طلبتك { يمه } هآتيلي عروسه مالها \ رجلين

[center]طلبتك { يمه } هآتيلي عروسه مالها \ رجلين



[center]يجينا الفرج بكرا.. يا بنتيتي بس لا تبكين
أنا ماأستحمل دموعك .. وهمساتك تبكيني




نشف دمعي على خدي يا بنتي من ثلاث سنين
وصارت كل آلامي تعيش وتلتحم فيني





يا بنتي إحبسي دمعك دخيلك اكتميه الحين
حرام الدمعة في عينك تعانق ماضي سنيني





تعالي وإحضني فرحي .. وقولي للفرح أهلين
وخلي حزنك بقلبي .. دخيلك يابعـد عيني





أشوف الدنيا بعيونك .. وأشوف الفرحة بك يا زين
وأنا مالي سواك إنتِ .. وإنتِ شمعة تضويني





علام الهم في قلبك .. يابنتي ليه ماتحكين
أبيك تكسري همك وأنا أمك قولي حاكيني






يايمـه حالتي صعبة أنا... والفقر صرنا أخوين
أعيش بظلمة همومي والاقي الهم يكويني





معاقة يمه من صغري .. معاقة تشتكي حق مين
مدام إن البشر تنظر لحالي بعطف يعميني





أناظر هالبشر وأسأل ...أنا وش موقعي الحيــن؟؟
وش اللي يميز الأعمى عن اللي شوفهم زين





فقيرة حظ يا يمـه وحالتي تعمي العينين
من اللي يعشق ويهوى معاقة حظها شين




سألتيني وش أتمنى يايمه منيتي شيئين
يكون الفرح أولهم بعدها تعيش رجليني





أنا ودي ومنا عيني يكون لجسمي بس [url=http://www.6rqa.com/vb/showthread.php?t=10371]رجلين [/url]
تساعدني على برك ... وبرك غايتي وديني




يا ليت الناس ترحمني وترحم حالة المسكين
ولا تجلس تناظرلي بنظره تجرح سنيني




تلاقين الفرح مظلم ونور الحزن وسط العين
وألاقي الهم والحسرة وسم هاالوقت بجبيني





معاقة يمه قوليلي علامك ساكتة تبكين
كلامي أزعجك أدري ... وأدري الدمع يشكيني





دخيلك يمـه لي رجوة مدامك قادرة تكفين
أبي لي لعبة يا يمه تكون الصادقة بعيني !!





طلبتك {يمه} هاتيلي عروسة مالها [url=http://www.6rqa.com/vb/showthread.php?t=10371]رجلين [/url]
وأبيها تكون في كرسي .. ( معاقة ) مثلي ترثيني؟؟