رواية فمان الله ي الغالي..

تذكير بمساهمة فاتح الموضوع :

سلملم

أزيگمم..؟

ططفششانةة قللت انزل روايةة ..

عججبتني گثيير واتممنى تعجبگمم..

ßrß [ندعوك للتسجيل في المنتدى أو التعريف بنفسك لمعاينة هذه الصورة]

طلع باسل حق راكان اللي كان طاقها سواليف مع أسيل...<<عجبتهم السالفه...
أول ماشافت أسيل باسل تركت راكان ودخلت...
راكان:هاه بشر إش صار
باسل:خلها على ربك
راكان:شكلك عفست الدنيا
ابتسم باسل: على قولك.....بس تدري؟؟....كل شي بيتصلح انشالله
راكان:انشالله


عند ريماس وأسيل
ريماس تصارخ:تخيلي أسول......قال لي ريمو......قال لي ريمو!!!!!!
أسيل:هههههههه كل هذا عشانه دلعك؟؟
ريماس وتمسك على قلبها:آآآآآآآه يا أسول بموت
أسيل:هههههههه الله يرجك إنتي وذا الخبال
ريماس وأسيل:هههههههههههه


وبمكان ثاني كانت حلا مييييته قهر من كلام باسل واسلوبه معاها"إشفيه متغير هالأيام.....صاير بسرعه يعصب....وعلى أشياء تافهه......بس اموت وأعرف اشلون وصلته السالفه؟؟........لا يكون.......لالالا أكيد هي مافيها كلام"



بعد الظهر...
جوا الرجال من الشركه وتغدوا....وكل واحد راح يسوي له شغله...والحريم نفس الشي..
مهند واقف عند الباب وينادي على جمانه...
طلعت له رهف: هلا مهند بغيت شي؟؟
مهند تذكر نواف وابتسم:كيفك رهوفه؟؟
رهف:الحمد لله تمام
مهند:يقولون مسويه امس فلم رعب!!
رهف انحرجت:هههه إيه شايف اشلون؟؟
مهند:هههههههه صدق جبانه........إلا جمجوم وينها؟؟
رهف:هناك عند البنات أناديها..؟؟
مهند:ياليت والله ونادي أمي بعد....
رهف:اوكي....

شوي إلا جات جمانه وأمها..وبعد ماتكلموا كثير
مهند ويناظر جمانه:هاه إش قلتي موافقه كلام نهائي؟؟
جمانه ومستحيه:إيه
مهند:هاه يمه إش رايك أبلغ الولد
أم مهند:إيه على بركة الله أنا بقل لأمه وانت بلغ سلطان وخالك
مهند:اوكي..



دخلت جمانه عند البنات ووجهها مخبوص
وشوي إلا الحريم...:كلولولولولولوووش
طلعوا كل البنات يشوفون شالسالفه ولما عرفوا طاحوا تعليقات بجمانه وباركوا لها



عند الرجال....نفس الشي الكل قام يبارك لسلطان ...وحددوا موعد الخطوبه الرسمي...بعد يومين...
عالمغرب كذا.....كانوا كل العوئل يجهزون أغراضهم عشان يرجعون لبيوتهم...
ولما خلصوا...
مرام:خالتي الللللللله يخليييييييييييك
عهود:ماما تكفييييييين
أم فيصل:لا مستحيل إذا دانه وياك اوكي اما إنتي لحالك لا
عهود:يمه دانه ماتبي....لانه مافيه أحد بسنها هناك بس انا أبي أروح ويا مرام
أم عادل:يالله يأم فيصل...خليهم يستانسون..
أم فيصل: بس بشرط.....مايجي بكره المغرب إلا انتي ببيت عمك
عهود:إنشالله ماما
مرام:يعني تمت الموافقه؟؟
ام فيصل:إذا تم الشرط اوكي
مرام:كللولولولولوش
جات لميس:هاه مين انخطب هالمره
مرام:محد بس عهود بتنام عندنا اليوم....بقي أحاول بأمك
لميس:هههههااااي....لا ياماما....لاتحاولي ولا شي النتيجه معروفه من الحين لو وافقت أمي ماوافق ابوي ولو وافق أبوي أخواني رافضين...
مرام:صح على قولتك.....يالله مره ثانيه



راحوا كل عائله لبيتهم....وعهود راحت مع مرام...

اما بالنسبه لبندر...كان طووووول هالأسبوع مع سامي وأهله ومستااااااااااانس بس بنفس الوقت ينتظر متى يرجع السعوديه لأنه مشتااااااااااااق لأهله ..



كانت هالليله آخر ليله لسامي في العزوبيه...لان اليوم الثاني هو يوم زواجه....وآخر ليله لبندر بالكويت....ولكذا كان مستااااانس من ناحيه عشان صاحبه ومن ناحيه لأنه راح يرجع أخيرا..



في بيت أبــو عادل...
مرام وعهود جالسين يسولفون..
مرام: والله هالإنسان غريب...أحس نفسي أروح له وأسأله عن السبب اللي خلاه كذا
عهود:والله جد بس لو سويتيها ما راح يعطيك وجه واتوقع يمشي ويخليك
مرام: انا ما اتوقع إلا متأكده...إنه بيقول وتقلد صوته((لاتتدخلين)) ويمشي ويخليني
عهود:ههههههههههههه والله خطيره لما تقلدينه
مرام:ياشيخه احس شخصيته تعجبني
عهود:والله ياهالبدر شكله بيأثر عليك
مرام ما فهمت:كيف يعني؟؟
عهود:يعني أحس بيصير لك معاه سالفه...غرام حب أي شي
مرام:ههههههههههههههههههههههههههههههههه.....نكككككك ته....ههههههههههه
عهود:وليه كل هالضحك؟؟
مرام:أنا وبدر؟؟........مستحيل...اساسا هو ماله صاحب فما بالك ببنت...والله قويه.....ههههه بس حلللللوه
عهود:والله ماتدرين يمكن!!
مرام ورترفع أكتافها:كل شي جايز
عهود:اقول مرومه والله جوعانه ما عندكم شي ينأكل
مرام:لا إحنا فقراء
عهود:أقول عن الهبال وقومي شوفيلنا شي ناكله
مرام: يلا قومي معاي نروح للمطبخ



وراحوا للمطبخ وعفسوا الدنيا هناك لانه لا مرام تعرف تطبخ ولا عهود...المهم بالنهايه أكلوا وخلصوا وهم طالعين إلا بدخلة عادل...رجعت عهود المطبخ...
عادل:مرومه فيه احد هنا؟؟
مرام:إيه عهود بنت خالي عبد العزيز
عادل بصوت أعلى:هلا عهود كيفك يابنت الخال؟؟
عهود ومرتبكه:هلا فيك الحمد لله تمام
عادل:حياك البيت بيتك
عهود سكتت وماعرفت إش ترد...<< تعرفون مالها بهالسوالف كثير
مرام:عدول إذا جيت طالع ولا داخل عطنا خبر عشان ننتبه
عادل:أوكي انا طالع انام الحين.....
وهو طالع من الدرج لف على مرام:إلا فراس وينه؟؟
مرام: من أول مارجعنا من الإستراحه وهو طالع مع خويه ولسا مارجع
عادل:طيب والبنات شذا وريماس وأسيل
مرام:شذا كالعاده اكيد نايمه وريمو واسول يابغرفتهم يابالحديقه
عادل:زين تصبحين على خير
مرام:وانت من أهله



رجعت مرام حق عهود اللي كانت مسرحه...
مرام:بوووووو!!
عهود اخترعت:الله يرجك..انتي وذا الهبال
مرام:ههههههههه....بشنو سرحانه
عهود:لا ابد بس كنت أفكر لو إننا ماجينا للسعوديه متى كنت بعرف إن عندي عائله وأهل بهالكثر..
مرام:جد والله...انا من دون أخوالي ما أقدر اعيش ما أعرف اشلون تحملتوا العيشه بدون أهل
عهود:على قولتك
شوي إلا بدخلت أم عادل..:مساء الخير
مرام:هلاااااا يمه..وراحت تضمها
موضي:هلا مرومه من الحين اخلصي شعندك؟؟
مرام:يممممممممه!!
موضي تقلد صوتها:يممممممه.....هذي ماتطلع إلا إذا فيه شي!!
مرام:تبين الصراحه؟؟
موضي:اها؟؟
مرام:إيه فيه!!
موضي:طيب من أول أنا قايله...إش عندك؟؟
مرام:وتنفذين
موضي:لا
مرام عصبت:أقول اقول....
موضي:لالالا خلاص بنفذ..
مرام وفيها ضحكه وبعربجه:إيه كذا

موضي تخشن صوتها:إش عندك يا.....طويلة العمر

مرام:والله بصراحه....بسم الله الرحمن الرحيم...اولا احب اشكر...الاخت موضي لتلبيتها طلبي في إجبار أحد إخوتي الذهاب إلى السوبر ماركت وشراء بعد الحاجيات الضروريه لسهرة الليله

موضي:لا والله؟؟.......ومن قال إني لبيت الحين....وبعدين...((بعض الحاجيات)) هذي يعني ثلاثة ارباع السوبر ماركت
\
مرام ببراءه وتقلد الاطفال:مو لي لوحدي.....عشان عهوووووود

موضي: عشان عهود يالنصابه!!...هذي ماتاكل إلا زي العصفور وأقل....بس قولي عشان المقبره اللي هنا وتأشر على بطن مرام...
مرام بعربجه:المهم الزبده موافقه ولا لا؟؟

موضي:أمممممم...أوكي عشان عهووووود
مرام:فديتك إنتي وعهود سوا
موضي:إذا وافق فراسوه
مرام:يمممه فراس مايجي إلا متأخر معروف...وإحنا نبيها الحين
موضي عصبت:أجل اروح انا اجيبهم!!!.......تبين مع فراس ولا خلاص
مرام:لالالا مع فراس مع فراس
موضي:إيه كذا وطلعت عشان تدق على فراس

طووووول ما موضي ومرام يتكلمون وعهود تناظرهم وتضحك...ما كأنهم أم وبنتها كأنهم اخوات أو صديقات...بس كانوا مره عاجبينها..

جلسوا يسولفون لحد ماجا فراس وجاب معاه الاغراض وبعدها طلعوا يكملون السهره بغرفة مرام....

جلسوا لممما الفجر وبعدها صلوا وناموا...من الإرهاق
************************************************** ****************************************
××اليوم الثاني (في الكويت) يــــــــوم زاوج ســــــامي××



بندر:سامي!!
سامي:....................
بندر:سموووووووو
سامي:هممممم
بندر:يالله قوم
سامي:...........
هنا بندر مننن جد عصبببببب:سااااااااااااااااااااااامـــــــي!!
سامي مخترع:هاه ...شنو صار...أمل؟؟
بندر:هههههههههههه..امل هاه...يااااه هالامل ماخذه عقلك..قوم قوم اليوم بتنام معها..(ويغمز له)
سامي بقهر بعد ماتنهد:الللللله يوريني فيك يوم يابندروه وأشوفك وانت بحالتي الحين
بندر ويضحك:ليه وش فيك؟؟
سامي:وبعد تسأل شنو فيني؟؟....تدري ان هالسيره تخلي قلبي يوقف من الخوف..وكل شوي تذكرني فيها...حتى وانا توي قايم من النوم
بندر:لاااا سلاااااااااامة قلبك..
سامي:روح عني زييييييييييين..ترى ما احب المصاخه
بندر:ههههه لا ياحبيبي لازم تتعود وراك حرمه ولازم تاخذ على هالامور
سامي بجديه:والله اني خاااايف يابندر..ما ادري شنو اسوي أول ما أشوفها مادري هل بتتقبلني ولا لا..وخايف إني ما أكون قد المسؤليه..وما أقدر أسعدها وأحافظ عليها

بندر:افا عليك صاحب السمو ولا تخاف ولا شي انت توكل على ربك وانشالله كل شي بيمشي تمام التمام
سامي بعد ما تنهد:الله يسمع منك
بندر:زين يالله قوم الحين تكشخ وروح حق الحلاق خله يضبطك عشان البنت من تشوفك يغمى عليها
سامي:لا انشالله اسم الله عليها
بندر:احلى أحلى والله صرنا نخاف
سامي:إيه شعلى بالك....وقطع عليهم موبايل سامي يدق..رد
سامي:هلا يبه.......صباح النور........هههههه(هنا انقلب وجه الولد) عرف بندر ان ابوه يعلق عليه بخصوص الزواج..
سامي:إيه كاني قايم...إيه هو اللي مصحيني... انشالله ...لالا الحين بروح حق الحلاق وبعدها بجيكم..لا بفطر ويا بندر..أووووكي..على خير....فمان الله
بعد ما قفل سامي:يالله بندر أنا ببدل وانت انتظرني بالسياره بنمر نفطر وبعدها نمر ويا بعض حق الحلاق..
بندر بابتسامه:يالله انتظرك..

بندر بالسيـــــــــاره يفكـــــــــــــر

"آآآآآآآآآه ياخلود والله اشتقت لك...متى يجمعنا القدر ونكون ويا بعض...ياترى هل انتي من نصيبي ولا لا؟؟.........سامي...آآآآآه ياسامي اش كثر خايف تتغير عقب الزواج...أكيد بتتغير وخصوصا انه بيصير لك اهتمام ثاني وبنكون بعيدين عن بعضنا..مابصير كل اهتمامك...يوووووه اشفيني أفكر مثل اليهال عادي شي طبيعي هذي زوجته ونا بعد بيجي لي يوم واتزوج وباهتم فخلود ويقل اهتمامي بسامي..تلقائي......بس صعب والله صعب............"

سامي:بندروووووووووووه..هيييي أبو الشباااب
بندر:هاه هلا نعم!!
سامي:لالالا رايح فيها اخبر أنا اللي بعرس موب أنت..
بندر:هههههههه ليه؟؟
سامي:لي ساعتين ياي هنا واحاكيك كني أحاكي الطبلون..
بندر:هههههههههههه
سامي ويغمز له:بمنو تفكر؟؟
بندر:بمنو يعني؟؟...من غيرها
سامي:الله يهداك لا تعلق نفسك فيها كثير وحط ببالك انها يمكن ماتكون من نصيبك
بندر:لااااااااااااا والله مايصير
سامي:استغفر ربك شنو مايصير لو ربي كاتب انها لغير بتكون لغيرك..
بندربخوف:بس انا لو ما اخذتها ما باخذ غيرها لحد ماياخذني ربي
سامي:بندر الله يهداك شنو يالس تحكي..؟؟ كنك ياهل وانت تتكلم...بنت تسوي فيك جذيه
بندر:هالبنت ياسامي سوت فيني اللي محد سواه قبلها...آآآآآآه لا تذكرني وخلنا فيك..الحين ترى تأخرنا بيروح عليك الوقت..يالله اركب خلنا نمشي..
سامي:يالله...



راحوا افطروا وبعدها مروا الحلاق...وما خلصوا إلا عالظهريه...وردوا للفيلا.. لقوا جاسم برضو كاشخ وشكل الاخ من صباح الله قايم..
دخلوا الفيلا..
بندر يعلق على جاسم:أحلى احلى يامعععععععرس
جاسم متشقق من الوناسه:ههههههه الله يسلمك وعقبالك
بندر من قلب:أمين انشالله
أبو جاسم:هاه ياعيال جاهزين؟؟
جاسم وسامي:إيه يبه
سامي:إلا وينهم خواتي وعمتي وامي؟؟
أبو جاسم:عمتك وسعاد وجود راحوا الفندق عشان يظبطون شقة جسوم..ودلال وامك وساره بشقتك..ومافي هنا غير شهد..ليه بغيت شي؟؟
سامي ومنحرج:لا ماكو شي بس شفت الفيلا فاضيه واستغربت..
بندر:اقول عمي تبي أساعدك بشي ولا شي ترى انا حاضر..
أبو جاسم:لا يابندر مشكور وماتقصر..
بندر:طيب طلال وينه فيه؟؟
أبو جاسم:راح يظبط سيارة العرسان
بندر ويناظر سامي:أحلاااااااااااا والله خوش شي
سامي هنا من جد نفسه يذبح بندر اللي طايح تعليقات..ويناظره وعيونه بتخرج..
وشوي وطلع أبو جاسم يرتاح لأنه صاحي بدري..
جاسم يغني ويرقص مبسووووط:ومباركين عرس الإثنين ليلة ربيع وقمره...
وبندر معاه ويزغرط...أما سامي يناظرهم ويهز راسه ويتحمد الله عالعافيه..<<مسوي فيها عاقل الأخو..



جلسوا الشباب بالصالون يسولفون لحد ما سمعوا صوت ما يسمعونه إلا لا فاز منتخب الكويت بالنهائيات...أبووووو الإزعاج
بييييييييييييييب...طاط بييييييب طاط طااااااااااااااااط بيييييييييييب...وموسيقى صاااااااااااخبه وبواري وصياح وحاااااااااااااله..


خرجوا الشباب يشوفون إلا..كلللللللل هالإزعاج مصدره الأخ((طلالوه وصاحبه حمد))...
وقف المسيره المكونه من سيارتين وحده يسوقها هو ووحده يسوقها صاحبه..((حمد))..ونزلوا..
طلال ويسلم على أخوانه وهو مستانس اكثر منهم..:ماشاء الله ماشاللله عالبركه..
سامي عشان يقهره:الله يبارك بعمرك عقبالك!!
طلال:فاااااال الله ولا فالك...
جاسم:انشالله قريب انشالله قريب
طلال:لحووووووول انشالله موتي قبل لا أسويها
بندر:اقول يامعود مابتعرفنا عالأخو اللي واقف وراك من ساعتين؟؟
طلال:إيييييييه هذا رفيجي حمد..حمد هذا بندر رفيج سامي الروح بالروح
حمد:هلا حياك..
بندر:هلا فيك..
وسلموا على بعض
ودخلوا الشباب داخل وظلوا يسولفون ويعلقون..عالعرسان لحد ما رجعوا الحريم...بس لأن الفيلا كبيره ماحسوا برجعتهم..
بندر:قول طلول ما عليك أمر أبي ماي
طلال:لحوووول أنا اليوم وزني بينقص عشره كيلو..كم مره قومتوني...
بندر:أجل من يقوم صاحبك ولا العرسان ولا انا ضيفك
طلال:والله تختصر..
بندر:اقول عن الكسل وقوم
سامي:خلاص عاد طلول قوم!!
جاسم:طلول!!............قوم احسن لك لاتفشلنا من الريال...شنو بيحكي عنك عند أهله .... وتصير فضيحتنا فضيحه بالسعوديه ...ونصير حكي بحلوق الناس ....والرايح والجاي يتطنز علينا ...وتصير لما تمشي بالشارع يأشرون علينا ويتساسرون ويقولون...هذا اللي...........
طلال ومعصب:خـــــلاص!!!!!!.........حشالله ماصار كاس ماي...
الشباب كلهم:ههههههههههههههههههههه
طلال:إيه اضحكوا ما نكرفتم كثري بس هين..
سامي قبل لا يطلع طلال:طلول الله لا يهينك خل الخدامات يجهزون لنا غدا..
طلال:يووووووه الخدامات محد
سامي:ليه وينهم؟؟
طلال ومعصصصب:وانا اش يعرفني؟؟
سامي:زين جهز انت
طلال:لااااااااا اش قالوا لك سندريلا على غفله
جاسم:يمكن!!
الشباب:هههههههههههه
طلع طلال وهو معصصصصصصصب....والشباب متسطحين ضحك عليه...((ترى ماتعرفونه لا عصب شكله يصير خطييييييييير وفله))

××في السعــــــــــــــــــوديه....في بيت أبو عادل...××



مرام تصحي عهود وتصرخ:عهود!!.........عهــــــود!!

عهود:......................

مرام:عهودوه....أحسن لك قومي!!

عهود:..........................((انقلبت للجهه الثانيه))

عصبت مرام وراحت جهة الإستريو وحطت سماعاته وحده عن يمين عهود والثانيه على يسارها...

ورفعت الصوت عالآخر وبعدها....ضغطت تشغيل...وكانت أغنية...[ أنا طبعي كدا]..

عهود قامت مفجوعه..وفاتحه عيونها عالآخر....مرام هنا هلكت من الضحك على شكلها وبعدها بدأت ترقص عالأغنيه...

عهود بس شافتها كذا عصصصصصصبت..وقامت بكل هدوووءوقفلت المسجل...بس مرام ما زالت تغني وترقص

مرام:عايشه سني وبغني وبحب الحياه...ألبي عايش سينـ..................

وحطت رجلها لأن عهود جات جهتها على اساس تلطشها..

مرام تجري طوووول البيت:يمــــه يمـــــه!!!

عهود تلحقها..:...تعالي...أنا اوريك...إما ربيتك ما أكون عهود..
نزلت مرام تحت ودارت بالبيت كله وعهود وراها<< ذكروني بتوم وجيري خخخخخ

المهم...بعدها..رجعت مرام طلعت فوق وعهود تعبت من الفرفره..فجلست في الدرج تريح

وشوي إلا مرام تصرخ من فوق: تعبتي يالصعلوكه....هههههههه((تضحك بصوتها المبحوح))

هنا من جد عصصصصصبت عهود...وتطلع الدرج بسرررررعه ومرام بس شافتها وتحط رجلها..

دخلت مرام غرفة عادل وسكرت على نفسها...وعهود أول ما

وصلت فوق وقفت عند باب الغرفه حاولت تفتحه بس مسكر.....

عصبت زياده وضربت الباب بأقوى ماعندها بس مرام ماترد عليها...

فبدأت تصرخ وتضرب عالباب...:إفتحي يا دوب.....مرامووووووه أحسن لك إفتحي!!!......
maraaaaaam open the doooooor now....
((إفتحي الباب الحيييييييين))....maram I am really angry
((مرام أنا بجد معصبه))....open the door...!!!.((إفتحي الباب!!))...maram it's not better for you
((مرام ترى مو أحسن لك))......أوووووكي مروم!<< تهدد



وشالت الشبشب وانتو بكرامه وتضرب فيه الباب بأقوى ماعندها...<<لا تلوموها معصصصبه

وفجأه سمعت صوت المفتاح

وقفت ضرب...وأول ما أنفتح الباب فتحت فمها بتتكلم...إلا صوت شخص معصصصصب:خيـــــــر!!!!!

هنا عهود جمد الدم بعروقها...
وفراس انصدم...

عهود تحس حالها بيغمى عليها...وحاولت تتكلم تبرر بس من الصدمه ماطلع معاها ولا كلمه....(( خلونا نسوي stop عشان أوصف لكم أشكالهم))


كان فراس واقف قدامها وأول مافتح الباب كان مررررررره معصب لأنه كان نايم والأخت أزعجته...طبعا لابس بجامه لونها كحلي غاااامق وأزرار البلوزه بعضها مفتوح وشعره حاااااااله لأنه تروش ونام على طول...بس شكله مرررررره جنااااان


أما عهود فكانت لابسه من بجايم مرام وبحكم إن مرام دبدوبه بالنسبه لعهود فكم البجامه كان نازل من كتفها
...وخدودها محمره من الجري والعصبيه..وشعرها مو مسرح بس طايح على أكتافها..هيه كمان كان شكلها يدوووخ...

هوه معصب وهيه معصبه....((فراس دينه ودين أهله أحد يزعجه وهوه نايم وعهود ماشالله ماقصرت وهو على باله مرام أخته))....

فراس كان أحسن من عهود وقدر يتكلم بس بعصبيه ممزوجه بصدمه...فصرخ فيها...:ممكن أعرف ليه هالإزعاج..؟؟؟؟

عهود:..................................<<مفهيه+خاي فه+متفشله+ بيغمى عليها+مصدومه

هنا طلعت مرام وأنقذت الموقف...

مرام وهي مبققه عيونها وفاتحه فمها:عهود!!......فراس!!
هنا فراس عطى مرام نظره قويه ودخل غرفته وسكر الباب وعهود لسا مكانها ولا تحركت وحتى رموشها ماتتحرك....
قربت مرام منها...:عهود إش صار؟؟
عهود:............................
مرام:و تحرك يدها قدام وجه عهود....هيييييييييي أبو الشباب..!!
عهود هنا توها بدأت تستجيب....وبسرعه دفت يد مرام وبدون ولا كلمه راحت جري على غرفة مرام ورمت نفسها عالسرير...

مرام باست يدها وجه وقفا وقالت:الحمد لله والشكر استخفوا وقعدوا



فراس أول ماسكر باب الغرفه...حط يده على قلبه...كان قلبه بيخرج من صدره....راح يمشي بشويييييييش لما سريره وجلس بهدووووء وحالة قلبه زي ماهيه....<< مفهييييي....

"ياويل حالي منو هذي.....هذي أكيد بنت خالي عبد العزيز اللي جات عند مرام أمس.....وهي نفسها اللي ركبت سيارتي ذاك اليوم...بس ليه هيه معصبه لهالدرجه وليه تدق باب غرفتي بهالشكل؟؟؟....والأهم ليه انا مختبص كذا....ويمسك قلبه"

عهود....مغمضه عيونها ومتسطحه عالسرير حق مرام وتتنفس بعمققققق ((تحاول تسترخي لأنها مره متوتره وماتبغى تبكي))
دخلت مرام وهي بذي الحاله...ووقفت فوق راسها تستناها لحد ما تخلص...

بعد ماخلصت عهود وحست حالها هديت فتحت عيونها...وشافت مرام....وبهدوء جلست عالسرير.....
وناظرت مرام اللي تنتظر تفسير للي صار...
وبعدها نطقت أخيرا..

عهود وصوتها مررره واطي:أنا دقيت باب الغرفه وانا مرررره معصبه حسبالي انتي هناك...وفجأه فتح اخوك...وهزأني وماقدرت أتكلم...
قفل بوجهي لما جيتي.....................وبعد فترة صمت..........كملت عهود:مرام مستوعبه؟؟....أخوك هزأني وقفل بوجهي!!!....وصرخت في مرام:مستوعبه!!!!!


مرام حست هدوء عهود كذا اكيد وراه عاصفه فحاولت تهديها:طيب حبيبتي اهدي...

عهود هنا انفجرت:اشلون أهدأ!!!!....يور براذر هزأني....مرام I can't tolerance that....I will cry(( أنا مقدر اتحمل كذا...حأبكي))

مرام بهدوء:عهود هدي....تكفين

عهود وبدأت تبكي: مرام بليزlet me only ((اتركيني وبس))

مرام:طيب على راحتك وطلعت وسكرت الباب..

طبعا بعد ما طلعت مرام راحت غرفة فراس...

وقفت عند الباب وكانت متردده تدخل ولا لا...فكرت وفكرت وفكرت...وبالنهايه


..............((قررت تدخل))..........وتتحمل النتايج لأنها عارفه فراس لما يعصب مايهدا على سيره..
.فسوت حالها معصبه عشان مايعصب عليها...<<يعني تضيع السالفه


مرام أول مادخلت وتتصنع العصبيه:فراسوه!!!...إش سويت للبنت!!......
كان فراس جالس على طرف السرير ومنزل راسه جهة الأرض لدرجة إن مرام مو قادره تشوف ملامحه
عشان كذا كانت مييييييته من الخوف وهي تتكلم...

فراس بعد فترة صمت ماتت مرام فيها مليون مره..وبهدوء ماسبق وصار:مـــرام؟؟....منوهذي؟؟

مرام ومصدومه من هدوءه<<كانت متوقعه انفجار قنبله..وبنفس الهدوء:هذي عهود بنت خالي عبد العزيز..

فراس ببرود عكس اللي داخله:...............إشفيها؟؟

مرام:كانت معصبه علي وتبي تكفخني ولما لحقتني دخلت غرفة عادل وسكر وحسبالها دخلت غرفتك.....بس انت شنو قلت لها؟؟

فراس ومميل فمه:ماقلت لها شي!!........

مرام وبدت تعصب:أجل ليه هي كذا؟؟

فراس بسخريه:إش فيها؟؟

مرام: مره متضايقه منك...البنت ضيفه عندنا وانت تصرخ بوجهها؟؟؟

فراس صرخ:طيب دامها ضيفه تحترم وجودها ببيتنا..!!

مرام:انت انسان الكلام معاك معدوم!!!

وطلعت وسابته قبل لايفتح فمه بكلمه



في غرفة مرام...

شذا:اهدي ياعهود صار خير!!
عهود وتبكي:أبي اروح بيت عمي أبو سلطان
مرام:عهود فراس يبي يعتذر أكيد بس موعارف اشلون
عهود:لا تضحكين بعقلي اخوك هذا متكبر وعنادي وآخر شي يسويه بحياته يعتذر لأحد
ريماس:عهود اقعدي عندنا
أسيل:والله لأقول لأبوي عاللي سواه فروس..
عهود:لا ما ابي اللي صار يطلع
شذا:بس عشان أبوي ياخذ حقك من فراس أقلها ماعد تنعاد هالحركه ويرفع صوته بوجه الضيوف
واللي سواه فروس أكيد ماراح يرضي أبوي
عهود بتحدي وإصرار:أنا أعرف اشلون آخذحقي بنفسي
مرام ماعجبتها نبرة صوت عهود هالمره فحاولت تغير الموضوع: هاه عهوده إش قلتي بتقعدين؟؟
عهود:لا بروح

وهنا دخلت موضي: كأني سمعت طاري روحه!!
عهود:إيه عمتي بروح ولا نسيتي كلام أمي أمس...قالت لي المغرب أكون ببيت عمي
موضي:إذا تبين تقعدين بكلمها
عهود:لا عمتي ابي أروح تعرفين بكره فيه تجهيز وشغل عشان خطوبة سلطان
موضي:إيه معاك حق....تصدقون مومتخيله سلطان وجمانه متزوجين احسهم مولايقين على بعض
شذا:جد يمه...بس الله يوفقهم
الكل:آمين..
وعالمغرب جا فيصل وأخذ عهود وروحها بيت عمه...

××فـــــــــــــــي الكويــــــــت××

جات العصريه ومرت وجاسم وسامي أنواااااااااع الخوف والرعب...((أجل مانلوم البنات))...وبندر وطلال وحمد حششش وتعليقات و.......إلخ


بعد المغرب راحوا الحريم الصالون وتجهزوا وبعد ما خلصوا راحوا عالقاعه وبهالوقت كانوا العرسان كاشخين على آآآآآآآآآخر درجه ومترززين بالقاعه......جاسم تشققت شفايفه من كثر مو مبتسم ومبسوط وسامي تقولون بيودونه مجزره من كثر مو مرعوب..


بندر يهمس لسامي:الله يفضح ابليسك ابتسم وجهك مبين فيه الخوف تقول مزوجينك كوندليزا!!

سامي:زين شنو اسوي كل ما اتذكر اني بشوف امل أختبص

بندر:ياخي انسى امل وخلك بالمعازيم..وامل ملحق عليها..



وعالساعه 9 كانوا الضيوف متواجدين بالقاعه والقاعه ترج رج من الموسيقى....بعدها جا وقت دخول العرسان...عاد شوفوا حالتهم أول ما قالوا لهم......

جوال طلال يدق..رد:هلا يمه...شنو؟؟....متى الحين..زين زين...عيل سووا لنا طريج..أوووكي...فمان الله

طلال ويناظر سامي وجاسم بابتسامة مكر:يالله شباب...وزارة الداخليه طالبينكم..

جاسم متحمس:يالله

سامي بخوف:شنو؟؟....يبونا ندخل؟؟....لالالا قلهم لا أنا ماني داخل

جاسم:اقول عن حركات البزرنه وقدامي يالله قال شنو قال مبيدخل...

سامي:والله أخاف..

بندر ويغمز له:اش دعوه هذي أمل!!

ابتسم سامي لما تذكرها..:زين زين..

مشوا العرسان وبمقدمتهم طلال ووصلوا لباب قاعة الحريم ودخلوا اما طلال فرجع يرحب بالمعازيم مع ابوه..

دخلوا سامي وجاسم عند العرايس..عاد سامي من شاف امل راااااااااااااااح فيها وجاسم نفس الشي...وبعد ساعتين رجعوا
لقاعة الرجال.........


مر اليوم تمام التمام..وقبل لا يمشون العرسان سلم بندر على سامي:بالبركه صاحب السمو
سامي:الله يبارك فيك
بندر:عاد انت تدري رحلتي بعد 3 ساعات من الحين وماعاد بشوفك من غير شر إلا ببريطانيا..
سامي بابتسامة حزن:إيه الله يردك سالم غانم..
بندر:خل بالك من نفسك وحط بالك على حرمتك..تراك الحين متزوج ووراك مسؤليات..
سامي يلطف الجو:روح روح زيييين مسوي فيها حريص قسم بالله ما كنك إلا الوالده
بندر:هههههههه الله يقطع سوالفك ياشيخ والله بفقدك..
سامي:وانا بعد...عاد عقبال انشالله ماتتزوج اللي ببالك ونشوفك عريس
بندر:انشالله بوجودك..
طلال:يالله سامي البنت بتطلع..
سامي ارتبك:أحم...يالله يالله
بندر يضحك على خويه وحركاته..

روح سامي وبعده جاسم بعد ماودعوا بندر..

وقبل نهاية الزواج رراح بندر وسلم على ام سامي وام طلال وعلى أبوهم ومشى مع طلال للبيت عشان يلم أغراضه ويمشي عالمطار..


طبعا بندر ماخبر احد انه راجع اليوم...كان يبي يسويها مفاجأه للكل...وصل للمطار..وودع طلال وركب الطياره وهو حييييييييييييييل مشتاق لأهله ولخلود بشكل خاص


وصل بندر السعوديه..

كان الوقت متأخر شوي..الساعالفجر
نزل للفيلا حقة عمه...ووصل عند البوابه....فتح بوابة البيت بهدووووووء....ودخل...كان البيت هااااادي والكل نايم من بدري عشان تجهيزات بكره


بندر كان تعباااان لأنه صاحي من بدري وبعدها كان زواج صاحبه وبعدها الطياره يعني انهد حيله..


طلع الدرج بهدووووووء....

فيه شخص هوه الوحيد اللي كان صاحي بالفيلا كلها...ولأنه كان صاحي سمع صوت الباب واستغرب مين اللي جاي بهالوقت المتأخر..الشخص







كان....................................خلـــــــــ ـــــــــود!

قامت خلود اللي كانت شغاله عاللاب تبعها....عشان تعرف مصدر الصوت..فتحت باب غرفتها وخرجت بهدوووووء وطلت من الدرج..............


بندر كان حيييييل تعبان وطالع من الدرج وهو منزل راسه وما انتبه لها......

أما خلود بس شافته كان راح يجيلها انهيار وبسررررررعه راحت على غرفتها جري وسكرت الباب وراها...

وحست الأرض تدووووور فتكت على الباب...كان قلبها يدق بسرعه وشوي وبيخرج من صدرها...

بدا يرشح جسمها...وحست كأن دمها يفووووور تحس بحراره تسري بجسمها.....يعني بمجرد شافت بندر انقلب كيانها...فوق تحت

بالنهايه حاولت تكون هاديه وتستوعب ان اللي شافته بندر...ولا شعوريا بدأت تبكي...


ماتعرف ليه بس بلحظه حست إنها مو قد اللي بتسويه وجاها ضعف مو طبيعي..




بندر سمع صوت الباب لما انقفل بس ناظر المكان كان كلللله ظلام فتوقع إنه أحد من البنات..

وعلى طول دخل غرفة محمد....بس تفاجأ إن محمد مو موجود...

حط شنطته على جنب وطلع له ملابس وراح أخذ له شاور..

ولما طلع من الحمام وانتو بكرامه إلا بدخلة محمد الغرفة وشوفوا انواااااااااااااع علامات التعجب فوق راسه

وبصدمه:بنــــــــــدر!!
ابتسم بندر اللي شعره مبلل والمنشفه على اكتافه وبابتسامه:إيه بندر
محمد:هلااااااااااااااااا الحمد لله عالسلامه وراح يسلم عليه..
محمد:متى واصل؟؟
بندر:من شوي يمكن كذا قبل ساعه
محمد:واللله لك وحشه يابو الشباب
بندر:هههه والله وانتم اكثر....غريبه مو بالعاده تسهر برى
محمد:أبد والله واحد من الشباب عرض علي الفكره وانا زهقان حدي فقلت فرصه...
وظلوا يسولفون لما اذن الفجر وقام الكل يصلي.....


طبعا خلود بعد ماشافت بندر أول ماوصل وجاتها هذيك الحاله سكرت الاب تبعها وحطت راسها ونامت


بعد ما أذن الفجر


أبو سلطان يدق باب غرفة محمد..:محمد....محمد يالله يبه قوم لاتفوتك الصلاه
إلا الباب ينفتح..بندر:صباح الخير عمي
ابتسم أبو سلطان:بندر..!!....هلا والله الحمد لله عالسلامه
بندر ويسلم على عمه:الله يسلمك عمي
أبو سلطان ومازال مبتسم:متى وصلت
بندر:3 الفجر
أبو سلطان:وشلونك؟؟
بندر:الحمد لله عمي بخير
ونزل أبو سلطان ووراه محمد وراحوا للمسجد


اما بندر قبل لا يروح المسجد راح لغرفة أمه...دق الباب بهدوء...
أم فيصل اللي كانت جالسه على سجادتها:come in ohood
بندر بعد مافتح الباب:I'm not ohood
أم فيصل بس سمعت صوته فزت:bandar????
بندر ومبتسم وأمه تضمه....:كيفك يالغاليه؟
أم فيصل:الحمد لله بشوفتكI'm fine.....متى وصلت؟؟
بندر:befor 2 hours
أم فيصل:الحمد لله على سلامتك
بندر:الله يسلمك
وسولف مع امه 5 دقايق و بعدها راح للمسجد وهناك قابل أخوانه وعيال عمه وفارس..والكل فرح فشوفته


نرجع لخلود..

بعد مارجعوا الرجال من الصلاه كانوا الحريم صاحيين عشان يصلون

..أم سلطان تدق باب غرفة خلود:خلود يالله الصلاه قومي!!....خلود...

خلود بصوت كله نوم:زين زين يمه كاني قمت
وجلست عالسرير...مومستوعبه اللي صار.. وبنفسها
ا"معقوله!!...بندر رجع!!...لالالا أكيد أحلم انا....إيه حلم مافيها كلام"...اقامت من على السرير


وطلعت برى الغرفه ولما جات بتدخل الحمام عشان تتوضا إلا تسمع صوته مصدره غرفة أم فيصل...

وتسمع صراخ عهود:بنـــــــــــــــــــدر.....الحمد لله عالسلامه!!!!
بندرويضحك على اخته اللي قفزت فوقه من الفرحه:ههههههه الله يسلمك
شوي إلا دانه:معقوله بندر؟؟....متى جيت؟؟....وتصرخ هيه بعد
بندر:ههههههه الي يشوفكم يقول لكم شهر ماشفتوني ما كأنها أسبوع


هنا خلود ابتسمت وكانت مستااااااااااااااااااااااانسه..."معناها مو حلم بندر جا من جد...فديته والله وحشني!!..."


بعدين استوعبت كلامها وتجاهلته ودخلت الحمام..

بعد صلاة الفجر الكل رجع ينام ماعـــــدا.....................[ بندر] اللي انتظر الكل حتى ناموا

ومع إنه مرهق بشكل فضيع إلا إن شوقه لخلود مستحيل يخليه ينام فقرر يدق عليها....ويفاجاها برجعته<< مايدري إن عندها خبر

خلود اللي كانت توها مستغرقه في النوم....رن موبايلها...

خلود صحت مفجوعه وتناظر الرقم وعيونها شبه مقفله ....انفتحت على الآخر لما دققت بالرقم........"هذا رقم بندر ياويلي بندر يدق"


طبعا خلود انعفست فوق تحت لما شافت رقمه ماتوقعت نهائي انه ممكن يدق عليها أول مايرجع



وأساسا ما استعدت نفسيا للموقف هذا...دق بندر لما فصل...بس خلود ماترد...
وخلود كانت طول ما بندر يدق تناظر الموبايل وعيونها بتطلع من الصدمه..

بندر بنفسه بعد مافصل"ههههه ياحبي لها أكيد نايمه....بس والله أزعجها"

ودق للمره الثانيه..
هنا خلود مداها تستوعب السالفه...وبلحظه حست نفسها تسمع صوته وجلست تفكر ترد ولا ماترد....وبالنهايه قررت إنها..............................
.................................................. .
























[ ما ترد ]
وعشان كذا عطته رفض
بندر لما جاه مشغول فكر شوي وقال أكيد لأنها نايمه ماحست بحالها ورجع يدق وخلود تعطيه رفض

وبالنهايه قفلت موبايلها...دق بندر وانصدم: ((إن الهاتف المطلوب لايمكن الإتصال به الآن نرجوا محاولة الإتصال في وقت لاحق))


بندر يفكر...:"معقوله تكون لسا زعلانه مني؟؟...لا ما اعتقد...مستحيل ماتكون اشتاقت لي!!....
أكيد نايمه ولا تعبانه ولاعندها احد وماتقدر ترد<<يحاول يبرر لها"

أرسل لها بندر مسج وحط راسه ونام...


بندر نام من هنا وخلود ظلت تبكي من هنا.....اللي بتسويه أكبر منها بكثييييييييروهذا الشي متعبها...

بس هيه إذا حطت براسها شي تسويه لو مهما صار..



في الصباح....((يوم خطوبة سلطان وجمانه))



الكل جالس عالفطور...عند الحريم...
شيخه: إلا وينها خلود؟؟
الهنوف:يمه قومتها وقالت لي شوي وبتنزل
شيخه:الله يهديها هي تسهر الليل وترقد النهار
دانه:خالتي....متى بنروح بيت خالتي زهور؟؟
أم سلطان ومبينه فيها الفرحه: بعد العصر انشالله أنا كلمت خالتك وسألتها
الهنوف:يمه أنا بموت من الفرحه!!
أم سلطان:أجل أنا اش تقولين عني..
شيخه:الله يتمم لهم بخير انشالله
الكل:آمين
أم فيصل: أنا بروح حق أختي بعد الفطور أشوف لو محتاجه مساعده ولاشي....عندكم خبر إن مهند بيسوي عشا الليله؟؟
أم سلطان:إيه قال لي أبو سلطان من شوي....والله هالولد رجال
أم فيصل:إيه ماشالله عليه
وشوي إلا بنزلة خلود....شكلها كان بالمره تعبان لأنها نامت وهي تبكي...ووجهها شاحب...:السلام عليكم
الكل :وعليكم السلام
شيخه:خلود يمه شفيك تعبانه ولا شي؟؟
خلود وتجلس جنب جدتها:لا يمه
أم سلطان:وليه وجهك كذا؟؟
خلود:بس لأني مانمت زين
أم سلطان:الله يهديك...


عند الرجال...
كان بندر يتكلم عن أهم الأحداث في الكويت والباقيين يعلقون ويسمعون له وهم متحمسين
فارس: هههه أجل استانست هاه؟؟
بندر:وبقوه بعد
أبو سلطان:يالله عقبالكم انشالله
الشباب:آمين انشالله
أبو سلطان: عاد انت ياسلطان خلاص اليوم بتضمن كل شي
استانس سلطان لما تذكر...انه اليوم بيشوف جمانه وجها لوجه وعلى طبيعتها
بندر بصدمه:اليوم!!
فيصل:ايه اليوم خطوبة سلطان على بنت خالتي زهور
بندر:إيه عندي خبر من أول بس على بالي الموضوع انتهي
محمد:عندك خبر؟؟...منو خبرك
سلطان:أنا مخبره قبل لايسافر على اساس مابيرد من الكويت إلا وكل شي منتهي
محمد:أيا النذل حابكها من زمان
الشباب:هههههههههههه
أبو سلطان:يالله أنا بروح الشركه عشان يمدينا نخلص شغلنا بدري...وانت ياسلطان بحكم انك معرس الليله لاتجي وياي والشباب بعد خلوكم معاه

طلع ابو سلطان وبدأت التعليقات على سلطان اللي لأول مره يكون مستانس..ولأول مره يحط على الجديه( x)


خلود بعد ما خلصت فطور تذكرت موبايلها اللي مقفلته وكان نفسها تكلم ولاء اللي زمااان عليها وتفضفض لها.

..فطلعت غرفتها وفتحت موبايلها ووصلها مسج من بندر كاتب فيه..
(أكيد نايمه...عموما بس حبيت أبلغك إني رديت للسعوديه
كان خاطري اسمع صوتك قبل لا انام بس دقيت كثير ومارديتي...تصبحين على خير..نوم العوافي)

تنهدت خلود ومسحت المسج وبعدها دق على ولاء وقالت لها كلللللل شي...

وولاء بالبدايه حزنت وجلست تقول حرام عليك ومن هالكلام بس لما شافت إصرار خلود حمستها إنها تكمل وإنه لصالحها ورفعت معنوياتها كثيير



العصر الكل كان يتجهز ويستعد لروحة بيت أم مهند......وبعد ماخلصوا مشوا لهناك............................................. ......







نهآآآآآآآآآآآآية البــــــــــــــــــــآآآآآرت

-13-
"يارحمة الموت من فرقاه زوريني
الموت اهون ولا دنياي من دونه "

×× في بيـــــــــــــــــت ام مهنـــــــــــــــــد××

جمانه مخبوصه عالآخر..بس رايحه جايه بالبيت..وأخواتها جالسين يتجهزون وهيه بس ملفلفه شعرها ولسا مالبست
..الخدم كانوا شغالين بالبيت يجهزونه عشان العزيمه..
سمر:جمجوم الله يهديك اجلسي ماعرفت اتجهز منك!!
جمانه:سمور امسكي ((وتاخذ يد سمر وتحطها عند قلبها))
سمر:يؤيؤ جمانه إش هذا كله!!....لهدرجه مسويلك سلطان رعب
جمانه:وأكثر!!...أحس إني راح أبكي من الخوف
سمر:ههههههه أول مره أشوفك بهالحاله
دخلت رهف اللي توها مخلصه تجهيز...:هاااااااااااي...شرايكم؟؟
جمانه انشغلت بجمال رهف ونعومتها:واااااااااااو رهوفه تهبلين
استانست رهف:جد والله
سمر:والله شكلك مرررره كيووووت

كانت رهف لابسه فستان لحد الركبه لونه أسود وعليه حزام عالخصر كريستال ومن فوق [هاي نك] بدون أكمام ومطيحه شعرها الملفلف على أكتافه وحاطه مكياج مرررره خفيف..بس مخليه الكحل الأسود الي بعيونها غاااااامق وهالشي اعطى عيونها جاذبيه مع فستانها الأسود وحاطه شوية بلاشر زائد قلوس على شفايفها...

سمر كانت من النوع البااااارد يعني تتجهز على أقل من مهلها..عشان كذا لسا ما خلصت
وجمانه محترقه أما ديما فدخلت عليهم وهي طرباااااااااانه....بلا حب بلاوجع قلب وش جانا من ورى هالحب غير الألــ..............هاي بنات!!
كانت ديما برضو جاهزه وبحكم إنها مو من النوع اللي يبالغ في الكشخه لبست لها تنوره قصيره لونها رمادي مع بلوزه كت بينك فااااااتح تنربط عالجنب..وفيها ورده عالجنب بالرمادي....وعليها كم إكسسوار مع صندل وردي فاتح...يعني لأول مره شكلها كيوت
دخلت أم مهند:ماشاللله تبارك الله اله يحرسكم من العين اسم الله حولكم وحواليكم..
رهف: اشرايك يمه؟؟
أم مهند:تهبلون الله يفرحني فيكم قريب انشالله
البنات:آمين
أم مهند وتوها تنتبه لجمانه:جمانه!!....لسا ماجهزتي!!...
جمانه:يمه والله مرتبكه حدي ومو قادره
أم مهند:شلون موقادره الحين أعمامك على وصول وانتي تقولين مو قادره..والمعرس جاي بالطريق بتطلعين كذا قدامه؟؟
جمانه من سمعت هالكلمه خافت زياده:صدق يمه مشوا؟؟....يلا يلا رايحه اتجهز
وراحت غرفتها تتجهز..
بعد نص ساعه خلصت سمر...
كان شكلها مررررررره جنااااان....لابسه فستان سكري قصير ماسك من فوق ومطرز لحد الخصر وبعدها كلووووووش وااااسع ومكسر وشعرها ملفلف ورافعته عالجنب وحاطه ورده حمراء ومكياجها مرررره خرااااااافه...وهادي بنفس الوقت... وصندل سكري عالي..
جمانه كانت لسا تتجهز..
دخل مهند عالبنات بغرفة سمر...ومستاااانس لأن هذي اول مناسبه عندهم بالبيت:ماشالله ماشالله عرايس!!
سمر:كلولولولولوش...انت المعرس!!
مهند ويضحك بضحكته المميزه:هههههههه...معرس مره وحده!!....إلا على الطاري وينها العروس؟؟
رهف:دخلت تتجهز..
مهند:والله تهبلون حصنوا أنفسكم
البنات:احم احم
مهند:بس شنو هالبرود بالبيت!!
سمر:كيف يعني؟؟
مهند:شغلوا شي طرب....عشان نحس إننا بمناسبه
ديما:لا احس ماله داعي الدعوه كلها شوفه
مهند:ومن قال؟؟
سمر:أجل شنو؟؟
مهند:عمي مسوي حفله لأنها اول مناسبه بالعيله...يعني لازم يكون فيها هيصه
ديما:دام السالفه كذا أبشر..
وراحت شغلت الإستريو بالصاله اللي فوق ورفعت الصوت عالآخر...
جمانه كانت بغرفتها وسمعت صوت الطق برى وحست بفرحه بداخلها...لأنها تحب هالأجواء...خلصت بسرعه..وشوي إلا الباب يدق..
جمانه:منو؟؟
مهند:جمجوم ماخلصتي؟؟
جمانه:إلا...وفتحت الباب...
مهند شافها...وتفاجا...كان شكلها هادي وجنااااااااااان بنفس الوقت...
كانت لابسه تنوره مخمل طويله لونها بني..مع بلوزه فخمه عباره عن شيفون وردي ..
بهاللبس كانت تبين مرره رزه ومنزله شعرها على اكتافها...ومكياجها مرررررررره خطير

...طبعا لبسها هذا كان بالبدايه بس لحد مايشوفها سلطان وبعدها بتلبس فستان حق الحفله..
مهند:ماشالله تبارك الله....بينجن الولد..
جمانه ومستحيه:ههههه قولتك؟؟
مهند:واللله ابصم لك بالعشره
جمانه:ههههههه

وشوي إلا الجرس يدق...
جمانه:ياويل حالي أكيد هذولي عيال عمي وصلوا..
مهند انا نازل أفتح الباب...

راح مهند وفتح الباب وكانت الهنوف بالواجهه شايله الغطى لأنها كانت متوقعه الخدامه بتفتح وتفاجات بمهند في وجهها
..مهند اول ماشافها لف وعطا الباب ظهره...:حياكم ادخلوا البيت بيتكم....دخل الكل وبعد مادخلوا طلع مهند واستقبل الرجال...
الهنوف كانت مفههههههيه ومتفشله بنفس الوقت..
دخلوا البنات وراحوا لجمانه وبدات الدجه والرقص لحد ماتجمعوا العوئل كلهم..
وجا وقت دخول جمانه ....
طبعا الرجال كلهم كانوا بالمجلس الخارجي...والحريم داخل البيت دخل سلطان بالمجلس الداخلي وجلس ينتظر مهند اللي راح ينادي جمانه
...جمانه من قالوا لها إن سلطان بالمجلس انخبصت وكان بيغمى عليها..وبالغصب اقنعوها تدخل...بالنهايه وافقت تدخل ...<<أكيد بتوافق الدعوه لعبه؟؟
سلطان كان جالس بالمجلس وكاااااااااااااااشخ لآخر درجه محلق الدقن ومزبط السكسوكه وشكله مرره رزه بالثوب الأبيض والشماغ اللي مشخص فيه..وكله كوم وريحة عطره كانت كووووم ثاني...كان جالس عالكنبه ومن التوتر اللي فيه كان مدنق ومتكي على ركبته...فجاه سمع صوت ناعم:السلام عليكم..
رفع راسه وناظرها ووقف وهو متخبل عليها:وعليكم السلام..
كانت جمانه ومهند واقف جنبها...ولأول مره تحس المجلس طويل
مد سلطان يده على أساس يصافحها بالبدايه انصدمت من جرأته بس مدت يدها وصافحته..
وجلست بمكان بعيد بس مومره...سلطان بصوته الرجولي.:كيفك جمانه؟؟
جمانه والحيا ذابحها:الحمد لله
سلطان كان بجد منجن بجمانه....وشكلها وهي مستحيه شي ثاني..
مهند:جمجوم ارفعي راسك خلي الولد يشوفك ولف على سلطان يناظره وكمل: وانتي بعد شوفيه يمكن مايعجبك وتهونين
ضحك سلطان...وجمانه رفعت راسها ولأول مره تشوفه بهالقرب..للحظه جات عينه بعينها وكل عرق بجسمها نبض
ا وعلى طول نزلت عينها وحست إنها ماتقدر تجلس أكثر من كذا وطلعت....:عن اذنكم...وطلعت قبل لا حد يتكلم

أول ماطلعت كانوا البنات ينتظرونها عشان يسألونها عن الاحداث
البنات:هاه بشري
جمانه كانت مييييته وتقلد دعايةclean & clear: هوا هوا بدي هوا وتحرك يداتها
البنات:هههههههههههههههههه
خلود:لهالدرجه خاقه على أخوي؟؟
جمانه وتشم يدها:آآآآآآآآآآآآآآآآآآآآآآه يابنات ورمت نفسها عالكنب...
وجلسوا البنات وجمانه تحكيهم عن الخمس دقايق اللي قضتها جوى..
أما مهند وسلطان رجعوا للرجال بعد ماخرجت جمانه وكل واحد بعالمه سلطان مع جمانه ومهند مع الهنوف..
بعد مادخلت جمانه راحت ولبست فستان الحفله اللي كان لونه ليموني وهاااادي...معطيها نعومه..وشكلها مميز..
البنات يتكلمون...
مرام:وناسه هذي أول مناسبه بالعيله
فرح:جد والله خلونا نهيص!
جلسوا البنات يرقصون ويستهبلون...
سمر كانت بالدور الأول تشرف عالخدامات اللي كانوا يجهزون أغراض القهوه والشاي والحلى و...و...إلخ...
وسمعت صوت الباب حق الصاله اللي يفصل بين قسم الرجال والحريم يدق..
فتحت لقت مهند بوجهها..
مهند:مراحب سمسم
سمر:هلا هنود بغيت شي؟؟
مهند:ياليت تنادين جمانه خالي أبو سلطان يبي يسلم عليها
سمر ومبتسمه:انشالله الحين أناديها..

طلع مهند..
وقبل لا تمشي سمر...دق الباب مره ثانيه
رجهت تفتح وبابتسامه...:هلا..
وانصدمت إن الشخص هو فهد وانحرجت لأنها توقعته مهند...(طبعا الأخ جاي يتميلح يبي يشوفها.)
فهد مبتسم ومنجن على شكلها:..هلا فيك!!
سمر من جد انحرجت..
حس فيها فهد: سمر الله لايهينك أبيك تنادي لي امي...قولي لها أبيها ضروري..((أمك؟؟...إيه هين))
سمر:انشالله وطلعت على طول..
سمر من الربكه نست تنادي امه وطلعت من الدرج عشان تقول لجمانه على خالها ابو سلطان..وهي بوسط الدرج تذكرت فهد..
وجات بترجع وبحكم إنها لابسه كعب عالي..جاها شد عضل وطاحت بالدرج وصرخت صرخه هزت البيت...
الكل جا جري لما سمعوا صوتها..
سمر طاحت من الدرج وضرب راسها بحافة الدرج وصار ينزف واغمى عليها
الكل تجمع عليها
وفهد بس سمع صوتها دخل ولا حسب حساب أحد..
الحريم صاروا يصارخون والبنات نفس الشي
فهد بس شاف سمر طايحه أسفل الدرج والدم عند راسها...كان بيغمى عليه ومن خوفه عليها..راح لها على طول ورفع راسها...حس إن مو من حقه
يمسكها...تركها على طول ويده كلها دم وصرخ بأعلى صوته: نـــــادوا مهــــــند!!!!!!!!!

جا مهند وشال أخته وعلى المستشفى...
جمانه واخواتها كانوا يبكون على منظر اختهم..وامهم راحت معاها المستشفى...الأجواء توترت والكل كان خايف وقلقان...
البنات بعضهم يبكي والباقيين يهدونهم...

أما فهـــــــــــــــــــــــــــد!!!
فهد..بعد ما جا مهند وشال سمر..على طوووول من الصدمه راح للصالون ورمى نفسه على الكنب....وكان متنننننننح(مو مستوعب اللي صار)..يده كانت كلها دم...بس ما انتبه...الشخص الوحيد اللي افتكره وكان يدور عليه بهاللحظه..........هو نفس الشخص والوحيد اللي يدري بمشاعر فهد تجاه سمر.؟.....أكيد عرفتوه.....مـــوضي!!...
دخلت عليه وأخيرآ لقته....كان شكله مو طبيعي...وكأنه منهار....
وبخوف: فهد انت هنا؟؟..كنت أدور عليك
فهد ومازال على نفس وضعيته من نص ساعه رفع راسه لخالته وعينه مليانه دموع...
موضي انصدمت:فهد معقوله تبكي!!
وقف فهد....:خالتي.....شفتيها؟؟؟....سمر......خــ...خالت ي.....(كان منهار ومو قادر يتكلم)
موضي انصدمت من حاله حسته محتاج أحد يحس فيه....قربت منه وضمته لصدرها...وبدأ يبكي مثل الأطفال بالضبط...

موضي بعد ماهدا فهد وبعد عن صدرها وهو يمسح دموعه...:فهد ما أبيك تشيل هم هي طيحه نزيف بسيط وانشالله بتقوم بالسلامه
فهد بعد ماهدا:كانت تكلمني قبل لا تطيح...خالتي كانت بخير!!.....انا خايف عليها......وبصوت مخنوق:أحبها ياخالتي...والله أحبها...

بهاللحظه حست موضي إش كثر فهد متعلق بسمر...جلست تهدي فيه وتفهمه إن المفروض محد يشوفه بهالحاله عشان لايتفسر الموضوع غلط...شوي دق مهند وطمن الكل إن سمر بخير وانهم راجعين بالطريق...
رجعت سمر وكانوا مسوين لها غرز براسها وعلى طول حطت راسيها ونامت....
فهد كان كل شوي يدق على خالته...يحاول يكلم سمر او يسمع صوتها...بس سمر ماكانت بوضع يخليها تتكلم مع اي احد...
فهد يحاول بموضي:خالتي تكفين أبي اسمع صوتها أبي أرتاح
موضي:فهد الله يهداك قلنا لك البنت بخير ومافيها إلا العافيه..
فهد:خالتي والله ما راح أرتاح إلا إذا سمعت صوتها بنفسي
موضي طيب خلك عالخط..
وراحت غرفة سمر...دقت الباب
سمر بصوت تعبان:ادخل..
دخلت موضي:هاه كيفك الحين؟؟...وتحاول تقرب الموبايل عشان يسمعها فهد...بس بدون ماتنتبه سمر
سمر:لا الحمد لله أحسن بكثير بس راسي يعورني مره
موضي:يالله الحمد لله جات بسيطه
سمر:إيه الحمد لله....
وشوي طلعت...
موضي لفهد:هاه سمعتها؟؟
فهد:ياليتها فيني ولا فيها
موضي ومبتسمه:أقول لايكثر....شغلتني..ابي أروح مع خالاتك
فهد:مشكوره يالغاليه معليش أزعجتك
موضي:لا حبيبي عادي بس لاتعيدها
فهد:هههههه تامرين
سكر فهد بعد ماتطمن على حبيبته وقلبه سمر

مهند قال للكل ان الحفله لازم تتكمل عاااااااااادي وخصوصا إن سمر تمام..
وفعلا كملوا الحفله واستااااااااااااااااااانسوا كثير..
عند الرجال..
أبو عادل: فراس...شنو جالسين تسوون هنا؟؟
فراس:أبد جالسين نسولف
أبو عادل:تسولفون ومهند مسكين داخل يكرف..بدل ماتوقفون معاه جالسين هنا انت واللي معك؟؟
فراس عصب:خلاص هذا احنا داخلين
دخل هو ونواف وبندر..يساعدون مهند..
بندر:ههههه تهزأنا والله
فراس ومعصب: هذولي يعرفون يعيشون بدون مايهزاون
نواف:هههه لا الاخ معصب...أقول روقنا
فراس:أي أروق يابن الذين الواحد في عز وناسته إلا ما ينكدون عليه
نواف:أقول قدامي يالله بلا حركات المراهقه ذي
قابلوا مهند..
مهند:هلا شباب بغيتوا شي
بندر:ابد بس إذا تبي مساعده ولا شي..نشوفك مشغول
مهند:جيتوا بوقتكم..شايفين هالأغراض...كلها يبيلها نقل للمجلس...الخدامات يجيبونها لما هنا وحنا ننقلها للمجلس
نواف:أوكي
مهند:فراس الله يعافيك دق على أي أحد يجي يشرف عالخدم أخاف يخبصون الدنيا تعرف خواتي وحده عروس وحده تعبانه
فراس:على امرك
دق فراس على مرام..
ردت مرام وهي تصارخ:هلا فروس
فراس:وجع لا تصارخين وبعدين اطلعي براى عشان تسمعيني زين
مرام:إيش؟؟؟

فراس ويصارخ:أقول اطلعي برى وبعدين دقي علي
مرام:زين زين
طلعت مرام ودقت على فراس:إيه هلا فروس شكنت تبي؟؟
فراس:تعالي انتي وخذي معاك أي أحد فيه هنا اشياء يبي لكم توقفون عليها
مرام:والخدامات شنو يعملون ...أنا مشغوله جالسه ارقص
فراس بحده:انتظركم
وقفل

مرام بنفسها وهي معصبه"أنا هالولد لو اطحن أحشاءه مايكفيني".
.وراحت قالت للبنات..أخذت معاها رهف ولميس وخلود وعهود ونزلوا
رهف تكلم مهند:هاه مهند شنو نسوي
مهند:بس ابيكم تشرفون عالخدم والأغراض ابي كل شي مرتب
رهف:أوكي اعتمد
جلسوا البنات تحت على بال مايخلص تجهيز القهوه بالمجلس..
بندر ينادي: عهود...عهود!!
خلود من سمعت صوته قلبها دق بشكل موطبيعي وانخبصت..
عهود:هلا بندر
بندر وابتسم:مشالله عهوده إش هالحلا؟؟
عهود استانست:إش رايك؟
بندر:قمر والله اسم الله عليك وحواليك
عهود:مشكوووووور
طبعا عهود كانت لابسه فستان حرير بدون أكمام جاي من الصدر لحد الركبه لونه فيروزي مع صندل عالي شوي ينربط على طول الساق ومكياج رااااايق مخليها كأنها ملاك من الرقه والهدوء اللي بملامحها..وشعرها صابغته كستنائي ورافعته على فوق ومنزله منه خصل كثيره ملفوفه بشكل أعطاها جاذبيه..

بندر:المهم مهند يقول الأغراض اللي وصلت آخر شي يبيكم انتوا تنقلوها..ولا الخدم بس توقفون فوق روسهم لان يبيلهم حرص
عهود:وانا شنو يعرفني أي أغراض يبيهم
بندر:اسألي أخواته
عهود:أوكي
طلع بندر وعهود جات بتدخل بس شافت باب المجلس مفتوح..هي أول مره تجي لبيت خالتها وجاها فضول تشوف شكل المجلس وتجهيزات الحفله...
في البدايه خافت أحد من الشباب يجي وهي هناك بس بعدين قالت بنفسها"الواحد بدون مايتهور مايعيش"..ودخلت بس بعد ماطلت من عند الباب...ولماماشافت أحد..تحمست ودخلت..
شدها شكل الأثاث وفخامته ووسع المجلس مع الذوق الراقي اللي فيه..مع الإضاءه الصفراء..وأكثر شي شدها شكل السفره بالأرض وعليها أنوااااااع وأصناف من الأكل...
ناظرت المكان بانبهار..لحد ماتفجأت بصوت رجولي مألوف نوعا ما:نواف...جيبها لهنا..
ولما لفت كان شخص تعرفه زين..صار لها معاه أكثر من موقف..حست رجولها ماتشيلها لما شافته وخصوصا إنه معاها بنفس المكان ولوحدهم بدون ماينتبه لها..وكانت تقول بنفسها"ليه هالشخص بالذات"...خقت على شكله كان مره رزه بالثوب الأبيض والشماغ..اللي معطينه شكل رجولي بحت..
سبق وقابلته أكثر من مره بس هالمره أول مره تشوفه بالثوب والشماغ...دق قلبها بسرعه لدرجه إنها خافت يكون سمع صوت قلبها..
لا والطامه الكبرى شويتين ودخل شخص ثاني..كل هذا وهيه بآخر المجلس ولا أحد منتبه لها لأنه مررره كبير..
نواف شايل الأغراض ومعصب:الله يرجك رجا مبرحا ساعدني بدل ماتتأمر علي
فراس:ههههههه لا معليش انت الكبير انا جسمي مايتحمل
نواف يتريق:يااااي...مايتحمل قال...أقول عن الدلع الماصخ وامش معي..
فراس:زين زين..برتب هذولي واجيك
نواف ومازال معصب لأنه انكرف:لا تتأخر عشان ما أتوطا ببطنك
وطلع
فراس ويضحك بهدوء بشكل يخقق:هههههههه خبل
ورفع راسه وانصدم باللي يشوفه

عهود طاح قلبها..
فراس منصدم من شكلها أو بالأصح خاق..شافها مرتين قبل وهذي الثالثه
وبكل مره يشوفها تكون أحلى من اللي قبل..تم يناظرها فتره..عهود لما شافت نظراته لها حست بتأثيرها عليه
فقررت ترد له حركته..مشت من آخر المجلس لما عنده وكانت تمشي بكل هدوء وهي رافعه راسه وتناظره بغرور...
وصلت عنده وقفت شوي ناظرته من فوق لتحت وهي بتذوووب بس مابينت...وبكل غرور لفت براسها عنه ومشت
قبل ما تطلع كان فراس مداه يستوعب إن هذي نفسها اللي شافها بسيارته يوم الرحله ونفسها اللي هزأها ببيتهم..
مانسى اسمها..اشلون ينساه ومحد مأثر فيه وقالب كيانه وعافسه غيرها..ناداها بنفس الغرور قبل لاتطلع: عهـــــود!!
لفت عهود بكل برود وناظرته باحتقار وبصوت طاغي عليه الدلع الرباني:نعم
فراس كان وده بهاللحظه يبتسم لأن شكلها كان جناااااان كان وده يقولها حصني نفسك تراك ملاك...
بس تفاجأ بنفس الصوت بس بزيادة غرور:أستاذ فراس..تبي شي؟؟...ترى موفاضية لك
فراس كان وده هالمره يذبحها"شنو يعني مو فاضيه لي...هين انا اوريك"
..ميل فمه بسخريه وناظرها من فوق لتحت وقال وهو يحرك أصابعه ويأشرعليها:الحين انتي عاجبك شكلك كذا؟؟؟
عهود حست إن الحرب توها بدت ولازم هالمره هي اللي تنتصر...بهدوء ناظرت نفسها واستوعبت انها مو متغطيه
رفعت خصله من شعرها كانت على وجهها وناظرته بنظره كلها ثقه:إش فيه شكلي مو عاجبك؟!!!!...
فراس هزته نظرتها الواثقه ولما جا بيرد...قالت قبل لا يتكلم بغرور ممزوج بدلع:مايهمني رايك عجبك ولا ماعجبك مافرقت معاي
.. منت ولي امري عشان تحاسبني وإذا مو عاجبك...هه...4 جدران والأرض خمسه وإذا ودك بالسادس تراه فوق وتأشر عالسقف..
وطلعت وتركته...
بهالوقت كان نواف داخل ومعصب وتقابل هو وعهود بالمدخل..مشت عهود ولا انتبهت له
لأن فرحة الإنتصار على فراس كانت مغطيتها ومخليتها ماتشوف إلا قلبها اللي يرقص من الفرحه
دخل نواف على فراس اللي كان واقف مكانه ومعصصصصب وواصل ضغطه الألف"هذي شايفه نفسها على شنو مغروره ومتكبره على شنو...اش لون تتجرأ وتكلمني بهالأسلوب..جد اني غبي اشلون سكت لها ليه مارديت وكسرت خشمها...غبيه!!...بس هين الأيام بيننا ياعهود"
نواف اللي عصب من فراس اللي كان بعالم لوحده:فـــــراس!!!!
فراس وتوه انتبه لنواف:هلا
نواف:لالالا رايح فيها...أكيد يحق لك... بس مو منك !!..من الملاك اللي كانت هنا..
فراس عصب لما عرف ان نواف شافها:اش قصدك؟
نواف:والله منت بهين..ماشالله ولا ملكات الجمال مزيون وطحت بمزيونه
فراس وصل حده من نواف اللي له ساعتين يمدح فيها:نوافوه كل تبن وضف وجهك ترى مالي خلقك!!!
نواف:الحين ليه معصب لو فيه واحد يحق له يعصب فهو أنا مب أنت...وبعدين وينك؟؟..ما أشوفك رتبت شي ولا جالس تسولف مــ.....
قاطعه فراس:اوووه صدق فاضي
مشى وتركه
نواف:الحمد لله والشكر استخف الولد الحين أنا اش مسوي له
نواف عصب لأن الكل مستريح وهو أنكرف..
أما فراس..طلع برى وركب سيارته وراح بعيييييد في مكان كله مخططات جديده والمكان ظلااااام
وقف سيارته وجلس هناك يفكر في اللي صار كان مررره مقهووور لأنه مومتعود إ أحد يتحداه
وكل تفكيره بهالوقت اشلون يكسر خشم عهود ويخليها تموت بترابه

أما عهود...كانت مبسووووطه وتررررررقص من الفرحه وكل إحساسها بالإنتصار وفرحتها طلعتها في الرقص
والكل لاحظ حماسها الزايد مع إنها ماتعرف للرقص الخليجي بس كانت تعرف تقلد مزبوط..
خلود ولميس كانوا جالسين مع بعض كلعاده..حكت خلود للميس كللل اللي صار في الفتره اللي فاتت
واعترفت لميس لخلود بكل مشاعرها تجاه اخوها محمد..
خلود:إكشخ يعني طلعتي تحبين اخوي؟؟؟؟
لميس:مو أكيد حب بس أحس إني أحب أشوفه وأحب أسمع أي شي عنه حتى لوشي بسيط
وأذكر مره دق على بيتنا يسأل عن مجود ورديت وبس سمعت صوته عورني بطني وانقلب كياني فوق تحت ..
يعني أحس إني أميل له كثير واتوقع هو بعد
خلود:إيه حتى انا حسيت..
لميس:جات ببالي فكره!!
خلود:الله يستر من أفكارك...هات
لميس:إشرايك نروح نشوفهم؟؟
خلود:إشلون؟؟
لميس:إنتي نادي أخوك محمد وكلميه وأنا بجي عندك قلك بالغلط واسلم عليه وأكيد هو بيتميلح كالعاده
خلود بإنفعال:إيوه إيوه..وانا؟؟
لميس تفكر:وانتي وانتي..وانتي نفكر بعدين
خلود:لالا ياحبيبتي الحين الحين وماني متحركه من هنا قبل لا تفكري لي بطريقه
لميس:أوكي لقيتها
خلود:هات يأم الأفكار
لميس:افتحي موبايلك وشوفيه...خخخخخخ
خلود:هاهاها ياثقالة الدم!!!...توني قايلة لك انا ما أشوف صوره إلا مره كل اسبوعين
لميس وتغمزلها:ياشيخه عادي لزوم التمرد
خلود:لا سوري ما ابي إلا أشوفه عالطبيعه
لميس:طيب إش يدريك يمكن يجي مع محمد
خلود:اوكي ممكن بس لو ماجا
لميس:عليه أنا لو ما جا أخليك تشوفينه بس اخلصي
خلود:أوكي طيب اش أقول لمحمد الحين
لميس:يوووووه ياخلود..انتي كلش تسألين ماتقدرين تشغلين هذا؟؟..وتأشر على راسها
خلود:لموووو والله مافيني انتي ماشالله الأفكار جاهزه عندك
لميس:اوكي..قولي ...قولي,.إيه..إسأليه إذا محتاجين شي ولا شي...قلك نخوه زايده
خلود:أوكيشن...يالله مشينا

راحوا لميس وخلود عند باب الرجال...حصلوا هناك عهود ورهف ومرام وآلاء...
خلود تهمس للميس:والله الظاهر مافي مجال
لميس بنفس الهمس:لا تقووووولي!!!....يعني أفكاري كلها راحت أدراج الرياح
خلود:اقول بلا أدراج بلاهم تعالي البنات فالينها واحنا عقولنا مع المهبل ذولي
لميس:أحترمي نفسك...لا تعممين
خلود:أقول لا يكثر
وراحوا للبنات اللي كانوا مخلين أشرطة الأغاني والطق وجالسين يطقون على طاوله عند مدخل الرجال وآلاء ترقص ومرام تغني
..والهنوف وفرح يزغرطون..والبقيه يصفقون بس كان وناسه..
جات ديما:اللللللله ذكرتوني بأيام المدرسه
ودخلت ترقص مع آلاء.
اما حلا فكانت مشغوله تدور على باسل اللي تقول إنها اشتاقت له... وشذا وجمانه كانوا جالسين عند الحريم
عادل وخالد ومهند وعبود وفيصل كانوا ناويين يدخلون عشان يشرفون عالقهوه بشكل نهائي
دق مهند على امه تسوي له طريق
أم مهند:هلا هنود
مهند:هلا فيك يالغاليه
أم مهند:هههه اخلص شعند تراني مشغوله
مهند:لالا حركات عقبال انشالله ماتنشغلي بزواجي
أم مهند من قلب:يااااااااااااارب
مهند:هههههه فديتك يالغلا أقول بس أبيك تسوين لنا طريق نبي ندخل عند القهوه..
أم مهند:ادخلوا مافيه احد البنات داخل عند الإستريو محد يمك<< ماتدري إنه من زود الفلاحه البنات تركوا لإستريو واشتغلوا طقاقات
مهند:اوكي مشكوره يالغلا
مهند بعد مقفل يكلم الشباب:يالله الوالده تقول ماكو احد
ودخلوا...
البنات هنا كانوا في قممممة الحماس...

الهنوف دخلت بالرقص مع آلاء..والكل تحمس لأن رقص الهنوف شيييييي...
خالد اول ماشاف هالمنظر طلع أما الثلاثي المرح مهند وعبود وعادل..كانوا مفهييييين...
مهند وعبود في الهنوف..وعادل بآلاء اللي ماعرف إنها آلاء..
الوحيد اللي قدر يتكلم فيصل وبصوت مسموع:ممكن طريق؟؟
البنات أول ماسمعوا صوته انتبهوا و صرخووووا ودخلوا جوى جريييي
الشباب فقعوا ضحك على أشكالهم
مهند وفاقع ضحك:ههههههههه والله حاله
عبود:خخخخخ فله أشكالهم لما انتبهوا لنا تقول شايفين وحوش
عادل:هههههههههههههه بس فالينها بزياده مو؟؟
فيصل:بقووووه
مهند:إلا وينه خالد؟؟
وشوي بدخلة خالد: أنا هنا يابوالشباب
مهند:هههههه فاتك
خالد:فاتني؟؟...الحين على بالي اول مابتشوفونهم بتخرجون ولما خرجت ألف وراي
إلا انتوا كل واحد فاتح فمه شبرين تقولون اول مره تشوفون بنات!!!
الشباب:ههههههههههههههههههههههه
خالد:قايل نكته أنا؟؟؟
عبود:لا سلامتك بس تذكرنا اشكالهم هههههه..<<<جاتهم الحاله
وجلسوا يتريقون ويضحكون وخالد مقهووووور لأنه مايدري شنو صار..

أما عند البنــــــــات
أول مادخلوا قفلوا عليهم باب المقلط وهاتك ضححححك
خلود:واااااااااااااو يابنات أكشن!!!
آلاء:وين أكشن؟؟..دخلوا وانا أهز..

الهنوف:لا وحضرتي معاك
مرام:أما هالشباب يبيلهم تكفيخ كل واحد واقف من جهه ويتفرجون وحنا من زود الحماس موحاسين
دانه:بس أخوي انا مره فري قلك طريق
البنات:ههههههههههههههههههههه
لميس:بس مشالله أول مره اشوفه يجنن
فرح:لاااا دام لميس حكمت فهو حلو
لميس:أحم احم
خلود بنفسها.."مو اجمل من بندر!!"
رهف:بنااااااات أنا اللي مستغربه منه مهند..مو بالعاده يكون فلاوي لهالدرجه
مرام:ولا عادل حتى أحسه دوم رزه
لميس:هههههه شكل عبود قلب روسهم
خلود:هههههه الظاهر...بس اهم شي يجلسون بعيدين عن المعرس اخوي لايخربونه
دانه:على قولتك
آلاء:بس أشكالنا لما شفناهم هههههههههههههه تححححفه
البنات:ههههههههههههههههههههههههههههههههههههههه
عند الشباب..
محمد:اقول مجود ماودك تلمح أحد من هنا ولا من هنا؟؟
ماجد:والله ياليت عزالطلب
بندر:أقول انت وياه ترى بعلم عليكم!!
محمد:لالا ماتسويها..اتوقع انت أولنا
بندر:هههههه يمكن!!
نواف:شرايكم نروح نترزز عند الحريم!!
ماجد:واللللللللللللللله؟؟؟
تحمسوا الشباب ..:يالله
محمد:انتظروا خلنا نعطيهم خبر..
ودق على امه..
أم سلطان:وشو؟؟....تدخلون؟؟....ليه انشالله؟؟
محمد:يممممه نبي نردح
أم سلطان:أقول عن الهبال والله لو يدري عنك أبوك ليلعن خامسك
محمد:يمه نبي نسلم عل امي شيخه
أم سلطان:.....انا بناديها عند الباب وسلموا عليها
محمد حس ان مافيه أمل..لأنه جلس ساعتين يحاول فيها بدون فايده:طيب يالله كلنا بنجي عند لباب
الشباب بعد ماقفل محمد:هاه بشر!!
محمد:والله الوالده راسها يابس..اجيبها يمين تجيني يسار...تقول بتناديها عند الباب
نواف:يعني مافيه امل؟؟
ماجد:ولا سعاد حتى..
بندر بتريقه:هاهاها احد يضحكني شباب مو قادر اجامله وأضحك
ماجد عصب:بندرووووه!!
محمد:يووووه صدق فاضيين إحنا في إيش ولا في إيش
بندر:في إيش
ماجد يرد له الحركه:هاهاها احد يضحكني شباب مو قادر اجامله واضحك
نواف:ههههههه والله انكم مهبل
محمد:أقول انت وياه يالله خلنا نروح نبلغ الشباب
وراحوا وقالوا لهم إن شيخه بتطلع لهم عند الباب عشان الكل يسلم عليها..
وشوي إلا أم سلطان تدق على محمد..
رد:هلا يمه
ام سلطان:جدتك تقول ماتقدر تقوم بنسوي لكم طريق وادخلوا مافيه إلا انا وخالاتك
محمد تشقق من الوناسه:أوكي يمه
وسكر..محمد يكلم الشباب وبنظرة إنتصار: البشاره شباب
نواف قفز وبعيونه لمعه:لاتقول بندخل!!
محمد حرك راسه دليل على الموفقه..
بندر وماجد ونواف قفزوا:يــــــــــــــس!!!!!!
محمد:هههههه الحمد للله والشكر..صدق شفاحه
دق نواف على آلاء..
ألاء:هلا نواف
نواف:هلا فيك ألول
آلاء:خير داق علي موبالعاده.
نواف:أفااااااااااا ألول تقول كذا؟؟
آلاء:والله هذا الي صايرحتى كنت شاكه انك مخزن رقمي
نواف:هههههه لاماعليك.
آلاء:اخلص اش تبي؟
نواف:بس كنت أبي أقلك إني ويا الشباب شوي وداخلين....قاطعته آلاء:وين داخلين؟؟
نواف:عندكم بس............قاطعته للمره الثانيه وشهقت:صدق!!!!!

نواف عصب:آلاء!!....بتخليني اكمل ولا اشلون
آلاء:خلاص خلاص....قول إش عندك
نواف:إيوه....بس نبيكم تحطون لنا شي نردح عليه والله فينا دجه
آلاء:وااااااااو وناسه..لالا هذي يبيلها كميرات عشان نصوركم...اوكي ماطلبت شي
نواف:مشكوره
بلغت آلاء البنات اللي تشققوا من الوناسه وشوي إلا أم سلطان جايه بتبلغهم بالخبر اللي كان بالنسبه لهم قديم..وحذرتهم إنهم يطلعون قدام الشباب..
والكل:سمعا وطاعه<<< اخرطي الحين نشوف الطاعه
جهزوا البنات الأغاني مثل ماقال نواف وكل وحده اخذت لها موقع استراتيجي عشان يراقبون<<حشا ولا قوات الحدود
..وخلود كانت جايبه كاميرة الهنو معاها عشان تصورهم
وجا وقت دخول الشباب
شغلوا البنات الأغنيه وكانت أغنية لراشد...بوصف لكم أشكالهم...
طبعا كللللللللللللل الشباب من اكبرهم سلطان المعرس إلى اصغرهم راكان.. لابسين ثياب وأشمغه..وأشكالهم رزززززه....
سلطان وفيصل ومهند وعادل وخالد...داخلين برزه وهدوء غير عن الخبال اللي من شوي
بدر كعادته يدخل بدون محد ينتبه له او يحس بوجوده بإستثناء عين وحده كانت تراقبه بهاللحظه(ما راح أقول مين)
نواف وبندر ومحمد وماجد وعبود(المهبل) داخلين ويرقصون بس كانوا خطيريييييين
فهد:داخل بملامحه الهاديه والإبتسامه على وجهه وشكله كان مررررره جذاب بس للأسف حبيبته مو موجوده عشان تذوووووب
باسل وراكان كانوا بعالم...داخلين وباسل يعلم راكان شلون يرقص خليجي وأشكالهم تحفه..
دخلوا كلللللللللللهم وراحوا على طول يسلمون على شيخه اللي كانت متشققه وناسه على أشكال أحفادها..وبعدها راحوا يسلمون على خالاتهم..وحده وحده..
كل هذا والبنات يراقبون...عهود:انتبهت لإختفاء فراس وماتدري ليه بلحظه تمنت إنه يكون موجود
خلود:عينها متعلقه ببندر...اللله إش كثر اشتاقتله ولصوته وضحكته
الهنوف:كانت تناظر عبود...عجبها شكله ورزته والأهم من هذا جرأته مع الكل
دانه وفرح:يتهامسون وكل وحده تمدح باخو الثانيه فرح بفيصل ودانه بماجد
لميس كانت خااااااااااااااقه على محمد وبعالم
آلاء وحلا:يناظرون باسل وراكان ويتريقون على أشكالهم
ريماس وأسيل:نفس الشي يناظرون باسل وراكان بس هم يتغزلون
جمانه وشذا:كل وحده تناظر فارس أحلامها وتتنهد
رهف:تناظر بأخوها وتفكر ياترى مين اللي بتكون من نصيبه وفجأه جات عينها على نواف وابتسمت بدون شعور
ديما:ماتدري وين ربي حاطها الحب بوادي وهي بوادي
وبهاللحظه دخل فارس عمهم...
البنات بصوت واحد:كللللللللللووووووووش
وبعدهم الحريم:كلللللللللللللووووووووش
عاد شلة المهبل لزوم الإستهبال عندهم:كلللللللللللللللللللووووووووش
فارس:ههههههههههه يضحك على أشكال الشباب وهم يزغرطون
البنات:هههههههههههههههههههههه
جلسوا الشباب فتره واللي يرقص واللي يتمايل واللي رزه ومكتفي بابتسامه بس اللي من جد فالها فارس لأول مره يرقص عاد البنات والشباب بس شافوه يرقص وهاتك تشجييييع وحماس...ودخلت ديما معاه في الرقص بحكم إنها ما تتغطى عن أي أحد ومعاها ريماس وأسيل وتحمس فارس معاهم...
يعني في هالليله الكل استاااااانس من قلب..باستثناء سمر اللي فاتها كثير وفهد اللي متأثر باللي صار لحبيبته
مانتهت السهره إلا على الفجر...والكل جلسوا يساعدون أم مهند في الترتيب بعد حوسة الحفله
عشان كذا كللللل البنات ناموا ببيت ام مهند ماعدا مرام وشذا لأن أبوهم ما وافق والرجال والحريم والشباب هم اللي رجعوا لبيوتهم...

بعد الملكة في بيت أم عادل
بعد أذان الفجر موضي كانت بالصاله تنتظر ولدها اللي كانت قلقانه عليه وهو ما كلف على نفسه حتى يطمنها
أول ما انفتح الباب لفت أم عادل وهي تتمنى يكون اللي دخل فراس
وفعلا كان هو..
دخل فراس وكان شكله مبهذل ومرهق..الشماغ على كتفه والطاقيه عافسها بيده ووجه كله تعب وإرهاق
وقفت ومشت لما عنده وبحده قالت:وين كنت؟
ناظرها فراس بتعب...:كنت بالشرقيه
خافت موضي:وانت وش موديك الشرقيه
ناظرها فراس وميل فمه بسخريه:هه والله مدري..فجأه لقيت حالي ماسك خط الدمام
عقدت حواجبها وقالت بصوت خفيف:فراس؟...انت فيك شي؟
فراس بخنقه:لا...وهوماشي:تصبحين على خير يمه
ناظرته موضي.."لا الولد مو طبيعي...أول مره أشف فروس بهالحاله...وجهه يبين انه شايل هموم..الله يستر وبس"

بعد اسبوع من الاحداث..وفي بيت أبو سلطان..
الهنوف: خلود...ردي هذي عاشر مره يرن موبايلك
خلود ونفسيتها زفت: هه قلتيها..موبايلي يعني مالك شغل
الهنوف:زين زين يمه ليه معصبه
خلود:يووووووه...الجلسه معاكم تملل..وقامت
دانه بعد ماطلعت خلود:إش فيها خلود موعلى بعضها هالأيام؟
الهنوف:والله ما أعرف يمكن لها اسبوعين وهي كذا بس هالايام بزياده بس أحد يقلها كلمه تعمل مثل قبل شوي
عهود:أكيد صاير لها شي...ماحاولتي تسأليها
الهنوف:هي عطتني فرصه؟؟
خلود بغرفتها..تقرأ مسج توه واصل لها من بندر..(خلود ليه ماتردين علي؟؟...خلود حرام عليك..لو أنا مسوي لك شي قولي موتخليني على أعصابي!!..)
بعد هالمسج قفلت موبايلها وحطت راسها ونامت

عهود نزلت تحت تشرب مويه...لقت بندر بالصاله نايم عالكنبه ويده على عينه..
عهود:بندر!!...غريبه جالس بالفيلا؟؟
شال بندر يده من على عيونه..وبتعب:هلا عهود..لك وحشه تعالي اجلسي..
عهود:لا بس نزلت اشرب مويه البنات ينتظروني بس ماقلت لي ليه جالس بالبيت؟؟
بندر:أبد محمد طلع وقالي أروح معاه بس أنا مالي خلق وسلطان ويا عمي بالشركه
عهود:تدري بندر؟؟...شكلك هالأيام مو عاجبني..لا يكون القلب متعبك وانت ماتتكلم
بندر:لا والله أبدا بس نفسيتي موشي
عهود:اش فيكم كلكم كذا
بندر:ليه مين غيري؟؟
عهود وهي رايحه للمطبخ:لا سلامتك
بعد مادخلت عهود المطبخ دق بندر على خلود لقى جوالها مقفل...عصب وطلع من البيت وهو يلعن الساعه اللي حبها فيها
دق على سامي..رد سامي:هلاااااااااااااااا بندر..هلا والله بعديل الروح
بندر بتعب:هلا صاحب السمو..أخبارك؟؟
سامي:والله تمام انت شلونك صوتك مو عايبني
بندر:لا سلامتك..انت بشرني عنك يالبايع من تزوجت ماعاد سمعنا صوتك
سامي:ههههههه أفا عليك أناأبيع الدنيا كلها ولا أبيع أبو عزوز
بندر:إيه إيه شلخ علي...بعدين حاسب الحين تغار مرتك واروح فيها
سامي:ههههههه لا عاد كلش ولا أبو عزوز تغار أمولتي منه
بندر:هههههه أحلى أحلى والله صرنا ندلع وامولتي ودنيا
سامي:شايف اشلون؟؟...إلا أخبارك مع اللي بالي بالك
بندر:آآآآآه ياسامي خلها على ربك بس
ساي:أفا...ليه سلامات؟؟
بندر:والله من رجعت من الكويت ماسمعت صوتها وماترد لا على مسجات ولامكالمات ولا حتى على المسن...والمصيبه ما أعرف ليه
سامي:لايكون البنت سحبت عليك؟؟
بندر:لا ما أعتقد إذا قصدك إنها كانت تلعب ..لا أنا متأكد..بس ما أعرف شالسالفه..
سامي:الله يكون بعونك..وانت بعد مالقيت تحب إلا هاللي لاعبه بحسبتك لعب..
بندر:عاد شنسوي مو مني من هاللي ينبض هنا..المهم خلنا من هالسيره وقلي انت اش مسوي..ووين ناوي تستقر؟؟
سامي:والله يخوك الوالد يبيني أرد للكويت واستقر عنده هناك..وانا لسا ماقررت بس غالبا بمشي على شوره
بندر:يالله بالتوفيق..عاد أهم شي سمعنا صوتك...وانت لا تقطعنا
سامي:انشالله ومشكور عالإتصال..
بندر:ولو سمو حنا اخوان...سلم عالوالد والوالده وعلى جاسم وطلول والله لهم وحشه
سامي:يوصل انشالله..فمان الله
بندر:فمان الكريم
بعد ماقفل بندر..
.....:بووووووووووو!!!
لف بندر مفجوع:لعن ابو ابليس خذيت عقلي!!
فيصل:هههههههههههه كشفتك منو تكلم!!!
بندر بدون نفس:مين اكلم يعني!!...فيه غيره؟؟...أكيد سامي..
فيصل:عليناااااا...ويغمز....سامي ولا......
بندر:اقول وخر لايجيك كف يلف هالوجه
فيصل:أوب أوب...بندر معصب غرييييبه
بندر:الأغرب روقانك انت..الله يستر
فيصل:ههههههه والله ما اعرف اش فيني يمكن لأني شفت......أمممم أأأأآآآآ.....<<توهق....هههههههه
بندر:إيوه إيوه....اعترف منو ؟؟....كبشتك يالنصاب
فيصل:ههههههههه...هذي الله يسلمك..وحده تربعت هنا..((ويأشر على قلبه))
بندر:ابوووووك يالنصب!!..انت فيه احد يقدر يدخل هنا عشان يتربع بعد!!
فيصل:إيه هي وبس!!!
بندر:إيوه ومين تعيسة الحظ اللي داعيه عليها امها وحظها المقرود جابها لك الله يكون بعونها هالـ........
يقاطعه فيصل:بس بس الله يقطع شرك...بل..!!.. أنا شين هالقد!!!!!
بندر:يووووه مشكله الثقه الزايده...بالله فصول ناظرت حالك بالمرايه
فيصل يفكر:ااممممم تبي الصراحه؟؟...قريب لا
بندر:هنا تكمن المشكله...حضرتك ماخذ مقلب بحالك ومصدق نفسك ان فيه وحده بتطالع بهالخشه وكل هذا عشان ماعندنا مرايه..والله مشكله
فيصل:اقول أقول ترى عطيتك وجه بزياده ماتلاحظ انك من صباح ربي وانت تحش فيني وانا ساكت لك
بندر:لا والله تصدق ماانتبهت!!
وشوي سمعوا صوت يقول:الاخوان مطولين؟؟
لفوا عليه
فيصل:هلااااااا فارس
فارس:هلا فيك لي ساعتين واقف هنا أبي ادخل وانت وياه مسنترين عند الباب تتناقرون
فيصل:ههههههه والله منه هو...الأخ مزاجه مقفل مدري اش عنده قلت فرصه!!
فارس ويناظر بندر بتريقه:يؤيؤيؤ ليه سلامات عسى ماشر
بندر بنص عين وماله خلق:أحد قد قال لكم انكم رايقين زياده عن اللزوم؟؟
فارس:لا والله
بندر:هذاني قلت
فارس:وانت وش حارق رزك...كل هذي غيره؟؟...
بندر:اقول أقول وخر عن طريقي وعطني مفتاح سيارتك ابي أطلع
فارس:والله قوووة عين بس يالله بنعذرك لأنك معصب..خذ يفداك المفتاح وصاحب المفتاح
هنا بندر ابتسم:تسلم والله انك كفو
فارس:إيه كذا ابتسم ترى الدنيا ماتسوى..
مشى بندر وهو يقول بنفسه"إيه وربي ماتسوى.. بدونها"
ركب سيارة فارس ومشى...
دق على فراس ونواف وبدر واتفقوا يتقابلون..
أما فارس وفيصل دخلوا جوى الفيلا وجلسوا يسولفون بالصاله...
نزلوا عندهم البنات..
الهنوف اول مره تجلس مع فيصل بدون ماتتغطى بس حاطه طرحه على شعرها واهو عادي عنده وفالها..
فارس:اقول عهود ماكنك نحفانه زياده؟؟
دانه:هي امتنت عشان تنحف؟؟
عهود:ياااااي يالغيره ماسابت حد في حاله
فيصل:أقول غريبه لكم فتره ماجتمعوا ويا البنات؟؟
الهنوف:والله كلن مشغول بحاله
فيصل:ماتبون تروحون لهم ولا شي
دانه:والله ياليت...ويدق جوال فيصل
ناظر الرقم...هذا أبوي....
نطت دانه:بلييييز خلني ارد عليه....اللله يخلييييك
فيصل:بسم الله الرحمن الرحيم ...خذي
فارس يعلق:صدق شفاحه اللهم اجرنا
ناظرته دانه باتسامه وشمقت وردت:هلا والله بسيد الرجال هلا والله بشيخهم كلهم هلا يبه
أبو فيصل ويضحك:هههههه هلا فيك..كيفكم...والله اشتقت لكم!!
دانه تصارخ:باباااااا وحشتنا مررررره...والله فقدناك وهنا بكت
فيصل:لحووووول صدق دلع
أبو فيصل:والله انتم اكثر كيفكم وكيف امك وأخوانك؟؟
دانه:كلناااا تمااام مو ناقصنا غيرك
أبو فيصل:يالله كلها يومين وانا عندكم..
هنا دانه صرخت..
دانه:جد!!!!
أبو فيصل:ههههههه إيه جد يالله عاد مابطول بس حبيت ابلغكم سلمي على أخوانك وانشاالله أشوفكم
دانه:مع السلامه وقفلت
فيصل:هاه بشري ابوي جاي صح؟؟
دانه:صح!!!
عهود جلست تصررررخ:فديته بابا وحشني
الهنوف كانت مستغربه من تعلق البنات بأبوهم هالقد وتحممممست تشوف اشلون يعامل عياله مررره
فارس:اخيرا بشوف اخوي لي سنتين ما شفته!!
فيصل:خلني أروح أبلغ الوالده بتستانس وطلع وقال لأمه اللي طارت من الفرحه بالخبر
بعد يومين كانوا الاولاد بالمطار ينتظرون وصول أبو فيصل..
بندر نفسيته على ماهي عليه
سلم على أبو سلطان وبعدها على عياله..سلم فيصل ولما جا بندر يسلم على أبوه ضمه بقوووه
استغرب أبو فيصل من بندر بس رجع ضمه...
أبو سلطان:ياهلا والله تومانورت السعوديه والله
أبو فيصل:النور نورك ياخوي
فيصل:يالله عاد خلونا نمشي عشان الوالد يريح
أبو سلطان:يالله
راحوا الكل لفيلا ...دخل أبوفيصل...وشوفوا أنوااااااااااااع الصراخ والتموا العيال حوله ...سلم عليهم وعلى امه وجلس معاها شوي وبعدها طلع يرتاح وأم فيصل كانت تنتظره بالغرفه لأنها ماقدرت تستقبله عشان أبو سلطان...
اليوم الثاني كان أبو سلطان مسوي عزيمه كبيره عزموا فيها كللللل أقاربهم وجيرانهم ومعارفهم..بمناسبة وصول أبو فيصل السعوديه..
في بيت أبو عادل..على العشا
أبو عادل يكلم موضي: بكره جهزوا انفسكم عبد الله مسوي عشا
موضي:وليه شالمناسبه؟؟
أبوعادل:عشان أخوك عبد العزيز وصل اليوم من بريطانيا
مرام شرقت باللقمه:كح كح...وشربت مويه..:جد بابا؟؟
أبوعادل:إيه
شذا:تصدقي ماما دااااايما نفسي أشوف خالو عبد العزيز بس كل مره يجي مانشوفه
فراس:نسخة...........<<كان بيقول نسخة عهود
عادل:منو؟؟
فراس:اممم فيصل ولا؟؟
عادل:لا أبدا ما أحسهم يتشابهون
أسيل:أكيد يشبه راكان
فراس:وليه راكان بالذات؟؟
أسيل انحرجت:.....مدري ...أحس كذا
مرام تبي تحرجها زياده:تحسييين؟؟....علينا؟؟
عادل:مرام!!!
مرام:خلاص سكتنا..هه
موضي وتذكرت سالفه:أقول شذا عهود شفيها هذاك اليوم لما نامت عندنا كأنها متضايقه
مرام تصرف:لا مين قال؟؟
فراس ياكل ولا كانه يسمع وهو طووول الوقت اذنه معاهم
موضي:أنا حسيتها كذا كأنه أحد سوالها شي
أسيل:انا بقلك
ريماس:لالا خليني أنا بقول..
مرام تناظرهم وعيونها بتخرج
ريماس:عشان........
قاطعهم صوت فراس يقوم:الحمد لله!!!
أبو عادل:شفيك ما أكلت؟؟
فراس:لا شبعت الحمد للله
أبو عادل:انت أكلت من الاساس...الله يهديك
فراس:لايبه والله ماكل
وطلع من البيت...
مرام استغربت حركة فراس من جابو طاري عهود قام..
"معقوله لسا مانسى....أحسه حاطها براسه...الله يستر منك يافراس"

في بيت أبو عبد الله الدنيا غير
أبو عبد الله طالع يسهر مع أصحابه وأم عبد الله عند أختها والشباب فاااااالينها

بدر معصب من ماجد وعبود اللي لهم ساعتين يتناقرون فوق راسه
وهو يبي يطالع المباراه وكل ماسكتهم يسكتون شوي ويرجعون يتخاصمون..
بدر:وبعدييييييييين!!!
ماجده:أقول ترى غثيتنا ساعتين وانت تصرخ فوقنا روح غرفتك
بدر:ما أبي ...انتوا اللي ضفوا انفسكم بأي مكان
عبود:لا حبيبي حنا الكبار انت اللي تقوم
بدر:وانا شنو مجنني غير انكم الكبار
جات فرح:شباب أمي توها داقه تبي واحد منكم يروح بيت خالي عبد الله يودي أغراض
هنا قفزوا ماجد وعبود كل واحد منهم يقول أنا
فرح:اسم الله الرحمن الرحيم...اشفيكم حشا تقولون بنوديكم ملاهي
عبود:بلاك ماتدرين....آآآه بس آآآه
فرح:أدري عن شنو؟؟
عبود:اقول عن اللقافه وهات الاغراض أوديهم
ماجد:لا ياحبيبي انت ارتاح وأنا بوديهم
عبود:لا الكبير هواللي يخدم امه
ماجد:والصغير يشيل الحمل عن الكبير
عبود:بس انا حالف مايوديها غيري ما ابي اتعبك
ماجد:لا تسلم تعبكم راحه...أنامطلق مايوديها غيري
فرح عصبت:مطول انت وياه؟؟؟
بدر:فرح...عطيني الأغراض..
عطته فرح
أخذها وطلع بدون مايتكلم
عبود يناظره وهو شايل الأغراض وطالع
وماجد نفس الشي بعدها ناظروا بعض...وفتح كل واحد فمه وصرخ..:آآآآآآآآآآآآآآآآآآآآآآآآآآآآآآآآآ....قههههه ههههر
فرح تضرب كفوفها بعض:الحمد لله والشكر منتو صاحيين
لميس اللي كانت من أول تراقب ومصدومه من اخوانها المهبل:إيه والله قوليه
ماجد متجاهلهم:أقول عبود براسك دجه؟؟
عبود:وبقوه دجه مع قهر
ماجد:طيب اشرايك ماتحس السراميك وصخ بزياده اليوم؟؟
عبود:تصدق والله ملاحظ..
ماجد:عليه اجل..
عبود:طيب خلنا نجنب الأثاث...
حطوا الأثاث اللي بالدور اللي تحت على جنب وبحكم انه مفتح على بعظه أخذو صابوووون ومويه وهاااااااااتك لعب عالسراميك وضحك وتريقه...
أما لميس وفرح...فالبدايه استصابوا من تفكير أخوانهم اللي كأنهم مراهقين أو أطفال
بس بعدها لبسو بجايم وهاتك لعب مع أخوانهم..راح الوقت عليهم وماحسوا فيه مع العب وتفاجأوا بصوت باب البيت ينفتح...

الكل التفت مرعوب يناظر جهة الباب...
انفتح الباب بشويييييييييييش...وفجأه........................... .................................................. ..طرااااااااااااخ
<<شخص طاح عالارض
الكل:ههههههههههههههههههههههههههههههههههههههههههه
بدر:لعن ابو بليسك انت وياه شنو مسوين بالسراميك
لميس وعبود متسدحين ضحك موقادرين يسكتون ماجد اللي قدر يتكلم وشرح لبدر الوضع..
فرح:هاه بدر ماودك تلعب معانا ترى فله والله!!
بدر:جد؟؟
فرح:والله!!...جرب...
بدر يالله...
وبدأوا يلعبون واستاااااااانسوا مرررره وهذي كانت أول مره يختلط بدر بأخوانه لهالدرجه

في بيت أم خالد..
حلا بغرفة آلاء ويسولفون
حلا بقهر:الول تعبت فيه ما اعرف شنو أعمل معاه تصرفاته وتفكيره حق مبزره..موباسل اللي أعرفه..
آلاء:والله انصدمت من تفكيره اشلون يشك بحبك له والله قويه!!
حلا:مو هذا اللي قاهرني!!
آلاء:طيب سامحيه هالمره!!
حلا وتنرفزت:لا مستحيل انا سامحته كثير..كل مره يغلط وانا اسامحه...
آلاء:حلوي... والله راسك يابس...بجد ما اشتقتيله لكم اسبوعين ما تتكلمون؟؟
حلا:آآآآه يا ألول والله بمووووت ماتعرفين إش كثروالهه عليه بس ما أقدر انسى كلامه واسلوبه معاي
آلاء:الله يعينكم هذا وانتوا لسا ماتزوجتوا وتعملوا كذا أجل بعد ما تتزوجون وبعدين أمي غريبه لحد الحين ما قالت لك تغطين عليه
حلا وتضحك:ههههههه والله أنا بعد مستغربه بس يمكن لأنها تعرف لو غطيت عنه بمووووت
آلاء:ههههههه الله يكملك بعقلك
جلست آلاء ترتب غرفتها وحلا انسدحت عالسرير وسرحت بعييييد
بعد فتره:حلا
حلا وهي سرحانه:هممممم
آلاء:مدري ليه أحس إن فهود يحب
جلست حلا عالسرير:جد؟؟؟؟
آلاء:إيه حركات الولد هالأيام غريبه
حلا:زي شنو يعني
آلاء:يعني يسرح كثير يتميلح
حلا:طيب ماحاولتي تعرفين منو؟؟
آلاء:لا لأني شاكه بوحده لو إنه فعلا يحب فهيه وماغيرها
حلا تحمست:منو؟؟
آلاء:سمر بنت خالتي زهور
حلا:نعم!!....بس هي أكبر من فهد بسنتين
آلاء:فهمي القلوب هالكلام!!
حلا:طيب وكيف شكيتي إنها هي
آلأأء:يوم الرحله اللي قبل شهر تقريبا كان يبي يشوفها وطلب مني اخليه يقابلها
حلا:وسويتي اللي يبي
آلاء:إيه عشان يسويلي اللي أبي
حلا:والله منت بهين يافهود
آلاء:ومو فاكره يوم ملكة جمجوم لماطاحت كيف كان شكله؟؟

حلا:لا مانتبهت
آلاء:كان ميت من الخوف عليها بس مدري اللي شفته حب ولا وشو
وشوي إلا الباب يدق
آلاء:منو؟؟
فهد:أنا ادخل
آلاء:حياك...وبعد مافتح فهد:لو كان أدري كان طريت مليون
فهد:يعني كنتو تحشووووون؟؟
حلا:أفاااااااااا واحنا نقدر
فهد:فديتكم والله
وشوي دخل نواف:من ذا اللي تتفدا فيه انت ووجهك
آلاء:لالا مو معقول أخواني مجتمعين!!...يبيلنا حفله والله
حلا:من جد على قولتك
وشوي دخل خالد....الكل ضحك..
خالد:خير انشالله على شنو كل هالضحك؟؟؟؟
فهد..أبد بس لأن من شوي دخلت انا وبعدي نواف واستغربوا البنات وبالنهايه جيت انت
خالد:طيب أنا جاي ابا أقول لكم إننا بكره معزومين ببيت خالي عبد الله(أبو سلطان)..لأن خالي عبد العزيز وصل اليوم من السفر..
حلا:جد والله!!!
خالد:إيه تو سلطان داق علي وقالي وترى كل الجماعه معزومين هناك
آلاء:يعني عزيمه كبيره
خالد:إيه ولف على نواف:انت عندك مشوار اليوم؟؟
نواف:لحد الحين لا...
خالد يناظر فهد:وانت؟؟
فهد:ولا انا كنت مواعد واحد من الشباب وتوه داق يعتذر..
نواف:ليه غريبه السؤال..
خالد:أبد الوالده تقول البنات طفشانين قلت نطلع سوا
حلا صرخت:جد!!!!
ابتسم خالد:إيه وأزيدك من الشعر بيت بنروح الملاهي
آلاء:وااااااااااو أكشن!!
حلا:ماينفع البنات يجون معانا؟؟
خالد واختفت ابتسامته:وانتوا كل مشوار لازم تحشرون البنات فيه هذي طلعه عائليه بكره تشوفونهم..يالله نص ساعه تكونوا جاهزين
وراح الكل يتجهز وبعدها طلعوا...
في بيت أم مهند..
مهند معصب:سمر !!...سمر!!
سمر جايه مفجوعه:نعم
مهند:جهزوا قهوه بيجي عندي ضيوف
سمر:انشالله
جات ام مهند:وخير انشالله معصب
مهند:من الثور اللي برى
أم مهند:منو
مهند:هذا سايق الجيران جا بيوقف السياره ودق بسيارتي
أم مهند:لا حول ولا قوة إلا بالله زين هد اعصابك حصل خير
مهند:الله لا يربحه هالخبل
أم مهند:مهند حرام عليك يمكن ما انتبه...انت الحين هد اعصابك وانشالله شوي والقهوه جاهزه..بس منو بيجي عندك؟؟
مهند:واحد من الشباب....قولي لسمر إذا خلصت تودي القهوه بالمجلس أنا بطلع أبدل
أم مهند:ليه الولد بقي ماجا
مهند:لا يمكن بيتأخر شوي
طلع مهند يبدل....
سمر خلصت القهوه...وراحت توديها للمجلس مثل ماقال مهند
دخلت المجلس وحطت القهوه ولما جات طالعه ضربت بشخص وعلى بالها مهند:آه...اشفيك ما تشوف..؟؟ ولما رفعت راسها إلا شخص ثاني..
عدسات عسليه...رموش كثيفه على عيون ناعسه سكسوكه بأقصى الوجه خفيفه وأنف طويل وحاد..ملامح ببساطه تخقق..
انصدمت سمر من الشخص وماعرفت شنو تعمل..
ابتسم الشخص ابتسامه هاديه ولف وبعد من طريقها عشان تطلع
راحت سمر ترررركض للبيت..وقلبها يدق بشكل مو طبيعي ولعنت مهند جواتها مليون مره لانه السبب بهالموقف..

.................................................. ..........................



نهـــــــــآآآآآآآآآآآآآيـــــــــــة البــــــــــــــآآآآت..

-14-
".. غ يآبك غيّر ألواني ..,
غ يابك أهلك البسمه ..
.. و ترك ل خدودي صفرتها !!
هلاكي سبّته / طآريك ..,
وعين تشوفك .. واستحاله تجيك .. ! "


عدسات عسليه...رموش كثيفه على عيون ناعسه سكسوكه بأقصى الوجه خفيفه وأنف طويل وحاد..ملامح ببساطه تخقق..
انصدمت سمر من الشخص وماعرفت شنو تعمل..
ابتسم الشخص ابتسامه هاديه ولف وبعد من طريقها عشان تطلع
راحت سمر ترررركض للبيت..وقلبها يدق بشكل مو طبيعي ولعنت مهند جواتها مليون مره لانه السبب بهالموقف..

بعــــــــــــد فـــــــتره
مهند وداخل المجلس:يا حيا الله زياد
زياد:الله يحييك
مهند:معليش تأخرت عليك على بالي مطول
زياد:حنا ساكنين قريب من هنا عشان كذا
مهند:ماشالله متى وصلت من الشرقيه
زياد:امس والله وطريت على بالي قلت خلني ادق عليك أشوف نقدر نشوفك ولا لا
مهند:وحدك ولا معاك الاهل؟؟
زياد:لا والله الاهل معاي
مهند:أجل عشاكم الليله عندنا
زياد:لا الله يكثر خيرك مانبي نكلف عليك
مهند:أفا والله انت أخو وغالي يا زياد وأهلك حسبة هلي ووالله مايعشيكم غيرنا
زياد:تسلم والله ماتقصر يالغالي
دخل مهند عند اهله..
مهند:يمــــه يمـــه!!
جات سمر:هلا مهند بغيت شي؟؟
مهند:امي وينها
جمانه وهي نازله من الدرج:أمي تصلي تبغى شي
مهند:قولي لها أهل زياد بتعشون الليله عندنا
جمانه:منو زياد
مهند:هذا خويي من أيام كنا في الشرقيه
سمر:وغريبه جايين؟؟
مهند:جايين يحضرون زواج لقرايبهم هنا بالرياض...يالله الولد ينتظرني لاتنسون تخبرون امي وتجهزون انفسكم
وطلع

بعدها بفتره جوا اهل زياد:
أم مهند:يا هلا والله تو مانور البيت
أم زياد: منور بأهله
أم مهند:وهذي بنتك؟؟
أم زياد:إي وحيدتي ماعندي غير منال وزياد
أم مهند:اله يخليهم لك
أم زياد:وانتي وينهم بناتك؟
وشوي إلا البنات جمانه ورهف وديما داخلين
أم مهند:هذولي هم بناتي ولسا واحد..ولفت على جمانه: وينها اختك؟؟
جمانه بعد ماسلمت على ام زياد ومنال:الحين بتجي بس راحت لمهند يبيها

سمر وهي نازله سمعت مهند ينادي راحت له بالمطبخ:هلا مهند
مهند:اسمعي انا وزياد بنطلع شوي برى نشوف سيارتي أبيك إنتي والخدامه تشيلون الأغراض من المجلس
سمر:أوكي
مهند:يلا الحين حنا طالعين
سمر:يلا
وبعد شوي نادت عالخدامه وقات لا تلحقها للمجلس... راحت سمر المجلس وشالت صحن الشاي وطلعت ولما جات بتدخل الصاله اللي تفتح على قسم الحريم لفت تبي تكلم الشغاله

سمر تجمدت مكانها ماقدرت تتحرك من الصدمه...زياد واقف ويناظرها بإبتسامه تدووووخ...
"ياربي وش هالجرأه وشفيه يناظرني...." احتقرته بداخلها...مادرت انه مفهي فيها ومو حاس بنفسه
دخلت سمر المطبخ وهي تمسك على قلبها وكانت مررررره خايفه...وبعد ماهدت ابتسمت عالموقف وظبطت شكلها ودخلت عند الحريم وسلمت عليهم..
جلسوا لوقت العشا وبعدها تعشوا اهل زياد وراحوا..

في بيت أبو سلطان..
الساعه 3 بالليل..الكل كان نايم ماعدا خلود اللي صاحبها السهر طول المده اللي راحت..

نزلت تحت راحت للمطبخ طول اليوم ما كلت شي..تحس انها تكره كل شي...
ماتبي احد يلاحظ انها متغيره بس موبيدها اللي جالس يصير اكبر من انها تتحمله..

قلبت في المطبخ وفتحت الثلاجه مالها خلق تحضر لها اكل خذت لها كاس مويه وطلعت بالصاله جلس عند التلفزيون...
\
جلست تقلب بالقنوات...واستقرت على قناة اغاني....تكت عالكنبه وظلت تفكر لحد ماغلبها النوم...
عالساعه 4 كان بندر توه راجع من برى...من تركته خلود وهو بهالحاله بس يدور بشوارع الرياض ويدور شي يشغله
...نفسه يرد مثل قبل يكلم بنات ويسهر عشان ينساها بس كل هالأشياء مستحيل تنسيه وحده ينبض باسمها قلبه...
دخل وكان مرهق وتعبان...كان يبي يطلع من الدرج بس سمع صوت التلفزيون وجاه فضول يعرف منو صاحي بهالوقت..
دخل مالقى احد....راح للتلفزيون وقفله..وقفل الأنوار وما انتبه لخلود اللي كانت نايمه عالكنبه..طلع من الدرج...وراح لغرفة محمد يبي ينام
خلود لما طلع بندر على طول جلست...حست قلبها يدق وبيخرج من صدرها....ليه تجيها هالحاله كل ما اقترب منها..؟؟...كان هالسؤال يدور بذهن خلود..
طلعت فوق وهي بالدرج ويدق موبايلها..ماناظرت الرقم لأنها تعرف صاحبه تعودت بهالوقت دايما يدق عليها...
وقف رن وبعدها جاها مسج...مسحت المسج حتى بدون ماتفتحه...
"إيه ياخلود انتي اقوى من انه انسان يتعبك بهالشكل...لازم اكون قويه واتعدى هالمرحله...
لمتى وانا بهالحاله وهو حتى ماحس فيني.."
كلام كانت تقوله خلود بداخلها مع انها هي من جواتها مو مقتنعه فيه
بعد أذان الفجر صلت وحطت راسها ونامت بس بعد ماسوت شي كل يوم لازم تسويه قبل لا تنام ولامستحيل تنام...


اليوم الثاني.....اللي هو يوم العزيمه...ماجا المغرب إلا الكل
جوى الفيلا كانوا البنات فااااااااالينها لانهم من زمان ماشافوا بعض...
البنات كانوا جالسين في الحديقه الخلفيه يسولفون لأن الجو بارد شوي...نزلت عندهم خلود...
خلود:سلام
الكل ناظره بدون مايرد محد مصدق إن هذي خلود...شكلها متغير كثييييير....نحفانه ووجهها اصفر ومبين فيها التعب...

خلود بدون نفس: ترى السلام لله
الكل:وعليكم السلام
وجلست خلود ..
لميس تهمس لخلود: خلوده...إش فيك؟؟
خلود بدون ماتناظر لميس:مافيني شي
لميس:خلود مو علي هالكلام أنا أعرفك أكثر من نفسي...وبعدين ماناظرتي وجهك بالمرايه شلون صاير؟؟...خلود الكل ملاحظ إنك متغيره...لا من جهة صحتك ولا من جهة تصرفاتك...إنتي مو مثل أول شنو اللي غيرك؟؟..إش فيك؟؟
غرقت عيون خلود بس قبل لاتنزل دموعها مسحتها عشان كبرياءها ما ينجرح وردت بغصه:مشتاقتله
لميس:وكل هذا لأنك مشتاقتله؟؟
حركت خلود راسها وبصوت مبحوح:مووووت يالميس
لميس:ليه تركتيه دام إنك مو قد السالفه؟
خلود:لميس مو إنتي اللي تسأليني هالسؤال لأنك تعرفين ليه وتعرفين لو كنتي مكاني شنو بتعملين
وقفت لميس وبتهور:بصراحه خوخه؟؟...اممممم انا بقوله بكل شي
خلود مسكتها من يدها:لموس بطلي هبال لاتهدمين كل اللي بنيته بتهور
لميس بسخريه:إش بنيتي؟؟...صحتك؟؟...ولا نفسيتك الزينه؟؟...ولا شنو؟
وتركت يدها بقوه وراحت جري
خلود قامت ولحقتها...
دخلت لميس غرفة محمد وسكرت على نفسها الباب..
خذت موبايلها ودقت على باسل..
ردباسل:هلا لموس..أنا مو فاضي ولا بروح أي مكان ومالي خلق عشان كذا لا تحاولين وتتعبين نفسك
لميس:يؤيؤ بريك أبو الشباب ما ابي منك شي
باسل:أجل ليش داقه؟؟...تسلمين؟؟
لميس بإبتسامه:يمكن!!
باسل:أقول سري بس
لميس:بس أبي منك خدمه صغنووووونه...ولو نفذتها لك اللي تبي
باسل:اللي أبي؟؟؟
لميس:اللي تبي
باسل:هات وش عندك
لميس:أبيك تنادي بندر ولد عمي عبد العزيز أبيه بسالفه
باسل:احم احم...خير انشالله تبين تقابيلن حبيب القلب؟؟..سوري بس انا مالي في المواعيد الغراميه
لميس عصبت:باسل عن الهبال....ولا حبيب ولا شي بس فيه موضوع لازم أقوله عليه
باسل:علينااااا؟؟؟...موضوع؟؟؟...والله ماتدخل براسي وخصوصا الولد مزيون وانتي مايعجبك إلا المزايين
لميس عصبت زياده:بسول بتناديه ولا اتصرف بنفسي
باسل:لالا بناديه بس قبل ابي أعرف وش تبين فيه
لميس:خلاص مشكور وماقصرت ويعطيك الف عافيه أنا بناديه بنفسي
باسل وبسرعه:لالا لحظه وين تنادينه الجماعه كلهم هنا والقسم كله رجال بناديه بس وين يقابلك
لميس:قوله يروح من ورا الفيلا وبقابله هناك
باسل:انشاااالله بس لا تنسين لي اللي ابي
لميس:طيب بس قوله يعجل 5 دقايق وهو هناك
باسل:طيب يلا سلام

لميس:باي
وسكرت وجلست على السرير...وناظرت بشكل الغرفه...
"ياويلي إش هالدمار...حشا مو غرفه مخزن"...لفت إنتباهها دفتر محطوط عالكمدينه جنب السرير وشكله حلو ومرتب
...خذته من زود اللقافه وفتحته..لقت صفحه مكتوب فيها...


بس أشوفك !!
تضوي البسمة جبيني
ويصبح الكون [ إنتي ]
غصب عني
وغصب عنك
والسراب إلي شربته من سنيني
والأمل يبقى سجيني
ينتظر لحظة أشوفك
بس أشوفك !!
ينطفي هاجس حنيني
كل حبي وكل عمري ملكك [ إنتي ]
صوتك
علامة فارقة
همسك
مراكب غارقة
قبطانها
غمزة هدب
من عينك إنتي
وينتهي كل التعب ... لحظة أشوفك
بس أشوفك !!
أغسل من الدمع عيني
واكتب إسمك يا ظنيني
في إنتظارك ... في إنتظارك
ألمس أطيافك وأضمك
.. بإختياري .. وإختيارك ..
طيف للعالي
رحل بي
طيف قلب
جوا قلبي
آهـ
يانور سنيني .. . لو أشوفك
بس أشوفك !!
نسيني أحلى سنين
وإسقيني من الحب زود
لا تغلي
ولا صدود
لا تقولين الوقت فات
وما تجيني
وتحرمي عيوني ... طيوفك
بس أشوفك !!
أغرف الفرحة بديني
لا تفكري إني أسيبك
وأترك الحلوين حولك !!
لو أسيبك
ياعسى ربي
يجيبك
ويا عساني
ملك إيــــــ........................
ماكملت
قفلت الدفتر معصبه وواصله حدها.....
"لا ويتغزل فيها!!...منو تعيسة الحظ اللي طاح فيها...ولما يشوفها يصير له كل هذا....صدق أولاد آخر زمن ماعندهم سالفه
.....وانا حارقه حالي تفكير فيه وفي خشته من زينه .....<< معصبه"....ووقفت...
فتحت باب الغرفه ببطء وناظرت يمين وشمال ماشافت خلود..
.خذت نفس وراحت جرررررريييي للباب الخلفي حق الفيلا وكانوا البنات لسا جالسين هناك ناظرت ماشافت خلود معاهم
...طلعت وراحت جنب الفيلا تنتظر بندر هناك....
نص دقيقه وجا بندر اللي كان مستغرب...وبإبتسامه طلعت غمازاته...هلا وغلا ببنت العم
ردت لميس بنفس الإبتسامه:هلا فيك إشلونك بندر
بندر:بخير الله يسلمك انتي شلونك؟؟
لميس:تمام ماشي الحال...
بندر:غريبه الأخت طالبتني ومناديتني خير انشالله أكيد لاقيتلي عروس صح؟؟
لميس بنفسها"وجع هالعيال مايفكرون غير بالعرس" ابتسمت:لااا عاااد إش دعوه شكلك مستعجل؟؟ إذا تبي بدور لك
بندر:لا أبد والله ولا مستعجل ولا شي اساسا حتى لو جبتي لي عروس مابعرس غير على اللي هنا ويأشر على قلبه
لميس"الله لو تدرين ياخلود":ومنو سعيدة الحظ اللي هنا....اخبرك حق لعب مو حب
بندر:اووووهوووو هذا زمان بس من بعدها صرت أشوف الدنيا قلوب
لميس:اووخص...طيب ماقلت منو؟
بندر بتعب:آآآآآآخ بس....خليها يالميس...
لميس حست إن حالة بندر مو أحسن من حالة خلود وإنه هذا الوقت اللي المفروض كل شي ينكشف ولا إثنيناتهم بيتعبون فقالت:
امممم شوف فيه سالفه أنا سكت عنها كثير وأحس إن هالوقت المفروض تعرف فيها...لأاني مليت وانا أشوف كل شي قدامي وساكته
بندر استغرب من كلامها ومو فاهم ولا شي:شقصدك؟؟
لميس:شوف بصراحه؟؟...أنا أبيك تعرف الــبنت اللي............................................
عند البنات خلود:بنات حد شاف لميس؟؟
حلا:إيه راحت من هنا
راحت خلود جري
لميس:اممممم......شوف....أنا......
قطع عليها صوت خلود اللي كانت جايه جري ويالله تاخذ نفس:لميس.....إنتي هنا...وأنا...ادورك....
ناظرتها لميس وبعدها ناظرت بندر
هنا خافت خلود إن الموضوع يكون إنكشف....لفت بسرعه تناظر بندر تشوف ردة الفعل...ناظرهم بندر وهو موفاهم شي
بندر بإبتسامه:هلا خلود..((هنا راحت ابتسامته<< تذكر خلود حبيبته))....
خلود ولسا نفسها مقطوع من الجري:هلا...فيك....شلونك بندر؟؟ ((لماقالت اسمه حست بكهربه بجسمها))
بندر بحزن:بخير
خلود بغصه:دوم
لميس حست إن الجو متوتر وممكن خلود باي لحظه تنفجرفيها فانسحبت بدون محد يحس فيها..
خلود بتوتر وبدون ماتحط عينها بعينه:لميس شنو قالت لك؟؟
بندر ابتسم وبعدها ضحك...:هههههههه
خلود تنهدت"زماااان على هالضحكه الله شكثر اشتقت لها" وابتسمت
بندر:ماقالت لك؟؟
خلود:شنو؟
بندر:امممم بس لاتقولين لها إني قلت لك
خلود:أوكي بس شنو؟؟
بندر:هي قالت لي سالفه ومن السالفه استنتجت إنها تحب
خلود بصدمه:لميس تحب؟؟
بندر:إي
خلود بإبتسامه: منو؟؟
بندر:انا
خلود حست الأرض تدور فيها وتمنت بهاللحظه تنشق الأرض وتبلعها...صحاها من صدمتها صوت بندر:الوووو خلود
خلود:هلا
بندر:هلا فيك...وين رحتي؟؟...
خلود بإبتسامه:معاك
بندر:طيب ماسألتي منو؟
خلود:منو إيش؟؟
بندر:خلود إش فيك؟؟...من الصبح وانا أتكلم وانتي بس تسالين متأكده إنك معاي
خلود:إي
بندر:امممم لميس تحب محمد أخوك..
خلود:نعم؟؟؟....مو من شوي تقول إنها تحبك
بندر:ههههههههه إي بس بعدها قلت لك امزح....راحت ابتسامته وهو يقول:تدرين خلود؟؟
خلود وهي داخله جو:هممم
بندر بإبتسامه وبصوت هادي:ياحظ اللي تحبينه...ماخذ عقلك وبقوه...
خلود نزلت راسها...قرب منها بندر وبهدوءه اللي دائما يوترها: خلود إش فيك؟
رفعت خلود راسها وجات عينها بعينه وعلى طول لفت وقالت بدون ماتناظره:مافيني شي انا رايحه ومشت حتى قبل مايتكلم..
استغرب بندر بس ظل مبتسم وتنهد"الله يرجعك لي ياخوختي"

نرجع لخلود راحت للبنات وكانت لميس جالسه هناك....وقفت خلود فتره تناظر لميس ولميس خاااايفه وتناظرها...
صرخت خلود وراحت للميس جري وضمتها وجلست تصرخ وتضحك...
لميس وهي تضحك:خلوووود إش فيك؟؟؟....شنو صار؟؟؟
خلود بهمس:لموسه بجد ثانكس
لميس: قلتي له؟
خلود:لا بس كلمته وسمعت ضحكته وسمعت صوته وشفته ماتبين أستانس؟؟
لميس:دوم ياخلود زمان على هالضحكه
هنا دخلت مرام:هي هي إنتي وهيه....خير انشالله؟؟...من الصبح وانتوا حركاتكم مو عاجبتني خير؟؟
خلود بإبتسامه:لموس عذال عذال...ماعليك
لميس:ههههه إي إي صح
جمانه تصرخ من بعيد:بنااااااااااااات تعالوا بنلعب يلا
البنات:يلا وراحوا يلعبون...
جمانه:شوفوا بنلعب لعبة الحكم...بنلف العلبه اللي يجي عليها هالطرف تختار
يا تنسال سؤال وتجاوب بصراحه يا ينحكم عليها والطرف الثاني هي الي تسأل وتحكم..
البنات:طيب يلا..
لفوا العلبه وجا طرفها الأول على حلا والطرف الثاني على مرام
مرام بضحكة شر: اختاري يا حلا وكل الخيارين احلاهم مر
حلا بثقه:حكم أوف كورس
مرام:اممم طيب....حكم ....حكم.......إيه.....؟أبيك تروحين تبوسين باسل
حلا بإعتراض:عاد قلنا حكم بس حكم زي الناس مو هذا....مصاخه والله
مرام:والله هذا اللي عندي تبين ولا تفضلي
حلا تناظر البنات تبي أحد يتكلم بس الكل عاجبه الوضع ^_^
حلا وبتبكي:طيب حنا متزاعلين من أسبوعين...تبوني فجأه أروح أبوسه
مرام:إيه نبيكم تتراضون!!!
حلا وخلاص وصلت معاها الدمعه:بس هو اللي غلط اروح انا اراضيه؟؟؟
خلود:طيب مرومه خلاص خليها بتنفذ الحكم بعدين
مرام بإصرار:لا الحين يعني الحين
حلا: بقهر طيب يامروم يجيك يوم
مرام:^_^
أسيل:بنات إّّذا حد حكم علي أبي مثل هالحكم ^_^
مرام :أقول عيب يابنت@_@
أسيل:إي بس عندي عيب أما حلا حلال عليها
مرام:هذا خطيبها
حلا:اقول انتي وهي العبوا على ما اجيكم
مرام:لالا لازم نشوفك إش يضمن لنا إنك بتنفذين؟؟؟
حلا:وإنشالله قصدك بنفذ الحكم قدامكم؟؟...لا استحي
مرام: طيب بنرسل معاك وحده
حلا: طيب انا بختار
لميس بترجي:حلااااا اناااااااا بليييييز
حلا ابتسمت:طيب لميس يلا
وراحوا

حلا:لموس حبيبتي بليز قولي لهم إني نفذت
لميس:^_^ لا انا جايه معاك أبي اشوف
حلا ومعصبه:طيب ناديه!!!
دقت لميس على باسل وقالت له يجي
جا باسل مستغرب و لما شاف حلا ويا لميس توتر

لميس بإبتسامه:أقول بسول...اممممم حلا بتعطيك شي
باسل فوق راسه(؟؟؟؟؟؟؟)
حلا وخدودها متورده ومنحرجه حدها:باسل....امممم
قاطعها باسل:عنونه
ابتسمت حلا بدون ماتناظره وتوردت خدودها زياده:امممم البنات حكموا علي أجي و.......
باسل ومبتسم للميس اللي تغمز له:أها؟؟
حلا: ويعني............امممممم.......
باسل حس فيها:منو حكم عليك؟؟<< يبي يسولف
حلا"يوووه إش فيه هذا مو شايفني منحرجه لا وبعد يدقها حنك وياي"..: مرام
باسل:اهاااا مراااام
حلا:طيب....
باسل يناظرها ينتظرها تتكلم
ولميس هي اللي مستانسه ^_^
باسل:خلاص حلوي إعتبريه تنفذ
لميس بإعتراض:لا مايصير...حنا حكمنا ولازم تنفذ...
باسل بتحدي:وإذا مانفذت؟؟؟
لميس:مابتلعب معانا
باسل:طيب عز الطلب ما ابيها تلعب وياكم...أنا أبيها.. إلا إذا هي ما تبي تجي وياي...وناظر حلا
حلا:لا أكيد أبي أجي << تتهرب
لميس ومقهوره:طيب يا حلا عند مرام وراحت
باسل:تعالي نطلع فوق
حلا بإستغراب:وين فوق؟؟
ناظرها باسل وابتسم ومسك بيدها وأخذها جري لما السطح حق الفيلا

لما وصلوا
حلا وهي يالله تتنفس: بـ..باسل....حرام عليك....تعبت....
باسل وهو نفس الشي: سلامتك.....من.... التعب.... تبين مويه؟؟؟
حلا:فيه هنا؟؟
باسل:لا فيه تحت بالمطبخ
حلا:مابنزل
باسل:انا بنزل....خليك هنا
وراح جري للمطبخ وأخذ علبتين مويه وطلع لما عندها
باسل من التعب جلس عالأرض:ها...خذي...وهذي...مويه...حق...حبيبتي...حلا
حلا:باسل؟؟...لاتتكلم خذ نفس
ابتسم باسل ومسكها من يدها وجلسها جنبه..
شرب مويه وهي بعد شربت وجلسوا ساكتين شوي..
باسل:حلوي
حلا:ها
باسل:لسا زعلانه مني؟؟
ابتسمت:لا
باسل:ماوحشتك؟؟
حلا:موت
باسل:مو كثري يالغلا
حلا:متأكد؟؟
باسل:إي وبقوه
ابتسمت حلا..
باسل:اثبتي
حلا:أثبت شنو؟؟
باسل:إنك مو زعلانه ولاشايله علي
حلا ببرائه: شلون؟؟
باسل بخبث:والله انتي وشطارتك

نرجع للميس...أول مادخلت عند البنات...
البنات:ها لموس إش صار
لميس ومعصبه:طردوني..
آلاء:خخخخخ والله قويه اختي
فرح:لموس إش صار بوسته ولا لا
لميس:لا طبعا
خلود:مالي شغل أجل ماتلعب معانا
لميس بتريقه:هه إشبه يهمها...دامها مع حبيبها خلاص نستنا واللي خلفونا
عهود مبتسمه:وانتي ليش معصبه؟؟
سمر:حاسدتهم؟؟ ^_^
رفعت راسها لميس: لا والله
خلود:احم احم...لاحد يتكلم عن الحب...وتر حساس عند لميس...خخخخ
الهنوف:هههه ليه؟؟
خلود:هي تعرف
لميس عصبت:إنتي وهيه خلاص!!....
خلود همست للهنوف بإذنها
الهنوف:ههههههههههههه
خلود:شايفه؟؟
الهنوف:فديتها حماتي المعصبه
الكل: حماتك؟؟...هههههههههههههههههههههههه
لميس عصبت:وبعدين؟؟؟؟؟؟؟؟؟
فرح:خلاص بنات
شذا:اموت واعرف مين هاللي دخل مزاجها هالبنت ذوقها صعب
دانه:ماسمعتي الهنوف تقول حماتي؟؟؟؟
شذا:هههههههههههه إييييييه صح
لميس قامت معصبه:يووووووه محد يجلس معاكم..
رهف:والله شكلكم زودتوها عليها
خلود:ماقلنا غير الصدق
ديما:صدق تحب سلطان؟؟
لفت عليها جمانه معصبه:ليه ماعندهم اخو غير سلطان؟؟؟؟
ديما:يمه وليه معصبه؟؟
دانه:هههههه اشتغلت الغيره
جمانه انتبهت لحالها وانحرجت
البنات:هههههههههههههههههههههههههه

نروح للميس..راحت عند الحريم وجلست معاهم...سمعتهم يتكلمون عن الزواج...
أم سلطان:هذا سلطان وضمنا له جمانه.....باقي محمد...
أم عادل:الله يوفقه ويلقى بنت الحلال اللي يبيها
أم سلطان:أحس إنه حاط بباله وحده بس ماعرفت منو؟؟
أم عبد الله: ولا تحاولين تعرفين لأنه مابيقول...زي عبود مدري هالإيام يلمح لطاري العرس
وكل ما أبي أعرف وش بباله يتسحب لحد مايطلع من السالفه
لميس"هذولي وين ما اروح ما اسمعهم يتكلمون إلا عنه؟؟؟؟ يووووووه"
راحت المطبخ تشرب مويه وهي فيها بكوه...
وهي تشرب جا من وراها :بوووووووووووو
طاحت الكاسه وانكسرت ولميس لفت مفجوعه:وجع!!
محمد:هههههههههههههه سوري خوفتك؟؟؟
لميس ارتبكت:أي
محمد بهدوء:آسف
لميس ذابت عليه وجات بتتكلم..
ميري:هازا موهمد سوا سوا أوساما...بيبي مافي يسير كبير....
وتشيل القزاز حق الكاسه وهي معصبه....هازا ولد ماينفع زواز هازا لسا بيبي
محمد فقع ضحك:هههههههههههههههههههههههههههههههههههههه
لميس" حتى الشغالات ماعندهم غير سيرة الزواج...ياااا ربي شنو اسوي بحالي انا... انتحر؟؟؟؟"
محمد:الحين انا مو حق زواج؟؟...خخخخخخ....لو أبي اتزوج بتزوج سواء كنت بيبي ولا رجال
لميس بعصبيه:الله يوفقك
وجات بتطلع من المطبخ وماحست إلا بيد محمد تمسكها...لفت وناظرته...
عيونه كلها جاذبيه وحنان...بس كل هذا مادخلها جو...
لميس بعصبيه:وجع !!...شيل يدك...!!
محمد بجديه:سوري وشال يده....بس كنت أبي أقولك شغله.... وسكت شوي وبعدها نا ظرها: إذا الله يوفقك مو طالعه من قلبك لاتقولينها...
وطلع من المطبخ
لميس هنا من جد كان ودها تبكي خلاص ماعاد تتحمل إذا هو نفسه ماحس فيها شلون بيحسون اللي حواليها
...بس هنا خذت قرار وهو إنها تمحي محمد من بالها...وتدعي ربي يوفقه مع اللي يحب من قلبها...
"اشلون أدعي له يتوفق مع غيري؟؟...محمد لي انأ!!...احبه...أنا اللي احبه مو غيري"
دخلوا حلا وباسل المطبخ وهم يضحكون:ههههههههههههههههههههه
لميس:وخير انشالله انت وياها تضحكون؟؟
باسل:يؤيؤ هذي لسا معصبه؟؟
لميس:كل تبن قد راسك
وطلعت
حلا:مو طبيعيه لميس اليوم
باسل:بقوه
حلا:يلا باسل الحين اكيد عمي يدور عليك
باسل:إي والله بينغسل شراعي
حلا:سوري باسل
باسل:فدى هالعيون حلوي عادي قلبوو...
وسحب خدودها وطلع
تنهدت حلا ورجعت للبنات..
جا وقت العشا وتعشوا الناس وراحوا بس العيله ظلوا سهرانين ببيت أبو سلطان لما الفجر وبعدها كل واحد راح لبيته..

اليوم الثاني ببيت أبو عادل
مرام كاااااااااشخه لأخر درجه ماشيه بالبيت وتغني:بلا حب بلا وجع قلب..وش جانا من ورى هالحب...غير الالم غير التعب وش جانا...
يــاناااااس...انا مابي............
فراس راااايق شاف مرام وصفر:إش هالحلاوه مرام
ابتسمت مرام:يسلموووو...كلك ذوق
فراس:غريبه كاشخه ورايقه...تحررت فلسطين؟!!
مرام: لا ماسمعت والله...بس البنات بيجون عندي
فراس:ومين البنات؟؟
مرام:عهود ولميس وآلاء وخلود ورهف وسمور
فراس:اهااا
ومشى
مرام استغربت من اخوها...مو طبيعي...بالعاده يعلق...يناقر...يسوي أي شي قبل لا يطلع والحين...(اهاااا) وطلع

في بيت أم خالد..آلاء تتجهز عشان بتروح حق مرام...وفهد نايم ونواف يكشخ عشان بيطلع يرقم بالمجمع..
وخالد بالدوام...فجاه سمعو صوت ضربه قويه...
وبعدها:يمـــــــــــــــــــــه !!!.................. يمـــــــــــــــــــــه!!!
آلاء:حلا روحي شوفي اخوك اش يبي؟؟..ليه يصارخ؟
قامت حلا...ومن راس الدرج..:هلا خلود تبي شي؟؟؟
خالد وكأنه ما شافها:يمــــــــه.....يمــــــــــــــــــــه!!
طلع نواف معصب:خير انشالله ليه تصرخ؟؟ شتبي؟؟
خالد سفط على نواف ورجع يصارخ:يمـــــــــــــــــه !!...يمـــــه!!
طلع فهد من غرفته وشكله مبهذل لأنه كان نايم وبصوت كله نوم:خلود وجع ابي انام إش تبي؟؟
خالد باعلى صوته:يمـــــــــــــــــــــــــــــــــــــــه!!! !!!!!
آلاء طلعت هي وأمها بنفس الوقت....أم خالد واقفه براس الدرج والعيال كلهم نفس الشي....
أم خالد:نعم خالد ليش كل هالصراخ؟؟
خالد بهدوء:يمه...(سكت شوي وبهدوء اكثر).....أبي اتزوج
الكل:ههههههههههههههههههههههههههههههههههههههه
أم خالد:نعم؟؟
خالد ببطء:يمه..أنا... أبي.. أتزوج!!
أم خالد: كلللللللوووووووووووووووووش ....أخيرا مابغيت...هذي الساعه المباركه والله
خالد بهدوء ومبتسم:لحظه مو هذا اللي أبيك تباركين لي عليه...
أم خالد: اجل؟؟
خالد:خالي ابو سلطان سلمني إدارة فرع الشركه بالدمام....ولدك يا يمه صار مدير الشركه بالدمام...
أم خالد:كللللللللللللللللللووووووووش
البنات صرخوا وفهد ونواف نفس الشي....الكل نزل يبارك لخالد...
أم خالد:ابشر وأنا أمك من بكره بكلم خالتك موضي وندور لك عروس
خالد:لا يمه لا تعبين حالك ولا تدورين أنا اللي ابيها وحده ماغيرها ..أبيك تكلمين خالتي موضي مو عشان تدور معاك
أم خالد: أجل؟؟
خالد:ابي شذا بنتها
آلاء وحلا:كللللووووووووووووووش
نواف وفهد يغنون ويرقصون:ومباركين عرس الإثنين ليلة ربيع وقمره...
آلاء:على كذا انت اللي بتوديني لهم
خالد:إبشري بس اخلصي بسرعه...واصحي يوصل لهم خبر
آلاء:أفا عليك..لاتوصي

في بيت ام عادل اجتمعوا البنات عند مرام...ماعدا عهود وخلود..تأخروا شوي لأن مافي أحد يجيبهم
في بيت أبو سلطان..
خلود معصبه لأنهم تأخروا وتكلم السواق:وينك انت؟؟
السواق:انا في شركه حق بابا...بابا يقول انا مافي يتهرك من هنا
خلود:زين
وبعد ماسكرت:افففف
عهود:ها بشري
خلود:رشيد ( إسم السواق) بالشركه ابوي يحتاجه هناك
عهود:طيب والحل؟؟
خلود:مدري سلطان مو هنا بالشركه ومحمد طالع هو وفيصل مع ماجد
عهود:يعني سيارة محمد هنا؟
خلود:إي سيارته هنا بس وش الفايده...حتى باسل مو هنا هو بعد طلع..
عهود وكأنها لقت الحل...طيب دقايق وطلعت من الدرج وهي تركض
خلود:على وين؟؟
عهود من بعيد:دقايق انتظري

راحت عهود لغرفة محمد فتحت الباب وكانت الغرفه ظلااااااااااااام وبارده زي الثلج من التكييف..
شغلت النور وراحت لما عند بندر اللي كان نايم وبصوت خفيف:بندر....بـــندر حبيبي قوم....بندر
بندر وينقلب عالجهه الثانيه:هممم
عهود:بندر بليز قوم صار لك 6 ساعات نايم كفايه...قوم
بندر بصوت كله نوم:عهود شتبين؟؟
عهود:امممم نبي نروح بيت عمتي موضي ومافي احد يودينا غيرك
بندر:..........................<< نايم
عهود:بندر قوووووووووووم
بندر ومزاجه مقفل:افففف.......وجلس...:ها قمت...
عهود فرحت:يلا نبيك تودينا بلييييز
بندر بتريقه:وبشنو أوديكم إنشالله... بسيارتي؟؟
عهود:لا سيارة محمد موجوده وهو طلع ويا الشباب..وشوي ويدق موبايل بندر...
ناظر الرقم ورد:هلا أبو حميد
محمد:وينك يا دب...كل هذا نوم؟؟...حشا
بندر بصوت كله نوم:لا كاني صحيت
محمد:طيب اسمع...خذ مفتاح سيارتي بتلاقيه بالدرج والحقنا انا ويا الشباب
بندر:ليه منو عندك؟
محمد:كلنا هنا...أنا وماجد وعبود وفصول ويعني الشباب كلهم والبقيه بيلحقونا
بندر:وين انتو طيب؟؟
محمد:حنا بكرنيش الدمام
بندر:وانا شنو يعرفني اشلون أجيكم؟؟
محمد:إسمع مر على فراس وخله يجي وياك تعرف مابيجي بسيارته يخاف عليها وهو بيدلك
بندر:اوكي
محمد:لا تتأخرون عجل
بندر:طيب توصي على شي؟
محمد:إيه الله لايهينك قول للهنوف تجهز لي بدلة رياضه لأني جاي هنا بالثوب قالك بارتز
بندر: أوكي مع السلامه
محمد:فمان الله

بعد ماسكر بندر ويناظر عهود: إنتي لسا هنا؟؟.... خلاص روحي الحين بجيكم باخذ لي شاور سريع وبنزل
عهود بفرح:أوكي ثانكس
وقبل ماتخرج من الغرفه بندر:قولي للهنوف تجهز بدله لمحمد
عهود:الهنوف مو هنا طلعت هي ودانه وراحوا للسوق...بس بقول لخلود
وطلعت

نزلت عهود تركض واول ماوصلت تحت عند خلود اللي قفلت معاها صرخت:يـــــسسسس!!!
خلود:شسويتي؟؟
عهود:بندر بيودينا!!
خلود عورها قلبها من جا طاريه:بندر؟؟
عهود:إي كان نايم وصحيته وقال بيودينا
خلود:وغريبه وافق؟؟...اخبر الشباب يرفعون ضغطك عشان يطلعونك
عهود:لا بندر غير فديت قللللبه
خلود:يلا زين
عهود:بس تبين الصراحه الظاهر اخوك محمد دق عليه وقاله يروح لهم بسيارته عشان كذا وافق..
خلود:هههههه إي قولي كذا
عهود:إلا على طاري محمد..بندر يقول إنه دق عليه يبي بدلة جهزيها وعطيها بندر
دق موبايل خلود..ناظرت الرقم...كان بندر
بنفسها"لسا عندك امل يابندر؟؟...آآآه الله يعين وعطته رفض"
بندر"ليييييييييييييييييييه؟؟...ابي اعرف ليه؟؟..سوي اللي تبين بس قوليلي ليه؟؟"
وشوي سمعوا صوت بندر يكح وهو نازل:كح....كح....عهود
عهود:انا هنا تحت
نزل بندر وشاف خلود وعهود بالصاله ولأنه توه صاحي من النوم مزاجه مو رايق وبدون نفس:شلونك خلود؟
خلود وقلبها يدق بشكل فضيع من ريحة عطره:تمام
كان لا بس بنطلون جينز خصر نازل وتي شيرت اسود ماسك عليه وفيه كتابه بالظهر بالأبيض
لابس جوتي اسودبخطوط خفيفه بيضاء وشعره لسا مبلل مويه بس شكله (خطييير وخصوصا إنه مو رايق)
بندر ومعقد حواجبه:بس انتو بتروحون؟
عهود:إي بس حنا
بندر:وامي وخالتي وينهم؟
عهود:ويا دانه والهنوف كلهم بالسوق
بندر وهو يفتح باب الفيلا:كح...كح... أنا بالسياره وطلع

خلود بخوف حاولت تخفيه:عهود اخوك تعبان؟؟
عهود:شكله بس يستاهل كان نايم ومو لابس بلوزته ومقوي المكيف عالأخر ماتبينه يمرض؟
خلود:طيب روحي له وانا بجيب بدله لمحمد وبجي
عهود:أوكي
وطلعت لبندر اللي كان جالس بالسياره ومشغل الإف إم على أغنية راشد ( ويلاه) وداخل جوووو مع كلمات الأغنيه
عهود لما ركبت السياره وشافت ملامح بندر مبين مو رايق أبدا سلمت وجلست ساكته
وبعدها جات خلود ونفس الشي....وطول الطريق وخلود عينها بالمرايه وتناظر بندر اللي شكله مو معاهم بس بجد كانت خااااااااقه عليه..
وصلوا بيت ام عادل..
بندر:عهود سويلي طريق بدخل اسلم على عمتي
عهود:طيب
ونزلت ويا خلود
دخلوا بيت ام عادل....
مرام:اخيرآ؟؟....مابغيتم!!
عهود:والله من جد مابغينا لولا الله ثم بندر
مرام:يعني بندر اللي جابكم؟؟
عهود:إيه
وسلمت عالبنات هي وخلود
لميس تهمس لخلود وهي تسلم عليها:مع بندر ها؟؟
ابتسمت خلود...
عهود:إي مرومه قبل لا انسى..اممم بندر يبي يسلم على عمتي وينها؟؟
مرام:امي فوق الحين بتنزل...وقفت مرام براس الدرج وبأعلى صوت..:يمه...يمــــه!!
موضي:هلا مرومه
مرام:يمه وينك البنات كلهم هنا...وعهود تقول بندر يبي يسلم عليك
موضي:طيب قولي لفراس يدخله على ما أجي
مرام:يووووه بعد أكلم فراس؟؟
وطلعت وهي معصبه..
وهنا البنات كانوا يسولفون لما انفتح الباب ودخل عادل...:شذا....شذا!!
وانتبه للبنات اللي جالسين بالصالون واول ما جات عينه على آلاء اللي هي بعد جلست تناظره....
عادل:...أحم...شلونكم بنات؟؟
البنات تمام....لميس:وانت عدول شلونك؟؟.<< تقط على طول
عادل: بخير الله يسلمك...اممم شذا وينها<< وعينه على آلاء
البنات:فوق لسا مانزلت
عهود:ليه بغيت شي؟
عادل:إيه الله لايهينك اطلعي ناديها ابيها ضروري
طلعت عهود ومرام نازله
مرام:على وين؟؟
عهود:عادل يقول يبي شذا روحي ناديها
مرام:يووووه أكره ماعلي طلعات الدرج هذي
عهود بتريقه:ليه تخافين ينزل وزنك؟؟
ناظرتها مرام بحقد:لا بس ما احبها... تتعبني
عهود:زين ولانها تتعبك ارتاحي وانا بطلع اناديها
مرام ومستانسه:فديت قلبك يلا انا بنزل
طلعت عهود وهي مبتسمه..ولما وصلت عند غرفة فراس تذكرت الموقف اللي صار لها...
وابتسمت وسرحت...انفتح الباب وهي سرحانه وماحست إلا بريحة عطر فراس اللي بعدها طلع فراس من غرفته..وانصدم...
عهود:كانت لابسه تنوره قصيره لتحت الركبه كلوش لونها اسود...مع بلوزه بدون اكمام تنربط عالرقبه لونها احمر وماسكه من عند الخصر...وحاطه مكياج خفيييف وشعرها محطوط عالجنب...<< شكلها جنااااان
فراس أول ماشافها حس قلبه يخفق...سمى عليها بنفسه...وباستهبال لانه كان مروق:منو انتي؟؟<< قالها بابتسامه يبي يرفع ضغطها
عهود هنا ارتبكت اول مره فراس يكلمها بهالطريقه عادة يكون حاد معاها..وشكله بعد وترها زياده وقلب كيانها وبصوت يالله ينسمع:شلونك فراس
فراس أول مره يسمعها تنطق إسمه<< خق...: تمام
وبجديه: بس لسا ماعرفتك عشان أسألك شلونك؟
عهود "هذا اشفيه يستهبل ولا من جده ....يمكن من جد ماعرفني عشان كذا يتكلم معاي باسلوب تمام...لالا إش ماعرفني ..أكيد يستهبل....يوووه يرفع الضغط...أكرهه"
فراس:صعب سؤالي لهالدرجه يحتاج تفكير؟؟
عهود بغرورها المعتاد:مو شرط تعرف منو أنا..مايهمني تعرفني..خلك باللي بمستواك!!
فراس هنا انرفع ضغطه"شوف هذي شلون أكلمها وشلون ترد علي..أنا أوريك!!..":إي صح...إنتي مو من مستواي...خلني اروح ادور احد يليق بمستواي وش لي اطالع تحت..!!
عهود ولعت "شنو يطالع تحت؟؟..صدق وقح"..هنا عهود تذكرت شي..:تدري حامد شيقول؟؟...
فراس وبسخريه :هه منو حامد؟؟
عهود وبثقتها اللي دائما تهز فراس بس مايبين:هذا شاعر اسمه حامد زيد وكلامه حكم...
يقول( احسن دوا للي يحاول يستفزك تحقره) وانت مالك إلا الحقران...

ومشت وتركته وللمره الثانيه هي اللي تنتصر
وراحت لشذا وقالت لها تنزل لعادل..
نزلت ام عادل وسلمت عالبنات وهنا جا عادل<< يتميلح عشان آلاء.
عادل:يمه بسرعه بندر يبي يسلم عليك يقول مستعجل حتى مارضى يدخل...ولف على شذا:شذو خلاص لاتسوين قهوه مابيدخل
موضي: خله يدخل والبنات بيتغطون...وفعلا تغطوا البنات ودخل بندر وسلم على عمته وعلى البنات واخذ فراس وطلعوا
موضي تكلم البنات:يلا بنات انا بترككم تاخذون راحتكم
مرام:يمه خلي بعض الناس( ورفعت صوتها) يجيب لنا أغراض
عادل اللي طالع من الدرج وعرف إنها تقصده:بعض الناس عندهم دوام بالليل ويبون يرتاحون
موضي:سمعتي؟؟...اخوك يبي يرتاح وقامت
مرام مدت بوزها
آلاء:خلاص مرومه ماله داعي...خليه يرتاح
لميس اللي كاشفتها:وانتي وش محنن قلبك عليه؟؟
آلاء ارتبكت:هاه...ولد خالتي وبمقام اخوي ماتبيني احن؟؟
( عادل هنا كان لسا واقف بالدرج يبي يسمع صوتها وانصدم لما قالت بمقام اخوي)
طلع غرفته وتنهد وهو متضااايق"يعني هي ماتعتبرني اكثر من أخ وانا ميت فيها ولاهي حاسه....آآه منك يا آلاء"

عند البنات كانوا رهف وسمر وديما توهم داخلين:سلاااااااام
خلود:هلا والله وغلا
مرام:كان قعدتم شوي بعد
رهف:والله مهند بالكود جابنا يقول مستعجل يبي يلحق عالدمام
مرام:أي دمام؟؟
سمر:الشباب كلهم راحوا الدمام مجتمعين عن الكورنيش ليه عادل مابيروح؟؟؟
مرام:يقول عنده دوام...شكل ماعنده خبر
ديما يعربجه..:أقول انتي وهي وين حلا واسيل وريماس
شذا:جمانه ما جات؟؟
ديما:لا تعبانه شوي
شذا:ليه سلامات؟؟
ديما:مدري جنبها من الصباح يعورها
شذا:ياااقلبي انا بروح ادق عليها وطلعت فوق
ديما تكلم البنات اللي شغالين سوالف:هييي مروووم من الصبح واقفه هنا...اخواتك وينهم؟؟
مرام:بغرفتهم ولا برى يعني وين بيكونون؟؟
مشت ديما بدون ماتتكلم
رهف:إلا قولوا لي منو هاللي توه طالع ويا فراس أخوك؟؟
لميس:هذا بندر ولد عمي عبد العزيز
ورهف لفت على عهود:هذا اخوك؟؟!!!!

عهود:أي
ابتسمت سمر:وااااااو ماشالله مزيوووووون واجد ويجنن
عهود:أكيد!! ..احم احم يشبهني
آلاء:لا جد عهود...اخوك بندر احسه اجمل واحد ماشالله وسيم مره..و بمياعه:وااااي يخقق
مرام:فديته ولد خالي جعله من نصيبي
البنات:هههههههههههههههههههههههه
خلود هنا غلى دمها يتغزلون بحيبها قدامها"حبيبها؟؟" اول مره تفكر ببندر من هالناحيه....يوووه ....طردت هالأفكار من راسها..
لميس تدقها بهمس: هدي يابنت الناس...يمزحون ترى
لفت لها خلود وناظرتها بنظره تقتل..

لميس:يؤيؤ...آه بس لو يدري عنك
ابتسمت خلود...
آلاء تناظر البنات:انتوا مو ناويين تجلسون؟؟
رهف وسمر:إلا حبيبتي كانا جلسنا
وشوي بصوت عادل نازل مستعجل من الدرج..:بنات تغطوا
مرام شافته:على وين؟؟
عادل:خبري أمي وقولي لها اني رايح الدمام ويا الشباب
مرام وتدق بالكلام:والدوام؟؟
عادل:يووه مرام انتي قولي لها وبس
وقبل لايطلع عطى آلاء نظره مافهمتها بس حست إنها ما تطمن
لميس تكلم عادل اللي مستعجل:أقول عدول مايصير اجي وياكم؟؟ وتناظر آلاء
عادل حس إن لميس كاشفته
وبتريقه رد:اقول انثبري هنا
وطلع
بعد ساعه جا فارس عند البنات:مرااااااااحب
البنات:هلااااااا فرووووس وراحوا يسلمون عليه
مرام بعربجه:أقول فروس؟؟..وينك ماعاد تنشاف؟؟
فارس:والله مدري اش فيني هالايام من الشركه عالبيت انام واصحى اروح ويا ربعي وانام واروح الشركه وكذا
لميس:آآآآه بس لو اني ولد كان لا اشتغل بشركه ولا اعور دماغي عالفاضي
فارس:اجل الحمد لله منتي ولد
عهود:غريبه فروس جاي هنا؟
فارس:أولا جاي اسلم على موضي لي اسبوع ماشفتها وثانيا رحت الفيلا ماكوا احد وش يجلسني هناك
آلاء:وليه مارحت ويا الشباب
فارس:منو الشباب؟؟
رهف:عيال اخوانك منو بعد؟
فارس:ليه وينهم؟
خلود:والله شكلهم سحبوا عليك
فارس:لا جد وينهم؟
خلود:بالدمام..عند البحر
فارس:جد والله؟
مرام وتبي تفتن:إي...شفت عيال اخوانك؟؟؟...لو إنه حنا كان اول من فكرنا فيه انت
فارس:فديتكم والله..
وبقهر:بس هين أنا أتصرف معاهم..هم اكيد ماقالوا لي عشان ما اقول لأبوانكم بس إما ربيتهم
لميس:الله وناسه!!...وش بتسوي؟
فارس:بنتظر لما أتاكد إنهم كلهم وصلوا هناك وبخبر ابوك وعمك عبد الله وهم بيلعنون خامسهم..
سمر:كفو والله عمي فارس
فارس:وععععععععع لا تقولي عمي...احس إني كبير وانا توني شباب
آلاء:يتهيالك إنك شباب...شوي بتصك بالثلاثين
فارس:طيب حتى بظل شباب
رهف:أقول فروس؟؟...انت مو ناوي تتزوج؟؟
فارس:لا...يوووه انتوا يالحريم ماعندكم غير طاري الزواج
عهود:فروس تعال عندنا ببريطانيا وبدور لك وحده شقراء تنسيك الدنيا باللي فيها
فارس لمعت عيونه:والله؟؟
عهود:إي
مرام:أقول أقول...سوها وشوف وش يصير...إما أقول حق امي شيخه...وتوقع عاد وش ردة فعلها
...وانت خابرني ما اوصل اي شي زي ماهو لازم ازود من هنا ومن هنا
فارس ويغمز لعهود:عهود...بعدين بيني وبينك هنا فيه عذال واجد...اللهم حوالينا ولاعلينا
عهود ومبتسمه:اوكي
وظلوا يسولفون مع فارس لما الساعه 12 بالليل وبعدها شغلوه سواق ووصل كل وحده لبيتها
..طبعا فارس سواها ودق على اخوانه وبلغهم بفلة الشباب اللي اغلبهم مكنسلين دواماتهم بالشركه..
ابو عبد الله عصب ودق عليهم وقالهم يرجعون على طول...فارس هنا استتتااااااانس وحس بالإنتصار<<نذل!!
بعد اسبوع من الأحداث...كلمت أم خالد اختها موضي بخصوص خالد وشذا واتفقوا يجون يخطبونها رسمي بعد ثلاثه أيام..
وفعلا خطبها رسمي والكل كان مستانس ومبسوط وأولهم شذا اللي أخيرا تحقق حلمها وبتاخذ الشخص اللي تتمناه...
وتحددت موعد ملكة جمانه وشذا بنفس اليوم بعد أسبوع..والزواج بعد الملكه بشهر..........................................

نهآآآآآآآآآآآآآآآآآآآآآآآآآآآآآآآآية البآآآآآآآآآآآآآآآآآرت

-15-
"[ غيابي ] .. كان مو ب ايدي خذاني الحظ من صوبك !
جبرني الوقت أتناسى لأجل بـ الخير تذكرني"





كلمت أم خالد اختها موضي بخصوص خالد وشذا واتفقوا يجون يخطبونها رسمي بعد ثلاثه أيام..
وفعلا خطبها رسمي والكل كان مستانس ومبسوط وأولهم شذا اللي أخيرا تحقق حلمها وبتاخذ الشخص اللي تتمناه...
وتحددت موعد ملكة جمانه وشذا بنفس اليوم بعد أسبوع..والزواج بعد الملكه بشهر




شذا:بعد اسبوع؟؟
أبو عادل:إي بعد أسبوع
شذا:بس يبه مو كنه بدري؟؟...مايمديني اتجهز
أبو عادل:والله يابنتي عارفين انه بدري بس عيال خالك عبد العزيز بيسافرون وخالك ابو سلطان يبيهم يحضرون
شذا:الله يعين


في بيت أبو سلطان..
ابو سلطان يكلم امه:يمه...انا حددت ملكة سلطان على جمانه بعد اسبوع يوم الخميس الجاي ويا خالد وشذا
شيخه ومستانسه:الله يبارك لهم انشالله
أبو سلطان:اللهم آمين
وهنا دخلوا ابوفيصل وفارس بنفس الوقت:السلام عليكم وراحوا سلموا على امهم
أبو سلطان:محمد(أبو عبدالله) قال لكم عن موعد الملكه..؟؟؟
ابو فيصل:إيه من شوي دق علي وقالي وبيجي عشان يسلم على الوالده..وخبرته
نزلوا البنات خلود والهنوف ودانه وعهود وسلموا على أعمامهم وجلسوا معاهم
شوي الجرس يدق...قامت الهنوف تفتح الباب
الهنوف:هلا والله عمي...وتسلم عليه...
ابو عبد الله:هلا هنوف شخبارك؟
الهنوف:الحمدلله
ابو عبد اللله:ابوك هنا؟؟
الهنوف:إي واعمامي كلهم....ادخل عمي حياك
دخل ابو عبد الله وسلم على امه وعلى اخوانه كلهم...
وجلسوا حوالي ساعتين يتكلمون عن الملكه بعدها كل واحد راح لبيته...


بنفس اليوم في الليل الشباب جالسين بغرفة محمد ويتكلمون
بندر:حركااااات يامعرس...مستانس ها؟؟
سلطان:اكيد!...عقبالكم انشالله
الكل سكت وكل واحد سرح مع اللي بباله...وما صحاهم إلا صوت ضحكة سلطان...:ههههههههههه
فيصل:اسم الله عليك منت بصاحي ...على شنو كل هالضحك؟؟
سلطان:هههههههههههههههههه
ممحمد:لا والله انهبل اخوي
بندر:ههههههه اول مره اشوفه يضحك بهالشكل..
سلطان بعد ماسكت وبابتسامه:ابصم لكم بالعشره ان كل واحد منكم يحب له وحده
محمد وفيصل ارتبكوا..
بندر وبنفس الإبتسامه:إيه انا احب بس انت وش عرفك يالخبير؟؟
سلطان:انتوا ماشفتوا اشكالكم يوم اقول عقبالكم كل واحد راح بعالم حتى رد مارديتوا
الشباب:هههههههههههههههههههههه
سلطان:بسرعه الحين ابي اعرف كل واحد مين يحب اخاف يكون واحد منكم حاط عينه على مرتي ولا شي
فيصل:من ناحيتي تطمن انا بعيييد عنها
محمد:حتى انا
بندر يبي يهبل بسلطان ناظره وسكت..
سلطان:وانت يا ابو الشباب
بندر:مو لازم تعرف....خلاص حتى لو انها هي.. فاتتني بتصير لك
سلطان خاف:بندر تكلم منو؟؟
بندرويتصنع الحزن:قلت لك ماعاد يفيد الكلام..!! (وغمز لمحمد وفيصل)
سلطان انقلب وجهه
بندر:سلطان؟؟
ناظره سلطان بصمت
بندر:تحبها؟؟
سلطان منو؟؟
بندر:منو بعد..جمانه!!
سلطان: إي
بندر يبي يوقعه:شنو إي؟؟
سلطان بشوية عصبيه:إي احبها واموت فيها..!!
ابتسم بندر:عليك بالعافيه انا بعيد حييييييل عن مرتك
محمد وفيصل:ههههههههههههههههههههههههههه
لف عليهم سلطان:خير انت وياه؟؟
محمد:خخخخخ انتقمنا
سلطان:طيب اوريكــــــــم!!
وبحركه سريعه سحب فيصل ومحمد ورماهم فوق السرير وقفقز فوقهم وهاتك ضررررب فيهم..وهم يضحكون...
وبندر كان متسدح ضحك على أشكالهم لما دخلوا عليهم البنات...
وقف كل شي....بوصف لكم
محمد وفيصل فوق السرير وسلطان مكتفهم الإثنين وجالس فوقهم وبندر واقف على جنب يناظر في البنات....
لحظات صمت...
وشوي:هههههههههههههههههههههههههههههههه
عهود:الحمد لله والشكر استخف الولد وهو لسا مااعرس
الهنوف:لا صدق منتو بصاحيين
دانه:هههههه فصول شكلك تصفقت من المعرس
خلود:.................صمممممممت<< وجود بندر يربكها
وفجأه سمعوا صراخ راكان:يمــــه....سلطان.....فيصـــل...عمي عبد الله....
طلعوا كلهم براس الدرج يشوفون شالسالفه...
طلع ابو سلطان:خير انشالله؟؟
راكان وهو ياخذ نفس وبصوت يالله يطلع:بــ...باسل
سلطان:اش فيه باسل؟؟
راكان :سوى...حادث...


بعد ساعتين..
في المستشفى الكل واقف بممر المستشفى ينتظرون الدكتور يطلع عشان يطمنهم على باسل..
انفتح الباب وطلع الدكتور...الكل عينهم عليه ينتظرون شنو بيقول...
ابو سلطان:ها بشر يادكتور...؟؟
الدكتور ووجه مايطمن:انا مش عارف أؤلك إيه..هوه دخل بغيبوبه ..ومحتاق دعواتكم..!!
...
خلود انهارت والهنوف اغمى عليها وام سلطان حالتها حاله..
والكل متأثرر باللي صار لباسل...واكثرهم...راكان..


في بيت ام خالد..
دخل خالد البيت مفجوع...راح لغرفة امه دق الباب
ام خالد:تفضل
خالد ووجهه مخطوف:يمه..!!
ام خالد حست:إش فيك؟؟...شصاير؟؟
خالد:باسل ولد خالي عبدالله... صدم بسياره عند بيتهم وهو بالمستشفى وداخل بغيبوبه
ام خالد شهقت ودمعت عينها:لا حول ولا قوة إلا بالله...
وبعد شوي تذكرت حلا...
ام خالد وهي تبكي:خالد يمه قول لأخوانك لايخبرون حلا...اخاف يصير فيها شي..!!
خالد:انا قلت حق نواف وفهد بس الاء ماقدرت لأنها جالسه ويا حلا
ام خالد:يمه خالد خذني المستشفى ابي اشوفه واتطمن عليه
خالد:خالي ابو سلطان يقول مانعين عنه الزياره اليوم بكره انشالله ابوديك
ام خالد:طيب روح قبل لايوصل الخبر لآلاء وتعرف حلا
خال:انشالله
طلع وراح للصاله وجلس مع البنات...
خالد:حلا حبيبتي قومي جيبي لي كاس مويه
حلا:يووووه خلود بليز ابي اشوف المسلسل
خالد:حلا قووووومي
حلا:وعينها بالتلفزيون قول حق الخدامه
خالد:انتي تعرفين ما احب اخذ شي من الخدامات
آلاء:حلو قومي وفكينا!!
حلا ومعصبه:زين زين كاني قمت...
قامت وهي تتحلطم
واول ماراحت..
خالد بصوت واطي:الول...(ماسمعته)...ألـــول..!! ...
ولما لفت عليه:سمعيني عدل...باسل ولد خالي مسوي حادث وهو بالمستشفى الحيـ...........................
هنا شهقت آلاء وسمعت صوت شي ينكسر ولما لفو
لقوا حلا واقفه بالصاله وحاطه يدها على فمها وعيونها مغرقه دموع...


مشت لعند خالد ومرت من فوق القزاز ولا همها....
حلا بصوت ممزوج بدموع: إش..اش فيه..بــ..باسل؟؟
خالد مسكها ولمها لحضنه وبحزن:إدعيله ياحلا..!!
هنا انفجرت حلا بالبكي وظلت اكثر من ربع ساعه تبكي بحظن خالد وبعدها بعدت عن حضنه شوي وقالت:أبي أشوفه..
خالد:حلا خالي يقول مانعين الزياره عنه
حلا بإصرار:خالد انا ..ابي أشوفه...!!
خالد:بس ياحلا.....
قاطعته بصراخ:خالد انا بموت!!...
وبصوت واطي:بموت لوفقدته وانا ماشفته...
وببكي:خالد ابي اشوف باسل..!!
آلاءاللي كانت تبكي قامت ومسكت حلا وضمتها
بعدت عنها حلا وهي منهار:اتركيني ودوني لباسل...ابي اشوفه....انتوا ماتفهمون؟؟؟
خالد:حلا حبيبتي اهدي...ولف على آلاء:روحي جيبي عبايتها ابوديها
راحت آلاء وجابت عباية حلاو طلعوا...


بالمستشفى حلا كانت تمشي بالممر وتشاهق..وصلوا للعنايه المركزه...
لقى هناك كل عيال عمه...ومعاهم ام سلطان والهنوف...وام فيصل..
حلا ناظرت الكل وعيونهم عليها..لفت على خالد وبهمس:ابي اشوفه!!
احتار خالد شيسوي..وظل يناظرهم
جاه سلطان:خالد
لف خالد عليه...:هلا
سلطان:خلها تدخل انا توني جاي من الدكتور وسمح لثلاثه اشخاص يشوفونه بس...
دخلت امي وكمان ابوي دخل وانا لسا خل حلا تدخل بدالي


ناظرت حلا بسلطان وهي تتمنى تشكره من قلب على هالموقف وحست انها مستحيه من موقفها
ناظرت بخالد وكأنها تقوله خلاص ماابي احرجك
خالد فهم عليها وقال:لا ياسلطان اشدعوه..انت اخوه ادخل وانا اجيبها بكره تشوفه..
رجعوا خالد وحلا البيت وحلا هاديه شوي وعلى طول راحت على غرفتها ورمت نفسها عالسرير وهي تتذكر آخر مره شافت فيها باسل..


حلا وهي يالله تتنفس: بـ..باسل....حرام عليك....تعبت....
باسل وهو نفس الشي: سلامتك.....من.... التعب.... تبين مويه؟؟؟
حلا:فيه هنا؟؟
باسل:لا فيه تحت بالمطبخ
حلا:مابنزل
باسل:انا بنزل....خليك هنا
وراح جري للمطبخ وأخذ علبتين مويه وطلع لما عندها
باسل من التعب جلس عالأرض:ها...خذي...وهذي...مويه...حق...حبيبتي...حلا
حلا:باسل؟؟...لاتتكلم خذ نفس

ابتسم باسل ومسكها من يدها وجلسها جنبه..
شرب مويه وهي بعد شربت وجلسوا ساكتين شوي..
باسل:حلوي
حلا:ها
باسل:لسا زعلانه مني؟؟
ابتسمت:لا
باسل:ماوحشتك؟؟
حلا:موت
باسل:مو كثري يالغلا
بكت بصوت عالي لما تذكرت شكله شلون يناظرها وتذكرت الحب اللي بعيونه
تصورت الحياه بدون باسل وجلست تبكي وهي تدعي من قلب ربي يحفظه لها ولا يحرمها منه..
حلا وباسل الكل يدري انهم يحبون بعض مووووت من وهم صغار مره ..
وصار موقف لما كان باسل عمره 10 سنوات..هالموقف اثر بالكل لدرجة ان الكل صار مقتنع ان باسل لحلا وحلا لباسل
حتى الكبار اقتنعوا بهالشي عشان كذا عادي اللي صار وخوف الكل من ردة فعل حلا...نسترجع الموقف


في الحديقه الخلفيه للفيلا حقة ابو سلطان باسل وفهد يتضاربون على حلا
باسل يكلم فهد بعصبيه:لا تمسكها!!<< يقصد حلا
فهد وحاط يده على خصره:أختي كيفي!!
باسل:وانا بعد زوجتي كيفي!!
فهد:وكيف صارت زوجتك؟؟..إذا صرتوا كبار تصير زوجتك
باسل ويرفع نفسه:ها انا اكبير الحين
فهد:لازم تخطبها وبعدين تتزوجها
باسل ببراء وكيف اخطبها؟
فهد:يعني تروح عند ابوك وابوها وتقول لهم انك تبي تتزوجها وإذا وافقوا تصير زوجتك
باسل بجديه ويناظر حلا:يلا تعالي
حلا:وين بنلوح؟(وين بنروح)
باسل ومبتسم:بنروح نخطبك من ابوك وابوي عشان تصيرين زوجتي^_^..
وبعصبيه قال:وبعدين انا ماقلت لك لاتقولين نلوح...قولي..نروووووح
حلا:طيب...يلا نـ...نـ...ـر..و..و..و..ح
باسل ابتسم:يلا
وراحوا عند مجلس الرجال دخل باسل وماسك بيده حلا وراهم فهد...
المجلس كله رجاآآآل.....تقريبآآ الجماعه كلهم مجتمعين
وبصوت يقلد صوت الرجال:يبه..عمي بو خالد..!!
وبعد مالفوا عليه ارتبك لأن كل اللي بالمجلس سكتوا وصاروا يناظرونه قال:انا ابي اخطب حلا ونتزوج وابتسم ^_^
ابو سلطان وابوخالد وكل اللي بالمجلس:ههههههههههههههههههه
باسل ضحك معاهم:ههههههههه<< مايدري شالسالفه
وبعدين راح عند ابوخالد وقال:ها عمي عادي؟؟
ابو خالد ومبتسم بحنيه:إنشاللله إن عشت وربي احياني انها من نصيبك واعتبرها خطيبتك الحين
ابو سلطان:انشالله بس لاصرت كبير ياباسل مو الحين
باسل:بابا انا الحين كبير (ويرفع نفسه) ها شوف!!
أبو سلطان عصب:باسل خلاص ماسمعت كلام عمك!!
باسل بزعل:طيب...ولف على حلا:يلا تعالي
وبعد ماطلعوا:حلا شفتي ابوك إش قال؟؟...لما نصير كبيرين بنتزوج..طيب؟؟
حلاوعيونها مدمعه:لا مابي... ابي الحين اصير عروسه
باسل وعيونه بتدمع:طيب لاتبكين خلاص انا بقول لبابا بعدين
حلا ابتسمت:طيب^_^
ومن بعد هاليوم لما الكل عرف بالموقف صاروا حاطين ببالهم هالفكره خصوصا
ان ابوخالد قال هالكلمه وبعدها باسبوع توفى..ومات وهو يوصي بحلا لانها كانت غاليه عليه حيييل



اليـــــــــــوم الثــــــــاني..بعــــــــد حــــــادث باســـــــل
فهد يكلم آلاء:حلا وينها؟؟
آلاء:بغرفتها طلعت بالظهر وماعاد شفتها
فهد:طيب كلت؟
آلاء:لا حاولت فيها كثير بس رافضه تقول مالها نفس
راح فهد لها بالغرفه دخل ولقاها نايمه ومتلبسه باللحاف بدون مكيف وترجف وجسمها يرشح...
مسكها من جبهتها لقى حرارتها مرتفعه...
راح بسرعه نادى على آلاء وقال لها تجيب فوطه مبلله وحطها على جبهتها وقال لآلاء تنتبه لها...
راح لأمه وخبرها
وجات بسرعه وعطتها خافض حراره وجلست ساعتين وهي جنبها تغير لها الكمادات..
حلا وهي نايمه كانت تتمتم بكلمات ماينفهم منها غير كلمة باسل.
ام خالد تكلم خالد اللي من عرف عن حلا جا للبيت بسرعه..:مانزلت حرارتها وانا ماوقفت تكميد..!!
خالد:طيب باخذها للمستشفى جهزيها
ام خالد:رافضه تطلع بس تنادي على باسل
خالد:طيب يمه خليها تتحمم واذا مانزلت حرارتها دقي علي وبجي آوديها للمستشفى.


في المستشفى.. عند باسل الكل كان هناك عشان يزوره جا ابو عادل وعياله..
ريماس انهبلت لما عرفت عن باسل ولأنها خافت تقابل حلا هناك وتنقهر زياده ماراحت معاهم
دخلوا عند باسل شوي واسيل لما شافتهم مشغولين بباسل كانت تدور على راكان اللي من دخلت المستشفى ماشافته..
طلعت بالسيب وناظرت بكل الموجودين ماشافته وشوي سمعت صوت بندر..
بندربحده:اجمـــد...اترك عنك حركات البنات هذي!!
راكان ويبكي: ما ابيه يروح
بندر وعصب:شنو يروح هذي؟؟...انت ادع له ربي يقومه بالسلامه وبس....يلا مسح دموع البنات هذي لأتوطا ببطنك!!
مسح راكان دموعه...جات اسيل..وقفت عند بندر وراكان:سلام
بندر ويناظر راكان اللي كان منحرج:هلا اسول شخبارك؟؟
أسيل مستحيه:بخير شلونك انت ؟؟
بندر:بخير...يلا انا اخليكم على راحتكم ومشى وهو مبتسم.
وبنفسه"خخخخ شنو على راحتكم ذي نسيت انهم بزران"


بعد ماراح بندر
أسيل:شد حيلك راكان
راكان هز راسه...
اسيل ماتدري شتقول:امممم...راكان انت مابيدك شي غير تدعي ربي يقومه بالسلامه..بليز لا تبكي..ودمعت عينها
راكان مسك بيدها:ولا يهمك...انتي تامرين
رفعت راسها وشاف راكان دمعتها وكمل:بس بشرط
ناظرته بمعنى شنو؟؟
راكان:حتى انتي ما ابي دموعك تنزل
اسيل تناظر اهلها اللي طلعوا من عند باسل وهي تمسح دموعها:انشالله يلا باي بروح
راكان:مع السلامه


وبعد شوي جات ام مهند ومعاها جمانه ومهند..
وبالسيب شاف سلطان مهند وهو جاي من بعيد وراح له:هلا مهند
مهند:هلا سلطان...سلامته باسل مايشوف شر
سلطان وباين عليه الحزن:الشر مايجيك شخبارك؟؟
مهند:انا بخير شخبارك وشخبار الأهل؟؟
سلطان:بخير الحمد لله..وناظر ام مهند:شلونك خالتي؟؟
ام مهند:يخير الله يسلمك...سلامة باسل الله يشفيه ويقومه بالسلامه يارب
سلطان ومهند:اللهم آمين
مهند ناظر جمانه عشان تتكلم
..جمانه وهي ميته من الحيا:شلونك سلطان؟؟ مايشوف شر اخوك
سلطان ومبسوط بداخله:بخير دامك بخير..الشر مايجيك
وبعد مامشوا ودخلوا عند باسل...تنهد سلطان وهو يتمنى انهم مملكين عشان تخفف عليه وتواسيه..


اليوم الثالث...ببيت ام خالد...صحت حلا بعد مانزلت درجة حرارتها:يمـــه...يمــه
آلاء:هلا حلو الحمد على سلامتك قلبو...تبين شي؟؟
حلا:ابي مويه
جات آلاء وعطتها مويه
حلا بعد ماشربت...:آلاء شخبار باسل؟.؟؟
آلاء بتردد:على حاله
حلا:ابي اشوفه ودوني له!!
آلاء:انشالله بنروح له كلنا...بس ننتظر نواف يجي الحين...قومي البسي عبايتك...
قامت حلا وفعلا راحوا له..ولما جوا بيدخلون خافت حلا ووقفت شوي عند الباب..مسك بيدها نواف وضغط عليها..
دخلت حلا واول ماشافته لا شعوريا نزلت دمعتها قربت منه..مسكت يده وحطت راسها عالسرير وظلت تبكي..
ام خالد خافت على بنتها يصير لها شي عشان كذا قالت لنواف يرجعون البيت وفعلا طلعوا كلهم من عند باسل..
وهم بطريقهم للبيت..دق موبايل نواف رد:هلا محمد.....صدق والله؟؟...الله يبشرك بالخير..ههههههههه...مشكور..لا الله يسلمك..فمان الله
ولف على امه بفرح:هذا محمد يقول باسل صحى من الغيبوبه
شهقت حلا
ام خالد وترفع يدها :الحمد لله..ألف حمد وشكر لك يارب
نواف يكلم حلا اللي من فرحتها جلست تبكي:حركات يابرنسيسه
ماصحى إلا بعد طلعتك من عنده...خخخخ..محمد يقول بشر حبيبته
استحت حلا وابتسمت بين دموعها وهي تشكر الله مليووون مره..
بعد ثلاثه ايام كانت ملكة العيال..


يوم الملكه...
في الصباح...
ابو سلطان يكلم ابو فيصل:ومتى رحلتكم انشالله؟؟
ابو فيصل:بكره بعد العشا انتظار..وبعده اكيد... يعني لو مو بكره بعد بكره
ابو سلطان والله يا اخوي كان بودي تجلس ويانا اكثر ولولا اني عارف ظروفكم ولا كان ماخليتك تطلع من السعوديه
أبو فيصل:تسلم يا اخوي والله ماتقصر


في غرفةالبنات...
خلود:بكرا؟؟؟؟؟
دانه بحزن:إي
خلود ((مصدومه))..
عهود ببكوه:وربي مو مصدقه...احس مر هالشهر ونص بسرعه وما حسيت فيها
الهنوف:من جد...بس كانت احلى شهر ونص...وربي بفقدكم
دانه:خلاص بنات وربي ببكي نستانس اليوم ونطلع كل اللي بروسنا وملحقين عالحزن
دخل باسل بالجبس اللي برجله:أي حزن
عهود:هلا بسوووول !!
ابتسم باسل:هلا فيكم
دانه:كيفك اليوم؟
باسل:لا الحمد لله احسن بكثير...بس ماقلتولي اي حزن؟
خلود بنبره غريبه:عيال عمي بكره ماشيين على بريطانيا
باسل اللي كان مبتسم راحت ابتسامته:صدق والله؟؟
الهنوف:إي والله تو عمي عبد العزيز يقول لأبوي هالكلام
وشوي انضم لهم راكان:هاييووووو بنات
الهنوف:هلا والله وغلا بخطيبي (وتسحب خدوده)
راكان:أييي..عورتيني..وبعدين من وين جيت خطيبك؟؟
الهنوف وهي تقرصه بخده:خطيبي غصبا عليك
راكان:والله لو تسمعك...............وسكت
البنات:إيوه؟؟...مين؟؟
لف راكان على باسل وابتسموا لبعض وبعدها:ههههههههههههههههههههههههههه
عهود:كشفتك يا نصاب فيه وحده تحبك؟؟؟؟
راكان:اامممم مين قال؟؟؟ ^_^
باسل:يعني حرام الواحد يحب؟؟؟؟...إيه يحب وانا احب وكلنا نحب...وش أحلى من الحب...آآآآآآآه بس آآآآه
خلود ونست الموضوع مبتسمه:يعيييينك...خخخخ صدق رايحين فيها انت وولد عمك
باسل حط يده على كتف راكان:واأحلى اولاد عم...توائم...هذا عديل الروح
دانه من قلب:الله لايفرقكم..
ابتسموا باسل وراكان:اللهم آمين
الهنوف:بس ماعرفنا اخونا راكان مين تحب...مين هاللي ماخذه عقلك غيري
راكان ابتسم وحمرت خدوده:احم...احم...امممم اسيل
عهود:إإإيييييييه صح من يوم الإستراحه فاكرين؟؟؟
راكان:لايقين على بعض صح؟؟ ^_^
خلود:مررررره وربي..ياحليلها اسيل تحب
وشوي بصوت بندر وكأنه تعبان:عهود..عهود!!
عهود:انا هنا بندر تعال
دخل بندر وبتعب ابتسم:شلونكم بنات؟؟
البنات:تمام
عهود ومعقده حواجبها:بندر كأنك تعبان
بندر:اي يعني ...نسيت اخذ الدوا امس واليوم
دانه عصبت:وربي كأنك بزر...إذا انت ما انتبهت لحالك منو بينتبه لك؟؟
بندر لف على راكان وباسل وبابتسامه:مو كأني جالس اتهزأ؟؟؟
باسل:إلا والله ملاحظ
دانه وعصبت زياده من برود اخوها:يحق لنا خواتك ونخاف عليك!!
بندر:خواتي خافوا وبنات عمي مايخافون؟؟...ناظر الهنوف وخلود بابتسامه^_^
الهنوف ابتسمت:نخاف اكيد بس مانبي نتدخل دانه وعهود قاموا بالواجب
بندر:من هالناحيه معك حق
وشوي بندر يأشر للبنات على خلود اللي كانت سرحانه بس بدون ماتحس.....وبعد فتره:خلود
خلود:.............................
بندرصرخ:ابو الخـــــلد...!!!
خلود ورفعت راسها:هاه
الكل:هههههههههههههههههههههههه
عرفت خلود انهم يضحكون عليها وابتسمت
بندربمرح:وين كنتي يا ابو الشباب
خلود بابتسامتها:معاكم
الهنوف:مبين معانا
باسل:الظاهر مو بس حنا اللي نحب فيه احد غيرنا^_^
عهود:إي وبقوه
خلود انحرجت من نظرات بندر اللي كانت موترتها بنفس الوقت...:مو شرط
بندر بابتسامه حلوه:لا مبين عليك...بس عموما اللي ماخذ عقلك يتهنا به
خلود بنفسها"ومنو غيرك؟؟".. اكتفت بابتسامه
جا سلطان مبتسم...:السلام عليكم
الكل:وعليكم السلام
باسل:هلا باخوي هلا بالمعرس
سلطان:الله يسلمك
الهنوف:وااااااااو تهبل الله يرجك شنو مسوي بعمرك؟؟؟
سلطان ومستانس ويمسك دقنه وهو توه راجع من الحلاق:شرايكم؟؟
خلود:تهبل فديتك..اول مره اشوفك بهالكشخه لو تدري عنك جمانه بس
سلطان من قلب:ههههههههههههههه
بندر يعلق عليه:إي يحق لك منو قدك بتعرس اليوم عشان كذا الإبتسامه شاقه الحلق
سلطان:ههههههههههههههههههههه
باسل يكلم راكان:عقبالي انشالله
راكان بابتسامه:وانا بعد وياك^_^
باسل:ههههههه بيوم واحد انت واسيل وانا وحلا
راكان:والله تحمست آآآآخ بس لو بيدي اقدم الزمن
باسل بنبرة هاديه:ركون تهقا بتكون لي؟؟؟
راكان بنفس النبره:قول انشالله

دانه كل همها تستانس بآخر يوم لها بالسعوديه وتطلع كل اللي فيها ماتدري ان هاليوم بداية حدث بحياتها
بندر متضاااايق حييييل من خلود اللي مايدري ليه سوت فيه كذا واتخذ قرار صارم ومصر ينفذه بتعرفونه
فيصل حاط بباله شي ..لو تأجلت رحلتهم لبعد بكره بيكلم ابوه بخصوص فرح وبيخطبها
راكان اليوم بيودع اسيل...نفسه يسوي شي بس مايدري شنو خاطره مايمر هاليوم عادي لازم يسوي اكشن بحكم انه اخر يوم له



كان الوقت مغرب..
ا
لحريم بالصالون ينتظرون محمد يجي عشان يروحهم القاعه اللي بتصير فيها حفلة الملكه..
الكل جاهز ولابسين بس ينتظرون محمد...
ام سلطان:هنوف يمه دقيتي على اخوك تاخر
الهنوف:يمه لما دقيت اول قالي انه قريب يقول ربع ساعه وهو عندنا
خلود وهي موصله معاها:لك نص ساعه من كلمتيه..دقي شوفي ليه تأخر
دقت هنوف لقت موبايله مغلق...الهنوف:اففف مغلق
عهود:تبون ادق على بندر؟؟
ام سلطان اي الله يعافيك
وشوي ويدق موبايل الهنوف...ناظرت الرقم..:هذا سلطان
ردت:هلا بالمعرس
سلطان:هلا هنوفه انتو جاهزين؟؟
الهنوف:لشنو؟
سلطان:انتوا مو بالصالون؟؟
الهنوف:إلا
سلطان:طيب اطلعوا انا عند الباب
الهنوف:عيال عمي بوفيصل ويانا
سلطان:قولي لهم بيمرهم فيصل بعد شوي لأن السياره ماتكفي
الهنوف:ليه ماجيت بالجمس؟
سلطان:يوووه هنوفه انتوا اطلعوا وبس وهذا فيصل جا خليهم يطلعون
الهنوف:طيب
بعد ماقفلت:يمه سلطان برى
ام سلطان:وليه وينه محمد؟
الهنوف:مدري بس يقول اطلعوا وانتي ياخالتي (وتناظر ام فيصل) فيصل برى بتروحون وياه
طلعوا كلهم وركبوا ويا سلطان
ام سلطان بعد ماحركوا:وينه اخوك ليه جواله مغلق؟؟
سلطان:مدري هو دق علي قالي جاله ظرف وبيتاخر وقالي امركم
خلود:مدري مادخلت مزاجي هالسالفه
سلطان:حتى انا بس عاد مضطر اعديها له
وصلوا القاعه لقوا عيال عمهم كلهم هناك


سمر ومرام عند الباب:كلللللللللللوش
ام سلطان مبتسمه:فديتهم البنات يهبلون
لميس جايه جري:خلود الحمد لله عالسلامه مابغيتم تجون
خلود:افففف اسكتي تاخرنا بسبة هالعله محمد ماجا اخذنا الا سلطان
لميس بصراخ:المعرس؟؟
خلود ابتسمت اي المعرس
لميس:ليه وينه محمد؟؟
خلود:مدري عنه هالعله.وشافت بنات عمها..:وااااو وناسه يلا تعالي نروح لهم..


جمانه وشذا بنفس الغرفه..
شذا:جمجوم خااااايفه
جمانه:اجل شقول انا
شذا ماكنت متوقعه ان كل وحده بتاخذ الي تحبه اخبر هالاشياء ماتصير غير بالمسلسلات والأفلام
جمانه:ههههه الله يقطع شرك من جد والله حتى انا
شذا:واخيرا خلودي من نصيبي
جمانه:آآآه بس فديته سلطاني
شذا: اقول جمجوم العقل نعمه ههههههههههههه
جمانه:من جد ههههههههههههههههههههه
دخلت الهنوف:هااااااااااي ولما شافتهم: وااااااااااو تهبلوووون
دخلت دانه:فديتهم بنات خالاتي العرايس
بعدها دخلوا كل االبنات
خلود تتصنع الغرور:احم احم...البرنسيسه خلود جايه ابعدوا
جمانه:ارحميناااا هذا وهي ملكتي انا..اجل لو انها ملكتك وش بتسوين..
خلود تضايقت:يوووه الله لايقوله تكون ملكتي
عهود:خخخخخخ اجل انتي زيي عندك عقده
مرام:اخبر اول من يعرس المعقدين دائما
عهود:لا اجل امزح
فرح:تصدقون بنات طالعين تهبلون
جمانه:منو احلى؟؟
فرح:كلكم تهبلون وربي
شذا:لا جد منو؟؟
دانه: وربي كلكم حلوين ماشالله كل وحده اقمر من الثانيه
دخلت آلاء وحلا اللي توهم جايين:هااااااااااااي
حلا:فديتها حرمة اخوي
انحرجت شذا:فديتك انا
وسلموا على بعض
آلاء:فاتك شذو.امس خلود طرباااااااااان تقولين محد بيعرس الا هو
شذا:ههههههههههههههههههه
حلا:لا وماسكني انا وآلاء يوصي فيك كانه زواج مو ملكه...بالنهايه امي قالت له:خل عنك الهبال واثقل ....استحى...فاتكم شكله
البنات:ههههههههههههههههههههه
آلاء:لا انتي لاعبه بعقل الولد استخف من لما قرر يخطبك اساسا لو تدرين شلون قال لنا
شذا ومبتسمه:شلون
قالت آلاء الموقف حق صراخ خالد لما تعين مدير بفرع الدمام وقرر يخطب
الهنوف تتريق:ووواااو شذو خطيبك رومانسي
سمر:هههههههه احسه عربجي مره
البنات:ههههههههههههههههههه
شذا:اقول انتي وهيه لاتحشون بزوجي..
لميس:ارحمينا ارحمينا.. قال زوجها قال
رهف:إلا على الطاري وقعتم ولا لسا
جمانه:لا لسا يقولون الشيخ الحين هناك
ومامداها تكمل.. إلاباسل داخل بالدفتر...شهقوا جمانه وشذا...
جمانه:ليتني طريت مليون
شذا:اونتي الصادقه...يوووووه بطني يعورني..
باسل:احم السلام عليكم<< يترزز
البنات:وعليكم السلام
باسل:الشيخ يقول عطيهم يوقعون خمس دقايق وبسحب الدفتر اخلصي انتي وهيه<< حشا امتحان
مرام:الشيخ قال؟؟؟ وبعدين دامهم مستعجلين ما ارسلوا غيرك يالمكسر(وتناظر الجبس اللي برجل باسل)
باسل حقد على مرام:إيه هو قالي...وابتسم ...عالبركه بنات
جمانه وشذا: عقبالك
ابتسم باسل:انشالله بحياتكم قريب ^_^ ويناظر حلا اللي هو منجن بشكلها
حلا انحرجت والكل يناظرها
لميس:ياهوووووو اموت انا
جوا يبون يوقعون إلا مافي قلم...
جمانه:احسن
شذا:اي والله
مرام:هيييي انتي وهيه حشا تقولون بتوقعون على حكم إعدام تراه زواج مو شي
باسل:وحده تنزل تجيب قلم من راكان
عهود:انا بنزل...نزلت تجري...حسبالها بتلقى راكان تحت..ناظرت مالقت احد..
راحت قريب من قسم الرجال وطلت من الباب سمعت صوت شخص غريب وكأنه قريب منها ولفت على طول وهربت جرييييي..وفجاه ضربت بشخص ثاني ولأنها لابسه كعب عالي فقدت توازنها وطاحت عليه
هو تلقائي مسكها وصار محوط عليها بيدينه وكأنه حاضنها..
عهود ماودها ترفع راسها وتعرف منو..متفشله حدها
هالشخص عرفها على طول..وصار قلبه يدق بشكل مو طبيعي لدرجة ان عهود حست بصدره اشلون يرتفع ويرتخي..
لما طولت حست نفسها بايخه ورفعت راسها وانصدمت"لا ..لا...بليز إلا انت.."..:فراس!!!
فراس مرتبك من قربها منه مافي مسافه تبعد بينهم لدرجة انه يحس بانفاسها..
بوصف لكم اشكالهم..
عهود لابسه فستان اسود حرير من عند الصدر توب وعالجنب فيه بروش ورده حمراء..ماسك لحد الخصر وبعدها جاي وسيييع وطويل بذيل ومن قدام مفتوح لحد الركبه...وشعرها مسويه فيه تسريحه بسيطه وجايبه شعرها عالجنب بشكل مخليها مرررره كيوووت وحاطه مكياج خفيف بس مثقله الميك اب من حول عيونها بشكل يبرز جمالها..
فراس كااااااشخ لأابعد حد وشكله رزه بالثوب والشماغ وريحة عطره الرجولي المميز..محلق الدقن وحاط شنب وسكسوكه خفيفه ...وشكله ببساطه جناااان
بهددوء قالت له:ممكن تتركني؟؟
فراس انتبه لحاله وتركها بهدوء وهو متوتر حده وعشان يخفي توتره قال بحده:مره ثانيه حاسبي!!!
عهود بهدوء ماتعود عليه فراس:اوكي
ومشت
كانت مخططه لمثل هالموقف انه يصير اليوم بس مو بهالشكل ولا بهالوقت..
فراس ظل يناظرها لحد ما قربت من مدخل الحريم..وفجأه لفت..وبنفس الهدوء اللي من شوي قالت:طيب..ممكن قلم..العرايس يبون يوقعون..
فراس انصدم من اسلوبها معاه"هذي عهود ولا انا غلطان؟؟..ليه تكلمني كذا؟؟..ليه احس بصوتها نبرة حزن"...
وفجأه أرتبك فراس من حركتها لما جات لما عنده وسحبت القلم من جيبه وبصوت يالله ينسمع قالت:دقيقه وبرجع واخذته واختفت فجأه
فراس يحس انه يحلم...ظل مصنم بمكانه فتره طوييييييييييييل وما صحى إلا على اصوات فهد ونواف..:هيييييييي أبو الشباااب
فراس:هلا
نواف:لا لا الأخ منتهي....وين كنت؟؟
فهد:من الحين تفكر بالعرس؟؟؟
ابتسم فراس..
نواف:لا من جد الاخ يحلم من ساعه وهو سرحان ومبتسم
فهد ويغمز:لا يكون شايف لك وحده
نواف:شكلها هذيك المزيونه اللي بالخطوبه هع
فهد:أي مزيونه
فراس عصب:وجع انت وياه يامال الماحي اللي يمحيكم...انطموا صجيتوني
ومشى وتركهم
فهد ونواف منصدمين
نواف:اقول فهود ما تحس انا تهزأنا؟؟
فهد ويناظر مكان ماراح فراس:إلا وبقوووه بعد


نرجع للبنات..
دخلت عندهم عهود ووجهها مقلوب...
كانوا البنات يسولفون ويا باسل
باسل:والله تبون الصراحه...العرسان يوم شفتهم ماعرفتهم...شكلهم مبيتين عند الحلاق
البنات:هههههههههههههههههههههههه
آلاء:بنشوفك يابسول لما تتزوج شنو بتسوي
باسل:أحم احم انا اسم الله علي مايحتاج ولا؟؟(( ويناظر حلا))..اللي تبخرت من الحيا
خلود:أقول اترك البنت بحالها حرام عليك..
عهود:ترى من الصبح واقفه بالقلم هنا
باسل:يوووووووووووووه نسيت التوقييييع...بيذبحوني المعاريس
البنات:هههههههههههههه
بعدها وقعت جمانه ووقعت شذا
والكل:كلولولولولولووووووش

الرجال سلطان اول ماوقعوا البنات والكل بارك له..أخذ فيصل وانسحبوا بدون محد يحس...وسيده على الشرطه..
سلطان يهدي محمد اللي كان مقلوب كيانه:خلاص ياخوي صار خير كل شي بينحل
محمد:شلون بينحل اقولك داعس لي واحد تقولي ينحل!!!!
سلطان:هذا هو فيصل راح المستشفى بيشوف شنو صار عليه وانشالله كل شي بسيط
محمد بيأس:الله يسمع منك....ماقلت لي محد سأل عني؟؟
سلطان:إلا قول فيه احد ما سال؟؟...الوالد والوالده اسألوا
محمد بخوف:لا يكون بلغتهم
سلطان:لا محد يدري غيري انا وفيصل
محمد بحزن:انا آسف ياخوي حتى فرحتك ما اكتملت من سبتي
سلطان ومبتسم ويربت على كتف محمد:شنو هالحكي حنا اخوان يا ابو سلطان
محمد هنا اكتفى بابتسامه وهنا عرف قيمة الاخو وانه السند لأخوه بكل وقت
بعد ساعه دق عليه فيصل
سلطان ويناظر محمد:هذا فيصل!!
محمد ناظره بخوف يعني رد
رد سلطان:هلا فيصل ...ها بشر!!....لاحول ولاقوة إلا بالله...الله يستر...يلا فمان الله وقفل
محمد:ها بشر
سلطان بحزن:الولد عمره 20 ويقولون دخل بغيبوبه
محمد:لاحول ولاقوة إلا بالله..طيب؟؟
سلطان: انا اعرف واحد من اخوياي ابوه له نفوذ وانشالله بتطلع اليوم عشان ملكتي وبعدها يصير خير
بعد ساعتين العيله حرقوا موبايل سلطان وفيصل من كثر الإتصالات...وقتها كان محمد راكب ويا سلطان وفيصل وراجعين للقصر
طبعا اول مادخلوا اخذوا لهم قد شعر روسهم تهزئ...حتى المعرس^_^
خالد دخل عند شذا بعد ماوقعت بفتره أما جمانه ظلت تنتظر سلطان بس ماحد جاب طاري...تضايقت حيل لماعرفت انه مو بالقصر
جمانه"شيقصد بهالحركه؟؟..من بدايتها كذا؟؟.."...
دانه بهمس لفرح:شكل جمجوم واصله معاها..
فرح:يحق لها والله
دانه:تعالي نروح نهديها
فرح:لا سمر تقول لاحد يكلمها وهي بهالحاله
شوي دخلت خلود الجو كان شوي متوتر بالغرفه...:اممممم جمجوم سلطان الحين بيدخل
جمانه:.......................صمت
راحت سمر واخذت عطر وبخت على جمانه كم بخه وطلعوا كلهم من الغرفه


نروح لخالد وشذا..
شذا راحت غرفه ثانيه عشان خالد بيدخل عندها..قامت آلاء وشغلت المسجل بالغرفه ورفعت الصوت وشوي إلا خالد وامه داخلين..حلا كانت تبي تحرجه راحت ومسكت بيده وقامت ترقص على اساس بيرقص معاها
طبعا خالد ماعليه مستااااانس وفالها قام يرقص....شذا:مستحيه وتضحك بنفس الوقت...والبنات اللي كانوا يتفرجون من عند الباب انهبلوا على رقصه<< لقافه
رقص خالد شوي وبعدها راح لشذا اللي وقفت صافحها وباسها بخدها وبجبهتها وقال لها:مبروك
شذا بحيا:يبارك بعمرك
وجلس جنبها.. طلعوا الاء وحلا
ام خالد توصي على خالد:لا أوصيك بشذا ياخالد
خالد:يمه شذا بعيوني..وبعدين انا ولدك المفروض توصينها اهي علي موب العكس
ام خالد:لا انت ماينخاف عليك..انا اخاف على بنت اختي منك
خالد:يؤيؤ يمه الله يهديك عاد لاتفشليني قدام زوجتي(وغمز لها) ضبطينا!!
ام خالد وتضحك:زين زين انا اخليكم على راحتكم وطلعت وسكرت الباب..
بعدها خالد يكلم شذا بجديه:حصنتي نفسك؟؟...
شذا:لا
خالد خاف عليها:يؤيؤ ليش؟؟
شذا:نسيت
خالد:الله يديك...
وقف خالد وراح قفل المسجل...ورجع لها وبعد ماجلس:قربي..انا بحصنك...
شذا هنا من جد ماتت من الحيا.....^_^
بعد مادخل خالد عند شذا بساعه ونص
عند سلطـــان
ام سلطان تكلمه قبل لايدخل:انت وين كنت؟؟؟...مو عيب عليك تفشلنا من الناس؟؟؟
سلطان بهدوء:جمانه شقالت؟؟
ام سلطان:ادخل وشوفها الظاهر انها واصله معاها وبيني وبينك يحق لها
ومشت وتركته
جلس سلطان عند لباب...متردد بالدخول...خايف من ردة فعلها..مايدري شيقول لها..
بالنهايه توكل على ربه ودخل
كانت مدنقه وتلعب بالورود اللي بمسكتها ومعقده حواجبها
سلطان"واضح عليها متضايقه حيل...آآه الله يعين":السلام عليكم
جمانه مرتبكه ومتضايقه وتحس نفسها متنكده من الموقف البايخ اللي عمله سلطان بيوم ملكتها ردت بهدوء:وعليكم السلام(بدون ماتناظره)
وقف سلطان قدامها وهي جالسه بس بينهم مسافه تقريبا مترين....ظل يناظرها فتره وهو واقف وهي على حالها ومنزله راسها..
حركته هذي أربكتها بشكل موطبيعي صارت متوتره اكثر وتحس اعصابها تعبانه وطول سلطان مربكها خصوصا انها تشوف ظله
سلطان جلس يتأمل شكل جمانه.....ببساطه خق عليها كان بينهبل على شكلها..وهي زعلانه شكلها محلو زياده..
قرب منها لما ماصار فيه مسافه تفصل بينهم وهو واقف وهي جالسه...
نزل لمستواها ورفع راسها بيده وجات عينه بعينها
جمانه حست بكهربه تسري بجسمها من لمسته ونظرته..ناظرها بحنيه وبصوت هادئ:أنا آسف..ادري انك زعلانه علي لأني تأخرت...بس كان لازم اوقف ويا اخوي
جمانه ماستوعبت اش قال..تدري انه جالس يعتذر لها بس ما كانت معاه كانت شوي وبتتبخر من حركته اللي تعتبر جريئه شوي وكانت مستبعدتها من سلطان بحكم شخصيته الجاده
طبعا جمانه ماردت....سلطان حس ان الإعتذار مايكفي...مسك بيدها ووقفها لما صارت مقابله له...جمانه كأنها مخدره..باسها على جبينها وبهمس:سامحيني حقك علي
هنا جمانه نزلت راسها و دمعت عينها ماتدري ليه وبصوت مخنوق:حصل خير
رجع سلطان رفع راسها ولما شاف دمعتها:ماعاش من ينزل هالدموع جعلني فداها
جمانه بسرعه:اسم الله عليك..
ابتسم سلطان وهو يمسح دموعها بيدينه:فديت اللي يخافون علي
استحت جمانه وابتسمت..
سلطان:مابتساليني وين كنت؟
جمانه:ماله داعي
سلطان:اشلون ماله داعي مو انتي زوجتي؟؟
استانست جمانه من هالكلمه وبهمس:إي
سلطان:طيب يلا هالمره بنعديها لك انا بقولك بدون ماتسالين...كنت بمركز الشرطه
جمانه ناظرته متفاجأه:ليه؟
ماقدر يمسك نفسه لما شاف نظرتها:هههههههههههههههههههههههههه
جمانه:ليه تضحك؟؟
وقف سلطان وهو مبتسم:آآآآه سلامتك..بس محمد اخوي صدم بواحد ومحد يدري غيري عشان كذا كان لازم اروح ولا اخبر احد
جمانه:اهااا
سلطان:بنظل واقفين كذا؟...مابتقولين لي تفضل...إستريح...أي شي
جمانه انحرجت واشرت عالكرسي وقالت تفضل..
سلطان كان ينجن فيها لما تنحرج...
جلس وياها حوالي ساعتين وهم يسولفون واخذ رقمها عشان يكلمها بالليل وبعدها استأذن وطلع من عندها
وخالد نفس الشي ويا شذا...
انزفوا البنات اول جمانه وبعدها شذا واستاااااانسوا كثييير...وقت الزفه رن موبايل دانه....طلعت برى عشان ترد لان جوى الصوت عالي وماراح تسمع...
وكانت تكلم وحده من صديقاتها..وهنا دخل شخص وصار مفهي من نعومة هالنت وصوتها اللي من جد كان يدووووخ وفيه دلع... عرفها على طول...مانتبهت دانه له
دانه:اسمعي انا بكره برجع بريطانيا او بعده عشان كذا كلميني على رقم بريطانيا....موعندك؟؟؟؟....طيب سجلي عندك*************....
بهالوقت الشخص كان ماسك موبايله بيده وجات بباله الفكره وسجل الرقم وطلع..قبل لاتشوفه
قفلت دانه ودخلت..
بعد الزفه الهنوف كانت ترقص مع فرح وفجأه ام عبد الله تنادي فرح نزلت فرح من على الكوشه وهي نازله طاح موبايلها ولأنها مستعجله اشرت للهنوف تاخذه وراحت...اخذته الهنوف وكملت رقص...
وفجأه إلا الموبايل يرن...ناظرت الرقم إلا مكتوب (عبود) دق قلبها وارتبكت ماتعرف ليه...طلعت بسرعه تدور على فرح بس مالقتها فجأه وقف يرن...وشوي رن موبايلها من جديد وكان برضو عبدالله...قالت يمكن يبي شي مهم وردت..
الهنوف:ألو
عبود:هلافروحه اسمعي تعالي ابيك عند الباب الرئيسي بسرعه
الهنوف:فرح هناك بس بقول لها
عبود بعد ما ركز بالصوت:منو معاي؟؟
الهنوف:.........انا الهنوف
عبود ابتسم:هلا والله وغلا...انا اقول الجوال منور قلت معقوله كل هالنور نور فروحه؟؟
الهنوف انحرجت من جراته:...........................
عبود حس فيها وضحك:ههههههههههههههههههه يلا بلغي فرح اللي قلته
الهنوف بإبتسامه:طيب
وقفلت..
وشوي جات بتروح لفرح ونست اش قال لها عبود....رجعت دقت عليه..
عبود:هلا فروحه
الهنوف ومنحرجه مرررره:شنو قلتلي اقول لها؟؟؟
عبود هنا فطس ضحك:هههههههههههههههههههههههههههه خلاص انا بدق عليها بعد شوي انتي بس عطيها الموبايل
الهنوف ميته على ضحكته ومستحيه ابتسمت وقالت:اوكي باي
عبود ولسا فيه ضحكه:باي
الهنوف بعد ماقفلت:هههههههه صدق اني مخفه ههههههههه
وراحت لفرح وعطتها موبايلها


عند الرجال...باسل وفهد وراكان يتكلمون..
فهد:شباب وربي خاطري ادخل
باسل:آآخ بس لو مو سلطان موصي علي...
راكان بقهر:يقالك يغار على مرته
فهد:وهو شنو بيعرفه اننا دخلنا ندخل حنا الثلاثه بس ومانخبر احد
باسل:بس لو عرف سلطان بأي طريقه؟؟...وربي يلعن خامسي
راكان يضرب على كتف باسل:اقول بلا هالخوف مابيعرف ياشيخ خلنا نفلها
فهد:إي والله ويغمز لباسل....يلا ابو فارس..
باسل:على طاري فارس...خلونا ننادي فارس يدخل ويانا
فهد:لا اخاف يطلع الخبر ويفضحنا
باسل:لا بالعكس بيساعدني فروس..دقيقه..
وراح لفارس


فارس:احلى احلى...تبي تشوفها ها؟؟؟


باسل ومبتسم:إي
فارس:اي انت وعرفنا ليه تبي تدخل والمهبل الباقيين
عصب باسل:لا تقول لهم مهبل وبعدين كل واحد وغرضه
فارس يتريق:كل واحد وغرضه؟؟؟؟؟ امحق غرض
باسل:ها شقلت من النهايه بتدخل ويانا ولا لا؟؟
فارس يسوي نفسه يفكر:امممممم خلاص ابشر
باسل يبوسه بخده:فديتك والله كفو
فارس:أقول يلا قدامي بلا مصالح


اجتمعوا فارس وفهد وباسل وراكان عند البوابه على اساس بيدخلون وكانوا بنتظرون ال!ذن عشان الحريم يتغطون...شوي جا فراس
فراس:على وين؟؟؟
فهد:هاه؟؟...امممم...بندخل
فراس:افاااا تدخلون بدوني...انا بعد ابي ابارك لأختي بدخل وياكم
باسل:بس مانبي سلطان يدري لأنه موصي محد يدخل
فراس:بس كذا؟؟...ابشر ولا يهمك....ولف عالشباب بتريقه:عطر عطر....خلنا نترزز...نبي نخطب
راكان:اقول بلا هبال قال يترزز قال..هذا وانت مملوح زياده وتقول هالحكي اجل حنا شنقول
فارس:والله ان دروا بندر ونواف عنك يافراس للتنتهي
فراس:وكلت امري لله..انشالله مابيدرون...عاد هم كلش ولا البنات خصوصا نواف
الشباب:ههههههههههههههههههههههه
قطع ضحكهم موبايل فارس رد:هلا خلوده....خلاص...اوكي يلا ...
قفل ولف عالشباب يلا شباب كل شي اوكي
الشباب متحمممممسسييييين...دخلوا على اغنيه القوس قوسك عبد المجيد....فارس بالمقدمه وراه فراس وفهد ماشيين بابتسامه ورافعين روسهم وراكان باسل...كانوا آخر شي عشان الجبس اللي بباسل ومتحمسييين وهاتك رقص...عاد باسل مرره جرئ وراكان صار زيه ....البنات بس شافوهم ويصفقوووون وتشجيييع...
وهم تحمسوا زياده
حلا تكلم ديما:ديمووووه يجنن فدييته...يهبل..
ديما:وانتي الصادقه...كل واحد اجمل من الثاني فديتهم عيال اخوالي...يهبلون
أسيل وريماس على جنب...
ريماس:شوفي بسول ...اول مره اشوفه يرقص كذا يجنن
اسيل:وراكان حتى هو تعلم بسرعه....شوفي شوفي يناظرني!!!
ريماس:اسييييل روحي ارقصي وياه
اسيل:لااا استحييي
ريماس:اقوووول بلا هبال تعالي بجي وياك وسحبتها وطلعوا فوق الكوشه..


طبعا الرجال اول ما وصلوا سلموا عالعرايس وباركوا لهم...
فهد كان يدور بعيونه على سمر...وسمر على طول عرفت انه يدور عليها....ولماجات عينه بعينها عرفها مع انها كانت متلثمه بس عرفها....ابتسم لها ابتسامه هاديه وبعدها لف على جمانه يكلمها
فراس كان يتكلم ويا فارس وماناظر احد مع انه دخل عشان إذا جاته فرصه يتناقر ويا عهود ومع كذا مادور لها..
طلعت خلود الي تموووووووت بفارس وقامت ترقص وياه وهو كان مستحي يرقص قدام العالم كلهم بس لانه يعزها غير عن الكل رقص معاها


باسل وراكان كانوا يرقصون وتفاجأوا بأسيل وريماس قدامهم...باسل..يناظرهم بتفحص...كانوا لابسين مثل بعض بالضبط..وتسريحة الشعر نفس الشي حاول يفرق بينهم وماقدر...وراكان نفس الشي...أسيل وريماس حسوا بهالشي..ناظروا بعض:هههههههههههههههههه
باسل بابتسامه:منو فيكم ريماس؟؟...انا متأكد ان هالحركه من ريماس
اسيل:انا ريماس
راكان بابتسامه:لا انتي اسيل..!!
اسيل لفت مفجوعه اشلون عرف
راكان وباسل:هههههههههههههههههههههههههه

ريماس كيف عرفت؟؟
راكان:ماشفتيها لما قلت لها انتي اسيل كيف لفت؟؟
ريماس:هههههه يعني ماكنت متأكد؟؟
راكان:لا
اسيل ابتسمت لراكان
ريماس:اقول بسول رقصك مرره رووووعه كل البنات خقوا عليك...
باسل ابتسم:حتى حلا؟؟؟
ريماس تغيرت ملامحها:اكيد
باسل:هي وينها؟؟
ريماس تـأشر له:شوفها هناك
ناظرها باسل وابتسم ونزل من على الكوشه لما عندها....مسك بيدها...واخذها لما الكوشه وهي مستحيه...وقام يرقص معاها...وبنات عمها كلهم يشجعون ويصرخون...وهي مستحيه حدها
راكان كان داقها حنك مع اسيل
اما ريماس بعد حركة باسل كانت مخنوقه حييييل واقتنعت اخيرا ان باسل مو لها
عهود كانت تتكلم مع مرام ولميس وفجأه جات عندها بنوته صغيره وعطتها ورده حمراء...
استغربت عهود وابتسمت للبنت وقالت لها:شكرا بس مين عطاك الورده؟؟؟
البنت ابتسمت واشرت على فراس اللي لف قبل ماتشوفه بعد ما تطمن ان الورده وصلت وتظاهر بالا مبالاه
عهود بلمت ولميس ومرام مسكوها تعليقات اما عهود جلست تبرر لهم السالفه انه اكيد قصد مرام والورده وصلت لها بالغلط
بعد ماخلصوا الشباب كل واحد ادى (غرضه) طلعوا مع فارس اللي تعلقت عيون البنات فيه من الرزه اللي كان فيها


نواف وبندر كانوا قالبين الدنياعلى فراس..شافوه جاي من بعيد ومستااانس
نواف ومتنرفز:هلا وغلا وين كنت يا أخ؟؟
فراس والإبتسامه شاقه الوجه:موجود
بندر:وين موجود؟؟ قلبنا عليك القصر ملقيناك
فراس بنفس الإبتسامه:حتى بقسم الحريم؟؟؟؟
نواف وفاتح فمه:لا تقول انك دخلت
فراس هز راسه بالإيجاب
بندر:يالنذل ولاتاخذنا وياك نترزز عند الحريم؟؟؟؟؟
فراس:لالا انتوا مملوحين اخاف تاكلون الجو علي
نواف:هييين هييين يافراسوه
ضحك فراس ومشى وتركهم
فراس يفكر وهو ماشي.."لعن ابو ابليسها خقق هالبنت..ابتسم وبنفسه قال ...احبها الغبيه...ليه ماتحس؟؟؟"<< شلون تبيها تحس؟؟؟
بعد ما مشى فراس نواف يكلم بندر:يوووووه كنت ابي ادخل
بندر اللي كاشفه غمز:ليه.؟؟
نواف ارتبك:هااا؟؟
بندر:إي إي قووول انك حاط عينك على وحده وتبي تشوفها؟؟
نواف:إي
دق موبايله ورد:هلا وغلا فديت الصوت انا اقوووول موبايلي منور....هههههه...اوكي حبيبتي انا عندي مناسبه اليوم مابقدر اطلع وياك بكرا امرك....مايمدي؟؟..ليه.....اهاا...طيب اليوم اذا رجعت بدق عليك ونتفق ....اوكي قلبوو...باي
بندر يناظر نواف بتفحص:اقول نوافوه؟؟
نواف:هلا
بندر:هذي خويتك؟؟
نواف:إي
بندر:أي وحده فيهم سناء ولا مروه ولا مريم
نواف:ياسمين ^_^
بندر:ما اقول غير الله يخلف على ام(ن) جابتك
نواف:ههههههههههه
بندر:هذا اللي حاط عينه على وحده....اقول اترك بنات اخوالك بحالهم...اذا بتلعب العب بعيد
نواف:افااا بندر...لايروح فكرك بعيد انا ماقصدت العب انا من جد عيني على وحده
بندر:باين
نواف:اقول لايكثر وتعال نستهبل على بدر مدري اشفيه ماله حس اليوم
بندر:هو من متى كان له حس
ومشوا لعند بدر اللي كان ماسك موبايله ويلعب فيه
نواف:اقول بدور لمنو تمسج ويغمز له
رفع بدر راسه وابتسم لأول مره بالحياه:لخويتي!!
بندر ونواف ناظروا بعض:ههههههههههههههههههههههههههههههههههههههه
بدر ومازال مبتسم:تحسبني مثلك استاذ نواف
نواف:والله مايندرى عنك
بدر:ابد والله وحده ناشبتلي تبي تتعرف
نواف وبندر:ههههههههههههههههههههههههههههههه
بدر:ههههه انتوا اشفيكم تضحكون
بندر:وحده تبي تتعرف عليك؟؟؟؟؟
بدر:هههه إيه تقول عاجبها صوتي
نواف:ههههههههههه ..وبعد تكلمها؟؟؟؟؟؟
بدر:وجع انت وياه هي مره دقت ورديت ومن يومها وهي ماسكتني تبي تتعرف
نواف ويجلس جنب بدر:أقول بدر عطني رقمها وارسل لها مسج انك بتدق من رقمك الثاني
بدر عجبته الفكره:طيب
بندر:أقول بدور لايفسدك هالخبل
بدر:خله يمكن يعجبها صوت نوافوه و يفكني من شرها
بندر:ويمكن لا
نواف:اششش اشش بدق...
ردت البنت بمياعه:هلا وغلا
نواف:هلا فيك
البنت على طول: منو انت؟؟
نواف:انا اللي تبي تتعرفين عليه
البنت:لا هو صوته مو كذا
نواف:ماشالله مداك تحفضين صوته؟؟
ألبنت بخجل مصطنع ومياعه:اكييييد وبلهفه:وينه وينه ابي احاكيه
نواف تحطم زين خذيه معاك...ولف على بدر:تبي تكلمك ماعجبها صوتي
بندر وبدر:هههههههههههههههههههههه
اخذ بدر السماعه:نعم
البنت:آآآآه ياصوتك يخليني اتبخر
بدر:يعني تبخرتي؟؟
البنت:إيه
بدر:لاتكثفتي عطيني خبر ما اتعامل مع الغازات باي
وسكر بوجهها
نواف وبندر تسطحوا ضحك على اسلوب بدر اللي اول مره يشوفونه
جا فراس وفهد:خير انشالله على شنو كل هالضحك؟؟
نواف:لا لا مانتعامل مع الآطفال حنا
فراس عصب:اطفال بعينك
نواف:وانا قلت انه بعين بندر اكيد بعيني
فهد:اخس يانواف كل هذا قهر عشان مادخلت عند الحريم؟؟
نواف:مالك شغل
بندر:لعن ابو ابليسك انت وياه مو وقتكم..خلنا نستانس ويا بعض هذي اخر ليله لي وياكم
فهد:وربي بنفقدك انت وفيصل
جاهم فيصل ومعاه ماجد
فيصل:كأني سمعت إسمي تحشووون؟؟؟
فراس:يمكن!!
نواف:لا هذا فهود يقول انه بيفقدكم
ماجد دخل عرض:وانا محد بيفقدني؟؟؟
الشباب:لا
ماجد مد بوزه:طيب
بندر:ههههههههه إلا والله انا بفقدكم واحد واحد
فيصل:من جد على قولتك
ماجد:إلا وينهم المعاريس
فيصل:شفهم هناك عقبالنا انشالله
الكل:آآآآآمين
وبعدها:هههههههههههههههههههههههه
بندر:الكل متحمس
بدر:أعوووذ بالله اللهم اجرنا
ماجد:إلا إش فيه محمد مرتز ويا سلطان غريبه
فيصل:مدري حتى انا مستغرب ومو طبيعي تحس فيه شي
بندر:أقول لاتقعدون تفاولون عالولد يمكن يبي يعرس
نواف:انشالله انا وهو بليله وحده
بندر يهمس له:اقول يالحبيب اهجد..لاتحلم كثير..انت وين والعرس وين


بعدها جا وقت العشا وتعشو الرجال وبعدهم الحريم وانتهت الحفله...
عالساع الفجر كان كل واحد ببيته..
في بيت ابو سلطان..
ام سلطان:قال لي بيروح مشوار ويا محمد
ابو سلطان منفعل شوي:وشو مشواره بيوم ملكته وبهالفجر!!!
ام سلطان:يمكن معاه شي ضروري
ابو سلطان:الظاهر بنزوجه من هنا وبيستخف الولد من هنا..إذا العاقل سلطان يسوي هالحركات وش اقول على محمد وباسل
فارس:ياخوي الله يهديك انت هد اعصابك وانشالله شوي وبيجون وبتعرف منهم شاللي اخرهم
ابو سلطان:بعد شنو بعد ماطيرو عقلي...طب ليه مقفلين جوالاتهم؟؟
فيصل اللي كان يدري وينهم:عمي الله يهديك تعال داخل ارتاح وانشالله مافيهم إلا العافيه
ابو فيصل يكلم بندر:انت اجلس دق عليهم لحد مايردون انا وعمك بنطلع بالصالون اللي فوق اول مايجون بلغنا
بندر:على امرك


بغرفة البنات..
خلود:يوووه شفيه ابوي معصب؟
الهنوف:وش تبين اخواني بهالوقت مو موجودين اختفوا فجأه ومابلغوا احد وموبايلاتهم مغلقه..شنو تبين ابوي يسوي
دانه:الله يعين عمي
عهود:من جد ...اذكر حالة ابوي لما سواها بندر وحنا ببريطانيا كان هذاك أسوأ يوم
الهنوف:ليه شنو صار؟؟
عهود:تأخر بندر عن البيت تقريبا كمل أكثر من 12 ساعه مادخل البيت وابوي بيموت من القلق عليه وكان مرررره معصب
خلود:وشنو سوى لما رجع بندر؟؟
دانه:والله لو تشوفون ابوي بهاليوم ماكأنه ابوي انا خفت منه وانا مالي دخل بالسالفه...تخيلو ابوي ماعمره مد يده على احد مننا وهذاك اليوم مدها على بندر
الهنوف:ضربه!!
عهود وهي تتذكر:متخيله؟
دانه:احس عمي عبد الله زي ابوي
الهنوف:الله يستر
خلود كانت تتذكر هاليوم يمكن كان بالنسبه لهم اسوأ يوم بس هي كان بالنسبه لها احلى يوم لان هاليوم هو اللي اكتشفت فيه حبها لبندر
فجأه قطع عليها تفكيرها صوت موبايل الهنوف..
ابتسمت الهنوف:هذي العروس
ردت:هلا وغلا بالعروس
خلود تأشر لها:لا تقولين لها عن سلطان
جمانه ومستحيه:هلافيك شخبارك
الهنوف:تمام وانتي
جمانه:تمام....امممم...سلطان مارجع؟؟
الهنوف:وانتي شعرفك هو كلمك؟
جمانه:لا فارس دق على مهند يسال عنه يمكن يكون عندنا.. ومهند سالني إذا كلمني او شي
الهنوف:لا والله مارجع
جمانه:طيب وعمي شمسوي؟
الهنوف تبي تحرجها:إي الحين عمك واول خالك!
جمانه انحرجت:الله يرجك ماتفوتين شي
الهنوف:اعجبك..
جمانه:طيب كيف عمي؟؟
الهنوف:واللله قلقان عليهم الله يهديه سلطان مقفل موبايله..جربي دقي عليه يمكن يرد على يدك
جمانه اوكي يلا باي
الهنوف:باي
وبعد ماقفلت جمانه دقت على سلطان...بس ماكان مغلق
ورد:هلا وغلا
جمانه وقلبها يخفق:هلا فيك
سلطان:اعتقد قلت انا اللي بدق عليك
جمانه انحرجت:............
سلطان:هههههههه...كيفك قلبو؟؟
جمانه مصدومه من اسلوبه:بخير...انت وينك اهلك قلقانين عليك؟
سلطان:أي واضح لقيت عشرين الف موجود منهم لما فتحت موبايلي
جمانه:طيب وينك؟
سلطان:انا خلاص صرت عند البيت
جمانه:ابوك شكله زعلان عليك...لاتخليه ينام وهو كذا
سلطان:من عيوني انتي تامرين امر
جمانه بحيا:تسلم
سلطان:يسلمك يالغلا....يلا انا بقفل وقبل لا انام بكلمك اوكي؟
جمانه:اوكي انتظرك
سلطان:باي
جمانه:مع السلامه


وقف سلطان عند باب البيت....تنهد شايل هم ابوه اللي اكيد بيغسل شراعه ولا امه اللي قلقانه وشلون ببيبلغهم بخبر محمد اخوه
توكل على الله ودخل
اول مادخل لقى فيصل وبندر وباسل وراكان بالصاله وهم اول ماشافوه راحوا له
فارس:سلطان وين كنت اللله يرجك خوفتنا عليك؟؟
سلطان:ابوي وينه
بندر:فوق ياعريس والله بينغسل شراعك
سلطان:الله يستر
وطلع قبل لايسالونه عن محمد
بندر غريبه وينه محمد؟؟
فيصل:آآه...الله يستر


اول ماشافه ابوه وقف:سلطان!!
راح سلطان لأبوه وباسه براسه وبيدينه:يبه سامحني تاخرت عليك واقلقتك
ابو سلطان:وين كنت ووينه اخوك؟؟
سكت سلطان شوي يجمع شجاعته:يبه محمد اليوم بالعصر صدم له واحد وقدرت اطلعه بواسطه عشان يحضر ملكتي بس كان لازم يرجع للتوقيف خلال 12 ساعه عشان كذا تأخرت لأني رحت اوديه
ابوسلطان وابو فيصل مصدومين
ابوسلطان:والحين اخوك عندهم؟؟؟
سلطان:إي
ابوفيصل:طيب واللي انصدم كيفه؟
سلطان:فيصل راح له بالمستشفى وتطمن عليه ويقول بخير
ابو فيصل:يعني فيصل كان يدري وليه ماقال لنا
سلطا،انا قلت له مايبلغ احد أنا قصدي بلغكم بنفسي
فيصل:يبه عمي ادخلوا ارتاخوا لحين وانشالله اول مانصحى بنروح له
ابو سلطان:انشالله
دخل ابو سلطان وهو شايل هم ولده وش بيكون مصيره وام سلطان اللي لما عرفت بالخبر جلست تصيح


بعد ما الكل ناموا سلطان دق على جمانه اللي كانت مرهقه ونامت وهي تنتظره..
ردت بصوت كله نوم:هلا؟
سلطان بهدوء:لبى الصوت والله.هلا فيك شلونك
جمانه ومبتسمه وعيونها مقفله:تمام وانت شلونك؟
سلطان:انا تمام كنتي نايمه؟؟
جمانه:اي
سلطان:فديت النايمين انا طيب اتركك تكملين نومك اول ماتصحين ارسلي مسج وبدق عليك اوك قلبوو
جمانه:اوك
بعد ماسكرت" آآآآآه ياهالولد...احبببببببه"


اليوم الثـــــــــــاني
ابو سلطان واخوانه راحوا لمحمد
وسلطان والشباب راحوا للي بالمستشفى يتطمنون عليه
لميس تكلم خلود:جد اللي صار لمحمد!!!!
خلود:إيه تخيلي كل هذا صاير وحنا ماندري
لميس"ياعمري يامحمد"ودمعت عيونها:يعني هو مابيت عندكم؟
خلود:لا نام بمركز الشرطه...بعد عمري اخوي خاطري اشوفه
لميس:خوخه اتركك الحين امي تناديني
خلود اللي مقدره حالتها وتدري انها تبكي:اوك باي


بمركز الشرطه
ابوسلطان منفعل:مليوون مره اقولك تبطل سرعه
محمد:لحووول يبه قلت لك ماكنت مسرع الخطا عليه
ابو عبدالله:ويوم ان الخطا عليه وش مقعدك هنا
محمد معصب من اعمامه اللي اجتمعوا عليه:يبه عمي الله يهديكم..هم ينتظرونه يصحى من الغيبوبه وياخذون اقواله وبيعرفون انه هو الغلطان
ابو سلطان:وانشالله بتقعد هنا لما يصحى؟؟
فارس:عبدالله الله يهديك ياخوي اكيد بيقعد هنا لما يصحى....ومامداه يكمل إلا وموبايل بو سلطان يرن..
رد ابو سلطان:هلا سلطان.......صدق والله؟؟...الله يبشرك بالخير ياولدي...انشالله مع السلامه
وبعد ماقفل:ابشركم الولد صحى من الغيبوبه
ابوعبدالله:الحمد لله
محمد بفرح:يعني بخرج الليله؟؟
فارس:ما اظن اتوقع بكره

ابوعبدالله:يلا ابوسلطان خل نروح حق الولد نشوفه
ابو سلطان يلا
محمد:بتروحون لولد الناس وولدكم مرمي هنا؟
فارس وهو طالع ورى اخوانه اللي ماعبروا محمد:اللي من ايده الله يزيده


طبعا ابو فيصل اجل رحلته لليوم اللي بعده عشان محمد
اليوم الثالث..
طلع محمد وقام ابو عبدالله وصلح له عزيمه بهالمناسبه
رحلة ابو فيصل وعياله كانت بالليل يعني بيحضرون العزيمه وعالمطار
بندر ارسل مسج لخلود اللي نفسيتها بسابع ارض
(خلود..انا اليوم ماشي على بريطانيا..كان بودي اسمع صوتك واعرف منك سبب كل هالصد والجفا المفاجئ بس الظاهر انك عايفتني
..مابي منك شي..ولو تبين ابعد صدقيني اتركك ولاعاد تسمعين فيني..بس ابي اعرف السبب..خلود لو سافرت واناباقي ماعرفت
بتنتهين من حياتي وماراح اسامحك على اي شي سويتيه فيني..ماراح اطلب تكلميني بس أقلها ارسلي مسج...راح انتظرك..بندر)
شهقت خلود وهي تبكي لما قرت المسج..رمت نفسها على سريرها وظلت تبكي..هي شذنبها يصير لها كل هذا؟؟...ظلت ساعه ونص وهي على هالحال..وجلست تفكر ترد ولا ماترد تقوله ولا ماتقوله انها هي بنت عمه..قررت قرار بس بتاخذ لها دش وبعدها بتنفذ قرارها
خلاص لازم تنهي هالعذاب اللي هي فيه


طلعت خلود من الحمام وانتوا بكرامه لقت 3 مكالمات كلها من بندر .. ابتسمت بألم " انا قررت..وانشالله اكون قد قراري..لازم اتحمل نتيجة تصرفاتي".قفلت موبايلها وطلعت شريحتها ورمتها باقرب زباله..وبهالخطوه اعتبرت بندر انتى من حياتها مثل ماهي بتنتهي من حياته بمجرد سفره


عالمغرب اجتمعوا كل العوائل ببيت ابو عبدالله..
عند البنات..كانوا كلهم جالسين ويابعض ويتذكرون اهم احداث الصيفيه اللي قضوها ويا بعضهم..
كانوا بكل موقف يتذكرونه يضحكون ولما يتذكرون انهم بيفترقون يبكون..
كانت هذي آآآآخر جمعه لعائلة ابو فيصل واخوانه بالسعوديه..
الساع2:30 بالليل كانوا البنات يودعون بعضهم..وداع لايخلوا من شلالات الدموع اكيد
عند الشباب نفس الشي بس اكيد بدون دموع
بندر كان جواته انهيارات محد يحس فيها غيره ومع كذا يقدر يقنع اللي حوله بانه اسعد شخص على وجه
يبتسم وهو يودع الكل واللي يشوفه مايشك واحد بالميه ان هالإنسان جواته كل هالهموم وشايله لوحده بدون مايوضح هليه
عند الحريم عهود ودانه يسلمون على خالاتهم وهم يشاهقون
دخل باسل..وبحزن:يمه عمي عبد العزيز وعياله بيدخلون يسلمون على امي شيخه تغطوا
تغطوا الحريم والبنات ودخل عبد العزيز ووراه فيصل وبندر
سلم على امه وبنات اخوانه سلموا عليه وودعوه
فيصل حب راس جدته وودعها وودع خالاته وبنات عمه وطلع
لما جا بندر بيسلم على جدته
بندر وهو مبتسم:يالله يمه شيخه نشوفك على خير يالغاليه
شيخه:مع السلامه..الله يردكم لنا سالمين غانمين والله ياولدي اني حبيتك غير عن احفادي كلهم
بندر يضحك:ههههه اكيد انا بندر مو حيالله
يلا يمه لعيونك هلاغنيه وبدأ يغني:بصبر على فرقاكم مهما تمر سنين...اتذكر محيآآآكم ياحبيبين العين
شيخه:هههههههههههه
بندر ويحب راس جدته مره ثانيه:يالبى الضحكه ياناس..والله ياشيوخ انك بتوحشيني
شيخه وهي تضربه بخفه:استح على وجهك شنو شيووخ
بندر:ايه شيخة الحلوين انتي فديته ياناس
شيخه مبتسمه على هبال حفيدها
بندر :يلا يمه توصين شي...عريس من بريطانيا..من هنا من هنا ويغمز لها
شيخه ومستحيه:لا ياولدي بعد ابو عبدالله هالقلب محد يدخله
بندر يعلق عليها:بس بس يالوفيه...يلا يمه فمان الله
ابتسم الكل من بين دموعهم
بندر مشى وهو ياشر للكل:فمان الله يالغاليين
لف بندر عالبنات اللي كانوا يشاهقون:وانتم شفيكم كنكم بعزا..الصيفيه الجايه بنجي وبنغثكم وبنقعد على قلوبكم لا تفرحون كثير
البنات:ههههههههههه
سلم على خالاته وباستهبال راح لامه وسلم عليها:يلا يمه مع السلامه
ضربته على راسه بخفه:اعقل يابندر
الكل:هههههههههههه
خلود ماسكه بيد لميس وضاااااااغطه عليها
لفت عليها لميس لقت عيونها مغررررقه وكأنها كاتمه صيحتها
لميس:خوخه قلبووو خلاص انسيه
هزت راسها وكأنها تقول بحاول
طلع بندر ومعاه خواته وامه
بندر:ههههههههههه يمه شوفي راكان
راكان كان بالحديقه واسيل ضامته وتبكي وتشاهق وهومنحرج و مو عارف شلون يسكتها
ام فيصل والبنات:هههههههههههه
راكان انحرج من امه وخواته واشر لعهود تتصرف مع اسيل..
عهود تاخذ اسيل من حضن راكان:أسول قلبوو بتشوفينه الصيفيه الجايه
اسيل مع شهقاتها:وانا...وش...يصبرني؟؟
عهود بابتسامه وكاتمه الضحكه وتبي تغير الموضوع:اسمعي اسول بعطيك امانه توصلينها وابيها تكون سر بيننا أوكي
اسيل وهدت شوي:شنو؟
عهود تهمس لها:سلمي على فراس كثير وقوليله عهود تقول سامحها
ابتسمت اسيل وهي تمسح دموعها وقالت:انشالله
عهود:يلا حبيبتي باي
اسيل: باي وراحت وباست راكان اللي انحرج
راحوا دانه وعهود وام فيصل وابو فيصل وركبوا السياره
اما فيصل وبندر راحوا يودعون اعمامهم وعيالهم
سلموا عليهم وودعوهم وهم طالعين كان فيصل يمشي وبندر بعده بمسافه
بنــــــدر!!
نبرة الصوت مو غريبه عليه لف و قلبه يخفق نفس نبرة صوتهاآ...:هلا
خلود وهي تلقط انفاسها ومتوتره حدها...: كويس...اني..لحقت عليك...بقولك...شي
بندر وهو مرتبك"كل شي فيها يذكره بحيبته خلود":شنو؟
خلود وهــــي ترجف:............................................. .................................................. ........





نهآآآآآآآآآآآآآآآآآآآآآآآآآآيـــــــــــــــــــــ ــــة البــــــــــــــــآآآآآرت


إنشآآآآْ الله يكون البارت طويل وعجبكم...


لاتحرموني ردودكم وتوقعاآآآتكم,,,وأكيد انتقاداتكم ..


اشكر كل من مر على روايتي,,,,واخص بالشكر كل اللي ردوا علي بالباآآآرتات اللي فاتت بدون استثنآآآآء







في الـبــــــــــــــــــــــــــــآآآآآرت القــــــــــــــآدم:
-خـــــلود بهمس : (( فمـــــــــــــان الله يــالغــــــــــــالي))
-قال بسخريه:أهاااا انتي هذيك الدلوعه اللي بالإستراحه
-مميل فمه باستخفاف:هه انا احب؟؟...ياعمي طييييير..آخر همي الحب
-بدربصوته الهادي وعينه عليها:صدقيني مافي شي يستاهل نبكي عشانه
-استوعب انه زودها قال بصوت قريب للهمس:أحبــــك
-اليوم جاك واحد يخطبك..........................انصدمت!!
-جمانه:لاتصرخ علي استاذ سلطان!!!
-شــذآ ميته خوف:خلوووووود..إش فيك ادق عالإسعاف؟؟
-عهود صرخت باعلى صوتها....:داااااانــــــه!!!...بشــوفه.....بشـــــ ووووووفه!!




أحدآآآآآآآآآآآآث مشوووووقه تنتظركم بالبارت القآآآآدم
توقعآآآآآآآآآآآآآتكم ياحلوين
استودعكم الله..دمتم في حفظه
تقبلو تحيــآآآتي:



إح ـــــــــــــــــــــــسآآآآآآس


انتظروني الأربعآآآآآء القادم بإذن الله


|[ وفمــــــــــــــــآآن الله يالغــــــــــــآآآآليــيــن]|~

-16-
"لملمـت أحسـاسكـ .. شعـوركـ وقلبـكـ
خــلاص بتســافر ؟!!
زيـن التفـت لحظـه ! عطنـي جـروحك بـس ..
خلهـا تسليني .. بغيـابك الكـافر ..
"



عند البنات..كانوا كلهم جالسين ويابعض ويتذكرون اهم احداث الصيفيه اللي قضوها ويا بعضهم..

كانوا بكل موقف يتذكرونه يضحكون ولما يتذكرون انهم بيفترقون يبكون..
كانت هذي آآآآخر جمعه لعائلة ابو فيصل واخوانه بالسعوديه..


الساع2:30 بالليل كانوا البنات يودعون بعضهم..وداع لايخلوا من شلالات الدموع اكيد


عند الشباب نفس الشي بس اكيد بدون دموع


بندر كان جواته انهيارات محد يحس فيها غيره ومع كذا يقدر يقنع اللي حوله بانه اسعد شخص على وجه
يبتسم وهو يودع الكل واللي يشوفه مايشك واحد بالميه ان هالإنسان جواته كل هالهموم وشايله لوحده بدون مايوضح عليه


عنــــــــد الحريم
عهود ودانه يسلمون على خالاتهم وهم يشاهقون
دخل باسل..وبحزن:يمه عمي عبد العزيز وعياله بيدخلون يسلمون على امي شيخه تغطوا


تغطوا الحريم والبنات ودخل عبد العزيز ووراه فيصل وبندر
سلم على امه وبنات اخوانه سلموا عليه وودعوه

فيصل حب راس جدته وودعها وودع خالاته وبنات عمه وطلع
لما جا بندر بيسلم على جدته
بندر وهو مبتسم:يالله يمه شيخه نشوفك على خير يالغاليه

شيخه:مع السلامه..الله يردكم لنا سالمين غانمين والله ياولدي اني حبيتك غير عن احفادي كلهم

بندر يضحك:ههههه اكيد انا بندر مو حيالله
يلا يمه لعيونك هلاغنيه وبدأ يغني:بصبر على فرقاكم مهما تمر سنين...اتذكر محيآآآكم ياحبيبين العين

شيخه:هههههههههههه

بندر ويحب راس جدته مره ثانيه:يالبى الضحكه ياناس..والله ياشيوخ انك بتوحشيني

شيخه وهي تضربه بخفه:استح على وجهك شنو شيووخ

بندر:ايه شيخة الحلوين انتي فديته ياناس
شيخه مبتسمه على هبال حفيدها

بندر :يلا يمه توصين شي...عريس من بريطانيا..من هنا من هنا و(يغمز لها)

شيخه ومستحيه:لا ياولدي بعد ابو عبدالله هالقلب محد يدخله

بندر يعلق عليها:بس بس يالوفيه...يلا يمه فمان الله
ابتسم الكل من بين دموعهم

بندر مشى وهو ياشر للكل:فمـــــــــان الله يالغاليين

لف بندر عالبنات اللي كانوا يشاهقون:وانتم شفيكم كنكم بعزا..الصيفيه الجايه بنجي وبنغثكم وبنقعد على قلوبكم لا تفرحون كثير

البنات:ههههههههههه

سلم على خالاته وباستهبال راح لامه وسلم عليها:يلا يمه مع السلامه

ضربته على راسه بخفه:اعقل يابندر
الكل:هههههههههههه

خلود ماسكه بيد لميس وضاااااااغطه عليها
لفت عليها لميس لقت عيونها مغررررقه وكأنها كاتمه صيحتها

لميس:خوخه قلبووو خلاص انسيه
هزت راسها وكأنها تقول بحاول

طلع بندر ومعاه خواته وامه

بندر:ههههههههههه يمه شوفي راكان

راكان كان بالحديقه واسيل ضامته وتبكي وتشاهق وهومنحرج و مو عارف شلون يسكتها

ام فيصل والبنات:هههههههههههه
راكان انحرج من امه وخواته واشر لعهود تتصرف مع اسيل..
عهود تاخذ اسيل من حضن راكان:أسول قلبوو بتشوفينه الصيفيه الجايه

اسيل مع شهقاتها:وانا...وش...يصبرني؟؟

عهود بابتسامه وكاتمه الضحكه وتبي تغير الموضوع:اسمعي اسول بعطيك امانه توصلينها وابيها تكون سر بيننا أوكي

اسيل وهدت شوي:شنو؟

عهود تهمس لها:سلمي على فراس كثير وقوليله عهود تقول سامحها

ابتسمت اسيل وهي تمسح دموعها وقالت:انشالله

عهود:يلا حبيبتي باي

اسيل: باي وراحت وباست راكان اللي انحرج

راحوا دانه وعهود وام فيصل وابو فيصل وركبوا السياره

اما فيصل وبندر راحوا يودعون اعمامهم وعيالهم
سلموا عليهم وودعوهم وهم طالعين كان فيصل يمشي وبندر بعده

بنــــــــــــــــــــدر!!
نبرة الصوت مو غريبه عليه لف و قلبه يخفق نفس نبرة صوتهاآ...:هلا

خلود وهي تلقط انفاسها ومتوتره حدها...: كويس...اني..لحقت عليك...بقولك...شي

بندر وهو مرتبك"كل شي فيها يذكره بحيبته خلود":شنو؟


خلود وهــــي ترجف وتعدل طرحتها:.............................خـــــــــــــ ــذ...ومدت يدها

ناظر بندر اللي بيدها وهو معقد حواجبه:شنو هذا؟

خلود: هذي لقيتها مره وانا ارتب غرفة محمد ايام ماكنت انت بالكويت وخليتها عندي ونسيتها وتوني افتكرتها..صورتك انت وواحد معاك

بندر:اي صح فقدتها ودورت عليها كثير...وابتسم
بالم...مشكوره

خلود وهي مخنوقه وتناظر بعيونه: العفو...توصلون.. بالسلامه

بندر ومازال يكابر ويبتسم:الله يسلمك (وبدون مايناظرها) ..انتبهي لنفسك..

خلود بدون ماتناظره:وانت بعد

بندر:مع السلامه

خلود:فمان الله

ركب بندر السياره وبيده صورته ويا سامي..."آآآه ياسامي اش كثر فقدتك"

خلود ظلت واقفه ووعينها متعلقه في بندر وتراقبه وهو يغيب عن عينها... قالت بهمس : (( فمـــــــــــــان الله يــالغــــــــــــالي))

من هاللحظه اعلنت خلود التمرد عالمشاعر اللي جواتها...الغت الحب من حياتها وقررت ترجع زي اول واحسن..
مستحيل تكره بندر بس بتدفن حبه بصدرها...وصعب تنساه.. بس هذا اللي بتسويه..



اليوم الثاني...
وصلوا ابو فيصل وعائلته بريطانيا..ورجعوا لحياتهم الاولى الكل باول ييوم وصلوا فيه جلس يتكلم عن السعوديه واش حسوا فيها واش كثر يتمنون يعيشون هناك...بس ظروف ابوهم كانت هي الحاجز الوحيد اللي يخلي هالامنيه مستحيله مؤقتا



××بعــــــد يـــــــــــومــــــين××
بالسعوديه..
بيت أم عادل...العائله مجتمعين عالعشا
ابوعادل يكلم موضي: ابشرك اخوك وعياله وصلوا بريطانيا تو ابوسلطان مكلمني وقايلي ابلغك
موضي بفرح:الحمد لله على سلامتهم..ياحبي لهم والله بيوحشوني
مرام:ياقلبي ياعهود وربي بشتاق لها
شذا:حتى دانه والله
أسيل ببراءه:وراكان؟؟
ريماس تدقها
مرام اللي كانت تاكل فطست ضحك:ههههههههههههههه كح كح كح<< غصت باللقمه
موضي بابتسامه وتناظر اسيل:كلهم بيوحشونا
ريماس:يؤ يؤ اشفيهم اخواني ساكتين مو بالعاده!!
فراس كان ياكل بصمت
عادل ابتسم: انتم يالحريم سوالفكم ماتخلص اما حنا عندنا حد إئتماني
الكل:هههههههههه
ام عادل:الله يعين اللي بتاخذك بتتعقد
عادل:محد ضربها على يدها توافق علي
شذا:يبيلك وحده هاديه مثلك عشان تكون متعوده
عادل وجات بباله آلاء:لا بالعكس ابي وحده راعية هرج عشان مايجينا نوم
ابو عادل اللي كان يسمعهم بصمت تكلم وقال: انت أشر بس وحنا نخطب لك...ماشالله خالد وسلطان شهر وبيتزوجون
عادل وهو يقوم...:الحمد لله...لا يبه لسا بدري لابغيت اعرس بجيك بنفسي وبقولك...وطلع غرفته
موضي وابو عادل:الله يهديك
الكل سكت
اسيل قطعت الصمت:فراس...ذكرني بعدين اعطيك امانه..

ناظرها فراس مستغرب:امانه شنو؟
اسيل:بعدين بيني وبينك
سكت فراس
مرام وريماس بنفس الوقت:من منو الامانه؟
اسيل:انتم فراس؟؟؟....وقامت
مرام:وججججججع يالهبنت تنرفز
ناظرها فراس بنص عين:والله ماينرفز إلا اللقافه
وقام:الحمد لله
راح لغرفة ريماس وأسيل..دق الباب...
اسيل:ادخل
فتح فراس الباب ودخل راسه:تعاليلي بغرفتي
ابتسمت اسيل:طيب روح وبلحقك

في غرفة فراس..
فراس:هي قالت كذا؟؟
اسيل:إيه..بس شنو تقصد بإنك تسامحها؟؟..هي غلطت عليك؟؟
فراس:مارحتي بعيد طالعه لخواتك...اللقافه تجري بدمكم..!!
اسيل:ههههههه سوري...يلا سي يو..
وطلعت وتركت فراس في دوامه من التفكير..



مرت الايام سريعه عالكل...
خلود بدأت تتعود على غياب بندر..تحسنت نفسيتها كثيييييييييير وصارت احسن من قبل يعني مايطري على بالها كثير...
بندر تعباااااان حيل مو قادر يعيش يحاول يرجع مثل قبل...قبل مايعرف خلود..بس موقادر..
اكثر شي مهون عليه هو وجود سامي معاه





بـــــــعد 3 اســـــــــابيع من سفر عائلة أبو فيصل..
الكل كان يستعد لزواج خالد وسلطان اللي بعد أسبوعين
خلود تكلم لميس:ياربييي كل ماتذكر إني لسا ماشريت فستان يجيني اكتئاب
لميس:يووووه انا لفيت كل اسواق الرياض مالقيت اللي يدخل مزاجي
خلود:انتي مزاجك صعب..بس تصدقين حتى هنوفه لسا ماشرت..وكلنا محتاسين احس مابقا وقت
لميس:حتى مرومه لما كلمتها تقول لسا ماشرو ولا شي وألول وحلا نفس الشي
خلود:طيب شرايك لو نكلم البنات ونروح سوا ونكمل اللي ناقصنا؟؟
لميس:متى تقصدين اليوم؟؟
خلود:إي اليوم
لميس:امممممممممم خلاص اوكي بس نبي كلللل البنات
خلود:اوكي ولا يهمك خليها علي
لميس:اجل اتركك الحين كلميهم وردي مني
خلود:أوكي باي
لميس:بااااي
كلمت خلود كل البنات وقالت لهم عالفكره واتفقوا انهم يروحون بس كانت المشكله كالعاده في منو بيروحهم السوق...
الهنوف:سلطاااااااااااااااااان بليييييييز
سلطان:لحوووووووووووووول انتي شلون تفهمين؟؟..مو جمانه بتجي وياكم؟؟
الهنوف:إي
سلطان:طيب ياحلوه..لو عرفت اني انا اللي بوديكم مابتجي وياكم
الهنوف:مابنقول لها!!
سلطان:اموت انا عالافكار(ابتسمت الهنوف)..