رواية سحر عيونها كاملة

تذكير بمساهمة فاتح الموضوع :

السـلام عليكم ورحمة الله وبركاته


قصـتي الأولى أتمنى أنها تنال إعجابكم لــلأخت (سحر عيونها)
شوي في بدايتها غرابـه ، لأنها ما راح تحتوي على تعريف بالشخصيـات ، ولكـن التعريـف راح تعرفونه من خلال متابعتكم لـ مجريات القصـه


سحـر عيـونها ، من هنـا تبـدأ







[ الجزء الأول ]




سحر : قــــول والله ؟
راشد : يـه .. قلت لج والله ! ..
سحر : بعد أهلــي أنــت .. أنا من زمان أقول ماكو أحد مثل أخوي ..
راشد : أيه .. سوي نفسج طيبه وحبوبه ..
سحر بدلع : أفــا .. أنا مو طيبه ..
راشد : لا تتدلعين علي لا ..........
قطعهم صوت جوال راشد ..
راشد : حيـا الله بـو عزوز .. وينك يالقاطع
مشعل : وعليكم السلام ..
راشد : ههههه يازعم تحرج مع وجهك ؟ ..
مشعل : أنت حد يطلعك ؟ أنت لازم تقعد بالبيت تعفن وما أحد يسوي فيك عمل خير ..
راشد : أفــا .. أفــا .. أمس كنا الحبايب واليوم ابد مو قرايب ، كني قلت شعر ؟
مشعل : بلا كلام فاضي وأجهز 10 دقايق وانا عند باب بيتكم ..
راشد : وين بتاخذنا اليوم ؟
سحر تأشر له أنه ما يروح
مشعل : ما ادري باخذك وبنروح لحمود الاماراتي
راشد : خلاص .. عشر دقايق وانا جاهز
مشعل : اوكي حبيب القلب لا تبطي ..
راشد : ابشـر .. فمان الله
سكر راشد الجوال و وقفت له سحر متخصره : وين اللي بيأكلني اليوم من مطعم لا صار ولا بيصير ؟
راشد : ههه أقول سحوور
سحر بحاجب مرفوع : خير ؟
راشد : خليها يوم ثاني .. والله مشعل صار لي شهر ما أدري عنه ..
سحر : وأنا شكو بمشعل أو أمه ؟ .. لا تسوي لي فيها اذا وعد أخلف .. ترى والله ما أحللك ! ..
راشد : هــي أنتي .. لا تهدديني مع ويهج .. اليوم ما عشيتج بكره اعشيج .. والمطاعم بتطير يعني ؟ ..
سحر : أنت احد يصدقك بشي ؟ .. أقول روح لمشعل لا تجرح مشاعره
راشد : هه سخيفه
سحر : انت اسخف
دخلت أم راشد المجلس : شفيكم ؟
راشد : ما فينا شي .. أقول يمه أنا بطلع تبين شي ؟
أم راشد : لا يمه سلامتك .. حط بالك على روحك ..
سحر : والله كل يوم نروح المدرسه ونرجع لا حطي بالج على روحج ولا هم يحزنون ..
راشد طلع لسانه مثل اليهال : حررررررررره
سحر : تعال قول لي سولفي عن صديقاتج
راشد : من حلاتهم عاد ؟ .. كلهم مثلج
سحر : ارجـــوك .. ربعك اللي كل واحد توم كروز ..
راشد : ما اضيع وقتي مع الـ .........
سحر بصوت عالي تكلم أمها : شفتـــــــــــــي ؟ بعيونج شفتي .. يسبني .. وانتي ساكته ..
أم راشد : وجعتوا راسي من الصبح بصوتكم
راشد باس راس امه : مع السلامه يمه
ام راشد : في حفظ الله
طلع راشد من البيت وبقت ام راشد و سحر
ام راشد : غرفتج أبوي راح يرتبها ؟ ..
سحر واهي تقرض اظافرها : وي يا حلاته جدي بيطلع من القبر ؟
ام راشد : تستخفين بدمج ؟
سحر : بعد عمري انتي يمه .. والله هلكانه .. يكفي اليوم الغدى علي
ام راشد : لااا اللي يسمع يقول طابخه هامور .. مو كأن صحن عدس
سحر : حلفي مو حلو ؟
ام راشد : ما قلت مو حلو .. بس صحن عدس يعني ما يتعب !
سحر : لأنج ما تعرفين تسوين فـ تقولين ما يتعب
ام راشد : ما أدري منو اللي علمج تسوينه يعني ؟
سحر : خخخ .. انزين يمه بصعد داري ..
دخلت عليهم رفا بإيدها كاس الكوفي : هااي
سحر : وكل يوم ابوي يشتري كوفي على حسابج ؟
رفا : تدفعين من جيبج ؟
سحر : لا بس .. ذبحتينا بريحته ما أحبه ..
ام راشد : الا اليوم طالعه من الغرفه ؟
رفا : ما تبوني برجع ترى ما عندي مانع
سحر : لا عيوني بتقعدين هنا .. الا قولي لي اليوم ما عندج أحد بالمستشفى مات ؟
رفا : قص بلسانج .. عبالج مثلج بنت الثانويه ؟ .. أنا جامعيه عيوني
سحر : شوي شوي لا يسيح نصج .. من حلاتهم الجامعيات يعني ؟
رفا : مو أحسن من البنات اللي يلبسون مريول وكل يوم عندهم واجبات ..
سحر : طيــري زيـن
رفا : ما عندي اجنحه ..
سحر : هه بااايخه
رفا : أحترمي اللي أكبر منج
سحر : يا كــرهج لما تقولينها
رفا قعدت عند امها : طيب واقفه وين رايحه ؟
سحر : السوبر ماركت .. جايه معاي ؟
رفا : خفيفه .. وين بتروحين ؟
سحر : يعني وين .. باروح غرفتي
رفا : شو بتسوين ؟
سحر : بسج أسئله عاد .. بتكلم بالتلفون
رفا : وليش ما تتكلمين هنا ؟
سحر: لأن شوفي ( تأشر على أمها ) بدأت سهرتها مع قناة الجزيره .. الصوت لآخر الدنيا وين أتكلم
رفا : طيب خلاص بروح معاج
سحر : شكو ؟
رفا : كيفي

----------


----------

محمد : مشعل .. يا اخي شغل شي قاعدين جي
مشعل : ما عندي شي اشغله
محمد : أنا عندي شريط يديد
مشعل : ما ابي اسمع اغاني
محمد : ليش ؟
مشعل : مالي نفس ارقص زين ؟
محمد : لا صدق صدق ..
مشعل : الهدوء حلو .. وبعدين كل واحد واهو يغني تحس انه بيموت .. يبه خلنا منهم
راشد : أوقف مشعل وقف هنا .. بانزل آخذ لأختي عشا .. واعدتها اليوم اني باخذها للمطعم وما قدرت
مشعل : أووكي .. وقفنا .. أنزل
طلع راشد من السياره وبقى مشعل ومحمد يتكلمون
محمد : الا شحال حمود ؟ ..
مشعل : حمود أمس مثل حمود اليوم وبكره
محمد : خيبه .. للحين مثل قبل بس سفر ؟
مشعل : ايه
محمد : ما نشوفه يسير الامارات ؟
مشعل : والله كل يومين هو بالامارات ..
محمد : واذا هناك ليش ما يقول لي ..
مشعل : يقول انك بخيل وما تضيفه
محمد : أونه بخيل !
مشعل : ههههه اتغشمر .. بس ماله خلق
محمد : لا قول له اكرام الضيف واجب ..
مشعل : رقمه عندك كلمه ..

-------

سحر : أوكي سارة أنا اخليج الحين لأن رفا ذبحتني حاطه اذنها عند السماعه
سارة : ههههه سلمي عليها حييييل
رفا تصارخ : الله يسلمني
سارة : ههه والله خبلة اختج هاذي
سحر : خخ ما عليج منها .. يلا نتلاقى بالمدرسه ..
سارة: أوكي مع السلامه
سحر : الله يسلمج ..

سكرت التلفون ومسكت رفا من اذنها : ليش قاطه اذنج عندنا ؟
رفا : تركي اذني واحترمي اللي اكبر منج
سحر : أووف ذبحتيني أكبر منج وأكبر منج يه ؟
رفا : عيوني فرق بينا 7 سنيييين .. أحترميني
سحر : شنو هالنظريه السخيفه ؟ .. واكبر مني بـ 7 سنين .. مو يمكن انتي يالكبيره يالمتعلمه ما تفهمين اشياء وايد انا افهمها .. وبالله عليج باين ان انتي الكبيره ؟ .. العمر مو متى انولدتي وكم صار لج من انولدتي .. ولا تحسبين كل صغير سن صغير عقل وتفكير وفهم .. الانسان يعرف عمره بقدر ما شاف من الدنيا ..
تشوفين صغير عمره 10 سنين يفهم أكثر من اللي عمره 20 .. ليش ؟ .. لأن شاف من الدنيا اشياء اكبر من اللي شافها بو 20 سنه ..
رفا : خلصتي الفلسفه ؟
سحر : رجاءً لا تستخفين بكلامي .. هذا ومسويه نفسج جامعية ؟
رفا : سمعيني عيوني ماني فاضيه لكلامج السخيف
سحر : أقول برى غرفتي يلا برى ، أنا الغبيه اللي قاعده أكلم اشكالج
رفا : قطـــع ، على آخر عمرها رفــا الدكتورة تكلم هالمستوى من الناس
سحر : أقول قلب ، عرض اكتافج لو سمحتي
طلعت رفا من الغرفه وراحت سحر للتلفون تتصل على راشد

محمد : مشعلوو النقال يرن شوف منو
مشعل : لا ما أبي
محمد : قلت لك رد
مشعل : لحظة ، كاتب سحر ، الأخ ساحر ؟
أصبر أصبر

سحر : ألوو
مشعل : هلا
سحر : السلام عليكم
مشعل : وعليكم السلام
سحر : راشد؟!
مشعل : لا مو راشد
سحر : أوكي السموحه ، يلا مع السلامه
مشعل : لا لا .. لحظة ، أنا صديقه ، هو ناسي النقال بالسياره ، رايح يشتري عشا لكم ، تبين أقول له شي
سحر : والله ؟ .. رايح يشتري فديته أخوي الطيب
مشعل قعد يضحك على هبال سحر
أنحرجت : سوري ..
مشعل : لا عادي ، تبين أقول له شي
سحر : لا بس قول له إذا يبيني أسوي له عشا خله يدق علي ، وإذا ما يبي بالطقاق ، عساه ما أكل إن شاء الله أصلا راح يوفر عليـنــ .. [ وعت لنفسها ] ، أأأأ .. أقصد خله يدق وبس
مشعل : تامرين الشيخه
سحر : مشكـور ، يلا مع السلامه
مشعل : الله يحفظج
سكرت التلفون سحر و وجها يتقلب ألـوانه ، أنحـرجت حيـل

محمد يمثل : آخ قلبي ، ذبحتني ، أسرتني ، من أول ألو سكنت قلبي
مشعل : جب يلا جب
محمد : ههههههه يحليلك ، إلا شفيك تتكلم وكأنك بتموت؟
مشعل : من هذا اللي اسمه راشد ، كل هذا عشا
دخل راشد السيارة ..
راشد : تأخرت عليكم ؟
مشعل : لا ما تأخرت ، بس لو كنت نايم داخل أحسن ترى
راشد : حبيب قلبي أنت
محمد : رشود في وحده دقت عليك
مشعل : شفت أسم سحر ، قلت يمكن تتعامل مع سحره وأحنا ما ندري طلعوا البيت ، وتقول لك أختك دق عليها إذا تبي عشا
محمد : وتقول لك إذا ما تبي .....
يقطعه مشعل : ههه ما عليك منه بيقعد يألف ، أقول دق عليها ، وإذا بتسوي لك عشا أعزمنا معاك
راشد : خخخ أوكي

راشد : ألوو
سحر : هلا
راشد : ها سحوور يقولون تبين تسوين لنا عشا
سحر : أيه ما تبي ؟ .. أوكي مع السلامه
راشد : هيي أنتي هيي ، ما قلت ما أبي
سحر : خلصني شتبي ؟
راشد : أووف نفس خايسه
سحر : بعـد ؟! ، تسبني ؟ .. بشوف منو يسوي لك
راشد : أممم العشا اللي جبته آكله بروحي ؟
سحر : أففففف ، أنزين شتبي ..
راشد : أمي تعرف اللي اكله ، بس شوفي زيدي الأكل معاي اثنين
سحر : نعم ؟ نعم ؟ لا يبه ماني مسويه زياده
راشد برجا : سحــــــــــــــر
سحر : أنــزين ، متى بتوصل ؟
راشد : مدري بعد ساعتين يمكن
سحر : أوكي ، مع السلامه
راشد : الله يسلمج

مشعل : هااا لنا مكان ؟
راشد : أفــا عليك بس

سحر بتأفأف : أوووووه أنا شكو باصدقائه يعني ؟ .. والدتهم وناسيتهم ؟
رفا : هههههاي ما أحد قال لج سوي نفسج طيبه
سحر : وأنتي من وين طلعتي ، اليوم شفيج قاعده مغثه على كبدي ؟
رفا : خخخ وشسوي ؟ .. اليوم إجازه
سحر : أف إجازة وسحـر تتعذب
رفا : يحصل لج أني أقعد معاج يالخبله ؟
سحر : رفا ساعديني بالعشا بلييز
رفا : أناا شكو ، طبخي أنتي وبعدين شوفي أنتي قدمي العشا يمكن واحد منهم ما عنده نظر ويخطبج
سحر : جـــــــــــــــــــــــــــــب ، والله ما تستحين
رفا : قومي زين صرتي 17 يلا خلصينا
سحر : وأنتي 24 ، ليش مو أنتي اللي تخلصينا ؟
رفا : تبيني أنـــا آخذ أي أحد ؟
سحر : قطــع غرور مدري على شو ، من حلاتج عاد ؟
رفا : أحلى منج يا أم عيون
سحر : حلااتها عيني كبيــره تهبـل ، مو مثلج تقولين يابانيه ، أقوول ماما ، أنتي فاتحه عينج ولا مسكرتها
رفا : ثقيله ما تضحكين
سحر : أقول وخري بروح المطبخ

------------


------------

هيـام : كلمتي ثقيله الدم ؟
ساره : لا عاد ، مدري ليش ما تحبينها ، والله إنها طيبه
هيام : جد والله ؟ .. أي طيبه الله يهديج بس أهي لاعبه بعقلج ، أقول سكريها سيرتها مالي نفس أرجع ، قومي بنغير جو
ساره : وين نغير ؟
هيام : يعني وين ، نبي نطلع
سارة : الله ، الحيــــن !
هيام : ايه الحين شفيها ؟
ساره : لا بس الوقت متأخر
هيام : أووه لا تسوين فيها متأخر ، يلا ترى حدي متضايقه
سارة : أوكي بس أخبـر أمي
هيام : يا الله على دجاجه أمها

--------------

لولوة : ماااي ماذر ، مااي ماذر
أم فيصل : تكلمي عدل أنتي
لولوة : واي يمه ؟
أم فيصل : أقول مستانسه على عمرج بكلمتين الأنجليزي اللي تعرفينهم
لولوة : تحبطون الواحد أنتو ، أنزين بروح حق سحر
فيصل : سحر يطيحج بفراشج قولي آمين
أم فيصل : يـــه شكو تدعي على بنتي ؟
فيصل : رشود قايل لي قول لها ما تجي
لولوة : بس سحر كل تقول لي تعالي
فيصل : مو يالخبله تجاملج
لولوة : يـــه أنت شكو هاا شكو ؟ .. كيفي كيفي
فيصل : بقص لسان بنتج
لولوة: يمه يمه خوفتني ، أقول اقلب وجهك
أم فيصل : حبيبتي إذا رحتي عطي سحر فستانج أهي تعرف تخيط
فيصل : منو قال بوديها أصلا عشان تعطيها الفستان
لولوة : لا أبوس أيدك أبي أروح معاك
أم فيصل : أبوك بيوصلها ، أنت أقعد
لولوة تطلع لسانها : وييييييييييييو
فيصل : باكفخها
أم فيصل : أعووذ بالله منكم !
-----------------
راشد : درب .. درب
سحر : رفووي تعالي المطبخ وصلوا ..
راشد : حيااكم شباب
محمد : اللــه ، عندكم بلاي ستيشن أبا ألعب
مشعل يدوس على رجله : هههه [ بهمس ] أثقل لا تفشلنا
راشد : خخخ يعني في شي جديد ، خلص عشا وأقعد على كيفك ألعب
محمد : وأحنا شايفين عشا
راشد : ههههههه حبيبي انت ، أصبر الحين بجيبه ، مع إني قايل لهالخبله تحطه ، بس أصبر شوي
طلع راشد من الصاله وبقى مشعل ومحمد .. والباب كان مفتوح شوي
محمد : مشعلووو ، شووف في صوت بنت الظاهر هاي اللي رمستها
مشعل : نزل عينك بط فيها
محمد : يــه ليش ؟
مشعل : أنت ما تستحي ؟
محمد : ليش ؟
مشعل : ترضاها على أختك يالحيوان؟
محمد : وأنت ليش معصب جي؟
مشعل : بعد أنت تقهرني

-----------
راشد : وين العصير ؟
سحر : وين عشاي ؟
راشد : العشا بالصاله ، بس قولي لي وين العصير
سحر بإبتسامه : ما ســويت
راشد : ومستانسه على عمرج ؟
سحر : أنت ما قلت لي !
راشد : أفففففف الله يعين اللي بياخذج
سحر : تقصد يا هناه
راشد : لا تطولينها يلا روحي سوي لنا عصير برتقال
سحر : أففففف أنزين

------------

راشد : حيا الله الربع
مشعل : الله يحييك
محمد : اللـــــــــــــه ، شكله روعه ، أقول مو حاطين لنا فيه شي ؟
راشد : لا بس بالصحن اللي على طرف حاطين شويه هيروين عن خاطركم ، تستخف بدمك حضرتك
مشعل : ما عليك منه ، حيـاك معانا ، تراك من أهل البيت
راشد : والله ؟ مشكورين ما تقصرون
محمد : أقول سكر الباب ما اباهم يشوفوني وأنا اكل
مشعل : هههههه صدقني بتلوع جبدك وما بتاكل شي إذا شفته

-------------
سحر : أفففف
رفا : شفيج ؟
سحر : شفيني يعني ، حابسينا بالمطبخ تبيني أرقص ؟
رفا : ومنو قال لج قعدي بالمطبخ ، صعدي دارج
سحر : والصحون تغسلينهم أنتي ؟
رفا : لا عيوني ، أنا بروح أنا بكره عندي دوام
سحر : روحي
رفا : سلمي لي على الشباب وإذا في واحد حلو قولي لي
سحر : والله قليله أدب
رفا : من حلاتهم عاد ، بالله باخذ ناس جذي
سحر : وهو أنتي تدرين منو اللي داخل ؟
رفا : منو
سحــر بهمس : ولد العبد الله
رفا : حلللللللللللللللللللفي
سحر : والله
رفا : ولد العبد الله في بيتنــا !! ، ياااااااي ، أقول سحور ، لما يطلع يمكن تطيح صورته أخذيها وعطيني ، يقولون عنــه يدووخ ، يطيير ، يذبح ، يعذب
سحر : رجاء لا تتغزلين فيه
رفا : ريلج وأنا ما أدري
سحر : جبي زين

---------------


مشعل : آآآآخ تسلم الأيادي أما الأكل شي غير طبيعي
راشد : بالهنــا
مشعل : حموود أنا باطلع باخذ شي من السياره وراجع
راشد + حمود : أوكي
طلع مشعل من الصاله وفتح الباب إلا يشوف أيد لولوة على الباب
لولوة : يمــــــه منو أنــت !!
مشعل : أنا مشعل
لولوة : ما قلت شنو أسمك ، قلت منو أنت
مشعل : صديق رشوود
لولوة : أهــا ، طيب من شكلك كأنك ماخذ راحتك في بيتهم ، عشان جذي ناد لي سحر
مشعل : شتبين فيها ؟
لولوة : أبيهـا تخيط فستاني
مشعل : وأهي تشتغل عندج مثلا ؟
سحر وأهي ورى مشعل : لولوة حبيبتي عطيني الفستان
مشعل أنحرج منها ألتفت عشان يبي يروح الصاله ، إلا إيده لمست صحن العدس اللي كان بإيـد سحر وطاح على رجلها
سحر بصوت خفيف : آآآآآآآآآآآآآي
لولوة : سحـــــر
مشعل ما عرف شنو يسوي : أختي ؟ .. تعورتي
سحر بعيون مسكره : لا ما فيني ،، آآآخ
مشعل : لا جد قولي لي ، أخذج المستشفى ؟ .. شكلج متعوره حيل
سحر : ما يحتاج ،، ما فيني شي
لولوة : الولد خايف عليج ، روحي معاه
سحر شافت لولوة بعيون حاقده : قلت ما صار لـ ،، [ تصاارخ ] أآآآآآآآآآآآآآآ
مشعل : سحـــــــــر
سحر ولولوة سكتوا
حاول يغير الموقف فراح ينادي راشد : رشووووووود
راشد سمع صوته يصارخ ركض له : خير شفيك ؟ .. سحر شفيج طايحه على الأرض
مشعل : كنت أنا أبي ......
سحر تقطعه : كنت ابي اعطي لولوة صحن العدس وطاح من أيدي
راشد : أشوف ريلج وين تعورتي
سحر بعيونها تأشر
حس فيها مشعل : أقول راشد ، أنا بروح الوقت تأخر
راشد : لا وين تروح مشعل خلك هنا
مشعل : لا بروح ، نزورك مره ثانيه إن شاء الله
سحر بصوت ناعم : بتـروح وأنا تعبت وأنا أسوي لكم حلويات ؟
راشد : ايه يبه ماكو طلعه إلا لما تذوق حلويات أختي
مشعل : بس ...
راشد : لا بس ولا شي ، أدخل داخل ، انا بحمل سحر إلى غرفتها وراجع لكم ، بس قول لمحمد ترى الصحون ما ينأكلون


---------------


---------------
مشعل : وأنت للحين تاكل ؟
محمد : أكلهم حلو
مشعل : الحمد لله والشكر ، أقول حمود ما نبي نطول عندهم
محمد : ليش ؟
مشعل : شوف الساعه ، وبعدين بكره مدارس
محمد : وإذا مدارس شو نسوي ؟ راشد مو بالمدرسه
مشعل : أفهــم يا غبي ، خواته بالمدرسه
محمد : ونحن يالسين بحظن خواته يعني ؟
مشعل : أفففف ، خلصنا يلا
------------------
[ يوم جديد ]
في المدرسه
سحر : أفففففف تعباانه أبي أنام
روح : ليش سهرانه يا حظي ؟
سحر : مو لأن كان عندنا ضيوف
روح : إلا تعالي شفيها رجلج ؟
سحر : ما فيها شي بس صحن العدس طاح علي
روح : أهاا ، أنزين جم واحد أهم ؟
سحر : أمم ولد العبد الله و الثانــ ،،،،
روح مسكت إيد سحر : هااااااااااااااااا ، ولد العبد الله في بيتكم
سحر بغرور : ايه ، شفيها يعني
روح سحبت سحر من ملابسها : سحوور شفتيه ؟ فيس تو فيس ؟ ..
سحر : لأ
روح : مينوونه أنتي ؟
سحر : يمه ليش شسويت ؟
روح : في وحده ولد العبد الله يكون في بيتهم وما تشوفه ولا تتأمل جماله
سحر : عبالج انا مثلكم ما أستحي على وجهي ؟
روح : سحوور هذا عذااب ، حتى لو تموتين حيـا ، جدامه ما تقدرين تشيلين عينج من عليه
سحر : الحمد لله والشكر ، أقول قومي راح تبدي الحصه ، إلا على طاري الحصه وين سارو ، العاده أشوفها عند الباب واقفه لي ؟
روح : شفتها مع هذيج المعفنه هيام
سحر : شنو معفنه أنتي ما تعرفين تتكلمين ؟
روح : تقهرررررني والله تقهررررني حركاتها مأساه
سحر : بسج حش في العالم ، تشوفين أبله تسنيم الحين تتوعد فينا ..
روح : يمه خوفتني عاد !!

-------------------



مشعل : حموود
محمد : ....
مشعل : حمووود
محمد : ....
مشعل : حمود و وجع إن شاء الله
محمد : أففف شتبا ؟
مشعل : أف فشله
محمد : شو فشله ؟
مشعل : طيحت الصحن على رجل سحر
محمد : سحر ؟
مشعل : أخت راشد
محمد : صارت سحر حرف ؟ ، وبعدين أنت اللي طيحته والله ما تستحي
مشعل : مو قلت لك ، والله فشله
محمد : عادي ابويه إلا ما تعرفها
مشعل : شكلها وأهي تتألم عذاب
محمد : مشعلووو ، البنت متغطيه أنت شدراك ؟
مشعل : ها ؟ لا بس لما طاحت ، اللي ......... ، وبعدين أنت شكو ؟
محمد : هااا ليكون حبيتها من أول صحن عدس
مشعل : هههههههههه ، لو أحد سمعك بيقول لك تقول نكته ، بالله مشعــل على آخر عمره يحب ؟ .. يا أخي خليناه لكم ..
محمد : و زوجتك ما راح تحبها ؟
مشعل : أمممم مدري بفكر ، والله إذا طلعت سنعه وتسمع الكلام .. نغصب نفسنا ونحبها
محمد : ما أقول إلا الله يعين اللي بتاخذك
مشعل : تقصد هنيالها
محمد : أنزين خلصني ، أنا وراي شغل
مشعل : له له له ، لا ينط لك عرج بس ، أي شغل يرحم والديك بروحك بطالي ؟
محمد : بطالي ؟ .. والله أبوك عنده شركه كبيره وأنت بعد بطالي
مشعل : والله لأني أدرس ، وهو ما يبيني أدرس وأشتغل ، عشان ما يأثر علي
محمد : يرحم أمك بس ، إلا ما قلت لي وين راشد ؟
مشعل : مدري فيه ، أصبر بس أنا اوريك فيه ، هذا وأنا قايل له تعال لي

--------------------

لا الحمدلله استوى والحين بنزل الي أقدر علية من الرواية لعيونج

بنات أسمحولي على التأخير بس والله كنت أشوي تعبانة وماقدرت أدخل وأن شاء الله الحين بعوضكم وبنزل الي الله بيقدرني عليه

ويييييييييييييييييييين التكممله..بلييييييز

حرااااااااااااام انا سجلت مخصوص عشان اعرف النهايه
بليييز

حرااااااااااااام انا سجلت مخصوص عشان اعرف النهايه
بليييز

بنااات سوووري المنتدى الي انقل منه الروايه موقف لــ هني ان شاء الله لو كملووو رااح انقله وسووري مره ثانيه

مشكورة ع الموضوع



تقبلي مروري بنوتة عسل





...........................

حلوة فطوم روعة

وأخييييييييرآ المنتدى الي انزل مننه كمللللو و الحيين ان شاء بنزل لاني الصرااحه انحوولت [ندعوك للتسجيل في المنتدى أو التعريف بنفسك لمعاينة هذه الصورة] واننااا اجووف لووين موصله ههههه

المطعـــم / 00 : 7 مسـاءً )


راشد : أيه يمـه .
..... : ( ------ )
راشد : طيب وش صـار ؟
..... : ( ------ )
راشد بصدمه وهو ينـاظر مشعل : نعـــــــــــــم !!
..... : ( ------ )
راشد : طيب طيب .. أكلمـج بعـدين

سكر الجوال مصدوم من اللي سمعه .. سحر !! .. و مشعل ؟؟ .. سحر أختي اللي ما يعجبها أحد .. ومشعل اللي يسموونه " عانس " على قولتهم لأنه رافض فكره الزواج نهائيـاً .. مو معقـوله أبـداً .. وهو ينـاظر مشعـل اللي فهم من كلامه وبـدأ يضحــك .. من صجها أمي ؟؟ .. وليش ما قال لي .. مسكــه من قميصــه وسحبــه لعنده بقهـر مخالط لـ علامات صدمه للحين باقيه

راشد : مشعلوووو
مشعل وهو يمسك ايده : هههههه اتركني فضحتنا قدام العالم
راشد : يا شقوول .. شقوول .. تخطب من وراي .. ولا فـووق هذا أختــــــــي !!
مشعل : أحــم .. قلنا نناسبـك مع انك ما تستاهل بس مو مشكله
راشد : اصبـــر ترى للحين مو داخله مخــي الفكــره !! .. مشعل بعد 27 سنه وهو غثـه على كبدي .. الحين يتزوج ! .. وياخذ أختـي .. لكن اصبر .. خلني أشوفك أوريك .. مضطر اروح .. البيت حارقين جوالي يقولون لي اروح لهم .. راجع لك لا تخاف ..
مشعل : ههههههه سلّـم على عمي وخالتي
راشد وهو يمشي : ما يــــــوصل


راح عنّـه راشـد .. وهـو في غمـرة سعـادته .. ما يقـدر يوصفهــا .. يحـس ان الدنيـا تحبـه .. قرّب وقت لقيـاها .. سحـر ! .. أنتظــار وقت طويــل .. وعقبــات كبيــره .. أخيــرا ! .. قـام هو الثـاني يرجع البيـت .. يبي يعرف كل شي صار بالتفصيــل .. و علـى ذكـراها .. ركب سيـارته .. و راح ..


~


{ علـى طاولـة الطعـام / 28 : 7 مسـاءً )


راشد : لا يبـه مشعل ولد ما شاء الله أخـلاق ..
بو راشد : قلت لي ولد منـو ؟
راشد : العبد الله يبه ..
فتـح عينه : العبـد الله !!!
راشد : ايه
ألتفـت لـ سحر : إن ضيعتـيه من ايـدج بضيّـع ملامحج .. لا عـاد هذا ما يتفـوّت
رفعت عينهـا .. تناظره .. هذا بدل مبروك مثلا ؟ .. ولا هذا التشجيع ولا الخوف علي ! .. هذا أبو ؟ .. حسّـت نفسها بـ بقاءها أكثر تهيـن نفسها وترخصها اكثر مما رخصهـا أبوهـا .. كفـايه كرهـي لك يا يبه .. الله يخليك لا تزيده .. تركت الاكل .. وقامت .. طلعت من غرفه الطعـام إلـى المجلس .. أكـــرهك .. أكـــرهك .. ليتنـي يتيمـه ولا أنت بحيـاتي ..

ناظره راشد يستفهم مدى الطمع اللي فيه من صجه هذا ؟؟ ..
روح تتأفأف : والله حاله
رفع بو راشد نظـره وقال بنبـره قاسيه : و أنتي شكو قاطه وجهـج
عبد الرحمن بدفاع : هـــــي تعرف تبـــوس .. أحســن منك بس تـزف
راشد : يبه اذا فيـك قهـر إن سحر طنشـتك و راحت فـ ما تطلعها بزوجتي .. أوكي ؟
بو راشد : وليش بالله ؟ .. أنت من اللي زوجاتهم ماسحين شخصيتهم ؟
ابتسـم : ايه .. في مانع يبه ؟ .. وياليت يعني ما تكلّـم سحر بهذي الطريقه .. ان كانت ما تبيـه .. فـ ما أنخـــــــلق اللي يغصبهـا .. ولو وصلت لـ سن الـ 50 وما تبي تتزوج بعـد كيفهـا .. ومحد له حق يتكلــم ..
بو راشد : ومن حضـرتك عشـان تتكلم ؟
راشد : هه .. و بكـل فخـر .. أخوهـا .. أنتي تـدري بنت يتيمـه .. لو تبي شي ترجع لي .. ولو راح تاخذ واحد ما عنده فـلس واحد .. لكن هي تبيه .. أول من يشيل عرسهم هو أنــــا .. سحــر اغلــى من أنهــا تنبـاع بالفلوس
بو راشد : و أنا وين رحت ؟؟ .. مكلفينـك عني ان شاء الله
راشد : أنت وين رحت ؟ .. ما رحت مكان .. نشـوفك بالعشـا و الغـدا .. لا تخاف يبه .. مهما قلت ما راح تستفـزني وتخليني أقـوم من علـى الأكـل .. بكمّـل بكمـّل ..

ضحكت عليـه روح .. تعرفـون اللي واقف ورى بـاب مقفـول ويقـدر يقـول اللي يبيه .. هذا شعـور روح بهذيك اللحظه .. صحيـح بو راشـد طمّـاع .. وبخيـل .. لكن ما عنده لسـان يعرف يرد فيـه ! ..

تنهـدت أم راشـد بضيـق .. وقامت تشـوف سحــر .. راحت لها شـافتها قاعده وتشـوف التلفـزيون .. قرّبت منهـا .. وقالت تبرر ..
أم راشد : يا يمه أبوج ما يقصـد ..
ابتسمت : حفظت الاسطوانه يمه .. أبوي يوم من الأيـام بيقتل واحد فينا وهو ما يقصد !!
أم راشد : يا يمه لا تخلينه يخرب عليج
سحر : يخرب علي ايش ؟
أم راشد : زواجج !
سحر باستفهـام : ومنو قال إني موافقه


يتبع


منقول




الجزء السابع عشر / الفصل الأول ]



سحر باستفهـام : ومنو قال إني موافقه ؟
ناظرتها امها بصدمه : مو موافقـه يعني !!!
سحر : لأ ما قلت كذا أنا .. بس أقول متى قلت موافقه يعني خلاص اعتمدتوا كل شي !
ام راشد : مدري بس حسيت من كلامج أنج موافقه .. يعني قاعده معاهم وتضحكين وتبتسـمين وتجاملين وبعدين يعني هو صاحب المحل و صاحب أخوج .. يعني نعرفه
سحر : آها
ام راشد : طيب انتي شرايج ؟
سحر تمسـك العصيـر : بصلي استخاره وأشوف شنو يصير معاي ..


~


{ بيت مشعـل / 43 : 7 مسـاءً )


مشعل : يعني من خلال معالم وجهها .. حسيتوها موافقه ولا رافضه ؟ .. وليــش ترفض !! .. أنا شسويت ؟؟ .. والله العظيــــم ما أعرف بنـات .. وبحياتي ما كلمت ولا وحده .. أصـلاً مالي بهالسـوالف .. ليش تظلمني ؟؟ .. صدقوووني مالي بأحد ومستقيـم .. واللي تبيه بعطيها .. بس خلها تصدقني .. أنا ما أعرف بالبنات والله والله ما أعرف أحد .. يا عالم ليش ما تصـدقوني ؟ .. أنا شسويت لكم .. تـ.....
شـروق بغيظ : أففففف ... بــــــس بــــــس .. تررفع الضغــط !! .. يعني شتبيها تقوول ؟ .. ما قالت لنا شي .. قالوا بيردون علينــا ..
مشعل بحزن : يعني ما ردت عليكم !!
أم مشعل : شفتـــي ؟ .. شفتـــي ؟ .. أنا شقلت لج ؟؟ .. ما قلت لج بيطفرنا ؟؟ .. استغفرك يا رب العالميـن
مشعل : طيب يمه شفتي شكلها ؟ ..
أم مشعل : ايه
مشعل يبتسـم مندمج : حلووه موو ؟
ناظرته بطرف عينها : و أنت شكو ؟
مشعل : شنو شكوو !!
أم مشعل : لما تتزوجها شوفها
مشعل : طيب تحسين شلون كانت ؟ .. مستحيه ؟ .. ولا كانت تبي تقتلكم ؟ .. وشنو لابسـه ؟ .. الا ما قلتي لي شطول شعرها ؟ .. وكانت حاطه مكياج خفيف ولا ثقيل .. أنا اقول الخفيف يمكن أحلى عليها .. بس مدري .. هي حلوه لو شنو سوت بعمرها .. بس تحسين انها كانت كاشخه يعني مهتمه بزيارتكم .. ولا تطنيش ؟
أم مشعل : هالبنت انت ما راح تاخذها
فتح عينه : يمـــــــــــــــــــه !!
أم مشعل : و صمّـه قل آمين ! .. من عند الباب و أنت تسـأل .. بيردون علينــا .. أفففف
مشعل : طيب توم وجيري وش سووا هناك ؟
شروق : هههههههه أما عميمه شريفه كسرت خاطري .. تحسها بتنفجر من القهـر .. أنت أخبر بعمتي سعيده .. كل دقيقه والثـانيه مسكت ايد سحر .. و الا دلّعتها ولا مدري ايش .. فلـم !
مشعل : فديـــــــــــــت سعوودتي أنـا .. والله انهـا كفوو
شروق : أقولك عذبت عمتي شريفه تقول كفو ؟
مشعل : ههههههههه ايه ..
شروق تغمز له : بس تبي الصـراحه .. زين ما أختـرت
ابتسـم ابتسـامه عريضه : صج صج شروق ؟
شروق : ايه والله .. لا اله الا الله .. ولا كل البنـات .. حيل مؤدبه ما شاء الله عليها .. وثقـل .. لا تشوفها ما شاء الله عليها ..
مشعل فتح عينه : ليش ما اشـوفها !!!
شروق حذفت عليه المخده : ههههههه سخيييف


~


{ غرفـة سحر / 01 : 8 مسـاءً )


رفا : و أنتي شرايج ؟
سحر : والله هو ولد زين ما شاء الله عليه .. مؤدب .. ومو مقصر .. وله أفضال كثيره .. وغير هذا نعرف اهله ونعرفه وما يحتاج أحد يسأل عنه .. كفايه انه توأم راشد الثـاني .. بس تدرين .. لو مهما كان .. لازم أستخير ..
رفا : ومتى إن شاء الله ؟ ..
سحر ابتسمت : إن شاء الله اليوم .. ونشوف بكره الصبح وش يصير ..
رفا تغمز : تذكرين أيام قبل .. كنا مضارب عليه أنا وساره و روح .. بس آآآخ .. مسكته اختي
رفعت حاجب : وش هالسخافه ؟
رفا : بل صج فشلتيني !!
سحر : هههههههههه يا زينج وانتي متفشله ..
رفا : أنزين سحر بعيـداّ عن مشعل يعني .. شلون بتكون تجهيزاتج للعرس ؟
سحر : أممم .. مدري .. بس طبعـاً راح أعزمج يعني لا تخافين .. و ......
رفا : حلفي بس ؟؟ .. شهالكرم والجود والتواضع !
سحر : بعـد .. ياختج هذي الدنيا
ضربتها على راسها : تسنعي
عدّلت شعرها وقالت وهي تناظرها : أحترمي شوي ..
رفا : مسامحه .. نسيت اني أكلم حـرم العبــد الله !!
ما كانت تبي ترد سحر .. لكن ما تبي تبقى معاها ساكته .. لأنها تـدري أن رفـا راح تبـدأ تتذكـر وتبجي .. قالت وهي تحاول تطلّـع سالفه ..
سحر : شرايج أدق على ساره ؟
رفا : وييييين .. ســآآروه .. أيـآآآآم .. دقي عليها والله حيل متملله ..


' :

سـاره تتدلع : بحبـــك يا بعـــد عمــري
سحر : حبج الشـاقول !! ..
ساره منصدمــه : سحوور ؟
سحر : ايه سحـــر عمتـج
ساره : سحور مغيرين رقم بيتكم ؟؟ .. ما كنت أدري إن أنتي
سحر : الله !!! .. رقم ما تعرفينـه تقـولين بحبك يا بعد عمري ؟؟
ساره : ياختي شسوي .. الكل مطنشني محد يتصل لي .. فقد أجذب المُتصل بهذي الطريقه
سحر : تنحشينه وأنتي الصاجه مع صوتج ..
ساره : مثل الشي ترى !!
سحر : سارو وينكم ؟ .. والله ما عدنا نشوفكم .. شدعوه عاد بعتونا
ساره : تبيني أجيج الحين ؟
سحر : وأنتي ما صدقتي اقول وينكم ؟؟ .. لا أتفقي لي مع البنات على بكره وتعالوا كلكم
ساره : خلاص بكلمهم ان شاء الله
سحر : ولا تنسيــن
ساره : حفظتهااا !! .. " شعـــرج يا ساره تراني معطـره الغرفه " .. لا تخافين أمس ماخذه لي دش ..
سحر : طيب ؟ .. أنا بعد أمس ماخذه دش و اليوم الصبح و المغرب .. وين المشكله ؟
ساره : ياختي أنتو الماي زايد عندكم
سحر : لا حول ولا قوة الا بالله !


~


{ بيت أم فيصل / 34 : 8 مسـاءً )


فيصل : لولوة
لولوة : هلا أبوي
رفع حاجب : أشوفج خاشنـه زياده .. شفيج .. خبري أمي جابتچ بنت ليش هاللبس والشعر ؟
لولوة : ستايل ياخوك ستايل
فيصل : ستايلج مثل وجهج .. اذا شفتج مسويه كذا مره ثانيه بعمرج .. هذي ايـدي بطبعها على خدج فاهمه؟؟
لولوه : يوووه .. وأنت شكو فيني ؟؟ .. مسؤول عني وأنا ما أدري ؟
نزّل راسه وقال وهو يتنهـد بقوّه : سكــــري بوزج أحسن لج
عمّـة فيصل : هدّ أعصابك يا يمه
أم فيصل : بس عاد ! .. لولوه صعدي دارج
لولوة : مابي
قالت بنبره حاده : صعـــدي دارج !!

بتأفأف قامت لولوة و صعدت غرفتهـا .. مع مشيـه " تُحفه " مثل ما يشوفها فيصل ..

فيصل : الله يهديج يا يمه .. ساكته عنها ؟؟
أم فيصل : شتبيني أسوي لها يعني ؟؟ .. خلنا من سيرتها وقول لي .. رفا ما راحت الطبيب ؟
نـزّل راسه بحزن : بلا
أم فيصل : وشقالوا لها ؟
قال بصوت خفيف : يمه رفا عقيم
فتحـت عينهـا : شنوووو !!
عمة فيصل : شقـــــلت !
فيصل : عقيم ..
أم فيصل هزّت راسها : لا حول ولا قوة الا بالله العظيم ..
عمة فيصل : عقييم ؟؟ .. وشو عقيم ؟ .. تبي أدور لك وحده ؟
ألتفت لها وقال بنبـره جافه مخالطـه بصـراخ : بقطــع لســان اللي يقــولها .. تفهمين ؟؟
فتحت عينها وقالت مصدومه : شنو أفهم ؟؟ .. بعد وحده عقيم شتسوي فيها !
فيصل : وعقيم يعني شفيها ؟؟ .. أرتكبت جريمه ؟ .. والله لو كان العيب فيني ما تكلمتي .. رفا تبقـى زوجتي سواء كانت تجيب عيال ولا عقيم .. وسالفه الزواج هذي ما ابي أسمعها .. ما أدري وش ذنبها عشان أتزوج عليها .. وبعـدين قلبي واحـد .. ما يحب إلا واحـد .. [ غمـز لها ] و طبعـاً مو أنتي !


~


{ بيت أم راشـد / 05 : 8 صبـاحاً )


سحر طوّقت أمها : صبــاح الورد و الياسمين و الفل لأحلـى مامي بالدنيا
أم راشد : أووه .. المـزاج اليـوم عال العـال
ابتسمـت سحر : علـى بركـة الله
فتحــت عينها وشهقـــت : والله !!!!!!
ضحكت بوجهها : والله
ضمّتهـا بقـوّه وعينها شوي وتدمّـع وبصــوت عالي : ياااا بعـــد عمري .. مبروووك .. مبروووك .. كلولولولوش .. مانــي مصــدقه .. فديــــــتج والله يا بنتي .. مو عارفه شقــوول .. مو عـــــأاارفه
سحر : ههههههه يمه شوي شوي
علـى صوت أمـه دخـل وهو يمسـك كوب الشـاي يستفسـر .. كل واحـد مقطّـع نفسه من الضحكـه !
راشد : شفيكم ؟؟
سحر بغرور : أحـم .. وافقـت على ولد العبـد الله
فتح عينه بصدمه : لا لا !! .. من صجج سحور ؟
سحر : ايه
صفّـر : يــاااهوو .. المعفـن بيصيــر نسيبي .. والله زمــن يهيـن بكرامتـي .. لا يدري بس .. بيستخف .. يحصل له يناسبني
سحر : أووفـ .. يعني لو أنا أقول يحصل له يتزوجني قلنا مو مشكله .. لكن أنت ما فيك من الحلا زود !
راشد : مـــاكووو زواج ..
ردت ببساطه : أوكي
ما ينفع معاها .. ضرب على كتفها : ههههههه .. نقدر ؟؟ .. ما صدقنا على الله توافقين على واحد !
سحر : شفيكم ؟؟ .. ترى توني 19 .. ما فاتني القطار يعني
أم راشد : خلينا من القطاااار .. أهـم شي أقولهـــم
سحر : لاا يمــه بدري !! .. على الأقل ردي عليهم بكره أو اللي بعده بس مو اليوم .. هو صج ما يحتاج أحد يسأل عنه والحمد لله حلمي كان خير .. بس مهما يكون !
أم راشد : اللي يكــــوون .. اهـم شي السالفه فيها عرس
سحر : قـــــولي كـــذا من البدايــه .. ما يحتاج أبي أفرح فيج و أشوف أحفادج ..
دخلت روح بعين مفتوحه والثانيه مسكره من النوم : عبد الرحمن قال إن سحر مااتت صج ؟
سحر : ايه صج .. متى نروح نصلي عليها
راشد : لا حول ولا قوة إلا بالله .. ترى مالي دخل .. هي تشـرب بروحها .. أنا رجال مستقيم
ام راشد تكلم روح : هههههههه موتج قبلها يا يمه .. لا حبيبتي بس سحر وافقت على مشعل
ألتفت روح تطلع من المطبخ وبدون أهتمام : آهـــ ـ ـ .. [ ألتفت مره ثانيه وبصدمه ] هاااااا ؟؟
قرّبت سحـر منها وهمسـت بإذنها : باخذه
تحس نفسها للحين تحت تأثيـر الصدمه .. ناظرت أم راشد و راشد .. لا والله جالسين يبتسـمون ..
روح تكلم راشد : شووف أختـــك !
راشد : شفتها !! .. يوميـن وتصير عروس ونرتاح منها .. شفيها ؟
روح : سحور خلاص يعني خلاص !!
سحر تناظر ساعتها : يلا بلا خلاص .. تأخرنا على المحل ..
روح : لحظه سحر ..
سحبت ايد راشد : ننتظرج برى .. ألبسي بسـرعه


~

{ بعــد 13 دقيقـه / عند بـاب المحل )


راشــد : نـزلوا قاعد أشـوف سياره مشعل بـروح له ..

نزلـوا من السيـاره .. و روح تغمـز لـ سحر عشـان توّجه نظرها تجاهه .. لكن " تطنيش " .. دخلوا داخـل .. و راشـد واقف بـرى مع مشعـل ..

راشد : أيـــوااااه .. أحلــى يا معـــرس .. لا لا .. كــاشخ اليـوم .. أكيـد تبي تغدينـي بـ جيليز ! .. ياخي أدري فيـك [ سحب أيده ] .. يلا لا نتأخر
مشعل ما سمع بـاقي كلامه .. تـوقف على " معرس " .. معقـووله وافقـت ؟ .. سحر وافقت ؟ .. بهذي السرعه ؟ .. لا أكيـد قالها عفـويه !!
قال بصدمه : معـــرس ؟ .. رشــوود .. لا .. لا تقــوول ! ..
ضـرب على راسه : حرقنا السالفه
مشعل فتح عينه : صـــــــــج يعني !!!
راشد : يعني تقـريبا ..
مشعل : رشوود تدري لو تصيــر .. لك منـــي مو بس غدا بجيليز .. إلا مبيـــــت
راشد : أحترم نفسك عاد
مشعل باستفهام : شقلت الحين !!
راشد : لا بس أسوي نفسي شديد يعني
مشعل : رشود عاد ضبطنا ياخي .. نبي نخلص بسـرعه
راشد : وشو ضبطنا ؟ .. أمس خاطب !
مشعل : أنزييين .. شفيها يعني .. ترى نمون على بعض
راشد : تمون علي أنا .. بس ما تمون عليهــم .. المهم بتوسط لك .. بس أخلص علينا ..
مشعل : طيب .. بس قول لـ فيصل وبقول لـ فواز ونروح كلنا بكره .. كم راشد أنا عندي ؟
راشد يبتســم : واحد و حدّه ثقيل دم ..


~


{ داخل المحـــل / 23 : 8 صبـاحاً )


روح مسكت سحر من كتفينها : أسمعينـــي !! .. الحين لازم أضبطج .. أول ما يدخل دوخي وطيحي .. طبعـاً راح يركض .. مع تمنياتي إنه ما يطيح ويتفشل ويخرب علينا الموقف .. ويمســكج .. وتصيرين بين أحضـانه .. طبعـاً الحين أنتي شنو الواجب عليج ؟ .. أنـج توخرين الشيله عن راسـج .. وتقطين النقاب .. يعني بروحهم طاحوا ! .. ويطيح شعــرج الحريري على ايـده ..
سحــر كحّـت و وجهها يـزيد أحمــراره .. بدون أي تعليق كملت روح
روح : طيب .. و تسـوين نفسـج راح تموتين .. وتقولين مشعولي .. شعلولي .. مشعلي ..
دفنت سحر وجهها بإيدينهــا و قــالت بصــوت عالــــي " روووح " .. وقفـت مو فاهمه .. كل هذا حيــا ؟ .. ألتفــت على صـوت ضحــك .. شــافت مشعـل ملتفـت .. وفي غمـرة الضحك !! .. لاااا !! .. لاااا !! .. سمـــع ! .. معقوله ؟؟ .. بــلا بــلا شكــله سمــع .. يا ربـــي !
قالت تبـرر موقفها بتوتر زايـد وقلب يدق بسرعه : طيب يا سحر .. يعني عمج صار له فتـره ما شفتـيه فـ لازم يعني تقعدين جنبـه وهذا ..
ما لقت أي رد من سحـر .. تحس إن وجهها ذاب .. روح سـوّت نفسها تـوها تشـوف مشعــل ..
روح : هلا مشعل .. أنــت هنــا ..
مشعل وللحين فيه بقـايا ضحك : ايه
روح : ما رحت مع راشد الدوام ؟
مشعل : لأ بروح بروحي إن شـاء الله ..
روح تنـاظر سحر بخبث .. أنـا أوريج .. فيني قهـر عليـج .. تشـوف الرجال وراي فالحه تغطي وجهها وتسكت
روح تبتسـم : لا وين .. معرس لازم ما يخليك تروح بروحك

وخرت إيدها عن وجهها تناظرها بصدمـه .. بذهـول .. روح يـا شقــوول .. يا شقــوول .. تضيــع الكلمــات لوصف اللي سويتيه .. أنــتي شنـــوو .. شنــوو .. وتقــولها قدامـــي .. عضّـت على لسـانها بغيــظ .. بقهــر .. مو قـادره تـوصف مقـدار إحراجهــا .. وشــــو معـــرس !

أمـا الثـاني .. مع كلمتهـا .. وصـل الكوشه .. ينـاظر سحر اللي صابهـا الحيـا .. و سـرحــــــان .. متـى أصيـر معرس صج ؟ ..


لأحضــرنّ إليــكِ نجــومَ الثــريا .. ولا أبـــالي ..


أقبــــــلي ..

عروســاً والبيـــاضَ لـ حُمـرِ الخـــدودِ زينــه ..


أقبــــــلي ..

فـــزّ الفـؤادُ لـ حضــركِ و لـ حُســنِ العُيــونِ ترنمــا ..


أقبـــــلي ..

بخطـــى الحيـــاءِ .. و ذوّبــي قلبٌ في حبــكِ هيمــانـا ..


أقبــــــلي ..

و وجهــكِ عنـي لا تُعرضــي .. دعي مقلتـــيّ بـ رقــةِ الخجــلِ منـكِ تُكحّـل ..


أقبـــــلي ..

زوجــةُ غنجهـــا طاغِ .. و لينُهـــا ذبّــاحي ..


~

{ بيت أم راشـــد / 47 : 8 صبـــاحاً )


عبد الرحمن : طيب .. 20 بشتـري فيهم ملابس .. و 30 بشتــري فيهــم ستــاير لغرفتي .. و 40 بشتـري فيهم خزانه جديده و 50 بشتـري فيهم فيديو .. و 60 بشتـري تلفزيون .. و 70 بشتري فيهم أكل .. خلاص ؟
أم راشد : هذا الورث اللي بتحصله لما الله ياخذ روح أبوك ؟
عبد الرحمن فتح عينه : عيييييب ! .. أصـلاً هذا مهري
أم راشد : أي مهر يا حســـــــره !!
عبد الرحمن : مو مشعل بيتزوج سحر ؟
أم راشد : ايه .. بيتزوج سحر إنت شكو ؟
عبد الرحمن : شنوو شكوو ؟؟ .. لازم يعطيني مهر
أم راشد : أقوول أسكــت زين
عبد الرحمن : يمه شلون راح يتزوجون ؟
أم راشد : بتقول له زوجني نفسـك و زوجتك نفسـي .. وبعدها يسحبها من شعرها لبيتهم مثل الهنود وتصير زوجته
عبد الرحمن : آهــــــــا .. أنا قلت لـ سحر إنها خدامه .. بس مدري يمه فشلتني وهزأتني على فكره ؟
أم راشد : لا يا يمه لا تقول لها .. بعدين تبجي
عبد الرحمن : ليش تبجي ؟ .. بقول إنها خدامه .. يمكن ما تدري .. حرام تخبون عليها كل هالسنين .. وش بقى لها من العمر .. اذا مو اليوم بكره راح راح تموت
أم راشد : قص بلسـانك .. وشو تموت بكره .. اذا تبي تتكلم قول شي عدل
عبد الرحمن : شي عدل
أم راشد : أففف تقهر
عبد الرحمن : هذا جزاي ؟؟ .. نظفت غرفتج وما رضيت انج ترتبينها بدالي .. وكل شي معفن رميته بالزباله
أم راشد : و وشو معفن بالغرفه غيرك ؟
عبد الرحمن : أنتي
فتحت عينها : نعـــــــــم
عبد الرحمن : قصدي ملابسي .. رميت كل ملابسي .. و جواربي .. وشباصاتي .. ومكياجي .. كل شي كل شي على فكره
قالت بصدمه : رميـــت ملابســك !!
عبد الرحمن : ايه يمه .. ترى كلهم لبستهم .. على فكره ؟
أم راشـد بعصبيه : خل أفكارك لنفسك .. بس قولي .. يعني خزانتك ما فيها شي ؟؟
عبد الرحمن بذكـاء خارق للعاده : على فكره .. أنتي اللي قلتي لي إن ريحتي مقرفه و إن ملابسي ما يتسكرون علي .. و إنج تشمين فيني ريحة مبيدات حشريه


~


{ بعد صـلاه العشـاء / غرفــة سحـــر )


ساره : و ألــــف الصــــلاه والســــــلام عليـــك يا حبيييييب الله محــــمد ..
مريم : كلولولولولولوش .. زغــــرووطه يا بنـــات ..
روح + لميـاء : كلـــولــولــولــوش ..
سحر : أشششش .. وشو زغروطه أنتي الثـانيه .. ما صار شي يا حظي .. والله كله منـج يا روح .. آخ بس لو يحصل لي أزنطـج
مريم : لا بس صراحه سحور جبتيها بالصميـــم ! .. يعني الحين البنـات ضرب الكف عليه .. وصاحباتك .. وبالأخير كذا بالساهل تخطفينه .. يعني ماهيب حلوه بحقنا ..
سحر ببساطه : مو لازم تكون حلوه بحقكم
روح : طيــب .. استمعــوو .. و أنصتــوو .. بقول لكم حقائق واقعيه غير ان سحر مخلوقه تجيب الاعصاب
ردت بغرور : ماني راده عليج
صفّـرت مريـم : أحلـــى يا حــرم العبــد الله
روح : نسمــع .. تدرون إنكم لو طلعتوا العضلات والخشونه وعطستوا بقـوّه ممكن إنكم تكسرون ضلـع .. واذا حاولتوا تكتمون العطسه ممكن تفجرين وعاء دموي في مخكم المليء بالأفكـار المُخله
سحر : شكـــوو !
مريم : لا تقـــولين يا شيخه ! .. أنا دايم اسـوي نفسي سنعه و أكتم عطستي
روح : ايــوا .. هذي الحركات تركيها عنـج
مريم : ايييه .. وش علي .. بعطس وبطلـع لهم صماماتي كلهـا ..
روح : طيب تدرون ان التمساح ما يطلع لسـانه ؟
ساره : يمكن توه صاحي من النوم وفمّه فطيسه ؟
لمياء : أنا اقـول إن لهذا السبب يرجع
روح : تدرون إن الحصـان والفار ما يرجعون ؟
مريم تناظر ساره : شفتي ؟ .. يعني لما أقولك بقـره ما أكون كذابه .. لأن البقره ترجع .. و أنتي كنتي ملوّعه كبد كل المعلمات من كثر ما ترجعين بالصف ..
روح : و تدرون إن ....
سحر : روح بس .. تمللت
لمياء : طيب سحــوور وش راح تسمين عيـالك ؟
سحر : نشـوف رأيي باقي البنات أول
مريم : أنا راح أسمـي بنتي لجين و ولدي أُبَيْ
لمياء : أنا راح أسمي بنتي نور و ولدي لُجّ
روح : يمــه !! .. ايش يعني لُجّ ؟
سحر : هذا اسم من اسماء السيوف عند العرب
ساره : أنا راح أسمي بنتي سجى و ولدي فيصل
سحر : أنا راح أسمي بنتي فجر و ولدي عبد الله .. أحــم .. طبعـاً عشان اصير انا وبنتي مثل معنى الاسم

وسـط كــلامهم .. سمعـوا دقتيـن على البـاب .. راحت سحـر تفتـح شـافته راشـد .. طلعت له وخبرها إن أمـه كلّمت أم مشعل وخبرتهم .. و هي جايه بكره تتفق على المهر و الملكـه .. لأن مثل ما يقـول إن الرجـال يبون بس يكونون موجودين بـ العقد .. أستغـربت سحر من كل هـذا التسـرع .. الدنيا بتطير ؟؟ .. فسّـر لها إن مشعل راح يسـافر ولازم يخلص كل شي قبل السفـر .. ما أبـدت أي أعتراض .. خصوصـاً إنها تحـس براحه تجـاه اللي يصيـر .. وخير البر عاجله .. قال لها يخبّـر روح إنه يبيهــا تصعد له فـوق .. صعـدت روح بتأفـأف .. يعني ما يشـوفني قاعده مع البنات ؟؟ .. شيبي ؟؟

روح تهز برجلها : أي خدمه ؟
راشد : هههههههههه فــديت الخدامات انا
ألتفت له وتخصـرت : مشكلتي ما أحب أرد على الخفاف دم ..
راشد : طيب وش ذنبي إن كنت أحب اللي ما يحبون يردون على الخفاف دم ..
قالت ببساطه : ذنبك إنك تحبهم
راشد يغيظها : إلا ما قلتي لي منو عندكم ؟
روح : رفيجاتي
راشد : ايه منو ؟
روح : و أنت شكـــو !
راشد : لميــــاء معاكم ؟
ألتفت له وقالت بقهر : و أنت شكو بلميااء هنا أو لا ؟ .. شهالحركات ؟
راح عندها وقـال يبتسـم : صج صج روح تغارين ؟
ردت بعصبيـه وصراخ : لا تقــــــووول تغـــــارين .. لا تقــــــووول !!
راشد : خلاص يبه ماني قايل .. كفايه انج تموتين فيني وتخافين علي !! .. المهم .. مو خاطرج تسافرين ؟
روح بزعل لافه وجهها : لأ ..
بإيـدينه لف وجهها تجاهه .. باس جبينها وقال بابتسـامه : شدعوه عاد ؟ .. أمزح معاج .. بلا هالدلع


~


{ يـوم جـديد .. موعدٌ مُنتظــر / بيت أم راشـد )


سعيده : وجيناكم مره ثـــانيه أنا و أم مشعل وشـروق " بس " ..
شريفه : شوفتكم بالغالي نشتريها يا أم راشـد
أم راشد : حياكم الله ..
أم مشعل : ياختـي جايينكم عشـان نتمم وتبقـى الملكه إن شاء الله .. وش طلباتكم .. شروطكم ؟
أم راشد : بنتنا لكم يا فاطمه وما بيننا وبينكم شـروط وطلبـات .. حنّـا نشتـري رجـال ..
أم مشعل : تسلـمين يا بعـد قلبي والله .. و بنتنـا الحلوه تامر بـ كم المهــر ؟
تحوّلت ابتسـامه سحر من ابتسـامه بريئـه إلى ابتسـامه غريبه خافت منها أم راشـد ..
سحر : يا خالتي هذا ولدكم الكبيـر .. و له معزه كبيـره .. ما أظـن كثير علي إن يكون مهـري أكثـر مهـر بالعايله .. أنا بكون زوجه مشعل .. و أي شي أطلبه ما يغلى علي .. و لعيوني رخيص
ناظرتها رفـا و روح بإندهــاش .. و أمهــا .. كلهم منصـدمين .. صحيـح إن الكلام ما توقعته أم مشعل .. لكنها أبتسمت لها مجاملـه ..
سعيده : أنتي يا بنتي تستــاهلين ماي العيــن .. ولو تبيــني أبيـع " خواتي " .. أســويها عشانج .. أنتي الغااااليــــه [ تزيـد صوتهـا وتتقرب من شريفه ] الغاااليـــــه ..
أم مشعل : آمــري باللي تبيــنه حبيبتـي ..

النظــرات كلها مُوجهه لهــا .. قلــوبهم تـدق بقـوّه .. أم راشـد خايفـه وتقـول بقلبهـا " لا تطمعين يا سحر " .. الكل ينتظــرها تتكلــم .. تنهــدت و رفعـت راسها موجهتــها بكــل ثقــه تجـاه أم راشـــد ..






سحر : مهـــري كتــاب رب العبـــــاد ..

داخل السيـاره / 00 : 10 صبــاحاً )


راشد : ركبتوا كلكم
عبد الرحمن : ايه
ألتـف وراه : و أنت شكـو جاي معانا ؟
عبد الرحمن : دراعاتي كلهم أختربوا من الطبـاخ ..
سحر : عبـد الرحمن .. صير رجّـال ..
راشد : الحين أنتم وين بتروحون ؟
سحر : بروح أشتري ملابس و أخلص اللي اقدر عليه
راشد : وش فيكم ؟ .. كل هـذا استعجال ؟ ..
سحر : أنا أدري ؟؟ .. هم مستعجلين .. و امي راضيه
أم راشد : أول شي خير البر عاجله .. ثاني شي الولد ما يحتاج نسأل عنه .. ثاني شي وش فيها لو نقدر ظروفه ؟ .. وبعدين أنتي قادره تجهزين حالج .. وين المشكله يعني ؟
راشد : أممم .. أنا مع أمي سحور .. بسرعه خلصينا ..
أم راشد : ما قال يبي يشـوفها ؟
راشد : لأ .. قالي ما يهمه الشكل .. كفايه الأخلاق .. ويقـول راح يشـوفها بعد الملكه إن شاء الله ..
سحر بقلبها " ما يهمّـه طل .. قول لأنه يدري بشكلي " ..
أم راشد : طيب و إذا طلعت جيكـره ؟
ألتفت لها سحر و قالت مصدومه : يمــــه !!
راشد : شعليج منه خله ياخذها وتطيح بكبده عادي ترى ..
عبد الرحمن : على فكره .. ترى سحر حلوه
روح : لا لا ؟ .. شهالاستنتاج العظيم ؟
رفا : سحور وصفي لي شعورج حاليـاً ؟
تنهـدت وقالت وهي تبتسـم : ماكو شعور .. مجرد راحه .. وفكه من وجيهكم إن شاء الله
ربتت أمها على كتفها : ايه ما شاء الله عليها بنتي .. من صغرها و عرق النذاله فيها ..
عبد الرحمن : على فكره .. حتى أنتي يمه
أم راشد : قم أنــــزل من السيــــــاااره
سحر : يمـه .. الله يخليج مالنا خلق تنعاد سالفه هذيج المره .. حفظي كرامتـج .. لأنج بالأخير راح تبوسين راسه
عبد الرحمن مسـك ربطـه .. ومن ورى راشـد ربـط عينه بها .. تسكرت عينه .. صـار ظلام .. ما يقدر يشـوف قدامه .. مو قادر يتحكــم بالسيــاره .. ما يدري شـلون تمشـي .. ومحد معـاه عنـده رخصه أو يعرف بالسيـاقه .. عبد الرحمن متجمد مكانه ما يتحرك ولا يوخر الربطه .. صــوت صــراخ ومحد يتحـرك يشيل عبد الرحمــن ..
روح : آآآآآآآه راااااااااشد شـــووف قداااااامـك
مـدت سحـر إيدهـا لقـدام .. و مسكـت السكّـان " المقود " .. لفتـه الجهه الثـانيه .. و هـي تسحب عبد الرحمــن عنـه .. فتـح عينـه .. مسك السكّـان عنها ..
قال بصـراخ : عبــــــد الرحمـــــن .. كنـــا بنـــروح فيهـــا منك
مسـكته أم راشـد من شعــره : بـــدفنـــك .. بـــــدفنـــك .. جننتنـــي .. ذبحتنــي
صرخت بوجهه رفـا : عبـــد الرحمــن ..
تكـوّر على نفسـه .. مـد بوزه .. و بـدأ يبجــي .. وهو يخبي وجهه بإيدينـه المليـانه الصغيـره ..
أم راشد : مابي أسمــــع صـــوتك .. و إذا نزلنا .. راح تبقى بروحك بالسياره .. فاهـــم ؟؟
جلس يشـاهق .. وهو مسكـر وجهه بشكـل مُعذب .. كأنه مظلـوم .. بإيـدها سحبت راسـه وحطته على صدرها وهي تمسح على شعره بنعومه : بس ماما .. لا تبجـي
تعلّق فيهـا و دفن وجهه بعبـايتها قال بـ ببراءه : حــرام عليهــم .. هذا جزاي اللي كنت بخليهم يصيرون مثل المسلســلات .. لكن ما يستاهلــون .. ما يستـاهلـــــوون ..
مسحت بإيدها دمـوعه : بس حبيب قلبي .. خلاص .. إذا تبي تصير مثل المسلسـلات .. صير بروحك .. أحنا مالنا شغل .. أوكي ؟
قال وهو بوضع المظلوم : طيب ...

بعـد كلمتـه .. هـــدوء تـــام بقـوا فيـه لمدة خمس دقــايق .. و بعـدها وصلـوا المجمع .. نـزلوا من السيـاره .. و عبد الرحمن ينـاظرهـم .. وبعيـونه دمـوع .. خايـف ينـزل لأن أمه مهددتـه .. يناظرهم بـ برطم ممـدود .. نزل راشـد و فتح الباب الخلفـي .. نـاظر عبد الرحمن و قال له
راشد : تعال ..
ناظـره ونـزّل راسه : أخــاف ..
طلّـع راسه من السيـاره .. شـافهم واقفين ينتظرونه ..
راشد : روحوا أنتو بعدين بلحقكم

أشـروا له بالإيجـاب ومـشوا .. رجع مره ثانيـه حمـل عبد الرحمن .. اللي كـان مخبي وجهه ومغطيه بـ ملابس راشد ..
ابتسـم له : يلا عـاد بلا هالحركـات بنروح نشتري دونات ..


~


{ داخل المجمـع / 30 : 10 صبـاحاً )


روح : أنا بعد بشتـري مثله
سحر : والله قــــلاده !!
روح : قلاده ولا خاتم هههههاي
سحر : أبيــه روح حدج سخيفه
روح : أدري .. المهم .. شنو بتشتـرين اليوم ؟
سحر : بس بشتري ملابس البيت و كريمـات ومكياج وهذا .. أما باقي الاشياء فـ نخلصها بكره وبعد بكره واللي بعده ..
رفعت لها قميص نوم : سحور شرايج بهذا .. لايق عليـج ألوانه فاتحه
ألتفت بسرعه تشـوف إذا راشد وراهم .. سحبته من ايدها ورجعته مكانه : وجع إن شاء الله قولي آمين
روح : آمين .. ليش ؟
سحر : وشو ليش ؟؟ .. صدقيني اذا لبستيـه راح البسـه ..
روح : كـــــح .. أجل ندور غيـره
سحر ألتفت لـ رفا : رفا عطينا رايـج ؟ ..
أشـرت لهـا : تعالي هنــاك .. حلـوين عجبوني
تنهـدت : روح أرحــم !! .. بشتـري بروحي .. شكـراً للمعـاونه !
جلست تنـاظر المـلابس .. مو عارفه تختـار .. تأففـت .. راحت عنـد أمهــا ..
سحر : يمـه ؟ .. أنتي مؤدبه ؟
أم راشد : لأ
سحر : لا حول ولا قوة إلا بالله
أم راشد : ليش ؟ ..
سحر : ماني عارفه أختـار ملابس .. و أبي أخلص بسـرعه عشـان اشتري كريمـات ومكياج
أم راشد : لا بس ما عليج .. روحي اشتري أنتي و أعتمـدي علي
سحر : أكيــد ؟
أم راشد : أكيــــدين يمه أكيــــدين ..

مسكت ايد روح و رفا و راحو ناحية الكريمـات .. جلسـت تشـوفهم وتشم الروائـح ..
رفا : سحوووور
سحر : هلا ؟
رفا تعطيها الكريم : شمـــي هذا مو كأنه ريحه شعر ساره ؟
سحر : ههههههههه حـــرام عليــج .. لا لا .. أنا لقيـت واحد طقـم كامل مع العطر و البودره .. وفي له 3 روايح .. باخذهم كلهــم ..
روح : وينهم باخذ مثلج
سحر : شتبيــــــن يا عمـــي شتبيـــــن !!
رفا : سحر بروح أشتري بـلاشر .. أشتري لج على ذوقي ؟
روح : أي بلاااااشـــــر ؟؟ .. هذي تحتـــاج بلاشر ؟ .. صبري بـوريج البلاشر على أصـوله .. لحظة ... سحـوور .. أحبـــج ..
ألتفت لها و قالت ببرود : طيب ..
رفا : هههههههههههههه .. روح .. دوري وجهـــــج


~

مروا الأيـام بـ سحر بسرعه .. و تفـاجئوا كلهم بـ طريقه المهـر .. خصـوصاً إنهم استغربـوا لما شـافوا محل اثـاث جاي بيتهـم .. يجيـب لهـم مثل الخـزانـه .. معلّـق فيها مفتـــاح مضخـم ينفتـح .. وبداخلـه المهـر .. أما الخزانـه .. فلمـا تنفتـح فيهـا قرآن كبيـر بطريقـه مبتكـره .. أذهلـتهم .. الكـل مشغـول من جهه .. ألغـوا فكـره الحفلـه لـ الملكه .. بحجـة إن كل شي يكون لـ العرس .. و أخيـراً ..

أم مشعــل + أم راشــد : كلــولـــولـــولـــوش .. ألـــف ألـــف ألــــف مبــروك
سحر : يبـارك بعمـــركم ..
روح : باللــــــهِ .. لســــتِ عينـــاي أصدقهــــا ..
سحر : بلا واللهِ يا أخيتــي صدقــيها .. و إلا فقعتهـــا لكِ ..
روح : هههههههههه ماكو تفاهم ..
العمه سعيده : ما أوصيـج يا يمـه .. تراه الحين مثل زوجج .. أمسكيـــه .. ولا تخليـــن ولا أحـــد حتى لو كــانت عمتـه و أسمـها " شـريفه " .. بعد خافي عليـه .. تـراه منزهق عليـج .. بالبيـت يناطط لنا ..
سحر مو قادره تمسـك ضحكتهـا : إن شاء الله خالتي على عيني وراسي
العمه شـريفه وقفت قدام سعيده : ايه يا بنتي .. مبروك عليـج ..
دفعتهـا سعيده عنها و وسحبت سحر : وما عليج يا بنتي من أي أحد .. لا تسمعين كلامهم ترى راح يضيعونج .. سمعي كلامي أنا بس ..
ساره تسـلم عليها : مبروك سحـر .. عقبال العرس .. و ما اوصيـج .. خليـج دوم حلوه .. لا تصير ريحتج خايسه
مريم : هُـــــــــزلت .. والله هــــــــزلت .. ساره تتكلـم عن النظافه !!
أم راشـد قرّبت من ساره ومريـم وهي تدفعهـم وتبتسـم : حيــاكم الله .. سلموا على أمهاتكم
سحر فتحت عينها : يمـــه !!
مريم : ههههه لا عادي متعودين .. جالسه أسمع .. الرجاجيل راح يدخلوا .. لازم نطلـع .. يـلا سحوره إن شـاء الله بكره نجيك وتقـولين لنا كل شي صـار .. واذا في حركات هنا ولا هنا بعد قولي .. أتفقنا ؟
سحر تناظرها بوعيـد : أوريـــــج

طلعـوا البنـات .. و بقـوا داخل روح و رفا و أم راشد و أم مشعل و عماته .. لبسـت سحر نقابها وعبايتها لأن فيصل و فواز معاهم .. دخلـوا يتقـدمهـم بو مشعـل .. ويتوسطهـم مشعـل .. بكل خطـوه تسمعهـا سحر قلبهـا يدق أكثـر .. تتنهـد بقـوّه .... أول ما دخــل .. عينـه ناظرتهــا .. حلــم .. يا سحـــر حلـــم !! .. أكبــــر تكبيـــر .. لـ القدر اللي جمع بينهـم .. راح عندهـا بو مشعـل يبارك لهـا ..

بو مشعل : مبــروك يا بنتــي ..
سحر : يبارك بعمـرك عمـي

راشـد : سحوووور .. مبــرووك .. عقبــال العرس وتكتمـل الفكـه
سحـر : الله يبارك فيك
راشد : ههههههه عسـى دوم كذا .. العـاده أقول كلمه تردين علي بعشـر ..

تقـرّب فـواز ! .. يتمنـى أحـد ينفــي و يستنكر الموقف اللي يصير .. معقـوله ؟ .. معقـوله ؟ .. هذي أهــي !! .. هذي أهــي !! .. قرّب شـوي .. ناظرهـا وهي تصـد عنـه و تتحـاشـاه .. يحـس إنه مو قادر يتخيل الموقف ! .. مو معقـول .. أنا و أخوي على بنت وحده ؟ .. والبنت اللي حبيتهـا .. أشـوف اليوم ملكـة أخوي عليها !! .. ما قدر يستحمل الموقف أكثـر .. ما تكلـم .. تعدّى الحضـور .. و طلــع !! .. ما أحد أنتبـه له .. خصـوصاً إن المجلس صار مزحوم والكل يبارك للثـاني ..

أخيـراً .. وصل دور مشعـل يتقـدم .. كل مشـاعر الدنيـا كمنت نفسـه بهذيج اللحظـه .. هـذي سحر ؟ .. قرّب أكثـر .. و أكثـر .. لحـد ما صـار واقف قدامهـا تمـاماً ..
نبضـات قلبهـا تدق .. أسـرع .. و أسـرع .. تحـس بوجوده .. و بوقوفه قدامهـا .. مثـل الجبـل الشامخ .. تلفهـا نسايم عطـره ! .. تذكرت أول لقـاء بينهـم ! .. مثل العطر .. سكـرت عينهـا ..



أهــذهِ أنتِ ؟

أولسـتَ أنتَ ؟

كذبتُ ..

بل في قولــي صدقــتُ

أفـ أقتربتِ ؟

ما قرِبـتُ

نجـوم اللآلئ

مكانـي باقِيا

أيقظـي غفوتي

مُحـــال

نيـلكِ واللهِ

دريتَ ؟

لا دريتُ

إبتعـــد

هذا المحال

أخجلــتَ عينــاي

فـ أحببتها

أسـرعت خُطــاي

و عشقتهــا

ما بك ؟

و ما بعيـونٍ رأتـكِ ؟

كفاكَ تغزلا

وكفاكِ أمامي تغنجـا

ما فعِــلتُ

بل أسـرتِ



مشعـل : مبـروك ..
قـالت بحيــا و عيونهـا بالأرض .. بصـوت قريب من الهمس : يبـ ـ ـ ـارك فيـ ـ ــك

تقدمت العمّـه سعيده شـافت ظهــره .. ضمتـه من وراه
العمه سعيده : آه يا ولــدي تمنيـــت أشــوفك بهاليـــوم
فتــح عينه وهو منصـدم .. شسالفه ؟؟ .. وخر إيدينها و ألتفـت لهـا : فيج شي خالتي ؟
ناظرته : وييي .. سامحني يا ولدي عبالي مشعل
راشد : لا خالتي حياج بأي وقت ..
ام راشد : ههههههه يا سعيده ما تعرفين ولدي يعني .. قليل أدب و أسود وجه
العمه سعيده : ههههه ايه أدري ما يحتاج تخبريني
واقف فاتح عينه .. شفيهـــم !! .. و لا كأني موجود .. طايحين حش و قدامي !!

راحت سعيـده عنـد مشعـل و سحر .. الأخ للحين واقف ! .. مضيّع له شي هناك ؟ .. تقـربت منهـم .. و مسكـت إيد سحر و مشعـل .. قالت " مبـــروك " .. وقرّبت اياديهـم من بعض .. نــداءات سحـر كلهـا بـ " لا " .. رفعت نظرهـا بنظر مشعـل بـرجاء .. و كأنها راح تبجـي .. تبيه يتكلم .. مو قادره توخر إيدهــا .. سحب إيـده بهدوء .. و نـزّل بها نقاب العمّـه اللي كانت رافعتـه ..
مشعل : عمتـي .. تـرى يغازلونـج خلي حميـد مرتـاح بقبـره

عبد الرحمن : هـــوووي أنت
مشعل نـزل نظـره : تكلمني ؟
عبد الرحمن : ايه أكلمك .. ويـــن مهري ؟
حسـت روحها بتنتحـر .. وصل الفضيحه !! .. بيفلشنـا قدام العالـم .. يا ربــــــي !!

مشعل : سامحنا عاد .. نسيته ..
عبد الرحمن : طيب أطلع برى
مشعل : مابي
عبد الرحمن أنسـدح على الأرض : دلكنــي


حطـوا العشـا .. وتعشـوا عشـاء جماعي .. بعكس ما كانوا مقررين إن مشعل يتعشـى مع سحر بمطعم .. وهذا لأن الأثنين كانوا تعبانين والوقت متأخر .. ما عرفـت سحر شلون مـرّت هالليـله .. من تـوتر كبيـر ضمّهـا ..
أمـا الثـاني " فـواز " .. فـ صـار أحـد مُشـردين الشـوارع .. يمشـي .. ولا يـدري وش مصيـره ..


~



هيــام : أقــولك اليـوم ملكتهـــم !!
رفع راسـه .. إبتسـم بخبث : حلو .. مبـروك عليهـم .. خطـوه حلوه
ناظرته بتشكك : أحمـد ؟
أحمد : ما يحتاج تروحين تباركين .. راح يشـوفننا قـريب ..
ابتسمـت له : تعجبنــــي إستــــاذي ..


~

المطبـخ / 49 : 4 مسـاءً )


روح : والله العظيــــم سلطتــــي أحلـــى
سحر : وخـــــري زيـــن .. سلطــه فيها قشــور ليمــون ؟؟ .. وين جالسين ؟؟
روح : أجـــل سلطه فيها توت ؟؟ .. وين جالسين ؟؟
سحر : توت أحسـن من قشـــوور !! .. أنت وينج وين الطبخ ها ؟؟ .. أنت حدج تنامين على كتف رشود
روح تحرك إيدها بوعيد : هييين هييين .. إن ما صوّرتج أنا .. صدقيني بمشي و أوزعه بلوتوث .. بخليج مطنــزه صبري علي ..
تخصّـرت لها : خوفتيـــــــني يمــــــــه ..


سمعـوا صـوت البــاب .. راحت تفتـحه و هي تتأفـأف .. الله يعينـــي عليــج يا أم فيـصل وعلى تحقيقــــج !! .. فتحــت البــاب
سحر : سحـــر تُرحـ ..... تُرحـ .. رحـ ..
ضـاع صوتها .. و أختفـى وجودهـا .. شـيء كبيـر يوقف قدامهـا .. و هـي بكل براءه واقفــه و لابسه مريـول الطبـخ و رابطه على شعرها .. والباقي متناثر على أكتافهـا .. منحرجه من نفسها ومن وجودها .. بالجينز والبدي القصير ! .. تحس إن اللي قدامها خيال .. تجمّــدت مكانها .. تقــدّم خطـوّه وما بقـى بينهـم مسـافه .. صـار بالضبط لاصق فيها .. وجهها المذهول صـار يغطيـه صدره ! .. رفع نظّـارته الشمسيه عن عينـه .. وقال بصـوت خفيف " أبقـى برى ؟ "
قالت بعفويه وهي تحس نفسها مخدره : ايه ..
مشعل : هههههههه .. أفــا .. من الحين عاد
رجعت على ورى .. و ركضــت بســرعه .. تتخطـى عتبــات الدرج .. مو قادره تاخذ نفس .. دخلت الغرفــه .. سكرت البـاب !! ..


~


{ المجلـــس / 59 : 4 مسـاءً )


مشعل : والله ما شفــت غير وجـه مصدوم !
راشد : ههههههههه .. نسييييت أقولها انك بتجي تغثنا ..
أم راشد : يا حيا الله مشعـــــــــــل ..
مشعل : الله يحييج خالتي
راشد : يمه لا تعطينه وجه .. ترى كل يوم بتشـوفينه
أم راشـد : سكر حلجك يمه راشد ..
مشعل : هههههههه أحلـــــى يا خالتـــــــــي .. والله إنـج كفــوو
عبد الرحمن : على فكره .. ترى أنا أكفوو منها

.. أخـــذت نفس .. و دخلـــت بعـد ما راحت تغيّـر ملابسهــا .. أول ما دخلـت وقف .. وقف وهو موّدع ! .. يناظرها بانهبـال .. بـ أنبهـار .. بـ عجـــب .. تمشــي برقـه .. و كحــل العيـون واضـح .. ما رفعـت عينها ولا شـافته بنـظره .. دخلـت بهـدوء وبـ سـلام ! .. جلسـت على الكرسي قرب أمهـا .. شكلهــا نــاعم .. مكيــاجها وردي خفيف .. مع تنـوره ورديـه و بلوزه بيضـه .. و الأكسسوارات ورديـه .. و رافعـه شـوي من شعرها والبـاقي طايح ..

سحب راشد ايد مشعل وقعـدّه .. الكل ينـاظرها .. و هـي في صمــت تـــام .. أم راشـد تبي تلمـح لها .. بس هي مو راضيه ترفـع عينهــا .. بإيــدها وبكامــل أصابعهـــا .. قرصـتها على جنب .. من قـوّه القرصه سحر ما قدرت تكتـم .. صـرخت بـ " آآآه " ..
مشعل : خالتي شوي شوي عليها
أم راشد : وي يمه شفتني ؟
مشعل : لا شدعوه خالتي أبـــداً ما يبيـــن !!!!
أم راشد : ايه الحمد لله ..
مشعل : من ذوقج خالتي
أم راشد : الله يعافيك
مشعل : إن شاء الله
أم راشد : جزاك الله خير
مشعل : الله يسلمـج
راشد : هههههههههههههه
أم راشد : ايه صـح يمه .. يسلمـوون عليك عماتهـا و يقـولون لك مبـروك
مشعل : الله يبارك فيهم .. ما شفناهم ؟
أم راشد : ايه يمـه رايحيـن مكـه
مشعل : الله !! ..
أم راشد : ايه والله .. كان بخاطري أروح معاهم .. بس ما حصل لي
مشعل : أفــــــا عليـــج .. خاطـــرج ما ينكســـر دامنــي موجــود .. بعـد بكـره حملتــي تحرّك .. أول من يركب هو أنتي
أم راشد بانصدام : عندك حملـــه !!
مشعل ابتسـم : ايه خالتي
راشد يناظره باستغراب .. من وين له ؟ .. و من متى الايمـان ؟؟ .. ناظره مشعل يغمـز له بطريقـه " بقولك بعدين " ..
الشيء الوحيد اللي خـلّا سحر تبتسـم ! ..
أم راشد : الله ! .. ما شاء الله عليـــــك يا ولــدي .. خلاص .. بنقول لكل الأهل عنها .. وش أسمها ؟
ناظر سحر .. و رجع نظره لعند أم راشد و قال بابتسـامه : حمله السحر خالتي ..
رفعت راسهـا بصدمه .. كأني سمعت أسمي ؟؟ .. ناظرته وهو يبتسـم لها .. مو فاهمه .. شسالفه ؟ ..
صفّــــر راشــد بقـوّه : أحلـــى يا قــــددع !! .. منت بسهـــل .. حملــه السحر هااا

ونـاسه مو طبيعيه !! .. حمله لـ بيت الله .. و على إسمـي ؟ .. كبـر في عينهـا بدل المـره مليــون ..

مشعل : لا لا خلاص .. جهزوا حالكم .. عمره كلنا ..

سمـع صـوت مسـج بجوالـه .. مسـكه وبعـد كلمه " عن اذنكم شوي " .. فتـحه ..


المُرسل : فواز
الرساله : للأسـف شفت البنت اللي تمنيتها .. لكن .. زوجه لأخوي