3 قصائد مضحكة عن المدرسة

القصيدة الاولى :

أفطر الصبح زيتونه......وأروح المدرسة مزيونه
أرجع البيت مهمومة......وشكلي كأني مينونه
أذاكر ليل ونهار......وأصبر عالألم والنار
مع هذا أييب أصفار......وما أطلع من الشطار!!
والله إني مظلومة......كله من أبله ميموونة
الحصة الأولى فاضيين......والثانية علينا دين
والثالثه رياضيات......ياتنا أبله عطيات
مليت أنا من هالحصص......كل يوم نفس القصص
تعبت أضرب وأقسم..أحل معادلة أو أرسم
عاد درس الصرف......ما فهمت منه ولا حرف
أما قسم الأعراب ......ما بفهمه ولو شاب الغراب
ما أعرف أكتب تعبير......ولا أفرق بين المفرد والجمع تكسير
بوصف لكم معلماتي......ياللي نكدولي حياتي
نبدأ بأبلة العلوم......هذه تخص عمي سلوم
وعاد أبلة الفنية...... شكلها مره ينيه
أبلة العربي......فالحة بس في ضربي
وأبلة الأنجليزي......تاكل رطب خنيزي
وأبلة الموسيقه......تتمنى تصير رشيقه
وأبلة الجغرافيا ......تمشي وهي حافية
وأبلة التاريخ......تصنع طايرات وصواريخ
وأبلة التربية الأسرية......راعية الفرن والصفرية
أما المعلم الخصوصي......ما ادري؟؟يتكلم روسي
يوم السبت نسيت فلوسي......والأحد انقلعت ضروسي
في الحصة سرحانة......للبيت ولهانة
تعب راسي من التفكير......وعقلي شوية وبيطير
يا ناااس رحموني......وبالنجاح ادعوا لي

القصيدة الثالثة:

طول السنه في النت قاعدين ... شطارتنا تطلع الحين


بالدراسه محنا مفتكرين ... للواجب من الصبح ناقلين


لنص الليل طبعا سهرانين... في الحصص كلنا نايمين


في الاختبار كلنا مزفتين ... قالوا كسالا قلنا شاطرين


قالوا نجحتوا قلنا حلمانين ... في الحصص دايما سرحانين


في العد دوم مفكرين ... سألوا فهمتوا ؟ قلنا فاهمين


قالوا اختبار قلنا يا معين ... ويت الفسحه صرنا ميانين


ناكل اكلنا وبالماي لاعبين .... في الممرات كلنا راكضين


اذا هربنا قالوا وين رايحين ... قلنا كفتريا يا مشرفين


قالوا هلا حلاكم منورين .... طلع الورقه صرنا خايفين


اعطونا القلم عالتعهد موقعين ... ايي المنتصف ونقول راسبين


نسوي في العملي مو زين ... نقدم النهائي فزعانين


عقب اسبوع شهاده مستلمين ... ايدنا على قلوبنا حاطييين


باركوا لنا احنا ناجحين ... باركوا لنا يايبين ستين