شوفوا الزمن كيف قاسي مخلي راسه براسي/جريئه/رومنسيه/خياليه/روايتي الاولى بقلمي...

mshkoorah

oof ktherah ...

b al.toufee8

قـلووبه: هههههههه منوؤوؤورهـ..أما عاد كذالك عجججبتني..وتصدقي حتى انا اتخيلو يشبهـوو..هههههه بس والله فلله لو يشبهـو عاد إللي في المسلسل رهييييب

واحشني زمانك:ياهلا والله..أما ردك ششششششي..منوؤوؤرهـ وقسمـآآت..

بلاك روز:العـفـوؤ..الله يوفقك يالغللآ ..منوؤرهـ ..

يلا يلا ياختي
ماتوئـفيش لحد هنا يلا يلا كملي
ماتطوليش انا بتابع معك
ياحرام يا الاء حزنتلها اوي اوي
ياعيب الشوم على سامي بكرهوووا

تسلمووولــي ع المـــرور ..

وبارت اليـــوم غييييير شكـل ^^

ابا توقعـآآآآآآآآآآآآآآآآت ...^_*

تذكير بالبارت السابق..:
... الاء رجعـت من السفر ..وبدأت مأساتها بالبيت ...
... ابو ريهام مايتكلم مع الاء..وإلين الان مو مسامحها ولا فهـم الحكايه منها من كثر صدوده لها ...
... ياسر قال لسلطان مخططاته بعد لمن عرف إنو الاء رجعت وحامل منه ...
... الاء بالشـهر الثامن ...
... الاء عرفت انو ياسر اخو ريناد ...
... زواج ريهام وفيصل شهر من الان .. مع زواج عبد العزيز وترف ...
... ام ياسر عرفت إنو إللي في بطن الاء من ولدها ...
... مـر اسبوع ع الوضع ...
... ياسر خطـب الاء ...
... عبد الرحمن بيخطـب مها ...
... زواج ملك وانـور ...
... سفر ملك ومحترجـع إلا بعد مده طويله مع زوجها ...
...ريما عرفت انو فيصل يكلم وحـده بس مين ماتعرف...
...........
البـآآرت الـ ثامن والعشريـن / 28:
...
ببيت جدة ترف - ع الفطـور
جدها:إلا متى طالعه يابنتي
ترف تشوف الساعه:شويا كمان
جدتها:حصنـي نفسك قبل لاتروحي لاتنسي ..
ترف:حاضر..(وجلست تتكلم مع جدتها وجدها لين مادق عليها عبد العزيز يقلها إنو برا البيت ..)
ترف وهيا تسلم على جدتها:هيا مع السلامه ..
الجد والجده:مع السلامـة .. (وخرجت وركبت السياره..)
ترف بصوت واااطي:السلام عليكم
عبد العزيز:وعليكم السلام..تو مانـورت سيارتي
ترف ابتسمت:منووره بوجدك..كيفك؟
عبد العزيز:تمام بشوفتك..وإنتِ اخبارك حياتي..؟
ترف:الحمد الله تمام .. ( وجـلسـو يتكلموو شويا لمن وصلـو البحـر ..لإنو المكان المفضـل لعبد العزيز..وكمان الجو كان حلوو في الصباح وجلسو ...)
__________
ببيت ام ياسر - جناح امهـم
ريناد:وااااو والله فكــره مره حتكون خطنطر ..
ياسر:ايش تحسبي هادي افكـآري
ريناد:فششه
ام ياسر:خلاص اليوم المغرب نروح نختار شبكة الاء ..ونحدد الخطوبه الرسميه
ريناد:ماني مصدقـه ترا لين دحين ..
ياسر:مانك مصدقه وات..؟
ريناد:إنك بتتزوج الاء..
ياسر:هههههههه طيب صدقي ياعمتي
__________
ببيت ابو ريهام - في الفطـور
ابو ريهام:وين البنات..؟
ام ريهام ابتسمت لأن الكلمة من زمان ماقالها صار يقول بس وين ريهام دحين رجع زي اول ..:نايمين
ابو ريهام وهوا يقوم:اهاا..طيب سلميلي عليهـم ..هيا انا خارج
ام ريهام:طيب..مع السلامه .. (راح ابو ريهام الشركه وبعدها ام ريهام طلعت عند بناتها تشوفهـم ..راحت غرفة ريهام شافتها نايمه رحمتها شكلها تعبانه من الزواج امس..دخلت غرفة الاء شافتها نايمه بس استغربت لانو نوم الاء مايطـول بسرعه تصحـى..راحت عند الستاره وفتحتها)
ام ريهام:يلا الاء قومي..الساعه 10
الاء وهي فيها نووم:ؤمي انا مانمت إلا قبل شويا..بلاه سيبيني انااام
ام ريهام:وليش مانمتي ان شاء الله..؟
الاء:سهرانه
ام ريهام وهيا تقفل الستاره:طيب دي المره بس..لاتخبصـي نومك
الاء وهي مدوخه نوم:طيب (خرجت ام ريهام من الغرفة ونزلت تحت تتفرج ...)
___________
ببيت ابو فيصل - ع الغدا
طبعا عبد العزيز رجـع..وفيصل رجع من الشغل هوا وابوه وريما صاحيه..بس امهـم تعبانه ونايمه مانزلت ع الغدا..
ابو فيصل:هاا.متى حددتوا الزواج...؟!
فيصل:آأإممممم بعد 28 يوم يعني شهر تقريبًا
ابو فيصل:وانت مجـهـز كل شي
فيصل:إيوا
ابو فيصل:تماام (وهوا يطالع في عبد العزيز)..وإنت ايش..؟
عبد العزيز ضحك:الله يخليلي فيصل
فيصل:من جد..ترا انت ماسويت شي..كل شي جاهـــز ..
عبد العزيز:ههههههههه..خلاص انا سفـري يوم 29 الصباح..
فيصل:وانا سفـري ترا نفس اليوم
عبد العزيز:بس الليل..هع هع
ريما:وبعدها البيت يـفــضــى ..
عبد العزيز:مين قلك..حيفظا اسبوعين بس..وبعدين فيصل حيرجعلكم مع ريهام
ريما:اااه..يلا يهـدا البيت من الرجه
عبد العزيز:ههههههههههه هيا عاد فيصل رجـه
ريما:مررره..انت ايش دراك..طول عمرك مسافر
فيصل:اقووول..كلو ونتوا ساكتين
ريما وعبد العزيز:ههههههههههههه
____________
ببيت ابو عبد الرحمن - العـصـر ..
ساره:حركاااات والله..كلولولوش
عبد الرحمن:سلآمات ترا لسه ماصار شي
ساره:هادي بداية الاشياء..يلا الله يوفقـك ويسعـدك ..
عبد الرحمن بتنهيـدة وهوا عارف نواياه بالبنت:ان شاء الله
ساره:ايش قلتلي اسمها.. نسسيت
عبد الرحمن:مها
ساره:هيا عندها اخوات اخوان..؟
عبد الرحمن:هيا يتيمه بس عندها اخو واحد
ساره بحـزن:من جد ..!
عبد الرحمن:يب يب
ساره:عشان كدا طلبتها من عمها..استغربت انا في البدايه بعدين طنشت
عبد الرحمن:خلص الاستجواب
ساره:ههههههههه لا بقي شي
عبد الرحمن:قولي
ساره بخبث:كيف تعرفها...؟
عبد الرحمن تورط:مالك دخل
ساره:بلاه عباطه قول من وين تعرفها..؟
عبد الرحمن"يلا يامخـي اشتغــل..":آأممممم مره كنت جالس مع عمه نهله..وسمعتها تتكلم عنها (عمه نهله = أم ريهام)
ساره:يعني عمه نهله تعرفها ...؟!
عبد الرحمن"يقلآلآع":ايـوا شافتها
ساره:اهاااا..
عبد الرحمن قام:هيا سلام انا خارج عند عمتـي..ومنها اسلم على الاء
ساره:ؤوف لسه ماسلمت عليها
عبد الرحمن:لا لسه..
ساره:طيب يلا سلام (وخرج عبد الرحمن وراح عند عمتو يزورها ..)
_____________
ببيت ابو ريهام - الساعه 5 العصـر
ام ريهام وهيا تيجي المجلس:السلام عليكم
عبد الرحمن:وعليكم السلام..(وارح يسلم عليها..)
ام ريهام:ايش الزياره الحلوه
عبد الرحمن:ههههه والله بالعكـس سامحيني ع القـصـور..
ام ريهام:لا عـآدي والله...اكيد الظـروف والشغـل شاغلينك..
عبد الرحمن ابتسم:محد يفهمـني غيرك
ام ريهام:هههههههه..ايوا وكيف الاهـل
عبد الرحمن:الحمد الله كلـهم بخيـر..كيف ريهام والاء..والحمد الله على سلامتها
ام ريهام:الله يسلمك..كلهم طيبين..
عبد الرحمن:ممكن اشوفها..
ام ريهام قامت:اكيد..اشبك ياعبد الرحمن انت واحد منا وفينا ..(وراحت تنادي الاء إللي كانت تتغـدا ..)
ام ريهام:يلا انـزلي عبد الرحمن يبا يسلم عليكِ
الاء ضحكت:هييييا حمتوو..والله مغبـــر ولد خالي
ام ريهام مبتسمه:انـزلي يلا لا تتأخري
الاء:طيب (خلصت اكلها بسرعه ونزلـت )
الاء:سلام
عبد الرحمن:اهليين..وعليكم السلام..كيفك
الاء:الحمد الله..اخبارك انت
عبد الرحمن:تماام والله..الحمد الله ع السلامه..عارف بتقولي بدري
الاء:ههههههههه بقوتيـن..بس يلا الله يسلمك
عبد الرحمن ضحك:ومبروك ع الخطـوبه..والله فرحتلـكم انتِ وياسر
الاء مبتسمه:الله يبارك فيك..وعقبآلك
عبد الرحمن:ههههههه ترا خطبت
الاء بفرح:هييييا....!!؟
عبد الرحمن:يب..بس لسه استنـى الرد
الاء:اهااا..والله فري مبرووك..واخيـــرًًًا
عبد الرحمن:هههههههه قلت في نفسي عيب الصغار يتزوجو وانا لسه
الاء:ههههههههه بصراحه بقوه اهانه لك..عارف متى الزواج
عبد الرحمن:لا ماقالي فيصل..متى..؟
الاء:بعد شهر تقريبا هوا وعبد العزيز
عبد الرحمن متفاجأ:امااا مع بعـض..
الاء:اتخيــل بس
عبد الرحمن:يلا الله يتمملهم على خيـر..وين ؤمك اختفـت
الاء:لحضات ازهمـها..(راحت زهمت امها وكملو جلستـهم والاء استأذنت وطلعت غرفتها..وطبعا ريهام كانت رايحه عند ساره وماانتهبـهت على عبد الرحمن..بعد ساعه استأذن عبد الرحمن وخرج..طلعت ام ريهام عند بنتها)
الاء:ادخلي
ام ريهام:هلا
الاء:ايش قلتو..ساعه تثرثرو
ام ريهام:وي ولد اخويا..يعني حرام
الاء:هههههه لا مو حرام بس طولتـوا احس..
ام ريهام:ايوا بس قلي انو خطـب وحده اسمها مها..بس لسه ماردت..يقول هيا يتيـ...(ماكملت لانو جوال الاء دق ومها تتصل فيها..)
الاء:ههههه ؤمي كمليلي بعدين
ام ريهام وهي خارجه:طيب.. (ردت الاء على مها)
الاء:هلا والله
مها:رآآآيــقه انتِ
الاء حست صوتها مرتبك:ههههههه مرره..ليه ايش عندك
مها بصوت واطـي:عمي اليوم كلمني وقالي انخطـبت
الاء تـزغرط:كلولولولولوش..من جد..
مها:مو وقت مزح
الاء:هههههههه اجل الف الف الف الف الف مبروووووك
مها:الله يبارك فيكِ..وترا لسه ماصار شي
الاء:ها ايش ردك..؟
مها:مـدري
الاء استوعــبت شويا ونـطـت بفرح وصدمه,بزعاق:مهااااااااااا
مها خافت:هاااه
الاء:خطيبك ايش اسمو..؟
مها:دحين الزعقه دي والحماس وبعدين ايش اسمو
الاء بحماس:قولي بسرعه بسرعه ايش
مها مو فاهمه شي:عبد الرحمن
الاء بفرح:واااااااااااااااااو
مها:سلآمات..ترا شكلي مرره غلط..بسرعه حكي
الاء:تعرفي مين عبد الرحمن هادا..؟
مها بإستغراب:مين..؟!
الاء:ولد خالي..اخو ساره
مها ابتمست:هييييا هوا نفسـوا..
الاء:يب يب يب ..اتخيلي كان عندنا قبل شووويا
مها:ايش يسوي عندكم؟
الاء بخبث:يسلم عليا
مها:كمااااان
الاء ضحكت:هههههههههه اشوف بدأت الغيره..استهبل عليكِ هوا جا يسلم على ؤمي ومنها عليا ويباركلي..
مها:اهاااا..
الاء:ها دحين عرفتي مين هوا بتوافقي ولا...؟
مها:مدري..بستخيـر وبشـوف..
الاء:ؤووكِ اخليكي اروح ابشـر ؤمـي
مها:هههه مرجوجه..ؤوك سلام ..(وقفلـو ونزلت الاء عند امها..)
الاء بفرح:ؤمــي عارفه مين إللي خطبها عبد الرحمن..
ام ريهام بإستغراب:كنت بكلمك عنها بس جاكي اتصال
الاء:ههههههههه طلعت مها نفسها صحبتي
ام ريهام ابتسمت بفرح لانها تعرف اخلاق مها مره حلوه:عن جــد
الاء:يب يب
ام ريهام:ياسبحان الله..الدنيا صغيـره
الاء:من جد والله ..
(وجلست عند امها يتكـلمو..ومها راحت تستخيـر...)
_____________
اليــوم إللي بعــدو- ببيت ابو ريهام..العـصـر
ام ريهام:الاء اليوم بيجي يلبسك الدبله
الاء فتحت عيونها ع الاخيـر: مسـرع
ام ريهام:ايوا خلاص والملكه يقول ابوكِ بكـره
الاء منصـدمه:بكــــره..!
ام ريهام:ايوا..ومتى مايجي تحددو العـرس..هوا يبغاكِ قبل ماتولدي
الاء منحـرجه وساكته
ام ريهام:ها ايش قلتي
الاء:انتو خططتو وكل شي..
ام ريهام:مو نحنا..ابوكِ وخطيبك
الاء هزت راسها وساكتـه مو مستوعبه بتروح عن بيتهـم و تعيش مع ياسر بمدة أقل من شهـر ..!! (سابت أمها وطلعت غرفتها تشوفلها فستان تلبسو لمن يجي ...ريهام نزلت عند امها..)
ريهام وهي تسلم على امها:وين لولاش..؟
ام ريهام:فوق تلبس
ريهام بإستغراب:ليه خارجه مكان..؟
ام ريهام:لا..بس ع المغرب بيجي خطيبها يلبسها الدبله..وبكره عقد قرانها
ريهام بصدمه:إيــش..؟!
ام ريهام:ايوا خلاص مافي وقت..يبغاها قبل ماتـولد
ريهام:بس مررره بسرعه ايش دا..!
ام ريهام:خلاص الظروف كدا..
ريهام تنهـدت:مسكينه الاء
ام ريهام بحزن:الله يكون بعونها ..
ريهام تطالع الساعه:ترا شويات ويأذن المغرب
ام ريهام وهيا تطلع:يلا انا طالعه اتجـهز
ريهام وهييا تتفرج:ؤوك .. (بعد نص ساعه اذن المغرب..راحت تصلي وبعد لمن خلصت راحت غرفة الاء ودقت الباب..)
الاء:ادخلي
ريهام وهيا تدخــل:جاهزه..(شافتها جاهزه وجالسه ع طرف السرير..)..
الاء بإربتباك وهيا تطالع الارض:اآ..ايوا
ريهام ماقدرت تمسك نفسها:هههههههههه عجبتني
الاء رفعت نظرها:خيـر..؟!
ريهام:اقول خلي الجو إللي انتِ عايشه فيه لبكـره..ولا على الاقل (وغمزتلها)..ليـوم الزواج
الاء تطالع حولها تدورشي عشان تضرب اختها فيها..اخدت المخده ورمتها..:لو ماسكتــي ياويلك
ريهام تضحك:اكتـشفت فيكِ شي مررره قوي
الاءإللي هوا..؟
ريهام بتطفشها:إنك...إنك..إنك...إنك
الاء بتعصيب:إني ايش..؟
ريهام:إنك مره خـ....(ماكملت كلمتها لانو امهـم دخلت الغرفه ..)
ام ريهام:حـصـنو نفسكـم ..
الاء بإستغراب:ؤمي مين جاي..؟
ام ريهام:محد..بس نحنا وامو وريناد
الاء بدهشه:نعــم..بس!
ام ريهام:ايوا بس
الاء تطالع بالمرايه:والله حرام اتشيكت على الفاضي
ام ريهام:إيش إللي على الفاضي..ولا ماتتشيكي لزوجك
الاء بصوت واطي:عـفوًا ..خطيبي
ريهام بتقهرها:إللي بكره بيكون زوجك
الاء:اقوول خلاص يلا ننزل (دا الوقـت دق الجـرس..)
ام ريهام:انا بشوف الباب ..(وراحت والاء مع كل خطوه تخطوها امها ترتبك اكتــر)
ريهام طالع بأختها وبقلبها نفسها تضحك على ارتباكها الوآآضـح..:لولاش
الاء بعـآلم أخــر
ريهام:هييييي الاء
الاء انتبهـت:ها نعـم..
ريهام:قومي اوقفـي ابا اشوف فستانـك
الاء بتكشـيره:يعني لازم
ريهام:ايوا يلا قومي..(قامت الاء زي قومة الحوامل..)
ريهام:هههههههههههه
الاء:لاتقولي مو حلو
ريهام:لا بالعكـس حلو وهادي بس
الاء بقلة صبر:بس وات؟
ريهام:لمن قمتـي شكلك كـلآلآم..
الاء:هبله..(الاء كانت لابسه فستان عريان من فوق وطويل وساده لونو اسـود..دخلت ام ريهام)
ام ريهام:اشبكم قاعدين..يلا تعالو أجـو ( وسبقتهم..وهما وراها)
الاء تهمس لـ ريهام:هي قولي لأمي وين قاعد ياسر
ريهام بهمس:وليش ماتقوليلها انتِ
الاء :رييهام لو سمحـتي
ريهام:طيب..ؤمـي
ام ريهام لفت:ايوا
ريهام:وين جالس ياسر
ام ريهام:بالمجلس
ريهام بإستغراب:وامو وريناد..؟
ام ريهام:بالمجلس
ريهام:ونحنا وين رايحن
ام ريهام:ياكثـر اسألتك
ريهام تطالع بالاء وبهمس:ها ارتحتي
الاء ضحكت:يب
ريهام:ترا في مقابل
الاء:إللي هوا
ريهام تمسكيلي زوجك بالحوش..عشان اشوفو من الشباك
الاء:اسسسري
ريهام:هيي..ترا سويتلك طلبك يلا حتسويلي شرطـي
الاء:ؤووف..اشوف
ريهام:لا ياقلبي مافي تشوفي..قولي حاضر
الاء:ؤوس خلاص ترا نحنا بالصاله بيسمعو
ريهام ضحكت:مرره بدا الهمس بيسمعــوا (وقفت ريهام في الصاله...)
ريهام:يلا ادخلي
الاء:وين ؤمي؟
ريهام بضحكه:دخلت
الاء:حمااااره..كلو بسبب هرجك الفاضي..دحين انا ادخل لوحــدي..!
ريهام:يب يب
الاء:ؤووف والله مااأدخل لوحـدي..
ريهام فيها ضحك:ياشيخه..خلاص بلطي معايا في الصاله..(كانت تحسـب اختها تمـزح..جلست ريهام..وجلست الاء كمان في الكنب..)
ريهام مفتحه عيونها ع الآخـر:هييييي..ادخلي
الاء:ماني داخله لوحـدي..ازهمـي ؤمـي..
ريهام:ياصبــر..(طلعت جوالها ودقت على امها بس شافت الجوال يرن عندهم بالصاله)..ههههههه اهو جوالها
الاء:خلاص ماني داخله
ريهام:الاء بلا هباله والله عيـب..
الاء:مافي..(وجلـسـو 5 دقايق ساكتين..وبعدين ريهام قامت وراحت المطبخ وقالت للشغاله تنادي امها..خرجت امها :ويـنـك..ليه ماتدخـلي
الاء بإرتباك:مابا ادخـل لوحدي
ريهام تطالع وماسكه ضحكها:يلا بلا دلـع لولاش..
الاء:خلاص طيب ندخل انا وانتِ (وقامت ودخلت مع امها..كانو في المجلس جالسين ام ياسر وبعدين ريما وبعدين ياسر..)
الاء وام ريهام:السلام عليكم
الكل:وعليكم السلام (راحت تسلم عليهم..)
ام ياسر زغرطت خفيف:كيفك..إن شاء الله تمام
الاء:الحمد الله تمام..وانتِ كيفك..؟
ام ياسر:الحمد الله بخير..(وبعدين راحت تسلم على ريما)
ريما:مالت ع اللطعـه
الاء بضحك:ؤوس..إلا كيفك
ريما تضحك بهمس:تماام..ومره بدري..روحي سلمي على اخويا..تراه زهق من كثر مايتناكِ
الاء رجع ارتباكها:طيب طيب (طبعا وقتها امها كانت قد جلست جنب ام ياسر..)
الاء"ؤوف ياربي ماابغا اسلم عليه بالخد..":اهلين
ياسر"ماقدر على إللي يستحو انا"بهمس لادنها:ايش التغـلي هادا
الاء بس قربه منها وكلمتو خلا وجهها طماطم..بصوت يلااا ياسر يسمعو:كيفك
ياسر:تمام بشوفتك..وإنتِ..؟
الاء:الحمد الله..(لمن خلصت من سلامو اتنهدت بقلبها و تلفت اتربكت مو عارفه فين تجلس..لمن سمعت صوت ياسر وهوا مبتسم.:اتفـضـلي..
الاء طالعت بالمكان "لا ماأبغا اجلس جنبو..آآه بس غصبن عني":.....
(وبعديـن جات ام ياسر وجابت الدبله ولبسها وهوا يضحك بقـلـبـوا على يدها إللي ترتجف لمن مسكها..)
ريما ماقدرت تمسك نفسها لازم تعلق راحت وهمس لـ الاء بأذنها:ترا شكلك وانتِ مستحيه وااااااااو
الاء قلبت وجهها عن ياسر:هههههههه أما كــدا
ريما:واااو والله شكلك كان اول ماسلمتي عليه كآآي .. اقولك بكمل كلامي بعدين..مو وقته دحين
الاء:بقووة مو وقـته
ريما:هههههههه بس ابـرد قلبي ماقدر اسكـت بروح احكي رهوم..(وخرجت من المجلس..عند ريهام وضحك هيا وياها لمن قالو آميـن)
ثواني وام ياسر وام ريهام طلـعـوا ..
الاء"هييييييييي لاتسيبوني لوحدي..":........
ياسر تنهـد:أخيــرًا
الاء بلعت ريقها بخوف:........
ياسر يقزها من فوق لـ تحت
الاء"يااربي مااحب النظرات هادي..":.....
ياسر:طالعه خطييره..ماشاء الله
الاء حست بحراره في وجهها"ياربي انا عليا حياء زايييد مو وقته":عيونك الاحـلى
ياسر:ايوا في سؤال في بالي
الاء"الله يستر..":تفضل
ياسر:زاد فضلـك..بس ليه لمن اقلك شي احس وجههك يغلي
الاء دا الوقت وجهها حمرر"بلاه دا سؤال يسألو":.....
ياسر ضحك:زي كدا مثلاً
الاء"ايش اخرشها بلاه.."كحت بعدين قالت بصوت واااطي:كدا انا
ياسر يطالع حوله:ترا والله مافي احـد
الاء خافت من تلميحه:يعني؟
ياسر بإبتسامه:يعني عليي صوتك
الاء"ؤوف ابغا اطالع فيك..بس مافي فرصه":اهاا.. (ثواني ودخلت ام ياسر..طبعا الاء عيونها ع الارض وياسر يطالع فيها يبا يكحــل عيونوه)
ام ياسر بضحكه:خلاص يلا قوم..شوف البنت كيف صايره
ياسر انتبه لأمو وغمز:ههههههه لسه مااسار شي يعني...
الاء تمنت الارض تنشـق وتبلعها"ياربي يقهــر يقول قدام أمو كمان..":.....
ام ياسر:استحي خلاص..البنت رايحه فيها
ياسر طالع بـ الاء إللي قاعده ومنحررجه,ونسي امو:فدييييت إللي مستحي انا ..
ام ياسر بمزح:هي..ترا زودتها يلا خلاص
ياسر ضحك:طيب اسلم عليها ولا ما أسلم
ام ياسر:يلا طيب (قامت الاء وسلم عليها ياسر وباسها على خدها وهمس:بتوحشيني لبكـره.. (وخرج من المجلس هوا وأمه..
الاء جلست في الكنب بتنــهيـــده وبعدين اتذكرت"وااااااو رهوم بتـذبححني تبغا تشوفوا..بس فشله اطلع معاهم"...........(شافت الكنب وبقلبها تدعـي يكون ناسي شي..حمدت ربها لمن لقت جوالو..قامت وطلعت الحوش حق بيتهم..وكانت ام ياسر تكلموه..لفت ام ياسر شافت الاء واقفه جنـب الباب)
الاء بأرتباك:آأ..آآ..جوالو نسييه
ام ياسر:اهاا طيب تقدري تديه ياه ولا انا اوديه..
الاء:لا عادي انا اوديه..(وقربت من الكراج كان لسه بيفتح الباب..بصوت واطي..ماتدري كيف ياسر سمعه نادته)
ياسر:هلا
الاء:آأمممم..جوالك نسيته
ياسر وهوا ياخده:يووه صح..(ضحك وغمز)..لاتلوميني..لانك طيرتيلي عقلي..
الاء استحت وسكتت
ياسر يطالع حوله بخبث:مافي اطفال هنا..(قرب منها وباسها ع السريع..)
الاء"ااااه ياربي جرررريئ"وجهها مو بس حمر دي المره الـ حمررر:........
ياسر ضحك:احسن لي اروح صـح..عشان بتهـور لو قعدت كمان هنا ثواني..هيا سلام (وركـب سيارتو..وهيا دخلت البيت ومرره منحرجه)
ريناد جنب الباب..سحبتها بسرعه للمرايه:شوفي شكلك هههههههههه
الاء بغرور:قـمـر..
ريناد:هههههههههههههه يقلآلآع..بدي صح..بس اقـصد ع اللون
الاء:المهـم
ريناد تذكرت:يووب المهـم ..(همستلها)..شوفي اليوم عشان في امك وؤمي ..خليها يوم تاني ابغا التفـصـيل
الاء:هيا عاد يوم تاني..مو بكره الملكه
ريناد:إلا صح..(تذكرت)يووه ترا ؤمي قالت مرره محنطول عشان بكره نصحـى بدري و نجهـز البيت..
الاء:الله يعينكم..من صباح ربـي ..بس كلو عشان خاطري يهوون
ريناد:ماقـدر ع الثــقه انا (جات ام ريهام)
ام ريهام:يلا بنات العـشـاء (بعد العشاء..)
ام ريهام:والله عيب ماتعشـى عندنا ياسر..هوا إللي بيرجعـكم
ريناد:عادي ياعمتي..إيوا هوا
ام ريهام:خلاص لو يبغا يدخـل يتعـشى خليه يتفضل
الاء"أمااا عاد اشوفوه مره تانيه...":...............
ام ياسر:زاد فضلك يأم ريهام..والله مافي داعي..تلاقي بيتعشا برا .. ( ع الساعه10 جا ياسر واخدهــم للبيت..)
ام ريهام:يلا بنات خلاص لاتسهـرو..سامعه الاء..عشان بكره تروحي الكوفيره بدري
الاء:ان شاء الله ..
ريهام وهيا طالعه ووراها الاء اشرتلها على غرفتها بمعنى تعالي:..... (دخلت ام ريهام غرفتهـآ وقفلت الباب ..وراحت الاء غرفة ريهام)
ريهام وهي تقفل الباب وتبتسم بخبث
الاء:الله يـسـتر ايش عندك
ريهام بغمزه:إيش إللي شفتو برا البيت
الاء استحت:ههههههههههههه
ريهام:بس تصـدقي رهيييب والله
الاء:هيييي لاتغازلي زوجي قدامي
ريهام تحش عليها حقت اول:لسه تراه خطيبك
الاء:ههههههههه ماتنسي
ريهام:ايوا ايش صار من الالف لليـآء
الاء:سلامات..ماصار شي..عااااااارفه ياحماره انو كنت محطلع معاه لمن راح اتذكرت
ريهام:يب قاعده اراقب بالشباك عصبت لمن ماشفتك معاه..بعدين ارتحت لمن جيتي
الاء:احمدي ربببك إنو نسي جواله ولا كان تسرري
ريهام:هههههههه الحمد الله والشكـر ..يلا ايش قلتـو
الاء قامت وهيا تضحك:مالك دخل
ريهام:هيييي الاء بسرعه حكي..
الاء:بكره ان شاء الله مع الملكه
ريهام:هاهاهاهاي..بكره في الملكه اصلاً انا بكون موجوده بس لابسه العبايه
الاء اتذكرت:صح وليش ماتسوي كذا اليوم
ريهام:مابغا اليوم كلكم بدون شي معاد انا..لمن بكره معا ساره وكلنا نغطي يكون احسن..هههههههه ترقبـي الحش ياحشاشة جوفي
الاء:ههههههههههه ياويييلكم والله ..(قامت وهيا تتثاوب..)..هيا تصبحي على خير
ريهام:وانتِ من اهله.. (وخرجت لغرفتها بدلت ملابسها ونامت...)
___باليوم إللي بعــده____
ببيت ام يـاســر - الملكه .. ع الساعه 10 جوو المعازيم
غرفة ريناد
ريما:والله لولاشتينز طالعه خوقــآآآق..لاتنـسي تحنـصي نفسك
الاء:هههههههه عيونك الاحـلى..وترا حصنت نفسي 3 مرات من كتر ما ؤمي تقولي
ريناد بضحك:مـاأضمنـلـك لو اخويا مسك نفسوو
ريما فقعت ضحك
الاء بعصبيه:هييييي طيري بس
ريناد:المهم يلا متى الزواج
الاء:مستعجله على ايش
ريناد:مدري..(بخبث)..بس بسرعه ابغاكم تتزوجو
الاء بنص عين:ايش رايك تنادي رهوم..بدال الهذره الفاضيه حقتكم
ريناد:طرررده شي..بس ولايهمك..مين قدك عروستنا..ترا بس اليوم بتدلعي علينا
ريما:اقوول لولاش متى تبي تتزوجي
الاء بدون اهتمام:اليوم ابا اتـزوج
ريما وريناد:ههههههههههههههههه
ريناد جنب الباب:إماا قلت لـ ياسر ..ماأكون انا رنوود
الاء بعصبيه:مع زاااتك..(طالعت بريما..)..يلا انتِ التانيه وراها
ريما:مقبووله يا عروستنا (وخرجت..وشويا جات ريهام وساره وقعـدو معاها وطفشوها اكثر من ريناد وريما..)
ساره:اما فستانك لولاش علييه لوون
الاء:ايش فيه
ريهام:خطييير..دام انا اخترتلها ياه
ساره:ههههههههههه عاد فوشي مره وحده..والله يفقـع العيون
الاء بضحك:احسن..عشان محد يطالع ببطني
ساره:تفـكيــــر..
الاء:شايفه كيف..مخ مخ
دخلت ام ريهام:الاء..ترا الان بتنزفـي
الاء وهي تقوم:ؤوك
ريهام وساره نزلوو تحت سابقينها..دخلت الاء المجلس..طبعا عايلة امها كلهم موجودين وعماتها بعضهم وبنات اعمامها..جلست وبعدين كلهم جاؤ يباركولها..
رهف بهمس لهيفا:شووفي كيف بطنها كبيره
هيفا:اصلا بالشهور الاخيره هيا
رهف:مالت عليها..اتزوجت قبلنا ونحنا الاكبر
هيفا:من جد والله..نفسي اعرف حكايتها
رهف:حتى انا..مدري احسها كذابه بإنو مجهول ومادري ايش
هيفا:حتى انا حاسه بالموضوع إن بس مايبو يتكلمو خايفين من الفضيحه
رهف:الله يعين عمي عليها..
عند الاء كلهم سلمو وجلسو معاها شويا وبعدين جات ام ياسر وقالت إنو ياسر بيدخل عشان يتغطـوو..دخل ياسر ورهف وهيفاء متنحيين عليه..سلم عليها وجلس جنبها
ياسر:الف مبرووك
الاء:الله يبارك بعمرك
ياسر بهمس:كيف ولدي
الاء استغربت:مين قالك انو ولد
ياسر ضحك:يعني..كيفوو
الاء:يسلم عليك
ياسر:الله يسلمك ويسلمو
جات ام ياسر وادتـو الشبكه ولبسها..وجلسو شويا وبعدين طلعوو من المجلس المجتمعين فيه..
ام ياسر:يلا اتفـضـلوا ع العـشـآء (وقاموا يتعـشـوا..)
عند ياسر والاء بالمجلس التاني
ياسر:لا تجلسي
الاء من اوول مرتبكه منه:نعم
ياسر وهوا يطالعها فوق تحت:ايش اللون هاذا
الاء"هههههههه احسن":ايش فيه
ياسر:يحول
الاء:لأ..عادي
ياسر:يعني ماقدر اطالع فيكِ..انتبهي تلبسي الوان زي كدا
الاء: وليه ان شاء الله
ياسر:مااأخد راحتي
الاء"عـنـك":.......
ياسر:خلاص اقعـدي..اخاف يتعب ولدي..إلا على فكره
الاء وهي تقعد:ايش
ياسر:انتِ عارفه إنِ ابغاكي قبل ماتولـدي
الاء"إلا دا الموضووع..":كيف يعني
ياسر:إنتِ فاهمه قـصدي..
الاء بلعت ريقها:متى ..؟
ياسر:متى زواجك اختك
الاء:بعـد شهر تقريبا
ياسر:اهااا..خلاص انا بكلم ابوكي
الاء"لالا قلـي اول..":براحتك.....
عند ريناد:اسمعي بطلع اجيب جوالي
ريما:ؤوك
طلعت ريناد وقبل لاتفتح باب الغرفه سمعت بنات عم الاء يتكلمو جنب المرايه..
رهف:شفتييييه كيف يهببل
هيفا:وااااو من جد رهييييب..ماتستاهلو الاء والله
رهف:من جد ماتستاهلو..اصلا كيف رضي عليها مادري
هيفا:وحده مو بكـر وحـآمل وبالشهور الاخيره..شي ينـرفز
رهف:بقووه .. هيا ننزل تحت (وقبل لاينزلو دخلت ريناد غرفتها وجلست ع السرير بسرعه..)
ريناد"من جد حقيراات.. هاذي وهيا بنت عمهم..من جد الاء مسكينه..الله يعينها على ناس زي كذا...!..":.....(اخدت جوالها ونزلت تحت..)
ريناد راحت عند امها إللي جالسه مع ام ريهام:وين لولاش
ام ياسر:يووه صح ..مع اخوكي
ريناد ضحكت:ماكأنهم طولـوا
ام ياسر قامت:إلا الان رايحه عندهم..واخوكي هاذا إللي مايستحي مايخرج لوحدو..
ريناد"طبعا مايفووت..":هههههههههههه (راحت ام ياسر في المجلس إللي قاعدين فيه استغربت الهدووء من جنب الباب..فتحت الباب مالقتهـم)
ام ياسر"وي وين اختفـوا..؟!":.........(راحت تشوف جوال ياسر في المجلس..وبعدين خرجت تدورهم)
عند ياسر والاء واقفين في البلكونه
ياسر وهوا سرحان فيها:مره الجو حلوو
الاء بصوت وااطي:ايوا
ياسر حوطها من خصرها:مره وحشتيني
الاء"ياربي بعـــد..":اآه..ترا بستفرغ
ياسر:ههههههههه أما لسه ع الحاله
الاء ابتسمت:امزح خلاص راحت
ياسر:كويس..طيب سمعيني كلمه حلوه
الاء وهيا تتهرب منو:مافي داعي
ياسر ضحك:طيب خلاص قربي..لاتخليني اتهـور
الاء قربت خايفه يسويها من جد:.....
ياسر:ماتسمعي الكلام إلا كدا..(تنهـد)..اخيرا صرتي ملكي
الاء ماتبا تحط عينها بعينـو عشان ماتدمع,بهمس:ياسر
ياسر:عيونه
الاء وعيونها ترمش كمان مره تنزل الدموع:إللي سويتو فيني مو قليل
ياسر:عارف..ومستعد اسوي اي شي عشان تسامحيني
الاء بعدت عنو وادتو ظهرها وتبكي بقلبها والدموع تنزل من عيونها:.........
ياسر مو شايف وجهها بس شايف يدها عند عيونها:ترا دموعك غاليه
الاء مسحت دموعها وكانت بتروح بس وقفها ياسر وحضنها من ورا:مارح تروحي وانتِ زعلانه
الاء:.......
ياسر:الاء ممكن طلب
الاء:اتفضل
ياسر:قولي إللي بقلبك
الاء"ايش اقول وايش ابقي يا ياسر":زي ايش
ياسر:مادري إللي بقلبك كلو قوليه
الاء:ماقـدر
ياسر بتنهيده من قلبه:براحتك
الاء حزنت عليه بس قوت قلبها"خليه يستاهل..يتحمل شويا من إللي جاني..":........ (جات ام ياسر شافتهم :كح كح
الاء وياسر لفـو..وتركها لمن شاف ؤمو جات
ام ياسر:الاء الكل يسأل عنك..وبعدين ياياسر ليش ماتشيل جوالك..قلبت البيت كلو عليكم..اصلاً إيش إللي مجيبكم هنا
ياسر ابتسم:خنق في المجلس..بس نغير جو
ام ياسر لفت عنهم للباب:اهاا..طيب يلا الاء نروح
ياسر بصوت واطي:لحظه بودعها
ام ياسر لفت:ايش
ياسر ضحك:لا انتِ كملي طريقك
ام ياسر طلعت وهيا تقول:لاتتأأخرو
الاء:هيا انا طالعه
ياسر:نعم..الحين انا أطلع ؤمي عشان تروحي انتِ
الاء ابتسمت:مابقي شي ماقلتوه..ولا في لسه..؟
ياسر ابتسم بخبث:إيوا فيه
الاء بلعت ريقها:إللي هوا
ياسر:ابا بوسه
الاء"تحللللللم":......
ياسر ضحك:اشبك قلبتي طماطم..يلا قربي
الاء:مافي داعي
ياسر:إلا فيه
الاء كانت بتروح بس وقف قدامها وقال بخبث:لو مابستيني بخدي انا بختار مكان تاني وببوسك فيه
الاء:لالالا..انا طيب
ياسر:ههههههههه يلا
الاء قربت وباسته بسرعه وخرجت من البلكونه
ياسر بصوت سمعته الاء:فديييت البوسه وراعيتها
الاء راحت وهيا مستحيه من نفسها"ياربي مو معقوول انا اسوي كـذا..؟!":........(دخلت عند الحريم وتونست وبعدين روحو الضيوف ومابقي غيرهم)
ريناد تدخلها الغرفة:يقللآلآلآع
الاء:سلامات
ريناد وهي تجلس ع السرير:لكم ساعه وربع ترا مع بعض
الاء:هيييا..والله ماحسيت بالوقت
ريناد:علييينا..قولي يلا ايش كنتو تسوو
الاء:ايش يعني..نتكلم
ريناد:عيني بعينك اشوف
الاء ضحكت:انقللعي
ريناد نطت:يعني سويتو اشيااء ها..اتكلمي
الاء:انا قررت خلاص مارح احكيكم..اصلا انا إيش إللي مجلسني مع بزرنه
ريناد:مااالت عليكِ..وين ريوم بس
الاء:ههههههههه خلاص طيب..قعد يتغزل فيني
ريناد:بلا خرش..مو بس كدا
الاء:عاد مو لازم بالتفصيل الممل
ريناد:إلا انا عندي لازم..(دخلت ام ريهام وهي تقول:يلا الاء دحين مروحين)
الاء قامت وهيا تضحك:هياا سلآلآم
ريناد بطفش:باي..بس ترا باخد الاخبار باخدها..(طلعت الاء مع امها واختها ورجعـو بيتهـم وعلى طول نامو من التعـب...)
________________
بعــد اسبوعين
بمقـهى..
سلطان:عارفين
فيصل وعبد الرحمن:ايش
سلطان:لحظه اليوم سبت؟
فيصل:ايوا
سلطان:طيب يسور بيتزوج يوم الاربعاء
فيصل وعبد الرحمن بصدمه:هييييا
سلطان ضحك:شفتوو كيـف..يلا اتلحلحـو واتـزوجوو
عبد الرحمن:ههههههههه مسكين مابتحـضر
سلطان:اسكت بس والله إني مقهــووور قهر..نفسي اعملو مقلب
عبد الرحمن:اما عاد يوم الزواج
سلطان:ههههههههه مدري..بس ابا اعملو حاجه..يلا فتحو مخكم وطلعو مقلب
فيصل بعد تفكير..ومافكر فيها إلا من صالحو:طيب اسمع
سلطان:هات
فيصل:مو انت بتسافر بكره
سلطان:ايوا
فيصل:خلي ياسر إللي يسافر بدالك..دامكم شركا
سلطان:أمااا..مابيرضى..
فيصل:قلوو اي شي اخرشها عليه..
عبد الرحمن:قلو احد مات من اولاد عمانك وبتسافر..يعني يكون حبكة على اليوم نفسه..وإنك ماتقدر تسافر
سلطان:لحظه لحظه..ترا السفره حقتي حجلس فيها اسبوعين
فيصل:يب مررره حلو ..
سلطان بتفكير:طيب وبعدين
فيصل:انت قوله مابتطول يومين او 3 ايام بالكثير
عبد الرحمن ضحك:وخليه يسافر ويتأجل زواجه
سلطان طقت براسه:وااااو والله جبتوووها يقلاع اشكالكم
فيصل:هههههههه اش تحسب
___________
ببيت ابو ريهام
ريهام:لولاش يادوبه زواجك قرررب
الاء:ايش اسويله يعني اقوله بعـد
ريهام:على فكره صايره عصبيه بدا الشهر
الاء:ريهام لووو سمحتي الباب يناديكي
ريهام قامت:طيب طيب..اصلاً انا ايش إللي مقعدني مع حريم
الاء ووجهها احمر:ريهااااااااام برا
ريهام:ههههههههه طيب (وطلعت من غرفة اختها بعد لمن طفشتهااا..اول ماطلعت ريهام الاء حطت راسها بالسرير ونامت..)
___________
بالريـاض .. عند مختار ونيهاد
مختار:مشتاااق لـ جده
نيهاد:حتى انا ولاأبويا اكتر شي
مختار:عارفه نيهاد ماقد حكيتي عن نوره اختك
نيهاد بدون نفس:اصلا دي البنت ضااايعه
مختار:الله يهديها..وينها الان؟
نيهاد:اعتقد بمليزيا
مختار:اهااا..صح
نيهاد:وات
مختار:عندي اجازه قريب..بنروح فيها جده
نيهاد بفرح:والله
مختار:يب
نيهاد حضنتو:امووت فيك ياقلبي
مختار:ههههههه حبه حبه علياا..ترا اروح وطـي
نيهاد بعدت منه..وطالعت بالساعه 10 الليل:لا لسه بدري
مختار ضحك:بالعكس انا نعست..وترا بكره دوام
نيهاد:مشكلتك..خلاص مو لزوم
مختار وقف:نعم نعم..بتقومي ولا اشيلك
نيهاد بدلع:ولا
مختار ابتسم:يعني إللي بعدها
نيهاد بسرعه:لالا..خلاص قمت
مختار:ههههههههه
ودخلو غرفة النـوم و.....................^_*
___________
اليـوم الاحـــد - شركـة سلطان بالمكتب
سلطان ممثل باااارع ومسوي حزيــن عشان موت احد عايلته..وطبعا كله خرررش ×خرش
سلطان:عشان كذا انت روح بدالي
ياسر حزن عليه:طيب كم بتاخد
سلطان:قلتلك يومين 3 ايام بالكثير
ياسر:3 ايام..؟!..ترا زواجي بيكون
سلطان:لا ذا احتمال بعيد هوا يومين ان شاء الله
ياسر بتفكير:آأإممممم طيب خلاص
سلطان"يسسسس^^":والله مشكوؤور ياسر..ماأعرف كيف اردلك ياها
ياسر:مو صجيتني بالصديق وقت الضيـق
سلطان ابتسم:والنعم فيـك والله ..
ياسر قام:هيا سلآم بروح اجهز شنطتي
سلطان:طيب ترا الطياره بتقلع على 11 الليل
ياسر:اممم يعني اكون بالمطار 8 تقريبا
سلطان:ايوا كذا شي
ياسر سلم عليه:هيا طيب مع السلامه
سلطان:توصل بالسلامه ان شاء الله
ياسر:الله يسلمك..(وخرج من الشركه وراح البيت..)
___________
بيت ابو فيصل -..ع الساعه 7 المغرب
ريما:واااو والله تقهر
ريناد:مرره..مارضيت تقول شي
ريما:نوريها بالزواج
ريناد:هههههههه جبيتها..والله نطفشها طفش
ريما:دام ريوم معاكِ اضمنـي
ريناد:ههههههه فديتك بس..إلا ريوم ايش لون فستانك حق زواج اخوانك
ريما:اصفـر
ريناد:كداابه
ريما:ايوا ليش
ريناد:انا كمان فصلت فستانين اصفر و سماوي..وع الاساس السماوي بزواج ياسر والاء والاصفر لزواج اخوانك
ريما:لالالا غيري..مانكون زي بعض
ريناد:هههههههه شكلو كدا..صح انتِ متى تطلعي جوال يلا
ريما:بالعطله دي اول مانخلص
ريناد تذكرت:واااو والله الاختبارات النهائيه قرربت..
ريما:صح انتِ السنه الجايه وات..ادبي ولا علمي؟
ريناد:علمي ان شاء الله
ريما:حركتااات مين قدك..وايش ناويه تصيري
ريناد:ههههههه على الله..(وجلـسـوا يتكلمـوو بالاشغال..)
_____________
ببيت ابو ياسر - غرفة ياسر
دخلت ام ياسر الغرفه وهيا منصدمه:ياسر على وين..؟!
ياسر يقفل شنطتـو:مسافر
ام ياسر:ايـش..؟..ياسر ترا زواجك بعد 3 ايام..!!
ياسر ابتسم:داري..بس شغله مهمه ماتكلف يومين..وسلطان واحد من اقاربه مات اليوم وبيسافر
ام ياسر:بس..
ياسر قاطعها:خلاص عادي ياؤمي مابتطول..(وراح يودعها..)
ياسر:توصل بالسلامه ان شاء الله..وحصن نفسك
ياسر:ان شاء الله..هيا سلام وسلميلي على رنود..(وطلع من البيت وراح للمطار وع الساعه 11 اقلعت الطياره وراحت الرياض..)
لــمــن رجعت ريناد البيت
دخلت ام ياسر الغرفه:نسيت اقلك
ريناد:وات؟
ام ياسر:ياسر يسلم عليكِ
ريناد بإستغراب:ايش طرى عليه
ام ياسر ابتسمت:عشانه سافر
ريناد بتنح:هـآآآه ..!
ام ياسر:سافر الرياض..ويقول شغله مابتطول..والله اعلم
ريناد:مابتطول يعني كم..زواجو الربوع ياؤمي..؟!
ام ياسر:ايوا يقول يومين كدا شي
ريناد:اهااا..عادي لو كلمت الاء
ام ياسر:طبعًا
ريناد طالعت الساعه:آأممممم خليها بكره خلاص ..هيا تصبحي على خير
ام ياسر:وانتِ من اهله..(وطلـعت من الغرفه وريناد نامت..)
____________
يـــوم الثلثاء - بالشركه سلطان يكلم ياسر
سلطان:اهاا..كويس
ياسر:إلا صح ايش الاخبار..رحت عزيت
سلطان:ايوا خلاص ورجعت
ياسر:اهااا..اسمع ترا الان مرو اجتماعين واحس باقي كثيـر وانا اليوم برجـع كيف تيجي
سلطان ضحك بخبث:ومين قالك انك راجع
ياسر بصدمه:كيف يعني
سلطان بضحكه:حبيبي..تراك راجع بعد اسبوعين
ياسر بتعصيب:إيييييييييش..!
سلطان:من جد ترا..وزواجك تأجـل..يعني مافي سبب ترجعلـو كمل الشغل وتعال
ياسر:سلطن يانـذل ايش الحركات هاذي
سلطان يضحك ضحك مو صاحي:وازيدك من الشعـر بيت..لا في احد توفى عندنا ولا شي
ياسر:سلطاااااااان
سلطان:هههههههه..كل مافي الامر إنو انـقـهرت كيف تتزوج وانا مو موجود..خليك تاخذ درس
ياسر معصـــب وساكت:......
سلطان لسه يضحك:والشي التاني..كنت ابا اعملك اكشن..يعني لمن تذكر ليلة زواجك تتذكرني
ياسر:مااالت عليك..(وقفل منه وهوا قهراان..)
سلطان:هههههههههههه (دق على فيصل..)..هلا وينكم..؟
فيصل:اهلين..بالشغل
سلطان :طيب جايكم في اخبار حلوه
فيصل:يقلآلآع مدير شركه فااال امها
سلطان:هههههههه لاتلومني الاخبار ماتتفوت..هيا سلام..(وخرج من الشركه وراح عند شركة ابو فيصل إللي يشتغل فيها فيصل وعبد الرحمن..)
فيصل:تو مانـور المكتب
سلطان:اكيد بوجودي
فيصل:ههههههه ثقــه..تشرب شي
سلطان:اقوول انا مو جاي اشرب..يلا ازهم عبد الرحمن سريع
فيصل:ايوا ولو دخل ابويا نحنا الثلاثه وضحك..ايش بيقول
سلطان:محد حيدخل ان شاء الله..انت ناديه وبس
فيصل:شورك..(دق على عبد الرحمن وجا..بعد السلام..)
عبد الرحمن:ايوا ايش الاخبار..؟
سلطان:ياسر قلتلو كل شي
فيصل وعبد الرحمن:اييييييش
سلطان:هههههههههه والله لو شفتووه كيف عصــب
فيصل:قلتلو زواجك تأجل وكلمنا الاهل
سلطان:يب قلتـلوه..وإنو مافي احد مات ولا شي كلو بكش
عبد الرحمن:ههههههههههه نفسي اشوف ردة فعـله
سلطان:عصب وعصب وآخر شي قال مالت عليك وسكر بوجههي
فيصل وعبد الرحمن:هههههههههههههه
سلطان:ايوا وانتـو مين كلمتو من الاهل
فيصل:انا كلمت ام ياسر
عبد الرحمن:وانا كلمت عمتي..وعاد الان تلاقي الخبر يتنقل
سلطان:متى قلتلوهم
فيصل:امس
سلطان:اهاااا..(وجلسـو يتكلمو شويا..وبعدين رجع سلطان لشركته..)
___________
بيت ابو ريهام - جناح الاء
ريما:ههههههههههههه والله تحزني
ريناد:بقوووة..
الاء:صجيتووني ترا..تحزني ومسكينه ومادري ايش..لكم ساعه تتكلمو بدا اموضوع غيرو
ريما:يعني تبي تثبتيلنا إنك مو زعلانه ولا هامك
الاء :والله مررره لا..اصلا عادي مافرقت عندي
ريناد تلمح:بس اخويا عندو فرقـت
الاء:دامها فرقت ليش يسافر
ريناد:ترا حتى هوا كان مو عارف يعني يحسب يومين 3 ايام بالكثييير..وامس لمن كلم فيصل ؤمي انا ضحكت ضحــك..ؤمي كان ردة فعلها هاديه يعني كأنها كانت حاسه..(بعد سكوت للثلاثه..)
الاء:كلمكم..؟
ريناد:مدري انا امس عرفت الليل واليوم عندك..ممكن كلم امي
الاء:اهااا..
ريما:متى حيرجع..؟
ريناد:آي دوونت نو
الاء تنهدت:يلا خلاص روحو صجو ريهام..ابا انام
ريما:الساعه 5 العصر سلامات
الاء:ايش إللي سلامات..انا من اول ماحملت وانا انام العصر
ريناد وريما:وااااااو
ريناد:حركات اول كنتي تكررهي
ريما:من جد والله ماتوقعت الحمل يغير كذا
الاء وهي تتغطا:ههههههههه مسطلين..يلا بس تصبحو على خير
ريما وريناد وهما خارجين:وانتِ من اهله
__________
مرت الايام سريييع..واليـوم زواج عبد العزيز وتـرف ..
طبعا زواج فيصل وريهام تأجل..لإنو ريهام تبغا تحضر زواج اختها الوحيـده..وكلو من تخطيط فيصل..واول ماقالتلو وافق بدون تردد..
بالقـاعـــه ..
ريناد:وااااااو ريوم طالعه ششي
ريما:هههههههه إيش تحسبي..زواج اخويا
ريناد:والله بنتي كبيــره
ريما:امااا
ريناد:مرره كمان..
ريما ضحكت:اهـم شي مالبستي الاصفر
ريناد:هههههههه افاا عليكِ ..اسمعي ابا اشوف ترف
ريما قامت:ؤوك يلا..(طلعـو فوق وسلمت عليها وباركتلها..)
ريناد:اشبك كدا متوتره مره
ترف بإبتسامه:عاد يوم زواجي ماتبيني اتوتر
ريما:ترا كلنا بنات
ترف:ههههههه قولي والله
ريناد:يعني وفريها لمن يجي عبد العزيز
ترف:هيييي لاتبدأو..ترا ماأحب الاحراجات
ريما:واااو..بتشووفي كثير من عزوز
ترف استحت:طيب غيرو الموضوع
ريما وريناد:ههههههههههههههه
ترف:خير..؟
ريناد:شكلك تحووفه
ترف:دحين هادا إللي مضحكم
ريما قامت:اشبك انتِ..أهم شي نطفش العروسه..هيا نازلين وبعدين راجعيلك
ترف بمزح:لاتكفى لاترجعوو..
ريناد:هههههههههه (ونزلو تحت..ورقص ووناسه..إلين قالت المغنيه إنو الزفه بعد شويا...)
عبد العزيز:بصراحه مره طالعه قمر
ترف:عيونك الاحلى..عبد العزيز
عبد العزيز:روحه
ترف بحيا:لازم تنزف
عبد العزيز ضحك:اموووووت على الغيوريـن
ترف استحت:.......
عبد العزيز:يب لزوم ادخـل..
ترف:لو صارلك شي ولا ادوك عين مو مني
عبد العزيز:هههههههه لا إن شاء الله..محصن نفسي (دخلت ام فيصل وهيا تقول يلا دحين بينزفوا..وبعدها خرجت ونزلت تحت..الاجـواء تحت رهيييبه انوار خفيفه وكلهم لابسين عبايات يعني اسود×اسود..تمت الزفه على خير وقطـعوا التورته..واخدولهم كم صوره بالكوشه هما والعايله مع بعض..)
عبد العزيز:ماابغا افارقك..(ضحك)..بس ورانا ليله طوييله
ترف انقلب وجهها الوآن:.........
عبد العزيز باس خدها وطلع مع امو ..فكـو الناس العبايات..وراحو يباركو للعروسه.. وبعدها راحو الناس يتعشـو
ساره:ماشاء الله حلوه زوجة عبد العزيز
ريهام:يب ماشاء الله.. عمتي تعرف تختار
ساره:والله قهـر..كان المفروض الان تنزفي انتِ بدال العشا
ريهام:ههههههههه..مو مكتوب للأخوان يتزوجوا بيوم واحد
ساره ابتسمت وبعدين كملو جلسه مع ترف ورقص معاها لين قرب الفجـر وروحت الناس..
ريما:ؤمي..يلا متى نروح..والله مدووخه
ام فيصل:محد قلك لاتنامي كويس
ريما:يعني حنطوول؟
ام فيصل:لا خلاص فضيت القاعه
ريما:اهاا..(راحت عند ريناد إللي كانت تلبس العبايه)
ريما:هييي مسرع
ريناد:خلاص ترا مابقي غير ناس يتعدو ع الاصابع..
ريما:بيني وبينك حتى انا نفسي اروح
ريناد جاتلها فكره:هيي ريوم تجي تنامي عندي
ريما:هههههههه هيييا
ريناد:والله تعالي ليش لا
ريما:طيب روحي كلمي ؤمي..انا لو قلتلها بتقول لأ
ريناد:ترا مافي ياسر ولا أحـد
ريما:طيب كلمي ؤمي
ريناد راحت وكلمت امها وبعد تفكير واعذار ام فيصل وافقت
ريناد:كلولولوش..والله ؤمك مزاجها صعب
ريما:دوبك تدري
ريناد:هيا طيب جيبي اغراضك ترا السواق برا
ريما وهي تطلع الدرج:ؤووكِ (اخدت اغراضها وراحت مع ريناد البيت..وطبعا اول ماوصلو راح النوم وجلسو يتفرجو فيلم لمن خلص راحو ينامو..)
_____________
بالفــنـدق..عند عبد العزيز وترف
عبد العزيز:توتو قلبي طالعيني
ترف رفعت عيونها:هلا
عبد العزيز:الحمد الله ع السلامه
ترف:ههههههههههه
عبد العزيز:فديت راعية الضحكه انا
ترف: كم لك تتغزل
عبد العزيز ضحك وقام:يعني تبغينا ننام
ترف وجهها حمر:هييي لاتفهم غلط..بس قـصـدي يكفي احراجات
عبد العزيز وهوا يشيلها:فهمت وخلصت..وبيني وبينك كويس إنك لمحتي
ترف مستحيه:طيب نزلني
عبد العزيز:مابنزلك إلا ع السرير
ترف بدلع:عزوووز
عبد العزيز:عيونه وروحه وقلبه
دخلها غرفة النوم و..........................^_*
____________
اليوم إللي بعدو - بيت ام ياسر
صحيوو ريما وريناد ع الساعه 4 العصر
ريما:وااااو دحين تلاقي عزوز بالهند
ريناد:هههههههه تعالي صح..إنتِ امس سلمتي عليه
ريما:يب خلاص..بس برضوا اكيد اليوم راحو بيتنا يسلمو
ريناد:ممكن..المهم عارفه آخر خبر..خلاص خبر اكيييد
ريما:ايش
ريناد:بكره زواج ياسر والاء
ريما بدون تصديق:ليه اخوكي رجــع....؟!
ريناد:لا بكره بيرجع ع المغرب
ريما:أما بيرجع ليلة زواجه
ريناد:مدري عنه..تفاهمو هوا وؤمي قبل كم يوم وصار كل شي ..
ريما:والاء عارفه..؟
ريناد:يمكن ؤمي كلمتها..
ريما:اهاا..(بمزح)اتخيلي نروح عندها
ريناد:هههههههههه والله مو بتكفخنا.. خليها بكره قدو في الزواج احلى
ريما:اكيد..(جلست شويا كمان وبعدين روحت بيتها..)
____________
ببيت ابو ريهام - جناح ريهام
ريهام تفكر تتخيل نفسها مع فيصل الان"الحمد الله إنو ياسر سافر وصار إللي صار..(حزنت على نفسها)..بس مصيرو يجي دا اليــوم..":....... (تنهدت وخرجت من غرفتها لعند اختها...)
ريهام:كيفك اليوم
الاء:تمام
ريهام:والله بطنك صايره دوووبه
الاء:قولي ماشاء الله بس
ريهام:ههههههههه ماشاء الله تبارك الله ..إلا ع الطـآري..دحين كم باقيلك يوم ع التاسع
الاء:مدري خبصت
ريهام:يافلالاحتك
الاء:ههههههههه مافيا احسب
ريهام"كويس اليوم احسن من امس بالعصبيه":صـووح الزواج كان حلووو
الاء:ايوا ايش سويتو كيف ترف وكيف الهبلان
ريهام:والله كان فلله وترف ماشاء الله طلعت خطييره..والهبلان على قولتك يسلمو عليكي
الاء:هههههههههههه..الله يسلمهم..اتخيلي انا ماقد شفتها ترف
ريهام:أمااا..في الملكه وينك..؟
الاء:مدري شكلو لسه كنت مارجعت
ريهام:آأممممم ممكن..اصلا ترا برضو كانت عائليييه بالمره
الاء:اهاااا..طيب انا بنام صحيني ع المغرب طيب
ريهام تطالع ساعتها:اصحيكي على ساعتين ويأذن
الاء:عادي..
ريهام تقوم:ؤوك تصبحي على خير
الاء:وانتِ من اهله..(وطلعت ريهام من غرفة اختها..)
_____________
ببيت ام ياسر
ام ياسر وهي تبكــــي دقت على الاء
الاء:هلا
ام ياسر تشاهق:يابنتي
الاء بخوف:ايش في ياعمتي
ام ياسر ببكاء:ياسر..
الاء وقلبها يدق من الخووف:ايش فيه..؟
ام ياسر والسيول تجري بدموعها:ياسر طاحت الطياره عليه وهوا..يـ يـطلبك الحـل ..!!!!!!
...............................
........................
.................
...........
......

إلا هنا قد انتهــى البارت الـ 28..
قـرآءة ممـتعـة وان شاء الله يعجبـكم..
وان شاء الله البارت الجاي تشويقـآآآآت حماآسـيه ..
|||..الشوق ذبحني..|||

وآآآآآآآآآآآآآآآآآآآآآآو

لآلآلآ تموتييييييييه

بارت جونآن + جونآن + جونآن

=

بإإإإنتــظـآآآآرك على اأحر من الجمـر ..

وووآأإأآوو . بـآأإرت حوؤوؤمـآأإسسسي

آأمـآ يآأإسسر يموت وقسسم تموت الروآأإيـه .. =(

هـع .. من جد بآأإرت خوقآأإأإق يآأإشيخـه ..

تم التعليق من قبل ><" ...

تسلي غآأإليتي .. لآ تطولي ..

يلآ يلآ ع قول ويسووو .. أإبي هديـة .. بآأإرت ب1

ودي ^^

ههههههههههه والله عيب ردوود قلييل ..

من جد حضرميين >بتلطــش هع هع

ان شاء الله ماأطول ..

نـوووورتــوا يالغوآآلــي ..^^

هههههههههههههههههههههههه

اموؤوؤوت ع إللي دآآخلين جووووووووو

تسلمووووولي والله ع الردود الخطـآآآرهـ دي ..

ودا بارت لخآآطـركم ..بس ترا قصيــر معليييش ..

تذكير بالبارت السابق..:
... عبد الرحمن خطـب مها ...
... الاء انخطبت واليوم إللي بعدو الملكه..وتمت على خيـــر (اقروها احسن)...
...زواج ياسر والاء يوم الاربعاء...
...مقلب سلطان وفيصل وعبد الرحمن على ياسر ونـجـح ...
....ياسر سافر وزواجو كان بعد 3 ايام...بإختصار تأجل زواجهـم ...
...سلطان قال لـ ياسر عن مقلبوو..وعصب منه مررره...
...بعد مرور اسبوعين...
...زواج عبد العزيز وترف...وتأجل زواج ريهام وفيصل...
...بكره زواج ياسر والاء ...
...وفآآآآة يآسر !! ...
...........
البـآآرت الـ تاسع والعشريـن / 29:
...
ام ياسر والسيول تجري بدموعها:ياسر طاحت الطياره عليهم وهوا..يـ يـطلبك الحـل ..!!!!!!
الاء صدمة قووويه عليهااا طاح الجوال من يدها و مافي في ذهنها إلا أخر جمله قالتها ام ياسر"ي.!!!!...
يطلبـــــــــــــــــــــــــــك الحــــــــــــــل
يطلبـــــــــــــــــك الحـــــــل
يـآآســــر يطلبك الحــــل
ياسر طاحت الطياره عليهم
يطلبــك الحـــــــــل
مابتشوفوه مره ثانيه..ولدها منه إللي مالو ذنب بأي شي يصير..يطلع ع الحيآة بدون أب ...وبحرام كمان.!..بتكمل عنوستها للآخـر .....!!!!!":..............
اغـــمــــــى عليهاااا..وع المغرب جات ريهام تصحيها وانصدمت من اختها والجوال المتكسر..ومكانها كلو دم..!!!!!
نادت امها بسررعه وودوها ع المستشفى وع الطوارئ على طوول ..
بعــد مـدة طوويله والاء بغرفة الطوارئ..خرجت الممرضى
الممرضة بحزن:الله يكون بعونكم...البنت بين الحيآة والموت والجنين ســـقـــط..
************
تـــصـــحى الاء من النوم مفجووووووووعـه تشااهق ... :ااااخ اعوووووذ بلله من الشيطآن .. الحمدلله انو حلم الحمدلله يارب ..(على طول بكيت وهيا تتخيل الحلم..بعدت الافكار من راسها وقامت
على طول الحماام ( الله يكرمكم ) وتغسل وجههآ وتتوضآ .. تخرج من الحماام رآحت تصلي ركعتين .. وتدعي الله فيهـآ إنو حلمها مايتحقق ..(في دا الوقت دخلت ريهام الغرفة عشان تصحيها بس لمن شافتها تصلي خرجت بهدوء)..
خلصت من الصلاة جلست تقرأ المعوذات ..
وقامت ع السرير تسترجع احدآث الحلم : ياااربي ايش يعني الحلم .. ( تمسك بطنهـآ ) الحين ولدي بخير..ان شاء الله يآرب .. ويـآآسـر كيفه .. لآزم أطمن عليه...!
____________
بشركة سلطان..
سلطان:مااقدر انا علي بيتزوج بكره
ياسر:خليني ارجع بس..تكفيخ انت واللي جاب الفكره
سلطان:هههههههههه..اهم شي انا احظر زواجك
ياسر:قهرر ماكنت ابغاك
سلطان:شوووف الخيااانه ( وجلـسـوو يتكلمو..)
___________
ببيت ام ياسر
ريناد:انا إللين دحين مو مستوعبه..كيف يجي بكره ويتزوج بكره احسو مرررره لا
ام ياسر:مايبا يتأخر اكثــر ..بكيفه..والله يوفقه
ريناد:ان شاء الله ..(قامت وراحت غرفتها ودقت على ريما)
ريما:هلا والله
ريناد:اهلين..أخبارك؟
ريما:تمام..وانتٍ؟
ريناد:تمآآم..آأمممم اتكلمي..ترا طفشانه
ريما:هههههه طيب..انتي دحين صميتي مواد؟؟
ريناد:مرره فاضيتلهم زواج اخويا واقعد اذاكر
ريما ضحكت:على قوولتك..لسه باقي اسبوع ع الاختبارات
ريناد:لاتذكريني فيها بلاه
ريما:هههههه طيب..يلا ايش مسويه..؟
ريناد:ولاشي..لحظه بتفتحي النت
ريما:انتي داخله
ريناد:دحين بدخل
ريما:ؤوك خلاص اشوفك هناك
ريناد:هههههههه الله الله ..هيا سلام (وقفلو ودخلو المسن وجلسو يتكلموو)
___________
ببيت ابو ريهام - غرفة الاء
الاء ماسكه الجوال بيدها والافكار تجيبها وتوديها بخوف..رن جوالها واتصلت مها
الاء:اهلين
مها:كيفك
الاء:الحمد الله..وانتِ؟
مها:تمام..اشبو صوتك متغير
الاء كحت:أما متغير
مها ضحكت:مدري..الزبدة مالنا من صوتك دحين
الاء:هههههههههه طيب قولي ايش عندك؟
مها:استخـرت
الاء بحماس: ووو...؟
مها:بوافق
الاء زعقت:واااااااااااااو
مها:هييي اذني ابغاها ترا
الاء بفرح:والله مررره خبر حلووووو..والف الف الف الف مبروووك..رديتي
مها:الله يبارك فيكي..ايوا قولت لعمي
الاء:تعالي واخوكي عارف؟
مها:ايوا يعرف..قال براحتك استخيري وشوفي
الاء:اهاااا
مها:وبسسس
الاء:ههههههه يعني سلآم
مها ضحكت:على قولتك..هيا بروح عند جدتي.سلآم (وقفلت..وبعد دقايق الاء دقت على ياسر..بس مقفل جواله..مررره خافت..)
_____________
ببيت ابو عبد الرحمن
ساره:ؤمي
ام عبد الرحمن:هلا
ساره:ايش رايك نسوي عزومه
ام عبد الرحمن بتعجب:ساره تقوول دا الكلام...من متى تحبي العزايم ان شاء الله؟؟
ساره:ههههههههههه من اليـوم..
ام عبد الرحمن:ليه مين تبي تعزمي؟
ساره:عادي الاهل واهل يوسف..عشان تيعرفو اكتر على بعـض
ام عبد الرحمن دخلت براسها الفكره:اهااا..آأمممم نشوف ان شاء الله..
ساره:والله انتِ تعجبيني..بسرعه تقتنعي
ام عبد الرحمن:ياسلللام عليكي
ساره طلعت غرفتها وهيا تضحك..
_____________
ببيت سلطان
العنود:وااااو سلطن جاا
سلطان رفع حاجب:سلامات..!
العنود ضحكت:الله يسلمك..بس اقوول من زمان ماشفتك بالبيت
سلطان ابتسم:يعني بإختصار وحشتك..طيب وانتِ اكتر
العنود:قوووول والله..تألف من راسك
سلطان:هههههههه بلاه يعني من زمان ماشفتك..خلاص وحشتك
العنود:تقدر تقول كدا
سلطان:شفتي كيف..افهمها وهي طايره
العنود:اقعد بس ليه واقف
سلطان:وانتِ تخلي احد يجلس بس تثرثري..الله يعين بدر
العنود:مرررره مع زاتك
سلطان ضحك:طيب خلاص..عارفه والله مره مبسوط فيكِ..يعني مابغيتي توافقي..وهوا رجال والنعم فيه .يلا الله يتمملكم على خير
العنود:ان شاء الله..
_______________
ببيت ابو ريهام - ع الساعه وحده الليل..الاء مانامت اتصلت 3 مرات وجواله لسه مقفل
الاء بخوف:ياربي آخر محاوله لو ماجا ياويلوو (دقت وجاها خط..)
الاء بتنهيـده:اخيراً
ياسر"وه وه الاء تتصل فيني..لا اكيد صاير شي في الدنيا":هلا
الاء:آأ..اهلين
ياسر:عاش من سمع صوتك
الاء بإرتباك ماردت عليه وقالت:ليه مقفل جوالك؟
ياسر استغرب:ليه
الاء:اتصلت اكتر من مره مقفل
ياسر"الله يرج ابليسك ياسلطن انت وهذرتك الفاضيه خلصتلي البطاريه":ليه في شي؟؟
الاء:لا مافي شي..بس اطمن عليك
ياسر"لالا البنت دي مو طبيعيه اليوم..وتطمن كمااان..في تطوور":.......(مارد بس سمع صوت بكا ع الخفيف)
ياسر بخوف:الاء..؟
الاء:......
ياسر:ايش في تبكي..ايش صار في الاهل..في احد توفى؟؟
الاء يلا تتكلم:لا مافي ولا شي الحمد الله
ياسر:طيب اشبك؟؟
الاء ماقدرت تقول حلمها بتبكي اكثر واكثر:لا ولاشي.. تصبح على خير
ياسر بقمة الاستغرآآب:وانتِ من اهله..! (وقفـلـوو والاء بعد بكا واسترجاع حلمها نامت..وياسر مانام يفكر فيهـآأ...)
_______________
بالهـنــد - عند عبد العزيز وترف
عبد العزيز:ها ايش رايك بما إنك اول مره تيجيها
ترف:والله مررره رهيبه..ماتوقعتها كدا
عبد العزيز:كويس عجبتك
ترف:ومين ماتعجبـوو
عبد العزيز:كنت متردد..بس عشان اكمل الترم دا وبعدين نرجع السعوديه
ترف:آاها..ومتى بتبدا..
عبد العزيز:بعد كم يوم
ترف:آأممممم..
عبد العزيز:خلاص حياتي تبي ترجعي..؟
ترف:ايوا عادي..
_______________
اليـــوم إللي بعــدو ..يوم زوآج ياسر والاء ..!
______________
ببيت ام ياسر - ع المغرب
رن الجرس وفتحت ريناد الباب وسلمت عليه بفرح:هلآلآلآلآلآلآلآلآلآلآ والله لك وحشه
ياسر:هلآلآلآ فيك ..أخبارك
ريناد:تماااام..وانت كيفك وكيف الرياض وجوها؟
ياسر:كلو تمام..(ضحك)..اقول بتقعديني بالحوش..
ريناد:مررره فاكر نفسك ضيف من جد
ياسر:شووف الحقآآره
ريناد:ادخل ادخل بس..ؤمي تستنآآك من اوول
ياسر دخل وسلم على أمو
ام ياسر:تو مانــور البيت
ريناد:منور بوجودي ياؤمي اشبك
ياسر يكلم ريناد:انتِ اسكتي(طالع بأمو)..والنور نورك..
ام ياسر:بسم الله..اشبكم رجعتو زي اول
ريناد:هههههه مو زي اول ..بس لازم نطفش فيه ياؤمي..اليوم زواجه
ياسر:احلفــي بس..ترا انا تعبآآن ومانمت من امس
ام ياسر شهقت:كيف مانمت واليوم زواجك
ياسر:ماجالي النوم..
ام ياسر معصبه :بسررعه ناملك كم ساعه..بتدوخ للفجر كمان
ياسر ضحك على خوف أمو:عاادي..اقدر اواصل
ام ياسر ماقتنعـت:لالا مافي..اطلع غرفتك
ياسر قام:ؤوك حآآضر..ومنها فكه من رنود
ريناد:مع زاتك (راح غرفتو وهوا يضحك على اخته..وطبعا مانام ولالالاشي..فتح اللاب وجلس عليه لين العشا وامو على بالها نايم..)
________________
بالقـآعـــة .. الساعه 12 الليل
ريهام:تصدقي بنتي كبيييييره
ريناد:أماا..
ريهام:مرره.وطالعه خطييره كمان
ريناد:عيوونك الاخطـر ياقلبي(جاؤو ريما وساره وجلسو يتكلمو..)
ساره:انا بطلع شويا عند لولاش
ريناد تستهبل:اطلع معاكِ
ساره:بتشنقني..لو جبتك معايا(..وطلعت عندها..)
ريناد:ههههههههههه..خلينا نطلعلها قرون دا اليوم
ريهام:هييي ناوين على اختي اليوم
ريما:افكورس
ريهام:تراها تعبانه..من اول تقولي بطني وبطني وبطني
ريناد وريما:أماااااا
ريناد:ؤمك عارفه
ريهام:نوب..بس قالتلي انا..(عند ساره والاء)
ساره:معليش الاء بس شكلك سبيشل
الاء:طبعا أول وحده تتزوج وهيا حامل..
ساره:مررره كـآآآي
الاء:اضحكي..ترا بس اليوم
ساره:هييي والله موقصدي..بس شكلك توحفه
الاء ابتسمت:طيب..بس أهم شي حلو
ساره:لا عاد بالحلاوة شي تاني (دخلت أم ياسر تقولها شويا وبيجي ياسر.. ساره راحت شويا وبدين رجعت معاها الجيش)
ساره :قبل لايجي زوجك..ترا نبا نتصـور
الاء:نعم نعم..اتصـور وبطني كدا..مرررره نو
ريناد:هييي بلا هبل لولاش..والله خطآآر
الاء بعناد:مااااااااافي
ريما:يلا للذكرى
الاء:انتو لوحدكم اتصورو
ريهام:لا كولنا او بلاش
الاء بعد اقناعات رضيت وكمان صوره بالعرض عشان ماتبين بطنها.. (اتصورو وخرجو ودخل ياسر )
ياسر بشوق:سلام
الاء:وعليكم السلام
ياسر يسلم عليها:مره وحشتيني
الاء:يسلموو
ياسر:ياالله..بلاه لو مره وحده قولي وانت اكتر
الاء:.......
ياسر:أخبآآرك..ان شاء الله بخير
الاء"مره تعبانه بس بستحمل..":الحمد الله
ياسر:شكلك مره غريب
الاء فسختها:حتى انت بتحش على شكلي..ترا مابقي احد ماضحك
ياسر مامسك نفسو:هههههههههههههه..مو قـصـدي
الاء:......
ياسر:بس انا مو قصدي على جسمك..قصدي على فيسك..يعني اول مره اشوفك بمكياج..فهمتي
الاء:أهاااا..(ركزت فيه..).."واااه اول مره اركز على ملامحه كدا..ايش الجرأه إللي طلعتلي فجأه..!..كأأنو سمر..":.....
ياسر انتبه تطالع فيه:يب..ماقلتي رايك فيني طيب
الاء:زي اي عريس..بس سمرت
ياسر:انتِ تشوفي كدا؟
الاء:ايوا
ياسر:اهاا.....(جات ام ياسر وقالتلهم يطلعو..طبعا كانت زفة بسيطـه لين البلكونه مانزلت..عشان مره بتتعب وهيا حامل كمان..!..)
رموو الورد وانواع الحمآاس تحت والاء تحاول تبتسم بس الألـم إللي في بطنها كل مالو يزيد لمآآن خلآص:ياسر
ياسر:عيونه
الاء ووجهها مره متغير:شكلي..شكلي (بعد لمن رجعو الغرفة)
ياسر بخوف:اشبك..؟
الاء مو قادره تتكلم من الالم:بـولـد ..
ياسر بصدمه:لاتقووووليها..
الاء شويا وبتزعق:ياسر إلحـقـني
ياسر مرتبك درجه اولى وحمد ربـــه إنه امه طلعت بدي اللحظه
ياسر:ؤمي الاء بتولد
ام ياسر بعدم استيعاب:هاآه..!!!
ياسر:بتوولد
ام ياسر:وااااا..(ودخلت بسرعه عندها..وهوا نزل لسيارتو..ساعدتها ام ياسر بالعبايه ونزلو والاء ؤم الزعيق بالسياره لين ماوصلوو المستشفى ودخلوها قسم الولاده على طول..)
ام ياسر إلين الان مو مستوعبه ايش إللي يصير:ياسر ايش صار..؟!
ياسر وهوا خايف عليها درجه اولى:مدري من اول مارجعنا قالت بـولد وانتِ دخلتي بعدها
ام ياسر:جبت جوالك..
ياسر ادا جواله لأمو ودقت على ريناد:الوو
ريناد:وه..فين اختفيتو؟؟
ام ياسر:نحنا بالمستشفى
ريناد بتتنيـح:هــآآآآآآه..ايش
ام ياسر:قولي لام ريهام بسرعه..الاء بتولد
ريناد:آآآ...طيب طيب...(وقفلت وراحت لام ريهام وقالتلها..خافت على بنتها مرررره وغيرت فستانها وراحت المستشفى مع ابو ريهام)
ياسر رايح جاااي في الممر:ياربي..ماكأنهم طولو..؟!
ام ريهام ابتسمت:اشبك ياابني تراها ولادة
ياسر:برضو لها 3 ساعات من يوم مادخلوها..
دقايق وطلعت الدكتوره وبشرتهم:ووين زوجها..؟
ياسر:هلا
الدكتوره:مبروووك جالك ولـد
ياسر:وزوجتي كيفهاا..؟؟
الدكتوره:الحمد الله..اعطيناها مهدئ والان نايمه
ياسر:مشكوره
الدكتوره:العفوو (وراحت والكل قام يبارك لياسر وفرحانين..أول حفيد بالعايله..)
بعــدين دخل ياسر وأذن بولدو ..وإلخ ..وبعدين دخلو ام ريهام وام ياسر وجلـسـوو عندهــآآآ .. وبعـد فتره رجعت ام ياسر الزواج تبشرهم..ودخل ابـو ريهــآآم ..!

ـــــــــــــــــــــــــــــــ
إلا هنا قد انتهــى البارت الـ 29..
قـرآءة ممـتعـة وان شاء الله يعجبـكم..
وان شاء الله البارت الجاي تشويقـآآآآت حماآسـيه ..
|||..الشوق ذبحني..|||

ههههههههههه دامو قصـيـــر دي المره ..اقلكم اضمـنــو البارت الـ 30 قرررريب ان شاء الله ..

تعليقآآآآت ..