رواية : حبي لك ماله حدود رومنسية بقلمي

تذكير بمساهمة فاتح الموضوع :

رواية : حبي لك ماله حدود
الرواية الاولى بقلمي جريئة – رومنسية

حبيت اني احطلكم الرواية شوفو بدون احراج تراني بنزل لكم البارت

الاول اذا ماعيبكم قولو علشان ما انزل غيره اوكي

الحين بعرفكم بشخصيات روايتي

اول شي اليد واليدة
اليد اسمه سالم: حنون شخصيته موايد ضعيفة يعني نص نص
اليدة اسمهاعايشة : حنونة شخصيتها عادية يعني مثل الحريم لازم يحتشروا ومنقود وما منقود هع
عايلة ابوعبدالله ( محمد سالم )
ابو عبداللهاسمه محمد .. ام عبدالله اسمها شيخة
اما عيالهم :
عبدالله : يشتغلفي الشرطة في ابوظبي و عمره 25 متزوج بنت عمه سوسن وعندهم بنت اسمها نوف
احمد : عمره 21يشتغل في شركة ابوه وعمومه الثلاثة
حمدان : عمره 19يدرس فكلية الشباب
روضة : عمرها 17سنة اخار العنقود مديلعينها وايد وهي تدرس ثالث ثنوي (ادبي )
عايلة ابو خليفة( منصور سالم )
ابو خليفة اسمهمنصور .. ام خليفة اسمها حمدة
عيالهم :
خليفة : عمره 21 رفيج احمد الروح بروح ويشتغل في شركة عمومهالثلاثة وهو يحب روضة وكل العايلة تدري
يوسف : عمره 18يدرس في جامعة الامارات
فاطمة :عمرها 17سنة رفيجه روضة الروح بالروح واسرارهم عند بعض وهم في نفس الصف في المدرسة
سارة : عمرها 15سنة وهي صف اول ثنوي ودلوعة وايد
عايلة ابو سوسن (علي سالم )
ابو سوسن علي ..ام سوسن نورة
عيالهم :
سوسن : عمرها 23متزوجة عبدالله ولد عمها
مروة : 15 سنةرفيجة سارة الروح بالروح وهي نفص صفها في المدرسة

البارت الاول
الظهر 3:00
العايلة كلهامجتمعة في بيت اليد واليدة
امبعد ما تغدو يلسوا يتقهويون
اليدة عايشة : شويخ ليش ما يبتي بنتج هني
شيخة ( امعبدالله ) : عموه شو تبيني اسويلها عندها امتحان ويالسة تذاكر
اليدة عايشة :لا والله هذا مو عذر علشان ما تي تسلم علي
شيخة( امعبدالله ) : قالت بتي العصر
اليدة عايشة :زين بعد فكرت تي تسلم
عبدالله :حليلها اختي اصلا هي من البارحة كانت تبي تي لج بس انا وسوسن خلينا نوف عندها
اليد سالم :فديتها والله
خليفة : لاتتفداها عن تزعل يدوه هههههههه
اليد سالم :هههههههههه يدتك الغلا كله
اليدةانحرجت ما عرفت شو تقول : بس صخو يلا اشوف شويخ اتصلي حق بنتج برمسها
شيخة ( امعبدالله ) : ان شاء الله
واتصلت امعبدالله لبنتها وعطت اليدة التلفون
اليدة : هالووو
روضة : فديت اناهل هالوو
اليدة : هلارويض ها ما ييتي تسلمين علي
روضة :والله يدوه شسوي يالسة اذاكر
اليدة ترمسوتطالع خليفة : ايه ذاكري اذا ما يبتي نسبة حلوة ما بزوجج خليفة
روضة وهي منحرجة: .....................
اليدة : بلاج سكتي
روضة : لا ماشي بس يدو انا الحين بسكر بروح اذاكر ( وسكرت بويه يدتها )
اليدة محرجة :مسودة الويه سكرت بويهي
الكل :ههههههههههههههههههههههه
محمد ( ابوعبدالله ) : ههههههههههه الله يهديج اميه تراج احرجتيها
اليدة محرجة :اقول سكتوا سكتوا خل تي بس وانا اراويها

اما عندر روضة
روضة تكلم عمرها: الله يهديج يدوه لازم تحرجيني ...اكيد الحين هو سمع .... وانزين خله يسمع شو صاريعني ...
بس اخاف يقولاني انا فارضة نفسي عليه ... لا لا هو مايقول جذي ... هو يحبني ما يقص علي لو
قطع تفكيرها رنةمبايلها شلت التلفون شافت ان فاطمة متصلة ردت عليها بسرعة
روضة : الو
فاطمة : الو هلابروضانة ها انحرجتي توج وسكرتي بويه يدوه ههههههه
روضة : شو اسويلها احرجتني فاتو ( دلع فاطمة )
فاطمة : انتي تعالي بس شوفيها محرجة
روضة : حلفي
فاطمة : والله
روضة : ما علي براضيها لما بي ... فاتو ذاكرتي
فاطمة : هي منالبارحة انا مذاكرة ما مثلج
روضة : جب انزينجب
فاطمة : جب يجب حمار يلفج الليلة عرسج باجر طلاقج
روضة : مال اولانتي
فاطمة : يلا انا بسكر باي
روضة: بايو

العصر الساعة4:00 راحت روضة بيت يدتها
اول مافجت البابما لقت حد غير خليفة
اتفاجأة فيه بسهو كان فرحان انه جافها

ها توقعاتكم اباردود ومثل ما قلتلكم اذا عيبتكم قولو علشان اكلمل
اذا ما عيبتكم ما بكمل

البارت الثامن والعشروون
اليوم يوم عرس ( لولوة -
حمدان ) و ( دانة – احمد ) و ( وديمة – يوسف ) والكل مرتبش .. العرايس ( لولوة و
دانة و وديمة ) ميتين من الخوف نوم ماقدروا ينامون مثل الناس وطبعا فاطمة و روضة
يطمنونهم عسب لايخافون ويوم يات الساعة سبع الكل راح صوب القاعة وتموا المعاريس
فحجرهم اللي فالقاعة

عند الرياييل

خليفة : هااا يسووف كيف
الهمة

يوسف : عال العال

خليفة : يعني مافي خوف

يوسف : جيه شايفني حرمة
عسب اخاف هههههه

خليفة : ههههه لا محشوم
اخويه

يوسف متحرقص : يلا خلوف
اتصل بحرمتك قول حقها خل يدخلوني عند حرمتيه

خليفة : لابلاه استخف
الريال .. اقول اثقل احسن لك

يوسف : انزييييييييييين

عندالعرايس

وديمة بخوف : روييض انا
خايفة

روضة : من شو ان شاءالله
مافي شي يخوف

وديمة: يعني انتي ماخفتي

روضة : بكون جذابة اذا
قلت لج اني ماخفت

وديمة : انزين يعني مافي
شي يخوف

روضة : انتي شو تقصدين من
هل الكلام ؟ .. قولي الزبدة

وديمة : ماشي خلاص

روضة : طع هاي شبلاج خايفة ؟... قوليلي انتي خايفة من شو ؟؟

وديمة : مابلاني شي ..
خلاص انسي اني قلت لج اني خايفة

روضة : عن العبط .. انتي
خايفة من يوسف ؟؟

وديمة : لا طبعا شو
هالسؤال الغبي فهميني يا خي

روضة فهمت وضحكت :
هههههههههه يعني خايفة من الــ

وديمة احمرت اخدودها : جب
جب خلاص لاتقولي شي

روضة : هههههههه فديت
اللي مستحية

يلست عندها روضة ساعتين
عقب راحت عنها .. الساعة عشر دخلوا وديمة اول لان يوسف متحرقص يبا يدخل وياخذ
حرمته بسرعة عقب بعد ساعة دخلوا يوسف ويلس نص ساعة بس عقب راحت وديمة تبدل وتخوز
المكياج وتفج التسريحة وعقب تروح له السيارة .. امبعد ما ركبت السيارة

يوسف : واخيرا صرتي
حليلتي ولي بروحي

وديمة مستحية منزلة راسها

يوسف : هههههه بلاج
مستحية بعده ترا ما استوا شي ههههه

وديمة بدلع : يسووووفي

يوسف وهو ذايب : عيون
يسوفج

وديمة بصوت ناعم: يعلهن
سالمات .. بس يوز عني لااطفربي

يوسف : ههههه فديتج انا (
وقرب من اذنها ) احبج

وديمة : وانا بعد

يوسف : مابــا قوليها

وديمة بدلع : استحي

يوسف : فديت انا اللي
مستحي

وديمة نزلت راسها بحيا

في القاعة .. امبعد ما
ظهرت وديمة ويوسف من القاعة دخلت لولوة و الكل
مرتبيش وفرحان وبعد مادخل بساعة دخل حمدان و هو متشقق وباين فويهه انه مستانس عقب
تم نص ساعة بس وعقب زفوهم .. وطبعا راحت لولوة تبدل و تخوز المكياج وتفج التسريحة
وعقب تلبس عباتها وتروح السيارة

في السيارة

حمدان وهو يطالعها ومبتسم
: مبروووك غناتي

لولوة ردت له الابتسامة :
الله يبارك فيك حياتي

حمدان متشقق : والله اني
مب مصدق كل يوم لما ابا ارقد اقول متى بي اليوم اللي بتنامين فيه فحظني وانا الحين
اسعد انسان في العالم

لولوة : هههههه الله يديم
لك الوناسة

حمدان : فديت انا هالضحكة
وراعيته .. لولوة تحبيني ؟

لولوة وهي مستحية : احبك والله احبك يشهد علي الله اني اموت
فيك

حمدان : وانا اعشقج واعشق
التراب اللي تمشين عليه

لولوة : فديتك انا

حمدان : عسى اني ما اخلا
منج

لولوة : ولا منك عمري

في القاعة كانت دانة توها
داخلة وامبعد ما دخلت بنص ساعة دخل احمد وهو مستانس ووصل عند دانة وباسها على خدها
عقب قال

احمد مبتسم : مبرووك حبي

دانة وهي منزلة راسها : الله يبارك فيك حبيبي

عقب تموا نص ساعة عقب
راحت تبدل وجذة وركبت السيارة عقب راحوا الفندق
.. في الفندق كانت هي مخلصة سبوح ويالسة تمشط شعرها وهو يسبح وعقب قامت
سارت عند الشبرية وكانت سرحانة تفكر فاحمد وماحست فيه لما ظهر من الحمام

احمد : اللي ماخذ عقلج يتهنابه

دانة ابتسمت واطالعته :
طبعا افكر فيك

احمد رد لها الابتسامة : فديت
روحج انا

دانة : تفداك روحي وقلبي
وكل شي فيني

احمد سار صوبها وشلها وهو
ذايب ماقدر يستحمل وحطها في الشبرية كح كح

.........................................................

الظهر الساعة 2

الكل كان متيمع لان
صباحية المعاريس وامبعد ما تغدوا

صوب البنات

روضة : هاا معاريسنا شو
العرس و المعرس

لولوة و دانة و وديمة
بصوت واحد : عسل والله عسل

وديمة : ماتعرفون يسوووفي
فديته شكثر يحبني

لولوة : فديته حمداني
وااايد يمووت علي الله لا يحرمني منه

كلهم : آآآمين

دانة : عيل انا شو اقول
خلوني ساكتة احسن

فطيم : زين زين الله يديم
المحبة من بينكم

سارة : مايخصني ما يخصني ابا
اعرس

مروة : ايه صدقها سارووه
انا بعد ابا اعرس مدام العرس جذي حلو

روضة : استحوا على ويوهكم

فطيم : صدقنكم مافيكن حيا
ولامذهب

سارة ومروة :
هههههههههههههههههههههههههههه

وتموا يسولفوا عقب راحوا المعاريس المطار لانهم بيسافروون اليوم

هههههه شششكل البآرت خططططير معني لسه ماقريته ..[ندعوك للتسجيل في المنتدى أو التعريف بنفسك لمعاينة هذه الصورة]
يعطيييييييييييكِ الف عآآآآفية [ندعوك للتسجيل في المنتدى أو التعريف بنفسك لمعاينة هذه الصورة]
وبإنتظظظظظظظظظظظظظظظظظظآر البارت الـ 29 [ندعوك للتسجيل في المنتدى أو التعريف بنفسك لمعاينة هذه الصورة]

[b]البارت التاسع والعشرون ( البارت قبل الاخير )[/b]
e]]بعد مرور شهر من هالاحدات
الساعة 10.. بيت خليفة
خليفة كان يايب وياه اوراق مال الشغل يبا يخفف على عمرهمن الشغل في الشركة .. دخلت روضة الحجرة لانها كانت يايه من حجرة ولدها زايد ( تنيمه ) .. سارت انسدحت على الشبرية لانها حست ظهرها يعورها وهي سرحانة انتبه لها خليفة وهو كان مخلص من الشغل اللي في ايده دخل الاوراق وسار يلس حذالها على طرف الشبرية
خليفة وهو مبتسم : شو بلاج ؟؟ حياتي
انتبهت له روضة وردت له الابتسامة : مابلاني شي
خليفة : افاا تخبين عن خلوفج حبيبج شي ؟؟
روضة : امممم اذا قلت لك مابتتضايج
خليفة :لا قولي غناتي .. شو في خاطرج ؟؟
روضة بتردد : خليفة
خليفة : لبيه
روضة : لباك قلبي .. اممم تذكر قبل سنتين
خليفة : هيه كملي
روضة : لما كنت طايحة فغيبوبة اسبوعين
خليفة : انزييين
روضة : انته كنت تبا تعرف ليش ماقمت اكل عدل وجذه
خليفة وهو يتذكر : هيه ذيج الايام طاح قلب فبطني كنت خايف عليج وايد
روضة ابتسمت بألم : اسملا على قلبك .. بعدك تبا تعرف ليش انا ماقمت اكل عدل ؟؟
خليفة وهو يطالعها : طبعا ابا اعرف بس اذا كان الموضوع يضايقج لاتقولين اهم شي راحتج
روضة : خليفةلاني قبل لا اطيح عليك بسبوع كنت رادة من بيت هلي وكان خاطري اروح ورا بيتنا ورحت ولما رحت ( وسكتت ماقدرت تكمل )
خليفة حس ان في شي وباين على ويها انها تضايجت بس هو يحاتي يبا يعرف : شو شفتي فديتج
روضة بضيج : ششفتك انت ( وسكتت شوي ) وميره كانت تصيح وانته تهديها
خليفة اتذكر الموقف وعرف كل شي كان يدور فبال روضة وهو ماتضايج يعني بس حزت بحاطره : روضة يعني انتي شكيتي فيني؟؟
روضة عرفت انه تضايج سيدة بدت تصيح :اانــــ .. انـــا ماكـــ .. ماكان قصدي اضــــ .. اضايجك
خليفة ماكن يباها تصيح مايتحمل يشوفها وهو يصيح قلبة يعوره : عمري انتي انا ما اضايجت .. ( وهو يمسح دموعها )لاتصيحين اذا ماتبيني اتضايج .. انا ما احب اشوفج جذه قلبي يعورني
روضة بصوت مبحوح : آسفة .. انسى السالفة
خليفة تم يطالعها وحس انها تبا تعرف عن السالفة بس تخاف انه يتضايج
خليفة : روضة .. انا احبج وما اتخيل عمري بدونج .. وذاك اليوم كانت ميرة تبا مني اساعدها لانها تعرفت على واحد وطلب منها صورتها وهي عطته والحين هو يهددها انه بينشر صورها
روضة انصدمت : وانت شو سويت لها ؟
خليفة تنهد وهو يتذكر السالفة : ساعتها سرت انا وخظيت رقمه وقلت له اني اخوها وقلت له ابا اشوفه عقب شليت تلفونة لانه الصور فتلفونة ومسحت كل الصور وهددته انه مايتعرض لها
روضة حست انها ظلمت خليفة بسووء ظنها وحست بأنيب الضمير : السموحة ماكان قصدي اشك فيك بس تعرف الشيطان فعايله
خليفة ابتسم : مسموحة غناتي وماصار الا الخير
روضة ردت له الابتسامة وتمو يطالعون بعض لثواني عقب تكلم خليفة وهو يطالع بطنها
خليفة : متى ناوية بنتج تظهر ؟ ولا تتغلا
روضة : ههههههه ان شاءالله بتجوفها وبتحشرك مابخليك تنام
خليفة : فديتها وفديت حشرتها كله عسل على قلبي بس خلها تظهر هي بلول
روضة بغيرة : ترى اغار انا ( تطالع بطنهاوهي مبوزة ) لما بتظهرين بينساني ابوج عنده غيري تراج بتحلين محلي
خليفة ضحك على غيرتها : ههههههههه فديت انا الغيرانة .. الحين وهيه بعدها وما ظهرت وانتي غيرانة يعني الله يعين لما بتظهر
روضة بدلع : عيل اسمعك تقول عنها هالكلام وما تباني اغار
خليفة يعلي صوته شوي : فديتها يا ناس تخبل ( وباسها على خدها )
روضة حضنته : احبك
خليفة : وانا اموت فيج
يلسوا يسولفون نص ساعة عقب راحوا ينامون .. الفير امبعد ماصلت روضة حست بويع فضييع وماقدرت تتحمل اتريت خليفة لين مايرد من المسيد عقب قالت له ومن بعدها طار فيها على المستشفى وتمت تقريبا ساعة وهي فغرفة الولادة عقب خبرووه انه بخير ويا ته بنوته ونقلوها على غرفة خاصة وهي نامت من كثر تعبها شافها حبها على يبهتها عقب راح يجوف بنته وعقب رد البيت تيدد وصلى ركعتين يحمد ربه ويشكره على ان حرمته ربت وصارت زينه هي وبنته
الصبح الساعة 30 :9 الخبر انتشر للعايلة كلها وكلهم طبعا هدو شغلهم واشيائهم ويو يجوفون روضة والبنت .. الكل كان متيمع فحجرة روضة ماعادا مروة وسارة كانوا فتقنية هذي أخر سنة لهم
ام خليفة مبتسمة : وااي فديت الحمدلله على سلامتج
روضة ردت لها الابتسامة : الله يسلمج عموه
ام عبدالله : يالله ما بغيتي تربين
روضة : هي الحمدلله افتكيت
ام سوسن : زين بعد ارتحتي
احمد : طبعا بنتج حلوة طالعة علي
يوسف : لاحبيبي طالعة علي انا
خليفة : لا انت ولاانت طالعة علي انا الغرشوب احم احم
حمدان : سمعوا منو الغرشوب وانا مب عايبنك
روضة : لاحبيبي بنتي طالعة على ريلي مب على حد غيره
اليد : طبعا بتمدح وبتصف ويا ريلها
الكل : ههههههههههههههههههههه
قطع على ضحكتهم صوت الباب وهو يندق وعقب ينفتح
سارة ومروة بصوت رقيقة وويه بشوش : السلام عليكم
الكل : وعليكم السلام ورحمة الله وبركاته
سلمو عليهم كلهم وساروا يلسوا حذال روضة وحدة يمينها ووحدة على يسارها
اليدة : شو يايبنكن انتن ماعدكن تقنية
مروة وسارة كانو متوترات شوي لوجود ذياب و شهاب
مروة : عدنا بس استأذنا من السير وخلانا نروح ( وتطالع سارة ) طبعا بالواسطة
روضة : واســـــطة .!
مروة : هههههههههههههههه
سارة وهي تفر عليها التيشو: ماعليج منها هاي قامت تخربط على آخر الايام
روضة تطالعها بنص عين : تخربط ها
ابو سوسن : مرووة شو السالفة خبرينا
سارة تهددها : ان فجيتي حلجج بكلمة وحدة بتنجتلين
فطيم : قولي قولي ماتقدر تسويلج شي
مروة : ههههههه السير يحب ساروووه من جذه اي شي تباه يسويه وساعات يستشيرها بأشيااء
البنات معادا سارة : هههههههههههههههههههههه
خليفة : لا والله ؟!
يوسف : وتضحكن بعد .!
احمد : عادي عندكم يعني ؟
لولوة : ماعليكم منهم
دانة : الا بتخبركن منو اللي يدرسكم
حمدان بمسخرة : بعد .. الحق احمدوه حرمتك تسأل عن اسمه مو بعيدة تسأل عن عمرة والسيرة الذاتية ماله
احمد : لا والله ؟!
الكل : ههههههههههههههههههههههههه
وديمة : يلا قولي منو اللي يدرسكن
سارة ومروة وهن يطالعن بعض : كــــرس
روضة : اخييييج هذا السخيف السهتان البايخ يدرسكن وبعد يحب ساروووه
سارة : منو قال انه يحبني ؟؟ ( تطالع مروة ) هاي جذابة بس متغايظة ان كل شي اباه يستوي
مرووه : شفتي روضة يالنا حظ بسيرر ينقص عليه
اليد : بسكن لا تسبن الريال
لولوة : ههههه صراحة كــرس تحفة بس يمكن روضة ما ادانيه عسب ذاك اليوم وتغمز لها
وديمة : عيل الحينة سمعتوا ريال مايبا حرمته تحمل
الكل : لا طبعا
دانة : اما هذا غير مايبا حرمته تحمل عسب ماتيبله ياهل لما يلعب بلكوورة يضربه على يبهته بدون قصد
الكل : هههههههههههههههههههههههههه
مر هاليوم كله فرح على العايلة بمناسبة قدوم المولودة اليديدة .. واكثر ناس كانوا فرحانين شاهب وذياب وخليفة وروضة
خليفة وروضة عسب بنتهم
اما شهاب وذياب عشان شافومروة وسارة وكانوا يبينون لهم وهم حاسيين فيهم بس هم يستحوون وطبعا هالمستحا مصيطر على كل الــبــنـــــــات[/b]

البارت الاخير

ب
عد مرور سنوات
الكل متيم فبيت ابو خليفة
عند البنات
وديمة : اقول بنات ما تتذكر لما لعبنا لعبت الاناشيد خاطري العبها مرة ثانية
مروة : دخيلج لاتتكلمين عن الاناشيد صارلي موقف يا شهاب وصدق انحرجت
روضة بفضول : وشو هو الموقف المحرج
مروة : لاحبايبي منو قال اني بقول حقكم
سارة : عيل ليش بديتي من السالفة يوم انج مابتكملينها
مروة : بس حبيت اخبركم ان في موقف محرج استوى لي ويا حبيبي ريلي
لولوة : مالت
مروة : عليج
لولوة : لا والله
فطيم زعجت : جـــــاااااااااااااااااااب سكتن مانبا ضرابة كبركن كبر وتتضاربون
سارة : هههه تعرفووون امبارحة ذيبي حبيبي يابلي هدية
دانة : وشو هي
سارة : ساعة واكسسوارات ونظارة شمسية ووايد اشياء فديته فرحان لاني حاااامل
وديمة : زين زين
عند الريايييل
شهاب : اقول شو رايكم نسااااافر يمييع خاطري نسافر كلنا مع بعض
حمدان : خيييبة وين بدكنا بالطيارة بتنمزر الطيارة هههههه
ذياب يكلمه بصوت خفيف : خيبة تخييبك لايسمعك واحد من الشواب ترى بتستوي لنا محاضة
اليد : مالداعي تقولووون ترانا سمعنا .. مسودييين الوية انتو ماتستحوون كبركم كبر اللي عنده عيال وحرمته حامل وبتربي تقووولووون جي وووووو
مثل ما قال ذياااب دت المحاضرة خخخخ

احوال العايلة :

روضة كبرت بنتها وصارت بالروضة وولدها صف ثالث وهي عايشة حياة سعيدة مع خليفة ما مخلي عليها قاصر .. فطيم ربت وصار عندها ولد الحين عمرهه سنةتقريبا اما بنتها فصف ثالث ويا زايد .. لولوة وحمدان الله رزقهم ببنوته حلوة .. اما دانة و احمد بولد .. يوسف ووديمة ياهم تووم بنت وولد .. اما مروة و سارة فتزوجوووو مروة خذت شهاب وسارة شهاب والجين هم حوامل بالشهر الخامس
هذي الحياة منهم من يموت ومنهم من يستوي عندهم عيال والحمدلله هذي العايلة عاشوا بسعادة وهنا رغم المشاكل والاحداث المحزنة اللي صارت قدروا يتغلبوا عليها

النهاية

وآأإآآآآآآآآآآآآآآآآآو
خلآلآص خلصتيهآأإأآ !!
أبوووو الفلًلًلًلًلًللًه ,,
مرررهـ فرحِت والله .. حسيت بإنجآإزك
« بلاهـ أسسكتي هععععع
والله إنـــكِ عضوة وكآإتبة تجنني [ندعوك للتسجيل في المنتدى أو التعريف بنفسك لمعاينة هذه الصورة]
مآإعندي أي تعليق دحين ع الروآية أول ماأخلصهآإ بعلق برد طوويـل :)
تسسسسسسسسسسسلمي أقوى ى ى ى ششششي
+
ينقل للروايات الكآإملة " [ندعوك للتسجيل في المنتدى أو التعريف بنفسك لمعاينة هذه الصورة]

» رواية وش جاه محبوبي مشى وخلآني مابين نيراني وبين احزني / رواية جريئة رومانسية
» رواية الزمان ماله أمان
» رواية جهاد و بلقيس / بقلمي
» رواية اشتعال السحب / بقلمي
» كلي لها وماملك قلبي غيرها / رومنسية / كاملة