رواية احبها وربي احبها كاملة من دون نقص لعيونكم

تذكير بمساهمة فاتح الموضوع :

السلام عليكم و رحمه الله



القصـــة أنـــا قريتهــــا في منتدى ثاني وعيبتني وااايـــد .. وأتمنـــــى انهــــا تعيبكم ...






×× التعريف بالشخصيات ××



سيف ) هذا طال عمركم أبو وااايد طيب و على نياته يحليله لكنه واايد يجامل الناس و ما يحب يفشل حد لكنه واااايد يحب عياله ومستعد يسوي أي شي عشانهم ..
( هند ) هذي هي الأم و شرااات زوجها وااايد طيبه و عسل ، لكنها وااايد تحب النااس و السوالف و يوم تشوفونها جنها بعدها بنيه يعني تحب الكشخة و الزقرته
( عزة) هذي حبيبه أمها و أبوها .. واااايد حلوة و عسل و كيوووت .. متزوجه واااحد اسمه (راااشد) و هو بعد مزيون شراتها و عندهم ولد ( مكتوم ) وأكييد ولدهم مزيوون شرااتهم .. المهم عزة طيووبه و حبووبه
و أم راشد واايد تحبها و هي بمعنى ثاني تمثل شخصيه البنت المزيوونه و الزوجه الحبوبه و الام العطوفه ..
( هزاع) أخو عزة و أصغر منها بسنتيين يعني تقريبا عمره (23) و عزة عمرها (25) .. المهم هالهزااع مزيوون بعد و سواالف و يحب يتظاارب و يا أخته اللي أصغر منه فطووم و بعد رااحعي حركات و مغازلجي من الدرجة الأولى .. ههههههه
( فطوووم ) هااي عااد الدلووعه و البزياااا .. راسها ياابس و عنييده من الخاطر ، كل شي لازم يصير شراات ما هي تآمر بس يحقلها ع حلاتها و جمالها يحق لها .. يوم تمر فطوم القلب يرف لها ، مزيوونه بدرجه فظيعه و تذبح بحركاتها .. الكل يحبها و يتمنى رضاها ..
" الحيين تعرفتوا على عايله سيف بن محمد و الباجيين بتتعرفون عليهم بعديين " ..




:yes: :yes: :yes: :yes:



@@ الجـــــــــــزء الأول @@




اليووم السبت و الأخ هزاع عنده اجزاام لأنه يدرس فجامعه الشارجه ، المهم الاخ راحت عليه نومه لأن أمس طول الليل يغازل رن المنبه ، ربعه يدقون له ، البشكاره تدق الباب ما في أمل منه ..
لين ما تكرمت الأخت فطيم و يت عنده ..
( فطيم عند باب الحجره و تدق الباب بالقووو )

فطيم : هزاااااااااااااااااعووووووه و صمخ جلااااب قوووم يلاااا ..
هزاع : " طااااااااااااااااااااااااااف "
فطيم : اونك يعني .. شوف أنا يايتنك بس لاني محتايه حد يوصلني
ليكوون عبالك أحاتيك و لا شي من هالنووع .. " و يلست الأخت تتحرطم "

أم هزاع : شبلاااج أمااايه ليش تتحرطميين من الصبح ؟؟
فطوم: و الله هذا ولدج مسود الويه هب رااضي ينس يوصلني الجامعه .. انا انساانه مشغووله . بنت وراها جامعه وراها دراااسه .. هو عباله الناس كلها فاظيه شرااته ..
" و شوي و ينفتح البااب ، و يطلع هزاع متكشخ و متزقرت و الابتساامه شااقه الحلج .. "

هزاع : مرحبا الساااع .. مرحبا السااع بأم عيون سود وسااع .. فديت أمايه انا .. فديت روحي أنا ..فديت عمري أنا ..

أم هزاع : هلا و الله بالغالي .. مرحباجي يا عيووني ..يلا فديت روحك واايد بطيييت ..

هزاع : انتي تآمريين أمر .." و صد صوب فطيم" يلا دبوووه مشينااا ..

المهم طلعوا هزاع و فطووم من البيت بعد ما أصر هزاع انه يتريق بس عسب يغايض فطوم و ساروا الجامعه .. و كالعادة لازم هزااع لييييت آخر شي بيطردوونه هالانسااان .. هههههههههه

( في بيت بو راااشد )
راااشد هو الولد الوحييد .. أمه و أبووه واايد يحبوونه و بعد يحبوون عزة وااايد لانه هي أصلاا وااايد فنانه .. رااشد عنده أخو من أبوه بس ما يسكن وياهم فالبيت .. بس يحليله دووم يزورهم و يسلم عليهم .. هو يسكن عند أمه و اسمه سعووود ..

عزة : أفففف يلا راااشد ..قووووم هب زيين عليك هالرقااد كله ..
راشد : جي نحن أصلن رقدنا أمس و ها ولدج الحشرة حاشرنا صدعلي براسي و الله ..

عزة : انزيين خلاص سكر على السالفه .. انته قووم الحين وراك دواام و أنا بنزل عند عمووه ..

رااشد : لالالالا ما يخصني .. ماتنزليين و تخليني ..
عزة " و خلااص وصلت حدها ..لأنها من الصح توعيه بس هو مسولها طااف " : راااشد شوووف اذا بتقووم قوم و إذا ما تبا على كيفك .. عساااك ما دااورمت .. " و وحت عنه " ..

رااشد " بعد ما استانس لانه غصص عليها .. " : لا حياااااااااتي تعااالي أسولف وياااج .. حبيبتي انتي تعااالي . عزااا ..عزوونتي تعاالي ..

" لكــــــــــــن عزة سوتله طااف و روحت "

المهم قاام رااشد و تغسل و تسبح و نزل ..

راشد : صباااااااااااح الخييير ..
عزة و أم راشد : صباااااااااح النووور ..
راااشد : " و يحب أمه على راسها " هلا الغاليه شحالج ؟؟
أمه : بخير الله يسلمك فديتك .. انته شحالك ؟؟
رااشد " و يغمز لعزة " : تماااااااااااام و يسرج الحال أماايه ..

أمه : ليش عيل ما داااومت لييين الحييين ؟؟؟
عزة : و الله يا عموووه من الصبح و أنا احاااول ويااه و هب راااضي يقوول .. عكييفه خلييه و الله لو يطردوونه أحسن بعد ..

أم راااشد : ويديييه .. شو سويت فالبنت انته مخلنها تحرج جي ؟؟

رااااشد " يضحك " : هههههههههه ماأدريبها و الله بس هي 24 ساعه محرجه هالاياااام .. ههههه هب زيين عليج بيرتفع لج الظغط ..

عزة : اسمحيلي عموه .. أنا بقوووم الحييين بدق حق أماايه .. أمس كاانت تباني فسالفه .. يلا الغلا من صرفتج ..

" و روحت عزة .. المهم رااشد رمس أمه و فهمها السالفة و بعديين قاام ورا عزة " ..

" عزة كانت توها بتتصل لأمها يوم دخل عليها راااشد ."

راشد : عزونتي غنااتي ليش محرجه ؟؟
عزة : انته ليش الحيين ما سرت الدوااام ؟؟
راااشد : ليش ليكووون ياالس على قلبج ؟؟
" عزو لفت بويهاا عن رااشد .. تصرفاته هالاياام أبدن مش عايبتنها .. جنه ياهل .. خصوصا يوم ما رضى انها تحظر ملجه واااحد من الاهل في العيين .. الأهل كلهم سااروا إلا هي تمت بغصتها " ..

راشد : أصلا أدري أنا متربع على عرش قلبج ..
عزة : راااشد شو تبا الحييييين ؟؟
راشد : أفااا .. تزعليين رشودج حبيبج ؟؟
عزة : منوو قاال ؟؟
راشد : شو هو اللي منو قاله ؟؟
عزة : منو قاال انك حبيبي ؟؟
انصدم رااااشد : أفاااااااااااااا .. عيل منووو ؟؟
قاامت عزة من مكااانها و سارت صوب ولدها مجتوم اللي كان توه وااعي من النوووم ..
عزة : هذااااااااااا حبيبي .. " و جلت الولد و هو عالدقه رقد ع جتفها "

جاان يقووم رااشد .. و يسحب الولد من ايدها و يلسااه ع السرير ..
شهقت عزة : شوي شوي ع ولدي ..

رااشد : هذا حبيبج .. ماااعلييه أنا براااوييج انتي و حبيبج ..
و يلس يأذي الولد و هو راااقد ..

عزة : راااااااااااشد عن هالحركاات بس عاااد ..
" بس راااشد مسولها طاف .. سارت و مسكته من جتفه و هاللي راشد كان يباه .. فلف عليها و مسكها من جتوفها .."

( عزة متعوده ع حركت راااشد الجريئة .. فعادي عندها )

عزة " و شوي بتضحك " : أففف قوم عني ...
رااشد : لا و الله .. يااا سلااام .. لا بس احلفي انتي بس ..
عزة : هههههههه رشوود عن هالحركااات ..
راااشد : لا رشوود بعد .. تعرفيين أنا زعلاان منج .. انتي ابدن ما تعبريني و كله تقفطيني و ما تحبيني ...

عزة : خلااص دامك زعلاان فجني ..
رااشد : لا و الله ما فجيتج إلا يووم تقوليين لي منو حبيبج ؟؟
عزة : راااشد تراااك وااايد تأخرت على دوااامك ..
راشد : لا حبيبتي .. هههه اليوم مآخذ إجازة . ههههههه
عزة : أففف رااشد فجني ..بدق حق امااايه ..
راااشد : ما بفج إلا يوم تقولين منو حبيبج ؟؟
عزة : تراني قلت لك مجتووومي حبيبي ..
راشد : نو نو نو نو نو . .لااااا هب مجتووم .. حبيبج أبو مجتووم ..
عزة : أووكي خلاااص أبو مجتووم .. بس انته فجني ..
رااشد : قوولي رااشد بن مكتووم انته حبيبي أنا عزة بنت سيف ..
عزة : رااااااااااااااااااااااااااااااشد . أففف بس عااد ..
رااشد : و الله ما بفجج إلا يووم تقولينها ..
عزة : أووكي .. راااشد انته حبيبي خلاااص ..
راااشد : كااامله لو سمحتي و تكرمتي ..
عزة : راشد بن مجتوم انته حبيبي أنا عزة بنت سيف .. خلااص ..
" جااان يفجها رااشد و هو يضحك " رااشد فخااطره يحليج عزوني صدق لعوزتج .. بس و الله أحبج شسوي ؟؟ هههههه ..

رااشد : خلاااص الشييخه .. سيري دقي حق عمووه . .
" روحت عزة عن رااشد و هي تقوول فخاطرها .. الله يعيني على هالزووج الياهل " .. هههههه صدق ياهل ..
( الجــزء الثاني )

( في جامعه الشارجه )


فاطمه : اففف رندووه .. اسميني اكره هالاستااذ ..حقيير وااحد ..
رند : ايييه .. ما اسمح لج . هذاااا الغلااا .. ههههههه
فطوم : سخيفة .. و الله انج وحده سخيفه ...
" رند هي بنت عم فطوم .. و هي واااايد وياها ..هي و أخوها سعييد وااايد ويا بعض لكن أخوها سعيد ما يدرس و يا هزاع فجامعه الشارجه يدرس فكليه هندسه الاتصالات و هي بعد فالشارجه .. المهم رندووه بعد كيووت و حبوبه و سواالف .. لكنها عشااقه كل يوميين تعشق لها أستااذ و ما تدااني المسات على قولتها هي بس تحب الرياييل ما تحب لحريم .. هههههه خبله هالبنت " ..

رند : هههههه يحليلي الحيين أنا سخييفه .. أكييد طالعه علييج بنت عمي ..
فطوم : أففف متى بيي هزااعووه .. و الله تمللت منج ..
رند : مالت علييج ..يهالويه . الناس تتمنى تيلس و ياي و انتي اللي عندج هالشي ترفضينه .. صدق مالت ثم مالت ثم مالت ..

فطووم مسوتلهاا طااف من الخاطر .. فطيم متعكر مزاجها هالاياام .. لنه في سالفه مستويه بس محد يدري عنها .. و هي واايد متضاايجه من هالسالفة .. بس شو تسوي ما تقدر تخبر حد .. "

رند : فطووم صار لج اسبووع و انتي متغيرة .. شو السالفه فطييم ؟؟ ليكوون تحبيين و أنا ما أدري ؟؟

فطوم : هههههههههههههههههههه " صدق ظحكت من الخااطر" اطمني يوم بحب انتي أول وحده بتعرفييين ..
رند : يالله يا فطوم متى بييني النصيب و بعرس بفتك .. ؟؟
فطوم : اسميج إلا مستقطعه ..
رند : لا و الله ..وييين يحليلي .. بعديين تعالي أنا أسوي سوالف .. أصلا أنا متعقدة من الشباب و ما أحبهم ..
فطوم : واااااااااااااااااااااااااااااااضح .. هب جنج كل يومين عاشقه استاذ سواء كان يدرسنا و لا ما يدرسنا .. هههههه مينونه وحده ..
رند : ههههههه شسوي طالعه عليييييييييييييييج .. هههههه ، أووه أكوو دريولنا يا بتروحيين وياي ؟؟
فطوم : لحظة بدق حق هزاعووه بشووفه ..
" و دقت فطيييييييم حق هزاعووه .. اللي سوالها طااااف لأنه روح البيت عشان يناااام "

فطيم : الله يغربل بليسه من أخوو .. ما يرد ..
رند : انزيين تعالي وياي .. يلا فطووم أنا تعباانه ..
فطوم : يقولون بعدنا فأول الأسبوع .. هههههه
رند : خليها على الله .. يلا طوفي ههههههههه

" المهم روحت فطوم و يا رندووه .. و فالسيارة فطووم كانت ساكته و سرحاانه .. "

رند : لا لا لا يا قلبي أنا .. البنت أكيييد تحب ..
فطوم : هههههه شو أحب انتي بعد .. رندووه أنا صايرتلي مشكله وهب عارفه كيف أتصرف فيها ...
رند : قولي لي .. قولي لي يا ابنه عمي و سوف أحااول أن أحل هذه المشكله المستعصيه .. هههههه الله يخلي العربي ..

" خلااص فطوم تحس عمرها بتنفجر .. هي مش من النووع اللي يعرف يكتم اسراره و سوالفه "
فطوم : بس شوفي فتاانووووه هالسالفه اتم بيني و بينج .. يعني ما تطلع لحد .. لكن المشكله انج فتانه ..
رند : " بكل براءه " أنا فتاانه .. حرااااااااام علييج ..
فاطمه : انزين انزين سمعي .. بس شراات ما قلت ما تطلع السالفه لحد ..
رند : وعد صادق من قلب خالص في نفس مؤمنه .. أوه أوه أوه أشوفني قمت أخورها .. هههههه
فطوم و عشرين علامه استفهام على ويهها : أشوفج قمتي تخورينها ..
" و سكتت فطوم لمده 10 ثواني و بعدين كملت " ..

فاطمه : شوفي رندووه .. قبل 5 أياام بالظبط ، ياني أبويه الغرفه .. انزيين
رند : انزيين .. كملي ..
فاطمه : انزيين .. انتي خليني أن اأكمل ..
رند : أووكي أووكي بابا مافي جنجال .. ما في سوي مشكل .. كملي ..
فاطمه: المهم كان شكله مريييب وااايد ..
رند : وااااااااااي ليكوون عمي عرس و أنا مادري ..
فاطمه " و خلاص ودها تكفخ رند " : هي تصدقيين عرس و ياي يخبر بنته .. غبيه يا ربي غبيه .. أوووووف .. تعرفيين انتي محد يخبرج شي .. أووف الحمدلله وصلنا البييت ..

رند :لا فطييم تريي .. لا تنزليين . كملي السالفة لول ..
فطوم : بعدين بعدين .. يلا باااي ..
" و روحت فطييم .. لكن رند تمت محتااره .. يا ربي شو هالسالفه اللي موترة فطييم لهالحد .. ؟؟" الله يستر بس ..
رند : يلاا قااادرووه .. ردنا البيت لتكون عايبتنك الوقفه فالحر و الشمووس
عبدالقادر : انجييين انتي ماماه داااكل سياارة ما في براا دااكل شمس ..
رند : ايييييه بابا ما في سوي قرر زيااده .. يلا سيير بيييت ..

البااارت 32


فطوم كانت تكلم هند ... وحست بوله كبير عليها .. ما كلمتها غير مرة وحده من ردن من السفر ..

فطوم : و الله متولهه علييج واااايد ..
هند : و الله انا حتى .. فطوم متولهه علييج بشكل ما تتصورينه ..
فطوم : احمم .. علي انا بس و لا على عربج بعد ههههه
هند : فطووووم ..
فطوم : ههههه .. جد هندو .. هزاع توظف ..
هند : والله .. ويين ؟؟
فطوم : فشركة واحد ربيع أبويه .. و عقب بيحول شركتنا عقب 3 شهور تقريبا ..
هند : يلا الله يوفجه ..
فطوم : ان شااء الله .. و احم احم .. يقول عقب سنه بيييج ..
هند قفطت : وييين اييني بعد ؟؟
فطوم : هههه بييج يخطبج ... احم احم...

" سكتت هند ... وبان عليها خيبه الأمل "
فطوم : ليش ساكته ؟؟؟
هند : فطوووم ؟؟؟
فطوم : شوو؟؟
هند : أنا سمعت شي .بس مش متاكده اذا صح و لا ؟؟
فطوم : شو سمعتي ؟؟
هند : سمعت نجول أختي تقول انه ناصر ولد عمي يبا يخطبني انا .
فطوم انصدمت : شوووووو؟؟؟؟ لاااااااا مستحيييل ..
هند : هي و الله .. هاللي سمعته .. لكنه هو ما رمس فالموضوع بعده .. و مادري هالكلام صدق و لا اشاعات من نجول ..
فطوم :هندوو شو تقولين انتي ؟؟
هند : مادري و الله ..
فطوم : هندووو .. لاااا . حراام و هزاع ؟؟
هند : مادري مادري ... البارحه قالت لي نجول ..أونه كانت فبيت عممي و التقطت هالرمسه منهم ...
فطوم : و هزاااع أخووي؟؟
هند : ماعرف ..بس انا حبيتج تعرفين .. عسبت لو صار شي ما تنصدمون ..
فطوم : نعممم ؟؟ و انتي بتوافقييين ؟؟؟
هند : ولد عمي .. و اكييد بيغصبوني .. حتى لو ما كنت اباه ؟..
فطوم : نعم ؟؟؟ ايه هنو انتي تخبلتي ؟؟؟
هند : اقولج فطوم .. السموحه منج أماايه تباني الحييين ..
فطوم : اصبري هندو .. كيف تقولين لي هالشي و تتوقعيني اسكت ..
هند : ماعرف ماعرف .. ويمكن الموضوع كله اشاعات .. ع العمومو لو صار شي .. أنا بقولج .. ويلا الغاليه السموحه منج و سلمي ع الاهل ..

فطوم : اووكي ما عليه ..مع السلامه ..


سكرت فطوم و هي منصدمه .. واللي زايد صدمتها برود هندو ..

اللي ما تدريه انه هند قضت الليله اللي طافت كلها فالصياح .. ما تتخيل نفسها تكون لواحد غير هزاع .. لكنها ما تبا تبين حق فطوم انها تبا أخوها .. فتصرفت بهالشكل و كان يبين عليها عدم المبالاه و الاهتمام .. لكن هي من الصوب الثاني ميته من القهر وتبا تعرف هل هالخبر صح و لا لا ؟؟


لكــــن للأسف طلع الخبر صح و بعد أسبوع تقريبا .. فاتحوهم بالموضوع ... و هند امررة فنفس اليوم دقت حق فطوم و هي ميته من الصياح و خبرتها .....

و فطوم امرةة قالت لهزاع .. عسبت يتصرف .. و ندمت انها ما قالت له من قبل ..
هزاع انصدم .. معقوووله ؟؟؟ هند ترووح عني .. لااااااا...
عصب هزاع .. و ظهر من البيت ...

ركب سيارته .... و حركها بعييد .. وغصبا عنه سالت الدمعه من عينه .. مقهووور .. لا بعد ميت من القهر .. تم يسوق ويسوق بس يبي يبتعد .. يبي يوح لابعد مكان فهالكون .. و كيف هند توافق على غيره هو .. ليش ليش ؟؟؟؟؟


بيمووت لو هند راحت بعيييد عنه .... هند بتكون لواحد ثاني .. لااا مستحييييل .. تعب من الهياته فالشوارع .. راسه عوراه ...

خلاص نزلت دمووعه غصبا عنه .. ما يقدر يتخيل هالواقع الغريب اللي فرض نفسه علييهم .. ليش انزين ؟؟ ليش هند ؟؟؟؟؟

بس انا اباها .. انا قلت اباها قبل .. آآخر شي كنت اتووقعه انها تنخطب و تروح عني .. و طبعا ها ولد عمها مستحيل يرفضونه .. حتى لو هي ما تباه الاهل بيغصبونها علييييه ..

و الله حراااام . البنت اللي دخلت خاطري من الخاطر ... تروووح عني .. بهالسهوووله .. عنبو حتى ما قلت لها أحبج .. بعدني ما صارحتها بحبي لهااااا ... خلااص رااحت ..


خلااااااااااص يعني كل شي انتهى و رااااح ..

ومن زوود الصدمه اللي فيه ما قدر يرد البيت و تم يومييين بدون ما يرد البيت .. طعا فطوم و اهله و الكل خافوا عليه ... حريز يدق له ..يعطيه مغلق ... و فالشركة راحوا يدورونه هم ما حصلوه .. و سالوا عنه عند كل ربعه ..بعد ما شي فايده .. حمد ، منصور ، سالم ، عبدالعزيز .. كل حد يدور عليه .. لكنه مختفي .. أمه ميته من الخوف عليييه ..

و فطوم خبرت امها و ابوها بالسالفه انه كان يبا هند و لكنها انخطبت لولد عمها ..
بوهزاع :اكييد بيوافقون ع ولد عمها ...
أم هزاع : حسب يالله ونعم الوكيل .. ليش ما قالي انزي ن؟ كنت بخطبها له اول ما ردينا ..

فطوم : مادري مادري ....؟؟.. يا ربي يا هزاع .. وييينك ؟؟


و هــــــــزاع كاااان فبووظبي .... محتار شو لازم يسوي ؟؟؟
هل يروووح لهااااا ؟؟ لاا يروووح لحمدان ويقووله .. بس حمدان شو بيسوي ؟؟؟؟؟؟ هو ما يبا يحرج عمره بعد ...


لو هند راحت عني .. بمووت ... هاي هي الفكرة اللي كانت مسيطرة علييه ...

يحس بشعور غريب .. جنه حد توفى عنده ... قلبه مكسوووووووووور ...

آآآآآآه , ,,,, معقووله انا جي تكون نهايتي ؟؟؟؟

وبعدين سكت .. وتذكر كل البنات اللي كان يرمسهن قبل .. و كيف كان ينهي علاقته بكل وحده منهن .... و تحسف من الخاااطر ... حس بالندم .. نزلت دمعه من عيونه ع ((مريم ،، و ع خوله ،، و ع خلوود ،، و ع الأسده .. و ع كل القائمة ..)) أستاهل . انا كنت اعذبهن قبل .. و جي يزاااتي .. الحين لازم اتعذب عن كل وحده فيهن .. صدق الدنيا دواارة . و كما تدين تدان ...

آآآآآآآآآآآآه بس و الله تعباااااااااان .. ابي اناااااااااااااااام .. ...

و بجي راحت هند من ايييد هزااااع ....

هزركم راااحت و لاا لاااااا ؟؟؟؟؟؟



عقب ما مرن يوميين .. رد هزاع البيت و هو مكسور الخاطر . ما كلم حد لا سوا اي شي .. غير انه راح لغرفته و قفل عليه الباب .. و هم اصلا ما عرفوا انه رد الا من سيارته ..... اللي ردت لمكانها فالكرااج ....


و نـــــــرد لبوظبي ...

طبعا استانسوا لهند و ناصر .. و الكل كان متوقع الموافقه ...
لكن الابو بعد لازم يشاور بنته .. حتى لوكان هالامر شكلي بس ..

فطوم خبرت هندو بحالة هزاع .. و هندو بروحها كانت فحاله محد يعلم بها الا الله ....
ما كانت متوقعه انه هالشي بيصير .... لكن الحين خلاص هذا هو الواقع و محد يقدر يتهرب منه ...


دخل بوحمدان على بنته ... وكان وييهها أحمـر من الصياح ..
بوحمدان : ابويه هند .. بلاج فديييتج ؟؟
" هند بصوت واطي وشبه مبحوح" : مااشي ابويه ..
بو حمدان : لا أكييد فيه شي ..
هند "هزت راسها بالنفي" : لا ابوويه ما فيني شي ...
بوحمدان : انزي نابويه انتي اكييد سمعتي بالخبر ..
هند : ,,,,,,,,,.......................................
بوحمدان : شراايج ؟؟؟
هند : و هل لراايي أهميه عندكم ؟؟ يعني رايي بيغير من رايكم انتوا
بو حمدان : ليش تقولين جي ؟؟ انتي ما تبينه ؟؟؟ ما تبين ناصر ؟؟
هند : ......................................
بوحمدان : هند .. تكلمي ..........
هند : ابويه ان اما ابي اعرس الحييين ..
بوحمدان : ليش ؟؟؟ بنت عمرها 21 سنه .. وايد مناسب للزواج ..
هند تنهدت : لا ابووويه .. انا مبا " ونزلت الدمعه من عينها"
بوحمدان : انزين ليش ؟؟ الولد ما عليه كلام .؟؟ بالعكس الكل يمدح فيه .. وهو يشتغل ... وعنده راتب ممتاز .. و بيسكنج بعد بروحج فبيت .. و بيريحج و بيير عليج حياتج ...

هند : ما با ابوويه.. ماابا انا اعرس ...
عصب بوحمدان : ليش يعني ؟؟؟؟ حاطه حد ثاني فبالج ؟؟؟
هند : لا ما يخصه .. ..
بو حمدان : عيل ؟؟؟ شو السالفه ؟؟؟
هند : ابوويه افهمني ...
بو حمدان : شو افهم ؟؟؟؟ بنت بطرااانه .. مادري منو تبين ؟؟؟
هند : ...................................
بو حمدان : ع العموم أنا وافقت ...
هند : تراني قلت لك من البدايه .. رايي ما بيغير رايكم .. فليش تسالني ؟؟
بو حمدان : يعني تبيني ارد اخوويه .. وولده ..
هند : ............................... بس ما ابا شي ............
بو حمدان : الله يهديييج ..

" و ظهـــر عنها ....."

و عقب حدر لها حمدان .. كلمها .. حاول يعرف شو فخاطرها ..
حمدان : انزين انتي ليش ما تبينه ؟؟؟
هند : أنا رافضه فكرة الزواج الحييين ...
حمداان : عيل متى؟؟؟ متى تبين تتزوجيين ؟؟
هند : حمدان حرام افهمني .. .. و الله حرام عليييكم .. هو اكبر مني بوااايد ....عشر سنين عنبو ..
حمدان : انتي حاطه حد فبالج ؟؟
هند : شو بعد هاي ؟؟ حاطه حد فبالج ؟؟
حمدان : لا بس يعني كان لازم تكونين واثقه انج بتكونين لناصر ..
هند : يا سلااااا م ... و انته موافق يعني ؟؟
حمدان : شوفي فديتج .. أنا ابي مصلحتج ... و مصلحتج فالعرس ..بعدين ها ولد عمج ... انتي فكي لو رديناهم يمكن تصير حزازيات بين العايله .. ونحن ما نبا هالشي يكو نبسبتنا ..

هند : و أكوون أنا الظحييييية .. " ويلست تصيح من الخااااطر "


و بجــــــــي خلااااص كل ششي انتهى وراااح ...
هزاع تحطم من الخاطر .. آخر شي كان يتوقعه انه هند ترووح عنه .. بس ما يقدر يعييش فهالبلاد ... سمع خبر من راشد انهم رافقوا على نااصر و من عقبها خلاص رااح فيها ..
لعن الساعه اللي فكر فيها انه يسافر ... ياليته ما سافر و لاشافها و لا تعرف عليها هناك .. حالته النفسية قامت تسؤ يوم عن يوم ...و فيوم من الايام ابوه كلماه ..
بو هزاع : هزاع الغالي .. لو تباني أكلم محمد (( بوهند)) بكلمه انا
هزاع : لا ابوويه بس خلاص .. الله يوفجها فحياتها .. ونحن ما بنشحت منهم بنتهم شحاته ... الله يوفجها فحياتتها ..

قامت فطوم و هي تصيح .. واايد غمضها أخوها ...
حراام و الله .. هزاع صدق كان يحبها من الخاااااطر.. و الحييين هاللي يصيرله .. ما يحصلها.....

راح هزاع لاخته ...

هزاع : فطووووم ..
فطوم : ليش ؟ خله يكلم أبوها ..
هزاع : خلاص بسس .. الله يسعدها ... آآآآآآآآآآه " ومسح دموعه"
فطوم : هزاااع .. هي تباك انزين و انت............
"قاطعها هزاع " : بسسس . .لا ترمسين هالرمسه .. الحين هي بتصير ع ذمه ريال ثاني ..
فطوم عظت على شفايفها .. و نزلت دموعها غصبا عنها ..

حظنها هزاع .. و نزلت دموعه هو بعد ..

عاش هزاع حاله من الاضطراب و القلق ... و الاكل كلهم كانوا مستهمين عليه .. منهم كانوا يعرفون السالفه ... و البقيه ما يعرفون لكن استهموا عليه .. وأكثرهم منال .. اللي كانت بتتخببل عشانه ..


أبو هزاع حب يظهر ولده من هالجو المتكهرب .. فكانت عندهم دورة برا الامارات .. ففرنسا ... فقال حق ولده انه بيطرشه وياهم ... و بالفعل هذا اللي صار ... راح هزاع بااا عشان يغير جو و يحاول ينسى هند .. المشكله انه هند بعد بروحها كانت عايشه حاله من التحطيم ... قالت ما تبي ملجه .. لكنهم أصروا عليها .. فأجلت الملجه و قالت انها تباها تكون قبل العرس بكم من يوم ...


و بعــــدين خلاص سكتوا ع الموضوع لين ما هند تخلص دراسه .. وحلفت عليهم ما يفتحولها الموضوع طول ما هي عنده ادراسه ..


و بجي انقطعت علاقه فطوم بهنــد .. فطوم حست بقهر تجاه هند .. كانت تقدر ترفض و تقول لا .. ما أباااه .. لكن ليش سكتت ..

لكن لازم تعرفين يا فطوم انه هند هب قويه باس شراااتج انتي .. يعني انتي يمكن تحتجيين و تعارضين .. لكن هي يحليلها .. لا حول لها و لا قوة ...


و مرت الاياااام .. وكل شخص مشغوول بعمره .. و سلطان بالفعل يا وخطب ريم .. وتمت الخطبه على خير ... لكن ما كانت اجواء الفرح كبيرة... فطوم كانت زعلانه و حتى سلامه .. زعلانه على هزاع .. لكن المهم سعادة ريم و سلطان ...


حريز و اايد زعل و تظاايج على ربيعه .. طبعا هو خبر رند عن سالفه هند لانه اصلا حريز كان يعرف بالسالفه .. و رند بعد تظايجت من الخاطر ...


و ذياااااب بعد .. صح انه ما يدري بالسالفه .. لكنه كان يشكي من باس فراق سلامه .. بس يباها .. كلم أهله و قالهم .. لكنهم كلموه فحصه .. فرفض و احتج و قالهم ما اريدها .. .و هو يبا سلااامه ..
و بعد اصرر كبير من ذياب .. قالت امه بتروح تشوفها أونه .. وبالفعل راحت و محد حس بغرض أمه .. وعيبتها سلامه .. وقالت له توكل على الله لو تباها .. هو استانس من الخاطر .. وفعلا تم الموضوع .. لكن سلامه أصرت انه هزاع يكون موجود .. سلامه واايد واايد تعز هزاع .. وايد زعلت يوم سمعت بسالفته هو وهند ...


و بالفعــل كلموا هزاع . الي كان يكلمهم فالاسبوع مرة وحده بس .. وقالوا له انه لازم ايي .. هو استسمح منهم .. وقالهم مايقدر . لكن خبروه انه سلامه مصرة... فطبعا ما بيقدر يردها ...


و رجــــــــــــع هــــزاع للبلااااااااااااد ...



انشالله يعيبكم البارت وابا ردوود حلووه عسبت انزل البارت اليااي...

البارت ال33


و بالفعــــل لما ردت البيت .. كلمت قوم أمها بالموضوع ..
و وواايد استانسواو قاللو لازم يكلمونهن بسرعه ... بالفعل هذا اللي صار ....

هزاع شافر يوم الجمعه ... ويوم الاحد هم كلمووهم ..
طبعا بوحمدان وافق سيييده . وحتى لماقال لام حمدان وافقت ع طول .. اصللا وين بيحصلون حسن عن حمدان لبنتهم هند ..
و هالولد ينشرى و الله .
و لعد لما قالوا لحمدان استانس من الخاطر
هو أصلا واايد يعز هزاع وواايد يعيييبه ... فوافق بعد ع طول ..
حمدان : ابوويه و الله ما بنحصل احسن منه لهندو ..
أبو حمدان : انزين اويه انته كلمها ..
حمدان : و لا يهمك الحييين لو تبا ...
راح حمددان فوق لاخته .. و دق عليها الباب ..

كانت هند مستهمه و تصيييييح ...
حمدان : شبلاج فديييتج ؟؟؟
هند : مااااشي ...
حمدان : لا اكييد في شي.
هند : لاا ماشي ... شوالسالفه ؟؟
حمدان : ما اعف اذا اقولج و لا لا .. اذا نفسيتج تعبانه بأجل الموضوع ..
هند : لا لا عادي قول ياللي بالخاطر ..
حمدان : امممم . .انزين .... في عرب ..
هند : شبلاهم بعد ؟؟؟
حمدان : يبووونج لولدهم ..
هند : لا و الله .. انتوا ما حرمتوا ...
حمدان : انزي ناصبري عسبت تعرفين منو هم ؟؟
هند : ما ابي .. مابي اعرف حتى منو هم ...
حمدان : هندوووو ...
هند : مااابااا . قولولهم البنت تعقدت من الزواج و ما تبي تعرس
حمدان : لااا و الله ..
هند : هي انا ماابي .. اووف هب بالعصب عاد ..
حمدان : هندو اسمعي ..
هند : مابا مابا مابا ..
حمدان : هندووه .
هند : ماباااا .
حمدان عصب عليها و قال : فطوووووووم .. " وعقب شهق "
هندو استغربت : نعم نعم ؟؟؟ شو فطوم بعد ؟؟ منوفطوم الحبيبه هاي ؟؟؟؟

حمدان قفط : هههه أخو فطووم ..
هند بلا مبالاه : منو فطوم ؟؟؟؟
حمدان : شو بعد منو فطوم ؟؟؟ فاطمة بنت سيف ... أخت هزاع

انصدمت هند ... : لحظة لحظة .. الحين منو اللي خاطبني فطم و لا اخوها ؟؟؟
حمدان : شرايج انتي ؟؟؟
هند : حمدانوه عن التهريج ؟؟؟ منوووه ؟؟
حمدان : افف هزاع . هزاع .. أخو فاطمه ..
" هند اندهشت و انبهرت ... و شو تتوقعون صار .. ههههههه
اغمى عليها و طاحت من طولهاا ..هههههه"

لما نست هند كانت ع السرير و كان حذالهاحمدان ..
حمدان : اييه شبلاج ؟؟؟
هند : منو هزاع ؟؟
حمدان : هزاع أخو فطوم .. يالله هالكثر انتي متعقده من الشباب و ما تبينهم . .يعني نرفضهم ..
هند : هااا ؟؟ لاااا ..
حمدان : شوهو اللي لااا
هند : مااردي .. الشور عند ابوويه ..
حمدان : ابويه و امايه و أنا و نجول حتى ... كلنا موافقيين... و نحس انه واايد مناسب لج ..
هند : ............. احم " وقفطت "
حمدان : شو يعني ؟؟؟
هند : اللي تشووفوونه ...
حمدان : اسمع انته ... و توها البنت متعقدة ...هههههه
حمدان : يلا بلمبارك سيس .. بس ترا هو الحيين مسافر ..
هند : أهااا ..

" هند مش مصدقه .. معقوووله ؟؟ معقوووله هزاااااع .. لا لا انا اكييد احلم ؟؟؟؟ قرصت عمرها عشبت تتاكد .. مستحيييل .. هزاع و انا .. و عقب شهقت ...
فطوووم .. فديت فطوم يا نااااس .. أكييد هي اللي صلحت الامووور .. فديتج و الله .. بس انا لازم ادق لها عسبت اتاكد ... يمكن انا كنت اتخيل حمدان يقول اسم الولد عقب بتوهق و ياااه ..



وراحت هند دقت لفطوم ...
فطوم : هلا و الله ..
هند " اونها رزين " : أهلييين ..
فطوم : ........................
هند : ...............................
فطوم : ههههههههههههه .. هندوووووو فديتج و الله
هند : فطوم صدق ؟؟؟
فطوم : شو الصدق ؟؟
هند : عن الاستهبال ؟؟...
فطوم : جد مااعرف عن شو تتكلمين ؟؟
هند : اخووووج ؟؟
فطوم : شبلاه أخوي ؟؟
هند " انصدمت " : فطوووووووم ..
فطوم : شووووووووووووووه ؟؟
هند : هزاااااع خطب ....
فطو: انزين ادري ....
هند : خطبني انااا ؟؟
فطوم : منو قال ؟؟؟
هند " انصدمت من الخاطر " : نعم ؟؟؟
فطوم : خطب منول ..
هند : شوووو ؟؟؟
فطوم : مناااال ... تعرفين منال اللي كانت ويانا فالسفر ؟؟
هند " نزلت دمعتها ... " عيل منو هاللي انا توقهت وياه ..
فطوم : هندووو ..
هند : ...........................
فطوم : هندووو .. هند ............ هند ............. هنووده .....
هند : ,.............................
فطوم : ههههههههههههههههههههههههههه...... يا ويهج اقص عليييج .. خطبج انتي .. ما كنت ادري انج ميته على أخوي ..هههههههههههههههههههه
هند : جبببب خايسه ... " وسكرت فويهها "
فطوم : ههههههههههههههههه
" وردت تدق حق هند ... "
هند : افففف .. شو تبين ؟؟؟
فطوم : مبروووك يا مرت أخووووويه ..
هند : خااايسه وحده ..
فطوم : والله توني سابحه و ريحتي حلوة ..
هند : جب جب .. سباله وحده ..
فطوم : اييييه .. ترا بقول حق هزاع يغير راايه ..
هند : جب انزييييين ..
فطوم : هههههههههه ... وأخيييراااا صح ..
هند " باستهبال " : يعني صدق ؟؟؟
طوم : ههههههههه تستهبليييين ..
هند "بتطير من الفرح ": ههههه لااا ..
فطوم :الف مبروووك حرمة أخووويه ..
هند : هههههه الله يبارك فيج .. عقبالج يهالويه ..
فطوم : اقولج حرمه اخويه .. و لا خاللوه ؟؟
هند : ههههه جي خالوه بعد .. يا ويهج
فطوم : هي استقويتي علي الحيييين ؟؟
هند : ايييه انا بخلييج الحيين .. بروح شوي ينادوني ..
فطوم : ههههه انزين انزين ... روحي صلي ركعتين حمد و شكر لله ..
هند : جب انزين .. خلي اخج يروح يصلي ..
فطوم : ههههه اوكيه بقوووله ...
هند : هههه يلا انزيين .. مع السلامه ..
فطوم : الله يحفظج .. وبكلمج فليل ..
هند : اوكي الغلا ..


و أول ما سكرت هند عن فطوم .... قامت تنطط شرات الخبله .. تنط و تنط و تقااافز .. و هي ميته من الوناااسه ... حتى صاحت من كثر ما هيه مستانننسه ... أخيييراا يا هزاااع . لا لا ما اصدق اناااا .. و الله احس عمري فحلم .... لااااااااااااه .. ابيي هزاااع ..

و طبعا ردوا عليهم خبر عقب يومين .. بالموافقه طبعا ...

الكـــــــــل الكــــل استانس لهزاع .. لانهم يدرون انه يباها .... و عاد ما بخبركم عن هزاع .. كانت فرحته ما تنوصف .... بس يبا يرجع البلاد ... يبا هندووه حبيبته .. بس هو باجلخ 3 شهور .. مافي داعي يكملهم .. بس يبا يرد ..مش مصدق انه ااخيرا بتكون له .. يحس عمره يحلم يحلم ...

ذياب و سلامه و رند و حريز و ريم و سلطان ... لكهم مستانسسين له .. و حتى حمد و منصور و سالم المنشرح هههه ..

الكل مستاااانس الا وحده .. حست انها بتمووت .. تمنت انها تموت قبل ما اي هذا اليوم .. اللي هي منال ...
حليلها و الله كسرت خاطري ... بس يلا الله يوفجها ويرزقها باللي يسعدها ..


هزاع ميت من الوناااسه .. عزم ربعه كلهم ع العشااااا ... و الكل عرف انه بيخطب ..... و الكل استانس له .....


حمدان بعد واايد واايد استانس .. طبعا انتوا تتسآلون الحين ليش حمدان ما راح ملجة ذياب .. هو كان بيروح لكن ظهرت لهم سالفت اخته .. فما كان يقدر يودرهم ...



هند كانت وايد مستانسه .. وميبين عليها الوناسه .. و كل ما يطرون هزاع تقفط و تستحي .. و عاد حمدان و نجول طايحيين فيها ..
نجلا : بيبني و بينج .. هزاع أحسن نصور....
حمدان : هزاااع ريااال ...
نجلا :هي والله .. وشيخ الرياييل بعد ..
حمدان : هيي انتي ؟؟ ليش تمدحينه هالكثر ..ليكون حاطه عينج عليه بعد ؟؟

طالعتها هند بنص عين ..
نجلا: ههههه وابوي كلتني هندو بنظرتها .. لا لا .. مابي هزاع ... الله يهني هند و هزاع ..
هند : هي اتحسب بعد ..
حمدان : هههه .. اسمع انته ...


و مـــــــرت الأيام و عدن شهرين تقريبا ......


فبيــــت قوم بو هزاع ...
فطوم و بوهزاع و أم هزاع ..يالسين يتيريقون ...
و حدرت علييييهم عزة و مججتوووم ...

بوهزاع : وااي .. عساني افداااك ... تعال هني فديييتك ..
راح مجتوم عند يده ...
بوهزاع : يالله عقبال ما اشووف عيالج يا فطيييم ..
فطوم : كح كح كح ... وااي شرقت ..
عزة : هههه هذا كله من طرينا سالفه الزواج ..
فطوم : لا تطمني .. انا شكلي بعزب ..
أم فطوم : شو شو ؟؟؟ ما شي عندنا بنات يعزبن ... عزة و الله وفقها براشد و هزاع و الله بيوفجه بهند ا ن شاااء الله . بجيتي انتي ؟؟
فطوم : ياا سلام و انا الحيين صرت عله عليييكم ؟؟؟
بو هزاع : محد قال جي .. بس بعد بييج يوم وبتعرسين ...
عزة : هي والحين ما شااء الله البنات كلههن خطفن .. رند و سلامه و ريم .. وما بجيتي الا انتي .؟؟
فطوم : و اسوم و منول ويين راااحن ؟؟
أم هزاع : على حسب ما اذكر اسما محيرة حق حمد ..
فوم " انصدمت " : حمد .. لا لا حراام .. حمد اطيب عنها .. ما تستاهله هاي اسوووم ..
عزة : انتي شلج انزيييييين ؟؟؟
فطوم : لا لا ... حمد انا بخطب له ع ذوووقي ..
الكل : ههههههههههههههه


و يقطـــع ظحكــــاتهم ..صوت من برااا ...

...../ السلااااااااااااام عليييييييكم ...

الكل انصدم و بهت فالشخص الي يا و دخل علييهم ..

هزاع / عنبو أسلم على عرب انا هب على يهووود ..
أم هزاع : وااي عساني ما اخلا منك .. علييك السلام والرحمه .. اقرب فديييتك ..
بوهزاع : حيا الله هزااااااااع .. الحمدلله ع السلامه يا ولدي ...
عزة : الحمدلله ع السلامه فديييتك ..
فطوم : هزااعوو ؟؟؟ ردييييت ؟؟؟
هزاع : ههه اصبروا علي .. فديييتج و الله يا اماايه و الله يسلمك ابوويه و الله يسلمج عزوون و هي فطوم رديت عندج ماانع ..

فطوم : هههه لا لا مرحباا بك الساع ..
هزاع : اتحسب بعد .

المهم سلم علييهم هزاع و يلس يتريق وياهم ... وعقب نص ساعه ترخص منهم .. وراح يبدل فوق ... و هل البيت راحوا كلا في حال سبيله ...

راح هزاع لفطوم في حجرتها ...


فطوم : مرحباااا
هزاع : هلاااااااا
فطوم : هزاعو اكيييد خلصت الدورة و لا انته تقص علينا ..
هزاع : هههه و الله و الله خلصت ..
فطوم :هي اتحسب بعد راااد عسبت هندو ..
هزاع : هههه فديتها .. انزين اقولج ..
فطوم : هلاا .
هزاع : دقيلها شوي ..
فطوم : نعم ؟؟؟
هزاع : ابي اكلمها ..
فطوم : نعم نعم ؟؟؟؟
هزاع : شوو ؟؟
فطوم : صاحي الاخ و لا سكراان ؟؟؟
هزاع : شرايج انتي ؟؟
فطوم : يلا عاد ..
هزاع : لا بس ابي اعاتبها شوي ...
فطوم : هههه اونه بعد ..
" و بعد حنه من هزاع .. دقت فطوووم "
هند : هلا و غلااا ..
فطوم : مرااحب الساع ..
هند : شحااالهم ؟؟؟
فطوم: بخير الله يسلمج و يعافيج .. غريبه هندو ناشه من وقت اليوم
هند : ما رقدت اصلاااااا ..
" اشر لها هزاع انها تحط ع السبيكر . عشان يسمع اوكي "
فطوم : حليلج ليش ؟؟؟
هند : أفكر ياختي ؟؟..
فطوم " باستهبال " : فمنو ؟؟
هند : يا حبج للهبل فطوم ...
فطوم : فهزاع مثلا ؟؟؟
هند : افف غبيه اكييد فيه . مايندرى .. يآكل زين ول ايشرب زين و لا يرقد زييين .. لازم حد يتابعه ..
فطوم : ههههههه و الله هو هب ياهل ..
" هزاع فخاطره .. ههههه فديتها و الله تحاتيني "
هند : لا بس بعد .. لازم اتطمن علييييه ..
فطوم : تبين تكلمينه انزين ؟؟
هند تتحسبها تستهل عليييها ...: ههههه هي ووينه ؟؟
فطوم : اكوووه .. خذيه ..
هند : هههه انزين يالجذابه .. هلا هزاااع ..شحالك و شخباارك ؟ ؟؟؟ و لهت عليييك واايد وااايد ..

هزاع " قفط " : احمممم .. بخير و نعمه تسلمييين .. ان شحالج ؟؟؟؟ و الله انا ولهت عليييج موووت ... و الله ولهااان ..

انصصصصصدمت هننننننننننند و قفطططت من الخاطر ...
و فطوم ناااااااااااقعه من الظحك ..
فطوم : هههههه تتحديني انا عيل هندو .. يبته لج من فرنسا ..
هند : فطووم يالجذابه .. هذا هب هزاع .. رشوود ؟؟ و لا تسجيل يمكن ..
فطوم : و الله هزاااع ..
هزاع : و الله اناااا
هند : جذاابين .. هزاع مسافر وما بيرد الا فشهر 2 ... و نحن بعدنا بدايه 1 ...
فطوم : ههههه حاسبتلك بعد ..
هزاع : فديييتج انا هزااع و الله ... رديييت خلاص .. الدورة خلصت ...

انصدمت هند و شهقت ... معقووله هذا هزاعي اللي انا اكلمه الحيين...

و عاتبها هزاع من الخاطر .. وهي استسمحت منه و تعذرت له .. بس بعد هو فهم ظروفهاااا ... و انها كانت مجبوورة ..


بعــــد ما سكر عنها هزاع .... استانس من الخاطر.. يعني تطمن انها بتكون له خلاص ... يلا بس يبا يستانس شوي .... من زمان ما استانس ...



بـــالباجر ...
هل الشراجه رااحوا دبي .... و كانوا ناوييين يروحون بعديين بوظبي .. عسبت بيكلمون الريايل رسمي ... يعني الحين كل اللي صار مجرد كلام بالتلفون .. لايودي و لا اييب .. و هم مرتبشين كل هالربشه ...

مروا دبي و سلم هزاع هناك على اهله .. طبعا كان متكشششخ كالعاده .. ومتزقرت زياده عن اللزوم هالمرة ... وراحا حمد و منصور و سالم و عزوز بعد راح وياااهم ... و حريييز بعد راح .. أكييد ربيعه هزاع و لازم يكون وياه .. وابوه بعد كان يبا يروح .. لكن ظهر له شغل (( هههه عنبو عزيمه هب الا هي خطبه ))
و خاله محمد ((ابو سلامه )) و خاله علي (( ابو منصور )) بعد راحوا .. و ما ننس عمه (( بو سعيد و رند ))
و طبعا رااشد و عزة .... و الشييخ مكتتوم .. حراام نخليه بروحه بعد ... ههههه

ريم و سلامه و رند راحن .... و خالاته كلهن رااحن ... و اليده كانت تبا تروح ..لكنها ما قدرت ... و منال طبعا نوووي تروح .. خلاص تحطمت حليلها ... و اسما ما تاب تروح فتحججت انها بتم ويا اليده .. بدال ما يخلونها بروحها .....


الكل متكشخ و متزقرت ... و هل بوظبي مرتبشين من الصبح .. المشكله انها مجرد زياره .. يعني هب ملجه بعد .. بس بعد لازم يستعدون لهل الشارجه ... و بعد شوي من اهل هند كانوا هناك .. تقريبا عشر رياييل .. و احسبوا هل هزاع . .يعني بعد واايد .. فصار تجمع كبير ... كل حد قام يسلم على كل حد .. و السلام والتهاني و التبريكات على الزواج . وحمدان و اااايد استانس لانه شاااف ربعه .. حليله ما شافهم من ردوا من السفر ...


ذياب : وانت هيا مسود الويه .. كيف ما تحظر ملجتي ؟؟؟
حمدان : السمووحه والله بس تعرف طرى عندنا ظرف عائلي و ما قدرت ...
ذياب : لا فااا علييييك ... اسولف ويااك ..
حمدان : ههههه و الله و عرستوا كلكم يالربع ...
حمد : هههه لا لا حمدانو نحن بعدنا و ياااااك ..
حريز : و الله و كبرنا يا شباااب ...
حمدان :انتوا اللي كبرتوا وشوبتوا بعد ....
هزاع : هههههه لا حليلنا و الله .. بعدنا شباب ...
حمد : تذكرووون ايام السفر ... آآه والله ايام حلوة ..
حمدان : هي و الله .. متوله على هذيج الايااام ...
هزاع : هي و الله .... و الله اياام حلوة ..
حريز : فديت هذي الايااااام ..
ذياب : يبالنا سفرة ثانيه نكرر هذيج الاياام ..
هزاع : بس بعد ما بنحس بنفس الشعور .. و نفس الناس و نفس ال......
حمدان : نفس الشو ؟

هزاع: هههه و لا شي ولا شي....

و عند البنات بعد كان الجو كله سوالف فسوالف .. وعاتبوا هند و نجول .. بس قدروا الظرووف اللي حلت بهن .. وتمن يسولفن ويسولفن ..

و تـــم الموضووع ع خير .. طبعا قالولهم انهم اكييد ما بيمانعون بهزاع .. بالعكس هم يتشرفون .. وجي من هالكلام ...

بو هزاع : تسلم و الله يا محمد ..
بو حمدان : افااا عليييك نحن اخوان يا سيف ... و البنت بنتكم .. لو تبون من اليوم خذوها ...

هزاع شاق الحلج و مستانس للكلام اللي يسمعه ..
حمدان : ههههه ها هزاعو شاق الحلج اشووفك ..
هزاع : هههه هي و الله ... احم .. مشكور عمي ... و الله بحطها فعيووني ..

طالع بوهزاع ولده .. و عطاه نظرة معناتها . قوي العين انته .. اسكت و انط و بسك من الهذرة و الابتسامات ...

ذياب : محلو هزاع .
هزاع : ههههههه ... مشكور مشكور ...
حريز : هذا ليش يظحك ؟؟ من الصبح يظحك ؟؟ظ
حمد : ع قولت فطوم يايتنه هفه اليوووم ههههههه

البارت ال34


طالع بوهزاع ولده .. و عطاه نظرة معناتها . قوي العين انته .. اسكت و انط و بسك من الهذرة و الابتسامات ...

ذياب : محلو هزاع .
هزاع : ههههههه ... مشكور مشكور ...
حريز : هذا ليش يظحك ؟؟ من الصبح يظحك ؟؟ظ
حمد : ع قولت فطوم يايتنه هفه اليوووم ههههههه

" حمدان سكت من طروا اسمها ... يـــــــــالله يا فطووم .. شحالج ؟؟؟ انتي عندنا اليوم ؟؟ و انا اقول ليش البيت منور اليوم ؟؟ و الله لج وحشه ؟؟؟ شو وحشه .. الا وله و الله .. اكييد حلويتي اكثر ... هههه لحظة يمكن خسفت أكثر ... هههههههههه .. جان زيين .. بتمصخر عليها ... و الا هي تكرهني اصلا ... حاقده علي من هاك اليوم ... انزين هي ليش انقهرت ؟؟؟ اكييد تحبني ؟؟؟ هههه جان زيين .. يمكن بس معجبه .. و ييمكن مجرد استلطاف .. و يمكن كانت تسلي عمرها السخييفه ههههه . و الله ان ااستخفيت و قمت اسولف ويا عمري...........

هزاع : حووو .. تتهنى به اللي مآآخذه عقلك ..
حمدان : هههههههه ... ما يخصه .. محد مآخذنه ويااك انا ..
حمد : هي وااااضح واااضح ..
حمدان : هههههه .. " وقفط "


و نـــرجع للبنات ..
سلامه : متكششخه هندوو ..
هند : احم . .لازم بعد ..
رند :ههههه هي هذا هزاع... لازم يتكشخون له ..
نجلا: و الله لو تشوفونها من الصبح مرتبشه هههههه
هند : جب نجوووول ..
فطوم :فدييييت اخوويه انا .. أكييد لازم تستعد له ..
هند : لا و الله .. عاد مادري منو بآخذ ديفيد بيكهام و انا مادري ؟؟
فطوم : ههههه الا احلا عن ديفيد بيكهاام . فديته و الله ..

عزة : فطوووم .. تعالي شوي ...
فطوم راحت لها .. : نعم الشيخه ؟؟
عزة : حبيبتي .. ودي هذا عند ابوه ؟...
مجتوم " الملسون" : هذا ما عنده اسم ؟؟
عزة : ههههه ودي الشيخ مجتم عند ابوه ..
مجتوم " بوغاده ": يلا وديييني .. أنا مالي فيل .. يل ..يلسه الحريم
فطوم : هههه ورجعت حليمه لعادتها الجديمه .. رد يقطع الولد..
عزة : اييه بس عاد ودييه عند راشد .. يترتياه برا .. أنا ما اقدر البس عباتي ..
فطوم : اوكي اوكي .. تعال يا حظي ..
مجتوم : انزيين يا حظي . .
فطوم : يا ويهك .. من حسن حظك اني حظك ..
مجتوم : و الله راسي يعورني..
فطوم :بعععد .. اليهال راسهم يعورهم .
مجتوم : من حشرتج ..
فطوم : جب انزييين .. يا ويهك انته ...
" و ظهــروا برا ... "
فطوم : هااا ؟؟ وين أبووك المسعد ؟؟؟؟
مجتوم : لا تقولين عن باباه مسعد ؟؟
فطوم : هههههه .. انت هليش معصب يا يهك ..
مجتوم : ابي اروح القريه .. ابي ايوووول ..
فطوم : ههه بالذمه .. انته تعرف تيول ؟؟؟
مجتوم : هي نعم .. .
فطوم : راااشد وييينك ؟؟؟
مكتوم : ارووح هناك ." واشر ع ميلس الريايييل ...
فطوم : لااااا .
مجتوم : بلااا بروووح ..
فطوم: يا ويهك .. انته فال شر علي ...
مكتوم : هههه ليش ؟؟
سكرت فطوم عيونها .. و تذكرت حمدان و يوم راحوا قبل الكوفي . هي و هو و مجتوم ....الله يخسك يا حمدان ... يالخااين ياللعااب ..
و الله انك ... و سكتت .. انزين انا لي اسبه ؟؟؟ مايخصني فيه .. عنلاته الخسف ... خسف واحد ..

راشد : يتهنى به اللي مآخذ عقلج .
فطوم : ههههه محد ..
راشد : اووونه ... شو اخباركم ؟؟
فطوم : تمممااام.. بس ها ولدك .. يطفش اللي ما يتطفش ..
راشد : حراام عليييج .. تعال حبيبي .. تعال فديتك ..
فطوم : ذكرني يوم بييب عيال ... ما اتوحم ع ولدك .
راشد : هههههه عرسي انتي بالاول .. وعقب فكري فهالامور ..
فطوم : شكلي ما بعرس مووليه ... ههه تعرف راشد .. بيي بسكن عندكم انتوا و عزة .. هههههههه
راشد : هههههههههه لااااااااااااه
فطوم : افااا طرده يعني .
راشد : لا لا حياااج الله .. انتي اخت الغاليه ..
فطوم: اوووونه ..

" وتموا يسولفون .... "

(( ظهـــر حمدان من الميلس .. وكان بيروح داخل الفله شوي .. و امصدم يوم شاف فطوم ... يالله معقووله هي اللي جدامي .. مستحيييل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا ترى يوم بتشوفني .. كيف بتكون رده فعلها ....؟؟؟؟؟
وااي ما شااء الله علييها حلوت ... يا حظك يا رشود تسولف وياها بعد .. ماشااء الله عليييييج مححلوة .. بقولها .. اخافها تقفطني ...
برروح يلاااااا ... احممم ..

واول ماراح صوبهم ...
راشد : مرحب حمدان ..
" انصدمت فطوووم ... لا مستحيل حمدانو الخايس ... "
و امرررة روحت ..
حمدان : شو يعني ؟؟ اذا جاءت الشياطين هربت الملائكة ؟؟
راشد : ما عليييك منها .. يمكن قفطت لانك ولد و جي يعني ..
حمدان : لا والله .... انزين ماعليه ..



حدرت فطوم داخل و هي ميته من الزياغ و قلبها رقيص .. ماتدري ليش هي خافت يوم شافت هالمسعد حمدان ... يا ويهه و الله .. شو يبا و ليش ياي ؟؟؟ حماار واااحد . ... اففف يا فيسه ليش شفته أنا ؟؟؟ بيعكر علي المود و الله ...



المهم حدر حمدان البيت و حط موبايله فالجرج .. و ظهر .. و تمنى لما كان ظاهر انه يشوف فطوم أجين .. لكن للاسف .. ما شافها ...


المهم رد الميلس و بعدين راحوا يصلوون العشا ... و عقبها حطوا العشا و الكل أكل ... و نفس الوضع داخل عند الحريم ...


(( بعــــــــــد ما خلصوا أكل يلسوا يآكلون سيت .. وهني بدوا هل حمدان يروحن ..))


هزاع راح يلس حذال حريز .... و تلصق فيه شوي ..

هزاع " بصوت واطي " : حرووووز ... حرووووز .
حريز : هلااا .. خير ..شو تبا ؟؟؟
هزاع : تعال شوي بقولك شي ...
" وتقرب حريز من هزاع ... فهمس له فاذنه .. "
هزاع : اقوووولك ..
حريز : خيير قوول ..
هزاع : انزين اسمع .. عادي الحيييين ادخل على هند ..
حروووز : اييه انته يالخبل .. شو اتحسب ؟؟ هاي ملجه ؟؟ بعدها الا خطبه ... طبعا لااااا ..
هزاع : وااي .. انزييين كلتني انته .. ما يرزا عليينا و الله ..
حريز : ههههه لا لا بس سؤالك غبي الصراحه ..

هزاع : مالت علييك .. انته اصلا ماتتعرف .. بروح اسال ذياب ..
حريز : ههههه

و راح لذياب اللي كان واقف لانه توه راجع من الحمام لانه كان يغسل ايده بعد السويت ...

هزاع : ذيااااب ..
ذياب : هلا يالمعرس ..
هزاع : ههههه حلوة هاي يالمعرس .... انزيت تعال شوي اباك ..
ذياب : ههههه شو تبا بعد ؟؟
هزاع : تعال .. اقرب ..
" وراح حذاله و همس لبنفس الكلام "
ذياب : هههههههههه يالخبل ... وين تبا انته ؟؟
هزاع : ليييش ؟؟
ذياب : مش الحييين .. الله يسلمك فيوم الملجه الريال يدخل و يشوف مرته .. شو تبا؟؟ من الحيين ؟؟
هزاع : لحووول .. انتوا ما تفهمووون ..
حريز : هااا شو قالك ؟؟؟
هزاع : افففف . نفس الرمسه .. انتوا اصلا ما تعرفون .. بسال حمود ..
حريز و ذياب : و الكووووبه ... ههههههههه

هزاع : حمد ... حمد و صصمخ ..
حمد : هلا هلا .. شو تبا ؟؟؟
لحظة بييك و بيلس حذالك ...
وراح يلس حذاله و تلصق فيه من الخاطر... و همس له فاذنه بنفس الكلام ..
حمد : ممممم .. هي عادي عادي . شعلييك انته ؟؟ دامها مرتك لازم ومن حقك انك تشووفها ..
هزاع : حبيبي و الله انته .. انته اللي تفهم فيهم ..
حريز : لا و اللله ..
ذياب : الحين بالذه حمود شو فهمه ؟؟
حمد : شو بعد شو فهمه ؟ ما علييك منهم و توكل على الله .
هزاع : فديييتك انا و الله . حبيبي انته ...

حمدااان : هززززززااااااااااااااااااااااع ..... شو ها يا ريال ..بتشككني فأخلاقياااتك ؟؟؟ حبيبي و فديتك .. لا ابوي ..
هزاع : ههههههههههه
حمد : هي يا ابوي حتى انا بديت اشك .. وايد متلصق فيني ..
هزاع : ههههه ياويهك ...

هزاع : انتوا اصلا ما تعرفووون .. انا بدق حق شخص انا متاكد انه يعرف ...
حريز : منو بعد ؟؟
هزاع : الخبيييرة ..
ذياب و حمد و حريز : فطوووووم ؟؟؟ هههههههه
هزاع : علييكم نوووور ...

" و فعلا دق لها .... "
هزاع : هلا فطوووم ..
فطوم : اهلييين .. يلا خلص شو تبا ؟؟
هزاع : عافانا الله .. دفااشه من الخاطر ... من البدايه خلص شو تبا

" حمدان كان يستمع للمحادثه ويراقب حركات هزاع .. بالرغم من انه يحاول بخف صوته .. خذ له زاويه و ابتعد شوي عن الشباب ... فراح حمدان و هو بعده عيونه على هزاع .. و تخبر الشباب عن الموضوع .. فخبروه انه بمخطط هزاع .. فنقع من الظحك حمدااان ..

هزاع : المهم المهم .. بقولج فطوم تكلمي بصوت واطي الحيين اوكي ..
فطوم : اووكي. . .
هزاع " بصوت واطي " : اقووولج فطوم .. عادي احدر اشوف هند اليوم ؟؟؟
فطوم : شووووووووو ؟؟؟؟ لا طبعا يهالويه ...
هزاع : و الخييبه .. صمختي اذني ....
فطوم : هزاعو .. انته صدق فيك هفه اليوووم ..
هزاع :يا ويهج .. انتي ما تفهميييييين ...
فطوم : اقولك .. انا الحيين مشغوله ويا البنات .. يلا خلنا فحالنا ..
هزاع : انزيين يا ويهج .. سلمي عليييهم ..
فطوم : يبلغ ..
هزاع : لا ا سلمي عليييهم جدامي الحيين ..
فطوم : لحووول ... هزاع بتحرجنا يا ريال .. البنات كلهن هني..
هزاع : عادي عادي .. يلا بسرعه ..
فطوم : انزييين .... .هندوو .... هند ... هند و صمخ جلاب ..
هزاع : اييه لا تقولين لها جي .
فطوم : تراها ما تسمعني .... هندوووووووووه ..
هند : هلااااا .. هلااااااااااا .... شوتبين ؟؟
هزاع : واااي .. عساني ماخلا من هالصوت ...
فطوم : ههه .. عرب يسلمووون علييييج ...
" هند قفطت " ...
سلامه : نعم نعم ؟؟؟ منو بعد عرب. ... هاا هندووو .. من البدايه جي ...
فطوم : هههههههه قفطت جليلها ... .
هزاع : ايييه سلووم .. برااويج يهالويه...
فطوم :سلامه يقولج هزاع بيراويج يهالويه ...
سلامه : هههههه قوليله انا وراي ذياب ...
فطوم : تقولك هي وراها ذياب ....
هزاع : هههههههه .. ذيابوه .. هههههه اونه خوفتني بعد ..
ذياب : لا و الله .. يمصخرع لى ذيابي ..
فطوم : ببععععد .. ذيابي تقول ..
هزاع : ههههه ذيابوه .. مرتك يبالها تكفيييخ ..
ذياب : نعم نعم ... اصلا مرتي شيخه البناااات ..
فطو م :ايووااا .. قفطوووه ..
هزاع : هههههه انا براااويهااا بس بعدين ..
عزوز : نعم نعم ... هاي اخختي .. ايه هزاعوه ..
هزاع : هخخخخ و اااي ما يرزا علييينا ... قمتولي انتوا الاثنين .. حشى كليتوني ..
فطوم : ههههه عشان تعرف انه سلاموه وراها راس بعد ..
هزاع : ههه هي و الله .. انزين المهم سلمي يلاا ..وقوليلهاا شحالج؟
فطوم : هندو .. يسلموون عليييج .. و يقولون لج شحااالج ؟؟؟
هند : الله يسلمهم .... و قوليلهم طيبه الحمدلله ..
فطوم : الله يسلمك .. و تقول طيبه و الحمدلله .. ما تشكي الا باس الفراق ..
هند " قفطت " : فطووووووووووووم
هزاع : عساااني افداااها يا ربي ..
فطوم : هههه هزاعوه الجزء الاخير من عندي .. ما قلت انها ما تشكي الا باس الفراق ..
هزاع : ههههه ادريبج يالخراااطه ..
فطوم : ههه انزي نبابا بغيت شي . يلا بسكر عندنا بس نص ساعه نسولف فيها و عقب بنروح خلاص ..
هزاع : هههه لا لا بس خذي بال من حرمتي ..
فطوم : ههههه اوكيك و لا يهمك ..
هزاع : يلا مع السلامه .
فطوم : الله يحفظك ...


حريز : هااا شو قالت فطوم ؟؟؟
هزاع " حاس ثمه " : لااااااااااااااااا
حمداان .: ههههههههه تستااااهل ...



و عند البنات تمت يسولفن نص ساعه ... بعدين يلا بدوا يتوكلون ... رند روحت مع اخوها سعيد و امها و ابوها وخطيبته نورة اللي ملج عليها بس ما صار العرس طبعا بعد كانوا يايبينها ... و سلامه راحت ويا هلها .... و ريم بعد ويا امها و ابوها و قوم حمد و منصور و سالم ...

و بجت فطوم و امها و عزة اللي حشرها راشد
عزة : هلااا راااشد ..
راشد : هلاااااا ..
عزة : هلا شو السالفه ؟؟
راشد : ليش تردين علي بهالبروود ؟؟
عزة : ههههه .. كيف عيل تباني ارد عليك ان شااء الله ؟؟
راشد : يعني .. قولي هلا حبيبي .. وينك ولهت علييك ..
عزة : هلا حبيبي رااشد .. خير ؟؟شو تبا ؟؟
راشد : هب قااايل ..
عزة : ههه برااايك ..
راشد : طبعاا براايي انا .. عيل برايج انتي ..
عزة : انزييين يلاا فداعه الله ..
راشد : لا و الله .. يععني بتسكرين عني بعد ؟؟؟
عزة : ترا ما عندك شي تقوله ...
راشد : و انتي تبين الفكه مني ... صح ؟ اعترفي اعترفي. .
عزة : رااااااااشد . بسك عاااااد ....
راشد : لا و الله ..
عزة : شبلاك طايحلي من الصبح .. لاوالله و لا و الله ؟؟
راشد : انا زعلت منج خلاص ..
عزة : راااااااشد .. بس عاااد عن الدلع ..
راشد : لا لا خلييني اتدلع ... لو ما تدلعت علييج .. على منو بتدلع مثلا ؟؟؟
عزة : هههه على محد ..
راشد لا و الله عزووه .. تعرفين انا يبالي جيرل فريند ارووح لها يوم انتي تطنشيني ..
عزة " شهقت و انصدمت " : اووكي يا رااشد .. ما علييه .. يلا مع السلااامه .. " وسكرت "

راشد : ههههههه . اوييييه زعلت هاااي ؟؟؟ الحييين شو الحل ؟؟ افففففف ..

وبعد ربع ساعه دق لها .. بس ما ردت عليه .. راح و دق لفطوم .

فطوم : عزووه رشوود يباج ...
عزة : خير شو يبا ؟؟
فطوم : هههه تقولك خير شو تبا ؟؟
راشد : لااااه ... فطييم عطيني اياها ...
فطوم : يقول يباج ...
عزة : قوليله يالسه تغسل ايد مجتوم ..
فطوم : هههه ماشاء الله ولدك قضى ع الفراوله كلها .. وثيابه كلها وصخه .. ويالسه تغسل ثيابه و ايده ..
راشد : اهااا ... انزين قوليلها عيل تظهر .. يلا بنروح ..
فطوم : اووكي ..



و فعلا ظهرت عزة ... وراااحت للسيارة ...
ركبت و هي مبوزة ...
راشد : انزيين ما بتسلميييين ؟؟
مكتوم : هههه السلام عليييييكم ...
عزو : السلام عليييكم ..
راشد : و علييكيم السلام و الرحمه ...
..................

و بدا راشد يسوق .. وهو ساكت و الجو هادي فالسيارة ...

راشد : يعني ما بتتكلميييين ؟؟؟
عزة : ........................................
مكتوم : باباه .. ماماه زلانه منك ..
راشد : لااااااااااااااه .. افااااااا و الله افااااااا ... ليييش ؟؟
مكتوم : مادري .. بس هي .. هي ... هي شكلها زعلانه ...
راشد : عزووني فديييتج و الله اسووولف ...
عزة : ..........................................
راشد : عزوووه .. يلا عاد عن الدلع و البزا ..يعني انا اصلا اقدر اسوي هالشي ... تعرفين اني ماقدر اصبر عنج . اروح عند جيرل فريند بعد ... عزووه يلاا ..

عزة : لاا و الله ... خلاص انزين .. تباني انا بعد اللي ادور لك جيرل فرند ..
راشد : عزووووووه .. و الله كنت اسوولف .. شبلاج انتي ؟؟ وييين راااح دمج الخفيف ؟؟؟
عزة : سوالفك نفس ويهك ...
رااشد : اهااا يعني حلوة .؟؟؟
عزة : .................
راشد : عزووووه ..
عزة : و الله ما توقعت منك هالشي ...
" عزة صدق حطت فخاطرها هالشي .. مع انه رااشد كان يمزح معاها ... يعني يسولف وياها "
راشد : خييبه .. عزو انتي صدق زعلتي .. و الله اسوولف انااا ... ما يرزا علييينا .. خلااص عزوز و الله كنت اسولف يا حبي ..

عزة : وت ايفر ....
راشد : لا حول ولا قوة ا بالله .. عزووه .. شبلاج ؟؟؟ و الله كنت اسولف اناااا .. انتي الحيين من صدقج زعلانه ؟؟؟؟

و تموا ع هالحاله لين ما وصلوا الشارجه ..

صدق عزة زعلت منه و لا ..؟؟؟؟؟؟

(( ليـــــــــــــش تزعل فديييتك .. و انته غالي عليناا ..
مــــآ خـــــــــذ القلب بيتك .. يالغلااااا من سنيناااااا))


هي ادريبها ..
فطوم : انزين لو ما تبينه يشوووفج .. انثبري داااخل ..
هند : افففف انتي ما يخصج ...
نجلا : هههههه الا هي مشتطه ع الشوفه .. خليها تجحل عيونها شوي ...
فطوم : ههههههه و الله انتوا سوالف ..

هزاع من بعييد .. : ها فطوم ... ؟؟ اشوف انتي اللي يتج الهفه و ناقعه من الظحك ...

التفت فطوم بمصدر الصوت ... و يت عينها دايركت ع حمدان ..

اففف يا ربي .. هذا شو يبا ؟؟؟؟؟ ليش مجابلني و بيآكلني بنظراته جي .... ..(( هييي عاد اللي يقول انتي موول ما تطالعينه ؟؟ ههههههههه))

حمدان كان يطالعها .. ما شاااء الله علييها تحلو يوم عن يوم ... و الله حاله هالفطوووم ... شو اسوي الحييين انااا ؟؟؟ انا ادري اني معجب فيها .. اوكي بس كيف لازم اتصرف ؟؟؟؟
فنفس الوقت ادرس انها ما تحبني .. او بعد مش معجبه فيني .. ولو كانت معجبه .... خلاص هالاعجاب تبخر الحيين .. من هاك اليوم المنحوس فالمطار .... افففف شو الحل ؟؟؟؟؟؟ انزي نانا ليش هامتني هي ؟؟؟ خلها تولي عنك ... في واااايد غيرها .. و احلا منها بعد .... بس هي لااااا .... شوفتها تنغز القلب ....


فطوم : اففففف انته بعد ....

هزاع راح صوب الحريم ... لغرض في نفس يعقووب .. ههههه طبعا عرفتوه انتوااا ...

فتم المجال مفتوح بين فطوم و حمدان .... هو يطالعها .. وهي طانت منزله راسها ... جان تحول بسرعه صوب هزاع .. بس ما تباه يطالعها زيااااده ...

فطوم فخاطرها : هالخاايس حمداانوه بعد يطالع الوقح قوي العييين .. ما عليه ماعلييييه ... انا براااويييه الخام ... بطلع الشووفه من عييينه .. الحقير .. اكيد الحيين مرتب يا حبيبته اموور زواااجهم و كل شي ... انزييين انا شلي ؟؟؟ عساه يتهنى وياها .... اففففف اكرهم يوم افكر فيهم ... عساااهم ....... لا لا ما بدعي انا عن اتلعوز بعديييين ...


بو حمدان : ماشاااء الله كبرت البنت " يقصد فطوم " ..
بو هزاع : هي و الله يا محمد شرات ما تشوف ... كبرت ولازم نعرسها الحيييين ..
بوحمدان : هههه و لا يهمك .. ولدنا هني ... و نحن نباها ..
بوهزاع : و البنت وااصله يا محمد.. البنت بنتكم لو تبون من اليوم خذوها ..
بوحمدان : تسلم و الله ... بس خلاص تراني حجزتها لولدي انا يا سيف ..
بوهزاع : تـــم الساع يا بو حمدان .. تم السااااع ..




شوووووووو ؟؟؟؟ تم السااااع ....
شووو السالفه ؟؟؟ معقوووله وافق بهالسرعه و لا بس رمسه ..
ههههههههه ندريبهم هالريايييل بس رمسه هههههه ...


المهم ترخصوا منهم و روحوااا ....
وهزاع ميت من الوناااااسه ... و فطوم قابضتنها نغزة فقلبها ... من شوووفه هالبايخ حمدان ع قولتها .... و الام مستانسه و مرتاحه ..
أم هزاع : يلااا فطييييم .. شدي حيلج ..
فطوم : ههههههه و لا يهمج امايه .. بييب الشهاده بامتياز بعد ..
أم هزاع : لا يالخديه .. اقصد شدي حيلج و ييبلج ريل ..
هزاع و بو هزاع : ههههههههههههههههههههههههه
فطوم : لااااااااااااااااااااه .. انا ما بعرس اصلااااااا
بوهزاع : ليش ان شااااء الله ؟؟؟؟
فطوم : ماابااا .. انا دلووعتك باباتي ..
هزاع : احلفي انتي بس ؟؟؟
فطوم : يس يس ... ابووويه ما بعرس الحين انا ... ابي اخلص دراستي بالاول ....

بوهزاع : ان شاااء الله يصير خيييير ...
هزاع : لا ابوويه .. أول ما اييها النصيب . خلاص بتتوكل ..
فطوم : انته ما يخصك هزاعوو . .علييك بعمرك بس ...

" وقضوا الوقت كله فالنجرة و الحشرة و الظرااابه .. هههه"

الجـــــــــــزء << 35 >>





فصــــبااح اليوم اللي بعده ....

راااشد : فدييييييييييييييت انا الزعلاااانيييييين .... اللي البارحه خلوني انام برا الغرفه ....

عزة : .................................. اففف " وقامت "

رااشد مسكها من ايدها ...
راشد : عزووه يالخبله ... زعلانه مني ...؟؟؟
عزة : ..................
راشد : افف عن الاستهبال عاد ... زعلانه يالبيبي ؟؟؟
عزة : انا هب بيبي .. انزييييييين ...
راشد : و نطق الحجر .. الحمدلله ههههههه.. من البارحه و اتي ساكته .. شو السالفه ؟؟؟
عزة : اففف ماشي ...
راشد : زعلانه مني عزوز؟؟
عزة : لاااا ..
راشد : ههه ادري اني ما اهووون ..
عزة : لاااااه .. قوم عني عااد ..
راشد : هب قاااايم ..
عزة : راااشد ..
راشد : عيوون بوسنيييده ...
عزة : افف فجني ..
راشد : الناس تقول .. تسلم عيوونه ...
عزة : لا و الله . عيل انا بتآخذ علي وحده ثانيه ..
راشد : هههههههههههه . انا ما قلت بآخذ وحده ثانيه .. قلت بتراابع ويا جيرل فرند ..
عزة : لا و الله .. لا و الله ... و مستاانس بععععد .. انزين روح و خذ للك جير فرند .. وت افر ..عادي عندي .
راشد : افااااا .. افااااااااااااا .....
عزة : بس عااااد ...
راشد : انتي اللي بس عااااد ... عزو .. و الله و الله فذمتي اني كنت اسووولف ... يعني انتي يالخبله " وكفخها ع راسها " ... تصدقين اني بآخذ علييج وحده .... او حتى بترابع ويا جيرل فرند ...

عزة : " حاست ثمها " ..
راشد : حد عنده القمر و يطالع النجوووم ..
عزة : لا و الله ..
راشد : ههههههه .. هي و الله .. بطرة بعد فيييج انتي ..
عزة : لا و الله .. انا اللي فيني بطرة الحييين ..
راشد : عزوووه يالحلوة .. احبج انا .. كيف بترابع و يا جيرد فرند و انا احب مرتي ...
عزة : هي واااضح واااضح ...
راشد : عزووو عاااد .. و الله انج القلب ...
عزة : اووونه بعد ..
راشد : هههه هي و الله .. يلا عااد .. اهون علييييج .. البارحه نايم ع الكنبه حليييلي ..
عزة : هههه بس تستااهل ... ع الكلام اللي تقوله ..
راشد : اسمحيلي اسمحيلي يا بعد قلبي انتي ..
عزة : هي قص علي انته بكلمتين حلويين ..
راشد : ههههه لا و الله لااااااا ... فديتج و الله كنت اسولف بس ما توقعت تآخذين الموضوع جي بجديه زياده عن اللزوووم ..
عزة : خلاص انزين انتهى الموضوووع ..
راشد : خلاص يعني طاح الحطب ؟؟
عزة : طااااح الحطب ...
راشد : وااي ما بغييينا ... اسميييه الا زعلتج شييينه ..
عزة : الحيين انا زعلتي شيينه ؟؟؟
راشد : هي عافانا الله .. الله لا يعييد هالموقف ..
عزة : آآآمييين يا ربي ...
راشد : انزيين الحييين ممكن نروح نتريق ؟؟؟
عزة : من بعدك الشيخ راااشد ...
راشد : هههههههه .. لا لا ليديز فيرست ...
عزة : اوونه بعد ...
راشد : طووفي يلااااا ...
عزة : اصلا تدري انا ما اقدر ازعل عليييك .. بس كنت اشوف غلاي عندك ..
راشد : هههه ادري ادري ..
عزة : خقاق بعد ..
راشد : هههههههه طبعا دامني ريلج انتي ..
عزة : ههههههه انزين يلا طوف طوف ..


و نــــــــــــزلوووا تحــــــت و تريقوا ...



و مـــــــــر هالاسبوع و اللي بعده .. ,..,,,,, و هزاع احتشر .. يبا يملج ..
هزاع : أماايه بمملج الاسبوع الياي ..يعني الاسبوع الياي ..
ام هزاع : لا امااايه ما يصييير ..
هزاع : ياربي امااايه ... شو هالسبب البايخ اللي عاطتني اياه ؟
بو هزاع كان توه حادر البيت ..
بوهزاع : السلام علييييكم .............
الكل : عللللللللييييك السلام و الرحمه ..........
بوهزاع : بلاك هزاع ؟؟؟ محتشر ؟؟؟
هزاع : ابوويه شوف ... امايه هب راضيه تخلينيا نملج ...
بوهزاع : ليش انزيينن ؟
هزاع : تقوول اووونه عن الحسد ... افراح و مسرات ورا بعض .. و اكيييد بيحسدونا ..
بوهزاع : هههههههههههههه ..
ام هزاع : ليش تظحك بعد ؟؟
بوهزاع : الله يهديييج هند .. خلييه الولد دامه يبا ..
هزاع : هي ابوويه اقولها انا بعد ..
ام هزاع : لا لا بعدييين بيحسدوون ولدي ...
هزاع : ما بيحسدووني ما بيحسدوني ..
ام هزاع : يا رياااال .. انا خايفه عليييك ...

" و بعــــــــــــــد محاولات اقناع و اقناع و اقناع .. اقتنعت الام اخيييرا .... "

هزاع : وااااااااااي الحمدللله .. انزين دقيلهم الحييين و قوليلهم الملجه الاسبوع الياي ..
ام هزاع : لااااااااااااا
هزاع " بخيبه امل " : أميييييييييييييييييييييييييييييييييييييي ..
ام هزاع : عقب 3 اساابيع ...
هزاع : افااااااااا .. عيل خليها السنه اليايه احسسسن ..
بوهزاع : ههههههههه
هزاع : امااايه وااايد 3 اسابيع ..
ام هزاع : عيل خلها باجر احسسسن ..
هزاع : ما عندي مانع انا ... لو تبين اليوم حاظر انا ...
ام هزاع : خلاص اسبوووعيييين بس لا اكثر و لا اقل و لا بغير الموعد ..
هزاع : اوهو .. بعد وااايد .. لكن يلا ما علييه احسن من 3 اسابيع ..

و بـــالفعل تم التخطيط و التنسيق لهالموضوع .... اللي هو موضوع الملجه ... هندو طلبت من فطوم انه اتعينها و تعاونها عسبت يشترون الاشياء و يخلصوونها ... و فطوم بالطبع حااظرة فاي وقت ..



تمت التجهيزات و كل شي جاهز الا شي وااحد و اللي هو الفستان .. حتى فطوم ما خذت لها فستاان ....

هند : يا ربي .. بموت من الغصه ... كيف الفستان و اللي هو اهم شي ما خذته ؟؟؟
حمدان: يلا ما عليييج ... بتحصلييييين ا ن شاااء الله ..
هند : دورت فالمارينا و فبوظبي مول .. وف كل مكان ما حصلت ..
نجلا : انزي نخلونا نروح دبي .. نحن بس رحنا 3 مرات للتجهيزات ...
حمدان : ابوويه استريحوا . انا ما بوديكم مكان .. تعبان ومهدود حيلي و توني راد من الدوام ..
هند : حمدان .. حمدان .. يلا عاااااااد .. انا اختك حبيبتك .. فيوم ماجتي ما تابني اكشخ و اظهر حلوة ..

حمدان : ياا سلام و الحلاة ما بتظهر الا لو رحتي دبي ؟؟

نجلا: يلاااا حمدااني .. حمدان ..يلا يلا ...

و بعد اصرار منهم وافق .. وني للمصيبه الثانيه ..

نجلاْء : اقوول حمدان ..
" حمدان يقرا الجريده " : هلااااااااا
نجلاء :احم .. ربيعتي ندى بتي معاناا ...
حمدان : شووو ؟؟؟
نجلاء : فدييتك فديييتك .. ما بتزعجنا و الله ... ما بتحس فيها حتى ..
حمدان : لحووول ... خلاص برايكن ..
نجلا : يعني اوكي ..
حمدان : عادي اوكي ..
حمدان هالفترة صاير واايد تنس .. و كله متوتو و نيرفس ..
مايدري شو الموضووع ؟؟؟ هل انه هو بسبت زواج هند من هزاع .. و تاثير هالشي علييه و على فطوم ... و لا انه لانه انهى علاقته بوضحه خلاص .. و رفض انه يتلقى اي مكالمات منها ...


المهم شاءت الصدفه .. ويا ويلي من الصدف ... انه قوم هند يروحون وافي .. احم .. اصلا هم اوردي راحوا البستان و ما حصلوا ،،، فقرروا يروحون وافيي ....

و فـــوافي ....
فطوم : أقووولك ،،، انا فالعرس بصمم عند ولييد عطا الله ..
هزاع : عادي كله وااحد ..
فطوم : و لا شرايك عند أروشي ؟؟؟
هزاع : لحووول فطيييم .. كله وااحد .. ياربي بس شو ها انا تعبت .. من متى و نحن نمشي؟ ؟؟
فطوم : ههههه انزين وين قوم رندو للحييين ما يوا ؟؟؟
هزاع : اوووف منهم بعد ...

" وبعـــــــد شوي يو رند وسلامه ... "
فطوم : وييين الريم عيل ؟؟؟
سلامه : تعبااانه وما تقدر اتي ....



رند : اصلا هي شاريه فستان من بوظبي ..
هزاع : اهاااا ..يلا ما عليييه .. عيل اسمحولي بنات انا بروح شوي اتيلس فالكوفي ... ريولي عورتني ..
رند :ههههه توه الناس ..
هزا : و الله تعبنا من المشي .. مادري كيف انتوا جي تتحملون ؟؟
سلامه : هههههه ... يلا روح ريح عيل ...
ابتسم لهم هزاع و رااح الكوفي ..

رند : ها فطوم ..لفيتي كل المحلات ؟؟؟
فطوم : لا ما يخصه ..بس دخلنا ثلاث محلات ...
سلامه : ههه عيل ليش جي اخوج ؟؟؟ جنه لاف المول كله ؟؟
فطوم : هههه تعرفون انتوا عاد هزعو متعاااايز واااايد ...
رند : هههههه هي حليله .. يلا انزين خلونا نروح نتمشى شوي ..



و راااحن البنات .. ولفـــــــــن المحلات محل محل ....
رند : افففففف لات جبدي و الله .. و لا حصلت لي فستان ..
سلامه : امممم ... شو الراي فهالفستااان ؟؟
" وكان فستان لونه وردي فاحمر ... وطبعا في تدرجات اللونين ..
و عليه رسومات حلوة .. و وايد يناسب سلامه "
فطوم :هههههه جنه لوحه فنيه ..
سلامه : فطوم لا تعيبيييين..
رند : حلووو .. وايد حلو و بيناسبج سلامي ..
فطوم :هيه سلوم كششخه هذا .. واكيييد بيعيب ذياب بعدد ...
سلامه : يعني أخذه ؟؟؟
فطوم : هي هي .. حلو يلا خلصنا من وحده .
رند : افففففففففففففف بمووت انا .. " وعقب شهقت .." حصلته
وراحت بسرعه صوب فستان لونه جي بني فبييييج و فيه ترجات اللونين بعد .. وكان عجيب بعد هالفستان .. و بالفعل اشترته ..



و مــــــــــــن الصوب الثاني ..
حمدان : و الله مهدود حيلي .. عنبو الحين بيأذن العشا .. ما خلصتن ؟
نجلا: لا تستعيل يا بابا ... ندوي خلصت ...

حمدان فخاطره : و انا شو ابي فيها ندوي..
هند : ممممممم ... حمداني فديتك شرايك فهذا ...

" و أشرت ع فستااان عنااابي .. خطييير من الخااااااطر ..و عليها هي بيظهر عذااااب ... "
حمدان : حلووو . وايد حلووو بعد ..

استانست هند لانها حصلت غايتها المنشووده ..



اما نجووول هي اللي بتموت من القهر ..

حمدان راح يصلي العشا ورد لهن .. حليله مقضي اليوم كله معاهن ...
حمدان : ها نجلاء .. ما حصلتي ؟؟؟
نجلاء"بحسرة " : لاااااااااااا ..
حمادن : لحووووووووول ... انزييين شوفي عندج نص ساااعه .. انا بروح شوي اريح فالكوفي وبرد لكن عقب .. و خلصي نجول فهالنص ساعه .......و روووح عنهن ..




و تمت نجو تحوص و تلوص ... تدور لها اي فستان ..


و فالكوفي .. هزاع توهر بيظه من الكوفي ..

حمدان : النسيييييييييب ..
هزاع : هلا و الله .. باخو حبيبت القلب هلاااا .
حمدان : عييب عيييب ..
هزاع : هههههههه ( و تواايهوا )
حمدان : شحاالك ؟؟
هزاع : تمام .. انته شحالك ؟؟
حمدان : بخير و نعمه ..
هزاع : هاا شو تسوي هني ؟؟
حمدان : انته اللي شو تسوي هني ؟؟؟
هزاع : يايب الاهل شوي بيتشرون فساتين حق .. احمم .. ملجتي .
حمدان : هههههههه الحال من بعضه ... انا بعد يايبنهم .
هزاع : هند هني .... ؟؟؟
حمدان : هييي. .ليش تسال ؟؟؟
هزاع : و انا اقول ليش المكان منور ؟؟ ههههه
حمدان : ههههههه اونه بعد .. ها ع وييين ؟؟؟
هزاع : ههههه تصدق اني من متى يالس فهالكوفي ... حوالي ساعه و لا ساعه ونص ...
حمدان : خييييبه .. وشو تسوي ؟؟
هزاع : مااشي و الله ريولي عورتني من كثر المشي ... ورحت يلست فكوفي وشربت قهوة بعد .. بس ما عيبني هاك الكوفي .. فييت حولت هالكوفي .... و من متى و انا زابن فيه ..
حمدان : هههههههه انزييين .. لا تروح عني الحييين ...
هزاع : افاااا علييييك ... و الله بتم وياااك .. يلا طوف .

و ردوا داخل مرة ثانيه ..

و عند البنات ...

فطوم: اففففف ما حصلت و لا شي ...
رند : اقووول فطوم .. انا لازم اروح .. امايه دقت لي وقالت انه ام حريز بتينا . فلازم اروح اييلس وياها شوي ....

فطوم: ايوااا ..خلاص عيل عادي .. بيي انا مرة ثانيه و بتشرالي فستان ... وبندق لهزاع ..

رند : لا لا عادي ... اصلا نحن مخليين الدريول يتريانا برا ..

فطوم : اووونه ..
رند : هي فديييتج .. يلا سلامه بتروحين لاااه ؟؟
سلامه : هي بروح ...
رند : خلاص عيل يلا طوفي ..
سلامه : انزين ما بنآخذ لنا عشا ؟؟؟؟
رند : أكييد بنآخذ .. خلاص سلامه انتي سبقيني و انا بدفع عن هالاشياء و بلحقج ..
" الاشياء كانت عبارة عن تعال و شويه اكسسوارات " طبعا سلامه كانت محاسبه و مخلصه .. اما فطوم خذت لها اكسسوارات عنابيه دخلت خاطرها ...


سلامه : أوكي حبي . .يلا فطوم فداعه الله .. و اسمحيلنا . .
فطوم : لا فديييتج مسمووحه .. و يلاا مع السلامه ..

و روحـت سلامه و اول ما ظهرت من المحل .. رن مبايلها
وكان الحب يتصل بك .. هههههههه

ذياب : السلام علييييج
سلامه : وعلييك السلام و الرحمه .. هلااا
ذياب : هلا و غلاااا .. شحالج فديتج ؟
سلامه بخير و نعمه . انته شحالك ذياب ؟؟
ذياب : دام انتي بخير .. أنا اكيد بالف خير ..
"ابتسمت سلامه و استانست " :عساااه دووم يا ربي..
ذياب : وياااج فديييييتج .. شو خلصتي مشترى؟؟
سلامه : هي الحمدلله ..
ذياب : شو خذتي لج ؟؟
سلامه : خلها سربرايس لين يوم لملجه ..
ذياب : لاااااااااه ... مممم و لا تدرين .. احسن بعد ... خلاص عيل سلامي انتي وعدتيني ..
سلامه : وعدتك بشو ؟؟؟
ذياب : اني انا اللي بوصلج يوم الملجه ...
سلامه : لا و الله .. تبيني ارووح وياك بروحي بوظبي ؟؟؟
ذياب : ههههههههه انزين انا ريلج .. عادي ما فيها شي ؟؟
سلامه : هههههه . انزين ما عليه .. الله كريم لين هاك اليوم
ذياب : بس انتي وعدتيني يا حلوة ...
سلامه : ان شاااء الله ان شااء الله ..
ذياب : ها وييينج الحييين ؟
سلامه : ماشي رايحه آخذ لنا انا ورند عشا و عقب بنروح ..
ذياب : هي لا تطولييين وااايد هناك بعد ..
سلامه : افاا علييك .. أكييد ما بطول ...
ذياب : انزين فديييتج . عيل انا بخلييج الحييييين .. ووو يوم بتردين عطيني رنه و انا بدق لج ..
سلامه : هههه ان شاااء الله ..
ذياب : يلا سلمي ع هزاع و فطووم و رند بعد ..
سلامه : الله يسلمك ذياب ..
ذياب : الله يسلمك ذياب ؟؟ انزين ماشي الله يسلمك حبيبي ..
سلامه : الله يسلمك عيووووني ..
ذياب : ههههه .. ماعليه .. عيوني احسن من لاشيء ..
سلامه : هههههه انزين يلا السموووحه منك .. ما تبي شي من هني ؟؟؟
ذياب : لا فديييتج تسلميييين حبيبت قلبي انتي ..
"قفطت سلامه و حس فيها ذياب .. " : اوكي عيل يلا مع السلامه
ذياب : الله يحفظج حبيبتي ..

البارت ال36


ورن موبايل هزاع ..
هزاع : هلاااا .. ويييييينج ؟؟؟ اوكي . .. اوكي اوكي ... هيييييه صح .. ادري .. ادري .. اوكي ياينج ... تيييك كير ..

هزاع : السمووحه منكم .. بس انا بترخص الحييين .. عسبت اختي شوي تباني و عقب بنروح لانه يدوه متحرطمه عليينا .. وتبانا نروح لها .. فلازم نستعيل شوي ..

حمدان : ايواااااااه ... خلاص عيل توكل انته ...
هزاع : اوكي ... ما في شي فالخاطرصوبنا ؟؟ " وصد صوب هند "

هند : ,.........................
حمدان : لحووول .. لا لا هندو ما تبا شي ...
هزاع : هههههههه كليتها كليتها ...
حمدان : هههه فديتها و الله ..
" ابتسمت هند و قفطت " ..

و يوم روح هزاع ..
ندى : هذا هو خطييبج ؟؟
هند : ريلي لو سمحتي ...
حمدان : هههههههه .. بعععد .. قويه العييين انتي .. يلا يلا طوفوا نروح عند نجوول .

وراح هزاع عند فطوم ...
فطوم : الحيين شو الراي ؟ الاسود و لا العنااابي ؟؟
هزاع : كلهم حلوويين فطوم .. يلااااا اختاري اي شي .. يدوه محتشرة ..
فطوم : ليش بعد ؟؟
هزاع : تباني ارووح لهاا .. البركاات بعد .
فطوم : هههه عاد يدوه و بركااتها ..

و دخــــــــــــــــلوا قوم حمدان ...

المهم تموا يمشون وراحت لهم نجلاء .. و حصلت فستان .. و تمت تشاورهم فيه ...

أما حمدان تم يراقب فطووم ... ويشوفها تتحرطم على هزاع ..و كان يبتسم ... والله انها حلوة ..

فطوم : تعرف بآخذ العنابي ... خلاص انا نسيت اني شاريه اكسسوارات عنابيه ..
هزاع :خلاص عيل خذيه ... " ورن موبليه وروح عنها "
فطوم : اففففف العنابي و لا الاسود ؟؟
" وياها صوت من وراااااا " : العنااابي احلااااااااااااا..
" التفتت فطوم و انصدمت يوم شافته ... افف حمدان "
فطوم : اففف ما يخصك .. " وصدت عنه "
حمدان : ههههههه ..... انزين لييش محرجه انتي ؟؟
فطوم : اففففف .. " وروحت عنه "
حمدان : هههه عن يرتفع لج الظغط انتي بس ...
فطوم : هزاااااع و ييينك ؟؟؟؟ افففف
حمدان لحقها : شتبين فهزاع ؟؟؟ انا هنيييه ..
" انصدمت منه فطوم ... اففف منك .. من زيينك عاد "
فطوم " بكل رزانه " : لو سمحت اخوي .. ابتعد عني ..
حمدان : ههههه ابتعد بعد ... يا زينج يوم تكونين رزييين ..
فطوم : ااففففف ..قوم عني ...
حمدان : اللي يقول يالس علييج االحيين .. انا يالس اتمشى فالمحل .. و المحل ملك عاام .. كيفي مواطن ..
فطوم : افففف و الله انك سخيف .. رووح يلااا ..
حمدان : ههه اقوولج ملك عاااام ..
فطوم : لحوووول .. بخبر هزاع ..
حمدان : امايه خوفتيني .... هزاع ما بيقولي شي اصلا ..
فطوم : اففف انته ما تتستحي ...
حمدان : بقوووولج .. بعدج حاطه فخاطرج ؟؟؟
فطوم: نعمم؟؟؟؟
حمدان : مممم عن سالفه المطار ...
" فطوم رد لها القهر .. وروحت عنه ....."
حمدان : لحظة . لحظة .... لا تزعلييين و الله فاهمه غلط..
فطوم : اصلا انته فاهم غلط .. انته ما تهمني ...
"حمدان رفع حيياياته " : لا و الله .. احلفي انتي بس..
فطوم : " ابتسمت و قالت " : ما تهمني ..صدقني ..
حمدان : ارااهنج ع ليسني اني اهمج ..
فطوم : اففف ماارييييد ..
حمدان : آآآسف ع العموم ..
فطوم : على شو آسف ؟؟؟
حمدان : ع هذيج السالفه ؟؟
فطوم : وت ايفر ... بس ابيك تعرف اني هب مهتمه . و السموحه منك ..

حمدان : اففففففففففففففففف ....


وراحت و هي مقهوورة ..

هزاع : ها شو بتآخذين ؟؟؟
فطوم : الاسوود ؟
هزاع : ليش .؟؟ توج تقولين مآخذه اكسسوارات عنابيه ..
فطوم فخاطرها : دامه عيب حمدان انا ما ابيه ...
فطوم : ممممممم .. مادري مادري ...


المهم خلصوا قوم حمدان .. و كانوا بيظهرون ...

فطوم كانت واقفه حذال الباب تتكلم فالتلفون ... فظهروا قوم حمدان ... ودعوها البنات بايدهم .. وكان آخر واحد حمدان ..
قالها حمدان بصوت واطي : خذي الوحداوي ترا بيظهر عجيب عليييييج ....

انصدمت فطووم منه .. اونه بعد عجييب يا ويهه ...

المهم حدرت المحل و بالفعل خذت العنابي ...


و مــرت الايام .. و يا يوم الملجه ... الكل مرتبش و الكل مستانس و الكل فرحان ... و تم الموضوع على الف خييير ...

كـــــــل وحده من البنات متكشخه أكثر من الثانيه ... و كل وحده ظاهرة احلا من الثانيه .. هند كانت ظاهرة عجيببه .. و فطوم بعد مسكته .. كل ما شافتها حرمه قالت لها انتي مخطوبه و لا .. و فطوم متلعوزة من الخاطر ..


هند : فطوووم لا تسيرييييين ...
فطوم : افف لاعت جبدي من هالحريم ... افففف
هند : هههه انزييين وين سايرة ؟؟
فطوم : بروح المطبخ .. بشرب لي ماي يبرد ع جبدي شوي ..
هند : ههه اوكي .. عيل نادي لي وحده من البنات ..
فطوم : اووكي ... اقولج في رياييل فبيتكم ؟؟
هند : ههههه لااا .. بس يمكن حمدان رد ..
فطوم : يعني لازم البس العباه .. اففففف بعد ..
هند : انزين انتي كم طويل لابسه ..
فطوم : بس ريلي تبين من تحت ..
هند : هههههههه ..

راحت فطوم ونادت ريم عسبت تيلس ويا هند ..
أما هي فلبست عباتها و راحت المطبخ....

فطوم : اففففففف حررر مووووت ...
وفتحت الثلاجه و ظهرت لها الماي البارد .. وشربت منه ...
و لما كانت بتظهر من المطبخ ... شهقت ... : لااااااااااااااا
ايييه ياللي ما تستحي على ويهك ..

حمدان : ههههه السموووحه ..
فطوم : انته كيف تسمح لنفسك انك تسوي هالشي ؟؟
حمدان : ليش معصبه ؟؟ و انا شسوييت ؟؟
فطوم : كيف تطالعني و انا مادري ؟
حمدان : الله و الشووفه عاااد .. مادري منو يالس اطالع .. الاميرة ديانا ..
فطوم : شييخه الاميرة ديانا انا .... انته ما تستحي .... افففف " وعدلت شيلتها "
حمدان : اققووولج انا اليوم مستانس . فلا تخربين علي فرحتي لو سمحتي ...
فطوم : لا و الله ... انته اللي خربت علي فرحتي ..
حمدان : انتي بس تبين تظاربيني ؟؟؟
فطوم : اففففف اطلع براااا ..
حمدان : لا و الله .. انتي اللي طلعي براااا ..
فطوم : لااااا و الله ...
حمدان : البيييت بيتي صح .؟؟؟
" فطوم ما تتت من القهر .. الخايس يطردني برا البيت .. "
" حمدان حب يلعب باعصابها ... "
حمدان : و ان شاااء الله فالمستقبل بيصيير بيتج ...
" فطوم انصدمت ... لاا مستحييييل
فطوم : فالاحلاااااااااااااااااااااااااااام .. نجوم السما اقرب لك .
حمدان : و الله تتمنيييييين ..
فطوم: و الله انته اللي تتمنى ...
حمدان : انزين انا اتمنى ... اعترف لج بععد ..
فطوم :افففف قوم عني ...
حمدان : هههه انزين انا هب ما سكنج الحييييين ...
فطوم : افففف " وحولت صوب الباب "
حمدا: تعالي تعالي .. ما قلتي لي ..شرايج بكشختي ؟؟؟
" بصراحه كان متكشخ ع سنجه عشرة .. يعني اللي يشوفه يقول ها اكييد شيييييخ ... وهو اصلا ما شااء الله عليييه مزيييون ... فما يحتاي للكشخه من الاسااااس .. "

فطوم : جيييكر و خسف ...
حمدان : هههههه .. و انتي جنان وربي ...
فطوم انصدمت و شهقت : نعممممممممم ؟؟؟؟
حمدان : حلووة و الله حلوة ...


عصبت علييييه و روحت عنه .. خايس واااحد .. يتغزل فيني بعد عيني عيينك ..


المهــــم مر هاليوم ع خيييييير و هزاع حدر على هند .. ههههه

هزاع "برزانه" : السلااام علييج و الرحمه يا زوجه المستقبل ..
هند "بقفطه" : وعليييك السلام ..
حمدان : اقوووول you have only 10 min….. okkk??
هزاع : سير لاااه ... يلا اذلف حمدانوه ..
حمدان : لاااااه .. يلا تقبظ الباب بتظهر الحييين ..
هزاع : آآسف .. آآسف و هاي بوسه ع رااسك " وباسه " بس دخييلك فاارج ..



حمدان : ههههه خذ رااحتك .. و اعتبر البيت بيتك ...
هزاع : ههه أوكي ..
حمدان : و تحمل عليها ..
هزاع : ان شاااء الله .. بحطها فعيوني ..
حمدان : هيي و بعد ما اوصيك عل....
وقاطعه هزاع : حمدااااااااااان .. بس عاااد ..
حمدان : ههه اوكي اوكي .. ليش مستعيل انته هالكثر ..اصبر شوي ..
هزاع : حمدااااااااااااااااان .. و الله للعوزك فيوم ملجتك ..
حمدان : ههههه اوكي يلا فداعه الله ..
و ظهـــــر حمدان و تموا الحبايب مع بعض ...
وتم عندها هزاع تقريبا ساعتييين .. فهالساعتييين تعاتبوا و تعاتبوا و تغزلوا فبعض و ما خلوا شي ما قالوه ..

حمدان : هزاعععععوووه .. الساعه 1 ...
هزاع : ههه انزيين و المطلوب ؟؟
حمدان : بتباات عندنا اليوم ؟؟؟
هزاع : خييييييبه .. يعني تطردني عييني عييينك ..
حمدان : لا لا ... افاا عليييك .. حياك الله .. البيت بيتك .. حتى بخليك ترقد فحجرتي ..
هزاع : لا لا مابا انا زعلت ...
هند : حمداااااااااااااان ...
حمدان : لا و الله ... الحييين تهزبيني انااااا ... هو الزعال ..
هزاع : يلا هنووده .. انا بقوم اتوكل ... عقب ما طردني اخوج .
حمدان : هههه هزاع عاااد .. بسك دلع ..
هند "متلومه وقافطه " : لا تزعل هزاع .. تراه يسولف ..
" هزاع اصلا هب زعلان لانه يعرف انه حمدان بس يبا يغثه و يغلس عليه .. بس يدلع عليهم شوي .. "

هزاع : مع السلااااامه ... " وابتسم لهند "
حمدان : افففف .. هزاعوه بنرقدك فحجرة هندو ...بسك حركاات عاااد ..
هزاع شهق : احلللللف انته بسسس
حمدان : هههههه يالهرم .. تباها من الله انته عاااد ..
هند "قافطه و ساكته "
هزاع : هنوووده ..
حمدان : اففف اسحبها اسحبها انا ..
هزاع لاحظ قفطه هند و احمرار ويهها ...
هزاع : خلاص اوووكي . مرة ثانيه ان شاااء الله ...
حمدان ظحك و هند ابتسمت بقفطه و حياء ..
هزاع : انزيين حمدان فارج ابي اودعها ...
حمدان : انزييين ودعها جدامي ... تستحي ؟؟
هزاع : ههههه انا لا ... بس هي يمكن ...
حمدان : مممم اوكي ... يلا لا تتاخر ..
هزاع : اوووكي ..

وروح حمدان وودع هزاع هند ع طريقته .. هههه ما بخبركم ...

و ظهر...
حمدان ابتسم لهزاع ابتسمه ترد الروح ..
حمدان : لا تحط فخاطرك علي .. ترا اسوولف انا ..
هزاع : هههه ادري يا ويهك ...
حمدان : هزاااااااع ..
هزاع : هلااااا ,,
" راح له حمدان و حظناه من الخاطر .. و هزاع بعد حظنااه بالقو "
حمدان : الله يوفجك ..
هزاع : آآمييين يا ربي .. و عقبالك انته بعد ..
حمدان : هههه اناا .. مادري و الله ..
هزاع : ههه الله يعيين .. بس و الله يا حمدان بحطها فعيووني انا ..
حمدان : ادري .. و الله ادري انها فايد أميينه .. و الله اني تمنيتها تكون لك من البدايه ...
هزاع : يالجذاب .. سمعت انك غصبتها ع ناصر ولد عمك ..
حمدان : ههههه لا لا مايخصه .. بس انا اقنعتها بالزواج لانه مالها اي عذر لانه ابوي اصلا كان موافق من قبل لا يخبرنا .. يعني المووضوع كان واقع لا محاله .. و انا كلمتها بس وما اجبرتها ع شي ..
هزاع : هي هي ..
حمدان : بسك عاااد .. انسى الماااضي انته الحييين ..
هزاع : هههه نسيناااه حبيبي انته ..
حمدان : الله يحفظك و تحمل على عمرك و لا تسوق بسرعه ..
هزاع : ان شاااء الله .. و انته تحمل على هنوودتي ..
حمدان : افااا علييييك ... و انته تحمل على نفسك ..
هزاع " ابتسم " : ان شااء الله ..

و ورح هزاع و هو بيطير من الفرح ....
الله يوفجك يا هزاع ...

البااارت ال37

و مــــــــرت الاياااام ... .. وكل شخص مشغول بعمره .. سلطان قال انه يبا يعرس ... و حريز بعد يبااا ..يلا مستعيلييين الشباب ...


اماااا فطوووم حليلها هي الوحييده اللي ما صار لها شي. . سبحان الله .. كانت تساعد الكل .. الا هي محد فكر انه يساعدها او يسالها حتى اذا كان في حد فبالها ...
فطوم تحاول انها تنساه .. بس خلاص ما تبا .. ما تبا هي ...
دووم تذكره .. و خصوصا يوم تكلم هند و يحدر هو الصاله و يلس يغلس عليهم و يقول حق هند سلمي ع فطوم و جي ...


و هـــــــــــي فقــــمه تفكيييرها ... رن الموبااايل ..

.....: السلااام علييييكم و الرحمه
فطوم : عليييكم السلام و الرحمه .
...: مرحبااا فاطمه ..
" فطوم انصدمت ..خيبه يعرف اسمي بعد " : مرحبتيين اخوي .. بس السموحه منو وياي ...
.... : لا تخافيييين .. انا منصووور ..
"فطوم فكرت منو منصور بعد .؟؟ اوبس منصور ولد خالي "
فطوم : هلااا منصووور ...
منصور : هلااا و غلااا .. أكيييد ما توقعتي اتصالي ..
فطوم : تبا الصدق لااا ...
منصور : ههه المهم شحالج انتي ؟؟
فطوم : بخير و نعمه الله يسلمك .. انته شحاالك ؟؟ وشحالكم كلكم هناك ؟؟؟
منصور : بخير الله يسلمج و يعافيييييج ... دامج طيبه نحن اكييد بالف خير ..
فطوم " ابتسمت " : هه تسلم ..
منصور : وشحال هزاع ؟؟
فطوم : بخير الله يسلمك .. الحيين يشتغل فسركه الوالد ..
منصور : يلا الله يوفجه ..
فطوم : اليميييع ان شاااء الله ...

و تموا ساكتييييييين ....

منصور : ممممم .. فاطمه .. انا طالبنج ..
فطوم : آآآآآآآمر ..
منصور : ما يآمر عليييج ظالم ... بسس لا تفهميني غلط ..
فطوم :اووكي ... قولي .
منصور : مممم .. بصراحه ماعرف من وين ابدا ..
فطوم : ابدا من البدايه . هههه
منصور : هههه اوكي .. بس انا جاد ما امزح ..
فطوم " خافت " : اووكي . و انا اسمعك ...
منصور : الصراحه الصراحه .. و من دون لف ودوران ..انا ....
فطوم : انته شو ؟؟
منصور: انا .. ابيييج ع سنه الله ورسوله ..
"فجت فطوم عيووونها " : شووو ؟؟؟
منصور : انتي واايد تعيبييني .. و انا وااايد معجب فيج ...
"فطوم عدها منصدمه " : شوو ؟؟؟ اناااااااا ؟؟؟
منصور : هييي انتي ...
فطوم : منصووووووووووور ؟؟؟ انته من صدقك و لا تمزح وياي؟؟؟
منصور : طبعا من صدقي .... انا من زمان اصلا معجب فيج .. بس ما يتني الجراة و الشجاعه اني اقووولج ...

فطوم : بس انا .. منصور لا تزعل مني .. بس انا اعتبرك شرات اخويه ...
منصور "بخيبه امل " : كييف ؟؟؟
فطوم "بلت ريجها " : انا اعتبرك شرات هزاع اخويه .. و الحب و المعزة اللي فقلبي صوبك هي مجرد معزة اخت لاخوها ... وانته حتى عندك نفس المشاعر ... بس يمكن انته فهمتها غلط ..

منصور : لااا لااا انا متاكد من مشاعري ...

فطوم :مممم منصور السموحه منك ياخوي .. بسس انا ما قدر ابادلك هالمشاعر ..
منصور : لييش ؟؟؟ حد فبالج ؟؟؟
" فطوم انصدمت من سؤاله .. شو يقصد بعد ها ؟؟؟ بس بعدييين يا ع بالها الكريه حمدان ... افف ليش حمدان انزيييين ؟؟؟ "
فطوم : طبعا لااااااا ..
منصور : عيل ليش طولتي لين ما تفكرييين ؟؟
فطوم : منصووور .. شو بعد حد فبالي ... محد فبالي ..
منصور : عيل ليش رافظتني ؟؟
فطوم : لاني اعتبرك شرات اخويه ... منصور انته واايد فنان .. و 100 بنت تتمناك ... بس انا جد جد اعتبرك شرات هزاع .. انته و حمد و سالم ... كلكم اخواني ..
منصور : افااا . .صدمتيني و الله ... كنت متوقع منج شي ثاني ؟؟
فطوم : صدق كت متوقع مني شي ثاني ؟؟
منصور : تبين الصدق ؟؟؟ لاااا .. كنت احس انج ما تبادليني المشااعر ... بس قلت لازم اجرب حظي ..
فطوم : منصوور دخييلك دخييلك .. انا مابي اخسرك .. لكني صدق اعتبرك شرات اخويي ..

منصور : ادري ..


و سكــر عنها منصور و هو زعلان .. وهي بعد تظايجت ..


و من الصوب الثاني ...

هند : يلا الحمدلله ع كل حال ...
ام حمدان : عن شو ترمسوون ؟؟
نجللا : عن يوم الملجه امايه ..
حمدان كان نازل من السلم ..
حمدان : هههه لين الحييين ترمسون ع هالموضوع ؟؟
نجلا : نتذكر السوالف اللي صارت ...
حمدان : ههه و الله انتوا خبال ... امايه الغاليه انا ظاهر الحيين .. ما تآمريني ع شي ...
هند : وييييين راااايح ؟؟
أم حمدان : سلامتك يا امايه .. و تحمل على عمرك ..
حمدان : ان شااء الله فديييييتج ... وانا رايح المارينا ..
نجلا :خذني معااااااك ..
حمدان : بروح مع الشباب .. بتيييين ؟؟
نجلا : هههه لا مشكوور .. هنود طوفي نروح ..
هند : لا لا انا اليوم الظهر يا يه من المارينا ... بروح ادق حق فطوم .
نجول : ههههه فطوم و لا اخو فطوم ... اثجلي شوي عليييه ..
حمدان : ههههه " وابتسم لما طروها .. و الله متوله عليييج يا فطيم "
هند : جب انزييين ... بدق حق فطوم ...
نجلا : امااايه .. شو صار الحيين ع هذيج السالفه .. عطيتيهم الرقم و لا ؟؟
هند : من رخصتكم ... " وروحت هند .. و حمدان وصل عند الباب و كان بيظهر "
أم حمدان : اي حرمه انتي بعد ؟؟؟
نجلا : ههههه هذيج اللي خبرتي هندوه عنها ..

البارت ال38

و سكرت فطوم عن هند و تمت تفكر و تفكر وتفكر.....

ومر هالاسبوع مثل الصاااروخ و محد حس بهـ .......

و ع الويييك اند شرفوا هل حمدان و بالفعل تكلموا فالسالفه و جي ... و قالهم الابو ان شاااء الله خير بس متى تبون الملجه و جي و اتفقوا فيما بينهم انه الملجة بتكون عقب شهر ....

فطوم : شووووو ؟؟؟ عقب شهر واايد جريب ... لا لا لا اباها تكون بعد عرس هزاع ...
ام هزاع : ههههه ...شو ؟؟؟؟ انتي تخبلتي ؟؟؟
بوهزاع : مينونه بنتج يا هند ...
أم هزاع : أشووفها أنا ..
فطوم : أوهووووو عليييييينا ... اوكي خلاص انا مينونه انا معتوووهه أنا كل شي هب زييييين .. و الله ..
بوهزاع : مهما قلتي و مهما سويتي بتم الملجه عقب شهر و انا اشوفها متاخرة بعد ....
فطوم: بـــــالله ... انزين انزين ...

و بالفعل تم الموضوع شرات ما قالوا .. و فطوم و لا هي فعقلها تتحسب الموضوع مزحه و لا شي جي شرات الحلم .. ما فكرت انه هالشي خلاص صار واقع لا محاله الا فالاسبوع اللي قبل الملجه .. بالرغم من انهم دووم يروحون يتشرون و جي .. هي عادي عندها ..لكن يتها الحاله الهستيرية قبل الملجة باسبوع ...


عزة كانت توها راده من المستشفى و تحس عمرها تعبانه من الخاااطر .... ومتويعة من الخاطر بعد .. دق لها راشد و تطمن عليها و بعدييين يلست ويا عمتها و ياها تلفون ..

عزة : هلا الغاليه .. هي الحمدلله بخير ... لا ما فيني شي .. أهاا .. أوكيك ... شووو ؟؟ هاي مينونة ... و الحل يعني ..؟؟؟؟ لازم ايي
ان شااء الله فديتج .. لا لا عادي اقدر ... عشان فطوم كل شي يهون .. انزييين الغالية ... انزيين انزيييين ... ان شاااء الله .. الله يسلمج ..
فحفظ الرحمن ..

عزة : اسمحيلي عموه لكن انا بترخص منج بروح البيت لنه محتاييني شوي هناك ..
أم راشد : فديتج توج رادة و شكلج تعبانة ...
عزة " ابتسمت " : لا لا عاد ي.. أصلا ما بتاخر انا ...
أم راشد : اتحملي على عمرج فديتج و سلمي ع الاهل ..
عزة : الله يسلمج الغاليه .. و هم أصلا يسلمون عليج ..

" المهم دقت لراشد و ظهرت راحت بيت هلها "

عزة : فطووووم عن الخبال .. و يلا قومي بنروح ...
فطوم : مااااااااااااااااااااااااااااااااااااااااااااااباا اااااااااااااا
عزة : أخس عن اليهال و الله ... يلا فطوم عن حركات اليهال
أم هزاع : عيزت منها و الله يا عزة .. تعبتني ..
عزة : فطوم .. بس عاد عن هالحركات الطفوليه و تقبظيلج مذهب سنع و يلا روحي البسي ...
فطوم : انتي سيري عزووه دامج هالكثر مهتمة ..
عزة " طفرت " : بس عاااااااد ..و الله راسي يعورني ...بس فطوم
ام هزاع : خلاص امايه عزة .. خليها تولي عنج .. كله و لا صحتج
عزة : يا امايه هاي هب حالة ... شو سالفتها فطوم ؟؟ ليش هي جي ؟
فطوم : و لا شي ولاشي ..

و تمت عزة تحاول تقنعها لين ما صدق تعبت و يلست مكانها .. الام راحت اتيييب لها ماي .. عسبت تسند عمرها

فطوم : عزوون شبلاج ؟؟؟
عزة : ولاشي .. المهم انتي قومي تلبسي ..
فطوم " خافت " : عزة صدق ... شبلاج ؟؟؟؟

عزة : آآآه يا فطومم .. أيي ..

" و حدر هزاع " ..

هزاع : السلام علييكم
فطوم و عزة : و علييكم السلام و ا لرحمه
هزاع : هلا و الله بعزاني هلا ... و انا اقول ليش البيت منور
عزة : فديتك انا .. شحالك هزاع ؟؟
هزاع : بخير و نعمه .. انتي شحالج ؟
عزة : الحمدلله بخير
هزاع : و شحاله راشد .؟؟و مجتوومي بعد ؟؟
عزة : الحمدلله كلنا بخير ونعمه ..
هزاع : انتي شبلاج شكلج تعبانه شوي ...؟؟
عزة : هاا؟؟ مم ل لا لا ماشي ..
هزاع : صدق ؟؟
عزة : هي صدق ....
هزاع : فديت أختي انا و قرب صوبها عسبت يبوسها و جي .. و عقب ..
عزة : هزااع .. ريحة عطرك فظيييعة شو هالعطر.. افف .؟؟
هزاع :اييييه شو بعد شو هالعطر ؟؟ شانيل الله يسلمج .. أحيدج تموتين ع شانيل ...
عزة : اوهوو .لاااه ... " و يلست "

ابتسم هزاع و مشى و لما كان بيوصل الدري .. صد صوبها و شهق ..
هزاع : عزوووووووووووووووووووه ... لااااااااااااااااااااااااا
رفعت راسها صوبه ...: شووو ؟؟
هزاع : عزووووووووه .. ليكووووون ............
فطوم : شو ليكووون ؟؟؟؟
هزاع : عزوووه احلفي ..... فديييييييييييتج انا ...
" ابتسمت عزة و عقب ظحكت و ظحك هزاع و راح صوبها و حظنها ..."
فطوم : اييه لاا ..شو السالفه ؟؟؟؟
هزاع : فطوم بصير انا خال للمرة الثانيه .. اخيرا بيي منافس حق مجتوم ..
"شهقت فطوم " : و الله .. الف الف الف مبروووووووووووووك

و حظنت أختها .....

فطوم : فديتج و الله اسمحيلي جان عورت راسج ....

ويتهم الام و خبروها و كانت مستانسة انها بتصير يدة للمرة الثانية

ام هزاع : عقبال ما افرح فيكم يا هزاع و فاطمة
هزاع : آآآآآآآآآميييين يا رربي
عزة : آآآآآآآمييين
فطوم : ههههههه ..يصير خير .. (( طبعا عزه كانت رايحه بيتهم لانها تبا تقنع فطوم تروح الصالون .. عسب تتجهز و تبدا بجلسات تنظيف البشره و هالسوالف للمجلـه ))

و لما خبرت رااااااااشد .. طار من الفرح .. هو من زمان يبا بيبي ثاني ....
حظنها من خاااطره .. و عشاها فمكان محترم ..
راشد : اسمعيني عزوني.... أي شي تبينه قولي لي انا بييبلج اياه .. انتي ما تتحركين من مكانج أبد أبد أبد ..
عزة : لا و الله ...
راشد : انا قلت لج عزو .... فديت البيبي مالي انا ..... متى بيي متى بيي؟؟؟
عزة : هههه بعده اصبر عليه الا هو عمره شهر ..
راشد : يا وييل حالي انا .. احبج احبج احبج عزوووني ... و الله ثم و الله ثم و الله اني احبج واااااااايد حبيبتي عزة و الله وااايد .

عزة : فدييييييييتك انا .. و انا حتى امووت فيك رااشد ..

راشد : فديييت حرمتي يا ناااااااااااس ...

(( الله يهنيييكم يالحبااايب ^_^ ))

و مرت الايام و الاياااام و يا يوم الملجه ...

طبعا فطوم خلصت امتحاناتها و جي .... و قوم ريم ردوا من السفر و اللي يتجهز لعرسه و اللي مشغول بامتحاناته

(( يــــــــــــــــــــــــوم مــــــــــــلجــــــة فــــــــطوم و حمــدان))


الكل الكل الكل متكشخ و مرتبش من الخاطر .. عاد هذيلا فطوم و حمدان ... اللي القلب يرف لهم ....

فطوم ... كانت خيفانه من الخاطر ... تحس انها بتتندم ع هالقرار و تحس انه حياتها بتكون كئيبة .. واكيييد بتتطلق من هالانسان لنها مستحيل تعيش معاه ...
حمدان ... بعد كان خيفان ... يحس انه تسرع بقراره .. صحيح انه هند اخته طمنته .. لكن بعد .. هو خيفان .. و متوتر ..


المهم مر اليوم ع خير فبدايته .. فطوم كانت طالعه جنان .. لكن اكييد كانت بتكون أحلا لو كانت تبتسم ... كانت مكشرة و الكل مستغرب منها .. بس يظحكون عليها ... كل شوي عزة و لا هند تقولها افردي ويهج و جي .... لين ما حصلت هزبه محترمة من امها خلتها تبتسم من خاطرها ... و تطلع أحلا عن القمر ...
الكل مندهش و مستغرب من جمالها .. و الكل متندم لنه ما خطبها لولده .. الا الحساد و العذال اللي كانوا موجودين من امثال منى .. اللي كانت منصدمة من خاطرها .... يحليلها تحطمت احلامها ..


المهم الكل سلم و حيا و سوا اللي يباه .. و كانت الملجة حلوة و ربشه ...و اليويلة و الرزيفة مشتلييين و مرتبشين ....

و يت الساعة المنتظرة ... الساعه اللي بيحدر فيها حمدان ع فطوم ..
هو خيفان و هي ميته من الخوف ..
فطوم : ماباا مابا ..
نجول : يا بابا .. اخويه هب وحش ما بياكلج .. وعاد اليوم ما شا الله عليه طالع جنان ..
فطوم : هه خقاقه وحده .. انزين انا ماباه يحدر علي .. اخاف من الريايل
نجلا : هب ع كيفج .. بيحدر يعني بيحدر .
فطوم : يهالويه ..

المهم يا هزاع و يا حمدان ...
حمدان : انته ليش مستعيل واايد ...؟؟؟
هزاع : هاا ؟؟ مم ولا شي و لاشي ..
حمدان : توقعتك بتغلس علي شرات ما طفرتك انا فيوم ملجتك ..
هزاع : لا لا يا ريال ... لو تبا فطوم خذها من الحين و فكنا منها .. المهم انته احدر و لا تخاف البيت بيتك ... " وروح عنه "

من الصوب الثاني ظهرن نجلا و هند عنها ....

هزاع : هند .... هند ...
" صدت هند الصوب الثاني .. و شافت حبيب قلبها "
هند "بدلع " : هزاااااااااااع ..
هزاع : الله يرحم هزاع ... يا ويل حال قلب هزاع ..
هند " بصووت واطي " : فديييت رووحه أنا ..
هزاع : هنودة فديتتج تعالي ..
هند : شوو ؟؟؟ لا ماقد ر ..
هزاع : تعاااالي ...
نجلا " اللي كانت متغشية " : يلا سيري سيري له .. بس لا تتاخرون ...
هزاع " استانس " : يا ويل حالي .. مشكورة نجلاااا
نجلا : حاظرييين للطيبيين .. بس لا تسون شي مخل للشرف
هند و هزاع : ههههههه
" الحييين اكيييد عرفتوا ليش كان مستعيل هزاع .. الحبيب كان يبا ييلس و يا حرمته شوي .. المهم راحوا الميلس الثاني هو و هي وتموا يسولفون و يآكلون شوي .. "

أما عن الحباايب اللي داخل الميلس الثاني... اول ما حدر حمدان . انصدم من هالجمال العجييب
حمدان فخاطره " ياويل حالي .. كم بعيش انا ؟؟؟ "
فطوم من القفطة ما رفعت راسها ....
قرب صوبها ...
حمدان : احم ... مبرووك ..
فطوم : ......................
حمدان : مبروووووك ..
فطوم : ........................
حمدان : مبروووووووووووووووووك .......
"فطوم فخاطرها .. انزين انزين يا ويهك سمعتك .... بس لا تصرخ "
فطوم : احم .. الله يبارك فحياتك .. و عقبالك " ههه طلعت بالغلط ... لنها تعبت من كثر ما تقولها للناس "
حمدان : شووو ؟؟ عقبالي ع شو؟؟
فطوم انتبهت انها لخبطت و رفعت راسها ..
فطوم " بدلع غير مقصود " : اوبس بالغلط بالغلط .. بس من كثر ما اقولها للناس ظهرت مني بالغلت ...

حمدان : بالغلت هاااا ؟؟؟ عاشت .. أحلاا هناك ..

فطوم كرهها انه حد يعيب عليها اذا نقعت و لا شي ..

فطوم : جب جب انزين . بالغلط طلعت ..
و عاد حمدان يا حبه لما يستفزها ... و تموا يتظاربون شوي و جي .. و عقب طردته .. و قالت له بس فارج ..
حمدان : لا والله .. اول مرة اشوف عروس تقول لمعرسها فااارج
فطوم : تاخر الوقت ..
حمدان : خيييبه ... قويه انتي بصراحه ...
فطوم : يلا يلا انززين ..

" فطوم حست انها صارت شوي دفشه .... أما حمدان متفهم القهر اللي فقلبها .. و ما حرج "

حمدان : انزيييييييين ... يلا الغاليه انا بروح الحيين
فطوم : الله يحفظك ..
حمدان : خيييبه ... انزين خلييني اودعج
فطوم : هب لاازم ...
حمدان " و بنفس اسلوبها و بنفس نبرة الصوت " : لا لازم عااااد ..

و راح لها و غصبا عنها باسها ع خدها ....
" يااا وييييل حالي انا بس ... حمدان فقط من عمره و ترخص منها و ظهر .. أما هي تمت متصنمة ... ياويل حال قلبي ... و قلبها يدق ويدق ويدق ويدق ...."

المهم روحوا قوم حمدان عن قوم هزاع الساعه 1و نص تقريبا ..
اما فطوم اول ما ردت حجرتها رقدت .من الخاطر لنهاصدق تلقت وايد صدمات فهاليوم و كانت تعبانه من الخاطر .. و حمدان رد البيت مرتاح و بعد رقد من الخاطر لنه كان وايد يحاتي و الحمدلله كل شي تم ع خييير ..


لكن كيف بتكون الحياة بين هالاثنيييين ؟؟؟؟؟؟؟؟ !!!!!


المهم بعد مامر هاليوم الكل كان مرتاح و مستانس .. ما يعرفون ليش ؟؟؟ لكن كلهم كانوا فرحانييين ... فطوم يحلييلها تستااهل .. و حمدان بعد ريال و يستاهل و هم وايد لايقيين على بعض ... على قولة الناس و الاهل ....

من صوب ثاني ... منصور تعب نفسيا حليله و سافر هو ويا ربعه المانيا عسبت يغير جو ... و منى تمت حاطة فخاطرها علييييهم و شاله كم كبير من الحقد و الكره لفطوم و بعد لحمدان ...

فاليوم اللي بعده فطوم كانت راقده لين الساعه 5 ...
ام هزاع : يلا يابوي ما يرزا عليينا .. قلناا ملجتي بس هب ترقدين لين هناك ...
فطوم : ممممم .. ابي انااااااام
ام هزاع : قومي صلي يا بنتي .. قومي صلي يالغالية ..
فطوم : انزين انزييييين ... .بعدييين
امم هزاع : شو بعديين بعد ... يلا قومي .. .
فطوم نشت من الفراش : آآآآه .. أوكيك أوكيك ....

و قامت تغسلت و صلت صلواتها اللي فاتتها .. و نزلت تحت ...

هزاع : ياااا هلا و غلااااا .. .يا مرحبا يا مرحبا بالعروس ..
فطوم : عرووس فعيييينك
هزاع : هههه خييبه يا ويهج ارحب فيييج انا الحييين ..
فطوم : انزين انزين مرحبتيييين ...
هزاع : يهالويه ما تتعبر هالبنت ...
فطوم : سير لاااه عني ... بس تعبتني و انا توني ناشة ...
هزاع : فطيييم .. سيري تلبسي هنودتي الحيين بتي ..
فطوم " كانت تبا تغلس علييه و تغثه شوي " : امس كانت عندنا بعد اليوم بتي
هزاع : جبببب يالهرمة ... البيت بيتها تسمعييين
فطوم : هههه يا ويل حالي ... بتآكلني انته ... انزين اسولف انا ..
هزاع : حياااااتي ... الحييين رسميا صار هالبيت بيت هند و انتي بيتج فبوظبي ..
فطوم : شووو ؟؟ ماريييد مااريييد ... هذا بيتي بعد
هزاع : لااااه . .يلا يلا بيتج فبوظبي و يا حمدان ..
فطوم : انزين و لو تظاربت و ياه و رديت البيت ...

فهالوقت حدرت أم هزاع ..
أمهم : وااي بسم الله عليييج ... لا تفاوليييين بالسو يا بنتي...
هزاع : استغفر الله العظيييم يا فطوم .. استغفري ربج ..
فطوم : ههههه انزيين استغفر الله
هزاع : انزين انتي بعد روحي تلبسي ...يمكن حمدان ايي معاها .؟!
فطوم " بذكاء أونها عاد " : يمممكن و لا أكييييد ؟؟؟؟؟!!!!!!!!
هزاع : أكيييييييد يعني ما يبالها ذكاء ... و الله
فطوم : اففففففف ....
هزاع " باستغراب " : يا ناس ياعالم ... شفتوا حد يتأفف من زوج المستقبل ..
فطوم : هيي .. أنااا ..ههه
هزاع : يا ويهج يالدبه ..

المهم راحت فطوم تلبست وتكشخت ع الآخر .. هب عشان حمدان لكنها هي بروحها تحب الكشخة ...

و لما نزلت كانوا قوم هند توهم حادرين ... عاد فطوم سوت عمرها رزينه و عاجل ... أول شي سلمت على أم حمدان و كانت واايد لطيفة وياها و عقب سلمت على هند و نجلا .. و تمن البنات يسولفن .. و أم حمدان استانست عليها و حتى أم هزاع استانست ع رزانة بنتها الغير متوقعهة بصراحة ..

بعدين حدر هزاع من الميلس و سلم عليييهم ... ...

هزاع : عمتي .... بعد اذنج الغالية ...
أم حمدان : هلا وليدي .. آمر ..
هزاع : ما يآمر عليج ظالم الغالية .. بس حبيت أترخص منج اني آخذ هند و نروح نتعشى أنا و هي فالمطعم ..
نجلا : ويين هالعشى ؟؟ الساعه بعدها 7 ...!!
هند دقت نجول ع ريولها .... و ظحكت نجلا و فطوم بعد اللي شهدت الموقف ..
هزاع : ها عمتي ؟؟؟ شقلتي الغالية و الشييخة ؟؟؟
هني ظحكن فطوم و أمها .. يعرفن انه هزاع بدا يقردن شوي ...
أم حمدان : البنت ملكك يا ولدي ... خذها متى ما بغيييت ...
هزاع : فدييييتج و الله عمتي .. ورا ح باسها ع راسها ..
هزاع : يلا هنوووودة ...

المهم بعد صلاة المغرب ظهروا هزاع و هند .. ولكن في شخص لصقة ما بتتوقعونه ظهر معاهم (( نجــــــــلاااااء))

مات هزاع من الغيظة و حتى هند .. لكن هي وعدتهم أول ما ركبت معاهم السيارة انها ما بتغثهم فشي و بتخليهم ع راحتهم ... ههه يحليلج يا نجلاء ..

و تمت فطوم و يا عمتها و أمها ... لكن يتها الصدمة التالية .. يوم قال الحبيب حمدان انه يبا يشوفها و هي طبعا ما قدرت تقول لا ... فدخلوها الميلس عند حمدان ...

فطوم : السلام علييييكم ..
بو هزاع و حمدان : و عليييج السلام و الرحمه ..
بو هزاع : تعالي فطيييم .. لاتميين حذال الباب .. تعالي ..
تجدمت فطوم و يلست حذال ابوها ... و حمدان يطالعها بنظرات كلها اعجاب و اندهاش ...

بعد ثواني قام بو هزاع و ترخص منهم .. و تموا هم الاثنين مع بعض .. هي ما تتكلم و هو ما يتكلم ...

تموا تقريبا 5 دقايق محد منهم تنطق بكلمة ..

حمدان : افف .. بس عاد .. لين متى يعني بتميين ساكتة ؟؟؟
فطوم " وجنها تبا تظارب " : انزين انته تكلم ... لازم يعني انا ؟؟
حمدان : هيي الحيين طلع صوتج ..
فطوم " و صدت صوبه " : يا سلام ..شو يعني الحيين طلع صوتي ؟؟
حمدان " وهو يطالعها " : و لا شي ؟؟
فطوم : شو يعني و لا ..... " و سكتت " .. ليش تطالعني جي ؟؟؟
حمدان : مندهش و منعجب ..
فطوم : شوو ؟ ؟؟ أهاا عرفت اول مرة فحياتك تشوف بنت صح
حمدان : شوو ؟؟
فطوم : و لا شقول انا .. انته خبرة فالبنات ..
حمدان " انصدم " : شوووو ؟؟؟
فطوم خافت .... : ماشي ماشي ...
حمدان : اهااااا .... انزين خذ ي .. و طلع من جيبه ككاو و عطاها اياه .
فطوم : مااااااااباااااااااا
حمدان : لا تبييين عاد ..
فطوم : ياخي قلت مابا ..
حمدان : بتاآكلين غصبا عنج ....

و كلت الككاو و كل هو معاها

بصراحة كان شكلهم يجتل من الظحك .. يعني ما شااء الله عليهم مزايين و شكلهمم راهيين و يتقاسمون ككاو "مينسترلس جلكسي"

حمدان : ممم عطشت أنا ...
فطوم : حتى أنا ... اوبس خلص الكاكاو ..
حمدان : تبين غيره ؟؟
فطوم : لا مشكور .. شو ما شاء الله عندك بالدرازن
حمدان : شو ؟؟ ههه لا ياويهج .. كنت بروح بشتريلج غيره ..

" قفطت فطوم و ابتسمت ..... ياربي ما تدري .. ليش يوم تكون و يا هالانسان ما تحس بخوف و لا تحس انها ويا انسان غريب ... تقدر ترمس وياه و تتفاهم وياه .. صحيح انهم كله يتظاربون .. لكن بعد حتى لو اظاربوا ما يزعلون من بعض ... المهم تمت وياه نص ساعة بعدييين ترخصت منه .. وهو حاول يخليها تيلس وياه لكنه م اقدر لها عنيدة وراسها يابس .....

روحت عنه هي .. و هو ظهر يتمشى ...


ومر هاليوم على خير ....
ام حمدان كانت واايد واايد مستانسة من فطوم .. و بالفعل عيبتها وااايد .. وام هزاع نفس الشي كانت مستانسة من هند .. و بعد عايبتنها وايد ..

البارت ال39


بعد مرور 4 أيام تقريبا ً ...

فليل الساعه 1 .. فطوم كانت منسدحه ع الفراش تفكر فاليوم كله . يالله من هالحمدان ،، ماعرف شقصتي وياااه ؟؟؟ آآآه بس ...
(( ويرن التلفووون ....شافت الرقم .رقم حلو ... ممم ارد و لا لا ؟؟؟؟ لا لا مابرد على رقم غريب .. بعدين هب متفيجة خلوني فأفكاري الحلوة بحمدان أحسن ...))

و بعدييييين رن مرة ثاانيه .. مسكت فطوم التلفون و شافته .. أوهو علينا نفس الرقم ... منو هالشخص ؟؟؟ فقالت بترد ...

فطوم : ألوووو
.....: ألو السلام عليييكم ( و كان صوت ريال )
فطوم : و عليك السلام و الرحمه ..
.....: هلا و غلا
فطوم : أهليين أخوي .. منو بغيت ؟؟
.....: انتي ...
فطوم " انصدمت " : شووو ؟؟؟
..../ هههه انا حمدان ..
فطوم : منو حمدان ؟؟؟
حمدان : يهالويه .. منو حمدان بعد ؟؟؟ ريلج ..
فطوم انصدمت من خاطرها .. ياويل حالي توني أفكر فيه و الحييين ظهر لي ... فديت انا هالصوت ..
فطوم : حمدااان ؟؟؟ من وييين ياايب رقمي ؟؟
حمدان : مممم .. حياتي الله يسلمج يايبنه من عند يور برذر
فطوم : وهو كيف يعطييك اياه ؟؟؟
حمدان : بالله .. هيي انتي انا ريلج عادي ...
فطوم " ظحكت " : أهاا .. أوكي ..
حمدان " ابتسم " : فدييت أنا هالظحكة ..
قفطت فطوم : انزيين تبا شي ؟؟؟
حمدان : عافانا الله دفاااشه ...
فطوم : أوهوو علينا .. أنا اريد انام ..
حمدان : صدق ؟؟
فطوم : هي صدق ..
حمدان : صدق صدق ..
فطوم : أوهوو .. هي صدق ..
حمدان : خلاص عيل غناتي ..تصبحيين على ألف ألف ألف خير
فطوم : أولا لا تقولي غناتي .. و ثانيا و انته من أهله ..
حمدان : ههه هب ع كيفج هذا لساني و انا اتنطق باللي اريده .. وانتي ما بتقدرين تمنعيني عنج .. تفهمييين ؟؟
فطوم : جب جب جب ...
حمدان : انتي جب جب جب يالدبه
فطوم : انته الدب ..
حمدان : لا حيبتي انتي الدبه
فطوم: لا تقولي حبيبتي
حمدان : حبيبتي حبيبتي حبيبتي حبيبتي
فطوم : بس بس بس ..
حمدان : حبيبتي حبيبتي حبيبتي حبيبتي ..............................
قطوم : مع السلامه ..
حمدان : خلاص خلاص حياتي ..بقولج حياتي انزين
فطوم : لاااا
حمدان : أوهو علييينا .. خلاص خلاص انزين .. يلا مع السلامه فطامي
فطوم : لا تقولي فطامي .. قول فاطمة ..
" حمدان عصب .. "
حمدان : مع السلامه فاطمة ..
فطوم " استحت ع ويههاع حركاتها الطفوليه هاي " : مع السلامه

" وسكر حمدان و هو محرج .. انا وااايد ساكت لها .. بس بعد لازم اصبر عليها لين ما تتعود علي ... و لو ما تعودت انزييين ؟؟؟ اففففف من هالحالة الصعبه ... الله يعيييييني ... أخافني تسرعت بقرار الملجة .. خلاص الحين انا مرتبط فيها .... بس و الله ماحسنا شرات الريال و حرمته .. يعني الواحد
يطلع ويا حرمته و يسير وياها و يكلمها فالتلفون .. بس خلاص هو قرر من باجر لازم يظهر معاها ..... و تلحف بالفراش و نام ... أما فطوم فكانت قافطة من عمرها من الخاطر ... و تقول فخاطرها يا ربي أنا شسويت ؟؟
ومن الظيجة اللي فيها نامت ......"

من الساعه 11لصبح فطوم كانت واعية ... و كانت عزة يايه البيت و يايبه مجتوم ... و كانوا مايد و شوق وأسرار بعد وجودين يلعبون مع بعض لنه عزة بتروح العين هي و راشد اليوم .. عنده مؤتمر فالعين و قالها لازم اتين معاي و جي .. لنه يمكن يتأخر و هو أونه ما يقدر يقضي اليوم بليا حرمته (( يا ويل حالي انا بس ) )

و ع الساعه 2 و نص بعد الغدا .. صعدت فطوم حجرتها .. من الصبح و هي يالسه ويا اليهال .. تلعب ويا هذا و تتظارب و يا هذا .. عايشه طفولتها الحبيبه ... المهم صعدت حجرتها و شافت 8 مس كولز .... من منو ؟؟؟؟ طبعا كلهم من حمدان ....

ياااااااوييييل حالي ... هذيل كلهم من حمدان ..... ممممم ما برد ادق له ... بس شو كان يبا ؟؟؟ و شوي ويرن التلفون و طبعا حمدان ... فردت هي ..
حمدان : لا و الله .. جان مارديتي بعد ...
فطوم : سووري و الله .. بس كنت تحت .. من الصبح و انا تحت .. عزو يايبه مجتوم و عندنا شوقي و أسرار و ميود يلعبون
حمدان : منو ميود ؟؟؟؟
فطوم : ههه لا لا هذا ميود.. ياهل ومن الاهل بعد
حمدان : هيي اتحرا بعد ..
فطوم : هههه لا لا ..
حمدان : فديت هالظحكة أنا
قفطت فطوم و قالت بدلع غير مقصود : حمداااااااااان
وقف قلبه من هالدلع و قال : يا ويل حال حمدان ... تعالي شوفيه انتي بس ...
فطوم قفطت زيااده : حمددددددااااااان بس عاااد
حمدان : يا ولي حالي / يا ويل حالي ، يا ويل حالي ... بس بس اسكتي عن يصير فيا شي اليوم ..
فطوم : بسم الله عليييك لا تقول جي ..
حمدان "بمكر " : تخافين علي ؟؟؟
فطوم :حمدانوه يا ويهك بس .. انزين قولي ليش متصل هالكثر ؟؟ عسى ماشر ؟؟؟
حمدان : ممم لا لا ماشي ... بس كنت ابي اقولج انا بنظهر اليوم
فطوم : منو بيظهر ؟؟
حمدان : أنا و انتي
فطوم : شو ؟؟؟ ليييش ؟؟
حمدان : شوليش ؟؟؟نحن معرسين عادي نظهر ...
فطوم : انزين ...بس شو السبب ..
حمدان : انا اريد اظهر معاج .. حراااااااااام
فطوم : لااااا مش حراااام ... مممم بس ماعرف
حمدان : شو ما تعرفين ؟؟؟
فطوم : احس عمري مش مستعده
حمدان : جب جب .. الساعه 5 بكون عند باب بيتكم ..
فطوم : شووو ؟؟ هب ع كيفك ؟؟؟!!!
حمدا: الا ع كيفي و نص
فطوم : لااا و الله .... بنشوف انزين منو بيظهر معاك
حمدان حب يغايظها : و الله العظيم الساعه 5 بكون هناك و بترياج .. يلا مع السلامه ...

فطوم : لا اصبر اصبر ...
حمدان : بيسكرفويهج فطوم. مافيه جرج ...
فطوم : لا تعال حمدان ..
حمدان : و الله فخاطري ايييج الحيييين .. بس شسوي ؟؟؟ فالدوام ..

قفطت فطوم و استحت .. خيبه قويه هاي ...
فطوم : انزييين حمدان انا ماقدر اظهر
حمدان : لا حبيبي تقدرين ... و الله ابا اظهر وياااج .أ با اكوون ويااج .. فطامي دخيلج لاتحرميني منج ..
فطوم : حمدان لا تقول جي ...
حمدان : حياتي بيسكر ع ويهج .. احبج اايد فطامي .... احببب ......
" وقطع الخط "

فطوم كانت ساكته و ما تنطقت باي كلمه و قلبها يدق ويق ويدق ...
ما تعرف شو صاير فيها ياويل حالي من هالانسان ... شو اسوي له و كيف اتصرف معاه ...كلماته حلوة ...و احسبها من الخاطر ... انا لازم ما اثق فيه بهالسسهوله ... ممم بس حرام بطلع وياه دامه جي ياائس ... بس بأدبه شوي ...

و بالفعل من الساعه 4 و الحبيبه تتكشخ و تتعدل و تكشخت من الخاطر حق حمدانوه ... " طبعا الحبيب مرتب اموره و مستاذن من أمها و أبوها و أخوها بعد من قبل ... " يالله مسوي حفله يا حمدان ع مجرد طلعه " و الساعه 5 و عشردقايق كان ع الباب ..و اتصل فيهاو قالها انزلي .... الساعه 5 و ربع نزلت الحبيبه و خذت لها وقت لين ما تظهر من الحوي .. طبعا كانت متغشية ... وقفت جدام السياره ... طبعا محتارة وين تيلس ؟؟؟ .. ظهر حمدان من السيارة وراح صوبها ...
حمدان : السلام عليييج
فطوم : عليك السلام و الرحمه..
و فتح لها الباب الجدامي و دخلت فطوم ...
و بعدين ركب حمدان ...
حمدان : الحمدلله ...محد معانا يزعجنا ....

عقت فطوم الغشوة .... و رفعت شوي الشيلة عن شعرها .. وفج حمان حلجه يطالع هالحلا كله ..ياويل حالي كم بعيش أنا ؟؟؟ .كانت لابسه لبس احمر و عليه مكياج احمر عجب و حمدان بعد كان متكشخ ولابس كندورة سودا و متسفر بسفرة حمرا و كان شكله خطير .. وهي قالت فخاطرها .. ياويلي محلاه ....

فطوم : منو قالك محد معانا ؟؟؟ .. ويين اليهال اتاخروا ...

" وشوي و ينفتح الباب و يدخلون مجتوم و مايد وشوق و أسرار "
حمدان انصدم من خاطره و فج حلجه : شوووووو ؟؟؟؟ لا و الله

ابتسمت له فطوم ابتسامة تذبح .....
فطوم : لو تباني ؟؟؟ هم لازم ايوون ويانا .....
ردلها ابتسامه احلا منها ذبحتها ..
حمدان : فديتهم أنا .. حياهم الله ...امووموووواح امووت انا فيهم .... امووت امووت امووت انا فيهم .. احب الاحمر انا ...

" قفطت فطوم ...... و حرك حمدان السياره ... اول شي حوطهم شوي فالشارجه و عقب وداهم دبي .. راحوا الامرتس مووول و اليهال طفروهم من الخاطر .. من اول ماحدروا يبون يلعبون و بالفعل ودوهم فوق و يلسوا يلعبونهم ويلعبونهم لين الساعه 7 و نص ..
حمدان : حبيبتي انا بروح اصلي الحيييييين
مجتوم : عييييييييييب .عيييب .. لا تقولها حبيبتي خالي حمدان
حمدان :هههه لا فديتك عادي
فطوم : عيييييييييب ...
حمدان راح و مسكها من ايدها جدام الناس و حط ايده ع خصرها طعا هي مستحيل تظاربه جدام الناس ..
حمدان : انتي حبيبتي و عمري و حياتي و دنيتي و كل شي .. انتي كل شي فيني ..
فطوم : قوم عني و لا بجتلك ؟؟؟
حمدان : ههههه يالله ..ابي اشوف .. كيف بتجتليني؟؟؟
فطوم : بسم الله عليييك حمدان صدق يلا عن تتاخر عن صلاتك ...
حمدان : ان شااااااااااء الله فديتج . اموواح >> فلاي كس

وراااح يصلي .. و هي و هي قالت فخاطرها وااي منه ما يستحي يا ويهه ... ,,,,...... ...


المهم راح يصلي و رجع عقب ربع ساعه ..
فطوم : كل هاي صلاة ؟؟؟
حمدان : هههه ... شو تأخرت عليج حبي ؟؟؟ خفتي علي ؟؟؟؟ احم احم ....
فطوم : جب لااااه ..
حمدان : سرت اغازل شوي ..
فطوم : شو ؟؟؟
حمدان : ههه اسوولف اسووولف ... يا ويل حالي انا بس .. تغاريين
فطوم : جب ردنا البيت ..
حمدان : جب جب انتي ... ياليهال يوعانييين ؟؟؟
مايد : وا اااااااااااااايد ...
مجتوم : انا وايد يوعااان ...
حمدان : تعال تعال .. فطوم تحملي انتي من البنات و انا بتحملمن هالشباب الكششخخخه ..

فطوم : شوو؟؟؟؟ شو السالفه ؟؟

سبقها حمدان و سحب وياه مجتوم و مايد .. وكانوا يسولفون و يظحكون ووراهم فطوم وشوق و أسرار ...
فطوم انقهرت منه ... هذا مسود الويه مول هب معبرني (( تستاهليين .. عيل من الصبح هو يمشي حذالها و هي تسبقه و تروح عنه و لا يوم يكلمها تنطشه و ما ترد عليه .. فهو قال بيأدبها شوي عسبت تتأدب .... الهرمة ))

فطوم : حمدااااااااااان ... حمدااان ..
حمدان صد صوبها و ابتسم : عيوووونه
قفطت فطوم ... : اففف ...
حمدان : ههه شو السالفه ؟؟؟
فطوم : و لاشي ..
حمدان : هههه اوكيك .. بنروح مكدونالدز .. ااوكككيييك بنات
شوق و أسرار : أوكييييييك ..
حمدان : فديييييتكن أنااااااا ..

فطوم فخاطرها .... لا و الله .. انزين انزين يا حمدان حسابك وياي عسير بعدييين ... (( هي داير راسها تعترف فقراره نفسها انها تباه و تنقهر منه يوم يطنشها و ما يعبرها ))

و راحوا ييلسوون ... وهم يمشون فطوم لاحظت انه في بنات يسون حركات حق حمدان و ماتت من القهر ... و هو السبال اكييد مستانس ... سبال سبال سبال .. بجتله هالهرم ...
فطوم : حمداااان ... حمداااان
حمدان صد صوبها ..: آآمري ..
فطوم : ممم ما يآمر عليك ظالم .. بس تعال شوي ورا ..

رد لها ورا ... و قرب منها ...
حمدان : شو السالفه ؟؟
فطوم قفطت : في واحد مطفرني ...
حمدان : شووو ؟؟؟ " و عصب " وييينه ؟؟
صدت فطوم ورا و أشرت براسها ع واحد .. وصد حمدان صوبه و بالفعل كان واحد يلاحقها ...

حمدان : هالسبال . .أنا براويه ...
وكان رايح صوبه ... بس مسكته فطوم من ايده ..
فطوم : انته يالمينون شو تبا تسوي ؟؟؟
حمدان : لا و الله .. عيل يطالع حرمتي ...
فطوم : انزين خلاص خلنا نروح ..
حمدان : انتي حرمتي انا و بس ... انا انا انا وبس .. و محد غيري
" قفطت فطوم من الخاطر ..... و نزلت راسها تحت "
فطوم : انزين انته امشي حذالي ..
حمدان ابتسم لها : اتحسبج ما تبيني امشي حذالج ؟؟
فطوم : لا عااادي ...
مسكها من ايدها و سحبها صوبه و مشى حذالها ....
وحذاله من الصوب الثاني مجتوم و مايد ووراهم شوق و أسرار ..

وصلوا لين ماكدونالدز و طلب حمدان لليهال أكل ... و عاد كل وااحد منهن يتشرط .... و فطوم كانت بس واقفه و تطالعه و هو متلعوز و يا اليهال و كل واحد منهم يقول يبا لعبه غير و غيرولي لعبتي و مادري كيف .. و هو صدق تلعوز ....

المهم تم 10 دقايق لين ما طلب لهم و عقب راح لفطوم و معاه شوق و أسرار ...
حمدان : حياتي امسكي هالبنتيين تراهن خبلن فيني ..
فطوم : ههه انزين نحن بنروح نيلس اوكيك ..
حمدان : خلاص فديتج و نحن بنيب الاكل و بنلحقج ... بس تعالي انتي ما تبين تطلبين شي؟؟
فطوم : ممم لا ما اريد
حمدان : جب هب على كيفج .. اصبري انتي خلينا نخلص من هاليهال عقب بنطلب انا و انتي ..
شوق : هي هي .. انتوا الاثنين بعد ..صدق حركات ..
فطوم : شووو ؟؟
شوق : ههه ولا شي ...

المهم راحوا ييلسون ... و بعد شوي يو حمدان و مايد و مجتوم و كانت فطوم تكلم عزة و تطمنها ع العيال و جي ....

حمدان : منو تكلمين ...؟؟؟
"فطوم عقب ما سكرت " /: عزة .. تطمن ع اليهال
حمدان : أهاااا ...

و حطولهم أكلهم ...
حمدان : حبايبي انتوا كلوا .. و انتي فديتج ..يلا قومي ..
فطوم : ممم ... لا لا صدق مااريد
حمدان : جب هب ع كيفج .. .يلا قومي ..

قامت فطوم وهي تحس باحساس غريب ... ماتعرف شو هالعاطفه القويه صوب حمدان .... يالله منه الانسااان .. بس ماقدر استحمل اكثر .. ليش أحس اني ميته فيه ... ليش ارييييييده ؟؟؟ لييييييييييش ؟؟ حست انها تبا تصيح ... و واايد حنون .. يا ربي كيف كان مهتم باليهال و يلعبهم ... و بعد يغار علي وااايد ... آآآه يا قلبي الله يعيينك

حمدان : يالحلوة .. وييين سرحتي ؟؟؟
فطوم " ابتسمت " : و لا مكان ...

حمدان مسك ايدها .. وهي خافت و حاولت تسحب ايدها لكن ما قدرت ... رفعت راسها صوبه و كان الخوف فعيونها

ابتسم لها حمدان و طمنها ...
حمدان : و الله العظيييم اني احبج .. و الله احبج .. و ماقدر اعيش بدونج

فطوم انصدمت .... و خافت اكثر .. و قلبها كان يدق ..
حمدان : فطامي ..
فطوم : بس حمدان ... يلا نطلب .. وراحت صوب سيزنز ... و طلبوا لهم ساندويشز ..... و خذوا اكلهم و راحوا ييلسون ... وهي ماكلت وايد ... و هو بعد ما كلا ...

حمدان : ليش ما تآكلييين ؟؟
فطوم : مالي نفس ...
حمدان سكت و نزل راسه .. عقب رفع راسه و راح وفتح الكوك مالها .... لكن السباله فطوم ..

فطوم : مااريد .. ماحب الكولا ...
حمدان : عيل ليش ما قلتي من قبل ؟؟ جان خذنا لج عصير و لا شي؟؟
فطوم : بس مابا شي اففف .. بس ابي ارجع البيت ..

حمدان استغرب منها ... ليش صارت جي .؟؟؟ كيف تحولت 180 درجه ...انا شسويت لها الحييين ؟؟؟

اليهال بعد تموا ساكتييين و حمدان نزل راسه تحت و تم يلعب بايده . وهي كانت تطالع الصحن بس .. و ما تعرف شو صار فيها ؟؟؟؟ تبا تبعد نفسها عن حمدان ماتباه يتعلق فيها أكثر .. وهي أصلا ما تبا تعلق عمرها فيه ... يا ربي ليش انا جي متلعوزة ...


عقب دقايق .. كسر مجتوم جو السكون ....
مجتوم : ايد اسكرييم خالي حمدان
ابتسم له حمدان : ان شااء الله فديتك ..
أسرار : أنا حتى خالي ..
شوق : وأنا حتى خالي
حمدان : ان شاااااء الله فدييييتكم ..ان شاااء الله

و تم حمدان يسولف ويا اليهال و سكت عن فطوم و لا طالعها ... و هو فخاطره زعلان و متظاييج من الخاطر.. ليش تعامله جي؟؟؟؟ و الله قلبه يعوره يوم هي تصده ؟؟؟ هو يحبها و مهتم فيها ... و قلبه يعوره يوم هي تبعده و تصده ... آآآآآه كل هذا ع اللي صار .. خلاص و الله ـادبتني بس عاد انا زوجها الحين ..

فطوم رفعت راسها و شافته يسولف ويا اليهال و يظحك .. لكن فعيونه لمحة حزن .. وتعرف بعد انه هي سب هالحزن ... افففف انا ليش جي ؟؟؟ لييييييش ؟؟؟

المهم قاموا عقب 10 دقايق و كانت تقريبا الساعه 8 و ربع و راحوا خذوا لهم آيس كريم و عقب ..
حمدان : خلاص نروح البيت الحيين و لا تبون اتمون ؟؟؟
مايد : ممم ع كيفكم ...
مجتوم : خالي ابي اروووح السينما



فطوم : جب انته .. نبي نروح ..

حمدان : خلاص حبيبي انا عقب بوديك السينما
شوق و اسرار : ونحن بعد نبي نروح
مايد : حمدان انا حتى بروح وياكم ..
شوق : قووله خالي حمدان ياويهك
مايد : جب انتي يا ويهج ,, نحن رياييل .. و مافي عندنا خالي و عمي
فطوم : اففف بسكم طفرتونا .. حشرة من الصبح ..
حمدان : و الله انتي اللي حاشرتنا من الصبح , تتحرطمين وتتحرطمين وتتحرطميييين ... بسج فطيييم ..
" فطوم انصدمت ... هاجمها هجووم عنيف بصصراحه ... قفطها جدام اليهال ... هههه بس تستاهل هي ... "
المهم سكتت فطوم و لا ترمست ... و بالفعل قاموا كلهم وراحوا السيارة ..


فالسيارة الجو كان متكهرب جدام ... بس ورا الحبايب الدنيا عندهم حلوة .. يالسين يسولفون و يلعبون و مرتبشين ع الآخر و المزاج عندهم أون ^_^

... حمدان كان ساكت . يبي يرمسها يا ويهها ,, بس يعرف انها بتقفطه ... مممم شو الحل الحيييين ؟؟؟ مممم ....

راح و شغل الاف ام ... و تموا سمعون برنامج الاهداءات ...
لين ما ظهر ت أغنيه حلم رومنسي للوسمي و حمد العامري

فطوم و حمدان " فنفس الوقت " : أحبها هالاغنيه " و عقب شهقوا و ابتسموا " و اللي ورااا في فلك يسبحووون ...

حمدان لما شافها ابتسمت تشجع شوي ...
حمدان : اسمحيلي الغاليه ع اللي صار هناك ..
فطوم :مممم .. انته اسمحلي حمدان .. أنا آسفه .
حمدان : لا لا .. لا تعتذررين مني ... انا ملكج انتي لو تسوين فيني أي شي عادي .. " و ابتسم "

قفطت فطوم و استحت من هالرمسه ... و تموا يسولفون سوالف عاديه و حلوة لحد ماوصلوا ...

اول ماوصلوا نزلو اليهال كلهم .. و فطوم قالت :
فطوم : مشكوور حمدان ع هالطلعه .. و اسمحلنا تعبناك معانا ...
" و كانت بتنزل ... لكنه مسك ايدها و قالها اصبري "
حمدان : افا علييييج .. انا حاظر لج مع اني كنت اتمنى لو كنا رواحنا .. لكن اليهال فديتهم ملو الجو علينا ..

" ابتسمت فطوم و هي قافطة " ...
فطوم : انزين اسمحلي انا بروح الحين ..
حمدان : اصبري ابي اقولج شي

فطوم : هلا
حمدان .. ما عرف شو يقولها .. فتم ساكت ..
فطوم : هلا آمر .
حمدان : لا لا خلاص ما عليه .. يلا تصبحين ع الف خير ..
فطوم : و انته من اهل الخير .. سوق شوي شوي و ربي يحفظك..


روح حمدان .. و هو فالدرب هب قادر يطلعها من باله .. يالله كيف سحرتني هالانسانه .. ادفع نص عمري بس اعيشها هي بسعاده .. و الله احبها و اباها ..يا ريتها تفهمني بس ...


و من الصوب الثاني فطوم تصيح ... هي تصيح لانها تحبه و تباه لكنها تخاف تتعلق فيه عقب يتركها .. ما بتقدر تستحمل انها تعيش بدونه .. كل ما يقولها احبج او يقولها كلمة حلوة تتمنى انها ترد له بالمثل لكن لا تخاف ...
بكرا بكمل الباقي.........

البارت ال40 و الأخيــــــــــــــر ^^




(( حمدان )) ..
يا ربي شو هالاحساس الغريب اللي أحس بهـ .. شو هالعاطفهـ الفظيعهـ اللي يتني صوبها ؟؟ ...
ليش أحس اني ما أقدر أعيش بدونها ... لا لا .. هي تتركني .. مستحيل .. لاااا .. ما بقدر أعيش بدونها ... ما أقدر .. أحبها .. أكيد أنا أحبها .. لا مش بس أحبها .. إلا أموووت فيها ... يا ربي خلها تكون من نصيبي .. يا ربي خلها تحبني مثل ما أنا أحبها ...

أحبها و ربي أحبها .. ( و نزلت دمعهـ من عيونهـ ) ..

و ابتسم وراح فعالم الاحلام .. العالم الخيالي اللي هو بنفسهـ رسمهـ لنفسهـ .. و طبعا فهذا العالم محد غير حمدان و فطوم ^^ ..







و مرت الايام و الايام . و حمدان وايد تحسنت علاقته بفطوم صحيح ما قالتله احبك .. لكن وااايد تحسنت علاقته فيها ..و يا هاك اليوم اللي حمدان كان يترياه ...

فطوم : لاااااااااااااااااااااااااااااااااااااااااااا ... لااااااااااااااااااااااااااااااا
حمداااااااااااااااااااااااااااااااااااااااااااان (( و اغمى عليها ))
هزاع : فطوم فطوم .. استهدي باللله .. رحمه الله واسعه ما عليج انتي ..
ام هزاع : ان شااااء الله بيكون بخير حبيبتي ... (( و يلست تصيح ))

فطوم كانت يالسه ويا امها لما ياها اخوها هزاع و خبرها انه حبها حمدان سوا حادث و انه فالمستشفى الحين ..

لما وعت فطوم .. اول شي اصرت عليه هو انها تروح و تزور ريلها .. قالها هزاع انها لا تروح و هو بيروح الحين و بيطمنها لكنها اصرت انها تروح .. المهم راحت المستفى و ع طول الدرب وهي تصيح .. (( خلاص هي تعلقت فيه ع الآخر .... تحبه .. تموت عليه .. تهواه و تعشقه ))

لما راحوا المستشفى قالوا لهم شخص واحد يدخل له بس فكانت عنده امه قبل و لما ظهرت دخلو فطوم ..

حدرت فطيم الغرفه و اول ما شافت حمدان تمت تصيييح و تصيييح و هي واقفه فمكانها .. عقب قربت منه و مسكت ايده و ابتسمت و تمت تصيح .. و تذكرت كل اللحظات الحلوة بينهم و تمت تصيح و تصيح .. عقب نزلت راسها لحد ايده و باستها .. و ردت رفعت راسها لحد اذنه و همست له بأحلا كلمه .. بالكلمه اللي كان يتمناها من متى ... قالت له حمدان .. ( أحــــــــــــــــــــــبـــك )

فطوم : أحبكـ .. أحبكـ .. و اللهـ اني احبكـ ..

لكن من الصوب الثاني حمدان مسكر عيونهـ ..و غرقان فعالم ثاني .. كانت تتمنى انها تسمعهـ يرد عليها بالكلمهـ نفسها .. لكن جوابهـ كان الصمت . ..

تمت تصيح بدون صوت .. بس كانت ما سكهـ ايدهـ وواقفهـ حذال السرير .. تذكرت كل الاوقات اللي حمدان كان يطلب منها انها تقولهـ هالكلمهـ لكن هي ترفظ و تقول لا لا مابي اقول. .. و يوم اتم اتقولهـ انه كل شي فوقتهـ حلو .. تذكرت هاك اليوم اللي قالها فيهـ انهـ الواحد ما يظمن عمرهـ و انهـ يبي يسمع منها هالكلمه قبل لا يصير فيه أي شي ..و تذكرت كيف زعلت منه فهاليوم و تمت مقاطعتنه و لا طاعت تكلمهـ لانه قال جي ..

حست بصداع ظيع .. بس ما قدر راسي يعورني واايد .. راسها يعورها من كثر ما صاحت اليوم ..

شوي و حست بحد يمسكها من ايدها .. التفتت و شافت هزاع ..

هزاع : ما عليج غناتي .. بيكون بخير ..
فطيم : ............................................
هزاع : فطامي لا تصيحين بس ..
فطوم كانت ساكتهـ بس من قالها جي انفجرت بالصياح و طاحت على كتف اخوها ..
فطوم : ابا اموت .. ابا اموت .. اموت انا و لا هوو .. لااااااااااااا .. ليش بيسير و بيتركني .. ليش ؟؟؟ حرام و اللهـ حرام ..
" و يلست ع الارض ع ركبها "

هزاع واييد غمظته اخته و نزلت من عينهـ الدموع عشانها .. معقولهـ لهدالرجهـ تحبينهـ .. بس ما كان يبين و اللهـ .. يا ربيه يا فطوم .. و الله انج ما تستاهلين اللي اييج ..

هزاع : قلبي انتي .. اوعدج انهـ بيكون بخير ما عليج ..
فطوم " تصيح و تصيح " : .......................................
هزاع : بس لا تصيحين بس عورتيلي قلبي ..
فطوم : احلف باللهـ انه بيكون بخير ... قول و الله ..

هزاع حس انها شرات اليهال .. يا ربيه تباه يحلف باسم الله انه بيكون بخير ..
هزاع : و اللهـ و اللهـ العظيم و ربي بيكون بخير ..

و بعدها روحوا قوم فطوم هي و هزاع و ام هزاع و نجلا و هندو لكن امه بس تمت عندهـ لنها ما تقدر تفارقهـ .


اول ما وصلوا البيت فطوم راحت سيده ع غرفتها و تمت تصيح لين ما رقدت .. اما حمدان فكان فالمستشفى كان متعرض لغيبوبهـ لنه الظربه يته فراسهـ ..

مر هاليوم و يا صباح اليوم الثاني ..

نشت فاطمهـ من الرقاد و اول كلمه قالتها كانت (( حمدان )) ..


تلبست و خلصت و لبست عباتها و راحت تحت ..
هزاع : هلا هلا بالغلا ..
فطوم : ابا اسير المستشفى .. عادي توديني ؟
هزاع : الحين .
فطوم : هيه .. بتوديني و لا ؟
هزاع : ان شاء الله بس تريقي بالاول و عقب بنسير .
فطوم : مابا .. ابا اسير حرام عليك .
هزاع : ما بتظهرين من البيت الا اذا تريقتي بالاول.
فطوم : حرام و اللهـ حرام .
هزاع : عشان خاطر حمدان تريقي ..
فطوم يوم سمعت اسم حمدان صاحت ..
هزاع قام لها : .. لا لا فديتج و اللهـ هب قصدي .. بس انتي تريقي الحين بسرعه عسب نسير يلا ..

و كلت لها شويهـ اسياء و عقب قاموا و راحو المستشفى .

اول ماوصلت هناكـ .. راحت سيده عنده ع الغرفهـ .. كان نايم ..و امهـ كانت مش موجودهـ ..


حدرت فطوم الحجره و تنهدت بالقو .. و دمعت عينها يوم شافت شكلهـ .. يا ربيهـ هذا حمدان اللي دومهـ مستانس و يظحكـ .. الحين يصير فيهـ جي .. يا ربيهـ فديتهـ .. ياليتني لو انا بدالكـ يالغالي .. ياليت بس ..

راحت و يلست حذالهـ و تمت تطالعهـ .. و اخوها بس تسمر عند الباب و هو مبتسم ..


من الصوب الثاني ..

فالسيارهـ ..
شيخه : انتي يالمينونهـ من صدقج ..
منى : هيهـ طبعا من صدقي .. بخذه عنها يعني بخذه عنها ..
شيخه: منوه .. بس هو معرس .. عيب عليج
منى : اسكتي لاه .. يمكن يكون عنده فقدان فالذاكره .. بقص عليه و بقوله اني حبيبته ..
شيخه : انا شو اللي خلاني ايي وياج ..؟؟؟
منى : اونهـ يعني من كم من سنه ما شفتيني و يوم رديت لبلاد جي تجازيني .. هذا و انا بنت عمج اللي اوني معتمده عليج انيت تساعديني .. ما عليه يا شواخ ..
شيخه : لا لا افهميني .. بس هو معرس و عندهـ حرمته .. يعني ما بيفكر فيج ..
منى : بس انا و اللهـ داخل خاطري .. حرام عليج شيخوه ..
شيخه : يا ربيهـ ..شو هالحالهـ هاي ؟؟
منى : ماعليج نحن الحين رايحين له و اكيد حرمته ما بتكون موجوده من الصبح .. انا بوعيهـ و بتفاهم وياه ..
شيخه : الله يستر بس ..


وصلن منى و شيخه المستشفى و دايركت راحن للرسبشن و سالوا عن حمدان و دلوهم فاي غرفهـ هو ..

منى : ها بشري .. كيف شكلي . مرتبه ؟؟
شيخه : هي هي ..
منى : يا ربيه منج انتي بعد ..
شيخه : اوه .. منو هذا اللي واقف عند الباب ..
منى : هممم .. مادري ياختي .. ليكون حمدان ..
شيخه : يا سلام ..
منى : لا لا .. اصبري خلينا نقرب ...

و لما قربن ..
منى : اوويييه .. هذا هزاع ..
شيخه : هزاع منو ؟؟
منى : هزاع اخو فاطمه ..
شيخه : فاطمه مرت حمدان ؟؟
منى بظيج : افففف هيه ..
شيخه : اشوفه غاوي ..
منى : شليه من بالج هذا مالج و بيعرس قريب ..
شيخه : يا سلام حتى حمدان انزين ..
منى : بس لا .. اسكتي انتي .. اف شو هالحاله .. هذا شو يايبنه بعد؟؟؟؟؟ انا ناقصهـ ..
شيخه : لحووول .. انزين ما علينا .. خلينا نروح و نرجع فوقت ثاني ..
منى : لا لا .. بنتريا لين ما يروح و عقب بنحدر ..
شيخه : انزين انا ما تريقت زين.. طوفي نروح الاستراحهـ اللي هناك ... و عقب بنرد ..
منى : يلا مشينا ..



و نرجع لغرفهـ حمدان ..

هزاع : ايهـ فطوميهـ .. انا بروح اوعي هندو من الرقاد .
فطوم : انزين روح وعها منو ماسكنك ؟؟
هزاع : ههه لا اقصد بكلمها بالفون بوعيها ..
فطوم : انزين شسوي انا ؟؟
هزاع : افف و لا شي ..برد لج بعد شوي (( و ظهر من الحجره ))


اول ما ظهر .. صاحت فطوم .. حمدان هو اول شخص قالها
(( فطوميهـ )) كلهم قبل يقولون لها فطوم و فطامي و جي .. لكن هو اول واحد كان يقولها فطوميه .. و هو اللي طلع لها هالاسم ..
و هي تصيح نزلت دمعه من عيونها ع ايد حبيبها ... و دمعتها هاي كانت حاره بحيث انها يمكن تكون فتحت عيون الغالي ..


فطوم كانت سرحانه و تصيح و مش منتبههـ ع حمدان .. يعني ما كانت صاده صوبه .. كانت صاده تحت ..

حمدان " بصوت خفيف و التعب يبين فصوته " : ليش تصيحين ؟
شهقت فطوم : حمدااااااان .. "" و تمت تصيح و تصيح بصوت عالي "

حمدان : د .. دخيلج .. دخي ..دخيلج عشان خاطري لا تصيحين ..

لكن فطوم ما سمعت كلامهـ .. طاحت عليه و تمت تصيح وتصيح ..

هو مستغرب ما يعرف شو السالفهـ .. ما يعرف وين هو و و يسوي هناك ؟؟؟

حمدان : فطوميهـ .. شبلاج ؟؟ وين نحن ..
فطوم عقب ما رفعت راسها : انته يالمينون ..يالحمار ..يالكلب .. ليش تسوي فيني جي .. لييش ؟؟ ليش ؟؟؟ (( كانت تتكلم و هي تصيح ))

حمدان " ببراءه " : شو سويت ؟؟

فطوم " و هي تمسح دموعها " : ليش تخوفني عليك جي ؟؟ انا بموت .. حرام عليك حمدان و الله حرام ..

حمدان : بس بس لا تصيحين و تعالي ..

راحت و حظنتهـ ..و تمت حاظنتنه لفتره .. و عقب قامت فجاه ..

فطوم : شخبارك ؟؟ خبرني .. شو يعورك ؟؟ راسك ؟؟؟ صدرك ؟؟ ريولك و لا ايدك خبرني .. و لا اقولك .. اصبر اصبر بنادي لك الدكتور ..

و هي قايمه .. مسكها من ايدها ..
حمدان : لا تسيرين عني .. حرام .. انتي طبيبي و انتي دكتورني و انتي كل شي .. لا تخليني ..

نزلت الدمعه من عينها و هي تقرب صوبه تبي تحظنه و قالت له : انته اللي لا تخليني مره ثانيه .. حرام عليك ..

رفعت راسها و طالعته .. و كانت عيونه فعيونها ..

تنهدت فطوم و قالت : أ.. أأأ ..

حمدان " بتعب " : شو ؟؟
فطوم : أح ... أحبــــكـــ حمدان .. أحبك حبيبي .. لا تخليني مره ثانيه ترا و اللهـ بموت .. انا ماقدر اعيش بدونكـ و ما اتخيل حياتي هذي بدونك .. انا احبكـ .. احبك يا ولد الناس ..احبكــ .. . " و تمت تصيح "


حمدان ما كان فحالهـ .. قلبه يعوره من اللي يسمعه .. قلبه يرقص رقيص .. مستانس من خاطره و فنفس الوقت خايف .. يحس بشعور غريب .. يا ربيه فطوم .. فطوم اللي انا احبها و من متى اتذلل لها عسب تقولي هالكلمه الحين قالت لي احبك .. و لا هب بس احبك ما اقدر اعيش بدونك .. كم بعيش انا ؟؟ و الله لو ادري انه جي السالفه بتكون جان سويت هالحادث من زمان ... يا ربيه فديتها ..

حمدان " و هو يبتسم " : تعالي قلبي احبج وااايد .. و الله ما تتصورين شكثر كنت اتريا هالكلمهـ منج .. ما تتصورين شكثر فرحتيني .. احبج و الله احبج " و دمعت عيونهـ " ..

رفعت راسها و مسحت الدموع اللي طاحن من عيونهـ ..
حمدان : اوعديني .. اوعديني انج ابد ما بتتركيني و لا بتتخلين عني .. مهما صار و مهما استوى ..

فطوم " ابتسمت " : اوعدك اني ابد ما بتخلى عنكـ و لا بترككـ .. و اني بتم احبك دوووم و للابد .. لآخر يوم فحياتي ..

حمدان : و انا اوعدج اني ابد ما بتركج و لا بتخلى عنج .. و انج بتمين حبيبتي و قلبي و عمري و كل شي فحياتي ..و اوعدج اني بحاول اعيشج احسن عيشهـ و بخليج مستانسه و سعيده ..

فطوم : شوفتك معاي هي اللي تخليني سعيده و مستانسه ..

حمدان : ههه عيل ابد ما بتركج .. فديتج يا ربيهـ .. تعرفين انا مااحتاي دكتور و لا احتاي دوا .. انا بس محتاينج انتي .. انتي تغنيني عن الادويه و الدكاتره و كل شي .. انتي عندي بالعالم كله ..

فطوم : فديتك يا ربيه.. الله يقدرني اني اسعدك و اعطيك عمري كله فدوه لكـ ..

حمدان : احبج يالغاليهـ .. احبج واااااايد ...
فطوم : اموووت انا فيكـ فديتكـ ..
حمدان : اموت انا و احيا بج يا قلبي ..



و بعد اسبوع ظهر حمدان من المستشفى .. صح واجهـ بعض المشاكل فالمشي و جي لكنهـ تعالج علاج طبيعي و الحمدلله صار بخير .. فطوم و حمدان واجهو بعض المشاكل من منى .. لكن لانه حبهم كان صادق قدروا انهم يتخطون كل العقبات اللي كانت معترظتنهم ..

عقب كم من شهر عرسو هند و هزاع .. و هايل الاثنين عاشو حياه حلوه .. كلها مغامرات و حب و ربشه ..

و عقبهم بعد ب6 شهر .. عرسو حبايبنا فطوم و حمدان . و عاشو حياه ..ماشي شراتها .. حياه العشاق .. حياه الاحباب .. حياه كلها حب فحب .. كلها غرام فغرام .. عاشوا حياه العاشقين الصادقين .. يحبها و يموت فيها .. و هي تحبه و تموت فيهـ ..

ذياب و سلامهـ .. اتزوجو و ارتاحو من الهم وصدعه الراس و عايشين حياه حلوه ..

حريز و رند .. صحيح انهم يظاربون وايد .. لكن يتصالحون فدقيقه لنهم يموتون فبعض .. حياتهم كلنا اكشن و سسبنس و فيها كم كبير من الحب و الحنان ..

عزه ربت ويا بنت ولد سمتهـ فهد .. مكتوم كان يغار منه وايد فالبدايه .. لكنه عقب حب اخوه الصغير .. وصار يدلعه و يلعب معاه ..
راشد و عزه عايشين فدنيا ثانيه و لا عليهم من حد .. وكل اللي يشوفهم يتحراهم توهم معاريس (( الله يديم عليهم )) ..


منصور عرس بعد سنه تقريبا و الحمدلله مستقر بحياته .. قدر انه ينسى فطوم و اعطي حرمته كل اهتمامهـ ..

و الحال نفسه بالنسبه لسالم .. اللي عاش قصه حب عجيبه و خذ البنت اللي دخلت خاطره ..

حصه بنت عم ذياب .. صحيح انها بعدها متعلقه فذياب لكن خطبها واحد يقرب لها من بعيد و اهلها قالوا انهـ زين فوافجوا عليه .. و قالت انها مسلمه بقدرها و ممتوكله على الله .. و ساره خذت اخوه .. و عايبنها على قولتها يشبه هزاع .. و اما عواش يحليلها مركزه ع دراستها .. ودراستها هي اهم شي عندها الحين ..


اسما عرست .. خذها واحد راهي .. لكن ما كانت وايد سعيده بحياتها .. و الحال نفسه مع منال عرست عقب 3 سنين تقريبا و كانت عايشه حياتها عادي .. صحيح انها قدرت تتخطى حبها لهزاع .. لكن بعد فيه شي مازال يجذبها صوبهـ ..

وتعالو لحمد هذا هب ناوي يعرس .. و عايش حياتهـ عزابي .. امه تحاول فيهـ لكنه هي طايع .. لكن اكيد بيعرس فالنهايه .^_^

و ريم و سلطان عايشين حياه حلوه كلها حب و حنان و عطف ..

و منى عقب ما ياست من محاولاتها الفاشله انها تخرب بين حمدان و فطوم ..سافرت و ابتعدت و قالت بس مابي اعرس و لا ابي احب و لا ابي أي شي ..

أما وضحهـ .. نست حمدان و طوايف حمدان .. و تعرفت ع واحد ثاني كان معاهم هناكـ .. و هي ما تدري و لا شي عنهـ و لا تعرف حتى انهـ عرس . كانت تتحراه مل و تركها .. بالنسبهـ لحمدان .. صارت وضحهـ مجرد ذكرى يذكرها فيها كل ما سافر بريطانيا و يا حرمته فطوم طبعا ^^



و تعالو للغالي عبدالعزيز .. (( بعد مرور عده سنوات ))
عبدالعزيز : خلوف تحمل ياخي .. آخر مره العب وياكم كره..
خليفه : انته اللي تخرطفت و طحت بروحك ..
عزوز : شخفاء انتوا .. بنشوف منو بيلعب وياكم مره ثانيه ..
خليفه : ادل المستشفى وين و لا تبيني اوديك ؟؟
عزوز : مذله انته .. بس فجني فجني .. ادله جريب من هني ..
خليفه : اصبر خلني اساعدك لين ما توصل السياره ..


وصل السياره و توكل ع المستشفى .. نزل من السياره و راح لهم ..
المهم رتبو له اموره .. و دخلوه فغرفه الانتظار ..

عزوز كانت ريوله تعوره .. وشك انه فيها كسر و لا شي جي .. لانه كان يلعب كره مع ربعه .. و تخرطف و طاح ..

النيرس : تعال تفظل الحجره ..
عزوز : اوكيك ياي ..
حدر الغرفه .. و محد كان فيها ..

عزوز : شو هالدكتور المهمل .. مخلني بروحي و لا مفتكر .. انزين يمكن يصير فيني شي .. تعال .. تطمن ع المريظ عافانا الله ..

بعد شوي حدر الدكتور .. و قاله يروح يسوي اشعه ..

المهم راح عزوز و هو يتحرطم ..
عزوز : انا اكتشفت اني انحس انسان فهالكون ..
.....: هههه .. حياك اخوي تفظل ..

عزوز صد لورا .. وشاف بنت ..
عزوز فخاطره . يا ربيهـ منو هالغاويهـ .؟؟ فديت ظحكتها و الله ..

الممرظه : تفظل اخوي .. طيح هني . " و اشرت ع السرير " .
عزوز ابتسم : حاظرين ..

المهم سوت له الاشعه و خلصت .. و طول الوقت عزوز يفكر و يفكر .. يا ربيهـ هالويه مالوف .. انا شايفنها قبل هالانسانه ..

قبل لا يظهر من الحجره ..

عزوز : لو سمحتي اختي ..
الممرظه : هلا ..
عزوز : انا هب شايفنج قبل ؟؟
ابتسمت الممرظة و ظهرت عنه .. راحت للدكتور ..

عزوز : عافانا الله .. ما عبرونا حتى .. يوم اقول اني منحوس ..

و عقب ظهر و راح للدكتور .. طمناه الدكتور انهـ مافيه شي .. و اني مجرد التوا بسيط .. وقال له انه بيلف ريله لمده يومين تقريبا ..

رجع للغرفه اللي كان فيها و كان متوقع الممرظه هي اللي اتي .. لكن يت وحده ثانيه .. (( مصريه )) لفت له ريله و راحت ..
عزوز : لو سمحتي لو سمحتي ..
الممرظه المصريه : ايوه ..
عزوز : وين الممرظه الثانيه ؟؟
م.م : اصدك مين ؟؟؟
عزوز : هاييج اللي قبل سوت لي الاشعه ..
م.م : آآآه دي مشيت ..
وراحت عنه .. تم عزوز يفكر و يفكر ..

يا ربيه انا هاي شايفنها قبل .. يا ربيهـــ ..يا ربيهــــ

و عقب شهق .. لااااا ... مستحيل ... مستحيل ... لاااااااااااا
ماصدق ...


راح بسرعه للممرظه المصريه ...

عزوز : لوسمحتي لو سمحتي ..
م.م : ايوه .؟؟؟
عزوز : هي اسمها هيا ؟؟؟؟
م.م : .آآه اسمها هيا .. ليه ؟؟
عزوز : و لا شي ؟؟؟ عندج رقمها ؟؟؟
م.م : عاوزها فايه ؟؟؟


المهم حشرها لين ماخذ عنها الرقم و راح لسيارته عقب ..
عزوز : آآآآآآخ يا قلبي .. قلبي يعورني و الله .. ظيعتج من ايدي قبل يا هيوه .. لكن الحين تخسين تشردين عني .. و الله لاييج و اخذج ..




و بالفعل راح و تقدم لها .. و تم الموضوع ع خير ...

و الكل كان سعيد و مرتاح ..

و بجي تكون انتهتـ القصهـ اللي اتمنى انها تكون عيبتكم ..

مع حبي لكم كلكم ..

اختكم ايلاف

thankyou

مررررررآ حبيتهاآ هـ ـآلرورو ,

إن شاء الله بسس أقــرآههآإ ,, مششششششكوؤوؤورهه

ينقل للروايات المككـتملة