يــسعـــد قــلــبـ♥ ــككِ يَ [ زائر ] نــورتِ منــتـديــآت ونـاســة بـنــآت
|
|
| | رواية: كل يوم لكـ حال جديد مره قريب مره بعيــد .. |  |
| | |
| كاتب الموضوع | رسالة |
|---|
roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
 |  موضوع: رواية: كل يوم لكـ حال جديد مره قريب مره بعيــد ..  الثلاثاء 24 مايو 2011, 18:49 | |
| تذكير بمساهمة فاتح الموضوع :
سلـــــآممم نورتـــووآ الروآيــه .. { كل يومم لكـ حـآل جديد مرهــ قريـب مرهـ بعيــد } ..
واتــممـنى تعجبكــمم .. طبــعـآ منقولــه للكــآتبه [ملح الحيــآهـ وسسكرهــآ ]..~
نــبدأ ممــع كــلـــآمم الكـــآتبــه ..|
^
^
^
خلف تلك الزوايا وفي ركن بعيد جدا تتناثر الشموع هنا وهناك....
ومع كل موجة هواء تهب تضيئ تلك الشموع او ينطفى نورها....
تلك الشموع التي تفرح وتتالم وتحزن وتضحك وتعاني هي التي نعيش معها لفترة طويلة جدا بكل المشاعر الممتزجة فيها .....
حكاياهم واقعية ولكنها تتجسد في شخصيات خيالية نتابعها بكل مافينا سواء احببناهم او كرهناهم....
من جديد انا معكم ولااجلكم ايها الاعزاء....
اعذروني من الان اذا ماقصرت بحقكم او ازعجتكم بقلمي في لحظة ما...
ها انا اعود لكم مجددا مع مولودة جديدة....اختكم ملح الحياة. ************************************************** ************************************************** ********************************* البارت الاول,,,,ياسمين/وين وصلنا؟
مشاعل/والله مدري...وش كنتي تقولين انتي اصلا؟
ياسمين مسوية معصبة/يا سلااااام يعني ماكنتي معي!!!
مشاعل وهي تنسدح على السرير/لاوالله ماكنت معك كنت اقولب فكرة براسي...
ياسمين/سمعتي يانوير وش تقول الاخت؟
مشاعل وهي تناظر بنورة اللي واقفة قبال النافذة/اسمه هاذي بعد وش عندك هناك...
ياسمين بغمز/تتطمن حبيب القلب رجع ولالسه؟
لفت لهم نورة وقالت بحدة/ياسمينوا ووجع!!!
مشاعل/هههههه
ياسمين/قولي الصدق يالله...
نورة بنرفزة وهي تجلس معهم على حافة السرير/الله ياخذه ويفكني من سيرته زين...
مشاعل/علامك انتي من تجي سيرته انقلبتي فوق تحت؟؟؟
***********************************خالد/اليوم مقدر....
وضحى بنرفزة/طبعا ماتقدر..
خالد بهدوء/انتي عارفة ان اليوم خواتي يتجمعون وانا ماابي اتخلف عن ها الجمعة؟
وضحى وهي تعدل كحلها/تتهنوا...
ساد الصمت لثواني بينهم.....
خالد بحنان/وضحى...
وضحى/..........
خالد بنفس الحنان/تعالي...
وضحى رمت الفرشة من يدها بقوة وتنهدت....
قام خالد من مكانه وجاها بسرعة وحوط كتوفها بيدينه وهمس باذنها/علامك يالغلا...
وضحى وهي مغمضة عيونها/ولاشي....
خالد باصرار/مايصير شوفي ها الكشرة اللي بوجهك وانتي تعرفين ان فيك شي...
وضحى بصرامة وهي تبي تقوم/قلت لك ولاشي اتركني خلاص...وبعدين انت مو عندك جمعة في بيت اهلك خلاص روح لاتتاْخر؟
خالد بهدوء/وضحى شفيك اذا على السوق تراه مابيطير لاتزعلين نفسك؟
وضحى بانفعال/ومن قال اني زعلانة اصلا!!
تنهد خالد وابتعد عنها وراح يلبس شماغه علشان يطلع...
وضحى بلا مبالاة/يمديك توصلني بيت اهلي ولابتتاْخر عن موعدك؟
ناظرها بدون مايتكلم..
وضحى بنفس الاسلوب/خلاص وصل الجواب لاتقعد تناظرني كذا بدق على اخوي يمرني...
خالد/وانتي ليش ماتجين معي بيت اهلي؟
وضحى/اليوم بالذات مالي خلق...
***********************************سعد/اقول جدتي...
قاطعته الجدة بصراخ/ووجعه ..قول يمه ليش تكبرني؟؟
مشعل/ليش انتي بعدك صغيرة ياجدتي؟
الجدة ام خالد/أي بعدني صغيرة وماحد له عندي شي...قول شبغيت؟
سعد/سلامتك.....كنت بسالك عن حياتك انتي والباشمهندس....
الجدة ام خالد/ومنو هذا بعد؟انا غير جدك ماعرفت بحياتي!!!
مشعل/قولي الصدق جدتي...
سعد وعجبته السالفة انهم يلعبون في الجدة مثل كل اسبوع/يالله تكلمي ولا بنعلم جدي عن الباشمهندس...
الجد ابو خالد من وراهم/منو هذا بعد اللي ماغسل وجهه؟
الجدة ام خالد بهمس/يويل حالي...
مشعل بهمس/يدك على ميتين ريال ونسحب السالفة؟
الجدة ام خالد/وين عصاي؟
سعد بنفس الهمس/يالله تكلمي بسرعة يا أي يا لا...
الجد ابو خالد/شفيكم.....
سعد/ولاشي نقول لجدتي تبي شي احنا قايمين..
مشعل بتهديد/احنا قايمين ياجدتي وش قلتي؟
*********************************** | |
|  | |
| كاتب الموضوع | رسالة |
|---|
roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 19:28 | |
| البارت الرابع عشر,,,
//////////////////////////////////
خالد/والله عاد غصبا عنكم بدخل,,,
نورة/ها خالي بدينا؟
خالد/نواف مابعد مشى وكاهو بيدخل المجلس..
ياسمين بقهر همست لنوف اللي جنبها/وش ها المنة ياربي ماتسوى علينا جينا مزرعته!!!
نوف/نزلي صوتك لايسمعونك الاوادم؟
ياسمين/اوووووف..
خالد/وش عندكم تتهامسون انتي واياها؟
ياسمين/سلامة عمرك مالك شغل,,
هههههههههه
خالد/انتوا بس شفتوني عاطيكم وجه خلاص ترى اللحين اوريكم العين الحمرة..
نورة/وش بتسوي يعني؟
خالد/ابدا..بس بقطع ها العقال عليكم..
نوف/أي صدقناك عاد...
هههههههههههههههه
مشت لؤلؤة عنهم وبعدها قالت مشاعل/الا...خويلد شسالفتك ماسالتنا اليوم عن شي وماهو من عوايدك؟
خالد فهم بس سوى روحه مضيع/انا..عن شنو؟
مشاعل/وضحى...
خالد/.........
ياسمين/شكلكم متهاوشين؟
خالد بدون اهتمام/لاعادي بس كلمتها وعرفت اخبارها ليش اسالكم عنها بعد؟
نوف/مو صحيح الكل ملاحظ ان مرتك مو طبيعية اليوم؟
مشاعل مسكت يده وقامت تغني/ياقلبي انت الفقير...صالحها يعني شيصير...مدام وضحى ياقلبي دلوعة لازم تصير...
**************************************اما برى المزرعة كان نواف واقف عند الباب وهو يتحلطم بروحه.....
وبعدين يانواف بتظل واقف لين يطلع لك خالد اللي من دخل نسى عمره!!!
أي طبعا لازم انتظره فشلة ادخل واروح المجلس بروحي..بس دخلتي داخل هي بيت القصيد لجيتي هنا...لو ظليت بالمجلس ياسمين ماراح اشوفها ولا بوصل لها؟طيب اللحين اذا شفتها شقول لها؟هاذي مشكلة ثانية يانواف مافكرت فيها..
تدري شلون انا ليش حارق دمي عليها بشوفها وبكلمها خلها تولي بللي مايحفظها ان شاءالله,,
///////////////////////////////////////////////////////////////
مشعل بهمس/مو كاْنك فلست جدي اكثر مني على اساس اني انا المفلس واللي مستحي اقوله؟
سعد/ملزوم يدفع لي مو بصير زوجته على سنة الله ورسوله..
مشعل/ههههههقصر حسك لايسمعك..
سعد/تتوقع لو عرف مافي جدة صاحبك وشلون بتكون ردة فعله؟
مشعل/بيطيح علينا اكيد
سعد/ومتى بنقوله انها بح...
مشعل/مو اللحين طبا خلنا نتبحبح شوي...وبعدها يصير خير
سعد/اقول..
مشعل/قول...
سعد/وش رايك اتزوجه صحيح؟
مشعل فطس ضحك والجد لف لهم وقال بغباء/شفيكم؟
***************************************في المطبخ كانت واقفة قبال الثلاجة وعاطية الباب ظهرها وماحست على دخلته الا يوم قال لها/شتسوين هنا بروحك؟
انتفض جسمها ومالفت له بس قالت بحدة/انتظرك تطلع؟
خالد/لهدرجة وصلت بينا..انك ماتبين تشوفيني؟
وضحى/اللي مايبيني ماابيه..
خالد/سمعي...
لفت له وقالت بحدة/ماابي اسمع منك ولاشي....
بهمس قال لها/اذا خلصنا العشى تلبسين عبايتك وترجعين معي البيت لازم نتفاهم!!
وضحى/تحلم يابابا...
خالد بعصبية/وضحى...
وضحى/مستحيل اني اروح معك...وعلى فكرة ورقتي بتوصلني؟
خالد بعصبية اكبر/ماهو بكيفك سامعتني انا اللي اقرر ها الشي وماهو لعبة كل يوم والثاني قلتي ابي ورقتي توصلني!!!الزواج مسؤلية يابنت الناس وطالما انك مو قدها تخلي عنها من اللحين؟
احم احم احم...
لفوا اثنينهم لمشاعل اللي عند الباب...
مشاعل/يقولك جدي اطلع تعشى معه هو ونواف في المجلس برى,,
////////////////////////////////////////////////////////////////
باخر الليل كان تركي جاي ياْخذ امه وخواته من المزرعو بعد مامشى الكل ..
تركي/عسى عجبتكم وانبسطتوا؟
مرام/حيييييل
ام تركي/يالله كل وحدة تشيل اغرضها معها ..
نوف/انا ومشاعل جهزنا كل اغراضنا...
مشاعل/نوفوا..
نوف/هلا..
تقربت منها مشاعل وهمست باْذنها وبعدها مشت يوم قالت نوف لها لا...
مرام/وش تبي؟
نوف/ولاشي بس تذكرت انها نست شي ماجابته وراحت تجيبه,,,
ام تركي/روحي جيبي عشى اخوك لاننساه وانا بروح اشيك على المسبح يمكن نسينا شي؟
بعد مامشوا...
تركي/انبسطتوا؟
نوف/نوعا ما...
تركي كرر كلمتها/نوعا ما...شنو يعني نوعا ما؟يعني ماانبسطتي؟
نوف/بيني وبينك كنت افكر بحصة...
تركي/حصة؟
تنهدت وقالت/ماتمنيت الامور بيني وبينها توصل لها الشي اساسا انا فكرت اني مااكلمك اصلا!!
تركي/واهون عليك ماتكلميني؟
نوف/تركي انا ماابي احد يغلط عليك ولاحتى يفكرمجرد تفكير سيء عن انك..
قاطعها باهتمام/انا اهمك يانوف؟
نوف/اكيد تهمني ياولد عمي..انت ماتدري غلاتك شنو بالنسبة لي؟
يوم ثاني بمجمع الراشد الصباح...
كان نواف عارف انها بتكون هنا لان سمع اخوها امس يقول انه بيجي معها من الصباح وماجت الساعة ثمان الا وهو يدور بالمجمع لين شافهم بعدين على حوالي العشر وانتظر فرصة ان مشعل يبتعد عنها وراح يكلمها...
نواف/وانتي طالعة كذا لاولي ولاهم يحزنون؟
ياسمين بقهرقالت/اخوي معي؟
نواف/امحق هذا اخو اللي معك؟وينه اشوفه؟
ياسمين/راح يتمشى؟
نواف/خوش والله..
ياسمين/وانت مفكر اني بسحبه و بدخله معي محل محل ادخله!!
نواف/انتي من منو ماْخذة اذن انك تطلعين من البيت ان شاءالله!!!
قامت تناظره بقهر وحست انها بتموت منه ومن تصرفاته لكن لا..لحد هنا وبس يانواف رفعت راسها وقالت بقهر/تصدق عرفت اللحين ليش بنت الناس ماقدرت تعيش معك لانك فعلا لاتطاق!!!
نواف بصوت عالي/انا اللي طلقتها مو هي اللي تركتني؟
بدون اهتمام قالت وهي تفك شيلتها من على راسها وتحطها فوق كتوفها وسط نظراته والذهول اللي فيهم/والله؟!!!تصدق عاد لو حلفت لي ماصدقتك؟
قالتها ومشت وهو واقف يناظر فيها كيف تجراْت تسوي كذا...هاذي لازم تتاْدب وتوقف عند حدها؟
/////////////////////////////////////////////
في بيت بو تركي...
عبدالله/صباح الروقان...
مرام/هلا وغلا..
عبدالله/هلا فيك...
مرام/يابعد عمري..
عبدالله/ياقلبي انتي...
مرام مو كاْنك قلبتها مغازل من الصبح ولالان اليوم خميس يعني؟
عبدالله/ههههههه
مرام/اقول ماسمعت؟
عبدالله باهتمام/لا..وش صاير؟
مرام/في خبر صار وانا عرفته من البارح؟
عبدالله/عن منو؟
مرام/يود ردينا البارح سمعت ابوي يكلم امي فيه؟
عبدالله/طيب يخص منو؟
مرام/مشاعل....
سكت شوي وبعدها قال/احد متقدم لها وخاطبها؟
مرام/أي وابوي موافق عليه لانه يصير ولد اخت صاحب ابوي ...
/////////////////////////////////////////////
العصر في بيت الجد..
طبعا ياسمين رجعت من المول وهي بقمة ثورتها من الاخ نواف وسكرت عليها باب غرفتها ماتبي تشوف احد بس يوم حرقها الجوع طلعت من غرفتها رايحة المطبخ تاْكل شي ويوم دخلت شافت جدها هناك...
ياسمين/سلام...
الجد/كاءنه منة ها السلام؟
ياسمين/جدي؟شقلت انا عاد!!
الجد/مدري عنك قاهرة الرجال..
بضيق قالت/أي رجال؟
الجد/منو غيره بعد ولد اخوي نواف...
دق قلبها بقوة معقولة اتصل وقال لجدها عن موقفهم البايخ..
الجد/البارحة بالمزرعة يادوبه ياْكل؟
ياسمين خفت شوي من توترها وقالت الحمد الله البارح مو اليوم..بعدها قالت بصوت عالي لجدها/طيب وانا شكو اساسا انا ماابيه ياجدي؟
الجد/اسمعي عاد بلادلع بنات..وبتتزوجين نواف غصبا عنك؟
ياسمين/جدي مايصير انا نفسي عايفته كيف تغصوبني عليه!!
الجد/ووجع ان شاءالله اذا سمعتك تقولين ها الكلام كسرت عظامك...
بعناد قالت/ماابيه مو غصب؟
الجد بصراخ/لاتخليني اطردك من البيت ترى بيتي هذا واذا بتكسرين كلامي مالك قعدة فيه ومالك ظلعة منه الا على بيت نواف ولا اذا ماتبينه طلعي من بيتي من اللحين ماابيك
////////////// | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 19:37 | |
| البارت الخامس عشر,,,,///////////////////////////////////
تركي/وين رايح؟
بروح بيت عمي..
تركي/خير..
نواف/لازم اْادب ها البنت ياتركي؟
تركي/انت هدي شوي..
نواف/شا اهدي بس ياتركي ها المجنونة ماخلت فيها أي هدوء ولارواق؟
تركي/ياولد الحلال اذكر الله...
نواف/لااله الا الله...
تركي/كيف بتروح؟وشنو بتقول؟
نواف/........
تركي/وسالفة ولدك ولامو ناوي تقول لجدي شي عنه بعد!!
نواف بضيق/بقول..
تركي/اسمع يانواف...انتظر لين تجي صلاة العشاء وبعدها روح وكلمه عن سالفة ولدك واذا حسيته طاخ وماهو متضايق كلمه عن ياسمين اما اذا حسيته معصب هدي شوي واجل الموض1وع لغير وقت...
نواف/لا انا..ااْجل موضوع ولدي بس مااْجل موضوع ياسمين؟
///////////////////////////////////////////////////////////
في بيت بو تركي كانوا ام تركي وابو تركي قاعدين بالحديقة مع البنات بس,,,,وهم يسولفون ومشاعل تسوي اظافرها وهي تغني وامورها ماشية تمام التمام لين قال ابو تركي..
ابو تركي/اقول ياالعروس..
سكتوا مشاعل ونوف وناظروا في بعض..
وقالت مشاعل بلقافتها المعهودة/مني يبى؟
ابو تركي/البارح يامشاعل تقدم لك شاب من زينة الشباب وانا وافقت,,
بخوف قالت مشاعل وهي فاتحة عيونها على وسعها/شنو يعني وافقت يبى؟نوف وهي تهدي الموضوع/يعني قصده يقولك انه من ناحيته مو معترض عليه وساْل عنه..
ابو تركي/أي ساْلت عنه يانوف؟هذا ولد اخت ابو سالم صاحبي...اسمه فواز السديري ..الولد يتيم ووارث من ابوه خير واسمه يهز السوق هز..
بضيق قالت مشاعل/أي..ويعني؟
انقذها جوالها اللي دق من اجابة ابوها اللي كان قالب ملامحه من سؤالها وكان خالها خالد هو اللي متصل/الو....هلا خالي....لا..ماشفتها اليوم؟..لاماهي عندي...ولاكلمتني؟ليش!!طيب..بستاْذن من ابوي واذا رضى انا ونوف بنجي,,,
/////////////////////////////////////////////////////////
ام مشعل بقلق/ياربي وين راحت ها البنت؟
الجدة بلااهتمام/قلعتها...
خالد بتاْنيب/يمه..
الجدة/يعني وين بتروح؟ تلاقيها رايحة تزط من ها المطاعم وكاْن طبخ امها مو حلو...
حطت ام مشعل يدينها على را سها وقالت بحزن/ياربي وينك فيه يابنيتي؟
مشعل بخوف/انتي متى فقدتيها يمه؟
ام مشعل والحزن كاسرها/يايمه هي من رجعت معك من السوق حبست روحها بدارها ويوم رحت اصحيها للصلاة صلت ونامت العصر واللحين رحت اصحيها للمغرب لقيت الدار خالية ومافيها احد..
خالد/غريبة هي مو من عوايدها تطلع وماتقول لنا ولاماترد على تلفوناتنا اذا اتصلنا؟
ام مشعل/ياخوي شوفها تكفى...
خالد/هدي ياام مشعل انا دقيت على البنات وسئلتهم قالوا ماشافوها ولاهي معهم ولامرتهم؟
الجدة بحقد/اكيد متفقين معها؟
خالد/يايمه كاهم جايين بالطريق ولو على قولتك متفقين معها مابيتعبون نفسهم ويجون؟
الجدة/تمثيل بتمثيل مااصدق احد فيهم...
ناظروا في بعض وسكتوا...
الجدة وكاْنها تذكرت شي/ان شاءالله بيتعشون هنا الليلة؟؟؟ماتكفيهم ليلة الخميس اذا تعشوا بعد الليلة؟
///////////////////////////////////////////////////////////////////
نواف/انتي شسالفتك؟
وضحى/أي سالفة؟
نواف/ليش بايتة هنا من يومين؟
سكتت وماردت عليه..
نواف بتاْنيب/متخانقة مع خالد؟
لؤلؤة/لاتشغل بالك...
نواف/ياسلام شنو يعني مااشغل بالي؟
لؤلؤة/هي تعبانة شوي ولاالسالفة مافيها هواش...
نواف/انا مو مصدق بس بعديها...
تنهدت وضحى وسكتت...
نواف/سمعوا..
وضحى/خير..
نواف/بما انكم قاعدين بقولكم شي...
لؤلؤة/خير..
نواف/انا عندي ولد..
ناظروا في بعض بدون تصديقوبصدمة قالوا ثنتينهم بصوت واحد/شنو؟؟؟
وضحى/أي ولد؟ومتى جبته؟وشلون؟
نواف/من ريم...
لؤلؤة/ليش انت رديتها يانواف؟
نواف/لا...
وضحى/لا....يعني يوم طلقتها كانت حامل؟
نواف/أي...
لؤلؤة/وغبرتنا!!يعني اللحين ولدك عمره اربع سنين؟
نواف/أي..
وضحى بانفعال/وليش توك تتكلم؟
نواف/ولدي وبكيفي...
وضحى قامت وهي معصبة وقالت/وليش مكلف على حالك وقايل لنا مدام احنا ضيوف شرف عندك؟
///////////////////////////////////////////////////////
وصلوا نورة ومشاعل ونوف بوقت واحد وكانت ام مشعل راكبة غرفة ياسمين تدورها من جديد وكاْنها بتشوفها...
دخلوا الصالة وماكان غير خالد وامه ومشعل قاعدين....
نورة/ها..شفتوها؟
خالد/لا..
مشاعل/وين راحت؟
خالد/انا لو ادري ماساْلتكم؟
نوف/طيب متى فقدتوها؟
الجدة/الناس تسلم اول؟
راحت نوف حبت الجدة على راسها ووراها مشاعل ونورة اللي حبتها بسرعة ولفت لخالد تساله
الجدة بعصبية/شوف ها الوكيحة نوير سلامها من فوق لفوق؟
نورة/احد زعلها ولاقال لها شي؟
الجدة/أي زوجي...
مشعل بضيق اول من تكلم/شنو قال لها؟
الجدة/مدري...
مشعل بتوعد/وانا اقول وينه؟
خالد/طيب يمه انتي ماتعرفين شنو قال لها؟ ولا ليش قال اصلا؟
الجدة/انا مااحب الفتنة..
خالد بنرفزة/يمه واللي يعافيك هذا وقته؟
نوف/وين ممكن تكون بس؟
لف لهم خالد وقال بضيق/انا اللي اساْكم وين ممكن تكون؟
مشاعل بترجي/فديتك يالغالية قولي ليه هاوشها؟
الجدة/علشان نواف..قال لها بيطردها من البيت اذا ماتزوجت نواف؟
خالد بضيق/ليش هو نواف اصلا تكلم وقال ابيها علشان يروح يهاوشها المسكينة؟
نوف/خالد..
لف لها خالد بسرعة/ها نوف,,
نوف/انا ادري وين ممكن تكون ياسمين بها الوقت؟
نورة/تدرين؟
نوف/أي..حطيت نفسي بموقفها وعرفت وين ممكن اروح ومااتوقع بفكر بمكان ثاني,,,
/////////////////////////////////////////////////////////////
شمة/علامك سرحان وتفكر؟
سعود اخو نوف/افكر بنصيب نوف؟
شمة زوجته/ليش هي ماتنازلت لك؟
سعود/لا..
شمة بحقد/ووجعة ليش؟
سعود/لانها كانت قاصر...
شمة/أي...
سعود/واللحين خلاص لازم اشوف لي حل...
شمة/شنو بتقول لها..
سعود/بخليها تسوي لي وكالة عامة وبسوي على اساسه عقد بيع وشاء لنصيبها من البيت والورث...
شمة/ومتى بتكلمها؟
سعود/في العيد..
شمة/اوووف يعني بعد شهرين؟
سعود/انا مالي خلق اروح بيت عمي اشوفها هناك ويسمعني تركي كم كلمة من هنا ولامن هنا. وانتي ماتبينها تجي عندك هنا؟
//////////////////////////////////////////////////////////
لؤلؤة/وضحى شفيك؟
وضحى/ولاشي...
لؤلؤة/منتي ملاحظة انك صايرة عصبية وهذا مو زين على البيبي؟
وضحى وهي حاطة يدها بقهر على بطنها وتتكلم بضيق/أي بيبي انتي بعد!
لؤلؤة/شفيك؟
وضحى/............
لؤلؤة/صار لك يومين هنا وخالد من طلع مارجع..كبرت بينكم السالفة؟
بعصبية قالت وضحى/عساها ماتصغر ولاتنحل؟
لؤلؤة/ياوضحى مايصير..مهما كان هذا ولد عمك وابو ولدك؟
وضحى/......
لؤلؤة/ليش ماتفكرين تصالحينه انتي بنفسك؟
وضحى/مستحيل؟
لؤلؤة/شيلي العناد من بالك..
وضحى/والولد اللي هو مايبيه؟
لؤلؤة/منو قال لك عاد انه مايبيه؟
وضحى/هو بنفسه؟
لؤلؤة/يمكن انه ماتوقع ها الشي ولاانه كان متضايق ولا..
قاطعتها وضحى/لؤلؤة لاتوجدين له أي اعذار الله يخليك.. | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 19:48 | |
| البارت السادس عشر,,,,//////////////////////////////////
كانوا البنات قاعدين بغرفة ياسمين ينتظرون أي خبر يجيهم عنها وكل وحدة منهم نست كل اللي تفكر فيه وشاغلها,,,مشاعل نست صدمتها قبل ساعات قليلة بخبر العريس اللي جاي وموافقة ابوها عليه,,ونورة نست فارس وخيبة املها في انها توصل له ورفضها له اللي لازم يعرفه,,,ونوف نست عبدالله وحصة وسعود اكثر ناس شاغلين بالها,,,
ماظل عالق بذاكرة ها البنات الثلاث الا ياسمين في ذيك اللحظات والمكان اللي ممكن تكون هي فيه اللحين,,,,وليش ماقالت لوحدة منهم على الاقل؟
مشاعل/نوف..انتي وين قلتي لخالد يروح يدور عليها؟
نورة/أي صدق وين قلتيله؟
وقفت نوف قبال النافذة وماردت عليهم,,
////////////////////////////////////////////////
في مجلس ابو خالد...
نواف/عمي بغيتك بسالفة؟
ابو خالد/خير يانواف محتاج شي..
نواف/سلامتك ياعمي..
ابو خالد/اذا قاصرك ولاقاصر البنات شي لايردك الا لسانك يانواف قولي ولاتستحي..
نواف/ربي يسلمك ياعمي والله مو قاصرنا شي..
ابو خالد/اجل شفيك ياولدي يانواف السالفة ماهي سالفة سلام وترحيب لانك البارحة كنت معي بالمزرعة وشايفني؟
نواف/عمي..صراحة انا مو عارف شقول لك..
ابو خالد/قول ولاتستحي ياولدي,,
تنهد نواف بقوة وبعدها قال/عمي انا عندي ولد؟
حط ابو خالد فنجانه من يده على الطاولة وسكت...
نواف/عمي انا عارف انك بتلومني على سكوتي بس صدقني مدري وش اللي خلاني ماافتح معكم السالفة واخبركم...
ابو خالد/من طليقتك؟
نواف/أي..
ابو خالد/وناوي تردها؟
نواف بعصبية/معصي اردها...لاياعمي انا مااردها لو شيصير..
بعد فترة سكون مرت قال له ابو خالد/طيب وياسمين؟
////////////////////////////////////////////////////////////
راشد/انت داق لي يافواز؟
رفع راسه وقال/أي...بس بالاول هلا وغلا,,
راشد/هلا فيك ياولد اخوي...
فواز/اشوف من تقسم الورث بعدت عني ياراشد...
راشد/لابعدت ولاشي بس مشاغل الدنيا...
فواز بدون اقتناع/اها...مشاغل الدنيا اجل!!
راشد/فواز وش عندك؟
فواز/ليش حرام اني ادق لك يعني واتطمن عليك...
راشد/لامو حرام بس انا عارف ان عندك شي وتبي اسمعه..
فواز/طيب..من النهاية انا خطبت ياراشد وقريب ان شاءالله الملكة...
راشد/افا...انا امس متعشي في بيت عمك عادل ماجاب لي سيرة؟
فواز/.......
راشد/انت ماخطبت بنت عمك يافواز؟
فواز/لا..
راشد/لا؟؟
فواز/خالي خطب لي بنت صاحبه والجماعة موافقين؟
سكت راتشد ومارد والكلام مبين من ملامحه انه مو عاجبه,,,
(طبعا فواز السديري هذا اللي خاطب مشاعل بنت بو تركي,,,شاب وسيم نوعا ما مايل للسمار يتيم ماعنده غير خاله ابو سالم اللي هو صاحب ابو تركي وبينهم عشرة اما عمامه فمن بعد مااستلم ورث ابوه اللي كان كاتب معظمه لولده بعدوا عنه واللي زاد بعدهم عنه انه ماخطب وحدة من بناتهم...
راشد/يكون عم فواز ومقارب له بالعمر اهم شي عنده بالدنيا الفلوس ويبيع نفسه علشانها وبترجع تقوى علاقته من جديد بفواز بعد ماانتهت بتقسيم الورث لااسباب بتعرفونها بعدين)
////////////////////////////////////////////////////////////
وصل المكان اللي قالت له نوف يروحه..وقف سيارته ونزل وكانت ياسمين قاعدة عند باب المقبرة وحاطة راسها بين رجلينها بس خالد عرفها ووقف جنبها وناداها باسمها ورفعت راسها يوم شافته يناديها..
مسكها خالد من يدها ووقفها على رجولها..وهمس/تعالي...
ياسمين بدموعها/لا..ابي اقعد هنا ياخالي؟ابي اظل جنب قبر ابوي,,,
بحنان قال/تعالي..الدنيا ظلمة ومايصير تظلين واقفة هنا بروحك بكرة اجيبك صدقيني...
مشى معها للسيارة ويوم ركبوا قامت تبكي بصوت عالي..
خالد بحنان/انا ابوك ياياسمين ابوك واخوك وكل شي...
ياسمين من بين دموعها/لاياخالي انت ماتقدر تكون ابوي...وتحميني؟
خالد/افا ياياسمين كذا تقولينها بوجهي!!
ياسمين بتعب/خالي انا احبك واعزك واحترمك كثير بس انت لايمكن تكون..
قاطعها/وش اللي ناقصك عاد ياياسمين و..
لفت وجهها عنه لعند النافذة وقالت باسى/مابتفهمني؟
خالد باصرار/لابفهمك قولي كل اللي في خاطرك؟
ياسمين بتعب اكبر/ابي الامان ياخالي..ابي بيت يضمني ويكون بيت ابوي..ابوي ياخالي ومحد يعايرني اني ضيفة ثقيلة وبنطرد لو مامشيت مثل مايبون ونفذت اوامرهم؟
سحبها خالد من يدها وضمها لصدره وقامت تبكي عليه بقوة وحس هو ان دموعه مغرقة عينه وبيبكي معها بااي لحظة بس شيسوي امه وابوه وتغيريهم مستحيل ومحاسبتهم على كلامهم بعد مستحيلة!!
بعد عنها شوي وقال بمرح وهو يحاول يخفف عنها/اوووف لو يجي احد يشوفنا ويروح يقول لوضحى كان صدق بتخرب بيتي!!
رغم انها متاْلمة ومتضايقة بس ابتسمت له وبادلها هو الابتسامة ,,
//////////////////////////////////////////////////////////
بعد ماوصلت ياسمين البيت علطول لغرفتها وخالد قال لااخته تتركها وماتكلمها لين تهداْ شوي وهي اكيد بتجيها..
وفي غرفتها جلست على فراشها وشالت عبايتها والبنات حوالينها..
نورة/كذا تخوفينا عليك؟
مشاعل/لا صراحة ماتوقعناها منك ياسمسمة؟
نوف/خلاص اتركوها ترتاح وبعدها لكل حادث..
قاطعهم صوت ياسمين اللي انفجر بالبكيوهي تقول/ترى حرقة قلب ان احد يقعد يعايرك انه يطردك من بيته اذا ماسويتي اللي يبيه؟
نورة/يبى جدي وجدتي مرفوع عنهم القلم من زمان من قبل لايشيبوا؟؟ومحد يشره عليهم...
مشاعل/لمتى بنظل نقولك طنشي..
نوف/يابنات خلاص ياسمينة اللحين بتعزمنا على عشى وحبذا لو كان كنتاكي لان ورانا سوالف عظيمة وبالاخص ان مشاعل بتنخطب؟
نورة وياسمين بصوت واحد/شنو؟
مشاعل وكاْنها تذكرت/أي صح ذكرتيني,,
//////////////////////////////////////////////////////////
خالد ماصدق على الله يشوف ياسمين ..حس انه تعبان حيييل ويبي يحط راسه ويرتاح بعد ها اليوم خصوصا انه من الصبح في الدوام ومن العصر راح بيت ابوه يوم تكلمه ام مشعل تقوله عن ياسمين وللحين وقفته...
دخل الشقة وتفكيره بوضحى ينزايد...وش ممكن يكون الحل ياخالد لمشكلتكم....حياتكم كل يوم لها حال ,,,متى بتستقرون بس؟؟
تنهد بقوة وهو ضايق وفكر يطلع صورة وضحى...حس انه من زمان ماشافها دخل غرفتهم وطلع البومات الصور اللي عنده وجلس على الكرسي بالصالة يطالعهم ووقف عند صورة زواجهم,,,ظل يتاْمل ويتاْمل..لين انتبه لصوت الباب ينفتح لف ولقاها جاية وظلت بمكانه يوم سكرت الباب ولقته يناظرها,,,ظلوا ساكتين فترة طويلة وهم يناظرون في بعض وهو بعده ماسك صورة زواجهم,,,
قطعت الصمت ها المرة وضحى يوم قالت/اقعد ولاما الزمك؟
لف للجهة الثانية ومارد عليها..
قالت وهي واقفة مكانها/هذا يعني اني ماالزمك؟؟؟
//////////////////////////////////////////////////////////// | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 20:06 | |
| البارت السابع عشر,,,
///////////////////////////////
باْخر الليل في غرفة ام مشعل طقت ياسمين الباب ودخلت لقت امها ماسكة صورتها هي واخوها مشعل يوم كانوا صغار وتبكي وبس شافت ياسمين مسحت دموعها..
ياسمين بخجل/يمه...اقدر اقعد معاك شوي؟
بحنان قالت ام مشعل/تعالي...تعالي يمه...
جت لعند امها طيران وحطت راسها بحضنها وهي تعتذر/يمه انا اسفة على اللي صار اليوم..
ماتكلمت امها بس حطت يدها على راس ياسمين ومسحت على شعرها وقامت تتنهد الشي اللي صار خلا ياسمين تتندم زيادة وتتحسر على موقفها السخيف وقامت تبكي/والله يايمه ماققصدت شي من اللي سويته انا احبك يمه ومقدر على زعلك صدقيني مااعيدها ثانية يالغالية...
ام مشعل/يمه انا مو زعلانة منك انا بس مت خوف عليك...كل اللي ابيه اني اتطمن عليك انتي واخوك...كثير ها الشي يايمه ياياسمين؟؟
///////////////////////////////////////////////////////////
تركي/عريس؟؟لمنو؟
ابو تركي/لمشاعل,,
هدت النار اللي كانت تغلي فيه شوي لانه كان خايف ان العريس يكون لبنت العم..
تركي/وانت تعرفه؟
ابو تركي/شلون مااعرفه هذا فواز السديري ولد اخت ابو سالم..
قاطعهم عبدالله اللي كان يصب الشاي لهم/أي ...بس عرفته؟
تركي/منو؟انا مو ذاكره؟
عبدالله/هذا اللي عنده شركة ال...
ابو تركي/ولد اخت ابو سالم ياتركي ماعرفته؟
تركي/هو ماقط زارنا البيت صح لاني مااتذكر شكله؟
ابو تركي/لا مازارنا...
تركي/ومشاعل عطيتها خبر ..
ابو تركي/قلت لها المغرب قبل تروح بيت خالتها...
عبد الله/خذ لك اللحين متى بترد ؟؟البنات مدري شلون يفكرون خايفة ومترددة ومدري شنو؟
ابو تركي/ومن قال اني انتظر ردها عاد؟؟
عبدالله/شلون يبى؟
ابو تركي/انا الولد اعرفه وموافق عليه ومافيها كلام زيادة؟
تركي/واذا مشاعل قالت لا؟
ابو تركي/ماعندنا بنات يقولون لا ...البنت اهلها يدورون لها العريس ماهو بكيفها...نحب بناتنا أي وندلعهم أي بس يختارون رجاجيلهم بكيفهم لاوستين الف لا بعد!!!
/////////////////////////////////////////////////////////
ظلوا ساكتين فترة طويلة ومحد منهم تحرك ولاتكلم وكل واحد فيهم تفكيره يقوله ان الطرف الثاني هو اللي لازم يبدي بالكلام وعلى ها الحال طالت فيهم السكتة وماْكان احد له نية يتكلم..
وضحى كانت بتبدي بالمعروف وبتتكلم طالما انها جت بنفسها الشقة بس غيرت رايها وظلت ساكتة وبعدها مشت من قدامه بدون ماتقول شي ومن قربت منه وشم ريحتها حس انه مو فاقدها بجد مايتهياْله مسك طرف عبايتها بسرعة وقال بلهفة ماقدر يخفيها/نور المكان برجوعك؟
لو لف لها ذيك اللحظة كان بيشوف اكبر ابتسامة مرتسمة على شفايفها صحيح انها كانت ممزوجة بدموعها بس كانت صادقة ومالقت نفسها الاتمشي للغرفة بسرعة عنه علشان تتنفس بارتياح.وكاْنهم يلتقون لااول مرة؟..
/////////////////////////////////////////////////////
يوم ثاني الصباح..
سعد/علامكمعصب كذا ومو طايق احد؟
مشعل بدون نفس/ولاشي..
سعد/بلى في شي..اساس لو مافيك شي مو كذا كشرتك على وجهك ومخلينا نهرب من المدرسة ونهايل بها الشوارع؟
مشعل/ابي اذبح جدي؟؟
سعد/وجدتي بعد؟؟ليش نذبح جدي بروحه عاد؟
مشعل/انا اتكلم جد؟
سعد/وانا ماامزح تراها ثقيلة دم اكثر منه؟؟
مشعل/ليشش يمنون علينا ان احنا قاعدين عندهم في بيتهم؟
سعد/قايل لك انا تعال معي وابوي عجز من كثر مايكلم امك انت مدري ليش متحمل قاعد هناك؟
مشعل/امي...لو امي ترضى تجي عندكم كان انحلت بس امي تبي تقعد عند ها الشياب الله ياخذهم ويفكنا منهم ومن شرهم؟؟؟
سعد/امين يارب العالمين...
مشعل/امس ياسمين زعلها الشيبة وطلعت من اليبت زعلانة وودي اشتري لها شي افرحها فيه اليوم ماراحت الجامعة والبنات البارحة ناموا عندها؟
//////////////////////////////////////////////////////////
اليوم غير...جلست لانها سمعت صوت خالد برى يحوس شكله ماراح الدوام تحممت ولبست قميص نومها الستاني الوردي اللي يحبه خالد وتركت وجهها بدون شي وطلعت الصالة اللي كانت معفوسة فوق تحت من خالد وجلست هناك وصوت خالد بالمطبخ...تاْملت المكان وانتبهت ان خالد كان ينام بالصالة وهي طول الليل تسال نفسها وين كان ينام والفراش على حطة يدها ماتغير من يوم طلعت من البيت؟؟؟
رفعت راسها يوم سمعته يقول بروقان/صباح الخير؟
/////////////////////////////////////////////////////////////
حصة/اهم شي انكم لقيتوها ياخالتي؟
ام مشعل/الحمد الله..........زالا انا زعلانة منك ياحصة؟
حصة/انا!!!ليه عاد ياخالتي؟
ام مشعل/يمه هاذي سواة تسوينها في ها المسكينة؟
حصة/خالتيبتوقفين معها ضدي؟
ام مشعل/يايمه هاذي مالها غيركم مو كافي اخوها اسود الوجه تاركها عندكم؟
حصة بقهر/لانه عارفها ومايبي يبتلش فيها؟
ام مشعل/لايايمه مو زين عليك كذا هاذي يتيمة؟
حصة/هاذي شايفة لها شوفة وحاطة عيونها على واحد من اخواني انا متاْكدة؟
ام تركي/ابركها من ساعة لو ياخذها ولد عمها ياْخذ فيها اجر وبعدين نوف ماعليها كلام وطول عمرنا نعدها وحدة منا وفينا..
حصة/خالتي!!
ام مشعل/خلاص قصري حسك تراها نايمة هنا البارح مع ياسمين وماابيها تنزل وتسمعك؟
/////////////////////////////////////////////////////////
الجدة/شيبي منك نواف؟
الجد/تقصدين البارحة؟
الجدة/أي انت نمت وماقلت لي!!
الجد/أي انا مانمت سويت روحي نايم؟
الجدة/وليش يعني؟
الجد/علشان لاتساْليني؟
الجدة/ياسلاااام؟
الجد/كنت ابي افكر؟
الجدة/في شنو؟
الجد/في اللي قاله نواف؟
الجدة شهقت بصوت عالي/درى انها طلعت وقال ماابيها؟
الجد/طلعت؟؟؟وين راحت؟؟
الجدة/قول سالفتك بعدين انا اقول اللي عندي؟
الجد/لا انتي اول تتكلمين؟
الجدة/لا انت تقول اول؟
///////////////////////////////////////////////// | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 20:15 | |
| البارت الثامن عشر,,,
////////////////////////////////////
وضحى وهي تناظر بفراشه اللي حاطه على الارض قبال التلفزيون/صباح النور؟
قرب الطاولة منها وحط صينية الفطور وقامت تناظرفيها ورفعت راسها له/شنو هذا؟
قعد قبالها على الارض وقال/فطور بالله فكرتيه وليمة؟؟
وضحى/هذا كله فطور وبعدين يوم انك شاري كل شي من برى ليش ماتركتهم بصحونهم بدل ماتطلع لي صحون من الدولاب ولا لانك مو انت اللي بتغسل مو مهم؟
خالد برواقان/اولا هذا فطور علشانك لازم تاْكلين زين,,ثانيا حطيتهم هنا علشان يفتحون نفسك للاكل يعني بصير ذرب وبسوي لك حركات,,,واذا على الغسيل يسلم راسك انا اغسلهم ماما وضحى انتي بس سمّي,,
مسكت صحن الزيتون الاسود تاْكل منه وقالت بشماتة/هذا فراشك الجديد؟
ناظره خالد ورجع يناظرها وهو يضحك وهي كملت بنفس الشماتة/زين انك عارف نفسك وقيمتك؟
خالد/يالله عن الشماتة؟
وضحى/الا صدق خالد انت ليش كنت تنام هني؟وماتنام بالغرفة؟
تنهد وقال برومنسية/مقدر انام فيها...الغرفة فيها ريحتك واذا دخلتها اصير مثل المجنون لانك مو فيها؟
///////////////////////////////////////////////////////////////
في غرفة ياسمين...
نورة/اجل جايك عريس يامشاعلوا؟
مشاعل/سكتوا واللي يعافيكم بطني يعورني من قال لي ابوي بالسالفة؟
ياسمين/ليه؟
مشاعل/لانه ابوي واذا هو مقتنع بيوافق بدون مايشاورني
نوف بشماتة/تطمني عمي وافق وخلص ماسمعتيه يقول فواز ولد اخو ابو سالم وانتي تعرفين زين علاقته بعمي ابو سالم؟؟
نورة/واسمه فواز بعد!!!
نوف/أي فواز...
لفت لها مشاعل/اللحين هو متقدم لي ولالك؟؟حتى اسمه مانسيتيه؟؟
نوف/هههه
نوف/شضوفي اخذيه انتي وليلة العرس اروح معك اقوله عمي مسوي عرض تزوج مشاعل وخذ معها نوف مجانا!!
نورة وياسمين/هههه
نورة/لامو كذا نوفوا انتي جارية عند مشاعلوا وبتوهبك للامير فواز مثل ايام الجاهلية؟
ياسمين ونوف/هههههه
مشاعل بزعل/ياربي ارحموني انا خايفة ماابي ارد بيتنا ..
ياسمين/احسن ظلي معنا ذوقي اللي انا ذايقته من جدي وجدتي؟
////////////////////////////////////////////////////////////
ابو تركي/مشاعل ماردت من بيت جدها؟
ام تركي/لا
ابو تركي/ومتى بترد؟
تركي/خل عبد الله يمر عليها ردته من الدوام المغرب لان بنتكم شكلها سمعت سالفة العرس وانحاشت؟
ام تركي/هههه
ابو تركي/واحليلها مشاعل ماني مصدق انها بتتزوج؟
عبدالله/الفال لنا ياتركي...
سكت تركي ومارد بشي...
ام تركي/ها خلاص شكلك نويت ياعبادي؟
عبدالله/أي والله ودي اتزوج واستقر..
ابو تركي/الساعة المباركة والله...
ام تركي/يالله عاد ياتركي تحرك انا مو مزوجة عبدالله قبلك؟
شرب قهوته بهدوء وقال/يصير خير..
عبدالله بترجي/لاتكفى احرق دمك شوي ماابي انتظر كثير؟
ابو تركي وام تركي/ههههه
ابو تركي/المهم لاتنسى ياعبدالله تمر اختك تجيبها من بيت جدك لاني بقوم ارتاح شوي والليلة فواز وخاله عشاهم عندنا ولاتقولون لها..ابيها تظل على طبيعتها؟
///////////////////////////////////////////////////////
مشعل/ياسمين غمضي عينك؟
ياسمين/ليه؟
مشعل/غمضيها وانتي ساكتة؟
غمضت عيونها والبنات معها...
مشاعل بمرح/انا بعد اغمض عيوني؟
مشعل/لا..
مشاعل/افا...
نورة ونوف/ههههه
ياسمين وهي مغمضة/اشم ريحة اعرفها زين ويحبها بطني؟
سعد/خبري يقولون يحبها قلبي مو بطني؟
ياسمين بمرح/انت شيفهمك بالله؟؟عزك وانت ساكت..
هههههههه
مشعل/يالله افتحيها اللحين...
ياسمين بحنان/اللله...لمنو هذا لي..
سعد/اجل لي؟؟توه يقولك غمضي عيونك ياحظي!!
ياسمين بنفس الحنان/الله لايحرمني منك يالغالي..
الجدة من وراهم/وش دعوة جايب لك طقم الماس عاد لو مسكنك بقصر!!!جايب لك من ها المطاعم الزفرة ؟؟بس خساير فلوس ؟
نورة /جدتي انتي اكبر تحطيم بصراحة خربتي اللحظات الحلوة؟
الجدة بلااهتمام/لانكم مو انتوا اللي تشقون وتجيبون القرش غيركم يجيبه وانتوا بس صرف بهبال اخرتها بتخسفونا الله يخسفكم؟
سعد بهمس/اذا مااطلع لك قرون واخليك تصيرين تكلمين الجدران من اللي بيجيك مااكون انا سعد وهاذي لحيتي!!
مشاعل بهبال/وينها لحيتك انا مو شايفتها؟ياخلاف حتى شوارب مافيك؟
////////////////////////////////////////////////////////////
وضحى/خالد احنا ليه حياتنا كذا!!
خالد/شفيها حياتنا؟
وضحى/ليه يوم احس انك تحبني مووت وايام تمر بينا سودة وكريهة؟
خالد بابتسامة/هذا علشان احنا مميزين ومانرضى نكون مثل باقي الناس لازم حياتنا تكون مثلنا!!
وضحى/والله!!
خالد/أي والله..
وضحى/......
خالد/المهم حبي..
وضحى/هلا..
خالد/انتي باْي شهر اللحين؟
وضحى/الثامن..
خالد/جد والله؟
وضحى/انت شرايك؟
خالد/مدري؟
وضحى/عاد خالد لاتصير مسطل كذا يعني بكون باْي شهر يعني؟
خالد/وانا وش يعرفني انا ماافتهم بها السوالف نهائيا؟
وضحى/اجل اكرمني بسكوتك؟
خالد/الا هو تحرك في بطنك اللحين؟
وضحى بانفعال وهي تضحك/خالللللللللللللللد لاتجلطني توني بسم الله وش ها الاسئلة؟
خالد سكت شوي وبعدها ضحك على نفسه وبعدين همس لها/وضحى....مبروك...ربي يتمم لنا بخير ان شاءالله
//////////////////////////////////////////////////////////
تركي/من صدقك؟
نواف/أي من صدقي..
تركي/لا انا مو مصدق..
نواف/بلى صدق انا البارحة تكلمت مع عمي وهو قال لي خذ ولدك وجيبه عندك خل يتربى بحضنك..
تركي/ولو ماكان جدي قايلها انت ماكنت بتفكر تاْخذه عندك؟
نواف/بيني وبينك ياتركي لا..
تركي/افا..ليه كذا عاد؟
نواف/خله يقعد عند امه اذا ظل عندها بيكون عقبة لها ومابتتزوج مرة ثانية؟
تركي/قول الصدق انت ودك تردها؟
نواف/حشى والحشى عن الف يمين؟هاذي اردها مرة ثانية!!واخليها على ذمتي ليه بالله انجنيت ؟
تركي/اجل ليه ماتبيها تتزوج؟
نواف/وها الحريم بس سالفتهم من زوج لزوج والعيال تربيهم الدنيا؟
سكت تركي لانه عارف نواف ونظرته السودة على الحريم من تزوجت امه وتركته هو وخواته...(وهاذي عقدة وضحى مع الزواج وخوفها المستمر من ان خالد يتركها وعقدة نواف اللي خلته يكره كل الحريم باالعالم)
نواف بهدوء/تركي..
تركي/هلا,,
نواف/الليلة؟
تركي/الليلة شنو؟
////////////////////////////////////////////////////
بعد صلاة المغرب في سيارة عبدالله كان ساكت طول الوقت ومافي غير مشاعل اللي كانت طول الوقت تهذر وماظل شي ماقالته وعبدالله بس يناظرها ويناظر الطريق لين قطعت جوه نوف اللي كانت تناظرهم ثنينهم..
نوف/عبدالله..
عبدالله بهدوء/هلا..
نوف/شفيك؟
عبدالله/ولاشي..
نوف/مو صحيح ..
ابتسم لها..
نوف/شفت ان فيك شي...
مشاعل/انا مااحس فيه شي هو صدق متغير شوي ها الولد بها الايام ...
دفها عبدالله من كتفها/أي ولد انتي بعد ماتشوفين طولي وعرضي!!
نوف بااعجاب ماقدرت تخفيه/خزينا العين...
عبدالله ابتسم..
مشاعل/أي من قدك في ناس يدافعون عنك؟
نوف بثقل/هذا الحق؟
عبدالله/سمعتي الناس الذويقة؟
مشاعل/يبى تجاملك انا اعرفها..
نوف باندفاع/لاحشى مااجامل اصلا انت من يوصلك ياعبدالله؟
لف لها وقال بهدوئه المعتاد/بصدقها ها المرة تدرين ليش؟
مشاعل بلقافة وكاْنها هي اللي تنساْل/ليش؟
عبدالله وهو يناظر في نوف/لانها بدون ياولد عمي ؟؟
//////////////////////////////////////////////////
البارت التاسع عشر,,,
/////////////////////////////////////
في بيت الجد وقت العشى كانوا قاعدين كلهم ياكلون ومشعل يتكلم بمرح عن سوالفه وهم يسمعون له وياسمين تكمل له اللي نساه لين دق جوال الجد وسكتوا كلهم,,,,
رفعه وقام يناظرهم..
الجدة/منو هذا اللي داق؟
مشعل/يعني بالعقل لحق يعرف منو متصل عليه وهو توه راد؟؟ولامفكرة زوجك يعرف يقراْ الاسماء ان شاءالله؟
الجد وهو يكلم/أي..اي...واخذته؟...اي..مثل ماقلت لك؟ياسمين/يمكن خالي خالد...
ام مشعل/لا مااظن خالد قبل شوي كان متصل...
ياسمين وهي تشرب شوربتها بلااهتمام/وانتوا ليه شاغلين بالكم؟
الجدة/لانه زوجي ولازم اعرف في حياته كل شي؟
مشعل/عشتوا ياالشياب؟؟؟
الجدة/شياب بعينك يالثور؟
مشعل بعصبية/انا ثور؟؟
ام مشعل/ششششش...ابوي مو عارف يتكلم منكم...
الجد وهو بعده يكلم/أي..حياك البيت بيتك ومن يقول لا...انا قايم افتح لك المجلس ...سكر جواله ووقف,,,
الجدة/منوهذا...
قال وهو يناظر ياسمين/نواف عنده ولد يياسمين؟
بالبداية صدمها الخبر ورفعت راسها علشان تفهم الموضوع ويوم شافتهم يناظرونها كلهم قالت بلااهتمام/وانا شكو؟
///////////////////////////////////////////////////////////
وبوقت العشى بمكان ثاني....وتحديدا في بيت ابو تركي لبست مشاعل عبايتها ونزلت..
مشاعل/انا ابي افهم شي واحد ليه ابوي مصر اني اودي الشاي له برى وهو مع عمي بو سالم؟
ام تركي/سئليه؟
مشاعل/قدام الرجال اسئله يمه؟
ام تركي/خلاص اجل وديه وانتي ساكتة..
مشاعل/اخواني وينهم؟
ام تركي/تركي راح يتحمم وبينزل وعبدالله كان هني بس الظاهر راح يجيب العشى...
مشاعل/وليه جايبين عشى من برى بعد!!طول عمره عمي بو سالم ياْكل معنا..
ام تركي/والله عاد انا مالي خلق اسئلتك هذا الشاي وروحي طلعيه له برى انا بقوم ادق على اختك حصة بشوف اخبارها اليوم ماكلمتني؟
///////////////////////////////////////////////////////////
على كورنيش الدمام,,,,
كانوا ماسكين ايادي بعض وهم يمشون
وضحى/تصدق عاد ياخالد..
خالد/شنو..
وضحى/لو اقولك ماتضحك..
خالد/لاماراح اضحك قولي..
وضحى/قبل لانتزوج كنت لمى اشوف اثنين ماسكين ايادي بعض اتنرفز...احسها حركة غبية شنو يعني بيضيعون اذا مامسكوا ايادي بعض؟
خالد بابتسامة/واللحين؟
وضحى بخجل ممزوج بحب/اللحين اموت اذا يدي مالامست يدك!!
شد خالد على يدها وهمس/يابعد قلبي انتي..
وضحى/.....
خالد/الا الصدق ليه ماحبيتي نقول لهم اليوم عن حملك؟
وضحى/مدري كنت ابي اعيش اليوم كله معك؟
خالد/خلاص اجل بكرة نقول لهم,,,
مرت فترة سكون وبعدها قالت...
وضحى/خالد انت كنت تقصد الكلمة اللي قلته لي!!
خالد باندفاع/لاياقلبي صدقيني,,,,عطيني فرصة اشرح لك واقول..
وضحى/لاياخالد انا ماابي نتكلم عن شي فات من حياتنا انا نسيت السالفة كلها بس ابي اعرف اذا كنت تقصدها ولالا؟
بصدق قال/طبعا لا ياحياتي...
وضحى/ريحتني ياخالد..تصدق خفت يجي ها البيبي وتظل شايل عليه واكون انا السبب؟
خالد/شها الكلام انتي عارفة زين غلاتك عندي؟
////////////////////////////////////////////////////////////
الجدة/شنو انتي شكو؟انتي ناسية انك بتصيرين زوجته؟
ام مشعل/أي بس شلون ؟متى جاه الولد وليش ماقال لنا؟
الجد/هذا هو قال؟
مشعل/وكم عمره؟
الجدة/وانت شعليك بالله؟
مشعل/هو مو يبي يتزوج اختي لازم نعرف عنه كل شي؟
الجدة/ياحظي هذا ولد عم امك ماهو غريب عنا؟
الجد/قوم بس يامشعل وافتح المجلس لنواف تراه برى,,,
رفعت عيونها تناظر بجدها لانها من تكلموا بسالفة الولد سرحت عنهم,,,
الجد/وانتي تلبسين عبايتك وتجيني طيران المجلس؟
ياسمين بعصبية/وان شاءالله جاي يعرفني بولده؟
الجد/لا جاي يملك..
طاحت الملعقة من يدها وقالت ام مشعل/شنو؟كذا يملك بدون مقدمات يبى؟
الجد/هو البارح كلمني عن ولده وانا قلت له جيب ولدك وتعال املك البنت ماعندها مانع وتوه كلمني يقول العصر اخذ ولده وكاهو جايب الشيخ وبيملك يعني عندي خبر مو ماعندي؟
ام مشعل/وليه ماقلت لنا يبى الا اللحين؟
///////////////////////////////////////////////////
ام تركي وحصة على التلفون/أي يمه,,,
حصة/وهي شقالت؟
ام تركي/مابعد تكلمنا معها بالسالفة,,
حصة/لمتى عاد؟
ام تركي/توها رادة من ساعتين...
حصة/مو تقولين ابوي موافق يعني رايها لابيودي ولابيجيب؟
ام تركي/أي بس لازم تفهم الموضوع باقتناع مو بااجبار يمه؟
حصة/امممم...والهانم شتسوي؟
تنهدت ام تركي/يايمه لمتى ها الحكي عاد؟
حصة/قولي لاابوي ولااخوي اللي طردوني من البيت علشانها لمتى؟
ام تركي/يايمه نوف برقبتنا ومايصير تحطين لها العداوة؟هاذي بنت عمك ياحصة وبحسبة اختك حرام عليك؟
حصة/يمه هي اللي بتفرقنا؟
ام تركي/يايمه نوف رابية معنا انا وابوك ربيناها وحالها حالكم ليش كذا كارهتها هذا بدل ماتتشفقين عليها لانها يتيمة؟
حصة بقهر/بنشوف وش اخر ها اليتيمة؟
ام تركي/لاحووول..انا قايمة اشوف مشاعل شسوت..مع السلامة يمه
//////////////////////////////////////////////////////////////
في غرفة نورة انطق الباب..
نورة/منو؟
ام سعد/انا..
نورة/دخلي يمه,,,
ام سعد بعد مادخلت/شتسوين؟
نورة/سلامتك قاعدة ارتب دولابي بنطلوني الاسود مدري وينه شاكة انه عند ميشو,,
ام سعد/وين تشوفين والدولاب قايمة فيه حروب؟
نورة/هههههه
ام سعد/ضحكي على خيابتك ياحظي؟
نورة/برتبه يوم الخميس...
ام سعد/كل اسبوع نسمع ها الكلام؟
نورة/فضحتينا عاد يمه..
ام سعد/وبيظل دولاب ملابسك كذا حتى بعد ماتتزوجين...بتفشلينا مع فارس؟
تنهدت نورة وسكتت...
ام سعد/انا طالعة مع خالتك ام فارس بنروح نتشرى اغراض للبيت تجين معنا؟
نورة/مالي خلق اطلع توني رادة من بيت جدي,,
ام سعد/زين تبين شي..
نورة/وين بتروحين؟
ام سعد/يمكن التميمي...
نورة/لابغيت شي بدق عليك...
ام سعد/طيب....تركتها امها وطلعت ورجعت لهمها اللي تحاول تهرب منه(فارس)راحت فتحت لاب توبها من جديد وهو شاغل افكارها ياربي شلون تقنعه انهم مايناسبون بعض شلون؟
////////////////////////////////////////////////////////////
في حديقة بيت ابو تركي..
مشاعل/السلام عليكم,,,
ابو سالم وفواز/وعليكم السلام...
كانت مشاعل متحجبة بس لانها ماتتغطى عن بو سالم اللي بحسبة عمهم وطول يومه معهم ويسافرون ويروحون معه بس يوم شافت فواز دق قلبها وماعرفت شتسوي ..وقف ابوها بسرعة وشال منها الصينية وحطها على الطاولة وتوقعت انه يسحبها من عبايتها ويدخلها بس تفاجاْت فيه يقول لها/يبى مشاعل هذا فواز..خطيبك جاي يسولف معك وتتفاهمون...قعدي يبى وشوفوا متى بتحددون الملكة وانا مع عمك بنروح الخيمة وعشاكم بيوصلكم...
هي وش اللي صدمها بالضبط من كلام ابوهاوخلاها واقفة مكانها ماتدري؟
هي كلمته خطيبك اللي صدمتها وجمدتها ولاسولفوا مع بعض وتفاهموا ولاحددوا موعد الملكة ولاشنو بالضبط؟رجعها للواقع فواز اللي وقف قبالها يناديها,,
////////////////////////////////////////////////////////////
لؤلؤة نزلت لمستواه وقالت/شسمك؟
احمد..
لؤلؤة/مشاءالله شكلك شاطر...
احمد/طبعا,,
ابتسمت لؤلؤة/في هاذي تشبه ابوك...
احمد/انتي منو؟
لؤلؤة/انا عمة لؤلؤة..
احمد/في هنا عيال قدي..
لؤلؤة/لا
احمد/اوووف انا وين مااروح مافي عيال كبري حتى خالاتي ماعندهم غير بنات
لؤلؤة/احمد....شلون الماما؟
احمد/مو طيبة,,,,
لؤلؤة/ليه؟
احمد/مو قايل لك
لؤلؤة/ليش عاد انا عمتك...
احمد/اذا انتي عمتي قولي لي متى بتجي امي تعيش هنا معي؟
لؤلؤة/ليش امك بتجي تعيش هنا؟
احمد/أي
لؤلؤة/منو قال لك..ابوك؟
احمد/لا هي قالت لي...
لؤلؤة/والله مدري ابوك محد يدري عن اللي بيسويه ولايفكر فيه اذا رد اساْله
احمد/هو وين راح؟
لؤلؤة/مدري قال عنده مشوار بيقضيه وبيرجع
احمد/انتي وين قايمة؟
لؤلؤة/بدق على عمتك وضحى تجي تشوفك؟
احمد/مافي احد غيرك بالبيت
لؤلؤة/لا
احمد بدى يبكي/انا ابي ارد لاامي...
/////////////////////////////////////////////////// | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 20:36 | |
| ********************************************
البارت العشرين,,,,
////////////////////////////////////
جاي يملك عليها الليلة!!!وبها الوقت؟؟وش ها الوقاحة اللي فيه؟؟
يمكن اني مو موافقة ليه بعد جايب معه الشيخ وجاي!!
كله منك ياجدي انت اللي قلت له اني موافقة وبعتني برخيص وصغرتني بعيونه وماعاد اهتم بشي!!
لا,,نواف جاي يرد لي موقفي وحركتي معه بالراشد قبل يومين انا اعرفه..هذا مو صاحي..زماعرف يرد لي الحركة الا بملكتنا!!!احد يجاكر احد يملك عليه؟مستحيل انا ماابيه لو شيصير ماابيه..اكرهه كره الموت,,,
ياسمين,,,ياسمين...رفعت راسها ولقت جدها يناظرها بغضب انتي مالبستي عبايتك للحين؟
بتردد قالت /جدي,,
الجد/شنو؟
ياسمين/انا ماابيه..
الجد/مو بكيفك الشيخ ينتظر..
ياسمين بهدوء مايناسب الموقف/أي بس انا مو موافقة ؟
الجد/لاترفعيت ضغطي وامشي معي بسرعة ترى نواف مستعجل وراه مشاوير,,,
فتحت عيونها على وسعها ونزلوا دموعها وقالت بغصة/وليش جاي يملك مدامه مستعجل ها الكثر؟؟؟ ////////////////////////////////////////////////////////////////
فواز وهو يناظرها/تفضلي اجلسي...
مشاعل وعيونها بالارض وهي بين الحياة والموت قالت بصوت مخنوق وماينسمع/ها..
فواز/علامك ليه خايفة مني كذا!!
مشاعل/........
فواز/انا قايل لعمي بو تركي اني بشوفك وبسولف معك ولامستكثرة علينا شوفتك؟
مشاعل/..........
فواز/يوم انه قال لي انك موافقة قلت فرصة نقعد مع بعض ونحدد موعد الملكة وش رايك؟
كلمته صدمتها بس مع ذلك مارفعت راسها ..وش يعني ابوها قال له انها موافقة؟؟؟هي يادوب البارحة انعطت خبر بالسالفة!!!!لايبى تكفى لاتسويها فيني...
فواز بمرح/مشاعل والله دريت انك تستحين خلاص طار علينا الوقت واحنا مابعد قلنا شي؟
////////////////////////////////////////////////////
شعارها في الحياة انها ماتفقد الامل ابدا مهما كانت الظروف...
اصرارها على انها توصل له رفضها ماينوصف...فارس ها الانسان اللي بحياتها ماشافته واللي دايم اذا تكلموا عنه يرفعون مقداره للسماء واللي اقحموه حياتها بدون موافقتها...
عندها خيارين...يا ان فارس مايرد من دبي ويظل هناك علطول وترتاح من كابوسه الثقيل بحياتها وها الشي هي ماتقدر عليه ولافي يدها انها توصل؟؟ ولا انه يرفضها بنفسه وها الشي اللي لازم تحققه..لازم تفهم فارس من هناك ان نورة ماهي نصيبه...؟؟
بقمة قهرها ارسلت له(ليش ماعجبك موضوع فارس ونورة..اعتبره جاي من فاعل خير قبل لايطيح الفاس بالراس)كان عندها حلم ولاامل انه يرد عليها اللحين بس شكلها بتطول كثير على ماتسمع رده واجابته؟
//////////////////////////////////////////////////////////
ماتدري على أي اساس وقعت عقد الزواج وقالت موافقة وهي رافضته من الاساس!!!هل لانها لازم تقول كذا وتجاري الكل؟ولاعلشان جدها اللي واقف فوق راسها ونظراته اللي مافهمت معناها ؟ولا لانها تبي توقف تصرفات نواف الطايشة معها لحدها ومابيصير ها الشي الا اذا كانوا قراب من بعض؟؟
كل اللي عرفته بعد ماعطت جدها الدفتر ان الشيخ قال مبروك ودخل المجلس وانها مشت موعارفة وين تروح وكاْنها مسيرة وناداها جدها...لفت له بدون ماتتكلم...
الجد/شيلي عبايتك..
ها.../قالتها بتلبم ..
الجد/اقولك شيلي عبايتك وشيلتك؟
شالتهم وهي موعارفة وش يفكر فيه جدها..
اخذهم منها وقال/ادخلي سلمي على نواف قبل لايمشي...وانا بروح انادي على امك قايل بيسلم عليها...
بصدمة قالت وهي تناظر شكلها/جدي شنو يعني ادخل اسلم عليه؟؟
الجد/شفيها..
ياسمين/فيها اني مو لابسة ولامتجهزة!!انت مو من صدقك ياجدي؟؟انا قاعدة اتعشى تقولي قومي املكي الرجال بالمجلس لاودخلي سلمي عليه بعد!!
جاها صوت نواف الواثق من وراها/وان شاءالله تبين يعطونك خبر مسبق؟؟
دق قلبها بقوة من صوته وتذكرت موقفهم قبل يومين وحست ان الدم بعروقها...
نواف/ماتردي؟
لفت له ولقته متسند على باب المجلس بهدوء,,,
/////////////////////////////////////////////////////
وضحى وهي تتاْمله/قلت لي اسمك احمد؟
احمد/اووف كم مرة ساْلتيني؟
خالد/ووجع ان شاءالله هاذي عمتك كلمها عدل؟
وضحى/ماعليه ياخالد لاتصارخ عليه؟
خالد/ماتشوفينه كيف يتاْفف وهو يكلمك؟
احمد/انت منو؟
خالد/انا ياطويل العمر ولد عم ابوك وزوج عمتك...
احمد/يعني ساكن هنا؟
خالد/لا..بس بتشوفني كثير...
وضحى/انت بالروضة صح؟
احمد/أي..
وضحى/شرايك انا وانت نصير ربع واصحاب؟
احمد*/اختاري ياانتي ياعمتي لؤلؤة مايصير كلنا ربع؟
خالد/ابوك وينه عنك؟
احمد/قال بيروح شوي وبيرد...
خالد/منت هين ياحميدان لسانك شطوله؟
وضحى بتاْنيب/خالد!!
خالد/من اللحين اقولك ولدي وليد مالك شغل فيه ولاتكلمه بعد فهمت؟
وضحى بنفس التاْنيب/خالد؟
//////////////////////////////////////////////////////
كان عارف ان مشاعل مو هني بس هاذي فرصة ماتعوض علشان يسولف مع نوف اللي فقد وجودها من الامس كل ماحس بنار بصدره وطلع من غرفته وتسمر قدام غرفتها.,..كذا حاله بمجرد تنام في بيت جده ولابيت خالته مايقدر يستقر,,,
تنهد بهدوءوطق باب غرفتها ووقف على جنب ..بعد ثواني فتحت له الباب وابتسمت,,,
نوف/هلا وغلا شلونك؟
تركي/انتي شلونك؟
نوف/دامك بخير كلنا بخير...
تركي/مشاعل ركبت ولابعدها في الاختبار؟
نوف/اختبار؟؟أي اختبار..عمي قايل لها تودي الشاي له و..
قاطعها تركي وهو يغمز بعيونه/وماغطت فترة طويلة؟
نوف بحرج/شويات...
تركي/يبى هذا فواز يبي يشوفها..
رفعت راسها بسرعة وقالت/اللي متقدم لها؟
تركي/لايابابا عند ابو تركي خلاص هذا زوجها ويمكن سمى عيالهم بعد!!
نوف/تدري ياتركي عمي يخوف من ها الناحية؟
قال بحدة/لاتطمني الا انتي يانوف؟
نوف بذهول/الا انا شنو ياتركي؟
////////////////////////////////////////////////////////////////
انتظرت يمكن مو كثير بس بالنسبة لنورة حست انها انتظرت نص عمرها لين فكر يرسل لها(خل فعل الخير لغيري ولاتجيبوا سيرة الغالية..انا لها وهي لي وماهميتوني بللي بتقولونه ياعواذل)
ماتدري ذيك اللحظات هي بكت من شنو في رده بالضبط؟؟
جاها احباط قوي من رده ..لامستحيل لاتصعبها اكثر...كتبت له بسرعة(وانت ترضى تتزوج وحدة ماتحبك)رد عليها(عواذل شبقول غير ها الكلمة؟؟)
نورة بسرعة(انا وحدة من قرايبك واعرفها زين اصلا كل البنات اللي بالجامعة يعرفون قصة حبها لخالد)ماتدري ليش حطت اسم خالد بالذات؟؟يمكن لانها فعلا تحب خالها وهو دايم في بالها بس ها المرة من جد انصدت من رده لها(هههه مو انتي اكيد وحدة من بنات عمي ولامن بنات خالي وحاطة عينك عليّ وتبيني اخذك وتبين تخربين صورتها في بالي...اقول سمعي تراها اشرف كل ها البنات اللي بالعالم وابشرك انا راضي عن حبها لخالد..اصحي يابابا هذا خالها واكيد بتحبه)
مو معقول انت يافارس والله مو معقول؟؟؟؟حتى علاقتي بخالد تعرفها؟؟وش اللي ماتعرفه عني بس!!
///////////////////////////////////////////////////////////// | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 20:50 | |
| البارت الواحد والعشرين,,,
//////////////////////////////////////////
حست انها انحرجت يوم انه جلس وظلت هي واقفة وهو يعاينها بعينه,,,اخذت بعضها وجلست بعيد عنه..
فواز/انا يشرفني ارتبط بوحدة من بنات الحربي,,,
مشاعل/.........
فواز/الا يامشاعل كلهم حلوين مثلك ولاانتي احلاهم؟
ماتدري وش قالت له لانه صوتها كان واطي بس يوم رجع سالها عن اللي قالته قالت له/تسلم...
بهمس قال لها فواز/شكلك ناعمة حييل وبتذوبيني معك؟
هي من الاساس كان راسها بالارض وقال لها ها الكلمة مارفعته اصلا!!
بجدية قال لها فواز/انا يامشاعل يتيم ماعندي ام ولااب وعلاقتي مع خوالي افضل من عمامي بحكم الورث والحلال,,,عندي شركة مقاولات عامة ومصنع بلاستيك توه في البداية واطق طق بالاراضي من هنا ومن هنا..
مشاعل/مشاءالله الله يزيدك من خيره...
فواز/تسلمين....وانتي؟
مشاعل/انا شنو؟
فواز/كلميني عنك...عن حياتك..دراستك..اسئليني عن أي شي ؟
مشاعل ببكي/انا؟
قال لها فواز وهو يضحك/لاتموتيني يامشاعل..
مشاعل/.....
تنهد فواز وقال لها/مشاعل..حلواسمك كثير,,
/////////////////////////////////////////////////////////
دموعها كانت بطرف عينها بس ماقدرت تبكي مو مصدقة اللي قاعد يصير لها ابدا!!شنو يعني ملكت وصارت زوجته؟وشنو يعني انه يكلمها بها الطريقة وقدام جدها بعد!!!
كانت منزلة راسها بالارض تتاْمل بشكلها ..كانت لابسة برمودا فوشي وبلوزة سودة طويلة ومخصرة ورافعة شعرها كله بشريط فوشي..كان شكلها مرة عادي وماهي متوقعة ملكة ولاهم يحزنون؟؟بس هذا مامنعها انها ترفع راسها بتحدي علشان لايفكر انها مستحية من نفسها وانها تبي تروح تتكشخ له لانه مايستاهل!!
نواف/اكلمك انا!!
بتاْفف قالت وبدون ماتلف له/خير,,,
الجد/انا بروح انادي بنت عمك يابو احمد روح استريح بالمجلس؟
مشى الجد وقال لها بصوته المعتاد/تعالي قهويني؟
ياسمين بتحدي وهي لسه واقفة بمكانها/البيت بيتك منت غريب ,,
نواف/ياسلاااام؟
ياسمين بنفس التحدي/مو على بالك ان احنا ملكنا يعني بصير لك صبابة قهوة؟
قال بهدوء مايناسبه/من قال عاد صبابة قهوة؟انتي بتخدميني بكل شي مو بس تصبين لي قهوة؟
قالت بقهر/صحيح مبروك على الولد ..الا هو من ريم ولامن غيرها؟
قالتها ومشت بسرعة بدون ماتلف للبراكين اللي فجرتها..؟
//////////////////////////////////////////////////////////////
في شقة خالد,,,
وضحى/مو قادرة انام؟
خالد/متعبك البيبي؟
وضحى/لا...بس تعال انت وش سالفتك مع وليد كل خمس ونطيت لي وليد ووليد؟
خالد/يبى معروفة انا من الصغر يسموني ابو وليد؟
وضحى/ياسلاام وانا مالي راي يعني؟
خالد/لك الراي بكل شي الا بوليد؟
وضحى/واذا جت بنت؟
خالد/انتي سميها بس انا ابي دانة؟
وضحى/حلوة ذي انتي سميها وانا ابي دانة؟
خالد/ههههه
وضحى/نواف مقفل جواله صار لي ساعة ادق له؟
خالد/نواف في بيتنا...
وضحى/ليه؟
خالد/مدري بس مشعل قال لي انه هناك ليه غريبة يروح بيت عمه؟
وضحى/لامو غريبة بس توه جايب ولده وحتى ماقعد معه شوي؟وش ها الموضوع اللي يبي عمي فيه وماقدر ياْجله لبكرة؟
//////////////////////////////////////////////////////
نوف/ماقلت لي الا انا شنو ياتركي؟
تركي بثقة قال/انتي تختارين وتقررين وكلنا تحت امرك يانوف؟
قالت بحدة/تصدق ياتركي ساعات اذا عطيتني فوق اهميتي زيادة احس ودي ابكي من ها الشفقة؟
فتح عيونه متفاجاْ من كلمتها وتقرب منها وهمس وهو وجها في وجهها/لايانوف لايالغالية لاتفكرين كذا ابدا..انا تركي يانوف؟
قالت بغصة/ولانك تركي ماودي افكر انك قاعد تتشفق عليّ؟
قال لها بعد تنهيدة/الله لايبين غلاتك يانوف..
قالت بعد ماحست ان الموضوع بداْ يتكهرب بينهم/الا شسالفة فواز ياتركي وش يبي؟
تركي/ذكرتيني بروح اخرب عليهم...
ابتسمت له وقالت/اول مرة ادري عنك مغثة؟
تركي/ياسلاام ترىاذا على ابوي ويقوله فواز بطلع معها مابيقول لا ابدا!!
نوف بسخرية/خلها تطلع معه تغير جو؟
تركي بغيرة/علشان اذبحك انتي مو هي؟
نوف وهي تضحك/وانا شكو هي تطلع وتنبسط وانا اللي انذبح والله حرام عليك ياتركي؟
///////////////////////////////////////////////////////////
ام مشعل بصدمة/بعد اسبوع!!!ليه كذا يانواف عاد؟
قال بربكة/لاني مستعجل يابنت عمي..
ام مشعل/أي بس اسبوع قصير ومايمدينا نسوي فيه أي شي..
نواف/يمدينا نحجز الفندق اللي هي تبيه والفر..
قاطعته ام مشعل/وجهازها؟
نواف/بنت عمي لاتعكرينها عاد السوق ماهو بعيد وكل يوم تطلع تشتري اللي تبيه؟
ام مشعل/لايمه اسبوع حيل قصير مايمدي حتى نعزم احد؟
نواف/يعني متى؟
ام مشعل/انت مستعجل يانواف؟
نواف/حيييل يابنت عمي فوق ماتتصورين!!
ياسمين كانت برى المجلس وتسمع كلامهم وقالت بقهر/مالت عليك!!قال مستعجل حييل..ادري فيه بيرد لي كل كلمة قلتها!!ياربي ان شاءالله امي تاْجل اربعة ولاخمسة شهور ؟
/////////////////////////////////////////////////////////////////
مشاعل/في اغلب الاحيان انا راعية مقالب..
فواز/حلو انا مااحب الجدية كثير احب المرح والفرفشة بس تراني وقت الجد جد وماالعب؟
مشاعل/امممم..
فواز/كم باقي لك تخلصين جامعتك؟
مشاعل/ثلاث سنين..
فواز/يوه..مشوار يعني؟
مشاعل/.........
فواز/امانة تبين تكملين ولابس كلام ؟
مشاعل/....
فواز/طيب شنو بعد الاشياء اللي تحبينها؟
مشاعل/...........
فواز/مشاعل تكلمي لاتظلين ساكتة؟كل اللي قلتيه مايجي اربع كلمات وسكتي؟
بروحها من قعدت حست بنيران شابة في كل ضلوعها وكل شوي تضغط على نفسها بس بالاخير انهارت وقامت تبكي....
فواز بخوف شديد/مشاعل وش فيك؟ليه تبكين؟
مشاعل وهي تمسح دموعها ومتفشلة من نفسها/ابي اقوم الله يخليك...
ابتسم لشكلها المرتبك وقال/طيب فيني اكلمك بالتلفون لو ماعندك مانع طبعا بعد اذن الوالد؟
/////////////////////////////////////////////////////
وحده فارس كان قاعد ورى مكتبه وهو شارد...شي واحد بس يبي يوصل له..منهي؟؟؟منهي ها الانسانة الحقيرة اللي تبي تفرق بيني وبين حلم الشرقية اللي انا من زمان انتظره واحلم فيه(كان يقصد نورة بحلمه)
معقول في ناس بها المستوى عايشين ؟؟شي مالهم فيه ليش يتدخلون؟؟؟ ليش يجيبون بسيرة حبيبته اللي ماشافها بحياته ولاسمع صوتها؟ليه يبون يشوهون سمعتها واسمها!!بس وين يروحون منك يافارس وين!!انت لهم بس خلها تطيح في يدي وقسم لااربيها زين ها الحقيرة؟
//////////////////////////////////////////////////
وش تعليقاتكم على الاحداث وعلى اللي جاي,,
**انتي كنتي عارفة وماقلتيلي؟
**امسك هاذي عدة جميلة؟؟ومنهي جميلة بعد؟
**مشاءالله أي رقم يدق عليك تردين عليه؟ | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 20:58 | |
| البارت الثاني والعشرين,,,
//////////////////////////////////////
ياربي شسوي انا؟ليه فارس يرد عليّ كذا!!معقولة اللي قاعد يصير,,,انا ماتوقعت السالفة بتكون بها السوء ابدا؟
يعني كل اللي توقعته اني ارسله وهو بيقول....بيقول...شنو بيقول يانورة؟
لحظة لحظة انا اصلا ماحطيت في بالي هو شنو ممكن تكون ردة فعله!!كل اللي فكرت فيه اني بعطيه خبر وبس,,,
بس اهم شي بالسالفة غاب عن بالي...ردة فعل فارس ؟؟؟واللي موقادرة اتخيل انه يدافع عني ومتمسك براْيه فيني!!بس لحظة يانورة لو يطلع هذا مجرد كلام بس من فارس يجاريني فيه وهو بالاساس مو طايق سيرتي ولا حتى مايدري انه لي وان اهلنا خاطبينا لبعض وقاعد يتسلي؟؟انا كيف غابت هاذي عني كيف؟؟
///////////////////////////////////////////////////////
دخلت مشاعل غرفتها بسرعة وهي تتنفس بقوة ونوف تناظرها وتبتسم وقامت عطتها مويه..
نوف/امسكي شربي..
مشاعل شربت المويه دفعة وحدة وبعدها تتنفس بقوة...
نوف/هدي هدي علامك..
مشاعل بذهول/مابتصدقين يانوف؟
نوف ببتسامة/لا..مصدقة..
ناظرتها مشاعل بتساؤل/وش اللي مصدقته؟
نوف/انك كنتي مع فواز؟
اعتدلت مشاعل بقعدتها وقالت /انتي كنتي عارفة وماقلتيلي؟
نوف بدفاع/لاوالله موعارفة بس توه تركي جاي يساْل عنك وهو قال لي..
مشاعل ببكي/ياربي بطني يعورني مو قادرة...
نوف تقربت من مشاعل وقالت بضحكة وهي تحط يدها على جبين مشاعل/يوه..ولحقتي تصخني بعد وترتفع درجة حرارتك علينا!!
///////////////////////////////////////////////////
وقفت لؤلؤة وقالت بصدمة/شنو؟
نواف بلامبالاة/اللي سمعتيه؟
لؤلؤة/مستحيل؟
نواف/شنو اللي مستحيل؟
لؤلؤة بصدمة/انت متاْكد انك ملكت على ياسمين؟
بثقة قال/أي...
لؤلؤة/طيب كيف ومتى؟
نواف/قبل شوي كنت في بيت عمي وخلصنا..
لؤلؤة/نواف وش اللي صار؟
نواف/ولاشي...
لؤلؤة/طيب ليه ملكت كذا على السريع وبدون ماتقول لنا؟
نواف بلف ودوران/بس..يوم جبت احمد حسيت انه لازمه ام تربيه؟
لؤلؤة/وها الام طبعا ياسمين؟
نواف بثقة/طبعا..
لؤلؤة/ومافكرت ان البنت وراها دراسة مابعد خلصتها وماهي فاضية حق ها الولد؟
نواف/ماراح تكمل دراستها؟
لؤلؤة بعد سكوت/هي قالت كذا؟
نواف/لا..
لؤلؤة/......
نواف/انا اللي اقول وهي عليها بس التنفيذ؟؟
////////////////////////////////////////////////////////
يوم ثاني الصباح..
سعد/علامك متاْزم كذا وليه احنا متخبين هنا؟
مشعل بقهر/البارحة جدي ملكّ ياسمين على نواف..
سعد/أي وبعدين؟
مشعل بضيق/هي ماتبيه اصلا وهو مااخذ رايها؟
سعد/واحنا ليه هنا علشان نهدد جدي؟
مشعل/لا..علشان نجيب له جلطة قلبية ونرتاح منه ومن تصرفاه اللي تغث؟
سعد/شورك وهداية الله...
مشعل/العدة عندك؟
سعد/أي عدة؟
مشعل/عدة جميلة؟
سعد/منهي هاذي؟
مشعل/جدة صاحبي علامك مو مركز معي؟
سعد/اها...سميتها جميلة يعني..طب ليه ماعطيتني خبر باسمها من قبل؟
مشعل/جاك العلم اللحين...يالله البس بسرعة علشان نبلش ..
سعد/في خطة ولابنرتجل الموقف كا العادة؟
مشعل/مخي قافل كل همي انه يموت وبس!!
//////////////////////////////////////////////////////
في ستار بكس ابن خلدون...
نوف/ياسلاام...ورى ماخليتونا نداوم اليوم عسى ماشر؟
نورة/انتوا قايلين ان عندكم البارحة سالفة؟
نوف/أي بس مولدرجة ان احنا مانداوم عادي تنقال واحنا بالجامعة؟
ياسمين بهدوء/انا كنت ابيكم تطلعون لان عندي شي اقوله بس عطونا سالفتكم بالاول؟
مشاعل/وانتي ليه مكشرة كذا؟
ياسمين/قولوا انتوا بالاول؟
نوف/البارحة الاخت قعدت مع فواز؟
نورة/أي فواز؟
نوف/فواز السديري..
نورة/من صدقك انتي اللي خاطبها...
نوف/أي...
بعد بعد..قليلة الحيا؟
مشاعل/جلسة شرعية بموافقة ابوي ..
دق جوال ياسمين وناظرت بالرقم وقالت/بنات هذا رقم نواف؟
مشاعل/وش دراك؟
نورة/تكلمون بعض من ورانا؟
نوف/افا بس ماهقيتها منك ياياسمين؟
ياسمين بعصبية/مالي خلقكم انتوا بعد!!!انا حافظة رقمه مثل اسمي,,,
مشاعل/طيب وش يبي؟
///////////////////////////////////////////
خالد/صباح الورد..
وضحى بنعس/هاذي رابع مرة ياخالد من رحت الدوام وانت تتصل وتقول نفس الجملة؟
خالد/افا...
وضحى بنفس النعس/اخلص وش تبي ...يااخي طيرت النوم من عيني؟
خالد/سلامتك ماابي شي بس قلت بساءلك اشتهيتي شي اجيبه لك؟
وضحى/لا..
خالد بروقان/ولافي خاطرك شي؟
وضحى بنفاذ صبر/لا...
خالد/طيب ولاتبين تروحين مكان؟
بحدة قالت/لا...
خالد/أي بس لازم تقولين لي وماتسكتين ترى يصير في وليد شي؟
وضحى بترجي/خالد خليني انام وارتاح...
خالد/طيب لاتنسين العشى الليلة؟
وضحى/انا بدق عليهم بعزمهم تطمن...
خالد/اذا في تعب عليك انا اكلمهم؟
وضحى/لاحبيبي صدقني مافي تعب بس تكفى اتركني انام واريح شوي ورانا سهرة الليلة والبارحة ماقصرت انت!!
خالد/هذا جزاة اللي يبي يتطمن عليك ..
وضحى/تسلم حبيبي ادري فيك بس اذا طرى شي على بالي بدق لك لاتخاف يعني لمنو باروح غيرك؟
خالد بقهر/بصراحة هذا جزء من الحقيقة اني اشوفك اذا تبين شي والجزء الثاني هو انك نايمة ومرتاحة ومحد بيصحيك من نومك وانا قاعد هنا وحدي نعسان ومتكسر فقلت لازم اخرب عليك؟
وضحى/ياسلاااام يعني هاذي نيتك يابو نية سودة طيب زين,
//////////////////////////////////////////////////
ياسمين/ششش برد عليه..
نورة/تردين شتقولين؟
اشرت لهم يسكتوا وحطته سبيكر ليش ماتدري بس يمكن تبي تبين لهم ان فعلا نواف هو اللي يبدي مجاكره معها مو هي,,,
بجفاء قالت/نعم؟؟
نواف/مشاءالله واي رقم يدق عليك تردين عليه؟
ناظروا البنات في بعض..
ياسمين/مايحتاج ادري انه رقمك؟
نواف/وليه تعرفين رقمي؟
ياسمين/كيفي لك عندي شي؟
نواف/وينك؟
ياسمين/وليش تساْل؟
نواف/باْذن من منو رحتي الجامعة ان شاءالله؟
ناظروا البنات في ياسمين بذهول وهم مو عارفين شيقصد..
ياسمين/وخيران شاءالله؟
نواف/اعتقد طلعتك من البيت صار لازم تكون باْذني ولاانا غلطان؟
ياسمين/شوف عاد..من هنا لين اصير في بيتك يحلها الف حلال اللحين مالك شغل فيني ومع الف سلامة انا بالجامعة...
اول ماسكرت الجوال...
نوف/وش صاير؟
نورة/هذ شقاعد يقول وليه؟
ياسمين/بنات...
مشاعل/شفيك؟
رفعت راسها ودموعها بعينها وقالت/البارحة انا ونواف ملكنا؟
/////////////////////////////////////////////////// | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 21:08 | |
| ///////////////////////////////////////////////////////////////////////////////////////////////////////
البارت الثالث والعشرين,,,,
///////////////////////////////////////////
طلع سعد عند الباب الخارجي مثل مااتفقوا بدون مايشوفه الجد اللي كان قاعد بالحوش وبس طلع ووقف عند الباب من برى لبس العباية والبرقع بسرعة بعد ماتكحل وصار شكله تحفة ورش روحه بالعطر من فوق لتحت ودق جرس الباب ومسك الشنطة في يده وبعد ثواني انفتح الباب..
الجد وهو متبلم/هلاوغلا...
سعد مسوي مستحي/هلا بالغالي وشلونك,,
الجد/بخير ياطويلة العمر...
سعد/اقول عسى ماازعجتك بس!!!
الجد بسرعة/لالالالالا ماازعجتيني تفضلي..
سعد/مشعل هني لو بالمدرسة؟
الجد/ها...مدري والله ؟
سعد/اذا شفته قوله يمرني ضروري عاوزة منه حاجات يعملها؟
الجد/ها؟؟؟
سعد في نفسه(يوه قمت اخورها واتكلم مصري؟؟؟؟؟)خلاص انا ماشية امانة برقبتك يالحبيب تقوله يمرني ابيه ضروري قوله جميلة ساْلت عنك؟.
////////////////////////////////////////////////
راشد بحقد/اشوفك طاير من الفرحة؟
رفع فواز راسه وشاف راشد جنب الباب وقال بقوة/الناس تسلم بالاول؟
دخل راشد وهو يقول/فرحنا معك؟
فواز/سلامتك؟
راشد باصرار/والضحكة اللي شاقة الحلق من الشق للشق وانت قاعد بروحك وها الابتسامات اللي لها داعي ومالهالشنو بالله؟انا صار لي زمان واقف واناظرك يافواز؟
فواز/والواحد مايضحك؟
راشد/أي ماقلنا شي بس مو يضحك بينه وبين نفسه بدون اسباب؟
فواز/............
راشد/شكلها العروس وافقت ؟
زادت ضحكة فواز بها اللحظات وهو متذكر شكل مشاعل البارحة وارتباكها وبكيها بالنهاية بس ماعلق بشي...
راشد باصرار/يعني هي بالسالفة؟
فواز وهو يلف ويدور/ماعلينا...
راشد/من بنته؟
فواز بقوة/بنت ناس اوادم وقلت لك من قبل هي من بنته؟
//////////////////////////////////////////////////////
ام تركي/زين انكم مارحتوا دواماتكم للحين؟
عبدالله/خير يمه في شي؟
ام تركي/أي في..
تركي/شصاير يمه؟
ام تركي/سلامتكم..بس كنا انا وابوكم البارح نتكلم عن فواز ومشاعل؟
تركي/خير في شي؟
ام تركي/لايمه مافي شي بس كنا نقول البنات كبروا وصاروا يطلعون من البيت...
عبدالله/طيب يمه هذا شي طبيعي البنت مالها الا بيت زوجها بالنهاية؟
ام تركي بغمز/أي والبديل؟
عبدالله/انا عليّ جاهز؟
ام تركي/وانت ياتركي؟
تركي/..........
ام تركي/قول شي...
عبدالله/تراك واقف بطريق عزوبيتي..
تركي بعد تنهيدة/عطوني كم يوم افكر فيهم..
عبدالله بغمز/يعني تضبط امورك معها؟
ام تركي/تسنع عن ولدي ياعبيد ولدي الثقل كله ومايهزونه بنات الكون كلهم؟
//////////////////////////////////////////
احمد/انتي ماتروحين مدرسة؟
لؤلؤة/انا بالجامعة؟
احمد/وليه مارحتي؟
لؤلؤة/علشان اقعد معك؟
ومن قال لك قعدي عنده؟
لفوا اثنينهم لصوت نواف..
لؤلؤة/ومع منو بيقعد والله؟
نواف بلامبالاة/مع الشغالة...
لؤلؤة بشوية حدة/واللي يعافيك اسكت قال مع الشغالة؟
نواف/وانت ليه مانمت البارح ؟لؤلؤة/سمعت صراخه؟
نواف/ليش في احد ماسمع صراخه حضرته؟
لؤلؤة/الحق معك يانواف..اربع سنين مايشوفنا ولايعرفنا وبعصرية وليلية تعال نم معنا؟
نواف/مو قدامه ها الحكي يالؤلؤة؟
لؤلؤة بعصبية/وبعدين وين اغراضه ؟
نواف/مااخذتهم؟
لؤلؤة/ليه؟وش البسه انا ماتقولي؟
نواف/شي فيه ريحة ريم ولامن اختيارها ماابيه يطب ها البيت؟
احمد ببراْة/ريم امي؟
نواف بنرفزة/لاجدتك؟
احمد بنفس البراْة/لا جدتي مااسمها ريم جدتي اسمها شيخة امي اسمها ريم....
لؤلؤة/والحل يانواف انت جايبه مامعه ولاشي؟
نواف/هذا انا جاي اخذك السوق شوفي له الاشياء الضرورية لين تجي ياسمي...
لؤلؤة/وليش قطعت اسمها كمله...ياسمين...
نواف/........
لؤلؤة/على فكرة احنا الليلة معزومين عند وضحى وخالد واكيد بتشوفها؟
نواف/ليه؟
لؤلؤة/علشان حملها خالد الليلة بيعزم خواته ويقول لهم لانهم مايدرون يعني بالعربي سوي نفسك ماتدري...
احمد/بابا متى بتاْخذني عند امي؟
نواف بحدة/ماراح تروح عندها؟
احمد فتح اذاعته وقام يبكي/أي بس انت امس قلت لي باخذك مشوار وبعدين بردك بيت الماما ريم؟
نواف وهو ييوقف/كنت ابيك تركب معي ويوم انك جيت شيل من بالك ترد لاامك؟
//////////////////////////////////////////////
مشعل من ورى جده/انت منو تكلم ياجدي؟
لف له الجد بسرعة/مشيعل انت هنا؟
مشعل/ووين تبيني اروح يعني؟
الجد/فكرتك بالمدرسة؟
مشعل/مارحت ضايق خلقي على اختي؟قالها بقوة وبتشديد,,,
الجد/توها كانت هنا تساْل عنك....
مشعل بغباء/منهي؟
الجد/جميلة؟
مشعل بتمثيل انه معصب/تروح بللي مايردها...
الجد بعصبية/اقولك تبيك ضروري قوم نروح وش فيها؟
مشعل/اقولك مالي خلق شي ضايق خلقي على اختي!!تنطق ها الجميلة هي وولد ولدها قطع؟
الجد/أي اخت انت بعد اللي ضايق خلقك عليها قوم يامشعل خل نروح واللي يسلمك؟
مشعل بنحاسة/مورايح مكان وانا مزاجي متعكر؟
الجد بترجي/تكفى طلبتك...زين عطني رقمها ادق عليها ...اشوف شتبي منك؟
مشعل كان داق بوز وساكت والجد يترجاه وهو ماكاْنه يسمع....
الجد بنفاذ صبر/طيب وش تبي انت اللحين داق لي ها البوز وزعلان؟اخلص عليّ تراها قالت لي يالحبيب؟يعني هي تبيني قوم نكلمها ترى احسن من ها الفرصة مابنلقى علشان نتقدم لها ونطلب يدها من حفيدها؟
مشعل بحدة/مو قبل ما نواف يطلق ياسمين لانها ماتبيه ؟؟؟
/////////////////////////////////////////////////
الليل بشقة خالد...
نوف/الف الف مبروك....
وضحى/الله يبارك فيك ياقلبي ويالله عقبالكم...
نوف بمرح/امين يارب...
مشاعل بعد قالت بصوت عالي وبمرحها المعتاد/اميييييييييييييين..ان شاءالله حقي توصل قبل حق نوف؟
خالد/ها مشاعل قلتي امين بسرعة وبقوة شكله فواز مستعجل؟
ههههههههههههههه
مشعل باحراج/لاتحرجوني واللي يعافيكم ترى بطني يعورني مرة؟
خالد/اقول وخروا عن مرتي بس تراها محتاجة اكسجين مضاعف؟
نورة/وانت ليه قاعد ان شاءالله ماتدري عن نفسك تسحب كل الاكسجين اذا قعدت بمكان؟
ام مشعل/يالله عاد كل شي الا الغالي خالد مانرضى عليه؟
ام سعد/ها الله ها الله بوضحى ياخالد مانوصيك؟
وضحى بمرح/لاوصيه يابنت عمي تكفين ولاماتعرفين اخوك يعني؟
الجدة ام خالد/وضحى حرام عليك ولدي قمر شحليله مافي منه اثنين؟
ياسمين/وضحى هذا منو؟(كانت عارفة انه اكيد بيكون ولد نواف بس حبت تلفت الانتباه له)
وضحى/هذا احمد......تعال سلم على خالة ياسمين...
نواف/احم احم احم....
الجدة ام خالد/ادخل يمه نواف ادخل...تغطوا يابنات بسرعة؟
نواف/السلام عليكم...
ام سعد/هلا وغلا شلونك يانواف..
نواف/هلا ام سعد انتي شلونك...
ام سعد/بخير...
ام تركي/وينك من زمان ماشفناك ياحافظ؟
نواف/والله هنا وهنا...الا الكل يبارك لخالد وانا محد بارك لي (تعمد يقولها وهو يشوف ياسمين تناظره وتناظر ولده)
ام سعد/توها ام مشعل تقول لنا والله مادرينا يانواف؟
ام تركي/وانت ياحافظ ليه كذا الملكة سكاتي؟
نواف/ماعليه فرحوا ورقصوا بالعرس لين تشبعون..
وضحى/من اللحين مافي عرس قبل عشرة شهور لين اولد واقوم بالسلامة واسترد لياقتي؟
ياسمين بسرعة/غالي والطلب رخيص واذا تبين بعد لين يكبر ولدك شوي بعد مافي مانع اهم شي تكونين مرتاحة...
نواف وهو يناظرياسمين ويكلم وضحى/ا قول مانبي نكلف عليك نهاية الشهر الجاي اذا مو هذا الشهر بنتزوج؟
وضحى/شوف النحيس؟
هههههههههه
ام تركي/لايمه مايمدينا نفصل ونتشرى..
نواف/انتوا الاسواق حافظينها حفظ وين اللي مايمديكم بعد!!
نوف بهمس لنورة/شوف النذل شلون سافطها ويسولف مع الحريم؟
نورة/الله لايبلانا؟
جا مشاعل مسج بها اللحظات من فواز(هلا مشاعل انا فواز ..اخذت رقمك من الوالد وحاب اكلمك لو مافي احراج ردي عليّ اذا في مانع ولا وانا بتفهم اذا قلتي لا)
............................. | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 21:18 | |
| //////////////////////////////////////////////////////////////////////////////
البارت الرابع والعشرين,,,,
////////////////////////////////////
أي نظرات نارية كانت تشتعل بعيون ياسمين ونواف ذيك اللحظات هم بس اللي فاهمين على بعض وش تعني نظراتهم وماانتبهوا انهم قاعدين بروحهم غير لمى قام الكل للعشى وكانت ياسمين بعدها ماسكة يد احمد ولده اللي كان جالس جنبها ونواف كان قبالهم مباشرة,,,
احمد/احنا مابنروح نتعشى؟
نواف بلامبالاة/ومنو ماسكك روح تعشى؟
احمد/واذا تعشينا بتوديني لعند الماما ريم؟
نواف بحزم/لاوقلت لك الف مرة انسى امك لانك ماراح تروح عندها؟
قام احمد يبكي ووقفت ياسمين اللي كانت بس تناظرهم وقالت لااحمد/الله يعينك جايتك ايام سودة مدامك جيت عند ابوك؟؟
مشت قدام نواف علشان تطلع وتروح عند باقي الجماعة بس نواف مسك يدها بقوة/نعم؟؟خير,,,تراني ماسمعت عيدي كلامك مرة ثانيةّّّ !!!
////////////////////////////////////////////
في المطبخ...
نوف/ابوك عنده خبر انتي ليه مو على بعضك؟
مشاعل/مدري...
نوف/يالله دقي شوفي شيبي ,,,بعدين الرجال ذوق ومادق علطول بمجرد اخذ الرقم من ابوك شاورك وعطاك اهمية وهذا يعني انه مايبي يحرجك؟
مشاعل/وين البنات؟
نوف/ياسمين اكيد مع نواف لانهم الوحيدين اللي بقوا بالصالة ونورة مع لؤلؤة يحشون بالبنات اللي معهم بالكورس,,,
مشاعل/اوووف...
نوف/انتي ليه مترددة؟
مشاعل/خايفة..
نوف/من شنو؟
مشاعل/من انه يقولي بيحدد موعد الملكة؟
نوف/واذا قال؟
مشاعل بخوف/اذا قال؟؟؟اذا قال احس اني بموت من الخوف,,,
نوف/على الاقل تحددين معه موعد الملكة بنفسك مو يجي تالي الليل مثل غيره اللي قاعد برىويملك وانتي ماتدرين ؟
مشاعل/رايك اني ادق يعني؟
نوف/وليه تدقين وتتعبين حالك عطيه مسج انك موافقة وهو يدق ليش بعد تسوين لروحك عوار راس؟
//////////////////////////////////////////////////////////
ام سعد/اذا جت بنت اول مضاعد واساور بتلبسهم من عندي؟
خالد/واذا ولد؟
وضحى/توهقت ام سعد ..
ام سعد/لاماتوهقت تجهيزه بالكامل عليّ..
خالد بثقة/اجل يالله قومي السوق من اللحين...
ام تركي/ياولد الحلال تو الناس مايبين اللحين؟
ام مشعل/توها ماتخطت شهر؟
خالد/يبى يقولون الرجال يعرف هو شبيجيب ولد ولابنت ..خلاص انا داري انه ولد؟
ام مشعل/استحي بس استحي وش ها الكلام الماصخ ياخالد؟
ام تركي/انا ادري عيالنا اللحين مافي مثلهم؟
كانوا مشعل وسعد في الزاوية ياكلون بروحهم بهدوء,,
نورة/الا الشباب مالهم بالعادة يهدجون؟
الجدة بقهر/حزة اكل مايعرفون فيها الابطونهم ها الاثنين...تلاقينهم ينقلبون اوادم وبس يخلص وقت الاكل يرجعون من جديد؟
سعد/طول عمرنا اوادم ياجدتي؟
الجدة/أي صح قولوا للي مايعرفكم؟
سعدبهمس لمشعل/نفسي اعرف وش اللي يقلب جدي وجدتي ذربين من يشوفون وضحى لو لؤلؤة لو نواف؟
مشعل بنفس الهمس/خلي جميلة تتصل فيني بعد شوي قدام جدي واوريك الذرابة حقهم على اصولها؟
سعد/ليش ماقال لك شي من بعد الصباح بعد ماطمشته؟
ام تركي/اقول نور عيني متى بتنامون عندي؟
مشعل/وقت ماتبين؟
ام تركي/الخميس؟
سعد/الخميس الخميس ماورانا شي...نقلبها صباحي عند خالتي؟
//////////////////////////////////////////////////////////////
ياسمين/اترك يدي؟
نواف بثقة/اسف ماراح اتركها...
ياسمين/محنا بروحنا يااخ ولاتخليني اعلي صوتي؟
نواف/بكيفك عليّ مثل ماتبين انا مو فارق عندي شي؟
ياسمين/لاحول الله وش تبي انت خلصني؟
نواف/بعد بعد..تعالي كفخيني مايكفي صراخك؟
ياسمين/..........
نواف/لايكون على بالك اني اخوك مشيعل علشان تكلميني كذا!!
ياسمين/لاحشى انا عمري ماكلمت اخوي كذا..مثلك عارف الناس مقامات وكل واحد ومستواه؟
نواف/حلو حلو؟تعرفين تصفين حكي ياياسمين..وبعدين تعالي وش ها العباية بالله؟
ياسمين/اسمها عباية البشت اذا مو سامع فيها؟
نواف/سمعي يابنت الناس من اليوم وطالع لبسك بيتغير وعبايتك تتغير وطلعة ودخلة من غير شوري انسي وحتى روحة الجامعة مافي,,ترى عطيتك وجه بزيادة؟
ياسمين بعصبية/لاتفكر اني موافقة عليك وتصدق؟لاياباب انا انجبرت اقول موافقة وانت عارف ها الشي؟
سحبت يدها منه بالقوة ومشت قبل لاتنفجر فيه اكثر,,,
////////////////////////////////////////////////////////
رسلت له مشاعل(انا ماعندي مانع)
طبعا ارسلتها بعد تردد كبير ومحاولة اقناع اخذت من نوف وقت وصبر,,,,
وفواز ماصدق خبر وكانه ينتظرها علطول دق لها,,,
نوف/اووف اووف طلع ماعنده صبر؟
مشاعل/ياربي توهقت؟
نوف/عن المصاخة وردي؟
بهمس قالت بعد مارفعت الجوال/الو..
فواز/هلاوالله ..حيا الله الصوت وراعيته؟
مشاعل/........
فوازبمرح/هذاالوقت كله رايحة لاابوك تساْلينه اذا انا فعلا مستاْذنه ولا جايب الموافقة من جيبي؟
مشاعل/ها...
فواز/تعجبني ياثقيل,,
مشاعل بارتباك/بسك عاد ترى والله استحي؟
فواز/عارف.انك تستحين.
مشاعل/منو قا لك؟
فواز/ههه منو قال لي؟انتي قلتلي؟
مشاعل/انا قلت لك؟متى؟
دخلوا نورة ولؤلؤة وهم يسولفون وسووا حشرة بالمكان..
فواز/ها..شكلك موفاضية لي!!
مشاعل/انا معزومة في بيت خالي؟
فواز/اها يعني متسحبة من الجماعة وصادوك اللحين؟
مشاعل/...
فواز/طيب انا بتركك لاتنحرجين معهم بس اذا وصلتي البيت وحسيتي مافيك نوم واني اذا كلمتك ماراح ااْخرك عن الجامعة عطيني مس كوول لاني بكون منتظرك؟
/////////////////////////////////////////////////////
طول القعدة وهي شاردة...ذكرياتها كلها رايحة لقبل اربع سنين لليوم اللي كانت مقررة فيه ملكتها هي ونواف,,,كانت فرحانة مووت والدنيا ماهي واسعتها من الفرح,,,كان فيها شي ينبض ذاك اليوم باحساس غريب من كثر الفرح اللي هي عايشته,,
بس نواف ماجا يملك ذاك اليوم واعتذر باخر اللحظات وتاْجلت الملكة,,والفرحة اللي بقلبها انكسرت وانقلبت هم ونكد وزعل وصار بينها وبين نواف كراهية تكبر كل يوم والشرارة طبعا ابتدت من عندها هي كان نواف معها عادي وطبيعي بس بعد ها الموقف قلبت عليه مية وثمانين درجة وصارت تكلمه بجفاء وتتجاهل وجوده,,وكبريائه طبعا خلاه يعاملها بالمثل بس هو صار يزود طعناته عليها ليش ماتدري!!!
انتبهت على صوت وضحى تكلمها/متى تبون تشترون البل والشبكة؟لاتقولون لين العرس ترى مو على كيفكم لاني انا وخالد نبي نسوي لكم حفلة بسيطة؟
/////////////////////////////////////////////////////////////
ماكان بالمجلس غير سعد ومشعل والجد,,,
ومشعل قام وطلع علشان يهبلون بالجد شوي مدام صفى الجو لهم طبعا يوم طلع اخذ جوال سعد معه وترك جواله على الطاولة واتصل عليه من جوال سعد....
سعد على اساس انه مايدري منو سوى روحه مصدوم يوم يقراْالاسم بصوت عالي علشان ينتبه الجد له,,
سعد بقوة/جميلة يتصل بك؟شتبي هاذي متصلة ها الحزة؟انا لازم ارفعه وااْدبها؟
دق قلب الجد وصارخ عليه/انت وش اللقافة اللي فيك ترفع جوال غيرك ماتقولي؟
دخل مشعل بها اللحظة وقال ببرود/خير وش صاير؟
///////////////////////////////////////////////////////
توقعاتكم للبارت الجاي,,
**عبدالله ليش هو اللي مر عليهم بشقة خالد وهل كان يبي منهم شي وهل بيتكلمون هو ونوف؟
**نوف وتركي وعبدالله؟
**الجد والضغط عليه هل بيجيب خبر ولا لا؟ | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 21:27 | |
| ************************************************** *****************************
البارت الخامس والعشرين,,,
///////////////////////////////////////
[color="green"]دخل مشعل بها اللحظات/خير ليه تصارخون؟
الجد بلهفة/مشعل تعال رد بسرعة؟
مشعل/منو؟
سعد بشوية استهزاء/الانسة جميلة؟
مشعل مسوي انه متضايق/وش تبي هاذي بعد؟
الجد/رد يبى شوف شتبي؟
مشعل مسوي انه انسان جاد/سعد معليش تطلع شوي؟
سعد يكمل التمثيلية/ليه؟
مشعل وهو ماسك نفسه لايفطس من الضحك/ابي اكلم الحرمة ومايصير تسمع وش تبي مني؟
الجد بسرعة/أي اطلع انا اغار؟
قام سعد بيطلع ويوم وصل جنب مشعل همس له/تبيني اطلع ها؟شكلك ناسي اني انا جميلة!!!
كتموا ضحكتهم ثنينهم ومشعل قلب انسان جاد بعد ماحاس بجواله وقلبه صامت/الو...خير وش بغيتي يابنت الناس؟انا مو بالبيت ومو فاضي لك؟شنو تبين؟تساْلين عن منو....عن جدي!!!!!(بها اللحظات انفتحت عيون الجد على وسعها ولصق بمشعل ودق قلبه بقوة وهو ينتظر مشعل يقوله هي وش تبي منه)
/////////////////////////////////////////////////
في سيارة عبدالله....
مرام/وش السالفة عبدالله انت اللي بتردنا البيت؟
عبدالله بتبرير/لاني من زمان ماشفت خالاتي وبالمرة قلت ابارك لوضحى وخالد...
مرام/اممممم
عبدالله يكلم امه/اجل اخوك طاير من الفرحة؟
ام تركي /أي بعد عمري..الله يتمم عليهم بخير ان شاءالله
نوف/اقول عبدالله...
عبدالله/سميّ..
نوف/سم الله عدوك....بغيت اسالك الوليمة موجود بها الشارع ولاانا غلطانة؟
عبدالله/لابلى موجود...لحظة بس نلف نشوف.......هذا هو تبين منه شي؟
نوف/لا بس بكرة بخلي السايق يجبني كنت باْخذ منه لوحدة من البنات طالعة من المستشفى وبنزورها بكرة؟
ام تركي/نزلي اللحين مدام احنا جنبه يابنيتي؟
نوف/لالاخالتي مو مستعجلة(توهقت نوف لانها بس تبي تطول الطريق مع عبدالله وتشوفه وقت اطول)
ام تركي/نوف يمه سنعي لي صينية على ذوقك ابيها عندي موجب لاام محمد بكرة,,
نوف/اجل انزلي معي ياخالتي ماابي انزل بروحي..
ام تركي/يالله اجل...
مرام/وانا بعد بنزل معكم...
نوف ناظرت في عبدالله/يالله عبدالله..
عبدالله/وش تبين؟
نوف/انزل معنا...لاتخاف مانبيك تدفع ..
عبدالله وهو يبتسم لها/مدام قلتي ها الكلمة انتي اللي بتدفعين للكل وحتى انا باخذ زين؟
ابتسمت وقالت له/من عيوني..
عبدالله يكلم مشاعل/انتي يام بلاك بيري..
نوف/لاتتعب نفسك ماهي معنا بالدنيا؟
عبدالله/انا اعرف دواها زين؟
نوف/شبتسوي؟
عبدالله بصوت عالي شوي/ياام فواز السديري,,
رفعت مشاعل راسها
عبدالله يكلم نوف/شفتي؟
نوف/هههه
مشاعل/ش السالفة؟
عبدالله/رجعي نامي ابرك لك بس ترانا بننزل شوي نوف عازمتنا على شوكلاته؟
//////////////////////////////////////////////////////
اول ماحطت راسها على المخدة قالت/اخ...
لف لها بسرعة/اوووف تعبانة؟
وضحى/يعني..
خالد/اكيد تحركتي كثير؟
وضحى/وين تحركت وانت قاعد معي طول الوقت؟
خالد/طيب يوم تعبتي ليه مادخلتي تمددتي شوي..
وضحى/خالد مافيني شي...
خالد/متاْكدة؟
وضحى/يبى انا ماسويت شي الشغالة نظفت المكان وقدامك يوم انتهت من كل شي طلعت مع لؤلؤة وبعدين البنات ماقصروا اصلا..
خالد/انا مفكر استقدم لنا شغالة؟
وضحى/لاخالد تكفى انا ماابيها...اصلا انا كل يوم قبل لااتزوجك كنت اتهاوش معها هناك؟يضيق خلقي اذا شفت شغالة بالبيت...
خالد/أي بس انا ماابيك تحركين شي من مكانه؟
وضحى/وانت وين رحت؟
خالد/اوووف يعني بنقلب شغالة؟
وضحى/هههههه
////////////////////////////////////////////////////
تركي/هذا انت سويت اللي براسك عسى بس ارتحت؟
نواف/طبعا...
تركي/ابي افهم وش اللي خلاك تفكر كذا وتملك بدون ماتقول لااحد؟
نواف/بيني وبينك خفت يتكرر موقفي قبل اربع سنين واتراجع باْخر لحظة؟
تركي/أي بس....
قاطعه نواف/عموما خواتي مصريناني البسها الشبكة قبل الزواج...
تركي/وانت؟
نواف/وانا شنو؟
تركي/منت مصر بعد!!
نواف/انا ابي اسحبها من شعرها واجيبها البيت بلا عرس بلابطيخ بلا ها الوجع كله بس اخ ياتركي امها اللي عايقتني ولالو عليها كان من البارح هي عندي بالبيت؟
تركي بشماتة/مشاءالله على الحب؟
نواف بانفعال/أي حب انت بعد!!
تركي/الحب اللي بيخليك تملك عليها وتاْخذها علطول ولاعرس ولاهم يحزنون؟
نواف/تركي....
////////////////////////////////////////////////////////////
بعد ماطلعوا من الوليمة وقربوا يوصلون بيتهم....
عبدالله/اقول يمه..
ام تركي/هلا...
عبدالله/بيت جيرانا لهم ثلاثة ايام مالهم صوت وماهم باينين لااشوف سياراتهم ولااحد منهم طالع لو داخل شالسالفة؟
(هذا كان قصد عبدالله من البداية انه هو يرجعهم من شقة خالد علشان يفهم وش سالفة عبير وجوالها المقفل ويتطمن عليها وهدوء بيتهم لانه من ثلاثة ايام ماصار يشوف احد من اخوانها)
ام تركي/أي يمه مسافرين؟
بصدمة قال/كلهم؟
مشاعل/وانت ليش منصدم حضرة جنابك لك عندهم شي ولالهم شي عندك؟
عبدالله/لامو كذا القضية بس ماوراهم مدارس وجامعات؟؟؟يعني السفرة بالاجازات مو بوقت الدراسة ويفوتن على بعضهم ايام دراسية...
ام تركي/هم رايحين جدة..الظاهر عمهم راجع من سفرة طويلة ورايحين يشوفونه...
حس عبدالله بضيق مو طبيعي طيب ليه مااتصلت فيه ولاعطته خبر؟شها البنت اللي ماعندها مشاعر وتاركتني ها الثلاثة ايام مثل المجنون وانا ادق على جوالها المقفل؟؟؟
/////////////////////////////////////////////////////////////
غسلت ولبست بيجامتها ودخلت فراشها وراسها مليان افكار...
عبدالله...شكثر كانت مبسوطة معه اليوم وهم يسولفون ويضحكونبالسيارة ولمى نزلوا محل الشوكلاته اختارت على ذوقها وهو بعد اختار لها على ذوقه حست انها عايشة فوق السحاب وانه يشاركها مشاعرها وها الشي ريحها اكثر واكثر...
وضيقتها يوم سئل عن عيال الجيران رغم انه سؤال عابر وكان خايف انهم يضيعون عليهم دراستهم على الفاضي بس يوم درى انهم رايحين لهم رجع طبيعي...وبعدين عبدالله طبعه اصلا يساْل عن الكل عكس تركي.....
تركي...اي تركي يانوف...شفيك؟شكان يقصد بكلامه لي امس ؟؟وش معناتها؟نظراته كانت فيها شي ؟نبرته بعد ماكانت طبيعية؟هيبته اللي معروفة عند الكل ماحسيت فيها وهو واقف قبالي؟لايانوف لا...انتي الظاهر من زود فرحتك بعبدالله قمتي تهلوسين؟خليك فرحانة وتذكري كلام عبدالله اللي قاله اليوم كلمة كلمة ابرك لك..واذاخلصتي نامي واحلمي بعبدالله مو تركي عبدالله؟
////////////////////////////////////////////////////////////////
في الصباح..
طلع مشعل من البيت رايح المدرسة وبالطريق حس ان واحد يمشي وراه لف ولقاه جده..
مشعل/جدي؟
الجد بتعب/زين انك لفيت وشفتني صار لي ساعة امشي وراك ولاانت حاس فيني!!ماسمعتني وانا اناديك؟
مشعل/لا...
الجد باصرار/من زمان وانا اناديك؟
مشعل/جدي يعني لو مارديت عليك كنت بتدخل معي المدرسة؟
تفشل الجد وسكت..
مشعل/في شي ياجدي؟
الجد/أي في شي؟
انت من امس حاقرني وماتكلمني عدل؟
مشعل/لاعادي بس قلت لك متضايق على ياسمين؟
الجد/وياسمين شفيها بعد؟قاعدة تفطر بالبيت كاْنها البخت؟
مشعل بتهديد/جدي...
الجد بحزن/خلاص انا بروح ادق على نواف وبشوف وش يقول؟
مشعل/تسلم ياجدي...
الجد/الا جميلة شكانت تبي مني يوم ساْلتك عني امس؟
مشعل/تبي اعطيك صورتها؟
الجد بفرح/احلف؟؟؟
////////////////////////////////////////////////////
كانت قاعدة بالكافتريا قبل لاتبدي محاضراتها وهي تلعب بشعرها مرة ترفع ومرة تنزل لين جاها مسج من فواز(صباح الانوار ولو ان نور الدنيا كله جاي منك ومن طاريك)
تنهدت بخجل هذا قاعد يقلبها معاه ويحسسها باحاسيس غريبة..
هي بينها وبين نفسها حست انها حبته الا غرقانة فيه بس ماتبي تبين وتعترف بها الشي ماتدري ليش رغم انها اولا واخيرابتكون له...
مسكت جوالها بتردد ورسلت له مسج(صباح الخير وعلى فكرة انا مقدر على كلامك)
بعد اكثر من عشر دقايق اتصل لها وابتسمت يوم شافت اتصاله واسم فواز ينور الشاشة,,ردت بعد الرنة الثالثة وقالت بنعومتها المعتادة/الو..
فواز/هلا وغلا...
مشاعل/.........
فواز/شلونك؟
مشاعل/طيبة..
فواز/كيف كانت سهرتك البارحة؟
مشاعل/حلوة
فواز/شكلك مارجعتي الا متاْخرة؟
مشاعل/على الاحدعشر..
فواز/اممم..انتظرتك انا لين الوحدة وبعدها نمت؟
مشاعل/ها..استحيت ادق؟
قال وهو يقلدها/استحيت ادق!!!وليه بالله استحيتي!!!
مشاعل/مدري..
فواز/شلون ماتدرين؟
مشاعل بارتبك/خلاص مدري لاتحرجني؟
فواز/هههههه
////////////////////////////////////////////////////
| |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 21:39 | |
| البارت السادس والعشرين,,,
///////////////////////////////////
[color="blue"]ام فارس/صباح النور والسرور يالغالي..
فارس/شلونك يمه عساك طيبة؟
ام فارس/مصبحة بصوتك الحلو ياعمري اكيد بكون طيبة ومتونسة وفرحانة؟
فارس/تسلمين يمه..
ام فارس/انت شلونك يايمه..
فارس/انا مشتاق لكم يااهل الشرقية؟
ام فارس/ها يمه فارس...هاذي اهل الشرقية تعني ان احنا مو بروحنا اللي مشتاق لنا معنا بنت الناس؟
فارس/..........
ام فارس/ها وين رحت؟
فارس/يمه شلونها؟
ام فارس/تعال يايمه وخذها وفرح قلبي فيكم...
فارس/قريب يمه قريب...
ام فارس/تعال شوفها شلون كل ماكبرت حلوت اكثر واكثر
فارس/اكيد يمه مو هي شيخة البنات؟
ام فارس/الا قول كايدتهم ومخليتهم يغاروون من ظلها لامرت؟؟
كان فارس عارف ان امه تبالغ بوصف نورة اكيد بس كان يبي يسمع منها الكلام هذا بها الوقت لانه يبي يرتاح ويتطمن من بعد ها الرسايل اللي وصلته؟
فارس بعد تفكير/اقول يمه يصير اخذها معي اللحين دبي بالاجازة وبعدين نرد سوى لاخلصت شغلي!!
//////////////////////////////////////////////////
في المدرسة المتوسطة بالدمام,,,
سعد بذهول/جنيت انت؟
مشعل/وش اللي جنيت؟
سعد/انت كذا قاعد تكبرها في راس جدي؟
مشعل/لانه قاهرني؟
سعد/وتكبر سالفة جميلة في باله لانه قاهرك؟انا اقول بصراحة لازم ننهي سالفة جميلة وندوشه بشي ثاني نقدر عليه؟
مشعل/يابن الحلال هي كلها صورة بنشقها من مجلة وبنعطيها جدي ولامن حس ولامن درى؟
سعد/وسالفة الزواج؟
مشعل/خله اول يطلق نواف وياسمين؟
سعد/واذا طلقهم؟
مشعل/..........
سعد/شبنسوي ذيك الساعة؟من وين بنجيب له جميلة؟
/////////////////////////////////////////////////////////
ياسمين/شنو؟
لؤلؤة اللي كانت تمشي معها/أي نبي حفلة ننبسط فيها؟
ياسمين/طب ليه؟
لؤلؤة/شنو ليه ياياسمين؟؟نبي نلعب باعصابكم شوي قبل العرس نبي نشوف وش بيسوي اذا توهق وماعرف يلبسك ؟نبي نشوفك كيف بتكونين واقفة جنبه وبدون عباية؟نبي..
ياسمين/حرام عليك؟
لؤلؤة/ههههه يالله قولي؟
ياسمين/شنو اقول عاد؟
لؤلؤة/متى تبين؟
ياسمين كانت بتقول ماابي اشوف رقعة وجه اخوك بس اضطرت تقول مدري..
لؤلؤة/شلون ماتدرين احنا ساْلنا نواف قال ماهي فارقة عنده أي يوم؟
ياسمين/................
لؤلؤة/طب تبين نشتري الشبكة الصباح ونسوي الحفلة الليل؟
ياسمين/لاتقولين حفلة واللي يعافيك لان ها الكلمة بحد ذاتها تخوفني قولي جمعة عائلية؟
لؤلؤة/طيب متى تبين الجمعة العائلية؟
ياسمين/الا الصدق لؤلؤة احمد ظل بروحه في البيت مع الشغالة؟
لؤلؤة/لاطبعا وضحى جت عندهم بس انتي لاتلفين وتدورين عن سالفة الجمعة العائلية وقولي متى لان نواف يقول يبيها ها الايام يعني شوي مستعجل اخوي يبي يشوفك على راحته؟
/////////////////////////////////////////////////////
الجدة/انا ها الشيبة مدري شفيه؟
ام مشعل بدفاع/ابوي ماعليه الا العافية يايمه لاتحاتينه؟
الجدة/ومنو قال لك اني احاتيه عاد؟صحته احسن مني ومنك ومن عيالك بعد!!!
ام مشعل بتاْنيب/يمه؟؟
الجدة/مسوي روحه شباب ودايم سرحان ويفكر؟
ام مشعل/يمكن في شي شاغل باله ومايبي يقول لنا عنه لايشغلنا معه؟
الجدة/لاقالت شي شاغل باله؟مافي غير ها البنات اللي شاغل باله فيهم من يطلعون بالتلفزيون؟
ام مشعل/............
الجدة/اشوفه انا اذا طلعوا قام يتمقل بعيونه فيهم؟
ام مشعل/يمه حرام عليك ابوي رجال كبير؟
الجدة/قولي له مو تقولين لي؟؟اطايح لي ها اليومين يبي يتزوج؟مدري منهي اللي تبي واحد حتى اسنان ماعنده؟
وحدة تحبني وتموت فيني؟؟
لفوا ثنتينهم على الجد اللي كان واقف عند الباب؟
ام مشعل تبي تهدي الاعصار/يبه..
الجد/واشبب منك باربعين سنة؟
الجدة/وبعد!!
الجد/ولعلمك فيني اسنان تركيب بس لانك مقصرة معي ماتدرين على بالك ماعندي!!!
الجدة بصراخ/مافي زواج يعني مافي زواج؟
///////////////////////////////////////////////////////
فواز/ماقلتيلي متى تبين نملك؟
مشاعل/مدري..
فواز/انا بصراحة يوم خطبتك قلت لاابوك اني بشوفك بالاول وبتكلم معك وبعدين بنحدد موعد الملكة...ويوم حكيت معك ها اليومين حسيت اني قربت منك كثير وانك فاهمتني؟
مشاعل/أي...والمعنى؟
فواز/تعجبيني يامشاعل يوم فهمتي عليّ وبتعجبيني اكثر اذا حددتي موعد الملكة؟
مشاعل/بصراحة مدري بس مو ها الايام اكيد؟
فواز/وليه اكيد؟
مشاعل/علشان ياسمين بنت خالتي اللي ملكت قبل يومين بنسوي لها بارتي صغيرون ها الايام والليلة بنطلع نشتري لها فستان وماندري متى نواف يحدد..وانا ماابي اكون قبلها ولامعها ابي اعيش معها يومها وتعيش معي يومي؟
فواز/طب وعد اول ماتخلصين سالفة ياسمين تحددين علشان لاانحرج مع ابوك؟
مشاعل/أي..
فواز/شطورة؟
مشاعل/.........
فواز/ها..وين رحتي؟
مشاعل بخجل/معك؟
فواز/شكلك استحيتي مرة وحدة ياعمري؟
مشاعل/...............
فواز/خلاص بطلنا مابنقول شي لاتبكين بعد مثل ذاك اليوم؟
مشاعل/............
فواز/قلنا مابنقول شي خلاص تكلمي...
مشاعل بخوف/اوووف فواز..
فواز/شنو؟
مشاعل/المحاضرة صار لها ساعة الاربع من ابتدت وانا ماحسيت بالوقت؟شسوي اللحين؟
فواز برواق/ولاشي كملي سوالف معي!!!
//////////////////////////////////////////////////////////////
العصر في بيت الجد..
ام مشعل/وماناموا الا من عمري؟
مشعل/من صدقهم ذولا ان شاءالله مفكرين روحهم صغار؟
ام مشعل/انت اسكت يالله اسكت انا ماكلمتك انا اكلم اختك ادري فيك تبي الزلة عليهم؟
ياسمين/انا مالي شغل مو جدي ماياْخذ براي احد ويسوي اللي هو يبيه؟مالي شغل بسوالفه هو ومرته؟
مشعل بحماس/اذا ماخليته يطلقك من نواف ماكون انا مشعل؟
ام مشعل بعصبية/قطع اللي يقطع لسانك!!!خل اسمعك مرة ثانية تقول ها السالفة لااعرف ااْدبك زين؟وانتي ان شاءالله لمتى بتظلين قالبة وجهك علينا..نواف الف وحدة تتمناه؟
ياسمين بقهر/وانا مو وحدة من ها الالف اللي يتمنونه؟
مرت فترة صمت قطعتها ياسمين من جديد بعد ماغيرت الموضوع نهائيا/انا كل يوم افقد شي من غرفتي...يوم شنطة ويوم جزمة ويوم نقاب ويوم بنطلون؟؟يمه في احد يدخل غرفتي؟
ام مشعل/لايمه محد يدخلها؟
ياسمين/يمه تذكرين الشنطة البيضة اللي جابتها لي وضحى من دبي قبل شهر ماني لاقيتها رغم اني مالبستها غير مرة وحدة؟
ام مشعل/متاْكدة ماهي عند وحدة من البنات؟
ياسمين/أي يمه متاءكدة؟
ام مشعل/ودورتيها زين ومالقيتيها؟
ياسمين/أي..
ام مشعل وكاْنها تذكرت شي/تعال مشعل انا كاْني شايفة شنطة اختك امس بغرفتك شكنت تسوي فيها؟
مشعل بارتباك/ها...انا...اي صح كنت بشوفها بس وبردها بعد شوي اعطيك اياها؟الا شنو عشانا الليلة؟
//////////////////////////////////////////////////////////////
المغرب في بيت ابو تركي...
كان تركي طالع لغرفته ونوف نازلة من الدرج والتقوا بالنص..
تركي/هلا..
نوف/اهلين..
تركي/شكلك طالعة؟
نوف/أي رايحين السوق؟
تركي/انتوا ماتملون من ها الاسواق؟
نوف/لا طبعا؟
تركي/وش عندكم ان شاءالله؟
نوف/بنتسوق مع العروس تبي تدور لها فستان؟
تركي/اها...
نوف/عرفت اللحين ليش طالعين السوق؟
تركي/انا مرتي مابخليها تطلع السوق ابدا كله مقابلتني!!! قالها وهو يناظر فيها بهدوء وتاْمل,,,
نوف ببتسامة/وماتبيها تلبس لك؟
تركي بصوت اشبه للهمس/هي حلوة بعيوني لو شلبست؟
نوف نزلت درجتين وصارت جنبه علطول وقالت بشوية دلع/ياي يالرومنسي!!!
حس ان قلبه وقف من كلمتها وطريقة كلامها بس قال بلهجة غيورة موت/نوف؟
يالبيه,,,,,قالتها وهي نازلة عنه درجة زيادة...
قال وهو عاطيها ظهره بدون مايلف عليها وجهه/روحي بدلي عبايتك؟
نوف/ها...
تركي بحزم/ليش معطرة العباية ها الكثر وانتي طالعة السوق؟
نوف بدفاع/انا ماعطرتها بس يمكن مسكت فيها الريحة وانا اتعطر؟
بنفس اللهجة الغيورة المنفعلة قال/وبتمرين على الرجاجيل وهي كذا!!!
نوف/لاببدلها طبعا....يمكن انا ماانتبهت شكرا للتنبيه ياتركي...
تنفس بقوة يوم مرت من جنبه مرة ثانية وغمض عيونه وهو في باله يقول...ياليتها تمر مرة ثانية وثالثة ورابعة علشان يشبع من ريحتها؟؟؟
*****************************************تعليقاتكم للبارت الجاي..
**نوف وتركي وش بيكون بينهم بعد ها الموقف وهل بتكتشف نوف اللي سواه تركي بغيابها؟
**مشاعل وفواز وشلون بيفاجائها؟
**اليوم زوجك ازعجنا من صبح الله داق يساءل عنك؟
**لاتحاتين شي ترى انا مفضي حالي لك؟
**مااذكر اني سويت شي غلط علشان تكلمني كذا!![/color] | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 21:58 | |
| /////////////////////////////////////////////
البارت السابع والعشرين,,,
///////////////////////////////////////////
كانت نورة بتطلع من البيت والسايق ينتظرها وتوها فاتحة الباب الا ومحمد اخو فارس بيدق الجرس..
محمد/السلام عليكم...
نورة/هلا,,هلا محمد...
محمد/ها زوجة اخوي شلونك؟
كتمت ضيقها وقالت/انا نورة؟
قال لها وهو يضحك/هو في غيرك بها البيت ؟؟والله لو في من زمان اخذتها!!!
ضحكت معه لانها متعودة على محمد وروان اخوان فارس وجيرانهم لانهم دايم معهم ومحمد شبه فارس حييل حتى كاْنهم تؤام وكان دايم يقوم بمشاويرهم لو احتاجوا شي ودايم سوالف معه لانه كان خفيف دم وحبوب,,
نورة/ادخل حياك..
محمد/لابس هذا اعطيه خالتي ام سعد امي دازته لها..
نورة/مشكور ماتقصر...
محمد/الا على فكرة..
نورة/شنو؟
محمد بمرح/اليوم زوجك ازعجنا من صبح الله متصل يساْل عنك؟
نورة بربكة/ها...حست ان قلبها يدق بقوة...
محمد بمرح/اقول شكله غيراتن لاني دايم معك واشوفك اكثر منه,,يبيني اخلص له ترخيص المكتب بسرعة يقول مستعجل يبي ينزل ..وكمل بخبث/ماندري لمنو بالضبط مستعجل؟
تسمرت مكانها ..شنو يعني مستعجل بينزل؟ولمنو بالضبط مستعجل؟؟
انتبهت على محمد يكلمها وهو طالع/عاد مو اذا نزل تعوفيني ترى انا الاصل وبظل اخوك وجنبك دايم ,,
///////////////////////////////////////////////////////////نواف وهو ياْكل من الكيك اللي مسويته وضحى,,,/وليش مارحتي معهم؟
لؤلؤة/مدري حسيت اني ابي اتفاجاْ؟
نواف/شتتفاجئين فيه ياحسرة؟
وضحى بذهول/ها...نواف شفيك؟
نواف/يعني ماتقولين لي ياسمين وش بيغي من شكلها؟وش مالبست مابتتغير ؟
وضحى بشوية صرامة/وليش تقول كذا؟
نواف/ها...انتبه على نفسه وانه يكلم خواته مو تركي,,,
قال وهو يحاول يرقعها*/مدري بس يعني تتغير الوحدة باللبسوبسوالفكم..
وضحى/طبعا تتغير..
لؤلؤة/نواف..
نواف/هلا..
لؤلؤة/انت متاْكد تبيها؟
نواف/طبعا...
وضحى/شنو انتي لؤلؤة بعد تقولين له متاْكد؟؟نسيتي انه كان بياْخذها قبل اربع سنين بس الله ماكتب..تلاقينهم اللحين عايشين قصة حب محد يدري عنها؟
شرق نواف بالكيكة وهو يتخيل انه يعيش قصة حب مع ياسمين وتغيرت الوانه.../كح..كح..كح...
وضحى وهي تبتسم له/اسم الله..اسم الله عليك...
لؤلؤة/احد ياْكل ها الكثر شوي شوي علامك صاير دب؟اقول صير اتيكت لاتفشلنا مع ياسمين وتاْخذ عنك فكرة انك فجعان اكل وماعمرك اكلت؟؟
حس انه بينفجر من ها الطاري اللي يعيدون ويزيدون في خواته(طاري ياسمين)
بس اضطر انه يسكت قدام خواته,,
/////////////////////////////////////////////////////////
في الخبر..شارع السويكت وتحديدا محل بازار للاقمشة...
مشاعل/هذا حلو...
نوف/هذا احلى....
ياسمين/لالااحسه مبالغ فيه لاتنسون ان الحفلة لنا بس يعني فاملي...
نورة/أي بس هي ليلة وحدة ومابتنعاد؟
ياسمين بعناد/لا يعني لا...اصلا نواف بنطلون جينز وكثير عليه بعد!!
نوف/انتي سكتي محد كلمك؟
ياسمين/ها...
مشاعل/ صدقوني الفوشي بيطلع يجنن عليها؟
نورة/وانا اقول الذهبي احلى..تحسينه فخم ...
ياسمين باعتراض/من اللحين اقولكم غير اسود مو ماْخذة؟
نوف/ياسمين خلك على جنب شوي تراك ماتلزمينا..
وصل مشاعل مسج بها الحظات..
نورة وهي تناظر بعيد عنهم/افتحيه..
مشاعل بلااهتمام/لاخليه لبعدين,,,
نوف/لاافتحيه...
ياسمين/ليه تبونها تفتحه؟
نورة/هي اذا فتحته بتعرف...
فتحت مشاعل جوالها ونرة ونوف غمزوا لياسمين تناظر وراهم يشوفون عبدالله
كان المسج من فواز(اختاري لك قماش من اللحين لملكتنا ولاتحاتين شي ترى انا مفضي لك نفسي ومروق على الاخر)
مشاعل بلهفة ولجة/بنات هذا فواز....شفيكم مبلمين كلكم..لفت وجهها وشهقت/عبدالله!!مع منو جاي؟اه هذا فواز..الله ياْخذك ياعبيد شلون جايبه معك ويوم قلنا له وصلنا قال مشغول حضرته؟
نوف بعصبية/عبيد في وجهك؟؟اسمه عبدالله...
/////////////////////////////////////////////////////////////////////هناك وفي جناحهم دخل بهدوء وقفل الباب وراه تنهد بقوة وحس انه مجرم,,كيف يدخل غرفتها ومكانها بها الطريقة...شكل المكان موغريب عليه ابدا ..اول شي صادفه بعد الباب صالة البنات وكانت زاوية من الصالة فيها ثلاجة وميكروييف ودولاب صغير..وعلى اليسار هناك مكتبهم اللي مايقعدون فيه ابدا وقالبينه مخزن..وبعدها تجي غرفة نومهم وداخلها حمامهم...
تنهد بقوة وهو يدخل..ماهمه فراش مشاعل اللي عرفه من كثر دباديبها اللي عليه..
راح بسرعة للفارش اللي مرمية عليه عبايتها اللي فصختها قبل شوي...اخذها وحضنها بقوة وهو يشمها ويتنهد..
حط يده على سريرها يلمس لحافها التركوازي المطرز بذهبي...يذكره زين كانوا بمحل bhs بقطر يوم اشتروه..اي هذا بالذات ذاكره زين لانه كان معها بنفس المحل واقترح عليها تاْخذ البنفسجي بس هي اصرت على رايها واخذت التركوازي..تنهد ورجع يضم عبايتها من جديد ويتنفس عطرها..ياترى ممكن نوف تحس فيه بيوم وفي حبه؟؟
////////////////////////////////////////////////////////////
كان واقف مع فواز في المحل ويوم دق جواله استاْذن من فواز يطلع يكلم وراح سيارته وسكر الباب..مايدري هو فرح يوم شاف اسمها ولاتكدر؟يرد ولايحقر؟
الحقران ها الشي اللي مايعرفه ابدا عبدالله ولاهو موجود بقاموسه بالنسبة لعبير...
رد وقال بزعل/حمدالله على السلامة؟
عبير/الله يسلمك..تدري عاد حبيبي توني واصلة؟
عبدالله/.......
عبير/وينك؟
عبدالله/شتبين؟
عبير/شنو يعني شبي؟
عبدالله/مدري..مو انتي المتصلة؟
عبير/حبيبي شفيك؟
عبدالله/تذكرتي اني حبيبك؟
عبير/وش تطلع اجل اذا منت حبيبي؟
عبدالله/........
عبير/عبدالله شفيك؟
عبدالله/سئلي نفسك؟
عبير/مااذكر اني سويت شي غلط قبل لااروح جدة؟
عبدالله/لاماسويتي بس روحتك جدة هي السبب؟
عبير/هي السبب..مافهمت؟
تنهد وقال/مافكرتي اني صرت مثل المجنون لان جوالك ظل مقفل طول غيابك؟ولو ماساْلت امي ماعرفت انكم مو هنا؟
عبير/أي بس انا قايلة لك؟
عبدالله/ماقلتيلي؟
عبير/صدق!!يمكن نسيت وفكرت اني قلت لك؟
عبدالله بنرفزة/وش العذر هذا بعد!!
عبير/مدري بس فعلا فكرت انيقلت لك؟
عبدالله بنرفزة/ويوم فكرتي انك عطيتيني خبر ماخطر ببالك تدقين لي نهائيا وانتي هناك؟
/////////////////////////////////////////////////
وضحى/شكلك طالع؟
نواف وهو مستعجل/أي بروح لعمي بو خالد داق لي يقول يبيني..
وضحى/خير..
نواق/مدري بس قال لي تعال ابيك بموضوع ضروري وهذا انا رايح له...الا انتي ليه مارحتي؟
وضحى/خالد عنده سهرة الليلة مع ربعه قلت اقعد مع لؤلؤة واحمد لين يرد؟
نواف/امممم
وضحى/نواف..
نواف وهو يلبس ساعته/هلا..
وضحى/ولدك..
نواف بحدة/شفيه؟
وضحى/ماهو متقبل وجوده هنا؟
نواف/بالناقص؟
وضحى/لاياخوي لا...انا اقول ترده لاامه وجيبه لنا شوي شوي لين يلين ويتعود علينا...وبعدها جيبه مرة وحدة؟
نواف/مدامه طلع من بيت ريم لايمكن يرد ياوضحى وماابي نقاش بها الموضوع لو سمحتي؟
///////////////////////////////////////////////
ياسمين/شفيك انتي مخبوصة فوق تحت..
نورة/ولاشي..
ياسمين/بلى في شي منتي طبيعية..
نورة/محمد اليوم قال لي ان فارس متصل يساْل عني من الصبح؟
نوف/وين الجديد هم كل ماشافوك قالوا نفس الكلام الحكي؟
نورة/أي بس قال ان فارس مستعجل ويبي يرد بسرعة؟
نوف/اكيد بيقول لااهله انه يبي يرد بسرعة..وين المشكلة يانورة؟
نورة/مدري..
ياسمين/علشان راسلتيه ربطي بين الرسايل وسؤاله عنك؟
بضيق قالت/يمكن..
نوف بحماس/بنات لايطوفكم الفلم الهندي فواز راح جنب مشاعل وعبدالله طلع من المحل ولاكاءنه يشوفه..فديته الرومنسي.. مايحب يصير مغثة؟
نورة وياسمين/حلقي!!
نوف بلااهتمام/على الاولى ولاالثانية؟
////////////////////////////////////////////////////////
في مجلس الجد بوخالد...
نواف بقلق/عمي عسى ماشر؟
الجد بربكة/ماشر ياوليدي؟
نواف/انت فيك شي؟
الجد بربكة اكبر/لا..
نواف/خير...
الجد/الخير بوجهك؟
نواف/أي انت قلت لي تعال ضروري شسالفة؟
الجد بارتباك وتلعثم/نواف انت...
نواف/انا شنو ياعمي؟
الجد/انت تبي ياسمين؟
نواف/شها السؤال ياعمي اكيد ابيها بس انت ليش تساْل؟.
الجد/مدري حسيتكم ماتبون بعض واني اجبرتكم على ها الزواج؟
نواف بقهر/هي قالت لك ها الحكي؟
الجد بصدق/لا يبى يانواف هي ماتكلمت اصلا حتى هي ماهي هنا راحت تشتري لها ثوب...بس انا اتكلم عنك انت؟
نواف بثقة/انا من زمان ابيها وانت عارف ها الشي ياعمي؟
الجد بارتباك وخوف/أي بس..
نواف/شنو ياعمي؟
الجد/انا ابيك تطلقها؟
نواف بصدمة/شنو؟شنو يعني اطلقها؟؟
////////////////////////////////////////////////
توقعاتكم للبارت الجاي,,,
**مشعل وهل بيشيل فكرة الطلاق من باله ومنو بيشيلها له وهل بيكون الاوان فات؟؟
**خالد ووضحى؟؟
نوف وتركي وهل بتصح تفسيراتها؟
**مشاعل وفواز ؟ | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 22:12 | |
| البارت الثامن والعشرين,,,
/////////////////////////////////////
دخلوا مشاعل ونوف غرفتهم وكل وحدة براسها افكار وسوالف عن اللي صار اليوم..
مشاعل تقدمت لفراشها ورمت اغراضها فوقه وشالت عبايتها وناظرت بنوف اللي بعدها بمكانها,,,
مشاعل/خير..في شي؟
نوف وهي مكتفة يدينها ومتسندة على الجدار/مشاعل؟
مشاعل بخوف/شنو؟
نوف/في احد دخل غرفتنا...
مشاعل/احد!!منو يعني بيدخل غرفتنا؟حتى الشغالة ماتدخا؟
نوف وعيونها على فراشها اللي انعفس واللي هي متاْكدة انه كان مرتب وقت اللي طلعت/بللا,,,فراشي كان مرتب وانتي تعرفيني من اقوم ارتبه ومااحب اخليه معفوس ابدا!!وعبايتي انا متاْكدة رميتها عليه وش اللي وداها الكرسي اللي جنب الباب في الصالة؟
مشاعل/اخاف بس يتهياْلك يانوف؟
نوف بدون اقتناع/...مدري...
مشاعل/يمكن مراموه دخلت..
نوف/يمكن ...قالتها وهي رايحة تشيل عبايتها من على الكرسي ويوم شالتها وصارت قريبة منها انتبهت ان فيها ريحة غير ريحتها قربتها منها اكثر وشمتها علشان تتاْكد وفتحت عيونها على وسعها مو مصدقة!!!
/////////////////////////////////////////////////////////
في غرفة مشعل...
مشعل/نورت الدار والله
ياسمين وهي تضحك/منورة بوجودك..ها ادخل؟
مشعل/ويبيلها كلام هاذي عاد...اكيد تدخلين...
دخلت وقعدت على فراشه وعطته كيس كان معها..
مشعل/شنو هذا؟
ياسمين/قميص عجبني ..اخذت لك واحد والثاني لخويك مدري ظلك؟
مشعل/واللي يعافيك مانحب نلبس اقمصة احنا بس مابكسفك بنلبسهم ورى بكرة اذا نمنا عند خالتي ام تركي علشان لايسوي تركي روحه كشخة علينا حتى احنا نلبس اقمصة مثله؟
ياسمين/ههه يقطع سوالفك يامشيعل...
مشعل/أي بعد تعرفين اخوك مايحب احد يشوف حاله عليه..
ياسمين/الا ذكرتني صدق وين شنطتي ابيها..
مشعل/لحظة...
نزل راسه تحت السرير يجيبها وطلعت فردة صندلها..ونزلت هي بعد راسها تشوف وش تحت ها السرير,,,ياسمين/ياسلاااام..نقابي,,,صندلي,,,شنطتي...عباية امي,,,مشعل شا السالفة؟
مشعل بارتباك/اذا قلت لك ماتعلمين احد؟
ياسمين/لا..
مشعل/وعد..
ياسمين/أي..
مشعل/حتى خالد ماابيه يدري...
ياسمين/اخلص قلت لك وعد..
/////////////////////////////////////////////////////////
وضحى وهي تدخل غرفة النوم/بس غريبة ماطولت الليلة بالعادة سهرتكم لين الثنتين اليوم ماجت الاحدعشر وربع الا مخلصين ..اكيد ناويين على شر انت واصحابك؟
خالد/حرام عليك...
وضحى/.........
خالد ببتسامة/شفيك؟
كانت واقفة تناظر بغرفتهم اللي كلها ورد وبالونات وشموع..
وضحى/خالد شا السالفة الليلة لاهي عيد ميلاد احد فينا ولاذكرى زواجنا..
خالد ببتسامة/طب يمكن اليوم الوطني؟
وضحى/خالدّّّشا السالفة تكلم بسرعة؟
قال وهو يحضنها/نسيتي ان احنا مااحتفلنا بخبر حملك؟
وضحى/يعني انت ماطلعت مع اصحابك؟
خالد/انتي وش رايك؟قال لها وهو يبتسم...
وضحى وهي تضحك/ومن العصر وانت تزين المكان؟
خالد مسوي روحه بيموت من التعب/طلعت روحي وانا انفخ بها البالونات وهم يتفقعون بروحهم...
وضحى/ههههه كان اخذت لك نفيخة من ابو ريالين وريحت حالك؟
خالد/وش عرفني انا نسيت..المهم تعالي اخذي...
وضحى/شنو هاذي...
خالد برومنسية/افتحيها...
وضحى وهي تمسح دمعة نزلت منها/قبل لاافتحها خالد انا احبك مو علشان الهدية بس علشان هذا...واشرت بيدها على قلبه..
////////////////////////////////////////////////////////////
مشاعل بروحها كانت عايشة بعالم ثاني وحاسة ان ريحة فواز خانقتها للحين من كثر ماهو كان لازق فيها اليوم وهيبته وهو جنبها ونظراته لها ,,ماتقدر تنساهم ..والاهم من هذا لمسة يدينه اللي جت فوق يدها بدون مايقصد وهم يشوفون الاقمشة,,,
تحبه أي تحبه وتموت فيه ..ماتدري وش اللي صار وخلاها تحس ان مشاعرها تتحرك ناحيته بس الاكيد مافي غير مشاعر الحب لها دور في الانفعالات اللي تحس فيها لمى يمر طاريه في بالها,,,
كانت تتذكر رقته معها بالمحل(
فواز بهمس/شلونك؟
مشاعل بخوف/بخير..
فواز/انتي اللحين قاعدة تختارين لحفلة ياسمين ولا لملكتنا؟
مشاعل/.......
فواز/طيب قولي الى الاثنين وريحيني...
مشاعل/........
فواز/طيب تبين اساعدك؟
مشاعل/.........
فواز/وبتظلين كذا ساكتة علطول؟بيسكرون المحل مابينتظرونك؟
مشاعل/فواز...
فواز/رفعي صوتك مااسمعك؟
مشاعل بلهجة باكية/لاتحرجني....
فواز وهو يبتسم بخبث/وانتي دايم مولعة وبتبكين؟؟؟على ها الحساب الكلينكس دايم متوفر عندنا بالبيت؟
مشعل قربت صدق تنفجر ويوم حس لها فواز قال بسرعة/خلاص خلاص ...هذا انا سكت....مابقول شي غير لمى تقولين انتي!!)
كانت تتنهد وهي تذكره وتذكر شكله وكلامه وكل شي فيه...وغمضت عيونها بقوة علشان تكمل باقي ذكرياتها على راحتها,,
/////////////////////////////////////////////////////////////////////ياسمين بلؤوم/علشان شنو طيب يامشعل؟علشان شنو كنت تسوي كذا!!!
مشعل بحماس/علشان يطلقك من نواف....
ياسمين بذهول/شنو؟
مشعل/.......
ياسمين/انا ماقلت لك اني ماابيه....
مشعل بحماس وانفعال/انا عمري ماراح انسى دموعك يوم يملكك عليه بالغصب؟
ياسمين بدفاع/بس يامشعل انا ماكنت زعلانة لانه ملكني وبعدين انا ماملكت بالغصب...
مشعل/لاتكذبين عليّ ياياسمين..
ياسمين بهدوء/مشعل انا عارفة ان نواف لي من قبل اربع سنين لو ماكنت ابيه قلت ماابيه ومااضطريت اخذه غصب مثل ماتقول؟
مشعل/وليه كنتي تبكين اجل؟
ياسمين تنهدت بعمق/لاني كنت ابي ابوي يكون حاضر في مثل ها اليوم يامشعل...
مرت فترة صمت قطعها مشعل..
مشعل بتشكيك/متاْكدة؟
ياسمين/أي...
مشعل/يعني انتي تبين نواف؟
ياسمين/أي...
مشعل/انا بعد قلت مو نواف اللي ينرد ليش هي ماتبيه؟
ياسمين/اللحين جدي شبتسوي معه على ها السالفة؟
مشعل/ياسمين انا قلت لجدي يخلي نواف يطلقك؟
وقف قلبها لحظتها وقالت بانفعال/شنو؟
غمضت عيونها علشان تداري دموعها لايفضحونها قدام مشعل...هي تبي نواف..اي تبيه وبقوة بعد..خل حياتهم تكون كلها عناد في عناد بس المهم تظل جنبه...صحيح جرحه لها كبير في المرة الاولى بس اللحين لازم تحافظ عليه...شنو يعني يطلقها؟؟؟مو معقول يياسمين قبل اربع سنين مايجي يملك ويعتذر باخر لحظة واللحين يطلقك بعد يوم من الملكة؟؟؟؟
/////////////////////////////////////////////////////////////////
تركي/شنو يعني؟
نواف بعصبية وانفعال وهو ثاير/اللي سمعته؟
تركي/وانت طلقتها؟؟
نواف/لاطبعا؟؟؟
تركي/جدي ساعات مدري شلون يفكر؟
نواف بنفس الدم اللي يغلي /عاد يقولي طلقها ياتركي؟
تركي/طيب والاسباب؟
نواف/يقول حسيتكم مو متقبلين الموضوع؟
تركي بسخرية/ياصباح الانوار توه يحس؟
نواف/وانا بعد قلت نفس الحكي؟
تركي/طيب بيني وبينك وبلا لف ودوران...
نواف/شنو؟
تركي/انت فعلا مو متقبل ارتباطكم ببعض...؟
تنهد وسكت...
تركي/شنو؟
نواف/مدري...
تركي/شلون ماتدري...
نواف/ساعات احس اني ابيها بقوة وساعات احس ان ودي اذبحها وانها لازم تتاْدب على حركاتها معي وساعات احس اني بظلمها بقسوتي بدون ذنب سوته معي..انا مو قادر احدد شنو ابي بالضبط ياتركي؟
//////////////////////////////////////////////////////////
في الصباح....
وضحى/صباح الورد حبيبي..
خالد/صباح النور ياعيوني...وش مقومك بدري...
وضحى/شفيك حبيبي عسى ماشر انا كل يوم اقوم ها الحزة اسويلك ريوق واجهز ثيابك وين الجديد؟
خالد/لالالالالا في جديد طبعا...
وضحى/أي سمعني ..وش الجديد؟
قام وحضنها برقة وقال بهمس/انتي اللحين حامل؟
وضحى/واذا كان؟
خالد/شنو اذا كان..يعني لازم ترتاحين وتريحين البيبي مو تتعبينه؟
وضحى/لاخالد انا مو حاسة باْي اعراض لحد اللحين حبيبي..
خالد/وتنتظرين لين تحسين وتتعبين!!
وضحى/معليش خالد انا مقدر اغير كل حياتي وانظمتي..وبعدين افرض ماتعبت ولاجاني وحم ثقيل وين المشكلة؟
خالد/المشكلة ياالحب اني ماابي شي يتعبك ..انتي ولاوليد حتى لو صفربالمية..
وضحى وهي تضحك/صفر بالمية عاد؟؟قوم تحمم وعن العيارة وراك دوام ..
خالد بكسل/اووف من ها الدوامات شزينه الواحد نايم باالعسل يقومونه؟
///////////////////////////////////////////////////
في غرفة نوف ومشاعل دخلت مرام وكانت كل وحدة قاعدة بفراشها من البارح وهي على حطتها ماتحركوا شبر واحد ؟؟
مرام/منتوا رايحين جامعتكم اليوم؟
لا..قالوها بصوت واحد والتفتوا لبعض بعد ماانتبهواكل وحدة لوجود الثانية جنبها...
مرام/عسى ماشر؟
نوف/الشر مايجيك انا ماعندي محاضرات؟
مشاعل/وانا...انا..مدري حاسة اني مو رايقة؟
مرام/يعني شقول لاامي وابوي..
مشاعل/قولي ماهم رايحين..
طلعت مرام بدون ماتقول لهم شي زيادة ولفوا لبعض وكل وحدة في عيونها حكي كبير...
نوف(شقولك يامشاعل...اني اذوب في عبداللهوان تركي من امس شككني بشي ماودي اشك فيه؟بس هو خلاني اصير مجنونة؟عبايتي انا متاْكدة منها انها كانت على الفراش وحتى اذا فرضنا انها كانت على الكرسي وانا كنت غلطانة عطر تركي كله عالق فيها؟؟معقول من وقفتي جنبه ثواني على الدرج !!لالامستحيل ماتعلق الريحة ها الكثر....)
نوف...نوف...
انتبهت على مشاعل اللي تكلمها...
نوف/هلا..
مشاعل/وش فيك؟
نوف/ولاشي..انتي اللي وش فيك؟
مشاعل/انا؟
نوف حبت تبدل الموضوع عنها/أي انتي انا محترمة سكوتك من البارحة وماقلت شي انتظرك تتكلمين؟
تنهدت مشاعل..
نوف/فواز صح؟
////////////////////////////////////////////////////////////
تعليقاتكم للبارت الجاي... | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 22:21 | |
| ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,
البارت التاسع والعشرين والثلاثين,,,
****************************
*ياسمين/تريق عدل ياخويّ وراك مدرسة؟
الجدة/لاتوصين حريص مايقصر ياْكل عن عشرة!!
الجد بحقد/اذكري الله لاتنظرين الولد؟؟؟
مشعل بفخر/سمعتي جدي شيقول؟
الجدة بنفس الحقد/انا مدري وش عندك معه؟
مشعل/سلامتك ولد وابوه...
الجدة/أي بس انتوا ماتتفقون الا على الشر؟
الجد بنرفزة ومسوي انه شخصية/اصبحنا واصبح الملك لله...
الجدة/هاذي جديدة بعد!!من متى صرت تقولها يابو خالد؟
ياسمين بهمس لمشعل/شكلها بتحمى اللحين...بقوم اجهز نفسي نوير بتمرني بعد شوي..
مشعل مسوي نفسه خايف/وبتتركيني وسط الحرب!!ماتخافين اصير شهيد؟
ياسمين/اذا تبي الحقيقة انا اخاف عليهم منك؟
مشهل/افا..
ياسمين/ههههه
مشعل/امي وينها؟
ياسمين/كانت بالمطبخ..بقوم اشوفها؟
////////////////////////////////////////////////////
كانت في السيارة تشرب قهوتها بهدوء وهي تتذكر كلمته(هاذي الغالية وماهميتوني بللي تقولونه عنها انا لها وهي لي)..اه يانورة اه,,,,فارس وهو بعيد عنك وهو متعبك هذا لو يرجع شيصير لك؟بتنتهي حياتك خلاص؟بينهيها ها الفارس اللي ماتعرفينه ,,,
والله عقلي واقف ومو قادرة افكر..حيرني ها الفارس مدري ليه رد عليّ كذا!!هو شيقصد اصلا من ها الكلمة؟شماتة ولاحب؟غمضت عيونها ماتبي تفكر لان كل ردة فعل اصعب من الثانية بالنسبة لها,,,,
دخلت ياسمين بها اللحظات السيارة
ياسمين/هاي..
نورة/هلا...
ياسمين/امانة وين سرحانة؟
نورة/ولاشي...الخونة ثنتينهم ماراح يرحون الجامعة اليوم؟
ياسمين/شرايك نروح نتغذى معهم اذا طلعنا؟
نورة/ماشي...
رن جوال ياسمين وشافته وتاْففت/اوووووف هذا نواف؟شيبي بالله؟
////////////////////////////////////////////////////////
طلع من البيت متضايق وجلس بالسيارة...ماراح تروح الجامعة اليوم؟شفيها!!!خسارة اني ماصبحت بوجهها؟حس بضيق وكتمة ماعرف سرهم....انحرج انه يروح ويساْل عنها واخته بعد ماراحت!!حس انه بيصغر وبتضيع هيبته كل شوي وناط غرفتها,,,
تنهد بقوة وهويتمنى احد يحس فيه وفي مشاعره لها,,اه يانوف اه..لو تدرين شقد حبك معذبني كان مالمتيني..وراءفتي بحالي يالغلا,,,
احبك....وربي قليلة ها الكلمة بمشاعري ناحيتك..ابيك تحسين فيني وفي غرامي واشواقي..وتحسين بعذابي يااحلى عذاب قاعد اتعذبه..احبك..احبك..احبك..
////////////////////////////////////////////////////
نوف/ساْلتك فواز هو سبب شرودك؟
مشاعل/أي يانوف هو...
نوف/ليه صار بينكم شي امس؟قال لك شي ضايقك؟
مشاعل/لاابدا!!
نوف/وش له اجل صافنة من البارح واليوم ماودك تروحين الجامعة؟
مشاعل/شقولك بس يانوف انا حاسة اني متضاربة بمشاعري معه..
نوف/كيف يعني مافهمت,,,؟
مشاعل/ساعات احس اني اذوب وهو يكلمني وساعات احس اني خايفة منه ومن حياتي اللي بعيشها معه وساعات احس اني ماابيه؟
نوف/هاذي الاخيرة لازم تشيليها من بالك انتي عارفة عمي زين يامشاعل وتدرين ان ها المواضيع ماياْخذ فيها راي احد حتى تركي وعبدالله اذا كان هو مقتنع,,,
مشاعل بتعب/وانا وش اللي متعبني يانوف غير هالسالفة....الا خلينا من ها السالفة وقولي لي انتي شفيك ورى مارحتي اليوم الجامعة؟
نوف/انا...لاتشغلين بالك فيني كنت احاتيك وبس!!قالتها وراح تفكيرها من جديد لعبدالله وتركي والبارحة؟
/////////////////////////////////////////////////////////////
ياسمين بارتباك/هذا نواف يانورة؟
نورة/طيب ردي عليه؟
ياسمين/ارد عليه شقوله؟
نورة/ياسلام شنو يعني شقوله؟
ياسمين/هو ليه متصل اصلا!!
نورة/ياسمين خلاص تراه زوجك واتصاله مافيه أي عيب؟
ياسمين/بلى فيه...انا ماابي اكلمه ولايكلمني؟
نورة/ردي خلصينا تراه مابيوقف دق الا اذا رديتي عليه؟
ياسمين/مو رادة؟
نورة/اوووف ياسمين ردي تراه ازعجني؟
ياسمين/بقفل الجوال...
نورة/لاتسوووين لنفسك سالفة يابنت الاوادم....
سكت الجوال وبعد ثواني جاها مسج من نواف(وينك عن جوالك ليه ماتردين)
قرت مسجه بغضب وردت عليه بمسج(ماابي ارد عليك كيفي يااخي)وقفلت بعدها جوالها...
نورة بذهول/انتي ليه سويتي كذا!!
ياسمين وهي مغمضة عيونها تداري دموعها/لاني ماابي اسمع صوته ولا اللي بيقوله؟
نورة/وليش حاطة في بالك انه بيقول كلام مايعجبك؟
ياسمين بغصة وبدون ماتفتح عيونها/لانه.....لانه بيطلقني!!
نورة لفت وجهها عنها/ياسمين...ترى احسك اوشكتي على الجنون؟امس مدري اللي قبله ملكتوا تقولين لي بيطلقك؟؟؟مو لهدرجة عاد!!
ماقدرت تقول لنورة ساعتها عن كلام مشعل اللي قاله ولاان جدها راح يكلم نواف علشان ها السالفة اللي ماتدري وش صار فيها؟
/////////////////////////////////////////////////////////
لؤلؤة/وانا بالله شسوي لك؟
احمد/وديني حق امي؟
لؤلؤة/يااحمد انا شقلت لك..الماما مسافرة ومااخذت تلفونها معها....هي بس ترد بتجيك هنا تاْخذك؟
احمد بعناد/لا...انا ابي اروح ماابي هنا مااحب بيتكم؟
لؤلؤة بانكسار/حتى انا مااحبه!!!ادري بيتنا مافيه حياة...بس بكرة بتجي خالة ياسمين وبتجيب لك اخوان تلعب معهم وعمة وضحى بعد بتجيب لك بنات وااولاد وبيمتلي لنا البيت..
احمد/شلون يعني خالة ياسميين تجيب عيال يصيرون اخواني!!
لؤلؤة/لانها زوجة البابا ..
احمد/أي بس الماما ريم هي زوجة البابا...
لؤلؤة/اوووف ياربي انا من جد تورطت معاه...
احمد ببكي/ابي الماما...
لؤلؤة/ساعدني ياربي....وليه تقولي انا قول لاابوك..
احمد/قلت له مارد عليّ!!
لؤلؤة/طيب حبيبي لاتصارخ...
////////////////////////////////////////////////////////
ام مشعل/ماتشوف شر يبى...
ابو خالد/الشر مايجيك يابنيتي..
ام خالد/كله منك اكيد ماكل لك شي من هنا ولامن هنا...
ام مشعل/يمه خليه يرتاح وبعدين لوميه وعاتبيه براحتك...
ام خالد/انا من محبتي له اعاتبه؟
ابو خالد/خلي محبتك لك ماابيها وجيبي لي ولدي مشعل؟
ام مشعل/مشعل بالمدرسة يبى...
ابو خالد/دقي عليهم خل يرخصون له يرجع البيت...
ام مشعل/مايصير يبى...
ام خالد/ادق على خالد يجيك..
ام مشعل/لايمه مايحتاج كاهو صار بخير لانخوف خالد والسالفة ماتسوى؟
ابو خالد باعتراض/أي ماتسوى!!انا بغيت اموت وانتي تقولين ماتسوى؟
ام خالد بتاْييد/أي لان مو ولدها اللي بغى يموت علينا ؟؟انا وانت بالنسبة لها مانسوى؟
هزت ام مشعل راسها وماردت بشي,,
///////////////////////////////////////////
تركي/علامك شاب الدنيا علينا؟
نواف بعصبية/سلامتك..
تركي/مدام قايل سلامتك بها اللهجة معنتاه السالفة فيها بنت خالتي؟
نواف بعصبية اكبر/وفي غيرها بيشيبني؟؟؟
تركي/شمسوية بعد!!
نواف/ولاشي بس ماتبي ترد على اتصالاتي؟؟؟
تركي/..............
نواف/وفوق هذا تقفل الجوال...
تركي/................
نواف/لي حق اتضايق ولالا؟
تركي/انتوا متى بتتفاهمون؟
نواف بقسوة/اذا صارت عندي وتحت رحمتي ,,,طول ماهي بعيدة السالفة صعبة؟
تركي/والمعنى؟
نواف/لاتخاف ياتركي ماهي مطولة جيتها عندي؟
تركي/شبتسوي؟
نواف/للحين مافكرت بس الاكيد اني مابتركها هناك فترة طويلة؟
تركي برواق/لانك ماتقدر على فراقها؟
نواف/.....................
تركي/ليش سكت؟؟؟لان كلامي صحيح؟
/////////////////////////////////////////////////////////// | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 22:28 | |
| بعد الساعة ثنتين بغرفة مشاعل ونوف,,,,
ياسمين/عطوني بيجاما ولاشي البسه؟
نوف/قومي اخدمي نفسك انتي معها؟
نورة/حرام عليكم جايين من الجامعة ميتتين مو مثلكم مرتاحين بالبيت؟
مشاعل/وش الفايدة البال مشغول؟
نورة/اسمع اسمع..شعلولة صارت شاعرة على اخر الزمن؟
رمت مشاعل على نورة مخدتها وضحكوا البنات...
ياسمين/وين الغذى ترانا ميتتين جوع امي بالموت خلتني اجي تقول دقي على نواف استئذني منه؟
نوف/مشاءالله...
ياسمين/هذا اللي كان قاصرني تصدقون اني امسك سماعة التلفون تسمح اروح بيت خالتي.
نورة/صدق ذكرتوني بشوف لؤلؤة وراها ماجت اليوم..يالله خمدوا كلكم؟
مشاعل/حطيه سبيكر يمكن السالفة فيها نواف خلنا نتشمت فيه شوي
ياسمين بقهر/مالت؟؟
هههههههههههههههههه
نورة/الو...هلا لولو كيفك قلبي؟
////////////////////////////////////////////////////////////
في غرفة ام تركي وابو تركي,,,,
ام تركي/ابو تركي علامك جالس كذا!!
ابو تركي/............
ام تركي/فيك شي يارجال؟
ابو تركي/قاعد افكر؟
في شنو؟قالتها وجلست قباله...
ابو تركي/في فواز؟
ام تركي/فواز؟
ابو تركي/أي...
ام تركي/شفيه؟
ابو تركي/........
ام تركي/دق عليك كلمك؟
ابو تركي/لا..
ام تركي/يعني هون وغير رايه مايبيها؟
ابو تركي/انا ماقلت كذا؟
ام تركي/اجل قول خوفتني؟
ابو تركي/قال عطني يومين ارتب اموري واشوفها قبل الملكة ومن شافها ماجاني منه خبر
ام تركي/تهقى هون وماكلف على عمره يقول لنا؟
ابو تركي/لاهو ماغير رايه خاله قال لي انها عجبته واثنى عليها واجد ويبيها حتى اخذ مني رقمها وقال بيكلمها بس مدري ليه انا قلقان ياام تركي.
ام تركي/مدامه عاجبته وخاله يقول انه مدح فيها ...الله يقدم اللي فيه الخير
ابو تركي/امين...
ام تركي/يالله قوم ترى العيال ينتظرونك على السفرة؟
ابو تركي/يالله اسبقيني بس ابدل ثيابي واجي وراك؟
/////////////////////////////////////////////////////////
وضحى/خلاص خالد والله احس نفسي شبعت؟
خالد/بعد ها اللقمة...
وضحى/بس حبيبي وربي كثرت اكل اليوم؟
خالد/لازم ياعمري علشان وليد يتغذى؟
وضحى بقهر/وانا انفجر!!!
خالد بلامبالاة/لبنان مو بعيدة؟
وضحة بنفس القهر/شوف النذل؟
خالد انفجر بالضحك/هههههه
شسوي فيك انا!!!اقولك كلي تقولين بنفجر؟
وضحى/أي ماعليه ياخويلد زعلت ماابي اكل شي خلاص؟
غمز بعيونه وقال بخبث/زعلتي بعد ماخلصتي الصحن كله؟
وضحى/ياثقيل الدم؟؟؟
خالد/هههه
وضحى بحب/عساها دوم ها الضحكة؟
خالد/يالله اجل ها اللقمة بعد!!
وضحى/بس مقدر...
خالد/ها وضحى...اشوف السلطة ماخلصتيها؟
وضحى/مالها مكان خلاص؟
خالد/لاحبيبي ماتمشي عليّ؟
وضحى/عن جد مالها مكان صدقني؟
خالد/ندور لها مو مشكلة؟
//////////////////////////////////////////////////////////
نورة/أي قلبي سلامات ورى ماجيتي اليوم؟
لؤلؤة بتعب/شقولك بس يانورة؟
نورة/عسى ماشر؟
لؤلؤة/احمد متعبني؟
ناظروا في بعض واستقرت نظراتهم على ياسمين...
نورة/احمد؟
لؤلؤة/أي...طول اليوم يبكي يبي امه وانا مو عارفة اتعامل معه....
نورة/طيب خلوه يشوف امه مايصير كذا تاْخذونه مرة وحدة منها...
لؤلؤة/تعبت من نواف كل ماكلمته قال مدام طلع من بيت ريم انسي انه يرد لها من جديد؟
جت ياسمين بتتكلم ونوف سدت حلقها لان نورة مسويته سبيكر....
نورة/ربي يكون بعونك والله ماعندي شي اقدر اساعدك فيه...
لؤلؤة/ولايهمك...
نورة/.
لؤلؤة/نورة؟
نورة/هلا...
لؤلؤة/بشاورك في شي؟
نورة/في شنو؟
لؤلؤة/قبل شوي اتصلت فيني بنت عمي ام مشعل؟
نورة/خالتي؟
لؤلؤة/أي..تبيني اودي احمد عندها كم يوم تقول علشان يتعود على ياسمين وبالمرة يتاْقلم مع مشعل وانا محتارة ولاقلت لنواف ولالوضحى وحتى هي مارديت عليها بشي؟
فتحت ياسمين عيونها على وسعها وناظروا فيها كل البنات..
نورة/وليه محتارة عاد؟
لؤلؤة/الموضوع محرج؟
نورة/خالتي طيوبة وحنونة مع الكل ولو تحس انها مابتتحمله ماقالت لك جيبيه؟
/////////////////////////////////////////////////////
توقعاتكم للبارت الجاي شنو بتكون؟
**نوف اذا التقت بتركي بعد سالفة العباية كيف بيكون الجو بينهم؟
**ياسمين واحمد وش راح يكون؟
**زيارة نواف لبيت عمه ليه بتكون؟
**نواف وياسمين اذا التقوا كيف بتكون المواجهة بينهم؟
اشوفكم يوم السبت على خير ان شاءالله؟ | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 22:36 | |
| البارت الواحد والثلاثين,,,
//////////////////////////////////////
مشعل/سلامات جدي امي تقول انك تعبان؟
الجد ة/توك تجي تساْل صباح الليل من متى وانت راد من مدرستك؟
الجد/اللحين هو جاي يسال عني ولاعنك مالك شغل فيه؟
مشعل/اذا مشغولين امركم بعدين؟
الجد/لالالالا تعال اقعد؟
الجدة/اسمع بعد مشيعل من متى نازلة الذرابة عليك ياحظي؟
الجد بدفاع/طول عمره مشعل ذرب مو مثل اللي في بالي؟انتي شفيك عليه ياحرمة؟
الجدة/انت اللي شعندك معه..ليه متفقين مع بعض؟
مشعل/يعني اذا ولد وابوه اتفقوا تصير السالفة غريبة؟
الجد بتاْءيد/أي نعم...
الجدة/اه ياقلبي محد ر افع الضغط والسكر غيرك؟
مشعل/وانا شكو؟انتي اللي تزطين بها الاكل ولاانا؟
الجد/اذكري الله يامرة ها الفقير مشعل شياْكل عاد؟
مشعل/قول لها ياجدي ماتصلي على النبي اذا طرتني تبي تموتني من عيونها؟
////////////////////////////////////////////////////////
ابو تركي/حصة هني؟
حصة/شلونك يبى؟
ابو تركي/الحمد الله..انتي شلونك وشلون عيالك؟
حصة/نساْل عنك يبى...الله يطول لنا بعمرك..
عبدالله/يالله يبى متنا من الجوع؟
ابو تركي/ماعليه اخرناكم شوي اليوم عن الاكل....
حصة/يبى..
ابو تركي/نعم...
حصة/شصار على خطبة مشاعل؟
ابو تركي/......
تركي/انت ماكلمت فواز ولاعمي ابو سالم؟
ابو تركي/في ها اليومين بتسمعون خبر؟
حصة/يبى عطنا خبر قبل مو يوم الملكة تفاْجاءنا؟
ابو تركي/وخير ان شاءالله وش عندكم؟
عبدالله/يعني شعندهم غير ها الاسواق والثياب ..وشنو بيلبسون؟
ابو تركي/يبى السوق قريبة وفيها كل شي لاتحاتون...الا على طاري السوق وين البنات مااشوفهم؟
ام تركي/معاهم نورة وياسمين؟
ابو تركي/ماباركنا لياسمين بالملكة؟
تركي/انتظر ليلة الخميس وبارك لها..
ام تركي/ليه؟
تركي/خواته يبون يسوون له حفلة بسيطة قال ليلة الخميس بيسوي لكم عشى بالمزرعة وبتتجمعون؟
ام تركي/غريبة اختي ماقالت لي انا مكلمتها الصباح؟
تركي/لانها مابعد عرفت الليلة نواف بيمرها يقول لها؟
//////////////////////////////////////////////////////////////
نوف/احنا شلون نسينا سالفة ها البزر؟
نورة/وش بنسوي يعني؟
مشاعل/مو احنا اللي بنسوي ..هي شبتسوي معه؟
ياسمين/منو؟
نوف/انتي ياحظي؟
ياسمين/انا؟؟؟
نورة/لاانا..طبعا انتي؟
نوف/شبتسوين مع احمد ولد نواف علامك مخك رايح بعيد؟
ياسمين بخوف/تصدقون ماقد خطر في بالي ابدا احمد ولا شلون بنكون مع بعض؟
نوف/لاحبيبتي لازم يخطر في بالك لانه واقع...
نورة/وصار واقع حتمي امك تبيه يجي عندك البيت يتعود عليك؟
ياسمين/وانا شكو ان شاءالله مفكريني امه صدق؟
مشاعل/علامك تضايقتي؟
ياسمين/لاني مااعرف اتصرف مع بزارين صغار مثله؟ افهموني مو كفاية هم نواف بعد يجي فوقه ولده ياربي انا شسويت بدنيتي علشان تغضب عليّ كذا!!
نوف/اذكري الله ماله داعي ها الحكي؟؟؟
مشاعل/بنات..
نورة/هلا..
مشاعل/هذا فواز داز لي مسج؟
ياسمين/شيبي؟
مشاعل/يقول حددي موعد الملكة لاني بكلم ابوك اليوم وبتفق معاه؟
نورة وهي تضحك/جاك الموت ياتارك الصلاة..
مشاعل بخوف/ببكي ..ياربي ساعدوني ماابيه؟
///////////////////////////////////////////////////////
وضحى/السلام عليكم...
وعليكم السلام والرحمة؟
لؤلؤة/شلونك؟
وضحى/بخير انتوا شلونكم..
لؤلؤة/عايشين...
وضحى/احمد وينه؟نايم؟
لؤلؤة/مابغى ينام طول الليل يبكي؟
نواف/خله يبكي وش عليك منه انتي؟
لؤلؤة/ياسلااام؟
نواف/سمعي لؤلؤة انا ماابي ادلعه خله يصير رجال؟
وضحى/شوي شوي عليه يانواف توه ولد اربع سنين ....
نواف/اربع ولاعشر..اذا من البداية بياْخذها دلع بيكبر عليه؟
لؤلؤة/مدامكم ثنينكم هني والسالفة فيها احمد بقولكم عن شي؟
وضحى/خير..
لؤلؤة/بنت عمي ام مشعل دقت لي وقالت تبي تاْخذ احمد عندهم كم يوم؟
نواف/دقت لك انتي بعد؟
وضحى/ليه هي داقة لك انت بعد!
نواف/أي..
وضحى/وانت شرايك؟
////////////////////////////////////////////////////////////
مشاعل/اوووف راحوا البنات ورجع الملل؟
نوف/..........
مشاعل/يابابا احاكيك انا ؟
نوف/........
مشاعل/نوفوا دبريني؟
نوف/لشنو؟
مشاعل/ماابيه؟
نوف/مشاعل خلصنا من ها السالفة خلاص,,,,,عمي مو ماْخذ برايك هو عاجبه فواز؟
مشاعل/أي بس انا صدق ماابيه؟يمكن كلامه حسسني باشياء حلوة وعيشني بحلم وردي بس انا فعلا ماابيه شسوي؟
نوف/مدام الرجال شاريك ومكبر بواجبك ويبيك تحددين موعد الملكة بنفسك حدديه وردي عليه وانسي سالفة ماابيه؟
مشاعل بخوف/أي بس انا فعلا ماابيه يانوف احس ان ارتباطي فيه بيغير حياتي؟
نوف/اكيد اذا ارتبطتي بتتغير حياتك سواء معه ولامع غيره؟
مشاعل/لاانتي مو فاهمة عليّ يانوف احس ان حياتي مع فواز تحديدا بيصير فيها شي مدري شنو؟
نوف/هذا من كثر ماانتي تفكيرين ياعمري...هدي شوي وابعدي سالفة الخوف منك ترى الزواج مايخوف مرة؟
مشاعل/وانتي وش عرفك؟
نوف/هههه محد قال لي بس صدق انتي متخوفة كثير...شوفي المسكينة اللي بتاْخذ دراكولا وهي ماقاعدة تسوي ربعك يامشاعل؟انتي اقلا عارفة ان فواز يبادلك الاحترام وعنده مشاعر تميل ناحيتك مو مثل نواف اللي حياته حروب معها والله اعلم اذا صارت في بيته شبيكون بينهم؟
///////////////////////////////////////////////////////////
بعد صلاة العشاء,,,في بيت بو خالد,,,
ام مشعل/هلا وغلا بنواف؟
نواف/هلا بنت عمي شلونك؟
ام مشعل/نساْل عنك..
نواف/عايشين الحمد الله...شلونك عمي؟
ابو خالد/اسكت ياولد اخوي بغيت اروح فيها اليوم؟
نواف/لا...
ابو خالد/أي والله...
نواف/سلامات سلامات ماتشوف شر ان شاءالله...
ابو خالد/الشر مايجيك وانا عمك...
نواف/مشعل شلونك؟
ام خالد/مشيعل يالثور انت ماسلمت على ولد عمك للحين؟قوم فز سلم عليه يللي ماتستحي؟
نواف/شفيك ياام خالد هو اللي فاتح لي الباب ومدخلني انا بس كنت اساْل عن اخباره؟
الجدة مسوية شخصية/على بالي انه ماسلم عليك قلت مايصير بعد؟
مشعل/الا تبين تمسكين عليّ اقل شي؟
ابتسم نواف بدون مايعلق,,,
/////////////////////////////////////////////////////////
نورة/سعد..
سعد/نعم
نورة/قوم خل نروح السوبر ماركت..
سعد/بنات تمويون على الطلعة توك رادة من بيت خالتي قبل ساعتين؟
نورة/يبى محتاجة اغراض وبيني وبينك متمللة؟
سعد/لالالالا البنات مكانهم البيت فقط؟
نورة/سعيدان؟
انا موجدتي تهبل فيني!!
سعد/كلكم من نفس الصنف حريم...الا على فكرة جدتي حرمة ولارجال؟
نورة/قول قسم؟؟؟
سعد/انا بصراحة مااحسها حرمة يعني مافيها شي بشكلها يدل على انها حرمة؟
نورة/شكلك تبي تجيب العيد لنا قوم يبى وبعطيك عشرين ريال؟
سعد شهق/عشرين ريال بها الزمن شتسوي عاد؟
نورة/ياسلاام؟
سعد/اقل من خمسين موقايم؟
نورة/اوووف انا كل اللي معي اللحين مية وسبعين...اذا عطيتك خمسين كم ظل معي؟
سعد/وانتي بتمولين البيت ياحظي!!كل اغراضك معروفة..سنكرس ,,جالكسي,,,شبس ليز...حليب جالكسي....ومجلة زهرة الخليج,,,عطيني بس عطيني الفلوس كلهم وانا اخذ لك اللي تبينه؟
نورة/لاتحلم؟
سعد بنفخة/ان شاءالله تبين تحاسبين انتي وانا اوقف مثل جدي مو داري عن الدنيا؟لايابابا انا رجال واذا بطلع مع احد امسك انا الحسابات ولامااطلع؟
////////////////////////////////////////////////////////////
نوف/انا بروح اشوف كنتاكي وصل ولالسه؟وشوفي لك حل انتي بالهم اللي عايشة ومعيشتنا فيه؟
مشاعل/مفكرة ماارسل له شي واطنش؟
نوف/يابابا اذا مارسلتي بيرجع يتصل؟
مشاعل/اوووف طيب...
طلعت نوف من الغرفة ونزلت وماكان في احد موجود طلعت من باب الصالة للباب الخارجي...
وتوها بتفتحه الاتركي داخل...ظل يناظرها ونسى انه يسلم وهي ظلت تشوفه وكل تفكيرها بالعباية وبريحة عطره اللي فيها بس ماقالت شي....
انتبه على نفسه وانها قاعدة تناظره..
تركي/احم احم....هلا نوف...
بشرود وبرود قالت/هلاتركي..
سلامها وردها صدموه بس ماحب يبين هاالشي
تركي/طالعة؟
بنفس البرود/لا...
تركي/لا؟وش تسوين هنا اجل؟
نوف/طالبين من كنتاكي وكنت بشوفه وصل ولالسه لان الظاهر مافي احد بالبيت وانا ومشاعل فوق؟
تركي/يوم انكم مشتهين كان دقيتوا علي اجيب لكم وانا جاي؟
غريبة؟؟؟قالتها وكتفت يدينها...
تركي/وش الغريب؟
بحدة قالت له/خبري فيك ماتحب ها المطعم بالذات يعني بتتعنى له برجلك وتاْخذ لنا لو دقينا عليك قلنا نبيه!!!!انت كل ماتشوفنا ناكله هذرت فوق راسنا؟
///////////////////////////////////////////////
البس عباية ولااخليها؟البسها ولااخليها؟اووووف الله يهداك يمه انا مالي وماله ليه لازم اروح اضيفه واقهويه واسلم عليه؟؟؟؟يلعن الساعة اللي ملكنا فيها ؟؟
اخاف اترك العباية ويفشلني قدامهم واخاف اشيلها ويقول هاذي ماصدقت على الله,,,هو بروحه ماءخذ مني موقف من يوم الراشد..لالالالا بشيلها علشان يعرف انه مايهمني ومايخوفني بعد؟ولو يمديني اركب فوق واحط لي روج احمر غتمق حطيت بعد بس ماني متعبة نفسي علشانه!!!
شالت الصينية اللي فيها الشاي ودخلت المجلس كان نواف جالس بالزاوية يعني اللي جاي من برى يقدر يشوفه قبل لايدخل وبس لمحها مقبلة لف لاام مشعل وقال لها/اقول يابنت عمي؟
ام مشعل/هلا يمه...
كانت ياسمين دخلت وسلمت بها اللحظات بس هو كان لاف وجهه لعند ام مشعل يعني مسوي انه ماشافها ولاسمع سلامها..رغم ان صوت كعبها مزلزل المكان...
نواف/ ليلة الخميس ان شاءالله بنلبس الدبل يعني بعد ليلتين..ز
المسافة الفاصلة بين المكان اللي واقفة فيه ياسمين واللي جالس فيه نواف قبالها مايتعدى المتر وهو المكان اللي طاحت فيه صينية الشاي بللي عليها من يد ياسمين وهي تسمع كلامه؟
///////////////////////////////////////////////////
لؤلؤة/وضحى...
وضحى/هلا..
لؤلؤة/تهقين نواف يحب ياسمين؟
وضحى/ليه تساْلين؟
لؤلؤة/مدري بس احسه مستعجل حيل علشان يجيبها البيت؟
وضحى/نواف دايما تتوقعين منه الغير متوقع..
لؤلؤة/الا الحب ياوضحى....احس انه اكتفى من تجربته مع ريم وعمم التجربة على الكل؟
وضحى/يجوز.....بس ترى مشاعر الانسان مو بيده؟
لؤلؤة/طيب وهي؟
وضحى/انتي ادرى فيها مني؟
لؤلؤة/لاانا ماشوف منها شي غير عن اللي تشوفينه؟ويمكن بحكم علاقتها القوية بخالد انتي تعرفين شي عن ها السالفة؟
وضحى/هي عارفة ان خالد يقول لي كل شي ويعطيني كل اللي بخاطره فعلاقتها بنواف يالؤلؤة تركتها بعيد عن خالد وماجابت له سيرتها ولامرة بحياتها يالؤلؤة...
//////////////////////////////////////////////////////// | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 22:48 | |
| عبدالله/عبير
عبير/قول ياقلبي
عبداللله/ابي منك شي..
عبير/شنو
عبدالله/ابيك تتعرفين على مشاعل ونوف؟
عبير/ليه؟؟؟
عبدالله/علشان...
عبير/علشان شنو؟
عبدالله/يعني يكون بينا طرف ثالث وناْخذ اخبار بعض منه؟
عبير/وليه هذا كله انت عندك جوالك وانا عند يجوالي ونقدر نكلم بعض ناخذ اخبار بعض؟
عبدالله/طيب وش فيها لو تعرفتي عليهم؟
عبير/لانهم هم اللي لازم يتعرفون عليّ!
عبدالله/انتي ليه تصعبينها ياعبير؟
عبير/انا فاهمتك وفاهمة وش تبي ؟
عبدالله/.........
عبير/تبي اتعرف عليهم علشان يسهلون عليك سالفة الخطبة؟
عبدالله/وشنو فيها هاذي بالله؟
عبير/فيها انهم اذا يبون هم يجون يتعرفون عليّ لاني مابتعرف عليهم؟
عبدالله/علامك يابنت الناس ليه مكبرتها وهي صغيرة؟
عبير/انا هذا تفكيري عاجبك عاجبك مو عاجبك بكيفك؟
عبدالله بعصبية/شنو يعني بكيفك؟
//////////////////////////////////////////////////////////
كان واقف مكانه ماتحرك منه...
عطت السايق الفلوس واخذت طلبهم وركبت فوق بسرعة...
كان متسند على باب الشارع وواقف ومكتف يدينه وتفكيره شارد لبعيد ...لها ولكلامها اللي حس انه اربكه في شنو مايدري بس حس نفسه مجروح منها ..ومنحرج من نبرة صوتها الحادة معه؟
ظل يراجع تفكيره بمواقفه معها ولاوراها ويشوف ان كان جرحها بدون مايقصد ماتذكر أي شي لاقاله ولاسواه؟طب ليه كلمته بها الطريقة وماكانت مرتاحة بوقفتها هنا معه اليوم؟معقولة انها حست بشي ولااحد قايل لها شي؟
هي كانت معي طبيعية وتاْخذ وتعطي ماعندي معها أي مشكلة تغيرها اليوم اليوم وبس؟
معقولة حصة؟؟؟معقولة كلمتها ولا نرفزتها؟تنهد بقوة وهو في باله الشر عليها اذا كانت فعلا هي اللي مزعلتها ومخليتها تتعامل معه كذا...
تنهد بقوة اكبر وهو حاس انه فعلا متضايق بتعاملها معاه ودخل البيت,,,
/////////////////////////////////////////////////
على اساس انه بيشيل معاها الزجاج المتناثر بينهم وهم راكعين يشيلونه جنب بعض ..
همس لها باْذنها بحدة/روحي بدلي ها البنطلون الضيق؟
رفعت راْسها بصدمة ولقته يناظرها بغيظ...وارتبكت زيادة...
اصلا هي بموقف تنحسد عليه فوق انها مصدومة انها بعد ليلتين بتلبس دبلته وانها كسرت الصينية قدامه جاي يقول لها بدلي وين عقله هذا!!!
قالت بغباء/نعم...
نواف بحدة/انا شي اسمه بنطلون ماادانيه بحياتي فاانسي انك تلبسينه لا وضيق بعد!!!
خلي عنك يانواف؟
رفعوا راسهم لاام مشعل اللي جاية تشيل الزجاج وتكنسه وهي قامت بهدوء مو علشان تبدل ولاتفكر انها تبدل اصلا بس علشان تقنع نفسها انها بعد يومين بتلبس دبلته؟؟؟
/////////////////////////////////////////////////////////// | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 22:53 | |
| /////////////////////////////////////////////////
البارت الثاني والثلاثين,,,
////////////////////////////////////
نوف/هذا هو؟
مشاعل/أي..
نوف/طيب ردي عليه...
مشاعل/ماابي..
نوف/ليه؟
مشاعل/لاني ماابيه يانوف...
نوف/مابنعيد ونزيد بها السالفة كسبيه بصفك مدامه شاريك؟
مشاعل/لا..
نوف/خذي بس وقولي له انك تبين الملكة بعد عرس ياسمين..
مشاعل/واذا سئلني متى عرس ياسمين؟
نوف بنفاذ صبر/انتي اللحين ردي عليه تراه قطع نفسه من الاتصال؟
مشاعل بعناد/ماابي...
ضغطت نوف على زر الرد وحطت الجوال بااءذن مشاعل اللي ارتبكت وماعرفت شتقول...
فواز/الو..
مشاعل/...الو..
فواز/هلا وغلا..
مشاعل/ها...هلا..
فواز/كل هذا تغلي تغلي علينا ماتبين تردين؟
مشاعل/ها...
فوازبمرح/علامك...منو متحلف فيك تركي ولاعبدالله؟
مشاعل/محد..
فواز/وليه كذا مو قاوية تقولين كلمتين على بعض؟
مشاعل/عادي...
فواز/مااشوفك رديتي على رسالتي..يعني انا منحرج من ابوك اني للحين ماعطيته خبر...
مشاعل/ماابي..
دزتها نوف بكتفها..
فواز/شنو اللي ماتبينه؟
مشاعل/ها...ماابي اقررانا..قرر انت وشوف وش اللي يناسبك؟
فواز/متاْكدة؟
مشاعل/أي..
فوازبجدية/يعني اجي اللحين املك؟
مشاعل/لالالالا
فواز/ههههه توك تقولين قرر انت؟
مشاعل/أي بس مو بها السرعة؟
فواز/يعني نهاية هذا الاسبوع؟
مشاعل/لا..
فواز/حيرتيني معك ..ورى ماتختارين انتي علشان اعرف وش اللي يناسبك؟
مشاعل/مدري؟
فواز/تراها ملكة بس يامشاعل ماهي زواج يعني ماله داعي خوفك الزايد هذا كله؟
//////////////////////////////////////////
خالد/انت ماتقولي وش عندك؟
عبدالله بحزن/ولاشي...
خالد/الا في شي ها اللف والدوران اكيد وراه سالفة؟
تنهدعبدالله...
خالد/وشكلها عويصة بعد؟
عبدالله/خالد...
خالد/قول وش مهبب ياالاغبر؟
عبدالله/انت جربت الحب؟
خالد/وغيره؟
عبدالله/انا اتكلم من جدي ياخالد؟
خالد/وانا امزح يعني؟اختصر وش بعد سالفة التجربة؟
عبدالله/مدري شقولك؟
خالد/طبعا بكون غبي لو ساْلتك تحب ولالا وانت ساْلني ها السؤال؟
عبدالله/................
خالد/منت مرتاح؟
عبدالله/كيف عرفت؟
خالد/مافي غير ها الشي اللي بيخلي الواحد يكون كذا؟
عبدالله/انا تعبان وهاذي مشكلتي؟
خالد/وليه ان شاءالله؟
عبدالله/لاني ساعات احسها غير مبالية بمشاعري ناحيتها ومايهمها حبي وخوفي ..مدري كيف اوصف لك؟..يعني كاْني مااهمها؟
خالد/وليه باقي عليها ماخلت الديرة من البنات ليش متمسك فيها ها الكثر.
عبدالله بحزن وتعب/لانها وجعي ياخالد,,,,لاني احبها ومقدر اكذب بمشاعري؟
/////////////////////////////////////////////
توها بتقوم المطبخ تاْكل لها شي لان الجوع حرقها واكلتها من الضهر في بيت خالتها وعلى اساس انها بتنزل تتعشى معهم الا بجية نواف ومن ركبت غرفتها بعد الموقف اللي صار لها معه حبست روحها في غرفتها وماطلعت منها رغم انها عارفة ان نواف مشى من زمان واهل البيت كلهم ناموا لان الوقت متاْخر....
دق باب غرفتها خلاها تناظر بالباب...
ياسمين/تفضل...
دخلت ام مشعل/نايمة يمه..
ياسمين/لايمه تعالي حياك....
ام مشعل اللي جلست جنبها حطت بجانب ياسمين صينية عليها سندويشات وعصير..
ام مشعل/سويت لك سنتدويش قلت اكيد جوعانة..
ياسمين بكبرياء/لايمه انا شبعانة شكرا ماابيهم..
ام مشعل/ماعليه تركيهم جنبك لو جعتي بعدين اكليهم..
ياسمين/........
ام مشعل/انا انتظرت الكل ينام علشان اجي اتكلم معك؟
ياسمين/في شي...
ام مشعل/ياسمين....,,ويمكن امها قالتها بحنانها المعتاد واللي حست انها بتفقده بس تطلع من ها البيت علشان كذا دمعت عينها وقالت بسرعة/يمه ماابيه؟
ام مشعل/ليه يايمه؟
ياسمين/لاني اكرهه...
ام مشعل/ياسمين يايمه هذا زوجك عيب تقولين ها الحكي بحقه..
ياسمين/يمه انتوا جبرتوني عليه وماشاورتوني..
ام مشعل/في بنت عاقلة تنساْل بنواف عاد؟
ياسمين/.........
ام مشعل/هو يبيك ومن زمان قايل يبيك انتي بس معصبة ومسوية سالفة ورابكة نفسك على الفاضي ولد عمي واعرفه ماتطلع منه العيبة...لاتضايقين نفسك انا عارفة انه بيصونك ياياسمينتي,,,
//////////////////////////////////////////////////////////////
ظلت تناظر بجوالها على اسم تركي اللي كان داق عليها ..ناظرت بمشاعل اللي نامت بعد مابكت وتعبت من البكي يوم كلمت فواز رجعت تناظر باسمه وفي بالها العباية وليه سوا كذا؟؟؟
ردت بجفاء/نعم؟
تركي/اسف على الازعاج..
نوف بنفس الجفاف/لاعادي....
تركي/عسى مو نايمة بس؟
نوف/لالسه....
تركي/طيب ممكن تنزلين الصالة شوي؟
نوف/ليه؟
تركي/ابي اتكلم معك؟
نوف/في شنو؟
تركي/انزلي وبتعرفين؟
نوف/اللحين؟
تركي/أي..
نوف/ماتقدر تاْجل موضوعك؟
تركي باصرار/لا...الموضوع ضروري يانوف؟
نوف/طيب انا نازلة..
قامت لبست عبايتها وهي مترددة حييل وبنفس الوقت متخوفة من اللي بيقوله تركي لها,,,,
نزلت الصالة ولقته جالس بروحه ومبين انه متضايق....
سلمت وقعدت ورفع راسه يناظرها...
نوف/في شي...
تركي بحزن/نوف علامك؟
نوف بجفاف/انت اللي داق وقايل ان عندك سالفة؟
تركي/ساءلتك علامك وش اللي مغيرك عليّ كذا!!
نوف/..........
تركي بنفس الحزن/انا ضايقتك بشي؟زعلتك بشي؟جرحتك بشي يانوف؟
نوف/.......
تركي/مو معقول اسلوبك معي في الكلام نوف صارحيني وش اللي صاير علشان تتعاملين معي كذا!!
ماكانت معه ابدا ولاتدري وش قال اصلا تفكيرها كله في اسلوبه المنفعل واللي حست انه ممكن ينفجر باي لحضة....رفعت راسها تناظر ه..ملامحه غلط فيها شي متوتر ومرتبك لان هذا ماهو تركي الثقيل اللي يهز الجبال ويزلزل الارض....
نوف/خلصت كلامك؟
تركي/..........
نوف/تصدق ماعندك سالفة تعالي وضروري واخرتها تقولي ها الحكي؟
بحدة وعصبية قال لها/نوف انا اتكلم جد؟
نوف/تبيها من الاخر؟
تركي بتردد/أي...
نوف باصرار/وتتحملها؟
وقف قلبه مكانه وحس بخوف يسري فيه بس اضطر يقول لها أي..
//////////////////////////////////////////////////////////////
بعد ماقامت امها من غرفتها وسوت روحها مقتنعة بنواف...ناظرت بالغرفة اللي هي فيها وهي تبتسم بالم..ماتدري باءي وقت بتفارقها وهل بترجع لها من جديد ؟ها الغرفة اللي ضمتها بين جدرانها وتاْلمت لااامها وفرحت لفرحها..حست انها قاعدة تتذكر كل الايام اللي قضتها هنا وفجاْة قطع عليها الجوال تفكيرها ..توقعت نورة ولامشاعل ولانوف بس تفاْجات انه نواف..حست بشي يكتم عليها انفاسها بس عنادا فيه ردت..
ياسمين/نعم..
نواف/مشاءالله للحين سهرانة؟
ياسمين/مو من خصوصايتك؟
نواف//وين رحتي اليوم؟
ياسمين/بعد مو من خصوصايتك؟
نواف/طيب بعد ليلتين اعلمك؟
ياسمين/ماخوفتني؟
نواف/انا مو متصل اخوفك ولااضحكك ,,,سمعي يابابا انا البنطلون مااحبه بكل حالاته؟
ياسمين/أي...وغيره؟
نواف/لابس قلت اعطيك خبر علشان وانتي تجهزين ماتغلطين وتاْخذين لك واحد؟
ياسمين/اقول نواف لاتصدق حالك كثير؟
نواف/خير؟؟؟
ياسمين/سلامتك بنام تصبح على خير..ولااقولك على الف خير؟
نواف/شوفي يابنت الناس....وقسم بالله تسوين مثل الحركة اللي سويتيها الظهر وربي ماتلومين الا نفسك؟لاتفكيرني ممشيها لك ؟لايابابا انا باْدبك عليها بعدين اذا صرتي عندي,,,ووصلت لك على مااظن اياني واياك تعيدينها وماتردين عليّ ولاتقفلين الجوال لان ليلك بيصير نهار ساعتها؟
//////////////////////////////////////////////////////
وضحى/حبيبي..
خالد/قولي حياتي...
وضحى/تدري وش ابي؟
خالد/لا
وضحى/ابي...
خالد/شنو؟
وضحى بتفكير./ابي
خالد/اخذ لك شي تاْكلينه؟
وضحى/لا
خالد/اشتري لك شي حامض؟
وضحى/لا بس ليش يعني حامض؟
خالد/مدري طلعت معي اشوف بالمسلسلات دايم ياخذون لهم ليمونة ياكلونها قلت يمكن انتي مثلهم؟
وضحى/هههه لا ماابي
خالد/تبين تسافرين ولاتروحين مكان معين؟
وضحى/لا...خالد علامك نسيتني حتى الشي اللي بقوله لك؟
خالد بزعل/شنو يعني نسيتيه ,,قالها بخوف كبير..
وضحى/هههه وانت ليه خايف؟
خالد/ اللحين بيصير في نفسك؟
وضحى/لامابيصير اذا تذكرته بقوله لك؟تصبح على خير..
خالد باعتراض/لامافي نوم الا اذا قلتيه..
وضحى/اقولك نسيته؟
خالد/مو شغلي تذكريه اللحين؟
وضحى/شلون اتذكره؟؟غصب هي؟
خالد/مافي نوم
وضحى/بكيفك هي مافي نوم؟
خالد/أي مافي نوم الا اذا تذكرتي وش كنتي تبين؟
وضحى/وانت ليه مضيق خلقك انا اللي ابيه مو انت!!!
////////////////////////////////////////////////////////
تعليقاتكم للبارت والاحداث الجاية,,,
**تركي ونوف وليش؟
**مكالمة بتجي خالد بيوم حفلة ياسمين من منو بتكون وليه وهل بتمشي الامور طبيعي؟
**شب على روحك النار وتستاهل اللي بيجيك؟
**ماعندك اضيق من ها الثوب؟ | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 23:03 | |
| *********************
البارت الثالث والثلاثين,,,,
////////////////////////////////////
نوف/شوف تركي خلينا صريحين مع بعض..
بهمس خايف قال/نوف..
نوف/اسمعني وبس!!!انا بغير تعاملي مع كل من في ها البيت؟
تركي بدهشة/مافهمت!!!
نوف بعد تنهيدة عميقة/ابي اخسركم كلكم..
تركي/تخسرينا!!!!!ليه يعني؟
نوف/لاني بطلع من هنا وماابي اكون نادمة لاني تركت ها البيت؟
مرت ثواني صمت ظل يناظر فيها مستغرب من كلامها وحست هي ان قلبها بيوقف شلون طلع منها ها الكلام ماتدري؟؟؟كانت ناوية تقول له عن دخلته الغرفة بس ماتدري ليش ماطلع معها ذاك الموضوع وجابت ها السالفة من راسهاوحست فعلا انها اغبى شي با العالم بس ليش ماتدري؟؟؟
تركي بجدية/نوف طلعة من ها البيت ماراح تطلعين لو شنو صار؟
قالت بتمثيل علشان لاتناقض سالفتها/مو بكيفك؟
تركي/طيب وش اللي حصل؟
نوف/ولاشي بس مكاني هنا غلط...
تركي رجع لجديته/باْي اساس قررتي ومع منو؟
نوف/بعد زواج مشاعل ب...
قاطعها بسرعة/مابنزوج مشاعل اذا هاذي مشكلتك؟
تنهدت وظلت ساكتة بس بعدها حبت تهدي الوضع لانها حسته معصب قالت رايق/تركي..
تركي/نعم,,قالها بلهفة,,,
نوف/انتوا مشكلتي..اهتمامكم ومثاليتكم معي وطيبتكم الزايدة محسستني اني فعلا ضيفة وان هذا مو بيتي؟
تنهد بقوة وبعدها قال/ماعندك سالفة يانوف ..بس هذا اللي مضيق خلقك؟وش تبين نتهاوش يعني؟؟خلاص من بكرة بتصبحين على هواش وبتتمسين على هواش اذا هذا فعلا اللي بيرضيك واذا تبين بعد من اللحين نتهاوش؟
قامت من مكانها علشان لاتطيح دموعها قدامه وقالت بتصنع/تصبح على خير ولاتشغل بالك وانسى السالفة من اساسها؟قالتها وركبت وماغابت عنها تنهيدة الارتياح اللي طلعت من تركي ساعتها وصورة عبايتها وريحة فيها راكزين في مخيلتها اكثر واكثر ودموعها شوشوا على الجو كله في راسها وماقدرت تركز باي شي....وهي تتمنى انها تكون مجرد ردة فعل واهتمام من تركي ليتمها لااكثر ولااقل؟؟
//////////////////////////////////////////////////////////
مروا يومين بهدوء والليلة هي الليلة الموعودة اللي حست فيها ياسمين ان روحها بتطلع وان الليلة هاذي ماراح تنتهي ابدا!!
رغم انهم مالكين من قبل اسبوع ومنتهية السالفة الا انها حاسة بخوف غير طبيعي يمكن لانها بتكون قريبة منه وهي تلبسه وهو يلبسها....ها الانسان اللي انحكم تعيش وتعاني منه,,,معقولة مايجي الليلة؟؟؟ويعيد سالفة اربع سنين مضت؟؟؟؟حست بالدمعة واقفة على طرف عينها بس كابرت علشان ماتنزل منها ومسكت الجوال بعصبية...
خالد/هلا وغلا.بالعروس...
ياسمين/خالي...
خالد/عيوني لك....
ياسمين/ماابيه؟؟؟
فتح عيونه على وسعها/شنو؟؟؟
ياسمين/.............
خالد/هذا مقلب من مقالبك ولاشسالفتك انتي الليلة؟
ياسمين/..............
خالد/ياسمين....علامك؟
ياسمين/خلاص انسى ولاشي..يالله باي؟
سكرت منه وقفلت الجوال بكبره يمكن احساسها انها تعجلت باتصالها بخالد اللحين ويمكن انها تاْخرت حييل وتوها تتكلم وتقول ماابيه ,,,تنهدت بقوة وخلت دموعها ينزلوا براحتهم بدون ماتمنعهم....
/////////////////////////////////////////////////////////
الجد/شها الكشخة يامشعل؟
مشعل/شقالوا لك بعد...بصور مع اختي؟
الجد/وانا مابصور معكم؟
سعد/اكيد بتصور؟
الجدة/بكيفك انت كل شي تقرره وكاْنها اختك؟
مشعل/ياربي..
سعد/اساْلك الدعاء من كل قلبي....
الجدة/انت جيب لي المكحلة علشان اتكحل....
سعد/وليش بالله؟
مشعل/تبين تفشلينا يعني؟
سعد/انتي كذا ماتنبلعين تبين تتكحلين بعد!!!
الجدة/مالكم شغل بصور مع العيال؟
سعد/علشان يحترق الفلم؟
الجدة/مالكم شغل...
مشعل/جدي قول شي ياكبيرنا؟
الجد/اصلا التصوير حرام علامك انتي؟؟
سعد ومشعل فطسوا عليها ضحك والجد ابتسم ابتسامة نصر على اساس انه شخصية وخوفها...
//////////////////////////////////////////////////////////
عبدالله/تراك جننتني انت بقومتك وقعدتك ماتسوى جاي تتغذى معي لين تتصل فيك مرتك اخر الليل؟
خالد/تصدق ياعبدالله ان الليلة بتشب بينا..
عبدالله/ليه؟؟
خالد/...........
عبدالله/انت مسوي شي؟
خالد/لا...
عبدالله/اكيد اجل لان خالتي ام نواف بتحضر
خالد/اكيد بتحضر مو ولدها اللي ملكته مدري شسالفته ؟اكيد بتكون موجودة..
عبدالله/رغم اني سمعت ان نواف ماكان يبيها تجي بس روحة وجية لين اقنعوه...
خالد/ووضحى اذا جت الشقة اليلة اكيد بتجي قالبة خلقتها ومتضايقة ومتكدرة...
عبدالله/طيب واذا...سايسها انت الليلة؟
خالد/مااعرف...
عبدالله/بالناقص...شب على روحك النار ,,,يعني عارف اللي بتتهاوشون عليه وعلشانه وماتبي تهدي وتساير السالفة تستاهل اللي بيجيك؟؟؟
كان خالد سارح بافكاره بعيد ذيك اللحظات مو علشان وضحى بس.....علشان ياسمين واتصالها ...معقولة هي فعلا ماتبي نواف؟؟؟ولابحياتها قالت لي!!!طيب ليش قالت لي وبعدها سكرت وقالت انسى السالفة؟؟معقولة بس خوف من وجوده قربها الليلة ولاالسالفة فيها شي ماقالت لي؟
/////////////////////////////////////////////////////
في مزرعة نواف وتركي كان الكل متجمع ..ام مشعل وام سعد وم تركي وبناتهم ووضحى ولؤلؤة وخالتهم وبناتها وامهم بعد....
جلسوا يسولفون ويتعشون لين يجي نواف ..وياسمين كانت بالغرفة اللي داخل مع وضحى اللي ماكانت رايقة كثير لاامها وماهي مستعدة تتحمل منها أي كلمة بعد موقف صار لها معها من وصلت والبنات طبعا كانوا يتناوبون داخلين طالعين عليهم...
وصل نواف وسلموا عليه كلهم وجلس مع الحريم شوي وبعدها لبس ياسمين وسط تعليقات البنات والحريم ووسط جمودها وبرودها اللي ماتدري من وين نزلوا عليها وبعد ماانتهى استئذن من امها انهم يجلسون بالمجلس وانه عاطي جدها خبر ..وصاروا بروحهم والباب تسكر عليهم وظلت ياسمين واقفة بمكانها ماتحركت لاتقدمت ولاتاْخرت ووقف هو يرتب شماغه وبعدها تقرب منها وابتعدت عنه بسرعة....
نواف/عسى ماشر ,,احد قايل لك ان فيني مرض معدي؟
ياسمين/.................
ظل يتاءملها بالقوة وهي لابسة ثوب بنفسجي غامق مخصر حييل على جسمها وحاشيته مطرزة ذهبي وبدون سيور..
تقرب منها وهمس لها/ماشفتي اضيق من ها الثوب علشان تلبسينه؟
رفعت راسها بعناد وقالت/فيه...بس ماحبيت البسه وتشوفه عليّ!!
نواف وهو يناظرها من فوقها لتحتها/كذا السالفة يعني....طيب..
////////////////////////////////////////////////////////
في سيارة تركي كانوا البنات معه بس...
تركي/ان شاءالله انبسطتوا؟
نوف/طبعا واحد يشك في ها الشي؟
تركي/معناته عقبالكم..
مشاعل/وانت قبلنا ان شاءالله...
تركي/يصير خير...
مشاعل/انا ابي اعرف ليه الرجال مايقولون لا...ولا يارب ودايم يقولون يصير خير؟
تركي/احد قايل لك ان احنا خفيفين؟
مشاعل/الله عليك يالثقيل؟
نوف/عبدالله اذا احد قال له يقول انشاءالله؟
تركي/ذاك مو عايش في الدنيا؟
مشاعل/وحضرتك اللي عايش؟
تركي/طبعا...
نوف/أي أي..خلاص..وعليكم السلام لانفتح على نفسنا النار اللحين...
مشاعل/هههه
تركي ببتسامة/هذا رايك يعني؟
///////////////////////////////////////////////////////////
خالد/وين صافن القمر؟
وضحى/...........
خالد بصوت عالي/الو..
وضحى/هلا...
خالد/وينك؟لوين وصلتي؟
وضحى/موجودة؟
خالد/صار لي ساعة اكلمك؟
وضحى/لابس كنت شاردة شوي؟
خالد/اكيد فيني؟
تنهدت بضيق وقالت وهي مقهورة/قلت لها اني حامل وراحت تكلم بجوالها ومافكرت ترجع تاْخذ مني أي تفصيل بعد ماسكرت واكتفت بكلمة مبروك اثناء مكالمتها..
خالد بدفاع/يمكن الاتصال اللي عندها كان ضروري...
وضحى/أي...
خالد/وشغل تفكيرها؟
وضحى/وليه ماشغل تفكيرها وهي تسولف مع خواتك؟ولاوهي تتعشى؟ولاوهي تسولف مع اختها وبنات اختها؟
خالد/انتي وش تبين توصلين له بالضبط؟
وضحى/ولاشي....موقف ضايقني وحبيت اقولك عنه؟
خالد/قومي نرتاح انتي تعبانة ولازم تنامين..
وضحى/ماابي انام ادخل انت اذا ودك تنام...
//////////////////////////////////////////////////////////////
ياترى رجعت ياسمين البيت ولالسه؟؟؟هي قايلة اول ماتوصل البيت بتدق تقول لنا شصار معقول للحين مارجعت!!!يمكن نواف جالس مع خالتي يتفق معها على الزواج وموعده وتنتظره يطلع وبعدها بتدق؟؟؟
خل اقوم اشبك شويات لين تدق حضرتها وناْخذ اخبارها فتحت جهازها وكان فارس شابك ذيك اللحظات ودق قلبها بقوة ..بس قالت فرصة مدامه موجود خل تكلمه من جديد....
نورة/مساء النور...
فارس/....
مرت ثواني بطيئة ومارد عليها ورجعت كتبت له من جديد وبدون مقدمات/انا صديقة نورة....
فارس بسرعة/خير...
نورة/اقولك انا صديقة نورة
فارس/أي
نورة/هي موصيتني ادز لك رسالة
فارس/لاتتعبين حالك عارفك منو انتي وشنو غرضك بللي بتقولينه بس ترى بتدور الدنيا وبتنطعنين في الظهر مثل ماقاعدة تجيبين في سيرة بنات خلق الله...عموما انا مابرد عليك ولابقولك أي شي....وهذا الايميل وكنسلناه علشان اقولك ان رسالتك وصلت؟
نورة بصدمة وهي تكلم نفسها/هذا شقاعد يقول؟؟؟علامه؟؟؟؟؟ليش حاط لي صورة حلوة في برواز مذهب ومايبي احد يجيب له سيرتي !!!
غمضت عيونها وافكارها كلها مشوشة؟؟؟
//////////////////////////////////////////////////
في البارت الجاي وش توقعكم راح يصير,,
**خالد ووضحى ...وكل يوم لك حال جديد؟؟
**زيارة غريبة بتكون منتظرة احد افراد بيت بو تركي؟
**يقال انهم رومنسيين ولازم نبتعد غنهم ونترك لهم الجو؟
**مايسوى عليه الواحد يمزح معك تقومين تصدقين حالك..امشي لا بها العقال فوق راسك؟ | |
| | | | roOona
مسـآهمـآتـﮯ.. : 4103
تقيـمآتـﮯ.. : 525
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الأربعاء 25 مايو 2011, 23:12 | |
| ************************************************* **
البارت الرابع والثلاثين,,,
//////////////////////////////////////
دخلت غرفتها وقفلت الباب وراها وشالت عبايتها والثوب ولبست لها بيجاما خفيفة وحست انها شايلة هم كبير من على قلبها,,,,
تنهدت بقوة وهي تناظر بالثوب وغمضت عيونها وهي تذكر نواف...,,,,جريْ,,,حقير,,,كريه,,,,هذا هو المختصر عن شخصيته وماتقدر تضيف عليهم أي شي عنه لانها لحد الليلة ماتتوقع انه يطلع منه شي زين ابدا؟ليه ماتدري؟
ماتدري ليه بالاساس حظها رماها على ها الانسان بالذات من دون جميع خلق الله,,ها الانسان اللي تركها قبل اربع سنين في يوم كان المفروض انها تكون زوجته بس طبعا هي ماتلومه لانه هو بعد مااختارها وفرضه جدها عليها مثل مافرضها عليه وماكانوا باختيار بعض؟؟؟
////////////////////////////////////////////////////////
خالد بعصبية/ياسلام والله وش عندك بالله تسهرين؟
وضحى/خالد شفيك؟انا مافيني نوم بقعد شوي واذا حسيت اني تعبت بدخل ارتاح,,,,
خالد بسخرية/ياسلاام على الارق اللي ماينزل عليك الا اذا شفتي امك؟
قالت بحدة/خالد لو سمحت لمها علشان لاتكبر بينا؟
خالد بنفس اللهجة المستهترة/لا ماراح المها وخليها تكبر بعد ماعندي مانع وبتقومين تنامين لان الشي مو على كيفك وليدي اللي عندك لازم يرتاح؟
وضحى بهدوء/يعني انت خايف على البيبي؟طيب مو مشكلة ولدك ننزله علشان ترتاح وماتحاسبني على نومتي وسهري؟غيره بعد؟
خالد/علامك انتي الا تقلبينها خناقة على اخر الليل؟
وضحى بذهول/انا ولاانت؟
خالد/تعالي نرتاح.
وضحى بنرفزة/ماابي ارتاح خلني على راحتي ماهو غصب؟
خالد بلهجة امر/الا غصببكرة بيصيرون عندك عيالاذا شافوك كذا وسالوك شبتقولين لهم انا وامي مانتفق اذا التقينا وتقلب نفسيتي؟
وضحى بعصبية من استهتار خالد واصراره على ها الموضوع/خالد لو سمحت سكر السيرة؟
خالد بعناد/لامو مسكرها وضحى انتي مو صغيرة علشان..
قاطعته بعصبية/انت شتبي مني؟
خالد بعصبية اكبر/لاتصارخين بوجهي!!!
وضحى/الا بصارخ قول اللي تبي وخلصني؟
خالد/يعني اللي يبي راحتك كذا تردين عليه؟؟طيب ياوضحى ...
//////////////////////////////////////////////////////////////////
اول ماوصلت سيارة تركي عند الباب لمحوا سيارة غريبة عنهم واقفة عند باب بيتهم ونازل منه رجال ويوم نزلوا ووصلوا عند الباب لقوا الشخص اللي نزل منها تارك عند الباب بوكيه ورد ودق الجرس ولف بيمشي وصار قبالهم,,,
مشاعل من شافت فواز دق قلبها وتغطت بسرعة بس طبعا هو لمحها لانها كانت بوجهه جنب تركي علطولونوف وراهم بشوي,,,
تركي/هلا فواز..
فواز/هلا والله...ترى مو جاي اسرق شي...
تركي/حياك تفضل...
فواز/لالا ماله داعي..
تركي/افا..ليه عاد؟
فواز/اولا ماهو وقت زيارة علشان..
قاطعه تركي بذوق/البيت بيتك يافواز ماتحتاج اذن ولاوقت يناسب علشان تدخل..
فواز/تسلم ياتركي ماتقصر بس انا بصراحة كنت جاي ابارك لمشاعل بملكة بنت خالتها وبس؟
تركي/معناته لازم تبارك لي انا لاننواف يكون صاحبي..
فواز/لا..والله مادرينا الف مبروك وعقابلك ان شاءاالله..
////////////////////////////////////////////////////////////////
قطع عليها تفكيرها صوت الجوال اللي يدق وراحت له تركض ..اكيد وحدة من البناتمتصلة تاْخذ العلوم يامغثهم وثقل دمهم قايلة لهم انا اللي بدق عليكم بس اعرفهم مايصبرون,,,,
تفاجاْت يوم لقت المتصل خالد وارتبكت ,,رغم ان علاقتها فيه قوية مرة بس حست انها تسرعت باتصالها له اليوم,,,,
حاولت تكون طبيعية وردت عليه بمرح/هلا خالد...
خالد/هلا وغلا..
ياسمين/سهران,,
خالد/طبعا لازم انتظرك...
ياسمين/اوووف ليه؟
خالد/ياسمين...قالها بجدية,,
ياسمين/نعم خالي...
خالد/انا مو متصل علشان انا خالد خالك لايياسمين..انا متصل لاني خالد صديقك اللي جنبك دايما...
ياسمين/.............
خالد/ياسمين وش فيك صارحيني؟
ياسمين/ولاشي..
خالد/مو صحيح؟
ياسمين/صدقني مافي شي..
خالد/والكلمة اللي قلتيها اليوم لي يوم اتصلتي؟
ياسمين/انسى..
خالد/ليه؟
ياسمين/بس كنت مرتبكة ومو عارفة شسوي ولاشقول؟
خالد/واذا قلت لك اني مو مصدقك؟
ياسمين/مو بكيفك ماتصدقني...
خالد/قولي الحقيقة انتي لساتك متضايقة من نواف على موقفه قبل اربع سنين,,
ياسمين/خالد روح نام لاتسمعك وضحى؟
خالد/لاتخافين انا وهي متهاوشين وكل واحد بينام الليلة بمكان,,,,قولي انا اسمعك...
///////////////////////////////////////////////////////
مشعل/اقول جدي..
الجد/قول يبى...
الجدة/انت ماتروح تنام تراك اذيتنا؟
الجد/وانتي شعليك منه خل يقول اللي في خاطره لايتعقد ويسكت لنا مرة وحدة؟
الجدة/وشنو اللي في خاطره عاد ياحظي؟
مشعل/جدي ترى اذا بتنهان كرامتي وبنذل بقوم غرفتي؟
الجد باصرار/لالالالااقعد..
مشعل/صراحة جدي انت ماتغار على زوجتك الحبيبة ها المزيونة اللي عندك؟
الجد باستنكار/منهي؟
مشعل/جدتي القمر....الله يحفظ لنا شبابها من كل عيون حاسدة؟
الجدة بذهول/انا؟؟؟
مشعل/أي...وانتي طالعة اليوم بتركبين السيارة اشوف واحد يناظر في سيقانك يوم يرتفع ملفعك مدري عبايتك...جدي انت لازم تخليها تلبس شّراب علشان لاتسوي لنا فتنة بين الشباب...
سكت الجد وماتكلم ومشعل لكز جدته في كتفها بقوة وهمس لها/شفتي خليته يغار عليك وينتبه لك؟
الجدة بنفس الهمس/تسلم لي انت يالغالي,,,
//////////////////////////////////////////////////////////
شال بوكيه الورد من مكانه وتقرب من مشاعل اللي كانت واقفة كانها تمثال وماتحركت,,,,,وهمس لها وهو يحطه في حضنها/عقبالنا....
تقدمت نوف ودخلت مع تركي البيت وهي تهمس له/يقال انهم رومنسيين يعني لازم نتركهم بروحهم ونفارقهم ونترك لهم الجو يعيشونه؟
همس لها تركي/تبين نخرب عليهم الجو؟
نوف بتفكير/امممم انت وش رايك؟
تركي باندفاع وهو مو حاس على نفسه/اللي تبينه بسويه لك انتي بس تاْمرين وتتدللين؟
وقفت مكانها بعد كلمته وهو حس ان كلمته ضايقتها وتدارك نفسه بسرعة وقال من فوق قلبه/اقول لاتسرحين كثير مايسوى عليه الواحد يمزح معك تصدقين حالك,,امشي قدامي لابها العقال فوق راسك؟
***نرجع لعند فواز ومشاعل اللي كانوا واقفين برى....
مشاعل بهدوء/الله يبارك فيك...وشكرا ماكان له داعي تكلف على عمرك...
فواز وهو يناظرها/من قال ان الورد فيه كلافة...ولالانك ارق منه وانعم ماتحبين تنهدينه؟
مشاعل/...........
فواز بهمس اكثر/ليش غطيتي وجهك يوم شفتيني!!!
مشاعل/...........
فواز وهو يبتسم لشكلها اللي كان وجهها كل ماله ويطيح بالارض اكثر,,,,/خلاص رجعت لك حالة السكون مرة ثانية مابتتكلمين.....طيب انا اعرف دواك.....
مشاعل/...........
فواز/انا التقيت مع ابوك اليوم يامشاعل وتكلمنا وحددنا موعد الملكة؟
رفعت راسها وقالت بصدمة/متى؟
فواز بعناد/سولفي معي اكثر وبقولك؟
رجعت نزلت راسها من جديد بالارض...
فواز/طيب بتنامين ولا فيني احاكيك على الجوال؟
مشاعل/عطيني ساعة اغسل وابدل وبعدها بدق لك..
///////////////////////////////////////////////////////////
كان جالس بروحه في الصالة وكل الانوار طافية وهو يفكر بياسمين على رواق...
كان المفروض انها تكون له ومعه من قبل اربع سنين,,ليه توها تجيه؟؟؟
غمض عيونه بقوة علشان يرجع يستعرض صورة ياسمين على راحته ومايشاركه فيها احد,,,ظلت ذاكرته تسترجع صورتها وهي معه الليلة بثوبها المخصر,,,,عطرها,,,,كحلها,,,انوثتها,,,كل شي فيها كان بقربه الليلة...صحيح شافها قبل اكثر من مرة بس الليلة غير,,,الليلة كانت غير حييييييييل..الليلة ضمها بالقوة لصدره وكاْنه يعوضها عن غيابه اللي صار قبل اربع سنين هو نفسه ماتوقع ها الحركة تطلع منه ويسوي معها ها الشي بس مايدري ليش صار معه كذا وماقدر يمسك نفسه عنها,,,,
تنهد بقوة وهو يحاول يبعد صورتها عن باله وفي ها اللحظات جت صورة ريم طليقته في باله وفتح عيونه بسرعة,,,
/////////////////////////////////////////////
| |
| | | | So0oSo0o
مسـآهمـآتـﮯ.. : 1624
تقيـمآتـﮯ.. : 64
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. الخميس 26 مايو 2011, 01:02 | |
| يااااي يلا كمــليها مررة حماااس
ويسسلممو عالروااية العسسلة | |
| | | | الشوق ذبحني
مسـآهمـآتـﮯ.. : 3806
تقيـمآتـﮯ.. : 690
مخـآإلفـآتــﮯ :
| | موضوع: رد: رواية: كل يوم لكـ حال جديد مره قريب مره بعيــد .. السبت 28 مايو 2011, 02:34 | |
| | |
| | | | | | رواية: كل يوم لكـ حال جديد مره قريب مره بعيــد .. | |
|
مواضيع مماثلة |  |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
Powered by phpBB
Copyright ©2008 - 2011 جميع الحقوق محفوظة لمنتديات ونـآآسة بنـآت
ولانحلل اخذ اي شيء فكل ماوجد مجهود شخصي |
|
