رواية كبرتي وصرتي بالعشرين طويلة وفاتنة وتغرين / رائعة

×..الفصل الاول..×
>..:..الجزء الاول..:..<

لف بـ نظره في ارجاء المطار...تذكر يوم قبل 15 سنه يوم كان راجع مع زوجته..والحزن كان مخيم على الكل..مو قادر يستوعب انو مشاعل بنته الوحيده ولا رااح يقدر يجيب غيرهاا..
تذكر يوم عرف ان زوجته اللي عااش معها حيااة حلوه..زوجته حبيبته فيها مرض السرطاان..في الرحم..واظطورا يستأصلونه..
حاول يعالجها..سفرها..واخر محطه كانت لندن..بس قدر الله وماشاء فعل..
"آآهـ"
اطلقها ومشى لـ بنته..خلاااص..الله يرحمك يا"وسميه" ويسكنك جنااته..
- خلصتي؟؟
ناظرته بنته من ورا نظـارتهاا..وكانت تدور أي شي في المحلات الموجوده في المـطار..وأبتسمت لـ ابوها:أبشرك..!
ابوها:اوكي نمشي..
تستهبل:اووكي مستر بندر!
ابتسم بندر على بنته..:يلله ياميشوو
مشاعل:لا؟..يعني انا مو مس ولا مدام..ولاشي؟؟
بندر:توك صغيره
مشاعل:عمري 20 وصغيره؟؟
بندر :لو تكبرين وتكبرين وتكبرين..بتضلين بـ عيني صغيره..
مشاعل قامت تسوي دوائر بـ رجولها..يقالها مستحيه:يعني..ذا..وشسمه..انا صغيرونه
بندر:ههههههههههههههههههه...احلا ضغيرونه بعد
مشاعل:وهـ بس فديتك
مشـوا وأخذوا لهم تاكسي
مشاعل مستغربه:وين مجودي؟
بندر:انا بـ افهم..انتي ليه تسمينه مجودي ومجود..ولا ماجد...هذا عمك
مشاعل:عمي..صح..بس توه صغيّر..
بندر:ابو 28 صغير؟
مشاعل:امممممم...انا اعتبره اخوي..
بندر:هههههه..وانا ابوه؟؟
مشاعل:ههه..الا جد وينه؟؟
بندر:هم قالوا محد بيجي يستقلبني..
مشاعل:ليــش؟؟
بندر:ليش اني سافرت واخوي توه ميت
مشاعل:عصبوا يعني؟؟
بندر:ايه..
مشاعل بـ ضيقة خلق:صار له 4شهور ميت...ليه كل هـ الحزن..مو زين لهم كذا
بندر لبس نظارته ودخل يده في جيبه:علمي علمك..
مشاعل جلست تفكر بـ عمهاا اللي الكل يحبه..كيف كان موته فجـأه..وانه ترك من بعده شتات بنـته وولده وزوجته...بس هذي عاده عند ابوي لازم كل سنه بيروح لـ لندن..صار شي في دمه..لو فيه المـوت بيروح..درس هنـاك..قضى شهر العسل هنـاك..كل حياته هنـاك..كيف مايحبها ويشتاق لهاا..
"في البيت لما وصلوا"
نـزلت مشاعل من التـاكسي..ناظرت البيت..
ابتسمت..اشـاقت لـ هالبيت..لـ طالما قالت كنه شاليه مو بيت..تصميمه غريب..
مو تصميم مشاعل؟؟..لازم بيكون غريب..لان مشاعل كانت نفسهاا غريبه..
كان من براا كأنه خشب..والجـزء السفلي او بس الصـاله كانت زجـاج..ومكشوفه ع المسبـح..المتوسط الحجم..
اما البلكونه اللي كانت تطل ع المسبح فـ هي من نصيب ماجد..ابتسمت يوم تذكرت طقاقهم علي هـ الغرفه وانها تبي تاخذها عشـان يتسنى لها تتشمس..بس ما الله اراد..اعتبر افكارها غبيه..
صحيح بيتهم ماكان كبير مرره..بس تطغـى عليه الفخـامه
دخلت جوا البيت..اول شي شافته كان المدخل..تذكرت المدخل اللي كان عادي وكأنه مدخل مزرعه..كان ستايل مكسيكي..كان عباره عن باب بيضاوي الشكل..ومزهريتين كبـار عليهم ورود صنـاعيه كبيره..على جنب..تعدت المدخل ودخلت الصـاله اللي كانت مفتوحه من فوق ع الدور العلوي..والثـريا الكبيره نازله بـ شكل حلوو..تزين السقف من فوق وتحت..ماتنكر ان جميع افكـارها بـ البيت محد استصاغها في البدايه كـ فكره..الوحيد اللي كان يأيد افـكارها ابوهـا!..يمكن لـ تشابههم..
سمعت صوت جدتهاا تهلي وترحب..التفت وشافتهاا
ام فهد:ياهلا ويامرحبـا..توها مانورت الريـاض
راحت مشاعل وسلمت على جدتها..."امهاا"..اللي من تقريبا 3اسابيع ماشافتهااا ..
دخـل ابوها اللي هو بعد بـ دوره سلم عليهـاا..!
جلسـوا في الصـاله سواليف وش صار وش ماصار
بندر:والله يايمه ماكان ناقصنا في سفرتنا الا انتي
ام فهد:وهـ..بسم الله علي..يالله لاتشمت بي بس..
مشاعل:ههههه..ليه يمه..والله ونااسه
ام فهد:لاه..مانيب رايحتن لـ بلاد الكفره وانا امتس..
مشاعل:ههههههههههههههه..
بندر:الا وين ماجد؟؟
ام فهد تتنهد:والله اني من ساعه وانا اقوم فيه..اخرتها تركته بـ سلامته
مشاعل قامت:انا بروح له..
ام فهد:عليتس به يامي
مشاعل تضحك:هههههه...طيب..
رقت مشاعل الدرجات الرخـاميه..وهي ناويه على عمها الصغيـره..
مشت لـ غرفته وفتحت البـاب..
راحت له وقومته:ماجد!...ماجد..
ماجد:................................"لارد"
مشاعل:ماجد!
مب صاحي..الساعه الحين 4 ولي الحين ماقاام؟؟
مشاعل تصاارخ:ماااااااااااااااااااااااااااااااااااااااااا ااجد!
ماجد يغطي نقسه بـ اللحاف:ووجعه توجعك..اطلعي وسكري الباب..
مشاعل:مانيب قم سلم علي..توني جاايه من السفر
ماجد:اففففف..كان مارجعتي..
مشاعل:لاوالله؟...يعني ارووح
ماجد هز رااسه ايجااب
دخل رااسه في الوسااده اللينه..وغطى باقي جسمه بـ اللحااف..:براا
انقهرت مشاعل:ماااااجد قم...ولا تراا
ماجد فتح عين وحده:تهددين في غرفتي؟؟..مشيعل ان ماطلعتي ترا بـ العقاال..يلله!
مشاعل:وش هـ الاسلووب..من متى متعلمه؟..وش بتسوي لين جت زوجتك؟؟
ماجد:مهيب جاايه...طسي
مشاعل:الا بتحي وانا بـ نفسي بجيبهاا..
ماجد ناايم:.............
قهر تو كاان ياخذ ويعطي معي والحين ناايم..سافهني!
مشاعل تتدلع:مجوودي..قم سلم علي تراا من تقريياا شهر ماشفتك
ماجد:......................."نايم"
فكرة مشااعل وش تسوي..
مسكت بـ البااب وجلست تدق عليه يمكن يقووم..:ماجد ماجد ماجد ماجد ماجد ماجد ماجد ماجد ماجد......ماااااااااااااااااااااااااااجد..مجووووود ي...
بس مانفع فيه.......الاخ نااااااايم
رااحت للـ المسجل ورفعت على اخر شي..وظغطت على play
وجاا صوت المسجل عاااااااالي..لان ماجد مايعترف بـ أصووات المسجل الوااطي
ماجد:سكريييييييييييييييييييييييييييييييه..ياحماااا اااااره..بناااااااااااااام
مشاعل بصوت عاالي:اييييييييييييش؟..ماأسمع
ماجد:ياحمااااااااااااره..سكريه ولاترا بكفخك..
مشاعل تبي تقهره:ماااااااااأسمع..
طبعا هي كذاابه تسمعه بس تبيه يقووم
ماجد قاام ووخر اللحااف عنه بقووهـ..وتوه بيقووم..
ونااااااحشت..
وصل عند الباب وسكره وقفله..
مشاعل:يوووه..قهر
رااحت للـ التلفوون..ودقت على رقم غرفته..
صاار ع السبيكر:ماجد ماجد ماجد ماجد ماجد....مجوووودي..مجمجددد..ماااااجاااادااا...مـ جـ ـد..
سمعت صوت الباب ينفتح بقوه..سكرت السمااعه وقامت توهاا بتنحااش..بس حست بـ أحد يمسك ملابسها من وراا
ماجد:تعالي تعالي...
مشاعل:والله اني ماأقصد..اتوب والله
ماجد:هئ هئ..لالا مااااااااافيه..محد يزعج مجوود ويطلع منها ساالم..
مشاعل:مـ...
سمعوا صو جوال ماجد يرن
ماجد:انقظك الجوال..
راح لـ غرفته..لحقته مشاعل
ماجد ناظر الشاشه..وعقد حواجبه
مشاعل:وش فيك؟؟
ماجد:هذا فراااسوه..
مشاعل تقلب وجهها..وصاار احمر:طب رد
ماجد:غريبه متصل الاخ..العااده يتغلى
مشاعل تدافع عنه:حرآآآم عليك..فرآآس مايتغلى
ماجد ناظرها ورفع حاجبه:وانتي معااشرته من متى؟؟
مشاعل:هع..ماعاشرته بس.....امممم..مدري..احس كذا
رمى ماجد الجوال واخذ فوطته..:مانيب رااد..انا بعد بتغلى
مشاعل:شف وش يبي يمكن يبيك بـ شي ضروري..
ماجد:والله لو يبي عشاان وشو..بروح اتروش وبصلي..وأتقهوى..وأتعين من الله خير.. وأروق..وافكر عااد ادق ولالا
مشاعل نهز حواجبهاا:من تغلى تخلى ولو كان بـ الحيل غاالي
ماجد:يخسي الا هو...يتخلى عني..انا عمه
مشاعل:ايه ماقلنا شي ..بس ولو احتراام الكبير..
ماجد:اكبر مني بـ سنه واحده..ذليتووني ترا
مشاعل:ولووو
ماجد:تعالي!...انا بديت اشك في اخلاااقك..وش عرفك انه اكبر مني؟؟..وش درااك بـ فرااس؟
مشاعل حمر وجهها..ماتدري اني اهتم بـ كل صغيره وكبيره في أي شي يخص فراس؟؟..:أأ..مـ..مدري..اشواق ماتسكت .بس تسولف عنه..
ماجد دخل الحمام وهو مطنش..
سكر الباب ورااه
تنهدت مشاعل....اشوى بغيت افضح نفسي..
نزلت تحت..كان ابوها نااايم في الصاله وجدتها مو موجوده..يمكن بـ المطبخ..
راحت لـ ابوها تقومه...
مشاعل:ابوي!
بندر:هممممم
مشاعل:يلله قم...رح نم فوق
بندر:دقيقه
مشاعل:رح نم فووق
فتح بندر عيوونه وابتسم..
ابتسمت له..خخخخ..عكس اخوه..هذا يقووم يبتسم..ونومه خفيف..مو مثل مجوود..بـ الموت يقووم..
قام ابوها عشاان يروح لـ غرفته لحقته لان شكله ماصحى..الظاهر يمشي وهو ناايم
دخلت غرفته..
اللي كانت الغرفه الرئيسيه بـ البيت..كان لونهاا عناابي ووردي..نفسها ماغيرها من يوم زواجه من امهاا..
السرير كان نفرين..الاثاث خشب سكري..والغرفه على بعضها وردي..والديكوور عناابي..
والشبااك الكبير او البلكوونه اللي تطل ع المسبـح ..في واجهة البيت..
دولاااب كبير بس ممتلي نصه.. والارضيه خشب..وبعض اللوحاات اللي اشتراها من بعض رحله للـ دول براا..وش كثر يحب السفر ابوهاا
والحمام الابيض دااخل الغرفه..كاان كبير..اللي يدخل يقول غرفة واحد متزوج..
اممممم..ابوي كان متزوج
طلعت من غرفة ابوها بعد ماتأكدت ان ابوها نام بـ السرير...خخخ المسكين ناايم خطر ينوم بـ الارض..
مرة من عند غرفة ماجد...طلع من الحمام..بسم الله امدااه..بس رحت لـ ابوي ليقته طاالع..
مشاعل:مااجد.انت عارف انك ماسلمت علي؟؟
ماجد بـ فررح يخلي الواحد يضحك:هلاااااااااااااااااااااااا والله بنت اخوي...والله ان الرياااااااض نورة..
مشاعل:؟؟؟؟
ماجد راح لها وحظنها:والله اني مشتاااااق لك موووت....لعد تساافرين تكفين
مشاعل استغربت منه..هـ الانساان متقلب بـ شكل ملحووظ..تو كاان ثقيل دم وماينبلع..الحين صاار..مرووق..لا ويستهبل بعد...سبحاان الله...يمكن هـ الشي ورااثه بـ العايله...لان مشاعل نفسها غريبة اطواار..حتى ابوها..بس هم هـ الشي عندهم خفي
سمعته وهو يقول:هلا والله فرآآآآآآس حبيبي
ناظرته كان يكلم...فرآس
ابتسمت عليه مناافق...تو يقول مانيب رااد والحين حبيبي..هههه..
ماجد:وش عندك دااق؟
فراس:ابد..بس بسأل عن عمي اذا رجع ولالا
ماجد:يعني موب لله؟..طيب انا ابي احد يطلع معي..انا حدي طفشااان
فراس:انت عاارف ياماجد اني مشغوول..حتى مقدر احك شعر راسي
ماجد:هههااي..شعر الرآآس ينحك؟؟
فراس:ياخف دمك...المهم ترا وربي مو رايق لك.
ماجد:فرااسوه..الله يخليك...بس خمس ثواااني..
فراس:عندك خالد اطلع معه
ماجد: ياملحك ملحاااه..خويلد..منذوو مبطي وهو مساافر..وينك موب في الديناا انت
فرااس:لاوالله انت اللي موب في الديناا رجع امس يالخبل
ماجد:رجع؟...وليه..وليش ماقال لي؟؟
فراس:ههههااااي..انت اللي موب في الدنياا..
ماجد:طب من قال لك؟
فراس:هو بنفسه دق علي يوم رجع قاال ان الشغله اللي هو مساافر عشاانها خلصت قبل موعد اللي هو متوقعه
ماجد:قليل الخاتمه...انا اوريه ..يرجع ولا يقولي
فراس:انت بداال لاتشره على خويلد..رح استقبل اخوك
ماجد:اخوي رجع..وموب ذا موضوعناا...خالد الحماار ماقال لي ولا دق علي
فراس:ايوووووه...رح تفااهم معه...انا مالي شغل فيكم..وراي اللي مكفيني
ماجد:خلاااص..رحمتك..يلله باااي
فارس:بايااات
سكر منه..
مشاعل:وش قال
ماجد:الحماار خالد رجع من السفر..ولا قال لي
مشاعل:طيب؟
ماجد:هذي فيهاا قبايل...ليش مادق علي؟
مشاعل:ههههههههههههه...الحمدالله والشكر.."ومشت عند الباب بتطلع"..انا بروح انوم تبي شي؟
ماجد:روحي اخمدي..مابي منك شي
مشاعل:اوكي بااي..
يوم اقولكم ان ماجد متقلب...مكالمه وحده من فرآآس كفيله في "ازعااجه"..اممم..ازعااجه هي الكلمه الصحيحه...ماأخفي عنكم ان ماجد صديق فرااس من يومهم بـ حكم تقاارب الاعماار..بس ماجد ناار..زبدة صيف على قولة ام فهد...بس طيووب..اما فرااس باارد..بس مايمنع انه ياخذ خصاال من عمـه وصديق عمره ماجد..
رآحت مشاعل لـ غرفتها..عشاان تنااام..
طلع ماجد من غرفته وهو لابس وناوي يطلع..
شغل السياره..واليد الثانيه ماسك فيها الجوال
- خل ادق على خويلد يمكن يرد الحمااار
ثـواني وجاه صوت خالد
خالد:آلوو
ماجد:لاهلا ولا مرحبـا...ياللي ماتحبني.
خالد:هههه..ليش؟
ماجد:اسأل نفسك..ترجع ولا تقول؟؟
خالد:طيب؟
ماجد بـ قهر:هذا اللي بيرفع ظغطي..
خالد:انا يوم ارجع كانت الساعه 12الظهر.. لو بدق بتهزئني ليش اني داق عليك في وقت دوام
ماجد يحاكي نفسه:ايه صح!...."رجع يكلمه"....بس ولو
خالد:ههههههههه..انت نكتـه!
ماجد:المهم..انا ابي اطلع..
خالد:من ماسكك؟
ماجد:تعال معي....اطلع لحالي موسوس انا؟؟
خالد:مقدر والله انا في بيت جدتي..
ماجد:لاحوول...يعني كيف؟
خالد:شف فراس
ماجد عصب:الله ياخذ عدوينه....هذا بيجيب لي السكر والضغط..والكلسترول
خالد ضحك:هههههههههه..لي الحين ماجاك يعني؟؟..المهم وش قال لك..مشغول صح؟
ماجد:ليش قد فضى؟
خالد:اصبر عليه..تراه منشغل هـ الايـام بـ الذات
ماجد:اصبر..المهم مافي امل تطلع معي؟
خالد:لا امل ولا حصه ولا فوزيه
ماجد:ودي اضحك بس مالي خلق
خالد:والله انك ثقيـل دم..
ماجد:انا بروح لـ فراس بطب عليه
خالد:خذ معااك حبوب السكر..
ماجد:بسم الله علي..الا بيمرضني
خالد:ههههههههههههههههههههههههههههه
سكر ماجد من خالد وهو متجه لـ بيت اخوهـ..
ثوااني ووصل..
نزل ورن الجرس..
سمع صوت من جواا..
-نـــــــعم!
ماجد:افتحي ووجعه
فتحت الباب:عمووو...ياهلا ويامرحباا
ماجد:هلا أشواق..وراك تردين ونفسك في خشمك؟؟
اشواق:احسبك راعي البقااله..هع
ماجد:اهااا..المهم وين اخووك الوسيم
اشواق:بـ مكتبه
ماجد:أبمووت انا..ماغير يشتغل
اشواق:يحب الشغل بعد حييّ
ماجد:مالت عليك انتي ويااه
اشواق:النفسيه oofاليوم..عسى ماشر؟
ماجد يكلم نفسه:مدري كيف مرته بـ تتحمله
اشواق:هههههههه..وراك تتحلطم؟
ماجد:ابد..
دخــــــل وأتجه لـ فراس اللي كان جالس في مكتبه

>..الجزء الثـاني..<

سكرت اشـواق الباب ودخلت ورا عمهاا
دخلت شافت اختهاا روان ام 17 سنه واقفه عند الدرج وماسكه معها كوب كابتشينو
اشواق:ماجد رااح فوق؟؟
روان:ايه...هههههههههه..كان يسب ويلعن في فراس
اشواق:ياحبي له بس
روان:اقول اشواق
اشواق:هلا
روان:مادقت عليك مشاعل؟؟.."ناظرت ساعتها"..اكيد الحين رجعت
اشواق:يمكن ناايمه..اكيد مافتحت جوالهاا..
روان:متشاقه لها
اشواق:ان دقت علي بقولهاا تجيناا..ولا نروح لهاا..
روان:مو نوره بنت خالتي بتجي؟..خلي مشاعل ورغد وملاك يجون..ولو اني ماأظن ان ملاك بتجي
اشواق:وش سالفتها هـ الانساانه؟؟
هـزت روان كتوفها..وراحت تجلس ع الكنب تتفرج ع التلفزيون
لحقتها اشواق وجلست هي بعد..تكتفت ورزة الخشه
روان:ههههه..وش عندك؟؟
اشواق:والله دخلتيها في راسي...شلون ماجت على بالي؟؟
روان عقدت حواجبها:وشي؟
اشواق:اعزم ميشو رغوده؟؟
روان:طيب ليش ماتخلين جية نوره لحال وميشو ورغد لحال؟؟
اشواق ليش؟
روان:لاني عارفتك بتجلسين مع مشاعل وتتركين نوره
اشواق مدت خشتها وكأنها قرفاانه:ماحبها مليـغه..دلووعة ماما
روان:ههههه..غيره الله يكافينا شرها..
اشواق:سميها اللي تسمينهاا..انا ماأهضمها
روان:لايسعمك فراس..يزعل ترا
اشواق:اففف..خلاااص برسل لها مسج..ولابدق عليهاا
روان حركة يدها بلا مبالاه:بكيفك
\
/
\
/
ماجد:ياخي خف على نفسك شوي...كل هذا شغل
فراس ندمج في ورقه معااه..:وانت وش حارق رزك؟؟
ماجد:ابغاا احد يطلع معي..طلبت شي كبير انا؟؟
فراس:لا..بس دور لك غيري
ماجد:لاحووول...فرااااسوه...ارحمني وارحم نفسك..ساعه بس..نطلع شوي ونرجع
فراس رفع راسه لـ عمه اللي طلع له بخاار من رآسه من العصبيه:ساعه؟؟
ماجد استاانس..تحرك ابو الهوول:ايه ساعه وحده..بس
فرااس رجع نزل راسه:كثير..
ماجد ضربه على راسه بـ خفه:الا زااد انا وش مخليني اطرك مالت عليك..
فارس:انا ادري عنك..انت شايفني مشغوول..شف!..اسبوع ان شالله..واصير لك متى مابغيت
ماجد:تلعب علي ولا تعلب علي؟؟..هي اسبووع ونص تلهى عني؟؟
فرااس:لالا..محد ملهيني عنك...بس هي كلها اسبووع ان شالله وانا افضا لك..بس عندي ضغووط شوي..
ماجد:خلاااص مابي منك شي...
وطلع
فراس ماأهتم رجع للـ اوراق اللي معه..عرف ماجد مستحيل يزعل..خصوصا انهم اصدقاء...ابتسم وهو يتذكر وجهه وهو معصب..
هز رااسه على حركاات عمه المرجوج..ورجع لـ اورااقه..
هو بدا مستحيل يترك اللي معااه قبل ينتهي..عشاان يفضى بعد اسبووع ونص على قولة ماجد
نزل ماجد وهو يتحلطم..
اشواق:مجودي؟؟..وش فيك؟؟
روان:هههه..اكيد فراس ماعطاك وجه
ماجد:تراها واصله هنـا.."يأشر على خشمه"
اشواق:بسم الله ..طب تعال اجلس معنا..خل نشوف فلم
ماجد جلس:وش وراي..بس امكم فيه؟
اشواق:لا طالعه
ماجد:حلوو..اجل جيبي شبس..وببسي..وشغلي فلم
اشواق:والله لوك موب عمي ..بس آآخ يالقهر
ماجد ناظرها ولا علـّق
اشواق وهي تروح:بسم الله علي
جابت اشواق الشبس..وجلسـوا يتفرجون ع التلفزيون
::
ماجد:هذا اللي جيدين فيه
روان وهي تغير القنـاة :هههههههههههههههه
اشواق:خلاااص اذا صار شي غمضوا
ماجد ناظرها:طيب انا اذا غمضت..وش يضمني انك غمضتي؟؟
اشواق:لالا بغمض بس ترا روانووه هي اللي تستغفلنا وتفتح وتناظر
روان تحط الببسي:لاوالله؟..وش سايفتني اشواق؟
اشواق:الا اعترفي......تموتين على هـ اللقطات النص كم
روان:بسم الله علي...شايفتني انتي لاسمح الله؟؟
اشواق:لاوالله؟..عطيني دليل يثبت اني اشوف هـ الاشيـاء
ماجد:اعوذ بالله...خلاااص كلكم مؤدبااات..
اشواق:هههه..تسكتنا؟؟
ماجد:ابغاا انااظر
روان شهقت:بعد بعد...تناااااااظر؟
ماجد رفع حاجبه:تفكيرك منحط
اشواق:ههههههههههههههههههههههههههه...
\
/
\
/
نزل بندر الدرجـات..وهو ينادي امه بـ صوته العـالي
بندر:يــــــمه!
جت ام فهد:سم سم
بندر وخو ياخذ نفس:وين ماجدووه؟
ام فهد:طالع..ليه؟
بندر:ولا فكر حتى يسلم
ام فهد:يوم قاام انت قد نمت
بندر:اهاا..المهم وش طابخين؟
ام فهد:كل خير..الا من متى قمت.."تناظر ساعتها"..ماأمداك نايم
بندر يتمغط:لا خلاااص..مابي اناام كثير..عشان اقدر اناام فـ الليل..
ام فهد:ومشاعل؟؟
بندر:مدري عنهاا...بس ماأظن انها بتقوم الحين
ام فهد:رح قومها وانا امك.....ولا تدري خلهاا ساعه بعد..لي ماأجهز العشاا..
بندر:خلاااص..اجل بطلع لي نص سااعه كذا وراجـع..
ام فهد:وين؟
بندر:مدري بشوف كان واحد من اخوااني فاضي لي
ام فهد:زين..بس لاتطول
بندر وهو متجه للـ الباب:ان شالله
\
/
\
/
الســــــاعه 11 ونص
قامت من النووم..تحس بـ رااسها ثقيـل...ناظرت الساعه..
"اووفف..الساعه 10 ونص؟؟..نمت كثيـــر..موم شكله ..متعوده على لخبطة النوم
وراحت تصحي بعثره الجنون عن وجهـ"ن"..كالثلج..في برودتـه و"بياضه" وترشة بقطرات الماء المسائيه..البارده...والطــآئشه مثل "أفكارها"..
وأخذت بعض القطرات تتساقط على شفتيها الصغيرهـ"الممتلئه"..القرمزيه
وتأملت عيونها..التي بلون الـ"الرمـآد"
ابستمت لـ نفسهاا
طلعت من الحمام..وأخذت منشفتها ومسحت عن وجهها قطراات المااء..
شغلت المسجل على صوت فبروز...
فتحت الدولاب..تختاار لبس..
\
/
\
دخـل بندر للـ البيت..وراح للـ المطبج:السلام عليكم
ام فهد:وعليكم السـلام
بندر:كيف العشـا ترا حدي جـايع..
ام فهد:تأخرت وانا امك..
بندر:شسوي نسيت نفسي..المهم انا بروح اقوم مشاعل..
ام فهد:وانا بـ أنتسب العشاا
بندر ابتسم:صاار
راح بندر لـ غرفة بنته عشاان يقومهاا..يوم دق الباب فتحت له وهي مخلصه قايمه ولابسه وكل شي
بندر:قمتي؟
مشاعل:ايه..
بندر:اوكي خل ننزل نتعشاا
مشاعل:اوكـ..!
\
/
\
/
ماجد وهو يقوم:الله يوسع صدروكم بـ العافيه
اشواق:وين؟؟...توناا
ماجد:ناويه تخربيني؟؟...3 افلام ورا بعض
روان:هههههه..ماشفت شي..احيننا من الطفش نشوف 100فلم ورا بعض>>تبالغ طبعا..
ماجد:لالا انا موب متعود
اشواق:خلاااص تعال بكره ومعااك ميشوو
ماجد وهو متجه للـ الباب:ليش ماتجون انتوا؟؟
اشواق:يمكن نوره بنت خالتوو تجي بكره
ماجد وقف والتفت لهم:خلاااص خلوها يوم ثاني
روان:صار لنا 3اسابيع ماشفناهااا..
ماجد:قولوا لها تجيكم بكره طيب...هي ماخذه على بنت خالتكم نوره
اشواق:لالا نبي ميشوو لها جيه خاااااااااااصه
روان:لايكثر بلا خااصه بلا بطيخ..خلاااص بنقولهاا
ماجد وهو يطلع:بـ رآآحتكم
\
/
\
/
"بـكــــــــــــــرهـ"

سكـرت السمـاعه من بنت عمها وهي تشوف اختهاا تنزل الدرج
اشواق:مبكر كان ماقمتي؟؟
روان وهي تحك راسها وواضح عليها اثار النوم:كان ودي
اشواق:حشى كل ذا نوم..استحي على وجهك
روان وهي ترمي نفسها ع الكنب:مالك دخل..المهم وش صار بتجي ميشوو؟
اشواق:ايه ورغد بعد
\
/
\
/
سكرت من اشواق...وراحت لـ أخوهاا عزام اللي من قام وهو على البلايستيشن..
رغد:عزاااااامووه..قم صار لك سنه وانت عليه..خلاااص
عزام:مالك شغل..
رغد:الا لي شغل..قـم!
عزام رص ستارت ورمى اليد وألتفت:هااااااااااه!
رغد طيرت عيونهاا:لاياشيخ؟؟..وهاااااه بعد؟..قم قامت عصبك..رح قوّم ابوي..
عزام:وليه؟؟..ماأذن العصر
رغد:عشااني اليوم يروح لـ بيت عمي يوسف..فـ ابي اضمن انك رحت للـ المكتبه
عزام:ليش اروح للـ المكتبه؟
رغد:هذا اللي بيجنني...المدرسه مابقى عليها شي!
عزام يتحلطم:لاحوول..ذا المدرسه ماتنتهي..ياحظك في الجامعه ومفتكه
رغد:لاتزودهاا رح قوّم ابوي
عزام يقوم:ياربيـــــه!..طيب طيب...اووف
وطلـع..
\
/
\
/
قامت مشاعل من النوم من زماان امس نامت كثير ولا فيها النوم ابد..امم..حلوو يمكن تتعود ع النوم المبكر..مابقى شي الا وسوته..ناظرت التلفزيون ورتبت غرفتهاا..الطفش عامل عمايله..
نزلت تحت للـ الصاله وشافت جدتهاا جالسه تتفرج على مسلسل..ومعها قهوتهاا..
مشاعل:صبـاح الخير!
ام فهد:ياهلا ويامرحباا...صباح النور
جلست مشاعل بجنب امهاا:اخبارك؟
ام فهد:الحمدالله...ماتبين قهوه؟
مشاعل تبتسم لـ امهاا:لا انا قهوتي مرّه..مو هذي
ام فهد:روحي للـ المطبخ قولي للـ الشغاله تسوي لك اللي تبين
مشاعل تبتسم لها:مو الحين..
جلست تتفرج مع جدتها ع المسلسل..
\
/
\
/
اخذ من مكتبه بعض الملفاات..وحطها في شنطته الجلديه السودا...ناظر نفسه في المرآآيه وابتسم..يشجع نفسه..
- يلله يافراااس..مابقى الا شوي وتصيـر فااضي..!
طلع من غرفته..ونزل الدرجاات شااف امه في طريقه
فراس:صباح الخير يمه
ام فراس:هلا فراس!..صباح النور..على وين؟
فراس:للـ الشغل...تامريني على شي
ام فراس تبتسم لـ ولدهاا:سلامة قلبك..
فراس يحب راسها:الله يسلمك..يلله فـ امان الله
ورااح
نزلت ام فراس بعده ولقت بنااتهاا جالساات وانظارهم ع التلفزيون..
ام فراس:هذي شغلتكم في الحياة؟
اشواق:وت؟
ام فراس:ماغير تتفرجون ع التلفزيون
اشواق:مابقى شي ع الجامعه بوسع صدري
روان:ايه والله يمه..مابقى شي
ام فراس تتنهد:طيب مو عااد كل وقتكم راايح قباال شاشة التلفزيون
روان:وش نسوي مثلا؟
ام فراس:اطلعوا برا بـ الحووش..غيروا جو..
روان:مافيني حيل
اشواق:هههههههههههه...وانا بعد
تنهدت ام فراس منهم وراحت
\
/
\
/
رمت الريموت بـ ملل..من هـ النهاايه اللي تحمس..وش يصبرها لـ بكره تشوف التكمله
ام فهد:والله ان هـ المسلسلات ماتخلص الا شي يحمس
مشاعل:يقالهم يشدونا..
ام فهد:ماعندهم سالفه
-السـلام عليكم
مشاعل+ام فهد:وعليكم السلام
ماجد:ماشالله وش هـ الجلسه الحلووه..كذا ماتنادوني؟؟
مشاعل:انت تنشااف اصلا؟؟
ماجد:مالك دخل
ام فهد:مزديه فيك..سااد
مشاعل تبتسم له..وتأشر له بـ"حـرّهـ"
ماجد:يمه!..قلبت مخك هـ الشريره؟؟
ام فهد:محد قلب مخي...
\
/
\
/
دخل ابو ناصر على بنته اللي كانت جالسه ع الكنب وتلعب مع اختها الصغيره
ابو ناصر:السـلام عليكم
رغد:هلا والله..وعليكم السلااام
ابو ناصر:تبين شي من المكتبه؟؟
رغد تبتسم له:بقول لـ ناصر يوديني..انا راعية طويله مابي اكلف عليك
ابو ناصر:ماهنا كلافه ..انا مودي عزام ولمى ..تعاالي..
رغد تناظر لمى اللي تبلغ من العمر 5:وش رايييك؟
لمى:تعااااااالي..
ابو ناصر:يلله عشان بعد تعرفين لمى وش تبي..خبرك انا مدري وش يبي الواحد وهو في تمهيدي
رغد:خلاااص بس ثوااني اجيب عبايتي..
ابو ناصر:انا اجل في السياره
طلع ابو ناصر هو وعزاام ولمى للـ السياره..وهو طالع قابل ناصر اللي كان داخل
ناصر:هلا يبه
ابو ناصر:هلا بك ياولدي..راجع من شغلك؟؟
ناصر يناظر لمى من ورا نظاارته اللي تخفي بعض من ملامحه الحلووه:ايه
عزام:ابوي ...ذا وشسمه..ابغاا نظاره زي نويصر
ناصر:نويصر في خشمك...ناصر لو سمحت
ابو ناصر:خلاااص معدهوب نويصر..هو اكبر منك بـ13 سنه
ناصر:ههههههههه..الله يهديك15..
ابو ناصر:الا موب عمرك 26؟؟
ناصر يبتسم:لا..25
ابو ناصر:ههههه..العمر كله اجل
ناصر:هههههه
-الحين جالسين تحت الشمس تحسبون عمر نويصر؟؟
التفتوا وشافوا اختهم رغد..
ناصر:على وين ياقلب نويصر؟؟
رغد بـ دلع مااصل:مكتبـــه!
عزام:ياشيـــــني..
لمى تضحك:ههههههههههههه
ابو ناصر:عزاامووه
رغد:مسكيــــن!
\
/
\
/
الســــــــاعه 8 ونص ليلا..الكل كان جاهز عشان روحة بيت يوسف..
خلصت مشاعل من وضع اللمسـات الاخيره على وجهها..وراحت للـ المرآيه تطالع نفسهاا..
كانت حلووه وكيوته..بـ لبسها الازرق الجليدي..يناسب مع ملامحهاا الشتويه..عيون رمااديه وشفايف قرمزيه..تنوره لـ تحت الركبه زرقاا وكسراات بـ الكحلي الغاامق..كأنه اسود.وبلوزه سماويه وفيها شوي من الارزق..وخلت شعرهاا مفكوك وعلى طبيعته..شعرهاا كان صعب التعـامل..ملفف كيرلي..وطويل لين نص ظهرهاا..تقريبا مثل ميرياام فارس مكيـاجها كان نااعم..لان وجهها مايبي له مكيااج..
اخذت عبايتهاا..ونزلت..
ام فهد:بتروحين مع السـواق؟؟
مشاعل:ايه..ليش تبغينه؟
ام فهد:موب هالحين..لاني حتى مابعد خلصت
مشاعل:اذا تبينه عاادي..ادق على أي احد يمرني
ام فهد:لالا..يمديتس تروحين على بال ماألبس الا هو جااايني
مشاعل تبتسم لها وتحب راسها:اجل بروح واقوله يرجع لك..
ام فهد:الله يرضى عليتس..
\
/
\
/
وقفت عند الدرج تناادي اخوهاا:نااااااااااااااااااااااااااااااااااااصر!..ن ويييصر!..
ناصر وهو نازل:خيـر!..خير!..جااي..ذا العجيّـز
رغد:سااعه لين تنزل؟؟..حشى حرمه
ناصر يرفع يده نااوي يضربهاا..بس واضح ان حركته استهباال:حرمه؟
رغد انكمشت على نفسهاا:امـــزح!
ناصر:بناات مايجون الا بـ العيـن...........الـ..."غلط عليكم"..موب حمراا..
عزام:على وين العزم ياشباب؟؟
رغد:بروح لـ بيت عمي يوسف
عزام:ولمى من بيجلس بنتبه لهاا؟؟...
رغد تمسح على شعره..وتقول بـ دلع:حووبي عزاااموو..
عزام:لالالالا...مستحيــل
ناصر:عزااموه..انتبه لـ اختك..محد ينتبه لهاا..أبوي تعباان وانا طالع شوي وراجع
عزام بـ شكل دراامي:الله يرحمك يايمـه!
\
/
\
/
نـزلت من سيارتهاا..وقبل لاتسكر البـاب قالت:عبد الحميد..روح لـ بيت..ماما يبغا انتاا
عبدالحميد:اوكي..
سكرت البـاب ولفت نظرهاا السياره الفارهه..كانت سوداا واللون معطيهاا فخاامه..من شافتهاا عرفت من سيارته..طالعت السياره بـ سخريه!..
ودخلت لان الباب كان مفتوح
فصخت طرحتهاا اللي كانت مغطيه وجهها بس سمعت صوت على طوول رجعتهاا..
طلـع شخص من باب الفله..دق قلبهاا لم شافته كان طالع ولابس بدله وكاب..ومنزل راسه الكاب كان مخفي بعض ملامحه اللي لطـلما حملت فيهاا وحبتهاا..
رجعت لـ وراا متنااسيه حقهاا في السـلام
صحيح انه مو ملكهاا بس السـلام لـ الله..
رفع راسه وهي كانت منزله راسهاا..شافها واضح انهاا مرتبكه
فراس:مشاعل؟
رفعت راسهاا بسرعه..وكأنها تبي هـ الخطوه منه وماتبي:هااه!
فراس يبتسم لها:كيفك؟؟
مشاعل رفعت يدها لـ مستوا فمهاا..وشدت قبضتهاا:الحمدالله..
فراس:الحمدالله ع السـلاامه
مشاعل:الـ..
وقف شوي..هي لفت وجهها للـ الجهه الثانيه
زادت ابتساامته..وطلع مع البـاب..وهي لازلت واقفه مكاانهاا..
-ميششو ليه واقفه هناا؟
رفعت مشاعل عيونهاا لـ روان اللي كانت واقفه وتناظرهاا..هذي كم صاار لها هناا؟؟..لايكون شافتني؟؟
مشاعل:أ..لا بس..هذاني جايه
راحت مشاعل وسلمت على روان..اللي ماشافتها من شهر تقريبا
ودخلت وراحت على طوول للـ الحمامات وصلحت شعرهاا ولبسهاا وبعدهاا راحـوا للـ الصاله..
كانت اشواق جالسه مع بنت..مايقآآل عنها جميله..كانت نعووومه لـ ابعد الحدود..بيضاا شعرها الناعم الكثيف المنسدل على اكتافها حتى نص ظهرها بشكل معطيها انوثه..كانت قصيره نوعا ما..بس نحيفه وجسمهاا يقال عنه حلوو..يمكن مو مثل جسم مشاعل بس مايعتبر قبيح..وبـ لبسها الابيض والسكري..كانت كيووته
ابتـاسمتها اللي ماتفاارقها..لـ طالما حست مشاعل ان هـ الابتساامه ابتساامة نصر..
كأنها تقول.."انا فزت عليك يامشاعل..اخذت منك احب شي لـ قلبك"..
بس مو مشااعل اللي تنهزم..خذي اللي تبين بس ماراح تبين انها خسرت..
حست مشاعل بـ اشواق تضمهاا..
اشواق:ميشوو..يادوووباا..لك وحشه
مشاعل تضمها بـ دورها:هههههه..وانتي بعد
اشواق وخرت عنها وظربتها على كتفها:توك تجين؟؟
مشاعل تناظرها وتبتسم..وقالت بـ غرور:احب يصير لي طلـّه بس شكل رغد بتخرب علي
روان:ميشوو..سلمي على نوره بنت خالتي
ناظرت مشاعل البنت.."نوره"..:اهليـن
نوره تبتسم لها بـ ادب..باين انها حليوه:اهلا..كيفك؟
مشاعل:الحمدالله..انتي؟؟
نوره:تمام
جلسـوا يسولفون..ويضحكون..مشاعل مو معتبره نوره عدوه بـ العكس..تسولف معها وتاخذ وتعطي..صعب انك تلوم احد ياخذ منك شي عزيز وهو مايدري..صعب..البنت ماسوت لـ مشااعل شي..صحيح الغرور والتكبر باين عليهاا..من يومهاا..بس صعب تلومهاا
\
/
\
/
ركب فراس سيارته وتوه بيحرك وينتبه لـ سيارة ناصر جاايه
نزل وهو مبتسم...من زماان عنه
نزل ناصر ووراه رغد..رغد على طوول دخلت وناصر سلم على فراس
دخلت رغد وفتحت عبابيتهاا وصلحت لبسهاا اللي كان بنطلون بني وبلوزه طويله نوعا ما..ازرق..
ودخلت عند البنـات
فراس:وينك يالاخوو..من زماان عنك
ناصر:والله تعرف مشااغل الدنياا
فراس:انا اللي احس ماعنده مشااغل ماجد..والله انه فااضي
ناصر:ههههههه..لا بس هو ماشالله مرتااح في وضيفته بلا الوالد الله يصلحه مدلعه
فراس:ياليته يدلعني
ناصر:ههههههه..انت اللي والله كارف نفسك بس يلله هانت مابقى غير اسبـوع!
فراس يحك رااسه:ياطووله
ناصر:ههههههههههههههههههههههه...
\
/
\
/
مشاعل:احد دق على ملووكه؟؟
رغد:انا امس دااقه ماترد
روان:انا كل يوم ادق..بس ماترد علي الا امهاا..
اشواق:حتى ماتستقبل زوار وش فيها ذي؟؟
مشاعل:لين الحين متأثره بـ موت ابوهاا
رغد:الله يكون بـ عونهاا بس عااد ماتسوي بـ عمرهاا كذا
روان:انتي تعرفين يارغد انهاا دلووعة بابا من يومهاا
مشاعل:الله يرحمه
نوره:ابو ملاك هو اللي مات؟؟
رغد:ايه
نوره:مو انتي اللي ماتت امك قبل كذا؟؟
روان:بسم الله عائلتنا منظولين كل كم سنه ماات لنا احد
تقصد ام مشاعل وبعدين ام رغد وبعدهاا ابو ملاك..
دخلت ام فراس وجلست معهم..
\
/
\
/
طلع ماجد من غرفته وهو شايل بوكه وجواله في يده..
صاادف اخوه بندر في طريقه
بندر ينااظره بـ نص عين:بعض النااس ماسلموا علي يوم رجعت من السفر!
ماجد يضحك ويروح يسلم عليه:هههههههه..ماشفتك يااخي
بندر:ايه..بس عااد وانا اخوك اسأل عني شي..
ماجد:كنت ناوي استقبلك بس رااحت علي نومه
بندر يضحك:ودي اصدق بس ماااش
ماجد يدور بـ عينه:صـدق!
بندر:ههههههه..رح رح الله يصلحنا ويااك
ماجد يروح يلوح بيده:اجل بااي
بندر:وجـع!..يبيها من ربي
ماجد يضحك وهو متجه للـ البـاب..
ركب السيـاره ورااح لـ خالد عشاان يمره..
ماجد وهو يكلمه:هلا خويلد..تراني عند الباب
خالد:هذااني طالع
سكر منه وثوااني الا طلع خالد..وركب
خالد:سلاااااااااااام
ماجد يحرك:هلا بك
خالد:اخباار النفسيه...اكيد عال العاال..أليوم مافي فرااس صح؟
ماجد:ماشالله وش درااك؟؟..
خالد يضحك:وجهك يقوله
ماجد:هـ الفرااس بيجيب لي الجلطه
خالد:انت بعد الله يهديك بارود.. على طوول تعصب
ماجد:لاوالله مانيب عصبي بس هو بااااارد
خالد:الله يعينك بكره زوجه وعيـال
ماجد:لا موب لازم اتزوج..موب الحين ع الاقل
خالد:خلاااص ان جيت بتعرس قل لي اوزي (اخبي (خوااتي
ماجد:من زينك الحين...يحصل لك تنااسبني
خالد:خوااتي رقيقااات مايحبوون العصبيين

وش اسالفة نوره؟؟..وليش هي غاليه عند فراس؟؟
ومشاعل وش ردة فعلهاا من هـ الغلا كله!..
من ملاك؟..وليش ماترد على اتصالاتهم؟؟..

وماجد وش نهاية عوامته..>>لووووول

×..الفصل الثاني..×
>..:..الجزء الاول..:..<

تعليق يمر في ذهني كلما مرت بي فتـاة صغيره مابين الـ 16 والـ 20..تحكي قصتهاا بـ دموعهاا..تتأوه وتتألم..وعندما أسألها لماذا تقول....
الحــــــب..!
هذي هي الاجابه لو اختلف الظروف والملابسـات..
اول مايتبادر الى ذهني..هل تعرفين ماهو الحب؟؟..تكـون الاجابه صمتا حائرا..وتكرر مره ثانيه........."لكنني احبه"
ولكــــــن مادفعني الي ان اقف واسترجع..بعض التجارب والقصص التي قابلتها في العيـاده النفسيه..هي صــــاحبة القصه الاخيره..ربمـا لان عمرها تجاوز الـ 20 بـ 3 سنوات..سوف اسردها لكم في مابعد
من الفترض انها نضجت بما فيه الكفايه..فـ كان لابد من الوقوف والتسـاؤل..
مالحب؟؟.....ولماذا نبحث عنه؟؟...ولماذا يدمر الفـتاه؟؟
تـعـالوا نستعرض بعض القصص التي مررت بها في العيـاده منذ ان توضفت بها..
*تبدأ احداهن بـ الحب وهي في الـ 14 من عمرها يبدأ الامر بـ مكالامات التلفونيه...وبعد عدة شهور يتطور الامر الى لقـأت فـ الخارج..ثم لقـاء في شقه بعدها حمل واجهـاض..ثم انتهاء العلاقه من طرف الرجل حيث يتبين انه متزوج..!
*اما الثـانيه فقد احبت ابن الجيـران ..وتم الاحهاض في سن الـ 15 ..وتستمر المسيره وتحب شخصا اخر..ويسمع قصتهاا..لانها اصرت ان تحكي فهي لاتريد خدااعه..فما كان منه الا انه استولى على مضوغاتها الذهبيه..وهرب لتجد نفسهاا امام شاطئ البحر لـ تنتحر..فـ اذا بـ صديق يعرف عنها كل شي يقول لها..:بدلا من الانتحار تعالي تزوجيني..وتتزوج ابنة الـ 18 التي كانت تبحث عن الحنان والامان..وظننا منها انها وجدته..علمت ان له سوابق في الحصول على الاموال بالابتزاز مقابل التطليـق..
*والثالثة أحبت الشاب اليتيم الفقير الذي أعجبتها قوته واحتقاره لجمالها، وانصاعت مختارة له تعطيه من مصروفها وطعامها،
وكلما أمعن في البعد اقتربت...وأصرت.. وسلمته نفسها يقودها إلى حيث يريد، وبعد ست سنوات بعد أن حصل على كل شيء
تركها دون سبب وبلا رجعة؛ لتعيش تائهة حتى تُسرّ لها إحداهن بأن الحل أن تتعرف على آخر حتى تُشفى من حبه
للـ اسف هذا واقع معظم الفتيـات..وشغلهن الشاغل..
أين الأهل؟ ..أين الأم؟ .. أين الأخت؟ .. أين الصديقة؟..واين؟..واين؟..واين؟؟
أين نظام الدعم النفسي الطبيعي الذي كان يمنح لهؤلاء الفتيات الحنان والحب والاتجاه الصحيح الكاشف للعواطف الصادقة والكاذبة
اين مقولة الوقايه خير من العلاج...في حياتهم
لماذا يعيشون يناتهم في صحراء جرداء خاليه من الحنـان والعطف الحقيقي..!
ان الحصـول على الحب والحنان من مصداره الاوليه والطبيعيه يمنح الانسـان مناعه من ان تخدعه أي مشاعر زائفه غير حقيقيه..!

- دكتور سعود!..في مريضه تنتظر!
صحـى سعود من سرحاانه:هاه!..خليها تدخل
الممرضه:اوكـي..
ثواني الا ودخلت حده ومعها بنتها..المراهقه..
الحرمه:السـلام عليكم
سعود يبتسم لهم:وعليكم السـلام
فتح سعود الملف اللي قدامه البنت اسمهاا..ساره عبدالرحمن الـ......
ناظر سعود ساره اللي شكلها ام 14 سنه..:اخبارك ياساره؟
ساره بـ خجل او يمكن فشيله لانهاا في عياده نفسيه:الحمدالله
سعود:تدرين اسمك زي اسم امي؟؟
ساره:......................
سعود:كم عمرك؟؟
ساره:13سنه
سعود:ماشالله تدرين انا اكبر منك بـ كم؟؟
ناظرته ساره وكأنه جازت لها السوالف:كم؟؟
سعود:بـ16 سنه
ساره:عجوز انت ؟؟
ام ساره:سوير...عيب!
سعود:هههههههههههههههههه..اسمه شايب
ساره انحرجت من امهااا
سعود:لا ياخاله عاادي"يكلم ساره"..طيب ياسااره..اقدر اناديك سوسو؟
ساره:الله!..محد قد ناداني سوسو..
سعود:والله؟؟..اجل انا بناديك سوسو..
ساره:وناااااااااسه
سعود:اوكي ياسوسو....في شي ودك تقولينه لي؟؟
ساره ناظرت امهاا ونزلت رااسهاا سعود فهم عليهاا..:معليش ياخاله بس ممكن تنتظرينا براا؟؟
ام ساره:هو!..وراه اجلس براا..ابعرف وش في بنيتي.
سعود عرف من بعض تصرفااتهاا انها غير متعلمه وان ماعندها اسلوب ولا في مره سمعت بـ اسلوب التربيه الحديثه..
سعود:انا بـ سألهاا وان عرفت ابقولك..
ام ساره فامت وشكلها مو مقتنعه:ان شالله...
وطلعـــــت
سعود رجع ناظر ساره:وهذي امك طلعت يعني كل اللي بـ خاطرك قوليه
ساره بـ شقاوه:لاوالله؟..يعني انت تعرف كل شي عني وانا لا؟
سعود:هههههههههههه..طيب اسمي سعود..عمري 29 سنه..وش بعد؟؟
ساره:خلااص بقولك بس اذا سألتك عن أي شي تجاوب خلاااص؟
سعود:ابشري..
ساره:خلاااص.."وبدت تتوتر"..اخااف اقولك تهاوشني زي اختي..
سعود ابتسم يطمنها:لا ماراح اهاوشك..
ساره:والله؟..ولا تقول لـ احد؟؟...
سعود:وعـــــــد!
ساره:انا احب..
ابتسم وحاول مايضحك:ومن تحبين؟؟
ساره:وحده معانا في المدرسه..وماأقدر حتى اذاكر بس افكر فيهاا..وهي حتى ماتكلمني
سعود..عارف الاجابه مسبقا:يعني كيف تحبينهاا؟؟..مثل اختك؟..او كيف؟
ساره نزلت راسهاا:لا..مـ..مو مثل اختي..
سعود مابين أي شي على وجهه..كان طبيعي:وقلتي لها انك تحبينهاا؟؟
ساره:لا..بس اظن انهاا تعرف ..
سعود:وفي أي سنه هي؟
ساره:في اولى ثنوي..وانا في اولى متوسط..علاقتي معها ماتتعدا السلام عليكم وعليكم السلام
سعود:ماعمرك سألتي نفسك ليش تحبينهاا؟؟
ساره:لا...اللي اعرفه اني احبهاا
سعود:طيب يمكن مو حب...يمكن شي ثاااني
ساره:شي ثااني
سعود:ماأدري..بس انتي ليش اجزمتي انه حب؟
ساره:لاني احس بهـ الشي..ّ
سعود:طيب امك واختك عرفوا؟؟..
ساره :لا..بس اختي سألتها بـ طريقه غير مباشره وهاوشتني
سعود:كيف جابوك هناا؟؟..اذا هم مايعرفون
ساره:لانهم لاحظوا علي تغير..ماأكل..ولا اذاكر..حتى اني احب اجلس لـ حالي...
سعود ناظرها ولا تكلم
ساره:عندي مشكله يادكتور؟؟..
سعود ابتسم لها بـ حنيه:لا ماعندك مشكله...هذي مراهقه..ولاراح يأثر عليك..بس تدرين؟
ساره ارتااحت لـ سعود مرره:وشو
سعود:يمكن يأثر عليك لم تكبرين يصير عندك ميول لـ بنات جنسك وهذا يخالف الفطره
ساره حممر وجهها:ماما ماتقول لي هذا الكلام
سعود:انا مو ماما..انا سعود
ساره:طيب..وس اسوي يعني؟؟
سعود:انا ماراح اسألك عن سبب مشكلتك لاني عرفتهاا ابغااك تنادين لي اختك الكبيره ..
ساره:اوكي..
سعود ابتسم مره ثانيه:سوسو!...تراك بنت صغيره والمستقبل قداامك..اهتمي بـ درااستك..انا ماألومك لكن ماأعذرك..اهم ماعليك الحين درااستك ..انتي مو بحااجه لـ هذي الانسانه اللي تحبينهاا..فكري بـ شي ثااني غيرها..فكري وش بتصيرين في المستقبل..فكري في نفسك وبس..وبـ اللي تحبينهم مثل امك وابوك
هزت ساره راسها بـ أقتنااع..يمكن مو أقتناع يمكن لانهاا ارتاحت لـ سعود
سعود:خليك قريبه من ربك داايم..ودوري أي شي يشغل وقتك وخلي عندك هدف وطموح..
ساره:ان شالله
طلعت ساره وبعدهاا بـ ثواني دخلت بنت اكبر منهاا..بمكن بـ 20 من عمرهاا
البنت:نعم يادكتور بغيتني؟
سعود:ايه نعم..تفضلي؟؟
البنت جلست
سعود:انا عرفت مشكلة سااره...واللي ابيه منك انتي بـ الذاات بـ حكم تقاارب الاعمار بينكم انكم تسااعدونها بـ كل ماتستطيعون من الناحيه العاطفيه..
البنت:كيف..هي وش فيهاا
سعود:اختك في سن مرااهقه..وشي طبيعي ان المراهق يعاني من فرااغ عاطفي..اختك تبي تملا هـ الفرااغ ..
البنت:ايوه!
سعود:دورك هنـــــا...خليها تملاه بـ شي صح..شيي نفعهاا..
البنت بـ نظره حااده:وش مسويه هي
سعود ابتسم:ماسوت شي هي..بس انا بـ حكم خبرتي عرف انهاا تعاني من هـ الشي
البنت:مو معقوله يادكتور عرفت كذا وش قالت هي؟
سعود:مو موضوعناا هذا..ابيك تنفذين اللي طلبته منك..اظن انك متعلمه وفااهمه..راعي مشاعرهاا وكل شي يجي بـ التفااهم..ورجاائي الخاص لاتسـألينهاا عن أي شي صاار هنـــــا
البنت:ان شالله
قـــــامت البنت ووراحت سااره في حاال سبيلهاا..يمكن بعد كم شهر تجيي..
\
/
\
/
مرميه بـ ملابسهاا والعباايه تلفهاا بـ شكل فوضوي الشنطه مرميه بـ"عشوائيه"..امس رجعت من بيت عمهاا فيهاا النـوم..
فتحت عيونهاا بـ كسل..وانتبهت على نفسهاا انها ناايمه كذا من غير لحااف..قامت وفصخت عبايتهاا واخذت لها لبس ودخلت الحمام تاخذ لها دش..ثواني وطلعت لبست لها أي لبس..ناظرت ساعتهاا تذكرت انهاا مواعده السـواق الساعه 4 العصر عشاان المكتبه..
نشفت شعرهاا..الا وجوالها يرن
المتصل>اشواق
مشاعل:الووو
اشواق:هلا ميشوو...مارحتي للـ المكتبه؟
مشاعل:الا بس بنشف شعري
اشواق:اممممم..طب تمريني لان فراسووه مشغول هـ اليومين
مشاعل ..امدااه ينشغل؟؟..:اوكي..خليك جاهزه
اشواق:انا جااهزه
مشاعل:خلاااص بس مسافة الطريق
سكرت منهاا واخذت عبايتها وشنطتهاا..وطلعت
ركبت مع السواق ومرت اشواق
اشواق وهي تركب:هااااااااي..بنت عموو..معليش ادري أخرتك
مشاعل تبتسم:لاشدعوه..عاااادي
اشواق تفتش شنطتها:لاني بس ابي بعض الاغرااض للـ الجامعه
مشاعل:اوكي..وانا بروح للـ السوق لاني ابغاا اشتري شنط وغيره
اشواق:أيـــه والله!..اشوا اني جايبه معي بطاقتي
\
/
\
/
رغم ان الدنيا كانت نهـار الا ان الغرفة كان الظلام فيها دامس لان الستاير مسكره"باخلاص"..فوق سريرها جالسة جلسة غريبة..ثانيه رجولها وجالسة جلسة اشبه ماتكون بجلسة طفل عمره..4سنوات..تيشريت البيجاما طايح من على كتفها..شعرها مهمـل"بنعومه"..وبحضنها عروستها..السواد تحت عيونها مرسوم بدقة..وحمرة خدودهــا كانها فجر جاء من بعد ليل مظلم..رموشها الطويلة الي مليانه دموع ناشفة زايده من برائتها ومنظرها الطفولي....من بين الظلمة..بدا يدخل النور لما انفتح الباب..
غمضت عيونها وحطت ايدها عليهم لكن"عبثا"...مستحيل تقدر هاليدين الصغار حجب النووور المتسرب لها..!.ومستحيل تحجب( الواقع)..!
ملاك"وهي حاطه يدها على فمها":ماما على بالي رحتي مع بابا"وضحكت"ههههههههه والله على بالي رحتي معاه وخليتيني"بدات الدموع تعرف مسارها على خديها" يمه لا تروحين تكفين..تكفين يمه
الام وهي تصارع العبره والعبره تخنقها عشان تفوز عليها:وشلون اروح واخليك ياملاك الله يخليك اعقلي انتي الكبيرة واطالع الله ثم اطالعك..تكفين يمه لاتخيبين رجاي فيك"وحطت يدها على ركبة بنتها وبدت دموعها تلمع بعيونها"
ملاك:طيب يمه ليش معد صرتي تزوريني في قبري هههههههههه ولا صرتي تخافين مني لاني ميته هههههههه بالعكس يمه الاموات مايخوفون بس يحبون يشتغلون فالظلام ويمه بعد يحبوننا نسكت يعني اوووووش عشان مانزعجهم ههههه.."وصارت تضحك وتبكي"
ام سارة وهي حاطة راسها على ركبة بنتها وبدت تبكي:يارب لطفك يارب ارفق بحالي انت ادرى به ياااارب..
وملاك تشوف امها.. وتبكي..وتضحك..وماباليد حيلة لا منهم رحلوا غصب عنا..واحنا.."نحبهم"
\
/
\
/
مـر وقت قيصر وهم في المكتبه..ماأخذت منهم وقت..
مشاعل:الله!..اول مره اخلص مبكر..
اشواق:صاادقه..انا اخلص اشيـائي في يومين
مشاعل:تتذكرين اياام المدرسه..اتذكر رغد لما تخرجت واحنا تونا بـ ثالث ثنوي كانت تغاايرناا
اشواق:اكبر مننا بـ سنه تجرب الشي قبل لانجربه انّـا
مشاعل:وبتتخرج قبلنـا
ركبت مشاعل وبعدهاا اشواق
راحـوا للـ السوق..عشاان يشترون بعض الاغراض..
اشواق:وش رايك بهـ الشنطه؟؟..حلوه؟
مشاعل تناظر الشنطه..كانت كبيره ومربعه...ولونها نحااسي..:حلووه
اشواق:يعني اخذهاا؟
مشاعل كيفك..بس انا من رايي حلووه مرره
اشواق:شورك وهداية الله..
اشترت الشطنه..ماجـا المغرب الا هم مخلصيـن..
\
/
\
/
ماجد:فراااااااااااااااااس!...ترااك رافع ظغطي..
فراس يضحك على عمه المعصب:هههههههههههههههههه..والله انك مهوي
ماجد:ياأخي اكررررررررهك..
فراس:هههههه...وانا احبك..
خالد:وليه ياكاافي؟؟
فراس:قلت له ليش طالعين ولا قلتوا لي..عصب
خالد:هـ المره انا مع مجوود انت مقصر معناا..
فراس:وش اسوي يعني اقسم نفسي نصيـن
خالد:لاماقلنا كذا بس استح على ووجهك لين صرتا فاااضي جيت ولا ماتبيناا
فراس يجلس ع الكرسي ويتسند:والله اني مشغوووله لي شوشتي بس الوالد سمح لي بـ ساعتين راحه
ماجد:غريبــــه ماعييّت
فراس:ههه..وش شايفني الله يهديك انا ابيهاا من ربي.
خالد:خلاااص سامحنااك كم عندنا من فراس
ماجد يناظر فراس:لاتتكلم بـ ضيغة الجمع
فراس يشرب من العصير:افـاا!...ألحين مسوي لك مفاجأه في هـ المطعم الزيـن..وماتبيني؟؟
ماجد:انت حمـــار
فراس يرص ع المصـاص ويبتسم بـ استهبال:مشكوور ياعمي
ماجد:هذا واجبي.."ورص"..واقل من واجبي.."يكلم خالد"..خلاااص سامحته..هزءته وطيحت اللي بـ رااسي
خالد:ههههههههه..مسرع..والله زعلك خفيف دمه
ماجد:كلـــــي على بعضي خفيف دم
\
/
\
/
صـار وقتك ياقـهوه!
اشواق وهي تجلس ع الكرسي:انا بس بـ افهم وش تحبين في القهوه المـّره؟؟
مشاعل:اتلذذ فيهااا..بشكل ماتتصورينه
اشواق:تتلذذين؟؟...
مشاعل:أيـه!..كل شي حولك مـّر..وقفت ع القهوه؟؟
اشواق:ليش هـ التشـائم كله...خلك متفـأله..
مشاعل:موب لازم..عشاان اطيح على رااسي..التفـأل للـ النـاس الاغبيـأء العايشن فـ الاحلام..
اشواق:طوول عمرك غريبه..انا لو اجلس معك 500 سنه ماراح افهمك..مع اني احسك واضحه..بس مدري كيف
مشاعل ابتسمت لها:مو حلو يصير الواحد وااضح.."وارتشفت من قهوتها"
اشواق:بس مو حلوو الغموض بعد
\
/
\
/
دق الباب دخلت الممرضه وعطته ملف. ووراها دخلت وحده يمكن انها في الـ 30 من عمرهاا
الحرمه: الســلام عليكم
فتـــــح سعود الملف اسمهاا فــــرح
سعود:وعليكم الســــــلام
فرح:كيفك يادكتور
سعود:الحمدالله... اخت فرح؟.
فرح:ايه...يادكتور انا جايه وعندي مشكله
سعود:تفضلي
فرح:انا اعااني من زوجي...احس انه يعرف وحده غيري
سعود:وش يخليك تقولين كذا؟
فرح:مدري..تصرفااته
سعود:ممكن تقولين لي بعض الاشيـاء عنه؟؟
فرح:ماأدري بس........بـ صرآآحه احس..يعني صااير مايطيقني خير شر..ولا يجلس بـ البيت
سعود:طيب انا بسألك بعض الاسأله..هو يتكلم عن الاجتماعات وهـ الاشياء..ويرجع متأخر من الدوام؟؟..وغيره
فرح:اممممممممممم...لا
سعود:يعصب بـ سهوله..يعني اكثر من اول؟
فرح:لا مو عصبي هو...بس اذا عصب يعصب بـ ذمه
ابتسم سعود على كلمتهاا:يحس بـ الذنب اتجااهك ومايتصل فيك..ولايكوون في رغبه فيك؟؟
فرح:مالاحظت أي شي من هذول..
سعود:اختي هذي مجرد وساوس..انتي كم صاار لك متزوجه؟؟
فرح:يمكن 3 شهور؟؟
ناظر سعود الملف عمرهاا 25...:اهاا!..انا الحين عرفت وش في زوجك...
فرح:نورني يادكتور
سعود ابستم:مافي ولا شي...هو بس اشـتااق للـ العزوبيه وهذي مرحله يمكن يمر فيهاا أي رجل..انتي لاتكثرين عليه بـ الملاحظاات..اطلبي منه يروح لـ اصدقااءه..خليه يطلع من اطاار البيت والعائله...لاتكلمينه عن الاولاد والاهل..شاركيه بعض الاشياء اللي يحبهاا والنشاطات..
فرح:وان طلع يحب غيري؟
سعود:لاتخافين...انتي مو وااثقه منه؟
فرح:الا بس...............
سعود:بدون بس...لاتوسوسين...انتي بس سوي اللي قلت لك عليه
فرح:الله يعافيك يادكتور ..مكشوور
سعود:هذا واجبي
طلعت البنت ...حس سعود انها مو مقتنعه من كلامه..بس مع الوقت بـ تقتنع..
\
/
\
/
عـوده لـ قبرها الحزين
- ملووكه تعاالي نبروح للـ المكتبه
ناظرت ملاك في اخوهاا مشاري..الاصغر منهاا بـ4 سنين..
ملاك بـ ابتساامه باهته..وتشد على دميتهاا:مع بابا؟؟
مشاري:لا ياملوكه..بابا راح عند ربي
ملاك:هههههههههه..انت ماتعرف شي ياميشوو...مسكيـن "وجلست تصيح"
طلـع مشاري وسكر الباب وراه بشويش..ثـواني الا وامهاا تدخل..
ام ملاك:وش فيك ياملاك؟؟..تعاالي نروح للـ المكتبه
ملاك بـ نظرات بريئه:انا ماقلت لا...بس وين بابا؟؟..
ام ملاك بـ اسى على حال بنتها:ملاااك..ابوك راح لـ ربي.."وبسرعه حاولت تغير الموضوع".. تعالي نروح للـ المكتبه..انتي الحين رايحه لـ ثالث ثنوي..مرحله لازم تشدين حيلك فيهاا..صح؟؟
ملاك:بس بابا يقول انه هو اللي بيوديني للـ المكتبه
ام ملاك:طيب انا ماأنفع
ملاك والدموع تجري على خدها:ابغاا بابا..
\
/
\
/
مـــــــرت الايـام..والكل راح لـ دوامه..في منهو راح لـ
شغله\ الجامعه\المدرسه
مشاعل وهي تلقي نظره اخيره على شكلها..ابتسمت ومررت سبابتهاا على شفتيهاا القرمزيه
نزلت تحت وكان ماجد لابس الثوب وابوهاا يعدل الشمـاغ..
مشاعل:صبـاح الخير!
ابوها +عمها:صبـاح النـور!
بندر:ماشالله ياعمتي توك نزلين؟؟
مشاعل تبتسم:شفت شلون؟؟...لازم ادخل متأخر عشاان يكون لي حظور
ماجد:خلي حظورك ينفعك..لي طردوك من الجامعه
مشاعل وهي تجلس ع الطاوله:بسم الله علي..وراها طالعه من قلب؟؟
ماجد يعدل شماغه وبيطلع:مو من قلب...مع السـلااامه
وطلـــع
دخلت ام فهد اللي شكل توهاا جايه من المطبـخ..
ثـواني وخلصت مشاعل من الاكل..
مشاعل تقوم:الحمدالله
ام فهد:خلصتي؟؟..
مشاعل:ايه
ام فهد:امدااتس؟
مشاعل تلف طرحتهاا:ايه خلصت..يلله بااي
وحبت راسها وطلعت..!
ركبت مع السـواق..

وصلت مشاعل للـ الجامعه وهي مشتاااقة لها..اول مره اسمع بـ احد يشتااق للـ الدرااسه..مو مشكله..
اشواق وهي تنزل نظارتها:ميشوو؟؟..هذا وانا على بالي اني جايه قبلك؟؟
مشاعل:هههه..ماينمزح معي انا
اشواق:خخخ..خل ناخذ الجداول..ونروح نجلس مع البنـات
مشاعل:اوكـ..!
\
/
\
/
في مدرسة ملاك
ساره:ملووكه...وش فيك
ملاك:سوسو!...اخبـارك
ساره استغربت من شكل صديقتهاا..الهالات السودا وشكلها الطفولي..كانت رابطه شعرها بـ شريطه..ومسويه فيونكا..ونازله خصل على وجهها بـ اهماال..
ملاك:ايش؟
ساره تذكرت ان نفسية ملاك مش ولا بد من يوم مات ابوها:ولا شي..الا تعاالي ليش ماتردين؟؟
ملاك:ارد؟
ساره:اتصل عليك تقول امك انك مشغوله
ملاك تبتسم بـ طفوليه:كنت في قبري..والحين طلعت منه بس لم ارجع من المدرسه برجع له
ساره:قبرك؟؟..ملووكه...انتي صااحيه
ملاك عصبت:ليش؟؟؟...
ساره:لا امزح مافيك شي...بس اسـأل..
ملاك تبتسم:انتي تخافين من الميتين زي ماما؟؟..هم ترا مايخوفون..بس مايحبون اللي يتكلم كثير..يعني اوووش...ههههههههههههههههه
ساره حست ان موت ابوهاا اثر عليهاا..مو بس نفسيتهاا..:تعاالي للـ الفصل..
ملاك:مااأبي ادرس..ماأحب
ساره:اليوم اول يوم مافي دروس ابدا
ملاك:اوكي
راحـــــوا للـ الفصل..وجلسوا مع صديقاتهم
\
/
\
/
ام سعود:سعـود!..ماودك تروح يسلم على خالك بندر توه راجع من السفر
سعود يبتسم لـ أمه وفي يده بيالة شاهي:ان شالله..بس ماعندي وقت
ام سعود:الا زااد انت وش حادك..تدخل هـ الشغله اللي مايجي منها الا عوار الرااس
سعود يضحك:ههههههههه..وش اسوي يمه هذا اللي ربي خلقني..احب احل مشاكل النـاس
ام سعود:حل مشكلتي وتزوج
سعود:ان شالله بس موب الحين
ام سعود :كم لك وانت تقول موب هالحين؟؟
سعود بيطلع:نتكلم في الموضوع لي رجعت
ام سعود:ايه وهذا انت ماغير تتهرب..
سعود يحب راس امه:ههههههه.فديتك يمه..بس والله مستعجل
وطلــــــع بعد ماسلم عليهاا

>..:..الجزء الثـاني..:..<

طــــــق!..طــق!..
- ادخل!
دخل فراس..وهو شايل معااه اوراق:اخباار عموو الصغيرون
ماجد يبتسم:بـ خير
فراس:دووووووم مووو يووم
ماجد:وش عندك اليوم..اعترف كم تبي؟؟
فارس:ههههههه..بسم الله منك...مابي شي...هو عااده اطلب منك؟
ماجد يدعي:ياااارب كل يوم تحتاااجني عشاااان اذلـك..
فارس:وجــع!...كل ذا حقد شايله بـ قلبك علي؟؟
ماجد:لا مو حقد...بس ابي احس ان كل الناس تحتاجني عندك شي؟؟
فراس يستظرف:ليش ماتصير حمام..اكرم الله السامعين...."والقارئين^^"
ماجد:هـ..هـ..هـ..ودي اضحك..بس مااش..
فراس:المهم هذي الاوراق يقولك الوالد الله يطول بـ عمره..
ماجد رفع حاجب:وش عندك؟؟...
فراس:جااااني افرااج...اجاازه لين بعد ملكتي بـ اسبوع
ماجد ينزل رااسه للـ الاوراق:وش عليك بـ تلهى مع المدام..وتنساناا..
فراس:عقباااالك يارب
ماجد:لا مو الحين...لين رااحت موضتك..ابخرب عليك
فراس:طوول عمرك سئ النيه
ماجد:اعجبـك!
فراس:يلله الله يوفقك مقدماا
ماجد:ويااك..الا تعاال متي ملكتك؟
فراس:مدري نوره هي اللي بتحدد..لانهاا تبي تسوي عزيمه
ماجد:الله يعينك..
\
/
\
/
اشواق:الحمدالله ياربي..في احد يشتااق للـ الجامعه؟
مشاعل:انا اشتقت لـ اياامهاا..مو لها..يعني مو للـ المذاكره والكرف
اشواق:اشـوى على باالي بعد
مشاعل:واذا اشتقت يعني؟؟..
اشواق:اسمحي لي...بقولك متخلفه
مشاعل تطالع بـ الفرااغ..وتكلم نفسهاا:انا اصلا متخلفه من زماان
اشواق:اكره هـ النبره..لاتتكلمين بـ الالغااز..
مشاعل:شي بيني وبيني..انتي وش دخلك
اشواق:كلمي نفسك لحالكم.....مو معي؟؟..لايتناجى اثنان دون الثالث
مشاعل:ههههههههههههههههههههههه...طيب انا مع نفسي
اشواق:يوووه..ياميشوو..انتي فااهمه قصدي
مشاعل:هههه..
اشواق تغير الموضوع:تدرين ان ملكة فراس قربت؟؟..ماأشتريتي فستان؟
مشاعل وكأن كلمة ملكه تطعنهاا:لا
اشواق:طيب وش رايك اليوم مافي شي..خل نروح لـ أي محل ناخذ فكره ع الاقل
مشاعل:ليش متحمسه......"على موتي؟؟"
اشواق:لان نوره بتسوي عزيمه كبيـره
مشاعل:على ايش.."ياحسره"
اشواق:تبي تفرح بـ مكلتها...ألمهم..نروح؟
مشاعل:اوكي..
وقــــاموا..لان اليوم مافي عندهم أي شي..
\
/
\
/
ناظرت ندى صديقتهاا غدي..ساره فهمت النظرات..مستغربين كلام ملاك..بنت في توجيهي..تتكلم مثل هـ الكلام اللي كأنه كلام طفل في الـ 3 من عمره
غدي:ملاك وش فيك؟؟
ملاك:وشو؟؟
ندى:فيوزاات مخك ضااربه
ساره تدخلت:اصلا ملاك تمزح...صح ملوكه؟
ملاك تناظرهاا ببـ براءه ولا هي فاهمه:ايش؟..ماأمزح..
ندى:ملاااك...كيف انتي تجلسين في قبرك..وانتي حيّه؟
ملاك خنقتها العبره:انا كذاابه؟
ندى:ايه كذاابه....
ملاك:لامو كذااااابه!...وحتى بابا ماامااااات
ندى:خلاااص ابوك ماات..انتي فكري في نفسك
غدي:ندوش..اسكتي خلاااص.....ملووكه ماعليك منهاا
ملاك وهي تصيح:اصـلا بابا مااااامااااااااااات..انتي ماتعرفيـن شي..
غدي تقوم ومعهاا ندى:اقول ساره..خليهاا معك..اخاف اصير مجنونه مثلهاا..
ندي.من جد..سي ياااا..
وقـاموو..وملاك وسط شهقااتهاا..
- يلله يابـنااات كل وحده مكااااااانهاا.
جلست كل بنت مكاانها وساره بـ جنب ملاك
المدرسه شاافت ملاك تصيح:ايش اسمها هذي؟؟
ساره:ملاك الـ(........)
المدرسه:ملاك!
ناظرتهاا بس ماتكلمت
المدرسه:وش فيك؟
ملاك وسط شهقاتها وبكاها:......يقولون بابا مااات ..مايعرفون شي.."وجلست تصيح"
المدرسه:اوكي طيب روحي للـ الحمام غسلي وجهك
قامت ملاك وراحت للـ الحمام..
\
/
\
/
ابو ناصر:رغد!..ليه مارحتي للـ الجامعه يامي؟؟
رغد تعدل تنورتهاا:انتظر ناصر لين يجي
ابو ناصر:وينه هو؟؟
رغد تلبس عبايتهاا:في الطريـق..بس كان يسجل حظور بـ شغله
ابو ناصر:الله يصلحه
رن جــــوال رغد:هذا هو
باست راس ابوهاا..وطلعت
ابو ناصر:الله يرضى عليك....ويحفظك
ركبت رغد مع اخوهاا
ناصر:هلا بـ حبي
رغد:ايه العب علي بـ كلمتين حلوين...عارف انك غلطاان
ناصر ببـ براءه:انا غلطاان؟
رغد:لا اللي بجنبك
ناصر:هههههههه...خلاااص سمااح هـ المره
رغد:امممممممم...يلله هـ المره بس
..
\
/
\
/
- هلا يالقـاطع..
ماجد:انا قاطع يالقاطع؟؟
سعود:ههههههه...اخباارك؟
ماجد:الحمدالله..انت؟
سعود:تمـام...الا تعاال بسألك..خالي بندر فاضي اليوم؟
ماجد:ايه ليه بغيت شي؟
سعود:ابد بس ابي ازوره انا والوالده
ماجد:سااااااره واخيرا قررت تجي
سعود:ههههه..احس انه موب مرحب فيني
ماجد:انت موب لازم اهم شي اختي ساره بتجي..
سعود:طيب فاضي خالي ولالا؟
ماجد:الا..انا ماااااعندي أي ارتباااااااااااط
سعود:ماقصدتك..انا اقصد خالي الثااني
ماجد:ههههههههه..ادري..لا فااضي من الساعه 9 اليييييييين 12..
سعود:خلاااص ان شالله اليوم بجي اسلم عليه..
ماجد:توه يذكر ..كنك فراس..مشغوول 24 ساعه
سعود:انا غير
ماجد:انت دختوور
سعود:همااني اقولك لا تقول دختور؟؟...
ماجد:ههههههههههههههههه
\
/
\
/
طلعت ملاك من الحمام بـ خطـوات بطيئه...كأنها ماتبي توصل..
وصلت عند باب الفصـل..
- انتي ملاك؟؟
ناظرت ملاك استـاذه ونزلت راسهاا على طول..:ايه
الاستاذه:هذا كيس جااي لك من البيت
اخذت ملاك الكيـس..ودخلت فصلهاا..وجلست في كرسيهاا الخشبي القااسي..
ناظرت الكيـس..في ثالث ثنوي مافي فنيه او تدبير وتفصيل...وش هـ الكيس..حتى مو باين انه كيس عاادي...كيس هدااايا
فتحت ملاك الكيـس وكان ف هديه مغلفه بـ غلاف رودي رقيق..وملفوفه بـ شريطه..
ناظرت البنـات حولهاا..كل وحده لاهيه مع مجموعتهاا..حتى ساره..رجعت بصرهاا للـ "الهديه"
من ممكن يعطيهاا هديه؟؟..شافت كرت طايح بـ شكل انيـق وحلوو..في الكيـس..
اخذته وفتحت والصــــدمه..مكتوب في الكرت...
"أبـــــــــوك"
فتحت عيونها..وارتسمت على ثغرهاا ابتسااامه ...وبـ كل تلقاائيه..وبدون قيود..قالت بـ بنـظره مليئه بـ الايتهااج..حتى "الحزن"..:من بـــابـــا!!...شوفوا من بابا
ناظرتها الاستاذه اللي عرفت قبل ثواني كل شي عن ملاك:ملاك؟
ملاك ناظرت الاسـتاذه:شوفي ياأبله....هديه من بابا...مامااات هو يتذكرني شوفي..."وبـ ضحكه بريئه"....ههههههههه..
الاسـتاذه:ملووكه روحي لـ المشرفه
ملاك بـ ابتساامه بلهااء:ليه؟..انا ماسويت غلط..
الاستاذه:لا روحي قولي لها عن هدية بابا
طلعت ملاك بـ كل سعااده..وراحت للـ المشرفه..
\
/
\
/
عند بطلتنــــا..!
اشواق:حلوو هـ اللبس؟؟
- ايه..
قالتهاا من غير لاتنااظره..كانت عيونهاا على فسـتاان فخـم اسـود×اسود..ينفع في مناسبه مثل كذا....مافي أي حركه..ومخمل..كان حلوو بـ كل ماتعنيه الكلمه..
اشواق:ايه وهي ماتنااظر
مشاعل:اشواق..وش رايك بـ هذا؟
اشواق وهي تقلب الفسـتان:سعره مايستااهل شكله
مشاعل:كيف يعني؟
اشواق:يعني غالي على غير سنع...اشتري غالي يستااهل..
مشاعل:انا معجبني...باخذه
اشواق:ماأستغرب منك...انا من شفتك تشربين قهوه مرّه وانا غاسله يدي
مشاعل:هههههههههه...احسن شي
اخذت مشاعل الفسـتان وحاسبت..اما اشواق طلعت ولا عجبهاا شي..
\
/
\
/
"السـاعه 3 العصر"
رجـع ماجد من شغله بعد مارجع من عزيمة فراس المفـاجأه..
ام فهد:وينك ماشفنااك اليوم ع الغدا
ماجد:كنت طاالع مع فراس
ام فهد:قال لي اخوك انك مو متغدي قلت لهم يعزلون لك..
ماجد:لاوالله..شبعاااان..انا برقى انوم تامرييني على شي؟
ام فهد:سلامتك
رااح فوق..
\
/
\
/
كانت تدور في غرفتهاا...او في "قبرهاا الحزين"..محد رااضي يصدق ان الهديه من ابـوهاا..تذكرت يوم ورتهاا امهاا
ملاك:ماما شوفي...بابا جااب لي هديه
ام ملاك:ملووكه ياقلبي!..بابا عند ربي..كيف يجيب لك هديه؟؟
ملاك مدت بوزها:طيب شوفي الكرت
ام ملاك:ملاك انتي تلعبين على مين؟..هذا خطك
ملاك:محد يضدقني.....كلكم ماتحبووني ولا تحبوون بابا

خنقتهاا العبره وهي تتذكر هـ التفااصيل...
ملاك"تظن انهاا تكلم ابوهاا":هم مايحبونك يابابا..بس انا احبك...انت مامت صح؟ .... هههههه..قل لهم انك مامت..وانك انت اللي ارسلت لي الهديه..بس هم مايبوني افرح بـ هديتك
\
/
\
/
قامت مشاعل من النوم..وتحس راسهاا ثقيل..هذا نوم العصر...
دخلت الحمام وولبست واتصلت على اشوواق
اشواق:مدري وش معجبك فيه ذا الفستان
مشاعل:مدري معجبني..المهم ماعليناا..مافي اخباار عن ملووكه؟؟
اشواق:ماأدري عنهاا...انا خلاااص كل ماأحاول اعرف عنهاا شي اتفشل
مشاعل ناظرت ساعتهاا كانت 4:ودي اروح لهاا
اشواق:روحي لها انتي مرره قريبه منهاا..
مشاعل:اوكـ..!..تجين معي؟
اشواق:لا..خل اول زياره لك..بعدهاا انا وانتي..
مشاعل:بـ رآآحتك..
اشواق:الا مشاعل..وش بتتوقعين عزيمة نوره؟
مشاعل...لازم تقلب المواجع هـ الانساانه:مدري
اشواق:هي بتكوون كبيره بس انا بعرف وش بتسوي...
مشاعل:تذكرين لم رحنا بيتهاا يوم الخطبه؟؟.....مابقى شي ماحطته..
اشواق: من جد
مشاعل:اسمحي لي بس بنت خالتك تحب المظااهر بـ شكل
اشواق:انا معك في هذي...مابقت شي للـ الزواج
\
/
\
/
حـط امه في البيت بعد مازار خالـه
ام سعود:بتطول؟..تراك مانمت
سعود:ابطلع شوي مع الشباب شرهانين علي..ليش اني ماأجلس معهم
ام سعود:عااد لاتطول لاني خايفتن عليك..مانمت انت اليوم زين
سعود يبتسم لـ امه والحيده له بهـ الدنيا:ان شالله
\
/
\
/
في السيـاره عند ماجد وفراس وخالد...
فراس:انا مليت من شوارع الرياض...خل نجلس
خالد:انا مليت من الكوفياات حقاتكم
ماجد:ماشالله كلكم مليتوا؟
خالد:تعالوا لـ بيتنا
ماجد:لا يرحم امك...لالالا
فراس:هههههههههههههههههههههههه..خايف يصير لك موقف؟؟
خالد:اختي لي يومك وهي تتذكره هـ الموقف..
ماجد:خل نروح لـ بيتكم يافرااس..هناك كلهم ماحارمي
خالد +فراس:ههههههههههههههه
الموقف اللي صار..كان ماجد توه طالع من المسبـح..ولابس الشورت..مالقى فوطه حقته وراح للـ الملحق عشاان يجيبهاا..مـر من عند حديقة بيتهم بـ حكم ان مافي احد مشى على رااحته ومايدري الا بـ شي اسـود يصقع فيه..نـــــاظر
لقى بنت قصيره..بس مو شكلها صغيره..ناظرته بـ احرااج..كانت لابسه اسود..اما هو بس شورت السبـاحه...انصبغ وجهها بـ اللون الاحمر..ونزلت رااسها..هو ماأهتم ذاك اليوم وكمل طريقه للـ الملحق وهي واقفه مكااانهاا......!
وصلــــوا لـ بيت فراس..
ودخلـوا للـ الملحق..

خالد:دق على سعود يجي
ماجد يسمك الجـوال:هذاني ادق

ان شالله عجبكم..!
وش سالفة ملاك؟؟..ومن مين الهديه؟؟...معقوله تكون من ابوهاا؟؟
وفراس..وش نهاية علاقته بـ نوره...وكيف بيدري عن حب مشاعل له

وش بيصير بـ الملكه؟؟...

يوؤ يوؤ بنآآت اأحسسس في لخبططه في الرورو
ان شاء الله انا بقراها ولو شفتها مرتبه من الموومو بنقلها لكم ..
انتظروؤوؤورنـي :)

بالانتتظار

ههههههههههه بعدين بكملهاآ ,,
وتراني سحبت عليكم وجالسه اقرا رواية تانيه > وجهها قوووي هـ البنت هععع
ويقفل