحده نزلت ايدهاااا واتكتفت .. واسرآء تطالع فيلو بتهديد .. ونيار علي فمها طيف ابتاسمه ..
اياد رما راسو علي المخده وتنهد : اوف ياربي الدواااا .. اعطوني الدوووا ..
اسراء ونيار اتقدمو في نفس الوقت .. وكل وحده تدف التانيه من كتفهااا ..
اياد زفر : ياليل اليل مارح نخلص
اسراء بلا مباله .. : انا بعطيك الدوا ..
نياررر .. تشيل الكوب .. : انا بشربك المويا ..
اياد يطل فيهم ويبتسم في قلبووو .. امووت علي الدلع الي انا في .. : طيب
اسراء جلست جنبووو ورفعت ايدها علي كتفتوووو : افتح فمك ..
اياد زي البزوره : هممممم
حطتلو الحبه في فموو .. ونيار جلست جنبو من الجه التانيه ورفعت يدها علي كتفوو .. وقربت كاسه المويا لفموو وشربتوو الموياااا .. وجلست تطل في : صحه ان شالله يارب ..
اسراء تمسد علي خدوو وتبسوو .. : سلامتك الف مراا ..
اياد يقلب نظراتو بينهم الاتنين ويتنهد .. : الله يسلمكم ..
نيارر .. مبسوطه انهم اتوصلو لحل اخيررن .. وحيتافهمو بخصوص اياد . ولا هامتها اسراء اهم شي انها تعيش معاا ..
واسراء في الجه التانيه بطالع في اياد .. وندمانه اشد الندم انها ما حبتوو من البدايه .. وكان ليها لحالها وبدون ما تشاركها فيلو وحده زي نيار ..
واياد مرتاح وطاير من الفرحه انو اسراء معا وجنبو وما اتخلت عنوو .. ويقدر ينتبه علي نيارر دحين بدون ما يخبي شي علي اسراء ..
اسراء كنها تقرا الي في بالوو .. ابتسمت : حتجي معايا بيتك يا اياد ..
اياد بدون مقدمات : ايوا اكيد ..
اسراء اتجاهلت وجود نيار .. : وحشتني
اياد يقرب ويبوس خدهاااا : انتي كمان ..
نيارر تطالع فيهم وفي الحب الي في عيونهم .. وتحس انها موستحيل توصل لدا الحد .. واتاكدت انو ياما حينسحب عليهاا .. وياما حتنرفع قب .. وياما حتتجنط .. لكن ايش تسوي ..
اولا واخيرن هيا الي دخلت بينهم .. لو اياد هوا الي داخلها .. نيتو كانت باينه .. لكن ايش زنبها انها حبتو وحبت تعيش معا وفي بطنها ولدو او بنتووو ..

……

حينما تتكبر علي النعمه التي بين يديك .. تاكد ان الله سياخذها منكـ ..
وسيهبها لمن هم احق بها منكـ ..
وفي ذالكـ الوقت لن تعود لكـ .. وربما ستحتاجهاا لكنها لن تعود .. وان عادتـ .. ستجد نفسكـ تشارك غيركـ فيهاا ..









~~~~~~~~
A6baa fe al-7o0b
~~~~~~~~

جالسين في الكوفي وضحكاتهم واصله في الشاررع .. من قوه التحشيش .. والفله الي هما فيها ..
اهداب تسد خوشمها .. وتنفخ فمهاااا والعصيرررر جوواتوو .. ورائد يموت ضحك علي شكلهااا ..
: موستحيل شلون تصلحين كذااا ..
اهداب تبلع العصير وتضحكـ .. : اما اشلون كل الناس تعرف تسوي كدا ..
رائد يطل في العصير : لا انا ماعرف .. اذا بنفخ فمي وهوا فاضي كذا مايمديني .. احسني انشرررق بعدين
اهداب .. : ههههههههههههههه مادري عنك والله .. بس غرررررريبه .. الي اعرفو انو كل الناس يعرفو يسووو كدا ..
رائد : يمكن انا غير الناس ولا شلون ماعرف
: هههههههه يمكن ..
رائد : زين تعرفين تصلحين كذاا .. >> يطلع لسانو برا .. ويلفووو ..
اهداب تبحلق عينها : وااااااا ياااااا كيف تسوي كدا ..
رائد يرفع حواجبووو .. : حركه سريه مابوه حد يعرف يسويهااا الا كم شخص ..
اهادب تقرب لطاوله : وريني عيد ..
يعدلها الحركه وهوا يرقص حواجبوووو .. واهداب منبهره مراا .. : لا معجزه كيف تسوي كدا من جد ..
رائد : عاااادي كذا اسويها وتصير معي ..
: لا لا مو عاااادي .. رروح عرب قوت تاااالنت .. والله حركه اليمه ..
رائد : هههههههههه اما عرب قوت تالنت مرا وحده .. وش زيني اروح لهم وش موهبتك الف لساني كذاا .. ههههههه مو بس بيدقون لي احمرر .. الجماهير بيحزفوني بعد
: ههههههههههه لا لا والله حلوه الحركه طب احد علمك هيا يعني ولا كيف ..
: لا بس كذا فجئه اكتشفت اني اسوي حركه ههههههه خلاص لا تكبرين الموضوع
تكت علي الطاوله ويدها علي خدها : لا ما اكبر بس الحركه غريبه جدن ..
: لا عادي عندي بعد حركات ثانيه .. بوريها لك بعدين ..
اهداب اتحمست : دحين ايش ورانااا وريني
رائد يطالع في الساعه .. : كسور يبيني .. اجيله علي مكان ماعرف فين هوووو .. وكذاا ..
: اهااا ايش بتسوووي معااا ..
: ماعرف يقول هو والشباب في ذاك ماعرف شنوو يسووون صراحه ..
رن جوال اهداب طلعتو من الشنطه وطلت في نك زهاد .. وماتعرف ليش ماحبت ترد عليهااا .. بس ضغطت علي نفسهاااا واشرت لرائد : ثواني
: الوو
زهاد متمدده علي سريرهااا وقدامها الاب الجديد الي اشترتوو اليوم في جولتها مع هيثم وقصي .. : ايوا دبابه كيفك حبيبي
اهداب من ورا قلبها : بخير حبيبي انتي كيفكـ
زهاد : بخيررر ايش معاكي جوال بسرعه دحين ..
اهداب : ليش ايش في ..
: بوريكي حاجه عشان ..
: طيب ارسلي معايا الــ ….
: اها حلوو طيب ثواني ..
شويات طنطن الجهاز عند اهداب .. نزلتو عن ادنها واستقبلت الصوره .. طلت فيها ورجعت الجوال لادنها : ايش دا
زهاد بحمااس : كااااااسرررر اشترالي خاتم ولبسني هوا اليوم لا الصاراحه انا لبستو بس جابو لياا خاتم خطوبه ..
اهداب ومرا مقهوره : والله كويس مبروك
: لا وخدي الحماس عندك .. كلمني عمي .. ومررررا عجبو كاسر .. ومن كتر عجبو تخيلي قلي رديلي دحين عشان الولد بيستنا ومدري كيف .. وانا قلت لو طيب ..
اهداب تطالع في رائد ومقهوره .. ليش مايكون لها زي ما صاحبوو صار لصحبتهااا .. ليش كدا ..
رائد انتبه لطلاتها واشرلها : في شي .. ؟؟
اهداب بسرعه : لا لا
زهاد : انتي مع رائد ؟؟
اهداب : احم احم ايوااااا جالسين مع بعض من اووول
زهاد وماقدرت تخليها في نفسهااا : غريبه كاسر يقول مستحيل .. انوووو رائد يجي ويخطبك واهلوو يجو وهوا ما يدري
اهداب تبلع ريقها : قصدك بكزب انا ..
زهاد تضحك : ايواااا ههههههههه اشبك مشفوحه علي الزواج لدرجه انك تالفي عليا سلامات .. شكلو حسان السبب ..
اهداب عصبت ..: انا مع رائد اكلمك بعدين
: ايوا حاولي تشبكي لا اوصيكي …
اهداب عصبت وقفلت الخط في وش زهاد ورزعت الجوال علي الطاوله .. رائد يرفع حواجبووو .. : في شي
اهداب ومقهوره منو قد الارض .. كان معها ايام حسان .. ووقف في وشوو .. وقالها ما ارضي انو ياخدك مني مرا تانيه .. ودحين يقلها ما اتزوجك عشان اهلي ومادري كيف ..
: مافي شي
رائد : الا بوه شي شنو فيكـ ..
اهداب حست عيونها دمعت .. كل صحباتها بيتزوجو وبيروحو وحياتهم بتتعدل وبيلقو الحب اخيرن ماعادا هيااا .. مافي اي شي من كدا بيصرلها .. مكانك سررر من عرفت نفسها لين عشره سنوات قدام يمكن مايتغير شي ..
: لا قلت مافي شي
رائد سند نفسوو علي الكرسي وشرب من الكوفي قدامووو .. وجلس يطل فيها ويحاول يخمن اشبهااا .. ايش قالت لها زهاد خلت نفستيها تقلب كدا ..
اهداب تهزهز رجولها بعصبيه .. وتقلب عيونها تحاول تمنع دمعتها تفررر .. اتنين وعشررين سنه .. وهيا ما لقت الحب الي تدور علي .. وما لقت الاصحاب الي تبغاهم ..
اتنين وعشرين سنه .. مرو في حياتها كتير بنات .. وكتير اولاد .. وماحد فيهم حبها بصدق .. كولهم فتره ويسنحبو من حياتها
حتي حسان الي حبتو واتعلقت في كانت عارفه انو مو لها ولا يبغهاا .. وجلس بهدلها وافتري فيهااا .. وكل مرا كان عارف انها حترجعلو لانها تحبو بجنون
لين جا رائد .. ودخل في حياتهاا .. وخلاها تبعد عن حسان وتستغني عنوو .. لانو ما يستاهلها .. ولا يبغاهاا ..
ووقف جنبها .. وكان معاهااا .. وصرحلها بمشاعرو الغلط تجاه صاحبووو .. ووثق فيهااا ..
وقالها بالفم الملاين .. ما ابغا حسان ياخدك مني .. كل هادي الافلام والمسلسلات عشان يجي في الاخير يقلهاا .. احنا اصحاب ..
ماحست بنفسها وهيا تتكلم : بس اصحابـ ..
رائد كشرر وعلي طول عرف في ايش بتفكرر .. : اهداب انتــ ..
اهداب بسرعه : لا معليش كونت بفكر بصوت عالي ..
قرب علي الطااوله وسند كوعوو .. : اهداب انتي لسا تفكرين في شسمه .. مو تكلمنا بذا النقطه
عيونها دمعت غصب .. : لا بس انو معليش عادي خلاص اقفل الموضوع
رائد : لا قولين لي .. تكلمي طلعي الي بنفسك عشان نقدر نستمر اصحاب .. بدون ما حد شايل بقلبه شي ..
اهداب .. : بس انو يعني انته حسستني انو الي بيننا اكتر من كدا
رائد بستنكار .. : انا حسستك ..
: ايوا كونت دايم تقلي انتي نفس طبقتنا انتي نفس اهلي .. عيشتكم زينا .. انتي من نفس مجتمعي .. انا وانتي نندمج بسهوله وكدا ..
رائد بتعجب : طيب ايه انا قلت لك كذا بس ما قصدت شي
اهداب ترمش بسرعه مرا مالو داعي تبكي .. : بس انو انته قلت لي بصريح العباره .. ما ابغا حسان ياخذك مني مرا ثانيه .. هادا ايش يعني .. طلما ماتبغاني ليش ماسبتني
: اسيبك اسيبك ليش .. لما قلت كلمتي هاذي قصدتها ما ابيه ياخذك مني .. بس ماقصدت شي ثاني ابد .. وحسان واحد واطي كل الي سويته عشانك مو عشان تحسبين كذا ..
اهداب حست نفسها بترمي نفسها علي : طيب اسفه انا الي فهمت غلط ..
رائد يتنهد : اهداب انا اعزك كثير .. وانتي الوحيده الي انا اكون معاها علي راحتي .. والوحيده الي صرحت لها بسر من اكبر اسراري ..
اهداب : طيب
: يعني ما ابي الي بيننا يخررب .. ابيك تستمرين صدقتي .. بجد ما استغنا عنك ابيك في حياتي .. تكونين صديقه واكثررر .. مو اكثر مرا يعني بس صديقه مقربه ..
اهداب تضغط علي نفسها : اوكي اكيد انا معاكـ
: لا موب كذا .. بقولك شي واحد .. اذا بتستمرين تزعلين لان علاقتنا واقفه عند ذا الحد ابيك تقولين من اللحين عشان نفترق وخلاص ..
اهداب بسرعه : لا لا مازعلت بس انو اتحطمت شويا لكن انو خلاص عاد ي
: مابوه شي خلاص وعادي كذاا .. لازم تقتنعين انو انا وانتي اصدقاء مقربين واكثر من مقربين .. ولازم تحطين في بالك انو بعد ما كاسر يتزوج اكيد انا بتزوج كمان ..
ويوم اجي اتزوج ابي اجي واكلمك واقلك علي كل شي واستشيرك علي الهدايا الي ابي اجيبها لزوجتي .. وقتها ما ابيك تتحسسين وتحز بخاطرك .. فاهمه شلوون ..
اهداب .. يا حياه الشقاا .. ويقول يبا يتزوج : ايوا فاهمه اشلون
رائد : زين توعديني تكونين صديقتي وكذاا .. بدون ذا الاحاسيس الا ما ادري وش تبي ..
اهداب في قلبها .. ححاول .. : اوعدكـ
رائد يزفر : اوكي زين حلوين كداا
اهداب تضحك : ايوااا اصلا ما حبيتك انا بس انووو اتوقعت وحسيت انك وكدا عشان كدا .. لا تحسب انو شي عشان كدا يعني اطمن عشان كدا حكون اصحاب واكوس اصحاب لا تشيل هم
رائد : زين كل شي تمام بس وراك عشرميه مرا تقولين عشان كذا ..
: هههههههههه مادري ..
رائد : ززززين يا صديقتي .. انا الحين لازم اقوم اروح للكاسر اشووفه وكذاا .. تبين اوصلك ولا بتكلمين السايق حقكـ ..
اهداب .. : لا دامك مستعجل خلاص انته روح وانا بجلس شويا اتصفح النت .. كدا ووووو اقعد اندب حظي
: افا علي وش هو تندبين حظكـ ..
: يعني ههههههههههههه ما اندب حظي امزح
رائد ما دقق معاهااا .. : اوكي بيننا الوو زين وبنتكلم بعدين اوكي ..
: اكيدددد يا صقيقي .. بيس
رائد : بيس ..
خرج من الكوفي وترك اهداب خلفوو حاطه يدها علي خدها وبتندب حظها من جد .. ومازالت تتسائل .. ايش نهاية حياتها الي يكسوها البرود ..
كيف حيكون مستقبلها ياترا .. ؟!
…..
المستقبل هوا موطن اعمق مخاوفناا .. واكثر امالنا جموحا ..
ولكن امر واحد مؤكد .. حين يكشف المستقبل عن نفسه
فان المستقبل .. لا يصبح ابدن كما تخيلناهـ ..









~~~~~~~~
A6baa fe al-7o0b
~~~~~~~~








والله الحبيب لما هجرني .. هجرني
خلا للعزول كلام
وانا قلت له يا حلو واصل .. واصلني
قاللي دوق نار الغرام
الغرام .. الغرام والله

وانا كل ما نامت عيوني
يحسبوا العاشق ينام
والعاشق مغرم صبابه
ما على العاشق ملام

الجوو هادي جدن .. والهوا باااااارررد يرد الروح .. وامواج البحرر بتتخبط علي الصخوووور بطريقه مزعجه ..
الشباب فارشين فرشتهم قدام البحرررر .. وصوت الاغنيه بيصدح .. وجوهم روقان جدن .. كل واحد سرحان في احلاموووووو وتخيلاتو ومستقبلوووو ..
كاسرر علي فمو الابتسااامه .. وكل شويا يتزكر زهاد كيف انبسطت بالخاتم .. وموو طايق يصبررر .. يبغا يملك عليها في اقرب فررصه
حسام هوا التاني سرحان عند حنين .. ومتشوق يرجع البيت يكلمهااااا ويفضفضلها علي كل شي حتي عن امو الي ماهرج احد عنهاا .. بعد ما اتقبلتـ .. انو عندو عيال اكيد حتتقبل كل حاجه ..
وائل القيتار في يدوو .. وجالس يدندن نفس موسيقي الاغنيه الشغاله .. واسنانو .. تنشاف من ميه كلووو .. بسبب الانشكاحه الي منشكحه .. مو مستوعب انو اعناب وافقت علي .. وبسبب دا الشي شويا يطيرر ..
مهند منشكح واسنانو برااا هوا التاني وجالس يطقطق في جوالو متردد يرسل المسج لندي ولا مايرسلها هوااا .. كل شويا يرجع يقراا ويمسح ويكتب ويقرا ويمسح ..
اخر شي كتبلهااا كلمه وحده مختصره (رديلي دحيناا .. ) وقفل الجوال وحطو في جيبوو واتنهد ببنساااط ..
وسام الوحيد الي بالووو خالي .. وافكارررو في مكان مرا غيررر .. يفكر انو يسافر مع الشباب ويخربوها ويجيبو العيد ..
رن جوال كاسررر وقطع حبل السكوت الي مخيم عليهم .. اتمني انها زهاد بس لما شاف المتصل رائد اتحطم
: ايه الررررررودي
رائد : احم احم شلونك كسور وينك فيه انا قريب بس مو شايف وينكم
كاسر وقف : انته جيت عند البحرررر
: ايه بس ادوركم موب شايفكم
: حنا في جه كذا لحالنا ماا حولنا احد كل ما جا حد طردناه
: ليش بحرر ابوكم هووو وانا مادري ..
: لاا هههههههههههه شي من كدا بس الموهم طول وكذا لين تعدي من شسمه ايه كذا كوشك مادري وش فيه
رائد مااشي .. ويطالع بيعيوونوو .. : ولع الفلشرر ياخي عشان كذا اجيكم بسررعه ..
كاسر وقف واشر للشبااب : ثواني ..
راح لسيارتو شغلها وولع الفلشررر .. : زين ولعته بحتريك خليك مطول لين تنتبه لسيارررتي ..
: اوكي سلام
قفل الخط من رائد وجلس يطل في الجوال نفسووو يكلم زهااااد .. يبغا يصيرر تقيل وكدا .. لكن مو قادر يدو تحكووو .. تو قبل ساعتين مكلمها المفرروض يهدي اللعب شوياااا
دق عليها وهوا يتجاهل مشاعروو .. : بلا اتقل بلا كلام فااااضي ..
زهاد وكنها تستنا يتصل .. ما اكتملت الرنه الي جالو صوتها : كسووووور
كاسرر يضحك علي طول يانااااس مجرد صوتها يبسطوووو .. : زوزووووووو كيفك
: اشسمو زي ما انا علي نفس جلستي
: هههههه شتسوين علي الجهازز للحين ..
: اشسموو ايوااا بحمل افلام واضيع طفش .. وقاعده بشوف اذا في حجات حلوه اطلبها لفلتنا وكدا ..
: اها عشان كذا موب فاضيتلي
زهاد تشهق : اما كذا اشلووووون .. مو قلت انك مع اصحابك تباني اروجك يعني .. ؟؟!!!
كاسرر : احم احم اقصد شسمه .. كذا يعني ترسلين مسج تقولين لي فيه كذا كلام حلووو ومادري يخليني اخق وكذا
زهاد تضحك : هههههههههههه اها انته ليش ماترسلي ان شالله
: مين الي قاعد بالبيت وماعنده شي يصلحه ..
: ههههههههه انا
: يعني انتي ترسلين .. انا يوم اصيررر فاضي وماعندي شي اسويه .. وتكونين انتي ماتقدرين تكلميني وكذا انا برسلك رساله فيها كلام كذااا يعجبكـ
زهاد تموت ضحك : هههههههههههههه والله انكـ
: شنووو من ابسط حقوقي …
زهاد تصرفوو : طيب طيب روح اجلس مع الشباب ليش سبتهم وجيت تكلمني
: اشتقت لك ليش بعد اكلمك ..
: يالطيف قولها بطريقه حلوووو اقلهاا
كاسرر يرفع خشمو : الموهم قلتها اشتقت لكــ .. يلا الرودي جااا بقفل اللحين ..
: طيب انبسط .. كسوور
: لا جونا روقان حيل .. ما عليكـ ..
: اوكي انتبه لنفسك يا كسووور سعوووود
: طيب وانتي بعد سلام ..
قفل الجوال ونزززل .. من السياره ضم رائد بقووه ورفعو عن الارض .. : اشتقت لكـ يادووووووب
رائد : هههههههههههههه انا بعد اشتقت لكـ .. ياخي احس ان زمان عنك مرا ..
كاااسرررر .. : ايه والحين بملك وبسحب علي جد جدكـ
رائد يحس انو جا الوقت الي يبعد مشاعرو الغلط وينبسط لكاسر من قلبوووو .. : يالطيف وش ذا النيه الخااايسه
كاسررر : عاد مابكون فاضيلك ياخي بفضي حق زووجتي
رائد : احسن انا بتزووج بعد وبسحب علي جد جدكـ ..
كسررر تنح : تبي تتزوج مين تكلم مين دبابه
رائد رمش بفهاوه : ليش اتزوج دبابه ..
كاسر : مادري وقتك بالايام الاخيره كله معها وكللا تمدح فيها وتقول انها مثلك ومن طبقتك ونفس عيشتك ومادري شنووو
رائد يسحب كاسر لجه الشباب : لا مابتزوج دبابه بتزوج وحده ماعرف من هي ..
: ياسلام يلا تحمس وشد حيلك بنعرس مع بعض ..
رائد .. : لااااا مرا مو الحين ابد .. تزوج انت وعين من الله خير وسيبني وقت ما احسني مستعد بتزووج .. بس مو اللحين ابدددد ..
كاسر يرفع كتوفوو : انته حرررررر …
وصلو للشباب ورائد بصوت عالي : سلاااااام يالربع ..
وقفو الشباب كولهم وسلمووو علي وجلسو يكفحلوووو .. ويسالو عن الحال والاحوال ..
مهند بحماس .. : الررودي دوبي بفكر في قرار ادعمني ..
: شنوو تفضل .. لك كامل دعمي ..
: بفكر انوو زواج حسام وكاسرر ووائل مع بعض .. وانا لحالي ..
رائد كشرر : لا لا ما ادعمك ابد وش له تدخل العوايل فبعض .. اهل زوجه حسام غيرر واهل زوجه وائل ناس ثانين .. والي كاسر خاطبها ماتعرفهم ليش كل ذا اللخبطه لا ما ادعمك
حسام : اصلي عليك انا كدا قلت لووووو ..
وائل : حتي احنا غير واهلنا غير وعوائلنا غيرر .. واصلا انا مو دحين بتزوج بس كنت بضمن البنت ..
وسام يحط يدو علي خدوو .. : شباب كولكم بتتزوجو معقول بين يوم وليله كلكم صرتو خاطبين
مهند بحزن : ماوصلني الرد لساا ..
حسام يخبط كتفو : اطمن اطمن ..
شويا طنطن جوال مهند برساله .. شالو بكل حماااس .. واتنهد لما شاف الرساله من ندي .. ما بدو يفتحها يمكن كلام مايعجبوو .. طفا الجوال وقلبووو
حسام : مين ..
مهند يرفع كتوفووو : ولا احد ..
شويا رجع طنطن جوال كاسرر برساله .. شالو بسرعه وفتح رساله زهاد بكل حماس .. لقاها كاتبه معروض مو رساله ..
( انا وانته نعرف بعض من زمان وحبينا بعض وحنتزوج بعض وجبتلي خاتم .. بس ماعمرك تقلي احبك .. ولا عمري اقلك هيا .. فدحين حقولها .. ( احبكـ ) .. وحقولها مرا تاينه لك في وشك .. ان شالله تكون خقيت وكدا )
جلس يقرا الرساله كم مرا ويضحك بصوت عالي .. كل الشباب صارو يطالعو في .. اشبك ايش في ايش عندك .. ورينا هات نشوووف
كاسر قفل الجوال .. : مالكم دخل شنووو
رائد : ابو كسره قلي طيب ولا انا
كاسررر : ولا انت ولا احد حتي ..
حسام يقلب جوالوو : احد يعبرني ويرسلي مسج .. يخليني اموت ضحك
مهند : انا خايف اقرا المسج
التفتو علي كولهم .. ليش ايش في ..
مهند : وي انا كنت بفكر بصوت عالي .. ههههههههههههه سر سر ماعليكم
حسام : اقرها اقراها انا متاكد انها رساله معبره
مهند : كدا رئيك
وسام : لو مو كويسه تريح دوماغكـ ..
مهند سمع كلامهم .. وفتح الجواااال ويادوب بدو يقرا الرساااله .. وسام سحب الجوال من يدوووو .. : اشوووف
مهند شهق : وسمي ياواااطي ماسامحتك تقرا
وسام ولا علي فتح الرساله بسرعه وقراها ( موافقه اكيد )
مهند لسا بيحاول يسحب الجوال من يد وسام بس لما سمع الرساله تنح وبعدين ضحك : اما كدا اشووووووف ..
وسام مدلو الجوال : ها نزغرررررررط ..
مهند يقرا الرساله مرتين وتلاته .. : يابويااااا زغرط وزغرط وكمان زغرط
وسام مايعرف يزغرط صاررر يصرخ ويخبط علي فمو ويطلع صوت مزعج .. وكل الشباب اتحمسوو معااا ..
وصاررو يصفقوو بحماااس ..
حسام وقف وعلا علي صوت الاغاني وجلس يشكشكـ في النوص .. وسام وقف معا علي طوووول …
كنت خال البال .. واحب الطرررب .. مادريت ان المحبه متعبه ..
صابني ظبي بسهم من العيون .. هو رماني في بحوووور غارقه ..
باقي الشباب بيصفقوووو بهدووء وكل واحد ضايع مع كلامات الاغنيه .. خصوصا كاااسرر وحسام ..
لانهم بالفعل .. قبل سنه بالتمام .. كانو خالين البال .. وعايشين حياتهم .. وفجئه الي طاح في الحب .. والي قرر يرتبط .. والي قابل نوصو التاني الي بيدور علي من زمان ..
جالسين يترنحو يمين وشمال .. وكل واحد علي فمو ابتسامه كبيررهـ ..
ابتسامه نابعه من قلب .. وكل واحد مبسوط بوضعووو الي دحين .. ويتمنو امورهم تزبط .. وبيطلو لنفسهم بعد كم سنه فين حيكونووو ..
....
...
..
.

ومرا تانيه ..
حين يبدا امر ما
لاتعرف غالبا كيف سينتهي
المنزل الذي كنت ستبيعه .. اصبح منزلكـ
ورفاق السكن الذين اجبرت علي استقبالهم
اصبحو عائلتكـ ..
وعلاقه ليله واحدهـ التي عقدت العزم علي نسيانها .. تصبح حب حياتكـ
وغلطتكـ التي ارتكبتها بكل حمق .. تصبح سبب صلاحكـ
لذلكـ حينما يبداء امرر ماا .. لا تجفل فربما نهايته ستعجبكـ
ولا تفزع فربما نهياته سترضيكـ
ولا تفررح فربما نهياته تتعسكـ ..
.. فقطـ انتظر .. وستري

.
..
…
….

b3d sb3a snen
..
بعد سبعه سنين
..









نايم علي سريررروو المائي .. والتعب والاراهاق واضحين علي وشووو .. كرررف طول اليووووووم .. ومايصدق يرجع البيت عشان ينخمد الخمده الطويله هادي
لكن عمررو ما نام كويس .. بسببهم دايم ينغصولوو نوموووو
حنين خشت علي الغرررفه وهيا مفجووعه جلست علي طرف السريررر .. : حسووووم حسام حسام قوم الحق الحق
حسام فتح عينوووو بتعب : ايش في كمان يا حنين ..
: قوم الحق القسم داقين يقولو بدر فاقش واحد مدري ضاربو مادري ايش مسويلو تعال الحق علي ..
حسام يتافف : يالله عليك يابدررر يارررربي عليك يابدررررر .. الواحد ماينام الواحد مايرتاح ايش الغلب هاداا ..
حنين حاسه بيلوو لكن ايش تسوووي .. : طيب قوم دحين والحق علي
حسام يرفع المخده علي وشووو .. : ماني قايم خلي يتعفن في التوقفي لما اروق اقوم اشوفووو ..
حنين تهزوو : لا ياحسام مايصيرر حرام عليكـ قوم شوف ايش مسووي
حسام بعصبيه : ماراح اقوم ولا شي اطلعي من هنا ياحنين واطفي النور خليني انخمد وبدر خلي يتعفن ماورا الي المصايب كل يوم طالع لنا ببلوه جديده بلا في شكلو وشكل الي رباا
حنين مرا تخاف من حسام لما يعصب .. خرجت من الغرفه بسرعه لا يقلب عليهااا ..
شالت جوالها واتصلت علي كاسرر .. الي يعتبرر ابووو بدر التاني ..
كاسررر رد عليهاا : ايه حنين هلااا
حنين : اممم معليش كاسرررررررر كيفك
: بخير الله يسلمك في شي
: ايوا بدر في التوقيف وحسام دوبو جا من الدوام مو راضي يقوم يطلعو معليش لو تروحلوو
كاسرر : ياليلك يابديرر وش يحس بوه مايبي يركد كل يوم بنروح نكفله بالقسم استغفر الله
حنين حاسه بيهم .. : والله مادري عنوو يا كاسررر تروحو تشووفوو
: ايه اكيد .. الحين بطلع اشوفه من وين اتصل من اي قسم ..
: والله ماعرف دحين ارسلك الرقم ..
: طيب ماشي انتظرك
: طيب يعطيك العافيه كاسرر تعبناك معانا ..
: افا تقولين كذا بدير دا ولدي مو بس اخووو حسوووم ..
حنين الي الين دحين محتفظ بالسررر : تسلم والله .. مع السلامه
قفلت الخط وارسلت الرقم لكاسرر .. وجلست علي الصوفا وهيا تتنهد .. حسام وعدها انو وجودهم مارح يثار علي حياتهااا .. لكن للاسف من اتزوجتوو .. اكتشفت انها المسؤوليه عنهم .. لين شيبولها راسهاا ..
شويا حطت يدها علي بطنها وابتسمت بحزن .. كويس انهم موجودين ولا كان دحين حياتها خاليه .. صح ربي مارزقها بزوره .. بس بجد يكفوها بدر وقمر وهلال ..
وبتعاملهم كعيالها .. وبتساعد حسام في تربيتهم ..
طلت في الساعه .. مابقي شي علي حفله الباربكيو الي بتسويهااا .. لازم تقووم تجهززززز
رفعت شعرها كوكينه .. واتوجهت للمطبخ … سحبت الريموووت وشغلت السي دي علي الاغنيه الموجوده ..
وطلعت قطع الدجاج الهمبرقر والكباب كمان عشان تتبلهااا ..
رن تلفون المطبخ .. نشفت يدينهااا وردت علي : الوووو …
مرام ام حنين تمسح نضارتهااا الطبيه : كيفك يابنتي ايش بتسووووي ..
: بخير ماما بجهززز لحفله الشوووي .. ها مو تقولي ما تطلعي ..
مرام تلبس النضاره وتدقق في الخبررر .. : الا حطلع ان شالله اسمعي .. اسم زوجك في الجريده ولا يتهيئلي مني عارفه
حنين بحماس : جد اسم حسوووم في اي جريده فين ايش الخبررررر ..
: جريدة الــ… ما جبتوها
: لا لا ماما ابغها ارسليلي هياا ..
: طيب اطلعي في الدرج دحين ارسلها مع ياني ..
قفلت الخط ورمت المريله واتوجهت لباب الشقه .. خرجت ووقفت عند الباب وهيا متحمسه تقول لحسام انو اسمو في الجريده اخيرررن .. جالس ايام وليالي يتمني يشوف اسمو في الجريدهـ ..
طلعت لها ياني ومعاهاا الجرريدهـ .. ادتلها هيا ونزلت ..
حنين خشت علي الصاله وهيا تقرا الخبرر بانشكااح .. كان نفسها تستنا حسام يصحا وبعدين تقلوو لكن الحماس حياكلهااا ..
دخلت علي غرفه النووووم ونقزت علي السررريرر .. : حسووم حسوووم حسوووووم ..
حسام بعصبيه : يووووووووووو قلت بدررر خلي يخيس لين اصحي وبعدين يا حنين
حنين رمت نفسها علي وصارت تخبطوووو .. : قوم قوم قوم اسمك في الجررريده قوم قوم قووم الدكتور حساااام عبد الفتاح هااااشم قووووم قوووم شوف المقابله الي مع الــ… نزلت اخيرن ف يالجريده الي تبغاهاااا ..
حسام فز من مكانووو وطاررر : ايش كيف فين اسمي في الجررريده من جد تمززحي
حنين تمدلو الجرررريده : والله في جررريده الــ ….. والله والله الي من زمان تبغا اسمك يطلع فيهاا
حسام خطفها منها ومو مصدق : يالله اخيررررن .. واليوم الي ما اشتري في الجريده دي من الصباح يصير اسمي فيهاااا اخخخ بس كيف شفتيها كيف
: ماما شافتوو وكلمتني هههههههههههههههه
: يااااااا ياحنووووووووووو
حنين تخبط راسو : يلا قوم طلع ولدك من القسم
حسام : اووووووش ماهو ولدي اخويا اخويااا
: ههههههههه مافي احد مافي احد ..
حسام فرفرلها شعرهاا وابتسم : ما ابغا احد يعرف حتي الجدران
حنين تحط يدها علي خدها : لو كبرو مرا ماراح تقلهم .. ؟؟
: ولو صارو عجايز مو قايلهم شي خلصنااا لا تنقي
: طيب ماشي ..
قامت عن السرير .. : بجهز للباربكيوو وانته نام عشان لما يجوو كولهم تكون فايق ومصحصح
مدلها يدوو : لا اسحبيني خليني اشووف الدلخ هادا ..
مسكت يدو وباستهاا : لا نام ارتاح كلمت كاسر يروح يشوفووووو ..
حسام يتنهد براحه : والله كوووووويس ..
رجع رمي نفسوو علي السريررر .. : اجل حنخمد ..
: ايوا كمل خمده يا بطل بس اعمل حسابك بعد ساعتين بالكتيرر لازم تصحاااا ..
حسام يلوح بيدوو .. : طفي طفي النوورررر حنووو
: طيب من عيوووني ..
طفت النور وراها وطلعت من الغررفه ..
وحسام لف علي جنبوو ورفع الحاف لصدرو وهوا يتنهد .. اسمو صار في الجريده .. وصار دكتور مشهور ومعروف ويعتمد علي بشكل كبيررر .. مرتوو مدرسه وربه بيت ناجحه ..
كل احلامو اتحققت ما عادا انو يكون عندو درزن اولاد كلهم يسميهم مهند ..
للاسف ما جا مهند الي يعيش معاهم ..
غمض عينوو وهوا يحس بتانيب الضميررر .. علي حنين بالذاد .. وقلبو يوجعو علي عيالو الاربعه الي دفنهم بنفسووو .. كولهم ينولدو مريضين وفيهم عيب خلقي .. وما يكملو الشهور ويموتووو ..
اكيد هادا عقاب من الله علي الي كان يسوووي في بنات الناس
لكن رغم كل شي يتنهد .. ويحمد ربوو علي كل حال .. وانو الامووور وقفت علي دا الحد ..








~~~~~~~~
b3d sb3a snen
~~~~~~~~









مهند صحي من النوم علي صراخ ندي .. : يالله صباح خيررررر ..
شويا اختلطت الاصوات وصار سامع صريخ امو وصريخ ندي .. : ياليل ابو لمبه ياليل ياليل ياليل ..
قشع الحاف عنوو وقام عن السرير وهوا يتمغط .. : الي يتزوج ياشيخ الي يتزوج .. الي يتزوووج ..
انفتح باب الغرفه وخشت ندي وهيااااا معصبه وطالعتلها قروون في راساهااا .. : مهند مهند خاله مرام خاله مرام قلها مالها دخل في العيال الطشهم ادبحهم انحرهم انا حره .. كدا جالسه بتعصيهم عليا وبس
مهند يالله علي البرود الي معاااا : طيب هدي نفسك
ندي شويا تفطس .. : مهند مهند بطل البرود الي انته في لا تجلطني .. لا تجلطني
مهند : طيب ارخي صوتك امي برا لا تسمعكـ
ندي : دا الي همك اوكي خاله مرام علي عيني وراسي .. بس عيالي عيالي انا حره كيف اربيهم معليش يامهند معليش
مهند وعارف امو كايف متسلطه بس مهما كان مايبا يوضح لندي انو في صفها ابدن : خلاص انا اتفاهم معاها طيب ..
ندي جلست علي السريرر وهيا معصبه مراااا .. شالت التلفون ودقت علي حنين ..
حنين ويدها مشغولهـ : يب حنووووو …
ندي شويا تبكي .. : حنين الحقيني اخوكي وامك بيجلطوني
حنين : وي بسم الله ايش في كمان ..
: ياشيخه خاله مرام قاعده تعصي العيال علياا ..
: ماما لسا مسويه انهم عيالهااا ..
: مادري حنين واخوكي علي برود مو طبيعي
مهند لف يطل فيها : عينك عينك تشتكي لاختي وقدامي كمان ..
قرب لها وشال السماعه عن ادنها ورخا الخط في وش حنين .. : طيب استنيني اطلع اروح انحررررق
ندي تخبط صدرها : ابا اطلع الي جوتي يا مهند الي جوتي .. وانته ما ابردك
مهند : ندووو لا تعصبي لا يقوم عليكي القالون ..
ندي تمسك راسها : وماتباني اعصب .. اتفاهم مع خاله مرام اتفاهم معاهااا طيب .. والله يا مهند .. ماصرو يسمعو كلامي مرااا ولا يخافو مني ولا يهتمولي كل شي اقولهم لا تسووو خاله مرام تعاندني وتقلهم روحو سوو انا امكم انا اكبرر .. كيف كدا يامهند
مهند عارف انو امو زودتها لكن دي امو مهما كان وعيالو عيالها .. وزي ماربتو حتعرف تربيهم .. : خلاص انا حكلمها قلت لكـ ..
رجع رن الجوال المتصله حنين ..
مهند رد عليها : اختي ..
حنين : ايش سويت في الادميه فينها اعطيني هياااا
: اقول لا يكتر حسام صحي ..
: حسام دوبو نام يا عيني علي كارفينو كرف مو طبيعي
: اقول لا تتغزلي .. في صاحبي قدامممممي
حنين : قاعد تبهدل في صحبتي وماتباني حتي اتغزززززل .. بعدين صااااااحبك يا حبيبي … زوووجي
ندي تتافف .. قامووو حنين ومهند يضاربو علي حساااام .. : اقول هات بكلمهاااا ..
مهند : اقووووول حلي انا الي مزوجك هوا
: الموهم صار زووجي اطلع منها انته ..
مهند يكش علي السماعه ويمدها لندي .. : ايو حنين
: ها ايش في
: ياشيخه ولا شي قلبي مفقووع .. تووووهم طلعو سهل وسامرر من عند وسام .. وقلت لهم يخشو يتحممو عشان قبل مايجو الناس .. وتخيلي امك ايش تقووول
حنين بتخلط الطحينه بالمضرب .. : ايش قالت كمان
: تقلي ماتروشيهم دحين وورنا حفله شوووي .. حيتوسخوو .يعني حيتوسخو مايتروشوو .. والحمير الاتنين علي طول مع ستهم ماهم راضين
حنين : مشي حالك ياشيخه .. ارسليلي هما انااا اروشهم دحين .. وماعليكي من ماما
ندي : ياحنين مو هنا الحكايه الحكايه انها بتعصيهم عليا .. لما اقولهم كلمه وستهم تقلهم كلمه ماكني امهم مايسمعو كلامي واحيان الشي الي ابغاهم يسوي امك عناد فيا تقلهم مايسووو وهما يسمعو كلامها .. والله مايصير كدا
حنين : ايوا والله مايصيررر ياشيخه مشي حالكـ .. بس ..
ندي تزفرر : ومهند مهند مايبا يسوي اي شي .. اقلو يامهند مايسمعو كلامي ماعندو مشكله مافرقت معااا ..
: حالتو صعبه
: اووووف فقعولي قلبي
: خلاص مشي حالك وقومي روشيهم غصب عن عيونهم .. بدون لا ماما تدري ..
ندي : ما اقدر ما ابغا خاله مرام تزعل مني ..
: لا ماتزعل روشيهم غصب .. واجهززززي .. واسمعي ايش كونت بقلكـ ..
: ايش ..
: خلي مهند ينزل يجيب عصيرات اخاف تنقص علينا .. حسوم ناااايم وعتبان جدن .. ما ابغا اصحي ..
: انا متنرفزه من مهند اول شي .. دحين اشووف
: طيب يلا مع السلامه ..
قفلت ندي ورمت الجوال وقفت قدام المرايه تهدي نفسهاا .. : دي ام زوجك وكبيره احترميها وكدا ..
طلعت من الغرفه لقت مهند جالس جنب امووو وبيهرج معهاااا ..
ندي : فينهم ياخاله سهل وسامر ..
ام مهند تبتسم : قلت لهم يخشوو يتروشووووو ..
ندي شهقت : لحالهم يا خاله
: ايوا ياطولهم وياعرضهم يعرفو يتروشووو
ندي تشد علي يدينها بقله صبرر : صح كبار كبارررررررر ..
لفت وراحت علي الحمام .. لقتهم معبين المغطس الكبير .. وكاتين الشابو كلوووو .. والصاوبين والشور جل كلو وسط المويا .. وادوات الحلاقه والكريمات كولها وسط المويا بيلعبوو فيهاااا
شدت شعرها وصرخت : ياررررررررررررررربي
مهند من سمع صرختها وقف : حروح الحقهم قبل تقتلتهم .. هههههههههههههه
: الله يعينها عليهم شياطين
مهند يضحك لامو بتسليك يعني مو انتي الي ارسلتيهم .. : جدن زي ابوهم ه ه ه ه ه ه ه ه ه ه ه
راح علي الحمام لقا ندي شايلتهم من اياديهم : مهند المناشف هات المناشف شوف ايش سووو في الحمام حسبي الله علي العدوو
ساهرر ميت ضحك : بابا بابا ثبحنااا
مهند : والله سبحتووووو
سهل شفايفوو مزرقه وشعرو متلصق في وشووو .. : حتي انا سبحت بابا ..
ساهرر يشد مهند من رجلوو : تعال نثبح تاني تعال نثبح تاني بابا ..
ندي تصرخ : مهند شيلهم واطلع براا
سهل : لا لا بابا نبا نثبح تاني ..
مهند يشيلهم ويرميهم في المغطس ويدخل معاهم : يلا نسبح
سهل وساهر يطرطشو علي الموياااا ويصرخوو .. ومهند يطرطشهم وميت ضحك .. وندي تطالع فيها وقلبها ادولو شويتين ويطلع من مكانوووو ..
: مهنننننند حرام عليك يا مهند
مهند مد يدووو : يو يو اسحبيني بردت بردت
ندي بعصبيه : مهند اطلع طلعهم طلعهم
مهند مادد يدوو : ندي مو قادر اوقف تعالي ..
ندي يادوب مسكت يدووو .. سحبها بقوه .. وغطسها في المويا معاهم .. : هههههه سباحه جماعيه
ندي جالها انهياررر وانفجعت لانو سحبها فجئه . .. : مهند ياسامج
ساهر وسهل صاررو يرشوها بالمويا .. ويصرخوو .. : ماما تثبح معانا ماما تثبح معاناا ..
ندي حاولت تقوم كم مرا بس كولهم ماسكينها اخر شي غاصت في المويا معاهم وعلي ووشها خالي من اي تعبيررر ..
مهند يطل فيهاا : ندووووو بنسبح اضحكي
وسهل وساهررر يطلو فيها وشعورهم لاصقه في وجيههم ويعرفوها لما تصعب : ماما زعنانه
مهند يدخل يدو من تحت ويضغضغهاا .. ندي تضحك غصب عنها : لا مهند الكلاب اتركني اتركننننننني سيبني
بعد معانا ومعافره طلعت من المغطس وكل ملابسها تنقط مويا : انته حتروشهم وتلبسهم .. يامهند فاهم
مهند : علي امرك بس ريلاكس
خرجت من الحمام وراحت علي غرفتها وهيا تدعي الله يصبرها علي التلاته الاطفال الي عندها في البيت .. حتطق اخر شي بسببهم ..







~~~~~~~~
b3d sb3a snen
~~~~~~~~

واقفه قدام التسرريحه تزبط مكياجها الخفيف .. وتزيد الروج الصاررخ .. وتعدل الاكسوارات الناعمه الي تزين ايدها وعقد الولو الناعم الي علي رقبتهاا ..
دارت نوص لفه يمين ونوص لفه يسااار تتاكد انها موزه امزز شي .. بلبنطلون الشماوه الابيض الي مطقمه معا بلوزه طويله لنوص الفخد لونها ليموني فاتح يبررررز لون بشرتها الصافيه ..
اندق باب غرفتهاا وجالها صوت فيصل من براا .. : اعناب اختي اختي اختي
اعناب ترفع شعرها كوكينه : ادخل فيص حبيبي
فيصل فتح الباب وجلس يتلفت يمين ويسارررر .. : فين ريتال فينها
اعناب تلف الحجاب الابيض علي راسها بطريقه حلووه ومرتبه : ماعرف يمكن ابوها اخدها معااا ..
: لا شوفت وائل راح لحالووو ..
اعناب لفت علي وتنحت : شوفها في غرفتها نايمه يمكن ..
: طيب طيب ..
خرج من الغرفه واعناب لفت علي غرفه ملابسها .. خرجت لها شوز كدا واطي .. لونو ابيض ليستووو وطلت في نفسها للمره الاخيره ..
واتاكدت انو مازن لما يوشوفها حيخق عندها وحيطالع فيها بنفس طلات الندم الي تعشق تشوفها في عينووو ..
خرجت من الغرفه وهيا تنادي اخوها : فينك يا فيص فييييص فينك
جالها صوت فيصل من غرفه بنتهااا : هنا يا اعناب تعااالي ..
اعناب دخلت علي غرفه ريتال الي جنب غرفتها علي طول .. وشافت فيصل واقف وشايل ريتال بيبوس فيها
: كانت نيامه صحيتها
اعناب : جيب ارضعها شكلها جيعانه ..
فيصل حاضنها بقوه : لا خليها لما تبكي اديلك هيااا ..
اعناب شالت الرضاعه حقة بنتها الي عمرها لسا توووو سنه وشي .. : طيب يلا
ولسا هيا بتتكلم مع فيصل اندق جرس البيت ..
فيصل بحمااااس : اكيد خاااالي مااازن والله يا انو وحشني ..
اعناب في قلبهاا .. انا كمان وحشني ..
نزلووو كولهم علي الدور التحتاني .. وفيصل راح جري للباب .. : خااااالووووو مااااازن
ماااااازن ضحك وضموووو بقووووه : فيصل الكلاب كبرررررت ..
ام مازن عند الباب من شافتو دموعها ادحدرت : انته كمان كبرت ياولدي
ماززن يضم امووو ويبوس راسها ايش دعوه كولها تلاته سنين
امو تخبط كتفو وتقرصووو بخفه .. : تلاته سنين كامله مانشوفك فيها مو كتير يعني ..
ابووو ضمو علي خفيف وباس خدوو .. : من جد ايش الدراسه الموهمه دي الي ماخلتك تقدر تنزلنا حتي في الااعياد
مازن في قلبوو بالكم ماتعرفوو من ايش انا شررردت .. وماجيت الا دحين ..
صوت اعناب من وراهم : حمد لله علي السلانه يا ماززن ..
مازن قلبو دق بقوه من سمع صوتها .. رد عليها بدون مايطالع فيها عشان قلبو لا يوجعوو .. : الله يسلمكـ
بس اعناب لما شافتو ماطل فيهاا مشيت لعندو ومدت يدها وعلي فمها ابتسامه كبيررره : منوره جده والله ومنور بيتكـ
مازن .. : الله يسلمك النور نورك
فيصل حاضن ريتال وياشر لمازن : شوف رتووووله شوووف كيف صارررت ..
ماززن بطنو تمغصوو هادي بنت اعناب بنت وائل كمان .. موستحيل .. ابتسم غصب عنوو : ياناس شكلها اتغير عن الصوررر
مد يدوو لفيصل : هاتها بشيلها
فيصل يضمها بتملكـ : لا لا هادي حبيبه خااالوو ماحد ياخدها ابدن ولا احد يشيلها
وائل : يالطيف بهدلنا في البيت مانقدر نشيل البنت دي .. بس شايلها فيصل والله مرا بهدلنا
اعناب بحسن نيه .. : زي خالي وهيب وانا صغيره كدا ما كان يخلي احد يشيلني غيررو ولا يسمح لاحد يلمسني وكان ينومني جنبوو حتي ..
وائل : شكلها دي حتصير حبيبه خالها من جد
مازن يطالع في فيصل الي ضام ريتال بكل برائه وافكاررررو راحت لقدام وهل ممكن يصير بينهم شي زي الي صار بين وهيب واعناب .. قرف لمجرد الفكره ..
ام مازن : يلا حبيبي ادخل ..
ابوو : فينها مرتكـ ماجبتهاا ..
اعناب كشرررت : ايش مرتك اتزوجت
ام مازن شهقت.. .. : اتزوجت . وابوك يدري وانا لااا ..
مازززن يرفع حواجبوو : ابويا انته ما قلت لهم ..
ابو ياشر علي وائل : الا قلت لي وائل بس
اعناب تصقع يد وائل : ليش ماقلت لي
ام مازن منهاره : طول عمري استناك تتزوج اخرتها تتزوج برا وتجيني كنت حاسه انو ورا الطسه دي الي طسيتها مصيبه يا مازن كنت عارفه
مازن قرب لامو ومسك كتوفهاا .. : امي حبيبتي .. حنسوي فرح هنا وحنعزم كل الناس الي تبغيهم ولا يصير خاطرك الا طيب .. بس انا كان لازم اتزوج
امو دموعها نزلت وتكرر جملتها : طول عمري استناك تتزوج عشان تسافرر وتتزوج وتجيني
ابو مازن ووائل ما اتوقعو رده فعلهاا .. : صلي علي النبي طيب ماصار شي
اعناب هيا كمان دموعها قربت تفرفر .. وانا الي احسبو حيعيش علي اطلالي طول العمرر .. بس راح اتزوج مستحيل
مازن فهم الطله الي في عينها .. وابتسم بانتصار … وفي قلبو حتي انتي تحبيني .. وزي ما انا متعذب لاني بشوفك مع وائل اقدر اعزبك واخليكي تشوفيني مع وحده تانيه ..
وائل : خلاص هدوو البنت براااا ..
اعناب مسكت يد وائل وضغطت عليها بقوه : فينها
وائل طل في يد اعناب الي حاضنه يدو واستغرررب .. دوبو قبل مايطلعو كانو مضاربين .. اساسا من اتزوجو وحياتهم كلها مضاربات .. ووائل ما يعرف يرضي اعناب .. مافي فايده معاها .. لانو بختصار مو عارف ايش نيتها لما وافقت علي ..
: اشبك حبيبي
مازن بطنو مغصتو لما سمع كلمه وائل .. دا الشي الي خلا يسافرر تلاته سنين بدون مايجيهم قطعاا .. : امي مستعده ادخلهاا ..
ام مازن علي قد ما زعلت بس كانت تبا تشوف مين هيا الي اتزوجها ماززن .. : ايوا خليني اشوفهاا ..
مازن حط الشنطه الصغيره في الارض .. وخرج لثواني ودخل ماسك في يدوو بنت اجنبيه سمرررا .. وشعرها اسوووود .. وعيونها زرقاااا وبختصار الادميه تجنن : اقدملكم ماريااا ..
اعناب وابو مازن وام مازن ووفيصل تنحوو فيهاااا
اعناب شويا تاكلها بعيونها : ايش هادي
البنت بالاتيني .. : ola << مرحبا ..
مازن بسرعه : تقلكم مرحبا يعني السلام عليكم ..
ام ماززن .. ماتت علي شكلها بالحجاب .. واضح انها اول مرا تحطوو .. : طيب قلها اولا اولا
ابو مازن مرا عجبتووو : ماشالله وائل قلي حلوه بس ما اتوقعتها كدا
مازن اتجاهلهم كولهم ولف علي اعناب .. : ايش رئيك في مرتي ..
اعناب : حلوووه ماشالله مبروك
وائل : ليش واقفين عند الباب يلا دخلنا ..
وبالفعل دخلو علي الصالون الكبير واتوزعو في الكراااسي .. وكولهم طاحو علي مازن اسئله كيف عرفتها .. فين شوفتها متي قابلتها .. متي اتزوجتوو .. كيف تتواصل معاها تتكلم انجليزي ولا بس لاتيني ..
الكل مندمج بيهرج ماعادا مارياا الي مو فاهمه هرجهم اصلا .. واعناب الي متلصقه في وائل .. وتطالع في مازن وقلبها يغلي من جوا
مازن بيتكلم بكل ارياحيه وكل شويا يسرق نظره لاعناب .. ومبوسط انو كسرها زي ما كسرتو .. وقهرها زي ما قهرتووو .. لا وحيجب من ماريا بزوره عشان يردلها هيا صح .. وبعدها مارح يهتم لهاا ..
اعناب مسكت يد وائل وضغطت عليها ورخت راسها علي كتفووو ..
وائل لف عليها بتعجب : عنبه اشكبـ ..
اعنابـ تطالع في وتبتسم .. : ولا شي
وائل : كويس احسبك الين دحين زعلانه مني ..
: لا لا
وائل مسد علي يدها ورجع لف يكمل هروج مع اخووو ..
واعناب تحاول تتجاهل وجود مازن وبالها مع وائل الي ساوا المستحيل عشانهااا .. وفكرت انها بتغلط برضووو بمجرد انها تكن مشاعر لمازن لسااا ..
وائل ما يستاهل .. تلاته سنين متزوجين .. ماشافت منو الا كل خيرر وكل حب وكل اهتمام ..
ولازم تشيل مازن من بالهااا .. وتخلص لوائل ..
فجئه وقفت وسحبتو من يدوو : وائل ابغاك دقيقه
ام مازن : علي فين يابنتي الاكل انحط خلاص
اعناب تسحبو : دقايق يا خاله ..
مازن يراقب حركاتها ويحس انها وحشتووو .. وائل قام معاهاا : طيب طيب
سحبتو وطلعت علي غرفتها فوق .. دخلتو وسكت الباب ودفتو علي الباب وضمتووو .. : سامحني وائل
وائل بطيبه : علي ايش حبيبي
: يعني كدا نرفزتك قبل تخرج اليوم
وائل يبوسها : لا عادي .. تحصل المشاكل دايم ..
: يعني مو زعلان
: عمري زعلت منك انا ..
: لاا
: خلاص يعني حزعل دحين ..
: برضوو لاا
: خلاص كويس ..
: يب كويس
عدلتلو ياقه القميص .. : اممممم اليوم مناوبين سوا انا وانته صح ..
وائل يطالع في الساعه : ايوا ليش
: لا بس بخطط علي حاجه ههههههههههههه
: قدااااام
رجعت باستو بخفه : يلااااا ننزل نلحق الاكل ..
فتحت الباب وسحبتووو .. ووائل مو مستغرب من تصرفتها طول التلاته السنين كدا .. تتشاكل معا علي ولا شي .. وفجئه تحس بتانيب الضمير وترجع تعتزرلو بدي الطريقه ..
وهوا من حبوو لهااا ما يقدر يزعل اصلااا ..
خشو علي غرفه الاكل وعلي وجيههم ابتسامات ولا اروع .. ولقو الكل حولين الطاوله
اعناب جلست في الكرسي وتكلم فيصل : هات رتوله ..
فيصل : لا انا باكلهااا ..
مازن يمد يدوو : هاتها ماشلتها انا
فيصل : ولا انته ولا هيا رتوله معايا انا وبس
وائل : يابختك ياريتال ياليت كان عندي خال يحبني كداا
اعناب تتزكر وهيب وتتنهد .. سبعه سنين ماتدري عن اراضي .. بس كلمها مرتين مكالمه اقصر من قصيرره .. ياتري ايش مسووي في حياتو دحين ماحد يدرري
وائل غرف لها في الصحن وحطو قدامها : بطليكي من السرحان وكلي تختخي شويا انتي كدا عضمه
: خخخخخخخ من يوم اخدتني عضمه يلا اهجد
: لا مع الرضاعه بتعضمي اكتررر ..
: هههههه يمكن
جلسوو ياكلوو حولين الصفره كعائله سعيده .. صغيرهـ .. ومازن واعناب .. مؤمنين انهم مازالو يكنو مشاعر لبعض .. وكل واحد معترف بدا الشي في قلبوو
.. لكن في نفس الوقت .. كل واحد محتفظ بدا الشي في نفسووو ولا يمكن يطلع لاحد








~~~~~~~~
b3d sb3a snen
~~~~~~~~









وقفت السياره الفخمه حقتهااا قدام الاستديوو الكبيرررررر … والي ديكورو من برااا اسووود مع رماادي وعلي لوحـــه ياكبرهااا .. استديوهاتــ الرائد ..
نزل السواق وفتح لها البابـ ..
مدت يدها ومسكت ايد السواق .. ونزلت .. عدلت عبايتهااا .. والطرحه الرماديهـ ..
نزلت خلفهاا سكرتيرتها وشايله في يدهااا الشنطه الي فيها كل حجاتـ اهداب .. ونزلت خلفهم الشغاله الي شايلتلها الكلب ومشيوو وراهاااا
وطبعا دول الاتنين معلقين في ديلها دايم مكان ماتروح وتجي ..
اتوجهت للاستديو حقها ومن دخلت كل الموظفات وقفوو وسلمو عليهاا .. اتوجهت لمكتبهاااا فسخت العباااايه .. ورمتهااا لي الشغاله الي شالتها بسرعه وعلقتهااا ..
جلست علي الكرسي ورفعت رجلينها فوق الطاوله .. : فين الايس موكاااا ..
السكرتيره بسرعه ضغطت علي الزر : اتنين ايس موكاا اتنين ايس موكاا ..
ثواني ودخلت العامله وفي يدها الايس ومدت واحد لاهداب وواحد لسكرتيرتهاا ..
اهداب .. تكلم السكرتيراا .. : ايش عندنا اليوووم ..
السكرتيره تفتح الشنطه وتطلع الاوراق .. : امممم خمسطعشر حجزز .. سته زوجاتـ .. واربعه اعياد ميلا .. وحفلتين خيريه .. وتلاته طالبين مصورات للبيت بس ..
: اهاااا ووزعتي العاملات علي الاماكن ولا لسااا
: اممممم عندنا موشكله ياا استاذه ..
: ليش ايش في
: انو المصورات الي عندناا .. مزحومين .. لانو اتنين من الزوجات طالبين اتنين فوتغرافي واتنين فديووو ..
يعني كدا في عجز ممكن اعرف ايش الحل ..
اهداب تطالع فيها من فوق لتحت .. : انا الي اجيب الحل ولا انتي .. ؟؟
: امممم كونت بستشيرك انو .. حتصل والغي واحد من الحجوزات
: تلغي واحد من الجوزات اليوم بعد ما دفعو العربون خبله انتي ..
السكرتيره خافت .. : انا من اول حجزتلهم احتياط ..
: اهاااا لا لا تلغي .. بس اتصلي عليهم وبلغيهم انو يمكن المصورات يجوهم بدري مراااا .. عشان يلحقو الزواج فهمتي
: حاضرررررر استاذه
: يلا دحين قومي اجري الاتصالات
: اوكي اي خدمه استاذه ..
: لا شوكررررر …
لفت السكرتيره وجلست علي مكتبها الصغير تباشر شغلهاا .. ودخلت وحده من الموظفات .. : استاذه في زبونتين معترضين علي الصور وبيسوو مشاكل ..
اهداب تنزل رجولها عن الطاوله : دخليهم ..
خرجت الموظفه ودخلو اتنين بنات .. ومعاهم وحده كبيره الظاهر انها امهم ..
: السلام عليكم ..
اهداب تبتسم : وعليكم السلام اهلااا ..
الحرمه وناويه شرر : انتي المديره
اهداب ببتسامه : انا صاحبه الاستديو اي خدمه ؟؟
: ايواااااا
اتقدمت وخرجت ظرف الصور وحطتو بقوه علي المكتب .. : ممكن اعرف ايش هادا
اهداب رفعت الصور وطلت فيهاا وضمت اصابيعها لبعض : اتفضلي استريحي .. ايش الموشكله في الصوره .. ؟؟
: احنا ما طلبنا هادي الخلفيات وقلنا مانبغا فوتوو .. وتلاته مرات اجي واطلب تعديل للصور وكل مرا ترجعلي اخس من اول ..
اهداب : بس كدا اوكي اتفضلي استريحي وقوليلي كيف تبغيها بالزبط وانا حفيدك
: هوا دا قلت ابغها بدون خلفيات بس خلفيات سودهـ .. وما ابغا اي تعديل بالفوتوو ..
اهداب .. : اوكي مايصير خاطرك الا طيب .. بس كدااا .. ؟؟
: ايوا بس كدا .. واتمني تطلع باسرع فرصه .. بكره بالكتيرر
اهداب تضحك : اسفه احنا مضغوطين طيب بكرا مرا ما اقدررر اسفه
: متي يعني ..
: خلي رقمك اول ما صورك تجهز حنكلمك اي خدمه كمان ..
الحرمه لفت بدون ماترد وطلعت من المكتب وهيا تتحلطم ..
اهداب جلست علي الكرسي وهيا مكشره .. : يالطيف اسوء شي الواحد يبتسم ومالو خلق ..
رجعت رفعت رجولها علي المكتب ورفعت سماعه التلفون اتصلت علي واحد من المشاغل الي هيا زبونه دايمه عندهم .. وطلبت العاملات يجو يعمولولها بدوكير ومنوكيرررررر .. زمان ماعدلت اصابيعها .. >> زمان يعني من اسبوع ..
وهيا بتتكلم لسا رن جوالهاا .. السكرتيره شالتو : استاذه جوالك الخاص ..
اهداب مدت يدها بلا مباله الا طلت في الشاشه وابتسمت لما شافت نكـ رائد علي الشاشه .. ردت علي بحماس ..: الررودي ..
رائد : دباابه اشلوونكـ
: بخيررررر نحمدو انته كيفك ها وصلت جده ..
: لا وصلت عند الاستديوو بسرعه اطلعي بشوفك
اهداب وقفت بحماس واشرت علي عبايتهاا : تمززح عند الاستديووو ..
: ايه والله
الشغاله تلبسها العبياه وتلفلها الطرحه : قول ان معااذ معاك قول معاك بسرعه قول
رائد : ههههههه اكيد معايااا انا اقدر امشي بدوووونوو
اهداب : وااا يا حياااتي دحين طالعه ..
قفلت الخط واتوجهت للبوابه والشغاله والسكرتيره وراهاا .. لفت عليهم : بس خليكم هنا
طلعت من الاستديو ووشافت رائد واقف برا وماسك ولدوو بيدووو .. : يا هلا بدبابه اشتقت لك ترا ..
اهداب … جريتت وشالت معااذ ودارت بي .. ياناش اتغيرر الكلب اتغيررر
رائد : افا حنا مالنا لا سلام ولا احضان ولا غيررره
اهداب حطت معاذ في الارض بعد ما قطعتو بوس وبعدين التفت علي رائد : حتي انته متغير يا اهبل ..
: هههههه شلون محلوو ولا كيف ..
: يعني شي زي كدا مراا محلووووو .. ايش الطارري
رائد : يمكن عشان طلقتها خلاص
اهداب حطت يدها علي فمها : تمزززح
رائد ياشر علي خشموو .. : والله خلاص وصلت لهني .. وبسسسسس
اهداب طلت في معاذ بحززن : وهوا طيب حرام
: والله عاد يمشي حاله امور ابوه وامه ما ازبطت ..
معاذ يطالع فيهم وفاهم انهم بيهرجو علي ..
رائد يغير الهرجه : وانتي كيف الي جا وخطبكـ ايش صار علي ..
: ولا شي ماعجبني ورفضتووو
: عين لا جديد علي ساحتكـ ..
اهداب تضحك : علي حطه ايدك قلت لك لو بتجي بعد عشره سنين حتلقاني زي ما اناااا
: هههههههه فدتيك اشتقت لك حيل ..
اهداب : خلينا نطلع نتمشي وكدا ونفضفض زمان عنك
رائد : والله ياليت تجين اللحين ولا عندك شي
اهداب تطل في الاستديوو .. : لا مافي السكرتيره متكلفه بكل شي .. يلا مشيناااا .. سواني اجيب جوالتي واصرخ عليهم شويااا ..
: اووخص يامديرررره ..
: ههههههههههههه ايش تعرف .. ثواني بس ..
دخلت علي الاستديو بالفعل .. وصرخت فيهم وهددتهم .. واخدت جوالها وطلعت .. لرائد .. ركبت معا في السياره وحطت معاذ علي عبهااا .. ومشيوو ..
يروحولهم كوفي ولا اي مكان يفضفو ويضحكو زززي الايام الخوالي ..








~~~~~~~~
b3d sb3a snen
~~~~~~~~

دخل البيت وحاط يدينووو خلف ضهررررووو : اسرااااء اسررراء .. حبيبي سررررررو سرررررورتي اسراء
اسراء طلعت من المطبخ ولافه شعرها كوكينه ولابسه المررريله الملوووونه .. : ها حبيبي ها يا اياد اشبك
ايااااد جررررري زي البزوره وحضنها ورفعها عن الارض ودارر بيها شويا كدااا .. : تخيلي ايش صااااار
اسراء تضحك : نزلني نزلني ايش صار ايش في
اياد نزلها ومدلها الورده الحمرااا .. : المديرررر اليوم في الشغل .. فجئه فجئه .. قالي لك ترقيه حتصيرر رئيس قسم المحااسبه تخيلي ..
اسراء صرخت : لاااااااااااااا موستحيل فجئه كدااا
اياد يغمزلها : الواسطه تلعب دورهااا .. ههههههههههههه
: اما مين اتوسط لكـ ..
: وي ماقلت لك اخو نياااررر زبطني الله يزبط شكلوووو ..
اسراء كشرت : كويس والله ..
: الموهم ايش بتسووووي يا حياه حياه اياد انتي ..
اسراء : اممم كوب كيك بسوي كوب كيك وكيداااااا طفشانه كووونت ..
: سررروو حبيبي .. انا عارف انو جلسه البيت ما تنفعلك ارجعي لشغلك عادي
اسراء باصرار : لا بصير ربه بيت ..
اياد يمسد علي خدها : لا انا عارف انك مو ربه بيت ولا تبي تصيري ربه بيت .. انتي تحبي شغلكـ .. خلاص ارجعي
اسراء : لا بعدين تصير نيار احسن مني .. هيا الي جايبتلك البزوره وهيا الي جالستلك في البيت وهيا الي تطبخ وهيا الي كل شي ..
اياد يبوسها بقوه .. : والله لو نيار ايش سوت .. ما راح اشوفها احسن .. انتي سرورتي حبيبي انتي حتاوه القلب ياقلب اناااا ورح انا وكل شي
اسراء انشكحت : اجل شكلي من بكرا برجع لدوامي ..
: ايوااا يا قلبي والله حااسس بيكي طفشانه جلست البيت والشغل ماتنفعلك مو انتي اسراء الي حبيتها وابغاهااا ..
اسراء تقبص خدودو : طيب خلااااص لا تخليني البس واطلع دحين من الحماااااس
ضمها لو اكتررر : لا ياحبيبتي بمناسبه الترقيه المفاجئه الي جاتني .. قومي والبسي وخلينا نطلع ..
: نطلع فيننننن
: اي مكان
: طيب الكووب كيك مسويتو ليك تراني
: طبعا ليا اجل لنياااررر
دفتوو بخفه وضحكت : وجععععع
سحبلهاا المريله ورمااهاا : يلا يلا قومي نطلع ..
اسراء اتحمست : طيب طيب ..
طلعو علي الغرفه غيررو ملابسهم في غمضه عين .. ونزلوو ثواني كانو في السيااارهـ ..
اياد شغل الراديوو وطلعت لهم اغنيه قديمه مراا .. : يلا هادي اهداء مني
اسراء تكحكح : ههههههههه طيب طيب
: فين تبي تروحي وليش شكلك منكده ..
: اروح اي مكان ومنكده لاني جالسه لحالي في البيت من زمان ..
: امممممم ياقلبي
لفت علي .. ليش ماتخلينا نجيب بيبي طيب نحاول يا اياد مافي موشكله
ايااااد : الدكتور قال مو كوووويس يعني مو كويس ليش نخاطرر بصحتك
اسراء بزعل : بس انا ابغا بيبي يا ايااااد
: وانا ما ابغااا يا اسراء .. والله لو حملتي وصارلك شي حمووت انا والله اموووت ..
اسراء لفت عنو ومطت بوزها : الدكتور قال نسبه خمسين في الميه الخطررر عليااا
: ياااشيخه لو نسبه واحد في الميه ماراح اخاطرر فيكي .. خبله انتي انا اموت لو صارلك شي
: اياد بس انــ…
: سرررو قفلي المووضع حمل مافي انتهينا
اسراء بوزت من جد .. : طيب حتي انته تبغا بيبي
: اول كنت ابغا بس بعد ماعرفت الخطر الي عليكي بطلت ما ابغا اي شي في الحياه انتي تكفيني مرا تكفيني .. بعدين عندي اتنين من نيار مطلعين لي قرووون يكفوووو ..
اسراء والهرجه حازه في خاطرها .. : طيب خلي نيار تحمل وتديني البيبي انا ابغا اربي نونو يا اياد
اياد : حبيبي قفلي الهرجه
اسراء باصرارر .. : طيب كلم نيار يمكن ترضي
: طيب حكلمها بس قفلي دحين
يادوب خلص كلمتو رن جوالوو .. والمتصل نياررر : هيا خدي الطيب عند زكرووو
: الوو
نياررر : الو اياد فينك
: برا مع اسراء ليش ايش في نونا ..
نيارر شويا تبكي .. : اشسموووو تركي تراني مرا مسخن والسخونه مو راضيه تنزل لازم تجي ناخدو المستشفي ..
اياد انفجع : يوو طيب اجهززي دحين امرررك
: طيب بسرعه اياااااد
: طيب فوريره
قفل الخط ولف متوجه لفله نيااار الجديده الي اشتراها قريبه من فله اسراء مرا .. عشان لا يتعب في الروحه والجيه ..
اسراء : ايش في ايااااد
: تركي تقول نونا مرا مسخن وكدا ..
اسراء : ياحبيبي .. من شفتهم امس داخلين وطالعين من الموايا في دا الجوو قلت حيمرضوو
اياد : قد تركي لما يمرض مرا حالتو صعبه ..
اسراء : ان شاالله سلامتو لا تنفجعو انتو الاتنين
اياد من كتر حنوون .. من جد لو نسمه هوا قويه تمر علي عيااالوو يخااف .. : طيب طيب
وقف عند الباب وشاف احمد واقف بيلعب في الكوره عند الباب مع اتنين من عيال الجيران .. من شاف اياد مشي لعندوو : بابا ليش جيت ..
اياد ضمو علي خفيف وباس خدوو : مو قلت لك ماتلعب عند الباب ..
: بس مع الاولاد شويا ..
اياد يخاصمهم كولهم : قلت لكم تلعبوو في بيت اي واحد فيكم بس ماتوقفو في الشاررررع ..
احمد مط بوزو : طيب
اياد ياشرلهم علي حوش فلتو : يلا كولكم علي جوااا .. يلا
دخلو البزوره علي الحووووش .. واياد طلع علي الفله وهوا ينادي : نونا حبيبي نونا
نيار نزلت وشايله تررركي في يدهااا : ايوا اياد اهو جاهزه
اياد شال تركي وهوا يحس راسووو .. : يوو مسخن
نياررر : مرررا مدري فجئه ارتفعت السخونه كداا .. ماكنت بتصل بس مرا مريض الولد ..
: طيب يلا بسرررعه ..
نيار تصرخ علي الشغاله : انتبهي علي احمد .. والقدر علي النااااااارررر
الشغاله من جوا : حاااضر مدام ..
خرجو علي السياااره الي اسراء جالسه فيها بستنا ولين بكره وهيا تحس انو المفروض ماتكون نيار وعيالها في حياتهم هيا واياد .. لكن هيا السبب اولا واخيررر ..
وبدت تتقبلهم في حياتها .. وبالعكس البزوره مرا تحبهم وكنهم عيالهاا ..
اياد ركب وشغل السياره .. : يلا
اسراء : سلامتو يانيارر كلو بسبب السباحه الي امس
نيار : والله كدا الظاهررر .. الله يعين
: يلا مايشوف شر بساطه ان شالله ..
: ان شالله ..








~~~~~~~~
b3d sb3a snen
~~~~~~~~