رواية: كل يوم لكـ حال جديد مره قريب مره بعيــد ..

خلف تلك الزوايا وفي ركن بعيد جدا تتناثر الشموع هنا وهناك....
ومع كل موجة هواء تهب تضيئ تلك الشموع او ينطفى نورها....
تلك الشموع التي تفرح وتتالم وتحزن وتضحك وتعاني هي التي نعيش معها لفترة طويلة جدا بكل المشاعر الممتزجة فيها .....
حكاياهم واقعية ولكنها تتجسد في شخصيات خيالية نتابعها بكل مافينا سواء احببناهم او كرهناهم....
من جديد انا معكم ولااجلكم ايها الاعزاء....
اعذروني من الان اذا ماقصرت بحقكم او ازعجتكم بقلمي في لحظة ما...
ها انا اعود لكم مجددا مع مولودة جديدة....اختكم ملح الحياة.
************************************************** ************************************************** *********************************
البارت الاول,,,,
ياسمين/وين وصلنا؟
مشاعل/والله مدري...وش كنتي تقولين انتي اصلا؟
ياسمين مسوية معصبة/يا سلااااام يعني ماكنتي معي!!!
مشاعل وهي تنسدح على السرير/لاوالله ماكنت معك كنت اقولب فكرة براسي...
ياسمين/سمعتي يانوير وش تقول الاخت؟
مشاعل وهي تناظر بنورة اللي واقفة قبال النافذة/اسمه هاذي بعد وش عندك هناك...
ياسمين بغمز/تتطمن حبيب القلب رجع ولالسه؟
لفت لهم نورة وقالت بحدة/ياسمينوا ووجع!!!
مشاعل/هههههه
ياسمين/قولي الصدق يالله...
نورة بنرفزة وهي تجلس معهم على حافة السرير/الله ياخذه ويفكني من سيرته زين...
مشاعل/علامك انتي من تجي سيرته انقلبتي فوق تحت؟؟؟
***********************************خالد/اليوم مقدر....
وضحى بنرفزة/طبعا ماتقدر..
خالد بهدوء/انتي عارفة ان اليوم خواتي يتجمعون وانا ماابي اتخلف عن ها الجمعة؟
وضحى وهي تعدل كحلها/تتهنوا...
ساد الصمت لثواني بينهم.....
خالد بحنان/وضحى...
وضحى/..........
خالد بنفس الحنان/تعالي...
وضحى رمت الفرشة من يدها بقوة وتنهدت....
قام خالد من مكانه وجاها بسرعة وحوط كتوفها بيدينه وهمس باذنها/علامك يالغلا...
وضحى وهي مغمضة عيونها/ولاشي....
خالد باصرار/مايصير شوفي ها الكشرة اللي بوجهك وانتي تعرفين ان فيك شي...
وضحى بصرامة وهي تبي تقوم/قلت لك ولاشي اتركني خلاص...وبعدين انت مو عندك جمعة في بيت اهلك خلاص روح لاتتاْخر؟
خالد بهدوء/وضحى شفيك اذا على السوق تراه مابيطير لاتزعلين نفسك؟
وضحى بانفعال/ومن قال اني زعلانة اصلا!!
تنهد خالد وابتعد عنها وراح يلبس شماغه علشان يطلع...
وضحى بلا مبالاة/يمديك توصلني بيت اهلي ولابتتاْخر عن موعدك؟
ناظرها بدون مايتكلم..
وضحى بنفس الاسلوب/خلاص وصل الجواب لاتقعد تناظرني كذا بدق على اخوي يمرني...
خالد/وانتي ليش ماتجين معي بيت اهلي؟
وضحى/اليوم بالذات مالي خلق...
***********************************سعد/اقول جدتي...
قاطعته الجدة بصراخ/ووجعه ..قول يمه ليش تكبرني؟؟
مشعل/ليش انتي بعدك صغيرة ياجدتي؟
الجدة ام خالد/أي بعدني صغيرة وماحد له عندي شي...قول شبغيت؟
سعد/سلامتك.....كنت بسالك عن حياتك انتي والباشمهندس....
الجدة ام خالد/ومنو هذا بعد؟انا غير جدك ماعرفت بحياتي!!!
مشعل/قولي الصدق جدتي...
سعد وعجبته السالفة انهم يلعبون في الجدة مثل كل اسبوع/يالله تكلمي ولا بنعلم جدي عن الباشمهندس...
الجد ابو خالد من وراهم/منو هذا بعد اللي ماغسل وجهه؟
الجدة ام خالد بهمس/يويل حالي...
مشعل بهمس/يدك على ميتين ريال ونسحب السالفة؟
الجدة ام خالد/وين عصاي؟
سعد بنفس الهمس/يالله تكلمي بسرعة يا أي يا لا...
الجد ابو خالد/شفيكم.....
سعد/ولاشي نقول لجدتي تبي شي احنا قايمين..
مشعل بتهديد/احنا قايمين ياجدتي وش قلتي؟
***********************************

البارت الثاني....
,,,,,,,,,,,,,,,,,,,,,,,,,,,,,,,,,,,,,
سعد/ها جدتي بتعطيني الميتين ريال ولاشلون؟
الجدة بحلطمة/ماعندي...
مشعل/اقول جدي ماتعرف منهو الباشمهندس اللي كنا نتكلم فيه..
قاطعته الجدة/اقول يابوحالد مافي بجيبك ميتين ريال..
سعد ومشعل كتموا ضحكاتهم...
الجد بوخالد/لمنو؟
الجدة/موصية العيال يجيبون لي غرض...
الجد/وش غرضه اللي ماعرفه...
الجدة بتلعثم/غرض..غرض وبس..
الجد/انتي يوم شيبتي خرفتي وقمتي تخبين علي!!!
سعد بهمس للجدة/يالله تكلمي ودافعي عن نفسك...
الجدة بقهر/قوم اقلب خشتك ولاتولايني شكلك الا بعد شهر كامل!!!
مشعل بتهديد/مو بكيفك اول تجيبين الفلوس ياجدتي ولابتروحين في علوم مع ها الشيبة المزيون..
الجدة بعصبية/استح هذا جدك...
الجد/انتوا شفيكم تتكلمون كذا ماتبوني اسمع...
سعد/اسال جدتي...
الجد/جدتك خلاص خرفت وقضت...
الجدة/ها..ها وش تقول يابو خالد؟؟؟
مشعل يهمس لسعد/شكلها راحت علينا وبتتفرغ له..
مشعل/لاوانا مشعل ماتروح,,,
(سعد ومشعل....اول ابطال المغامرات في روايتنا...بزارين متوسط على قولة اختي ههههه
عيال خالة وتلاقيهم نفس الهبال والتصرفات واللبس ومايختلفون الا بالشكل....همهم وشاغلهم الوحيد انهم يسوون مقالب في جدهم وجدتهم...)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
ام تركي/ماتقولي انت من متى ماشفتك؟
خالد بضحكة/من الخميس اللي فات...
ياسمين/هههههه
خالد/انتي انطقي انا واختي انتي شكوا...
ياسمين/وانا شقلت عاد؟
ام سعد/الا وين وضحى ماجت معك ياخوي...
خالد/صاحبتها بتمرها تبي منها كم ثوب مدري وش قالت...
نورة/حدد ياخالي منهي اللي تبي من الثانية كم ثوب؟
خالد/افا..انا مرتي ماتلبس من عند احد اكيد صاحبتها اللي تبيهم...
مشاعل/أي عاد احنا صدقناك...
خالد مسوي معصب/ها..منهي ذي اللي تتكلم عن مرتي..حرم الاستاذ خالد العتيبي؟
مشاعل/وحدة...
خالد/ادري فيها وحدة ماهم ثنتين واشوف جنبها دلة ياترى وش فيها...
نورة/لاتستظرف عاد ياخالي اكيد مو بيبسي بالدلة؟
مشاعل/ههههههه
ياسمين/حليب بالشوكلاته..
خالد/وليش ماتعزمون..
ام سعد/مابغيت الا اكرم الخلق يعزمونك هذولا لو تنقلب انت قدامهم شي يناكل اكلوك من زمان...
خالد/ههه...امي وابوي وينهم؟
ام مشعل/مع مشعل وسعد...
ام تركي/الله يهداهم بس..احنا جايين لهم وهم مقابلين ها البزارين..
خالد/خل اقوم الحق عليهم قبل لاتقوم داحس والغبراء...لان ها الاربعة مايجتمعون....
(خالد...الولد الوحيد بعد ثلاث بنات وها الشيم انقص منه بالعكس زاده شهامة ومرجلة وخلاه رجال ينشد فيه الضهر...
عمره واحد وثلاثين سنة...متزوج من وضحى بنت عمه حسب رغبة ابوه وحبوا بعض بعد زواجهم بس حياتهم يوم روقان وعشرة هواااش....
اسمراني وحبوب وفيه شبه كبير بعبد الله ولد اخته..حبوب مع الكل وخصوصا البنات اللي شغلتهم بس يناقرون في بعض).,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
لؤلؤة/وضيحي تراك مصختيها....
وضحى/انتي ماتوقفين معي ابدا دايم الدوم معاه..
لؤلؤة/لاني مو شايفته غلطان
وضحى/لامو غلطان ياقلبي بس اقوله ابي اروح السوق يقولي جمعة اهلي!!
لؤلؤة/ووين الغلط؟
وضحى بعصبية/سكتي واللي يعافيك...
لؤلؤة/مشكلتي عارفة انك على علاقة حلوة ببيت عمي ولابقول ان هم السبب؟
وضحى/لامو هم السبب انا احبهم وهم يحبوني ..
لؤلؤة/طيب وين المشكلة؟
وضحى/ماف مشكلة...
لؤلؤة/تراك بتجنين الرجال معك....
وضحى/ياسلااام....
لؤلؤة/انتي عارفة ان اليوم جمعة بيت عمي وكل اسبوع تروحين معه وانا اكون هناك بعد في معظم الاحيان ليش ها الاسبوع غيرتي وتتبين السوق؟
وضحى/والله مدري بس طقت فيني روحة السوق من قعدت من النوم شسوي بالله؟
لؤلؤة/اه منك انتي وزوجك معك بجد مافي مثلكم ابدا!!يوم حبايب وتنحسدون على علاقتكم ويوم عدوان وتدورون المشاكل من تحت الارض؟؟؟
(وضحى/البنت الكبيرة بعد نواف وتجي بعدها لؤلؤة..بس بالتفكير والعقل لؤلؤة متقدمة على وضحى بمراحل....ماهي بذاك الجمال الاسطوري اللي يمتلكونه الكثيرين بس جمالها واضح بعيونها ورقتها وطيبتها مع الكل ومع خالد في بعض الاحيان..مشكلتها دايم متعقدة من شي اسمه زواج ودايم تحس بان علاقتها بخالد بتنتهي باي لحظة فتخرب على نفسها وسعادتها بهواشها الدايم معاه وهذا يرجع لاامها واخوها نواف ..
لؤلؤة/البنت الاعقل والاركد مافي بينها وبين اختها أي تشابه لابالتفكير ولابالشكل....تدرس مع نورة بنفس الجامعة)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,

البارت الثالث,,,
,,,,,,,,,,,,,,,,,,,,,,,,,,,,,,,
سعد/سمعي السالفة يابنت الناس............................................. .................................................. ........
نورة رفعت راسها/وش سوت فيكم بعدين؟
سعد بفخر/طبعا اضطرت تعطينا الميتين ريال على بالها انها بتكون تهدي في الوضع شوي...
نورة/وانتوا طبعا ماهديتوا الوضع؟
سعد/طبعا لا...اخذنا الميتين ورحنا لجدي وقلنا له ان الباشمهندس هذا هو السباك اللي كان بالبيت قبل شهرين يصلح بالبيت
نورة/وصدقكم؟؟؟
سعد بفرح/طبعا واخذنا منه هو بعد ميتين ريال علشان نقل المعلومات اللي تصير من وراه...
نورة/لاياشيخ ماهو صاحي جدي يصدقكم...
سعد/هههههه
سعد/تركناه بعدين يتفاهم مع جدتي بروحهم وطلعنا ونظرات جدتي التهديدية ورانا..
نورة وهي تهز راسها وترجع لكمبيوترها/جيل صدق ينخاف منكم..
سعد/بس ربحنا 400 ريال في لحظات...
نورة/انا لومنها ذبحتكم...
سعد/اذا قدرت توصل لنا خل تورينا شطارتها...
نورة بجدية/اقول ياشيخ تراها جدتك فلا تنسى....(بنفس عمر الشلة وتدرس هي ولؤلؤة بنت عمهم بنفس الجامعة ونفس القسم...طويلة وبيضة..ملامحها حلوة بس تلاقيها دايم زعلانة ومتضايقة لانهم محيرينها لفارس ولد الجيران من الصغر وينتظرونه يرجع وياخذها وهي رافضة ها الطريقة بالزواج ومن تجي سيرة فارس تنقلب فوق تحت)
*************************************
ياسمين وهي تحط لها مناكير/وفيت وماتوقعت الخيانة...وقلت اللي يكفيني حنانه....
دق جنبها جوال وشاله مشعل بسرعة/الو...هلا نواف...
طاحت غرشة المناكير من يدها وتكسرت على السراميك وتلطخ المناكير بالارض...
ماسمعت الا صوت صراخ مشعل عليها بعد ماسكر/شفيك انتي؟
رفعت راسها وقالت بغباء/ها...ولاشي..
مشعل يقلدها/ها ولاشي...اجل وش ها الحوسة اللي سويتينها من ساعة...
طالعت بالمناكير اللي قبالها وقالت وهي سرحانة بنواف/ها...ولاشي...
قامت بسرعة تنظف الفوضى اللي سببتها بمجرد سمعت اسمه ينطري قدامها..بس يا ترى ليش نواف متصل؟؟؟وش يبي؟؟؟
مشعل/ياسمين....
رفعت راسها بهدوء بدون ماتقول/هذا تركي ناسي جواله هنا اليوم ونواف كان داق عليه....
**********************************/****تركي/وراك مانمتي انتي؟
لفت له مرام اللي كانت تمشي بالصالة بدون هدف وشافته توه داخل وقالت له/لنفس السبب اللي اللي مخليك سهران..
تركي/لاوالله؟
بضحكة قالت له/أي والله...
تركي/روحي نامي ولايكثر...
مرام/مافيني نوم والله..
تركي/والحل؟
مرام بترجي/اقعد اسهر معي..
تركي/أي مو هذا اللي ناقصني...
مرام/شفيها..
تركي/البنات ناموا..
مرام/ماابي..
تركي/وش اللي ماتبينه..
مرام/ماابي اسهر معهم...
سكت شوي وشرد شويبعدها قال/شلونك مع نوف يامرام
بدون نفس قالت/عادي...
تركي بهيبة/شلون يعني عادي؟
بضيق قالت/يعني عادي...
جلس على الكنبة اللي صادفته وقال/تعالي اجلسي ...
حست انها بتتوهق معه على سالفة نوف/مو قلت بتنام وماتبي تسهر معي؟
بصرامة قال لها/غيرت رايي ..تعالي اجلسي...
(تركي/الولد الكبير لعيلة العتيبياسمر وطول بعرض وشعره اسود فاحم وناعم..وعيونه حادة..مشتهر بهيبته ومع الاقلية القليلة بطيبته..
عمره 30 سنة ماكمل جامعته واشتغل بعد الثانوية علطول..اقرب صديق له نواف وهو الوحيد اللي داري عن حبه لنوف)
مرام/البنت الصغيرة بعيلتهم بثاني ثانوي..وعلاقتها بنوف مشوشة بمعظم الاحيان وهذا راجع للاخت الكبيرة حصة اللي حاطة في بالها ان نوف دخيلة وانها تبي كل شي لها وبتاخذ امها وابوها منهم)
**************************************

البارت الرابع,,,,
,,,,,,,,,,,,,,,,,,,,,,,,,,,,,,,,,,,
فتح خالد عيونه على وسعها وقال بسرعة فيها عتاب كبير/هذا وانا قاعد ادور رضاك ؟؟؟
رفعت الغطاء عليها وعطته ضهرها وقالت بلامبالاة/محد قال لك تدور رضاي؟؟؟
خالد بقهر/كذا يعني؟
وضحى/أيحىوا لك بغيره /ليش وقال
خالد/وهذا اخر كلام عندك؟
وضحى/ليش قالوا لك كل شوي بغيره؟
سكت شوي ينتظرها تغير رايها
خالد/وضحى....
بنام ياخالد/قالتها بدون نفس...
تنهد تنهيدة طويلة بعدها قام واخذ شماغه وقال لها وهو طالع طيب براحتك....انا رايح بروحي!!!
,,,,,,,,,,,,,,,,,,,,,,,,,,,,,,,,,,,,,,
في مطعم ابو نواس بالدمام....
نوف/والله ماتسوى علي اني ماجيتكم البارحة اغذيكم اليوم على حسابي؟؟
ياسمين ببرود وهي سرحانة/تستاهلين؟
مشاعل انتبهت/وانتي شفيك بعد؟
ياسمين بعد تنهيدة/ولاشي...
نوف/لا..باين انه في شي....
ياسمين/صدقوني مافي شي...
نوف/شوفوا يااخوات انتي معها شسالفتكم؟
نورة/انا بقولكم ليش الاخت داقة بوز..
مشاعل/ليه؟
نورة وهي تناظر بياسمين المتضايقة/اكيد السالفة فيها نواف؟
تنهدت ياسمين بقوة بعد مانطقت نورة باسمه..
نوف باهتمام/ليه شايفته امس؟
ياسمين/لا..بس كان داق على جوال تركي اللي كان ناسيه ببيتنا...
نوف/وكلمتيه؟
مشاعل/وخير يعني مااظن لهدرجة اسمه منرفز...
ياسمين/لا..واسمه منرفزونص بعد زين؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
بعيدا عن صخب الشرقية وفي ذاك المجمع الكبير بدبي...
كان فارس جالس في الكوفي شوب...وهو يتصفح جريدة اليوم واخبارها ومن بين الاخبار كان خبر عن المنطقة الشرقية والخبر كان عن الدمام...وابتسم لاشعوريا وهو يتذكر الدمام واهلها..امه تقول ان نورة كبرت وحلوت كثير..اصلا كل اسبوع تشوفها فيه تكون احلى من اللي قبله...
ياليت بس لو عنده خوات كبار يشوفونها ويوصفونها له علشان يحلم فيها براحته كل ليلة بس حسافة كل اللي تقوله امه ان نورة كبرت وحلوت وشد حيلك وارجع علشان نفرح فيكم مع بعض....
(فارس...ولد الجيران ..محيرين له نورة من الصغر...عمره ثلاثين سنة,,دارس هندسة معمارية بدبي وفتح له مكتب استشارات هناك...الكبير بين ثلاث خوان وبنت صغيرة)
,,,,,,,,,,,,,,,,,,,,,,,,,,,,,,,,,,,,,,,,
بعد ماسكر خالد باب الغرفة وهو طالع جلست وضحى تتحلطم بينها وبين نفسها وهي مضايقة نفسها بنفسها..
وفي قمة ضيقها تذكرت كلام خالد وبالضبط اخر كلمة قالها (براحتك انا رايح بروحي)شنو يعني رايح بروحه؟؟؟يسويها خالد ويروح ماعنده مانع؟؟؟ياربي وش سويت انا بنفسي؟؟؟كله مني انا يعني لازم ازودها كم حبة معه علشان روحة سوق ماتسوى؟؟؟ اووف ياربي..
ناظرت بالساعة اللي جنبها..
يالله صار له قريب النص ساعة من طلع اكيد اللحين وصل...بس شلون اتاِكد..مالي غيرنواف..بس استحي اساله مالي غير اقول للؤلؤة وهي تعرف لي بطريقتها؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
على جسر البحرين...
كان خالد شارد بذهنه وماانتبه على السيارة اللي كانت جنبه وتزمر له وهي في الخط الثاني لين دق جواله وشاله بدون مايقرا الاسم..
خالد بدون نفس/الو هلا..
عبد الله/هلاوغلا..
خالد/هلا..
عبدالله/ياشيخ انت لاتشوف ولاتسمع؟
خالد/كيف؟؟
عبدالله/ماتسمعني وانا ازمر لك صار لي ساعة؟
خالد/وين تزمر لي؟؟
عبدالله/لف على يمينك وشوف؟
لف خالد بسرعة ولقىعبدالله رافع يده يسلم عليه وباليد الثانية يكلمه بالجوال..
خالد/انت وش جايبك؟
عبدالله/وانت وش جايبك بدون المدام؟؟
خالد بضيق/كنا جايين مع بعض بس هي غيرت رايها باخر اللحظات وعيت تجي؟
عبدالله/وانتوا هاذي حالتكم يوم هواش ويوم مدري وشو؟
خالد بتنهيدة/خلها على الله...الا انت وش تسوي هنا بروحك يالعزابي؟
عبدالله/افا شنو شايفني بزر؟

,,,,,,,,,,,,,,,,,,,,,,,,,,,,,,,ووالبارت الخامس,,,,,
************************************************** *************
رشت لها بختين عطر ورى اذنها ولبست وكشخت,,,,شافت شكلها في المرايا وتاْكدت من انها في المستوى المطلوب للصلح,,
طفت انوار الغرفة وتركت نور الاباجورة اللي جنبها شغال وجلست على اللسرير وتسندت عليه وناظرت بالساعة وهي ترهف بسمعها تنتظر جيته ودخوله باي لحظة,,
قبل ثواني بس دق لها نواف وقال لها ان خالد رجع الدمام وكاهو قريب من البيت يوم اتصلت فيه تساله متى بيجي خالد اذا عنده خبر,,,
اتجهت عيونها لباب الغرفة بعد ما سمعت صوت باب الشقة يتسكر..عدلت قعدتها وسوت روحها تحوس بجوالها...
دخل خالد وماسلم شال شماغه ورماه باهمال فوق الكرسي وشال جزمته وجلس جنبها بدون مايتكلم وقام يناظرها ,,
رمت جوالها جنبها ورفعت راسها بشويش له وقاموا يناظرون في بعض لثواني لين ابتسمت له وابتسم لها مباشرة...
وضحى مسوية انها تغار وقاعدة تضحك/لسه بدري ليش مانمت في البحرين بعد؟كذا توها الناس رجعتك بعدها الساعة وحدة وربع..
خالد بدفاع/والله الجسر زحمة؟
وضحى/أي صدقتك عاد...
خالد/دقي على عبدالله سئليه اذا مو مصدقتني؟
وضحى/اشوف قول بسرعة حلوين البنات اللي شفتهم؟
خالد حط راسه على ركبتها وقال بعد تصفير/اوه ه ه ه حلوين وبس..اسكتي بس اسكتي..
وضحى بتهديد/ها خالد...بدينا!!ترى بتنطرد الليلة من الشقة؟
خالد/يامعوذة امزح معك شفيك انتي وانا تملي عيني غيرك بها العالم..
وضحى/أي صدقتك عاد..
خالد برومنسية/اهون عليك تنوميني البارح زعلان يالغلا,,,
وضحى وهي تحوس بشعره/لاياقلبي ماتهون بس اعتبره حادث عرضي...خالد انا احبك ...
***********************************صباح اليوم اللي بعده في بيت الجد,,,,
مشعل/اقول جدي..شخبار تماظر؟
الجدة ام خالد/حلو حلو وانا اقول الشايب وراه سالفة ومصيبة!!!
الجد ابو خالد/شايب بعينك وانت ياالخسيس ماتدور تتكلم الا قدامها؟
مشعل بثقة/عاد المفروض انها ماتحاسبك لو عرفت انت رجال وشايل عيبك؟
شهقت الجدة بقوة/تلعب بذيلك يالشيبة؟
الجد رمى عليها نعله واحد ورى الثاني/ماتستحين انتي تقولين ها الكلام,,,
مشعل وهو كاتم ضحكته/افا عليك ياجدتي معقولة الشك ماكلك كذا,,يبى تماظر هاذي الله يسلمك تصير زوجة ابو سندريلا ام درية ونفيسة
الجدة/منو هذولا بعد اللي ماغسلوا وجوههم؟
الجد/محد ماغسل وجهه غيرك ياحرمة..اقول مشعل قوم لاتتاخر عن مدرستك يبى؟
***********************************اليوم قعدت وفي بالها حمود ورهف عيال سعود,,,
اشتاقت لهم حيل من زمان ودها تشوفهم وكل ماتدق على سعود دايم يقول مشغول ولامايرد عليها ,,
تنهدت بقوة وقامت وقفت قبال النافذة حتى الجامعة اليوم طنشت ماراحت من مروا بطاريهم في بالها,,,,
غريب ها الاخو..ماكاْني اخته من امه وابوه؟؟ما كاْني الوحيدة اللي بقيت من اهله؟؟ليش العلاقة بينا وصلت كذا؟؟
ما المفروض اكون ساكنة معه وفي بيته مهما كانت الظروف المحيطة فيه؟؟؟الظاهر مو سعود الغريب غريبة ها الدنيا بعد؟؟؟
معقولة في قلوب كذا,,,,
تنهدت بقوة اكبر من كل القهر اللي هي قاعدة تخفيه بصدرها وتنهدت بقوة اكبر يوم انفتح باب الغرفة لانها عرفت من اللي جاي,,,

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,
البارت الخامس,,,,
,,,,,,,,,,,,,,,,,,,,,,,,,,,
الجد ابو خالد/وش تسوين انتي؟
ياسمين/وش تبي ياجدي؟
الجد/روحي سلمي على ولد عمك؟
ياسمين/أي ولد عم!!!
الجد ابو خالد/أي واحد يعني؟؟نواف طبعا,,,
ياسمين بقهر/مو ولد عمي!!
الجد ابو حالد/اجل وش يصير لك يالعاقلة؟
ياسمين/ولد عم امي وولد اخوك؟
الجد ابو خالد بعد تفكير/أي صحيح...
ياسمين/طيب لؤلؤة معه؟
الجد ابو خالد/لا عند امك وجدتك بالمطبخ؟
ياسمين/جدي والله مالها داعي اسلم عليه؟
الجد ابو خالد/لا لازم تسلمين..هذا ولد عمك وبعد كم يوم بيصير زوجك؟
ياسمين...ياليت ها اليوم مايجي ياجدي ياليت..قالتها بصمت وحسرة مكبوتين داخلها ولبست عبايتها,,,

**************************************جابت له الاكل على الفراش وهي تارسة الصينية شموع وحركات وحطتها على جنبه وراحت تصحيه برقة/خالد..خالد يالله الاكل جاهز يالله حبيبي قوم..
خالد وهو يتمغط/يالله قمت..
وضحى/يالله ياعمري..
خالدوهو يعتدل بقعدته ويشوف الصينية/اوه ه ه اليوم الغذى ملكي!!!جاي لحد عندي بالفراش؟
وضحى وهي تحط الصينية بينها وبينه/ومو هذا كل شي؟
خالد/ليش في شي ثاني بعد؟
وضحى/طبعا في....اني ااْكلك بيديني..
خالد/لا السالفة كذا خطيرة؟
وضحى/شفت اني مدلعتك وانت مو حاس؟
خالد/ياعمري ترى اذا قصرت معك بشي مو بيديني سامحيني...
وضحى/مايجي منك قصور يالغالي صدقني مايجي...
خالد/يابعد عمري انتي,,,
وضحى/تسلم لي ياقلبي...
خالد/اقول خلاص عاد بسك غزل وخليني اكل ميت جوع؟
وضحى/هههههه اهم شي الكرشة؟
/خالد وهو يحوس بالصينية/وضيح,,ادري فيك سويتي لي عصير طبيعي وتعبتي نفسك بس تدرين فيني الكبسة ماتمشي معي الا مع بيبسي شيلي عصيرك وجيبيلي بيبسي...
وضحى/انا اقول خسارة التعب فيك بس مين يصدقني؟
خالد/هههههه
**************************************تركي/حصة جاية تتغذى معنا اليوم؟
حصة/من زمان ماشفتكم قلت اجي اتغذى معكم...
عبدالله/تسلمين يااختي...بشري انتي كيفك وكيف عيالك؟
تركي/الا صدق وينهم مالهم صوت ومو هاذي عادتهم؟
حصة/عند امي بالمطبخ...يالله انا رايحة اساعدها في تجهيز الاكل مو تتاْخرون؟
قاموا ثنينهم وركبوا وهم على الدرج همس عبدالله لتركي/اليوم صار سوء تفاهم بين حصة ونوف؟
تركي مسوي نفسه مو مبالي وهو بيتقطع على مايعرف/ليه؟
عبدالله/مدري بس نوف اليوم ماراحت الجامعة؟
تركي/ليش ماراحت؟
عبدالله/ماعندي خبر بس وانا طالع من غرفتي الصباح لقيت حصة عند باب نوف وانا على الدرج سمعتها تغسل شراعها,,,
تركي/وماقلت لها شي؟
عبدالله/لا..بنات ومو حلوة اكون بوسطهم لاتنسى ان حصة تفهم الشي على كيفها وخصوصا اذا السالفة فيها نوف...
ظل تركي واقف عند باب غرفته لثواني بعد ماراح عبدالله غرفته وهو متردد يدخل ولا يروح لنوف يشوفها ورغبته بشوفة نوف طغت عليه ومالقى نفسه الا قبال جناحها هي ومشاعل ويدق الباب(ابو تركي مسوي لهم جناح خاص فيه حمام ومطبخ وصالة استقبال علشان نوف تاخذ راحتها بما انها تتحجب عن عيال عمها وتظل دايم بعبايتها وهم موجودين)بعد فترة جاه صوتها واللي مبين عليه انه كان يبكي وهي تقول ينتظر شوي..
نوف/هلا تركي...
تركي رفع راسه وشاف عيونها الثابتة وفيها لمحات حزن,,,
تركي/هلا فيك....
نوف/.....
تركي/......
نوف/في شي ياتركي؟
تركي/وراك مارحتي الجامعة اليوم؟
نوف/ولاشي بس مالي خلق...
تركي/نوف ودك تروحين البحر اليوم...
ناظرته وابتسمت بمرارة وقالت بهمس/ياليت والله بكون شاكرة لك من قلبي...
تركي بلهفة ماانتبهت لها/خلاص اجل بعد الصلاة بنروح انا وانتي ومشاعل......واللحين انزلي تغذي..
نوف/مو مشتهية والله؟
تركي/مو ملزم عليك تنزلين ادري بيرجعون ينادونك بعد شوي,,,
مشى عنها وراح لغرفته وتفكيره فيها اكيد فيها شي مكدرها لاني واحد من ضمن الناس اللي يدرون عن نوف اذا تضايقت تحب تروح البحر.......
*************************************

البارت السادس,,,,,

ياسمين/اقول نورة هذا مشعل معي على الخط اكيد بيقولي انهم يبوني انزل بشوفه وبعدين بدق لك؟
نورة/ضروري تتصلين...ترى مابنام اليوم الا اذا تطمنت عليك وسمعت اخبارك؟
ياسمين/طيب يالله باي.......الو هلا مشعل..
مشعل على الخط بضيق/أي هلا.
ياسمين/شفيك؟
مشعل/جدتي قافلة علي الغرفة ياياسمين؟
ياسمين/ليه!!!
مشعل/تقول بتاْدبني لاني خليت جدي يشوف تماضر اللي بسندريلا!!!بذمتك هاذي جدة هاذي؟
ابتسمت ياسمين رغم الالم اللي فيها وقالت بمرح/ياولد الحلال شوفتها وتغار عليه!!
مشعل بنرفزة/أي تغار عليه انتي بعد!!!شيبة منتف ؟؟؟
ياسمين /من قال لك عاد!!جدي عنده خير بس محد يدري؟
مشعل/يصبرون علي اذا مالهفته كله!!بس مو وقته تعالي يابنت الحلال طلعيني ميت جوع...
ياسمين/يالله بجي بشوف شسالفتها,,,
**************************************ابو تركي على سفرة الغذى/نوف وينها؟
مرام/نامت هي ومشاعل,,,
حصة/عارفين الوقت وقت اكل بعد ليش ها العناد بعد!!
تركي بحزم/اقول حصة...مو كاْنك كبرتي على سوالف البزارين ؟
سكتت حصة ..
ام تركي/تركي..شها الحكي يمه....وش قالت اختك؟
تركي بنفس الحزم/هي عارفة وش قالت لنوف اليوم؟
ابو تركي بعصبية/انتي قايلة شي لبنت عمك ياحصيص؟
حصة انخطف لونها وظلت ساكتة...
ام تركي/يايمه حرام عليك البنت يتيمة ومالها غيرنا..
ابو تركي بحزم نفس حزم ولده/بنتي ماهي يتيمة؟؟؟نوف انا ابوها واللي يزعلها بكلمة وحدة ماهو شايف خير من وراي سامعتني!!!
حصة بقهر/مشاءالله لحقت تتصل فيك وتعلمك بعد ياتركي؟؟ليش..
قاطعها عبدالله بهدوء قبل لاتكبر السالفة بينها وبين تركي/انا كنت طالع لدوامي الصباح يوم شفتك واقفة قبال غرفتها تكلمينها ...وبعدين كان صوتك عالي والكل سمعه؟وقلت لتركي.....
حصة/وصايرين ثنينكم محامين لها بعد!!!
تركي بصراخ/اعقلي يابنت...وش ها الحكي؟
حصة بقهر/يعني مو كفاية اخذت ابوي وامي صوبها حتى انت واخوك؟وش ظل لنا ان شاءالله؟
ابو تركي بهدوء/حصة قومي عن سفرة الاكل مانبي نشوف وجهك!!روحي اكلي بالمطبخ مع عيالك....
ساد الهدوء المكان ومحد قال شي لان ابو تركي كلمته ماتنرد ابدا..وقامت حصة وهي بالعة غصتها وفشلتها وتتوعد في نويف اللي مسوية حاجز بينها وبينهم,,,,
سعد/شلون يعني؟
مشعل بنرفزة/يعني جدتي صارت تسوي سوالف تقهر؟اجل تحبسني بغرفتي كني بزر عندها؟
سعد/هاذي مراهقة لاتشيل في بالك؟
مشعل/اللحين لازم نسوي شي رفع ضغطها ويرميها طريحة الفراش؟
سعد/يبيلها شي قوي مو مجرد دعبات خفيفة مثل اللي نسويها..
مشعل/الليلة مالازم ننام الا واحنا عاصرين مخنا ومطلعين فكرة جهنمية؟
سعد/انا اقول مو لازم نستعجل علشان لانطلع أي فكرة لازم نجيب شي حلو..
مشعل/اجل بنتظارك وبنتظار اتصالك واذا قدرت تجي ونفكر تفكير جماعي بعد يكون احسن انا اللحين بروح ارفع ضغطها بكم شغلة بسيطة خفايف على قولتهم؟
*****************************
المغرب على البحر,,,,,

**,,,,,,,, ,,,,,,,,,,,,,,,,
مشاعل/مااجمل ان يكون الهواء عليلا في هذا الوقت امام البحر؟
تركي/مشاعل واللي يسلم عمرك اتركي الفصحى لااهلها؟
نوف/هههههه..
تركي/بذمتك نوف اللحين مو ترفع الضغط وهي تتكلم كذا!!
مشاعل بثقة/طبعا لا...
تركي/قومي بس اشتريلي موكا..
مشاعل/اوووف من ستار بكس؟بعيد؟
تركي/وين اللي بعيد كاهو ورانا بكم خطوة؟
مشاعل/ماتخاف عليّ؟
تركي/لامااخاف عليك بس اخلصي واشتريلي...يلعبون لعب بعدين يقولون ماتخاف علينا....
مشاعل/وعلى الحساب بعد!!
تركي/أي.....
بعد ماقامت مشاعل,,,,
تركي/هاذي مشاعل وقامت ..
نوف/واذا؟
تركي/انا مصر اعرف اللي مزعلك؟
تنهدت نوف تنهيدة طويلةوقالت بالم/تركي انت قد حسيت انك مو مرغوب فيك؟
تركي بنرفزة/ماعليك من حصيص هاذي سفيهة؟
نوف/لاياتركي حصة مالها شغل,,,
تركي/,,,,,,,,,,,,,
نوف بنفس الالم/جرحي ماهو منها,,
تركي/سعود؟
نوف ماقالت شي بس مسحت دمعة بطرف عينها..
تركي/تتوقعين لو كنتي قاعدة عند سعود بتكونين مرتاحة؟
نوف/لا اكيد....بس على الاقل بيكون جرحي اهون ...والله اشتقت لعياله...ودي اشوفهم من زمان...تعرف متى اخر مرة شفته ياتركي هو وعياله؟بالعيد اللي فات!!صرنا اغراب ياتركي ومانشوف بعض الا بالعيد؟ياليته يرد عليّ اذا دقيت له ويقولي أي شي بدل مايتركني كذا ماادري وش فيه ولا شنو عنده ولا اللي صاير فيه!!!
تركي/نوف سعود اخوك من يوم يومه قليل اصل مع الكل..ماالمفروض انك تزعلين منه ابذا!!
نوف بقهر/انا اخته ياتركي!!انا بذمته بعد وفاة امي وابوي؟؟انت متصور كيف اعيش مع بيت عمي وعيال عمي كباروبيت اخوي مفتوح للقاصي والداني من اهل مرته!!!صحيح انكم مثل اخواني وحجابي عنكم مو حاط بينا أي حواجز بس يظل هو اخوي اللي معي من نفس البطن؟
مايدري ليش سكت لحظتها..هل هي صعبت عليه السالفة بكلمتها (انتوا مثل اخواني)ولاهو كبر الكلمة وهي ماتسوى؟؟؟؟شوف الايام وش تقول ياتركي لاتستعجل؟
*************************************
خالد/وش برنامجنا اليوم؟
وضحى وهي تغسل يدينها/ولاشي..ماعندي شي محدد...
خالد/ماتبين نطلع؟
وضحى/بكيفك....
خالد/خلاص بعد مانسبح نطلع...اي مجمع تبين تروحين؟
وضحى/مدري ...بس الضهران حلو...
خالد/لالالا خليها الراشد؟
وضحى/وليش الراشد يعني؟
خالد/لانك تطولين بالمحلات...على ماانتي تتسوقين انا اروح ارقم لي كم وحدة؟
وضحى/لاوالله!!
خالد بثقة/اجل اقعد فاضي كذا انتظرك؟
وضحى/طيب......
واخذت كاس وملته موية وفوق راس خالد اللي قعد يضحك....
وضحى/يالله روح رقمهم كذا بها الشكل؟
خالد بضحكة/لاتحاولين بكل الاشكال وسيم وبنظرة مني ينذبحون....
وضحى/عدال ياتوم كروز...
خالد/تعالي اليوم السبت,,,
وضحى/أي,,,
خالد/اجل مافيها طلعة...انا مواعد الشباب اليوم؟
وضحى بقهر/اووووف..خالد توك تقول بتطلع معي!!!
خالد/والله نسيت ان اليوم السبت...معليش بكرة....
**************************************الجدة ام خالد/نواف ماقال شي عن سالفة العرس اليوم؟
الجد ابو خالد/ولاكلمة؟
ام مشعل/شلون يعني؟تظل البنت معلقة..
الجد ابو خالد/ياسمين مالها غير نواف ولد عمها يا تاخذه يا على قبرها..
ام مشعل/اسم الله على بنيتي الله يحفظ شبابها يايبى...
الجد/وانا شقلت؟
الجدة/زين انت ماقلت له؟
الجد ابو خالد/مو قايل له يمكن ماعنده فلوس ويطلب مني انا ماابي اعطي احد!!!
الجدة/أي لاتعطي احد خلهم لي علشان اورثك انا بعد ماتموت؟
الجد/المفروض تموتين انتي قبلي لان الحريم يموتون قبل؟
ام مشعل سكتت هي تحاتي هم بنتها وامها وابوها بشي ثاني,,
ياسمين بروحها كانت تمسح دموعها وهي ورى الباب تسمع كلامهم وراحت تفتح الباب اول ماسمعت الجرس ,,,
فتحت باب الصالة علشان تطلع للباب الخارجي وشهقت يوم لقت نواف واقف قبالها وبيده اغراض جايبهم معه,,
نواف/حلو حلو...طالعة كذا تفتحين الباب؟؟؟ليش مشعل مو هنا ؟الشغالة مو هنا ؟ولاانتي تعودتي على الفل بدون حسيب ولارقيب؟
صدمتها بوجوده قبالها وهي كذا بدون عباية ماكانت كبر صدمتها بكلامه!!!
هذا وش مفكرها؟؟؟؟
نواف بصراخ/اكلمك انتي بلا سرحان ومسوية لي فيها مستحية!!!
رفعت راسها مع كلمته وقالت له بحدة/اطلع برى!!!اصلا انت مو رجال وش لك تدخل للصالة بدون لااحم ولادستور وتقوم تعطينا خبر انك جاي!!ولامفكرها وكالة بدون بواب يااستاذ؟اطلع برى؟
ماتدري كيف سكرت الباب بوجهه بقوة وكيف راحت غرفتها وقفلت عليها الباب علشان لااحد يدري وش سوت ولاشنو قالت لها النواف؟
***********************************

البارت السابع,,,,,,

دقت باب مجلس الرجال وحطت له تكملة الاغراض اللي قال يبيهم ووقفت بعيد شوي تنتظره يطلع,,,,
فتح الباب يشيل الاغراض وتلفت يمين ويسار ولقاها واشرت له يجي ودخلت لغرفتهم ولحقها وسكر الباب...
خالد/في شي؟
وضحى برقة/أي في...
خالد/شنو؟
وضحى/اني مشتاقة لك ومتمللة بروحي!!!
خالد/ماعليه ياقلبي شوي وجاي لك,,,,
وضحى/مسكته من ياقة ثوبه وتمايعت/وتفكر مني لين تجي ها الشوي بظل ماسكة نفسي!!
خالد وهو ماسك نفسه/خلاص وضوحي شوي وبيقومون الشباب,,,
وضحى بنعومة/من زمان وانت تقولي شوي,,,
خالد/خلاص كلها ساعة وبيقومون,,,
وضحى/واذا ماقاموا في ها الساعة؟
خالد/بطردهم وبجيك وش تبين بعد!

**************************************كانوا قاعدين بقهوة الليوان بالخبر وكل واحد يناظر بالثاني وهو ساكت وشايل همه بقلبه لين قطع تركي الصمت اللي بينهم,,,
تركي/تغذيت اليوم في بيت جدي؟
نواف/أي...
تركي/صار شي؟
نواف/.....
تركي/يعني صار؟
نواف تنهد وسكت....
تركي/جدي فاتحك بالموضوع؟
نواف بدون نفس/لا..
تركي/اجل شفيك ماد البوز؟
نواف/صار موقف سخيف بيني وبينها؟
تركي/شنو صار؟
نواف/شفتها اليوم وطردتني,,,,
تركي/اوووف...وشلون صاير شكلها؟
نواف بضيق/اقولك طردتني وهذا الاهم وانت تقولي كيف صاير شكلها؟
تركي/طيب ليه طردتك؟
نواف/اسمع السالفة اللي صارت...............................
تركي/طيب انت الغلطان؟
نواف/...................
تركي/ولا ان شاءالله بتقول بعد ان مو انت الغلطان؟
نواف/غلطان ماقلت لك شي بس مدري وش فيني مو قادر افكر بشي غير ها السالفة؟
تركي/لانها هي اللي طردتك من البيت وها الشي حاز فيك,,,,
في غرفة مشاعل كانوا تاركين التلفون سبيكر وهم يكلمون ياسمين....
مشاعل/وبعدين؟
ياسمين/ولاشي طلعت امي جاي تسولف معي سوالف عادية,,,
مشاعل/وماتتوقعين هو قال لهم؟
ياسمين/مدري...

نوف/مااتوقعه قال شي لو قال كان بان الموضوع من اليوم لان هو مو من صالحه يتركه يبرد,,,
ياسمين/شلون يعني؟
نوف/يعني اذا بيتكلم فيه وفي باله نية شر بيتكلم فيه حار ب حار....
مشاعل/انا كذا بعد اقول...
ياسمين/الله يسمع منكم ان شاءالله,,,
نوف/وش كانت انطباعاتك يوم شفتيه كذا قبالك؟
ياسمين/مت من الخوف...
نوف/هههههه
مشاعل بتشكيك/متاْكدة ماقزيتي من هنا ولامن هنا من ورانا!!!
ياسمين/والله انك متفرغة!!!مابدور اقز الا نواف باشا؟
نوف/ههههه وفي ها الموقف الحلو...
مشاعل/على قولتك....
ياسمين/تصدقون حاسة ها اليوم طويل ومو راضي ينتهي....
مشاعل/قومي اللحين غسلي وجهك وحطي راسك على المخدة ونامي,,,
نوف/مشاعل قصدها توفر لك جو تفكرين فيه في السالفة بروحك؟

ياسمين/ههههه على قولتك...بس مو مسكرة من عندكم لين حسيت نفسي دخت وبنام....
نورة كانت تقولب بالمجلة اللي في يدها وجت امها جلست جنبها,,,
ام سعد/نورة..
نورة/هلا يمه...
ام سعد/شلونك...
نورة/بخير الحمد الله...
ام سعد/وشخبار الجامعة؟
نورة/ماشي الحال...
ام سعد/وش تسوين؟
نورة/اطالع بالمجلة...
ام سعد/اقول نورة...
نورة/هلا يمه...
ام سعد/قربت رجعت فارس للدمام,,,
نورة بضيق/أي واحنا مالنا ومال رجعته؟
ام سعد/شلون مالنا ومال رجعته؟اذا رجع فارس..
قاطعتهانورة/خلاص يمه قفلي ها السيرة واللي يسلمك..
ام سعد/وانتي ليش معصبة ومتضايقة؟
نورة/مو متضايقة ولافيني شي بس انا مالي شغل برجعته؟
ام سعد/انتي الحكي معك يعور الراس....المهم يوم الخميس تراهم بيجون عندنا؟
نورة/اووووووف وليش بعد؟
ام سعد/ووجع ان شاءالله؟وش اللي ليش بعد!!عيب عليك يابنت اللي يسمعك تقولين ها الحكي بيقول امها ماعلمتها ولاربتها؟
نورة/يمه انا مابي اكون موجودة؟
ام سعد باصرار/الا اصلا خالتك ام فارس جاية تشوفك مخصوص....كيف ماتبين تكونيني موجودة؟
**************************************

البارت الثامن,,,,
,,,,,,,,,,,,,,,,,,,,,,,,,,,,,,,,,,,
تركي/زين اني شفتك؟
رفع سعود راسه وتفاجاء يوم شاف تركي ووقف بسرعةصحيح ان سعود اكبر بس هيبة تركي مايجي شي تحتها,وقال بارتباك/تركي!!,,
تركي/أي تركي ليه متفاجاْ كذا من شوفتي؟
سعود انا ماقلت شي...
تركي/انت ماقلت شي بس تفاجاْت من شوفتي لانك متعود ماتشوفني غير بالعيد وبس ياولد العم!!!
سعود بلعثمة/تفضل..
قرب تركي من سعود وقال بهمس فيه حدة/فيك تاْخذ بريك سريع نطلع نشرب فيه فنجان قهوة ونتكلم....
سعود بصدمة/نتكلم!!!في شنو؟
تركي/في الشي الوحيد اللي صار يربطنا ببعض اكيد وهو نوف؟
**************************************وضحى/ها عسى ماشر وش له ها الكشخة وها العطر؟
ضحك عليها وهو يعدل شماغه....
وضحى/اكيد مو رايح الدوام؟!!
خالد وهو يضحك/وين بروح يعني؟
وضحى بتشكيك وهي تضحك/اساْل نفسك؟
خالد مسوي انه جاد/انا ماكنت بقولك بس مدامك مصرة خلاص اسمعي اجل انا رايح لاام العيال؟
وضحى/لا...اجل سلم عليها...
خالد/هههه سلامك يوصل يالغلا,,,
ضربته على كتفه وقام يضحك وهي تضحك معه,,,
خالد/اقول وضحى..
وضحى/سم ياقلبي..
خالد بجدية/سم الله عدوك بس كنت بقولك ورى ماتزورين امك اليوم من زمان مامريتي عليها وشفتي اخبارها؟
تلاشت الضحكة من وجهها وبان الضيق عليها وقالت/خلنا رايقين ياخالد ماله داعي نجيب أي سيرة تكدرنا؟
خالد باصرار/أي بس هاذي امك ياوضحى؟
وضحى حطت راسها على صدره وقالت بالم.../انا ماابي غيرك من ها العالم ياخالد انت امي وانت كل شي...
**************************************دخل مشعل البيت ووراه سعد اللي كان لابس عباية على انه جدة صديق مشعل,,,
وراح للصالة مكان قعدة جده وجدته بعد ماتاْكد ان امه في السوبر ماركت,,,
مشعل/يبى...هاذي جدة صاحبي...
فز الجد من مكانه وقال بسرعة/الله يحيها...
الجدة نطت وراه وبيدها عصاها.../منو انتي!!!
سعد وهو ينعم صوته بقد مافيه وهو شوي يموت من الضحك/الله يسلمك...
الجدة بقهر وصراخ/خلها تطلع من بيتي!!!
الجد ابو خالد/اقول ترى المكان مكانك يا....ماتعرفنا؟
الجدة بقهر اكبر/وش له تتعرفون بعد؟خليها تطلع لااذبحها؟
سعد وهو يتنيعم/شيخة...اسمي شيخة..
الجد برومنسية/والنعم في شيخة الحريم كلهم...شيخة اسم على مسمى...
سعد/تسلم يا عبدالعزيز..
الجدة بضيق/اسمه ابو خالد..
سعد بشلاخ/لا,,,تصدق مايبين عليك عندك عيال؟
مشعل مات من الضحك وسعد لف للجهة الثانية يقال انه مستحي من الجد اللي خق وهو مكانه وهو فاطس ضحك مايدري شلون طلعت معه...
الجدة دفت الجد بعصاها وهي تصرخ/استح على وجهك بس استح..الشيب مو تارك لك مكان وانت منثبر مكانك مو متحرك كاْنك تمثال؟
الجد يهمس لمشعل/شوف يامشيعل هاذي جدة صاحبك شكلها انيقة كاهي لابسة مثل الجزمة اللي لابستها ياسمين اختك؟
مشعل وهو يجر سعد لاينفضحون وتطلع باقي اغراض ياسمين/يالله انا بخليها تروح ترتاح فوق شوي؟
الجد بااعجاب/وتقدر تركب الدرج بعد!!مشاءالله عليها الله يحفظ شبابها...
**************************************في بيت ابو تركي
جلست حصة جنب امها اللي توها مسكرة سماعة التلفون,,,,
حصة/منو تكلمين يمه..
ام تركي/هذا تركي فديته..
حصة/جاينه شباب اليوم؟اسمعك تقولين الله يحيه...
ام تركي/لا...يقول سعود ولد عمك جاي الليلة هو وعياله قلت له الله يحيه؟
حصة باستغراب/وش الطاري سعود جاي؟بالعادة مايجي الا يوم العيد؟
ام تركي/علمي علمك يابنيتي...الله يجعله خير ان شاءالله...
سرحت حصة بتفكيرها بعيد وتحديدا في نوف وفي بالها شي تسويه ...بس تنتظر رجعة نوف من الجامعة.,,,
****في سيارة عبدالله اللي كان جايب معه نوف....
عبدالله/نوف..
نوف بلهفة/هلا..
عبدالله/شلونك...
نوف بارتياح/مدامي معكم انا بخير..
عبدالله بنفس الهدوء/نوف انتي تعرفين حصة مو من اليوم ولاامس..تعرفينها من زمان..
نوف/والمطلوب؟
عبدالله/لاتشيلين هم كلامها وطنشي وش ماقالت لك؟
نوف/عادي حصة اختي واي شي منها اكيد ماهو ضارني لانها تبي مصلحتي..
عبدالله ابتسم له وذابت هي على ابتسامته..
عبدالله/ياليت كل البنات يفكرون مثلك يانوف...
نوف ظلت مبتسمة له وهي ساكتة...
عبدالله/اذا ضايقك كلامها مرة ثانية امسحيها بوجهي؟
نوف بعد تنهيدة/انا ماازعل من احد فيكم ياعبدالله....انتوا اهلي..انتوا كل شي بالنسبة لي...
عبدالله بمرح/أي خليك قوية ترى انا عندي موضوع وابيك تساعديني فيه؟
نوف بلهفة/شنو؟
عبدالله/جايك...بعد كم يوم بطلب منك خدمة وماابيك ترديني ابيك تساعديني بس ها مو تنكبين فيني!!!
**************************************