اسمحيلي يالغرام ( قصه سعوديه رووعه واكثر من روعه)

السلام عليكم
اخباركم اخواني واخواتي

اليوم انا جايبه لكم قصصه رووعه
عجبتني وقلت لازم اخلي احد يشاركني فيها
واسم القصه
اسمحيلي يالغرام
للكاتبه القصه : غلا الرياض
++++++++++++++++
وهذا اول بارت راح احطه لكم

عائلة ابو فيصل ( سلطان ) الراسي
سلطان : اب حنون على عياله وزوجته ولكنه عصبي احياناً يشتغل مع اخوته في شركة ابوهم اللي كان مشترك فيها مع صديقه .
ام سلطان : وحده لبنانية اسمها رندة وطيبه مرره بس عندها الجد جد.

فيصل : شاب عمره 28 سنة متزوج من وحده مو من قرايبهم اسمها منى يشتغل مع ابوه في شركتهم وعنده ولد واحد عمره ثلاث سنوات واسمه محمد .
عبير : 25 سنة متزوجة وعندها بنت اسمها ليان عمرها سنتين .
احمد : شاب وسيم عمره 21 يدرس هندسة معمارية وهو اقرب واحد الى اخته نجود .
الهنوف : بنت حلوة عمرها 19 سنة تدرس طب اسنان مع بنت عمها العنود في جدة .
نجود : بنت مزيونة وحلووه مرره وعليها حركات استهبال خصوصاً لما تكون مع بنت عمها خلود وهي ثانوية عامة وعمرها 17 سنة .
الريم : بنت طيوبة وبريئة عمرها 12 سنة في اول متوسط .

.>><<<<>><<>>><<<>><<>><<

عائلة ابو عبد العزيز ( عبد الرحمن ) الراسي
عبد الرحمن : اب طيب وحنون على عياله اللي هم اهم شيء عنده بالدنيا ومتفهم معاهم لدرجة كبيرة.
جيهان : زوجة عبد الرحمن وهي وحدة لبنانية وتصير اخت رندة زوجة سلطان طيبه
مع عيالها اللي يعتبروه مثل اخت او صديقة لهم مع وجود الاحترام طبعاً.
سهى : متزوجة حفيد شريك جدها بالشركة طلال وعندها بنوتة صغيرة اسمها سهر .
عبد العزيز : شاب طموح خاطب بنت عمه الهنوف وملكته قريبه عمره 25 سنة يشتغل في العسكرية .
فهد : شاب طموح ووسيم لدرجة انه بعض البنات هم اللي يلاحقونه عمره 23 سنة يدرس في لندن في جامعة اكسفورد محاسبة .
الوليد : طيوب وحبوب مع خواته وهو اكثر واحد حبوب معاهم وعمره 21 سنة يدرس هندسة كمبيوتر في الجامعة .
العنود :بنت ماخذه شوية من خبال خواتها اللي اصغر منها ومثل ماقلت تدرس طب اسنان مع بنت عمها الهنوف .
خلود : دايما مع ببنت عمها نجود مايفترقون عن بعض الا نادراً حتى في المدرسة
واذا اجتمعوا دووم هبال وووناسة وعمرها 17 كمان وهي حلوة كتير .
نوف : دوووم مناقر مع خلود بس مع ذلك قريبين من بعض وهي دووم هبال معاهم وعمرها 16 في ثاني ثانوي.

.>><<<<>><<>>><<<>><<>><<

عائلة ابوخالد ( محمد ) الراسي
محمد : رجال طيب مع اولاد وبنات اخوانه ومريض بالقلب
ام خالد : منيرة مرة طيبة وما عليها من الناس
خالد : الابن الوحيد لام خالد يدرس في الخارج مع فهد ولد عمه يدرس إدارة
اعمال شاب ولا كل الشباب وسيم مرة مرة عمره 23حتى انه بعض صديقات اخته
مستجنين عليه ويتمنونه .
شوق : بنت حبوبة وطيبة وعلى نياته ماعليها الا من نفسها وطيبة مع الناس لدرجة انه البعض يستغفلها عمرها 18 سنة .
رهف : بنت تحب بنات عمها نوف وخلود ونجود وماترضى عليهم بحكم انها دوووم معهم عمرها 16 سنة ثاني ثانوي قسم علمي مع نوف .

.>><<<<>><<>>><<<>><<>><<

عائلة ابو رامي (نايف ) الراسي
نايف : رجال مسالم على نياته عكس زوجته
لطيفة : مرأة متكبرة ومتسلطة وماتحب ام زوجها وتكره الكل وغيورة ودايما تحب تشوف نفسها في القمة .
رامي : شاب عمره 20 مثل ابوه غير عن امه واخته يدرس في الجامعه علوم طبية .
سارا : مغرورة ومتكبرة على امها لأبعد درجة وحقودة وتكره بنات عمها خلود
ونجود ماعدا شوق اللي هي تعتبرها صديقتها على الاحتياط عمرها 18 سنة .

.>><<<<>><<>>><<<>><<>><<

الجد ابو سلطان ( علي ) الراسي
الجده ام سلطان ( فاطمة )

تركي العم يدرس في الخارج طب مع اولاد اخوه فهد وخالد وعمره 29 سنة وتوه متخرج .

العمة نورا : مدرسة رياضيات في وحدة من المدارس وانتقلت الى المدرسة اللي
يدرسوا فيها بنات اخوها وعمرها30 سنة وعندها تؤام شهد وعهد اعمارهم 10
سنوات .

العمة رغد : متخرجة من جامعة الملك سعود قسم الحاسب الآلي وتشتغل في احد
البنوك من انه اهلها ماكانوا موافقين انها تشتغل بحكم انها مو محتاجة الا
انها قدرت تقنعهم وعمرها 23 سنة .

سلمان العم الصغير : عمرها 20 سنة شاب مستهتر ماهمه شيء في الدنيا شعاره ( طنش تعش تنتعش )
وغير كذا راعي بنات يدرس في الجامعة وهذي ثاني سنة اله تجارة الكترونية .

.>><<<<>><<>>><<<>><<>><<

عائلة ابو طلال ( بدر ) الراهي
طلال : 31 سنة يشتغل مع ابوه في الشركة زوج سهى
منى : صديقة العمة رغد الروح بالروح ومتزوجة من فيصل
حسام : صديق الوليد واحمد وسلمان ومسوي شلة معاهم عمره 22 سنة
غلا : صديقة خلود ونجود بالمدرسة ومثلهم بالحركات والهبال عمرها 17 سنة

.>><<<<>><<>>><<<>><<>><<

في بعض الاشخاص راح يظهرون في القصه وراح يكوون لهم دوور كبير في قصتنا
بتتعرفون عليهم في الاجزاء الجاية.

----------------------------------

كان قاعد على صخرة في البحر يفكر بمصيره اليوم ملكته على بنت عمه الهنوف
سرح بخياله الى ثلاث سنين مضت يوم كان في لبنان قاعد معاها على صخرة
الروشة يخططوا لمستقبلهم كان عمره 22 سنة وهي 18 سنة اعترف اليها بحبه
مايدري كيف جته الجرئة وقال اليها هالكلمه وحس نفسه افتقدها كثير فجأة
انتبه على حاله وطالع ساعته
وقال في نفسه : اوووه الساعه 3ونص ويبي لي مشوار 4 ساعات على ما ارجع
الرياض وتذكر ان اخوه وعمه راح يرجعون اليوم من لندن لام نفسه على غبائه
كيف نسى هالموضوع ركب سيارته

واتصل على اخوه الوليد : الوووو هلا بو خالد
الوليد : هلا بيك
عبد العزيز : حبيت اقولك لاتنسى تروح تجيب اخوك وعمك من المطار انا مدري كيف نسيت هالشيء
الوليد : الا هم متى راح يوصلون
عبد العزيز : الساعه 4 ونص تقريباً يعني الساعه 4 تكون في المطار
الوليد : طيب إلا انت الفاضي اليوم ملكتك ورايح لنا الشرقية
عبد العزيز : طيب بلاكثرة حكي ولا تنسى الا قلت لك عليه وخبر عمك سلمان كمان ... يلا باي
الوليد : باي

.>><<<<>><<>>><<<>><<>><<

في بيت الجد علي ( ابو سلطان )

بعد ماخبر الوليد سلمان عشان يروحون المطار يستقبلون تركي وفهد راح تكشخ
ولبس الثوب والشماغ وتعطر بدهن العود كل هذا عشان مغازل البنات

وهو نازل من الدرج شافته امه ام سلطان : هو سلمان كل هالكشخه عشان ملكة ولد اخوك اجل لو عرست ايش بتسوي
سلمان وهو يضحك في نفسه لا بالله ماتدرين عن شيء يايمه : اكيد اذا ماكشخت
الى عبد العزيز والهنوف اكشخ الى منو اوكي مام انا راح اروح الحين المطار
اجيب تركي وفهد
ام سلطان : بحفظ الرحمان يا وليدي وعن السرعه الزايدة .

في بيت ابو عبد العزيز

الوليد وهو طالع من غرفته عشان بيروح شافته اخته خلود

خلود : هلوووو الوليد وين رايح
الوليد : بروح المطار استقبل تركي وفهد
خلود: ولودي حبيبي
الوليد : اخلصي خلود وش تبين اعرفك ماتدلعين الا اذا بغيتي شيء
خلود : بليييييييييييز خلينا نروح معك
الوليد : ايش لا حبيبتي ماراح تروحين معايا
خلود : ليش مين راح يروح معك
الوليد : عمي سلمان اوكي خلود لاتصدعي لي راسي عندك خمس دقايق انتي وبنت عمك ان ماخلصتوا
راح اروح عنكم

خلود وهي طايرة الى غرفتها: نجود نجود بسرعه البسي عبايتك الوليد وافق نروح معه المطار
نجود : مدري بس مابدي اروح
خلود : اقول انقلعي يالله هو وافق والحين انتي ياحضرة الست منتي موافقه
نجود : لانو انتي راح تستقبلي اخوك انا راح استقبل منو الجدار اللي وراك مثلا
خلود وهي معصبة : مالت عليك يالهبلة نسيتي انو عمي تركي راح يرجع
نجود وهي مستغربة : صدق بس مو كأنه قال ماراح يرجع الا مع خالد ولد عمي
خلود : لا غير رايه عشان الهنوف اختك لاتزعل عليه لانها كلمته وطلبت منه
انه يرجع ولا بتزعل عليه ولا بتكلمه مدى الحياة خخخخخخخخخخخخ نكتة اختك
والله
نجود : انطمي بس ولا تقعدي تتمسخري على اختي بس
خلود : يلا بلا هذره والبسي عبايتك .

وهم طالعين استوقفتهم ام عبد العزيز : لك ياخلود ونجود على فين حبايبي رايحين
خلود ونجود وهم متفقين يلعبون باعصاب ام عبد العزيز
نجود : على بيت الجيران
خلود : لا على بيت اجوازنا
ام عبدالعزيز : لك بتتمسخري عليا انتي وهي لكن حسابي عند بيك ياخلود
خلود ونجود : سوري بس حبينا نمزح معاك حنا رايحين على المطار مع الوليد
خلود وهي مبلمه وتضرب يدها على جبينها : اوووه
نجود وام عبد العزيز : وشفيك
خلود : الوليد ينتظرنا بره اكيد راح احصل لي تهزيئة محترمه منه او يمكن راح عنا بعد
اوكي مام راح نطلع نشوفه
ام عبد العزيز: انتبهوا الى نفسكم

خلود ونجود وهم طالعين : اوكي تشاااااااو

.>><<<<>><<>>><<<>><<>><<
وهم برة البيت
خلود : يالله راح الوليد كلا منك يانجود
نجود : وانا وش دخلني طيب
خلود : لا والله قلت لك البسي بسرعه اوووف ماني ماني راح
نجود : شوفي السيارة اللي جاية مو كأنها سيارة الوليد
خلود : وين وين ؟؟
نجود : اطالعي قدامك
خلود : ايوه هاي هيا

وهو ماشي بالسيارة باتجاهم ويفتح النافذة
الوليد : وين رايحين
خلود : ننتظرك وين رحت خفنا تكون رحت عنا
الوليد : ههههههههههه من زمان رحت وجيت
نجود : وليدوووه احلف
الوليد : نجودووه اصغر عيالك انا
نجود : لا جدهم ههههههههه
خلود : الوليد احلف
الوليد: ليه بكذب عليك
خلود : خرااااط وين فهد اجل ما اشوفه
الوليد : زين بعد طلعتي ذكية يالله قدامي انتي وهي
نجود : زين شوي شوي على احبالك الصوتية لاتتقطع
الوليد : هههههه

>><<<<>><<>>><<<>><<>><<

في بيت ابو فيصل

في غرفة الهنوف

العنود : الهنوف مو كأنه الكوافيره تأخرت؟؟..
الهنوف: اتصلت فيها وراح تجي دحينا وطلبت منها تجيب معها كوافيرتين كمان
العنود: زين منشان نخلص بسرعه
الهنوف: الا اقول وين نجود وخلود ونوف
العنود: نوف راحت مع رهف وشوق الكوافير اما نجود وخلود مدري عنهم بس نجود كانت مع خلود
في بيتنا
الهنوف: العنود انا خايفه
العنود: خايفه!! من ايش طيب؟
الهنوف:مدري احس نفسي متوتره
العنود:لاتخافين ..اذا كنتي خايفه من عبد العزيز تراه مب وحش وياما شفتينه وشبعتي منه
الا بدخلت ام فيصل وقطعت عليهم الكلام
ام فيصل:تراه الكوفيرات وصلوا.. وجدك يبي الملكه في بيته وجهز لكم كل شيء
الهنوف:خليهم يمه يرقون هنا.. وقالي ابوي ..
ام فيصل:الا بسألكم وين نجود؟
العنود: في بيتنا
ام فيصل: طيب اتصلي لها يمه العنود وانا راح انادي الكوفيرات يرقون لكم هنا
العنود:حاضر خالتي
العنود واهيا تتصل الى نجود
العنود:هنوف اختك تراها ماترد
هنوف: يمكن ناسيه جوالها ولا مو معاها
العنود: مدري..طيب انا بتصل في بيتنا

في بيت ابو عبد العزيز

ام عبد العزيز واهيا لابسه عبايتها ولفتها على كتفها ومتجهه عند الباب الا برنة التلفون

ام عبد العزيز:الوووو اهلين
العنود:هااااااااي مامي كيفك
ام عبد العزيز: منيحه
العنود بسرعه حتى ماعطت امها مجال تسأل عنها: يمه وين نجود وخلود؟
ام عبد العزيز:راحوا المطار حبيبتي بستقبلون عمك واخوك
العنود: اوريهم شغلهم بعدين..الكوافيره تنتظرهم
ام عبد العزيز:يالله يالعنود انا رايحه الكوافير
العنود: يمه ليه ماتجين لبيت خالتي تتعدلين هنا؟
ام عبد العزيز:بس انا حجزت في الكوافير
العنود: عادي يمه كنسلي الحجز
ام عبد العزيز:اووكي راح اتصل الهم واقولهم بدي اكنسل الحجز
العنود:طيب يمه راح اسكر دحينا لانوو الكوافيره تنتظرني اوكي سي يووو

>><<<<>><<>>><<<>><<>><<

في مطار الملك خالد بالرياض

وهم نازلين من السيارة

الوليد: انتظروا شوي بتصل لسلمان اشوفه وين فيه
خلود ونجود في وقت واحد : زين كليتنا
نجود وخلود :ههههههههههههه
خلود: بدق الخشب
نجود:الوليد ماعندك خشبة
وبجيت سلمان
خلود : سلمان ماعندك خشبة
سلمان وهو مستغرب: لا والله عندي حديد اذا تبين
خلود : تطنز حضرتك
الوليد: صاجيني يبون خشب
سلمان: ليه تبون خشب؟
نجود: انا وياها تكلمنا في نفس الوقت واللي تدق الخشب اول زوجها يكون احلى
الوليد وسلمان: ههههههههههههههههههههههههههههههههه
سلمان: مانا قادر بطني ههههههههه
الوليد:سلمان ايش رايك نتكلم في نفس الوقت وندق الخشب منشان زوجتي تكون احلى من زوجتك هههههههااااااااااييي
سلمان: هههههه فكرة ...سخافة بنات والله وانتوا تصدقون هالكلام
نجود وخلود معصبين مررره
نجود: اوريكم ياسلمان خان و وليد خان
خلود : والله احنا بس نتسلى وبعدين مو كأنكم نسيتوا اللي داخل يستنوكم
الوليد وسلمان : يالله

وهم ماشيين
خلود : نجود تغطي
نجود : مالك شغل من زين غطاك انتي بعد
خلود : على الاقل انا متلثمة
نجود : على الاقل انا عيوني ماتلفت النظر مثل عيونك
خلود : اصلاً انتي غايرة من لون عيوني اخضر
نجود : وي قطوة وانا كمان لون عيوني حلو وليش اغار عسلي فاتح مرة وبعدين انا لابسة نظارة شمسية
خلود : اي منشان كذا شكلك ملفت للأنتباه الكل يطالعك
نجود تستهبل : يعني صرت مشهورة ههههه

سلمان : وش فيكم تساسرون
الوليد : الظاهر لحد الآن يبون يدقون الخشب هههههههه

نجود هي موصلة حدها من الوليد : انت اسكت ولا كلمة مابيك تكلمنا
الوليد : عدال يا اخت نجود
نجود هي تفسخ النظارة : ارتحتي الحين يا انسة خلود
خلود : ايه كذا افضل

الوليد : مدري وينهم فيه ما اشوفهم
سلمان : يمكن طائرتهم بعدها ماتهبط
الوليد : لا سألت الرسبشن قالوا لي هبطت طلع بين الناس يمكن تشوفهم

نجود : سلمان ابي اشتري لي عصير عطشانه مرة
الوليد مسوي حركة نذاله : مافيه تروحين
نجود : ماكلمتك
سلمان : اتركه يالوليد عنك خلاص روحي اشتري لك اللي تبيه
نجود : ثانكس يا احلى عم بالدنيا
الوليد : مصالح بس
نجود : لقافه بس
خلود : هههههه والله انكم تحفه
نجود : تروحين معي
خلود : معليش زهقانة روحي بلحالك تراك بتصيري قدامنا
نجود : اووف

وهي رايحة باتجاه المحل اللي يبيع اشترت لها اللي تبيه و شافته وتقول لنفسها لزقه يالوليد ان ماوريتك
وتضربه على ظهره بقوة شوي : آآآآآآآآآآآآآآآآآآآآىي
ويلتفت الى اللي ضربه : وشفيك
نجود بلمت وماهي بعارفة وش تسوي نزلت راسها : انا اسفة
اطالع فيها الشخص اللي ضربته : لا عادي حصل خير
رفعت راسها لتشوف : افتكرتك .... ماعرفت وش تقول يالله طلعت منها كلمت سوري
اطالع فيها وابتسم : معليه مايحتاج تتأسفين
استحت من كلامه وزادها لما ابتسم وعلى طول راحت
اما هو ظل يضحك في نفسه على الموقف وراح

نجود : خلود الحقي
خلود : وش صاير
نجود : بعدين بقولك
خلود بملل : على راحتك ... زهقانه متى راح نشوفهم بس
الوليد : شفتهم
خلود : وينهم فيه
سلمان : ذاهم جايين باتجاهنا

الوليد وسلمان راحوا بسرعه لما شافوهم
خلود : موكأنهم سفهونا وراحوا
نجود : تركيهم غصبناً عنهم بيجون هنا
خلود : على قولتك

وصدق دقايق وهم عندهم نجود قاعده تتطالع باتجاه ثاني وخلود راحت تسلم على عمها تركي واخوها فهد
خلود : الحمدلله على السلامة عمي وحضنته
الوليد : فضحتينا ياحاجة
خلود : اسكت ياصعيدي خليني اعبر عن شعوري
تركي وفهد : هههههههههههه
وعلى طول راحت لفهد سلمت عليه وحضنته :نجود
وضربتها بكوعها وقعدت من سرحانها: وشفيك عمي وفهد هنا روحي سلمي عليهم
وراحت على طول الى عمها وما انتبهت الى فهد : اهلين عمو الحمدلله على السلامة
تركي: الله يسلمك ويسمنك هههههههه
نجود:هههههههههههه لاوالله ماني ناقصه
والتفت منشان تتحمد لفهد بالسلامة التقت عيونها بعيونه وشهقت شهقة
الوليد وتركي وسلمان : نجود وش فيه
نجود ارتبكت : ها لا اي صح نسيت ان الكوافيره مواعدتنها الساعه 4 ونص ِ>>>>>>>>> تعرف تصرف
سلمان : افكر شيء يستاهل عشان تشهقين
فهد بينه وبين نفسه الله اسمها نجود محلاته وابتسم وهو اصلا عارف ليه هي شهقت وحب يحرجها
وقال : الا يانجود بخيلة على كلمة الحمدلله على السلامة
الوليد داخل عرض : مو بس بخيلة الا جعصه لحدها
نجود بقهر : انقلع ... واتفشلت ونزلت راسها لما شافت فهد يطالع فيها
نجود وهي لا زالت منزلة راسها وبدلع : فهد الحمدلله على السلامة
فهد وهو مستغرب من دلعها : الله يسلمك
تركي : نجود وخلود ماتغيرتوا بعدكم دلاليع
خلود : احم احم يس من حقنا نتدلع جمال وكمال
سلمان : شوي شوي عن يطيح نصك انسة خلود

نجود : يالله خلنا نمشي منشان لا نتأخر على الكوافيرة
الوليد : تعدلتي او ماتعدلتي مابتستفيدي شيء يا ام السعف والليف هههههههههه
خلود : ههههههههههه
نجود وهي معصبة : اذلف تراني مب رايقة لك ... وانتي تضحكين مع وجهك
خلود : احلى من وجهك
نجود : تخسين
سلمان : اقول عن المناقر ويلا على السيارة
وهم طالعين سلمان شاف وحده جيكرة : القرد عند امه غزال ههههههههههه
الوليد : ههههههههههههههههههههههههههه حلوة منك
سلمان : قاعده تتطالع فيني وتحرك غرتها اللي مطلعتها من طرحتها الظاهر تفكرني معجب فيها
خلود : الله يستر مو انت اللي معجب فيها هههههههههههه
الوليد : فهد متى راح يرجع خالد
فهد : اسبوعين تقريباً باقي له امتحان واحد ويخلص حنا خلصنا قبله
الوليد : اهااااا
خلود : تصدقين ماتذكر خالد هذا
نجود : اكيد ماراح تتذكرينه لما سافر كان عمرنا تقريباً 12 بعمر ريم اختي
وهو ماكان ينزل الا قليل ومعظم نزلاته نكون حنا في لبنان نزور اهلنا ومرة
نزل فترة اختباراتنا لما كنا في اول ثانوي
خلود : اهاااا
ويرن جوال تركي خلود : عمي رد جوالك يرن
تركي : ها لا ذا واحد مزعجني صار له كم يوم

ركب سلمان مع تركي ونجود كانت تبي تركب معاهم بس خلود سحبتها معاها
وفهد وخلود ونجود في سيارة الوليد

>><<<<>><<>>><<<>><<>><<

انتهى الجزء

ياترى من هي البنت اللي كان يتكلم عنها عبد العزيز ؟
هل هي الهنوف ؟ او وحده ثانية ؟
تركي وسالفة جواله والاتصال هل هو واحد مزعج مثل ما قال ؟؟؟
نجود وفهد هل بتطور المواقف بينهم ؟
وخلود وش ينتظرها ؟

وباقي ابطال القصه اللي ماانذكروا ؟؟؟

واتمنى اشوف ردودكم وتعليقاتكم

الله قصه تجنن روعه كتير يسلمو

جنان جنان والله أبدعتي
عودتينا على إبداعكـ
ننتظر جديد القصة~~

الجزء الثاني:

وهم في السيارة كانت خلود تسولف مع اخوانها ونجود كانت ساكتة مستحية من فهد
الوليد : اشوف انربط لسانك يانجود؟؟..
نجود كانت بترد عليه بس تذكرت انو فهد موجود وسكتت
فهد : وشفيك ياخي عليها خل البنت في حال سبيلها؟؟..
الوليد : اشوف طلع لها محامي دفاع
خلود : من قدها بنت عمي وخالتي
نجود وهي ميتة من الحيا : خلود خلاص
خلود : ياعيني على اللي يستحون
الوليد : على وين يأ اخت خلود البيت ولا بيت العم؟؟
خلود : لا بيت الخالة
الوليد : ظريفة
خلود : حدي
فهد : خلود امي في البيت
خلود : اتوقع اذا ماراحت الكوافير انت وحظك يا تلقاها او ماتلقاها
فهد : اهاااا لا ان شاء الله اشوفها
الوليد : يلا وصلنا شرفوا
نجود : طردة
فهد في نفسه اخيراً تكلمت
الوليد : فسريها على كيفك
خلود : ماعليك منه نجود ويلا ننزل
الوليد : طالع هاي وش تقول
فهد : تستاهل
الوليد : حتى انت معاهم
فهد : هههههههههه يلا حرك خلينا نوصل البيت اخاف امي طلعت

>><<>>>><<<<>><<>><<

وفي سيارة سلمان
سلمان : اخيراً ياتركي مابغيت اتخلص حشى مب دراسة هذي؟؟..
تركي : شسوي تعرفني كان حلمي من لما كنت صغير ابي اصير دكتور
سلمان : بس كان بإمكانك انك تدرس هنا بس انت فضلت الغربة حتى لما خلصت دراسة فضلت انك تتخصص بلندن مع انك تقدر تتخصص هنا
تركي : مدري احس انه الدراسة هناك افضل ولو بقيت هنا ماظني بدرس تعرفني لما اكون مع الاهل انسى الدراسة بالللي فيها
سلمان : ما اظن
ويقطع عليهم جوال تركي برنينه
سلمان : وشفيك ورى ماترد على اللي يتصل لك؟؟!!..
تركي : قلت لك واحد مزعجني
سلمان : عطيني اياه اوريك فيه
تركي وهو مرتبك : ثانكس مستغني عن خدماتك
سلمان : ها اعترف مزهقنك ولا مزهقتنك؟؟..
تركي بعصبية : ورى ماتكرمنا بسكوتك
سلمان : امزح معاك ياخي وش دعوة ماصارت دي مزحة
تركي في نفسه: ناقصنك شوي بس ياسلمان وتعرف
سلمان : يالله وصلنا

وتركي وهو نازل غلق جواله : وييييييييييييه اخيراً رجعنا الى ديارنا
سلمان : يالله الفال الى خالد بسرعه روح الى الوالدة من زمان تحتريك
تركي : يالله
وهم ماشيين باتجاه الباب شافهم السايق راجو
راجوا : بابا تركي الهمدلله على السلامة بابا
تركي : الله يسلمك ياراجو توقعتك نسيتني
راجو : لا انا مافي انسى بابا لا انت ولا بابا كالد ولا بابا فهد ذاكرة مال انا قوية
سلمان : امحق ذاكرة الله والنطق عاد بس هذي كالد عجبتني
تركي : اوكي راجو انا في روح
سلمان : الله يازينك وانت تتكلم مثلهم
تركي : انطم

ولما دخلوا البيت استقبلتهم ام سلطان وعلى طول راحت تحضن ضناها وعاد ماقصرت في البكي
تركي : خلاص يمة صيحتيني معك
ام سلطان : اخر مرة اخليك تسافر
سلمان : اللي يشوفه بيسافر مرة ثانية
ام سلطان : انطم
سلمان : الله جا تركي وراح الدلع علينا
تركي : رجال وش كبرك تتدلع خل الدلع للحريم
سلمان : لا ياحبيبي انا اخر العنقود من حقي
ام سلطان : تغار من اخوك كلكم سواء
سلمان : اي واضح
ام سلطان : وشو الواضح اخوك تو واصل ماتبيني اكلمه

في الكوافير

نوف : ووووف متى بتخلصوا؟؟..
شوق : انتظري شوي باقي شوي وبتخلص شفتي انك مخلصة من زمان وطالع شكلك حلو
تبينا نتعدل اي كلام حتى انتي تسرقي الانظار منا اعترفي تبي عريس
نوف : اي عندك مانع؟؟..
شوق : لا عندي دواس
رهف : ههههههههه تحفة اقول ورى ماتسكتون صجيتوني
نوف : خلي الواحد يعبر عن شعوره
رهف : الله والشعور عاد يلا عبري عن شعورك واحاسيسك المرهفة
نوف : اقول سكتي بس
شوق : يلا داني خلصت
نوف : اخيراً
رهف : كان انتظرتي شوي
شوق : اقول مو كأني عطيتكم وجه زيادة عن اللزوم
نوف : راح اتصل بالسايق الحين
شوق : طيب انا وين بروح بعدين؟؟
رهف : بيت الجيران
نوف : هههههههه
شوق : وشفيكم الا من جد اتكلم
نوف : امي قالت انو الحفلة راح تصير في بيت جدي
شوق : بجد؟؟..
نوف : ايوا

-------------------------------
فهد : هي يا اهل البيت وينكم
الوليد : شكله مافي احد .... ميري ميري
ميري الخدامة : نئم بابا
الوليد : بابا في عينك
فهد : استح على وجهك حتى الخدامات تهاوشهم
الوليد : اجل تقولي انا ابوها هذا اللي ناقص .... طيب ميري وين ماما
ميري : ماما في روح
الوليد : وين روح ؟؟؟
ميري : انا مافي مئلوم
الوليد : روحي زين ... طيب اقلبي وجهك ماخذنا منك لا حق ولا باطل
فهد : بسم الله شرشحتها
الوليد : تستاهل
فهد : طيب اتصل على خواتك شوف امي وينها فيه ؟؟؟ انا راح اخذ لي شاور وارجع لك
الوليد : طيب

وبعد نص ساعه طلع فهد
الوليد صفر اليه تصفيرة قوية : الله على اللبس السعودي
فهد : احم احم من قدي
الوليد : إلا بقولك امي في بيت خالتي رندة
فهد : وش عرفك ؟؟؟
الوليد : توه متصل بالعنود وقالت لي
فهد : اوكي يلا انا رايح
الوليد : ماتبيني اوصلك
فهد : عاجبنك الوضع الظاهر لا حبيبي وحشتني المرسيدس

-----------------------

----------------------------------
:الله الهنوف طالعه روعه مرررره
الهنوف:تحكين جد
العنود:ايوا ياويل خيي اكيد بيستجن
الهنوف بإحراج : لا عاد مو لهدرجة
العنود : الا طالعي نفسك بالمرايه وراح تعرفين انو كلامي صحيح
وينفتح الباب فجأة ويخترعون العنود تنقز من الخلعه
نجود وخلود لما شافوهم متبهدلين ضحكوا : ههههههههههههههههههههههه
الهنوف : وجع على هالدفاشة
نجود وخلود يطالعوا فيها مستغربين
الهنوف : وشفيكم وكأن على روؤسكم الطير؟؟..
خلود : الله هنوفوا بتجنني
نجود : ماني مصدقه انك اختي
الكل : ههههههههههههههههههه
وبفتحت الباب كمان مرة ثانيه وبدفاشة خلت الكل ينقز من مكانه
الكل : هههههههههههههههههه
نوف ورهف وشوق : وشفيكم؟؟..
العنود تضحك ومهي عارفة تتكلم : هههههههه تكرر الموقف مرتين من شوي نجود وخلود بدفاشة دخلوا علينا والحين انتوا
رهف : قسم بالله اشكالكم تفجر من الضحك باين عليكم مخترعين عدل
خلود : خفنا ماندري من اللي بيدخل علينا خصوصاً انو حنا ماقفلنا الباب
شوق : نجود وخلود ليه ماتعدلتوا لحد الحين ؟؟؟..
نجود : تونا راجعين من المطار
نوف : ليه ماقلتوا لي اروح معاكم؟؟..
خلود : كنتِ بالكوافير ياحظي
نجود : الكوافيرات وينهم؟؟..
الهنوف : راحوا
نجود : هاااا
خلود : ايش !!
الهنوف : عاد انتوا خليتوني اكمل كلامي راحوا يعدلون امي وخالتي جيهان بس في وحده فاضية بس تساعدهم
نجود : اجل انا بروح اول
خلود : لا والله
نجود : اي والله
خلود : مالي شغل انا اول
ويركضون باتجاه الباب وكل وحده مساكة الثانية من عبايتها ويفتحون الباب ويندزون في بعض ويطيحون وطالع شكلهم تحفة
احمد يطالعهم مستغرب : وشفيكم؟؟..
خلود : تبي تاخد مكاني
نجود : ماعليك منها
خلود : الا وش مقعدك هنا الشباب كلهم في بيت جدي؟؟..
احمد : كنت ناسي بعض الاغراض وجيت اجيبهم
خلود : ماتعرف وين امي وخالتي ؟؟؟
احمد : بدل ما تسأليني روحي الحقي على عمرك نجود سبقتك من زمان
خلود : اوووف ياربي
احمد : هههههههههههه يلا اسرعي
شوق تطالعهم من فتحت الباب مستغربة من خلود كيف طالعه وجرائتها مع احمد
نوف : وش اطالعي؟؟..
شوق بإرتباك : ها لا ولاشيء بس اشوف اذا في احد براااا
نوف : واذا في احد؟؟..
شوق مهيب عارفة كيف تصرفها : لا عشان انادي وحدة من الخدمات تشوف اذا في احد ابي انزل المطبخ عطشانه
نوف : اهااا حتى انا تصدقي امشي معايه
شوق : اخاف في احد
نوف : ويعني عادي
شوق : ايش اللي عادي؟؟..
نوف : حتى لو في احد عادي مافيها شيء اولاد عمي وخالتي ومتعوده عليهم
شوق وهي تبي تستغل الفرصة حتى تسألها : يعني انتوا تطلعون لهم عادي؟؟..
نوف : ايه انا والعنود وخلود بس سهى تتغطى تعرفين بعد لأنها متزوجه
شوق : اهااا يلا ننزل اجل
نوف : يلا

نجود وهي نازلة بسرعة وبرجة من الدرجة وتطيح من اخر درجة وتصرخ : اييييي آآآآآآآآآآآه
فيصل وفهد اللي كان واقف عند الباب راحوا لها بسرعه
فيصل : نجود وش فيك تعورتي
نجود : مو كثير اي
فهد : سلامتك
نجود وهي تفتح عواينها على وسعهم وتتكلم بعفوية : انت وش اللي جابك هنا ؟؟؟
فيصل اللي تفشل من رد اخته : وش هالكلام يانجود
نجود وهي تو حاسة بالكلام اللي قالته : لا ماقصدي بس تو جاي من المطار و رايح بيتهم استغربت وجودو هنا
وبرنة جوال فيصل اللي قطعة كلام نجود
فيصل : الوووو هلا منى
منى : هلا غناتي تعالي الكوافير صار لنا انا وعمتك رغد نص ساعة مخلصين والسايق ماجا لنا
فيصل : اوكي الحين جاي
وهو طالع يلا فهد مستعجل راح تلاقي امك في الغرفة وطلع
فهد : من قلت الغرف عشان تقول في الغرفة
نجود وهي قايمة منشان تروح استوقفها فهد
فهد : نجود
نجود : نعم
فهد : شوفي لي وين امي
نجود : اوكي
ناداها للمرة الثانية : يانجود الضربة لساتها تعورني ... وغمز لها
نجود استحت وراحت تركض بسرعه وكان شكلها يضحك لانها كانت تعرج برجولها
فهد تضحك هالبنت والله

نجود : خالتي جيهان فهد وصل وينتظرك
ام عبد العزيز وتقوم بسرعه : وين هو هلآ
نجود : في الصالة يحتريك
ام عبدالعزيز وهي تمشي بخطوات سريعه وتشوف فهد قاعد على الكنب
فهد اول ما شاف امه قام اليها وعلى طول راح حضنها وام عبدالعزيز
فهد : خلاص يمه ارحمي عيونك كأنها امطار من كثر هالدموع اللي تنزل
ام عبدالعزيز وتضربه بخفه على كتف : وانت لساتك هيك ماتغيرت
نجود تراقب الوضع بدون محد يشوفها
جات ام فيصل تسلم على فهد : هلا فهد شلونك الحمدلله على السلامة وحضنته
فهد : الله يسلمك خالووو مو تصيري زي امي عواينها امطار
ام فيصل : من حئها امك كم سنة صار لك بالغربة وهي عم تنتظر ليما تجي
فهد وهو يتكلم لبناني : صدئتي خالووو هههههههه
ام عبد العزيز وام فيصل : ههههههههه
فهد : اوكي مام انا راح اطلع الحين عندي كم شغله اسويها وسلام على اللي يراقبوا
ام عبد العزيز وام فيصل ما انتبهوا الى كلمته الاخيرة لأنهم كانوا يسولفوا
نجود تفشلت : اوووف كيف كشفني
وهي تطلع : يمه خالتي الكوافيرة تحتريكم
جيهان ورندة : جايين

-------------------------

عند خلود
خلود : اوريك سبقتيني اووووه هلا خالتي كيفك ؟
ام فيصل : منيحة انتي كيفك ؟
خلود : انا كمان منيحة كتير كتير
وهي تجلس : وووف
ام عبد العزيز : شوفيك عم تتأففي
خلود : يمه متى راح تخلص منك؟؟..
ام عبد العزيز : هلآ مابقى عليا كتير
خلود : زين والله
نجود بدلع منشان تحر خلود : مامي شوفي الميك آب اللي حطتوا الي حلو مو؟؟..
ام فيصل : لك بيجنن
ام عبد العزيز : ايوا كتير حلو
خلود وهي منقهره : اتوقع حقي بيطلع احلى
نجود : من حرتك تقولين كذا
ام فيصل : وانتوا مابطلتوا هاي العادة؟؟..
نجود ووخلود : اي عادة ؟؟؟
ام فيصل : الخناق
نجود وخلود : هههههههههه
ام عبد العزيز : يلا خلود
خلود : الله ماما بتجنني الله يعين بابا اذا شافك
ام عبد العزيز وهي منحرجة : استحي يابنت شو هالكلام
نجود : عاشوا خالتي جيهان استحت
جيهان : اطلع انا عنكن لا استجن يلا رندة راح اشوف اخر التجهيزات
ام فيصل : اوكي اسبقيني على ماتخلص الكوافيرة
خلود وهي تكلم الكوافيرة : صلحي لي احلى من نجود
نجود : الله يالغيارة

وعلى الساعه 8 الكل كان جاهز
ام فيصل : يلا السايق ينتظركم برا
الهنوف : بس ما اتوقع انو السيارة راح تكفي
العنود : مب مشكلة راح نتصل في سايقنا
شوق : واذا مرة مرة ماكفى نتصل في سايقنا
العنود: مااتوقع انو ماراح تكفي حنا مب كثير
رهف : يلا وش تنتظروا اركبوا

---------------------------------------
في بيت بدر الراهي

غلا تنزل من الدرجة بسرعه
ام طلال: شوي شوي يابنت عن الرجة الزايدة
غلا : يمه جوالي يرن ونسيتوا تحت
ام طلال : وخير ياطير مهوب طاير الجوال
غلا : ابي اعرف منو الحارق جوالي من الاتصال
وهي نازلة شافت حسام راكب
حسام : غريبة غلوووه ماطلعتي
غلا : وين اروح ؟؟؟
حسام : بيت الراسي مب حفلة عبد العزيز اخو صديقتك
غلا : الا اليوم قالت لي خلود الا وش رايك توصلني عندهم في طريقك
حسام : اوكي بس لا تتأخرين ولا امشي عنك فاهمة
غلا وهي تركض : لا مو فاهمة خخخخخخ
حسام : خبلة
وهي تاخد الجوال اوووو 9 مس كول من عند خلود ونجود
وهي تتصل
غلا : الووو هلا
خلود : اهلين
غلا : حشى وش فيكم حارقين جوالي؟؟..
خلود : احمدي ربك انو في احد معبرك ويتصل فيك والا انت مو وجه اتصال
غلا : مالت عليك وعلى اللي يكلمك
خلود : هههههههههههه
غلا : وشفيك تضحكين؟؟..
خلود : اضحك عليك
غلا : ليه شايفتني مهرج على غفلة؟؟..
خلود : تسبين نفسك وانتي ماتدري طيب وقولي لي امتين راح تجي
غلا : فديت اللي يقلد لبنانيين
خلود : انا ما اقلد احد وبعدين لا تنسين انو هاي لهجة الماما اوكي ماعلينا من هالكلام الا متى راح تجي؟؟..
غلا : دحينا راح يوصلني حسام ؟؟..
خلود : اوكي لا تتأخري ناطرينك
غلا : باي
خلود : باياااااات

-----------------------------------------

: زينب تعالي غسلي الصحون
زينب : زين الحين جاية
ام سعد : نظفتي غرفة هلا؟؟..
زينب : ايه
ام سعد : طيب يلا روحي غسلي الصحون
زينب : في شيء ثاني اسويه؟؟..
ام سعد : لا ويالله فارقي عن وجهي
زينب بحزن : ان شاء الله

وبعد ما غسلت الصحون رقت فوق الى غرفتها وطلعت صورة ابوها وقعدت تبكي على حالها اللي كلما جاها من السيء الى الاسوء
وفجأة يدخل عليها ابوسعد

ابو سعد : وش تسوين ؟؟..
زينب وهي تمسح دموعها : لا ولاشيء
ابو سعد وهو يناظرها : وشفيك؟؟,,
زينب وهي تغبي الصورة : مافيي شيء
ابوسعد : وش تغبين؟؟..
زينب : ماعندي شيء
ابوسعد : الا عندك
ويضربها كف على وجهها وتطيح على الارض وتفلت الصورة من عندها
وياخذ الصورة من عندها
ابوسعد : من وين لك الصورة؟؟..
زينب : مادري
ابو سعد وهو يجرها من شعرها : قولي
زينب وهي تصيح : قلت لك مادري
وهو ينادي بصوت عالي : ام سعد ام سعد
ام سعد بخوف لما شافت منظر زينب : وش صاير؟؟..
ابوسعد بعصبية : من وين لها هالصورة الوسخة؟؟..
زينب : احترم نفسك
ابوسعد من عصبيته يرميها على الارض وياخد الصور ويطلع الولاعه من جيبه ويحرق الصورة
زينب وهي تجري باتجاهه وتصيح : لا لا لا حرام عليك ياظالم
ويرفسها ويبعدها عنه وهو يضحك وبعدما تحولت الصورة رماد نثره في وجهها
وطلع يضحك وطلعت وراه ام سعد
وتركوا زينب تصيح على حظها اللي خلاها تعيش مع انسان ظالم مثل ابو سعد

----------------------------------------

على الساعه 9 جاوا المعازيم بس كانوا قليلين والحفلة كانت عائلية يادوب
الجيران وعائلة بدر الراهي اصاحبهم وبعدها دخلت الهنوف على موسيقى
كلاسيكية وانزفت على الكوشة
بالصلاة على محمد واله والكل يناظر فيها ويتكلم عن جمالها الهادي
افضل الصلاة والسلام عليك ياحبيب الله محمد كللللللللللللللللوش وبعدها بدت الاغاني والرقص
نجود : خلودوووه شفتي سارة بنت عمي
خلود : ايه مبالغة مرة بالميك اب
غلا : وين اللي شعرها مصبوغ وتطالع فينا بنظرات
نجود : ايوا هي شوفيها خلود كيف تطالعنا بنظرات احتقار
خلود : خليها عنك

سارة وهي جاية باتجاههم وبدلع مصطنع
وتتكلم بغنج : هاي
نجود : ياهلا
خلود وغلا حاقرينها وساكتين
سارة : كيفكم ؟؟
نجود بدلع وهي ترمش بعيونها : منيحة كتير كتير
وهي تهمس لغلا : الحين اوريها الدلع على اصوله
سارة : طالعه حلوة اليوم
نجود وهي تجاريها : ادري ماجبتي شيء جديد وبعدين انا كل يوم حلوة والا عندك شك؟؟..
سارة من فشلتها ماعرفت ترد وقالت : باي
خلود: ويه من فشلتها ماردت عليك
غلا : ههههههههههههههههه
نجود: شفتي كيف اقولك خليها عليّ
خلود: زين تسوي فيها
غلا : اي والله تستاهل

وارتفع صوتهم على انه يتغطوا لانه عبد العزيز بيدخل
نجود : ووف يعني البس عبايتي
خلود وهي تستهبل : لا خليكِ كذا انا ادري عنك شوفي كيف انا مرتاحه
نجود : ياريتني مكانك
خلود : لا حبيبتي خلني في مكاني احسن

وبعد ما لبس الكل عبايته دخل عبد العزيز ووراه ابوه وعمه والجد والجدة وباقي الاعمام
سلم عليها عبد العزيز وباس جبينها : مبروك
الهنوف بحياء : الله يبارك فيك
وبارك الها ابوها : مبروك يابنيتي ومبروك ياعبد العزيز
الهنوف وعبد العزيز : الله يبارك فيك
ابو سلطان "الجد" : مبروك عليكم ياولدي ويابنيتي ماوصيك على الهنوف ياعبدالعزيز تراااها غالية عندي
الهنوف والدمعة في عيونها
عبد العزيز : لاتوصي حريص يابو سلطان والهنوف في عيوني
ام سلطان"الجده" : الله يرزقني طولة العمر واشوف اولادكم
الهنوف بعد ماطاحت دمعتها : وتشوفي اولاد اولادنا
ام سلطان"الجده" : خلاص يابنتي مسحي دموعك لا يخترب مكياجك بعدين يختلع عبد العزيز منك ويهرب
الكل : ههههههههههههههههههههه
عبد العزيز وهو يطالع في الهنوف : يازينك وانتي تنكتين يايمه
الهنوف وهي منقهرة وتلف وجهها الجهة الثانية
عبدالعزيز ضحك عليها وهمس في اذنها : ياحلوك وانتي معصبة تهبلين
الهنوف وهي ميتة حيا وتتطالع في الارض
وبعدها بدا يلبسها الشبكة وساعدته في تلبيسها العنود و صوروا معاهم وبعد كذا خلوهم يروحون غرفة لحالهم

وفي الغرفة الهنوف وعبد العزيز ظلوا ساكتين مرت خمس دقايق ولازالوا ساكتين الهنوف زهقت
وتقول في نفسها وشفيه هذا من شوي ينكت والحين انخرس لسانه ورفعت عينها بتشوفه ناظرت فيه شكله سرحان

عبد العزيز فجأة انتبه من سرحانه وبدأ يتكلم : لاراااا
الهنوف انصدمت من الاسم وامتلت عيونها دموع وماعرفت تتكلم : _________

انتهى الجزء
ياترى من هي لارا ؟؟؟ ووش علاقتها بعبدالعزيز ؟؟؟
ومعقولة تكون الهنوف تعرفها ؟؟؟ وايش موقفها من هذا كله ؟؟؟
وش راح يصير في الشخصية الجديدة زينب اللي ظهرت في احداث القصة ؟؟؟
ووش تصير لها ام سعد ؟؟؟ وابو سعد ووش علاقته بابوها ؟؟؟
وتركي والمجهول اللي يتصل اله ؟؟؟ وايش قصده بالكلام اللي قاله عن سلمان ؟؟؟

كل هذا راح نعرفه في الاجزاء الجاية

راح اكمل عقب الردود

وين الردود لاتكون القصة ماهي عاجباكم

يسلمو القصه تجنن خيآل روعه

طبعا حلووة جاية منك

يسلمو القصه تجنن خيآل روعه

طبعا حلووة جاية منك

الجزء الثالث :

كانت قاعده على سريرها تبكي على حظها العاثر اللي كشف لها حقيقة زوج امها الظالم
بس من اسبوع عرفت الحقيقة تذكرت ذاك اليوم المشؤوم لما راحت له على المكتب
زينب : يبه
ابو سعد : وحطبه
زينب وهي مستغربة من انفعاله الزايد : يبه وشفيك؟؟!!..
ابو سعد: مابي اسمع هالكلمة من لسانك انا مب ابوك ايه مب ابوكِ
زينب والصدمة شلت حركتها ظلت واقفه مثل التمثال : لالالالا انت تكذب
ماوعت الا على كف من ابوسعد
اتفاجىء ابو سعد من الباب ينفتح وتدخل منه ام سعد وكانت معصبة
ام سعد : ليش قلت لها ليش؟؟!!..
ابو سعد : كيفي مابي انسب لي بنت مهيب بنتي
زينب بانفعال : اذا انت مب ابوي اجل من هو ابوي قولوا لي؟؟..
ابوسعد وهو متنرفز لماتذكر ابوها : ابوك واحد حقير وكلب
زينب : يمه تكلمي قولي لي حراااام عليك
ام سعد ماعرفت ترد ماتبي تنفي كلام زوجها قدامه وفضلت السكوت
دخلت هلا بسرعه : يمه يبه وشفيكم صراخكم واصل لبرة .... وسكتت لما شافت زينب متقطعه من البكي
هلا : زينب وشفيكِ؟؟!!..
زينب وهي قايمة وتمسح دموعها : مافيني شيء وراحت تركض لغرفتها
وبعدما صحت من الذكرى المؤلمة اللي احتلت فكرها قعدت تفكر وتقول في نفسها
اكيد في سر ليه ابوي يكره ابوي الحقيقي ومعقولة ابوي الحقيقي لازال عايش
ولا ميت وليه توهم يخبروني بالحقيقة اتسكرت الابواب في وجهها وصلت الى
حلقة تدور فيها هالافكار لازالت تجهل الحقيقة المرة .

>>>><<<>>><<<>><<<

الهنوف اللي نزل عليها الاسم مثل الصاعقة ماقدرت تتكلم وهمت بالخروج من الغرفة
عبد العزيز : الهنوف
ولما جت بتطلع من الغرفة كانت في يد سبقتها ومسكتها من ساعدها ولفها بإتجاهه
: الهنوف اسمعيني
واتفاجىء من شكلها ومن عينها اللي مليانه دموع
الهنوف : عبد العزيز بليز اتركني
وبحركة تلقائية فكت يدها من يده وراحت على طول انتبهت عليها سهى وعبير اللي كانوا يتكلمون لما مرت عليهم
سهى : وشفيها؟؟!!..
عبير : والله مدري علمي علمك
سهى : الظاهر عبد العزيز قايل لها كلمة حلوة فشلتها
عبير : ههههههههههه الظاهر كذا
الهنوف رقت لغرفة عمتها نورة الفاضية اللي لازالت على حالها بسرعه وقفلت
الباب عليها واسندت راسها عليها وبدأت في نوبة بكا ليه انا حظي كذا ليه
معقولة عبد العزيز كان يحب لارا اكيد ولا ليه قايل اسمها والاهم من كذا
قبل ثلاث سنوات قبل وفاتها كان عبدالعزيز ناوي يخطب بس بعدين ماصار شيء
اكيد كان يبيها وانا الغبية اللي توه متوضحه لي الامور والكل يعرف انه عبد
العزيز سافر بعد وفاتها واتغرب سنة كاملة كل هالامور توضح انه كان يحبها
بس انا اللي كنت جاهلة ولا ربط الامور ببعضها
طلعت تنهيدة منها : آآآآآآه الله يرحمك يابنت خالتي
الظاهر انه عبد العزيز كان يحبها كثير ولا ماكان يتذكرها لحد الان
سمعت ضرب على الباب
الهنوف : منو؟؟..
ماسمعت جواب ولازال اللي يضرب موجود ماراح وهو يستمر في الضرب
الهنوف اتنرفزت وراحت تحط حد لهالمهزلة اللي صايرة
ومافتحت الباب الا بليان بنت اختها عبير
الهنوف بصوت مبحوح وبعصبية : نعم وش تبين ؟؟؟..
ليان لما شافت شكل خالتها انصدمت وخافت وقامت تبكي وتصرخ وتقول : وحش وحش
وراحت تركض
الهنوف رجعت وقفلت الباب على نفسها وطلعت بشكلها بالمراية وانصدمت في نفسها ماالوم ليان لما قالت عني وحش
مسحت الكحل اللي سايل ودخلت الحمام وغسلت وجهها وطلعت على طول راحت لسرير ونامت مالها خلق تكلم احد وراحت في سابع نومة

>><<>>>><<<<>><<>><<

في ديوانية بيت الجد"ابو سلطان"

عبد العزيز وهو داخل استقبلوه الوليد وسلمان بتصفيره قويه مرره
عبد العزيز وهو ماله خلق ابد : شفيكم اجهدوا
الوليد وهو منقهر منه : احمد ربك انه احد معبرك وقاعد يستقبلك استقبال حار
سلمان : صادق ولد اخوي
احمد : والله محد قالك استقبله
فهد : الا عبد العزيز قولي شخبار العرس تنصحني اجرب؟؟,,
عبد العزيز وهو يقعد : والله اسأل المجربين مثل فيصل يعطيك كورسات من الحين
فيصل : فهد انصحك تتزوج وانا اخوك ترا الزواج استقرار بس ياخوي مافيه سهر
فهد : لا اجل هونت مابيه يمكن افكر املك بس ولا اتزوج
سلمان : هههههههههههه تبي اتعلق البنت
احمد بإستهبال : في وين يعلقها في العلاقة ( الشماعه )
سلمان : ههههههههههههه حلوة منك حمود
الا بدخلة ابو عبد العزيز وابو فيصل وبو خالد وبو رامي
:السلام عليكم
الكل : وعليكم السلام
سلمان بصوت خفيف: اوووف جو الشياب
تركي : سمعتك لا تخليني اقول لهم
سلمان : لا دخيلك فكني من حنتهم بس
عبد الرحمن ( ابو عبد العزيز ) : فهد من يوم السبت راح تداووم
فهد : الله اجل لو ادري ما رجعت
عبد الرحمن : فهد وش هالحكي اجل ليه درست عشان تجيب شهادة وترميها وتعلقها
فهد : يبه توني اليوم جاي تبيني اشتغل السبت
بو خالد : صادق ياعبد الرحمن مايصير خله يتنفس شوي
عبد الرحمن : والله خايف انه تنفسه يطول لسنين
فهد : شدعوة يبه مب لهدرجة
بو خالد : خله ليما يرجع خالد ولدي وبعده يشتغل يعني عطيه اجازة اسبوعين
فهد : ايواا كلام عمي عدل
عبد الرحمن :بنشوف وش نهايتها يافهد اذا كنت عند وعدك او لا
فهد : جربني يبه وماراح تخسر .... ويه من اول ماجيت استلمتوني عندكم تركي وسلمان وعبد العزيز واحمد
بو رامي : مسكين يافهد اذا استلموك ماراح يتركونك
فهد : صدقت ياعمي محد يفهمني غيرك عندهم تركي وسلمان
بو فيصل : تركي دارس طب يعني مامنه فايدة
تركي : بوفيصل شفيك بديت تغلط علينا
بوفيصل : لا ياتركي لاتفهمني غلط قصدي انه دراستك ماراح تنفعنا في الشركة
تركي : هيك لكان
رامي : اشوفك بديت تتكلم لبناني انتقلك الفايروس من بنات العيلة
تركي : ههههه وش اسوي اخذت دواء مضاد بس مافاد واخذت لقاح وكمان مافاد
احمد : بل لهدرجة بعدين منو اللي نقلك الفايروس يا امي ياخالتي محد من
البنات يتكلم لبناني واذا تكلموا مايتكلمون الا قليل او اذا راحوا لبنان
تركي : ماتسوى علي كلمة قعدتوا تتفلسفون علينا
سلمان : احمد ربك انهم عطوك وجه
تركي : كل تبن
رامي : هههههههههههه فشلوه
سلمان : يازينك وانت ساكت

>><<>>>><<<<>><<>><<

العنود : نجود ماشفتي الهنوف؟؟..
نجود : يقولون نايمة في غرفة عمتي نورة وقافله عليها الباب كمان
نوف : كشفتها اكيد ماتبي تقول لنا وش صار
العنود : مدري والله
رهف : انا دقيت عليها الباب بس عيت تفتحه وماتكلمت اصلاً يمكن نايمة
خلود : انا مع نوف اكيد هذي حجة منشان لاتقول لنا
العنود : حرام عليكم لاتظلمونها تراها قاعده من خمس الفجر الامس ماعرفت تنوم
شوق : مسكينة بنت عمي ظلمتوها
سارا : شوووق متى بيجي اخوك؟؟..
رهف وهي داخلة عرض : اخر يوم في اختباراتنا مو هذا الاسبوع اللي بعد بعده
سارا : ويه اشتقت له
خلود ونجود يتطالعوا في بعض وفجروها ضحكه : هههههههههههههه
سارا انقهرت منهم : على من تضحكون مااعتقد انه كلامي يضحك
خلود بتحدي : الا عليك على من يعني
نجود وهي تتطنز : وعسى بس خالد مشتاق لك كمان؟؟!!.
سارا بثقة عمياء : اكيد
خلود ومو هامها الموضوع :لك تستطفلي منك لآلو
شوق اتنرفزت ماتحب احد ياخذ عن اخوها فكرة مب زينة او انه له علاقة مع
وحده بنات عمانه او خواله وردت عليهم بصوت عالي شوي : شفيكم قلبتوها هواش
وبعدين اخوي مو من هذا النوع اللي تتكلمون عنه واعتقد انه سارة تعتبر اخوي
مثل اخوه وماقصدها شيء لما قالت انه هي اشتاقت له يعني مثل لو قلت انه
نجود اشتاقت لفهد يعني مافيها شيء بس انتوا تفسروا على كيفكم
نجود انحرجت من كلام شوق وظلت ساكتة
خلود وهي مستغربة من هجوم شوق المفاجيء وصارت تدافع عنها وعن بنت عمها :
حنا ماقصدنا انو اخوك فيه شيء بس استغربنا من كلام سارة وثقتها الكبيرة
انو اخوك كمان اشتاق لها واي احد بيسمع هالكلام بيظن انو في شيء بين
الاثنين وبعدين حنا صحيح متعودين على اولاد خالتنا بس عمره ماصار بينا
كلام كذا
نجود تقاطع خلود : خلاص خلود حصل خير مالوداعي تكبرون السالفة
خلود انقهرت وقامت بعد ماعطت سارة نظرة استحقار
شوق : وش فيها هذي ماغلطت عليها انا
نجود : خلود حساسة كتير وماتحب احد يكلمها بصوت عالي معليش لا تزعلين منها تراااه مافي اطيب مني ومنها هههههههههه
شوق : ههههههههههه الله يرجك عسى بس طاح الحطب
نجود : ليه هو كان في حطب من الاساس
شوق : هههههههههههههههه والله انك فلتة

>><<>>>><<<<>><<>><<

اليوم اللي بعده يوم الخميس الظهر
الهنوف وهي رايحة الى ابوها المكتب شافتها الريم
الريم : هنوف وش فيها عيونك حمرا ؟؟!!.
الهنوف وتحاول تكون طبيعيه : ها لا بس الكحل اللي حطوه لي امس عور عيوني
وغير كذا مانمت عدل امس بسرعه قومتوني من غرفة عمتي وبعدها جاني نوم الا
بعد الفجر بشوي
الريم : هيك لكان
الهنوف وهي تضربها على خدها بخفة : الله على لبناني
الريم بدلع : لكان شو بدي اساوي هاي لهجة الماما
الهنوف : ريم ابوك في مكتبه ولا في الشركة؟؟..
الريم : لاتوه جاي من الشركة ودخل مكتبه ليما تحط امي الغدا
الهنوف : اهااا يلا انا رايحة له
الريم بلقافة : شو بدك منو؟؟..
الهنوف : مالك شغل ..... وطقت باب المكتب
ابو فيصل : منو ؟؟؟
الهنوف : انا الهنوف يبه
ابوفيصل : تفضلي يبه
الهنوف وهي تقعد على الكنبة : يبه ابيك تحجز لي لجدة
ابو فيصل : الهنوف ماشبعنا من شوفتك
الهنوف : وش اسوي يبه فاتتني محاضرات كثيرة من يوم الاثنين انا معاكم لو كان بودي كان ماراحت لجدة اصلاً
ابو فيصل : وش هالكلام يالهنوف مو كان حلمك من لما كنتي صغيرة انك تصيري
دكتورة اسنان يالله شدي حيلك في دراستك وارفعي روسنا حتى تكوني اول دكتورة
في العايلة انتي وبنت عمك العنود ونجود وخلود يلحقوكم ان شاء الله
الهنوف : لايبه خلود بتلحقنا تبي تدرس طب بشري اما نجود اغسل يدك منها
ماتبي الطب ولاغيره من المجالات الطبية تبي تدرس حاسب مثل عمتي منى
ابو فيصل : الله يحقق لكم احلامكم ان شاء الله
الهنوف : آمين
ابوفيصل : الهنوف ورى ماتروحين بكرة
الهنوف : لايبه عندي كويز السبت وامتحان الميد عندي الاثنين فعشان كذا ابي
اروح اذاكر هناك في جدة افضل من اذاكر هنا لاني اعرف نفسي ماراح افتح كتاب
هنا
ابوفيصل : خلاص الحين بكلم عمك بو عبدالعزيز يشوف لي السفريات والسكرتيرة ادور لك
اذا كان في حجز اليوم وانتي جهزي اغراضك
الهنوف جاها احساس غريب لما سمعت اسم عبدالعزيز واتذكرت البارح وش صار لها
وخنقتها العبرة وطلعت على طول .

>><<>>>><<<<>><<>><<
نجود وخلود الثنائي قاعدين فالغرفة
خلود قاعده على النت ونجود معاها
نجود : وانتي ماتستمليتي من هالمنتدى البايخ بعدك تشاركِ فيه
خلود : بايخ فعينك وانت شعليك
نجود : ورى ماتتركينه واتشوف مين اللي داخل عندك في المسن
خلود : مافي احد داخل كلهم اووف لاين
ومسرعه كملت كلامها إلاجتها إضافة من مشخص نيك نيمه مشتاق للوطن خلود قبلت الإضافة
نجود : لا خلود احذفيه شكله ولد
خلود : ادري انه ولد بس مش حاذفته
نجود : ايش !!... ليكون انتي تبع هالسوالف
خلود : افا تشكين فيني
نجود : وش دراني عنك ماتبي تحذفيه
خلود : نجود لا تفهمي غلط بس ابي اعرف ليه ضايفني وبعدين عندك ايميلي شوفي الايميلات اللي فيه
نجود : شوفي دخل عليك وسلم

~ْ~ْ~ مشتاق للوطن ~ْ~ْ~
السلام عليكم

×× الغرام ××
وعليكم السلام
من معاي ؟؟؟

~ْ~ْ~ مشتاق للوطن ~ْ~ْ~
انا الغريب صاحب المنتدى اللي انتي مشاركة فيه اخت الغرام

×× الغرام ××
اهااا يا اهلا وسهلا فيك خير اخوي تبي شيء

~ْ~ْ~ مشتاق للوطن ~ْ~ْ~
بصراحه اختي .... وسكت

×× الغرام ××
تكلم اخوي خوفتني سويت انا شيء غلط

~ْ~ْ~ مشتاق للوطن ~ْ~ْ~
ههههههههه وشفيك خفتي على طول ليكون مسوي شيء وحط لها رمز يغمز

×× الغرام ×× <<< تفشلت
وحطت رمز منحرج

~ْ~ْ~ مشتاق للوطن ~ْ~ْ~
اختي بصراحة معظم المشرفين يمدحون فيكِ وانا من خلال مشاركاتك الرائعة
قررت اخليكِ مشرفة بس ابي اعرف رايك بالأول ؟؟؟ ...ورسلت الك رسالة خاصة
على المنتدى بس ماوصلت الك لانو صندوق الوارد عندك فيه كثير رسايل ورسلت
الك على البريد ومارديتي
فأضطريت اني اضيفك عشان اشوفك وأسألك

×× الغرام ××
مدري والله محتاره اخاف اوافق بس ما اكون عند حسن ظنكم خصوصاً انه الاختبارات على الابواب

~ْ~ْ~ مشتاق للوطن ~ْ~ْ~
لا عادي احنا نتفهم هالشيء خصوصاً انه معظم الاعضاء طلاب سواءً كانوا في الجامعات او في المدارس وانا واحد منهم ههههه

×× الغرام ××
هههه خلاص موافقه بس ماقلت لي اي قسم بتعيني فيه ؟؟؟

~ْ~ْ~ مشتاق للوطن ~ْ~ْ~
انتي اختاري اختي اي قسم تبينه ؟؟؟

×× الغرام ××
امممم قسم المرأة والاسرة

~ْ~ْ~ مشتاق للوطن ~ْ~ْ~
خلاص صار اختي الحين راح احطك

×× الغرام ××
اوكي اخوي الحين انا مضطرة اطلع باي

~ْ~ْ~ مشتاق للوطن ~ْ~ْ~
باي

خلود : وييييييييه وانتي تقولي لي ماتركتي المنتدى البايخ شفتي كيف خلوني مشرفه ياااااي
نجود : ويه مالت عليك فرحانه على سواد وجهك يالخبله احذفيه
خلود : ماني حاذفته
نجود : خلود بلا خبالة صدقيني احذفيه لا يتطور الموضوع
خلود : اي يتطور اني ما غلطت وهو كان محترم والدليل انه كان يناديني اختي
نجود : وش دراك بكرة يناديكِ حبيبتي تعلميني بالشباب
خلود : اذا شفته من ذاك النوع حذفته
نجود : بعد ايش ياحسرة بعد مايطيح الفأس بالرأس
خلود : وشفيك ليكون تفكري من النوع اللي مايصدق على نفسه احد يقوله كلام
ماصخ ويذوب بسرعه ترا انا ادرى بمصلحتي ومستحيل اتعدى حدودي واتخطى الخطوط
الحمراء .
نجود : دنتي قلتيها بنفسك انا ماعليّ الا اني نصحتك واتمنى انك تفكري عدل بكلامي

خلود : نجود خلاص سكري الموضوع ... بقولك شفت موديلات فساتين كشخه في النت
نجود : وينهم فيه ؟؟؟
خلود : دقيقة خل تفتح الصفحه
نجود : اذا عجبوني بفصل لزواج الهنوف وعبد العزيز
خلود : اني كمان مع اني افضل الجاهز اريح لي
الهنوف كانت مارة وسمعتهم يتكلمون عنها وعن عبد العزيز حز في خاطرها
الهنوف وهي داخلة عليهم : وش تسوون ؟؟؟
خلود خافت راحت غلقة ايميلها
نجود ضحكت عليها : هههههه
الهنوف : وشفيك تضحكين !!
نجود وهي تألف من عندها : لابس تذكرت سالفتنا انا وخلود لما كنا في ثاني
متوسط كنا مرة مع ابلة الفنية نستهبل عليها شوي وبعدين عصبت علينا وبعدين
قالت لنا نطلع برة انا وفاطمة صديقتي طلعنا بس خلودو ماطلعت مع انها السبب
قاعده تشرب عصير ليمون وتصفر بس طاحت فينا وطلعنا بعدين خلودو سوت نفسها
انو بطنها يعورها وقالت الى المعلمة انو تبي تروح الحمام شفتي كيف الذكاء
منشان لاتنقص درجات المهم بعدين رحنا نتمشى وشافتنا المراقبة وخفنا انا
وخلود هربنا بقت فاطمو المسكينة تكلمها المراقبة وحنا تغبينا في الحمام
وبعدين جت الينا وقامت تهزء واحنا في الحمام ومارضينا نفتح الباب وبعد
ماراحت طقيت على خلود الباب منشان تفتحه بعدها طلعنا ورجعنا الفصل ولا كأن
شيء صار
خلود : ايه ذكرتيني عاد سوالف المتوسط غير شكل الهنوف مرة في حصة
الجغرافيا سألتني المعلمة لماذا سميت القارة الافريقية بالقارة المظلمة
تخيلي وش قلت لها
الهنوف وهي متحمسة : ايش
خلود : قلت لها لانه سكانها كلهم سودان خخخخخخخخ
الهنوف : ههههههههههههههههه الله يرجك لاتتمسخري على الناس
خلود : صدقيني ذاك الوقت ماكانت عارفة الإجابة
الهنوف : إلا نسيتوني اقولكم باي باي بعد شوي بروح جدة
نجود : ليه ؟؟؟ روحي بكرة
الهنوف :عندي كويز بالسبت ومافتحت شيء وما اعرف اذاكر الا بجدة وعندي الاثنين امتحان ميد آآآه وين امتحانات المدرسة اسهل بكثير
خلود : ليه انتي كم معدلك ؟
الهنوف : سكتي بس احس انه بعد هالامتحانت بينزل كثير هو 4,5
خلود : اهاا العنود 4,4 هي كمان تقولي نفس كلامك
نجود : الله يعينكم عاد الحمدلله اني ماافكر بالطب وبلاويه
خلود : اصلاًً بالعكس الطب حلو خصوصاً لما تشوفي نفسك تنقذي إنسان من الموت تحسي نفسك صلحتي شيء عظيم
نجود : كلا واحد ورغبته انا ما احب الطب
خلود : الهنوف الله يعين اخوي شكله بينقهر اذا عرف انك بتروحي اليوم
الهنوف بشكل مهموم لما سمعت كلام خلود : وش اسوي بعد
خلود واللي لاحظت انو الهنوف شكلها تغير وظل السبب مجهول في نظرها سكتت وماعلقت
نجود : الا العنود راح تروح معك
الهنوف : مدري راح اتصل فيها وطلعت
خلود وهي قايمة اتصلت بفهد منشان يجيبها البيت ولبست عبايتها : يلا صبايا
نجود : وين وين ؟؟؟
خلود : بروح البيت غناتي نسيتي انو حنا ثالث اليوم الخميس بروح احل
واجباتي واذاكر لي كم كلمة وبكرة بكمل الباقي وانتي قومي ذاكري ازين لك
نجود : اوكي يلا ننزل
خلود ونجود وهم نازلين من الدرج تصادفوا بأحمد
خلود : الله وش هالكشخه احمدوااا
نجود : وين رايح شاكة فيك انا
احمد : مالت عليكم حرام الواحد يتكشخ
خلود : اني مالي شغل اختك هي اللي شكت فيك اما انا ماشكيت
احمد : اعرفك بنت عمي طيبة وخلوقة ومتشك في احد
خلود وهي متشققة انو مدحوها : احم احم مشكور ولد العم
نجود وهيه منقهره : يعني انا الشريرة واللي موخلوقه واللي تشك في احد
احمد : اووه زين عارفه حالك
خلود : ههههههههههه
نجود : كلا منك خلودوووه انتي كلا تخربي عليّ اخوتي
احمد وخلود وهم مبققين عواينهم : هههههههههههههههههههههه
احمد : وش هالتفكير
خلود : خلها احمد تراها سفيهه
نجود : انقلعي يابقرة
خلود : قلعك ربي ان شاء الله
ويسمعوا هرنااات
خلود : اوووه اكيد فهد الله يعني اما عصب عليّ ان عصب الا اوريكِ
نجود : وانا وش دخلني كلا من احمدوا
احمد : يلا عاد حطوها عليي بعد
خلود : وتفتح باب الصاله بايوووووو
نجود واحمد : باي
وهي تفتح باب السيارة وتدخل
خلود : السلام عليكم
فهد : وعليكم السلام ... ليه تأخرتي ؟؟؟
خلود : بسم الله ماتأخرت حتى دقيقة وبعدين مو مني من نجود
فهد لما سمع اسمها ابتسم وقال : اوكي هالمرة عشان نجود بسامحك
خلود وهي مستغربة : نعم وبعدين وشبينك وبين نجود
فهد وهو لايم نفسه على تسرعه في الكلام : مابيني وبينها شيء ولا ماتستاهل بنت العم .
خلود : ايه فكرت شيء ثاني .
>><<>>>><<<<>><<>><<
الوليد وعلي قاعدين برة الشارع يتكلمون وتمر عليهم بنت صغيرة بس مب كثير
مها : هلا علاوي كيف حالك وترمي عليه ورقة وتركض بسرعه
الوليد : ههههههههههههه علاوي طلع لك معجبين
علي : اي معجبين انت ووجهك
الوليد : اجل ايش معنى اللي شفته
علي : هذي سلمك الله بزر غبية ماتفهم ترمي عليي رسايل وتكتب فيهم انها تحبني
الوليد : مو كأنها اخت محمد بن ناصر
علي : الا هي انا مستغرب من اهلها كيف مدلعينها وتاركينها كذا تخيل انو هي عمرها 13 سنة في اول متوسط وحركاتها كذا
الوليد : وش تسوي فيك يامعذب القلوب
علي : هههههههههه
الوليد : بل يعني قد الريم بنت عمي ويه ماتخيل بنت عمي مثلها وجع
علي : شفت كيف بزر وحركاتها كذا اجل لو كبرت ايش بتسوي
الوليد : الله شوف ويش مكتوب بالرسالة تبي رقم جوالك
علي وهو متفاجىء : قلت لك مهيب هينة هالبنت
الوليد : اي والله
علي : جيب الرسالة بمزعها
الوليد : لالالا لاتمزعها افرض يوم شافها ابوها بالغلط وهي تكلمك طبعاً
بتطيح السالفة كلها فوق راسك وبيتهمونك انك انت اللي تغازل بنتهم محد
بيصدق انه بنت عمرها 12 او 13
تغازل عند الناس ماتدخل العقل لكن اذا كان عندك دليل وهذا خط يدها محد راح يقولك شيء
علي : صادق
الوليد : خلها في سيارتي اغبيها اخاف اعطيك اياها وتمزعها من وراي
علي : يمكن اذا انقهرت وشفتها مرة ثانية تخيل اوقات اذا كنت طالع اشوفها
تمر البقالة وتجي تتقرب مني هي وصديقاتها وتقول كيف حالك علي ؟؟؟
الوليد : والله مب سهلة هالبنت
علي : جريئة لحدها استغرب كيف ماتخاف احد يشوفها
الوليد : عادي عندها يمكن
علي : تصدق لو اقولك اوقات اقعد مع الشباب نعسل برة وهي بيتهم في وجه
بيتنا اشوفها تفتح نافذة غرفتها وتحط لها شموع وتقعد تراقب وتحط يدها على
خدها اقوم الف وجهي عنها للجهة الثانية
الوليد : ههههههههههههههههههههههههه ماناقادر هههههههههه
علي : شفت كيف
الوليد : شكلها رومنسية
علي : بزيادة بعد
>><<>>>><<<<>><<>><<
الهنوف وهي تتصل بجوال العنود وماترد استغربت وترد تتصل مرة ثانية كمان مافي رد
الهنوف : وووف مالي الا اتصل على البيت
وهي تتصل ورن رنتين ورفعوه
الهنوف : الووو
عبد العزيز : الووو الهنوف
الهنوف : ظلت ساكتة
عبد العزيز ماعرف وش يقول ولما جا بيتكلم :ال
الهنوف حبت تنهي المكالمة وتكلمت ببرود : ممكن تعطيني العنود
عبدالعزيز وهو منقهر انه قطعت كلامه وعرف انها لسه مجروحه منه ماحب يزيد عليها : اوكي لحظة
عبدالعزيز : العنود العنود
العنود وهي مالها خلق : نعم
عبد العزيز : الهنوف تبيك
العنود : قولها تتصل على جوالي مالي خلق انزل
عبدالعزيز : العنود تقولك اتصلي على جوالها
الهنوف وماحبت تزيد النقاش : اوكي مع السلامة
عبدالعزيز : الله يسلمك
ومسرعه ماسكرت الا يجيها اتصال من العنود
الهنوف : هلا
العنود بصوت مبحوح : هلا والله
الهنوف وهي تدخل بالموضوع بسرعه : العنود انا بروح جدة اليوم بتروحين اولا
العنود : الا بروح اصلاً انا ابي الفكة من هنا وصاحت .
الهنوف:العنود ايش فيك ؟؟..
>><<>>>><<<<>><<>><<
في لندن مدينة الضباب كان قاعد خالد على الاب يتوب بعد ماذاكر له شوي من
اخر مادة عليه وهو مندمج مع المواقع اللي يتصفحها الا برنة الجرس استغرب
من اللي يدق الجرس في هالوقت
قام يشوف من اللي جاي وفتح الباب واتفاجىء من اللي شافه
دنيا : هلا خالد
خالد : هلا دنيا وش تبين ؟؟
دنيا : وينه تركي ليه حاقر اتصالاتي ولانسى اللي بيني وبينه
خالد : تركي رجع الى السعودية
دنيا وهي منصدمة : شو ليش ؟؟.
خالد : خلاص خلص دراسته والشهادة حصل عليها، ليه هو ما قال لك !!!
دنيا وعيونها غرقانة دموع وصوتها مختفي : لا ماقال ...
خالد : وبعدين قولي لي وش بينك وبينه ؟؟؟
دنيا صارت تبكي لما سألها خالد السؤال :
<><<<><<<<>>>><<<>>><<
ياترى وش اللي بين تركي ودنيا ؟؟؟
العنود وش السبب اللي يخليها تبي تبتعد عن اهلها ؟؟؟
وزينب وش الحقيقة المخفية عنها ؟؟؟
وابو سعد ليه يكره ابو زينب الحقيقي ؟؟؟
الهنوف وعبدالعزيز الى وين بيوصلون ؟؟؟
مشتاق للوطن هل هو شخصية جديدة بالقصة؟؟
او هو واحد من الشخصيات اللي انذكرت ؟؟؟
علي ومها الشخصيات الجديدة وش ينتظرهم ؟؟؟
فهد وش هي مشاعره تجاه نجود ؟؟؟
خلود هل راح تستمر في الغلط اللي تسويه ؟؟؟

كل هالامور راح نعرفها في الاجزاء الجاية

يسلمو أختي مرره تجنن
ننتظر الجديد يعطيكي العآفية

الجزء الرابع :-

وبعد ماسكرت الا يجيها اتصال من العنود
الهنوف : هلا
العنود بصوت مبحوح : هلا والله
الهنوف وهي تدخل بالموضوع بسرعه : العنود انا بروح جدة اليوم بتروحين اولا
العنود : الا بروح اصلاً انا ابي الفكة من هنا وصاحت .
الهنوف:العنود ايش فيك ؟؟..
العنود : ولاشيء
الهنوف :إلا فيك شيء ..!!!
العنود : بعدين بقولك ...
الهنوف : العنود تراكِ اقلقتيني عليك وشفيك ؟؟؟
العنود : الهنوف بليز قلت لك بعدين اذا شفتك راح اقولك
الهنوف : براحتك
العنود : اقول انا راح اسكر الحين بااي
الهنوف : باااااي

>>><<<>>><<<<<>>>>><<<<>>>>

خلود وهي داخلة الغرفة على نوف : هااااااااااااي
نوف : هاااااااااايين ... وين هجيتي ؟؟
خلود : ماهجيت مكان بس بيت عمي
نوف : اللي يشوفك مايصدق انك دافورة
خلود : صلي على النبي لاتصكيني بعين
نوف : اللهم صلي عليه وعلى آله وصحبه وسلم ...وبعدين ايمتى راح تذاكري
خلود : الحين راح اجيب شنطتي منشان اذاكر معاك
نوف : لا بالله خوش عزة الله رحت فيها انا
خلود : ووييييييييييييه اللي يشوفك مرررة مقطع نفسك من المذاكرة اصلاً
انتي ماتذاكري الا اذا عندك امتحان دوري او قبل الامتحانات باسبوع تشوفي
بلواكِ في المواد اللي ماقد مرة فتحتيها
نوف : ويش اسوي طالعه على اختي اللي اكبر مني ... يلا بلافلسفة وروحي جيبي شنطتك
خلود : زين
وراحت تجيبها بسرعه ورجعت
نوف : بل مامداك تجين
خلود : اقولك ناوية تصكيني بعين
نوف : ماصارت دي كلمة
بعد ساااعه خلود تصفر : ياهوووووووو خلصت واجباتي
نوف : حشى ولد مب بنت تراكِ صجيتيني اقول انقلعي برة وترمي عليها المخدة في وجهها
خلود : اوريك يابقرة وترمي عليها العصير اللي جنبها ويضربها في بطنها
نوف : آآآي ياحمارة
خلود وهي تهرب وتنزل بسرعه من الدرج وتفتح باب الصالة وتصرخ : يمه الحقيني
وهي تركض الشغالات كانوا يغسلون الحديقة وتنزلح :آآآآآه
نوف : ههههههههههه خلاص حبيبتي مافي مجال للهروب
وتاخذ الصابون من الشغالات وتكبه فوق خلود
خلود وهي تتدحرج وتقوم وتاخد الهوز(مرش الماي ) من عند الشغالات وترش به نوف
نوف : ياغبية بللتيني بتشوفي وش بسوي فيك
وتاخد سطل الماي وتعبيه وتكبه فوق خلود وتتبلل هي كمان
وفجأة حسوا انه احد داخل عليهم وينحاشوا بسرعه ويتغبوا ورى الباب
سلمان : وش صاير وشفيه البيت حوسة
الشغالات : هذا كلود ونوف في الئب بموية
سلمان : ههههههههه ومشى ... وهو يصرخ خلود نوووف وينكم اطلعوا بسرعه لا اشكي عليكم عند امكم وابوكم
نوف : لالالا تشكي ولا شيء بنطلع الحين
وطلعوا اليه
سلمان اول ماشافهم : هههههههههههههههههههه
دخل بعده الوليد ولماشافهم ضحك : هههههههههه والله اشكالكم حفلة بدون كيك تحفة والله
نوف وهي منقهرة : مالك شغل
سلمان : هذي مذاكرتكم
خلود : سلمان انت اخر واحد تتكلم عن المذاكرة نسينا ماكلينا
سلمان : لا انا غير
خلود : لاغير ولاشيء
الوليد : الا وين نجود عنك
خلود : في بيتهم
الوليد وسلمان : غرررررريبة
خلود : وشفيكم
سلمان : بالعادة تكونون مع بعض وماتتفارقون
خلود : توني من ساعتين راجعه من عندها
الوليد : وانا اقول
سلمان : يلا روحوا بدلوا ملابسكم لا يجيكم برد
نوف : يلا خلود قبل لاتجي امي
خلود : يلا

>>>><<<<>>>>><<<<>>>>>
العنود وهي نازلة لتحت اتصلت في السايق منشان يجي ياخذ اغراضها ويوديها المطار وبعدها اتصلت في فهد
العنود : الوووو هلا فهد
فهد : هلا والله
العنود : فهد ابيك توديني المطار
فهد : والسايق وش شغلته
العنود وهي مستغربة من كلامه : نعم تبيني اروح مع السايق لحالي المطار
والله انك غريب بالعادة لما اقول للوليد بروح مع السايق مايرضى والحين انت
اتقولي روحي مع السايق
فهد : خذي معاك وحدة من الشغالات
العنود : لا والله الشغالة محرم لي ولابتحميني لو خطفني السواق
فهد : زين لاتعصبي
العنود زعلت : اقول يلا باي
فهد : العنود انتظري راح اوديك يلا جهزي حالك
العنود : طيب

وبعدها شافت نوف وخلود داخلين واشكالهم تحفة
العنود : وشفيكم ؟؟... اكيد متهاوشين
نوف : يعني
العنود : حلوة دي يعني ... الا اكيد
خلود : العنود بتروحي جدة
العنود : ايوا
نوف : ليش روحي بكرة
العنود : عندي امتحانات هالاسبوع وماراح اجي الا اخر يوم في امتحاناتكم
خلود : واااااو يعني انتي وخالد ولد عمي راح تجون في نفس اليوم
نوف بخبث : وش دراك ؟؟؟
خلود : غبية شويق اخته قالت
العنود : بعدك ماكلمتي شوق
خلود : خلها تنقلع اجل تصرخ علي منشان ساروه انا خلود عبدالرحمن الراسي محد يرفع صوته علي
نوف : مب عارفة حالك والله
خلود : انطمي
العنود : يلا وصل فهد باااااي وهي تحضن خواتها ... وجع بللتوني
نوف : سلمتي على امي
العنود : ايوا
خلود : ليه امي هنا
العنود : ايوا في المطبخ
نوف : يلا خلود ننحاش قبل لاتشوفنا
وينحاشوا ركض والعنود تضحك عليهم

>>>><<<<<>>>><<<<<>>>>><<>>

العنود وهي تدخل السيارة : السلام عليكم
فهد : وعليكم السلام ... وين شناطك
العنود : اخذهم السايق يوديهم
فهد : اهااا
العنود : فهد ابيك تروح بيت عمي ابو فيصل بمر على الهنوف
فهد : اوكي
العنود : فهد الا بسألك ماتفكر تتزوج
فهد استغرب من سؤالها : ممممم خليني اول استقر
العنود : اي تستقر الوظيفة وضامنها في الشركة
فهد : ايوا بس توه عبدالعزيز خاطب اي صح بسألك كيف احوال عبدالعزيز ؟؟؟
العنود : تصدق ما اشوفه الا قليل بس شكله كويس
فهد : اهااا يلا وصلنا بيت عمي
العنود : بتصل لها
فهد : مايحتاج تتصلين ذاهي جاية
الهنوف وهي خايفة يكون عبدالعزيز : السلام عليكم
العنود وفهد : وعليكم السلام
الهنوف بعد ماتطمنت انه فهد مب عبد العزيز : هلا فهد كيف حالك ؟؟... الحمدلله على السلامة ولو انها متأخرة
فهد : اولاً الحمدلله .. ثانياً .. الله يسلمك ... ثالثاً .. مقبولة منك بنت العم
العنود : وصفراً وشو
الهنوف وفهد : هههههههه
وفهد وهو يسرع منشان يوصل بسرعه
العنود : هي وشفيك شوي شوي تراني بعدني شباب ابي اتهني بشبابي
فهد : زين ... بخفف عشان عبدالعزيز لايقول سوينا شيء بخطيبته مافيني شدته
الهنوف حز في خاطرها الكلام وقالت في نفسها لا والله ماتدرون بعبدالعزيز لو اموت مايسأل عني
فهد : يلا بسرعه وصلنا
وبعدما نزلوا وخلصوا الاجراءات ركبوا الطيارة ولما ركبوا على طول بادرت الهنوف بالسؤال : العنود وشفيك ؟؟؟
العنود : مافيني شيء
الهنوف : انا عارفتك لما اتصلتي فيني وكنت تبكي وش كان فيكِ لاتقولي لي مضايقة انا عارفة انو شيء كبير ولا ماكان صحتي
العنود وبدت عيونها تدمع
الهنوف استغربت منها : وشفيك خوفتيني احكي
العنود : اليوم الصباح لما قعدت طلعت من الغرفة رايحة الى غرفة امي منشان
اقولها اني ناوية اروح جدة سمعتهم بصدفة يقولون اني .... وصاحت
الهنوف : انتي وشو ؟؟؟
العنود : اني محجوزة الى حسام الراهي اخو غلا واحتمال يعملون ملكتي الشهر الجاي
الهنوف : اهااا معروف هالشيء
العنود وهي مستغربة : وش اللي معروف
الهنوف : انك محجوزة الى حسام
العنود : يعني انتي كنتي تعرفي ؟؟
الهنوف : ايوا
العنود وبعصبية : وليش ماقلتي لي ؟؟؟
الهنوف : يعني انتي ماتدرين
العنود بألم : لا
الهنوف : وكيف والكل تقريباً يعرف هالشيء
العنود : يعني اني اخر من يعلم ورأيي من عدمه واحد
الهنوف : ليه انتي ماتبي حسام ؟؟
العنود : لا ما ابيه
الهنوف : لكن اذا رفضتيه راح تسببين مشاكل الى الطرفين لاتنسين انوا عيلة
الراهي والراسي الشراكة كانت بينهم من زمان وكانوا يبون يصيرون في نفس
الوقت نسايب يعني صعبة ترفضي
العنود : ادري يالهنوف وهذا اللي قاهرني وبعدين سهى اختي متزوجة طلال يعني كافي
الهنوف : مدري ... وبعدين ليه ماتبين حسام ؟؟؟
العنود : بس كذا ما احبه
الهنوف : ماتدخل العقل منشان هالسبب ... مو ضروري اتحبيه العنود صدقيني
الحب ينولد بعد الزواج والعشرة وقبل الحب يكون الاحترام والألفه بين
الطرفين
العنود : صادقة في كلامك بس
الهنوف : لا تقولي لي انك تحبين ..
العنود وهي متفشلة ومنزلة راسها : اي
الهنوف : لايكون اللي في بالي ....

>>>><<<<>>>><<<<>>>><<<<
في لندن
خالد وهو منصدم من الكلام اللي سمعه : لاحول ولاقوة الا بالله كيف تركي يعمل كذا !!!
دنيا : شفت كيف انو انا متعذبة مع عمك
خالد : خلاص دنيا اوعدك اني راح اساعدك ...
دنيا : مشكور ياخالد مابعرف لو ماكنت هون شو راح يصير لي
خالد : بس فهد يعرف بالموضوع
دنيا : لا مايعرف
خالد : ايه زين كان ينشر الخبر عند الاهل اعرفه مايغبي شيء
دنيا : انا مابدي اعمل مشاكل بس بدي اعرف شو مصيري
خالد : لا وشدعوة ماراح تصير مشاكل ان شاء الله

>>><<<>>><<<>><<><<><<

زينب وهي تطق باب غرفة امها بعدما عرفت انه ابو سعد مب موجود
ام سعد : منو
زينب : انا يمه
ام سعد : تفضلي
زينب : يمه
ام سعد : نعم
زينب : بسألك ابوي الحقيقي وش عيلته
ام سعد بصوت خفيف : السامي
زينب : وشفيك يمة ابو سعد طلع لا تخافين
ام سعد : وش دراكي يمكن يطب علينا مرة وحدة غير كذا انا مب خايفة الا على اخواتك يعرفون بالموضوع
زينب : اهااا ... زين يمه عندك صورة ثانية
ام سعد : لا ماعندي
زينب بحزن : ولا صورة
ام سعد : عندي سلسة فضية التعليقة حقتها دائريه تفتحيها تشوفين فيها صورتك من جهة ومن الجهة الثانية صورة ابوك
زينب بفرح : صدق يمة
ام سعد : صدق هذي هدية عيد ميلادك الاول من ابوك
زينب : زين يمة ابي اعرف شيء واحد
ام سعد : وشو هو ؟؟
زينب : ليش ابو سعد يكره ابوي
ام سعد وتغير وجهها وقالت بعصبية : مدري
زينب : خلاص بس ابي اعرف كيف قدرتوا تنسبوني الى ابو سعد
ام سعد : لما اتوفي ابوكِ كان عمرك سنة ونص وكان ابوك عامل لك جواز لحالك
ماينتهي الا بعد خمس سنوات بعد العدة بكم شهر خطبني ابو سعد وانا وافقت
بشرط اني مابي اهل زوجي يدرون اني راح اتزوج وسافرت بحجة اني مريضة وراح
اتعلاج واما اقدر اترك بنتي وهي صغيرة وسافرت معاك وهناك ابو سعد قدر يزور
بعض الاوراق وبالفعل قدر يتبناك ِ وينسبكِ اليه مع انه كان رافض بس انا
قلت اله ماراح اوافق على الزواج الا اذا انتي عشتي معي وبعدها وحصلنا على
الجنسية البريطانيا بعدما استقرينا هناك والسنة اللي راحت رجعنا على
البلاد بعدما ضمنا انه اهلك فقدوا الامل انهم يشوفونك واخترنا حارة نضمن
انه محد بيعرفنا فيها
زينب : اهااا
ام سعد وهي تفتح الدرج وتطلع منه السلسلة : خذي وحافظي عليها ترا ماعندي صورة غيرها
زينب :طيب ولبستها حول رقبتها
وقالت : وهي تبكي ... يمه ليه تعاملوني مثل الشغالة مع انه انتوا مب محتاجين وعندكم شغالات
ام سعد وخانقتها العبرة : والله يايمه مابيدي شيء كذا مرة افاتح ابو سعد
بالموضوع يقولي لي احمدي ربك اني ربيتها وصرفت عليها وقال اذا ماترضين
انها تصير شغالة راح اطلقك واخرب عليك كل شيء ... دنتي عارفتني عمري
ماشغلتك الا اذا هو كان موجود
ولو بيدي ماعاملتك كذا
زينب : اسفة يمه توقعتك واقفة بصفه وماتعتبريني بنتك
ام سعد : افا يايمه عمر الام ماتستغني عن ضناها
زينب هي تبوس راس امها : مشكورة يمة على المعلومات
ام سعد وهي تضحك عليها : الله يوفقك يايمة في دراستك وتصيرين لي دكتورة
زينب : ان شاء الله يمه معدلي الترم الاول عالي وهالترم بحاول ابذل جهدي واذاكر زين .

بعدما طلعت من غرفة امها قررت تنزل لتحت وراحت عند الدرج وفي ذهنها افكار
ناوية تسويها وهي تنزل شافت ابو سعد في طريقها نزلت راسها خايفة اول
ماشافها عبس بوجهه ولما تقرب لها دزها من الدرج وطاحت لتحت وتعورت يدها
وقامت تصرخ : آآآآآي
ام سعد وهي مخترعه من الصرخه : هلا وشفيك
هلا : مو انا يمه شكلها زينب
ام سعد بحزن وهي عارفة من ويش تقول في نفسها الله يعينك يابنيتي :ايه خلنا نروح لها
ابو سعد وهو جاي بالطريق : ام سعد تعالي ابيك
استسلمت ام سعد له وراحت معه بعدما قالت لهلا تشوف زينب
هلا : زنوب وشفيك
زينب وهي تخفي الحقيقة المرة : مافيني شيء بس التوت رجلي وطحت من الدرج
هلا : رجلك تعورك طيب
زينب : لا يدي تعورني مانيب عارفة احركها
هلا : اشوف
زينب : آآآي
هلا : بس لايطلع عندك كسر
زينب : لا ان شاء الله

>>>><<<>>>><<<>>><<<>>>
يوم الجمعة العصر طلع عبدالعزيز من البيت وهو متخذ قراره اللي بيحدد مصيره
بينه وبين بنت عمه بعدما قرر يخبر الهنوف عن ماضيه وعن اللي كان بينه وبين
بنت خالته لارا اللي هي بنت خالة الهنوف في نفس الوقت
وبعدما وصل الى بيت عمه شاف احمد بره مع الوليد وعلي وسلمان وهو نازل من سيارته
عبد العزيز : احمد تعال ابيك شوي
احمد : لحظة علي انتظرني شوي امانة لاتكمل الى سلمان الا اذا جيت
علي : اوكي
سلمان : علاوي كمل ماعليك منه
علي : لا حبيبي عطيته كلمة
سلمان : مالت عليك
علي : لاتخليني اقول الى احمدوه ولا اقولك
سلمان : لا مادام السالفة فيها بنت خلاص بسكت وحقك علي

احمد وهو رايح بإتجاه عبدالعزيز
احمد:هلا ابو عبدالرحمن
عبدالعزيز : هلا بيك ... مممم
احمد : تكلم ياخي
عبدالعزيز : طيب ابي اشوف الهنوف ؟؟
احمد : الهنوف طارت
عبدالعزيز : تنكت حضرتك
احمد : لا والله الهنوف راحت جدة مع اختك
عبدالعزيز وهو منصدم : متى راحت ؟؟؟
احمد : الامس المغرب ... ليه انت ماتدري
عبدالعزيز وهو يسوي حاله عارف : الا بس نسيت ... زين يلا سلام
احمد : بايووو

احمد وهو راجع
علي : عند وعدي ماقلت له شيء
سلمان : يلا كمل السالفة
علي : طيب وبعدها مرت لما كنت مع الوليد وقطت الرسالة وكاتبه فيها انها تبي رقم جوالي
سلمان : الله حركات كان عطيتها رقمك
علي : مالت عليك ابيك عون صرت لي فرعون
الوليد : مادورت الا هذا يكون لك عون
علي : ليه
احمد : لا بالله ماتدري هذا اكبر مغازلجي
علي : اوووه اجل لو ادري ماقلت لك السالفة
سلمان : ماعليك منهم لايغرونك ترا ياما تحت السواهي دواهي
احمد والوليد مبققين عواينهم : وشووو
الوليد : ماعليك منه
احمد : ايوا لاتصدقه تراااه اكبر كذاب
سلمان : افا ياولد اخوي انا عمك الصغير وتقول عني كذا
احمد : اجل تقول عنا كلام مهوب فينا
سلمان : زين ماعلينا من هالكلام شوفو ا البنات اللي جايين يمكن هم اللي تتكلمون عنهم
علي لف وجهه بإتجاه اللي قال عنه سلمان ولما شاف مها عبس بوجهه ولف للجهة الثانية
سلمان لما شاف حركة علي فجرها ضحكة : هههههههههههه
مها : كيف حالك علي
سلمان : زين الحمدلله وانتي ؟؟
مها : ماكلمتك يا اكبر ملقوف
سلمان : صحيح فكرت اصغر ملقوف خخخخ
الوليد واحمد : ههههههه
سلمان : العنها كيف جريئة ... لا بالله الكل يقول عني اكبر مغازلجي اكبر كذاب والحين اكبر ملقوف
مها : تبي صديقتي ماعندي مانع اما انا لعلاوي وبس والباقي خس
علي وهو حاقرنها ولاتكلم بس من داخله منقهر
سلمان : ايه ابي صديقتك
مها : وهي رايحة قطت رقمها على علي وقالت لصديقتها : عجبك هذا وهي تأشر على سلمان
دانية : لا ابي اللي جنبه وتأشر على احمد
سلمان وهو معصب : اذلفي لا اعلم اهلك يالجيكرة
دانية خافت وراحت تركض
مها : لاتنسى تتصل فيني وراحت ومو باين على وجهه اثار الخوف
سلمان : صراحة ماتوقعتها كذا بزر وغير كذا حتى لما هربت صديقتها ماراحت وراها على طول
علي : قلت لك البنت رايحة فيها اخاف اشتكي عند اهلها ومايصدقون وتنقلب المشكلة على راسي .
سلمان بخبث : وش رايك اتكلمها ؟؟؟
علي : ايش ؟؟؟
سلمان : عادي شوفها وش تبي منك
علي : افرض احد شافني اكلمها
سلمان : محد بيشوفك لاتنسى انها قطت رقم جوالها عليك
الوليد يقول لأحمد : لا بالله بيخترب علي
احمد : اتوقع ليه مستقبل باهر في المغازل مع سلمان
الوليد : خخخخخ

>>><<<>>><<<>>>><<<<>>>>
يوم السبت في الشركة بو عبدالرحمن في مكتبه معه اخوه وبعدها جا اليه السكرتير
عصام : ابو عبدالعزيز الاستاذ بندر يبيك
عبدالرحمن : خليه يدخل
وبعدها دخل بندر : هلا بو خالد، هلا بوعبدالعزيز
بوخالد : هلا والله ببندر صديق الطفولة كيفك وكيف محمد وسعد اولادك

بندر بابتسامة غريبة : كيفكم وكيف الشغل ؟؟؟
عبدالرحمن : الحمدلله بس هالمناقصات اللي ايام ترسي علينا وايام لا
بوخالد : الا يابندر متى رجعت من بريطانيا
بندر : قبل اسبوعين رحت اخلص بعض امور الشركة
عبدالرحمن : الا ابشرك يبندر يوم كنت مسافر رست علينا المناقصات كلها تمنيتك تكون معنا ويوم انك هنا مارست علينا شفت كيف الحظ
بندر وهو يغير الموضوع : زين والله مبروك ... الا ماقلتولي وش اخبار البضاعه
بو خالد : لا تمام كويسة
بندر : اهااا ... ما اشوف بوفيصل ولا بو رامي
بو خالد : في السفريات ... وحنا في الشركة ترانا مقسمين الشغل

>>><<<<>>>><<<<>>>>><<<>>>>
في المدرسة نجود وخلود وفاطمة وغلا في الفصل ومسويين هيصة معلمتهم في الفصل
نجود : زينبووووه وشفيك
زينب : ولا شيء
نجود : طيب تعالي معنا
زينب : اوكي
نجود : الا ماقلتي لي وشفيها يدك
زينب : طايحة
نجود : سلامتك
زينب : الله يسلمك
نجود : يلا جبتها
غلا : وشفيك زنوووب لهدرجة مب عاجبينك
زينب : لا مب كذا بس زهقانة
فاطمة : طيب تعالي فرفشي معانا
خلود : خلونا نسوي مقابلة معاها
زينب : لا خليها معاكِ خلودوووه
خلود : نو ثانكس
نجود : تصدقون خايفة من الاختبارات ؟؟؟
زينب : اني بعد
فاطمة : اني مب خايفة ولاشيء كل يوم اشبك على النت بلا اختبارات بلا بطيخ
خلود : ههههههه الحال من بعضه
نجود : انتون مررررة بايعينها
فاطمة : عادي عادي
خلود : اني يمكن من يوم الاثنين بترك النت
نجود : بنشوف والله اخاف
خلود : وشو
نجود وهي تغمز لها : ولاشيء
خلود بعدما فهمت قصدها ابتسمت
وبعدها رن الجرس على البيت والكل لبس عبايته نجود : خلود انتظري بروح معك
خلود : اوكي
وهم طالعين
نجود : ووووف حر
خلود : صدقتي شكلنا بنخيس هنا
نجود : وين سايقكم
خلود : والله مدري لا سايقنا ولاسايقكم هنا هالخبلان
نجود : هههههههههه
خلود وهي تطلع جوالها من الشنطة : بتصل على واحد من اخواني يجيني الوليد
اكيد عنده محاضرات وعبدالعزيز في العسكرية يشتغل مابقى الا فهد
نجود : خلودوووه يالغبية كيف تجيبين جوال والله ياخوفي يسوون تفتيش ويصيدونك
خلود وهي تتصل : ذاك الوقت يصير خير
نجود : والله انك ماتسمعين الكلام
خلود :هلا فهد انت في البيت
فهد : لا في بيت الجيران
خلود : اسمع انا واقفة عند المدرسة السايق مدري وشفيه تأخر علينا
فهد : ايوا السايق اختربت سيارته
خلود : يلا بسرعه انا ونجود خسنا من الحر
فهد ابتسم لما سمع اسم نجود: اوكي جاي
خلود : باي
نجود : من بيجي النا ؟؟؟
خلود : فهد في الطريق
نجود : خليني اتصل على سايقنا
خلود : نعم فهد ذاهو جاي
نجود : وين
خلود : يلا بسرعه بذا الاتجاه
وهم راكبين السيارة
خلود ونجود : السلام عليكم
فهد : وعليكم السلام والرحمة
خلود : وييه زين جيت لنا ولا كان رحنا فيها
فهد : وهو يمشي مر جنب سوبر ماركت خلود تبين شيء
خلود : اكيد
فهد : وانتي نجود وهو يطالعها من المنظرة
نجود رفعت راسها والتقت عينها بعينه : هاااا لا
فهد : لايرد الكريم الا اللئيم يانجود لاتصيري لئيمة
نجود وهي متفشلة : انا مب لئيمة
فهد : اجل اقبلي العزيمة تراااها على حسابي ... خلود نجود يلا انزلوا
خلود : يلا
ونزلوا السوبر ماركت خلود طيران بسرعه
فهد وهو يضحك : خلود السوبر ماركت مب طاير اجهدي شوي
نجود تراقب فهد في كلامه وكيف بانت الغمازات اللي في خده فهد انتبه لها وحب يحرجها : لهدرجة شكلي حلو
نجود ماتوقعته يقول لها كذا وصار وجهها احمر من الفشلة
فهد قعد يضحك على شكلها المنحرج ومنشان لايحرجها زيادة : اوووف خلودوه الدبة شوف راحت من زمان
نجود : ههههههه حرام عليك
فهد في نفسه يازين هالضحكة : يلا روحي لها وقولي لها تاخذ اللي تبي ولا تتأخر لانو اذا اتخرت راح اروح عنها
نجود : اوكي
خلود : وينك
نجود : انتي اللي ملهوفة كأنك اول مرة تشوفين سوبر ماركت
خلود : حبيبتي الامتحانات قربت خليني استمتع
نجود : اصدق مابتجي بعد كم يوم
خلود : ما اتوقع امي بترضى وبحصل تهزيئة محترمة .... شريت من كل حاجة اثنين لي ولك لاني عارفة انك مابتشتري شيء
نجود : وش دراكِ
خلود : عارفة انك مب متعودة على فهد وماراح تشتري شيء
نجود : يلا خلصي ترا اخوك يقول اذا ماخلصتي بسرعه بيروح عنا
خلود : يمه يلا بسرعه اعرفه يسويها فهد
وهم ماشيين بإتجاه اللي يحاسب
فهد : بل ماخليتي شيء
خلود : منشان مرة ثانية توب وماتعزمني
فهد : خلاص مرة ثانية بعزم بس نجود
نجود ابتسمت بخجل
خلود : كان ماتشتري ولا شيء
فهد وهو يتطالع في نجود : ههههههه عارف
وبعد ماخلصوا طلعوا من السوبر ماركت وصلوا نجود البيت وبعدها راحوا بيتهم .

>>>><<<<>>>><<<>>><<<>>>>

انتهى الجزء
ياترى من هو اللي العنود تحبه ؟؟؟
وش هي الأفكار اللي صممت زينب تسويها ؟؟؟
ياترى من هو بندر ؟؟؟
علي هل راح يوافق على كلام سلمان ويكلم مها ؟؟؟

# Thanx #

الجزء الخامس:-
بعدما رجعت خلود من المدرسة على طول طيران الى غرفتها وشبكت النت ودخلت
المنتدى اللي تشارك فيه وسجلت دخولها بس مب راضي يدخل : وووف وش هالزهق
ماليي الا المسنجر .
ودخلت وشافت الغريب اون لاين وبعدها احتارت هل تكلمه وتخبره عن المشكلة او لا
وبالأخير قررت تكلمه

×× الغرام ××
السلام عليكم ...

~ْ~ْ~ مشتاق للوطن ~ْ~ْ~
وعليكم السلام

×× الغرام ××
اسفة اخوي على الازعاج بس عندي مشكلة

~ْ~ْ~ مشتاق للوطن ~ْ~ْ~
لا عادي ... وشنو هي مشكلتك

×× الغرام ××
انو انا لما اسجل دخول بالمنتدى مايرضى مع انه كلمة المرور والاسم صحيحين

~ْ~ْ~ مشتاق للوطن ~ْ~ْ~
لحظة خليني اشوف

×× الغرام ××
اوكي

وبعد فترة

~ْ~ْ~ مشتاق للوطن ~ْ~ْ~
طولت عليك

×× الغرام ××
لا عادي ...

~ْ~ْ~ مشتاق للوطن ~ْ~ْ~
اختي انتي كلمة مرورك ****

×× الغرام ××
لا

~ْ~ْ~ مشتاق للوطن ~ْ~ْ~
الظاهر انو مخترقين جهازك او انو احد عرف كلمة مرورك عن طريق الصدفة

×× الغرام ××
يمه خوفتني الظاهر يبي لي اليوم افرمت الجهاز

~ْ~ْ~ مشتاق للوطن ~ْ~ْ~
يبي لك اتسوي كذا وانا الحين غيرت كلمة المرور وخذيها ****

×× الغرام ××
شوووووكرررررررن خيو

~ْ~ْ~ مشتاق للوطن ~ْ~ْ~
هههههههه العفووو شكلك مرجوجة

×× الغرام ××
خخخ الكل يقول عني كذا ، الا ممكن اسألك سؤال ؟؟؟

~ْ~ْ~ مشتاق للوطن ~ْ~ْ~
تفضلي

×× الغرام ××
ليه نيك نيمك كذا هل انت متغرب عن وطنك ولا شووو ؟؟؟

~ْ~ْ~ مشتاق للوطن ~ْ~ْ~
كيف عرفتي انتي جنية ولا ايش ؟؟؟

×× الغرام ××
هههههه يعني كلامي صح

~ْ~ْ~ مشتاق للوطن ~ْ~ْ~
ايوا انا مب في بلدي انا مسافر من خمس سنوات لأجل الدراسة وان شاء الله ارجع الى اهلي قريب

×× الغرام ××
ان شاء الله ترجع لهم بالسلامة ، ذكرتني بولد عمي يدرس برا كمان

~ْ~ْ~ مشتاق للوطن ~ْ~ْ~
الله يسلمك ويرجع لكم ابن عمك سالم

×× الغرام ××
الله يسمع منك ، اوكي الحين انا تأخرت ووراي دراسة باي واسفة مرة ثانية على الازعاج
باي

~ْ~ْ~ مشتاق للوطن ~ْ~ْ~
باااااي

وبعدها سكرت المحادثة وراحت تذاكر بعض المواد اللي تحسها صعبة منشان فترة الاختبارات النصف فصلية الاسبوع الجاي .

وهي تذاكر دخل عليها عبد العزيز اللي استغربت دخوله عليها بحكم انه قليل الجلوس معهم بسبب شغله اللي يأخذ كل وقته
خلود : هلا عبد العزيز توه مانورت الغرفة
عبدالعزيز : اهلين خلود .. والغرفة منورة بصاحبتها .. الا كيف المذاكرة
خلود : تسلم عليك
عبدالعزيز : ههههه يالله شدي حيلك وجيبي لنا نسبة ترفع الراس
خلود سكتت تفكر في دخول عبدالعزيز الغرفة اكيد في شيء
عبد العزيز : خلود بطلب منك طلب
خلود : آمر
عبدالعزيز : ابي رقم الهنوف
خلود وهي متفاجئة من طلبه وانا اقول ورى هالجية شيء : اوكي سجل عندك .. وعطته الرقم وطلع بعدها عبد العزيز .

>>><<<<>>>><<<<>>><<<>>>
وفي جدة في الجامعة كانوا الهنوف والعنود في الكافيتريا توهم طالعين من الامتحان ( الكويز ) الهنوف : العنود وش سويتي في الامتحان ؟؟
العنود : زفت والحمدلله
الهنوف : كنت متوقعة على مذاكرتك الزفتة امس
العنود : اللي يسمع كأنه انتي ذاكرتي عدل بعد !!!
الهنوف : بس اشوا منك
العنود : الا بسألك انتي تعرفي كانت نفسيتي زفتة مرة ومالي خلق وكنت عارفة اني بزفت بس انتي وش اللي خلاك ماتذاكري كويس ؟؟
الهنوف وهي خايفة تضعف وتحاول تمنع دموعها من النزول : لا ولاشيء بس خلقي ضايق
العنود : اهااا
الهنوف : يلا طيب مابقى شيء على المحاضرة
العنود : ووف حتى الواحد مايلحق ياكلوو شيء
الهنوف : يلا بلا فلسفة وقومي اللي يسمعك يقول توه حاطين الجدول
العنود : اوكي قايمة
وهم متوجهين توه الاستاذة بتدخل وزين لحقوا قبل لا تسجلهم غياب وبدأت
الاستاذة تشرح ولا وحده منهم منتبهة الهنوف تفكر في عبدالعزيز وكيف بتصير
حياتها معاه هل بتستمر او راح ينفصلوا عن بعض .
والعنود كل فكرها كيف تحل المشكلة اللي طاحت فيها وكيف انها محجوزة (
محيرة ) لشخص وقلبها مع شخص ثاني ولو عرف اللي تحبه وش راح يصير له ولو
رضت بالواقع اكيد انها راح تكسر قلب شخص مالوا ذنب يوم حبها .

>>><<<>>><<<>>><<<>>><<<

في بيت ابو خالد نوف ورهف يسولفون عن الشغب اللي سووه اليوم في المدرسة وعن المقالب اللي سووها في البنات
رهف : هههههههههه
نوف : وش فيك تضحكين ؟؟
رهف : تذكري معلمة الفنية اللي علمتنا العام الماضي
نوف : هههههههههه هبلة مرة
رهف : تذكري لما اكلنا التشبيس في حصتها
نوف : ههههههههههه لاتذكريني ولاعاد لما صادتنا
رهف : ههههههههه ايه انتي يالوسخه طلعتي التشبيس من فمك وووع
نوف ومهي قادرة من الضحك بعدما اتذكرت الموقف : ههههههههههههههههه وش اسوي
لاني كنت قاعده اضحك وكنت متبهذلة مرة قدامها خصوصا انه احنا البنات
الشاطرين عندها ونسوي كذا كيف الباقي
رهف : هههههه مسكينة ماوقفتنا الا خمس دقايق ورن الجرس
نوف : اي والله
رهف : اذكر مرة طلعت اتمشى وهي لسه قاعده ولا انتبهت
نوف : ههههه انا في مرة جت وحده من البنات اللي يشتغلون بالمقصف تبي احد
يساعدها طلعت معاها من دون لا استئذن ولاشيء وبعد ما جيت وقفتني عند
الجدار ههههههههههه
رهف : بس والله تحفة هالمعلمة لاعبين عليها علب وفي الاخر الدرجات كاملة واشغالنا ناقصة هههههه
نوف : ايوا بس هالقرف اللي عندنا الحين تبينا اول بأول نسوي كل شيء اوقات اخلي خلودوه تسوي الي
رهف : حرام عليك اختك في ثالث وتخليها تخلص لك اشغالك
نوف : ترا لايغرك انها من الاوائل هي ونجود بس والله ما اكذب عليك تراهم لاعبين لعب وخلود اعظم دايما على النت
و في هالحظة تجيهم ام خالد : هلا نوف شخبارك ؟؟
نوف : هلا خالتي ... انا الحمدلله زينة .. انتي شلونك ؟؟
ام خالد : تمام الحمدلله
رهف : يمه ما اتصل خالد ؟؟
ام خالد : الا اتصل لما كنتوا بالمدرسة
رهف : خسارة كنت ابي اكلمه
ام خالد : الا يانوف غذاك اليوم معانا
نوف : لا خالتي بروح البيت
نوف وكأنها اتذكرت شيء : اووه نسيت ما اتصلت بأمي يالله اكيد الحين تحاتيني
ام خالد : انا اتصلت فيها وخبرتها وقلت لها انك معانا وبتتغذي هنا
نوف بعد ما اطمنت : ريحتيني ياخالتي الله يريحك
ام خالد : اعرفكم انتوا البنات اذا سولفتوا نسيتوا العالم باللي فيه
نوف ورهف : ههههههههه
ام خالد : يلا قوموا ترا الغذاء جاهز
نوف : شوق ماجت
ام خالد : لا اليوم دوامها متأخر شوي
نوف : الله يعينها

>>><<<>>><<<>>><<<>>><<

كانت شوق في الكافتيريا قاعده مع وحدة من صديقاتها تسولف معاها بعدها
اعتذرت منها صديقتها لانه عندها محاضرة وراحت عنها ظلت لوحدها فترة متملله
وبعدها شافت بنت عمها سارة جاية بإتجاهها .
سارة بخقة : هلا شوقوه
شوق :هلا سارونه ... غريبة ماشفتك اليوم وين مختفية !!
سارة : ايه لأني كنت مع صديقاتي ولو ماضيعتهم كان الحين ماشفتيني
شوق وهي مستغربة من اسلوب سارة معاها بالحكي : اهااا طيب جلسي معايا تراني مرررة متملله
سارة : زين ... الا بسألك ماشفتي صديقاتي
شوق : لا والله ماشفتهم
سارة : ايييه
شوق : ساروه بتروحي بيت جدي هذا الاسبوع ؟؟
سارة : اكيد بروح مابفوتها خلود ونجود مابيكونوا موجودين فكه من وجوههم
شوق : بل لهدرجة تكرهيهم
سارة : واكثر
سارة وهي تلمح وحده من صديقاتها وتسفه شوق وتقوم بسرعه الى صديقتها وتسلم عليها وتروح معاها
شوق اللي كانت قاعده ماعجبها تصرف بنت عمها ابد اللي تعتبرها اقرب بنت عم لها بحكم سنهم المتقارب .

سارة وهي تسلم على شلتها : هاااااااااي
اريج : وعليكم الهاااااياااات
الكل : هههههههههه
سارة : وين كنتوا خليتوني مع هالزقة
سحر : ومن هي هالزقة بعد ؟؟
سارة : ومن غيرها بنت عمي شوقوه
اريج : بس مو كأنه علاقتكم حلوه
سارة وهي تبتسم ابتسامة سخرية : كلها تمثيل في تمثيل
سحر : ومن اللي يمثل على الثاني ؟؟؟
سارة : افا عليش اكيد انا
اريج : وشو هالهدف من كل هذا
سارة بخبث : عشان اكسب خالد اخوها
سحر : حركااااات
سارة وهي تطلع صورة من شنطتها : شوفوا هذا خالد ولد عمي
سحر واريج ياخذون الصورة ويبققون عواينهم فيها وبصوت واحد : الله محلاته يجنننن
سارة : احم احم اختياري في العمر
اريج وهي ذايبة : تأمر على روحي امر
سحر : سارة تحبينه
سارة وهي مهي مصدقة عمرها : ايوا
سحر : طيب ساروه بسألك كيف تحبيه وتكلمي غيره
سارة : عادي عادي بعدين بطلقهم وتقدري تقولي علاقة صداقة فقط
سحر : بس يبي لك تحذري منشان لاتشوفك بنت عمك تكلمي وتشك فيك وبعدين راح تروحي فيها ويامسكينة احلامك وامالك في خلووودي بح هههههه
سارة بخوف من كلام سحر : هذي خبله وش عرفها
اريج وهي تفكر بخبث : الا بنت عمك ماتكلم ؟؟؟
سارة : لا لا ماتكلم ... وبعدها بلحظة كأنه فهمت وش تقصد اريج وتكلمت بصوت
عالي لفت انتباه الموجودين في الكافتيريا : اييييييييه فهمت
اريج وهي تضربها على يده : اسكتي فضحتينا
سارة وهي تفكر بخطة : اريجووه ساعديني ابي اخربها
اريج بخبث ودهاء : ولايهمك تحت امرك انا

>>><<<>>><<<>>><<<>>><<>

رغد توه جاية من شغلها وتدخل قاعة الطعام : السلام عليكم ... واااو ماشاء الله تغذيتوا عني
الكل : وعليكم السلام
سلمان : لا والله تبينا ننتظرك يعني
رغد : وش فيها يعني لو انتظرتني !!!
ام سلطان : بلاش هالمناقر انتي واخوك وروحي غسلي ايدينك وتغذي ترا توه انا حاطة الغذا
ابو سلطان : تركي متى بتقدم اوراقك عشان تحصلك وظيفة
تركي : ان شاء الله خلال هالاسبوع يعني اخذ لي كم يوم راحة وبعدها ببدأ اشتغل
ابو سلطان : الله يوفقك ياولدي
سلمان داخل عرض : وانا ماتدعي لي
ابوسلطان : انت اهتم وذاكر واتخرج وارفع روسنا مثل تركي وبعدها ندعي لك
بالتوفيق مو ندعي لك وانت مو مهتم لازم انت تسعى وربي يوفقك ان شاء الله .
رغد : يمه قربي لي التبولة اللي جنبك ابي احط لي
سلمان : لا بالله قضيتي عليها
رغد : وانت وش داخلك مو انت اللي تعبان عليها وسويتها
سلمان : اعترفي انك ملهوفة وخلاص
رغد : ملهوفة ولا ملهوفة مالك شغل
ابوسلطان : وانتوا كل ما اجتمعتوا على سفرة دايماً هواش مافي احترام للي قاعدين يعني
رغد تفشلت ونزلت راسها : أسفة يبه
سلمان : أسف يبة
ابوسلطان : مابي كلمة أسف والسيناريو كل يوم يتكرر
سلمان ورغد : ان شاء الله يبه
ام سلطان : تركي ماتبيني اخطب لك
تركي وهو يشرب العصير شرق لما سمع كلام امه : كح كح
ام سلطان : هو شفيك وهي تضرب على ظهره
تركي : لا مافيني شيء يمه انا مابي اتزوج
ام سلطان : هو يعني تبي تظل عزابي طول عمرك
تركي وهو قايم : لا مابظل عزابي بس اذا بغيت اتزوج بقولك
ابو سلطان : وين قايم اقعد كمل غذاك
تركي : لا شبعت الحمدلله
ابو سلطان : بعد شوي اتصل في اخوانك خلهم يجون ابيهم في موضوع وانت يارغد معاهم يعني على الساعة 8 ابيكم تكونون موجودين
ابو سلطان : ليش فتحتي معاه سيرة هالموضوع كان انتظرتيه ليما يكمل غذاه
ام سلطان : وهو يقعد في البيت طول نهاره طالع بره

كان قاعد يشاهد كورة ومندمج معاها وهي تناديه : حمد
وهو مندمج ولا سمعها : -----
عبير : حمد شفيك
ولما انتبه لها : هلا عبورة حياتي
عبير : الحين صرت حياتك ومن شوي سافهني
حمد : سوري حبيبتي بس ما انتبهت الك
عبير وهي مبتسمه : الا ماقلت لي الساعة كم سفرتك
حمد : على الساعه 10 يعني يبي لي اطلع من الساعه 8
عبير : خسارة تمنيت اروح معك
حمد وهو محوط ايدينه حول خصرها وبكل رومنسية : اوعدك حبيبتي بعد ما ارجع اخذ لك اسبوع اجازة نطلع فيها ومانقعد دقيقة وحدة في البيت
عبير : بنشوف
حمد وهو يضحك : لهدرجة ماعندك ثقة فيني
عبير : لا شدعوة مو قصدي بس قوية مانقعد دقيقة وحده
حمد : الا بسألك بتروحين بيت اهلك ولا بتجلسي هنا
عبير : اكيد بروح بيت اهلي
حمد : اجل راح اوصلك في طريقي

>>><<<>>><<<>>><<<>>>><<<

في احد احياء الرياض عند بيت علي كان الوليد واحمد وعلي وسلمان واقفين بره
علي : اقول وشفيكم واقفين برة ورى ماتدخلون
سلمان وهو ماعنده نية يدخل : لا خلنا هنا افضل
الوليد باستهزاء : اييييييييييه افضل
سلمان : ماتشوف الجو حلو
احمد : ايه ماصار الجو حلو الا هنا منشان اللي خبري خبرك
الوليد وهو يناظر علي وهو يمشي باتجاه ثاني : علووووه وين رايح
علي : حرااان بروح اشتري لي بيبسي اقولكم خلونا ندخل الديوانية منتوا براضيين
احمد : اشتري لي معك كود ريد
علي : تبون شيء ثاني بعد
سلمان : ابي بايسن
علي : وانت الوليد ماتبي شيء
الوليد : لا سلامتك
بعدما راح علي البقالة اللي جنبهم واشترى اللي يبيه رجع لهم سمع سلمان يصفر واستغرب منه علي : وشفيك
سلمان : اطالع وراك وراح تشوف
علي وهو يناظر بالخلف وتنرفز لما شافها : اوووف
الوليد : لزقة هالبنت
علي : عشان اقولكم خلونا ندخل ماترضون اللي غصب تبوني اعكر مزاجي هاليوم بسببها
سلمان : ههههههه ومنشان كذا انا قلت لكم لا تدخلون
احمد : منت بهين والله تخطط لكل شيء
علي وهو يشرب البيبسي : الحين شوفوا وش بتسوي دايماً هالحركة تسويها
سلمان : وش بتسوي ؟؟
وهم يناظرون باتجاه مها شافوها داخله البقالة وشاريه لها بيبسي
سلمان : هههههههههههههههه
احمد : بل لهدرجة تحبك لدرجة انها تقلدك
الوليد : ومن الحب ماقتل
علي : شفتوا كيف خلونا ندخل بس
سلمان : لاعادي ابس اشوف وش بتسوي ذاهي جاية باتجاهنا
مها وهي مبتسمة وجاية باتجاههم : هلا صديقي
سلمان : هلا صديقتي
الوليد واحمد : ههههههههه
مها بقهر : ليش انت اللي كلا ترد
سلمان : بس كذا عناد
مها : على العموم هذا رقمي اعطوه علي ابي اقوله سر ... وقطت الرقم
سلمان وهو ياخذ الرقم : اوكي

>>><<<>>><<<>>>><<<>>>
في وقت المغرب وصلت عبير هي وبنتها ليان اللي نامت عليها في الطريق بيت
اهلها بعد ماودعت زوجها بدموع حارة ودخلت بيت اهلها وهي حاملة بنتها :
السلام عليكم
الكل : وعليكم السلام
نجود بمزح لانها عارفة انه زوج اختها بيسافر : وش هالشنط اللي مع الشغالات متخانقة مع جوزك
عبير : اسم الله علي لا تفاولين
ام فيصل : ليك نجود شو هالحكي ؟؟
نجود : امزح
ام فيصل : المزح الو وقتوا
نجود : زين اسفة
عبير وهي طالعه فوق
نجود : وين رايحة سوري والله ماكان قصدي اضايقك بهالكلام
عبير : لا شدعوة اللي يشوفني اول مرة اسمع هرجك
نجود : اجل ليه رايحة فوق
عبير : بودي بنتي وبروح اصلي تراه اذن مابتقومي تصلي
نجود : الا الحين قايمة يالله معك
طرحت بنتها على السرير وراحت تتوضأ وصلت وصلت معها نجود في الغرفة وبعدما خلصوا الصلاة التفتت عليها نجود : عبيرووه
عبير وهي متنرفزة : اصغر عيالك انا
نجود : لا اكبرهم
عبير : نجود ماني ناقصتك
نجود باستغراب : عبير وشفيك واضح انك متضايقة مرة
عبير وواضح الحزن والضيق في كلامها : مدري بس مو مرتاحه لسفرة حمد احس انو في شيء بيصير بيعكر كل شيء
نجود : اتركي عنك هالافكار
عبير وهي مازالت على حالتها : ماني بعارفة وش اسوي بس قلبي ناغزني
نجود : رسول الله صلى الله عليه واله وسلم يقول ( تفائلوا بالخير تجدوه ) تفائلي بالخير ياحظي واتركي عنك هالافكار
عبير وبدت تقتنع : خير ان شاء الله
وبعدها بدت تسولف مع اختها وبعدين تركتها عشان تذاكر وراحت تساعد امها في المطبخ
عبير وهي تسوي العصير للعشا : يمه وينه ابوي ؟؟
ام فيصل : هو راح المسجد يصلي وبعدها قال بيروح بيت جدك اتصل عمك تركي وقال انو جدك بدو ياهم في موضوع
عبير : وشو الموضوع ؟؟
ام فيصل : مدري والله ماعندي فكرة
عبير : يمه اشوفك بديتي تتعودين على لهجتنا
ام فيصل : عايشة نص عمري واكثر هنا اكيد بخذ من كلامكم
عبير : زي ماحنا اخذنا منك بعض الكلمات
ام فيصل : هذي الحياة اخذ وعطا .

>>><<<<>>>><<>><<>><>><<<>>
في بيت الجد سلطان بعدما اجتمع الكل حتى سلمان اضطر يترك اللي خطط عليه ويرجع بأمر من السلطات العليا على قولته
ابو سلطان بعدما اجتمع كل عياله من ابوفيصل وابو عبدالعزيز وابو خالد وابو
رامي وتركي وسلمان وبناته نورة ورغد بدأ بالموضوع : حبيت اجمعكم اليوم
بعدما مافاتحني الامس ابو مازن جارنا القديم بالموضوع اللي هو طلب يد بنتي
رغد لولده مازن
رغد والصدمه على وجهها سكتت ونزلت راسها للأرض
سلمان : زين والله انها انخطبت عشان نفتك منها ومن دلعها
ابو سلطان عطا سلمان نظرة سكتته بعدها بدا يتكلم : حبيت اعرف رايكم ياعيالي
ابو فيصل اللي بدأ يتكلم : انا اشوف انه حنا نسأل عن الولد بالاول واذا طلع ماعليه بالكلام
يكون الرأي الاول والاخير لرغد
الكل اتفق على كلام ابو فيصل وقرروا يسألوا عن الولد وبعدها رغد تقرر مصيرها .

>><<<>>><<<>>><<<>>><>>
بعدما اتأكدت انه ابو سعد مهوب موجود اخذت التلفون واتصلت على غلا منشان
تنفذ خطتها وتحاول تحصل على معلومات عن اهلها دقت الرقم وانتظرت ليما
رفعوه
زينب : الو السلام عليكم
حسام : الو وعليكم السلام
زينب : لو سمحت ممكن تعطيني غلا
حسام : لحظة اختي ....
حسام بصوت عالي : غلوووووووووه وينك
غلا : نعم وشفيك تصارخ
حسام : في وحده تبيك على التلفون
غلا : اوكي جاية ... وهي تركض بسرعه
حسام : شوي شوي لاتطيحين
غلا : لاتخاف ... وتاخذ السماعه
غلا : الوووو هلا
زينب : اهلين كيفك ؟؟
غلا : تمام انتي كيفك ؟؟
زينب : الحمدلله
غلا : زينبوه وش فيك هالايام مو على بعضك
زينب بعد ماذكرت مأسات ذاك اليوم : لا ابد سلامتك اصلاً يتهيأ لك ...
وهي تسرع في الحكي منشان لاتترك لغلا تسأل اكثر: الا بسألك سمعتي من قبل عن عايلة السامي
غلا : امممممم مدري تقريبا بس ليه
زينب : ولا شيء بس ابي اعرف عن هالعيلة
غلا : ليش يعني تبين تعرفين ؟؟؟
زينب وهي مهي عارفة تصرف الموضوع : غلوووه بعدين بقولك عن الموضوع اهم شيء
الحين تقولي لي عن هالعايلة ابي اعرف هم وين ساكنين في الرياض ولا وين
غلا : مممم صراحة حمستيني عشان اعرف الموضوع لكن بحاول اجيب لك معلومات عنهم لأنه كأني سامعه بهالعيلة قبل
زينب وبأمل كبير : صدق
غلا وهي مستغربة من فرحت زينب : زينبوا بديت اشك بالموضوع ...لايكون
زينب وهي فهمت وش تقصد : ههههه لايروح بالك بعيد مهو الموضوع اللي في بالك
غلا بخيبة امل انها تعرف الموضوع : اوووه توقعت الموضوع كذا

>><<<>>><<<<>>>>><<<<

انتهى الجزء

ياترى هل راح تعدي سفرة حمد على خير ؟؟؟
ورغد هل راح توافق على المتقدم لها ؟؟
زينب الى وين راح توصل مع الموضوع ؟؟
وغلا هل راح تفيدها بشيء ؟؟
سارة بتنجح في تخطيطها وتخرب شوق ؟؟؟

يسلموو
أختي القصة تجنن
ننتظر الجزء إلي بعده

يسلموا كثيييييييييييييييير ع القصة الصراحة حلوه يسلموووووووا :v,,ui:

الجزء السادس :-

في المدرسة خلود ونجود يسولفون وقت الفسحة نجود : سمعتي عن عمتي رغد
خلود : ايوا قالنا ابوي الامس
نجود : تتوقعي عمتي توافق ؟؟
خلود : مدري لكن اذا وافقت حركااات بيصير عندنا عرس
نجود : اييييه بيكثروا الاعراس عندنا الهنوف وعبد العزيز وعمتي
خلود بخبث : ويمكن بعد نجود وفهد
نجود وهي منجرجة وتضرب خلود بالكتاب اللي عندها : مالت عليك
خلود وهي متعوره : آآآآآآآي يابقرة ومافكرتي تضربيني الا بكتاب الرياضيات اضخم كتاب عندنا
نجود : احسن عشان تتأدبين ولا تتكلمين كذا مرة ثانية
خلود : الا ماقلت لك الامس دخل مشتاق للوطن
نجود : حلفي ... وكلمتيه
خلود : ايييه لانه كانت عندي مشكلة ماكان يرضى يسجل دخول
نجود : اهااا
خلود : تخيلي انه يدرس برا
نجود : ماشاء الله طاقة الميانة وتسولفي معاه
خلود : لا بس لانه نيك نيمه غريب فسألته عنه
نجود سكتت ثواني وهي تفكر بعدها تكلمت : خلود
خلود : نعم
نجود بهدوء : لاتتهوري
خلود وهي متفاجأة من كلام نجود : وش تقصدين ؟؟؟
نجود : اتوقع انك عارفة وش اقصد ....
خلود بعد مافهمت : خلاص سكري السالفة ذا هي غلا جاية باتجهنا
نجود : اوكي بس فكري في كلامي عدل
غلا : هاااااااي
نجود وخلود : اهلين
غلا : وين زينب
خلود : وش فيكِ حوله زينبوه غايبة اليوم
نجود : كيف ما انتبهتي اليها طول الثلاث حصص
غلا : كيف الواحد ينتبه ومعلمة الرياضيات حصتين وبعدها الفيزياء اوووف
خلود : ي والله لزقة
وتجي فاطمة باتجاهم وشكلها مبهذل مرة
وتفجرها خلود ضحكة عليها : ههههههههههههه
فاطمة وبعصبية : اسكتي ولا كلمة اخر مرة اشتري الك فاهمة
خلود : لا والله غصبناً عنك بتشتري وبعدين اني كمان اشتري لكم
فاطمة باستهزاء : واضح
غلا : المهم ماعلينا من هوشتكم بقوليكم شيء بليز انتبهوا
الكل التفت اليها لأنه واضح من اسلوب غلا انها بتتكلم عن جد
غلا واضح من اسلوبها انها متضايقة وقالت : زينب
الكل :زينب وشفيها !!!
غلا : مالاحظتوا انها متغيرة هالايام دايماً حزينة وحتى قعداتها معانا قلت
نجود : الا صحيح هي دايماً مرحة
غلا : الامس اتصلت فيني واستغربت من كلامها وسألتني سؤال غريب
خلود بفضول : وش سألتك ؟؟؟
غلا : عن عايلة السامي
فاطمة : لا يكون نخطبت ؟
غلا : لا إنا كمان اتوقعت كذا في البداية بس قالت لي لايروح تفكيرك بعيد
نجود : بجد مدري وشفيها
غلا : اللي يعرف عن هالعايلة يقول لنا
فاطمة : انا بسأل ابوي
خلود : انا بسأل اخواني
غلا : اوكي حنا بنسأل بس لازم نعرف هي ليش مهتم بهالعايلة وليه تبي تعرف معلومات عنها
خلود : وانا هذا اللي محيرني ليه هالعايلة بذات وهي مهيب مخطوبة ولاشيء

>><<>>><<>>><><<>>><<<>><

في شقة العنود والهنوف في جدة
كانت الهنوف تعبانة فاضطرت انها تختبر وطنش محاضرة وتطلع وهي على سريرها
نزلت دمعه من عيونها وهي تفكر في حالها معقولة اتطلق وانا ماصار لي حتي اسبوع من ملكت !!!
وفجأة يرن جوالها التفتت وشافت رقم غريب وسكرت في وجهه

وفي الجانب الاخر كان عبدالعزيز يحاول يتصل فيها واستغرب لما رفضت الاتصال عبدالعزيز في نفسه اكيد تعرف رقمي ولما شافته
حبت تسفهني .. لالا وكيف بتعرفه ... الا شكلها اخذته من عند العنود ... ولا ما اتوقع انها ماتعرفه
بس زي ماتعاند إنا كمان بعاند وبظل اتصل فيها ولا بمل ليما ترفع

>><<<>>>><<<>><>>>>

في الشركة كان ابو عبدالعزيز وابو خالد وبندر وابو حسن >>> احد المسؤولين في الشركة
عبد الرحمن ( ابو عبد العزيز ) : في مناقصة جديدة هالايام
ابو خالد : ان شاء الله ترسي علينا
بندر: ان شاء الله
ابو حسن : الا ياعبدالرحمن حاول تحط لها سعر مناسب
عبد الرحمن : ان شاء الله عاد ترسي علينا هالشهر
بندر بأبتسامة مليانة غموض : كم السعر اللي بتحطه
عبد الرحمن : ........

>>><<>>><>>><>>><<>>>

رجعت الى الشقة بسرعه كانت خايفة على بنت عمها اللي كانت تعبانه لاحظت تعبها من بداية الاسبوع
وكان السبب مجهول بالنسبه لها لانها كانت تحاول تخفي تعبها عن بنت عمها لكن فشلت العنود بنت عمها اللي مهما حاولت تخفي ماراح تقدر
فتحت الباب ودخلت بسرعه شافتها متمددة على السرير وشكلها بالمرة تعبانه تقربت منها وحطت يدها على جبينها تتحسس الحرارة انصدمت كان جبينها حار العنود : الهنوف حرارتك مرتفعه ليه مارحتي المستشفى اللي ندرس فيه
الهنوف بصوت واضح عليه التعب : ما احب اروح مستشفيات ... الله لايهينك يالعنود جيبي لي حبة بندول
العنود وهي قايمة : اوكي
رجعت لها بصحن فيه كاس ماي وحبة بندول وجابت معاها فوطة صغيرة مبلله بماي بارد
اخذت الفوطة وحطتها على جبينها لعل وعسى تنخفض درجة حرارتها اول ماحطتها ارتجفت الهنوف
العنود بخوف : الهنوف قومي خلينا نروح المستشفى
الهنوف بتعب : قلت لك ماله داعي ليه مكبرة الموضوع حمى خفيف وبتزول
وفجأة يرن تلفون الهنوف اخذته حتى اتشوف الرقم ولما شافته اتأففت العنود استغربت
العنود : وشفيك تتأففين
الهنوف : لا هذا واحد مزعجني من البارح يتصل
العنود اخذت الجوال بسرعه : خليني اشوف الرقم
الهنوف لاحظت تغير وجه العنود كان وجهها يدل على انها تعرف الرقم
الهنوف : وشفيك مبلمة
العنود وهي حاطه يدها على فمها و بضحكه خفيفة : هههه هذا رقم عبد العزيز خليني ارد باين عليه انه مصر
الهنوف انصدمت وفي نفسها وش يبي هذا بعد مب كافي اللي صار ليلة الملكة ونزلت دمعه من عيونها وعلى طول مسحتها
حتى لاتشوفها العنود
العنود : الوووو
عبد العزيز : هلا الهنوف
العنود : هههه لهدرجة ماعرفت صوتي اني اختك ياحظي
عبدالعزيز : العنود
العنود : ايوا يعني من غيري
عبدالعزيز في نفسه لهدرجة مب طايقتني تسمع صوتي وظل ساكت
العنود : ههههههه وشفيك ساكت تبي مرتك تراها مريضة
عبدالعزيز بخوف : وشفيها
العنود : لا تخاف بس درجة حرارتها مرتفعة بس بيني وبينك
ترا من جينا لجدة وهي تعبانه طول هالاسبوع بس ماتبين تفكرني هبلة ماعرفها
عبدالعزيز وهو متلوم وحس انه هو السبب : طيب ليه ماتروحون المستشفى
العنود : قلت لها بس مهيب راضية
عبدالعزيز بشوية عصبية : ليه لاتخليني اجي ليكم واوديها غصبناً عنها
العنود : شوي شوي يا اخي مو لهدرجة حب لاتخاف صلحت لها كمادات

الهنوف مستغربة من كلمة العنود ومنقهرة في نفس الوقت تبي تعرف وش قال عبدالعزيز الفضول ذابحها
بس مع ذلك ظلت ساكتة ولا تكلمت

عبدالعزيز : اوكي ما اطول عليك بس يالعنود طلبتك ديري بالك على الهنوف
العنود : لاتوصي حريص
عبدالعزيز : باي
العنود : باي
بعد ما سكرت على طول التفتت على الهنوف وغمزت ليها وقالت : حركاااااات من قدها الخطيب خايف عليها
الهنوف بابتسامة سخرية :ايوا ...
وعلى طول التفتت على الجنب الثاني ونزلت دموعها وعطت العنود ظهرها حتى ماتشوفها وهي تبكي بعدين تشك

في بيت الجد علي ابو سلطان
كانت قاعد في غرفتها محتارة مهيب عارفة وش تسوي اخوانها سألوا عن المتقدم لها والكل شهد له بأخلاقه وصفاته الكريمة
وانه رجال ويعتمد عليه لكان هي ظلت مترددة هل ترد عليهم بالموافقة او لا فكرت انها تتوضأ وتصلي ركعتين لعل ينشرح صدرها وتبعد الافكار السيء من راسها وبالفعل صلت ركعتين وقرأت قرأن ولما خلصت قراءة السورة انفتح باب غرفتها وكان اللي داخل عليها امها
رغد : هلايمه
ام سلطان : هلا بنيتي
رغد بأحراج : يمه ابي اقولك
ام سلطان لاحظت انحراجها وحبت تخفف عليها : قولي يمه اعتبريني صديقة لك تحبي تفضفضي ليها
رغد خف احراجها بعدما سمعت كلام امها : يمه ابي احد يشور علي مانيب عارفه اتخذ قرار لوحدي
ام سلطان :شوفي يمة مازن ولد جارنا القديم ابو مازن ماقصر ماعنا بشيء وقف معانا في اصعب الظروف اللي عشناها وساند ابوك ليما كبرت شركته وكانت تربيته ناجحه لأولاده ولأحد قدر يتكلم عنهم بشيء مهوب زين إنا ما اقولك هالكلام حتى توافقي بس عشان تعرفين كيف اخلاقهم وابيك انتي اللي تتخذين هالقرار بنفسك وعن اقتناع ولاحد بيضغط عليك حتى توافقي او ترفضي هذي حياتك وانتي اللي بتعيشي مع مازن اذا وافقتي طول العمر يعني انتي بتكونين ادرى بمصلحتك
بعدها طلعت امها من الغرفة حتى تخلص شغل البيت وتركتها لكنها حست براحة بعدما تكلمت مع امها

بعد يومين اعلنت رغد الموافقة على مازن واتفقوا على انه الملكة بتكون بعد ثلاثة اسابيع حتى الكل يكون متواجد معاها من بنات اخوها واولاد اخوها من اللي متواجد في جدة او لندن وغيرها

>>><<>>><<>>><<<>>>

بعدما ماهبطت الطائرة على ارض لبنان نزل بسرعه من الطائرة عشان الاجتماع مابقى عليه الا ثلاث ساعات ويادوب يخلص شغله ويروح الفندق يجهز نفسه ويتكشخ حتى يكون منظره حلو
التقى بصاحبه اللبناني زيد :السلام
حمد : وعليكم السلام
زيد : هلا ابو ليان كيفك ان شاء الله بس ماتعبت
حمد : لا الحمدلله تمام
زيد : لكان شو بدي اولك حجزت لك في الفندق وجهزت الك السيارة
حمد : مشكورة يازيد ماعرف وش كنت بسوي لو ما اعرفك
زيد : العفووو ولو ماساوينا شي
وهو متجه ناحية السيارة : الا يازيد مابتجي معي
زيد : لا إنا بروح للمدير بدو ياني
حمد : اوكي اجل اشوفك هناك
حرك السيارة باتجاه الفندق وهو يمشي بالسيارة اتذكر اخر مرة جا فيها للبنان كانت قبل ستة شهور لما جا لهنا مع زوجته عبير واهلها وبيت عمها ابو عبدالعزيز كان جاي لهنا عشان الشغل وبنفس الوقت منشان زوجته حتى اتشوف اهلها ولما يخلص شغله يطلع معاها للأماكن السياحية الموجودة فيها
وصل للفندق ونزل غراضه وطلب من الرسبشن يدله على مكان غرفته ولما وصل على طول حط شنطته على السرير وطلع له بنطلون جنيز اسود وقميص ابيض وفي حينها تذكر زوجته عبير هي اللي تجهز له اغراضه وابتسم واخذ الفوطة ودخل الحمام يسبح بعد ربع ساعه طلع ولبس بسرعه وتعطر واخذ نظارته الشمسية ولبسها وطلع من الفندق وحرك السيارة مابقى الا ساعه على الاجتماع وهو يسرع وتطلع له سيارة فجأة ويمسك بريك قوي بسرعه وتوقف بس مع ذلك ماقدر يتجاوز اصطدامه بالسيارة

>>><<>>><>><<<>>><<<>>>

خلصت المذاكرة وبدت اتذاكر في الاحياء عندها جزئية صعبة ماقد مرة فتحتها اخذت فيها اربع ساعات وهي تذاكر فيها بتركيز منشان اذا جا وقت الاختبار ماتتعب فيها وبعدها اتصلت في عمتها نورة تحدد معاها يوم الثلاثاء حتى تشرح الاشياء اللي مو فاهتمها في الرياضيات بعدما اتفقت مع نجود يوم الاربعا بعدما يخلص الدوام يطلعون مع عمتهم اللي عزمتهم على
غذاء ومذكرة في نفس الوقت >>> خوش عزيمة

بعدها دخل عليها الوليد حتى يناديها للعشا : خلوده ارحمي حالك من اول مارجعتي وانتي حابسة حالك في هالغرفة مع هالكتب اللي تسد النفس
خلود بقرف : وش اسوي بعد الامتحانات وقربت لازم احاول ما انقص في المستوى حتى ماتنزل نسبتي
الوليد : وش اسوي فجيتي عليي كل يوم إنا وانتي ونوف اكشن
خلود : ههههههههههه ليه وينها
الوليد : متلك عم بتذاكر
خلود : وع مو حلوة عليك اللهجة
الوليد باستهزاء : لا حلوة عليك انتي
خلود وهي بتتكلم للبناني وعينا على الكتاب اللي في يدها : اكيد لكان على مييين
الوليد : اقول ورى ماتسكري هالزفت اللي عندك وتجي تتعشين
خلود بضحكة خفيفة على تعليق الوليد : ههههه اوكي جاية

تعشت بسرعه ورقت للغرفتها وعلى الساعه 10 ونص خلصت المذاكرة وحل الواجبات حست نفسها نعسانه بس ماقدرت تقاوم رغبتها واخذت اللاب توب وشبكت النت وفتحت الايميل ودخلت على المنتدى وبدت تشارك شوي وهي تشارك انفتحت الها النافذة الصغيرة تخبرها انه المشتاق للوطن سجل دخوله في المسنجر ابتسمت بعدين اتذكرت كلام نجود لها وقعدت تفكر بكلامها بعين الاعتبار وقررت انها تسوي له بلوك وديلت ولما جت بتسوي انفتحت المحادثة بينهم وكان هو داخل وسلم عليها

~ْ~ْ~ مشتاق للوطن ~ْ~ْ~
السلام عليكم

تتاففت في اللحظة الحاسمة بنظرها ولما قررت انها تحذفه يدخل يكلمها وقامت تسب وتلعن في نفسها يوم انها ما سمعت كلام نجود و ماحذفته قبل كذا

×× الغرام ××
وعليكم السلام ... هلا اخوي بغيت شيء

~ْ~ْ~ مشتاق للوطن ~ْ~ْ~
ايوه حبيت اعطيك اختي خبر للمعلومية فقط انه المنتدى راح يصير فيه حالة ترميم وصاينه هاليومين

×× الغرام ××
اهااا مشكور على العموم الحين وقت اختبارات وراح اتغيب عن المنتدى فترة اسبوعين وشوي

~ْ~ْ~ مشتاق للوطن ~ْ~ْ~
عادي اختي هذا شيء اتفقنا عليه قبل كذا

خلود طرت في بالها فكرة خطيرة وصممت انها تنفذها الحين قبل بكرة لانها هذا هو الوقت المناسب
في نظرها وانها ممكن ماتشوف مشتاق مرة ثانية واللي ساعدها انه مشتاق ماتغير وظل يناديها
اختي وانه كان محترم جداً

×× الغرام ××
اخوي بطلب منك طلب يمكن تستغرب في البداية بس اتمنى تتقبل وجهة نظري

~ْ~ْ~ مشتاق للوطن ~ْ~ْ~
لاعادي اختي قولي

×× الغرام ××
اممم مب عارفة وش اقول بس اتمنى انك تحذفني اتوقع انه هذا الشيء افضل لي ولك

~ْ~ْ~ مشتاق للوطن ~ْ~ْ~
امممممم فاهم عليك بس ممكن توضحين كلامك

×× الغرام ××
إنا احس واني اكلمك اني خنت ثقة اهلي فيني صحيح انه كلامي معاك كان
كلام اخ لأخته واني ما اتعديت الخطوط الحمراء بس يظل هذا الشيء غلط شرعاً
ولاتنسى انه الشيطان شاطر يمكن هذي الايام مانغلط ونلتزم في حدودنا بس
مع كثرة المحادثات بينا بيصير هذا الشيء عادي بالنسبة لنا وانا بصراحه
مع كل كلمة كتبتها الك ضميري يأنبني اني دخلت في محادثة خاصة مع شاب

مشتاق لماشاف ردها وكلامها انصدم وعجبه تفكيرها وما اتوقعها تكون كذا اتوقعها في البداية بنت مرجوجة وماعليها من احد بس من كلامها وضح اليه انه بنت تخاف واحرص ماعليها سمعتها واخذ عنها فكرة كويسة وانها مو من البنات الصايعات

~ْ~ْ~ مشتاق للوطن ~ْ~ْ~
مانا عارف وش اقولك انتي وضحت لي امور كنت غافل عنها صحيح انا مو من النوع اللي يكلم بنات بس وضحتي لي انو حتى إنا غلطان والمفروض ما اكلم حتى لو كان كلامي كلام اخت لأخته لانه إنا عندي خوات ولما اشوف اختي بتكلم واحد حتى لو ماتجاوزت الحدود بحس بغيرة تجاهها ومابرضى عليها

×× الغرام ××
اوكي مهوب عيب انو حنا غلطنا بس العيب انو مانصحح غلطنا ونظل على هالغلط طول عمرنا

مشتاق بجد انعجب بتفكير هالبنت المجهولة في نظره

~ْ~ْ~ مشتاق للوطن ~ْ~ْ~
كلامك اختي عين الصواب وانا من دحينا راح انفذها وخلاص اللي تبينه بيصير

×× الغرام ××
مشكور اخوي على تقبلك وجهة نظري

~ْ~ْ~ مشتاق للوطن ~ْ~ْ~
ولو اختي مايحتاج شكر في هالاشياء وانتي كمان نبهتيني على بعض
النقاط المهمة اللي كنت غافل عنها والحمدلله انه حنا وعينا قبل لايتطور الموضوع

×× الغرام ××
ايوا
اوكي اخوي الحين اتأخر الوقت يالله سلام

~ْ~ْ~ مشتاق للوطن ~ْ~ْ~
وعليكم السلام

وغلقت المحادثة وسوت له بلوك وديليت وفصلت النت
وراحت انسدحت على سريرها وكانت تحس براحه وغطت في نوم عميق

>><<<>>>><<<>>><<<>>>>

اليوم اللي بعدها في الليل في الديوانية
كان علي مع سلمان والوليد واحمد يسولفون بعدها تذكر سلمان سالفة مها وتكلم : الا علاوي تصدق عندي رقم مهاوي
الوليد : لا ماشاء الله وتدلعها كمان
علي : ههههه خله لك ما ابيه
سلمان : صدقني كلمها مرة وشوف وش تبي بعدين خليها لي
احمد : لا ماكفاك اللي عندك
سلمان هو يطلع جواله ويتصل عليها وترد بصوت طفولي ممزوج بالدلع : الوووو
سلمان : اهلين
مها : من معاي
سلمان : سلمان
مها : اهااا الا وين علي
سلمان : ذاهو بجمبي تبينه
مها بفرح : اكيد
علي : مانا مكلم
سلمان وهو يترجاه : يلا علوووه عشان خاطري بس هالمرة
علي وهو ياخذ الجوال وماهو عارف وش يقول : هلا >>> وعلى طول ضغط سلمان سبيكر
مها : هلا علاوي تصدق اني مرة فرحانه لما رضيت تكلمي ماتتصور قد ايش فرحتي اليوم احلى يوم في حياتي
احمد والوليد ميتين ضحك على كلامها
علي وده يفجرها ضحكة على كلامه اللي يسمعه يقول انه هذي تتكلم من قلب : اههاااا
مها : علاوي غناتي بسألك سؤال
علي : وانا بجاوبك جواب
مها : اوكي ... اتحبني رقم 1 ماتحبني رقم 2 اختار
علي باستهبال : واحد ونص
سلمان وماهو قادر من الضحك : ههههههههههههههههههههههههههههههههههههههههههه
ويقوم يطلع بره
مها : ماجاوبت
علي : شوفي يابنت الناس إنا ما احبك ولا اكرهك يعني عادي

>>><<<>>><<<>>><<<<>>>>

بعدما سمع اللي دار في الشركة وبعض المعلومات اللي تكلم عنها ابو عبدالعزيز اتصل بسرعه الى صاحبه اللي متفق معاه
كانت نيته الحقيقية هي تخريب شركة ابو عبدالعزيز عبدالرحمن هو اللي شهد ضده في المحكمة في قضية المخدرات اللي صارت قبل 18 سنة واللي دخلته السجن مدة سنتين تقرب من ابو خالد وصار صديقه بحكم انه يتقرب من عبدالرحمن وينتقم منه وهو يعرف انه عبدالرحمن مايتذكره اصلاً لانه كان يعرف بعض افراد العصابة اللي كانت تتعاطى المخدرات وهو كان واحد منهم بس عبدالرحمن ماكان يعرفه لانه كان يعرف اثنين منهم وخبر الشرطة عنهم وبعدها قبضوا على باقي الافراد اللي كان هو واحد منهم ولازال حقده على عبدالرحمن مستمر مع الايام .

متعب : هلا والله
..........: اهلين وسهلين
متعب : شخبارك
...........: ماعليك من اخباري الحين عندي لك خبر بمليون
متعب وذابحه الفضول : وشو هو ؟؟؟
...........: عرفت السعر اللي بحطه عبدالرحمن في المناقصة الجديدة
متعب : هههه تعجبني الا هو يتكلم عن امور الشركة قدامك
...........: واثق فيني ثقة عمياء هالغبي
متعب : شكلك حاقد عليه بقوة بعد
...........: بعدي مانسيت اللي صار يقولون النار ماتحرق الا رجول واطيها وانت يالزعيم ماصابك شيء طلعت من الجريمة مثل الشعر من العجين
متعب : بس لاتنسى انه الي فضل عليك وانك طلعت اول واحد من العصابة اما الباقي خاسوا
...........: ما انكر هالشيء
متعب : وش راح تسوي بعد
...........: راح اقوم باختلاسات في الشركة وبخلي اوضاعها تتدهور وراح اغير في التواريخ بعض التعقدات مع الشركات الثانية وراح تنقلب الشركة فوق تحت وراح اتشوف وش بيصير
متعب : ههههههه تعجبني ولا ليه انا طلعتك من السجن دون غيرك

>>><<>>>><<<>>><<>>><<<>>>>

كانت جوعانه مرة من الظهر وهي تذاكرة وماحبت تقطع مذاكرتها وتنزل تتغذى مع انه امها لحت عليها الانها عيت تنزل والحين حست بجوع غير طبيعي ونزلت منشان تصلح لها ساندوتش جبن مع عصير وهي في طريقها رايحة للطبخ رن التلفون واضطرت انها ترد مع انها كانت منقهر بس مسرع مازال قهرها لما سمعت صوت الطرف الثاني وصرخت باعلى صوتها لدرجة انه اللي في الصالة استغربوا من صرختها حتى امها تروعت من صرختها وقامت رايحه لها
ام فيصل : شوفيكِ
نجود : خالتي سيدرا متصلة
نجود وهي تكلم :سيدرا
سيدرا باستهبال : لآ خيالا
نجود : يابقرة ماتتصلي وتقولي عندي بنت اخت اسلم عليها
سيدرا : من كتر اتصالاتك انتي التانية
نجود : شخبار جدتي وجدي
سيدرا : مناح انتي اللي شو اخبارك
نجود باستياء : اخباري مع الكتب والقرف
سيدرا : هههه الله يكون في عونك حبيبتي وينا امك
نجود : موجودة تبينها
سيدرا : ايوا الماما بدها تكلما
نجود : لحظة
ام فيصل وهي تاخد السماعه : اهلين امي كيفك
ام رياض : بخير حبيبتي انتي كيفك
ام فيصل : انا منيحة كتير كيفوا ابي اخبار صحتوا
ام رياض : الحمدلله منيحة كتير امتين ناويين تشرفوا على لبنان افتئدناكم كتير
ام فيصل : ان الله راد بعد تلاتة اسابيع اذا خلصوا البنات الفحص ان شاء الله حنا بنجي من دونون وبعدما تخلص اختباراتون النهائية راح نجي كلياتنا
ام رياض : على خير ان شاء الله

>><<<>>><<<>>><<<>>><<<>>
انتهى الجزء

ياترى منهو اللي يسرب معلومات الشركة الى متعب ؟؟؟
قصة اللي يسرب المعلومات راح تكشف لنا بعض احداث القصة في الاجزاء الجاية ياترى وش راح تكشف لنا ؟؟؟
حمد هل راح يعدي هالحادث على خير ولا بتكون له اثار جانبيه في احداث القصة ؟؟؟
الخطوة اللي اتخذتها خلود راح تنتهي ام بيكون لها دور جانبي في القصة ؟؟؟

يسلمو
والله الرواية بدت تحلوو
ننتظر جديدها بأقرب وقت

الجزء السابع :-

حمد ربه انه هالحادث عدى على خير وانه ماصابه شيء ابد لانه الاصطدام كان بسيط جداً وحتى سيارته ماتضررت كثير نزل بسرعه يبي يشوف السيارة اللي اصطدم فيها يشوف وش صار في صاحبها واتفاجىء انها بنت وباين عليها معصبة كتير
نزلت بسرعه : ولك العمى بئلبك
فسخ نظارته وباين على لهجته انه واثق من حاله : اعتقد يا اختي انو انتي الغلطانة ومافي داعي للنقاش والعصبية
البنت ارتبكت لمافسخ نظارتها انعجبت بوسامته كتير : لا والله وشو بعمل انا بهاي السيارة المكسرة
حمد : تبيني اصلح لك سيارتك ماعندي مانع بس يابنت الحلال فكينا من الشرطة وبلاويها عندي شغل لازم اخلصه خلال هالساعه
البنت وهي تفكر بدهاء حتى تتخلص من الورطة اللي طاحت فيها لانه السيارة مو الها : شو فاكر حالك انك انت الوحيد اللي عندك شغل انا كمان عندي شغل بس شو يضمن الي انك راح تصلح سيارتي
حمد : تفضلي هذا كرتي اتصل لي الظهر راح اكون فاضي في هالوقت وبعدين يحلها الف حلاّل
البنت بعد ما ارتاحت نفسياً : ثانكس
حمد بإبتسامة : ويلكم
البنت : يخرب بيتوا شو وسيم .... وووف شو هالتفكير هاد يادوب اوصل بسرعه الاجتماع مابئى عليه كتير

>>><<<>>><<<>>>><<<<>>><<<>><<<

في مكتب ابو خالد
دخل ابو عبدالعزيز : يابو خالد هذا ملف ابيك اتراجعه
ابو خالد : اوكي خلاص بعدين براجعه ... الا ماقلتلي ياعبدالرحمن شخبار المناقصة
عبدالرحمن : والله مدري ياخوك ... السعر اللي حطيته مرة زين ...
ابو خالد : الباقي خله على ربك ان شاء الله ترسي علينا
بعد اقل من دقيقة جا لهم اتصال كلم ابو خالد وواضح عليه من خلال حديثه مع المتصل العصبية وتغير ملامح وجهه : ها .. متى ... وكيف ؟؟ معقولة بس السعر اللي حطيناه مناسب
عبدالرحمن اللي بانت على ملامح وجهه القلق من الاتصال ومن عصبية اخوه عرف السالفة انه المناقصة خسروها
ابو خالد بعدما سكر من المتصل : المناقصة خسرناها
عبدالرحمن بخيبة امل : الله يعوضنا ان شاء الله
ابو خالد : ماتوقعت نخسرها ابد
عبدالرحمن وهو يواسي اخوه : لاتشيل هم وانا اخوك اللي جابها يجيب غيرها ( وعسى ان تكرهوا شيئا وهو خيراً لكم ) ماتدري يمكن خير لنا ولاتتعب نفسك وتفكر كثير الزم ماعليك صحتك .
ابو خالد : الله كريم

>>><<<>>><<<>><<<><<>>><<<<<>

في احدى شركاات لبنان
وصل قبل لا يبدأ الاجتماع بعشر دقايق : الشكر لك يارب
زيد : شو فيك باين عليك عم تركض
حمد : وش اسوي صار لي حادث بسيط
زيد هو متفاجىء : يالطيف ان شاء الله بس ماتعورت
حمد : لا الحمدلله عدى على خير
زيد : لكان شو بدي ائول لأحكي الخميس الجاي بكتب كتابي على بنت عمي شو مافيني تتعذر وتئول مابئدر احضر اوكي
حمد وهو مبتسم : لا ولو اكيد راح احضر
زيد وبانت على ملامح وجهه الفرحة : فرحتني الله يفرح البك
وتدخل بنت عليهم في القاعة الخارجيه اللي كانوا قاعدين فيها قبل لايبدأ الاجتماع وهي تلهث : يالله شو تعبت كتير ... شو مسيو زيد مابدأ الاجتماع
زيد : لآ لساتو شو فيكي رولا اتأخرتي كتير
رولا وهي تلتفت للجهة الثانية محل ماكان قاعد حمد والتقت عينها بعينه وصرخت : انت
حمد في نفس الوقت : انتي
زيد : شو من ايمتى وانتوا بتعرفوا بعض
رولا بذهول : لساتنا من اليوم
حمد ولازال ماهو مستوعب الصدفة اللي صارت له : هذي هي اللي اصطدمت معاها بالسيارة اليوم
رولا : ايوا وامتين ناوي تصلح سيارتي
زيد : ههههههههههه اكيد خفتي لا ياعرف عنها اخوك منشان مايضارب معاك
رولا : ايوا ولا لو كانت سيارتي مابخاف عليها هيك
حمد : اوكي لا تخافين بعدما يخلص الاجتماع بنروح سوا على الورشة
رولا : سوري خيو تعبتك معايا بس متل مانت شايف السيارة مو الي ولا ماكان بهذلتك معايا
حمد : لا عادي
زيد : الا ماعرفتكون على بعض رولا هذا حمد .... حمد هاي رولا
حمد مبتسم : تشرفنا
رولا وهي ترد عليه بإبتسامة :
زيد : الا ياحمد ماائلتلك رولا راح تكون شريكتك في دراسة المشروع
حمد متفاجىء : صج !!!
رولا : شو مابدك ياني ؟
حمد : لالالا ماقلت كذا بس مستغرب من الصدف اللي جمعتني معاكِ
رولا :هيك لكان

>>><<<>><<<>><<<>>><<<>>>

يوم الخميس الساعه وحده الظهر في بيت ابو عبدالعزيز كانوا قاعدين على الطاولة يتغدون والكل لاهي بافكاره ام عبدالعزيز لاحظت انه زوجها مهوب معاهم ابد وباين عليه غرقان قي بحر افكاره
ام عبدالعزيز : عبدالرحمن شو فيك ؟؟؟
عبدالرحمن : ولا شيء
جيهان وهي موقتنعه بكلامه ابد : الا باين عليك انك بتفكر بعمق وانوا في شيء مضايقك
الكل وجه نظره ناحية ابوهم من كبيرهم الى صغيرهم : يبه وشفيك ؟؟
عبدالرحمن : مافيني شيء بس تعرفوا امكم تحب تكبر الأمور
عبدالعزيز : الامر يتعلق بالمناقصة اللي خسرتوها صح يبه
عبدالرحمن اللي استغرب انه عبدالعزيز عارف بالموضوع بالرغم من انه مايشتغل معاهم : وش عرفك ؟؟
عبدالعزيز : قالي فيصل
عبدالرحمن : اهاااا ... اللي مستغرب منه انا وعمك كيف حنا خسرنا المناقصة مع انه درسنا الموضوع بشكل جيد ...
الوليد بمرح : يبه طنش تعش تنتعش
خلود وتكمل : بس بعدين تبتلش
عبدالرحمن ضحك كلام اولاده : هههه
نوف : ايوا خليك هيك يابونوف كووول على طووول
عبدالعزيز : لا ماراح تغيرين اللقب ابو عبدالعزيز وبس
خلود : والباقي خس
فهد : ... يبه قررت اني ابدي الشغل من السبت هذا
عبدالرحمن اللي فرح بكلام ولده ونسى همومه اللي تتعلق بالشغل : صدق
فهد : ايوا
عبدالرحمن :فرحتني ياولدي يالله عشان تمسك الشركة من بعدي
فهد : يبه مو لهدرجة عاد
عبدالرحمن : هذا حلالكم واذا انتوا مادرتوا بالكم عليه اجل من بيدير باله عليه
فهد : لا اقصد يعني انا توه ما اشتغلت وانت يبه تبيني امسك الشركة ... يبه انا ابي ابتدي من الصفر ويكون حالي من حال الموظفين اللي توه ماسكين الشغل مابي احد يعاملني غير او اني ولد صاحب الشركة القى معاملة خاصة لي دون غيري
عبدالرحمن اللي فرح من كلام ولده : انا فخور فيك ياولدي
فهد : انا تربياتك يايبه
عبدالرحمن : وعرفت اربي ... رجال والنعم فيك يافهد

>>><<<>>><<<>>><<<>>><<>>>

تجهز بسرعه حتى لايتأخر اليوم كتب كتاب صديقه زيد تكشخ ولبس بنطلون اسود مع بلوزة رصاصيه فيها كتابات باللون الاسود وكان منظره حلو وجذاب طلع من الفندق متوجه لبيت صديقه وبعدما وصل ودخل البيت سلم على زيد ونزل معاه على القبو اللي الحفلة راح يقيمونها هناك كانت من عادتهم انه الحفلة مختلطة هذي عادت المسيح كل شيء فري عندهم
دخل وقعد على احد الكراسي الموجودة وسرح بفكره الى زوجته وبنته وكيف هان عليه يتركهم ولايجيبهم معاه قطع سرحانه ضربة على كتفه التفت للورا حتى يشوف اتفاجىء من اللي شافها
رولا وهي مبتسمة وتغمز له : شو لوين وصلت بخيالك ؟؟
حمد : ياكثر ماتفاجئيني والله
رولا : هههههههههههه شفت كيف الصدفة تلعب دورا
حمد : اي انت شو اللي جابك هنا
رولا : خطيبتو لزيد بنت خالتي
حمد : والله
رولا : يس
حمد : ان شاء الله بس تكون حلوة وخفيفة دم مثلك
رولا انحرجت وصار وجهها احمر ونزلت عيونها
حمد في نفسه يالله وش قلت انا بس مو بيدي جمالها جذاب
رولا : الا ماقلت لي انت من وين بالسعودية
حمد : من الرياض ... وبخبث ... ليه تفكري تزوريني ؟؟
رولا اللي انحرجت : بس مجرد سؤال
حمد : لا عادي ... وشدعوة بس حبيت احرجك
رولا : وتئولها في وجهي كمان
حمد وهو يغمزلها : حتى اكون صريح معك
رولا :لكان شو بدي ائول بكرة اول يوم لنا في دراسة المشروع مو
حمد : ايوا مابدي تهاون في الشغل اوكي
رولا : ماتخافش يا استاذ راح ايكون افضل مشروع في الشركة كلياتا منشان لا يئولوا رولا وحمد مشروعن فاشل
حمد : هيك بدي ياكي
رولا : محلاة اللهجة عليك بتجنننن

>>><<<><<><<>>><<>>>><<<><<>
يوم الثلاثاء الصبح نزلت خلود بسرعه من الدرج وهي تصرخ : نويف يلا بسرعه لا نتأخر
نوف : يلا جاية
خلود ونوف وهم يركبون السيارة : راج يالله بسرعه
راج : انت في اتأخر واجد وبئدين في قول يلا بسرعه
نوف وهي منقهرة : يلا انقلع وبلا هذرة واجد
راج : لسان انت واجد طويل
خلود : هههههههه ... اوكي راج بسرعه
راج : اوكي ماما كلود
نوف : هههههههه على اخر زمن صرتي امه
خلود : مالي خلق اهذر عليه

بعدما وصلوا دخلوا المدرسة مع بعض بعدها افترقوا نوف راحت مع رهف وخلود ظلت تمشي ولفت انتباهها زينب واقفة تصيح خلود : زينب عسى ماشر ... وشفيك ؟؟؟
زينب وعلى طول ارتمت في حضن خلود وصارت تبكي : ....
صار شكلهم ملفت للأنتباه فعشان كذا اخذت خلود زينب لمكان فاضي مافيه احد وشفيك
زينب : ولا شيء ...
خلود : مايصير مافيك شيء ... على العموم ماراح اضغط عليك الحين لكن بينا كلام ثاني بعدين ... يلا قومي خلينا نروح الحمامات تغسلي وجهك وانا برتب شعري فيه
وبعدما دخلوا الحمام غسلت وجهها زينب وبعدين سألت خلود : خلود وش الامتحان اللي علينا اليوم
خلود والصدمة باينه على جهها : شو ماتعرفي وش علينا اليوم ...
زينب بحزن : لا ... وبدت تبكي
خلود : علينا انجليزي
زينب اللي بان الارتياح على وجهها شوي : اشوه
خلود : زينب وش فيك هالاسابيع هذي منتي طبيعية
زينب وهي مستاءة : اذا حسيت نفسي ابقول بقول
خلود : براحتك لكن اذا على ظروفك اللي منعتكِ من المذاكرة الامس فانا اقول اشوه انه علينا انجليزي على الاقل ماراح يضرك لأنه انتي كنتي ساكنة ببريطانيا طول حياتك معدا الثانوية اللي كملتيها هنا بس انتبهي لحالك الامتحانات الثانية مهي مثل الانجليزي

وبعدها رن الجرس واتجهوا للحصة الاولى قبل الاختبار قعدت خلود على الكرسي بعدما حطت اغراضها نجود : وشفيك متأخرة اليوم ؟؟ .. مو على العادة
خلود : بقولك سالفة بعدين ترا كلام غلا عن زينب طلع صحيح
نجود : اي كلام
خلود : مو هي قالت انه زينب شكلها مو طبيعي
نجود : اهاااا .... وكيف عرفتي ؟؟

المعلمة اللي بدت تعصب من خلود ونجود : خلود ونجود بسكم هذرة من دخلت وانتوا تسولفوا
خلود : ان شاء الله خلاص بنسكت
المعلمة : وانتي زينب قعدي من سرحانك صار الك اسبوع وانتي مب طبيعية وماتشاركي مثل اول
خلود وهي تهمس لنجود : شفتي حتى المعلمة لاحظت
المعلمة وهي تلتفت : ايش قلت انا ياخلود ؟؟
خلود : خلاص ابله اخر مرة

>><<>>>><<<>>><<<>>><<>>><<>>>>

عبدالعزيز اللي طلع بره مكتبه حتى يكلم الهنوف اتصل وماردت اتصل مرة ثانية
الهنوف اللي كانت قاعده مع صاحباتها والعنود استغربت الاتصال وقامت تدور على جوالها المعفوس بين اغرضها ولما جت ترفع وقف عن الرنين ولكنه ماخذ له حتى دقيقة وعاد يرن من جديد الهنوف وهي تشوف المتصل ما استغربت لانها توقعت انه يتصل وقامت : عن اذنكم صبايا
صاحبتها ضحكوا عليها لانهم عرفوا انه المتصل هو خطيبها عبدالعزيز
عبدالعزيز وهو فرحان لما ردت عليه : السلام عليكم
الهنوف بصوت مرتجف : و عليـ كم الـ سلام
عبدالعزيز اللي لاحظ ارتبكها : الهنوف شخبارك ؟؟
الهنوف بسخريه : يهمك تعرف اخباري ... الحين فكرت تسأل
عبدالعزيز : الهنوف بليز خليني اوضح لك
الهنوف بعصبية ودموعها اعلنت النزول : مايحتاج توضح لي ياعبدالعزيز الحقيقة واضحه مثل الشمس انت كنت تحب لارا بنت خالتي اجل ايش تفسر لما نويت تخطب قبل ثلاث سنوات قبل موتها وايش تفسر سفرتك وتغربك سنه كامله بعدما توفت كل هاي الامور تدل على انك تحبها
عبدالعزيز سكت ماعرف وش يقول :
الهنوف بتهكم : ماعندك رد صح
عبدالعزيز : طيب يالهنوف لارا توفت والله يرحمها اعطيني فرصة حتى انساها
الهنوف بصوت باكي مبحوح: نعم ... اعتقد انه ثلاث سنين مدة مب قصيرة عشان تنساها ... انا اقول ورى مانفترق على الاقل اريح لي ولك ...وعلى طول قفلت الخط

في الكافتيريا في جامعة الملك سعود كانت قاعدة مع صاحباتها وكانت معظم حواراتهم وتفكيرهم تفكير شيطاني خبيث
سااارا بدلع : الا ماقلت لكم تعرفت على واحد يهبل
اريج : تقصدي بدر
سحر : أي بدر مرة حلو
سارا بتقزز : لاطبع طلقته هذا راحت موضته ... هذا وحد جديد اسمه محمد ياربي وش اقولكم عنه يهبل وسيم درجة اولى
اريج : احلى من خالد
سارا : لا طبعاً بس هو حلو
اريج : ما اتوقع احلى من سعود حبيبي
سحر :وانتي بعدك على سعود ماغيرتيه ؟؟
اريج : لا بنكمل الشهر الجاي سنتين من تعرفنا على بعض
سحر : ماصرتي زي سارا كل شهر لها واحد
سارا بثقة : احم احم اكيد انا غير
اريج : وانتي سحر ماعندك احد
سحر : بس بالمسنجر غير كذا لا
سارا : ليش يالخبله لاتخليني اقول عنك متخلفة جربي كلمي على الجوال واطلعي معاهم اماكن عامة بس
اريج : تصدقوا لو اقول ليكم اني رحت مع سعود شقته
سحر شهقت : حلفي !! ... بعدين وش صار ؟؟
سارا : اريجوووه يالخبله ليش رحتي معاه
اريج : لاتخافوا ماصار لي شيء ولاقدر يلمس شعره مني بس اتفرجت عليها وبعدين قعدنا نسولف وبعدها جا له خويه وبعدها طلعت
سارا : احذرك مو تروحي معاه مرة ثانيه
سحر : حمدي ربك انه ماصارلك شيء
بعد دقايق ساره سمعت صوت وراها ولتفتت بعدها التفتت على صاحباتها وسوت حركة بشفايفها وتتأففت
اريج بصوت واطي : وشفيك ؟؟
سارا : بنت عمي جايه لعندنا
اريج : اهااااا ... ذيك اللي كلمتينا عنها من قبل
سارا : ايوا
سحر : باين عليها حلوة اظاهر طالعة على اخوها
اريج : صادقة سحر
شوق : سلام بنات
سحر واريج وسارة : وعليكم السلام
شوق : اخبار امتحاناتكم ان شاء الله تمام
سحر : يعني لا بأس
سارا : زين
اريج : هههههههه
شوق اتنرفزت : ليش تضحكي ؟؟ مااعتقد انه كلامي يضحك !!
اريج : لا مو قصدي بس لاني اليوم دخلت الامتحان ومب عارفة وش الامتحان اللي عليي
شوق باستغراب : ليش
اريج وهي تمثل الحزن : ابد بس الوالدة لها اسبوع مرقدة بالمستشفى وانا اكبر وحده في خواتي وعليي مسؤليتهم وش اقول بس مالي خلق المذاكرة وامي طايحه على الفراش واخوتي صغار ويحتاجوا احد يذاكر لهم ويهتم لهم وغير كذا روحاتي وجياتي من البيت الى المستشفى ومن المستشفى للبيت وابوي متوفي ومحد متحمل المسؤولية غيري آآآآه وش اسوي بس
سحر وسارا مهم قادرين كاتمين ضحكتهم على تمثيل اريج المقنع اللي بس لو احد يسمعه يصدق على طول
سحر بهمس لسارا : تستحق الاوسكار على هالتمثيل المتقن
سارا : أي والله
شوق وهي متأثره بكلام اريج وبحزن : الله يعينك ويوفقك مدري وش اقولك بس ... غير الله يساعدك
اريج اللي فرحت لما شافت شوق متأثره وعرفت انه الخطوة الاولى من خطتها نجحت وباقي عليها تجذبها نحوها : لا عادي الحمدلله عل كل حال

>>><<<>>><<<>>><>>><>>

نوف و رهف في المدرسة يتمشون
نوف : المعلمة واقفه عند باب الفصل شكلها بتسكر الباب
رهف : يلا بسرعه
دخلوا الفصل بسرعه وبدت المعلمة تشرح الدرس المعلمة وهي واقفه عند درج نوف
المعلمة : نوف شيلي لكلينكس اللي تحت درجك
نوف بسلوب استفزازي : هاااا
المعلمة : اقولك شيلي لكلينكس
نوف بشوية عصبية : نعم مو إنا اللي استخدمته ورميته بعدين انتي تاخذي لكلينكس وتمسحي به السبورة وترميه بعدين تبينا حنا اللي نشيله
المعلمة انقهرت من كلام نوف وسكتت وكملت شرح الدرس واثناء ماهي تشرح انتبهت الى نوف ورهف يضحكوا اتقربت منهم
المعلمة بنرفزة ونظرة حادة : نعم في شيء يضحك
رهف باسلوب استهزاء : لا مافي شيء يضحك
المعلمة : طيب اطلعوا برة
رهف : يلا نوف نطلع بكرامتنا احسن
نوف بعد ماعطت المعلمة نظرة : يلا
طلعوا بره طلعت رهف من جيبها اوراق
نوف : وش هذا ؟
رهف : اوراق مراجعه للاختبار اليوم خلينا نستغل فرصتنا ونقعد نذاكر
نوف : اوكي
وفجأة انتبهوا ان بنات من الفصل الثاني كمان برة نوف اتقدمت لهم : هلا و وعد وش موقفكم برة
هلا : الحال من بعضه
رهف : هههههههههههههههههه
وعد : حركااااات
نوف : يلا خلنا ننبسط
هلا : نويف ماودك تعرفين اسألت الاختبار
رهف : لا تقولين عندك
هلا : ايوا هذي من العام الماضي يقولون البنات انها ماتغير الاسئلة
نوف : حلفي
هلا : والله
نوف ورهف قعدوا فترة يطالعون في الاسئلة ويذاكرون منها
وعد : ابلة نورة جاية باتجاهنا
نوف ورهف بلموا وعلى طول انحاشوا : يمه عمتي نورة
رهف : تتوقعي شافتنا
نوف : ما اتوقع بس لو شافتنا ياويلنا من الحكومة
رهف بغباء : وش دخل الحكومة
نوف : يالهبلة اقصد ابوي
رهف : عجبني المسمى من وين لك هالاختراع
نوف : والله خلود هي اللي مسميه ابوي كذا في جوالها
رهف : ههههههه اما خلود عاد عليها حركات

>>><<>>><<<>>><<>>

في العصر كان سلمان مار على علي بيروحون المول بيقعدون هناك مع الشباب وهم طالعين
علي : يلا سلمان اركب خلنا نروح بسرعه
سلمان وهو منتبه لوحده طالعه من البقالة : لحظة شوي
علي بزهق : يلا خلصنا
سلمان وهو ماسمعه وظل مبتسم
علي انتبه له انه مب معاه وناظر في المكان اللي يطالع فيه اتنرفز لما شاف مها
وركب السيارة على طول وركب معاه سلمان وكان فاتح النافذه اتقربت مها بسرعه ومدت يدها ومسكت شعر علي بكل جراءة ورمت عليهم حلاوة
سلمان : ههههههههههه ..... بعدها قال : كل يوم تعالي
علي : قليلة الادب البقرة مالت عليها مني إنا اللي طاوعتك وكلمتها
سلمان : عادي مدري وش قلت لها انت ماغازلتها ولا شيء.... واخذ الحلاوة وقعد ياكله

>>><<>><>>>>>><<>>>><<<>

بعد العشاء نزلت تحت منشان تتصل في بنت عمها تسألها عن بعض الاشياء اللي مو فاهمتها نجود : الوووو
الوليد : الو اهلين
نجود : هلا الوليد ... خلود موجودة
الوليد باستهبال : خلود تشاخر
نجود : هههههههههه عجبتني ، الوليد عاد .... ؟؟؟
الوليد:عاد ولا ثمود
نجود: بلا استهبال واعطيني خلود
الوليد : خلود الله يرحمها ماتت
نجود بعصبيه : فال الله ولا فالك
كان قاعد يقرا في الجريد سمع محادثة الوليد واستهباله على المتصل بعدها اتأكد من هوية المتصل وسحب السماعه بالقوة من عند اخوه
فهد : الو هلا نجود
نجود : هلا من انت ؟؟
فهد : ههههههههه انا فهد
نجود وقلبها يدق بالقوة : هلا فهد شلونك ؟؟
فهد : اذا كنتِ بخير اكون انا بخير
عاد نجود في هذا الوقت ذابت وسكتت منحرجه :
فهد عرف انها منحرجه : دقايق وتكون عندك خلود

>>><<<>>><<<>><<>><>>

يوم الاربعا الصبح دخلت زينب المدرسة وكانت حالتها حاله مابدت امتحان النحو الا الساعه 3 الفجر بعد اللي صار معاها مع ابو سعد اللي من عرف انه الامتحانات بدت وهو يشغلها عنده مثل الشغالة واكثر وغير الضرب اللي حصلته البارح لما اتأخرت وهي تسوي الشاي والقهوة له بعدها انقهر منها وكب الماي الساخن على يدها اللي صابها حروق بسيطة وظلت تألمها طول الليل ، امتحنت وحمدت ربها انه الامتحان كان سهل مرة ولا كانت بتروح فيها
في وقت الفسحه
غلا : زينب وشفيك ؟؟
نجود :طيب ليه تخفي عنا الموضوع ؟؟
خلود : سويتي زين في امتحان اليوم ؟
زينب وشكلها تعبان : ايه
خلود : اشوه
فاطمة : طيب خبرينا وشفيك ترانا قلقانين عليك ؟
زينب : لاتضغطون عليي اللي فيني مكفيني وبدت تبكي
الكل انصدم منها وظل ساكت
خلود حطت يدها على كتفها وراحت معاها الفصل والباقي وراها : خلاص زينب اذا ماتبين تقولين عادي
زينب وهي تمسح دموعها : بقول لكم شيء بس اتمنى انه مايطلع لأحد
الكل بانت على ملامح وجهه الجديه قامت فاطمة وسكرت باب الفصل وماظل غيرهم فيه
زينب : تصدقون لو اقولكم انه الامس مافتحت النحو الا الساعه 3 الفجر واللي قبله التوحيد 4 ونص الفجر
الكل انصدم من كلامها
نجود : طيب ليه ؟؟
غلا : لاتنسين انك في ثالث
خلود : زينب ليه انتي كذا اكيد في سبب قوي يخليك ماتذاكري
زينب نزلت راسها بحزن وبدت تحكي : بسألكم إنا وش اسمي؟؟
فاطمة : زينب الضاوي
زينب : لا إنا مو بنت الضاوي
الكل ارتسمت على ملامح وجهه الحيرة وقعدوا يطالعون في بعض
زينب وهي تكمل : بندر الضاوي مو ابوي
نجود: كيف وانتي تحملين اسمه ؟؟
زينب : هو اللي اعترف لي وامي اعترفت لي كمان انه إنا مو بنت ابو سعد اصلاً هو من قبل لا يعترف لي ماكان يحبني وكان دايماً يفرق بيني وبين اخواني
خلود : طيب كيف قدر ينسبك اله ؟؟
زينب : انت تعرفين انه إنا كنت ساكنة ببريطانيا وقدر يتباناني وينسبني اله ببعض الاوراق المزوره وغيرها
غلا : طيب انت ماتعرفين اهلك الحقيقين ؟؟
زينب : لا عشان كذا اتصلت الك وسألت عن عايلة السامي
فاطمة : طيب هو تعامله معاك كويس
زينب : لا دايما يضربني جنونه يحط حرته فيني اذا كان معصب
خلود : الله على كل ظالم
زينب : الله ينتقم منه ... بس في شيء محيرني و ابي اعرفه ليش هو يكره ابوي
نجود : اكيد شكله يعرف ابوك قبل كذا
خلود : يمكن كان في خلاف قديم بينهم .... امك من أي عايلة
زينب : الضاوي كمان
خلود وهي تفكر وتحول تربط الامور ببعضها : يمكن كان يحب امك بعدين ابوك اتزوجها وكرهه لهذا السبب
زينب : يمكن بس احس انه في شيء اقوى

>><<>>><<<>><<><<><><<<>>>

بعدما انقضت فترة الاختبارات اليوم هو اليوم الموعود يوم رجعت خالد من لندن الكل اتجمع في بيت الجد سلطان وحتى العنود والهنوف رجعوا من جدة ، الكل كان ينتظر رجوعه على احر من الجمر .
طائرته بتوصل الساعه 9
ام خالد اللي البسمة مافارقت وجهها من حقها بعد شوي بيرجع ضناها وولدها الوحيد خالد اللي تغرب عنها خمس سنوات بيرجع حامل الشهادة ورافع راسها وراس ابوه ، البعض راح المطار يستقبله لكن المفاجأة !!!

انه الطائرة اللي بيرجع فيها خالد كان فيها عطل وتعرضت للسقوط وللأسف مافي احد نجى من هالحادث الفظيع وكالة الاخبار اذاعت هذا الخبر في التلفزيون ولسوء الحظ انه الكل في صالة كان يتابع الاخبار في هذا الوقت وكانت الصدمة على وجههم
ام خالد اللي ماتحملت الصدمة اغمي عليها على طول : وبسرعه لحقت عليها ام فيصل وام عبدالعزيز ونقلوها للغرفة
الكل خيم عليهم الحزن وظلوا يبكون رجع سلمان مع اولاد اخوه من المطار ودخلوا الصالة واشكالهم كانت ماتسر ابد ومااستغربوا من الصياح اللي كان يقطع القلب من شوق ورهف والجدة ام سلطان .

نجود اللي ماتحملت الموقف ومنظر اللي يبكون طلعت لغرفة عمتها منى تبكي هناك لوحدها ماتحب تشوف احد يبكي وقفت خلود بتروح تلحقها لكن استوقفها رنين التلفون خلود بصوت مبحوح وباين عليه لصياح : الـــووو
المتصل : الو هلا ابوي موجود
خلود : من هو ابوك بعد ؟؟؟
المتصل : ـــــــــــــــ

انتهى الجزء
حمد هل راح تتطور العلاقة بينه وبين رولا ؟؟؟
ياترى كيف راح يعدي موضوع موت خالد ؟؟
اريج هل راح تنجح في مخططاتها ؟؟
عبدالعزيز والهنوف لوين راح يوصلون ؟؟؟
زينب بعدما خبرت صديقاتها عن سر حزنها هل راح يفيدونها بشيء او هم هل راح يستفيدوا شيء ؟؟
ومن هو المتصل المجهول ؟؟

اتمنى اشوف ردودكم

وااااو

تسلمين ننتظر الجديد بأقرب وقت

» تيشرتات روعه لمصممه سعوديه
» حلق رووعه
» حقائب رووعه
» غرف نوووووووم رووعه (للبنات)
» صور الفنانه امل العوضي رووعه