رواية أطباء في الحب \ رواية حجازية

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

اطباء في الحــب \\ روايــه حجـازيه \\ بكيبوردي

للـكـآتبة قطعــــة شكلاتــه او (( kemo0 ))

حلم يتلاشى
~~
غيره قاتله
~~
مستنقع من الكذب
~~
أمال محطمه
~~
ورود ذابله
~~
حب خارق عن الطبيعه
~~
أنتظار طويل
~~
قسوة قلوب
~~
ضيآآآآآآآآآآآآع
~~
الآآم
~~
احــــزانـ
~~
خــــــــيآآنه
~~
والكثــــــــير الكثير مــن الدمــوع
~~

وهل سيجد اطبئنا العلاج لكل هذا .... ؟
أترككم مع روايتي التانيه .. ][ أطباء في الحب للكاتبه ][ ..
الكــاتبه .. ][ قطعة شكلاته ][ ..

~~~~~~~~
~~~~~~~~

.... سؤال يطـــرح نفــسو ....
من أنا" .. ؟
من اكون" .. ؟
ياترى هل أنا أبنك او شهوه من شهواتك وبعدها رميتني ......... ؟
حتى لاأجلب لك العار ....
أعذرني على وقاحة كلامي ولكن ليس هناك تفسير آخر يجعلني أتفهم تصرفاتك........!!
ياترى هل سيأتي اليوم الذي أسامحك فيه ؟؟؟؟

..................
.............

الطــريق كان جدن طويل .. والوقت بيمر بشويش .. ماهم مصدقين انهم وصلوو للفله اخيرن
انفتحت البوابه الكبيره وخشت السيارهـ لسساحهـ الي يجري فيها الخيل
زهاد كل مايقربو كل دموعها تزيد وقلبها يوجعها
قصي نفس القهر في قلبووو .. بس مايقدر يبكي زيهاا .. ماد يدو وحاطها علي كتفها طول الطريق يهديها
وقفت السيارهـ قدام البوابه الكبيره الي مفتوحه علي مصرعيها ..
هيثم نزل بحماس وهوا يفركـ يدينو في بعض .. : حماااس هيا هيا انزلوو بســرعهـ ..
زهاد تضغط علي يد قصي : ياربي ما ابغا اشوفوو
قصي يهديها : خلاص يا اختي انزلي نشوف ونشوف ايش يبغا ونخلص ..
فتح الباب ونزل .. سفط العغتره حقتو وربطها علي راسو بطريقه عربجيه .. فتح الباب لزهاد : يلا اختي
زهاد مسكت يدوو بقوهـ ونزلت .. بعد ماصلحت طرحتهاا .. : قصي وربي حيغمي عليا لو شفتوو ما ابغا اشوفو ياربي
هيثم : اما يغمي عليكي ليش حتشوفي عفريت ابوكي يابنت ابوكي
صرخت في : مابهرجكـ بهرج اخويا اسكت انته ..
هيثم رفع حواجبو بتعجب : اسكتي لا اديكي علي فمكـ واحد اكسرلكـ صف سنونكـ عشان تعرفي تبتسمي لابوكي .. كويس
قال جملتو وانفلت يضحكـ مع نفسوو : ههههههههههههههااي ههههههههههههااا هع هع هع
زهاد وقصي طلو في وماعرفو ايش يعلقوووو ..
اخيرن سكت : هيا خشيناا
قصي .. يسحب زهاد : اوف الله يعدي الهرجه دي علي خير
طلعو الدرجات الرخامه بهدوء وفي ثواني كانو جوة الفله الي تخوف من فخامتها وكبرهاا .. المدخل لحالو قد شقتهم كولهاا .. والله حاله كسيفه بجد ..
اتوجهو للصالون الكبيرر .. واستقبلتهم وحدهـ من الخدم واصرت تاخد عباية زهاد .. الي اخلاقها قافله .. لدرجة انها اتشاكلت مع الخدامه وطلعت كل حرتها فيهاا
دخلو الصالون وجلسو جنب بعض .. وزهاد من قوة التوتر بس تطقطق اصابيعهاا في بعض ..
اما قصي مو عارف اختو ليش خايفه ومتوتره وبتبكي بالشكل دا .. ابوهم وحيشوفو .. اشبهااا بتسوي بنفسها كدا
دخلت عليهم شهد بلبسها الضيق والمفتح من كل مكان .. : صباح الخير عيال عمي ..
زهاد طلت فيها من فوق لتحت ولا ردت عليها
اما قصي ابتسم : صباح النور
شهد قربت لعندوو : ياااااي قصي مرا اتغيرت كبرت وصرت رجال ما شاللهـ
قصي يبتسم تسليكـ : شكرن
قربت منو وضمتو بقوهـ : يالله مرا لكـ وحشه يعني لو مو ابوكم هنا ..ماتجو ولا تسالوو
زهاد من بين اسنانها : ابعدي عن قصي .. مرا انتو الي بتسالو وتجو يعني
شهد : ؟؟!!! انتي اشبكـ بتبكي
زهاد تمسح عينها بقوهـ .. وترجع تطقطق اصابيعهاا ..
قصي يمسد علي يدها : زوزو هدي نفسكـ ياشيخه ما احوجك
رمتلو طله : مو وقتكـ قصي
سند راسو علي كتفها : هدي نفسكـ طيب ..
: اوف ياربي

شهد : اشبكم دحين عمو بخير ترا .. صح مريض شويا بس مو يعني تبكي كدا
زهاد .. ياشيخه بلا في اهلكـ .. اعرفي ليش باببكي بعدين تعالي اتفلسفي
قصي تنح : بابا مريض
شهد تتكي علي الطاوله الطويله الي جنبها : ايوا معا سرطان انته ما تعرف .. ؟
هز راسوو : ايش يعرفني يعني كـيف سرطان سرطان ايش اصلا فينو بابا
تاشر علي برا : دحين يجي .. وايش الي كيف سرطان ماتعرف مرض السرطان انته يعني
قصي بتنحاه : الا بــ...
خش هيثم متحمس وقطع عليهم : جا جاا عموو ابراهيم زوزو قصي استعدوو
قصي وزهاد عيونهم اتعلقت علي البوابهـ القزازيهـ الكبيرهـ .. وكل واحد حبس انفاسوو
حيشوفوو .. الشخص الي اتخلي عنهم .. ولا اهتم لهم
حيشوفو الشخص الي اسمو ابوهم .. الي مختفي عنهم من سنين .. لدرجة انهم نسيو شكلوو .. وقصي اصلا مايتزكرو خير شرر
انفتحت البوابهـ القزاززيهـ .. ودخل عمهم وجنبو ابوهم .. الي يشبهلو مراا .. بس احلي بكتيررر ..
زهاد دموعها جفت .. والتوتر راح من شافت ابوها .. مشاعر الكره اتفجرت بزيادهـ ..
شوف كيف عاشت .. وابوها موجود .. وحي .. كان يقدر يغنيها عن الي بتسووي ..
كان يقدر يحميها .. ومايقصر عليها في شي .. زي ما عمها مسوي مع عيالوو ..
لكنو اختار انو يبعد عنهم .. ايش يبغا دحين .. جاي ليش .. طالبهم ليش .. ابدن لا يتوقع انهم حيكونو عيالوو .. هما عيال امهم وبس ..
رمشت بفهاوهـ .. يالله نفسوو الي تركهم من زماان .. ما اتغير فيلو ولا شي .. بس الشيب الي اتخط علي راسوو ..
قصي فتح فمو بتناحه وماقدر يرمش .. هوا دا البني ادم الي كان السبب في وجودو في الدونيا ..
هوا دا الي اتخلي عنو وسيبو ولا سال في كيف عايش وكيف حياتو محتاج شي ولا لاا
هوا دا الادمي الي امهم عانت بسببو وبسبب اخووو
الشويتين المشاعر الحنونه الي كانت في قلبو انطفت .. من اتزكر حياتو ومعانتو وقد أيش انحرم من حجات كتيره بسبب انو ماعندو اب يصرف علي ويحتوي وماينقص علي شي ..
ابوهم في قلبو مشاعر تانيه
شايف طلاتهم .. وفاهم الي في قلبهم .. وفاهم بيفكرو في ايش .. ومايقدر يلومهم ابدن ابدن
اتقدم لين وصل عندهم ونظراتهم مركزه علي .. كنهم يستنو يقول الي عندو عشان يشيلو بعضهم ويمشوو ..
قصي حاول يوقف بس من التناحه ماقدررر
هيثم وشهد يطلو فيهم وكل واحد علي فمو ابتسامه كنهم بيشوفو فلم كومدي
عمهم علي بصوت هادي : اوقفو وسلمو علي ابوكم ..

قصي الكلمه دي شجعتو وقدر يوقف اخير .. وزهاد مازلت ماسكه يدو .. شدها وخلاها توقف ..
ابوهم بيطل فيهم وعيونو تلمع .. : كيف حالكم
زهاد بسرعه : زفت .
قصي عيونو دمعت : مو زفت تمام
زهاد : مرا زفت اذا كنت مهتم باحوالنا ..
عمهم اشر لعيالو بعيونو وخرجو من الغرفهـ وانفل الباب خلفهم .. وصارو وحيدين مع ابوهم .. الي ماعرف ايش يعلق علي ردهم ..
: ياعيالي .. انــ
زهاد ببرود : ماحنا عيال احد ..
قصي يرفع عينو علي فوق عشان لا تدمع : بابا انته مريض .. ؟؟!
: انا بخيررر
زهاد : انته بخير كويس .. احنا مو بخير ان كنت حتسال
ابراهيم .. زي ما اتوقع .. زهاد ولانها كانت اكبر واوعي .. متاثره اكتر وحاقدهـ اكتــر ..
سحب الكرسي وجلس : ياعيالي وقبل ما نبداء .. وبما انكم كبرتو دحين .. لازم اوضحلكم كول شي
زهاد اتكتفت ولفت وشها وبحركتها دي كنها تقول انها ماتبغا تسمع شي ..
قصي عكسها .. صلح وفقفتو : ايش تبغا تقول
ابراهيم : لاحد يقاطعني ..
: اول شي انا ماكنت ابغا ارجع .. بس عمكم عرف مكاني واصر اني ارجع . او بالاحري رجعني غصب عني ..
زهاد انفرست .. وكمان يقولها بالفم المليان .. انا ماكنت ابغا ارجع ياشيخ حسبي الله بس
ابراهيم مكمل : اكيد مستغربين وبتتسالو ليش ما ابغا ارجع .. وحجاوبكم بدون ماتسالو
قصي جلس وحط ايدو تحت دقنو وناوي يسمع كلام ابو وتبريراتو للاخير .. : ايوا ليش ..؟؟!
: طبعا اتوقع انكم سمعتو من عيال عمكم اني مريض بالسرطان .. والمرض متمكن من كل جسمي ..
قصي : اها
: ما كنت ابغا ارجع وادخل حياتكم .. وترجعو تنحرمو مني
زهاد تميل فمها .. مصدق نفسو اننا حنسمحلو يدخل حياتنا بعد ماخرج بارد مبرد ..
: مو مهم نجي للموضع الاهم ..
: ليش تركتكم .. وليش رحت .. وليش اختفيت .. وايش السبب . وايش الي صاير بيني وبين امكم .. وبين امكم وبين عمكم .. كل دا حوضحلكم هوا دحين .. وانتو احكموو علي كل شي
زهاد لولهـ نسيت الحقد وحست انها من جد تبغا تعرف ايش صاير ..
كل الي تعرفو انو امها تكره عمها وابوها وهما ورثو دا الشي عنها .. لكن ايش سبب كرهها ماحد يعرف ..
ابراهيم لاحظ نظرات الاهتمام في عيونها
: طبعا اول شي ممكن اضمك ياولدي
قصي رجع علي وراا : انا
: عندي ولد غيركـ .؟؟!
التفت علي زهاد كنو يستاذن منهاا .. زهاد اشرتلو بعيونها انو لا
قصي رجع يطل في ابوو : كمل ايش صارر
ابوو ما ادالو فرصه وقف وقرب منو في ثوانو وضمووو .. وعيونو دمعت .. : الحمد لله اني شفتكـ .. علي ما اتذكركـ كنت لساعكـ بالفهـ ..
قصي يرمش بقوهـ عشان عيونو لا تدمع .. : طيب
سيبو والتفت علي زهاد وما اداها فرصه هيا كمان ضمها ومسد علي شعرها ..
زهاد حست بالحنيه . حست بالاهتمام .. حست بانو ابوهاا .. علي قد ماكرهتو وحقدت علي .. حست انها محتاجة ضمتو هادي
بعد عنها وطل في وشهاا : كبرتي .. واحلويتي يابنتي
حمرت علي طول واتحاشت تطالع فيلووو ..
رجع جلس مكانو .. : نرجع لموضوعنا
: يمكن ما تستوعبو الشي دا لكن بسالكم .. امكم قد جابتلكم سيره عن الي صار
بصوت واحد : لاا
زهاد : ماما ماتحب تجيب سيرتكـ .. ولو جبنا سيرتكـ تضايق ..
قصي : عشان كدا مانعرف ولا شي احنا .. قولنا ايش صار
ابراهيم : الهرجه بختصار شديد .. امكم السبب فيها ..
قصي وزهاد : كــيف اما ..

ابراهيم .. : وكان قبل خمسطعشر سنه .. انو امكم تخونني .. وصار انو عمكم يعرف عن خيانتهاا .. وهيا علي ذمتــي .. ما اهتمت ليا ولا لكم انتوو ..
زهاد وقصي فتحو حلوقهم .. : ايش كيف
قصي يهز راسو : موستحيل
ابراهيم .. : عمكم لما عرف عنها هددها انو حيقلي .. بس هيا سبقتوو .. ورمت الموضع علي واتهمتو انو بيتحرش فيهاا .. وانا صدقتها .. وكانت دي المشكله الي بيني وبين عمكم .. اتقاطعنا .. واتحربنا .. وانفصلنا في كل شي .. الشركات .. والورث .. وكل شي كنا مشتركين فيا اتقسمنا .. يعني عمكم ماسرقكم ولا شي زي ما انتو متخيلين ..
زهاد متنحه .. او بالاحري مو مصدقه : ايوا
قصي : اما كدا ..
ابراهيم .. بعد ما انفصلنا في كل شي .. عمكم شد حيلو ومسكـ نفسو وانا ضيعت كل شي .. خصوصا لما اكتشفت انو امكم بتخونني من جد وانو كلام عمكم صحيح .. وقتها طلقتها وكانت حضانتكم من حقها .. انا سافرت وتركتكم .. ومانويت ارجع ابدن .. ولا اهتميت لكم ..
قصي وزهاد : ...؟!!!!
ابراهيم مكمل وهوا سرحان : عشت برا كونت حياتي من جديد .. واستغليت الفلوس الي باقيه وبدات من جديد وعشت مزبوط .. ولما نويت ارجعلكم .. اكتشفت مرضي .. ليا سته سنين بعاني مع السرطان .. وكل يوم طايح وكل يوم مرقد في المستشفي وكيماوي وغيرو والله يكتب الاجرر ..
: وخلال دي الفتره عمكم قدر يوصلي وجابني لكم .. هادي كل الحكايه .. معاكم حق تلوموني .. وانا غلطان اني سبتكم .. ومالي حق ارجعلكم دحين ولا ليا حق ابرررلكم .. لكن شي واحد ابغاكم تعرفوو .. امكم السبب في كل دا .. انا مو جاي اكرهكم فيها .. هيا الي ربتكم وحمتكم ويمكن عقلت كتير بعد الي صار لكن .. عمكم انتو كارهينو علي ولا شي .. وانا يمكن معاكم ح تكرهوني بس امكم السبب اولا واخيرن ..
زهاد وقصي يطلو في بعض .. وفاقدين القدره علي التعليق .. كل واحد فيهم بياول يستوعب الكلام .. وفكره انو امهم الحبيبه هيا السبب مو قادرين يستوعبوهاا ..
ابراهيم : بعد ماقلت الي عندي .. لكم الحريه تبغوني في حياتكم انا موجود .. ماتبغوني في حياتكم . انا حرجع واكمل عيشتي الي كنت عايشها لين ربكم ياخد امانتوو .. وامكم ما ابغها تدري عن شي .. اتمني انكم ما تجيبو سيرتي ابدن .. ولو ماتبغوني في حياتكم حخرج بهدوء زي ماجيت .. ولا يتغير شي ..
قصي بعد طول سكوت : بكل بساطه جاي تقول كدا .. كيف مانحتاجكـ .. كيف مانبغاكـ .. كيف ماما السبب .. كيف عمي مالو دخل .. عارف قد ايش هيثم بهدلنا ومرمطنا .. عارف قد ايش هيثم زل زهاد وبهدلها .. عارف قد أيش انا محروم من كل شي .. كل اصحابي عندهم سيارت وانا لا .. كولهم يسافرو ويروحو ويجو وانا لاا . عارف انو زهاد هيا رجال البيت هيا الي بتصرف عليا وعلي ماما .. لو ايش ماسوتلكـ ماما مالكـ حق تسيبنا وتروح كدا .. انته مو متخيل قد ايش عيشتنا تقررف .. وتجيب الكئابهـ .. محتاجين كل شي واي شي .. والمصيبه اخوكـ الي هوا عمنا . مافكر يساعدنا في يوم .. مافكر يحتوينا .. طيب ايش ذنبنا احنا اذا ماما سوت فيكم كداا .. ؟؟
في الاخير ماحد فيكم نفعنا هيا بس هيا بس الي كانت معانا دايم .. هيا الوحيده الي ما اتخلت عننا ..
وقف ومسح دموعو الي خانتو : انا ما ابغاكـ في حياتي ما ابغاكـ ابدن ..
اتوجه للبوابه الكبيرهـ وخرج
زهاد اترددت علي ماتحط رجل وتخرج ورا هيا كمان .. وتنقفل البوايه خلفهم بهدووء ..
تاركين ابوهم .. ندمان ومتحسرر .. علي الحظه الي تزكرهم فيهاا ..

لو اكتر من النووص ساعه ملطوع عند مكتب المديرر .. ودكتور مازن وماجد جوا مع المديرر .. مايعرف ايش بيقولو ولا ايش بيسووو
المفروض انو هوا صاحب المشكله .. هوا الي يكون جوا مو برا مايدري عن شي
اعصابوو خلاص تلفت ..
رن جوالو للمره المليون .. طبعا المتصل مهند مافي غيرروو ..
زفرر من قلب : ايوا مهند
مهند بقلق .. : ها دخلت ها صار شي في شي بسرعه قولي
حسام بعصبيه : مهند بلا رجه قلت لك لو صار أي شي حكلمكـ لا ترج اهلي خلاص كل دقيقه متصل
مهند : بلا في شكلكـ قلقان انا بس
: يعني انا الي مسترخي .. انا قلقان اكتر منكـ خلاص لا ترجني اذا صار شي حكلمكـ
: طيب انته لسا براا
: يعني حكون جوا وبكلمكـ ايوا لسا ملطوع علي عيني .. مهند لو دقيت تاني حجي ار*****
خلص كلمتو وفل الخط في وجه مهند : اوووف قلق
يادوب يبغا يدخل الجوال في جيبوو .. الا رجع رن مرا تانيه .. زفر بطــفش .. لكن رد ناوي يطلع كل حرتو في مهند : ايوا بلا في شكلكـ ..
ضحكه مايعه مع صوت مستفز : هههههههههههه صباح الخير بلا في شكل مين
حسام كشرر وطل في الجوال .. رقم غريب .. رجع الجوال لادنو : مــين ..
بندهاش : وكمان تسال مين ..
حسام الي في مكفي : مين بلا سماجهـ ..
: طيب طيب حقولكـ شي .. بطنكـ مشيت ولا تستني الفصل ..
فرصع عينو : اجواان ..
: هههههههههههه وصلت خير ..
حسام : ينعل عاركـ ايش مسويااا
: لا لا ما اتفقنا علي دي الالفاظ ..
حسام وقف : ايش بتسوي انتي ايش بتسووي ايش تبغي
: ابغاكـ تتزوجني اتوقع جيت وكلمتكـ بكل وضوح ..
شد شعروو وعض علي شفايفوو بقهر .. مين دي ايش هيا .. كيف تقدر تسوي فيلو كدااا ..
رجع كرر بقهررر : ايش تبغي بقلكـ ايش تبي مني
اجوان حاطه رجل علي رجل وتفصفص بطريقه عبيطه : قلت لكـ اتزوجني
حسام : ايواا
: يعني احممم انا بخيركـ بين شين كويسين وبين شيين سيئين .. تتزوجني وتجلس في تدريبك وتكملو علي خير
تنح : اها
: ولا ما تتزوجني وتطير من التدريب.. ومايحقلكـ ترجع لدا المستوي تاني
خبط الجدر بخفه : انتي ايش مسويا انتي من فين جبتي رقمي
: ههههههههههههههههه عيب الاسئله دي ترا مرا عيب .. انا جايبه كل تاريخ اهلكـ وتقول من فين جايبه رقمي ..
حسم فتح فمو يهرج .. الا انفتح باب مكتب المدير وخرج مازن وعلي وشو علامات تعجب : حساممم لازم تعمل تحليل دم .. وبول دحين ..
حسام الجوال علي ادنو ولسا متنح : كيف ايش ليش
اجوان : هههههههههههه قول حتتزوجني وانهي الي بيصير دحين ..
حسام مصدوم .. مين هيا عشان تسوي شي زي كداا .. هز راسوو : طيب
اجوان بستفهام : طيب تتزوجني .. ولا طيب تسوي تحليل .. ؟!!
مازن : اتفضل معاياا

حسام : دقيقه
رخا السماعه عن ادنو : دكتور مازن اسوي تحليل كدا علي طول طيب قلي ايش في ايش المشكله .. ؟؟!!
مازن يتنهد : والله شي عجيب . واصلنا ملف مجهول المصدرر .. فيلو تحاليل لكـ .. ونتايجهاا .. عليها اسمكـ كامل.. وانكـ مصاب بمرض تناسلي ..
حسام تنح : ايش يادكتور .. يعني كني مو فاحص قبل ما انقبل ف يالتدريب واصـ
مازن قاطعوو : ونتايج الفحص الي انقبلت علي اساها مرفقه .. واتضح انوو عينه الدم انسحبت منكـ قبل فترهـ طويله من موعد قبولكـ هنا .. وانكـ مزور بعض نتايج التحاليل وايـ ..
حسام قاطعو : ايش الي يا دكتور .. كيف قبل فتره يا دكتور مازن صلي علي النبي مافيا أي مرض اناا ..
: اوكي احنا حسويلكـ التحليل دحين وحنتاكد من كـل شي ..
حسام : اوكي حتعملو تحليل وحتشوف انو مافيا شي .. قال ملف مجهول المصدر مين يرسل شي زي كدا
مازن : قصر حسكـ المدير لا يسمعكـ .. كان ناوي يعتمد الفحوصات لانها تثبت انها لكـ .. بس انا الي اقنعتوو نرجع نفحصلكـ دحين ..
حسام ضغط علي الجوال بعصبيه واتذكر انووو اجوان علي الخط : اوكي دكتور دحين حروح اعملها ..
مازن : قدامي دحين انا حعملكـ هياا ..
حسام ياشر علي الجوال : اوكــي دحين دكتور ثواني
مازن يتكتف : اوكي دكتور ..
حسام بعد ورفع الجوال لادنوو وعلي طول سمع ضحكة اجوان الي ترفع الضغط ..
: هي انتي دا الي ربي قدركـ علي .. تتهميني اني مريض .. دا بس يا واطيه
اجوان : اما اتهمكـ ترا مابتهمكـ .. انته مريض بالفعل .. واذا ..
قاطعها : انتي المريضه وما احد مريض غيركـ .. ياوسخه .. ودحين حعمل الفحص .. وانحرقي انتي ومخططكـ الوسخ .. قال تفصليني شايفه الدونيا سبهلله
اجوان : هههههههههههه خلاص تطلع النتايح ونشوف .. بس سيف رقمي عشان لما تتورط في النتايح حتتصل عليا صدقني .. ولو ماكنت مريض حخليكـ مريض .. وما اكون اجوان ..
قفلت الخط في وشوو .. وهوا جلس متنح ثواني يطاالع في الجوال ..
مازن : دكتور حسام اتفضل خلينا نخلص من المشكله دي ..
حسام مشي جنب مازن والتناحه واصله في حدها .. مين هيا كيف تدر تسوي شي زي كدا موستحيل
وصل لوحده من الغرف . ومازن طلب الممرضين علي طول ..
وفي ثواني سحب منو عينه دم ..
واعطالو علبه .. عشان يعمل تحليل البووول
حسام راح للحمام وفجئه ركبو خوف .. وصار يتذكر وساختووو .. وانحرافتوو .. والمصايب الي يسويها
يعني في أي يوم يكتشف انو مريض المفروض ما يتفاجء
حرك راسوو يمين ويسار يطير الافكار دي عن راسوو .. لا موستحيل . اخر مرا لما فحص قبل كم شهر .. كان سليم .. وهوا متاكد انو مازور أي شي في الحياهـ ..
اصلا مو مريض .. اوف اشبها البنت دي
سند علي الجدر وغمض عينو .. فكر فكر .. قولها موافق طيب .. وبعدين اسحب عليهاا ..
البنت شكلها جادهـ .. وعارفه ايش بتخططلكـ .. ودام وصلت لكدا مو بعيد عليهاا تسوي شي اكبرر
خرج من الحمام وودا التحاليل للممرض الي نزلها للمختبر .. في ظرف ابيض علي خطوط حمرا يعني يبغو النتايح في اسرع وقت
حسام متكتف ووالقهر مالي قلبوو ..
مازن قدامو يحاول يتفاهم : احم حسام متاكد انكـ سليم .. كيف تجينا نتايح بدي الدقه وانـ...
حسام بعصبيه ياطعو : دكتور كيف تصدقو ملف مجهول المصدر ايش انتو ايش انتو
مازن يهدي : ياحسام للامانه الملف ماجانا من مكان مجهول بس انا ماحبيت اقلكـ ..
حسام عدل وقفتو : ليش من فين جانا ..
مازن بتررد : من الدكتور عبد السلام عبدالله امين مدير مستشفي الـ .. ويقول انكـ قدمت علي التدريب عندو في المستشفى.. ورفضكـ بسبب تحاليلكـ .. وانته قدمت هنا وزورت النتايج ..

حسام تنح لدقايق بعدين فرصع عينو : انا ماقدمت علي التدريب هناكـ
مازن مسكـ كتفو : حسام كل شي مكشوف خلاص اذا انته مريض او فيكـ شي .. انسحب بهدوء لا تكبر الامور اكتر من كدا
حسام اتجنن : انا مو مريض انا والله مو مريض .. انا ماقدمت الي علي المستشفي هنا انا ماقدمت في مكان انا ماعرف الدكتور دا انا ما اعرف احد . الله يلعنكـ يا اجوان ..
مازن تنج من صريخو : اجوان ..
مهند مادري من فين طلعلهم وصل لحسام في ثواني : حسام اشبكـ ايش في
حسام التفت علي مهند وانفجر في : وربي مو مريض ايش الي مريض مرض تناسلي انا مافيا الا العافيه هيا السبب الله يحرقهاا الله ينعلها في كل كتاب ..
مهند ومازن : .....!!!,,,؟؟؟
مهند يمسكـ يدو : حسام هدي نفسكـ مين هيا مرض ايش ايش في ايش صايرر قلي ..
حسام يضغط علي يد مهند بقوهـ : يقولو اني مريض واني مزور نتايج تحاليلي .. واني قدمت علي مستشفي .. انا ماقدمت في مكان صح يامهند صح
سحبوو لعند دكتور مازن : اسال مهند انا وهوا قدمنا هنا وانقلنا .. ماقدمنا في اي مستشفي تانيهـ .
مهند مو فاهم شي : صح ايوا ماحركنا مكان بس ايش في

مازن : دكتور حسام اهدي واحنا بنتفاهم
مهند يدف حسام علي ورا ويتقدم لمازن : ايش صاير يادكتور
مازن من الاخر : حسام مصاب بمرض تناسلي .. خطير .. ونتايجو الي انقبل علي اساها مزورهـ .. هادي كل الحكايه
مهند رفع يدو لدقنو .. وتنح هوا التاني في حسام وعمايل حسام .. مو بعيده يصير مريض .. يعني مو مكن يكون الكلام صحيح
مازن : علي العموم عشان نقطع الشك باليقين .. سحبنالو تحاليل الان .. وحتوصل نتايجها في اسرع وقت ..
مهند يهز راسوو : طيب ماشي اوكي دكتور ماشي
مازن يطل في ساعتو : انا حمشي دحين اتفضلو وراكم تقيم بعد ساعه .. تقيم مهم جدن ..
خلص كلامو ومشي..
حسام شد شعرو بقوهـ : الكلبه الخسيسه الله ينعلهاا
مهند مصدوم : مين هيا ايش في ياحسام .. قولي ايش صايررر ..
حسام لف ومشي وهوا يدعي ..
: هيا السبب الله يحرقها ايش مسويا مين هياا بنت مين حتي تقدر تسوي فيا كدا
مهند ماشي ورااا ومتنح : حسوم كلمني قولي ايش في
حسام دخل علي الدرج وطلع بكت الدخان ولع سجار وصار يشفط منها وعيونو محمرهـ من كتر معصب
: وربي لا ا***** وا***** ولا ما اكون حسااام ..
مهند وقف قدامو وسكت .. يستني يهدي ويتكلم من لحااالووو ...

A6baa fe al-7o0b
~~~~~~~~

خرجت من غرفة المريض الي ماسكه حالتو وحتتقيم علي اساسها وهيا متنحه . في كتير امور غافله عنها
لازم تتوجه لاسرع كمبيوتر وتبحث ولا تروح المكتبه .. قبل يجي مازن يقيمهم ويسالها كم سؤال وتتورط
مستغربه .. اشياء غريبه اول مرا تسمع بيهااا ..
فكرت تسال دكتورا لميس يمكن تفيدهاا .. لكن صعبه حتكون معاهم في التقيم .. وحتعرف انها ماكنت عارفه وكداا ..
هزت راسها لا لاا .. خليني اروح المكتبه واحترم نفســي ..
وبالفعل اتوجهت للمكتبه الطويله العررريضه
وقفت عند البوابه بياس ..
باقلهم ساعه او اقل .. وفي أي لحظه حيبدا مازن يدور عليهم .. مرا مايمديها .. الوقت ماحيسعفها
علي ما تدور علي القسم والكتب المناسبه حيكون ضاع الوت ولا خرجت بشي مفيد
ندمت انها ماجابت لابتوبها مع الكونكت كان استفادت دحين مرا استفادت
حاضنه الملف وماشيه بخطوات بطيئه تفكر لها في حــل .. ايش حتسوي يا تريي ..
زفرت مالها الا انها تتدعي انو مازن مايسئلها اسئله بخصوص الحجات الي مو عارفتهاا وبس ..
وهيا في قمة انهمااكهااا .. صقعت في ماجد الي واقف ويدو علي وسطووو
بعدت عنو ومسكت جبهتها : سروو
ماجد : سرحانه في ايش
تسنيم بدون مقدمات : ماعرف التقيم بعد شويا وفي كم شي مو عارفتوو قلقانه ..
ماجد : اها القلق واصل حدو لدرجة اني واقف قدامك وما انتبهتي
بلا مبالهـ : دكتور ماجد عندكـ جهاز
ماجد كشر : جهاز
: يب جهاز .. كمبيوتر لابتوب .. عندك شوفت في مكتبكـ ممكن استخدمو .. الي هنا الاجهزه كولها عليهاا ارقام سريه وانا ماجبت جهاز ترا محتاجه ضروري بشوف كم شي
ماجد : طيب اساليني انا
تسنيم طلت في كدا وبعدين هزت راسها : لا لا بشوف في الجهاز اذا ما استفدت اسالكـ .
: ياسلام
: لا لا تفهم غلط بس عشان انوو .. تقيم عارف ومازن .. احم اقصد دكتور مازن بس اشسمو يعني
ماجد ضحك علي تلبكها : ههههههههههه خلاص تعالي طيب
تسنيم بحماس : اوكي بسرعه باقي اقل من ساعه ومازن ينقزلنا عاد ماعرف حيبداء بمين ..
ماجد : اوكي
تسنيم اتحمست ومشيت سبقتو متوجه لمكتبوو .. فتحت الباب ودخلت بكل ثقه وماجد ورها متعجب .. كل دا حماس انها تفتح الجهاز
اتوجهت للمكتب ولفت الكرسي الدوار وجلست علي وماجد من جد متعجب
فتحت الجهازز وشويا علي مايتشغل وهيا بتطقطق اصابيعها وتصلح نضارتها
شويا اشتغل وطلب منها الرقم السررري
هنا رمشت بفهاوه ولفت علي ماجد : دكتور
ماجد : حمد لله انتبهتيلي ..
ضحكت بكسفه : سوري ..
: مو مشكله اضغطي .. الف . ياء . الف . ميم . حا . لام . واو . ها . ميم . عين . ميم . تا . دال . را . با . ياء . نون .

تسنيم .. تنحت تحاول ترتب الجمله : ايش عيد ..
ماجد يبتسم : ايام حلوه مع متدربين
ابتسمت : اما دي كلمة السررر
: يب
التفت علي : اما ايام حلوهـ .. يعني قروبنا كويس
ماجد : لا مو كل القروب .. بس وحده من القروب مرا كويسه وحبيتهاا مراا .. وعشان كدا حاس المتدربين كولهم كويسين السنه دي وحاببهم مراا ..
تسنيم خدودها حمرت .. : اها طيب
رجعت تنحت وهيا تضغط علي ازارير الكيبورد : غلط كلمة المرور
: اما متاكدهـ ..
تسنيم ترجع تضغط علي الازارير .. : يب شوف غلط ..
ماجد قرب وقف جنبها ورخا جسمو كلوو يكتب الباسوورد .. : دقيقهـ ..
تسنيم حبست انفاسهاا .. لااا ريحتو مرا حلوووووو .. ومراا قررريب .. ابتسمت ماتعرف ليش
ماجد دخل الرقم وعلي طول اشتغل الجهاز .. التفت عليها وكفشها مبتسمه .. : اشبك بتضحكي
تسنيم وشها ضرب الوان : لا لا ولا شي
ماجد يقرب وشوو : ليش مبتسمه
خافت : ولا شي ولا شي
ضحكـ : لا تخافي اشبك تخافي مني كدا انا مارح اازيكـ وعد ..
اتنهدت : لا انا ماخفت
سكت وصار يمر عينو علي ملامحها فمها وعينها وخشمهاا .. قرب وشو منها فجئه : بوووووو
تسنيم طبعا كانت مسرحه تطل في وترمش .. عشان كدا انفجعت وا انرعبت غمضت عينها بقوه ولصقت في الكرسي : بسم الله
ماجد : ههههههههههههههه تقولي ما تخافي
حستو سامج .. ميلت فمها : ممكن اشوف عشان الوقت ..
حس انها اضايقت بعد عنها : اوكي اتفضلي
اتوجه لمكينة الكوفي وصار يدندن اغنيه مكسيكيه .. وعمل كوبين كوفي لو ولهاا ..
حطلها الكوب قدامها وجلس في الكرسي المقابل لها يتاملهاا ..
تسنيم لما كان بيعمل الكوفي كانت منهمكه بتبحث وكدا .. بس لما جلس قدامها يتاملها كركبلها افكارها ماصرت عارفه بتبحث عن ايش اصلاا ..
ماجد لاحظ من ضغطتها علي الكيبورد والفارهـ ..
ابتسم في قلبوو .. اتوتري اتوتري .. هههههههههه
تسنيم ماقدرت تركز التفتت علي : دكتور ماجد لا تطل فيا كدا مو قادرهـ اكتب
ماجد ابتسم : اسف
شال الكوب حقوو : خدي راحتكـ انا براا
تسنيم بكسفه : لا مو قصدي اشسمو بس انا
يهز راسوو : مو مشكله انا برا اشربي الكوفي ..
هزت راسهااا : اوكي شوكر ليكـ ..
ماجد يغمزلها : مو مشكله ..
اتوجه للباب ويادوب فتحوو ..طلعت دانه في وشوو : ماجد انته هنا من اول بدوركـ ..
ماجد التفت علي تسنيم وطل في دانه : ايش في
دانه دوبها تنتبه لتسنيم : هادي ايش بتسوي هنا ..؟!!
ماجد سحب دانه : اطلعي ايش تبغي ..
دانه تشد يدها : لا تمسكني بقلكـ شي ضروري ..
ماجد يطل في تسنيم : قولي برااا

دانه بعناد : لا عارف دكتور ميار تخيل انـ ..
ماجد رفع يدو لفمها : اوش لا تهرجي ارخي صوتكـ
دانه تبعد يدو : اصلا هيا قـ ..
مازن دفها علي برااا وخرج وسكـ الباب ..
تسنيم .. مرا ماعجبتها الطريقه الي كانو بيهرجو فيها .. بطنها مغصتهاا .. لما بدت تتزكر مين ماجد .. وكيف عرفتوو .. وكيف كان وضعووو .. جاها احساس بالقرف وانسدت نفسها حتي عن البحث ..
قفلت الجهازز .. وشالت كوب الكوفي واتوجهت للباب من فتحتو شافتهم بيتناقرو ويتكلمو باصوات عاليه
من انتبهولوها سكتو
ماجد يبتسم : خلصتي تسنيم
تسنيم طنشتو وطلت في دانه من فوق لتحت ودانه ردت لها نفس الطله ..
لفت وجات ماشيه ماجد اتعجب من حركتها مشي بسره وصقع كتفها بخفه : بكلمكـ
: ها
بتعجب : خلصتي .. ؟؟
: ايوا ..
: مصرع دوبكـ فاتحي الجـ,,
قاطعتو : خلصت شوكر.. بروح اكمل اموري بالاذن
لفت وكملت طريقها .. ماجد جالس يطالع فيها ومتنح .. اشبها البنت فيها شي دوبها كانت بتضحكـ اشبها دحين .. ؟؟!!
تسنيم مرا مقهورهـ فجئهـ .. ليش ادتو وجه .. لا لا مو دا الي مقهوره منوو
كيف مالت لوو .. بروضوو مو دا الي مقهوره منوو
مقهوره انها .. كيف حبتوو .. كيف قلبها صار يرقص لما تشوووفو .. كيف صارت تنبسط لما تسمع صوتوو
كيف صارت ترتاحلوو .. وتحب تجلس معاا .
كيف صار كل دا .. ماحست بنفسها الا وهيا حابتو وغايصه في .. لاول مرا تعترف لنفسها بدا الشي ..
طلت في الساعه .. لسا باقي .. وقت علي ما يطلبهم ماززن
اتوجهت لقسم وحده غسيل الكلي .. اكيد بهاء من اول موجود .. محتاجه تتكلم معااا ..
وقفت علي الكونتر وبكل طفش سالت النيرس الاحنبيه : مستر بهاء جاا
: يس دكتور .. طلبكـ تلاته مرات .. مارديتي ..
: اها طيب
اتوجهت لغرفة بهاء المعتادهـ ..
دقت الباب بهدوء .. وفتحتو بدون ما تستنا رد ..
شافت بهاء جالس علي الكرسي الطبي ومغطي نوص جسمو بشرشف ملون .. وراقد علي جنبو اليمين .. ورايح في سبات عميق ..
انبت نفسها . طلبها تلاته مرات وماجاتو الين نام .. اكيد كان محتاج لهااا ..
سحبت الكرسي وجلست علي .. وقعدت تتامل بهاء وملامحو الا خلاص المرض هدها .. واخد رونقهاا ..
فتحت الملف تراجع الحاله للمره المليون وهيا مسرحه وفي نفس الوقت تفكر في ماجد
ياتري تركيزها لفين حيميل .. وايش الي حيغلب ..
شويا تركت الملف وطيرت ماجد من بالها
وركزت عينها علي بهاء .. الي مغمض عينو بستسلام .. وشعرو متناتر علي وشو باهمال .. وباين علي وشو التعب والارهاق الين خلاص
رفعت يدها : يارب طول في عمرو وارزقو كليه في اقرب وقت .. يارب ..
بهاء فتح عينو في دي الحظه : تسنيم جيتي
تسنيم قربت بالكرسي : ايوا جيت
خرج يدو من بين رجلو ومدها لها : كيفكـ
تسنيم علي طول مسكت يدووو الداافيه : بخيرر انته الي كيفكـ
يطل في الجهاز حولينو : زي دايم الحمد لله يارب ..
: هوا دا الحمد للهــ
بهاء بيهرج شويتين رجع غمض عينو وسكت ..
تسنيم قفلت الملف ومسكت يدينو الاتنين بيدها وصارت تتاملو وتدعيلووو ..

~~~~~~~~
A6baa fe al-7o0b
~~~~~~~~

الكــاسرر جالس علي واحد من الكراسي تبعت الانتظار والملف في حضنوو .. يبغا مازن يجي ويقيمو .. عشان ينقلع من المستشفي يدور علي زهاد لو اطر المووضع .. ياربي ليش لدحين مابترد .. ايش صايرر .. ايش عندها .. اوف ليش قصي الغبي قافل جوالو لدحين ..
واهداب كوم تاني ليش ماترد ليش .. يكون لحقها الي صايرلهم هيا التانيه ..
دق جوالو وفجعو مايدري ليش انفجع ..
: ايه الرودي
رائد : لبي كسور .. شنو فيكـ يا بعدي
: انت وينكـ من النهار اتصل عليك ماترد شنو فيكم كولكم ماتردون تبون تجلطوني ..
رائد : ليش يابعدي منو بعد مارد عليكـ ..؟؟!
كاسر يزفر : ماعرف صاير شي لقصي واخته واحد مقفل جواله والثانيه ماترد .. واهداب بعد صاير لها شي ..
رائد بتعجب : اهداب شنو دخلها
: ماعرف اكلمها هي بعد ماترد ..
: ليش تكلمها
: ماعرف الرودي كنت بسالها عن قصي واخته اذا تعرف شي بخصوصهم .. عرفت اشلون
: ليش هم شنو فيهم
: ماعرف كنت اكلمهـا عادي .. اممممم
سكت يجيب الموضوع من الاخر ..
: اقصد قصي راسلي مسج كاتب فيه : ماساعدتنا ولا تركتنا نساعد نفسنا .. ومن بعدها زهاد ماترد وهو مقفل جوالهـ .. اتوقع ولد عمهم مصلحلهم شي كبير .. هوا الي مقلقهم بعيشتهم
رائد : انت الحين هدي نفسكـ .. اهداب قبل شوي مكملتني .. مافيها شي
كاسر عصب : وليش ماترد علي ان شالله .. اتشحتها انا
رائد يصرخ : هي كسور هد نفسكـ شنو فيكـ ..
كاسر : وبعد تقول شنو فيكـ الرودي .. الحين ليش تكلمك وماترد علي يعني هي قاصدتها ..
: ماعرف انا ماعرف شنو يدريني الحين بكلمها واخليها تكلمكـ
: مابي اكلمها ولا ابي اكلم احد شنو تحس فيه ..
رائد : كسور حبيبي انــا الحين بشوفها زين انت لا تعصب
كاسر انتبه لمازن جاي من بدايه الممر : قلت لكـ خلاص مابي اكلم احد وراي تقيم ..
رائد : ثواني كسوور بــ
كاسر: الروودي الدكتور وصل حدي سلام
قفل الخط وحط الجوال في جيبوو وراح لمازن بسرعه وهوا يفرك وشو بتوتر : دكتور تقيمني
مازن يطل في الساعه : دكتوره لميس لسا ما جات .. لازم نستناها
كاسر : دكتور ضروري تقيمني الحين هي اتاخرت انا شنو دخلني
مازن رفع يدو علي وسطو : انت اشبكـ من الصباح مو علي بعضكـ .. واخلاقكـ مدري فين واصلهـ ..
كاسر يتنهد : صايره لي مشكله مع الاهل دكتور .. ممكن تقيمني وبستاذن
مازن : امم والله صعبه .. لازم تكون دكتورا لميس موجوده زي ما انت عارف
كاسر حضن الملف وتكا علي الجدر ورفع راسوو : اووف زين
مازن طل في وحزن علي .. : انت هنا مريضكـ
كاسر بسرعه : ايه وجاهز للتقيم
مازن اشرلو علي الغرفه : اوكي اتفضل
كاسر انشكح ودخل الغرفه ومازن خلفووو .. : لاحد يعرف اني قيمتكـ بدون الاخصائيه وبدون الاستشاري ..
كاسر: يعني بقول لمين يا دكتور مازن
مازن اشرلو باصباعو انو اسكت : زين بنبداء
نتركهم يشوفو امورهم وننزل للاستقبااال ..

زهاد خشت المستشفي ومانزلت النضاره الشمسيه عن عينها .. لان عيونها منفخه من قوة البكي ..
دخلت خلف الكونتر ورمت يحيلها علي الكرسي .. : اوووف يارب رحمتكـ ايش اسووي
رهام استغربت : وعليكم السلام
زهاد طلت فيهااا ورخت راسها علي الطاوله ورجعت تبكي من اول وجديد ..
فضلت انها تجي للدوام ولا انها تروح البيت وتقابل امها .. لانها بختصار مو مصدقه الي سمعتو عنهاا ..

اصلا لو راحت البيت حتنفضح سواء هيا ولا اخوها .. امهم حتعرف انو فيهم شي ..
كل ما تتزكر كلام ابوها قلبها يوجعهااا ..
بكل بساطه يخيرهم .. تبوني في حياتكم ولا ارجع ..
الحقيقه انها تبغا في حياتها . والحقيقه المره انها مو قادره تسامحو علي السبب الي تركهم عشانو
مرا ما اتوقعتو كدا .. لو امهم ايش ساوتلو مايسيبهم كدا ولا يسال فيهم .. ولا كنو لو عيال
ايش هوا .. ايش قلبووو .. موستحيل الي بيصير ..
رفعت راسها ومسحت دموعها بقوهـ .. واتجاهلت رهام الي بتسالها اشبك وايش صايرلكـ ..
رفعت سماعة التيلفون وطلبت رقم سعيد .. : الوو
سعيد بتفكير : مين
: زهاد مين يعني
سعيد اتنهد براحه : زهاد قوليلي ايش صار انتي بخير .. ؟!!
: ايوا سعيد انته لقيت شنطتي واغراضي
: ايوا لقيتها ..
: طــيب جيبلي هيا للمستشفي ..
: انتي روحتي المستشفي .. اتوقعت ..
: ايوا توي وصلت بسرعه جيب اغراضي
: اوكي مسافه الطريق اصلا انا قريب منكـ انشغل بالي وكدا وفكرت انك تكوني في المستشفي ..
: طيب بسرعه
قفلت الخط ورجعت رمت راسها علي الطاوله .. تحاول ماتبكي لكن ماتقدر
كل ما تتزكر ابوها وشكلو .. والشيب علي راسوو .. وحقيقة انو مريض بالسرطان .. ترجع تبكي غصب عنهااا
ياربي لي كدا حظي ليش دي حياتي .. ليش ياربي .. ليش ..
اقل من الربع ساعه وحست باحد يطققطق علي الرخام .. وينادي اسمها بصوت خافت
رفعت راسها : سعيد
سعيد اندهش لما شاف عيونها كيف منفخه : اشبكـ زوزو
مدت يدها : هات اغراضي وروح ياسعيد
سيعد اعطالها شنطتها ومعطفهاا : اشبك يازوزو
تمسح عينها : ولا شي .. ياسعيد .. فين السله شفت السله
: ايوا بس ماجبتها .. انعدمت واتشعترت الحجات في الارض واتوسخت ..
ما اهتمت مافي ولا شي في دا الوقت حيهمها : طيب شكرن روح ياسعيد وانا اكلمك بعدين وافهمك كل شي
: طـيب ماشي لا تبكي كدا هدي نفسكـ ..
: طيب
: يلا بالاذن
راح سعيد .. وزوز فتحت الشنطه واطمنت لما شافت جوالهااا ..
خرجتو واستغربت من كمية المكالمات الي شافتها .. وكلها من كاسررر ..
مسحت الدمووع وهيا تبتسم .. متصل كتيررر .. ياتري فقدها ولا فقد الحليب والفطوورر
طلبت رقمو : مو مهم مو مهم .. الموهم اتصل
رهام طلت فيها وعلي راسها الاف علامات التعجب
في غرفة المريض .. كاسرر ماسكـ خط يجاوب علي اسئله مازن .. الي فاتح ملف ملون وبيسجل فيلو ملاحظات ..
مازن يحكحك طـرف دقنو بالقلم : اوكي من أي فئه يصنف المررض
كاسر يحك راسوو : امم ايه الامراض المزمنــه
مازن : حلوو .. متي يشتد .. ويزيد ..
كاسر بسرعه : في حاله وجوود .. انميا حادهـ .. او امراض وراثيه مثل السمنه او
رن جوالوو .. قطع الكلمه : اسف دكتور
مازن : تابع

كاسر خرج الجوال حطو صامت وفي نفس الوقت لقط الاسم .. واتنهد براحه .. زهاد ..
مازن : كاسر تابع
كاسر نسي ايش كان بيقول : فين كنا دكتور
: يشتد المرض في حالة وجود انميا حاده وامراض وراثيه مثل السمنه ووو ايش كمل
كاسر طارت كل المعلومات الي في رااسوو .. لان افكارو كلها طارت لعند زهاد ..
: امم ااااا اممممم
مازن يكشر : كمل
: احم ايوا نسيت دقيقه .. مثل السمنه وووو وووو
مازن رحموو : غيروو سيبكـ من الامثله
كاسر بتفكير ومن جد طارت المعلومات : الامراض المفاجئه الي سببها اختلال في التغذيه .. ووو ووو
مازن : اشبكـ يا كاسر دوبكـ كنت تمام
كاسر يفرفر شعرو : بس جاني اتصال من الاهل ووو ووو اشسمه ايه مو مشكله بكمل
: ايضا يزيد ويرتفع . في حاله وجود .. قالون عصبي يعني بيصير تزامن في وقت واحد .. وايظا امراض طارئه مثل الزايدهـ او الحصوه .
مازن يهز راسوو .. : طريقة العلاج ..
كاسر بسرعه : مافي اسباب للعلاج لانو مرض مزمن .. بس مسكنات تخفف من الشعور بالالم .. وتهدي وتخلي منتظم ..
مازن رفع راسوو : امممم جيد جدا يا كاسررر ..
كاسر يتنهد براحه : شكرن دكتور
مازن : اوكــي . خليكـ متابع الحالهـ
كاسر بسرعه : اكيد دكتوررر
رجع رن جوالو مرا تانيه .. طل في الشاشه ورجع طل في مازن : خلصنا دكتور
مازن يبتسم : ايوا تقدر تـ..
ماسمع باق الجمله لانو فتح الباب وخرج : ايوا زهاد .. وينكـ .. ماتردين .. شنو صايرلكـ .. شنو فيه قصي قاعد يرسلي رسايل مادري شنو تبي .. وش صايرلكم
زهاد اختفت ابتسامتها : قصي .؟؟!
كاسر حط يدو علي فموو .. ونسي انه ماتدري انو يعرف قصي : احم احم
ماعرف ايش يقول : اشسمه انتي شنو فيكـ فجئه كذا ماتردين .. وليش ماداومتي كنت قاعد انتظركـ ..
زهاد لسا متنحه : قصي
كاسرر : احم احم شنو فيكـ شنو صاير وينكـ فيه الحين
زهاد : انا في المستشفي
كاسرر سرع خطواته : جد جتي للمستشفي .. ورا ماجيتي من اول
زهاد : اشبكـ كاسر .. ؟؟!!
: مافيني شي انتي الي شنو فيكـ فجئه كذا ماتردين .. واشسمه قلقت عليكـ .. لا اقصد اشسمه ماقلقت ماقلت .. بس اشسمه ايه مافطرت وكنت بحتيركـ .. وانا لما الحين جوعان
زهاد ضحكت : هههههههه كاسر اشبكـ مو علي بعضكـ ترا مالي خلق اضحكـ بس اشبك بتهرج كدا ايش بتقول ايش بتسوي في حياتكـ ياخي
كاسر وقف وتكا علي الجدر .. واخد نفس وهوا يانب نفسوو .. صح ايش فيكـ ليش كدا متصرفد .. اوك جات وهيا بخيرر انته وش فيكـ
زهاد : الوو
: ايه معكـ ..
: انـ
قاطعها : الحين بجيكـ ..

قفل الخط ورجع اخدلو نفس طويل .. وبعدين نزل للاستقبال
وقف قدام وحده من الوح . وجلس يزبط شعروو .. ويهف وشو بالملف ...
واخيرن اتحركـ وراحلها للرسبشن .. من شافها رجعلو القلق تاني .. عيونها منفخه الين خلاص
: شنو فيكــ ؟؟ كنتي تصيحين ..؟؟
زهاد وقفت : احم احم كاسر جيت
كاسر : ليش كنتي تصحين شنو صاير ..
زهاد لثواني نسيت هرجه ابوها بس لما كاسر سالها رجعت اتزكرت .. وعيونها دمعت
: بابا جااا ..
كاسر يستنها تكمل .. : ايه
زهاد ترمش بسرعه عشان الدموع : بس
كاسر بتفكير : جا ابوكـ وش هي المشكله طيب ..
زهاد : انــته مو فاهم شي
كاسر : زين فهميني
رهام بصوت راخي : ممكن تروحو تتكلمو هناكـ .؟؟
كاسر طل في الناس الي خلفوو : اوكي اوكي قومي زوزو
زهاد بدون مقدمات وقفت وخرجت من خلف الكونتررر ..
مشيوو لجهة كراسي الانتظار كاسر تكي علي الجدر واتكتف : خير شنو في شنو صايرلكـ
: كاسر حكايه مراطويله .. بس انا دحين مرا مصدومه .. بابا ماشفتوو ماعرف من متي .. انا اتربيت بدونو . ودحين جاي بكل بساطه يقول تبوني في حياتكم وربي مو شي والله مو شي
غطت وشها بيدها وبكيت ..
كاسرر بدو يهديها ويطبطب عليها بس حس انو مايجي: الحين ورا ماتصلين علي الحبيب ..
زهاد من بين شهقاتها : اللهم صلي علي محمد ..
كاسر ماقدر يقاوم مسك كتفها : هدي نفسكـ الحين طيب جا ابوكــ وبعد .. ؟؟!
زهاد : بس ماكنت بجي هنا بس مابا اروح لماما لو ماما عرفت انو بابا هنا حتنجلط وربي .. وغير الكلام الي بابا قالو عن ماما انا وقصي انجلطنا اصلا تخيل يقـ ..
سكتت شويا ورفعت راسها : صح قصي انته تعرف قصي
كاسر بلم .. : اشسمه اممم اشسمه
سحبها من يدها وجلسها علي الكرسي : هدي انتي الحين بجبلكـ ماي .. زين
زهاد : ؟؟!!!!!
كاسر راح لجهة مكينه المويا والكوفي .. ووقف يصقع جبهتو انت الحين شنو مسووي اوف من غبائكـ ..
اخدلها قاروره مويا ورجع .. وهوا يقنع نفسوو .. الصد مابوه ازين منه ..
زهااد حاضنه شنطتها ومسرحه ..عند امها .. كيف حتحكيلها كيف لو دريت بشي .. ابومهم محتاجينو رغم كل شي ياتري هل حيسمحولو يكون في حياتهم ولا كيف
كاسر جا لعندها وجلس جنبها وفكلها المويا : اشربي
اخدت منو المويا وصارت تشربها وتبلع .. ريقها مرا ناشف .. كاسر بيطل فيها بدهشه : تنفسي
قال كلمتو من هنا وزهاد انشرقت .. صارت تكح والمويا تندر من خوشمهاا
كاسر انفجع وصار يخبط ضهرها ويهف علي وشها : بسم الله عليكـ شنوو
زهاد كحت لين قالت ياكافي : ايش قاعد تطل فيا وانا بشرب
بفجعه : لا لا لا انتي ماشرربتي زين
طلعلها منديل : شنو تنفسي موب تشربين كذا
اخدت المنديل منو مسحت خوشمها ورجعت كملت قاروره المويا وقفلتها ..
ورجعت تكرر : قصي
قبل ماكاسر يبرر .. هيا خرجت جوالها وطلبت رقمووو
قصي بطف ش: ايوا زوزو

: وصلت المدرسه
: لا روحت بيت صاحب ي
: ليش ..؟؟!
: مالي خلق مدرسه ولا برجع البيت
: طيب انته تعرف دكتور كاسررر
سالت السؤال وهيا بطل في كاسر الي ميل فموو .. خلاص انكشفت
قصي يتمتم : امممممم اشسموو
: بسرعه تعرفوو ..؟؟!
قصي : ايوا بــ
قاطعتو : ولا تقلي ..؟؟
: لا يعني انـ
قاطعتو : مع السلامه يا قصي ..
قفلت الخط ولفت علي كاسر : ايوااا
كاسر انحشكـ ورمالها ابتسامه تسليكيه : شنوو
: بسرعه اتكلم : كيف تعرف قصي وليش رقمو عندكـ ..؟؟!!!
كاسر يتنهد : زين سمعي ..

~~~~~~~~
A6baa fe al-7o0b
~~~~~~~~

جالسه تتلفت يمين ويساار .. لان النظرات ملاحقتها في كل مكان .. بسبب لبسهااا ..
لامت نفسها .. لانها سمعت كلام اسراء ولبست الي لبستوو .. بجد شكلها مو شكل مستشفي بتاتا البته ..
جلست علي واحد من الكراسي .. وهيا بتفكر .. ياتري ارجع علي بيت اسراء ولا بيت مازن ..
شي قوي كدا يقلها ارجعي بيت مازن ماتعرف ليش .. >> شوشو بيلعب في عقلهاا ..
فتحت الملف الي في يدهاا .. من حسن حظها الحاله الي ماسكتها ابسط من بسيطه .. رجعت قفلت الملف طفشت من كتر تراجع وتتزكرر وتحلل
صلحت الحجاب واتزكرت مازن كيف خباها خلف ضهروو .. عشان لا احد ينتبه لها ويتفلسف
ابتسمت بحماس .. رغم كل شي مازال يعاملها كويس .. صح قال مايبغها وكدا لكن حتي القروب مانقلها منوو .. ياتري ايش يسمي دا
هل هوا انساس متسامح جدن ..
ولا انو بيعاملها غير عشان شي في قلبوو
هزت راسها يمين ويسار مايحبكـ ولا شي في قلبو استريحي بس
وهيا غايصه تفكر في سمعت صوتو يناديها : دكتورا اعناب ..
ابتسمت بدون ماترفع راسها .. حسبت انها بتتخيل صوتو
بس رجع نادها تاني : اعناب .. دكتورا
رفعت راسها ولما شافتو وقفت بسرعه وصارت تشد المعطف : دكتور مازن اهلا
مازن ويرجع يطل في لبسها من فوق لتحت : جاهزه لتقيم
مدتلو الملف : ايوااا
مازن يطل في الساعه : اتفضلي معياا
اعناب بتناحه تاشرلو علي الغرفه : هنا المريض
مازن يتلفت : اتفضلي علي مكتبي
وقفت : ليش
مازن لف عليها : بقلكـ اتفضلي علي مكتبي .. حتتفضلي ولا كيف ..؟؟!
خافت : اوكي ..
مازن وقف يطل فيها وهيا متنحه تطل في .. مد يدو : اتفضلي
مدت يدها : من بعدكـ دكتور
مازن ميل فمو يحسبها تتريق مايدري انها خايفه يشوف تكسيم جسمهااا بسبب معطف اسراء الي ضيق عليهاا ..
رجع كرر : اتفضلي يا دكتور اعناب
اعناب وكلت امرها لله ومشيت وقفت جنبو : اتفضل دكتور
مازن : ؟؟؟!!!!

مشيت سبقتو لما شافت طلتو الي طلعهاا
مازن مشي وراها وافكارو انضف من انو يطل في تكسيم جسمهااا ..
جالس يطل في الملف الي في يدوو .. بانهماكـ ..
ثواني كانو عند مكتبووو .. اعناب وقفت جنب الباب ومازن مالاحظ انها وقفت الا خبط فيهاا
: اشبكـ انتي
اعناب رمشت بفهاوهـ ولا شي
مازن : حسبي الله .. توقفي كدا ليش افتحي الباب وخشي
فتحت الباب بسرعه ودخلت ..
مازن خش وراها رمي الملفات علي المكتب ورفع يدو علي وسطوو ..
: ايش حتسوي انتي دحين ..
اعناب بتعجب .. : ايش اسووي في ايش
: في وضعكـ ..؟؟!
بدلاخه : أي وضع ..
مازن يتنهد : اعناب امك طردتك وابوكي مسافر .. ايش حتسوي فين حتروحي
لها فتره متنسايه واقعها المرر اتنهدت : اهااا امم ماعرف
مازن طلع جوالوو : تكلمي ابوكـي ..؟!!
اعناب بياس : ايش اقلوو ..
مازن : ايش يدريني ايش تقوليلو .. بس سوي شي مارح تقعدي كدا وانا مارح اسيبك لين اطمن عليكي
قلبها يرقص وتكتم ابتسامتها فديت الي يبا يطمن علياا : اممممم ماعرف اممم طيب
: طيب ايش
تهز كتوفها : امم ماعرف لا اقصد ايوا اكلم بابا
مازن : طيب دقيقه
طلب رقم اختووو ..
علياء : هلا والله مازن كيفك كيف وائل الغبي قربعتو البيت
: هههههههههههه بخير بخيررر مالكم يومين مسافرين ايش الي ..
اعناب خقت عند الضحكه وماقدرت تمنع ابتساامتها ..
علياء : اخر واحد اتوقعتو يتصل .. الدكتور المشغول الي كل يومو بزي ..
: ههههههههههه اقول مو متصل اسولف ولا اسلم ادري انكم بخير
: مالت عليك ايش تبغاا ..؟؟!!
: فين يوسف جنبك ولا
: الا لا ايش تبغابوو ياخي .. الادمي مو طايقكـ
: اقول اني انا الي طايقوو .. هاتي بس بنتو في وضع غبي تبا تكلموو
علياء بدهشه : دحين ..
: ايوا اجل بكره بسرعه هاتي
: طيب طيب ادي السماعه للبنت صوتك لا يسمعو يوسف .
: اقول رجيتي اهلي بيوسفك دا مرا انا الي ابا اسمع صوتو
اعناب كشرت .. اما يتكلم عن ابوها كدا وقدامهاا .. واما الامور بينهم لدا الحد .. بسببها طبعااا ..
مازن مدلها الجوال وهوا مكشر: كلمي بسرعه وشوفيلكـ حل
: طيب

حظت الجوال علي ادنها : بابا
يوسف يطل في الرقم بتكشيره : اعناب انتي مع مازن ايش بتسوي ليش بتهرجي من جوالو ايش في ..؟؟!
اعناب : بابا اضاربت مع ماما بابا انته متي راح تجي ..
يوسف يصلح جلستو : ايش كيف اضاربتي مع امك وايش يعني اضاربتي
اعناب مرا استصعبت تقلو .. انها طردتهاا : اممم بابا كونت بجي اقعد عندك بس انته سافرت وماقلت لي انا أيش اسوي دحين ما ابغا اجلس عند ماما
مازن يراقب كلامها .. حطتها في امها وانها هيا الي ماتبا تجلس معاها
اعناب اتلبكت لما لاحظت طلاتو عليهااا
اشرتلوو ومافهم عليهاا
بس هيا فتحت الباب وخرجت تكلم ابوها براااا
مازن تكا علي طرف المكتب وهوا قلقان عليها .. ايش حتسوي فين حتروح ..
كيف ام تطرد بنتهاا من البيت ايش هوا دا .. وخالها المعوق فين راح فين اختفي
فسخ النضاره وفركـ عينووو .. ماحيقدر يستريح لما يطمن عليهاا
استغرب .. من نفسوو .. رغم كل الي مسويتو فيكـ .. لسا قلقان وشايل همها وماخد ه بالك ..
ياتري ايش احساسكـ
هز راسو بقوه :مافي أي احساس ابدن ..
ثواني وخشت اعناب الغرفه والجوال علي ادنها .. لسا .. : بابا خليك معايا
شغلت الاسبكر : بابا دكتور مازن ماساولي شي .. انا قلت كدا عشان كنت خايفه ..
ابوها بتناحه : ايش كيف ايش بتقولي
ومازن صار يحرك يدو يمين ويسار انو اسكتي استكتي ..
اعناب : بابا سامعني .. لا تزعل من دكتو رمازن ولا شي ترا ماساوالي ولا حاجه انا طحت من لحالي ف يالمسبح وربي ما تحرش فيا ولا شي
ابوها بفجعه : اعناب انته لحالكـ معا بيهددكـ هوا بدرجات او شي
اعناب سرعه : لا والله يابابا والله ماسوالي شي
مازن سحب الجوال من يدها : يوسف .. ما بهدد بنتك ولا شي طيب .. وانا علي كلامي ماسويت لها شي وخلاص .. ودحين هيا في ورطهـ .. مو وقت دا الكلام طيب .. لو بتحرش فيها لو اتحرشت فيها امس نامت اليل كلو في بيتي ولا لمستها ولا قربت لهاا
هنا اعناب فرصعت عينها واشترتلووو . انو ليش اتكلمت يا اخي ..
يوسف مبلم : انا راجع علي اول طيارهـ
اعناب : لا لا لا بابا
يوسف صرخ : تنامي عندو ليش ليش ايش خلاكي ها اهرجي
اعناب اتورطت .. دحين حتتطر تقلو عي سواد وشها ولا حيعرف بطريقه او اخري .. خلاص انكب العشاا
اتنهدت : بابا لما ترجع تعرف كل شي ..
يوسف بعصبيه : لا انا راجع علي اول طيارهـ ..
خلص كلمتو وقفل الخط
اعناب ومازن صارو يطلو في الجوال بندهاش .. اتصلو وكلمو .. ولا خرجو بشي مفيد
مازن : غبيه انتي تقوليلو طحتي من لحالكـ .. لو سالك ايش الي خلاكي تتهمني ايش حتقولي ها ها
اعناب : انا انا
كشرت : انته الي اشسمو .. ليش تقلو نمت عندكـ
سحب الجوال : استغفر الله بس ايش حتسوي دحين .. ماطلعتي بشي مفيد من دي المكالمه فين حتروحي ايش حتسوي .. هاا
: يووو خلاص مالكـ دخل فياااا
كشر ملامحو : صح ماالي دخل فيكي مالي دخل
بسرعه : لا لا اقصد بتصرخ كدا كني اعرف فين ابغا اروح خلاص حروح بيت ستو اجلس عندها لين بابا ما يجي
شال الملفات : فين ماتبي تروحي الله يسهلكـ .. انا مالي دخل
خرج من المكتب وهوا معصب من نفسووو .. ايش لكـ دخل فيهاااا
لا لا ليا دخل .. بنت زوج اختي .. مسؤول منها خصوصا في دي الظروف الي مالها احد فيهااا
رجع لف لقها ورا : حتطلعي من المستشفي معاياا .. انا حوديكي لبيت ستكـ فامه .. ومن بعدها مالي دخل ..
اعناب : طيب ..؟؟!!

~~~~~~~~
A6baa fe al-7o0b
~~~~~~~~

خارجين من استار بكس .. واسراء متشعبطه في يد اياد ومتلصقه فيلوو .. وضحكتها معبيه المكان
اياد .. اول مره يشوفها بدا الشكل .. مبسوطه من الاعمااق ..
صاير يطل عليها بنص عين ومبوسط لانبساطهاا ..
اسراء طلت في : اشبك منشكح
: مستغرب منكـ
: ليش ..
بتعجب : ياختي دام قربي منكـ يبسطك لدا الحد ليش حارمه نفسكـ مني
اسراء قرصت يدوو : لا لا لا تصدق نفسكـ يا اياد
: خلاص قلتي تحبيني .. مصدق نفسي ومليون مرا كمان .. لا وحتكبر عليكي
اختفت ابتسامتها وطلت في تحاول تشوف بيهرج من جد ولا بيمزح ..
اياد ضحك ودف وشها بخفه : امزح يالطيف
رجعت تضحكـ : اها احسب هههههههههههه .. الموهم اياد ..
: اها الموهم يا اياد ..
: متي راح تطل نيار .. دحين دحين قلي .. اعطيني التاريخ والوقت بالساعه والدقيقه والثانيه
اياد بطنو تمغصو لما يتزكر الهرجه .. دي مو عارف كيف حيطلق نياارر
: امم صعب اديكي تاريخ ..دا طلاق يبغالو تفكير
كشرت في : ايش الي تفكر انته ما فكرت لما اتزوجتها ولا تحبها ليش تبا تفكر لما تطلقها
اياد بتفكير : الطلاق غير ياشيخه
وصلو لسياره واسراء دفت اياد من صدرو وسندتو عليهااا : ايااااااااد متي حتطلقها قلي وقت بسررعه
اياد ضحك علي حركتها : يعني قول وقت ولا الطشك عند السياره
ضحكت علي ضحكتو : هههههههههههه لا لا بس بسرعه اديني وقت بسرعه
اياد : امممم
اسراء تتلفت يمين ويسار ف يالمواقف الفاضيه .. وشويا اتقدمت لاياد وباست فموو : بسرعه هات وقت
اياد لحس شفايفوو : احح يابنت ..
اسراء ترفع النضاره وتغمزلووو : اعجبكـ
قرب يبا يبوسها دفتوو : هات وقت وبعدين نزل يدينها عن صدروو ولفهاا ورا ضهرها وباس خدها بالقوهـ : وان ما اعطيتكـ وقت
: اه اه ايدي ياشريرر ايدي ..
سيبها وضمها علي خفيف : خلاص استني علياا يومين وحروح اطلقها
كشرت : ليش يومين اياد ليش مو دحين ليش ليش ؟؟!!
اياد يميل فمو : اخوانها يا اسراء .. اخوانهااا .. والله لو طلقتها كدا بدون مبرر .. حيجوني كولهم يسولي موشكله
: موشكله في عينهم .. ايش الي .. رجال يبا يطلق مرتو اشلهم هما بعدين انا موجودهـ
مات ضحكـ : هههههههههه انتي موجوده كيف يعني ..
التفت علي ورفعت يدها لصدرو : يعني اعرف اوقفهم عند حدهم .. ولا نسيت انته متزوج مين ..
يمسد علي خدها : لا مانسيت .. ههههههههههه بس اشبك الامور ماتجي كدا
: طيب لو استنيت يومين وتلاته ايش حتستفيد ها
: يعني خليني كدا اخترع مشكله الصقها فيها اسويلها حاجه كدا بحيث لو طلقتها يكون بسبب شي سوتو
اسراء بخبث .. نتهمها انها خانتك ..؟؟!!
اياد بتفكير : حلوه بس لا لا البنت حتصيرلها مشاكل مع اهلهاا ..
اسراء تميل راسهاا : اممم ايش طيب ممكن تسويلها .
: والله ماعرف فكري معاياا بشي يخليني اطلقها بس مايمسهاا ..
: ولا يهمك نفكر نفكررر طــيب ..
: اوكي يلا علي البيت ..
اسراء تهز راسهاا : لا لاا مابغا البيت
: فين
: ماعرررف أي مكان
: اوكي ولا يهمكـ
طلعو السياره ويادوب بدو يشغلها رن جوالو ..
طل في الشاشه قمة الاندهاش : ونقول الطيب عند ذكرو .. ولا تجسيب سيرة البس ينط
اسراء : ليش مين
: ودا اخو نيااار ياربي ..
اسراء بوزت : ايش يبا
اياد : خلينا نشوووف ..
رد عليه واتنحنح : احم اهلااا

: اهلا ايد كيف الحاال ..
: بخي رالله يسلمكـ انته كيف حالك
: تمام الله يسلمكـ كيف جوكم في جدهـ ..
: بخير اهو ماشي الحال
: كيف نيار عسى مو متعبتك ومدلعه عليك
اياد بتكشيره : لا زي العسل الله يسعدها
: كويس .. الموهم اتصلت اقلكـ اني كلمت صاحب الفله وحبداء الاجراءت معا اليوم اديني يومين وتكون الفله لكم خلاص ..
اياد ببتسامه : شكرن ما تقصرر واللهـ
: اكيد مافي شي يغلي علي اختي نيااار .. ولا زوجها
اياد حس نفسوو حقيرر .. بسبب النيه الي اتزوج نيارر عشانهاا : الله يسلمكـ ماتقصر
: اوكي سلملي علياااا وانتبه عليها اياد
: اكيد في عيوني
: يلا فمان الله ..
اخو نيار قفل الخط واياد جلس يطل في الجوال وجايو احساس انو انسان خااايس .. ودا الاحساس جدن مضايقوو
التفت علي اسراء شافها بطل في طله حااقدهـ ..
بتعجب : ايش في
: ايش الي في عيوني ومن عيوني ووعسل ويسعدها
: يعني ايش اقلوو
: ايش انته يا اياد .. المفروض كنت تمهد من دحين انو الامور مو اوكي ..مو الامور اوكي دحين وبعد يومن تطلع بمشكله
اياد يتنهد : والله مشكلتي ما افكر زيكـ أيم اسووي
اسراء من طرف خشمها : وايش يباا
: بيقول انو الفله يومين بالتمام وتكون لنااا ..
لفت وشها علي الشباك بلا مباله : يلا يشتريها لاختو حتي لو اطلقت تعيش فيها .. بسلامتها
اياد طل في اسراء بطرف عين وعلي قد ما كان يشوفها شريره دحين صار يحس انها مرا مرا شريره مو شويا
التفتت علي : اشبكـ ..؟؟!
: ولا شي اشبـــي ؟؟!
: كنو كلامي مو عاجبكـ
اتنهد : اسراء قولي تحبيني وقولي زي دا الكلام وبوسيني عشان لا افكر في شي تاني
اسراء طلت في بتعجب : شي تاني ايش
: مادري ما ابغا افكر الا فيكي واني احبكـ وما ابغا شي غيركـ وكل شي عشانكـ حسووي
طلت في كدا : طيب انا احوبكـ اياد
ابتسم : واي شكمان
رفعت نفسها وباست خدوو : احبكـ مررم ..
اياد اتنهد براحه : وانا كمان احوبكـ
اسراء حولت عينها تطل في الطريق وهيا متعجبه منوو ..
ماتدري
ليش ؟؟

~~~~~~~~
A6baa fe al-7o0b
~~~~~~~~

مهند خرج من غرفة المريض وهوا منشكح .. وجنبو دكتور مازن
: جيد جدن يا دكتور مهند ماشالله عليكـ ..
مهند : اكيد لا داعي .. يا دكتور احنا بندرب عشان نمسكـ الخط وراكم
مازن : ههههههههههههههه كدا يعني
: ايوااا .. اجل ايش .. مصيركم تعجزو وتستقيلو تموتو ونصير احنا الدكاتره
مازن طل في بتناحه وبعدين .. انفلت ضحكـ : الله يقطع شرك
مهند مكمل بحماس : هههههههههههه ايوا دكتور وكمان احنا مصيرنا ننعجزز ونستقيل ونصير بس نقدم محاضارت وبحوث ويجو بدالنا دكاتره وكدا الحياه
مازن يمسد علي كتفوو : صادق دي سنه الحياه
مهند يقرب من مازن : الموهم دحين يعني أي بلس
: اممممممم حشوف بعدين مع دكتور لميس ..
شوبا اتلفت : فينها
ياشر علي نهايه الممر : راحت
: اها اوكي يلا يعطيك العافيه دكتور مهند
: الله يعافيكـ دكتور بالاذن
خرج علي الدرج يدور حسام .. وفي نفس الوقت خرج الجوال من جيبو الي من اول بيهززز ..
طل في الشااشه اربع مكالمات من نسيم .. واتنين من ندي
اتجاهل نسيم لانو حاقد عليها قد الارض .. وطلب رقم ندي وهوا متعجب ايش تبا ليكون في شي تاني مايدر يعنوو
ندي وصوتها مبحوح : مهند
: ايوا ندي اشبكـ
: اشسموو حنين عرفت اني كملتك
سند علي الجد ر: اها ايوا طيب .. ؟!
: امانه لا تسويلها شي امانه عليك يا مهند والله هيا ماكانت تقصد
مهند يزفر ويسبل بعيونو : متصله عشان كدا ؟؟!!
: ايوا حنين ترا مرعوبه موت وتقول ماتبا ترجع البيت .. الله يخليك لا تسويلها شي
يشمق : ندي انتي قلتيلي وسويتي الي عليكي . . سيبيني اصطفل مع اختي طيب
ندي بخوف : مهند لو ادري انك بتسوي كدا ما كان قلت لكـ شي
: اوكي انتي مادريتي .. وانا لسا ماسويت شي .. بس حنين غلطت ..ومو أي غلط .. وانا مارح اسيبها اوكي .. ؟؟!! ومرا تانيه لا عاد تتصلي عاشن تقولي لا تسوي شي لحنين عشان لا اسمعك كلام مايعجبك

مايعجبك
ندي انقهرت منوو .. يعني اول يوم تبغا مني شي كدا تكلمني ودحين يوم اختي الي تبغا كدا تكلمني
مهند : ايوا أي خدمه
ندي عصبت منوو : شكرن يامهند علي الي يثق فيكـ مرا تانيه
: اشبكـ انتي
ندي قفلت الخط في وشوو . طل ثانيتين في الجوال وحطو في جيبو بلا مباله .. بنات يحبو الهرج الفاضي
.. حلوه لا تسويلها شي تغلط عينكـ عينكـ واسيبها يعني ..
نزل لنهايه الدرج لقا حسام جالس وفارد رجلينوو .. : ابو السمس
حسام طل في بياس : هلا .. كيف تقيمك
مهند ابتسم : جيد احسن منكـ..
: طبعا احسن مني مافي شي قالكـ يا مخنث ..
مهند جلس قدامو : يابويا دامك متاكد انو مافيك شي ليش شايل هم الدونيا علي راسكـ ..
حسام يشد شعروو .. والي نوصو قطعو من كتر يشدشد في : يابويا الكلبه اكيد وراها شي ماسمعتها تتكلم كيف بثقه
: يابويا ايش حتسوي يعني
: ماعرف زورت تحاليل لفصيلتي انا ونتايح اني مريض اكيد تقدر تسوي اكتر من كدا
مهند طفش من حسام : ياخي شي ايش يعني يالله منك
حسام : ماعرف يمكن الي حيحلل دحين راشينو ماعرف يمكن حيسولي شي ياخي
مهند بطفش : اوكي انته فيها اتصل وكلمها قولها خلاص حتزووجك وقفي الي بتسوي .. وبعدين ياخي اتفاهم معها انتيهنا
حسام : ياخي ما ابغاها تفوز
: وتبغا تنطرد
: تتوقع تقدر تطردني
جا دور مهند يشد شعرو : حساممممممم يابويا اتصرف ياخي كلمها ولا اسكت قروشت اهلي
حسام ولع في مهند : انته الي جاي عندي حل عن سمايا يا اخي
مهند بتناحه : كدا يعني
حسام : ايوا كدا انقلع عن وشي .. ولا لو قعدت قدامي اتحمل هرجي
مهند اتكتف وسكت ..
وحسام جالس يعد في راسوو .. اكلمها .ما اكلها . اكلمها .ما اكلمها .. اكلمها . ما اكلمها . اكمل..
وهوا بشاور نفسوو لسا دق جوالو
طل ف يالرقم الغريب ورمش بفهاوه : اكيد هياا ..

مهند : مين
حسام : مين يعني زفت الطين اجوان دي عسها بمرض
مهند : رد رد عليها
حسام حط الجوال علي ادنو : ايوا
اجوان بضحكه تفقع البيض : هههههههههههههههــ ها كيف شيبت ولا باقي ..
حسام بين اسنانوو : ....
اجوان : دوبو جاني اتصال انو تحاليلك طلعت نتاجيها هههههههههه لكن للاسف الي مازن حيستلمها مو هيا
حسام بفجعه .. مين دي كيف تدر تسوي كدا كيف كيف .. : .....
: الي حيستلمها مازن .. نفس النسخه الي في الصباح والي انته فيها مريض بالايدززززز ... وحتتوقف عن التدريب .. في الحال .. ها عندكـ شي تقولوو قبل يو نو اشوف شوغلي
رفع يدو لفمو عض اصابيعوو .. : .....
مهند يطل في وياشر بيدو .. انو ايش بتقول ايش في
اجوان : ها تبا تقول شي ولا كيف ..
حسام : اوكــي
: اوكي ايش تروح النتايج لمازن وباي باي تدريب ..؟؟!!
حسام : اوكي حتزوجكـ
مهند فرصع عينووو .. وحط يدو علي راسوو : لا يابويااا
اجوان تضحك : هههههههههههههههههههههههههه وعد
حسام بيضغط علي نفسوو بالقوه : ايوا
: اممممم الموهم .. لو طلعت بتكدب .. الموضوع جاااري .. زي ماسويتها اول مرا اقدر اعيدها .. فاهممني
بتناحه : ايش
: يعني بالعربي .. لو وقفت الي بسوي دحين مو يعني خلاص : اقدر اورطكـ في ورطه اكبر منها اوكي
حسام وشو حمر من كتر عصب : اوكــي
اجوان : خلاص ماشي .. دحين حتوصل النتايج الاصليه السليمه ومبروك عليكـ حتكمل التدريب .. ولو فكرت تلعب بديلكـ .. والله والله مو حوقف تدريبكـ حوقف حياتكـ كولها وانا اجوان بنت باباا ..
حسام بلع ريقوو .. يكون بيلعب مع بنت سيدي وسيدكـ .. ومايدري عن نفسوو .. تهديدها يخوف .. وكل كلمه مطلعتها بثقه
: اوكــي
اجوان : سيفت رقمي
: لا
: ايش تستنا سيفوو حكلمك لما افضي عشان نشو ف امورنا وكدااا طيب يلا سلام بتصل بسرعه ازبط امورك هيا سلام
قفلت الخط وحسام نزل السماعه عن ادنو يطل فيها بتناجه ..
مهند حط يدو علي رجل حسام يفوقو : ولد ايش قلت ايش سويت ايش الي تتزوجها ايش صاير اهرج
حسام وقف وطنش مهند : لا تلحقني
مهند : هي وقف فهمني ايش صايرر ..
حسام : مو صاير شي اتوقعك سمعتني قلت حتزوجها .. خليها توقف الي بتسوي علي ما افكر في حل الله ينكبها وينكب اهلها عسها بسرطان يفتت ضلوعها بنت الكلب ..
مهند وقف متنح : حسوم روق
حسام : يبويا روح موت فيها روقان هيااا
خرج من الدرج .. وسيب مهند خلفو متنح ..
دقايق وكان برة المستشفي اتوجه لسيارتوو .. دخل في المقعده الخلفيه ورقد غطا وشو بيدو
انا حسامممممم .. تهدددني بنت وانصاع لكلامها ..
اوف ياربي . كيف تقدر تسوي كدا .. مين هيا .. ايش مركزها .. تكون بنت .. اوو بنت .. الظاهر كدا كيف تقدر تسوي شي زي كداا .. ياتررري

وهوا في عز تفكيروو وتحطيموو .. رن الجوال رفعو بسرعه يمكن تكون زوجة المستقبله عسها العمي
شاف رقم غريب رد بدون مايفكر : مــين .؟؟!
ندي : احم احم حسام معايااا
بطفش : ايوا مين
: انا ندي .؟؟!
: ندي .. ندي مين .. ؟؟
: صحبة حنين ..
بتناجه : مين حنين
اتزكر : اها حنين حنين
صلح جلستو : حنين اخت مهند ايش تبي ..؟؟! ليش داقه عليا
ندي : حسام معليش ممكن اكلمكـ
: لا ايش تبي يكفي المشاكل الي صايرتلي مع مهند من تحت راس حنين ايش جايا تقولي انتي كمان
ندي بسرعه : انا الي كلمت مهند وقلت لو علي كل شي .. عشان كدا رجع صالحكـ ..
حسام بندهش : انتي ..؟؟ انتي اشلكـ
: حنين كانت رافضه تقول لمهند أي شي .. بس انا اصريت انها تقولو لانو كنت حاسه انك مظلوم .. فلما رفضت انا كلمت مهند
حسام وفهم اخيرن سبب انتكاسة مهند : اها قلتيلوو
: ححسام مو دا موضوعنا
اتكتف : طيب ايش في ايش تبي مني دحين
: انا خايفه علي حنين من مهند ..!!
حسام بخوف : ليش اشبها ايش في ..اشبو مهند
: بيهدد انو مارح يسامحها علي الي سوتو .. وانها كملتكـ وكانت عارفه انك صاحبوو وانها قررت تفرق بينكم
حسام بدهشه : تفرق بيننا
: ايوا دي كانت نيتنا ماعلينا .. الله يخليك كلم مهند سوي شي لا يتعرض لحنين حرام مرا . والله هيا مو من دا النوع الموضوع كلو بسبب جمانه والله هيا السبب هيا الي خلت حنين تسو ي كل الي الي سوتوو .. وهيا الي وصلتكم لدا الحد
حسام متنح : فهميني مين جمانه دي
ندي زفرت .. وحكت لحسام الحكايه من البدياه .. لانو حتي هوا مو عار ف.. واخيرن عرف ليش هوا وحنين في صوره وحدهـ ..
ندي بعد ماخلصت الي عندها رجعت تترجي : الله يخيلكـ حسام سوي شي كلم مهند .. لو مهند ساوا لحنين شي .. مارح اسامح نفــسي .. والله مارح اسامح نفسي .. لاني انا السبب لو ما اتكلمت لو مايدري عن شي مهند
حسام انقهر من حنين مرا .. تفرق بينهم ليش .. : اوكي ماشي مو مشكله انا حتصرف
: الله يخلكـ يا حسام الله يسعدكـ
: اوكـي ماشي حتصرف شكرن انكـ فهمتيني الي صاير كنت علي عمايااا ..؟؟!
: مو مـِ
رن جهاز النداء حقو وما استوعب باقي كلام ندي : بالاذن انا لازم افل
: اوكي شكرن .. علي كل شي
قفل الخط ودخل علي المستشفي وهوا سرحان في الامور وكيف صارت ولفين وصلت
شكر ندي كتير لانها قالت لمهند كل شي .. ولا لو ما هرجت لو لدحين هوا مفتقد مهند ومحروم منوو ..
خش المستشفي واتوجه للقسم شاف مازن مع الروب كولهم متجمعين مرا استغرب ..
: سلام عليكم
مازن قرب لو ومسد علي خدو : الحمد لله نتايجكـ ميه ميه ..

اتنهد براحه : قلت لكـ انا مو مريض
المدير .. : غريبه الي صاير والتحاليل الي جاتنا
حسام رماها علي بلاطه : في احد ناوي يخرب مستقبلي من دحين بقلكم .. يعني أي شي يصير كدا في المستقبل اعرفو دا الشي
كولهم طلو في بتناحه .. ؟!..!!
بسرعه : مو مهم مو مهم .. الموهم اني سليم
مازن مدلو النتايج : وتقدر تتاكد بنفسكـ
شال الظرف البني وهوا مبتسم : بدون ما اتاكد واثق من نفسي ..
مازن التفت علي القروب : علي العمو ابدعتو اليوم كولكم في التقيم .. برافو عليكم .. الكم شهر الي عانيتها معاكم ماراحت بلاش يعطيكم العافيه
كولهم منشكحين وخصوصا كاسر: اكيد دكتور .. ماتقصر .. واحنا بعد خطيرين
مازن : هههههههه استمروو .. انتو كدا تمام .. بس تجتازو اختبار الهيئه الطبيه وان شالله كل واحد فيكم يصير اسمو دكتوور
القروب لدقايق سرحو في الشي دا وكل واحد انرسمت علي وشو ابتسامه حالمه
مازن عجبتو اشكالهم .. : بالتوفيق .. يا كاسر ويامهند . وحسام واعناب وتسنيم ووائل ..
كولهم ردولو الابتسامه : شكرن دكتور ..
: مازن وانهينا لليوم .. تقدرو تاخدو باقي اليوم اووووف ..
هنا كولهم صرخوو : واااااااوووو يجي
مازن يتلفت : اووش لا يسمعكم المديرر ..
تسنيم رفعت يدها : دكتور انا عندي مناوبه برضو اروح
مازن : هههههههه لا لا مايجي .. بس تقدر تطلعي تتغدي وشي وترجعي .. بس ماتفوتي المناوبه اليليه كولها ..
بوزت :اوك شكرن دكتور
مازن : اتفضلوو ..
اتشعترو القروب .. حسام ومهند راحو جهة..
واعناب راحت روا مااازن .. : دكتور دكتور ..
التفت عليها ومازال معصب منها .. : نعم
: اشمسو مو قلت انته حتوديني بيت ستي ..
: ايوا
: طيب اشسمو خلصنا كيف يعني اسمو
طل فيها كدا : استنيني اخلص وحوديكي
بوزت : يعني اجلس لين ينتهي الدوام
من طرف خشمو : ايواا ..
لف وتركها في الممر تتحلطم .. شويا طلع لها وائل يكمل الناقص ..
في الجهة التانيه كاسر راح للغرفه الخاصه فيهم شال اغراضوو كولها وخرج متحمس يلحق علي اهلو قبل مايمشوو
لان طيارتهم بعد ساعتين او تلاته مو متاكد
نزل على الدور الاول .. وطبعا ماقدر يروح للباب بدون مايمر علي زهاد ..
: مسائوو
زهاد رفعت راسها علي ونفسيتها اتحسنت كتير بعد ماجلست دردشت معا : مسائوو
: انا بمشي زين
طلت ف يالساعه : اما كدا بدري .
: خلاص اخذين باقي اليوم اوف .. كويس مراا الحين اهلي بيمشوو .. انا مودعهم من الصباح علي اساس اني مارح اشوفهم يوم يسافروو ..بس جاتني من الله ..
زهاد طلت ورا بتعجب : اهلكـ
كاسر التفت : شنو في
شويا شاف امو واخواتو خاشي للمستشفي بمنظرهم الي يجيب العافيه تنح : شنو جابهم في ذاا
رهف شافتو : كاسر كاسر ياااانااااااااش يمي طالع شلون دكتور يالبي هوو
امو تطل في : فديت كسور .. ياحلاتكـ يمي وانت كذااا
كاسر انحرج : انتو شنو جابكم الحين
رغد تخبط كتفوو : واااااي صاير دكتور صد ق.. هههههههههههههههه

» رواية نهاية جنون \ رواية حجازية للكاتبة قطعة شوكلاتة
» رواية عشان الحب أذل نفسي / كاملة
» تحميل رواية رقصات على أوتار الحب
» رواية وش جاه محبوبي مشى وخلآني مابين نيراني وبين احزني / رواية جريئة رومانسية
» شوفوا الحب وش يسوي بالشباب صدق لا قالوا الحب عذاب