أنا أطري على بالك كثر ما أنت علي تطري ؟

( بعد مرور ثلاث أيام بالتمام ع أبطالي)
الساعه8:30 صباحاً..
محمد: توفيق جاهز
توفيق:إيوا مخلص كل شئ يللا نروح للمطار عشان ماتفوتنا ع الرحله
محمد: والله مايطاوعني قلبي أروح من غير رضى الوالد
توفيق: مجبور.... وإنت رايح للعلاج,, أهلك صاحيين؟
محمد:إيه,, واغراضي حطيتها ف السياره من أمس لمن كانوا نايمين
توفيق:حلو’’’’ أعطني 15 دقيقه وأكون عند باب بيتكم مع السلامه
محمد: الله معاك<< سامحني يارب ع اللي بسويه وإن شاء الله يكون ابوي وامي راضيين علي...
÷÷÷÷÷÷÷÷÷÷÷÷÷÷÷÷
حامد:صباح الخير
حسن:صباح النور
حامد:كيفك وكيف سعاد؟
حسن:الحمدالله
حامد:اللى عندك ف الشركه ايش مسوين؟
حسن:كيف يعنى؟
حامد:يعنى مو قاعدين يشوفوا سبب خسارتهم من ميين؟
حسن:والله مااعرف انا اسوي الشغل اللى مطلوب مني بس,, انت ايش جالس تسوي سامع ازعاج عندك
حامد:انا ,, جالس ف مكتب سلمان
حسن:وايش دخلك ف مكتبه؟
حامد:جالس ادور ع ملف بأخذه واستنى سلمان لين يجي واخرب باقى السيارات اللى طلبناها
حسن:نعم .. حامد ترى زودتها
حامد:مالك دخل
بصوت واطئ:معقوله كل هذا مسويه حامد ,, والله وطلعت مو هيين
حامد:خلاص لقيتها يللا اكلمك بعدين
حسن:اسمع تعال اليوم تغدى عندنا
حامد:ان شاء الله يللا مع السلامه
حسن:الله معاك
ُُُُُُُُُُُُُُُُ
(ف جامعه عزوز)
مشاري:إياد انت وين؟
إياد:ف الجامعه يعنى وين؟
مشاري:طيب عندك كلاس شوي ؟
إياد:لا ماعندي بعد ساعه
مشاري:طيب تعال ف مواقف السيارات بكلمك ف موضوع
إياد:الله اروح للشمس والحر تعال انت للكافتيريا
مشاري:لان ماابغى سعود يشوفني تعال بسرعه
إياد:طيب دقايق واكون عندك
بعد دقاايق وصل اياد لمشاري
إياد:هاا ايش عندك؟
مشاري:قبل مااقولك اوعدني الكلام مايخرج
إياد:اوعدك يللا قول
مشاري بتردد:انا ماودي اقولك بس ضميري يعذبني اشوف قدامي واسكت
إياد:قول يامشاري بلا مقدمات
مشاري:اياد ثامر اللى سوا فيك كلوا من تحت رأس.......
إياد بقله صبر :تحت رأس ميين
مشاري بتردد:تحت رأس سعود
إياد بصدمه: ايش تقول .. مستحييييييل
مشاري:والله العظيم ,, انا كنت عارف بالموضوع بس ماقدرت اقولك

إياد:تعرف وساكت ليه ماقلتلي من البدايه,, ليكون انت بعد معااهم؟
مشاري:مالي
يد ف السالفه من يوم ماقلي سعود وانا امنعه بس هو مو راضي يسمعلي ,,
وثامر ماكنت اعرف انه مع سعود قبل يوميين سمعتهم بالصدفه
إياد بعصبيه:طيب ياسعود ياحقــ........ حساابك معااايا
مشاري:تكفى يااياد لاتسويله شي احقره واقطع علاقته معااهـ
إياد:ماعليك انا اعرف اتصرف معاه
مشاري:اياد إذا سويت فيه شي راح يعرف اني انا اللى قلتلك لان محد يعرف بالموضوع غيري
إياد:لاتخاف ,, اانا اعرف كيف امسكه؟
مشاري:اياد لايعرف ولا يحس اني انا

سلمان:السلام عليكم

حامد بصدمه:انت متى جيت؟

سلمان:اول شي رد السلام طيب

حامد:وعليكم السلام,, متى جيت باقي ع رجعتك يومين

سلمان:جيت اليوم قلت امر اسلم عليك

حامد:ماشاء الله خلصت بسرعه الشغل صقر

سلمان:خمسه خميسه ع العدو

حامد:عدو ف عينك وعيني باردة لاتخااف

سلمان:وااضح ,, لما كنت هناك تدرى ايش اللى فقدته

حامد:ايش يااستاذ؟

سلمان:فقدت المضاربه معاك

حامد:ها ها ها ضحكتني

سلمان:ايش اخر اخبار الشركه؟

حامد:وانت مين عشان تسأل ليكون صاحبها وانا مادري

سلمان بصوت خفيف:والله صاحبها مايدري ايش اللى يصير من وراه

حامد:ايش تقول انت ليكون المانيا خفت بعقلك؟

سلمان:سلامتك مااقول شي بروح اسلم ع العم

حامد:تفضل انقلع عن وجهي






×××××××××××××××××





( الساعهـــ 12:30 ظهراً ف بيت أبو محمد)



أبو محمد: السلام عليكم

الكل: وعليكم السلام

أم محمد:خير ياراشد إيش فيك معصب

أبو محمد: معصب من ولدك محمد

أم محمد:محمد!!! إيش مسوي؟؟؟

أبو محمد:إيش مسوي... مسافر يتمشى وأنا مانعه عصى كلمتي

أم محمد:سافر!!! ع وين؟؟

أبو محمد: لاتسأليني لأني ماادري وين قلع ولدك ولاحط رقمه وأي بلد عشان ماأرجعه

أم محمد: خلي الولد يتنفه له فتره نفسيته تعبانه

أبو محمد: مو ع كيفه ولاع كيفك انا قلت مايسافر وهو كسر كلمتي خليه بس يرجع والله لأوريه شغله

أم محمد: لاتقسى عليه ياأبو محمد الولد عمره ماكسرلك كلمتك

أبو محمد: هو عارف اني ماأستغني عليه ف الشركه ومحتاجه هذه الفتره بالذات

أم محمد:خلاص أنا أكلمه وأخليه يرجع

أبو محمد: تكلميه من وين أقلك ماحط أي وسيله نتواصل معاه

أم محمد: الله يسامحه الحيين كيف أطمأن عليه







!!!!!!!!!!!!!!!!!!!






خالد: أبو عبيد خلصت دوامك؟؟

عبد الله: إيهــ... وراجع للبيت بحط راسي عشان أرجع للمناوبه ف الليل

خالد: كويس لأن ف بعض الملفات يبالها ترتيت وأباك تساعدني

عبد الله: أجل إسمع تعال لبيتنا ف الليل ونسويها انا راح أخرج الساعه11:12

خالد: اوكي ,,, يكون بيننا ألـــو

عبد الله: يللا محتاج شئ قبل ماأخرج

خالد:لا سلامتك الله معاك

عبد الله:الله يسلمك فمان الله







؟؟؟؟؟؟؟؟؟؟؟؟؟؟؟؟؟؟؟؟؟؟؟؟





( ف المـــــــستشـفى وبـالتـحديـد ف الهـــنــد)





محمد: آآآه أخيراً وصلنا والله تعبت من الجلسه ف الطياره

توفيق:هههههه ايوا الله

محمد: متى قالوا موعد عمليتي؟؟

توفيق: اليوم بعد كم ساعه ان شاء الله لسى ماحددوا الوقت ع حسب إذا ف مكان فاضي...

محمد:ان شاء الله ,,, توفيق الله يسعدك جيبلي كاسة مويه عطشان

توفيق:حاضر...

محمد: توفيق سامحني إذا ف يوم جرحتك ولاغلطت ف حقك

توفيق: أبو أنس مالوا داعي هذا الكلام

محمد:إلا له داعي بعد كم ساعه عمليتي أعيش ولا أموت

توفيق:محمد ترجيتك لاتتكلم كذا والله توجعلي قلبي

محمد: سلامة قلبك,,, توفيق انا خرجت من بيتنا وماودعت ولافرد من أهلي خفت أموت ويتعذبوا من بعدي

توفيق:لا ان شاء الله ربي يكتبلك طولة العمر وترجع وسط أهلك وناسك

محمد
وعيونه تدمع: ان شاء الله,,, امانه معاك توصل هذا الكلام لأهلي وأصحابي
قلهم إني أحبهم وخلهم يسامحوني إذا ف يوم طلمت أحد فيهم ويحللوني ويدعولي
بالرحمه ,,, وقول لأبوي وأمي إنهم مايزعلوا من اللي سويته وخلهم يسامحوني
لاتخرج من عند أحد وإلا سامعه يقول مسامحه ...

<توفيق ماتحمل كلام محمد وجلس يبكي >

محمد: توفيق أوعدني توصل الكلام

توفيق: محمد كفايه حرام عليك

محمد: أوعدني عشان أرتاح

توفيق: أوعدك,أوعدك.. بس تكفى لاتعيدها ان شاء الله تعيش يامحمد خل إيمانك بالله قوي

محمد: اللي كاتبه ربي بيصير

توفيق:ونعم بالله... أبو أنس قبل العمليه بكثير راح يخدرووك تكفى عشان خاطري وخاطر اللي يحبوك خلي عندك أمل بالله

محمد: وأنا كلي أمل ...

توفيق: يارب أنت الشافي المعافي إشفي أخوي محمد وكل مرضى المسلمين

سالم: متى تنامي؟؟
جوري: لسى ماخلصت الماده بكرا عندي إمتحان
سالم:والله إنك مقطعه نفسك ع الدراسه
جوري: لازم اقطع نفسي عشان أنجح وأحقق اللي أباه
سالم:طيب تعالي تفجري معايا فيلم swe جنان
جوري: ايوا عشان أحلم فيه قتله مرااا شنيع
سالم:ههههههه ياخوافه تعلمي منه شوي كيف يقطع الأوادم ويعذبهم
جوري: ايش قصدك يامهندس سالم يعني أنا أسوي مثله
سالم: هههههه لاحشى وعجبتني كلمه مهندس
جوري: إلا تعال محمد متى سافر؟ أبوي أمس مقوم الدنيا ع البيت
سالم:ماادري سمعت إنه الصباح سافر حتى ماقلي
جوري: حتى أنا... وسافر من غير مايودع أحد
سالم: معاكي رقمه الدولي
جوري: لا... ولا أحد معاه الرقم ماتركه لهم
سالم: حتى الرقم... غريبه!! هذا أخوكي وراه سالف هانا اوريه لمن يرجع
جوري: تقول أمي ان نفسيته تعبانه ورايح يغير جو
سالم: لمن يرجع انا اكلمه أشوف إيش فيه
جوري: ان شاء الله....
سالم: يللا الفيلم بدأ تبي تغيري رأيك
جوري: impossible
سالم: براحتك خليكي ف كتبك اللي تجيب المرض
جوري:هههههه ايش حارق رزك ف كتبي
سالم: كملي ذاكري وانا بسهر لوحدي
جوري:اعوضك ف وقت ثاني


++++++++++++++++


خالد: صباح الخير
عبد الله:صباح النور
خالد: أبو عبيد بلغ المدير اني مو بجاي بدري للدوام
عبد الله:لـــيـــــهـــ
خالد: أمي عندها موعد شوي بوديها
عبد الله: هي بخير؟؟
خالد: والله شوي تعبانه
عبد الله:ماتشوف شر ان شاء الله
خالد: الشر مايجيك ,,, تبى اجيبلك فطور معاي
عبد الله:راح تتأخر؟؟
خالد: ماأعتقد بس عندها تحليل سكر
عبد الله:أها... ايوا جيب معاك فلافل وفريش
خالد: ان شاء الله ولايهمك,,, مع السلامه

حسن: يللا ياقلبي تأخرنا
سعاد:طيب بس باقي الميك أب
حسن: مالوا داعي تحطي علبة الألوان ف وجهك حلوه ماشاء الله من الله...
سعاد: لازم ياروحي أحط إذا ماحطيت يبان شكلي كأني تعبانه
حسن: ليه إنتي تعبانه؟؟
سعاد: لا... اليوم بتتأخر ؟؟
حسن: ماادري والله ع حسب الشغل ,,, ليه؟؟
سعاد: لأن اليوم عندي مناوبه راح أتأخر
حسن: خلاص وقت ماتخلصي إتصلي عليه وأجيكي
سعاد:ان شاء الله ,,, خلاص خلصت كيف شكلي مرتب
حسن: مايحتاج قمر 14 ماشاء الله حصنتي نفسك
سعاد بخجل: إيهـــ
حسن: كويس,,, يللا أنا ف السياره انتظرك لاتتأخري
سعاد:حاضر

إياد: نواف انا عندي كلاس حط عينك عليه وانتبه لايشوفك
نواف: لاتوصي .. إحساسي يقول ان اليوم بسوي شئ
إياد: مع نفسه ... مثل ماقلتلك ,, هو الحيين عنده كلاس ولا لا
نواف:وايش عرفني قلعته
فارس: سلام
إياد ونواف: وعليكم السلام
فارس: سعود اليوم مو بجاي تعبان
إياد ف قلبه: يستاهل
نواف:من ايش تعبان حضرته
فارس: حرارته مرتفعه بيروح للمستشفى الساعه 9
إياد: دووووم يارب
فارس: إيش؟
نواف: ولاشئ عندك كلاس الحيين؟
فارس: لا.. الساعه 10 عندي
نواف: حلو تعال نجلس ف أي كافيتريا لأن ف شئ مو بفاهمه أباك تشرحلي
فارس: اوكي يللا


ِِِِِِِِِِِِِِِِ


سلمان: حامد ف ورقه ناقصه ماشفتها
حامد بتوتر: ورقة إيش؟؟
سلمان: ورقه الصفقه تبع باقي السيارات
حامد:ها... وانا إيش عرفني
سلمان: لان الملف كان معاك
حامد:رجعت الملف مثل ماكان موناقص شئ
سلمان: أها.. طيب,,, اسمع عمي طالب منك تروح تجيب الطلبيه وتوزعها لفروعنا اللي طلبناها من ألمانيا
حامد:وليه مو إنت تتولاها؟؟
سلمان: انا مالي دخل العم آمر كذا
حامد:طيب.. متى راح أجيبها وأوزعها
سلمان: اللحين اذا ماعندك شئ
حامد:أخلص اللي ف يدي واروح
سلمان بفرح: انتبه عليها كويس ها
حامد:نعم.. ايش قالولك مفهي
سلمان: لا...حشاك
حامد: سلمانوه انا مو بفاضي لك يللا ادني مقفاك
سلمان: خارج من غير ماتقول


؟؟؟؟؟؟؟؟؟؟؟؟؟؟؟؟؟؟؟؟؟؟
سالم: سلام
جوري:وعليكم السلام هلا حبي
سالم: هــا.... كيف إختبارك؟؟
جوري: مرا كان سهل ويجنن الحمد لله
سالم: الحمد لله ياعمري , والله يوفقك
جوري:آآآمين الله يسمع منك... حياتي انا خلصت بخي زمرد يودني عند أمي
سالم:ok روحي وانا لاخلصت الظهر أمر عليكي
جوري:مشكور ياقلبي
سالم: العفو... جوري انا مضطر أقفل ابوكي ينادي علي اذا وصلتي طمنيني
جوري:ان شاء الله مع السلامه
سالم: الله معاكي
جمانه: كيف اختبارك ياعسل؟؟
جوري: مرا نايس الحمد لله
جمانه: الحمد لله ,, الله يوفقنا ونتخرج بشهاده ترفع الراس
جوري:آآآمين ,,, جمانه عندك وسائط حلوه
جمانه: إيه ,, بترسليها لحبيب القلب
جوري:وف غيره مالي حياتي
جمانه: ياحركه .. ههههه الله يخليكم لبعض ولايفرقكم
جوري:آآمين من قلب وياك ياعمري

توفيق:D.r operation succeeded

الدكتور:yes

توفيق بفرح: Thank you Good …. Ok where is mohammed?

الدكتور:observation room

توفيق:very very thanks D.r

الدكتور:your welcome



توفيق: الحمد لله يارب نجحت العمليه بروح أطمأن عليه


< ف غـــــــرفة الملاحظهـ>





توفيق: ألف ألف الحمد لله ع سلامتك ياأبو أنس

محمد بتعب : الله يسلمك

توفيق: شفت ربك كريم,,, يللا أول ماتحس ان طيب صلي ركعتين شكر لله

محمد:ان شاء الله... متى يخرجوني ؟؟

توفيق: نـــعــــم,,, دوبك خارج من العمليه مصرع مليت

محمد:والله تعباااان

توفيق: سلامتك’’’ تبى أخليهم يعطونك مسكن

محمد:ياريت مرا أحس بألم








///////////////////////







حامد بعصبيه: ألو

حسن:بسم الله الرحمن الرحيم ,,, ايش فيك ؟؟

حامد: انا قلتلك محد بيموتني غير سلمان هذا

حسن:هههههههه بعيد الشر

حامد: جالس ف بلعومي زي الشوكه مو قادر أبلعه

حسن:وايش مسويلك بعد

حامد: جالس يلف ويدور معاي نفسه يعرف انا ايش أفكر وأسوي

حسن: من جدك انتبه منه

حامد: ماعليه منه انا اعرف أوقفه عند حده مسوي فيها أمين ع الشركه

حسن:هو كشفك؟؟؟

حامد: لا.. بس جالس يسألني عن ورقة الصفقه يقول ضاعت انا حاس انه هو مخبيها وجالس يقيس نبضي

حسن:طيب انت متأكد انك رجعت الملف مثل ماهو

حامد: ايوا متأكد 100%

حسن: انتبه زين ياحامد الموضوع فيه تشكيك

حامد:ههههههه ضحكتني هذا سلمان بعوضه مايقدر يسوي شئ أصلا هو عنده عقل ف راسه ,,, أشك صراحه

حسن:استغفر الله انت كسبت منه ذنوب لليل

حامد: استغفر الله والله من قهري

حسن:حامد خلاص لاتسوي شئ لين تحس انه ناسي الموضوع وباعد عنك..

حامد: انا اعرف أتصرف

حسن:براحتك انا قلت اللي عندي








ُُُُُُُُُُُُ










جنى: شفتي ايأستاذه اننا مانكذب قلنالك مو إحنا اللي نسوي كذا

المديره: مين اللي تسوي كذا انا البنت جات تشتكي عليكم وقالت انها شافتكم بعينها تحطون الورقه ف الشنطه

سهى: مين هيا ياأستاذه اللي بلغت

المديره: ماراح أقول إسمها ,, وآآسفه ظلمتكم وتكلمت معاكم بالطريقه هذه غصب عني

جنى: مسامحه ياأستاذه بس لازم تحصلي البنت

المديره: أكيد,,, انا الحيين رايحه معاكم للكلاس وأشوف خط كل وحده وياويلها اللي عملت كذا

جنى: أموت وأعرف مين؟؟؟

المديره: خلاص تقدروا تروحوا وانا شويتين وألحقكم

جنى وسهى: حاضر

سهى: انا عندي إحساس ياجنى إنها ساره

جنى: ساره!!! انتي ليه حاطه دوبك من دوب البنت

سهى: والله انك مسكينه راح نشوف مين هي انا عمر حدسي مايخيب

جنى: الله لايوفقها الظالمه تبلغ علينا إحنا عمرنا ماأذينا أحد

سهى: بس نقول حسبي الله ونعم الوكيل عليها هذا اللي نقدر عليه

جنى: يارب تنكشف اللي سوت كذا ...




ــــــــــــــــــــــــــــــــــ





أبو محمد: محمد ماتصل؟؟

أم محمد: للأسف لا...

أبو محمد: هين دواه عندي

أم محمد: أبو محمد حددت موعد مع أبو سعد

أبو محمد: إيوا .. ان شاء الله اليوم بعد المغرب ,, عبد الله لاتخرج لأي مكان فاهم

عبد الله: أكيد ياأبوي راح أبلط ف البيت

الكل:هههههههههه

أبو محمد: أول مانتفق ع كل شئ راح أجيب العمال يكملوا الشغل ف الفله الثانيه

أم محمد: يمكن ماراح يخلصوا بدري

أبو محمد: أصلا بس باقي الأساس وشويه تعديلات وإذا ماخلصوه بدري يسكن هو وهيا ف شقه مفروشه لين نخلص

عبد الله: الله يخليك لنا ولايحرمنا منك << وسلم ع راسه

أبو محمد: الله يرضى عليك







"""""""""""""





(فــــــــــ الــمــــساء فـــــ دولـــــة الهند)





توفيق: محمد لازم تآكل عشان صحتك

محمد: مالي نفس

توفيق: غصب عنك مو بكيفك أنا جالسلك

محمد بإبتسامه جذابه: حاضر ياسيدي

توفيق: عندي لك خبر حلو

محمد: ...............

توفيق: قبل ماتصحى كنت عند الدكتور وسألته متى ممكن تشفى وتخرج قال.... وألا أقلك مالوا داعي انت مايهمك صحتك

محمد: توفيق قول والله جبتلي الأعصاب

توفيق: هههههه طيب,,, قال إذا تغذى كويس وجسمه إستجاب يمكن بالكثير إسبوعين إن شاء الله أو أقل

محمد بفرح: صدق إحلف

توفيق:والله مو مصدقني

محمد: ماني مصدق نفسي أخرج اليوم قبل بكرا

توفيق: والله إذا تبى إسمع كلامي وكل ولاتفكر بأي شئ

محمد: مستعد آكل أكل المستشفى كله

توفيق: إخس ياقوي ,,,, ان شاء الله تقوم بالسلامه

محمد: ان شاء الله ,,, توفيق ايش رايك نتزوج هنديه من هنا

توفيق: نــعــم... مابقى إلا هنديه عاد’’ إنت خذ لكن انا ماتزوج غير بنت بلدي

محمد: ههههههههه والنعم والله

توفيق: ماعليك زوود

أبو
سالم:أبوك كان داخل شراكه معانا وخسر وأنا وراشد أعطينا سيوله نصف مليون
يسدد ديونه للناس عشان ماينسجن ,,وكل يوم تطلعله مشكله جديده لين جاته
الجلطه,, ولمن كان ف المستشفى حلف علينا مانساعده لكن شرط علينا شرط
حامد: .................
أبو سالم: اننا نشغلك عندنا ونآخذ من راتبك انا رفضت آخذ منك ريال واحد ومسامح أبوك
<حامد مو مستوعب كلام أبو سالم>
أبو
سالم:واذا مو مصدق خذ هذه الاوراق تثبت كل شئ وفيها وصيه أبوك قلي ماأديك
إياها لين تخلص ديونه مننا ’’’ دام إنت تبى الحقيقه والدليل ماأقدر آآجل
وصيت المرحوم
حامد بصدمه: إنت كذاب وماني مصدق ولاكلمه من اللي قلته<< رمى حامد هذه الكلمتين وخرج بسرعه من الشركه ...
ـــــــــــــــــــــــــــــــــــــــ
أبو سالم بعصبيه: سلمان الزفت حامد وين راح؟
سلمان: شفته خرج من الشركه
أبو سالم: الولد إستخف عقله وطلع له لسان بعد انا اوريه,,, إسمع اذا رجع اعطني خبر
سلمان: حاضر <<< الله يستر إيش مسوي حامد والله العم شياطينه طلعت الله يستر.....
$$$$$$$$$$$$$$$$$$
محمد فز من النوم: بسم الله الرحمن الرحيم
توفيه: محمد بسم الله إيش فيك
محمد: توفيق اعطني مويه بسرعه
توفيق: طيب<< خذ إشرب بسم الله عليك
محمد: حلمت حلم موكويس
توفيق: تعوذ من إبليس هذا تهاويل الشيطان
محمد: أعوذ بالله ... توفيق برجع للسعوديه خلهم يخرجوني بكرا
توفيق: نعم... انت ايش جالس تقول ليه هو الشغله بكيفي ولا بكيفك
محمد بإنفعال: انت ماتفهم اقلك حلمت حلم مو كويس حلمت ان الشركه تنحرق تقلي مافي روحه
توفقي: محمد إهدئ ايش فيك وهذا من الشيطان ان شاء الله مايصير شئ
محمد: انا ايش يضمني انه حلم
توفيق: استغفر الله العظيم محمد هذا مجرد حلم حلمت فيه عشان تفكر كثير بأبوك والشركه
محمد: انا خايف صاير شئ هناك وانا ماادري كله مني ياريتني ماجيت هنا
توفيق: كل شوي يرجع ع نفس الموال... خلاص ياخي سمي بالله وإرجع نام
محمد: والله ماراح يجيني نوم وارتاح اعرف نفسي
توفيق: خلاص بكرا ان شاء الله اتصل ع رحيمي وأخليه يجيبلنا الاخبار نام بس
محمد: أمري لله أحاول انام

إياد: تخسي إلا انت والله ماتحركت فيني شعرة خوف منك ومين انت أصلا؟؟



سعود: اهم شئ اني ضريتك ودخلتك الشرطه بعد لكن برضوا ماشفى غليلي

إياد: ماتهمني أساساً ,, قبل مااخرج من الكافيتريا حاب أقلك كلمتين حطها حلقه ف أذنك....

أولاً/ عمري ماراح أسامحك لو كنت ع فراش الموت ... ثانياً/ إنسى ف حياتك عرفت واحد اسمه إياد مايشرفني أمثالك

سعود: أبركها من ساعه...

إياد:
انا بسوي نفسي ماصار هذا كله لكن والله والي خلق سبع سماوات لو أعرف أو بس
أحس إنك تفكر تجي صوبي وتأذني إنسى إنك راح تعيش فاهم

سعود: تهددني

إياد: إعتبرها مو تهديد تحذير لك .. وانت والله لو سويت اللي طلبه أوديك ورى الشمس ,, وانت ياسعود لاعاد أشوف خلقتك ف حياتي

سعود:والله فراقك عيد عندي ترى

إياد: الشعور متبادل << خرج إياد من الكافيتريا وهو ميت قهر من سعود يالي سواه\







.................................................. ...................









( بـــــــــــــــعـــــــــــــــد مـــــــــــــــرور أســـــبوع كـــــــامل )







ريم: متى إختباراتك؟؟

جوري:باقي عليها أقل من شهر تقريباً

ريم: عندي لك خبرين راح يفرحك

جوري:قولي حمستيني

ريم: الخبر الأول/ قدمت ع شهادة الدكتوراه ووافقوا

جوري بفرح: من جد ألف ألف مبرووك ياقلبي

ريم: الله يبارك ف عمرك عقبال تخرج ونجاحك

جوري:اللهم آآمين من بؤك لباب السماء والخبر الثاني ايش هو؟

ريم: إمممم بنت خالتي وافقت ع أخوي وبيكون ملكتهم قريب ان شاء الله

جوري: صدق ,, الله يوفقه ويهنيه يارب

ريم: ان شاء الله ,, والله يهديه كيف عبد الله من بعد الملكه

جوري:اسكتي والله الولد طاير فيها

ريم: الله يسعدهم ويبعد عنهم كل حاسد

جوري:آمين... الجوال طول الوقت لاصق ف أذنه ماصدق

ريم: هههههه حرام عليكي لاتنسي نفسك كيف

جوري:ههههه ايوا الله حتى اللي ف البيت كانوا فاقديني

ريم: مايفقدك غالي