رواية الجرح ارحم من فراقك وبعدك - كـآـآمـلـه..

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]
اليوم حنزل لكم روآية الجرح ارحم من فراقك وبعدك..للكـآتبه الجرح ارحم ..
وان شـآء الله رح تكون كـآمله..
بـرب

نواف:يالله تصبحين على خير
البتول:وانت من اهله

في بيت بندر

كان سهران ويقرا مواضيع البتول"عيوني حزينه"
كيف قدرت تعرف المنتدى واسمي فيه
اه يالبتول كيف قدرتي تسوين كل هذا
سكر الاب توب وسند راسه للكرسي
اه اليوم احداثه كثيره
كنت افكر كيف اطلق البتول وابتدي حياتي من جديد مع منال
وهذا انا بطلق البتول لكن اليوم منال تتزوج بولد عمها
بكل هالسهوله انته الموضوع
لكن انا كيف كنت افكر
افكر اتزوج بوحده كان لها علاقه بي من قبل
كيف كنت راح اثق فيها مثل ماقالت نبتدي حياتنا على علاقه غلط
كيف غضيت النظر عن بنت عمي الطاهره الي ماراح القى وحده مثلها تكون زوجه
وام صالحه تربي عيالي وأأمن بيتي ونفسي معها
اخذ جواله وبدى يدور بقائمة الاسماء وصل عند رقم منال
خسارة الايام الي ضاعت معك طلعتي انسانه ماتستاهلين
ومسح رقمها
ماعلى وحدك مثلك حسوف

طلع لغرفته وفي طريقه مر على غرفة البتول
فتح الباب ودخل وعيونه تلف في الغرفه
كنت اشوفك البنت الصغيره المدلله
لكنك بتصرفاتك طلعت انا الصغير قدامك
وربي انك تسوين منال وعشر زيها


قبل عرس خالد بيومين

رن جوال البتول
البتول: هلا نجد
نجد: هلا البتول أخبارك
البتول: تمام الحمد لله
نجد: البتول بغيتك تجين معي للسوق
البتول: والله مالي نفس للطلعه
نجد:البتول مايصير كذا تحبسين نفسك
البتول:ليه وش ناقصك
نجد: أبغي أشتري هديه وأبغي احد أخذ رايك
البتول: هديه لفهد
نجد: لا لخالد
البتول كانت تتناسى أن عرسه قرب: أوكي بتمرين علي
نجد: يالله كلها نص ساعه وأكون عندك

وصلت نجد لبيت خالتها وطلعت لها البتول وتوجهوا للسوق
أختارت له نجد ساعه من ماركةcartierوغلفتها
طلعوا من السوق
نجد: البتول بنروح بيت أبوي لأن أمي كلمتني وقالت أن خالتي عندنا ولازم
أجيبك معي
البتول: لا نجد ابغي ارد للبيت
نجد:ماهو بكيفك هذا امر
البتول:نجد تكفين
نجد تكلم السايق:روح بيت ابوي
البتول:ماينقدر عليك

وصلوا لبيت أبو خالد
نزلوا البنات ودخلوا البيت كانت أم خالد وسعاد جالسين بالصاله سلموا عليهم
البنات وجلسوا يتقهوون

البتول: خالتي نوف وين
أم خالد: طلعت لغرفتها ونامت روحي لها صحيها
البتول: أخاف أزعجها خلها ترتاح
سعاد: يمكن أنها تعبانه خليها مرتاحه
أم خالد:لا صار لها وقت وهي نايمه وهي موصيتني لا أخليها تطول بالنوم
البتول: أنا بروح لها غرفتها أقومها في أحد بالبيت
أم خالد: لايابنتي طلعي لها
طلعت البتول لغرفة نوف دقت على الباب بس نوف ماردت فتحت الباب ودخلت كانت
الغرفه بارده ومظلمه

البتول: نوف شلون قادره تنامين في هالبرد يالله قومي أجلسي معنا تحت
نوف: يوووه ميري طلعي برا وسكري الباب (ميري الشغاله)
البتول : ميري في عينك أنا البتول
نوف: البتول ليه أنتي هنا صاير شي
البتول: لا بس أنا زايرتكم هذا إذا ماعندك مانع
نوف: إلا نورتي البيت
البتول: طيب يالله قومي

نوف: خلاص هذا أنا قايمه ممكن تطلعين علشان أبدل ملابسي
البتول: لا ترجعين تنامين ولا...
نوف: بدون ولا هذا أنا قعدت
البتول: بنات مايجون إلا بالعين الحمره
طلعت وسكرت الباب
رفعت عينها وشافته واقف
ياالله ليه هالصدف اللي تجمعنا

خالد: مساء الخير
البتول: مساء النور
خالد: أخبارك يالبتول
البتول: الحمد لله بخير
تقدمت بتنزل من الدرج بس صوت خالد خلاها توقف

خالد: البتول
البتول: نعم
خالد: ليه تبغين تهربين مني
البتول:وليه أهرب
خالد: أنا أعرف أنك زعلانه مع بندر والمسأله بتوصل للطلاق
البتول كانت ساكته تسمع كلامه
خالد: البتول حنا انخلقنا لبعض بس الزمن هو اللي فرقنا لكن الحين الزمن رجع
يبتسم لنا لاتخلينا نضيع الفرصه

البتول: -----
خالد: البتول تتزوجيني
انصدمت البتول من كلام خالد
البتول: ايش قلت أنت نسيت أن عرسك بعد كم يوم
خالد: لا مانسيت
البتول: خالد هذا الكلام راح وقته أنساني ياخالد وعيش حياتك ولا تظلم
العنود معك ترى صعبه على الوحده أنها تعيش مع واحد قلبه ماهو لها
خالد: هذا أنتي قلتي قلبه ماهو له
البتول: خالد أنا آسفه لأني ظلمتك في يوم توني أعرف أنك تقدمت لي
بس وربي ماكنت أعرف باللي صار ويمكن لوعرفت كان تغيرت أمور كثيره
وقبل ماتنزل من الدرج
أنساني لأني برجع لبندر
أنصدم خالد : بترجعين لبندر

نزلت البتول وماردت عليه البتول قالت له هالكلام علشان يقطع الأمل
دخل غرفته ورمى شماغه على السرير
آه يالبتول ليه ننحرم من بعض ليه ماأقدر أنساك
كيف ترجعين له وتتركيني ليه كل ماقربتي مني ترجعين وتبعدين

نزلت البتول للصاله وبعدها انضمت لهم نوف
كانت جالسه متوتره تبغى تطلع من البيت لانها ماتقدر تشوفه مره ثانيه
البتول:يمه خلينه نروح
ام خالد:ليه يابنيتي بدري
البتول:اسمحيلي ياخاله بس تعبانه وابغى ارتاح
سعاد:يالله اجل كلمي السايق يجي لنا
ام خالد:بس خلوني قبل اوريكم جناح خالد اليوم وصل الاثاث وجهز
سعاد:الله يتمم له بخير ان شاء الله
ام خالد:ان شاء الله
طلعوا لجناح خالد والبتول كانت خطواتها ثقيله وقفوا قدام باب الجناح
فتح ودخلوا له
سعاد:ماشاء الله تبارك الرحمن
نجد:وش رايك ياخاله
سعاد:ماشاء الله ماعليه كلام
نجد:وش رايك البتول ترى هذا كله ذوقي واختياري
البتول:دام انه ذوقك اكيد حلو
نجد:خالد جنني ماكان راضي يساعدني باي شي
سعاد:الله يعطيك العافيه وان شاء الله تاثين جناح ولدك يوم عرسه
ام خالد:امين ان شاء الله
نجد:البتول فيك شي
البتول:لا بس تعبانه ان بنزل تحت انتظركم
نجد:طيب شوفي الغرف
البتول كانت ضايقه بالحيل كانت تتخيل خالد وهو في هالجناح مع العنود ياما
حلمت انها تكون معه بس القدر
طلعت من الجناح ونزلت للصاله
نجد كانت حاسه بها
خالد:سلام
الكل:وعليكم السلام
سعاد:الله يتمم لك بخير ياوليدي
خالد:تسلمين
كان ملاحظ غياب البتول
سعاد:البتول وين راحت
نجد:نزلت تحت عند نوف
ام خالد:اقول سعاد ترى حال البتول ماهو عاجبني
سعاد:ماتنلام يااختي الي صار لها ماهو قليل وهي بعدها صغيره كيف بتستحمل كل
هذا
ام خالد:الله يعينها ان شاء الله
خالد كان يسمعهم الود وده لو انه يروح لبندر ويعطيه درس ماينساه طول عمره
سعاد:يالله ارخصوا لنا
ام خالد:خليني اوصلك
ونزلت سعاد مع ام خالد
خالد:نجد البتول بترجع لبندر
نجد:ترجع له من قال لك هالكلام
خالد:لا بس اسال
نجد لقتها فرصه علشان لا يفكر انه يتهور:اتوقع من كلام البتول انها بترجع
له
خالد:بس كيف ترجع له بعد الي سواه فيها
نجد:خالد كل انسان يغلط والبتول ماتبغى تهدم بيتها وخلاص شيل الموضوع من
راسك
خالد:انا طالع
نجد:في حفظ الله


في بيت "أبوالبتول"

قبل عرس خالد بيوم
كانت البتول سهرانه
خلاص يالبتول بكره خالد بتملكه غيرك
لحظتها رن جوال البتول بنغمة مسج

قلتي لي إنسى ..
ومن يومها وأنا كلِّ ليله قدَّامي البرواز ..
حبر العيون ودمع القلم في دفتري ..
وصورتك رغم الألم ..
ورغم إنَّها خذت من أطباعك كثير ..
وخانت البرواز ..
أشوفها في خاطري ..
حبيبتي مابيدي حيله ..
لى صرتي الصَّوره .. وعيوني البرواز ..
وشلون أبنسى ...
* * * * * *
أتعبتي الصَّوره مشاوير ..
وتعبت أنا بلقى لغدرك معاذير ..
وصورتك الِّلي سجنت بروازها طول السَّنين ..
كانت جسد وبروازها الرَّوح ..
ويوم نزعت منها الجسد .. تجرَّحت أطرافها ..
وبجروحها راحت لمين ..
لبروازها الثاني ..
مسكين .. بيسجنك ويبقى سجين ..
تشبه لك أقداره .. خانته
وصورتك يجي يوم وتخونه ..
حبيبتي أو للأسف حبيبته ..
لى صرتي الصوره وجفونه البرواز ..
وشلون ينسى ...
* * * * * *


((خالد))
نزلت دمعه حرقت خد البتول: غصب عني ياخالد هذا قدرنا بس وربي احبك لكن غصب
علينا نفترق

أرسلت له

تدري أنا وياك قصتنا مثل شمس وقمر
من أول الوقت حتى أخره مايلتقون
كلن يدور صاحبه
كلن يدور صاحبه
حكم القدر تشرق تبيه
يغرب يبيها وبالسما يتخالفون
تدري أنا ماعاد أظن أن لي معك قسمه
وياعزتي للي القدر هو نده وخصمه
قاوم هبوب العاصفه وهدته نسمه
نسمه رقيقه ظالمه مابقلبها رحمه
آه ياحبيبي للأسف مابيدنا حيله
هذا نصيب قلوبنا وياعلها خيره
كل شي حبيبي بينتهي حبنا خالد
صفحه تشع من البياض الله بها شاهد

ظلت البتول تبكي بحرقه

خالد وهو يقرا المسج : آه يالبتول جبتيها على الجرح

رن جوالها وكان المتصل خالد
آه ياخالد خلاص أرحمني أرحمني
خذت الجوال ورمته على الأرض وسكرت أذنها ماتبغي تضعف وترد عليه
تمددت على السرير وغطت نفسها بالغطى وهي تبكي
خلاص ياخالد خلاص ماابغى ارد علي ماابغى اسمع صوتك

خالد كان يتمنى أنها ترد عليه ويسمع صوتها
لكن خاب ظنه حاول انه ينام بس ماقدر بكره أشياء كثيره بتغير في حياته

ياعذابي..كيف انا بقوى عذابك
.....لاصار في بعد عذاب
.....وفي قربك عذاب
ياشبابي زينة ايامي شبابك
..لك في حياتي حساب. .. ونسيانك حساب
ماتصدق لو اقول انك حياتي في كل شي
سمعي وشوفي انت..دمي واحساسي
باسم الهوى لازلت..فكري وهوجاسي
وتدري علي ف..بعدك عذاب وفي قربك عذاب
........ ياحب مالي فيه غير الشقا
....... ياحب أخذ من حياتي مابقى
عشته باحساسي ولابه شك
... .. يبدل شعوري
..... حبك جرى في دمي وذاب


عرس خالد

دخلت العنود على أصوات الموسيقى كان فستانها مأخذ الشكل الأسباني لونه سكري
ومكياجها ناعم وشعرها مفتوح وحاطه ورده على الجنب كان شكلها طالع حلو
مشت بخطوات ثابته والأبتسامه مرسومه على وجها كانت تتمنى هاليوم من زمان
وصلت للكوشه وبدوا بنات عمها وبنات خالها وصديقاتها بالرقص بعدها
دخل أبوها مع أخوانها وخالد
أبتسم لها خالد :ألف مبروك
العنود كانت ترتجف ومب قادره ترد لحظتها ركبت العمه نوره للمسرح وسلمت على
خالد وصورت معهم
كانت عيون خالد تلف القاعه يبغي يلمحها لأخر مره قبل لايطلع
وقف مع العنود وهم يمشون على المسرح لمحها كانت متلثمه عرفها من عيونها
عيونها إلي حافظها ويميزها من بين ألف وحده ووحده شاف الحزن فيها




* * * * * *
ياعُيون الكون غُضَّي بالنَّظر
واتركينا اثنين عين تِحكي لعين
إتركينا الشَّوق ماخلَّى حذر
بلا خوف بنلِتقي .. وبلا حيره بنلتقي
بألتقي بعيونها وعيونها أحلى وطن ..
وكُلَ الأمان ..

نسى الناس ونسى العنود ماكان يشوف غيرها سمع نجد تهمس له
خالد... خالد
خالد التفت لنجد إلي لاحظت هالشي
لأنها أقرب وحده له
نجد: خالد العنود مالها ذنب
كلمات نجد خلته يلتفت للعنود ورجع التفت لنجد
: وأنا شذنبي يانجد
مشى وماترك لها مجال أنها ترد وطلع مع العنود من القاعه وتوجهوا للفندق
البتول ظلت تناظرهم كانت تتمنى يرجع ويلتفت لها ماتخيلت أنها بتقدر تشوفه
يضيع منها بهالسهوله ليه القدر يحرمنا من بعض ليه

بحضر زفافك مثل باقي المعازيم
لوكان في ليلة زفافك وفاتي
بحضر نهاية قصة الحب والضيم
وبكتب على جرح الهوى ذكرياتي
لوخانني دمعي بليل المراسيم
عزاي حبك مادروا به عداتي
يمكن أني أنسى لهفة الأرض للغيم
وأنسى مع موت الأمل أمنياتي
وادفن بذاتي صارت السين للجيم
وانظر لباكر على الأفراج تأتي
الحظ وأنت وأختلاف المفاهيم
صاروا حواجز في مسيرة حياتي
ياما بدنيا الحب مثلي مظاليم
من عاش حرماني يسوي سواتي
بحضر زفافك مثل باقي المعازيم
لوكان في ليلة زفافك وفاتي
لوكان في ليلة زفافك وفاتي


بعد عرس خالد بيومين
صحى نواف الصبح بيروح للدوام
نوف:نواف
نواف:هلا حبيبتي صحيتك
نوف:انا اصلا مانمت
نواف:ليه
نوف:ولدك ماخلاني انام طول الليل يتحرك
نواف:قصدك بنتي
نوف:عطني يدك
مسكت يده وحطته على بطنها
نوف:تحس بحركتها
نواف:أي والله احس بها
اهدي يابنت ولا تعبين امك كلها شهر وتشرفين
نوف:شكلها مستعجله تبغي تشوف ابوها
نواف:لا تلاقين دق العرس ماثر فيها للحين
نوف:هههههههه
نواف:يالله قلبي انا بروح تاخرت
نوف:مافطرت
نواف:لا مااشتهي يالله نامي ولا تعبين نفسك
تمددت وغطاها وباسها على جبينها
نواف:سلام
نوف:الله يحفظك
طلع وراح لشغله

الظهر صحت نوف من النوم وهي تحس بالالم في بطنها
آه ياربي وش هالالم
قامت من السرير وهي الالم كل ماله ويزيد
فتحت باب الجناح وهي تصوت
البتول البتول
اه ياربي بموت
خالتي البتول الحقوا علي

البتول وسعاد جالسيين بالصاله
سعاد:البتول يمه ماكانه صوت نوف تنادي
البتول:مااسمع
سعاد:الا نوف روحي شوفيها
طلعت للطابق الثاني وشافت نوف طايحه على الارض وتبكي من الالم
البتول:نوف علامك
نوف:البتول الحقيني بموت
البتول :يمه تعالي بسرعه
طلعت سعاد وشافتهم
سعاد:نوف علامها
البتول:ماادري يمه
نوف:خالتي الم في بطني بيذبحني
سعاد:يمكن بتولدين
نوف:لا يمه انا في 8
سعاد:البتول جيبي عباتها خلونه نروح لمستشفى
البتول:ان شاء الله يمه
نوف:خالتي بنتي بتموت
سعاد:تعوذي من الشيطان ماعليك شر
نوف:يارب احفظ لي بنتي يارب
البتول:خذي يمه
ساعدت سعاد نوف والبست عباتها
وراحوا للمستشفى

نواف كان جالس ويشرب له كوب نسكافه وطاح من يده فجاءه
نواف:بسم الله الرحمن الرحيم
اخذ كلينكس ومسح الطاوله بعدها اخذ جواله واتصل لنوف
نواف:معقوله للحين نايمه
قفل الخط واتصل للبتول
في المستشفى
البتول:يمه هذا نواف يتصل
سعاد:ردي عليه
البتول:وش اقوله
سعاد:عطيني اكلمه
نواف:هلا البتول ساعه تردين
سعاد:هلا نواف
سعاد:هلا يمه اجل وين البتول
سعاد:موجوده وش بغيت منها
نواف:لا بس اتصل لنوف وماترد ابغيها تروح وتشوفها لانها اليوم الصبح كانت
تعبانه
سعاد:نواف انا والبتول مع نوف بالمستشفى
نواف وقف وهو الخوف مبين في صوته:ايش
سعاد:سم بالرحمن ياوليدي نوف ماعليها شر
نواف:وليه هي بالمستشفى
سعاد:نوف تولد
نواف:بس بدري هي في 8 الحين
سعاد:نواف لا تخاف في حريم واجد يولدون في ال8 لا وال7 بعد تطمن
نواف:يمه انا جاي
سعاد:خلك وش تجي تسوي
نواف:يمه مااقدر انتظر ابغى اكون قريب منها
سعاد:براحتك
قفل الخط وتوجه للمستشفى وهو طول الطريق يدعي لها تقوم بالسلامه
في المستشفى كان الكل جالس على اعصابه
طبعا البتول اتصلت لنجد الي بلغت امها وتوجهوا للمستشفى
نجد:البتول نوف تاخرت انا خايفه عليها
البتول:لا ان شاء الله بتقوم بالسلامه بس انتي ادعي لها
نجد:يارب تسهل عليها وتقومها لنا بالسلامه
البتول:يارب انا اروح اشوف نواف

شافته يمشي بالممر رايح وجاي
نواف اول ماشافها:ها البتول بشريني
البتول:نواف اهدا ان شاء الله ماعليها شر
نواف:انا خايف عليها
البتول:اذكر ربك وادعي لها
نواف:يارب تحفظها لي والله ماابغى شي من هالدنيا غير سلامتها
البتول:ماكنت اعرف انك تحبها هالكثر
نواف:اه يالبتول لو تطلب عيوني ماتغلى عليها
وقتها شافوا نجد جايه جهتهم
البتول:هانجد
نجد:مبروك نواف جاتك بنت
نواف:ونوف
نجد:لا الحمد لله بخيرتطمن
نواف:اللهم لك الحمد
البتول:مبروك ياخوي
نواف:الله يبارك فيكم
نجد:وش راح تسميها
نواف:انا متفق مع نوف نسميها سعاد
البتول:يعني كنتوا تعرفون انها بنت
نواف:أي
البتول:اشوف نوف كانت تصارخ بنتي وبنتي
نجد:وانا اسالها وش فيه بطنك تقول لي مااعرف الخاينه بس حسابها عندي
نواف:لا كل شي ولا ام سعاد ماارضى عليها
البنات:هههههههههه
البتول:والله مايليق على نوف
نجد:تعالي خلينه نروح عندهم
نواف:وانا
البتول:انت روح البيت ارتاح وبعدها انا اكلمك تجي
نواف:طيب انا اروح ابشر ابوي يالله سلام
البنات:سلام

طلع نواف من المستشفى وهو يحمد ربه على سلامة زوجته وبنته
توجه لبيت ابوه
في الصاله

نواف:السلام عليكم
ابو نواف وام فيصل:وعليكم السلام
ابو نواف:نواف وش الي جايبك هالوقت ماعندك دوام
نواف:الا بس انا جاي ابشرك نوف ولدت وجابت بنت
ابو نواف:مبروك ياوليدي تتربى بعزكان شاء الله
نواف:الله يبارك فيك
ام فيصل :مبرو ك ياوليدي
نواف:يبارك فيك ياخاله
ابو نواف:وش نويت تسميها
نواف:والله انا ابغي اسميها سعاد على خالتي
ابو نواف:تستاهل خالتك
ام فيصل:اجل اليوم غداك عندنه
نواف:وانا اقدر اقول لا حد يحصله طباخ ام فيصل
ام فيصل:تسلم ياوليدي
فيصل:سلام
الكل:وعليكم السلام
ابو نواف:تعال بارك لاخوك جاته بنت
فيصل:مبروك
نواف:الله يبارك فيك
فيصل:يعني انا الحين صرت عم
ام فيصل:اشوف عيالك ان شاء الله
فيصل:ان شاء الله
ابو نواف:اقول ياوليدي لاتنسى تجيب لي بنتك اشوفها
نواف:اكيد يبه
ام فيصل:انا ان شاء الله اليوم بمر على نوف بالمستشفى
نواف:اذا تبغين اخذك معي انا بروح لهم العصر
ام فيصل:خلاص اجل اروح معك



العصر
في جناح نايف

دخل نايف بعد ماصلى العصر

نايف:الريم
الريم:هلا نايف
نايف:ابغى شاي
الريم:ان شاء الله
دخلت تصلح له شاي
سمعت صوت جواله يرن
طلعت من المطبخ وشافت الجوال بالصاله ونايف ماهو موجود

تقدمت وشافت الرقم
الريم:ليه ماهو مسجله باسم
خذت الجوال وفتحت الخط
المتصل :الو نايف
كان صوت رجال
سكرت الخط وحطت الجوال ودخلت للمطبخ

طلع نايف من الغرفه وانتبه لنور شاشة الجوال منور
رفع الجوال وماشاف مكالمه او مسج
نايف:غريبه وش الي خلى النور يضوي
رجع جواله يرن
نايف:هلا بدر
بدر:علامك اكلمك وماترد وبعدها تقفل الخط
نايف:متى
بدر:الحين
نايف:لحظه
وشاف المكالمات الوارده ولقى رقمه
نايف:الا لقيت رقمك بس الجوال كان بالصاله يمكن انه الوليد
بدر:المهم بتروح معنه للشرقيه
نايف:متى بتروحون
بدر:الساعه 5 بنحرك اذا بتروح نتلاقى عند سليمان
نايف:مااظن بس اذا غيرت رايي اكلمك
بدر:تعال معنه راح ننبسط
نايف:والله مالي مزاج للروحه
بدر:مالك مزاج للروحه ولا ماتبغى تفارق المدام
نايف:هههههههه فاهمني
بدر:اوكي اذا غيرت رايك اتصل فيني يالله سلام
نايف:سلام
قفل الخط
كان يفكر معقوله الريم هي الي ردت على المكالمه لا مااظن تسويها هي صحيح
صايره تصرفاتها غريبه بس ماهي لهدالرجه
الريم:تفضل
نايف اخذ كوب الشاي :مشكوره
حط الكوب على الطاوله ووقف
الريم:وين رايح
نايف:رايح للحمام

دخل الغرفه وترك الباب مفتوح وظل واقف يراقب الريم
الريم اول ماشافته يدخل خذت الجوال وفتحته
نايف الحين تاكد ان هي الي ردت على المكالمه
دخل للصاله وهي ماحست فيه
نايف:وش قاعده تسوين
الريم لحظتها جمدت في مكانها
سحب الجوال من يدها وكانت داخله على المكالمات الوارده
نايف:انتي الي رديتي على المكالمه
الريم ساكته وماترد
نايف وهو معصب:انا ابغى اعرف انتي وش الي تفكرين فيه لهدرجه ماعاد عندك ثقه
فيني
الريم: اذا ماكنت تسوي شي غلط ليه خايف
نايف:انتي نجنيتي وش الغلط الي اسويه ومن ايش اخاف ولو كنت بسوي الغلط مثل
ماتقولين ماكنت خفت منك لكنك بتصرفاتك ذي تخليني اسوي غلط اكبر
الريم:وش تقصد بالغلط الاكبر وبعدين ليه مانت مسجل الرقم عندك
نايف مسكها من يدها ووقفها قدامه:انتي اكيد صاير بعقلك شي
الريم:انت اكيد تعرف وحده وتكلمها
نايف صرخ باعلى صوته:الريم
رماها على الكرسي
و اخذ شماغه وطلع من الجناح
الريم:وين بتروح
لكن نايف طلع من غير مايرد عليها
ظلت تبكي وهي تمسك يدها تحس بالم قبضته

في المستشفى

نوف كانت نايمه من التعب
والبتول وام خالد وسعاد ونجد جالسيين معها

رن جوال نجد
طلعت من الغرفه علشان ماتزعج نوف
نجد:هلا فهد
فهد:ها اخبار اختك
نجد:الحمد لله بخير وجابت بنوته تجنن
فهد:مبروك والحمد لله على سلامتها
نجد:الله يسلمك
فهد:طيب متى بترجعين للبيت
نجد:بكلم السايق واقوله يجي ياخذني

فهد:لا انا بمر اخذك
نجد:خلاص انتظرك
فهد:اذا وصلت راح اتصل لك يالله سلام
نجد:الله يحفظك
وقبل لا تدخل الغرفه شافت نواف
نواف سلام عليكم
نجد:وعليكم السلام
نواف:اخبارها نوف الحين
نجد:بخير هي الحين نايمه
نواف:اقدر ادخل
نجد:أي تفضل
دخلوا للغرفه وكانت نوف قد صحت
نواف:السلام عليكم
الكل:وعليكم السلام
نواف:الحمد لله على السلامه
نوف:الله يسلمك شفت بنتك
نواف:لا وينها
البتول:الحين بتجيبها الممرضه
دخلت الممرضه وبيدها البنت
خذتها سعاد منها:نواف سم بالرحمن
نواف اخذها من ايدها وهو البسمه مرسومه على شفته شعور غريب حس فيه لمها
لحضنه وهو يسمي:بسم الله الرحمن الرحيم
نجد وهي تشوف فرحة نواف بنته وفرحته تخيلت لو كان فهد مكانه وش كثر راح
يفرح دمعة عينها وهي تشوف نواف جالس بالقرب من نوف وبنته بحضنه
كان شكلهم حلو بوجود هالطفل اكتملت عايلتهم
رن جوالها وكان المتصل فهد
نجد:يالله مع السلامه انا رايحه
ام خالد:مع من
نجد:فهد ينتظرني تحت مع السلامه
الكل:الله يسلمك

نواف وهو يتامل بنته هالملاك النايم:ماكان حجمه صغير
سعاد:لا ياوليدي الحمد لله الدكتوره طمنتنه عن صحتها
نواف:يمه خالتي ام فيصل كانت بتجي معي بس طلعت لها شغله تقول بتخلصها وتمر
عليكم
سعاد:حياها الله باي وقت
فجاءة بكت سعاد الصغيره بحضن ابوها
نواف:لا ليه حبيبتي تبكي
نوف:عطني اياها
خذت من يد نواف :ليه بنوتي الحلوه تبكي
والبنت بكاها يزيد
نوف:بس حبيبتي ليه تبكين
والبنت بكاها كل ماله يزيد
التفتت نوف لامها وخالتها وهي ماتعرف وش تسوي:ليه تبكي وش اسوي لها
الكل:ههههههههههههه
نواف:وتقولين لي عطني اياها وانتي ماتعرفين
نوف:وش يعرفني
سعاد:عطيني البنت
نواف:الله يعين بنتي الحمد لله ان عايشيين عند خالتي
نوف:لا من الحين واقف مع بنتك ضدي
ام خالد:ماهم قالوا البنت دلوعة ابوها
نوف:كذا اجل وانا وين رحت
نواف:انتي الاصل وهالصغيره ماتاخذ مكانك
البتول:محد مثلك يالله ارضي
نواف:يالله انا ارخصوا لي سلام
الكل:مع السلامه

طلعت نجد من المستشفى وتوجهت للسياره
نجد:السلام عليكم
فهد:وعليكم السلام
تحركت السياره بعيد عن المستشفى
نجد ماكانت منتبهه للطريق لانها سرحانه وتفكر صار لها شهرين وهي تاخذ حبوب
منشطه ولا حملت
ماانتبهت الا والسياره توقف
نجد:وين جايبنه
فهد:ابد انا ماتغديت واكيد انتي بعد فقلت اعزمك على الغدا هذا اذا ماكان
عندك اعتراض
نجد:اكيد ماعندي أي اعتراض
فهد:اجل يالله انزلي
دخلوا المطعم وبعد ماجلسوا وطلبوا لهم الغدا
فهد:يالله الحين قولي لي وش فيك
نجد:مافيني شي
فهد:بس كنتي طول الطريق ساكته وتفكرين
نجد:عادي بس كنت تعبانه
فهد:طيب اذا مافيك شي حطي عينك بعيني
نجد:رفعت عينها بس ماقدرت
فهد:شفتي لكن ماراح اضغط عليك براحتك بس حبيتك تتكلمين يمكن هالشي يريحك
نجد:صدقني مابه شي بس كل مااتذكر حالة نوف اليوم وتعبها وربي كنت خايفه
يصير لها شي
فهد:الحمد لله انها قامت بالسلامه
نجد:الحمد لله
فهد ياشر على الويتر
Execusme papper please
نجد:وش تبغي بالورقه
فهد:بتعرفين
جى الويتر ومعه الورقه
فهد:thank you
فهد:خذي الورقه وهذا القلم ابغي منك تكتبين وش الاشياء الي ماتعجبك فيني
وتبغين تغيرينها
نجد:وليه
فهد:بس كذا فكره وجت ببالي انتي اكتبي
نجد:طيب اشياء في شكلك او تصرفاتك
فهد:الاثنين
نجد بدت تفكر وهي تطالع في فهد
كتبت في الورقه ومدتها لفهد
فهد كان جالس يقرا
الشكل:
يكون انفك كبير
واقرع
واسنانك مكسره
واحول

فهد:هههههههههه حرام عليك طيب ليه
نجد:علشان الي جالسين قريب منك مايناظرونك
فهد التفت لطاوله القريب منه وشاف شلة بنات يناظرونه
:كذا اجل ماكنت اعرف انك تغارين
نجد:ماهي نجد الي تغار منهم
فهد:ايوا ياواثق طيب خليني اكمل
الاطباع:مستحيل اغير شي في اطباعك
لاني مااقدر اغير حنيتك لقسوه
وحبك لكره
وكرمك لبخل

فهد:يعني كل هذا فيني
نجد:الحين دورك اكتب الاشياء الي تبغى تغيرها فيني
فهد اخذ القلم وبدى يكتب
بعدها مد الورقه وخذتها نجد
الشكل:كلك على بعضك حلو
نجد:احم احم اخجلتني
فهد:هههههه
الاطباع:
تفتحين لي قلبك وهذا هو كل المطلوب

ابتسمت نجد لهالكلام
وخذت الورقه وحطتها في شنطتها
فهد:ليه خذتي الورقه
نجد:لاني ابغى تكون معي لحد مااغير الشي الي تبغيه
فهد:اجل عطيني الجزء الخاص فيني
نجد:ليه
فهد:انتي ماتبغين اغير شكلي من بكره بروح اسوي لي عملية تجميل واغير شكلي
مثل ماتبغين
نجد:هههههههههههه
فهد:تضحكين
نجد:مااتخيلك وانت احول لا واقرع بعد
فهد:ههههههه
بعدها تغدوا ورجعوا للبيت

في جناح نايف

مر الوقت ونايف من طلع مااتصل
الريم:الوقت تاخر وهو للحين لا حس ولا خبر
خلني اتصل
اتصلت له
نايف:نعم
الريم:نايف وينك فيه
نايف:طالع للشرقيه
الريم:الشرقيه ليه
نايف:اغير جو
الريم:نايف انا اسفه
نايف:ماله داعي تتاسفين
الريم:متى بترجع
نايف:اذا رجعت الريم
الريم:وش تقصد
نايف:اذا رجعتي الريم الي حبيتها بتلاقيني عندك مع السلامه
قفل الخط بدون لا يسمع منها أي رد

الريم جلست تبكي
خذت جوالها واتصلت لاحمد يمر ياخذها
نزلت للصاله وشافت عمتها جالسه مع ابو نايف سلمت عليهم وهوكان عندهم خبر
بان نايف بالشرقيه لانه اتصل وبلغهم
وصل احمد وركبت مع احمد وتوجهت لبيت ابوها

في بيت ابو طلال
الريم:السلام عليكم
ام طلال ودانه:وعليكم السلام
ام طلال:يمه وش الي جابك في هالوقت
الريم:ابد نايف سافر للشرقيه مع خوياه
دانه:يعني بتنامين عندنا وناااسه
ام طلال:ومتى بيرجع
الريم:ماادري ماقال
دانه:الا انتي ماعرفتي نوف ولدت وجابت بنت
الريم:والله مبروك بس ماكان بدري على ولادتها
ام طلال:
هي الحين بال8 بس الحمد لله هي وبنتها بخير
الريم:الحمد لله
عن اذنكم انا بطلع الغرفه

ام طلال:علامها اختك
دانه:تلاقينها زعلانه على فرقى الحبيب
ام طلال:الله ياخذ بليسك انا بروح لابوك وانتي اذا بتشوفين التلفزيون لا
طولين على الصوت مثل البارح
دانه:انا قايله لكم حطوا لي واحد بغرفتي
ام طلال:تلفزيون بالغرفه مافيه تسمعين
دانه:ياربي منكم
طلعت ام طلال من الصاله ودانه راحت للريم
دخلت وشافتها تبكي
دانه: هذا كله من فرقى الحبيب
الريم:نايف سافر لانه زعلان مني
دانه:زعلان وش هالي صار ويخليه يسافر
الريم:كله مني انا غبيه غبيه
دانه:الريم فهميني
الريم: قالت لها بالي صار
دانه:مجنونه انتي
الريم:دانه نايف راح وهو زعلان انا ماادري وش الي خلاني اتصرف كذا
دانه:لان كلام ندى اثر فيك الريم اصابعك ماهي بسوى
الريم:والحل يادانه
دانه:الحل بيدك يالريم
الريم:خليني لحالي

طلعت الدانه من الغرفه وظلت الريم تفكر كيف راح تقدر تحل هالمشكله
رن جوال الريم الي نسته بالصاله
دانه شافت الرقم وكانت ندى المتصله
دانه:السلام عليكم
ندى:وعليكم السلام اخبارك الريم
دانه:انا دانه ياندى
ندى:سوري دانه ماعرفت صوتك اخبارك
دانه:بخير الحمد لله وانتي
ندى:تمام والله اجل الريم وين
دانه:الريم موجوده زوجها مسافر وهي نايمه عندنه
ندى:اوكي انا كنت متصله اسلم عليها
دانه:ندى ابغى اقول لك شي
ندى:خير
دانه:ندى الريم متزاعله مع زوجها
ندى:ليه
دانه:مشكلتك مع زوجك وكلامك عنه هو الي اثر عليها الريم صايره تشك بزوجها
ندى:هي عندك
دانه:أي
ندى:عطيني اكلمها وانا بحل المشكله
دانه:لحظه
دخلت دانه الغرفه:الريم ندى تبغيك
الريم خذت الجوال
الريم:هلا ندوش
ندى:اهلين اخبارك الريم
الريم:انا بخير وانتي

ندى:انا اليوم متصله اقول لك اني تصالحت مع زوجي الحمد لله
الريم:تصالحتي معه كيف
ندى:كل انسان فينه معرض للغلط وزوجي غلط واعترف بغلطه والاهم انه ندمان
الريم:بس كيف تنسين خيانته بهالسهوله
ندى:الريم انا ساهمت بهالشي من بعد ولادتي وانا اهتمامي كله لبنتي نسيته
واهملته تفكيري كله لها انا مااعذره بس الي يحب يسامح وماراح اخلي غلط بسيط
يهدم بيتي وحياتي انا وبنتي محتاجين له محتاجين لوجوده مااقدر اوصف لك
حالتي في الايام الي مرت علي من غيره
الريم:خلاص اتخذتي قرارك
ندى:أي وانا متصله اقولك انسي كل الكلام الي قلته قبل كذا انا من كثر قهري
قلت هالكلام وبالغة به بعد
الريم:الله يوفقك ياندى
ندى:تسلمين حبيبتي يالله اخليك الحين مع السلامه
الريم:الله يسلمك
قفلت الخط
دانه:علامها
الريم:ندى رجعت لزوجها وهي متصله تقولي انسى كل الكلام الي قالته قبل كذا
بس انسى بعد ايش بعد ماطحت بالغلط
دانه:وش راح تسوين الحين
الريم:مااعرف بس نايف قلبه كبير واكيد بيسامحني
دانه:ان شاء الله انا بروح اجلس بالصاله في فيلم بيبتدي الحين تجين تشوفينه
الريم:لا خليني جالسه هنا
دانه:على راحتك

طلعت وتركتها
الريم فكرت ترسل له مسج لانها متاكده اذا اتصلت ماراح يرد عليها

"حبيبي"
انا اسفه على كل شي سامحني وارجع لي ارجع لريم حبيبتك
اهون عليك تتركني لحالي وتروح
ارجع لي مشتاقه لك


وصل المسج لنايف الي من طلع من الرياض وهوضايق من الشي الي صار بينهم تذكر
كيف قسى عليها ماكان يبغى يعاملها بهالطريقه بس هي ماتركت له خيار ثاني
بدر:نايف انت جاي معنه علشان تجلس لحالك
نايف:يالله جاي
وقبل لا يروح

ارسل لها

ســــافرت عنـــك وخــافـــقـي معـــك
يـــاسيــدي عــنـدك امـــانــه
مـــاطــاع يـالغــالي يــودعـــك
يـــرحل مــعي ويــترك مـكــانــه

خـلــه مــعـك يــســهـر ويــسـمع
خـلــه يــســامــرك بــحنــانــه
واذا الــولــه والشـــوق لــوعــك
بتـــشـوف طيـــفي فـي عيـانــه
لــوشـفـت عنـي البــعد يمــنعك
لــو طــول غــيابــي زمـــانــــه
لا لا تـــبكــي بــيــوم مــدمعــك
مــاهو علــى شــاني عشـانـه
بــكــره الــليــالي بـيتــجمــع
يـــانبــض قلــبي ياكــيــانـــه
راجـــع لدنــيـا فـرحتــي معــك
راجـــع وعـــندي لــــك امــانــه

رن جوالها بنغمة المسج وفتحت بسرعه قرت هالكلمات وهي دموعها تنزل صدق انك
غبيه يالريم حضنة الجوال بيدها وربي اسفه اسفه ياحبيبي بس ارجع لي

سافر خالد مع العنود لدبي

بالرغم من بعده عنها الا انه ماكان يفارقه منظر عيونها في يوم العرس
العنود:صباح الخير
خالد التفت لها:صباح النور مع ان الساعه صارت 12
العنود:ماانتبهت للوقت
خالد:اوكي روحي غيري ملابسك خلينه ننزل ناكل لاني ميت من جوع
العنود:سوري بس كان صحيتني
خالد:والله شفتك غرقانه بالنوم كسرتي خاطري
العنود:5دقايق واكون جاهزه
ودخلت تبدل ملابسها
وقتها رن جوال خالد
خالد:هلا نجد
نجد:ابغي البشاره
خالد:خير
نجد:نوف ولدت وجابت بنوته تجنن
خالد:لا تقولين يعني انا صرت خال الحين
نجد:وانا خاله
خالد:هههههه من كان يصدق نوف تصير ام بس لحظه ماكانها ولدت بدري
نجد:أي هي الحين بال8
خالد:ونوف كيف صحتها هي وبنتها
نجد:لا الحمد لله بخير
خالد:خلاص انا اتصل فيها واكلمها يالله سلام
نجد:سلم لي على العنود
خالد:يوصل

العنود:انا جاهزه
خالد:نوف جابت بنت
العنود:والله مبروك
خالد:الله يبارك فيك ونجد تسلم عليك
العنود:الله يسلمها
خالد:خلينه نروح ناكل وبعدها ننزل للسوق ونشتري اغراض لبنت نوف
العنود:الاهي وش سموها
خالد:نسيت اسال بس بتصل واكلمها
العنود:اوكي

في المطعم
خالد:تتوقعين انها جالسه الحين
العنود:لا الوقت الظهر يمكن انها نايمه
خالد:اتصل لنواف ابارك له تلاقينه راجع من الدوام

اتصل لنواف
نواف:هلا بالمعرس
خالد:هلا بك مبروك
نواف:الله يبارك فيك والفال لك
خالد:ان شاء الله بس ماقلت لي وش سميتوها
نواف:مايحتاج اكيد سعاد
خالد:والله تستاهل خالتي ونوف اخبارها
نواف:بخير انت ماكلمتها
خالد:لا خفت اتصل وتكون نايمه
نواف:لا اتصل لها هي جالسه انا الحين طالع من عندها
خالد:خلاص اجل اكلمها مع السلامه
نواف:بس اتصل لها على تليفون الغرفه لان جوالها ماهو عندها
خالد:عطني الرقم
اخذ الرقم من نواف
خالد:يالله مع السلامه
نواف:الله يسلمك

الجزء الثامن عشر

الفصل الاول

في المستشفى

البتول:نوف مايصير ماتاكلين
نوف:مااشتهي والله يالبتول
البتول:نوف اذا مااكلتي راح اكلم نواف واقول له نسيتي وش قالك قبل لايطلع
نوف:حرام عليك
البتول:يالله اجل اكلي
رن تليفون الغرفه
البتول:خذي اكلي هذا
نوف:انا مااعرف ليه ماخذوك معهم
البتول وهي ترفع السماعه:هههه بقعد على قلبك عندك مانع

خالد كان المتصل وسمع الكلام وعرف الصوت
البتول:الو
خالد كان ساكت يسمع صوتها الي اشتاق له
البتول:الو الو
نوف:من
البتول:مايرد،الو
يوه وسكرت الخط

العنود:مااحد رد
خالد:ها ،لا خليني اتصل مره ثانيه
رجع تليفون الغرفه يرن مره ثانيه
البتول:الو
خالد:السلام عليكم
البتول من سمعت صوته غمضت عينها وهي تخيل صورته قدامها
خالد:الو
البتول:وعليكم السلام،من معي
خالد:خالد ماعرفتي صوتي يالبتول

العنود هنا شبت النار في صدرها وهذي تطلع لي في كل مكان
البتول:هلا اسفه ماعرفتك
خالد:مبروك صرتي عمه
البتول:الله يبارك فيك لحظه راح اعطيك نوف تكلمها
كانت تبغى تهرب منه وهو حس بهالشي
البتول:نوف خالد
نوف:والله عطيني السماعه
نوف:اهلين بمعرسنا
خالد:هلا بام سعاد اخبارك
نوف:تمام وانت اخبارك واخبار العنود
البتول لحظتها قامت بتطلع من الغرفه
خالد:بخير
نوف:البتول وين رايحه
البتول:بتمشى شوي تعبت من القعده
نوف:اوكي،هلا خالد متى بترجعون
خالد:يومين ونرجع انتي قولي لي اخبار بنتك من تشبه
نوف:والله مااعرف
العنود كانت تاشر لخالد تبغى تكلم نوف
خالد:لحظه العنود تبغى تكلمك
العنود:هلا نوف الحمد لله على السلامه
نوف:الله يسلمك اخبارك ان شاء الله مبسوطه
العنود:الحمد لله

في ممرات المستشفى كانت البتول تتمشى وهي شريط يوم العرس يمر قدام عينها
شوفته وهوجالس مع العنود ويده بيدها
اه مصعب اللحظه
كيف راح تنسين يالبتول وهو بيكون قدام عينك ياليت بيدي وارحل عن الرياض
يمكن البعد ينسيني
رن جوالها
البتول:هلا نوف
نوف:وين رحتي
البتول:قلت لك اتمشى
نوف:طيب ارجعي تراني تمللت جالسه لحالي وبعدين انتي جالسه معي علشان تسليني

البتول: لا حلفي نوف هانم اقول ترى ماتنعطين وجه يالله انا جايه
نوف:بسرعه
البتول:ان شاء الله ياام سعاد
نوف:بالله عليك لا تقولين ام سعاد احس اذا ناديتوني بهالاسم وحده عمرها
30سنه
البتول:هههه اوكي يالله انا جايتك
قفلت الخط وراحت لنوف

في احدى مجمعات دبي

خالد كان يتمشى مع العنود بس فكره بالرياض معاها صوتها ياخذه لعالم ثاني
العنود:خالد
خالد:هلا
العنود:شف وش رايك ناخذ هذا لبنت نوف
خالد:أي حلو ،خلصتي
العنود:أي
خالد:يالله خلينه نحاسب ونطلع
حاسبوا وطلعوا من المحل
العنود:خالد فيك شي
خالد:لا ليه
العنود:ماادري كذا حسيت
خالد:لا بس بصراحه ماني متعود على لفة السوق
العنود:طيب شرايك نروح نجلس بالقهوه
خالد:شرايك نروح مكان احلى من هالسوق الي ماادري وش تلاقون فيه
العنود:وين
خالد:مينا السلام نركب بالمركب ونجلس هناك المكان حلو
العنود:اوكي يالله
خالد:مشينه
خالد كان يحاول يسعدها لانها من حقها يكون معها هي مالها ذنب بالي قاعد
يصير معه

بعد ماقضوا لهم وقت حلو في مينا السلام المعروف بجوه المطل للبحر والمقاهي
الاكثر من روعه

في الفندق

خالد:ان شاء الله انبسطي
العنود:الا انبسطت وربي المكان روووعه ماكنت اتخيل ان فيه مثل هالاماكن هنا
خالد:دبي فيها اماكن حلوه بس انتوا ماتجون الا للسوق
العنود:ههههه
خالد:بس ان شاء الله ماتكونين مثل نوف ونجد بالتسوق لاني عارفهم
العنود ابتسمت له
خالد:لا شكل هالابتسامه وراها شي لتكونين اكثر منهم
العنود:انت ليه مستعجل الايام قدامنه وبتشوف
خالد:الله يستر وبكره اخر يوم تسوقي زي ماتبغين
يالله انا بروح اخذ لي شور واغير ملابسي لاني تعبان
دخل للغرفه
وكانت العنود جالسه بالصاله
اه مااحلى الوقت معه


بعد يومين
وصل خالد والعنود للرياض وتوجهوا لبيت ابو خالد
كانت سعاد والبتول موجودين هناك

خالد:السلام عليكم
ام خالد:خالد هلا يمه الحمدلله على سلامتك
خالد:الله يسلمك يالغاليه
سلم على امه وخالته
ام خالد:هلا العنود اخبارك
العنود:بخير الله يسلمك
خالد:الا نوف وين هي وبنتها
ام خالد:رح بتلاقيها بالغرفه الي تحت
خالد:يالله بتجين يالعنود
ام خالد:خلها تتقهوه وبعدها تروح
خالد:على راحتك

في الغرفه
كانت سعاد الصغيره تبكي ونوف ماتعرف ايش تسوي
نوف:البتول تعالي اخذي بنت اخوك جننتني مااعرف ليه تبكي
البتول:ههههههه اقول تراك شغلتيني مربيه لبنتك
نوف:تعالي والله مااعرف وش تبغي
البتول:عطيني البنت
نوف:خذيها وانا بدخل ابدل ملابسي
البتول كانت جالسه على طرف السرير والبنت في حضنها تلعبها

خالد ماكان يعرف انها موجوده وقبل لايدخل سمعها وهي تتكلم
البتول:فديت البنات انا
نوف تعرفين ان بنتك طالعه حلوه علي
نوف:مااقدر اقول شي بنتي عندك
البتول:هههه اوكي يانوف اصلا هو يحصل لها تطلع على البتول

تنحنح خالد وتغطت البتول ماكانت تعرف من الموجود
طلعت نوف:من
خالد:انا خالد
نوف:تعال
خالد:سلام
نوف:هلا والله الحمد لله على السلامه
خالد:الله يسلمك وين بنوتك
نوف:هذا هي
خالد التفت للبتول الي نزلت راسها وماكانت تبغى تشوفه

خالد:اخبارك البتول
البتول:بخير والحمد لله على السلامه
نوف خذت البنت من البتول
خالد:بسم الله الرحمن الرحيم
ياربي يخليها
نوف:ها شرايك بنت اختك
خالد:تجنن
نوف:قول الصدق طالعه حلوه علي ولا على البتول
خالد:طبعا مايبغي لها كلام نوف هنا ابتسمت
خالد وهو يرفع راسه للبتول:طالعه على عمتها
نوف:خالد كذا جيب بنتي
خالد:هههههه اضحك معك طالعه لكم انتوا الثنتين
نوف:طيب موافقه
البتول:عن اذنكم
نوف:على وين
البتول:بروح للصاله
وطلعت وفي طريقها صادفة العنود الي ماكانت تعرف بوجود البتول
البتول سلمت عليها
:الحمد لله على السلامه
العنود:الله يسلمك اخبارك البتول
البتول:الحمد لله وانتي اخبارك
العنود:انا عال العال احمد ربي ان خالد كان من نصيبي بصراحه انسان حنون
وحبوب
البتول:الله يسعدكم يالله اسمحي لي
العنود:خذي راحتك
(طبعا العنود كانت تتعمد تتكلم بهالكلام لانها تبغى تقهرهه)

دخلت البتول للصاله
البتول:يمه انا بروح للبيت
ام خالد:ليه يابنيتي اجلسي معنا اليوم ام طلال وبناتها بيجون وام فيصل
البتول:اسمحي لي ياخاله بس تعبانه وابغى اروح ارتاح
ام خالد:اطلعي ارتاحي في غرفة نجد

سعاد:وانا بعد ارخصي لي بروح ارتاح من الظهر وحن هنا
ام خالد:لا بتزعلوني كذا
سعاد:خلاص نروح نغير ملابسنا ونرتاح وبنرجع بعد المغرب
ام خالد:اذا كذا مرخوصين
وطلعوا بعد ماوعدوا ام خالد انهم يرجعون مره ثانيه

في غرفة نوف
نوف:يالله العنود شدي حيلك وجيبي لنا بنوته علشان تلعب مع بنتي
خالد:ياسلام يعني تبغين بنت تلعب مع بنتك
نوف:أي ياقلبي على الاقل تلاقي لها وحده تلعب معها وتضربها يعني تسليها
خالد:لا احلفي انتي وبنتك
يالله انا طالع عند امي
العنود:وانا جايه معك
وطلعوا للصاله
خالد:يمه وين خالتي
(طبعا خالد كان يقصدبهالسؤال البتول)
ام خالد:راحوا للبيت يرتاحون من الظهر وهم عندنا بس ان شاء الله بيرجعون
بعد صلاة المغرب
خالد:وابوي وينه فيه
ام خالد: راح يتغدى عند عمك
خالد:أي عم فيهم الحين صاروا اثنين
ام خالد:ابو طلال
العنود:عن اذنكم اروح اكلم امي
خالد:اذا تبغين اوديك لها بعد صلاة المغرب
ام خالد:عمتك بتجي اليوم
العنود:اجل ماله داعي اروح اكلمها واطمنها ان وصلنه
وطلعت من الصاله

جلسوا مع ام خالد وبعدها طلعوا للجناح يرتاحون

في بيت عبدالرحمن

دخلت سعاد والبتول للبيت
البتول:يمه انا بطلع انام وقوميني للصلاه
سعاد:اقول البتول
البتول:سمي يمه
سعاد:عمك اليوم اتصل
البتول التفتت لامها وهي تنتظرها تكمل
سعاد:يسالني عنك اذا غيرتي رايك بسالفة الطلاق
البتول:وانتي وش قلتي له يمه
سعاد:قلت له اشوفها وارد عليك
البتول:اذا اتصل مره ثانيه قولي له ماتبغى غير طلاقها
وطلعت لغرفتها غيرت ملابسها وتمددت على السرير حاولت تنام تقلبت يمين ويسار
بس مااقدرت تنام
جلست وضمت لرجلها لصدرها كانت تحس بتفكيرها مشتت
قامت من السرير وقفت قدام الطاوله الي عليها السي ديات
بدت تدور بين السي ديات خذت السي دي لعبدالله الرويشد وحطته بالاستريوا

شفـتـك ولا حطـيـت عيـني بعـيـنك .. خايف عيونك لا تنادي عيوني
وخضع وأنا عندي دموعي بيدينك .. أكبر مصيبه فيك معالم جنوني
- - - - - - - -
يا نور عيني لا تبـيـن حنيـنك .. كلن يهون إلا انت لا ماتهون
ودي بقربك بس ويني ووينك .. جور الليالي صار دونك ودوني


تذكرت المنتدىخذت الاب توب وفتحته
سجلت دخول للمنتدى

ماتدري ليه كانت تبحث عن مشاركات "لزمان الصمت"
شافت له مشاركه باسم"أبـــــــــــــــعد "

دخلت للموضوع

بكل سهوله قالتها وهانت عندها سنين الحب
بكل سهوله خانة وهانت عندها سنين الوفا
رحــــــــــــــــلت
بعد ماودعتني
وقالت لي انسى
رحــــــــــــــلت
وقالت لي
**خـــــــــلاص أبعـــــــــد**
ماعادنا أحبــــــــاب

البتول كانت جالسه تقرا
وشافت تاريخ المشاركه كان التاريخ بنفس تاريخ الي تزاعلت معه
البتول:اكيد يقصد منال اخر مره كان يكلمها كان يترجاها انه تنتظر
معقوله اتركته
يمكن كل شي معقوله لعلاقه مثل علاقتهم انبنة على غلط
ههه سبحان الله مافي شي يدوم على حاله

انتبهت لمشاركه جديده له بتاريخ اليوم

باسم"يافـــــــــــــــــراقها"


أهداء لأنسانه ماشعرت بأهميتها الا بعد ماخسرتها

**********
يا فراقها توني شعرت بقسوتك في داخلي
يا فراقها توني احس اني بديت احن لأيامٍ مضت واشتاقها
بديت احن لشوفها واشراقها واشواقها

**********
البتول قبل لا تكمل الموضوع
لهدالرجه تحبها وماتحملت غيابها


سامحيني .. لوقسا قلبي عليك
سامحيني.."عيوني حزينه"

البتول كانت تقرى وماهي مصدقه
ايش هالكلام كان يقصدني به
معقوله يقصدني فيه
وش اسامحك عليه يابندر
اسامحك على قلبي الي جرحته

ارسلت له رد

قله لوصلني منه يكفيني عمر
كيف يبرى طعن سكين الغدر
وقله وفقه ربي بغيري
واني رحت في شري وخيري
له مصيره ولي مصيري
لا يعلقني بدربه

"زمان الصمت"
قلي كيف أسامح

مااعرف كيف تفكر يابندر بعد ماتركت منال جاي لي وتقول سامحيني

في بيت ابو طلال

دانه:الريم وش رايك البس هذا
الريم:على راحتك
دانه:ريمووه لا تصيرين ثقيلة دم قولي لي
الريم:دندون البسيه حلو بس خلصيني
دانه:طيب انتي متى بتلبسين قومي لا تاخرينه
الريم:ممكن تغيرين ملابسك وانتي ساكته
دانه وهي تحط يدها على فمها
الريم:أي كذا احسن
الريم كانت متضايقه لانها تتصل لنايف وهو مايرد عليها واخر شي ارسل لها
رساله
"اذا بغيتي شي طرشي لي مسج"

كانت دانه تدور لها جلوس
فتحت الدرج وانتبهت للظرف
(اكيد تذكرتوه)
رفعته بين يدها
دانه:يوه انا كيف نسيته
الريم:وش الي نسيتيه
دانه وهي ترفع الظرف
الريم:وش فيه هالظرف
تقدمت دانه للريم ومدت لها الظرف
الريم كانت متمدده على السرير خذت الظرف وقرت المكتوب عليها
الريم استعدلت في جلستها ورفعت راسها لدانه:وين لقيتيه
دانه:في غرفة طلال كنت ادور لي على اوراق وشفته بالصدفه وحطيته عندي بالدرج
ونسيته
الريم:وش راح تسوين
دانه:مااعرف بس لازم نوصله لنجد
الريم:وكيف نوصله لها بعد هالمده
دانه:مااعرف وانا بعد محتاره مثلك
الريم كانت تفكر وش ممكن يكون في هالظرف وش راح يكون تاثيره على نجد
دانه:وش تفكرين فيه
الريم:مافيه غيرها
دانه:من
الريم:البتول هي الي بتقدر توصله لنجد بطريقتها
دانه:أي والله كيف مافكرت بها هي اقرب وحده لنجد واكيد بتكون انسب وحده
لهالموقف
الريم:خلاص اجل ناخذ الظرف معنه اكيد هي في بيت عمي
دانه:عطيني احطه بالشنطه قبل لا انساه
خذت الظرف من الريم وحطته بالشنطه
(ياترى هالظرف وش راح يحمل لك يانجد )
الريم وهي الدموع تجتمع بعينها كانها تذكرت شي:دانه
دانه:خير
رفعت راسها لاختها :معقوله هذي تكون وصية من طلال
دانه:ايش وصيه
الريم:أي
دانه:مااظن وش الي بيخليه يكتب لها وصيه كيف خطرت ببالك هالسالفه
الريم:مااعرف بس في نفس يوم الحادث
كان طلال طالع لغرفته وهو مبسوط وسالته ليه فرحان قال لي انه حدد موعد
العرس وبيروح لنجد ويبلغ هالخبر بنفسه
بس فجاءه سكت وبين عليه الضيق وسالته وش فيه يفكر قالي بانه من قام من
النوم وهو يحس بضيقه بصدره
قلت له يتعوذ من الشيطان بس قبل لا يدخل لغرفته طلب مني المسجل وعطيته
دانه:وش كان يبغى بالمسجل
الريم:مااعرف لاني ماسالته
بس ظليت جالسه بالصاله بعدها طلع وهو لابس ثيابه سالته بتروح لنجد قالي أي
بس كان يقول لي للحين احس بشي كاتم على صدري واحس به يزيد

حلفته انه يقعد ولا يطلع لانه مبين عليه التعب لكنه عند وقبل لا يطلع التفت
لي وقالي الريم ماوصيك على امي وابوي
وطلع من البيت
دانه كانت جالسه تبكي وهي تسمع هالكلام لاول مره:يعني هو كان حاس انه بيموت

الريم: تدرين يوم شفت هالظرف تذكرت الي صار الله يرحمك ياطلال


المغرب في بيت ابو خالد


في جناح خالد

العنود:خالد ياخالد يالله قوم
خالد:العنود خليني شوي
العنود:خالد صار المغرب وانت للحين نايم
خالد:ايش المغرب ليه ماقلتي
العنود:تعبت وانا اقومك بس ماكنت اعرف ان نومك ثقيل
خالد:يالله خليني اصلي واطلع قبل لا يجون الحريم
العنود:تبغى اصلح لك شي
خالد:لا انا طالع القهوه مع فهد بس

طلعي لي ثوب وحطيه عندك
العنود:اوكي

نزلت العنود للصاله بعد ماجهزت اغراضه
وكانت ام طلال وبناتها والعمه نوره موجودين

بعد ماصلى وبدل ملابسه نزل خالد للصاله
كانت العنود في طريقها للجناح

خالد:في احد تحت
العنود:امي وخالتي ام طلال
خالد:طيب اقدر اسلم عليهم
العنود:أي البنات عند نوف بالغرفه
دخل خالد الصاله :السلام عليكم
الكل:وعليكم السلام
العمه نوره:الحمد لله على السلامه
خالد:الله يسلمك اخبارك ياعمه
العمه نوره:بخير ياوليدي
ام طلال:اخبارك ياخالد
خالد:بخير الله يسلمك اخبارك ياخاله واخبار احمد
ام طلال:والله هالاحمد مجننه معه حتى زواج ماهو راضي يتزوج
خالد:ههه هو قايل يبغى يعيش حر من غير زواج
ام خالد:ماعليك منه لا تخلينه كذا زوجيه
ام طلال:هذا انا ادور له على بنت الحلال
خالد:يالله ارخصوا لي انا مواعد خويي
الكل:مع السلامه

طلع من الصاله ومعه العنود
خالد:يالله تامرين على شي
العنود:تسلم مايامر عليك عدو
خالد:مع السلامه
العنود:الله يحفظك

وطلع من البيت لكنه صادف خالته سعاد والبتول ينزلون من السياره
سعاد:السلام عليكم
خالد:وعليكم السلام هلا خالتي
سعاد:هلا بك اقول خالد حد عندكم
خالد:مابه غريب
عمتي وام طلال
سعاد:
وانت بتطلع
خالد:أي تامرين بشي
سعاد: بس دير بالك وانا خالتك ولا تسرع
خالد:من عيوني
سعاد:تسلم عيونك
ودخلت هي والبتول الي كانت واقفه وماتتكلم
سعاد:ليه وقفتي يالبتول
البتول:لا يمه بحط عباتي وبجي
سعاد:براحتك
ودخلت سعاد للصاله وكانت البتول واقفه عند المرايه الموجوده عند مدخل البيت
تعدل شكلها

خالد:يوه نسيت جوالي بالغرفه ياربي الحين كيف ادخل والبيت كله بنات
يالله مافيه الا اني ادخل ان شاء الله اشوف العنود في طريقي تروح تجيبه لي
دخل للصاله
كانت البتول تدور في شنطتها على العطر
البتول:اخيرا لقيته
خذت العطر وتعطرت شافت شكلها بالمنظر وابتسمت وهي تعدل غرتها
ماتدري ليه حست كان في احد واقف يراقبها
التفتت وتلاقت عيونهم بعض
نظرات الشوق بعيونهم ماقدروا يخفونها

لحد ماقطع عليهم صوت نجد الي كانت واقفه ورى خالد وماانتبهت للبتول
نجد:خالد متى رجعت
هنا البتول انتبهت لنفسها ودخلت للصاله بسرعه لكنها صدمت بالعنود
خالد التفت لها:هلا نجد اليوم الظهر ليه انتي ماعرفتي
نجد:لا مااحد قالي
خالد:غريبه مع ان فهد عنده خبر انا مواعده الحين بالقهوه
نجد: لا ماقال لي طيب انت ليه واقف هنا لو شافتك العنود كان ذبحتك
خالد:ناسي جوالي بالغرفه وقلت اوقف هنا يمكن تمر
نجد:انا بروح اجيبه بس انتظر بره
خالد:طيب لا تتاخرين

في الصاله
البتول:سوري عنود ماانتبهت
العنود:لا عادي بس علامك كان في احد لا حقك
البتول:الا البنات وين

دخلت نجد للصاله

نجد:السلام عليكم
البنات:وعليكم السلام وسلمت عليهم
نجد:الحمد لله على السلامه
العنود:الله يسلمك
نجد:العنود خالد نسى جواله بالغرفه
العنود:وانتي ايش عرفك
نجد:شفته واقف عند الباب روحي جيبيه بسرعه لا تاخرين
العنود:اوكي

وطلعت للجناح
شافت الجوال موجود على الطاولة بالغرفه
خذته ونزلت تحت فتحت باب البيت وكان خالد مسند جسمه على السياره
انتبه لباب البيت وشاف العنود
العنود:تفضل
خالد:شكرا
وراح ركب للسياره
العنود استغربت شكله كان سرحان ويفكر حتى ماابتسم لي

ورجعت للصاله

في السياره
خالد كان مشغل المسجل وهو يذكر عيونها ونظرتها وكلمات هالاغنيه
تعبر بالي في داخله

يذكرني شعاع الشمس عيونك
تدخل ضلوعي
في غفلة من عيون الناس
وتمد أهدابها إحساس
وتاخد قلبي من قلبي
تضيق بصدري الأنفاس
ولما ينتبه واحد من الجلاس
بسرعة تركض النظرة
على السجاد والكرسي
أحس ان النهار يمسي
وتغيب الشمس كالعادة

في غرفة نوف

دانه:عنوده اخبارك
العنود:بخير الله يسلمك
دانه:لا احلفي اعرف انك بخير ماانتي جالسه قدامي
العنود:انتي سالتي وانا جاوبتك
دانه:انا اقصد مع العرس ها اخبارك مع خالد
العنود:اه يادندون وش اقول لك
دانه:لا بالله عليك قولي
الريم:دانوه انجنيتي وش تقولك
العنود:الا الريم نايف ليه راح للشرقيه
الريم:يغير جو
العنود:والله وجهك يقول غير كذا

في جهه ثانيه من الغرفه

البتول كانت جالسه وتسولف مع نوف
رن جوالها وقتها
شافت الرقم وقطبت حواجبها
رجعت تشوف الرقم وهي ماهي مصدقه
حطته على الصامت

البتول:نجد
نجد:نعم
البتول:ابغى اكلمك خلينى نطلع من هنا
نجد:تعالي نروح غرفتي
البتول/يالله
قامت نجد والبتول
نوف:على وين
نجد:ماراح نطول راجعين
نوف:أي كالعاده طبعا بتاخذكم السوالف وماراح تجون لحد ماناديكم
البتول:احسبي لنا ربع ساعه وجايين
نوف:اوكي يالله التايمر بدى

قبل لا يطلعون البنات الدرج
ام خالد:على وين
نجد:غرفتي يمه
ام خالد:لاتاخرون العشا بينحط بعد شوي
نجد:ربع ساعه ونازلين



في غرفة نجد

نجد:ها يالبتول قولي ترى ماعندنه الا ربع ساعه
البتول:ههههه تلاقين نوف تحسب
نجد:طيب يالله قولي
البتول:بندر
نجد:ياربي ماخلصنه منه
البتول:لا يانجد اليوم عمي اتصل لامي يشوف اذا غيرت رايي او لا
نجد:وش قالت له خالتي
البتول:قالت له بسالها وبرد عليك لكن المشكله ماهي هنا
نجد:اجل وين
البتول:اليوم وانا جالسه تذكرت المنتدى وفتحت الاب توب وسجلت دخول تتوقعين
وش لقيت
نجد:ايش
البتول:بندر كاتب مشاركه بسامحيني
وقالت لها الكلام الي كتبه
نجد:يمكن حب يقدم لك اعتذار لانه مايقدر يتصل لك
البتول:نجد بندر هو الي اتصل لي من شوي وانا مارديت عليه
نجد:لا تقولين
البتول:نجد مااعرف وش اسوي
نجد:ردي عليه وشوفيه وش يبغي فهميه انك ماعاد تبغينه
البتول:نجد تتوقعين انه يبغاني ارجع له


كانوا الكل مجتمعين على طاولة الاكل

ام خالد:نجد والبتول للحين ماانزلوا
نوف:انا وش قلت لكم ان اجتمعوا هالثنتين ينسون الوقت
الريم:انا بروح اشوفهم
ام خالد:بتلاقينهم بغرفة نجد

طلعت الريم لغرفة نجد ودقت الباب
نجد:يوه شوفي الساعه تلاقينهم مطرشين الشغاله تنادينه
نعم
الريم فتحت الباب:وينكم العشى جاهز
نجد:يالله بننزل معك
البتول:اقول غريبه نوف مااتصلت
الريم:لا بنتها انقذتكم كانت لاهيه معها
نجد:واخيرا جى من يجنن نوف مثل ماهي مجننتنه
البتول:هههههه يالله ننزل لا نتاخر

نزلوا البنات وهم في طريقهم لغرفة الطعام
الريم تذكرت جوالها ناسيته بالصاله يمكن نايف يحن عليها ويتصل
الريم:بنات انتوا اسبقوني انا بروح اجيب جوالي
نجد:اوكي

دخلت الصاله وشافت جوالها موجود على الطاوله فتحته على امل تلاقي لها miss
callاو مسج بس خاب ظنها
قبل لا تطلع من الصاله سمعت جوال يرن التفتت وشافته
هذا جوال عمتي خلني اخذه لها
خذت الجوال وبالصدفة المحت اسم المتصل كان نايف وقفت وهي تشوف الاسم
وبدون تردد ضغطت على الزر وفتحت المكالمه
نايف:السلام عليكم ياام نايف
الريم:وعليكم السلام
نايف انتبه لهالنبره ماهي صوت امه هي الوحيده الي نبرة صوتها يفز لها
الخافق
الريم:لهدالرجه ماتبغى تسمع صوتي
نايف:اخبارك
الريم:مشتاقه
نايف:وين امي
الريم هنا كانت تقاوم دموعها :نايف سامحني
نايف:بس انا للحين مااقدر اسامح
الريم:حبيبي
نايف ماحب انه يضغف قدامه فقرر ينهي هالمكالمه:قولي لامي اني دقيت يالله مع
السلامه
وقفل الخط
"""""""ط
الفصل الثاني
الريم ماكانت تقدر تستحمل منه هالقسوه
ليه يانايف انا اخطيت واعترفت ليه ماتسامح
طلعت من الصاله وراحت تتعشى
كانت جالسه وهي ضايقه من تصرفه
ام خالد:الريم علامك ماتاكلين صحنك مثل ماهو
الريم:الحمد لله شبعت ياخاله
ام طلال:وش كلتي علشان تشبعين حتى الغدا ماتغديتي
الريم قامت عن الجلسه:يمه شبعانه انا بروح اشوف بنت نوف
طلعت وراحت لغرفة نوف
العمه نوره كانت جالسه بالقرب من ام طلال
همست لها:اقول الريم علامها
ام طلال:ماادري من سافر نايف وهذي حالتها
العمه نوره:انا حاسه ان بينهم شي لان نايف ماهي من عوايده يسافر كذا فجاءه
ام طلال:ليكون متزاعلين
العمه نوره:شوفي انا اذا طول وضعهم كذا راح اتدخل
ام طلال:وانا بكلمها اليوم وانشدها
العمه نوره:لا خليها لا تكلمينها خليني اتاكد قبل يمكن نكون غلطانين
ام طلال:على راحتك
في القهوه كان فهد وخالد جالسيين
فهد:وين سرحان
خالد:فهد ماادري بس اذا ضليت اشوف البتول قدامي يمكن اهدم حياتي مع العنود
فهد:مافهمت وش تقصد
خالد:اليوم شفت البتول في بيتنا مااعرف يافهد اضعف اذا شفتها وانا ماابغى
العنود تحس بهالشي
فهد:خالد انت لازم تنسى خلاص
خالد:وانا مااقدر انساها وهي قدامي
فهد:طيب وش الحل
خالد:انا الشغل عارضين علي انقل لفرعهم الموجود بجده
فهد:تنقل وانت وش قلت لهم
خالد:لحد الحين افكر بس تدري احس انه النقل احسن لي
فهد:وانت مافكرت في ابوك وامك كيف بتتركهم لحالهم
خالد:وهذا الي كاسر ظهري
فهد:خالد انسى هالموضوع نقل مابه والبتول وبتنساها مع الوقت ومردك بتعود
على العنود وبتحبها
خالد:وش اسوي بقلب يعصاني
دخلوا للقهوه احمد وفيصل ونواف
نواف:اقول هذا فهد ومعه خالد
احمد:تعال نسلم عليهم
فهد:شف من جى
التفت لهم خالد
:هلا والله بعيال عمي
الكل:هلا بك
نواف:الحمد لله على السلامه
خالد:الله يسلمك
احمد:ها يا معرسنا اخبارك
خالد:بخير وان شاء الله بتلحقني قريبا
احمد:لا انا انسوني انتوا ماتتعبون
خالد:حن ممكن ننسى لكن امك
احمد:علامها
خالد:اليوم شفتها عندنا في البيت تقولي انها دور لك وحده يمكن تعقلك
نواف:لا شكلها ناويه لك على نيه
احمد بنبره حزينه:شباب انا عندي كلام ودي اقوله لكم
فيصل:وليه انقلب وجهك كذا
احمد:والله ياولد عمي هالموضوع ينهي حياتي مااعرف كيف اتصرف
فهد:احمد تكلم وش صاير
احمد:اهلي بيغصبوني على الزواج
الشباب:ههههههههههههههه
فيصل:اتخيل شكلك وانت كاشخ بالبشت وجالس والشيخ يقولك هل قبلت الزواج بها
خالد:ههه لا وعمي جالس يتحلف به اذا ماوافقت هحرمك من الميراث
احمد:ههههههه
نواف:والعروس عندي
احمد:وانت جاهز من وين جبتها
نواف:بس هي لها شرط انك ماتتزوج الحين
فهد:اجل متى
نواف:بعد20 سنه
احمد:والله وين هي فيه
نواف:سعاد
احمد:أي سعاد
فيصل وخالد:هههههههههههه
فهد:ليه تضحكون من ذي
نواف:وهل يخفى القمر سعاد بنت نواف بنتي
احمد وفهد:ههههههههههههه
احمد:شف ياولد عمي لازم اشوفها بالاول يمكن ماتعجبني
فيصل: لا تحاتي دام انا عمها اكيد حلوه
احمد:لا بالله عينه خير اقول خل بنتك عندك
نواف:يحصلك سعاد بنت نواف
خالد:نصيحتي لك وافق
احمد:تعرفون بروح اقول لامي اليوم اني لقيت لي بنت الحلال
نواف:وانا بشاور بنتي يمكن ماتعجبها
الشباب:هههههههه
الريم كانت جالسه وتفكر كيف ترضيه وهو مايرضى يكلمها
مافي غير المسج
ارسلت له
**أدري جرحتك وشلت بخاطرك منــي

خسران بعدك وقلبي ضاعت أرباحــه
غلطان أدري وابي فيك تسامحنــي

تدري عيوني بغيابك ماهي مرتاحــه
تبكي على فراق طيفك وانت ذابحنــي***


دخلت العنود الغرفه
العنود:الريم علامك ليه متضايقه
الريم:نايف ياالعنود للحين زعلان حتى ماهو براضي يكلمني او يسمع صوتي خلاص
عرفت غلطتي حرام عليه وربي اني مااقدر استحمل اكثر
العنود:الريم حبيبتي اهدي لا يسمعون صوتك ترى قومتك كذا من على العشا
حسستهم ان فيكي شي
الريم:غصب عني وش اسوي
العنود:تبغيني اكلمه
الريم:لا اخاف تكبر السالفه مالي غير اني انتظره لحد مايحن علي
العنود:الريم نايف قلبه طيب وماراح يقدر يبعد اكثر بس انتي انتظري
الريم:وهذا انا ناطره
العنود:طيب تجين معي تشوفين جناحي
الريم:يالله
وطلعوا للجناح
في الشرقيه
كانوا الشباب جلسين عند البحر ويشوون لهم لحم
بدر:اقول شباب متى بترجعون للرياض
سليمان:والله انا متى مابغيتوا ترجعون ماعندي مانع
بدر:ونايف
سليمان:لا اذا على نايف وده يرجع اليوم قبل بكره
بدر:وانا وانت متى بنصير في قائمة المتزوجون
نايف:هههه من مانعك تزوج
بدر:انتظر بنت عمي تخلص جامعه
سليمان:طيب تزوج وتكمل بعدها
بدر:لا عمي يقول البنت مابقى لها الا سنه وش معجلك
نايف:يالله هانت
بدر:أي انت وش عليك ،طيب متى ترجعون
نايف:على راحتكم
بدر:اجل خلونه نجلس يومين وبعدها نرجع للرياض
وصل المسج لنايف
فتح الرساله
تنهد وهو يقرى المكتوب
نايف:انا بروح اتمشى
سليمان:بس لا تاخر الشوي بيجهز
نايف:ماراح اتاخر
وراح يتمشى وهو يفكر بها
رفع جواله وهو يفكر انه يكلمها
لا ماراح اكلمها غلطتك يالريم كبيره
ارسل لها
***ما جا على بالي خطاك انت بالذات
لا تعتذر كافي يجي منك أكثر
قصرت و سواتك معي ماهي سوات
هذا مع اني فيك ما كنت أقصر***
بعدماطلعوا من القهوه
نايف اتصل لنوف
نوف:هلا
نواف:هلا فيك اشتقت لك
نوف كانوا البنات جالسين عندها:بخير الله يسلمك
نواف:اقول لك اشتقت لك تقولين لي بخير الله يسلمك
نوف:وسعاد بخير
نواف:في حد جالس عندك
نوف:أي
نواف:طيب متى راح يروحون ابغى اشوفك
نوف:ماادري
نواف:وش رايك ترجعين للبيت وربي المكان مايسوى من غيرك
نوف:لا مااقدر
نواف:ياربي مايصير كذا مااشوفك
نوف:وش اسوي
نواف:طيب قولي لي احبك
نوف وهي تهمس له:احبك
نواف:مااسمع
نوف:احبك
نواف:وش قلتي مااسمع علي صوتك
نوف:البنات جالسين عندي مااقدر اعلي صوتي
نواف:طيب اسمعي هالاغنيه
وانا بين أديك .. تهت في مكاني
ونسيت معاك .. عمري وزماني

والوقت فات وياك ثواني
قربني ليك .. سبني أعيش أحساسي بيك

بتحدى العالم كله وانا وياك
وبقول للدنيا بحالها ان انا بهواك
وان انت حبيبي وقلبي وروحي معاك
قربني ليك .. سبني اعيش احساس هواك

انا عشقي ليك .. عشق القمر للنجمة والليل والسهر
والشوق اليك .. فوق الخيال .. فوق احتمال كل البشر

من يوم لقاك .. حلوة الحياة

اتحدى بيك .. كل الوجود .. وياك اكون او لا اكون
انا مش هعيش من غير هواك .. انا قلبي عاشق للجنون

نوف كانت تسمع وهي الابتسامه مرسومه على شفتها
انتبهت لها دانه
:اقول علامها تبتسم
البتول:ماادري
دانه:اكيد روميو اقول خلنه نطلع لا نكون عذال
نجد:ههههه لاتسمعك
دانه:من قال انها معنه قوموا
قاموا البنات بيطلعون
وانتبهت لهم نوف
دانه:خذي راحتك انتي وروميو
البنات:هههههههههه
نوف كانت تاشر بيدها وتتحلف لدانه
البتول:خلني اخذ بنتك لا تنكد عليك
ونوف ماكانت تقدر تتكلم بس تاشر بيدها
طلعوا وسكروا الباب
نواف:ها حبي
نوف:هلا ياقلبي
نواف:البنات وين
نوف:طلعوا من الغرفه
نواف:والله بنات عمي عندهم ذوق
نوف:ههههههه
نواف:طيب قولي لي متى ترجعين للبيت
نوف:نواف بدري هنا اريح لي
نواف:انتي تعالي وانا بريحك بس وربي ماعاد استحمل
نوف:خلاص على راحتك بس خلني يومين هنا وبعدها ارجع للبيت
نواف:يالله الله يصبرني على هاليومين
نوف:ياقلبي
نواف:طيب اقدر امر عليك
نوف:لا ياقلبي بعدهم عندنا ماطلعوا
نواف:الله يصبر قلبي طيب اخليك
نوف:وينك فيه
نواف:واقف قدام بيت ابوي اليوم ماشفته وقلت امر اسلم عليه
نوف:الله الله يحفظك
نواف:ويحفظك
في الصاله
وصلت الرساله للريم
الي من قرتها زادت عليها الضيقه
وارسلت له
****
وشفيك غايب طعنت القلب بغيابك
يلي احبك حرام انك تجافيني
انت النظر والحكي والشوق يزهي بك
ما اقول ما احكي مدامك ساكن فيني
ان جيت باحكي ظهر صوتي ونادى بك
وان قلت باسكت حكى دمعي علي عيني
ارسلت لك خافق دقيت به بابك
ومن كثر ما دق قلبي شارك يديني


ام طلال:يالله يابنات خلونه نروح
ام خالد:بدري ليه مستعجلين
ام طلال:لا الوقت تاخر خلينه نمشي
ام فيصل:وصلوني بطريقكم
ام طلال:حياك
دانه وهي تهمس للريم:الريم الظرف
الريم:زين ذكرتيني
التفتت للبتول:البتول ممكن اشوي ابغى اكلمك
البتول:خير
الريم:لا خلينه نطلع من هنا
البتول طيب تعالي
وطلعوا من الصاله وانتبهت لهم نجد
البتول:خير يالريم
الريم طلعت الظرف من الشنطه ومدته للبتول
البتول:ايش هذا
الريم:اقري الي عليه
قرت البتول المكتوب عليه بس مافهمت
البتول:من عند من
الريم:هذا الظرف لقيناه موجود بغرفة طلال
البتول وهي تناظر بالريم منصدمه
:ايش من طلال
الريم:أي وانا بصراحه مااقدر اوصله لها وقلت مافيه غيرك
البتول:وش فيه هالظرف
الريم:ماادري
البتول:يالله وش راح اسوي الريم اخاف هالظرف يجدد حزن نجد
الريم:وهذا الي خايفه منه بس يالبتول هذي وصية طلال لها ولازم نوصلها باي
طريقه
البتول:خلاص خليه عندي انا الحين تفكيري متشتت خليني افكر كيف راح اوصله
الريم:طيب
دانه:الريم يالله امي تنتظرنه
الريم:جايه
مع السلامه
البتول:الله يسلمك
وطلعت
البتول رجعت تناظر بهالظرف وهي ماتعرف وش تسوي
نجد:البتول
البتول :هلا
نجد:وش عندها الريم
البتول:ها لا ولا شي
نجد:وهالظرف
البتول:لا هذي سي ديات طالبتها من عندها
انا بروح اشوف البنت تركتها بالصاله
وراحت للصاله


خالد كان قريب من للبيت
خلني اتصل للعنود اشوف اذا في حد عندهم
اتصل للعنود
العنود كانت جالسه بالقرب من البتول وشافت المتصل خالد
ردت عليه:هلا حبيبي
هنا البتول سمعتها وعرفت انه خالد
خالد:هلا العنود اخبارك
العنود:بخير
خالد:في حد عندكم
العنود:أي خالتك سعاد وامي
خالد:طيب اذا طلعوا اتصلي لي علشان ارجع
العنود:اوكي
خالد:مع السلامه
العنود:الله يحفظك
خالد ماكان يبغى يرجع ويشوفها
ماكان يعرف وين يروح
خلني اوقف السياره هنا وانتظر العنود تتصل مااتوقع يتخرون
وقف السياره وشغل الراديو
*************
نجوم الليل والغربة تذكرني زمان فات
تذكرني ربيع العمر واسترجع ملفاتي
سرى بهاجس الذكرى وراحت بالهموم وجات
وسنى الذكرى يحرك ثورة الأشواق في ذاتي
أنا الهايم وأنا المغرم وأنا الساهر مع النجمات
وأنا اللي قسم أوقاته حنين وصبر وآهات
ألا يا صاحب الذكرى من أجلك كم كتبت أبيات
ومن أجلك عشقت اللي مضى واللي معه فات
نجوم الليل نجوم الليل نجوم الليل والغربة
عظيم الشوق للماضي يحطم باقي الحسرات
ويرسل بالأمل نوره على دربي وخطواتي
أنا بجامل الواقع وعايش وقتي اللي فات
واخلد صورة الماضي على رسمي ولوحاتي
نجوم الليل نجوم الليل نجوم الليل والغربة
وسنى الذكرى يحرك ثورة الأشواق في ذات


بيت بندر
من بعد اللي صار بينه وبين البتول وهو مايدخل البيت إلا متأخر
كل مادخل البيت تخيلها موجوده يسمع ضحكتها
بندر: شقاعد يصير لك يابندر مب هذا هو اللي كنت تبيغيه ليه كل مادخلت أحس
بخيالها موجود معي أسمع ضحكتها وأشم ريحت عطرها
شسويتي فيني يالبتول
قبل لا يطلع الدرج وقف لحظات وهو يشوف باب الحديقه مفتوح وقبل مايسكره تذكر
شكلها وهي تحت المطر وأبتسم في نفسه تذكر خوفها من الرعد وتذكرها وهي في
حضنه حس بدقات قلبه تزيد وهو يتذكر الموقف
سكر باب الحديقه وطلع لغرفته
وكالعاده قبل لا يدخل لغرفته لازم يمر على غرفتها دخلها وبدا يلف بعيونه في
الغرفه أنتبه لشي كان غافل عنه وأول مره ينتبه له
صورتها مع ماجد الصغير
أخذ الصوره وجلس على طرف السرير وهويتأمل بسمتها مسح بيده على الصوره وكأنه
يبغي يلمسها ضم

الصور لصدره وتنهد
شكلي حبيتك يالبتول بدون لا أدري
طلع من غرفتها ودخل غرفته بدل ملابسه وكالعاده فتح المنتدى
رجع يقرى ردها له
ماتنلامين يالبتول الي سويته ماهو قليل في حقك
لكني راح اصلح غلطتي واذا ماترضين تكلميني مالي غير هالمنتدى انتي كشفتي
حقيقتي منه
وانا راح احل مشكلتي منه
مشاركة جديده
"أخطــــــــــيت"
أنا مدري وش إحساسك
ومدري وش تظنيني
أنا الصادق في عينك كنت
وصرت الكاذب الخوَّان
أنا أخطيت ما أنكر ولافيه عذر يكفيني
سِـوى إني أحبك حيل وإني دايما ً إنسان
* * * * * *
أنا شفت الزهر مايل
وظنيته يناديني
قطفته يوم ضمَّيته.. لقيته للأسف ذبلان
عرفت إنك زهر عمري
عرفت إنك بساتيني
وغيرك قيض مايروى.. سرابٍ يشقي العطشان
* * * * * *
أنا لو ماحصل ماكان وشهو اللى يدرَّيني
بأنك ماسواك إنتى.. سكنتى القلب والوجدان
أحبك كثر أخطائي
وادري إنك ؟؟؟؟؟؟
قليل العمر ياللي إنتي دموعك ماتساويني
***أحبــــــــــــــ "عيوني حزينه" ـــــــــــــــــــــــــك ***
تنهد وهي يضعط على اعتمد المشاركه
ان شاء الله تدخلين وتشوفين الموضوع
في بيت عبدالرحمن
وصلت للبيت ودخلت للغرفه غيرت ملابسها
فتحت شنطتها وطلعت الظرف
وش راح يكون فيه ماتدري كيف راح توصله لنجد
يارب تعيني
حطت الظرف بالدرج وفجاءه تذكرت المنتدى
خلني ادخل اشوف وش صار
سجلت دخول للمنتدى واول شي شافته مشاركة بندر
دخلت للمشاركه وقرت الموضوع
كانت عيونها بتطلع من الي تقراه
ايش يحبني بندر يحبني
مسكت راسها بيديها يارب وش قاعد يصير من حولي
بكل بساطه جاي يقول يحبني
تظن يابندر قلبي لعبه عندك
بدون تردد منها ارسلت له رد
ضحكتني بكلمة أحبك
و أنك بتبقالي وفي
أسألك و جاوبني بربك
توها على لسانك تجي
معد احساسي تثير
متأخرة جات بكثير
اعذرني هل مرة كفاني
ما شفته من جور و ألم
حطمت بالماضي كياني
و الحلم بإيدينك انهدم
لا تتعب بروحك تحاول
مادام قد مات الامل
بحساسي لا يمكن اجامل
من وين ابلقى لك محل
واركض ورا ايامك واسير
متأخرة جاءت بكثير
ارسل الرد
وهذا ردي لك ياولد عمي بس ان شاء الله تفهم لاني ماارضى اكون بديل لغيري
طلعت من غرفتها ونزلت للصاله


كانت جالسه تقلب في القنوات
البتول: أف ملل مافي شي في هالتلفزيون ينشاف
نزل نواف للصاله وشافها جالسه وسرحانه
كان حالها مضايقه
نواف: البتول
البتول: هلا نواف وش الي مجلسك هالوقت
نواف:وش اسوي
البتول:اشتقت لنوف
نواف:والله المكان ماله حلاه من غيرها بس ان شاء الله يومين وبترجع
البتول:يومين ليه
نواف:انا قلت لها ترجع تعبت يالبتول
البتول:حرام عليك خلها ترتاح في بيت ابوها
نواف:لا تحاتين انا ماراح اقصر معها وحتى الشغاله طلبتها علشان تساعدها
وانتي وامي موجودين ماراح تقصرون
البتول:براحتك
نواف:خلك الحين مني ممكن تفهميني أخرت هالوضع اللي أنتي فيه
البتول: أي وضع
نواف: أنتي وبندر
البتول: بندر مايبغيني
نواف:طيب مايبغاك وانتي ماتبغينه ليه ماننهي هالموضوع
البتول:ماادري يانواف عمي اتصل لامي يسالها اذا غيرت رايي وانا قلت لامي
ماابغى غير طلاقي
وانهارت بالبكى
نواف: البتول أهدي خلاص والي تبغينه راح يصير ودام راسي يشم الهوى ماعاش من
يهينك او يجبرك على شي ماتبغينه
البتول: الله يخليك لي يااخوي
نواف:طيب امسحي دموعك وانا جايب لك مسرحية مدرسة المشاغبين الي تحبينها وش
رايك نشوفها
البتول ابتسمت له:اوكي
نواف:يالله اروح اجيب الشريط وارجع لك بس انتي جيبي لي كاس عصير
البتول:ان شاء الله
وجلسوا يتابعون المسرحيه وضحكهم يملى المكان

[ندعوك للتسجيل في المنتدى أو التعريف بنفسك لمعاينة هذه الصورة]

وبـرب لحد مـآتنزل الكـآتبه آلبـآرت ..