أنا أطري على بالك كثر ما أنت علي تطري ؟

بسم الله الرحمن الرحيم

أنا أطري على بالك كثر ما أنت علي تطري؟

للكاتبة: Queen of night
حرر ف يوم الأربعاء رجب 4/7/1431 /////////// 16/6/2010 يونيو
هذه أول رواية للكاتبه إن شاء الله تنال إعجابكم ,,,,, لا تحلل ولا تبيح لكل من ينتسب روايتها له

قراءة ممتعة [ندعوك للتسجيل في المنتدى أو التعريف بنفسك لمعاينة هذه الصورة]

همسسهه : بليزز لححد يرد حتى يككون الموضوع مرتب + آلموضوع تم قفله عشآن محد يرد ^^""

عائلة أبو محمد:
راشد: الأب عمره 47 سنة مدير أعمال كبير ومشهور
منيرة: الأم عمرها 40 سنة
محمد: الابن الأكبر لراشد عمره 25 سنة يشتغل ف شركة أبوه
عبد الله: عمره 23 سنة يدرس ف كليه بترجي تخصصه صيدلة
إياد:عمره 19 سنة أخر سنة له ف الثانوية
جوري: عمرها 23 سنة رفيقة محمد وأسرارهم لبعض
جني: عمرها 18 سنة ثانية ثانوي
لينا: آخر العنقود عمرها 10 سنين
.................................................. .............

عائلة أبو سالم :
تركي: الأب عمره 48 سنة صاحب أبو محمد من أيام الطفولة وبينهم شراكة ف العمل
عليا: الأم عمرها 42 سنة
سالم: الابن الأكبر لأبو سالم عمره 25 سنة صاحب محمد الروح بالروح
عاشو وتربو مع بعض
لجين: عمرها 23 سنه صحبة جوري ويدرسوا مع بعض ف الجامعة
نواف: عمره 19سنة ثالث ثانوي مع إياد ف نفس المدرسة والكلاس
بعد ماتعرفنا ع أبطال روايتي سوف أسرد لكم قصصهم ومواقفهم وأفراحهم ......................الخ

<البــــــــــــــــــــــــارت الأول>

يا ليت ربي ما خلق .. حب وفراق ** وإلا خلق حب على غير فرقا

أنت العذاب وكيف أنا بك اعذبك ** يامن جرحت القلب .. جرحك علاجي

كل يعاتب بعض الاحيان غاليه ** والحب يبقى فوق كل الجروحي

با متع عيوني .. بشوفة عيونك ** اخاف من يوم اجي فيه ما لقاك

<ف الصباح ف بيت أبو محمد>

أبو محمد: صباح الخير
أم محمد: صباح النور والسرور
أبو محمد: وين الأولاد تأخروا عن الدوامات والمدارس
أم محمد: ماتعرف أولادك سهر ف الليل والصباح بالقوة يصحو الله يهديهم
أبو محمد: بس كذا غلط لازم ينظموا حياتهم وأوقاتهم خلي واتي تناديهم
أم محمد: خلاص ولايهمك راح أخلي واتي تنادي عليهم أللحين
أم محمد: واتي ؟؟؟؟
واتي: نعم ماما
أم محمد: روحي صحي الأولاد وخبريهم إن الفطور جاهز وأبوهم ينتظرهم .
واتي: حاضر ماما
بعد خـــــــمـــس دقــــــائــــــــق...........................
محمد: صباح الخير
أبو محمد وأم محمد: صباح النور
محمد: حب رأس أمه وأبوه كيفكم ياأغلى الناس
أبو محمد: بخير عساك بخير يارب
أبو محمد: تفضل ع الفطور من أول ننتظرك
محمد: والله ياأحب الناس ماعندي وقت يادوب ألحق ع الدوام
أم محمد: ياولدي كل كم لقمة وروح للشغل موطاير أهم شئ صحتك
محمد: والله ياست الكل ماينفع ولايهمك خلاص راح آخذ شئ ع طريقي
ياللا تأمروني ع شئ
أم محمد وأبو محمد: مايامر عليك عدوا
أم محمد: انتبه ع نفسك ولا تسرع ف الطريق
محمد: من عيوني يللا مع السلامة
الكل: مع السلامة بحفظ الرحمن

ونزلوا إياد وعبد الله صباح الخير
الوالدين: صباح النور
وبعدهم ع طول نزلوا البنات صباح الخير
الكل: صباح النور
طبعا عائلة أبو محمد دائما يجتمعوا ع الأكل ويحبوا يبادلوا الكلام والضحك وقت هم مجتمعين ..

بعد ما خلصوا العائلة من الفطور كل واحد راح لدوامه
<ف شركة أبو محمد >
أبو محمد: السلام عليكم
حسن: وعليكم السلام
أبو محمد: حسن ف مواعيد وإجراءات جديدة
حسن: إيوا يا طويل العمر عندك موعد مع شركة تو يوتا الساعة 9:40 دقيقة
وعندك اجتماع الساعة 1:00 مع بعض المندوبين وبس يا طويل العمر...
أبو محمد: طيب مشكور يا حسن روح شف شغلك
حسن: العفو تأمرني بشي ثاني يا عمي
أبو محمد: لا سلامتك مايامر عليك عدوا
حسن: الله يسلمك مع السلامة
بعد ثواني جاء اتصال لأبو محمد
أبو محمد: ألــــــــــــــــــــــــو
أبو سالم: السلام عليكم يا قاطع
أبو محمد: هههههههههه وعليكم السلام والرحمة والله عارف إني مقصر معاك بس تعرف الشغل كثير وكل شئ ع راسي
أبو سالم: الله يعطيك العافية بس فقدتك وقلت خليني أطمن عليك وع الشغل
أبو محمد: الله يعافيك مايفقدك غالي إنت كيفك وكيف الأهل والبيزنس
أبو سالم: والله كلهم طيبين ويسلموا عليك لكن الشغل تعبني بس أمرنا لله
أبو محمد: يللا كله نشتغل ونتعب عشان مين عشان أولادنا ونوفر لقمة العيش ................
أبو سالم: صح كلامك الإنسان يجلس عمره كله شغل إلا أقول ياأبو محمد
أبو محمد: سم ياأبو سالم
أبو سالم: سم الله عدوك إيش صار ف الصفقة اللي خططنا لها وينعقد معهم اتفاق ,,,,,,,,,,,,,
أبو محمد: ذكرتني الله يذكرك بالشهادة والله كلمتهم قبل يومين المشروع خلاص
بدؤوه فيه وعملوا عليه دراسات وكل شئ تمام إن شاء الله تنجح المشروع ونكسب
من الصفقة

أبو سالم: إن شاء الله وعلمني بكل شئ جديد أول بأول

أبو محمد: ولايهمك ياللا ياأبو سالم أنا أستأذنك عندي شغل وإجراءات قد شعر راسي ,,,,,,,
أبو سالم: إذنك معك ولا تطول غيبتك ترى ألغي كل شئ بيننا هههههههههه
أبو محمد: ههههههههههه الله يقطع شرك لا ولووووحنا مانقدر ع زعلك ياخيي ههههههههه
أبو سالم: هههههه أقول سرنا نتكلم لبناني ok ياللا روح شف شغلك وأنا كمان يشوف شغلي

أبو محمد: ياللا أشوفك ع خير مع السلامة
أبو سالم: مع السلامة

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,

<ف بـــــــــيــــــــت أبــــــــو ســــــــالـــــــــم >

أم سالم: لجين حبيبتي تعالي أباكي
لجين: طيب مامتي بس دقيقة أخلص اللي ف يدي
أم سالم: على السريع
لجين: خلصنا اللي ف يدنا آمري ياأغلى أم ف الدنيا
أم سالم: مايامر عليك عدوا بس حابيت أقلك اليوم فكرت أروح لبيت أبو محمد تروحي معايا عندهم ولا لا
لجين: أكيد مامتي هو أنا أقدر ماأروح
أم سالم: أجل اتصلي عليهم وردي لي خبر إذا فاضين
لجين: ok مامتي بروح أتصل ع جوري

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,

لجين: ألــــــــــــــــــــــــــــــو
جوري: ياهلا والله بالبطيخة ههههههههههه
لجين: حرام عليك إهئ والله أنا مو متينة
جوري: أوكي آسفين شكلنا مانشوف هههههههه
لجين:هههههه كيفك ياروحي وكيف أيامك؟؟؟؟؟؟؟؟؟
جوري: بخير عساك بخير إنتوا كيفكم؟؟؟؟؟
لجين: بخير ماتشوفينا نزقح هههههههه
جوري: هههههههه الله يقطع بليييييسك
لجين: حوري حبيبي اليوم فاضين
جوري: يس ف حاجه

لجين: أجل اليوم جايينكم أنا ومامتي
جوري: الله يحييكم البيت بيتكم
لجين: تسلمي ياعيوني خلاص إن شاء الله بعد المغرب جايينكم
جوري: ok وإحنا ف الانتظار
لجين: ياللا ياعسل أشوفك بااااااااااااااااااااي
جوري: مع السلامة

.................................................. ........

أم محمد: جوري مين تكلمي ؟؟؟؟؟؟؟؟
جوري: هذه لوجي تقلي جايين اليوم هي ومامتها
أم محمد: الله يحييهم متى جايين ؟؟
جوري: بعد المغرب إن شاء الله ...
أم محمد: طيب أجل قولي لواتى تجهز الحلو وكل شئ
جوري: ok من عيوني ..
.................................................. ..........

جوري: لون بشرتها أبيض متوسطة الطول شعرها حرير وطويل نصف الظهر لونه كستنائي جسمها جنان يعني من الآخر قمر 14

لجين: لون بشرتها أبيض عيونها لونه عسلي طويلة شوي جسمها نحيف مره وشعرها ناعم قاصته الإيمووا لونه أسود

××××××××××××××××××××××××××××××××××××××××××

<ف شــــــركـــــــة أبـــــــو مــحمـــــد>

محمد: السلام عليكم يادوب
سالم: وعليكم السلام يانحيف
محمد: هههههههه غصب عنك يانحيف موزيك يأكل الأخضر واليابس
سالم: بسم الله عليه ياويلك لو بيسير فيه شئ يا وجه العنزة
محمد: لا تخاف عيني باردة ...

سالم: باين إلا نسيت أقلك !!!!!!!!
محمد: خير يادوب
سالم: اليوم الشباب خارجين الشاليهات تجي ولا لا
محمد: أوكي ماعندي شئ اليوم متى الجمعة ؟
سالم: بعد المغرب رايحين كلهم هناك
محمد: طيب بعد المغرب جايكم إن شاء الله
سالم: إن شاء الله ياللا أنا بروح أخلص الشغل اللي ف يدي
محمد: ok ياللا أشوفك هناك مع السلامة
سالم: مع السلامة

.................................................. ..............

< ف مــــــــدرســــــــــة إيـــــــــــــاد ونــــــــــواف >

إياد: نواف إيش رائك نسوي مقلب ف أستاذ الرياضيات
نواف: حلوه هذه آنت شكلك بتخلينا ننطرد من المدرسة خلي هذه السنة تعدي ع خيرررررررررر ونتخرج وننفك من المدرسة الخايسة....

إياد: أقوول يادافور ماراح يدري إننا اللي سوينا أنا مفكر بمقلب حماااس
نواف: ترى إذا وهقتنا بقول آنت اللي سويت أنا مالي دخل ف الموضوع
إياد: يا خاين أنا اوريك يادوب
نواف:أمزح معاك ياللا يااينشتاين أطربنا بأفكارك
إياد: شف أول ما يضرب جرس البريك نستنى لين يفضى الكلاس ندخل الكلاس من غير محد يحس علينا ونجيب كرسي مكسور ونحطه للأستاذ
أول مايجلس تلاقيه لاصق ف الأرض هههههههههههههههههههههه

نواف: هههههههههه والله إنك نذل مممممممم أوكي تم بس لاتقول للشلة
ولاشئ لمن يسير كل شئ نقلهم بعدين ....
إياد: ok ياللا نستنى الآكشن تبعنا
نواف: هههههههههههههه

ضرب جرس الفسحة !!!!!!!!!!!!!!!!!!!!!

إياد: نواااااااف تعااال ,,,,,,
نواف: نعم نبدأ ولا لا
إياد: إيوا اسمع آنت راقب الممرات وأنا بدخل أسوي كل شئ إذا حسيت
أحد جاي دق الباب بشويش أعرف إن أحد جاي وأتخبى ف أي مكان ok

نواف: أووووكي عُلم ..
إيااد دخل الكلاس وسوى كل شئ مثل مخطط

إياد: نواااف خلاص خلصت ياللا امشي بسرعة
نواف: ياللا خلينا نفطر كأن ماسار شئ لامن درى ولامن سمع

بــــــــــــــــــــــــــــــــــــــــعد الفــــــــــــــــــــــــــســـــــــــــــــــح ة

الأستاذ: السلام عليكم
الكل: وعليكم السلام ورحمة الله وبركاته .....( ذكروني بأيام الإبتدائيه لمن نوقف ونرد السلام كامل خخخخخخخخخخ)

الأستاذ: هااا كيف المذاكرة معاكم ؟؟
الكل: الحمد لله ( واااااضح هع )
الأستاذ: طيب ياللا نبدأ الدرس خلاص باقي كم درس ونخلص إن شاء الله
ياللا نبدأ مراجعة الدرسين اللي سبق
الأستاذ: ياللا أفتحوا صفحة 85

إياد يغمز لنواف ويضحكوااااا
الأستاذ: أنا اليوم تعبان راح أراجعلكم وأنا جالس ’’’’’’’’ بسم الله ’’’’’’’’’

أول ماجلس الأستاذ طراااااااااااااااااااااااااااااااااخ ( الأستاذ طاح هع)
الكل: بصوت واحد صرخوا وضحكواا هههههههههههههههههههههههههه
نواف وإياد: ماقدروا يمسكوا نفسهم ماتوااا ضحك
الأستاذ: مين القليل الأدب اللي سوى كذا
الكل: يحلفون كل واحد يحلف بأي حلفة
الأستاذ: والله لو أعرف مين هذا اللي سوى كذا لأخليه يشوف النجوم بعز النهار ’’’’’’’’
وأخليه يجلس سنين عندي يحلم بالنجاح
هنا إياد ونواف خاااافواا ((( مساكين موقدها خخخخخخ )))

خرج الأستاذ وراح لغرفة المدير وقله بكل اللي صار وجاء المدير للكلاس

المدير: السلام عليكم ...
الكل : وعليكم السلام ورحمة الله وبركاته
المدير: هو سؤال واحد مين اللي سوى كذا ؟؟؟
إذا إعترف يمكن أخفف عليه العقاب ( سجن مو مدرسة حشى )
الكل: .....................

المدير: أعيد سؤالي مين اللي سوى كذا ؟؟؟؟؟؟؟؟؟؟؟؟؟؟
الكل: ......................

المدير: يعني مابتعترفوا طيب كلكم محرومين من إختبار هذا الفصل خلوا درجاتكم تنقص وسكوتكم ينفعكم ......

الكل: لاياأستاذ جالسين يترجون بس لاحياة لمن تنادي
وجلسوا يدعون ع اللي سوى كذا

إياد ونواف : ههههههههههههههه
طبعا إياد ونواف أشقى طالبين ف المدرسة وراعين مشاكل

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,

<ف جــــــــــامعة الـــــــــملك عبــــد العـــــــــــزيز >

لجين: ألـــــــــــــــــــــو جوري وينك؟؟؟؟
جوري: أنا أللحين جاية الجامعة عندي كلاس الساعة 8 وتخلص الساعة10:00
لجين: ok أول ماتخلصي بيننا فووون أبغى أقابلك
جوري: طيب يادُبه أشوفك بااااااايوووو
لجين: مع السلامة

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,

لجين: تخصصها علم نفس
جوري: تخصصها طب
الساعة 10:12 دقيقة

لجين: ألـــــــــــــــو ياحلو وينك؟؟؟؟؟؟؟
جوري: خلاص جاية إنتوا ف أي كافيتريا
لجين: مجتمعين ف رابيس عند الملتقى تعالي بسرعة
جوري: ok ثواني وجاية باااي
،،،،،،،،،،،،،،،،،،،،
جوري: هاااااااااااي صباااايا كيفكم ؟؟
ندى: أهلين بخير ياسكرة إنتي كيفك ؟؟
جوري: نحمدواااا
جوري: كيفك يامي وكيف الكلاسات معاك؟؟؟؟
مي: بخير ع إني والله تعبت من system كل أسبوع يغيروه والله تعبونا إهئ إهئ
جوري: الله يعين خلاص هانت مابقى شئ أنا باقيلي سنة وسنة ثانية إمتياز
إن شاء الله أنجح وأخلصها وأكون طبيبة أطفال
الكل:إن شاء الله

لجين: أنا خلاص باقيلي هذا السمستر وأخلص إن شاء الله
مرام: الله يوفقنا إلا تعالووا مادريتوا بآخر الأخبار
الكل: لا خيـــــــــــــــر
مرام: جمانة إنخطبت وإن شاء الله ملكتها قريب
الكل: وااااااو الله يوفقها
لجين: أجل بنات لازم نشتري لها هدية بمناسبة الخطوبة ونباركلها
جوري: أجل خلاص كل وحدة تشتري لها هدية ونجتمع كلنا ونروحلها مع بعض .......
الكل: أوووووووكي تم

’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’’’’’’’’’’’’’

الساعة 11:20 دقيقة
جوري: أنا أستأذن عندي كلاس أخير وبروح للبيت
الكل: إذنك معك ......
جوري: لوجي حبيبي لاتنسي الموعد اليوم ok
لوجي: أكيد ياروحي أقابلك بااااااي
جوري : باااايوو أموووووووووووووواااااااااااااااااح

×××××××××××××××××××××××××××××××××××

<ف مـــــــــــــــــدرســــــــــــــــــــة جــــــــــــــــــــنــــــــــــــــــى>

جني: سوسو عنوني تعالي عندي اليوم ف البيت طفشانة لوحدي واليوم خالتي أم سالم جاية من جد بموووت طفش

سهى: اليوم والله ماأدري ياقلبي أشووف الماما وأجيكي ولايهمك
جني: حاولي فيها الله يسعدك وإذا مافي أحد يجيبك أرسل السوااق لك
سهى: طيب أردلك خبر بدري وأشوف الوضع
جني: أوووكي أنتظرك
سهى: إلا جنو كيف حبيب القلب ..........؟؟

جني: مالت عليك شايفتني متواصلة معاه حرام عليك لاتحرقي قلبي إهئ إهئ ....
سهى: ههههههههه الحب ماقتل لامن جد ماتعرفي أخباره
جني: والله أعرف من إياد لمن يجيب سيرته بس
سهى: يابختك مين قدك في أحد يحبك ويفكر فيك ويهتم
جني: أي حب وإهتمام عمري ماشفت حب من بعيد لاتواصل ولاشئ بس بالقلب ,,,,,,

سهى: طيب ف أحلى من كذا ياجوولييت
جني: تكفين يامرمر زمانك هع
سهى: ههههههههههههههههههههه
جني: سوسو خلاص الأستاذه جات أسكتي لاننطرد برى الكلاس هع
سهى: ههههههههههه طيب

******************************************

<ف كـــــــــليـــــــــــة بتــــــــــــــرجـــــــــــــــي بجده>

عبد الله: شاب طيب خفيف الدم لون بشرته أبيض عيونه وساع شعره لونه أسود سواد الليل جسمه حلو رياضي
خالد: صديق عبد الله الروح بالروح لون بشرته حنطي عيونه عسليه شعره متوسط النعومه يدخل ف قلب الواحد بسرعة

عبد الله: ألــــــــــــــــــــــــو خلووودي
خالد: هلا والله
عبد الله: خلودي إيش رايك بعد مانخلص الكلاسات نروح لكوفي شوب
خالد: طيب ولايهمك أساسا أنا متفرغ لك
عبد الله: ياعيني ع المتفرغ أروح شربه أنا ههههههههه
خالد: هههههه طيب يادوب أي كوفي نروح
عبد الله: إيش رايك ف ستار بوكس كافيه
خالد: ok لأن أنا نفسي ف موكاتشينو
عبد الله: خلاص بيننا ألو لاتخرج من الكلية خلينا نمشي مع بعض
خالد: طيب يادوب أقابلك
عبد الله: مع السلامة

خالد: تخصصه قسم أشعه
عبد الله: تخصصه صيدلة

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,

الساعة 1:30 ف بيت ابو محمد

ام محمد: واتي جهزي الغدى قبل مايجي ابو محمد والاولاد من الدوام

واتي: حاضر ماما كل شئ كلاص ( خلاص)

ام محمد: طيب الله يعطيك العافية

ام محمد: خليني ادق ع ابو محمد تاخر ع الغدى

ام محمد: السلام عليكم

ابو محمد: وعليكم السلام

ام محمد: وينك تاخرت ع الغدى عسى ماشر ياابو محمد

ابو محمد: لا ابد مافي شئ بس لاتنتظروني ع الغدى

ام محمد: خير ياابو محمد

ابو محمد: ولاشئ بس عندي شغل كثير اليوم مااقدر اجي راح اتغدى ف الشركة لاتاكلي همي

ام محمد: كيف مااكل همك انت تعرف مااحب اجلس ع الطاولة الا وانت موجود .....

ابو محمد: ياحياتي يامنيرة عارف بس مابيدي شئ عندي انا اللحين اجتماع مع مندوبين مااقدر ااجله سامحيني

ام محمد: لاعايدي بس اوعدني تتغدى

ابو محمد: برومس ولايهمك ياللا يامنيرة مااقدر اطول مضطر اقفل

ام محمد: خلاص انتبه ع نفسك مع السلامة

ابو محمد: من عيوني مع السلامة

00000000000000000000000

جوري: السلام يااغلى ام

منيرة: وعليكم السلام ليه تاخرتي

جوري: مامتي ماتعرفي الطب وكلاساته مافي وقت كثير حتى ارتاح

منيرة: الله يوفقك يارب وافرح فيك

جوري: امين دعواتك بس ايش معنى افرح فيك

منيرة: مايبالوا تفكير زواااااج

جوري: اعوذ بالله الا هذه خليني اشوف مستقبلي واحقق احلامي بعدين نفكر بعريس الغفلة ......

منيرة: ههههههههههه حلوه هذه عريس الغفله المهم وين اخوانك ماجوا من المدرسة

جوري: راح زمرد يجيبهم

منيرة: اجل ننتظرهم لين يجوا

جوري: مامتي اليوم لاتنسي خالتي ام سالم جايه

منيرة: لامانسيت راح اخلي واتي تجهز التقديمات

وصلووا اياد وجنى ولينا من المدرسة ومحمد من الدوام

جني واياد: السلام عليكم

الكل: وعليكم السلام

منيرة: باقي عبد الله وينه؟؟؟؟

محمد: ماادري اللحين اتصل عليه

محمد: الو عبودي وينك ننتظرك

عبد الله: لاتنتظروني انا وخلودي تغدينا واللحين احنا ف الكوفي شوب

محمد: حركات خلودي الدُب كيفه؟؟

عبد الله: الحمد لله ماعليه يزقح

محمد: ههههههههه قول ماشاء الله لاتضربه بعين

عبد الله: خليه يمكن يخس شوي !!!!

خالد: هي انت واخوك لاتحشوا فيه لاقلب عليكم الدنيا ترى

محمد وعبد الله: ههههههههههههههههههه

عبد الله: لا تخاف يا وجه العنزة عيني قلتلك باردة مايسير لك شئ

محمد: اقول تضاربوا انت وهو لوحدكم انا بروح اكل جيعان مع السلامة

عبد الله: مع السلامة

÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

ام محمد: وين اخووك مو جاي؟؟؟

محمد: no يقول تغدى هو وخلودي واللحين ف الكوفي شوب

ام محمد: استغفر الله ياللا سموا وكلوا

الكل: بسم الله

بعد ماخلصوا العائلة الغدى كل واحد راح لغرفته ينام

جوري: لبست برمودا لونه سماوي وتي شيرت كت لونه ابيض عليه رسمة ورود بلون سماوي فاتح شكلها مره كيوت ورفعت شعرها ونامت

.....................................

الساعة 4:18 دقيقة

ام محمد: جوري عيوني قومي صلي العصر وتعالي ساعديني قبل مايجوا خالتك ام سالم ولوجي المغرب..

جوري: فتحت عيونها بصعوبة من التعب ياالله يا مامتي خليني انام والله تعبانه

ام محمد: قومي ياللا بلادلع صلي وساعديني

جوري: خلي واتي تساعدك وربي جسمي يالمني

ام محمد: واتي جالسة تشتغل ف المطبخ قومي كملي الباقي

جوري: يالله طيب روحي انا جايه وراكِ

ام محمد: بسرعة انتظرك

جوري: طـيــب

دخلت جوري الحمام وانتوا بكرامه تتوضا وتصلي خلصت جوري من الصلاة ونزلت تساعد امها ...........

طبعا بيت ابو محمد فلة كبيرة عبارة عن دورين , 7غرف , و4دورات مياة , وغرفتين وحده للسواق والثانية للشغاله ..

ومسبح ف الخارج وحديقة كبيرة وغرفة طعام وصالون كبير مرررة ,

والمجلس مصمم تصميم بدوي ف الحديقة ...........

وايضا يوجد ف الحديقة جهة العاب طبعا ل.. لينا

×××××××××××××××××××××××

<وقت دخول صلاة المغرب ف بيت ابو محمد >

ام محمد: جوري خلاص روحي خذيلك شاور قبل ماتجي ام سالم ولوجي

جوري: حاضر مامتي

وراحت جوري لغرفتها ونزلت لها ملابس

تنورة قصيرة تحت الركبة لونها اسود وبدي لونه فوشي وعليه جاكيت اسباني لونه اسود واكسسوارات ناعمه لونها فوشي مره نعومه كان شكلها.

بعد مااخذت
شاور استشورت شعرها وتركته مرتاح ع راحته ورسمت عيونها من تحت اسود
وماسكارا وبلاشر لونه بينكي وقلوس بينكي شكلها مره كيوت ........

صلت المغرب وجلست تنتظر ام سالم ولوجي .....

ام محمد: كانت لابسه جلابيه تصميم اماراتي لونه تفاحي واورنج ومزين باكسسوارات فخمه ولبست شيله لونه بيج ..

< بــــــــيــــــت ام ســــــــالـــــــــم >

ام سالم: لوجي ياللا يابنتي ماخلصتي لانتاخر ع الناس

لوجي: خلاص بس باقي الميك اب واخلص

ام سالم: طيب ع السريع يابنتي

لجين: كانت لابسه برمودا جنز ازرق غامق وبدي لونه اخضر زرعي حول الرقبه ومفتوح من الظهر عليه تطريز خفيف بلون بينكي وابيض .

ورسمت عيونها بلون اخضر وماسكارا وحطت بلاشر من درجات الاورنج الفاتحه جدا وقلوس لونه اورنج كان شكلها مره روعه ....

,,,,,,,,,,,,,,,,,,,,,,,,,,,,,,,,,,,,,,,,,,,,,,,,

< ف الشـــــــاليهـات>

محمد: الـو سلومي وينكم تاخرتوا

سالم: ايوا حمودي جايين اللحين ف الطريق ماتعرف شوارع جده زحمه

محمد: هههههههه ايوا الله طيب ع السريع

سالم: ان شاء الله ولايهمك اصلا قربنا من الشاليه

محمد: ok انتظركم مع السلامة

سالم: مع السلامة

وصلوا الشباب للشاليه :ـــــــــ

الكل: السلام عليكم

محمد: وعليكم السلام بدري انت وهو

عبد اللاله: بدري من عمرك الطريق زحمه كان ف حادث عطل الطريق كله

محمد: ياساتر المهم ياللا خلونا نفلها اليوم

الكل: اوكي

محمد: كيفك يابدر؟

بدر: تمام التمام انت كيفك وكيف الكلية معاك؟

محمد: الحمد لله بخيرــ والكلية خليها ع الله

بدر: الله يعينك ويوفقك

محمد: امين والجميع

محمد: بدر ها مستعد تتحداني

بدر: اكيد انت تعرف احب التحدي بس قول اي تحدي تحب

محمد: ايش رايك نلعب كرة تنس ونشوف مين اللي يفوز

بدر: ok قبلت التحدي طيب المقابل

محمد: اما انت لازم تتشرط

بدر: اكيد اجل كيف تتحمس للتحدي

محمد: ok اللي يفوز العشاء ع حسابه

بدر: تم ياطويل العمر يارب افوز عليك

محمد: مالت عليك ان شاء الله انا واطلب عشاء انما ايه

بدر: نشوف مين اللي ف الاخير يفوز

محمد: اوكي نبدا

سالم: ياللا البقيه ايش رايكم نلعب كورة سلة

سعد: انا الحكم لان مافيه اجري

سالم: طيب /// انا الكابتن مين يجي ف فريقي

فارس: انا معاك // عمر: وانا بعد // احمد: وانا كمان // مشاري: وانا

سالم: اوكي والبقيه ف الفريق الثاني ياللا سعد ابدا اللعبة

سعد: طـيـب ياللا

< ف شـــــركة ابــــــــو سالم>

ابو سالم وابو محمد مؤسسين شركتين للسيارات ....

ابو سالم: حامد تعال اباك شوي

حامد: حاضر ياطويل العمر

حامد: السلام عليكم ياعمي

ابو سالم: وعليكم السلام

حامد: امرني ياعمي

ابو سالم:
مايامر عليك عدوا بس جاتني شركة جديدة وقدمو لي صفقه وانا بطلب منك تعملي
دراسه على الشركه وتعرف كل صغيره وكبيره قبل مااوافق ع العقد اخاف يكونوا
نصابين او شركة خسرانه

حامد: من عيوني ياعمي ماطلبت شئ بس اديني مهله اسبوع واجيبلك كل شئ ..

ابو سالم: الله يعطيك العافيه ياولدي خلاص روح شوف شغلك

حامد: حاضر ياعمي مع السلامة

***************************

< ف بـــيــت ابو مـحــمد>

ام محمد: واتي روحي افتحي الباب لام سالم

واتي: حاضر مدام

ام سالم: السلام عليكم

ام محمد وجوري: وعليكم السلام

ام محمد: حياكم تفضلوا البيت بيتكم

ام سالم: يزيد فضلك حبيبتي

ام سالم: كيفك ياام محمد وكيف الاولاد وابو محمد ؟

منيرة: الحمد لله كلنا طيبين انتوا كيفكم ؟

عليا: نحمدوا يارب كلنا بخير

عليا: كيفك ياجوري وكيف الطب معاك؟

جوري: الحمد لله بخير ياخالتي الطب كله تمام بس تعرفين ياخالتي الطب صعب مو سهل

عليا: الله يعينك يابنتي ويوفقكم يارب

جوري ولوجي: ااااااااامين يارب

منيرة: كيفك يالوجي وينك فجاة قطعتينا؟

لوجي: الحمد
لله ياخالة بخير والله مثل ماتعرفي ياخالة الجامعة ماخذه كل وقتي حتى اهلي
مااقابلهم وكمان الشيفه بنتك بالقوة اقابلها ههههههه

الكل: هههههههههههههه

جوري: من حلاتك يا قمر 14 انتي

لوجي: ههههههه الحمد لله الاعتراف بالحق فضيله شوفيني بالله مو اجنن

جوري: بالحيل تجنني

منيرة: جوري قومي جيبي العصير

جوري: طيب اللحين واتي تجيبه

منيرة: ماشاء الله بكره لمن تتزوجي بتعتمدي ع الخدامه

جوري: يالله الف مره نقول زواج مانبى فاضيه انا لوجع الراس والقلب خليني كذا بجلس عانس عندك

منيرة: فال الله ولافالك والله ماتعنسي عندي لازوجك لاول واحد يطق الباب ......

جوري: خالتي شوفي ماما حلفت عليه

عليا: ههههههه ليه يابنتي مافي احلى من الستر والاستقرار

جوري: خلي لوجي بدالي انا زواج ماابى

لوجي: اااه وين عريس الغفله هذا تعبت وانا انتظر

الكل: ههههههههههههههه

ام محمد: ان شاء الله يرزقكم ربي بولد الحلال والذرية الصالحة يارب ونفرح فيكم

الكل: ااااااااااااااامين

جوري: لوجي ايش رايك نروح للحديقة

لوجي: ok حماااااااااس ياالله

خرجوا جوري ولوجي للحديقة يسولفون ويتفقوا ع هدية صحبتهم

< الـبــــــــــــــــــارت الـــــــثــــانـــــــــــــــــي>

ان تبني لنفسك حلما جميلا مع من تراه اطهر من حملته الارض..
ترسم مع ذلك القلب احلى واروع المعاني....
ثم تجد انك ترسم هذا كله على سطح ماء لا يعرف الركود وان كل ما رسمته ليس الا ســــــــــــراب ....

< ف صــــــبـــــاح الخميس ف بــيـت ابو سالم>

ابو سالم: صباح الخير

الكل: صباح النور

ابو سالم: سالم ياولدي ف شركة جديدة حابه تعمل معانا شراكة وطلبت من حامد يدرس الموضوع اباك تبلغ عمك ابو محمد

سالم: حاضر ياابويا ايش الشركة هذه؟؟؟

ابو سالم: شركة ......... للسيارات

سالم: طيب ولايهمك

ابو سالم: الحمد لله شبعت

ام سالم: وي ياابو سالم مااكلت شئ

ابو سالم: الحمد لله مو مره جيعان وكمان باالحق ع الشغل اليوم الشغل كثير

ام سالم: الله يعطيك الصحة والعافية يارب

ابو سالم: يعافيك ربي ياللا ياسالم افطر وروح للشركة وانتبه لكل صغيره وكبيره ف الشغل

سالم: من عيوني يا ابويا

ابو سالم: مع السلامة

الكل: مع السلامة

نواف: امي اليوم بخرج مع اياد

ام سالم: ع وين رايحيين؟؟

نواف: بنروح لبيت واحد من اصحابنا ونلعب game

ام سالم: طيب بس لاتتاخر

نواف: امي انا مو صغير خلاص بتخرج من الثانوية

ام سالم: تبقى ف عيني صغير مهما تكبر

نواف: طيب ياست الكل انا برجع انام

ام سالم: ماشاء الله توك صاحي

نواف: والله امس طول الليل سهران بنام عشان اسهر مع اصحابي

ام سالم: طيب نوم العوافي

نواف: الله يعافيك وحب راس امه وراح ينام

لجين: امي نسيت اقلك اليوم العصر بروح انا وجوري للسوق

ام سالم: اي سوق ؟؟وليه؟؟

لجين: بنروح التحليه بنشتري هدية لوحده من صحباتنا انخطبت وحابين نباركلها

ام سالم: طيب مين بيوديكم؟؟

لجين: سواق جوري زمرد

ام سالم: طيب’’’’’’’’

سالم: الحمد لله ياللا يا امي تامريني بشئ انا رايح الشغل

ام سالم: بالعافية مايامر عليك عدو وانتبه ع نفسك

سالم: من عيوني يا احلى ام مع السلامة

ام سالم: بحفظ الرحمن ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘
< ف شـــــــــركـــــــــــــة ابو مـــــــــــحــــــــــــــمـــــــــد>

سالم: السلام عليكم عمي

ابو محمد: وعليكم السلام هلا سالم كيفك ياولدي؟

سالم: الحمد لله بخير دامك بخير ياعمي

ابو محمد: كيف الوالد واهلك عساكم بخير؟؟

سالم: الحمد لله كلنا نزقح ههههههههه

ابو محمد: هههههههه دوم يارب

سالم: دام عزك وغاليك

سالم: الا ياعمي نسيت اقلك !!!

ابو محمد: خير ياولدي

سالم: ابوي موصيني اخبرك ف شركة جديدة حابه تدخل شراكة معاكم

ابو محمد: اي شركة؟؟

سالم: شركة اسمها ..........للسيارات

ابو محمد: وكيف الشركة مضمونه ؟؟

سالم: ما ادري بس ابويا موصي حامد يسوي دراسه عليها وبعدين نشوف

ابو محمد: يسير خير ان شاء الله انا اكلم ابوك

سالم: ياللا ياعمي تامرني بشئ بروح اشوف شغلي

ابو محمد: مايامر عليك عدوا سلامتك

سالم: الله يسلمك يالاذن ياعمي

ابو محمد: اذنك معك

الساعة 9:30 صباحا

جنى:الـو ياعسل

سهى: هلا والله كيفك ؟

جنى: هلا فيك تمام التمام انتي شو اخبارك؟؟

سهى: بخير دامك بخير ياقلبي

جنى: دوم يارب

سهى: دام عزك يارب

جنى: سوسو انا زعلانه منك يادبه

سهى: لـــــيه انا ما اقدر ع زعلك

جنى: انا قلتلك يوم الاربعاء طفشانه تعالي عندي ولارديتي خبر خليتيني اموت من الطفش حتى من الطفش نمت اهئ اهئ

سهى: ههههههههههه والله ياروحي اول ماجيت من السكول ع طول حطيت راسي ونمت ماصحيت الا الساعة 11:30 ف الليل وماقدرت اتصل قلت يمكن نايمه

جنى: مالت عليك المهم تجي اليوم لاتقولي لا

سهى: طيب ولايهمك اجيكِ المغرب ايش رايك

جنى: ماعندي شئ الله يحييكِ

سهى: تسلمين ياعيوني ياللا اقابلك باييييوووو

جنى: ان شاء الله بايوو

//////////////////////////

الساعة 10:00

عبد الله: صباح الخير يادُب

خالد: صباح النور والفل والياسمين والجوري

عبد الله: الله الله انا ما اقدر ع الكلام الحلو قلتلك عشرين مره اروح شوربه انا

خالد: ههههههه الله يقطع شرك انت تعرف اكثر واحد احبه هو انت .....

عبد الله: ياعيني يابخت زوجتك فيك

خالد: مالت عليك بلا زواج بلا هم

عبد الله: نشوف ياخلودي بكره لمن تحب تنسى وتبيع الدنيا كلها عشانها

خلودي: طيب نشوف بكره ايش يسير

عبد الله: الا اقول خلودي ايش رايك نروح لكوفي شوب جافا مره المكان نايس هناك

خلودي: ok بس اديني دقايق البس واقابلك هناك

عبد الله: طيب انا جاهز بروح وتعالي هناك

خلودي: اوكي يا اللا بروح البس بايو

عبد الله: بايووو

خالد: ايش البس لازم البس حلو عشان المكان حلو ونايس هناك عشان يقولو اني ولد نعمه ههههههههههه

ممممممممم لبس
خالد تيشيرت ابيض عليه كتابات حمراء وبنطلون جينز ازرق وكوتش لونه ابيض
وانتو بكرامه وحط جل ف شعره شكله سار يهبل < فديــــــــــــتــــــــه
هع عايشه جو>

..............................

عبد الله: ها خلودي وين وصلت ؟؟

خلودي: ايوا عبودي اديني كمان 5 دقايق واكون عندك

عبد الله: طيب يادُب اسرع

خلودي: من عنوني باي

بعد 5 دقايق وصل خالد للكوفي شوب

خلودي: هاي يانحيف

عبد الله: ههههههه اهلين

الجرسون: طلباتكم ؟؟

عبد الله: خالد ايش تطلب

خالد: اطلبلي مثلك

عبد الله: ممممم جيب 2 كابتشينو و 2تشيز كيك

الجرسون: اي طلب ثاني؟؟

عبد الله: لا بس هذه

الجرسون: 5دقايق والطلب عندكم

خلودي: شكراا

بعد 5دقايق الطلب جاهم

عبد الله: خلودي ايش رايك اليوم نروح للبحر نسهر هناك ونكلم الشباب

خالد: فكره حلوه طيب اي بحر نروح

عبد الله: ايش رايك ف خليج سلمان نسوي كشته هناك نجلس لين صباح الجمعه .....

خالد: ok ماعندي مانع نكلم اليوم الشباب ونروح

عبد الله: ان شاء الله بس اسمع عماد ماراح نكلمه لان ما اطيق اجلس معاه انت تعرف ليه؟؟

خالد: هههههه ايش فيك شايل ع الولد

عبد الله: خليه يولي ما اطيق الجلسه وياه اللي سواه قليل فيه

خالد: ماعليك منه واحد تافه لاتحط راسك براسه خلنا نخرج بس من زمان ع الكشتات

عبد الله: بقوة تافه خلاص ان شاء الله نجتمع ونتفق ع كل شئ

خالد: ان شاء الله ..........

عبد الله: خلودي ايش رايك تجي معايا البيت ونحضر انا وانت للكشته

خالد: طيب يمكن اهلك عندهم ضيوف ولا شئ

عبد الله: عادي نجلس انا وانت ف المجلس اللي ف الحديقة

خالد: طيب

عبد الله: خلاص المغرب تعال لاتنسى ياويلك لو ماتجي

خالد: من عيوني

الساعة 5:00 العصر

جوري: الـو لوجي كيفك؟؟

لوجي: تمام التمام انتي كيفك نمتي ولا لا

جوري: بخير ياسكره ــــــ يعني مو مره نمت

لوجي: مين سمعك الحال من بعضه

جوري: لوجي تجهزي بمرك انا ونروح للسوق

لوجي: ok حياتو لاتتاخري لان اللي عندي موصيني ما اتاخر

جوري: خلاص ماراح نطول ف السوق بس اول مانخلص تعالي معايا البيت نغلف الهدايا

لوجي: طيب اقول لمامتي

جوري: ياللا ياعمري 5دقايق وجايه

لوجي: اوكي باي

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

الساعة 5:30 العصر

اياد: نوافي لاتبداو ال game من دوني

نواف: طيب بس تعال بسرعه طفشنا

اياد: اديني دقايق واكون عندكم

نواف: طيب ............

بعد دقايق وصل اياد لاصحابه ,,,,

اياد: سلام ياشباب

الكل: وعليكم السلام

اياد: كيفكم؟؟؟

الكل: بخير

اياد: لايكون لعبتوا من دوني

سعود: لاتخاف مالعبنا ياللا خلونا نبدا ملينا

اياد: طيب انا بتبارى معاك ياسعود

سعود: هههههه اقول لاتحط راسك براسي ترى تتفشل احذرك

اياد: ههههههه ضحكتني نشوف يالوزه

الكل: ههههههههههه

نواف: حلوه لوزه عجبتني

سعود: طيب ياوجه العنز نشوف

اياد: ياللا نبدا اللعبة

< وقـــت صلاة المغرب ف سوق التحلية بجدة >

لوجي: ياللا جوري نرجع خلاص تعبت

جوري: حتى انا والله تعبت خلاص اللحين اتصل ع زمرد ونرجع للبيت

جوري: ا لــو زمرد

زمرد: نعم مدام

جوري: زمرد تعال خذنا خلاص خلصنا

زمرد: ان شاء الله مدام انا شوي اجي

جوري: ok مع السلامة ,,,,,,,,,,,,,,,,,,,,,,,,,,,,,,,,,,,,,,,,,,,,

بعد 20 دقيقة :ــــ

زمرد: الــــــــــو مدام ياللا انا ف تحت

جوري: طيب اللحين جايه

جوري: ياللا لوجي زمرد تحت خلينا نروح

لوجي: طيب ياللا انا وراكِ

ام سالم: الـــــــو لوجي وينكم

لوجي: جايين يالحبيبة ف الطريق بس يامامتي انا بنزل مع جوري نغلف الهدايا واجيكم الساعة 10:00

ام سالم: طيب يابنتي بس لاتتاخري

لوجي: حاضر ياست الكل مع السلامة

ام سالم: بحفظ الرحمن

< خـــالــد و عبـــد الله >

عبد الله: ياللا خلودي خلنا نجهز اللي اتفقنا عليه

خالد: طيب ياعبودي بس ماراح اطول عندك احضر معاك واروح البيت اجهز نفسي

عبد الله: ترى مابنروح نخطب بنروح نسهر

خالد: هههههههههه سخيف

عبد الله: مو اسخف منك

خالد: ياللا خلينا نروح بس

عبد الله: اوكي ياللا مشينا

< ف بــــــــيت ابو مــــــحــــــــــمــــــــــد >

جوري: اقلك لوجي تعالي نجلس ف المجلس اللي ف الحديقة احسن

لوجي: طيب يمكن اخوانك يدخلون علينا

جوري: مين قلك ترى محد يجي فيه كثيروكل اخواني برى بيسهروا

لوجي: طيب خلينا ندخل حدي تعبانه

جوري: هههههه ياعجوزة اجل بكره لاجاكي نصيب كيف بتقضي الدبش

لوجي: الله يخلي رفيقتي وحبيبتي جوجو

جوري: هههههه ضحكتيني قالو لك خدامه

لوجي: حشاكِ اقول خلينا ندخل ووقتها نتناقش

جوري: ياللا خلينا نغلفهم

لوجي: ok ياللا ياعمري

دخلو البنات للمجلس وجلسوا يسولفوا وييغلفوا هدية صحبتهم

،،،،،،،،،،،،،،،،،،،،،،،،،،

خالد: عبودي قبل مانروح بيتكم خلينا نشتري الفحم

عبد الله: مالوا داعي نشتري اكيد بيتنا فيه واذا مافي قبل مانروح للكشته نشتري ....

خالد: طيب

عبد الله: ياللا وصلنا انزل يادُب

خالد: انزل وين اروح؟؟

عبد الله: ف حضني يعني وين روح للمجلس وانا بوقف السياره وادخل جوه اشوف ف فحم ولا لا واجيب الاشياء الثانيه انت استنى ف المجلس

لين اجيبك لاتروح ,,,,,,

خالد: حاضر بابا انا مافي قول لا < قلب هندي خخخخخ>

عبد الله: هههههههه طيب ياللا انقلع روح للمجلس

خالد: طيب

خالد راح جهة المجلس يمشي ع دخلته للمجلس صادف لجين وجوري

لجين وجوري: مو مستوعبين اللي دخل عليهم

خالد: صنم ف مكانه كمان هو مو مستوعب

لجين وجوري:..............................

خالد:...........................

خالد: انا ....انا..... انا اسف وجرى من المجلس

لجين وجوري: ........................

بعد ثواني استوعبوا الثنتين اللي سار

لجين: جوري.... جوري مين هذا ؟؟؟؟

جوري: ها والله ما ادري يمكن .... يمكن صاحب اخويا

لجين: جوري ايش هذا الموقف وربي جسمي سار مثل الثلج

جوري: اسكتي وربي اخس منك

لجين: جوري وجع محد يدخل المجلس هاا

جوري: وربي محد يجيله من زمان محد دخله اصلا ايش يعرفني انه بيسير كذا

لجين: والله فشله حتى هو الولد اعتفس

جوري: ههههههه ياويلي لو دروا اخواني

لجين: بس الولد حليوه يجنن يطيح الطير من السماء

جوري: ياقليلة الادب اصلا تبيها من الله نظره شرعية صح , تحقق حلمك

لجين: هههههه الله يقطع بليسك هذا راي مو حرام

جوري: طيب طيب ياجولييت اقول خلينا نكمل التغليف عشان ننسى اللي حصل ....

لجين: ههههههه اوكي ياللا

+++++++++++++++++++++++++++

عبد الله: خلودي وجع انا ايش قلتلك ليه مادخلت المجلس

خالد: مسك عبودي ياكـلـــ...... كله منك اللي سارلي

عبد الله: ايش سار

خالد: دخلت المجلس ع قولتلك مافيه احد صادفت بنتين الله لايوريك احس جسمي جمد ..

عبد الله: بنتين بسم الله مين هما؟؟

خالد: ايش عرفني عايش معاكم انا !!!

عبد الله: غريبة اكيد جوري استنى اشوف

خالد: هيه وين رايح ؟؟ منجدك بتدخل عليهم

عبد الله: اوب نسيت خليني ادق عليها الجوال

عبد الله: الــــــــــــــو جوري

جوري: هلا عبودي

عبد الله: انتي وينك ؟؟

جوري: ......... غطت السماعة لوجي ياويلي عبودي يسال انا وين؟؟

لوجي: واااو مصيبة مافي حل قوليله انك ف المجلس

جوري: واذا سوى شئ
لوجي: ياغبية مايسوي شئ الغلط مو مننا ولا كنا قاصدين قوليله وبس
جوري: طيب امري لله
عبد الله: الـو جوري يابنت وين رحتي؟؟
جوري: هااا معاك
عبد الله: باين ليه ساعة اتكلم مع نفسي
جوري: اسفه كنت اكلم لوجي بنت عمي سالم
عبد الله: اهاا طيب انتي ولوجي وينكم؟
جوري: هاا ..... في ... المجــ ........ في الجلس ليه؟
عبد الله: اها في المجلس طيب ايش تعملوا وليه جالسين ف المجلس ؟؟؟
جوري: ليه التحقيق هذا حرام نجلس يعني
عبد الله: لاتحقيق ولاشئ جاوبي وبس
جورري: كنا ف السوق وجينا تعبانين وقلت للوجي خلينا نجلس ف المجلس دام محد يجي فيه ونغلف الهدايا خلاص هذا كل شئ ياكونان .
عبد الله: ههههههه حلوه هذه كونان لابس .......
جوري: بس ايه في شئ سار
عبد الله: لابس اللي بلغ عليكم خلودي هههههههه
خالد: بصوت واطي ياسخيف ليه تقول
عبد الله: ههههههههههههه
جوري: ....................
عبد الله: جوري.......جوري
جوري استوعبت ان عبد الله يكلمها ايوا معاك لاتعيد الكلمه اكثر من مره
عبد الله: باين الا بسالك
جوري: نعم ايش كمان
عبد الله: عندنا فحم ولا لا
جوري: ايش عرفني اطلب من واتي
عبد الله: واتي سالتها ماردت عليه
جوري: وانا ايش دخلني والفحم ليه عساك بتشوي هنا
عبد الله: لاتخافي ماراح اخرب عليكم سهرتكم ههههههه
جوري: مالت عليك
عبد الله: لابنروح انا والشباب لخليج سلمان نسوي كشته وسهره هناك
جوري: واااااو حماس شيلنا انا ولوجي معاك
عبد الله: نعم يامحلاني وانتوا معايا قلنا شباب مو بنات ولا عائله
جوري: عبود عفيه عليك شيلنا والله طفشنا من الجامعة خلينا نغير جو هناك ..
عبد الله: والله محد قلك ادخلي الطب
جوري: الحلم مااقدر اضحي فيه
عبد الله: اقول جوري ترى خسرتيني مكالمه واخرتيني ع الشباب ياللا اقول طسي ..
جوري: طيب يانذل ياللا مع السلامة
عبد الله: ههههههه انا نذل طيب يادبه انا اوريكِ ياللا مع السلامة
,,,,,,,,,,,,,,,,,,,,,,,,,,,,,,,,,,,,,,,,,,,,
عبد الله: ياللا خلودي خلنا نمشي
خالد: ...................
عبد الله: ياروميو ياللا نمشي
خالد: ...............
عبد الله: خلودي ( قالها بصوت عالي )
خالد استوعب وجع انا جنبك ليه الصراخ
عبد الله: عارف انك جنبي بس عقلك مو معايا ليه ساعة انادي
خالد خجل وجهة ضرب الوان ياللا خلنا نمشي مرة تاخرنا ياللا
عبد الله: ههههه ياحلوك ياخلودي وانت خجلان شكلك غيرت رايك ع اللي تكلمنا اليوم فيه ..
خالد: اي موضوع ........؟؟؟
عبد الله: ع الزواج والحب والتضحيه شكلك غيرت رايك
خالد: هاا انت ايش تقول والله شكلك خرفت من بدري ( حب يضيع السالف هههههه مسكين)
عبد الله: اقول امشي بس شكله قلبك انحرف
خالد: هههههههه تافه اقول تاخرنا ع الشباب خلنا نمشي ونقطنا بسكوتك احسن .....
عبد الله: ههههه اوكي ياللا
،،،،،،،،،،،،،،،،،،،،،،،

الساعة 8:00
جنى: الـــــــــــو سوسو وينك ياحلوه؟؟
سهى: اديني 5دقايق واكون عندك
جنى: طيب ياعسل طفشت من الانتظار
سهى: ok عنوني ياللا مع السلامة
جنى: مع السلامة

بعد 5 دقايق وصلت سهى لبيت ابو محمد
واتي: مــيــن ؟؟؟
سهى: انا سهى صحبة جنى
واتي: طيب مدام دقيقه
واتي: مدام جنى ف وحده يبغى انت على باب يقول سهى
جنى: ياااااااااااي سهى وصلت
راحت جنى عند الباب تستقبل سوسو
جنى: حياك سوسو تفضلي
سهى: يزيد فضلك ياقلبي
شوي جات ضربه ع راس سهى
سهى: اااااااااه ليه ضربتيني
جنى: تستاهلي لاني حلفت اضربك
اولا,, ع انك نمتي الاربعاء وطنشتي
ثانيا,, عشان تاخرتي
سهى: ههههه اوف كل هذا حقد عليه اهئ اهئ
جنى: احسن تستاهلي بس ع فكرة انا مو حقوده
سهى: ايوا نسينا ان قلبك ابيض بياض الثلج
جنى: احم احم شكراا اخجلتي تواضعي
سهى: هههههه عشان كذا انا احبك
جنى: ياروحي انا ... وانا اموت اموت فيك
سهى وجنى:هههههه
وجلسوا يسولفون ويضحكون وقضوا احلى سهره مع بعض

سهى وجنى صحبات من ايام التمهيدي كانهم روحين ف جسد واحد مايفترقوا ولازعلوا من بعض ( الله يديم محبتهم هع داخله جوو)

الساعة 9:40 مساءً

لجين: ok جوري انا بروح للبيت

جوري: ليه اجلسي معايا شوي الله يسعدك

لجين: والله ياقلبي خلاص اللحين مامتي تعصب

جوري: يوووه طيب بعدين مانتقابل كثير خلاص يبقى شهر ع الاختبارات بعدين ننشغل ..

لجين: والله ياقلبي سامحيني ما اقدر وكمان احسني مره تعبانه بنام

جوري: طيب بس اذا ماجاك نوم نسولف ع التلفون مع بعض

لجين: من عنوني ياروحي ياللا بروح اشوف سلومي وينه يجي ياخذني

جوري: خلي زمرد يوديكِ

لجين: اول اشوف سلومي يقدر يجيني ولا لا

’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’

لجين: الـو السلام عليكم

سالم: هلا حبيبتي وعليكم السلام

لجين: كيفك يادُب وين ما اشوفك كاننا مو ف بيت واحد

سالم: بخير يانحيفه والله انتي اللي وينك كل ما اسال عنك يقولو ماهي في

لجين: ههههه طيب سلومي انت وين اللحين؟؟

سالم: مع حمودي شوي جاي البيت ليه تبي شئ من برى؟؟؟؟

لجين: لا سلامتك بس انا ف بيت عمي ابو محمد وابغاك تمرني عشان برجع البيت تعبانه مره

سالم: سلامتك فيك شئ

لجين: الله يسلمك بس تعبت من المشوار اليوم

سالم: ايش الدجه هذه طيب شويتين جايك

لجين: ok انتظرك

سالم: ياللا عيوني مع السلامة

لجين: مع السلامة

××××××××××××××××××××××

<بــــــيـــــت ابــــــو مــــــحـــــــــمـــــــــد>

ابو محمد: السلام عليكم

ام محمد: وعليكم السلام ورحمه الله

ابو محمد: وين الاولاد؟؟

ام محمد: جوري ف المجلس اللي ف الحديقة مع لجين واياد راح مع نواف من العصر يلعبوا مع اصحابهم ومحمد شوي جاي وعبد الله بيسهر برى

ابو محمد: ماشاء الله كل واحد مشغول وعبد الله متى بيجي هو واياد

ايو محمد: اياد اللحين اتصل عليه لكن عبد الله مو جاي رايح هو واصحابه لخليج سلمان مسوي كشته بيجي بكره ان شاء الله ......

ابو محمد: ماشاء الله تبارك الله مو كان بكره الجمعه

ام محمد: ماعليك منهم تبى احطلك العشاء

ابو محمد: ايوا الله مره جيعان اليوم ماقدرت اكل شئ الشغل كثير

ام محمد: من عيوني الله يعطيك طولت العمر والعافيه

ابو محمد: امين وياك ____ ويعافيك ربي

ام محمد: واتي واتي؟؟؟؟

واتي: نعم مدام

ام محمد: واتي حطي غدى لمستر راشد

واتي: حاضر مدام

ام محمد: خليني ادق ع اياد هذا وانا قايله لاتتاخر

ام محمد: الو السلام

اياد: هلا ياست الكل وعليكم السلام

ام محمد: ايودي وينك ياولدي؟؟

اياد: يا امي انا قلتلك مع اصحابي

ام محمد: طيب متى جاي ابوك يسال عنك

اياد: يا امي اليوم خميس مو مدارس

ام محمد: طيب الساعة 11:30 تعال البيت

اياد: يووه يا امي طيب من عيوني

ام محمد: الله يعطيك العافيه

اياد: يعافيك ربي ياللا يا امي تامريني بشئ

ام محمد: مايامر عليك عدوا انتبه ع نفسك

اياد: لاتوصين ياللا مع السلامة يا احلى ام

ام محمد: مع السلامة ياولدي
سالم: الــو لوجي ياللا انا برى

لجين: اوكي شويتين وجايتك

سالم: طيب ياعيوني بسرعه

لجين: طيب

جوري: مين سلومي جاكِ

لجين: يس هو برى

جوري: خساره بتروحي اهئ اهئ

لجين: ههههههه ماطفشتي مني

جوري: انا اطفش من الدنيا باللي فيها ولا اطفش منك يادُبه

لجين: ياعيني ما اقدر ع الكلام الحلو هذا

جوري: اقول روحي بيتكم احسن لايكثر كلامك

لجين: مالت خليني اعيش الجو لو شوي ماتعرفي تجاملي

جوري: هههههههه عيشيه ف بيتكم ياللا لاتعطلي اخوك

لجين: طيب ياسكره اشوفك ع خير

جوري: ان شاء الله ياللا مثل ماقلتلك اذا ماجاكِ نوم دقي ع الفون

لجين: حاضر عمتي مع السلامة

جوري: مع السلامة

ودعت لجين جوري وراحت للسيارة

لجين: السلام عليكم

سالم: وعليكم السلام الله ايش الهديه هذه

لجين: ههههه هذي لصحبتي عشان انخطبت واشتريت لها هديه

سالم: ياعيني اجل بخطب عشان تجيبي هديه ليه مثلها

لجين: والله من عيوني بكره ادورلك ع وحده ليه ادور العروسه عندي

سالم: وي ماصدقتي ع الله وكمان العروسه جاهزة

لجين: ايوا ف غيرها حبيبة قلبي جوجو

سالم: ومين تطلع هذه جوجو

لجين: جوري ف غيرها

سالم: .......................

لجين: هاا ايش قلت ؟؟؟؟؟

سالم: ف ايـــــــــــــه

لجين: ف ايه يعني من اول ايش نتكلم

سالم: وربي انك فاضيه وكمان مين قلك افكر بالزواج

لجين: العصفوره قالتلي هههههههههه

سالم: هههههه اقول شكل عقلك فيه شئ اول ما اوصلك البيت حطي راسك ونامي لايكثر كلامك ....

لجين: انت وجوري تحبوا تفشلوني وتهزاوني

سالم: سامحينا .... اقصد سامحيني نسيت انك الماس ماتنجرحي

لجين: ماراح اسامحك هههههه امزح الا انت وجوري ما ازعل منكم

سالم: .......................

سالم يحب جوري
من هم صغار بس يخفي مشاعره تجاهها ولاعمره بين مشاعره لاحد لان من شخصيته
كتوم من ناحية الحب والمشاعر مايخرجها لاحد مين ماكان ................

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
محمد: السلام عليكم

الكل: وعليكم السلام

حب راس امه وابوه وجلس ع الطاوله

ابو محمد: وين كنت ياولدي؟؟؟؟؟؟

محمد: كنت مع سلومي يا ابوي

ابو محمد: اهاا طيب ماردلك سالم خبر بخصوص الشركة الجديدة

محمد: لا والله للان ابوه مارد عليه

ابو محمد: اجل بكره اكلم ابو سالم واشوف

محمد: ان شاء الله خير ياللا بالاذن بروح انام

ام محمد: بدري ياولدي اجلس معانا

محمد: بدري من عمرك يالحبيبه بس مواصل مانمت

ام محمد: الله يهديكم ما ادري ايش حبكم للسهر

محمد: ههههههههه ياللا تصبحون ع خير

منيرة وراشد: وانت من اهله

جوري: حمودي اباك شوي

محمد: طيب تعالي غرفتي

جوري: ok ياللا

محمد: كيفك جوجو من زمان ماتجلسي معايا ولا اشوفك حتى سرتي مو زي زمان تتكلمي معايا وتفضفضي اشتقتلك كثير

جوري: الحمد لله يا اخوي بس والله الجامعه ماخذه وقتي كثير

وانت اكثر والله اشتقت للجلسه معاك والسوالف مره .....

محمد: الله يوفقك يارب واشوفك دكتوره

جوري: امين الله يسمع منك دعواتك

محمد: ايوا حياتي اطربيني با خبارك ؟؟

جوري: مممممم ماعندي جديد اخباري كلها عن الدراسه ماسار لي شئ نيو ...

محمد: متاكده ولافيك شئ وتخبي عليه

جوري: لا والله انت تعرفني عمري ماخبيت عنك شئ

محمد: اكيد عارفك

جوري: انت ايش اخبارك ليه كم يوم مو عاجبني شكلك فيك شئ حبيبي احد جرحك عملك شئ قولي والله لاوري اللي يزعل اخويا حبيبي

محمد: ههههه ياعيني كل هذا حب ودفاع

جوري: واكثر انت ماتعرف قد ايه انا احبك وما ارضى احد يضرك اكله باسناني اللي ياذيك ...

محمد: لا والله محد اذاني ولاجرحني

جوري: والله __

محمد: والله ما اكذب عليك
جوري: طيب ايش فيك احسك تعبان او متضايق

محمد: والله مافيه شئ بس تعبان من الشغل

جوري: الله يعينك ويديك الف عافيه يارب

محمد: يعافيك ربي وياك ان شاء الله

جوري: ياللا لازم تتعب عشان لمن تتزوج تكون مامن حياتك وحياة ومستقبل اولادك

محمد: اكيد اما بكره كيف اعيش واعيش اولادي

جوري: ايوا ومتى ناوي تتزوج

محمد: بعد 20 سنه

جوري: هههههه حلوه هذه انت لو تقلي باتزوج تلاقي اليوم الثانيه جايبتلك وحده ...

محمد: ماشاء الله لايكون بتشتغلي خطابه وانا ما ادري

جوري: ههههه يمكن الواحد مايضمن مستقبله

محمد: لاريحي نفسك مابتزوج موااال الزواج مو ف راسي

جوري: ومتى يجيلك الموال نفسي افرح فيك او ف عبودي متحمسه من زمان ع الزواجات
محمد: ماشاء الله عليك اللحين بتزوجينا عشان حضرتك تفرحي وترقصي يعني مصلحه مو لله

جوري: والله الثنتين __ لا امزح نفسي اكون عمه مشتاقه للكلمه هذه

محمد: مستعجله ع الكبر انتي مايكفيك رجه لينا كمان تبي عيالنا ..

جوري: ههههههه وف احلى من الاطفال ليه انا بتخصص اخصائيه اطفال عشان احبهم فديتهم

محمد: ما اقول الا يابخت اللي بياخذك

جوري: مالت عليك امس امي واليوم انت

محمد: وليه الزواج ايش فيه بسوي مثلك

جوري: ههههه اقول حمودي سوري اخرتك ع النوم نام عشان بكره جمعه

محمد: والله السوالف معاك ماتنمل بس ع قولتك بكره جمعه الا جوري

جوري: لبـــــــــيــــــــه

محمد: متى اختباراتك ومتى تخلصي ؟؟

جوري: باقي عليها شهر ومتى اخلص الله اعلم تعرف كل ماده وماده بينهم ايام وبعضها اسابيع ...

محمد: اهاا طيب

جوري: ليه تسال بتتزوجني ههههههههههه

محمد: ههههههههههه حلوه هذه بس عشان متكتك لك اجازه حلوه اعوضك ع الايام اللي راحت وايام الدراسه ........

جوري: يااااااااااي وناسه شكلي مابنام بحلم يالاجازه هههههههه

محمد: ههههه ياحبي لك ياللا ياعمري ركزي ع دراستك وجيبي نتيجه حلوه ..

جوري: ان شاء الله دعواتك

محمد: الله يوفقك يا احلى اخت

جوري: اااااااااااااااااااامين وياك

محمد: ياللا ياعسل ممكن انام ؟؟

جوري: من عيوني نوم العوافي ولاتنسى تحلم فيه

محمد:ههههه يعافيك ربي اكيد مايحتاج مين اللي دايم ف وجههي واحبها غيرك

جوري: مممممم اكيد انا ههههههههه

محمد: وف غيرك اقول جوجو ياللا بنام

جوري: هههههههه سوري ياللا اسيبك باااااااااااي

محمد: بااااااااايو

سالم: السلام عليكم

محمد: وعليكم السلام

سالم: هاا كيف بتنام؟؟؟

محمد: ايوا دخلت انام وجات جوري تسولف ع راسي

سالم: ههههههه اكيد ع الزواج

محمد: ايوا كيف عرفت؟؟

سالم: حتى اللي عندي جالسه تقنعني

محمد: بسم الله اقول لازم نعالجهم شكلهم متفقين علينا

سالم: ههههههه ما ادري عنهم ماتعرفهم كل يوم عندهم موااااااااال

محمد: ههههه ايوا الله

سالم: بتنام يادُب ولا لا

محمد: ايوا مره تعبان صاحي من بدري وكمان قبلها مواصل مانمت

سالم: نوم العوافي اجل اخليك ترتاح تامرني بشئ

محمد: يعافيك ربي لاسلامتك

سالم: الله يسلمك مع السلامة

محمد: بحفظ الرحمن

***********************************************

الساعة 11:30 مساءً

سهى: الـــــو

.........: السلام عليكم

سهى: هلا مامتي وعليكم السلام

......: متى بتجي حضرتك ؟؟

سهى: خلاص خلي اي واحد من اخواني يجي

جنى: ع وين مافي اليوم خميس ؟؟

سهى: والله مامتي تقلي تعالي مالي صلاح

جنى: اديني امك انا بكلمها

سهى: خذي تفاهموا انتي وهيا

جنى: الـــــــو كيفك خالتي ؟؟؟؟

......: الحمد لله يابنتي انتي كيفك وكيف الاهل

جنى: الحمد لله كلنا بخير /// خالتي الله يسعدك خلي سوسو تسهر عندي

......: والله يابنتي طولت مره ابوها جالس يسال عليها مااقدر والله

جنى: يوووه ياخاله والله طفشانه واليوم خميس

......: مره ثانيه يابنتي انا عايدي بس ابوها

جنى: خساره طيب المره الثانيه تعالي انتي معاها زورينا امي تسال عنك

.....: سالت عليها العافيه ان شاء الله اجيكم

جنى: الله يحييك ياخالتي //// طيب ياخاله خذي سوسو معاك

سهى: ايوا مامتي خلاص ارسلي اي احد

....: طيب تجهزي وانا برسل غسان لك

سهى: طيب ياللا مع السلامة

........: مع السلامة

<الــــبـــارت الــــــثــــــــالــــث >

< صباح الجمعه ف بيت ابو سالم>
منيرة(ام سالم): تركي ياللا قوم خذلك شاور عشان تلحق ع الصلاة
تركي(ابو سالم): الساعة كم ؟؟؟؟؟؟
منيرة: الساعة 11:30 ياللا قووووم
تركي: طيب اللحين قايم روحي صحي الاولاد
منيرة: طيب بس قوم انت لا اجي والاقيك نايم
تركي: لاماراح انام
راحت منيرة لغرفة الاولاد ,,,,,,,,,,,,
منيرة: سالم نواف ياللا قوموا صلاة الجمعه
سالم: هااا طيب بس شوي بنام
منيرة: قوموا ياللا خذوا شاور وكلوا اي شئ قبل الخطبه ياللا اللحين ابوكم يقوم الدنيا علينا ..
سالم: طيب ياللا نوافي قووووم
نواف: ماتخلوا الواحد ينام
منيرة: والله محد قلك انت واخوك تسهورا
نواف: طيب خلاص بقووم
منيرة: ياللا عشان تاكلوا مع ابوكم وتروحوا معاه المسجد
سالم ونواف: طـيــب
تركي: منيرة حطيلي لقمه باكل قبل ما اروح حدي جيعان
منيرة: ولايهمك اللحين احطلكم
تركي: صحيتي الاولاد ولا لا
منيرة: ايوا قاموا سالم ونواف واللحين رايحه لــ.....لجين
تركي: كويس عشان كلهم يفطروا
منيرة: لجين حبيبتي ياللا قومي
لجين: هااا فتحت عيونها بصعوبه هلا مامتي
منيرة: هلا فيك قومي ياللا افطري وخذيلك شاور قبل صلاة الجمعه
لجين: طيب اللحين قايمه
منيرة: ع السريع ابوكِ تحت ينتظرك
لجين: خلاص لاحقتك
سالم ونواف: صباح الخير وحبوا راس ابوهم
تركي: صباح النور ياللا افطروا بسرعه
سالم ونواف: ok بسم الله
لجين: صباح الخير
الكل: صباح النور
تركي: ايش فيك يابنتي تعبانه ؟؟؟
لجين: شوي مو مره وكمان مانمت بدري
تركي: الله يهديكم ماتتعبوا من السهر انتوا
لجين: هههههه NO Way

’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’
< ف بـيـت ابـو محمد>
ابو محمد: صباح الخير
الكل: صباح النور
ابو محمد: ياللا يا اولادي كلوا قبل الصلاه
الاولاد: طيب
لينا: ماما وديني الملاهي
ام محمد: ملاهي سلامات واليوم جمعه كمان فاضيه
لينا: ماما انتي ماخرجتيني
ام محمد: شوفوا البنت مالقت غير الجمعه
محمد: ولايهمك حبيبتي انا اخرجك كم لينا عندنا
ام محمد: ايوا خرجها لان لو ماخرجت بتسوي لويه ف البيت
الكل: هههههههه
لينا: شكرا يا اححلى اخ واعطته بوسه كبيره
محمد: الله ايش البوسه الحلوه هذه
جوري: هي ترى اغار كذا
لينا: مالك دخل هذا اخويا و انا حره
محمد: ياعيني قاموا الثنتين
جوري: هي انتي ترى حمودي ليه وحضنت اخوها وباسته
لينا: ضربتها وزعلت ع حركه جوري
الكل: ههههههههه
عبد الله: ماشاء الله وانا مالي شوي من الحب والبوسه
محمد: ياغيور تغار مني
عبد الله: ليه ما اغار وانا شايف مضاربه عليك
لينا: حتى انا احبك وهذه بوسه خلاص انا ما احب حمودي خليه لجوري
محمد: هههه ياحبي لكِ
ابو محمد: ياللا مشينا يا اولاد
الاولاد: ياللا
وراح ابو محمد واولاده للمسجد
جوري: الحمد لله
ام محمد: وين ما اكلتي ؟؟؟
جوري: مالي نفس بروح اخذ شاور و اصلي واقرى قران بعدين بنام
ام محمد: بترجعي تنامي ؟؟؟
جوري: ايوا من امس سهرانه
ام محمد: يعني مابتتغدي ؟؟؟
جوري: لابنام ماني قادره
ام محمد: براحتك

راحت جوري لغرفتها ولقت مس كول من توام روحي
جوري: الـــو السلام عليكم
لجين: وعليكم السلام
جوري: كيفك اليوم؟؟؟
لجين: والله تعبانه شوي وفيه كيس نووم
جوري: هههههه مو اكثر مني
لجين: ايش كنتي تعملي امس ؟؟؟
جوري: والله كنت جالسه اقرى كتاب عن الطب وانتي حضرتك كنتي سهرانه ولا تتصلي
لجين:
والله ياعمري كنت جالسه اسوي بحث للاستاذه جابتلي المرض كل يوم تطلبه
وانا اطربها باعذار ماسارت قلت خليني اسويلها عشان تفارقني وارتاح من
حنتها ليه .........
جوري: هههههه والله امس مسكت لك حمودي مسكه شكله بتوب يجلس معايا ...
لجين: ايش عملتي ؟؟؟
جوري: جالسه اقنع فيه انه يتزوج
لجين: هههههههه من جد ترى الحال من بعضه
جوري: كيف يعني ؟
لجين: وانا كمان جالسه اقنع ف سلومي ههههه
جوري: من جد !!! القلوب عند بعضها
لجين: شكلهم كرهونا تلاقيهم اللحين يحسبوا اننا متفقين عليهم ههههه
جوري: ايوا الله خليهم يولوا
لجين: هاا وافق اللي عندك
جوري: للاسف لا نشف ريقي من الكلام
لجين: ههههههه مثل اللي عندي
جوري: انتي اخترتيله مين؟؟؟؟
لجين: انتي يعني مين
جوري:........... نعم انـــــــــــا
لجين: ايوا انتي اشبك انفجعتي
جوري: تدري انك ماعندك سالفه
لجين: ليه قلت شئ غلط
جوري: ايوا انا اقلك ليه غلط
لجين: كلنا اذانٌ صاغيه
جوري: اولا/// انا ما افكر بالزواج الف مره نعيد
ثانيا/// سلومي اعتبره اخويا تربينا مع بعض ولعبنا مع بعض واكيد هو كمان يبادل نفس الشئ فهمتي ولا افهمك
لجين:
فهمت بس حب الطفوله حلوه دائما واي اثنين كانوا مع بعض من هم صغار يبقوا
يحبوا بعض لين يكبروا وحالك انتي وهو في كثير مثلكم وتزوجوا بعض لمن كبروا
كبر حبهم معاهم ’’’’
جوري: اقول يافهيمه تعرفي تسكتي ياللا انا بروح اخذ شاور واصلي وانام تكلمي لين بكره ع الموضوع هذا مابياثر فيه
لجين: هههههه طيب يجي يوم ويكون كلامي صح واذكرك
جوري: اقول فارقيني ياللا تامري بشئ
لجين: ههههههه مقبوله منك لا سلامتك
جوري: ياللا مع السلامة ياجولييت
لجين: هههه مع السلامة
قفلت جوري من هنا وجلست لوجي تفتكر موقف خالد ....

،،،،،،،،،،،،،،،،،،،،،،،،،،،،،،،،،،،،،
عبد الله: الـــو السلام يادُب
خالد: وعليكم السلام اهلين
عبد الله: كيفك؟؟؟؟؟؟؟
خالد: نحمدواااا
عبد الله: خلودي عندك شئ اليوم
خالد: للان ماطلع شئ ليه ؟
عبد الله: لان اليوم بودي لينا الملاهي وقلت بشوفك فاضي لان مابروح لوحدي
خالد: ههههه ملاهي يوم الجمعه
عبد الله: شايف كيف عارفها لينا اذا ماخرجناها تلاقينا كلنا ف المستشفى من الصداع ....
خالد: هههههههههه اجل خلاص اشيل كمان اللي عندي ونروح
عبد الله: كويس جيب الرجه اختك عشان ينشغلو الثنتين مع بعض ونرتاح منهم ,,,
خالد: ههههههههه طيب متى نروح ؟؟؟
عبد الله: ع الساعة 6:00 يكون الشمس خفت عاد اليوم الشمس حاره وحر اليوم كمان الله يعين ’’’’’’’
خالد: ايوا الله هذه جده من زمان حر ورطوبه وسموم وقرف
عبد الله: بس تبقى جده الحبيبه
خالد: هههههه حتى الاماكن تتغزل فيها
عبد الله: هههههه اقول خلودي تعرف تولي ياللا بروح انام ليه كم ساعة صاحي مره تعبان
خالد: ok نوم العوافي
عبد الله: الله يعافيك مع السلامة
خالد: مع السلامه

ام محمد: واتي جهزي الغدى !!!
واتي: يس مدام
ام محمد: طيب غطي الاكل كويس عشان مايبرد
واتي: حاضر مدام
ابو محمد: السلام عليكم
الكل: وعليكم السلام
ابو محمد: الله يعطيك العافيه يا ام محمد خلي واتي تحط الغدى عشان اكل وانام لان عندي مشوار اليوم
ام محمد: من عيوني ،،واتي حطي الغدى ياللا
ابو محمد: وين جوري؟؟؟؟
ام محمد: تقول ماتبى اكل بتنام
ابو محمد: الله يهديها هذه البنت ايش فيها لمن تتغدى وبعدين تنام هي عارفه اني ما احب احد مايجلس ع الطاوله معانا
ام محمد: تعرف بس دلع بنات طول الليل سهر والنهار نوم
ابو محمد: ياللا يا اولادي سموا بالرحمن
الكل: بسم الله
وجلست عائله ابو محمد ياكلوا ويتبادلوا الحديث مع بعض وبعد الغدى كل واحد اخذله قيلوله
،،،،،،،،،،،،،،،،،،،،،،،،،،،،
الساعة 4:12 مساءً
لجين: الـو ياكسوله
جوري: هااا يامزعجه
لجين:ايش هذا كله نوم
جوري: بسم الله عليه والله تعبانه مره حتى النوم كان حلو بس ف ناس ازعجوني نفسي اضربهم
لجين: مين هم الناس؟؟؟
جوري: ف غيرك يالمزعجه بالله كم مره اتصلتي
لجين: ههههههه قومي ياللا خلينا نخرج
جوري: وين نروح؟؟
لجين: ايش رايك نروح عزيز مول نتمشى شوي ونروح للكوفي
جوري: يا الله /// والله تعبانه مره مافيه
لجين: ياللا قومي تكفين وربي طفشانه وبكره السبت تجي الجامعه ويجي همها وراها خلينا نغير جو ,,,
جوري: طيب اخلي زمرد يودينا
لجين: لاسالم بيروح مشوار مع محمد وقلتله ينزلنا
جوري: طيب متى نروح
لجين: كذا الساعة 5:00 اجيك تجهزي
جوري: طيب ياللا فارقي
لجين: طيب ياللا بااايووو
جوري: مع السلامة
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’’’’

الساعة 5:00 مساءً
عبد الله: الو السلام
خالد: هلا وعليكم السلام
عبد الله: هاااا خلودي جاهزين لان اللي عندي ماعندها صبر
خالد: ههههه ايوا جاهزين بس وين تبانا نروح
عبد الله: ايش رايك امركم احسن ونروح ف سياره وحده
خالد: اوكي برضوا احسن مافيه اسوق
عبد الله: ايوا تباها من الله
خالد: ههههه اقول خلصنا تعال ياللا
عبد الله: طيب 5 دقايق وجاي
خالد: ok وانا ف الانتظار
<بعد 5 دقايق وصل عبد الله لخالد >
عبد الله: خلودي انا تحت ياللا
خالد: طيب جايك
.................................
خالد: سلام
عبد الله: وعليكم السلام
خالد: كيفك يالينا ؟؟
لينا: بخير احسن منك
خالد: ههههه دوم يادُبه
لينا: انت الدبه مو انا
خالد: وافق شنٌ طبقه مارحتي بعيد عن اخوك كربون ماشاء الله
عبد الله وخالد: ههههههههه
طبعا لينا ماهي فاهمه ايش يقول ( مسكينه هووووع )
خالد: ياللا مشينا
عبد الله: وين تبينا ياست لينا نروح
لينا: مممممم نروح حديقة الطفل المثالي
خالد: كح كح كح غبااااااااااااار
لينا: انت مالك انا اللي بلعب رنا تروحي معايا والله حلووو
رنا: ايوا نلوح ( نروح)
رنا اخت خالد اخر العنقود عمرها 5 سنين ( يالبى قلبها خخخخخ)
خالد: ياللا عبودي وديهم للغبار
عبد الله: ههههههه امرنا لله عارف نفسي يمكن اموت من الطفش هناك بس مانقول للست لينا لا ..............

لجين: سلومي بتروح مكان ؟؟
سالم: ايوا رايح انا وحمودي لمشوار ليه تبي شئ
لجين: لابس اذا ماكان عليك امر تنزلنا انا وجوري لعزيز مول
سالم: اول ماسمع اسمها راح ف عالم ثاني
لجين: سلومي
سالم:.............
لجين: سلومي وين رحت تودينا ولانخلي زمرد يودينا
سالم: هااا <انتبه ع اخته> خلاص اوديكم متى ؟؟؟؟
لجين: اللحين خلاص انا جاهزه وكمان جوري
سالم: طيب رايح اشغل السياره اديني ثواني بس
لجين: طيب

جوري: الـو لوجي وينك تاخرتي
لجين: خلاص جايتك اللحين رايحه للسياره
جوري: اوكي انتظرك بااااي
سالم:
جالس يكلم نفسه انا لازم اسوي نفسي عايدي وطبيعي معاها صح لمن تكون معايا
اعتفس ما ادري ليه اقول بس المره هذه لازم امسك نفسي عشان لوجي ماتحس
لجين: ياللا سلومي مشينا
سالم: ...................
لجين: ضربت سلومي هي يا ابو الشباب وين رحت نحن هنا
سالم: هاااا وجع يعني لازم تضربي
لجين: هههههه من اول اتكلم وانت والله ولا جنبي
سالم: سرحان شوي
لجين: ومين هذه سعيدة الحظ اللي سرحان فيها
سالم: هااا ف واحد من الشباب عنده مشكله ومن امس افكر فيه لايروح فكرك بعيد ’’’’’’’’’
لجين: اهااا واحد طيب ياروميو ياللا نمشي
سالم: مالت عليك ياللا
<بعد دقايق وصلـوا لبـيـت ابو محـمد>
لجين: الــو يادبه ياللا احنا تحت ننتظرك
جوري: طيب جايتك يانحيفه
وصلت جوري للسياره
جوري: السلام عليكم
لجين وسالم: وعليكم السلام
جوري: كيفك ياسالم؟؟؟؟
سالم: ...... الحمد لله بخير انتي كيفك وكيف ايامك والطب معاك؟
جوري: دووم يارب انا بخير الحمد لله والطب ماشي دراسته صعب بس ايش نعمل الحلم والمستقبل لازم نصبر عليه
سالم: الله يعنيك ويوفقك ونشوفك دكتوره
جوري: امييييين يارب الله يسمع منك وانت كيف الشغل معاك
سالم: الحمد لله ايام تجينا شغل حتى ماتقدري تحكي راسك وايام عايدي
جوري: الله يعطيك العافيه يارب
سالم: يعافيك ربي وياك ان شاء الله
لجين: ايوا The End
جوري: اقول يادبه انتي ايش فيكِ ياسالم شوف اختك وديها المستشفى شكل عقلها فيه شئ
سالم: ههههه من امس الاخت مريضه
لجين: وجع ان شاء الله ايش شايفيني مجنونه اصلا الشرهه مو عليكم ع اللي يكلمكم
جوري: هيا انطمي احسن
لجين: حاضر عمتي اصلا انتي وسلومي من امس تفشلوني مقبوله منكم لو اني ما احبكم ماسكتلكم ......
سالم وجوري: هههههههههههه
سالم: من حسن حظنا ياختي
<بــــعـــد 10 دقـايـق وصلـوا لعــزيز>
لجين: مشكور يا اخوي الله يزوجك يارب
سالم: حسابك ف البيت
لجين: ههههه ماتبى تتزوج
سالم: رجعت حليمه لعادتها القديمه ,,,,, اقول لوجي شوفي المول قدامك ياللا انزلي وفارقيني
لجين: ههههههه طيب
سالم: متى اجيكم ؟؟؟
لجين: خلاص زمرد يجينا
سالم: لا انا ماعندي شئ لاخلصتو اتصلي عليه
لجين: من عيوني ياللا مع السلامة
سالم: تسلملي العيون وراعيها مع السلامة
< بــــعــــــد مادخلو البنات للمول جلس سالم يفتكر كل لحظه حلوه قضاها مع جوري >
سالم: ااااه ياجوري ياترى تفكري فيني مثل ما انا افكر فيك وتحبيني مثل ما انا ميت بحبك ولا لا قطع حبل افكاره اتصال محمد
سالم: هلا حمودي
محمد: سلام ياداشر وينك؟؟؟
سالم: وعليكم السلام ابد انا ف عزيز
محمد: الاندلس!!! ايش تعمل ؟؟
سالم: وصلت لوجي وجوري لعزيز واللحين ماشي ليه فيه شئ
محمد: اهاااا ابد بس طفشان قلت بشوفك تخرج معايا
سالم: ok وين نروح؟؟
محمد: شاطئ الرمال الذهبيه
سالم: يؤيؤ بعيد اخاف يتصلوا عليه واتاخر عليهم
محمد: طيب وين نروح
سالم: ممممم نروح مجمع العرب نتمشى بعدين نروح للكوفي شوب
محمد: اوكي طيب نروح ف سيارتي
سالم: ليه خلاص انا اجيلك مره وحده
محمد: ممم طيب انتظرك
سالم: ياللا مع السلامة
محمد: مع السلامة

< ف بــيـــــت ابـو مـــــحــمـد>
ام محمد: اياد ياللا قوم طولت ف النوم
اياد: يؤ ياامي خليني انام من امس سهران
ام محمد: والله محد قلك تسهر خلي النوم لليل مو للنهار
اياد: يعني لمن اقوم وين اروح خليني انام احسن
ام محمد: قوم ذاكر ماعندك اختبار
اياد: المدير الغى اختبارنا
ام محمد: وليه سويت شئ
اياد: هااا لا ماسويت شئ حرم الفصل كله
ام محمد: والسبب ؟
اياد: عشان اثنين من الطلاب سووا مقلب ف الاستاذ خلوه يطيح من الكرسي هههههههه والله يا امي لو تشوفي شكله يضحك هههه
ام محمد: ههههه لايكون انت ونواف اذبحك ترى
اياد: هااااا لا انا ولا نواف اصلا مؤدبين ف المدرسه ..
ام محمد: باين كلكم جن قلك مؤدبين
اياد: ههههههه مره وحده جن الله يسامحك يا امي ماتوثقي ف ولدك
ام محمد: والله من يوم ماجبتك وانت اذي ما استبعد اي شئ يسير يكون السبب انت
اياد: طيب شكراا
ام محمد: اقول لاتكثر كلام ياللا قوم
اياد: طيب بقوم بس ماني جالس ف البيت
ام محمد: وين بتروح
اياد: بطلع بروح عند نوافي
ام محمد: طيب بس قوم خلي النوم لليل بكره مدرسه
اياد: الله يحرقها كرهتها اصلا الحمد لله مابقى شئ واتخرج وانفك
ام محمد: استغفر الله طيب ياللا قوم بس
اياد: ok يا امي قايم
< ف عــزيز>
لوجي: جوري ف واحد من يوم مادخلنا وهو ورانا
جوري: وين؟؟؟
لوجي: لاتطالعي ورى ترى ورانا بالزبط
جوري: من جد والله مانتبهت
لوجي: جوري مصيبه اذا جاء سالم ياخذنا وشافه وربي يقوم الدنيا
جوري: طيب نخلي زمرد يجينا احسن
لوجي: ياغبيه بعدين يمشي ورانا ويعرف بيتنا خاصه احنا مع سواق بيحلاله
جوري: صح طيب ايش نسوي
لوجي: ما ادري الله ياخذه بيجيب لنا مصيبه
جوري: اميييييين كثير التافهين والفاضيين
لوجي: جوري المشكله لو نهزاه يمكن يطلع من الاولاد اللي مايخافوا الله ويسويلنا شئ او يمد يده علينا
جوري: صح كلامك اقول لو زودها باقول للامن يتفاهموا معاه
لوجي: مسكينه انتي اصلا تلاقيه الامن صاحبه لو مو صاحبه اول مايشوفه يسوي كذا يطرده .......
جوري: الحل يالوجي
لجين: ما ادري والله اقول خلينا نطنشه واللي يسير يسير
جوري: كيف يعني؟؟
لجين: يعني اذا سالم شافه وضربه يستاهل ولابكره يعرف بيوتنا ويطفشنا ويلحقنا وين مانروح
جوري: انتي شايفه كذا !!!!!!
لجين: عندك حل ثاني
جوري: No
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

الساعة 6:18 مساءً
اياد: نوافي كيفك؟
نواف: تمام التمام انت كيفك؟؟؟
اياد: مو بخير
نواف: اووووووووف ليييه
اياد: امس طول الليل سهران ولمن احلالي النوم امي سوتلي ازعاج
ماتباني انام اهئ اهئ
نواف: ههههههههههه
اياد: ايوا اضحك اقول يا اخ عندك شئ
نواف: لا ليه
اياد: طيب اللحين جايك وبنروح للملعب نفسي العب كوره
نواف: من جدك انت انا جسمي مكسر
اياد: بلا دلع
نواف: تكفى ايودي وربي مافيه غير الخرجه خلينا نروح لاي كوفي
اياد: مممممممم طيب وين نروح؟؟
نواف: والله ف كوفي بعض الاحيان اروحله مره نايس
اياد: ok وين مكانه
نواف: انت بس تعال ونروح سوى
اياد: طيب دقايق واجيك
نواف: انتظرك

الساعة 7:30 مساءً < ف المول>
لوجي: الو سلومي
سالم: هلا حبيبتي
لوجي: خلاص تعال خذنا خلصنا
سالم: طيب اللحين جايكم
لوجي: طيب بسرعه عفيه عليك
سالم: ليه فيكم شئ
لوجي: هاااااااااااا
سالم: لوجي فيكم شئ
لوجي: هااا ............... لا
سالم: لوجي انا عارفك فيكم شئ احد اذاكم
محمد: ايش فيهم ؟
لوجي: لا مافينا شئ
سالم: احلفي ترى والله لو ف شئ ما اكلمك بسرعه قولي
لوجي: الصراحه بس تكفى لاتسوي مشكله
سالم: يعني ف شئ
محمد: سالم ايش ف تكلم اختي فيها شئ
سالم: اصبر خليني اعرف
لوجي: ياويلي جوري والله عصبوا
جوري: مصيبه قوليلهم مافي حل ثاني
سالم: لوجي تكلمي بسرعه
لوجي: ف ولد من يوم مانزلتنا وهو ورانا للان ماتركنا
سالم: نعم ايش سوى الاياحقـ.......... سوالكم شئ وربي لاذبحه
لوجي: حطت يدها ع راسها لا يا اخوي بس يمشي ورانا ويحاول يتقرب مننا خاصه جوري بس لاتخاف ماسمحناله ولا اداناه فرصه
سالم: اقلك لجين خليكم ف مكان كله بنات روحوا دورة المياه اجلسوا عندها لين اجي ولاتتحركوا
لجين: طيب بس انتبه لاتسرع
سالم: مع السلامة
لجين: مع السلامة

جوري: هاااا لوجي ايش يقلك
لجين: والله ياجوري بتسير مشكله كله مني ياريتني ماخليته يودينا او قلتله عن الولد والله ياجوري معصب هو ومحمد
جوري: مصيبه الله يخسك ياكلــ................ كله بسببه اخاف يسوون للولد شئ ويروحوا فيها اخويا واخوك
لجين: انا بموت من الخوف الله يستر بس
جوري: طيب وين نروح
لجين: قالي سلومي روحوا لمكان كله بنات او دورة المياه نجلس لين يجوا
جوري: طيب ياللا
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘
سالم من سمع احد ياذي لجين وجوري طلعت شياطينه وحلف مايسيب الولد وخاصه لمن سمع لجين تقله اكثر شئ جوري
سالم: والله ما اسيب الخسيس هذا
محمد: سالم فهمني الحكايه البنات ايش فيهم
سالم: لجين تقول ف ولد جالس يطاردهم من يوم مانزلتهم ف السوق وللان يطارد وراهم ويحاول يتقرب منهم خاصه جوري
محمد: ايش والله لاخليه يتشهد الا جوري محد يلمسها موته قريب
سالم: فكرك بتركه هين بس خلينا نوصل
محمد: طيب اللحين البنات وينهم انت تتكلم معاهم وانا جات ف بالي مليون فكره ماسمعتك
سالم: راحوا لدورة المياه انا طلبت منهم
محمد: غبي انت ترى ماتعرف هذه الاشكال مايهمهم شئ ولايخافوا
سالم: تكفى حمودي لاتزيد عليه
محمد: انت سوق وانا بتصل ع جوري واكون معاهم ع الخط
سالم: طيب اتصل بسرعه وافتح السبيكر عشان اتطمن عليهم
محمد: طيب
محمد: الــو جوري
جوري: ايوا حمودي
محمد: جوري اللحين انتي ولجين وينكم ؟؟؟
جوري: واقفين عند دورة مياه النساء
محمد: طيب جوري خليك معايا ف الخط عشان اطمن
جوري: طيب
جوري:محمد تكفى انت وسالم لاتسوون مشكله وغلاتي عندكم
محمد: جوري انتي ماعليك مننا انا وسالم نعرف نتصرف
جوري: والله خايفه عليكم تسوون شئ وتروحوا فيها باين عليه الولد
من النوع اللي مايخاف الله ولايخاف من شئ
محمد: عيوني قلتلك لاتاكلي هم خلاص قربنا نوصل عندكم
جوري: طيب ياللا مع السلامة
محمد: جوري
جوري: لبـــــــــيه
محمد: قلتلك لاتقفلي الخط خليك معايا لين اوصل عندك واشوفك بعيني
جوري: طيب نسيت
< بعـد دقايق وصلوا سالم ومحمد للمول>
محمد: جوري حبيبتي احنا وصلنا انتو وينكم بالزبط ادخل من اي بوابه
جوري: ادخل من الرئيسيه واسال الامن لان كذا مارح تفهمني
محمد: طيب اوصفيلي الولد ايش لابس وكل شئ
جوري: طيب لابس بنطلون اسود وتي شيرت ابيض اسمراني وطويل
وشعره اسود
محمد: طيب جايين
محمد: سال الامن ووصفله طريق دورة المياه
محمد: جوري وصلنا انتي ولجين وينكم ما اشوفكم
جوري: طيب اللحين اخرجلك
وخرجت جوري ولجين لسالم ومحمد وراحوا مكان مايشوفهم الولد عشان مايشك فيهم
سالم: وين الخسيس هذا
لجين: مسكت يد سالم وجالسه تترجى فيه بس سالم مصمم
محمد: لوجي تكلمي اي واحد فيهم
ليجن: بلعت ريقها واشرت ع الولد
محمد: طيب خليكم هناك لاتتحركوا

لجين وجوري مسكوا يد بعض من الخوف
سالم: سلام يالحبيب
الولد: هلا والله
سالم مسك اعصابه هو ومحمد
سالم: ممكن نسالك سؤال ؟؟
الولد: تفضلوا
سالم: مممممم اعتبرها مو سؤال راي جايين انا وصاحبي ناخذ رايك ف شئ ...
الولد: بخصوص ايه خلصوني انا مشغول
محمد مو قادر نفسه يمسكه ويبرد قلبه
سالم: ايش رايك بالبنتين اللي واقفات هناك
الولد: اهااا تقصد واشر ع جوري ولجين
سالم: ايوا عليك نور
الولد: صراحه صواريخ بس بقلك شئ انت وهو
محمد: تفضل
الولد:
البنتين انا شفتهم قبلكم واخترتهم يعني دوروا ع بنات غيرهم انا ليه كم ساعه
اراقبهم وامشي وراهم تجووا انتوا وتاخذوهم بارده مبرده
ماخلص الولد من هنا الا وجاه كف ع وجهه من قوة الكف كل اللي يمشوا وواقفين قريب منهم مو مستوعبين ايش هذا
هنا محمد وسالم طاحوا فيه ضرب ..............
سالم: هذه اختي واللي معاها خطيبتي ياكلــ...........
طبعا لجين وجوري سمعوا وشافوا كل شئ
سالم خرج الكلمة من دون مايستوعب ايش يقول وضربو الولد ضرب بالقوه جؤا الامن يفرقو بينهم وجات الشرطه تاخذهم .......
محمد: لجين وجوري اتصلوا ع السواق وروحو البيت بسرعه
لجين وجوري: طيب
,,,,,,,,,,,,,,,,,,,,,,,,,,,,,,,,,,,
الشرطي: امشي انت وهو وين جالسين قدامي ع المركز يللا انتو الثلاثه
محمد: طيب بس بطمن ع اخواتي لين يوصلو البيت
الشرطي: ماشاء الله خدام عندك انتظر حضرتك لين يروحو البيت اقول قدامي يللا ع الجيب انت وهو قدامي ...
محمد انقهر من الشرطي وشال هم لجين وجوري وقت ماهم ف الجيب استوعب سالم باللي قاله واتمنى ان جوري ماسمعت هذه الكلمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،
جوري: الــو زمرد تعال خذني
زمرد: حاضر مدام انت وين؟؟؟
جوري: ف عزيز مول بسرعه لاتتاخر
زمرد: طيب مدام انا يجي بسرعه
<بـعد 10 دقايق وركبوا السياره لجين وجوري>
لجين: حضنت جوري بقوه ودعتها
جوري: اهدي حبيبتي وربي انا خايفه اكثر منك الله ياخذه الولد كله بسببه سار الشئ هذا الله لايوفقه
لجين: ااامين والله قلبي يوجعني ياجوجو
جوري: سلامة قلبك انا اكثر منك احس كل اللي سار كانه حلم الله يستر
< ف مــــركــز الـشـرطه>
حضرة الضابط: ايوا ايش سبب المضاربه هذه
الولد: ياحضرة الضابط انا جالس وهم جوو اتبلوا عليه وضربوني
حضرة الضابط: ماشاء الله وليه ضربتوه ؟؟؟
سالم: والله احنا مانتبلى ع احد من السماء
حضرة الضابط: طيب قول ايش السبب وليه؟؟؟؟
سالم: انا اقلك كل شئ
حضرة الضابط: تفضل اسمعك
سالم: قال للضابط كل شئ باللي سار والسبب
حضرة الضابط: صح يا اخ الكلام اللي يقوله
الولد: وانا ايش عرفني ان البنتين وحده اخته والثانيه خطيبته ماني عايش معاهم
حضرة الضابط: يعني تعترف ان الكلام صح
الولد: ايوا بس مالهم حق يضربوني
حضرة الضابط: شوف يا اخ سالم ومحمد انتو معاكم حق تدافعوا ع حرمكم بس هذا مايدي دافع انكم تضربوه بهذا الشكل
سالم: بس ياحضرة الضابط حط نفسك مكاننا تقعد تتفرج او تنصحو ان ليه سوى كذا
حضرة الضابط: اكيد لا بس الضرب ممنوع هذا النظام والبلد فيه قانون
سالم: عارف بس وقتها انعمينا وما جاء ف بالنا غير الوسيله هذه
حضرة الضابط: يسير خير
محمد: ايش بتسوي فينا ياحضرة الضابط
حضرة الضابط: راح اخليكم تكتبوا تعهد انكم ماتعيدوها وتخلوا اي احد يجي يدفع كفالتكم قيمتها 1000 ريال لكل واحد
محمد وسالم: حاضر
حضرة الضابط: وانت تعال اكتب تعهد انك ماتلحق الضرر فيهم ولا تمسهم
الولد: حاضر ( قالها من غير نفس )
حضرة الضابط: ياعسكري خذهم للتوقيف لين يجي احد يدفع كفالتكم
العسكري: حاضر سيدي

وصلت جوري ولوجي لبيتهم
جوري: السلام عليكم
الكل: وعليكم السلام
جوري: عبد الله تعال غرفتي بسرعه اباك
عبد الله: طيب
راح عبد الله ورى جوري لغرفتها
عبد الله: خير ايش فيك وجهك مقلوب
جوري: ماقدرت تمسك نفسها حضنت عبد الله وجلست تبكي
عبد الله: جوري حبيبتي قولي ايش فيك
جوري بالقوه هديت وعلمت عبد الله بكل شئ
عبد الله: يالله كل هذا سار
جوري: ايوا تكفى عبودي الحق محمد وسالم
عبد الله: طيب وينهم ف اي مركز
جوري: والله ما اعرف
عبد الله: طيب رايح ادور عليهم انتي لاتقولي لاحد خاصه امي وابوي انا احل كل شئ
جوري: طيب بس طمني
عبد الله: طيب ياللا مع السلامة
جوري: مع السلامة ’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’’’’’’’
< الــــــبــارت الـرابــع>
< ف مركـــــز الـشــرطـة>
عبد الله سال مراكز الشرطه لين لقى المركز اللي فيه سالم ومحمد
عبد الله: لو سمحت وين غرفة الضابط
الشرطي: امشي سيدا ولف يمين تلاقي الغرفه ع يدك اليسار
مشى عبد الله لين وصل للغرفة
عبد الله: السلام عليكم
الضابط: وعليكم السلام ورحمه الله
عبدالله: ياحضرة الضابط انا اخو محمد راشد........... وصاحب سالم تركي ..........
الضابط: اهااا ايوا انا حجزتهم لين يجي احد يدفع كفالتهم
عبد الله: ايوا انا جاي ادفعها واخرجهم
الضابط: طيب كفالة كل واحد فيهم 1000 ريال
عبد الله: طيب راح ادفع 2000 ريال للثنين
الضابط: طيب وقع هنا بالخروج
عبد الله: حاضر
الضابط: ياعسكري
العسكري: نعم سيدي
الضابط: خرج محمد راشد.....,,,, وسالم تركي...........
< بـعــد دقايق وصلوا سالم ومحمد لغرفة الضابط
سالم ومحمد: السلام عليكم
الكل: وعليكم السلام
محمد اول ماشاف عبد الله حضنه
محمد: مين قلك كل شئ اكيد جوري
عبد الله: ايوا وف غيرها شافت كل شئ
حتى اول مادخلت البيت نادتني لغرفتها وقالتلي ع كل شي
محمد:اها
عبد الله: الحمد لله ع سلامتكم
سالم ومحمد: الله يسلمك
الضابط: يللا لاعاد اشوفكم عندي مره ثانيه
الكل: هههههههههه
وخرجوا سالم وعبد الله ومحمد من المركز ,,,,,,,,,,,,,,,,,
< ف الـســيــارة>
عبد الله: والله اللي سويتوه ف الولد جنان
محمد: والله ياعبودي ضربناه ضرب شكلوا من بعدها بيعتزل المغازله
الكل: ههههههه
عبد الله: بس قطعت قلبي جوري وهي تبكي وخافت عليكم مره
سالم لمن سمع كلام عبد الله قلبه زادت نبضاته
محمد: يالبى قلبها اختي
عبد الله: انتوا الثنين لاعاد تعيدوها ترى الاهل مو عارفين شئ ولاتجيبو السيره هذه انسوا اللي سار

محمد وسالم: اكيد
وجلسوا يسولفوا لين وصلو البيت

» خلي بالك انسان تحبه وبعدين اقرأ الموضوع ممنوع تدخل قبل ماتخلي الشخص بالك
» .. إنت مآ تطري علىآ بآلي أبد ..
» مين العضو اللي في بالك.........
» حط في بالك شخص غالي عليك
» نعد من 1الى 5 ونصبغ شعر العضوا الي في بالك