رواية بين السراب والحب نظره

تذكير بمساهمة فاتح الموضوع :

بسم الله الرمن الحريم
اطرح لكم هذي القصه وان شاء الله تعجبكم

لا أنكر إني قد كرهت روايتي هذه من بعد طرحها..ربما لانني كتبتها في سن صغير

حين كان عمري في الرابعة عشر وتجاهلتها

لكن حين أصابني فضول رؤيتها بعد سنتين .. رأيت كيف انها نالت اعجاب الكثير..

و أيقنت بأن الصادر من القلب يدخل للقلووب المفعمه

هذه ليست أجمل رواياتي.. لكنها أول رواياتي

بين السراب و الحب نظره

بواسطة: طوس

منقولـه رواية بين السراب والحب نظره - صفحة 2 20670

رواية بين السراب والحب نظره - صفحة 2 20670

ههمسسهه : آلرجآء عدم الرد رواية بين السراب والحب نظره - صفحة 2 224214

الجزء الثاني عشر:
صبا:وينهم؟ابيهم
علاء سيتهبل: من؟
صبا:صاحباتي
علاء:ورانا
صبا صارت تتلفت وراها بكل خوف تبي اتشوفهم لحد مانتبهت لهم وراحت
نادر..شفيش؟
صبا ومازلت متجمده والخوف ملازمنها:ها؟ مافيني شي
ليال:لا عن جد صبوي شفيش؟
سماهر:احد مضايقش ؟
صبا:يعني انتو ماشفتوا شي؟
سماهر باستغراب:شفنا شنو؟
صبا بارتياح:يعني ماشفتوا شي!!اشوه
سماهر: اووه صبا..اتكلمي بشي مفهوم..
نادر ابتسم الى سماهر يوم شافها تتكلم بها الانفعال
سماهر:اممم,انا رايحه لاخوي..باي
قبل لا تروح ناداها علاء عشان جا دورهم ع التفريك.
صبا مسكت يد سماهر: لاتخليني..في ذمتكم انتي وليال تتركوني لوحدي.
ليال عقدت حواجبها:صبا..ترا منتي على طبيعتش.
__________________
روعه جالسه تشاهد ع التلفزيون واهي مندمجه اخر اندماج,جتها ختها جود وقعدت جنبها.
روعه:بسم الله..وش جايبش من بيت رجلش؟
جود:سيارة زوجي
روعه: هلا بيش .. ماباقوم اسلم عليش لا تحاولي
جود: حماره,الا بقول لش.
روعه: قولي
جود:سمعتي النكته اللي عن محل تسوق للملابس بالدمام؟اسمه هرم البلازا,وقت
الصلاه الرجال يصلون هناك وهو مافي غرفه خاصه للصلاه ولاشي,يعني بنفس
هالمحل,ولا يصلونها جماعه لااازم.
روعه:جماعه وفي محل ملابس؟
جود:اي والله..ليش ماتدرين؟
روعه:والله ياحبيبتي انا مو تبع هالاماكن هذي..انا اروح المجمعات
جود بسخريه وتقليد على كلامها:حتى انا ياحياتي,واصلا انتي ماتروحي الا المارينا مول ..مادري شسالفته.
روعه بعصبيه:شقصدش؟
جود:ماقصدي شي,بس قلت انش ماتروحي الا مارينا مول.
روعه:خلاص خلاص..فهمنا.
____________________
سماهر: علاء شنو جدولنا الحين؟
علاء:الحين خل ندخل المسجد،نصلي المغرب،وبعدين نطلع انشوف بعض الاماكن
الحلوه في هالمدينه،ومن بعدها نروح على المطعم،يعني تقريبا مابنرجع للبيت
الا الساعه 11 ونص
سماهر: طيب انت صليت؟
علاء:لا لسا..خلي عندي مرام الحين وانتي وصاحباتش روحوا صلوا..بعدين انا
ونادر نروح مع بعض.
سماهر:اوكي..يالله انتبه الى مرام.
علاء:اوكي.
ـــــــــــــــــــــــــــــــــــــــــ
ليال:شو صبوي عجبش التلفريك؟
صبا:همم؟
ليال:لا عن جد ياصبا فيش شي.
صبا:غصب هو ؟مافيني شي.
ليال:لاتتكلمي..براحتش.
جات لهم سماهر: يلا صبايا بنروح انصلي
ليال:يلا,بس شوفي حل الى هالعله الى معانا.
سماهر بفلسفه مقصوده: صبوي اعقلي طيب؟افرحي ولاتهتمي الى شي..مع ان احنا ماندري شصاير..لكن استانسي بعد..يلا ديراكت ع المسجد
ـــــــــــــــــــــــــــــــــــــــ
بعد نص ساعه..
علاء:شو اخبار صبا؟
نادر:ليش تسأل؟
علاء:بس كذا.
نادر:صبوه متغيره واجد,مادري عنها فجاه جتنا وهي متجمده وتحس بالخوف.
علاء كان مشتري الى مرام بالونه من اللي يتطايرون بالهواء اذا مانمسكوا زين..
علاء:اخدها من عندها وحب يلعب عليها,رفع يده واهو ماسك البالونه على انها راح تطير.
مرام:لا علاء ابغاها,علاااء!!
علاء:لالالا
مرام:علااااء...
جت لهم سماهر..بسرعه.
سماهر:علاء حرام عليك لاتلعب بها.
علاء كان يضحك وهو يسوي هالحركه.
سماهر مسكت يد علاء ونزلتها: خلاص عاد لا تخليها اتصيح.
ومسكت البالونه..وعطتها مرام وباست خدها.. طالعت فيهم اثنينهم وراحت عنهم.
ــــــــــــــــــــــــــــــــــــــــــــ
ماجد:خير باقر؟شصاير.
باقر:الحين انت توك طالع له و ولا دريت شالسالفه؟
احمد:احنا كلنا طلعنا لهم ولا درينا شالسالفه.
صادق:باقر قول ماتدري وخلاص, بتسوي حالك عالم زمانك ياحبيبي؟
باقر:لا ياحبيبي ادري.
احمد:يلا عجل تكلم,نبي نفهم.
باقر:طيب بتكلم,الحين هم يطلعون كل واحد ملفه ابيض,يعني ماعنده سوابق مثلا...او جرائم خفيفه,ومنبعدها ان شاء الله تطلع من هالحديد.
ماجد:قول والله.
باقر:بكذب عليك؟والله.
ماجد من الفرحه صار يضرب على فخده بيده: يس يس يس.
صادق: ياناس برجع لدنيتي, ..اه بطلع.
باقر:هو يمكن مو اكيد,مو تفرحوا واجد.
ـــــــــــــــــــــــــــــــــــــــ
في اليوم الثاني..وقت العصر...
سماهر عند باب شقه ابو ماجد.
ليال:يلا نطلع السوبر ماركت
سماهر:وانا جايه ليه؟
ليال:وين صبوه؟
سماهر:صبا تقول ماتبي تطلع,خليها علي بعدين
ليال:طيب
في هالوقت اتصل ثامر على ليال..
ليال باست خد سماهر: حياتي انتي يابعدي..ماباروح
سماهر:افف..باي
ليال سكرت الباب وكلمت ثامر
طلعت سماهر من شقة ابو نادر و ركبت الاصانسيلك تبي تنزل من الطابق الخامس الى الطابق الارضي..
وقف الاصانسلك عند الطابق الثالث,وكان اللي ركب معاها من الطابق الثالث هو نادر.
وكان عنده كيس احمر صغير..اول ما ركب الاصانسيلك ابتسم لها..
وصل الاصانسيلك للطابق الارضي..
طلعت سماهر قبله واتقدمت لعند الباب الخارجي.
ونادر مشي وراها..
نادر:سهورتي؟
سماهر لفت له: نعم؟نادر بعد ماتقرب لها:اخبارش؟
سماهر:الحمد الله بخير.
نادر:ممكن اسأل سؤال؟
سماهر بخوف من الموقف انهم قدام الجميع: وشو؟
نادر:شرايش بالشوكلاته الي من تصنيع ايران؟
سماهر: (وشها السؤال)!!..مااحبه.
نادر:ليش؟
سماهر:مو لذيذ.
نادر :طيب ماتذوقتي الشوكلاته حق آيدين؟
سماهر:لا.
نادر:طيب انصحش الحين به..مره لذيذ.. انا اخذت لش شوكلاته منه.وحطيته في الكيس ذا.
ومد لها الكيس..
نادر:اتفضلي.
سماهر ظلت اتناظره وهو يناظرها واهو مبتسم.
نادر:جذابه.
سماهر بارتباك:أأ...باي
وبدال ماتطلع من الفندق واتروح للسوبر ماركت رجعت للاصانسيلك وراحت للشقه...
نادر واهو يناظر الكيس اللي عنده:والكيس؟
ـــــــــــــــــــــــــــــــــــــــ
احمد:شنو ناوين اتسوون اذا طلعتوا من هنا؟
ماجد:اشتغل وعلى طول اتزوج.
باقر:اروح اجلس عند قبر ابوي.
صادق حس ان الجو اتكهرب وحب يرجع يعدله وقال بدلع: اقعد في حضن مامي.
احمد:ههههههه,وانا اروح الى عيسوه في سجنه الخاص واموته غيره وقهر..واذا على الزواج لساتنا عليه
باقر:مافي غير الاخ ماجد يبي يتزوج على طول.
صادق:حب عذري...هههههههاي
ـــــــــــــــــــــــــــــــــــــ
سماهر في شقه ابو صبا..
سماهر :نادر شفي....... ايش؟
صبا:وشو؟
سماهر:اوه اسف ملخبطه..شفيش صبوي؟
صبا:مافيني شي
سماهر:متأكده؟
صبا: اي متأكده.
سماهر:صبا..اكيد صاير شي بينش وبين علاء,صح؟
صبا بدهشه مع خوف:شدراش؟
سماهر:يعني صاير شي؟
صبا:لا...
سماهر فتحت شنتطتها وطلعت صورة صبا وعلاء يوم هم صغار.
سماهرواهي تمد الصوره الى صبا: طيب شرايش بالصوره هذي؟
اخذت صبا الصوره.
صبا:هذي انا.من هذا..شكله موغريب علي.
سماهر:هذا اخوي علاء.
صبا:جد؟
سماهر:ايوه جد.
صبا: ابيها.
سماهر:ابتسمت: اخذيها..
صبا:انتي اخبارش مع نادر؟
سماهر:نادر؟..مالي شغل في نادر.
صبا:سماهر تراني انا وليال ندري بكل شي,نادر مايقدر يخبي علينا اوعلى اي احد شقد يحبش.
سماهر:شيقول لكم؟
صبا:كل كلام الحب فيش سماهر
سماهر:حتى انا
صبا:شنو حتى انتين؟
سماهر:لا ولا شي ..يلا حياتي اخليش الحين..انتبهي لاخوي الي في الصوره
ـــــــــــــــــــــــــــــــــــــــ
ليال:ثامر,كم صار لي وانا اكلمك؟
ثامر:مادري ماطالعت الساعه يوم اتصل عليش.
ليال:الحين رصيدك ماخلص؟
ثامر:والله يابعد عمري انا اذا ابتصل عليش لازم اشحن جوالي 300ريال.
ليال:يلعن ابليسك ثامر.
ثامر:الله يلعنه
ــــــــــــــــــــــــــــــــــــــ

ــــــــــــــــــــــــــــــــــــــ
سماهر:هلا سامي .
سامي:اهلين سماهر.
سماهر:هلا بيك..شخبارك؟
سامي:الحمد لله بخير,سماهر حلفتش بالغاليين اتجاوبي على كل سؤال الحين اسألش اياه.
سماهر:عن شنو؟
سامي:الحين تعرفي..بس لاتنسي تراني محلفش.
سماهر:طيب..مستعده اجاوب.
سامي:شنو اسم البنت اللي تجي المجمع؟اكيد عرفتيها,مايحتاج افهم فيش اكثر.
سماهر:اي مايحتاج عرفتها.
سامي:سماهر...احبها...انا الحين مو ناقصني شي لا شغل ولا غيرها مادام اني اشتغل ليش انرفض يعني ؟
سماهر:لا شكلك مصُر.
سامي:اي مصُر, الا اذا كانت مخطوبه ولا مرتبطه.
سماهر:لا..لاهذي ولاهذي
سامي:طيب جاوبيني ..انا حلفتش.
سماهر:لو مو واثقه منك كان ما باقول..اسمها روعه.
سامي:روعه؟
سماهر: إي..أي خدمه ثانيه؟
سامي:اي طال عمرش ..كم عمرها و وين بيتهم؟
سماهر:عمرها من عمري ..الحين17سنه وبيتهم بتعب كذا وانا اشرح برسل لك رساله ويكون موضح فيها كل شي.
سامي:مشكوره يابنت خالتي ..كذا انتي انقذتيني
سماهر: بس فكر زين..بعدك صغير ع الزواج والله
دخلت مرام و بيدها نفس الكيس اللي كان عند نادر
سماهر: سامي أسكر الحين
سامي: طيب.. باي
سماهر تكلم مرام: من وين هالكيس؟
مرام: جت ليال وقالت اعطيش اياه.
ابتسمت سماهر ابتسامه على جنب واخذت الكيس
ــــــــــــــــــــــــــــــــــــــ

روعه:ايش؟
جود:مسافر ع الرياض الى صاحبه.
روعه:اها.
جود:روعه,شنو سالفتش؟؟
روعه: اي سالفه؟
جود:المارينا مول....وترجعي اما فرحانه او متكدره ماده البراطم شبرين؟
روعه:مافي لاسالفه ولاشي
جود حطت ايدها على راس روعه
جود: بشرفش,,حلفتش..ترا احس ان فيه شي,ولا ماتوثقين فيي؟
روعه:اصلا مافي شي عشان اوثق او ماوثق.
جود:الا انا احس ان في شي.
روعه:لا..تطمني..مافي شي
جود:اها..براحتش بس انا اختش,واذا بغيتي تقولي لي انا موجوده هالاسبوع كله.
روعه:اذا في شي بتكلم,شرايش بكره نروح المارينا؟
جود:شرايش انروح الواحه؟
روعه:لا..ابي مارينا.
جود:ليه بالذات؟
روعه:اففففف كذا بس.
جود:اوكي خلاص انروح،يلا انا رايحه لأبوي.
بعد ماراحت عنها جود ظلت روعه قاعده,وحطت يدينها على راسها كنها تذكرت شي بيقوم لها مصيبه
روعه: حلفتني!!
ــــــــــــــــــــــــــــــــــــــــــــــــ
نادر:قوم ابي اروح الحلاق
علاء:بلشتنا ويا الحلاق.
نادر:اتحملت طول هالشهر,بس باقي لنا اليوم ونرجع البلد.
علاء:خلاص اتحمل، ولما نرجع البلد على طول روح الحلاق وفكنا.
نادر:قلت لك ماتحمل.
علاء:اففف,تراك قمر والله قمر,موباين عليك انك منت حالق من فتره,وبعدين تعال..وين شفرتك؟
نادر:ياخي موعلى الشفره على شعري.
علاء:والله مافيك شي فكنا.ياولد الحلال شنو يضمن لك ان الحلاق اللي بتروح له تمام؟
نادر:هنا المشكله.
وجلس على الكنبه واهو رامي حاله.
نادر:نتحمل لبكره عجل.
علاء راح جلس جنبه:نظره،...فابتسامه،...فموعد,...فلقاء.
نادر:النظره و الابتسامه ياحبيبي مضمونه،لكن الموعد واللقاء..حلمك.
علاء:لا مو حلمي,الموعد اذا رحت اخطبها,واللقاء ليله الحفله
ـــــــــــــــــــــــــــــــــــــــــ
اتصلت ضحى على سماهر.
سماهر:ضحى!!
ضحى:اي ضحى..كيفش؟
سماهر:تمام,وحشتيني..من زمان ماكلمتش.
ضحى:مادري عن اللي نساش ضحى.
سماهر:ماحد يقدر ينسيني اياها،بس تعرفي وقت ماصارت سالفه ماجد،كنت ابي ابعد نفسي عن كل شييذكرني به.
ضحى:كيف حاله الحين؟
سماهر: والله يا ضحى من اول مادخل السجن لحد الحين ماكلمته ع التلفون غير مره, وكانت اول مانسجن,ولاشفته ولامره.
ضحى انصدمت:ليش؟
سماهر:مادري مادري..كل اللي ادري عنه هو انش الحين ان شاء الله بتكوني له اول مايطلع من السجن .
ــــــــــــــــــــــــــــــــــــــــــــــــ
علاء كان بيفتح باب الشقه عشان يطلع،نادته امه.
ام ماجد:علاء ابوك يبيك الحين اتروحو معاه المطار.
علاء:ليش؟
ام ماجد:تأكيد الحجوزات ..ويقول ابوك ان ابو صبا زاد ايام السفره كان بيجي
ايران اسبوع وصار شهر،عشان كذابس يروح يتأكد بعد اذا ماصار شي غلط بالرحله
او شي.
علاء:اها... دقايق بس بقعد تحت في الاستعلامات وبطلع معاهم بعدين.
ــــــــــــــــــــــــــــــــــــــــــــــــ
جود:روعه يلا البسي عباتش .
روعه:ليش؟
جود:بيودينا ابوي المارينا.
روعه:جود تعالي جنبي ع السرير ابيش.
قعدت جود جنبها على السرير :نعم.
روعه:توعديني ماتعصبي علي؟
جود:على شنو.
روعه:اللي بقوله لش الحين.
جود:اتكلمي..مهما كان الموضوع مابعصب.
روعه:المارينا مول.
جود ابتسمت لها عشان تريح اعصاب روعه وماتخوفها:شفيه؟
روعه:واحد هناك يشتغل بمحل..بصراحه احس نفسي حبيته.. وبالصدفه طلع ولد خالة صاحبتي سماهر.
جود: هو مايحبش؟
روعه لفت وجهها: مادري..بس انا احبه.
جود:روعه..للمعلومه زوجي اخو صاحبتي،وكنت اقعد معاه من يوم احنا صغار لحد
ماوصل الى الحب ..وكاهو الحين صار زوجي,،ترا اهم مافي الحب انه يكون من
طرفين،وتعرفي وتتأكدي انه حب عذري ومستحيل يكون حب نزوه،وتضمني انه في
النهايه رح يكون لش مو الى غيرش.
ــــــــــــــــــــــــــــــــــــ
شجون((اخت ثامر)) : يما..ولدش اقول له يشتري لي بطاقه شحن لجوالي مو
راضي,يقول لي كل يوم لازقه الجوال باذنش,وهو كل يوم يكلم يتخشش في غرفته
بالساعات ويكلم خطيبته.
ثامر يأشر على اخته يبيها تسكت.
ام ثامر:ثامر مو انا قلت لك مو تكلمها كل يوم؟ كذا ياولدي بتملو من بعض.
ثامر:ما اتحمل.
شجون:يما مااتحمل,طالع رومنسي زمانه.
ام ثامر:متى رجعتهم؟
ثامر:بكره...وبكره يوم سعدي.
ــــــــــــــــــــــــــــــــــــ
ام مازن:والله ياولدي انا بالنسبه لي عادي لو اليوم بعد .. بس لو ننتظر خالتك تجي من السفر مو احسن؟
سامي:يما..خالتي اذا جت رح نطول واجد لحد ماتقول لنا يلا..
ام مازن:يعني انت مقرر؟
سامي:اي
ام مازن:خلاص ياولدي الي تبيه... بس توقع رفضهم من الحين أقول لك
ــــــــــــــــــــــــــــــــــــ
سماهر واقفه جنب باب شقتهم جنب الممر حق الفندق.. و علاء و نادر يشيلوا الشناط عشان بيرجعوا البلد
سماهر وهي متكتفه:باالله الحين بنروح المطار؟
علاء:ماتشوفيني انا ونادر نشيل الاغراض؟
سماهر:الا اشوفكم,باروح السوبر ماركت بشتري لي جبسات وشكلاته آيدين
علاء:في جبسات في البلد ترا.
سماهر: اي ادري..بس الجبسات اللي هنا لذيذه
نادر كا يطلع فيهم ويبتسم..فرح اكثر يوم قالت بتشتري الشوكلاته
علاء:كم شنطه لش؟؟
سماهر:ثنتين
علاء:حريقه
ــــــــــــــــــــــــــــــــــــ
جود:روعوه يلا بامكيجش.
روعه:شفيش علي اليوم؟
جود:شرايش؟؟
روعه:لاجد ليش تعدلي فيي؟
جود:اذا ماتفهمي انجليزي قولها عربي..مفاجاه
روعه:لاااا مابي كحله سايله؟
جود:شتبي عجل؟
روعه:ابي اي شي ناعم..عمري مايسمح لي اصبغ حالي واجد.
ــــــــــــــــــــــــــــــــــــ
نادر:يلا ليال بسرعه انزلي
ليال:افف..على ايش مستعجلين؟باقي ساعتين على ماتطير الطياره.
نادر:الرجال مستعجلين..يقولون عشان نرتاح واحنا قاعدين في الطار.
ليال:طيب يلا.
نادر:انتي احلى عمه.
ليال:ادري.
نادر:عمتي الحلوه..سماهر بتتغطى في المطار؟
ليال:ناس مصالح,ماادري
ــــــــــــــــــــــــــــــــــــ
روعه:جود..يعني اللي جايه جايه تخطبني؟
جود:ايوه..بس ماقلت لش لما رحتي لهم عشان ماتستحي.
روعه: فشلتيني.
جود:لافشلتش ولا شي,خذي صورته.
روعه اخدت الصوره وقعدت على السرير.
لما شافت الصوره حطتها على فخدها بعد مادققت النظر فيه..بدون ماتحس فركت عينها.
جود:هيه انتي..خبول شوفي مكياجش كيف صار.
روعه:هذا اللي في المارينا.
جود اخذت الصوره من عند روعه.
جود:جد؟
روعه:اي والله,بس كيف عرف بيتنا؟؟
جود:بتوافقي واتقولي لابوي يسأل عنه لو بترفضي وخلاص؟
روعه من الصدمه:مادري
ــــــــــــــــــــــــــــــــــــ
في مطار الدمام...
ليال:ثامر.
سماهر:ايش؟
ليال:ثامر مع نادر واخوش بروح له
راحت ليال بسرعه الى ثامر وضحكت سماهر على شكلها
سماهر:كل هذا جنون الحب؟
صبا:اقول اتغطي يلا.
سماهر حطت الغطا على وجهها
سماهر: تعودت الحين افتح وجهي,بس الحين ثنتينا متغطين وليالوه لا.
صبا:خطيبها مابيخليها
ــــــــــــــــــــــــــــــــــــ
شادي دخل البيت ..شاف الانوار مطفيه وفيه اضواء شموع خفيفه..
شادي ياستغراب:زمرد؟
واهو يمشي مسكت يده زمرد
زمرد: ياعيون زمرد؟
شادي:شهالجو الرومنسي.
زمرد وعيونها تدمع: شادي!!
شادي شال ايده عن ايدها ومسح دموعها: يابعد شادي..شفيش؟
زمرد:انا حامل.
شادي:جد والله؟
زمرد هزت راسها
شادي حملها وصلها للغرفه..
شادي:لالالا..الحين انا اللي اطبخ وانا اللي اكنس وانا اللي اغسل..وحبيبه قلبي ملكه
زمرد:هههه لا
شادي:لا؟ اقول لش بخدمش تقول لي لا؟ غصب عنش اتقولي ايه
ــــــــــــــــــــــــــــــــــــ

ــــــــــــــــــــــــــــــــــــ
سامي:هلا سماهر
سماهر:اهلين
سامي:الحمد الله ع السلامه
سماهر:الله يسلمك.
سامي:سماهر انا تقدمت الى روعه.
سماهر:جد؟؟ شصار؟
سامي:انتظر الحين الرد.
سماهر:اها عسى خير ان شاءلله
ــــــــــــــــــــــــــــــــــــ
ليال:نادر مابتنام؟
نادر:لا باروح الحلاق اول .. بعدين باجي انام.
ليال:احس الدنيا غريبه.
نادر:لانش تعودتي على ايران
ــــــــــــــــــــــــــــــــــــ
صبا دخلت غرفتها من بعد ماسبحت واخذت صورة علاء
صبا((ياالله وحشتني))
ــــــــــــــــــــــــــــــــــــ
ام ماجد:سماهر خذي شناطش لغرفتش.
سماهر:يما توني سبحت وفيني النوم.
ام ماجد:عجل باخلي علاء يركبهم لش، لا تقفلي غرفتش عليش.
سماهر:وين علاء الحين؟
ام ماجد:في غرفته و الاغاني مزلزله الطابق الثاني... قلة أدب
ــــــــــــــــــــــــــــــــــــ
ابو جود:روعه تعالي لي غرفتش.
روعه:انشاء الله يبا
راحت روعه لغرفه ابوها وجلست جنبه
روعه:نعم يبا؟
ابو جود:للحين يابنتي ماقلتي لي موافقه على اللي تقدم لش او لا؟
روعه بخجل:يبا اللي تشوفه..مالي راي من بعد رايك.
ابو جود:نقدر نقول نتوكل على الله ؟روعه بخجل: اللي تشوفه.
ابو جود باس راس بنته:الله يهنيش انشاء الله
ــــــــــــــــــــــــــــــــــــ
مازن:يما.
ام مازن:هلا يما.
مازن:انا غيرت رايي...ابي سماهر.

الجزء الثالث عشر:

صادق:ودي أصرخ من الفرحه
باقر:الله يدومها أفراح
أحمد: كيف حال الرقله(المجنون) الحين؟
باقر:أي رقله؟
أحمد:عيسوه
ماجد:ههههههه..شنوا تتوقعواا؟
صادق:ماسك حديد السجن ويصارخ((ويقلد بصوته طريقة خوف و يرفع صوته):طلعوني طلعوني
الكل:ههههههههههههههه
ماجد:بس عاد مااوصيكم..نبقى أصحاب
ــــــــــــــــــــــــــــــــــــــــــــ
سماهر:يبا
ابو ماجد:هلا يبا
سماهر:امممممم..بابا متى ماجد بيطلع من السجن؟
ابو ماجد:وليش تسالي؟
سماهر بارتباك:لا بس كذا
ابو ماجد بعصبيه:لا تتدخلي بشي مايخصش..انا أمه الي هي امه ماقلت لها تبي أقول لش؟
سماهر:يبا انا ماقلت شي..اخوي وابي اتطمن عليه..بس
ابو ماجد:سماهر لاتخليني اثور فيش
سماهر:لالا خلاص..عن اذنك
و فتحت باب المجلس عشان بتطلع..وشافت اخوها مقابلها يبي يدخل..ابتسم لها وكمل مشيه
باس علاء راس ابوه وقعد جنبه:كيفك يبا
ابو ماجد:الحمد لله ياولدي....اخبارك واخبار الشغل معاك؟
علاء:الحمد لله..انت خلفت رجال يبا...الشغل متيسر معاي
ابو ماجد:الحمد لله
علاء:يبا..بغيت منك شغله
ابو ماجد:آمرني ياولدي
علاء:أبي اخطب
ابو ماجد:ابركها من ساعه..بس غريبه..أللي يبي يخطب يروح يقول لأمه مو لأبوه
علاء:استحيت من امي
ـــــــــــــــــــــــــــــــــــــــــــ
ليال واهي تكلم ثامر ع الجوال:ها ماقلت لي لحد الحين عن المفاجئه
ثامر:للحين ماقلتها؟
ليال:اي يا حظي..للحين ماقلتها
ثامر:طيب شرايش نطلع اليوم مع بعض واقول لش
ليال:وين؟
ثامر:اي مكان..عسا لو الكورنيش
ليال:اوكي...متى اي وقت؟
ثامر:الليله الساعه 8..شرايش؟
ليال:حلو
ـــــــــــــــــــــــــــــــــــــــــــــ
سماهر بعد ماطلعت من المجلس من عند ابوها دقت على ضحى
ضحى بلهفه:ألو هلا
سماهر:اهلين
ضحى:يلا بسرعه بسرعه اتكلمي
سماهر:مثل مادخلت طلعت
ضحى:كيف؟
سماهر:ماعرفت ولا شي..مارضى يقول لي
ضحى:ليش؟
سماهر:عندهم هالشي سر يابعدي
ضحى:اففف.....سهوره امي تناديني....بسكر الحين..باي
سماهر:باي
ومن بعد ماسكرت ضحى اتصل ماجد على سماهر
سماهر ظلت لفتره تناظر بالشاشه
سماهر:ماجد؟؟
ماجد:ياعيون ماجد..يالي واحشه ماجد..اخبارش ؟
ـــــــــــــــــــــــــــــــــــــــــــــــ
تغريد:سامي؟؟أتخيلك معرس
سامي:مايحتاج تتخيليني
تغريد:الاسبوع الجاي انت اتوديني الكوافير
سامي:فاضي لش؟؟
تغريد بترجي:سامي مافي احد يوديني
سامي:مازنوه يوديكم
تغريد:عمى..يلا نتحمله...بس حركات...انت البزر وتخطب قبل مزين
سامي:انا بزر؟
تغريد:الصراحه اي..عمرك 18 وتتزوج
سامي:عادي..وبعدين انا مابتزوج من الحين..هدي خطوبه.. بعدين ما باقي غير شهرين و أدخل 19..عادي
تغريد:طيب كيف حال سماهر؟
سامي:اخبارها المفروض عندش..بس اهي تمام كلمتها البارح
تغريد:اتغيرت علي واجد..كله بسبة مزين
ــــــــــــــــــــــــــــــــــــــــــــــــ
ليال و ثامر راحوا الكورنيش وجلسوا على الحجر الكبير جنب البحر
ليال:شو ثامر؟
ثامر:امممممممم..بصراحه ابي اعجل بموعد العرس
ليال:إي
ثامر:إي؟؟يعني ماأتحمل اقعد الحين بدونش..أبي أصير معاش طول الوقت
ليال:يعني هدا هو كل الموضوع؟
ثامر:مو عاجبش؟؟؟
ليال:لهدرجه تحبني وتبيني بحق؟
ثامر هز راسه واهو مبتسم
ليال ابتسمت:الي تبيه سويه
ثامر:أحبش
ــــــــــــــــــــــــــــــــــــــــــــــ
بعد شهر...
في يوم حفلة خطوبه روعه وسامي ::
صبا و سماهر في الصالون
سماهر:آآآح شعري
صبا:الله بلاش بكوافيره مصوقعه
سماهر:راسي حرقني..حشا اتشابق ارهابي هالإندونوسيه
صبا من بعد ماخلصت الكوافيره من استشوار شعرها:علاء يحب المكياج الناعم لو الثقيل اشوي؟
سماهر: يحب النعوم
صبا اتكلمت مع الفلبينيه عشان تحط لها ناعم مره
سماهر:صبوي ليش مابغيتي اتسوي حفلة خطوبه؟
صبا:مو مهم..اهم شي صارت عندي دبله..وعندي خطيبي علاء
سماهر:احم احم
بعد ما خلصوا الثنتين..
صبا:سماهر دقي على احد يجينا
سماهر:علاء برا ينتظرنا
طلعوا وركبوا السياره ..صبا ركبت قدام وسماهر ورا
علاء بابتسامه:هلا
صبا بخجل:اهلين
بعد ماوصلوا بيت ابو روعه والمكان الي بيسووا فيه الحفله.. تقصدت سماهر انها تنزل قبل صبا
صبا:يلا علاء.باي
علاء:لحظه تعالي
صبا:نعم؟
علاء:أبي أشوف وجهش
صبا:لا بعدين
علاء:بلا دلع..وشال الغطا من وجهها وطالعها
علاء:ملاك
صبا بخجل:باي علاء
علاء:باي..رح اجي لش بعدين بطلع اتمشا معاش اوك؟
صبا:اوك
ــــــــــــــــــــــــــــــــــــــــــــــــــ
ليال كانت بالمطبخ اتسوي العشا..واهي بالمطبخ سمعت صوت نادر يكح كثير
ليال واهي تطلع من المطبخ:شفيك اتكح وا- -
ليال بصدمه:من متى اتدخن؟
نادر:من يوم جيت من ايران
ليال:نادر شفيك..مو لهدرجه عاد..نادر؟شرايك نخطبها بكره او الي بعده
نادر:جد؟
ليال:جد
نادر:ياريت يا عمتي
ليال:خلاص صدقني سماهر لك..بس لاتدخن ترا ابوك وتعرفه..يكره شي اسمه دخان...وانت بعد كنت تكرهه
نادر:خير ان شالله...
ـــــــــــــــــــــــــــــــــــــــــ

ـــــــــــــــــــــــــــــــــــــــــ
علاء أخذ صبا من الحفله وطلع معاها يتمشا ...و كان ماسك يدها يقوه
علاء:حبيبتي؟
صبا:هممم؟
علاء:تذكرين المواقف الي صارت بينا في إيران؟
صبا وقفت و ماكملت مشي
علاء:شفيش؟
صبا:لازم انحرج يعني؟
علاء:هههه..لا خلاص..وبعدين عادي انتي خطيبتي الحين...يلا كملي مشي
صبا بخجل:يلا
ـــــــــــــــــــــــــــــــــــــــــــــ
جود من بعد ما طلع سامي من عند اختها روعه راحت لها واهي بغرفتها اتشيل المكياج
جود:ها بشري
روعه بخجل:أبشر بشنو؟
جود:شصار بينكم؟
روعه:والله مثل ماانا أستحي طلع حتى هو يستحي
ـــــــــــــــــــــــــــــــــــــــــــــــ
في اليوم الثاني:
سماهر دخلت غرفة اخوها علاء
سماهر:هاي خيي؟
علاء:هايات يا حلو
سماهر:منسدح وانت سرحان...اتفكر بالغوالي صح؟
علاء:صح
سماهر:اي الحين ماعاد في وحده اسمها سماهر يحبها علاء صح؟
علاء:لا مو صح..اشدعوه
سماهر:ايوه علينا
علاء:افااا
ـــــــــــــــــــــــــــــــــــــــــــــ
أم ضحى:ضحى غسلي الصحون طيب؟
ضحى:طيب
ابو ضحى بعد ماراحت ضحى المطبخ:اخبار ماجد
ام ضحى:على نفس الحاله..سمعت انه في عفو ملكي..قول ان شالله يشمله
ابو ضحى:يلا..ان شالله
ــــــــــــــــــــــــــــــــــــــــــــــ
نادر بالحمام يحلق اشوي من لحيته الي اتربت...
ليال واهي تدق الباب عليه: يلا عاد يا نادر لا تأخرنا....انا اتصلت على ام ماجد واتفقنا على موعد محدد وانت الحين اتاخرنا
نادر واهو يطلع من الحمام:يلا جاهز .مشينا
ــــــــــــــــــــــــــــــــــــــــــــــــ
سامي عند باب بيت ابو روعه
روعه راحت على طول جنب المرايه تاخد لمحه على نفسها
وراحت فتحت الباب الخارجي ودخل وبيده باقة ورد حمرا مع زهور بيضا
روعه بخجل:شكرا
سامي بغمزه:واجبنا
ــــــــــــــــــــــــــــــــــــــــــ
ليال واهي بتركب السياره دق جوالها
ليال:هلا ام ماجد
ام ماجد:هلا ليال..شصاير؟
ليال:على تاخيرنا؟؟معليش اعدرينا..الحين احنا راكبين السياره بنجي
ام ماجد باستغراب:مو على كذا....اختي جت..وطلبت سماهر لولدها مازن
ليال:ايش؟؟
تدخل نادر:خير شصاير؟
ليال:مازن سبقنا يا نادر
نادر ضرب بيده ع السياره:دخلي البيت
ليال بخوف على ولد اخوها:وانت؟
نادر بعصبيه:قلت لش دخلي البيت
ليال:طيب طيب
دخلت ليال البيت و نادر مشا و مايدري على وين طريقه ...مرت سياره مقابله و هو مو حاس...آخر حواسه كان في:
نادر بهدوء ألم و هو مطروح ع الأرض: آه
ــــــــــــــــــــــــــــــــــــــــــــــــــ
سماهر حست بنخزه بقلبها..اتذكرت نادر على طول ..كانت بتاخد جوالها عشات تدق
على ليال و تتطمن عليه..لكن سبقتها أمها واهي داخله عليها
ام ماجد:سماهر؟
سماهر:هممم؟
ام ماجد واهي تجلس جنب سماهر:مازن يا يما رجع طلبش منا
سماهر:ايش؟؟مازنوه؟؟
ام ماجد:سماهر؟؟
سماهر:مابيه..مو مجبوره عليه
ام ماجد:لا مجبوره عليه
سماهر:لا انا اللي أقـ - -
قاطعتها امها:انا الي اقرر مو انتي..انتي مراهقه و ماتدري مصلحتش وين...انتي الى مازن
سماهر واهي مرفعه صوتها:لا
ام ماجد:اي...وانتهى كلامي
سماهر: وشو هو مصفع؟؟ ماعنده عزة نفس من بعد مارفضناه رد رجع؟؟!!
ام ماجد: وجع..هذا يحبش و شاريش ماتفهمي انتين؟؟
و طلعت وبقت سماهر ..بخوفها على نادر و بمصيبتها مع مازن ....
طلعت من غرفتها وراحت اتدور على امها ولقتها بالمطبخ
سماهر:يما..أبي مهله للتفكير..
ام ماجد:كم يوم؟
سماهر:عسا لو سنه..اهم شي اخد وقتي صح بالتفكير...عن اذنش
ـــــــــــــــــــــــــــــــــــــــــــــــ
صبا اتصلت على علاء واهو بالسياره رايح الى نادر بالمستشفى
علاء: ((وقتش الحين؟؟)) ...عطاها مشغول وردت اتصلت مره ثانيه..وعطاها مشغول ومن
بعدها قفل جواله
ــــــــــــــــــــــــــــــــــــــــــــــــ
نادر كانت حالته شبه خطيره..و كانوا معاه أبو نادر ومازن واللي هو صادمه..وليال كانت بالانتظار لان مازن داخل
اتصلت ليال على سماهر
سماهر:هلا
ليال:اهلين سماهر..
سماهر:ليال مازن رجع خطبني
ليال:ادري سماهر..كنا جايين بطريقنا نبي نروح نطلبش من اهلش..لكن سبقنا الي
مايتسما مازن ... و نادر الحين مسوي حادث
سماهر:أيش؟
ــــــــــــــــــــــــــــــــــــــــــــــــ
مازن((اففف..انا ماصدمت احد الا اليوم؟؟زين مني وديت امي البيت اول))
دخل علاء الغرفة الي منوم فيها نادر
علاء:السلام
مازن وابو نادر:وعليكم السلام
علاء:انت شجابك هنا؟
مازن:انا الي صادمه ولازم اشوف صحته بعدين اطلع من هنا..و مثل ماتشوفه..نايم و مو حاس لنا
علاء:انت أعمى ماتشوف لطريقك؟والا هوايه تمشي و تصدم بالخلق
مازن:ابو نادر اسف بس والله ماكنت منتبه ابدا ...بس انا مجبور اطلع الحين
ابو نادر:سويت الي عليك ياولدي
مازن:مع السلامه
ابو نادر:مع السلامه
بعد ماطلع مازن وجه ابو نادر كلامه الى علاء:خير يا علاء شفيك ع الرجال..؟ زين منه جاب نادر المستشفى
علاء:غصب عنه يجيبه
ـــــــــــــــــــــــــــــــــــــــــــــــــ
علاء فتح جواله و لقى 5 اتصالات..3 من صبا و 2 من سماهر..و رساله من صبا
((علاء شفيك؟مسوية شي انا؟؟))
رما الجوال على جنب و جلس ع الكرسي وجلس يراقب نادر
نادر بعد خمس دقايق فتح عينه بصعوبه..ورجع سكرهم بسبب شدة الاناره في الغرفه على عينه ولأنه مغمضها لفتره
علاء قام على طول و مسك يده
علاء:نادر..نادر اصحى
نادر:علاء..لا تاخده تكفى..
علاء ماكان فاهم الى نادر شنو يقصد عشان كدا اتجاهل كلامه:نادر بس افتح عينك
نادر:علاء ماعليك مني..اهم شي سماهر لاتوافق على مازن..مازن خطب سماهر مره ثانيه علاء
علاء:أيش؟؟؟
طلع على طول من المستشفى و بدون ماياخد معاه جواله و راح على طول الى بيت خالته ...
طلع له مازن..مسكه علاء من بلوزته
علاء:انت ماتتوب؟؟اختي ماتبيك ليش انت لازق؟؟يا عمي اثقل وصير رجال
ــــــــــــــــــــــــــــــــــــــــــــــ
زمرد كانت نايمه الليل بدري...راح لها شادي و مسك يدها وعضها
فتحت زمرد عينها وشافته قبالها وابتسمت
شادي:ليه نايمه بدري؟
زمرد:لا بس كان عندي تعب خفيف
شادي:ماتشوفي شر يابعد عمري
زمرد:الشر مايجيك
شادي:الحمل متعبش؟
زمرد:اشوي
شادي:سلامات حياتي
ــــــــــــــــــــــــــــــــــــــــــــــــــ
رجع علاء للمستشفى..لقى ثامر هناك..سلم عليه
ثامر:هلا بالقاطع
علاء:هلا بيك ...كيفك نادر الحين؟
نادر:احسن
ثامر:شوف جوالك الي ازعجنا
علاء:نسيته هنا وطلعت عنه
ثامر:اي مو هالشي يصير لما يكون القلب والعقل افكارهم مشتته..فـالواحد ما
قدر يفكر عدل وقتها..لكن حرام الي تفكر فيها هي الي تدق عليك
علاء:مين؟
ثامر:يعني بالله عليك مين؟؟ وغمز له
علاء ابتسم و اخذ جواله
علاء:يلا انا تعبان ابي اروح البيت وانخمد على طول ...خطاك الشر نادر
نادر: ما قصرت علاء
علاء:يلا....سلام شباب
ــــــــــــــــــــــــــــــــــــــــــــ
مازن متنرفز.. و مطنش.. لكنه مو ندمان أبد..
قعد على لابتوبه و فتح ايميله
* بختار فرقاكـ تحسب الموت لعبه؟* : هلاااااااااا
* كنتي الامل * : أهلين
* بختار فرقاكـ تحسب الموت لعبه؟* : وينك عنا نسيتنا خلااااااص ما عاد فيه زينب أبد
*كنتي الامل* لا شدعوه
* بختار فرقاكـ تحسب الموت لعبه؟* : بسرعه بسرعه اعترف مين الي شاغلك..يلا المباحث قادمه
*كنتي الأمل* : زينب فارقي عن وجهي مو فاضي لش
* بختار فرقاكـ تحسب الموت لعبه؟* : لا انت فعلا فيك شي .. مازن شفيك؟
*كنتي الأمل* : مو شي خلاص والا الحظر قليل عليش
* بختار فرقاكـ تحسب الموت لعبه؟* : بل ترا أكلتني انت.. حلفتك مازن قول لي .. وش بتخسر؟
قال لها مازن كل الي يقدر يقوله
* بختار فرقاكـ تحسب الموت لعبه؟* : بسيــــــــــــــــــــطه
*كنتي الأمل* : عندش حل؟
* بختار فرقاكـ تحسب الموت لعبه؟* : طبعا زينب ولا عندها حل؟ عجل مو زينب
* كنتي الأمل* : بلا غرور ..قولي
* بختار فرقاكـ تحسب الموت لعبه؟* : اسمعني.. انت مشكلتك مع اخوها مو
معاها.. امها بتقدر تجبرها بس اخوها باينته شديد و مستحيل بهالموقف
يرضى..تدري وش الحل؟؟.. انك تعايره.. تطلع عنه فضايح.. مثل مايقولوا وحده
بوحده.. وقتها بيخاف منك و انك تفضحه قدام اهله.. وبيرضا فيك.. يعني غصبا
عنه
* كنتي الأمل* : غبيه... علاء ماشي طريقه سيده
* بختار فرقاكـ تحسب الموت لعبه؟* : انت تقول كذا لأنك مو هو.. ماحد يعرف
نفسه غير نفسه.. شوف.. عطني معلومات عنه او شي من خصوصياته..أجيب لك راسه..
يعني أول شي اهدمه بعدين نتفرغ لك.. وتصير المهمه سهله
* كنتي الأمل* : ذكيه يا زنوب ذكيه
* بختار فرقاكـ تحسب الموت لعبه؟* : والله زين اني معتبرتك تسلية نت ما حبيتك.. اوني حبيتك كان هدمتك انت
* كنتي الأمل* : مابارد عليش عشان مصلحتي.. على قولتهم..( إذا حاجتك عند الكلب قول له ياسيد جلاب)
* بختار فرقاكـ تحسب الموت لعبه؟* : انزين شوف.. دبرها لي أبي اكلمه من شريحتك..شريحتي اخوي مراقبها اول بأول
* كنتي الأمل* : أبشتري لش
* بختار فرقاكـ تحسب الموت لعبه؟* : لالالااا. أبي شريحتك الخاصه
* كنتي الأمل* : وبأي طريقه أعطيش اياها؟ .. ترا انا مو صاحب شوفات بنات
* بختار فرقاكـ تحسب الموت لعبه؟* : فيه بقاله في فريقنا.. بكره المغرب الساعه 8 حطها لي في ثلاجة الشوكلاته.. و انا آخذها..
* كنتي الأمل* : احس عقلش مطور
* بختار فرقاكـ تحسب الموت لعبه؟* : أفا عليك
ــــــــــــــــــــــــــــــــــــــــــ
اليوم الثاني..
علاء دخل الى اخته سماهر غرفتها
علاء جلس جنبها وحضنها
علاء:خايفه؟
سماهر:من أيش؟
علاء:ان مازن ياخدش؟
سماهر:ماحد بيغصبني عليه
علاء واهو يبتعد عن حضنها:ايوه..خليش كدا ..إصرار طيب؟
سماهر هزت راسها بالموافقه مع ابتسامه
علاء:فديتش
راح علاء غرفته يبي ينام ....اتذكر صبا وانها يمكن بهاللحظه زعلانه او خايفه عليه
اتصل عليها ماردت عليه..انتظر خمس دقايق واتصل عطته مشغول
رسل لها رساله ((طيب ليه؟؟))

الجزء الرابع عشر:
راح علاء غرفته يبي ينام ....اتذكر صبا وانها يمكن بهاللحظه زعلانه او خايفه عليه
اتصل عليها ماردت عليه..انتظر خمس دقايق واتصل عطته مشغول
رسل لها رساله ((طيب ليه؟؟))
ردت عليه صبا ((وحده بوحده))
علاء((يا غلاي افهمي ظروفي عاد..كنت عند نادر بالمستشفى ومره حوستي حوسه..افا صبويتي ارضي عاد ماأقدر اشوف الحلا زعلان))
صبا(( صار.. اهم شي تغليت عليك))
ــــــــــــــــــــــــــــــــــــــــــــــــ
ثامر:ليال يعني متى الزواج؟
ليال:ثامر لا تستعجل..خل نصبر لحد ما نحل كم مشكله من المشاكل الي في بيتنا
ثامر:ولين متى نصبر يعني؟ فاكره المشاكل اتخلص انتي؟
ليال:وانت فاكر إني باخلي أهلي بمشاكل واروح لك واستانس؟
ثامر بمسخره:لا قعدي عشر سنوات بعدين اصحي من نومش واعرفي ان المشاكل
ماتخلص ..و تعالي وقولي لي...ثامر متى موعد الزواج...بتفرغ لش انا وقتها
اتصدقي؟
ليال بعصبيه:هيه انت مين قاعد تكلم؟؟ من متى طالع لك لسان؟؟ شوف يا
ثامر.أنا أكره شي عندي أحد يكلمني بهالطريقه..اتنرفز ..تفهم شنو يعني
اتنرفز؟ يا حبيبي
عدل كلامك بعدين تعال كلمني اوكي؟؟ كفايه أعصابي مفلوته عشان ولد اخوي
وسكرت الخط بوجهه
ــــــــــــــــــــــــــــــــــــــــــــــ
أبو نادر:اشوي اشوي ولدي وانت تقوم
علاء:ابو نادر ماعليك منه جالس يتدلع هو
ابو نادر:ههههههههه يلا خله يتدلع كم يوم ولا يزيدو
علاء:يلا يلا اشوف خف على عمرك وقوم بسرعه من هالسرير...عشان تلحق على الي برا
نادر بابتسامه:انت اصبر علي اشوي لحد ما أصحصح و أوريك شغلك
ـــــــــــــــــــــــــــــــــــــــــــــــــ
صبا:ألو
زينب: اهلا..صبا صح؟
صبا:إيوه صبا..مين انتي؟
زينب: امممم..تقدري اتقولي قاصدة خير ... ياصبا...الظاهر انش ماتعرفي حقيقة خطيبش علاء
صبا باستغراب: من انتي؟
زينب: يعرف بنات الدنيا كلها..فاكرته سهل؟..ترا منتي البنت الوحيده
بدنياه..في بنات كثير غيرش.يلعب بهم ويرميهم..لاتقولين خطيبته و مضمونه
له..ترا عنده كل شي عادي
صبا اتجمدت::علاء؟؟؟كيف؟؟
زينب: أنا وحده من ضحاياه.. ماني الاولى ولاني الأخيره.. ناويه تكوني وحده منا؟؟
صبا: انتي تبي تخربي الي بينا.. انا ما أصدقش
زينب: لا تصدقي..علاء صايع ماتفهمي؟؟ وش اقدر اسوي عشان تصدقيني؟
صبا: احلفي لي بالله
مريم: والله العظيم ان علاء صايع و يلعب عليش.. متأكده انه يلعب عليش متأكده بعده ماتاب ولا وعى.. وشرفي
ـــــــــــــــــــــــــــــــــــــــــــــــ
سماهر:يلا علاء مشينا؟
علاء:مشينا
سماهر:شفيك؟؟مو على بعضك
علاء:كل مادقيت على صبا ماترد علي ..خايف فيها شي
سماهر:انا توني البارحه مكلمتها
علاء:خلاص عساه خير..يمكن منشغله بشي
سماهر:يمكن
علاء: انتي شلابسه؟
سماهر:بلوزه وبنطلون
لاء:البنطلون ممنوع... البسي تنوره
سماهر:طيب
علاء:و إذا لابسه إكسسوارات حتى لو ساعه افصخيها من الحين..ولا تحملي جوالش..ممنوع
سماهر:حشا...ليش؟
علاء ماله خلق:قولي ليش للشرطه والمفتشين مو لي
سماهر:طيب انت لابس بنطلون
علاء:أنا مابدخل لان الزياره خاصه للنساء اليوم ..بنتظرش انا برا
ــــــــــــــــــــــــــــــــــــــــــــــــــ
زمرد:ألو شادي
شادي:هلا عمري
زمرد:شادي اشتري غدا من المطعم..مو قادره أطبخ شي..حتى مو قادره اقوم على رجلي
شادي:حياتي شفيش؟
زمرد:تعبانه..الحمل متعبني شادي..بموت
شادي:لالالا..يلعن ابو الغدا مابي شي..بستأذن من الدوام وباجيش على طول
ـــــــــــــــــــــــــــــــــــــــــــ
علاء كان بالسياره ينتظر سماهر من بعد ماوداها لماجد
اتصل على صبا أكثر من مره ولا ردت عليه ..رسل لها رساله
((شفيش صبا عسى ماشر؟؟))
صبا شافت الرساله وردت عليه ((لا تعليق))
علاء استغرب وما فهم شقصدها..و اتصل عليها و عطته مشغول
ـــــــــــــــــــــــــــــــــ
ثامر اتصل على ليال واتجاهلت اتصالاته ..خصوصا انها من النوع الي كل شي ولا احد يكلمها بطريقة استفزاز
ثامر((مافي غير شجون أشاورها..هي الي تفهم لهالسوالف..خبره فيها))
ـــــــــــــــــــــــــــــــــــــــــــــــ
في السجن..
سماهر:مجود متى بتحلق هاللحيه؟
ماجد واهو يلمسها:كنت اليوم باشيلها بس انشغلت
سماهر:مشغلينك سكرتاري هنا بدون ماندري؟
ماجد:تسخري هبله؟؟ ماتناسبني صح؟
سماهر: كأنك واحد من المفتيين
ماجد:استغفري ربش صغيره مره..بالغتي
سماهر:أبي أسخر اشوي
ماجد:سهورتي؟
سماهر: هلا
ماجد: عيونش حمرا.. من وشو؟
سماهر منحرجه:مو شي
ماجد: في ذمتش
سماهر: قبل لاتجي انخشيت في واحد من البوكسات و صحت
ماجد: ياقلبي..تعالي تعالي..سحرتيهم صح؟
سماهر:مين؟؟
ماجد:هم الي محلهم واحد وغاليين
سماهر بعد مافهمت وبخجل:شدراك؟
ماجد:اول الاخبار توصلني على طول..ترا لو بودهم نشروها رسالة على جوال كل واحد بالسعوديه
سماهر نزلت راسها بخجل:انزين كفايه
ــــــــــــــــــــــــــــــــــــــــــــــــ
أحمد:ماشبع ماجد من اهله؟
صادق:وين يشبع ..انا شكلي باخذ وحده من خواته....لازم
باقر:رجعنا لطير يللي؟؟؟لا شكلك تتكلم جد
صادق:يعني انا من سنة جدي قاعد اتكلم مثل الماعز كيف؟؟
احمد:امبااااااااع
باقر:هههههههههههههههههههههههه
صادق:بدون عباطه إذا ممكن
ـــــــــــــــــــــــــــــــــــــــــــــ
في اليوم الثاني:::
نادر:ليال اتصل ثامر يقول الليله جاي يطلع معاش
ليال:اتصل عليه وقول له مالي خلق أطلع
نادر:قولي له انتي
ليال:ماعندي رصيد
نادر:مافي فايده كذا ولا كذا بيجي لش يبي يوديش بيت اهله تتعرفي عليهم اكثر
ليال:يصير خير
ــــــــــــــــــــــــــــــــــــــــــــ
علاء:سهوره ارتحتي يوم شفتي ماجد؟
سماهر:إلا انهميت اكثر يوم شفته بحالته بالسجن بين الحديد ...كيف حال صبا؟
علاء:لسا
سماهر:يعني علاء متأكد أنك ماسويت شي يزعلها؟
علاء:لا والله..أبدا.. كنت مطنشها يوم صار حادث الى نادر.. بس بعدين راضيتها و كان عادي
ــــــــــــــــــــــــــــــــــــــــــــــ
زينب اتصلت على صبا
صبا:ألو؟
زينب:هلا
صبا:مين؟
زينب:نسيتيني؟؟لا سجلي اسمي عندش بتحتاجيني وبحتاجش كثير...انا قاصدة الخير
صبا:نعم؟
زينب:لا بس بغيت أعرف شنو الي بينش وبين علاء الحين؟؟
صبا:انتي وش عليش وش يخصش؟
ــــــــــــــــــــــــــــــــــــــــــــــــــ
علاء:سلام عليكم أبو صبا
ابو صبا واهو يكلمه ع الجوال:هلا و عليكم السلام..كيف حالك يا ولدي؟
علاء:الحمد لله ياعمي بخير أسأل عنكم...أبو صبا ممكن أزور صبا اليوم في
البيت؟
أبو صبا:هذا سؤال؟البيت بيتك يا علاء تجي وقت ماتبي والبنت اعتبرها من الحين حلال عليك...
علاء:الله يسلمك ياعمي
ابو صبا:انت تعال لها اليوم..انا بطلع من البيت الحين ولا برجع الا
متأخر...بس اعتبر البيت بيتك
ــــــــــــــــــــــــــــــــــــــــــــــ
سماهر:هلا عمري
ليال:اهلين قلبي
سماهر:أخبار دنياش؟
ليال:تمام يالقاطعه
سماهر:أي قاطعه الله يهديش..انتي تدري بظروفي
ليال:الله المعين..إي صح..وش صار مع ولد خالتش النحس؟
سماهر:أنا حاليا مسكته أمي و خالتي و قايله لهم اني أفكر
ليال:مثل ما رفضتيه هديك المره هالمره بعد تقدري ترفضيه
سماهر:هالمره أمي إصرارها زايد..انتي بكره فاضيه؟
ليال:اي
سماهر:حلو..انا باجي لش عشان اشاورش بكم شغله
ليال:حياش بأي وقت
سماهر:اخبار نادر؟
ليال:تهمش اخباره؟
سماهر بحزن:أكيد
ليال:صاير مايعطي احد وجه..حتى أبوه عرف إنه يحب..و عصب أول شي و ماتقبل.. أخوي مال أول.. بس بعدين رأف بحاله يوم شافه مريض و تعبان
سماهر:سلمي عليه..وقولي له من باعه برخيص خله يبيعه بالتراب
ليال:تقصدي نفسش؟
سماهر:يعني من غيري؟
ــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــ
الساعه 4 ونص راح علاء الى صبا..رن الجرس ورفعته الخادمه
علاء:انا علاء موجوده صبا؟
راحت الخادمه الي صبا وقالت لها ان علاء برا يبيها
صبا بتأفف:قولي له مو موجوده..راحت بيت وحده من صاحباتها
الخادمه:Ok
مشت الخادمه خطوات ورجعت نادت عليها صبا
صبا:إفتحي له باب المجلس...
و خففت من صوتها شوي: خل انشوف آخرتها معاه
راحت لغرفتها و غيرت ملابسها و فلت شعرها و حطت لها كحله خفيفه
قابلت صبا الخادمه واهي تمشي
صبا:حطي قدوع اوكي؟
الخادمه:وشو أحط؟
صبا:اممممم..حطي بيبسي مع ثلج و شوكلاته
فتحت صبا باب المجلس و دخلت ..لما شافها دخلت ابتسم بارتباك و وقف لها
صبا واهي تمشي((آآه يا علاء حنيت لصوتك لبسمتك لرومنسيتك..بس خلك تلعبها على مين؟))
سلمت عليه وجلسوا ...ظلوا لفتره ساكتين
علاء:صبا؟؟؟شفيش؟
صبا:أنا؟؟لا سلامة قلبك والله ..مافيني شي
علاء:صبا شفيش؟؟أتكلم جد؟شنو مسوي لش أنا؟
صبا:والله مادري شمسوي
علاء:صبا,,بتتكلمي والا ايش؟
صبا:كم بنت غيري تعرف؟؟
علاء ظل لفتره منصدم من سؤالها....تسالني أنا هالسؤال؟؟ليش كم بنت أعرف غيرها؟؟
علاء:أيش؟؟؟
صبا:شوف علاء..ترى مافي أي مجال تنكر
علا:ومتى كلمت بنات أنا عشان أنكر
صبا:اوهووو علينا
علاء:ليش عمرش شفتيني امشي مع بنت؟؟اتكلمي
صبا:لا هذي ولا هذي..لكن جاني اتصال وقالوا لي ان انت عندك معارف واجد...و خاطبني كذا لعبه بتلعب فيني وخلاص بعدين
علاء من اول ماقالت لعبه بتلعب فيني زادت عصبيته اكثر ....مسكها بقوه من ذراعها و اتكلم بصوت عالي
علاء:مين الي اتصلوا وقالوا هالكلام؟؟؟
صبا:وحده ماأعرفها..قالت انها قاصدة خير
علاء:أبي أشوف رقمها
صبا:ليش تبيه؟؟عشان تسب فيها و تلعن لأنها قالت لي حقيقتك؟
علاء واهو يخفف من تهوره:صبا...حلفتش بكثر حبش الى أبوش..تعطيني رقمها الحين ...حلفتش
صبا بتردد و خوف طلعت رقمها من جوالها و عطته اياه
علاء واهو يكتب الرقم في جواله..جا بيتصل عليه من جواله لقاه مسجل عنده...و بإسم من؟؟؟بإسم مازن
علاء: الي كلمش بنت لو ولد
صبا: بنت
علاء مو مصدقها: بنت لو ولد؟؟؟
صبا: بنت ماتفهم انت؟
صبا واهي توقف: عرفت الحين ليش أنا مابي أكلمك.؟ وأبي أفصخ الخطوبه بعد..مو انا الي اتزوج واحد مثلك له الف علاقه و علاقه
علاء بعصبيه وصوته عالي:هذي شريحة مازن ولد خالتي.. الي يبي سماهر
صبا: الي كلمتني بنت
علاء: شدراني واحد مثل مازن يقدر يجيب الف بنت تخرب الي بيننا
صبا بعد فتره صمت من الصدمه:وليش بيسوي كذا؟؟
علاء:صبا...جلسي و بقول لش كل شي
صبا بخبث:و كاهو جلسنا..قول الي عندك
و اتكلم لها علاء عن موقفه ويا اخته و طلب مازن المتكرر وعن كرههم له اولا و قلة ادبه
صبا واهي تمسك يد علاء بخوف و كانه ولد لها و خايفه عليه يضيع منها:علاء أوعدني ماتعرف طول عمرك أي بنت غيري
علاء:أوعدش...لكن اسمحي لي أعرف امي و خواتي وباقي بنات العيله الي يكونوا حلال علي
صبا:ياثقل دمك
علاء واهو يغمز:أدري عاجبش بس ماتبي اتقولي عشان ماأشوف حالي عليش
في هالوقت دقت عليهم الشغاله الباب ..قامت صبا تفتحه..و اخذت صحن التقديم من عندها
صبا:ليش اتاخرتي؟
الخادمه: يسمع بابا علاء يصارخ قلت فيه يتأخر شويه
ـــــــــــــــــــــــــــــــــــــــــــــــــ
مرام:سماهر أبي أروح المكتبه آخذ لي ألوان
سماهر واهي منشغله بالمذاكره:روحي
مرام:روحي وياي
سماهر:انا أذاكر الحين
أم ماجد:ماما مرام أنتظري البابا الحين يجي من العمل و يوديش
مرام مدت شفايفها شبرين من الزعل:وأبي الى فادي بعد
سماهر اتكلمت بصوت عالي واهي قاصده هالشي قدام أمها:ماتدري يابعدي عن القدر..
مرام: وشو هو القدر سماهر؟
سماهر: شي يصير لش وانتين ماتبغيه.. ويخليش تزعلي
أم ماجد:تعطيني اياها ضربات يعني؟
سماهر هزت كتفها على انها ماتدري
أم ماجد:لو كنتي تحبي و انا غصبتش على غير الي تحبيه تعالي اتكلمي
سماهر بدون ماتحس لنفسها: إي احب..احب نادر.و مو بس انا أحبه حتى هو
يحبني..والدليل على كذا كان بيخطبني بس الزفت مازنوه ما يخلي أحد بحاله
ام ماجد جاها كلام بنتها صدمه ..كيف يصير هالشي واهي ماتدري؟؟ليش ما فكرت
سماهر تروح لها واتقول لها الي بقلبها بكل صراحه؟؟؟ معقوله هالسالفه فيها
حب؟؟كيف يا ام ماجد يصير هالشي و انتي ماتدري كيف؟
أم ماجد:بعد الصلاة باجي لش غرفتش...
وركبت أم ماجد لغرفتها...و صارت تفكر بكلام بنتها
تحب نادر..من متى؟؟أثاري كل شي فيه إن...
أما سماهر كانت بدورها منصدمه من كلامها..ماكانت بحواسها واهي تقول هالشي ...وين تودي وجهها عن امها الحين؟؟؟
مرام واهي تتقرب لها::إي سماهر ترا نادر طيب واجد..عادي حبيه
سماهر نزلت دمعه من عينها و رمت كتابها و راحت لغرفتها

الجزء الخامس عشر:
مرام:سماهر أبي أروح المكتبه آخذ لي ألوان
سماهر واهي منشغله بالمذاكره:روحي
مرام:روحي وياي
سماهر:انا أذاكر الحين
أم ماجد:ماما مرام أنتظري البابا الحين يجي من العمل و يوديش
مرام مدت شفايفها شبرين من الزعل:وأبي الى فادي بعد
سماهر اتكلمت بصوت عالي واهي قاصده هالشي قدام أمها:ماتدري يابعدي عن القدر..
مرام: وشو هو القدر سماهر؟
سماهر: شي يصير لش وانتين ماتبغيه.. ويخليش تزعلي
أم ماجد:تعطيني اياها ضربات يعني؟
سماهر هزت كتفها على انها ماتدري
أم ماجد:لو كنتي تحبي و انا غصبتش على غير الي تحبيه تعالي اتكلمي
سماهر بدون ماتحس لنفسها: إي احب..احب نادر.و مو بس انا أحبه حتى هو
يحبني..والدليل على كذا كان بيخطبني بس الزفت مازنوه ما يخلي أحد بحاله
ام ماجد جاها كلام بنتها صدمه ..كيف يصير هالشي واهي ماتدري؟؟ليش ما فكرت
سماهر تروح لها واتقول لها الي بقلبها بكل صراحه؟؟؟ معقوله هالسالفه فيها
حب؟؟كيف يا ام ماجد يصير هالشي و انتي ماتدري كيف؟
أم ماجد:بعد الصلاة باجي لش غرفتش...
وركبت أم ماجد لغرفتها...و صارت تفكر بكلام بنتها
تحب نادر..من متى؟؟أثاري كل شي فيه إن...
أما سماهر كانت بدورها منصدمه من كلامها..ماكانت بحواسها واهي تقول هالشي ...وين تودي وجهها عن امها الحين؟؟؟
مرام واهي تتقرب لها::إي سماهر ترا نادر طيب واجد..عادي حبيه
سماهر نزلت دمعه من عينها و رمت كتابها و راحت لغرفتها
ــــــــــــــــــــــــــــــــــــــــــــــــــ
أذن أذان المغرب...صلت سماهر و طوت مصلتها..جلست على سريرها و سندت
راسها...غمضت عينها و حبت توكل أمرها لربها..ماتقدر تشكي لغير ربها ...نطقت
بداخل جوارحها بدعاء ::
(( اللهم ياسبب من لا سبب له..يا سبب كل ذي سبب..يا مسبب الأسباب من غير
سبب...سبب لي سببا لن أستطيع له طلبا...صلي على محمد و آل محمد... و اغنني
بحلالك عن حرامك..و بطاعتك عن معصيتك..و بفضلك عمن سواك...يا حي يا
قيوم...وصل اللهم على محمد و آل محمد))
كانت تقرا هالدعاء كل ما استصعب عليها امر و بغت حل له.
فتحت عينها بعد ماخلصت من الدعاء ..لقت امها واقفه قدامها....
سماهر واهي تحط يدها على قلبها::بسم الله
أم ماجد:خرعتش؟؟ليش كان تفكيرش مع من؟؟ مع نادر؟
سماهر:لا..مع ربي
أم ماجد:اها...
جلست أم ماجد جنب سماهر...و ظلت تناظر فيها لفتره و اتدقق النظر في حركات عينها
أم ماجد:ممكن أعرف سالفتش مع نادر من اول الى آخر؟
سماهر:اعتبريني قلتها لش...بعد ماأقولها شبتسوي؟؟بتضربيني؟..بتقولي الى أبوي؟....بتجبريني على مازن طيب غصب؟..أوو ....
أم ماجد:شوفي سماهر..انتي عارفه ان هذا منافي لعاداتنا
سماهر:أظن اني متربيه زين..و مستحيل بيوم أخونش انتي و أبوي و اخلي تعبكم بتربيتي يضيع بلاش
أم ماجد:طيب اتكلمي...البنت صديقة أمها
سماهر بعد تفكير..:طيب
و ابتدت معاها سماهر من أول مادخلت بينها و بين نادر مبادرات و كلام لحد إيران و وقت ما كان يبي يخطبها
سماهر:ها..شنو قررتي؟
أم ماجد: أنا طالعه الحين..عن اذنش
سماهر:يما..ما جاوبتيني
أم ماجد:ماأقدر أرفض ولد اختي
سماهر:انا الي أرفضه أو أوافق عليه مو انتي يما
أم ماجد:انتو مراهقات وتبون تتسلون و تلعبون...لما تكبروا واتصير أعماركم من أعمارنا بتوعوا اشوي..أما الحين شيوعيكم؟؟
طلعت ام ماجد من غرفة سماهر....و سماهر ظلت متجمده ....مستحيل اتوافق عليه بيوم من الايام..يكفي انها عرفت حركاته من قبل أي شي.....
ــــــــــــــــــــــــــــــــــــــــــــــــــ ــــــــ
ثامر كان واقف عند بيت أبو نادر ينتظر ليال
اتصلت عليه ليال واهو بالسياره
ثامر بفرح:ألو
ليال:مابي أطلع معاك..و ماظن انه لك القدره انك تغصبني
ثامر:آخر كلام؟
ليال بخبث:إي
ثامر:أوكي براحتش...باي
ليال:باي
اتصل ثامر على نادر
نادر:هلا
ثامر:أهلين..نادر دخيلك انا عند باب بيتكم أبي ليال تطلع لي..واهي ماتبي..شوف أي طريقه و خلها تطلع
نادر:خلاص ولا يهمك
ثامر:تسلم..سلام
نادر:سلام
..............
راح نادر لغرفة ليال ودخل بدون مايدق الباب كعادته
ليال:استحي على وجهك..ليش مادقيت الباب؟
نادر واهو ينسدح على سريرها:بكيفي
ليال:جيبها من الآخر..شتبي؟
نادر:طيب انتي الحين ليش معصبه و مالش خلق شي؟
ليال بدلع:مزاج
نادر:ليال؟
ليال:نعم؟
نادر:من زمان ماطلعت وياش...((واتحولت نبراته الى الحزن))::من يوم ماجينا من ايران...ابي اطلع معاش الحين..ادري مقصر و كثير في حقش
ليال واهي اتطالعه من المرايا وتبتسم:عن جد تبي تطلع وياي؟
نادر:وش المانع؟
ليال: يا بعد قلبي... الحين نطلع أنا جاهزه.. بس ألبس عبايتي
نادر:يلا
.............
طلعوا برا البيت... انتبهت إن سيارة ثامر لساتها واقفه
ليال :لعبت علي؟
نادر:إي يا بعد حياتي.. حرام والله يبيش.. وانتي خطيبته شفيها لو طلعتي معاه يعني؟
ليال:شوف ندروه..بلا بقاره علي.. طلعت ثعلب تتحايل عليي
نادر: ترضي يعني تكسري كلمتي الي عطيتها اياه و تدخلي؟؟ بيقول عني مو رجال و بيقول انش مو متربيه تخليني في هالموقف
ليال:...الحين أنا بروح وياه عشان ماينقال عني شي..لاتخاف مو عشانك.. لكن سماهر قالت لي شي أقوله لك.. خلاص ماراح أقوله
بدون ما تنتظر منه كلمه وحده.. ركبت سيارة ثامر
نادر: دلوعه
ـــــــــــــــــــــــــــــــــــــــ
تغريد: سماهر جاهزه؟
سماهر: إيوه جاهزه
تغريد: يلا اطلعي برا
نزلت سماهر للصاله و بكل ثقل كلمت أمها
سماهر: وين علاء
ام ماجد: في بيت صبا من العصر.. يمكن الحين طلع من هناك
سماهر: انا رايحه الحين مع تغريد بيت روعه
أم ماجد: مين بيوصلكم؟
سماهر: مادري والله اكيد أبوها
أم ماجد: بس لا تتأخري.. الساعه 10 أو اقل انتي هنا
سماهر: اوكي.. باي
..............
طلعت سماهر و ركبت السياره
سماهر: السلام عليكم
تغريد و مازن: وعليكم السلام
سماهر دزت كتف تغريد و همست لها: ما قلتي لي إن مازن هو الي بيوصلنا
تغريد: سماهر لا نتكلم بهالموضوع
سماهر: ماعليه أوريش بعدين
ـــــــــــــــــــــــــــــــــــــــــــــــ
ثامر و قف عند باب بيتهم
نزلت ليال من السياره بدلع ... راح ثامر من ناحيتها و مسك يدها ..
جرت ايدها من عنده .. ورجع مسكها بقوه.. ودق الجرس
فتحت لهم شجون الباب
شجون: هلا
ليال: أهلين
شجون: كيف حالش؟؟
ليال: الحمد لله تمام وانتي؟
شجون: الحمد لله على كل حال
ليال: وين عمتي؟
ثامر: يا محلاها على لسانش
ناظرته ليال بغرور و رجعت نظراتها إلى شجون
شجون: امي في المطبخ
ليال: خذيني أسلم عليها
ثامر: تعالي لي غرفتي بعدين
ليال وهي تمشي للمطبخ: يصير خير
ــــــــــــــــــــــــــــــــــــــــــــــ

ــــــــــــــــــــــــــــــــــــــــــــــ
سماهر و تغريد نزلوا لبيت روعه
مازن: متى أجيكم؟
تغريد: بادق على جوالك وقتها
سماهر: لا... امي قالت ما تبي أتـ- - -
قطعت كلامها على طول لما حست إنها اتكلم مازن
مازن ابتسم: وقت تبون اتروحون أنا باجيكم على طول
ــــــــــــــــــــــــــــــــــــــــــــــــــ
صبا راحت الى أبوها واهو بالصاله يقرا جريده
صبا: السلام
أبو صبا: وعليكم السلام
صبا واهي تجلس: يبا... اتكلمت أنا و علاء عن موضوع العرس.. قال يبيه قريب .. شرايك؟
أبو صبا: عساه لو بكره.. عليكم ستين مبارك و مبروك
صبا اكتفت بالابتسامه
أبو صبا: وين تبين عرسش؟
صبا: وين تتوقع؟
أبو صبا: وين؟؟ مادري
صبا: أنا و صاحباتي متفقين إن عرس أي وحده منا بيكون في صالة الملك عبد الله
أبو صبا: صار
ــــــــــــــــــــــــــــــــــــــ
شجون مسكت يد ليال: امي و سلمتي عليها.. و ثامر؟
ليال: بقعد معاش.. شدعوه أجي بيتكم و لا أقعد مع عمتي و حماتي؟
شجون: تصريفه
مشت واهي ماسكه يد ليال لحد وصلوا لغرفة ثامر
شجون: يا حلوه الخطيب العاشق ينتظرش في غرفته
قتحت شجون الباب و دزت ليال من كتفها ولداخل الغرفه و طلعت
وقف ثامر و اتقرب لها و حط يدينه على كتوفها و ناظرها بنظرات كلها حنان
ليال: أظن لو نقعد برا أحسن من هنا في الغرفه
ثامر: ولو قعدنا في الغرفه؟ و لوحدنا؟ شفيها؟؟ عادي خطيبتي
ليال: خطيبتك مو زوجـ- - -
قاطعها ثامر حط يده على فمها
ثامر: ثقي لو شوي فيني
ليال: ما أثق في أحد
ثامر واهو يضغط على زندها و يرفع حواجبه كنه معصب لكن بحنان: أنا ثامر
ليال واهي تتنهد: أخاف
ثامر: ليال أنا ثامر لو ما تعرفي ثامر زين؟
ليال:خلاص خلاص...
ثامر: أبي أراضيش
ليال بانهيار خفيف مع براءه: ثامر أنا ما أحب أحد يكلمني بالطريقه الي كلمتني بها .. اتنرفز والله .. صدقني أحس إنك تهينني وقتها
ثامر: طيب كانت غلطه بسيطه....و يمكن بالنسبه لش كبيره و واجد... لكن هذي مو آخرة الدنيا
مسك ثامر يدها و غطاها بيدينها :: مسامحه الرهين الي جنبش.؟؟
ليال: أول مره و آخر مره
ثامر: طيب قولي إنش تحبيني
ليال: يا كثر ما قلتها
ثامر: طيب اوكي أبي أسمعها الحين بعد
فتحت شجون الباب و بدون ما تدقه عليهم:: ترا مو مجبوره اتقولها
ليال: هههههههههههه
ثامر: مالقيتي تدخلي الا الحين؟؟ لا و تتجسسي
شجون: دخلت عند المقطع الرومنسي مو؟
ـــــــــــــــــــــــــــــــــــــــــــــــ
سامي ماسك يد روعه ..خزت فيه تغريد بعيونها:: استحي ترا مو انت لوحدك وياها
سماهر بمزح: خلهم خلهم .. ترا احنا بجنبهم طوفه عبيطه لا أكثر
روعه: أدري تبوني أستحي و أشيل ايدي.. لكن لا.. ولا بهتم
سامي غمز لها: هذي هي الروعه خطيبتي
سماهر: بادق على علاء يجيني قبل ما ينام.. لأن أدري لو اعتدمت عليش و على اخوش مازنوه ما باروح البيت إلا بكره الصبح
عقدت سماهر حواجبها: وين شنطتي؟
روعه: ماجيتي بشنطه..
سماهر: لا أنا جايه بشنطه.. اوووه نسيتها بالسياره.. يا مصيبتي... يارب ما يشوفها الزفت
روعه: أي زفت
تغريد: ما عليش منها ماحد
ــــــــــــــــــــــــــــــــــــــــــــ
مازن في المطعم ينتظر طلبيته تخلص
أخذ الكيس و فتح الباب الخلفي ...ِشاف شنطه.. جاه فضول و فتحها
في الشنطه علبة عطر و محفظة فلوس و جوال... أخذ الجوال ولحسن حظه ما عليه رمز قفل شخصي
لقى إسم الوضع سماهر...
مازن(توقعت))
كتب رسالة تذكير في جوالها .... و وقتها على الفجر الساعه 5
ــــــــــــــــــــــــــــــــــــــــــ
سامي: انا الحين رايح.. أوصلكم؟
سماهر:لالا.. خل مازنوه يجي عشان شنطتي
تغريد: كأنه اخوي بيسرقها
سماهر:هههههي.... سامحينا مو قصدي أغلط على أخوش المحترم.. قصدي ما أقدر أستغني عن جوالي
روعه: بدري سامي
سامي: بدري من عمرش... لازم أروح الحين
ــــــــــــــــــــــــــــــــــــ
أم مازن: شوفي يا اختي.. زمن اول اتغير... البنت الحين مو مثل قبل ...الحين البنت لازم لها راي.. ترا لا أنا ولا ولدي بنزعل لو رفضت
أم ماجد: اسمعي خيه.. البنت لو لفت الدنيا كلها.. ماراح اتلاقي لها أحسن من
ولد خالتها مازن.. اهي موافقه...و إذا ماعندش مانع الخطوبه بعد شهر
أم ماجد ما كانت تبي تفتك من بنتها... الي كانت تبيه إنه ما يتسود وجهها
قدام أختها لو رفضوا.. و حتى لو ما تسود قدام اختها.. بيتسود قدام الأهل..
هذي هي الإعتقادات الي كانت براس أم ماجد
ــــــــــــــــــــــــــــــــــــــ
اليوم التالي::: يوم الأربعاء الصباح
سماهر اتأخرت في النوم..صحت من نومها على نغمة جوالها...
(( غريبه انا ماشغلت المنبه... فتحت الرساله بعد مانتبهت انها مو منبه...
(( سماهر انتي عارفه إني أحبش و شاريش... بصراحه مادري ليش انتي رافضه..
ترا أنا بجد أبيش.. والرجال إذا حب بنت يبيها له واتحبه....مازن))
قامت من سريرها واتوجهت للباب عشان تروح الحمام ... انفتح الباب قبل لا تفتحه
علاء: بتتجهزي للمدرسه؟
سماهر: إي
علاء: غيبي
سماهر: ههههاي..... ضحكتني
علاء: أتكلم جد؟
سماهر: حلوه دي..ليش؟
علاء: نتونس سوا.. مغامره بنتذكرها بعد سنين..حتى انا ماباروح دوامي
سماهر: بنلعب و نتمسخر يعني؟
علاء: هوا ده
سماهر: فكره..اوكي
ـــــــــــــــــــــــــــــــــــــــــ
ماجد: صادق.... صادق... أوهوووو... صادق و وجع قوم يلا.....شباب تعالوا شوفوا حل لهذا
باقر: لسا ما قعد؟؟
ماجد: لا قام من زمان .... و سبقنا للمسجد بعد
باقر: يا خفة دمك.. قعده أنا باروح أتوضأ
أحمد: صادق...شهالنوم الثقيل حشا... قوووم يا رجال
ماجد أخذ جواله و حط نغمه باهتزاز و حط الجوال على جبهت صادق
صادق فز: هيـــه استهبلت؟
ماجد: انت الي استهبلت.. قوم قوم لا تأخرنا ع الصلاة نبي انروح المسجد
صادق: قال مسجد قال... الي يشوفكم وانتوا تتكلمون يقول انتو برا السجن و
الحديد مفتوح لكم الحين.. وين المسجد فيه؟؟؟ استغفر ربي بس لا يخسف بس...
باصلي هنا
أحمد: إي هذا وجهي إن خلوك...يلا يلا شباب
ــــــــــــــــــــــــــــــــــــــــــــــــ
في المدرسه إجا وقت الفسحه...البنات منتشرين بكل مكان... الساحه الداخليه والثانيه و الي في الفصول...
أما إهي فجالسه تتمايل بخفه وبحركه دوران هادئه و كأنها تتمايل على أوتار موسيقى هادئه...و فاله شعرها الطويل
مريم: هيه انتي وين قاعده يا الهبله.. ان شالله تجي معلمه و تكسر عظامش....
ظلت تغريد ساكته عن صاحبتها مريم
مريم: وانتي سكينوه شتسوي واقفه عند العمود بجنبها واتطالعيها بغرام كأنش ولد؟
سكينه: مافهمتي؟؟ إهي البنت الدلووعه و جالسه تتماايل و تجي و اتروح جنبي... و أنا المعجب بها والي أحبها و كاني أناظرها..نمثل يعني
مريم: من صجكم؟
سكينه: وش فاكره؟ محنا هينين
و تغريد طول هالفتره تتمايل بهدوء... و من بعدها وقفت جنب سكينه...
تغريد: لماذا لاتبعد ناظرك عني؟؟
سكينه: أحبك
المديره من وراهم و بعصبيه: وش تحبيها؟
سكينه اتجمدت و تغريد سمت بالله
المديره: ليش انتي تعرفي الله.. ليه ترقصين؟
تغريد بخوف: ما أرقص
المديره: مادري شتسوين انتي و هذي الي معك .... تعالوا للإداره
مريم: لا .. ما يصير تاخذيهم بس هم.. أنا معاهم بهالشي بس انتي لما جيتي وقفت من الرقص تعبت
المديره: و تعترفين بعد!! وكملت بصراخ هز الساحه..:قدامي اشوف

ــــــــــــــــــــــــــــــــــــــــــــ
سماهر( أقول له عن مازن لو لا؟؟؟ لا لازم أقول... وش أقول و وش أبوح.. خلني ساكته لا تصير مشكله.. مو ناقصين... حقي و باخذه بيدي))
علاء: دريتي إن عرسي قريب؟
سماهر: اكيد دريت... لكن صبا ترا ما يكفيها الوقت اتدور لها أغراض لزواجها بهالفتره القصيره
علاء: لا يكفي ان شالله... لا تعسري علينا الأمور.... أنا اليوم باوصلها
إهي و أمي السوق و أمها...و اليوم الثاني إنتي اتروحين معاها و صاحباتها لو
بغت
سماهر: ان شالله بتتسوق معاها و اهي تدور اغراض العرس؟
علاء: لو بيدي إي.. بس امي تقول مو عدله.. تقول لما تعرسوا بتشوف كل شي الخافي و المستور
سماهر: هههههههههههههه
ــــــــــــــــــــــــــــــــــــــــــــ
ليال: ما تدري ليش سماهر غايبه؟؟ مو عادتها
صبا: مادري عنها.. انتي تعرفي أخبارها الحين أكثر مني و من روعه
ليال: على طاري روعه.. وينها هذي بعد؟؟ مالها شوفه
رووعه: راحت المكتبه تستعير كم كتاب
ليال: أها ......
و بعد فتره من الاستيعاب: من الي قالت راحت المكتبه تستعير كم كتاب؟
صبا: الي وراش
روعه: توش استوعبتي؟؟
ليال: ظرافه... باشوف الكتب
أعطت روعه ليال الكتب: ليش سماهروه غايبه؟ البارح جات بيتنا و اهي حصان ما فيها شي
ليال: مادري أول ما أروح البيت با كلمها... والليله بتجيني هي
صبا: أخبارها ويااا....
ليال: على حطت الأيادي..
روعه: أحس إن هالمازن دفش.... صحيح اتمناها مرت حميي... لكن مو مرت هالمازن.. من كثر كره سامي له صرت أنا أكرهه
ـــــــــــــــــــــــــــــــــــــــ
في الظهر::
تغريد داخله البيت و اهي تتأفف
مازن: خير يا وجه الخير
تغريد واهي ترمي شنطتها ع الكنبه في الصاله: الخير بوجهك
مازن: شفيش؟
تغريد: مكتبيني تعهد و عاطيني حرمان من الأربع حصص الأخيره
مازن: ليش شمسويه؟
تغريد تقعد جنبه ع الكنبه: مو مسويه شي... مجرد بس كنت اتمايل برقص خفيف ..
أتمايل هاا!! و قاعدين نسخر أنا و وحده من بنات المدرسه إنها ولد و أنا
البنت.. جات المديره لنا وقتها
مازن: لاااااااا!!
تغريد: مو مسويه شي صح؟؟ مادري ليش هالمديره كذا
مازن: قومي عن وجهي
تغريد بعد ما استوعبت ان هالشي ما عجبه: إن شالله عمي
ـــــــــــــــــــــــــــــــــــــــ
ليال تنزل بسرعه من ع الدرج و توقف عند وحده من الدرجات...
ليال: نادر.. قوم شيل قشك من غرفتي
نادر واهو يقلب في قنوات التلفزيون: طيب
ليال: يلا قوم
نادر: ليش مستعجله؟؟ خليهم لبعدين.. او انتي شيليهم
ليال: لا والله؟؟ مشغوله بأشياء ثانيه
نادر: خلاص بعدين با شيلهم
ليال: يلا عاد يا نادر سماهر ثواني و تجيني
نادر: سماهر؟؟
ليال: إي.. بسرعه قوم
نادر: لحظه عمتي تعالي
ليال واهي تجلس جنبه: نعم؟
نادر: شنو قالت لش سماهر تقولي لي؟
ليال: تسلم عليك. واتقول من باعك بالرخيص بالتراب بيعه
نادر قام من الصاله و ركب الدرج
ليال: وين رايح شفيك؟؟
نادر: مو تبيني أشيل قشي؟؟ رايح أشيله
ـــــــــــــــــــــــــــــــــــــ
أم صبا: أنا عندي السكري احلى
أم ماجد: احس السكري كأنه عتيق و له فتره و زي المغبر...هذا مجرد راي
أم صبا: ها بنتي إنتي شرايش؟
صبا: عاجبني الأبيض.. بس حيرتوني
أم ماجد: انتي الي بتتزوجي حبيبتي انتي الي اختاري لش
أم صبا: واهي الصادقه
ظلت تقلب في الفساتين لفتره بعدم اقتناع
صبا: لالالا... ما أبغى من هني
أم صبا: أم ماجد.. لو ماجيتي ايانا أريح لش.. الحين صبيوه بتطلع لش قرون و بتطلقيها نيابه عن ولدش
أم ماجد: ههههههههههه.. على عمري هالبنيه..شرايش ناخذ لش فستان من لبنان
صبا: عمووه تسخري عليي يعني؟؟
أم ماجد+ أم صبا: هههههههههههههههههه
ـــــــــــــــــــــــــــــــــــــــــ
ليال: طيب سماهر ما تقدري تصري على رايش أكثر؟
سماهر: تعبت.... خلاص أنا قررت الحين... والي الله كاتب فيه خير بيصير ان شالله
من بداية ما إجت سماهر و دخلت مع ليال الغرفه و اهو يتجسس عليهم
نادر من ورا الباب: سماهر.... ماحد يقدر يجبرش.. و مادام انتي تبيني ماراح يجبرش احد
سماهر واهي تعلي صوتها أكثر عشان يسمعها وتتكلم من ورا قلبها: تراني طول هالفتره ما رفضته عشانك.. رفضته لأني أكرهه.... فهمت؟
كان كلامها صدمه إلى نادر و حتى ليال.. ولها هي حتى
سماهر: نادر روح لاتتجسس علينا ارجوك
نادر بهدوء: انشالله
سماهر مو قادره تتكلم تحس صوتها يتعصر: ليال أنا بامووت... أحبه ليال أحبه
ليال بضيق: ليش تزعليه سماهر؟؟
سماهر بعصره: أبيه يكرهني
ليال: لاا.. مايقدر يا سماهر..
سماهر: وش الحل يعني؟؟
ليال: ........

الجزء السادس عشر:: وآلآخخيــر ""

بعد إسبوعين::: زواج صبا و علاء
| إشعلي شمع الليالي يابعد كل الليالي
و اذكري في يوم عرسش عالمـن ثاني خيالي|
صبا واهي شوي و اتصيح: ياألله خايفه و قلبي يألمني
روعه: أقول... خلي دموعش تحترم حالها و ما تنزل
سماهر: على عمري صبووي... لا تخافي يا قلبي
ليال و اهي تدخل لهم مع أم صبا: يلا حبيبتي الحين بتدخلين الصاله
صبا: لا لا خليه بعدين
روعه: ههههههههه... وش بعدين انتي و وجهش؟؟؟
أم صبا: على عمري والله... فرحنا بش يا قلبي
صبا: أخاااااااف
سماهر: لاتخافي أخوي بريء ترا
صبا: مالت عليش و عليه
سماهر تشهق
صبا: لالا مو قصدي..
و كملت و دموع الخوف بعيونها: والله ما أقصد
سماهر: صبوووي لاتصيحيني وياش...يلا نمشي
صبا بعد تردد: يلا... مو تزعلي مني انزين
سماهر: لا...يلا
ــــــــــــــــــــــــــــــــــــ
ليال: سماهرووه؟؟ شمقعدش حافيه؟؟
سماهر واهي تطالع لفتره في رجلها و بعدين توجه نظرها الى ليال: انقص صندلي
ليال: ههههههه,, من كثر الرقص
سماهر: عرس اخوي تبيني أقعد كذا؟
ليال: هذا انتي شفتي,, جنيتي على الصندل
سماهر: عادي..بس المشكله الحين في الروحه للبيت..الله يستر بس
ليال واهي تجلس ع الكرسي جنب سماهر: عقبالش
سماهر: وعقبال عرسش
ليال: سعيد الحظ الي بياخذش
سماهر: سعيد حظ ثامر لأنه أخذش
ليال: هنياله الي بياخذش
سماهر: اختصري ليال
ليال:عارفة الموضوع انتي... الـ الـ
سماهر: ابعدينا من ذي سيره... و بكره رايحه لأمي و بقول لها اني موافقه على مازن
ليال: جنيتي؟؟؟
سماهر:ما باليد حيله ليال
ليال: طيب و ولد اخوي؟؟
سماهر: الله يوفقه بدنيته .. أمي راسها يابس..مافيه فايده الحين
ليال:اها..طيب ممكن اول ماتقررون موعد الموافقه و جية الشيخ تقولي لي؟؟
سماهر: شي اكيد ليال.. انتي اول وحده بتدري
ـــــــــــــــــــــــــــــــــــ
اليوم الثاني.... الظهر الساعه 1 ونص
جلست أم ماجد من نومها... اعتبرت أمر جلستها من النوم متأخره عادي... و أبو ماجد جلس من بدري عشان دوامه
بتثاؤب تدخل أم ماجد غرفة سماهر عشان تصحيها .. ولا تشوفها
والغريب إن حتى مرام الي تنام معاها مو موجوده ....بدا الخوف يلعب دوره في قلب أم ماجد...
راقبت تحت عند غرفة جدتهم و الصاله.. ومن خوفها راحت الى غرفة ماجد و علاء
تدخل غرفة علاء واتشوف سماهر نايمه على سرير علاء... و مرام حاطه لها بطانيه ع الارض و نايمه
تضرب أم ماجد على صدرها و اتروح تبعد البطانيه من سماهر
أم ماجد: يا مال العافيه قوموا.... وش مسويين انتوا؟؟ ولا مطلقات ؟؟...سماهر...سماهر
سماهر:همممم!!
أم ماجد:قومي اشوف قومي
سماهر: حرام يمه.. مانمت شي .. جايه تقعدينا من الصبح؟
أم ماجد: الصبح؟؟؟ يامال الجنون الا قصدش الظهر الساعه 1 ونص
سماهر و اهي تنقز من سريرها: شووو؟؟ يمااا ليش ماصحيتينا؟؟
أم ماجد: عاد انا ادري عنكم و ين نايمين؟؟كنكم مطلقات انتوا الثنتين
سماهر: اسم الله علينا ...يما جلسي مرام بنروح الى علاء
أم ماجد: وش قلتي؟؟
سماهر: بنروح الملحق الى شقة علاء
أم ماجد: وليش؟؟
سماهر: اتلاقيه الحين متوله علينا.. بس خايف ينزل لنا
أم ماجد: بنتي انتي مريضه؟؟
سماهر: لا أبد...قعديها يمه
أم ماجد: لا ماني مقعدتها.. لاتصيبني عدوى جنونكم..اخليكم احسن لي.. و
قفلوا غرفة اخوكم احسن لكم و بلا هالحركه... مرام الصغيره ما سلمت منش
ـــــــــــــــــــــــــــــــــــــــــ

علاء يكلم بالتلفون يطلب غدا من المطعم..
و صبا جالسه جنبه ع الكنبه
ثلاث دقات ع الباب... و رنه ع الجرس
راحت صبا تفتح الباب..... ارتمت سماهر بحضن صبا
سماهر: وحشتيني
صبا: ليش جايه مانبيش
سماهر: لا والله؟؟؟
و باعدت صبا من عند الباب و دخلت..
مرام تقهر صبا: مو جايين لش جايين إلى علاء
صبا: انتي سكتي ياأم السان
و علاء يسكر سماعة التلفون و يضحك:: جوا من الحين
سماهر و اهي تحط راسها على كتف اخوها: جابنا الشوق ... إي صح نسيت أقول...مبروك
صبا و علاء:هههههه
صبا: كان أجلتيها كم يوم
سماهر: علاء تدري إن احنا نمنا في غرفتك الي تحت؟
علاء: والله؟؟
سماهر: والله ..أمي تقول كأننا مطلقات
رن جوال سماهر
سماهر: هلا يبا..,. جيت البيت؟؟ اها.,.لا مابي أروح بس أبيك تجيب لي هـذيك الجبنه الي دعايتها بقره يدلعوها....
الكل:هههههههههههههه
صبا: هذي زبده مو جبنه
سماهر: اووه صح.,.. هو فيه في علبته رسمة ثلاث رجال طباخين..لكن وجوههم
وجوه كرتون مو حقيقيه..,..لااا يبا بتعرفها..و أبي المالحه.,..مالي نفس
اطلع تكفى يبا ..,..أمي تبغاني؟؟ اوووكي..باي
سماهر و اهي تقوم بــدلع: باروح حق مامي أبيها بـموضوع
علاء:فكينا منش.. وخذي اختش وياش
سماهر: حبيبتي قومي خلاص... كفايه إهانه..شوي و يرمينا ع الدرج الحين
ــــــــــــــــــــــــــــــــــــــــــــــــــ
أم ماجد واهي تكلم أم مازن ع التلفون:: خلاص اشوفهم...بس ماظنتي إنهم بيمانعوا...طيب راح أرد عليش....بحفظ الرحمــن
سماهر: ماما أنا جيــــت
سماهر بعد ما مشت ورا امها لـغرفتها جلست وياها
أم ماجد: هاا شقلتي؟
سماهر: ماما انا موافقه
ام ماجد: قصدش على مازن؟؟
سماهر:: إيه
ام ماجد واهي تحضن بنتها:: يابعد عمري يابنيتي.. كذا انتي تفرحي أمش .. من الحين أرد على خالتش
سماهر بابتسامه: اوكي...يلا عن اذنش
ــــــــــــــــــــــــــــــــــــــــــــــــــ
ليال واقفه عند المرايا... تحاول تغير صوتها واهي تردد كلمتين.... نعم.. و موافقه
دخل عليها نادر واهو مبتسم: ها شصار؟؟
ليال: نجحت شوي...و باقي شوي
نادر واهو يبوس خدها: أحبش عمتي
ليال بخبث: وانا بعد أحبك.. و عقبال مانسوي الي بـبالنا
نادر:ههههههههه...بيكون الفيلم حلوو
ليال: و يجنن
نادر: انا رايح الحين حق مازن أحاول فيه..عساه خير
ليال: اوكي...
ــــــــــــــــــــــــــــــــــــــــــــــــــ
تجمعت العوائل الليله كعادتها كل شهرين في المزرعه
سماهر: مازن
مازن متفاجئ: نعم؟؟
سماهر: شفيك متخرع؟ تعال لاهنت شيل أغراضنا..
مازن: ان شالله
راح مازن و جلست سماهر في مجلس الرجال و شغلت التلفزيون... و رن جوالها
سماهر: مسهلا
ليال: و سهلين.. وصلتوا؟؟
سماهر: إيه وصلنا... باقي بعضهم ماجوا
ليال: انزين مازن موجود؟
سماهر: موجود
ليال: صار شي؟
سماهر: مافي شي يستحق الذكر
ليال: لا جد لو صار قولي
سماهر: صار لكن مايستحق
ليال: سماهر!!
سماهر: هممم
ليال: شكلش متفيجه للآخر.. باي
سكرت ليال السماعه و كلمت نادر الي جالس جنبها
ليال: مثل ماشفت
نادر: طيب اخبار تدريباتش؟
ليال: افا عليك... كل شي تمام
ــــــــــــــــــــــــــــــــــــــــــــــــ
مرت الايام.. والأسابيع..و شهر كامل..بلمح البصر
علاء: مابي عيال.. مابي عيال مابي عيال... سمعتيني؟
صبا: بس أنا أبي عيال
علاء: مو الحين... خله بعد 3 سنين
صبا: لا الحين
علاء بصوت عالي: صبا... قلت مو الحين
صبا بصياح: أصلا أنا ماأبيك
و تقوم من الصاله تبي تروح الغرفه و يمسك علاء يدها
علاء واهو يمسح على خصله من شعرها وبكل هدوء يناظر في عينها
علاء: بكره كتب كتاب سماهر... خلش رايقه...و الأولاد مردنا ينجيبهم..لكن مو الحين
صبا: كيف تقسى ياحنون!!
علاء وابتسامه هابته: عارفك مهما يكون..
صبا: ماتعذبني كذا
علاء: انتي الي لاتعذبيني
صبا: مادري من الي عذب الثاني
علاء: انا أعذبش؟؟ بعد روحي إنتي... اسمعيني صبا... انا أبي أولاد.. لكن لازم نصبر.. تتحملي صبري؟؟
صمت بـلسان صبا
علاء: صبوووي.. اوعديني عاد
صبا: انت العيشه وياك صعبه... الظاهر ماتبيني أصير أم
علاء: انـ - -
تحط صبا يدها على فمه و اتقاطعه: خير ان شالله .. ولا تتكدر.. بكره كتب كتاب إختك
ـــــــــــــــــــــــــــــــــــــــــــ
اليوم الثاني::
سماهر: خايفه خايفه
ليال: بلا خوف... الحين بتستانسي.. لا تنسي إن هالشي برضاش
سماهر: لا موخايفه..و هذا بر ضاي إي .. والحين بتشوفي كيف بيروح الخوف مني
ليال: انزين انزين.. لا تدفي
ــــــــــــــــــــــــــــــــ

أم ماجد: علاء ..اقعد بعدين مع اختك و ونسها
علاء: انشالله
أم ماجد: اتصل على ماجد قول له يكلمها و يريحها
علاء: يماااا فاهم كل شي..بلا توتر أتوتر معاش
ــــــــــــــــــــــــــــــــــــــــ
نادر: تكفى خلك صم بكم
مازن: من عيووني.. أصلا لاتنسى إني باكون بالأخير... انتبه لا يفلت لسانك
نادر واهو يسلم عليه: افا عليك يالخوي ..مابنسى هالشي الي سويته
مازن بحده: بتسكت لو أغير رايي
نادر: ههههههههههه...بسكت بسكت
ـــــــــــــــــــــــــــــــــــــــــ

في الليل::
حاجز بين سماهر والاهل و بين الشيخ و الرجال.. وهو باب المجلس
الشيخ بعد مقدمته عن الزواج و الإحسان و الطلاق: سماهر - - - هل تقبلي ....
تقاطعه ليال و بصوت مغير إلى صوت سماهر.. وبعد جهد جهيد في محاولاتها
ليال: قبلت
الشيخ: انتظري يابنتي أكمل كلامي.
اتناظر سماهر ليال بدهشه.. واتناظر من حولها بدهشه أكبر.... شفيهم ساكتين؟؟ متقبلين الي صار من اشوي؟؟ انا أحلم..لا أكيد أحلم ..
صبا: سماهر وش هذا الي في وجهش؟؟
سماهر بجمود: وشوو؟؟
صبا: تعالي بسرعه بسرعه نركب غرفتش
واخذتها صبا للغرفه
سماهر بدموع عينها: صبا شصاير؟؟
صبا: ماصاير شي
سماهر: صبا أنا عايشه؟؟
صبا: سماهر ارتاحي... مافي شي..
ـــــــــــــــــــــــــــــــــــــــــــــ

على هدوء موسيقى.....تجلس سماهر و بداخلها ألم كبير محاوله تتجاهله
سماهر في مجلس فاضي..مافيه غير امها و خواتها وخالاتها أم مازن و زمرد مع
ولدها الصغير الي ماله شهور انولد... و بنات خالتها .. وصاحباتها ضحى الي
باين في عينها لمعة حب و فرح.. وصبا و روعه..كلهم فرحانين...شالي
صاير؟؟ياريتني أفهم
رفضت سماهر تجتمع بالناس من البدايه.. طلبت إنها تلبس الشبكه بعدين تروح
للناس.. ورفضت ان الناس يشوفونها... ماعدا المصوره و الأهل مقبول بوجودهم
..لكن الي ماحست سماهر بوجودها..هي مسببة الجرح..ليال.. الي كل ماسألت عن
سالفتها سكتوا عنها كأنهم مايسمعوها
طلعوا صاحبات سماهر و خالاتها.. الكل طلع ماعدا المصوره
يدخل خطيبها المتسميه هالليله له و الى سماهر
سماهر واقفه بانتاظر انه يقرب.. ومنزله راسها
تقرب.... رفع راسها بيده..ناظرته سماهر
الملامح غير.... وين ملامح مازن؟؟؟

هذا نادر...
سماهر مو فاهمه.. وش جابه.. كيف و ليش؟؟
نزلت دمعة فرح من عين سماهر وهي مندهشه.. يمسح دمعنها نادر بأقصى سرعه
يسلم عليها و يبوس جبينها..يمسك يدها و يجلسها في نفس وقت جلوسه
سماهر بداخلها الفرح.. والعتاب .. و الخوف و الدهشه.. كلهم تجمعوا في كيان سماهر
تم لبس الدبل بخير.. و بــفرح..وتم وقت أكل الكيك
و طلعت المصوره
لحظات صمت من سماهر و نادر
نادر: ماأقدر اخليش تروحي لغيري
سماهر: كيف هالشي صار؟
نادر: الي يحب يقدر يسوي كل شي.. وانا سويت كل شي اقدر عليه.. و بتفاهم...و
مزين ماشالله عليه مايحب يعذب قلوب المحبين.... افتكرتي كلمتش هزتني بذاك
اليوم إنش مارفضتي مازن عشاني الا رفضتيه عشان إنش ماتبيه؟؟ أنا أعرف الي
بقلبش زين.. وأدري شــقد تحبيني... و انتي تدري شـقد أنا أحبش..والا ماكان
صرتي الحين لي .. سماهر.. طول الفتره الي راحت و احنا متفقين عليش.. انا و
ليال.. بعدين مازن.. بعدين أمش و الكل... عرفتي ليش ليال قلدت صوتش و تكلمت
بدالش لما أخذتش صبا بعيد.. كلنا متفقين...عشانش
و مسك يدها و باسها...
فيه واحد داخل عليهم.. وبدون انتباه أحد...
- - - -: ألله ألله.. استحوا
فزعت سماهر أول ماسمعت الصوت...تنتبه لـواحد متلثم بشماغه
لا إراديا تغطي حالها بحضن نادر
- - - -: سهوراااه!! أنا مجوود...
و شال اللثام
استغراب بـملامح سماهر..ناظرته..وقفت.. وراحت له على طول و حضنته
سماهر بغباوه وهي متجمده مكانها: ماجد؟
ماجد يهز راسه بابتسامه: اي ماجد
قامتله بسرعه و حضنته
سماهر: متى طلعت؟
ماجد: من شهر.. بس ماكنت موجود هنا وياكم.. كنت في شقه و كل اهلي يدروا عني
ماعداش إنتي... و أنا خطبت الحين بعد في نفس يوم خطوبتش... ضحووي..
سماهر: لاتقول كل ذا صار؟؟
ماجد: والله
ترجع سماهر تحضنه مره ثانيه: يا ألله مو مصدقه ماجد هذا إنت.. مبرووووك
ماجد: مبروك على وشو؟؟ الطلعه لو الخطوبه؟؟
سماهر: كل شي.. كل شي
ماجد: يبارك فيش.. وانتي بعد مبروك..اقول... روحي لخطيبش..بياكلني بنظراته الحقيره
و يدزها ماجد مثل الي يرميها و اتصير بحضن نادر
نادر: يلا اطلع
ماجد: بطلع...
بعد ماطلع ماجد...طلع نادر جواله من جيب ثوبه..
نادر: ألو هلا.. تعالي بسرعه...باي
يشيل نادر الجوال من إذنه.. و تدخل ليال ....تمشي مسرعه الى سماهر و تحضنها
سماهر: يابعد عمري يالخاينه
ليال: شسوي؟؟ ماهان علي
سماهر: افتكرتش غدرتي بي
ليال: هو انا أقدر
نادر: أحم....من غير مطرود ليال
ليال: هذا جزا الي يساعد...طالعه يا ناكر الجميل
بعد ما طلعت ليال و نادر يترقبها بعينه لحد ماطلعت...وجه نظراته الى سماهر
نادر: مافيه غزل لي؟؟
سماهر: انت تدري.. بإنك أغلى من مر بحياتي
نادر: قولي بعد
سماهر: حتى لو أخذت مازن... باظل أحبك انت
نادر: بعد؟
سماهر: أحبك
........................................
بعد سنتين::
سامي في دوامه الجديد..مكتب محاسبه..يرن تلفونه: هلا روعه
روعه: اهلين..حبيبي رجعتك أبي موز
سامي: ههههههه.. متوحمه؟؟
روعه: إي
سامي: من عيوني يا عمري
...................
ماجد و ضحى... و علاء و صبا... هالأسرتين في إيران سياحه
ماجد و علاء يحاسبوا في الاستعلامات...و صبا و ضحى ينتظروهم
ضحى و هي اتطالع في طفاية الحريق:: صبا.. نفسي أكسر هذا القزاز و أشوف و شو يصير
صبا: تبي اتجمركينا؟؟
ضحى و اهي ساكته عنها.. وبكل رقه تضغط ع القزاز....إلا ينكسر و يطلع صوت صفارة إنذار و اتصورها الكاميرات الي معلقه في الفندق
ضحى بخوف مع جرأه و اهي اتداور مي داله طريقها:: أنا وين أروح الحين؟؟ خلاص صوروني
ماجد و علاء جوا لهم
علاء: وش مسويين؟؟
ضحى بـبراءه: ماأدري
إجا لهم واحد من الإستعلامات و أخذ منهم فلوس عشان القزاز الي كسروه..
ابتعد علاء عنهم مايبي يفشلها واهو كاتم ضحكته...و راحت معاه صبا الي ماسكه ولدها الصغير احمد ولد 5شهور
علاء: انا افتكرت حمود مسوينها
صبا: ولدي مؤدب مايسويها
علاء و اهو مبتسم و يغمز لها: طالع على أمه
ماجد و اهو يمشي مع ضحى الي خايفه:: ضحى
ضحى بخوف: نعم حبيبي؟؟
ماجد: هذاكي طفاية حريق ورانا روحي جربي كسريها
ضحى: انا ما كنت أدري.... مابي اروح السوق تعبانه...بركب الشقه
بعد ما مشت كم خطوه لفها من يدها له
ماجد: لو تدفعيني ألف ريال ع الفاضي أنا قابل .. مو انتي ضحى الي انتظرتها سنين
ضحى متفشله: كان قلت هالكلام من زمان
...................
باقر و أحمد و صادق في مجتمعين في مزرعه.... جالسين ع الارض و حاطين معهم أوراق و كتب يدرسونهم
احمد: مو نشتغل موظفين احسن من إداريين؟؟ وش ورانا؟؟ عزابيه نشتغل الي نشتغله..اهم شي شغله حلال و اتأكل عيش
صادق: لا حبيبي أنا ماأرضى بالقليل... وادا انتو عزابيه انا مانا عزابي
باقر: دخيل قلبك... خاطب
في هاللحظه يرن جوال صادق ..يبتسم ويرد..
واهو يمشي قايم عنهم: هلا
احمد واهو يبتسم: كمل حبيبي دراسة هالمشروع كمل..لو بقينا ننتظر العاشق
بتجي سنه واحنا لسا ما درسناه .. ابتلشنا يوم خطب.. لا ويخطب اختي بعد ما
سخر و سخر على اخت ماجد يلعب عليه يبيها.. واختي ذي بذبحها ماتدق عليه الا
هالحزه واحنا ندرس
باقر: ههههههههه لا تنسى انه حتى لو خلص المكالمه راح يجينا وباله مو معاه
و قالوا بصوت عالي اثنينهم لبعضهم في نفس الوقت و بالمصري: عأبالك يا حبيــــبي
...................
ثامر و اهو جالس في الصاله و بيده بنته بنت سنتين:: لياااال دخيلش تعالي والله لعبت فيني لعب
ليال واهي تطلع من المطبخ و بيدها كيكه: جيت حبيبي
تحط الكيكه ع الطاوله و تاخذ بنتها ندى من عند أبوها
ليال: كل عام وانت زوجي حبيبي
ثامر واهو يوقف و يناظرها بأحلى ابتسامه: كل عام و احنا محتفلين بعيد زواجنا
ضربت ندى الصغيره وجه أمها: إتح
ثامر+ ليال: ههههههههههههههه
...................
مازن صحيح ما أخذ سماهر.. لكن الله عوضه ببنت الحلال الي تحبه و تسعده.. مريم صاحبة تغريد
أم مازن: يلا عاد يا مريم لين متى؟؟
مريم: والله يا الغاليه حاسبي ولدش...عندش وياه
ياخذ مازن السماعه من عند مريم: مشتاقه لنا يما؟؟؟
أم مازن: يابعد أمك كيف ماأشتاق؟؟
مازن: جايين الحين انا و مريم
...................
تدخل سماهر بيتها و اهي معصبه و ترمي اكياسها ع الكنبه و تجلس و تحط رجل على رجل بغرور
و يدخل وراها نادر بعصبيه اقل من عصبيتها و يسكر الباب بقوه
نادر و اهو يناظرها بعيون يتطاير منها شرار ويكلمها بعصبيه: هذا وجهي لو طلعنا السوق مره ثانيه
سماهر باستهزاء: سويت خير و ريحتني.. خل نرجع لـذاك الزمن الي ماعشناه و خل
وحده من الي عندها بضاعة ثياب تمر على بيتنا و أشتري منها...و بعدين يابو
فهم و حكمه.... ممكن تفهمني انا شنو ذنبي؟؟ و لايكون أنا الي قلت له تعال
ارمي علي رقم؟؟ والا شايفني مخصره العباة و كاشفه الوجه و أتمايل؟؟
سكت عنها نادر لأن ماعنده اجابه واهو متوجه الى المطبخ أخذ له غرشة ماي و شرب منها..
طلع من المطبخ واتضاربت رجله مع رجل سماهر الي حاطتها فوق رجلها الثانيه. وينكت عليها الماي
سماهر: وجع يوجع ابليس
و تقوم و تروح لغرفتها و ترمي حالها ع السرير و ترمي تنهيدة غضب.. مع دمعه نزلت بحراره من عينها
يدخل لها نادر و معاه اكياسها الي جات بهم .. حطهم ع الكرسي وانتبه من المرايا لدمعتها
جلس ع السرير و مسحها
مسكت يده بغضب بعد ما مسحها وبعدتها عنها
سماهر بغضب: شـلك ماسحها؟؟
نادر: لأن الي يحب ما يخلي حبيبه يذرف دموعه..الي يحب يمسح دموع الي يحبه
سماهر: انت خلاص صرت ما تحبني... صرت تشك فيني .. وحبك لي كله راح.. كلكم كذا بعد الزواج بكم سنه تصيروا باردين و قاسيين
نادر بحنان : انا أحبش كل يوم اكثر من الثاني..و غلط.. انا اغار عليش..ما اشك فيش
سماهر: لو تغار ما كانت هذي فعايلك...هذا شك انت فاهم؟؟
نادر: ينفع لو وعدتش اني ما أكررها؟؟
سماهر: مو الكل يوفي بوعده...
نادر:لا انا بوفي..اوعدش
سماهر بـبراءه: بس انا ابي اروح السوق مابيك تمنعني مثل ماسويت من اشوي
نادر : كنت امزح
قامت سماهر من ع السرير و فصخت عباتها: راح اسوي لك عشا
نادر: شرايش نروح مطعم؟؟
سماهر بدهشه: الحين؟
نادر: اي الحين..موافقه؟
سماهر:اممممم.. اوكي... بس بشرط.. تطلب لك أكلات حاااره.. أدري عنك ماتتحمل
نادر: ياحبش لـتعذيبي.. موافق
سماهر بطريقه كنها مهمومه من الي بتقوله:: أحبك نادر
نادر واهو يبوس راسها: أموت فيش

تــــمــــــــــــت

» رواية نهاية جنون \ رواية حجازية للكاتبة قطعة شوكلاتة
» رواية وش جاه محبوبي مشى وخلآني مابين نيراني وبين احزني / رواية جريئة رومانسية
» رواية نام في حضني ياحبيبي اول رواية بقلمي
» رواية أطباء في الحب \ رواية حجازية
» تقريري الكامل عن مسلسل{بين الماضي والحب}^ــ^