شوفوا الزمن كيف قاسي مخلي راسه براسي/جريئه/رومنسيه/خياليه/روايتي الاولى بقلمي...

وآآآآآآآآآآآآآآآآآآآآآآآآآآآآآآآآآآآآآآي

يلآ يلآ يلآ يلآ يلآ يلآ يلآ

مره تحمسسسسسست

ورزان وعععععععععع

ريهام فديتهااااا بس

اقتباس :

أحلى وأروع ثاني روايه قريتهآ

هههههههه عوآش وش الاولى فيا لقافه اعرفهآآ

اقتباس :

ورزان وعععععععععع

حسستيني انك بزر يآ ضحكتي نآدرة خخخخخخخخخخخ

ههههههههههههههههههههههههههه

علييك لقآآفة ياويسسو

ع العموم في انتظـآآآآآآآآآآآآآآآآر البارت الجاااااااااي

مآآآتطوليش يالغلا

واااااااااو فدييييتكم وقسسم شجعتوووني بهـردود والتشجيع

مآآتقصصصصصصصرو وفي بارت اليوم ^^

تذكير بالبارت السابق..:
... العايلة عرفت انه فيصل اتزوج رازان بس مو عارفين انها سحرته ...
...عبد العزيز رجّع ترف ...
...ياسر وعايلته راحو الطايف يومين ورجعو..وصآر موقف لريناد مع رجاآل...
...مختار وزوجته رجعو جده...
...ابو فيصل ودّا فيصل عند شيخ...
... رازان اعترفت فين مكان السحر وإنفك...
...بعد شهر من الاحدآآث ...
...فيصل صار تمام مع ريهام...
...عبد الرحمن زواجه بعـد اسبوع ورايح عند مها بكره..!...
...........
البـآآرت الـ رآبع والثلاثين / 34:
اليــوم إللي بعـده
بيت ابو ريهام - ع الغداء
ام ريهام:اليوم ريهام حتيجي عندنا..والله صارت تحزني مع فيصل
ابو ريهام أتذكر:تصدقي لسه ماكلمت فيصل..كل مره أأجل وأنسسى..إن شاء الله اليـوم بديه كم كلمه
ام ريهام:من جد ماصارت..مره ماتوقعتها تيجي منه..وكمان لسه مامر شهر وأتزوج..
ابو ريهام:ربنا يهديه..
____________
بيت ام ياسر - غرفة ريناد
ريناد:خارجين اليوم.؟
الاء:مااظن..ليه
ريناد:بخلي ريوم تيجي عندي وحشتني
الاء:ؤوكي ازهميها انا كمان وحشتني دي المصرقعه
ريناد:هههههه طيب..(دقت على البيت لأنو ريما ماعندها جوال..وردت عليها رازان)
ريناد:هلا
رازان ماعرفت صوتها:اهلين..
ريناد"وععع رزانو":كيفك؟
رازان:تماام..مين تبغي..؟
ريناد:ريوم
رازان:طيب دقيقه..(بعد ثواني جات ريما..)
ريما:مين؟
رازان:ماعرف..وحده تبغاكِ
ريما:اهاا..(واأخدت السماعه وردت)
ريما:هلا
ريناد:هلا واللله
ريما"دحين ماتعرف صوت اختها.!!":اأخبآآآرك..؟
ريناد:تماام وانتي..؟
ريما:تماام التمام..غريبه داقه..من زمان مادقيتي على بيتنا هـآآع
ريناد:هههههه طيب فاضيه اليوم..؟
ريما:يب واي..؟
ريناد:ؤوكِ تعالي عندي طفششانه
ريما:وه بس كذا..دحين بروح اكلم ؤمي وبتوافق ولايهمك
ريناد ضحكت:طيب بس لاتيجي ع العيشا..تعالي دحين شويا وبيأذن العصر
ريما:طيب طيب..يلا بروح اتجهز
ريناد:خخخخ ؤك سلام ..(وقفلوو..)
الاء:اكيد حتيجي
ريناد:طبعاً ماتقصصر ريوم فديتهاا
____________
بالهـند - عند عبد العزيز وترف
عبد العزيز:رح نرجع جده بعد 4 ايام
ترف:واااااااااااو
عبد العزيز:ها ايش رايك بالخبر
ترف:والله خطيييير..وأخييراً اشتقت لجدتي وجدي فديتهم
عبد العزيز:حتى انا وحشوني الأهل والله
____________
ببيت ابو يوسف - جناح يوسف وساره
ساره:وربي مآمنك فآآيدة اكلم العنود ابركلي
الاء:ههههههه طيب اصلاً عمور يبكي..يلا سلام
ساره بمزح:شوفلك التصرييفه طيب طيب سلام (وقفلوؤ ودقت ع العنـود وسووالف هيا وياها ..)
العنود:طيب انتي اصبري معاه يمكن يتغيير
ساره:لأ مااعتقد..وستحملت شهر واكثر ماقدر على كذا وبالذات إني ابينله الموضوع عندي اييزي وانا من جواتي احترق
العنود:آأمممم بس ترا لو طلقك ممكن الناس يطلعو كلام مو كويس لك..تعرفي مالكم كثير
ساره خآيفه:انا حصبر كمان عليه..بس لو طفح الكيل بكلم امي وعاد تقول لأبويا
العنود:ؤفف قوووية..احسن لك لاتقوليلي لأحـد..وحاولي تعدليه بنفسك
ساره:ماااتنفع معاه كل محاولاتي...
العنود تنهـدت:الله يكون بعونـك..(بمزح)..لاتكرهيني بالزواج ترا زواجي قريب
ساره:هههههههه لالا ان شاء الله بدر مافي زيه على قولتك
العنود:ان شاء الله...(وجلسوو يتكلموو وبعدين قفلوؤ )
العنود تطالع بأخوها:مولت ايش تتسمع كلام حريم
سلطان يبغا يحرجها:لسه انتِ مو حرمه
العنود ووجها حمرر:اقوول اخلص تراني بزي
سلطان:طيب طيب..مين دي إللي قاعده تشكيلك حالها ساعه
العنود قامت:وانت وش دخلك
سلطان:يوووه عنوده اتكلمي
العنود:سوسو بس ياااويلك يطلع الكلام
سلطان"ساره تبغا تطلللق من يووسف.!!!!!!!!":................(قام وراح غرفته وهوا منصدم وبعدين جتله فكره جهنميه بيعملها..)
_______________
فـ الشركه - مكتـب ابو ريهام
فيصل:والله كلامـك عين العقـل بس ايش اسوي
ابو ريهام:فيصل انت رجال مايعيبك شي..بس بنتي بصراحه ماارضى عليها..ياه ريهام يا زوجتك الجديده..عاد فكر و اختار
فيصل"استغفر الله بس":ان شاء الله
ابو ريهام:ومارح اتدخـل بخصوصياتك بس زوجتك مين اخترالك ياها.. !..عمتك تقول مره الله يستر عليهاا
فيصل يفكر وبصوت واطي:لا وساحرتني كماان
ابو ريهام انصـــدم:اييييش ساحرتك
فيصل انتبه لعمه وانحرج:بصرآحـه ايوا بس انفـك السحر
ابو ريهام:إن لله وإن إليه راجعون ..فيصصل وش فيك ليش ماتلطقهآآآ..سحرتك ولسه مقعدها معاك..والله يعلم بكره تروح تسحر مين..هـ الاشكال مع السموحـه ماينوثق منهم..وبنتي اخاف عليهاا..بالعربي يعني زوجتك الثانيه تشووفلها حـل ..
فيصل بتنهيـده:ان شاء الله عمي..(قام)..تامر على شيء
ابو ريهام:سلآمـتك وفكر بالموضوع زين
فيصل:ان شاء الله ..(وطلع وهموم الدنيا فوق راسه..بدون تردد راح البحـر)
__________________
ببيت مها ع الساعه 12 جاء عندها عبد الرحمن
عبد الرحمن:اهلييين وحشتيني
مها:هلا..وانت اكتر..(وبعدين ضيفته وجلسو يسولفوو)
مها:ماقلت ايش سبب الزياره
عبد الرحمن:الشووووق ذبحني ..
مها:اهـآآ...(قامت)..طيب ممكن اروح ابدل لبس بدأت اتضايق
عبد الرحمن:خدي راحتتك..بس سؤال ملقوف
مها:هههه قول
عبد الرحمن:ايش حتلبسي..؟
مها:بنطلون وبلوزة ايش حلبس يعني
عبد الرحمن:آأمممم لا البسي قميص نوم
مها ارتبكت:هاآه..
عبد الرحمن:لأني بطول عندك وشكلي حنام عندك
مها مستغربه:تنام عندي..؟!
عبد الرحمن:يب يب..لاتستحي ترانا متزوجين
مها منحررجه:آأمممم بس لسه ماصار زواج زواج
عبد الرحمن:طيب الزواج بعد 6 ايام..ايش حيصير يعني
مها طلعت الدرج:لآلآ ماافي
عبد الرحمن ضحك:لاتخليني اجيلك..
مها من فوق الدرج:حمتوو بلييز كل شيء بوقته حلو
عبد الرحمن بخبث:ايش اسوي النفس مشتهيتك
مها:مااااافي اصبـر كم يوم
عبد الرحمن:وليش اصبر..ماعليكِ الدورة ولاشي..حرام تسدي نفسي
مها"يوووه والله خاييفه"بعد تفكير 5 دقايق لبستله قميص وحاسه نفسها بتموت من الحيا
عبد الرحمن طلع عندها وصفر:مااتوقعت زوجتي بهالحلآوة
مها ووجها احمر:كح كح
عبد الرحمن:صحتيـن
مها:على قلبك..(قررب منها مره ومها يدها صارت ترتعش)..عبد الرحمن ايش رايك نأجل الموضوع ليوم الزواج
عبد الرحمن ابتسم:لآياشيخـه..مرره لأ..يعني قداامي(طالعها من تحت لـ فوق) وبدا الشكل وتبغي تأجلي..معلييش مقدر استحمل
مها قوس قزح:خلآص ترا مااحب هادي النظرات
عبد الرحمن:هههههه طيب وه بس فدييت الحيا انا و................................^_*
________________
بيت ام ياسر - غرفة ريناد
ريناد:حركات والله ؤمك تتطورت صارت تخليكي تسهري عندي
ريما:هههههه شوفتي كيف..
ريناد:إلا ايش اخبار اخوانـكم
ريما:والله مدري عنـهم..واحد كل يوم مع وحـده وماينشااف والثاني مايدق ولايسأل غير فالشهر مره موولت عليه من اخوان
ريناد:ههههههههههه أما اخوانـك ششي..إلا صح متى بيرجع عزوز..؟؟
ريما:آأممممم مدري..بس قريب
ريناد:اهـأإ
الاء جات ومعاها عمر:اقوول امسكي عمر انا بروح انام كم ساعه بعدين جيبيه
ريناد:ووين ابوه..انا عندي ضيفه هع
الاء:ريوم تسمحي اخلي عمر عندكم
ريما:ايوا طبعا
الاء:هههه يلا امسكي ياحلوة..وزوجي حيسهر عند سلطان
ريناد:اهااا..طيب جود نايت
الاء:جود نايت..(وراحت غرفتها ونامت..)
_______________
بعـد 4 ايااام...~
ببيت ابو فيصل - ع العصـر
عبد العزيز:وه فدييت بيتنا وإللي فيه وإللي بيدخلوه الان
ترف:ههههه طيب فك الباب بس..(بعد لمن دخلو مالقو احد بالصاله راحو جناحهم ونامو وع العشا صحييو وراحو عند غرفة ام فيصل ومحد داري انهم رجعو)
ام فيصل:ادخلي
عبد العزيز:وشو ادخلي قصدك ادخل
ام فيصل ابتسمت بفرح وقامت تسلم عليه:عبد العزييييييييز..الحمد الله ع السسلامة
عبد العزيز وهوا يحظن امه:الله يسلمك..ايش اخبآآرك..اشتقتتتلك يالغاليه
ام فيصل:الحمد الله..وانت اكثثر..(شافت ترف وراه وسلمت عليها)..اهليين يابنتي توو مانور البيت
ترف تبوس راسها:منووووور بأهله
ام فيصل:ايش اخبارك..كيفك مع عبد العزيز
ترف:الحمد الله تماام
ام فيصل شافتهم رايقين مو كأن احد توه واصل من سفر:متى جيتوو..؟
عبد العزيز ضحك:آأمممم الساعه 5 دخلنا البيت
ام فيصل تنحت:وفين كنتو من اول
عبد العزيز:في جناحناا
ام فيصل:وه ولا تتكلموو
ترف:ماحبينا نزعـجـكم
ام فيصل:اي ازعاج الله يهديكِ..ع العموم يلا ننزل تحت تتغدو
عبد العزيز:إلا وش حكاية ادخلي ههههه عجبتني
ام فيصل:هههههه بس خلاص صار البيت كله بنات
عبد العزيز:مين بنات..ريهام والخبله ريوم بس
ام فيصل"يووووووه صح الولد مو عارف":آأيوا وفي أحـد كمان
عبد العزيز:مين..
ام فيصل:رازان
عبد العزيز استغرب:مين رازان ذي..؟
ام فيصل:زوجة اخووك
عبد العزيز انصصصدم وحتى ترف معاه:هآآه..؟!!!
ام فيصل:اجلسسو اقلكم الحكاية..(وقالتلهم كل إللي صاار)
عبد العزيـز:اشك إنه فيصل بعقله شي..ليييش مخليهاااا
ام فيصل:والله اقنعناه انا وابوك بس يبغاله وقت يفكـر..والله اعلم كم بيحتاج
عبد العزيز:فينهم زوجات فيصل طيب
ترف بغيره:نعععم
عبد العزيز:ههههههه اقصد ريووم فينها وحشتني
ترف:على بااالي بس..ايوا حتى انا وينها ياعمتي
ام فيصل:تلاقوها بالغرفه..واحتمال نايمه
ترف:ناايمه..!؟
ام فيصل:ايوا امس سهررت عند ريناد ومارجعت غير الصباح مع اخوهاا يوم رجع من سفره
عبد العزيز:ليه فين راح ذا الثاني..؟
ام فيصل:راح المدينة له 3 ايام وامس الصباح رجع
عبد العزيز:ماشال احد معاه..؟
ام فيصل:لأ لحاله..
عبد العزيز:واليوم داوم..ولا..؟
ام فيصل:لآلآ شوفه نايم بالغرفه إللي جوا جناحي
عبد العزيز ضحك:اجل متزوج اثنين ع الفااضي
ترف بهمس:انت فاكر الناس زييك
عبد العزيز:ههههه ايوا صح انا سبيشل
ترف:اكييد
عبد العزيز قام:طيب تعالي نشوف ريوم
ام فيصل:لحظـه..ترا الان في حريم بالبيت..يعني كل ماتبغى تبغا تروح مكان تكح
عبد العزيز:يالييييل..طيب إلا فين جناحهم..
ام فيصل:رازان جناح فيصل زيما هوا اما ريهام فتحنالهم جناح فهد الله يرحمه
عبد العزيز وترف:الله يرحمه
عبد العزيز:طيب ولاتنسي قولي لـ فيصل لو اتجول في البيت انو في حرمه
ترف بهمس:حرمه هاه
عبد العزيز:خلاص بنت (ضحك بهمس)..مره ماينفعلك
ترف كشرت:يلا نطلع بس
عبد العزيز طالع بأمو:ووو يعني يكحح بأقوى ماعنده..والله مو بس انا اقعد اكحكح
ام فيصل ضحكت:طيب طيب..(وطلعوو لـ عند ريما لقوها توها خارجه من الحمام ووجها نوووم×نووم بس صحصحت لمن شافت عزوز وترف وجري لأحضانهم..)
__________________
ببيت مها - في الحوش وي تفك الباب
مها تحظن اخوها:وحشششششششتني مررره
انور:وانتي اكثثر ياقلبي..(وبعد سلام عليه وعلى ملك دخلوو وجلسو سوالف لمن خلآص)
أنـور:إلا ايش اخبار زوجك
مها:تمااام..يسلم عليك
انور:الله يسلمك ويسلمه
ملك قامت واعتذرت انها بتكلم صحبتها وانور ومها جلسو يتحكو ويتكلمو
ملك:اهلييييين
ريهام:هلا هلا هلا تو مانور جوآآلـي
ملك:هههه يسلموؤ..عااارفه انا عندددك بجده
ريهام زعقت بفرح:واااااااااااااو الحمد الله ع السلامه
ملك:الله يسسلمـك..(وجلسوو يتكلموو وبعدها)
ريهام:عاارفه
ملك:ايش
ريهام:عبد الرحمن حيتزوج قريب دحين
ملك حزنت بس مابينت:اهـآآ الله يوفقـه
ريهام:ان شاء الله..اسمعي لازم اشوفك
ملك:آأمممم طيب حياكي اي يوم..ترا نحنا قاعدين عند مها
ريهام:أهااا ؤوك نتلاقى
ملك:بس مو اليووم..عشان بروح أسلم على ؤمي
ريهام:لآلآ مو اليوم حتى انا اليوم فيصل جاء من السفر عيب اسيبه اول يوم وأروح
ملك بإستغراب:ليه وين كان..؟
ريهام:بالمدينه
ملك:شغل ولا ايه..؟
ريهام:ههههه سياحه امزح كذا يعني يغير نفسيته مره متضايق
ملك:اهـآآ..يوووه في كلام كتيير بقولك ياه بس لمن اشووفك
ريهام:ؤوكي وانا كمان..يلا سي يو
ملك:سي يآآ ..(وقفلت منهاا وراحت عند انور ومها وكانو يتكلمو انقلش)
ملك:اقوول اتكلمو عربي
مها:ههههه طيب..إلا صح ماحتروحي عند ؤمك..؟
ملك:إلا..اول ماانور يقوم حضرته
انور ابتسم وقام:هياا طيب
ملك:وه ايش دي السسرعه
انور:شفتي كييف انا سابقك ع السياره (وطلع..وبعدهاا بثواني طلعت وراحو بيت ام مختار..وتقابو وأحضآآن وبكا مايخلص)
مختار:الحمد الله ع السسلامه
انور:الله يسلمك ويعافيك
مختار:نوؤورتو البيت
انور:النور نورك والله..(وبعدين قعـدو مع بعض..)
_______________
ببيت ابو عبد الرحمن - غرفة عبد الرحمن
عبد الرحمن:ماضيفنااك
فيصل:مويه
عبد الرحمن:لازم تشغلني قول سلامتك ع الاقل
فيصل:لاياشيخ قوم بس اتحرك
عبد الرحمن قام:هههههه طيب ..(راح المطبخ وطلع كاستين مويه لقا امه ع الدرج)
ام عبد الرحمن استغربت:لمين الكاسه الثانيه..؟
عبد الرحمن:لـ فيصل
ام عبد الرحمن:فيصل عندنآآ..!
عبد الرحمن:ايوا..ايش فيكي استغربتي
ام عبد الرحمن ابتسمت:لا بس اقول من زمان ماجاء عندنا
عبد الرحمن ضحك ودخل الغرفه
فيصل:سلامات
عبد الرحمن:ؤمي مستغربه انك عندناا ولسه اليوم جاي من السفر
فيصل ابتسم واخد المويه:ترا بسهر عندك مافيا ارجع البيت
عبد الرحمن:له له له وبتسيب زوجاتك عشااني
فيصل:ههههههه صرت انقهر من تصرفاتهم كل وحده نفسها تذبح الثانيه..خليني اليوم ارتاح
عبد الرحمن:الله يعينك ههههههه إلا اليوم ليلة مين..؟
فيصل ضحك:رازان
عبد الرحمن:واااااو ترقب الازعاااج
فيصل قفل جواله:كوويس ذكرتني هع
عبد الرحمن:ورربي إنك فال ؤمها
فيصل:طنشش تعـش..(وبعدين فتحلهم فيلم رعب وجلسو يتفرجوو)
________________
ببيت ابو فيصل - في المجلس
عبد العزيز:وين فيصل ذا..صحي وهبق على طوول..حتى ماسلم عليه
ام فيصل:مايدري إنك هنا
عبد العزيز:طيب انا على خبري يرجع الساعه 11 اشبو اليوم طول
ام فيصل:مدري..خلاص روح نام تسلم عليه بكره
عبد العزيز قام:طيب تصبحي على خير
ام فيصل:وانت من اهله ..(وجلست تتفرج شويا وبعدها راحت غرفتها)
في جناح رازان تطالع الساعه..
رازان:ؤووف فينه..؟؟!..اليوم رجع من السفر ولا شفته وجواله مقـفل..(تذكرت وعلى طول عصبت)..لايكوون عن ريهام الحقيره في ليلتي.. ! (بعد دقايق قامت وهيا معصبه وعلى جناح ريهام)
ريهام قامت من السرير"يوؤ ايش دا الدق والازعااج..؟!!":مين
رازان:انا
ريهام بهمس:وش تبا ذي الثانيه (فتحت الباب)..خير
رازان دفتها:وين فيصصل ياسرااقه تاخذيه حتى في ليلتي
ريهام"ايش تخرف ذي..!":مين السراقه انا ولا انتي..وبعدين احتررمي نفسك
رازان طنشتها ودخلت الغرفه والحمام وقاعده تدور على فيصل
ريهام"وش فيها ذي اكيد استخفت":انتي ايش تسووي يامجنونه
رازان:ويين فيصصل طلعيه بسسرعـه
ريهام عصصبت:لا ياشيخه وانا ايش درا جدتي عنه..جايه تدوريه عندي
رازان:اكيد عندك دامه ماجاء في ليليتي فين حيكون
ريهام:يكون فين مايكون..انا مو زيك قذره اخطف الرجال
رازان بإحتقار:اي واااضح..مين إللي اخذ فيصل مني مو انتي ياحقيره يالي ماتربيتي
ريهام مااستحملت الكلمه وادتها كف بأقووى ماعندها:انا ماتربيت ولا انتي..وهاذا الكـف اخذته من فيصل يوم كان متأثر بسحرك ياساحره..(اعطتها كف ثاني ورازان لسانها انشل اول مره احد يضربها)..وذا الكـف بس عشان تعرفي مين قاعده تكلمي وتسبسبي..انا اشرف منك بمليون مره ياوسخه..(وطلعتها برا جناحها كأنها حشره..!)
رازان مو مصددقـه ذا كله يطلع من ريهاام بس وصلت غرفتها وجلست تبكي وتسبسبها هيا وفيصصل
ريهام تمددت ع السرير:ؤوووووف ناس تجيب القلق..قال ايش قال فيصل عندي..مررررا مع نفسسها هي ووجهها تفكرني زيهاا ماالت بس..(وبعدد ساعات جالهاا النوم ونامت..)
_________________
اليـوم إللي بعــدهـ
ببيت ابو مختآآر - غرفة ام مختار مجتمعين فيها
ملك:واااااو الف الف الف مبرووووك اخيرا حصير عمه
نيهاد:الله يبارك فيكي
مختار:عقبآآلك
ملك ابتسمت:لآلآبدري
مختار:ايش بدري..انا ابغا اصير خال كمان
ملك:اجل مطوول ههههههه
ام مختآر:الله يسعدكـم يآرب
الكل:آميين ..(بعدهآآ بدقايق جاء انور وأخذ ملك لـ عند ريهاام..)
________________
بيت ابو فيصل - في المجلس
ملك بهمس لريهام:واااو ليش ماتتكلمي
ريهام:ههههه ترا جاؤ امس
ملك:اهاا..(طالعت بترف)..الحمد الله ع السلامه
ترف:الله يسلمك وانتي كمان هع
ملك:ههههه الله يسلمك..فين ريما
ريهام:فوق بغرفتها
ترف قامت:بوح اشوفها..(وطلعت تنادي ريما)
ملك:وااااو ماتوقعتها كدا
ريهام:كيف اتوقعتيها
ملك:آأممم يعني طويله شوي..
ريهام ضحكت:لالا قصير عليها احلى
ملك:الموهيم وين الخبله رازانو
ريهام:واااااو فااااتك امس ايش صآآآر
ملك اتحمست:ايش صاار.؟؟
ريهام حكتها كول ششي
ملك:وااااااي حقيييييره..بس احسن اديتيها كفين معنو وربي قليلة بحقها
ريهام:هههههه تصدقي حسيت نفسي قويه وانا اضربها
ملك:هههههه دحين تفتشي
ريهام:ههههههههه..(جاؤو ترف وريما وسلمت على ملك شويات جلسو وبعدين طلعوو وخلوهم براحتهـم..)
________________
بـ الشركـه ..عند فيصل
عبد الرحمن:فتحت جوالك
فيصل:ايوا قبل شويا
عبد الرحمن:اكيد علق خخخخخ
فيصل:ههههههه مو مره..5 مكالمات من رازان
عبد الرحمن:وريهام..؟
فيصل:ولاششي..
عبد الرحمن:هههههههه تعمل ثقل
فيصل ابتسم:عآآآآرف خلاص لقيت حـل
عبد الرحمن:لإيش
فيصل:زوجـآأإتي
عبد الرحمن:؟؟؟
فيصل:رح اطلق وحده اليوم
عبد الرحمن انصدم:لاتقول ريهام
فيصل هز راسه بمعنى لأ
عبد الرحمن مفتح عيونه ع الاآآخر بفرح:رازاااااااان..؟!!!!
فيصل:ايوااا
عبد الرحمن:واااااااو..بس احسن حتى انا صرت مااهضمها
فيصل:تبغا الصراحه دي المرهـ فكرت بعقلي وسبت قلبي على جنب..وطلع ذا الحـل
عبد الرحمن:أهـآآآ..والله كويس نقيتها هيا
فيصل:واكتشفت شي كمان
عبد الرحمن:ايش هو...؟
فيصل بنص عين:انت ليش ملقووف
عبد الرحمن:مااااااااالت..خلاص مابغا اعرف
فيصل:هههههه اصلاً شي مايخصك لـ ريهام
عبد الرحمن بغمزه:اهاااا عرفته
فيصل:يقلآلآع بس
عبد الرحمن قام:هييا انا بروح مكتبي .سلآلآمز.وموووفق
فيصل:الله يوفقك..(وطلع عبد الرحمن من مكتب فيصل وفيصل جلس يفكـرر..)
_______________
ببيت ابو يوسـف - في الحوش يوسف لسه يبغا يدخـل البيت رن جواله ..رقـم غريـب ..
يوسف:الوو
...:السلام عليـكـم
يوسف:وعليكم السلام..مين؟
...:انت يوسف زوج ساره..؟
يوسف:انت وش دراك انو زوجتي اسمها ساره
...:ممكن اشووفك اليوم..واشرحلك كل شي عن(بإستهزاء)زوجتك الوقحـه..!
يوسف عصب:مين معاي..؟؟
...:اشوفك عند ........ بعد ربع ساعه تلاقيني هناك..(وقفل منه)
يوسف رجع لـ سيارته:ؤوفففففف مره ناااقص انا..
_______________
فـ شركة سلطان
سلطان:محمد زيما قولتـلك انتبـه توضحله شي
محمد:حآضر
سلطان:آآه بس الله يزوجك بنت الحلال إللي تستاهلك
محمد ضحك:آمين ..(وبعدها رآآح المقآآبلة..)
محمد يطالع بالساعه"اشبو تأخر..!؟":..........(بعد 10 دقايق جاء يوسف نفس المكان المحدد)
محمد:السلام عليكم
يوسف:وعليكم السلام..انت إللي كلمتني قبل شوي
محمد:اي انا...اتفضل اقعـد
يوسف بعد ماقعـد:قول ايش عندك بسرعه وبلا غلط على زوجتي
محمد بإستهزاء:ههههههآي..صدقني زوجتـك هاذي رح تندم إنك تزوجتها بعد لمن تعرف حقيقتها ................. (وبداا يقول الكلام إللي قاله ياه سلطآن ومحمد أتقـّـن الدور بقووة لمن خلى يوسف عينه حمراء من الكلام إللي يسمعه عن زوجـته..!..)
محمد رجع ورا ع الكرسي بإحتقار:وبس..هاذي الحكاية ومافيها..ولو تبغا اقول كمان ترا حاظرين
يوسف معصصب ومااسك نفسه:لا خلاص
محمد:العفوو..وكـل إللي قلته ترا الحقك قبل لاتتورط فيها وتجبلك ولد
يوسف قام:شكرا ..(وراح سيارته ع البيت بسرعه خياليه)
________________
ببيت ابو فيصل في المجلس
ملك:يلا ياقلبي سلام ولا تقطعـي
ريهام:طيب كل وحده تقول لـ الثانيه نفس الجمله هع
ملك:ههههههه معنو كان ودي اشوف كلام رازان لاكن مافي نصيب
ريهام:وعععع احسن لك ماسمعتيه يجيب المغص
ملك:ههههههههههههههه ؤوكي يلا سي يآآ ..(وطلعت مع انور وراحت للبيت مع مها..شويات ورجع فيصل للبيت )
فيصل ماشاف فالصاله غير ريهام:سلآم
ريهام قامت:وعليكم السلام..الحمد الله ع السلامه
فيصل راح لها:الله يسلمك (ضمها) وه وحشتيني
ريهام:آأمممم وانت اكتر
فيصل:واأخيييراً قلتي كلمة حلوه
ريهام شافت ان فيصل مره قريب منها:ترانا في الصاله
فيصل:هههههههه طيب بس حسب معتقداتي إنو الليلة ليلتك..(في دا الوقت نزلت رازان وسمعت آخر الكلام وطلعت جناحها بسرعه تبكي)
ريهام منحرجه:ايوا
فيصل:أهااا طيب اسبقيني ع الجناح شويا وأجي
ريهام:طيب ..(اتذكرت)..ترا عبد العزيز جاء
فيصل:أماااا متى
ريهام:ههههه امس..ويسأل عنك كثير
فيصل:اهاا طيب دحين بشوفو..(وبعدها راحت ريهام جناحهم وفيصل عند امه جلس معاها شويا وبعدين)
فيصل:إلا صح عبد العزيز جاء ..فينه
ام فيصل كانت تقرأ كتاب:بجناحه
فيصل:طيب ممكن تناديه
ام فيصل:روح انت انا مشغوله
فيصل:هههههههههه الدنيا فري عندك
ام فيصل استوعبت:اااه لآلآ دوبي انتبه..نسيت انه في زوجته الان..
فيصل ابتسم وراحت ام فيصل تنادي عبد العزيز وثواني جاء ودخل الغرفه
عبد العزيز:هلآلآلآ الحمد الله ع السلامه
فيصل:هههههه مين إللي يقول لـ ثاني
عبد العزيز:انت
فيصل:وليه قايل
عبد العزيز:استهبل عليك
فيصل:رآآآيق..بس من جد نوووورت البيت بقوة
عبد العزيز قعد:كح كح ادري
فيصل:مرره لاتصدق
عبد العزيز:ههههههه إلا أخبآآآرك..كيف النفسيه صارت بعد السفره
فيصل:حلووة
عبد العزيز:إلا صح مبروك الزوجه الثانيه
فيصل بهمس:مافي داعي تبارك خلاص
عبد العزيز استغرب وبهمس:ايش..؟!
فيصل:بعدين تفهـم كل شي..يلآ سلالام نعست
عبد العزيز بخبث:دا وجههي لو انت نعسان اكيد مشتااااق وبس
فيصل:ماالت بس على قوولتك..يلا انقلع
عبد العزيز رايح لجناحه:ههههههه اخلآلآق..(وبعدها فيصل راح لـ جناحه مع رازان..)
فيصل:سلام...(مالقى رد دخل الغرفه لقى رازان وجهها احمـر من البكى..)
فيصل راحلها:ايش فيكي..؟؟
رازان:وخّر عني..أكـرهـك ماابغاااك..خلآلآص إللي بينا انتهـى
فيصل"فررصه":متأكـده من كلآمـك..؟
رازان معصبه منه:ايوااا..كل الاهانات اخذتها لمن جيت على بيتك وكل انواع الاحتقار والذل من أهلك لحد هنا وخلآلآلآص مااستحمل اكثـر ..
فيصل تنهـد:طيب..بقولك شي اخير..الله يساامحك على كل إللي سويتيه فيني..انتِ طااالق..(وطلع من جناحه صحيح زعلان عليها بس حس انه هم من صدره وانزآآح..ورازان دقت ع السواق حق بيتهم يجيليها ولمت اغراضها ع السريع وبعد ربع ساعه جاء السواق وراحت لـ بيتهاا إللي عايشه فيه مع سلمان )
فيصل:هلا
ريهام"اشبه اتغير..اكيد راح عند منكدة الحياة":اهلين..
فيصل ضحك:فيني شي متغيير
ريهام:آأممممم سمرت
فيصل:اهاا حتى ابويا قال كذا..الموهم ماعلينا من ذي الهرجه..(قرب منها)..الشوووق ذبحني
ريهام:تبى الصراحـه
فيصل:وفي أحلى من الصراحه
ريهام حضنته:مي تووو
فيصل مو مصدق ريهام تحضنه ايش صارلها غريــبه:انا في حلم ولا في علم
ريهام ضحكت:لا في علم
فيصل:وااااو مره مره في تطوور منك
ريهام:هههههههه
فيصل:فديت الضحكه وراعيتهاآ و.............................^_*
_________________
ببيت ابو يوسف - جناح ساره..دخل يوسف والشرار يتطآآير من عينه وضرب في ساره
يوسف يضربها:كذاا ياقليلة الادب..طحــتي من عيني...مااتوقعتك كذاا بهالقذااره..؟!
ساره تبكــي ومو فاهمه شي:آآآآآي يوسف الله يخليك خلآلآص
يوسف يضربها:اصلا الشرهه مو عليكِ عليا انا إللي متزوج وحده زيك..تفووو عليكِ...وحده ماتربت زيك عادي تسووي اي شي
ساره بين شهقاتها:يوسف ...تراني مو فاهمـه عن ايش تتكلم آآآآآآه
يوسف:اسسكـتي ولآلآكلمة..اصلا كيف لك عين تتكلمي بعد إللي سويتيه
ساره صرخت:ايش سووويت..؟؟؟؟؟
يوسف اداها كف خلاها تطيح ع الارض بعصبيه:وين جوااالك..؟
ساره يلا تتكلم:ع ع الـ الـ ..طاطاوله ..(راح واخذه وفتشه كله وبعدها طلع الشريحه ورماه ع الارض بقووة لمن اتكسسر..وطلع برا وهوا لسه حاس نفسه ماطلع الحره إللي فيه على ساره..)
ساره وقتها صحيح تعرف تضارب بس مالها فرصه قدام يوسف والضررب إللي اداها ياه والكفوف لمن صار جسمهاا ازرق من كثر الضررب
ساره وهيا تتألم:آآآآآآآآآه..آآآآآآآآآآه..(زعقـت عشان احد يسمعها من البيت بس كله طالع معاد الخدامه ولمن سمعت الصراخ طلعت)
الخدامه:مداام ايش في..؟؟؟
ساره:ادخللي..(حاولت الخدامه تفتح الباب بس الباب مقفوول ومافي المفتاح اخذع يوسف)
الخدامه:مقفول الباب ومافي مفتاح
ساره ماسكه بطنها بقوة:ااااااه..الله ينتقم منك يايوسف
الخدامه:أكلم ماما ام يوسف
ساره"عشان يزيد علي الضرب إللي اخذته..ااه بس فينك ياؤمي ياليتني جلست ببيتك ولا جيت ذا البيت مع ذا الزوج المتوحش":لآلآ خلاااص
الخدامه خاايفه عليها وبعدين راحت الصاله
ساره قامت وحاسه رجولها ويداتها اتكسرت من الضرب إللي اخذتـه اخذتلها بندول وراحت السرير واتغطت وجلست تبكي وتتحسر على ايامها مع يوسف
________________
اليوم إللي بعـده - ع العشاء
ببيت انور - في المطبخ
انور يشرب مويا:قولي لـ ملك حروح اقابل زوجك
مها:طيب..وسلملي عليه
انور حط الكاسه:ههههه طيب يوصل..سي يا ..(وطلع المكان إللي اتفـقوو يتقابلو فيه)
_________________
فـ الشركـة - مكتب فيصل
عبد الرحمن:وفينها الان
فيصل:آممم شكلها ببيتها عشان السواق حق بيتنا شاف سواق رازان عندنا
عبد الرحمن:اهاـآأإ..الموهيم عآآآآآآرف مين بشوف اليوم
فيصل:مين..؟
عبد الرحمن:أنوور الكريه
فيصل وقف:كذاااااااااااااب
عبد الرحمن:وربي
فيصل:متى..؟؟!!
عبد الرحمن:الان حروح
فيصل:ماني مصدق..هوا يعرفك إنك حبيب ملك سابقاا
عبد الرحمن:ايوا شافني
فيصل:والان تاخذ اخته..وااااااااو
عبد الرحمن قام:ههههه طيب سلآم ..
فيصل:اول ماترجع دق عليه قولّي الاحدااث..سلام وانتبه على نفسك
عبد الرحمن ابتسم:طيب..(وطلع وراح يقابل اأنور ..!..لقاه جالس بطاوله راح عنـدهـ)
عبد الرحمن:السلام علـيـكـم ..
أنور"ؤووف مره مو وقته ذا الثاني":وعليكم السلام
عبد الرحمن:ممكن اقعـد
انور طالعه:لأ..استنى واحد
عبد الرحمن ابتسم:ادري..وإللي تستناه قدآآمـك
انور حاول يستوعـب الصوت نفسه وقآآم:ايييش..؟!!..انـتـه..!!!!!!!!!!
عبد الرحمن:استريح
انور معصب وماسك نفسه
عبد الرحمن يتكلم وبكل كلمة يقولها انور يكرهه زياااده:بصراحه ماني عارف من فين اأبـدأ..بس انت تعرفني تماام واكيد اتذكـرتني
انور قاطعه:اسمع انا ماني مطول مع امثالك بس ابغا اقـلـك شي زواجك من اختي مارح يـتم
عبد الرحمن:ومن قالك إني ابا اتزوج اختك..ترا انا ماطلبتها غير عشان اأذلهاا واخذ حقي منك
انور قام معصب:حقييير واحد..واختي مارح تتزوج امثآآلك ساااامع زواجكـم بكره مارح يتـم ولو على جثتي
عبد الرحمن ضحك بإستهزاء وقام:وش ابغا بأختك اصلاً..للمعلوميه ترا إللي براسي سويته ودخلت عليها يعني اختك ماهي بنت دورلها احد يستر عليها..سلام يالنسيب ..(وطلع وساب أنور مصدووووووووووووم)
_________________
ببيت ابو يوسف - جناح يوسف
ساره تبكي:يوسف الله يخليك لآلآتقـفـل
يوسف:ماتستاااهلي تطلعي من هـ الغرفه..(وجلست تبكي وصوت بكيها لبرا الجناح..مرت هنو من جنب يوسف وهوا يقفل الباب وساره تترجاه)
هنو مستغربه:ايش فيك يوسف افتحلها الباب
يوسف:خليها تتأدب
هنو:ايش تتأدب ايش سوت هيا..؟؟
يوسف:مالك دخـل..وسيبيها فحاالها ياويـلك تكلميهاا..(وطلع لشغله)
هنو راحت جنب الباب:هيي ساره ايش فيكي..؟!!
ساره تبكي وجالسه جنب الباب:تعباااااانه ياهنو مررره
هنو:طيب طيب لاتبـكي بروح اشوف المفتاح الثاني عشان افتحلك الباب..(وراحت تدوور مكان المفاتيح ومالقته..وحزنت عليها)
هنو:ساره مالقيت مفتاح الغرفه يمكن يوسف اخذه
ساره جاتها حالة هستره:لآلآلالآلآلآ روحي دوري كمان
هنو قامت:طيب استني واهدأي ..(دخلت عند امها )
ام يوسف:ليه ايش تبغي بالمفتاح انتي
هنو:آأمممم ساره تبغاه,,يعني عندك احتياط ولا لا..؟
ام يوسف قامت تدور بالعلبه:إلا فييه بس استني اشووفه
هنو"يارب مايكون اخذه يارب":طيب ..(بعد دقايق طلعته ام يوسف وأدته هنو وراحت عند ساره)
هنو فتحت الباب وانصدمـت من شكل ساره:ساره ايش صااارلك..؟!!!
ساره حضنت هنو وتبكي وهنو بكيت معاها:اخووكي ياهنو ظلمني كثيييير
هنو مو مصدقه:ايش سوااا فيكي.؟
ساره:جلس يضربني طول اليوم واخد الجوال وكسره والشريحه الله اعلم وين وداها
هنو:واااااااااا ياقلبــي ..والله ماعرف ايش صاره يوسف..طيب انتي متأأكده ماسويتي شي يعصبـه
ساره:وربي ياهنو ولالالاشي مادري ليه فجأه قلب عليه
هنو:فين عبايتك عشان نروح المستشفى..(قالتلها ساره وجابت العبايه وساعدتها وراحو المستشفى مع السواق سألتها الدكتوره ايش صارلك بس صرفتها هنو..)
___________________
ببيت ابو فيصل قاعدين يتعشـو
ام فيصل:ريما روحي ازهـمي رازان خليها تيجي تتعشي
ريما:طيب
فيصل:اقعدي رازان مو هنا
ام فيصل:اجل وينها..؟
فيصل:في بيتها
ام فيصل مستغربه:ايش تسوي ببيتها..؟!
فيصل:ؤمي انا امس طلقتهاا
ام فيصل وريما وريهام:هآآه...!!!!!!
فيصل ضحك على اشكالهم:ايش فيكم اقلكم طلقتهاا مانتو مصدقين يعني
ام فيصل ابتسمت وزغرطت:هاذي الساعه المباركه
عبد العزيز وترف كانو نازلين
عبد العزيز:مين اتزوج...؟
ريما:هههههههه مافي احد اتزوج
عبد العزيز:اجل
ام فيصل:اخوك طلق زوجته الثانيه
عبد العزيز تنح:نعم
فيصل:إن لله..وشفيكم ماتستوعبو بسرعه
عبد العزيز يجلس وجنبه ترف:من جججد ولا..؟؟
فيصل:ايوا
عبد العزيز:اهااا..بصراحه مادري ايش فيها بس براحتك لو ماعجبتك
ريما:يوؤووه عزوز روح نام..من جد زي الاطرش بالزفه
ترف:ههههههههههه بقوة
عبد العزيز:حشوو بس
فيصل طالع بريهام ماسمع تعليقها لقاها تلعب بالملعقه
فيصل بهمس:وانتِ ماقلتي رايك
ريهام ابتسمت وكملت الهمس:خليها بعدين دامها كمان ليلتي
فيصل:ياهووو لا اتحمست نطلع بصراحه
_______________
ببيت انـور فتح الباب وراسه يدور من كثر الصدااع
شافته ملك وعلى طول راحتله بخوف:انور ايش فيييك..؟! (شويا وجات مهاا شافت اخوها شكله متغير)
مها:أنـوور
انور شاف اخته وعلى طول اغمى عليه
ملك:انوووور..(وجابو مويا ورشو عليه بس مافي فايده راحت مها نادت الحارس ورفع انور مع ملك ومها وبعدها ودوه المستشفى)
فـ نفس المسستشـفى بمكان آخر
ساره تبكي:اااه ياهنوو قلبي يتقطع على إللي كان ببطني
هنو رن جوالها:ساره يوسف يتصل
ساره خاايفه:ردي
هنو ردت:الو
يوسف معصـب:فيييييينك..؟
هنو بتوتر:فـ فـ المستشفى
يوسف:ومين سمحلـك توديها وتفتحيلها الباااب من اأساسه
هنو خاايفه:يوسف حالتها مره متدوهر تعال بسرعه مستشفى الـ ....
يوسف:ؤففف طيب (وقفل منها وركب سيارته)
هنو:حيجي لازم يعرف إللي صارلك وإنك اجهضتي..
ساره تنهدت:اااااه بس
عـنـد أنـــور..:
الدكتور:حالته جداً خطـره والضغط ارتفع عنده كثيييير
ملك رايحه جايه وتدعيله ومها تبكي على اخوها الوحيــد..! (بعد فترة قالهم الدكتور تقدرو تدخلو ..)
انور يلا يتكـلم:ملك لو مت سامحيني على اي شي زعلتك فيه
ملك تبكي:لالا ياأنور بعيد الشر
انور طالع بـ مها وجات مها عندو وحضنته:مها اختي سامحيني على كل شي سويتلك ياه..وانتبهي على نفسك وخليكي ببيت عمي لو صارلي شي
مها تبكي:مارح يصير شي ان شاء الله
انور بتعب:وصيتي لك يامها لا تتزوجـي عبد الرحمـن لو ايش ماصار..وانتي ياملك لاتحرمي نفسك واتزوجي غـ غـ يري..(شهّد بقلبه وبعدهآ الشاشه صارت _______..!!!..جاؤ الدكاتره بسرعه وطلعوهم ومها حالتهاا مايعلم فيها غير الله اخوها الوحييد رح تفقـده بس هاذا إللي مكتوب لهاا)
بعـد ربع ساعه طلع دكتور ووجهه أسـى وحزن:عظم الله أجـركم والبقيه في حيآتـكم ..!!!!!!
>>>>>>
عند سسسآرة جاء يوسـف دخل الغرفه وكل علامات الغضب على وجهه من هنو طالع بساره بإحتقار وبعدها راح مع الدكتور عشان عملية ساره
هنو:اول مره اشوف اخويا بهاذي الحاله..؟!
ساره وجهها اأحمـر من البكي:اتغيير كثيير كأنه في احد محرشه عليه
هنو تنهدت:الله يكون بعونك..(بعدها جات الدكتوره وودوها لـ غرفة العمليات..وتـمت العمليه على خير..)
هنو:الحمد الله على سلآلآمتك قلبو
ساره:الله يسلمك
يوسف:احسن إنه نزل من نفسه لإني ماابغاه منك
ساره بلعت ريقهاا بحـزن:يوسف ابغا اكلم اهلي
يوسف معصب:ماافي..وطلعه من هنا ع البيت على طوول ساامعـه..وخليه يطلع الخبر لأمي وابوي ولا اي احد رح يجيكي ضرب اكثر من إللي اخذتيه
ساره بكيت:والله حرااام عليك إللي تسويه فيني ظللم
يوسف طالع بهنو:وانتِ الثانيه وربي احد يعرف باليي صار رح يجيكي شي مايسرك
هنو بخوف:اااه طـ طيب ..
_____________
ببيت ابو عبد الرحمن - في المجلس عبد الرحمن مع امه
ام عبد الرحمن:كيف مافي زوااج..؟!..عبد الرحمن انت شتقووول
عبد الرحمن ببرود:مافي نصيب بيني وبين مها
ام عبد الرحمن معصبه:زواجكم بكره..ايش صااار
عبد الرحمن:ولاشي..بس غيرت رأأيي ماعجبتني وهيا كمان ماتبغاني وورقة طلاقها رح توصلها قريب ان شاء الله
ام عبد الرحمن مسكت راسها:إن لله وإن إليه راجعون عليك من ولد ..(وراحت غرفتهاا)
عبد الرحمن دق على فيصل وبالرنه الثانيه رد
عبد الرحمن:هلا
فيصل:ؤووف عليك اأوقااات غلط ×غلط
عبد الرحمن:هههههه ليه ايش كنت بتسوي
فيصل:مالك دخل..الموهم ايش صار معااك
عبد الرحمن:مر الوقت سسريع واتكلمنا واديتها بوجهه وقلتله اصلاً مابغا اختك وإنها ماهي بنت وخلي احد يستر عليها لأنو قبلها قال زواجكم مارح يتم
فيصل:واااااااو وقسم اإنك ..خليني ساكت احسن..إلا ايش رد..؟
عبد الرحمن:مدري قلت إللي عندي وطلعت
فيصل:ومها مادقت ولاشي
عبد الرحمن:لا
فيصل:اهاااااا
______________
اليـوم إللي بعـده - اول يوم عزا ببيت مها..البيت اتملى اقاربهم
ملك مدمعه وماسكه نفسها:اجرنا واجرك
ريهام:الله يكون بعونـك ياقلبي...فين مهاا..؟
ملك:من اول مارجعنا من المستشفى حابسه نفسها بغرفتهاا
ريهام:صلوو عليه..؟
ملك:ايوا بالظهر
ريهام:اهاا الله يرحمه يارب
ملك:امين
_____________
ببيت ياسر
ياسر:اشبك تبكي..؟
الاء:صحبتي اخوها الوحيد اتوفـى
ياسر حزن:الله يرحممه ويدخله الجنه
الاء:ان شاء الله
ياسر:متى اتوفى
الاء:امس واليوم صلو عليه
ياسر:اهااا
______________
بعـد 3 ايـآآم حقت العزآآ
فـ شركة سلطاان
سلطان:عارف شكلو ماصدق الكلام إللي قلته
محمد:مستحيل انت لو شفت وجهه كيف صاير بس
سلطان:وليش ماطلقها للحين..؟!!
محمد:مدري عنه
سلطان:اجل ماينفع معاه غير الفكره الثانيه
محمد:وش هي..؟
سلطان:رح اعطيك ظرف تروح مكان شغل يوسف وقبل لايطلع بشوي تحطه تحت الكفر حق سيارته وتدق عليه بنفس الرقم ذاك وتقوله عن الظرف
محمد:دون قافه ايش فيه الظرف
سلطان سكت شويا وبعدين اتكلم:صورة
محمد:اهااا طيب..(وبعدها قام سلطان وراح بيته عشان يجيب الظرف ويعطيه محمد)
العنود:جاي بدري
سلطان:بس باخذ شي وبطلع
العنود:اهاا..(ورن جوالها وراحت غرفتها تكلم)
______________
ببيت ابو فيصل - غرفة ريما
ريما:فككه من وجهها ومع السموحه عشنها اختك
ريناد:هههههههه مرره مااعترف فيها
ريما:والله دحين البيت شي صرت اخد راحتي احس اول كان يقررف
ريناد:اما انتي تحووفه..عارفه اليوم حروح المجمع ايش رايك تيجي معايا
ريما:مع مين..؟
ريناد:انا بس عشان الاء حتروح عند صحبتها مها
ريما:اهااا..اكلم ؤمي واشوف
ريناد:طيب رديلي خبر بسرعـه حنروح ع الساعه 8
ريما طالعت بالساعه لقتها 7 نص:طيب يلا سلام (وقفلوو ونزلت تقنع ؤمها تروح مع ريناد..)
ام فيصل:لآلآ وشو انتي وياها بس صغاار
ريما:ؤمي بلييييز..مو انا وياها صحبات ريناد كلهم متفقين يروحو
ام فيصل جلست تفكر وبعدين جات ترف:ترف
ترف:هلا
ام فيصل:عندك شي اليوم..؟
ترف:لأ
ام فيصل:اهاا طيب عادي لو رحتي مع ريما المجمع
ترف:اهاا آأممم اكلم عبد العزيز واشوف
ام فيصل:طيب ..(وبعدين دقت على عبد العزيز وقلها طيب روحي..)
ريما:ششكـرا يااأحلى ؤم
ام فيصل:لو كانت مافي ترف معاك كان مافي رووحه
ريما طالعت بترف:هههه لالا اجل شكرا ياترف
ترف ابتسمت:عفوا
ريما:يلا سلآلآم السواق برا..(وبعدها طلعوو مع ريناد..وسوالف بالسياره ماتخلص لين وقفو جنب اشاره )
ريناد وهيا تزبط طرحتها:ؤف هاذي الطرحه بلشه
ريما:ههههه حاله
ريناد:احلى شي ان السياره مظلله
ريما:يب يب حلوو
ريناد لفت وجهها على السياره إلي جنبها شويا وشهقت
ريما وترف:اشبك
ريناد:ريوووم شوفي السياره إللي جنبنا ع اليسار
ريما طالعت:ايش فيه..يعني حلو ولا ايش
ريناد:هههههههه غبيه..لالا هاذا إللي شفته ببيت رينااد
ريما فتحت عيونها:اماااا هوا ذا اخوها
ريناد:ايوا
ريما:له له خطيييير
ترف:هههههه مالت بتخربووني..تراني متزوجه هيي
ريناد وريما:هههههههههههههه
ريما:إلا ايش اسموو
ريناد:معرف هع
ريما:دحين صحبه وماتعرفي ايش اسماء اخوانها
ريناد:ههههه لو كنت روحت عندها ديك العزومه إللي سوتها كان عرفت اما بالجوال ايش اقلها بلاه ايش اسم اخوكي إللي شفته
ريما:ههههههههههههه لا مره مو كـدا
ريناد:إلا ريوم ايش رايك نعزمها يوم
ريما:هيا عندها اخوات
ريناد:لأ بس هيا واخوها سعيد وهاذا الكبير
ريما:اهاااا طيب قوليلها
ريناد:ؤوك لمن ارجع بدق عليهاا
ترف:اقوول خلاص اسكتوو وصلنا..
_____________
ببيت ابو يوسف - في غرفة هنو ع الساعه 10 الليل
هنو:كوويس صار مايقفل
ساره:ايوا الحمد الله..معني إلا الان ماني عارفه ليش سوا فيني كذا
هنو تنهدت:الله يكون بعونك
ساره قامت:هيا خلاص بروح غرفتي الوقت تأخر
هنو:ؤوكي تصبحي على خير
ساره:وانتِ من اهله..(وراحت جناحها جلست شويا ع الكنب وبعدها سمعت صوت فتحة باب قووية
يوسف وهوا يروحلها ويضربهاا:انتي من جد شكلك ماتربيتي
ساره ودموعها بدت تنزل:ماسوووويت شي
يوسف اداها كف:كل هاذا وماسويتي شي من جد إنك وحده قذره وسافله و.........(قعد يسبها ويجرحها بكلامه)
يوسف:انتي طاالق ولا عاد اشوف خشتك بالبيت
ساره وهيا تببكي من الضرب إللي جاها:احسسن تحسبني انا إللي ميته فيك..انا اتمنى اطلع من عندك اليوم قبل بكره
يوسف شدها من شعرها وطلعها الجناح:براااااااا بسرعه..(جاب عبايتها ورماها في وجهها اول مالبستها طلعها من البيت وقفل الباب بوجهها وهيا تبكي)
ساره تدق الباب:يوووسف ابغا جواااالي
يوسف من جنب الباب:وربي اسمع صوووتك ثاني مره لأطلع واكفخك بالشاارع ساااامعه
ساره جلست بالارض وقعدت تبكي بقلبهاا"الحين ايش اسوي جوال وماعندي حتى شنطتي ماجابها":............(مرت سياره من جنبها وجلس السواق يطالع فيهااا)
ساره اتذكرت ورمت الطرحه على وجهها وبعدها حاولت تذكر طريق بيتهـم وقعدت تمششي وحاسه نفسها ضيعـت بس بالنهاية شافت بيتهم وجري لعنده
ساره وهي تدق الباااب وتعبااااااانه رجولها اتكسرت من المشي ووجهها كلو ضربات يوسف وشكلها إللي مايعرفها بيخاف:افتحوووووولي
ابو عبد الرحمن وام عبد الرحمن كانو قاعدين يتفرجو تيلفزيون
ابو عبد الرحمن مستغرب:في صوت صراخ من الحوش
ام عبد الرحمن قامت معاه:روح شوف مين
ابو عبد الرحمن فتح الباب حق البيت وطلع للحوش انصدم وطالع بأم عبد الرحمن:هاذا صوت ساره..(وجري عند الباب وفتحولها وهما خااايفين وعلى قلوبهـم..)
ساره دخلت وهي ماتشوف فين بتمشي واغمى عليها من الـتعـب ..
ابو عبد الرحمن وام عبد الرحمن:..!!!!!!!!!!!!!!!!!!!
__________________
إلا هنا قد انتهــى البارت الـ 34..
قـرآءة ممـتعـة وان شاء الله يعجبـكم..
وانتـظروؤونــي مع البآآرت 35 و الاأخـــــــــــــيـــــــــــــــــــــر ..

|||..الشوق ذبحني..|||

يعطيك أإلف أإلفييين عىأإفيـه وشششششششششششكلوـو طويل

رآأإح أإقرآه اليوم .. قبل مآأنـآم ...

ولي بآك مع التعليـــ ق ..

وربي ببكي الروآيـه بتخلص

نووووووووووووب

[ندعوك للتسجيل في المنتدى أو التعريف بنفسك لمعاينة هذه الصورة]

..T_T

واااااااااااااااااااااااااو ثم وااااااااااااااااااااااااااااااو ثم وااااااااااااااااااااااااااااااااااااااااااااااااو

بارت جنااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان

حرآآآم البارت الاخييير واااااااو

من جد عشششت جو مع الرواية لحد الجنوؤوؤوؤون >خخخخخخخ الله يخلف

تسسسسسسسسسلمي يابعـدي ع البارت

مررره حلوووو ومتحمسسسسسسسسسسه للبارت الاخير ^___^

.. آأإممممم سلآلآم
مآشآْ الله مآتأخرتي كتير
جيت وقآريتهآ مآعندي اي تعليق ع البآرت > يعني شي خطآ هههههههههه > فضيحه دي البنت
الموهيم
أإممم خليني اركز ع البارت .. واعيدوو دقيقه .. لآنو قريتو امس
أولآ / فيصل يالبيه فكةةةةة طلق الدوبـه رزآن تفو تفووووو
فرحت من قلبي واللهي .. فكه من وجهآ انا دي البنت سبحآن الله ممآهضمتهآ اببد من اول موقف سوه مع رنوود يوم حبسوهآ هههههههه > دكريآت قدييمـه كككككككككككك
فكة من وشهآ .. يارب
دحموني / الله يقلعو نذذذذذذذذل واللي حرآآآآآآآآآآآم احسوو لاااابق لـ مهوووشآ وربي قهر وربي نذل حرآآآم والله .. قهرنيييييي مع انو احبووو دحمون احلى واحد في الرورو ..
بس لييش يسوي كيدآ نوب بليز خليه يتزوجهآـآ قهرررررررررررررر ..
أمآ مهووشآ / الله يصبرهآ يااااااارب مو عارفه ايش صااير الله يعينها احسهآ بتنهآر بس بالبارت الاخير زودي مقطع البكآء حقهآ يعني ماصارت بنيه هع الله يستر بنآتنآ بس > حسيت اني عجوز خخخ وإن شاء الله محد يوقع في دي الورطـه هع
آمـآ سارآ / يآآآآآآآآآآرببي حرآآآآآآآآآآآم سلطين دآآآ كلب وقسم لييش يسوس هيكآ عذب البنت
يوسسف لو كآن قدآمي وربي لطشششتو لمن يدعس تبن تبن تبن > اخس ع الإحترآم هع هع
وآأإمممممممممم آلاء بليز خليهآ تحمل تجبيب ولد هيآ وترفرف
وع قول خديج محمد هوآ نفسو لآلآ آ اعتقققققد ابدآآآ انو نفسوو
بس دي الروآ]ه غريبه كلو أسمآء مكررآ
المهم ان شاء الله مانسسسيت أإحد
لآلآ يب سلطآن دآ خطييييييييير بس قهرني فكرتو غبيه
ومحمد اخو رينآد وربي احسو خقققققققققققققه هههههههههههههههههه
وبآآآس
.. وماشاء الله البارت طوويل مابغى يخلص > تفو تفو
وقسسسسسسسسسسمن كل مآ ادكر انو البارت الأخير .. قريب
أحزن يالبيييييييييه وربي تعودت ع الرورو [ندعوك للتسجيل في المنتدى أو التعريف بنفسك لمعاينة هذه الصورة]
ياربي وربي مو مصدقققققه انووو خلصصصصت الروآيآ قصددددددي بتخلص
واللهي حرآآم وقسمن ع قووووول شوكو خليه بآخر يوم شعبآن
واللهي حرآم ..
اتحيل زمآن لمن بدأتي ههههه قلت شوآٌق مآتبغى تخلص شكلهآ من كثر القصص
ههههههههههه .. وربي عيييب ههههههه
يلا الحمدلله وفرحآآآآآآنه من كل قلبي انك بتختمي الروآيه
انجآز لا يعلى عليه موفقه ياااااارب
تقبلي مروري
ولي باك .. للبارت الاخير [ندعوك للتسجيل في المنتدى أو التعريف بنفسك لمعاينة هذه الصورة]

وآأإوو حمآأإسسسسسسسيشنززز ^_^
ييلآلآلإلآلإلآلإ كملي ...
وينك تأخرتي الجميـع ينتظرونك ..
وكمآن حبتين هآأإع
لآهنتي يآأإعسوولتي الصعنونـه
أإصتنآآآك

Wow

فديييييييتكم على هييكـ ردوود حومـآأإأآأإأآص

ودا البارت الأخيييير من رورتي لعيوووووون كلللللللل إللي ردو في روايتي من اول صفحه لين الاآخر ^^

وبسسسستهــبل اول مايصلح شاحن لاب توبي هع

انتظروو استهبالاتي وحكاياتي خآآآآص بمنتدى وناسة بنااااااات يالبي قلبـه وهـ بسس

يلا اخلــيــكممممممممم .....

تذكير بالبارت السابق..:
... سلطان عرف من اخته ان ساره تبغا تطلق من يوسف...
... ابو ريهام كلم فيصل يا بنته يا زوجته الثانيه(رازان)...
...عبد الرحمن راح عند مها و..........^_* >أول مره في التذكير هـآأإع...
...بعد 4 ايآآآم:رجع عبد العزيز وترف من الهـند وعرف إنه فيصل اخوه اتزوج ثانيه...
...أنـور وملك جاؤ جـده عشان زوااج مها...وعرفت ملك من ريهام إنه زواج عبد الرحمن قريب بس مو عارفه انها هيا نفسها مها !...
...فيصل رجع من المدينة وراح بيت عبد الرحمن وسهر عنده وساب ليلة رازان..وصار هووشه بين رازان وريهام وانتهـت بريهام اأدت رازان كفين >حاسة نفسي بنشرة اخبار هع...
...نيهـآآد زوجة مختار حـآمـل...
...محمد قابل يوسف وقاله الكلام إللي قاله ياه سلطاان عشان يفرق بينهم...
...فيصل طلق رازان ! ...
...يوسف بعد الكلام إللي سمعه من محمد رجع البيت وضررب في ساااره =( ...
...انور وعبد الرحمن اتقآآبلو ×××...
...هنو اخت يوسف فتحت الباب للساره وودتها المستشفى بدون علم يوسف ...
...انور رجع البيت وأغمى عليه وودوه المستشفى...
...ساره كانت حامل بس من الضرب إللي اخدته من يوسف اجهضت...
...أنـــور توووووفى !...
...عبد الرحمن قال لأمه مارح يتزوج مهااا...
...بعد 3 ايام العززى حقت أنور...
...ريناد وريما وترف خرجوو مع السواق وفي إحدى الاشارات ريناد شافت محمد اخو رينااد وورته ريما...
...سسساآرة اتطلقت من يوسف وطردها من البيت وراحت بيتهم مشي على الاقدام..وفتحلها الباب بوها وامهااا وإنصصدمو من شكلها...
...>>كأنو طوّل التذكير هـ المره هع ..يلا يمكن حس إنه آخر مره رح ينكتب ^.^ >>...
...........
البـآآرت الـ خامس والثلاثين / 35 والاأخيييييييييييييير:(
ببيت ابو عبد الرحمـن
ساره دخلت وهي ماتشوف فين بتمشي واغمى عليها من الـتعـب ..
ابو عبد الرحمن وام عبد الرحمن:..!!!!!!!!!!!!!!!!!!!..(بسرعه شالها ابو عبد الرحمن ودخلها بالصاله وبعدين جابت ام عبد الرحمن مويا وجابولها عـطرر تشمّه وبعدين بدأت تصحصح)
ام عبد الرحمن حضنتها وبكيت:ايش فيكي يابنتي..مين إللي سوا فيكي كذا..؟!!
ساره حضنتها امها ولافكتها:يوووسف ياؤمي عذبنــي معاه كثيير
ابو عبد الرحمن وامها منصدمين:ايش..؟!!
ساره واخيرا فكت ؤمها وتطالع بأبوها وعيونها حمررا من كثر البكي:انا تطلقت
ام عبد الرحمن:ايش تقوولي..؟؟؟؟
ابو عبد الرحمن:ايش صاار بينكم ..؟!!!..(حكتهم كل شي من اول يوم جاء وضربّها..! بس حكاية العملية إللي سوتها ماقالتلهم)
ابو عبد الرحمن معصب:كيف يسوي كذا فيكي القليل الادب..والله هو إللي ماترباا..وبنتي اتربت احسن تربيه
ام عبد الرحمن تنهدت:إن لله وإن لله راجعون..وشفيه خررف ذا زوجك
ساره قامت:خلاص ماعده زوجي...عن اذنكم انا تعبانه وابا ارتاح بغرفتي
ام عبد الرحمن:طيب تبغي تاكلي شي..؟
ساره تطلع الدرج:لآ الحمد الله نفسي مسدوده..تصبحو على خير
امها وابوها:وانتي من اهله..
_______________
فـ الشركه..مكتب فيصل
عبد الرحمن مصدوم:من ججد..؟!
فيصل:وربي..انا عرفت من اول يوم توفى من ريهام عشان صحبتها ملك..بس ماتوقعتك مانت عارف
عبد الرحمن:أماااا صحبات..!
فيصل:ايوا وأزيدك من الشعر بيت..حتى الاء صحبــة مها زوجتك سابقاً
عبد الرحمن:هييييا عاد
فيصل:وربي..الله يصبرها بس
عبد الرحمن:من جد الان ماعندها احد..أول كان اخوهاا والحين توفى..يلا الله يرحمه
فيصل:ايش رايك تتزوجها
عبد الرحمن:من جدك انت ولا تستهبل
فيصل:لا وربي من ججد..حالتها مرره ماتسر على قولة ريهام
عبد الرحمن:بس صعبــه اقول لأمي ماابغاها والان اقولها برجعهاا بتقولّي لعب عيال هياا
فيصل:هههههه من جد..خلاص خليك لاتتزوج بدري عشان ماتيجيها سكته قلبيه
عبد الرحمن تنهد:ومن قالك إني بتزوج..خلاص عفت الزوااج غير من وحده
فيصل:مين هيا..؟
عبد الرحمن:ملك
فيصل:يوووه عن جد مغبّر اتوقـع خلاص نسيتك ودحين هيا ارمله
عبد الرحمن:طيب ليش الارامل مايتزوجوو
فيصل:بس ترا قوووية..تتزوج زوجة اخو زوجتك سابقا..يعني من ججد وقتهاا الله العالم ايش بيصيرلها
عبد الرحمن:لآلالآ..محتزوجها غير لمن الامور تهدى ومها تتزوج..وساعتها هيا إللي بتنساني وانا اتزوج ملك
فيصل:آأمممم والله مدري عن مخططاتك بس على الله لمن مها تتزوج وملك دحين بعدّه ماحتخلص غير اربعة شهور وسبعة ايام
عبد الرحمن:من جد مطـول انا..يلآ بس قوم ترا خلص الدوام من زمان
فيصل:هههههه طيب
_______________
ببيت مهاا وعايشه فيه ملك معاها - غرفة مهاا
جاتهاا رساله من عبد الرحمن [ عظم الله أجرررك..معليش جات متأخره بس الان عرفت الخبر ]
وبعد شوياا جات ملك الغرفه وادتها ظرف جالها وراحت برا فتحت الظرف مها ولقت ورقة طلاقها من عبد الرحمن
مها حطت يدها على فمها تمنع شهقاتها"ليش ياأنور ماتبغااني اتزوج عبد الرحمن ليييييش..؟!":...................
ملك جالسه في غرفتها وعندها الاء وريهام
الاء:ايوا هوا نفسه
ملك:مسستحيل
ريهام:وربي..يمكن عشان كذا انور الله يرحمه قالها لاتتزوجيه..لأنه يعرف انه حبيبك سابقا
الاء:وصصح انتي قلتي راحو وشافو بعض..اكيد صار شي ولا اتضاربو عشان كذاا
ملك:يوووه والله حرااام..كل إللي يصير لـ مها بسببي
ريهام:لا مو بسببك عاد هاذا المكتووب لهاا
ملك تنهدت:الله يقويهاا بس
ريهام والاء:امين
______________
اليــوم إللي بعـده
بيت ابو يوسف - غرفة امهم
هنو معصبه:ذا ولدك يفقش القلب..
هاله:ايش فيكم انتوو..؟!..طيب هوا ليه طلقها من أساسه
هنو وام يوسف:مانعرف
هاله مستغرب:اجل كدا بدون سبب..!!
هنو:لالا في سبب بس اخوك مو راضي يتكلم..اجل كل الضرب إللي اخدته وبدون سبب مستحييل
هاله ماركزت:اهاا
ام يوسف انصدمت:أي ضررب..؟؟
هنو"خليني اتكلم وانفك":آآ..بصرآآحـه يوسف ضرب ساره كثيير لمن اجهضت
هاله وام يوسف شهقوو:ايييش
هنو:والله..عشان كدا بيكون في سبب 100%
ام يوسف:يامصيبتي..ايش بتقول عننا ام عبد الرحمن الان..ضرّب بنتي وطيح عليها الولد وبالنهاية طلقها..!
هاله تنهدت:لمن يرجع يوسف نتفاهم معاه لمن يقوولنا ايش صار بينهم
هنو:ان شاء الله يتكلم بس
______________
ببيت ابو عبد الرحمن ع العشاء قاعدين ساره وامها وابوها..وبعدها جاء عبد الرحمن
عبد الرحمن كان يشوف ساره من ظهرها:وااااو ساره عندنااا حركتاااات
ساره ابتسمت غصب عنها:اهلين
عبد الرحمن شاف وجهها وانصدم:خييير ايش صارلك..؟!!!
ساره:ولاشي..اقعد اتعشى
ام عبد الرحمن طالعت عبد الرحمن بنظرة بعدين افهمك كل شي..وبعدها جلس يتعشى معاهم واستغرب اكثر سكووت ساره طول الوقـت وسرحانه..
عبد الرحمن بغرفة امه:نعم نعم تطلقت..؟!!!!!!!
ام عبد الرحمن:اييوا
عبد الرحمن سكت لحظه واتذكر على طوول مهاا..جات بأخته الان..فعلاً كما تدين تدان ..!
ام عبد الرحمن استغربت سكوته:ايش فيك
عبد الرحمن انتبه لأمه:هاه..لالاوشي..طيب انا تعبان بطلع انام
ام عبد الرحمن"وشفيه مو على بعضه حتى ماسأل ايش صار بينهم او ايش السبب..!":طيب تصبح على خير
عبد الرحمن وهوا يقفل الباب:وانتي من اهله
______________
بعـد مرور 3 شهوووور
ببيت ابو رانيا (ابو عبد الله = عم مها)
ام عبد الله:مايصير كذا انت لازم تتزوج رح تصك الثلاثين الان
عبد الله:حتى الزوااج غصب..مااااني متزوج كم مره اعيد كلامي
ام عبد الله:بس هـ المره غير..هاذي بنت عمك وخلصت عدة طلاقها ومالها احد الحين غيرناا
عبد الله:وليش زوجها الأولاني طلقها اكيد فيها عيب لو كذا
ام عبد الله انصدمت:عبد الله انت شتقوول..اقولك بنت عمك واثقين منهاا
عبد الله:طيب تستنى لمن يجي نصيبها
ام عبد الله:إن لله..اسسمع زواج مانت متزوج غيرهاا
عبد الله:اصلاً ماحتزوج لا هيا ولا غيرهاا
ام عبد الله عصبت:عبد الله
عبد الله:هلا
ام عبد الله:حتتزوج يعني حتتزوج..انت ايش فاكر ترا كلام الناس مايرحم واحد في عمرك وماتزوج ايش التفسير يعني
عبد الله:؟؟
ام عبد الله:اكيد بيفسروها إنك رجال من شباب هـ اليومين الله يستر عليهم..وإنك صاايع وحق بناات
عبد الله:محد رح يفكـر بذا التفكير غيرك
ام عبد الله:لاتنااقشني..وبالعكس الكل رح يقول كذا وبذات الان مع حالة مها بنت عمه وماعندها احد غير عمها وولد عمها مو راضي يتزوجهاا..وربي ماصارت
عبد الله تنهد:طيب خليها تيجي تعيش عندناا
ام عبد الله:ماافي.. وانت متزوجها يعني متزوجهاا
عبد الله:لاتغصبووني على شي ماابغاه..لمن يطق براسي اتزوج باجي وبقلك
ام عبد الله معصبه منه:بنت عمك ومافي غيرهاا ومارح نستنى لمن يطق براس حظرتك.. ذا الاسبوع تروح تعقد عليهاا وبما إنو الظروف صعبه نسوي زواج واخووها توفى قريب فـ رح تيجي هنا طوالي
عبد الله:ذا الاسبوووووووع..؟!!!!
ام عبد الله:ايواا
عبد الله:وليش ذي السرعه..اصلا كذا كذا رح يكون زواجي منها (بصوت واطي)..ورق وبسس
ام عبد الله سمعته:نعععم..!!...عبد الله لو مااتزوجتهاا وجابت منك مارح ارضى عليك ليوم الديـن
عبد الله فك الزرار الاول من ثوبه وقام:طيب خلاص يصير خير..واي شي تقوليه انتي وابويا انا موافق..يلا توصي شي انا طالع
ام عبد الله:سلآمتك
عبد الله:الله يسلمك ولاتنسي تروحي تقولي لـ بنت عمي ع الموضوع..(وطلع وهوا يقول يارب ماتوااافق)
______________
بالسيارة عند فيصل وريهام
فيصل:ماكأنو بدري علينا
ريهام:؟
فيصل ضحك:لاتفهمي غللط..بس اقول لسه ماشبعت منك وعلى طول يجي ولد يخبص علينا
ريهام ابتسمت:على الله تسعه شهوور
فيصل تنهد:على قوللتك ..(بعدها بدقايق وصلو البيت وكان عبد العزيز طالع)
عبد العزيز:سلام
فيصل وريهام:وعليكم السلام
فيصل:حزر فزر
عبد العزيز:يووؤ بطلووها ذي الكلمه
فيصل:هههههه من جد..ع العموم رح اكون ابو بعد 9 شهور ان شاء الله
عبد العزيز ابتسم:واااااو ايش القلآلآده هادي
فيصل:هههههههههه مع نفسك
عبد العزيز:الف الف مبرووووك..بس انا حتيجي بنتي بعد 4 شهور
فيصل: الله يبارك فيك..أماا بنت
عبد العزيز:ايوا بنووته..يلآ بايو (وركب سيارته وخرج)
فيصل طالع بريهام:وانتِ ايش نفسك تجيبي اول واحد
ريهام:عادي إللي يجي من الله حلو
فيصل:وه بسسس..(دخلوو البيت وكان فـ الصاله ريما)
ريما:حللتي وايش طلع..؟
ريهام ابتسمت:انا حااامل
ريما نطت:وااااااااو حصير عمه مرتين في دي السنه
ريهام:ههههههه ايوا
فيصل:يلا نروح نبشر ؤمي شكلها بتبكي من الفرحـه هع..(وطلعـوو لعند ام فيصل وقالولها..)
________________
ببيت ابو عبد الرحمن - غرفة ساره
ساره:ؤمي زواج ماابغا اتزوج خلالاص
ام عبد الرحمن:يابنتي بعدين مارح ينفعك غير زوجك لو اخذنا العمر انا وابوكي
ساره:لالا الله يطوّل بعمركم ان شاء الله
ام عبد الرحمن:ترا هـ المره ومو زي إللي جاكي قبل
ساره:ليش هـ المره مين ان شاء الله
ام عبد الرحمن:إللي خطبك امس صاحب عبد الرحمن
ساره استغربت ماتذكر صاحب عند اخوها مو متزوج:ميين..؟!
ام عبد الرحمن:آأمممم والله نسيت اسمه..بس ابوكي كمان يعرفه ويمدح فيه وإنه رجال ماينعاب وعيب لو رفضتيه بدون سبب..وممكن علاقته بأخوكي تتقطع بعدها
ساره:وانا ايش دخلني فيه..عاد قسمه ونصيب لو رفضت
ام عبد الرحمن"هاذي البنت الكلام مايجي معها":لالا مارح ترفضي ان شاء الله..ابغا اشوف عياالك قبل لاامووت
ساره:ؤمــي بلا هـ الكلالام
ام عبد الرحمن:اجل وافـقـي ولا من جد انا وابوكي بنـزعـل عليك
ساره تنهدت وهي عااارفه نفسها رح ترفض:اأفكـر..(وبعدهاا طلعت ام عبد الرحمن من غرفة ساره وجلست تفكـرر وبعدها قررت تستخير وتشوف)
________________
ببيت سلطان
العنود:انت خطبت سااااره..؟!!!!!!!!
سلطان:ايوا ايش فيكي
العنود بشك:ومن وين تعرفهاا ؟؟
سلطان:تبي الصدق..تذكري مره لمن فتشتي جوالي ترا كانت هيا ساره نفسها
العنود شهقت:كذااااااااااااااااااب
سلطان:وربي
العنود:يعني حاط عينك عليها
سلطان:ومن قبل لاتتزوج
العنود:ؤوففف حالتك حاله..بس حمااس سوسو زوجة اخويا ههههههه
سلطان"ان شاء الله توافق..لإنها لو ماوافقت باخذها غصب عنها..صحيح إللي سويته فيها قبل مو قليل إلين ماتطلقت بس لازم تتكمل مايصير ذاك كلو راح ع الفااضي":ان شاء الله..المهم كيف نفسيتك
العنود:ههههه ايش فيها نفسيتي..والله مبسوطه ولله الحمد
سلطان:اقصد عشان زواجك بعد بكره ياخبله
العنود:اهاااا..آأممممم (استحت)..والله مدري شقول..يعني عادي
سلطان غمزلها:ههههههههه وه ياعاادي انتي
_______________
ببيت ام ياسر
ريناد:الوو ريوم نسيت اقولك
ريما:ايش
ريناد:زهمت رينااد عندي بكره
ريما:اهااااا..إلا عاارفه اآخر الاخبار عندنا
ريناد:ايش هيا..؟
ريما:ريهام حاامل
ريناد:وااااااااااو كداااابه
ريما:وربي انا طاايرة من الفررحه
ريناد:مييين قدك بتصيري عمه من ترف ومن ريهام ههههه
ريما:وترا ترف بتجيب بنت ان شاء الله
ريناد:وااو بنوته حماااس خلاص بخطبها لـ عمعم
ريما:ههههههه تخطبيها ولسه ماجات وربي إنك حااله
ريناد:هههههههههههههه
_____________
اليـوم إللي بعـده
ببيت ابو عبد الرحمن..
طلعت ساره من غرفتها وراحت غرفة امها
ام عبد الرحمن:ادخل
ساره:هلا..(بعد لمن جلست وطالعت بالغرفه شويا وبعدين اتكلمت)
ساره"استغفر الله من جد إللي بقوله كذب لأني ارتحت بس مابغا يصير حظي زي يوسف ×.×":ؤمي
ام عبد الرحمن:هلا
ساره:آأإأآأإممم انا استخرت وو ماارتحت
ام عبد الرحمن كشرت:كنت حااسه إنك بترفضي
ساره:خلاص قسمه ونصيب عاد
ام عبد الرحمن تنهدت:طيب خلاص بكلم اخوكي
ساره قامت:طيب..(وطلعت لـ غرفتهاا )
_____________
ببيت مهاا جات عندها زوجة عمها
مها صحيح إلا الان حزينه على اخوها بس احسن من أول الاياام بكثييير:هلا عمتي
ام عبد الله تسلم عليها:اهلين ايش اخبآآرك عساك طيبه
مها:الحمد الله تماام وانتي كيفك وكيف رانيا..غريبه ماجات معاكِ
ام عبد الله:انا الحمد الله بخير..اممم الصراحه ودي اكلمك بموضوع مهم
مها استغربت:اتفضلي قولي.. (بعد ماقالت ام عبد الله موضوعهاا لخطبتها لأبنها عبد الله)
مها منصدمه:انا..!!..انا إللي اعرفه انه من رانيا إنو عبد الله مايبغا يتزوج ولا ..؟
ام عبد الله"استغفر الله":لالا هاذا الكلام زمان..الحين هوا إللي قالي يبغا يخطبك
مها:آأمممم بصراحه الموضوع يبغاله تفكير
ام عبد الله:اكيد خذي راحتك يابنتي .. وأهـم شي ترديلنا خبر عشان لو في نصيب نعمل زواجكم بسرعه
مها:ان شاء الله
______________
بالشركـة - مكتب عبد الرحمن
عبد الرحمن معصب:نعم نعم ماواافـقـت..؟!!
ام عبد الرحمن:ايـوا خلاص مارتاحـت له
عبد الرحمن:معليش هـ المره مو بكيفهاا .. الان حجي البيت يلا سلام (وقفل وطلع وراح بيتهم طوالي)
ام عبد الرحمن:الله يستر عليك ياساره شكله مرره معصـب منك ...(بعد ربع ساعه وصل دخل غرفة امه وقعدو يتناقشو ع الموضوع)
ام عبد الرحمن:عبد الرحمن لاتغصبها على شي
عبد الرحمن وهوا طالع لـ غرفة ساره:يصير خير ..(دق الباب حق غرفة ساره)
ساره:اتفضل
عبد الرحمن:زاد فضلك كيفك..؟
ساره:تمام وانت..؟
عبد الرحمن:تماام ..(جلسو يتكلموو شويات وبعدين فتح الموضوع عبد الرحمن)
عبد الرحمن"سامحيني لازم اقول هـ الكلام لمصلحتك":ساره هـ المره رح تتزوجيه ويكون بالرضا احسسن
ساره عصبت:كيف يعني بتغصبوني اتزوجه
عبد الرحمن:وانا ليش اقولك برضااك احسن
ساره:مو من حقكم
عبد الرحمن:لا ياشيخه سهله اقنع ابويا..واصلا ابوك موافق عليه حرام تفوتيّه وفوق ذا كلو صااحبي واعرف كل شي عنه مرره مو راعي حركات ولاششي
ساره:لاااا عبد الرحماااان بلييييييييييييز
عبد الرحمن:تتزوجيه برضآآكِ احسن
ساره:ماابغاااااه ماابغااه
عبد الرحمن قام من الكنب:انتي ماينفع الكلام معـك .. ورح اقوله إنك موافـقه
ساره بكيت:حراام عليييكم
عبد الرحمن قسى قلبه وطلع وخلاها تبكي بـ غرفتهاا
________________
ببيت ام ياسر - غرفة ريناد
ريناد:اهليين تو مانور البيت
رينااد:منور بوجودك يالغلا
ريناد:اتفضلي حيآكـ..(ضيفتها وبعدها بشويا جات ريما وقعدو يسولفوا مع بعـض لين الساعه 12 دقت رينااد على اخوها)
___________
ببيت سلطان عندو ياسر ومحمد رن جوال محمد ورد
محمد:هلا
رينااد:اهلين..كيفك
محمد:تماام وانتي
رينااد:تمام يلا تعالي بيت صحبتي
محمد:طيب سلام(قفل منها وأستأذن)
سلطان:بدرري يارجال
محمد:بروح ارجع اختي من بيت ياسر وبرجعلكم
سلطان وياسر:اهااا طيب ..(وطلع )
ـــــــــــــــــــــ
ببيت ام ياسر
رينااد:والله انبسسطت معاكم بنات
ريما:والله قهر بدري
رينااد:لاا وشو بدري محمد بيذبحني
ريما:مين محمد..؟
رينااد:اخويا الكبير هوا إللي دحين برا
ريناد وريما:اهااا..(بعدها سلمت عليهم وطلعت وطبعا طق عندهم عرق اللقافه وفتحو الشباك يشوفوا اخوها )
ريما:وااااوز اتغيير عن آخر مره شوفناه بالسيارة هع
ريناد:اماا لوول اشوفوا زيما هوا بس اول بالثوب اما الان نوب
ريما:ههههه بس رهيييب
ريناد:قولي ماشاء الله
ريما:له له له اتطووورنااا..(غمزتلها)..لايكووون حبيناه
ريناد ضربتها بخفيف:هيييييي طبعا نوو
ريما:ههههههههه طيب خلاص ..(وبعدها بنص ساعه روحت ريما من عندها وجلست ريناد تفكر بـ محمد اخو رينااد)
______________
اليوم زواااج العنوووود - فالقـآآعـة كان كل شي مررتب وذوؤوق ..
العنود:بلا هبل ادخـل
سلطان:لو دخلت مارح ادخل إلا عشان خطيبتي..ابغا اشوفها
العنود:ههههه اصلا بتكـون بالعباية كيف بتشوفوها
سلطان:عادي بزهمها كفاية شوفه شرعيه ماشفتهاا
العنود:لوول الله يكون بعونك بس
___________
بالسسيآرة عند عبد الرحمن
ساره:سلامات انت رايح زواج الرجال..؟
عبد الرحمن:ايوا طبعا كيف مااروح
ساره استغربت وسكتت لمن وصلوو
عبد الرحمن ابتسم:عسى تكحلي عيونك بخطيبك (وبعدها نزلت عند قاعة النساء وهوا راح عند الرجال..)
ساره دخلت :خطيبي..؟!!! ههههه من جد اخوي خررّف..(بعدها لقت بشاير وسلآم هيا وياها وطلعو عند العنود يونسوها شويا..وبعدها نزلو لأنه وقت الزفـه انزفو على خيرر هيا وزوجها بدر وبعدين دخل سلطان..ساره كانت قاعده مع ريهام وبشاير..ماركزت على إللي دخل لمن وصل الكوشه شهقت بصوت عالي)
كل الطاوله إللي جالسه فيها طالعو:..!!!!
ريهام وبشاير:ايش فيكي سلامات..؟!
ساره اتوترت:هههه لا ايش بيكون فيني يعني بس طلعت غلط
ريهام تعرف ساره بنت خالها بس طنشتهاا وبعدهاا دخل رجاال .. الكل طاالع فيه إلي اتوقع خالها او عمهاا او اي محرم لها بس محد خطر في باله إنه ابوووها..!
العنود وسلطان متنحين
العنود شوي وتصيح تكلم سلطان همس:هاذا ابوي ولا اتخيّل
سلطان ابتسم:لا هوو بنفسه ماتتخيلي
العنود:واااااااو ..(ثواني إلا وهوا قدام ابنائه العنود حظنته وقعدت تبكي..اما سلطان انحرج من اخته بيوم زوااجها وكذاا..بس من حقها سنين ماشافت ابوها)
سلطان وخرها بمزح:هييي لا تبكي قدام الناس ترا يضحكو عليكي بيوم زواجك هع
العنود ابتسمت:طير بس
سلطان:ههههه اخلالاق..(وسلم على ابووه)
ابو سلطان:ياحيا الله..
سلطان:هلا والله تو مانوورت جده..الحمد الله ع السسلامه
ابو سلطان:الله يسلمك اخبااارك
سلطان:الحمد الله وانت وربي اششتقناالك وش ذي الغيبات
ابو سلطان:بس اهـم شي فاجأتكم الليله
سلطان:مررررره ماتوقعت تيجي بس حلووة
ابو سلطان ابتسمله وراح سلم على زوج بنته وباركله
بدر:الله يبارك بعمرك ياعمي ..(واخذ كم صورة معاهم وطلع وجلس سلطان شويا)
سلطان يكلم العنود بهمس:هيي شوفيلي دبره ابغااشوفها
العنود:ههههههه بلاهي
سلطان:من جد اتكلم
العنود تستهبل:روح عند المغنيه وخد المايك وناديها
سلطان:ههههههههههه تيجي منك الافكار الرهييبه ذي
عند ساره دق عليها عبد الرحمن استغربت داق بوقت غللط (ردت عليه)
ساره:لالاتقوول بنروح دحين
عبد الرحمن ضحك:ههههههههه لالا بس اقولك ايش رايك بزوجك
ساره مااستوعبت:مين تقصدك..صح مين الرجال إللي دخل بعد اخوها
عبد الرحمن:اهاا هاذا ابوهاا
ساره:امااااا
عبد الرحمن:والله ..الموهم من جد ايش رايك فيه
ساره:مين العريس..؟؟
عبد الرحمن:تستهبلي انتي
ساره:لا والله من جد ماني فاهمه مين تقصد
عبد الرحمن:اخوهاا زوجك ياحلوة
ساره انصدمـــت وقفلت الخط بوجهه"سلطان هوا زوجي..؟!!!!!!!!!!!!!!! مسستحيل":..............
في الكووشه
سلطان قام وسلم عليها:خلاص بطلع اووريكي بس حتى ماخليتيني اشوفهاا
العنود بهمس له:والله مو بيدي هع..الموهم خلاص روح
سلطان:وجع طررده..يلاسلام(سلم على بدر وطلع لقاعة الرجال جلس شويا مع ابوه إللي اكثر المعازيم يكلموه وبعدين راح عند عبد الرحمن وجلس جنبه)
سلطان:اقوووولك شي
عبد الرحمن:قول
سلطان:ابغا اآخذ نظره شرعيه
عبد الرحمن:هههههههههه من جدك..اخاف تخق عليناا
سلطان:لاتخاف بمسك نفسي
عبد الرحمن:يقلآلآع..طيب عندك مكان
سلطان:آأمممم ايوا في غرفة في بداية قاعتهم توصلنا للغرفة إللي كانت اختي فيها
عبد الرحمن:اهااا..طيب ادق عليها واشوف ..(دق عليها وبعد رنتين ردت وتفكيرها مشغوول بسلطان)
ساره:بنروح..؟
عبد الرحمن ضحك:ايش الحكاية معاكي هع..لالا بس ابغااقولك سلطان يبغا يشوفك
ساره تنحت:هااه..يشوفني انا
عبد الرحمن يستهبل:لاانا
ساره بسرعه:لالالالا ماقدر
عبد الرحمن:لاتخافي مابيطول نظرة شرعيه على قولته
ساره:لأ ماقدر فستاني مره مايسمح وكمان نظرة شرعيه اخاف يتهور فيني
عبد الرحمن مااستحمل:ههههههههههههههههههه طيب يلا سلااام ..(وقفل منها وطالع بسلطان)
سلطان:ايش فيك تضحك
عبد الرحمن مبتسم:خيرها بغيرها
سلطان:امااا
عبد الرحمن:ماتقـدر تشوفك..وبعدين خير نظره شرعيه بفستان اكششخ
سلطان:هههههههه مولت عليك ..قهرر
عبد الرحمن فاطس ضحك:اقوول ترا مردها لك وبتشبع منهاا
سلطان غمزله:مااظن بشبع
عبد الرحمن:يقلآلآلآع شكلك بسس
سلطان:ههههههههههه..(بعدها بساعتين روحوو النااس وراحو العريسين الفندق و......................^_* )
________________
بعد مرور اسسبوع
الاء:واااااااااو بكره بياخذك
مها:ايوااا وربي خااااايفـه ترا محد عارف إني مو بنت غيررك
الاء:الله يكون بعوونك ياقلبي..بس انتي قوليله عشان ماينصدم فيكي
مها:إذا قـدرت
الاء:طيب هوا كيف تعامله يعني عصبي ولا هادي ولا كيف
مها:اممم والله على كلام رانيا اخته فيه إنه هااادي مره ومزاجاته متشقلبه
الاء:اماا كــده اهم شي تقوليله يكون مروق عشان يفهـم منك الحكاية كامله
مها:يوؤ لولاش احس نفسي ماااقدر بستحي
الاء:يوووه انتي وذا الحيا بزحممه
مها:ايش اسوي عاد
الاء:مالك غير تقوليله وإذا ماقلتيله رح يشوف بنفسه ويعصب
مها تنهدت:طيب ان شاء الله بحاول
الاء:ؤك يلا تصبحي على خير ماابغا اسهرك بكره وراكي ليلة طويله
مها:ادعيلي..سسلام..(وقفلوو وكل وحده راحت تنام)
_________________
ببيت ابو عبد الرحمن - غرفة امهم
عبد الرحمن:ؤمي بخطب
ام عبد الرحمن:ايوا وبعدين مايصير نصيب زي المره إللي فاتت
عبد الرحمن:لالا ان شااء الله هـ المره فيه نصيب عاد تفاألو
ام عبد الرحيم:ومين هياا..؟؟
عبد الرحمن بالغلط:بنت عمتي ملك
ام عبد الرحمن انصدمت:بنت عمك مين..؟!!..ريهام والاء متزوجاات
عبد الرحمن استوعب إللي قاله وتنهد:خلاص عاد لانضحك على نفسنا..اقصد عمتي الثانيه ام مختار
ام عبد الرحمن انربط لسانها من الصدمه:........!
عبد الرحمن:هيا الان ارمله وابغاها
ام عبد الرحمن:كيـف عرفـت..؟؟؟
عبد الرحمن:تبغي الصدق كانت زميلتي زمان بالجامعه تعرفت عليهاا
ام عبد الرحمن:وكيف عرفت انها بنت عمك
عبد الرحمن:شفت اخوها مختار وعرفني وعرفته من ايام الطفووله..(سمعو صوت باب)
ام عبد الرحمن:ابوك لو سمع بنت مين تبغاا مارح يسمحلك ورح تصير مشاكـل
عبد الرحمن تأفف:خلاص عاد زودووها ابوي وعمي ماصاارت..
ام عبد الرحمن:يلا الله يلين قلوبهم على اختهم
عبد الرحمن:طيب كيف يعني ماقدر اتزوجها غير برضا ابوي
ام عبد الرحمن:اكيد وأول سؤال بيسأله بنت مين ساعتها رح تروح في داهيه..اختار غيرها
عبد الرحمن معصب من تصرفات ابوه:زواج ماني متزووج غيرها لو بالخفا وبدون مايدري ابوي
ام عبد الرحمن:لالالا شتقوول انت مصيره بيعـرف والله اعـلـم ايش بيسوي فيك وفيهم
عبد الرحمن:ؤمي بصارحك بشي
ام عبد الرحمن:؟؟
عبد الرحمن:انا احب ملك من زماان ومن قبل لااخطب مها
ام عبد الرحمن:كيف تخطب وحده وانت تحب وحده ثانيه..؟!!!
عبد الرحمن:حاولت انساها بس ماقدرت والان زوجها الله يرحمه اقدر اتزوجها مو مافي أمل زي اول
ام عبد الرحمن:يعني بطلت زواجك من مها عشان تتزوج ملك..؟؟؟
عبد الرحمن:امممم يمكن كذا
ام عبد الرحمن:إن لله عليك بس
عبد الرحمن قام وطلع من عند امه ونفذ الفكره المجنونه إللي في راسه..!!
في غرفة سساره دوم بالها مشغوؤول
ساره"ياويييييلي زواجي من سلطان بعد 3 ايام اااه بس اكيد رح يتزوج فيني ذل وضرب .. يعني الرسايل إللي كانت بيننا اكيد متذكرها وبيعاتبني على كل كلمه قلتها اااه الله يعينني..بس معقوله لين الحين يبغاني اتزوجت واتطلقت وجاء وخطبني ! ..فيه شي غريب فذا السلطان"
__________________
اليـــوم إللي بعـده
ببيت ام مختاار
مختار:الان تفهميني كل الحكاية
ملك تنهدت:طيب ....(وقالتله كل الحكاية إللي صارت بينها وبين عبد الرحمن)
مختار:طيب والان جاء وخطبك ايش حيكون ردك..؟
ملك سكتت:.....
مختار:ايش ايوا ولا لأ عشان اردله
ملك:ماعرف
مختار:كيف ماعرف عاد فكري تمام..هاذا زواج مو لعبه
ملك قامت:بستخير وبشوف ..
_______________
بالسسيارة عند عبد الله ومها
عبد الله يسوق السياره وهوا سااكت والجو هدووء بالسياره
مها حدها خاآآآيـفـة معاه"ماني مصدقه الان ذا زوجي من جد":.......
عبد الله"غريبه هاديه كذاا..!؟":..........(لمن وصلوو بيت ابو عبد الله استقبلتها رانيا بأحضان وبعدها طلعت مع زوجها لجناحهـم
مها"لازم اقووله لااااازم":.......
عبد الله"ان لله ياؤمي يعني لازم تزوجيني بالقوة":...............(طالع بمها إللي سرحانه بمخها تجهز الكلام إللي بتقوله)
عبد الله:مابتدخلي الغرفه تبدلي
مها"يوووه ابغا اقوووول" بصوت واااطي:لا
عبد الله ماسمع:ايش
مها كحت وقامت دخلت غرفة النوم بعد نص ساعه فتحت الباب طبعا بخمسه دقايق بدلت لبسها بس جالسه تفكرر بكلامها
عبد الله كان جالس بالكنبه وقام"بـدري":............(وبعدها قرب منهاا وباين شكلها بقوة خايفه)
عبد الله"غريبه ذا الخوف كله مني..لالا شكلو كله دلع بنات قلك حق اول ليله"ابتسم:سلامتك
مها"انا في عز خوفي متى اقوله وذا سلامتك يووه من جد شكلي يفششل:الله يسلمك..(وبعدها قرب منهاا و.........................^_*)
عبد الله انصدم واتوتر يقولها:اممم
مها"انا الغبيه إللي ماتكلمت ؤفففف مني":؟
عبد الله:بصراحه انتِ مو بكر
مها بلعت ريقها:عارفه
عبد الله عقد حوااجبه:كيف..؟!!!
مها"ياوييييييلي شكله من جد عصصب":ااااه طيب بقولك كل شي بس ماتعصـب
عبد الله اتنهد"شكلها وراها بلاوي..قال بنت عمك وموثوق فيها اأهي طلعت مو بنت":قوولي
مها"يووه استحي اوضحله":اممم خطيبي الاول هوا إللي اممم
عبد الله فهمها:ايوا..؟
مها"الحمد الله مااحرجني ولا كنت مابكمل":وكنا مقررين نتزوج بس وصية اخويا الله يرحمه قال لاتتزوجيه..عشان كذا ماتم الزواج
عبد الله:الله يرحمه..اهااااااا
مها"من جدوو ذا ولا يستهبل يابرووودك بس احسن وربي":................
__________________
بعد ثلاثة ايام زواج سلطاان وسساره - طبعا محد يبغا يسووي زواج وشغله فكان زواج ببيت سلطان دامه فاضي وحضرو الاهل بس
ريهام:سساره
ساره:هلا
ريهام:زوجك يصير اخو العنوود..دوبي اعررف
ساره بلعت ريقها:ايوا
ريهام:اهاا..طيب ابغا اقولك شي..بس لو زعلمك ترا مااقصدي ولا تجاوبي
ساره ابتسمت من بين خوفها لأنه الوقت تأخر ومابقي غير امها وريهام:اتفضلي
ريهام:في زواج العنود طلعت شهقه منك اول ماادخل اخوهاا..اممم يعني فيه حكايه مو..؟
ساره:امممم تبغي الصراحه ايواا فيه ...(وحكتلها اغلب إللي صارلها مع سلطان)
ريهام:واااااه أما حكااية عجيبه ودحين تتزوجيه عن جد واااو
ساره:وربي مو بس خايفه الـ الـ خااايفه يصير فيني زيما صارلي مع يوسف
ريهام:لالا ان شاء الله لا
ساره تنهدت:ان شاء الله ..(بعد دقايق جات ام عبد الرحمن ووصلت ريهام معاها بيت ابو فيصل)
ساره"يامااامي مافي فالبيت غيري ودحين هوا جااي..ووينك يالعنود بس متى ترجعي":...............(دقايق جلست سرحاانه مااستوعبت إلا لمن لقت رجال واقف يطالعهاا)
سلطان:نووورتي البيت
ساره بلعت ريقها:آا مـ منور بوجودك
سلطان"واااي ياقلبي وقسم إنها تجنن الواحد":كيفك ..ومبرووك
ساره:الله يبارك بعمرك..كويسه وو انت
سلطان:بخير دامك بخيـر..
ساره"ؤف ليش واقف وانا قاعده وربي حااله":......
سلطان"شكلها مطوّله بالقـعده":يلا نطلع ولا بننام في المجلس
ساره قلبها يدق بقووة"اسستحملي ياساره اكيد رح تيجيكي الطلقه الثانيه":......(قامت بهدوء وطالعت فيه..كان من ججد رهييييب)
سلطان يطالعها فوق تحت:عزا الله القمر راح فيها
ساره مافهمت:ايش
سلطان ضحك:ولاشي بس ماشاء الله طالعه روووعه
ساره تمشي معاه وتطالع الارض:اهااا
سلطان"اشبها اليوم هاديه هههههه وين ايام زمان كانت ؤم الجريئه وعليها لساان هع هع":..............(دخلوو الجناح ؤم الهدوووء والجو باارد)
سلطان قعد ع الكنبه:خدي راحـتك
ساره فتحت عيونها ع الآخر:هآه
سلطان استغرب:ايش فيكِ
ساره شوي وتطير فرح"يعني مابيجيني بالقووة واااااااو":نوو ولا شي..(ودخلت غرفة النوم وقفلت الباب..بعد ثلث ساعه)
سلطان"حشى ذا كل الوقت عشان تبدل لبسهاا!" اتنهد وجلس يستانها:..........
ساره في الغرفه جالسه فوق السرير وتطقطق اصابعهاا:يووه مابا افتـح الباب..(بعد 5 دقايق اتشجعت وفتحت الباب)
سلطان قام"وأخييراَ":بلاه ايش كنتي تسوي
ساره طالعته:نعم..كنت ابدل ايش بسوي يعني
سلطان"وااو فديت اللسان هاذا لوول":هاذا كلله
ساره:امممم ايوا
سلطان قرب لها:بصرااحه تخققيني بسرعه
ساره"كله كذب رجال..دحين باخذ كم كف زي الاول":.......
سلطان"له له له من جد هاااديه":عادي اقول شي
ساره:؟؟
سلطان:اتغيرتي مررره
ساره:انا..؟
سلطان:لاانا
ساره:لا باللهي مااتغيرت ولا حاجه
سلطان:ههههه طيب ليه ماتتكلمي
ساره:مالي نفس
سلطان:افاا مالك نفس تتكلمي اجل كيف لوو..خلاص طيب تبغي تنامي نامي
ساره"من جججد..!؟؟":اقين
سلطان جنب الباب:لمن يكون لك نفس ناديني
ساره:من جدك.؟؟؟
سلطان:لا من عمي
ساره بصوت واطي:رااايق الاخ
سلطان سمعها:اكيييد دام معايا سارونه
ساره تذكرت المكالمات كان دايم يقولها سارونه تعصب مايعجبها ذا الدلع:وعععع
سلطان:هههههه ايش اسوي يعجبني اسميكي كذا
ساره كشرت:طيب يلا ماقلت بتطلع وتخليني انام
سلطان مااستحمل:ههههههههه ووجهك قوي وربي..بس شكلك تحلمي
ساره:احلـم..؟!
سلطان:طبعاا اجل انا ماصدقت تكوني معايا واسيبك ههههااي
ساره:من جد..؟
سلطان:يب يب كله بس عشان تتكلمي معايا..لإني مااحبك هاديه
ساره طالعت فيه نظره
سلطان دخل وقفل الباب بالمفتاح
ساره كشرت:ليه ترا مارح اهرب
سلطان بمزح:يمكن تسويها
ساره:لأ
سلطان قرب منها مرره:هههههه طيب لاتعصبي علينا..
ساره"اهم شي مو بالغصب اه بسس":..........
سلطان مسافة الشعره بينه وبين ساره:وربي ماني مصدق انك معايا..
ساره:طيب صدق
سلطان ابتسم:ولايهـمك............................^_*
_______________
بيت ابو عبد الرحمن - بغرفة عبد الرحمن
ام عبد الرحمن:عبد الرحمن ابوك ماراح يسكت
عبد الرحمن:عادي بتزوجها بدون مايدري ابوي
ام عبد الرحمن:ولو دري
عبد الرحمن:ؤمي ايش فيكي خاايفه مارح يصير شي ان شاء الله
ام عبد الرحمن:الله يسسمع منك ياولـدي ويوفـقـك
عبد الرحمن:امين
ام عبد الرحمن:وفين حتاخذها
عبد الرحمن:عادي عمتي ومختار يعرفو كل الحكاية..بوديها شقه
ام عبد الرحمن:مااعتقد توافق..واكيد تبغا عند اهلها وبالذات إنك مو كل يوم رح تروحلها عشان ابوك مايشك
عبد الرحمن:طيب اصلا اليوم بنكتب كتابنا وبقولها..يلا سلام انا طالع ..( خرج من البيت وركب سيارته وراح بيت عمته الثانيه)
مختار:هلا هلا والله بولد الخال
عبد الرحمن:ياهلالافييك..(جلس وضيفوه وبعدين كتبو كتابهم وراح الشيخ وجلس مع مختار)
مختار بمزح:عايز ولا مافي داعي
عبد الرحمن ابتسم:لا طبعا عاايز
مختار:هههههه ماتفوت ..(قام ونادى اخته تيجي الصالون..بعد دقايق نزلت ملك)
ملك:السلام عليكم
عبد الرحمن قام:وعليكم السلام ياهلا
ملك مدت يدها:كيفك
عبد الرحمن:يعني الان شهوور ماشفتك وتسلمي عليه كذا وانا زوجـك حالياَ
ملك استحت:عاد كيف اسلم
عبد الرحمن ضمها وباسها بخدها:كدا ياقلبي..من جد وحشششتيني
ملك استسلمت لأحضانه:عن جد وانت اكثـــر
عبد الرحمن طالع فيها:للحين تحبيني ولا نسيتي حبنا
ملك:افاا عليك وربي للان معزتك بقلبي
عبد الرحمن:وه بسس حبه حبه عليا
ملك:ههههههه
عبد الرحمن ابتسم:اتفضلي اقعدي
ملك:يووه فشله المفروض انا اقولك بس يلا
عبد الرحمن:انا وانتي واحد ياحياتي
ملك ابتسمت بحيا:من زمان ماانبسطت زيما بكون معاك
عبد الرحمن:ولا اناا ..بسألك سؤال
ملك:اتفضل
عبد الرحمن:زاد فضلك..طيب الان انتِ زوجتي تبغي تعيشي بشقه ولا
ملك:وانت
عبد الرحمن:تعرفي ابويا راسه يابس ومو عارف إني تزوجتك يعني مارح اوديكي البيت وبكون اجي عندك دوم بس عشان ابويا مايشك بخفف بعض الاحيان
ملك:اهاااا..لو كـدا عند ؤمي احسن عشان ماأمل لوحـدي
عبد الرحمن:امم ؤك براحـتك بس الوضع مابيطول كثير إن شاء الله اقنع ابوي
ملك:ان شاء الله
عبد الرحمن:طيب يلا جاهزة
ملك:على..؟
عبد الرحمن غمزلها:عشان نروح الفنـدق
ملك استحت ونزلت راسها:......
عبد الرحمن:فدييت الحيا يانااس
ملك قامت تتجهز وراحت معاه الفندق و.......................^_*
_____________________
بعــد مرور 4 سنوآآآآآآآآآآآآآت - يوم الجمعة
ببيت ابو فـيصل - كل العايلة مجتمعين هنااك هما وعيالهم
ريهام:وين ريناد اتزوجت وماتنشاف
الاء:سيبيها عند زوجهاا بالبلكونه لسه بشهر عسلهم لوول
ريهام:هههههههههه..(جاء تركي يبكي)
تركي:مااامااا عمر ضربني
ريهام:ياقللبي عليك..(طالعت بأختها) شوفي ولدك ذا الاذي كل شويا يضرب ولدي
الاء:ههههههه طالع لأبوه شسوي .. اما وسيم لي فديته هادي
ريهام:اي وااااضح هع ..(جات ريناد وهي تضحك)
ريناد:هايوؤ بنات
الاء:اهلاَ وسهلا ..سايبتنا ورايحتله جد قلة ذوق
ريناد:ههههههههههههه ايش اسوي الشوق ذبحني
ريهام:والله حآله ..مانلومكم توكم متزوجين
ريناد: من جد والله ..شوفي الناس إللي تفهم
الاء:طيب طيب يافيلسوفه
ريناد:هههههههه..
(رن جوال الاء وردت)
الاء:الوو
ياسر:فديت ؤم الالوو هادي
الاء ضحكت:اخباارك
ياسر:تماام الله يسلمك وانتِ..؟
الاء:تمام.. ايش عامل من دوني ..بتاكل كويس ولا لا
ياسر:ههههههه كلو تمام ..اقوولك قلبي
الاء:هلا
ياسر:فينك دحين..؟
الاء:ببيت خالي ليه؟
ياسر:طيب اطلعي برا البلكونة إللي ورا بقولك شي
الاء:ؤف بعيييده
ياسر:روحي بقولك كلام مهم مابغا احد يسمعه
الاء قامت:طيب بتقفل ولا
ياسر:لالا بجلس معاك حدي مششتاق
الاء:ههههههه الله يستر ايش بتقول
ياسر ابتسم وجلس سااكت
الاء تفتح الباب حق البلكونه:ايوا وصلت
ياسر:خراشه لسه تفتحي الباب
الاء دخلت وشافت ياسر فاطس ضحك من صدمتها
الاء زعقت:واااااااااااااااو رجعت
ياسر:ؤوش ترا محد عارف إني جيت غير فيصل
الاء راحتله وحضنته:اخبـآآرك
ياسر:تمام..وااي وحشتاااااني اوي اوي اوي
الاء ضربته ع الخفيف:ترا مايلبقلك المصري
ياسر:هههههه كنت حاس..طيب ايش اخبار المهابيل
الاء:مولت احد يقول على اولاده مهابيل
ياسر:لالا فدييتهم هم وامهم
الاء ابتسمت:ع العموم يسلمو علييك
ياسر:الله يسسلمك ويسلمهم ..اشتقت لهم بس بعدين انتي اهم
الاء:ايييوا صح ليه المشوره ليه ماتقول انك وصلت وخلاص
ياسر:اششوقـك شويات .. الموهيم ماتبي تشوفي هديتك
الاء:عادي
ياسر:دا وجههي بس قلك تتثقلي عليه
الاء ضحكت:فاهمني
ياسر:اكيد 5 سنوات وماافهمك
الاء:طيب يلا ايش هديتي
ياسر:اممممم اول ايش نفسك فيه
الاء:اي شي يجي منك حلو
ياسر:دام كدا ..(دخل يده بجيبه وطلع حلاوة مصاص القلب)..دي هديتك
الاء:مووووولــت
ياسر:هههههههههههههههه مو قلتي اي شي يجي مني حلو
الاء اخذتها:طيب خلاص
ياسرسحبها منها:اسستهبل ترا هاذي لويسو
الاء كشرت:وبعدين معاك
ياسر جابلها كيس صغير واداها:اتفضلي..وافتحيه دحين مو ثقل قلك لين البيت
الاء:هههههه ؤك (فتحته وطلع خاتم الماس )..واااااوز حلووو
ياسر:بس حلو
الاء حضنته:إلا يجنن كمان..مشكوووور
ياسر:اهم شي عجبك
الاء بعدت منه بس هوا لسه حاط يده بخصرها:مطووول
ياسر:ايوا
الاء طالعت بالباب ورجعت راسها:ترا دحين احد بيدخل
ياسر قرب منها اكثر:عادي زوج وزوجته ايش بيقولو يعني
الاء بعدت بسرعه:بروح اجيبلك عمر ووسيم لسه ماشوفتهم
ياسر:ايش ذي التصرييفه ..بس طيب جيبيهم ومردك لي في البيت تراني ابغا بنوته كمان
الاء من جنب الباب:ههههههاي بعد 10 سنين (وطلعت تجيب اولادهاا لأبوهم...)
(في مجلس الرجـال ..دخل عبد الرحمن وبعد السلام زهم ابوه وراح يكلمه برا )
ابو عبد الرحمن:هلا ..عسى ماشر
عبد الرحمن:الشر مايجيك ان شاء الله ..اممم والله ماني عارف من فين ابـدأ
ابو عبد الرحمن:شفيك عبد الرحمن ماكأني ابوك
عبد الرحمن:هاذا انت قلتها انت ابوي ولازم تعرف إللي صار
ابو عبد الرحمن:؟؟؟؟؟؟
عبد الرحمن:انا تزوجـت من اربع سنوات
ابو عبد الرحمن ماانصدم:وبنت مين..؟؟
عبد الرحمن:بنت اختك ملك
ابو عبد الرحمن بدهشه:من جد؟؟!!
عبد الرحمن:ايوا والان عندي بنت منها
ابو عبد الرحمن تنهـد:تبغى الصدق زيم ماخترت
عبد الرحمن انصدم من ردة فعل ابوه:؟؟!!!
ابو عبد الرحمن ابتسم:كنت اليوم بروحلها وبصالحهاا
عبد الرحمن بفرح:جد
ابو عبد الرحمن:ايواا
عبد الرحمن:ايش إللي غير رايك
ابو عبد الرحمن:والله اليوم في المسجد سمعت محاظرة على صلة الارحام وحزت بخاطري كثيير اختي
عبد الرحمن ابتسم:طيب ماتبا تشوف حفيدتك
ابو عبد الرحمن:اكيد طبعا مع امها
عبد الرحمن طلع جواله ودق على ملك وقالها تيجي هيا و جود بنتهم..(بعد دقايق جات وسلمت على ابو عبد الرحمن وحضنهاا وجلس يسأل عن امها واحوالها)
ملك:يعطيك العافيه ياعمي
ابو عبد الرحمن:الله يعافيك..(اخذ جود وجلسها بحظنه )
عبد الرحمن:مين تشبه
ابو عبد الرحمن يركز في جود:يمكن امها وجدتها
ملك:عشان كذا حلوة
ابو عبد الرحمن:ههههههه
عبد الرحمن:اكيييد ..(بعدها بدقايق طلع ابو عبد الرحمن بيت ام مختار وتسامحو وجابها معاه بيت اخوهم ابو فيصل)
________________
ببيت ابو باسم - في جناح سامي
باسم معصب:حركاتك تبطلهااا..ومنها توفوا اصحابك طلال وريان الله يرحمهم والدور عليك توب احسن لك
سامي حس بالأغلاط إللي كان يسويها زمان مع اصحابه لين توفوا بحادث سياره:ان شاء الله
باسم:خليني اسمع بس تروح اماكن كذا ولا كذا..وربي ماتلوم إلا نفسسك ياسامي انا اخوك الكبير وابغا مصلحتك
سامي:خلاص مارح يصير بخاطرك إلا الطييب
باسم قام:طيب الله يوفقك اجل..وعلى فكـرة رح نزوجك قريب
سامي:تزوجوني..؟!
باسم:ايوا عشان اتأكـد
سامي دخلت الفكره بمزاجـه:ؤك خلي نيهاد تختارلي
باسم"كويس اتقبل الفكره بسرعه""ان شاء الله بقولها..يلا توصي
سامي:سلامتك ..(وطلع من عنده لزوجته وعياله..)
ساامي دق على نوره وكانت مع رازان بالحديقه
نوره:هلا والله بأخويا
سامي:هلا فيك كيييفك
نوره:تماااام الله يسلمك وانت
سامي:عال العال..اكيد رازان جنبك بدل زوجك
نوره:ههههه شدرااك
سامي:الله يعين زوجك حسن اربع وعشرين ساعه مع رازان
نوره:هههههههه ترا تسلم عليك
سامي:الله يسسلمك ويسلمها
نوره:عاارف نحنا فين
سامي:كنتو في الدمام الله اعلم دحين فين
نوره:ههههه دحين بالبحرين..عارف
سامي:ايش
نوره:رازان تبغا تكمل جامعتها
سامي:اهاا حركتاااات
نوره:شفت كيف الزواج طابت نفسها منك
سامي:اهااا.صح ترا حخطب ان شاء الله
نوره:وااااو مين..؟؟
سامي:مدري على ذووق نيهاد
نوره:اهااا وااو فديتها نهوده وحشتني..سلملي عليها
سامي:يووصـل ان شاء الله
نوره:وكيف بشاير مع زوجهاا وولدها
سامي:بخييير شفتها قريب تسلم عليكي
نوره:الله يسلمها..وخالد مو مقرر يتزوج
سامي:ههههه إلا سمعت انه بيخطب قريب
نوره:اهاا الله يوفـقـه
_______________
بالمسستـشفى - عند مها وعبد الله
عبد الله:الحممد الله ع السلامه يا أحلى زوجـه
مها بتعب:الله يسلمك
عبد الله يشيل بنته:وه قمممر زي امها
مها ابتسمت وتطالع فيها:الله لايحرمني منك
عبد الله:ولآلآمـنـك قولي امين
مها:امييين ^^
______________

ببيت ابو فيصل - الكل سلم على ام مختار واستقبلوها احسن استقبال وحتعيش عند ابو عبد الرحمن مع ملك في البيت نفسه - عند ساره وسلطان قاعدين في غرفة ريما
ساره:كيف دخلت
سلطان:استأذنت من ريما هع وقالتلي عادي
ساره:اهاا..ؤك ايش عندك
سلطان:ماعندي شي ..بس اشتقت لزوجتي..(حط يده على بطنها) وولدي إللي هنا
ساره ابتسمت
سلطان:تذكري لمن عرفتي انو حملك صعب بعد لمن اجهضتي إللي فات ههههه جاتك حالة هسترة وربي
ساره:هههههه لا تذكرني بس
سلطان:يلا الحمد الله عد العلاج على خير وأهو دحين حامل..ماني مصدق بصير ابو بعد شهرين
ساره جلست تتأمل فيه ومبتسمه
سلطان ابتسم:مضيعه شي فيني
ساره:سلطان
سلطان:عيونه وروحه
ساره:أحــبــك
سلطان حضنها:واااي ياقلبي اول مره تقوليلي...وانا مو بس احبك انا اعششششششقك
عــنــد البنات ..:
ريما:رنوود
ريناد:هلا
ريما تستهبل:وين محمد زوجك غريبه مو قاعده معاه..
ريناد:هههههههه ياريت بس عند الرجال
ريما:وه ب وه متى انخطـب بس
ريناد:لوووووول
ريهام:رح يجيكي نصيبك على ايش مستعـجله
ريما بمزح:الله يسسسسمع منك
ترف وفي حضنها بنتها ميار:مستعجله الاخت
الاء:ههههههههههههههه (ثواني جات ام فيصل وعلامات الفرح بوجهها)
ام فيصل:اسسمعو الخـبر يابنات..(رجعت ساره عندهم )
البنات:؟؟؟؟
ام فيصل:ريما انخططبت لـ خالد اخو بشاير
كلللللللللللللللللللللللللللللللللللللللللهم زعقوو بفرررح
........................

احب اعاملها غير عن كل الناس.
لانها اصلاا غيرهم اتمنى اني اشوفهها
واملا عيوني بشوفتها.
بغيت اشاركها
في كل بيت من اشعاري وبكل قطرة دمع من عيني وبكل زمان من عمرها في صباحها ومساءها.
واتخيل وارسم جمالها وابتسامة شفاها .
بس اسمحولي اني اتلحف في احضانها واقبل حلا خدودها .
الكل هجرني وتركني واتهمني باني مجنون بحبها صج اني اسمعهم باذاني لي قالوا مجنون
اهم شي عندي اني ساكن بكيانها ببحرها وسفينه مرساها وغمضت جفونها.
تحسبون اني اجاملها ترى انا مو من النوع الي يجامل لحبها.
ادا مر يوم او حتى نصف يوم وماشوفتها في
طول هاليوم وزمانه افكر فيها حيييييييل وتعبان بفرقاها .
كيف لو مر اسبوع او شهر اوسنه من غير طاريها .
مااظن اني اقدر اصبر ع صياح الاه بذكراها .
بس اظن اني اقدر اسوي شيء مااحد سواها .
اشق ثيابي او حتى اخنق نفسي لاجل شوفت عيونها.
ترى انا وروحي وعقلي وكلي ع بعضي فداها .
-->>اخ’ــــــــتم رورتي بشعر مدري قصيدة موستشآآرة هسسسترة فديتها مع بعض التعديلات في الكلمات هع
النهـآأإأآأإأآأإأآإأآأإأآآأإأآأإأآإأآأإأآآأإأآأإأآإأآأإأآآأإأآأإأآإأآأإأآآأإأآأإأآإأآأإأآيـــة
______________
إلا هنا قد انتهــت رواية شوفوا الزمن كيف قاسي مخلي راسه براسي ... حملني ظيم ومآسي > تحمسسست =]
اتـمــنـى تعجججبـكم وترا أرآآآئــكم تهمـني وآآيـد هع
وتراها أول رواية ليا يعني لا تخلو من التخبيصصات ^_* > وأهم ششي رمز الانحراف حقي لوووول
|||..الشوق ذبحني..|||

ششششكـر لكل متآآبعييييييين روايتي

ولآلآتنسسسوني من التقييم لو عجـبـتــكم ..~

وكل سسسسسسسنه وانتو طيبيييييييين يالغوآآلي

رمضآن كريـــم ..لاتنسو تعزموني ع السسفره هـآأإأآع

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

إلا هنا قد انتهــت رواية شوفوا الزمن كيف قاسي مخلي راسه براسي ... حملني ظيم ومآسي > تحمسسست =]

ههههههههههههههههههههههههههههههه بطني وربي انك كآأإي
هذه كتبتهآ وحنآ في الاندلس وانتي مدري وين شكلك مآ شوفتيهآ

... أحم أحم

نبدأ في الجد وقسمن موب مستوعبة انو آخر بااااارت ابدآآآآن

ومافيا اقراه لانو لو خلص مدري وش بحس فيييه
ياربيي رباااه وربي محتارة اقرا ولا اخليه يوم تاني
تهئ تهئ بتوحشني أغلى روآيـه برب

هههههههههههههههه أما انتي تحووووفه

ؤووك تيت بس لاتطوؤولي

وربي متحمسسسه لردودكـم بنوتات يلآلآ ..