اسمحيلي يالغرام ( قصه سعوديه رووعه واكثر من روعه)

تذكير بمساهمة فاتح الموضوع :

السلام عليكم
اخباركم اخواني واخواتي

اليوم انا جايبه لكم قصصه رووعه
عجبتني وقلت لازم اخلي احد يشاركني فيها
واسم القصه
اسمحيلي يالغرام
للكاتبه القصه : غلا الرياض
++++++++++++++++
وهذا اول بارت راح احطه لكم

عائلة ابو فيصل ( سلطان ) الراسي
سلطان : اب حنون على عياله وزوجته ولكنه عصبي احياناً يشتغل مع اخوته في شركة ابوهم اللي كان مشترك فيها مع صديقه .
ام سلطان : وحده لبنانية اسمها رندة وطيبه مرره بس عندها الجد جد.

فيصل : شاب عمره 28 سنة متزوج من وحده مو من قرايبهم اسمها منى يشتغل مع ابوه في شركتهم وعنده ولد واحد عمره ثلاث سنوات واسمه محمد .
عبير : 25 سنة متزوجة وعندها بنت اسمها ليان عمرها سنتين .
احمد : شاب وسيم عمره 21 يدرس هندسة معمارية وهو اقرب واحد الى اخته نجود .
الهنوف : بنت حلوة عمرها 19 سنة تدرس طب اسنان مع بنت عمها العنود في جدة .
نجود : بنت مزيونة وحلووه مرره وعليها حركات استهبال خصوصاً لما تكون مع بنت عمها خلود وهي ثانوية عامة وعمرها 17 سنة .
الريم : بنت طيوبة وبريئة عمرها 12 سنة في اول متوسط .

.>><<<<>><<>>><<<>><<>><<

عائلة ابو عبد العزيز ( عبد الرحمن ) الراسي
عبد الرحمن : اب طيب وحنون على عياله اللي هم اهم شيء عنده بالدنيا ومتفهم معاهم لدرجة كبيرة.
جيهان : زوجة عبد الرحمن وهي وحدة لبنانية وتصير اخت رندة زوجة سلطان طيبه
مع عيالها اللي يعتبروه مثل اخت او صديقة لهم مع وجود الاحترام طبعاً.
سهى : متزوجة حفيد شريك جدها بالشركة طلال وعندها بنوتة صغيرة اسمها سهر .
عبد العزيز : شاب طموح خاطب بنت عمه الهنوف وملكته قريبه عمره 25 سنة يشتغل في العسكرية .
فهد : شاب طموح ووسيم لدرجة انه بعض البنات هم اللي يلاحقونه عمره 23 سنة يدرس في لندن في جامعة اكسفورد محاسبة .
الوليد : طيوب وحبوب مع خواته وهو اكثر واحد حبوب معاهم وعمره 21 سنة يدرس هندسة كمبيوتر في الجامعة .
العنود :بنت ماخذه شوية من خبال خواتها اللي اصغر منها ومثل ماقلت تدرس طب اسنان مع بنت عمها الهنوف .
خلود : دايما مع ببنت عمها نجود مايفترقون عن بعض الا نادراً حتى في المدرسة
واذا اجتمعوا دووم هبال وووناسة وعمرها 17 كمان وهي حلوة كتير .
نوف : دوووم مناقر مع خلود بس مع ذلك قريبين من بعض وهي دووم هبال معاهم وعمرها 16 في ثاني ثانوي.

.>><<<<>><<>>><<<>><<>><<

عائلة ابوخالد ( محمد ) الراسي
محمد : رجال طيب مع اولاد وبنات اخوانه ومريض بالقلب
ام خالد : منيرة مرة طيبة وما عليها من الناس
خالد : الابن الوحيد لام خالد يدرس في الخارج مع فهد ولد عمه يدرس إدارة
اعمال شاب ولا كل الشباب وسيم مرة مرة عمره 23حتى انه بعض صديقات اخته
مستجنين عليه ويتمنونه .
شوق : بنت حبوبة وطيبة وعلى نياته ماعليها الا من نفسها وطيبة مع الناس لدرجة انه البعض يستغفلها عمرها 18 سنة .
رهف : بنت تحب بنات عمها نوف وخلود ونجود وماترضى عليهم بحكم انها دوووم معهم عمرها 16 سنة ثاني ثانوي قسم علمي مع نوف .

.>><<<<>><<>>><<<>><<>><<

عائلة ابو رامي (نايف ) الراسي
نايف : رجال مسالم على نياته عكس زوجته
لطيفة : مرأة متكبرة ومتسلطة وماتحب ام زوجها وتكره الكل وغيورة ودايما تحب تشوف نفسها في القمة .
رامي : شاب عمره 20 مثل ابوه غير عن امه واخته يدرس في الجامعه علوم طبية .
سارا : مغرورة ومتكبرة على امها لأبعد درجة وحقودة وتكره بنات عمها خلود
ونجود ماعدا شوق اللي هي تعتبرها صديقتها على الاحتياط عمرها 18 سنة .

.>><<<<>><<>>><<<>><<>><<

الجد ابو سلطان ( علي ) الراسي
الجده ام سلطان ( فاطمة )

تركي العم يدرس في الخارج طب مع اولاد اخوه فهد وخالد وعمره 29 سنة وتوه متخرج .

العمة نورا : مدرسة رياضيات في وحدة من المدارس وانتقلت الى المدرسة اللي
يدرسوا فيها بنات اخوها وعمرها30 سنة وعندها تؤام شهد وعهد اعمارهم 10
سنوات .

العمة رغد : متخرجة من جامعة الملك سعود قسم الحاسب الآلي وتشتغل في احد
البنوك من انه اهلها ماكانوا موافقين انها تشتغل بحكم انها مو محتاجة الا
انها قدرت تقنعهم وعمرها 23 سنة .

سلمان العم الصغير : عمرها 20 سنة شاب مستهتر ماهمه شيء في الدنيا شعاره ( طنش تعش تنتعش )
وغير كذا راعي بنات يدرس في الجامعة وهذي ثاني سنة اله تجارة الكترونية .

.>><<<<>><<>>><<<>><<>><<

عائلة ابو طلال ( بدر ) الراهي
طلال : 31 سنة يشتغل مع ابوه في الشركة زوج سهى
منى : صديقة العمة رغد الروح بالروح ومتزوجة من فيصل
حسام : صديق الوليد واحمد وسلمان ومسوي شلة معاهم عمره 22 سنة
غلا : صديقة خلود ونجود بالمدرسة ومثلهم بالحركات والهبال عمرها 17 سنة

.>><<<<>><<>>><<<>><<>><<

في بعض الاشخاص راح يظهرون في القصه وراح يكوون لهم دوور كبير في قصتنا
بتتعرفون عليهم في الاجزاء الجاية.

----------------------------------

كان قاعد على صخرة في البحر يفكر بمصيره اليوم ملكته على بنت عمه الهنوف
سرح بخياله الى ثلاث سنين مضت يوم كان في لبنان قاعد معاها على صخرة
الروشة يخططوا لمستقبلهم كان عمره 22 سنة وهي 18 سنة اعترف اليها بحبه
مايدري كيف جته الجرئة وقال اليها هالكلمه وحس نفسه افتقدها كثير فجأة
انتبه على حاله وطالع ساعته
وقال في نفسه : اوووه الساعه 3ونص ويبي لي مشوار 4 ساعات على ما ارجع
الرياض وتذكر ان اخوه وعمه راح يرجعون اليوم من لندن لام نفسه على غبائه
كيف نسى هالموضوع ركب سيارته

واتصل على اخوه الوليد : الوووو هلا بو خالد
الوليد : هلا بيك
عبد العزيز : حبيت اقولك لاتنسى تروح تجيب اخوك وعمك من المطار انا مدري كيف نسيت هالشيء
الوليد : الا هم متى راح يوصلون
عبد العزيز : الساعه 4 ونص تقريباً يعني الساعه 4 تكون في المطار
الوليد : طيب إلا انت الفاضي اليوم ملكتك ورايح لنا الشرقية
عبد العزيز : طيب بلاكثرة حكي ولا تنسى الا قلت لك عليه وخبر عمك سلمان كمان ... يلا باي
الوليد : باي

.>><<<<>><<>>><<<>><<>><<

في بيت الجد علي ( ابو سلطان )

بعد ماخبر الوليد سلمان عشان يروحون المطار يستقبلون تركي وفهد راح تكشخ
ولبس الثوب والشماغ وتعطر بدهن العود كل هذا عشان مغازل البنات

وهو نازل من الدرج شافته امه ام سلطان : هو سلمان كل هالكشخه عشان ملكة ولد اخوك اجل لو عرست ايش بتسوي
سلمان وهو يضحك في نفسه لا بالله ماتدرين عن شيء يايمه : اكيد اذا ماكشخت
الى عبد العزيز والهنوف اكشخ الى منو اوكي مام انا راح اروح الحين المطار
اجيب تركي وفهد
ام سلطان : بحفظ الرحمان يا وليدي وعن السرعه الزايدة .

في بيت ابو عبد العزيز

الوليد وهو طالع من غرفته عشان بيروح شافته اخته خلود

خلود : هلوووو الوليد وين رايح
الوليد : بروح المطار استقبل تركي وفهد
خلود: ولودي حبيبي
الوليد : اخلصي خلود وش تبين اعرفك ماتدلعين الا اذا بغيتي شيء
خلود : بليييييييييييز خلينا نروح معك
الوليد : ايش لا حبيبتي ماراح تروحين معايا
خلود : ليش مين راح يروح معك
الوليد : عمي سلمان اوكي خلود لاتصدعي لي راسي عندك خمس دقايق انتي وبنت عمك ان ماخلصتوا
راح اروح عنكم

خلود وهي طايرة الى غرفتها: نجود نجود بسرعه البسي عبايتك الوليد وافق نروح معه المطار
نجود : مدري بس مابدي اروح
خلود : اقول انقلعي يالله هو وافق والحين انتي ياحضرة الست منتي موافقه
نجود : لانو انتي راح تستقبلي اخوك انا راح استقبل منو الجدار اللي وراك مثلا
خلود وهي معصبة : مالت عليك يالهبلة نسيتي انو عمي تركي راح يرجع
نجود وهي مستغربة : صدق بس مو كأنه قال ماراح يرجع الا مع خالد ولد عمي
خلود : لا غير رايه عشان الهنوف اختك لاتزعل عليه لانها كلمته وطلبت منه
انه يرجع ولا بتزعل عليه ولا بتكلمه مدى الحياة خخخخخخخخخخخخ نكتة اختك
والله
نجود : انطمي بس ولا تقعدي تتمسخري على اختي بس
خلود : يلا بلا هذره والبسي عبايتك .

وهم طالعين استوقفتهم ام عبد العزيز : لك ياخلود ونجود على فين حبايبي رايحين
خلود ونجود وهم متفقين يلعبون باعصاب ام عبد العزيز
نجود : على بيت الجيران
خلود : لا على بيت اجوازنا
ام عبدالعزيز : لك بتتمسخري عليا انتي وهي لكن حسابي عند بيك ياخلود
خلود ونجود : سوري بس حبينا نمزح معاك حنا رايحين على المطار مع الوليد
خلود وهي مبلمه وتضرب يدها على جبينها : اوووه
نجود وام عبد العزيز : وشفيك
خلود : الوليد ينتظرنا بره اكيد راح احصل لي تهزيئة محترمه منه او يمكن راح عنا بعد
اوكي مام راح نطلع نشوفه
ام عبد العزيز: انتبهوا الى نفسكم

خلود ونجود وهم طالعين : اوكي تشاااااااو

.>><<<<>><<>>><<<>><<>><<
وهم برة البيت
خلود : يالله راح الوليد كلا منك يانجود
نجود : وانا وش دخلني طيب
خلود : لا والله قلت لك البسي بسرعه اوووف ماني ماني راح
نجود : شوفي السيارة اللي جاية مو كأنها سيارة الوليد
خلود : وين وين ؟؟
نجود : اطالعي قدامك
خلود : ايوه هاي هيا

وهو ماشي بالسيارة باتجاهم ويفتح النافذة
الوليد : وين رايحين
خلود : ننتظرك وين رحت خفنا تكون رحت عنا
الوليد : ههههههههههه من زمان رحت وجيت
نجود : وليدوووه احلف
الوليد : نجودووه اصغر عيالك انا
نجود : لا جدهم ههههههههه
خلود : الوليد احلف
الوليد: ليه بكذب عليك
خلود : خرااااط وين فهد اجل ما اشوفه
الوليد : زين بعد طلعتي ذكية يالله قدامي انتي وهي
نجود : زين شوي شوي على احبالك الصوتية لاتتقطع
الوليد : هههههه

>><<<<>><<>>><<<>><<>><<

في بيت ابو فيصل

في غرفة الهنوف

العنود : الهنوف مو كأنه الكوافيره تأخرت؟؟..
الهنوف: اتصلت فيها وراح تجي دحينا وطلبت منها تجيب معها كوافيرتين كمان
العنود: زين منشان نخلص بسرعه
الهنوف: الا اقول وين نجود وخلود ونوف
العنود: نوف راحت مع رهف وشوق الكوافير اما نجود وخلود مدري عنهم بس نجود كانت مع خلود
في بيتنا
الهنوف: العنود انا خايفه
العنود: خايفه!! من ايش طيب؟
الهنوف:مدري احس نفسي متوتره
العنود:لاتخافين ..اذا كنتي خايفه من عبد العزيز تراه مب وحش وياما شفتينه وشبعتي منه
الا بدخلت ام فيصل وقطعت عليهم الكلام
ام فيصل:تراه الكوفيرات وصلوا.. وجدك يبي الملكه في بيته وجهز لكم كل شيء
الهنوف:خليهم يمه يرقون هنا.. وقالي ابوي ..
ام فيصل:الا بسألكم وين نجود؟
العنود: في بيتنا
ام فيصل: طيب اتصلي لها يمه العنود وانا راح انادي الكوفيرات يرقون لكم هنا
العنود:حاضر خالتي
العنود واهيا تتصل الى نجود
العنود:هنوف اختك تراها ماترد
هنوف: يمكن ناسيه جوالها ولا مو معاها
العنود: مدري..طيب انا بتصل في بيتنا

خلود : خلاص نجيد حبيبتي اقولك ما لحق يصورك يلا تراه عمتي خلاص حاسبت الرجال وخلينا نروح لاتستغرب وقفتنا وتعرفيها لو عرفت بالموضوع بتعطينا محاضرة طويلة عريضة

طلعوا من المحل وقعدوا يتسوقوا ونجود شوي نست الموضوع مع انها لازالت خايفة بعد فترة طويلة
رغد : يلا خلونا نروح صار لنا زمان
خلود : اوكي لانه اصلا حنا تكسرت رجايلنا

>>>>>><<<<>><<<<>>><<<<>>>><<<

لازالت على حالتها الحزن باين في عيونها حتى لو حاولت تبتسم دموعها تتجمع في عيونها وتبكي بين فترة وفترة
شوق : سحر حبيبتي خلي ايمانك بالله قوي والخير اللي الله كتبه ( قل لن يصيبنا إلا ماكتب الله لنا )
سحر بحزن : ونعم بالله
شوق : يلا حبيبتي طولت عليك
سحر : وين تو الناس
شوق بابتسامة : أي تو الناس صار لي ساعة عندك
سحر : براحتك
شوق : لاتخافي حبيبتي راح اجيك بكرة
سحر : حياك
شوق : والله لوما اهلي ينتظروني كان قعدت معاك فترة اطول اوكي اجل يلا باي
سحر : باي
اريج : ويه اخيراً افتكينا منها
سحر : بالعكس ترا شوق تمام ومافي منها اثنين
سارا واريج الكلام جديد عليهم : ايش ؟؟؟
سحر : ايوا تراني انا اتكلم جد
ماحبوا يطولوا معاها في النقاش خصوصاً انها لازالت متأثرة بموت ابوها وفضلوا السكوت
سارا: اوففف طفى جوالي
اريج : خلص شحنه
سارا : ايه ... ماني ابي اتصل
سحر مدت عليها جوالها : خذي اتصلي
سارا اخذته واتصلت على خويها منه : الو هلا
محمد : اهلين وسهلين وبوستين على الخدين
سار ابتسمت بخجل : وينك فيه ؟؟
محمد : انا عند الباب انتظرك
سارا : اوكي الحين طالعة
اريج : مين بيوصلك
سارا خرطت عليها وقالت اخوها حتى لاتحط عيونها عليه : اخوي رامي
اريج : بروح معاك
سارا اللي كانت متوقعة هالشيء : يلا
اريج وسارا : اجل يلا باي سحورة
سحر : باي
وبعد ما طلعوا هزت راسها بأسف على حالهم اللي ماراح يتغير قطعت عهد على نفسها انها راح تتغير وتحاول تنصح كل اللي يمشون في هالطريق واولهم صديقاتها كل هذا وفاءً لأبوها .

بعدها تذكرت ابوها كيف كان يلاعبها لما كانت صغيرة وكيف كان يلعب معاها على البحر لما كانوا يروحون الشرقية او جدة مر شريط حياتها في بالها
ظلت تصيح ساعة وهي غارقة في ذكرياتها بعدها راحت تتوضأ وتصلي اليها ركعتين وقرات قران تهديء نفسها وينشرح صدرها ( الا بذكر الله تطمئن القلوب )

بعدما هدت شوي تذكرت امها قامت حتى تشوفها لفت انتباهها الاوراق الموجودة
كانت الاوراق الى سارة وتذكرت انه سارة قالت ماتبي تنساهم والحين نسيتهم ما تلومها غرقانة في بحر الشياطين
اتصلت على بيتهم رد ابوها : الو وين سارة
ابو رامي : سارة طلعت راحت الى سحر خويتها
سحر : اني سحر سارة جت وطلعت من عندي صار لها ساعة
ابو رامي انصدم : ايش ؟؟؟
سحر : ايوااا حتى انها اخذت جوالي واتصلت لأخوها وجا اليها
ابو رامي ازدادت صدمتها اكبر واكبر : اخوها في جدة وش تقولين انتي ؟؟
طيب عطيني الرقم اللي اتصلت عليه
سحر عطته الرقم وبعدها سكرت كانت خايفة من اللي سوته لكن في نفس الوقت مرتاحة على الاقل اهل سارة ينتبهون لها قبل لاتضيع من عندهم
ابو رامي كان على اعصابه
ام رامي كانت معزومة عند وحدة من صديقاتها وطالعة مثل كل يوم ورامي طالعة والبنت مالها حسيب ولا رقيب
اخذ الرقم واتصل عليه
كانت قاعده معاه في السيارة بعدما وصلوا اريج اخذها يمشيها على شوارع الرياض
فجأءة رن جواله شافه رقم غريب : سارونة شوفيه هذا الرقم اللي اتصلتي علي منه من شوي
سارا دققت في الرقم وشهقت وقالت بخوف : هذا رقم ابوي
محمد تركه يرن ومارد عليه
ظل يرن وانقهر محمد ورد : الو نعم
ابو رامي من خوفه لما سمع صوت شاب قعد يخربط في الكلام : جيب البنت احسن لك
محمد : أي بنت اللي تتكلم عنها
ابو رامي : البنت اللي معاك جيبها لا اخبر الشرط عليك
محمد : طير ياعمي طير وش قاعد تخرف انت
ابو رامي : وين انت الحين
محمد : انا في الخبر
ابو رامي انصدم بصراخ بصوت مرتجف حتى اللي يسمعه يضحك عليه : ويش مروحك للخبر
اسارة مسكت حالها لانه محمد كان حاط سبيكر
محمد على طول سكر في وجهه ودخل في نوبة ضحك شاركته سارا فيها
محمد وسارا : هههههههههههههههههههههههههههه
محمد : ابوك هذا تحفة من اول ماتكلم هجوم
سارا : تعرف عاد اذا عصب .... يمه وش اسوي الحين
محمد : لا تخافين

بعد ساعة دخلت سارة بيتهم وكان ابوها في استقبالها طبعاً سارا كانت متوقعة هالشيء
ابو رامي بعصبية : سارا وينك فيه ؟؟؟
سار : يبه انا كنت في بيت صديقتي بعدها رحت الصالون
ابو رامي : اتصلت صديقتك وقالت انك اتصلتي على هالرقم
سارا: يبه ما عليك منها كذابة كيف اتصل وانا عندي جوال يبه خذ جوالي اذا بغيت تتأكد شوف اذا الرقم موجود
سكتت بعدها قالت : يبه اذا مو مصدقني اتصلك على عمتي نورة لأني شفتها في الصالون
واخذت جوالها بتتصل قدامه
ابو رامي : خلاص ما يحتاج صدقتك بس اللي مستغرب منه ليه هالبنت متصلة
سارا : يبه تراه حاقدة علي واكيد تبي تخترب بيتنا مثل ما اخترب بيتها
ابو رامي : وانتي كيف تصادقين هالاشكال ؟؟
سارة تمثل دور الحزينة : ماكنت عارفة معدنها واحمد ربي اللي كشف لي حقيقتها
ابو رامي : والله ياسارا خلتني مثل المجنون من خوفي عليك ؟؟
سارا: اسم الله عليك يبه .

سارا في داخلها تتوعد لسحر منشان تنتقم منها

>>><<<<>>><<<>>><<<>>><<<>>><<>>

رجعت مع خلود وتفاجأت بوجود امها وخواتها هناك حمدت ربها انها قررت في اللحظة الاخيرة تنزل ما كانت راضية في البداية تنزل عشان لا تلتقي بفهد كفاية اللي صار لها اليوم
نجود : حركات غريبة متجمعين هنا
جيهان بمزح : امك اشتائت لي
خلود ونجود : ههههههههههههه حلوة
سهى : خلود ونجود تعالو فرجوني شو اشتريتوا
خلود ونجود : اوكي
سهى : انتي وياها ماعندكم الا الاكسسوارات متى بتشبعون
نجود : ولا راح نشبع اغسلي يدك منا
فجأءة انفتح الباب بالقوة لدرجة انه الكل اخترع وصار يطالع في اتجاه الباب
دخل منه الوليد والكل شهق من شكل الوليد اللي كان الدم ينزل من راسه على صدره وماكان عليه قميص او بالاحرى القميص كان ممزع !!

>>><<<>>>><<<<>>>><<>>>

اهونزلت اكثرمن بارت موتزعلي يمكن اتأخرفي البارتات الجاية

وااااو بارتات جناااااان

واكيد ماراح ازعل وننتظرك للمرة الجاية

لاتتاخري ننتظرك

القصه مررا جونان

يسلموو

مشكورة مرة حلوة روعة يسلمووووو عجيبة

تقبلي مروري بنوتة عسل

يسلموؤوؤ خيتوو ع الروايه من جد نااايس [ندعوك للتسجيل في المنتدى أو التعريف بنفسك لمعاينة هذه الصورة]

وااااو الرواية مررة نايس ثانكس [ندعوك للتسجيل في المنتدى أو التعريف بنفسك لمعاينة هذه الصورة]

رؤؤؤؤؤعة مشكرة

خييييييييييييييييييييييييبه هذي مب قصه هذا مقاال

يسلمو ضاع وقتي وانا اقريها المهم انها طلعت حلوه

هع هع هع هع هع هع هع هع هع هع هع هع هع

يسلموووووووووووو

ثانكس بس نبي بارت او الموقع الي تكتب فيه الكاتبه

يسلمو خيتو

مششكووره ع الطرح

اسستمرري

» تيشرتات روعه لمصممه سعوديه
» حلق رووعه
» حقائب رووعه
» صور الفنانه امل العوضي رووعه
» صور للمسن وهيدراات رووعه