رواية أطباء في الحب \ رواية حجازية

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

اطباء في الحــب \\ روايــه حجـازيه \\ بكيبوردي

للـكـآتبة قطعــــة شكلاتــه او (( kemo0 ))

حلم يتلاشى
~~
غيره قاتله
~~
مستنقع من الكذب
~~
أمال محطمه
~~
ورود ذابله
~~
حب خارق عن الطبيعه
~~
أنتظار طويل
~~
قسوة قلوب
~~
ضيآآآآآآآآآآآآع
~~
الآآم
~~
احــــزانـ
~~
خــــــــيآآنه
~~
والكثــــــــير الكثير مــن الدمــوع
~~

وهل سيجد اطبئنا العلاج لكل هذا .... ؟
أترككم مع روايتي التانيه .. ][ أطباء في الحب للكاتبه ][ ..
الكــاتبه .. ][ قطعة شكلاته ][ ..

~~~~~~~~
~~~~~~~~

.... سؤال يطـــرح نفــسو ....
من أنا" .. ؟
من اكون" .. ؟
ياترى هل أنا أبنك او شهوه من شهواتك وبعدها رميتني ......... ؟
حتى لاأجلب لك العار ....
أعذرني على وقاحة كلامي ولكن ليس هناك تفسير آخر يجعلني أتفهم تصرفاتك........!!
ياترى هل سيأتي اليوم الذي أسامحك فيه ؟؟؟؟

..................
.............

~~~~~~~~

A6baa fe al-7o0b

~~~~~~~~

رفع الكوب لفمو وشرب الكوفي الباقي دوفعه وحدهـ وكرمش الكوووب بعصبيه ورما علي سلة الزوباله

فرك وشو بقووهـ ..

مو مستوعب انو اليوم ملكه تسنيم ..

والي مو مستوعبو ليش مو مستوعب انو اليوم ملكة تسنيم ..

طيب اليوم بكره بعدو انته ايش خصكـ ..

اووووف ياللهـ ايش الشعور الغبي دااا

وقف واتوجه للشوباكـ .. رفع الستاره الخفيفه وجلس يتامل الناس الرايحين والجاين

والموظفين الي داخلين وماشين بكل عجله

والي بيطل في ساعتو والي بيشرب كوفوو .. والي مبتسم بيستقبل اليوم الجديد بكل انشكاح

اتنهد ودخل ايدو في جيبو .. اكيد مارح تداوم اليوم اكيد ..

رجع ينخنق من فكره انو اليوم ملكتهاا اصلاا ..

والي مضايقو اكتر . انو مضايق .. ومايعرف أيــش .. السبب حتـــي ..

سحب الاب كوت ولبسو بسرعه ورمي السمعات علي رقبتو وخرج من المكــتب اتوجهـ لدور الارضي وخرج علي برة المستشفي ياخدلو نــفس ..

لانو بختصار .. جدن . م خ ن و ق

وقف ثواني يتامل الناس وحاسس باحساس جدن ســـئ .. يعني احساس ماحد يقدر يتخيلوو .. مضايق لسبب المفروض مايضايق عشانوو

جلس يتسال بينو وبين نفسوو ..

مين تسنيم .. ايش تعنيلكـ تسنيم .. ليش مضايق لانو ملكتها اليوم .. ليش شويا تموت من الضيقه ..

انته ايش شعوركـ ناحيتهااا .. يالله تحبهاا .. تبغها .. ايش بالزبط ..

مر عليهم اسبووع كان احلي اسبووع ..

كانت تسنيم غــير جدن معاا .. وهوا غير مرااا ..

رجع غمض عينو واخد نفس عميـــق ويادوب فتح عينو الا انتبه لها جايا لعندو علي يدها الاب كوت وشنطتها الكبيرهـ وعلي فمها ابتسامه عريضه

كشر وميل راسو .. يحسب نفسو بيتخيلهاا ..

تسنيم وصلتلو : صباح الخير دكتور ماجد ايش بتسوي برااا ..

ماجد تنح لدقايق ومازل مكشر حواجبو : ......

تسنيم طلت في بستغراب وهيا تتحسس وشها : ماجد في شي

ماجد فاق من سرحانو وابتسم : تسنيم جيتي .. ؟؟!!

تسنيم تفرك خوشمها : ايوا ايوا جيت

ماجد صلح وقفتو : كيف مو قلتي مو حاضره والمكله وكدا ..

تهز كتوفها : مابغا افوت اليوم اجلس في البيت .. وبعدين مجهزه كول شي خلاص لو جلست بس حتسدح ..

ماجد بدو يطيرر من الفرحهـ : اممممم اها كويس نفطررر ..؟؟!!

مررت يدها علي بطنها : لا لا اخاف الفستان يصير ضيق عبال اليل ههههههههههههههههه

صح عبارتها جدن سامجه بس ماجد ضحك لضحكتها : هههههههههههه طيب

لفت علي المستشفي : حسجل حضور عن اذنكـ ..

ماجد : امم دقيقه لحظه تسنيم

ابتسمتلو : هااا ..

: امممم ايوا اشسمو .. اممم بعدين لو ماعندكـ شي دقيلي اوكــي

هزت راسها ؟: لا اليوم مرا بزززي تعرف رجعنا لقسم التنويم .. مرا ما اتوقع لكن لـ..

قاطعها : مو مشكله انا حمركـ او لو حسيتي انكـ تعبتي .. دقيلي .. اصرفكـ من مازن طــيب ..

رفعت يدها لفمها وضحكـت : دكتور مازن لا يسمعكـ قد صايره اخلاقو في رجلو ..

: هههههههههههههـ سكتنا

: بالاذن دكتور

: اذنكـ معاكــي ..

لفت وخشت علي المستشفي ونظرات ماجد تراقبهاا

زفر بطفش : مرا مايجي ..

انفجع لما سمع صوت مازن من خلفو : ايش الي مايجي .. صباح الخيرر

ماجد : بسم الله دوبنا بنحش فيكـ انا ودكتورا تسنيم

مازن ميل فموو .. وكمل مشي لجوة المستشفي ..

وخلفو وائل في ادنو سمعات الايبود ورايح جو مع الي بيسمعو

خشو علي المستشفي واتفرقو كل واحد راح يشوف امورووو ..

وائل اتوجه لقسم الباطنه بعد ماسجل حضوروو اتوجه للكونتر وهوا يطل في الساعه .. شويا حيجي مازن يبربر علي روسهم اكيد .. بخصوص اختبار الهيئهـ ..

وصل للكونتر وكان مزاجو جدن رايق لكــن من شاف اعناب جالسه مبوزه اتنرفز وعفارتو قامووو

اعناب من شافتو ماتدري ليش خاافت .. ولا الي عاملو عمله .. ؟؟!!!

وائل مترها من فوق لتحت شككها في نفسها اكتر من ماهيا شاكهـ ..

اعناب اتلبكت طوالي : اااا امممم

وائل ببرود : صــباح الخير .. يا وســخه ..

اعناب رفعت حوجبها بندهاش : واائل

: لا تناديني ياوسخه ياواطــــيهـ .. طيب .. سببتي لاخويا مشاكل في المستشفي وفي البيت مع الاهل لا وخربتي علاقتو مع ابوكي الي مارباكي .. وشوهتي سمعتو .. بدا الشي تحسبي انكـ خلاص فزتـي .. تراكـي ماعرفتي مين وائل يا اعناب يابنت يوسف

اعناب ادوها شويتين وتشوخ علي نفسها

: انا اناا وائل

وائل يقاطعها ببرود : اووووش انتي ياوسخه مالكـ حق تهرجي طــيب .. ؟؟!! والله ان ماخليتكـ تبوسي رجول مازن ماراح اكون وائل واتزكري الجملتين دي كويس .. طــــيب ..؟؟!!

اعناب وشها زرق .. : وائل انته انته ايش بتــ...

قطعت كلمتها لما وصلو كاسر وحسام وهما بيضحكووو زي المجانين ..

وائل اختفت الملامح الحاقده عن وشوو .. وحلت محلها اكبر ابتسامه : حساااااااااااااام هلا والله منور المستشفي ياشيخ ..

حسام سلم علي وائل ودق كتفوو : لا تحرجني ياشيخ ارجع بعدين ..

وائل : سلامات اسبوع يامفترري تكون والد واحنا ماندري كل دا عشان سخونه

حسام يكشرر ماتدري اني تعبان نفسياا اكتر من السخونه : مشي حالكـ ياشيخه الله لا يدوكـ المرض الي دقتو وربي جاتني ايام يدي يدي ماقدر ارفعها الحمد لله علي الصحه .. ترا ما اخدت اجازه من فاضي

وائل يمسد علي كتفو : الحمد لله علي سلامتكـ اجر ان شاللهـ

كاسر : حركات دكتورا اعناب بعد حاضرهـ هلا واللهـ .. اشلون ايدكـ الحين ازين ان شاللهـ

اعناب وشها مازال مخطوف ومزرق من تهديد وائل .. صارت تهرج هرج متقطع : بـ .. خـ ــ يـر حــ ــ د للـ ـه

كاسر مافاتتو ملامح وشها المخطوفه : دكتوره انتي بخير شنو في وجهكـ مصلح كذاا ..

حسام طل فيها : حمد لله علي سلامتك دكتروا اعناب كويس جات سليمه سمعت بالخبرر قريب والله

اعناب تهز راسهاا وتتحاشا تطالع فيهم : شكرن

كاسر يهز وائل : فيها شي صح .؟؟!

وائل بلا مبالهـ : ماعرف ايش يدري اهلي عنهاا اسالها

حسام يضيق عينو : انتي بخيررر

اعناب تهز راسها بسرعه : بخير بخير

حسام يدق كتف وائل : اممممممممم يكون في حساسيات بسبب الهرجه الي صارت

وائل ضغطو انرفع طوالي : أي هرجه ..

حسام يغمزلو ويرخي صوتو : يعني يو نو اخوكـ واعناب وسبب كسر يدهاا

وائل لف عينو علي اعناب بحقد ورجع طل في حسام : انته مو مريض ومخمدو ايش عرف اهلكـ ياخي

: ههههههههههههههه ابو كسره الله لا يحرمني منو

كاسر : هههههههههههه ولا يحرمني منكـ

وائل حس بدو يقوم يكفخ اعناب

حسام : امم ماعليكـ ياوئال لا تسوي خرق ضيق مهما صار احنا مالنا دخل انته تضل صاحبنا واعناب زميلتنا ومازن مشرفنا وعلي العين والراس

اعناب الهرج دا الي بينقال حسسها قد ايش هيا هبله .. وخبيثه ..

ووائل الهرج الي بينقال مخلي بدو يقوم يدبحهاا ويرح راسووو ..

جات تسنيم للقسم حاضنه ملف وماشيا بهدوء : صباح الخير دكتور مازن جاا

التفتو عليها كولهم وبصوت واحد : تسنيم

وائل فجئه : العروسه جت

تسنيم تميل فمها : لسا ماصرت عروووسه

كاسر مطيح الميانه : شنو جابكـ مو ملكتكـ اليله وكذا شنو جابكـ مو تنامين تزبطين روحك وترتاجين

وشها حمر : لا لا عادي انا اشسمو ايوا عاد ي

كاسر : شنو جابكـ

تسنيم في قلبها ياليل القافه مستشفتك وانا مادري ولا كــيف.. حبت تقطع الهرج : شكرن بس انا حابه اداوم .. بالاذن

لفت خلف الكونتر وجلست جنب اعناب وسكتت

صارو الشباب بيطلو فيهم بتعجب .. وكل واحد يقول في قلبو .. كيف انــتي وهياا

مهند دخل علي القسم .. واتلم الشمل اخــيرن ..

اتوجه للكونتر ومن شاف حسام قلبو صار يدق بــقوهـ

وحشوو .. ومقهور منو

اشتقالوو .. ويبا يقتلوو

حسو ضعفان ووملامحو مصفره والصقه المربعه الي علي جبهتو .. والي هوا سببها خلت قلبو كدا شويا يلين .. حس لوله انو يبا يكلمو يبا يفهم منوو ..

لكن لثواني يرجع يتيخل نفسو كلمو وسالوو ويتيخل حسام يجاوبو يقلو .. ايوا انا ضيعت اختك اسف ..

وقتها ياتري ايش حيسوووي .. عشان كدا يرجع ينفض الفكره من راسوو

وصلهم وحاول حاول يبتسم لكن ماقدر بسبب حساام ووائل الي المفروض انو اخووو اتسبب لاعناب

ببرود : صباح الخــيرر

وائل واعناب طلو في وبعدو يعونهم عنو

حسام تركـ المكان بسرعه كنو كهربا نفضتوو ..

كاسر وتسنيم الوحيدن الي ردولو ببتسامات صادقه : صباح النور ..

تكا علي طرف الطاوله الرخام .. وابتسم لاعناب لما شافهاا وناسي انو قفل اخلاقو عليها قبل شوياا

: عنوووشه ليكي وحشه ترااا

اعناب طلت في ولوت فمها : شكرن

مهند بتكشيره : لاا لا اشبو البوزر ممطوط كدا ..؟؟!!

اعناب تطل في وائل : ولا شي مهند ..

مهند استغرب طل في وائل ومترو من فوق لتحت ورجع لف علي اعناب : اشبكـ بقولكـ ..؟؟!!

قفلت الملف الي قدامها بعصبيه وخبطتو : قلت لكـ ولا شي يا مهند

مهند يرفع واحد حاجب : لا بلله .. ارفعي الملف واصقعيني

اعناب بدون مقدمات شالت الملف ورمتو علي مهند واتشعترت الاوراق في المكان .. : تقفل في وشي

اعناب ووائل وكاسر : ؟؟؟؟!!!!!!

مهند يرمش بفهاوهـ : اعناب ؟؟؟!!!

اعناب حطت راسها علي الطاوله وبكيت .. طبعا مو عشان مهند قفل الخط في وشها .. تحس نفسها خايفه موت من وائل .. خصوصا عارفه نفسها انها هيا الغلطانه .. وهيا الكدابه وهيا الوسخه ..

مهند هز يدها : اعناب من جدكـ

كاسر: انا قايل فيها شي

تسنيم تهزها : اعناب صلي علي النـــبي .. ؟؟

دفت يد مهند وتسنيم ورجعت صرخت : ابعدو عنني .. مافيا شي مافياا شـــي ..

دخل مازن علي صرخه اعنـــــــابـ .. وعلي طول اتنرفز هوا التاني ..

اليوم العالمي للمزاجات الخايسه علي الصابح ..

وصل للكونتر وطل في القروب وهوا كاره كل المستشفي بمن فيها وما فيهاا من بعد هرج اعناب

اخيرن ركز نظراتو عليها والدموع في عينهااا : لو سمحتي لما تكوني في بيت ابوكي .. تصرخي كدا انت دحين في مستشفي فااهمه

اعناب بلعت ريقهاااا : طــيب

مازن يلف عينو عليهم : مو شايف حسام .. مع انو سجل حضوور

كاسر : امم موجود هو علي الكونتر بقسم دال ..

: روح نادي بســرعهـ ..

كاسر يكره احد يتامر علي لو فمو : زين دكتور ..

راح ينادي حسام والقروب كولهم واقفين وكل واحد علي وشو ملامح ما تتفسر

الي مضايق

والي طفشان

والي قلقان

والي قرفــان ..

مازن ماكان ناوي يتكلم لكن لما شاف تسنيم استغرب : مو طلبتي اجازه اطراريه امس عشان ملكتك اليوم

زفرت ياليل ملكتي اشلهم دخل دول : ايوا بس حضرت

ما اهتم لها ورجع ركز نظراتو علي اعناب الي وشها مخطوف وعيونها محمرهـ

ماقدر يمنع نفسو يتسال .. اشبها ياتري ايش صايرلها ليش بتبكي .. يكون وائل رامالها كم كلمه تسم البدن .. يكون حسام مضايقها .. يالله اشبهاا

نسي نفسو وهوا بيتاملها .. نسي افكاروو نسي كل شي .. لوله حس انها وحشتو .. ملامحهاا .. هروجها .. وحشتو .. اسوبع عنها .. مرا كتير

اعناب لاحظت طلاتو في البدايه كانت حقد .. شويا اتحولت لتسائول .. لكن دحين ايش تبا طلاتو ماهي عارفهـ ..

الشي الوحيد الي عارفتو .. انها بالكلام الي طلعتو علي راح تندم ..

جو كاسر وحسام وانضمو للقرووب ..

مازن : الحمد لله علي سلامتك يا دكتور حسام ..

حسام يمرر يدو علي جبهتوو : الله يسلمكـ دكتور شكرن ..

رجع طل في اعناب وماكان ودوو يقلها لكن ماقدر يمنع نفسوو .. : الحمد لله علي سلامتك يادكتوره اعناب

كولهم استغربوو لانو سالهااا وكل مين فكر بافكارو

الي قال يحاول يزبط وضعو

والي فكر انو يحاول يشيل التهم عن نفسوو

اما اعناب تنحت في وماقدرت ترد

مازن لف عينو عنهاا وطل في القرووب

: اول شي دكتور حسام ودكتورا اعناب .. اصحابكم انضغطو الاسبوع الي فاتـ .. واستفادو كتير .. وانتو العكس عشان كدا حتخذ معاكم اجراء حوضحلكم هوا .. اوكــي

هزو روسهم بدون ماينطقو

: نجي للجد .. طبعا دخلنا اخر شهــرين في التدرريب .. طلعو كل طاقتكم .. كل الي تقدرو علي .. استفيدو قدر الامكان .. كل الي تسوي في صالحكم وحيفيدكم انتو في اختبار الهيئه ..

كل واحد يحط في بالو الشي داا ..

كاسر متحمــس .. : زين دكتور شنو بعد ..؟؟

مازن مخطط علي كلام كبير وعلي حجات كتيره .. بس مو قادر يتجاهل وجود اعناب ولا قادر يهرج وهيا موجودهـ

عشان كدا اتنهد : ايوا يس كذاا دا الي عندي دحين .. اتفضلو علي عند دكتور مروان .. بيبداء معاكم الراواند .. اتفضلوو

القروب حسو انو الكلام مرا قليل صارو يطلو في بعض ويهز كتوفهم

مازن : بقلكم اتحركو هيا اتفضلو .. ولا اطلب احد مايجيني في خمسه ثواني فاهمين

اتفرقو وكل واحد يهمهم علي كيفو .. الي معترض والي متعجب

راحو كولهم ماعادا وائل الي لف علي مازن ومسكو من كتفو : هي اشبكـ

مازن يفرك جبهتو : ماني قادر امسك نفسي ابغا ادبحها

وائل يغمزلو : سيبها عليا الواطيه

مازن اتزكر : صح اشبها كانت بتبكي

وائل يضحكـ : رميتلها تهديد كدا خليتها تفكر تندم علي الكلام الي قالتوو

مازن بسرعه : ايش قلت لها اتكلم قولي ..

وائل يطل في ساعتو : ولا شي مو مهم بس كلام كدا حمشي دكتور مروان لا اتاخررر

قال كلامو بسرعه ومــشي .. ومازن وقف واتنهد بياس كان مرتاح من وشها اسبوع دحين لما طلعتلو تاني اتفجرت كل مشاعر الكره .. الحقد .. القهر .. الشوق يمكن كمان .. ؟؟!!

~~~~~~~~

A6baa fe al-7o0b

~~~~~~~~

~~~~~~~~

A6baa fe al-7o0b

~~~~~~~~

محاضرتها الساعه تــسعه ومنستره في القاعه لحالها وفي ادنها سمعات الجوال طبعا

اغنيه ورا اغنيه .. وهيا ولا هي هنااا ..

طبعا كنا عارفين افكارها فين وبتفكر في أيـــش ..

نفسها ومني عينها تعترف لمهند بكل شي .. بس خايفه خايفه موت منوو .

يجلس شاكك انو حسام الغلطان ويخسروو ولا تطيح من عينووو .. باي شكل من الاشكال

ولا يعرف انها حاولت تفرق بينهم .. وانو بسبب افكارها الهبله صارت في غرفه حسام وكان ممكن تضيع نفسهاا بسبب غبائها

مهند لازم مايعرف أي شــي .. من دااا ..

كدا الوضع احسن بكتـــيرر

دخلت ندي القاعه وشافت حنين مسرحه وواصله الصين

وصلت لعندها وباستها وضمتها بقووووهـ : تراا مرا وحـــشتيني .. طيب مرا وحشــتيني ..

حنين حاولت تضحك لكن ماقدرت : ياماما كل يوم بتنقزيلي البيت بلا بكش

ندي جلست جنبها : ياعبيطه وحشتيني في الجامعه يعني بشكلك المرتب والمكشخ ولبس الدوام كدا فهمتي .. ليا كم يوم بشوفك مطرحه وحالتك بالهم

حنين : اووهـ لا تزكريني يادوب اتحسنت نفسيتي ..

: لا معليش حزكرك وحقلك لمره المليون لازم تفهمي مهند كل شي حرام الي بيصير بينو وبين حسام واني بتتفرجي كدا بكل لؤم

حطت يدها علي راسها : انا لئيمه خلاص اتركيني .. الله يخليكي لا تنكديني انا جيت عشان انسي

: لا حبيبتي مارح تنسي والله ترا مرا حرام الي بيصيرررر لحسام ومهند .. وانتي شوفتي بنفسكـ قد ايش حسام خاف عليكي زي اختو لما عرف انكـ انتي .. وقد ماوصلت في وساختو مالمسك ولا قربلكـ حرام عليكي

تهز راسها بقوه ماتبا تحس بالذنب .. لانها لو بدت تحس بالذنب حتروح تقول لمهند كــل شــي ..

: لا مافي خلاص اسكتي ندي اسكتــي ..

ندي سكتت وهيا تفكــر : طــيب ماشي ..

حنين : اممممم ندوش جمانه الهم وصحباتها اساس البلا الي انا فيلو فينهم ايش صاير عليهم مالهم حس

ندي حطت يدها علي فمها وشهقت : مادريتي

: لا ايش صايررر

: اجوان مادري صارتلها مصيبه كبيرراااا يقولوو واختفت هيا واختها من يومهااا

: مصيبه ايش يعني

ندي تتف من فمها : ماعرف استغفر الله مابغا اهرج فيها يقولو اتوسخنت مع واحد وهيا حامل دحين

حنين كشرت : استغفر مين قال الكلام الفاضي دا

: ياماما تفاحه بنفسها قالت لي علي كــل شي ..

: اما اما تفاحه وربي انها نزله اجل تهرج في صحبتها

: تفاحه دي مالها صاحب ياشيخه الموهم والله دا الي قالتلي علي ..

حنين ماتصدق الهروج الي كدا سلكت لها : اها طــيب طيب الله يستر عليها

: بعد الي سوو فيكي تقولي يستر عليهم الله يفضحهم يارب

حنين بلا مباله : مع نفسهم ربي ينتقم منهم

ندي رجعت لنق : وماتخافي ربي ينتقم منك علي الي بتسوي في حسام تخيلي دعا عليكي وهوا مظلوم انتي ظالمتو ومهند كمان ..

حنين دفتها : اقول حلي عني ياشيخه ولا قفلي حلقك بلا قلق زايد بجد مو ناقصه انا

ندي عصبت منها وسكتت : ......

جلسو ساكتين فتره اخر شي حنين نزلت السماعه عن ادنهاا ووقفت نفضت التنوره بعصبيه : بروح اشتري شي اشربو تبي شي

ندي بدون ما تطل فيها : مويا

حنيين خرجت محفظتها من الشنطه وفي ثواني خرجت

ندي حطت يدها علي خدها وزفرت .. ياربي كيف اقنع الادميه دي الي موخها تكروني .. اشبها كدا في راسها الف جزمه قديمه .. عبيطه دي ماتعرف الصح من الغلط .. شكلو كدا لازم ادخل انا في المووضع ..

بس ياتري ايش اسوي كيف ادخل اوف ياااربي

شويا انتبهت لجوال حنين وبدون مقدمات شالتو ونزلت بالاسماء لين وصلت لنك حسام الي مازال مسجل باسم معتزز

اخدت الرقم وحفظتو عندها بسرعه وبدون مقدمات ..

ايش حتسوي بالرقم .. هل حتستفيد منو .. ماتدري عن شي ..

لكن الخطط جايا في الطــريق

بعد دقايق خشت حنين علي القاعه وهيا ميته ضحكـ : ندوش ندوش تخيلي مين قابلت

ندي صلحت جلستها واتحمست : مين ايش في ليش بتضحكي

حنين : ههههههههههههههه قابلت تفاحه ههههههههههههههههه

: طيب ايش الي يضحكـ ..

: هههههههههههه تقلي سامحيني علي الي سوتو فيكي .. الله يخليكي مابغا يصيرلي زي ما صار لجومانه واختها .. ههههههههههههههههههـ منتهيه الادميه دي

ندي تشمق : وايش الي يضحك في الهرجه

: اقولك تقلي سامحيني ومدري ايش لا وحكتني علي الي صار لاجوان وربي مالها صاحب ..

ندي : مرا مالها صاحب .. ولا احد يفضح اصحابو كدا

: ياشيخه الواحد من يسمع اسمها المفروض يفكر ما يصاحبها ابدن ههههههههههههههههههههه وربي شخختني ضحك توحفه لو تشفيها كيف تبكي وتكلمني

ندي : خلاص مافي شي يضحكـ

: علي قولكـ مسكينه

: بعد كل الي سوو فيكي تقولي مسكينه

رفعت يدها بلا مباله : مسكينه والله جد مسكينه مااعلينا غيري الهرجه اسمعي ساعديني

: في ايش

: ابغا اسوي شي كدا اغير روتيني .. ابغا اسوي شي جنوني

: كيف يعني

: ابا أي شي يخرجيني من جو البـــيض داا .. عرفتي

: اهااا قومي نديت

خبطتها بالملزمه : نديت في عينكـ اقولك شي عدل

ندي بجديهـ : اوكي اسمعي .. خليني انا افهم مهند كل شي .. وصدقيني حطلعك انتي وحسام بريئين حزبط الحكايه بحيث تطلعو كولكم بريئين وكلكم ضحية جمانه الكلبه

حنين زفرت : اوف منكـ ماتفهمي انتي قلت لكـ لا يعني لا مهند ماحيعرف بشي فاهمه

ندي : حرام عليكي

حنين شالت اغراضها وقفت : ياشيخه من الي يجلس معاكي بقره

: انتي البقره وجع

حنين : وجع في شكلكـ قلق وربي

ندي هيا التانيه شالت اغراضها : انقلعي عبيطه ماتفهم

اتوجه لباب القاعه وخرجو وكل وحده لفت في طريقهااا

خلاص اعلنو الحرب علي بعـض ..؟؟!!

~~~~~~~~

A6baa fe al-7o0b

~~~~~~~~

~~~~~~~~

A6baa fe al-7o0b

~~~~~~~~

دخــلت الكوفــي وهيا متحمــسهـ .. تشوف حسان ..

من عرفت انو مريض ما تركتوو .. وهوا مرا اتغير معاهااا .. وامورهم دحين اكتر من سمن علي عسل ..

رفعت النضاره عن عينهااا واتلفتت يمين ويساااار .. تدور علي

شافتو علي وحده من الطاولات وقدامو بنت بحجابها الي الاوانو توجع العين علي الصباح ..

استغربت وكشرت حواجبهاا .. مين دي ايش بتسوي قدام حســان ..

خدودها حمرت .. يمكن اختو يبا يعرفني عليها .. يمكن بدا يفكر بجديه ويمكن ويمكن

كل فكره كويسه جات في بالهاا ..

حسان انته لها ابتسم ابتسامه رهيبه : هدوووووبه انا هنااا ..

مشيت لعندو وهيا تصلح طرحتها ونظراتها ينقط منها تساؤول

وصلت لطاولتهم وطلت في البنت طله سريعه ورفعت عينها لحسان : صباح الخير

حسان يرفع رجلو علي التانيه : صباح النووور اتفضلي استريحي ليش اتاخرتي

كشرت اشبو يهرج كدا زي ايام اول : ما اتاخرت انته الي جيـ ..

قاطعها : اجلسي اجلــسي .. خلاص

طلت في بتناجه وجلست وصارت تقلب نظراتها بينهم وهيا في قمة تعجبها

حسان قرب لطاوله : اكيد بتتسائلي مين هاادي

اهداب تبتسم : ايوا مـ..

رجع قاطعهاا : اهداب تحبــيني .. ؟؟

اهداب استغربت سؤالوو وصارت تطل في البنت بتعجب : ....؟؟؟

حسان يكرر : اهداب جاوبيني بسرعه : تحبيني .؟؟!!

هزت راسها وهيا متعجبه : ايوا اكيد

: قد أيــش ..؟؟

: احوبك يا حسان .. ايش في ومين دي

البنت تضحكـ ضحكه مستفزهـ : الي بعدو ياحسان

حسان يغمزلها : اهداب كم مرا تركتكـ ورجعتيلي وكم مرا تركتيني ورجعت لكـ

اهداب وصل التعجب حدو عندها : ايش في حسان

: يوو جاوبيني

: كتير ماعرف كم بس كتيرررر

: اهاا طــيب حتي انا ماعرف

البنت اشرتلو : لا لا كدا ماتفوززز

اهداب : ..؟؟؟!!!

حسان : ياخي مو فاكرين يووو علينا

اهداب : حسان ايش في ؟؟ ومين دي وايش بتقولوو ..؟؟!

حسان : ولا شي خلاص اهداب خلص الاسبوع علي خيررر وووووو

البنت طلعت لو الشيكـ وهيا تضحكـ : وفزت وفزت

اهداب : ..!!!؟؟

حسان يسحب الشيك ويشم ريحتوووو : لا عاد تتحديني تاني

كشرت : خلاص مارح اتحداكـ ابدن انته الخطيررررررررررر ومافي منكـ

حسان : طيب خلصنا نطلب شي نشربووو

: هههههههههههه علي حسابكـ

: اكيد اجل علي حساب مين ..

اهداب بطل فيهم ومن قوة التناحه مو قادرهـ تهرج .. : ...

حسان نادا علي الجرسون .. وطلبولهم كروسن وكوفي .. وناسين وجود اهداب خير شــررر

شويا التفت عليها ومثل انو متفاجء : انتي هنا ..؟؟!

اهداب ترمش بفهاوهـ : حسان انـ

وقف وسحبلها الكرسي : خلاص ماما هيا اتوكلي علي الله قلت لكـ خلص الاسبوع علي خيررر ..

: انا .. انته .. ايش في ايش بيصيررر

حسان مسكها من كتوفها ووقفها : مافي شــي .. بس موزتي ماكانت مصدقه قد ايش انتي تحبيني .. واتحديتها انكـ تحبيني وتعشقيني .. وبس بمكالمه مني اقدر ارجعكـ لا واخليكي معايا المده الي ابغها وبس وفزت في التحدي

طلت في كدا وشويا حست انو بيغبش .. لا لا مو هوا بيغبش هيا بتبكي .. ايوا عيونها بدمع

: حسان انـ

: اممممم ادري انكـ تحبيني واسوبع ماشبعتي مني .. لكن ماحبيت اتحدها اني اخليكي معاياا شهر .. تروحج تتعلقي في بزيادهـ يعني لصالحكـ في الاخير

: يعني انته مو مريض

كشر وعفس ملامحو : اعوذ بالله اللهم متعنا بابصارنا وقوتنا ابدن ما ابقيتنا .. يارب لك الحمد علي الصحه والعافيه .. توف توف عليا الله يحميني

اهداب مرا مو مستوعبه فجاءهـ ضحكت : حسان لا تمزح معايااا

البنت ضحكت ضحكه غبيه : لاااااا حسان وربي ماكنت مستوعبه قد ايش هيا تحوبكـ اما لا تمزح تقولك

اهداب بس ضحكت الادميه دي خلتها تستوعب انو حسان بيتوسخن عليها زي ما اتعود لا اكتر ولا اقل .. وعمرو ماراح ينعدل ..

حست نفسها غبيه .. جدن .. قدرت تمسكـ نفسها عنوو كل ديكـ المده .. جابت رائد معها عشان يساندها .. لكــن من كدب عليها كدبتين ضعفت وزي الهبله رجعت ارتمت عند رجلينو ولا كانو ساوا فيها البهدال ..

فاقت لما حسان رجع مسك كتفها ولفها ودفها بشويش علي قدام : روحي خلينا نعرف نفطرر ياشيخه

لفت وطلت في طله اخيــرهـ .. وجرت رجولها جر خرجت من الكــوفي

وقفت علي الرصيف وسيبت دموعهااا تدحدر وتركت شهقتها تعلااا

ويتكرر الموقف للمره المليوون ..

دايم يخذلها

دايم يذلها

دايم يجرحهاا

دايم يبكيها

دايم يقهرها

وكل مره ترجعلو زي البزره الي ماتفهم

رغم انها عارفتو .. وعارفه حركاتو .. خابزتوو .. وعاجبنتو .. وكل مره ترجعلو . تعرف انها حتنجرح منو جرح اقوي واكبررر

ياربي ايش الادمان دا الي هيااا في

متي تقدر تنتهي من ادمانها بحسان .. متي حتنتهي .. متي حتفوق لنفسهااا

غمضت عينها بقوهـ وبكيت ..

خرجت جوالها وهيا تشهق من قلب .. وكل مين مر استغرب لوضعها .. واقفه في دي الشمس وتبكي ؟؟!!

نزلت بالاسماء لنك زهاد .. تبا تكلمها بس عارفه انها حتتهزء منها

نزلت لنكـ رائد وجلست تطل في وهيا مترددهـ تكلمو ..

في جــه تانيهـ .. رائد جالس في الاوتيل وقدامو البلاستيشن .. وبيلعب مع نـفسو ..

وكل شويا يطل في الساعه .. ويحسب قد ايش باقي علي موعدو عند الدكتــور ..

لما رن جوالو اتحمس مرا رما ايد البلاستيشن ورد : ايوا ابو كسره دوبني افكر فــيكـ ..

اهداب تشهق : رائد

رائد بتعجب : اهداب شنو فيكـ

اهداب مو قادره تهرج : انا ايو اشسمو حســ ـــ ـــــ ـــــ ــان ..

يادوب قالت اسمو ورجعت تبكي من اول وجديد

رائد ما نسي حركتها معاا : شنو فيكـ تكلمي زين ولا بقفل

اهداب مو قادرهـ تهرج حتـــي .. : انا حسان هوا ماعرف كيف اقولكـ ..

رائد اصلا اصلا مقهور منها : لا عرفتي شنو تبين تقولين كلميني زين سلام

قفل الخط في وشها وهوا معصب : الحين تبكين وتشكين من حسان .. ؟؟!! .. مع نفسكـ بقوهـ

قفل البلاستيشن .. وشال مفاتيحو وقرر يروح لدكتور من بدرري ويجلس في الانتظار يتفرج علي الرايحن والجاين ماعندو أي موشكله

نرجع لاهداب الي مازلت منهارهـ بكي وماهي عارفه فين تروح ولا ايش تسوووي ..

اتصلت علي سواقها جا واخدها وماشي بهدوء جدن في السيارهـ ..

: مس وير دو يو وانت تو قوو

اهداب بس تبكي وتشهق .. وتهمهم كلامات مو مفهوهمـهـ .. : شوت اوب

شالت كوكو في حضنها وصارت ضامتو بقوهـ لهاا .. اجل مالكـ الا الكلب حقكـ يا هدوبه

والله حرام الي بيصير .. يارب ساعدني اشيل حسان من بالي ومن فكري يارب ياعدني .صارت تردد الدعوهـ وتبكي

فجئه اتزكرت عمها .. بس هوا دا الي تحتاجلو هوا دا .. وبسرعه شالت الجوال وطلبت رقموو ..

معتصم بهدوء علي استغراب : ايوا نعم اهداب

اهداب تحاول تتمالكـ نفسها : انته في العـــيادهـ ..؟؟!!

مازال متعجب من اتصالها .. : ايوا في شي ..

: ممكن اخد موعد ودحين ممكن ابغا اجيك دحين دحين ممكن عمو

استغرب اشد الاستغراب : فيكي شي يا اهداب ابوكي فيلو شي .. ايش الهرجه

: ايوا عمو .. لا لا بابا بخير .. انا انا عمو بجيكـ كمريضه كمريضه ساعدني الله يخليك ساعدني

: ايش كيف مريضه بسم الله اشبكـ .. صاير شي في شي ..

رجعت تبكي بنهيار : ايوا عموو في شي الله يخليك ابا اجيك عموو الله يخليكـ ابا اتكلم مع أي احد

عمها انفجع من اتصالاها اولا لانهم شبه متاطعين بسبب المشاغل .. ومفجوع من حالتها وبكاها

ردلها بسرعه : اوكي تعالي بسرعه يا بنتي ..

: انا في طريقي طــيب عمو مارح اطول

: طيب وهدي نفسك يا اهداب هدي نفسكـ ..

: طيب عموو ..

قفلت الخط وتكلم كيا : علي عيادهـ عمي معتصم .. في الـ ..

: اوكـ مس

حاولت تمسح دموعها الي بتنزل بغزارهـ : طــيب .. يا حسان طيب .. طيب ياحسان طــيب

~~~~~~~~

A6baa fe al-7o0b

~~~~~~~~

~~~~~~~~

A6baa fe al-7o0b

~~~~~~~~

نرجع لمستشفتنا الحبـــيبهـ ..

ونروح للاستقبال بالتحديد ..

الرجال بستفسار : طيب ممكن اعرف المواعيد .. ؟؟!

زهاد تطل في ومبلمه : هااا ..

الرجال عصب : لو سمحتي من اول اكلمكـ وانتي مو معي ..؟؟

زهاد فاقت ورجعت تكرر : ها ايوا سوري سوري اسفه

رهام تطل في زهاد وهيا تتافف .. وبعدين مع الادميه دي : لو سمحت اتفضل هنا اقدر اخمدكـ ..؟؟

الرجال طنش زهاد وصار يتكلم مع رهام

زهاد مستغربه من نفسها .. بالها مع كاسر من الصباح .. ولدحين ماشافتو .. اوف فينو

بس تستنا يبان ويظهر عشان تطلع الحليب وتقهرووو ..

حطت يدها علي خدها : اوف طب لو ماظهر يالله أيــش الحــل .. اوف ياربي

خرجت المرايه وتقلت الروج الي حاطتوو ..

وقفت وشالت السله : رهام انا شويا راجعه

رهام بدون ما تطل فيها : وجودكـ زي عدمكـ

زهاد بشر : عيدي

رهام تعيد لها : قلت روحي وجودكـ زي عدمممممكـ

زهاد : هي هي اعرفي بتكلمي مين وربي لطيركـ من هنا

رهام : اقول مو قلتي ماشيا يلا روحــي

زهاد تحط يدها علي وسطها : اعتذري بسرعه

رهام ترفع حواجبها : نعم ايش اسوووي

زهاد بقوول اعتذررري منـــي ..

رهام برود : اسفه طيب ..؟؟ روحي سيبيني اشوف شغلي

زهاد ما حبت الامور تعدي كدا ببساطه .. لكن قررت تاجل الهرجه دي لوقت تاني

دحين بتروح تشوف كاسر الي وحشها ولا بين ..

خرجت بعد ما رمت لرهام طله مليئه بالحقد والكــرهـ .. اتوجهت للمصعد ..

يادوب انفتحت البوابه شافت في وشها حسام

ابتسمت وخشت : سلام عليكم دكتور حسام حمد لله علي سلامتك

حسام بتعجب : ماشالله مافي شي يتخبا في دي المستشفي

زهاد تضحكـ : يب وصلنا خبر انكـ مريض .. عدوينكـ ان شاللهـ ..

: ههههههههههه تسلميلي ..

: امممم وكـيفكـ دحين ان شالله احسن

حسام يفركـ صدروو : اكيد بخير ولو مو بخير اصير بخيررر .. انتي كيفكـ .. اسبوع ما اصبح علي فيسكـ في شي ناقص

زهاد ترفع حواجبها : يابكااااااش ..

: هههههههههه لزوم التسليكـ

زهاد ماتت ضحكـ : وتعترف ههههههههههههههههههــ

حسام : صريح شوفتي كــيف ههههههههههههههههههههههههـ

وقف المصعد وانفتح وهما بيضحكوو .. وميتين علي نفسهم

كاسر والي كان واقف بيستنا المصعد عشان ينزل يشوف زهاد كشر لما شافهم بيضحكو كدا ..

زهاد من انتبهت لو اختفت ضحكتهاا : دكتور كاسر

حسام : ههههههههههه ابو كسرهـ

كاسر يطل في حسام بلا مباله ويرجع يطل في زهاد بتهديد ..

زهاد ركبها خوف مو طبيعي من طلاتووو .. خصوصا كافشها تضحكـ مع حسام مرا لاااا

حسام : كاسر اشبك ياواد بطلطل كدا

كاسر : انت شنو فيكـ مو رايح تدخن . شنو طلعكـ مرا ثانيه

حسام : ههههههههههههه خشت زهاد واتحمدتلي علي السلامه واخدتنا الهروج زي ما انتا شايف وما اصحا علي نفسي الا وانا فوق مرا تانيه ههههههههههههههه

كاسر يغضغ نفسو : هه هه هه هه والي صاير حده يظحك

حسام كشر : اشبكـ يابويااا

كاسر دخل يدو وسط جيب المعطف بعد ما رما طله اليمه لزهاد ولف عنهم

زهاد خرجت بسرعه وراااا : دكتور كاسررر

حسام : سلامات

رجع دخل المصعد ونزل

اما كاسر داعس ولا ناوي يرد علي زهاد بالمــرهـ .. قاهرتوووو جدن .. ايش التسطيح دا الي بتسطحوو خيررر لا مرا خيـــررر

زهاد سرعت خطواتها ومسكت يدوو : هي وقف اجري وراكـ انا

طل في يدها الي ماسكه يدووو ورجع طل فيها وهوا رافع واحد حاجب

زهاد خافت تركت يدوو بســرعه : اسفه اســفه

كاسر : شنو تبين ليش تركظين وراااي

زهاد حستو زعلان ومعصب بسبب تصطيحها مع حسام : انا انا ايوا اشسمو

رفعتلو السله بسرعه .. رغم انها ماكانت ناويه تديلو حليب : جبتلكـ داا

كاسر يطل في السله بلا مبالهـ مابيه انا قلت لكـ ابي حليب

زهاد بدهشه : اممم ايوا انت قلت لي كل يوم جيبي معاكي حليب

: لا ماقلت كذا .. والحين مشغول بالاذن ..

مشي وتركها مندهــشه مرااا ..

قص الفله وصقع راسو في الجدر : حليب حليب حليب .. ابي منه ابي منه يالله شنو الي قلته يا كاسر كان خذيته وبعد كملت زعل منها

رجع عصب : لا خليها اجل تظوحك كذا ع الي مايتسما ذااا ..

زهاد عصبت ورجعت لرسبشن وراكبها الف عفررريت .. جالس يكدب عليا شهور الحيوان وماعصبت علي كدا .. ودحين يجي يمشي وينطنشني .. خيرر مني الهبله انااااا

جلست علي الكرسي بعصبيــهـ .. وخرجت لها كوب وصبت حليب ومن كتر معصبه شربت بسرعه

بلعت الحليب وصرخت : ااااااااه اح اح اح

صارت تهف علي فمها بيدها : اح اح اح

رهام شالت الورقه تهف : اووووف اووووووف

بعد فتره سكتت ومسكت فمها .. وجعععع انحرقت بسببك جاتكـ نيله ياشيخ ..

فوق كاسر بيروح ويجي في الممرر .. زمان عن الحليب .. يوم الحفله اخر مرا شربووو ..

مرا مشتهي مرااا .. صار يمرر لسانو علي شفايفووو بتلذذ .. مو قاادر يقااوووم

فرك يدينو في بعض وصار يهدد نفسو بصوت مسموع : موب نازل لها تاخذ حليب .. مو ناززززل

مشي لجهة المصعد وهوا يهدد نفسو : كسور ارجع ارجع موب نازل لها موب نازل ..

دخل المصعد وفي ثواني كان في الدور الارضي .. ومازل يكلم نفسوو : موب رايح تاخذ حليب انت بتناظرها بس يمكن ازعلت او شــي ..

اتوجه لرسبشن وبالفعل شافها حاطه يدها علي فمها وبتهز رجلها بعصبــيهـ

قبل لا يتكلم رهام ابتسمت : دكتور كيف اقدر اخدمك

كاسر طنشها وبيطل في زهاد يستنها تنتبهلو .. ومايدري انها سرحانه بتفكر فيلو ومعصبه منوو

طل في كوب الحليب قدامها وكيف البخار بيطاير منو

مد يدو بدون مقدمات وشال الكوووب

زهاد فاقت وانتهتلو : كاسر

رفع اصابعو لفمو : اوش اسمي دكتور كاسرر ..

زهاد وقفت ومسكت الكوب من يدو : كوبي

: اتركي زين

: كوبي انته الي اتركوو ..

كاسر ضاغط علي الكوب بقوهـ : اتركي زين لا تعصبيني

زهاد هيا كمان ماسكه الكوب : ماااني حقــيييي

كاسر عصب : اتركي زين اتركي زهاد اتركي الكوب

زهاد معصبه منو اكتررررر : انته الي سيب اترك حليبي مو تقول ماتبغا سيبني سيبني

رهام وقفت : لو سمحتو وراكم ناس دكتور كاسر معليش

كاسرر التفت طل في الناس الي واقفين بلا مباله ورجع يركز نظراتو علي زهاد : اتركي زين

زهاد ماكنت تبغا تتركو بس يدها حرقتهااا سيبت الكوب وبعدت علي وراا

كاسر من طرف خشمو : هاتي السله بسرعه بمشي

زهاد ترفع حواجبها بدهشه : لااا بله ..

كاسر يطل في الناس ومن بين اسنانو : زهاد اخلصي علي وراي خلق تبي تشوف امورها وبشوف اموري

بصوت راخي : مو قلت ماتبااا

: الا ابيه زين هاتي بسرعه يالله شنو فيكـ

رهام : احم لو سمحتووو مايصير كدا اتفاهمو بهدوء بعيد عن هنا

زهاد وكاسر بصوت واحد : مالكـ دخل .. .. !!!

رهام انكمشت ولفت تكمل شغلها .. نفسيات دول الاتنين وطول عمرهم نفسيات .. تموت وتعرف ايش بينهم .. ؟؟

زهاد جلست علي الكرسي وطنشت كاسر : والتفتت علي الحرمه الي واقف : كيف اقدر اخدمكـ

كاسررر طرطع منهااا .. لف بسرعه وفي ثواني دخلها جوااا .. واتقدم لين وصلها .. شال السله وطل فيها كدا من فوق لتحت : باخذها غصب عنكـ ..

زهاد وقفت بسرعه ومسكت السله تسحبها منو : ماراح تاخدها طــيب ..

الناس بيطلو فيهم بكل تعجب .. لا من جدهم دول بطولهم وعرضهم بيتصرفو كدا في المستشفي ..

كاسررر حط الكوب علي الطاوله ومسك طرف يدها الي ماسكه السله بيها وضغط عليها باقوي ما عندو : اتركي زين ..

زهاد شهقت وتركت السله : آآهـ ..

مسكت يدها بسرعه تفركهاا : اااي أي

كاسر طنشها وخرج بسرعه بعد ما شال كوب الحليب ..

زهاد نسيت المكان والزمان : وجع فيك وجع مرااا ...

رهام والكم شخص الي واقفين : ؟؟؟!!!!!

~~~~~~~~

A6baa fe al-7o0b

~~~~~~~~

~~~~~~~~

A6baa fe al-7o0b

~~~~~~~~

خـرجت من عند المريض وحاضنه الملف والجوال علي ادنهاااا

: اممم يب قلت احضر لانو ماعندي شــي ..

يامن بزعل : ورحــتي مع مين ليش ماكلمتيني يا تسنيم

ميلت فمها : اممم لاني قولت لكـ ماحداوم خوفت اكلمك وازعجكـ

: اما تزعجيني ترا مابيننا ازعاج يا تسنيم .. انتي بكرا زي دا الوقت حتكوني مرتي برضو حتقولي ازعجك وماعرف ايش

بطنها مغصتهاا : لااا اشسمو سوري اوكـ مرا تانيه حكلمكـ .. وعشان لا تزعل انته الي حتجي تاخدني طـيب

: طيب بس ماقلتيلي

: ها ايش .. ؟؟

: ماقلتيلي مين جابكـ

اترددت قبل ما تقولو .. : امم جيت مع تكـسي وكدا ..

يامن ماعجبو الكلام : اهااا .. طــيب

تسنيم بسرعه وقبل مايعلق : يلا انا بزي اكلمك بعدين اوكـي

: طيب لا ترهقي نفسكـ تسنيم اوكــي

ابتسمت : اوكــي ان شاللهـ .. توصي حاجه ..؟؟

: ايوا انتبهيلي علي تسنيم ..

برضو ميلت فمها : اوكـي ان شالله ولا يهمكـ .. يلا مع السلامه

: مع السلامه

قفلت الخط وطلت في الجوال وهيا تتنهد .. ايش الي .. ؟؟!!

وصلت عند غرفه بهاء وصلحت حجابهااا .. طلعت مرايه صغيره من جيبها اتاملت شكلها اذا كويس ولا مو ماشي حالوو ..

طلعت المرطب ورطبت شفايفها بسرعه

دقت الباب بهدوء قبل ما تفتحو وتدخل راسها .. : احم احم بهاء انا

بهاء بكــسل : اتفضلي دكتورتي

قفلت الباب وراها واتقدمت لعندو .. وكالعادهـ .. وشو مصفر ومخطوووف وعيونو محمره .. خلاص وضعو صاير مو شي .. ماصار بيتحمل الي هوا فيلووو ..

حاولت تتمالكـ نفسها : كيف الصحه اليوم ..

بهاء ياشرلها بيدو : ازفت من امس الحمد لله بس

تسنيم عيونها علي طول تدمع من تشوف بهاء : لا انته بخير ان شاللهــ

يهز راسو تسليكـ : علي اساس انكـ مو جايااا .. ودوبها دانه كانت معايااا .. ايش اتغيرر

تسنيم تقلب عيونها بطفش : قررت اجي ماعندي شي اسوي في البيت

بهاء ويتمني تقلو ايوا : كيف ماعندكـ شي اتنكسلت الملكه

تسنيم كشرت : لا ما اتكنسلت ولا حاجه كول شي تمام

ميل فمو بطفش : طــيب ..

قربت منو : بهاء فسخ عشان اركبلكـ الجهاز ولاا ..

صلح رجلوو : تسنيم مافيا حيل ارفع يدي واللهـ .. ترا الم في كل جسمي ..

تسنيم مسكت يدو : سلامتكـ .. بس معليش حاول عشان اركبلك الجهازز

رفع نفسو ومدلها يدوو : امسكيني لا طيح

تسنيم بسرعه اتقدمت مسكت يدوو . وبهاء ترك حيلوو تسنيم شدتو بقوهـ وحضنت يدو : بهاء انته بخيرر

سحب يدو منها ومسكـ راسوو : يعني تبيني اقلكـ ايوا ولا كيف مو شايفتي اني مو بخير ولا ايش نظامكـ ..؟؟

تسنيم بسرعه : بهاء اقصد اشبك اليوم كدا بزيادهـ .. مو نايم ولا مو اكل ولا اشبكـ

: مافيا شي يا تسنيم بس حالتي من سئ لاسوء زي ما انتي شـ ..

قبل مايكمل كلمتو جاتو زي الدوخه واترنح كان حيطيح من علي الكرسي الطبي .. بس تسنيم بسرعه مسكت كتفوو بيدينها الاتنين .. بس جسمو تقيل وحستو حيطيح فقربت منو وحضنتووو : بهاء بسم الله عليكـ اشبكــ ..

بهاء غمض عينو ورفع يدو لكتفهاا : ماعرف

فضلت ضامتو لثواني لين ما رجع اتمالكـ نفسوو .. بعدت عنو بهدوء : بهاء بسرعه خليني اركبلكـ الجهازز

سندتو وبدت تفتحلو ازارير القميص الرمادي ورجعت سحبتو لعندها وفسختلو القميص ..

سندتوو مرا تانيه وركبتلو الجهاااززز

بهاء نوص واعي ونوص مفوت .. مايعرف من ايش .. مد يدينووو وعيونو بتغمضض بهدوء كنو حيفقد الوعي

نادها بصوت خافت : تسنيممم ..

بسرعه قربت لعندووو : ها يابهاء هااا اشبكــ ..

طل في يدينو وحركها بهدوء : تسنيم ..

طلت في يدو ومسكتهاا بيدنها الاتنين : ها يبهااء اشبكـ .. قلي

بهاء يحاول يفتح عينو بس بتتغمض من لحالهاا .. وبس ينادي علي تسنيم بصوت خــافت .. : تسننننيم ..

تسنيم قربت لو مراا ومسدت علي خدوو : بهاء اشبكـ اشبكـ

بهاء يحاول يتكلم بس يحس الهرج بيتعبو : تسنيم لو احتجتك حتكوني معاياا ؟؟؟!!

عيونها اتعبت دموع : اكيد يا بهاء اكيد

: اوعديني ..

: اوعدكـ يابهااء اوعدكـ حكون معاك حتي لو ما احتجتني انا دكتورتكـ .. وانته مريضي اوعدك يابهاء اوعدكـ

شد علي يدينهاا : طــيب انا مرا محتاجكـ يا تسنيم ترا مرا محتاجكـ

تسنيم الدموع ادحدرت من عينها بدون مقدمات : وانا معاكـ انته بس انتبه لصحتكـ

يتمتم : انا انــتـ... بــس .. حــتي .. كــليه .. احتــ .. انــ ..

تسنيم مافهمت شي منووو لانو بختصار سكت وغمض عينو واستسلم لنووم ..

فضلت ماسكه يدو وتتامل ملامح وجهوو الحلوه والي هدها المرض والتعب .. والارهاق الي تحت عينوو ..

اكيد ما بينام اليل .. اكيد خايف .. اكيد بتجيلو افكار تطيرلو النوم ..

ماهي حاسه بدموعها الي بتنزل بانهمار تام ..

دعت علي ماجد .. ليش عرفها علي .. ليش خلاها تلازمو وتجلس معاا .. ليش خلها تشرف علي حالتو طول دي المدهـ

حبتوو

ارتاحتلو

عشقت هروجو

اتعودت علي وعلي ضحكاتوو

اتعلقت في ..

طيب دحين لو فقدتو باي شكل من الاشكال ايش ممكن تسووي

هزت راسها بقوهـ ..

لا مارح تفقدي .. بهاء راح تجيلو كلــيهـ اكيد راح تجيلوو ..

كشرت ملامحها وكنها تلوموو : ليش فصيله دمكـ نادره يابهاء لييش ..

دخل ماجد علي الغــرفه .. وتسنيم ماسكه يد بهاء ومسرحه في .. ولا انتبهت لماجد حتــي

وقف عند راسها واتنحنح : احم احم

تسنيم جفلت واتفتت علي بفجه : ماجد

ماجد قلبو صاار يغلي .. ملكتها اليوم .. وماسكه بهاء بدي الطريقه ومتعلقه في وبتتاملووو لدرجه انها مو منتبه ايش بيصير حولينها ..

طل في يدها : اتركي بهااء ..

تسنيم بتعجب : ليش ..؟؟ هوا ماسكها مابغا اسحبها يروح يصحا

مشق : اتركي يدوو ..

تسنيم تطل في بهاء وكيف نايم بتعب .. وترجع عينها تدمع .. : ماجد تعبان مرا بهاء ماعرف اشبو .. ترا اليوم مرا تعبان بزيادهـ

ماجد مازال مصمم : بقلكـ اتركي يدو وبعدين نتكلم

مسحت عينها : لا لا

ماجد شويا ويقوم يقتل بهاء اجل دموع تسنيم بتنزل كدا عشانوو .. ترا مرا مايجي ..

: قلت لكـ اتركي ابغاكـي ابغا اكلمكـ ممكن .. ؟؟

: لا لا بهاء اخاف يحتاجـني لانو قــ ...

قاطعها بعصبيه ونبره صوتو ارتفعت : تسنيم بهاء نايم ولا منكـ شايفتو نايم .. ؟؟

تسنيم تركت يد بهاء ووقفت : ارخي صوتكـ لا يصحا تعبان ترا هوا

: اوووووف عرفنا انو تعبان ياتسنيم اشبكـ انتي دكتوره تعرفي ايش يعني دكتوره ؟؟!!!

بتناجه : ايش يعني دكتورا

هب فيها من الغيره الي اتفجرت جوتو .. : يعني غلط غلط الي بتسوي مع بهاااء .. غلط .. دا مريض .. مريض عندكـ .. لو كل مريض بتسوي معا كدا وتبكي عشانوو ترا ماينفع .. من دحين اقلكـ .. اذا كدا قلبك اتركي الطب .. ترا ما تنفعي ياتسنيم ماتنفعي مرااا

رمشت بفهاوهـ : اشبكـ ماجد ..؟؟!

: مافيا شي .. لكن عاشر مرا ادخل واشوف دموعكـ اربعه اربعه عشان بهاء .. ليش ليش .. كل مريض حتبكي عند راسو كدا كنكـ امو ولا من بقيه اهلو غلط مرا اوكــي

هزت راسها بسرعه : لا ماجد بهاء غيررر ترا بهاء مرا غير .. بهاء مو زي أي مريض

رجعت الغيره تتنقز في قلبوو : وليش ان شالله مين بهاء ايش بهاء ليش علي راسو ريشه بهاء يعني ليش بهاء

تسنيم اتلبكت وماعرفت ايش تقول : امممم لا بهاء بهاء بهااء ..

ماجد بعصبيه : اشبو بهاء .. اشبووو .. اشبووو ..

تسنيم معلقه لساا : امم بهاء بهاء ..

ماجد ماقدر يمسك نفسوو دفها سندها علي الجدرررر بهدوء وحط يدو جنب راسها يمنعها تتحركـ : تحبي تحبي بهاء انتي تحبي ..؟؟ جاوبيني تحبي بهااء ..

تسنيم تنحت وبلمت وصارت تتنفس بشويش .. ماجد مرا قريب منها شويا يخوش جوتها .. ريحتوو تتغلغل خوشمهاا .. وانفاسوو تلفح وشهااا

صارت ترمش بتناحه وساكته

ماجد عصبيتو اختفت وهوا يتامل وشها .. وملامح التناحه في عينهاا .. جاتو رغــبهـ قويه انو يبوس شفايفها الورديه الناعمهـ ..

في ثواني سرحو في بعض هما الاتنين .. وكل واحد راح في عالم

تسنيم ولاول مرا قريب منها لدا الحد وما طاح قلبها من الخوف .. بالعكس جايها احساس غبي انو يقررب اكترر تحس ريحتو مرا حلووو

ماجد بيقاوم افكارو المنحرفه بكل مايملكـ

اخر شي بعد علي ورا واتنفس بقوهـ .. وشكر نفسو انو قدر يمسك حالو ومايعمل شي يخوفها منو اكتر

رجع كرر سالو : بهاء تحبي يا تسنيم

هزت راسها بسرعه وهيا تحت تاثيرررر ماتعرف ايش : لا لا

: متاكده : ايوا ايوا

: ماتحبي يعني

: ايوا ما احبوو

: متاكده ياتسنيم

: ايوا ايوا

: يعني بهاء اخوكي

: ايوا ايوا

: يعني بس مجرد اخ

: ايوا ايوا

: طيب تحبيني انا

مكمله تهز راسها : ايوا ايوا

ماجد ابتسم وضيق عينوو : اناا

استوعبت السؤال وخدودها حمرت : لا لا

كشر : ماتحبيني

بسرعه : لا لا

ابتسم : الجواب الاول انا حمشي علي وبس طيب

رمشت بفهاوهـ : كيف ايش ليش لا قلت لا

قرب منهااا ومسد علي خدها بخفه : تسنيم ..

رجعت خشت تحت تاثير المانعرف ايش من لمس خدها .. ورمشت بسرعه : ها ماجد نعم ..

: انتي ملكتكـ اليوم صح .. ؟؟

ترد علي وهيا تطل في فموو : ايوا

: انتي مقتنعه بيامن دا ..

هزت راسها وبكل صراحه : لا

: ليش حتوافقي طيب

: عشان بابا عشانو

نزل يدو عن خدها ومسكـ كتفها وهزها بشويش : منكـ مطره تتزوجي واحدمنكـ مقتنعه في عشان ابوكي يا تسنيم اوكي

بالها مو مع هرجو وبس تطل في فموو : اوكــي

: فكري كتير قبل تدخلي نفسكـ في ورطه ما منها خرجه .. اوكي ياتسنيم اوكـي

تهز راسهاا ومازلت مسرحه في حركة شفايفوو : اوكـــي

حاول حاول حاول مايقرب لها ولا يبوسها ولا يلمس خدهاا ويقرصو بنعومه .. ومحاولتو كولها نجحت

بعد عنها بهدوء : انا حخرج انتبهي علي بهاء

هزت راسها وعيونها معلقه علي : طيب

خرج ماجد من هنا وتسنيم جلست علي الكرسي ومسكت بطنها الي حست انها مغصتها بسبب المشاعر الي حستها قبل شوياا ..

حطت يدها علي قلبها بهدوء وضغطت علي : ياربي ماجد موستحيل موستحيل ..

هزت راسها بقوهـ : ماجد لا مرا موستحيل موستحيل ياااربي ..

خبطت صدرها بخفه : اووووف اووووف ليش احس قلبي يدق بسرعه اوووف ياربي موستحيل ..

~~~~~~~~

A6baa fe al-7o0b

~~~~~~~~

جالس في الدرج ويكلم وديان .. او بالاصح بيحنحن علي دي الضهريهـ ..
وديان بصوت هادي : لاا وائل بليزز
وائل ملصق الجوال في فمو : بس مرا حبيبي ..
: لااا وائل انته في المستشفي مرا مايجي
: لا يجي انتي مالكـ دخل ..
: طيب انا ما ابغاا
: طيب انا ابغاكــي دحين
: مرا غلط دحينا مو وقتك مرا ترااني
: حزعل
: لا ماتقدر تزعل منــي ..
في جه تانيه اعناب ماشيه وفي يدها كزا ملف محتاجه تسال مازن بخصوصهم .. وخايفه تواجهو .. تكلمو .. تقابلو .. تشوفو حتي ..
لها اكتر من الربع ساعه رايحه وراجعه في الممر .. خايفه تطلع الدور الي في مكتبو وتصادفو باي شكل من الاشكال
اووف يالله ايش تسووي .. دكتور مروان وحتي دكتور عصام وماجد .. كلهم بيقلولها تسال مازن .. طيب يالله ايش تسوي في حياتهاا
رفعت الملفات وخبطت راسها .. يلا انبسطي شوهتي سمعة الرجال الي ما عملكـ أي حاجه وللاسف هوا مشرفك في التدريب .. وموقعو دا يمكن يقدر يخلي ياثرلها تاثير سلبي علي تدريبها
رجعت تخبط راسهاا .. دوبكـ تفكري في دي الحجات .. فينكـ لما فرطتي كلام كبير علي فينكـ يا اعناب فينكـ
حست نفسها معرقه : اوف ياربي ايش الحــل ..
وهيا في في عز افكارها ومخاوهاا انفتح باب الدرج وخرج وائل وشو محمررر وبيهف علي بيدوو
من شافها وقف ومترها من فوق لتحت : انـ
قبل ما يكمل الجمله اعناب حطت رجل واتوجهت للدرج طلعت بسرعه ودخلت علي القسم واتوجهت لمكتب مازن بدون مقدمات فتحت الباب ودخلت بدون ماتدق حتي ..
انتبهت انو مو موجود
اتنهدت براحه .. وفي نفس الوقت ضحكت علي نفسها
يعني تشرد من وائل تروح لمازن ..؟؟!! قمة الغباء
سندت علي الباب وهيا تتنفس بخوف .. ياتري وائل ايش يقصد من تهديدوو .. ايش الي ابوس رجل مازن ترا كولها اشاعه حبتين ليش هوا شرير كدا ويكبر الامور ..
قررت تجلس علي المكتب وتستنا مازن منها تتخبا من وائل مرا وحدهـ ..
جلست علي الاريكه الجلديه الكبيره الي بعيد عن المكتب بشويا ..
حطت الملفات جنبهاا .. ورفعت رجولها علي بعض وجلست تستنا وتستنا وتستنا
ميلت راسها وتكت علي طرف الكنبه
بدت تنعس ومازن مو راضي يجي
وطبعا ما فكرت مجرد تفكير انها تكلموو
حطت يدها تحت راسها وصارت تطق رقبه كل شويا تغطس في النوم وترجع تفح عينها بفجعه لما راسها يتزحلق عن يدهااا
شويا حست انو النوم بدا يكبس .. صلحت يدها وسندت راسها براحه وغمضت عينهااا ..
سبحان الله علي النووم دا الي يجي فجاءه كداا .. ولا الانتظار السب مانعرفــ ..
في جهة تانيه برااا .. مازن دخل علي القسم ولقا حسام وكاسر ومهند في جهة بعيده عنهم
حاول انو مايسال عن اعناب بس ماقدر : فين دكتورا اعناب .. ؟؟
مهند والي جالس في ابعد ركن عشان مايحتك بحسام : امممم المفروض انها راحت لمكتبك بتسالكـ عن بعض التقارير بخصوص المرضي ..
مازن يفرك دقنو : اها اوكــي ..
كاسر بيرشف من الحليب بكل استمتاع ولا راضي يصب لحسام ولا مهند ولا أي احد ..
مازن طل في بتعجب : دكتور كاسر : ايش سويت بخصوص الحاله الي سلمكـ هيا دكتور مروان هدا الصباح ..
كاسر الحليب منسي كل شي : ها شنو
مازن يكرر كلامو : ايش سويت بخصوص الحاله الي استلمتها اليوم من دكتور مروان
كاسر زرق .. لانو نسي هرجه الحاله دي المفروض اخد من المريض كل التحليلي وراسلها لا ومستلمها كمان لان الحاله خطيرهـ ..
رمش بفهاوهـ .. وكرر : شنو
من قابل زهاد نسي كل شي نزل واضارب معها وطلع جلس يشرب حليب ونسي كل شي
مازن عصب : دكتور كاسر انـ
كاسر قاطعو : اسف دكتور الحين الحين سوووري
شال الملف من الكونتر ومشي بسرعه لبره القسم ..
مازن اتنهد باسف . علي نهايه التدريب جايتهم مياتة قلب كولهم .. ومافي الحماس الي كانو علي اول ما بدا التدريب
التفت علي حسام ومهند : وانتو ..
مهند وقف بـسرعه وطل في ساعتو : دكتور مروان قال اجيلو بعد عشره دقايق .. ودحين عشره دقايق .. بالاذن ..
خلص كلامو وحط رجل
مازن لف علي حسام : وانـت ..
حسام متنح في مهند والمرحله الي وصلولها : ها
: وانته ما عندك شي تسوووي ..
حسام بصراحه : مافي ..
مازن طنشو وخرج من القسم متوجه علي مكتبوو .. وهوا مستغرب ليش ماطلبتو اعناب .. يعني صح مارح ينسالها الحركه .. لكن الشغل شغل لو عندها أي سؤال او شي مستعد يرمي كل الي صار خلفو ويجاوبها بكل روح رياضيه ..
دخل مكتبوو وقفل الباب فسخ المعطف وجا يرمي علي طرف الكنـبهـ .. الا سمــر .. لما شافهاا
يدها تحت راسها ورجولها مرفوعه وحلوينها كم ملف ورايحه في سبات عميق
وقف لداقايق يطل فيهاا .. وفي صدرها كيف بيعلو ويبهبط بتناغم
لوله حس شكلها جدن بريئ وطيب
حس انها موستحيل تنشر اشاعات عنوو ..
مستحيل تتهمو انو بيتحرش فيهااا ..
لكــن ناهيك عن كل دا الكلام لما اتزكر الوضع الي شافها علي مع خالها .. اتحولت ملامحو للقرف ..
اتقدم خطوتين وهز كتفها بشويش خاف يفجعهاا .. : دكتوراا ..
اعناب اتحركت وصلحت يدها تحت راسها ورجعت هديت
مازن :!!!؟؟؟
رجع هزها مرا تانيه اقوي : دكتورا اعناب دكتورا
فتحت عينها بهدومء وطلت في مازن .. تحاول تستوعب مين دا ..
شويا وصلها الارسل فتحت عينها بسرعه وصلحت جلستها : معليش دكتور نومت
مازن من طرف خشمو : ايش بتسوي في مكتبي
بخوف : كونت بس بستناكـ عشان بسـ
قاطعها : وليش تستنيني .. جهاز النداء ايش بيعمل .. ليش ماتطلبيني بسرعه وتخلصي .. ولا تبي تضيعي الوقت في النوم بدل ماتسوي شي مفيد
بسرعه : لا لا دكتور انـا بـ
قاطعها : ايش عندكـ ..؟؟
انقهرت من طريقه كلامو .. وناسيه ايش هيا مسويتلو ..
شالت الملفات : التقارير تحتاج توقيغكـ بعد اذنكـ .. وبخصوص الحالتين جيم ودال .. انـ
سحب الملفات من يدها قبل تكمل كلامها .. ولف جلس خلف المكتب .. فتحها بسرعه ووقع علي كل تقريرر .. وقفلها
ونسي الافكار الي كان بيفكر فيها اول بخصوص انو الي صار مالو دخل في الشغل
مدلها الملفات : مابيني وبينكـ أي كلام .. واي شي تبغي تقدر تتفضلي عند دكتور انور .. انا بنقلكـ للقروب عندو .. وحيصير مشرفكـ للشهرين الباقيه .. أي سؤال تاني
ماتدري ليش تنحت ولا ما اتوقعت انو زي كدا يقوشها .. ولا ما اعرف شعور سي جدن جالها اسوء مايكون
مازن لما شافها ما اتحركت : فهمتي كلامي أي سؤال أي شي عند دكتور انور اعتبري مشرفك من اليوم ورايح ..
رجعت ترمش بفهاوهـ : بس انا القروب هنا .. والقسم .. واشسمو انــا ما ابغا اروح لقروب تاني .. يعني اشسمو ايوا انا اقصد مابقي شي علي نهايه التدريب
مازن رماها علي بلاطه : اعناب .. ماني طايق اشوف وشكـ بختصار شديد بعد كل الي صار اوكي
اعناب بطنها مغصتها .. كلمتو مرا قويه .. عيب علي يقول في وشها كدا : بـس انـ
قاطعها : لا تبسبسي انا بقلك وبس .. ناهيكـ عن الوساخات الي نشرتيها عني .. ما اختلفنا .. اما الي صادمني فيكي بجد الي بينك وبين خالكـ .. بجد كل ما اشوف وشكـ اقرف منكـ .. ومن تصرفاتكـ
اعناب الكلام بدا يقووا عليها .. ايش ما كان ما تتحمل احد يكلمها كدا ابدن : دكتور مازن
: لا تجيبي اسمي علي لسانكـ .. وانقلعي برا مكتبي اوكــي .. وياليت لو تشوفيني في طريق تبعدي عشان لا ارتكب فيكي جريمه ..,,!!
عيونها غرغرت : انا مـ..
: اطلعي برا وقفلي الباب يا اعناب
اعناب بعد كول الي سمعتو ماتعرف ليش بدها تبررلو أي شي .. ماتبغا مازن يكرهاا مرا ماتبغا يكرها وكل الي سوتو عشان تحمي نفسها مو عشان تكرهو ..
رفعت اصباعها : بس بقلك كلمه انـ
رجع قاطعها بنبره صوت حاده : قلت اطلعي وسكي الباب
حشرها البكا خلاص .. هيا الغلطانه بعلاقتها مع خالها .. وهيا الغلطانه بالي سوتو في مازن .. وهيا الي تبكي وتنقهر .. عالم غريب
شفايفها اتلوت تحاول تمسك بكيتهاا : انـا
مازن مو قادر يتحمل شكلها .. لكن هل ياتري قرفان منها زي ما قال .. ولا مو قادر يتحمل منظرها علي وشك تبكي
مشي للبابا بسرعه وفتحو : ولا كلمه زيادهـ اتفضلي
مشيت بخطوات تقيله : بـ
مازن يزفرر : اعناب ما ابغا اسمع منكـ شي اتفضلي خلاص .. ولساني لا عاد يجي علي لسانكـ ممكن ..
قبل ما تخرج دخل وائل : او هووو انتي
مازن ياشرلو اسكت ..
وائل : يو خليني افش خولقي
اعناب وجود وائل خلاها تطلع بسرعه من المكتب .. وائل جا يخرج وراها بس مازن مسكو من قفا ودخلو المكتب وسك الباب
اعناب تطل في الباب بعدم تصديق .. من جدو يقلها كدا .. يقرف من شكلها وماعرف ايش وهيا وسخه لا ليش يقول كدا .. حتي لو هيا كدا ليش يقول عنها كدا مالو حق
الدموع الي في طرف عينها فلتت .. تكت علي الجدر وغطت وشها وصارت تبكي ..
كل شي كووم .. وفكره انو مازن كارهها وقرفان منها ومايبغا يكلمها ابد كوم تاني
مرا ما اتوقعتو كدا
فكرت انو حيجي يكلمها ويتفاهم معها وحتقلو انته كونت حتفتن عليا وعشان كدا سبقتك بس ما اتوقعتو يرمي كلام زي كدا في وشها
مهند ماشي ويعد البلاطات في الارض .. : اكلم حسام . ما اكلمو .. اكلم حسام .. ما اكلمو .. اكلم حسام .. ما اكملوو ..
وقف لما سمع صوت اعناب بتبكي
رفع راسو واستغرب
راحلها بسرعه : عنوشه اشبكـ ..
اعناب ماصدقت علي الله لفت علي مهند وعيونها محمره والدموع علي الخدود مسويا خريطه
: مهند دكتور مازن بينقلي لقروب تاني ماحكمل الشهرين معاكم
مهند بدهشه : دا الي مبكيكي كدا
طبعا مارح تقلو علي السبب الحقيقي : ايوا يعني مارح اكون معاكـ
مهند مسك يدها وسحبها لدرج : هدي نفسك يابنتي
: مابغا اقلك مارح اكون معاك اشبك انته
جلس علي وحده من الدرجات وجلسها جنبو : قولي لا اله الا الله ولا تبكي نتفاهم طيب
تمسح دموعها بقفا يدها : لا يا مهند لااا
مهند : انا معاكي فين حتكوني ايش رئيك انا حنقل للقروب الجديد معاكي ..
طلت في بدهشه : والله تجي معايااا
رجعت اتزكرت مازن قد ايش يكره مهند وانهم اصحاب دموعها ادحدرت تاني : مازن مارح يرضالك والله
مهند مندهش اشبها دموعها كدا عشره عشره : اعناب لا تبكي عشان اقدر اكلمك
تحاول تكتم شهقتها بس كلام مازن عامل عمايلو في قلبهاا : ماني قادره اسكت والله مازن مازن
ماعرفت ايش تقول رجعت دفنت وشها بيدها وكملت بكاا لين خلاص ..
وهيا مو عارفه بتبكي لي ..
هل النها ندمانه علي الي سوتو في مازن
ولا بتبكي بسبب ردة فعل مازن
الخلاصه انو دموعها منهمره اولا واخيرن بسبب مازن ..
مهند صار جالس جنبها ويطل فيها بقله حيله .. ودهشه ..
ايش يسوي معها مو عارف .. ؟؟!!!

~~~~~~~~
A6baa fe al-7o0b
~~~~~~~~

~~~~~~~~
A6baa fe al-7o0b
~~~~~~~~

جالسه في واحد من الكراسي جنب عمها وحاطه راسها علي رجلووو : طب عمو انو مكسوفه مرا
معتصم يمسد لها علي شعرها برواق : امم شوفي اذا مكسوفه مني شوفيلكـ دكتور نفساني غيري ... اما اذا تبي تكلميني انا لازم تكوني صريحه معاياا عشان اقدر اساعدكـ .. واقدر افيدكـ ..
رفعت راسها ومسحت خوشمهاا وعينها : طـيب عموو ..
مسكـ ورقه وقلم وصلح جلستوو .. : اوكـي نبدا .. انا حسكت وانتي قولي كل الي عندك كل الي في قلبكـ اوكــي
سندت ضهرها علي وراا : عرفتوو من خمسه سنين
سكتت وطلت في عمها تشوف رده فعلوو ..
معتصم مكشر حواجبو ويكتب : ايواا
: عارفه انو كداب وخاين ومايحبني ابدن بس بيكلمني عشان فلوسي وعشان كدا يضيع وقت معايااا
فرك دقنو وهز راسوو : اهااا ايوا
: الموشكله اني انا احبو مرا ياعمو مرا احبووو ..
رجع كشر حواجبو اكتــر واكتر : اها ايواا ..
: ورغم اني عارفتو كويس وعارفه انو كداب وواطي .. مع ذالكـ استمر اثق في .. ويجرحني .. واثق في .. وذلني .. واثق في ويبهدلني .. ودي المره رجعتلو وطلع بيتحدا وحده صحبتو اني انا قد ايش احبوو .. واتوقع لو بعد دا الموقف الزباله رجع تاني يبغاني حوافق .. والي يقهر اكتر اني اعرف انو حيجرحني مرا تانيااا
مستمر يكتب : ايوا ايش كمان كملي
اهداب تحرك يدها بانفعال : ماعرف يادكتور احس كدا في شي في قلبي .. يخليني ارجعلو رغم كل شي .. في حاجه تخليني اهتم لوو واحن لوو واحبوو .. ماعرف متي يصدمني صدمه يخليني انتهي منوو .. كل حركه وحركه يسويها فيا اقوي من الي قبلها .. ولسا احبوو ولسا مكانو في قلبي ماعرف ياعمي ماعرف ساعدني ايش اسوي كيف اسووي كيف انتهي منوو .. انته دكتور قولي ساعدني ..
دفنت وشها بين يدينهاا وانفلتت بكااا
عمها وقف وجلس جنبهاا ورفع يدو لكتوفهاا .. ومسد عليها بهدوء : يابنت اخويا قبل لا اكلمك كدكتور حكلمك كاعمكـ اخو ابوكــي .. الي بتسوي اول شي مايرضي الله ولا رسولو .. دا واحد .. تاني شي .. دا الي في قلبك مو حب .. انتي اتعديتي مرحلة الحب ..
يابنتي لازم تـ
قاطعتو والدموع تنقط من عينهاا : عموو في قلبي هنا احس شي يوجعني كل ما اتزكرو .. كول ما اشوفوو .. عمي لا تنصحني ولا تقولي كلام زي كدا .. بس قولي ايش اسوي ايش اسووي ياعمي بس دا الي ابغا
مسك يدها وضغط عليها بهدووء : انا حقولك ايش تسوي بس توعديني تسمعي كلامي .. توعديني
: وعد ياعمي أي شي أي شي .. اوعدكـ ياعمـي ..
: اوكي انا دحين مرتبط بكم موعد .. ايش رئيك بعد الدوام نخرج مع بعض كوفي او أي مكان علي كيفكـ .. ونتكلم مزبوط بعيد عن جو العياده احسن موو
طلت حولينها : لا هنا احسك دكتور واقدر اكون صريحه معاك اما برا ححسك عمو وحخاف اكون صريحه يمكن
ابتسملهاا : لا يابنت اخويا انا دكتور هنا وفي أي مكان .. وحتي لو ماكنت دكتور .. انا اكتر واحد ممكن تتكلمي معا اوكي ياهدوبه
هزت راسها بخوف : طيب عموو ..
: اوكي تروحي ولا تستنيني
: حتطول انتي
يعني مرتبط بموعدين .. كل واحد نوص ساعه تقريبا يعني ساعه ساعه وربع بالكتيرر
فكرت انو مافي شي تسوي في الحياه ولو رجعت البيت راح تطوق : اوكي حستناك
معتصم قام لمكتبوو وضغط علي الفون وطلب السكرتير
: ايوا دكتور
: اطلب المريض رائد سلطــان الـ ... خلي يتفضل .. بسرعه
: اوكي موجود من نوص ساعهـ .
قفل الفون والتفت علي اهداب الي من سمعت اسم رائد وهيا مسرحه .. وتفكر اسم ابو رائد سلطان ولا رائد بني ادم تاني
: خلاص اتفضلي براا في الانتظار
: ما اقدر اجلووس هنا
: لا طبعاا
شالت شنطتها وفتحتها بسرعه خرجت مرايه صغيره عدلت مكيجها ومسحت عينها الي محمره من البكي
انفتح الباب ودخل رائد وهوا مبتسم : مسا الخير دكتور ..
اهداب سمرت وهيا ماسكه المراايه
لفت بهدوء واندهشت لما شافتو انو هوا رائد ماغيروو : رائد
رائد اختفت ابتسامتوو وطل فيها بتعجب : اهداب .. ؟؟
معتصم طل فيهم الاتنين بتفكير .. يكون هوا دا الادمي الي بتهرج عنو : تعرفو بعض
رائد بسرعه : احم لا لا دكتور .. احم لا لا اقصد ايه صديقتها صديقة صديقي .. بالمستشفي بس ..
اهداب رفعت حواجبها بستغراب .. بس هيا دي العلاقه الي بيننا يعــني ..
معتصم اتاكد من نظراتهم انو الموضوع فيلو انه : اهاا طـيب اتفضلي يا اهداب شكرن ..
اشر علي الكرسي الي علي شبه سرير : رائد اتفضل .. خلونا نشوف امورنا
اهداب اتوجهت للباب وخرجت وفي راسها عوشرميه سؤال .. رائد عند دكتور نفسي .. ليش ..؟؟ بيشتكي من ايش .. باين علي انساس مرتاح ومو ناقصو شي ..
الفضول ركبها طوالي صار جسمها كلو يحكحكها بودها ترجع الغرفه وتسمع رائد ايش بيقول لعمها ..
في الجهة التانيه رائد نفس الشي وتراودو نفس الافكار .. مستغرب .. ايش بتسوي هنا اهداب .. بتشكي من ايش ليش جايا عند دكتور نفــسي ..
وزياده علي دي الافكار .. مقهور انها شافتو داخل لعند الدكتوووررر .. اكيد دحين في بالها عشورمية سبب .. وعشورمية فكره ويمكن مرض .. تحاول تفكر ايش يكون فيلوو
فاق لما معتصم هز يدوو : معايا يا رائد ..
رائد اخد نفس عميق : معاكـ دكتورر
معتصم مسكـ الورقه والقلم .. : بتشتكي من ايش بالزبط .. ؟؟
رائد رجع اخد نفس عميق .. الي في قلبوو لازم يطلع خلاص .. والي يقهر انو يبغالو قوه تطلعوو
معتصم حس بيلو ابتسم : اوكــي حسيبكـ الوقت الي تحس انكـ قادر تتكلم اتكلم اوكـي حعطيكـ عشره دقـ
قبل مايكمل كلمتو رائد قاطعو : احب ولد ..
معتصم كشر وبدا يكتب : اها ايوا
: مابي ذا الشي يادكتور .. احبه اعشقهـ .. وما اقدر اعيش بدونه وودي يكون لي انا وبس .. وماحد يشاركني فيهـ .. بودي احطه بجيبي واقول لناس بح ماعد فيه شخص بذا الاسم .. شلون كذا يادكتور .. انا ولد وهوا بعد ولد .. ؟؟!! ذا الشي بيجنني ..
حاولت كثيرر اتجاهل الي احس به والي بقلبي .. بس تجيني اوقات احسني بموت من حبي له وشوقي ومن غيرتي عليهـ ..
معتصم ينزل النضاره علي طرف خشمو ويكتب : ايوا كمل يا رائد اسمعكـ
رائد اتنفس براحه لاول مرا يقول دا الكلام بصوت مسوع دايم يحتفظ بيلو في قلــبوو ..
معتصم يشجعو : طيب كمل يارائد قول كل الي في خاطركـ طلع كل الكلام
: دكتور غلط الي بيصير .. غلط الي احس به .. ليش ليش ذا المشاعر تطلع لولد ليه يادكتور .. انا شنو اسوي الحــين .. كيف اطلعه من قلبي .. شلون اخليه مثله مثل غيرهـ .. صديق عادي واحبه واتمناله الخــيرر .. مو احبه واعشقهـ .. دكتور فني مشكله شنو هي ساعدني اعرفها ساعدني احلهاا
معتصم قرب بالكرسي لرائد ورفع رجلو علي التانيهـ
: اسمع يا رائد ..
نسيبهم يحلو مشكلتهم ونرجع لاهداب الي حاطه رجل علي رجل وطقطق بكعبها بقوهـ .. نسيت موشكلتها ونسيت حسان .. ونسيت الي صار قبل كم ساعه .. وصار تفكيهراا محصور في رائد .. وايش بيسوي .. وليش جالس عند عمها جوا ..
صارت تفكر .. ياتري لو سالت عمها هل حيقولها .. طب لو سالت رائد هل راح يجوبها .. طيب كيف كداا
مر الوقت بطــيئ جدن ابطء ما يكوون ..
خلصت النوص ساعه وعليهاا .. وهيا غارقه في تسائولتهاا ...
انفتح باب الغرفه وخرج رائد وملامح وشو ما تطمن .. من شافها جالسه عفس ملامحو بزيادهـ ..
السكرتير نادا علي المريض التاني وقلو يتفضل ..
رائد يحس نفسو خفيف مرا بعد ماخرج الكلام الي كابتو في قلبو من سنتين واكترر ..
اهداب نسيت كيف قفل الخط في وشها وقفت بسرعه ومشيت لو : رائد اشبكـ ..
رائد يميل فمو : انتي شنو دخلكـ انتي شنو فيكـ .. انتي شنو مجلسك هنا للحين .. ؟؟
اهداب : عادي جاسه بستناك .. الموهم انته اشبكـ .. ليش جاي لدكتور نفسي فيكـ شي
رائد يدور عيونو في المكان ويرجع يسالها نفس الاسئله : انتو شنو فيكـ .. وليش جايا لدكتور نفسي .. ؟؟
اهداب بكل صراحه : جيت بخصوص حسان .. وانته اشبكـ ايش فيكـ
رائد اتنهد وحس انو بعد ماقدر يقول لدكتور عن الي في نفسو حيقدر يقول لاي احد تاني ..
اهداب تطل في : ليش جاي عند الدكتووووووررر
رائد يرفع يدو لشعروو ويمررهاا بسرعه : عشان كاسر
اهداب ما استوعبت : كــاسر ايش في
رائد : مافيه شي انا بمشي ..
اهداب : ديقه دقيقه رودي ...
: شنوو
: ايش فيه كاسر مافهمتك انته ليش جاي هنا
: يالله عليك لقافه موب طبيعيه قلت لكـ بخصوص كاسر .. احبه حب غلط فهمتي ولا ..؟؟! وجاي لدكتور يشوفلي حل بالي احسه . زين كذاا
اهداب رمشت بفهاوهـ : اماا كاسر انته يووووو معقوول
رائد ندم مليون مرا لما شاف ردة فعلها .. تخيل قالت لزهاد وزهاد قالت لكاسر .. كيف حيكون موقفو .. ايش حيسوي كاسر ياترااا
صقع جبهتو : اهداب لا يطلع الكلام لحد
مشقت : يخس عليك احد مين يعني ..؟؟!!
هز راسو بقوه : ماعرف لا يطلع لحد .. اوف يالله انا شنو خلاني اقولك
اهداب ضحكت : رووودي .. ماسكه عليك هرجه ههههههههههههههــ .. تعرف يو نو اعرف كاسرر
رائد فرصع عينو : هي شنو فيكـ اتكلم جد انا
: وانا كمان .. افهم يارودي .. انا ماسكه عليك هرجه كبيررره
رائد مصدوم : اما يعني شنوو
رخت النضاره علي عينها : غديني .. هيا ولا احم احم انته عاااارف ههههههههههههههههه
رائد فرصع عينو : اهداب تكلمين صدق
حولت ملامحها لجديه : يب هيا غديني جوعانهـ ..
رائد مشي وطنشها .. وهوا معصب من نفسو ايش زله السان الهبله دي الي خلتو يقول زي دا الكلام الكبيررر .. و لمين لاهداب ماغيرهااا .. : حدكـ غبي يا رائد
انفجع لما سمع صوت اهداب من ورا : لا سلامتكـ
طل فيها : شنو تبين ماشيا ورااي ..
اهداب تسبل بعيونها : قلت لكـ غديني بس
رائد ووشوو حمر : دبابه اركدي ازين لكـ
اهداب : انته حر
رفعت الايفون : دحين بسجل دخول للمسن .. ووو اتوقع كاسر متصل ... ووو لو مو متصل نتركلو رساله اوف لاين ايزززي ..
رائد عفاريتو قامو .. لانو بختصار مو عارف بتتريق ولا بتهدد من جدها .. سحب الايفون من يدها ورماا : زين كيف تبين تبلغينه الحين
فتحت شنطتها وخرجت جوالها التاني : مافي مشاكل رقم كاسر موجود
رائد جا يسحب الجوال من يدها بعدت : لا لا لا لا ما اتفقنا
شالت الايفون من الارض : بس قلت لكـ غديني ..
زفرر : زين بغديكـ .. وبعد بنتفهام علي حركتكي الماصخه ذي ..
ضحكت بعبط : هههههههههه طــيب ..
لبس نضارتو وخرج وطنشها وهيا ماشيا ورا بسررعه : امشي بشويش رودي ولا يو نو يعني ايش ممكن اسوي هههههههههههههههه
رائد طل في بعصبيه وبطء خطواتووو وصار يطل فيها كدا من فوق لتحت ..
اهداب تضيق عينها مع الشمس : رودي طل فيا كويس ولا برضو عارف ايش اقدر اسووي
ركب السياره وصفق الباب بقوه وهوا يلعن نفسو مليون مرهـ .. كيف قدر يهرج كيف قدر يقولها علي الهرجه بكل بسااطه .. يلعن التسرررع

~~~~~~~~
A6baa fe al-7o0b
~~~~~~~~

~~~~~~~~
A6baa fe al-7o0b
~~~~~~~~

خرج من القــسم ماشي بخطوات سرريعه جدن . من اول حشرااان .. وماسك نفسوو .. بس دحين وصل لمرحله صار ينقز فيها تنقيز مو بس يمشي
قبل مايوصل الحمامات صادف في وجهو كاسر الي من شافو اتعجب : ابو هند شنو فيكـ تركض كذا
مهند : ابعد ابو كسره حشران حشرااان موستحيل
كاسر يوقف في طريقو : هههههههههههه شنو شنوو
مهند دفو بقوهـ : بلا في شكلكـ ابعد لا اسويها علي نفسي
كاسر يتخيل شكل مهند ويموت ضحكـ : مارح ابعد ابيك تسويها واصورك وارزك بالفيس والتويتر هههههههههههههههههه تكفي ابو هند
مهند فرصع عينو : بلا في شكلك ابعد
كاسر واقف في طريقو ومو راضي يبعد ومهند ينقزز بطريقه توحفه : ابو كسره ملعوووون
كاسر ميت ضحك علي مهند الي بيروح يمين ويسار يحاول يعدي وكاسر واقف في طريقوو
مهند اخر شي عصب : ابو كسره ما بمزح ابعد بلا في شكلك
كاسر فاطس ضحكـ : رحمتك رحمتك
مهند لف ومشي : وجع بززززررررر ..
كاسر : ايش شنو عيد عيد
مهند طنشو ووصل لدبليوو سي وانتو بكرامه
دخل بسرعه واتوجه لواحد من الحمامات ورقع الباب ورا بقووهـ ..
بعد دقايق خرج وهوا يتنهد برتياح : الحمد لله الذي اذهب عنا الاذي وعافنا ..
اتوجه للمغاسل الا شاف حسام واقف بيغسل وشوو ويدوو
وقف جنبو وفتح الموياا وصار يغسل يدو بشويش وفجئه حاسس بمشاعير غريبه .. حسام مرا وحشوو
حسام جسمو كلو كش لما اتزكر كيف مهند ضربو بكل حقد وما اهتم ولا سال وكل دا في النهايه مو متاكد ولا عارف ايش هيا الهرجه بالززبط
حس لوله انو لازم يفهمو كل شي
في نفس الوقت مهند حس انو لازم يسال حسام ويستفسر منوو لانو من بعد هرجة الصور وهوا شاكك في الموضع ..
التفتو الاتنين علي بعض في نفس الوقت وطلعت منهم الكلمه مع بعض : اسمع ..
سكتو هما الاتنين وكشروو
حسام : قول
مهند يفرفر شعرو ومن طرف خشمو : انته قول
حسام : انته انته اتكلم مو مشكله
مهند قرفان : اتكلم بسرعه انته ..
حسام اتنهد لما لاحظ كيف مهند بيتكلم من طرف خشمو : خلاص ولا شـــي ..
مهند طل في من فوق لتحت : اقول اتكلم اسمع ايش
حسام اتنرفز منو مرا قفل المويا وسحب مناديل : ولا شي بالاذن
خرج من الحمام واتقفل ورا الباب ..
مهند تكا علي طرف المغسه وصقع جبهتو .. طب كان هرجت انته اوف يااااربي ..
خرج من الحمام وقابل كاسر بيهرج مع حسام
كاسر من شافو طل في ورجع يتكلم مع حسام ..
مهند وقف بعيد طل فيهم شويا ولف للجهة التانيه ماشي وهوا سرحان يفكررر .. ياتري معقوله انا ظالم حسام .. موستحيل .. اخ منكـ ياحنين لو تكلميني وتفهميني ايش صاير ..
شويا حس بكاسر ينادي من الخلف : ابو هند هنووود ابو هند وقف وقف وقفت علي ضروسك علكه وانت مركب تقويم
مهند لف وطل علي : اما ايش الدعوه دي ..
: ههههههههه ماعلينا اسمع
حول ملامحو لجديه : حسام يقولكـ .. انت ظالمه كثيرر .. هو ماصلح شي ..
مهند اتنرفز من حسام انو ليش يقول الكلمتين دي لكاسر مو لو هوااا .. كانو واقفين قدام بعض .. ليش ماهرج ليش ما اتكلم
كاسر : اممممم بجد ودي اساعدكم حالكم كذا مرا مايجي .. حسام ومهند اكثر اتنين اصحاب يصير بينكم كذا .. قعدو مع بعض افهمو بعض تحققو من الشي الي صاير .. انا عندي احساس كبير انو الموظوع كله سوء تفاهم وبس .. اقعد معه يامهند يرحم اهلكـ ..
مهند يفرك وشو ويلف عن كاسر ويتركو بدون مايعلق أي تعليق
كاسر : هي مهند اتكلم معكـ انو شنو انت
مهند كمل طريقو ودخل المصعد ومشي ..
كاسر وقف متعجب .. شي واحد بجد يموت ويعرفو .. ايش الي وصلهم لدي الحالهـ .. ايش الشي الاكبر من كبير الي صايرلهم ..
اتنهد وهوا يطل في الساعه : الله يعنكم بس خليني اروح اشوف امووري
اموروو يعني زوزو .. من بعد ما اضارب معها وشد السله منها والكوب غصب ما عاد شافها ..
راح علي الغرفه الخاصه بيهم .. شال السله الي فيها الترمزهـ فاضيه خلاص .. حط جواتها الاكواب
وفي ثواني كان في الدور الارضي .. وقف كدا واتصلح زبط معطفو وفرفر شعروو كدا مزبوط عشان ابدن لا يبان دلوع او شي من كدا
اتوجه للكونترر و رسم علي فمو ابتسامه : الســ ..
اختفت الابتسامه طوالي لما ما شاف زهاد : ؟؟!!!
رهام : كيف اقدر اخدمك دكتور .. زهاد راحت قبل شويا
فتح عينو بصدمه : راحت خلاص للبيتهم
ضحكت علي صدمتو : هههههه لا راحت ماعرف فين بس اغراضها هينا اكيد حترجع
: اها اوكي
اتلفت يمين ويسار وتكا علي الطاوله الرخام : متي راحت
: قبل شويااا
طل في الساعه : اها اممم بسئلكـ ..؟؟1
: اكيد اتفضل ..
: امم اول كدا تحسينها زعلت امم او تظايق امممم .. ولا اقلكـ خلاص شكرن
رهام بسرعه : ايوا ايوا زعلت ونكدت وعلي فكرها طول الوقت تفرك ايدها عورتهاا ..
اندهش : اما ..
: ماعرف شكلكـ عورتها بس تمسكـ ايدها وتفكرهااا ..
كاسر متنح : اما
رهام تهز راسها : ايوا اتفضل دكتور وراكـ ناس
بعد علي يمين وتكا علي الجدر وكل شويا يطل في الساعه .. فين راحت ذي
: اوف ازعلت معقول ..
: اوووف حنا لسا مارظينها علي الزعله الاوليه بعد بتزعل ثاني
: يالله معقوله المتها ايدهاا ..
لين ملاحوو .. ايه الظاهر انها حيل حساسهـ ..
وهوا بيكلم نفسو بصوت مسموع انتبه لها جايا من جهة الانتظار في يدها كوب كوفي وماشيا بشويش . والي يشوفها يقول ماتبا توصل ..
ابتسم علي طول .. وهوا مستغرب .. بعد ما كان شكلها ينرفزو .. صار من يشوفها تجيلو ضحكه ..
مشي لعندهاا بسرعه ووقف قدامها : زهاد
طلت في كدا ومشقت : نعم
ضحكـ لان واضح انها معصبه : جبتلكـ السله وبعد الترمز والكاسات .. عشان تجيبين لي حليب بكراا .. مو تنسين
طلت في كدا ورمشت وهيا مقهوره .. بس يغلط ويجي يتكلم عادي .. بدون ما يتاسف او يعتذر من جدو دا
اخدت السله من يدو ولفت تروح علي الكونتر كاسر مايعرف أي يبا يقول بس ماسيبها تمشي : دقيقه
طلت في كدا ببرود وهيا معصبه منو : نــعم ..
كاسر يلين ملامحو : زوزوو اممم شكرن الحليب اليوم غير شكل اطعم من كل مــرهـ
ابتسمتلو تسليكه : طـيب بالاذن
رجع مسكـ يدها مرا تانيه : ديقهـ
سحبت يدها بقوهـ : سيب لا تعورني
اتزكر كلام رهام : صح تعورتي اول يوم اضغط علي ايدكـ ..
: لا بالاذن
لفت تمشي للمره الرابعه برضو مسكها من يدها : لحظهـ ..
رفعلها كم المعطف شوياا .. وانصدم لما شاف معصمها محمرر بسبب ضغطتوو علي .. كشر : يوو
زهاد تحاول تسحب يدها بس ماسكها
اتلتفتت حولينا : كاسر اتركني ممكن شوفي الناس محنا لحالنا ..
كاسر سحبها من يدها ومشي بيها لوحده من الممرات الي مرا فاضيه وهادئهـ .. : الحين ..
طلت حولينها بتعجب : اترك يدي خليني اشوف شوغلي
ضيق عينو .. وحس انها اليوم معصبه بزياده : امم لا تكبرين الامور شنو فيكـ كل ذا عشان اخذت الحليب منكـ .. انتي موب عاملته عشاني
انفلتت : لا مو عشانكـ .. ومالكـ حق تاخد كوبي وحليبي وسلتي غصب عني قدام الناس لا وتوجعلي يدي كمان ..
طل في يدها كيف محمراا وبدون شعور رفعها لفمو وباسهااا بنعومهـ تلات بوسات ورا بعض وبعدين مسح عليها بيدوو التانيه : الحين تطيب زين
زهاد طلت في بتناحه ورمشت بفهاوه وشوياا .. جسمها كلو دفي وخدودها حمرررت بقووهـ .. وماقدرت تنزل عينها عن كاسرر الي ابتسم لما شاف اثار بوستو علي ملامحهاا ..
ضغط علي يدها : ماعاد اعوركـ ثاني اوكــي ..
هزت راسها : اوكــي ..
ترك يدهاا بهدوء : ولا تنسين تجيبين لي حليب بكره ترا بزعل عليكـ
في قلبها ياشيخ انا الي حزعل لو ماجبتلكـ حليب ..
هزت راسها بشويش .. : طيب
كاسر كدا حجات في قلبو جلست تتحركك وخلتو يرفع يدو لصدروو ويمسد علي بهدوء : زين انا بمشي تبين شي
بسرعه : لا لا لا لا ما ابا شي
رجع ابتسملها .. وماقدر يقاوم خدودها المحمره .. مسد عليها بخفه : زين اشسمه فكي الزعل ذا الي انتي فيه موب لايق ابد .. وش حالتكـ وانتي تظوحكين ..
ابتسمت : طيب طيب ..
كاسر دخل يدو في جيوب المعطف وراح عنهاااا وقلبو يدق بسرعه .. اوف ياربي اشبي .. حس جسموو حارر .. مع انو مافي أي سبب .. ولا يمكن السبب الاحساس الحلوو الي حسو وهوا يبوس يدهاا ..
مو مصدق انو هوا نفسو باس يدهاا ..
مرا مو مستوعب ..
خرج جوالو يدور رائد لازم يهرج قبل لا يولع ..
زهاد مازالت واقفه في مكانها ووماسكه يدها .. وعامل نفسي كدا خلاها تحس انو يدها مابتوجعها من بعد بوسه كاسرر ..
غمضت عينها تسترجع كيف رفع يدها وباسها تلاته بوسات ناعمه .. رجعت حمرت من اول وجديد : لا يااااربي .. مرا حلو مرا حلووووو .. فضلت مغمضه عينها لثواني .. وتكلم نفسها بصوت مسموع
: ترا مرا حلوو مرا حلووو .. آآهـ ياربي ..

~~~~~~~~
A6baa fe al-7o0b
~~~~~~~~

~~~~~~~~
A6baa fe al-7o0b
~~~~~~~~

سجـــلت خروج بسرعه واتوجهت للغرفه الخاصه فيهم شالت اغراضها ولبست عبايتهاا وكولها شوووق للذهاب الي المنزل .. والتمتع بوش اياد الطيف ..
لا لا كولها شوق للذهاب للمنزل .. عشان تنتهي الفتره الي يخلو بيها اياد بنياار .. الشي دا حيجنن اهلاا مو بس حيجننهاا ..
مدرعمه في الدرج وما عندك احد وبدون ما اتنته خبطت في حسام خبطه بنت كلب رجعت علي ورا وطاحت واتشعترت كل اغراضهااا في الارض .. : آآآهـ ..
حسام مسكـ صدروو .. : اححح اشبكـ يابنتي ليش كدا طايره علي فين ايش في
اسراء مازلت في الارض : اهـ أي ياضهررررررررري ااااه
حسام قرب لها : اتعوووورتي سووري
اسرا تعض شفايفها : آآهـ ضهرري ياربي
حسام مسكـ يدها معليش اوقفي اوقفي اشبكـ
سحبت يدها : آآآآهـ
حسام رخا نفسو لمستواها : معليش سوووري
تلوح بيدها : لا انا الي سووري ما انتبهت لكـ
مسك يدها : معليش اوقفي طيب
مسكت يدو ووقفت بشويش .. نفضلها المعطف .. : انتبهي اشبك كدا حامشه علي فين سؤال يسطح نفــسوو ..
: لا لا ولا شي بروح البيت بس
شالها اغراضهاا .. كولها واعطها لها : انتبهي مرا تانيه
ابتسمت : اكيد ان شاللهـ ..
من زمان ما اتوسخن معها جلس يطل فيها كدا شويا اتلفت حولينو بسرعه ومسك رقبتها وقربها يبا يبوس شفايفها
اسراء بعدت علي ورااا : حسام .؟؟!!
حسام استغرب : اشبكـ ..,,!!
بعدت عنو : ولا شــي
رجع يقرب لها تاني صارت تلف وشها عنو .. حسام وقف وطل فيها بدهشه : اشبكـ
رجعت تردد : ولا شــي ..
كشر حواجبو : اسراء اشـ
قاطعتو بسرعه : انته كيفكـ كيف مهند اتحلت موشكلتكم
من جابت سيره مهند اتنكد : لا لسااا ..
ما اهتمتلو : اها طــيب .. سيارتي برا بمشي
طل فيها بتعجب .. اشبها بتتحاشا كدا .. هز راسوو : طــيب
اسراء ماصدقت علي الله .. رجعت كملت نزوول الدرج وهيا برضو داعسه .. ولا كنها طاحت قبل شويا بسبب السرعه دي ..
خرجت برا المستشفي اتوجهت لسياره السواق .. : بسرعه علي البيت
السواق حركـ بسرعه : اوكي مدام ..
طلعت جوالها ودقت علي ايااد
اياد بسرعه : هلا سروراا خرجتي من المستشفي
: ايوا في الطريق انته في البيت
: ايوا حبيبي ليش بتسالي
من بعد داك اليوم الي جات ولقتو مافي صارت كول يوم تسالو دا السؤال وكل يوم يسالها ليش بتسالي ..
: امممم عشان امم بجيب اكل ولا عملت غدااا
بسرعه : لا لا عملت غدا تخيلي ايش
بحماس : سلاااات
: لا نيار ماتحبو عشان كدا ماعملتووو
طرطعت : نيار ايش انا اشلي فيهااا
اياد : لا عشان قلت بعمل اكله كولكم تاكلوها عرفتي
عصبت مرا وقفلت الخط في وشووو : لااااااااا نيار دي يبغالها حل
السواق : وات مدام
: انكتم احد هرجكـ
: اوكي مدام
اتكتفت وجلست تهز رجلها بعصبيه .. : الله يحرقك ياشيخه .. لا دي لازم الاسبوع الجاي اشوفلها حل .. ترا كدا مرا مايجي والله مايجي
جلست تاكل في نفسهاا لين وصلت البيت ..
السواق يفوقها لانها سرحانه وبتقرطم اضافيرها .. : مدام مدام
طلت في : ها نعم
: وسل بيت من خمسه دقيقه
طلت حوالينهاا وزفرت .. الله يعنها علي تقالة دم اياد وعلي وش نيار الي ينرفزز ..
نزلت من السياره وسيبت الاغراض : هي جيب دخل جواا
السواق شا لالاغراض ومشي وراها : حاضر مدام
دخلت الفله وعلي طول صرخت : اياااااد اياااااد اياااد فينكـ ..
اياد خرج من المطبخ لابس برمودا صفرا مع فنيله حمراا وعليها المريله الي عليها بزوره طعمين : هلا والله سروو جوعتيناا
مشقت : جوعت مين . انته ما تاكل الا وقت ماجي ..
ياشر علي المطبخ : نيار جيعانهـ من اول
اتاففت اللهم طولكـ ياروح مارح يبطل يرز اسم نيار في كل هرجه يهرجوهاا ..
خرجت نيار لابس نفس البرمودا وبلوزه حمرا وعليها المريلهـ وفي يدهاا زبدية فيها سلطه : اياد اياد ..
التفت عليها : هااا
: حطيت لها ملح وليمون ولا لساا ..
هز راسوو بسرعه : لسا لسااا
اسراء تغمض عينها وتقنع نفسها انهم مو لابسين زي بعض وواقفين بيطبخو مع بعض
اياد فوقها : سروو حبيبي اطلعي غيري بسرعهـ وانزلي كولي .. اوكــي دحين حنغرف
ايش ركزت سمعها .. نغرف .. يعني مو لحالو .. ياسلام .. لا الي بيصير جدن كلام حلوو ... احلي مايكون
فسخت عبايتها ورمتها في الارض .. وفسخت الشوزر
: اياد تعال ابغاك
اياد بيطل فيها ومتعجب .. لانها معصبه .. اشبها ياتررري ..
: اشبك سروو
طلعت درجتين ولفت علي : بقلكـ تعال ابغاكـ ..
اياد فسخ المريله وفريره طلع ورها ..
دخل الغرفه ورها وهوا مستغرب : اشبك ايش تبغي فيــ ..
قفلت باب الغرفه واخدت المفتاح .. : خليك هنا دقيقه اتحمم .. طيب
اياد يطل في الباب : ..؟؟؟!! سرو سلامات
طنشتو ودخلت علي الحمام وبدت تفسخ ملابسها
اياد يخبط علي الباب من براا : سرو حبيبي اشبكـ .. ايش في ليش قافله الباب اشبكـ نيار تحت لحالها
عصبت وصرخت باعلي صوتها : حياكولها العفريت يعني .. دايم كونت اجلس في البيت لحالي اشبك انته
اياد بعد عن الباب بسبب صريخها العالي : سرورا حبيبي .. هدي وقوليلي اشبكـ
طنشتو ودخلت تحت الدوش وسيبت المويا البارده تنزل علي راسها وشها يمكن تبردلها قلبها شويااا ..
المنظر الي شافت اياد ونيار علي مرا قهرهاا وحرق لها قلبها واشعل كل مشاعر الغيره الي جواتها
كيف اياد حيستغني عن نيار . وهيا بتحسسو انها مرتو . بعكسكـ انتي
اشترتلو ملابس زيها .. عمرك فكرتي فيها يا اسراء طبعا لا ماعمركـ فكرتي ابدن ..
لابسه مريله وواقفه معا في المطبخ .. عمرك سوتيها لاا ..
تسمع كلامو .. وكلمتو هيا الي تمشي .. محسستو انو رجال .. اما انتي محسستو انو شي من ممتلكاتكـ .. وكلمتكـ هيا الي تمشي علي .. صح يحبكـ .. لكن لو انتي استمرتي كدا .. ولو نيار استمرت كدا .. نيار حتاخد مكانكـ وبجدارهـ ,,
خرجت من تحت الدوش بعد ما مارست طقوس الترويش علي السريع لبست روب الاستحمام الاصفرر وخرجت
لقت اياد راقد علي السرير ومغطي يدو بوشوو .. من سمع صوت الباب طل فيها : خلصتي
: لا راجعه اترووش ..
اياد بتعجب : حبيبي سروو اشبك معصبه قوليلي
طبعا لو تنطبق السما علي الارض ماراح تقلو مضايقه من نيار ..
ماتدري انها بتناقض نفسها .. كل حركاتها تدل انها غيرانه من نيار .. لكن لا يمكن تقر بدا الشي خصوصا لاياد .. مع انو اكتر واحد فاهمها وفاهم حركاتها
قرب لهااا .. ورفعلها البرنوص تبع روب الاستحمام : شعركـ لا تبردي ..
دفت يدو : ابعد
طنشهاا ورجع رفعلها البرنووص : قلت لكـ لا تبردي
رجعت دفت يدو بقووهـ : ابعد عني
اتكتف : قافله عليا في غرفتكـ ليش طيب
طلت في الباب بدهشه .. : متي قفلت الباب انا ..
اياد يرفع كتوفو : ماعرف
لفت عنو : تبا تخرج اخرج ..
جلست علي كرسي التسريحه تسرح شعرهااا ..
اياد قرب لعندها وحضنها من ورا بشويش .. وباس خدها ورقبتها : احوبكـ سرورتي .. لا تسوي في نفسكـ .. كدا .. انا عارف اشبكـ .. انتي بس قوليها ومايصير الا الي تبغي .. لو تبيني انتحر حنتحررر ..
رفعت عينها وطلت علي في المرايه وبعدت عينها عنو : مافيا شي وماسويت في نفسي شي ابعد عني
سحب المشط من يدها ومشط لها شعرها ورفعلها هوا كوكنتين ورجع ضمها بقووهـ : ترا مرا احوبكـ .. انتبهي علياا ياسروو يمكن في يوم وليله ماتلقيني ترا بديت اتعب منكـ بدت نفسيتي تتازم .. بديت احس باحسايس سيئه بسببكـ .. انتبهي عليا ان كنتي تبغيني .. ولو ماتبغيني قوليلي هيا وريحيني ..
رجعت طلت في ولفت صقعتو علي وشوو بخفه : لا تتكلم كلام مالو داعي ..
رمش بفهاوه ومسكـ خدوو . : اسراء انـ
وقفت في ثواني ودفتوو بعدتو عن التسريحه
اياد : ؟؟!! سروو
قربت منو وحضنتو بـــقوهـ .. ودفنت وشها في رقبتو تشم ريحتوو .. مع انو ريحتو طبخ بس حبتها مرااا ..
اياد ابتسم ولف يدينو حولين وسطها وقربها لو اكتر واكتر .. وفي ثواني استرجع ديكـ اليله الحلوهـ الي ماعاد اتكررت الين دحــين
بعد راسو عن رقبتها وباس خدها وفمهاا : سرو انا مرا احبكـ ..
اسراء تغمض عينها وترجع تشدو لحضنهاا .. بدون ما تتكلم
اياد : سروو بس قولي انكـ تحبيني
: لا تصير غبي
: اعتبريني غبي انا مارح اتحرك ولا راح اسوي شي لما تقولي انكـ تحبيني
: انــ
قطمت كلمتها لما سمعو دقات قويه علي الباب وصوت نيار برااا : اياد اياد انته هنا
اسراء ماخدت وقت عشان تتنرفز .. صرخت : ايوا اياد هنا نعم
نيار : اياد رد عليااا
اياد يتنفس بسرعه : ايواا ..
نيار : اممم الاكل اممم انا من اول كونت بستناكـ واا اممم
اسراء قاطعتها : مارح ياكل ..مارح ناكل .. حنام انا واياد .. كولي انتي
اياد جا يهرج اسراء اشترلو بعيونها انو اسكت احسن لكـ
نيار خبطت علي الباب : اياد انته حتنام
اسراء بصوت راخي : قولها انكـ حتنام
اياد يطل في اسراء طله انحرافيه : حتخليني انام .. ؟؟!! معاكـي
هزت راسها بسرعه : ايوا
اياد رفع صوتو : ايوا نيار حنام كلي انتي وكدا
نيار عند الباب ابو وام وكل اهل الاحباط الي جاهاا ..
اياد يطل في اسراء : عند كلمـتكـ
هزت راسها ورجعت ضمتوو بقووهـ ..
اياد ابتسم

~~~~~~~~
A6baa fe al-7o0b
~~~~~~~~

~~~~~~~~
A6baa fe al-7o0b
~~~~~~~~

اعنــاب في السيارهـ .. وبتهزهز رجولها بقلق .. بالها مرا عند مازن .. ماتدري ليش جايها احساس قوي انها تبا تكلمو .. تبا تفهمو ..
او بالاصح . تبغا تعتذرلو حــتي ..
اووف ياللهـ .. ايش الحل
ليش كدا بتحس .. مو دا الي تبغا .. تشوه سمعتو .. عشان لا يقدر يفتح فمو عليها ..
وحتي لو فتح فمو عليها .. حيتهمو اتنو بيتهمها عشانها اتهمتو .. وام الخبيض .. والخلاصه ماحد حيصدقو
طيب الخطه سارت علي مايرام .. اشبها دحين حاسه باحاسيس خايسه ..
رن جوالها فجعهاا : ايواا
مهند : اممم اعناب مشيتي
: ايوا ليش .. ؟؟!
: ماعرف كونت بكلمكـ بس
: كلمني طــيب ..
: اممم لا بشوفكـ واكلمكـ ممكن ..
اتنهدت : حتي انا مهند ..
مهند كالعادهـ لما يحس انو احد مضايق او مهموم .. ينسي نفسو ويسمع غيروو
: اشبكـ عنوشهـ .. حسيتكـ مو علي بعضكـ لا يكون كل دا بسبب مازن الواطي
بسرعه : لا لا لا تقول عنو واطي
مهند باصرار : وستين واطي لا تدافعي عنو بعد الي سوا
زفرت : مهند بكلمكـ بخصوص دا الموضوع
مهند بتعجب : ايش في قوليلي ..
اعناب خافت تقلو عن الهرجه وتطيح من عينو هوا كمان مرا يكفي مازن يدري عن سواد وجهها
: خلاص ولا شي
: الا في شي قولي
اعناب ضغطت علي نفسها وقالتها بسررعه : مازن ماساوالي شي صراحه لا تقول ليش وكيف
مهند بسرعه : ايش كيف .؟؟! ماسوالكـ شي كيف بسرعه فهميني
قرطمت اضافيرها وزفرت : مو فاهم انته
: وجع فهميني .. ما ساولكـ شي .. كيف يعني .. وليش قلتي الي قلتي يعني
قررت قرار سليم وانها ماتقلو علي السب الحقيقي .. : ماعرف بس كدا قاهرني .. قلت بسوي في كدا وارد حقي .. والتهزيئات الي كان يهزئني هيا .. والسر الي خاب عني .. زواج اختو من بابا .. وكدا تقدر تول .. في لحظه غباء فكرت اني انتقم ولقيتها فرصه
مهند شهق كنو قلبو بيخرج : ايش ايش ايش اعناب الله يخليكي امزحي .. ؟؟
اعناب خافت من رده فعلو : لا ما بمزح دا الي صار واللهـ ..
مهند بدون شعور : حماره انتي ولا حماره .. تهرجي وتقولي عنو كدا وتقولي بتنتقمي
فرصعت عينها : لا تسبني انته الحماااار
مهند عصب من قلب : ومخليا الكل يهرج في ومخليتني كارهو وطايح من عيني .. ومخليتني اعاملو بقله زوق .. وههوا مظلوم ..
اعناب حست قد ايش هيا حقيره : لا لا مهند اسمعني والله ماقصدت بس هوا هوا
قاطعها : طيب ايش الي صار اصلا
: ماصار شي كونابنتكلم في بيتهم وطحت
مهند مو مستوعب : يعني ماسوالكـ شي
بخوف : لا ماساوالي شي مرا
مهند : وربي انكـ مجغه ولكيعه دي حركه تسويها في مازن .. لما هزئك لمصلحتكـ ولما اختو اتزوجت ابوكي مالو دخل .. تشوهي سمعتو كدا ..
اعناب : لا لا بس انا اشسمو
: لا تقعدي تبسبسي بلا وربي اهنيكي رفعتي ضغط اهلي كولهم
: بس انا
سكتت لانها سمعت صوت القطار : اووف ياربي هيا مهند كماان كارهني دحين لا ياااربي ايش اسووووي ياربي ياربي
طلت في السواق : هي روح بيت بابا انا ..
يهز راسو بدون مايهرج : اوك مس ...
رجعت تقرطم اضافيرها بتوتر .. طيب بيت بابا ايش حسووي هناكـ .. طيب امم .حعترف لبابا .. لا طبعا ..
حكلم علياء .. برضو لا طبعا
حكلم مازن .. ايوا ايوا حكلم مازن
ايش حقول لمازن .. ياتري مازن حيرضي يشوف وشي .. حيرضي يكلمني ..
طيب اكزبي علي .. اممم
قوليلو انو وهيب الي طلع الاشاعه وانتي مالكـ دخل ..
صح صح ايوا ايوا دا الي حيصيررر
وهيب قطع عليها افكارهاا
ردت علي : ايوا خالو حبيبي
: فينكـ عنوشه بستناكي
: اممم لا انا بروح بيت بابا
رفع حواجبو : ايش فين بتروحي ..
تاكدلو : بيت بابا
: وليش ان شالله ايش عندك هناك وليش فجئه ..؟؟
بكدب علي طول : بابا بيستناني هناكـ كلمني قال ياروحلو ماعرف ليش
وقف : اجيكي اجي معاكي
بسرعه : لا لا شكرن .. انا وصلت خالو هيا حنزل .. مع السلامه
: دقيقه عنوشه
: ها خالوو
: انتبي لنفسك لو في أي شي كلمني علي طول
: اكيد وهيب يلا مع السلامه
قفلت الجوال بــسرعه ورمتو في الشنطه نزلت من السيارهـ .. وطلت عند الباب .. مافي سياره مازن .. امم يعني لسا ما جاا ..
رفعت عينها وتتزكر جدول المناوبه .. : اممم لا لا مو مناوب اليوم .. يعني مهما اتاخر حيرجع ..
اشرت لسواق : خلاص روح انــتهـ
يادوب حركت سياره السواق من هنا وقفت سياره وائل قدامهاا ..
نزل وهوا يدندن اغنيه مكسيكيه بكل انطراب .. التفت وشافها سكت وصار يطل فيها من فوق لتحت ..
: ايش بتسوي هنا .. ؟؟!
اعناب صار يركبها خوف من تشوفوو ..
اتلبكت علي طول وطار الكلام : اممم ايوا اشسمو ولا شي يس امم ايوا واقفه
وائل قرب خطوتين .. رما المعطف علي كتفو وفسخ النضاره .. وكرر سؤالو بكل برود : ايش بتسوي هنا
اعناب تشبك يدينها في بعض : مازن بكم مازن ايوا بدي اكلم مازن ايوا ايوا ..
وائل كشر : ايش تبي تقوليلوو .. تعتذريلوو
هزت راسها بسرعه : ايوا
قرب كمان خطوتين .. : واعتذاركـ لمازن ايش بيسوي ..؟؟!
بلمت : ها
قرب كمان وهيا رجعت علي ورا : الاعتذار بيشيل السمعه الوسخه الي طلعت علي بسببكـ .. اعتذاركـ حيقنع الموظفين في المستشفي انو بريئ .. اعتذاركـ بيغير شي ..
اتقدم كمان خطوهـ : لا مارح يغير شي ..
اعناب بلعت ريقها ولصقت في الجدر وماعرفت تهرج ولا تقول شــي .. اذا وائل قال كدا مازن ايش حيقول
وائل مترها : ياريت ورايكي مسبح فاضي ياشيخه
مافهمت : هاا
لبس النضاره ولف تركهاا دخل الفله وقفل الباب .. يعني خليكي في الشارع ..
زفرت بانهيار .. اذا وائل كدا رده فعلو ياتري مازن ايش حيقول
لا تتوقعي انو حيقولكـ اوكي .. مو مشكله حصل خير .. الي قلتي والي سوتي .. شــي كبير يا اعناب ..
ويبغالك اعتذار كبير .. ويبغالو تصرف كبير .. عشان ممكن مازن ينساا او شــي زي كدا ..
رفعت الجوال لادنها وكلمت السواق قالت لو يرجع .. اصلا باي وش حتقابل مازن
لازم تفكر كويس ايش حتقول وايش حتسوي وبعدها توري فيسها ..
غمضت عينها وبكيت .. بسبب غبائها .. ورطت مازن وورطت نفسهاا
ودحين خايفه تخسر مازن ..
خايفه ايش ..
رجعت سالت نفسها .. واتاكدت انها خايفه تخسر مازن
استغربت .. كيف قدرت تتكلم عنو كداا .. كل دا عشان تخبي سواد وشهاا ..
رفعت يدها وغطت وشهااا عشان تبكي مزبوط
حتي مهند يمكن دحين حتخسرو ..
انقهرت من نفسها .. ايش خلاني اقلو .. ايش خلاني اكلموو ..

~~~~~~~~
A6baa fe al-7o0b
~~~~~~~~

~~~~~~~~
A6baa fe al-7o0b
~~~~~~~~

تسنيم خشت البيت وفي يدها بوتيك ورد احمرر .. ومسرحه في ماجد وفي بهاء ..
ماودها ترجع البيت عشانهم ..
بودها لو تجلس معاهم طول اليوم في المستشفي ..
كانت ما تمل جلسة بهاء
ودحين صارت ماتمل تطالع في ماجد بس ..
قفلت الباب وخشت ماشيا بخطوات مترنحه ولو عليها يقولولها ارجعي للمستشفي اليوم
خصوصا انو بهاء صحتو موش ولا بد وكتبولو تنويم اليوم ..
نسيم استقبلتها : بدري ياختي اشبكـ .. اتاخرتي ادن العصر من اول ..
تسنيم ببرود : ويعني ادن العصرر
نسيم تصقعها : يعين المملك حيجي في أي لحظه
جالسه تطل في الورد وتشم ريحتها : الله يحي والمهلي مايولي ..
نسيم رجعت صقعتها بقوهـ وجرت منها البوتيكـ : قوملي البسي ياشيخه جاين دحين
: البس ليش الحفله في اليل دحين بس توقيع وكلام فاضي
: طيب تبي توقعي بملابس العمل
تسنيم جلست علي الكنبه بعبايتها : يب
نسيم مستغربه منها : اشبكـ يابنت
تسنيم مو متحمسه ابدن .. وبعد كلام اجد جالسه تعيد النظر في الموضوع : مافيا شي
نسيم جلست جنبها : هي هي اشبك انتي اتكلمي أي شالبرود دا الي نازل عليكي
حتي بابا مانقزتي تسلمي علي
تسنيم فزززت : بابا ..
نسيم : بسم الله
راحت لغرفه ابوها بــسرعه
نسيم : هي هي بابا ف يالمجلس متحمسي حياتو علي
: ف يالمجلس ايش بيسووي
: ماعرف جالس هههههههههههه متحمس حبيبي
تسنيم اتوجهت للمجلس وشافت ابوها جالس ومتكشخ ومتحمس من جد وجنبو البخوور وريحه الغرفه مرا حلوو ا
راحتلو بسرعه وباست يدو وراسو : بابا هههههههههههه اشبكـ جالس هنا
طل فيها : يابنتي روح ياتجهزي حيجي عريسك والمملك في أي لحظه
وبرضو بطنها مغصتهاا .. : طيب بابا حبيبي ..
رجعت باست يدو : دحين حجهز
: بسرعه يابنتي ..
وقفت وخرجت من المجلس راحت علي غرفتهاا .. فسخت ملابسها واخدتلها شوور علي السريع
خرجت لبست فستان موفي اكمامو قصيرهـ يوصل تحت روكبها .. سيبت شعرها طاير ينشف من لحالو وويتجعد طبيعي
حطت بس روج فاتح جدن
دخلت عليها نسيم وطلت فيها : ايش بتسوي ايش داا ..
تسنيم تطل فيها ببتسامه : حلوو
نسيم صقعت جبهتها : حلو مين شوهـ .. استشوري شعركـ وحطي مكياج عدل ..
: مارح اقابل يامن دحين
: لا ياحبيبتي علي بالك لما توقعي ويتم كل شي مارح يقول يبا يجلس معاكي ولو شويا وبعدين ارحم الادمي كل يوم يشوف وجهك مغسول حطيلك مكياج عدل
زفرت : مافيااا تراا ..
نسيم سحبتها جلستها علي كرسي التسريحه .. : مافيكي انا حخدمك طيب .. اتزكريها ورديلي هيا يوم زواجي
تسنيم تضحك : ههههههه طيب ياكتر الحجات الي حردلك هيا يوم زواجك الله يستر بس ..
نسيم فتحت علبه المكياج وفي دقايق زبطتلها مكياج مرا حلوو وصارخ .. طلع شكلها مرا حلوو .. لانها بختصار اول مرا تحط مكياج اوفر .. ولا هيا ماتعرف الا الورح والكحل
ملامحها الحادهـ بانت .. وعيونها برززت بسب العدسات الخضرااا .. المناسبع مع لون شعرها الباهتــ ..
الي استشورت لها هوااا ولفتلها هوا علي فوق بالاستشواار ..
انتهت من شغلها وطلت في اختها : يانااس شكلك صار حلوو .. ما كنك انتي ..
تسنيم تلف علي المراايه : دقيقه خليني اشــ ..
قطعت كلمتها وتنحت في نفسها تحس انها ماعرفتهاا لووول
نسيم : هههههههههه قولي ماشالله لا تحسدي نفسك
: هههههههه عاد مو لدا الحد حلوه احسد نفسي ليش صرت اليسا فجئه
: يبانت فين اليسا عنكــ .. اليساا قال
: اقول يرحم اهلكـ لا تجلسي تجامليني كدا ههههههههههـ
نسيم : ههههههههه قومي قومي وري بابا ..
تسنيم قامت بحماس : طيب يلا يلا
راحو لابوهم في الغرفه لقو مبتسم ومنشكح
تسنيم بحماس : بابا بابا ايش رئيك
: ماشالله يابنتي الصلاه علي النــبي .. انتي نفسك
نسيم تكش عليها : يابابا حلوه هيا بس الله يهديها .. ماتعرف تهتم بشكلها .. بس تغسل وشها وتمشي
تسنيم : يعني رايحه دوام اسوي كدا مثلا
: لا يعني في الاماكن التانيه
تسنيم : أي اماكن تانيه .. لا عندي صحبات بالكوم .. يارب لك الحمد .. ولا قرايب .. ولا شي فين اروح عشان اسوي كدا
: يلا دحين تتزوجي ويصير عندكـ اهل زوج وارحام وحركات وسلايف يمكن
ابوها : تصدقو ماعرف اذا عندو اخوان يامن دا او لاا ..
نسيم تفرك يديها : كنو متزوج بالسر .. ماقد احد جا معاا
ابوها : يمكن ماعندو اهل وعلي قد حالوو
تسنيم بتفكير : كيف علي قد حالو وناوي يجبلي ميتين الف ..
نسيم تحس في انه ورا الموضع بس ماحبت تخوفهم : خلاص خلاص .. يببو علي قول الكوتين
تسنيم : نيبب ليش لسا ماصار شـي
يادوب خلصت كلمتها الا دق جرس البيت
نسيم بحماس .. : جو جو جو
تسنيم : طيري الله يخليكي
ابوهم يضحكـ : ههههههه يلا يابناتي علي هناكـ حروح افتح
تسنيم دفتو لين عند باب الشقه ودخلو هيا وتسنيم وفتحو طرف الباب عشان يطلوو ..
ابوها فتح الباب واستقبل المملكـ ومعا يامن .. وخالو وعيال خالوو .. كان عددهم كبير .. لدرجه انو ابو تسنيم اتفاجء من عددهم ..
ونسيم وتسنيم صارو يطلو في بعض بتعجب .. من فين طولعو الذكور الكتار دولي ..
رن جواله تسنيم الي معلق في رقبتها
استغربت لما شافت المتصل بهااء .. ؟؟!! بهاء تعبان ومنوم فيلو حيل يتصل وكدا
ردت بتعجب : ايوا
جاها صوت ماجد
: تسنيم لا توافقي انتي ماتبغي .. تعالي المستشفي .. بهاء يبغاكـي مرا يبغاكــي ..
تسنيم قلبها وقف : اشبو بهاء اشبوو
: ماعرف مرا تعبان ويقول تسنيم قالت مارح تتركني .. ترا مو بوعيو بس يدوركـ سيبيكي من الملكه ومن يامن وكل دا انتي ماتبي توافقي علي اتركي .. وتعالي
صارت تطل في نسيم وتطل بتعجب : ماجد انا
قاطعها : تسنيم لاخر مرا اقلكـ منكـ مطره تتزوجي شخص مو مقتنعه في ولا يناسبكـ عشان ابوكي ..
: تسنيم انتبهي ترا الي بتسوي مرا غلط حتندمي علي .. لا توافي عشاني وعشانكــ وعشان بهاء حتــي .. هوا محتاجكـ سيبيهم مع نفسهم وتعالي
مارزكت الا في كمله عشاني
التفتت حولينها بدون تفكيرر .. : نسيم نسيم .. بهاء بهاء مريض
نسيم طلت فيها بتعجب : اشبك ايش في
قفلت الخط في وش ماجد .. ودخلت غرفتها لبست عبايتها اسرع شــي ..
نسيم : ؟؟؟؟!!!!!!!
تسنيم : ابعدي بمشي ابعدي بروح المستشفي
نسيم : ايش في سلامات في ناس جاين عشانك وبابا والشيخ ويامن اشبك تروحي فين ايش صاير
بهاء لبست شوزها وشالت الشنطه وخرجت من الباب التاني .. وتركت نسيم متنحه خلفهااا
في مجلس الرجال الشيخ فاتح الكتاب الكبيررر ..
وبيهرج بنشكاح : العريس الهويه
: الشاهد الاول
: الشاهد التانيه .. هوياتكم
: والد العروسهـ .. هويتكـ
المملك بدا يسجل كل شي ووقف وشال الكتاب .. نسمع رئي العروسهــ .. وتوقع
ابو تسنيم بكل انشكاح : اكيد ياشيخ اتفضل
يامن وقف ودف العربيبه لعند الباب ..
ابو تسنيم ينادي يابنات يابنات
جاتو نسيم ولابسه طرحه بيضه ومتلمتمه .. ماعرفت ايش تسوي وايش تقوول ..
: ها بابا
: فين اختكـ
بدون تفكير : هنا موجودهـ
يامن مدلها الكتاب : الشيخ بيسالها خليها تجاوب ..
نسيم تبعد علي ورا وهيا مو عارفه ايش تسوووي : طيب طيب
شدت شعرها : ياربي الله ينعلكـ يا تسنيم ياحمارهـ ياواطيهـ
الشيخ : احم احم بسمع ردكـ موافقه علي يامن
في لحظة عبط منها .. دخلت اصباعها في فمهاا وبسرعه ردت : ايواا ..
الشيخ : اوكي وقعــي ..
نسيم وقعت بسرعه ومدت الكتاب ليامن .. الي انتبه انها واقفه لحالها فرصع عينو بصدمه
نسيم علي طول اشرتلوو : اووووس
يامن سكت وهوا يفكر ايش صايررر .. لكن في نفس الوقت اتجاهل كل حاجه لما شاف التوقيع .. الي حيغير حياتوو .. مو مهم مين وقع
انقفل الباب ورجعو الرجال يباركو ليامن ويهنوو .. ونسيم يعني انها تزغرط
وشويا وقفت ومسكت قلبها : انتي ايش سويتي يا نسيم .. ؟؟
يامن جوا مسرح في نسيم .. كانت لحالها وهيا الي ردت وهيا الي وقعت .. كيف كيدا
..
ايش صايررر ..
؟؟

..
..
..
..

نهايه البارت الثاني والعشرين.
اطبـــــــــاء في الحب ..
قطـــعة شوكلاتـــهـ ..

~~ BARt [23 ]

اطـــــــــباء فــي الحـــب ... ... ...

~~

لقصص جميع المرضي البدايه ذاتهاا ..

فهي تبدا بهم في اتم صحه ..

تبداء بما هوا قبل ..

فيتمسكون بتلكـ الحظه ..

وتلكـ الذكري عما كانو عليه .. عما كان من قبل ..

وكان الحديث عنها سيعيدها مجددا ..

لكن مالا يدركونه .. هو انهم يتحدثون عن ذالكـ معنا ..

مع اطبائهم .. مما يعني .. انهو ماضي لن يعود ..

فحين يلتقون بنا يكون مابعد قد بدا ..

~~

وقفت سياره التكسي قدام بوابة المستشفي ..

تسنيم نزلت ويدها علي قلبهاا .. راعي التكسي اوسخ ما يكون .. ماسابها في حالها .. انفاسها متسارعه ونبضات قلبها زي الطبل ..

مرا ما اتوقعت انها توصل سليمه ..

وكل دا بسبب بهاء يعني لو مو بهاء محتاج لها .. لو ما اطرت تركب تكسي بدا المنظرر .. في دا الوقت ..

قفلت الباب بعصبيه وعيونها بدها تندر من مكانها .. مشيت ولا حاسبت التكسي .. بختصار ما معها شنطه ولا فلوس ولا غيروو ..

نزل وراها راعي التكسي وسيب السياره قدام المواقف والناس تضرب بوارري : .. لو سمحتي يا اختي لو سمحتـــي ..

دخلت المستشفي وعيونها بدها تطيررر وماسكه عبايتها واطراف الطرحهـ .. الي لافتها باهمال ..

اتوجهت للمصعد بدون مقدمات طلبتو وطلعت علي قسم وحده غسيل الكلي ..

وقفت عند اول كاونتر صادفها : دكتور ماجد موجود ..؟؟

الفلبنيه : يس مس

: اوكي شوكرنـ ..

اتوجهت لغرفه بهاء الي اتنوم فيها قبل العصررر .. وهيا طايره طيران

وصلت للغرفه فتحت الباب بدون ما تدق : بهــ...

قطمت كلمتها وشها اتلون وبدا يصغر يصغر .. لما شافت شخص غريب متمدد علي السرير .. وجنبو مرافق لو جالس علي السريرر التاني

طلو فيهما كولهم بتعجب .. خير ان شاللهـ ..

تسنيم من الكسفه تنحت وماعرفت ايش تقول .. : احم انا انا

الرجال ببرود : غلطانه اختي ..

هزت راسها بسرعه وهيا تشكرو انو قالها وووفر عليها : ايوا غلطانه غلطانه صح انا غلطانهـ

صارو الاتنين يطلو في بعض ويرجعو يطلو فيها بندهاش

تسنيم اخيرن اتحركت ورجعت علي ورا بهدوء :بالاذن اسفه اسفهـ ..

: مو مشكله تحصل .. في احسن المستشفيات

اتنرفزت من نبره صوتوو .. خرجت وقفلت الباب

اتنهدت براحه الا رجعت شهقت لما استوعبت انو دي غرفه بهاء والمفروض منوم فيها من العصررر .. ليش صار مكانو دا الرجال .. ايش في .. ايش صار لي بهاء . طب فين بهاء ..

ماحبت تفكر في افكااار سلبيــهـ .. وسيئه

تكلم نفسها بصوت مسموع لانو بسبب دقات قلبها القويه .. ماقدرت تتكلم بينها وبين نفسها

: تسنيم اهدي اهدي بهاء بخير .. مع ماجد يب اكيد مع ماجد اكيد خرج ايواا

: خدي خدي نفسي عميق ..

وبالفعل تتنفس وترجع تزفر : اهدي اهدي

خرجت جوالها من جيبها .. : اتصرفي بهدوء بهدوء كلمي ماجد كلمي ماجد .. بهاء بخير وهوا حيطمنكـ ..

ثواني حستها ساعات علي مايجيها صوت ماجد : ايوا تسنيم

تسنيم من سمعت صوت ماجد انهارت : اقلكـ بهاء ماهو في مو في غرفتو مو هناكـ .. فينو ايش صايرلوو .

ماجد وقف : انتي في المستشفي ..

شويا ويجيها انهيار .. : اقلكـ بهاء مو موجود .. فينو .. انته كنت معا .. صح .. بهاء بخير صح

ماجد خرج من مكتبوو : انتي فينكـ ياتسنيم اتكلمي فينكـ في المستشفي

تسنيم معلقه : بقلكـ فين بهاء بهاء فينو فينوو .. ليش مو في غرفتو .. هوا بخير .. صارلو شي .. قلي يا ماجد قلي ..

ماجد خمن انها عند غرفتو : تسنيم خليكي مكانكـ دحين اجيكي طيب

: لا لا تجي قلي فين بهاء وبس

ماجد قفل في وشها .. طلت في الجوال بصدمــهـ .. : ماجد ماجد

طلعت حرتها في الجوال .. وصارت تخبطو بقوهـ . وجع وجع وجع ..

لفت تطل في الغرفه وهيا متنحــهـ ورجعت تكلم نفسها : بهاء بخــير بهااء بخير

وهيا في الي هيا في .. انتبهت لماجد جاي لعندهااا حامش .. ولما رب منها وقف ..

وانسطل بشكلها .. وانبهر بلروج الصارخ الي علي شفايفها الصغيــرهـ ..

هز راسو مرتين وتلاته .. موستحيل .. دي تسنيم ..

مرا شكلها غير بالمكياج .. لا موستحيل

تسنيم لما شافت وقف هيا راحتلو : بهاء فينو بقلكـ ليش مو منوم في غرفتو

ماجد يمرر عينو علي كل وشها ومو قادر يمنع نظراتو .. : تسنيم متغـ...

قاطعتو : فين بهاااااااء .. اشبو بهاء ..

ماجد يرمش بفهاوهـ : تسنيم انتي جـ..

رجعت قاطعتو بصرخه فوقتو من الفهاوهـ الي هوا فيها : هي ماااجد بقلكـ فين بهااء فينو

رمش بسرعه واستوعب : اهاا بهاء بهاء

شويا ضحكـ بحماااس : ههههههههههههه تسنيم جيتي .. سبتي الملكه وجيتي ..؟؟!!

تسنيم استغربت من ضحكتو في دي الظروف : ماجد اشبك فين بهاء

مسك كتفها بقوهـ عجيبه ورفعها شويا عن الارض : جاوبيني سبتي الملكه وجيتي ولا صار شــي .. ؟!!

تسنيم جا دورها تتنح : لا سبتها وجيت

ماجد : يعني ما ملكتي .. يعني سبتي يامن .. يعني سبتي كل الملكه

هزت راسها وكل علامات التعجب علي : ايوا سبتها وجيت عشان بهاء فينو بهاء

ماجد رجع راسو علي ورا وضحكـ تسطيح : هههههههههههههههههه كفو تسنيم .. فكرتي فكرتي كويس ..

تسنيم طارت علامات التعجب من راسها وعصبت من ضحكتو الي ماتدري ايش تبا : ماجد اشبكـ بتضحكـ من جد ؟؟

ماجد اتقدم لها : ولا شــي .. انبسطت مراا انكـ سبتي الملكه وجيتي

من بين اسنانها : جيت عشان بهاء عشاني وعدتو اكون موجوده لو احتاجني .. ممكن تقلي فينو بسرعه ترا قلبي واقف من اول .. وبطل تضحكـ بالطريقهـ دي مالكـ داعي مرا ترا مو موقف مضحكـ ..

ماجد سكت والتفت يمين ويسار وانكسف لما شاف كم شخص وكم ممرضه في المككان .. وكلهم بيطلو في تسنيم كيف بتكلمو او بالاصح بتهزئو .. وكانها هيا المشروفه وهوا المتدرب ..

تسنيم انتبهت لنظرات الموجودين

رخت عينها الي بدت تدمع : حتجاوبني فين بهاء ولا كــيف

ماجد يتلفت : اتفضلي مكتبي اجاوبكـ ..

ضربت رجلها في الارض .. : مابغا مابغا

ماجد يتلفت حولينو : تسنيم امشي بيطلو فيناا ..

تسنيم تتلفت وتطل فيهم بعدم اهتمام وترجع ترد علي بعناد : قولي فين بهاء يا ماجد .. وكيف اتصلت من جوالو كنت معا انته ..

ماجد رجع اتلفت حولينو وعصب منها لوله الانظار كولها عليهم بسبب صوتها العالي : قلت لكـ اتفضلي يا دكتورا تسنيم

تسنيم اتنرزفت هيا كمان .. متصل عليها وفاجع اهلها ومخليها تسيب الي وراها والي قدامها .. عشان يجي يضحكـ بصوت عالي وبس : مارح اتفضل مكان .. حتجاوبني هنا طــيب

ماجد اتنازل : اوكـي .. بهاء صحتو اتحسنت وخرج علي طول .. بعد ما اعطينا مغززي .. وكم مسكن .. كـ..

قاطعتو بعصبيهـ .. : كيف كلمتني من جوالوو ؟؟!!

ماجد يطل في الموجودين ويتنحنح : احم احم تسنيم وطـي صوتكـ الكل بيطل فينها

ما اهتمت لوو .. : اقولك جاوبني .. اتصلت عليا .. من جوالوو كيف ..

ماجد اتنرفز منهاا مرا .. اتقدم خطوتين ومسكها من يدهاا وسحبها معا : لما اقولكـ تمشي تمشي

حاولت تسحب نفسها بس ماقدرت .. ماتصحا الا وهيا ماشيا وراا بستسلام : ماجد ماجد بيطلو فينا ماجد مني اصغر عيالكـ مني اصغر عيالكـ ..

مازن طنشها لين وصل لمكتبوو دخلها وقفل الباب برجلو

جرها بقوهـ ورزعها علي الكرسي .. وتكا بيدو علي مسند الكرسي .. وقرب وشو منها .. : اشبك انتي اشبكـ ناسيه انا مين تكلميني كدا والناس تطالع ايش انتي كيف انتي

تسنيم نشفت من صرختو .. : انا انــته.. الملكهـ .. بهاء

ماجد فضل مكشر ملامحو لثواني .. وبعدين ماقدر يقاوم شكلها وهيا مفجوعه .. ميل فمو علي جنب يحاول يكتم ضحكتو بس ماقدرر .. : هههههههههههه خلاص لا تخافي بكدا صرخي خدي راحتكـ بس لما نكون لحالنا .. اما قدام الخلق ايش يقولو ايش يفكروو

طلت في كدا بتعجب .. عندو انفصام شخصيه دا ولا ايش .. : ماجد انــ ..

قرب وشو كمان لها : تسنيم .. انا كلمتكـ من جوال بهاء .. صح

هزت راسها : ...!!!!؟؟؟

بعد عنها ولف حولين مكتبو : نسي جوالو معاياا .. وخرج ..

اتنهدت : يعني بهاء بخير ..

: ايوا حمد لله خرج بعد ماخرجتي من هنا بساعه يمكــن .. مارضي يجلس

ماحست بنفسها وهيا تغمض عينها وتحط يدها علي صدرهاا : الحمد لله يارب الله يحميكـ يابهاء ويحفظك ويشيفكـ ونلقالكـ كليه في اسرع وقت ..

ماجد الغيره رجعت اشتغلت .. بس طل فيها كدا وردد من طرف خشمو : آآمين ..

تسنيم فتحت عينها وطلت في بتعجب .. ماتدري انها بتدعي بصوت عالي .. كيف سمعني

ماجد رافع واحد حاجب : كملي دعاوي انا حرد وراكــي ..

تسنيم وقفت ومشيت لعندو : ماجد ليش خلتني اجي علي ملا وشي .. وكزبت عليا وصقت ليا قلبي

ماجد يحط اصباعو علي راسو وبكل صراحه : ما ابغاكـي توافــقي .. علي يامن دا ما يستاهلكـ ولا انتي تبغي ولا تناسبي .. يعني بالعربي انا ساعدتكـ ..

طلت في كدا ورمشت بفهاوهـ .. ومرا ماعجبها الجواب .. رجعت كررت السؤال مرا تانيه .. : ماجد ليش اتصلت علياا .. ؟؟

ماجد يرجع يردد : ما كنت ابغا الملكه تصير .. والحمد لله ماصارت ..

رمشت : طيب ليش ماكنت تبغها تصير ..

ماجد يتكتف ويمل راسو علي جنب ويتحاشا يطالع فيها .. : ولا شي بس كدا ماكنت ابغها تــصيرر .. يامن مايستاهلكـ مرا

ضيقت عينها وتحاول تطل في عينو .. الي تحس الكلام الي جواتها مار غير الي انقال .. : طيب كلمني وبس ليش تفجعني علي بهاء

برضو بصراحه : اعرفكـ ما تهتمي الا لبهاء .. وهوا الوحيد الي كان حيخليكي تجي

بدون تفكير : لا اصلا ماجيت بس عشان بهاء جيت عشانكـ قلت لا توافقي عشاني وعشانكـ .. وعشان بهاء ..

طل في كدا ورفع حواجبوو : اهااا

صلحت طرحتها وعبايتها : طيب يا دكتور ماجد .. جيت .. والملكه ما تمت .. وانا سبتهم بدون ولا كلمه ولا اعرف ايش صار عليهم .. لازم امــشي ..

بكسفه : امم ماجد ممكن فلوس معليش اردها لكـ والله بس دحين امم محتاجه عشان ارجع

ماجد طل فيها كدا وهيا مكسوفهـ : كم تبي

بتلبكـ : ماعرف أي مبلغ حردو لكـ

ماجد يضحكـ علي شكلها : اوكي

طلع محفظتو وادها مبلغ ما طلت في من قوة الكسفه : شكرن حرجعو لكـ ان شالله ..

: مو مشكله يا تسنيم

: طيب لازم امــشي

قرب لها خطوتين ورفع يدو لمس دقنها بخفه : شكلكـ حلو مرا غطي وشكـ وانتي خارجهـ لا تمشي كدا بدا المكياح والكل يطل فيكـي

: بـ..

قاطعها وحط يدو تحت دقنو : اممم وانا اقول اشبهم يطلوو .. اترنو مو عشان اصواتنا عاليهـ .. عشان مكياجكـ دا

انكسفت : لا لا عـ

رجع قاطعها ورفع اصباعو بتهديد : غطي وشكـ وانتي طالعهـ يا تسنيم

بسرعه : طيب طيب اصلا انا حغطي من غير لا تقول ..

ميل فمو : اشوفكـ كونتي كاشفهـ .. لما جيتي

في قلبها .. عجيب واللهـ .. : لا بس انو كونت مفجوعه وجايا مستعجله

يهز راسو يسلكـ لها : طيب طيب الموهم دحين غطي

طلت في : قلت طـيب اشبكـ ..

: ولا شــي .. امممم اتصل يطمنيني ايش حيصير

ماتبغا تفكر : الله يستر يا ماجد .. خايفه علي بابا .. هيا حمشي حمشي

: اوكي الله معاكي

رجع رفع صوتو : غطي وشكـ وانتي خاااارجهـ ..

~~~~~~~~

A6baa fe al-7o0b

~~~~~~~~

~~~~~~~~

A6baa fe al-7o0b

~~~~~~~~

قلبي روحي عيني .. باع فيهم واشتري

يوم جيته مالقيته .. عن همومي ما دري

وخلها علي الله والله اقوي ..

الانطراب واصل فيهم حدوو .. رافعين صوت التي في علي الاخر وشغالين يتنكسوو هيا وقصي زي الخبلان ..

امهم جالسه ولي المعسل في طرف فمها وبتضحكـ عليهم

: الله يشفيكم يا عيااالي

قصي يطق رقبه ويهز وسطو : اقول قومي اتنكسي معانا بدل ما جالسه تشفطي في دا الشي ..

اشرتلو : اقول انتو الي انطقو خلاص بدا راسي يصدع

زهاد : يو مام بدا راسها يصدع .. اجل خلاص

قصي يسحب الريموت ويوطي علي صوت التي في .. : خلاص خلاص ما اختلفنا

اترمو عند امهم وزهاد حطت راسها علي رجل وقصي حط راسو علي رجل ..

مسدت علي شعورهم هما الاتنين وبدون مقدمات عيونها دمعت : الله يحفظكم

زهاد رفعت حاجب وطلت في امها : خير اشبكـ دوبكـ بتشفطي معسلكـ ومبسوطهـ

: لا مازلت مبسوطهـ .. الحمد لله انكم صرتو معاياا مو مع ابوكم

زهاد قلبها نغزهاا .. : ماما لا تجيبي سيرتو دا الي مايتسمي

قصي بتكفير مراهق جدي : بس يعني لو كنا مع ابويا لو ما كنا بنتفين بدا الشكل

خاف لما جاتو طله من زهاد مع قرصه : هههههه قصي مايقصد

يفرك رجلوو : احم احم ههههههههههه ايوا ما اقصد . منتفين مع امي .. ولا شبعانين مع ابويا الخاااين

امو حطت يدها علي فمها : لا تجيب سيرتو ابدن فاهم . ؟؟

قصي طل في زهاد بتعجب .. لو تدري انو احتمال يرجع ايش يصير فيها ..

زهاد تغير الهرج الي نهايتو نكد لا محال .. : احم احم ايش رئيكم

امها واخوها نفس الشي يبو يغيرو الموضوع اتحمسو معها : ها أيــش ..

زهاد تضم يدينها لبعض : دامنا جالسين كدا واي شــي .. قومي نتمشي .. نروح البحر ولا منتزهـ ولا أي مكان فيلو خضار ونجلس نسمر

قصي يرفع يدوو : ووع خرجه عائليه ههههههههههههههــ .. وبعدين خضار في جدهـ يابنت اشبكـ جده ركزي ..

خبطتو علي راسوو : نخرج وانته ماتشوف الطريق .. وفي خضار .. في الـ .. والـ .. انته ايش عرفك بس .

قصي يفرك راصوو ويضحكـ : اهـ اقنعي امكـ وانا مافي مشكله معاياا

زهاد طلت في امها : ها ايش قلتي ..

بتفكير .. دايم يكلموها تخرج معاهم تروح أي مكان بس ماترضي .. : اوكي عشان خاطركم المرا دي ..

زهاد تنحنت ما توقعتها ترضي .. : اما اما ..

ضحكت : ابا اخرج اجدد الانفاس في رئتي

قصي يحسب .. اخر مره خرجتي من دا البيت لما اممم ..

ساوا انو يحسب ويتزكر اخر شي هز راسو باسف : شكلو لمن ولدتيني هههههههههههههــ

: زهاد : هههههههههههههه صادق .. يعني ماينفع نخرجها في الشمس ..

طلت فيهم ومشقت : جلسة البيت احسن لي .. لا اشوف الناس ولا يشوفوني .. ماوراهم الا المصايب .. بس دحين حخرج عشانكم .. وعشان ابغا اشوف العالم .

زهاد ضمتها علي سرريع .. : حعمل حليييييييييييب .. وحليب بالشاي .. وكوفي .. وحنشتري بكت دخان معانا وناخد المعسل كدا تمام ام قصي

ابتسمت : تمام

قصي وقف وسحب امو : هيا اتحركي البسي .. اصلا عندكـ عباايهـ

زهاد : هههههههههههههههههه قويه

: خلاص لا تزودوهاحرجع اجلس ترا

زهاد وقصي بسرعه : ههههههههههههههه لا لا لا ام قصي افااا ..

ضحكت لهم : طيب خلاص ولا احد يعلق تعليق باايخ

كل واحد حط يدو علي فموو : وههـ

: ههههههــ

زهاد : يالبي ضحكت ماما ياناس .. فديتها

قصي : صادقه ومن زمان ماشفناهاا

زهاد : ماما احس فيكي شــي .. متغير اليوم اشبكـ

ترفع عينها علي فوق : حلمت حلم غريب .. بس شكلو انو تفسيرو حلوو ..

زهاد وقصي طلو في بعض : كيف كيف ايش حكيناا

هزت راسها : لما نوصل التمشيه احكيكم .. دحين حقوم البس وكدا ادور عبايتي مادري فينها زمان عنها

قصي : لا تحااولي لو مالقيتي عبايه زوزو تسلفكـ

زهاد تاشرلهم : بروووح اسوي الحليب واعبي السلهـ ..

قصي : حرووح اكلم صديقي الجديد .. .!!

طلو في بتعجب

زهاد : صديق

امو : صديق جديد

: أي صديق .. ؟؟

: مالكم دخل وي بتعرف علي ناس جدد وي

خش غرفتو وقفل الباب

زهاد طنشتو وارحت علي المطبخ ..

رفعت يدها لخوشمها تشم ريحة معصمها الي رابطتو بشريطه سودا عليها حروف كاسر بخيوط نيليهـ .. .. تحس ريحتها حلـوهـ ..

بدت تجهز الاغراض وتكت علي طرف الرخام ورفعت البيب الي معلق علي رقبتها .. وطلت في نكـ كاسرر ..

ما اتصل اليوم بالمرااا .. ولا شافتو ابدن ..

ياتري فينو مشغول في ايش .. مو من عادتو ما يشقر علي المسن

غيرت البرسونال وكتبت ( حنروح للـ .. مــع ماما الي ماخرت من عشرررين سنه .. هههههه ترا من جد مو دوعابهـ )

خلصت شوغلهاا .. وجهزت الترامز في الـــسـلهـ .. وراحت تلبس لها شي خفيف ..

في الجه التانيه قصي متجهز وراقد علي بطنوو وكل شويا يتصل علي كاسر .. الي مابيرد علي

استغرب .. متفقين انو اليوم حيردلو علي المووضوع .. لكن ما اتصل ولا كلمو حتــي .. ولا بيرد

لــيش ياتـري .. ؟؟

قفل الجوال وحط يدو علي خدو .. اشبو الادمـي ..

بعد ثواني رجع دق جوالووو والمتصل كـاسر ..

بحماس رد : ايوا كاسر انـ ..

كاسر قاطعو وهوا يفرفر شعروو : انا مع الاهل الحين زين وقت ما افضي اكلمكـ

قصي : طــيب بـس كـ..

قاطعو مرا تانــياا : لا خلاص بنتفاهم بعــدين ..

قفل الخط في وشوو ورمي الجوال .. ورجع رخا راسو علي صدر امووو : ذا واحد تعرفت علي وبساعدهـ وكذا ..

امو الي مو مصدقو انو ولدها في حضنهاا : وش زينكـ .. يا كسور .. وصاير تساعد الناس بعد

رهف : وانا يوم ماهر يحكيني اشلون انت صاير ماصدقته بس الحين يوم اني اشوفكـ موو معقول .. صاير شخص ثاني ..

رغد : حتي شكلكـ بعد تغيررر

اموو بحنيهـ : يا بعد قلبي ما ياكل زين اكيد ولا يشرب زين ومتبهذل بعد .. عشان كذا متغيرر

كــاسر بجديه : لا ابد عادي .. مو متبهذل .. بس خذيت لي فتره علي ما اتقالم علي الوضع ولا تراني مرتاح حدي هني ..

رغد: اما مرتاح في ذا الديرهـ بس يوم دخلنا المطار الموظفين كولهم مدري اش يبون ..

رهف : هههههههههههـــ لا لا انا حبيتها حــيل ..

كاسر يكشر : سمعو اول ما جيت للجدهـ .. كنت قرفان حدي .. لكن يوم اختلط باهلها حبيتها حيل .. اهلها يحببونك فيها غصب عنكـ .. ياهم طيبين واخلاق .. والامور كلها عندهم ببساطهـ .. وعايشين حياتهم .. موب مثل عندنا ..

امو : لا ياولدي انت بس يوم انكـ في الرياض ما تختلط مع أي احد ولا حتي هي فيها الزين ..

يميل فمو : يمكن بس بجدهـ كولهم كذاا ..

رغد بقرف : لا لا ياخووي لا تحاول بترجع بترجع للرياض وقدامي بعد ولا مابتشوف ماهر الصغير ابد ..

يميل فمو : اجل موب شايفه لاني رجعه للرياض موب راجع ابد ..

رغد : مو من جدكـ تكلم .. ترا ميرنا اقلقتنا فيكـ .. بديت احس ان بينكم علاقه اكثر من انها شغالتكـ الخاصه وبــس ..

رهف وكاسر وحتي امهم شهقوو

كاسر : شقااعدهـ تخربطين اركدي ...

رغد تضحكـ بعفرته كعادتها : هههههههههههههههه يمه لحقي ولدكـ ..

رهف تطل فيها بندهاش : شنو فيهـ بعد

رغد : يمي هذا مو اخوي .. كسور الي اعرفه .. يوم اني .. اقله كذا بيقوم يركض وراياا ويشدني مع شعري ذا شنو فيهـ يقول اركدي من بعيد

رهف : عاد في ذي صدقتي

امو : فديته ولدي صار عاقل .. وترك حركات الخبال عنــهـ ..

كاسر يمد لها لسانوو : موب كذا بس موب قايم عن حضن الوالدهـ عشان اشدكـ مع شعركـ الي مادري ويش يبي .. شنو مصلحه فيهـ ليش لونه قايل كذاا .. حاطه لهـ كلوركس ولا شنوو ..

رغد بصدمه : انت شنو عرفكـ ذي يوم انا في بيروت عملتها وانت تقول كذااا

رهف : ههههههههههه وهذا كاسر الي اعرفهـ

رغد تقلب عيونها : مو مهم مو مهم .. شسمه اخوي .. تعااال اخووي بنخرج بنتفرج علي جدهـ بما انو اول مره نجي لهاا ..

رهف تميل فمها : ما اتوقع في مكان كذا زين نتمشي فيـهـ

كاسر بحماس : الا في كثيرررر بنطلع هيا بس بكلم الرودي ..

شال الجوال الا انتبه لامو : يمي شنو فيكـ

تمسح دمعتها بقفا يدها : مافيني شي ياولدي بس مشتاقه لكـ وابيكـ ترجع للرياض معنا .. تكفي .. عشاني .. اعتذر لابوكـ وعمانكـ .. وتعال ..

كاسر كشر : يمي بنروح نتمشي الحين وبنتكلم في ذا الموضوع وقت ثاانــي ..

رغد : لا جد الكاسر .. لازم ترجع للرياض من جدكـ بتقعد هنا للابد

رهف : ولا تعذر بالتدريب .. انت تعرف انو ابوكـ يقدر ينقلكـ في أي وقت تبيه لاي مستشفي تبيها بعـد

هزز راسوو : قلت لكم بنطلع الحين .. وبنتكلم في ذا الموضوع وقت ثانــي ..

وقف عشان ينهي النقاش .. اتوجه للباب الجناح : انا بكلم الرودي انتو تجهززو ..

رغد بحماس : اوكي الحين ..

رهف وامو طلو في بعض انو شكلو كدا راسو ناشف ومارح يقتنع ..

خرج وقفل ورا الباب وطلب رقم رائد وحط السماعه علي ادنوو ..

رنين متقطع ونو رد

نزل الجوال عن ادنو وهوا متعجب .. شنو فيه الرودي ما يرد وكذا ..

~~~~~~~~

A6baa fe al-7o0b

~~~~~~~~

~~~~~~~~

A6baa fe al-7o0b

~~~~~~~~

انقلب علي ضهرووو .. وفتح نوص عين ..

وشال الجوال يشوف كم الساعه كالعادهـ ..

بس انصدم من عدد المكالمات الموجودهـ ..

اتاووب بكسل وجلس يفتح الارقام .. اوكي نسيم اتعودنا .. واعناب اتعودنا .. وكاسرر ..

اما رقم ندي؟!! .. ومتصله علي اكتر من عشررهـ .. مرات .. لا ما يجي كدا

فتح الابجوراا .. ورجع يركزز في الاسم يمكن يكون مو شايف كويس .. ندي ..؟؟!

استغرب مرا وبكل عبط قشع الحاف عنوو .. لبس فنيله حمرا بسرعه وخرج علي برااا .. بعد ما كلم نسيم وطلبت تشوفو ضروري ..

: امي حنييييييييين .. امي حنين فينكم .. ؟؟!!!

امو من الصالون : ها يا مهند ها ايش في لا تقعد تزعق كدا

برضو يزعق : بنننننننتك عندكـ ولا في غرفتهاا ..

: في غرفتها بلا في العدو .. ايش الصوت دا ..

مهند : امييييييييي اشبو صوتـــــي ..

: اسكت ياواد لا تعصبني ..

ضحك وراح لغرفة حنين دق الباب بقوهـ ورا بعض : اختي حنين اختي حنو اختي اختي ..

حنين انفجعت فزت من قدام الاب توب ومشيت للباب فتحتو : بسم الله اشبكـ

مهند يطل فيها كدا ويمثل انو مصدوم : حنين الحقي

حنين قلبها طاح : اشبك مهند ايش في ..

مهند انفلت ضحكـ : ههههههههههههههههههه هههههههههههههههههههه انتي وامك شي

حنين مرا عصبت منووو صقعتو علي كتفو بيدينها الاتنين : تافه ياربي تافه تافه تافه

مهند مسكـ يدينها الاتنين ولفها ورا ضهرها : انتي التافهه لا تمدي يدكـ

صرخت : آآآهــ آآهــ .. ماماااااااا شوفي مهند الكلب مامممماااااااااااا

ام مهند من برا : استغفر الله اشبكم انتو الواحد مايعرف يروق يعني ..

مهند يفك يدينها وهوا ميت ضحكـ .. زمان ما اتعفرت معها كدااا .. من بعد الي صايرر ..

حنين مسكت يدها تفركها : وجع تافهـ ..

: لا تطولي لسانكـ احسن لكـ المره الجايه حكسر يدكـ ..

: وووجع ايش تبا داقق كدا فجعت اهلي ..

: اها صح ايوا ندي داقه علي جوالي .. اشبوو جوالكـ

حنين تنحت : ايش دقت عليكـ

مهند بحسن نيه : ايوا يمكن جوالكـ مقفل .. او سايلنت

التفتت وطلت في جوالها : لا دوبي كونت بكلم سوس .. اما داقه غريبه

مهند برضو يفكر بحسن نيه : يمكن اتفرمت جوالها وطرتو كولكم وانا من حسن حظي جالس

تهز راسها وعيونها بدها تتفرصع .. : يمكن يمكن .. هيا روح انا حكلمهاا

جات تدخل علي غرفتها الا مهند مسك يدها : اوخــتي ..

حنين علي طول كشت . وخافت يرجع يسئلها تاني عن الي صاير ومن دا الكلام

بحذر : ايواا

سحبها لعندو وضمهاا بشويش : وحشتيني يا بقرهـ .. خلاص افرديها احنا ا خ و ا ن . قالها بشويش ..

حنين رفعت يدها وضمتو : اول شي اعرف اننا اخوان وانته البقررر .. وانا فاردتها خلاص

مهند بعدها عنو وباس جبهتها وبعدين صقعها عليها بقوهـ وشرد وهوا يضحكـ، : ههههههههههههه

حنين تتنرفز من دي الحركهـ .. : وووووجععع مهند التااافه تافه تافه

مهند : هههههههههههههااي ..

قفلت الباب بقوهـ وهيا تفرك جبهتها : وجع في يدكـ استغفر الله العظيم

جلست علي الصوفا وشالت الجوال ونسيت مهند وكل شي .. جات تتصل علي ندي ..

بس خافت ما ترد عليها .. لانها متاكده انو ندي متصله علي مهند لسبب واحد اكيد مافي غيروو

رمت الجوال وخرجت : هنوود مهند ..

مهند جالس بيتناكف مع امو ويرفعلها ضغطها : هاا نعم هنا انا

خرجتلو : ابغا جوالكـ دقيقه بكلم ندوش

: طيب في الغرفه شوفي علي السريرررر..

: طيب ماشـي ..

راحت لغرفتو واخدت الجوال وطلبت رقم ندي .. رنتين والتالته ردت ندي

: الو مهند ..

حنين : لا حنين يا ختي ليش داقه علي مهند ممكن افهم .. ؟؟؟!!

ندي اتلبكت : اممم دقيت علي ايوا ايوا بكلمك عشان اشسمو رقمـ

حنين تقاطعها : انتي حمارهـ اصلكـ وخاينه .. تبي تبلغي مهند علي كل شي من ورا ضهري يعني .. وربي مرا نزله لا لا من جد نزله انزل شخصه صادفتها في حياتي

ندي بسرعه : لا لا ما كنت حقلو عليكي يا عبيطه كونت حفهمو بس وحطلعك انتي وحسام بريئين وححط الولم علي جومانه بس

: مااالك دخل اتوقع اني قلت لك مالكـ دخل في شـــي .. صح ولا لا قلت لكـ مالكـ دخل .. ومهند ابعدي عنو .. يا ندي لو بايعه صداقتناا كلمي مهند .. ؟؟!!

خلصت كلامها وقفلت الخط وهيا معصبهـ

مهند دخل علي الغرفه وطبعا سمع الجمله الاخيرهـ : حنوو

حنين اتلبكت ودعت يارب مايكون سمعهاا : ها ها احم ايوا خلاص كلمتها .. حخرج طيب

مهند يبتسم يسوي انو عادي ولا سمع شي .. : طيب طيب تجي اصقع جبهتكـ ..؟؟!!

صرخت : لااا بطل تفاهه حخرج

: ههههههههههه طيب انقلعي اصلا مو رايق لكـ خارج ..

حنين بخوف : علي فين علي فين .. لا تقول رايح مع نسيم دي .. ؟!!

مهند بدهشه : ايش عرفكـ

حنين تطلعو وتنزلو بعينها .. : شايفه مدة اخر مكالمهـ يا موخ ..

خرجت من الغرفه وهيا تتمتم كلام مو مفهوم ..

مهند رفع كتوفو بتعجب واتوجه لدولاب لبسلو لبس موريح كعادتو

شورت طحيني علي حد الركــبهـ .. مع بلوزهـ حمرا اكمامها طويله واطرافها ابيض .. لبس صندل ابيض مريح ..

رجع شعرو علي ورا ولبس كاب ملوون ..

طل في نفسوو برتياح

شال مفاتيحو وخرج من البيت ..

في ربع ساعه كان عند الكوفي الي دايم يتواعد فيلو مع نسيم ..

اعطها رنه خرجتلوو .. وشها مخطووف ومصفر ومضرووب

استغرب نزل من السيارهـ وهوا مكشر : اشبكـ نسيم اشبكـ ..؟؟!!

: نسيم الحقننننني وقعت علي ورقه زواج تسنيم

مهند طل فيها بتناحه لسا ما استوعب : هااا

نسيم تفرك وشهاا : وبابا يحسبها تسنيم .. وكولهم وكولهم .. ويامن ماعرف شافني بس قلت لو يسكت

مهند لسا متنح : وسكــت .. ؟؟؟!!!

هزت راسها بقوهـ : ايوا تخيل

مهند : دقيقه دقيقهـ ..

طفا السياره وشال المفاتيح وسحبها من يدها علي الكوفي .. اخدولهم طاوله وطلبلها موياا ..

: هدي نفسكـ اول شي وحكيني بشويش . ايش صايرر .. ؟؟!!

نسيم وشها اصفر مايكون : تسنيم تسنيم جا الشيخ وجو كولهم معاهم الشيخ .. وتسنيم اتصل عليها الدكتور ماعرف مين هوا .. وقالها انو بهاء مريض . خرجت وسابتنا .. وخفت اقول لبابا والناس بيستنو وكل شي .. لما جا بابا وقال فين اختكـ قلت لوو هنا .. وبابا كان علي جوا ما كان شايفني .. وبعدين الشيخ سال وانا الي جابوت

وبعدين يامن مدلي الكتاب و ووقعت .. وبعدين شاف اني لحالي وما قال شي .. يعني انا متزوووجه دحين .. متزوجه من البني ادام الي يبا يتزوج اختي وشافني وساااكت .. ايش يقصددد يا مهند قلي ايش يقصد

مهند مرا تنح : لحظه لحظه مافهمت .. عيدي

نسيم صرخت : مهنننند اشبكـ يا اخي ..

مهند انفجع : دقيقه انتي انتي

شهــق .. : ايش متززززززوجه

نسيم رخت راسها علي الطاوله وصارت تصقعو بقوة : ايوا ايوا تخيييييييييييييل ..

مهند : اما وابوكي ما سال عن تسنيم طيب لما ما شافهاا ..؟؟!!!

نسيم دموعها ادحدرت .. : لا لا اقصد الا سال ولما سالني قلت لو خرجت علي طول عشان مريضها تعبان ..

: وانتي عادي ويامن ما قال شي

هزت راسها بقوهـ : خرجوو كولهم مع بعض .. لان بابا قالو انو تسنيم راحت للمستشفي ..

مهند مصدوم : وابوكي عااادي ..؟؟؟!! البنت توقع وتجي ماشاياا وعادي ..

: مو عادي بس ايش يسووووي .. جلس يحسبن .. حتي قلت لو اتصل عليها مارضي شكلو زعل منها .. .. اجل لو يدري اني انا الي وقعت مو هيا ايش حيسووي ..

مهند قام وجلس جنب نسيم : طيب صلي علي النبي انتي ولا تبكي

نسيم تشهق : حيوانه تسنيم مرا حيوانه .. دايم انا اتحمل نتايج افعالها العبيطه الله ياخدها

مهند يهديها : طيب كلمتيها تدري انكـ وقعتي ولا لاا

: لا ما تدري عن شي بلا في شكلها مارح اكلمها

مهند يمدلها كاسه المويا : اشربي وصل يعل النبي

نسيم تشرب جغمه صغيره وترجع تنفلت : بابا لو دري اني وقعت ايش يقول

مهند عصب منها : انتي السبب في كل دا ليش وقعتي مين قلكـ وقعي احد جبركـ احد جبركـ لااا

نسيم الدموع عشرين عشررين : مهند ماعرف شفت الشيخ والرجال .. ماحبيت بابا يتفشل قدامهم عشان كدا .. ويامن يامن .. ماعرف ماعرف ليش عبيطه انا

: قال يتفشل .. يلا انبسطي دحين ..

رجعت رخت راسها علي الطاوله وصارت تصقعو : لا تسنيم عبيطه تسنيم عبيطه مراا ..

مهند في قلبو .. ياشيخه كولكم عبطه .. اختكـ عبيطه عشان راحت .. وانتي عبيطه عشان توقعي .. وابوكي عبيط عشان ساكت .. شلة عبطه .. الله يجيب مطر بس ..

شرب كوب المويا كلوووو .. وحطو بقوهـ وهوا مميل فمو علي جنب .. شلة عبطهـ .. استغفر الله

~~~~~~~~

A6baa fe al-7o0b

~~~~~~~~

~~~~~~~~

A6baa fe al-7o0b

~~~~~~~~

اهداب صحيت من النوم علي رنين جوالها المتكرر ازعج اهلها

رفعت الربطه عن عينها وطلت في اسم المتصل : يووووو عمي سحبت علي ..

صلحت جلستها بسرعه وردت علي وصوتها كلو نوووم : ايوا عموو

: كيفك يا اهداب ...

: بخير عمو معليش كونت نايمه

: انش الله ما اكون صحيتكـ

ضحكت غصب عنها : ايوا صحتنــي ..

: مو مشكلهـ اصحي اصلا دحين مو وقت نووم .. اصحي بسرعه وتعالي العياادهـ

بتعجب : ليش عموو .. مو قلت نتقابل براا

: لا في العياادهـ احسن .. يابنتي ولا ايش رئيك

اهداب اتلبكت : امممم اصلا امم عمو خلاص اممم انا .. امممم

ماعرفت ايش تقول .. سكتت .. .............

: ايش يا اهداب كملي صارحيــني .. اشبك

بكدب : امم اصلا مايمديني الــيووم .. اشسمو ايوا عندي باارتي عند وحده من صحباتي يصير نتقابل يوم تاني عموو

عمها حس انها لما كلمتو كانت في لحظات انهيار .. وغير كدا مارح تقدر تكلمو تاني .. احترم دا الشي لكن في نفس الوقت حابب ينصحها ويفيدها ويساعدها .. يكفي انو ضغط علي نفسو وسمعها تتكلم عن واحد غريب عينكـ عينكـ ..

: اوكي مارح اضغط عليكي .. بس وقت ما تحتاجيني راح تلقيني .. انا عمكـ فضفيلي وكلميني احسن لكـ من الغريب ..

هزت راسها بقوهـ وعينها دمعت : طيب عمو .. واسفه علي الكلام الي قلتو لكـ

: لا يابنتي مو مشكله اذا تبي اساعدكـ .. انا موجود اوكــي

هزت راسها وهيا تمسح خوشمها : اوكي عموو .. حبيبي ..

: يلا انا مشغول مع السلامه

قفلت الخط وفجئه اتعجبت من نفسها كيف جاتها الجرئه تتكلم مع عمها عن حسان . مرا استغربت

طنشت الي تفكر فيلو وطلبت رقم رائد وهيا مكــشرهـ .. رنين متقطع ونو رد ..

رمت الجوال وقامت اخدتلها شوور .. ولبست ملابس موريحــهـ .. وخفيفهـ ..

جلست علي التسريحــهـ .. وزبطت حواجبها مع ملمع خفيف ورجعت طلبت رقم رائد برضو مارد عليهاااا

ارسلت لو مسج سخيف ( رد لا تطرني اتصل علي كــاسر )

رمت الجوال ونزلت لامها اتشاكلت معها شوويااا .. لين انسدت نفسهاا

ورجعت راحت لغرفه اخوها خبطت علي الباب بقوهـ : هي انته صاحي .. ؟؟

ساهرر : ايوا صاحي خوشي ايش الدق دا بنت انتي يا ادميه بنت .. تبي تطيحي الباب

دخلت : صاحي يعني

نزل السمعات عن ادنو .. : ايوا ايش شايفه

جلست جنبو تطل في الاب توب : ايش بتسووي لي كولكم اخلاقكم في رجولكم ..

دف راسها : وجع لقاافهـ .. ودا بيت يخلي الاخلاق فين يعني .. ؟؟

اهداب مصره تطالع : اشوووف ايش بتشووف وريني

ساهر يدوفها بقوهـ : قلت ما تشووفي ابعدي وبعدين هدوووبهـ بلا عبط ..

اهداب وقفت تسحبو عشان تطالع الا انفصلت سمعات الاب توب .. وطلعت اصوات اباحيه

ساهر وجهو حمر وضحكـ : وجع عرفتي

اهداب ماتت ضحكـ : عيب عليك تراك كبير علي دي الافلام .. دي حقة المراهقين عيب يا ساهر مرا عيب

ساهر من جد انكسف : اقول حلي اطلعي برا مني انا الي ما اقفل الباب

: معذور ما تقفل الباب .. لاني ما اجيك ولا تجيني ما كن غرفنا قدام بعض ..

: اقول لا تسويلي محاضره عن العلاقات الانسانيه .. حلي حلي

: انا ححل.. وانت كمل متابعه يا مراهق .. ههههههههههههه

: وجع فيكي انقلعي

جوالها رن والمتصل رائد .. طلت في الشاشه بحماس .. : حنقلع اريحك

: دقيقه امممم

لفت علي بقله صبر .. : ايش في

وقف ومشي لعندها : امممم كيف زهاد زمان ماطبت عندنا مرا زمان عنها ماتت ولا حيه

اهداب بسرعه : لا حيه حيه اطمنكـ اسلم عليها اوكي يوصل بالاذن حمشي ..

: دقيقه هدوبه

لفت علي : اوووف ايش تباااااا ..

: انتي اشبك وي بكلمكـ

الجوال وقف رنين : هيا طيرت علي المكالمه الضروريه

طل فيها بتناجه : انتي الي جايتني

: مو قلت بروح ولا ايش .. روح كمل افلامك ياخي وخرفنتكـ ..

خرجت ورقعت وراها الباب واتصلت علي رائد : الوو

رائد : ايه معكـ

: لي اتصلبك ما ترد

: يعني الواحد ما يصلح شي بحياتهـ .. يقعد مجابل الجوال بــس .. ؟؟!!

اهداب : ايواا ..

رائد اللهم طولكـ ياروح : ها شنو تبين

: طفشاااااانه روودي تعاااال مشيني وعشيني وكدا

: كسور جو اهله ومشغول معهم

: اهلكـ ولا اهل كاسر

: اهل كسوور

: اجل انته اشلكـ سيب كسور مع اهلو وتعال لي بسرعه انا جاهززهـ .

رائد : انتي شفيكـ من جدكـ الحين قاعده تهدديني

اهداب بجديه .. : ايه من جد اتكلم صير صاحبي واطلع معايا دايمن .. انا عندي فرااغ عاطفي .. واذا ما تبا .. انا حتصل واقول لكاسر علي كول شي .. وازيدكـ من الشعر بيت .. العايدهـ الي كنت فيها لعمي .. يعني حتي الاوراق الي كان كاتبها اقدر اخدها اذا كاسر ماصدقني اطبعها في وجهو

رائد يرفع حواجبو : ايه وبعد ..

اهداب تطالع في اضافيرها : وبعد تعال خدني ومشيني وعشيني وصير صاحبي

رائد : اوكــي .. الحين بجيكـ

قفل الخط في وشها وهوا متعجب منها .. طبيعي يشوفها في عيادة دكتور نفسي .. البنت مريضه نفسياا ..

حط الجوال جنبوو الا اتزكر مكلمات كاسر رجع رفعو بسرعه واتصل علي : كسوور

كاسر : الرووود شنو انت وينكـ

رائد يتنهد : موجود ويني بعد

: ليش ما ترد علي من اول ادق عليك

: كنت مشغول ما انشغل يعني اقعد اطالع التلفون وبس

كاسر استغرب : هي شنو فيكـ تصارخ

: مافيني شي .. بس الواحد طول عمره يرد يوم انه مايدر علي تلفونه تزفونه شنو انتم ..

كاسر : هي الرودي حبيبي ريلاكس .. بس فقدتكـ حيل .. ذي كل الحكاايهـ

رائد ملامحو لانت : وانا بعد وينكـ انت اشلون اهلكـ شنو مسوي معهم

: آآهـ يارودي اشتقتلهم حيل مستانسين .. الحين بنروح للــ .. تجي معنااا وتقعد بعيد

: ههههههههههههههه وليش اجي

: تعرف وجودكـ باي مكان معي يرحيني نفسياااا

رائد : يالبي كسوور .. زين بجيك وين قلت لي ..

: الــ ... شنو ذا ما اعرفه

: ماتعرفه وتبي تروح له من وين جايب اسمه .. الاسم بروحه مايطمن

كاسر يفكر في زهاد .. : مادري شنو هو .. بس شفت اسمه كذا في مكان .. وابي اروحله شكله يونس ..

: ماادري زين بكتبه في الجهاز وببحث عنه وبشوف شنو يطلع

: اوك الرودي اشوفك في ذاكـ

: اوكي سلام

قفل الخط واتنهد ..

ياتري لو كاسر .. عرف لاي درجه انا احبه .. ولو عرف نوع الحب الي احبه .. لو عرف شنو بقلبي له .. شنو بيكون ردهـ ..

ولو بيعرف شي مثل كذا لازم يعرف مني انا .. موب من اهداب او غيرهااا ..

صقع راسوو بقوهـ يلعن التسرع الي انت فيهـ ..

الحين حطيت روحكـ بموقف غبي ..

زين انبسط الحـــين ..

حركـ السيــارهـ متوجه لفله اهداب ..

وهوا ياكد لنفسو .. انو رايح ياخدها لانو يحب يقضي وقت معاهاا ..

مو لانها بتهددوو وبـــس .. ؟؟!!

~~~~~~~~

A6baa fe al-7o0b

~~~~~~~~

~~~~~~~~

A6baa fe al-7o0b

~~~~~~~~

جــالسـهـ في الــصالون .. عليها شورت اصفرر مع بدي ابيض .. في يدها الريموت وتقلب في التـي في بكـل طـفش العــالم ..

كل شويا تطل في الــساعهـ .. فين اختفي اياد .. مو متعودهـ علي برة البيت مراا ..

رجعت شالت الجوال للمــرهـ المليون .. وطلبت رقم اياد .. رنين متقطع كالعادهـ .. ونو رد ..

غريـــبه .. فين راح .. ولا هرجها ولا تركـ لها ورقه ولا يرد علي جوالوو .. ياربي اشبو داا

وهيا في عز افكارها وقلقها دخــلت عليها نيــارر .. لابسه عبايتهاا ولافه الطرحه بطريقة حلوهـ ..

طلت في اسراء من فوق لتحت : مالبستي لســـهـ ..

اسراء طلت فيها بتناحهـ : البــس ليش .. علي فين رايحهـ انتــي ..

نيار تسبل بعيونها : ليش ما كلمكـ ايااد .. ؟!!

اسراء انفرست : اياد ليش كلمكـ انتي ..

تتافف : ايوا قومي البسي بسرعه اياد علي وصول ..

اسراء وقفت مو عشان تلبس عشان تتوطئ في بطن نيار : ايش وصول مين فين كلمتي متي كلمكـ اهرجي بسرعه من اول بدق علي جوالو مابيرد

نيار ترفع الجالكــسي .. : نسي في البيت ..

اسراء ترمش بفهاوهـ : دا حـق اياد .. ؟؟!!! متي صار عندو داا اما اما .

نيار تسبل بعيونها : دا انا طلبتو ليا ولاياد .. وهوا خارج اتلخبط شال حقي وخلا حقوو

اسراء قلبها صار غلاية مويا .. بس باقي بخار يطلع من فمها وادنها : ايش انتي واياد ..

نيار تتافف : ايواا يووو عليكي .. الموهم البسي بسرعه لانو اتصل علي رقمو وانا رديت .. وقلي اجهزز واقلكـ تجهزي .. حسبتو كلمكـ بس شكلو يعني تعرفي كلمني وخلاص

اسراء وصلت اعلي مراحل النرفزهـ : بسرعه بسرعه اطلبيلي رقمو بسرعه بكلمو بســـرعهـ

نيار تبعد الجوال عن يد اسراء : فيلو باس وورد .. ماعرفوو .. اقصد قلي هوا دودي بس نسيتو

اسراء ترفع حواجبها بدهشه .. وصار دودي كمان : اقلكـ بكلمو بسرعه

نيار تهز كتوفها : بقلك ماعرف الباس وورد اشبكـ انتي .. اجهزي اصلا هوا علي وصووول

اسراء كانت بتستفسر علي فين حيروحو هيا ونيار اصلا مع اياد .. ولــيش .. لكــن ما قدر تتحمل خافت من قهرها تبيض ..

لفت بسرعه وطلعت علي غرفتها .. وهيا تاكل في نفسهااا

: اياااااد ملعون ملعون ملعون .. تطلع بدون تكلمني ليش .. وجوالكـ زيها ليش ليش .. والجوال الي جبتو لكـ يعني دا احسن .. وجع فيك وجع فيها

رغم كل القهر الي فيها .. قررت تلبس وتروح لانها ناويه تطين عيشة نيار .. وتلعن جدف اياد .. ولا ما تكون بنت ابوها ..

فتحت الدولاب بسرعه لبست لها جنز مع تيشرت ملون .. لبس عبايتها الــساادهـ .. وشالت شنطه ملونه علي كتفها رمت فيها كم شي مو مهم

ونزلت طيران يكون اياد جا او شي وتنفرد بيلو نــيار ..

وصلت للصالون وشافت نيار جالسه وفاتحه علي روتانا زمان .. فيها اغنيه طربيه للعندليب الاسمر

وجالسه بتردد مع الاغنــيهـ .. وعلي شفيفها ابتسامه حلوهـ وبريئه .. لكنها في الحقيقه نرفزت اسراء لابعد الحدود

شالت الريموت وقفلت التي في ..

نيار طلت فيها بلا مبالهـ .. ورفعت الجالكــسي الي المفروض انو حق اياد والي المفروض انو مقفل وماتعرف الباسوورد

وصارت تدعبس فيلو وتضحكـ بصوت خافت

اسراء .. حاولت حاولت حاولت تمسكـ نفسها لكــن ما قدرت ..

: مو قلتي ما تعرفي الباسوورد

نيار تطل فيها وتبتسم بعبط : خمنتو .. وطلع صح ..

اسراء فتحــت فمها تبا تهرج .. بس انفتح باب الــفلهـ ودخل اياد علي وشو اكبر ابتسامــهـ ..

نيار واسراء التفتو علي بسرعه وكل وحده رسمت ابتسامه علي شفايفهاا ..

اياد حس بشعور خطير لما شاف كيف كل وحده بتنتظرو وكيف متلهفين علي جيتوو : حبيبااتي

اسراء كشرت علي الكلمهـ .. : ايش

نيار ضحكت وجريت لاياد ضمتو علي خفيف وباست خدوو : اتاخرت

اسراء اتنهدت .. المفروض انها تسوي كدا .. لكن ماتقدر

اياد يطل في اسراء الي ولا اتحركت : لا ما اتاخرت انتو خلصتو بدري ماشالله .. ما اتوقعتكم تخلصو

اسراء من طرف خشمها : اياد ليش ما كلمتني ..

اياد : نسيت جوالي في البـ..

قاطعتو : فين الجوال الي جبتلكـ هوا ..؟؟!

يفرفر شعرو : موجود يعني بس قلت بجرب الجوال الي جابتو نيار .. وبعدين عشان لا وحده فيكم تزعل بجيب شريحه تانيه وحمشي بالجوالين كدا حلوين

نيار : مو مشكلهـ حبيبي فين حنرووح

ولفت طلت علي اسرا ء: مع دي

اياد ما فاتتو طلة نيار الطفوليه انفلت ضحكـ : ههههههههههههههههههههههههه

نيار : ههههههههههههه ضحكــني ..

اسراء قلبها ما عاد يتحمل الي بتشوفوو .. لا يا باسط

اياد : دحين تشوفو هيا مشيني سرورتي جاهزهـ

اسراء شالت شنطتها وخرجت بدون ما تلتفت علي اياد .. بودها تقتلو تدبحو .. وبس وماتقدر تسوي شي تاني .. منظر نيار مع اياد خلاص بيوترلها اعصابها ..

وصلت لسياره وتكت عليها : خلاص يا اسراء اتكلمي .. قولي الي في قلبكـ خلي يطلقها ويطيرها بلا في شكلها وشكلو .. خلاص اهرجي يكفي تكبر يكفي مكاااابرهـ يكفــي ..

خرجو ورها اياد ونيار وضحكاتهم ماليا الدونياا ..

اياد يخرج الريموت ويشغل السيارهـ التانيه : سرو حبيبي تعالي هنا

اسراء متكيه : لا انتو تعالوو هنااا

اياد ياشرلها علي المفتاح : مافي الا مفتاح دي .. مافيا اطلع

ترفع كتوفها : اتصرف .. روح جيبو بسرعه اياد بطلع في دي انا

اياد يفرفر شعرو : يوو علينااا

اسراء : ايش قلت .. ؟؟!!!

نيار تاخد منو المفتاح : بروح اجيب التاني ثواني ..

اياد : لا خليكي انا حجيبو .. هاتي

نيار تمسد علي خدو : لا خليك دودي ... بطلع بسرعه عند لخمسين تلقاني نزلت ههههههههههههــ

اياد يضحكـ : واحد اتــنين ..

نيار جريت لجوة الفله زي الخبله : دقيقه لما ادخل عيد عيد

: هههههههههه اوكــي بســرعهـ حعيد

صوتها من جوا : يلا عد

اياد مااات ضحكـ .. الا التفت علي اسراء واختفت ضحكتو لما شاف نظرتها كيف ..

في قلبو خليها تستاهل .. يا تجيني تعترفلي يا خليهاا ..

اسراء حست بي مو مهتم لها مو دا اياد الي دايم : انته ليش ناسي جوالكـ

يهز كتوفو : نسيتو ما انسا ..جل من لا يسهوو ..

طلت في كدا من فوق لتحت : ليش تخرج بدون ما تحط لي ورقه ولاشي .. تخليني اقلق

يرفع حواجبو : اوو هو قلقتي سووري

اسراء حستو بيتريق : اياد اشبكـ انته

: ابد ابد مافيا شي والله العظيم انتي الي اشبك كدا عيونك شويا تندر .. ؟؟!!

اسراء بتناحه تطل في .. اشبو معقوله خلاص قرر يحط عليها اكس

كررت بهدوء : اياد اشبكـ ..

اياد يتلفت حولينو : مافيا شي قلت انتــي اشبكـ

اتكتفت : اوكــي فين حنروح

جا يتكلم : حـ...

سكت لما شاف نيار جايا جرري ورفع صوتوو : سبعه وخمسين تمنيه وخمسين تسعه وخمسين ستين ..

نيارر وصلتلو وانفاسها مخطوفه : كداب كدا وصلت ستين

اياد : هههههههههههه نفسك يا امي نفسك

قرب لها وخبطها علي ضهرها بشويش : هههههههههههههه سريعه وربي

: امانه ستين

: ايوا طلعتي بطه

سندت نفسها علي السياره وضحكت : هههههههههههه طـيب مره تانيه حجيبها في عشره تبغا اجبلك شي تتحدا

بسرعه : لا لا خلاص مصدقكـ

لفت علي : اياد ليش ماغيرت شوف القميص تبعكـ

نفضتلو القبه : اتوسخ

اياد يطل في القبه : مو مهم يلا مشــينا

اسراء بس تطل فيهم وبودها تبكي من القهر لكن دا الشي لا يمكن يصيرر ..

وخصوصا قدام اياد

لا ومعا نيارر

اياد ركب السياره وشغلهاا وفتح الابواب : حبيباتي يلا اطلعوو

نيار لفت بسرعه وطلعت قدام واسراء واقفه متنحه

اياد يدق لها بوري : سرو سلامات اشبكـ ..؟!

اسرء اتفدمت للشوباكـ بعد ما فاقت .. وجهت كلامها لنيار : انتي انزولي

نيار تسحب حزام الامان وتربطو : ماحنزل

اسراء طلت في اياد تستنا يهرج يسوي شي يقول شي ..

بس طل فيها ورفع يدو : من سبق لبق .. ههههههههههه

نيار : هههههههههههههههه

اسراء بعدت : طيب روحو لحالكم

اياد : لا ضروري تجي

فتح الباب ونزل ركبها ورا وسك الباب : ضروري تجي ..

قرص خدها بخفه : افروديها

رجع ركب وشغل السيارهـ : ها ايش تسمعوووو ..

نيار بسرعه : هيفا هيفا هيفاا

اياد : ههههههههه اوما هيفا ماعندي شي لهااا

خرجت الجوال : ونلقا شي لهااا ولا يهمكـ

نيار واياد في عالم تاني .. مندمجين عايشن حياتهم متفاهمين

اسراء تطل فيهم وقلبها يغلي ..

دول الي يسموهم زوجين .. كدا يكونو .. كدا حياتهم .. كدا امورهم .. كدا السلاسه في تعالمهم ..

مو تامر وتعالي وتكبرر ..

ياتري ايش قصد لما قال انتبهي عليا .. يعني يبغاني دحين انتبه علي ولا ايش يبغا بالزبط

سرحت بافكارها وماعرفت ايش تسوي

شكلو الظاهر انو حتمسكـو اليوم وتقلو احوبكـ واعشقكـ .. واترك نيار الله يخليك

جلست تقنع نفسها انو دا الي حتقولو .. من يوم تختلي في اياد ..

~~~~~~~~

A6baa fe al-7o0b

~~~~~~~~

~~~~~~~~

A6baa fe al-7o0b

~~~~~~~~

وصلت للعماارهـ لها اكتر من الساعتين .. بس خايفه تطلع ..

خايفه تقابل ابوها الي فشلتوو ..

خايفه تقابل اختها .. بعد ما اتصرفت تصرف طايش زي كدا ..

جالسه من اول بتلفلف في الحي .. راحت البقالهـ .. واشترت كم شــي .. وراحت المكتبه كمان .. ومرت علي المخبز القريب منهم ..

كل دا تحاول تتاخر قدر المستطاع ..

وتحاول ترتب كلمات .. وعذر مقنع للفشله الي سوتها ..

صح مرتاحه كتير انو الشي دا ما تم .. بس برضو فكرت في يامن .. ايش سااوو ياتري . ايش قال

مجموعه الرجال الكتار الي كانو جالسين ايش صار عليهم .. الشيخ ياتري

ابوها قد ايش كانت فشلتو

اختها اكيد بتدعي عليها الــين خلاص

والي مستغربه منو اكتر شي .. انو ما جاتها ولا مكالمه

لا من يامن .. ولا من ابوها .. ولا من اختها ..

ياتري من قوة الصدمه ما يبغو يكلموني حتي

طلت في ساعتها وشهقت .. كل دا الوقت بتفرفر في الشارع مراا كتيرر

اتوجهت للعماره وهيا تدعي انو تعدي الامور علي خــير .. والاهم انو ابوها يكون كويس ما يكون انجلط بسبب الي سوتوو

طلبت المصعد وفي ثوانـي كانت قدام الــشــقهـ ..

دقت الجرس لان ما معاها مفتاح ..

اخدت وقت طويل علي ما ينفتح الباب .. وشافت ابوها قدامها علي طول تنحت

: بابا

رفع يدو عن العربيه واتنهد براحه لما شافها : اتاخرتي يابنتي ..!؟؟

تسنيم بتناحه علي ردة فعــلو .. : اتاخرت .. بابا فين نسيم ..؟؟

: خرجت يا بنتي تقول مواعدهـ وحده من صحبتها

عصبت : وسابتكـ لحالكـ

: مو مشكله انتي طمنيني كيف المريض الي خرجتي عشانو

تسنيم : أي مريض

: هوا دا بهاء مو خرجتي مستعجله عشانوو ..

تسنيم راسها صار اكبر شي من التعجب : ايوا بخير حمد لله خــرج ..

دفتو بالعربيه علي جوا وجلست قدامو : بابا انا اسفه اني روحت بس انـ

قاطعها : مو مشكله يابنتي .. مريضك اهم .. بس كان صبرتي لو ثواني .. عشان عريسكـ يسلم عليكي ويسلمكـ المهر في يدكـ

تسنيم : ؟؟؟!!!!! المهرر

: ايوا لكـن مو مشكــله قال اول ماترجعي حيجيكي ..

تسنيم لا كدا كتير : بابا بابا ايش صار بعد ماخرجت انا

ابوها متعجب : ماصار شي .. باركو لعريسك وباركولي .. وعريسك سلمني المهر وراح .. مع انو كان ناوي يجلس معاكي وجايبلكـ هدايا وحجات لكن مو مشكله كلمي دحين يجي

تسنيم اتاكدت .. انو في حلقة ضايعه في الهرجـهـ : اوكي انا حكلمو يابابا .. بس نسيم نسيم فينها يا بابا فينهاا ..

خرجت بعد ما خرجو الرجال .. اعطتني ادويتي وراحت

تسنيم في قمة الاستغراب .. حتي ما قدرت تعصب علي نسيم الي تركت ابوها وراحت

فوقها من افكارها : انا يابنتي ابا اروح انام

تسنيم ولا اهتمت ولا سالتو اكلت ما اكلت اخدت الابره ولا شي .. لان التعجب واصل حدو عندها

: طــيب بابا تبا شي قبل تنام . احممكـ او حاجه

هز راسوو : لا مايحتاج يابنتي جسمي تعبان والحمد لله عدت الملكه علي خير

رجعت طلت في وكان نفسها تقلو كيف تمت علي خير ايش يعني تمت علي خير ياربي ايش صاير

.. لكن جاها احساس قوي انو حتي ابوها مو داري عن الـجزء المفقود

والشخص الوخيد الي داري نسيم ..

دخلت غرفة ابوها وسدحتو علي السرير وزبطتلو المكيف .. صبتلو كوب موياا .. شربو بسرعه

باست راسوو وخدو وايدو .. وهيا مفوته

طفتلو النور وخرجت .. : بابا انا هنا لو احتجتني ..

: اوكي يابنتي .. كلمي زوجكـ ترا لما خرج شكلو كان مصدوم انك مشيتي ..

برضو الكلمه بتفجعها : حكلمو طيب حكلموو

رجعت باست راس ابوها وخرجت من الغرفه

خرجت جوالها وطلبت نسيم بسرعه وهيا تروح وتجي في الصاله راسها حينفجــر ..

الاغنيه البيض الي حاطتها نسيم .. تنعاد وتنزاد .. ومافي أي رد

في جهة تانيه .. نسيم تدف الجوال .. والله مارح ارد عليها وربي

مهند يفرصع عينو : يابنت لا تحلفي كدا لا تحلفي بقلكـ كلميها يمكن ترجع البيت يمكن تكلم ابوكي يخبصو هما الاتنين مايدرو عن شي

نسيم تدف الجوال : وربي مو مكلمتها اطلع من راسي مهند

مهند شال الجوال ناوي يرد علي تسنيم بس نسيم لحقتو وشالت الجوال من يدو ورمتو في الارض اتفكك وكل قطعه في جه

مهند : ...!!!؟؟؟

تسنيم فجئه تتصل يدها مقفول .. اتاكدت انو الجزء المفقود نسيم تدري عنوو

التفت الا انتبهت للعلــبهـ الفضيــهـ المتوسطـهـ مغلفه بتل موفي وحولينها ورو طبيعيهـ .. وبطاقه صغيره سودا . محطوطه علي ركاز احمرر

من غير ما تفكر عرفت ايش هيا

راحتلها بسرعه وفتحتها .. وانبهرت بالميات الكتيرررهـ الي وصت الصدووق . ميتين الف . علي شكل ميات كداا .. .,,!!؟؟

لوله نسيت كول شي وطلت في الفلوس بحماس : وااااو يامن جابها من جد

توها خلــصت كلمتها اندق الجرس ..

التفت : نسيم

راحت للباب بسرعه وفتحــتوو : نسيم انــ ....

ماكملت هرجها وسكتت لما شافت قدامها يامن ..

ماعرفت ايش تقول هزت راسها : يامن .. ؟؟!!

يامن يتلفت حولينو : ايوا يامن

طلت في نفسها تتاكد انها لسا بعبايتها : ادري انكـ يامن بس اشسمو .. اسمع معليش انـ ..

قاطعها : منكـ مطره تبرري شي .. اصلا كدا ولا كدا ما كنت ابغا الا توقيع منكـ اني صرت انسان مرتبط ..

تسنيم : ؟؟!!

يامين بلا مبالهـ : ماعلينا فين مرتــي ..؟؟!!!

تسنيم ترمش بفهاوهـ : ؟؟؟!!!

يامن يتلفت حولينو بقله صبر : مرتي في في البيت ولا امــشي ..

تسنيم هرجت هرج متقطع : نـ ـــسـ يـــ مممم ؟؟!!

يامن يضحكـ : بالززززبط .. فينهاا فينها موجودهـ

تسنيم لسانها انربط وهزت راسها انو لااا .. اصلا ماقدرت تهرج ..

يامن : اوكي ممكن رقمها .. ضروري ابغا رقمها .. الرقم الي عندي بس مقفل يديني .. عندها غيروو ..

تسنيم شويا وتطير من مكانها : كيف احم اشسمو .. انا ..

يامن قاطعها : بطلب رقم مرتي ..؟؟!! ياتر بطلب شي صعب

تسنيم فاقده القدره علي التعليق .. اما مرتو نسيم .. كيف ومتي وليش ابوها مايدري ايش صااااررر ..

يامن زفر : يابنت اتحركي طلعي جوالكـ بسرعه واديني الرقم

تسنيم ترفع الجوال وتطل في بتناحه .. كيف انتهي الموضوع بانو تصير نسيم مرتو كيف ياربي كيف

يامن لما شافها مطوله في تناحتها ..

سحب الجوال من يدهااا وكانت اصلا فاتحه علي بروفايل نسيم عشان كانت بدق عليها

انتنهد : كويس ما اطريت افتش

كتب الرقم في جوالو بسرعهـ .. ومد لها الجوال

: يلا سلام يا اخت مرتي ..

تسنيم مازالت ترمش بتناحهـ .. : مع مع مع السلامه

يامن مشي خطوتين ورجع : وعلي فكره الميتين الف .. لا تمسكي منها شي .. ولا تفتحي الصندوق .. لانو حق نسيم هيا حتفتحو وهيا حتتصرف بالفلووس

قدرت تهرج اخيرن : يامن كيف كيف انته ونسيم كيف .. ؟؟!

يامن : والله زي مايقولو نصيب .. وانتي روحي خلي المعاق الي بدون كليه ينفعكـ .. اوكي

استغربت كيف خمن انها راحت علي شانوو ..فهم نظراتها وجاوبها علي طول

: عارف مافي غيرووو ..؟؟!!

: بس انتي الخسرانـهـ .. كنت لو ما اديتك حب ولا غيروو .. كنت حديكي عيشه اقلها ترفع الراس

طل في الشقه والاسياب بقرف : مووو استغفر اللهـ بس

تسنيم : يامن انته أيــش بتـ..

قاطعها : ماعليما ماعلينا اخت مرتي برضوو .. يعني الخير الي حيجيهاا حيبخ عليكي اكيد انتي وابوكي يمكن اتكرم واجبلو عربيه اعدل من دي .. ؟؟!!

تسنيم : يامن ترا بابا مايدري بابا مايدري

: طيب شغلتكم دي انتو خلو يدرري

لف وشو عنها : بالاذن يا اخت مرتي

راح وتركها تحاول تستوعب كيف صار الي صار

او بالاصح تستوعب هل يامن بيتكلم من جد ولا يستعبط .. ايش نظامو .. ياتري نسيم ايش مسووي . .

ابوهاا .. أيش موقعو من الاعراب.. ليش مو عارف عن كل الي بيصيرر ..

شدت شعرها

: موستحـــــــــــــــــيييييل ايش صايرر ياربي

~~~~~~~~

A6baa fe al-7o0b

~~~~~~~~

~~~~~~~~

A6baa fe al-7o0b

~~~~~~~~

جــالس قدام التــي في المفتوح علي قناةـ وناســهـ .. والصوت اعلي شـــي ..

حاضن الخداديه .. وقدامو المعــسل وكوب شااهي اكبر ما يكون ..

ســرحان لابعد مكــان ..

خــش علي وسام قطع علي سرحانو : حسام انته في البيت

حسام يطل حولينو ويميل فمو : لا في الشارع بس اخد الصالهـ معاياا .. !!

وسام ضحكـ بدون نفس : هه هه هه رحت راجعت ولا لاا

حسام يهف الدخان من فمووو : لا ولا تنق علي راسي طـيب ..

وسام اتمدد علي الكــنبه جنبوو .. : ترا جبتلي الاكتئاب بمودكـ دا

: اكتئب ..

وسام : لا جد ماتسوي عليكـ .. الي باعكـ بيعوو .. منكـ مطر تسوي في نفسكـ كدا عشانو .. اذا هوا بايع عشرتكم ومالو اصل ياخي بيعها انته كمان .. وربي البيع اكوس شي

حسام التفت طل في وسام طله تهديده ولف عنو

وسام : هي لا تطلطل فيا ابدن ماراح اخاف .. بس جد جد مهند مايستاهل الي بتسوي في نفسكـ عشانو ..

حسام : ياليل اتركـ مهند في حالوو

وسام مقهور علي حسام : لا من جد .. ضربك وقرب يموتك لولا ستر الله ودحين مو مهتم لكـ ولا اتصل ولا سال .. وانته هنا مسوي حداد مالكـ داعي ..

حسام يشفط ويتمتم كلام مو مفهوم : ياشيخ انته مو فاهم شي

وسام في ثواني نقز وجلس قدامو : حسوم ابو السمسم .. انا وسمي .. صاحبكـ ياخي قولي يمكن اقدر اساعد يمكن اقدر اسوي شي ..

: لا لا ماحد يقدر يساعد ولا شي خلاص وسمي

وسام حط يدينو علي رجل حسام : طب حكيني اشيل عنك شويا شوف كيف كتفكـ صار مايل من كتر مهمو .. وصاير كئيب .. منكـ حسام ياخي ..

حسام يطل في وسام ونفسو نفسو يقلوو .. بس خايف يزيد الطين بله لو وسام دري بشي ..

لان وسام جد عصبي .. ويمكن يروح ينعل عار مهند .. لانو حاول يضربو علي غلط اختو اصلا هيا السبب فيلو ..

حسام يتنهد : وسمي ولا شي ولا شي تقدر تساعدني بانكـ ما تسالني مرا تانيه ايش صاير بيني وبين مهند

وسام يتنهد : طــيب اوكــي .. قووم ياخي نخرج نروح الكزنو .. نكلم الشباب .. يعني ما عاد في مهند . مافي خروج مافي فله ما في اكشن

حسام ضحكـ غصب .. ايش هيا حيااتو بدون مهند .. : اوكـي ماشي

وسام جا يهرج الا رن جوال حسام وقطع علي

: ايوا كاسر

: اممم شلونكـ حسوم

: بخير انته كيفك كيف اهلكـ كيف الوالده

: انت شنو دخلكـ

حسام بتعجب : وجع اسلم ما اسلم يعني ..

: لا لا تسلم اسمع تعرف وين الـ .... ..

حسام : ليش ..

: بروح مع اهلي

: اها اوكــي حرسلكـ العنون علي خريطه الــ .... استقبل اوكــي

: اوكــي سلام

قفل كاسر من هنا الا دق جررس البيت

وسام يتنهد : واخيرن يدق جرس البيت .. خليني اقوم

حسام مازال يعسل بملل : شوف شوف لو احد يبغاني اطردو برااا .. بلا قلق زاايد ..

: هههههههههههه لو موززهـ

: لو كرتون موز لا تدخل عليا احد بجد اخلاقي في اصباع رجلي الصغير

راح للباب وهوا يضحكـ : واضح واااضح .. من غير لا تقوول

وصل للباب وفتحو بدون ما يستفسرر

تنح لدقايق لما شافها .. حاول انو يسترجع شكلهاا .. مين دي .. كيف دي

اخيرن جاب الوجه : انــتي ..

تطل في الشقه حولينها بقرف : فينو حسام .. احم اقصد .. دكتورر حسام ..؟؟!!

وسام يرمش بفااوهـ : ايش احم .. اقصد ايش تبي ..

: قلت ابغا حسام كلامي واضح اتوقع

وسام يحاول يستوعب انها هيا وجايتهم لهنا وكلوها ثقه .. اكيد وراها شي كبير

: دقيقه

لف ودخل لحساام جررري وفحط : حسوم حسوم ابو السمس الحق الحق

حسام صلح جلستو : بلا في شكلك ايش في ..

: تخيل مين براا وحده من البنات الي اتوسخنت معاهم ماعرف ايش جايبها ولا ايش تبغا

حسام : ايش مين كيف

: مادري مادري روح شوفها بسرعه تبغاكـ

حسام وقف وصلح البلووزهـ بتعجب : طيب طيب

خلل اصابيعو بين شعرو يرتبوو .. وطل في المراياا مشي يدو علي لحيتو الخفيفهـ ..

وراح لعند الباب من شاف اجوان سمررر : انــتي

طلت في بــقررف .. : ايووا انــااا ..

حــسام .. يتلفت حولينو : ايش تبي

: موضوع طويل .. ها اتفضل ولا نهرج عند الباب

حسام : ؟؟!!! لا لا اتفضلي اتفضلي ..

دخلو علي الشقه وحسام قفل الباب وبــلع ريـقوو .. دي ايش وراها جيا كدا وكلها ثـــقهـ ..

التفتت علي واتكتفت : احم كــيف الحال ..

حسام ببرود : بخير انتي كــيفكـ

ابتسمتلو : بخـــيرر .. وولدكـ مدري بنتك كمان بخير

حسام تنح لدقايق وبعدين مات ضحكـ : هههههههههههههههه ولـ هههههههــ ديــ ههههههههه ولدي ههههههههههههههههه . بــههههههههههنتــي ههههههههههه

اجوان اتنرفزت مرا من ضحكتو

: هي بتكلم من جد انا .

حسام صار يكحكح من كتر بيضحكـ : وسمي الحق حتصير عم حتصير عم

وسام جا للمكان وبتناحه : ايش في حسووم

: الحق تقول ولدي مدري بنتي الي في بطنها بخــيرر .. حتصير عم مبروك

وسام طل في حسام وانفلت ضحكـ هوا التاني : ههههههههههههههههههههههههههههه

صارو يضحكـو هما الاتنين بطريقهـ تنرفز الي ما يتنرفززز ...

اجوان صرخت : هييييييييييييييي بتكلم من جد

حسام بطريقه تمثيليه : لا لا لا تصرخي انتبي يصير للي في بطنك شي احاكمك تراا

وسام : وانا بصفتي عمهم حشهد ضدكـ

اجوان اختصرت كل الامور .. وطلعت ورقه من شنطتها وخبطتها في صدر حسام بقوهـ

: تتزوجني .. ولا تخسر سنه التدريب من بكراا ..

حسام طل في صدروو .. ومسكـ الورقه : نعم ..

اجوان : اتوقع سمعتني .. بقلكـ تتزوجــني .. ولا من بكرا تحصل نفسكـ مطرود ومافي تدريب ولا بلا في شكلكـ ..

حسام طل في الورقه البيضه الفاضيه : اها اخسر التدريب وبعدين .. ايش علينا ندرب تاني . حلي حلي قال اتزوجكـ فارقيني اشوف

اجوان : ياحسام انته مابتعرف بتكلم عن ايش انا .. ؟؟!!

: لو انطردت من التدريب بسببي .. مالكـ الا انكـ تعيد سته سنين من اول وجديد ويالله تدرب من اول وجديد ياحبيبي .. انته مو فاهم شي انا ما بهدد علي بلاش

: طلما انتي خطيره وتقدري تفصليني .. ماتقدري تنزلي الي في بطنكـ هادا ان كان في بطنكـ شي .. وتريحي راسنا .. قال حامل قال ولدي اقولي اقضبي البابــ ..

وسام : والله حاله تتباع مسلسلات اجنبــيه كتيررر ..

اجوان خرجت كرت .. ورمتو في وش حسام : اوكي اتفلسف .. لكن بكرا لما تروح المستشفي .. وتشوف كيف حيستقبلوكـ .. وقتها .. رقمي موجود ..

: حتجيني زي البقره تعرف البقره زيها حتجيني ..

حسام عصب : البقر اهلكـ والي ربوكـ يا واطيه .. انقلعي بلا فككـ .. دا الي ناقصني افلام هنديهـ

وسام اتنرفز هوا التاني : انقلعي بلا في شكلكـ .. وشيلي ورقتكـ الفاضيه معاكــي

اجوان خرجت وهيا مقهوره .. وانفجعت لما سمعت رقعة الباب وراهاا ..

ما اتوقعت ردة فعلهم كدا .. خير ان شالله .. مني انا الي خفت افصلو وخلاص .. لكن خير يا حسام .. بكرا تشووف .. وقتها حنعرف مين حيتفلسف .. ومين البقررر

حسام يفركـ يدوو وهوا يضحكـ : تنرفززززز قال ولدي قال .. لا لا من جد تتابع افلام اجنبيه ..

وسام بتفكيرر : ابو السمسم .. ماشفت البننت قد ايش كانت واثقه من كلامها تتوقع في شي كدا ولا كدا

: يابويا كدابه وبنت سته وستين كداب ..

وسام : بس شكلو كدا مابتمزح ولا ايش جابها لهنا بعد ما لعنا جدفها ..

: تجي تبا اتزوجها وادراي فضيحتها لكن علي مين انا حسام مو حيا الله بني ادم

وسام : لا لا احس وراها شي من جد انتبه

: ايش الي انتبه انته كمان .. مع نفسهااا .. قال تفصلني ليش في مستشفي جدها وانا ما ادري

: ماتعرف ايش هيا ومين تكون يا حسووم

: اقول بلا قلق انته كمان .. اسكت ولا ما اخليك تشيل بزورتي هههههههههههههههه الي في بطنها .. تصدق عاد لو طلع ولد اسمو وسام بلا شكـ

وسام حاسس انوو البنت مابتكدب وكل كلمه هرجتها صح .. تبان الي تهدد بثقه .. ولا تهدد علي فاضي .. : اها طيب طيب

رجع دق الجرس مرا تانيه ..

حساو ووسام طلو في بعض .. بتعجب قبل ماينقز وسام ويفتح الباب

حسام : هي هي لو رجعت العبيطه دي تاني لا تدخلها واقفل في وشهاااا

وسام : اوكـــي ..

وصل للباب وفتحو .. طلعو في وشو بدر وهلال وقمر ووراهم ادميه خقق اقوي عيار

وسام كان ناوي يبتسم ويندهش .. لكن اختفت الابتسامه وقرر يندهش بس .. ام حسام ايش بتسووي هنا

بدر : وسااام حسام في ولا مات

قمر يصقع حسام : وجع وجع ما مات انته تموت انته تموت

هلال .. دفهم عن طريقو ودخل : حساام حسااام

حسام من سمع صوت اخوانو فز من مكانووو : انتو هي هي هي

هلال رمي نفسو علي حسام وحضنوو : انته ما مت ..

بدر يتنهد : اوووهـ كنت احسبك مت

حسام جلس بمستاوهم وصار يضحكـ : لا ما مت حي الحمد للهـ

قمر يمرر يدو علي الصقه الي في جبهة حسام : ما احب مهند ما احبو ليش يطلعلكـ دم

حسام يضمهم .. : لا مهند ما كان يقصد حتي انا ضربتو وطلعت لو الدم ..

هلال : يعني انته مو زعلان من مهند

حسام : لا ولا انتو لا تزعلو منوو .. طيب ..

بدر : ما ابغا انا زعلان منو .. اخاف يطلعلي الدم انا كمان

حسام : ههههههههههه لا لاا .. مهند حبوو .. الا مايحب مهند لا يحبني .. ولي زعلان من مهند يزعل مني

بدر يرجع علي ورا يلصق في امو : خلاص مااحبك وزعلان منكــ

حسام : لا بدوري انــ

قطع كلمتو لما شافها .. دوبو انتبه انها موجودهـ في المكان .. اصلا

وقف واختفت ابتسامتو : امـ.. احم ايش بتسوي هنا

جيت ارجلعكـ اخوانك يجلسو معاكـ

قمر : حسام ابغا ابغا ابات عندكم يوم واحد وبعدين ارجع مع ماما ..

حسام يطل في اخوانو : اوكــي طــيب شكرن

: امممممم حسام انته شفت الهديه الي جبتها لكـ في عيد ميلادكـ

حسام يتذكر انها مفتاح .. بس مايدري مفتاح ايش بالزبط .. : لا ماشفتها

طلت في الشقه بقرف : اوكي استعجل وشوفها حتفيدكـ

اتكتف : طيب متي حتجي تاخدي عيالكـ

: سواقهم موجود تحت .. هوا حيعرف متي يرجعهم لــياا ..

هز راسو ويتحاشا يطالع فيها : مو قلتي مسافره ومنكـ راجعه

: بعد الي صارلكـ قررت اجي اشوفكـ .. ايش ساويت لمهند عشان يمد يدو عليكـ

يميل فمو : ولا شي شكرن لاهتماكـ

قربت خطوتين ومررت يدها علي جبهتو : سلامتكـ ..

بعد راسو عنها : شكرن ..

: انا حمشي

حط يدو علي مسكة الباب بدون مايطل فيها : الله معاكـ ..

: طــيب توصـ

قاطعها : شكرن مع السلامه

قفل الباب واتنهد بالم .. امو دي كان نفسو يبوسها يضمها .. بس مايقدر .. ولا حيقدر كمان ..

بدر : حسام امممم بكرا مافي مدرسه صح

حسام يتنهد : صح مافي

: طيب واحنا حنبات عندكـ الين يوم الجمعه

: طيب حلوو

قمر : مشينا مشيناا ..

هلال : ايوا نروح الملاهي ولا نروح المطعم ولا المول أي مكان مافي مدرسه مانبا نجلس في البيت طيب

حسام : طيب ماشي بس اغير ملابسي واخدكم .. فين وسام

بدر : فين كاسر

هلال : مهند حيجي ..

حسام : مادري اجلسو دحين اجيكم ونروح طــيب ..

بدر : نروح لكاسر ..

: ايوا نروح لوو طــيب .. خليكم جالسين

راح لغرفتو يغير ملابسوو .. وحاسس نفسيتو اتحسنت بسبب انو شاف امو .. واخوانو الي ينسو همو ببرائتهم .. وكمان بسبب اجوان .. كل مايتزكرها تجيلو ضحكه مو طبيعيه

~~~~~~~~

A6baa fe al-7o0b

~~~~~~~~

واقف في الاشارهـ .. وسرحان جدن ..
بيقلب في الجوال ومحتار يكلم ندي او لا ..
بعد جملة حنين الي قالتها اتاكد انو عند ندي كل الهرجه ..
واكيد لو كلمها حيفهم منها كل شي .. بس برضو مازال خايف .. وما زال .. متردد
من اول ماسك الجوال وفاتح علي رقهما .. بس بدو يطلب اتصال .. ويكلم ندي ويفهم كل شي ..
اشتغلت الاشاره ومشيوو الناس .. وهوا موقف سرحان يطل في الاشاره الخضرا وعينو ناعسهـ ..
فوقتو اصوات البورااي الي انطلقت بطريقه مزعجه
حرك السيارهـ وهوا يعد بينو وبين نفسوو : اكلمها .. ما اكلمها .. اكلمها .. ما اكلمها .. اكلمها .. ما اكلمهاا ..
فجئه وبدون مقدمات ضغط زر الاتصال .. وحط الجوال علي ادنو : الي فيها فيهاا ..
في جهة تانيا ندي ماشياا مع زميلاتها في المول .. وشويا انتبهت لجوالها يرن والمتصل مهند .. خافت مراا .. ياتري مهند ولا حنين متصله مرا تانيه تهدد
اوف ياررربي
رفعت الخط وردت : ايوااا
مهند : احم احم .. ندي ..
بطنها مغصتها : مهند احم ايوا هلاا ..
مهند بطنو مغصتو هوا التاني .. : كيف حالكـ ندي
: بخير حمد للهـ
مهند من الاخر : سمعت حنين وهيا تكلمكـ اليوم .. والي فهمتو انكـ تعرفي كلام كتير ويمكن كبير كمان .. ويمكن ماتبغي تبيعي صداقتك معها وتقوليلي .. لكن .. انا يا ندي من جد محتاج اعرف ايش الي بيصير .. وحنين مو راضيه تكلمني .. وانا مو راضي اكلم حسام .. ؟؟!!
ندي ضغطت علي نفسها : اوكي يا مهند .. حقلكـ لان الي بيصير فيكـ وفي حسام .. مرا حراام ..
مهند يتنهد براحه : اوكــي يا ندي اسمعكـ قوليلي كول شي .. كول الي تعرفي .. كول شي كول شــي
ندي تسد ادنها ومو سامعتو مع ضجة المول : ايش دقيقه مهند
مهند : ندي بقلكـ فهميني كول حاااجهـ ..
ندي تروح لمكان منززوي .. : طيب اسمع مهند حقابلكـ برا في أي مكان فينكـ انته مو سامعه شي .. ترااا
مهند طل يمينوو .. : انتي فينكـ اجيكي انا
ندي : لا لا انا في الــ .. موول .. لا تجي ضجه وفوضه انا اجيك تعال أي كوفي او مطعم قريب من هناكـ وبيننا الوو
مهند بحماس : اوكي تلقيني في .... تعالي بسرعه حنتظركـ
: طيب ماشي مهند مع السلامهـ ..
قفلت منو والتفتت علي وحده من صحباتها : معليش انا خارجه ثواني هنا وحرجع لكم .. لا تتعشو بدونــي .. طيب
: اما فين رايحهـ .. دحينا شويا طالعين نتعشي ..
: استنووووني عندي مشوار ضروري اشبكـ انــتي ..
: طيب طيب اووف لا تدفي روحي روحي
نزلت الاكياس الي في يدها كولها وحطتها في يد صحبتها : ماحتاخر طيب
: اوكي تيك كير
في ثواني كانت برة المول .. وقفت لها سيارهـ تكــسي .. : لو سمحت روح للــ ..
مشورا اقل من دقيقهـ .. وهيا عند المطعم الي مرا قريب من المول ..
نزلت وهيا تتلفت شافت سيارهـ مهند اتوجهت لعندو بدون فرامل ودقت علي القزازز بقوهـ شويا تكسرووو .. من قوة التوتر الي فيهااا ..
رفع عينو بتعجب : ندي
ندي تطقطق اصابيعهاا .. تبغا تكلمو تفضيلو كل الي في جوعبتها خلاص .. قبل ضميرها يبداء يانبها علي حنــين ..
نزل من السياره : ماشالله ماطولتـ
قاطعتو : مهند كل الي صار سوء تفاهم .. سواء الي بينك وبين حسام .. ولا الي بينك وبين حنين .. ولا الي بين حنين وحسام .. كولو كول سوء تفاهم والسبب اولا واخيررر جمانه الكلبه بنت الكلب وشلتها
مهند انفجع من السبه : ول ول هدي نفسكـ وحكيني بهدوء
: لا لا لا من غير هدووء .. اسمع وخلصني قبل ضميري يائنبني واسكت بعدها ما حتقدر تخليني انطق
حرك يدينو : طيب كونتنيو كونتنيوو ..
: الموهم اسمع الحكايه ومافيهااا .. انوو بنت اسمها جمانه تكره اختك كدا من الله ..
والي فهمتو من تفاحه
مهند كشر : تفاحه
ندي تهز راسها : ايوا ايوا تفاحه قالت لي
مهند زادت تكشيرتو : اسمها كدا تفاااحه
ندي : يووو مهند اسمعننننننني ياربي مالك في اسمهاا
بسرعه : طيب طيب .. اوكي تفاحه ايش قالت ..
: ايوا ايوا تفاحه مادري الكلام دا مو متاكده منو بس هوا بدايه المشاكل .. انو لما كرهت اختكـ ادت رقمها لواحد ولد يضيعها .. والولد دااا كلمهاا كم مراا .. وماعرف كيف طلع نفسو حسام .. وحاولت ماترد علي . ماعرف مافهمت بالزبط أيش الحكايه
الي اعرفو انو اجوان
مهند بدهشه : مين اجوان دي كمان
ندي : اختها اخت جمانه ايوا اخت جمانه .. .. مرا كانت هيا ومعها صحبتها نسيم
مهند هنا تنح : مين نسيم .؟؟
ندي مو مهتمه للاسامي : ايوا نسيم .. كانو في الـ .. ماعرف ايش بيسوي هناكـ وشافوكـ انته وحسام ..
وصورت حسام مع اختك وطلعتكـ من الصوورهـ وراحت عرضتها هناكـ في الجامعه قدام كل البنات .. مع مكالمه مفبركه وسولتها سمعه سيئهـ
وقتها حنين لما شافت نفسها في نفس الصوره مع حسام .. تحسب انو حسام يدري وبالعاني عمل كدا
حبت تنتقم منوو .. بانه تبعدكم عن بعض .. لكن في الاساس لا حسام يدري ولا حنين تدري أيش الطبخه .. الهرجه كولها من راس جومانه
مهند : تبعدنا عن بعض .. ؟؟؟!!!!
تهز راسها بقوهـ : ايوا ايوا .. ولما قررت كدا صارت تكلم حسام
مهند شهق : ايش .. تكلموو
ندي مغمضه عينها ومسترسله في الحكايه : ايوا كلمتو والفتره دي كانت عارفه انو صاحبكـ انو حسام ماغيروو .. وقررت تقابلوو .. وتوري الصور الي هيا موجوده فيها معا .. وتهدديو بيها
مهند قلبو صار يغلي : غبيه تهددو بصورها
: ايوا كانت نايوه تقلو ياتبعد عن مهند او اقلو انكـ بتخرج معايا ماعرف كيف فكرت ماعرف ماعرف
مهند بصدمهـ : غبيه اختي غبيه مرا غبــيهـ
ندي : وفي اليوم الي قررت تقابلو عشان توري الصور .. ماعرف ايش جالو ظرف وقام ارسلها صاحبوو .. خلي في بالكـ حسام مايدري انها حنين .. اختكـ
وتعرف صاحبكـ فكر انو ياخدها واستغفر الله انته عارف .. بس لما الولد وصلها الشقه وحسام شافها .. انهار وانصدم .. وصرخ فيها وقلها كيف صرتي هنا كيف جيتي هنا .. وهيا من الصدمه صارت تبكي ما اتتوقعت الامور توصل لداكـ الحد
وقتها حسام .. خرجها من الشقه ووصلها لين البيت .. وهيا بعدها جلست اسبوع تبكي ومريضه .. من الندم ومن الخوف انو يكون صارلها شي
مهند مصدوم من الحكايهـ ويردد : غبيه اختي غبيهـ .. مرا غبيه حنين غبيه
ندي : يامهند دا كل الي صار .. وكل الي اعرفو وكل الي عندي .. ترا حسام مو غلطان في شي .. بالعكس حسام لما صارت في الشقه عندو هزئها وصرخ فيها وانصدم انها عندو .. وانها كيف وصلت لهنا ومارضيت تحكي ومارضيت تقلو أي شي ..
مهند متنح : غبيه اختي غبيه حنين
ندي : مهند مهند .. ترا حنين وحسام .. كولهم مو غلطانين
مهند صرخ : مو غلطانه ؟؟ تكلم حسام ومو غلطانه . تحاول تقابلو ومو غلطانه .. تحاول تفرق بيني وبينو .. ومو غلطانه .. يعني مين الغلطان حسام المسكين ولا انا الاهبل الي مو داري عن شي ولا انتي ولا مـــين
ندي ما اخدت وقت عشان تندم انها هرجت : مهند اسمعني انا قلت لك عشان اساعدكـ مو عشان شي .. ويكفي اني اتجاهلت كلام حنين وقلت لكـ رغم انها حلفتني .. لا تسويلها شي .. اتعامل مع الموضوع بهدوء .. لا تخليني اندم الله يخلك اهدء ترا ماحد غلطان ..
عصب : لا تقولي ماحد غلطان .. حنين اساس كوول الغلط
ندي عصبت هيا التانيه : حنين ماتدري شي عن الصوره وحسبت انو يدري انها اختك وبيكلمها ايش يعرفهاا
: ولما كلمتو ولما طلعت معا وليش تبا تفرق بيننا ايش شافت منننا ..
صقع رجلو بيدوو : ياربي امسكـ نفسي وما انحرها
ندي شهقت : مهند مهند لا تخليني اندمم
مهند يلف علي سيارتوو : ندي ندي شكرن شكرن علي كل شي بلاذن لازم امشي لازم اروح اروح انتحر ولا انحر حنين ولا أيش اسوي ماعرف لازم امشي
ندي من جد ندمت انها هرجت : مهند صلي علي النبي الموضوع ما يستاهل
هب فيها : ما ايش .. عيدي ما سمعت .. ما ايش ..؟؟!!
ندي خافت منو وهوا معصب كدا : مهند اشسمو لا تخليني اندم انا قلت عشان اساعدكـ بس عشان اساعدكـ .. والله مهند لا تخليني اندم
طنشها وركب سيارتوو ومشي ..
صقع الدركسون كم مرااا : حنين الله الله ..
استصعب انو يدعي عليهااا .. قرر مايروح البيت ولا حينحرها حينحرها بلا شكـ ..
اخخخخ ياربي موستحيل .. أيش الغباء دا الي فيكي ياحنين .. موستحيل .. غباء مستحتم ..
ونسيم .. نسيم فاهمه وعارفه كول شي ولا اتكلمت الكلبه .. ما غلطت حنين يوم هرجت عنهاا وانها نفس شلتها والله ماغلطت ..
وحسام .. آآآهـ يا صاااحبي .. سامحني مرا سامحني .. كنت حموتكـ بسبب غبائها .. انا الي ماسمحت لكـ تتكلم .. انا الي ما سمحتلكـ تفهمني انا الي ماسمحت لكـ اناا
لوله حس نفسوو غبي ومخو اهبل .. لانو بختصار حكم علي كيفو .. بدون ما يسمع حسام .. وبدون مايسمع حنين حتــي ..
شال الجوال يتصل علي .. بس رمي الجوال وقرر يكلمو فيس تو فيس ..
بدون مقدمات اتوجه بالسيارهـ .. لبيت حسام . لازم يشوفو .. ويكلمو .. ويعتذرلو .. لا ويبوس راسوو كمان ..

~~~~~~~~
A6baa fe al-7o0b
~~~~~~~~

~~~~~~~~
A6baa fe al-7o0b
~~~~~~~~

فتحت عيونها اخيرررن .. وصحيت من النوم
طلت في الساعه .. : ياربي اشبو الوقت يمشي بشويش ليش ليش ..
بالقوه رفعت راسها عن المخدهـ تحسوو مرا تقيل .. من جات وهيا متسدحــهـ تنام وتصحي وترجع تنام وترجع تصحي وتقوم تنام وبس دي شغلتهاا لما تقلق .. بس تهرب من واقعها بالنوم ..
: اووف متي يجي الصباح عشان اكلم مازن عشان اشوف ماززن .. اووووف ياربي
التفتت علي الكمدينه وشالت علبة البندول نايت هزتها واكتشفت انها مخــلصهـ ..
اتافتت : ياربي ليش خلصت ابغا انام ابغا انام ياربـــي ..
قشعت الحاف .. عنها ونزلت عن السرير .. لبست الشبشب الكبيرر
ومشيت بكسل كنها سكرانه ..
خرجت من غرفتهاا .. وهيا تنادي شغلتهاا .. : سينااااااااااا سيناااا .. سيناااا
الشغاله جاتها جري وهيا تفحط في الدرج : يس مس
: سوي اندومي .. وطلعي بندول نايت بسرعه ابغا انام
: اوكـ مس
مشيت راجعه لغرفتها الا استوقها صوت وهيب : اعناب
التفت علي وطلت في وشو مخطوف ولنو ضارب علي صفار استغربت
: وهيب خالو اشبكـ
وهيب مشي لعندها وبيجر ورا شنطتوو : اعناب حبيبي
اعناب طـلت في الشنطه وشهقت : وهيب فين رايح
وهيب : مصيبه يا اعناب مصيبه انا حمشي اتوقع امكـ عرفت بالي بيننا مادري كيف
اعناب ما همها رجعت مسكت يدو : وهيب فين رايح وهيب خدني معاكـ طيب
وهيب سحب يدوو من يدها : يابنت افهمي استوعبي اقلكـ امكـ دريت بالي بينناا فين اخدكـ فين تجي معاياا انا حمشي .. قبل يتنشر غسيلي قدام كل عيلتنا الكريمه
اعناب دوبها استوعبت : طيب وانا وانا ماما ايش حتسويلي . خدني خدنــي معاكـ خالو خدني
اتشعبطت في يدو : بجي معاكـ
سحب يدو بشويش : عنوشه حبيبي حنتكلم بيننا الوو .. طيب حنتكلم اوكي انا حمشي
قررب لها وباس فمهاا بقووهـ وضمها لين كسرلها ضلوعها : انا حروح خلاص طــيب ..
اعناب دموعها ما اخدت وقت عشان تدحدرر : طيب طيب بس انا انا وهيب ايوا انته اســ
قبل تكمل كلمتها طلعت امها من غرفتها : اخيرن صحيتي بالي منكـ متربيه
اعناب طلت في امها ولسانها انربط : كنت استناكي تقومي من اول ماحبيت ازعج حضرة جنابكـ ياواطيه انتي علي التاني الي وراكــي
وهــيب : اختي اعناب مالها دخــل انا السبب
: طبعا انته السبب ياواطي .. شايل اغراضكـ وبتشرد .. فين تروح من ربكـ فين ياوهيب فين .. ؟؟
وهيب اتلبكـ : انا انا يا هناء كــ
قاطعتو : تف تف علي وجهكـ ياوهيب ياوسخ ياواطي .. دخلتكـ بيـتي لانكـ اخويا الصغيررر .. ااتمنتكـ علي بنتي .. دي اخرتهاا دي اخرتها يا وهيب ياوسخ .. وانتي تسمحيلو .. ماعندكم قلب ماعندكم اخلاق
وهــيب حس وجهو جدن صغررر .. بينما اعناب فاقدهـ القدره علي النطق .. كيف امها عرفت كيف دريت .. واشبها بتتصرف بكل برود ..
هناء : يلا انقلعو برا بيتي انتو الاتنين .. انقلعو برة بيتي اطلعوو اخرجو ياوسخين ياواطين ..
اعناب اخيرن هرجت : فين اروح ماما
هناء : روحي ياوسخه يابنت الوسخ عند ابوكي .. الي وارثه الوساخه منوو .. انقلعو اطلعو لا ينهد البيت عليا بسبب افعالكم يالي ماتخافو الله ولا تستحو من خلقوو
اعناب عيونها دمعت : ماما انـ
: لا تقولي ماما بلا في شكلكـ ..
وهيب عصب : اطرديني انا هيا بنتكـ مالها ذنب
: انته ايش واقف بتسوي هنا الين دحين يا خاين .. مالكـ حق تهرج يالي مو متربي .. اسكت لا بالي في رجلي .. يا وهيب
حس انو اتهزء بزيادهـ عن الزووم .. ولانو غلطان ماقدر يهرج ولا يعترض ..
اعناب تطل حولينها : ماما ماما
هناء من اول تحاول تصطنع البرود لكن ماقدرت تمسكـ نفسها .. اتقدمت لاعناب وصفقتها اقوي كيف في الحياهـ .. : قلت لكـ لا تقولي ماما .. انا ماعندي بنات وسخين .. خالكـ خالكـ يا اعناب .. اخويا انااا .. خالكـ يا اعناب .. اسمع عن بنات يصيعو ويديتو .. ويحبوو .. لا ويزنو .. بس مع خالكـ موستحيل ..
مسكت وشها بيدهااا ومن قوة الام حست بطنين في ادنها : طن طن طن طن
وهيب حس الكف في قلبوو .. : هناء لا تضربيها كداا
جمعت التفالين في فمها وطلعتها في وجه وهيب : قلت لا يطلع صوتكـ انته وانقلع ليش لساتكـ واقف عندي ..
وهيب يتحسس وجهو بصدمه .. دا اقل شي يستحقوو علي الي سوو .. لكن مازال مو عارف كيف دريت عنهم .. وكيف عرفت
اعناب الدموع خلاص واخيرن نزلت
هناء دفتها من كتفهااا : انقلعي البسي عبايتكـ .. وروحي معا .. اتزوجو .. حبو بعض سو الي تبغوو .. يالي منكم متربين يالي مافيكم خير . مالقيتو الا بعض .. ضاقت بيكم .. خلصو الناس ..
اعناب تمسكـ يد امها : ماما الله يخليكي اسمعــيني
هناء تجر يدها بقرف : انقلعي انتي وهوا برا بيتي اتوسخنو في أي مكان عندي لاا ..
لفت علي غرفتها وقلبها يغلي : لا اطلع القاكم في بيتي وقتها حولع البيت فيكم انا لدحين ماسكه نفسي .. ابعدو عن وشي .. بجد لا اطلع القاكم هنا ترا مو في صالحكم
راحت لجناحها وخبطت الباب وراها بقوهـ .. تكت علي الباب وهيا تتنهد بصدمهـ .. لما الخدامه قالت لها ماصدقت .. لكن ردة فعلهم دحين اكدتلها انو كلام الشغاله صحيح ..
جلست عن الباب وحطت ايدها علي راسها : يالله موستحيل .. اعناب ووهيب . حرام الي بيصير حرام
في الجة التانيه .. وهيب واعناب .. متنحين وشي واحد يبغو يعرفوو .. كيف عرفت عنهم هناء
اعناب اخيرن انفلتت بكاا .. : وهيب انته السبب انا قلت لكـ انا قلت كـ انته السبب
وهيب حط الشنطه في الدرج ومشي لاعناب وقفها : حبيبتي قومي نخرج من هنا وبعدين نتكلم طيب
اعناب تهز راسها والدموع عشره عشــرهـ .. : وهيب ابعد عني انته السبب في كل الي انا في انته السبب .. ماما .. ومازن .. وكل شي انته السبب انته السبب
وهيب عصب : كنو جيتكـ غصب عنكـ .. كل شي كان برضااكـي وبعد ما رضيتي ..
دفت يدو عنها : ابعد عني انت السبب .. كولهم يكرهوني وانت السبب .. مازن وماما وحتي مهند واسراء .. انته السبب
وهيب قلبو انجرح مرا من كلامهااا .. : اعناب انا احبكـ
من بين دموعها : مايصير تحبني مايصيرر تحبني .. مايصير احبكـ انته السبب
ضغطت علي اسنانو : اعناب قومي نخرج من هنا ونتفاهم بعدين
وقفت ودخلت غرفتها شالت عبايتهااا .. لبستها علي الروب القصير الي لابستوو ..
دخلت في رجولها شوز موريح وشالت الشنطه ورمت فيها كم غرض .. مهمين
وماعرفت ايش تاخد كمان .. اصلا ماعرفت فين تروح اصلا ..
خرجت من الغرفه شافت الشغاله طالعه وبطل فيهم ببتسامه خبيثه
وهيب طل في اعناب وفهمو علي طول كيف هناء عرفت بالي بينهم
اعناب رجعت صرخت : شوفت كيف كم مرا اقلك الشغلات الشغلات ولا تهتم انته ماهمكـ شي .. كننا بنسوي شي صح
وهيب طفش منها مسكها من يدها وسحبها معا علي تحت
خرجو من الفلهـ واتوجهو لسياره وهيب واعناب بس تبربر ودموعها عشرين عشررين ..
ايش الي امها تطردها من بيتها .. احد ينطرد من بيت امو .. اجل فين تروح ..
شدت يدها من وهيب : اتركني مابروح معاك ما ابغا اروح معاك
وهيب طل فيها بتناحه .. دوبها تقول خدني معاكـ ..
: عنوشه حبيبي ادري انكـ معصبه وزعلانه دحين تعالي معايا ونتفاهم
صرخت في : ماني جايا معاكـ ماني رايحه مكان .. ما ابغا اجي معاكــ ما ابعا سيبني اتركني
وهيب الي في مكفي .. وغير الكلام الفاضي الي هرجتو .. وما كانو يحبها من قلب .. والظروف هيا الي خلتو يطلع محرمها طب هوا ايش ذنبوو ..
وقف قدامها : اعناب لاخر مرا بتجي معايا ولا اروح
طنشتو ولفت لغرفة السواق : هي انته اطلع بسرعه اطلع اطلع
السوا في ثواني كان برا ومعا المفتاح : يس مس ..
وهيب مشي لعندها وشدها بــقوهـ لووو .. ضمهااا ودموعو نزلت .. ماحد حيفهم حب زي كدااا .. ماحد يوقف في صفو ابدن .. اذا هوا بنفسوو مو قادر يوقف في صف نفسوو اجل مايلوم الناس ابدن ..
بعد عنها وباس خدها بهدوء : لما تهدي ياحبيبتي حنتكلم طــيب
اعناب لوله ضعفت قدام عيونوو الي مليانه دموع .. هزت راسها : طيب طيب
لف عنها وركب سيارتو ومـــشي ..
وهيا كمان طلعت في سياره السواق وقالت لو يمشي ..
يسالها علي فين
ماهي عارفه فين ..
عند اسراء ..
ولا عند سيدها ..
ولا عند وحده من خالتها ..
ولا عند ابوها ..
بجد ماهي عارفه فين تروح .. وايش تقولهم .. امي طردتني . عشاني احب خالي .. ؟؟!!
هادا ان امها ما نشرت غسيلها عند كل العيله واختصرت عليهاا ..
غمضت عينها وغطت وشها بيدها : ايش سويتي يا اعناب ايش سويتي في نفسكـ ..
اووووف الله يحرقكـ ياسيناا الله يحرقكـ يارب ..

~~~~~~~~
A6baa fe al-7o0b
~~~~~~~~

~~~~~~~~
A6baa fe al-7o0b
~~~~~~~~

مســـاحهـ مرا كــــبيــرهـ كولها خضاااررر .. وورود منتره بطريقه حــلوهـ ..
مجااريح وزحااليق في منتشرهـ بشكــل عشووائــي ..
اطفااال جمــيع الاعمارر .. شي يجري وشي يطيررر ..
فوووضه ورجــهـ .. واصوات ضحكات .. وصريخ .. وبكااا .. وبوااري سيــاراتــ ..
فرشــاتــ في كـل مكان علي العشب .. ومنتشره بينهاا طاولات وكراسي ملوونــهـ ..
الاوادم مليانين .. عوائل ييتسامرو .. مجموعات شباب مشغلين اغاني وبيرقصو .. مجموعات بنات بيعسلوو .. شلة اطفال بيلعبو العاب خفيــيفهـ
كوشكاات ذرهـ .. وبطاطس وكرسيبي .. وايسكريمات .. في كــل ركــن من المساحهـ ..
بحــيرهـ صغــيرهـ في النووص ... وسطها نوافيــررر ملونــهـ .. حولينها بزورهـ بيلعبو في المويا بطريييقه تخليكـ ودكـ ترجع للطفوولهـ ..
في احدي الجهااتـ .. فارشين فرشتهم وجالسين .. مستمتعين .. بالجوو .. والمكان .. والزمان .. ورامين كول الهموم ورا ضهرهم ..
قــصي يسحب لي المعســل بقــوهـ من زهاد : مااالكـــ دخــــــــلللل
زهاد تجروو منو مرة تانيه وتضحكـ : هههههههههههههه وربي ماتعسل وانا جالسه هنااا
يصقع يدها بقووهـ : وربي حعسل وربي
امهم تطل فيهم : انتو الاتنين ماتعسلو وانا هنا
زهاد تشهق : مين قالنا جربووو ..
صفاء تضحكـ : انا قلت .. بس انتي تجربي وماتخلي اخوكي يجرب ليش علي راسكـ ريشه
: ماما قصي صغيررر
فرصع عينو : ايش كــيف نــعم .. مين صغيررر ..
زهاد : هههههههههههههه انته صغير شوف حتي ولا خط شنبكـ
يمسكـ شفايفوو ويشدها : وربي عندي شنب .. طلي طلي شوووفي ..
زهاد تدف وشو من قدامها : يابابا روح ارضع من امكـ قال كبير قال شنب
قصي عصب : انتي الي ترضعي .. انتي هي لدرجه دي شايفتني صغير .. وربي انا اسوي حجات .. ماتدري انتي عنها .. ولو تدري عنها نشوف تقولي علي مــين صــغيرر ..
زهاد تفرصع عينها : ماما ماما سامعه ولدكـ ايش بيقووول
صفاء تهز راسها وتمسد علي شعر قصي : رجال ياقصي اخسركـ منها اخسركـ منها
زهاد : ياماما اسمعي ايش بيقول اكيد ورا بلاوووي ..
قصي يرقص حواجبو : ايوا زي اني احشش يمكن وادق ابر واستاجرر شوقق واجيب بنات
شهقت : وجعععع لا تقول كدااا
: هههههههههههههههههــ .. زوزو مع نــفسكـ ..
قصي وقــف فجــاءهـ .. : وربي حعسل وتشوفي
زهاد مدتلو يدها : وقفني وقفني .. بروح معاك فين رايح
: باخد لفهـ قعررري وجعنــي .. من اول منطــق
تحركـ يدينها : طيب اسحبني هيااا ..
قصي وقفها بســرعه . نفضت عبياتها بخفه : ماما تبي شي ..
: لا لا يابنتي .. روحو وتعالوو
قصي : ماما قومي خدي لفه معاناا ..
: لااا مافياا انا مرتاحه روحو انتو ولا تطولو تسيبوني لحالي ..
قصي يغمز لزهاد : خلاص نبا نرميكي هنا زي العيال العاقين
زهاد مكمله : ويلقوكي ناس طيبين ويشيلوكي عندهم
صفاء شهقت : اعووذ باللهـ ..
زهاد وقصي : ههههههههههههههههههههه
: خلاص مارح نطول ..
مشيو ياخدو لــفهـ ..
وفي جــهـ تانــيهـ قــريبهـ .. دخــلو علي المنتــزهـ وكل مين يتلفت حولينو بقــرف ..
رغد : شنو ذا المكان كسوور
امو ماسكه يدو وبتتلفت : المكان يجيب لكم العافيه
رهف : اممم يب حلوو ناظر البزاارين ياحليلهم .. بنقعد بنقعد هناا
كاسر بيطل بعيونو .. الي يشوفو يقول بيدور مكان .. لكن هوا بيدور زهاد . ان شالله تكون موجودهـ .. لحسن اتاخرو مرا ..
رغد تصقع كتفو : كســور شنو فيكـ
كاسر فاق : ها ها مافيني شي بس احم احم .. ادور مكان نجلس فيــهـ وكذا
رهف اشرت علي طاولهـ : هاذي بنلحقها بنلحقها .. بسرعه كســور ..
كاسرر : ههههههههه بطير يعني
رغد تمشي بسرعه وتسحب كاسر .. : لا عاد شنو يطيرها .. بس بيجو ناس بيقعدون عليهاا ..
كاسر : اها اهاااا طيب
في ثواني وصلو للطاولهـ .. وكاسر مازال يتلفت يدور زهاد .. وهوا يتسال ياتري هل حيشوفها وسط الزحمه دي .. اصلا موجودهـ هيا ولا راحت ولا ايش وضعها .. فكر يتصل عليهاا ويسالها وخلاص لكـن ..!
رغد ورهف .. كل وحده طلعت الانتي فايروس .. والمناديل المعطرهـ من شنطتها ومسحو الكراسي والطاوله
: الحين بنقعد
كاسر : هههههههــ .. زين ..
رغد تزبط نضارتهاا الملونـهـ : خير شنو فيكـ تضحكـ بعرف ..
: ههههههه ابد بس بودي تشوفون الشقه الي انا عايش فيهاا ههههههههههههــ ابي اصور ردة فعلكم
امو بحنيه : يااولدي اكيد مو من مقامكـ ولا مستواكـ .. رائد فديته حكالي علي كل شي
كاسر يهز راسوو : لا لا علي قد ما حكا لكم الرودي .. ما تصورن شلون .. ابيكم تشوفونها
رهف : زين بنورح ونشوفها ماعندنا شي ..
كــاسر : أيــهـ بوريه لكم بـ ..
قطع كلمتو لما سمع صوت طفوولي يناادي .. : كاااسر كاااسرر كاااسر
التلفت يمين ويسار الا انتبه لبدر جاي لعندو جري
كاسر ابتسم من شافوو : ابو بديرر هلا والله
بدر وصل عند كاسر وخشن صوتو : خشمك خشمك
كاسر يلصق خشمو في خشم بدرر ويضحكـ : فديتكــ .. شلونكــ ..
بدر : زين انته اشلوونكـ
رهف ورغد وامو متعجبين : ..؟؟!!
كاسر انتبه انهم مو دارين عن الطبخه : ذا بدور .. اخو حسام زميلي بالمستشفي .. الي انا وياه عايشين مع بعض ..
رهف : يانااااش شنو اسمكـ حبيبي
بدر بنص عين : مو قلكـ بدر يعني انكـ ماسمعتي
رهف اندهشت من ردوو .. وكاسر انفلت ضحكـ : هههههههههههههه ياما بتنصدمين .. بوه ميزهـ بالبزارين عندهم .. مايحشمون احد ولا يجاملون .. والي بالقلب ينطلق ..
رغد : اجل ماحسالو شي
كاسر : انتظرو مابعد شفتو شــي ..
التفت علي بدر : وين قمر وهلال .. ؟؟
: هناكـ مع حسام ووسام ..
كاسر يرمش : وسام وحسام هنا .. ؟؟!!
: ايوااا
التفت علي اخواتو : تغطووو ززززين ..
رغد : ليــش
كاسر : يمي خلي بناتكـ يتغطون .. اصدقاائي هناا
رهف تشمق : كسوور ذا الشي الوحيد الي استفدناهـ من هجتك من البيت ما فيه حد يقول تغطو وتغطوو .. موب متغطيه ..
بدررر : لا غطي انتي موزهـ وحسام يحب الموزز ولـ..
كاسر حط يدو علي فم بدر ووقف : تغطو بوديه اقلعه مع اخوهـ وراجعلكم .. يامال ذا السان الي متبري منكـ يابديرر
قبل مايبعد جوو وسام وحسام لطاوله ومعاهم قمر وهلال
رهف خقت عليهم خصوصا لابسين زي بعض : يااااا توووئم
وسام يطل في البنات ويرمش ويطل في كاسرر : اهلكـ
كاسر يطل في اخواتو بنص عين .. ويرجع يطل في حسام ووسام بتهديد .. : ايوا اهلي
حسام انشكح ودف كاسر : هلا والله باهل الرياض
راح لام كاسرر مد ديو : هلا والله يا اخاله ام كاسر منورين جده والله وانا اقول النور زايد
ابتسمت ومدت يدها : منوره باهلها ياولدي
كاسر يفرصع عينو : ..؟؟؟!!!!!
حسام باس يدها وراسها : الله يخليكـي ياخاله ـ طمنوني عنكم .. ان شالله مرتاحين في جدهـ
ام كاسر ارتاحتلوو مرااا : الجمد لله ياولدي مرتاحين بالحيل ..
وسام من الخلف : ياخاله انا وسام صاحب كاسر كيف حالكم ان شالله بخير
: بخير ياولدي الله يسلمكـ
كاسر يسحب حسام : خلاص سلمت هيا اتوكل
حسام يلتفت علي اخوات كاسر : كيف حالكم منورين جده ان شالله مبسوطين
رهف متزوجه والامور عندها ايزي : بخير الله يسعدكـ
رغد انكسفت وتتمتم بصوت راخي لان طلات كاسر بتهددها : الحمد للهـ ..
حسام يفركـ يدينو في بعض : منورين والله .. يا اهل كاسر .. محتاجين شي .. ناقصكم شي ..
كاسر يضحكـ تسليكـ : ماتقصر حسام شكرن . موب ناصنا شي ..
مسكو من طرف بلوزتو وشدو : هيا اتوكــل من هنااا ..
التفت علي اهلوو : اشسمه تمشو انتم .. انا الحين برجع لكم ..
راح كاسر مع الشباب والبزوره ورغد اتنهدت : واااااي كلامهم حدهـ يخقق
رهف : بالحيل .. ياحليله حسام حدهـ ذوووق ..
امهم : من جد حسيته واحد من عياالي وهوا يبوس ايدي .. فديته يخليه لامهـ ..
رغد وقفت بحماس : روهوف هيا تعالي معااااي بنروح ناخد لفه وبنشتري شي نتسلي فيه
رهف وقفت بحماس : ايه اكيد بجي معكـ ..
امهم : زين لا تاخرون اخوكم لا يزفكم
رغد : يمه الكاسر جلسته هنا وش زينه لا يرد للرياض تكفين
امها عصبت : لا تقولين كذااا علي اخووكـ
رغد ترفع خوشمها : بمشي يلا رهف
رهف : يمي حبيبتي تبين شي معين ..
: خلاص جيبون أي شي بنتسلي فيه .. لو اعرف الجلسه كذا حلوهـ .. لو خليتهم يعملون قهوهـ ..
: يمي اكلم الشغالت يسونها ويروح كسور يجبها او شي
: لا حبيبي خلاص مو لازم الحين
رغد : هيا رهووفهـ
: اوكــي بجيك شنو فيكـ متصربعه
: ههههههههههه بروح قبل يجي الكاسر يقول ما تمشون المكان كله شباب ماتعرفين اخوكـ يعني ..
: هههههههههههههــ يلا مشيناا
في الجه التانيه كاسررر حاط يدو علي وسطو : شنو جابكم في ذاا
حسام : هههههههههههه صلي علي الحبيب .. اشبك يابويا
بدر : انا قلت لو ابا اروح لكااسرر
: شنو عرفك اني هنا
حسام : ياهوو انته متصل تسالني عن المكان ليش يعني اكيد انته هناا ..
: ورا ماتقول قبل ماتجي معايا الاهل
حسام بتعجب : كل الموجودين معاهم الاهل شنو كسوور
كاسر : زين زين ابعدو روحو هناااكــ لا تقربون صوب اهلي ..
وسام : نــفسيهـ
كاسر : ايه نفسيه
بدر : انا بجلس معاكـ طــيب ..
كاسر : ايه انته اوكـــي
هلال : انا كمان
قمر : بجي معاكم
حسام يسحب وسام : يلا صير دادا وانا والوسمي بنروح نعسل .. ونرقم الموزز ههههههههههــ
كاسر : هي لا ترقم بنات خلق الله عيب عليكــ
حسام : كسوووور الخلا الخلااا ..
وسام : هههههههههههههههههههههه ابو كسره انتبه علي البزووورهـ
في ثواني اختفو وسيبوو .. واقف متنح وحولينو البزوورهـ ..
بدر علي طول : كاسر كاسر ابغا اسكريم
هلال : وانا ابغا ذرهـ حبشي .. كاسر ابغا ذرهـ كاسر كاسر كاسر ابغا ذرهـ
هلال يمدلو البلونهـ : كاسر انفخلي انفخلي هيا مو راضيهـ
بدررر يجر كاسر من بنطلون : كاسر كاسر لا تنفخها فقعلي حقتي
هلال : كاسر حيشتريلنا نفيخه جديدهـ
كاسر : هي هي هي اسكتو كولكم وامشووو ورايااا .... ولا صوت ولا حس ..
البزوره انكتموو وصارو يطلو في بعض وكل واحد ماشي و ماط بوزوو ..
في جــه تانيه من المنتزهـ ..
قصي شايل في ايدو كيس .. فيلو بساكيت وكاكاوات .. وزهاد في يدها كيس مليان عصيرااتـ ..
زهــاد مع قصي .. كل شويا يدف كتفها وتدف كتفوو .. ويضحكو كنهم سكرانين
لدرجه انو كل مايمرو من عند ناس يطلو فيهم .. بسبب حركاتهم السكرانه وضحكاتهم العاليهـ
وهما في عزز تحشيشهم زهاد تنحت في البنتين الي قدامها : امووت اناااا
قصي يطل فيهم : وي وي اشبهم دووول
زهاد : ياويلي حالي فاهمين المتزهات غلط .. أيش العبي دي رايحن فرح واللهـ مو منتزهـ
قصي يغمز لهاا .. : من جد دقيقه نسويلهم اكشن
زهاد تطل في قصي بخث وتضحكـ قدام ..
قصي مد يدو ومسكـ الولد الي كان بيجري من قدامو .. كدا حق 12 او 11 سنه : دقيقه دقيقه وقف
الولد طل في قصي بتعجب : ها نعم
قصي يطل في البنات : اسمع اسمع نصير اصحاب
الولد بتناحه : لااااا
زهاد : ههههههههههه قصي
قصي يسكتها : اووش اسمع ايش اسمكـ ..
: منذر ليش
: عمركـ تدخن ..؟؟!!
الولد يضحـكـ : لا ليش ..؟!
: طيب اديكـ سجاره واولع لكـ هيا عشان تدخن
صار يضحكـ : ايوااا
: طيب روح خد الشنطه من البنت واشررررد واقابلكـ برا اخدها منكـ طيب .. ؟؟!!
الولد التفت وطل في البنتين الي كدا اشكالهم مرا غلط في المكان .. وضحك بحماس : لا ليش اخدها مايصير ..
قصي : خدها اصلا البنت دي تقربلي وبفجعها بس
: اها طيب طي باي وحدهـ
قصي عايش الدور : كولهم يقربولي ..
: اقصد اخد شنطة أي وحدهـ
قصي بلا مبالهـ : أي وحدهـ .. بس انتبه احد يكفشكـ ولو احد كفشكـ لا تاشر عليا طيب
: لا انا مرا سررريع ..
: بسرعه بسرعه قبل يروحو
زهاد : هههههههههههههههههه قصي يا حمااااررر
: دقيقه بشوف كيف بيحاولو يجرو ورا بدي الكعوب
الولد في غمضه عين كان بيجررري .. ووصل عند رهف وشد شنطتها بقووهـ وكمل جرري
رهف صرخت لانها انفجعت ورغد شهقت : الكلب الحقيرر
قصي يفركـ يدنو : زوزو استعدي للاكشن ..
في ثواني كول الناس التفتو علي الولد قبل ما كم واحد ينقزوو يجروو وراا ومن ضمنهم قـــصي ..
زهااد : حقيررررررررررررررررر فصي ههههههههههــ ..
الولد انصدم من كميه الناس الي بيجروو ورااا .. رما الشنطه وقبل مايكمل جري مسكو .. لانو صغيرر واصلا مايقدر يجري بسرعه زي الكبارر
قصي وصل لشنطه بسرع وشالهااا .. قبل ما احد يمسكها .. ومات علي نفسو من الضحك
رجع للبنات وهوا مبتسم : شنطتكم صح
رهف تحط يدها علي صدرها : ايه شنطتي خذاها مني وانا موب منتبه لهـ ..
قصي : معليش انتبهو مرا تانيهـ
زهاد جات لعندهم وماسكه ضحكتها : انتبهي حبيبتي هنا في حراميه كتاررر
رغد تشمق : الله ياخذ روحهـ
رهف : اخترعت حدي .. شنو ذاا
زهاد انفتنت بالكنه .. أي احد يهرج نجدي صارت تخق معا بسبب كاسر : امين يارب انتي من الرياض صح
رغد تبتسم : ايه من الريااض ..
رهف تحضن شنطتها : بروح لاخوي .. بعلمه علي ذا الحرامي
زهاد .. لبي اخوكم لو اشوفو بس ..
رغد تمسكـ يد رهف : عن اذنكم بنمــشي ..
زهاد ترمش بفهاوهـ .. : طيب
قصي يدق كتفها : هي اشبكـ
زهاد : مرا حلووين ماشالله مرا حلوووين .. ياناس علي هرجهم نجديييييي كم اعشقهم
قصي : سلامات من متي
زهاد : ياخي شوف كيف يهرجو ماشالله شوف كيف وقفتهم وكلامهم .. بنات عززززز .. وحلوين كمان الله يحميهم ..
قصي : دا وانتي بنت خقتي ايش حيسوو الاولاد ..
: ههههههههــ مــاعرف ...
وصلو لعند امهم .. وجلسو يحكوها ايش سوو وهما ميتين ضحك
وصفاء متحمسه معاهم .. تعشق اولادها بخبالهم بانحرافهم بقلة ادبهم حتي .. و بكل شي ..
شويا رن جوال زهاد وقطع عليهم الهروج .. استغربت لما شافت المتصل كاسرر : ايوا
كاسر وحولينو نفس الضجه الي عندها : امممم زهاد شلونكــ
زهاد علي طول اتاكدت انوو في نفس المكان وقفت بحماس وصارت تتلفت : بخير وانته ..
: امم بخــيــ
قااطعتو : انته في المتــزهـ .. ؟؟
كاسر : امممم ايه شلون عرفــتــي ..
زهاد تضحكـ : ههههههههههههههههه نفس الاصوات عندي فينك دكتور فينكـ معايا حليب تراا
كاسر : امااااا صدق
: وربــي ..
: زززين امممم صبين لي كوب بسرع وجيبيهـ ..
زهاد بحماس جلست واشرت علي الترمزهـ : ماما صبي في دا الكوب ماما
: ايش في يابنتي
: صحبتي بوديلها
قصي : يعني بتودي لصحبتكـ حليب تطيري اهجودي
صفاء صبتلها الكوب : هه خدي بسرعه ودي لا يبرد ..
زهاد تكت بالجوال علي كتفهاا وغطت الكوب بيدها : دحين راجعه
: ايوا دكتور فينك
كاسر انبسط علي ردهـ فلعها . ماجلست تسوي زعلانه وماعرف كيف .. شكلو البوسه الي اليوم في المستشفي نستها كول شي .. وهوا كذالكـ
: اممم انا ماعرف امم عند كذاا ملعب يطاامرون فيه البزارين مثل حبات الفشار ههههههههههههههه
: هههههههههههه عند النوطنيطه ..
: يب هاذي هي ..
: دكتور انـ.....
كاسر قاطعها : دقيقه زوزو لحظهـ
سكتت وهيا ماشيه لعندو .. شويا سمعت اصوات بنات يتكلمو معاا ..
تنحت لما بدت تستوعب الهرجه .. ..
( ســرق الشنطه منا .. وشرد .. وفي ولد جابها لينا .. لا لا امسكوهـ .. ماعرف لابس جنز وبلوزهـ حمرا .. ايه لا الي اخذ الشنطه .. لا مانعرفهـ .. مادري من وين طلعلنا .. )
كاسر : اممم زوزو ثواني بكلمكـ تعالين عند النطنطه زين وانتظريني .. اوكــي
زهاد مبلمه : اوكــي ..
كاسر قفل الخط وزهاد كملت مشي وهيا مستصيبــهـ .. كاسر .. اخوات كاسرر .. واااو حلووين .. اجل انته اخووووهم .. اااخ موستحيل ايش الحظظظ دااا
وصلت عند النطيطه وتكت علي وحده من الطاولات الفاضــيهـ ..
دقايق وجاا كاسر لعندهاا خقت علي شكلوو .. بالبرمودا النيليه مع التيشرت السماوي ..
حس انو بيرتكب غلط وهوا جاي لعندها
زهاد صلحت وقفتهاا .. وابتسمت
كاسرر يفرفر شعرو بيدو : زوزو ..
زهاد لوله خدودها حمررت : ايوااا .. زوزو
كاسرر خق علي شكلهااا .. مد يدوو : حليبي
شالت يدها عن الكووب ومدتو لوو : اتفضل
كاسر يشم ريحة الحليب بستمتاع : اااهــ .. شكرن
زهاد تفركـ يدينها : عادي ماطلبت شي
شرب رشفه : مو ماتجيبين بكره للمشستشفي .. عشان شربت الحين
ضحكت : هههههههه لا لا حجبلكـ
كاسرر يتنهد : شكرن .. شنو تسوين هناا .. ؟؟
: بنتمشي مع ماما وقصي اخويا .. وانته كيف جيت هنا
كاسر يقلب عيونو : شفتكـ كاتبه اسم المنتزهـ في البرسونال .. وقلت بجي بس
زهاد تنحت وبعدين ضحكت : هههههههههههههههه من جد
: ايه من جد
زهاد تبغا تتاكد انهم اخواتو : اممم لحالكـ
: لا مع الوالدهـ وخواتي .. هم جو من الرياض اليووم .. وقالو بيتمشون وجبتهم هنااا
زهاد بتسرع : عرفني عليهم
كاسر يميل فمو : لا صعبه حيل .. انا معقد العيله .. مقرفهم بعيشتهم .. والحين اعرفهم عليك بيااكلوني .. وبعد تو صايره لهم مشكله .. رهف تصيح .. ورغد مفجوعه دلوعات حدهم ..
زهاد بتناحه .. اما بيبكو : ليش ايش صايرلهم
: رهوفه تقول وهي واقفه جا واحد وسرق شنطتها بس امسكوهـ ورجعو لها شنطتها .. وماصر لها شي . ماعرف شنو فيها تصيح ..
زهاد خقت .. اما دول اخوانووو يعني .. ياسلام : اهااا لازم ينتبهوو ..
: اممم عرفني عليهم في يوم من الايام طيب
كاسر يطل فيها كدا بتفكير : اكيد بعرفهم عليكـ اكيد يا زوزو ..
زهاد انبسطت : اوكـي كاسر .. اقابلكـ بكرا في المستشفي .. دحين لازم ارجع لماما وقصي ..
: زين : وانا بعد برجعلهم .. يبون يردون للاوتيل ..
: اوكــي ..
كاسر ياشرلها علي الكوب : بجيبه لكـ بكراا
: اوكـــي ..
لوحت بيدها : بااايزز كاسر مع السلامزز
لوح باصابيعوو : بايوو
زهاد ترجع علي ورا ومازلت تلوح .. وكاسر ماشي جناابي ومازال يلوح ..
شويا زهاد ما ناتبهت لواحد من الكرسي وطاحت .. بس وقفت بسرعه وضحكتـ .. واشرت لكاسر انو انا تمام
كاسر مات ضحكــ .. واشرلها لفي وامشي كويس ..
هزت راسها ولوحت لو تلويحه اخيره ولفت تمشي .. وتحس قلبها بيطربق ..
كاسرر نفس الاحساس علي زيادهـ حبتين بسب الحليب
يشرب شويا .. ويشم ريحتو شوياا ..

~~~~~~~~
A6baa fe al-7o0b
~~~~~~~~

~~~~~~~~
A6baa fe al-7o0b
~~~~~~~~

اسراء تحس قلبها انفقع .. بسبب الاغاني الي بيشغلوها والهروج الي بيهرجوها .. والضحكات والتسطيحات .. الي تخليكـ تحلف يمين انو احد بيضغضغهم ..
وهيا بس ساكته وتحاول تبين لهم انها مو مهتمه لكل دا . لكن في الحقيقه قلبها مو بس يغلي .. قلبهااا صاررر بوركااان .. في أي لحظه حينفجرر ..
اخــيرن وقفت السيارهـ قدام فلــهـ كدا فخمهـ وصغيــرهـ ..
اياد طفا السيارهـ : نزلنا ..
اسراء نزلت النضاره الشفافه عن عينها : ايش داا ..
نيار اتحمست وشالت شنطتها ونزلت : اياد تسبقني ولا اسبقكـ ..
اياد : اسراء انزلي يلا بوريكي الفلهـ ..
اسراء ما تبا تفكر ايش يقصد اياد .. او بالاصح .. تبا تقنع نفسها انو مو من جدوو
فتحت الباب ونزلت ببرود ..
اياد ونيار سبقوها لجوة الفلهـ ..
دخلت وراهم بهدوء وهيا تتلفت .. الحوش مرا صغيرر .. ونوصو رايح في قراج السيارهـ .. وعلي اليمين غرفه صغيره المفروض انها للسواق
المدخل مرا حلوو ومرتب .. والبوابه تشرح النــفس
دخلت علي الفله الي كل انوارها مشعللهـ .. وفاضيه طبعاا ..
وصوت نيار واياد مع الصدا فقعلها ادنهااا ..
اياد دخل عليها ومسكـ يدها : سروو حبيبي تعالي شوفي الحوش الخلفي .. مرا يجب العافيه
اسراء مشيت ورا بستسلام .. وبالفعل انسحرت بالمكان .. بوابات قزازيه .. ومسبح متوسط .. وجنبو جاكوزززي .. ونوافيررر .. وساحه خضراا مرا كبيــرهــ .. وتصميم المسبح مرا رواعه
اياد : كيف عجبكـ
هزت راسها : ايوا حــلوو
نياار : ايااد تعال شوف المطبخ ..
: شفتو شفتو نونا حبيبي ..
اسراء تحاول تتجاهل انو قالها حبيبي .. دي كلمتها هاي وبس . مايقولها لاحد تاني مرا مايقولها ولا حتزعل مرااا ..
اياد سحبها : شووفي شوفي المطبخ
: اوكي
: دخلو علي المطبخ الي يطل علي الحوش الخلفي من الزاويه التانيه .. وكلو قزاز .. يتغطاا بستاير معدنيه الوانها مرا حلوواا .. ونظامو امركي مفتوح علي غرفة اكل .. كبيــرهـ .. مفتوحه علي المجلس الكبــيرر ..
اياد يبتسم : كيف حلووو سروو
هزت راسهاا .. بدون ماتهرج .. لانها بختصار .. فاقدهـ القدرهـ علي التعــليق ..
اياد : يلا نشوف الدور التاني .. يلا سرووو
اسراء سحبت يدها من اياد : خلاص مو لازم .. حلوهـ ..
اياد : سروو انا ونيار عجبتنا مرا .. تاخديها لناا
اسراء تهز راسها وتصلح النضارهـ : ايوا اوكــي خلاص ..
اياد بحماس : مـــتي .. عشان تعرفي .. نيار تحس انها مرا مضايقتكـ في بتيكـ
اسراء تميل فمها : ولو اخدت دا برضو حيكون بيتي ايش يعني
نيار : الموهم ماتكوني في وشي دايم
اسراء تطل في نيار تستنها تسحب كلمتهااا : واللهـ ..؟؟!
نيار تتخبا ورا اياد وتمسكـ كتفوو وهيا ماطه بوزها زي الاطفال
اياد : امم خلاص سرو بتاخديها لناا
اسراء .. يلعن لسانكـ الطويل وفلسفتكـ .. اتزوج وعلي الفله يلا انبسطي
هزت راسها ومازلت تكلم نفسها .. منكـ مطره تشتريلهم فلهـ .. مرا منكـ مطررهـ .. يا اسراء .. اصلا اطلبي من اياد يطلقها وخلاص .. اصلا اياد ليكي لحالكــ .. وحيكون كل يوم معاكي في بيتكـ .. ونيار دي اقرب شارع يلمها قال تشتريلها بيت
اياد يهز كتفها : سرو حبيبي معايا انتي
طلت في وحست انو كلمة حبيبي المره دي منو غــيرر ..
لوله حست انها تبا تجرو من يدوو وتكفخوو .. وتقلو انته حقي انا وبس ..
اياد لوله حس انو تقل العيار عليها .. اسراء ما تتحمل انو يعاملها بدا الشكل .. مو متعودهـ ..
قرب لها ومسكـ يدها : سرو بكلمكـ
اسراء حست قلبها خلاص ما عاد يتحمل .. عيونها كانت حدمع ..
سحبت يدها من اياد ولفت وشها ترمش بسرعه وترفع راسها علي فوق : لا مو وقت دموع مرا مو وقت دموع
اياد قلبو نقززز .. : سروو حبيبي ..
اسراء مسحت طرف عينها بقفا يدهااا : المكان مغبر .. خلاص بشتريها لكم اوكــي ..
اياد : سرو انــ
خرجت من الفله .. : انا في السيــارهـ ..
اياد خرج وراها علي طول ومسكـ يدها : سرو وقفي بكلمكـ طـــيب
عصبت منوو .. عارفها وعارف انها تحبوو . والشي دا واضح من تصرفاتها .. ويجي يقول انا ماحوقف ولا حتحركـ لما تتكلمي ..
سحبت يدها بقووهـ .. لا تلمــسني
دموعها خانتها في دي الحظه بالتحديد .. وادحدرت من عينها ..
اياد مرا مرا مرا ما اتوقع انو دموعها تفرر .. ماتوقع قلبها ما يتحمل لدا الحد .. اسراء طول عمرها قويه ولما تكابر تكااابر بثقه ولا يبان علياا ..
شكلو الي بيصير ما تتحملو مراا ..
سحبها لعندو وضمها بــقوهـ : سرو حبيبي لا تبكي
دفتو من صدرو : مابكيت انا ما ببكي طيب .. ما ببكــي .. بس في غبار غباار
اياد رجع ضمها مرا تانيه بقــوهــ : طيب ما بتبكي .. خلاص
رجعت دفتو بــقوهـ : انا في السيااارهـ ..
خرجت من الفله وركبت السياره وفي المقعدهـ الخلفيه ومسحت دموعها بعصبيهـ لانها نزلت قدام اياد في زي دا الوقت ..
جوا نيار انتبهت كيف اسراء دفت اياد : هيا ماتبغاكـ خلاص انته ليش تبغهاا
اياد اتنهد .. وسئل نفسو دا السؤال .. ليش انا ابغها لدرجه اني ممكن اموت علي شانهاا .. هيا رغم انها تبغاني مو مكلفه نفسها حتي تقولي كلمة احبكـ .. ليش يا اسراء بتسوي فيااا كدا وفي نفسكـ
نياار ضمتو من وراا وباست خدوو : ايااد انا ابغاكـ اكتر من ما انتي تبغا اسراء .. واحبكـ اكتر من ما انته تحب اسراء
اياد مسد علي يدها واتنهد : وانا كمان احبكـ .. يلا مشيناا
: اوكـــي ..
ركبو السيــارهـ ومشيوو .. والجوا في السيارهـ كان مرا غير الجوال اوول ..
هدوء
صمــت
وجو الكئاابه مسيطر علي السيارهـ
اياد من شاف دموع اسراء .. الامور عندو كولها اتلخبطت ..
والخطط الي كان ناوي يعتمدها عشان يجيب راسها كولها راحت ..
بس يبغا شي واحد دحين .. يبغا يضمهاا .. ويحط راسها علي صدروو ..
هز راسوو .. لا لا .. مو كداا .. يباا اكتر من كداا ..
نيار في جو تاني مع نفسها .. تحاول تفسر أيش تسمي العلاقه دي الي بين اياد واسراء ..
كان الطريق جدن طويل علي مايلقو نفسهم قدام فلتهم ..
اسراء نزلت بسرعه وقبل مايفتح باب القراج حتي
اياد ساب السياره شغاله ونزل بسرعه وراها : اسراء دقيقه لحظه
اسراء : اياد تعبانه بدخل انام تعبانه
مسكها من يدها وجرها لجة السياره : قلت دقــيقهـ ..
نيار نزلت من السيارهـ تطل فيهم .. لا بدت تحس انو وضعم مثير للريبه
اياد يكلم نيار : خلاص اطلعي نونا .. باخد اسراء مشوار وراجع ماحطول
نيار تتعلت : انا في البيت لحــالي اياد
اسراء تطل في نيار بنص عين .. ما عجبتها ابدن انا في البيت لحالي ..
اياد : ماحطول نونا .. اوكــي
وقفت عند الباب وحاضنه شنطتها زي المسااكــين .. : طـيب
اياد دخل اسراء في السيارهـ وقفل الباب وفي ثواني كان بيبتعد عن الفلهـ ..
يبغا يختلي باسرااء .. يبغا يطلع منها كل الي في قلبها غصب عنهاااا ..
ولو مارضيت تهرج ..
مارح يلوم نفسو ابدن علي أي تصرف يتصرفووو ..
اعطها فرصه عوشرميه مراا .. وحيديها كمان وكمان .. باختصار لانو .. ي ع ش ق ه اا

~~~~~~~~
A6baa fe al-7o0b
~~~~~~~~

~~~~~~~~
A6baa fe al-7o0b
~~~~~~~~

نسيم في السيــارهـ مع اجواان ..
ومازلت عيونها مفقعه .. ومنفخه .. من كتر تبكي . وتسكت وترجع تبكي وتسكت
طبعا رجت اجوان .. شكت لها .. وبكت لها .. ورجت دين اهلهاا ..
وللامانه اجوان اتفاجئت جدن .. لما عرفت انو نسيم الي وقفعت .. لانو الخطه كانت تسنيم .. مرا مو شــي ..
اجوان تغير الهرجه تحاول تنسي نسيم موصيبتها : وتخيلي فين رحت اليوم
نسيم حاشيه مناديل في خوشمهاا ومغمضه عينها : فين ..
: روحت بيت حسام المقرف .. يالطيف اول ما انتبهت قد ايش البيت مقرف . بس دحين لاحظت ..
نسيم فتحت عينها وصلحت جلستها : ايش سويتي عندوو
زفرت : تعرفي مهما كان فيني شوية طيبهـ .. قلت مارح اسوي أي شي ..الا بعد ما اكلمو واهددوو
نسيم كشرت : تهددي
: ايوا ورحت اليوم وهددتوو
: وايش قلتيلو بسلامتك
: قلت لو اني حامل .. وابغا يتزوجني .. ولا حفصلو من التدريب واسويلو موشكله
نسيم شهقت : حاامل
صقعتها : بلا في شكلكـ مني حامل ولا شي .. بس كدا كونت بسووي اكشن وبس ..
: وجع فجعتيني ..
: ههههههههه ماعلينا الحيوان ماصدقني ولا اهتم لكن حيروح بكرا وحينصدم
: شريره اجوان ..
: مو شريرهـ ولا شــي .. هوا الي شرير وواطي .. والله ان مازليتو .. ما اكون .. اجوان بنت بابا ..
: يالطيف منكـ ياشيخهـ .. آآهــ ايش اسووي آآآهـ يا ماما الها يرحمك لو كنتي موجودهـ لو لقتيلي حل .. آآهـ
اجوان صقعتها : وجع لا تجلسي تنوحي .. روحي وقليلو يطلقكـ وانتهينا
: تسنيم تسنننننننننننننيم .. اختي اختي الحماارهــ ايش اسوي معها دحين مالو وش ارجع البيت ياشيخهـ
والله مادري عن قلعتكـ تباتي عندي ؟؟
: لا لا خليني انزل وخلاص لين متي حنتهرب يعــني .. خلاص قلبي يتعب اناا ..
اجوان : ما احد قال لاهلكـ وقعي القافه قتلت حمير ياشيخه
: آآآهـ لا تزكريني لحظة عبط .. وربي لحظة غباء
اجوان : خلاص لا تولولي .. انا حتصرف طيب
: كيف حتتصرفي يعني
: ماادري انزولي بيتك دحين ورايا مشاويررر .. ولنا ربع ساعه واقفين وانتي بتنقي هنا ولا تجي معاياا
: لا لا بنزل خلاص ..
فتحت الباب ونزلت تجر رجولها جرر : مالي وش اقابل تسنيم .. الله ياخدها من افكار
اجوان طفشت : وبعدين قولت انا حتصرف خلاص ...
شالت شنطتها وجوالها : طيب طيب مع السلامه اتصلي اطمني عليا يمكن تسنيم تموتني ..
: طيب ولا يهمكـ .. سلام .. حركـ اميرر
: اوك مس
مشيت سياره اجوان وتركت خلفها نسيم حالتها ازفت مايكون
اجوان من جد مصدومه الي سمعتو انو الملكه تمت علي خير .. اما تطلع نسيم مرا مايجي
طلبت رقم يامن بسرعه وهيا تقرطم اضافيرها مو معقول
يامن : هلا بنت خااالي الموززه
: اجوان يامن انته اتزوجت نسيم ولا تنسيم
يامن يضحكـ : ول ول لحقت توصلكـ الخبرر وانا من اول ادق علهيا ماترد لو ادري انها معاكــي لو كلمتك
اجوان : ياااامن .. انته اتزوجتها ليش وكيف
: والله عاد هيا الي وقعت وانا ما اهتميت مين وقع اهم شي وريت ابوكي التوووقيع .. ودحين بزبط اموري واخيررررررررررررررن
اجوان : بابا يدرررري
يامن بترجي : اجوان حبيبي .. انا ححل كل شي .. ابوكي لا يدري بشي طيب
اجوان بتهديد : طيب حتطلقهااا
يامن بجديه : ليش اطلقهاا .؟؟
اجوان : يامن من جدكـ
: نتفاهم بعدين انا في البنكـ مع ابوكي . اكلمكـ بعدين .. باي
قفل الخط في وشها وتركها متنحــهـ ..
نسيم وصلت للشووقهـ .. ووقفت عند الباب دقايق .. قبل ما تدق الجرس .. وتاخد نفس عميق وتهيئ نفسها لصراخ لتهزززئ لاي شي
تسنيم علي طول فتحت لها الباب وطلت فيها : نسيمممم
نسيم بكيت : تسنيم ماكنت بوقع وربي ما كنت بس خوفت بابا يتفشل
تسنيم ضمتها : ادخلي ادخلي وصلي علي النبي لا تبكي ..
نسيم زادت بكا لما اختها ضمتها : والله ما كان قصدي .. انا دحين متزوجه مرا مو صح
تسنيم اخدتها للغررفهـ .. وجلستها علي السرير ادتها كوب مويا : هدي نفسكـ يا قلبي
نسيم تشرب من المويا جغمه وترجع تبكي : والله ماقصدت
تسنيم مسكت يدها : اسمعي حبيبي حكيني بشويش ايش صار ..
: انتي روحتي وانا خفت بابا يتفشل .. ووقعت علي الكتاب .. وانا الي جاوبت الشيخ .. بابا كان جوا وما انتبه .. ويامن شافني .. وعرف بس ماقال شي ولا اتكلم ..
تسنيم تمسد علي رجولها : خلاص هدي نفسكــ .. حصل خــير طــيب ..
: لا ماحصل خير انا متزوجه ياولي من بابا
تسنيم بسرعه : ترا بابا مايدري عن شي يا نسيم .. مايدري عن أي شي .. وانتي اسكتي علي المووضع لين نشووف .. ايش حنسوي طيب
تهز راسها ودموعها اربعه اربعه : طيب طيب
تسنيم رجعت ضمتهااا : خلاص لا تبكي يا قلبي .. هدي نفسك كل شي حينحل ..
نسيم حطت راسها علي رجل تسنيم .. وجلست تشهق لين نامت .. من الصباح صاحيه
تسنيم جلست تمسد علي شعرها وهيا تفكر في حل .. ايش تقول ايش تسوي .. يامن شكلو مارح يكون متعاون ابدن ..
خصوصا من ردة فعلو الي اوول ..
حطت راس نسيم علي المخدهـ وغطتها كويس .. وخرجت ..
حست انها تبغا تاخد لها نفس .. صح الوقت متاخر .. بس مرا مخنوقه وتبغا تخرج تشم هوا ..
تبغا تتكلم مع احد ..
احد مين ..؟؟!
لا صحبات .. ولا اخوات .. ولا قريبات .. ولا احد
لبست عبياتها وخجرت من البيت .. وقفت تكسي بعد معاناا .. تخاف منهم موت ..
ارسلت مسج لبهاء ..
( انا محتاجه اتكلم مع احد .. انا في الممشي .. اذا انته بخير وتقدر تجيني .. حكون ممنونه لكـ )
اتردت كتير علي ماتضغط ارساال ..
قفلت الجوال وحطتو في جيبهاا ..
بعد فتره وصلت للمشي .. نزلت ودفعت الحساب للتكــسي ..
المكان مرا فااضي .. وهادئ .. ويجنن .. والنفرات الموجودين كولهم شباب ..
اتجاهلت وجودهم كولهم .. وصارت ماشيه وتفكر في حياتهاا ..
ايش التصرف الاهبل الي سوتي اليوم
بسبب بهاء .. ؟؟
ولا ماجد ياتري
..
ايش بهاء وايش ماجد في حــياتكـ .. ؟!!
سؤال مارح تعرف جوابو ابدن .. الي متاكدهـ منو .. انها محتاجتهم الاتنين في حياتها .. وتحبهم الاتنين .. وما تتوقع نفسها تتنازل عن واحد فيهم .. عشان التاني ..
ماحست بالوقت وهيا ضايعه في افكارهااا ..
فجئهـ سمعت صوت كــلب .. خلفها .. ابتسمت والتفت لانها متوقعه تشوف بهااء ..
وبالفعل شافتو جايا لعندها بيهروول .. بالشورت الابيض مع الفنيله الخضراا .. وماسكـ الحبل تبع الكلب باحكام ..
وصلها اخيررن وابتسم : صباح الخير دكتورتي
تسنيم مرا فرحت لما شافت ابتسامتوو .. : بهاء انته بخيرر
يقلب عينو : يب حمد لله الي عندو دكتورا زيكـ كيف مايكون بخيررر
بجراءهـ مدت يدهاا ومسدت علي شعرو : الحمد لله يارب انكـ بخيرر .. الحمد للهـ
بهاء جالو احساس مرا حلوو .. طول عمرو يشوف نظرات اهتمام وخواف .. لكن ماقد شاف زي نطرات تسنيم ..
رفع يدو علي كتفهاا .. ومشاها جنبوو .. : ايواا انا بخير والحمد لله وكويس .. وانتكست في الصباح .. لكن دحين مرا كويس ولله الحمد .. خلاص .. نقفل من بهاء .. اشبها تسنيم
تسنيم حست بايدوو بعيدهـ .. بدها ترفع يدها وتشد يدو حولينها اكتر : اممممم سبتهم في نوص الملكه اليوم ورحت
بهاء يقلب عينو : خبر قديم
كشرت : ماجد مايعرف يسكت
: بالزبط مايعرف يسكت .. ماعلينااا .. عادي مافي نصيب .. لا تزعلي نفسكـ يمكن ربي رايد اكون انا من نصيبكـ
حمرت : اما
: يب
رفع راسو للسما : آآهـ ياتسنيم .. لو اني مو مريض .. لو متزوج من زمان مع براء .. من خمسه اوسته سنين ولو عندي ولد او اتنين .. لكن حمد للهــ
: ليش انته مريض من خمسه سنين
: لا لا بس يعني .. ماعرف خلاص ..
: هههههههههههه بهاء .. عندي احساس كبير انو علي الاسابيع الجايه حتوصلك كليه انته بس قول يارب وخلي ايمانك باللله قووي
: الله كررريم ياتسنيم .. و قلنا ماعلينا مني انتي اشبكـ ايش عندكـ .. وليش راسله رساله ليش ماكلمتيني جوال
: خوفت ازعجكـ
خبط راسها براسوو : بلاش الكلام دا الي مالو داعي . طيب ..
: هههههههه اوكــي
: هاا يا تسنيم .. يلا اتكلمي .. خدي راحتكـ اسمعكـ طلعي كول الي في قلبكـ
تسنيم تتنهد : ماجد طبعا مايدري عن دا الشي
: اها
: لما رحت وتركتهم في الملكه اختي وقعت بدالي تخيل
بهاء وقف وطل فيها بتناحه : امااا ..
: واللهـ
سحبها علي اول كرسي صادفهم : ايواا حكي بالتفصل الممل ..
تسنيم طبعا مافي احد ترتاحلو قد بهاء .. نسيت نفسهاا .. وهيا تهرج معا عن كل شي واي شي
وخرجت كول الكلام الي مكبوت في قلبها من سنين ..
حست انها تبغا تتكلم مع بهاء .. جايها احساس فظيع انها ممكن تفقدوو ..
ماتدري ايش الايام مخبيه لهم ..
الي قررتو .. انها حتستغل كل ثانيهـ .. مع بهااء ..

~~~~~~~~
A6baa fe al-7o0b
~~~~~~~~

~~~~~~~~
A6baa fe al-7o0b
~~~~~~~~

بعد فرفره دامت لساعات .. فكرت .. وقررت تروح لبيت ابوهاا .. لانو اولا واخيرن ماحد حيحتويها زيوو .. مهما صارر ..
الســواق حزين عليهاا .. لانها من ركبت السيارهـ وهيا تبكــي .. وتسكت وترجع تبكي وتسكت ..
: مس وصل بيت بابا ..
طلت في البيت وكيف كل انوارو مطفيه .. وحتي انوار المدخل ..
نزلت من السيارهـ بكسل .. ورقعت الباب : روح ميرفي ...
السواق مشي .. وفي ثواني ابتعدت السياارهـ عنها .. وصارت في الضلام لحالها ..
رفعت شنطتها علي كتفها واتوجهت للفلهـ .. يادوب جات تضرب الجرس .. الا سمعت صوت تصفيـرهـ .. احد بيصفر يعني
خافت والتفتت يمين ويساار ..
رجعت اتكررت التصفيــرهـ ..
رفعت راسها وانتبهت لمازن الي جالس في البلكونهـ .. : ؟؟!!!
ثواني واختفي .. من البلكونــهـ .. شويات وانفتح باب الفــلهـ .. وطلع لها مازن .. تكا علي البــاب ..
: ايواا ..
اعناب طلت في بتناحه .. دحين جالس يصفرلي ونزل من فوق لهنا واخرتها يقول ايوا .. خير انا ناديتكـ
مازن لما شافها ساكته رجع كررلها : ايوا نعم ..
طنشتو وضربت الجرس ..
مازن : ابوكــي .. مسافرر ..
الكلمه مرا صدمتها : ايش كيف متي .. بابا مافي ..
: لا والله ابوكـــي .. مافي .. نعم أي خدمــهـ ..
ركبها خوف مو طبيعي .. ليش ابوها مو في كيف يسافر دحين في دا الوقت بالتحديد الي محتاجتلو فيلوو .. ليش يساافر .. ياللهــ
مازن : أي خدمهـ ..
هزت راسهاا .. وبعدت عن الباب رفعت الشنطه تدور الجوال عشان تقول لسسواق يرجعلها ..
بس مالقتو ... صارت تهز الشنطه بقوهـ وبفجعهه .. الا الجوال فينوو يالله ..
جلست علي الارض وقلبت الشنطه كولهاا ..
كول شي ممكن تتوقعو موجود في الشنطه ما عادا الجوال الي هيا محتاجتو دحــين ..
مازن مازال واقف علي الباب وبيطالع فيهاا ..
رجعت لمت الاغراض بسرعه ومشيت لعند مازن : ابغا جوال ابغا جوال .. السواق قبل لا يروح عشان يرجع يرجع ممكن ..
مازن كان كدا نفسو يقفل الباب في وجهها ويسيبهاا في دا اليل لحالها برا البيت ..
لكن اخلاقوو .. وطبية قلبو ماتسمح لوو ..
مترها كدا من فوق لتحت : دقيقهـ ..
دخل الفله وغاص دقايق ورجعلها في يدو الجواال مدو لهاا : بــسرعهـ
اعناب اخدت الجوال منو وفتحت علي القائمه صفر خمسه .. .. .. .. ..
تنحت ورجعت ضغطت : صفرهـ خمســهـ ..
لا ياربي كم رقم السواق .. كم رقم ميرفي .. كم رقموو .. يالله موستحــيل ..
مازن شافها مكشره اتاكد انها مو عارفه الرقم : طيب اتصلي علي أي رقم تاني ..
اهداب فكرت في وهيب .. وجات تطلب رقمو ونفس الشي : صفر خمــسهـ .. واا .. وواا ؟؟!! طيب
غمضت عينها وصقعت راسها بالجوال : ياربي
امهاا فكرت فيهاا برضوو وماعرفت هل حترد عليها او لااا ..
اتصلت عليها بسرعه رنين متقطع شويا جالها صوت امها : ايوا نعم .
اعناب ماما انــ ..
انقفل الخط في وشها بدون مقدماتـ ..
جاها احباط اقوي مايكون .. رجعت طلبت رقم امها اداها مقفل ..
مازن مستغرب .. ليش ما اتكلمت مع امها . اصلا ايش جايبها في دا اليل .. ؟؟!!
اعناب طلت فيلو بياس . ماعرفت تدق علي مين ..
سالتو بنبره امل : بابا فين سافرر ..؟؟
: دبي .
رجعت صقعت راسها بياس .. : يااربي
مازن : اتصلي علي وحده من صحبااتكــ طيب .. ان كنتي حافظه ارقامهم ..
اعناب باحباط .. : مو حافظ رقم سواقي .. ولا رقم خالي .. يعني حكون حافظه رقم وحده من صحباتي ..
من جابت سيره خالها مازن اتفجرت عندو كل مشاعر القرف .. مد يدو : الجوال ..
اعطتو هواا .. : شكرن ..
مازن خش الفله وسك الباب وسند ضهرو علي .. : خليها تدبر نفسها .. اتركها يامازن .. سيبها مع نفسهاا .. خلاص سيبها مع نفسهاا .. اتركها مع نفسهاا يامازن .. لا تفتح الباب .. لا تفتح الباب
ماقدر يقاوم فتح الباب لقاها ماشياا بتبعد عن الفله ..
مرا خاف عليهاا .. الدونيا مرا ليل والحي مرا هاادئ ويخووف ..
رفع صوتو : اعناااب ..
التفتت علي : هاا
: تعااالي ..
بدون تفكير رجعت لو بسررعهـ .. : هاا
: ادخلي
: لا انـ اشسمو .. لازم اروح شكرن ..
مازن بنبره امر : قلت لكـ ادخــلي ..
دخلت علي الفله وجاها احساس سيئ من شافت حوض المسبح الي مليان مويا المره دي ..
مر الشريط في بالها علي السريع لين وصلت لثانيه الي هيا فيهااا ..
مازن حس بيها بتفكر في ايش .. : شويا البس وارجعكـ بيتكـ
اعناب حست انو الامور خربانه خلاص : ماما طردتني من البيت ما اقدر ارجعلها .. كونت بجي اجلوس عند بابا ..
التفت عليها : طردتكـ من البيت ..
اعناب رجعت تبكي : ماما زيك يامازن عرفت بالي بيني وبين خالي وهيب .. وطردتني من البيت طردتني خلاص .. وانا جيت لبابا .. لو ماما قالت لبابا .. برضو حيطردني .. من عندوو اذا ما قتلني .. مازن ايش اسوي انا الله يخليكي قولي
مازن في لحظة ضعف .. نسي نسي كول شي سوتو .. نسي كول الي قالتو عنوو .. وحس بالحنين وحس الشفقهـ .. وحس انهامحتاجه لحد يكون جنبها
وهوا حيكون دا الاحد : اعناب صلي علي النبي
اعناب جلست في الارض ودفنت وشها بين يدينها وصارت تبكي بصووت : بابا لو دري حيموتني .. ووهيب راح راح يامازن .. انا ايش اسووي قلي
مازن مسكها من كتفها ووقفها : صلي علي النبي يا اعناب صلي علي النــبي .. طــيب ..
من بين شهقاتها : عليه الصلاهـ والسلام .. بس انــاا
قاطعها : استهدي بالله ادخلي ادخلي وهدي نفسكـ
دخلها علي جوة الفلهـ .. وجلسها في الصالون .. : صلي علي النبي
جابلها كاسه مويا واعطها هيااا : اشربي وهدي نفسكـ لا تبكي كداا ..
اعناب تهز راسها : مابغا مويا ايش اسووي دحــيـ
قاطعها : الا حتشربي مويااا .. وبعدين يحلها الف حلال ..
اخدت منو الكوب وشربتو دفعه وحدهـ .. وشهقت كم شهقه .. ومسحت دموعها بقفا يدها
: فين علياء ويوسف في هنا
مازن يهز راسوو : كولهم سافروو .. مافي في دا البتي الا انا ووائل ..
طلت في بدهشه .. ووقفت : طيب انا بروح ياربي فين شنطتي فين شنطتي
مازن سحبها من يدها وجلسهاا : انا مارح اكلكـ .. وانتي امكـ طاردتكـ من البيت وما معاكـي جوال .. بتروحي فين ؟؟!!
طلت في يد مازن الي علي يدها .. وشويا اتسربت حرارهـ لجسمهاا ..
رفعت عينها طلت في .. : مازن انا
ترك يدها بسرعه ووقف : احم ايوا
: مازن انا اســفهـ ..
مازن ميل فموو .. : اعناب تعالي معاياا
اعناب : بقلكـ انا اسفه سامحني علي الي قلتوو .
: يعني بتعتذري دحين عشان لا اسويلكـ شي لانكـ هنا لحالكـ معايا ولا ايش .. ؟؟
اعناب تهز راسها : لا لا انا من اول كونت بعتذرلكـ وجيت اليوم العصر بس
: طيب واعتذاركـ ايش حيغيرر ..
: انـا بـ
: اوكي خلاص انتي اسفه اوكي ماشي .. تعالي
وصلها لوحدهـ من الغرف .. : دي غرفة نوم الضيوف .. خليكي هنا لين نصبح بكرا ونشوفلك حل اوكـي .. يا اوديكي لامكـ يا اوديكي لصحباتكـ او أي شي اوكـي . بس دحين احنا اخر اليل ماينفع طيب
طلت في الغرفه : مازن انـ
اشرلها علي المفتاح : وتقدري تقفلي الباب اذا خايفهـ .. وانا ووائل غرفنا فوق ومارح ننزل
البيت كبيررر مرااا والغرفه دي عند الباب مرا بعيدهـ عن الدرج وبعيده عن غرف وائل ومازن يعني لو يصير لها شي مادريو عنها
: بــس انـ ..
مازن قاطعها : تصــبحي عـ ..
قاطعو صوت وائل المندهش : اعناااااااااااااااااب
اعناب ركبها خوف من شافت وائل .. مشيت خطوتين وقفت ورا مازن ..
وائل اتقدم لعندهم : دي ايش بتسوي هنا ..؟؟!!
مازن يدف اعناب علي الغرفه : وائل اطلع حفهمكـ كول شي ..
اعناب : مازن انــ ..
قاطعها : اعناب اقفلي الباب ونامي وزي ماقلت لكـ الصباح نتفاهم
سك الباب ورا وسحب وائل وطلعو علي غرفهم
وائل مستصيب : ايش بتسوي هنا
مازن بطفش حكالو كل الحكايه .. وختمها بعصبيه : اسيبها في الشارع يعني
وائل : ايوا تسيبها في الشارع .. احسن ..
مازن : وائل يرحم اهلكـ انخمد وراكـ دوام والوقت اتاخر خلاص وسيبها في حالها انا حهتم لها
وائل يقلدو بتريقه : انا حهتم لها .. غبي انته بعد كل الي سوتو تقول تهتم لهاا ..
: ايواا حهتم لهاا .. وانته انخمد احسنلكـ
وائل : اه يامازن لو انا منكـ اروح اتحرش فيها صح .. عشان يصير الكلام الي نشرتو حقيقي .. مو اشاعه
مازن شهق وخبط وائل علي راسوو : اقول نام بلا في شكلكـ ..
وائل : لا تمد يدكـ وربي انكـ طيب بزيادهـ عن الززوم ..
مازن : ياليل ابو لمــبهـ ياوائل اطلع من راسي
وائل يهز راسوو : لا لا مايمديني انا يدي بتاكلني والله بتاكلني .. بودي اروح اخنوقها دي فرصتنا مافي احد في البيت
مازن يفركـ وشو : واائل اطـ
قبل يكمل كلمتو سمع صوت اعناب تنادي : مااازن ماااازن ماااازززن
مازن ووائل فزو من اماكنهم وخرجوو من الغرفه
اعناب واقفه في الصالون الصغير الي مقابل الدرج وتطل في الغرفه وتنادي : ماازن مازززن
وائل خرج لها : بلا في شكلكـ لا تصرخي كدا الدونيا ليل
مازن : بلا في شكلك انته لا تصرخ عليها كداا ..
اعناب وراكبها خوف مو طبيعي مشيت لمازن ووقفت جنبو : مازن مازن
الدموع ادحدرت : في وزغه في الغرفه وربي وزغه مرا كبيره مرا كبيره مازن ..
وائل ومازن : ؟؟؟!!!!!
اعناب خلاص منهارهـ من كل شي في حياتها .. وحطت العلته في الوزغه عشان تبكي بدا الشكل ..
حتي وائل حزن عليها ..
مازن مسكها من يدها ونزلها : وريني هيااا ..
سحبت يدها من يدو بــقوهـ : مازن ما ابغاا ما ابغا انام تحت مافي احد وفي وزغ ما ابغاا
رجعت علي وراا وجلست في الكنبــهـ الطويله الماقابله للتيفي .. في الصاله الصغيره
: انا بنام هنا بنام هناا طيب
وائل ومازن يطلو في بعض .. : ؟؟؟!!
اعناب طنشتهم ووصلحت طرحتهاا ربطتها كويس .. وسحبت الخداديه حطتها تحت راسهاا ورفعت رجولها
: انا خلاص حنام هنا حنام هنا
مازن ووائل يطلو فيها :؟؟؟!!!!
اعناب غمضت عينها والدموع مازلت تنزل منها ..
ايش الموقف الزباله دا الي هيا فيلووو ..
أيش الي بيصرلها
رفعت يدها حطتها علي قلبها .. مرا تحس ضرباتو قويه لانها .. مفجوعه .. وخايفه .. وضايعه .. ومنهارهـ .. ومالها الا مازن الي غدرت في .. هوا الي بيساعدهاا ..
وائل جا يهرج مازن اشرلو بســرعه : اوووس ..
اتسحبو بشويش ودخلو علي غرفتهم ..
مازن شال لحافوو ومخدتوو .. وخرجهاا لاعناب
من قرب منها فتحت عينها وانفجت ..
مازن طل فيها : قلت ماراح اكلكـ
شدت العبياه والمسفع : انـا بـ
قاطعها : انا الي بس بجبلكـ دي
سحب الخداديه الصغيره ورمها في الارض وحطلها مخدتوو .. : نامي
اعناب تطل في وهوا ياشرلها علي المخده : ارقدي هيااا ..
اعناب ترمش بفهاوهـ .. مازن قرب لها وسدحها .. وغطها بالحاف .. طفا الانوار وسيب لها نور الدرج شغال عشان لا تخاف
اشرلها علي الغرفه : انا هنا لو احتحتي شي دوقيلي طيب
هزت راسها وهيا تطل في ومي قارده تنزل عينها عنو .. : طيب
مازن لف وارح لغرفتو حاسس قلبو بيدق بقوهـ مايدري ليش
اعناب حضنت الحاف وصارت تشمو وتشم المخدهـ .. يالهش ريحة مازن ..
الخوف .. بدا يختفي .. وصارت تتلحوس وسط الحاف وتشم ريحتو لين اخدها النووم
في الغرفه مازن متمدد علي سريروو وكول شويا يتقلب ويتقلب ويتقلب
فكره انو اعناب برا في الصالون .. مطيره من عينو النوم
وائل كل شويا يطل في : ياخي .. انخمد
مازن يحركـ رجلو بتوترر .. جايو احسااس فظيع انو يبا يروح يطل عليها بس .. قلبو بيطربق بقووهـ ..
شكلها قبل دقايق مطبوع في بالوو .. خايف مرا وضاايعه ..
بس يفكر فيها .. يمكن طاحت عن الكنبه .. يمكن اتقشعت .. يمكن التكيف عالي عليها ..
يمكن في وزغه براا .. اوف ياللهــ
حط المخدهـ علي راسوو .. وحط الحاف بين رجولو : اطلعي من راااسي خلين يانام
وائل جنبو : اطلعي اطعلي اطلعي اطلعي .. هههههههههه
: بلا في شكلكـ وائل ..
: هههههههههه نام يامازن نام . البنت بتشخر برا شخيرها واصلني
: لا تجيب سيرتها خليني انامممم ياررربي
ضغط بالمخده علي راسوو وغمض عينو يحاول ينخمد .. ويطيرها عن بالوو ..

~~~~~~~~
A6baa fe al-7o0b
~~~~~~~~

~~~~~~~~
A6baa fe al-7o0b
~~~~~~~~

كــاسر في السيــارهـ ومعاا اخوان حسام مجننين اهلوو واصواتهم مرا عاليهـ
: هيييييييييي انت وياهـ سكتو بسمع بتكلم ياخي
رجع للجوال : ايه رودي حبيبي عيد شنو قلت ماسمعتكـ
: ياليل شنو معاكـ روضة اطفال
: ياليت روضه .. مش حالكـ الحين برميهم عند اخوهم وبرجع للاوتي لعند الوالده
: زين حلوو
: الرودي ليش ماجيت للمنتزهـ ياهو يفوتكـ ياخي .. يونس بالحيل .. انبسطت كثير وشربت حليب بعد .. ههههههههههه
رائد يطل في اهداب جنبو الي مو راضيه تفكو الين دحين : اها والله كان ودي اجي بس انشغلت شووي
كاسر : انشغلت في شنوو .. بودي اعرف شنو الي شاغلكـ عني . حدكـ موب عاجبني ..
رائد يطل في اهداب الي بتضحكـ علي : ابد شغلات كذا يوم اشوفكـ بقولها لكـ اوكــي
: زين الرودي . بشوفكـ الحين .. يوم اوصل الاوتيل .. ترا حدي تعبان وودي انام بس بشوفكـ قبل
رائد : زين اكيد بنتقابل ..
زها تاشرلو بيدها انو لا لاا .. : اوو ماعرف انت اذا انتظرتني كثير وماجيت لكـ نام كسور زين
كاسر يضيق عنو : الرودي بتقولي شنو عندكـ ولا بقفل ولا عاد تلكمني ..
رائد يزفر : شنو فيني بعد .. انا مافيني شي .. الله يهداكـ كسور شنو يعني ..
: الا فيكـ شي .. ومابتي تقولهـ لي ..؟! ليش .. الرودي انا اعرفكـ اكثر من نفسكـ شنو .. انت تضحكـ علي منو .. فيكـ شي وابصم بصواابعي العشرر
رائد يطل في اهداب بتكشيره وكنو يقولها انتي السبب : كسور حبيبي .. انــ
كاسر : مااني . بتقول شنو عندكـ ولا بقفل وانا زعلان عليكـ
رائد كل الدونيا تزعل الا كاسر : اوكي زين بعلمكـ بس لا تنصدم اوكي
: اوكــي .. شنو ..
: انا بتواعد مع اهداب وبطلع معها وكذاا وهي الحين معي
كاسر بلم : دبابهـ ..
رائد يغمض عينو : ايهـ ..
كاسر : ماغيرها صديقة زوزو ..
رائد بهدوء : يب هي ماغيرهاا ..
كاسر انفلت ضحكـ : هههههههههههههههههه يا الي مدري وش تبي .. ولا تقول لي انا الكاسر صديقكـ
: الا كنت بقلكـ بس بنتظر الوقت المناسب .. ماحبيت اقولها لكـ كذاا
كاسر : حركات وهي الحين معكـ .. والله وطلعت منت هين .. وانا الي كنت اشكـ انكـ gay
رائد يرمش بصدمه : كنت تشكـ اني gay ليش ان شاللهـ
: هههههههههههه لا تخترع .. عشان كذا ما بوه بحياتكـ ولا بنت .. ولا كنت تحبهم .. وطول حياتكـ معي ..
رائد بلع ريقوو : لا هههههههههههه شنو gay الله يهداكـ انا انسان طبيعي جدن ..
رخا صوتو : والحين اهداب جنبي .. بكلمكـ بعدين زين
: اوكــي زين .. ههههههههههههههههههه
: ليش تظحكـ الحين ..
: لا ابد ولا شي اشتقتلكـ رودي .. احبكــ .. بروح الاوتيل واحتريكـ زين .. باي
قفل الخط وحط الجوال في جيبو وممسكه معا ضحكـهـ ..
بدر : كاسر احد بيضغضغكـ ..
: هههههههههههه لاا ابد
هلال : طب ليش بتضحكـ
: ولا شي اضحكـ مع روحي ضحكو كولكم يلا
انفلتو البزوره يضحكو بصوت مزعج وكاسر بيضحكـ معاهم ..
وصلو عند العمارهـ كاسر طفا السيارهـ ونزل معاهم .. وصلو للشقه دقو الجرس
مهند فتحلهم الباب بلهفه : حسام
جاتو خيبة امل .. : كاسر
طل في البزورهـ : انتوووو هنا
جلس علي ركبو وفرد يدينو : وحشتونني
قمر وهلال ضموووو .. : وبدر واقف بعيد مكشرر
مهند : بدر سلامات تعال هنا
بدر يطل في من فوق لتحت : ما ابغا .. انته ليش تضرب حسام .. انا زعلان منكـ وزعلان من حسام
كاسر : يه شنو دخل حسام تزعل منه
بدر يرفع كتوفو : حسام قال لا تزعلو من مهند .. ولي يزعل من مهند يزعل مني .. انا حزعل من مهند وحسام ..
مهند قلبو وجعو علي صاحبوو : فينو حسام
هلال : ماعرف سيبنا في الحديقه مع كاسر وراح مع وسام ..
كاسر يطل في الساعهـ : توو كلمته قبل لا اوصل هو الحين علي وصول . مهند ايش عندكـ هنا ..
مهند : انتظر حسام ..
: وش تبي فيهـ
: بكلمو
: اخيرن قررتو تتكلمون
مهند يهز راسوو : لا لا ما قررت اكلمو .. ترا حسام مرا وحشني
كاسر يطل في بندهاش ويقلدو بتريقه : ترا حسام مرا وحشني
: اليوم انت شايفه بالمستشفي
: انته مو فاهم .. الهــ
يرفع يدو : مابي افهم شي مهلوكـ حدي من صحيت الصبح مانمت وورااي دوام بمشي
: علي فين
: هلي هنا بجدهـ بروحلهم الاوتيل .. انتبه علي البزارين
بدر يخرج ورا كاسر : انا زعلان من مهند ما ابغا اجلس معاا ..
: اقول انطق زين .. موب رايق لكـ .. بمشي ..
بدر مط بوزو : انا زعلان منكـ انته كمان يا كاسر
: ازعل وطق راسكـ براس اخوانكـ يلا بمشي
بدر وي قال معصب قفل الباب بقوهـ وتكي علي : انا برجع لماما ما ابغا ابات هنا
مهند سحبو من يدو : قولي ليش زعلان مني
: عشان انته تضرب حسام ..
: طيب انا ضربت حسام وحسام مازعل مني .. انته ليش تزعل
: حسام غبي انا لاا ..
: اما كداا
: ايوا وانته ليش تضرب حسام
: كونت زعلان منو عشان
بدر فسخ جزمتو في ثواني وخبط مهند علي جبهتو : انا زعلان منك كمان يعني اضربكـ
مهند يفركـ جبهتو : يا حمار .. لا تمكد يدكـ
بدر يتكتف : انته حمار ..
هلال : بدر ماما قالت لا تسب الي اكبر منكـ ..
قمر يمسكـ يد مهند : انا ابغا اجي ابات عندكـ
مهند يبوسو : اوكي وناخدهلال ونسيب بدرر يقعد لحالو صح ..
: لا ناخد بدررر معاناا ..
مهند : لا اصلا بـ ..
انفتح باب الشــقهـ ودخلو وسام وحسام يضحكوو .. وريحتهم فايحهـ ..
صنمو وكل واحد اختفت ضحكتوو لما شافو مهند جالس وحولينو البزورهـ
حسام طل حولينو بخوف .. مايبغا مهند يتكلم ويبربر كلام فاضي قدام الصغار وقدام وسام
قمر جري وحضن حسام : انته جيت ..
حسام يطل في مهند ويستنا يهرج
وسام عاد مقهور من مهند : نعم ايش جاي تسوي هنا .. ؟؟!!
مهند وقف واتقدم لحساام .. لين صار واقف مقابلوو
حسام بلع ريقوو .. : مهند اذا تبا تقول أي شي تعال برا عشان البزورهـ وعـ
مهند قاطعو : بس بدي اقول اسف سامحني يا صااحبي ..
قطع الخطوتين الباقيه وضم حسام بــقوهـ ورجع يكرر .. : سامحني يا خويا سامحــني .. يا صاحبي
حسام : ؟؟؟!!!! ..
مهند يمسد علي ضهرو ويكرر جملتو س: سامحني يا حسااام .. اسف .. من قلب اسف ..
حسام : ؟؟!!!!!

نهـــاية البارت التالت وعشرين ..
اطـــــــــــباء في الحــب ..
قـــــــــطعة شوكلاتـه ..

» رواية نهاية جنون \ رواية حجازية للكاتبة قطعة شوكلاتة
» رواية عشان الحب أذل نفسي / كاملة
» تحميل رواية رقصات على أوتار الحب
» رواية وش جاه محبوبي مشى وخلآني مابين نيراني وبين احزني / رواية جريئة رومانسية
» شوفوا الحب وش يسوي بالشباب صدق لا قالوا الحب عذاب