رواية سحر عيونها كاملة

تذكير بمساهمة فاتح الموضوع :

السـلام عليكم ورحمة الله وبركاته

قصـتي الأولى أتمنى أنها تنال إعجابكم لــلأخت (سحر عيونها)
شوي في بدايتها غرابـه ، لأنها ما راح تحتوي على تعريف بالشخصيـات ، ولكـن التعريـف راح تعرفونه من خلال متابعتكم لـ مجريات القصـه

سحـر عيـونها ، من هنـا تبـدأ

[ الجزء الأول ]

سحر : قــــول والله ؟
راشد : يـه .. قلت لج والله ! ..
سحر : بعد أهلــي أنــت .. أنا من زمان أقول ماكو أحد مثل أخوي ..
راشد : أيه .. سوي نفسج طيبه وحبوبه ..
سحر بدلع : أفــا .. أنا مو طيبه ..
راشد : لا تتدلعين علي لا ..........
قطعهم صوت جوال راشد ..
راشد : حيـا الله بـو عزوز .. وينك يالقاطع
مشعل : وعليكم السلام ..
راشد : ههههه يازعم تحرج مع وجهك ؟ ..
مشعل : أنت حد يطلعك ؟ أنت لازم تقعد بالبيت تعفن وما أحد يسوي فيك عمل خير ..
راشد : أفــا .. أفــا .. أمس كنا الحبايب واليوم ابد مو قرايب ، كني قلت شعر ؟
مشعل : بلا كلام فاضي وأجهز 10 دقايق وانا عند باب بيتكم ..
راشد : وين بتاخذنا اليوم ؟
سحر تأشر له أنه ما يروح
مشعل : ما ادري باخذك وبنروح لحمود الاماراتي
راشد : خلاص .. عشر دقايق وانا جاهز
مشعل : اوكي حبيب القلب لا تبطي ..
راشد : ابشـر .. فمان الله
سكر راشد الجوال و وقفت له سحر متخصره : وين اللي بيأكلني اليوم من مطعم لا صار ولا بيصير ؟
راشد : ههه أقول سحوور
سحر بحاجب مرفوع : خير ؟
راشد : خليها يوم ثاني .. والله مشعل صار لي شهر ما أدري عنه ..
سحر : وأنا شكو بمشعل أو أمه ؟ .. لا تسوي لي فيها اذا وعد أخلف .. ترى والله ما أحللك ! ..
راشد : هــي أنتي .. لا تهدديني مع ويهج .. اليوم ما عشيتج بكره اعشيج .. والمطاعم بتطير يعني ؟ ..
سحر : أنت احد يصدقك بشي ؟ .. أقول روح لمشعل لا تجرح مشاعره
راشد : هه سخيفه
سحر : انت اسخف
دخلت أم راشد المجلس : شفيكم ؟
راشد : ما فينا شي .. أقول يمه أنا بطلع تبين شي ؟
أم راشد : لا يمه سلامتك .. حط بالك على روحك ..
سحر : والله كل يوم نروح المدرسه ونرجع لا حطي بالج على روحج ولا هم يحزنون ..
راشد طلع لسانه مثل اليهال : حررررررررره
سحر : تعال قول لي سولفي عن صديقاتج
راشد : من حلاتهم عاد ؟ .. كلهم مثلج
سحر : ارجـــوك .. ربعك اللي كل واحد توم كروز ..
راشد : ما اضيع وقتي مع الـ .........
سحر بصوت عالي تكلم أمها : شفتـــــــــــــي ؟ بعيونج شفتي .. يسبني .. وانتي ساكته ..
أم راشد : وجعتوا راسي من الصبح بصوتكم
راشد باس راس امه : مع السلامه يمه
ام راشد : في حفظ الله
طلع راشد من البيت وبقت ام راشد و سحر
ام راشد : غرفتج أبوي راح يرتبها ؟ ..
سحر واهي تقرض اظافرها : وي يا حلاته جدي بيطلع من القبر ؟
ام راشد : تستخفين بدمج ؟
سحر : بعد عمري انتي يمه .. والله هلكانه .. يكفي اليوم الغدى علي
ام راشد : لااا اللي يسمع يقول طابخه هامور .. مو كأن صحن عدس
سحر : حلفي مو حلو ؟
ام راشد : ما قلت مو حلو .. بس صحن عدس يعني ما يتعب !
سحر : لأنج ما تعرفين تسوين فـ تقولين ما يتعب
ام راشد : ما أدري منو اللي علمج تسوينه يعني ؟
سحر : خخخ .. انزين يمه بصعد داري ..
دخلت عليهم رفا بإيدها كاس الكوفي : هااي
سحر : وكل يوم ابوي يشتري كوفي على حسابج ؟
رفا : تدفعين من جيبج ؟
سحر : لا بس .. ذبحتينا بريحته ما أحبه ..
ام راشد : الا اليوم طالعه من الغرفه ؟
رفا : ما تبوني برجع ترى ما عندي مانع
سحر : لا عيوني بتقعدين هنا .. الا قولي لي اليوم ما عندج أحد بالمستشفى مات ؟
رفا : قص بلسانج .. عبالج مثلج بنت الثانويه ؟ .. أنا جامعيه عيوني
سحر : شوي شوي لا يسيح نصج .. من حلاتهم الجامعيات يعني ؟
رفا : مو أحسن من البنات اللي يلبسون مريول وكل يوم عندهم واجبات ..
سحر : طيــري زيـن
رفا : ما عندي اجنحه ..
سحر : هه بااايخه
رفا : أحترمي اللي أكبر منج
سحر : يا كــرهج لما تقولينها
رفا قعدت عند امها : طيب واقفه وين رايحه ؟
سحر : السوبر ماركت .. جايه معاي ؟
رفا : خفيفه .. وين بتروحين ؟
سحر : يعني وين .. باروح غرفتي
رفا : شو بتسوين ؟
سحر : بسج أسئله عاد .. بتكلم بالتلفون
رفا : وليش ما تتكلمين هنا ؟
سحر: لأن شوفي ( تأشر على أمها ) بدأت سهرتها مع قناة الجزيره .. الصوت لآخر الدنيا وين أتكلم
رفا : طيب خلاص بروح معاج
سحر : شكو ؟
رفا : كيفي

----------

----------

محمد : مشعل .. يا اخي شغل شي قاعدين جي
مشعل : ما عندي شي اشغله
محمد : أنا عندي شريط يديد
مشعل : ما ابي اسمع اغاني
محمد : ليش ؟
مشعل : مالي نفس ارقص زين ؟
محمد : لا صدق صدق ..
مشعل : الهدوء حلو .. وبعدين كل واحد واهو يغني تحس انه بيموت .. يبه خلنا منهم
راشد : أوقف مشعل وقف هنا .. بانزل آخذ لأختي عشا .. واعدتها اليوم اني باخذها للمطعم وما قدرت
مشعل : أووكي .. وقفنا .. أنزل
طلع راشد من السياره وبقى مشعل ومحمد يتكلمون
محمد : الا شحال حمود ؟ ..
مشعل : حمود أمس مثل حمود اليوم وبكره
محمد : خيبه .. للحين مثل قبل بس سفر ؟
مشعل : ايه
محمد : ما نشوفه يسير الامارات ؟
مشعل : والله كل يومين هو بالامارات ..
محمد : واذا هناك ليش ما يقول لي ..
مشعل : يقول انك بخيل وما تضيفه
محمد : أونه بخيل !
مشعل : ههههه اتغشمر .. بس ماله خلق
محمد : لا قول له اكرام الضيف واجب ..
مشعل : رقمه عندك كلمه ..

-------

سحر : أوكي سارة أنا اخليج الحين لأن رفا ذبحتني حاطه اذنها عند السماعه
سارة : ههههه سلمي عليها حييييل
رفا تصارخ : الله يسلمني
سارة : ههه والله خبلة اختج هاذي
سحر : خخ ما عليج منها .. يلا نتلاقى بالمدرسه ..
سارة: أوكي مع السلامه
سحر : الله يسلمج ..

سكرت التلفون ومسكت رفا من اذنها : ليش قاطه اذنج عندنا ؟
رفا : تركي اذني واحترمي اللي اكبر منج
سحر : أووف ذبحتيني أكبر منج وأكبر منج يه ؟
رفا : عيوني فرق بينا 7 سنيييين .. أحترميني
سحر : شنو هالنظريه السخيفه ؟ .. واكبر مني بـ 7 سنين .. مو يمكن انتي يالكبيره يالمتعلمه ما تفهمين اشياء وايد انا افهمها .. وبالله عليج باين ان انتي الكبيره ؟ .. العمر مو متى انولدتي وكم صار لج من انولدتي .. ولا تحسبين كل صغير سن صغير عقل وتفكير وفهم .. الانسان يعرف عمره بقدر ما شاف من الدنيا ..
تشوفين صغير عمره 10 سنين يفهم أكثر من اللي عمره 20 .. ليش ؟ .. لأن شاف من الدنيا اشياء اكبر من اللي شافها بو 20 سنه ..
رفا : خلصتي الفلسفه ؟
سحر : رجاءً لا تستخفين بكلامي .. هذا ومسويه نفسج جامعية ؟
رفا : سمعيني عيوني ماني فاضيه لكلامج السخيف
سحر : أقول برى غرفتي يلا برى ، أنا الغبيه اللي قاعده أكلم اشكالج
رفا : قطـــع ، على آخر عمرها رفــا الدكتورة تكلم هالمستوى من الناس
سحر : أقول قلب ، عرض اكتافج لو سمحتي
طلعت رفا من الغرفه وراحت سحر للتلفون تتصل على راشد

محمد : مشعلوو النقال يرن شوف منو
مشعل : لا ما أبي
محمد : قلت لك رد
مشعل : لحظة ، كاتب سحر ، الأخ ساحر ؟
أصبر أصبر

سحر : ألوو
مشعل : هلا
سحر : السلام عليكم
مشعل : وعليكم السلام
سحر : راشد؟!
مشعل : لا مو راشد
سحر : أوكي السموحه ، يلا مع السلامه
مشعل : لا لا .. لحظة ، أنا صديقه ، هو ناسي النقال بالسياره ، رايح يشتري عشا لكم ، تبين أقول له شي
سحر : والله ؟ .. رايح يشتري فديته أخوي الطيب
مشعل قعد يضحك على هبال سحر
أنحرجت : سوري ..
مشعل : لا عادي ، تبين أقول له شي
سحر : لا بس قول له إذا يبيني أسوي له عشا خله يدق علي ، وإذا ما يبي بالطقاق ، عساه ما أكل إن شاء الله أصلا راح يوفر عليـنــ .. [ وعت لنفسها ] ، أأأأ .. أقصد خله يدق وبس
مشعل : تامرين الشيخه
سحر : مشكـور ، يلا مع السلامه
مشعل : الله يحفظج
سكرت التلفون سحر و وجها يتقلب ألـوانه ، أنحـرجت حيـل

محمد يمثل : آخ قلبي ، ذبحتني ، أسرتني ، من أول ألو سكنت قلبي
مشعل : جب يلا جب
محمد : ههههههه يحليلك ، إلا شفيك تتكلم وكأنك بتموت؟
مشعل : من هذا اللي اسمه راشد ، كل هذا عشا
دخل راشد السيارة ..
راشد : تأخرت عليكم ؟
مشعل : لا ما تأخرت ، بس لو كنت نايم داخل أحسن ترى
راشد : حبيب قلبي أنت
محمد : رشود في وحده دقت عليك
مشعل : شفت أسم سحر ، قلت يمكن تتعامل مع سحره وأحنا ما ندري طلعوا البيت ، وتقول لك أختك دق عليها إذا تبي عشا
محمد : وتقول لك إذا ما تبي .....
يقطعه مشعل : ههه ما عليك منه بيقعد يألف ، أقول دق عليها ، وإذا بتسوي لك عشا أعزمنا معاك
راشد : خخخ أوكي

راشد : ألوو
سحر : هلا
راشد : ها سحوور يقولون تبين تسوين لنا عشا
سحر : أيه ما تبي ؟ .. أوكي مع السلامه
راشد : هيي أنتي هيي ، ما قلت ما أبي
سحر : خلصني شتبي ؟
راشد : أووف نفس خايسه
سحر : بعـد ؟! ، تسبني ؟ .. بشوف منو يسوي لك
راشد : أممم العشا اللي جبته آكله بروحي ؟
سحر : أففففف ، أنزين شتبي ..
راشد : أمي تعرف اللي اكله ، بس شوفي زيدي الأكل معاي اثنين
سحر : نعم ؟ نعم ؟ لا يبه ماني مسويه زياده
راشد برجا : سحــــــــــــــر
سحر : أنــزين ، متى بتوصل ؟
راشد : مدري بعد ساعتين يمكن
سحر : أوكي ، مع السلامه
راشد : الله يسلمج

مشعل : هااا لنا مكان ؟
راشد : أفــا عليك بس

سحر بتأفأف : أوووووه أنا شكو باصدقائه يعني ؟ .. والدتهم وناسيتهم ؟
رفا : هههههاي ما أحد قال لج سوي نفسج طيبه
سحر : وأنتي من وين طلعتي ، اليوم شفيج قاعده مغثه على كبدي ؟
رفا : خخخ وشسوي ؟ .. اليوم إجازه
سحر : أف إجازة وسحـر تتعذب
رفا : يحصل لج أني أقعد معاج يالخبله ؟
سحر : رفا ساعديني بالعشا بلييز
رفا : أناا شكو ، طبخي أنتي وبعدين شوفي أنتي قدمي العشا يمكن واحد منهم ما عنده نظر ويخطبج
سحر : جـــــــــــــــــــــــــــــب ، والله ما تستحين
رفا : قومي زين صرتي 17 يلا خلصينا
سحر : وأنتي 24 ، ليش مو أنتي اللي تخلصينا ؟
رفا : تبيني أنـــا آخذ أي أحد ؟
سحر : قطــع غرور مدري على شو ، من حلاتج عاد ؟
رفا : أحلى منج يا أم عيون
سحر : حلااتها عيني كبيــره تهبـل ، مو مثلج تقولين يابانيه ، أقوول ماما ، أنتي فاتحه عينج ولا مسكرتها
رفا : ثقيله ما تضحكين
سحر : أقول وخري بروح المطبخ

------------

------------

هيـام : كلمتي ثقيله الدم ؟
ساره : لا عاد ، مدري ليش ما تحبينها ، والله إنها طيبه
هيام : جد والله ؟ .. أي طيبه الله يهديج بس أهي لاعبه بعقلج ، أقول سكريها سيرتها مالي نفس أرجع ، قومي بنغير جو
ساره : وين نغير ؟
هيام : يعني وين ، نبي نطلع
سارة : الله ، الحيــــن !
هيام : ايه الحين شفيها ؟
ساره : لا بس الوقت متأخر
هيام : أووه لا تسوين فيها متأخر ، يلا ترى حدي متضايقه
سارة : أوكي بس أخبـر أمي
هيام : يا الله على دجاجه أمها

--------------

لولوة : ماااي ماذر ، مااي ماذر
أم فيصل : تكلمي عدل أنتي
لولوة : واي يمه ؟
أم فيصل : أقول مستانسه على عمرج بكلمتين الأنجليزي اللي تعرفينهم
لولوة : تحبطون الواحد أنتو ، أنزين بروح حق سحر
فيصل : سحر يطيحج بفراشج قولي آمين
أم فيصل : يـــه شكو تدعي على بنتي ؟
فيصل : رشود قايل لي قول لها ما تجي
لولوة : بس سحر كل تقول لي تعالي
فيصل : مو يالخبله تجاملج
لولوة : يـــه أنت شكو هاا شكو ؟ .. كيفي كيفي
فيصل : بقص لسان بنتج
لولوة: يمه يمه خوفتني ، أقول اقلب وجهك
أم فيصل : حبيبتي إذا رحتي عطي سحر فستانج أهي تعرف تخيط
فيصل : منو قال بوديها أصلا عشان تعطيها الفستان
لولوة : لا أبوس أيدك أبي أروح معاك
أم فيصل : أبوك بيوصلها ، أنت أقعد
لولوة تطلع لسانها : وييييييييييييو
فيصل : باكفخها
أم فيصل : أعووذ بالله منكم !
-----------------
راشد : درب .. درب
سحر : رفووي تعالي المطبخ وصلوا ..
راشد : حيااكم شباب
محمد : اللــه ، عندكم بلاي ستيشن أبا ألعب
مشعل يدوس على رجله : هههه [ بهمس ] أثقل لا تفشلنا
راشد : خخخ يعني في شي جديد ، خلص عشا وأقعد على كيفك ألعب
محمد : وأحنا شايفين عشا
راشد : ههههههه حبيبي انت ، أصبر الحين بجيبه ، مع إني قايل لهالخبله تحطه ، بس أصبر شوي
طلع راشد من الصاله وبقى مشعل ومحمد .. والباب كان مفتوح شوي
محمد : مشعلووو ، شووف في صوت بنت الظاهر هاي اللي رمستها
مشعل : نزل عينك بط فيها
محمد : يــه ليش ؟
مشعل : أنت ما تستحي ؟
محمد : ليش ؟
مشعل : ترضاها على أختك يالحيوان؟
محمد : وأنت ليش معصب جي؟
مشعل : بعد أنت تقهرني

-----------
راشد : وين العصير ؟
سحر : وين عشاي ؟
راشد : العشا بالصاله ، بس قولي لي وين العصير
سحر بإبتسامه : ما ســويت
راشد : ومستانسه على عمرج ؟
سحر : أنت ما قلت لي !
راشد : أفففففف الله يعين اللي بياخذج
سحر : تقصد يا هناه
راشد : لا تطولينها يلا روحي سوي لنا عصير برتقال
سحر : أففففف أنزين

------------

راشد : حيا الله الربع
مشعل : الله يحييك
محمد : اللـــــــــــــه ، شكله روعه ، أقول مو حاطين لنا فيه شي ؟
راشد : لا بس بالصحن اللي على طرف حاطين شويه هيروين عن خاطركم ، تستخف بدمك حضرتك
مشعل : ما عليك منه ، حيـاك معانا ، تراك من أهل البيت
راشد : والله ؟ مشكورين ما تقصرون
محمد : أقول سكر الباب ما اباهم يشوفوني وأنا اكل
مشعل : هههههه صدقني بتلوع جبدك وما بتاكل شي إذا شفته

-------------
سحر : أفففف
رفا : شفيج ؟
سحر : شفيني يعني ، حابسينا بالمطبخ تبيني أرقص ؟
رفا : ومنو قال لج قعدي بالمطبخ ، صعدي دارج
سحر : والصحون تغسلينهم أنتي ؟
رفا : لا عيوني ، أنا بروح أنا بكره عندي دوام
سحر : روحي
رفا : سلمي لي على الشباب وإذا في واحد حلو قولي لي
سحر : والله قليله أدب
رفا : من حلاتهم عاد ، بالله باخذ ناس جذي
سحر : وهو أنتي تدرين منو اللي داخل ؟
رفا : منو
سحــر بهمس : ولد العبد الله
رفا : حلللللللللللللللللللفي
سحر : والله
رفا : ولد العبد الله في بيتنــا !! ، ياااااااي ، أقول سحور ، لما يطلع يمكن تطيح صورته أخذيها وعطيني ، يقولون عنــه يدووخ ، يطيير ، يذبح ، يعذب
سحر : رجاء لا تتغزلين فيه
رفا : ريلج وأنا ما أدري
سحر : جبي زين

---------------

مشعل : آآآآخ تسلم الأيادي أما الأكل شي غير طبيعي
راشد : بالهنــا
مشعل : حموود أنا باطلع باخذ شي من السياره وراجع
راشد + حمود : أوكي
طلع مشعل من الصاله وفتح الباب إلا يشوف أيد لولوة على الباب
لولوة : يمــــــه منو أنــت !!
مشعل : أنا مشعل
لولوة : ما قلت شنو أسمك ، قلت منو أنت
مشعل : صديق رشوود
لولوة : أهــا ، طيب من شكلك كأنك ماخذ راحتك في بيتهم ، عشان جذي ناد لي سحر
مشعل : شتبين فيها ؟
لولوة : أبيهـا تخيط فستاني
مشعل : وأهي تشتغل عندج مثلا ؟
سحر وأهي ورى مشعل : لولوة حبيبتي عطيني الفستان
مشعل أنحرج منها ألتفت عشان يبي يروح الصاله ، إلا إيده لمست صحن العدس اللي كان بإيـد سحر وطاح على رجلها
سحر بصوت خفيف : آآآآآآآآآآآآآي
لولوة : سحـــــر
مشعل ما عرف شنو يسوي : أختي ؟ .. تعورتي
سحر بعيون مسكره : لا ما فيني ،، آآآخ
مشعل : لا جد قولي لي ، أخذج المستشفى ؟ .. شكلج متعوره حيل
سحر : ما يحتاج ،، ما فيني شي
لولوة : الولد خايف عليج ، روحي معاه
سحر شافت لولوة بعيون حاقده : قلت ما صار لـ ،، [ تصاارخ ] أآآآآآآآآآآآآآآ
مشعل : سحـــــــــر
سحر ولولوة سكتوا
حاول يغير الموقف فراح ينادي راشد : رشووووووود
راشد سمع صوته يصارخ ركض له : خير شفيك ؟ .. سحر شفيج طايحه على الأرض
مشعل : كنت أنا أبي ......
سحر تقطعه : كنت ابي اعطي لولوة صحن العدس وطاح من أيدي
راشد : أشوف ريلج وين تعورتي
سحر بعيونها تأشر
حس فيها مشعل : أقول راشد ، أنا بروح الوقت تأخر
راشد : لا وين تروح مشعل خلك هنا
مشعل : لا بروح ، نزورك مره ثانيه إن شاء الله
سحر بصوت ناعم : بتـروح وأنا تعبت وأنا أسوي لكم حلويات ؟
راشد : ايه يبه ماكو طلعه إلا لما تذوق حلويات أختي
مشعل : بس ...
راشد : لا بس ولا شي ، أدخل داخل ، انا بحمل سحر إلى غرفتها وراجع لكم ، بس قول لمحمد ترى الصحون ما ينأكلون

---------------

---------------
مشعل : وأنت للحين تاكل ؟
محمد : أكلهم حلو
مشعل : الحمد لله والشكر ، أقول حمود ما نبي نطول عندهم
محمد : ليش ؟
مشعل : شوف الساعه ، وبعدين بكره مدارس
محمد : وإذا مدارس شو نسوي ؟ راشد مو بالمدرسه
مشعل : أفهــم يا غبي ، خواته بالمدرسه
محمد : ونحن يالسين بحظن خواته يعني ؟
مشعل : أفففف ، خلصنا يلا
------------------
[ يوم جديد ]
في المدرسه
سحر : أفففففف تعباانه أبي أنام
روح : ليش سهرانه يا حظي ؟
سحر : مو لأن كان عندنا ضيوف
روح : إلا تعالي شفيها رجلج ؟
سحر : ما فيها شي بس صحن العدس طاح علي
روح : أهاا ، أنزين جم واحد أهم ؟
سحر : أمم ولد العبد الله و الثانــ ،،،،
روح مسكت إيد سحر : هااااااااااااااااا ، ولد العبد الله في بيتكم
سحر بغرور : ايه ، شفيها يعني
روح سحبت سحر من ملابسها : سحوور شفتيه ؟ فيس تو فيس ؟ ..
سحر : لأ
روح : مينوونه أنتي ؟
سحر : يمه ليش شسويت ؟
روح : في وحده ولد العبد الله يكون في بيتهم وما تشوفه ولا تتأمل جماله
سحر : عبالج انا مثلكم ما أستحي على وجهي ؟
روح : سحوور هذا عذااب ، حتى لو تموتين حيـا ، جدامه ما تقدرين تشيلين عينج من عليه
سحر : الحمد لله والشكر ، أقول قومي راح تبدي الحصه ، إلا على طاري الحصه وين سارو ، العاده أشوفها عند الباب واقفه لي ؟
روح : شفتها مع هذيج المعفنه هيام
سحر : شنو معفنه أنتي ما تعرفين تتكلمين ؟
روح : تقهرررررني والله تقهررررني حركاتها مأساه
سحر : بسج حش في العالم ، تشوفين أبله تسنيم الحين تتوعد فينا ..
روح : يمه خوفتني عاد !!

-------------------

مشعل : حموود
محمد : ....
مشعل : حمووود
محمد : ....
مشعل : حمود و وجع إن شاء الله
محمد : أففف شتبا ؟
مشعل : أف فشله
محمد : شو فشله ؟
مشعل : طيحت الصحن على رجل سحر
محمد : سحر ؟
مشعل : أخت راشد
محمد : صارت سحر حرف ؟ ، وبعدين أنت اللي طيحته والله ما تستحي
مشعل : مو قلت لك ، والله فشله
محمد : عادي ابويه إلا ما تعرفها
مشعل : شكلها وأهي تتألم عذاب
محمد : مشعلووو ، البنت متغطيه أنت شدراك ؟
مشعل : ها ؟ لا بس لما طاحت ، اللي ......... ، وبعدين أنت شكو ؟
محمد : هااا ليكون حبيتها من أول صحن عدس
مشعل : هههههههههه ، لو أحد سمعك بيقول لك تقول نكته ، بالله مشعــل على آخر عمره يحب ؟ .. يا أخي خليناه لكم ..
محمد : و زوجتك ما راح تحبها ؟
مشعل : أمممم مدري بفكر ، والله إذا طلعت سنعه وتسمع الكلام .. نغصب نفسنا ونحبها
محمد : ما أقول إلا الله يعين اللي بتاخذك
مشعل : تقصد هنيالها
محمد : أنزين خلصني ، أنا وراي شغل
مشعل : له له له ، لا ينط لك عرج بس ، أي شغل يرحم والديك بروحك بطالي ؟
محمد : بطالي ؟ .. والله أبوك عنده شركه كبيره وأنت بعد بطالي
مشعل : والله لأني أدرس ، وهو ما يبيني أدرس وأشتغل ، عشان ما يأثر علي
محمد : يرحم أمك بس ، إلا ما قلت لي وين راشد ؟
مشعل : مدري فيه ، أصبر بس أنا اوريك فيه ، هذا وأنا قايل له تعال لي

--------------------

المعلمه : عطني يا عبد الرحمن جمله .. فيها كثيـراً
وقف وقـال بعـد ما فكّـر : أكـرهُ أمي كثيـراً .. لأنها تضربني كثيـراً .. فأنا أكرهها كثيـراً كثيـراً
المعلمه : لا ماما لا تقول كذا عن أمـك .. تراها تحبـك ..
عبد الرحمن : لا ابله انتي غبيه .. انا اعرفها .. هي دايما تضربني
المعلمه : طيب ماما لا تقول غبيه لا أدوس ببطنك .. و ماما ما تضربك إلا لأنك مطلع لها قرون
عبد الرحمن ببراءه : لا صدقيني ابله .. دايما انظف لها المطبخ وتضربني .. و أنظف لها المكياج وتضربني .. مدري ايش اسوي بحياتي مدري ..
المعلمه : خلاص اجل لا تنظف لها دامها تضربك
عبد الرحمن : طيب ليش ؟ .. هذا انا انظف لج ما قلتي لي شي ولا ضربتيني !
قالت باستنكار : نظفت لي شنو ؟
عبد الرحمن يمسح دمعته : نظفت طاولتـج .. كل الأوراق رميتهم بالزباله
فتحت عينها : أحلـــــــــف !
قال وهو مستحـي ويبتسـم : والله ..
قـالت بصـراخ : قدامـي روح ورى .. أوقف و ألصق وجهـك بالطوف .. و بس خلني اشوفك مقرّب عند طاولتي
راح ورى و هـو الدمعـه بعينـه .. وقف و رفع ايده وهو لاصق وجهه ..
عبد الرحمن : ابله ما اقدر اتنفس
المعلمه : يا حظي وخر خشمك شوي عن الجدار
ألتف لها : ما قلتي لي الصق وجهي بالجدار ؟ .. اذا وخرت خشمي ما راح يكون وجهي ملصوق !
المعلمه بعصبيه : عبــــــــد الرحمن .. أسكت عني أحسن لك
ناظرهـا بنظرات حـاده .. و مشـى بسـرعه ناحيـة الباب فتـحه بقـوه وهو يهـدد : أنا بطلـع من هالبيـــت .. أنا مالي قعده فيـه .. أهنتـــــي كرامتـي و حرقتـي وجهي قدامهـــــــــم .. عشـان الأوراق السخيفـه .. ترى بقول لهم عن الصور اللي شفتهـم ها ها ها .. بقـولهم تررى ها ها ها
المعلمـه : أطلـــع بـرى ولا توريني وجهك بالصـف .. أطلـــــــع
عبد الله وقف : لا ابله حرام .. خليـه .. هو ما يدري
عبد الرحمن : ايه ابله خليني وطلعيه هو برى .. ترى كلـه يقـول لي ان انتي جيكـره و كأنـج قنبـله .. ودايما يقول لي اسرق جوالها بس انا اقول لا حرام بس نسـرق فلوسها .. لكن [ بدا يبكـي ] لكن أنا أقـوله حرام .. حرام يا عبد الله حرام .. قولي لي أنا شنو ذنبي ؟ .. شنو ذنبــــــــــي ؟

-----

سحر : آآآه .. يا رفـا كنا نقدر نزورج وقت ثاني .. والله تونا طالعين من بيت العبد الله !
رفا : بلا دلع أنتي .. وبعدين تعالي أقولج .. ليش ما تروحين المحل أنتي ؟
سحر و كـأنها ناسيه الموضوع : تصـدقين نسيته !
رفا : كفـو والله ! ..
سحر : رفـا ؟ .. ما رحتي المستشفـى ؟
رفا باستغراب : أي مستشفـى ؟
سحر : مدري ! .. تكشفيـن .. يمكن تطلـعين حامـل ..!
رفا : مدري والله
سحر : شنو مدري .. أنا مو قاعده اخذ رايج .. أنا قاعده اقولج روحي .. المهم .. وينها لولوة .. ما أشوفها !
رفا : لولوة فـوق
سحر وهي توقف متجهه ناحيـة الدرج : برجع .. دقيقه بس
ركبـت الدرج .. سمعت صـوت أغـاني من غرفه .. لكن الأغاني مو طبيعيه ! .. دقـت البـاب .. ما سمعت غير صـوت لولوة الخشن يسمـح لها بالدخول !

أول ما دخلت .. أتجهـت ناحيـة المسجـل .. و سكـرته .. وهي تنـاظر لولوة اللي كانت مستنكره فعل سحر

لولوة : بأمر منو ؟
سحر تبتسـم : بأمـــري طبعـاً

ناظرت لولوة سحـر بنظرات حـاده .. ما كانت من سحر إلا أنهـا تبتسـم بوجهها .. كمـلت وهي تجلس على الكرسي
سحر : ليش ما تنزلين تسلمين ؟
لولوة لفت بوجهها : ما احد يستاهل انزل عشانه
ابتسمـت : يحليلج والله يا لولوة .. كبرتي وصرتي قليله أدب .. أو [ رفعت راسها تناظر لولوه و باستهزاء ] .. عفـواً .. " قليـل أدب " !
مسكـت لولوة سحـر من قميصـها .. تعجّبت سحر من فعل لولوة ! .. هيـام قدرت تلعـب بمخهـا لعـب كبيـر .. ما حاولت تبين إنها منصدمـه لفعلهـا .. ضحـكت و حطّـت يدها على يـد لولوة وهي تبعـدها
سحـر : إنـي " أنثــــى " .. هذا ما يعنـي إني ما أقـدر أدافـع عن نفسـي ! .. [ ابتسمـت ] لذا .. وخـري ايدج اللي حيـل ناعمـه .. عشـان ما أكسـرها لج

وخـرت عنهـا .. و وقفـت تناظر غرفـة لولوة اللي أنعكسـت شخصيتهـا عليهـا .. ناظـرت الصـور .. اللي معلقتهـا ! .. ألتفـت لهـا وهـي تقـول : تصدقيـن ؟ .. حلوه الغرفه لـ مصـارعه .. عنـدي ناس يقدرون يلعبون معاج اذا تبيـن

رفعت عينها وقالت بوقاحه : مشعـل حبيبج مثلا ؟
ناظرتـها سحر : هههههههههه والله ؟ .. تصـدقين عاد ! .. نسيـت إنـج للحينـج من صنـف المُراهِقـات ! .. اللي ماخذين الدنيا حبنـي و أحبـك ! .. عمومـاً أحتـراما مني لـ عقلـج المُناسـب لـ سنج الصغيـر ما راح أرد عليـج ..

أتجهـت ناحيـة الباب و هي تمشـي بـ بطـئ حطـت ايدها على البـاب .. إلا ألتفـت وهي تقـول
سحر : صـح تذكرت يقـولج فيصـل يبي يشـوفج .. شكلـه مشتـاق لـ التسريحه الحلوه

طلعـت من غرفـة لولوة .. اللي ما تركت بنفسهـا إلا قهـر أكبر من اللي فيهـا .. نـزلت لـ رفـا لكنهـا أنصـدمت بإنها تقـول لها إن ابوها يبيهـا ترجـع البيت بسـرعه لأن الخطيب جاي يشـوفها ! .. أستنكـرت سحـر الاستعجال هـذا .. خصوصا انها مو مجهزه نفسهـا .. حسـت بالظلـم .. لكـن ! .. سكتت .. و وصـلت البيـت ! .. أخـذت شـاور .. و لبسـت عبايتهـا و شيلتهـا – نظرة شرعيه - .. نـزلت و أمهـا تأشـر لهـا على المجلـس إنها تدخلـه .. لأن بو راشـد موجود داخل .. حتى ما عطوا راشـد أي أعتبـار ! .. قلبهـا كان يدق ألـف مره .. تحـس إن الدم كله تجمع بوجهها .. مو قادره تتحـرك .. تبي تتخطـى كل هذا .. لازم تطلـع بالمظهر اللي هي مخططه له .. الحيـا راح يخرب كل شـي .. تنهـدت بقـوه .. و حطـت ايدها على مقبـض الباب .. إلا تسمـع صوت أمها ..

أم راشد : سحـــر ؟ .. أبوج قـال إن المعرس يبي يشـوف شعـرج
سحر مالت براسها : هه .. هذا بأحلامه عاد

ما أنتظـرت أي شـي زيـاده على طول فتحت البـاب .. دخلـت كأنها داخلـه أي غرفـه من البيت .. ما عطت لـ المعرس أي أعتبـار ! .. مجـرد دخلت و جلسـت على أبعـد كرسـي ..
بو راشـد أنحرق وجهه من حركتها .. و لأنه متفق معاها إنها تدخل بـ عصيـر ! .. أبتسـم مجاملـةً بوجه المعرس .. و راح لأم راشـد اللي واقفـه عند الباب ماسكـه العصيـر .. أخـذه منهـا .. و حطـه على الطاولة

بو راشد : ههه ههه والله من الحيـا نسـت تجيبـه ..
المعرس : لا عـادي عمي
بو راشد : عاد تصدق يا ولدي .. سحر ما شاء الله عليهـا .. محد يطبخ الغدا بالبيت غيرها .. أصـلاً أنا ما اتغـدى الا اذا هي اللي طابخـه .. ماشاء الله عليهـا فنانه
ناظرتـه سحر و قالت بصوت ناعم : يبه؟ .. أنا عمـري ما طبخت غـدا !!
سكتت شـوي وهي مبهـوره من قدرتهـا على النطق قدامـه ! .. المعرس كانت فيـه الضحكه لكـن أخفاها .. و بو راشـد توعـد بـ سحر ألف مره داخل قلبـه ..

بو راشد يغيـر السـالفه : يا حيا الله ولدنـا .. هذي الساعه المباركه
المعرس : ساعتـك ابرك عمي ..
بو راشد : سحـر يبه عاد رفعي راسـج
المعرس يناظرها : لا عمي خلها شكلها مستحيـه
سحر بقلبها " ويـــــع .. مدري منو أنت عشان استحي منك .. والله مو رافعه راسي عشان ما انصدم استغفر الله "
المعرس : الا وين راشـد ؟
بو راشد : والله طالـع يا ولـدي
المعرس : حسـافه والله .. كنت ابي اشوفه .. عـاد هذا حبيب القلب
بو راشـد استبشـر : أووه .. شكلك تعرف ولدي ؟
المعرس : لا بس ولد عمـي أحمـد يعرفه ..
رفعـت سحر عينها بسـرعه وبصدمـه .. أحمـد ؟؟ .. ناظـرت شكل المعرس .. سكـرت عينها .. مر بهـا شـريط ! .. لما كانوا بالمجمـع .. هذا الشكل مألوف ..! .. لما كانوا واقفيـن شافت واحد يناظرهم بطريقه غريبه ! .. و واقف بعيد عنهم ! .. مـ .. مـ .. معقول ! .. حسـت نفسها طرف بـ لعبـه كبيـره ! .. تخاف تخسر فيها .. من البدايه ما كانت مرتاحه .. كانت حاسه ان بالموضوع شي غريب ! .. سحـر .. بدت تحـس بخـوف .. دقـات قلبهـا تزيـد .. لكن ما تبي تخرب اللي بدت فيه .. لازم تقوين نفسج يا سحر ..

وسـط سرحانهـا .. كانوا يتكلـمون .. سحر ما كانت معاهم ابـداً .. مجـرد تفكر باللي راح تسـويه .. يناظرها كان بطريقه غريبه

المعرس : ايه ان شاء الله المهر قريب يكون عندكم .. بس ما طلبـت عروستنـا مهر يليق بمقامها
سحر ما ألتفت لـه .. الأخ يحاول يستفزني ؟ .. ولا يبي يبين إنه ما ينفـع معاه ! .. هيـن .. هيـن ..

واصـلوا كلامهـم .. يتكلـمون عن مواضيع كثيره .. وهي مطنشتهم .. ما قدرت تستوعب من الكلام اللي قالوه غيـر كلمـات التوديـع اللي تعلن ان المعرس راح يطلـع من بيتهـم .. سبـق بو راشد المعـرس عند البـاب .. بكل وقـاحه قرّب منها وهـو يقـول
المعـرس : قمــــــــــــر
ناظرتـه وقالت بغرور مُتعمـد وبابتسـامه : ما قلت شي جديد
همس : قال لي أحمد إنج مغروره ..
رفعت حاجب : طيب ؟ .. شسوي لك ؟
ابتسـم لها بخبث : رقصـي .. أو أقـول .. لا بدري .. قريب إن شـاء الله
قالت بقرف : قليـل أدب

طلعـت من المجلـس .. و هـي واصـله لـ الآخـر .. أمـا هو المعـرس " نايف " .. طالـع يبتسـم .. متوّنـس على جرأتهـا الزايـده بالكلام معـاه .. و متجـه لـ البيت يغير ملابسه وبعدها يروح لـ أحمـد يبشـره بـ نتايـج خطتهـم
المخـزن ما أحتـرق بسبب بو راشـد ! .. أحتـرق بسبب نايف اللي تعمـد إنه يحرق المخـزن .. لكن الخـوف اللي تملك بو راشـد خلاه يصـدق وهـم إنه بنفسه حرق المخـزن .. الخطـه كانت مُتفقـه بين أحمد و نايف و شريكتهم الثالثه هيـام من فتـره .. وما كان ناقـص شي غير التنفيـذ .. رد لـ سحـر و مشعـل .. ومعاهـم راشـد .. و ما هذا إلا بدايـة أنتقـام مثل ما توعـد أحمـد .. كـل ما كانوا يتذكرون اللي يخططون لـه يضحكـون على اللي راح يصير بهالعايـله ! .. و أحمـد يزيد تلذذ وهو يعرف مصيـر سحر .. واللي راح يسـويه فيهـا ..

دخلـت غرفتهـا وهي مشـوشه ما تدري وش تسـوي .. جلسـت على السـرير .. تتنهـد .. نـزلت راسهـا بإحباط .. نايف .. أبوي .. أحمـد .. الدنيا .. أففف .. [ وقفـت شـوي .. رفعـت راسها بسـرعه ] ..

أخـذت العبايه والشيله والنقـاب .. مسكتهـم وحطت ايدها على مقبض الباب .. بمثل الوقت انفتـح ..

روح : علـى وين ؟
سحر : روحي جيبي جوال راشـد ومفتاح سيارته
روح باستغراب : ليـش ؟
سحر وهي تلبس العبايه : بعدين تعرفيـن ..

راحت روح الغرفـه تجيب الجوال والمفتـاح بهدوء .. لان راشد كان نايـم .. نـزلت من الدرج .. شـافت أمهـا ..

سحر : يمـه بروح مع لميـاء و روح ..
أم راشد : أوكي يمه لا تتأخرين عشـان ابوج بيوصل بعـد ساعتين ..

أتجهـت ناحيـة البـاب .. و بمثل الوقت نـزلت روح .. قالت لها تلبس عبايتها و تلحقها .. روح ما كانت فاهمه أي شـي .. منصدمـه لـ اللي يصير .. كل شي يمر بسرعه ! .. طلعـت لـ سحر بـرى .. شافتها واقفـه عند سيارة راشـد

سحر : ركبي
روح فاتحه عينها : وين ؟
سحر : السياره
روح : سحـــــــور !! .. منو راح يسوق ؟
سحر ركبـت السياره : أنا .. بسرعه يلا
روح باستنكار : سحـــر .. انتي ما عندج رخصـه ..
سحر : روح ركبـي بسرعه .. مافيني الحين على نقـاش .. ركبي ..
ركبـت روح وهي خايفـه : أبيييه سحر لا تودينا بداهيه .. تكفيـن لا تسوقين

مسكـت سحر جوال راشـد .. وهي تفتـش بين الأرقـام .. أخيـراً حصلتـه .. روح مو فاهمه .. سحـر مو طبيعيه .. شـافتها تتصـل و تكلـم أحـد .. لكن ما تدري باللي يصير .. تتكلـم برموز !

سحر : أيـه ؟ .. أي مطعـم ؟
.... : مطعـم الـ ...
سحر : ايه عرفتـه .. الحين انا جايـه
.... : ليـش ؟
سحر : يصير خير بعـدين ..

سكـرته .. ناظرتهـا روح .. تسـألها عن اللي تسـويه .. و سحر بس تجـاوب بـ " بعدين .. بعدين " .. ما كان من روح إلا أنها تربط الحزام وتتشهـد لـ سرعـة سحر الجنونيـه .. شفيهـا ؟ .. شنو اللي صار ؟ .. وقفـت أخيـراً .. سكـرت عينهـا .. وهي تاخذ نفـس عميق .. ألتفـت لـ روح وهي تقـول " مابي احد يعرف " .. وشو اللي محد يعرف ؟ .. سحر بشنو تفكرين ؟؟ ..
نـزلت من السيـاره .. و دخلـت داخـل المطعـم .. عيونهـا تفتـش عن أحـد .. تدور منو ؟ .. كل هذا عشان منو ؟ ..
تغيرت ملامح وجهها ! .. شكلهـا تقصـد هذا الشخـص .. أتجهـت ناحيتـه .. ثبتت ايدينها على الطاوله قدامـه وهـو يشـرب العصيـر .. و ينـاظرها بنظـرات غريبـه .. وقفـت شـوي .. بينهـم شـي غريب .. يناظرها وتناظره ..
سحـر معقـوله ؟ .. لا ! .. أكيـد أختليتـي عقليـاً .. سحـر شنو راح تسوين ؟ .. سحر أوقفـي ..
كلهـا كانت نداءات تتردد بـ داخل روح .. لكـن .. ما مـن مجيب ! .. سحـر واقفـه قدامـه .. تتجهـز لـ نطقها !
قـالت : علـى غيري يا أنت ألعبها .. و قـول لـ ولد عمـك .. تقول لك زوجتـك ياليت لو تعجـل بالعرس ..

وآآآآآآو

وربي سسسسحـر خطييييييرهـ
ومشعوول آخطططر هع هع ..,,
آنـآ لسه في الصفحه الاولى ^.^
آنـآ من السآعه 4 لـ7 وصلـت آلبارت 4 هع
وربي تعبت وانا انزل 13 بآرت في صفحه وحده [ندعوك للتسجيل في المنتدى أو التعريف بنفسك لمعاينة هذه الصورة]
بس وربي روآآيه شششي وتحممس =)
بكرهـ آكمل آن شـآء الله
ولآُتوًقفيَ كثًـيِـر كمليـهآ قد ماتقدري ^"^
ويعطيييج آلعآآآآآفيــه هآإع

ااااه ليع بتطولي كتييير
وانا برضووووا متاابعه معك
الرواااية بتعئد اكتييييييير وهاي سحر انا بحبها
وبمنى انها تتجوز مشعل
وهاد الي اسمو احمد وريهام العمى ان شاء الله يموتوا وقااحه تعدت الحدود
يلا يلا يا هيتوووو ماتطولييش اكترر . ترى بينفذ صبرررري
انا من يومة نزلتيها قرأتها بس ما اجى الفرصة اني رد
عم استناك انا واحلى وناسه

حبيبتي فرآولـه يالبي قلبج .. بليييييييييييييز مـآأ تطولي
والله أنـآ متآبعتك .. ووآصلـه الصفحـة 2 ... حرآأإم عليج
مآأإبي اوصل الـثآأإلثـه إلآ وإنتي مكملتـهآ .. مآ أحب الإنتظآر أبد ..
والله الكل يقرآأإهـآ ترررى ..
ياااارب الولد الي خطب سحر مآأإيتزوجهآ .. بتفركش الزوآأإج ومشعل يتزوجهآ
اما ررووح وراشد خطآأإره .. ههههـ ..
أإمـآ سارة مسكين .. رحمتهآ مع شعرهآ .
يلا بس كملــــــــــي .. على أإحر تشوويـق

وه وه وه فرآأولـه يآقمـر ,, أإختيـآر رآأإئـع غلآلآي
روآأإيـه في منتهى الذوؤوؤق ,,
بليييييزز كمليـهآإأإ ,, أإنـآ وآأصلـه مكآأإن ويسوو صـ2
بليزز مآأإبي الإمتحانات تيجي إالا وانتي مكملـة ولو كم صفحـة
حراام ووالله كلنـا نتابعهآ
صديقاتي الي في المدرسه يتابعونهآ معآك ومآ عندنا سالفه غير هـ الروآيـه
يلآلآلآ كمليهـآأإ .. لآ نهون ونروح نقرآهآ مكآن ثاني هههه--> تهدد
لآ إن شاء الله ماأكملهآ الا من المنتدى هنـآ . .
بإأإنتـظآآآآآآآآآآآآآآآآآآآآآآآآآآآآآآآآآآآآآآآآآآآآرك

شكلها رواية خطيييييييييييييييرهـ من كثر مايتكلمو عنها البنـآآت ..

أول ماتخلصـيهـآ ان شاء الله اقرآهـآآ ..

بإإإإإنتــظـــآآر التكـمـله يالغ"ــلآ ..

ان شاْ الله ما أطول عليكم

[ الجزء الرابع عشر / الفصل الثاني ]

قـالت : علـى غيري يا أنت ألعبها .. و قـول لـ ولد عمـك .. تقول لك زوجتـك ياليت لو تعجـل بالعرس ..

نـزّل كوب الشـاي من ايده .. و رفـع عينه : تكلميني ؟

توهـا تبـي ترد .. لكـن ! .. لو ردت راح تبيـن إنها مهتمـه لـ كلامـه .. لفّـت عنه تعلـن عن خروجها من المطعم .. لكنـه .. مسـك إيدهـا .. فكّـت ايدها بقـوه وهي تلتف له
سحر : واللي جعــــل منـي تاج علـى راسـك .. اذا شواربـك هذي شوارب رجـال .. جرّب تعيدها ..
قال وهو يشـرب الشـاي : تتحديني ؟

قرّب واحـد من الموجوديـن و قال لـ سحر : ممكن أختي رقمـج ؟
من تفاهتـه سحـر فضّلـت إنها ما تلتفـت .. بالاسـاس حست فيه مو طبيعي .. معقوله في ناس كذا ؟ .. لهذه الدرجه وقاحه ؟

روح : يا هييي انت .. وخر عنهـا لا أبلعـك الشنطه الحين

أحمد باستهزاء : ما شاء الله .. جايبه معاج سوبر مان ؟
روح وهي تتخصر : ايه ايه سوبر مان .. عندك مانع ؟ .. مو أحسن من باربي .. أقـول عاد انت خلك ساكت لا اسدحك بالأرض مثل المره اللي فاتت وانفخ لك راسـك .. ابقى محتفظ بطريقه شعرك اللي كأنها حظيره غنم وايـد أحسن لك

مسكـت سحـر ايد روح عشـان يطلعـون .. وقفهـم أحمد وهو يوقف .. ويقول بصـوت عالي متعمـد على أسـاس الموجودين يسمعـون ..

أحمد : لحظة أخت سحر .. كأني شايف صورتج عند رفيجي نايف !
ألتفت وهي تبتسـم : لا والله مشبهه فيـك .. كأني شايفه صورتـك لما كانوا يرفسون فيـك و أنت طايح على الارض !

النـاس كلهم ملتفتيـن لهم .. يناظرونهم بغرابـه .. طلعـت سحر و معاها روح .. أما أحمد ما كان عليـه غيـر إنه يشكـر اللي كان جاي يطلب الرقم .. مجـرد تسليـه على اساس يحرق اعصاب سحـر .. بكل برود .. جلس مكانه .. وكمّل شـرب الشـاي ..

سحـر و روح دخلـوا البيـت .. و أتجهوا لغرفـه سحـر .. اللي بعـد ما رجعت .. و جلسـت على الكرسي .. كانت روح تنتظر منهـا تفسيـر أو تعليـق .. لكن شافتهـا واقفـه عند المرايـه تعدّل بشعرها !

روح باستغراب : سحر ؟
سحر : هلا ؟
روح : شفيـج !
سحر ألتفت لها وهي تأشر بالمشط : سلامة قلبـج .. بس تعالي ننزل .. نبي نجلس مع أمي شـوي .. من زمان ما سولفنا معاها
قالت وهي للحين مو مصدقه : طيب دقايق .. اغيّـر ملابسي و أرجع !

---

- بيت رفا –

دخلت غرفتها بعد ما كلّمـت سحر وقالت لها انها راح تجيهـم .. حطت ايدهـا تفتـح باب الخزانـه .. الا تشـوف بابها انفتـح و شـي كبير طـاح على الارض

فيصل يوخر الملابس عنه : ترا تراااااااا
فتحت عينها : شنــــو هذاااا !!
قال وهو يدور نظّارته : مفاجــأه بمناسبـه مرور سنـه على زواجنـا
ردت وهي تمسك شعرها من القهر : أول شي احنا ما صار لنا غير 10 شهور .. ثـاني شـي .. مـــــــلابسي .. خرّبت ملابسي و خزانتي
فيصل باحباط : أفااا يعني ما عجبتج ؟
ألتفت عنه و قالت وهي ماده بوزها : لأ
مسـك شعرها من ورى : و هذي
حطت ايدها عليه علامـة الألـم : لا لا .. بس خلاص .. عجبتنـي
ألتفت له و قالت وهي تعـدل شعـرها : شكلك متملل .. ليش ما تطلع مع راشد أو مشعل .. أو أي احد
فيصل قعـد على الكرسـي : راشـد ؟ .. اصلا هذا اخر مره اخليه يتزوج .. لصـق بالبيـت .. ما يطلـــع !! .. و مشعل الثاني .. الأخ ترى على باله المتنبـي .. و اذا غيّـر تلقينـه نايم بالمكتـب !
رفـا : و ليش ما تروح تنام أنت بعد ؟
فيصل رفع حاجب : حلفي بس ؟ .. أقـول يلا برى روحي بيت أمـج و دزوا لي عبد الرحمن
رفا : محد لاعب بعقلك غيــــــره هذا .. خلك منه
فيصل باعتراض : شكو أنتي ؟ .. أنا أبيـه .. يـه ؟

----

راشد : معالي الانسـه روح ؟ .. وين كنتي ؟
روح تخصّرت وهي تناظره : مكان من الاماكن
راشد يهز راسه : طيب .. واللي هـــو ؟
قالت و هي تلبـس الاكسسوارات : والله عاد أسـأل أختـك .. هي أدرى
رد بإعتـراض : و ليش ما تشترون لي من هناك !!
روح ألتفت له : الحمد لله والشكر .. شفيك أنت ؟ .. يبه ما رحنا نتسـوّق

خلصـت جملتهـا .. وهي تخلص تعدّل .. شـافها راشـد تعلـن عن انتهائها .. بـ هدوء أتجـه ناحيـة الباب .. قفلـه .. و حذفـه فـوق الخزانـه .. ألتفـت له باستغـراب لـ اللي سـوّاه .. " لا " !! .. أنا ما أقـدر أرجـع المفتــاح ! .. والباب مقفــــــول ! .. علّـه هالراشـد علّـه !

روح برجـا : راشــــــــــــــد
قـال و هـو يسـوي نفسـه ذايب : عمـر و روح راشــــد وكيانه .. أمــووت بـ هالعسـل أنـا .. أنا شنـو أسمـي ؟
روح بعصبيـه : أسمـك زفـت .. أفتـح الباب
كمّـل ذوبان : أمــــوت بـ الزفــــت أنــــا
قالت باحبـاط : حرام عليـك .. يلا عاد ابي اطلع .. خواتك و أمك ناطريني .. لا تصير كذا عااد !
راشـد وهو يقـرّب منها ويناظرها بخبث : أول مـره أشـوفج كذا .. تدرين ؟
ردت وهي ترجع على وراها : لأ ما أدري ..
وقفـت لأنها ما تقدر ترجع أكثر .. وراها الجدار .. و راشـد مثل ماهو .. يزيد اقتراب منهـا .. لحد ما لصـق فيها
راشـد : الحين دريتي
قالت وهي تدفعـه على ورى وتسكر عينها : وخـــر راشـد
راشد كمّـل : أنـا كذا مرتـاح .. شنو ابي اكثر من هاللحظة ؟ .. اذا قلبـي و روحي كلـه واقف قدامـي .. تبيني أوخـر .. [ اشر باصبعه ] لأ .. لأ .. لأ

قالت وهي تمسـك طرف كمّـه و تسحـبه باطراف اصابها : طيب .. تعال .. وأسمعني
ناظرها شلون تمسكه وقال بحاجب مرفوع : الأخت ماسكه زباله ؟
روح : لا ماسكـه راشـد
ناظر نفسـه وقال ببلاهه : ماشوفج ماسكتني !
قعدت على السرير وناظرتـه عشان يجلس .. وهي منقـرفه من جلوسها قربه .. نزّلت ايدها شـوي .. على اساس انه خشب .. واذا دقتـه كأن الباب يندق .. فـ تبي توهـم راشـد بهذا عشـان يطلـع ..

نـزلت شـوي عشـان تدق الخشـب .. قالت وهي تسوي نفسها تشيل شي من الارض : راشد .. شوف الباب
وقف .. و أتجّـه صوبهـا .. مسـك ايدهـا .. رفعهـا وهو يقـول : والله والله والله .. عبد الرحمن يعرف يفكر أحسـن منج !

ناظرته على جنب : طيب تسمح لي أطلع الحين ؟
راشـد : و اذا ما سمحت ؟
قالت بتهديد : بتصل على أمك بخليها تتصرف معاك !
قال وهو يناظرها بتفحص : بتتصلين لها من جوالـج .. ولا من جوالي ؟
روح : لا مـن .... [ سكتت شـوي ! .. جوالـه ؟ .. هذا شـ يقصـد ! .. أوووف أنا نسيت أرجع الجوال ! ]
سكتت وهي تقلب بنظرها .. و تناظر الفراغ اللي وراه .. شـافته يتجـه ناحيـة الشباك .. ويناظر اللي بـرى .. قال بصوت هادي ..
راشد : طوّفتهـا هالمـره عشـانج .. لكـن [ ألتفت لها وهو يقـول بجديه ] إن تكررت .. راح يصير شي ما يعجبكم ..

----

ما عرفـت شلـون تتخلص من الموقف .. طلعت بسـرعه من الغرفـه .. وهي متوتـره .. تتجـه لـ المجلس .. شافتهم جالسين .. رفـا .. أم راشـد .. سحر .. ومعاهم عبد الرحمن .. ناظرتـها سحر بنظره استفسـار عن سبب تأخيرها .. فـ ردت عليها بنظره ثانيـه تجاوبهـا بإن راشـد درى .. ابتسمـت سحر لـ روح أبتسـامة تطمين ..

رفـا : حــــــرام عليـــــج ! .. والله وجهـج صار كـره ! .. أبي أعرف لو حملتي شنو بتصيرين ؟
طالعتـها بانقراف واستنكـار .. وهي مشبكـه حواجبهـا ..
قالت وهي تضحـك : شفيـه وجهج صار كذا ؟
جلسـت روح وهي تقـول بغرور : قـولي غيرانـه لأن جسمـي يهبـل
كمّـل عليهـا عبد الرحمن وهو يتخصر : قولي غيــرانه لأن تعرف تبوسني
رفا : أسكت أنت أسكت .. مو كفايه من آول يوم عليـك شكاوي .. والابله طاردتك من الصـف
تخصـر وهو يقول : لا والله .. قالت لي أنا ما أتحمل جمالك فـ أطلع برى
روح : ههههههههههه اذكر لما الابله طردت سحر .. طبعا كوني صديقه وفيـه .. لحقتها .. الا اشوفها غارقه بجو رومنسي .. و أمسكهــــــــــا .. و أحنا بوسط كلامنا .. ما اشـوف غيـر يد كبيـره .. لونها كذا غامق معفـن .. ماسكه قميصي وقميصها .. الأخت سحر ما ألتفت .. مسـويه فيها شُجاعه يعني .. ما ألتفيت .. الا اشوفها الوكيله واقفـه .. و أنا أهـز بـ سحر .. وهي جالسـه تناظر الزراعـه .. عاد يومها كنت شاكه انها مستشـوره قذلتها .. لكنها كل دقيقه كانت تطيـر .. المهـم .. عاد مدري شنو صـار .. و ألتفت لنا الاخت سحر .. وقفـت .. و أنا دقيقتيـن و أبجي .. بس تماسكت شوي .. إلا تقول لي شنو تسوون بـرى ؟ .. طبعا أنا قلت أنقـذ الموقف إلا أقـولها .. الابله قالت لي آخـذها عشـان نروح الاداره ونتصل باهلها لأنها مريضـه حيل .. شوفيها يا حرام تكسر الخاطر .. إلا ماشوفها بنص كلامي تقطعني بـ كل وقاحه وقلة أدب .. وتقول لها " الابله طاردتنـا " .. يعني أقـل أمنيـه كانت عندي اني ادوس بـ بطنها ! .. لكن الحمد لله ما خلصنا من الوكيله إلا و أنا ألتهـا بـ كـف على خشمها .. مسكتنـا وجلسـت تحقق معانا .. ليـش ؟ .. و متأكدين وهذا ؟ .. قلنا لها ايه .. رحنـا معاها لـ الابله .. وجلسوا يتكلمون .. عدها الابله رضـت أنها تدخلنا .. أنا دخلت .. وجلست على الكرسي .. الحين أدور سحـر .. وينها ؟ .. إلا اشوفها واقفـه للحين عند الباب .. تقـول لها الوكيله دخلي .. إلا تقـول " لو لـ قبري تزفوني .. الصف ما أدخله قبل ما تعتذر مني " .. كنت بقـول لـ الابله تسمح لي اخذها معاي لـ الطب النفسي .. لكن ما كان في وقت .. أقولج يا رفا .. بقـت ربع ساعه وهي تقـول ماني داخله !! .. لحد ما قالت لها الابله " آسفـه بآى .. خلصينا و أدخلي " .. من يومهـا و سحـر بهذي المـاده درجـاتها بالأرض

ألتفـت رفـا لـ سحر وهي تضـربها على رقبتهـا : ليـش تقلديني ؟
روح : ههههههههههه .. هذا و أنا يعني أفتـن عليهـا
أم راشـد تناظرهم : سحور ؟ .. ليش ما قلتي لي ؟
سحر : أشـوفج أنا يمه ؟ .. طول الوقت عند التلفزيـون ! ..
أم راشـد : والله من الهـم يا يمـه
قالت روح وهي تهديها : أفـــــا خالتـي .. أي هـم و أنا موجوده ؟
أم راشد : مو الهم لأن أنتي موجوده
روح : هههههههههههه .. أفـــــا .. ما هقيتها منـج
أم راشـد تبتسـم : لا شدعـوه .. من يوم ما جيتي مليتي علي البيت .. و صـرتي تسوين العصير لـ راشد بدالي
عرفت روح انها تقصـد لما كانوا بالخطوبه و حطت بالعصير ملح .. قالت بحيا : شدراج خالتي ؟
أم راشـد تضحك على شكلها : هو قالي ..
عبد الرحمن وقف : أنا اوريــــــــه
رفا قعّـدته : أجلس مكانـك .. شكو أنت ؟
عبد الرحمن : زوجتي كيفي !
سحـر وهي تأشـر عليـه : طـع هذا ! .. تـرى حتى راعـي الخضـره زوجته !
تخصـر لها وقال : أيـــه .. عنـدج مانــع أنتي ؟

قطعهـم وصول راشـد .. اللي نازل بـ بيجامـه ! .. راح جلس قرب روح .. اللي ما قدرت تعترض لأن أمـه موجوده .. ناظرهـا باستفـزاز .. وهو يبيـن لها إنه فاز عليها ..

قالت أم راشـد : شدعوه .. ما عندك ملابس ؟
رد عليهـا وهو ينـام على رجـل روح : يمـه مالي نفس ..

أول ما سـوته سحـر .. إنها ألتفـت تشـوف وجـه روح .. اللي من حسـت بـ راسـه على رجلهـا .. إلا و أنقلـب وجهها أحمـر .. و واقفـه تطالـع قدامهـا بعيون مفتـوحه وبصدمـه ..

قالـت وهي توقف : بروح الحمام ..

راشـد اللي راسـه كان مثبـت على رجلهـا طاح على الارض بطريقـه .. ضحّكـت الكـل .. مشـت بسـرعه وهي تتخطـاه لـ بـرى .. ناظرتـه سحر .. وهي حاطه ايدها على فمها تحاول تخفي ضحكتهـا

ناظرهم وهو على الارض : بزنطها .. ما تعرف تقول بروح و بعدها تقوم
أم راشد : محد قال لك أستـرح على رجلها .. عبالك خفيف
قال و مسوي نفسـه زعلان : هذا بدل ما توقفين بصفي !

----

هيـام : منو ؟
-- : .......
هيام : ايه .. ايه
-- : .......
هيام ابتسـمت : تم
-- : .......
هيام : فمان الله

سكـرت التلفـون وهي تنـاظر لولوة وتبتسـم لها .. كمّـلت معاها اللي كانوا يسـولفون فيـه .. لولـوة مكملـه معاها .. وسط كلامهـم .. قالت هيـام باستفـسار : ويـن زوجة أخوج ؟
لولوة تناظر عيونها : رفـا ؟
هيـام بايجاب : ايه
ردت بدون أهتمام : رايحه بيت أهلها
هيـام ناظرها اصابعها : آهــــا .. [ رفعت راسها ] تصدقين ؟ .. خاطري أتعرف عليهـا والله
لولوة بسذاجـه : تبيـن رقمها ؟
قالت بسـرعه : ايه .. ايه

--------------------------------------------------------------------------------

فواز : هههههههههههه .. حمـوووود .. يا خايـــن العشـــره .. من متـــى و أنت هنـــــا !!
محمد وهو يعـدل اليـاقه : من يوميـن
ضربه على كتفـه : أفـــا بس أفــا .. لكن مو مشكله .. خل مشعل يعرف بس .. صدقني يذبحـك ..
محمد : الحينه خل عنـك مشعل ولا غيره .. تبانه نوقف في الشارع ؟
فواز وهو يناظر ساعته : خلص .. ألقـاك بالمطعـم .. بس أمـر على مشعل و راشـد وجايينك ..
محمد : أوكي بتريـاكم

ركب فواز سيـارته .. وهو يمسـك التلفـون عشـان يتصل على مشعل .. على الاقل يمكن هذا الخبر يفـرحه .. أول ما رد مشعـل على فـواز

فواز : كم تعطيني
مشعل : بسـم الله الرحمن الرحيم !! .. الناس يسلمون
فواز : هههههههههههه وعليكم السلام
مشعل : منو سلم عليه الحين هذا ؟
فواز : وينـك فيه الحين ؟
مشعل وهو ياخذ نفس : أمشي ..
فواز : وين بالبيت ولا بـرى ؟
مشعل وقف : لا بالبيت على الجهـاز ..
فواز باستعجال : طيب أجهـز .. بمر على راشد و جايك .. أوكي ؟
مشعل وهو ما يدري عن اللي يتكلم فيه : ويــن !
فواز : ما عليك أنت .. بس أجهـز و خلاص ..
مشعل وهو يمشـي : خلص .. آخذ شاور و أخلص .. يـلا فمان الله

سكـر فواز من عنـده .. وتذكر راشـد .. لازم يدق عليـه يخـبره إنـه يتجهـز .. أتصـل على جوال راشـد ..اللي مازال عند سحر .. رن الجوال عندها .. فـ ما ردت .. لكنـه بقـى يرن أكثر من 5 مـرات .. و راشـد مو موجود .. رايح يشتـري توت لـ سحر ! .. مسكت الجوال بتردد .. لكنها ردت ..

سحر : ألـو ..
سكت لما سمـع الصـوت .. هذا الصـوت سمعـه من قبـل .. هذا الصـوت يعرفه .. هذا الصـوت دوم يتردد في بـاله .. معقـوله ؟ .. معقول تكون هـي !!
سحر لما شافت ان محد يتكلم قالت : السـلام عليكم !!
رد بسرعه : وعليكم السـلام ..
قالت باستفهام : نعـم ؟
فواز : هذا رقـم راشد ؟
سحر : ايه رقم راشـد .. بس هو الحين مو موجود .. أقوله شي ؟
فواز اللي يحس إنه بـ حلم : لا بس قولي له يجهـز ..
سحر : إن شـاء الله .. مع السـلامه
فواز ما يبيها تسكر : لحظة ..
سحر : نعـم ؟
فواز ما يدري شيقـول : الله يسلمج

سحر حسـت إن الصـوت مو غريب عليهـا .. سكـرت عنـه .. وهـو للحين ماسـك النقـال بايدينـه .. معقـوله ؟ .. هذي هي ! .. معقـوله تكون هي زوجـه راشــد !! .. معقـوله تكون هي اللي تزوجهــــا راشــد ! .. لا .. لا .. مو هي .. مو هي .. أففف .. يارب ما تكون هـي .. اذا مو هي .. أجل ليش ترد ؟ .. ترك الجوال .. وهو يتنهـد بحيـره

نـزلت سحر بالجوال عشـان تعطيـه روح .. و توصلـه لـ راشد .. قطتها براسها .. نزلت شافتها واقفـه بوجه عابس .. وأمها تضحـك بوجهها .. ما عرفـت باللي صاير ! .. شفيهـم ؟ .. ابتسـمت وهي تتجه ناحية أمها

أم راشـد : سحووره .. بعـد بكره الملكـه ..
تلاشـت الابتسـامه اللي كانت على وجـه سحر .. و حلّـت بدالها صدمـه .. صدمـه بالواقـع ! .. صدمـه بالشي اللي كانت تحاول تتناسـاه .. مـر فيها شـريط أحمـد .. نايف .. هيـام .. ناس كلهـم خبث و شـر .. تذكرت بسمـات أحمد و وعيده .. تذكـرت نايف وكلامه .. وهيام ونظراتها .. الوحوش اللي حولهـا .. سكـرت عينها و تشابكت حواجبهـا .. لكـن .. ما راح أسمـح لـ هالهواجس تخرب علي .. فتحـت عينها
سحر : مو كأن بسـرعه !
أم راشد : أيـه .. هو لأن بعد بكره ملكه .. وبعدها عندج شهـر تجهزين فيـه
ردت : إن شـاء الله ..

ألتفـت تشـوف روح اللي أرتسمـت على وجهها علامـات ألـم و حـزن .. تناظر سحـر بعيون ضيقـه .. ما تدري وش وراها .. تحـس إنها ما تقدر تواجـه هالنوعيه من البشـر بروحهـا .. لكـن كالمعتاد ما شافت من سحر غير ابتسـامه

---

الصبح

- المحل –
سحر تتنهـد : آآآآه .. وحشنـــي المكــان والله
روح وهي تتمشـى : أيـه والله ذكـريات لا تُنســــى
سحر : ويي .. شنطتــــي .. راشـد للحين برى ؟
روح : مدري شـوفيه ..
أتجهـت بسـرعه ناحيـه البـاب .. أول ما فتحت الباب ألتقت عينها بعينه .. اليوم ينظرها ويدري ان بكرها زواجها .. وقف ! .. و الزمـن فيهم وقف .. سـؤال واحـد كان يتردد في نفـس مشعـل " لِـمَ ؟ "

لِـمَ يا سحـر الضيـاء إلـى هنـا خطـوتِ .. أما تعلميـن إنـي المعذب طالبُ الحبِ قـوتِ .. أفـ أنتـي هنا لتزفين إليَّ خـبر زفـافـكِ ؟ .. أم لتمسكـي بيداي و تدفعينـي لـ قبـور الـموتِ ؟

لبسـتُ الاستحقـار ملبسـا .. ودسـتُ الحديدَ ملتهبـا
ليتنـي بالحيـاةِ .. وقفـتُ .. فـ حُرِقـتُ .. فـ جُمِعـت .. ومن ثـم بـ رمـادي نُثّـرتُ
فضـلى عليّ ذلك .. من رؤيتـكِ .. أمـــام عينــي .. تلوّحيـن بيداكِ .. مُوّدعـــه

عشقـــــــتكِ .. و ما عشقتينــي
أحببتــــــــكِ .. و ما أحببتينـــي
تذكـــــرتـــك .. فـ نسيتينـــــــي

أمـا أتذكرين ؟ .. قلـبٌ للهـوى هُـدِّم بأولِ يـومٌ فيـه لقيـا همسـاتُ الصـوت .. بل سبقتهـا القـلوب ؟
فـ حينهـا .. كنتـي

" نقطـه "

حيـــاتي لهـا أُقُـدِّمُ لـ الوصول .. أقتـربي .. و أسمعـي صوت دقـاتِ القلـبِ ناضـحُ الدمِ حرقـةً

لِـمَ هنـا تلقينـي ؟ .. لِـمَ تُعيديـن فتـحُ الجروح .. وسكـبِ عطـرِ العذابِ فوقها ؟
ألم تكتـب لكِ الأقـدارُ حيـاةٌ جديده ؟ .. فـ لِـمَ حيـاتي بـ رؤيـاكِ تهدمينهـا ؟

أبتعـــدي .. بُعـدَ مشـرقٍ عن مغربِ .. كفـاني من المحبـةِ ألتيـاع

من بعـدكِ .. وصيـه ..

" أمـي .. ثكلتِنـي و الحلـمُ في عينـاكِ تراءى ..
أعذرينـي إن وعدتـكِ بـ حفـلِ زفـاف .. شاءت الأقدارُ قبـل ذلك دفنـي "

غضـت بصـرها .. وهي تحـاول تطلـع لكن وقفتـه كانت حاجز .. رفعت عينهـا .. تبيـن له إنها تبيه يبتعـد .. لكنه ما زال واقف ..
قالت بـ هدوء ونعومه : أ .. أ .. أبطلع ..
أنتـبه لـ نفسه .. و وخـر عنها وهو منـزل راسـه و يتجـه لـ الطابق الثـالث .. الطابق اللي بيوم جمـع بينهم .. اللي كان ينثـر فيـه أحسـاسه .. اللي بـ يوم وقفت فيـه سحر .. وتنفسـت الهـوى الموجود فيه .. هذا الطابق .. جمعنـي .. عاشق .. و جمعنـي ولهـان .. واليوم يجمعنـي مكســـــــــــور ..

مـر فيهم الوقت بسـرعه .. كل حوادث اليـوم كانت تمشي عند سحر مثل البرق .. الساعه كانت مثل الثانيه .. كل شي ما يعجبها .. لازم تتصـرف ! .. بسرعه .. الوقت يمر .. و أخيـراً .. أنتهـى يومهـا .. بـ ملل وضيق .. بـ حزن و كآبـه .. و أهل يبتسمـون غصب عنهم .. بـ تهاني ابو .. كل ابتسـاماته طمـع و جحود وظلم ..

صحـت اليوم الثاني .. وجهها شاحب .. مو طايقه نفسها .. كل اللي حولها مشغولين .. يرتبـون .. ويعدلـون .. ويجهزونهـا .. جهـزت السـاعه 3 ونص .. بقـى نص ساعه من الموعد اللي اتفقـوا عليه .. يروحون لـ الشيـخ .. ويعقـدون ..

بعـد نص سـاعه .. راح يمتلكها شخص .. كـل عيوب الدنيـا فيه .. راح يمتلكها شخص .. ما يبيها زوجـه .. يبيها هدف لـ أنتقامـه .. بعد نصف سـاعه .. راح يكمل مشعل حياته بالدنيا .. لكـن .. وهو ميـت .. راح يفترقـون أحلـى وردتين نبتـوا مع بعض .. سحر و روح .. بعد ما كانوا روحين بجسد .. راح تبتعـد كل وحـده .. هذا البيت اللي جمعهـا بـ أمها .. راح تبتعـد عنـه .. عبــــد الرحمن .. اللي تعوّد يكون قريب منها .. تعوّد يواسيها .. اللي ما تحمل دمعتهـا .. راح يبتعــد ..

ما راح يبقـى بحياتها عبد الرحمن ! .. راح يبتعـد طيفه .. وحتى براءتـه .. صديقـاتها .. مريم .. ساره .. لميـاء .. ما راح يبقـى لهم وجود .. من بعد ما كانت معاهم .. ضحكاتهم .. بـ نص ساعه راح تختفي ..

غرفتها .. اللي عاشت فيها حلو حياتها ومرها .. بـ نص ساعه راح تختفي .. مستقبلها اللي رسمتـه .. راح تتشـوه الرسمـه .. سوالفها مع روح .. ذكرياتهـا .. المحـل .. كلـه يختفـي .. خلال نص سـاعه ! .. من بعـد العزه .. راح يجي من يكون هدفه يذلهـــا ! .. حياتها راح تنتهـي .. تذكـر لما وقفـت مع رفـا .. و وقفـت مع روح بعرسهـم .. مسكت روح من ايدينها .. تزفهـا لـ أخوها .. لما فرحت وهي تشـوف نفسها هي وصديقتها في بيت واحد .. اليـوم .. راح يفرق بينهـم فرق كبير .. و راح تختفـي .. خزانتها اللي بيوم جمعت ملابسهـا وملابس صديقه عمرها .. راح تنكسـر ! .. عتابها لـ عبد الرحمن .. وضحكها مع راشـد .. و قربها من روح .. تـذكر .. لما وقفـت مع روح .. تكلمهـا .. و فجأه ذراعينـه طوّقتهـا .. حمتهــا .. الذراعيـن اللي كانت تقربهـا من قلبـه .. الذراعيـن اللي تمسـكت فيهـا وما تركتها .. ومن بعدها أنطـرح على الارض مشلول .. تذكـرت صورها .. كلهـم .. اليـوم يحترقون !

تذكـرت يـوم كانت توّدع فيـه روح .. لـ أسبـوع فقـط .. شـلون اليـوم راح تودعهـا .. طول الحيـاه .. طول الحيـاه ..
كانت دايمـا تقـول .. زوجي راح يكون غير .. واليـوم عرفت إن زوجها غير .. يحمـل كل خبث الدنيا .. هالنفس الطيـبه راح تكون مع هذا الانسـان ..

ماذا أذنبت ؟
و أيِّ هولٌ كبيـرٌ في حيـاتي أقترفت ؟

لِـمَ بين أولئك أعيش !

لِـمَ الشهـدُ حُرِمتـه ؟
و همس السـواقي سمعته !

قنبــــــله كبيــره .. طاحت .. على .. حيــاة سحـر ..

و

أنهـــــــــدمت

قطعهـا مأساتهـا صـوت البـاب يعلن بـ دخول راشـد اللي جاي يقـول لـ سحر تروح معاهم .. عشـان ينتهون ويعقدون ..

راشـد وهو منزل راسـه : مـات ..

ابتسمت : Great !

[ الجزء الخامس عشـر / الفصل الأول ]

ابتسمت : Great !

ألتفت روح لـ سحر .. تناظر ابتسـامتها .. تناظرها بـ هول وصدمـه .. تنتظر منها تبرير .. تنتظر منها نكر .. تنتظر أي شـي .. لكن ! .. سحر تبتسـم .. سحر ! .. حطت ايدها على فمها .. أكيد اللي يصير مو حقيقه .. أكيد سحر مالها دخل ! .. ألتفت لـ أم راشـد .. شافتها واقفـه مصدومه تهـز راسهـا .. و بو راشـد !! .. اللي ضرب بنته و أهانها عشـان هالمعرس .. واقف بدون أهتمام ! .. حصل اللي يبيـه .. وقدر يثبت بمكانه في الشركه ! .. ما قدرت تتحمل كل اللي بـ بالها .. ركضـت لغرفتهـا .. ما تبي توقف أكثـر .. وتنصـدم ..

بكـل ما تحتـويه من بسـاطه .. رفعـت عبايتها هي الثـانيه .. وبكل هدوء .. خطت على الدرج .. خطـوه .. خطـوه .. وصلت غرفتهـا .. سكرت الباب .. قفلتـه .. حطت العبايه على الكرسـي .. أتجهـت ناحيـة المرايـه .. فتحـت شعرهـا .. نـزلت راسهـا .. وثبتت ايدينهـا على الطاولـه .. سكـرت عينهـا .. و مـع تلامس الجفـون .. نـزلت دمعـه حاره على خدهـا .. سـرعان ما مسحتهــا .. مالـت بشعـرها كلـه على جهـة اليميـن .. و عند اليسـار .. خصـلات شعرها متناثـره تغطـي وجهها .. تتنفـس بقـوه .. تنـاظر عيونهـا بالمـرايه .. بدت تميـل لـ الاحمرار ! .. رفعـت راسهـا علـى صـوت الـباب .. شافتهـا واقفـه ! .. تناظرهـا .. بأسـى .. قـالت وهي تهـز راسها بالنفـي ..

روح : مو كــــذا يا سحـــر .. مو كـــــــــذا !!
ناظرتهــا وهي تنفـي .. تصـرخ بجوفها تقـول " لأ " .. قـالت بصـوت عالـي : لأ .. روح لأ !! .. أنا مالي دخل !!
قالت بعدم تصديق : و بِـمَ تسميـن ذلك ؟
قـالت و هـي تـوقف .. وتناظرها بابتسـامه حزينه وتبرير : أفسـألتي بـمَ أسميـه ؟ .. أم إن روحُ الدُاعـبةِ أحـتوتكِ ؟ .. أفـسـألتي بـِـمَ أسميــه ؟ .. أم إن روحُ المزحِ أحتوتـكِ ؟ .. أفسـألتي بــِـمَ أسميــه ؟ .. أم إن روح التشمـتِ أحتـوتكِ ؟

إذاً .. فأسمعينـي يا شقيقـةُ الروحِ .. و أنصتـي ..
لا تنـاظري ساعتـكِ .. و لا تُبـالي .. سـ أنتهـي .. و لكـن نصـــــرُ الله ما ينتهـــي !
رائينــي ! .. أما ألتمسـتِ من ذاك الجسـدِ يومـاً علـى الأرضِ هزيـلا ؟ .. وذلك الوجـه شـاحبـا .. و القلـبُ شديـدُ الجروحـا ؟ .. أمـا نمـتُ .. و صحيـتُ .. و أنا المظلـومـةُ .. المُقيـدةُ المُـقـادةُ .. كمـا الإمعـــه ! .. أفـ ساووني بالبهائـم .. ومن ضمنهـم بقيـتُ ؟
[ ضـربت بايدهـا على الطاولـه وقالت وهي تناظر روح بعينهــا ] .. فـــ ما رضيًَّ بذلك ذو العــــــــزة و الجبــــروت .. فـ الهـــــلاكُ عليــه أنــــزل ! .. [ كملــت بنبـره حاده ] .. دعــــوتهُ .. و ظـلامُ الليـلٍ قد أشتــــد ! .. و صـوتِ دُبِّ العصـافير قـد أختفـى .. بيـن يديه وقفـــتُ .. دعــــوتُ .. دعــوةً هــزّت جدرانــي فـ شقـــت سبـع سمــاواتٍ طــباقا .. و وصلتــهُ .. أمـا قال في حديثٍ قدسـي .. إن الملائكـه تحجب دعاء العبدِ في الأولـى والثانيه والثـالثه .. ولكـن بعدهـا .. يقـول الله إلـى متى تحجبون صوت عبدي عنـي .. لبيــــــك عبــدي لبيــــــك عبـدي !
فــ ما توقفـتُ عند دعـوه .. ولا أثنتـان .. بل زدت عليهـا ما يزيـدُ عن خيـالكِ تصـورا .. وتمسكـتُ بقـوله " أُجيـــبُ دعـوةَ الداع إذا دعـان " .. أمـــا رأيتـهِ ؟ .. من جعـل الدنيـا كـ جناحِ بعوضـه .. أستجــابَ لـي !! .. وما أرادَ إن يجعـل منـي في نيـرانُ الدنيـا أحتـرق .. لا تلومينـي لو شددتـُ في الدعـاءِ .. فما تدرين كيف تلونـت حيـاتي سوداء !
و كأنني والله .. في صحــراء ! .. أسيـرُ بُعـدَ الخُطـى أبحـثُ عن المـاء ! .. أو حتـى لـ السقـمِ .. من دواء و شفـاء !

أيَّ روعِ الحروفِ و زينها رأسـكِ أرفعـي .. و لِـمَ بالحزنِ نفسكِ تكسين ؟ .. أمـا عدتُ و أمـا ذهب ؟ .. أتقنـــي فـنًَّ القتـــلِ و لو فشــلتِ .. أقتلـــي ضميــرٌ يُغلـقُ أبـواب الدنيـا من أجـلٍ شخصٍ .. لولا رحمـةِ اللهِ و خُفـيِّ الأقدارِ .. لأجزمـتُ بـ إغلاقٍ أبـواب جهنـــــم عليـهِ .. ليـسَ لنـا من القـولٍ سـِـوى رحمـكَ الله يا قطـرةُ سـوادٍ في حيـاتي .. سُـرعان ما مُسحِـت كـ مسـح الدموعِ من عينـاي .. مع ذلك .. لـن أنسـاها .. و .. لـن أنسـاها .. وفوق ذلك .. لـن أنسـاها

مسكـت ايدها وقالت وهي تتفحص نظراتها : تطابـقَ الروحِ و الوجدانِ ؟ .. لسـتُ أدري .. متـى مخزونُ قوتـكِ سـ ينفذ ؟
قـالت وهي تبتسـم وتميل براسها : عفـوا ؟ .. ما ضعـفَ من اتخـذ الله عليـهِ متوكلا .. مـاتَ .. غيـرهِ من حُثـالةُ الدنيـا سـ يولدون .. أيـن المشكلـه ؟ .. ماتَ .. وكلنا مثلُ المصيـر سـ نتذوق .. أين المشكله ؟ .. ماتَ وسـ يحاسب شـُـدِ حِسـاب .. أين المشكله ؟ .. [ ابتسمـت ] .. لا مشكلـه .. عسـى الله أن يغفر له ذنبـه و يتجاوز عنه خطاياه .. ويجعلـهُ .. علـى حيـاتي التـي صيّـرها مُطلعـا .. ضـبابُ المـاضي .. سأجعلـهُ خلفي نسيـانا .. و سـ أمضـي .. ما هــــزّ الجبـال بأسفلها نفـسُ غابنِ .. و كمـا قالـوا " لســـت لهـــم والله قدري فوقهـــم .. ليــسَ الغزالِ بقدره مثل الغنـــم "

مشعل يلتفت : وينه راشد؟
قال فواز بنبـره حزينه : راح !
ناظرهم باستغراب : وين راح ؟ .. ما كنتوا معاه .. و شفيكم وجيهكم مغلقه ؟
رد محمد بنفس مسدوده : خطيب أخته مات ..
مشعل نزّل راسه وقال بحزن : الله يرحمـ ......
سكت ! .. لحظة .. سحر ؟ .. خطيب !! .. موت !! .. أنا .. مـات ؟ .. مـات ؟ .. مـات ؟ .. تبعثرت بداخله كل الأوراق .. و بدا الزمن يوقف فيه و يسـرع ! .. ما صدق اللي سمعه ! ..
قال بتشكيك : منو ؟
فواز وهو يناظر مشعل بغرابه واستفهام : خطيب أخته !!
بكل ما فيـه .. وقف .. و صـرخ صـرخه طلعـت من صميـم القلــب هـزّت المطعـم : سبحــــــــــــــان [ كمّـل بهمس ] .. الله ! ..
الكل ألتفت له .. يشوفونه .. ناس أعتقدوا إنه مجنون .. وناس اعتقدوا إنه صابته حاله نفسيه .. أما محمد و فواز .. فـ اعتقدوا إنه حزين على الميت !!
سكت الكل خروجـه ! .. طالـع يمشي بسـرعه .. ما يدري وين يروح !! .. بس يمشـي !! .. يتنهــد بقـوه .. مو قادر يصدق اللي يسمعـه .. معقـول ؟ .. معقــول ؟ ..!!

محمد يناظر فواز : شو فيه ؟
قال وهو يحرك رجله بعصبيه و بدون اطمئنان : لا تسألني ..

~

يمشـي ! .. و ايدينـه بـ جيب جينزه ! .. سبحان الله !! .. سبحان الله !! .. في حد يرتاح بـ موت إنسان ؟ .. للأسـف ما كان إنسـان ! .. كان يحاول يضرني و أنا علـى الكرسي عاجز إني أدافع عن نفسي ! .. حاول يطيح راشد بقضيه مخدرات .. و فوق هذا بـ كل وقـــــاحه و جرأه .. حاول يمـس سحـــر .. [ توقف عند الكلمـه .. سحر ! .. أنا قريب ! .. سحر قريب ! .. جـاي و كـلي شـوق ! .. جـاي و نفسـي من فرحة قربـج فوق السمـا تطيـر ! .. ]

يمشـي .. و بقـى يمشـي و ما يدري رجلـه وين توديـه ! .. بس يمشـي .. !!

أم راشـد : أرتحنا منه
سحر باعتراض : يمــه ! .. بس عاد !! .. ترحمي عليه
أم راشد : أنتي شفتي استغفر الله سوء الخاتمه !! .. هذا كان راح ياخذ بنتي !! .. قولي الحمد لله ما عقدنا .. ولا كنا راح نصير على كل لسـان بسببه !
سحر تناظر السقف باحباط : يمـه الله يسامحه ويغفر له .. غيري موضوعه الله يخليج
أم راشد : تعالي تعالي .. إن شاء الله راح نقابل أمه 3 أيـام؟ .. لو أنا من أمـه أصـلاً ما أخلي الناس تجي عندي وتعزيني .. أجلس بالبيت و اسكر على روحي
سحر وقف وقالت برجا : استغفر الله .. استغفر الله .. يمـه الله يخليج لا تتكلمين عنه .. ما تجوز على الميت الا الرحمه !!

عبد الرحمن دخل الغرفـه وهو يرفس الباب ويصارخ : ليـش ما قال لي ؟
روح : شنو ؟
عبد الرحمن ضرب على الطاوله وقال بصوت عالي : ليش ما قال لي انه راح يموت ؟
سحر : كملــــــت .. اليوم مخفوسين مخفوسين !!
عبد الرحمن : سحر يعني شنو عفارم ؟
سحر وهي مو فاهمه : يعني عفيـه عليك .. ليـش تسأل ؟
عبد الرحمن : آهــا .. لا بس اليوم ابله الرياضه سألتني .. أيـه ده ؟ .. قلت لها هذا بنطلون أختي لأن بنطلوني الرياضه أمي كانت عميـه وحرقتـه .. عشان كذا هو كبيـر علي .. فقالت لي عفارم عليك .. قلت لها العفن أنتي مو أنا .. بعدها خلتني أوقف طول الحصه .. ليش ؟
مسكت أذنه : أخذت بنطلون منو ؟؟
عبد الرحمن يمسك أيدها اللي على اذنه و يوخرها : بنطلونج
سحر بتهديد : بنطلوني هاا .. تعال قولي لي ابي توت .. أنا أوريك .. بعدين تعال اقولك .. ليش ما تشتري لك ؟
عبد الرحمن تخصر لها : قولي لـ أبــوج هالبخيل هذا .. أقوله أبي بنطلون يقـول غالي !! .. قلت له و أنا أغمز الغالي لـ الغالي .. زفني وقال أطلع برى !! .. زين مني أقول له شعر ..
سحر : أي شعر أنت الثاني ! ..
أم راشد : اقـول تعال برى .. خل البنات بروحهم
عبد الرحمن : شكو ؟ .. رفيجاتي !!
مسكـت ملابسـه وسحبته : تعال أهوو .. فاضيه لك انا

طلـع عبد الرحمن و أمـه برى .. و وقفت سحر تتمشـى بملل .. أتجهـت ناحيـة الشبـاك .. فتحت الستـاره .. تناظر السمـا .. نـزلت راسهـا .. فتحـت عيونهـا !! .. شـافته واقف بطوله ! .. لابس جينز وقميـص ضاغط على كتفينه .. هذا هو .. مثل الشعر الكثيف الطويل ! .. مثل الوقفـه .. مثـل الأتزان .. يثبت على رجـل .. و يحط ايده بجيب الجينز الخلفي .. رفـع النظاره عن عينـه .. و رفـع مستـوى نظـره لـ فـوق .. سكـرت الستـاره بسـرعه وتسندت عليهـا وهي تتنفس بقـوه .. إن شاء الله ما شافني !! .. هذا ايش يسوي هنا ؟ ..

نـزّل راسـه و ابتسـم " شفتـج " ..

ناظرتـها روح بتشكك .. شنـو اللي بـرى ؟ .. قرّبـت شـوي منهـا .. لكـن ! .. دخـل راشـد .. سحـر حست إن قلبهـا راح يطيـح بـ بطنهـا .. ناظرت راشد بانصـدام .. تبيـه يطلـع .. أطلـع .. أطلـع !! .. تنـاظر روح .. تكفـى راشـد لا تقـرب !! ..

سحـب أيـد روح بقـوه .. ومشـى وهو يطـلع من الغرفه بسـرعه .. يمشي بعصبيه .. روح مو فاهمه شـي !! .. و سحـر أرتـاحت لأنه طلـع .. فتحت الستـاره على جنب فتحه صغيره عشـان ما تبيـن .. شـافته للحين واقف !! .. شفيـه ؟ .. شنو يبي ؟؟

دخـل بعصبيـه .. سكر باب الغرفه وقفلها .. ترك أيدها وهو يدفعها بقـوه .. نـاظرته بانصـدام ! .. شفيـه ؟ .. شصاير ! .. أنا شنو سويت ؟ .. شافته يناظرها بعيون ناريـه .. قـال بصـوت عالـي

راشـد : وحشتينــــــــي
طالعته .. وشافت ما عندها شي تسويه غير شيئين .. أما تقتله .. أو تقتله !! .. الحين هذا من صجه ؟ .. كل هذا اللي سـواه .. وساحبني قدام أخته .. ويقـول لي وحشتيني !!

قـالت بقهـــر وهي تتخصر : و أنــــــت ما وحشتـني .. شعندك ؟؟
راشد : اللـــــه ! .. والله وحشني صراخج ..
روح : تعال ابقولك أنت .. تقـول أمك ليش ما تقعد معاهم ؟ .. مغير جالس لي بالغرفه تغثني وترفع ضغطي ؟
سحب ايدها وجلس يمها : صج صج روح .. حلفي ما تحبيني ؟
ناظرته بعيون مفتوحه : والله ما أحبك !!
راشد مد بوزه : أفــــا !! .. ما هقيتها منج !

طالعته .. شفيه هذا ؟ .. حاط بـ باله اني ميته عليه مثلا ؟ .. صـج يحلـم .. و من قلـب بعــد !!

روح ناظرته : أنا بنزل تحت ..
راشـد بعدم أهتمام : أبوي تحت
روح وهي تعض على اسنانها : مع أحترامي .. لكن أبوك هذا ما أطيقـه ! ..
رفع حاجب : خير ؟ .. بس تدرين أنا بعـد كنت أحبه .. لكن بعد هذيج المره صرت أكتفي بـ إحترامه ! .. أقـولج مره كنت العب كره .. و أكسـر لج زجاج سياره أبـوي ! .. طبعـاً حصلـت يومهـا كم كف كذا .. المهم .. رحت اليوم الثاني المدرسه .. سألوني الشباب وش فيـه الزجاج مكسور .. تعرفين يعني فشـله أقـولهم الحقيقه .. ويجيك راشد العنتر .. قلت لهم .. أبـوي كلمنـي بصوت عالي .. فـ صرخت عليـه وكسـرت زجاج سيـارته .. يعني شقولج يا روح .. ما نطقت آخر حرف إلا وهو وراي .. حصلــت لي كفيــن قدام الشبـاب .. و رجعت البيت ودموعي اربع اربع .. أسبـــوع كامل ما رحت المدرسه من حرقه الوجــه !! .. و ذاك الموقف .. كان كفيـل بأنه يخلي مقدار حبي لأبوي ينخفض .. على الرغم انه شعور مو حلو ! .. كل واحد كان يتكلـم عن طريقـه تعامل ابوه معاه .. وكيف يحملهم مسؤوليـه .. عكسي طبعا ! .. حتى بعد ما تخرجت .. معاملتـه لي كانت تحرجني !

تعاطفت معـاه .. وشـافت بعينـه طفوله قاسيه مع هالأبـو ! .. حيل يكسر الخاطر .. رجع على وراه .. وسند راسه على الكرسي .. كأنه يتذكر شـي .. أو يسترجع ذكريات ! .. قرّبـت تشـوف ملامح وجهه .. فتـح عينه وهو يبتسـم ويقـول بتبرير : غصبـاً عنـي ما أقـدر أحبـه .. شفتـي قلب ينقسـم لأثنين ؟ .. [ قرّب منها وهو يأشر على قلبه ] منـه طردتـي أمـي و أبـوي و فوقهـم أخوانـي .. و قلتـي " لـي بروحي " .. أنا شنو ذنبي ؟ ..

ناظرته بصدمه .. الأخ بدى يغازلنـي .. ابتعـدت عنـه و قالت وهي تتخصر : ذنبـك أنك ما تستحـي !
قال وهو فاتح عينه : أوووف .. روح تكفيـن لا تتخصرين !! .. جسمج صاير تحفـه !! .. حرام عليج
ناظرت روحها بانصـدام .. حستهـا قويـه .. ردت وهي تحس انها راح تبجـي : جد ؟
راشد : أنتي مو بس جـد .. ولا عـم .. أنتــي عايــــله بكبــرها .. قنبــــــــله
مـدت بوزهـا .. أتجهـت ناحيـة الباب بخطوات سريعه وهي زعلانه .. يجيب المرض من قلب .. ما عنده حتى أسـلوب يتكلم فيه .. أنا الغلطانه اللي ماعطته وجه ومقابلته .. ولا هو أصـلاً ما يستاهل .. أكـــــرهه

فتحت الباب و طلعت متجهه لـ الغرفه الثانيه .. ناداها لكن بدون اجابه .. لحق وراهــا .. ومسك الباب قبل ما تسكره .. دفعـه .. و دخـل .. وقفـت وهي ماعطته ظهرها .. مسـك ايدها يلفها ناحيته .. لكنها فكت ايدها بقـوه وقالت بعصبيه : أنت لا تلمسني ..!!
قرّب منها لأنه يبيها تمشي لـ ورى .. قرّب أكثر .. لحد ما انحكرت بين الخزانه و الجدار .. وهو يسـد باقي الفراغ !
راشد : شنو بتسوين ؟
قالت بحاجب مرفوع : والله عندي رجل .. ومافي شي يمنعني من إني أستخدمها !!
توه يبي ينطق .. لكن ناظر وراها وقال بصدمـــه : بريعصــــــي !
بصـرخة قـويه أبتعـدت عن الجدار و لصقـت بـ راشـد .. ماسكـه كتفـه .. و تسحب ملابسـه .. وهي دافنـه وجهها بصدره .. تحاول تدفعه عشـان تبتعـد عن المنطقـه لكنه واقف مكانه سـاد ! .. ناظرهـا وهو يضحك عليهـا .. سـوى نفسـه يمد ايده عشـان يمسك البريعصي .. لكنـها بخوف وصراخ مسكت ايده بسرعه و حضنتها .. قال بقلبه " فديت امك يالبريعصي .. اذا كذا .. كـل يوم تعال !! " .. طلـع من جيبه كلينكس .. وبايـده الثانيـه .. مسـك البريعصي .. من الصدمـه قامت روح تبجي !! .. تصـارخ تقـول له يوخر عشـان تطلـع .. لكنه يعـل الواحد ! .. مو راضـي يتحـرك .. مسكتـه اكثـر وهي تغرق ملابسـه بدموعهـا .. قال لها و هو ماسك البريعصي ..

راشـد : تبينـــه ؟
روح مغطيـه عينها : راشـــــــد .. وخــــر .. تكفــــى وخـــــــــــــــر !! ..
راشـد يسوي نفسـه يفكر : أمممم .. علـى شرط
قالت بصراخ : قول خلصنــــــــــي !
راشـد يناظرها وهو يبتسم : تبوسيني
استنكرت الفكره بشده .. وكملـت صراخ .. وضـرب فيـه .. على أمل إنه يبتعـد عنهــا .. لكن ! .. مثل ماهو .. وهو يبتسـم قرّب منها البريعصــي .. يوريها اياه .. ويزيد عليه وهو يقول " يحبج .. يبيج .. عنده معاج سالفه " .. بصـوت عالي أعلنت أستـسلامهـا .. خصوصا مع منظره البشع !!

راشد : يلا بسرعه
ناظرته بـ برطم ممدود : حرام عليــــك
راشد وهو يقربه : أجل يـلا ناخذ رحله
روح : لا لا بس بس خلاص
قرّبـت منه شوي وهو يناظرها بانتصـار .. تحس انها تبي تقتله !! .. يقهـر يا ربي هالانسـان يقهر لآخر حد .. لو الذبح حلال ما تأخرت بذبحه .. صـارت قريبـه منـه .. قدّمـت راسهـا .. لكـن ..

روح : آآآآآآآآآآه !!
ألتـف راشـد بسـرعه و صار قربه مكان فاضـي .. ركضـت روح تطلـع منـه .. وصلـت عند الباب .. الباب مقفـول .. بسـرعه فتحته بالمفتـاح .. لكن بخلال كل هذا .. قـدر راشـد يمسـك ايدها ! ..

التلفـون يـرن ! .. الظاهـر ما أحد موجود بالطابق الأول .. محد يرد ؟؟ .. رفعـت السمـاعه ..

سحر : السلام عليكم والرحمه
مشعل : وعليكم السلام ..

عرفت الصـوت .. هذا أنت ؟ .. آه ! .. الظاهر كان ينتظر راشـد .. تنتظر منه شي .. لكنـه ..ساكت !! .. قالت وهي تصحيـه !!

سحر : تبي راشد ؟ .. لحظة شوي ..
مشعل رد بسرعه : لأ لحظة ..
قالت باستفهام : نعم ؟
مشعل وهو يتنهـد : شخبارج ؟
من صجه الحين ؟ .. عبالي عنده شي .. ردت : بخير .. اناديه ؟
مشعل بقلبه وده يذبحها .. شفيهـا هذي .. كلمتين على بعض مو قادر أقـول !! ..
مشعل تذّكـر .. وقـال بنبـره فيها سعاده مو قادر يخفيها : صح .. عظم الله أجرج
ضحكت بصوت خفيف عليـه .. الرجال ميت وهو يقـولها وكأنه راح يموت من الوناسه !! ..
سحر : أجرنا و اجرك .. كاهو راشد الحين جاي ..

تركت السمـاعه و راحت تنـاديه .. مشعـل جلس ينتظر " أففف عليـك يا راشـد .. شتبي أنت شتبي ؟ .. ليش وصلت ؟ .. مو لو كنت متأخر شـوي أحسن لك !! " ..

صعـدت لهـم الطابـق الثـالث .. شـافت باب الغرفه مفتـوح و روح تصـارخ .. دخلـت وهي تدفـع الباب ..

سحر : يا أخ .. أتـرك صديقتي أحسن لك
روح تصـرخ وتستنـجد بسحر : تكفيييين سحــور شـوفيه ..
سحر رفعت كم القميص : تعـال أنت تعــال
قال باستهزاء : أقول طيري انتي الثانيه .. كفيـن و تطيحين
سحر : لا تسـوي فيها الشجاع القوي الحين .. يبونك على التلفون
راشـد : منو ؟
سحر : ماني فاضيه أسـأله أنت منو !!
مشـى قربهـا وهو يناظرها بطـرف عينه .. نـزل .. وناظرت سحر روح و هي تضحـك .. وجهها صار أحمر من الصـراخ ..

سحـر : ههههههه الحمد لله والشكـر .. الحين كل هذا عشـان بريعصـــي ؟؟ .. صـج ياهل !!
بعد ما سمع كلامها .. طـل راشـد براسـه وهـو ماسك البريعصـي ويوجهه تجـاه سحـر : تبيـــــنه ؟؟
صرخت و هـي تركـض ورى روح ماسكتهـا بقـوه .. ومسكـره عينهــا : وخــــــــره رشووود وخـــره !!
ناظرتها روح بحاجب مرفوع : الحمد لله والشكر .. الحين كل هذا عشـان بريعصــي ؟؟ .. صـج ياهل !!

~

مشعـل : و متـى الدفن ؟
راشد باستغراب : ليـش ؟
مشعل : بكون معاكم !!
راشد : أستغفر الله .. أصـلاً هذا حتى الصلاه عليه المفروض تكون حرام !!
مشعل باستنكار : أستغفر ربك .. هو محتاج منك الدعاء مو كذا !!
راشد : أستغفر الله .. المهم .. أعتذر لي من الشبـاب .. والله استخفيت لما سمعت الخبر .. وخصوصا طريقه وفاته !
مشعل : الله يغفر له ..
رد راشد : بقـى الثاني ..
مشعل باستفهام : منو تقصـد ؟
راشد بقهر : أحمـد .. إن فكـر يتعرض لـ أختي .. لـ أخليـه يلحس دمـه
رد مشعل بداخله " ما يحتاج يا راشد .. لأني قبلها راح أخليه يجمـع أعضاء جسمه من على الارض " ..
مشعل : ما عليك منه .. هذا مريض ..
راشد : مريض هذا عند أمـه .. مو عندي أنا ..

~

هيـام وهي تصــرخ : مــــات !! .. مــــات !!
رد ببرود : طيب
صرخت بوجهه : شفيـك أنت ؟؟ .. أقـول لك مـــات ! .. وأنت ساكت ؟؟
جلـس على الكرسـي .. ناظر الشبـاك .. وقال وهو يبتسـم .. :

ذبحته ..

--------------------------------------------------------------------------------

[ الجزء الخامس عشر / الفصل الثاني ]

جلـس على الكرسـي .. ناظر الشبـاك .. وقال وهو يبتسـم .. :

ذبحته ..

ناظرتـه بصدمـه .. بذهول ! .. راحت قربـه .. مسكـت كم قميصه بقـوه .. بعتــاب .. وهي مو مصدقـه .. معقوله يمزح ؟ .. لا !! .. شكله جــاد ! ..

وخر ايدها عنه وهو يقول ببساطه و يوقف : أمممم .. كان بالبيت .. شربتـه شوي من الحلو .. وقلت له يروح بيتهم وهو اللي يسوق السيـاره .. حادث بسيط .. ومـات !

هيـام بدون تصـديق : و ليـــــــش ؟؟
ناظرها : كـذا .. خلصـت مهمتـه .. وجوده كان يقتصـر علـى تعذيب سحورتي كم يوم نفسيـا .. و خلاص .. و لو عاش بعدها .. راح يصدق نفسـه .. ويخرب علي .. و أنا ما أحب أحد يتعرض لـ طريقي ..
هيام : بـــــس !
أحمد يقطعها : سويت شي أنا ؟ .. مجـرد ضيفتـه لما كان بـ بيتي .. في خطأ ؟

~

{ علـى شاطئ البحـر / 35 : 7 مسـاءً )

ينـاظر البحـر بهدوءه .. و أمـواج البحر وهي تتقـدم وتبتعـد .. واقف و ايده بجيب الجينز .. و الهـوا يلعـب بشعـره .. يبيـن من بعيـد .. مثـل طريقـه الوقوف المعتـاده .. مثل تفصيـل الجسـم .. مثل طريقـه الملابس .. فنيـلا ضاغطـه .. و سـاعه سـوده كبيره .. ينـاظر الموج بشغـف .. ينتظـر ! .. رجلينـه تمشـي عشـان يرجع البيت .. راح أرجع أكلـم أمـي ! .. و أسـّرع .. ما راح أنتظـر .. ما راح أنتظـر لحد ما تروح من عندي مره ثانيه ! .. جـأي لج يا سحـر ! .. [ نـزّل راسـه ] .. شسويتي فيني ؟ .. شسويتي فيني ؟ .. بنت ما تعدت الـ 18 تقلـب حيـاتي .. و قلبـي في ملعبهـا كـره ! .. أنـاظر البحـر أشـوفج فيه باسمـه .. و للسمـا عيني أرفعها .. أشـوف تعابيـر الفـرح وجهج حلّتـه ..
أذكــــر يـوم اللي كنت أسـارع فيـه خطـأي .. أبركـض ! .. أفتـح البـاب .. و عيونـي بـ وجه أمـي أكحلهـا .. أقســـم باللي يجعـل من الجبال له تنحني .. يزيـد شـوقي لـ لحظة سمـاع أسمـج عن لحظـة لقيـاها ! .. و يـا قلوب أشهـــدي ..

أشهــدي ..

لُطِـمَ مـوجِ العشـقِ ذوبَ القلــبِ فيـها ..

أسمعــي ..
شهيـقَ الحـبِ مُتبـعٌ زفيـرهُ في وصفهــا ..

أنظـــري ..

سِـهامُ المـوتُ فـوقَ السمـاءِ تُصيّـرني في هجرهـا ويـلا ..

دققــــــي ..

في عيـونَ التـوقِ يزيـدُ عذابهـا الشـوقِ ..

داوي ..

جراحَ الجِفـاء .. و أسكبـي عليهـا من رحيقكِ عطـرا ..

أرفعــي ..

سيـــوفَ الطعـنِ و هــاكِ قلبــي .. لـ الغـرسِ نحـوهِ يُصـَـوّبا

~

{ بيـت بو راشـد / 37 : 7 مسـاءً )

مـرّت الـ 3 أيـام على سحر و أمهـا بملل .. بطيئـه ! .. ما صدقوا متى يخلصـون .. تحس نفسها معاهم راح تختنق .. خصوصا انها كانت مضطره تقابـل هيام هناك !! .. كل شيء فيهـا يستحـق إن الواحد يحمد ربه ويشكره على نعمته ! .. لا أخلاق ولا حيـا .. ولا حتى ذوق ! ..

جالسـه على الكرسي بملل .. تنـاظر رفا و روح و أم راشـد اللي كل وحده جالسه تتأفأف من الملل !! .. صـار لهم ساعه ناس واقفيـن برى يدقـون الباب .. لكن ولا وحده متحركه ! .. كلهم في حالة تخدير من الكسـل .. نـزّل عبد الرحمن وهو مسوي فيها المعصـب ! .. يقـول بصراخ و إعتراض
عبد الرحمن : يعني مافي أحد بالبيت يفتح الباب غيري انا السيلانيه؟
أم راشـد : هه هه هه .. افتح الباب مالي خلقك

راح عند الباب و ثبت نفسـه على أصابع رجله عشـان يوصل .. فتـح البـاب و شـافهم .. السـاحرات الثلاث ! ..
" لميـاء ، مريم ، سـاره " .. دفعـت مريم الباب وهي ترفـع النقـاب و تقـول بصـوت عالي ..
مريم : والله اللي يجي بيتكم ينذل .. ساعه عند الباب ..
سـاره : والله شعري أختــــرب !!
مريم التفت لها : لا أنتي زين لك .. على الاقل الشمس تمتص الزيت اللي بشعرك ..
ناظرت الشباك : الحين مو ليل ؟

دخلوا المجلس و شافوا شكلهـم الـ " ميـت " .. راحـت مريم تجلس بحضـن أم راشـد .. وهي تسـلم عليهـا
مريم : و ربي ما جيت الا عشـانك .. كيفك يا خاله ؟ .. ما شاء الله عليك صايره حلوه [ تغمز لها ] أخاف تعشقين من وراي ؟
ضحكـت أم راشـد عليهـا و قالت وهي توخرها : يحليلج والله يا بنتي ما تغيرتي .. لسـانج طويل وقليله ادب
مريم : هههههههههه تسلمين لي والله كلك ذوق
ناظرتهم ساره وهي تقول : شفيكم كذا خامليين ؟ .. أحنا وصلنا !!!
رفعت سحر حاجب : So .. ؟
لمياء : ما عليج منها جليله حيا أعرفها ..
مريم : أقـول .. قوموا قوموا
روح بملل : وين ؟
مريم وهي ترمي العبايه على الكرسي : ايروبيكس يـلا
رفا : وخري زين مالنا خلق .. توها جايه وعلى طول تتحكم ..
سحبتـها من إيـدها : قووومـي [ ألتفت لـ سحر ] عندكم شريط حمـاسي ؟
رفعت حاجب : أغاني ماكو
مريم : لالا .. أناشيد
سحر ألتفت لـ روح : عندنا ؟
أتجهت روح ناحيـة خزانـة الأشـرطه .. ظلّـت تقلب الاشرطـه .. تدور .. تشـوف الاسـامي و أسماء المنشدين
رفعت الشريط تلوّح به : في شريط للحسيـان .. أشغله ؟
مريم : يناسب لـ رياضـه ؟
روح تغمز : و لأمها بعد

شغلّت المسـجل .. و تأكدت إن الباب مقفـول .. علّـوا الصـوت .. الجو صـار حمـاسي !! .. مسكـت ايد أم راشـد و وقفتهـا معاهم .. وكملتها مع سحر و روح .. الكـل واقف .. ثـلاث على جهـة اليسار .. و ثـلاث على جهـة اليميـن .. و وقفـت قدامهـــم

مريــم : يــــــلا
أم راشـد مو فاهمه : يمـه شنو بتسوون ؟
مريم ابتسمت لها : طبقي معانا خالتي .. ترجعين 20 سنه ورى

وقفـت بالنـص .. تسـوي وهـم يطبـــقون .. أول شي بدأت بـ جمله " فـــوق .. فــوق .. فــوق .. أعلـــى "
.. وثــب .. جري بالمكـان .. توازن .. تمـارين خصـر .. ضغـط ..

سحر مسكره عينهـا : 48 .. 49 .. 50
سـاره تتنهـد بقـوه : 19 .. 20 .. 21
أم راشـد تشــاهق : 2 .. 3 .. 4
عبد الرحمن مندمج : 5 .. 1 .. 30

كملـــوا .. انقلاب خلفـي .. انقـلاب أمامي .. ثبـات على الأمشـاط ..

سحر : وين الايروبيكس استاذه مريم ؟
مريم تلتف لها : هههههههه هذا هو
سحر : أمحــــق !!

قطعهــم صـوت تلفـون البيـت .. رغـم إن الصـوت ما كان واضـح بسبب الصـوت العـالي .. اتجهت ناحيتـه أم راشد ترفعـه ..

أم راشـد : طيب .. أوكي .. بقـولها .. انزين ..

سكرت الخط و أتجهت بنظرها لـ روح .. : روح يمه .. يبيج راشـد
سـوّت نفسها الزوجه المطيعه طلعت من الصاله وركبت من الدرج وهي تتحلطم عليـه .. صج فاضي !! ..

أم راشـد تتنهـد بقـوه : واي واي تعـــبت !!
عبد الرحمن حاط ايده على بطنه وقال وهو فاتح عينه : يمــــــــه .. راحت كرشتـــي !!
قالت وهي تدفع راسه : أقـول أسكت أنت بسك كذب ..

~

{ الطابـق الثالث / 20 : 8 مسـاءً )

قالت بتأفف : خيــر ؟
راشـد : شصاير تحت ؟؟
روح تكتفت: نلعب رياضـه .. في مانع ؟
يبي يطفرهــا : ههههههههه .. والله يسوون فيج خير
قالت وهي تعطيه ظهرها وبنبـره زعـل : سخيف وما تضحـك
مسـك من وراها ايدينها وقال وهو مقرب من اذنها ويهمس : زعلتـي قلبي ؟
وجهها حمّـر .. و وقفت فاتحه عينها .. هذا .. هذا .. هذا من صجه ؟ .. لااا !! .. مو صـــاحي .. مو صـــاحي !
وخرت عنه بقـوه وقالت بصراخ : يا هييييي أنـــت !! .. لا تعيــــــــدها
قال وهو يضحك على شكلها : هههههههههه أوكي أوكي .. نسيت ان زوجتي مفترسه .. أوكي .. أنا بطلع .. تبيـن شي ؟
قالت وهي تهز رجلها : لا فكه
راشد : أفــــا !! .. حتى سلامتك ماكو ؟
روح : لا ماكو .. عرض اكتافك يلا
راشد وهو يطلع : مو مشكله راح تحتـاجين لي صدقيني
روح : تكفــــى بس !!

طلـع من الغرفـه .. و أضطـر يطلع من البيت من الباب الخلفـي .. عشـان البنات موجدات .. طبعـاً بعـد روح .. الرياضه توقفـت .. خصـوصاً إن سحر قررت تروح المحـل .. تاخذ السيدي اللي كانت تبي تعطيـه لميـاء .. كانت ناسيتـه بالمحل .. لأنها كانت متفقـه مع لميـاء انها تجيها المحل وتاخذه منها .. لكن تأخر الوقت وما قدرت لمياء تاخذه ..

أم راشد بتعجب : الحين ؟؟
لمياء تترجى : أيه تكفين خالتي .. والله أبيــه ضروري حيـل ..
أم راشد : خلاص مو مشكله .. بس لا تتأخرون
سحر : إن شـاء الله يمـه ..

{ عند باب المحل / 44 : 8 مسـاءً )

ناظرتها من فوقها لتحتها .. ناظرتهـا بإستحقـار .. ناظرتهـا بأنقـراف .. هذا مظهر تكون فيه بنت ؟ .. ناظرتهم باستخفاف .. قالت و الغرور يملي نبرة صوتهـا وباستهـزاء
هيـام : تصدقون ؟ لولا إني شفـت الشنـاط بإيدكم .. كنت حسبتكم أكياس زباله !
ألتفت لها روح بقهـر وقالت بصوت عالي : شرايـج أوريـج الشناط على اصولهم و أشيـل مخج بها ؟
بكل هدوء اشرت سحر لـ روح إنها تسكت .. ناظرتها وهي تبتسـم و قالت : أسمعينـي يا أرض(ن) ما يتـواضع قاع رجلي وعليهــا يدوس .. " أنــــــا " حفيـدة سيدات نسـاء العالميـن .. اللي من أشكالج يتبروون .. كيس الزباله هذا أغلـى من إنـي أشتـريه بضحكات و روحات وجيات مع شباب الشوارع .. أنا قـدري من عـلاه فـوق السمـا يتطاااير .. ما أنـزل لمستـوى أفقع فيه عيون ناس عميـه .. ما تعرف تفـرق بين الستـر و الانحطاط .. لا تلوميني .. اعتدت أمشـي ومن حشمتـي الناس عيــونهـم بالأرض تندفـن .. ما تعتلـي لمقـام فيه تناظرنـي ..

مثل الصاعقه نزل عليها الكلام .. حست فيها تقلل من قدرها .. أستنكرته و ردت باستهزاء : لا تخافين فارس الاحلام مو موجود عشان يسمع الكلام ويصفق لج
ألتفت عنها .. عطتها ظهرها متجهه ناحيـة باب المحل تتخطـى العتبـه وهي ترفـع طرف عبايتها بكل كبرياء
سحر : إذا خاطبهم الجاهلون قالوا سلاما ..

دخلت سحر المحل وبقـوا البنات واقفـين عند البـاب .. ألتفـوا لهـا بقهـر ..
مريم : إن كنتي تبين تشوفين شعرك بالارض قربي بس ..
روح : تعالي مو تبين تشـوفين شناطنا ؟ .. أنا أوريج اياهم
ردت وهي تتراجع على وراها : أنا أصـلاً ما أقعد مع اشكالكم
ألتفـت و مشـت بسـرعه متجهه ناحيـة السيـاره .. شكلهم يخوّف وهم مجتمعين ! ..
مريم : سااره ألحقيهـا ألحقيهـــا [ شـافتها تناظر داخل المحل ] يااااا حظــــي مو هنــــا
ساره : وين؟
مريم : أقول أمشي داخل .. ما منك فايـده ..

دخلـوا شافوا سحـر جالسه على الكرسي بإيدها توت و تـاكل !!

رفا فاتحه عينها : من وين التوت ؟
سحر تبتسـم : من شنطتـي
روح : لا حول ولا قوة إلا بالله .. حتــى هنا !!
ألتفت سحر وهي مصدومـه .. تناظر روح : ييييه .. أنـــا صااايمه !!
ساره : من متى بدا رمضان؟
رفا : هههههههههه لا ماما .. الأيـام البيض .. اليوم تاريخ 14 ..
ألتفت سحر وهي تناظر رفا و تحس بقهر مخلوط بـ رغبه في البكاء : اووه .. كله منـــج !
رفا : يه ؟ .. أنا شكو ؟ .. وبعدين أي صيام هالوقت ؟

سكتت عنهـا .. و راحت بإتجـاه الحمام ( اعزكم الله ) عشـان تغسـل ايدها .. حطت ايدها على المقبض .. ما ينفتـح البـاب !! .. قـوّت قبضتهـا .. وهـي تحاول تفتـح بدون فايـده !! .. معقوله الباب فيه شي ومشعل ما صلّحه ؟ .. ناظرتهـا مريم و اتجهت ناحيتها وهي ترفع الكم ..
مريم : أقـول ابعدي لا تذوبين دلع .. أنا أوريك كيف ينفتـح ..

ابتعدت سحر وهي تناظر مريم وهي تحاول تفتح البـاب ! .. بدون فايده .. تضغـط عليـه اكثـر !! .. ما ينفتـح .. باقي البنات راحو عند البـاب .. وكل وحده تحاول .. لكن مثل النتيجـه ! .. بعـد التعـب .. و المحاولات بدوا يستهبلـون من الملل !!

مريم : يا حبيب جدة أمن جابتني .. أفتــح .. عندي لك هديه
سـاره تطبـل على الباب : آآه .. آآه .. و مباركيـن عرس الاثنيـــــن .. ليلـة ربيــع عينـــي قمــرا .. كلولوش
روح : بنات بنات .. اذا الباب انفتـح اليوم عشـا على حسابي ..
سحر : أنتـم .. الباب ! .. اذا صار فيه شي أنتو راح تصلحونه !!
رفا تخصرت : والاستاذ مشعل شنو مهنته ؟
سحر : والله هو ما يصرف عليج !! .. والباب انتم اللي كسرتوه .. هو شكو ؟؟
رفا : عـاد كيفه يتصـرف .. محد قاله يفتح له محل
ساره : ايه ايه صح .. ترى زين اني ساكته .. ليش ما تسوون لي تخفيض ؟؟ .. ولا مو معتبرني صديقه اخت رفيجه ؟ .. لا لا قولي مو معتبـرني قولي !
سحر بحاجب مرفوع : مو معتبرج
مريم : أنا معهم .. لولا عطره وجسمه وشعره وملابسه و شخصيته كنت وريتك فيـه ..
رفا : وش تورين يا حسره و وش تخلين .. تكفين أوريج أخته بس .. ههههههههههه .. ألوان الطيف السبعه كلهم تشوفينهـا على وجهها
سحر بعصبيه : بس عـــــاد !!
لمياء : عاد ولا ثمود ههههههههه
سحر ناظرتها على جنب : Silly !!
لمياء حطت ايدها : 3 على واحد أيــه ؟
رفا + روح + ساره : يادوب
لميـاء : 4 على واحــد أيــــه ؟
كلهـــم يضــربون الباب بقـــوه : حــــــــرااام

و

أنفتـح الباب !!

" فواز ! "

.

[ الجزء السادس عشـر / الفصل الأول ]

و

أنفتـح الباب !!

" فواز ! "

أنصدمـوا كلهـم .. كانوا يتدافعـون .. وقدامهـم لميـاء اللي طـاحت عليه لما فتـح الباب ! .. سحبتهـا روح من ملابسهـا عنه .. واقف مو فاهم شي .. شفيهم ؟؟ .. يشوف بنات يتحذفون عليه .. حس بخوف من شكلهم وهم هاجمين .. سحر وقفت تناظره .. هذا شنو يسوي هنا ؟؟ .. و هذول الفضايح آخر مره أجيبهم معاي .. حرقـــوا وجهــــــي !!

من الإحراج لميـاء راحت ورى روح وخبت وجهها .. خصوصا مع شكلـه الخايف بسببهم ! .. أبـدا ما كان جاي على بالهم إنه ممكن يكون أحد موجود داخل .. وقفوا قدامـه يدورون تبرير أو شي يخفف من حجم الفشيله اللي هم فيها !

روح تعتذر : أوووه .. مسامحه امسحها بوجهي
لمياء منزله راسها باحراج : مسامحه أمسحها بخشمي .. ما دريت
رفا تناظر شعره المبلل : عفوا أخوي .. لو أدري انك هنا كنت جبت لك شامبو [ داست مريم على رجلها ] أأ .. أقصد صابون
فواز باستفهام يناظرهم : ما فهمت شي !
ساره تكحلها : لا يعني صابون هذا شي اسمه صابون هو قطعه صغيره تعطر الحمام اذا ريحته فطيسه
مريم تناظرها بصدمه .. وش فيها هذي ؟ .. ايش فطيسه !! .. ابتسمت وهي تبرر : ههه ههه ههه .. ما عليك منها .. تقصد إن هي ريحتها فطيسه

سحر حطت ايدها على وجهها وهي تقول باحراج منهم : فشلتونـــا ..

ما أنتهت من آخر كلمـه .. الا و كأنها جرس يدق بقلبـه .. يصحيه .. يذكره !! .. معقـول ؟ .. هـزّه الصـوت .. هذي هي .. ألتف لهـا .. ناظرها بإندهـاش .. بشوق .. بفرح .. وقف على ما هو فتـره .. و هو بس يشـوفها .. لفت أنتبـاهم سرحانه فيهـا !! .. يناظرونه بتعجـب .. نـزّل راسـك ! .. وخـر عينـك ! .. روح لفّـت بنظرها تجـاه سحـر .. اللي مو قادره ترفـع عينها من الأرض بسببه .. البنت راح تموت حيا و هو بمثل الوضعيه ..
قالت روح وهي تحاول تصحيه : العبد الله ؟
ساكت ما يـرد عليهـا .. سحـر تحرّكـت بإتجـاه رفـا توقف وراها ! .. وهو على ماهو عليه .. علّـت صـوتها وقالت
روح : العبــــــد الله ؟
ألتفت لـها بعد ما أنتبه : تكلميني ؟
قالت باستهزاء : لا أكلم عبايه سحر
قرصتهـا من ورى عشـان تسكت .. قال وهو يبرر : لا بس كنت ادقق بالجدار و نسيتكم
ردت رفا بصوت خفيف : طـل
فواز : نعم ؟
رفا : لا أقـول ماشاء الله الجدار حلو حيل ..
فواز جلس على الكرسي : آهـا .. طيب قولوا لي منو أنتو ؟ كسرتوا الباب !!
روح : أنا و هاذي [ تأشر على سحر ] نشتغـل هنا .. وهذولي صديقـاتي .. جايين ناخذ سيدي ونطلع .. بس قبل ما نطلع .. أحتجنا الحمام .. و لما جيينا نفتحـه ما ينفـتح .. و أنت ما كنت تتكلم .. ولا سمعنا بالحمام صوت .. فـ حاولنا وحاولنا نفتح لكن ما ينفـتح ! .. فـ أحم .. أحم .. ضربنا الباب بطريقتنا يعني .. ما شفنا الا انت طالع من الحمام .. و بس
فواز : آها .. سامحوني .. كان على بالي إن مشعل هنا .. كنت ابي أفاجئه إني موجود بس ......
ساره : تفشلت و أحترق وجهك وشفت إنه مو موجود ؟
ناظروها بإنصـدام .. سحر فتحت عينها بتعجب .. و سـاره واقفـه عادي .. مو عارفه سبب النظرات .. عقّـد حواجبه وقـال ..
فواز : Yes ..؟
قالت سحر تغطي على صديقتها وتقول تبرر : ما تقصد شي أخوي .. بس تمزح معاك
نـزّل راسـه بالأرض .. أنتـي سكتـي .. لا تتكلمين .. تكفيـن لا تتكلميـن .. صوتـج لقلبي عذاب .. كلج لي عذاب .. خلج ساكتـه .. كلي على بعـضي ما أتحمـل حرف واحد أسمعه بصوتـج .. تكفيـن سكتي !!
قـالت روح تغيّـر الموضوع : مشعـل طالع مع راشـد
سرعان ما رجع التوتر لـ فواز .. راشـد .. راشـد .. راشـد !! .. منو منهم أخته ومنو زوجته ؟ .. يا رب ما تكونين زوجته يا سحـــر ..
قال بمكر : الا صح .. مبروك .. مع انها متــأخره
روح باستفهام :على ايش تبـارك ؟
رد و ضربات قلبه تـزيد .. لا تكونيين أخته !! : على الزواج
ابتسـمت : آهـا .. الله يبارك فيك أخوي
حس نفسـه راح يطيـــر من الفـرحه .. طلعت مو زوجته .. مو زوجتـــــه .. اللـــــــه !! .. ابتسـم ابتســامه عريـضه .. ومن الوناسه مشـى بخطوات سريعه أو بالاصـح يركض وهو طالع من المحـل !
الحمد لله والشكـر .. شفيه هذا ؟ .. ألتفـوا كلهم لـ سحر اللي ما عطت الموضوع أي زيادة أهتمام .. رجعت مكانها و هي تكمل أكل التوت ! .. راحت مريم قربهـا وتقول وهي تغمز ..
مريم تدف كتفها : بو الشباب باين عليه معجب هاا
سحر بطرف عينها : طيب ؟
مريم ترقّص حواجبها : اعتـــــرفي .. وش مسويه له ؟ .. أدري تعرفينه من قبل أدري
ألتفت سحر وقالت بوجه بريء وتبرير : لا والله ما أعرفه
رفا : ههههههه انزين شوي شوي ما يحتاج تصيحين
سحر : سخيفه زين ؟
رفا : الزين ولا أخت ألم ههههههه

~

{ المطعـــــم / 36 : 9 مسـاءً )

مشعل : صدقتـك ! .. أنت ؟ .. انت بس اقعد بـ بيتكم .. من تزوجت من نشوفك الا بالموت ..
راشد يتنهد : آخ ياخوك صرت ما أطيق أطلع .. ومن أطلع عيني على الساعه متى ارجع البيت .. مسويه لي جو بالبيت .. طول الوقت نجره و هواش
مشعل : هههههههههههه و هذا اللي يخليك تقعد بالبيت ؟
راشد : لا يعني .. مدري شقولك .. الهواش اللي يوّنس .. صدقني أدفـع عمري كله بس عشان أطفرها .. والله وناسه .. ولا بعـد لما أشوفها كذا و الدخان يطلع من وجهها من القهـر .. اللــــــــه !
مشعل : الحمد لله و الشكر .. مو صاحي صدقني
راشد : بتجرب وبتقول راشد قال ..
قال مشعل وهو يسوي نفسه مستحي : أحم ..
فتح عينه راشد : لا تقــــــــــــــــــــــووول !!
مشعل : ههههههههههههه لا بقول
راشد بعدم تصديق : لا لا .. ما أصدق .. معقوله في وحده جابت راسك !!
مشعل : راسي و راس أكبر عمامي ههههههه
راشد فاتح عينه : اقلب وجهك زين .. مو مشعل اللي معاي .. واحد ثاني !!
مشعل : لا يبه مشعل مشعل
راشد : أنـــــــــا أخطبهـا لك .. أنـــــــا
مشعل : أجل هوّنت
راشد : راعـــي الخضــره يخطبهــا لك .. راعـــي الخضــره
مشعل : ههههههههههههه .. خفة دمك بس
راشد وهو يناظر ساعته : يلا يبـه بروح البيت الحين
مشعل بتأفأف : ردينا ؟
راشد : ههههههههههه يلا عاد بشوفك بكره بالدوام
مشعل يوقف يسـلم عليه : أوكي حبيبي .. سلم لي على الوالد ..
راشد : إن شاء الله يوصل

~

.

{ المحــل / 39 : 10 صبــاحاً )

سحر : لما تناظريـن الشمس .. تحسين بشعور واحد صح ؟
روح : سححححر ! .. تكفيـن عاد ! .. لا تكملين ..
سحر : طيب نكمل ..
روح : على طاري نكمل .. تدرين ؟؟ .. مريوم سافرت !
سحر فتحت عينها : بنت الذين آمنوا وتواصوا بالصبر والمرحمه !!! .. ما تعرف تقــول يعني !!
روح : مدري عنها .. أتصلت علي لمياء و قالت لي ..
سحر : طيب ما قالت لج متى بترجع؟؟
روح : ما راح تطول .. يمكن بعد بكره ترجع ..
سحر بملل : روح بنزل تحت أنا ..
روح : طيب ..

بتأفأف وثقل نزلت سحر الطابق الأول .. المحل ما فيه الا كم زبون .. اليوم الجمعه و الصبح .. قليلين الزباين ..
وقفـت ترتب الملابس .. وتشوف القديم منهم عشان تبدله .. مسكــت تنوره تناظرهـا .. وبمثل الوقت ايد ثانيه مسكتها ..
هيام تبتسم : حلوه التنوره مو ؟
سحر ناظرتها : عليج أنتي [ حذفت التنوره على الأرض ] كذا بتصير أحلى ..
قالت وهي تهز راسها بنفي : لأ .. لأ .. لأ .. كذا روميو راح يزعل عليج
ردت بغرور : والله عاد كيفي .. محد له حق يكلمني ..
هيام : أكيد محد له حق .. أنتي الـGirl friend بتاع صاحب المحل .. وين يقدرون يكلمونج ؟
قالت بابتسـامه : any objection ؟
هيام : لا يا بعد قلبي .. أكيد ما عندي مانع .. الا ما قلتي لي بكم التنوره ؟
سحر : سامحينا والله .. نبيع بس للناس .. أما الحيوانات في محلات مخصصه لهم .. تقدرين تروحينها ..
هيام : قليله أدب تدرين ؟
سحر : تركت الأدب والذوق لج يا أم السنــع
هيام تلعب بشعرها : وهو أنخلق مثلي ؟ ..
لفت سحر بوجهها الجهه الثانيه وقالت : Sickening !
هيام : ماني راده عليج تدرين ليش ؟
سحر : لأ .. ولا أبي أعرف .. برى يلا برى ..
ناظرتهـا بوعيد : خيـر إن شاء الله يا سحـر ..

لفّـت عنها و أتجهـت ناحيه الباب .. تمشي بقهر .. تتوعد فيها .. أنا اوريــج يا سحــر .. أنا أوريـــج .. بخليج تندمين على كل كلمـه قلتيهـا .. أجل أنا هيــــــــام تجيني وحده بمثل شكلج وتقول لي كذا .. يصيــــر خير ..
مع طلعتها .. كان مشعـل راح يدخل .. عرفتـه من شكله !! .. خذتها فرصـه .. سلّمـت عليه وهي تتصنع اللطف و البراءه ..
هيام : والله جيت أشتري من عندكم ياخوي .. وعندكم الموظفه مدري أسمها سحر على ما أظن .. تقول لي ما نبيع لحيوانات ..
فتح عينه : سحر قالت كذا !!!
هيام : ايه والله .. مع اني دايم امدح بمحلكم .. بس والله شقولك .. ما أظن أقدر أدخله بعد اللي صار
مشعل : لا أفا عليج أختي .. تفضلي داخل وما يصير خاطرج إلا طيـب ..

دخلت وهي تحــس بونــاسه مو طبيعيـه .. خصوصاً مع شكله المعصـب ! .. أول ما دخل كان ينـادي سحر بصـراخ .. تقـدّمت سحر .. وهي تشوف هيام قربه .. وتشـوفه منقهـر حيـل ! .. بكــل كبـــريـاء خطــت متجهه ناحيتـهم .. ترفع طرف عبايتهـا .. وتوقف بشموخ ..
سحر : أي خدمه ؟
أشـر مشعل على هيام وقال بنبرة عتـاب وصراخ لسحر : تعرفينها حضرتج ؟
سحر : ايه توني طاردتها
ناظرت هيام سحر وهي تبتسـم بخبث و أستهـزاء و شمــاته .. عشان تعرفين يا سحر .. إني لما أبي أسوي شي أقدر أسويه .. و أنتي ما تخوفيني ..

مشعل يناظر سحر ويقول بصوت عالي : مخصــوم من معاشج 5 أيـام .. هذي آخـر مره لج [ يأشر على هيام ] تخلين هالأشكـال يبقون ثانيه وحده بالمحل .. تفهمين ؟

أنصـدمت هيام وألتفـت له .. أما سحـر فـ حاطه ايدها على فمها تخبي ضحكتها .. أول مره أحسك شاطر يا مشعل .. عفيه والله ..

مشعل يكلم هيام : تطلعين برى مطروده .. أحسن من تطلعين مزحفينج بالأرض .. برى لا اخليهم يهزؤونج برى ..
ناظرتهـم بقهــر .. بكل وقـاحه .. تفلّـت عند رجـل مشعل .. و ألتفـت تمشي ناحيـة البـاب .. مسكتهــا سحر من قميصها و هي ترجعها بقوّه على وراها مره ثانيه
سحر : وين ماما وين ؟؟ .. تعالي ..
هيـام تمسك ايد سحر : تركي ملابـــسي ..
سحر تقـوّي مسكتها وتأشـر : نظفيه ..
هيام : وخري إيدج ماني منظفه شي ..
حذف مشعل علبة الكلينكس على وجهها : نظفيـــــه ..
هيام تصارخ : أقووولكم ما راااح أنــــــظف !!
مشعل يرفع كم الفنيـله : أممم .. ما تعودت أضـرب حريـم .. لكن الظاهر معاج أنتي راح أكسر هالقاعده
هيام : لأنك مو رجال أصـلاً .. فالح تلاحق ورى الحريم .. و أولهم كيس الزباله هذي
قبضـت سحر أكثر على قميصهـا .. وصـارت هيام مزنوطه : أحتــرمي نفسج .. لا وجهج هذا أخليه صج بزباله
مشعل : أكبــــــر عمامــــج نعــال رجلهــا ما يجيبـــه .. هـذي تمشـي والناس يكبّـرون .. مو تمشي والناس يستغفرون ! .. تنظفينـه بالطيب .. ولا تخليني أضطر أستخدم طريقه ثانيه؟

حسّـت إن لا مفـر لها .. ما تقدر تسوي شيء .. بقهـر و إحساس بالذل نـزلت و اخذت الكلينكس ومسحته ..
أتجهـت ناحيـة الباب .. وبدون أي كلمة زياده طلعت ..

بكل هدوء .. مشـى .. راح عند العمّـال يتكلـم .. يوقف بثبـات .. يتكلم بجدّيه !! .. نـزلت روح اللي كانت مُتابعه لكل اللي صـار .. أتجهـت ناحيـة سحـر ..
روح : شخصيـــــــــــــــــه .. حده حده شخصيـــه .. شوفي بس الثقـــــل .. شوفي بس الكشخـــه .. آخ لو عندي واحد كذا .. مو أخوج اللي مبتليه فيه .. أبييييه سحوور يهبــــل
ألتفت لها : أنتي ما تستحين مثلا ؟ .. لا ومتزوجه بعد .. قليله أدب من قلـــــــب !!

بضجيــج صوتــي وترحيبــي .. دخــل عبد الرحمـــن .. و وراه راشـد .. مع صوتهـم .. مشعل بابتسـامه ترك الشغل اللي بإيده و أتجـه لهـم ..

مشعل : أووووه .. رشووود !! .. من وين طالعه الشمس اليوم ؟؟
راشد يسوي نفسه مستحي : من وجهي
ضرب على كتفـه : يا شيـن خفة الدم .. من وين جاي ؟
راشد : رايح أشتـري لأخوي ملابس .. أنت من وين جاي ؟
مشعل : ابد والله .. كنت مع فيصل .. وبس رجع بيتهم ..
فتح عينه وهو يناظر سحر : وين ؟
مشعل باستغراب : بيتهم !!
راشد : آهــاا ..
مشعل : طيب رشوود .. دقايق عن اذنك رايح أجيب كم شغله من فوق و راجع ..
راشد : أوكي خذ راحتـك ..

صعـد مشعل الدرج و هو يصعد على كل عتبتيـن و وحده يخطّـرها .. ألتفـت لـ روح اللي للحين لايعه كبدها من وجوده هو وعبد الرحمن ..
تقـرّب : أفـــا .. أفــا يا بعد قلب أمن جابتني .. كذا مو معبرتني ؟
ألتفت بغرور : تكلمنـي ؟
راشد : لا أكلــم روحي وعمري سحر
فتحت عينها : يا أخ !! .. لا تغــــازل .. عندك زوجتك هالنحيفه .. طيح فيها مغازل لحد ما تقول بس .. أنا ما علي منكم !!
راشد : المهم .. روح ؟ .. رايحين مطعم .. تجيين معانا ؟
روح تناظر سحر : مدري
سحر بنظره على جهه : وينــج يالايـام اللي سحر تبين شي ؟ .. سحر تجيين المطعم ؟ .. سحر أوديج مكان ؟ ..
راشد : طيب يلا آنســه سحر .. رايحين مطعم .. تجيين معانا ؟؟
لفت عنّـه : لأ ..
راشد : يا شيــن الدلايـع !
روح رفعت حاجب : حتى الكلام يسـرقه ..
عبد الرحمن : أنتي سكتي ولا تكلميني
روح : شكووو !! .. أحد كلمك الحين ؟؟
عبد الرحمن : سكتي سكتي .. بس تبي تبوسني ..
روح فتحت عينها : ويييييع عليــك .. مدري منو اللي طايح بحضني ليل نهار !! .. أقول أسكت بس أسكت لا أعلّـم راشد عن سوالفك ..
عبد الرحمن : أصـلاً أنا كنت أتكلـم مع روحي
روح : صدقتــــــــــك !
عبد الرحمن يغيّـر الموضوع : سحر ؟ .. أنتي تشتغلين خدّامه هنا ؟
قالت بعين مفتـوحه : أنت الخدّامـــه ! ..
عبد الرحمن : ليش ؟ .. أجل وش تسوين هنا ؟
سحر : أشتغل .. أحاسب الناس .. أشـوف البضايع الجديده والقديمه مو خدامه
عبد الرحمن : آهــــا .. يعني أنتي كبيره ؟
سحر : و أنت وش تشـوف ؟
عبد الرحمن : آهـــا .. طيب اذا انا صرت كبيره لازم أجي هنا ؟
سحر : لا ماما .. تشتغل بمكان ما تبي .. أنت وش تبي تشتغل لما تكبر ؟
عبد الرحمن : رقاصه
سحر : خلاص .. يعني تروح مكان للرقاصات ..
عبد الرحمن : آهــــا ..

نـزّل مشعل من على الدرج بمرونه .. مسـك إيـد راشـد وهو يمشـي تجـاه البـاب ..
راشد وقّفه وهو مستغرب : وين ؟؟
مشعل يناظر ساعته : يا شيــخ تأخرنا
راشد : ويييين ؟؟
مشعل يناظره : صلاه .. نبي نلحق على الخطبه ..
راشد : آهــا .. يلا مشينــا ..
مشعل يناظر عبد الرحمن : يلا !
فتح عينه : ويـن !!
مشعل : المسجد
عبد الرحمن : لااااا
سحر فتحت عينها بتهديد : وشو لا ؟؟ .. يلا روح معاهم
عبد الرحمن بنبرة قريبه من البجي : لااااا مااااابي
راشد : ترى مافي مطعـم !!
مشعل مسك ايده : يلا أول ما نخلص بوديـك تشتري اللي تبيه
عبد الرحمن : اللي أبيه ؟
ابتسـم : اللي تبيــــه
عبد الرحمن يمشـي : أجل يلا
سحر تناظـره : أوريييك بالبيت ..
عبد الرحمن طلّـع لسانه بإغاضه : ما تخوفيييييني
مشـى شوي .. لكن مسكـه مشعل من وراه وقال بتهديد : ماني شاري لك شي
عبد الرحمن : خلالاص .. سحور .. وريني بالبيت أوكي ؟
ضحكت على هبالته .. وقالت مُوافقه : أوكي ..

واااااااااااااو

كمليييييييييييها بليييز ..^^

وان شاء الله مانكون تعبآآنكِ بالنقل يالغلا

woooooooooooooooow

وآأإأآإآإآإآإآإآو حمـــــــــــــــــــــــــــــــآس مـآأت

فكـة من وجهـه .. عقبآأإل أحمد وهيآأإم .. يأخذوو جزآئهم يآأإرب ..

مشششكوؤوؤوؤوؤورة يالغلآلآ ع التكملـة ..

طيب مو قلتي حساب فراوله مايفتح عشان رقم 4 ... ليه ماتقول لقلب المحيط تغيرلك الباسورد

... وتسلمي ع الروآآآآآآآآآآآآآآيـه الخطنطر ..

يلآلآلآلآلآ بليييييز كمليــــــــــــــــــــــــــــهآأآأآأآأآأآأآأ

شكلها روايه حماسيـة
يلا بس كمليهاااااا حرام تقطعي ههههههههههه

ضحكـتي نآدره كتب:: واااااااااااااو

كمليييييييييييها بليييز ..^^

وان شاء الله مانكون تعبآآنكِ بالنقل يالغلا

تعبكم راحة حياتي وأنا أستمتع بالنقل ونفس الوقت اقرا الرواية :Love:

وسآدتي توآسيني دموعي كتب:: woooooooooooooooow

وآأإأآإآإآإآإآإآو حمـــــــــــــــــــــــــــــــآس مـآأت

فكـة من وجهـه .. عقبآأإل أحمد وهيآأإم .. يأخذوو جزآئهم يآأإرب ..
(آمين)
مشششكوؤوؤوؤوؤورة يالغلآلآ ع التكملـة ..

طيب مو قلتي حساب فراوله مايفتح عشان رقم 4 ... ليه ماتقول لقلب المحيط تغيرلك الباسورد(لا الحمدلله بعد ردودكم قلت خلني أجرب واستوى الظاهر ردودكم سحرية خخخخخ)

... وتسلمي ع الروآآآآآآآآآآآآآآيـه الخطنطر ..

يلآلآلآلآلآ بليييييز كمليــــــــــــــــــــــــــــهآأآأآأآأآأآأآأ

(لعيونك ولعيون الي يقرأو الرواية بكملها)

كبريآئي !~ كتب:: شكلها روايه حماسيـة
يلا بس كمليهاااااا حرام تقطعي ههههههههههه

لا ان شاء الله ما راح أتأخر

يلا يلا كملي انا بدأت اقراها
والله هـ المشعل رهيييييييييييييييييييييب

[ الجزء السادس عشـر / الفصل الأول ]

و

أنفتـح الباب !!

" فواز ! "

أنصدمـوا كلهـم .. كانوا يتدافعـون .. وقدامهـم لميـاء اللي طـاحت عليه لما فتـح الباب ! .. سحبتهـا روح من ملابسهـا عنه .. واقف مو فاهم شي .. شفيهم ؟؟ .. يشوف بنات يتحذفون عليه .. حس بخوف من شكلهم وهم هاجمين .. سحر وقفت تناظره .. هذا شنو يسوي هنا ؟؟ .. و هذول الفضايح آخر مره أجيبهم معاي .. حرقـــوا وجهــــــي !!

من الإحراج لميـاء راحت ورى روح وخبت وجهها .. خصوصا مع شكلـه الخايف بسببهم ! .. أبـدا ما كان جاي على بالهم إنه ممكن يكون أحد موجود داخل .. وقفوا قدامـه يدورون تبرير أو شي يخفف من حجم الفشيله اللي هم فيها !

روح تعتذر : أوووه .. مسامحه امسحها بوجهي
لمياء منزله راسها باحراج : مسامحه أمسحها بخشمي .. ما دريت
رفا تناظر شعره المبلل : عفوا أخوي .. لو أدري انك هنا كنت جبت لك شامبو [ داست مريم على رجلها ] أأ .. أقصد صابون
فواز باستفهام يناظرهم : ما فهمت شي !
ساره تكحلها : لا يعني صابون هذا شي اسمه صابون هو قطعه صغيره تعطر الحمام اذا ريحته فطيسه
مريم تناظرها بصدمه .. وش فيها هذي ؟ .. ايش فطيسه !! .. ابتسمت وهي تبرر : ههه ههه ههه .. ما عليك منها .. تقصد إن هي ريحتها فطيسه

سحر حطت ايدها على وجهها وهي تقول باحراج منهم : فشلتونـــا ..

ما أنتهت من آخر كلمـه .. الا و كأنها جرس يدق بقلبـه .. يصحيه .. يذكره !! .. معقـول ؟ .. هـزّه الصـوت .. هذي هي .. ألتف لهـا .. ناظرها بإندهـاش .. بشوق .. بفرح .. وقف على ما هو فتـره .. و هو بس يشـوفها .. لفت أنتبـاهم سرحانه فيهـا !! .. يناظرونه بتعجـب .. نـزّل راسـك ! .. وخـر عينـك ! .. روح لفّـت بنظرها تجـاه سحـر .. اللي مو قادره ترفـع عينها من الأرض بسببه .. البنت راح تموت حيا و هو بمثل الوضعيه ..
قالت روح وهي تحاول تصحيه : العبد الله ؟
ساكت ما يـرد عليهـا .. سحـر تحرّكـت بإتجـاه رفـا توقف وراها ! .. وهو على ماهو عليه .. علّـت صـوتها وقالت
روح : العبــــــد الله ؟
ألتفت لـها بعد ما أنتبه : تكلميني ؟
قالت باستهزاء : لا أكلم عبايه سحر
قرصتهـا من ورى عشـان تسكت .. قال وهو يبرر : لا بس كنت ادقق بالجدار و نسيتكم
ردت رفا بصوت خفيف : طـل
فواز : نعم ؟
رفا : لا أقـول ماشاء الله الجدار حلو حيل ..
فواز جلس على الكرسي : آهـا .. طيب قولوا لي منو أنتو ؟ كسرتوا الباب !!
روح : أنا و هاذي [ تأشر على سحر ] نشتغـل هنا .. وهذولي صديقـاتي .. جايين ناخذ سيدي ونطلع .. بس قبل ما نطلع .. أحتجنا الحمام .. و لما جيينا نفتحـه ما ينفـتح .. و أنت ما كنت تتكلم .. ولا سمعنا بالحمام صوت .. فـ حاولنا وحاولنا نفتح لكن ما ينفـتح ! .. فـ أحم .. أحم .. ضربنا الباب بطريقتنا يعني .. ما شفنا الا انت طالع من الحمام .. و بس
فواز : آها .. سامحوني .. كان على بالي إن مشعل هنا .. كنت ابي أفاجئه إني موجود بس ......
ساره : تفشلت و أحترق وجهك وشفت إنه مو موجود ؟
ناظروها بإنصـدام .. سحر فتحت عينها بتعجب .. و سـاره واقفـه عادي .. مو عارفه سبب النظرات .. عقّـد حواجبه وقـال ..
فواز : Yes ..؟
قالت سحر تغطي على صديقتها وتقول تبرر : ما تقصد شي أخوي .. بس تمزح معاك
نـزّل راسـه بالأرض .. أنتـي سكتـي .. لا تتكلمين .. تكفيـن لا تتكلميـن .. صوتـج لقلبي عذاب .. كلج لي عذاب .. خلج ساكتـه .. كلي على بعـضي ما أتحمـل حرف واحد أسمعه بصوتـج .. تكفيـن سكتي !!
قـالت روح تغيّـر الموضوع : مشعـل طالع مع راشـد
سرعان ما رجع التوتر لـ فواز .. راشـد .. راشـد .. راشـد !! .. منو منهم أخته ومنو زوجته ؟ .. يا رب ما تكونين زوجته يا سحـــر ..
قال بمكر : الا صح .. مبروك .. مع انها متــأخره
روح باستفهام :على ايش تبـارك ؟
رد و ضربات قلبه تـزيد .. لا تكونيين أخته !! : على الزواج
ابتسـمت : آهـا .. الله يبارك فيك أخوي
حس نفسـه راح يطيـــر من الفـرحه .. طلعت مو زوجته .. مو زوجتـــــه .. اللـــــــه !! .. ابتسـم ابتســامه عريـضه .. ومن الوناسه مشـى بخطوات سريعه أو بالاصـح يركض وهو طالع من المحـل !
الحمد لله والشكـر .. شفيه هذا ؟ .. ألتفـوا كلهم لـ سحر اللي ما عطت الموضوع أي زيادة أهتمام .. رجعت مكانها و هي تكمل أكل التوت ! .. راحت مريم قربهـا وتقول وهي تغمز ..
مريم تدف كتفها : بو الشباب باين عليه معجب هاا
سحر بطرف عينها : طيب ؟
مريم ترقّص حواجبها : اعتـــــرفي .. وش مسويه له ؟ .. أدري تعرفينه من قبل أدري
ألتفت سحر وقالت بوجه بريء وتبرير : لا والله ما أعرفه
رفا : ههههههه انزين شوي شوي ما يحتاج تصيحين
سحر : سخيفه زين ؟
رفا : الزين ولا أخت ألم ههههههه

~

{ المطعـــــم / 36 : 9 مسـاءً )

مشعل : صدقتـك ! .. أنت ؟ .. انت بس اقعد بـ بيتكم .. من تزوجت من نشوفك الا بالموت ..
راشد يتنهد : آخ ياخوك صرت ما أطيق أطلع .. ومن أطلع عيني على الساعه متى ارجع البيت .. مسويه لي جو بالبيت .. طول الوقت نجره و هواش
مشعل : هههههههههههه و هذا اللي يخليك تقعد بالبيت ؟
راشد : لا يعني .. مدري شقولك .. الهواش اللي يوّنس .. صدقني أدفـع عمري كله بس عشان أطفرها .. والله وناسه .. ولا بعـد لما أشوفها كذا و الدخان يطلع من وجهها من القهـر .. اللــــــــه !
مشعل : الحمد لله و الشكر .. مو صاحي صدقني
راشد : بتجرب وبتقول راشد قال ..
قال مشعل وهو يسوي نفسه مستحي : أحم ..
فتح عينه راشد : لا تقــــــــــــــــــــــووول !!
مشعل : ههههههههههههه لا بقول
راشد بعدم تصديق : لا لا .. ما أصدق .. معقوله في وحده جابت راسك !!
مشعل : راسي و راس أكبر عمامي ههههههه
راشد فاتح عينه : اقلب وجهك زين .. مو مشعل اللي معاي .. واحد ثاني !!
مشعل : لا يبه مشعل مشعل
راشد : أنـــــــــا أخطبهـا لك .. أنـــــــا
مشعل : أجل هوّنت
راشد : راعـــي الخضــره يخطبهــا لك .. راعـــي الخضــره
مشعل : ههههههههههههه .. خفة دمك بس
راشد وهو يناظر ساعته : يلا يبـه بروح البيت الحين
مشعل بتأفأف : ردينا ؟
راشد : ههههههههههه يلا عاد بشوفك بكره بالدوام
مشعل يوقف يسـلم عليه : أوكي حبيبي .. سلم لي على الوالد ..
راشد : إن شاء الله يوصل

{ عند باب بيت أم راشـد / 00 : 10 مســاءً )

روح و لميـاء واقفيـن عند البـاب .. سحر تركتهم و دخلت داخل البيت .. لأن سلامهم على بعض بالساعات عند البـاب ..

روح : ههههههههههه ايه ايه ان شاء الله ..
لمياء : قولي لها .. بس أنتوا حددوا لي موعد ..
روح : ايـه ما عليج .. أنا أسنعها لج ..

قطـع كلامهم وصـول راشـد .. اللي كان سبب بإن لمياء تحاول تطوّل الكلام مع روح .. وقـف عندهـم عشـان يسلــم ..

روح : ههه .. ايه لميـاء .. يلا سلمي على بيتكم .. واشوفج على خير إن شاء الله
لمياء تناظره : إن شاء الله
راشـد : لمياء شلونج ؟
ابتسمـــت بخجل : بخير والله .. أنت شلونك ؟
روح وهي حاطه ايدها على الباب : يلا حبيبتي حطي بالج من الطريق ..
راشـد : الحمد لله تمام ..
أخـذت نفـس بقـوه .. ومسكت يـد راشـد وهي تسحبـه وتدخل داخل البيت .. تمشــي بسـرعه .. و لميـاء ما تدري وش صاير !! .. دخلـت روح داخـل البيت .. وهي ساكته وقفـت شـوي .. وهي تتذكر لميـاء اللي واقفه برى .. شقول لها ؟ .. طرت على بالها فكـره .. نادت بصـوت عالي عبد الرحمن
عبد الرحمن : ها ؟
روح : روح جيب لي ورقه وقلم
عبد الرحمن : ليـش ؟
روح : برسمك
عبد الرحمن بونــاسه : صج ؟
روح : ايه ايه روح بسرعه ..
راح يركـض على الدرج .. وعند ثالث عتبـة طـاح .. مسـك ركبـه وهو يبجـي بصـوت عالـي
روح : افففففففف .. عبــــد الرحمـــن .. يــــلا ولا تــــرى ما راااح أرسمـــك !!
مسح دموعه و ركض على الدرج وهو يقول : بس بس خلاص صرت زين ..
راح جاب لها ورقه وقلم .. ونـزل بسـرعه يعطيهــا ..
عبد الرحمن : يلا ارسميني ..
روح وهي تتجه ناحية الباب : أقلب وجهك
ناظرها بانصـدام وهو يمـد بوزه إعلان لـ فيضان بكائي .. ناظرها راشـد وقال يكمل عليه
راشد : طيب رسميني أنا ..
ناظرتــه بطرف عينهــا بنظرات حاده .. وفتحت الباب بقـوه وطلعـت .. راحت عند لمياء اللي للحين واقفه تنتظر ..
روح وهي تجامل بابتسـامه : سوري حبيبتي تأخرت .. بس رحت آجيب ورقه وقلم عشان اخذ منج رقم مريم
لمياء باستنكار : ما تعرفينـه ؟
روح : لأ ضاع من عنـدي ..
لميـاء : طيب سجلـي .. [ × × × × × × × × ]

أنتهـى بينهـم اللقـاء .. و دخلت روح البيـت بدون ولا كلمـه .. أتجهـت ناحيـة المطبـخ .. أخـذت عشـاها .. و راحت لـ الغـرفه .. سحبت الطاوله .. حطـت العشا عليها .. وجلست على السـرير .. أستغـرب من سكوتها .. لحقهـا .. شاف الباب مفتـوح .. دخل الغرفـه .. سكـر الباب .. جلس بهـدوء مقابلهـا .. ما عبّـرته بـ ولا نظره ! .. جالسـه تاكـل بدون ما ترفع عينها .. بالاساس ما كلت شي .. بس تشـرب عصير !
راشد : أما صج ما تعرفين السنع .. صار لي ساعه مقابلج ما تقولين تفضل
روح : لا تتفضل ..
راشد : أوكي
قرّب منهـا .. سحـب الطاوله منها .. و أخذ الكاس من إيدها .. ناظرته باستغراب .. شفيه هذا ؟ .. بعنـاد رجعت سحبت الطاوله عندهـا .. وهي تقـوّي مسكتهـا .. لكنه رجع سحبها عنده .. ملّـت من الحركـه .. وقفـت وهي معقـده حواجبهـا تبي تطلـع .. وقفهـا صـوته " شفيـج ؟ " ..
قالت بدون ما تلفت : ما فيني شي ..
راح لها من وراها وطوّقها بإيدينـه .. و قال يهمس بإذنها
راشد : حبيبتـي .. الدنيــا كلهــا تـزعل إلا روحي ما تـزعل
قالت بصـوت عالي وهي تحاول توخر عنه : لا تلمسنـــــــي
رد وهو يزيـد قوّة مسكتـه : عقلي و بلا صـراخ .. شفيج ؟ صار شي بينج وبين لمياء ؟
روح : لمياء ؟ .. والله أنت أدرى بلميـاء مني
ما كملت كلامها إلا وهـو يضحــك ضحكـه قــويه .. حسـت روح إن طبلة أذنها راح تنبط بسبب صوتـه ..
راشـد وهو يلمهـا أكثـر ويلصـق خده بخدها : ههههههههههههه أمـــوووت باللي يغــارون
قالت بقهر : أناااا ما أغـــــــار .. أنااااا ما أغـــــار
راشد : هههههههههههه بطنـــي .. تكفييين روح كل يوم عيديها .. بكره بروح أزورها .. لا تشنقينها عاد ههههههههه
روح : أووووه [ تصـــارخ ] خـــــــالتـــي .. خـــــالتــــي ..
حط ايده على فمها : أششش لا تفضحينـــا يا حظـي
روح تصارخ أكثـر : خــــــــالتــــــي ..

أم راشـد كانت بالطابق الثاني .. وكوْن الباب مفتـوح .. و روح صـوتها ما شاء الله حيل خفيف .. فـ سمعتهـم أم راشـد .. تركت كل اللي بايدهـا .. وبسـرعه اتجهت لـ الطابق الثـالث .. راحت غرفتهـم .. شـافت راشـد ماسك روح و هي تصـارخ
روح : خاااالتي شـــوفيه
أم راشـد ابتسمـت : الله يهنيكم إن شـاء الله
طلعت و سكرت الباب وراها .. أما راشـد .. حس إن مصارينه راح تتقطـع من الضحـك .. روح كانت شوي وتذبحها .. تقـول الله يهنيييييكم !! .. مــدري أنتـف لها الشعـــــر الأبيـــــــض ! ..
مع صـوت روح وصراخهـا .. سحر الثـانيه صعدت لهـم .. دقـت البـاب .. مع صـوت روح بموافقه الدخول و راشد بالمعارضه .. دخلت سحـر .. وهي واقفه تشـوفهم ..
روح برجا : سحووور .. شــوفيه .. شــوفيه ..
سحر : ايه راشـد .. زين تسوي والله .. هاليومين باطه جبدي .. كمّل بارك الله فيك
طلعـت وسكـرت البـاب وراهـا .. رجـع فتحـه عبد الرحمن اللي كان لاحق سحـر .. لزقه هالولد ..
روح : حبيبـــي أنت .. تكفــى تعال عضــه .. تكفـــى
عبد الرحمن : سكتي بس سكتي .. يالكذااااابه أنتي .. ما ترسميـني ها؟ .. أحسن أحسن ..
طلـع هو الثـاني .. حسـت بحالة أحباط و قهــر غير طبيعيـن .. حرام عليهـــــم والله ..
راشد : شوفي .. بتفق معاج .. إذا بكره رضيتي تطلعين معاي .. بتركج ..
روح : أفففف .. و وين حضرتك بتروح ؟
راشد : أمممم .. سينما !
روح : بس مو بروحنـــا
راشـد : حلفي بس ؟ .. أجل وش الفايده ؟
روح ببساطه : خلاص .. أنا كذا مرتـاحه ..
راشد : يعني أروح بروحي ؟ .. ما تغارين ؟
روح عصبــت .. يبط الجبد هذا .. الحين يمسكها علي : لااا .. روووح الله يخليك روووح .. يمكن وحده عميه كذا تسوي لك اغراء وتتزوجها ..
راشد : ههههههههاي .. صـــــدقتج .. لا تخافيـن .. أنتي عاميتني عن الكل .. عقلي محد مطيره غيرج ..
روح : طيّـر الله عمرك قـول آميـن
راشـد : والله أنتي عمري .. تبيـن تطيرين ؟
روح : لا أسـم الله علي
راشد : ههههههههههههه ترجع وتدافع عني .. يعني أسم الله علي ؟ .. ساعه تموت فيني .. وساعه تغار علي .. وساعه تخاف علي .. ياربي شسوي بعمري أنا ..
روح وهي تعض على شفايفها : راااااشد .. وخـــر عني وأتركنــي أحســـن لك ..
راشد : أول شي قولي بتروحين معاي
روح : اففففف بروووح .. بس أتركنـــي عاد ..
بعّـد عنها : تركنـاج يالمتوحشه ..
مسكت أكتـافها وهي تمرر ايدها عليهم وقالت بصوت بريء : عورتني تدري ؟

~
{ بيت مشعـل / 04 : 11 مسـاءً )

مشعـل : تكفيــن يمه .. عاد لا تذليني ساعه اترجاج !
أم مشعل : شفيك أنتي ؟ .. عبالك فهمت شي من اللي قلته .. الحمد لله والشكر مدري شتقـول !
مشعل : أتصلي فيها
أم مشعل : أتصـل بمنو ؟
مشعل : بأم راشد
أم مشعل : و ليش أتصل فيها ؟؟
مشعل يتنهـد : عشان تروحين لها يمه
أم مشعل : ليش أروح لها ؟؟
مشعل لولا إنها أمه كان حصلت كف على اسئلتها : عشـان تخطبين لي يمـــــه
أم مشعل فتحت عينها : أعووذ بالله .. مو قلت لك ؟ .. مو قلت لك ؟ .. أنا هذا راشد من أول ما شفته وأنا مو مرتاحه له وقلت لأمه .. هذي اخرتها يا ولدي ؟ .. تبون تصيرون مثل قوم لوط ؟ .. تبي تتزوج راشـد .. آخ عليك يا وليـدي ضيعوك من ايـدي ..
مشعل من القهـر لغباء امه مسـك شعـره : يمممممه !
أم مشعل وقفت : لاني أمك ولا أنت ولدي
مسك ايدها : يمـــــــــه .. أبي بنتها سحر مو راشــد
ألتفت له و قالت بابتســـامه عريضــه : زيـــن ما أختــــرت يا ولـدي .. جمال و ثقل ودين .. خلاص الحين أتصل بأمها
مشعل يناظر ساعته : يمـه فشـله .. الوقت متأخر !
أم مشعل وهي تمسك التلفـون : ما عليـك .. أنا وأمها صحبـه من 18 سنه .. ما بينا وقت متأخر ولا متقدم
مشعل : أوكي أوكي يمه .. حدي ما راح أمنعج
مسكت التلفون .. و دقت على الرقـم .. أنتظـرت فتـرة .. ناظرت ولدهـا وهي تهـز راسها دليل إنها ما ترد ..
مشعل : ما قلت لج يمه نايمين
أم مشعل : مو مشكله أتصل فيها بكـره ..
مشعل : ايه يمه تكفييين مو تنسيـن .. ولا تتأخرين
أم مشعل : لا يمه لا تخاف .. دام السالفه فيها زواج .. ما أنسـى

تركهـا مشعل وهي في أكبـر فرحتهـا .. 7 سنيـن علـى مثل السـالفه وما ينفـع فيه ! .. أخيـراً قرر يتـزوج .. أما مشعـل كان بـ المصعـد يحـس إن فرحتـه تـزيد كل ما يرتفـع أكثـر .. وصـل غرفتـه .. و حتى خطـاه سعيـده .. لكن قابض قلبه خوف .. يخـاف يصير شـي ويخـرّب عليهـم .. لا إن شاء الله ما راح يصير شـي .. دخل الغرفـه .. وهو يبتسـم .. " عجّـل الله بيـوم هجرج " .. فتـح المسجـل .. وخفض من الصـوت .. وقف عند البلكون .. ينـاظر الهـدوء .. خياله يرسم بالسمـا صورتهـا .. يرفـع راسـه " قريب إن شاء الله " ..

~
--------------------------------------------------------------------------------

{ المحـل / 25 : 10 صبــاحاً )

روح تتثاوب : تصدقين إنـ....
سحر بملل : لا ما أصدق
روح حذفت عليها علبه الكلينكس : سخيفه
سحر توقف : تدرين الشغل تحت كاثر .. لازم أنـزل ..
روح ترفع نظرها لمستواها : أنزل معاج ؟
سحر : لأ خلج هنا .. ماكو أحد ..
روح : طيــب ..

رفعـت عبايتهـا .. و نـزلت من على الدرج .. بهـدوء كبيـر .. ونعومه أكبـر .. وهـي منزله راسهـا .. وقفـت شوي .. لأنها شـافت رجل أحـد .. رفعـت راسهـا .. شافتـه مشعـل .. رجعت عتبـه على ورى .. وهي تـوخر على جنب عشـان يمـر ..
مشعـل وهو ينـاظر الجهه الثانيه : أختي قولي لخالتي أم راشـد إن الوالده تبي تزوركم بالبيت بكره ..
سحر باستغراب وتوتـر : إن شـاء الله ..

مشـت بسـرعه بدون ما تنتظر أي كلمـة زيـاده .. غريب أمره ! .. من متى كانت أمه تحدد موعد عشان تزورنا ! .. معقوله صاير شي ؟ .. [ تنهـدت ] .. أنا شعلي .. بقـول وخلاص .. نـزلت و أنصـدمت باللي شافتهم
سحر : يمـه ؟
أم راشد : هلا يمه
سحر : شتسوون هنا ؟
أم راشد : جايه أشتـري ..
سحر دفت راس عبد الرحمن : وهذا الـ ... [ شافت كيس التوت ] هذا الحلو شنو يبي ؟ .. أنا اعطيه اللي يبيه .. فديته والله
عبد الرحمن يبعّـد قذلته ويقول بحيا : جاي اشتري لي فستان ..
ناظرت سحر امها بعصبيه : يمه ! .. طلعي لج حل مع هذا .. حيل لين ! .. وكل شي والثاني قال فستان ومكياج !
أم راشد : الا على طاري المكياج .. وين المكياج هنا ؟ .. ما أشوفه
سحر بإحباط : يمـــــه !
أم راشد أتجهت للدرج : بروح أشوف فوق ..
لحقتها سحـر .. ركبت وراها .. شافتها تتمشـى .. تكلـم روح .. راحت عندهـم .. و روح مستانسه وهي تمثل دور العاملـه المُطيعه مع أم راشـد ..
عبد الرحمن يناظر روح من طرف عينه : سطروج أمس ؟
روح ردت عليها بدون نفس : أنت ما يخصك يا بطل زمانك
رفـع فنيلته وطلع لها الشحوم : شوفي عضـلاتي .. أصيحج الحين
روح باستخفاف : خوفتني .. كفين الحين وتطير أنت وكرشتك
عبد الرحمن : صدقيني أكسر المحل الحين هو وصاحبـه

مشعل نازل من الدرج : أووه .. ما أقدر عليـــك !
عبد الرحمن يتحدى : فيك خير قرّب ..
راح مشعل عندهم عشان يسـلم على أم راشـد .. وجلـس عبد الرحمن يضرب رجله .. نظراً لـ فرق الطول ..
مشعل : هلا خالتي .. تو ما نور المحل والله .. حياج الله ..
أم راشد تبتسم : الله يحييك .. ما شاء الله .. عجبني حيل ..
مشعل : المحل كله خالتي تحت أمرج .. أنتي بس أشري [ نـزّل بـنظره تجاه عبد الرحمن اللي ما زال يضرب برجله ] .. بابا اذا خلصت قولي ..
أم راشد : ما تقصر والله .. الحمد لله شـريت ..
مشعل يلتف لـ روح : كم الحساب ؟
روح : 51 دينـار [ 510 ريال ] ..
مشعل : عطيها تخفيض ..
روح تناظر أم راشد : خلاص خالتي .. خذيهم بـ 48 دينار ..
أم راشد : ما تقصـرون والله ..
مشعل : أفا عليج خالتي .. ما تاخذينهم الا بـ 40 ..
أم راشد : لا يمه .. أجل وش دفعت ؟
مشعل سـوى نفسه زعل : ترديني خالتي ؟ .. ما هقيتها منج
عبد الرحمن سحب الأغراض : يمه لا تسوين روحج طيبه .. أخذيه يلا
سحر سحبت أذنه : أنت ما يدخلك ..
أم راشـد : خلاص يمـه .. بناخذ وما تقصـر .. عسى الله يطول بعمرك
ابتسـم لها وكمّلت : الا شخبار أمـك ؟ ما نشوفها هالأيام !
مشعل : والله بخيـر .. إن شاء الله تقول راح تجيكم بكـره ..
أم راشد : والله ؟ .. إن شاء الله اذا رجعت البيت بكلمها .. بس يمه جايه آخذ روح .. لأن عندي طلعه .. وماكو أحد يطبخ بالبيت
ناظرتها روح بإنصدام .. أسمع هــــــذي ! .. على كيفهم يقررون .. ولا بس جايه الحين تاخذ الأذن وأطلع .. أففف .. مااالي خلق والله
همست سحر بإذنها : ويييييو .. بيخلونها تطبــخ
مشعل : أفا عليـج خالتي .. بدون ما تقـولين ..
روح بصوت خفيف : مالت عليك .. مسوي فيها طيب يعني !

~

{ بيت أم راشــد / 03 : 11 صبـاحاً )

فصخت العبـايه .. دخلت المطبـخ .. يا ربي .. شنو أسوي ؟ .. بعدين هالوقت جايبين لي أطبـخ .. والساعه وحده هم بالبيت .. وش يبوني أسوي يعني ؟ بيض وطماط !! ..
راحت تفتـح كتب الطبـخ الموجوده .. كل شي صعب !! .. راحت عند جهة المكرونه ..

" المكرونه بالصلصه البيضـاء " ..

المقـادير :

- كوب مكرونه .. ( ايـه هذا موجود )
- 3 ملاعق أكل زبده ( فتحت الثـلاجه .. أمممم .. ايه موجود )
- ملعقتـان أكل طحين ( أممم .. وهـــذا طحين جميع الاستعمالات )
- ملعقتان شاي مسترده ( قلبوا وجهكم زين .. وش عرفني يعني أيش مسترده !! )
- كوب ونصف حليب ( هذا 100 % موجود دام عبد الرحمن بالبيت )
- ثلاثة ارباع كوب جبن شيدر مبشـور ( وهذا الجبن طلعناه )
-بيضـتان مسلوقتـان مقطعتان أرباع ( أمرنا لله .. بنسلق بيض ! )
- نصف كوب بازلاء مسلوقه ( أستغفــر الله .. ماني حاطه ! )
- ملعقتان أكل بقدونس ( أمممم .. ايه أمس شرت خالتي )

الطريقـه :

- نسلق المكرونه ( جديده والله .. مدري عنها ! )
- في قدر .. نسيّـح الزبده ويضـاف الطحين ويقلب .. ثم يرفع من النار ويضاف الحليب ثم نقوم بإعادته إلى النار ونحرّك ( والله ســـالفه !! .. ماني رافعته من على النار )
- نضيف الجبن ونحرك الى أن يذوب ونطفئ النار
- تضاف المكرونه إلى الصلصه ثم البيض والبازلاء والبقدونس ( أشـوف ؟ .. المكرونه ما أنسلقت عدل ! .. يلا عـادي .. نرفعهـا )
- نخلطهم ومن ثم نضعهم في بايركس .. ونرش فوقهم الجبن ( أبيييييه .. شكلـه صار أستغفر الله !! )
- نضعه بالفـرن ( لا حــوول ! .. أخــاف أفتحــه ! )

وقفـت بعد ما أنتهـت .. تحسـب عدد اللي راح ياكلـون .. أممم .. أنا .. سحر .. بو راشد .. أم راشد .. عبد الرحمن .. راشـد .. أمممم 6 !! .. هذا ما يكفــي ! .. السـاعه 12 و ربع .. يعني عندي وقت أسـوي بعد بايركس

مـرّ فيها الوقـت بسـرعه بدون ما تحـس .. جهـزّت السلطـات .. سوت العصير .. وبسرعه راحت تاخذ لها دش .. نـزلت مره ثانيه عشان تجهز الطاوله .. وسمعت صـوت دخولهـم ..
سحر تصاارخ : روووح .. بروح أبدل وبرجع .. إن ما شفت الأكل جاهز بسفـرج
طلعت لها وهي ماسكه البرتقاله بقهر : أنتـــــي سكتـي .. وما راح تاكلين فاهمه ؟
طلعت لها لسانها باغاظه : ههههههاي .. باكل غصبا عنج

ركبت سحر لـ غرفتها عشـان تبـدّل .. أما روح كانت تجهـز الطاوله .. وصـل راشـد بعدهم .. وصعـد يغير ملابسـه .. أما أم راشـد و عبد الرحمن فـ سحبـوا الكرسي .. وجلسـوا ..
أم راشـد : اللــــــه .. طعمـــه يهبــــل ..!
نـزلت سحر مع راشـد .. سحب الكرسي .. وجلس .. وهو مستغرب .. العـاده كل يوم يشـوف الغدا مثل الشي " برياني " .. هذا اللي تسويه أمه ..
راشـد : آآآخ .. الريحــه عذااااب ..
رفعت راسها روح على صوتـه وهي تقـول بقلبها " أجـل اكيد مو حلو " .. ما عطتـه إهتمـام .. ولا حتى قالت إنها هي اللي طابخه ..
راشد وهو ياكل : لا يمـه .. بصراحه اعطيج شهــاده
أم راشد : مو أنا اللي طابخـه .. هذي زوجتك
رفـع نظره عن الصحـن وقال بعيـون مفتـوحه : والله !!! .. أنا أقـــوول شفيـه الطبـاخ يهبـــــل ..
لفّـت عنـه .. مو وقت مغازل يا راشد !! .. ناظرته ام راشد بنظرات حاده
أم راشد : وليـــــــش ان شاء الله .. وش فيه طبخي ؟؟ .. مو كأنــك 27 سنـه تــاكل منه ليما تملي كرشتــك
راشد : بل بل بل .. خلاص يمه .. طبخج ماكو عليه ..
سحر تغمز لروح : هااا يالخاينه .. من متى تطبخين كذا .. ولا بس عشـان الـ ..... ، بس يلا تسلم يدج
روح : أحم .. أحم .. الله يسلمـج
راشد فاتح عينه : شوف هـــــذي ! .. صار لي ساعه أمدحها ما تقول لي شي .. ولما جت هالمصيبه سحور تقول لها شكـراً ..
ابتسـمت له مجاملـه : شكراً
راشد : يمـه سكروا عينكـم شوي خل أقوم أكفخهـا ..
سكّـر عبد الرحمن عينه : يلا قوم كفخها ..
راشد : يقول لي قوم بعـد .. يبه أنا ايدي تنكسر ولا تنمد عليها
كحّـت روح .. ناظرتها سحـر وقالت لراشد : بسك عاد .. خل البنت تعرف تاكل
راشد : وأنتي شكو بالله ؟
سحر : مو لأن رجلي أنكسرت .. جالسه وترفس فيني من تحت الطاوله !
أم راشد : تستاهلين يمه تستاهلين .. بالمحل مخليتني واقفه وهي جالسه على الكرسي !!
راشد وهو يشـرب العصير : أوووه .. رحتي المحل يمه ؟
أم راشد : ايه رحت أشتري مكيـاج
ما قدر يمسـك العصيـر .. شرق من الضحـك .. وصـار يكح بقـوه .. ضربته سحر على ظهره ..
قال وهو مو قادر ينطق الحروف من الضحك : شاريه شنو ؟
أم راشد : مكياج !
راشد : ههههههههههههه لا تخافين يمه أبوي ماكو وحده مجنونه تاخذه .. ما يحتاج تحطين مكياج عشان ما يطالع غيرج
أم راشد : فــــااااضي !! .. شاريـته هــديه
راشد مستغرب : مكياج هديه ؟
أم راشد : مو لأن اللي ماخذته لها .. وجهها دفتـر تلوين .. ما عرفت وش آخذ لها .. ما لقيت الا مكياج
راشـد وهو يوقف : آهــا .. الحمـد لله .. [ يناظر روح ] نعم الله عليـج

ناظرته وهي تتوعـد .. بعنـاد قالها عشان غصبا عليها ترد قدامهـم .. قالت بدون نفس
روح : هنا وعافيه ..
أم راشد : وين يمه ما كليت ؟
راشد : لا يمه أنا ماكل قبل ما أجي .. بس تعرفين .. روحي اللي طابخه .. شلون ما أكل
قالت بصوت خفيف : راحت روحك ..
راشد : روح .. لا تنسين طلعتنا اليوم ..
أم راشد وهي تقـوم من الطاوله : ايه والله زين تسـوي يا ولدي .. صار لنا فتره ما طلعنا من البيت .. بس وين بتودينا ؟
ناظرها راشد بانصـدام ! .. تودينـا ؟ .. وين يبه !! .. أحد عزمهـم ؟ .. ناظرتـه روح وهي تخبـي وجهها من الضحـك ..
أم راشد : أوكي يمه بس نبي نروح سينما .. خاطري أشوف فيلم
راشد بإحباط : يمــه !
أم راشد : أوكي يمه مو لازم تجي معانا .. تقدر توصلنا وتروح .. لا تخاف على زوجتك .. بنحطها بعيوننا
قال بملل : أمرنا لله .. تجهـزوا الساعه 6 .. [ ناظر روح بطرف عينه ] بروح أنام أنا الحين ..

سحب ايد روح وراه .. وصعد لـ الغرفـه .. دخل .. سكر الباب .. وقف لها متكتف و هو رافع حاجب
راشد : أنتي قايله لهم مو ؟
روح : هههههههههههههه .. لا والله العظيم ما قلت
راشد : تضحكين بعد ؟ .. ماكو طلعه .. خيسي بالبيت
روح بدون أهتمام وهي تناظر روحها بالمرايه وتعدّل شعرها : عادي .. مو لازم .. فكه أصـلاً .. بروحي مالي خلق أطلع ..
راشد بمكر : ايه بس أنا بوديهم .. وبرجع البيت .. وبعدين ماكو أحد بالبيت الا أنا وأنتي بس .. بس .. بس !
أختفت الضحكه اللي كانت على وجهها .. بلعت ريقهـا وقالت : أفففففف
راشـد : ههههههههههاي .. عشـان تعرفين تلعبينها على منو يا ماما
تخصّـرت له : طيب الحين شتبي ؟
قـال وهو يقـرّب : أبيـج يا بعد قلبـي ..
تراجعت على ورى : راشــد .. وخر أحسن لك .. خلصني شتبي ؟
راشد : ههههههههههه ما أبي شي .. بس كنت ابي ارفع ضغطج ليس إلا
روح : ما عنــدك سالفـه !!

نـزلت لهم بالصـاله .. شـافت سحر تكلـم رفا بالتلفـون .. سكرته وعلى وجهها علامات الاستغراب

سحر : من متــى رفـا عندها صديقات يزورونها بالبيت !!
روح : ما عليج يمكن تطورت .. المهم أنتي خبرتيها ؟
سحر : ايه قلت لها .. تقـول بتجي .. صديقتها الحين بتروح .. للحين بدري توها الساعه 3 ونص .. بروح آخذ لي دش انا ..

وقفـت متجهه لـ الدرج .. لكن ما قدرت تكمّـل .. تجمدت رجلها ومو قادره تتحـرك !! .. مسـكت الجدار .. راحت عندها روح .. تستفسر عن اللي فيها
سحر : لا ما عليج .. هذا صار له يومين .. خمس دقايق و أقدر أحركها
روح : أبيييه سحور يمكن تنشلين
سحر : عساج قبلي قولي آميـن !
روح : يمـه ليش تفاوليـن علي !!

يسلمو ع التكمله بإنتظآر المزييد

واواوووووووو فللللللله
اشواا انو ذا نايف الاهبـل
وربي انوو يطفشش
الحمدللله الحمدلله
فكـة منـه ... واخيرآ مشعل بيتهنى هآأإآأإععغ ..!~
يلا كملي خيتووووووو بليززززز لا توقفي
بعدين بفتح من الجوال وبكمل دي الصفحة بقيلي 5
يــــلـآ كمليــهـآ ... وعـلى حكـآيـة رقم 4 .. مدري ليـش تخرب
هههههـ .. حتى بلاب أخوي .. خربـآن ..
لو تبيني أإغيرلك هـوآ تكرمـي ..
بس ارسلي رسـآلـه خآصـه ,, ^^

» رواية سواها قلبي / كاملة
» رواية ذنبي إني لقيط / كاملة
» رواية ذهب مع الريح ((تحميل)) كاملة
» رواية فارس احلامي / كاملة
» رواية لأنني خادمة ( كاملة )