رواية شغب في مدارس الرس

تذكير بمساهمة فاتح الموضوع :

رواية شغب في مدارس الرس

الكاتبه : »آٌخفي? בـنيني?●~ أو H.m

ههه دآم الروآ]هه الي توي نقلتهآ قصصيره

جبت وححدآ تآنيهه

آن شآء الله بسس مو قصيرهه خخ

يلآ يَ متآبعينن آنططلآق *

امه- ما تبيك...اجل من تبي اذا مابغت ولد عمها...
طارق- لا يمه هالتعصب الحين مو موجود...
امه- لا لا ابد ماعليك...اصل سلمان يبي مرام وناوين نخطبها له....ونخطبهن كلهن لكم بيوم واحد..
طارق- يمه اخاف ..
امه- وش تخاف منه...البنت مو لاقيه احسن منك...
طارق طالع الارض وقال- ما ابي عمي يغصبها..
امه- مو غاصبها ...بعدين خطبه خطبه...
طارق- لا لا ....الله يكتب لي اللي فيه الخير...
امه سكتت وهي تطالع فيه ولا علقت ....
..........................
بالفسحه

مها- تخيلي بس اصير حرم الشيخ طارق....انجلط ياشيخه
ندى-خخخخخخخ ما تدرين
مها- على جثتي
ندى- اجل حرم الشيخ فيصل هع هع
مها- ايه كذا حلو ...
ندى- منعوووونه
مها-خخخخخخخخخخخخخخخخخخخخخخخخخخخ الله يرجتس يادووووبه....
ندى- الله لا تبتلينا بما ابتلاهم به ...
مها - وش اللي فيني هاااه
ندى- انك تحبين.....انا ما ابي احب الا رجلي...
مها- ان شاء الله ماتحبين الا رجلك ...
ندى- يابعد قلبي يامها ...لا يكون ضايق خلقك انك خايفه انك ماتخذين فيصل....
مها بملل- لا مو على هاذا...انا خوفي كله من طارق...
ندى- لا ما اتوقع...اكيد عنده كرامه ...
مها- ايه واضح الكرامه طاله من عيونه...والله ماعنده كرامه ...
ندى- ما اقول الا الله يعينك
مها طالعت السحاب.....وكان الجو غيوم....
وقالت بنفسها- لو بتزوج طارق....معقوله راح احبه.....يعني هو يحبن واكيدبيعاملن وكأني اميره...بس ليش كل هالخمس السنين اللي مرت ما حبيته....يعنيمو معقوووله ابد...انا ماراح احبه ابد ابد..
سكتت شوي وقالت بتعجب بصوت خفيف- وانا ليش افكر كذا ....اكيد ماراح اتزوجه...
ندى-هاه....
مها طالعت فيها وابتسمت وقالت- اخبار فايزة وغيدا
ندى ابتسمت وقالت- اكيد هاذا اللي قلتيه
مها- اي...
ندى- ايه تمام وبخير وعافيه ....الجو حلو اليوم ...
مها- اي مااره خقق ...اقول تعالي لنا اليوم يا الشينه.....دايم انا اجيكم وانتي ما تجين ...
ندى- آآآآ اليوم؟
مها- ايه....ترى ابوي يطلع ...وحاتم يروح يلعب مع اصدقاه...
ندى- آآآآ اوك ....بس بشوف امي....وارد لك ...
مها- خلاص ...
.............
فيصل كان جالس يفطر....
وقال- يمه...ندى راحت للمدرسه ؟؟
امه - ايه....وانت تشووفها هنا؟؟؟
ابتسم وقال- لا الله يخليتس لي ...بس قلت يمكن غايبه ابيها تونسني...
اخذ نفس ...
امه- انت تعبان؟؟
فيصل - الحمد لله ....لا والله مو تعبان....الا اقول يمه...الحين اهلمها...صديقة ندى ....ماعزمناهم ولا تعرفنا عليهم...انا اعرف ولدهم وقدعزمني على القهوه وتقهويت معه..لازم يتعشون معنا..
امه- بقول لابوك...مير حنا الله يعيننا...بهالوقت ما نقدر...
قالت هالكلام بضيق...فيصل يطالع فيها..وتضايق وقال- هذا قضاء وقدر...حنا ان شاء الله صابرين ومحتسبين الاجر...
امه- ان شاء الله.....بروح اشوفه اذا كان صاحي....
قامت امه وراحت....جلس يفكر....لو يعزمون اهل مها...وتجي هي...بيحاوليشوفها زين...هو شافها عند غرفته بس ما شاف ملامحها صح...هاذي تعتبر مهمهله دامها تحبه ...
اخذ نفس وقال- انا وش يخليني افكر فيها بهالطريقه....مايصلح افكر كذا ....حرام علي اني اشوفها...استغفر الله ....اللهم لا تأخذني بما قلت ...الله ما رجع لي شوفي الا لازم احمده واشكره...استغفر الله
قال بقلبه- بس ليش افكر فيها كثير...أخاف احبها..وأنا ما....
غمض عيونه وقال- اعوذ بالله منك يا ابليس.....ما ابي اشوفها ولا ابي احبها ابد.....
اخذ نفس وتذكر طارق واضح ان طارق هو بياخذ مها....ولو بيخطب مها وش معهشهادة ....حتى الابتدائي مامعه ...ولو بيدرس ..البنت ماراح تنتظره ...سادسواول متوسط وثاني وثالث والثانوي ...
هاذي كلها سبع سنين...وطارق بسن الزواج....يعني يقدر يخطبها ....وولد عمها اكيد ماراح يرفضونه الا اذا كانوا ماعندهم هالتفكير....
فيصل- لا انا لها ولا هي لي...اصلا وش خلاها تحبن...
تذكر كلام ندى انها قبل ماينشفي...
هنا سكت....وتفكيره راح لمها نفسها ....يحاول بقدر المستطاع يتذكرها....كانشعرها لتحت اكتافها او اطول ..وحاطه بشعرها شباصه حمرا صغيره....كانبياضها واضح...وحاطه روج احمر...ولبسها كان اغلبه احمر ....
فيصل وهو يضرب راسه بخفيف- هاذا اللي قدرت تجيبه .....عيونها وملامحها الباقيه كيف....أووووه ....
دخلت امه وقالت- تسولف على نفسك ....

سكت وهو يطالع ويفكر...ضحك وقال- اي اسولف....هاه احمد صحى؟؟؟
مه- لا ....
....................
العصر....
دخلت مها غرفة حاتم وقالت- وين راح هاذا ....اخاف يجي ويدخل على البنت ....
جلست على سريره وهي تطالع بالحوسه ....
مها- يييييع وشلون يتحمل كذا .....وين لابتوبه....
اتجهت لدولاب...وفتحته ...لقت الابتوب ...اخذته ولقت وراه اكسسوارات ...
طارت عيونها .....وقالت من له ...مسكتهن وهي تطالع فيهن .....كان فيه اكسسوارعليه حرف f....تذكرت ان ندى لابسته عشان فيصل...
مها- من وين اخذه ....هاذا من ندى ..
دخل ...وجلس على السرير ولا انتبه لمها ....نزل جزماته ورفع عيونه ...وانصدم ....
مها وهي تفكر ...
حاتم بربكه- وش تسوين انتي.....وش القااااافه ....
مها التفتت له وقالت- من وين جاك هذا....
حاتم- كنت بعطيك اياه تعطينه فايزة ...
مها طيرت عيونها وقالت- فااااايزة ....

حاتم- لا يروح تفكيرك بعيد....

وقف وقرب منها ....وابعد الابتوب وااخذ خواتم وقال- طاحن منكن ذاك اليوم وكنت وراكن....اخذتهن ...
مها تطالع فيه بشك
عصب وفتح يدها وحطهن بيدها وقال- اللقافه مااالهاا داعي.....تجين من الباب لطاقه وتفتحين دولابي
مها تذكرت انها متلقفه طلعت لسانها وابتسمت وقالت- ماصار شيء ماصار شيء
حاتم ابتسم وهو يضحك عليها وقال- اقووول ....بلا استعباط....
مها- خخخخخخخ لا بس اذكر ان ندى لابسه هالاسواره ...ايه صح ...ترى ندى بتجي ..ما ابيك تدخــ...
حاتم- بتجي اللي تحبن؟؟
مها - ومن اللي قالك انه تحبك ....اقول اعقل ...
حاتم- لا مو معقوله ...اكييييد تحبن.
مها- انا لله .....خلاص ماراح اخليها تجي معنا ...دام تفكيرك كذا
حاتم- لا بس....بس انها ...
مها- وش فيها...

حاتم- خلاص خلاص...انا بطلع مع فهد
مها - اوك...
..........
ندى- بروح....
فيصل- خلاص انا بوصلك ....
فايزة- ابي اروح معك ...
ندى- اقول انثبري وين تروحين ...
فايزة- يا الله وش فيها ان رحت باكلكم
ندى- لا لا بس انثبري...
فيصل- مشينا.....
طلعوا يمشون ..كانت تمشي جنبه وقالت- فيصل.....

قال- هاه

قالت- يعني من كلامي عن مها.....وش رايك فيها.
طالع فيها وابتسم..وقال- بتقولين لها..
قالت- لا لا ماعليك...في بير...
فيصل- عادي ...
ندى- يوووه فيصل ياشينك....قل يعني مشاعرك...
فيصل انحرج- وش مشاعره...
ندى- معقوله مافيه مشاعر يعني ...كذا ما ادري وش اقولك بس اكيد فيه مشاعر تجاهها...
فيصل - هي تحبن اكيد؟؟
ندى طالعت فيه....وقالت- البنت مو تحبك...الا تعشقك...
سكت وطالع لسماء ...
ندى- ايــــــــــــــــــه اللي يعشقون ويطالعون اسما ان كانوا يفكرون بحبيبتهم ...
فيصل يطالع فيها وهو معصب وقال- لو مو بالشارع كان كسرت راسك ...
ندى- هع هع ....ابي علك...ادخل البقاله واشترلي ...
فيصل- لازم...
ندى- ايه.....
وقفت عند الباب ودخو وهو يقول- هالعالم نفسيه ...
ندى -هع هع خذ لمها هديه ..
ابتسم وقال- من عيوني...
اخذ جلكسي وعلك ...وقال- العلك لك...والجالكسي لها..
ضحكت بقوة ...
فيصل- وجع اسكتي....اسكتت وقالت- طيب..
ابتسم وهو متوقع انها ماراح تعطيها...يعني ماتاصل انها تعطيها وتقول هديه لك من فيصل...هاذي قوووويه
قربوا من البيت ...طلع حاتم وهو ماسك الكوره وكان لابس نظرات ...
نزل راسه شوي ونزل النظرات عن عيونه وهو يطالع ....وابتسم وقال- فيصل...حيااااا الله من جانا....
فيصل- الله يحيك...
ندى تطالع فيه وتقول بقلبها- وينك يافايزة ...يكشخ قدامي بالنظارات هع هع ...والله لا اقهرها...

دخلت ندى للبيت ...
حاتم- ورى ماتجي معنا وتلعب....
فيصل باحراااج - ما اقدر...
حاتم- كلها نص ساعه
فيصل- ما اقدر
حاتم- وش عنده المشغول..
فيصل- عندي مدرسه ....
حاتم ابتسم وقال- ايــــه ...بأي صف الحين؟؟
فيصل- بسادس...ادخل المتوسط ولا يحتاج اروح واجي..انتسب وبس
حاتم- الله يوفقك
فيصل- نشوفك على خير..
...............

فيصل- بسادس...ادخل المتوسط ولا يحتاج اروح واجي..انتسب وبس
حاتم- الله يوفقك
فيصل- نشوفك على خير..
................
مها- هلاااا والله بالطش والبيض المفقش ....
ندى- هلا بك ...
سلمت عليها
مرام سلمت- اخبارك .....واخبار الاهل...
ندى-تمام ....وانتي؟
مرام- الحمد لله
ندى- أحلى من اللي تخيلته
مرام- الله يسلمك غلاتي .....وانتي بعد ما تخيلتك كذا ...
مها- بتوقفين البنت عند الباب ....تفزلي ندو ...
دخلته المجلس وقالت- سويت انا ومرام صلح ....انه تسوي القهوة والحلى وتجهز كل شيء هي بنفسه عشان انا اذا جن صديقاته بسوي كل شيء...
ندى-ههههه ياحوبي لكن زين انكن تتفقن ....مير انا وفايزة ماتنفع الاتفاقيه بيننا...وين أمك بسلم عليه ...
مها- اصبري مو على طول....بخليك تسلمين حتى على ابوي ....
ندى تمثل انه تستعد وقالت- يالله حتى حاتم ناديه ...
مها ضحكت وقالت- تفكيركم خايس يالبنات
ندى - ليش وانتي مو بنت ...
مها حطت يديها على شفايفها وقالت- فضحت نفسي
ضحكت ندى بقوة وقالت- الله يستر بكره اشوفك جايه عند بيتنا تخطبيني ...
مها -ههههههههههههه اقول لا يكثر عاد ما ألقى إلا ندى ....شوفي رغد حلوه أخطبها ...إلا وش صار عليه
ندى- يقولون إنها انفصلت اسبوعين ....وان لازم تدور على مدرسه ثانيه ونهله بيطرونها
مها بضيق- يا الله ....هاذي فايدة العب.....
ندى تذكرت الجالكسي وطلعته وقالت - خوذي..
مها ابتسمت وقالت- شووووكرن ...والمناسبة ؟؟؟
ندى- مو مني ....من فيصل....
مها تجمدت ...تطالع بندى ....وهي تفكر....
ندى ضحكة بقوة كانت تدري انها ماراح تصدق انه من فيصل....
مها اخذت نفس وقالت- بتلعبين بأعصابي....
ندى بجد- ما أمزح والله دخل البقالة واشتراه لي وقال عطيه مها ...
مها تبلع ريقها وقالت- أسألك بالله ...مو مزح؟؟؟
ندى ابتسمت وقالت- انا عمري كذبت ...انا ندوو عمري كذبت ....شوفي البرا....
قاطعته وقالت- اتكلم معك بجد...منه....
ندى- اي اي منه ....
مها تطالع بالجالكسي....كان بالكراميل وعضت شفته وهي مبتسمه ...يعني طارت من الفرح ....
ندى بتغير السالفه لان مها مسكت الخط السريع بالجالكسي قالت- شفت حاتم.....يكشخ بالنظارات ....
مها طالعتها وقالت- ياحليله اخوي ....وين فايزة عنه
ندى- اي والله اني قلت ياليته معي .....عشان تخق عنده ..
مها- وووع حاتم عاد !!!
ندى- حرام عليك والله حلو ....لا تحطمينه ...
مها- يؤ يؤ لا تخونين اختك يا دوبه .....
ندى- سمعتي اخر خبر ....استعدي بكره الباص يجي ....
يعني اوقفي عند الباب من بدري
مها - لا لا انا بروح مع حاتم واجي مع حاتم ...
ندى- بنجرب اول يوم ...
مها- اول يوم بس
ندى- اذا ما اعجبنا اوك ....
مها- خلاص...
..........
حاتم واقف عند باب البقاله ينتظر فهد يطلع ....كان ماسك جواله ويطالع فيه ....
فجأه ....جته ضربه على ضهره بقوة وطاح على ركبه وهو يحاول يتوازن ....
التفت على ورى .....فما شاف الا شيء يلمع انغرس بكتفه ....وطلعت صرخه منه ....قويه ...
عبد الرحمن- اهرب اهرب بسرعه ....
هربوا يركضون ....
طلع فهد وهو يركض انصدم من شكل حاتم ...كا طايح وهو يطلع أهات طالعه من قلب كان شبه واعي....أهات خفيفه ؟...
فهد يطلع بعبد الرحمن وصرخ على اللي بالبقاله وقال- بسرعه اتصل على الاسعاف...
جلس عنده وقال- والله ما اخليهم لك....حاتم...حاتم....
حاتم بصوت خفيف- آآآه ...آآه
كان الدم ينزف .....لمس فهد السكين وصرخ حاتم بقوة وغمض عيونه واغمى عليه ...
...............
ابتهال وهي ترقص عند صديقاتها كانت جمعه عند حنين
ابتهال - والله لا أوريكم فيه والله والله ما اخليه ...
وكانت ترقص وهي مستانسه ...سوت اللي في بالها خلاص
حنين تضحك وقالت- شوي شوي على نفسك ....
عهود - يا اختي شفتي وجهها ....وقسم بالله ما نشرى

بريال...
فاطمة- أووووه الحين شوفي وش صاير لها ...بتضف وجهها عن مدرستنا....هذا ان لقت مدرسه بتقبلها ....
ابتهال بوناسه- تصدقون عاد....ما عمري حقدت ...تو ما ادري اني اذا حقدت اسوي كذا ....
نطت وهي قالت- ولو ترجع واشوفها رافعه خشمه ...اكسره له ....واسوي فيها اكثر...
حنين-هههههههه يا عيني على القوية .....يمكن هي تكون انذل منك ....وتحقد وتسوي...
قطعتها وهي تقول- نهي نهي مستحيل نيفر ابدا محال ...هاذي رغد ((قالت بنعومه ودلع)) حبيبتي ....
طلعت الضحكه من قلبها....كانت جد مستانسه ...
........................
رغد تصيح هي ما تدري وش تسوي ...تقول لأمها....امها بتسوي لها شيء ...مستحيل تسكت على هالشيء...
رغد بضيق- وش اسوي وش اسوي .....الله يلعن نهله ويلعن العب كله ...هاذا اخر شيء اتوقعه ....الله لا يوفقك يا ابتهال ...
قامت وقالت- تنتقمين يعني .....تسمي نفسها تحبن .....كذااابه ....
اتسطحت وقالت- من أقوله .....وشلون برجع للمدرسه ...كيف بلقى مدرسه لي....
كانت تمسح دموعها ..ماعمرها حست بالوهقه هاذي....ان قالت لامها امها بتفتح عليها باب ما راح تسكره
وان قالت لابوها اكيد بيزعل لانه مدلعها
اخذت نفس وطلعته ببطء وقالت- الله يعين ...
.......................
ندى - اوك ذاكري زين ...ترى بكره ثلاث اختبارات ...
مها- والله بدري تأخري لو شوي ...
ندى- آآآآ ما أقدر....بعدين لازم اروح فيصل اكيد جاء من مدرسته الحين ...بشوف اخر الاخبار...
مها-خخخخ سلمي لي عليه
ندى- ان شاء الله
مها بخوف - لا لا لا اعرفك تقولين له ...
ندى- خليه يستانس
مها- لا ندو تكفين الله يوفقك لا تقولين له انا والله امزح ....
ندى- لا ماعليك ما راح اقوله ....
مها- اوك ...
طلعت معها لحد الباب وقالت- نشوفك على خير ...انتظرك بكره بالباص خخخخخ
ندى- - متحمسه له ماااره ابي اركبه باي طريقه ....بكره من الساعه خمس بصير جاهزة ...
مها- طيب من اول وحده بياخذها....
ندى- اللي سمعتوه انه بياخذ الحي بس ..يللا سي يو
طلعت ندى من عندها وسكرت الباب ....استندت عليه واخذت نفس ...تذكرتالجالكسي ...وبدونشعور منها ....نطت وقالت يس يس يس ...والله اني احبه ..
ركضت للمجلس ...واخذته وقالت ويعرف ذوقي بعد.....ياحوووبي له
............
حاتم كان على السرير وشبه واعي ....
الشرطي- أكيد تعرفهم...
فهد- ايه اعرفهم....ومتأكد انه هم ...ومن غيرهم بيسوي كذا
الشرطي- بننتظر حاتم وناخذ باقي التحقيق معه ...
فهد بقهر- انا متأكد.....والله اسمه عبد الرحمن وصديقه الغبي علي...
الشرطي - انت اهدى ....نكمل التحقيق ماراح يهربون لو كانوا هم ...
دخل أبو حاتم وقال-هاه عرفتوهم؟؟؟
الشرطي-ننتظره يصحى عشان ناخذ افادته
ابو حاتم- طيب فهد ما يكفي..يعني يعرفهم
الشرطي- يا ابو حاتم ....انا عارف ان فهدشافهم..بس حنا ما نبي اخطاء نتأكد من حاتــ...
فهد بعصبيه- لا حول ولا قوة الا بالله
ابو حاتم- ماعليك يافهد والله مايضيع حق ولدي ...
اخذ نفس وهو يطالعه وكانت العبره خانقته على ولده ...كان واضح ان حاتم متألم مو هينه تدخل سكين بظهره أكيــيد بيتعذب...
قال وهو يطلع زفره- الله يشفيه ....ويقومه بالسلامه
الشرطي وفهد- امين ....
الشرطي - بصير برا ومتى ماصحى بجي...
...............
مها جالسه ع الكرسي بالمطبخ وقدامها الجالكسي وتتأمله ...
مها تاخذ نفس وهي مبتسمه- يالبى هالجالكسي واللي شراه لي....وقسم مامثله احد....
دخلت مرام ووقالت بسرعه- وش تفكرين فيه ....
انهبلت مها من صوتها وقالت بسرعه - وش فيه ؟؟
عصبت وقالت- يا خبله والله حرام عليك تخوفين كذا ....
مرام بخبث- احلفي ...لا ياحلوه ....اكيد تفكرين بطارق عشان كذ...
ماكملت الا ومها معصبه وقالت- مرام والله ما اطيق اسمه ....لا تعكرين جوي باسمه
مرام سكتت شوي وهي تفكر
مها اخذت الجالكسي وكانت بتمر من جنبها قالت- بيرجع ...ويكمل دراسته
مها جمدت مكانها وهي تطالع بمرام
مرام رحمت مها وقالت- ماعليك منه لا تعطينه هالاهميه ...
مها بخوف - بس والله مجنون ...والله العظيم انه مجنون ...
مرام بتعجب - وهو قد سوى شيء لك؟؟
مها طالعتها بعصبيه وقالت- تذكرين يوم كنت مع ندى وفيصل كان يوصلنا
مرام اخذت نفس وقالت- هو ولد عمك...والله عادي...
مها كانت حابسه دموعها وقالت- بس اذا كان موجود اتضايق منه بشكل...
مرام- ماعليك منه اذا انتي عطتيه اهميه ماراح ترتاحين ...
مها بتغير الموضوع باي طريقه- حاتم وينه؟؟
مرام- مارجع ...
طلعت من عندها وخلقها ضايق ..
فارس وقفها وهو يقول - جالكسي....ابي والله ان تعطيني
مها بعصبيه- انقلع يادب الباندى ....
تحطم فارس وقال- مخلي النحف لك...
كملت طريقها وهي تحاول تكتم عصبيتها ....
..............
فيصل يطالع بندى ....يقوم يضربها والا يضحك على جرئتها ...ما يدري وش يسوي ...
ندى تطالع فيه وقالت- وش اسوي ...يا اخي الدنيا وناسه خلها تستانس...
فيصل يطالع فيها مو مصدق...
ندى طفشت من نظرته لها وقالت- انت وش فيك...خلاص راحت السالفه
فيصل - انتي مهبوله....حرام عليك....انتي بتعلقين البنت فيني...
ندى تفكر بكلامه وقالت- البنت متعلقه فيك من اول...
فيصل- بس مو انها تعلق فيني كذا ...المفروض ماتسوين كذا ...
ندى- خله تعلق....ماراح تاخذ غيرك فاهم...
فيصل اخذ نفس وقال- اظلم البنت يعني ...
ندى طالعته بتعجب وقالت- بايش تظلمها....فيصل لا تقول كذا والله ازعل
فيصل- لا ما اقصد شيء...بس هي لازم....
كان منحرج شوي انه يتكلم معها ...بس لازم يفهمها انها ماراح تكون من نصيبه
اخذ نفس وقال- كم عمرها؟؟
ندى- 17 ...ليش؟؟
فيصل- وأنا 19 داخل العشرين صح...طيب ...انا الحين....انا الحين بسادس ...وباقي المتوسط والثانوي وبعدها الجامعه ومتى باخذ الشهاده عشان احصل وظيفه...ويمكن ما القى وظيفه ..تتوقعين
اظلمها ولو تحبن بتنتظرن ست سنين او أكثر...بعدين ولد عمها....ولد عمها باين عليه انه يحبها ...يعني أنــ....
قاطعته- بس هي ما تحبه ...
فيصل- اذا تزوجته بتحبه ...
ندى بضيق- فيصل حرام عليك...البنت متعلقه فيك...
فيصل- وأنا ابيهاتنساني ...
ندى_ طيب انت ؟؟
فيصل بتعجب - أنا..
ندى- تحبها؟؟
فيصل يطالعها وقال- أبيــك تفهمــ.....
دخلت فايزة - السلام عليكم ...
فيصل- وعليكم السلام ...
ندى تطالع فيه ....لهدرجه متحطم ...يعني لو يحبها ماراح يتزوجها عشان مصلحتها ...
فايزة جلست ومعها فصفص وقالت- ايه كملوا سالفتكم ...
طالعت بندى ....كانت نظره ندى ماتنفهم ....
فيصل طالع ندى وابتسم بربكه
ندى طالعت بفايزة بتغير الموضوع وقالت- بكره انا ومها بنروح مع الباص ...اذا بتروحين اصحي بدري ..
تركتهم ...
فيصل يطالع فيها وضاق خلقه مافهمته ...كان يبي يفهمه بس متوقع انها ماراح تقتنع باللي راح يقوله لها...مع انها اقرب الناس له ...ولو بيقولها ماراح تفهمه بهالشيء....تفكير البنات غير
..........
طارق بالسياره ....دخل ....ابتسم وقال- والله اني احب الرس عشانها ...
فتح شباك السياره ...والهواء دخل واخذ نفس وتذكر كلام امه ....
ابتسم اكثر ...كل ما تذكر كلامها يرجع له الامل انها بتصير له ...وماراح تصير لغيره ...هذا كل تفكيره ...
.........

الساعه 11 مها بغرفتها تحاول تنام ومرام بغرفتها وفارس بغرفته ...
دخل ابو حاتم على ام حاتم...
وقفت وقالت- حاتم ماجاء...
اخذ نفس ...الحين وشلون بيقولها ...مايبي احد يدري الحين لان بكره يقدر يطلع ...
ابو حاتم- اذكري الله ...
ام حاتم- لااله الله بس هو وينه
ابو حاتم اخذ نفس وقال- حاتم بالمستشفى ...
شهقت ....ابو حاتم بسرعه- بكره بيطلع لا تخافين ...
ام حاتم بخوف والكلمات ما تدري من وين تجمعها - ..وش ..صار وشف فيهــ...هـ ...
ابو حاتم نزل شماغه وعقاله وجلس على السرير وقال- متهاوش هو واحد...وجاين له وضاربينه ...
ام حاتم- طـ...طيــيب ...فيه شيء؟؟
ابو حاتم- اذكري الله ...مافيه الا العافيه ...بيحققون معه ويطلــ...
شهقت وقالت- تحقيق ...يالله انك ترجه لي سالم ...
ضحك عليها وقال- يابنت الحال انتي وش فيك....كلها اسماء اللي متضاربين معه وخلاص ...بعد بالمستشفىالتحقيق ...
مسحت دموعها وقالت- ابي اشوفه
ابو حاتم- تشوفينه هالحزة ....الساعه 11...
اخذت نفس وقالت- والله ما ارتاح الا اذا شفته...
ابو حاتم - عاد مو حاصلك ...ترى كلها ضربتين مع الظهر ..
طالعت فيه بتعجب وخوف- ليش مدخلينه المستشفى ...
قال- عشان التحقيق...
ارتاحت وقالت-الحمدلله....طيب ما يكلمن؟؟
ابو حاتم-لا....وبكرهاذا صحن البنات وسألن عن حاتم قولي بغرفته ماهو بدارس...
ام حاتم- ان شاء....بكره بيجي...
ابو حاتم- ان شاء الله ....
ام حاتم- وطارق بينام
ابو حاتم- ايه اشوفه يرتب سريره....
ام حاتم- الحمد لله انه رجع ...طيب حاتم تعشى ...
ابو حاتم تعب وهو يكذب عليها- ايه تعشيت معه...
ام حاتم- اشوى....طيب من اللي ضــ....
قاطعها- بكره يجي واسأليه...أنا بنام...بكره عندكموعد كشف..؟؟
قالت - ايه.....بمر على حاتم ...
قال- انا لله...مو بالمستشفى اللي تكشفين فيه
قالت- ايه نمر عليه
قال- انتي لا تشيلين هم حاتم...ِشيلي هم اللي بطنك ...
قام ينزل ثوبه ....
...................
الصبح مها تركض وتلبس طرحتها وهي تقول- من اول يوم كذا ...خلاص ما عاد اسمع كلام ندى
مرام- ما افطرتي
مها-ما يمدي....
طلعت للحوش وهي تصارخ على مرام تبيها تسمعها ...
كان يسكر المنبه ..وغمض عيونه ....سمع صوتها خفيف ...فتح عيونه زين ...وقام ...
وقف الباص لما شافها تفتح الباب ....وطبعا لازم تشوف سواقهم من اول يوم..طالعت فيه ...كان شاب ..ركبت وهي في غاية الذهول..
اخترت كرسي وتسمع البنات الي قريبات منها - يجنن ..
- مو كل هاذا
- بالعكس قسم ان بشرته خقه
مها ابتسمت وقالت- مراهقات هع هع
............
ندى .....
فايزة- اسمع صوته يقرب ....تعالي ...
ندى تعدل غطاه ...اطلعي له قبل...
ثقلت الغطاء اكثر من الازم وحست انها ماتشوف زين ...طلعت فايزة ...اتجهتللباب وطلعت .....حطت رجله على درج الباص ...بس لانها ماتشوف..ما انتبهتوين حطتها...كانت على النص ...يعني جزء من جزمتها ((تكرمون)) بالباص ...والجزء الثاني برى ...
وبكل حيلها ركبت ...و......انقلبت وطاحت على الارض وكأنها جالسه ..
مها وفايزه-ههههههههههههههه
بنات الباص-هههههههههههههه ......
السايق صد وهو كاتم الضحك .....
ندى بتصيح ...وقفت واخذت شنطتها ورجعت للبيت .....
مها- العن ام الاحراج ....لا وهي اللي ابشتن على الباص الا وتركبه ...
فيه بنت بصوت عال- خلاص والله ماترجع ...اتركه
السايق وقف شوي...
فايزة- طقاق ...خليها تجلس ...

..................
ندى دخلت لوهي للحي ماسكه دموعها ...سكرت الباب ....ورمت الطرحه وشهقت شهقه خفيفه ونزلت دموعها ....
ندى وهي تحاول انها تمسك دموعها - فشله فشله ...ماعاد اروح معه ماعاد اعيده ....
مسحت دموعها ....ودخلت ....
امها- ورى ما رحتي ؟؟
ابوها- اكيد الباص راح عنها...خلاص انا اوديك...
ندى- ما ابي اروح..
امها- ليش؟؟
ابوه- خلاص كيفك...روحي نامي...
امها- وش تنام ..تغيب بس كذا ....الغياب لازم عذر....وانتي نسبه
ندى بضيق- يمه تكفيـــن...
تركتهم وراحت للغرفه ..
ابوها- اتركيها ...ماتشوفينها ضايق خلقها...
امها- بس الدلع مايصلح ...
.................
مها تطالع مع الشباك ...
فايزة للحين تضحك على ندى ..
مها- خلاص فيافي...ترى والله ان يصيرلك نفس هالموقف
فايزة طالعتها وهي مبتسمه وقالت- مو بزر انا....انا امشي شوي شوي ...
مها- ايه كيفك....شفتي السواق...تراه صغير....
فايزة طلعت راسها من بين الكراسي وقالت- ما اشوفه ..
مها- عيب....تخونين اخوي....
فايزة-خخخخخخخخ احلفي بس....
سكتت وهي تفكر بكلام مها ..
مها ابتسمت وقالت بنفسها- انا وش اللي خلاني اطيحنفسي بهالورطه ...
وقف ...ركبن بنتين ..قالت الاولى- آآآآآخ ياقلبي وش هالزين...
قالت الثاني- تراي حجزته ....
مها انقهرت ...لهدرجه جريئات يقولن وقدااامه بعد ..
قربت من مها قالت مها- بنات ....ترى هذا حرام....
التفت عليها وقالت- يالله صباح خير....جزاك الله خير
قالت الثانيه- بعد بعد...وش دخلك باللي نسوي ...

فايزة - خلاص هي قدمت نصيحه
قالت - ايــــش ....وهي وش دخله ...
مها- امر بالمعروف وانهى عن المنكر...
فايزة- اسفهيها ياشيخه ...
البنت- مابقى اللي انتي وياه اموت عشان اتكلم معك...
صديقتها راحت وجلست تدري انهن بيتهاوشن ...
مها- قصري صوتك فيه رجال....
وبأعلى صوتها - كيفي ....امي انتي ...مالك دخل...
فايزة تطالعها بستحقار وقالت- طيب طيب مالنا دخل ممكن تفارقين ...
البنت تطالع بشنطة مها وتطالع بشنطة فايزة وقالت- نتقابل بالمدرسه ....
.......
راكان ...وهو السواق كان مومعجبه اللي يسونه ....وقف قدام المدرسه وكأنه سنه وهو يدور بالباص ...طفش ...
فتح الباب ونزل قبل ما ينزلن البنات ....
مها- يالله نشوفك على خير...ان شاء الله ندى تجي....
فايزة- ما اعتقد...
نزلت مها وراحت لبوابة مدرسته ...فايزة راحت لبوابة مدرسته ...
.........................
حاتم ....
ان متسطح على جنب ...ما يقدر يتسطح على ظهره اكيييد بيعوره ...

حاتم- حسبي الله ونعم الوكيل عليهم..
الدكتور - الشرطه بتاخذ حقك ماعليك....الحين بنعقم الجرح..
حاتم سكت ولا تكلم بس تفكيره راح بعيد ...
وقال بنفسه- الشرطه!!!....بتسجنهم يومين ويقولون عاقبناهم ...مستحيل اترك عبد الرحمن والله لا امسح فيه الارض...
.................
مها ماسكها شنطتها ومتجهه لداخل ...كان عند البوابة اللي تدخلك جوا المدرسه بنات متجمعات ...
مها من بينهن تمشي

تسمع حولها ضحك....البنات كلهن يضحكن ...مشت خطوات وبعدت عنهن شوي ....ووقفت...وطالعت فيهن ...وابتسمت باستحقار
وعطتهن ظهرها وهي ترجع شعرها على ورى
قات وحده بصوت عالي- من زيـــنك ...الغرور عليتس مو لايق....ياخوافه ..
مها تبتسم وتقول بصوت يسمعنه البنات ولا اتفتت لهن- ))واذا خاطبك الجاهلون فقل سلام ))
كل البنات صارخن بقوة وهن يسبنه ...ودهن يقومن ويكسرن راسها .....ومها تدري مافيه اكثر من هالكلمه ترفع الضغط...
.................

الساعه 11 ......
ابو سامي جالس عند احمد وبحضنه اسرار وهو يلعب معها ...وام سامي كانت تتقهوى عندهم.....
احمد يطالع السقف ويفكر...حياته انقلبت ...وكل ما تذكر وش سوى بخلود...كل ماتذكر كم بنت كلمها ....حس انه بختنق ...
ابو سامي- اشتري لتس فثفث ومثاث واللي تبينه
...
اسرار - وآآآو يللا يللا...الحين بستري...
ابو سامي- لاااااااا مو الحين .....الحين بيأذن....... العصر خــ..
-يبه...
كان صوته ماااره يقطع القلب....
ابوه- امر يا ولدي...
احمد- ابي اروح للمسجد....
دمعت عيونه ..من زمان ما دخل المسجد..
ابوه شاف ادموعه وحس انه ما يقدر يمسك دموعه وهو يشوف ولده بهالحاله...
امه قالت وهي ماسكه دموعها- باقي ع الاذان ســ...
قاطعها- ابي اروح الحين...

ابوه- اللي تبيه...اوديك الحين...
أحمد اخذ نفس ....وطلعه بضيق...
...........
بالطلعه ....
مها ...
كان يوم عادي ...اكيد ندى مو معها ...بقت مع بنات الفصل تسولف معهن.....
لبست عبايتها ...واخذت شنطتها ...مرت وحده من وراها وطقتها مع ظهرها بقوة...التفتت مها وعصبت لما شافتها تضحك هي وصديقتها...
ابتسمت وهي مستغربه من تصفهن كأنه بزران
مها- حسبي الله ونعم الوكيل...
قالتها لا اراديا اطلعت منها
طلعت....وكانن يمشن وراها....التفتت مها لما سمعت ضحك البنات...شافت اللي ضربتها طايحه من عند عتبات البوابه ...مها ضحكت...
البنت قامت وهي منحرجه وقالت- ول ...ما يمدينا سوينا لها شيء.....
مها-بسم الله علي...
عطتهن ظهرها وكملت طريقها....كانت تنتظر فايزة ...فايزة ما طلعت
مها- تروح مع الباص...
تركتها وراحت ..
..............
طارق بعد ماعرف كل السالفه من حاتم ..
طارق-اطلع بالسلامه وانا اوريك فيهم...
حاتم- وانا بتركهم لك لحالك..
طارق- كلنا ...تبين لحالي...ماعندي مشكله... لحالي
حاتم بعد الدوام اذا طلعنا من المدرسه..
سكت طارق...وهو يفكر...جت في باله مها ...حس بخوف عليها
قال بخوف- كم الساعه تطلعون؟؟
حاتم- وحده...
التفت لساعه...وحده...
قام بسرعه وقال- عذرني حاتم اجي لك بعدين....
طلع وهو يركض وحاتم استغرب منه..
............
فيصل طلع من بيتهم رايح للبقاله يجيب اغراض للغداء...

........
مها وهي تمشي تحس فيه صوت سياره كل ماله يقرب ويمشي بشويش...
مها هالحظة خافت بقوة وهي تقول بقلبها- ليتني انتظرت فايزة ...وش جابني لحالي...
قربت من بيتهم...
سمعت فتحت باب السياره..تسمع خطوات تقرب...اسرعت بمشيها...
........
فيصل.....كان يطالع الاغراض اللي بالكيس...وهو راجع ليتهم...ورفع عيونه ..وقف ...
رمى الاغراض ...وركض بتجاههم...
عبد الرحمن- اركب اركب...ما يمدي...
رجع صديقه ...يركض وركب السياره...
وقف فيصل قريب ..مها وقفت مكانها ...صدمه....قبل شوي فيه احد بيخطفها...كان وراها....
....وقفت السياره عند البقاله نزل طارق وهو ..ووقف يطالع...السياره هربت...يعني شاف ان فيه سياره حاولت تاذيها...
طالع مها... كان ياخذ نفس ويطلع نفس.....
طاحت الشنطه من يدها....وبدت شهقاتها...
فيصل كان اللي يفصلها عنه كلها متر او مترين ...
طارق طالع بالولد...ما يدري مين..اتجه لجهة مها...
التفت فيصل يشوف من اللي يقرب...وقف طارق من الصدمه...
فيصل اخذ نفس وطالع مها وقال- الحمد لله اني كنت طالع...الحين ماله داعي تجين على رجولك...الباص موجود...
شهقت بقوة ولا قدرت تشيل نفسها ...كانت ترجف...مو ناقصها انه يكلمها...
طاحت على ركبها...
طارق قرب وقال بربكه- مهــ..ـا...قومـ...ـي..
قال بقلبه- والله كنت حاس وخايف عليك..ليت هذا ينقلع عشان اقول لها...
فيصل رجع على ورى وقال- انتبهي لطريق مره ثانيه....
عطاهم ظهره وراح لبيتهم ...
وقف طارق عندها ولا تحرك....ينتظرها تقوم...
كانت تحاول انها تتنفس ببطء...لكن نبضات قلبها سريعه...حست ان فيصل مو موجود...وقفت ...وشالت شنطتها ...ومشت..
مرت من جنب طارق ولا حاسه بنفسها عشان تحس فيه...كان راسها بينفجر من الخوف...
كان واقف يطالـــــع فيها...إلى ما اخذت لفة اطريق واختفت عن عيونه ....
أخذ نفس وقال- والله حسيت....
رجع للبيت وهو يمشي شوي شوي...
طلع فيصل وقف قدامه وقال واضح الحقد بعيونه- تعرفهم؟؟
طارق طالع فيه وكان بيتعداه
فيصل وقف قدامه وقال- انت تعرفهم....والى كيف جيت ....
طارق- باللهي لا تحشر نفسك بسالفه مالك دخل فيها....انا بتصرف معهم ...
فيصل بعصبيه- طيب قل منهم...
طارق بعصبيه مثله- وانت وش دخلك...
اخذ نفس وقال- بس حاتم لا يدري....
فيصل ابتسم وقال- ما اخليها تعدي....هاذي اخته....يعني لو أختي معها كان مو بس مها....
سكت فيصل وهو مصدوم من نفسه ....كيف يقول اسمها كذا ..على بلاطه ...
طارق يطالع حقد عليه وقال-لا زانت علومك انت ....
طالعه من فوق لتحت وقال- حاتم بالمستشفى ....هم ضاربينه وبينهم هوشه ....عشان كذا انا خفت عليها...فلا تدخل احسن لك ...فاهم...لانك مو قد المضــ....
فيصل قاطعه- حاتم...!!
تركه ورجع لبيتهم...
طارق يضرب الارض بقهر ويقول- ويقول اسمها بعد...الله يلعنه....الله يشيله عن هالدنيا كلها....
مشى بخطوات واسعه وسريعه وهو معصب....
..............
دخلت الصاله ....ماكان فيها احد....راحت لغرفة مرام وهي بين شهقات صغيره ..
طقت الباب ومسكت مقبضه ..كانت تحاول تضغط عليه ....يدها تطيح...مافيها قوة بعد اللي صار...
مرام من داخل- ادخل...الباب مو مقفل...
قامت وهي تتأفف وفتحت ....-نعــ ..م ...
كانت مها واقفه اصلا حتى ما نزلت عبايتها ولا شالت غطاها..
مرام ابتسمت على شككلها وقالت- جايه تستهبلين....
مسكت الطرحه ورفعتها ...وتغيير وجهها ....
مرام- مها.....وش فيك...
مها شهقت بخفيف بعدين بأعلى واعلاى الى ما قعدت تصيح وتقول- بيخطفوني...

مرام استغربت ومسكتها ودخلتها قبل لا يسمعها احد...درت ان السالفه فيها إنا..
مها جلست على السرير وهي تمسح دموعها ...ورمت طرحتها على الارض وقالت وبصوتها ربكه ورجفه ...للحين خايفه من اللي صار
- أنـا ..كنتا اسمع صوت السياره....حـ .. حسيت انه يمشي شوي شوي....بس ...بس ماخفت...سمعت الباب ينفتح ...
جلست جنبها مرام وحطت يها على ظهرها وهي تطالع فيها...كانت مها خااايفه وتطالع بالارض ...وهي ترجف ..
كملت- حسيت انه يمشي وراي ...و ..وزدت سرعتي ...تخيلي...كان يبي يخطفني ...والله..
سكتت شوي وهي تاخذ نفس وكأنها تذكر اللي صار...
مرام كانت مصدومه ...وقالت- ايه...كملي...
مها طالعتها ....نزلت دمعه وقالت- فيصل..
مسحت دمعتها واببتسمت ابتسامه خفيفه
مرام تطالع فيها وقالت- لا عز الله انهبلتي....قولي وش فيك...وش فيه فيصل.....
مها اخذت نفس وقالت براحه ..هو جاء وشافوه وهربوا...تخيلي كان واقف قريب مني ...
مرام جلست تطالعها وقالت- الحمد لله لك يارب ..قسم بالله ان قلبي طاح بسروالي منك...اخرتها تضحك وتقول فيصل قريب مني ...
مها طالعتها وحست بنفسها وقالت كأنها تذكرت - بس كانوا يبون يخطفوني ..
مرام اخذت نفس وقالت- الحمد لله على السلامه ....والله خفت يوم شفتك...خلاص دام فيه باص روحي مع الباص ...
مها- اي تخيلي ....فيصل قاله لي..قال روحي بالباص..
مرام طيرت عيونها وقالت- شكلك انتي وياه دقيتوا حنك ...
مها بضيق- لا كان طارق موجود....
تغير وجه مرام وقالت- طارق...!!
مها- جاء بعد فيصل..
مرام بتعجب- وش جابه ...
مها- ما ادري...
مرام- الحمد لله ان ماجاك شي ...هذا اهم شيء
ضمتها مها وقالت- والله للحين احسهم قربين مني ...
مرام- قومي صلي ..وخوذي لك شاور ...ونامي..
مها ابعدت عنها وقامت وطلعت لغرفتها...
مرام تطالع فيها الى ما طلعت وقالت- الله يعينك ياطارق..وتبيها تحبكبعد....الله لا يوفق هالحرميه ..وش يبون في بنات الناس..الله يهديهم
...........
دخلت الغرفه ...سكرت الباب ....نزلت العبايه وعلقتها ...وحست ان فيه احدوراها....بلعت ريقها ومتردده تلتفت ..وحست بقشعريرها بجسمها..
امتلت عيونها دموع وغمضت ونزلت دموعها ...جلست على الارض وقالت بصوت عالي- ....حـــاتم....حاتم تكفى تعال...مرااااااااام...يمااهـ
جت على صوتها وفتحت الباب ...وشافتها جاسه على الارض وتصيح..
طالعت فيها بصدمه وتعجب وخوف ...ركضت لها وقالت- بسم عليك مها وش فيك...مها...
طاحت بحظنها تقول وهي تصيح مثل البزران - خايفه ...بانخطف ...
مرام بخوف - بســ... بســم الله عليك.....وش فيك...مها ...انتي مو بزر....تستهبلين صح...
امتلت عيون مرام دموع ...حاولت تبعدها عنها....بس مها متمسكها فيها بقوة وتصيح...
مها وهي تضغط على ملابس مرام بقوة ...وتدفن نفسها بحظن مرام وتقول- لا لا ما ابي اشوفهم....
انزلت دموع مرام ...وحطت راسها على راس مها وهي تقول بصوت خفيف- مها ...الله يخليك لا تسوين كذا ..

مها وهي تضغط على ملابس مرام بقوة ...وتدفن نفسها بحظن مرام وتقول- لا لا ما ابي اشوفهم....
انزلت دموع مرام ...وحطت راسها على راس مها وهي تقول بصوت خفيف- مها ...الله يخليك لا تسوين كذا ..
..............
كان جالس باملحق ما يدري ايش يسوي ...
طارق - يحط راسه براسي....وهذوول المبزره عشان هوشه يسون كذا ....وقسم مراهقيــن ...
كان يضغط على اصابعه وبصوت واحد يطقن اكثر من مره ...
حط يدينه على وجهه وهو يهز من التوتر وقال- والله قلبي قالي يا مها....وربي اني حسيت ان بيصير لك شيء.....يا الله ...
سكر عيونه بقوة وهو يحاول ما يذكر اللي صار...صورة فيصل ومها طايحه قدامه ...والسياره مو راضيه تفارق عيونه ....
وقف وقال- لو امسكهم ...والله ما اخليهم يعيشون....
اتجه لبرا ...ووقفه ابو حاتم وهو يقول- طارق...وين بتروح...
التفت طارق وقال بربكه - هلا بك عم ....بروح...بروح بطلع اتمشى ....
ابو حاتم- الغداء ...اكيد انك تعبان وتبي تغدا....طيب تغدا ونم....وش بتستفيد من التمشي...
طارق يطالع الارض وياخذ نفس وقال- أن شا الله...خلاص ماراح اطلع ...
ابو حاتم- وش فيك؟؟
طارق طالعه وقال- ولا شيء...
ابو حاتم- بس بغير ملابسي واجيك....بقول يحطون الغدا...
تركه وراح...
فيصل استند ع الباب وقال- أوووف ....انا وش يصبرن لبعد الغداء...
................
فيصل جالس على الكنب وكان يفكر ومو مع اللي حوله...
رتبت ندى الاغراض ونزلت الفواكه وقالت وهي تعلي صوتها- يبـــه الغدا...
طالعت فيصل واستغربت منه وقالت- خل اللي ماخذ بالك على جنب...تعال تغدا...
طالع فيها وقال بضيق وهو يطلع زفره- مو مشتهي....
طالعت فيه واستغربت ...وقالت- لا لا مو فيصل اللي ما يبي...تعال يا ابن الحلال اجلس
وقف وقال- خلاص ما ابي...
تركها وراح...
ندى استغربت بقوووة ماعمرها شافته كذا ...
فيصل وهو يصعد الدرج بنفسه((حاتم بالمستشفى ...وصارت هوشه ...وعشان هالسبب يسوون كذا ....وش هالعقول الصغيره ...انا اول مره اشوف عيال يفكرون كذا عشان بس هوشه ...
الله يستر عليها ..الحين وش صار فيها....معقوله للحين خايفه...مليون بالميه بتصير خايفه ...كانت بتنخطف..))
دخل غرفته وسكر الباب ...اتسطح وقال- طارق كيف جاء...وشلون عرف ....كذا صدفه معقولة ..لا ما اعتقد..كان خايف عليها .....واضح عليه ..الحين دام ندى ما تدري بسالفه ما اقدر اعرف عنها شيء..
وش صار لها ...يارب ما تصير خايفه للحين...
غطى عيونه بيدينه وهو يحاول يبعدها عن تفكيره...
......................
العصر ....

كان فهد يرتب اغراض حاتم...كانت اغراضه قليله ...
فهد- ما عليك والله ما اتركهم...
حاتم طالعه وقال بيغير الموضوع انه يدري ان فهد حاااقد عليهم
قال- ما شفت خالد...
فهد طالعه وقال بضيق- لا والله....
حاتم- ومنصور ...
فهد- امس شفته بس اليوم لا...
حاتم- الله يهديك ياخالد....
وقف ودخل طارق - السلام عليكم
فهد وحاتم- وعليكم السلام...
طارق طالع حاتم وقال- بتطلع!!
حاتم- ايه....وين ابوي...
طارق- سمعت انه بيجي ياخذك ...
حاتم- اجل بتصيير مفاجئه ....
حاتم طالع طارق...كان طارق متغير..يطالع بحاتم ويفكر...
حاتم طالع فيه ...نزل عيونه وقال- حاتم..انت تدل بيتهم او وين القاهم...
حاتم- لا ....بس ابي اتعافى ... وراح نتفاهم معهم
طارق بعصبيه- بس ابيهم الحين
حاتم سكت وهو يطالع بطارق ...
فهد يطالع فيهم وقال بيغير الموضوع - بتقلبونها هواش....اطلع واستانس وتعافى ....
وطالع بطارق وقال- لاحقين على عبد الرحمن ...
طارق اخذ نفس ومسك براسه وسكر عيونه وقال- حاتم قل لي...وين القاهم ...
حاتم- لا...
طارق- انا لله ...فهد ....قلي وين القاهم...
حاتم- ما يعرف وين مكانهم ....فهمت

فهد- بس بس لا تتهاوشون ....الناس يسمعون ...والشرطه اكيد بتاخذ الخبل عبد الرحمن وصديقه الحين ...يعني ماراح تلقاهم يا طارق...
حاتم- اخذوا افادتي تو ...يعني مو لااازم تعب نفسك...اكيد الشرطه اخذتهم
طارق طالع فيهم وقال - مو اصغر عيالكم انا تلعبون علي ...فاهميــــن ...
طلع وتركهم وهو معصب....
حاتم ابتسم وقال- ياحبي له...كل هذا حماس للمضاربه
فهد- ياحظك عندك ولد عم بياخذ حقك ...من قدك
حاتم ابتسم ....
.......
مها كانت ناااايمه ...
ومرام جالسه جنبها ....
سكرت القرآن واخذت نفس وقالت- الحمد لله انه نامت...
طالعت مسجل اللي جنب السرير ...وفتحت الادراج اللي تحته ...لقت كاست لشيخ ماهر المعيقلي ...طلعته وشغلته ...وخلت الصوت خفيف...
طالعتها ورحمتها ....تدري ان مها خوافه وحساسه بقوة ....ويمكن اللي صار اليوم كان صدمه لها...واللي خلاها تنصدم اكثر ان فيصل شافها..او هي شافته
كانت مرام تفكر هالتفكير...
طلعت وسكرت الباب نزلت تحت وهي تقول- يمه حاتم ماشفته اليوم
امها التفتت لها وقالت بيجي الحين ان شاء الله
مرام- وينوه ماشفته من امس
امها ما ردت عليها وهي تعدل جلستها ..
مرام جلست جنبها وقالت- كشفتي اليوم علي خيتوو
امها ابتسمت وهي مو رايقه لها وقالت- ايه
مرام - يومااااااه وش فيك علي..
امها بنزره- بس انتي....ورى ما تسكتيــ....
-السلام عليكم....
نطت امهم وقالت- الحمد لله ....
اتجهت له وضمته
مرام تطالع وهي في اشد حالات التعجب...
حاتم سلم على امه وقال- ابوي قال لك...
امه وهي تمسح دموعها - حسبي الله عليهم....
حاتم- مافيني الا العافيه....
زادت بضمه ...
حاتم- آآه يمه الله يخليك لي للحين ما تشافى الجرح...
مرام بتعجب- وش تقولون انتم....
حاتم ابتسم ورفع يده ببطئ لنها توجعه لو بيحركها بسرعه وقال- آآه ...شوفي...
نزل التيشرت اللي لابسه
مرام طيرت عيونها وقالت- وش فيــك
امه وهي تطالعه- ياعمري عليك....للحين يعورك؟؟
حاتم- يعني...
جلس جنب مرام وقال- امس انا بالمستشفى ...ماقال لكم ابوي..
مرام وقفت وقالت -جد....يؤ يؤ وربي ما قال لنا....الحمد لله على سلامتك...وش فيك طيب..
حاتم- مافقدتوني...
جلست جنبه امه وقالت - الا والله ...
مرام- وش فيك طيب...
امها- متضارب هو واحد...
طالعت حاتم وقالت- وكل هذا من هوشه...
حاتم ابتسم وقال- هذا اللي قاله لك ابوي..
امه سكتت وهي تنتظره يتكلم ...عاجلا ام اجلا راح تعرف انهم ضربوه بسكين
حاتم- طعنوني مع ظهري
شهقت مرام وامه ما قدرت تستوعب
حاتم ابتسم وقال- بس هذان قدامك
مرام طالعت فيه وهي مصدومه وتقول بقلبها- متهاوش مع واحد....اكيد انه هو اللي نوى مها...
حاتم- الله يلعنه ...والله ما اخليه
امه بخوف- اتركه ..اتركه الله يحاسبه ...اخذوه الشرطه ...
حاتم- ما ادري...
طالع مرام وقال- مرام هيييييه ...وين مها؟؟
مرام انتبهت لنفسه وقالت- نايمه..اي كيف ضربوك
حاتم- ماصار الا كل خير...مشتاق لمها قوموها
مرام بربكه- لا لا لالالا ماله داعي ..حـ..حرام دوبها نامت
.....................
طارق ماترك شارع ما مر فيه...فيه نااار بصدره ....حاتم مو راضي يقوله وين مكانهم ...هو يبي ينتقم منهم بأي طريقه ...
طارق - يصير خير يالمبزرة الخايسين ...
اخذ نفس وقال بصوت عالي وكأنه يهاوش احد قدامه- انا ما ادري وش هالتفكير ....من الغبي اللي بيفكر كذا عشان هوشه ..
من جد بزران ...بزارين وربي...
قرب من البيت ...وقف سيارته ...نزل ...وسكر باب السيارة ...لو يشوف فهد وفيصل وخالد...
طارق عينه على فيصل وهو في قمة التعجب وش جابه هذا معهم
خالد- هلا طارق...
طارق سلم عليه - هلا بك اخبارك....وين الغيبه
خالد- بهالدنيا ...انت كيفك...؟؟
طارق- الحمد لله ...حاتم داخل..
فهد- للحين تعبان
طارق- ماشفته بعد العصر....
دخل طارق قدامهم وهو يقول- حياكم..
خالد - حاتم ماقال لاحد؟؟
فهد- السالفه ما طلعت مني ومنه...بس طلعت من منصور...
خالد اخذ نفس من القهر اللي فيه وقال- حسابي معه بعدين
فيصل- انا بسلم على حاتم واطلع بالله استعجلوا ..
خالد - يالله ...
................
حاتم دخل غرفة مها وكان الكاسيت قد خلص .....جلس جنبها وقال- مهااوي ...مهااوي...مها...
حط يه على كتفها...تحركت خفيف وفتحت عيونها بسرعه والتفتت له..
طالعها بتعجب وقال- بسم الله عليك..
مها تطالع فيه بخوووف ...امتلت عيونها دموع ...وغطت نفسها بالغطاء عشان ما يشوفها
حاتم- وش فيك؟؟ما دريت اني بخوفك...
مها مسحت دموعها قبل ما تبعد البطانيه ...ابعدتها وجلست وقالت- شفت حلم يخوف ...
طالعته كان مبتسم على شكلها...رجعت دموعها تملا عيونها ...ضمته بقوة
حاتم- آآه ...مها الله يهديك ...
ابعدت عنه ومسحت دموعها ووقفت بسرعه وتركته ..
حاتم كان باشد حالات التعجب...وش هالحلم اللي يخليها كذا ...
دق جواله ...
طلعه من جيبه - هلا طارق..
طارق- فهد وخالد تحت يبونك...
حاتم وهو مو مصدق- خالد...يلله انا جايك .....
.................
مها دخلت الحمام وهي تمسح دموعها ....وقفت عند المغسله وفتحت المويا وغسلت وجهه واخذت نفس وقالت- اعوذ بالله من الشيطان ...
تذكرت انه ماصلت الظهر والعصر والمغرب ....
توضت وطلعت وهي تستغفر ...
امها شافتها وقالت- تعالي عشان تسوين لاخوك وصدقاه قهوة ...
مها طالعتها وقالت- قولي لمرام...بصلي....يارب سامحني ما صليت الظهر والعصر والمغرب
امها بعتاب- الله يهديك ...هماي اقولك لا تنامين وانتي ما صليتي ...
مها دخلت الغرفه وقالت- وربي غصب....
دخلت عليها مرام وقالت- صحيتي ياعسل.....صلي وقري قرآن ...عشان تبعدين بليس عنك ولا يخوفك...
مها - ان شاء الله
مرام- دقت ندى ...
التفتت مها بسرعه لها وقالت- وش تبي...فيصل قال لها شيء؟؟؟
مرام سكتت وهي تطالعها بتعجب وقالت- لا وانا وش دراني ...بعدين مستحيل يقولها الا اذا كان غبي ...ولا اعتقد راح يقول لها ..
بعدين لازم ما احد يدري....بالذات حاتم لا يدري.....
مها بضيق- ليش؟؟
مرام- لانهم متضاربين مع حاتم ....هذا اذا كانوا هم....وحاتم اليوم جاء من المستشفى لانه متاهوش مع واحد وبعدين صار لك اللي صار اليوم...

يعني اكيد هم....وان عرف حاتم بيذبحهم مليوووون بالميه ...
مها تطالع فيها وقالت وكانها معصبه- احسن يذبحهم ...
مرام- اذا ذبحهم بينذبح وراهم....اسمعي ....اذا كانوا هم نفسهم...طارق بيطلع حرته فيهم ...ولو عرف انهم هم راح يقتلهم ..واعرفك
انتي وحاتم لازم يدري بكل شيء....انتبهي تقولين له...ترى مو لصالحه ...
مها بخوف- لا لا ما راح يدري ...بس ...طارق يدري ...
مرام- طارق ما يسوي شيء ولا راح يقول شيء....بعدين لو شافك ...ما اعتقد بيسوي لهم شيء...
مها - بس خايفه يقول له
مرام- ان شاء الله ما يقول ....بعدين طارق كبير يعرف وش العواقب ...يعني مستحيل يقول....
مها اخذت نفس وقالت- ان شاء الله ...
مرام- صلي ولا تشيلين هم .....يالله ...
طلعت وهي تاخذ نفس عمييق وتطلعه ....
................................
حاتم- خالد.....
ضمه ...وخالد ضم حاتم

ضمه ...وخالد ضم حاتم
حاتم- آآي ....
تركه خالد وقال- اسف....الحمد لله على سلامتك...
حاتم- انت اللي الحمد لله على سلامتك....
خالد- الله يسلمك....
فيصل- الحمد لله على السلامه حاتم...
حاتم- الله يسلمك..
فيصل- والله ماصدقت ...جيت بسلم عليك وشوفك انا اكثر من كذا ما اقدر اجلس
حاتم- وش اللي ماتقدر ...اجلس لو تشرب معنا فنجال ...
فيصل- كثر الله خيرك...انا قلت بشوفك واسلم عليك..
طالع طارق لو طارق يطالعه ...بنظرات مالها معنى ...
فيصل- واخليك ترتاح ..تامر شي
حاتم- والله بدري...
فيصل- من عمرك...
حاتم- سلامتك...
فيصل- مع السلامه ...
طلع ولبس نعاله ....واتجه للباب وفتحه ...
وقفه طارق- فيصل...
وقف يطالعه ...
وقف قريب منه ....والتفت ورى يشوف فيه احد والا لا ...
قال- اطلع ...
فيصل رفع حاجبه وطلع قدامه ...طلع معه طارق ...وقف ينتظره يتكلم ...
طارق اخذ نفس وطالع لداخل وقال- السالفه اللي اليوم ...
فيصل- نسيتها ....
طارق- ايه احسن ....انا ابيك تنساها...بعدين ...ما ابيها تطلع ....ولا ابيك تدخل..
فيصل- والله مو بانت اللي تعلمني وش اسوي وش اللي ما اسوي
طارق وهو بدا يعصب- اسمعني زين ...حركات البزارين هاذي ما لي دخل فيها
فيصل بعصبيه- اصغر عيالك تكلمن كذا ....ومن البزر انا والا انت ....
طارق مسكه من عند صدر قميصه وقال- انا حذرتــ..كـ
دفه فيصل وقال- احترمني قبل ما تحترم نفسك ....
طارق يطالعه وهو معصب وقال- انا عارف وش بتاصل له ....بس والله ما اخليك تاصل ..
فيصل- ويقول بزران ....والله ما الزر غيرك....ماتشوف تفكيرك كيف...وش هالتفكير ..
عطاه ظهره وقال- قصدي شريف...لو كنت ابيها....الحين اخذتها ...لان واضح اللي تبيه...
طارق بدون شعور بنفسه ...سحبه ...وخلاه مقابل له ....وضربه بقوة ...طاح فيصل على الارض
طارق- والله ما تاخذها...والله ...
تركه وركب سيارته .....
فيصل كان منصدم حط يده على مكان الضربه ...لو فيه دم ينزف من داخل الفم....كانت الضربه على خده ...
فيصل قام وهو معصب ...
.........................
حاتم- بالله قل لي وش صار...
خالد- بس لو يطيح منصور بيدي ....لا اقطعه ...يعني تخيل ....تعطلت السياره فينا...نزلنا بنص الطريق والشرطه تلحق اللي معنا...
وقفت سياره ملياانه شباب ...ركب منصور وتركوني يعني كنت بركب قبله بس دفني عن المكان وركب...ما تجي بالعقل..

فهد- قايل لك من ماشاه ما سلم منه ....
حاتم- سيارتك تعطلت؟؟
خالد- ايه بالتوقيف الحين ....وانت جد عشاني تضاربت مع عبد الرحمن وعلي ؟؟
حاتم ابتسم وقال- سالفه بايخه ...
فهد- تراهم دايم مع منصور ...
حاتم- حسابي معهم بعدين ...
.....................
بعد ساعه تقريبا ...
دخل طارق البيت ....
طارق- السلام عليكم ...
الجميع- وعليكم السلام..
سلم على ابوه وحب راسه وسلم على امه وحب راسها وجلس جنب خوانه
كلهم مستغربين وش جابه وهو امس رايح ...
ابوه- وشوله جيت
طارق- الشوق ..
امه- الشوق...لا والله تشتاق لاهل الرس اكثر منا....وش جابك ياولدي...
عزام- ماتتعب من الطريق ...
سالم- طيب جااء بيرجع بكره خلوه على راحته
طارق- الله يعين ...بعدين انا ما تعبت ...جيت اشوفكم وبعد شوي راجع
سالم- ومن بعد الرس...مالعيه ان شاء الله ...
عزام- بتنام هنا اليوم
طارق- يمكن ....
ابوه- لا تروح وتجي مع الطريق ...والله خطر ...مير بزوجك بنت عمك واخليك هناك...
التفت لابوه بسرعه ...كانت نظرة مع ابتسامه ...طالع امه وكانت مبتسمه ....يعني قالت له ...
ابتسم بوناسه ...بدون شعور منه قدام اخوانه ...قام يبوس راس ابوه ويقول- الله يخليك لي يبه ...تكفى اليوم ...
الجميع-هههههههههههههههههههههههههههههههههه ههههههههههههههههههه
طارق التفت ورى وهو يشوف شكل خوانه وهم يضحكون عليه ...وشكل امه وابوه .....انقلب لون وجهه احمــر
ابوه- اليوم !!...لا والله ولدي انهبل
فايز- يا طارق خلك ثقيل ...
ابتسم وقال- ومن عندي...وانت فايز....متى ناوي ...ما ودي اتزوج قبلك..
فايز- انا بزوجك وزوج عيالك بعدها اتزوج...بس انت وسالم الحين فارقونا
...................
صرخت عليها امها- والله ماتستحين ....
رغد نزلت دموعها وقالت- ماما تكفين بس ...وربي شلت هم انك تزعلين
امها- وين اودي وجهي من المديره تغش وتاخذ اسئله من الاستاذه ...
رغد بقلبها- اجل وش بتقولين لو بتقول لك المديره السالفه ...

رغد- المهم لازم تروحين ...تكفين ماماانا نسبه
امها- بروح بس ابوك لازم يدري بالسالفه ....وش المدرسه اللي بتقبلك ...وانتي مسويه كذا ..بنات مايستحن والله ما تخفين من الحرام
رغد اخذت نفس وبدت ترتاح ان السالفه انحلت ...
................
فايزة
دخلت وسكرت الباب بقووة وهي معصبه
ندى كانت قدام التسريحه وهي تنشف شعرها عن المويا وقالت- وش السالفه ...سلمي ...
فايزة بعصبيه- تخيلي غيدا اتصلت تقول ان شلتها الاولى مهددتها...بكره بيتضاربن معها
قالت لها ندى وهي تطالعها بالمرايه- شووو ...انا لله وش يحسن بوه هالبنات ....طيب قولي لغيدا تقول للمرشده ...
فايزة- غيدا بتغيب الاسبوع هذا كله
ندى- ليش؟؟
فايزة- متمشكله بين ابوها وامها...ابوها بياخذها وامها ما ادري وش تقول ...المهم السالفه طويله
ندى بشفقه- ياعمري عليها ...الله يعينها ...
فايزة- على انها تعتبرني صديقتها الوحيده اللي اني ما اعتبرها صديقتي ...ليش وثقت فيني على طول
ندى بخبث- تحبك...
فايزة وقفت وطيرت عيونها وقالت- انتي وش تقولين ....اذا اختي قالت كذا وشقالوا غيرها....ليش ما احد يفكر بعقل...يعني صديقتي لازم تكون بفصلي ...ماتجي صداقه اصغر او اكبر بشوي ..
ندى- اعصاابك اعصابك ...لا يطق فيك عرق وتطيحين علينا ...اقول مها شكله تعبانه ...اتصلت مرتين
ردت علي اخته تقول انه تعبانه ونيمه
فايزة- طيب عادي ... اتصلي عليها الحين ....
ندى- بعد شوي ....
.................................

فايزة- طيب عادي ... اتصلي عليها الحين ....
ندى- بعد شوي ....
.................................
مها جالسه مع اهلها وهي تفكـــــر ...كانوا يسولفون
ابوهم- طارق اتصل علي يقول مو بجاي اليوم ...
ام حاتم- رجع لبريده ....بهالسرعه ...ودراسته
مرام- حرام عليه اخر سنه له ...عمره كله دراسه ....الا كم عمره ؟؟
ابو حاتم – بين 24 و25
ام حاتم- والله كبير لو يتزوج
ابو حاتم – يبي دكتور ...الله يوفقه بس يتعين ويتزوج اكيد
ام حاتم- اخوانه اكبر منه ما تزوجوا
مرام- الله يرزقهم ...
طالعت بحاتم ...كان يطالع بمها ...طالعت مها كانت سااااهيه ...
مرام بتضيع حاتم قالت- اقول حاتم ....ما...ما قد سألته ...
حاتم طالعها وقال- من؟؟
مرام –آآآ طارق ...
حاتم- اسأله عن ايش...
امه- والله لو انك مو معنا
حاتم- أيـه عن انوه بيتزوج....لا ما سألته وشوله اسأله ...مها ...
رفعت عيونها له ....
حاتم – وش فيك؟؟
مها قامت وقالت- ما ادري...احس بضيق...
طالعتها مرام ... بتفهمها انهم بيشكون ان فيه شيء صاير
قالت- يا شيخه...روحي اقري قرآن ...اكيد مسوي ذنب...
مها طالعتها وفهمت وتركتهم وراحت ...
حاتم وقف بيلحقها...
مرام – اتركها ...مو الحين ....
حاتم يطالع فيها وسكت بما ان امه وابوه موجودين ...
ابوهم- فيها شيء يا مرام ؟؟؟
مرام- لا ..
امها- من جت من المدرسه وهي مو عاجبتني....احد قال لها شيء بمدرستها ...متضايقه مدرستها...
مرام- لا بس اعتقد ان ندى غايبه ...يمكن ندى تعبانه ...
حاتم بدا يزول الشك بس مو متأكد من كلامها...
...................................
فتح لابتوبه وعلى شفاته ابتسامة وناسه .....
فتح له المذكره ...
وكتب..

احسن شيء صار اليوم 20\3\1431هـ....بعد ما كنت خايف وضايق خلقي ومعصب من كل شيء مر علي بس بهاليوم
...بمكن اقول بداية اليوم الله لا يعيدها ....لكن الحين اقول ...وناسه ...
بس يارب هالوناسه تكتمل وتوافق.....لهدرجه عنيده ولا تفكر فيني....
وربي عنادك يا حياتي يعجبني ..لو انك تعاندين....ولو تكرهيني بعد انا حبي لك كل يوم يزيد....الله حطك في طريقي وامر قلبي يحبك ...مو انا اللي قلت شف ملاكي واعشقها......ولو حاولت انساك....ما اقدر ابد...انا قلت قلت بنساك ونسيتك ....لكن قلبي هو اللي مانساك....اذا ما وقفتي يا مها علي ...

((وقف وهو يكتب هنا واختفت ابتسامته وأخذ نفس ))....

بفكر بشي اسويه بنفسي...اذا ما حصلت عليك انا ....ما راح ارتاح طول عمري...وانا عارف انك لو بياخذك فيصل بتكونين سعيده ...بس انا بسعدك بكل شيء لي.....كل شيء تبينه آمري حاضر ...ما يغلا عليك..حتى روحي لو بتطلبينها ...مستحيل اقول لا ....ولو بموت عشانك....راضي بالموت ...

وقف لحظات عن الكتابه ...وهو يفكر...غمض عيونه وهو يتذكر..مها ما تسمع اغني ...مها فيها دين واكيد ملتزمه ...
سكر المذكره وحفضها وسكر الابتوب وطاح على السرير ...وقال- دامه ما تسمع ....ليش انا اسمع....
طالع الساعه كانت 11 وربع ....قام وقال- ماصليت ...
قبل ما يدخل وقفه ابوه وقال- طارق....ارجع للرس...دراستك ..
طارق- يا يبه ....
ابوه- ارجع ...والا ترى اسالفه اللي تبيها...
طارق قاطعه- لا لا عاد يا ابو سالم الله يهديك ..بدينا بالمنه
ضحك ابوه وقال- ادراسه الوظيفه بعديـــن الزواج....
طارق- بس يا يبه ...لا تنسى ابي ملكه من بدري...
ابوه بتعجب- وشوله ...خطبه واحمد ربك
طارق- لا ...والله ما ابيها كذا .....ابي املك...
ابوه حاس فيه ...لانه يحبها يبي يشوفها ويكلمها ...قال- ان شاء الله ...بس دراستك...
طارق بوناسه – ان شاء الله ....مالك الا طيبة الخاطر ...
ابوه- الله يوفقك.....
..................................
كانت متسطحه على السرير وتلعب بشعرها وتطالع السقف ....
تتذكر اللي صار...
وش جاب طارق لها....ليش جاء هو بالذات...ليش يطلع لها بكل مكان ... اخذت زفره طويـــله وطلعتها ..
بدت تتذكر كل موقف جمعها بفيصل ...
لما طلع من البيت وهو يقول لندى جيبي لي هديه وهاذي اول مره تشوفه فيها....وصارت تفكر فيه وتشفق عليه ...

بعدها يوم كانت عند البقاله ....يوم رفعت عيونها وطاحت بعيونه ...كانت تحس بقبضه على قلبها من نظرته ..بعدها حست انها تفكر فييييه كثير...وتحس انها تحبه .....

يوم شافها عند غرفته ...وبعدها وصلها هو وندى لبيتهم ...

تذكرت لما فتح الباب وكانت قدامه ...وقريبه منه

تذكرت ان طارق وقفهم ووقف قدامه ...كانت تحس انه بطل....

مها اخذت نفس وقالت- ياربي من طارق هذا ....ياليت اللي سواه لي سواه فيصل ......

تذكرت يوم كانوا بسوق ....لما شرب من كاسها ....كانت تقول بقلبها كان يقصد انه يثبت حبه لها....لو يحبها مايسوي هالشيء قدامها ...

تذكرت لما كانوا بالجبل وشافها....كان ما يطالع شيء الا عيونها ....

لما كانت تفتش لابتوبه ...كان كاتب فيها اشعار ومسوي صور وكل ذكرياته وباسورد ملفه اسمها ...

لما جاب لها العشاء .... لما جاب لها من هرفي ...وهو حتى ما يستلم الا مكافئة الكليه

تذكرت اللي صار لها اليوم وكان واقف عندها ....

حست ان دموعها بتطلع ...غمضت عيونها ونزلت دمعه ...
طق الباب ودخلت مرام وقالت- ندى تبيك بالتلفون ....للحين مقفله جوالك؟؟
مها- ايه....
وقفت ومرت من جنبها وقالت لها مرام- اذا احد سألك وش فيك..قولي ندى تعبانه ...وضايق خلقي عليها...
مها طالعتها وقالت- بعد بتتفائلين على البنت ...
اخذت نفس وقالت- اسكت وبس....بسم الله على ندى ...
راحت لتلفون ورفعت السماعه- الو
ندى- هلااا والله ...سلامات ...يقولون تعبانه ...
مها- لا الحمد لله مافيني الا العافيه ...
ندى استغربت تتوقع انها تعلق على اللي صار اليوم الصبح بعد الطيحه..
ندى- بتجين بكره
مها- ما اعتقد.....ندى تامرين شيء لازم اسكر....
ندى- لا سلامتك بس كنت بسلم عليك ...
مها- الله يسلمك...نشوفك على خير....
سكرت ...ونزلت تحت ...شافت فارس على الكنب طايح ونايم ...

مها ..اتجهت لمجلس الرجال...فرصه طارق مو موجود...تتمشى بالحوش...لان حوش الرجال اكبر من الحوش العادي.......
طلعت وهي تمشي بخفيف سكر باب المدخل...طالعت ..مافيه مفتاح ...يعني لازم تطق...
قالت- لا اله الا الله ...وش هالورطه ..
تقدمت وحست بالبرد...الجو بارد..نزلت العتبات ...وجلست على عتبه وهي تطالع بالسماء ...اخذت نفس وقالت- لا اله الا الله ...وش هالضيقه ...ياربي ...برررد.....
وقفت ورجعت للباب وطقت طقت ...ما احد فتح لها...
راحت للملحق بتتصل من التلفون اللي فيه ....
فتحت الباب وكان ظلام....شغلت النور ...ودخلت وسكرت الباب....طالعت بالملحق وين التلفوون ؟؟؟
كان جنب السرير....جلست على السرير ورفعت السماعه.....
انفتح الباب ....حست بقشعريره من دون ما تلتفت ....
وقف بمكانه يطالع ...
بلعت ريقها ولا تتجرا ترفع عيونها....بدت تتذكر اللي صار

اليوم .....طاحت السماعه من يدها ...
وامتلت عيونها دموع ....
اخذ نفس وابتسم ...رفع عينه ساعه ...كانت 12 ونص ....وقت نوم عمه ...ونومحاتم....يعرفهم زين ...ويعرف ان مها ما تنام الا متأخره حتى مرام مثلها....
التفت على صوت شهقاتها الخفيفه ...تحس انهم العيال اللي اليوم ....
نزل شنطة الابتوب عى جنب ...وسكر الباب .....
التفتت بسرعه له ..... ما تدري وش كان شعورها...راحه ..و.الا خوف...المهمانه طارق....يعني مو العيال اللي اليوم هذا اللي كانت تقوله بقلبها ....
بدت ترجف بقوة ودموعها ما تاقف ...
كان يتأملها وقال- تقدرين تطلعين...
عطاها ظهره وجلس يحرك الاغراض اللي على المكتبه وينتظرها تحرك تطلع ...مسكالكاس اللي كان لها بعدين صار له ...اللي شربت منه وبعدين شرب منه ...التفتكانت على حالها تصيح...حس بسهم بقلبه وهو يشوفها كذا ...مو قادره تحرك منالخوف...اصلا هو ما يبي يطلع ...مستانس انها معه ...وبغرفه وحده ...ابتسموماكان حس باللي حوله ....قرب منها ومو بحاس بنفسه ...اصلا ..
هي تحاول ترجع على ورى مالها قوة ..تحس انها مشلوله ...حتى الزحف ما تقدر عليه ...
جلس جنبها وهو يطالع فيها...
هنا مو قادر يحس بنفسه او يمسك اعصابه او يفكر باللي يسويه ...
رفع يده لوجهها ورفعه وخلاها تطالع فيها ...شهقت بقوة وهي تصيح ...وتقول – اتركني تكفى ...
مسح دموعها وعلى وجهه الابتسامه ...رفع شعرها الطايح على وجهها ...
مها كانت تصيح وهي مسكره عيونها بقوة ...حطت يدينها على وجهها ونزلت راسها ...ماتقدر تحرك ...نست كيف تمشي نست كيف تقوم ....
مسح على شعرها ومبتسم بوناسه وقال- يا الله يا مها ...معقوله انتي اللي معي...ما اصدق ان روحي صارت قدامي...
مها ما قدرت تحرك بعدت يديها عن عيونها ...او يمكن طاحت يدينها وطالعت فيه وكانت نظرته لها ..سكين انغرس بقلبها ....
قرب اكثر لها وهو يقول- انتي قاسيه...اذا تستانسين بتجريحي ..اجرحي الى ماتشبعين ...بس لو تدرين وش كثر انا اعشقك..كان حبيتيني او رحمتيني...
قرب وجهه من وجهها وهو يغمض عيونه ويقول- انا لك ...ولو انتي مو لي..
كان قربه منها فضيييع ...قريب بقوووة فتح عيونه وكانت عيونها تطالع فيهبنظرات الواحد اللي مصدووم مو مصدق ...مو قادر يسوي شيء....ما بيده أيشي...
حط يده على خدها ...مسح دموعها وقال- ابتسمي تكفين...خليني اشوفها بس مرهقبل ما تختفين ...والله لو انتي حلم....قسم انه احلى حلم تحلمت فيه .....ويمكن ما اشوفه مره ثانيه ...ابتسمي قبل لا تختفين ...تكفــ.....
صوت الجوال صحاه ...
ثبت على حركته وهو يطالع فيها وش جابه قريب منها كذا ...
وقف بسرعه وقال- الباب مفتوح ...اطلعي ...
عطاها ظهره وطلع الجوال وطلع للحوش.....
.................................................. ................
طلع وهو ينتفض من اللي صار قبل شوي ....رد وسكت
-الوو الو ...الووو طارق تسمعني...
طارق- أي.....مو حلم....كانت حقيقه
طالع باب الملحق ...كان مفتوح ...
سكر الجوال ودخله بجيبه ...اتجه للملحق...وهو متردد يدخل او لا...يمكن مايلقاها ...يعني يتخيل ...كل اللي صار خيال...كان هذا اللي خايف منه انهيصير خيال ....

دخل وهو يطالع الارض...رفع عيونه ...انصدم ....اتجه لها بسرعه وهو يطالعها ...ما يدري وش صار عليها ...
طارق بربكه- مـ م مها ..مها ...
رفع راسها وقال – مها ...
نزلت دموعه نسى وش يسوي فيها عشان تصحى ...نسى وضع الإفاقه ...نسي المويا نسى العطر ...عشان يخليها تصحى ......
طارق يمسح دموعها ويقول- وش فيك...اصحي...اصحي يا قلبي .....
كان مغمى عليها ....حركها يمين يسار...ورفع راسها ومسكه بين يديه ويقول – ياروحي اصحي ....عساي اموت ولا يصير فيك كذا ...
حاول يهدي نفسه ....لكن مو قادري يستوعب....هي الحين ميته او حيه ....اخذنفس عشان يهدا ....تذكر كيف يحطها على وضع الإفاقه ...خلاها تتسطح علىجنبها وحط يدها تحت راسها ...وعدل وضعها ...وجلس على ركبته بالارض وهويطالع فيها....فتحت عيونها بخفيف ورجعت تغمضهن ....
حط يده على وجهها وقال- روحي.....
فتحت عيونها شافته قريب منها ماااره فتحتهن بقوة وشهقت ...على طول جلست وقالت- ..بعد عني ....بعد
بعد يده وهو يطالع فيها ...
نزل عيونه ووقف .....طلع للحوش وهو ياخذ نفس ...للحين اللي صار لهامخوفه...يطالع الباب ...ده يدخل يتطمن عليها ...قطع تفكيره صوت الجوال ....طلعه وهو يرتجف اخذ نفس قبل ما يرد وطلعه
- هلا
عزام – وش فيك؟؟
طارق- ما فيه شيء...
عزام- قبل شوي ليش سكرت ...مو معي ؟؟
طارق بعصبيه- يا اخي اخلص علي ...وش تبي؟؟
عزام- وصلت ؟؟
طارق- ايه الحمد لله ...يالله مع السلامه
سكر وطالع الملحق...قرب من الباب وقال- طلعتي؟؟
مها بسرعه وبخوف انه يدخل- لا لا ....الباب ...مسكر...
ابتسم على اسلوبها ورتاحلما سمعها وقال- اتصلي ...
....................
مسكت السماعه وهي ترتجف وراسها بينفجر ...وتمسح دموعها وتاحول تتذكر رقم

بيتهم ...مو قادره
شهقت وتقول بصوت خفيف تذكري ...تذكري..
كان يسمعها ...توهق فيها يدخل والا لا ...اخذ نفس وفتح جواله وقال- اسمعي الرقم
التفتت لجهة الباب بخوف وهي تتنفس بسرعه ...
طارق-333.....
سكت
دق التلفون ...مسكت السماعه بقوة وهي تمسح دموعها ...
-نعم
مها شهقت لما سمعتها وقالت- مرآآم...افتحي الباب ...
مرام تجمدت مكانه وقالت- مها وينك...
طالعت التلفون رقم الملحق....
مها تصيح مو قادره تكلم ..
مرام- جايه ..
مها بربكه- ..جيــبي ..ع ...عبايه .....
مرام انصدمت وقالت- طارق...
سكرت وبسرعه اتجعت لغرفتها واخذت عبايتها وعبايه ثانيه لمها....طالعت غرفة ابوها وامهامسكره واضح نايمين ...وحاتم غرفته مسكره..
..............
طارق يحس بشي يضغط على صدره وهو يسمعها كذا ....
سحب نفسه وطلع لشارع ....
طلعت مرام وقربت للملحق...دخلت ....نطت مها من مكانها بخوف ...لما شافتها....حست انها بتطيح
قالت- مرام..
طاحت على رجولها مرام جلست عندها وضمتها وقالت- بسم الله عليك ....مها...قومي على حيلك خلينا نطلع ...
مها بدون شعور ضمتها وهي تقول – كان قريب من ....شهقت بقوة وهي تصيح
مرام- مها اسكتي ...اخاف احد يصير قايم ....
وقفت وقفتها وقالت- بسرعه ....
......................
كان يطالع يده .......يتذكر اللي صار قبل شوي ...

مومصدق....ابتسم بضيق وقال- ياليت اقدر المسك مره ثانيه ...ياليتني اضمك ..
مسك يديه بعض وهو بردان وقال- بدفى بس...
سمع صوتهن بالحوش وشهقات مها الخفيفه كانت واضحه عنده ..غمض عيونه ما يبي يسمعه تصيح ....
دخلن وسمع صوت الباب يسكر...
وقف واخذ نفس ودخل للملحق...يطالع السرير...كانت هنا ...
جلس بهدووء على السرير وهو يمسح عليه ...اتسطح وحط راسه بمكان راسها لماكان مغمى عليها....كان مو على المخده ...ونصر رجوله بالارض...ابتسم ....وهويسبح بخياااال ....الى مانام....نام بملابسه ....والجو بااارد مااره ما حسفيه .....
.....................................
كانت على السرير ترتجف....
غطتها مرام وهي حاسه ان ودها تصيح على شكلها....وجهها لونه غير عيونها لونها احمر والسواد تحتهن ..وجه ذبلااان ...
جلست جنبها وقالت- للحين بردانه ....
مها هزت راسها بايه ...ودمعه دمعه تنزل منها ....
حطت مراميدها على جبهتها ...وقالت – لااااا ....حراره....
وقتف...سمعت مها تقول- لاا لا تخليني...والله خايفه ...
مرام مسكت يدها وقالت- بجيب مويا واكمدك...حرارتك مرتفعه ...
نزلت دموعها ...وتركتها مرام وطلعت ....
غمضت مها عيونها ....حست انه يقرب منها ...كل شوي يقرب ...كل شوي يقرب...مثل قبل شوي...عيونه كانت تلمع وهو يطالعها ....
غمضت بقوووة وغطت نفسها بالبطانيه وهي تصييييييح .....
..................................
كان يتقلب يمين ويسار على فراشه ...سمعها تصيح ...غرفته الجدار بالجدار ....
وقف وطلع لغرفتها ...طق الباب ودخل.....
شافها معلقه عيونها على الباب واااضح الميت خوف...كانت مليااانه دموع ...
طالعها وقال- مها ....
تغطت وقالت- لا لا ....مافيه شيء....
سكت وهو يتأملها....سكر الباب ...وهو يقول بنفسه ما اطلع الا اذا عرفت السالفه ...
............

كان يتقلب يمين ويسار على فراشه ...سمعها تصيح ...غرفته الجدار بالجدار ....
وقف وطلع لغرفتها ...طق الباب ودخل.....
شافها معلقه عيونها على الباب واااضح الميت خوف...كانت مليااانه دموع ...
طالعها وقال- مها ....
تغطت وقالت- لا لا ....مافيه شيء....
سكت وهو يتأملها....سكر الباب ...وهو يقول بنفسه ما اطلع الا اذا عرفت السالفه ...
قرب منها وجلس جنبها ومو راضيه تبعد البطانيه او تطالع فيه ...
قال- تخبين علي شيء يا مها...
مها ضمت البطانيه بقوة وهي تحاول تكتم شهقتها
حاتم- انا حاتم اخوووك ...
مها سااكته ...
دخلت مرام وانصدمت من حاتم وش مصحيه ...
طاحت المنشفه الصغيره من يدها وبسرعه نزلت تاخذها وقالت- وش مصحيك
حاتم طالع فيها وقال- وش فيها مها
مرام- عليها حراره ...
فتح البطانيه على انها ماسكتها بقوة ولمس جبهتها ...
مها ..لما لمس جبهتها حست انها لازم تقوله هاذا حاتم ما تخبي عنه شيء حست بحناااان
حاتم- ياحياتي ...كمديه والا بنوديه للمستشفى
مرام- انت اطلع ..وانا بتفاهم معها ...ما عليك ما تقوم بكرى الا والحراره نازله ان شاء الله
حاتم- لا بجلس عنده
طلعت شهقت مها بقووة ورجعت تصيح...
مرام ما تدري وش تسوي .....بيدري اكيد بيدري .....
حاتم عصب ووقف وقال- مرام وش فيها مها ...
مرام بربكه- ما فيها ...شيء ..حراره بس ...لا تكبــ...
حاتم التفت على مها وبعد البطانيه وقال بهدووء- مها الله يرضا لي عليك...قولي وش فيك...اذا انتي بمشكله انا حلها لك ان شاء الله ...ااذا محتاجه شيء انا...
قاطعته بصوت عالي- ما ابي شيء ما ابي شــ...ي....
غمضت عيونها ...وفجأة وانقلب لونها ازرق....
بسرعه قال- روحي قومي ابوي بسرعه ...
ضربها على خدها بخفيف وهو يناديها ...مو راضيه تصحى
مرام متصلبه بمكانها ....
حاتم- تشنجت ....جيبي مفتاح سيارة ابوي بسرعه ....
سحب اقرب عبايه ....وشالها وهو بيموت من الم ظهره بمكان الطعنه .....طالع بمرام وصرخ- جيبي المفتاح...
طاح المويا من يدها ورجعت شوي شوي وهي تطالع ....وركضت لبرا ....
دخلت بسرعه ولقت المفتاح على التسريحه طلعت تركض وحطته بيد حاتم وهي ترتجف من الخوف....
حاتم نزل الدرج ....وهو خلاااااص ظهره بيموووته من الالم كان يشيلها وهو مغمض عيونه بقووة ...
اقرب باب ....باب مجلس الرجال... فتحه ودفعه برجله ...طلع للحوش وضرب الباب وراه بقوة ...
............
فتح عيونه بشويش ...على صوت الباب ....جلس وسمع باب الشارع يفتح وضرب بالجدار...
طلع بسرعه ما لحق يشوف من اللي طلع ......
قرب للباب وقف عنده يشوف حاتم يسكر باب السياره اللي ورى ...
حاتم بنفاااذ قوة وتعب – طارق ...الله يخليك ودنا للمستشفى ....
طارق ركض لجهته وقال- وش بك تعبان.؟؟
حاتم تمسك فيه وهو مغمض عيونه بقوة ويقول- بسرعه ...
عطاه المفتاح وركب السياره ....
اتجه طارق للباب ركب وشغل السياره بسرعه ..وقال- وش فيك طيب...
حاتم استند وهو ساكت ...
طارق يطالعه ...بعدين يطالع الطريق..خاف انه مغمى عليه .قال- حاااتم ...معي...
حاتم- مها..بس تكفى بسرعه ...
حس ان الدنيا تدوووور فيه ....يحاول يركز بالطريق...
حاتم- طارق انتبه لطريق....
طارق التفت لطريق ...بعدين التفت ورى وهنا كانت الصدمه ...
حاتم بصوت همس- متشنجه ...بسرعه تكفى ....
طارق امتلت عيونه دموع .....وشغل الاشارات ومشى لاخر حد تقدر عليه السياره ...
....وقف عند باب الطوارئ بسرعه ونزل يركض ...وقال للحارس- سرير بسرعه ...
بثواني السرير واقف قدام السياره ...فتحن الممرضات الباب وكان واقف ...حطنه على السرير وكان مغمى عليها
حس الدنيا تدوووووووور وهي قدامه بهالشكل...ما غطوها ...يعدلون السرير ...
كان ما يسمع شيء الا صوت قلبه اللي كأنه طبووول...انفاسه بدت تتسااارع ...
مشوا فيها ...
نزل حاتم ومشى جنبها وغطاها...كانوا يركضون ...
طارق واقف بمكانه يراقب وين راح السرير ....الى ما اختفوا عن عيونه ...
استند على السياره وغمض عيونه ...وقال- ياارب احفظها..
حط يده على عيونه قبل لا احد يشوف دموعه ....
الحارس- بعد السياره لو سمحت..
طالعه وقال بضيق- خير ان شاء الله ....
اتجه للباب ....وصعد واخذ نفس ...كان يحاول يشغلها ...قوة يده اختفت ...قوته كلها خانته ...يمسك المفتاح ويحاول يمشيه يده تطيح ....
نزلت دموعه واستند على ورى وقال- يارب احفظها ...
............
كان يطالع السقف ويفكر....
سااارح وبشده بتفكيره ....قطع تفكيره صوت الأذان
وغمض عيونه وقال- الله اكبر...
وقف وطلع من الغرفه....فتح باب غرفة ندى وفايزة ...كانن نيمات بعمق...
سكر الباب ونزل الدرج....اتجه لغرفة احمد لما سمع صوت بغرفته...
فتح الباب بخفيف ودخل ...لقى احمد يكتم شهقاته ...ويردد مع الاذان ...
حس بقبضه على قلبه وهو يشوفه كذا ...
سكت احمد بعد ما خلص الاذان...

فيصل بيغير الجو- صاحي....
فتح النور وقرب منه وجلس عنده وقال- تبينا نروح نصلي؟؟
احمد وجه عيونه له وقال- تقدر علي؟؟
فيصل- افا عليك...اصلا انت ماشاء الله عليك تساعدنا...
احمد سكت ...
فيصل- بنروح للمسجد..
احمد- طيب...وش مصحيك؟؟
فيصل- ما قدرت انام...
احمد- ليش؟؟
فيصل- حاس بضيق...
احمد بصوت غريب اول مره يسمعه فيصل – استانس يافيصل...لا تجيب لنفسك الهم دامك بخير ...خذها مني...يمكن ماقدامك سنوات تعيشها وانت مستانس....ماتدري بكره بتشوف او لا...يمكن ترجع...
فيصل نزل عيونه وقال- مو هم....سالفه شاغله تفكيري..
احمد- اترك هالسوالف عنك كلها.....اضحك لدنيا تضحك لك...
فيصل سكت ...واحمد كان يطالع فيه بعدين ابتسم وقال- انصلي
طالعه فيصل استاااانس انه يشوفه مبتسم ...قام بسرعه وقال- يالله
...........................
كانوا جالسين على الكراسي بالانتظار ...طارق كان يجلس يقوم رايح جاي مو هادي متوتر اخر درجه
حاتم- اقولك ارجع ...مافيها الا العافيه
طارق- لا لا مستحيييل
حاتم- جاي من بريده وتتعب الحين
طارق- مو تعبان....
حاتم يطالعه ويقول بقلبه- لهدرجه يحبه ....لو غيره كان ما جلس بالمستشفى ثانيه وحده ...ومن يحب جو المستشفى .....
طارق طالعه وقال- عنايه مركزه وشوله
حاتم- هاذا تشنج ...مو أي كلام...الله يشفيها...
طارق- يعني كم بتبقى ...
حاتم تنرفز من اسلوبه ...كأنه زوجها او اخوها...
حاتم بدون نفس- ما راح تطول ان شاء الله ...
طارق اخذ نفس وطلعه وقال- ان شاء الله ....اوك انا طالع برى بغير جو ...اذا .....
سكت وهو يشوف نظرات حاتم ....عرف انه تهور بس ماكان حاس بنفسه نزل عيونه عن عيون حاتم وسحب نفسه من المستشفى
..........................
الصبح الساعه 7....
ندى –هاااه فوفو بتروحين معي والا على الباص؟؟؟
نزل فيصل الدرج وهو يطالعها وقال- كلكن بتروحن بالباص
ندى – لاما ابي اروح ..عقب اللي صار امس
فيصل قلب مزاجه على طول وقال- ما تطلعين الا مع الباص
ندى عصبت وقالت- لا ما راح اروح...
فيصل- غصب...انسي تروحين على رجولك وتجين على رجولك
ندى وبدت تعلي صوتها- ماعلي منك ....الباص ما ابيه
فيصل- وانا اقول بتروحين معه
طلعت امهم من عند غرفة احمد وقالت بتعجب- وش فيكم ...عاد مايتهاوش بالبيت الا انت وندى يا فيصل...
فيصل بعصبيه- انا قلت لها تروح مع الباص مو راضيه
ندى- طيب انا ما ابي
امها- اريح لك ترى
ندى- بس انا ما ابي
فيصل- وانا ابيك تروحين
ندى – وانت وش دخلك...

فيصل عصب بقوة وقال- تسمعين الكلام والا لي حساب ثاني
ندى طالعت فيه مو مصدقه ان هذا فيصل اللي قدامها
نزلت فايزة تركض وقالت- الباص بيجي ....بسرعه ندووو ...
ندى واقفه بمكانها تتامل ملامحه وهو معصب....ابد ماعمرها شافته يعصب عليها
امها- روحي اليوم عشانه بس
ندى ساكته وتطالع فيه
فايزة – يؤ يؤ وش السالفه ....شكلكم تهاوشتوا....من اللي عاطكم عين ...
فيصل اخذ نفس وقال بتهديد – اسمعين زين....موب احسن لك تروحين وتجين على رجولك فاهمه
عطاها ظهره وراح
ندى بصوت عالي- اشك انك شارب شيء ...وش تحس بوه انت ...
وقف وعض على شفته وقال- ندى بلا استعباط وحركات المبزره
امهم- بس انت وياه ....انتي روحي اليوم مع الباص
ندى بترجي- يومه بس انا ...
امها – تروحين غصب معه ....
طلع ابوهم على ازعاجهم وقال- يالله صباح خير....
فيصل- يبه خل بنتك تسمع الكلام قبل لاتشوف شي مايرضيها ....
تركهم وصعد الدرج
ندى- ما ابي اروح
امها- والله ان تروحين مع الباص غصب....
ندى تطالع فيهم مو مصدقه على هالصبح مستقوين عليها...
سمعوا صوت الباص ...
فايزة- بلا زياده مشاكل ....يالله
طلعت ...ندى سحبت شنطتها بقوه ...وطلعت
صعدت الباص وهي معصببببه حتى من طريقة مشيها واضح المعصب ...

ابتسم راكان وهو يطالع قدام ولا حط عينه عليها ...
جلست جنب فايزة
فايزة- شوي شوي بينقلب الباص من خطواتك
جلست وقالت- اكرميني بسكوتس
فايزة ضحكت وقالت- لا ما اصدق فيصل يتهاوش مع ندى ...سبحان مغير الاحوال
ندى اخذت نفس ...وقالت – فايزة اسكتي دام النفس عليك طيبه
فايزة- طيب...
.................................
حاتم عند الدكتور- طيب تقدر تطلع اليوم ؟؟
الدكتور – لا ما تطلع ....لانها تعبانه ...
حاتم بضيق- الله يعين ...مشكور ...
راح الدكتور وقف يفكر وهو شااايل هم مها ....
- حاتم ....وين اختك...
التفت وشاف ابووه واضح الخاااايف مره ....
حاتم – الحمد لله تراها بخير...
ابوه بنفاذ صبر- طيب وين القاها؟؟
حاتم تردد يقول ...لكن غصب يقول – بالعنايه
واضح على وجه ابوه الصدمه ....تخدر او مو مستوعب ...
حاتم- بس الحمد لله حالتها زينه...
ابو حاتم ماقدر يطلع الكلام ...
حاتم- يبه لا تخاف عليها
ابو حاتم – انا لله وانا اليه راجعون ....ابــبـــبــ ...ابـي اشوفها ...
حاتم- طيب بقول لدكتور...
مسكه وخلاه يجلس على الكرسي .....وراح لدكتور ...وهو حده حده تعباااااان هلكااااااان ...الم بظهره ...وبالذات مكان السكين.....صداع .....وسهران ....
دخل على الدكتور
حاتم- دكتور ...الولد لازم يشوف اختي...
الدكتور طالعه وقال- بس ممنوعه الزياره..
حاتم- بس لازم يشوفها....
الدكتور طالع بشكل حاتم وقال بضيق- انت واضح انك تعبان....
حاتم قاطعه- ماراح اروح الا اذا شافها الوالد...
الدكتور رحم حاله وقال- دقيقه...
حاتم- طيب....مشكوور ...
طلع بسرعه ....
ابوه شافه وقف وقال- ودني لاختك ....ابي اشوفها...
حاتم – يالله سمح لنا بدقيقه بس....
................................
كان جالس بالسياره ....وحاط راسه على المقود اللي قدامه ....وفاتح نص عيونه ...
يتذكر اللي صار اليوم بالليل .....ماكان يحس بنفسه وهو معها ....قلبه ينبض بقوة وهو يتذكر ...انها كانت معه بهالقرب
طارق بهمس – يارب شافيها وخلها لي يارب...
كان حاس بانه بينكتم على قلبه شي ثقييييييييل ما يقدر يخليه يروح ....
التفت بخفيف وهو ماغير طريقته بالجلسه ...مستند والتفت برى للشمس ...دوبها طالعه....
همس بصوت خفيف وكانه يكلم الشمس- طلعتي الحين....تو ماتصحين ...بس شمسي للحين ما صحت....ايه شمسي ...انتي فايدتك على الناس كلها تنورين عليهم كلهم...لكن انا ما اعتبر يومي يوم الا اذا كانت بخير
فتح الشباك وهو ياخذ نفس ...باي لحظة بيمووت من الكتمه ....
.....................................
دخلوا ..
كانت متسطحه على السرير....وعلى افنها وفمها اكسجين ....وعلى صدرها جهاز القلب
عشان يقسون النبض ...ومغذي بيدينها الثنتين ...
انقبض قلب ابو حاتم وهو يشوف بنته كذا ....كانت تعبانه ...واضح عليها ....اللي تحت عيونها اسود ..وذبلااانه
قرب منها وطبع بوسه على جبهتها وقال – الله يشفيتس يا بنتي ...حط جبهته على جبهتها وغمض عيونه ...حس انه ارتاح لانه شافها ....
..........................

ندى وقفت عشان تنزل من الباص وطلعت من بين البنات ....قدامها بنتين وراهاكثير ...فيه وحده من اللي وراها وطت على عبايتها ...وانسحبت ...وانسحبتمعها الغطا ...
ندى- لوسمحتي عباتي...
طالع على طول بالمرايه ....كانت تسحب الطرحه وتغطت ...هي متأكده انه مشافها لانه مايطالع ...لكن هو شافها بس شافها على اخر لحظة ...
نزلت وهو يطالع فيها الى ما دخلت المدرسه ....
هالبنت داخله مزاجه بقوة ....ابتسم وطالع للجهه الثانيه ينتظر البنات يخلصن ....بقى ثلاث بنات ورى كل البنات نزلن الا هن جالسات ...ويضحكن ويسولفنبصوت عالي...
ضاقت به الدنيا ..ما يدري وش يسوي ....مستحي يقول انزلن ...ولا يقدر يمشي...
......................
ندى نزلت الطرحه وتذكرت شيء...
طالعت شنطتها وقالت –أوووه ....
جلست بسرعه وهي تدور على كتابها بشنطه هي متأكده طلعته تذاكر فيه بالباص بسما دخلته.... لبست الطرحه بتشوف اذا الباص موجود والا لا....
طلعت وكان واقف ..اتجهت له واصعدت ...استغرب ..؟.! راحت لكرسيها ولقتالكتاب طايح تحت ...اخذته وطالعت بالبنات ....البنات يطالعن فيها...
ندى التفتت ورى وطالعت فيه ...رحمته متوهق فيهن بقوة ....
قربت من البنات وقالت- انزلن ...لا تأخرن الرجال....
ارتاااح بقوة لما سمعها تقول كذا .....اكيد بينزلن ...
وقفت بنت وقالت- ليش ياقلبي ....ترى مالك دخل....
طالعت فيهن وقالت- بنات متوسط.......
وقفن وبدن يهاوشن ويصارخن ....عطتهن ظهرها وقالت- اسمعن...ترى اعرفكن ....انزلن قبل لا تاصل السالفه للمديره ....
سكتن فجأة ......مشت خطوتين ....انسحبت عبايتها من ورى ...وسحبن طرحتها....انصدمت ...وش ذا التفكير ...
التفتت لهن وقالت- عطين الطرحه يابزر ...
رفعت عبايتها عشان ما يشوفها ....
سحبتها من يدها وقالت- اوك ...يصير خير ..تغطت ورجعت تمشي ...نزلت الباص ...
وحده من البنات- يالله بننزل لا نتوهق اكثر...
قالت الثانيه – والله لا اوريها الشغل الخايسه...عرفتنه؟؟
قالت- اعتقد انه ندى ....اللي بثاني ثانوي...
قالت – تقولي بزر...اليوم شغلي معها....انزلن الحين ...
نزلن بسرعه .....ضحك خفيف وقال- يا الله يالبنات ...
.................................................. .
ندى وهي تمشي- الله يستر لا يكون شافن ....اووف بزر ذا البنت قسم بالله ....
جت عنده ايمان وقالت- ندو
التفتت ندى
ندى- اهلين
ايمان- صباح الخير...
ندى- صباح النور اخبارتس...
ايمان- تمام....وين مها ما اشوفه
ندى- ماجت اليوم تعبانه ...وين البنات ؟؟
ايمان- فوق...
كملن طريقهن للفصل
ندى- اخبار رغد
ايمان- اليوم بتجي مع امها....دورت لها على مدرسه ثانيه ....ولقت
ندى- حلوو الله يوفقها ويهديها....
ايمان- تستاهل ماجاها...
ندى- لا حرام كانت تستانس بس
ايمان- الوناسه مو بكذا ...كنت اقول لها بس ما تفهم....اصلا السبب كله من ابتهال
ندى- غريبه مع ان ابتهال تحبه وتموت فيها..
ايمان- هذا اول ...الحين لا...
دخلن الفصل.....وجلست ندى وقالت- اووف ...ما ذاكرت

دخلن الفصل.....وجلست ندى وقالت- اووف ...ما ذاكرت
فتحت الكتاب وبدت تذاكر
...............................
طلع حاتم وابوه طارق يطالع فيهم من بعيد ...راحوا وطلعوا برى المستشفى ...اكيد هناك سياره بيروحون فيها..
بس هو مايقدر يروح ....مها داخل من عندها ...نزل وسكر الباب ...حتى ماقفله ...دخل المستشفى واتجه لغرفة العنايه وهو خايف احد يشوفه ...لكن الممرضات يظنن انه اخوها لانه من جت وهو معها ...كان جالس على الكرسي ومحتظن راسه بين يديه ....مرت ربع ساعه ....نص ساعه...رفع راسه يطالع بالباب ..التفت يمين يسار..الممر شبه فاضي...
وقف ومشى بخطوات بطئيه لداخل....دفع الباب ...,دخل لقسم العنايه...قرب من غرفتها وهو يرجف يدخل اولا
اخذ نفس ودخل.....لما شافها قلبه بدا ينبض بسررررعه .....صعب انه يشوفها كذا ....
قرب منها ووقف جنب السرير وهو يطالع وقلبه يحترق عليها...لهدرجه البرد اثر عليها ...او الخوف اللي صار من سالفة امس ....او...او ...مسك يدها وكانت بارده واطرافها حمراء
حط يده تحت يدها ...يعني يده تحت كفها...وكان يطالع فيها ...وهو سااااهي...حس بيدها تغط على يده بخفيف...
ثبت على حركته ...بتصحى ...طالع بيدها ..ضغطت مره ثانيه...وارختها سحب يده بخفيف ...واتجه للباب قبل تصحى
طلع وسكر الباب واخذ نفس....
.................................................
رغد ...
كانت تطالع بامها والمديره ...والمديره قالت كل شي لامها ...كانت نظرات ام رغد لبنتها تهديد ...نزلت عيونها بضيق وماسكه دموعها ..

المديره – وانا صراحه ما ابي اقبل عندي وحده بالمدرسه مثلها
ام رغد- ما اقول لا ....بدور لها مدرسه ثانيه ...
المديره- على الله اجل...
رغد – استاذه اخر مره والله توبــ....
امها- بس انتي ....
المديره – امك هنا يارغد....خلاص مالك كلام
رغد- بس..
امها بعصبيه- قلت خلااص...
سكتت وهي خايفه من امها ...واضح انها معصبه ...
المديره- اعطيكم الملف الحين ....
قامت وطلعت من المكتب
رغد مارفعت عيونها تدري وش بتسوي امها لها بالبيت ...ولا هي قادره تشوف النظرات الحين ...اكيد طاحت من عينها
ام رغد- علومك زينه .....خلي ابوك يجي ياخذنا ....بقوله على كل شي....
رغد بخوف- لا لا ابوي تكفين لا...
امها- تستاهلين ...لازم يربيك من جديد....والله ماتستحين
رغد امتلت عيونها دموع وقالت- خلاص مو هنا تهاوشين ...تراي مو بزر
امها- ايه ما فيه اكبر منتس واكبر منتس ....وين اودي وجهي من المديره ماتستحين ....
رغد اخذت نفس وطلعته بضيق ...هذا وهي بالمدرسه ...اجل بالبيت وش بيصير ...
..........................................
ابتهال وقفت بسرعه وقالت – والله؟؟
حنين- والله ....روحي شوفيها...
ابتهال طلعت تركض بتشوف رغد اذا طلعت من عند المديره ....ندى تطالع فيهم ..
حنين- رغد مع امها ...خلاص طردوها
ندى- وش دراك..
حنين- سمعتهم ...وكانت المديره ماسكه ملف
ندى- الله يعينها اجل....
.....وقفت ابتهال عند نهاية الدرج ...وشافة رغد واقفه عند المديره والمرشده ويتكلمن معها ....ابتسمت بخبث وقالت- تعرفين الزباله مين ....هههههههههههه
كانت رغد منزله راسها وتسمع وش يقولن لها ...حست ان فيه احد عند الدرج ...لتفتت ...شافتها ماسكه سلم الدرج وتبتسم .....حست انها بتصيح من القهر ....
قالت بنفسها- حيوانه ومنحطه حقيره سافله ...وتطالعن كذا ...آآخ لو بيدي ابيدها ....
المرشده- خلاص يارغد؟؟

رغد طالعت فيهن وقالت- ان شاء الله ...
وهي ماسمعت ولا شي من اللي قالوه ولا فهمته ...
..................................
فتحت عيونها ....تطالع بالسقف ....حركت راسها تحس انه بينفجر...كان اللي حولها ابيض بابيض...عندها ممرضه تعدل المغذي ...
مها بهمس- هيه...
طالعتها الممرضه وقالت- الحمد لله على سلامتك
حطت يدها على جبهة مها وقالت- الحين احسن
كانت مها بغرفه عاديه طلعوها من العنايه قبل ساعتين ....لان حالتها استقرت ولا اثر التشنج فيها ولا شي...
مها تطالع فيها ماتدري وش تقول ...قالت بخوف ودموعها ملت عيونها- حاتم وين؟؟ حاتم...
جلست وهي تلتفت يمين ويسار...
الممرضه- ريلااكس ...ريلاكس...اخوك برى
مها بصوت كل شوي يعلا- حاتم وين....ابي مرام ....وين حاتم....بيخطفوني قولي وينه ..
........
قدام الغرفه .....يسمع صوتها ...قرب من الباب وفتح منه شي بسيط بس انه يشوفها ....
مها تمسح دموعها وقالت- ابي حاتم....ابي مرام ....ابوي وينـ....
طالعت للباب وقلبها كل ماله ينبض بقوة ...ماتشوف اللي واقف ورى الباب بس تشوف انه رجال...
الممرضه لتفتت للباب واتجهت له....فتحته ....وكان واقف يطالع فيها...
مها نشفت دموعها ....هي الحين مو خايفه ...خلاص طارق موجود...ماراح يخطفونها ...هاذا اللي تفكر فيه ..
الممرضه- انت اخوها ...
طارق مانزل عينه عن مها وقال- ايه....
كانت مها تطالعه حست بقشعريره ...
الممرضه- طيب هي تبيك...بروح لدكتور اقوله يجي خلك عندها...
طارق- طيب....
مشى خطوتين ونزل عيونه بالارض...
قلت بصوت مختفي من الخوف والربكه- وين حاتم...
مو قادر يرد عليها ...بس مستانس انها صحت وانها بخير ....
قالت بشهقه خفيفه- طارق...
رفع عيونه بسرعه وبدون شعور منه- عيونه...طارق كله لك
قلبه بدا ينبض بقوة ...
مها- وين حاتم...
نزلت دموعها...وقالت- بيخطفوني...
طارق كان بعيد عنها ويطالع فيها وهو من جد حاقد على عبد الرحمن ...لو بيده يذبحهم ...
مها شافت انه مايرد عليها ...قالتوهي تحط يديها على وجهها وتصيح- طارق الله يخليك ابي حاتم؟؟؟
طارق قرب منها وقال- بيجي ...بيجي ان شاء الله ..ب ب .بس مو الحين ...انتي ارتاحي...اهم شي انتي انتي ارتاحي عشان تشوفينه زين ....و ..و ولا ...ولا احد بقــ بيقدر يخطفك...أنـ... أنا موجود موجود هنا....اذا تبين أي شي ....قولي طارق....ولا تخافين ....لا تخافين....
اخذ نفس بعد ماقطع مشواار وهو يتكلم ...
مها- طيب...بس لا تروح...انا ..انا اخاف...
طارق- لا ...مستحيل...ماراح اروح...لا تخافين....
عطاها ظهره بسرعه وطلع وسكر الباب ...اخذ نفس ...حس بحنجرته جافه ..عطشااان ....
..........
اتسطحت واخذت نفس وقالت- يارب ما يتأخر حاتم...
كان قلبها كانه طبول ...مافكرت ان اللي قبل شوي طارق وانه تتغطى عنه ولا جاء في بالها شي....بس اهم شي انها حست بالامان انه جالس برى وقال انه ماراح يتركها
..........................................
الساعه 11 الصبح .....
كان صاحي ...ولا نام زين ....السالفه شاغله باله ...هو مو مهتم لمها....مهتم مين بخطف مها...
فيصل بضيق- آآخ بس ...هذول لو اقدر امسكهم ...وش يبغون بالبنت حرام عليهم....آآه
حط يده على راسه ورجع شعره على ورى وقال- الحين ما ارتاح على ندى وفايزة ...
دخلت اسرار تركض وقالت- عمووو ...
نطت بحضنه وقالت- ابي البقاله
فيصل بوقفها قدامه وباس راسها وقال- مو الحين حبيبتي ...روحي سلمي على عمو احمد...
اسرار- ابي البقاله احين
فيصل- لا ...
اسرار امتلت عيونها دموع ومدت شفتها السفلى ..ماتعودت يقول لا ...
ابتسم على شكلها وقال- طيب روحي سلمي على عمو وتعالي نروح للبقاله ...
نطت بوناسه وهي تمسح دموعها اللي متعلقه وتركته تركض
دخل ابوه وقال- رح اجلس عند احمد
فيصل- بس بروح مع اسرار للبقاله ...واجي بجلس معه
ابوه بضيق- لا تخليه لحاله
فيصل- ماخليته ...من الصبح معه ...
طلعت اسرار وقالت- يللا ...بنلووح
فيصل- يللا نلووح ...
مسك يدها وقف ...
....................................
ام حاتم كانت تصيح بالصاله وحاتم وابوه يهدونها
ابو حاتم- اذكري الله ...ماعليها خوف...
ام حاتم- ابي اشوفها الحين...ياربي وش اللي يصير لنا...كل ماطلع واحد دخل الثاني...
حاتم- يمه بس اهدي وقولي لا اله الا الله...مها بخير...
ابو حاتم- عاد هي تهدا...قومي البسي عباتك...
امه منهد حيلها من كثر ماصاحت وتعبت حيل من سالفة مها وكانت تعبانه من سالفته...حس بضيقه وطلع للحوش وهو ياخذ نفس...راح للملحق ...طق الباب ودخل..مالقاه....
حط يده على وجهه وقال- الله يهديك يا طارق وين رحت ....
توقع انه بالمستشفى ....
طلع لشارع ...طالع السياره ..طبعا سيارته موجوده لكن سيارة ابوه مو فيه ...لانه مع طارق...
قعد يفكر بطارق....
مجنون بمها قليله عليه...ومها تكرهه...وش الحل ...لو بيده كان ما فرط بطارق وزوج مها بطارق ...بس مها السبب ماتبيه....ولا راح تلقى مثله ....مستحيل احد بيهتم فيها مثل مايهتم طارق فيها....
-حاتم...
التفت وطالع جهة القاله ....ابتسم واتجه له
فيصل- اخبارك...
حاتم- بخير....
فيصل- سلامات ليش مارحت للمدرسه
حاتم- اختي تعبت علينا وديتها
فيصل- الله يشفيها
عرف فيصل انها مها ...
حاتم- اخبارك واخبار الاهل...
فيصل- على احسن مانكون
حاتم جلس قدام اسرار وهي تاكل بطاطس ...
حاتم- والحلوه اسرار ليش ماراحت للمدرسه
اسرار ابتسمت بطفوله- انا ما ادلس ...
حاتم ضحك وقال- احسن لك ...
فيصل- لاتخرب بنت اخوي علينا...
حاتم مسح على راسها وقال- الله يصلحها..
فيصل يطالع سيارة طارق وقال- طارق ماراح بعد...؟؟
يعني اللي فهمه فيصل ان طارق ماراح عشان مها تعبانه
حاتم- لا معه سيارة ابوي...والله ينشد فيه الظهر ....ماقدرت اسوق اليوم ودانا للمستشفى ...
فيصل نزل عيونه للارض ...خلاص مافيه امل ....مها ماراح تصير له...صحيح ما حبها بقوة ...لكن فكر فيها وحس انه يميل لها....
حاتم ابتسم وعرف ان اللي يبيه وصل....قال هالكلام عشان يقطع الامل ومها بحاول يخليها تنسى فيصل...
...............................
طارق
غطه النوم وهو بالصاله ...
الدكتور- لو سمحت ...يا اخ
طالعه ووقف بسرعه وقال- وش فيها...
الدكتور- ما فيها الا العافيه....انت مو مرافق....كيف تصير موجود
طارق بربكه- لا ...بس ...انا ...لا ...يا دكتور اهلها بيجون الحين ..انا ولد ..ولد عمها...
سكت شوي وهو يطالع بالدكتور وقال بابتسامه- وخطيبها....
الدكتور ابتسم له لانه ابتسم وكانه مستانس ...وقال- اوك بس ما يصلح تجلس كذا ...
طارق- لا لاتخاف....هي خايفه ....عشان كذا انا جالس...
الدكتور – طيب...
دخل الغرفه ....
الدكتور – السلام عليــ....
جلست بسرعه وهي خايفه ....
الممرضه اللي مع الدكتور- لا تخافي ...بس بيكشف عليك ...
الدكتور ابتسم وقال- بخير ...احسن الحين ..
مها هزت راسها ايه ...
الدكتور- خايفه ...
رجعت على ورى وقالت بتلعثم- أيــ هـ
الدكتور – انادي خطيبك....
تجمدت مكانها...حست انها مو لعى بعضها ..خطيبها...منو هاذا ....بدت ترجف ...تذكرت طارق اليوم كان موجود...معقوله ...بدت تذكر وش صار بالليل ...هو السبب ...الحراره ارتفعت زياده منه...كانت خايفه منه
بدت تتنفس بسرعه ..
الدكتور- اناديه ..
عطاها ظهره واتجه للباب...
مها تحاول تكلم ....مو قادره تنطق بحرف...تتذكر كان قريب

منها ...لما رفع وجهها...
الدكتور يكلمه- تفضل هي خايفه...دامك تحسسها بالامان..
طارق دخل بسرعه مشتاق لها...شاف عيونها مليانه دموع ...حاولت ترجع على ورى ...بتطيح من السرير لو الممرضه مو وراها ..كان طاحت ...مسكتها الممرضه بتعجب منها..
طارق كان مبتسم ...لكن من شافها ..بدت تخف ابتسامته ...
مها بهمس- بــ..بـ...طـ...طلعـ...هـ ....ما ابــ...ي...
الدكتور استغرب وطالع طارق ...طارق يطالع وقلبه بيتقطع ...
صرخت قوة وقالت- طلعووه ...طلعووه...
ماكان طارق متوقعها ابدا....الا هاذي....حس بسهم يدخل...من الكلمه الاولى ...والسهم الثاني وراه يدخل من الكلمه الثانيه ...
نزل عيونه وطلع بسرعه
الدكتور استغرب....وقال – ريلاكس ريلاكس .....خلاص طلع....
مها تمسح دموعها وطالعت يمين يسار ....وشافت عبايتها على الكرسي...قربت منها وسحبتها عشان تتغطى فيها.....الحين استوعبت كل شي.....
......................................
حاتم وامه وابوه دخلوا المستشفى ....كان طارق متجه للباب ....
طارق ماكان منتبه لهم...
حاتم بنفسه- كنت عارف انه هنا ...
ابو حاتم بتعجب- طارق...
وقف والتفت مصدوم ...فشله يشوفونه هنا ...وش جايبه ....
طارق بربكه- هــ...هلا عمي...
ابو حاتم- وش تسوي
طارق- كنت انا ...عند صديقي..ممرض...وجلست هنا اسولف ...معه
ابو حاتم بيمشي السالفه – اها....اجل يالله...
تركه ومشى ومشت معه ام حاتم...اصلا ابو حاتم يدري ان طارق يبي مها....بس هالمره تأكد انه يحبها....
حاتم واقف يطالع بطارق
طارق طالعه وقال بربكه- هاه ...اخبارك الحين .....
حاتم ابتسم وقال- تمام....
طارق ارتبك بقوة من نظرة حاتم ويحاول يبعد عيونه عن حاتم باي شيء...
حاتم- مشكور ياطارق....ولو بيدي ...كان اللي تبيه يصير...
رجعت عيون طارق بسرعه على حاتم .....حاتم تركه وراح...كان واقف بمكانه يطالع فيه الى ما اختفى ...ولا حرك عيونه عن المكان اللي اختفى فيه حاتم....
كان قلبه ينبض بقوة ....
طارق بهمس- وش يقصد....!!!
ابتسم وقال- يارب يصير اللي في بالي ....
طلع من المستشفى ....
..................................................
ابتهال كانت جالسه ومستنده على الكرسي وتطالع حنين وقالت- ترى مو ميته عليك انتي وياه...
حنين- اذا انتي مو ميته علي ...انا بعد مو ميته عليك.....
هديل – طول عمرك يا ابتهال كذا ومستحيل تتغيرين ....متكبره وماتشوفين الناس شيء
ابتهال- والله لاني غير اشوف الناس ولا شيء...
حنين- الكبر لله مو لك ....اصلا من زمان وانا اقول الغبي اللي يماشيك.....انتي مالك خاتمه .....رغد وانتي تحبينه سويتي فيها كذا ...ولو تحقدين علينا اجل وش بتسوين
هديل- ما تقدر تسوي شي....واعذريني يا ابتهال...انتي كذا ماراح احد اصلا يماشيك ولا يصادقك...
ابتهال – خلصتن اللي عندكن ....فضفضتن ...يللا فارقن ..مو رايقه لمبزره
حنين- انانيه ....
تركنها تجلس لحالها
ابتهال كانت دايم تجرحهن بالكلام ولا تهتم لمشاعر احد.....وهن صابرات عليها ولا تكلمن ...الحن تركنها لانها تعدت حدودها ....
...............................
دخلت ام حاتم بسرعه ....واتجهت لها وضمتها بسرعه ...مها فرحت مره انها شافتهم ...واجتمعت الدموع بعيونها
امها- ياقلبي ..وش فيتس...انتي بخير ؟ ...من متى كنتي تعبانه .؟؟ ليش ماقلتي لي ؟؟ انتي اليــ....
ابو حاتم- شوي شوي ...
جلس جنبها وقال- اخبراتس الحين
مها تحاول ان دموعها ماتطلع قالت- بخير...
ابو حاتم- تطلعين اليوم ان شاء الله ؟
مها بسرعه- أي ابي اطلع.....حاتم وينه..
دخل وابتسم لما شافها وقال- الحمد لله على السلامه....هلا والله بالقمر....
قرب منها وضمها .....
مها نزلت دموعها وحطت راسها على كتفه ودموعها بللت قميصه اللي لابسه ...حس فيها ..عشان كذا ما تحرك ما يبي امه وابوه يشوفون دموعها ....
بعدت عنه وقالت- ابي اطلع
حاتم- ان شاء الله ....
حط يده على خدها وقال- حرارتك حلوه الحين...
ابوه- رح شف الدكتور بيطلعها
حاتم- طيب....
امها مسكت يديها وقالت- تحسين بتعب؟؟
مها- لا الحمد لله بس احس بصداع خفيييف
امها تمسح على راسها- ماتشوفين شر ...
.........................................
بالطلعه ......

كانت تلبس عبايتها...
اخذت شنطتها وطلعت..تمشي من بينهن ...ماكنت ناويه تروح مع الباص ...بس فايزة وقفتها
فايزة- اقول بلا استهبال...امشي مع الباص..
ندى- لا ما ابي....
فايزة- والله فيصل بيزعل...
ندى بملل- اوووف ...ما ادري وش يحس بوه
وقفن قدام الباص....
فايزة- خلي له كلمه...على الاقل بس اليوم
ندى – بس مو يتحكم وشلون اجي والا اروح..بعدين الباص زحمه
فايزة- بلا نصب مو زحمه
ندى- بس ما ابي...
كان راكان يطالع فيهن...عرف انها اللي اليوم مع بنات المتوسط...عرف انها ندى ...كان يطالع وسااااهي...
بس ما يفكر فيها ....لكن سهى وهو يطالعها...
ندى- يابنت ما ابي...خلاص لا تنشبين بحلقي..
مسكت فايزة يدها وقالت- بس اليوم عشان فيصل
ندى- ماراح يدري...اصلا ما ادري وش محببك بالباص...
سمعت صوت شي كانه بخاخ... ...فايزة انصدمت ....راكان انتبه وطالع زين ...
ندى التفتت على صوت الضحك ....وصرخت لما جاء على غطاها اللوان ...
ندى انهبلت عبايتها كلها لونها حمر ...وغطاها ...ما قدرت تحرك ....
فايزة بعصبيه- حيوانات ...
ضحكن بقوة وهربن وركبن الباص...فايزة ركبت وراهن بتعرف مين ...
ندى ثابته...الكل يطالعها..بنات ومعلمات وطالبات ...ورجال وسواقين ...رفعت راسها لراكان وشافته يطالعها....نزلت دموعها وقالت بشهقه- لاااااااااااااا......
فايزة نزلت وقالت- عرفتهن.....الحين كيف بتركبين كذا
ندى ساكته ....
فايزة- الله لا يوفقهن ....من وين جابن علب الالوان....اركبي لا تفشلين نفسك اكثر من كذا ...
ندى بربكه مع صوت وحده تصيح- حيوانات ...بزارين .....شوفي اللي يسوق الباص يطالع ...
ركبوا كل البنات ....والباصات بعضها مشت ...بقى باص راكان ....وبنات شويات ...يروحن مشي...
فايزة- شوفي ماراح ينتظرنا...
ندى- مستحيل اركب ...مستحيل..هاذا كل يوم يطيح وجهي قدامه....وجهه نحس علي انتي تفهمين ...
فايزة- الله يخليك اركبي....
راكان يطالع فيهن ينتظرهن يركبن ...ماراح يمشي وهن بهالوهقه ...
فايزة- ان مشيتي بتتفشلين
ندى وهي تصيح- وان ركبت بالتفشل ..
فايزة- على الاقل قدام السايق بس....
وقف راكان ونزل وقف عند الباب وقال- اركبي...بوصلك اول وحده
فايزة التفتت منهبله ...ندى حست ان وجهها طاااح ...
ركب وشغل الباص
فايزة- يالله ...حرام عليتس نازل عشانتس
ندى بربكه مشت وصعدت للباص والبنات كانن اخر شي يضحكن ويقولن- وش الموضه ....موضة الاحمر ..
-حرااام عبايتها وسخه
عصبت وقالت بصوت عالي- قسم بالله ان عقولكن صغيره ....خوافااات....
سكتت تذكرت انها بالباص وراكان يسمعها .....عضت على شفتها
فايزة- بكرى حسابكن ...
ندى- اسكتي عنهن لاتحطين عقلك بعقولهن
.وفعلا نزلها اووول البنات ...ورجع يكمل البنات الباقي....
.............
ندى صفقة باب الصاله وقالت- حقيرااااااات
فايزة- عرفتهن ...ذول بثاني متوسط ....
ندى- أي اعرف وحده بس ...
فايزة- يا اختي قولي للمديره وبس
ندى- لالالا انا باخذ حقي...بزراين
نزلت عبايتها ورمتها على الارض ...

راحتلغرفتهن ...قبل ما تدخل الغرفه ..طالعت غرفة فيصل....هي دايم تشوفه بس اليوم ماشافتهمو متعوده
راحت للغرفه وطقت الباب ودخلت...
كان نايم واضح على وجهه التعب
ندى بنفسها- والله فيه شي مو طبيعي يصير له ...مو فيصل اللي دايم
.........................
دخلت البيت وحاتم ماسك يدها..جت مرام تركض وضمتها
مرام- الحمد لله على سلامتك ياقلبي
مها- الله يسلمك ....
دخلوا لصاله
حاتم- روحي ارتاحي بغرفتس
امها- بصلح لها عصير برتقال
مرام- انا بصلحلها انتي ارتاحي
امها- اجل بصلح لهاشوربه
ابوهم- يالله روحوا شوفوا وش تبي
مها ابتسمت وقالت- ابي بس عصير
فارس نزل وقال – مهااا..
سلم عليها وقال- ابي عصير معها
حاتم- خلوها ترتاح...
تذكر طارق وقال- طارق موجود
فارس- لا ...دخل واخذ اغراض وطلع
مها تطالع بحاتم من جاب سيرة طارق
ابوه- بيجي عمك اليوم
مها نزلت عيونها بالارض بس من سمعت كلمة ابوها وقلبها انقبض....تذكرت كلام الدكتور...
حاتم لاحظها وقال- تعبانه؟؟
مها- لا لا....بس بروح ارتاح...

.................
طارق كان بالسياره وقف عند البيت ونزل وهو يكلم- وينكم..؟؟
ابوه- بالطريق
طارق- تأخرتوا...قلتوا الغدا عند عمي...
ابوه- ابووك اركد لا تفضحنا...
طارق- طيب الله يحفظكم اهم شي تاصلون ...
ابوه- يالله...
سكر ...وضغط على الجوال بيده متوتر ...وبنفس الوقت فرحان...
طلب لهم غدا على حسابه ...لان يدري انهم مو فاضين ...بس ماقال لابوه ان مهاتعبانه عشان ما ياجلون جيتهم ..طالع الباب وقال- يارب عدها على خير وخلهاتوافق...
هو مرتاح من ناحية عمه وحاتم وامها ...لانهم كلهم يدرون انه يموووت فيها...بس هي مو راضيه تفهم ....
هو مرتاح من ناحية عمه وحاتم وامها ...لانهم كلهم يدرون انه يموووت فيها...بس هي مو راضيه تفهم ....

............................
بعد نص ساعه بالضبط .....

ابو حاتم استقبل اخوه بفرحه ولا كأن مها كانت تعبانه ....وكان معه سالم....

حاتم سلم عليهم وجاب القهوة وبدوا يتقهون ....كان طارق جنب حاتم
حاتم التفت عليه وقال بصوت خفيف- الله يهديك ماكان له داعي تطلب غدا....كان قلت لــ...
قاطعه وقال- ما يغلا عليكم شي...بعدين...انتم اليوم تعبانين...وانا ابوي صدمني لما قال حنا جايين ...ماقدرت اقول لا
ابتسم حاتم وقال- وش اللي تقول...تقولهم لا....هذا عمي يجي متى مابغى ....
طارق ابتسم وهويقولبقلبه- والله لو اجلوها لبكره او بعده لنجلط....وتبين اقولهم عن اللي صار ..عشان تتاجل اسبوع مو يوم
طارق كان ينتظر ابوه يتكلم ....ويخطبها ...بس ابوه ماعنده نيه يتكلم الحين ...كان على نار...الى ماسمع صوت جواله يدق...المطعم ...كان عند الباب...
.........................
مها متسطحه على سريرها ...ومرام جالسه على ركبتها بالارض ومسنده نفسها على السرير وتقول- احلفي.طارق كان طول الوقت هناك
مها – أي...حتى لما دخل الدكتور ...قال لي...اذا خايفه انادي خطيبك...وش خلا الدكتور يقولها...اكيد هو قالها...
مرام كانت فاتحه عيونها لاخر حد....صرخت وقال- غبيييييه ....ياحظك يااااااحظك...يارب ترزقني واحد مثله ..
جلست على الارض وهي تضرب فخوذها وقالت- انا ما ادري وش تحسين بوه ...واحد مثله وشلون ماتحبينه..
مها طالعتها وقالت- بس ليش قال خطيبي
مرام عصبت من غبائها وقالت- اكيد عشان يجلس عندك ومايطلعونه ....
شبكت يديها ببعض وطالعت فوق وقالت- ياخيه قسم انه رومانسي
مها- بس ...انا ما احبه...ليش يحبن...لا يحبن...خمس سنين ويدري اني ما احبه ولا اطيقه...
مها طالعت السقف وسكتت وهي تفكر
مرام رحمتها تعبانه وزياده على كذا ضايق خلقها على طارق ...
مرام بهدوء- طيب لا تفكرين فيه ارتاحي....
مرام بقلبها- ماصدقنا من سالفة بيخطفوني طلع لنا طارق
وقفت وقالت- نامي هااه ..
مها طالعتها ...وقالت- طيب...
طلعت مرام وسكرت الباب....مها كانت تطالع الباب وسهت ....طبعا مشغل بالها طارق وحركته اللي صارت
........................
العصر .....
فتح عيونه ببطئ ....واخذ نفس وطلعه ...طالع بالساعه ..كانت اربع ونص...
جلس وهو يرجع شعره على ورى ...وقام عشان يروح للمدرسه ...
دخل الحمام ....
.
.
كان ابو سالم مع ابو حاتم جالسين يتقهوون...وسالم عندهم ...
ابو سالم- يا ابو حاتم...انا ما جيت عشان اتغدى واتقهى عندك...
ابو حاتم- حياك وانا اخوك أي وقت....
ابو سالم- الله يحيك...بس...انا جيت...عشان عيالي....وبالذات طارق..هو اللي لزم علي...
ابو حاتم- امر وانت وعيالك....
ابو سالم- طالبينك.. مرام...لسالم...ومها لطارق....وماراح يلقون من بنات عمهم وتربيته
ابتسم ابو حاتم وقال- هاذي الساعه المباركه ...ولا راح القى احسن من عيالك لبناتي...
كان سالم يطالع الارض ومبتسم ....
ابو حاتم- ويستاهلن بناتي عيال مثل عيالك...وانا موافق...بس الراي راي البنات ...
ابو سالم- اكيد.....انت شفهن واسألهن ....واذا وافقتوا ردوا علينا...لا تستعجلون ...
ابو حاتم- ان شاء الله ....
..................
طارق جالس على السياره ...ينتظر ابوه يطلع ...او سالم ....
كان يطالع السماء وهو طفشان وحيران ....كان اللي يبيه انه يملك على مها
عشان يشوفها كل وقت ويكلمها متى ما بغى ...راح يقطع كل علاقاته بالبنات اذا تزوج...طلع جواله وقال- يارب توافق ...والله لا انسى البنات كلهم....واكيد هي مو راضيه اني اكلم...
فتح جواله...ويمشي بالاسماء...مسح مسح مسح مسح مسح ....ومسح كل ارقام البنات ....
انفتح الباب التفت بسرعه ونط من فوق السياره ...
سالم ابتسم وقال- عمي موافق...بس مها ومرام ما ادري..
طارق بفرحه – يارب توافق ياارب...
سالم- اثقل
طارق – احبها والله اموت عليها
ابتسم سالم وقال – درينا درينا ...ابوي بيجي يالله بشغل السياره
طارق – الله يخليه لي...
سالم – طارق...لا تستانس مره...ترى للحين ماوفقت...
خفت ابتسامة طارق ونزل عيونه وقال- وهذا اللي مخوفني..
سالم حط يده على كتف طارق وقال- الله يكتب اللي فيه الخير لك....
طارق طالعه وقال- امين ...بس انا ابيها..
سالم- ههههه استغفر ربك...يمكن مافيها خير لك...قل الله يكتب اللي فيه الخير..
طارق- امين ...بس ابيها بخيرها وشرها...
سالم طالع بتعجب وقال- مانت بصاحي

طارق- أي والله ابيــ....
طلع ابوهم .....مع ابو حاتم....
ابو سالم- تامرني شي؟
ابو حاتم- الله معكم ....سلامتك يا اخوي..
ابو سالم مع السلامه...سلوا على بعض ...وقرب من عياله..ابو حاتم دخل البيت
طارق باس راس ابوه وقال- الله يخليك لي...
ابو سالم- ويخليك....بس عاد انت لا تفرح الا اذا وافقت البنت ...
سالم- يالله يبه....ابي اصلي المغرب ببريده...
ابو سالم- يالله ....
طارق- الله معكم...
............................
حاتم جالس على الكرسي بالحديقه ...وفهد وخاد جالسين على الارض يسولفون
حاتم كل دقيقه ....يتلفت عشان لو شاف عبد الرحمن ...اصلا السبب كله عبد الرحمن ....
فهد- مانت بشايفهم ...ارتآآح ...هم بالسجن
حاتم- اخاف طلعوا..
خالد- اسبوعين لقدام ....او اكثر بعد
حاتم عصب وقال- شفتوا ...يقال انهم اخذوا حقهم...طعنوني وراحوا ..........واخر شي اسبوعين
خالد- والله ان تطق روحهم....السجن عذاب...يوم واحد تقول يارب اموت ...
حاتم- بس ما ارتاح الا اذا اخذت حقي منه الكلب...السافل...
فهد- خلاااص انت الحين خلك ريلاكس..
حاتم اخذ نفس والتفت يمين ويسار وماحصل احد
...........................
ندى.....

اتصلت علبيت مها ....
مرام- الوو
ندى- السلام عليكم
مرام- اهلين وعليكم السلام...
ندى- اخبارتس؟
مرام- تمام...
ندى- وين مها ؟؟
مرام- والله مها تعبانه ونيمه الحين
ندى- سلاماات وش به؟؟
مرام- امس نوموها بالمستشفى ...بس الحين بس ترتاح...
ندى بقلق- نوموها!!!جدك تتكلمين؟؟
مرام- والله....بس طلعت اليوم الظهر مابه الا العافيه...
ندى- ياقلبي عليها....اوك تبين شي طيب؟؟
مرام- سلامتس....
ندى- مع السلامه ...
سكرت وهو منهبله....منومه بالمستشفى ....لهدرجه تعبانه....
-وش فيتس؟؟
كان فيصل وراها يلس جزماته عشان يطلع..
ندى التفتت عليه وقالت- مها منومه امس بالمستشفى ...
فيصل سكت وكمل ربط الجزمات...
ندى استغربت هالبرود طالعها وقال- وش بتس تطالعين فيني كذا..؟؟
ندى- لا تعليق ولا شي...اقولك مها...
فيصل وقف وقال- الله يشفيها...انا وش دخلني...
ندى طالعته وفتحت عيونها لاخر حد ...اول كان يهتم لاي شي فيه مها...من يوم وليله تغير...
ندى- ماقلت شي...بس انت اول ...
سكتت
فيصل- وش فيني اول...
ندى بربكه- ماكنت تحبه؟؟؟
فيصل ابتسم وكانه مستحقر هالكلمه وقال- انا قلت لك اني احبه ؟؟
ندى عصبت وقالت- الحين البنت متعلقــ....
قاطعهاوقال-واناوش دخلني بأمها ياشيخه....قولي لها انا ما احبه...ولا افكر فيها ابد..
طلع بسرعه وقف عن باب الصاله واخذ نفس ورجع وقال- لا لاتقولين لها كذا ...بتجرحينها
ندى- يقال انك تفكر انها بتنجرح او لا هاه؟؟؟
فيصل نزل عيونه وعض على شفته وقال – يا ندى انا مو لها ولا هي لي...يعني حب مبزره الدعوى ...
ندى طالعت فيه بتعجب وقالت- ليش...ااذا هي تحبك وانت تحبه ...اكيد هي لــ...
فيصل بهدوووء وكأنه متضايق من اللي تقوله له – بس ياندى بس....قوليلها فيصل مايحبك...بس لا تجرحينها بالكلام....
ندى عصبت بقوة وقالت- والجالكسي اللي ارسلته لها....هي للحين تحتفظ بقرطاسه ...حتى اللي طاحن منك وانت ماتشوف...للحين عندها ...
فيصل طير عيونه من كلام ندى ....وندى معصبه عليه ليش يسوي فيها كذا ..
ندى- مها حساسه وانت ماصدقت ان فيه بنت اعجبت فيك رحت تخليها تحبك ...
فيصل- مو انا مو انا ....والله انتي....
ندى- وش اللي انا...
فيصل- عطيتك الجالكسي على مزحه وانتي جد عطيتيها...لو انتي تعرفين مصلحتهاماخلتيها تعلق فيني...وانا قد حذرتك وقلت هالحب هاذا ماله نهايه الا نهايهتعيسه ...

ندى سكتت وهي تطالع بفيصل ...تغير بقوة ...
فيصل – اوووفتأخرت....
تركها وطلع وندى مو مصدقه اللي كان يقوله ...
ندى- اووك ...انا اللي بخليها تنساك ...والغبيه اللي تفكر بواحد مثله ...متحجر وماعنده ماعند جدتي ....ليش يامها تحبينه ووع ...عندها طارق وحبتفيصل....قسم ان مها غريبه بقووه
.....................................
كان يمشي بالشارع ومعصــب....شاف حجر صغير قدام رجله ....وقف يفكر وضربها بقوة وطااارت ...
فيصل- انا وش خلاني غبي لهدرجه من اول ...ليش مافكرت زين قبل أي شي اسويه او اقوله ...

كان يمشي بالشارع ومعصــب....شاف حجر صغير قدام رجله ....وقف يفكر وضربها بقوة وطااارت ...
فيصل- انا وش خلاني غبي لهدرجه من اول ...ليش مافكرت زين قبل أي شي اسويه او اقوله ...
.............................
الساعه ثمان ونص ....

كانت مهاجالسه بالصاله وحاسه بان جسمها متكسر وصداع بسيط....
فارس كان يلعب قدامها بلاستيشن ...

كانت تطالع فيه وتقول بقلبها- معقوله يعرف فيصل....اكيد فيصل قد سولف معه ...طيب لو فيصل قد سال عني ...لا لا مستحيل يفكر انه يسال فارس عني ...قامت وجلست جنبه
فارس طالعها ...ورجع يطالع الشاشه وقال- تعبانه؟؟
مها- بس شوي....فارس...تعرف اخوان ندى ؟؟؟
فارس- أي اعرف احمد...دايم يالمسجد على كرسي...
مها- الله يشفيه ...ومن معه طيب..
فارس- اخوه الكبير او اخوه الصغير اللي كان اعمى ...
مها حست بالكلمه وقالت- بس هو الحين مو اعمى
فارس يطالع الشاشه ويكلمها- اقول كااان ماتفهمين ...
مها بضيق- آها
فارس- عيونه حلوه
طالعته وابتسمت وقالت- أي ادري...
-وش دراك؟؟
حست بقشعريره من هالصوت ...ولا التفت وخلت صوتها طبيعي وقالت-ندى تقوله ....
ابتسم وقال- آآهاآآ
التفتت وقالت- وش قصدك تراي ما عمري شفته
حاتم جلس على الكنب وقال- ايه ماشاء الله عليك ...تغضين البصر
طيرت عيونها بس ارتاحت من ابتسامته
طالعها بجد واخفى ابتسماته وقال- بس طارق احسن بكثييير
تغير وجهها وحست بنبض قلبها يزداد ...مو من عادته يتكلم معها كذا ...
مها بربكه- وش اسوي لطارق ....و ...وحتى وش اسوي لفيصل ....كلهم حلوين وحبوبين
حاتم- لا بس طارق احسن...
وقفت بسرعه وقالت- مو ناقصه الكلام اللي ماله معنى ...انا احس براسي مصدع
حاتم ابتسم وقال – روحي ارتاحي...
طالعت بعيونه وهي مو فاهمه وش يقصد من هالابتسامه والكلام اللي قاله ...
تركته وراحت ....اخذ نفس وهو يطالع فيها وقال- لو تفكر زين ...عرفت من تختار...
دق التلفون
رفع السماعه- الو

-السلام عليكم
حاتم- وعليكم السلام
ندى- وين مها؟؟
حاتم بتعجب من اسلوبها- بعيده ...اناديها
ندى- اذا هي تعبانه لا
حاتم – مو بتعبانه ...
نزل السماعه وقال- مهااااااااااا مهاااا التلفووون
رجع ورفع السماعه وحطها عند اذنه وهو ساكت ....
....................
ندى- فايزة فايزة ...حاتم تعالي بسرعه ...
طووب جلست جنبها بسرعه وقالت- والله ...
ندى - قسم...
فايزة سحبت السماعه وحطتها على اذنها وقالت بصوت عالي- بلا نصب....مابوه احد...قولي قسم هو رد عليتس
دفتها ندى وقالت- قصري صوتس...لو كان يسمع قسم فضيحه ...
فايزة بقهر- ابي اسمع صوته ...
ندى- الو ...هلا وغلا .....هلا بهالصوت
فايزة- سلمي لي عليه وتحمدي له بالسلامه
ندى – طيب
................................
كان مبتسم وهو يطالع بالتلفون ويفكر....ومها جالسه جنبه وتكلم
وقف وقال ببتسامة خبث- سلمي لي على فيافي
طالعته مها منصدمه ...
حاتم غمز له وقال- امزح
تركها وراح...يدري انه بتقول لندى ...بس حطها مزحه ....وهو قاصد هالحركه
وهذا هم اللي بعمره مايصدقون انهم ينحبون يروحون يطيحون البنات بحبهم زياده ...
مها- والله بخير....بكرى ماراح اجي
ندى- جد...كنت بقول لك سالفه مهمه ....
مها بسرعه- عن مين ...
ندى- عن هوشه صارت
مها بخيبت امل – اها...ما اقدر....تعالي لي بكره ..
ندى- ان شاء الله ...بحاول...فايزة تسلم عليك
مها – الله يسلمه ...ترى حاتم يسلم عليها
ضحكت ندى وقالت- الله ياخذ بليسك لا تعلقينها فيه...
مها- والله هو قال ...سلمي لي على فيافي....
ندى – قولي قسم...
مها- والله
ندى بصوت عالي- فايزززززة ....حاتم يسلم عليك
سمعت صرخه ثانيه
مها بعدت السماعه عن اذنها وقالت – يالازعاج....ندى ندى
ندى- لبيه
مها- تبين شي؟؟
ندى- سلامتك ياقلبي...سي يا
سكرت
..............
فايزة – احلفي احلفي ...
ندى والله مها تقول انه قال سلمي لي على فيافي
فايزه حطت يدها على صدرها وقالت- ياويلي ....
ندى- تراه حب مبزره لا تستانسين كلها يومين وناسيته
فايزة ابتسمت وقالت- تغيير جو ...
ندى- ادري ان الحب بجهه وانتي بجهه
فايزة- ماعليك تمثيل اني احبه والا انا ما احبه
ندى-هههههههه الله يرجك
...........................
كان ماسك جواله ويتفرج على الصور .....
طفش ورماه على جنب واتسطح على السرير وطالع بالسقف وقال- آآآه ...والله مشتاق لها ....
رجع مسك جواله وفتح على اسمها ؛(الدنيا ومافيها)؛
متردد يتصل سكر عيونه وضغط ....
قربه من اذنه .....

....................
كانت متسطحه على السرير وتلعب بشعرها وطفشااانه ....
هي تعبانه صح ...بس انه طفشت من الكئابه اللي هي فيها....
رن الجوال....التفتت عليه وطالعت فيه ....رفعته وطالعت الرقم ...مألوف بس ماتعرفه ...
مها- دامه مألوف اكيد اعرفها ...
ردت- الو.....
....حس بقلبه بيطلع اخذ نفس وقال- الو
انصدمت ....
....طارق- لحظة لا تقفلين....الحمد لله على السلامه ....
مها.........ماقدرت تنطق
طارق- انشا الله احسن...؟؟
مها بربكه وهمس- الحمد لله ...
...طارق سكت وهو يحس بانفاسه ...يحس بربكتها ...غمض عيونه وهو يسمع انفاسها...
دوووددوودودووو
سكرت......
فتح عيونه وابتسم ....ضحك وقال- يالبى قلبها ...
جلس بسرعه وقال-احبهـ........
وجهه قلب اللوااااااااااان ...
ابتسم عمه وقال- السلام عليكم
طارق بربكه وخوف- ووعليـ كم السلام...هلا هلا ...هلا عم
عمه لاحظ الربكه ...اصلا سمعه وهو يقولها الحمد لله على السلامه ...
قال- تعشيت ...
طارق وجهه اللوان وقلبه ينبض بقوة- لا الحمد لله ماتعشيت ....
ابتسم ابو حاتم وقال- الحمد لله ماتعشيت ...اركد وانا عمك...وش بك تكلم كذا ...كأن احد لاحقك
طارق طاح وجهه بقوة وبيرقعها من هنا والا من هنا بس وش يقول...مخبط بالكلام من دون ..ويمكن يقول شي ..ويجيب العيد

عمه- طيب بنتعشى الحين معك...
.تركه وراح ...
طارق طلع نفس قوي وهو يقول- الله يستر لايكون سمعن ....يارب ما يسمعن ....وش ذا المصيبه
............................
مها تطق اصابعها بربكه ....
مها بخوف- وش يبي هذا .....وربي مو ناقصته ....فتح الباب ....
طالعت بخوف ووقفت وقالت- هلا يبه ...
ابوها- هلابتس...
لاحظها مرتبكه ...ابتسم وقال- امك وينها..
مها- ما ادري..
اصلا ابوها يدري وين امها ولا جاها عشان يسالها ....بس بيتأكد انه طارق او لا...
لما شاف ربكتها عرف انه طارق ....
قال- روحي حطي العشاء ...ترى طارق معنا...يعني حطيه بالمجلس
مها- ان شاء الله
طلع ...
.............................
ندى وفايزة جالسات عند احمد ....
فايزة- يعني وش بتسوين؟؟
ندى – ما ادري....لازم اخذ حقي ..ما يروحن كذا المبزره
فايزه- طيب تعالي عندنا بالفسحه وتهاوشي معهن
احمد- وش سالفتكن ؟؟
ندى- فيه بزارين اليوم بالباص حطن علي صبغه...ودي افرشهن ارضا
احمد – اوماااا..... يابنت اتركيهن ...كبري عقلك...ان سويتي لهن شي
فايزة- لا لاتتركهن ....بزارين ينتقمن منه بهالطريقه
احمد- لا تقاطعين ...ان سويتي لهن شي...راح يرجعن ويسون فيك شي...وتروحين وتسوين لهن شي..ويرجعن ينتقمن ...ومتى بتنتهن ....لا تصغرين عقلك...
ندى تفكر بكلامه ...جد وش بتسوي اصلا...مالقت شي تسويه...وان فكرت بخطه تنتقم منهن...راح يرجعن ويمكن يسون شي اشد وتتفشل اكثر...
فايزة – بس انوه قهر
ندى- بزران...وش علي منهن ...
فايزة- تتخلين عن حقتس
ندى- أي ....موب بزر انا ...احط راسي براس بزارين
فايزة عصبت وقالت- والله ما اخليهن لو سون فيني كذا
احمد- انتي بليس
فايزة- موب على كيفهن يسون كذا فيني واسكت
ندى- اقول فارقي
احمد- قسم انتي ماراح تكبرين
ضحكت ندى وقالت- بزر لا تعطيها وجه
فايزة- البزر اللي ماياخذ حقه
ندى عصبت وقالت- انقلعي بس ...
................................
فيصل كان جالس على الكرسي بالحديقه ...وكان حييييييييل متضايق .....
كان يطلع نفس قوي يحاول ان الضيقه تفارقه ....بس ندى ضايقته ...كلامها كان قوي
غطا وجه بيدينه وقال- يالله ....وش اللي خلان اطيح بهالمصيبه....ليش اتسرع...موب ذنبي ....ذنب ندى ...انا ماعلقته فيني هي تعلقت ....ندى خلته تتعلق
كان يتمنى يرجع بس شوي ....ويعدل اللي سواه ويفكر زين...صح كلام ندى
ماصدق وحده معجبه فيه خلاها تحبه ....بس أي واحد بمكانه بيفكر كذا ...
اخذ نفس عميق وطالع لجهة بيت مها ...وقال- ...لو باليد حيله ما فرطت فيك ...ولا تركتك لطارق ولا ندمت على اني خليتك تحبينن ...بس غصب.....ماباليد حيله ...لو لي قدره والله ماخليت طارق يسوي اللي براسه ...بس ان شاء الله خيره لها ولي
.....................
بعد يومين .......

مها.....
دخلت غرفتها وسكرت الباب بقوة ...وعيونها ملياانه دموع ...حطت يدها على فمها مصدومه جلست على السرير وهي ترتجف ...
قالت –ما ابي ما ابي ...مستحيل اتزوجه ....
نزلت دموعها ....وواتسطحت واخبت راسها بالمخده ......
.........................
ابو حاتم- ترى يابنتي مانتي بلاقيه احسن من ولد عمتس......بس انتي استخيري ..وعطين رايك...
كانت مرام مستانسه ....
مرام – ان شاء الله...
ابو حاتم -وقولي لمها....ترى هو يبيها بس ملكه الى ماتخلص درستها....وطارق مستحيل افرط فيه...
مرام بربكه- بس يبه يمكن هي ...ماتبيه
ابو حاتم- يمكن....بس ان شاءالله تبيه
مرام بسرعه- لا....
سكتت لما شافت نظره ابوها لها ....
مرام تجمع قوتها لازم تنقذ مها- يبه ...هي مـ.. ماتبي طارق....يعني كيف اقولك...يبه مها ماتحبه ..ما ...ماتطيقه ...تكره حتى اسمه ...
طالعها بتعجب وقال- وتكره حتى اسمه؟؟
مرام بسرعه – أي أي ...ما تواطنه
ابوها- وش مسوي لها...هاذي الدنيا ....بعدين تحبه ....الحين بس بيملك عليها...تشوفين ان ما صارت تاقف عند الباب عشان تشوفه
مرام- بس يبه ....
قال وكانه معصب- انتي اسكتي ولا تكلمينها اذا كنتي كذا .....فاهمه
مرام طالعته بخوف وقالت- ان شاء الله ....
قامت وطلعت بسرعه وهي مافكرت انها مخطوبه الحين هي شايله هم مها ....دخلت الغرفه ورحمتها وهي تشوف شكلها كذا ...دافنه راسها بالمخده وتصيح....
جلست جنبها وقالت- والله طارق حبوب....وتأكدي انه بيعيشك فووووق ....بيخليك ملكه ...دامه يحبك كذا
مها بنزه عليها- بالله فكينا ....بتجلسين تمدحينه انقلعي عن ...
مرام- بس يامها والله يحبك...ولو ماحبك مو قايل انتظر سنتين الى ماتخلص دراستها وتدخل الجامعه ...هو خايف انك تروحي من يده ...وده يشوفــ....
مها رفعت راسها وقالت بعصبيه- مرام وقسم اني موب فاضيتن لك .....طارق ما ابيه ...تفهمين ....ما ابيـــــه
مرام عصبت هاذي ماتفهم....صحيح تدري عنها انها تحب فيصل ...بس وش الدلاخه واحد لو فرطت فيه يمكن ماتلقى زيه او احسن منه ...واللي عصب فيها زياده انه من ست سنوات يحبها او اكثر ...وهي ماقدرت مشاعره
مرام وقفت وقالت- أيه ماتحبينه وتحبين واحد مافتح عيونه الا امس...تلقينه مافكر فيك....ولو عرف انك تحبينه قال فرصه العب عليها...او يصير حبه لك خرابيط ومضيعة وقت ....كلها شهر وطفشان ...موب خمس سنين وهو ميت فيك واخر شي لا ...ما احبه ....انتي قلبك من ايش....حجر ...قسم انك غبيه ...واكبر غبيه ....واحد شاريك بكل الدنيا ....ماغمض له جفن وانتي تعبانه .....وبكل سهوله ما ابيه .....طيب جربي بتحبينه اكيد...قدامك سنه كامله وسنه وراها كامله ....اذا ماحبيتيه ...قولي انا ما ابيك....
مها تطالع مرام وحست بكلامها جرحها .....فيصل ما فتح عيونه الا امس ....ولا فكر فيها اكيد ...كل كلام مرام صح بس انه يجرح ...مها بضيق- بس بيوافق يطلقن ....
مرام وحست انها بتصيح من القهر – وش مو مطلقك .....انتي لو تقولين له مت ....انتحر عشان يرضيك...صدقيني يامها ما راح تلقين مثل طارق ابد.
مها بخوف- لالا مستحيل اصير زوجته ...
مرام تحاول تمسك اعصابها- استخيري....والله يكتب اللي فيه الخير ...
...........................
حاتم كان جالس بالملحق مع طارق.....
حاتم جالس على الارض ويتفرج على المباراه .....
وطارق متسطح ويطالع السقف ويفكر....ويقول بقلبه((معقوله عرفت اني خطبتها...بس اسبوع طوووويل علي ...انا وش يصبرن اسبوع كامل او اكثر....يارب توافق....))
قطع تفكيره صوت اذان العشاء ...
طالع حاتم ....حاتم كان متحمس مع المباراه ...
قام وطلع يتوضا ....ورجع ياخذ شماغه وطلع للمسجد.......
دخل المسجد ...شي غريب ....طارق يدخل قبل مايقيم للصلاه ...بالعاده بالركعه الاخيره ...هذا اذا صلى بالمسجد....والا دايم صلاته بالبيت ...
دخل وصلى تحيه المسجد....واخذ قرآن وقعد يقرا ...بخشوع ....حس بطمأنينه .....
سكره لما سمع الاقامه ....وقف بالصف الاول ورى الامام ......دخل حاتم بسرعه قبل ما يبدون الصلاه وقف بالصف الثاني وطالع باللي قدامه مو مصدق ....ابتسم وقال بقلبه- دووم بهالمكان ....الله يثبته .....
...........................
فيصل .......

دخل للبيت .....جلس بالصاله ما يشوف احد...اكيد انهم عند احمد...وقف ورن التلفون ......
مد يده لسماعه ورفعها ....حس انها مها ...
فيصل- الوو
-الو...
سكت الصوت شوي ...وبعدها قالت بربكه- نـ ندى ..اذا ..هي فيه...قله...
سكتت ولا قدرت تكلم ....
ابتسم بضيق على اسلوبه وقال- دقيقه ....
نزل السماعه وراح لغرفه احمد ولقى امه وابوه وسامي....
فيصل- وين ندى ؟؟
امه- نيمه ....
فيصل توهق بيرجع يكلمها ...قال- وفايزة؟
امه- نيمات ...تعبانات مانامن الظهر ويالله صبرن الى ماصلن العشاء...تبي شي
فيصل- لا لا...
طلع ...وقف قدام السماعه ...متردد ..اخذ نفس ورفعها وقال- ندى نيمه ...
سكت ...ولا سمع صوت ...
قال- من اقوله ؟..
مها بربكه- مو لازم ....
سكرت ...وهي تقول بصدمه- من اقوله؟؟؟ لهدرجه ماعرفن ..كم مره رد علي ...
تذكرت كلام مرام((مافكر فيك))
قالت بضيق والصيحه وصلت- مو معقوووله ...لهدرجه مافكر فيني وندى قد قالت له ...توقعته يحبن
راحت لغرفتها قبل يشوف احد دموعها ..
دخلت وجلست بالارض ...واسندت ظهرها على السرير وقالت-.. ياليت فيصل بدال طارق ...
شهقت شهقه خفيفه نزلت دموعها وقالت- مو مهتم لي ولا حتى عرفن ....حتى انا ماني مهتمه له ...لهدرجه ما اسوى شي...
مسحت دموعها وقالت- كل كلام ندى كذب ...هو حتى ناسي صوتي ...
شهقت بقوة من القهر ...كيف كانت تحسه مهتم فيها واخر شي من اقوله
.....................
فيصل تضايق حييييل ....ليش تضايق ما يدري يعني لانه سمع صوتها ....هو للحين ما يدري يحبها والا لا ...بس انوه يدري انه مهتم لها....
فيصل- يارب انساه ...يارب لتخلين كل مافكرت فيها اتضايق....وش هالحاله ....لو تنسان احسن له ....
...............
مرام .....

بعد ما ستخارت ...وفكرت ....مرتاحه لسالم ....وبتقول لابوها اذا سالها انه موافقه
دخلت امها وجلست على السرير جنبها وقالت- استخرتي يابنتي؟؟
مرام ابتسمت وقالت- أي ...مرتاحه له ...
امها- الله يوفقك يابنتي.....سالم مافيه مثله ....بس اللي مخوفن مها...
مرام بضيق- لا ماعليك...
امه- لو رفضته والله ما يتهنى الولد بعيشته .... كلمتن امه وعلتني عن سالفه صارت له ...صار ماياكل شي ولا يشوفهم ولا يكلمهم ...ويوم سالته ...قال اني ابي مها ...والله بيضيق خاطر الولد...
مرام تضايقت بقوووة وقالت- انا قلت لها انه ماراح تلقى مثله ...وطارق حبيب ...
طق الباب ودخل حاتم وقال- وش عندكم ؟؟
امه تعال ياولدي ...انت بتقنع مها ...
حاتم على راسه علامات تعجب...
قرب وجلس على الارض قدام امه وقال- امري يمه ...
امه- عمك خطب خواتك لعياله

ابتسم طارق وقال- حتى مرام ....متوقع بس مها لطارق
مرام عصبت وقالت- وانا وش ناقصني ....ياخي يانت سامج
امه وانت تدري ان طارق عاشق اختك...
حاتم سوى نفسه يستحي وقال- يمه عيب تكلمينن بهالطريقه
امه عصبت وقالت- تراي ماني بفاضيه لرواقتك....قلي انت تدري؟؟
حاتم- أي ادري....من زمان ادري ....ومتوقع يوم عمي يجون انهم يبون مها ...
امه – ياخي الولد هيمان فيها...ان رفضته وش بيصير له
حاتم- وانا اقووول وش مضيق خاطره وبس ماسك الخط السريع بالتفكير ...اثروه عشان مها ....ياختي الحب لاعب فيه
مرام رحمت طارق بقوة ...اجتمعت دموعها وقالت- احسوه فلم هندي ياخي ...مها دلخ ...لو انا منه كان ما افكــ...
شافت نظرت امه لها وقالت- ما افكر افرط بواحد مثله وبرضى بولد عمي صح يمه
امها- لا يكثر
مرام- ببتل بزر .....خلاص انا مخطوبه
حاتم وامه يطالعون بعض بتعجب ...كانها ماصدقت ...
امها- مو عيب عليك تقولين كذا
حاتم- متشفقه العرس العانس
مرام- هييييه عمري 22 سنه موب متشفقه ...بعدين ملكه بس الى ما اخلص دراستي ...
امها- خلاص
مرام بسرعه- اذا كان هو يبي كذا ..
ضحك حاتم وقال- ابد ما تشفقتيه...
ضحكت امه وقالت- ميخالف مافيها شي ....
قامت بتعب وقالت- اخوكم هذا متعبني ...
مرام- فيصل....؟
التفت حاتم لها وقال- ومن قال ان اسمه فيصل
مرام ببرائه- مها
تغيرت ملامح وجهه وقال- بالله ...
مرام تذكرت انه مو معجبه وكان واضح على ملامح وجهه انه موب معجبه
حاتم- بروح لمها ...
طلع .....واتجه لغرفتها وطق الباب ...وقال- مهاوي ....افتحي لي
وقف شوي ...وفتحت له وقالت- هلا ...
دخل وقال- ياخيه تعبان ..طاح على سريرها ....وقال- الاخبار....
مها جلست جنبه وقالت- ماشي الحال ..
حاتم- حلو ...اخبار ندى
مها بربكه عرفت انه يبي يجيب فيصل- ماعليها ...وش فيك ياخي مانت على بعضك هالايام...
حاتم بخبث- انا والا انتي .....تدرين مهاوي ....طارق احس صار فيه دين ...اليوم اول ما اذن راح للمسجد...ويوم اقام طلعت للمسجد ولقيته بالصفالاول ....ياختي محيرن ..وش غيره ؟؟
نزلت عيونها.....
حاتم لما شافها كذا قال فرصه اقنعها ...
جلس وثار جنبها ...وحط يده على كتفها وقال- مها ....ماعمرنا كتمنا على بعض شي
طالعت فيه بربكه ...
حاتم- ولا كنتي ترتبكين وانتي تكلمينن ....كنتي كل شي على بلاطه .....وعارفانك حبيتي فيصل ....بس مو حرام عليك تظلمين طارق....متى جينا هنا عشانتحبين فيصل...طارق من اربع سنوات او اكثر وهو يحبك..
نزلت دموعها ونزلت عيونها للارض
حاتم- بفهم ليش ماتحبينه ؟؟
مها وهي تمسح دموعها- ما ادري ..الله ماعطان حب لو شوي له ...اكرهه ما ادري ليش
حاتم- للحين
مها سكتت شوي وهي تفكر ..وقالت – الحين احسه عادي...
حاتم- عشانك صار يصلي الوقت بالوقت ...انتي تقدرين تخلينه يهتدي ...بعد الله ان شاء الله
مها طالعت فيه مو مصدقه ...
حاتم- والله ابي مصلحته ..تدرين يوم تتعبين ...قطع اشارات وصراحه خفت يصدمفينا ...من شافك ارتبش ما يدري وش يسوي ....شفت دموعه يامها ...حرام عليك ...والله ما يصلح تسوين فيه كذا ...
سكتوا ولا علقوا ...لكن مها دموعها ماتاقف ..ما تدري ليش تصيح ...عشانهااكتشفت ان فيصل مو مهتم لها والا ان طارق يحبها ...والا لانها بتحدد حياتهامن الحين ...
حاتم مسك يدها وقال بضيق- تزوجي اللي يحبك ولا تفكرين باللي تحبين ...
طالعت فيه وقال- انا اخوك واعلم بمصلحتك....كلهم يبون طارق لانه الاحسن لك ان شاء الله
مها اخذت نفس ومسحت دموعها وقالت- بستخير ....والله يكتب اللي فيه الخير ....
حاتم مسح على راسها وقال- امين ....ويوفقك ....
ابتسم بيلطف الجو- والله وكبرنا يامها ...تتزوجين قبلي يعني
ابتسمت وقالت- وانت الله يرزقك باللي تحبك
تذكر فايزة وقال- مهاوي فايزة تحبن؟؟
طالعته بصدمه وانفجرت ضحك وقالت- لا ياشيخ ....
حاتم تحطم وقال- والله
مها- لا تفكر بفايزة ....كل اللي بعمرها يشوفن ولد يتخيلن انوه فارس احلامها ...
ضحك حاتم وقال- توقعته تحبن
مها- لا ماتحبك....
حاتم – وانا متى القى ملاك احلامي؟؟
مها- الله يرزقنا وياك ...
حاتم- ملاك احلامي والا فارسة احلامي
مها – ملاك...لان الفارسه ماتضبط على البنت هع هع
مسكها مع خدودها وقال- ياحلوك وانتي تضحكين ...ما الوم طارق فيك ....
صار وجهها احمررر بقوة ...
حاتم- وتستحي بعد من الحين ....استخيري ياقلبي والله يكتب اللي فيه الخير....شوفي اللي يقوله عقلك
مو تسمعين قلبك .....
باسها على راسها وقال- الله يوفقك ....
قام وطلع ومخليها حيرانه بقوه ..الحين صدق حيره ....

صار وجهها احمررر بقوة ...
حاتم- وتستحي بعد من الحين ....استخيري ياقلبي والله يكتب اللي فيه الخير....شوفي اللي يقوله عقلك
مو تسمعين قلبك .....
باسها على راسها وقال- الله يوفقك ....
قام وطلع ومخليها حيرانه بقوه ..الحين صدق حيره ....
............................................
الفجر الساعه 4 ونص ....صحت ...ونزلت للمطبخ تصلح لها فطور ....
فتحت الانوار واتجهت للمويا وحطته بالحمايه ...وسحبت من كرتون الكابتشينو علبه ...
جلست على الكرسي وهي تاخذ نفس...وطالعت للباب بتعجب...
دخل وسحب كرسي وجلس قدامها وقال- عجزت انام....
ندى- تبي كابتشينو؟
فيصل- لا لا انا ابي انام...
ندى تطالع فيه واضح انه تغيير...موب فيصل اللي تعرفه ...صار كئيب ودايم يفكر...
ندى- فيصل ...
فيصل- لبيه
ندى- وش فيك...
فيصل ابتسم وقال- مافيني الا العافيه ....
ندى- طيب انت متغير ....تعبان....
فيصل- ابدا...مانيب تعبان....
سكتوا....خلص المويا وصار حار....وقفت وطلعت كاس وفتحت العلبه وحطته بالكاس...
كان يفكر وهو يراقب تحركاتها....
قال بضيق- اخبار مها...
نزلت الملعقه بعد ما خلطت الكابتشينو ...ولا التفتت له ...ذاقته ....وقالت- يبي له سكر..
تضايق اكثر من حركتها ...هو مهتم بس ماراح احد يفهمه ....حتى ندى مافهمته يعني من بيفهمه ...
فيصل- ندى ...
ندى قاطعته وقالت- ياخي مسوي انك مهتم ....لا تلعب ...مره تستحقرها ومره تحبها....اصلا ندمت اني قلت هذافيصل لانك انت ماتستاهلها...
فيصل نزل عيونه وقال- وش تبيني اسوي ...
ندى- لا تسوي شي خلاص ....خلك كذا ....اصلا اذا هي حبتك وزي ماقلت انوه انا السبب ...انا بخليها تنساك...وان شاء الله تاخذ ولد عمها اللي مو يحبها الا مجنون فيها
طالعها بسرعه وقال- خطبها؟؟
طالعت عيونه ...واضح الاهتمام والقلق على وجهه
ندى- ما ادري ...بس راحت والا جت هي له ...
وقف وقال- طيب اخبارها ...
ندى- مافيها الا العافيه ...
فيصل- الله يوفقها ....
طلع من المطبخ
ندى مسكت راسها وقالت- هالولد غااامض ....وش يبي هذا ...مره مايحبها ومره ....اوووف بس...
.........................
الصبح ......
طلعت ندى للباص .....وركبت ...غصب عنه طالع المرايه ...نزل عيونه ورجع يطالع وشافها جلست .....
ركبت فايزة وهي تطالع فيه مستغربه كان يطالع ندى ...
جلست بالكرسي اللي ورى ندى ومها ...
فايزة- ندى ....
ندى التفتت لها وقالت- هاه....
فايزة قربي ....
طلعت راسها من بين الكراسي والتفتت على ورى ...
فايزة-السايق يطالع البنات
ندى – لا ماشاء الله عليه مستحيل...
فايزة- الا والله يطالع .....
ندى- طالعك...؟؟
فايزة- لا ...بس كان يطالعك....
ندى- ان طالع فالله يهديه .....الفتت لجهته....كانت عيونه على المرايه يطالع فيها...
عدلت جلستهاوقالت- وش فيك؟؟
مها الفتت بضيق وقالت- مافيني شي...
ندى- افااا والله ضايق صدرك بقوة
مها- ابد مافيني شي ...بس مانمت زين ...
ندى – وش مسهرك....
مها طالعت برى من الشباك وماردت عليها ...ندى سكتت واضح ان مها متضايقه ...
كان الباص ازعاج على هالصبح ومها موب طايقه عمرها ولاهي طايقه الازعاج
..................................
حاتم دخل المدرسه معه فهد....
فهد- ورى ماجاءخالد معنا
حاتم- ما ادري بس بيجي...
فهد – منصوروينه ماله شوفه
حاتم التفت له وقال – تتوقع راح له
فهد- ما ادري....
مر من جنبهم خالد معصب
حاتم- خالد....
التفت وقال- هاه...
حاتم وفهد على وجيههم علامة تعجب
خالد اخذ نفس وقال- ما جاء الكلب ....انا ان ماكسرت راسه ماراح ارتاح....
فهد- خبل انت تحط راسك براس هالمجرم ...
خالد- ايه احط راسي براسه ....ومن هو عشان اخاف منه ...
حاتم ساكت يطالع بخالد...
خالد طالع حاتم وقال- انت معي ياحاتم صح...باخذ حقي...
ابتسم ...وحط يده على كتفه وقال- قدام....وش ورانا....
خالد استانس وقال- يابعدهم انت ...
فهد مشى وراهم وقال- بلا هبال انت وياه...
خالد- فارق...انا ما اترك حقي...
فهد- الله يهديكم....
حاتم- خالد...ابي معه عبد الرحمن وعلي....

فهد حط يده على راسه وقال- شاربين شي على هالصبح ...
سفهوه ...
خالد- ان شاء الله ...اصلا دايم هالاشكال تشوفهم عند الحديقه ...
حاتم- حديقة حينا ؟؟
خالد- لا.....حديقة المستشفى....
حاتم- ان شاء الله.....
...............................
بعد اسبوع .................

مها تحرك الخاتم اللي باصبعها بربكه وتقول – ما ادري اوافق او لا....محتاره ...
ندى مصدومه من أللي تسمعه ...
مها طالعتها وشافت نظراتها ...بعدت عيونها عن ندى وطالعت البنات اللي يتمشن
ندى ابتسمت بضيق وقالت- مبروك....
مها- الله يبارك بعمرك...
ندى- وتفكرين للحين؟؟
مها- محتاره...
ندى- ا تضيعينه من يدك....من كلامك بس واضح انه يعشقك موب يحبك وبس...
مها- أي أي ادري انه يموت فيني بس ...
ندى- ودامك تدرين لا تفكرين....
مها كانت ودها تكلم وتقول وفيصل ....انا ابيه ما ابي طارق...
ندى فهمت انها تبي تتكلم
ندى- وش فيك....
مها بربكه – اخبار...فيصل...
ندى- يزقح....مها....ترى فيصل....ما يحبك....لا تربطين مستقبلك فيه...
كان احد صب فوقها مويا باااارد.....
كانت تطالع فيها وهي موب مستوعبه ...
ندى- هو قال لي انه مستحيل يتزوجك...
مها اخذت نفس وقالت- الله يوفقه....ويرزقه...بنت تسعده ...
ندى ابتسمت بتغير اجو- امين ...وانتي لا اسمعك رافضه طارق....
مها- بقول لابوي اليوم...
ندى ضربته مع جبينها بخفيف وقالت- والله وكبرنا....
ابتسمت ابتسامه خفيفه وقالت- عقبالك...
...................
بالمحاضره كان ماسك خط بالتفكير ...
مها تفكر فيني والا لا ...مها بتوافق....ليش تأخروا .....كل هذا ماتبيني....انا ولد عمها ومايحتاج تفكير...تعرفن زين ....لو انا...لو انا غريب يمكن تاخذ كل هالوقت ....اسبوع واكثر بعد...
اخذ نفس وطلعه بضيق.....اذن الظهر ....خلاص بقى دقيقه وتنتهي المحاضرة ....
الدكتور- اتفضلوا...
وقفوا الطلاب وطلعوا ...
طلع يمشي ....وهو موب على بعضه ...اتجه للمسجد...
جاء واحد اسمه ياسر ...الولد هذا ملتزم عرف طارق لانه دايم يشوفه يدخل اذا اذن .....
ياسر- اخبارك؟؟
طارق- بخير...
ياسر- بشر ...مارد عمك لك الخبر....
طارق بضيق- لا...
ياسر- الله يجعل فيها الخير ....وتوافق عليك...
طارق- امين ...
ياسر- لا تضيق خاطرك انت...مشينا نصلي ونقرا قرآن وان شاء الله انه توافق...
طارق ابتسم ابتسامه صفرا وقال- طيب...
ياسر مرررره حبوووب حتى طارق ارتاح له على طول وله بس معه اسبوعين...وقاله كل شي...
......................................
فيصل كانه مصفوق كف .....طالع بندى وعجزت تطلع الكلمه منه ...
ندى رحمته.....بس هو اللي يبي كذا ....وهو اللي بدا....
فيصل يجمع كل طاقته عشان يقول _ الله...يوفقهــ م......
ندى- امين.....
عطته ظهرها....
قال بسرعه- هي ....للحين ..تحبن؟؟
ندى التفتت عليه وقالت- ولله الحمد لا....نستك....ماعادت تحبك...
نزل عيونه وقال- الحمد لله...
ندى طلعت على طول......
وقف وهو مايدري ليش تضايق وتنرفز ....قال – انا ما احبها ...ادعي لها بالخير وبس..
طق طق اصااابع يديه بقوة وقال-سوى اللي يبيه طارق....ما باليد حيله....والله لو بيدي ما خليتها...
رمى نفسع على السرير وهو ماسك راسه سكر عيونه وهو يحاول ما يفكر فيها...
رجع يتذكر كل موقف كانت فيه ....

كان يسمع صوتها وهي عند البقاله وتقول- اغراضك....

يوم كان يقول لندى جيبي لي هديه وقالت فايزة – ترى فيه بنت .....

يوم يشوفها عند غرفته للحين مانسى شكلها ولا نسى اللي لابسته على انها لمحه لكن الصورة ثبتت ...

يوم يمشي وراهن وطارق طلع وقال- وصلت ...جزاكم الله خير...وهي قالت- خلاص ندى جزاكم الله خير وراحت

تذكر لما كانت بتنخطف ...كانت طايحه على الارض قدامه ويسمع صوت شهقاتها ...وكان خايف عليها بجد ..

تذكر لما فتح الباب بسرعه وكانت مررره قريبه منه ....كانت اول مره تصير له ...بنت قريبه منه كل هالقرب غير خواته

تضايق بقوووة لما تذكر كلام طارق ((طارق- والله ما تاخذها...والله ...))
كانت هالكلمه ذي لما ضربه طارق لانه قال انا لو بغيتها اخذتها اللحين ......

اخذ نفس وقال- الله ماكتبها لي....الله يوفقك يامها ....والله اني حبيتك بس ما بيدي شي ابد...
خبى راسه تحت المخده يحاول انه ما يفكر بشي ...بس موب راضيه تروح عن باله ...يتذكر كل شي هي فيه ...

...........................

ابو حاتم بابتسامه على ربكه مها ...هي صغيره صح ...لكن يدري ان طارق يعشقها عشان كذا وافق انه تتملك عليه بس ...لو هو غير طارق ...لا مستحيل يفكر انها تنخطب وا تتزوج قبل ما تطلع من الثانوي ...هاذي دلوعته ...ابوها – هاه ؟؟
مها امتلت عيونها دموع وهي تطالع الارض وقالت بربكه- أنــا ...أنا...يبه....أنا....
مسكها مع وجهها وخلاها ترفع عيونها له ...
قربها منه وقال- ادري انك صغيره يامها....بس صدقيني يامها لو بتلفين الارض كلها ...ماتلقين مثل طارق...طارق شاريك بروحه ...شاريك بقلبه وبكل شي فيه ...اكثر من خمس سنين يحبك واخر شي بتقولين لا...انا اعرف ان مصلحتك معه ان شاء الله ....
نزلت دموعهها وسكرت عيونها وقالت وكان الكلمه ماتبي تطلع- موافــقه....
شهقت وضمت ابوها وهي تصيح....رحمها ....كان يظن انها تصيح لانها صغيره ...بس موب بهذا اللي يخلي مها تصيح ....ولا لانها وافقت على طارق يخليها تصيح .....وينزل دموعها...
لان فيصل ما يحبها ....كانت كاتمه كل دموعها من سمعت كلمة ندى ((فيصل مايحبك)) ولا تبي تصيح...جت الفرصه اللي تنزل دموعها عشانه .......
ابوها باس راسها وقال- لا تصيحين ...خلاص انتي كبيره ...

حاولت تمسك نفسها ...لكن مافيه فايده ..
......................................
طارق حس الدنياا موب قده .....عجز يستوعب كلام عمه ...يحاول يتكلم يحاول ينطق ....ما قدر يقول شي ..
ضم عمه وقال بتلعثم – الله ..الله يخليك لي...الله لا يحرمني منك ...
مسك يده يبوسها ...عمه منصدم من شكله ...لهالدرجه ..يبيها...
طارق سكر عيونه خايف دموعه تطلع ....حط يده على وجهه وهو يحاول يضبط نفسه قدام عمه ....
بعد يديه وقال – بروح اتصل بابوي ...
طلع من المجلس ....وقف عند باب الحوش واخذ نفس وحس ان العبره خانقته .....دموعه بتطلع ......نزلت دموعه وقال- الحمد لله لك يارب ....يارب توفقني ...وتعينن على اسعادها ....
مسح دموعه وطلع الجوال ..بيقول لابوه ....
طارق دخل الملحق وهو ماسك الجوال ينتظر ابوه يرد...
طارق- الو يبه...
ابوه- هلا ...
طارق- يبه وافقت مها ..
ابوه فرح عشانه ....- الف مبروووك ياولدي ....
طارق- الله يبارك فيك...امي قريبه منك؟؟
ابوه- لا ...
طارق باتصل عليها..
ابوه- طيب اخوكــ....
سكر .......
ضحك عليه ابوه ....مو حاس بنفسه ...
.......
امه- الله يوفقك ياولدي ويسعدك ويكتب اللي فيه الخير ...
طارق- يمه انا مو مصدق ...والله مو مصدق...
امه- بسم الله عليك ...لا خلاص بتملك عليها....
طارق – بكره...
امه- شوف ابوك ...
طارق- تكفين يمه...
امه- قل لابوك....
طارق- لا تضيقون خاطري بكره...
سحب سالم السماعه من امه وقال- انت الحين يوم تقول انها وافقت ..ترى مو بس انت اللي على نار...
طارق- والله ناسي...
سالم- مبرووك ...عسى الله يهنيك ...وتسعدك ...
طارق- امين ....واسعدها ...
سالم- ان شاء الله .....بالله ما تدري عن ؟؟
طارق- الا الا...مبروك ...وافقوا....
سالم – ياخي كل تبن ...تو ماتقول لي.....الله يبارك فيك...
طارق ضحك وقال- والله مانيب مستوعب اللي قاله عمي ....
سالم- بالتوفيق.....يمه ...ترى حتى انا خلاص وافقوا ...
سكر طارق وهو يسمع امه مستانسه ....
طارق –آآآآآآآآآآآه بس ...يالبى قلبها....الحمد لله ....
..................................
حاتم ضم مها وقال- يابعد عمري بتزوجين قبلي اجل...
مها ابتسمت بضيق وقالت- الله يوفقك...تدري ما ابـــ....
حاتم- لا لا ما انتي بلاقيه احسن منه ....
دخل ابوهم وجلس عندهم ...
امه- هاه اخبار طارق ..
ابو حاتم- ماهو على الارض من الوناسه ...
ضحكوا...
ابو حاتم- الله يوفقهم...
مها نزلت عيونها ....
ابو حاتم- طيب ...يقولون نبي نملك...
رفعت مها عيونها بسرعه ...
امه- بهالسرعه؟؟
ابو حاتم- ايه ...
امه- بس مايمديهن يتجهزن ...
ابو حاتم- مو لازم ..مانب نسوي حفلة ملكه الا لنا ولهم بس...
حاتم- وش اللي معجلهم ...
ابو حاتم- طارق....
حاتم-آآهاا ...
ابو حاتم – ابوه طلبني وهو طلبني وماني بقايل شي....بكره يروحن للسوق ...وبس يمديهن...
مها بربكه- يعني ..بعد بكره ؟؟
ابو حاتم- الملكه بعد بكره ....
مها نزلت عيونها ووقفت وتركتهم ...تدري ان طارق يبيها بسرعه عشان يشوفها دايم
..........
طارق كان توه راجع من السوق اشترى اغراض واشترى ثوب وغتره جديده ...لازم يكشخ ..
كان مبتسم وهو بقمة ونــــــــــاسته
طارق ضرب الباب بقبضته وهو يقول- يس يس الحمد لله يارب ...بتصير لي ...

اخذ نفس وطلع جواله ....
اتصل على ابوه
ابوه- هلا....
طارق- هلا بك...هاه يبه رد لك متى الملكه
ابوه- بعد بكره
طارق بفرحه- الحمد لله الله يخليك لي يبه .......
ابوه- ويخليك ....يالله مع السلامه ....
.................
بالمدرسه
مها – انتي تفهمين ان الملكه بكره ؟؟؟
ندى- اكيد يبيها بكره ....يبي على طول يكلمك...
مها- موب على كيف امه يكلمن ...
ندى- بس انتي زوجته بتصيرين...
نزلت عيونها وقالت- والله مو مرتاحه
ندى- بالعكس احس اني ارتحت لطارق مره ...لو انا مكانك وفيه احد يحبن لهدرجه مستحيل اتردد
مها بنفسها- كلكم تقولون كذا ....بس انا ماحبيته ...انا اللي احبه غير ...لو هو ماحبن انا احبه
ندى حطت يدها على كتف مها وقالت- توكلي على الله .....الله يكتب اللي فيه الخير...
مها بضيق- آمين....اخبار اهلك...؟
ندى فهمت انها اخبار فيصل- الحمد لله ....
مها ماوصلت للي تبيه تبي تعرف اخباره ...درى انها نخطبت او لا ....
مها- قلتي لهم ....؟
ندى- نوووو ...
مها- اها ...طيب تبينا ندخل للفصل ؟؟
ندى- يالله .....
وقفت مها وهي ضاااايق صدرها بقوة ...
..............................
كان جالس بالحديقه ....الساعه 8 ونص الصبح....الجو مره حلوو ....ولا يصير احد بالحديقه الا عامل يشغل رشاشات المويا ...وكان المويا منظره فضيع مع الاخضر ..... وكان حاط حنكه على يديه ومسندهن على فخوذه وجالس على الكرسي

اخذ نفس وطلعه بضيق
وقال بنفسه- ليش حظي كذا ...اللهم لا اعتراض ...لكن انا جد ماتوقعت اني راح احبه كذا ...اوووف ...
-فيصل .....؟؟!
التفت وقال بتعجب- خالد....وش تسوي ؟؟
خالد التفت يمين ويسار وقال- شفت واحد طويل ...بال26 ؟؟
فيصل- لا ....ورى مارحت للمدرسه ....
خالد بعصبيه- ياخي انتظر هالسافل ....
حاتم جاء يركض .....وهو يقول- لقيتهم .....بسرعه خالد...
فيصل – حتى حاتم.....
حاتم- هلا فيصل.....

كان جالس بالحديقه ....الساعه 8 ونص الصبح....الجو مره حلوو ....ولا يصير احد بالحديقه الا عامل يشغل رشاشات المويا ...وكان المويا منظره فضيع مع الاخضر ..... وكان حاط حنكه على يديه ومسندهن على فخوذه وجالس على الكرسي
اخذ نفس وطلعه بضيق
وقال بنفسه- ليش حظي كذا ...اللهم لا اعتراض ...لكن انا جد ماتوقعت اني راح احبه كذا ...اوووف ...
-فيصل .....؟؟!
التفت وقال بتعجب- خالد....وش تسوي ؟؟
خالد التفت يمين ويسار وقال- شفت واحد طويل ...بال26 ؟؟
فيصل- لا ....ورى مارحت للمدرسه ....
خالد بعصبيه- ياخي انتظر هالسافل ....
حاتم جاء يركض .....وهو يقول- لقيتهم .....بسرعه خالد...
فيصل – حتى حاتم.....
حاتم- هلا فيصل.....اخبارك .؟؟
فيصل – تمام....هاربين؟؟
حاتم- نوعا ماا
طلع جواله ......
....................
بالمحاضرة ......
كان سااااااهي وعلى وجهه ابتسامه .....متعمق بالتفكير....
دق جواله ....فزع التفت الدكتور وقال- ازي تفتح الموبايل في المحاضره ....يابني سلاينت او اخرج برى
طارق- اسف ....
رد- هلا حاتم....
حاتم- طارق عندك محاضره؟؟
طارق سكت شوي وهو يفكر ....وقال- وش تبي؟؟
حاتم- عندك محاضره...
طارق- انت امر تبي شي؟؟.....عبد الرحمن وعلي...
حاتم- أيه ....
طارق- وينك؟؟
حاتم- بحديقة الحي ....
طارق- انا جايك ......
سكر ....
الدكتور كان يطالعه وهو معصب....
طارق ابتسم وقال- اخرج؟؟؟
الدكتور- اكيــــد....
وقف طارق ..واخذ دفتره وجواله وطلع ....
..............................................
فيصل يطالع فيهم وقال- وش عندكم....
حاتم- مافيه شي...بس شباب متمشكلين معهم .....
خالد- بيجي طارق؟؟
حاتم- ايه...
فيصل بنفسه- رايق انا له....اووف .....
- افااا مو صغار على الهجه من المدرسه ؟؟
التفت خالد وقال بعصبيه- لا يالكبير ....
حاتم يطالع اللي ورى منصور كانوا يطالعونه ....
حاتم ضغط على شفته وقال – وراكم وراه متخبين...كل هذا خوف ...
عبد الرحمن- اقول ورى ما تلايط....
حاتم- موب انت اللي تسكتن....
قربوا منهم ...
فيصل يطالع ...ماله بالمشاكل...هم ثلاثه على حاتم وخالد ...
منصور يطالع خالد بابتسامة خبث وقال- مسوي فيها انك بتاخذ حقك ...ياخي اصلا متى اخذت حقك انت ...ترى مانت بقدي عشان تجي تواجهني .....
لكمه خالد على خده بقوة .....
خالد بعصبيه- اكبر منك ...
منصور دفه ...وضربه مع بطنه ....
حاتم دف منصور عن خالد ...عبد الرحمن مسك حاتم من ورى وهو يقول- انت ما كفاك اللي جاك....
ضربه حاتم مع بطنه بزاويه يده تركه عبد الرحمن ورجع على ورى ....
علي دف حاتم على عبد الرحمن ....قام فيصل مو متحمل يشوفهم كذا ...
ومسك علي وبعده بقوة عن حاتم ....
علي يطالع فيصل وقرب منه وهو يطالع بعيونه ....وقرب منه بقوة ....
علي ابتسم بخبث وقال- يالبى هالعيون....
ضربه فيصل وقال – يالبى من مسح فيك الارض....
دفه بقوة وطيحه على الارض ...
وقفت سيارة طارق ونزل ....
كان منصور ماسك خالد على الارض ويضربه ..
وفيصل وحاتم كل واحد يتضارب مع واحد واصواتهم عاليه ....
حاتم التفت لخالد....وركض وسحب منصور بقوة على ورى وقال- ياحيوان بتذبحه ....
منصور وقف يطالع فيهم وقال وهو يبعد الدم اللي ينزف من فمه ...
طارق جلس عند خالد وقال- خالد انت بخير ؟؟؟
خالد جمع كل قوته وجلس وقال – انا موب بخير دام هالواطي ما انكسر راسه....
طاح حاتم عليهم من ضربه عبد الرحمن له ...
وقف طارق ....وضرب عبد الرحمن بقوة خلته يتحرك من مكانه ....
قرب منصور من خالد وحط رجله على بطنه ........
حاتم كان معطي منصور وخالد ظهره ...ويتضارب مع عبد الرحمن ...وطارق مع حاتم على عبد الرحمن
صرخ خالد بقوة ..التفت حاتم ....وطارق وقف فيصل وعلي على حركتهم وهم يطالعون ...
حاتم بدون شعور ...كل قوته طلعها بلكمه بوجه منصور....خلى انفه وفمه ينزفن ...
منصور عصب وقال- الله يلعنك ويلعن امك واختك وابو......
كانه سهم باذن فيصل....خلاه بكل قوته يكمل لكمة حاتم واقوى منها بوجهه ....
فيصل- لا تلعن ياحيوان ....
حاتم وطارق كانوا مصدومين ...وخالد كان ميت الم من منصور لانه وطاه برجله ....
عبد الرحمن ومنصور مافيهم حيل اقوى من كذا ...
طارق يطالع بفيصل فهم ليش ضربه
مسكه منصور وفيصل مو مصدق اللي سواه من وين جته

هالقوة ...يده انكسرت من قوها
وضربه بلكمه مع وجهه ..وثانيه وثالثه ....وهو مستسلم ...
حاتم يطالع موب بمصدق...
طارق حاول يفكه من منصور لكن منصور ماسكه بقوة ....ويطلع حرته كلها فيه ...رماه على الارض ....وجلس عنده ومسكه مع شعره ...
طارق سحب منصور بقوة بس ما قدر له..
مسك شعر فيصل ...ورفع راسه وبكل قوته على الارض....
طارق انصدم من الدم اللي ينزف ...فيصل سكر عيونه واعلن استسلامه ...
ورفع راسه مره ثانيه وضربه بالارض ...بس كانت اخف ...لان حاتم مسك يده ....وسدحه هو وطارق على الارض...
حاتم رجع لفيصل وقال – فيصل ....فيصل....كان الدم تحته كثير ...نزف ...والمشكله كل هالم من راسه ...
طارق ضرب منصور بكل قوته برجله ...
وقرب من فيصل وقال- ماراح يتحمل شله ع السياره ....

خالد وقف بصعوبه ...وقرب من منصور اللي كان طايح على الارض ...وتفل بوجهه وقال- اخذت حقي وزياده .
عبد الرحمن وعلي هربوا على طول ...
طارق – ساعدن عليه....
رفعه من عند كتفه...وحاتم رفعه من عند رجوله ....
ركبوه السياره ....وجلس خالد جنبه ...وحطوا راس فيصل بحجر خالد...
ركبوا ...
حاتم- بسرعه بسرعه ...
......................................
مها حست بضيقه ماعمرها حست فيها .....اجتمعت الدموع بعيونها ووقفت
وقالت- استاذه بروح لدورة المياه....
الاستاذه- روحي....
طلعت بسرعه وهي تمشي متجه ما قدرت تمسك دموعها ..نزلت وهي تمسحهن ....الواحد اذا تضايق قوه لازم يصيح ....عشان تروح هالضيقه....البكىء بعض الاحيان مره مريح ...
دخلت لدورة المياه وشهقت بقوة وطلعت كل اللي كاتمته ...
مها تححاول توقف دموعها بس ما تقدر....
ماعاد فيها حيل تجلس لاخر الدوم تحس انه مخنوووقه ....فيه شي يضغط على صدرها
نزلت للمرشده ...عشان تقولها تبي تطلع ....

........................
طارق وحاتم وخالد طلعوا من المستشفى وهم مايتكلمون .....
حاتم اخذ نفس وقال- الله يشفيه ...
خالد- ماله دخل بالسالفه كلها.....الله يعينه....
طارق كمل طريقه وركب السياره وسكر الباب بقوة ....
حاتم استغرب ...ركب ورى وخالد قدام....
..........................
عند المرشده......بعد نص ساعه ....
المرشده- مها ...اخوك عند الباب اطلعي ...
وقفت وشالت شنطتها وطلعت ...لبست عبايتها وطلعت.....وقفت لحظة وهي تشوف طارق واقف ومسند ظهره على السياره ...طالعها وهو واضح على وجهه القلق .......حست ان الدنيا تدور فيها ...وش جابه هذا ...
طلع حاتم من عند غرفة الحارس
حاتم مسكها مع يدها وقال- مهاوي وش فيك....
اجتمعت دموعها بعيونها ...ماتبي احد يسالها ..مالها خلق ...
مها – مافيني شي....
حس بصوتها انها كاتمه صيحتها....مشى معها....فتح طارق الباب لها .... وركب ...ركبت وركب حاتم جنب طارق ...مشوا ...
طارق- سلامتك مها...
سكتت شوي ...وقالت بضيق- الله يسلمك
طارق بقلبه- ضايقه ...وش فيها....عساه فيني ولا فيها ؟...
حاتم- تبين المستشفى...؟؟
مها- لا......
حاتم- وش فيك طيب ...
مها ماردت عليه ....عدلت جلستها وهي تضغط بيدها على الكنبه اللي تجلس عليها ....حست برطوبه ...
رفعت يدها على طول وطالعت ...طيرت عيونها مصدومه ...
همست بصوت معدووم والصيحه وااصله- حــا تـ تم ......
طارق التفت قبل حاتم ...
حاتم التفت ...وانصدموا ما احد انتبه منهم لدم فيصل
حست انها بدوااامه وحولها فقعااات ماء وماتشوف بوضوح...رجعت على ورى بهدوء ومسكها الباب ..
حاتم= مها مها....
طارق ...وقف فجأة ..وقال- لازم تصحى ....
نزل بسرعه ونزل حاتم .... واتجه للباب اللي هي عنده ...فتحه بسرعه وطاحت بحضنه ....حس بقلبه ينبض بقوة ...بس مو وقته ... حاتم يطالع فيه وهو يبيها تصحى بس...مافكر بشي ثاني...
رفعها وخلاها تتسطح ....كان نص جسمه بالسياره وهو يعدلها على وضع الاستفاقه ....
رفع الغطا عن وجهها ....حاتم فتح الشباببيك عشان يهوي المكان ....
فتحت عيونها خفيف وقالت بهمس- دم ...
طارق يطالع فيها ..
حاتم بينبهه- خلنا نروح للمستشفى بسرعه..
انتبه لنفسه وطلع راسه من السياره ....وقال- يالله....
ركب واتجهوا للمستشفى ......
.....................................
طلع من الغرفه وقال- بتاخذ مغذي .....لازم اجلس عندها
طارق- طيب...
حاتم وقف يطالع فيه ينتظره يروح...
حاتم- طيب خلاص ماله داعي تتعب ...رح
طارق- لا لا بجلس انتظركم ....ماراح ارتاح..
حاتم – براحتك ...
تركه ودخل لغرفتها ...
جلس طارق على الكرسي وهو يتذكر فيصل ....ضربته لمنصور كانت قويه ....كأنها طالعه من قلب....
طارق بنفسه- ماحس بنفسه ...معقوله يحبها....اكيد دامه ماقدر يسمعه وهو يقول كذا انه يحبها...بس حتى انا احبها ...لكن مافكرت ان منصور قصده كذا ....للهدرجه يحبها ....
اخذ نفس وقال- بس انا اعشقها ....مو بس احبها .....
.......................
سامي كان واقف بصالة الانتظار ...كان قلقااان على فيصل ...يعرف ان فيصل مو بللهوشات وماله بالمشاكل..
دخل ابوه عليه وهو ضايق خلقه وقال- ماقالوا لك شي...
سامي هز راسه بـ لا ....
ابوه- الله يحفظه.....
كان ابو سامي تعبااان ...فتح ازارير ثوبه وقال بضيق- لا اله الا الله ....
- تبي ماء ياعم...
التفتتو للي واقف وماد الما لابو سامي ومبتسم...
ابو سامي اخذه وقال- جزاك الله خير....
-وياك....
جلس ومعه علبة مويا كان يشرب منها
سامي كان يطالعه وقال- سلامات ....من اللي لك هنا...
قال بضيق- الوالد...الله يشفيه ...مسوي حادث...
سامي- الله يقومه بالسلامه ....
- وانت؟؟
سامي- اخوي الصغير....سمعت انها هوشه ....
-الله يشفيه
سامي – امين .....يبه ارجع للبيت وارتاح....
الابو- لا لا ما ارتاح واناماشفته
سامي- الله يهديك انا هنا.....
الابو – لا لا
سامي – براحتك.......
-كم عمر اخوك؟؟
سامي- 19 .....
- الله يعينه....معك ساعه بالله؟؟
طالع سامي الساعه وقال- 12 ونص...
قام وقال- يشفي مرضاكم ومرضانا....انا راكان....
سامي- هلا بك..

تركه وطلع وراح للمدرسه .........
سامي- الله يشفيهم....
ابوه- رح شف صحى او لا.......
سامي – ان شاء الله
..........................
جاء ابو حاتم للمستشفى وقابل طارق عند الباب ...
ابو حاتم بقلق- وش فيها....
طارق- دوخه وفقر دم ...
ابو حاتم – لا حول ولا قوة الا بالله ....
طارق يطالع فيه الى مادخل الغرفه اخذ نفس بضيق وطلعه .....وقال- أنا السبب .....سامحين يامها ....انا اللي خليتك تتعبين ...ادري لاني خطبتك صرتي قلقانه ولا تهتمين بصحتك...تبين فيصل ماتبينن ....
حط يده على وجهه وقال- يارب تحفظها ....والله اذا بيصير لها شي بموت معها ...وش الدنيا اذا الهوء مافيه هواها وانفاسها ...
طلع حاتم وقال- بروح اخذ اذن لها بالخروج...
وقف بسرعه وقال- صحت؟؟
حاتم- ايه بس تعبانه ....
طارق- الله يحفظها....
.........................
ندى مصدووومه من اللي تسمعه- فيصل اصابته خطيره ....وبيحول على المستشفى التخصصي بالرياض ..
ندى والعبره خنقتها- سامي ,,,ســ سـامـ...ي تكفى قول غيرها ...فيصل انا شفته قبل ما اطلع ....والله كـا ن كان صاحي ما فيه شي...
سامي- قدر الله وماشاء فعل...
نزلت دموعها
ضمها وقال- ادعي له بالشفاء ....ضربته ....قويه ...مع الراس ...
حس ان دموعه بتخونه قال بسرعه- حسبي الله على اللي كان السبب ...
تركها وكان بيطلع ....وقفته كلمتها – بيرجع اعمى .....
حس انها رصاصه موب كلمه
التفت بسرعه وقال- لا لا ...لا ان شاء الله ....ندى حبيبتي ...انتي الكبيره امي الله اعلم بحالتها ...صبريها وانتبهي لها....
.............................
العصر ....
حاتم وطارق جالسين بالملحق

حاتم بضيق- مو مرتاح ابي اشوف فيصل...
طارق طالعه وقال- رح....
حاتم- قم معي ياخي...
طارق- وش يوديني...
حاتم – ليش ضرب منصور بفهم ليش....
طارق بدون شعور وكانه مو معجبه اللي سواه فيصل- هئه لانه لعن مها....
حاتم طارت عيونه ....صح صح ضربه عشان كذا ......
التفت طارق وشاف شكل حاتم ...انتبه للي قاله وقال بيصرف السالفه- خلنا نروح له .....
حاتم بصدمه- صح كلامك...قم قم ...بروح له ....
.........................
فيصل....
كان يتألم بشده ....ويقول بهمس- آه ....آآآآه ...يبه....سامي...
ماكان عنده احد...مسكر عيونه والاهات تطلع وكانها سكاكين من صدره ...كان يتألم مره ...ماعمره تألم مثل كذا
فيصل-آه ياراسي....يبه...أبي اشوف امي...ابي اشوفها قبل ما اموت ...
نزلت دموعه – تكفى سامي آآخ ....جب لي ندى ...سلموا لي على مها ...والله اني احبه ...آآه لا احد يلعنها مره ثانيه ...لا احد يشتمه ..راسي ....
دخل حاتم بهدوء ودخل وراه طارق...
فيصل-آآآه....الم الم....بموت منه
حاتم- الله لا يقوله ...
مسك يده وقال- خل املك بالله كبير...
فيصل- خلن اموت آآآخ ياراسي....وش ابي بالدنيا ...
طارق ينتظره يقول شي عن مها ....
حاتم- لا لا الله يطول عمرك....زين انك صحيت ....ترى الم وبعدين يروح....
فيصل وهو يتكلم بصعوبه- أأقولك ...ما ابي...اعيش......انا ..انا ابي.. اموت كذا ....ابي اموت عشانه
انصدم طارق....
التفت حاتم لطارق بصدمه .....
طارق طلعت الكلمه غصب وهو ماوده يتكلم- لا تقول كذا ....الله يطول بعمــرك....
فيصل – هئه ...انت الله يطول بعمرك....بتستانس....اخذت اللي تبيه ...وش لي بهالدنيا
حاتم مسك دموعه وقال- الله يهديك بس ....الدنيا حلوه ....الله يطول بعمرك....
دخل سامي والدكتور وممرضتين ...
سامي- سلام...
حاتم – وعليكم السلام....
سامي- اخبارك فيصل....
فيصل- ما اقدر اتحمل ...
الدكتور- لا ماعليك ...ان شاء الله احسن ....بليز نيرس قو ...
حاتم- وش قالك الدكتور
سامي- بناخذه للرياض .......
طلع سامي من الغرفه لحقه حاتم وقال- طيب ليش....حالته خطيره ؟؟
سامي- بيسون له عمليه ....يا...ينشفي...وان شاء الله يارب.....يا ....اعمى ....ياموت ...
حاتم انصدم مو معقوله يرجع اعمى .....حرام ماله شهرين ....
حاتم- الله يشفيه .......
........
كان طارق واقف يطالع فيه وفيصل مره مره يتألم ...
فيصل- آآآخ دكتور تكفى يا اقتلن يا وقف هالألم.....آآآآآآآه...
ضغط اسنانه بعض بقوة
وقال- طارق...
طارق انتبه لنفسه وقال – هاه....
فيصل- آخذتها وبتصير لك....
طارق اخذ نفس وطلعه وقال بنفسه- ما يفكر الا فيها .......
فيصل- تكفى طارق.....انتبه لها....لا تخليها تضيق ....اسعدها
طارق عصب وقال- توصيني على زوجتي ...
فيصل – اوصيك على قلبي....
طارق عصب وشد يده بقوة ....وقال بهمس- والله لا اذبحك...
الدكتوررفع عيونه عن اللي كان يكتبه وقال- يا اخ...ترى الباب قريب...
فيصل- خله....خله يذبحن ....احسن لي....اموت عشانها ....وابي اموت عشانها..
طارق رفع يده وكان ناوي يضربه ...
ضرب زاويه السرير وهو مسكر عيونه وقال- ما اضرب واحد عاجز يواجهني ....
الدكتور- اطلع برى ....اطلع ...بنادي الامن .....
دخل حاتم وسامي....
طارق مر من جنبهم معصب وضرب بكتف سامي بقوة .....
حاتم يطالع بتعجب.....
حاتم- الله معك فيصل....الله يشفيك......
سامي- الحق ولد عمك شف وش فيه ...
حاتم – يالله ...الله معكم...
....................................
مها ....
متسطحه بغرفتها...دق جوالها ...التفتت مو فاضيه للجوال ...مسكته وردت ...
مها- هلا....
ندى- هلا بك...اخبارك؟؟
مها- بخير ...انتي اخبارك ؟؟
ندى- زفت ...
مها- سلامات ...
ندى بضيق- بس واحد من خواني حولوه للرياض ..تعبان..
مها بسرعه- فيصل بخير؟؟
ندى بضيق- صارت هوشه ...واصابته خطيره ....
مها تسمع وكأنها مصفوقه كف

ندى- الله يشفيه....اخذوه للرياض بالطياره ..عشان ياصلون بسرعه ....كان اخوك حاتم معه ...هو وداه للمستشــ...
سكرت بوجهها وهي تطالع بالارض تحاول تصدق اللي سمعته ....شهقت بقوة وحطت وجهها على المخده وهي تصيح كأنها بزر .....
...........................
حاتم ركب السياره- خير وش فيك؟؟؟
طارق- اصلا انا الغبي اجي اشوفه ....لقافه ...
شغل السياره ومشى بسرعه وهو معصب
حاتم- طيب وش صار...
طارق- خلاص ....ماصار شي....
حاتم- طيب شوي شوي لا نصدم ...
طارق هدا سرعته وهو يعض شفته من القهر .....
...........................
مرام طلعت من غرفتها واتجهت لغرفة مها ....فتحت الباب بسرعه ...وشافت شكلها ....
مرام- مهاوي ..وش فيك....
جلست جنبها ...
طاحت مها بحظنها وهي تشهق وتقول- فيــ ...ـصل....بالــ... بالمسـ..تشفى ....متــ مــتهــا..وش
مرام رحمتها- الله يشفيه ...ضمتها بقوة ...
مها- مرام...انا..انا ...ما اقدر انساه......والله ابــ..ابي انساه ...بس...ماقدرت ...
مرام- طيب خلاص غلاي... بتنسينه قريب ان شاء الله ....
مها – يارب اشفيه ...
دخل حاتم وانصدم من شكل مها ..
حاتم- مها وش فيك؟؟
مها طالعته بسرعه وهي تصيح وقالت- ليش تهاوشتوا ...وش دخل فيصل معكم ...
حاتم استغرب وقرب منها وقال- مها بكره بتتزوجين ....
مها زادت بصياحها وقالت- لو..لو طارق بدالــ..هـ ...احســ...
حاتم- مها ....لا تقولين كذا ....لو تحبينه لازم تنسينه ...
مرام قامت وطلعت وسكرت الباب ... ...
جلس على الارض قدامها ومسك يدينها وقال- لو تحبينه موب من نصيبك...اصابته خطيره ... ان ما انشفى ...بيصير اعمى ....وان ما صار اعمى ..... ماراح يعيش...بس ما نقدر نقول الا الله يشفيه
شهقت بقوة وطاحت على الارض وجلست قدامه ...ضمها وهو يحاول يهديها....بتستخف من الصياح....كانها بزر....
..............................
الصبح ...
الساعه تقريبا 6 ونص .....
طق باب الشارع ...
طارق استغرب ...فيه احد يطق هالحزة .....
وقف وطلع يفتح الباب .....طلع حاتم وقال- من اللي جاي هالوقت ....
طارق- ما ادري....
فتح الباب ....انصدموا....بدت قلوبهم تنبض بقوة ....
طارق- هلا...
كانت الشرطه ....
الشرطي- السلام عليكم ...
طارق – وعليكم السلام.....
الشرطي- جيين بسالفه هوشه صارت امس...
التفت طارق لحاتم وقال- ايه...
الشرطي- وين ..حاتم...؟؟
حاتم- انا...
الشرطي- تعال معنا ...بنحقق بالقضيه ...

طارق- أي قضيه الله يهديك...كلها هوشة مراهقين ...
الشرطي – لا...فيها اصابه خطيره ...وادعوا ان النصاب مايموت عشان ماتزيد اكثر...
انصدم حاتم وقال- بس هو صديقي وكان معي...
طلع ابوهم.....
الشرطي- انت تعال ...ونتفاهم هناك...كل اللي بالهوشه هناك....
ابو حاتم بخوف- وش صاير؟؟
الشرطي- انت ابو حاتم؟؟
ابو حاتم- ايه ....
الشرطي- جينا نبي حاتم لان امس صارت هوشه .......
ابو حاتم- وش تقول انت ..
حاتم- يبه ...امس ...متضاربين مع عبد الرحمن وعلي ...
ابو حاتم- انت نهبلت ..هماي قايل لك لا تجيهم ...عسى ما احد تعور....
طارق- فيصل....
الشرطي- فيه اصابه ..وخطيره ...والله يقومه بالسلامه ...
ابو حاتم انصدم ....وش دخل فيصل ...مو معقوله فيصل معروف انه مسالم ...
الشرطي- حاتم تعال ...
حاتم اخذ نفس وطلع ...
ابو حاتم- طارق ...السالفه ...وش صاير ...
طارق رحم عمه ...منصدم ...مايلومه ولده عمره 19 وجت الشرطه تاخذه وزياده على كذا متضارب ...وانصاب ولد جارهم ...والسبب ولده ...
..............................
ندى جالسه بغرفتها وتمسح دموعها .....
فايزة كانت متسطحه وتطالع فوق .....
ندى- ليش ...وش اللي خلاه يتضارب مع ...معهم...
فايزة- كان حاتم معه وهم يتضاربون ...
ندى- حسبي الله عليهم ...الشرطه ماتتدخل...ابي ياخذون حقه ...
فايزة- ان شاء الله .......
ندى بقلبها- الله يشفيك.....اخبار مها الحين .....معقوله متأثره ...الله يعين ...
.............................
طارق متضايق بقوة ...اجلوا الملكه ....وش هالحظ ....
رمى نفسه على السرير وقال – الله ياخذ منصور وعبد الرحمن اللي بسببهم تأجلت...انا وش يصبرن اكثر من كذا ...اووف
............
مها كانت ضامه المخده وجالسه على السرير تطالع بالارض....
ماتسكر عيونها ابد ...ودموعه تسيل بقوة .....
دخلت مرام عليها ومعها مويا لها....
مرام- خوذي اشربي....
مها سكرت عيونها
مرام- مها انتي بخير....
مها- أي ....
مرام- اشربي...
مها- ما ابي.....
شهقت وضمت المخده زياده ...
مرام جلست جنبها وقالت- موب معقوله انتي ....اخوك اخذته الشرطه وتصيحين على فيصل...
مها طالعت فوق وهي تشهق وتحاول تمسك دموعها وقالت بهمس- انا ما احبه ....انا اعشقه ...
مرام بقلبها- اعوذ بالله لهدرجه تحبه ....آآووف ....وشلون بتنساه الحين ...
دخلت امها وانصدمت من شكل مها ....
امها- مها ....لا تصيحين ...
تجمعت دموع امها وقالت- ان شاء الله بيطلع ...هو ماله دخل...
مها طالعت امها ....
جلست قدام مها ومسحت على شعرها وقالت- بيطلع اليوم ان شاء الله ...
طاحت مها على صدر امها وزاد صياحها...
مرام- يمه...مها ....ماتصيح......
مها شهقت وقالت- يارب يطلع ...
مرام عرفت انها تسكتها ....وماتبيها تقول ....بس موب مها اللي تستحي من امها....ودامها تحبه لهدرجه لازم تقول عشان مايملك طارق عليها...
امها- بسم الله عليتس .....لا تذبحين نفسك بالصياح ....
تعلقت زياده بحظن امها ......
.......
حاتم كان واقف قدام الضابط وجنبه خالد ومنصور وعبد الرحمن وعلي....
حاتم- بس هم بدوا

» رواية نهاية جنون \ رواية حجازية للكاتبة قطعة شوكلاتة
» رواية وش جاه محبوبي مشى وخلآني مابين نيراني وبين احزني / رواية جريئة رومانسية
» رواية نام في حضني ياحبيبي اول رواية بقلمي
» رواية أطباء في الحب \ رواية حجازية
» باصات مدارس اليابان