رواية الجرح ارحم من فراقك وبعدك - كـآـآمـلـه..

[ندعوك للتسجيل في المنتدى أو التعريف بنفسك لمعاينة هذه الصورة]
اليوم حنزل لكم روآية الجرح ارحم من فراقك وبعدك..للكـآتبه الجرح ارحم ..
وان شـآء الله رح تكون كـآمله..
بـرب

عائلة ابوالبتول
الأب عبدا لرحمن (45سنه) ماعنده إلا اخو واحد أبو محمد
الأم سعاد(40سنه)
البتول بنتهم الوحيدة والمدلله(21سنه)
نواف( أخوها بالرضاعه )

عائلة أبو محمد
ابومحمد(48سنه)
آم محمد(44سنه)
محمد(29سنه متزوج وعنده 3عيال)
عبدالله (27سنه متزوج من عبير بنت خاله وعنده ولد )
بندر(24سنه )


عائلة أبو خالد
أبو خالد
أم خالد
خالد(24 سنه)
نجد(21سنه ومخطوبه لولد عمها طلال)
نوف(19 سنه)

عائلة أبو طلال
أبو طلال
أم طلال
طلال(25سنه)
أحمد(22سنه)
الريم(20سنه)
دانه(17سنه)


العمه نوره(أم نايف)
أبو نايف
نايف(23سنه)
العنود(19سنه)
سلمان (16سنه)
الوليد(5 سنين)



عائلة أبو نواف
أم نواف( اخت سعاد) متوفيه
نواف(21سنه عايش مع خالته سعاد)
زوجته الثانيه أم فيصل
فيصل(19سنه)
راكان(14سنه)

عائلة أبو فهد
أم فهد
نجلا(25 سنه متزوجه من ولد عمها سلمان)
فهد( 23سنه)
تركي(18 سنه)


سعاد:البتول يالبتول يله قومي بتأخرين على الجامعة يله قومي بسك نوم
البتول:زين يمه خلاص بقوم أنتي روحي وأنا بلبس ثيابي وبجي افطر
سعاد:يله قومي افطري مع أبوك لأنه بيطلع بدري
البتول أول ماسمعت اسم أبوها قامت بسرعة من الفراش لأنها لازم تشوفه قبل
مايطلع البتول تحب أبوها لدرجه كبيره:قامت بسرعة من السرير يله يمه 5دقايق
وأنا نازله
سعاد:هههههههه شوي شوي أبوك مراح يطير
في الصالة عبدا لرحمن جالس يقرا الجريدة ويشرب قهوته (عبدا لرحمن أبو حنون
الله مارزقه إلا بالبتول بنته الوحيدة لان زوجته منعوها من الحمل بسبب
حالتها الصحية ورضي بنصيبه وماتزوج على سعاد رغم إصرار أهله لأنه يحبها)
دخل نواف(نواف يصير أخو البتول بالرضاعه وعايش معهم بعد وفات أمه وسفر أبوه
للشرقيه) الصاله: السلام عليكم
عبدالرحمن: وعليكم السلام هلا نواف وينك ياولدي ماشفناك أمس
نواف: كنت معزوم عند عيال عمي وتأخرنا بالقعده
لحظتها سمعوا صوت البتول وهي نازله من الدرج بسرعة
عبدالرحمن:شوي شوي يالبتول لاتطيحين
دخلت الصاله وقربت من أبوها وحضنته وباسته على رأسه
البتول: صباح النور يااحلى أبو بالدنيا
عبدا لرحمن:صباح النور يااغلى بنت تعالي حبيبتي افطري معي
جاهم صوت سعاد: وأنا مالي بالطيب نصيب
راحت البتول لامها واحضنتها وباستها على رأسها :كل شي ولا سعاد أمي الغالية
سعاد:تعالي ياحبيبتي افطري
نواف: وأنا مالي صباح الخير
البتول: صباح الخير والنور والعسل والقشطه
نواف: بس بس خلاص تراك ازعجتينا أنا ماادري ليه خالتي أرضعتني معك وابتلشت
في اخت مثلك
البتول: هذا جزاي قاعده اصبح عليك وبعدين احمد ربك اني رضيت أنك ترضع معي
وعطيتك الشرف بأنك تكون أخو للبتول بنت عبدالرحمن
نواف يحب يضحك مع أخته : أي والله الحمد لله أنك أختي لأنك لوماكنتي أختي
كان بيزوجوني بك بلوى أهون من بلوى
البتول شهقت: ومن قال أني برضى أتزوج واحد نفسك رح ناظر وجهك بالمرايه
سعاد: والله نواف ألف من تتمناه
البتول : أيه القرد بعين أمه غزال
نواف: وجع قرد بعينك
عبدالرحمن كان يضحك : وأنتوا هذا حالتكم كل يوم
وجلسوا يفطرون مع بعض
نواف: نسيت أقول لكم
البتول: وش هو
نواف: ياحبك للقافه
البتول: يالله قول ليكون بتتزوج
نواف: ههههههه لا بس رقوني بوظيفتي
سعاد: مبروك ياولدي تستاهل
عبدالرحمن: مبروك يانواف
نواف: الله يبارك فيكم
البتول: مبروك يا أخوي ياحبيبي ياسندي وعزوتي
نواف: الله يبارك فيك بس نبرتك هذي وراها شي
البتول: لا بس هالترقيه أكيد يبغي لها عزومه معتبره
نواف: تأمرين من عيوني
البتول : تسلم لي عيونك أجل خلنا اليوم نروح نتعشى برا
نواف : الشور لعمي
عبدالرحمن: اخذ خالتك والبتول وروحوا تعشوا برا
نواف: وانت ياعمي
عبدالرحمن: أنت تدري ياولدي أني ماأحب روحت المطاعم
نواف: شرايك خالتي نروح اليوم
سعاد: ماأقدر أقولك لا يالغالي
نواف: أجل ارخصوا لي أنا رايح الدوام قبل لا أتأخر ويخصمون علي وبعدها مافي
عشا
البتول: لا روح الله يوفقك وتلاقي ترقيه ثانيه قول أمين
نواف: أمين يالله مع السلامه



في بيت ابوخالد
نادى خالد أخته نجد من تحت بصوت عالي:نجدووووه يله اخرتيني انزلي بسرعة
يالعنز
طلت عليه نجد من فوق:محد عنز إلا أنت
خالد:متى تتزوجين وارتاح منك
وفي هالوقت نزلت نجد وهي تلبس عبايتها بعجله
ناظرها خالد وقال يبي يغيضها :الله يعين طلال على مابلاه ربي
التفتت له نجد بعصبيه:الاقول يابخته فيني جمال ودلال وشيبي أكثر من كذا
كانت تقولها بدلع
التفت لها خالد وهو ماسك ضحكته:أقول امشي قدامي تراك أخرتني وبلى خرابيط
زايده بنات أخر زمن
وقبل مايطلعون ناظرته نجد بضعف وهي تعض على شفتها: أقول خالد
التفت لها خالد:لاتقولين نسيتي شي بعد
نجد:لابس بنمر على العنود بنت عمتي
خالد:شنو حدقالك اني سواق العايله الحين يبغي لنا ساعتين لين تطلع لنا بنت
عمتك
نجد: حبيبي بليز توها داق علي تقول ماعندها حد يوديها الجامعة
خالد:اللهم طولك ياروح يله دقي عليها خلها تنتظرنا تحت
راحت نجد وباست أخوها على خده :الله يخليك لي يااحلى اخو بالدنيا
خالد:هههههههههههه ضحكي علي بهالكلمتين أقول يله بس ليكثر هرجك
ركب خالد ومعاه نجد


في بيت العمه نوره

العنود:يله نجد انا نازله لكم باي
أنزلت العنود بسرعة خذت كتبها وطلعت كانت في هاللحظه سيارة خالد داخله من
البوابه أول ماشافته بدى قلبها يدق طبول تقول فيه حفله
ركبت السياره وقالت بصوت كله دلع :السلام عليكم
خالد:هلا العنود كيفك
العنود آه ياحلو اسمي وانت تقوله:تمام وأنت كيفك
خالد:الحمد لله
نجد :هلا عنوده كيفك يالدبه وينك من يومين ماشفتك
العنود :لابس كنت تعبانه وماداومت
نجد:لاسلامات ماتشوفين شر
التفتت العنود لخالد تبيه يقول شي بس خالد كان سرحان وباله مو معاهم
وصلوا للجامعه ونزلوا البنات وكل وحده راحت لمحاظرتها

بعد صلاة العصر
رن جوال نجد عسى ربي يخليك لعيوني
نجد:هلا طلال
طلال: هلا والله ياعيون طلال أخبارك يالغلا
نجد:بخير الحمد لله أنت أخبارك
طلال: بخير دام سمعت هالصوت أقول الحب بمر عليك اليوم بعد صلاة المغرب عندي
موضوع أبغي أقولك عليه
نجد: خير أن شاء الله صاير شي
طلال: بعد المغرب أمر عليك وأقولك يالله الحب تأمرين على شي
نجد: سلامتك
طلال:مع السلامه
نجد:الله يحفظك
سكر طلال الخط ونجد بالها مشغول ياترى شالموضوع اللي بيقولي عنه طلال شافت
الساعة كلها 3ساعات وبعرف الموضوع على ايش مستعجلة راحت نجد تخبر أمها ان
طلال بمر عليها بعد الصلاة وراحت لغرفتها تلبس
في المساء
وصل طلال بيت عمه ابوخالد نزل من السيارة وكان خالد وقتها طالع من البيت
خالد: حيا الله النسيب أشوف نجد معلنه حالة الطوارئ بالبيت
طلال:ههههه حيا الله الغالي اخو الغاليه
خالد: أفا أثرني غالي علشان أختي
طلال: أكيد لو ماهي بأختك ولا تراك ماتسوى شي
خالد: أقول لا يكثر هرجك صحيح الطيور على أشكالها تقع لاتخليني أمنعك من
انك تشوفها
طلال: ههههه من اللي تمنعه ياحبيبي نسيت أني مالك عليها وهي زوجتي الحين
واقدر أخذها بأي وقت من غير شورك يله بس ترى عطيتك وجهه تأخرت على الحب باي
خالد: ههههه اشك انه باقي فيك عقل ياولد عمي
ودخل طلال البيت كانت نجد باستقباله لابسه فستان وردي ناعم لحد الركبه
وتحته بنطلون جينز غامق ومسيحه شعرها وماكياجها خفيف طالع شكلها كيوت
وقف طلال للحظات يتأمل جمالها والابتسامه مافارقت وجهه نزلت نجد راسها من
نظرات ولد عمها لها وقالت بصوت واطي: هلا طلال تفضل
طلال: شرايك نروح نجلس في الحديقه الجو مره حلو
نجد: على راحتك
طلعوا للحديقه اللي كانت في قمة الروعه وجلسوا مقابل النافورة
طلال :أخبارك يالغلا
نجد: الحمد لله تمام
نجد: طلال
طلال: ياعيون طلال
نجد: شالموضوع اللي بغيتني فيه من سكرت الخط وانا بالي مشغول ليكون صاير شي
ابتسم طلال وبدون مقدمات:اليوم حددنا موعد العرس
نجد تضاربت مشاعرها في هاللحظه مابين الفرح والخوف
طلال: وانا حبيت أقول لك الخبر بنفسي وبيكون العرس بعد 3شهور
التفت لنجد اللي كانت ساكته
طلال: شرايك يالغلا انا الود ودي لويكون العرس اليوم قبل بكره بس عمي
قال3شهور علشان التجهيزات
نجد----
طلال: نجد شرايك
نجد بخجل: اللي تشوفه
ظلوا ساكتين لثواني
طلال: نجد
نجد :سم
طلال: رفع يدها وضمها بين يديها :صدقيني يالغلا راح أخليك اسعد إنسانه في
الوجود وماراح اقصر معك في شي أنتي سكنتي هنا ويأشر على قلبه وكل دقة من
دقات قلبي تنادي باسمك
نجد حست بقلبها انه بيطلع من ضلوعها أول مرة يقول لها مثل هالكلام
رفع راسها بيديه وظل يناظر في عيونها فتره
استغربت نجد من نظراته وكأن فيها حزن
نجد: طلال
طلال:عيونه
نجد: ليه هالنظرات فيك شي
طلال: ابد يالغالية بس ابغي اروي عيوني من شوفتك
نجد استغربت منه أتحس انه ماهو بطبيعي اليوم
وقف بعد ماسمع صوت الأذان: يله يالغلا أخليك مر الوقت والحين بيقيمون لصلاة
العشا
وقفت معه وقبل مايروح رفع يدها وباسها بكل حنان ومسح بيده الثانية على وجها
نجد: طلال فيك شي أحسك منت بطبيعي اليوم
طلال: ابد يالغلا بس ماادري ليه أحس أني أبي اروي عيوني من شوفك
التفت عنها وراح لسيارته ونجد ظلت تراقبه لحد مااختفى عن عيونها
نجد: الله يحفظك يالغالي من كل شر
رجعت للبيت بس ماتدري ليه تحس بضيقة في صدرها تعوذت من الشيطان وطلعت
لغرفتها تصلي العشا
طلع طلال من المسجد بعد ماصلى العشا
ركب سيارته وهو فكره معاها مع اللي سلبته قلبه وتفكيره صورتها دوم ماتفارق
خياله: ليه أحس أني بفارقك يانجد
كان سرحان وهويسوق وما انتبه لسيارة اللي جاية من الجهه الثانية كانت
الصدمه قويه وبسببها انقلبت سيارة طلال

__________________

الجزء الثاني<<

كانت نجد جالسة في الصالة وتحس بضيق في صدرها كل ماله ويزيد وكأنها ماتقدر
تتنفس طلعت من الصالة وراحت للحديقة جلست على الكرسي وتتذكر طلال وكل كلمة
قالها اليوم ماكان طبيعي شافت في عيونه حزن مافهمته
حطت يدها على قلبها : يارب احفظه لي

التفت على صوت سيارة دخلت البيت مسرعه شافت خالد ينزل من السياره ويدخل
البيت بسرعة
نجد: شفيه خالد مب من عادته يسرع الله يستر بس
دخل خالد البيت ولون وجهه مخطوف
نجد: خالد شصاير
التفت لها: نجد البسي عباتك وتعالي معي
نجد: شصاير ياخالد
سكت خالد ونجد دقات قلبها تزيد قالت بصوت يرتجف:طلال فيه شي
رفع خالد راسه لها: طلال صار معه حادث وهو بالمستشفى ويبغي يشوفك
كتمت نجد شهقاتها ونزلت دموعها
خالد: نجد لاتخافين طلال بخير بس يبغي يشوفك أنا توني جاي من عنده استعجلي
خلنا نروح
ركضت نجد تلبس عباتها وركبت مع أخوها السياره وطول الطريق وهي تدعي ربها
انه يكون بخير


وصلوا المستشفى نزلت نجد مع خالد وهي ماتشوف طريقها من الدموع
وقفوا قدام باب الغرفه كانوا أهله واقفين قدام الباب وحالتهم ماتسر لا عدو
ولا صديق وماتسمع غير صوت بكاهم
تقدم عمها لها:نجد ادخلي طلال يبغي يشوفك
أول مرة تشوف عمها بهالحالة: عمي طلال شفيه
مسكها عمها من يدها ودخلها الغرفة
كان طلال متمدد على السرير والأجهزة معلقة عليه من كل جهة والدم مغطية
تقدمت بخطوات بطيئه لجهته وهي ماتصدق عيونها
نجد: طلال
فتح طلال عينه بثقل والتفت لها ابتسم وهو يشوفها رغم الألم بس شوفتها تنسيه
كل ألم وكأنها بلسم لجروحه:عيون طلال
نجد وصوت بكاها يرتفع: سلامتك يالغالي
طلال: لاتبكين يالغلا دموعك غالية علي
نجد ---
طلال رفع يده يتلمس وجها
طلال: الحب كنت أتمنى يجي اليوم اللي يجمعنا فيه بيت واحد وأكون لك الزوج
والحبيب سكت لحظات وهو عينه مافارقت عينها الله يشهد أني ماحبيت غيرك في
حياتي آه آه (حس بالألم يزيد عليه ويعصر قلبه)
نجد: ارتاح يالغالي لاتتكلم
طلال: نجد أنتي حوري العين يانجد أنتي حوري العين
ورفع صبعه يتشهد لحظات وسمعت صوت جهاز القلب رفعت عينها شافت ان نبضات قلبه
توقفت
نجد: طلال طلال وبدت تهزه بيدها
دخل عمها وخالد وهم يسمعون نجد تصارخ
في هاللحظات دخلوا الدكاتره وحاولوا أنهم ينعشون قلبه
التفت لهم الدكتور وكانت نظرات نجد تترجاه انه ليقولها بس
الدكتور: اطلبوا له الرحمه طلال مات
رنت هالجملة في أذن نجد والتفتت لسرير طلال تقدمت بهدوء وقفت قدامه وبدت
تمسح على راسه وبصوت تخنقه العبرات:طلال طلال قوم لاتخليني بروحي من لي من
بعدك طلال طلال
بدت تهزه بكل قواها تبيه يحس فيها لكن........
مسكها خالد :نجد اطلبي لها الرحمه طلال مات
صرخت فيه :لا طلال مامات طلال حي وبيقوم ضمته لصدرها كأنها ماتبغيهم
ياخذونه منها: حبيبي قوم خلهم يشوفون انك مامات شلون تموت وتخليني
انهارت نجد من الصدمه واضطروا أنهم يعطونها مهدأ وارتاحت بعدها......



في بيت أبوخالد

بعد ساعات صحت نجد التفتت حواليها كانت نايمه في غرفتها وتحس أن أطرافها
مخدره لحظات وتذكرت طلال قامت من السرير طلال أنا كنت أحلم ولا طلال مات
حست بغصه وهي تقولها طلعت من غرفتها وهي تبغي تتأكد أنها كانت تحلم وطلال
حي شافت خالد وهو يطلع من غرفته
نجد: خالد
التفت لها خالد ومبين من عيونه أنه تعبان كأنه مانام من زمن
نجد:خالد وين طلال؟
خالد نزل راسه للأرض وكأنه يبغي يتهرب منها
قربت منه ومسكت يده بترجي:خالد رد علي وين طلال، طلال مات ولا أنا كنت أحلم
نزلت عند رجله وهي تتوسل له وتترجاه: خالد الله يخليك قول لي وين طلال ودني
له
نزل خالد لها وضمها بحنان وقلبه يتقطع على حالة أخته: نجد مايصير إلي
تسوينه اطلبي له الرحمة
نجد ودموعها تحرق خدها: طلال راح ياخالد راح يعني ماراح أقدر أشوفه خلاص
ماراح أسمع صوته ليش ياربي ياليتني بداله
خالد:استغفري ربك يانجد قومي معي
في هالوقت طلعت أم خالد من غرفتها وشافت حالة بنتها المنهارة ركضت لها ونجد
من شافت أمها طاحت في حضنها وظلت تبكي
أم خالد: بسم الله عليك والتفتت لخالد
ساعدني نوديها غرفتها دخلوها الغرفة وظلت نجد تبكي في حضن أمها لحد مانامت
طلعت أم خالد من غرفة نجد:مالك حظ يابنتي الله يعينك ويصبر قلبك
مرت الأيام والشهور على نجد ثقيلة ماكنت تحس بالحياة من حولها تغير شكلها
لحد كبير عيونها ذبلت من كثر الحزن والأبتسامه فارقت شفتها كان طيف طلال
مايفارقها دقيقة

طلال كان لها

الحب

الروح

الحياة

الساعة 12 في الليل كان الكل نايم ماعدا نجد الي كان السهر مرافقها طول
الوقت
قامت من السرير وتوجهت للبلكونه فتحت باب البلكونه وكان نسيم الهوا يطير
خصل شعرها شغلت الراديو وحطت على قناة الfm
ظلت واقفه في البلكونه تتأمل الدنيا من حولها تركزت عيونها على الجلسة
الموجوده قريب من النافوره هذا المكان اللي شهد أخر لحظاتها مع طلال
جاها صوت نغمات أغنية جددت جروحها

والله ماتسوى أعيش الدنيا دونك
لا ولا تسوى حياتي بهالوجود
دامك أنت اللي رحلت وكيف بصبر
على البعاد وكيف بنثر هالورود
ماوعدت أنك تقاسمني المحبه
تكون لي حب ولدروبي دليل
بس حسافه الموت كان أقرب وأرحم
حسبي الله وحده ونعم الوكيل
حسبي الله وحده ونعم الوكيل


كانت دموعها تنزل مع كل كلمة رفعت راسها للسما وبدت تنادي بأسمه
طلال................طلال......................طلال ....................
ماقدرت تتحمل أكثر انهارت على الأرض وضمت رجلها لصدرها وبدت تبكي بحرقه
وألم وصوت بكاها يعلى

خالد جالس في غرفته يتكلم مع صاحبه على الماسنجر

خالد(مجنونها): أقول فهد بروح أجيب لي شي أكله لأني جوعان وبرجع أكلمك
لاتطلع

فهد(فاقد غالي): وأنت من عرفتك وأنت كله جوعان شكلي راح أسميك المفجوع

خالد( مجنونها): قل ماشاء الله ياأخي ليصير فيني شي

فهد( فاقد غالي):ههههههه لاتخاف أنت يصيبك شي

خالد (مجنونها):فهيد لا تخليني أطلع لك من الشاشه واتوطا في بطنك

فهد(فاقد غالي): لا خوفتني ياشيخ بس أنا اللي قاهرني أنك ماتسمن انت وين
تودي هالأكل

خالد( مجنونها): لأني ألعب رياضه يالله برب

طلع خالد من غرفته وقبل لينزل من الدرج سمع صوت البكى يجي من غرفة أخته فتح
باب الغرفة وانصدم يوم شاف أخته

خالد خاف عليها هزها بيديه: نجد شفيك في شي يعورك
رفعت رأسها وشافت أخوها ارتمت بحضنه وبدت تتكلم بصوت عالي: آه ياخوي قلبي
يعورني من فراقه اشتقت له وربي اشتقت له ماعد أقدر أتحمل أكثر من كذا

دخل أبوخالد مع زوجته للغرفة: عسى ماشر شصاير ياخالد نجد شفيها
راحت أم خالد لبنتها:اسم الله عليك نجد شفيك ياحبيبتي
نجد: آه يايمه ماأقدر أتحمل فراقه
أبوخالد: لا حول ولا قوة إلا بالله يابنتي مايجوز الي تسوينه في نفسك قومي
توضي وصلي لك ركعتين وادعي له

ساعدتها أمها تقوم دخلت توضت وصلة ركعتين بعدها حست براحه كبيره
انتبهت لباب الغرفة يفتح وادخلت أمها معاها كوب حليب شربته نجد ونامت
طلعت من عندها وشافت أبو خالد وخالد جالسين بالصالة

أبوخالد: بشري شلونها الحين

أم خالد: والله هالبنت حالها ماهو عاجبني ضعفت وطول الوقت وهي سرحانه أنا
خايفة يصير فيها شي البنت بتضيع من يدي

أبو خالد: صلي على النبي (قل لن يصيبنا إلا ماكتب الله لنا)

خالد: يمه نجد يبغالها وقت لين تنسى اللي صار لها ماهو قليل

أبوخالد: أقول شرايكم نروح للمزرعة نهاية الأسبوع يمكن ترتاح نفسيتها إذا
طلعت وشمت هوا المزرعه

أم خالد: أي والله صار لها مده وهي حابسه نفسها بالبيت

أبوخالد: توكلنا على الله وأنا بقول لأخوي أبو طلال وأختي نوره يجون معنا

أم خالد: خير أن شاء الله

أبوخالد: يله أجل خلنا نروح ننام وأنت ياخالد رح ارتاح

خالد: تصبحون على خير وراح لغرفته

انتبه لصوت إشارة التنبيه للمسنجر

خالد: يوه نسيت فهد باك
فهد(فاقدٍ غالي): وجع هالوقت كله وأنت تاكل ياأخي خلصت تموين البيت

خالد(مجنونها): أي أكل تتكلم عنه
فهد(فاقدٍ غالي):ليه شفيك

خالد(مجنونها): أختي نجد

فهد(فاقدٍغالي): شفيها

خالد(مجنونها): أبد مثل ماأنت عارف حالتها بعد موت طلال

فهد(فاقدٍ غالي): الله يعينها بس وربي ماألومها إحساس انك فاقدٍ غالي صعب
وشلون إذا كان هو دنيتك

خالد(مجنونها): وأنت للحين ذاكرها مانسيت لك سنتين وأهلك عجزوا منك حتى
زواج منت راضي تتزوج

فهد(فاقدٍ غالي): خالد تعبت من كثر ماتكلم بهالموضوع

خالد(مجنونها): طول عمرك عنيد وماتسمع إلا نفسك

فهد(فاقدٍ غالي): أسمع من يتكلم بس

خالد(مجنونها): أقول أنا تعبان وبروح أنام تأمر على شي

فهد(فاقدٍ غالي): قصدك تتهرب ياالله سلام

خالد(مجنونها): مع السلامة

العصر في بيت أبو البتول

البتول: يمه يمه

أم البتول: نعم يالبتول ليه هالصراخ

البتول: يمه أبغي أروح بيت خالتي أم خالد من زمان مامريتهم أبغي أتطمن على
نجد
أم البتول: والله حتى أنا من زمان مامريتهم

البتول: كلمي خالتي شوفيهم موجودين

أرفعت أم البتول السماعه وأتصلت في أختها أم خالد
أم البتول: هلا أم خالد أخبارك وأخبار العيال

أم خالد: الحمدلله بخير وينك ياأختي لنا مده ماشفناك

أم البتول: والله أنا متصله فيك أشوفك إذا جالسه بمر عليك أنا والبتول

أم خالد: حياك الله البيت بيتك

أم البتول: الله يحييك يالله أجل فمان الله

أم خالد: في حفظ الله

البتول: يالله أنا بروح ألبس

وطلعت لغرفتها لبست ملابسها ونزلت لقت أمها جالسه تنتظرها
طلعوا وراحوا لبيت أم خالد

في بيت أبو خالد

سمع خالد أمه تقول لنوف ان خالته والبتول بيجونهم
وظل جالس في البيت

سمع صوت أمه ترحب في خالته
نزل للصاله وتنحنح

أم خالد: تعال ياخالد هذي خالتك
دخل خالد للصاله وعيونه تدورها

أم البتول: هلا خالد أخبارك

خالد: بخير ياخاله

والتفت للبتول: أخبارك يالبتول

البتول: بخير الله يسلمك

أم خالد: غريبه اليوم جالس بالبيت ظنيتك طلعت

خالد: لا أبد بس أحس بشويت تعب قلت أقعد اليوم في البيت

أم البتول: سلامتك ماتشوف شر

خالد: الشر مايجيك ياخاله

أم خالد: البتول حبيبتي نجد في غرفتها أطلعي لها

خالد ياربي شهالحظ

البتول: أن شاء الله وطلعت من الصاله وقلبه طلع معاها

خالد: يالله أنا طالع

أم خالد: توك تقول تعبان وين رايح

خالد: ها لابس بمر الصيدليه أخذ لي دواء

دقت البتول الباب
نجد:نعم

البتول حبت تثقل دمها ورجعت تدق على الباب

نجد: قلنا نعم

البتول رجعت تدق

نجد: يوه من هالغبي اللي مايفهم فتحت الباب خير
وشافت البتول

نجد: هلا حبيبتي أشتقت لك وحضنتها(البتول ونجد اكثر من بنات خاله هم مثل
التوأم يحسون ببعض من نظرات عيونهم)

البتول: وانا أكثر ياعمري

نجد: تدرين أنك ثقيلة دم

البتول: مب أثقل منك

نجد: تعالي أدخلي

البتول: أخبارك

نجد: لا جديد اليوم مثل أمس

البتول: وليه جالسه هنا تعالي ننزل عند خالتي وأمي (البتول كان فكرها مع
خالد)

نجد: يالله

نزلوا تحت وكانت البتول متغطيه تحسب لوجود خالد دخلوا للصاله

أم خالد: خذي راحتك يالبتول خالد طلع

البتول زعلت في نفسها وشالت الغطى

ظلوا جالسين سوالف وضحك وبعدها طلعوا نجد والبتول للحديقه

نوف دخلت للصاله: هلا والله أنا أشوف البيت منور

سعاد: منور فيك ياحبيبتي وينك لنا ساعه هنا

نوف: ماقالوا لي وكان عندي بحث لازم أخلصه

سعاد: الله يوفقك أن شاء الله

نوف: أجل البنات وين هم فيه

أم خالد: بالحديقه

نوف طلعت للحديقه

نجد: بكره بنروح للمزرعه

البتول: والله أكيد راح تنبسطون والجو هالأيام رووعه

نجد: والله ماأبغي أروح بس غصب عني

البتول: ليه يانجد على الأقل تغيرين جو

نجد: ليه ماتجون معنا

البتول: ماأظن بكره بنروح لبيت عمي

نوف: يالخاينين

البتول: أهلين وينك فيه

نوف: لا ياشيخه يعني سألتي عني، كان عندي بحث وتوني مخلصه

البتول: يالحمص ماينخاف عليك

نوف: قولي لا إله إلا الله

البتول: ماشاء الله لا تخافين

رجع خالد للبيت

نزل من السياره وسمع صوت ضحك البنات جاي من الحديقه

توجه لهم والبتول أول ماشافته تغطت

خالد: السلام عليكم

البنات: وعليكم السلام
نوف: وش جايب معك

خالد: طول عمرك ملقوفه

نوف: وأنت بعد تقول عني كذا

خالد: وليه من قالك قبلي

نوف تأشر على البتول: ست الحسن والجمال

التفت خالد للبتول وابتسم : وهي ماكذبت

نوف: اقول عطني الكيس
فتحت الكيس وشافت أيس كريم

نوف: الله مشكور هذا لي

خالد:الفانيلا لك والفراوله للبتول ونجد

نوف: وأنت شعرفك أن البتول تحب الفراوله

خالد: البتول للحين تحبين الفراوله مثل ماكنتي وحنا صغار

البتول: إلا أحب الفراوله ومستحيل أغير

نوف: وأنت للحين ذاكر أيام الطفوله

خالد: تدرين كانت أحلى أيام

نجد: تذكرين يالبتول يوم كنتي تبكين لأن ولد جيرانه أخذ من الأيس كريم

البتول: هههههههه عاد أنا أموت ولا أحد يقرب من أيس كريمي

نوف: وش سويتي فيه

نجد: قصدك وش سووا فيه والتفتت لخالد

نوف: دام خالد في الموضوع الولد راح فيها

خالد: يستاهل ماجاه

نجد: خالد ماكان يرضى أحد يقرب من البتول وأنتي تعرفين البتول كانت
برينسيسه ماتسوي شي غير أنها تبكي وسوبر مان هو اللي يأخذ حقها

البتول: لا ياشيخه

نوف: طيب ايش سويت للولد

خالد: أبد ضربته ضرب وبعدها مسكته وخليت البتول تضربه لا و يشتري لها بدل
الايس كريم2

نوف: هههههه حرام عليك

البتول: لا ومن يشوفني في بيتكم يحرم يدخل

الكل: هههههههههه

خالد: أيام ومضت

نوف: ألا ليت الزمن يرجع
ورى ولا الليالي دور
ويرجع وقتنا الاول
وننعم في بساطتنا

البتول: اذا اسمع هالاغنيه اتذكر سوالفنا وحن صغار

طلعت أم خالد وسعاد للحديقه

سعاد: يالله يالبتول تاخرنا

خالد: بدري ياخاله

سعاد:بدري من عمرك بس لازم نروح

خالد: اجل خليني اوصلك

سعاد: لاتعب نفسك السواق موجود يالله مع السلامه

ام خالد: خليني اوصلك للسياره

سعاد: ارتاحي ماني بغريبه

خالد: خلك يمه أنا بروح معهم

وصلوا للسياره وقبل ماتركب البتول

خالد: البتول

البتول: خير

خالد: مشكوره

البتول: على ايش

خالد: من مده وماشفت نجد تضحك ومرتاحه مثل اليوم

البتول:لاتقول كذا نجد اختي اللي ماجابتها امي

ابتسم لها خالد: مع السلامه

وركبت البتول السياره
بعدها رجع خالد للحديقه

خالد: يالله يمه انا بروح انام بكره ورانا مشوار للمزرعه

أم خالد: كلنا بنروح ننام يالله يابنات

ودخلوا للبيت
الجزء الثالث

يوم الخميس الساعه 8 الصبح

خالد: يمه يله يا يمه ترانا تأخرنا

أم خالد: ياربي وأنت طول عمرك مستعجل أبوك وين

خالد: سبقنا للمزرعة وقال لاتتأخرون

أم خالد: أنا جاهزه بس قول للخدم يركبون الأغراض بالسياره

خالد: أن شاء الله وراح للمطبخ وهو معصب
رجع للصالة شاف أمه ونوف:ونجد وينها

أم خالد: مانزلت للحين

خالد: لا

أم خالد: رح شفها فوق

خالد وهو معصب:دام الطلعه فيها حريم لازم الواحد تطلع عيونه قبل ماتطلعون

أم خالد: شفيك شتقول ياخويلد

خالد: ولاشي ياطويلة العمر

أم خالد: أنا ونوف بننتظركم بالسياره

خالد ينادي نجد: نجد يا نجد نزلي أمي تحترينا بالسياره
نجد كانت واقفه قدام المرايا وفي يدها صورة طلال تتأملها انتبهت لصوت خالد
يناديها حطت الصوره في شنطتها وأخذت عباتها ونزلت

نجد: نعم

خالد: نعم الله عليك أمي تحترينا بالسياره

نجد: أنا نازله
كان خالد واقف يناظر أخته وهي تنزل من الدرج وين نجد المرحه اللي صوتها
يملى أركان البيت وضحكتها ماتفارقها اللي واقفه قدامه إنسانه ثانيه

نجد: خالد شفيك تناظرني

خالد: ولا شي بس ليه مكشره كذا وكأنك مغصوبه على الروحه اضحكي وربي اشتقت
لضحكتك

نجد ابتسمت لحنية أخوها

خالد: إي كذا لا تحرمينا من هالأبتسامه تفضلي قدامي مشت قدامه طلعوا من
البيت وركبوا السياره

تحركت السياره متجهه للمزرعه وطول الطريق ونجد ساكته تسمع لسوالف أمها
وأخوها ونوف كانت نايمه

أم خالد: أقول خالد تعرف أم فهد كم بنت عندها

خالد: الي أعرفه أن عندهم بنت وحده متزوجه وعايشه مع زوجها بره

أم خالد: وليه عايشين بره

خالد: زوجها يشتغل دبلوماسي في السفاره السعوديه

أم خالد: وكم ولد عندها

خالد: فهد ولدهم الكبير وهو بعمري وتركي بالثانوية

أم خالد: الله يخليهم لها

خالد: إلا يمه أنتي ما تعرفين أم فهد

أم خالد: لا والله ياوليدي أنا يوم تزوجت بأبوك كانوا هم طالعين من بيتهم

خالد: أن شاء الله بتشوفينها اليوم وبتتعرفين عليهم، بس سبحان الله لي سنه
أعرف فهد وبالصدفه يطلع أبوي صاحب أبوه من سنين
أم خالد: سبحان الله هم أطلعوا من بيتهم وأنتقلوا لسكنهم الجديد وماعاد
سمعنا عنهم شي

وصلوا للمزرعة كانت مره حلوه وقفت السيارة عند بيت مأخذ الستايل الريفي
يناسب جو المزرعة نزلت أم خالد ونجد ونوف ودخلوا للبيت وخالد نزل الأغراض
وراح يشوف أبوه

داخل الفيلا

كانت عباره عن صاله كبيره وفيها جلستين وطاولة أكل متوسطة الحجم وغرفه
وتمتاز الفيلا بشبابيكها الكبيره المطله للمزرعه

أم خالد: يله يابنات روحوا حطوا عبيكم وتعالوا ساعدوني قبل مايوصلون
الجماعة

نوف: الله يعينه حنا جايين نغير جو ولا نشتغل الله يهديه أبوي كان أجل
عزايمه

أم خالد: نويف ليكثر هرجك وعجلي

نوف: أن شاء الله يمه

طلعوا البنات للدور الثاني وكانت فيه 3 غرف حطوا البنات أغراضهم ونزلوا
يساعدون أمهم جهزوا الفطور إلا بدخلت خالد

خالد:يمه أبوي يبغي سكر للشاي

أم خالد: نوف روحي للمطبخ جيبي لأبوك السكر

نوف: آه وهو مافيه إلا نوف

خالد: قومي روحي جيبي السكر ياالعجيز



نجد: هههههههه خلاص خل عجيزنا جالسه أنا بجيب لك السكر



نوف: عجيز في عينكم




سمعوا صوت عمتهم نوره : من مزعل نوف حبيبتي

نوف: هلا والله بعمتي الغاليه راحت وسلمت عليها( نوف تحب عمتها كثير لأنها
هي المربيتها من وهي صغيره) شفتي ياعمه كلهم ضدي وأنا مسكينه ماأقدر أدافع
عن نفسي




خالد: والله أنك منتي بسهله يانوف




تقدم وسلم على عمته: مرحبا بالعمه أشتقنالك




العمه نوره ضربته على كتفه: أي هين لو أنك مشتاق لي كان مريت تسلم هذا وأنت
ماعندك غير عمه وحده




خالد: هههههههه السموحه والله أني مقصر معك




دخلت العنود وهي ماتدري أن خالد موجود كانت شايله وليد وهو يبكي: يمه شوفي
ولدك يبغي يروح للخيل لحاله




رفعت رأسها وانتبهت لوجود خالد عضت على شفتها لأنها كانت تصارخ




العمه نوره: وليدوه بسك ترى أذيتنا بصراخك




تقدم خالد جهة العنود وقف قدامها: مرحبا ياوليد




وليد مارد عليه

خالد: وليد أنت منت برجال




وليد: إلا




خالد: والرجال مايبكي تعال معي وأنا أوديك للخيل




مد يده وأخذ الوليد من يدينها كانت مرتبكه لأنه أول مره يكون قريب منها
لهدرجه




والتفت لها: أخبارك يالعنود




العنود والارتباك مبين من صوتها: تمام




خالد: يله سلام




نجد: وين ياخالد نسيت السكر




خالد: يوه الحين الوالد تلاقينه عصب يله مع السلامه

وطلع مع الوليد




بعد نص ساعه كانوا جالسين يفطرون بعد ماوصلت أم طلال وبناتها




العمه نوره: إلا متى بيجون ضيوفكم ياأم خالد




أم خالد: على العصر أن شاء الله




العمه نوره: زين يمدينا نريح شوي قبل لايجون




أم خالد: خذي راحتك أنا مجهزه الغرفه الي تحت لكم




بعد ماأنتهوا من الفطور تفرقوا اللي راح يرتاح في غرفته واللي راح يتمشى في
المزرعه بما أن الجو حلو




نجد طلعت لغرفتها اللي كانت تشاركها فيها الريم والعنود

كانت واقفه في البلكونه وتتأمل المزرعه تحس أنها كئيبه موحشه ياما كانت تحب
هالمكان وتشتاق له بس الحين تحس بغربه هذي أول مره تجي للمزرعه من غير
طلال




كل زاويه في هالمزرعه تشهد على حبهم الطاهر وفي هذا المكان كانت ولادة
هالحب




دانه: ياناس ياهو لنا ساعه واقفين نكلمكم




نجد: أهلين دانه مانتبهت لك




دانه: ليه جالسه هنا الجو بره يجنن تعالي خلنا نروح نتمشى مع باقي البنات




نجد: اوكي بس خليني أبدل ملابسي وأنزل معك




دانه: أنا بنتظرك تحت لا تتأخرين




نجد: أن شاء الله عمه دانه أي أوامر ثانيه

دانه: أي البسي ثياب عدله زي الناس وإذا ماعندك قولي لي أسلفك ليجون الناس
ويفكرونك الشغاله




خذت نجد أقرب مخده ورمتها عليها بس دانه كانت أسرع منها وطلعت من الغرفه




نجد: أنا أرويك يادندون مصيرك تطيحين بيدي




التفت تشوف نفسها في المرايه من وفات طلال وهي هامله شكلها ضحكت في نفسها
على كلام دانه لأنها فعلا لبسها ماكان يناسبها




بدت تدور في شنطتها على لبسه مناسبه لبست لها بنطلون جينز غامق منقش من
الطرف نقشات بالجلد الأسود ومعاه بلوزه بيضه وجاكيت أسود من الجلد ولفت على
رقبتها ايشارب أحمر ولبست كاب شتوي ونزلت شعرها الي يوصل لحد نص ظهرها
شافت نفسها بالمنظره وعجبها شكلها تعطرت ونزلت تحت




سمعت صوت أمها ترحب وتهلي عرفت أن الضيوف وصلوا انتبهت لها العنود وهي
نازله من الدرج




العنود: الله الله شكلك بهاللبسه طالعه مره حلوه




نجد: عيونك الحلوه أقول العنود من اللي جت




العنود: هذي أم فهد خلنا نروح نسلم




تقدمت نجد مع العنود وسلموا على أم فهد وجلسوا مع باقي البنات




أم خالد: ياهلا والله تو مانورت المزرعه




أم فهد: منوره بأهلها تسلمين




أم خالد: أخبارك وأخبار الأهل





أم فهد: بخير الله يسلمك



أم خالد تأشر على العمه نوره: هذي نوره عمت عيالي وهذي أم طلال زوجة أخو
نوره وعرفتها على البنات وحده وحده




أم فهد: ماشاء الله تبارك الرحمن الله يخليهم لكم ويفرحكم فيهم أن شاء الله




أم خالد: الله يسلمك




العمه نوره: إلا أنتي ياأم فهد ماعندك بنات




أم فهد: إلا عندي بنت وحده نجلا متزوجه وعايشه مع زوجها بره لأنه يشتغل
بالسفاره




العمه نوره: الله يخليها لك




أم فهد: آمين




راحت نجد للمطبخ تجهز القهوه والحقتها دانه




دانه: أقول يالقمر ممكن نتعرف




نجد: مو من شوي كنت شغاله




دانه: من شوي بس الحين أنتي المعزبه




نجد: أجل خذي القهوه وديها للصاله




دانه: أن شاء الله مدام




نجد: ههههههههه يله بس تحركي شغالات أخر زمن




راحت دانه تقدم القهوه واخذت نجد صينية الحلا معها




ظلوا البنات جالسين معهم وبعدها استأذنوا وراحوا يتمشون بالمزرعه




نوف: أقول بنات شرايكم نروح لجهة الإسطبلات

البنات يله




وصلوا للإسطبلات وبالصدفه كانوا الشباب موجودين هناك فقرروا أنهم يرجعون

لكنهم ماأنتبهوا لنجد الي توجهت لباب الإسطبل الخلفي فتحت الباب ودخلت كانت
تبغي تشوف خيل طلال وقفت قدام الخيل وبدت تمسح على راسها الخيل متعوده على
نجد كان طلال مسميها (عروس نجد) تذكرت فارسها طلال كان فارس وخيال
بمعنى الكلمه غمضت عينها وهي تتذكر حبيبها: آه ياطلال




عانقت الخيل وطلعت بدون ماتحس بالشخص اللي كان واقف يناظرها




خالد: فهد وين رحت




فهد: أبد لاحظت أنه فيه خيل داخل بالأسطبل ودخلت أشوفها




خالد: أي هذي خيل طلال ومن توفى ماأحد فينا ركبها




فهد: الله يرحمه




خالد: يالله لا تهرب من السباق




فهد: أنا اللي أتهرب يالله تعال وأنا أوريك




خالد: يالله




رجعت نجد للفيلا وفي طريقها شافت البنات يلعبون كرة طائره




نوف: نجد تعالي ألعبي معنا




نجد: مالي رغبه العب




نوف: نجد تكفين تعالي وراحت تجرها من يدها




ظلوا يلعبون لوقت طويل بعدها






طاحت دانه على الأرض: خلاص أنا تعبت ماعاد أقدر أرحموني بليز




العنود: وأنا بعد تعبت والجو بارد خلنا نرجع




رجعوا البنات للفيلا

شافوا أمهاتهم جالسين برا ويسولفون ويتقهوون جلسة نجد ونوف ودانه معهم
لأنهم يحبون يسمعون لسوالفهم القديمه وذكرياتهم




وراحت الريم مع العنود يشربون لهم عصير وراحوا يتمشون




العنود: أقول الريم أخبار أمك للحين على حالتها




الريم: والله ماأدري شأقولك كل ماجلست لحالها نلاقيها تبكي




العنود: ماتنلام ولدها البكر




الريم: تدرين أن نوف قالت لي أن هالطلعه علشان نجد مسكينه للحين نفسيتها
تعبانه شوفي شكلها كيف صاير وعمي قرر نجي للمزرعه يمكن تتحسن نفسيتها




العنود: الله يصبرها ماتنلام اللي صار لها شي كبير وأنتي تدرين شكثر كانوا
يحبون بعض من وحنا صغار وهم يقولون طلال لنجد ونجد لطلال كبروا وكبر حبهم
معهم




الريم: تعرفين أنها انخطبت من مده ويوم فتح عمي الموضوع معها عصبت وقالت
مارح أكون لحد غير طلال




العنود: بس مايصير كذا تدفن نفسها بالحياة هي توها صغيره بس يمكن تحتاج وقت
لحد ماتطلع من صدمتها




الريم: الله يعينها




العنود: آمين




العنود: إلا أقول يا زوجة أخوي




الريم: وجع كم مره قايلتلك لاتقولين هالكلمة




العنود: هههههههههه




الريم: عندووه ليه تضحكين




العنود: شوفي وجهك متلون كأنه أشارة مرور هذا كله من جبت طاري الحبيب

وقفت الريم قدامها ورفعت صبعها في وجه العنود وماأنتبهت للي جاي من وراها:
عنود وربي إذا عدتي هالكلام ماتلومين إلا نفسك




نايف في لحظتها كان يأشر على العنود أنها تكمل معها




العنود: خلاص يمه خوفتيني بس بسألك سؤال واحد بس




الريم: أنطقي




العنود: أنتي تحبين نايف




فتحت الريم عيونها




شافت العنود أنها عصبت والريم إذا عصبت ماتشوف قدامها ركضت وانخشت ورى
أخوها التفت الريم تبغي تلحقها بس هي ماانتبهت لنايف واقف وراها وصدمت فيه
رفعت راسها وشافته واقف يبتسم أحمر وجها وقعدت تلعن وتسب العنود في نفسها




نايف: ليه الحلو زعلان




العنود: أقول ياأخوي الله يعينك على عصبية بعض الناس




الريم التفتت لعنود وهي تتحلف فيها




العنود شاده الظهر بأخوها: أقول الريم وين راح لسانك توك تتوعدين ولاشوفت
روميو خلتك طرمه




نايف: أخبارك الريم




الريم: الحمدلله بخير




العنود: أقول نايف بغيت شي




نايف: وأنتي شدخلك ليكون واقف على رأسك





العنود: لاأبد بس مالك داعي واقف هنا



نايف: أقول ياأم لسان روحي لأمي قولي لها أبوي يبغي دواه




العنود: أفا قلبت علي يالله أنا رايحه




نايف: أقول العنود خذي راحتك تراني ماني بمستعجل




العنود: نويف أستح على وجهك




نايف: أقول ضفي وجهك




ألتفتت الريم تبغي تروح وتهرب من هالموقف بس نايف وقف قدامها وسكر عليها
الطريق




نايف: إذا حضرت الشياطين ذهبت الملائكه




الريم: لا أبد بس بروح لباقي البنات




نايف: أشتقت لك يالغاليه




الريم بين الإحراج على وجها




نايف حب يزيد إحراجها: شهالزين كله




حاولت الريم أنها تهرب بس نايف كان واقف لها

إذا بغيتي تروحين جاوبي على سؤال العنود بالأول




الريم: أي سؤال




نايف: تحبين نايف




نزلت الريم راسها بالأرض وقالت في نفسها أحبك شوي في حقك




جاهم صوت العنود: أقول ياقيس ابن الملوح خذ الدوى




نايف: بل عليك بهالسرعه




العنود: قول لاإله إلا الله

نايف: لاتخافين على نفسك أنتي ما يصيبك شي




العنود: حرام عليك




نايف: ماشاء الله عليك لاتخافين يله أنا رايح والتفت لريم




وربي بيجي اليوم إلي أخليك تنطقين بهالكلمه




ورجع لمجلس الرجال




ظلت الريم تناظره لحد ماغاب عن عينها




العنود: ياهو الولد راح




تذكرت الريم إلي سوته فيها العنود والتفتت لها وعيونها يتطاير منها الشرر

العنود أول ماشافتها ركضت بأسرع ماعندها تبغي تنحاش والريم وراها لكن قدرت
تمسكها وأنتقمت شر انتقام




بعد صلاة المغرب




رجعوا وكملوا قعدتهم برا الجو كان فيه نسمت هوا بارده نجد كانت ترتعش من
البرد

أم خالد: نجد يمه بتمرضين روحي ألبسي لك شي يدفيك




نجد: أن شاء الله يمه




دخلت نجد للفيلا وراحت لغرفتها خذت لها جاكيت وألبسته ونزلت بس ماتدري ليه
رجلها خذتها لباب المطل على المزرعه من الجهه الثانيه كانت تحس بشي يشدها
لذاك المكان من جت للمزرعه وهي تتحاشه تمربه بس الشوق غلبها ماحست بنفسها
إلا وهي واقفه قدام شجره كبيره....هالشجره اللي شهدت على حبهم




رجعت بهاالذاكره لذاك اليوم بعد ملكتهم بأسبوعين




كان طلال واقف عند الشجره وينحت عليها بالسكين




نجد: طلال




طلال: عيونه




نجد: وش تسوي




طلال: قربي وأنتي تشوفين




كان ناحت شكل قلب وفيها أول حرف من أسمهم

طلال: قربي وأنتي تشوفين




كان ناحت شكل قلب وفيها أول حرف من أسمهم




نجد: وش هذا ياطلال




طلال: إلي تشوفينه ابغي هالشجره تحمل ذكرى حبنا علشان بكره إذا كبرنا وجينا
هنا مع عيالنا نتذكر هالايام الحلوه




نجد: وربي أنك مجنون ياطلال




طلال: مجنون فيك يعيون طلال




بدا يدندن لها





ارسميني بشوق عيونك

صوره في شمس النهار
ورددي أشعاري عنك
اكشفي عنها الستار
وأعلني إني احبك
وألقى أحلامي في قربك
بالهوى مالي اختيار
يلي حبك في خالد
وعدي مني وقلبي شاهد
لمنحك عمري وحياتي
واهدي لعيونك قصايد
برسمك بأهداب عيني
واحضنك قلب وروح
واخذ أيدينك بيديني
لأخر الدنيا وأروح
اذكريني في كل نسمه
مرت بفصل الربيع
واذكريني في كل بسمه
زانت الثغر البديع
انا اذكر لو نسيتك
عندي وعدي في انتظار
أنتي أكثر من حبيبه
أنتي روحي باختصار
أنتي روحي باختصار
أنتي روحي باختصار




بدت قطرات المطر تنزل و تغسل معها دموعها




حطت يدها على النقش تقدمت أكثر وحطت خدها على الشجره تبغي تحس بلمسة أيده
وتشم ريحة عطره




بذكرك ياطلال في كل وقت وماراح أنساك بس ليه تركتني أنت قلت




(واخذ أيدينك بيديني لأخر الدنيا وأروح)




ليه تركتني وماخذتني معك ليه




الأماكن كلها مشتاقة لك

والعيون اللي أنرسم فيها خيالك
والحنين اللي سرى بروحي وجالك
ماهو بس انا حبيبي الأماكن كلها مشتاقة لك
كل شي حولي يذكرني بشي حتى صوتي وضحكتي لك فيها شي
لوتغيب الدنيا عمرك ماتغيب شوف حالي آه من تطري علي





في جهه ثانية من المزرعه




خالد: على وين يافهد




فهد: نسيت الجوال بالسياره بروح أجيبه




راح فهد يجيب جواله بس وهو في طريقه لمواقف السيارات لمح وحده واقفه تحت
الشجره

نفس البنت اللي شافها بالإسطبل مبين على شكلها الحزن مايعرف الشي اللي شده
لهالبنت ظل يراقبها




وقتها نجد كانت غرقانه بأحزانها بس شمت ريحة عطر رجاليه قويه حملتها نسمات
الهوا فتحت عينها والتفتت لجهة فهد انصدمت يوم شافته لحظتها تلاقت عيونهم
بعيون بعض مايدري ليه فهد بدت دقات قلبه تزيد ونجد حست بالرعشه تسري في
جسمها ركضت باتجاه الفيلا وهي ماتعرف هالشخص الغريب اللي طلع لها فجأءه




ظل فهد واقف رغم أنها اختفت عنه بس مايدري شالي صار فيه هذي ثاني مره
يلتقيها




استغرب من وقوفها تحت الشجره بهالصوره الغريبه تقدم وكأنه لقى جوابه وعرف
من هالبنت شاف النقش المرسوم على الشجره وعرفها من الأحرف نجد وطلال الحين
عرفت ليه الحزن في عينها




رجع للسياره اخذ جواله ورجع للشباب لقاهم حاطين العشا وجلس معهم بس مايعرف
ليه تفكيره منشغل بها




دخلت نجد للفيلا وشافتها أمها




أم خالد: نجد يمه شفيك




نجد: مافيني شي خلوني بروحي وراحت تركض لغرفتها




شافتها الريم واستغربت من حالتها




الريم: خالتي نجد شفيها




أم خالد: والله ماأدري علمي علمك




الريم: أنا بروح أشوفها




دخلت الريم الغرفه وشافت نجد جالسه على الأرض ورأسها

على السرير





الريم: نجد شفيك ليه تبكين



نجد: طلعوا عني ماأبي أشوف أحد




الريم: ماراح أخليك وأنتي بهالحاله ترى خالتي قلقانه عليك




نجد: وربي ماني قادره أتحمل كل زاوية في المزرعه تذكرني به




فهمت الريم أنها تقصد طلال




الريم: نجد حبيبتي حرام عليك إلي تسوينه بنفسك إذا أنتي ماتفكرين بنفسك
فكري بأهلك بأمي وأمك تدرين إذا شافوك كذا راح يضيقون وحنا ماصدقنا أن أمي
تهدا نفسيتها والله لو تشوف حالتك راح تتعب علينا وأنتي تدرين أنها معها
سكر




نجد: غصب علي ياريم هالشي مب بيدي




اسمعوا صوت الباب يدق راحت ريم تشوف من وأرجعت لنجد




الريم: يله يانجد ننزل نتعشى




نجد: ماني بمشتهيه انزلي أنتي




الريم: ماراح أنزل ألامعك وإذا ماتشتهين لا تأكلين بس أنزلي

الله يخليك لا تخربين فرحتهم بهالطلعه علشان خاطر طلال




غمضت عينها نجد وتنهدت في داخلها




قامت بدون ماتتكلم غسلت وجها ونزلت مع الريم




بعد العشا رجعوا أبوفهد للرياض على الرغم من إلحاح أبو خالد أنهم ينامون
عنده بالمزرعه




على الساعه 11 كانوا أبو خالد وأبو طلال نايميين بمجلس الرجال والشباب
توجهوا لأستراحتهم الموجود قريب من الفيلا




وأم طلال والعمه نوره وأم خالد دخلوا الغرفه ينامون أما البنات جلسوا
يلعبون لعبة الأوامر




كانت نوف جالسه قدام دانه والعنود قدام الريم ونجد اكتفت بالتفرج عليهم

والضحك على طلباتهم




كان الدور لنوف أنها تأمر: أقول دانه قومي تعالي دلكي لي رجلي




دانه: وشهو ليه إن شاء الله شايفتني اندونيسيه للمساج




نوف: هذا أمر يله قومي




قامت دانه وجلست تدلك رجل نوف بقوه ونوف تصرخ من الألم




نوف: خلاص فكي رجلي كسرتيها




دانه: علشان تحرمين ثاني مره




جى الدور للعنود تلف الغرشه وقفت على الريم ابتسمت وشافت أنها فرصه تنتقم
منها




العنود : أقول الريم




الريم: قولي الله يستر منك وجهك مايبشر بالخير




العنود: سألتك اليوم سؤال وماجاوبتيني عليه




نوف: أي سؤ........كأنها فهمت شتقصد




نوف: عندووووووووه ماكفاك إلي جاك اليوم




العنود: هذي لعبة الصراحة وأنا من حقي أني أسأل وأنتي مجبوره تجاوبين




نوف: وشهو السؤال طيب خلونا نفهم




التفتت العنود لنوف: أبد سألتها إذا كانت تحب نايف أخوي وماجاوبت




نوف ودانه بصوت واحد: الريم جاوبي




جلسوا يضحكون والريم منحرجه




الريم: لا بالله جازت لكم السالفه




نوف : الريم جاوبي على السؤال بكل بساطه يا تقولين

أحبه أو أتقولين أحبه




الريم: لاياشيخه




دانه: شكلك ياالريم ماتحبينه وانجبرتي أنك توافقين على الخطبه علشان عمتي
لاتزعل وأن نايف مايعني لك شي بس تقدرين أنك ترفضينه وأنا مستعده أني
أتزوجه بدالك أنا أختك وأوله فيه من الغريب




فتحت الريم عيونها: وجع يادانه أذبحك قبل ماتفكر أي وحده تأخذ نايف مني




دانه: بس مبين عليك أنك ماتحبينه




الريم تنهدت: إلا أموت عليه




بدوا البنات يصفرون ماأعرفت شلون طلعت هالكلمه منها انحرجت من البنات وقامت




الريم: الشرهه على إلي تجلس معكم وطلعت لغرفتها




جلسوا البنات يضحكون على شكلها




نجد: يالله تصبحون على خير




العنود: بدري




نجد: لازم اروح انام لاني بقعد من صبح علشان اكون في استقبال خالتي والبتول




العنود: متى بيوصلون




نجد: ان شاء الله بيكونون هنا قبل صلاة الظهر(وطلعت تنام)




وظلوا سهرانين للساعه1وبعدها دخلوا ينامون
:::
ثاني يوم الظهر

نجد: يمه كانهم تأخروا
أم خالد: روحي دقي على البتول شوفيها وينهم فيه

قبل ماتتصل سمعت صوت الباب يفتح وشافت خالتها
أم خالد: هلا والله حي الله من جانه

سعاد: الله يحييك

نجد: هلا خالتي
سعاد: هلا بك

نجد: خالتي وين البتول
جاها صوت البتول: انا هنا

نجد: هلا والله وحضنتها خفت انك ماتجين
البتول: ليه قالوا لك مجنونه اضيع علي هاليوم

سعاد: لو تشوفينها اليوم من الفجر وهي قاعده
نجد: ههههه كل هذا مشتاق لي

البتول: لاتصدقين نفسك في احد عاقل يضيع جيت المزرعه لا واليوم الجو روووعه
ان شاء الله تمطر
أم خالد: من وانتي صغيره يالبتول وانتي تحبين المطر ومن تمطر طلعتي تلعبين
بره وأمك تصارخ عليك

سعاد: ولليوم هذي حالتها
الكل: هههههههههههه

البتول: الا وين باقي البنات
نجد: نايميين شوي ويقومون

أم خالد: تعالي افطري يالبتول
البتول: ان شاء الله ياخالتي عاد انا ميته من الجوع

نجد: خسى الجوع
وبعد ماانتهوا من الفطور دخلت العمه نوره وام طلال

العمه نوره: هلا والله بسعاد
سعاد: هلا فيك اخبارك

العمه نوره: بخير عاش من شافك
سعاد: عاشت ايامك

وسلمت على أم طلال

وسلموا على البتول
نجد: اقول البتول خلينه نطلع نتمشى بره

البتول: شكلك عندك شي تبغين تقولينه يالله
وطلعوا يتمشون

في الجهه الثانيه من المزرعه

أبو خالد: اخبارك يانواف
نواف: بخير الله يسلمك الا وين الشباب

ابو خالد: بتلاقي العيال نايميين في استراحتهم رح وقظهم شباب هالايام سهر
ليل ونوم بالنهار

نواف: تامر ياعمي
وطلع لاستراحة الشباب دخل وشافهم كلهم نايميين بالصاله اللي على الارض
واللي على الكرسي ومخده طايره من جهه وعلب العصير والورق من جهه ثانيه صدق
مكان عزابيه

كانوا نايف وسلمان واحمد هم الموجوديين
سمع صوت خالد: هلا نواف

نواف: هلا بك
خالد: متى وصلت

نواف: ماصار لي ساعه
خالد: فاتتك سهرة امس ضحك ووناسه

نواف ياشر على الشباب: مبين من اشكالهم
التفت خالد لهم وضحك

نواف: خلنا نوقضهم عمي يسال عنكم
خالد: لحظه عندي طريقه بتقومهم بدون مانتعب معهم

نواف: شراح تسوي

خالد: دقايق وراجع لك
رجع وهو جايب معه سطل ماي

نواف: حرام عليك
خالد: شوف شلون راح يقومون وبدون سابق انذار سكب الماي البارد عليهم

ماسمعوا غير صراخ الشباب
نايف: وجع ان شاء الله خويلد

نواف وخالد كانوا يضحكون من اشكالهم
احمد: حرام عليك بارد كان خليته دافي مع هالجو

خالد: ههه لا وتنكت بعد يالله قوموا ابوي يسال عنكم
نايف: مردوده لك انت ونواف

نواف: انا واقف ولا سويت شي شف اداة الجريمة بيده
خالد: اخس والله كذا

نواف: عندكم اياه قلت له حرام عليك اللي تسويه بس ماطاع
خالد: صدق ماينشد الظهر فيك تعال خلنا نروح المجلس

في طريقهم للمجلس
خالد: امس وانا اكلمك ماقلت لي انك بتجي

نواف: ماكنت بجي مثل ماقلت لك امس لان عمي عبدالرحمن طلعت له سفره لجده
وماكنت اقدر اترك خالتي والبتول بس البارح اتصلت خالتي في امي وقالت لهم
يجون والبتول من عرفت وهي تحن علي تصدق انها من الوناسه جالسه من الفجر

خالد: يعني خالتي والبتول هنا
نواف: أي

خالد كان يحس بسعاده في داخله البتول قريبه منه مابينه وبينها الا خطوات
نجد والبتول كانوا جالسيين ونجد تقول لها بالي صار معها امس

البتول: وماعرفتيه من؟
نجد: اظن انه فهد

االبتول: ومن فهد
نجد: صديق خالد امس ابوي كان عازمهم

البتول: اوصفي لي شكله
نجد: طويل مثل خالد ولونه حنطي وله سكسوكه

البتول: خساره
نجد: ليه

البتول: شكله مره حلو مالحقة اشوفه
نجد: هههههه اقول قومي خلينه ندخل

كانوا البنات توهم جالسيين من النوم

البنات اول ماشافوا البتول هلوا ورحبوا فيها طبعا الريم ودانه يعرفون
البتول لانهم دايما يشوفونها مع نجد والعنود كانت معرفتها بالبتول سطحيه
كان الجو كله ضحك ووناسه وهذا شي معتاد بوجود البتول لانها تضيف على المكان
بهجه وروح حلوه

نوف: شرايكم نروح نتمشى بره الجو مره حلو
البنات : اوكي

البتول: انتوا روحوا وانا بدخل ابدل ملابسي والحقكم
نجد: خذي راحتك وفصخي عباتك بدل ماتتوصخ لان الشباب مايجون من جهة الفيلا

طلعوا البنات يتمشون والبتول راحت تبدل ملابسها
لبست لها بدي ... اخضر وكان اللون مناسب لبشرتها الحنطي مع بنطلون جينز
ولبست معه جاكيت طويل وغطت شعره بكاب

طلعت تدور على البنات

خالد شاف الوليد يبكي
خالد:ياربي وانت طول الوقت تبكي

الوليد: بيبو ماادري وين راح(بيبو يكون ... نسيت اعرفكم عليه مع باقي
الشخصيات)

خالد: وين تركته
الوليد: ماادري
خالد: تعال معي نروح ندور عليه

البتول: وين راحوا هالبنات ماينسمع لهم صوت
سمعت صوت حركه بين الشجر

البتول: بسم الله ايش هذا
تقدمت من الصوت وشافت الكلب
طبعا اللي ماتعرفونه عن البتول انها تكره الكلاب والقطط

اول ماشافته تراجعت بخطوات هاديه لكن الكلب بدى يركض في اتجاهه

البتول من شافته ركضت وهي تصارخ وماتدري لاي جهه رايحه
خالد وهو يمشي مع الوليد انتبهوا لصوت البتول وهي تصارخ

ركض خالد باتجاه الصوت وشاف البتول وهي تركض عن الكلب
وقف ويضحك عليها كانت تركض يمين ويسار تحاول انها تهرب من الكلب

الوليد اول ماشاف بيبو ناداه بصوت عالي: بيبو
لحظتها البتول التفتت لمصدر الصوت وانتبهت لخالد لكنها تعثرت بخطواتها
وطاحت على الأرض

خالد ركض لها وهو الخوف مبين عليه : البتول فيك شي

البتول حاولت تتحرك تبغي تهرب من هالموقف : لا مافيني شي
حاولت تقوم بس حست بألم في رجلها: آه
خالد:ليكون رجلك انكسرت
البتول: لا بس تألمني شوي
رفع عينه فيها هذي أول مره تكون البتول قريبه منه ويقدر يشوف ملامحها حس
برعشه في جسمه نسى الكون من حواليه
البتول كانت تحس بنظراته
حاولت تتحرك بس مااقدرت
انتبه خالد لجرح في ايدها
اخذ طرف القميص اللي كان لابسه وشقه نصين
ومسك يدها ولف بها الجرح حست البتول بدفا لمسته كانت يدها ترتجف سحبتها منه
بسرعه
خالد:خليني اساعدك واوصلك للفيلا

البتول: لا اقدر امشي
ساعدها وخلاها توقف

لحظتها كانت العنود في طريقها للفيلا وشافتهم
حست بنار تشتعل بصدرها من اللي تشوفه

البتول: خلاص ياخالد مب حلوه احد يشوفني معك
خالد: اخاف تحتاجين شي

البتول: لا بقدر اوصل للفيلا
سمعوا صوت البنات يقرب منهم
البتول: اسمع صوت البنات

خالد: خلاص انا بروح
انتبهوا البنات للبتول
الريم: هذي البتول هنا
كانت البتول مسنده نفسها على الشجره واقفه على رجل وحده

نوف: وينك ليه تاخرتي

البتول: ليه انتوا ماسمعتوا صوت صراخي اللي ملى المزرعه

نوف:لا ايش صار لك
البتول تأشر على جهة الوليد
كله من هالكلب

الوليد: هدا بيبو مب ...

الريم: هههه ليه شسوى لك هالمسكين
البتول: هذا مسكين ماشفتيه ايش سوى فيني
دانه وهي تاخذ بيبو من يد الوليد: حرام عليك تراه
Cute

البتول: وانا هالcuteماادري من وين طلع لي , كنت ادور عليكم وطلع لي مستر
بيبو في وجهي وانا اكره الكلاب وركضت عنه وماانتبهت لنفسي وطحت

نجد:صار لك شي
البتول: الم بسيط في رجلي و ان شاء الله بيروح

نجد: خلينه نرجع للفيلا ترتاحين
الريم: الا ماشفتي العنود في طريقك

البتول: لا
العنود رجعت للفيلا وهي تحس بنار في قلبها من اللي شافته
مااقدر اصدق معقوله يكون بينهم شي الخوف اللي شفته في عيون خالد يقول كذا

رجع خالد لاستراحتهم بدل ملابسه وهو باله مشغول عليها

دخلوا البنات للفيلا وسعاد من شافت بنتها خافت

سعاد: بسم الله عليك شفيك
البتول: لا تخافين يمه طحت ورجلي تالمني شوي

سعاد: قومك هاللي لابسته برجلك انا اللي اعرفه جواتي الرياضه نازله وهذا
شرفعه تقولين برج
أم خالد: بناتنا مايعرفون الا هالكعوب

دانه: كذا فتحتي لنا محاضره الحين ماراح يخلون شي الاو يقولونه
البتول ابتسمت لها
نوف: الله يهديك يالبتول انا قايله لك من البدايه بلى هالجواتي رحتي ولا
جيتي انتي قزمه ولازم ترضين بهالواقع المرير
البنات :ههههههه

البتول: وجع ان شاء الله ليكون مصدقه نفسك يالنخله
صدق المثل "الطول طول نخله والعقل عقل صخله"

الكل: ههههههههههههههه
نوف: يمه سمعتيها
ام خالد: انتي جبتي الكلام لنفسك
نوف: عمتي
العمه نوره: من دق الباب سمع الجواب
نوف: الله يسامحكم
سعاد: اطلعي بدلي ملابسك كلها طين

طلعت البتول تبدل ملابسها وساعدتها نجد وهي تركب الدرج كانت العنود نازله
اول ماشافت البتول تذكرت اللي شافته

نجد: وين رحتي يالعنود

العنود:موجوده
والتفتت للبتول وحاولت انها تكون طبيعيه

العنود: سلامات
البتول: الله يسلمك، هذا كله من بيبو اخوك
العنود: شكلك عشتي مغامره حلوه

البتول ونجد مافهموا ايش تقصد
العنود: انتبهي على الجرح اللي بيدك

ونزلت تحت
نجد: شتقصد العنود واي جرح
البتول: ولا شي خلينه ندخل الغرفه

دخلوا الغرفه وشافت نجد يد البتول
نجد: البتول من اللي رابط يدك

البتول ماتعرف شتقول لها
نجد: البتول قولي لي

البتول: بقولك بس لاتقولين لاحد
نجد: لا تقلقين

وقالت لها الي صار بينها وبين خالد
نجد: واكيد العنود شافتكم

البتول: وهذا اللي فهمته من كلامها واخاف انها تظن ان بيني وبين خالد شي
نجد: ماعليكي منها بدلي ملابسك وخليني اربط لك يدك وننزل تحت


المغرب
كانت الجلسه في الحديقه تحت مظله كبيره

دانه:شرايكم نلعب لعبة الأغاني
البتول: يالله أنا اللي ببدا

سواها قلبي ياحبيبي وحبك
ماطاعني وأنا عن الحب ناهيه
الظاهر انه مايبي غير قربك
عاف الجميع واول الناس راعيه
عليه ماوصيك لي صار جنبك
صبح عليه بحب وبحب مسيه
نبضه وفى وبتضحيه ته يعجبك
صافي ولكن مالقى من يصفيه

نوف: انا دوري

هذا اللي شايف نفسه ماشي ولا معبرني
يتلفت هنا وهناك ولا كنه شايفني

بدا البنات بالتصفيق

والله انا اوريكم فيه والله انا ما اخليه
وهو العب وياي خلوه يتحملني

لما التقيته في جده شايل في بايده ورده
يبغاني ابقى عنده يحلف مايفارقني

والله انا اوريكم فيه والله انا ما اخليه
وهو العب وياي خلوه يتحملني

دانه:ياأهل السامري لاتوجعوني
شيلكم ياالعرب ياثر علي
البنات: يااهل السامري لاتوجعوني
علة علة والعله خطيه
واتنهد وانا كلي طعوني
البنات: يااهل السامري لاتوجعوني

بالعواذل وراعي(ن) الوشيه
حسبي الله عليهم فرقوني
مع وليفي بلى ذنب وخطيه

البنات: مع وليفي بلى ذنب وخطيه((عاشوا))
منهو مثلي شكى فرقى خويه

البنات:هههههه
نوف: تصدقون نصلح مشروع طقاقات بس ناقصنه سياره جمس وطيران
الكل:ههههههههههه

العمه نوره: هذي اخرتها بتصيرون طقاقات
البتول: اريح لنا ياخاله بدال مانداوم من الصبح

نوف: يالله خلونه نكمل الوصله
شافوا العنود جايه
البتول: العنود تعالي انضمي معانه لفرقتنا
العنود: جلست بدون ماترد عليها
نجد التفتت للبتول
البتول حبت انها تغير الجو

حمام جانه مسيان ولا سلم عليه
حمام جانه مسيان ولا سلم عليه
البنات: ايوه يعيشون
علامه مر زعلان ولا سلم عليه
علامه مر زعلان ولا سلم عليه
البنات: ياسلام
يذكر كل ولهان على فرقى خويه
يذكر كل ولهان على فرقى خويه
صوابه بالحشى بانت طعونه ليه




بدت قطرات المطر تنزل

البتول : شوفوا شوفوا
نوف: بسم الله شفيك ليه قطعتي الوصله

البتول: مطر
البنات: ههههه

البتول: وربي مب قادره اجلس
طلعت تحت المطر

نجد: بتمرضين
البتول: تعالوا وربي الجو يجنن




في الجهه الثانيه كانوا الشباب جالسيين
خالد ونواف يشوون لهم لحم
أحمد: أقول شكلنا بنام الليله من غير عشى

نايف: دام نواف وخالد في السالفه اغسل يدك
سلمان : انا واحد مني ببايع نفسي واكل من عشاهم

نواف: اقول توفرون والله
خالد: اقول شرايك ناخذ نصيبهم نوديه للحريم
نايف: هي انت وحن شناكل

خالد: اقول يبه اللحم واجد والعيال مايبغون لحم شرايك نوديه للحريم
ابوخالد: خذى لهم اجل
احمد: خويلد
خالد: خلكم على جبن وخبز ابرك لكم

نايف: اقول خالد عنك انا بوديه خلك انت ارتاح
خالد: اقول ياقيس اجلس هنا وكمل شوي لحد ماجي

وراح خالد لجهة الفيلا
نايف: اف من ولد عمك هالعذول
نواف:هههه اقول اثقل شوي

نايف: يقولون الثقل صنعه وأنا أقول الثقل بعدين
ابوطلال: نايف تعال صب قهوه بدال منت جالس تسولف
نايف: هالشيبان من جينه وهم طايحيين فينه اوامر، ان شاء الله




لحظتها كان خالد جاي للفيلا ومعاه الشوي وانتبه لها
وقف يشوفها وهي تحت قطرات المطر وتضحك صوت ضحكها مالي المكان
كان الوليد مع خالد
خالد: الوليد خذ الصحن وده وعطه للبتول وقول لها خالد يقول لك بتمرضين

الوليد: خالد يدول لك بتمردين
خالد:يالله روح
راح الوليد للبتول ومد لها الصحن

البتول نزلت له تاخذ الصحن من يده: شنو هذا يالوليد
الوليد وهو ياشر لجهة خالد:خالد يدول لك بتمردين

التفتت البتول للجهه اللي اشر لها الوليد بس ماشافت احد
البتول: وينه
الوليد:لاح

البتول: خلنا ندخل
العنود كانت جالسه مع البنات وتشوف الوليد يحاكي البتول وتبغي تعرف ايش
يقول لها

دخلت البتول مع الوليد وبيدها الصحن
دانه: آه ريحة شوي

البنات: هههههههه
نوف: وانتي شدراك انه شوي
الريم: لا تخافين دانه عندها خبره في جميع انواع الأكل ودام انها قالت شوي
اكيد شوي

نجد: من وين هالصحن يالبتول
البتول: الوليد جايبه من عند الرجال
دانه: عطيني اشوف
فتحت الصحن وخذت لها قطعه صغيره:يمي لذيذ
نوف: اقول جيبي الصحن لاتخلصينه

العنود:الوليد تعال اوديك تبدل ملابسك
اخذت الوليد معها
العنود:الوليد ايش كنت تقول للبتول
الوليد:خالد يدول لها لا تمردين
العنود:خالد هو اللي جاب الصحن
الوليد:أي
العنود :اكيد بينهم شي اكيد

رجع خالد عند الرجال
ابوخالد: ماخلص الشوي

خالد: الا يبه الحين اجيبه
نايف: احمد
احمد: نعم
نايف: اشغل خالد شوي
احمد: ليه
نايف: انت اشغله بالاول وبعدين اقول لك

احمد:خالد
خالد: خير
احمد:تعال على مااظن جوالك يرن
خالد راح يشوف جواله
ونايف استغل الفرصه اخذ له ملح ورشه على الشوي

خالد: جوالي مافيه miss call
احمد: اجل جوال نايف
ابوخالد: وين الأكل
خالد: ان شاء الله، كذا اخرتني على الفاضي

جلس نايف وهو ابتسامة خث على وجهه
احمد: شسوييت
نايف: بتشوف بعينك
حط خالد صحن الشوي قدام ابوه وعمه
أبوطلال: شكلك ضابط الشوي
ابوخالد اخذ له قطعه من اللحم وحطه في فمه:بل بل ايش هذا
خالد ونواف يطالعون بعض
نواف: ايش فيه الشوي
أبوخالد:ذوق وانت تعرف
اخذ له نواف قطعه وماقدر يبلعها:ملح
أبوخالد: ناوي ترفع لنا الضغط
خالد: بس انا ماكثرت من الملح كلها رشه خفيفه

نايف واحمد جالسين يضحكون على اشكالهم

نايف: اقول ماتبغون اجيب لكم خبز وجبن احسن لكم
نواف وخالد التفتوا لنايف وشافوه يبتسم
نواف: شكلنا اكلنا مقلب
خالد:شكلنا
ابوخالد:اخرت هالوقت والانتظار بناكل جبن وخبز

نايف يهمس لخالد: وحده بوحده
خالد: الله يسامحك الحين ابوي ماراح ينسى هالسالفه الابعد شهر
نايف: هذا جزاك لانك ماخليتني اودي الشوي

تعشوا الرجال ودخلوا يناموون
وظلوا الشباب سهرانيين

خالد :
البارحه مرَّيت في أحلى الفصول
صيف وشتاء .. وناظرتها ..
وقلبي يقول هاذي العيون إلى متى
حبيبتي ياكثرها عيونك على هالَّليل
وين ما التفت أشوفها ..
حبيبتي يازينها عيونك على هالَّليل
سحرني برق سيوفها ..
ما أقول أعشقها بعقل ..
مجنونها ..
* * * * * *
نايف: الله الله على هالصوت اقول يابوالشباب مصدق نفسك

خالد:

يازاهي الكحلِ عينك هي تبي حتفـي
صدَّت وأنا لي مِكانِ بحجرها الدافـي
ياجارح القلبِ ظُلمٍ مِنك لـو تِقفـي
حقَّي عليك الوفا تِسعى بالإنصـافِ
همس الشفايف تِبسَّم بسمِتك تِكفـي
لي صار وصلك صعيبٍ فالرِضا كافي
يا أبو جديلٍ على غضَّ النحر يضفـي
والموج زاد بسواده لونـك الصافـي
ياعلِّ وقت الكدر ياصاحبـي يصفـي
وبعد الجفا الَّلي جرحني وصلك الشافي
يازاهي الكحل حُبَّك فايـقٍ وصفـي
ولولا الرِجا مِنك بحت بسرَّي الخافـي

احمد: لا شكله الحبيب هايم

أنا حبيبي بسمته تخجـل الضَّـي
يكسف سنا بدر الدَّجى من جبينه
راعي العيون الناعسه رمشها فـيَّ
لا سلهمت ذاب الهوى من حنينه
له نظرةٍ لاهي سـراب ولا مـيَّ
راعي الهوى تِفنى وراها سنينـه
نور الصَّبا يابسمة الدَّار والحـي
نوره على شمس الضَّحى مستبينه
دامه معي كل القرايب فأنا حـيَّ
بالروح أضُمَّه يوم قلبي ضنينـه
ياصاحبي لاتِنشد الرَّوح عن شيَّ
أنا حبيبـي نـور كـلَّ المدينـه
أنا حبيبي بسمته تخجـل الضَّـي
يكسف سنا بدر الدَّجى من جبينه
راعي العيون الناعسه رمشها فـيَّ
لا سلهمت ذاب الهوى من حنينه
له نظرةٍ لاهي سـراب ولا مـيَّ
راعي الهوى تِفنى وراها سنينـه
نور الصَّبا يابسمة الدَّار والحـي
نوره على شمس الضَّحى مستبينه
دامه معي كل القرايب فأنا حـيَّ
بالروح أضُمَّه يوم قلبي ضنينـه
ياصاحبي لاتِنشد الرَّوح عن شيَّ
أنا حبيبـي نـور كـلَّ المدينـه

نايف: لا اقول يالحبيب الساعه صارت 1خلنا ندخل ننام بكره بنرجع للرياض
الجزء الرابع


في بيت أبوفهد

وقت العصر وكانوا أبوفهد وأم فهد جالسين يتقهوون

أبو فهد: إلا أقول ياأم فهد أخبارك مع الجماعه أمس

أم فهد: والله ونعم الناس وبناتهم ماشاء الله عليهم نعم الأخلاق والتربيه
أبو فهد: على طاري البنات ماشفتي وحده لولدنا فهد

أم فهد: والله أنا كنت ناويه أكلمك بهالموضوع البنات كلهم ماعليهم قاصر
أخلاق وجمال وأهم شي تربيتهم بس أنا أعجبتني نجد بنت أبو خالد

أبو فهد: والله ونعم وخير ماأخترتي
أم فهد: أي ياأبو فهد بس البنت كانت متملكه لولد عمها والولد مات قبل العرس
ب3 شهور

أبو فهد: لاحول ولا قوة إلا بالله
أم فهد: وأنا أخاف أنها ماتوافق على الزواج لأن إلي فهمته من أمها أنها
للحين نفسيتها تعبانه

أبو فهد: الله يكتب إلي فيه الخير حن خلينا نشوف فهد بالأول

فهد: كأني سمعت أسمي ينذكر
أم فهد: هلا والله عمرك طويل

فهد: خير أن شاء الله شسالفه
أبو فهد: أمك شافت لك بنت

فهد كان في البدايه يعصب من يسمع بهالموضوع لكنه تعود: وأنتوا بعدكم
مامليتوا من هالموضوع

أبو فهد: يافهد ياوليدي مايصير تظل على هالوضع لمتى وأنت ناسي نفسك إذا
ماتفكر بنفسك فكر فينا حن مانبغي شي غير أنا نشوف عيالك قبل مانموت

فهد: بعد عمر طويل أن شاء الله
أبو فهد: أنت عارف أني في حياتي ماجبرتكم على شي وأخليكم على راحتكم لكن
الحين أنا أقولك إذا تبغيني أرضى عليك تزوج

فهد ظل فتره ساكت مب عارف شيقول
أم فهد: البنت والله أنها أخلاق وجمال ومتربيه أحسن تربيه

أبو فهد: وكفاية انها بنت أبو خالد
شد انتباه فهد أسم أبو خالد: من هي

أم فهد: نجد
فهد: نجد

سرح بفكره يتذكر المواقف إلي جمعتهم بالمزرعه
فهد: بس انتوا تعرفون أنها كانت مخطوبه و...

قطع كلامه أبوه: وزوجها توفى قبل العرس
فهد: وأن البنت نفسيتها تعبانه ورافضه فكرة الزواج

أبو فهد: وأنت و شدراك
فهد: من كلام خالد
أبو فهد: أنت ماعليك من هالكلام أنت وافق وأترك كل شي علي أنا بكلم أبوها
فهد: يصير خير عطوني مده أفكر يالله تأمروني على شي

أم فهد: سلامتك

طلع من البيت وهو يفكر بالكلام اللي دار بينه وبين أهله


في شركة

كان عبدالرحمن جالس في المكتب دخل عليه أبو محمد
أبو محمد: يالله ياعبدالرحمن خلنا نروح للأجتماع

عبدالرحمن: هذا أنا جاي وقف وخذا معاه أوراق
وقبل مايطلع من المكتب أختل توازنه وحس بنغزه قويه في قلبه حاول أنه يسند
نفسه بس ماقدر وطاح على الأرض
أبو محمد خاف على أخوه: عبدالرحمن شفيك

كان يتنفس بطريقه سريعه والعرق يتصبب منه
صرخ أبو محمد للسكرتير: أطلب لنا الأسعاف بسرعه

عبدالرحمن: صالح
أبو محمد(صالح): ماعليك شر أن شاء الله أرتاح

عبدالرحمن: أسمعني ياأخوي وصيتك سعاد والبتول
أبو محمد: لاتقول كذا الله يقومك بالسلامه

عبدالرحمن: البتول ياصالح البتول أمانه في رقبتك وصيتي لك أنها ماتتزوج إلا
واحد من عيالك أبغي أظمن لها واحد يصونها

وبعدها غاب عن الوعي
وصل الأسعاف ونقلوه للمستشفى

وصل نواف للمستشفى بعد ماأتصل فيه بندر
دخل وشاف أبو محمد مسند راسه للجدار

وبندر ومحمد وعبدالله حالتهم ماتسر
نواف: خير عمي عبدالرحمن شفيه

أبو محمد: عبدالرحمن مات

نواف مصدوم من اللي يسمعه : وش هو شلون اليوم الصبح كان جالس معنا ومافيه
الا العافيه شصار

أبو محمد: سكته قلبيه
نواف: لاحول ولاقوة إلا بالله شقول لخالتي والبتول
أبو محمد يبكي: راح أخوي الوحيد وسندي بهالدنيا

محمد: أطلب له الرحمه يبه تعال معاي وبندر وعبدالله بيخلصون الأجراءات
وقف أبو محمد وطلع مع محمد
وعبدالله وبندر راحوا يخلصون أجراءت

نواف ماكان عارف شيسوي أو شيقول شلون راح أواجه خالتي والبتول ياربي عيني

طلع من المستشفى والدنيا ضايقه فيه

ركب سيارته وسند راسه للدركسون ومامنع دموعه من النزول عبدالرحمن كان له
الاب رباه ومافرق بينه وبين البتول بشي

فكر في خالته أم خالد
أخذ جواله وأتصل فيها

نوف: ألو

نواف: السلام عليكم
نوف: وعليكم السلام من؟

نواف: انا نواف أبغي أكلم خالتي
نوف: لحظه

التفتت لأمها: يمه هذا نواف بس ماأدري شفي صوته
أم خالد: هلا نواف

نواف: هلابك
أم خالد: نواف شفيك شفي صوتك

نواف: عمي عبدالرحمن توفى
أم خالد شهقت: شتقول

نواف: خالتي بمر عليك ونروح لخالتي نعلمها قبل مايوصلها الخبر
أم خالد: أنا أنتظرك

سكرت الخط
نوف: يمه شصاير

أم خالد: عبدالرحمن زوج خالتك توفى
نوف: أيش

أم خالد: روحي جيبي عبايتي بسرعه بروح لخالتك
نوف: وأنا بروح معك

طلعت لغرفتها وشافتها نجد وعرفت بالخبر
وصل نواف وركبت معاه أم خالد وبناتها

وصلوا لبيت عبدالرحمن
دخل نواف مع خالته للبيت وكانت سعاد والبتول جالسيين بالصاله

سعاد: أم خالد

نواف التفت لخالته
اللي تقدمت لأختها

أم خالد: شفيكم وجهكم مايبشر بخير
نواف يحس بحمل الجبال يكتم على صدره
البتول: تكلموا شصار

نواف: عمي عبدالرحمن عطاكم عمره
سعاد: لا لاتقولها عبدالرحمن
وانهارت على الأرض وهي تبكي

البتول: نواف أنت شقاعد تقول أنت تكذب تكذب
حضن أخته : أهدي يالبتول وأطلبي له الرحمه

البتول: نزلت لأمها وطاحت في حضنها وصوت بكاهم يقطع القلب
نواف ماقدر يتحمل الموقف وطلع

دفنوا عبدالرحمن
وصار العزا في مجلس أبو محمد

مر أسبوعين على فهد وهوالموضوع شاغل باله ماينكر أن هالبنت أشغلت تفكيره
بس كان خايف أنه يستعجل في قراره يظلم نفسه ويظلمها معاه

دخل البيت وشاف أبوه جالس بالصاله صار له مده وهو يتهرب من شوفته لأنه خايف
انه يفتح معه الموضوع

فهد: السلام عليكم

أبو فهد: وعليكم السلام وينك من كم يوم ماشفتك
فهد: أبد بس كنت مشغول عن أذنك يبه انا طالع غرفتي

أبو فهد: لحظه أجلس أبيك في موضوع
جلس فهد وهو عارف بالي يبغيه أبوه منه

أبو فهد: مارديت علي بموضوع خطبتك
فهد: أبغي لي شويت وقت أفكر فيه
أبو فهد: صار لك أسبوعين وأنت تفكر أسمعني زين سنتين ضاعت من عمرك وانت
عايش على ذكرى بنت عمك وسكت وماتكلمت لكن الحين لا ماراح أسكت تسمعني وأنا
بكره العصر أنتظر ردك

طلع أبو فهد من الصاله وظل فهد جالس مكانه
دخلت أم فهد وشافت فهد بالصاله

أم فهد: فهد علامه أبوك صوته عالي
فهد: أبد يمه كان يتكلم في موضوع الخطبه

أم فهد : وش قلت له
فهد: أنا أبغي أعرف أنتوا ليه هالمره مصرين علي وتبغوني أتزوج أول مره أبوي
يلح علي بهالطريقه

أم فهد: والله ياولدي شوف حالتك بيضيع عمرك وأنت على هالوضع ونجد بنت
والنعم أخلاق وجمال وماناقصها شي وصدقني ماراح تندم إذا تزوجتها

فهد: يالله أنا طالع غرفتي تأمريني بشي
أم فهد: سلامتك

طلع فهد لغرفته وهو باله مشغول
فهد: وأنا ليه شاغل نفسي بهالموضوع أصلا البنت رافضه الزواج يعني لو تقدمت
لها أكيد بترفضني

بدل ملابسه ونام

الجزء الخامس


في بيت أبوخالد

أبوخالد: حياك الله البيت بيتك مع السلامه
أم خالد: من هذا اللي بيجيك
ابوخالد: أبوفهد بيجيني بعد صلاة المغرب حاس ان عنده شي
أم خالد: أن شاء الله خير
أبو خالد: قولي لخالد يكون موجود بعد الصلاه بالمجلس
أم خالد: تأمر
بعد صلاة المغرب
وصل أبو فهد وفهد لمجلس أبو خالد وبعد القهوه
أبو فهد: حن ياأبو خالد جايينك اليوم ونتشرف بان نطلب يد بنتك نجد لولدي
فهد
أبو خالد بانت الفرحه على وجهه: وأنا ماراح الاقي أحسن من فهد زوج لبنتي
وحن نتشرف بنسبكم
خالد بينة الصدمه على وجهه والتفت لفهد اللي كان منزل راسه
أبو فهد: شاور البنت و خذوا راحتكم في التفكير
أبو خالد: ماراح نلاقي أحسن من فهد والله يجيب اللي فيه الخير
أبوفهد: يالله أجل أرخص لنا
أبوخالد: ليه مستعجل ياأبوفهد
أبوفهد: بنلحق على صلاة العشا مع السلامه

بعد ماطلع أبو فهد وفهد من جلس رجع أبوخالد للبيت وكانت أم خالد ونوف
جالسين بالصاله
أبوخالد: أم خالد نادي نجد وتعالي معها للمكتب
أم خالد: تأمر


وطلعت أم خالد لغرفة نجد تناديها
نزلت نجد مع أمها وراحت للمكتب
نوف: خالد شفيه أبوي شصاير
خالد: نجد أنخطبت
نوف: والله ومن اللي خاطبها
خالد: فهد
نوف: اللي كانوا في المزرعه
خالد: أي بس الله يستر من أبوي شكله هالمره ناوي يجبر نجد
نوف: وليه تقول هالكلام
خالد: ماأدري بس
وشافوا نجد طالعه من المكتب وهي تبكي وطلعت لغرفتها
وبعدها طلعت أم خالد للصاله
خالد: يمه شصار
أم خالد: أبوك الله يهديه بيجبرها على الزواج
خالد: وليه يمه ترى هذا مايجوز
أم خالد: هو قال لها إذا تبغين رضاي وافقي وإلا لا أنا أبوك ولا أنتي بنتي

نوف: بس يمه أنتوا تظلمون نجد عطوها مجال انها تفكر
أم خالد: أنتي تدرين ان نجد رافضه فكرة الزواج وكم مره انخطبت وهي ترفض بس
هالمره ابوك مصر على الزواج والولد مافيه شي ينعاب
خالد: أنا معك يمه فهد رجال ونعم وماراح نلقى أحسن منه وبيحط نجد بعيونه
الله يهديها بس

وقتها رن تليفون البيت وكان خالد اقرب للتليفون
خالد: ألو
البتول: السلام عليكم
خالد عرف صوتها اللي من يسمعه يحس انه بعالم ثاني: وعليكم السلام هلا
البتول
البتول: هلا خالد أخبارك
خالد: تمام بخير اخبارك واخبار خالتي
البتول:بخير، اقدر اكلم نجد أو نوف
خالد: أي لحظه
نوف البتول تبغيك
عطاها السماعه وبدا يغني بصوت عالي شوي كان متعمد علشان تسمعه
صوتك..نغم ..يسري
من أسمعه ...أرتاح
سلمتلك ..أمري
طير بدون ..جناح
روحيترى برسمك
ياساري بدمي
اذكر انا أسمك
وأنسى معاه...همي

نوف: هي أنت ليكون مصدق نفسك ان صوتك حلو أسكت خلني أكلم البنت
نوف: هلا البتول سوري بس صوت هالنشاز ازعجني
البتول: حرام عليك صوته حلو
نوف: أيش أيش قلتي
تعال ياخالد أسمع والله وصار لك معجبين
البتول: نوفوه وجع وانتي لسانك دوم طويل فضحتيني
خالد: يسلم لي الذوق والله هذي الناس اللي تقدر المواهب مو أنتي
البتول أنحرجت: حسبي الله على بليسك يانوف
نوف: ههههههههه take it easy

البتول: أسمعيني شرايكم تمرون تتعشون عندنا بكره أجازه وماعندكم دوام
نوف: ياليت بس ماادري عن أمي
البتول: بليزنوف روحي قولي لخالتي وخلها تجي معكم أنتوا تعرفون أن أمي
بالعده وجالسه بالبيت ماتقدر تطلع
نوف: خلاص بروح أقول لأمي وبتصل فيك مع السلامه
خالد: شفيها البتول

نوف: أبد عازمتنا على العشا وانا مااتوقع ان أمي توافق
خالد: ماعليك انا بكلمها روحي أجهزي
نوف: ونجد
خالد: انا بقنعها انتي ماعليك
نوف: yes ربي يخليك لي ياأحلى أخو
وراحت لغرفتها تبدل ملابسها
خالد سوى هالشي لأنه من مده ماشافها والحين جاته الفرصه وماراح يضيعها
وافقت أم خالد أنها تروح وقدر خالد أنه يقنع نجد

في بيت عبدالرحمن

البتول وفاة ابوها اثرت فيها كثير ظلت مده وهي نفسيتها تعبانه بوفات ابوها
فقدت اشياء كثيره لكنها انسانه مؤمنه بربها وراضيه بقضاء الله وقدره رغم
الالم اللي تحس فيه الا انها تعيش الحياة بحلوها وبمرها

نواف حاول قد مايقدر انه يخفف عنهم ومايخليهم محتاجين شي وحاول قد مايقدر
يعوضهم عن وجود عبدالرحمن
البتول: يمه ترى خالتي وبناتها بيجون يتعشون عندنا
سعاد: حياهم الله البيت بيتهم
(سعاد حالها مايقل عن حال أي زوجه فقدت زوجها عبدالرحمن كان لها الزوج
الحبيب )

طبعا البتول كانت مجهزه كل شي واتصلت على نواف واطلبت منه يجيب لهم العشا
من برا
وصل نواف للبيت وقبل مايدخل شاف سيارة خالد
نزل خالد مع أهله
نواف: هلا والله بخالتي وسلم على خالته
أم خالد: هلا فيك أخبارك يانواف وينك من زمان ماشفناك
نواف: والله تعرفين الحال من بعد وفاة عمي عبدالرحمن وأنا من الدوام للبيت
ماأقدر أخلي خالتي لحالها
أم خالد: الله يحنن قلب عيالك عليك
خالد: أخبارك يانواف
نواف: حي الله ولد خالتي
خالد: وأنت يوم تناديني ولد خالتي ويوم ولد عمي أرسي لك على بر
نواف: الوضع يحكم قدام خالتي أناديك ولد خالتي وقدام عمي أناديك ولد عمي
خالد: ترضي الطرفين
نواف: مثل ماقلت، تفضلوا داخل

دخلت أم خالد وبناتها للبيت وخالد ونواف راحوا لمجلس الرجال
راحت البتول للمطبخ تجهز العشا ولحقتها نوف
نوف: أي مساعده
البتول: لا تسلمين كل شي جاهز
جلست نوف على الكرسي الموجود بالمطبخ
البتول: نوف, حاسه بأن نجد فيها شي
نوف تنهدت : نجد أنخطبت

البتول: وأكيد رفضت
نوف: لا لأن أبوي جبرها
البتول: أيش قلتي فهميني
وقالت نوف للبتول بكل اللي صار
البتول: حرام والله نجد ماتستاهل
نوف: كلنا مستغربين من تصرف أبوي

البتول: أسمعيني شرايكم تنامون عندي اليوم
نوف: لا أنا ماأقدر خلي نجد تنام عندك هي ماترتاح ولا تتكلم مع أحد إلا
أنتي
البتول: خلاص بعد العشا بكلم خالتي
أخذت البتول الصحون معها وقبل مايطلعون من المطبخ
البتول: نوف حبيبتي جيبي معك العصير من الثلاجه طلعت البتول ونوف فتحت
الثلاجه واسمعت صوت أحد دخل للمطبخ
نواف: البتول عطيني كاسات للماي
انتبه أن اللي موجوده بالمطبخ وحده ثانيه

نوف ارتبكت وقفت ورا الثلاجه
نواف: أنا آسف ماكنت أعرف أن في أحد بالمطبخ
البتول لحظتها دخلت المطبخ وشافت نواف
البتول: نواف ليه أنت بالمطبخ

نواف: أبد كنت أبغي كاسات
البتول: ونوف وين
نواف ماكان عارف من الموجود بالمطبخ
أشر نواف بأصبعه للثلاجه
البتول: نوف بالثلاجه أيش تسوي
نوف عصبت من غباء بنت خالتها: ليه شايفتني دجاجه يحطوني بالثلاجه
نواف: ههههههههههههههههه والله دجاج هالأيام دمه خفيف
نوف أنحرجت وقالت في نفسها: أنا دوم لساني طويل




نواف: يالله عطيني الكاسات خلني أروح
أخذ نواف الكاسات وطلع
البتول: أطلعي يانوف
نوف: صدق أنك غبيه كذا أحرجتيني قدام أخوك
البتول :take it easy
نوف: يعني تردينها لي




بعد العشا

كلم نواف البتول وقال لها أنه راح يجي مع خالد للصاله
تغطوا البنات ودخل خالد ونواف
خالد سلم على خالته والتفت للبتول: أخبارك يالبتول
البتول: الحمد لله
نواف:اقول خالد امس وانا ادور بين كتبي لقيت البوم صورنا وحن صغار
خالد: وينها قم جيبها
نواف:لحظه
البتول كانت تهمس لنوف: الله ياخذ بليسه الالبوم فيه صورنا وحن صغار
نوف: لاتقولين عاد اشكالنا كانت تفشل
دخل نواف ومعه الالبوم: هذا هو
البتول: بدت الفضايح
فتح خالد الألبوم وكاانت اول صوره للبنات والشباب ضحك خالد على اشكالهم
ورفع عينه للبنات:ههههه اقول بنات اشكالكم وانتوا كاشخين بلبس العيد نكته

نواف:لا انت بس شوف الألوان
نوف:لا إلا هالصوره
البتول: وش فينه الا الزين كله
خالد في نفسه طول عمرك حلوه
نوف: وليه ماتشوف اشكالكم
نواف: اقول شرايكم اذا انخطبتوا نوري هالصور للمعرس
خالد: ههههه علشان يهج ومانشوفه ابد
وظلوا جالسين ضحك وسوالف

خالد طول الجلسه ماكان يشوف غيرها ولايسمع غير حسها
البتول كانت ملاحظه نظراته لها
طبعا نجد بالها مشغول باللي صار معها اليوم

بعد ماراحت خالتها
طلعت البتول مع نجد لغرفتها
البتول: ممكن تقولين لي شفيك
نجد وهي تبكي: ابوي بيغصبني على الزواج
البتول: نجد اهدي الله يخليك الأنفعال ماراح يحل الموضوع

نجد: ليه يسوي فيني كذا حرام عليهم
البتول: اسمعيني يانجد وخلنا نتكلم بعقل بعيد عن العواطف
انتي توك صغيره والعمر قدامك ولازم تعيشين حياتك وابوك اكيد يفكر بمصلحتك
يعني لمتى بتضلين على هالحال
نجد: انتي تقولين هالكلام لانك ماجربتي الحب
البتول(من قال يانجد): وكلي أمرك لله
والي الله كاتبه بيصير
نجد:البتول اقولك بيزوجوني غصب عني يبغون يذبحوني
البتول تحاول تخفف عنها: اوكي لقيت لك حل


نجد: ايش قولي لي
البتول: انتي وافقي على الرجال ويوم الملكه بنخليه يغير رايه
نجد: كيف
البتول: نحط لك مكياج غليض ونجدل شعرك ونحط لك فيه دهن صدقيني اول مايشوفك
بيهج
نجد:هههه الله ياخذ بليسك
البتول:أي كذا اضحكي ترى الدنيا ماتسوى الزعل
نجد:الله يخليك لي ولا يحرمني منك
البتول: امين
نجد: انتي تعرفين من اللي متقدم لي
البتول: لا
نجد: فهد
البتول: أي فه.........تقصدين اللي كان بالمزرعه
نجد:أي
البتول: لا شكله الرجال تولع فيك
نجد:ههههه لا يسمع احد ويصدق

البتول: قومي خلينا نروح الصاله عندي فيلم هندي روووعه
نجد:والله من البطل
البتول: اكيد هريتك
نجد:يالله خلينه ننزل
فهد جالس في غرفته قدام البلكونه يتامل في القمر وصوت الاغنيه مالي المكان

الله اللـي راد والعقدة قضاها اللي عقدها *لا على الدنيا سلام ولا لباقي
العمرزينةالفضـاء ما كـأنه إلا خيمة طاحت عمدها *والفرح ما كأنه إلا شيخ
أنقصتيدينهوالعمر قطعة زجاجي انكسرت ولا طال أمدها * والعرب في العيد
بدموعاليتامى مستهينةوالشوارع لفها ثوب الظلام اللي هجدها *والبيوت أطلال
من عقبالمحبة والسكينة



***

والشتاء والليل والبرد وسماء يصرخ رعدها *والعيون اللي ورا الشباك مذعورة
حزينةطولوا في الكهف الأصحاب وبقت روحيوحدها * كأنها في كوكب ثاني خلا من
ساكنينهالوداع اللي بعلم العين يعبرمن رمدها * والوداع اللي بلا علم جفا
الصدر غبينةوالوداع اللي بلا رجعة عليمر وأدها * والله إنه غرغرة سم
وسكاكين سنينة

***

والعنود اللي جفيتالناس والدنيا بعدها * مدت الفرقة لغاليها وهي تعطي
الثمينةوينها كيفتركتني ليه ما جت في وعدها * والقمر لاطل خابرها تجي بيني
وبينهرحت أناديوأتلمس في مهب الريح يدها * كني إحصان بلا صاحب طوى البيدا
حنينهرحتأصيح(الصبح وينه)والعرب ما رد أحدها * ما سمعت إلا صدى صوتي
يقول(الصبحوينه)

***

كأنهم من يوم ذيك الشمس غابة عن بلدها * طلعوني في النفودو سكوا أبواب
المدينةكلهم من يوم ذيك الذاهبة محد وجدها * كل رجال منالشرهة قلع من الدرب
عينهإثرها ماتت وماتت كل فرحة في مهدها * والربيع أقفتبه اللي كانت التاج
الجميلةجاورت عقب الحدايق حفرة ما أقسى لحدها * حفرة ماني مصدق كيف ضمت
ياسمينه

***

للحزن فيني مثل ما لالطهاره في جسدها * وش أسوي لا فتشت اللي لها وسط
الخزينةزخرفت حلم وبنت له مسكن وسمة ولدها * آه لو غرت ولدها في خميلة
والدينهعاهدتني وأدبرت بيمين أقوى من عهدها * والصبي لا خير فيه إن كان ما
نفذ يمينهما تتقى عن رثاها عرق إكتض بشهدها * ولا تبقى خلف قضبان الجفن
عذراء سجينة

***
كيف عند العالم أيام العزىما أحصى عددها * ولا لطالة شهوره والله أعلم كم
سنينهلا الثرى فيها نباتولا المشي خفف نكدها * لا السماء فيها طيور ولا
البحر يمه سفينةلا القمرهذا مساه ولا العصي هذا رغدها * لا الزهر هذا شذاه
ولا الذهب هذارنينه

انتبه لجواله يرن
فهد:الو
نجلا:هلا فهد اخبارك
فهد: اهلين نجلا انا بخير والحمدلله
نجلا:لا يالخاين تخطب وماتقول لي
فهد:هههه للحين ماصار شي
نجلا:خطبت وماصار شي
فهد:للحين الجماعه ماردوا علينه
نجلا:ليه هم يلقون احسن منك انا يوم قالت لي امي ماصدقت
فهد:لا صدقي
نجلا:فهد صوتك ماهو عاجبني

فهد:اه يانجلا الود ودي انها ماتوافق
نجلا:ليه تقول كذا دامك ماتبغي تتزوج ليه تخطبها
فهد: ابوي اصر علي
نجلا:حبيبي فهد انت لازم تنسى وتعيش حياتك وبعدين امي تقول ان البنت مره
حلوه

فهد رد عليها بصوته العذب: قالوا الشيخ الفلاني مرجع القوم وسندها * قال
أبشر بالعوض والعلم جيناناقلينه

***

ساق لك بدر البدور اللي نشدها من نشدها * قادرٍهزة عروش خيبة روسٍ
ذهينةقسمها في رسمها في جسمها إلا في رشدها * وأسمها إنجا للغضب قومه على
الألسن رطينهأترك الناي وعطية شيخنا غن لسعدها * وأنبسطيا عم وأنسى اللي
ورا التربة دفينة

***

قلت ولصدري تناهيد تروع منشهدها * آه وويلاه من يجذب على قلبي ظنينهخلو
أغلا ذاهبة ترعى ربيع الليفقدها * والعطى راعيه محدٍ صوبه الله لايهينهلو
ظمنت الجنة تفاحت القلبوشهدها * قلت من بكرة عسى مجنونها تاقف سنينهالله
اللي راد والعقدة قضاهااللي عقدها *لا على الدنيا سلام ولا لباقي العمر
زينة
*لا على الدنيا سلامولا لباقي العمر زينة*
,
,
,

الجزء السادس


بعد أسبوع


في بيت ابو خالد


كانوا كلهم جالسين بالصاله يتقهوون
أبوخالد التفت لبنته نجد: نجد


نجد كانت طول الفتره اللي طافت تتحاشه أنها تكلم أبوها: سم يبه


أبو خالد: اليوم كلمت ابو فهد وقلت له أن موافقين والملكه الأسبوع الجاي


بينت الصدمه على وجه الموجودين
نجد: ومن قال لك اني موافقه حرام عليك يايبه ليه تسوي فيني كذا


أبو خالد: أنا أدور مصلحتك
نجد: مصلحتي انك تزوجني غصب عني صرت ثقيله عليكم وماتقدرون تتحملون مسؤليتي


أم خالد: شهالكلام يانجد أبوك يدور سعادتك
نجد: سعادتي مع طلال يمه


أبو خالد بصوت حاد وبنفاذ صبر: وطلال مات يانجد هذا واقع لازم تعيشينه
ومايصير تدفنين روحك بالحياه


نجد: لاتقولون طلال مات طلال مامات طلال حي حي
وطلعت لغرفتها وهي تبكي


أبوخالد: روحي فهمي بنتك أن اللي قاعده تسويه خبال وماراح أرد في قرار
أتخذته وجهزوا نفسكم الملكه الأسبوع الجاي والزواج بعد 3شهور


خالد: بس يا......
أبو خالد: ماأبغى أسمع كلمه زياده في هالموضوع تسمع


طلع خالد من الصاله وراح لأخته
خالد دخل الغرفه وشاف نجد حاضنه صورة طلال اللي ماكانت تفارقها ابد


نجد اول ماشافت اخوها
:خالد الله يخليك فهم ابوي اني ماابغي اتزوج لا بفهد ولا بغيره حرام والله
حرام عليكم
خالد:نجد حبيبتي اهدي
نجد:شلون اهدا شلون ،خالد فهد صديقك كلمه وقول له اني رافضته الله يخليك
خالد:سامحيني مااقدر اسوي كذا
اخذ صورة طلال من ايدها
خالد: صدقيني لواعرف ان فهد مايستاهلك كان ماوافقت


في بيت ابوفهد


فهد ماكان مصدق اللي سمعه
معقوله نجد وافقت


أبو فهد: أتفقت مع أبو خالد أن الملكه تكون بعد أسبوع والعرس بعد 3شهور
فهد: وليه العجله يبه


أبو فهد: خير البر عاجله وأنا أبوك ونبغى نفرح فيك
فهد للحين مب قادر يصدق اللي صار
طلع لغرفته وفتح الماسنجر شاف خالد أون لين


خالد( مجنونها): مبروك يالنسيب
فهد ( فاقد غالي): الله يبارك فيك
الفال لك


خالد(مجنونها): أن شاء الله
فهد(فاقد غالي): ومتى ناوي تتلحلح وتخطب البنت


(مجنونها): قريب أن شاء الله بس أنت طلعت لي في الخط بس نخلص من زواجكم
أخطبها
(فاقد غالي): وماتخاف أن البنت تروح لغيرك


(مجنونها): تصدق مع أني ولا مره قلت لها أني أحبها بس أنا عارف أنها حاسه
بهالشي مثل ماأنا حاس أنها تحبني


(فاقد غالي):الله يوفقك أنشاء الله


(مجنونها): أوكي أشوفك اليوم بالنادي مع السلامه
(فاقد غالي):مع السلامه


تمدد على السرير وهو يذكر يوم خطبته لساره بنت عمه احساسه غير عن هاليوم
ماهو حاس بشي
التفت للدرج وفتحه طلع منه علبه مخمل فيها سلسال من الالماس كان فهد مصممه
خصيصا لساره علشان يهديه لها يوم العرس
حضن السلسال ومامنع دمعه تنزل من عينه وهو يتذكرها ماتخيل ان وحده غيرها
تلبسه اخذ صورتها وابتسم وهو يشوفها
فهد: صدقيني يالغاليه مافي وحده تجي مكانك
(طبعا قصة فهد مع ساره بنت عمه بنذكرها بالأجزاء الجايه)



يوم الملكه


كانت الحفله عائليه بطلب من نجد
كانوا الحضور العمه نوره وبنتها العنود أم طلال وبناتها الريم ودانه
وام فهد
كانت نجد لابسه لها فستان اسود له فتحة ظهر كبيره يغطيها دانتيل سلفر
وشعرها جاي على جهه وحده ومفير بطريقه حلوه وحاطه ورده حمرا والميك اب ناعم



تمت الملكه وفهد ماطلب أنه يشوف نجد لأنه ماكان مستعد
لهالموقف


كانت تتمنى أن البتول تكون موجوده تخفف عنها بس البتول ماقدرت تجي لأن امها
بالعده وماتقدر تتركها
ظلوا البنات رقص وسوالف
العنود:اقول الريم الا البتول وينها
الريم: ماراح تجي لان امها بالعده وماتقدر تطلع
العنود: احسن
الريم:حرام عليك ليه تقولين كذا البتول حبوبه
العنود: ماادري ليه مااحبها
الريم:صدقيني اذا تقربتي منها بتعرفينها وتحبينها
العنود:لا حبيبتي ماابغي احبها
الريم: براحتك


في بيت ابو البتول


دخل نواف البيت وشاف البتول وسعاد جالسيين
نواف:السلام عليكم
سعاد والبتول: وعليكم السلام
البتول: كنت في بيت خالتي
نواف:لا والله مامريتهم كنت مشغول
الا انتي ليه مارحتي
سعاد: قلت لها تروح تغير جو بس هي مارضت
ماتبغي تخليني لحالي


رن جوال البتول :هلا والله نوف اخباركم


نوف:تمام ماناقصنا غيرك انتي وخالتي
البتول:والله قلبي معكم بس مثل ماانتي عارفه
نوف:طيب ماتقدرين تجين البنات كلهم عندنا والسهره ماتحلى من غيرك
البتول:لا والله اسمحوا لي
نوف:طيب اجل سلمي لي على خالتي
البتول:الله يسلمك


سعاد:قومي يابنتي بدلي ملابسك وروحي لهم
نواف:قومي يالبتول بوصلك
البتول التفتت لامها:بس
سعاد:بلا بس يالله قومي
البتول: طيب بس بروح اسلم على نجد وارجع ماراح اطول
وطلعت لغرفتها تبدل ملابسها
سعاد: قلبها طيب وحنون مثل ابوها
نواف: الله يرحمه
نزلت البتول وهي تلبس عباتها وطلعت مع نواف
وصلوا لبيت ابوخالد
نواف: انتي انزلي واذا خلصتي اتصلي فيني
البتول: ليه ماراح تنزل
نواف:لا انا بدوربالسياره
البتول: اوكي كلها5 دقايق ماراح اطول
نزلت البتول وقبل لايحرك نواف شاف عمه أبوخالد طالع من مجلس الرجال
نزل يسلم عليه
ابوخالد: وينك يانواف ليه ماجيت الملكه
نواف وهو يحب راس عمه: السموحه بس كانت عندي اشغال
ابو خالد: تفضل ادخل


ودخلوا مجلس الرجال


دخلت البتول الصاله والبنات ماعندهم خبر بانها جايه
اول ماشافوها صرخوا من الوناسه
نوف: هلا تقولين ماراح تجين يالدبه
البتول: ماقدرت قلت لازم امركم لو5 دقايق


طبعا العنود اول ماشافتها ضاقت وتذكرت موقف المزرعه
البتول: الا وين هي فيه عروستنا


نوف:فوق
البتول: بطلع لها
طلعت لغرفة نجد ودقت ع الباب
نجد: نعم
البتول فتحت الباب ودخلت: الحلو ليه جالس لحاله
نجد اول ماسمعت صوتها ماصدقت رفعت راسها وشافت البتول وركضت لهاتحضنها
نجد: ماصدق يالدبه كنت فاقدتك الليله
البتول: علامك انتي واختك ماسكين علي يالدبه ليكون متنت وانا ماادري


نجد:هههه لا بس من كثر مانحبك نقول لك كذا
البتول: محق حب ،ليه جالسه هنا وتاركه البنات تحت
نجد: كذا
البتول: طيب شصار اليوم بالملكه
نجد: ولا شي
البتول: كيف ولا شي ماشفتي فهد
نجد: لا وحمدت ربي انه ماطلب انه يشوفني لاني ماكنت اعرف شراح يصير


في مجلس الرجال
ابو خالد: اسمح لي يانواف انا بدخل ارتاح وبنادي لك خالد
نواف: خذ راحتك
طلع ابو خالد من المجلس وقال لام خالد تنادي خالد


نوف كانت تدور على سي دي اغاني
:ياربي وين راح هالسي دي ، يمكن انه بالمجلس
راحت لمجلس الرجال وهي ماتدري من فيه
دخلت المجلس وهي تغني وطربانه


هذا اللي شايف نفسه ماشي ولا معبرني
يتلفت هنا وهناك ولا كنه شايفني


والله انا اوريكم فيه والله انا ما اخليه
وهو العب وياي خلوه يتحملني


لما التقيته في جده شايل في بايده ورده
يبغاني ابقى عنده يحلف مايفارقني


هذا هو اخيرا لقيته
نواف كان جالس وعيونه معلقه فيها عرفها لانه سبق له وشافها اعجبته عفويتها
وشكلها(نوف وجها دائري ولونها ابيض متوسطة الطول وجسمها حلو شعرها اسود لحد
نص ظهرها)
التفتت تشوف نفسها في المنظره: ربي يخلي لي الحلو
سكتت وهي تشوف اللي صورته عاكسه بالمنظره
التفتت وعرفته نواف
شهقت بصوت عالي وطلعت ركض من المجلس
صدمت في دانه
دانه:وجع علامك عميه
نوف:يوه يادانه يافشلتي
دانه:علامك
نوف: كنت في المجلس ادور السي دي وماكنت اعرف ان نواف ولد عمي داخل
دانه:ماغيره نواف المزيون
نوف:وجع ان شاء الله
دانه:طيب شالمشكله
نوف:اقولك نواف كان داخل شافني
دانه:ولا يهمك انا اقول للبتول تقول له اني انا اللي شافها يمكن يتولع فيني
ويخطبني
نوف: ههههه صدق انك مجنونه خلنا نروح للصاله



نزلت نجد مع البتول من الغرفه وهم بنص الدرج تذكرت البتول جوالها
البتول:نجد نسيت جوالي انتي انزلي وانا اروح اجيبه
نجد: اوكي
طلعت البتول لغرفة نجد اخذت جوالها وهي طالعه من الغرفه انتبهت لباب غرفة
خالد يفتح
خالد قبل لا يشوفها عرف انها موجوده من ريحة عطرها الي تملى المكان
التفت لجهتها والتقت عيونهم ببعض ابتسم لا شعوريا يحس بالراحه والبسمه
ترتسم على شفته من غير مايدري
تغطت البتول
خالد: مساء الخير
البتول: مساء النور مبروك خطبت نجد
خالد: الله يبارك فيك والفال لك
البتول انحرجت
خالد: فرحة يوم شفتك(طلعت منه لا شعوريا)
البتول انصدمت من الكلمه اللي قالها
لكن خالد تدارك نفسه:لان نجد محتاجه لك اليوم وكانت طول اليوم ضايقه
ومتوتره وهي ماترتاح الا معك
البتول: وهذا الي خلاني اجي، اسمحلي بنزل للبنات


خالد:وانا نازل لاخوك بالمجلس
البتول:هو قال لي ماراح ينزل
خالد: يمكن غير رايه


في الصاله تحت
نوف: البتول وين يانجد
نجد: نست جوالها فوق وراحت تجيبه
العنود كانت جالسه وتسمعهم
طلعت من الصاله وشافت خالد والبتول ينزلون من فوق
راح خالد لمجلس الرجال
والبتول اتجهة للصاله وقبل لاتدخل الصاله كانت العنود واقفه
العنود: لقيتي جوالك
البتول استغربت من تصرفاتها:اي نسيته في غرفة نجد
العنود: متاكده انك نسيتيه
البتول مااعجبتها طريقتها بالكلام وكانها تلمح لشي:اي نسيته عند اي اساله
ثانيه
العنود تجاهلتها ودخلت الصاله


في المجلس
خالد: هلا والله وينك اليوم
نواف:ابد والله كنت مشغول، ومبروك والفال لك ان شاء الله
خالد:الله يبارك فيك
رفع نواف يده يشوف ساعته
خالد: ليه مستعجل
نواف:ابد بس ماابغي اتاخر على خالتي ،خلني ادق على البتول لازم نروح
خالد: خلاص انت اترك البتول هنا وانا ونوف نوصلها البيت
نواف:خلاص اجل انا رايح مع السلامه
خالد:الله يسلمك
كانت جلسة البنات كلها ضحك ووناسه الشي اللي خلى البتول ماتنتبه للوقت
البتول:يوه تاخرت
نجد: خلك بعد
البتول:مااقدر تاخرنا على امي
الريم: وحن لازم نروح الوقت تاخر
نوف: لا خلكم
دانه:لا اذا البتول بتروح انا ماراح اجلس لان الجلسه ماتحلى بلاها
البتول: تسلمين والله


العنود كان الكلام يغيضها
ماتعرف ليه البنات يحبونها للدرجه هذي


طلعوا الريم ودانه بعد ماجاهم احمد
وقبل ماتطلع العنود سمعت صوت خالد يتنحنح


تغطوا البتول والعنود
دخل خالد الصاله وسلم


خالد: كيف حالك يالعنود
العنود:بخير الله يسلمك
والتفت لجهة البتول:البتول اذا تبغين تروحين قولي لي علشان اوصلك


العنود جن جنونها
البتول: لا مافي داعي بتصل لنواف وهو يجيني
خالد: نواف راح البيت وقالي اوصلك


العنود لحظتها رن جوالها وكان المتصل نايف
العنود:الو
نايف: وينك لي ساعه انتظرك بره
العنود: هذا انا جايه
يالله مع السلامه
الكل:الله يسلمك
طلعت وهي معصبه


البتول:ممكن نروح الحين
خالد: اكيد، يالله يانوف تعالي معنا
نوف:لحظه بس اجيب عباتي
وبعدها طلعوا مع بعض


شغل السي دي


لعيونها ... بس لعيونها
قلبي سراب بدونها ..
قلبي سراب ... وعيني سراب
ما أقول أعشقها بعقل ..
مجنونها ..
نوف:لاااا حرام عليك حط اغنيه غيرها
البتول:ليه والله انها حلوه
نوف:وانا كرهتها من كثر مايشغلها لنا يوميا، حط لنا اغاني طربيه
خالد:في هالجو الحلو وتبغين طربي
نوف:انا بس ابغي اعرف من ذي اللي مجننتك
خالد:هههههههه بكره تعرفين
نوف: شنو خويلد من ذي
خالد:
ما أقول أعشقها بعقل ..
مجنونها ..
البتول كانت تستمع لكلامه
خالد:اقول البتول انتي تحبين الاغاني الرومنسيه ولا الطربيه مثل نوف
البتول: اكيد الرومنسيه وخصوصا في هالجو الروعه(كانوا فاتحين شباك السياره
ونسمات الهوى بارده)
نوف: اكملت انا ماادري ليه ركبت معكم بس تدرون احس ان فيه اشياء تتشابهون
فيها
خالد: مثل ايش
نوف: انت تحب الاغاني الرومنسيه والبتول زيك
انت تحب المطر والشتاء والبتول مجنونه فيه
انت اذا تقعد في مكان تملاه بالضحك والمقالب والبتول زيك
واخيرا انت تحب الجبن وهي بعد تقول فيران
يعني وافق شنن طبقه


خالد والبتول:هههههههههه


وصلوا للبيت وقبل ماتنزل البتول
:شكرا تعبتكم معاي
خالد:تعبك راحه
انزلت البتول من السياره ولحظتها كان نواف طالع من البيت
نواف توجه للسياره:مشكور ياخالد تعبناك
خالد:لاتقول كذا
نواف التفت لنوف:كيفك يانوف
نوف تذكرت اللي صار وتحس بالعرق يتصبب منها:بخير الله يسلمك
سمع صوت الراديو بالرغم من انه موطى على الصوت:اقول خالد هالاغاني ماتنفع
في مناسبه مثل اليوم بالعاده البنات مايخلون اغاني طق مايحطونها
خالد: لا حرام عليك نوف نفخت روسنه اليوم من الصبح
نوف : والله الطق طرب ماتعرفونه
خالد ونواف:ههههههههههههه
نوف في نفسها يوه انا وش قلت
خالد:يالله مع السلامه وسلم لنا على خالتي
نواف:الله يسلمك


مرت شهور العده


نواف وخالته جالسين بالصاله


نواف: أقول يمه أبو محمد أتصل فيني وقال أنه يبغي يكلمك في موضوع مهم وراح
يجي بكره بعد صلاةالعصر
سعاد : خير ان شاء الله بس ماعرفت منه الموضوع
نواف: لا بس أظن أنه بخصوص الورث


سعاد: الله يرحمك ياعبدالرحمن
نواف من مده وانا عندي كلام ودي أقوله لك
نواف: قولي يالغاليه
سعاد: ياوليدي أنت ماتفكر تتزوج
نواف: أتزوج
سعاد: أي تتزوج انت ماشاء الله عليك تخرجت وهذا انت تشتغل وما عليك قاصر


نواف: تصدقين يايمه اني ولا مره فكرت بهالشي
سعاد: وليه اللي بعمرك تزوجوا لا وصارعندهم عيال بعد والبيت وموجود


نواف: شكلك مجهزه لكل شي
سعاد: والعروس موجوده
نواف: من؟
سعاد: نوف بنت عمك
نواف: نوف
سعاد: نوف ماشاء الله عليها اخلاق وجمال وماعليها قاصر إلا إذا كنت تفكر
بوحده ثانيه


نواف: لا مابه حد في بالي بس يمه نوف صغيره على العرس
سعاد:وش اللي صغيره عليه البنت سنه أولى جامعه وفي سن زواج
نواف:نوف صارت بالجامعه صدق ان السنين تركض
سعاد: وهالسنين تأخذ من عمرك فكر يانواف بالموضوع ورد علي خبر يالله تصبح
على خير
وراحت سعاد لغرفتها ونواف طلع لغرفته وهو يفكر بالموضوع


في بيت أبو محمد


أبو محمد: أسمع يابندر هذي وصية عمك هو وصاني أن البتول ماتأخذ إلا واحد من
أولادي وهو طول عمره كان يتمناك لبنته
بندر: وليه عمي يسوي كذا


أبو محمد: ان تدري أن البتول مالها سند في هالدنيا وعمك الله يرحمه كان
خايف عليها تتزوج واحد مايصونها
بندر: شهالمنطق يبه
أبو محمد: أسمعني إذا ماوافقت أنك تتزوج بالبتول أنا راح أخلي محمد أو
عبدالله يتزوجها
بندر: ايش تقول يبه أنت ناسي أنهم متزوجين أنت تبغى تدمر حياتهم


أبو محمد: وهالشي بيدك وافق على البتول
بندر: بس البتول طول عمرها وأنا أشوفها أخت لي ومافكرت في يوم أنها تصير
زوجتي
أبومحمد: بلا أختك بلا خرابيط البتول بنت عمك وبس


بندر تعب من النقاش مع أبوه في هالموضوع اللي صار له مده
خايف يرفض ويدمر حياة أخوانه وأن وافق بيدمر سعادته مع وحده يعتبرها أخت له


أبو محمد: ها شقلت
وقف بندر وقبل مايطلع من الصاله: سو اللي يريحك يبه
أبو محمد: بكره بروح أخطبها لك من أمها
طلع بندر للحديقه يبغي يغير جو
,
,
,

الجزء السابع

ثاني يوم العصر

في بيت عبدالرحمن
نواف: حياك ياأبو محمد تفضل
دخل أبو محمد للمجلس وكانت سعاد موجوده

أبومحمد: السلام عليكم
سعاد: وعليكم السلام هلا والله باأبو محمد
أبو محمد: أخبارك ياسعاد وأخبار البتول
سعاد: الحمد لله بخير
أبو محمد: إلا البتول وين في
سعاد: طلعت مع بنت خالتها

ابو محمد: زين أجل أسمعيني ياسعاد عبدالرحمن قبل مايموت وصاني عليك وعلى
البتول وأنا شهريا بعطي نواف كشف بنسبة الأرباح للشركه ويقدر في أي وقت يجي
ويشوف الحسابات ويتطلع عليها

سعاد: شهالكلام ياأبو محمد مابينه حساب وحلالنا وحلالك واحد
أبو محمد: بس هذا حق ياسعاد وأنا ماأعرف متى الله يأخذ أمانته

سعاد: الله يطول في عمرك ويخليك لعيالك
أبو محمد: وفي موضوع ثاني ودي أقولك عنه
سعاد: خير ياأبو محمد
أبو محمد: عبدالرحمن قبل مايموت كان خايف على البتول وعلشان كذا وصاني أن
البتول تتزوج من بندر

سعاد كانت منصدمه من اللي تسمعه
أبومحمد: وانا طول عمري وأنا أتمنى أن البتول تكون زوجت بندر وأصلا أنا كنت
ناوي أخطبها قبل مايتوفى عبدالرحمن

نواف: بس اسمح لي ياأبو محمد لازم نأخذ رأي البتول في هالموضوع مثل ماأنت
عارف هذي حياتها ولازم يكون لها رأي فيها

أبو محمد: أكيد يانواف بس هذي وصية أبوها وحبيت أني أوصلها لكم
سعاد: بندر ولدنا وماراح نلاقي أحسن منه

أبو محمد: أنتوا خذوا رأي البتول وشوفوها شتقول
يالله فمان الله

سعاد: حياك الله وسلم على أم محمد
أبو محمد: الله يسلمك
والتفت لنواف: نواف بكره مر علي بالشركه علشان تشوف الملفات و تتابع الشغل
نواف: تأمر ياأبو محمد

بعد ماراح أبو محمد
نواف: يمه شراح تسويين الحين
سعاد: بفاتح البتول بالموضوع وبشوف رأيها بس أسمع يانواف ماأبغيها تعرف
بهالوصيه

نواف: وليه يمه
سعاد: لأني ما أبغيها تحس بأنها مجبوره على هالعرس وأنا بقنعها بطريقتي
نواف: على راحتك



نواف والبتول جالسين بالصاله يتابعون لهم فيلم رعب بالرغم من أن البتول
تخاف من أفلام الرعب

البتول مغطيه وجهه بالمخده: نواف إذا خلص المقطع قولي
نواف: هههههههه أنتي نص الفيلم خاشه وجهك دام ماأنتي بقد هالأفلام ليه
تتابعينها روحي حطي لك أفلام كرتون أحسن لك

البتول: نواف من قالك أني أخاف بس أنا أحساسي مرهف ويتأثر من هالمناظر لا
أكثر ولا أقل

نواف شهق بصوت عالي: البتول في شي يتحرك هناك
البتول بدت ترتعش: نوافوه شنو

نواف طلع من الصاله وهو يركض والبتول أول ماشافته يركض حاولت أنها تلحقه بس
ماأقدرت بدت تزحف على الأرض وهي تنادي نواف: نواف يالخاين أرجع لاتخليني
فجاءة أسمعت صوت ضحك نواف

البتول مافهمت شقاعد يصير
نواف: هههههههههههههههه أجل قلتي لي أنك ماتخافين
البتول: نوافوه وجع كذا تسوي فيني لحظه أنا أوريك

خذت المخدات وبدت ترميه بها نواف من الضحك طاح على الأرض وماقدر أنه يقاوم
البتول
البتول حطت حرتها في نواف وماقصرت فيه
نواف: البتول خلاص أرحميني والله ماأعيدها

البتول: خلك تستاهل هذا جزا اللي يلعب مع البتول
نواف: طيب فكيني وبقولك موضوع شاغل بالي من مده وأبي شورك

البتول: شنو أنا حاسه فيك من مده وأنت بالك مشغول يالله قول
نواف: أنا نويت أخطب
البتول: والله ومن اللي في بالك وبتكون سعيدة الحظ
نواف: أنا مافي وحده معينه عندي بس أمي قالت لي عن نوف بنت خالتي شرايك

البتول: نوف والنعم بنت طيوبه
نواف: بس أحس أنها للحين صغيره
البتول: نوف يمكن تكون تصرفاتها طفوليه بس عقلها كبير وحنونه توكل على الله
ياأخوي
نواف: الله يجيب اللي فيه الخير

وطلعوا ينامون بعد ماأرتاح نواف من كلام أخته





الظهر في بيت أبو فهد

فهد مشغول في تأثيث الجناح المخصص له

فهد: اف يانجلا تعبت ليتك هنا تساعديني هذا جناح وتعبني كذا أجل لو بيت
شراح يصير فيني
نجلا: علشان تعرف قيمة أختك بس أستعجل يا فهد العرس باقي له شهر

فهد: لا ماباقي الا الستاير يركبونها وبعدها نحط الأثاث
نجلا: فهد للحين ماكلمت نجد

فهد: لا
نجلا: وليه يافهدمايصير كذا يمكن تحس أنك ماتبغيها
فهد: ماأدري يانجلا بس

نجلا: بس أيش يافهد أنت مقتنع بالي تسويه
فهد: أخاف اني اظلمها معي يانجلا حتى وانا أجهز الجناح ماأحس بشي وكاني
قاعد اسوي واجب مفروض علي كل مافكرت أن هالجناح بتدخل فيه وحده غير ساره
أحس بالضيق

نجلا: تعوذ من الشيطان يافهد وأطرد هالأفكار من رأسك هذا لأن ساره حبك
الأول بس ماتدري يمكن تلاقي في نجد الحب
فهد: إلا أنتي متى بتجين

نجلا: أسفه يافهد بس ماراح أقدر أحضر عرسك
فهد: ليه أنتي قلتي أنك بتجين

نجلا: ظروف شغل عبدالعزيز
فهد: الله يعينه قلتي لأمي
نجلا: لا أبغيك أنت تقول لها لأني عارفه أنها بتزعل
فهد: ماعليك أنا بفهمها
نجلا : تسلم لي يالله مع السلامه
فهد: مع السلامه سلمي على عبدالعزيز وحبي لي فهود الصغير

وقف قدام البلكونه اللي كانت فيها احواض الورد
ابتسم وهو يرجع بذكرياته لذيك الأيام
بعد ملكة فهد وساره
كانت ساره وامها موجودين في بيت ابوفهد يزورون نجلا بعد ولادتها
كانت ساره جالسه مع نجلا بغرفتها
ساره:وربي انه يجنن
نجلا: اكيد لانه طالع على امه
ساره:قصدك على سميه فهد
فهد دخل الغرفه :انا اقول ليه بيتنا منور اليوم
نجلا:ههه اه منك منت بهين
فهد: اخبارك ياقلب فهد
ساره كانت منحرجه من كلامه وجهه صار احمر
نجلا:انت ما تستحي احرجت البنت
فهد: وليه استحي نسيتي اني مملك عليها وهي الحين زوجتي وحلالي
نجلا: لا مابقى فيك عقل خوفي لا يطلع ولدي عليك
ساره: وهو يحصل له يطلع زي فهد
فهد ابتسم لها
بكى فهودي الصغير وحملته ساره بين ايديها وعطته لنجلا
ساره: يالله انا رايحه مع السلامه
فهد: وانا بعد بطلع

نجلا: اكيد بتطلع وش تبغي فيني تقعد معي
طلع فهد ورى ساره وقبل لاتنزل مسكها من يدها
التفتت له ساره: خير يافهد
فهد:تعالي معي ابغي اوريك شي
ساره: ايش
فهد: تعالي

توجهوا للجناح اللي كان ياثثه لهم
دخل للجناح ودخلت معه ساره
كان الجناح للحين مااكتمل تجهيزه
التفتت له وهي ماتعرف شي
فهد:هذا عشنا
لفت بنظرها للجناح تتامله
ساره: اكيد انه بيكون بعيني قصر دامك معي

مسكها من يدها وتوجهوا للبلكونه فتحها وساره اول ماشافتها ابتسمت كانت اشبه
بحديقه صغيره مليانه من الورد
فهد:اعرف انك تحبين الورد
دمعت عينها وهي تتامل البلكونه:يلوموني في حبك
:الله يخليك لي ولا يحرمني منك
وقف قدامها ومسح دموعها بيده:
أنا ما أقول بسنينك تِهنَّـى
أنا أقول السَّنين إنتَ هَناهـا
تِباشر بَك لياليهـا وتسعـد
تحمد الله على خيرٍ عَطاهـا
أهنَّي بَك حياتـي ياقمرهـا
وأهنَّي بَك عُيوني ياضِياهـا
وأهنَّي بَك غرامٍ لَك تِجـدَّد
على كِلِّ المُحبيـن يتِباهـى
ونسمات الصَباح تحب قُربك
تقول أنفاسك تعطِّر هواهـا
وفرحة عاشِقك يانور عينـي
أبد ماتِنتِوازن فـي مِداهـا
تِجدَّد مِثلِ غيثٍ مِن سَحابه
على قفرً تِشكَّى مِن ضُماها
رُواها وإنتعش فيها زهرهـا
ألا يالله لاتِقطـع رِجـاهـا


سكر باب البلكونه وطلع من الجناح
يحس بالضيق في صدره مايعرف كيف بيستحمل وجود غيرها في المكان

في بيت أبو البتول

سعاد: البتول تعالي ابغي أقول لك شي
البتول: خير يمه

سعاد: من يومين عمك أبو محمد كان عندنا في البيت وجاي يخطبك لبندر
البتول تفاجأت بندر أخر أنسان تفكر أنه يكون زوجها طول عمرها ومشاعرها
أتجاها عاديه

سعاد: أخذي وقتك بالتفكير ولا تستعجلين بالرد بندر ولد عمك منه وفينه
وأخلاقه ماشاء الله عليه ومافيه شي يعيبه
الله يرحمك يا عبدالرحمن طول عمره وهو يتمنى أن بندر يكون من نصيبك أنتي
تعرفين غلاة بندر عند أبوك وهو اللي مربيه

البتول كانت جالسه وتسمع للحين ماتصدق اللي تسمعه بندر
دخل نواف الصاله ولقتها البتول فرصه أنها تطلع لغرفتها
البتول: أنا رايحه لغرفتي

وطلعت من الصاله
نواف: يمه شفيه وجه البتول متغير
سعاد: قلت لها عن خطبت بندر لها

نواف: وش قالت
سعاد: قلت لها لاتردين علي الحين وخذي وقتك بالتفكير
نواف: الله يوفقها

سعاد: وأنت للحين تفكر وماقررت
نواف: إلا قررت توكلي على الله وخطبيها وأنا كلمت الوالد وشاورته وهو
ماعنده مانع
سعاد: الله يتمم لك بخير خلني أتصل في خالتك واقول لها
نواف: خليها بعد عرس نجد

سعاد ارفعت سماعة التليفون: خير البر عاجله


في بيت أبو خالد

أم خالد: أنا راح أشاور أبو خالد والبنت وأرد عليكم
سكرت أم خالد الخط

أبو خالد: تشاوريني في شنو
أم خالد: هذي سعاد متصله تخطب نوف لنواف
أبو خالد: والله انه ولد والنعم انا عن نفسي موافق بس شاوري البنت

دخلت نوف الصاله
أبو خالد: هذا هي جات
نوف: خير شكلكم كنتوا تتكلمون عني

أم خالد: تعالي يانوف جلسي
جلست نوف على الكرسي جنب أمها
أم خالد: اتصلت فيني خالتك سعاد وخطبتك لنواف
نوف انحرجت وخصوصا في وجود ابوها وقفت وطلعت من الصاله وهي تركض وفي طلعتها
صدمت خالد

خالد: وجع ماتشوفين

بس نوف ماردت عليه أستغرب خالد ماهي من عادة نوف تسكت
سمع صوت ضحك أبوه
خالد: يمه شفيها نوف ليه تركض
أم خالد: بعد عمري استحت

خالد: أستحت من أيش
ام خالد: خالتك سعاد أخطبتها لنواف
خالد: هههههههههههههه
أم خالد: وليه تضحك

خالد: نوف تتزوج ماأقدر أتخيل شكلها وهي أم وعندها عيال الله يعينك يانواف
أم خالد: والله بنتي شيخة البنات ويحمد ربه اللي بياخذها
أبو خالد: من يشهد للعروسه

خالد: أحسن نفتك من نجد ونوف في وقت واحد
أم خالد:والله بيفضى علي البيت من بعدهم
أبو خالد: ان شاء الله خالد بيتزوج ويجيب زوجته تعيش معنا

أم خالد: الله كريم والله أني أتمنى هاليوم ها يا خالد شرايك نخطب لك
أبوخالد: ههههههه شكلها أمك تبغى ترتاح منكم في وقت واحد
خالد: خلنا نخلص من زواج خواتي بالأول بعدها نفكر بعرسي
يالله أنا طالع تأمرون بشي

أبو خالد: وأنت ماتجلس بالبيت أبد طول يومك طالع
خالد: أبد بروح للنادي مع الشباب نلعب رياضه
أبو خالد: بس لا تأخر أرجع وتعشا معنا

خالد: تأمر أمر ياابو خالد
البتول جالسه في غرفتها تفكر
بندر يخطبني بس وخالد صحيح أنه في حياته مابين لي أنه يحبني بس قلبي يقول
لي أنه يحبني

بس يمكن أحساسي يكون غلط وأكون أتوهم
شلون أعرف أنه يحبني شلون
ليه مااخلي خبر خطبتي يوصل له وأشوف ردت فعله
بس كيف أوصل له هالخبر

لحظتها رن جوال البتول وكان المتصل نجد
البتول: مافي غيرها هي اللي بتوصل الخبر
البتول: هلا بعروستنا

نجد: هلا فيك أخبارك
البتول: تمام وأنتي جهزتي كل شي ترى ما بقى شي أقل من شهر
نجد: كل شي جاهز بس كل ما قرب وقت العرس كل مايزيد خوفي

البتول: حبيبتي شي طبيعي بس أنتي لاتفكرين
نجد: اليوم خالتي كلمت أمي وخطبت نوف لنواف

البتول: والله ماقالت لي ونوف شقالت
نجد: طول اليوم جالسه في غرفتها ماطلعت لوتشوفين شكلها
البتول: هههههه

نجد: لا تضحكين جايك الدور
البتول سكتت تفكر تقول لها ولا
نجد: البتول وين رحتي
البتول: وإذا قلت لك أن الدور جاني

نجد: أيش قلتي
البتول: أنا أنخطبت
نجد: من؟
البتول: بندر ولد عمي
نجد: وافقتي

البتول: أفكر بس بصراحه مافي شي يخليني أرفض
نجد وقتها كانت تفكر بخالد لو عرف شراح يصير له ( نجد أقرب وحده لخالد وهي
تعرف أنه يحب البتول بالرغم من أنه كتوم ومايتكلم بس هي تعرفه من عيونه)

نجد: فكري زين يالبتول ولا تتسرعين
البتول: أكيد
نجد: يالله أنا بروح أتعشى
البتول: مع السلامه


نزلت نجد وجلست على طاولة الأكل وطبعا نوف مانزلت للعشا
التفتت تشوف أخوها ماتدري تقول له أو تسكت

أبو خالد: نجد
نجد: نعم يبه

أبوخالد: ناقصتك فلوس للتجهيز
نجد: لا تسلم يبه
أبوخالد: أم خالد خذي بكره نجد معك وروحي لمحل المجوهرات وخلها تأخذ لها
اللي تبغيه

أم خالد: تسلم ماتقصر
نجد: مشكور يبه
أبو خالد: أخذي اللي تبغينه ماأبغي ينقصك شي ترى ما عندي أغلى منكم
(أبو خالد على الرغم من قسوته في بعض الأمور إلا أنه أبو حنون ويحب عياله)

نجد: الله لا يحرمنا منك
بعد العشا طلعت نجد للحديقه
ياربي أقول لخالد ولا أسكت
ليه ماأقول له وأخليه يكلم خالتي بس خطبه على خطبه مايجوز وإذا سكت يمكن
يخسرها
ليه ماأقول للبتول
بس يمكن أشتت تفكيرها وأنا ماني متأكده من مشاعر خالد لها
الأفضل أني أسكت وخالد راح يعرف هالشي لأن أكيد خالتي بتقول لأمي
خالد: ليه جالسه لحالك

نجد: أبد بس نوف حابسه نفسها وأمي وأبوي دخلوا ينامون
خالد: والله وكبرتي يانوف
نجد: ههههه
إلا قولي ياخالد مافكرت أنت بعد تتزوج

خالد: توالناس خلنا نخلص منكم بالأول
نجد: على الأقل أخطب مافي أحد في بالك
خالد: لا مابه حد معين
نجد: طيب شرايك بالبتول

شافت نجد في عيونه لمعه
خالد: بنت خالتي وزيها زي غيرها
نجد: يعني بتفهمني أن البنات عندك زي بعض ومافي وحده لفتت أنتباهك
خالد: وأنتي شفيك اليوم قلت لك مافي حد في بالي
نجد: أوكي على راحتك بس لاتعصب


مر على الموضوع أسبوعين والبتول كانت تنتظر أي ردة فعل من خالد
شكلك يالبتول كنتي تحلمين وأنتي ماتعنين له شي غير أنك بنت خالته بس يمكن
نجد ماقالت له
لا مااظن انها تسكت اكيد بتعلمهم
يارب شسوي ارفض بندر
بس انتظر واحد يمكن انا مااعني له شي
دخلت سعاد الصاله وشافت البتول سرحانه

سعاد: البتول
البتول: سمي يمه
سعاد: مارديتي علي في موضوع ولد عمك

البتول سكتت وماتعرف شتقول لأمها
سعاد: البتول ياحبيبتي الولد ماعليه قاصر كفايه أن أبوك طول عمره وهو
يتمناه لك ولو كان عايش كان بيفرح طول عمره وهو ينتظر ذاك اليوم الي
تتزوجين فيه وتكونين زوجة بندر تعرفين مكانة بندر عند ابوك كان يقول غلاة
بندر والبتول وحده
البتول كانت تفكر بكلام أمها عن أبوها أبوها اللي أسعدها وماخلاها تحتاج
لأي شي ولو تطلب الغالي يرخص لها يمكن موافقتي تسعده في قبره

: أنا موافقه يمه( قرار أتخذته في لحظة ضعف بس ياترى راح تندم عليه أو أنه
بيفتح لها أبواب السعاده)

سعاد: ألف مبروك يمه
رن تليفون البيت وردت سعاد والبتول طلعت لغرفتها
سعاد: هلا والله بأم خالد

أم خالد: هلا بك أخبارك وأخبار البتول
سعاد: طيبيين ها بشريني
أم خالد: البنت موافقه

سعاد: الله يبشرك بالخير
أم خالد: الفال للبتول أن شاء الله وتفرحين فيها
سعاد: بفرح فيها عن قريب أن شاء الله البتول أنخطت لولد عمها بندر

أم خالد: بالمبارك الله يسعدها أن شاء الله
سعاد: آمين يالله خليني أبشر نواف فمان الله

سكرت أم خالد الخط

ودخل خالد للبيت وسمع أمه وهي تبارك
خالد: من ذي اللي تباركين لها يمه

أم خالد: هذي خالتك سعاد أتصلت أقول لها أن موافقين وقالت لي أن البتول
أنخطبت لولد عمها بندر وهي موافقه
خالد الصدمه شلت كيانه
خالد بصوت عالي: وش هو البتول أنخطبت

أم خالد: أي وليه تصارخ
دخلت نجد على صوتهم العالي
خالد: البتول ماراح تتزوج وانا بروح اخطبها من خالتي البتول ماراح تكون
لغيري

أم خالد: وش تقول البنت أنخطبت وطول المده اللي طافت كانت قدامك ليه مافكرت
تخطبها
طلع خالد لغرفته وهو معصب

أم خالد: أخوك شكله أنجن سمعتيه وش يقول
نجد: خليه يمه لين يهدا وأنا بكلمه
خالد ماكان عارف شيسوي معقوله البتول تكون لغيري ليه يالبتول
أنا لازم أسوي شي لازم

سمع صوت دق على الباب

خالد: نعم
نجد: أنا نجد أبغي أتكلم معاك
خالد: أدخلي

دخلت نجد : خالد ممكن أتكلم معك

خالد:تكلمي يانجد يمكن كلامك يخفف عني همي
نجد: أنت ليه زعلان البنت وأنخطبت
خالد: هالبنت اللي أنخطبت ماتعرفين شتعني لي

نجد: وهذا عيبك ياخالد
خالد: أي عيب
نجد: أنت أنسان كتوم وما في أحد يعرف بمشاعرك أنا كان عندي شك أنك تحب
البتول بس تذكر ذاك اليوم اللي سألتك فيه عن البتول وقلت لي أنها مثلها مثل
أي وحده

خالد: أي أذكر
نجد: أنا كان عندي خبر في هذاك اليوم أن ولد عمها خطبها
خالد: وليش ماقلتي لي يانجد

نجد: كنت ناويه أقول لك بس حبيت أتأكد من شعورك ناحيتها وبردك لي قررت أني
أسكت
خالد: آه يانجد

نجد: أنا كنت حاسه بأن البتول قالت لي عن خطبتها علشان يوصلك الخبر
خالد: يعني البتول تحبني مثل ماأنا أحبها وأحساسي صادق بس
نجد: البتول كانت تبغي تتأكد من أحساسك لها

خالد سند راسه على يده: أنا اللي ضيعتها من أيدي ببرودي
نجد: صدقني إذا كانت البتول من نصيبك بتتزوجها
خالد: خليني بروحي يانجد

طلعت نجد من الغرفه وظل خالد بروحه
كان ينتظر الصبح يطلع وهو مقرر أنه يدافع عن حبه بأي طريقه


الساعه10 الصبح

طلع خالد من البيت وهو مقتنع باللي قاعد يسويه
اتصل خالد في خالته
سعاد: هلا خالد أخبارك

خالد: بخير, أقول خاله أقدر أمر عليك عندي موضوع بقولك عنه
سعاد: حياك الله
دقايق وكان خالد في بيت خالته أختار هالوقت لأن نواف يكون بالدوام والبتول
بالجامعه

سعاد: ها ياخالد أقلقتني أمك فيها شي
خالد: لا الوالده بخير والموضوع يخصني

سعاد: خير ياخالد شقدر أساعدك فيه
خالد: ماأعرف شأقول بس ياليت تسمعيني للنهاية

سعاد: تكلم تراك أقلقتني
خالد: أنا أمس سمعت بخطبت البتول لولد عمها وأنا ياخاله طول عمري كنت
أتمناها تكون زوجتي بس كنت أنتظر الوقت المناسب وانا جاي اليوم أطلبها منك

سعاد: بس ياخالد البنت أنخطبت وهي موافقه
خالد: أنا عارف ياخاله بس أنا متأكد أنها إذا عرفت أني تقدمت لها بتوافق
ولا تفهمين كلامي غلط ياخاله أنا مابيني وبين البتول شي بس حبها اللي بقلبي
يقول لي هالشي

سعاد:بس ياخالد أنت تأخرت وأنا ماأقدر أقول للبتول
خالد: وليه ياخاله شالي يمنعك والخطبه للحين ماصارت رسميه

سعاد: أسمعني ياخالد عبدالرحمن قبل مايموت وصى أخوه أبو محمد ان البتول
تتزوج واحد من عياله لأنه كان خايف عليها تأخذ واحد مايصونها وأنا ماصدقت
أنها وافقت وحققنا وصيت عبدالرحمن وماأبغى لها ترد في قرارها

خالد: بس مايجوز هذا ياخاله
سعاد: أنا ماجبرتها ولا قلت لها عن الوصيه وهي وافقت وهي مقتنعه
خالد: يعني خلاص البتول بتروح لغيري

سعاد: ان شاء الله الله بيرزقك ببنت الحلال
خالد: بس القلب مايبغي غيرها

وقف وقبل مايطلع من البيت
خالد: باركي للبتول ياخاله

ركب السياره وطلع من البيت وقتها كانت البتول راجعه من الجامعه ولاحظت
سيارة خالد وهي تطلع من البيت
أستغربت وجود خالد في هالوقت
دخلت البيت

البتول: السلام عليكم يمه
سعاد: وعليكم السلام
البتول: يمه هذي مب سيارة خالد

سعاد: أي
البتول: غريبه جاي في هالوقت
سعاد: أبد كان قريب من البيت ومر يسلم علي ويبارك لك بالخطبه

أنصدمت البتول
طلعت لغرفتها وهي ماتقدر تصدق معقوله بأنها ماتعني لخالد شي
بس قلبي للحين يقول لي أني أنا ساكنه فيك
بس ردة فعله وبروده يبين العكس معقوله مشاعري واحساسي يخونوني

,

الجزء الثامن


في القهوة

فهد: خالد شفيك ليه مطلعنه من الصبح
خالد: البتول أنخطبت

فهد: وش هو ومن هذا اللي خطبها
خالد: ولد عمها وهي موافقه

فهد: هذا أخر ترددك البنت ماتنلام أنت ولا مره حسستها أنك تميل لها طول
عمرك كتوم لمشاعرك
خالد: لا تقعد تردد لي نفس كلام نجد اللي فيني كافيني
فهد: والحين شراح تسوي

خالد: رحت اليوم لخالتي وخطبتها منها
فهد: أنت مجنون البنت أنخطبت وشلون تروح تخطبها
خالد: لازم أحاول يافهد بس خالتي مارضت حتى تقول لها لأن وصيت أبوها قبل
مايموت أن البتول تتزوج ولد عمها

فهد: والبتول تعرف بهالشي
خالد: لا وهذا اللي محيرني أنها وافقت
وقتها جاهم صوت

بندر: السلام عليكم
فهد: هلا بندر وعليكم السلام

بندر(( رفيق فهد من مده تعرفوا على بعض في النادي))

فهد: أخبارك وينك من مدى ماشفناك
بندر: أبد والله ظروف
فهد: هذا خالد صديقي
بندر: هلا خالد أخبارك

خالد: بخير الله يسلمك
فهد: تفضل أجلس معنا

بندر: أسمح لي مواعد الشباب ولازم أروح أشوفك مره ثانيه
خالد: من هذا

فهد: بندر بن....ال....
خالد: وش قلت أسمه
فهد: بندر بن....ال...

خالد: هذا اللي خاطب البتول
فهد: لا تقول
خالد: والله وقام يبغى يلحقه قبل لايروح

فهد: وين ياخالد
طلع خالد ومارد عليه

فهد: الله يستر من هالمجنون حاسب وطلع يشوفه
خالد شاف بندر بيركب سيارته
خالد: بندر بندر
بندر: هلا خالد
خالد:السموحه بس ممكن أكلمك في موضوع

بندر: تفضل
خالد: بس مب هنا خلنا نروح نجلس في قهوه قريبه من هنا وهاديه
شاف بندر ساعته

خالد: ماراح أأخرك كلها 5 دقايق
بندراستغرب اصراره: اوكي
وراحوا للقهوه
طلع فهد من القهوه وشاف خالد راكب سيارته

فهد: وين بيروح هالمجنون
اتصل فيه بس مارد عليه
وصلوا للقهوه وكان الجو هادي
جلسوا على طاوله في الزاويه

بندر: خير ياخالد شبغيت
خالد: أنت طبعا ماتعرفني عدل أنا خالد ولد خالت البتول
بندر أستغرب أيش اللي جاب البتول بالسالفه
خالد لاحظ الأستغراب على وجهه: أنا أدري أنك مستغرب من وجود البتول
بالسالفه بس هي اللي تجمعنا

بندر: شتقصد ياخالد
خالد: أنا عرفت بخطبتك للبتول واللي هي في الأصل وصيه من أبوها الله يرحمه

بندر: طيب
خالد: أنا كنت ناوي أخطبها بس أنت سبقتني وأنا أقولك إذا كانت خطبتك لها
علشان تنفذ وصية عمك أنا أعفيك من هالوصيه والبنت مالها ذنب تتزوجها وأنت
ماتبغيها

بندر: وأنت وش اللي عرفك أني ماأبغيها
خالد: طول هالسنين وهي قدامك ومافكرت أنك تخطبها إلا الحين وأنا اللي أعرفه
أن البتول طول عمرها تعاملكم مثل أخوانها

بندر أبتسم: شكلك تعرف البتول زين
خالد: مافي داعي لهالكلام يابندر
سند بندر ظهره للكرسي وبدا يلعب بكوب القهوه بين يديه:
وإذا قلت لك أنا أبغيها ومافي شي جبرني أني أخطبها
خالد : متأكد

بندر: أي
خالد: مع اني حاس بعكس اللي تقوله لكن اعرف ان البتول ماهي بوحيده وراها
رجال ولاتفكر في يوم انك تجرحها

بندر بدى ينفعل من اسلوبه: مايحتاج انك تهدد البتول بنت عمي
وقف خالد: هذا تذكير لك

طلع من القهوه
بندر ظل جالس مكانه
كل شي في هالدنيا قسمه ونصيب ياخالد ومااحد فينا يدري وين نصيبه ساعات نسوي
أشياء من غير قناعه بس علشان نرضي فيها من نحب


في بيت العمه نوره

كانوا البنات مجتمعين ماعدا نجد

الريم:نوف ليه نجد ماجت
نوف:مثل مانتي عارفه مابقى ع العرس شي
دانه:لا بس كانت لازم تجي بكره بتتزوج وتلهى عنه

العنود:شرايكم ندق عليها
لتصلوا فيها وردت

نجد: هلا العنود
العنود: هلا وينك ليه ماجيتي
نجد: سامحوني بس وربي مشغوله

دانه: افتحي السبيكر
العنود: بحطك ع السبيكر البنات يبغون يكلمونك
نجد: هلا بنات
دانه: وينك تعالي خلنا نحتفل بك ياعروستنا
نجد:عندكم عروسه جديده احتفلوا بها

الريم:من تقصدين
نوف اعرفت انها تقصدها اخذت لها مخده وغطت وجهه
البنات :لا نوفوه
دانه: لا يالخاينه من قولي
نجد:نواف ولد عمي يالله اخليكم

العنود:نوفوه وساكته
دانه: منتي بسهله المزيون خطبك
نوف: خلاص حرام عليكم احرجتوني
البنات:ههههههه
نوف:لا والبتول انخطبت بعد

العنود اول مااسمعت اسم البتول سكتت
الريم: لمن
نوف:ولد عمها
العنود لحظتها ارتاحت
التفتت دانه للعنود: حظي علي انا معك
العنود: ماعليك بتشوفين بكره من راح ناخذ
خلني اروح نجيب شي نشربه

طلعت من غرفتها وصادفت نايف في طريقها
نايف:من عندك
العنود: بنات خالي
نايف: الريم هنا

العنود:أي
نايف:اشوف البيت منور
العنود: بلى هالحركات خلني اروح المطبخ
شاف نايف الوليد في طريقه
نايف:الوليد
الوليد:نعم
نايف: تبغي حلاوه
الوليد:أي ابي واجد
نايف:خذ هالورده وعطها لريم زين
الوليد:ذين

طلع الوليد لغرفة العنود ودخل الغرفه وراح للريم ومد لها الورده
الريم: شنو هذا
الوليد: هذا من نايف يدول عطها الريم
البنات: ايوه مانقدر ع الحب
الريم: وجع لا يسمعكم
العنود:ليه تصارخون
دانه: تعالي شوفي حركات روميو وجولييت ياربي متى بيجي جولييتي
البنات:هههههههه




مرت الأيام وجا الوقت
عرس نجد




طلت نجد على الحضور كأنها أميره من قصص ألف ليله وليله
فستانها ستايله أجنبي يميزه بساطته كان عبارة عن دانتيل والفستان ضيق لحد
أردافها(نجد فتاة طويله جسمها حلوه بشرتها بيضه واللي يميزها عيونها
الكبيره ) وبعدها يوسع ومبين جمال جسمها كانت فاتحه شعرها وماخذ شكل ويفي
وغرتها نازله على وجهها ولابسه تاج والطرحه جايه من تحت شعرها
كانت إطلالتها روعه بس غابة عنها الابتسامة كانت تتمنى هاليوم مثل أي بنت
بس الحزن ماترك لها مجال للفرح..............

بدت تمشي على نغمات موسيقى أغنية قصر الشوق(مروان خوري) اللي كلماتها تتردد
في إذنها هالاغنية لها معها ذكرى
ماكانت حاسه بوجود الناس حواليها

صوتك وشك عطرك شعرك
لمست أيدك عم تندهلي
شايف فيك أم ولادي
شامم ريحة ارضي وأهلي
عارف خلف البحر الأزرق
لم الشمس تموت بتخلق
عارف انك عمري الجاي
لم الماضي بحرك يغرق
قولي بحبك قلبي بيكبر
وسع الكون وبيرجع اصغر
قصر الشوق المب يتعمر
عمر بيت ع أيديك
بيت صغير يصير الأجمل
شو مشتاق لبيت صغير
وأنتي تحبيني مش اكتر
دقت قلبك ترسم قلبي
عمرك عمري ودربك دربي
مشتاق لوشك يحميني من وجيه الكذبه


طلال: تعرفين كل ماأسمع هالأغنية أتذكرك
نجد: وليه

طلال:
شايف فيك أم ولادي
شامم ريحة ارضي وأهلي
شو مشتاق لبيت صغير
وأنتي تحبيني مش اكتر
دقت قلبك ترسم قلبي
عمرك عمري ودربك دربي
******
طلال:أنتي حاضري وماضيي ومستقبلي
بسمتك الشمس اللي تنور حياتي
الدنيا بكفه وأنتي بكفه
وجودك يغنيني عن هالعالم كله

آه ياطلال يقولون لي أنساك شلون أنساك وأنت في قلبي ساكن
نزلت دمعه حايره وسط عينها

ريم حاسه ببنت عمها طلعت لها ع المسرح وهمست في إذنها: نجد كوني قويه ولا
تنهارين عشان أمك وأمي شوفيهم شوفي الفرحة بعيونهم وغلاة طلال عندك
لاتخربين فرحتهم

كانت تكتم عبراتها: موقادره ياريم وربي اللي يصير مااتحمله
جات في هاللحظه نوف تعلمهم ان المعرس بيدخل
حست نجد ان روحها بتطلع وكأنهم يسوقونها للموت اللحظة الي كانت خايفة منها
جات وانفتحت البوابة دخل أبوها معاه خالد وفهد

نزلت عيونها خلاص مااقدر أتحمل
وصل أبوها عندها باسها على راسها ناظر في عيونها شاف العتاب فيها قرب منها
وقال بهمس: مبروك يالغاليه بس وربي أني ابغي مصلحتك تراني ماراح أدوم لك

غصب عنها دمعت عيونها وحضنت أبوها
قالت في نفسها آه يايبه مادريت انك ذبحتني وزوجت إنسانه جسد بليا روح

تقدم خالد: ليه الدموع يالغاليه التفتت لاخوها
خالد: أقول نجد ماكنت اعرف انك حلوه كذا
ابتسمت نجد لكلام أخوها خالد: إيه كذا ابتسمي ليشوفك فهد وأنتي مكشره ويشرد


تقدم فهد وباسها على راسها من دخل من باب القاعة وهو مبهور باللي قاعد
يشوفه سبحان من كمل وصوفك

جلسوا بعد ماطلع ابوخالد وخالد كانت تحس بنفسها أنها قاعدة على الجمر
طلعوا من القاعة وتوجهوا للفندق
كان فهد حاجز له جناح في الفندق دخلوا الغرفه والتوتر مبين على نجد تمنت
الموت في نفسها ألف مره ولا أنها تكون في هالموقف حس فهد بتوترها وحب يخفف
من حدة الجو

فهد:انا بنزل تحت اخلص لي شغله خذي راحتك

طلع فهد من الجناح التفت نجد حواليها كانت الغرفه مره حلوه تملاها الورود
بدلت ملابسها لبست لها قميص نوم حرير عليه غطا من الدانتيل جلست على طرف
الكرسي وكالعاده كل ماجلست لوحدها ماتفكر بغيره( طلال )


ماحست بوجود فهد لاحظ ابتسامه مرسومه على شفاتها ودمعه حايره بعيونها
قال في نفسه الله يقدرني واقدر أنسيك طلال وتقدرين تنسيني ساره حال فهد
مايقل عن حال نجد كلهم فقدوا غاليين على قلبهم فقدوا الروح والحب كلهم
مجروحين من داخلهم جرح يمكن يبرى مع الوقت

حست بوجود شخص معاها بالغرفه أمسحت دمعتها الحايره بقفى يدها تقدم لها فهد
لحد ماصار واقف قدامها جلس على رجليه على الأرض ورفع بيده رأس نجد شاف
الحزن بوجها حزن مايخفى عليه لأنه مصاحبه من زمن

قال بصوت كله دفا: نجد

مااعرف إذا كان الوقت مناسب إني أقول لك هالكلام بس انا ادري بالجرح اللي
في قلبك سكت شوي وكمل كلامه وهالمره حست بنبرة الم في صوته وترى الجرح اللي
بقلبي اكبر من جرحك كل منا فقد غالي عليه بس الحياة ماتنتهي لازم نعيش
حياتنا بحلوها وبمرها وماحد ياخذ إلا نصيبه في هالدنيا

نزلت راسها وهي ماهي فاهمه قصده (كل منا فقد غالي) ياترى شقصدك يافهد
وقف فهد: العشا جاهز في الصاله

نجد: ماشتهي شي
طلع فهد من الغرفه ورجع ومعاه صينية العشا وحطها قدامها

فهد: بس انا جوعان وما تعودت آكل بروحي مد لها كوب العصير خذته من يده شربت
منه ورجعت حطته على الطاوله
فهد: انا بجلس في الصاله أشوف التلفزيون وأنتي خذي راحتك

طلع من الغرفه وهي بالها مشغول بالكلام اللي قاله
تمدد على الكرسي في الصاله وبدا يغير بالقنوات وهو باله مو معه لحظات وجاه
صوت أحلام

ليه يادنيا المحبه خذتي مني اللي أحبه
وأفترق دربي ودربه وليه يادنيا
من يسليني في يومي من هو أشكي له همومي

في لحظتها نجد واقفه تطل من باب الغرفه وكلمات الأغنية تزيدها الم انتبهت
لفهد يعتدل في جلسته وكان منحني براسه ومسندها بيديه

مد يده وطلع صوره من البوك بدى يمسح بيده على الصوره قام من مكانه يحس
بالضيق يعصر قلبه

رجعت تمددت على الكرسي وهي مكسورة القلب ضمت السلسال الي يزين عنقها (كان
عباره عن قلب من الالماس هدية طلال لها بيوم ملكتهم ) واستسلمت للنوم

الساعه 2الظهر

صحى من النوم تعدل في جلسته ويحس بألم في رأسه تذكر انه مانام الابعدصلاة
الفجر المكان هادي يمكن أنها نايمه مشى اتجاه الغرفه بهدوء فتح الباب
وشافها نايمه على الكرسي تقدم ناحيتها كان شعرها متطاير بشكل عشوائي على
وجهها انحنى لها ومد يده يمسح على وجهها

ياترى يانجد بلاقي فيك حبي اللي راح ابتسم بسمة ألم

دخل الحمام اخذ له شور يبي يخفف على نفسه من الألم اللي يحس فيه طلع ولاحظ
أنها للحين نايمه بدل ملابسه وتقدم لها وبصوته الحنون: نجد نجد

أفتحت عينها ماتصدق اللي تشوفه رجعت تغمض وتفتح عينها طلال هذا طلال ولا
انا احلم
استغرب فهد نظراتها له رجع يكلمها: نجد فيك شي

صوته صحاها من حلمها ابتسمت بسخرية في نفسها صرت أشوف وجهك في الناس ياطلال
فهد: صباح الخير

نجد بعد ماعتدلت في جلستها: صباح النور

فهد: قومي بدلي ملابسك وانا بطلب لك الفطور
دخلت أخذت لها شور ولبست لها فستان سكري ناعم نشفت شعرها اللي اخذ شكل غجري
مره حلو عليها اكتفت بجلوس وردي

طلعت للصاله لقت الفطور جاهز وبجنبه ورقه من فهد
(انا طالع كلها ساعه وراجع إذا احتجتي شي هذا رقمي اتصلي لي وكتب رقم
جواله)

حطت الورقه على جنب وأخذت لها قطعة كرواسون وكوب عصير وجلست تشوف التلفزيون
حست بالملل فكرت تتصل بالبتول أخذت جوالها واتصلت لها

البتول: صباحية مباركه ياعروس
نجد :هههههه يالله نحن السابقون وأنتم الاحقون

البتول: لا تذكريني بروحي خايفه إلا أخبار عروسنا
نجد: تمام

البتول: إلا فهد وينه يوم انك جالسه تكلميني
نجد: طلع قالي ساعه وبيرجع

البتول: نجد شفيه صوتك موعاجبني
نجد :ماادري ياالبتول
البتول: شتحسين فيه

نجد :البلى إني ماني بحاسه بشي

البتول: نجد أنتي الحين زوجة فهد ولازمي تعودين نفسك على هالوضع وانسي أي
شي ثاني

نجد: شتبغيني أنسى أنسى روحي
أنسى عمري
أنسى طلال
أنتي اكثر وحده تعرفين شنو طلال لي روحي اللي فارقتني انا ياالبتول خيال
عايش بقايا إنسان من غير روح وأنتي أدرى إني انغصبت على الزواج

البتول: نجد حبيبتي اهدي واسمعيني إذا تحبين طلال.......لاتظلمين نفسك
وتظلمين فهد عطي نفسك فرصه ماتدرين يمكن زواجك من فهد يغير حياتك

نجد: البتول اسمع صوت يمكن انه فهد رجع

البتول: اوكي بس متى بتسافرون
نجد: اليوم
البتول: تروحون وتردون بالسلامه
نجد: الله يسلمك

وقفت قدام المنظره وكلام البتول يتردد في بالها (عطي نفسك فرصه)
أسمعت صوت دقات على الباب فتحت الباب وكان فهد واقف رفع راسه لها وابتسم
تأخرت عليك

نجد: لا عادي
ابتسم على ردها
فهد: فطرتي

نجد :أي

فهد: جهزي أغراضك بوصلك بيت اهلك تسلمين عليهم قبل مانسافر وبعدها نروح
نسلم على هلي

نجد: ان شاء الله دقايق وأكون جاهزه
دخلت جهزت أغراضها وبعدها طلعوا من الفندق كانوا طول الطريق ساكتين لحد
ماوصلوا لبيت أبو خالد

فهد: إذا الوالد موجود قولي لي انزل اسلم عليه
نجد: أن شاء الله
نزلت نجد ودخلت للبيت أول مادخلت شافت أمها نازله من الدرج ركضت لها ويوم
شافتها فتحت أمها لها ذراعها وارتمت نجد بحضن أمها

أم خالد: هلا وغلا بنور عيني شلونك يمه

نجد: بخير دام شفتك يالغاليه
نجد:يمه أبوي وينه

جاها صوت أبوها انا هنا يالغاليه
التفت لأبوها كان واقف عند باب الصاله راحت لها وحضنها ومسح على راسها
بحنان:شلونك يانجد

نجد:انا بخير يبه
يبه طلال ينتظرك بره يبي يسلم عليك

انتبهت لنفسها نزلت راسها وقالت بصوت واطي اقصد فهد
أبوخالد:شفته ودخلته لمجلس الرجال والتفت لزوجته جهزوا القهوه وطرشوها
المجلس

بعدها أتجهوا لبيت أبوفهد ومنها للمطار



في ماليزيا

وصلوا فهد ونجد للفندق اللي حاجزين فيه وكان شاليه على البحر
دخلوا الشاليه وتوجهت نجد ناحية الباب المطل للبحر فتحته وطلعت
فهد:عجبك المكان

نجد:مره حلو منظر البحر ,بصراحة ماتخيلت المكان بهالشكل
فهد:اجل إذا شفتي منظر الغروب من هنا شراح تقولي

نجد:الله أحب الغروب إلا كم الساعة تغيب الشمس هنا

فهد:لسى باقي 4ساعات
نجد: عن أذنك بروح اكلم أمي واطمنها

بعد ماطمنت أمها رجعت ولقت فهد نايم على السرير رجعت وجلست تناظر في البحر
وكأنها دور الفرصة اللي تكون فيها وحيدة

غفت هي الثانيه على الكرسي وهي تتأمل البحر

نجد.......نجد
فتحت عينها وشافت فهد
فهد: قومي شوفي منظر الغروب لا يفوتك

التفتت نجد وهي مازالت متمدده على الكرسي
قامت بسرعه واتجهت للبلكونه وهي مب مصدقه المنظر اللي تشوفه

نجد: واااااااااااااااااو المنظر روعه عمري ماتخيلته بهالشكل

تقدم فهد للبلكونه:وليه تحبين الغروب ؟

نجد: ماأدري بس أحب أشوف الشمس وهي تغيب

نجد: وأنت تحب الغروب؟

فهد: أنا أحب شروق الشمس وغروبه

نجد: طيب ليه تحب الأثنين
فهد: لنه شروق الشمس يذكرني بنور من أحب وبغروبها يطل القمر وأشوف فيه وجه
حبي
نجد كانت ساكته

فهد أنتبه لنفسه : أقول شرايك نطلع ونتمشى شوي بالمكان
نجد: اوكي

فهد: روحي بدلي ملابسك وأنا بنتظرك هنا
راحت نجد للغرفه بدلت ملابسها وطلعت

نجد: أنا جاهزه

التفت لها فهد وفرح لمى شاف لبسها
كانت لابسه بنطلون جينز واسع وبلوزه بيضه طويله لحد الركبه ولابسه بالطوه
والأهم
أنها متحجبة

نجد استغربت نظراته

فهد ماكان يحب إن البنت تتخلى عن حجابها بمجرد أنها تسافر مثل مايسوون باقي
البنات في السفر أحترامها لدينها خلى فهد يحترمها أكثر وأكثر
وقف فهد وتقدم لباب الشاليه وفتحه: تفضلي

طلعت نجد وطلع معها وراحوا يتمشون وبعدها تعشوا بالمطعم ورجعوا للشاليه تعب
السفر ماعطاهم مجال أنهم يطولون في السهره برا وناموا على طول

قضوا أسبوعين في ماليزيا وكانت الطلعات تقربهم من بعض وتخفف من الحواجز
الموجوده

قبل مايرجعون للرياض بيوم

قامت نجد من النوم ولاحظت أن فهد مو موجود طلعت من الغرفه وانتبهت لباب
البلكونه مفتوح تقدمت وشافت فهد واقف قدام البحر خذت لها شال لان الجو كان
بارد وطلعت كانت رمال البحر بارده تقدمت بخطوات هاديه لحد ماوصلت له

نجد: فهد

التفت لها فهد:نجد ليه قمتي
نجد: أبد بس قمت أشرب ماي ولاحظتك واقف برا

فهد جلس على الرمال : لا بس ماجاني نوم قلت أطلع برا
رفع راسه لنجد: إذا ماأنتي نعسانه جلسي اليوم اخر يوم لنا هنا وبتشتاقين
للبحر

جلست نجد وكان الصمت يعم المكان ماغير صوت البحر
فهد: أشتقتي للرياض

نجد: أي وربي أشتقت لها ولكل شي فيها وأنت؟

فهد: راح الشي اللي يخليني أشتاق للرياض
نجد كانت تفكر بداخلها هي ماتعرف عن فهد شي وكلامه يوم العرس كل منا فقد
غالي مانسته والفضول خلاها تسأله

نجد:فهد

فهد بدون مايلتفت لها: نعم

نجد وهي متردده : ليه ماتكلمني عن نفسك
فهد أستغرب طلبها : أكلمك عن نفسي شالي تبغين تعرفينه

نجد: أنا ماأعرف عنك شي أحس أن عندك أشياء كثيره في حياتك تقولي عنها أبغي
أعرف من أنت؟
ابتسم فهد ورد عليها:

قالت:من إنت؟ وقلت:مجموعة إنسان
مِن كِلِّ ضِد وضِـد تِلقيـن فينـي
فيني نهار وليل وأفـراح وأحـزان
أضحك ودمعي حايرٍ وسط عينـي
فيني بداية وقـت ونهايـة أزمـان
أشتاق باكر وأعطي أمسي حنينـي
وأسقي قلوب النَّاس عشقٍ وظميان
وأهدي حيارى الدَّرب وأحتار ويني
وأحاوم طيور السِما حوم نشـوان
وأسيَّـل الوديـان دمـعٍ حزيـنِ
في عيني اليمنى من الـورد بستـان
وفي عيني اليسرى عجاج السنيـنِ
تهزمني النَّجلا وأنـا نـد فرسـان
وأخفـي طعونـي والمحبَّـه تبيـنِ
إمَّـا عرفتينـي فلانـي بـزعـلان
حتى أنـا ترانـي إحتـرت فينـي


فهد يميزه صوته العذب
نجد أحتارت فيه أكثر وأكثر

نجد: فهد في صوتك حزن كبير مافهمته وأنت يوم العرس قلت لي كل منه فاقد غالي
وللحين ماني بفاهمه شي

وقف وهو يتنهد أسمعت نجد صوت تنهيدته
نجد: أنا آسفه يا فهد ماكان قصدي أضايقك إذا ماتبغي تتكلم براحتك

فهد: لا أنتي من حقك تعرفين عن ماضيي مثل ماأنا أعرف ماضييك

حط يديه في جيوبه وظل صامت كان يدور الكلمات اللي تعبر عن اللي في داخله
هذي أول مره يتكلم عنها لأحد غير نفسه

من سنتين كنت خاطب بنت عمي ساره
كانت هناك الكثير من العقبات في وجه حبنا وهي الخلاف اللي بين أبوي وعمي بس
على الرغم من هالخلاف ماتأثر حبنا على العكس كبر

ساره تحملت أشياء كثيره علشاني وعلشان حبنا مايموت
تحملت بعدي عنها لمدة 4 سنين لأني كنت أدرس في بريطانيا واجهة أبوها ورفضت
كل من تقدم لها

بعدها رجعت من السفر وفاتحت أبوي بالموضوع لكنه رفض بس ما فقدت الأمل لحد
ماجى اليوم اللي أقتنع فيه أبوي وكان حبنا هو السبب في أن عمي وأبوي
يتصالحون

كان يوم الملكه يوم جديد في حياتنا ماأقدر أوصف لك فرحتي كنت أحسب الساعات
والأيام اللي بتجمعنا مع بعض

ماأبالغ إذا قلت لك أني أحس أني أنولدت من جديد حياتي أبتدت من يوم ماأرتبط
بها

نسيت أيامي اللي مرت علي بدونها

كانت هي دنيتي اللي أعيش فيها

كانت هي النور اللي يضوي علي دنيتي

شوفتها تجدد فيني الحياه

بسمتها تنسيني ألامي وتعبي

وعيونها هي مرسى حبي

قبل العرس ب10 أيام كلمني عمي وقالي بأن ساره تعبت وخذوها للمستشفى
ركبت سيارتي ورحت للمستشفى وكانت الصدمه

لقيت عمي طالع من غرفة الطبيب وعيونه ماتبشر بالخير
سألته وياليتني ماسمعت اللي قاله

طلعت ساره مريض بالخبيث وحالتها متأخره
ضاقت الدنيا في عيوني وكنت أترجى عمي ينفي اللي يقوله
اضطرينا أنا نعلمها وأنهارت علينا كنت أحس بألمها

ماتركتها يوم واحد كنت أكلها بيدي وأغطيها إذا نامت كانت كل ماتقول ألآه
كنت أقولها 2000مره تمنيت لوأني أقدر أشيل مرضها بس أشوفها مرتاحه طرشنا
تقاريرها بره وحجزنا على أقرب طياره بس مالقينا حجز إلا لأمها وعمي حاولت
أني ألاقي لي حجز على نفس الطياره بس ماقدرت

كانت طيارتي بعدهم بيوم

جى يوم السفر ورحنا للمطار كانت طول الوقت تبكي قربت منها ومسحت دموعها
بيدي وسألتها ليه تبكين يالغاليه

قالت لي أحس أني ماراح أقدر أشوفك مره ثانيه

حسيت برعشه تسري في جسمي
قلت لها لاتخافين بكره راح أكون عندكم

وجى وقت ركوبهم للطياره ماكنت اتمنى أني أفارقها قبل ما تروح رفعت يدها
وبدت تمسح على وجهي وعيونها كلها دموع (بدا يتحسس خده وكأنه يحس بيدها تمسح
على خده) التفتت عني واتجهت للبوابه وقبل ماتختفي عن عيني ناديتها التفتت
لي وتقدمت لها وبدون ماأحس ضميتها لصدري وأنا أبكي وهي دموعها تبلل ثيابي
بعدتها عني وبست جبينها وقلت لها أنتظريني بكره

ظليت واقف لحد ماغابت عن عيني

رجعت للبيت وأنا أحس بالضيق في صدري كنت أنتظر الوقت اللي بشوفها فيه
وأنا طالع من البيت رايح للمطار سمعت صوت أبوي يناديني
دخلت للصاله وشفت أمي تبكي وأبوي أول مره أشوفه بهالحاله

سألته شالي صار
وجاني الجواب اللي انهى حياتي

ساره ماتت


لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
القطار وفاتنا
والمسافر راح

مادري باكر هالمدينة وشتكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي
سافرت مثلك حبيبي
القطار وفاتنا
والمسافر راح

ماتت وهي في الطياره

ضليت اشهر وأنا ماتقبلت هالصدمه كنت في كل يوم أتمنى أني أكون أحلم
كنت أتصل على جوالها وعندي أمل أنها ترد علي وأسمع صوتها

كنت أمر على بيت عمي وأظل واقف بالساعات واطلب ربي أنها تطل علي وأشوفها
بس بعدها عرفت أن اللي صار واقع وأنها رحلت من هالدنيا

سافرت بعدهلا لمكه في فترة رمضان وظليت لمدة شهر كنت كل ليله أدعي لها ربي
أنها تكون في جنات الخلد

صار لها سنتين من توفت بس عمري ماحسيت بغيابها عني
طيفها يزورني كل يوم

أشوف وجها في القمر

وأشم في الورد ريحتها

نور الشمس يذكرني بضحكتها اللي تنور حياتي

عرفتي الحين من أكون

نجد كانت طول الوقت تسمع له وهي دموعها تنزل من الحزن ماكانت تظن بأنه
مجروح لهالدرجه ألمه أكبر من ألمي أنا قدرت أشوف طلال قبل لا يموت بس هو
ماتت بعيد عن عينه

كان فهد وقتها يحاول أنه يداري دمعته اللي لاحظتها نجد
تقدمت نجد لفهد وحطت يدها على كتفه

نجد: فهد صدقني مافي أحد مرتاح في هالدنيا كل منه شايل في داخله ألم ماكنت
أظن أن في أحد مجروح مثلي بس اليوم عرفت أن جرحك أكبر من جرحي

لحظتها بدا نور الصبح يطلع وترسل الشمس أشعتها على رمال البحر وأصوات
العصافير تملى المكان من بعد الهدوء

حط فهد يد نجد بين أيده حست نجد بدفى أيده

فهد: أوعدك يانجد أني ماراح أظلمك في يوم
أنا محتاج لك مثل ماأنتي محتاجه لي

ابتسمت له نجد

فهد: خلينا نروح نرتاح لنا ساعتين قبل مانروح للمطار
ورجعوا للشاليه

,
,
,

رجعوا للرياض وتوجهوا لبيت أبو فهد

دخلوا للبيت وكانت أم فهد في أستقبالهم

أم فهد: هلا والله تو مانور البيت
نجد: منور فيك ياخالتي

فهد: أخبارك يالغاليه

أم فهد: بخير أن شاء الله أستانستوا بالسفره
فهد: أنا عن نفسي أستانست بس ماأدري عن نجد
نجد: إلا أستانست فيها


أم فهد: الحمدلله
فهد: أجل وين الوالد
أم فهد: معزوم عند واحد من أصدقاه
وتركي راح معه
أم فهد: فهد جناحكم جاهز أخذ نجد خلها تروح وترتاح
فهد: ان شاء الله
وطلع معها للدور الثاني وكان مخصص لهم لأن غرفت أبوه وتركي تحت


كان الجناح يتميز بالفخامه وكأنه سويت في أشهر فنادق العالم
فهد: هذا الجناح بيكون لنا أبوي كان يبغي يأخذ لنا بيت بس أنا رفضت لأن
تركي كلها كم شهر بيسافر للدراسه في بريطانيا وماحبيت أتركهم لوحدهم
نجد كانت تتأمل الصاله اللي تتميز بأسقفها المذهبه كانت فيها جلسه وطاولة
طعام دائريه ورق الجدران أحمر وذهبي معطي المكان جو ملوكي
نجد: وأنا ماراح أرضى أنك تترك أهلك

فهد: أنا بنزل أجلس مع الوالده وبطرش لك الشغاله تساعدك في ترتيب ملابسك
نزل فهد ونجد دخلت لغرفة النوم واللي ماتقل فخامه عن الصاله جتها الشغاله
وساعدتها في ترتيب ملابسها بعدها اخذت لها نجد شور ونامت

الساعه 6 المغرب

صحت نجد من النوم ناظرت الساعه وقامت تتوضا وتصلي المغرب
بعدها لبست لها جلابيه فخمه وأخذت لها غطا لأن تركي ممكن يدخل البيت في أي
وقت
نزلت للصاله وشافت فهد جالس قدام التلفزيون

نجد: مساء الخير
فهد: مساء النور ها أن شاء الله أرتحتي
نجد: نمت أحلى نومه
إلا عمتي وين
فهد:في المطبخ

جلست نجد على الكرسي وكان فهد مندمج يتابع المسلسل


دخل أبو فهد للصاله
أبو فهد: السلام عليكم
نجد و فهد: وعليكم السلام
وقفت نجد وتقدمت وسلمت على عمها

أبو فهد: هلا والله الحمدلله على السلامه
نجد: الله يسلمك ياعمي
أبو فهد: أخبارك يابنيتي
نجد: الحمدلله بخير

دخلت أم فهد وهي شايله صينية القهوه
شافتها نجد وراحت تأخذ الصينيه منها
نجد: عنك ياخاله
أم فهد: تسلمين يابنتي


أبوفهد: ها يانجد أن شاء الله جناحك أعجبك

نجد: أي ياعمي مره حلو
أبو فهد: والله يابنتي أنا قلت لفهد ياخذ لك بيت علشان تأخذين راحتك فيه بس
هو رفض
نجد: أصلا ياعمي إذا هو وافق أنا راح أرفض حد يكون عنده أهل زيكم ويتركهم
أم فهد: ماتقصرين يابنتي والله ونعم التربيه
أبو فهد: بس أنتوا توكم شباب وتبغون تاخذون راحتكم شلكم فينا حن يالعجايز
أم فهد: تكلم عن نفسك إذا أنت شيبت فأنا توني شباب

فهد طول الوقت كان ساكت ويسمع لسوالفهم وانتباهه مشدود لنجد هالبنت فيها شي
يجذب الناس حولها
نجد ماكانت منتبه لفهد وكانت تضحك على سوالف عمها

في هاللحظه حب فهد أنه يشاركهم الكلام
فهد: أقول يبه أنت ليه مافكرت تتزوج وحده ثانيه


أم فهد: فهود وجع شهالكلام
أبو فهد: كأنك تقرا أفكاري أنا جالس أدور لي على بنت في ال20 أجدد معها
شبابي مثل ماأنت عارف أمك كبرت وعجزت
أم فهد: أي شباب وانت الشيب تارس راسك
فهد : يبه أنت قلي شني مواصفاتها وأنا أدور لك عليها
أبوفهد: شف أنا أبغيها بيضه وطويله شعرها أسود وعيونها زرق
فهد: هههههه والله ماأنت بسهل يالوالد


أم فهد: مصدق نفسك عيونها زرق من هذي اللي بترضى فيك
نجد: ماعليك ياعمه والله لو يدور الرياض كلها مايلاقي وحده مثلك
أبو فهد: أنا أشهد والله مابه حد يسواك يالغاليه أنتي الأصل بنات هالوقت
كلهم تركيب شعورهم مصبغه ومنفخين وجيهم بعد
فهد: أيوه يابو فهد مانقدر على زعلها بس وش قصدك بنات هالوقت (والتفت لنجد)
كلهم تركيب
نجد فهمت قصده: وليه تلتفت لي أنا الحمدلله كل شي فيني طبيعي وما أحتاج
لأني أركب أو أنفخ شي
أم فهد: فهيد نجد ماشاء الله عليها كامله والكامل الله
فهد: أنا ماقصدت شي


وظلوا يسولفون لحد ماجى وقت العشا تعشوا وكل منهم طلع لغرفته يرتاح

اليوم الثاني في بيت ابوخالد
ام خالد: هلا ببنيتي اخبارك واخبار فهد
نجد:بخير يمه انتوا اخباركم واخبار ابوي وخالد والله اني اشتقت لكم
نوف : وانا مااشتقتي لي
نجد:الا وربي اشتقت لك
ام خالد: كلنا بخير وطيبين ها بشريني اخبارك مع فهد واهله
نجد: بخير والله عمي وعمتي الجلسه معهم تجنن سوالفهم وضحكهم
نوف:اقول اخبار ماليزيا


نجد: تجنن البلاد والاحلى انه كنه في شاليه ع البحر


نوف: الله يعني جو رومنسي
ام خالد: وش هو اللي جورومنسي اهم شي المكان نظيف وحلو
نوف:يمه لانك ماتشوفين هالافلام الرومنسيه والحب تقطع القلب
ام خالد: حب وخرابيط هالافلام هي الي مضيعتكم
نوف:يمه انتي تحبين ابوي
ام خالد: اكيد اني احبه زوجي وابو عيالي عشت معه ع الحلوه والمره

والله ان مر علي اليوم وماشفته احس اني ضايعه
نوف: ايوه ياام خالد ياعيني ع الحب وينك يابوخالد تجي وتسمع
ام خالد: نوفوه الله يعين نواف عليك الولد هادي وعاقل وابتلش بك اركدي
نوف: ليه وانا وش فيني
نجد: خلك منها يمه قولي لي اخبار خالد
ام خالد:والله هالولد من بعد ذيك السالفه وهو ماادري كيف صاير


نوف:أي سالفه
نجد:انتي ماتعرفين


ام خالد: وش تعرف به هي طول يومها مع هالافلام
نوف:لا وربي شصار انا ملاحظه انه صاير عصبي ومايتحاكى
نجد: هذا من بعد ماانخطبت البتول


نوف: وش جاب البتول بالموضوع


نجد: كان ناوي يخطبها وطلع لنا هالبندر وهو راح وكلم خالتي في الموضوع بس
انها رفضت تقول للبتول وقالت هذي وصية عبدالرحمن ان البتول تتزوج ببندر
ام خالد: وش قلتي


نجد: يوه خالد موصيني مااقول لاحد، يمه نوف تكفون لا تجيبون هالسيره لاحد
ام خالد: ماراح نقولها لاحد بس فهميني وش سالفة هالوصيه
نجد قالت لامها بكل اللي صار


نوف:بس هي وافقت برضاها
نجد:أي وهي ماتعرف بالوصيه امانه لاتقولون لاحد


نوف:ولا يهمك
نجد:وبكره ملكتها بتكون عاديه من غير حفل
نوف:ليه
نجد:البتول تبغى كذا

في بيت أبوطلال

أبوطلال: أم طلال اليوم كلمتني أختي نوره تقول تبغى تحدد موعد ملكه الريم
ونايف
أم طلال: بس هو للحين ماكمل دراسته برا
أبو طلال: هذي أخر سنه له بيملك عليها وبيروح يقدم أمتحاناته وبعدها بيرجع
للعرس

أم طلال: خلاص خلهم يشوفون الوقت اللي يناسبهم وأنا بقول لريم
الريم كانت موجوده عند الباب وسمعت كل شي


طلعت فوق وفتحت باب الغرفه بقوه
دانه: وجع خوفتيني شفيك
الريم: دانوه عمتي أتصلت وتبغي تحدد موعد للملكه
دانه: ههههههه طيب ليه خايفه
الريم: ماأعرف بس بنملك وبيسافر يقدم أمتحاناته وبعد مايخلص بنتزوج
دانه: والله وكبرتي ياريموه


سمعت صوت أمها راحت وجلست على السرير وفتحت لها كتاب
دانه: الحمد لله والشكر الحين طاري العرس يسوي كل هذا
الريم: أكرميني بسكوتك


دخلت أم طلال الغرفه

أم طلال: دانه أطلعي وخليني مع أختك
دانه: عادي يمه تراني أعرف السالفه متى الملكه
أم طلال: وأنتي شدراك ياأم لسان طويل
دانه ألتفتت تأشر على الريم: العصفوره قالت لي
الريم حست بالأحراج
أم طلال: دامك سمعتي كل شي شرايك تكون الملكه يوم الخميس


دانه: لا يمه مايمدي نجهز لشي


أم طلال: الملكه بتكون عائليه وعندكم 5 أيام يمديكم تجهزون نفسكم
دانه: لا يمه خليها الأسبوع الجاي
أم طلال: ليكون أنتي العروس ها ياريم وش قلتي

الريم: مثل ماقالت دانه خلوها الأسبوع الجاي مايمديني أجهز نفسي
أم طلال: خلاص أنا بكلم عمتك وأشوف وش تقول
طلعت أم طلال من الغرفه وتنفست ريم بصوت عالي


دانه: أيوه مانقدر كل هذا حب
الريم: دانوه سكتي يالبطه
دانه:كم مره قلت لكم لاتقولون هالكلمه حرام عليكم عقدتوني
الريم: دام أن معقدينك خفي شوي من الأكل وألعبي رياضه علشان تلاقين لك
فستان للعرس


دانه: أنا حره أسوي اللي أبغيه وشوفي من بيساعدك في عرسك
الريم: الله الغني عنك
ام خالد كانت في بيت سعاد
ام خالد: الله يتمم بخير لها ويوفقها يارب
سعاد:امين


ام خالد:الاسبوع الجاي بتكون ملكة الريم على نايف ولد نوره
سعاد:ماشاءالله الله يزيد هالافراح
اقول وشرايك نخلي ملكة نوف والريم في يوم واحد
ام خالد:والله انا ماعندي مانع خليني اقول لابوخالد


سعاد:انتي شاوريه وردي لي خبر


سعاد :ان شاء الله
من بعدها اتفقوا ان ملكة الريم ونوف في يوم واحد وتكون في بيت ابوخالد لانه
الأكبر

في جناح فهد

كانت علاقة فهد ونجد في بدايتها الامور بينهم مستقره وفهد يحاول قد مايقدر
انه يكسر الحواجز الي بينهم
مايعرف ليه هالانسانه فيها شي يجذبه لها
يمكن لانها تاخذ من طبع ساره الكثير
طريقة كلامها


حنانه


قلبها الطيب


روحها الحلوه




نجد: فهد


فهد كان مشغول في قراءة بعض الأوراق: نعم


نجد: اقدر أروح مع نوف للسوق لأن ملكتها الأسبوع الجاي وأبغي أخذ لي فستان


فهد: ومتى بتروحين


نجد: بعد المغرب




فهد: أوكي


نجد: مشكور


وقفت بتروح للمطبخ


فهد: لحظه يانجد


مد يده للبوك وطلع منه كرت الصراف


:خذي وأسحبي لك المبلغ اللي تبغينه




نجد: تسلم أنا معي فلوس


فهد وقف قدامها مسك يدها وحط الكرت فيه


: وأنا زوجك ومسؤؤل عنك وفلوسك خليها لك


أنحرجت نجد وهي من تنحرج تورد خدودها




فهد: تدرين أنك تكونين أحلى وأنتي منحرجه


لحظتها رن جوال فهد


فهد: من هالعذول




شاف الرقم والتفت لها: هذا أخوك


أبتسمت نجد


فهد: هلا بالنسيب


خالد: هلابك وينك ماتنشاف ماخلص شهر العسل


فهد: ياأخي أنت متى بتتزوج وتريحنا




خالد: ومن قال لك أني راح أتزوج أنا بقعد عله على قلبك


فهد: تدري طول هالسنين اللي عرفتك فيها مانفعتني الا بشي واحد


خالد: والي هو؟


فهد: أن طلعت عندك أخت مثل القمر


نجد كانت بتروح بس مسكها من يدها


خالد: الحبيب صاير روميو




فهد: يحق لي


خالد: أقول ياروميوأنا بروح للنادي إذا بتجي


فهد: أوكي أشوفك هناك


سكر الخط والتفت لها


:على وين؟




نجد: بروح أجيب لك شاي


فهد: بس انا ماطلبت


نجد: أوكي اجل بروح أكلم نوف وأقول لها تمر علي




فهد: متى بتفتحين لي قلبك متى؟


نجد:...........


فهد: نجد تحبيني




****************


أسمعوا عبدالمجيد يغني




تنتظر كلمة أحبك


شايفك مشغول فيها


كل شي في وقته حلو


ليه مستعجل عليها


بكره هي اللي تجيك


وتمر كل لحظه عليك


انت بس ريح لي بالك


كل شي بوقته حلو




نجد وهي تأشر له: سمعت وشقال




فهد: ومتى هالوقت


نجد: كل شي بوقته حلو


وراحت للغرفه وخلته





يوم ملكة الريم ونوف




ريم تحب الستايل الناعم وماتحب المبالغه بالميك أب


كانت لابسه فستان ذهبي ورافعه شعرها وشكلها طالعه مره حلو


ونوف لابسه لها فستان احمر يناسب لون بشرتها ورافعه شعرها وميك اب اكتفت
بكحل اسود وروج احمر




تمت الملكه وجا وقت دخول نايف علشان يلبسها الشبكه


الريم وقتها تحس بمشاعرها تضاربت مابين الخوف والفرح وكانت ترتعش


دخل نايف وهو عيونه معلقه فيها في جمالها وصل لعندها باسها على راسها


نايف: مبروك يالغاليه




الريم: الله يبارك فيك


لبسها الشبكه وباركوا لهم


بعدها طلعوا من المجلس وضل جالس معاها




تمنت الريم الأرض تنشق وتبلعها ولاتكون في هالوضع


نايف: أقول الريم خفي علينا شوي ترى ماأستحمل كل هالزين


الريم بدت دقات قلبها تزيد حس فيها نايف وشاف الرعشه بيدها


ضم يدها بيديه




نايف: الريم


الريم وصوتها يادوب يبين: نعم


نايف: أحبك




الريم خلاص ماتقدر تستحمل ونزلت دمعه غصب عنها طاحت على أيده وحس بها


نايف: ليه الدموع ضايقتك




هزت الريم رأسها وهي تنفي هالشي


نايف ماحب أنه يزيد من توترها فقرر أنه يروح




وقف وقفها معاه رفع راسها بيديه وأبتسم وهو يشوف عيونها


نايف: قبل ماأطلع أبغي أقولك أني بكره مسافر


الريم بينت الدهشه عليها: بتسافر



نايف: ماراح أتأخر عليك اخلص هالكورس وارجع


الريم: بطول


نايف:كلها كم شهر لاتحاتين


باسها بين عيونها


نايف: بأشتاق لك


طلع وخلاها واقفه


الريم رجعت للصاله وهي متضايقه




جى وقت نوف اللي الكل كان يضحك عليها طول الوقت تقرا قران وتدعي ان الموقف
يعدي بسرعه




دخل نواف ولبسها الشبكه


وهمس لها في اذنها : وهو في احد يقدر يمشي ومايعبرك




نوف فهمت انه يقصد ذاك اليوم بالمجلس


نواف نادى البتول:اقول ممكن تصرفين الجماعه اللي قاعده


البتول: هههه من عيوني




نوف بحركه لا شعوريه امسكت البتول من فستانها وكانها تقول لها لا


انتبه نواف لحركتها :لا تخافين ماراح اكلك


نوف فكت البتول ونزلت راسها




طلعوا الموجودين ونوف قلبها بيطلع من ضلوعها


نواف: اخبارك ياقمر


نوف كانت ساكته وماترد بحرف


نواف: شكلك ماعندك اخبار طيب كيفك




نوف ساكته


نواف حاول انه يدور له شي ينرفزها ويخليها تنطق:اقول ترى هالتسريحه ماهي
بلايقتلك


نوف ظلت ساكته




نواف:والفستان مايناسبك وبعدين مطلعك متينه وهاللون مايصلح لفستان يصلح
يكون لقميص نوم بيطلع رووعه


نوف خلاص ماقدرت تسكت: انت وش عرفك بالموضه والالوان والفستان عاجبني
وبعدين ايش عرفك بقمصان النوم ها




نواف:هههههههههههه


نوف سكرت فمها بيدها


نواف: والله انك قمر وتجنني بس كنت ابغيك تتكلمين


وقف بيطلع:يالله مع السلامه


طلع من المجلس


نوف: وانا هاللسان مايعرف يسكت




في الصاله


العنود: مبروك الخطبه يالبتول


البتول:الله يبارك فيك


العنود: الامتى العرس ان شاء الله




البتول:لحد الحين ماحددنا الموعد


دانه: اقول العنود تعالي انا بقرص ركبة الريم وانتي نوف


نجد:هههههههه وليه


دانه: يقولون اقرصها في ركبتها تلحقها بجمعتها




البنات:هههههه




البتول: وانتي ليه مستعجله لاحقه ع العرس


نجد: وهي صادقه عيشي حياتك ولاحقه ع العرس


البتول: نجد انا بطلع لغرفتك اخذ عباتي وطلعة لغرفة نجد وهي تنزل الدرج


خالد كان يطلعه وشافها




يوم أقلبت ..

صوَّت لها جرحي القديم
يوم أقبلت ..
طِرنا لها أنا وشوقي والنَّسيم
وعيونها ..
عين لمحتني وشهقت
وعين حضنت عيني وبكت
ويافرحتي ..
الحظ الَّليله كريم..
محبوبتي .. معزومه مِن ضِمن المعازيم..



في زحمة النَّاس صعبه حالتي

فجأه إختلف لوني وضاعت خُطوتي
مِثلي وقِفت تِلمس جُروحي وحِيرتي
بعيده وقِفت وأنا بعيد بلهفتي
ماأحد عرف الَّلي حصل
وما أحد لمس مثلي الأمل
كلِّ إبتسامه مهاجره جات ..
رِجعت لشفِّتي
وكل الدروب الضايعه منَّي ..
تنادي خطوتي
ويارِحلة الغُربه.. وِداعاً رِحلتي




البتول ظلت واقف للحظات هذي اول مره تشوفه من بعد خطبتها تذكرت رده وبروده
بس الحب اللي اشوفه بعيونه شنو


لا يالبتول انتي يتهيأ لك


تغطت ونزلت الدرج




خالد شوفتها ذكرت بواقع انها صارت لغيره




خالد: اخبارك يالبتول


البتول:بخير




وقف على جنب وفتح لها الطريق انها تنزل


كان وده يقول لها تراني ماارخصت فيك حاولت بس ماطلع بيدي شي


لكن خلاص الكلام ماعاد ينفع






بعد ماأنتهت الحفله




في غرفة الريم


دانه: أقول الريم شنو شعورك اليوم


الريم: عااادي


الدانه: شفيك ليه ضايقه


الريم: نايف بكره بيسافر


دانه: بهالسرعه




الريم: يقول لازم يروح لانه اخر كورس له


دانه: بتعدي الأيام بسرعه وأنتي بتلهين بالتجهيز




الريم: الله يعيني، أقول دانه بكره بروح أشترك بالنادي شرايك تشتركين معي


دانه: أوكي ماعندي مانع


الريم: خلاص بكره بنروح نسجل





سافر نايف بدون حتى مايكلمها


الساعه 3الفجر


رن جوال الريم


الريم: أف من اللي متصل هالوقت


ردت بدون ماتشوف الرقم وصوتها نعسان:


ألو




؟؟؟؟:


حبيبي أسف أزعجتك


حلو صوتك قبل لاتنام


سمعته وأنشرح صدري


وكني شفتك بعيني




الريم عرفته مافي غيره:نايف


نايف: قلبه




الريم:أخبارك وينك من رحت ماأتصلت


نايف: كنت مشغول شوي ليه أشتقتي لي


الريم كانت تخجل من أنها تبين مشاعرها: لا




نايف: أكيد


الريم: أي


نايف: أوكي بنشوف الأيام جايه


أوكي كنت متصل أطمن عليك يالله مع السلامه




الريم: توك متصل


نايف: لازم أسكر بتصل مره ثانيه


الريم: الله يحفظك




سكرت الخط بس النوم طار من عينها


الريم: ياربي ليه كلمت بهالطريقه الجافه أكيد زعل مني


صدق أني غبيه




مر الأسبوع والريم ودانه أشتركوا بالنادي


في النادي


دانه: أف تعبتنا هالمدربه اليوم


الريم: بس بتشوفين كيف راح تضعفين بس لازم تتبعين النظام الغذائي لأنه
بيساعدك




دانه: تعرفين أول مادخلت النادي كنت أبغي أتسله بس الحين أبغي أضعف وأكون
رشيقه


الريم: دام أنك متحمسه للموضوع أن شاء الله بتضعفين




ندى: السلام عليكم


دانه والريم: عليكم السلام




ندى: أنا ندى معاكم في الclass


الريم: أهلين أي أشوفك معنا تفضلي


ندى: لا بس أظن أن هالأسواره لك




التفت الريم وشافت الأسواره: أوه نسيتها مشكوره


ندى: أنا عرفت أنها لك من أسمك المكتوب عليها


الريم: مشكوره حبيبتي هذي أختي دانه




ندى: أهلين


الريم:تفضلي أجلسي معنا


ندى: شكرا




دانه: من متى وانتي مشتركه بالنادي


ندى: صاري 4أسابيع بس أحتاج لوقت علشان أنزل بطني لأنه كبر بعد الولاده


الريم: أنتي متزوجه


ندى:صار لي سنه والله رزقني ببنوته




دانه: بس شكلك مره صغيره


ندى: تسلمين حبيبتي وأنتي متزوجه أو


دانه: أو بس الريم عرسها قريب




ندى: ألف مبروك


الريم: الله يبارك فيك وأن شاء الله أنتي بتكونين أول الحاضرين


ندى: أتشرف


رن جوالها في هاللحظه


ندى: أوكي أشوفكم بكره لأزم أروح


الريم ودانه: مع السلامه


الريم: شكلها حبوبه


دانه: شوفي أحمد وينه تعبت وأنا أنتظر




في غرفة نوف




رن جوالها شافت الرقم غريب وماردت لكن المتصل الح في اتصاله تنرفزت وردت
بصوت عالي


نوف: نعم




نواف:نعم الله عليك


نوف:عفوا اخوي من تبغي


نواف: ابغيك


نوف:ايش قلت


نواف: مثل ماسمعتي


نوف: شكلك فاضي


نواف:لا والله مليان




نوف:ههه بايخه يالله ماني بفاضيه للعب البزران


نواف: ولا انا


نوف سكرت الخط بوجهه




نواف كان ميت من الضحك عليها


رجع يدق لها مره ثانيه


نوف:لا هذا شكله فاضي بجد


الو




نواف يعرف انها تموت على شي اسمه طق طبول جاها صوت اغنية




اشب جمري على جمره


وانا كلي على كلي


الحب ماصار من نظره


صار من لمحه مع خلي


يالي عشقتك ابي العشره


والله ابي عشرتك ياللي


الحب لك شارح صدره


عن هوى غيرك ولي




نوف:شبوا في ضلوعك قول امين


نواف:ههههههههههههههه يهون عليك نواف




نوف طلعت عيونها نواف لا ياربي


نواف:الو وين رحتي


نوف: هلا نواف انا اسفه


نواف: وربي انك تجننين وانتي معصبه لا ولسانك ينقط عسل


نوف خلاص بتموت من الاحراج


نوف:من وين جبت الرقم


نواف:البتول


نوف هين انا اوريك


نواف:اوكي بس حبيت اسمع صوتك تامرين على شي


نوف: سلامتك


نواف: مع السلامه




نوف اتصلت للبتول




البتول: هلا بمرت اخوي


نوف: بتولوه وجع ليه سويتي فيني كذا


البتول:ايش


نوف: تعطين نواف رقمي بدون ماتقولين


البتول: وربي ماعطيته يمكن هو اللي خذاه من جوالي


قولي لي شصار




وقالت لها نوف السالفه


البتول:ههههههههههه وربي نواف انجن ماكان كذا هذا قبل لايتزوجك تعادى منك
اجل بكره شراح يسوي فينه


نوف:لا احلفي عاد يالله باي





سكرت البتول الخط وهي تضحك على نوف


تذكرت وضعها هي مملك عليها بس بندر ماكلف نفسه حتى انه يتصل فيها كل بنت
تحلم بايام الخطبه والمواقف اللي تجمعها مع اللي بتتزوجه لكن انا


آه ياربي ماادري الي اسويه صح ولا غلط


التفتت لصورة ابوها وحملتها بين ايدها


بس اكيد ابوي راضي علي الحين وهذا اهم شي




مرت الأيام على البتول وهي مشغوله او تحاول تشغل نفسها بتجهيزات العرس ونوف
ونجد معها

الجزء العاشر

قبل عرس البتول بأسبوعين

البتول: نوف بمر عليك بعد صلاة العصر لأن عندي كم شغله أبغي أخلصها
نوف: أوكي راح انتظرك
البتول: اجل يالله فمان الله
نوف: مع السلامه
سكرت البتول الخط
بعد الصلاه راحت البتول لبيت خالتها أم خالد


وصلت للبيت واتصلت في نوف ظل الجوال يرن لمده طويله بعدها ردت نوف وصوتها
مبين فيه النوم
البتول: نوفوه وجع للحين نايمه
نوف: هلا البتول سوري بس نسيت اقول للشغاله تصحييني

البتول: وأنا وين أصرفها سوري يله قومي تأخرنا
نوف: عطيني ربع ساعه بس
البتول: وتبغيني أحتريك طول هالمده بالسياره


نوف: لا أنزلي أجلسي بالصاله وترى البيت فاضي مافيه أحد
البتول: أوكي بس استعجلي
نوف: اوكي

نزلت البتول وجلست بالصاله تحتري نوف
البتول: أوف هذي وش تسوي كل هذا تبدل ملابسها
طلعت البتول لغرفة نوف ودقت الباب

البتول: نوفوه شتسوين السوق سكر وأنتي للحين ماطلعتي
نوف: يالله هذا أنا نازله بس قولي للشغاله تعطيك عباتي

البتول بدت تعصب: ليه حد قالك أني أشتغل عندك بس الشرهه علي اللي قلت لك
تجين معي يالله بس أطلعي أنا بنتظرك بالسياره

نزلت البتول للصاله وفي وقتها كان خالد داخل للبيت وأول ماشافها جمد في
مكانه البتول تغطت بسرعه وتقدمت تبغي تطلع حست بان الحزن اللي هي فيه بسببه
وبسبب تجاهله لها يبين لها بروده بس كل ماتلتقي به تشوف في عيونه حب لها
معقوله كل هذا وهم


خالد: السلام لوجه الله
البتول: وعليكم السلام
خالد: أخبارك يالبتول
البتول: تمام

خالد: واخبار خالتي
البتول: الحمدلله
كانت ردود البتول جافه

خالد: طب ليه تكلميني بهالطريقه
البتول: وشلون تبغيني أكلمك
خالد: مثل ماكنتي تكلميني قبل
البتول : قبل كان الوضع غير
خالد: وليه

البتول: لأني الحين أنا ملك لغيري انا أنسانه متزوجه وعرسي بعد أسبوعين
ولازم أحترم الأنسان اللي أرتبط فيه
خالد طول المده اللي طافت كان يتهرب من واقع أنها صارت لغيره
خالد: بس يالبتول

البتول قاطعته: ماأبغي أسمع أي شي كافي اللي شفته
إذا كنت تعزني أبيك تتركني بحالي ياخالد كل شي أنتهى أنتهى
طلعت وتركته
(( ماتعرف ليه قالت هالكلام بس غصب عنها ))

معنى كلامك يالبتول انك تحبيني مثل مااحبك آه يالبتول أنتهى وشلون تطلبين
مني أني أنهي روحي ليه يالبتول تقسين علي وربي أني ماتخليت عنك بس بيجي
اليوم اللي تعرفين فيه هالشي

طلع من البيت وركب سيارته
البتول كانت جالسه بالسياره وتشوفه وهو يطلع

انا ايش قلت وش اللي سويته ياربي بس قلبي هو اللي نطق قبل عقلي ماني بقادره
افهم وش اللي يصير من حولي

طلعت نوف من البيت وركبت السياره
نوف: سلام ياقمر
البتول تكلم السايق: روح للمملكه
نوف: شفيه القمر معصب خلاص قلنا آسفين
البتول : ماردت وظلت ساكته

وصلوا للمملكه واشترت أغراضها
بعدها تعشوا في المطعم ورجعوا البيت
دخلت البتول البيت وهي مزاجها للحين متعكنن من اللي صار
دخلت غرفتها ورمت بأغراضها على الأرض
بدلت ملابسها وتمددت على السرير

المساء في بيت أبو خالد

دخل خالد البيت وشاف نوف جالسه في الصاله ومعاها أكياس
خالد: وين كنتي يانوف
نوف: كنت طالعه مع البتول للسوق
رن جوال نوف
نوف: هلا البتول


البتول: نوف شوفي كيس العطور معك
نوف: لحظه
وبدت تدور في الأكياس بعدها ردت
نوف: أي يالبتول لقيته موجود في أغراضي
البتول: أوكي بس حبيت اتأكد خفت أني نسيته في السوق يالله مع السلامه


نوف: مع السلامه
وحطت الجوال على الطاوله
خالد: نوف قومي جيبي لي ماي

نوف: ياربي بدت الطلبات
وراحت نوف للمطبخ وهي تنافخ
أخذ خالد جوال نوف وأخذ منه رقم البتول ورجع الجوال مكانه
وطلع لغرفته


دخلت نوف الصاله ومالقت خالد
نوف: أف يطلب الماي ويروح
في غرفة خالد

مايعرف الشي اللي قاعد يسويه صح ولا غلط
أرسل لها رساله

لحظه....... لحظه
من عطاك الحق تنساني وتروح
لحظه........ لحظه
من عطاك الحق تنساني وتروح
وتنهي أحلامي معاك
وكل وعمري واللي عشته من سنين
وحده وحده
حتى أستوعب كلامك والجروح
أنت فاهم شنهو يعني انتهينا
شنهو يعني انتهينا
بكلمتين
بكل سهوله انتهينا كلمه قالتها وراحت
وأنا ماني قادر أفهم شنهو يعني أنتهينا
يعني ماعدنا حبايب وأنهدم كل شي فينا
المحبه والأماني والسنين اللي قضينا
شنهو يعني أنتهينا؟
ليش ماقلتي من أول ترى هالرحله قصيره
ومهما طال الحب فينا أعتبرنا مابتدينا
آه لو قلتي من أول قبل لا تفرق تعلم
المحبه بحر لكن بحرها من غير مينا
شنهو يعني أنتهينا؟
شلون مامرت في بالك لحظة الفرقا حبيبي
وأنك أنت مثل غيرك والقدر ماهو بيدينا
ليش ياأجمل وأغلى من عرفته في حياتي
ماعرفنا هالمحبه ولا أصلا مالتقينا

((خالد))

البتول: آه ياخالد ليه تبغي تعذبني الحين تذكر أني حبيبتك وين كنت قبل ليه
توك تبين لي مشاعرك ليه بس خلاص الوقت فات لهالكلام
رجع جوالها يرن بصوت مسج:

آه لو باكر لأمسي يلتجي .. يترك الليلة ليالي وما يجي
آه أنا من غدر باكر كم أخاف .. ياخذك مني وأنا لقلبي شغاف
حزنها في غيبتك مر و شجي
آه أنا من غيرك أنتي وش وجودي .. آه أنا كم أبغى باكر لو تعودي
آه من ذكرى بتشعل بي سهادي
ياملاذي ومنتهاي و أولي .. ايه أحبك فوق ما تتخيلي
ليت أنا يا بعد قلبي لي قلوب .. لأجل ما في كل لحظة بك أذوب
كل إجاباتك أنا لا تسألي
ما أبي شمسك يواريها مغيب .. لو جروحي منك ما ودي تطيب
ياللي سعدك منتهى غاية مرادي
آه كم أشتاقلك .. آه كم أحتاجلك
آه كم أشتاقلك وأحتاجلك .. في القرب وأكثر في بعادي
أنتي أحساسي الاكيد
وأنتي دمي اللي بيجري في الوريد
أنتي يا عمري بلادي

البتول:تاخرت ياخالد تاخرت



خالد كان ينتظر منها أي رد بس خاب ظنه


في القاعة

كانت لمسات البتول واضحه في القاعة وتعبر عن روحها الحلوة كانت القاعة
مزينه بالورود الوردية والفراشات

جا وقت الزفه طفت الأنوار وطلت عليهم البتول بفستانها الأبيض فتحت الظهر
كبيره تزينها فراشه مطرزه بطريقه روعه وطرحتها تتكون من قسمين ينزلون على
أكتافها بحيث أنها ماتغطي الظهر

كان هالليلة بهاكي ماهو عادي
كنتي أنتي وانتي لما تكوني أنتي ماهو عادي
كنتي اعجاز وسحر .. كنتي دنيا من طهر
كان نورك في جبين الكون بادي
كان في صمتك طرب .. وكان في عيونك شغب
كان حسنك للحسن يرسي مبادي
كنتي في أجمل حضورك .. وكنتي في أعدل غرورك


بعدها بدوا البنات يسلمون على البتول وبدا الرقص لحد ماجاء الوقت لزفة
المعرس في هاللحظه دخل عمها مع بندر ونواف حست بالألم وهي تشوف عمها تذكرت
أبوها كانت تتمنى انه يشاركها فرحتها وقفت احترام لعمها

تقدم لها وباسها على راسها:مبروك بابنتي الله يوفقك ان شاء الله
البتول:الله يبارك فيك عمي
تقدم بندر :ألف مبروك يالبتول

نزلت راسها وما ردت
نواف: الف مبروك يالغاليه
البتول: الله يبارك فيك

جلس دقايق وبعدها طلعوا من القاعة وتوجهوا للفندق
عند بوابة القاعه كان خالد واقف يشوف حلمه وعشقه يروح لغيره

ركبت البتول السياره وتحركت السياره بعيد عن القاعه
رجع خالد لسيارته وضيق الكون يملى صدره
خلاص يالبتول خلاص صرتي لغيري شلون ضعتي مني بهالسهوله
ركب سيارته وتحرك بعيد عن القاعه


وين رايح ياخالد
تبغي تهرب من الواقع
شغل الراديو على قناة الfm

قالوا ترى مالك أمل في قربها لويوم
أبعد وجنب دربها وهذا هو المقسوم
قلت أتركوني وأسكتوا خلوا العتب واللوم
قدني غرقت في بحرها ولا عاد يفيد العوم
قالوا ترى في حبها ويل وأسى وهموم
قلت أن قتلني حبها حسبي تقل مرحوم
قالوا لي أنسى ذكرها منت بها ملزوم
قلت أبشروا ياعاذلين بنسى لذيذ النوم
قالوا بتلقى غيرها وأترك هواها اليوم
قلت العفو ياحاسدين ماأبدل قمر بالنجوم
قالوا لغيرك حبها قلت الجواب مفهوم
دام أنها متهنيا وشلون أصير محروم
بقضي الليالي أنتظر صابر على المقسوم
متعلق بطرف الأمل يمكن يجيني نوم
قالوا ترى مالك أمل في حبها لويوم
أبعد وجنب دربها وهذا هو المقسوم

نجد كانت تتصل في اخوها بس مايرد خافت عليه
اتصلت لفهد
فهد:هلا نجد
نجد:خالد معك
فهد:لا ليه شصاير
نجد:لا بس اتصل له ومايرد
فهد:خلاص انا بتصل به وبرد عليك


اتصل فهد لخالد
خالد: نعم
فهد:الله ينعم عليك وينك
خالد: موجود وش بغيت
فهد: انت قولي وينك وانا اجيك
خالد:فهد تكفى ودي اجلس لحالي
فهد: على راحتك بس بتصل اتطمن عليك مره ثانيه
خالد:ليه شايفني بزر
فهد: لا خايف عليك لا تضيع
خالد: ومن قال لك اني ماضعت
فهد:ماادري وش اقول لك
خالد:لاتقول شي يالله مع السلامه


سكر الخط واتصل فهد لنجد يطمنها على خالد

خالد ركب سيارته وماكان عارف وين وجهته بدى يبعد عن الرياض ماحس بنفسه غير
وهو بالمزرعه
ليه جيت هنا يمكن لانه اكثر مكان لي فيه ذكريات معها

نزل المزرعه وبدى يتمشى فيها
ويتذكرها
تذكر اخر موقف جمعه بها شلون كانت قريبه منه بس اليوم صارت بعيده

تذكر ايام طفولتهم ولعبهم
اه ياليت ماكبرنا وظلينه صغار بس تكونين قريبه مني

ايام حلوه كانت ايام حبك
كنت في روحي تسري
كنت بجنون احبك
وين موعد جمعنا
وين ذاك المكان
وضحكنا اللي ضحكنا
والوله والحنان
تقلب الكون كله
لو تاخرت خطوه
ضعت مني في ثواني
والله دنيا ماتسوى



بعد أسبوع

دخل بندر ومعاه البتول لبيتهم بعد ماقضوا لهم أسبوع في الفندق لان طلال رفض
فكرة السفر بعذر انه مشغول


نزلت البتول الغطا عن وجها كان يميز البيت ألوانه الدافيه كانت الصاله
عبارة ثلاث جلسات كل جلسه تمتاز بلون وستايل خاص ودرج من الرخام جاي بشكل
دائري وشد انتباها جلسه في زاوية البيت تميزها شبابيكها الكبيرة الي تطل
على الحديقة
بندر: شرايك نشوف باقي البيت

طلعوا للدور الثاني توجد فيه3غرف وصالة لها بلكونه كبيره وفيها مطبخ تحضيري
صغير
توجهوا للغرف بندر: هذي بتكون غرفتك


استغربت البتول والتفتت له بس رجع يتكلم وغرفتي مقابل غرفتك زادت صدمة
البتول
انا بطلع وأخليك تأخذين راحتك وترتبين أغراضك
طلع وتركها محتارة لهم أسبوع وهي تحس أن تصرفاته غريبه معاها ظلت فترة تفكر
بهالوضع


البتول:خلني أروح اكلم أمي
الو هلا يالغاليه شاخبارك
سعاد:هلا والله بنور عيني انا الحمد لله بخير دامك بخير أنتي شاخبارك
وشاخبار بندر
البتول:الحمد لله بخير أخبار نواف
سعاد:الحمد لله والله مشغول يأثث جناحه
البتول:حددتوا موعد العرس
سعاد: أن شاء الله بيكون بعد شهر

البتول: مره قريب ماعاد فيه وقت
سعاد: وش اسوي نواف مستعجل جنني معه والبنت جاهزه
البتول:الله يوفقه يالله يمه أنا بروح أرتب أغراضي تأمرين بشي
سعاد: لا تسلمين وسلمي لي على بندر
البتول: الله يسلمك

وطلعت لغرفتها بعد ماطلبت من الخادمه تساعدها في ترتيب أغراضها



في جناح فهد

دخل فهد البيت وكان هادي راح لجناحه وشاف نجد وهي مندمجه تغني مع الأغنيه
وماأنتبهت له
دخل بشويش علشان ماتحس فيه
قرب منها
فهد:بوووه

نجد ارتاعت ونقزت من مكانها
حرام عليك طلال ماتخلي حركاتك
فهد سكت وهو يطالعها
نجد عضت على شفتها ونزلت راسها

فهد حاول يضيع الموضوع:هههههههههههه
ماتوقعت انك خوافه لهدرجه
نجد ماردت

فهد: انا جيت اقول لك تنزلين عند امي لاني بطلع اوصل تركي للمطار وامي
قالبتها عزى تحت

نجد: ان شاء الله
وقبل لا يطلع
نجد: انا اسفه على..........
فهد : مافي داعي للاسف الواحد منه مايقدر يمنع اللي في قلبه ويكبت مشاعره
وطلع حاول يبين لها انه ماهو متضايق من اللي صار

نجد كانت طول المده تحاول قد ماتقدر تمنع نفسها من انها تذكر اسمه



ثاني يوم العصر


في بيت ابوخالد

نوف كانت جالسه في الصاله وتحس بالملل

دخل خالد البيت وهو على حاله من بعد زواج البتول من شغله للبيت ومن البيت
للنادي واغلب وقته ساكت
نوف:خالد
خالد:هلا
نوف: شرايك نطلع احس بملل

خالد:امي وين هي فيه
نوف:عند الجيران
خالد:وين تبغين تروحين

نوف:ماادري بس تمللت ابغي اطلع من البيت
خالد: ماني بفاضي لك
نوف:وانت من متى تفضى
خالد طلع لغرفته بدون مايرد عليها

نوف:اف الكل سافهني بهالبيت
رن جوالها وكانت نجد

نوف:نعم
نجد: ليه عروستنا زعلانه
نوف:ملل جالسه لحالي ومحد معي
نجد:انا متصله اقول لك ان فهد بيروح مع ربعه لجده يومين وراح اجي انام
عندكم
نوف: قولي والله اجل خليني اكلم البنات ونجتمع والله لسوي لكم حفلة دي جي
لا صارت ولا استوت

نجد:هههه سوي اللي تبغيه وطلعي جنانك قبل العرس
نوف:يالله باي ماعندي وقت لهالكلام

سكرت الخط واتصلت على البنات تقول لهم


بعد المغرب

كانوا البنات مجتمعين
الريم: ها نوف خلصتي من تجهيزات العرس
نوف:أي والله تعرفين انا كنت اجهز مع البتول
دانه: على طاري البتول وينهي فيه
نجد: ان شاء الله بتجي
العنود كانت تهمس للريم:اف ثقيلة الدم راح تجي
الريم ضربته بخفه

نوف:طيب وانتي يالريم خلصتي
الريم:والله انا اجهز على راحتي مثل ماانتي عارفه باقي على العرس وقت طويل

البتول وصلت للبيت

البتول: نواف لا تاخر علي
نواف:ان شاء الله عمتي
البتول:ههه زين خلك كذا تسمع الكلام

نواف:طيب سوي لي خدمه وحده
البتول: وش تبغي
نواف: كلمي نوف خليها تطلع ابغي اشوفها

البتول: وليه ماتدق عليها
نواف: ليه انتي ماتدرين انها قررت اني مااشوفها ولا اسمع صوتها لحد يوم
العرس

البتول:هههههههههه وليه
نواف: انا ادري انتوا البنات عندكم سوالف وحركات
البتول: طيب شوف شراح اسوي لك بس تضمن لي انها ماتسوي لي شي
نواف: على ضمانتي وربي ماانسى لك هالخدمه

اتصلت لها
نوف: وينك ترى الحفله بتبدي
البتول: اسمعيني لا تتكلمين قدام احد
نوف: ليه
البتول: انا بالحديقه ودي اقول لك شي قبل لا ادخل

نوف وهي تتكلم بهمس: شصاير
البتول: انتي تعالي وانا اقول لك
نوف: يالله انا جايه

العنود: على وين
نوف: اروح اجيب باقي السي ديات

طلعت للحديقه وما شافت البتول
نوف: وين راحت
نواف: حرام عليك اشتقت لك

نوف التفتت له: نواف
نواف: كل هذا تغلي لا تتصلين ولا تخليني اشوفك

البتول: دخلت للبيت وسلمت على البنات
وطبعا العنود لحد الحين وهي ماتحبها
نجد: اهلين بعروستنا
البتول: هلا فيك
دانه: يالله الشله اكملت وين راحت نوف
البتول: لا نوف خلوها
نجد: ليه

البتول قالت لهم بالي سوته والبنات اضحكوا عليها
نجد: الله يعينك عليها وربي ماتخلصين من لسانها
البتول: لا حبيبتي انا عندي واسطه
نجد:نواف
البتول:أي

نوف:نواف البنات ينتظروني لازم اروح
نواف:لا ماراح اخليك
نوف: نواف
نواف: طيب روحي كلها اسابيع وتكونين عندي ووقتها ماراح اخليك
نوف انحرجت منه ورجعت للبيت ركض

اول مادخلت الصاله
البنات كانوا يصفرون لها وهالشي خلاه تنحرج اكثر
نوف: البتول وربي لاوريك

البتول: شوفي انا اخت زوجك ولازم تحترميني والا راح اتصل الحين في نواف
واقوله
نوف سكتت وماقدرت تقول لها شي
وبدوا حفلتهم

بعد مانتهت الحفله والبنات راحوا
دخل خالد البيت
شم ريحة عطرها
معقوله البتول هنا
شاف نجد تنزل من الدرج
خالد:نجد
نجد:هلا خالد
خالد: البتول كانت هنا
نجد: وانت كيف عرفت
خالد: ريحة عطرها تملى المكان
نجد: خالد خلاص انسى البنت متزوجه
خالد: ماهو بكيفي يانجد اذا قلبي يعصيني وماهو راضي انه ينساها قولي لي وش
اسوي
نجد ماكانت تقدر تقول له شي لانه تعرف الحب والواحد اذا حب صعب انه ينسى
بسهوله
طلع لغرفته وهو يتمنى لو انه قدر يرجع بدري ويشوفها

في بيت بندر

دخل بندر للبيت وكان الجو بره ممطر ونسمات الهوا باردة لاحظ انه البيت هادي
وكان محد فيه وين راحت البتول اتجه للدرج وقبل مايصعد لاحظ باب المطل
للحديقه مفتوح راح بيسكر الباب بس لاحظ انه في حد واقف برى تحت المطر انتبه
لها

بندر: البتول شسوين
كانت البتول واقفه تحت المطر وفاتحه ذراعها ورأسها مرفوع لفوق وتبتسم, ظل
يناظرها شكلها كان مره حلو شعرها متطاير على وجهها
البتول:سلامتك بس أنا لازم أمارس هالطقوس في هالجو

بندر ضحك على كلامها:طيب الجو بارد راح تمرضين ادخلي
بدا المطر ينزل بكثره رجعت البتول للباب تركض وكانت البسمه مرسومه على
وجهها
بعدك طفلة يالبتول وماكبرتي


وصلت للباب وكانت واقفه قدام بندر رفعت راسها وكان بندر يناظرها ويتأمل
ملامح وجهها,أول مره ينتبه لملامحه عيونها ساحره وتميزها رموشها الغليظه
تقاسيم وجهها الطفولي طالت النظرات بينهم هاللحظه دوى صوت الرعد بقوة ومع
صوته انقطعت الكهرباء عن البيت ارتاعت البتول من صوت الرعد ولاشعوريا منها
ارتمت في حضن بندر(البتول كانت دايما ترتاع من صوت الرعد ودايم كانت ترتمي
في حضن أبوها من تسمعه بس الحين)

جمد بندر في مكانه راسها على صدره ويحس بأنفاسها المتسارعه يحس بان قلبه
بيطلع من صدره رفع يده وبدا يمسح على راسها,بعد لحظات
بندر:البتول
البتول حست بدفا وأمان فقدته بعد وفات أبوها
انتبهت البتول على نفسها وابتعدت بسرعه عن حضنه

البتول بارتباك بان على صوتها: انا أسفه
بندر:تعالي نروح نجيب لنا شمعه تنور المكان اتجهوا للمطبخ فتح بندر الدرج
واخذ الشمعه ولعها والتفت للبتول كانت ترتعش انتبه بندر لحالها
بندر:أقول البتول خذي الشمعه وطلعي غيري ملابس ولاتراك بتمرضين
البتول:لا لا أخاف من الظلمه بجلس معك لحد مايرجع النور


بندر ابتسم :بطلع معك لحد غرفتك وبظل واقف عند باب غرفتك لحد ماتخلصين
البتول:لا مافي داعي
بندر:يله بلادلع امشي قدامي
مشت البتول وطلعت لغرفتها وبندر ظل ينتظرها عند باب الغرفه


غيرت البتول لبسها ولبست لها بجامه ورديه وكان مرسوم عليها دبدوب ماسك قلب
مكتوب فيه ilove u خذت معها شال كبير لأنها كانت تحس بالبرد
طلعت ولقت بندر واقف عند الباب ينتظرها, نزلوا للصالة تحت كانت الستائر
مفتوحه جلست البتول تناظر الجو كان الصمت يعم المكان


قطع صمتهم صوت الرعد مرة ثانية حطت البتول يدها على أذنها ماتبغي تسمع
صوته, انتبه بندر لها
بندر: البتول شفيك
البتول كانت تتمنى لوانه يقدر يحضنها تبغي تحس بالأمان
البتول: لا بس أخاف من صوت الرعد


بندر:لا تخافين انا معك
معي بجسمك يابندر بس غايب عني بروحك عجزت أفهمك
حس بندر أن البتول ترتعش
بندر:ليه ترتعشين كذا
ماله داعي يالبتول كله صوت رعد
البتول:لا بس أحس بالبرد

بندر تقدم لها وحط يده على جبينها ولقاها بارده
بندر:شكلك أخذتي برد تمددي على الكرسي وارتاحي
تمددت البتول على الكرسي وغطاها بندر بشالها استسلمت البتول للنوم لأنها
كانت تحس بالتعب
ظل بندر يناظر في البتول وكأنها ملاك نايم جمالها إلي شده لأول مره يلاحظ
ملامحها

الساعه 5الصبح

كانت نجد تتقلب على السرير ماهي بقادره تنام قامت وطلعت للبلكونه هذي اول
مره من تزوجت تنام بعيد عن فهد

تعودت على وجوده معها بالرغم من انها ماعرفت مشاعرها اتجاهه

في جده عروس البحر الاحمر

فهد حالته ماتقل عن نجد لا ويمكن اكثر وجودها غير اشياء في حياته

رجعت له بسمته
روحه المرحه

ماينكر انه مال لها بشكل كبير
والاهم بدا يحبها هالشعور اللي صار يخاف منه
شاف ساعته
معقول تكون جالسه
اتصل لها

نجد سمعت صوت الجوال وراحت تشوف من
كان فهد
ابتسمت وهي تشوف اسمه

نجد:الو
فهد:ازعجتك
نجد:لا كنت جالسه
فهد:وش اللي مسهرك
نجد:ابد ماجاني نوم

ظلوا ساكتين للحظات مايعرفون شيقولون
فهد: وين رحتي
نجد: موجوده


فهد: اخليك تنامين بس بغيت اسمع صوتك
نجد كانت تبغي تقوله انها هي بعد كانت تنتظر اتصاله بس ماقدرت


فهد: ماتبغين تقولين شي قبل لا اسكر
نجد:الله يحفظك
فهد:مع السلامه
ارتاحت بعد ماسمعت صوته وقدرت تنام






فتحت عينها كانت تحس بثقل في راسها التفتت حواليها شافت بندر نايم على
الكرسي

تذكرت اللي صار أمس،انتبهت بان النور رجع للبيت قامت من مكانها وتقدمت
لبندر وغطته ,
طلعت لغرفتها تتوضأ وتصلي الفجر بعدها نزلت للصاله
طلت من الشباك شافت بأن المطر وقف عن الهطول وبدا الصبح يطلع

البتول:آه مااحلى ريحة الأرض من بعد المطر
حست بان حد واقف وراها التفتت شافته بندر
بندر: من متى وأنتي صاحيه
البتول: ماصارلي نص ساعه


بندر: شاخبارك الحين
البتول: تمام
بندر: انا بطلع غرفتي أصلي الفجر
وقبل مايطلع الدرج التفت لها

بندر: أقول البتول ياليت تجهزين لي الفطور لأنك أمس نومتينا من غير عشا
ابتسمت البتول: إنشاء الله
طلعت لغرفتها تغير ملابسها لبست بنطلون جينز غامق وبلوزه بيضا شتويه مطبوع
فيها كلمات باللون الأحمر ورفعت شعرها على شكل ذيل حصان كانت طالعه مره
كيوت بهاللبس

راحت للمطبخ تجهز الفطور أخذت الصينيه وقبل ماتطلع من المطبخ دخل بندر
البتول: شرايك نفطر بالحديقه
بندر: بس أخاف يكون الجو بارد عليك
البتول: لا الجو بره مره حلو وانا مدفيه نفسي
بندر: على راحتك


طلعوا للحديقه وكان الصبح بأوله والعصافير تتطاير وتغرد وكأنها فرحانه
بالمطر
كانوا يفطرون بصمت
بندر كان حاب يكسر هالصمت:أقول البتول
البتول:سم
بندر: ماكنت أظن انك تخافين من الرعد والظلام قال لها وهو يبتسم على جنب
البتول تغير لون وجهها كان متعمد انه يحرجها

أسمعت صوت بندر وهو يضحك وزاد إحراجها
البتول:ومن قالك أني أخاف
بندر: ابد مايحتاج انه أحد يقول لي انا شفت بعيني كنتي ترتجفين وكأنك عجوز
بردانه


البتول عصبت من تعليقاته عليها وقفت بتدخل
بندر: على وين كنت امزح معك
البتول: أحد قالك ان مزحك ثقيل
ودخلت للبيت

ابتسم بندر على تصرفاتها الطفوليه: هذا أنتي يالبتول مثل ماكنتي الطفله
المدللة
دخل للبيت وسمع صوت التلفزيون جاي من الصالة كانت البتول واقفه قدام الشباك

وتسمع أغنية فيروز

اديش كان في ناس
ع المفرق تنطرناس
وتشتي الدنيه
ويحملوا شمسيه
وانا بأيام الصحو محدا نطرني


طلع بندر لغرفته وبدل ملابسه ونزل مر على الصالة والبتول مازالت على وضعها
بندر: البتول انا طالع بروح للشركة
مالتفتت له ولاردت عليه ظن أنها للحين زعلانه طلع وركب سيارته

لحظتها البتول كانت تبكي الجو يذكرها بابوها كان يحب برد الشتاء وجلست
الصبح وصوت فيروز
آه يايبه فقدت الحب والأمان من بعدك أحس أني وحيده بهالزمن من رحت وأنا
فاقده السعاده


ماحست بنفسها الاوهي نايمه على الكرسي
بعد صلاة الظهر اتصل بندر على البتول يخبرها ان الغدا بيكون في بيت أبوه
طلعت البتول لغرفتها تجهز قبل مايجي بندر
رن جوالها


بندر: هلا البتول يله انا تحت نزلي
لبست البتول عباتها وركبت السياره
البتول: السلام عليكم
بندر: وعليكم السلام

تحرك متجهه لبيت أبوه اللي يبعد عن بيتهم10دقايق
وصلوا ونزلوا للبيت نزلت البتول غطا وجها
عمها ابومحمد:
هلا والله وغلا بريحة الغالي


ابتسمة البتول لعمها وقربت منه وباسته على رأسه
البتول: هلا فيك عمي
ابومحمد: شاخبارك يابنيتي
البتول: بخير ياعمي
في هاللحظه دخلت أم محمد: هلا والله ببنيتي
تقدمت البتول لخالتها وباستها على راسها :هلا فيك ياخاله
أم محمد: شاخبارك يالبتول وأخبار أمك

البتول: الحمد لله ياخاله طيبين
أم محمد: وينها لنا زمان ماشفناها عسى ماشر
البتول: ماشر بس الوالده من بعد وفاة أبوي وهي صايره ماتحب تطلع كثير
أم محمد: الله يصبر قلبها
البتول: أمين
ام محمد: الا نواف متى عرسه
البتول: بعد10 ايام
ام محمد:الله يوفقهم ان شاء الله


ابومحمد: الغدا جاهز ياام محمد
أم محمد: أي جاهز بروح أحطه على الطاولة
البتول: خلك مرتاحه انا بجهز الغدا
أم محمد: تسلمين يابنيتي


راحت البتول للمطبخ تجهز الغدا
أم محمد: الله حرمني من البنات بس عوضني بالبتول الله يحفظها ويخليها حطها
في عيونك ياوليدي والله أنها دانه متلاقي مثلها
بندر: لاتوصين يمه البتول بعيوني


دخلت البتول الصاله لحظتها: تفضلوا الغدا جاهز
ابومحمد: يله تراني ميت من الجوع
بندر: خسى الجوع يبه



بعد الغدا طلعت البتول لجناح عبير زوجة عبدالله
عبير حالتها النفسيه للحين تعبانه بعد ماأجهضت للمره الثانيه

البتول: عبير حبيبتي أن شاء الله الله بيعوضك وبيرزقك بدال الواحد بعشر
عبير: بس هذي ثاني مره يالبتول وأنا خايفه أن كثرة الأجهاض تأثر علي
وماأقدر أحمل مره ثانيه
البتول : ليه هالتشائم ربك كريم وبعدين أحمدي ربك الله رزقك بماجد
عبير: الحمد لله على كل حال


البتول: الأ أقول عبير ليه ماتروحين أنتي وعبدالله لمكه تغيرون جو وبعدين
أكيد بترتاح نفسيتك هناك
عبير: والله عبدالله توه من يومين قال لي بس أنا ماأقدر أروح لأن أهلي
مسافرين وماعندي مكان أخلي فيه ماجد ومثل ماأنتي عارفه خالتي حرمه كبيره
وماراح تقدر على ماجد


البتول: وليه وأناوين رحت خليه عندي
عبير: بس انتي توك عروس وفي شهر العسل ومانبغى نتعبك معنا

البتول في نفسها أي عروس وشهر عسل : بلى بس وخرابيط مالها معنى أنتي تعرفين
أنا شكثر أحب الصغار
عبير: الله يرزقك ان شاءالله
البتول بان على وجها الحزن:امين



جاهم صوت ماجد:ماما ماما
عبير: هلا حبيبي
ماجد: بابا جى
تغطت البتول: يله أجل أنا بطلع ماأحب أني أكون عذول


عبير: ههههه الله يحفظك
طلعت من باب الجناح وصادفت عبدالله
عبدالله: هلا يالبتول أخبارك
البتول: الحمدلله بخير

عبدالله: بشريني عبير شلون نفسيتها اليوم
البتول: لا الحمدلله بخير وترى تقدرون تسافرون لمكه وماجد بيقعد عندي
عبدالله: مانبغي نتعبك
البتول: أفا مابها تعب ياولد عمي وماجد بيكون بعيوني بس أنتوا لازم تسافرون
علشان عبير

عبدالله: ماتقصرين يله مع السلامه
نزلت البتول للصاله تحت وظلت جالسه مع خالتها لحد ماجى بندر

في السياره

البتول:بندر ممكن توصلني بيت ابوي امي محتاجه احد يساعدها في ترتيب جناح
نواف
بندر: اوكي وخذي راحتك هناك بس يمكن مااقدر اجي اخذك
البتول: خلاص بشوف نواف يوصلني او راح ارجع مع السايق
بندر: على راحتك

وصلت لبيت ابوها

دخلت البيت وسلمت على امها
سعاد:ليه ماخليتي بندر ينزل
البتول: مستعجل يمه، وخالتي ام بندر تسلم عليك وتقول من زمان ماشافتك
سعاد: الله يسلمها ويسلمك من الشر بس وين شفتيها
البتول: اليوم عمي عازمنا على الغدا
سعاد: البتول انتي مرتاحه مع بندر

البتول:الحمد لله يمه
سعاد:اكيد يابنيتي ترى انا امك اذا في شي قولي لي
البتول: ليه هالكلام يمه
سعاد: ماادري بس مااحس انك مرتاحه
البتول: تطمني يالغاليه بس يمكن انا للحين ماخذت على بندر وعلى اني صرت
زوجه مسؤؤله عن بيت وزوج طول عمري وانا معتمده عليك انتي وابوي الله يرحمه

سعاد:وانتي قد هالمسؤؤليه
البتول: انا طالعه لجناح نواف اشوف ايش ناقصه
وطلعت للجناح

رن جوالها وكانت نجد متصله
نجد: السلام عليكم
البتول: وعليكم السلام
نجد:اخبارك
البتول:تمام شفيك كانك متضايقه
نجد: ابد جالسه لحالي قلت اتصل اسال عنك
البتول: انا بخير الا فهد رجع من جده
نجد:لا
البتول:بس انتي قلتي انه بيجلس يومين

نجد:كلمني اليوم وقال انه بيطول ومايعرف متى بيرجع
البتول:ههههههه
نجد: وليه تضحكين
البتول: عرفت الحين ليه متضايقه لان الحبيب بيتاخر
نجد ظلت ساكته
البتول: نجد تحبينه

نجد: ماادري يالبتول بس احس اني تعودت عليه
البتول:يعني بديتي تميلين له
نجد: ماادري ،الا انتي وينك فيه
البتول: في بيت ابوي ارتب جناح نواف
نجد:يالله اجل اخليك تشوفين شغلك
البتول: مع السلامه
’
,