عشاق من أحفاد الشيطان..فزيعه

عشاق من أحفاد عشاق الشيطان

قصة سعودية رائعة للكاتبة المتميزة ... المتكحلة بدم خاينها

قرأتها وحبيت تقرأوها وهي عنجد قصة ولا أروع

وهي رواية سعودية... رومنسية ..... خيالية....

الفصل الاول ..

ريان واقف في الدور الارضي بمكتبة جرير يتفرج على ادوات الرسم والفرش اللي مايعرف قيمتها الا فنان ..

رفع الفرشه الكبيره مره هذي تنفع لدمج الالوان ..وتغطيت المساحات

قرب منه واحد لابس بدلة السيكورتيه : لو سمحت

ريان من غير لايناظر : ايوه

السيكورتي : ممنوع التدخين ..

ريان ناظر بمعشوقته السيجاره وسحب منها : تقصد هذي ..

السيكورتي ارتبك من ثقة ريان بنفسه بالعاده يطفوا السيجاره بسرعه : ايوه لو سمحت

ريان سحب منها نفس اكثر وناظره : ليكون قصدك هذي السيجاره

السكيورتي بنفاذ صبر : ايوه

ريان سحب منها نفس ثالث لكنه هذي المره التفت على السيكورتي : ومن متى الحلوه هذي ممنوعه بجرير

السكيورتي : من هذا الشهر تقريبا

ريان سحب من الحلوه على حد تعبيره
لحد ماطاح جزء من رمادها على السجاد الرمادي المايل لسماوي .. وصار حجم السيجاره صغير

السكيورتي ناظر السجاد مقهور

ريان ناظره بتعالي : اوه ماكنت عارف انه ممنوع لكن كويس خبرتني بعد ماخلصت من سيجارتي

السيكورتي شاف بعيون ريان الا ستهزاء والا ستهبال : لا مافي مشاكل لكن ياليت ترميها

ريان مد السيجاره وقال بنبرة استهزاء : خذ ارميها بنفسك انا قلبي مايسمح لي ارميها

السيكورتي اشر على زباله فيها تراب وجزء معدني منها : تفضل هنا الزباله

ريان سحب نفس من بقايا السيجاره اللي بيده : انت كم تاخذ راتب من هذي الشغله

السكيورتي الا سمراني والمليان
رد لريان نظرات التعالي : لو سمحت هذي الزباله ياليت ترميها هاللحين قبل لاتخذ اجراء ثاني ..

ريان ابتسم بخبث : لا برافوا تعرف تضيع الموضوع واضح عليك نشيط

السكيورتي زاد اصرار وهو ياشر على مكان الزباله : لو سمحت

ريان ترك الفندى ه الكبيره بعد مامسح فيها الرف المغبر ..و مشى بخطوات ثقيله وهو يناظر بقايا معشوقته ويرميها بالزباله ..وعلى وجهه علامات البرود والتعالي : اعتقد كذا كويس ..- حط ايده على كتف السكيورتي – ماقلتلي كم راتبك

السكيورتي طنشه ومشى لمكان ثاني

ريان ضيق نظراته لحد ماختفت عيونه وكانه عجوز يقراء بدون نظاره (( ليكون هذا مصدر رزقك .. ضروري تدور لك غيره ))

مشى ريان للدور الثاني من المبنى وهو يناظر ساعة ايده اللي من "جورج ارماني " ..(( اامم الساعه 6 باقي عشر دقايق على اذان المغرب ))

ناظر ريان الدور الثاني بعكس الدور الاول الهادي وقليل الناس .. اما هنا المكان الواحد مايقدر يحط رجله فيه .. (( ليه كل هذا ..وعلى شنهو هذي الزحمه .. اها تذكرت فتحت المدارس وبديت السنه الجديده ))

مشى يشوف اشكال الناس وهي تقضي للمدارس قبل لاتفتج بيومين

مراهق لابس ثوب وطاقيه بدون الشماغ او العقال وقباله بنتين مراهقات بمثل سنه لكن الفروق بسيطه وطفله صغيره بالعبايه اللي مرسوم عليها ورود علامة فله ...
: اسمعوا ابوي قال خذوي الاشياء الضروريه بس

البنات هزو راسهم بالايجاب الا المراهقه اللي توصل لطول اخوها : لا انا سامعته قال خذوا اللي تبونه

المراهق : ياسوير اذا مو عاجبك ارجعكم مع السواق هاللحين وانا اشتري

سوير : اتحداك

المراهق : سوير لاتعاندي والله اسويها

ريان تامل المراهق ... (( حاب يثبت رجولته على خواته .. ))

كمل مشي وهو يتثاوب الناس متحمسه تشتري وهو شوي ينام ..

شاف بنت لابسه عبايه راس و بيدها جوال نوع نوكيا بعضهم يسميه دلع وبنات والبعض الرمانه .. لكن دلع بنات راكب عليه اكثر لانه بلوتوث بدون كميراء ومنتشر عند البنات وبالذات الجامعيات وبنات الكليات ...

البنت : هلا فتون عطيني حنان بسرعه ..
- اخلصي علي انا بالمكتبه
- يووووه بسرعه مافيه شحن عندي
- هلا حنين بسرعه وش اشتري للكليه
- يعني شنهو كم دفتر للمحاضرات
- ليه مو لازم مراح نكتب
- طيب مافي شي يضحك وانا وش دراني .. غزيل تقول لازم دفاتر
- اها زين دفتر واحد ... خلاص مشكوره باي

ريان احتقرها من فوق لتحت لهذي الدرجه غبيه تشتري لكل ماده دفتره (( البنات بقر حتى الدراسه يتعلقوا فيها ماهي براضيه تنسى انها تركت الدفاتر والحصص ...))

على صوت بكل المكتبه : الرجاء من جميع الزبائن الخروج من المكتبه ستقام صلاة المغرب بعد دقايق ..

رجع ناظر ساعته مرت الربع ساعه باسرع مايتصور باقي 3 دقايق على الاذان ... مشى لتحت وهو مقرف من الزحمه والناس اللي بنظره همج ..

لثواني الكاشير صار مزحوم والناس تزاحم بعضها علشان تخلص قبل الاذان والسيكورتيه طلعوا لفوق يخلون المكتبه .. ريان رجع لعند قسم الفنون الجميله او ادوات الفن وناظر الاخشاب على اختلاف احجامها وملمسها ..
شغل سيجاره وناظرها والنار تاكل موخرته و رفع نظره لسيكورتي الاسمر المليان وهو يحاول يخفف من الزحمه عند الكشير حطها بهدوء على مكان بعيد عن الاخشاب بكم صانتي .. وهي مشتعله

ومشى بهدوء وثقه لبرى المكتبه ونظراته اهدى من قبل لكن بعينه ابتسامه ماوصلت لشفايفه ...

ركب سيارته " البي ام بدليو" وشغل الكاست على مغنيه المفضل " تو باك " ... شغل السيجاره ناظر المكتبه وقبل .. ماتحرك من مكانه ناظرها وهو ينفخ دخان السيجاره من فمه على قزاز السياره .. وكتب باصابعه الطويله على القزاز ...
((Game over))

ضحك ضحكه عاليه سمع صداها باذنه ... وحرك السياره بسرعه 120 ..كان يسوق على ايقاع الموسيقى الانجليزيه السريع ويحس بيد خفيه تحركه وتنعشه من جوى ..
(( الناس مبسوطين ها ... يشتروا ويقضوا للمدارس ... هاللحين اشوف كيف بتقضوا هههههههه ))

كان يحس ان ابتاسمات الموجودين وضحكاتهم تسبب له القرف والاشمئزاز يحس ان وده يطلع كل اللي بمعدته ..

************

صحت من النوم على صوت الموذن ينادي لصلاو العشاء ناظرت ساعتها القريبه من سريرها : . Oo my good
الساعه 6 كل هذا نوم ...

رفعت الريموت تطفي تكيف الغرفه ...كانها جالسه بالقطب الشمالي مو بشرق المملكه .. رفعت الغطاء عنها وهي تتمدد (( اليوم ضاع نصه وانا بالفراش .. كلوا من وائل ))
لبست شبشبها البينك الناعم ومرت على سله كبيره بغرفتها : مساء الخير بيسو

القطوه حركت راسها بكسل داخل السله .. كانت قطوه سمينه وفروها كثير ابيض شكلها ملفت للانتباه وكانها قطعت فرو ناعمه ...

: ههههه حتى انتي يابيسو مكسله من النوم

دخلت حمامها الخاص تتروش وتغني رغم نعومة صوتها ودلعها الا انه ماينفع للغناء ...

طلعت من الحمام بعد دش طويل اخذ منها نص ساعه .. لبست بيجامتها البينك والاخضر عشقها اللون الوردي ..كل شي حولها بينك سريرها جدار غرفتها حمامها ستايرها هي بعالم البينك الحالم ..

رفعت جلال الصلاله ولبسته وهي تناظر القطوه حقتها وتحركها بلطف وتحاكيها وكانها بشر يفهم عليها : بيسو بيسو يله قومي بيسو ...

بيسو تحركت بثقل من كثر الفرو الابيض المغطي جسمها وصارت تلعب بكرة الصوف اللي رمتها عليها ...

تعوذت من الشيطان وكبرت وصلت ...
انتهت من صلاتها ولبست شبشبها تطلع تاكل لها شي خفيف تبع الدايت .. جسمها رشيق مايحتاج لدايت محفور جصرها وكانها حورية ..
ناظرت شكلها بالمرايه وهي تمشي بدلع وغنج : ياناس في احلى مني هههه

نادت بصوت مرتفع شوي : roz
(( روز ... اسم الشغاله ))

: yes pink
(( نعم ورديه ))

ابتسمت تعشق تموت على اللي يسميها بينك وماكانت ترضى بغير هذا الاسم .. اسمها عاجبها لكن هذا تحسه يرضي غرورها :give my food
((جيبي لي اكل ))

roz : ok

جلست على الكنبه تنتظر الاكل مع انها مو من طبقه راقيه او مخمليه مثل مايقولوا لكنها متعوده على النظام والبرسيج هي من اسره متوسطه لكن ذوقهم راقي ويهتموا بمظهرهم قدام الناس واكبر دليل على كذا بيتهم المتوسط ...واثاثه الراقي المنظم ..
كانت ماسكه بيسو وتلعب بفروها الابيض الناعم تحب القطاوه عشق حياتها .....

: شموخ حبيبتي متى صحيتي ..؟

بنرفزه : ماماااااااااا

امها : اوكيه اوكيه سوري "بينك " متى صحيتي ..؟

شموخ : امم من فايف منت بس ..

امها : متاكده فايف منت

شموخ بثقه : اكيد

روز حطت الاكل على طاولة الطعام ..

امها : اها مابعد تاكلي

شموخ وهي تنزل بيسو من حضنها للارض وتمشي للمغاسل : لا اذا جوعانه وحابه تاكلي .... تعالي كلي

امها : نو ثانكس .. اليوم بالوزاره تغديت ..
(( ام شموخ موظفه بوزارة المعارف تشتغل بالتوجيه .. يعني موجهه ))

شموخ وهي تناظر رغوة الصابون بايدها قالت بملل : اها وخربتي الدايت ..اكيد

امها : لا ..لاتخافي مشاوي خفيفه بعدين انا حكيت مع الدكتور وسمح لي بالمشاوي

شموخ : الدكتور والا وحده من صحباتك الموجهات

امها : لاااااااا اكيد الدكتور اايسومي
(( ايسومي دكتور ام شموخ وشموخ الصيني يدفعون له الالاف علشان يكون دكتورهم الخاص بالمستشفى الصيني اللي على الكورنيش ))

شموخ تجلس على الطاوله وهي تكره الاكل عليها لكن النظام نظام : كويس ..

امها : انا رايحه ابدل وطالعه عندي استقبال ببيت ام جميل ..وش رايك بينك تجي معي ..؟

شموخ بانفعال : nooooooo مستحيل .. هذولا استغفر الله اشكالهم تجيب الهم ..

امها تاشر بلا مبالاه وهي تمشى لغرفتها : براحتك ..ابحكي مع نجلاء يمكن تطلع معي

شموخ : ههههههه انتبهي لاتنكسر قوقعتها اللي حابسه نفسها فيها اذا طلعت معك .. الله يعافيك مامي فرجوني على الفستان اللي بتلبسه هههههه

امها : ها وش قلتي ..؟

شموخ : ايوه اللي حابه تسمعيه تسمعيه واللي مو حابه تطنشي

اكلت من سندويشات الخفيفه كم قطعه صغيره وتركتها شبعت اكلها قليل بالدايت او بدونه ...

طلعت نجلاء من غرفتها وبيدها كافي يطلع منه البخار

شموخ احتقرقتها وكملت مشيها لصاله : آآآآف

نجلاء ناظرت الكتاب اللي بيدها وتكمل قرايته باهتمام ...وهي تجلس على الكنبه ببداية الصاله

شموخ : اف احس ان الجو مكتوم ....

نجلاء عدلت نظارتها الطبيه وقالت باستهزاء : انسه مشاكل دامك مخنوقه اطلعي للحوش شميلك هواء

شموخ تغير المحطات ولا كان حد يحكي معها : آآآف

نجلاء : جد بزر

شموخ لفت عليه وناظرتها من طرف خشمها : والله مااهي بمشكلتي اني اجمل منك دكتوره قرويه ابغى اعرف ليه تغاري مني ..؟

نجلاء : اغار منك انا اغار من بزر مدلعه ماعندها غير الثانويه

شموخ ضحكت بغرور بانت الكرستاه اللي تزين فيها سنها : ههه ثانويه يا فالحه انا ادرس ديكور عارفه يعني ايش ديكور يعني تزين وتعديل .. وانا ماضن يالقرويه تفهمي اللي قاعده اقولك صح ..؟

نجلاء سكرت الكتاب بعصبيه الجلسه معها تسم البدن والاعصاب : انتي بزر ماينشره عليك ...

شموخ لفت وجهه لجهت التلفزيون وهي تلعب بخصل من شعرها الكستنائي وقالت بدلع : ايوه انا نونو صغيره .. وهذا اللي قاهرك هههه ..

نجلاء شخصيه جديه ماتحب الدلع وحركاته : جد العقل نعمه
وكملت قرايه بالكتاب كانت تناظره ولا تدري وش تقراء لانها مقهوره من شموخ ودلعها

شموخ رفعت جوالها نوع موتريلا الفوشي دقت على رقم و بعد ثواني جاءها صوت نواف الفخم فيه بحه : هلا والله

قالت بغنج : هااي ... كيفك نوال ..؟

نواف ..: ههه بجنبك احد

شموخ : حياتي ناني انا متضايقه

نواف ..: ليه ياقلبي وش اللي مضايقك ..؟

شموخ : العانس الغبيه اختي ماعندها شغله الا انا

نجلاء هزت راسها بياس : الحمد لله والشكر

.نواف .: ماعليك منها انا اروقك هاللحين ياغلى الحبايب

شموخ : ناني بذمتك في حد يناظر دكتوره قرويه ماتعرف تختار بنطلون مع بلوزه

نواف : هههه جالسه تقهريها على حسابي اوكيه خذي راحتك حياتي ...

نجلاء كان ذوقها ردياء وماتعرف تنسق بالالون وبالاساس هي ماتهمت لكن اعصابها تنشد من طريقه شموخ الاستفزازيه لها ...: بينك احترمي نفسك وخليك بحالك

شموخ : ناني حبيبتي شوي بس بتفاهم مع دكتوره قرويه ..

نواف : خذي راحتك انا انتظرك ..

شموخ : دكتوره قرويه بليز انتي اللي بديتي لو تذكري انا ماحكيت معك وتحرشتي .. وبعدين ليه جالسه يله قومي البسي من الاخياش اللي بدولابك علشان تروحي لستقبال ام جميل

نجلاء : من الذوق ماتتركي البنت على السماعه كذا

شموخ : اووه حكيتي عن الذوق ليه انتي تعرفي تنطقيها ههههههه

نجلاء بعصبيه : بينك احترمي حالك

الام وعبايتها على يدها : بنات وش فيكم ..؟

شموخ : ماما شوفيها انا جالسه احكي مع ناني وهي نطت بوجهي تصرخ وتغثني

الام : نجلاء حبيبتي وش فيك على اختك مانتم ببزارين

نجلاء احتقرت شموخ : هذي والله اكبر بزر غبيه
دخلت لغرفتها معصبه وتركت كتابها بالصاله

شموخ : مامي ماعليك منها وتعالي قولي لي وش هالكشخه والله ليغاروا منك الحريم

الام نفخت ريشها : ههه انا من يومي كشخه

شموخ : شوووور

الام : بينك حبيبتيي تعالي معي والله لايستجنوا على جمالك الحريم ...خليني اقهرهم شوي ..

شموخ : اكيد انا بينك لازم يستجنوا بس ..اممممم اسمعي ماما ماني برايقه انتي روحي وانا بكمل حكي مع نوال مسكينه طولت عليها

الام : يله باي حبيبتي

شموخ : سوري ناني تاخرت عليك

نواف : لا عادي مسموحه ..وبالمره سمعت اصوات اهلك كلهم ..

شموخ : ههه ناقص بابا واخواني ههه

نواف : غريبه اول مره اشوف وحده تحكي معي بجراءتك وقدام اهلها ...

شموخ : انا . مروج مو اي احد كم مره قلتك انا ماخاف من شي ..

*******************

بالصاله الصغيره بالحي القديم داخل البيت الضيق اللي رايح نص صبغه ... المرايه على الارض وبجنبها عدة الاستشوار والبكل الكثير لزوم الاستشوار ..

وعود : يا آنسه ندى بدل ماتجلسي تستشوري شعرك قومي ساعديني بنشر الملابس

وعود 23 سنه.. ..كانت لابسه قميص بيت لاخر حد برجلها .. ولامه شعرها لورى باهمال .. ومع كذا جمالها بارز مهما حاولت تخفيه بملابسها البسيطه جدا ..الا ان لمعة شعرها الناعم وصفاء بشرتها يبين جمالها

ندى وهي تقسم شعرها علشان تبداء تستشور : يوووه وعوده ماعندك سالفه انشريهم لوحدك مكبره الموضوع على الفاضي كم خرقه انشريهم .

وعود معصبه : ودامهم كم خرقه على قولتك قومي انشريهم معي .. عندي شغل

ندى : اللي يسمعك يقول مخترعه الذره كلها كم شهاده تطبيعهم للمدرسه ...

وعود حطت ايدها على خصرها: والله احلفي هذي الكم شهاده اللي اطبعهم وماعاجبتك ملبستك مريولك بالمدرسه ...

الام : وعود وشفيك معصبه ..؟ اكيد معها ...

وعود وقفت عند باب الصاله الصغيره ومشت للمطبخ : يمه ترى هذي بنتك لوعت كبدي كل همها شعرها ولبسها ماكانها رايحه للمدررسه كانها بحفل ..

الام : وانتي ليه معصبه تقول انها ذاكرت وخلصت

وعود : اللي قاهرني ومشيب راسي ان شغل البيت نصه عليك وعلي وهي مصدقه حالها اميره

ندى تسمعهم لان البيت صغير مره ..ومافيه مجال بين الصاله والمطبخ الا حوش بوسط البيت : والله اي اميره ياحسره انتي شايفه وين عايشين ...؟والا كيف عايشين ..

وعود تغير الموضوع لانها تحس ان اختها معها حق وملت من عيشة الفقر ... : المهم يمه وين ابوي ..؟

الام : والله مادري مابعد رجع ...

وعود تناظر ساعه المطبخ القديمه اللي ملاها الزيت ومثبته على الجدار : غريبه .. الساعه 10

الام : هو قال هالحين بيرجع

وعود : اها ونوافوه وينه ...؟

الام : ها ...- ارتبكت – طالع .. لكنه هاللحين بيرجع ....

وعود عصبت : لاتغطين عليه مثل كل مره يمه بزر عمره 12 سنه طالع لساعه 10 وين تجي هذي ... والله لو جاء ابوي وماشافه لايجلده اليوم ..

الام : يمه خليه ينبسط وهو وين بيروح كلها خطوتين عند البقاله مع عيال الحاره

ندى : اتركوه يعيش حياته مو كافي حنا ماكلين تبن ...وبعدين خلونا نعيش الاكشن شوي يضربه ويبكي

طلعت وعود معصبه : انتي اتلهي بستشوارك ... انا اوريك بس ترجع يانويف 12 سنه يدور بالشوارع ..والله اعلم مع مين جالس ..؟

ندى وهي تستشور تصارخ لانها ماتسمعهم كويس على بالها انهم مايسمعوها : اصلا هو ماذاكر اليوم مارضالي اذاكر له

وعود: بعد .. يمه شفتي ولدك .....هذا اخرت التلفلف بالشوارع ماذاكر ليكون راح متوسط على باله خلاص صار رجال

..خذت الملابس تنشرهم بالسطح .. وهي معصبه مره يقهرون اخوانها مااعندهم مسوليه والمسكين ابوها يجهد نفسه علشانهم وعلشان تعليمهم وهم مايقدروا ..
مشت بدرجات الدرج الطيني المجبس اللي مافي فرق بين درجه واختها ..

الجده طلعت من غرفتها والراديو باذنها : ها وش فيه ...كل هالصراخ

الام : لا يمه مافي شي هذي وعود وندى

الجده معصبه : وعدي بالرشاش .. رشاش بعينك على اخرة عمري تتوعديني برشاش

ندى : اف بدينا بالصقها ...

الام تصرخ لان ام زوجها سمعها ثقيل : لا يا يمه اقولك وعود و ندى يتهاوشون ..

الجده : اهااااا وبشنهو يتناقشون

ندى : هههههه يتهاوشون يعني نتضارب ...

الجده : من ضاربين عسى مايكون نواف حبيبي

الام : لا يايمه اي نواف ... هذولا ندى ووعود يتضاربوون بالكلام

الجده : انا ماغلطت على احد بالكلام

ندى ماتت من الضحك : ههههه لا يمه سعديه .... مو انتي حنا ..

الجده : مشاء الله من جايب حناء ... عطوني ابحط بشعري شوي ..

الام تنرفزت من ام زوجها اللي فيها مكفيها ....لو ماوصل نواف قبل لايوصل ابوه بيذبحه ...

ندى تنبسط على جدتها تستهبل عليها : يمه سعديه تعالي اجلسي معي شوفي التلفزيون ...

الجده : التلفون من اللي دق ..؟ امي داقه ...

ندى : ههههههههه

.....................

وعود بعد ماخلصت نشر ملابس حست انها هديت شوي .. : آففففففففففففففففف وينك يانويف .. وين طاس فيه.. والله ليقتلك ابوي ...

وقفت على طابوقتين مرميتين عند الجدار حاطينهم هي وندى علشان يقزقزون بالشارع اذا طفشوا ... وقفت وهي تناظر الشارع تدور بعيونها على اخوها نواف ....
البزارين عند البقاله بالسياكل " الدراجات " حقهم
والحريم واقفين عند الخياط القريب من بيتهم
ومجموعة شاب جالسين فوق السياره يدخنون
هذا المشهد كثير بالاحياء الفقيره ... حي كله حركه ونشاط .. : يالله وينك يانواف وينك ..؟..

شافت اخوها ماشي بالسيكل وبجنبه ثلاثه بعمره ماشين بسياكلهم ... شهقت : نويف

نواف ودع ربعه بيده ودخل البيت ..نزلت بسرعه من الدرج

.. بعد ماندق الجرس اركضت ندى تفتح الباب .. فكرته ابوها تبغى تتشمت ...

نواف نافخ صدره : السلام عليكم

ندى بسرعه تتكلم: وينك لهالحين وعيد وامي متوعدين فيك ..

نواف مراهق خاف... : ليه ..؟

ندى : الساعه 10 وابوي هاللحين بيرجع ..

قاطعها صوت وعود المزمجر : بدري تو الناس يا ستاذ نواف

نواف بلع ريقه : هلا وعود

وعود : وين كنت لهالحين ..؟

الام : شرررررررفت يا نويف

نواف حس انه بمشكله كبيره وعود وامه ..لكن كرد كرامة المراهق نفخ ريشه وقال : اتمشى مع الشباب و ..

وعود تصارخ : تتمشى لساعه 10 انت صاحي ... تعال تعال اشمك .....

نواف فتح فمه لها وقرب منها .. صارت تشم فمه وثوبه مثل كل يوم يتعرض للفحص المسكين يا من امه او وعود ...

نواف : ها تاكدتي مافيه سجيار – بتميلح قال - ولو انا تربيت ام نواف ...

الام : لايكثر بس وين كنت تكلم ...

راشد يبوس راسها : والله ياامي الغاليه تمشيت مع الشباب شوي

وعود معصبه : من الولد اللي لابس بدله خضراء شكله غريب عليكم .. ماهو سليطين ولا محيسن

راشد: هذا واحد معنا بالفصل ..؟

وعود بشك وخبث : بس هذا شكله مو من حارتنا شكله مرتب ..

راشد: ايوه هو من الحاره اللي بجننا بيتهم كبيييييييييييير وفلوسهم كثيره ..

ندى بحماس : جد انت شفته ...؟

نواف : لو شفتوه يالله جنه ...

الام : احمد ربك غيرك نايم بالشارع يله انقلع تروش بعد الدواره بالشوارع من الظهر قبل لايرجع ابوك ويشوفك

نواف تنهد : الحمد لله مارجع لحد هاللحين ...

وعود : روح لندى تذاكر لك ..

ندى تحرك شعرها يمين ويسار صار ناعم بفعل الاستشوار : والمدرسه ندى تبغى تنام يانسه وعود ...

الام : ذاكريله وانتي ساكته مو كافي استهتارك ...مخليته يطلع قبل لايذاكر ..

مشى نواف للغرفه اللي ينام فيها هو وجدته : آآآآآآآآآآف

وعود: لاتتافف غلطان وتتافف ..

الام : يله رشيش ذاكري لاخوك ...

ندى بلا مبالاه : ردد يالليل ماطولك ..اذاكر له

الام عصبت اكثر : دامك مراح تذاكريله انقلعي هاللحين من وجهي وفرشي فراشك ونامي ..

ندى : لا بعد شوي بيعرضون مسلسل الامبرطوره ..

الام : يتذاكرين له ... والا انقلعي نامي

ندى صرخت من قمة راسها : نويييييييييييييييييف يله خلنا خلص منك يالبلاء ...

الجده طلعت على صرخه ندى : نويف وش فيه

الام : لا يمه مافيه شي ادخلي كملي المسلسل

الجده : سلسله ... مادري والله وين حطيتها ...اصلا اخر سلسله عندي باعها ولدي حمد من سنتين ..؟

الام بضجر تبغى ترتاح من ام زوجها : يمه تعالي معي مسويه لك هذاك الحنيني اللي يحبه قلبك

دخلت الام مع ام زوجها الصاله الصغيره اللي فيها تلفزيون ومروحه بسقفها وتكيف كانه من النوع الصحراوي ..

وقفوا البنات عند الباب اللي ببداية البيت وبجنبه الدرج الجبس ...

وعود: جهزي الحب للمسلسل ..

ندى تتذمر : ياحسره علينا نتسلى بحب وغيرنا بفوشار وليزا و بايسن ومكسرات ..

وعود: كلنا ودنا بهالبايسن بس مابليد حيله ..

رحاب مقهوره : اجل البايسن بريلين الاسعار غاليه

وعود : اذكر اني شربته مره واحس كله غازات ..وطمعه يجنن بس على قولتك بريالين ...

ندى : انا ... اناظره وتمنى اشربه بس المصروف مايسمح .. كله ريالين ..

وعود: وشرايك على الراتب الجاي اشتري بايسن وليزا ..ونبيعها ماتاثر بالميزانيه .

ندى : اقول بلا كلام مانتي بقده ابوي محتاج لريال لاتنسي مصاريفنا كثرة ... وراتب ابوي 700 ريال مايكفي لفاتورة التلفون والا الكهرباء والا ايش ..

وعود : اللي يسمعك 500 ريال تكفي ...

الام : يابنات تعالوا جاء المسلسل ...

ركضوا لصاله بسرعه ...

الجده : لا ماحصلت السلسله لهاللحين

ندى : ههه لحد هاللحين بالسلسله ...

الام : اقول دامك يارشيش خلصتي من الاستشوار رجعيه للمياء بنت الجيران

ندى : لا تخافي انا قلتلها بكره برجعه ...

الام : لا رجعيه هاللحين مو يكفي مفشلتنا كل اسبوع طاقه الوجه ورايحه للجيران متسلفه شي

ندى بطفش: آآآآف .. انا ولموي قلعتنا نتفاهم مو يكفي ان استشوار ماعندنا

الام : يله يافالحه اخلصي دراسه وخيبي النسبه وادخلي للكليه واشتغلي واشتري استشوار ..

ندى : ياللليل ماطولك ليه كل هالمشوار ....اتزوج واحد مثل هذا الامبراطور واشتري مصنع استشوارات ...

وعود : ههههه الامبراطور يالبزر بلا احلام ورديه ...

دخل بو نواف لصاله و كانو وعود وندى بمكانهم المعتاد متسدحات قدام التلفزيون بالضبط وعليهم البطنيات وبجنبهم الحب .. والتكيف منزلينه عليهم بس ..

بو نواف : السلام عليكم

اللكل : وعليكم السلام ..

بو نواف : شخباركم بنات

وعودوندى : الحمدلله

بو نواف بعد ماجلس : اجل وين نواف ..؟

ندى : دخل يتروش وماطلع ....

بو نواف : يعني بالبيت كويس ...

ام نواف : احط لك العشاء يا حمد

بو نواف : ياليت ميت جوع ...بنات تعشيتوا

وعود : من زماااااان ...

راشد طلع بعد ماتروش: يله نذاكر

بو نواف : نواف كم مره قلتلك البس ثوب البيت فوق الصروال والفانيلا

نواف : انا ماحب شغل الرسميات ثوب بيت ومش عارف ايش ..

ندى : عشتوا اللي يشوف طولك شبرين مايقول هذا يعرف ينطق رسميات

وعود تمد ايدها لاختها وهي ميته ضحك: ههههههه وانتي صادقه

نواف بنذاله يقهرها : يله ندى قومي ذاكري لي

ندى : بعد المسلسل ..خلاص بداء اسكتوا ...

بو نواف يناظر امه النايمه وهي جالسه .... : قصروا شوي يابنات ....

ندى ووعود مفهيات : ....

بو نواف : يابنات ...

نواف : انسى يبه هذا الامبرطوره يعني صم بكم ...

دخلت ام وعود بصينيه العشاء الخفيف اللي مكون من اطباق الفطور الجبنه والزعتر والزيتون ..
لا ..........
هم مايتبعوا دايت او يحافظوا على رشا قتهم .... الظروف حدتهم يعيشوا كذا ... : وشدعوه يا بنات الصوت واصل لاخر الحاره جدتكم نايمه قصروا على الصوت .......

بو نواف : على قولت نواف انسي الموضوع هذي الامبراطوره ...

نواف ياكل وهو مبسوط نسوا موضوع مذاكرته ...

ندى بحماس: يمه هذي الجلابيه اللي اقولك عنها .. حلوه صح

ام نواف : اي وحده ..؟

وعود : اللي لابستها اللهام الفضاله اللي لونها ابيض هذي هي ..

ام نواف : لا مو حلوه سمينه

ندى : ههههههه يمه الجلابيه مو المراءه

بو نواف : اقول انتي معها قوموا ناموا بكره وراكم دوامات ..

ندى : يبه انت نام انا بعد هذا المسلسل بشوف اعاده لبرنامج دندنه ..

وعود : صحيح ماقلتلك نانسي اللي بدندنه قصت شعرها

ندى : كذابه لحد وين ..؟

هذا نموذج بسيط لحياة الاسر المتواضعه والفقيره بالمملكه .....وعود وندى ونواف ثمرة زواج حمد وموضي

************

بعد ساعتين ..
سامي بمحل الورود محتار وش يختار الورد الاحمر والا الوردي ... اليوم مناسبه خاصه لخويته الجديده " مناهل " اليوم يكتمل عمرها 19 سنه وش يختار اي لون لهذي المناسبه يذكر ان شموخ تعشق اللون الوردي اكيد البنات يحبوا الوردي لكن بهذي المناسبه بالعاده يختاروا الاحمر العنابي لانه يعبر عن الحب ..

منسق الورود اللبناني : شو بدك من هيدول ..

سامي : احمر والا قولك وردي .. لا لا عطني احمر

المنسق : جواب نهائي

سامي باحتقار : ايوه اخلص علي احمر .. قلبت جور قرداحي .. على غفله

المنسق : هههههه

سامي : بعد تضحك انت وخشتك تقل مفك يله تاخرت على الموعد ...

المنسق احترم نفسه : حادر شوبك معصب هيك مابدى كل هيدي العصبيه

سامي : هذا اللي بتطوى ببطنه يله اخلص وانت ماكل تبن

المنسق عصب وانقهر لكنه سكت الزبون دايم على حق ...

سامي اخذ باقة الورد المغلفه بشريط ذهبي وسط اللون الاحمر العنابي (( مصخره هذي على 120 ريال على ايش )) : خذ واترك الباقي علشانك

المنسق ناظر المية ريال : انو باي هاي ناصه 20 ريال

سامي : والله عاد هذا اللي معي ... اجل ورد مقطعينه من الشارع ب 120 ريال رامي فلوسي بالزباله انا

المنسق : ياحزرت الاستاز مابيصير هيك .... هيدي اسعار البوتيك

سامي : لا تلوع كبدي انت وبوتيكك .هذا ....... عجبتك الميه والا ضف وجهك

طلع من المحل معصب وكان معه الحق.. مو كانه سارق على الرجال 20 ريال ...

دخل سيارته الاند كروزر السوداء .. من يصدق اللي مارضى يدفع عشرين ريال عنده مثل هذي السياره ...
هو يبدل سياراته اكثر من ملابسه رغم ان مستواه متوسط وشغلته بسيطه بس هذا سامي .. كل يوم مستاجر سياره شكل ...

مشى بهدوء ودق على " مناهل " : هلا والله هلا حياتي

مناهل ضحكت بخجل : هههه هلا حبيبي

سامي وهو يضبط النظاره الشمسيه بالليل بس اهم شي يخفي عيونه : نهولتي وينك هاللحين ..؟

مناهل : قبال المجمع النسائي احتريك

سامي : حياتي دقايق وانا عندك

مناهل : اوكيه لاتتاخر

سامي والحماس ماخذه اخيرا رضت تقابله : لا اتاخر مهبول انا اتاخر على قلبي واضيع احتقالي معها باحلى قمر انخلق هاليوم ..

مناهل بخجل : ههه اوكيه قلبي اذا وصلت دق علي اطلع علشان الامن

سامي : اوكيه ...

سكر من عندها وناظر المرايه ومد لسانه : وع تلوع الكبد ... هههههههههه

وصل لعند المجمع النسائي اللي قباله مدينه الالعاب الصغيره ..تنهد وجهز نفسه للوعة الكبد .. تعطر وعطر السياره للمره الثالثه

فرقع اصابعه ورفع الجوال وكانه بياكل شي او مستعد ينقض على شي : نهوله انا بره

مناهل بلهفه وبسرعه : هاللحين طالعه

سامي ابتسم باستهزاء : يله ياعمري احتريك

سكر من عندها وهو يضبط شماغه اللي كات عليه برميلين نشا من كثر ماهو واقف

طلعوا بنتين من البوابه بعباياتهم الملفته للانتباه والا اللثمه نص وجههم طالهه وكل وحده ماسكه شنطتها الصغيره بطريق ناعمه ..
سامي ابتسم مثل ماتوقع من النوع الخفيف مره ..
مشوا يتمخطرون بالكعب العالي لعند السياره المقصوده

سامي فتح السياره لهم بعد ماكان مقفلها وكانت بعيونه اكبر نظرات الاستهزاء من وراء النظاريه الشمسيه السوداء ..

فتحت وحده منهم صاحبة الشنطه الموف الباب بجراءه وكانها سيارتها وركبت ورى : السلام عليكم

والثانيه اللي كان واضح من خجلها انها مناهل ... ليه هذي الاشكال تعرف تستحي .. وقفت عند الباب اللي بجنبه متردده تركب قدام والا ورى مع صديقتها : وعليكم السلام ... -اشر لها - ادخلي

فتحت الباب بسرعه وكانها ماصدقت قلتلكم من النوع الخفيف ..

مناهل بهمس : هاي

سامي : هلا وغلا ..

مناهل : كيفك ..؟

سامي حرك السياره : كويس وانتي كيفك ياقلبي

مناهل : انا كويسه

سامي يناظر اللي ورى : من هذي اختك

اللي ورى انفجرت بالضحك وكان حد مدلدغها : ههههههه ويه ياحليه يقول اختج هههههههه

سامي استنتج من لهجتها انها من اهل الدمام : ليه ..؟ انتي اكيد صاحبتها ...

مناهل : ايوه صاحبتي ليلى

سامي : وياليلى وش مجيبك عندنا ... انا ابغى احتفل مع حبيبتي لوحدنا

ليلى : ويه مايعرف يجومل حتى هههههه

سامي : اسمعي انتي بجهه وحنا بجهه اذا دخلنا للمطعم

ليلى : عيل شلون محرم

ركان كتم ضحكه اقرب لصرخه (( محرم ههههههههه هذولا البنات كيف يفكروا )) : معليه يالمحرم اتركينا لوحدنا شوي

ليلى : اوكيه علشان اليوم عيد ميلاد نهوله

سامي باستهزاء : مشكوره يالمحرم ... بس نهوله ليه ساكته

مناهل : ههههه عادي ...

وصلوا للمطعم .. سامي كان حاب يبين لهم انه ولد بطاره جد عزمهم على مطعم ماحلموا يدخلوه ...
ليلى ومناهل خقوا على سامي مزيون وكشخه وبطران

سامي : انتي ادخلي هنا وانا ونهولتي هنا ..

ليلى بسرعه : اوكيه

دخلوا سامي ومناهل للطاوله المخصصه لشخصين بقسم العوايل : هلا والله بالغلا كله

مناهل تكشف وجهها بثقه كانت جد حلوه لكن مافيها جاذبيه ومابهرت سامي مع انه تصورها اشين من كذا لكن مابهرته ...

قال بنفاق وهو يحرك النظاره اللي تخفي عيونه بحركه بسيطه : بسم الله عليك الله يحرسك انتي قمر والا ملاك

مناهل انبسطت : هههه

سامي يتنهد بتصنع : سبحان اللي خلقك ملاك بالارض

مناهل : خلاص سامي استحي

سامي (( تفوا علي وعلى الحياء اللي يطلع منك )) : ليه تستحي مني وانا بعد اللي شفته اليوم زوجك ان شاء الله

مناهل ابتسمت وتغيرت ملامحه من الخجل لفرحه كبيره : من جدك

سامي : اكيد والله ماضيعك مني انتي ...؟ انتي ..؟ .. ماني عارف كيف اوصفك يخوني تعبيري من حلاك

وسحرها بكلامه المعسول وهم يتعشوا ويحلوا كان زايد بالمعيار ... مل منها 6 شهور وهو يحكي معها وماهي براضيه تشوفه ولما شافها لاعت كبده .. وحمد ربه انه ماصرف عليها كثير

رجعهم للمجمع على الساعه 9 يعني قريب ويسكر المجمع : اشوفك على خير حياتي

مناهل : تسلم حبيبي هذا احلى عيد ميلاد شفته بحياتي

سامي : وانا عندي اغلى منك

مناهل طلعت من شنطتها الصغيره شوي .. دبدوب سماوي صغير وينفع ميداليه : تفضل حياتي

سامي بتصنع يخفي استخفافه : مشكوره حياتي ..

ليلى والغيره من مناهل بصوتها : للفير " للفجر " يعني يله

مناهل : اوكيه سمسم باي

نزلت وتوها بتلحقها ليلى الا سامي مد ايده بورقه صغيره .. ناظرت ليلى مستغربه .. رفع النظاره عن عيونه وبانت عيونه العسليه الغامقه وابتسم ابتسامه تعذب : خلينا نسمع صوتك ..

ليلى داخت من عيونه وابتسامته مزيون مره ضحكت وطلعت من السياره : ههههههه

مناهل مسكتها اول ماجئت معصبه : وش قالك ..؟

ليلى تناظر سامي وهو يطلع بسيارته وعلى شفايفها اكبر ابتسامة نصر انه ناظرها بعد ماناظر مناهل بنت الرياض المدلله : قالي انتبهي على نهوله وحطيها بعيونج وانا مافكر اخونها ابد

مناهل : ههههه يخبل مو

ليلى تناظر بقايا اثار سامي : يمكن ..

سامي مشى بسيارته ورفع صوت المسجل اغنية مطربه المفضل خالد عبدالرحمن ..
(( ودعت جرحك للابد ..مالك غلا عندي ابد ..
مره تجي مره تصد ... حيرتني روح ابتعد ))
يغني مع الاغنيه وهو مبتسم فجاءه ضحك : هههههه

ناظر الدبدوب الصغير اللي بجنبه : يالهبله انتي مثل هذي اللعبه ههههههه

فتح النافذه ورمى الدبدوب منها وهو يضحك على سذاجة البنات يصدقوا بسرعه ...

*****************

...

الساعه 11 بالضبط
بداء النظام للبيت المتوسط اللي بشرق المملكه

ريان دخل للبيت وكان هادي مثل العاده وكانه مهجور ... جلس على الكنبه ومدد رجلينه على الطاولة وناظر التلفزيون بملل عنده فضول يعرف وش صار بالمكتبه وياخبر بفلوس بكره ببلاش

غير المحطات طفشان بعد دقايق ابوه بيجمع كل الاسره المتواضعه على العشاء واللي داعي على نفسه مايحضر

شموخ نزلت وبحضنها بيسو تلعبها شافت رايان جالس حست بقشعريره بكل جسمها اكره خلق الله جالس قبالها ..ماقد كرهت احد مثل اخواها ريان .. وتتمنى موته اليوم قبل بكره ...

ريان انتبه فيها وابتسم بخبث : اوه انسه مشاكل بكل تواضع نازله عندنا

شموخ تكرهه وتعرف انه مجنون ويسوي اي شي بس يمشي كلمته او يرد كرامته ..قالت بدون نفس وبعناد : هاي ... الرجل السيجاره ريان الهم ...

ريان : انسه مشاكله اقصري الشر ولزمي حدودك

شموخ : لما تعرفت تناديني بينك ساعتها احترمك ... بليز لاتحكي معي ...

ريان : بذمتك هذا اسم مبسوطه فيه بينك جد مصخره

شموخ بدلع : كيفك ..؟انت وش عرفك بهالسوالف ...

ريان يناظر بيسو : ايش هذا القرف وانتي ماتركتي عنك حركاات القطاره هذي ...؟

شموخ : اسمها بسه مو قطاوه ...وانت مالك دخل

ريان فاضي ومتتسبب : احلفي بتعلميني النطق ...؟

شموخ : اكيد لانك همجي ....

ريان :لا ااا انثبري ازين لك ... وين نجلاء ياانسه مشاكل
شدد على الاخيره علشان يقهرها ..

شموخ : مادري عنها شايفني امها .. وانا اسمي بينك مو انسه مشاكل ..كم مره بحكي يا رجل السيجاره ..ريان الهم ..

ريان : انتي ماتعرفي تردي صح ..؟

شموخ : لا ماعرف ...

ريان : كم مره قلتلك احكي مثل الناس لاتتميعي

شموخ زادت دلع : ياربي انا صوتي كذا انت ماتفهم .. ولا تضرب ..

نزلت نجلاء بالبيجامه الطويله والواسعه ورافعه شعرها بعكس منظر شموخ لما نزلت بالشورت الضيق والبوزه الضيقه بدلت ملابسها البينك ..وتاركه شعرها مفتوح ..

ريان : هلا نجوله

نجلاء: هلا ريان كيفك ..؟

شموخ : اف كملت القرويه نزلت

ريان : انا تمام بس لو ان انسه مشاكل مو موجوده كان انا كويس

نجلاء تحتقر شموخ اللي يعكسها بكل شي : "بينك "وش مسويه بعد .. هي لو ماهي موجوده بالكره الارضيه كلها احسن لنا كلنا

شموخ ببرود : بليز دكتوره قرويه لاتقولي اسمي على لسانك .. تشينينه

ريان : انسه مشاكل اسكتي وكلي تبن حد يحكي مع اخته الكبيره كذا

شموخ : لا مره ارعبتني اختك الكبيره قال .. – اشرت لهم بطرف اصبعها وهي توقف – اسمعوا انا طالعه فوق احسن لي واذا وصل دادي خبروني ...

ريان : انثبري مكانك بابا على وصول

شموخ : آف خنقه ... انتم ماتحسوا الاكسجين مللوث هنا

نجلاء: وين ماما ..؟

شموخ : عندها استقبال تعرفي وش استقبال انتي والا اشرح لك....

نجلاء عصبت : انسه مشاكل احترمي حالك ..

شموخ تحط رجل على رجل بالشورت الضيق : لا وتعرفي تحكي بعد يا دكتوره قرويه

ريان رفس رجلها لحد مانزلت على الارض بعد ماكانت رجل على رجل
قالها باستهزاء : انسه مشاكل ...ممكن اسالك بالله وش هالمصخره اللي انتي لابستها

شموخ تناظر بلوزتها وهي ترفس ريان رجله مثل حركته : عادي mickey mouse - باستهزاء كملت حكيها - اذا تعرفونه ..
(( ميكي ماوس ))

نجلاء : لا مانعرفه تصدقي

ريان : على بالك نانسي والا اليسا لابسه كذا

شموخ بثقه : هههه يخسون هذولا انا شيمو اند بينك ..

ريان : مبسوطه بحالك مره شيمو و بينك ..

شموخ كان يحق لها تقول كذا لانها حلوه مره حتى ان لها شعبيه بالجامعه من كثر ماهي كشخه وحلوه طبيعي ..كانت صاحبة جمال جذاب ملفت ..
عيونها وساع مره ولونها رمادي خلقه وانفها الطويل وفمها صغير مره بشفايف ممتليه شوي ..والا شعرها كان كستنائي ذهبي خلقه بعكس اختها نجلاء بشعرها الاسود وعيونها السوداء ...

نجلاء : ماعليك منها بزر ..

سامي دخل يدندن ..: هاااااااااااي

اللكل ماعدا شموخ : هااااي

شموخ : كملت ..

سامي رم جسمه على الكننبه قبال ريان واللي يشوفهم يقول مررايه تعكس اشكالهم بس الفرق ان واحد فيه الشباب ينبض ولعيونه لمعه خاصه وملابسه سبور وهذا سامي ام ريان كان عاقد حواجبه ولابس الثوب العادي وبجنبه شماغه

او مادخل سامي الجو توتر لان ريان وسامي ماينفعوا يجلسوا مع بعض يكروها بعض وكل واحد يحب يفرض رايه ..

اجتمعوا على الطاوله ساكتين ابوهم له هيبه كبيره حتى امهم تهابه .....ودخل ريان متاخر مثل العاده بس ابوه مشائها له لانه يشتغل بسهوله

شموخ دخلت لغرفتها بعد العشاء على طول .. ونجلاء لحقتها لكن بهدوئها المعتاد ..

ريان دخل لغرفته بسرعه ودق على منى منتظر هذي اللحضه طول اليوم علشان يحاكيها ...

منى : هلا والله حبيبي .. وينك اليوم ..؟

ريان : انشغلت شوي وماقدرت جيلك انتي كيفك ..؟

منى : انا بدونك طفشانه ...

ريان : هههه ياحياتي اعتبريني معك ..

منى : اوكيه امري ل الله مالي الا انتظر بكره ..

ريان : اوكيه باي ..

وسامي غرقان بالنوم ...

تكملة

الساعه 6 الصباح

ريان دخل للمكتب بالصباح ومقفله معه ...: صباح الخير ..

سعيد زميله بالمكتب : هلا ..هلا والله ...

ريان يتثاوب : من متى مداوم ..؟

سعيد : من خمس دقايق ومقفله معي مرررره

ريان :انا خلاص ابترك هنا

سعيد: وين تشتغل ان شاء الله ... الوزاره تنتظر توقيعك والا مجلس ال

ريان يقاطعه وهو يدخن سيجارته : لا انا اعتذرت من الوزاره لاني احس اني مو مستعد نفسيا اكون وزير وانا بهذا العمر ..

سعيد: تتريق انت وجهك

ريان : وش اسوي لك يعني انا لقيت لي وظيفه بشركه

سعيد: والله شغل من غيري .... لا بدت تشتغل النذاله شكلك جالس مع انسه مشاكل امس وعطتك درس

ريان : لا من جدي في شركه جديده فاتحه هنا وانا قدمت وقبلوني

سعيد يمد رجلينه على مكتبه المتوسط : وش قبلوك فيه مراسل

ريان : لا مدير

سعيد يدق التلفون : يا ابو محمد جيب قهوه سائده ثقيله مسكين ريان يهلوس

ريان سحب من سيجارته : جد ...

سعيد : ومن اللي بايع نفسه موظف اكبر غشاش ونصاب بالشرقيه عنده ...

ريان: مادري صاحبة الشركه ارمله اسمها رجاوي وهي كبيره بالسن وماعندها حد يدير املاكها

سعيد: اها وانت الفارس الامين اللي بتديرها

ريان : افكورس ...

سعيد : ريان متاكد من الوظيفه

ريان ابتسم وهو يطفي السيجاره : 100 %

سعيد : الله معك ...

وصل بو محمد وحط القهوه وهو ساكت مايحب ريان ولا يحب يختلط فيه ...

ريان: ها يا شايب النحس كيف الشغل عندنا

سعيد : ريان خلاص اتركه بحاله ..

ريان : اقولك هههه بو محمد انت عندك بنات ..؟

بو محمد رجال كبير مره بالسن لكن الظروف اجبرته يشتغل كذا ..: .....................(( ساكت يتقي شره )) ناظره ساكت

ريان : انت هيييه ماتسمع احكي معك عندك بنات والا لا

بو محمد بصعوبه : ايوه عندي

سعيد ناظر بريان ساكت عارف وش كثر هو فيه شر

ريان : وش اعمارهم بالله ... حلوات بناتك والا على شكلك ..ههههه

بو محمد ماعرف وش يرد عليهم يحكون عن عرض بناته وكان ابوهم ماله غيره عليهم : ............

ريان : وش فيك ساكت مانت مشتهي تاخذراتبك كامل هذا الشهر ..؟... تصدق سعيد يقولوا ان عمي هذا الشهر حاب يخصم على اي احد يزعلني

سعيد بتردد : خلاص ياريان اتركه بحاله

ريان ناظره باحتقار : يازينك وانت ساكت ... اوه بو محمد هنا لحد هاللحين ماقلتلنا كم اعمارهم وكيف اشكالهم

بو محمد حرك شفايفه ببطء : اكبرهم ب3 ثانوي ..

ريان : مدرسه ..ليه انت عندك تدخلهم مدارس انت كويس تاكل هههههههههه

بو محمد ضغط على اسنانه يحس بالقهر والعجز ..وحس ان كلامه جاء على الوتر الحساس ...

ريان : وباي مدارس يدروس اكيد الحصان او الحماد ههههه لما اطالع بوجهك احس الحكومه ويخب عليك ...هههه

بو محمد ناظره بحقد : ايوه الحكومه ...

ريان : اي مدرسه يمكن نتوسط لها تنجح

سعيد : خلاص يا بو محمد انت رح كمل شغلك ..

ريان ناظره بحقد : انت وش حارق بصلتك ها .. لو سمحت خلك بحالك

بو محمد : تامرون على شي قبل لاطلع

ريان : ايوه نامر على بناتك .... هههههههه

بو محمد ضغط عى نفسه لايضرب ريان على وجهه ..طلع بسرعه

ريان: ههههههه ... مسكين رجال طيب هههههههه

سعيد : حرام عليك ليه سويت معاه كذا ..

ريان باحتقار : انا بروح احكي مع عمي مالي جلسه بهذي الشركه ...

ريان : انت اضمن الوظيفه قبل

ريان : بالجيب .....

طلع ريان من المكتب وهو مقرر يرتاح من هذي الشركه اللي نذل فيها ... مشى لمكتب عمه الواسع وقرر يشكره بطريقته الخاصه ...

دق باب عمه بهدوء بعد ماسمح له السكرتير ..

عمه : نعم تفضل ..

ريان بكل جراءه نفث السيجار بالهواء : ممكن خمس دقايق من وقتك ...

عمه يناظره وهو معصب ممنوع التدخين بالشركه قرر يشوف اخرتها معه : خير ..

ريان فتح العلبه وطلع سيجاره مدها لعمه : تاخذ لك سحبه

عمه عصب جد : ايش الوقاحه هذي انت عارف ان التدخين ممنوع هنا وبعد تمد لي

ريان رمى نفسه بقوه على الكرسي الجلدي ودخل السيجاره بالعلبه مره ثانيه : تنفعني بوقت ثاني

عمه : من سمح لك تجلس تفضل وقف وقوم عن هذي الكنبه ومخصوم من راتبك يوم .. لحد ماتعرف النظام ...

ريان لف بالكرسي الجلدي اكثر من لفه وكانه مايسمعه ...

عمه رمى الاوراق اللي بيده على الطاوله معصب : ريان اطلع بره ...

ريان وقف لف بالكرسي وناظر عمه باستهزاء : اقول يالشايب اخصم السنه كلها لو تحب ... واسمع انت وشركتك اللي ذليتنا فيها ..انا مالي جلسه بهالشركه المعفنه

عمه ناظره مصدوم ريان اللي دايم يهز راسه بطاعه وانصياع جالس براحته بالمكتب ويقول مثل هذا الحكي بطريقه متعاليه ...

ريان يكمل وهو يرمي الاقلام اللي بالعلب على المكتب وينثر الاقلام : شركتك هذي الفاشله بتتسكر قريب يا عمو ... وانا جاي اقولك كلمتين قبل لامشي واترك هنا .... انت فاشل وماتسوى جزمتي سمعت ...

وقف ورفع الاوراق اللي قدام عمه ورماهم بوجهه : ولا تنسى كلمتي ... انا ريان وماحكي على الفاضي انا فعل ...ولو فكرت تحكي لبابا اللي صار مايحصل لك طيب وبظرف اسبوع بتجي لعندي تترجاني .... بالاذن ياهتلر ..

عمه يناظره مصدوم هذا ريان الهادي يقول هالحكي وقف معصب : انت شارب شي يا

ريان اشر بايده : اوش اوش لا يكثر يالشايب مابغى اسمع صوتك ..

طلع ريان راضي عن نفسه وعن اللي عمله مع عمه هاللحين بس ارتاح بعد ماكسر عمه وغروره ...

**************

شموخ جالسه بالجامعه تتفرج على اللي رايح وجاي بطفش ...: آف بالمره حر

ريوف وودها تقتل شموخ المغروره : معك حق حر هنا

شموخ : هذا يسموه تكيف الا قرف ... وش صار اذا صلحوا التكيف له اسبوع من خرب

ريوف : وش نعمل نستحمل

شموخ : استحملي لوحدك انا رايحه للمجمع تجي معي

ريوف : لا انت عارفه انو هلي مايرضوا

شموخ :ههههه بذمتك من سال بالاهل هاللحين كلنا اهلنا مايرضوا لكن مو هما يمشوننا بهواهم .. تحركي وبلا سلبيه ..

ريوف : اخاف يعرفوا ..؟

شموخ : كيف بيعرفوا قولي لي انا مضبطه مع السايق مايحكي لماما او لاحد

ريوف : لا والله لو شافوني اخواني ذبحوني ..

شموخ : آف تراك طفشتينا بتطلعي معي والا كيف ..؟

ريوف متردده كم مره تطلع شموخ وتنبسط من غير لايعرفوا اهلها وهذا هي مبسوطه :...

شموخ : اخلصي علي بتطلعي معي للمجمع والا

ريوف : اي مجمع ومتى بنرجع ..؟

شموخ : لفوائد سنتر وبنرجع قبل الساعه 2 ..

ريوف : لا ماقدر اخاف ان اخوي طالع يفطر هناك

شموخ توقف بنرفزه : براحتك يالبيبي ..

ريوف تلحقها : بينك بروح معك

شموخ : واخيرا يا بيبي يله ..

مشت شموخ متنرفزه من ريوف لعند البوابه
(( قريب يابنت الاخلاق والادب تصيري مثلي عامله حالها محترمه اذا ماوريتك انتي وامك لا بنتي ريوف ماتحب الطلعه ماتحب الجوال لانها ماتحتاج له اوكيه يابنت امك انا اوريك ))
ابتسمت لريوف : بتطلعي كذا ..

ريوف تناظر عبايتها : ليه وش فيه ..؟

شموخ : لا احس انو ماينفع عبايه راس بالمجمع

ريوف خافت ومسكت عبايتها وشدتها لجسمها : ليه ماتبغيني البس عبايه راس

شموخ ودها تقتلها وهي عارفه ان ريوف من عايله محافضه كثير : لاااااا وشدعوه بس لاتغطي عيونك يعني مجمع وكشخه وماينفع كذا

ريوف : بس انا متبرجه عيوني وتكون فتنه

شموخ ماقدرت تمسك اعصابها : آآآآآف ريوفه تراك غثيتيني ..اذا بتطلعي معي طلعي عيونك وش بيصير ..؟

ريوف اقتنعت : اوكيه بس عيوني وانتي صادقه وش بيصير ..؟

شموخ سكرت عبايتها اللي على كتفها الضيقه وحطت الغطاء على شعرها الكستنائي بلمعته الجذابه ...

.: بينك بينك ..

شموخ و ريوف لفوا على اللي تنادي : مارسيل .. زينه ...هاي

..: ههه قلتلك ماحب تناديني مارسيل انا رسل مو مارسيل ...

شموخ تغار من رسل لانها على قدر مقبول من الجمال وكل البنات يحبوها : بذمتك هذا اسم رسل احس ان كبدي لايعه وانا اقوله ..مو ريوف

ريوف تجاري شموخ لانها تخاف منها : صح ههههه

رسل ابتسمت وهي منحرجه وبالذات قدام زينه البنت الجديده اللي تعرفوا عليها من كم يوم : المهم .. وين طالعين بدري باقي محاضرتين ...

شموخ : طفشانين بنطلع نفطر ونتمشى شوي ..

رسل : خذوني معكم انا كمان طفشانه

شموخ : مارسيل انتي متاكده انك حابه تجي معي مو اخواني ومش عارفه ايش

رسل : لا اكيد لاني بنفجر هنا ...

زينه باستغراب فتحت عيونها : وين رايحين ..؟

رسل: كذا نفطر ..

زينه : والمحاضرات وبعدين من بيوصلكم ..؟

شموخ يتعالي ناظرت زينه : من يعني السايق اذا حابين تيجوا يله ضاع وقتنا .. رفرف بليز جيبي شنطتي من اللوكر – صندوق الطالبه – شنطتي

ريوف ماعندها شخصيه خذت المفتاح الصغير : طيب ..

زينه : استاذنتوا من اهلكم ..؟

رسل : لا وش نستاذن مهبوله انتي اكيد بيقولوا لا

زينه شهقت : تطلعوا من وراهم

شموخ : اسمعي انتي اذا مو عاجبك ضفي وجهك .. مارسيل انا بالسياره اذا حابه تجي ..

رسل تناظر بزينه المصدومه من رد شموخ لها : لا مره ثانيه ..باي

شموخ : متخلفين باي اذا شفتوا ريوف قولوا لها انا احتريها بالسياره ...

مشت تتمخطر لبرى البوابه وين ماوقف لها السواق مافكرت بالحكي ا للي قالته لزينه وكيف ان علاقتهم ماتسمح ترمي لها مثل هذا الحكي ...تحس ان هذي زينه حشره ومعقده وماهي بشايفتها اصلا ..

انتبهت بالخدامه : روز كويس انك جيتي معي

زينه : انا من البدايه ماحبيتها هذي شموخ على ايش شايفه نفسها

رسل : ماعليك منها من يوم يومها كذا ماهي بشايفه احد

زينه : انتي من متى تعرفيها

رسل : من متوسطه لكن علاقتي فيها سطحيه وبثالث ثانوي تعمقت ..

زينه : رسل انتي عسوله وحبوبه كيف تحكي معها..

رسل : مادري احس انها طيبه او فيها طيبه

زينه : من – بتريقه قالت – بينك ..

رسل : نفسي اعرف حياتها وش اسرارها

ريوف جئت وهي مسرعه : وين بينك راحت عني ..؟

رسل بابتسامه : لا تقول انها تنتظرك بالسياره ..

ريوف :الحمدلله افتكرتها راحت وتركتني .. مارسيل مانتي بجايه معنا

رسل ناظرت بزينه : لا مره ثانيه

ريوف: تعالي والله بتنبسطي ..

رسل ودها تروح معهم علشان تتقرب من شموخ اكثر وبالذات لما صارت تعطيها وجه : زينه تجي معنا

زينه باستنكار : لاااا انتي روحي انا كذا والا كذا داخله للمحاضره ..

رسل ماصدقت : اوكيه ابلبس عبايتي وجايه معك انتظريني ..

ريوف: لا بتعصب علي اذا تاخرت

رسل بحده : مانتي بشغالاتها تحتريك شوي

ريوف سكتت متفشله ...

شموخ معصبه : روز اطلعي شوفي الغبيه هذي وينها

ريوف : مايعرف انا ..

شموخ شافت ريوف بعبايتها الراس وبجنبها وحده بعاية البشت تتمخطر ابتسمت بخبث (( اكيد هذي مارسيل جائيه تتلزق فيني بس انا اوريك ..))

دخلوا البنتين : هاااي

شموخ بنرفزه : وينك ساعه تجي كنت راح امشي عنك

ريوف : كنت احتري مارسيل ..

شموخ من غير لاتناظر رسل : يله شوبار على فوئد سنتر ..

مشت شموخ بفوائد سنتر بعبايتها الضيقه واللثمه على خدهاوانفه وفمها ولاكانها موجود من شفافيته وخفتها ملامحها واضحه وبجنبها رسل وريوف ..
ريوف كانت خايفه ومتوتره وتتلفت
اما رسل فكان عندها عادي متعوده على هالطلعات من ورى اهلها ..
شموخ بنرفزه : آف وبعدين معك وترتيني معك

ريوف : خايفه اول مره اطلع مع السايق وبدون اهلي للمجمع

رسل : وليه طلعتي دامك تخافين

ريوف : مادري غبيه ياليتني ماطلعت

شموخ : ووالله اذا مابدلتي حكي يالبيبي ياويلك...

ريوف : اول مره واخر مره اسويها والله ماعيدها ..؟

شموخ ابتسمت من تحت غطاها (( اكيد اول واخر مره ههههه ))

ووراهم شغالتها روز رافعه اكياس محلات اللي اشترتوا منهم البنات على حساب شموخ تموت على الفشخره ..

كانت العيون عليهم وهم يتمشوا مو لان شكلهم ملفت للانتباه او لانهم يتمخطرون في اشكال كثيره مثلهم بالسوق وهم تهون عنهم ... لكن .. بهذا الوقت يكون المجمع فاضي ومافيه احد الا الشباب ...يعني توقيت ممتاز لصياعه

دخلوا لوجوه لان شموخ تدور لها على روج احمر للحفله التنكريه اللي عاملتها صاحبت امها ..

شموخ : بليز ابغى روج طماطي

اللبناني : ايه من عيوني ياانسه في هون عندك تشكيله ارواج من ديور بتاخد نبدات العال

شموخ وهي عارفه وش طلبها بس شافت اثنين دخلوا للمحل بعد مالحقوهم : امم اشوف

اللبناني : اي حادر

ريوف : ياويلي خايفه شوفوا هذو يناظرونا

رسل : انا اللي بذبحها هذي ..هاللحين

شموخ : ماعليك منها هالبزر انا عندي دواءها ..

مشوا الشباب الاثنين قالك يتسوقون ووقفوا عندهم

..: والله محتار وش اختار يا سعود

سعود : اختك كيف ذوقها يا محمد

طبعا كانوا يحكون مع بعض بالاسماء علشان يعرفونهم البنات ..

محمد: لا انا حاب افاجاها

شموخ لفت عليهم : خذ لها هذا العطر قيفنشي مع كريماته

سعود ومحمد انبسطوا ماتحتاج لتعب : هلا والله وش قلتي ..عيني

ريوف ورسل ناظروها مستغربين ..

شموخ : اقول دام محمد محتار بالهديه ياخذ لها هذا العطر

محمد كشرته وصلت لاذنه من الوناسه قالت اسمه : مشكوره على المساعده جد انا محتار

شموخ دورت بشنطتها والاثنين يناظرونها بفضول واعجاب شيطاني ..
وريوف ورسل بعدوا شوي عنهم خايفين ..

شموخ تنهدت : واخيرا ههه سوري الشنطه زحمه
طلعت كرت وردي ومكتوب عليه (( مروج وفيه رقم )) الاسم الحركي لها ..: تفضل انا بالخدمه اذا ماعجبت اختك الهديه هههه

محمد ووسعود ناظروا بعض ترقيم صريح بنت بمستواها ودلالها ترقمهم ..

شموخ لفت على اللبناني اللي متعود على مثل هذي المواقف : حط لي روج طماطي من ديور وبس

شددت على كلمة وبس علشان مايتفلسف عليها اللبناني

اللبناني : مابدك من هيدولا ..

شموخ : نو ثانكس الحساب بسرعه لو سمحت ..

مشت والبنات وراها

ريوف : انت وش سويتي ياويلي بننفضح

رسل مستغربه من شموخ ماتوقعتها من هالنوع على الاقل تسوي نفسها محتاره مو كذا قدامهم نقهرت منها يعني بحرتها هذي مو شايفتنا اصلا
رسل معصبه : انا طالعه للبيت تاخرت

شموخ ماردت عليها ولا كان حد حكى ومشت للكاشير

ريوف : خذيني معك

رسل متنرفزه : اللي جابتك ترجعك

طلعت من المحل مقهوره ...

عند الكاشير ..
طلعت شموخ بوكها اللي فيه عدد لايحصى من بطايق الصراف وعلى جنب صورتها بزاوج وحده من بنات عمها ..
هذي الايام البنات طايحين بهذي الحركه محتشمات لكن صورتها على البوك يشوفها المحاسب ..
ورويوف واقفه معها شوي تبكي وهي تشوف نفس الشباب ماشين لعندهم ..

محمد وقف عندهم و بدى حركاته علشان يضبطها وانه ولد عز مثلها : الحساب علي ..

لفت عليه شموخ بلثمتها الشفافه اللي زادت من حلى وجهها : كيف ..؟

محمد : الحساب علي انا اللي بدفع لك كهديه صغيره على مساعدتك لي

شموخ سحبت الكيس الصغير اللي فيه الروج : اوكيه ..باي يله ريوفه

ومشت لبره المحل ..ويوف تلحقها بسرعه ..

محمد وحسن يناظروها توقعوا انها بتعترض او تقول شي بس هذي كانها منتظره حد يدفع عنها ..

شموخ تمشي وعلى وجهها ابتسامه كانت متوقعه مثل هذي التصرفات منه وبالذات لما اعطته الرقم
ريوف : ليه خليتيه يدفع لك ؟

شموخ : بيدفع كيفه يدفع انا وش خسرانه ههههه

ريوف باحتقار : ماتوقعتك كذا طحتي من عيوني ..

شموخ : تعالي ناكل شي وبلا كثرت حكي

ريوف : لا مابغى رجعيني للبيت

شموخ : ولله حابه ترجعي ارجعي محد ماسكك انا بفطر و بتمشى شوي بعدين برجع واذا مو عاجبك دوري حد يرجعك ...

جلست ريوف غصب عنها وتجاري شموخ لحد ماترجع الجامعه بعدها مالها علاقه فيها ..

كلت لها شي خفيف مايخرب الدايت ورجعت
وريوف مصبه ماتبغى تاكل وتناظر شموخ باحتقار (( بنت جيرانهم شموخ منحطه وقليلة ادب معها حق امي تقول لاتحاكينها ))

من غير لاتحس ريوف سحب شموخ جوال ريوف ودورت على رقم امها وسجلته عندها ..وريوف مشغوله بالتفكير والسرحان بحقارة شموخ ..

شموخ اشرت لروز وهي توقف : انا رايحه للحمام تجي معي

ريوف حست انها جد تبغى الحمام بعد الرعب اللي عاشته : ايوه

مشوا لحد الحمامات ودخلوا شموخ وريوف وروز بره ..
واول ماسمعت شموخ تسكر باب حمامها طلعت بسرعه من الحمام وبهدوء .. وطلعت من الحمامات كلها واشرت على روز بسرعه يطلعوا ...

طلعت شموخ من المجمع وركبت السياره : بسرعه على البيت – صرخت – بسرررررررعه ...

اما عند ريوف
طلعت ريوف من الحمام وغسلت ايدها وهي تناظر الحمام اللي دخلت فيه شموخ
لما طولت دقت الباب : بينك بينك ...

مافي رد ..خافت : بينك ينك

فتحته كان فاضي ....شهقت : شموووووخ

طلعت بسرعه من الحمامات تناظر ماشافت احد الا عايله تتمشى وشباب كثير ..خافت وقلبها يدق بسرعه ..

اما عند شموخ بالسياره فكانت طول الوقت تضحك بانتصار: ههههههههه ..ههههه
اوريك يابنت الاخلاق انتي وامك..

وعند اقرب اشاره بالبيت ...
غطت شموخ عيونها يمكن ريان ااو بوها عند الباب ..
ماخافت من هادم اللذات ومن رب العباد خايفه من اهلها ..وقفلت جوالها الثاني جوال المكالمات الغير شرعيه وحطته ببنطلونها ..وتركت الجوال الرئيسي اللي ارقامه ماتتعدى 17 رقم .. (( بابا .. ماما .. المرعب اللي هو ريان ... الباشا اللي هو ريان ... دكتوره قرويه اللي هي نجلاء .. مارسيل اللي هي رسل .. ريوف .. هارديز كنتاكي ولسته من المطاعم .. وبس هذي الارقام المهمه عندها ))
صداقتها كانت قليله لانها انطوائيه وماتحب تختلط بالبنات كثير ..

دق جوالها كان رقم ريوف عطتها مشغول وهي تضحك بانتصار ...
دقت على الرقم اللي سجلته من جوال ريوف رقم ام ريوف ...

بعد رنتين : الو

شموخ عطت الشغاله ترد : هالو مدام موزه ..

موزه : ايوه نعم

شموخ تاشر لشغاله بالكلام والشغاله تفهمها على الطاير : هزا في بنت انت ريوف استغفر الله في يطلاء لمجمع فوائد سنتر مافي روه جامعه ..

موزه : كيف وش تقولين وش تخربطين ..؟

شموخ سحبت الجوال وضخمت صوتها وغيرت لكنتها : بنتك ريوف استغفر الله دوري عليها بدل مانتامي طالعه مع واحد لمجمع فوائد سنتر.. دامكم مو د لعيال ليه تجيبونهم

موزه شهقت : وشو من انتم وش تخربطون ..

شموخ : بنتك اللي شاده فيها الظهر بنت الاخلاق النبيله دوروها بالمجمعات ..

سكرت قبل لاتسمع الرد لانها ماقدرت تمسك ضحكتها : هههههههههه

والشغاله معها تضحك وهي فاهمه على شموخ : ههههه

*******************

سامي جالس بالعمل وعيونه على شاشة الكمبيوتر القديم اللي قدامه ..

وليد : ياعمي ارحم عيونك شوي ...

سامي : اسكت بتعطيني رقمها

وليد : هههه والله مانت صاحي اترك البنات بحالهم ساعه ..

سامي : ماكون سام اذا تركتها بدون ماتعطيني رقمها ..

وليد : ماقلتلي وش صار لك مع مناهل امس

سامي بلامبالاه : تنذكر ماتنعاد مثلها مثل غيرها ..

وليد : يعني كيف مو حلوه

سامي : الا يعني تشبه اريام المغنيه

وليد : اجل عز الطلب ..

سامي بثقه : خذها لكن بعد ماشبع منها

وليد : سبحان الله انت وريان على انكم توام الا اني احس بفرق السماء والارض ... تتشابهون مره لكن تصرفاتكم غير

سامي رجع بالكرسي ورى وترك الشاشه وناظر صديقه : قلتلك انا ماشبه احد وهذا ريان غبي اجل في احد مايحب البنات البنات هذولاء الحياه كلها انا عايش علشانهم

وليد : هههانت بتقولي عارف انك عايش علشان تلعب عليهم ...

سامي ماكان خويه يحكي معه

وليد : الا سام ماسمعت وش صار بمكتبة جرير ..

سامي : وش صار اكيد الناس زحمه وماتقدر تخطي شبر – بحقد كمل – ياخي هذولا اصحاب المكاتب يربحون ملايين .. ونفسي اشوف فلوسهم تحترق قدام عيني ..

وليد : ههه لك امنيتك جاهزه امس يقولوا بعد المغرب صار حريق بنص المكتبه والسبب سيجاره

سامي : جد ههههههه حلو هاللحين الناس من وين بتشتري هههه وان شاء الله تكون اصابات كثيره

وليد عقد حواجبه : ياخي عليك قلب اسود ليهه كل هالحقد الحمدلله مافيه اصابات

سامي : خساره كان نفسي اضحك ..هههه

وليد : من جدك انت ..؟

سامي بجديه : اكيد ايوه والا هذولا الناس ماتصدق تجي المدارس الا رايحه تشتري ...

وليد : انا غاسل ايدي منك من زمان ..

سامي : وعسى نظفت عدل ههههه

وكمل الدردشه مع الصيده الجديده ... وهو مبتسم لو درى ريان بينبسط ..

*****************

نجلاء فصخت عبايتها بعد مادخلت الغرفه المخصصه لها مع ممرضه من شرق اسيا .. رتبت البلوزه البيج طويله اللي توصل لنص فخذها والبنطلون الاسود الواسع ..ماعندها اي لمسه من الذوق اللي بدولابها تلبسه وماتفكر فيه بتناسقه ويمكن اللي لابسته كان عندها من اول سنه لها بالجامعه ..لبست بالطوا المستشفى الابيض ..
وطلعت تمشي بممرات المستشفى على الارضيه المطاطيه اللي مخصصه تمنع صوت الخطوات لايزعج المرضى ...

نجلاء : دكتوره مروه ... مروه

لفت عليها مروه : نجلاء مساء الخير

نجلاء: مساء النور ..كيفك

مروه تناظر الملفات اللي بيدها : شوفت عينك ....كيفك انتي ...؟وكيف البزارين

نجلاء ابتسمت : تمام ..يسلموا عليك

مروه : وش اصعب حاله جئت لك هالحين بالاطفال

نجلاء تعدل نظارتها الطبيه : هم ثلاثه وحده مسكينه طلع عندها سرطان ..وطفلين توفوا من ضرب قاسي تعرضوا له ..

مروه باشمئزاز : حرام والله بزارين ويعملوامعهم كذا

نجلاء بجديه : ايه والله حرام واحد زوجة ابوه ضاربته لحد مافقد الاحساس فجاءه والثاني ابوه يضربه وهو فاقد ..

مروه : انا علشان كذا ماتخصصت اطفال قلبي رهيف

نجلاء ابتسمت : اطفال ولا اناظر بفم الناس واستنشق الروائح الزكيه

مروه : بالعكس طب الاسنان فيه متعه ..

نجلاء : لا انا مستغنيه من هالمتعه

مروه دق البيجر الصغير اللي بجيب البالطوا الابيض تستخدمه علشان ينادوها لطوارى: شكلهم يبغوني .. اشوفك باستراحة الساعه 7 نجول

نجلاء : لا ماقدر دوامي يخلص 6 باي

مروه باستعجال رجعت لنفس الممر : باي ..

نجلاء : باي ..

خذت لها كوفي من اقرب عربه بالمستشفى ورجعت لمكتبها ..

نجلاء : دخلي المريض وليد ....

دخل وليد مع امه وهو يبكي ..

نجلاء: اهلين بالبطل ليه تبكي ..؟

وليد شهق ببكيه
قالت امه وهي حاضنته مع انه كبير ..حوالي 6 سنوات : حراره يادكتوره واذنه يقول تالمه

بعد ماكشف عليه نجلاء : فلونزا بسيطه ..- ابتسمت لطفل بحنان – اها يا وليد انت رجال ومافيك شي ليه تبكي ..؟

وليد هدى شوي ..وهو يناظرها

نجلاء طلعت له من الدرج الكبير اللي بمكتبها ..طياره صغيره ..: خذ يابطل لانك تسمع كلام ماما

وليد ابتسم وقال ببراءه : كيف عرفتي ..؟

نجلاء تهمس له : هي قالت لي وتقول وليد يشرب الدواء ومايقول يع لانه بطل

وليد ابتسم فرحان : ايوه انا بطل

طلع وليد مع امه وجلست نجلاء على مكتبها تلعب بالقلم اللي بايدها تنتظر المريض اللي بعده وكذا حالها كل يوم

****************

بعد ما طلع من المكتب دخل بسيارته السوداء للبيت الفخم اللي قبال البحر بالضبط وماخذ مساحه منه ..

الخادمه : اهلا استاز ريان

ريان رمى المفتاح عيه : تنظيف بسرعه

ودخل للبيت الفخم وناظر الصور اللي بالجدار صور لاكره انسانه بحياته
عجوز وبشرتها مجعده رغم الشد اللي تسويه (( ياكرهك يامنى ياكرهك))

ريان : ليته "اسم الشغاله " وين مدام منى ..؟

ليته : في روح بدري ..

ريان : اها ..

ليته : بابا يبي غداء

ريان : لا لا انا طالع واذا رجعت مدام منى قوليلها يسوي انا الو

ليته هزت راسها : حازر بابا يبي شي

ريان (( وين رايحه عجوز النخل هذي بعد )) : مابغى شي فارقي
(( اطلع من هنا دامها مو فيه وش يجلسني ))

طلع من البيت الفخم بسيارته السوداء بعد ماصارت كانها جديده ...

******************

وعود و ندى .. جالسين على الكراسي عند مدخل المدرسه .. ينتظروا سيارة ابوهم تجي ..

وعود تناظر الساعه : كانه تاخر

ندى وهي تطفشانه وبتموت من الحر : المدرسه قربت تفضى ..

وعود : الله يستر عساه خير

ندى : يعني هذي اول مره يتاخر فيها دايم يتاخر واكيد نويف مابعد طلع من المدرسه وابوي ينتظره

وعود : والله فشله كل يوم على هاللحاله

ندى تبعد عبايتها عن جسمها من كثرة الحر : آآآف اسكتي بموت من الحر .. لا وهاللحين اكييييد مكيف السياره خربان

وعود بعصبيه : ندى ماني بناقصه لحنتك

ندى : بدل ماتعصبي علي كان خليتي وحده من صديقاتك المدرسات يوصلوني

وعود : لااا احلفي انا كم مره اقولك ماني بمدرسه اجلس على الحاسب واكتب جداول و

ندى قاطعتها : بتقصين لي قصة حياتك والله عارفه اسكتي

وعود بهدوء وخمول : نديو عطشااانه

ندى : وانا جوعانه .. وفيني النووووم ...

وعود سمعت صوت سيارة ابوها القديمه وقفت بسرعه : جاء الفرج

ندى تسبقها لسياره : واخيييييييييييرا

ركبوا السياره وحطوا قهرهم بالباب سكوه بقوه ..

بو نواف : تاخرت والله عارف بس عذرويني يابناتي الشركه مديرها جديد وبيوصل بكره واضطرينا نتاخر ...

وعود : لا يبه عادي

ندى بصوت واطي : جاءت على اليوم بس

وعود دزتها بخصرها ندى :آآآه وجع ..

وعود : سمعتك انطمي

نواف وهو جالس قدام ويشرب ببسي ونافخ ريشه ..

ندى : وانت يالقروي عطني من هالبيبسي البارد اللي تشربه

نواف : اسف اقرف من البنات

ندى ضربته على راسه : مالت عليك

وعود : ههه البنات تكفى ..

*******************

شموخ نزلت من السياره وشافت ساعة جوالها 12 راجعه بدري قبل الوقت بتكذب باي شي على امها اللي يمكن مارجعت من الوزاره ..
دخلت للبيت شافت ريان جالس بحديقة البيت قبال الاب توب ..

ارتبكت لا الا ريان وش عنده طالع من الدوام بدري بس تغلبت على ارتباكها وتكلمت بثقه... : هاي

ريان بدون نفس رفع راسه : هاي انسه مشاكل

دخلت روز وبيدها اكياس السوق ..شموخ كان بودها تذبح غباء الخدامه ..

*ياترى وش راح يسوي ريان مع شموخ .؟ وكيف بتطلع نفسها من هالورطه ..؟ وليه سبب الكره الكبير بينهم ..؟
* رويوف وش صار معها ..؟
* ومن هذي منى ..؟وش دورها بالقصه ..؟
* عائله بو نواف من تكون وايش علاقتها فيهم..؟

الفصل الثاني "

سامي صحى من النوم على غرفة امه وابوه لازم ينفذ اللي براسه وهاللحين ...

الام : تفضل ..

سامي : هلا يمه صاحيه

الام : اكيد توني رجعه من الوزاره ..

سامي : اها اسمعي يام سام بدخل بالموضوع على طول

الام وهي تطلع جلابيه فخمه من الدولاب : كنت عارفه ان وراك شي قول

سامي بثقه جلس على السرير : اسمعي بالصيفيه هذي حاب نروح لمصر

الام : الصيفيه تو الناس ...

سامي : اي تو الناس هذا وانتي بالتوجيه وماتعرفي الصيف باقي اسبوع على الاختبارات وبعدها اسبوع وثلاث ايام للاختبارات ونطير على مصر .. وترى محمد معطلنا الا بنت هذي شموخ

الام : طيب وليه متحمس لسفر ..؟

سامي : طفششااان حياتي هنا والشغل ممل بالشرطه وكل شوي انت ضابظ مبتدى وانت ضابط مبتدى ..

االام لفت عليه : شكلك مدبر السفر لان شغلك ممنوع السفر

سامي : لا تخافي وليد خويي ابوه يشتغل بالجوازات ...

الام : وشغلك بعد العصر بالمكتب بعد مدبره

سامي : افا عليك يمه انا سام

الام ابتسمت : خلاص اجل بحكي مع ابوك وان شاء الله مصر ...

سامي : حلو الا بناتك مارجعوا

الام : لا توني داخله ومادري عنهم ...

سامي : اها وليه تجهزي ملابس عندك طلعه اليوم

الام وهي تتثاوب : والله محتاره اطلع والا لا جيراننا ام عبدالله عاملع عزيمه وانا مالي خلق اروح بس يمكن لاصحيت اغير رايي

سامي وقف : اخليك تنامي هاللحين يالغاليه ...وانا شكلي بنام ..- مشى لعند الباب – يمه مو تنسين

الام بكسل : لا لاتخاف مراح انسى ...

مشى سامي لغرفته وهو مبتسم (( حلو يا اصايل والله لاطيحك بيدي ))

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

ريان بدون نفس رفع راسه : هاي آنسه مشاكل

دخلت روز وبيدها اكياس السوق ..شموخ كان بودها تذبح غباء الخدامه

ريان : ماشاء الله وش هالاكياس ..؟

شموخ بثقه : عادي اكياس فيها اغراض ..

ريان يتريق : ليه وين كنتي بالجامعه والا بالسوق ..؟

شموخ ببرود : لا الجامعه بس الجامعه فيها سوق ..

ريان بحدة : لا من متى ..؟محد قالي انهم بنوا مع جامعة الملك فيصل مجمع الظهران ..

شموخ بلامبالاه : كيفك لاتصدق ..

ريان : وبهذا السوق محلات وجوه ولاسنز وزارا ..لا بصراحه الحكومه مكشختكم

شموخ داريه انها مستحيل تمر على ريان كذا لانه مو ساذج : عاد والله صدقت والا بالطقاق ..

ريان وقف وهو يناظرها بتامل : انسه مشاكل انطقي وين كنتي ..؟

شموخ ببرود اكثر : قلتلك بالجامعه

ريان وقف قبالها وصرخ بوجهها : انطقي ..ماني بزر عندك .

شموخ بدلع : لاتصرخ اذاني تعورني

ريان بتهديد : انسه مشاكل انطقي

شموخ مشت لداخل البيت : والله صدقت والا براحتك

ريان مشى بخطوات واسعه لعندها وهو يصرخ : شمووووووووووخ

شموخ وقفت ولفت عيه : ريري لاتصرخ اذني ماتستحمل كم مره بعيدها يعني

ريان بجديه طلع الكلمات ببطء : انطقي ..

شموخ بلامباه : يعني اكذب اوكيه هديه من هيا صاحبتي

ريان : لا اا وتكملي كذب بعد

قالت باستهزاء : انت مو راضي تصدق يا بابا حنا بالالفيه السابعه يعني تطوررررنا وصار بجامعتنا اسواق ..

ريان رفع حاجبه وقال بهدوء : اوكيه انسه مشاكل ابمشيها لك هاللحين لكن والله واللي رفع هالسبع سموات اذا سمعت ان زارا و لاسنز مو بالجامعه والله مالك روحه لها مره ثانيه سمعتي

شموخ : على بالك بكيفك ياشاطر هذا السمستر مهم ومو انت اللي تمنعني عنه

ريان : يعني طلعتي تكذبي مو بالجامعه

شموخ : الا بالجامعه وبعدين مو انا اللي اتهدد

ريان دزها بكتفها : ادخلي لجوا احسن لك لاذبحك هاللحين

شموخ خافت تنكشف اكثر اذا وقفت لان صوت سيارة السايق وصلت يعني نجلاء جاءت وبتفضحها

اشرت له بدلع ينرفز : باااي

ريان رجع جلس بكراسي الحديقه وسحب له سيجاره يدخنها كان مدمن سجاير اربع وعشرين ساعه بيده ..
اسند راسها على ظهر الكرسي باسترجاء وغمض عيونه وكلمات امه تتردد باذنه ...
(( شموخ مااااااااااهي باختك ..
شموخ ماهي بااااااختك..
شموخ امانه بذمتنا ...ماوصيك عليها ياريان انت العاقل وبتحميها ...)) ..

نجلاء دخلت وبايدها بالطوا المستشفى ومجموعة كتب : السلام عليكم

ريان من غير لايغير جلسته : وعليكم السلام

نجلاء: اوه ريان الظهر بالبيت غريبه

ريان على نفس وضعه : وانتي من الظهر جائيه غريبه

نجلاء (( آه منك ياريان تحب تغير الموضوع تجاوب بسوال .. اموت واعرف وش تفكر فيه )) : عادي وحده من البنات مسكت عني المناوبه وبروح الساعه 7

ريان : اممم

مشت نجلاء لداخل البيت وهي تدور على السرير تنام .. الا بوجهها شموخ ..

شموخ جالسه بالصاله بعبايتها والاكياس بجنبها وتحكي بالجوال مع واحد من الجدد اللي تعرفت عليهم مره عن طريق صاحبتها بالنت : هههه مره كيوت

نجلاء : السلام عليكم

شموخ : اوكيه ابحاكيك بعد شوي باي

سكرت ولفت على نجلاء وهي فيها قهر من ريان : دكتور قرويه خذي هذولا الاكياس فيهم ملابس مابغاهم

نجلاء : لا مشكور تفضلتي علي

شموخ : من جد دكتوره قرويه خذيهم ماعاد ابغاهم - تناظر اظافيرها اللي تلمع بلون الاسود الشيطاني – توني مشتريتهم وماحسهم ينفعوا لشي وبدل ماعطيهم لروز انتي اولى

نجلاء احتقرتها ودخلت لغرفتها ...

شموخ : ههههه وجه فقر القرويه ... روووز .. روز

روز : yes pink

شموخ : خذي الاكياس لغرفتي وجيبي بيسو لهنا

روز : ok

شموخ : لحضه – فصخت عبايتها ورمتها بوجهها – وخذي هذي معك ...

شموخ دقت على اقرب مطعم مسجل رقمه بجهازها وطلبت لها وجبه خفيفه ..

رجعت شموخ تناظر التلفزيون طفشانه .. مالها خلق تبدل ملابس الجامعه ..
وبعد فتره
وقفت معصبه ورمت الريموت (( احكي مع وائل احسن لي ))
دخلت لغرفتها وسكرت الباب ..وقفلته قفلتين ...وكانها تسرق

شغلت كمبيوترها وسحبت جوالها الغير شرعي تدور على رقم واحد بياع كلام ينسيها حركة ريان الظهر : آلو

وائل : هلا مروجه حياتي وينك من زمان احكي معك ماتردي

شموخ : كانت عندي ظروف ..المهم انت كيفك ..؟

وائل : انا بخير دامك انتي بخير ودامي سمعت صوتك ..

شموخ ترفع بيسو بجنبها على السرير وتلعب فيها : ايوه وكمان

وائل : كمان ايش ..؟

شموخ : زيد من هالكلام الحلو لاني طفشانه ومتضايقه

وائل : ماعاش اللي يضايقك ياعمري احكي لي وش فيك ..؟

شموخ : امم بابا تصور طلع متزوج على ماما

وائل : لااااا كيف ..؟

شموخ تزيد الكذبه : متزوج اردنيه تصور من اربع سنين وحنا ماندري

وائل : ياحياتي لاتزعلي ولا تضايقي ابوك مصيره بيطلقها ويراضي امك

شموخ : المشكله ماما ماتعرف وحنا محتارين كيف نخبرها

وائل : انتم ..؟ انتم مين مو انتي تقولي انك البنت الوحيده ..؟

شموخ : وش بلاك انا وخالي اللي عرفت منه بزواج بابا

كان حكيهم مع بعض مافيه ثقه كل واحد منهم يحس ان الثاني يكذب عليه وهذا اللي حاصل باكثر العلاقات اللي كذا ..باقرب مشكله بينهم تنقطع حتى لو كانت من سنوات ..

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

ريوف وهي جالسه على واحد من الكراسي بالمجمع وتفكيرها مشلول .. شافت اخوها يمشي وعيونه تدور بالمجمع ..وقف شعر جسمها من الخوف (( ياويلي صقر هنا والله لويشوفني لاروح فيها )) زاد بكيها من الخوف

سمعت نغمة جوالها تدق وكان رقم اخوها ..هنا جد ماتت من الرعب . .. ضل يدق ويدق لحد ماسكت فجاءه ارتجت اعصابها شوي وشافته معصب وعيونه تدور لهاللحين اكيد يدورها بس كيف عرف انها هنا ..

مشوا من جنبها شباب وهم يوزعوا ابتسامات خافت من نظراتهم اكيد بيناظروها كذا لانها لوحدها من غير لاتحس ركضت لعند اخوها صقر وهي ترتجف من البكي والخوف ..

صقر لف عليها وجهه مايبشر خير وصرخ فيها : انت وش جالسه تسوي هنا ياحماره

ريوف ماعرفت وش ترد وش تقول نربط لسانها ومسكت فيه اكثر وهي تبكي

صقر انتبه بالناس تناظره ضغط على نفسه وهو يجرها من ايدها : تعالي لللبيت وانا اللي بربيك

صحيح ان صقر اصغر من ريوف بسنتين لكن في هذي الامور العمر مايعرف شي ...وعلشان كذا امها رسلته احسن من اخوها عبدالله الكبير اللي والله يقتلها قدام خلق الله ..

لكن مع الاسف تخطيط امها راح ببلاش وهي تدخل للبيت كان بوجهها اخوها عبدالله وعيونه حمراء من العصبيه : صقر شفتها مع مين هذي الحيوانه ..؟

صقر وخاف هو من صرخته اخوه عبد الله الكبير : لوحدها جاءت لي

موزه ركضت لبنتها وضمتها : والله ماتقربون منها الا لما اسمعها ريوف كيف رحتي وليه ..؟

ريوف قالت بصوت كلها رعب : ووالله والله مع شموخ شموخ بنت الجيران اخذتني وطلعنا ومعنا بنت ثالثه

عبدالله : مو انا قلتلك اتركيها هذي الوقحه ابعدي يمه ابعدي عنها احسن لك

موزه : يمه بنيتي والله ماتلمسها اكيد لعبين بعقلها

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

ندى : يمه حصه اطلعي سولفي معنا ...

الجده : لا السقف ماطاح علي ....

ندى تصرخ : هههه اطلعي سولفي معنا

الجده : اها أسولف لا يابنتي مالي خلق توني متغديه واحس ودي انام

ندى بنفس الصرخه : خلاص برااااااااحتك

طلعت من الغرفه وشافت وعود بالمطبخ تخلط الكيكه بيدها لان مافيه خلاط عندهم

ندى : مع وجهك شتسوين ...؟

وعود : شرايك يعني .. كيكه ..؟

ندى : وعووووده حبيبتي

وعود : لاااا خير ..

ندى : وش رايك نروح لبيت خالي

وعود : لااااا امي بتعصب بدال ماتذاكري نسير

ندى : والله طفش وبيت خالي قريب ...

وعود : روحي قولي لها جربي حظك ...

ندى : لا عارفه الرد مايحتاج ... وبعدين امهي ببيت جيراننا نسيتيي اليوم الاحد ولازم يجتمعوا الحريم

وعود بحماس : وشرايك نفرش لنا بالسطح ونتقهواء ونفلها ..

ندى بدون نفس : يللله والا ندق على بنات خالي يجون لنا

وعود : وشفيك انتي الناس تذااكر مو مثلك ...

ندى : زين خلاص فهمنا ...

نواف : بنااااات بنات الحقوا

وعود : وش فيك يالمهبول

نواف : مراح تصدقوي فاطمه و احلام بنات عمي عدنان عند الباب

وعود طاحت الملعقه من ايدها : بنااات عمي عدنان

ندى ناظرت وعود خايفه ان الانهيار اللي حصل لها بعد ماطلقها يعقوب ولد عمها عدنان يرجع

ايوه وعود مطلقه من سنه تقريبا طلقها ولد عمها يعقوب بلحضة غضب وطلب يرجع لها لكن كرامة وعود فوق كل شي فوق الحب اللي يجمعهم من صغرهم

ندى : وهذولا وش جيبهم هاللحين ..؟

وعود بهدوء عكس ارتجافها : تعالي نشوف مو حلوه يوقفوا عند الباب كذا ..

ندى بتردد لحقت وعود اللي طلعت من المطبخ بقوه وشجاعه ..

كانوا فاطمه واحلام واقفين عند الباب ينتظرون حد يدخلهم ...الا جاءتهم وعود ومن ورائها نواف و ندى

وعود : هلا والله .. ليه واقفين ادخلوا

فاطمه واحلام دخلوا بتردد لانها قبل سنه طردتهم من البيت ولا عاد جائوا لبيت عمهم ...وهاللحين ترحب ...

وعود : معليه نواف نسى يدخلكم

دخلتهم للمجلس الصغير مره والوحيد اللي فيه اثاث مقبول وكان جلسه متواضعه على الارض ......

فاطمه بتردد كبير قالت متلعثمه : لا خلينا بالصاله لان لان يعقوب بره ويبغى يدخل

ندى : نعم يدخل ... مافي احد بالبيت امي وابوي بره ..كيف يدخل ..؟

وعود ارتجف جسمها من سمعت اسم يعقوب وتخيلته جالس بمجلسهم وجاي ماخذها ترجع للبيت مثل العاده ..

احلام وعيونها على وعود : نواف هنا ونواف رجال ..

وعود : شدعوه هذا بيته هو لهاللحين ولد عمنا قولوا له يتفضل نواف رح لولد عمك وقله يقلط

كانت تتحاشى تقول يعقوب اسمه لان مشاعرها بتخونها ساعتها..

جلسوا البنات بالصاله ودخل نواف يعقوب للمجلس ..

يعقوب : ها نواف باي صف هاللحين

نواف بحقد : ما اتوقع يهمك

يعقوب ناظره وهو عارف سبب معاملته : اكيد متوسط ..

نواف ناظر الباب : آآآف ..

يعقوب جلس ساكت : جب لي مويه لو سمحت

نواف بدون نفس : زيين

وقف وطلع من المجلس ويعقوب ميل راسه يمكن يلمحها يلمح زولها واقفه تبتسم له .. بس خاب ضنه وماشاف احد ...

فاطمه طلعت من شنطتها كرت كبير شوي : هذا رت زواجي بعد بكره

احلام : حنا جينا نعزمكم مهما كان حنا اهل

ندى : ايوه اهل وجايبين الكرت قبل يومين

فاطمه : والله اول ماخلصت الكروت جبناها لكم

وعود خذت الكرت وابتسمت : مبروك ..

فاطمه تحب بنت عمها لكن الايام فرقتهم : الله يبارك فيك وترى فيه الدعوه عامه لاتنسوا بنات خالكم

ندى بحقد : اذا حنا مراح نجي كيف بنات خالنا

احلام بسرعه : ليه تعالوا

وعود : صح مانقدر نجي وانتم عارفين ليه ..؟

فاطمه واحلام وقفوا ...

احلام : حنا سوينا اللي علينا وعزمناكم ..

فاطمه سلمت على بنات عمها ببرود : كنت اتمنى تفرحوا معي بس ..

وعود : وين بدري ماشربتوا قهوتكم ..

احلام : ليه دامكم مراح تحضروا ..

ندى : احلام بلا ستهبال انتي عارفه اننا مانقدر نحضر ونشمت الناس فينا اكثر ....

وعود : .............................

فاطمه حطت الكروت الباقي على الطاوله : ياليت تجوا وماعليكم من احد مع السلامه

وعود وندى بدون نفس : مع السلامه ....

طلعوا بنات عمهم ولحقهم يعقوب وعينه تدور بالبيت عليه يتمنى يشوفها بالغلط بس سكر نواف الباب وهو ماشافها

يعقوب : وش قالوا بيجوا

احلام : اكيد لااااا

فاطمه : انا من البدايه قلتلكم مالها داعي هالحركات ماسمعتوا لي ...

يعقوب بقهر : حتى ماسلموا علي

احلام : لا واثق من نفسك بعد اللي عملته وتبغاهم يسلموا

..................

وعود جلست على الارض ماسكه دمعتها

ندى : ماعليك منهم جايين يكملوا سواد وجههم

وعود : انا ماقهرني الا جاي ويدخل بعد ...

نواف : لاتخافي انا وريتك فيه عاملته زفت

وعود تكابر : اقول قوموا ننبسط ونوسع صدورنا ....

نواف ببراءه : خلاص مانتي بزعلانه

وعود : لااااا يله بس بلا كثرت حكي ...

بعد ساعتين رجعت امهم من جمعت الحريم : السلام عليكم

اللكل : وعليكم السلام

ندى بحماس : يمه فاتك بيت عمي عدنان كانوا عندنا

الام ناظرت وعود بسرعه : عمك عدنان

وعود ببرود وانها مو مهتمه بعكس الشوق اللي رجع لها بمجرد ماتخيلت يعقوب كان معها بمكان واحد : ايوه جايبين كروت زواج فاطمه بعد بكره ..

ندى وعارفه ان امها بتقول نروح قالت بسرعه : وحنا قلنالهم محنا بحاضرين ..

الام : مانتم بحاضرين : ليه على كيفكم تردوا

وعود بنفس البرود لكن بنظره كلها اصرار : يمه لاتحاولي ماني بحاضره

الام : لا بالعكس مفروض تحضري وترقصي بعد والله بيتشموا فيك كذا اعملي حالك مبسوطه ..ومرتاحه

وعود : وانا جد مرتاحه ومبسوطه بس مراح احضر

ندى : اصلا ماعندنا فساتين عدله ..

الام : الا عندكم فساتين ..

ندى : لييكون قصدك الفستان الاخضر حقي والارتكواز حق وعود كم مره شافوه يمكن اربع زوجات حضرنا فيه ...

وعود : اي فساتين تحكون عنها الموضوع منتهي مراح احضر ..

ندى تغمز لها يعني ان حجتهم الفساتين

الام جلست جنب بنتها : يابنتي ولا تضايقي ولا تزعلي نفسك مفروض نحضري وتبين ان طلاقك موضوع عادي وماتخليهم يضنوا انك مستحيه من نفسك ...

وعود تبغى تنهي الموضوع لان العبره خانقتها : خلاص بفكر ..انا بروح اشوف جدتي

طلعت من الصاله تهرب قبل لاتنزل دموعها لحقتها ندى وهي تمسك يدها : صح كلام امي لازم نروح ونرقص بعد ..

وعود ناظرت بندى اختها وبئير اسرارها وعيونها مغرقه : يعني قولتك كذا ...

ندى : اكيد ونجرجر معنا بنات خالي هواجس ونور ...

وعود سكتت تفكر تروح والا لا : خائيفه ..

ندى : لاتخافي كلنا معك والله لانوريهم من حنا

وعود هزت راسها بالنفي : لا مستحيل اروح والله ماني مستعده اشوف الاحتقار بعيونهم اسفه

ندى برجاء : وعوده .......

وعود : بتروحي روحي انتي انا لا سوري ...

ندى بياس : مافي امل

وعود : ولا واحد بالميه مهبوله انا اروح لعندهم برجليلني اسفه ..

ندى مدت بوزها : اوكيه براحتك بس والله لاقنعك بتشوفي

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

ريان سمع صراخ الجيران واستغرب بيت بوعبدالله محترمين بالعاده مايطلع لهم صوت ليه كل هالصرخ على الظهر .. رفع كتوفه بلا مبالاه وكمل شغله ..

شموخ طلعت ببيجامتها تركض للحوش وعلى وجهها ابتسامه كبيره وقفت بنص الحديقه عند طاولة ريان

ريان ببرود : اعقلي ...

شموخ اول ماشافت وجه ريان انفجرت بالضحك بانتصار : ههههههههه

ريان :ا لحمدلله والشكر انسه مشاكل انجنيتي

شموخ والابتسامه الخبيثه معطيه وجهها جمال تحت ضل المظلات : وش فيهم بيت بو عبدالله ..

ريان باستهزاء : وهذا اللي مطلعك تركضين ..

شموخ جلست قباله وحطت رجل على رجل والخبث طاغي على وجهها : استغفر الله اكيد من سوالف بنتهم ريوف ..

ريان طنشها وكمل شغله :........

شموخ تصرقع اصابعها وهي مصره تسمعه كلامها علشان تطلع من الموضوع : هذي ريوف استغفر الله تطلع من الجامعه وتروح تصيع ولقرب وقت سيارة اخوها ترجع للجامعه ..لا وتتبلى على البنات انهم يطلعوا معها..

ريان ناظرها ببرود : وانا وش دخلني تحكين لي ..

شموخ : نتسلى على مايوصل المطعم

ريان : المطعم ..؟ امي عارفه انك طالبه ..

شموخ بدلال رجعت شعرها لورى : لاومايهمني اذا زعلت لاني بينك دلوعتها ..

ريان يكرها ويكره دلعها : احلفي .. ضفي وجهك ابغى اخلص شغلي

شموخ ساحت بالكرسي الخشبي : وهذي جلسه .. والله والشغل اللي يسمعك يقول معك دكتوراه هههه

ريان : انسه مشاكل يازينك وانتي منقلعه لداخل

شموخ : ابجلس انتظر هنا كيفي ..

ريان اخذ نفس وغمض عيونه وصار يعد بداخله لحد العشره قبل لايقوم ويضربها ...(( 1 2 3 4 5..10 ))

شموخ ناظرته مستغربه وش جالس يسوي وتذكرت حركته هذي لما وقف قبال مروج اختها التوم وهي تصرخ بوجهها .. قشعر جسمها وهي تذكر وكرهت ريان اكثر من قبل .. وقفت بسرعه ودخلت لداخل

لما فتح عيونه شافها توقف بعصبيه وتمشي لداخل البيت : باللي مايحفضك ..

كمل شغله اللي تقطع عليه اكثر من مره وصوت صراخ الجيران لحد هاللحين عنده ..

دخلت شموخ للبيت معصبه . ماما مراح تصدقي

امها لفت عليها وهي تتصفح المجله ..: ايش عندك

شموخ بدلع وغنج : عارفه ريوف بنت بو عبدالله جيرانا

امها بلا مبالاه : ايوه

شموخ : استغفر الله استغفر مابغى يكون بذمتي شي بس يقولوا البنات بالجامعه انها تطلع ورى اهلها للمجمع واليوم اخوها شافها فيه ..

امها بصدمه : ريوف ..؟

شموخ بابتسامه شيطانيه : ايوه ياماما مو هذي امها اللي احرجتك قدام الحريم وقالت ان اخلاقي شينه انا ومروج الله يرحمها ... سبحان الله شوفي طلعت بنتها الوقحه

امها بطيف ابتسامه : ومن قالك متاكده

شموخ : مليون بالمئه ..انتي ناسيه انها تجلس معي بالجامعه

امها وقفت بانتصار ورمت المجله : ههه اليوم ان رايحه اجل للعزيمه

شموخ : وش عزيمته

امها : عزيمه عاملتها ام عبدالله ..

شموخ : وشكلها بتكنسلها هههه

امها : ابنتظر للمغرب اذا ماعتذرت عن العزيمه بروحيلها

شموخ : وليه تنتظري روحي له قبل لاتعتذر علشان تتاكدي بنفسك وانا بروح معك

امها : ايوه يكون احسن علشان ماتقدر تكذبني قدام الحريم ..

شموخ بشيطانيه مشت لعند المرايه وهي تتمايل بجسمها وابتسامة نصر على وجهها : الله يستر علينا دنيا واخرى ..ههه

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

ريان سكر جهازه بسرعه وسحب مفتاح السياره ومشى للكراج ..

: اوكيه منى حياتي ثواني وانا عندك ..

منى : انتظرك حبيبي ...

ريان (( ياشينها من فمك احس بالقرف )) / اوكيه باي

سكر الجوال وركب سيارته وهو ماشي على 40 .. مشى باقل من مهلله يتمنى الزمن يوقف ولا يروح لها يكررررها ويكره بشرتها المجعده ..
لف على الدوار اكثر من مره ودخل البيت يتحجج بالاشارات ..والزحمه

دخل بسيارته القصر الفخم ..واستقبلته العجوز الغبيه عند المدخل بالاحضان : حبيبي وحشتني ..

ريان : وانا اكثر وينك اليوم جيت لك ماشفتك ..

منى : قالت لي ليته بس ليه ماتغديت حبيبي

ريان ناظر بعيونها الصغيره اللي ملتها التجاعيد : تغديت مع اهلي المهم حياتي ماقلتيلي وين كنتي ..؟

منى وهي تمرر اصابعها المرتجفه بحكم السن على شعره : كنت اجهز أوراق الشركه لزوجي وحبيبي ريان ..

ريان بابتسامه هاديه : مشكوره حياتي انا بدونك اضيع

منى : لا حياتي انا اللي اضيع ويله تعال معي توقع على اوراق بسيطه ..

...

ناظر ريان الاوراق بتامل وقراهم سطر سطر مايثق في ابوه كيف يثق فيها .. ارتاح لما شافها موكلته على شركتها يعني 9 شهور معها جابت له هالفيلا وسيارات مايحلم فيها وهاللحين شركه لو العمر كله وش بيصير عنده ..

منى باستغرب : ريوني حبيبي ليه ماتوقع

ناظرها بتردد مصطنع وهو يتامل قسمات وجهها الكريه : لاحبيبتي اسف ماقدر اوقع

منى : ليه ..؟ في شرط ماعجبك في شي مو

قاطعها ريان وهو يرمي القلم على الطاوله : لا بالعكس كل شي ولا حلمت فيه بيوم بس انا اسف مراح اوقع

منى عقدت حواجبها وهي تناظر وجهه تبغى تعرف زعلان والا فرحان : اجل وش فيه ..؟

ريان مسك ايدها : قلبي احس اني نذل وماستاهل حنانك هذا وانا ماتزوجتك علشان شركات انتي عارفه ليه تزوجتك

منى ابتسمت براحه وعندها رضى ريان بالدنيا كلها : لاحبيبي مافي فرق بيننا

ريان رفع الورق وقطعها : اذا كذا خلاص مايحتاج ورق اشتغل بالشركه لك وعلشانك مو لتنازل ومابيننا ورق ..

منى شهقت : لااااا ليه ..؟ - لمست خده بحنان وهو تمنى يطرش اللي اكله بوجهها من لمستها المقززه - حبيبي ...
الدنيا هذي حياه وموت وانت لازم تثبت حقك ودامك بتتعب في الشركه لازم يكون لك اثبات ..

ريان ابتسم : خلاص الورقه وتقطعت ومن بكره راح اداوم يعني الموضوع منتهي ..مايحتاج اوراق

منى : لا مانتهى ومن بكره تروح للمحامي معتز وتوقع عنده الاوراق

ريان تثاوب بكسل وهو يسند راسه لورى يبغى يبعد عن وجهها المقزز : يصير خير ..

منى بتهديد : لا بتروح سمعت

ريان : منى حياتي وش رايك تتركيني براحتى انا مستحيل اوافق على تنازلك هذا - وبنظره برياءه على وسامة وجهه الجذاب – تفكري اني ماتضايق اذا اخذت منك شي او يحز بنفسي ان ابوي بخيل ومانع عني فلوسه انا احس يامنى ..

منى بسرعه : لا ياريان انت زوجي وفلوسي فلوسك ولا عاد اسمع منك مثل هذا الحكي ..

ريان : اوكيه هاللحين اتركيني من هالخرابيط وقولي كيفه قلبي مرتاح ها ..

منى ضحكت وكانها بنت العشرين واللي يشوفهم يقول جده جالسه مع حفيده : هههه الحمدلله انا بخير ...

ريان : منونه انا بنام لي ساعه لاتنسي تصحيني الساعه 11 موعد العشاء مع ابوي ...

منى : اوكيه حياتي ماتبغى تاكل شي

ريان وقف : لا الحمدلله متغدي .. تصبحين على خير

منى بخيبة امل كانت تتمناه يجلس معها اكثر بس شكله تعبان عذرته : وانت من اهله ..

ريان حس بخيبت الامل بعيونها بس طنش هو مبسو وماله خلق لوعت كبد .. مشى لعند الاصنصيل وعلى وجهه ابتسامه شيطانيه وماكتفى بكذا لف عليه قبل لايدخل الاصنصيل : حبيبتي منمن عندك طلعه اليوم

منى ناظرته بسرعه وكانها ماصدقت يكلمها : ايوه حفله ببيت وحده من صديقات بنتي ..

ريان : ومن هذي الوحده ..؟

منى : ليه تسال .. اسالتك كثيره اليوم

ريان ضحك بستهزاء من الكلام اللي بيقووله : هه ههه اغار دخيل الله انا اغااااااار وحاب اعرف

منى ابتسمت بثقه : وحده اسمعها ام عبدالله الجياد

ريان علت ضحكته نفس المكان اللي بتروح له امه وجنب بيتهم : هههههههه

منى : وش فيك ..؟

ريان (( هناك ام زوجك ياحياتي )) : سلامتك لكن اتخيل الحريم المقورات من كشختك وزرت وانتي داخله ..

منى وثقتها بنفسها زادت من كلام ريان : اكيد من يومي كشخه .. انا منى

ريان تنهد بشوق : وانا ماذبحني الا هالمنى .. يالبيه قلبي عليك اعشقك ..

منى ضحكت مبسوطه من حكيه هذا اللي تحتاجه المراء بال 65 من عمرها .. ترجع كانها مراهقه محتاجه لحنان ولعطف اكثر من اي وقت مر وهذا اللي عارفه وتاكد منه ريان : هههه..هههه

ريان دخل الاصنصيل وطلع لفوق لغرفتهم الواسعه و هو متاكد بعد اللي قاله لها بتلحقه عارف انها تموت بهواءه وتتمنى رضاه ..

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

نجلاء دقت الباب

ام ريان : مين ..؟

نجلاء : انا ماما

ام ريان : ادخلي ..

نجلاء فتحت الباب بهدوء ودخلت : .. ماما بتطلعي ..؟

ام ريان : ايوه

نجلاء بنرفزه : بس انتي امس طالعه ..

ام ريان : وانتي ليه معصبه عادي عندي عزيمه

نجلاء : انا مادري كيف تتحملي تطلعي كل يوم ماتملي

ام ريان بانفعال : نجلااااء وش فيك حاسدتني على كم مشوار .. – بهدوء - ويله بدلي ملابسك وخذي من بينك كم طعه مرتبه علشان تطلعي معنا

نجلاء وكان شي قارصها : لا اطلع واخذ من بينك بعد هذا اللي ناقص ..

ام ريان : وش فيها اذا اخذتي من اختك انتي ماعندك ملابس لطلعات ..

نجلاء : لا لو اموت ماخذ من انسه مشاكل هذي مصدقه نفسها من غير شي بعد اخذ من عندها .. المهم ماما انا جايه اخبرك اني بنام ببيت جدتي كم يوم ..

ام ريان وهي تلبس الاسواره الالماس : والله محد مخربك الا بيت جدك وخالاتك القرويين ..

نجلاء وهي تساعد امها تسكر الاسواره : ماما ابنام عندهم كم يوم ..وبعدين هم خواتك ..؟

ام ريان : والمستشفى ..؟ وشغلك ..؟ وحنا ..؟ وابوك ..؟

نجلاء : استاذنت منه ووافق

دخلت شموخ بفستانها الفوشي الملفوف على جسمها وكانه حاضنها .. ومبرز خصرها كان ضيق مره ومفصل جسمها تفصيل .. ويجر وراه ذيل طويل شوي وبوسطه شريطه ورديه باهته وعاري الاكمام والصدر .. وعلى شعرها الكستنائي الامع شريطه ساتان بنفس لون الفستان الفوشي وحلق وردي كبير يزين اذنها .. ومكياجها الصارخ اللي زاد من جمالها وغطى على براءت ملامحها وصارت انثى بكل ماتحمله الكلمه من معنى ..

رمشت بعيونها الرماديه الوسيعه : يله ماما جهزتي ..

ام ريان ناظرتها باعجاب : بسم الله عليك قمر الله يحفضك

شموخ ابتسمت بثقه : عارفه .. يله مشينا ..

ام ريان : انا جاهزه بس اختك تلبسني الاكسسوارات ..

مشت شموخ لعند امها ودزت نجلاء مع كتفها : ابعدي انتي انا البس ماما انتي وش عرفك ..

نجلاء : انتي كيف بتروحي بهذي الملابس وكانك رقاصه بمرقص ..

شموخ : دكتوره قرويه الغيره ماكله قلبك من جمالي واناقتي

نجلاء وهي تطلع من الغرفه وكلام شموخ صحيح تحس نفسها تخربط شعر شموخ اللي يلفت الانتباه بلونه ولمعته او تنتف رموشها الكثيفه اللي ماتحتاج لمسكرا كثير ..: انتبهي على جمالك اجل هههه مصخره كانك مهرج
طلعت وسكرت الباب

ام ريان : ماعليك منها غيرانه شوي منك ..

شموخ : شوي بس هههه الا بتموت من الغيره هههه

ام ريان يله حبيبتي بنتاخر على الشماته ..

شموخ : ماما لاترحميها تذكري حكيها عن مروج وعني ..

ام ريان هزت راسها بتاكيد : ومن قالك اني نسيت حركتها بعزاء مروج والله لامسح بكرامتها الارض ..

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

توقعوا معي ..

س : ياترى ايش راح يصير بالعزيمه اللي تجمع منى مع شموخ وام ريان ..؟
س : موزه ام ريوف وريوف وش بتكون ردة فعلهم بوجود شموخ ..؟
س: ومن هذي اصايل اللي بيلحقها سامي لمصر ..؟
س: وعود بترضى تروح للعرس والا بتهرب من المواجهه ..
_________________

الفصل الثالث ..

دخلت شموخ بخطوات واثقه وغجريه تبعد خصل شعرها عن كتفها بدلع مشت وكانها عارضه ازياء في الفشن .. كانت تصرخ بالانوثه والدلال ..كانت اسم على مسمى شموخ الارض كله في خطواتها

كل الانظار توجهت لجهتها وانبهروا بجمالها ..وبدون مبالغه الفوضى والسواليف والاصوات المرتفعه اللي كانت موجوده بدخوولها سكتت .. وعم الهدوء المكان ..

ام ريان كانت بداخلها تقراء على شموخ من عيون االموجودين ..

ام ريوف ماتوقعت حضور شموخ بعد اللي سوته لا ومن وقاحتها جايه مع امها : اهلا يام ريان تفضلي ..

ام شموخ بابتسامه لها الف معنى : الله يحيك ..

شموخ جلست بمكان بعيد عن امها وكان بصدارت المجلس وهي متاكده انها شاغله عيون اللكل .. جلست من غير لاتسلم على احد وانفها مرفوع لفوق بغرور ..

منى كانت جالسه على جنب ببيت بنتها وناظرت البنت اللي خذت عقول الكل ...: ساره من هالبنت هذي ..

ساره حفيدة منى قالت بغيره : هذي بنت جيراننا بنت فارس الخيال ..

منى عقدت حواجبها : الخيال ..؟ اخت ريان الخيال ...

ساره : ايوه جده عندها اخوان توم ياخذوا العقل خياااال بس مايشبوا لها ابدا

منى : توم .. من ..؟

ساره : اممم ريان وسامي ..

منى : توم لريان ..

ساره : ايوه اسمه سامي .. ماعرفتيه سامي الخيال لاعب كرة السله هو ضابط بس بعد يلعب مادري كيف ساكتين له ... وهذا يموت بالبنات وسمعته لك عليها اما ريان ثقيل مايعطي البنات وجه

منى بعصبيه : وانت وش لك فيه مايعطي البنات وجه

ساره باحراج : لا جده ماقصد بس ..- وقفت - انا بشوف ريوف ..

منى ناظرت شموخ بتامل (( اجل انتي اخت ريان والله ماتوقعت ان اخته بهالجمال والكشخه صحيح انك مزيون ياريان بس هذي شموخ غير ورافعه خشمها بعكسك ..... وعندك توم بعد وش مخبي علي ياريان بعد ...)) : سارونه خذيني معك ....

طلعت مع حفيدتها ...و راحت لصالون اللي برى البيت تقريبا ...

دقت على ريان ..

رد عليها : هلا والله حياتي

منى : حبيبي صحيت

ريان :ا يوه من شوي وهاللحين طالع بطريق الحبيل للخبر .. وانتي كيف العزيمه عندك ..؟
وبعد السماعه عن اذنها من نشاز صوتها

منى : عادي ممله بس علشان خاطر بنتي

ريان : معك حق بنتك لها حقوق ... حبيبي اتركك تكملي عزيمتك

ندى بخيبة امل ثانيه : اوكيه وانتبه على نفسك بالسواقه ..باي

..................................

اما ساره تجهت لغرفة ريوف ..,و فتحت الباب بقوه ..التفت لها ريوف وهي تبكي مقهوره من ضرب عبدالله لها ..

ساره : الحقي الحقيره تحت

ريوف ناظرته بقهر : اطلعي مالي خلقك ..

ساره : يالغبيه بينك شموخ تحت عندنا

ريوف بصدمه : شمممموخ ..؟

ساره بقهر : وبكل وقاحه جايه تصوري وكاشخه ولا كانها عملت شي ..

ريوف بكت اكثر : ياووويلي اكيد وراها مصيبه مايجي من وراها الا المصايب ..

ساره : ماعليك منها لاتخافي ...وانزلي بعد واكسري عينها

ريوف بخوف : لااااااااا مهبوله انا هذي حقيره وتعمل اي شي انتي ماتعرفيها مثلي ....

احساس ريوف ماكذب ...

ام ريوف : شموخ اطلعي للبنات فوق ..

ام ريان بصوت مرتفع : لا بينك اجلسي انا محب بنتي تختلط مع مين من كان استغفر الله العظيم ..

شموخ : ايوه انا ماجلس مع بنتك ريوف بعد اللي صار لها اليوم

وحده من الحريم : وش فيك تحكون بالالغاز وش صاير ..؟

ام ريان : و لا الغاز ولا شي سمعنا ومنتشر بالكليه ان ريوف ماتحضر الكليه وتطلع بعد مايوصلها اخوها للمجمعات والمطاعم استغفر الله ...وين تروح هذا اللي ماندري عنه ..

الحريم صاروا يتساسرون وهمس بكل مكان ...ام ريوف انربط لسانها ماتوقعت يكونوا بهذي الوقحاه يجوا لبيتهم ويفضحوا ببنتهم ..

وقفت شموخ وهي تنفض فستانها بخفه : قبل لاتتهمي بنات الناس يام عبدالله ناظري بناتك ومروج ماماتت مثل ماقلتي خافي ربك وهذا الزمن دار وبنتك هي اللي طلعت مثل ماقلتي عن مروج الله يسامحك ويستر على بناتك هههه

ام ريوف : يالكذابه انتي معها بنتي مافيها شي من اللي تقولونه هذا فيك وببنتك وهي اللي ودت بنتي

ام ريان بثقه ان بنتها برياءه : اللي بيته من قزاز لايحذف الناس بحجر ..

طلعوا ام ريان وشموخ ونشوة النصر ماخذتهم بفخر : هههههههه ......

ومايحتاج اقولكم عن حال ام ريوف والحريم اللي صدقوهم لان سكو ت ام ريوف اكد حكيهم ...

دخلوا للبيت وهم يضحكوا

شموخ : ياماما شفتي وجهها ههههه

ام ريان : لا ولحد هاللحين مصره تتبلى عليك ..

شموخ : ماعليك منها من القهر هههههه

ام ريان بتانيب ضمير : مسكينه كسرت خاطري .. والله تنرحم

شموخ (( بدينا آآآف )) : ماما انبسطي ماعليك لازم نحتفل بهالمناسبه

بصوت بارد : اي مناسبه ..؟

شموخ : آآآآآآف ..

ام ريان : هلا والله ريان حبيبي متى جيت ..؟

ريان وهو يناظر شموخ من فوق لتحت مبهور وكانها بنت ثانيه غير البسيطه والبنوته بالبيجامه هذي جمالها اخاذ وانثويه لاخر درجه حاول يبعد عيونها عنها ماقدر كل اللي بباله شموخ ماهي بختي شموخ ماهي باختي .. ياكثر مايكرها ووده ياخذها ويرميها باقرب بانيو تمسح جمالها المصطنع .. كان متاكد انها من دون مكياج اجمل بس هذي المره له سحر خاص ومعطيها هاله من الانوثه ..

ام ريان :ريااان احاكيك متى جئيت ..؟

ريان التفت لها : من دقايق

شموخ وهي تناظر بالمرايه اللي بطولها وترتب خصل شعرها ولا كان حد موجود

ام ريان ..: ريااان ريان

ريان ماكان معها كان مع الدلع اللي قباله وهي تتجاهله بكره متعمد ... يكره دلعها وحركاتها تنرفزه بس في شي بداخله يقول هذي مو اختك يعني يتيمه مالها ظهر ابتسم على افكاره ...

ام ريان : وش فيه هذا ...؟ شموخ ..

شموخ حطت ايدها على خصرها وهي تميل جسمها يمين ويسار قبال المرايه : ماما ....؟

ام ريان : نسيت .. بينك تعالي معي

انتبه ريان : وين ..؟ اقصد يمه مافيه عشاء اليوم ..؟

شموخ تتعمد تطنشه لكرهها له : آف . لبسنا على ثواني

ام ريان وهي تدخل لغرفتها : بينك يله بدلي وانا ببدل بعد ساعتين العشاء

شموخ بكسل : اوكيه ..

ام ريان بدلت وقررت تنام على مايوصل زواجها (( يارب سامحني على اللي سويته بس حبيت ارد كرامة هاليتامه .. يارب سامحني )) ..وناامت ..

ريان بعد مادخلت امه جلس على الكنبه باسترخاء وهي يخفي وراء نظراته البارد مكر الدنيا كله : هاللحين انتي طالعه لناس بهالمنظر ..

شموخ ومتوقعه منه هالحكي لان مستحيل بالسعوديه واحد يناظر اخته انها حلوه حتى لو كانت ملكة جمال ..: والله اطلع باي شكل يعجبني انت وش دخلك ..؟

ريان : روحي بس بدلي هالمصخره واغسلي وجهك اللي يشوفك يقول مهرج

شموخ : سبحان الله انت ودكتوره قرويه تستخدموا نفس الممصطلحات لانكم تغاروا مني

ريان ناظرها سطحيه لابعد حد ...نزل لعقليتها : نغار منك وليه ..؟ على ايش ..؟

شموخ : على ايش ..- شدت ظهرها بفخر واشرت على نفسها من فوق لتحت - على هذا على جمالي ...

ريان بتوتر : هههههههه جد بزر

شموخ شغلت الاستريو الكبير اللي بجنب التلفزيون على اغنية .. وحده وحده لمحمد حماقي
(( (( (( الا باء اللخبطه دي ليه ...
ياللي خاطفنيي ياليت توالي ))

شغلتها وجلست ترقص عليها .. تتمايل بخصرها مع دقت الموسيقى ولاكان ريان موجود ..
هي متعوده ترقص بوجوده وكانت ترقص معها على ايام توامها مروج فكان عندها الموضوع ايزي

لكن

عند ريان كان غير هذي اول مره ترقص وهو عارف انها مو اخته ومتاكد بعد ... ابتسم وعيونه تميل مع ميلت جسمها ..

شموخ تناظره وهي عارفه انه ينقهر من دلعها وابتسامته المستهزاءه ماكده ضنونها .. زادة دلع قهر له .. وماهي بعارفه عواقب حركاتها ...

دق جواله يصحيه من لحضات السكر بجمالها ودلعها
ناظر الرقم "منى " داقه عليه (( اف شتبغى هذي هذا وقتها ..)) وحصلها فرصه ينكد على شموخ : انتي هييييييه ..

شموخ لفت وعطته ظهرها وهي ترقص يعني ماشوفك

ريان صرخ من صوت المسجل المرتفع : انسسسسسه مشاكل سكريه ..

شموخ تشوفه بالمرايه كملت رقصها ولا كانه يحاكيها

ريان قام وقطع السلك وهو بااارد لانه مايبغاها توقف رقص ...: ابحكي تلفون

شموخ : اطلع بره ادخل غرفتك انا ابغى ارقص

ريان : ارقصي بره بغرفتك انا ابغى احكي منتظر تلفون مهم

شموخ رجعت السلك بالفيش : بتحكي اطلع بره

ريان عطاها نظرة تهديد : اقولك بحكي هنا ...

شموخ : وانا برقص هنا ..

ريان قطع السلك مره ثانيه : لاااا بحكي وانتي بتجلسي ماكله تبن ...

شموخ : باحلامك

مشت بترجع السلك ..مسكها ريان من ايدها : اقصري الشر وخليني احكي وبعدين اعملي اللي تبغي ..

شموخ هزت راسها بياس : سوري ماقدر ابرقص هاللحين

ريان : وريني كيف بترجعي السلك ..
رماها على الكنبه بقوه ..
شموخ عصبت من هو علشان يضربها : انت مين علشان تمد ايدك علي ..

ريان دق على منى وحكى معها ببرود : هلا هلا وغلا بحبيبتي

شموخ ضغطت على ايدها بعصبيه : غبي انا اوريك ..

وتوها بتمشي تركب السلك الا دخل ابوها : السلام عليكم

ريان وشموخ : وعليكم السلام ..

ريان قبل لايحكي كلمتين مع منى سكر الخط واعتذر بطريقه لبقه ..

شموخ ناظرت ريان مقهوره راحت عليها الرقصه ابوها رجع

بو ريان : مشاء الله شموخ وين كنتي بعرس

شموخ : لا بابا ببيت ام عبدالله عاملين عزيمه

بو ريان : اها .. يا شيخه ياشيخه (( ينادي ام ريان .)) .= كل هالكشخه واسمها شيخه خخخ

شموخ : روز روز نادي ماما شيخه ...

كلوا عشائهم بصمت وشموخ بفستانها ماتبغى تبدله مانبسطت فيه ولازم تحلله ...ونجلاء هذي المره ماكانت موجوده ببيت جدتها مثل العاده ..

خلصوا من العشاء وكالعاده اللكل توجه لغرفته ونام ...

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

بو نواف : وين وعود تتعشى معنا

الجده : ماعندنا عشة حمام ياوليدي حمد رميناها من زمان

بو نواف بصراخ : يمه اقول تتعشى معنا اقصد وعود

الجده : العود ان شاء الله – وقفت ..

ام نواف : عمتي وين بتروحين ..؟

الجده : بجيب العود لولدي حمد يتبخر فيه ..

اللكل : ههههههههههههه

ام نواف : ياعمتتتتي يقول وعود وعود بنت ولدك

الجده : اها وعود وش هالاسم الله يهداكم لو انكم مسمينها حصه مو احسن

نواف : وععع ههه

ندى : ههه ههه

بو نواف : انت معها احترموا جدتكم ..

ام حمد الجده جلست وكملت اكلها المهروس لقلة اسنانها ..

بونواف : وين وعووود ..؟

وقفت الجده من جديد : تبغي العود

اللكل : هههههه

نواف : امي حصه مصممه على العود خخخخ

بو نواف يرفع صوته : لا يمه ارتاحي نواف بيجيبه

الجده : من اللي جيبه مقطوع ..

اللكل : ههه هههه

ندى : لاحول ولاقوة الا بالله هههه

بو نواف بهمس لف على ندى : وين اختك ..؟

ندى بنفس الهمس : نايمه ..

بو نواف : وش عندها بدري

ندى ارتبكت : انت عارف يبه المدرسه لازم ..

بو نواف هز راسه بتفهم : اهاااا ..

الجده رفعت راسها من الاكل ومسحت فمها بملفعها مسكينه مراءه كبيره ماتعرف ..: ندى روحي افرشيلي بدخل انام

ندى : آآف الواحد مايعرف ياكل لقمه عدله بهالبيت ..

بو نواف عطاها نظره خلتها تفز من مكانها ..

................

شموخ كانت تتقلب بفراشها تفكر بكلام امها واختها تروح ولا لا ..
لازم تروح علشان تكسر عيونهم .. بس ماتقدر تخاف
نامت وهي تفكر ومابعد قررت كويس

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

ريان صحى من النوم وتكشخ هذا اول يوم له بشركته الجديده .. حلق ذقنه وترك بس بداية ذقنه والشنب بشعرهم الاسود .. تعطر باكشخ عطوره ولبس ساعته قيفنشي هدية منى له بمناسبة سلامته من الفلونزا الوهميه اللي اخترعها ..
طلع من البيت بسيارته السوداء الفخمه ماكانت البي ام دبليو او الكسز كانت سيارة ( بيل جيتس اشتراها تناسب مكانه بالشركه .. لمبنى الشركه الجديد وفي باله الف شغله وشغله والله لايفلس عمه اللي رضى يشغله وباعلى راتب بالنسبه للموظفين مثله .. يعني ناوي يعض الايد اللي نمدت له ...

مرزوق : هلا والله ومسهلا استاذ ريان

ريان ناظره من نظراته الشمسيه وهو يدخل لمكتبه : لا يكثر بس وناد لي معتز محامي الشركه ..

مرزوق هز راسه : حاضر …

ريان دخل لمكتبه الفخم وجلس على الكرسي وقباله الطاوله وريحة الصبغ فيها مختلظه بالدخون " البخور ".. ابتسم بفخر وصل لكرسي لو درس سنين وشتغل اعوام ماوصله ..

فتح علبة السجابر واخذله وحده اشتاقلها اخر سيجاره كنت امس قريب العصر بحديقة بيتهم ..

دق جواله وكانت منى اكيد وصلها الخبر انه داوم .. مارد عليها لعانه انه مشغول ويشتغل بذمه ..

وقف لعند النافذات الطويله اللي يشوف منها السيارات والشركات الصغيره اللي حوله والمساجد ..
سحب نفس طويل من معشوقته السيجاره …وصوت نغمة منى الحاصه تدق وكانت اجنبيه من اعاني مطربه المفضل "توباك "

معتز : احم احم السلام عليكم

ريان : داخل على حريم انت تتنحنح ...

معتز الشايب : شفتك سرحان ..

ريان : ناوي تسولف بعد اسمع ابغى تغيير كل موظفي الشركه ..

معتز بصدمه : لكل الموظفين ... بس انا محامي ماللي دخل ..

ريان جلس ورى مكتبه : عارف انك المحامي وانا علشان خاظر منى مراح اغيرك وانا اخبرك علشان تنفذ كلامي والا مصيرك مثل الموظفين الباقي ..

معتز سكت وهو حاس بحقارة ريان من زمان : .........

ريان : يله ناد لي مسول الماليه والعلاقات العامه ونائب المدير وابغى تقولهم ان المدام منى هي اللي طلبت تغيرهم سمعت

معتز : بس ماينفع كلمهم هذولا معهم اسرار الشركه وهم سنين فيها و

ريان : انا مو عاجبتني السياسه اللي مستخدمينهم – سحب من السيجاره – ومابغى عجز بالشركه ابغى كلوا شباب سمعت ..

معتز خاف انه يلحقهم وينطرد لان منى ماتثني كلمة ريان واي شي يقوله معه حق فيه ...: حاضر ..

طلع معتز وريان يراقبه معقد حواجبه دق على منى ..ردت على طول : الو حبيبي ليه ماترد

ريان : كنت مشغول مع معتز ومانتبهت بالجوال

منى : وقعت الاوراق

ريان : لا مو وقته بعدين

منى : لا حبيبي والله بزعل

ريان (( زعلتي والا جهنم الحمراء تاخذك )) : اوكيه حياتي ماعليك من هالسواليف وكيفك انتي ..؟

منى تتنهد : كويسه انتي اللي كيفك مه الشغل الجديد

ريان : كويس ومعتز اقنعني اغير كل الموظفين ..

منى بشهقه : كلهم كيف ..؟

ريان : احس ان معتز على حق لازم اغيرهم اكيد هم مع المدير اللي قبل ..وبعدين حبيبتي لاتعوري راسك بهالمشاكل انا مامسكت الشركه الا علشانك ....

منى : اوكيه براحتك بس انتبه الفراش بو نواف لاتغيره ..

ريان : الفراش ليه ..؟

منى : له فضل علي

ريان باستهزاء : الفراش

منى بجديه : ايوه ياريان انتبه لا تغير لو شيصير

ريان بلا مبالاه : اوكيه حبيبتي تامرين على شي انا مشغول

منى : ليكون تاخذك مني هالشركه هههه

ريان (( ضحكتي بلا ضروس )) : لاحياتي انتي الخير كله

منى : اوكيه باي وانتظرك على الغداء ضروري

ريان : اوكيه باي ...

سكر ريان منها ونفسه يدوس ببطنها عجوز النحس تدلع بعد ياشين الدلع عليك ..
اكيد بعد دلع شموخ منى دلعها ماصخ وماله داعي ..

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

سامي : ايوه ياوليد بسافر معكم

وليد : حلو ومنها الاهل يتعرفوا على بعض

سامي بخبث : اكيد الا انت عندك خوات = يستهبل هو عارف ان عنده خوات

وليد : وش فيك فقدت الذاكره من ابتدائي وانت معي وماتعرف يعني

سامي : لا اقصد خواتك بكبر اختي شموخ ونجلاء – قال اسماء خواته استدراج لوليد

وليد : ايوه اتوقع ان اصايل بعمر شموخ اختك

سامي مثل ماتوقع ان اصايل اللي شافها مع سامي هذاك اليوم بالمجمع بعمر شموخ : اها حلو ...

وليد بابتسامه واسعه : المهم ياحبيبي يله نخطط لمصر ام الدنيا

سامي (( هههه والله لو تدري وش ناوي عليه مابتسمت كذا )) : ياعمي خلها تجي كذا من غير تخطيط ....

وليد : غريبه انت كل شي تخطط له

سامي بمكر : الا هذي هذي السفر ابغاها على البركه ... اقول وليد وش رايك تعزمني على بيتكم نفطر

وليد : ياسعادة الضابط الزم المركز احسن لك ..لايجي بو عزام يغسل شراعك ....

سامي : ياخي اذكر شي عدل بو عزام وبعدين قل ماتبغاني اجي لبيتكم وبلا هالفه الطويله

وليد بسرعه : آفاا والله افا ..حياك الله هذا بيتك ياخوي

سامي ابتسم برضى : الغداء عندك

وليد : ابشر ...

دق جواله ليلي حب يثقل ومارد عليها ....او بالاحرى شاغلته اصايل ..اخت صاحبه وصديق عمره ..

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

شموخ بالجامعه بالكلاس جالسه لوحدها صدقاتها قليله لانها انطوائيه وماتحكي الا مع بنات حلوين

كلثم : شموخ ليه جالسه لوحدك

شموخ من غير لاتناظرها : وش دخلك ..

كلثم عارفه طبايع شموخ بس تحب تكشخ فيها قدام صديقاتها : لا بس اسال .. ريوف وينها غريبه ماداومت

شموخ :هههه ولا راح تداوم هههه

كلثم : ليه .؟

شموخ : مادري
وقفت وتركتها (( مابقى الا هذي تحكي معي ))

شافتها رسل بالمر واحتقرتها ريوف دقت عليها وقالت لها كل شي ...

شموخ حطت السماعه باذنها ومشت تتمخطر وعيون البنات عليها مميزه يالجامعه بشكل لايوصف لبسها وتسريحة شعرها وجسمها اللي تتمناه اي وحده

ناداها صوت ناعم وخجول : شموخ شموخ

شموخ كملت مشيها فكرت انها تتهياء حد يناديها لان الاغاني معبيه اذانها ..وهي ماتحب تلتفت لاي احد يناديها من شدة ثقتها بنفسها ....

رجع الصوت يناديها لكن هذي المره وقفت البنت الناعمه وملامحها الطفوليه قبالها : شموووخ

شموخ ابتسمت مصدومه : ريهاااام

ريهام حطت ايدها على فمها بخجل وهي تضحك : ايوه ههههه

شموخ نزلت السماعة من اذنها وناظرت صديقتها ريهام وصديقة اختها مروج ايام المتوسطه اللي تركتها ناظرتها من فوق لتحت لحد هاللحين بنوته وحلوه شكلها براياء وجذاب كانوا دائما يقارنون بين جمالها وجمال شموخ ومروج .. ولانها اقصر منهم كانوا يربحون وترجح كفتهم بس بياضها وصغر ملامحها وشعرها القصير والمقصوص بطريقه جنونيه وملفته للانظار كانت ستايل جرياء وناعم بعكس شخصيتها الخجوله والحساسه

قاطعتها ريهام وهي تضمها بشوق : وحشتيني

شموخ والغيره تحرقها لان البنات يناظروها ويقارنوا بينهم مثل العاده بايام متوسط : وانتي اكثر كيفك من نقلتي من متوسط ماسمعنا عنك شي ..

ريهام: تعالي نجلس واسولف لك مشتاااقه لكم .. – ارتبكت باحراج نست ان مروج ماتت - اقصد مشتاقتلك

شموخ فكرتها متعمده حقدت عليها اكثر : وانا اكثر ..

جلسوا بالكافتريا المزحومه والعيون تناظرهم صديقات حلوات ومن هذي اللي معا شموخ بنت فارس الخيال

ريهام بحماس : يوووه يا بينك ايااام ولا كانها اربع سنوات ماشفتك فيها كانها سنين ... مشاء الله بعدك حلوه

شموخ بثقه وغرور : من يومي حلوه ههههه

ريهام استغربت بالعاده شموخ كانت تتريق اذا حد قالها حلوه وتقول عيوبها هي ومروج بس شكل الايام غيرتها بعد موت مروج : هههه ها ماتزوجتي

شموخ تناظر اظافره : الخطاب كثير بس مافي احد يستاهل بينك ..

ريهام: ههههه ليه ..؟

شموخ : كذا ...ماجابته امه اللي ياخذني ...

ريهام: الله يهنيك ..

شموخ لفت عليها ببرود تناظر ايدها الخاليه من الخواتم : وانتي ..؟

ريهام: انا لا مابعد بدري

شموخ : اهااا ماقلتيلي متى جيتوا لشرقيه

ريهام: من اسبوع بس انتقل بابا لهنا وجينا وانا احس اني مشتاقه لشرقيه

شموخ : ليه جده ماعجبتك ...

ريهام: يعني ماحسيتها مثل هنا بس تعودت ..

شموخ وهي تحاول ماتناظرها لانها تتمنى تحرق وجهها البرياء : ايوه .. وناوين تستقروا هنا على طول

ريهام: ان شاء الله ماتتصوري يابينك انا كيف مبسوطه بشوفتك

شموخ ابتسمت بنفاق : وانا اكثر اسمعي من اليوم وطالع تجي معي على طول وانتبهي لاتتعرفي على اي بنات ترى هذي الجامعه فيها همج كثير

ريهام: جد ..؟

شموخ : اكيد علشان كذا ماحب اختلط باحد

ريهام: يعني ماعندك شله

شموخ : لاااا

ريهام فتحت عيونها على الاخير : بينك ماعندها شلللللله غريبه

شموخ : كبرنا على هالحركات

ريهام: بس انتي اجتماعيه مره

شموخ بغرور : ههههه انا لا هذاك اول

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

بعد الغداء

دخلت وعود لغرفه اللي تجمعها مع لمياء وصارت تمشي تروح وتجي تروح تجي تشبر الارض وهي تفكر تروح والا لا ...
الله الهمها تروح وتكسر عيونهم واللي فيها فيها ...
جلست على مجموعه البطانيات بزاويه الغرفه الفاضيه بس فرشه قديمه ودولاب قضى عليها الدهر ومراية حمام مطرزه بالابيض مسنده على الجدار ...

وعود : بعدين حتى لو بروح ماعندي فستان البسه ..جاءت على الفستان وشعري والمكياج .. بس فرصه يمكن اشوف يعقوب .. – قامت من البطانيات وتوجهت لدولاب اللي بدون ابواب تناظر فستانها الارتكواز القديم اللي لبسته مليون مره – ياربي فشله اروح فيه بس شسوي مالي غيره ياليت عندي فلوس حتى لو 200 ريال بفستان لحجي بس جديد ..

انفتح الباب بقوه ودخلت ندى : طحت عليك

وعود بعيونها الحيره : هههه هههه

ندى شهقت : وافقتي تروحي

وعود : فكرت وقررت لازم اكسر عيونهم بس المشكله ماعندنا فساتين وفشله نروح بهذولا

ندى بحرمان : بعد وش نسوي مسكين ابوي الديون كاسره ظهره ومايقدر ..

وعود غرقة عيونها : عارفه بس اتمنى والامنيات حلال ...

ندى طلعت هي الثانيه فستانها السمواي اللي فيه شك وردي من فوق وتحت قطعه ساده موديل قدييييم مره : مانقدر نعدله

وعود : اكيد لا ..مافيه امل حتى

ندى بتفكير : والمكياج ..والشعر ..

وعود : اكيد بناخذ استشوار لمياء والمكياج بالبيت نحط كحل وروج ناعم والروج الوحيد اللي عندنا

ندى : قلك نعماااات اه لو عندي فلوس كان رحت للمساء الاخيره او اشراقه العنود يقول مكياجها مثل حنان دشتي ..

وعود مدت بوزها : آآآآآآه ... بس آآآه ..

ندى رجعت فستانها الوحيد لدولاب : اقول نحمد ربنا ان فيه على الاقل فستان واحد بالدولاب ..ههه

وعود : وانتي صادقه ههههههه

ندى : تخيلي عندك بطاقة بنك وفلوس كثير وناسه

وعود : خيالك واسع ههه ..

ندى تغير الموضوع : اجل بكلم بنات خالي هواجس ونور يتجهزوا

وعود : اكيييد والله ماروح بدونهم ..

ندى طلعت بسرعه وهي تصرخ : بروح ابشر امممممي ..

وعود ناظرت فستانها بانكسار وقهر نفسها تعيش مثل البنات وتشتري اكشخ فستان واغلاه ..

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

على طاولة الاكل الفخمه ...

منى: قول مين شفت امس ..؟

ريان عارف من تقصد اهله : مين ..؟

منى : ماتتصور شفت امك واختك ..

ريان : طيب عادي ..ولاتخافي محد من اهلي يعرف اني متزوجك ...

منى : عارفه حبيبي انت مستحيل تخبر احد والا من بيفكني بعيالي ...

ريان : حنا بالاجبيل وهم بالخبر وين بيعرفوا لاتخافي ان مستحيل اضرك بشي .. وبعدين سنتين ومحد يدري هالسنه بيدرون ..

منى : عارفه والله عارفه حبيبي ليه تضايقت

ريان ابتسم ببرود : لا ماتضايقت بس ماقلتيلي ايش رايك بشموخ اختي ..

منى بحقد بعد اللي سوته ببنت بنتها ريوف : بصراحه مغروره وماهي بشايفه احد . .. واخلاقها شينه

ريان بمكر : بس حلوه صح ..تشبه لي

منى : هي حلوه وبرستيج وكانها اكبر من سنها بس مو احلى منك ..وماتشبه لك انت احلى

ريان : ههههههه انا هههه حرام عليك ياشيخه هذي مليكان بيتنا

منى : وش فايدت حلاها دام اخلاقها كذا

ريان ببرود : ليه وش عملت لك ..؟

منى : مو لي لبنت بنتي ريوف تصور ت

ريان قاطعها وهي يحط الملعقه : الحمد لله ..حبيبتي انا علشان كذا ماحبك تتعرفي على اهلي ولا اعرف اهلك بيجيبوا لنا المشاكل وبيفرقوا بيننا – بنظره تطيح الطير من السماء بعيونه العسليه الناعسه – منونه حبيبتي لاتخلي احد يخرب حبنا ..

منى ابتسمت : والله ماغلطت يوم تزوجتك ..

ريان : هههه قلتلك مراح تندمي

منى :الا ريان ليه مارضيت توقع اوراق الشركه

ريان : لاحول ياذي الاوراق بالمكتب معتز وانتي هنا خلاااص خلاص بوقعهم ..

منى : مو تسكتني اكيد .

ريان : اكيد ياعيوني لارجعت لشركه وقعتهم

@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ

بعد مااشوف الردود بكمل ياحلوين

مشكووره
شكلها حلوة
بانتظار التكمله

[b]مشكور اختي
كمليها
بس عندي طلب اذا سمحتي؟

ابغكي تكبيري الخط اكثر [/b]

مشكوووووووووووووره
و
رووووووووووووووعه
بليـ××ـــــــــز كمليها بمووووت
ونا كمان ابغاكي تكبري الخط لانه عيني انحولت وانا اقرا إذا سمحتي
وشكــــــرآآ
انتـظر التكمـلة بفــآآآرغ الصبر حبي

ثــانــكـــــــ×
7 ــــــــــــلوة كتــــــيرـرـر

بليــــــــــــــز التكمله

بليـ××××ـــــــــز كمليها بـــسرعـــة
انتظركــ على احــر مــن الــجمــر

:بكاء..: بليـــــــــــــــــــــــــــز كمــــــــــــــــــــــــــــــــــلي :بكاء..:

مشكوووووووووورهـ يالغلا قرات البارت الاول شكلها روووعة

اطـــــــــــــلــــــــــب التكمــله بفــآآرغ الصبر

يــلاآآآآآآآآآآ
نـــزلي التــــكمـــــلة ..
نــــحنـــناآآآ بالإنتـــــظاآآآر

يلا كمللي بليـــــــــــــز

ويــــــنكــ انآ مـــن اسبـــــــوع بستنآكيـــ ..
يـــــــــلاآآآآ

مــــــــــــا تتأخــــــــــتريــــــــ عليــــــــنآ ::

» عشاق من احفاد الشيطان
» رواية عشاق من احفاد الشياطين(حقيقيه ) في جدة حدثت
» مسبح الشيطان
» صور عبدة الشيطان
» تحميل رواية عشاق من احفاد الشياطين/بقلم:متكحله بدم خاينها