همسات حب تنزف ألماً / كاملة

(البارت الثالث )

عند بيت ابو احمد
مؤيد يضرب بوري طوط .....طوط .......طوط
مؤيد : ياربي ايش دا ساعه يخرجو
ملك : طول بالك ....... احسك اليوم متوتر
مؤيد : لا ماني متوتر ولاشي
ملك : طيب نشوف

................................

جمانه : يلا بسرعة مؤيد يستنى برى
هدى : طيب بس البس عبايتي
جمانه : يلا بسرعه
.......................
بالسيارة جمانه وهدى: السلام عليكم
مؤيد وملك : عليكم السلام
ملك : دا كله تنزلو
جمانه : هدى ساعه تلبس كأنوا فيه عريس بالسيارة
تدق مؤيد بالهرج
مؤيد في قلبه يقول ( ايش النشبتين اللي راكبين معايا الله يعينني مااتوقع وحدة منهم هيا اللي شفتها اللي شفتها ملاك بما تعنيه الكلمه)
ملك : مودي ..... مودي..... موووووووووووووودي
مؤيد : هااااااا ايش تبي
ملك : من اول اكلمك وماترد
مؤيد : لا معاكي بس انا مااحب اتكلم وانا اسوق
ملك سكتت مامشيت عليها الهرجه


عند بيت ابو خالد
خالد : سلام عليكم
اللي بالسيارة : وعليكم السلام
خالد : كيفكم ياصبايا
الكل رد الا رسيل : بخير
خالد : كيفك رسيل؟
رسيل : اوووووووف
خالد يحاول يستفزها : اشبك لايكون احد مزعلك
رسيل وقارطه على اسنانها : ماعاش من يزعلني
خالد :هههههههههههههههههههههههه
رسيل : على ايش تضحك ان شاء الله
خالد :لاسلامتك ولا شي
تالا تكلم رسيل بصوت واطي : خلاص روقي وسيبيه في حاله
رسيل :اوف طيب




عند البحر الشباب فرشو فرشه وحده كبيره البنات والشباب جلسو سوا بما انه مافي احد معاهم من الكبار فعادي

مؤيد جالس يطالع في البنات يحاول يشوف مين هيا البنت
وائل :سلامات تتطالع في البنات كدا اكلتهم بعينك
مؤيد :هاا لا بس كنت مسرح
وائل : والله مدري لك كم يوم منتى عاجبني
مؤيد :لاياشيخ امي وانا مدري هههههههههههههههههههههه


غزل : ملك قومي نمشي انا وانتي
ملك : يلا ....... مؤيد انا بروح امشي على البحر انا والبنات
مؤيد :طيب بس لا تروحي بعيد
ملك : اوكي

راحت ملك وغزل يمشو سوا
ملك : بما اننا لوحدنا انتي ايش سار معاكي اول يوم في العيد
غزل : هااااااااااااااا





تالا : بنات انا ابى ايس كريم مين يبى معايا
رسيل : جيبيلي معاكي انا والبنات
خالد يضحك :ههههههههههههههههههههههههههه
رسيل : خير ايش عندك تضحك
خالد : ولا شي افتكرت نكته
رسيل :اها
تالا : يلا انا رايحه
رسيل :اوكي


غزل : والله مافي شي
ملك : ترى انا اعرفك اكتر من نفسك
تالا : ملك تعالي نشتري ايس كريم
ملك قربت من غزل : احمدي ربك تالا انقذتك مني
ملك : يلا تالا
تالا :يلا
غزل : اوف الحمد لله عدت على خير
جلست غزل على صخرة واعطت وجهها للبحر وشالت الغطى عن وجهها وسرحت بخيالها لبعيد


مؤيد : انا رايح اشوف ملك فين راحت
وائل وخالد : طيب




تالا : لو سمحت اثنين شوكلاته وواحد فنيلايا واثنين فراوله
ملك : انتي ايش بتأكلي بقر دا كله
تالا : البنات اللي يبو ايش اسوي
البايع : اتفضل مدام
ملك اخدت الايس كريم :شكرا
وفجئه خبطت في شي طاحت الآيس كريمات من يدها






مؤيد راح للصخرة اللي جالسه عندها غزل يحسب ملك اللي جالسه
مؤيد : ملك ياحيوانه ايش جالسه تسوي هنا
غزل من سمعت الصوت وقلبها سار يضرب بقووووه وماهي قادره تتحرك
مؤيد لمن ماردت عليه مسكها من كتفها ولفها عليه
انصدم لمن شاف غزل
غزل شويا تبكي عيونها اتجمع فيها الدموع
مؤيد لقاها فرصه :ممكن اعرف مين انتي
غزل ماهي قادرة تتكلم سارت بس تبكي
مؤيد نزل لمستواها : ليش تبكي انا ماراح اسوي لك شي
غزل ماقدرت تتحمل قامت وراحت لعند البنات
مؤيد انقهر ماقدر يعرف منها شي


ملك راخيه راسها :اسفه ماانتبهت
: انتي ماتشوفي عميا ولا ايش حكاياتك
ملك ماسكه اعصابها :قلتلك اسفه ماانتبهت
مهنا : وانا فين اصرفها التيشرت اتوسخ عاجبك كدا
ملك تتلثم رفعت راسها واعطته نظرة
مهنا كان يتكلم فجئه سكت وفي قلبه (سبحان من خلق هالعين )
ملك : قلنالك اسفين واحترم نفسك ولاتطولها وهيا قصيرة
مهنا متنح مااتكلم ولا كلمه
ملك : يلا تالا
مشيو الاتنين ومهنا واقف بمكانه
مهنا:مااكون مهنا ان ماعرفت مين هيا واجيب راسها




رجعو البنات وكل واحد راح بيته
تالا : غزل اشبك احسك منتي على بعضك لايكون تعبانه
غزل : ايوا شويا تعبانه انا رايحه انام تصبحي على خير
تالا : وانتي بخير
دخلت غزل غرفتها وسارت تفكر ليش كان يبى يعرف مين هيا
الله يستر بس ونامت وهيا تفكر
تالا انسدحت ع السرير ونامت بسرعه
لانها كانت مررره تعبانه



كانت في مكان ماتعرفه كله اخضر بأخضر وكله ورود روز وجوري وصوت الشلال الهادي والعصافير وكانت لابسه فستان ابيض بأبيض طويل وكان مسبع من عند الصدر ومن الظهروشعرها اللي واصل لنص ظهرها مفتوح وكانت حاطة على شعرها طوق كله ياسمين كان شكلها خيالي وكانت تحاول تدور مخرج من المكان اللي هيا فيه ووصلت لممر من الجنبين كله ورود مسكت وردة وكانت الوردة فيها شوك فتعورت وجرحت نفسها وانتبهت انه في شخص كان يراقبها من بعيد
صحيت من نومها وجلست وكانت تفكر بالحلم : انا الشخص اللي اشوفه بالحلم احس اني اعرفه اتمنى اني اشوفه .............. خليني اقوم اصلي الفجر واقراء قران
قامت توضت وصلت الفجر وجلست تقرا قران لحد مانامت




انتهى البارت

(البارت الثامن )

ملك تكلم غزل : ها لولو ايش قلتي
غزل : طيب اكلم ماما
غزل:ماما بروح عند غزل عندها صحباتها وتباني اروحلها عشان اساعدها
ام وائل:طيب يابنتي بس لا تتأخري
غزل :اوكي

راحت غزل غرفتها ولبست فستان اسود قصير توب وعليه بروش بنكي بنص الصدر وسوت شعرها البني كيرلي ورفعته من قدام بف وحاطه شادو بنكي واسود خفيف وكحل اسود وبلاشر بنكي وحاطه قلوس بنكي
ولبست حلق طويل نهايه الحلق كرستاله بنكي لبست صندل ( الله يعزكم ) بنكي طلع شكلها جنان واتعطرت من عطر(باريسية من إيف سان لوران)

وراحت لملك
عند ملك : حركااااااااات مين قدك
غزل : ههههههههههههههههههههههه احرجتيني
ملك : اموت على اللي يستحو
غزل: هههههههههههههههههه


تالا : يلا انتي وهيا جيبو الزينه
تالا في الحديقه زينت المكان كله بالبنكي وبلونات بنكي يعني المكان كان خيالي

وائل له ثالث يوم بالمستشفى يزور البنت اللي صدمها وشايل معاه بوكيه ورد كبير
دق الباب ودخل
الام : اتفضل ياولدي
وائل : كيفك ياخاله وكيف كندا دحين
الام : الحمد لله تمام كندا سارت احسن
كندا كانت متلثمة ماهي باينه غير عينها
الام: انا رايحه اجبلك شي تشربه
وائل : لاياخالة ارتاحي
الام : لا والله انا لازم اجبلك شي وارجع
راحت الام تجيبله شي يشربه
بقي هوا لوحده مع كندا
كندا كانت بتشرب المويا اخدت الكاسه من على الكومدينا وجات بترجعها الا طاحت منها قام وائل يبى يشيل القزاز قبل احد مايتعور نزلت نفسها شويا كندا انها بتساعده بس طاحت الطرحه ماهي رابطتها تمام
وائل رفع راسه ( سبحان اللي خلقك ) شعرها اسود طويل وعيونها كبار وفمها صغير وخشمها صغير يعني كانت ملامحها حلوة
هيا على طول لفت الطرحه تاني بس وائل ماراحت عن باله مره
وائل : انا استئذن سلمي على خالتي
كندا بصوت واطي : ان شاء الله
وائل لمن خرج :سبحان اللي خلقها ولا نعومتها سبحان الله



ملك : يلا غزل امشي نروح مشوار قبل مايجو صحباتي
غزل : اوكي
وصلو عند بيت غزل : احنا ايش مرجعنا بيتنا
ملك : انزلي بناخد اشياء من تالا وبعدين نرجع البيت
غزل :اوكي
اول مادخلت كان الكل مستنيها وحطوا اغنيه غنو لحبيبي


غنّوا لحبيبي وقدّموا له التّهاني
في عيد ميلاده عساها مية عام
افرح حبيبي واطلب أغلى الأماني
الليلة يا عمري تناديك الأحلام
ودعت عام وقابلك عام ثاني
تعال نتقضي العمر في حب وهيام
انسى الهموم اليوم واضحك عشاني
والله ابتسامة منك تسعدني أعوام
أحاول أشرح لك بقلبي معاني
والله الفرح نساني هموم والآم
وأجمع أفكاري ويعجز لساني
من فرحتي معذور والله ما الآم
احترت وايش أهديك غير الأغاني
ويهديك قلبي اللّي معك في الهوي هام
واطلب من الله ياحبيبي عساني
ما أنحرم من شوفتك طول الأيام
غزل ماهي مصدقة هيا نسيت انه اليوم عيد ميلادها وشويا تبكي
وتالا جايبه العاب ناريه وقاعدة تولعها بالجو
والتورته كبيرة عليها صورة غزل واعطوها الهدايا
ملك : غزل تعالي بوريكي شي
غزل طيب
ملك ربطتلها عينها عشان ماتشوف شي وراحت لصالون
غزل : ملك فين رحتي ملوكه بلاش بلاهة
مؤيد : ملك مو هنا
غزل صنمت من الصوت فتحلها عينها ولفها عليه
كل سنه وانتي طيبه كل سنه وانتي حياتي وروحي
وخرج من جيبه علبه لونها مخملي فتح العلبه وخرج سلسله من العلبه على شكل قلب من قدام مكتوب ghzal ومن النحيه الثانيه للقلب مكتوب mouayed
مؤيد :ممكن البسك هيا رفعت غزل شعرها ولبسها هيا وغزل مرة كانت مستحيه سلم على رقبتها ولفها عليه : والله احبك احبك
غزل ماقدرت تقعد اكتر وخرجت بسرعه كانت مبسوطه مره ( وانا كمان احبك يامؤيد )


كان جالس في برج ايفل اخر طابق وجالس يفتكر اللي حصل من سنتين
رامي جالس بالسيارة ومشغل اغنيه :

قهر ما كنت انا ادري تعيش في قلبي كذابه
قهر توي عرفت انك على الحبلين لعابه
كذب كانت سواليفك كل كلمه على كيفك
وانا الي احسبك روحي و القلب اقرب احبابه

وفيت لقلبك بعمري بك ضحيت بأيامي
لقيتك للاسف كذبه اعيش بها مع احلامي
نعم صدقت كلماتك ولا ادري بنياتك
هذا اليوم انا كلي ندم من راسي لأقدامي

خلاص الحين ابي ارحل و انا فيني الم غدرك
اباخذ قلبي من قلبك و اخلي قلبك بصدرك
بداوي روحي بروحي و بكتم فيني جروحي
بعيش دنيا من دونك وعيشي بالقهر عمرك

ويضرب على الدركسون : ليش سويتي فيا كدا انا والله حبيتك حرام عليكي تسوي فيا كدا انا لازم ابعد من هنا انا راح اسافر
دق جواله
رامي : نعم ايش تبي
إلانه : رامي الله يخليك سامحني
رامي : خلاص اللي بيننا انتهى لاعاد تتصلي عليا فاهمة ياحقيرة
إلانه دوبها بتتكلم : رام.....................طوط طوط
ورجع لمى هوا عليه قدام القمر اللي منور شوارع باريس (آه ياربي انا لازم انساها بأي طريقه والله تعبت هيا خانتني انا ليش افكر فيها هيا ماتستاهل مجرد التفكير فيها
دق جواله : هلا نواف
نواف : فينك يارجال
رامي : انا في برج ايفل
نواف : اقول بسرعه انزل انا في شارع الشانزليزيه
رامي : اوكي





تالا خلاص اختباراتها قربت وسارت تقضي وقتها مذاكرة
وائل تفكيره في كندا اللي يحسها دخلت قلبه من غير استئذان
مؤيد كل يوم يزيد حبه لغزل وماهو قادر يشيلها من باله
جمانه وهدى زي ماهما في طياشتهم
رسيل تفكيرها بالانسان اللي ماتعرف ليش تفكرفيه
غزل مرة تحب مؤيد وكل وقتها تفكر فيه
ملك مشغوله باللي شافته مرتين بالصدفه
خالد كل يوم يحس بشعور غريب ناحيه الشخص اللي يعانده
مهنا مانسي عين ملك اللي سار حافظها زي اسمه



جاه وقت الاختبارات وتالا مرة متوترة خايفه ماتجيب نسبه عاليه
الكل يختبر
تالا تكلم ريفان : اليوم اخر يوم في الاختبارات ماني مصدقه
ريفان : لا صدقي
تالا : ايوا صح ايش راح تتدخلي بالجامعه
ريفان : لسى ماادري
تالا: اها
ريفان : وانتي
تالا: انا بكمل دراستي برى
ريفان : الله يوفقك
تالا : امين ويوفقك



بالبيت تالا دخلت غرفتها ورمت نفسها على السرير وتتنفس بعمق تحس انها ماهي مصدقه انها خلصت اختبارات وجهها كان مرة مرهق وتحت عينها هلالات سودة فجئة غرقت بالنوم

كملت مشيها لممر تبى تكلم الشخص اللي شايفته وصلت لعنده لكن ماهي عارفه شكلو ملامحه ماهي واضحه كانت تحاول تكلمه مسك يدها وخرج منديل من جيبه ومسح دمها
: يالله كنت بشوفه انا متأكدة اني قريب راح اشوفه




وائل عند بيت كندا
دق الباب خرجله ولد صغير
وائل : ايش اسمك حبيبي
الولد : اسمي مروان
وائل : كيفك مروان
مروان : الحمدلله
: مروان مين عند الباب
التقت عينهم ببعض كندا حست قلبها بيخرج من مكانه حتى وائل اشتاق لعينها مرة
وائل : كيفك كندا
كندا : تمام
وائل : ممكن اخد مروان معايا
كندا : طيب بس اروح اسئل ماما
وائل : اوكي
مروان : فين بتوديني
وائل : بوديك اي مكان تبغى تروحه
مروان : ابغى لعبه كبيرة
وائل : ان شاء الله اطلب اللي تباه
كندا جات : تقولك طيب بس لا تتأخر
وائل : ان شاء الله


نتيجه تالا راح تتطلع هيا وخالد
تالا جالسه على نار وشويا تبكي وتدعي ربها
ابو وائل : تالا فينك
تالا راحت جري لابوها
تالا: هلا بابا
ابو وائل سكت شويا
تالا حست بيغمى عليها
ابو وائل : ضحك مبروك يابنتي جيبتي 98
تالا ماهي قادرة توقف من الفرحه جلست بالدرج : من جد جيبت 98
ابو وائل : ايوا يابنتي
تالا قامت حظنت ابوها
ابو وائل : ها ايش تبي هديتك تكون
تالا سكتت شوي : بابا انا بكمل دراستي برى بباريس
ابو وائل : لا يابنتي كيف اخليكي تروحي لوحدك
تالا : بابا لاتخاف عليا ماراح يسير شي اجيكيم بالاجازات
ابووائل : يسير خير يابنتي




في بيت ابو خالد
الكل فرحان لخالد جاب 97 والكل حضر عند بيت ابو خالد
بمجلس الرجال
ابو وائل : بما اننا اليوم كلنا مجتمعين راح اقلكم شي
ابو احمد : خير ياابو وائل
ابو وائل : بنتي تالا راح تكمل دراستها بباريس
وائل : ليش ان شاء الله ماتكمل زي باقي البنات هنا
ابو وائل: هاذي رغبتها وانا ماراح ازعلها
وائل : لا والله ماتروح
ابو وائل : انت ماانتا ابوها انا ابوها
وائل سكت ويتوعد بتالا


عند الحريم
غزل : انتي مجنونه كيف تسافري لوحدك
تالا : مافيها شي
ملك : ترى الغربه صعبه
تالا : والله عارفه بس احس مستقبلي برى مو هنا
هدى: تتوقعي عمي ابو وائل راح يوافق
تالا : ان شاء الله يوافق
جمانه : انتي ايش تروحي تسوي هناك لوحدك يعني تقعدي على حل شعرك
تالا هنا ماقدرت تتمالك نفسها وقامت اعطت جمانه كف على وجهها
: احترمي نفسك انا اهلي عرفو يربوني الكلام الباقي عليكي وتاني مرة لاتغلطي معايا بالكلام فاهمة
جمانه قامت تجري وخرجت بالحديقه هدى حقدت على تالا
غزل : خلاص تالا هدي
تالا مرة معصبه وترتجف :انتي ماسمعتيها ايش تقول والله لا اوريها
ملك : لاتعصبي نفسك على شي مايسوي
ام خالد : توتا تعالي فوق ريحي
تالا معندة : ماابغى
ام خالد : اسمعي الكلام
تالا وخلاص ماهي قادرة توقف الرجفه : قلت ماابغى
تالا مرة عنيدة وتعصب بسرعه ولمن تعصب لازم تجيها رجفه
غزل سحبتها من يدها :يلا قومي مو على كيفك
وقومتها هيا وملك وطلعوها غرفة خالد ( تالا عادي تقعد بغرفة خالد تعتبره زي اخوها )
ونامت على الكنبه اللي بغرفته ورسيل جلست جمبها وسارت تبكي عليها تحسب فيها شي بس هيا طبيعتها كدا
دخل خالد غرفته انصدم لمن شاف تالا نايمه على الكنبه بس هوا متعود على حركاتها تحب تعانده لكن لمن شاف رسيل تبكي يحسب فيها شي تالا
خالد : رسيل اشبها تالا
رسيل تبكي : ماادري اشبها
خالد : طيب لا تبكي
رسيل : احسها تعبانه بس ماهي مبينه
خالد : لامااعتقد خلاص لاتبكي عشاني
رسيل سكتت بس انتبهت لشي انها ماهي لابسه عبايه ولاطرحه على راسها قامت دخلت الحمام
خالد استغرب من حركتها : اشبك
رسيل : اخرج برى عشان ماني لابسه عبايه
خالد : دوبك تنتبهي ههههههههههههههههههههههههه خلاص انا طالع ولاعاد اشوف دموعك
رسيل : طيب


قامت تالا ولقيت رسيل جالسه عندها ابتسمت : مساء الخير
رسيل قامت تجري وحضنتها
تالا : اشبك سلامات
رسيل : انتي تعبانه فيكي شي
تالا ضحكت : لا مافيا شي انا بس لما اعصب يسير فيا كدا يلا قومي نرجع البيت
رسيل : يلا
ركبو مع وائل
تالا : السلام عليكم
وائل مارد عليها
تالا: وائل اشبك
وائل : سكي فمك ولا تتكلمي ولا كلمه فاهمة
تالا سكتت



وصلو البيت
تالا: ممكن اعرف اشبك عليا انا ماسويت شي
وائل: لا ياشيخه والسفريه ايش تسميها
تالا: اشبها السفريه انا بكمل دراستي ماني رايحه اصيع
وائل وماسك نفسه : قولي لابوكي انك بطلتي منتي رايحه
تالا: ماني قايله انا رايحه يعني رايحه
وائل اعطاها كف على وجهها خلاها تطيح على الارض
غزل : انت مجنون ليش تضربها
تالا : انا قلتها وماراح اغير كلمتي انا مسافرة مسافرة

وطلعت غرفتها وماسكه نفسها ماتبى تنزل دمعه على شي مايسوى
نامت وهيا زعلانه

بعد شهرين بيسو حفله تخرج تالا وخالد في بيت ابو وائل وعشى عشان تالا بتسافر بعد اسبوع

يوم الحفلة تالا لبست فستان فوشي قصير برقبه والظهر كله علامات ضرب
ولبست حلق صغير فيه كرستاله والسلسه كرستاله صغيرة عملت شعرها كيرلي وحطت ميك اب ناعم الشادو فوشي والبلاشر فوشي وقلوس فوشي وكحل اسود
ونزلت كانت الحفلة كبيرة
غزل : اهلين بصاحبة الحفلة
تالا: اهلين فيكي
غزل : اعرفك على تولين
تولين : كيفك تالا .... مبروك التخرج
تالا : تمام انتي كيفك ..........الله يبارك فيكي
تولين : تمام
رود : هاي صبايا
البنات : اهلين
تالا : بنات اعرفكم رود
ملك : هلا والله كيفك؟
رود : تمام الحمد لله
ريفان : هااااااااي
البنات : اهلين
رود :انتي لازم تتأخري
ريفان : طبعي مااقدر اتغير



عند الحريم
ام وائل : اعرفك على ام تولين صديقه غزل
ام مهند: هلا والله .....كيفك ياقلبي
ام تولين : تمام انتي كيفك
ام مهند : تمام
( ام مهند عجبتها تولين ........ تولين بنت بيضه طويله ملامحها حلوه شعرها اسود طويل ......... ام مهند تفكر تخطبها لمهند)


عند الرجال وائل يكلم غزل بالجوال : ارسلي المبخرة مع وحده من الشغلات دحين ارسل لؤي ياخدها
غزل : اوكي
غزل : تالا روحي ودي المبخرة للؤي الشغالات ماهم فاضيين
تالا:هاتيها انا اديها لرود توديها ...... روده تعالي
رود : اكيد تبي شي انتي ماتدلعيني الا عندك شي
تالا : اباكي تودي المبخرة للؤي
رود : نعم انتي ناسيه انه اخوكي رجال
تالا: لؤي مو وائل لؤي الصغير يلا روحي
رود : امري لله

وائل : يالله فين انقلع داه
سامي: خير ياابو الشباب اشبك
وائل : لؤي فين راح كنت اباه يجيب المبخرة من عند الشغاله وانا ابويا يستناني
سامي : خلاص انا اجيبها
وائل : هيا لاتطالع في شغالتنا تراها ماهي حلوة
سامي : ههههههههههههههه انقلع


رود واقفه عند الباب : يالله داه كله لؤي يجي
فجئه انفتح الباب انصدمت من اللي قدامه ماهي قادرة تتحرك
: هادي الشغاله اللي يقول عليها
رود كانت لابسه فستان اسود وحاطه ميك اب احمر كان شكلها طالع حلو
سامي : لو سمحتي المبخرة
رود استوعبت الهرجه : لو سمحت ارخي عينك بلا قلت ادب
سامي فتح عينه ع الاخر ( اللسان الطويل بالانوثه دي )
رود : امسك المبخرة لا احطها بعينك
اخد المبخرة وماقال ولاكلمة
رود راحت معصبة من تالا
تالا : ها اخدها
رود : مو لؤي اللي اخدها ياحيوانة
تالا : من جد ........ اجل مين
رود : مدري بس والله لاوريكي
تالا : رود انا مدري مين غزل قالتلي لؤي ... انا رايحه اسألها



عند الرجال
سامي : شغالتكم حلوة
وائل : الله يرجك فين حلوه هيا وادنها الناقزة
سامي : والله حلوة
وائل يمسك راس سامي : صاحي انت شكلها حرارتك مرتفعه




غزل : ايوا وائل مين اللي اخد المبخرة
وائل : سامي ....... ليش تسألي
غزل : لا ولا شي بس الشغاله قالت ماتعرفه
وائل : طيب يلا باااي انا مشغول دحين
غزل : يقول سامي صاحبه
تالا : ياويلي من رود
رود : ليش ياويلك
تالا بلعت ريقها : الولد اللي اخد منك المبخرة صاحب اخويا
رود : الله يحرق شيطانك
تالا : خلاص هدي
رود : دحين ايش يقول الولد علينا
تالا : ماراح يقول شي
رود : وطلعتوني شغاله
تالا : هههههههههههههههههههههههههههه
رود : لا تضحكي
تالا : طيب





ام مهند : كيفك يابنتي ياتولين
تولين :الحمد لله ياخالتي
ام مهند : ماشاء الله تبارك الله
تولين مستحية
ام مهند: نيال اللي بياخذك
تولين قامت
ام وائل : احرجتيها
ام مهند : هههههههههههه


في بيت ابو مهند

ام مهند : اليوم شفت بنت حلوة وابى اخطبها لمهند
ابو مهند : على خير بس قولي لولدك اول
ام مهند: ان شاء الله

تالا سارت تجهز شنطها ومرة ماهي فاضيه والبنات يساعدوها
تالا تكلم رود : خلاص لاتبكي
رود : تسافري وتسيبيني لوحدي
تالا: راح اجي في الاجازات .... واذا وحشتك تعالي اقعدي بغرفتي وفيه البنات هنا يعني تتسلي
رود تبكي : خلاص طيب بنام على سريرك
تالا: هههههههههههههههههههه اوكي
قفلت منها وجلست تكمل ترتيب في الشنطه
دق الجوال (ريفو)
تالا: هلا ريفان
ريفاان تبكي : لسى مصرة تسافري
تالا: ايوا مصرة....... بعدين اشبكم ترى ان شاء الله ازوركم في الاجازات
ريفان تبكي : والله راح توحشينا
تالا: وانتي اكتر ...... راح اكلمكم واقعد على المسن يعني كأني معاكم ... يلا خلاص روقي
ريفان : طيب
تالا : يلا انا بقفل عشان اكمل ترتيب
ريفان : طيب




ام مهند: ها ايش قلت
مهند : خلاص الله تشوفيه ياامي
ام مهند : يعني نقول مبروك
مهند: ههههههههههههههههههه توافق بعدين نقول مبروك
ام مهند : ان شاء الله بتوافق


البنات مجتمعين عند تالا بالغرفه
ملك : يلا تروحي وترجعي بالسلامه
تالا : الله يسلمك قلبي
غزل تبكي : يعني لازم تروحي
تالا : ايوا وبعدين انا ان شاء الله اشوفكم تاني
ريماس : خلاص مو لازم تروحي روحي السنه الجايه
تالا: طيب ماتفرق يعني بكرا ولا السنه الجايه راح اسافر
رسيل تبكي : والله البيت مو حلو من دونك
تالا: خلاص لاتبكو
ملك : خلاص بنات يلا قومو عشان تنام تالا بكرا وراها رحلة



اليوم الثاني بالظهر حان وقت الرحيل
تالا مانامت تمام راحت اخدت شور ولبست ونادت على الشغالات ينزلو الشنط
ونزلت تسلم على العائله كلهم مجتمعين في بيت ابو وائل
راحت تسلم على اعمامها : مع السلامه عمي ابو احمد
ابو احمد : روحي يابنتي الله يحفظك
حضنت عمها ابو خالد : راح توحشني
ابو خالد : وانتي كمان يابنتي انتبي على نفسك
وسلمت على حريم اعمامها وعمتها
راحت للبنات : يلا ياحلوين اشوفكم على خير
ملك : انتبي على نفسك وحضنتها وسارت تبكي لا تنسينا
تالا : انسى نفسي وماانساكم
هدى سلمت ( انقلعي الله يقلعك )
جمانه ( ان شاء الله ماترجعي )
تالا: لولو ماتبي تسلمي عليا
غزل وعينها حمرة من البكى حضنتها وسارت تبكي زي الاطفال : الله يخليكي مو لازم تروحي
تالا خلاص ماسكة دمعتها ماتنزل : خلاص لا تبكي
رسيل وهيا تسلم : كلي تمام واتغطي تمام وسارت تبكي
تالا : ان شاء الله ياقلبي وانتبي على دراستك مافي لعب فاهمة
رسيل وهيا تشهق : ط...ي...ب
ريماس : تالا لاتطولي في السفريه دي من يوم ماتجي الاجازة تعالي
تالا: ان شاء الله ..... دندن ماتبي تسلمي
دانا تبكي : خلاث تالا بتثافري
تالا : ايوا حبيبي اقعدي عاقلة ولاتطفشي اخواتك عشان اجبلك شوكلاته كبيرة لمن ارجع
دانا : طيب
رود : حتوحشيني يادبه
تالا وانتي اكتر
ريفان : كلمينا فاهمة
تالا :ان شاء الله

راحت تالا تسلم على وائل : ماتبى تسلم عليا
وائل على قد ماكان مقهرو منها نسي الهرجة وراح حضنها : انتبهي على نفسك
لؤي : تالا لاتنسي الهدية
تالا : ههههههههههههه اكيد بس لا تسهر كتير على البلاي ستيشن
لؤي : طيب
تالا راحت تسلم على امها وابوها : يلا بابا مع السلامه
ابو وائل : روحي يابنتي الله يحفظك ويوفقك
تالا : مع السلامة ماما
ام وائل سارت تبكي : يابنتي والله صعبة تروحي لحالك
تالا: خلاص الكلام معد ينفع دحين وسلمت عليها وخرجت

خرجت الحديقة ولبست الطرحه وكلهم واقفين عند الباب
لفت عليهم ودموعها شويا تنزل والبنات يبكو .............دانا جريت عليها وحضنتها
خلاص هنا تالا سارت تبكي باست دانا ومشيت




في المطار : يلا شباب اشوفكم على خير
خالد : يلا شدي حيلك
تالا : ان شاء الله ... وانت كمان ابى ارجع القيك عريس
خالد: ان شاء الله
احمد : تروحي وترجعي بالسلامه
مؤيد : يلا نشوفك على خير
تالا : ان شاء الله سلمت على وائل ودخلت


( انتهى البارت)

( البارت العاشر)



في بيت ابو مهند
مؤيد جالس بغرفته كانت اجازته يعني مافي رحلات كان مرة مسرح دخلت ملك عليه الغرفه : سلام عليكم
مؤيد:...................
ملك : مودي
مؤيد :....................
ملك رمته بالمخدة : عمى في عينك ايش تبغي
ملك: من اول اكلمك وانت ماترد
مؤيد : اطلعي برى
ملك تستهبل : متأكد
مؤيد : ايوا
ملك : بكيفك انا كنت بقلك شي عن غزل بس انت الخسران
مؤيد نقز من مكانه : لا خلاص تعالي
ملك : لا والله دوبك طاردني
مؤيد : ابوس راسك خلاص اخر مرة تنطردي
ملك : اكيد
مؤيد : اكيد.............. يلا قولي اشبها غزل
ملك تستهبل مسويه نفسها زعلانة: الصراحه قالتلي شي ماراح يعجبك
مؤيد حط يده على قلبه : قولي ايش فيه
ملك : راح تكون قد الصدمه
مؤيد بعصبيه : ملك اتكلمي بسرعه والله ماني ناقصك
ملك وشويا تضحك اخدت نفس :هيا قالت انها ............ انها
مؤيد اعصابه تلفت : انها ايش
ملك بابتسامه : انها تحبك
مؤيد وقف : من جد
ملك : والله
مؤيد مسك ملك من كتفها : يعني تحبني زي مااحبها
ملك : ايوا
مؤيد حضن ملك : والله ماراح انسى وقفتك معايا
ملك : اهم شي انك ارتحت
مؤيد : آآآآه وربي ريحتيني
ملك : يلا انبسط ياعم مين قدك غزل تموت فيك
مؤيد : وانا اعشقها
ملك: باين
مؤيد : ان شاء الله اخطبها قريب
ملك : ان شاء الله ............خلاص انا رايحه البنك اتأخرت على الدوام
مؤيد : طيب انتبي على نفسك
ملك : ان شاء الله



في بيت كندا
مروان قاعد يجري في البيت
كندا : مروان اجلس
طلع فوق الطاولة وكان عليها فازة كبيرة وكان ينقز فوق الطاولة اتكسرت الطاوله وطاحت الفازة ومروان
كندا جات تجري من الفجعة ( لمن طاحت الفازة كان الصوت مرة عالي )
كندا : مروان ايش سار
لقيت مروان طايح بالارض ومجروح بيده والدم مالي يده والارض
كندا سارت تبكي : مروان ايش سار لك
مروان يبكي
كندا راحت تجري تنادي امها :ماما ......ماما
ام كندا : اشبك يابنتي
كندا تبكي : ماما الحقي مروان طايح بالصاله وكله دم
الام راحت مع كندا لقيت مروان طايح في الارض وشويا يغمى عليه لانه نزف كثير
الام سارت تبكي ماعندها رجال بالبيت الابو متوفي وماعندها غير كندا:
مافي غير هوا لازم اكلمه



وائل كان بمكتبه ومرة مشغول دق جواله رد من غير ماشاف مين :الو
ام كندا : ياولدي الحق على مروان
وائل : خير ياخالتي اشبه مروان
ام كندا : الله يخليك بسرعه تعال لايروح الولد من يدي
وائل : مسافه الطريق وانا عندك

وائل وصل بيت كندا دق الباب كندا حطت الطرحه على راسها وخرجت بسرعه تفتح الباب لوائل
وائل: فين مروان
كندا : بسرعه جوا
دخل وائل بسرعه شاف مروان على الارض وشاله وراح يوديه للسيارة : انا انا استناكم في السيارة بسرعه
كندا : طيب
لبست كندا العبايه هيا وامها وركبو مع وائل
وائل طار على المستشفى ................ وصل المستشفى ودخلوه غرفه العمليات
وكندا وامها ذابحين نفسهم بالبكى
وائل: خلاص ياكندا انتي وخالتي لاتبكو
ام كندا: راح يروح مني الولد
وائل :لا ان شاء الله اذكري الله ياخاله وماراح يسيرإلا كل خير إن شاء الله
ام كندا : إن شاء الله ياولدي



رسيل هيا ودانا عند عمها ابو خالد
رسيل جالسه مع مرة عمها ودانا وجوري وليان جالسين يلعبو
ام خالد : انا رايحه اكلم عمك وارجع
رسيل: طيب ........ بس لاتطولي
ام خالد : ان شاء الله
رسيل مسكت الريموت وجالسه تقلب بالقنوات وحطت قناة ميلودي
دانا : حطي ام بي ثي ثري
رسيل : ماابى اجلسي العبي مو لازم
دانا وجوري : لا مانبغى
رسيل ولا كأنها سامعتهم
رفعت الصوت وطلعت على الطاولة ترقص بتقهرهم( عمها وحرمة عمها متعودين على حركاتها )
رسيل كانت لابسه تنورة قصيرة على الركبه بيضة وبلوزة نيلي وفلات نيلي وعاملة شعرها كيرلي وحاطة كحل ازرق وقلوس بنكي وجالسة ترقص
وتعاند في دانا وجوري سارت تبكي ورسيل ولاهي معاهم قاعدة ترقص جاه خالد جوري على طول راحتله : خلووود شوف رسيل ماهي راضيه تحط ام بي سي ثري
خالد : معليش حبيبتي خذي دانا وروحو العبو في الغرفه
جوري :طيب
دانا : اضربها خلوووود
خالد :ههههههههههههه طيب
ورسيل ماهي معاهم مرة داخلة جو في الرقص
وخالد واقف يطالع فيها شكلها كان مرة حلو وهيا جالسه ترقص
خلصت الاغنية ورسيل دوبها نازلة من فوق الطاولة الا اتلوت رجلها
رسيل : اي
خالد خاف عليها : رسيل سرلك شي
رسيل هنا تحس شعر جسمها وقف : انت من متى هنا
خالد : نزل لعندها ومسك رجلها فين تعورك
رسيل : لا خلاص ماتعورني
خالد مسوي عصبي : اقول وريني فين تعورك
رسيل خافت : هنا
خالد : هنا
رسيل: ايوا
خالد اول مامسك المكان رسيل حست بكهربة تجري في جسمها
خالد : لا مافيكي شي الحمد لله سليمه
( خالد داخل قسم طب بالجامعه )
رسيل كانت بتوقف
خالد : اعطيني يدك انا اساعدك
رسيل كان متوترة مدت يدها ......خالد رفعها بسرعة لدرجه انه سحبها نحيته وصلها لصدره رسيل هنا اتجمدت مكانها ماهي قادرة تتحرك اما خالد كان مبسوط من الحركة اللي سواها
ورسيل راخيه راسها ماتبغى ترفعها من الخجل
خالد : رسيل ارفعي راسك
رسيل كانت مترددة بس رفعتها واتمنت انها ماترفعها تاهت في بحرعينه وهوا ماشال عينه من عينها قربها منه رسيل تحس قلبها بيوقف
رسيل : خالد ممكن تسيبني اروح
خالد : لا
رسيل : خالد لو سمحت امك لو نزلت راح تفهم غلط
خالد بكل برود : ماهمني
رسيل : خالد لو سمحت
خالد : بشرط
رسيل : نعم ........... اقول بعد عني
خالد ماسكها من ظهرها صارت لاصقه فيه
خالد : اذا تبيني اسيبك لازم تنفذي شرطي
رسيل : طيب ايش شرطك
خالد يحرك حواجبه : بوسه
رسيل فتحت عينها : نعم
خالد: اللي سمعتيه ولا ماراح اسيبك
رسيل : اشرط اللي تباه الا دا الشرط والله عيب
خالد : انا مالي دخل نفذي الشرط
رسيل وشويا تبكي : الله يخليك غيره
خالد : ماني مغيره يلا بسرعه قبل امي لاتنزل وتفهمك غلط واذا على البوسه اباها في خدي لاتخافي مو في مكان ثاني
رسيل وجهها سار احمر من اخر كلمه قالها : طيب
خالد متحمس : يلا
رسيل بسرعه باسته
خالد : لا والله ايش دا ذي ماهي بوسه حتى ماحسيت بشي
رسيل : والله ماعندي غيرها يالله سيبني
خالد : المرة دي بعديها لكن المرة الثانيه ماراح ارحمك يلا روحي
رسيل ماصدقت انه سابها على طول لبست عبايتها واخذت دانا وراحت بيتهم


بالمستشفى الدكتور خرج من غرفة العمليات
وائل وكندا وامها راح للدكتور
وائل : ها دكتور بشر
الدكتور : الحمد لله ......... الجرح اللي في يده قطع العرق عشان كدا دخلنا على العمليات بس الحمدلله كل حاجه تمام والولد مافيه شي بس لازم يتنوم عندنا على الاقل يوم واحد لانه فقد دم كثير
وائل : ان شاء الله يادكتور ومصاريف المستشفى عليا
ام كندا حضنت بنتها : الحمد لله يارب



غزل تتصل على ملك
: الو
غزل سكتت ماهي قادرة تتكلم
: الو
غزل : الو ممكن اكلم ملك
مؤيد يسهبل : مين اقلها
غزل : قلها غزل
مؤيد : ياهلا والله كيفك لولو
غزل : الحمد لله
مؤيد : وحشتيني ياقلبي
غزل سكتت
مؤيد : غزل انتي معايا
غزل : ايوا معاك
مؤيد : اقولك وحشتيني موووووووووووووووووووووووووووووت
غزل خلاص وجهها سار احمر قفلت في وجهه
مؤيد : لا قفلت
ملك : قلتلك هيا مرة تخجل .......... هيا دحين تزعل مني
مؤيد: لا لولوتي قلبها ابيض
ملك : اهم شي
مؤيد : اتصلي عليها وتشوفي راح ترد عليكي
ملك اتصلت ردت غزل : نعم
ملك : والله انا مالي دخل هوا قلي انا برد وسحب الجوال مني
لولو بليز لاتزعلي مني
غزل : اوكي بس قوليلو لاعاد يعيد الحركة مرة ثانيه
ملك : ان شاء الله
غزل : ماتبي تجيني
ملك : لا انا خارجه اليوم مع مهند وتولين
غزل : وليش حاشرة نفسك بينهم
ملك : والله هوا قلي تعالي معانا
غزل : اها
ملك : خلاص انا بروح البس
غزل : اوكي
مؤيد : ها شفتي قلتلك لولوتي قلبها ابيض
ملك : اقول انقلع


مهند : يالله ياملك
ملك بتلبس عبايتها : يلا جايه
مهند : ساعه
ملك : هههههههههههههههه والله البنت ماهي طايرة
مهند : هههههههههههههه امشي يلا
ملك : يلا
بالسيارة ملك نسيت هرجة مهنا
مهند راح على المطعم
ملك : اشبك مامريت على تولين
مهند : اخوها راح يجيبها
ملك هنا قلبها سار يدق بقوة
ملك: مين اخوها
مهند : مهنا اشبك اليوم منتي مجمعه
ملك : والله الشغل متعبني عشان كدا بس انسى
مهند : قلتلك لاتشتغلي في بنك ماسمعتي كلامي
ملك : انا احس انه يناسبني وغير كدا الشغل ممتع في البنك بس متعب شويا
مهند : اها ........... يلا انزلي وصلنا
ملك : طيب
دخل مهند وملك المطعم وجلسو على الطاوله اللي حاجزها مهند
وكلها ورود وشموع
ملك : احس اني اليوم مالي داعي اكون معاكم
مهند : لاتخافي حجزت طاولة ثانيه
ملك : ليش ؟
مهند : عشان تقعدي انتي ومهنا عليها
ملك : نعم
مهند : اجل بتخربي عليا الجو
ملك : بس كان مااخذتني معاك من البدايه
مهند: اخوها مو راضي نقعد لوحدنا وانا قلت بما اننا ماراح ناخذ راحتنا اجيبك تقعدي معاه وتراه مرة محترم
ملك( ايوا واضح)
مهند: ها جاه مهنا وتولين
مهنا : مساء الخير
ملك ومهند : مساء النور
ملك راخيه راسها
مهند : يلا ملك روحي اقعدي على الطاولة اللي قلتلك عليها
ملك رفعت راسها : طيب
مهنا هنا ماهو مصدق انها ملك هيا اخت مهند ( يالله يعني ملك اخت مهند )
راحو جلسو على الطاولة ملك ساكته ماتكلمت ولا كلمه
مهنا جالسه يلعب بجواله ملك جاتها فكرة في بالها خرجت جوالها وحطت نغمه جوال انه جوالها دق
وسارت تتكلم : ايوا تالا كيفك............... انا تمام الحمدلله
اخبار الجامعه ............. والله الشغل بالبنك متعبني
ومهنا جالس يلعب بجواله مسوي نفسه ماهو مهتم
فجئة دق جوال ملك وهيا حاطته على اذنها
هنا مهنا ماقدر يمسك نفسه صار يضحك وملك خلاص اتفشلت
مهنا : ردي على تالا ههههههههههههههههههه
ملك : يادمك ........... الو ايوا غزل اكلمك بعدين
غزل : اوكي بااااي
ملك :باااي
ملك : ممكن اعرف ايش اللي يضحك
مهنا : اسئلي نفسك
ملك ماردت عليه
مهنا لقيها فرصه : ملك انا عارف انك نفسك تقتليني من اول مرة قابلتك فيها
بس انا من اول مرة شفتك فيها وانتي ماتروحي عن بالي انا صح اني نسونجي درجه اولى بس ماانكر اني ممكن احب في يوم من الايام
بس والله انتي الوحيدة من البنات اللي عرفتهم واللي شفتهم ماتروحي عن بالي
ملك قامت


عند مهند : والله وحشتيني مووووووت
تولين : بهذه السرعه
مهند :واكثر من ماتتصوري ............ تولين انا احبك انتي ممكن تقولي انه مو بالسرعه دي بس والله من اول مرة شوفتك فيها دخلتي قلبي
تولين : بصراحه حتى انا من اول مرة شفتك دخلت قلبي


ملك : اتصلت على غزل
غزل : ايوا ملك
ملك : الحقيني على البيت
غزل : ليش ايش ساير
ملك : لمن اقابلك اقولك
غزل : اوكي
مهنا : ملك اهدي لو سمحتي
ملك : انا هادية مافيا شي ................ راحت لمهند
ملك : مهند انا رايحه البيت
مهند : خير ايش صاير
ملك : ماسار شي بس غزل في البيت تستناني
مهند : طيب كيف بتروحي
ملك : اتصلت على السواق
مهند : اوكي انتبي على نفسك
ملك : اوكي باااااي
مهند : مع السلامه
ملك : باي تولين
تولين :بااي

عند بيت ابو مهند
غزل دخلت فتحتلها الشغالة : ملك جات
الشغالة : لا لسى مايجي
غزل : طيب ........... عمتي فيه
الشغالة : مافي احد موجود
غزل : طيب انا رايحه غرفه ملك اذا جات قوليلها
الشغالة : طيب
طلعت غزل غرفة ملك وفسخت عبايتها كانت لابسه تنورة قصيرة فوق الركبه كرهات لونها احمر ورمادي وهاينك كت لونه احمر وبوت نفس التنورة كرهات احمر ورمادي والاكسسورات لونها رمادي وشعرها مستشورته وفاتحته ولابسه طوق احمر فيه فراشة صغيرة
خرجت من غرفة ملك وسارت تتمشى وصلت لغرفه كان الباب مفتوح
دخلتها لقيت على الكمودينه صورة مؤيد لقيتها فرصه تستكشف شخصيته من خلال اشياءه اللي في الغرفه بما انه تخصصها علم نفس
فتحت الدرج لقيت دفتر لونه موف فتحت اول صفحه مكتوب
أنتي أول حب صادفته في حياتي
أنتي اول عشق يداهم حياتي
أنتي اول أمراة ينبض لها قلبي
غزل لم اشعر بجمال هذا الاسم
الا عندما احببتك
أني أحبك أحبك أحبك أحبك
أحبك أحبك
قفلت الدفتر وضمته لصدرها ( الله يخليك ليا يامؤيد والله حتى أنا أحبك )
راحت لعند التسريحه مؤيد كان حاط على التسريحه صورة بنت صغيرة مسكتها غزل اتفاجئت : هذه صورتي وانا صغيرة
ملك حست انها ماهي بالغرفه لحالها لفت انصدمت مؤيد بالغرفه والابتسامه شاقة حلقه مشيت بسرعة بتخرج مؤيد كان اسرع منها سحبها من يدها ولصقها بالجدر هنا غزل خلاص تحس قلبها بيخرج كان مرة قريب منها لدرجة انه نفسه ونفسها اخطلتو سوا ..........غزل من الخوف اغمى عليها مؤيد شالها وحطها على سريره وجاب العطر
وسار يبخ ويشممها لحد مافاقت
مؤيد كان مرة خايف عليها : غزل حبيبي انتي بخير
غزل دوبها تستوعب انها على سريره :ايوا انا تمام ............... انا لازم اخرج من هنا
وخرجت على طول


عند ملك
مهنا : ملك لحظه نتفاهم
ملك: نتفاهم على ايش ........ مابيننا شي
مهنا : انا مستعد عشانك اسيب البنات كلهم
ملك : انا مالي دخل فيك
وركبت السيارة وراحت ومهنا واقف


غزل في غرفة ملك مسكت جوالها واتصلت على ملك
ملك : هلا غزل
غزل : ملك فينك
ملك : خلاص انا عند البيت
غزل : اوكي انا بغرفتك
ملك : اوكي

دخلت ملك وفسخت عبايتها وانسدحت على السرير وزفرت
غزل : ملك اشبك
ملك : قابلت مهنا
غزل : من جد
ملك : والله
غزل : حكيني ايش سار
ملك : اللي سار................



بباريس تالا كان عندها زكام وبرد ونزلت الصيدلية عشان تشتري دواء وهيا خارج انصدمت من الشخص اللي قدامها هوا نفس الشخص اللي تشوفه كانت بتمشي بس وقفها
رامي : ممكن لو سمحتي اتكلم معاكي ........... انا ماابى منك شي بس بتكلم معاكي
تالا كانت متوترة ماهي عارفة ايش تقول بس في النهايه قررت: طيب
رامي : ايش رايك نروح نقعد ببرج ايفل
تالا: طيب
راحو برج ايفل طلعو الدور الاخير
رامي :اعرفك على نفسي انا رامي ............... عمري 23 ......... ادرس بنفس الجامعة اللي تدرسي فيها قسم محاماه .......... وعندي اختين ........وانا باقيلي سنتين واخلص وارجع السعوديه ..... وسكت
تالا: طيب
رامي : ايش اللي طيب
تالا: ونهاية هذا الكلام
رامي : بصراحه انا حاب اتعرف عليكي
تالا : وانا مااتعرف على شباب
رامي : انا احترم فيكي هذا الشي بس انا مو قصدي نسوي علاقه انا قصدي بس نتعرف على بعض................ انا راح اسيبك تفكري على راحتك
وهذا رقمي ................حط الكرت وراح


عند غزل وملك
غزل : طيب انتي اشبك معصبه انا ماني شايفه انه قال شي غلط
ملك : لاياشيخه
غزل : يمكن هوا يحبك بس ماحب يعترفلك فقالها بطريقه ثانيه
سكتت ملك شويا : ماادري
غزل : خليها على ربك .................طالعت بساعتها ... الله تأخرت على البيت يلا انا رايحه
ملك : استني كيف تروحي لوحدك
غزل : رايحه مع السواق
ملك : لا مايسير انا دحين اقول لمؤيد يوديكي
غزل اتوترت : لاماله داعي
ملك : مو على كيفك ........... يلا البسي عبايتك وانزلي
غزل : طيب
ملك راحت لمؤيد بغرفته : مؤيد يلا قوم اليوم فرصتك
مؤيد : ايش فيه
ملك : قوم وصل غزل
مؤيد وقف على السرير : من جد
ملك : والله
مؤيد نقز : يس
وراح يلبس ملك لبست عبايتها : يلا مؤيد
مؤيد : انتي رايحه معانا
ملك : لا ياشيخ يعني بخليك لوحدك وربي تاكلها يلا امشي قدامي البنت اتأخرت
مؤيد :طيب
ركبو السيارة غزل ركبت ورى ملك ومؤيد موجه المرايا عليها عشان يشوفها:والله اليوم سيارتي منورة
ملك : شكرا اكيد منورة بسببي
مؤيد : مالت عليكي قال انتي هوا اللي ناقص
غزل هنا ماقدرت تمسك نفسها:ههههههههههههههههههه
مؤيد : يسعدلي هذه الضحكة
ملك : مؤيد عيب
مؤيد : اقول اسكتي لاتخربي عليا
وحط اغنيه تامر عاشور - ليا فيك
وحشتني وبتوحشني وهتوحشني ليالي هواك
وغصبن عن غرام قلبك هكون جنبك واكون ويا انا جنبك يا احلى غرام
ومش هستنى اي كلام
هتعشقني وهعشق فيك
بهواااااااااك

ليا فيك اكتر ماليك
وخلاص هوايا بيناديك
ليا فيك اكتر ماليك
والشوق بيجري في دمي ليك
انا هاخدك في عيني وانام
ومش هستنى اي كلام
هتعشقني وهعشق فيك
بهواااااااااك
ليا فيك اكتر ماليك
وخلاص هوايا بيناديك
ليا فيك اكتر ماليك
والشوق بيجري في دمي ليك
وحشتني وبتوحشني وهتوحشني ليالي هواك
وغصبن عن غرام قلبك هكون جنبك واكون وياك
انا جنبك يا احلى غرام
ومش هستنى اي كلام
هتعشقني وهعشق فيك
بهواااااااااك
ليا فيك اكتر ماليك
وخلاص هوايا بيناديك
ليا فيك اكتر ماليك
والشوق بيجري في دمي ليك
وكل شويا يطالع فيها من المرايا

ومر على بارنيز واشترلها ايس شوكلت هوا يعرف من هيا صغيرة تحب الايس شوكلت
ووصلها للبيت وهيا نازلة : يلا باااي
مؤيد : مافي بوسه
ملك على طول ضربته على كتفه : ولد
مؤيد : اشبك امزح
غزل : هههههههههههههههههههههه
مؤيد : آه ياقلبي متى اتزوج .......... انتبي على نفسك حياتي
غزل بصوت واطي : ان شاء الله ....... يلا بااااي
مؤيد وملك : بااااي





بباريس بالجامعه تالا جالسه بالكافتيريا جاتها دينا : هااااااااي
تالا وصوتها مبحوح : اهلين
دينا : اشبه صوتك كذا
تالا: والله امس كنت تعبانه ورحت الصيدلية اشتريت ادويه ........ فجئة سرحت باللي سار معاها امس ودينا تتكلم فجئة فاقت من سرحانها وشافت رامي قدامها ومبتسم
رامي : كيفك
دينا بصوت واطي : انتي تعرفي هذا الولد الحلو
تالا ماردت عليها
تالا ببرود : تمام
رامي حس انها ماهي معطيته وجه من ردها : حبيت اصبح عليكي ..... باااي
تالا: باي
راح رامي وتالا عينها ماشالتها من عليه
دينا : هذا مو نفس الشخص اللي شالك لمن اغمي عليكي
تالا : ايوا دينا خلاص لاعاد تجيبي سيرة الولد هذا قدامي
دينا استغربت من ردة فعلها : اوكي
تالا : انا بقوم امشي تجي معايا
دينا : اوكي
قامو يمشو وتالا طول الوقت مسرحه ( تالا انتي سافرتي باريس عشان تكملي دراستك ....... لاتخلي شي يأثر عليكي ) وزفرت بقوة
دينا : تالا اشبك
تالا : ولا شي
دينا : احسك مضايقة انتي ليش ماتفضفضي
تالا : معليش عصبت عليكي انا ماكان قصدي
دينا : لاعادي ........ بس انا مااحب اشوف احد مضايق
تالا : بس انا مااحب اتكلم عن شي يضايقني
دينا : اها ............ طيب روقي والله مو حلو شكلك وانتي زعلانة
تالا ابتسمت : طيب
رامي كان يراقبها من بعيد ابتسم على ابتسامتها
نواف : سلامات تبتسم لمين
رامي : ها ولا شي


وائل بالمستشفى ومعاه لعبة كبيرة دق الباب : السلام عليكم
كندا وامها: وعليكم السلام
وائل : ها كيفك دحين مروان
مروان : الحمدلله
وائل : هيا شوف جبتلك سيارة كبيرة وان شاء الله تعجبك
مروان : شكرا
ام كندا : ياولدي تعبت نفسك
وائل : لا ياخالتي لاتعب ولاشي



تالا جالسه في الصاله ( انا ليش مااوافق واتعرف عليه .......... لا انا مااحب اتعرف على شباب ....... طيب ليه يجيني في احلامي .......... ياربي وربي راسي صدع من التفكير )


عند رامي ( انا لازم اتعرف عليها ............ انا متأكد انها ماهي زي اي بنت ........... ان شاء الله بس ترضى تتعرف عليا)



مهنا : الو نعم ايش تبغي
سارة : حبيبي اشبك معصب
مهنا : ماني معصب ولاشي ......... بسرعه ايش عندك متصله
سارة : هنو اشبك عليا
مهنا : خلاص ياسارة لو سمحتي لاعاد تتصلي عليا فاهمة
سارة : طيب ليش
مهنا عصب : كذا خلاص قلت لك لا تتصلي عليا ثاني وقفل في وجهها
( اشبك يامهنا معقولة تكون حبيت ملك )



سامي جالس بالكافي يستنى وائل
وائل : خير ياابو الشباب قروشتني
سامي: انا بقلك شي
وائل : خير اشبك ؟
سامي متوتر : وائل انا احب
وائل : نعم ..... ايش قلت
سامي : انت ماتسمع اقلك احب
وائل : مبروك ....... ومين سعيدة الحظ
سامي : مااعرف اسمها
وائل : اجل كيف حبيتها
سامي : صراحه انا شفتها مرتين في بيتكم
وائل هنا عصب : مين هيا
سامي : لاتفهم غلط ....... انا اللي عرفته انها صاحبة اختك
وائل : اختي مين ؟
سامي : ماادري
وائل : خلاص سيب الهرجة عليا
سامي وقف : من جد
وائل: خلاص انا راح اشوف الهرجه
سامي : الله يخليك ليا ياصاحبي انا ماادري كيف اردلك الجميل
وائل : اقول مابيننا ترانا اخوان .......... يلا اتصل على قصي شوف فينه
سامي : طيب


(انتهى البارت )

رود لبست زي هذا الفستان
[ندعوك للتسجيل في المنتدى أو التعريف بنفسك لمعاينة هذه الصورة]
عملت شعرها الطويل كيرلي والميك اب بلون الفستان ولبست حلق اصفر
ريفان لبست هذا الفستان
[ندعوك للتسجيل في المنتدى أو التعريف بنفسك لمعاينة هذه الصورة]
عملت شعرها استشوار وحطت الميك اب بلون الفستان ولبست حلق فضي
تولين لبست نفس هذا الفستان وعملت سعرها نفس اللي بالصورة حتى الميك اب
[ندعوك للتسجيل في المنتدى أو التعريف بنفسك لمعاينة هذه الصورة]
كندا حاولت مع امها لحد مارضيت بالقوة تخليها تجي جات ولبست زي هذا الفستان
[ندعوك للتسجيل في المنتدى أو التعريف بنفسك لمعاينة هذه الصورة]
عملت شعرها والميك اب زي اللي بالصورة ولبست حلق ذهبي

وبدءت الحفلة والكل يرقص وفالها


بالمطار تالا وصلت وقاعدة تدور بعينها لخالد .......... خلوووووود شافها من بعيد اشرلها بيدها شافته وراحتله
خالد : هلا والله بتوتا
تالا : كيفك خلووووووووووود
خالد : تمام ........ يلا وربي الشباب طفشوني وهما بس يتصلو
تالا : اوكي
تالا دوبها ركبت السيارة الا جوالها دق : الو
رامي : كيفك تالا
تالا : الحمد لله......... وانت
خالد اذنه معاهم
رامي : بخير............ ها وصلتي
تالا : ايوا دوبي وصلت ودحين انا بالسيارة مع خلووود
رامي : سلمي عليه
تالا : يوصل
رامي :يلا مااطول عليكي عشان تخلصي اشغالك
تالا : اوكي
رامي : انتبي على نفسك
تالا : ان شاء الله وانت كمان
رامي : اوكي ....... يلا بااي
تالا : بااي
خالد يطالع في تالا بنص عين
تالا : خلووود لا تفهمني غلط
خالد : اجل كيف افهمك
تالا : وربي الولد زي اخويا
خالد : ماادري ليش احس انه مو زي اخوكي
تالا : خلووووووووووود انت تعرفني انا ماعندي هذي الحركات
خالد : ايوا اعرفك ولو مااعرفك كان قتلتك بيدي
تالا : هيا اقول اسكت
خالد : ايش اسمه
تالا : رامي
خالد : اها
وصلها للكوافير وجلس يستناها


ريفان جالسه تستنى تالا وتطالع كل شويا بساعتها
رود : انتي تستني احد
ريفان : بتوتر لا
رود : اها
تالا دوبها وصلت وكانت لابسه الفستان اللي اختاره رامي
[ندعوك للتسجيل في المنتدى أو التعريف بنفسك لمعاينة هذه الصورة]
كانت عاملة شعرها كيرلي عريض وعاملة ميك اب بدرجات بلون الفستان
ولابسه حلق كرستالات فضي كان شكلها مرة حلو
اول مادخلت شافت ريفان ............ ريفان راحت لها على طول وحضنتها : وحشتيني مرررررررررررة
تالا : وانتي اكثر ياقلبي
ريفان : اشبك اتأخرتي
تالا : والله على بال مارحت الكوافير
ريفان : اها ........... يلا امشي سلمي على البنات
تالا : لا اول بروح اشوف غزل
ريفان : اوكي
راحت تالا من الدرج الثانيه عشان محد يشوفها وصلت غرفة غزل دقت الباب
: ادخل
تالا دخلت وغزل معطيتها ظهرها حطت يدها على عين غزل
غزل : رسيل شيلي يدك الميك اب لايخرب
تالا شالت يدها ولفت غزل عليها ......... غزل هنا تحس انها ماهي قادرة توقف على طول ضمت تالا : وحشتيني
تالا : والله حتى انتي مرة مرة وحشتيني
غزل : مااتوقعت اشوفك اليوم
تالا : هوا انا اقدر انتي لولو حبيبت قلبي
غزل : ياعمري انا ........... كيف جيتي
تالا : اتفقت مع ريفو وخالد
غزل : اها
تالا : لا مااقدر ايش الحركات دي
غزل : من جد يعني حلو شكلي
تالا : تجنني راح تخلي مؤيد يتجنن اليوم
غزل : هههههههههههههههههههههه
تالا : يلا انا بنزل اسفل لسى ماسلمت على احد
غزل : لسى ماشبعت منك
تالا : انا جالسه اسبوع معاكم واليوم مافي نوم السهرة صباحي
غزل : طيب


نزلت تالا وكانت ريفان تستناها
تالا : يلا انا بروح اسلم على البنات
ريفان : لا تعالي ............. خليني نسوي شي ثاني
تالا : كيف يعني
ريفان : انا اقلك .................................
راحت ريفان واخذت المايك : لو سمحتو انتبهولي شويا
الكل لف بتجاه صوت ريفان
ريفان : احنا اليوم راح نسمع صوت لينا فترة ماسمعناه
راحت ريفان وادت لتالا المايك ........... وهيا واقفه عند الدرج عشان محد يشوفها
وغنت اغنيه البنات كلهم يعرفو انها تحبها وكانت دايما تغنيها اغنيه راشد الماجد وحياة عيونك
وحياة عيونك اللي عذبتني وحياة عيونك اللي جننتني
رغم العذاب والجنون اموت بسحر العيون مااقدر اعيش انا بدونك وحياة عيونك
انتي ملاك بين البشر انتي ملاك وماشافت عيوني ابد ابد في حلاك
روحي معاك قلبي معاك امشي انا اتبع خطاك رغم العذاب والجنون
اموت بسحر العيون مقدر اعيش انا بدونك
رسيل لمن سمعت الصوت ماهي قادرة توقف
ملك : هذا صوت تالا
رود عيونها دمعت : ايو صوت توتا
ريماس : لا مو معقوله
تالا هنا خرجت من مكانها الكل ماهو مصدق انه تالا قدام عينهم
تالا راحت لامها : كيفك ماما وسلمت على يدها وحضنتها
ام وائل ماهي مصدقه انها بنتها بحضنها
ام وائل : يعني انتي تالا
تالا : ايوا ماما
ام وائل : يعني ماني بحلم
تالا : لا منتي بحلم
ام وائل : كيفك يابنتي وحشتيني
تالا : انا بخير ومبسوطة بشوفتك
رود : وحشتيني
تالا وحضنتها : وانتي كمان
رود : ليش ماقلتيلي
تالا : حبيت اسويها مفاجئة
ملك : كيفك توتا وحشتينا
تالا : تمام ....... وانتو كيفكم
ملك : بخير
ريماس : تالا لعد تروحي
تالا : لا ماينفع بعد اسبوع راح ارجع ............. فين رسيل
ريماس : جالسه هناك ماهي مصدقه انك جيتي
راحت تالا لرسيل : رسيل ماتبي تسلمي
رسيل ماهي قادرة تتكلم
تالا : سوسو لا تخليني ارجع باريس ثاني
رسيل ماردت
تالا : خلاص انا رايحه باااي
رسيل راحت تجري لها : لا الله يخليكي لاتسيبيني
تالا : وحشتيني
رسيل تبكي : وانتي اكثر ............ انا ماني مصدقه انك رجعتي
تالا : الا صدقي ............ وخلاص لاتبكي ........ وقالت بصوت واطي لو خالد شافك تبكي راح يمسكها عليكي
رسيل على طول مسحت دموعها : لا خلاص
تالا : ههههههههههههههههههههه
دانا : تالا انتي جيتي من باريث
تالا : ايوا حياتي
تالا سحبت رود على جنب : اليوم راح تنامو معايا انتي وريفو

رود : انا ماعندي مانع بس ريفو امها ماترضى
تالا : انا اكلمها
رود : اوكي
تالا : واعملي حسابك اليوم راح تحكيني ايش سويتي مع سامي
رود وجهها سار الوان من الخجل
تالا : هههههههههههههههههههههه
رود : اشبك تضحكي
تالا : اول مرة اشوفك مستحيه
رود : هيا روقي لا تنضربي
تالا : لا خلاص .......... انا رايحه عند غزل شويا
رود : اوكي


عند غزل البنات عندها : بنات انا مرة خايفه
تالا : لاتخافي
تولين : والله حاسه فيكي هما ماهم حاسين
ملك : مسيرنا نحس
رسيل : يالله مرة مستعجلة
البنات : هههههههههههههههههههههههههههههه
ملك: سوسو روقي
وائل يدق الباب
تالا خرجتله وائل فاتح فمه
تالا : كيفك وائل
وائل : مين انتي
تالا : اشبك انا تالا ............ يلا سلم
وائل : تالا بباريس
تالا : اليوم جيت .......... كيفك وحشتني
وائل سلم عليها وحضنها : وحشتيني
تالا : وانت اكثر
وائل نسي ايش كان بيقول : ايوا افتكرت اعطي لغزل الدفتر خليها توقع
تالا : اوكي استنى
وائل : طيب
تالا : وائل يقلك وقعي هنا
غزل : وربي خايفه
البنات يضحكو عليها
تولين : حرام عليكم
غزل : اشوف فيكم يوم
تالا : يلا وقعي
غزل اخذت القلم ويدها ترجف وسمت بالله ووقعت البنات سارو يغطرفو
تالا خرجت لوائل الدفتر : اسمع لا تقول لبابا انك شفتني
وائل : طيب ........ وقولي لغزل مؤيد دحين يدخل
تالا : اوكي .......... يلا يابنات مؤيد بيدخل
غزل وقفت : لا مو لازم
تالا : مايسير
خرجو البنات وجاه وائل ومؤيد