أحلى صدفه بحياتي روايه سعوديه كامله...

تذكير بمساهمة فاتح الموضوع :

[i]الـــــــــــــــجــــــــــــــــــــــزء الأول

"" الفصل الاول ""

كانت ريم جالسه هي وأختها رغد يسولفون وقالت : ريم : ياربيه طفشانه وما ودي أداوم بكره مليت
رغد : حتى أنا على بالك ودي أداوم يعني ...
ريم : وهي متحمسه طيب وش رايك نغيب ...
رغد : أحلفي بقووووووووه .... لو نقدر نغيب كان غبنا بس أمي رافضه من كثر غيابنا خصوصا من بعد ما وقعنا على التعهد ...
ريم : ياربيه أقولك بكره من جد مالي خلق أداوم
رغد : أمرنا لله وش نسوي ...
ريم : بتهور : طيب وش رايك ننحاش من المدرسه مثل ما سوينها من زمان
رغد : وين لا مجنونه أنسي مستحيل أعيدها مره ثانيه كفايه المره الأولي بغى يجيني جلطه من الخوف..
ريم: اقول عاد يلا اللي سواها مره يسويها مره ثانيه وياختي خلينا نفلها شوي ... تكفين رغد..
رغد بتردد: من قلبي ودي بس عقلي يقولي لا.. وانا حاسه انو بيصير شي. وخايفه ومدري وشلون وضعي.
ريم حست ان اختها بدت تتقتنع : اقول رغد تكفين وش بيصير يعني.. المره الاولى وعدت وما صار شي .. لاتصرين متشائمه كذا..
رغد: طيب خلاص اقلقتي ام راسي بس وشلون ننحاش..؟؟
ريم تفكر بحماس : شوفي . انحاش انا بوقت الفسحه.. بس اذا صار في وحده من الامهات او المدرسات بتطلع لانو دايما يجون الامهات ياخذون بناتهم وقت الفسحه واطلع معاهم قاطه. وبعد كذا انحاش وامرك واطلعك من مدرستك وانتهينا..شفتي الذكاء..
رغد بإنبهار: يلعنك.. وش هالفكره الجهنميه ولا ولد يسويها .. صحيح انها خطيره بس بنفس الوقت رهيبه وفله .. خلاص طيب اوكي.. بس لاتنسين خذي موبايلك.. وانا باخذ موبايلي عشان نتفق او اذا حصل أي شي نتصل على بعض..
ريم بفرح: اوكيه اتفقنا..
" على فكره اهل ريم رغد شوي فري عشان كذا تجرأو""

&&&&&&&&&&&&&&&&&&&&&&&&&&&&&
اعــــرفكم على عائلة ""أبو مشاري""

ابو مشاري: رجل اعمال ناجح وكبير وعنده شركه شراكه مع اخوه واخته .. قلبه حنين وطيب واغلى شي عنده عياله..
ام مشاري: مره متفتحه وما عنده قد على قوالة ريم .. حبوبه وطيبه وحنينه بس في نفس الوقت جديه..

مشاري: الولد الكبير عمره(23) سنه يدرس بالجامعه قسم حاسب حبوب وهادي وجميل بمعنى الكلمه من ناحية حدة ملامحه وجذااااااااب بشكل مو طبيعي والبنات يطيرون عيله بس ما يعطي احد وجه..... دايما في حاله..

رغد: عمرها (19) سنه بثالث ثانوي<<<رايحه فيها..حلوه وتشبه اختها ريم جذابه ومره كيوت نحيفه شوي بس مناسبها..عيونها عسليه وسيعه وشعرها لونه بندقي ..

ريم:عمرها (15)سنه بثالث متوسط بمدرسه تختلف عن مدرسه اختها رغد ....حلوه وجذابه ...بالكلام العربي يعني"تخقق" جسمها حلو وشعرها اسود وعيونها وسلع وكحيله وعربجيه وحبوبه..وتحب المغامرات..

&&&&&&&&&&&&&&&&&&&&&&&&&&&&&

رغد:يلا قومي ننام لاني خلاص مليت من وجهك عورني راسي من كثر ماتحنين علي..وبعدين عشان تستعدين لمغامره بكره..
ريم:ايه صح لازم استعد لبكره..لوووووول بروح انام..تصبحين على خير يااحلى واغلى اخت بالدنيا<<<مولله..

رنت ساعتها وصحت وهي مره متحمسه ومستعجله..
ريم: رغد.. رغد.. بسرعه قومي يلا نتأخر على المدرسه..
رغد: اقول اذلفي عن وجهي وش ذا الحماس للمدرسه.. اثرك ما نتي هينه..
ريم: اوووف . اقول قومي بلا كلام فاضي تراني مروقه لاتنكدين علي.
رغد: خلاااص قمنا يكفي حنه فوق راسي والله ذبحتيني..

خلصت ريم بسرعه ونزلت..على الفطور مع امها وابوها واخوانها..
ريم: صباح الخير يا احلى ام واب في الدنيا..
ام مشاري: صباح النور.. وش عندك اليوم مروقه..ولا بعد صاحيه بدري..
ابو مشاري: صباح النور والسرور يا حلى بنت.. بس ما قلتي لنا وش عندك اليوم..
ريم ما ردت على احد ..
مشعل :ملنا سلام..
ريم: اكيد.. صباح الخير ياحلو..
مشعل : لالا البنت صدق فيها شي اليوم ..
ريم في نفسها" عشانكم ما تدرون وش ناويه عليه""
نزل مشاري: لالا اليوم فيه شي ريم صاحيه غريبه..
ريم عصبت: وش فيكم علي.. يعني ما يصير لي اصحى بدري..
مشاري: الا يصير لك بس مو من عوايدك..
ريم ما ردت عليه...

نزلت واخيرا الست رغد وعلى طول نطت في عينها ريم..
ريم: خير ان شا الله كل هالتأخير كان ما نزلتي..
رغد وهي مالها خلق: اقول وخري عن وجهي ترى محد رايق لك..سلمت على امها وابوها واخوانها وافطرت بسرعه.. وطلعت عقب ما شيبت ريم براسها...

فـــــــــــــــــي مـــــــــــدرســــــــــــــة ريــــــــــــــــــــــــــــــــم

ريم: صباح الخير والفل والورد والياسمين..وش اخباركم بنات؟؟
ساره قامت تلمس حرارة ريم: اليوم وش شاربه .. وش ماكله. وش عندك اليوم مروقه..
ريم: اووووووه وش فيكم اليوم القاها من وين ياربي من البيت ولا المدرسه..
ساره: لا بس كنت مستغربه.مو من عوايدك..
ريم: بلاك ما تدرين وش بسوي..
ساره: وش بتسوين بعد؟؟
ريم: سر... ما راح اقوله..
ساره: اقول ريم بلا سخافه قولي ..
ريم: "نو ..وي.."
سارة بعصبيه: بتقولين ولا شلون..
ريم : خلاص بقولك بس بعدين..
ساره: اوكيه اهم شي تقولين لي..

" في الفصل"

ريم معها الدفتر وتكتب لساره : اسمعي انا اليوم ناويه اهج من المدرسه..... وتعطي الدفتر لساره.
ساره: وش تقولين انتي مجنونه.. اول شي كيف وشلون ومتى .. علميني بسرعه..
ريم:الله كل هالأسئله مره وحده خلاص انا اقولك السالفه..
" وقالت السالفه لها عشان تساعدها "
ساره: طيب تتوقعين خطتك بتنجح؟؟
ريم: ان شا الله ميه بالميه هذي خططي مو حيا الله..
ساره: ايه درينا انها خططك اللي ما ورها الا البلاوي..
ريم ميته ضحك: ليش مره بليتك بخططي؟؟
ساره: يا ما وياما . بس خليني ساكته احسن لي .. عشان ما ابكي عليك..
ريم عصبت: لا يالجاحده مسويه ما قد نفعتك بشي .. انكري بعد..
ساره: انا ما انكر.. هي مره.. او مرتين غيرهم وهقتيني بصراحه..
ريم : اقول ..اقول .. روحي عني زين..
رن جرس الفسحه طلعت ريم اول وحده طبعا مو من عوايدها ونزلت هي وصديقتها ساره ووقفوا عند الباب ينتظرون وحده من الامهات تطلع واشكالهم تحففففففففففففففه......
واخيرا جات وحده من الامهات ومعاها بنتها توها بتطلع.. ريم ما صدقت على الله ولبست العبايه بسرعه.. واطلعت واخيرا..ومن العجله نست الشنطه في المدرسه وطبعا فيها الموبايل ما أنتبهت ..
ريم : واااااااااو وأخيرا طلعت و"مشت شوي وفجأه شهقت" ... وين شنطتي .. لااااااا نسيتها بالمدرسه
ياويلي ... وش بسوي الحين المشكله فيها فلوس وموبايلي .....
وأحتارت ما تدري وش تسوي ... حتى مدرسة رغد ما أعرفها زين يقطع أم الوهقه وش أسوي ...
وكملت مشي ومشت ومشت وهي ميته خوف وقالت في نفسها كاني تذكرت موقع المدرسه من هالطريق
ومشت لحد ماوصلت وقرت على الباب (مدارس الــ............الأهليه ) نفس مدرسة رغد... ماقرت
بنين أوبنات سفحت عمتى على الدخول الباب المدرسه ... كان الباب مفتوح وما عنده حارس ودخلت
فتشت على طول كان المدرسه ازعاج وفجأه سكتوا ولا همس ... يوم لفت وجها تناظر المدرسه وتشهق ذيك الشهق
ريم : يمه أنا وين دخلت مدرسة عيال.... هالكلمه صارت تدور في راسها ... فكرت أنها ترجع وبسرعة لفت على الباب إلاجاء الحارس سكره .... وطبعا سوت لثمتها تجمعوا العيال حولها طبعا عيال ما صدقوا على الله
بنت تدخل مدرستهم حتى لوشينه تطلع حلوه بعيونهم ....
ريم في هذي اللحظه كل عظم في جسمها يرجف وعيونها غرقانه دموع من الخوف لإنهم مسوين دائره
حولها ما تسمع إلا تنطيل كلام وحش ومغازل وأي شي يجي على بالك بتسمعه <<<ما ينلامون مساكين ....
قامت تفكر وتكلم نفسها "لازم اطلع من هالورطه يارب ساعدني" .. وهي خايفه يوصل للمدير وتصير
سالفتها فضيحه ......
ريم : وهي تطالهم وبصوت مبحوح قالت :
ممكن تسمعوني شوي <<<<<محد سمعها..
ورفعت صوتها اكثر: ممكن تسمعوني شوي..
اسكتوا فجأه وقالت بدلع: انا ابغى اكبر واعقل واحد فيكم. " طبعا كلهم صاروا كبار وعاقلين " وصارت ما تسمع الا: انا..نا..انا.
ريم تطالعهم بتمعن واختارت ازين واحد فيهم<<فالتها..
ريم: تعال انت يا اللي هنا..
الولد: انا...
ريم: ايه انت ..
وراح وهو ما صدق خبر..
استخدمت ريم اسلوبها وقالت بدلع: مو انت اكبر واقل واحد ... طلعني من هالدائره..
الولد: ابشري...
قام ومسك ايدها وطلعها وريم في نفسها تقول " يمون العم" وهي ميته خوف ومسويه نفسها قويه... ووداها مكان بعيد وصاد عن الطلاب ..
ريم وهي شوي وتصيح: والله واقسم بربي اني داخله المدرسه غلط.. يعني لا تحسبني من هالبنات تراني بنت ناس وعالم وحمايل ومتربيه وانا صدق مدري وشلون جيت هنا..
قام الولد يهديها وهو ولد حبوب..:معليش حصل خير..
ريم تحس انها مرتاحه مو مره بس احسن من غيره: ممكن اطلب طلب.
الولد: اطلبي..
ابي مويه والله ريقي ناشف من الخوف.
الولد وهو متعاطف معها وحاس بالموقف اللي هي فيه: انتظري شوي..
راح الولد واتشرى المويه ورجع..:تفضلي.
ريم: مشكور اخوي وما قصرت تعبتك معاي .. وقامت تدور في جيوبها فلوس عشان تعطيه حق المويه..
الولد: وش تسوين..؟؟
ريم: ادور فلوس عشان اعطيك حق المويه..
الولد بعصبيه: خلي فلوسك لك وماله داعي انا ما سويت الا الواجب..
ريم وهي خاقه معه(خاقه=ذايبه=دايخه):لا .. مو قصدي شي بس حبيت اعطيك حقك..
الولد:اقول خلينا من هالموضوع الحين.. انتي افطرتي.؟؟
ريم: لا..
الولد: اجل استني شوي.. راح واشترى فطور لهم ورجع.. واعطاه ريم..
ريم: ليه كلفت على نفسك والله ماني مشتهيه شي..
الولد: اقول اكلي شي .. لا يغمى عليك..
ريم مازات خاقه وما قدرت تقول له لا.. اخذت السانوتش وفتحت العصير وبدت تاكل مجامله له طبعا بعد ما فكت اللثمه وتغطت بالطرحه...
وصاروا ياكلون وهو يطالعها شوي .. وياكل شوي..
ولما خلصوا ..
الولد: ممكن اعرف اسمك...
ريم وهي مطيره عيونها: خير ان شا الله عسى ما شر.. وش قالولك عني .. تراني بنت ناس ومتربيه وما عندي هالسوالف..
الولد بإرتباك: لاانا مو قصدي شي بس اسأل ...
ريم: مره ثانيه لاتأل..
الولد: طيب خلاص اسفين..
ريم: اقول انا بأي مدرسه الحين..
الولد: مدرسة ال(.........) الاهليه..
ريم وهي مركزه الاسم:نعم.. المدرسة هذي مدارسال(.....)متأكد..؟؟!!
الولد: تستهبلين مدرستي واعرفها ...
ريم تشهق ذيك الشهقه:يا ويلي ..ياويلي وانا ما لقيت ادخل الا هالمدرسه.
الولد: ليه خير وش صاير..
ريم: اخوي الصغير يدرس فيها يا ربيه وش هالمصيبه..
" على فكره ..مدرسة رغد ومشعل تحمل نفس الاسم"
الولد: هدي .. هدي شوي اخوك بأي سنه أ ي صف؟؟!!
ريم: هو بالمتوسط .. هذا أي قسم اللي احنا فيه؟؟!!
الولد: احنا بالثانوي .. وتراه مفصول عن المتوسط بالمرره.. ارتاحي..
ريم:ايه الحمد لله طمنت قلبي ..
الولد: طيب وش اسم اخوك يمكن اعرفه..
ريم: لا . والله تلعب علي .. انسى اني راح اعلمك أي شي..اقول الا انت وش اسمك..
الولد: انا اسمي سليمان
&&&&&&&&&&&&&&&&&&&&&&&&&&&&&
سليمان عمره (19) سنه بثالث ثانوي\علمي.. وسيم لأبعد درجه مرره يجنن .. عيونه عسليه وناعسه تدوخ خشمه صغير وطويل .. شفايفه صغار بلون التوت.. حواجبه مرسومه رسم .. له سكسوكه هذي بالذات تطيح الطير من السما...وجسمه حلو بتميز بالثقل والرزانه والركاده. حبوب وطيوب.. يعني بإختصار كله على بعضه حلو..

&&&&&&&&&&&&&&&&&&&&&&&&&&&&&

ريم: اهاااوتقول في نفسها" يهبل واسمه سليمان مدري من وين طلع لي"
سليمان: طيب اخوك أي صف..؟؟
ريم: بثاني متوسط..
سليمان: يعني اصغر من اخوي بسنه..
ريم: وش اسم اخوك..
سليمان: محمد..
ريم: عاشت الاسامي..طيب ممكن اسأل عن عائلتك الكريمه..<<<مسويه عندها اسلوب..
سليمان وهو رافع حاجب: ايه ممكن.. اقولك بس بعد ما تقولين اسم اخوك. بون العائله..
ريم: اوكيه موافقه<< والله من اللقافه..
سليمان: انا سليمان ال(..............)
ريم: انت سليمان ال(........) وتشهق ذيك الشهقه اللي بغت تدوخ منها..
سليمان: انتي وش فيك كل شوي مروعتني.. خير وش فيها عائلتي..
ريم: عشانك ما تدري انو اخوي الكبير يعرفك.. اخوي الصغير يعرف اخوك..
سليمان : طيب حرقتي اعصلبي وش اسم اخوك.؟؟
ريم بتردد واضح: اسمه...آآآآآآآآآآآآآآآآ......آآآآآ.... مشعل..
سليمان: اقول احلفي.. واحلفي بقوه بعد.. مشعل ايش..
ريم: لا والله وش شايفني عندك تراني بنت ناس ومتربيه ولا تحسبني من هالبنات <<< هالموال حفظناه..
سليمان: والله دريت انك بنت ناس ومتريه حفظته والله حفظته...
ريم:ايه اخاف انك نسيت..
سليمان وهو يسبل لها بعونه(يرمش): ابد ما عندك نيه تقولين.
ريم وهي خاقه على عيونه: هو مشعل ...آآآآآآا..ال(.........).
سليمان: هذا اخوك عرفته....
ريم بخوف: الله يخليك . طلبتك طلب ما اطلب غيرهلا يدري اخوي اني جيت هنا الله يخليك لاهلك واحبابك.. والله ما ني ناقصه مشاكل كفايه اللي انا فيه الحين..قدروضعي .. انا الحين بمدرسةعيال . ومنحاشه من مدرستي.. عشان انحش اختي<<< ما شالله ونع الاخوه..
وناسيه شنطتي وفيها موبايلي وفلوسي.. ولا ادري كيف بطلع من هنا واهلي لو دروا بذبحوني شويه علي...
فالله يوفقك ويخليك لغاليك...استر علي وتلقى الاجر ان شا الله..
سليمان وهي كاسره خاطره:احاول..
ريموهي تنافخ:خير وش تحاول. اقولك لا تقول لاحد..ما قلت لك حاول.. اقوله ساعه موال وفي النهايه احاول..
سليمان: لا قومي طقيني احسن....كنت امزح..
ريم:ايه اشوى .. لاتعيدها مره ثانيه<<<تمون العمه..
سليمان وهو يناظر ساعته: اقول ترى ما بقى شي على نهاية الفسحه..وش بتسوين.؟؟
ريم: والله محتاره..
سليمان: طيب فكري بسرعه..
ريم وهي تفكر:.................. جتني فكره<< ام الخطط داهيه..
سليمان: خير وش الفكره..
ريم: فيه ثوب زايد..
سليمان:هههههههههه حلوه هذي فيه ثوب زايد.. من وين اجيب لك..؟
ريم: طيب... معك بدلة رياضه..
سليمان: ليش وش تبين فيها..
ريم : انت جبها وبس..
سليمان راح جاب البدله بسرعه ورجع..: الحمدلله اني جايبها
ريم : زين كذا حلو .... يله..
سليمان: شنو يله..
ريم: يله قدامي.. روح بدل ثوبك والبس البدله وجب الفانيله والسروال<<ياويلي هالبنت فاسخه الحيا مره وحده..
سليمان مطير عيونه: طيب .. ممكن اعرف وش بتسوين انتي...
ريم: انت رح وسو اللي قلت لك عليه وخلصني..
سليمان: بروح وامري لله..
" راح دورة المياه وبدل ملابسه ورجع معاه الثوب..
ريم: طيب وين البس فيه..
سليمان: روحي لدوراة المياه..
ريم وهي مطيره عيةنها: احلف بس.. تبيني ادخل دوراة المياه تستهبل انت.. تخيل لو احد نط علي من فوق الجدار وش بسوي بعمري ذيك الساعه..
سليمان هو يضحك: طيب وين بتلبسين فيه..
ريم: ولا يهمك ام الافكار والخطط معاك <<<<داهيه هالبنت..
سليمان: يله ورينا شطارتك...
ريم: اسمعني زين. انا بأفسخ العبايه وانت بتمسكه وتغطي علي وطبعا وانت برا العبايه وداير وجهك قدام فاهم..
سليمان: فاهم والله فاهم بس اخلصي بتصفر الحين..
ريم لبست السروال بدون ما تفسخ المريول وبعدين فسخت الشيال وباقي بلوزة الي تبع الشيال خلتها ولبست مالثوب عليها وعدلت لثمتها بعد ما تحوست.. وطبعا سليمان حاول يقز(يناظر) شوي بس بعد ما نفخت ريم عليه عقل...
ريم: خلصت .. اقول ما معك شماغ..
سليمان: عاد اليوم بالذات ما جبت..
ريم: طيب جب لي شماغ..
سليمان: من وين اجب لك..
ريم: اسرق لي شماغ أي واحد..
سليمان مبقق عيونه: لا والله وشايفتني..
ريم: انا ما قلت اسرق اسرق.. يعني بالكلام العربي استعاره..
سليمان: طيب بدبرها لك..
" وراح ونادى واحد من بزارين اولى ثانوي وقال له..تعال حبيبي اسحب لي شماغ أي ولد وانحاش"
الولد:خبر وش قالوا لك عني ..
سليمان:بعطيك اللي تبيه بس جب لي الحين شماغ..
الولد:مدام المسأله كذا ولا يهمك اصنع لعيونك شماغ..
سليمان:مولله ..رح يله..
"طبعا الولد سحب شماغ واحد ودز وراح لعند سليمان وعطاه الشماغ"
سليمان رجع لعند ريم:خذي دبرته لك..
ريم وهي مبسوطه:يسلمووووووووووووو زين سويت.............يلـــــــــــــه؟..
سليمان :شنو بعد يله؟..
ريم:لف عني ابي البس الشماغ..
سليمان:صد عن ريم ........وريم لبست الشماغ وتلثمت..وسفطت عبايتها والمريول وخبتهم..
لف عليها سليمان:احلى احلى حركات..
ريم : ماتلاحظ اني عطيتك وجه..
سليمان:هذا جزاي الحين..
ريم وهو كاسر خاطرها:لاموقصدي كذا..يعني لاتمون بزياده..

"رن جرس نهاية الفسحه ..وريم بدت علامات الخوف عليها"

سليمان:وش بتسوين الحين؟..
ريم:بدخل معاك الفصل وش اقعد اسوي هنا..
سليمان:يله مشينا للفصل...والله يعيناا..
"مشو ودخلوا الفصل..وكان الفصل فاضي شوي ..
ريم: وين بجلس فيه؟..
سليمان:اكيد بتجلسين ورى..
ريم: طيب اسمع قول لأصحابك اللي تعرفهم زين اني هنا..
سليمان: ناويه تفضحين نفسك انتي..
ريم:عشان يقدرون يساعدوني ويغطون علي..
سليمان: اوكيه انا راح ادبر كل شي وانتي تعالي اجلسي هنا .....وقبل ماتجلس ريم ..
قال واحد من الطلاب : سليمان من هذا اللي معك كأنه جديد..
سليمان يصرف: لاجديد ولا شي هذا واحد من اصحابي وده يحضر معاي ..تكفى نم وانت ساكت وخل اللقافه عنك..
ريم كان قلبها واقف من الخوف وخافت من الفضيحه..

"نادى سليمان اصحابه ...تركي وسعود ونواف "
&&&&&&&&&&&&&&&&&&&&&&&&&&&&&
خلوني اعرفكم عليهم..

"تركي...جميل الابعد درجه ملامحه حاده ملامح خليجيه عيونه وساع وكحيله وخشمه طويل سلت سيف ..وسكسوكته سوداء غامقه محليته زياده وجسمه روعه كان معضل شوي وهو انسان جرئ ومغازلجي بس قلبه طيب وحبوب"

"سعود مملوح .اسمر وحبوب وطيوب وهادي"

" اما نواف ابيض البشره دبدوب وهادي وحيوي(يستحي) ومرره طيب ومسالم"

&&&&&&&&&&&&&&&&&&&&&&&&&&&&&

العنود: تعالي شوفي واحمكي..
ريم طلت: هذا طلال..
جات رغد تطل: مشا الله عليه ..بسم الله عليه االله يحفظه..
طلال: فجر تعالي..
فجر وجهها يتقلب كل الالوان: انا ..
طلال وفيه الضحكه: ايه انتي اجل انا..
فجر: طيب جايه.."وراحت له"
طلال: فيصل يبي يشوفك..
فجر: انا ما ابي اشوفه..
طلال: هو على كيفك هذا من حقه..
فجر: طيب خايفه..
طلال: انا معك وفواز وابوي امشي بس انتي..
فجر مشت معاه وتحس قلبها قدامها يمشي من كثر ما يدق وتحس بحراره مو طبيعيه وريقها ناشف من الخوف ...
ودخلت المجلس ومشت اول خطوه ورفعت راسها شوي شافت فيصل واخونها وعلى طول نزلته..وصات تمشي وتحس ان مجلسهم صار كبير وانها مشت كثير وهي ما تحركت الا خطوتين..
طلال وهو جنبها: فجر تحركي ترى ما هي زفه..
فيصل من شاف فجر طالعها شوي بعدين هو استحى ومشاعره وخوفه ما يقل عن خوف فجر..
وبعده وصلت فجر وجلست جنب ابوها بحيث يكون فيصل مقابها على اليمين..
فجر: السـ سـلام عـ عليكم..
فيصل: وعليكم السلام..
وصاروا ساكتين..
طبعا البنات وما يخفى عليكم من اللقافه طلعوا برى في الحوش عشان يطالعون من الشباك ولا ن الشباك عاكس اللي برى يشوف اللي داخل بس الي داخل ما يشوفهم..كان الشباك عالي شوي واضطروا انهم يجبون كرسي ويرقون عليه..
رغد: انا الاولى..وطلت رغد وشافت فجر مستحيه وقامت تضحك..
العنود سحبت رغد وطلت..اول شي شافت طلال بعدين فجر بعدين دورت فيصل ما شافته لانه معطيها ظهره..
بعدها عبير سحبت العنود وطلت اول شي طلال بعدين فجر بعدين رجعت طلال وطولت..ريم ما تحملت تصبر طلعت معها في الكرسي وصاروا يطالعون والعنود ما استحملت هم يشوفون وهي لا قامت وطلعت معاهم فوق الكرسي..شوي واختل توازنهم وطاحوا الثلاثه على الارض وخبطوا خبطه اليمه لدرجه ان اللي داخل المجلس سمعوا..
ابو فواز: وش ذا صوته..
طلال: ما ادري..
فواز: قم شف..
فجر عرفت انهم البنات بس صارت تتوعد فيهم وبعدها قررت تطلع بدون ما تتكلم مع فيصل ولا كلمه لان فيصل بطبعه حيوي وفجر لو تموت ما تكلمت..
فجر: استأذن..
وطلعت..
طلال طلع يشوف وش اللي طاح..طلع شاف البنات طاحين والكرسي طايح وميتين ضحك..
طاحت عينه على عبير اول مره يشوفها بدون غطا لانها دايم تتحجب وبعض الاحيات تتلثم.. بس اليوم شافها كلها وبدون شي ..
العنود اول وحده انتبهت لطلال..
رغد كانت تضحك وبعدها سكتت وانحاشت وخلت الثلاثه طايحين..
عبير ميته من الفشيله وريم ما زالت تضحك ولا حست بأحد..
طلال كتف ايدينه وهو فيه الضحكه: كل هذا لقافه..
بعدها سكتت ريم شوي وبعدها رجعت تضحك من الفشيله وقامت بسرعه والبنات لحقوها..
طلال: الحمدلله والشكر مهبل واختي طالعه عليهم..
ودخلوا الصاله وتقابلوا مع فجر.
فجر: حسبي الله على بليسكم فشلتوني..
رغد ميته ضحك..
العنود: والله ما صبرت وكنا خايفين عليك فا حبينا نتطمن عليك..
ريم: وقلنا نوقف معاك في محنتك..
فجر: مشكورين وما تقصرون بس فشلتوني..
رغد توها تسكت: اووووووه.. يا بنت الحلال الولد والله ما درى عنك طول الوقت منزل راسه وانتي منزله راسك..
فجر: صدق كان منزل راسه.
العنود:ما رفعه ابد..
فجر ابتسمت: يا حلياه..
عبير: احلى احلى بدينا يا حليله اليوم ويا حبي له بكره..
فجر: عادي زوجي كيفي..
ريم: حلو؟؟
فجر: يجنن خيال يعذب..
العنود:لا البنت قلبت رومنسيه لهدرجه الارسال عند فيصل قوي..
عبير: شكلك فاتحه البلوتوث..
ريم: هههههههاي حلوه خطيره..
رغد: واستقبلته صح..
فجر: وبعدين معاكم وين اختي بس..
الا نوف جايه: هاه بشري تمام..
فجر:هذي الاخت ولا بلاش .. الحمدلله بس تفشلت ذولي المهبل كانوا يطلون علينا وطاحوا وابوي قال لطلال قم شف وان تفشلت ما عاد ادري وش اسوي وطلعت..
نوف: يا عمري والله ما تستاهلين بس كله من الملاقيف ..ما ادري متى تتوبون.
العنود: اذا صرتي مثلي وانا صرت مثلك ذيك الساعه عقلت..
ريم: اجل اذا حجت البقره على قرونها..
عبير: في هذي صادقه..العنود تصير مثل نوف ما تجي ابد..
رغد: ولا نوف تصير مثل العنود وعاد هذي ماتجي..
العنود: اقول بلا كلام فاضي امشوا خلونا نجلس ترى رجلي تألمني من الطيحه..
ريم: كله منك يا الدبى..
العنود: انتي حصلي جسمي بعدين تكلمي ..
عبير: اعصابك يا مريام فارس..
العنود: تصدقين عاد دايم البنات يقارنوني فيها بس اكيد مافيه وجه مقارنه انا احلى منها..
ريم: وربي وربي ما يناسبك الدلع..
العنود بعربجيه: وكذا يا ام الشباب..
ريم: ايه كذا تهبلين.. اقول خلونا نروح نجلس مع شجون..
رغد: تصدقون نسيتها..
ريم: حتى انا والله ما كأنها بنت خالتي..
البنات: يله..
راحوا البنات ونادوا شجون وطلعوا فوق..
الحريم اتفقوا انها تكون خطبه بس لحد ما تجي الاجازه اللي بين الفصلين يتملكون والعرس يحددونها بعدين..
وبعدها راح الكل على بيته..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
بيت ابو مشــــــــــاري
رغد: ايوه واتفقوا على كذا..
ام مشاري: زين احسن للبنت بعد يكون عندها اجازه العيد وبعدها اجازة اللي بين الفصلين..
ريم: ايه وعسى تلحق احس انه ما في وقت الاختبارات قربت وبيكون صعبه تلحق وحتى في الاجازه بعد يبلها وقت اكثر..
رغد: احسن شي تسافر وتتقضى من برى ترى يكون احسن واسرع واحلى..
ريم: يمكن كذا اسرع..
ام مشاري: الله يوفقها بس.
ريم ورغد: امين..
رغد: والله انهاا تنرحم اليوم خايفه بشكل مو طبيعي..
ريم: والعنود تزيد عليها..
ام مشاري: العنود الله يهديها معانديه..
رغد: في هذي صادقه ميه بالميه..
ام مشاري: عقبالكم ا نشا الله ونفرح فيكم..
رغد: انا توني صغيره..
ام مشاري: شوفي فجر بسم الله عليها اصغر منك ولا قالت شي.
رغد: يمه لاحقين على هالكلام..
ريم: بتتزوجين غصب ورى خشمك فاهمه..ماعندنا بنات يتدلعون الا انا ..
رغد: مالت عليك وعلى اللي بياخذك الحمدلله بياخذ وحده عقلها مفقود وحاطين اعلاناته بالجرايد..
ريم: بايخه لانك مقهوره..
رغد: الحمدلله وش انقهر عليه يا البزر..
ريم: المهم انا رايحه انام لان جسمي مكسر من الطيحه حسبي الله على ابليس العنود..
رغد: اشكالكم اليوم بصراحه تحففففففه..ياريت كان معي كاميرا كان صورتكم..
ام مشاري: وش طيحته؟؟
ريم ترقع: هاه...لا بس كنت جالسه على الكرسي جات العنود وطيحتني..
ام مشاري خافت: عسى ما عورك شي..
ريم توهقت: لا يمه ما فيني شي كنا نمزح بس نمزح..
ام مشاري: هالامور ما فيها مزح...
رغد: يمه لا تحاتين هذولا سكن ما يأثر فيهم..
ام مشاري: بسم الله علينا..
رغد: انا رايحه انام ..يمه تصبحين على خير..
ريم: وانا بعد تصبحين على خير...
ام مشاري: وانتوا من اهله.
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
فجر من يوم راحوا البنات وهي جالسه تفكر بفيصل وحست انها بدت تحبه وانها صارت تناظره بنظره غير عن قبل وبدت تحس انه زوج المستقبل وقعدت تفكر بالتجهيز ووين راح تجهز وخصوصا بعد ما اقترحت عليها رغد انها تجهز يا في جده او دبي ونامت هي مقرره وين راح تروح..

فيصل الدنيا مو سايعته من الفرحه يحس انه شوي ويطير.وما بعد صدق انه خلاص راح يتزوج فجر وقعد يتذكر وجهها وهي تدخل عليه صحيح كانت نظره بس اكفت فيصل في انه يحفظها عن ظهر قلب..
@@@@@@@@@@@@@@@@@@@@@@@@@@@@@@@@@
" نـــــــــهــــــــــــــــايــــــــة الـــــــــبـــــــــــــــــــــــارت "

الجــــــــــــــــزء الواحـــد والعشــرون
يوم السبت
في مدرســـــة العيال..
سليمان:تروك دريت باللي صار..
تركي: لا ..وش صار..
سليمان: ما عندك خبر ان فيصل خطب..
تركي: مشا الله خطب!!
سليمان حب يلعب بأعصابه:بس يا تركي انت ما تدري من اللي خطبها صح..باين عليك..
تركي خاف:لا ...مين...بسرعه تكلم؟؟
سليمان:مثل ما انت عارف ان اهلها اكيد راح يوافقون عليه وانه هو اولى من الغريب وما راح يردونه لو أيش..وخصوصا ولاحظ خصوصا ان فيصل والنعم فيه ما ينعاف..
تركي بعصبيه: تراك حرقت اعصابي..
سليمان بكل برود: طفها.
تركي وصلت معه ومسك سليمان من ثوبه: بتتكلم ولا شلون..
سليمان: خلاص خلاص بتكلم بس فكني..
تركي ترك سليمان: أنطق بسرعه..
سليمان: لهدرجه تخلي بنت تفرق بينا..بصراحه ما توقعت اني رخيص عندك لهدرجه..
تركي حس ان عيونه بتطلع منها نار:سليمان لا تخلي اليوم اخر يوم بحياتك..
سليمان: يعني من بتكون واضحه..فيصل كان واضح عليه انه يحب فجر..
تركي هدى وحس انه خلااااص ارتاح: فجر!!
سليمان: ايه ما لاحظت فيصل كيف يطالع فجر وفجر ساحبه عليه<<مسكين هالفيصل كل الناس حسوا الا هي..
تركي: الا صادق ..والله يستاهل فصول..
سليمان: فصول..هو اصغر عيالك..
شوي واكتملت الشله..
نواف: هلا بالشباب وينكم تعبنا وانا ندور عليكم..
تركي: يا اخي احس ان في مخك وش ..يسأل وينكم واحنا قدامه..
سعود: تركي يا الله صباح خير وش فيك علينا.
تركي: كيفي كارهكم ..ما اشتهي اصبح بوجيهكم..والله حاله..
سليمان: تروك وش فيك عيهم ..صح انهم ثقلين دم وما ينبلعون بس عادي اضغط على نفسك..
نواف: سعود ما تحس ان تهزئنا كثير..
سعود: الا ملاحظ ..خلنا نمشي بكرامتنا احسن..
تركي: اوقل اقعدوا بلا دلع ..نمزح والله نمزح..
نواف: اهم شي انك داري ان زعلنا لا يطاق..
تركي: والله اللي اعرفه ان وجهك لا يطاق قم قم لا بارك الله فيك..
سليمان: تركي تصدق ذكرتني بالشياب ايام الشاليه..
تركي: والله صدق ايام بصراحه شي..
نواف: والله من النذاله رحتوا ولا اخذتونا معاكم..
سعود: صدق من جد ليش ما اخذتونا معاكم..
سليمان: انا والله صديقي مشاري عازمني..
تركي: والله انا اختي عازمتها صديقتها اللي هي اخت صديقي مشاري اللي هي اخت هذيك اللي جات في المدرسه..
سليمان دف تركي دفه لما بغى يطيح منها بس مسكه نواف..
سعود: الحين انتوا راحيين مع اهل البنت..
نواف: مع ذيك المزيونه ولا قلتوا لنا..
سليمان من حقده على تركي لانه قالهم قام وطا رجله ودفه وهو واطي رجله عشان اذا طاح يعوره ظهره بس تركي طلع ذكي وتمسك فيه..
سليمان وهو معصب: وش نقول لكم تعالوا معنا صعبه..
تركي: خلاص حبايبي المره الثانيه..
سعود: صح يعني اخت البنت تطلع صديقة اختك..
نواف: ايه حتى اختها مزيووووونه..
تركي طلع له قرون..مسكهم من رقبتهم ودفهم: ممكن تمشون وانتوا ساكتين..
سليمان ميت ضحك: احسن تستاهل..شف شف يتكلمون عن حرمتك وانت ساكت.ازواج اخر زمن..
تركي مشى عنهم وراح..
نواف: وش فيه هذا..
سعود: ما عليك منه تراه قاضي ومنتهي..
سليمان: بس لو قعد هذا القاضي كان ذبحكم..
نواف: ليش ما سوينا له شي..
سليمان: امشوا امشوا ترى علينا فيزيا النشبه..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
مرت الايام بسرعه وما بقى على الاختبارات الا اسبوعين..اللي هي اسبوعين المراجعه..
رغد والهونف وتركي وسليمان كلهم غايبين اسبوعين عشان الاختبارات..
اما ريم فهي فالتها يوم تروح المدرسه ويوم تغيب ولا همها لا مذاكره ولا غيره لانها تمشي تحت قوانين اللي طلعتها العنود فا ما يحتاج تعب عمرها..
العنود نفس الحاله طول الايام غايبه الا اذا صديقاتها اعزموها عزيمه على المدرسه راحت وبالقوه بعد..
عبير في الجامعه فا اختبارتها كل يومين في الاسبوع او يوم واحد..واهم شي عندها انها تخلص قبلهم وتقهرهم..
نوف وشجون شادين حيلهم شوي خايفين يرسبون وبعدها ما راح يكون فيه سفره..
فجر مسكينه مره تذاكر ومره تفكر ومحتاره وتحس ودها تحول انتساب (منازل)بس نوف قالت لها ما يحتاج ياما بنات درسوا وحملوا وهم يدرسون وما حولوا انتساب واقتنعت بالفكره وصارت تذاكر على اساس تنجح لو بدرجه وحده..
العيال اللي بالجامعه وليد وطلال ومشاري فالينها على الاخر لانهم عارفين انهم راح يحملون المواد عشان دكاترتهم حاقدين عليهم ومستحيل ينجحونهم..
مشعل ما ننساه كان يذاكر والمسكين شاد حيله عشان بلاي ستيشن3..تجي لين عنده..مشعل ما فهمت هذا ويشرحه لها تروح..بعدين ترجع مره ثانيه وهكذا ..لما عصب منها وراح لامه قالها تدرسها بس بدون ماتقول لها انه هو اللي قايله وراحت ام مشاري وخذت لين ودرستها وصات فاهمه بس كذا تبي مشعل..
وخلصت الاسبوعين سريعه على ناس وبطيئه على ناس ودخلوا جو الاختبارات وكان بكره اول يوم..
ريم فكرت انه ترسل لسيلمان مسج..بس كانت متردده..واتوكلت على الله وارسلت له..
اهلين سليمان..
ا نشا الله شاد حيلك عشان تجيب نسبه ترفع راس امك فيها وراسنا<<تقصد نفسها..
واهم شي لا تضغط على عمرك ونام كويس عشان تعرف تحل زين وسم بالله قبل كل شي..
رورو..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
سليمان وصله المسج وقراه بس ما صدق عمره قراه مره مرتين وثلاث واربع ويقرى الاسم رورو ..طار من الفرحه وقعد ينطط وينطط ودخل عليه اخوه محمد..
محمد: اقول سلميــــــــــ
سليمان فرحان ويده فيها الموبايل وينطط وعايش الجو..
محمد: لالا الولد اثرت عليه ثالث والمعادلات..
وقعد يطالعه وهومطير عيونه اول مره يشوف واحد من الخوف فرحان..
التفت عليه سليمان وشافه انصدم وتفشل..
سليمان: محمد انت هنا..؟؟؟؟؟
محمد: الحمدلله والشكر وش فيك..سليمان كم هذا"ورفع له اصبعين السبابه"
سليمان: تستهبل 2..
محمد: اشوا ما طارت المعلومات..
سليمان: عصب: وش تبي الحين؟؟
محمد: كنت جاي اتطمن عليك لكن الحين تأكدت ان عقلك ما عاد نقدر نلحق عليه لانه طار....
سليمان: اقول ما ودك تنقلع برى..
محمد: بنقلع بس بسألك سؤال..

سليمان: اخلص..
محمد: وش اللي فرحك..نجحت قبل لا تختبر..
سليمان نسى نفسه: شي احسن من النجاح..
محمد حس ان اخوه بيخق عنده كل شي: وشو يا قلبي اللي احسن من النجاح
سليمان: اللي احسن من النجاح ان مسج يجيك من رو..........."وانتبه لعمره" انت للحين ما طلعت..
محمد: من هي؟؟خويتك قل قل انك تكلم بنات ومسوي نفسك عاقل..
سليمان يصرف: اصلا كنت اقول رويشد..
محمد يستهبل: صح صح رويشد ذاك اللي..عرفته عرفته..
سليمان: ما دامك عرفتاه اطلع برى..
محمد: بس شكل رويشدك شي..شكله عذاااب..
سليمان دف محمد وطلعه برى ورجع يقرى المسج..وقرر يرسل لها..
معزتك عندي ترى مالها نوع..
ومكانتك بالقلب ماحد لقاها..
وغلاك بالقلب صار مزوروع..
حتى المشاعر ترجمتلك غلاها..
وانا وقلبي والاحاسيس له طوع..
والروح لو راحت من اجلك فداها..
تصدقين رورو مسجك هذا رفع من معنوياتي وانشا الله اجيب نسبه حلوه لخاطر عيونك وانتي كمان شدي حيلك...سلوم على قولتك..
ريم وصلها مسج سليمان وفرحت فيه فرح مو طبيعي بعكس الاول..لان الاول ما كانت تدري انه يحبها لكن الحين الوضع تغير وغير هذا كله عرفت سليمان زين بالفتره اللي راحت انه مو راعي حركات..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
يوم السبــــــــــت
كان رعب على كل طالب وطالبه ..نشوفهم واحد واحد..
رغد كانت رايحه جايه ..جايه رايحه..
ريم: رغد اقعدي في مكان ترى راسي عورني..خليني اذاكر..
رغد وهي تقرى المعوذات عشان تهدى:خايفه والله خايفه..
دخلت ام مشاري: هاه خلصتوا عشان السايق ينطركم برى..
رغد: يمه ما راح اختبر خلاص هونت..
ام مشاري حست في بنتها: يمه وش خايفه منه تراها اسئلة مدرسات مو وزاره عشات تخافين وان شا الله بتكون سهله..
رغد تطمنت شوي: ا نشا الله..انشا الله..
ريم: انا نازله لا تتأخرين..
ونزلوا كلهم وركبوا السياره ورغد تدعي ان الله يذكرها بالمعلومات ويطمن قلبها..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
الهنوف كانت حايسه البيت فوق تحت: يمه وين الملزمه وقلمي الازرق ووين العبايه..
كان كل شي قدامها بس من الخوف ما تشوف شي.
ام تركي: شوفيهم قدامك..
الهنوف: ايه صح ما شفتها..طيب وين تركي...
تركي وهويراجع رياضيات: شوفيني قدامك يله بسرعه..
وركبت الهنوف مع تركي..
الهنوف: يا رب يا رب...خليني اتصل على رغد تطمن قلبي قبل الاختبار..
تركي سمع اسم رغد حس ان المعلومات طارت وما بقى الا رغد..
الهنوف: الوو.
رغد في السياره: هلا والله..
الهنوف: قلبي والله اني خايفه..
رغد: وانا اكثر منك بس انشا االله كل شي تمام..
ريم: بصراحه احس انكم تبالغون..
رغد: انتي اسكتي ماحد كلمك..
الهنوف: اسمعي خليك عند الباب اوكي..
رغد: اوكي..
تركي: هاه وش اخبارها..
الهنوف: بخير بس خايفه..
تركي: الله يهداها...وهذا وانتم ادبي وخايفيين اجل حنا وش نقول..
الهنوف: اول شي قل لا اله الا الله..ثاني شي محد ضربكم على ايديكم وقال لكم ادخلوا علمي..
تركي: المهم اذا طلعتي طمنيني عليكم..
الهنوف تستهبل: عليكم..مين..مافي الا انا مين الثاني..
تركي: بلا عباطه المهم لا تنسين..
الهوف: ابشر<<نست الاختبار..
تركي يبي يخوفها: ذاكري.. ذاكري بسرعه لا يفوتك الوقت يا غبيه..
الهنوف بروعه: صح صح "وقعدت تذاكر"
وتركي ميت ضحك:صدقت المخفه..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
عبير نايمه وما عندها شي.. والعنود لاهيه تحط كحل وجلوس وتزين شعرها وتعدل شكلها ..وتلبس اساور وبعدها الحلق..
دخات ام ماجد: هاه العنود ما خلصتي مراجعه ..
العنود: هاه مراجعه..الا الا خلصت من زمان..
ام ماجد: بسم الله عليك لا تعلمين احد اخاف يصكك بعين..
العنود: ابشري من عيوني ونزلت...وراحت للمدرسه وهي مستعده بكومه من البراشيم ملزقتها في اكمامها من داخل وفي اماكن اخرى..
نوف وفجر كانوا خايفين بس كل وحده تهدي الثانيه..وفجر ما خلت من البراشيم طبعا من تعاليم ودروس العنود الراس المدبر..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
شجون مسكينه ما عندها احد فكانت شابكه السماعات وهي وصديقاتها تسألهم ويسألونها وتشرح لهم ويشرحون لها..
سليمان يراجع وهوخايف بس يحس بفرحه من بعد مسج ريم.
دخل الكل قاعته وبدوا يحلون....الثلاثي ريم والعنود وفجر في البراشيم الحلول...والباقي يدورونها في عقولهم..
وخلصت الفتره الاولى رغد والهنوف مبسوطات كانت الاسئله مره سهله غير التغشيش من الطالبات.صح ان ما كان ودهم بس غصب عليهم..
سليمان و تركي حلّو وانشالله يكون صح لان العلمي كل واحد عنده اجابه فما كانوا يعرفون وش الصح من الغلط..
نوف وشجون حلّو وكان حلهم ما عليه..
ريم الحمدلله طلعت سليمه وكمان فجر بس العنود بغت تروح فيها وتنكشف بس ربي ستر وعدّت وطلعت مبسوطه لان كل البراشيم كانت نفس الاسئله<<خبره..
مشعل ومحمد كمان حلّوزين..
واخيرا لين اللي كانت تصيح في القاعه وتقول ابي مشعل..صح معلماتها بغوا يصفقونها بس سكتوا وعدوها وعلومها وطلعوها..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
عدى اول يوم في الاختبارات وتبعه الاسبوع الاول ونص الاسبوع الثاني وباقي ثلاث ايام..
بيت ابو مشاري
ريم: بابا ما قلت انا وش نجاحتنا؟؟
ابو مشاري: اذا شفت درجات ترفع الراس لكم اللي تبون..
رغد: بابا نبي نسافر..
ريم: نبي نروح دبي..
مشعل: والله دبي حلوه..
مشاري:وانا من المؤيدين للموضوع..
ابو مشاري:مدام الكل راضي نسافر ليش لا ..بس بشرط الدرجات الزينه..
ريم ورغد يبسون راس ابوهم..:الله يخليك يبه ولا يحرمنا منك..
ريم :اجل بروح اقول للعنود..
رغد: بسم الله الرحمن الرحيم تو من شوي ابوي قايله على طول تروحين تقولين لهم ..اصبري دقيقه وحده مو ساعه دقيقه..
ريم: خلال بربرتك هاذي طافت دقيقه ..بروح اكلمها..
اتصلت ريم على العنود..
ريم: الووو..
وليد: الووو..
ريم: وانت مافي غيرك يرد عل التليفون..
وليد: بسم الله هذي انتي على بالي زينة البنات..
ريم: اخلص وين ريم..
وليد: وش تبين فيها ؟؟؟
ريم:اقول بسرعه عندي موضوع ضروري..
وليد: العنود تذاكر..
ريم: كذاب العنود تذاكر العب غيرها..
وليد: عاد انتي لا تفهميني غلط يعني تبرشم..
ريم: قل كذا اصدقك طيب روح نادها..
وليد: طيب قولي لي وش تبين فيها وبعدين اعطيك ايها..
ريم: يا لليل ما اطولك..وبعدين..
وليد: ولا قبلين مافي يعني مافي وش بتسوين..
الا العنود جايه:وليد من تكلم؟؟
وليد ارتبك: هذي ..هذي..
العنود: بنت..قاعد تكلم صديقاتي.....يمه ..يمـــــــه..يمـــــــــــــــــه..
وليد : اسكتي اسكتي خلاص خلاص يا ام لسانين..
العنود: يمــه..يمــه..
وليد حط يده على فمها: اقولك اسكتي..
العنود توخر ايده: وووع وخر ايدك مالحه...
وخرها وليد: وجع يا طول لسانها ذا الدبى..
العنود: ترى بنادي امي..
وليد: اوووف اطلع احسن لي..
العنود: يكون احسن..
خذت العنود السماعه: الووو..
ريم: اهلين وينك..
العنود:قعدت احل مع وليد القضيه اللي بيني وبينه..
ريم: اخوك هذا لا عاد يرد على التليفون سامعه..
العنود: طيب وش اسوي فيه من يوم يشوف رقم بيتكم يحلف انه ما يرد الا هو..
ريم: المهم ما علينا منه ..عندي لك خبر بكنوز الدنيا..
العنود: وشو انخطبتي..
ريم: لا وش انخطب..
العنود: لا ذا الايام موضه..
ريم: عندي شي احسن من الخطبه..
العنود تحمست: قولي يله بسرعه.
ريم: بنسافر لدبي..
العنود: كذااااااااااااااااااااااابه..
ريم: والله تو ابوي من شوي قايله..
العنود: الله يبشرك بالخير..
ريم: بس شارط درجات زينه..
العنود: انشا الله درجاتنا زينه..
ريم: ان شالله بس اسمعي انشبي في ابوك لما يوافق سامعه..
العنود: اكيد مدام ابوك وافق ابوي مع ابوك..
ريم: اجل يله مع السلامه خليني اتصل على فجر..
العنود: اوكي باي.
سكرت ريم من العنود وبعدها قعدت تدق رقم بيت فجر..
رغد: من بتكلمين بعد..؟
ريم: ابكلم فجر ما يصير ما نقول لهم بعدين يزعلون..
رغد: والله من اللقافه انتي وياهم.
ريم: الووووو..
طلال: الووو
ريم في نفسها"وش في هالعيال متسلطين علي"
طلال: الووو..
ريم: هلا واالله كيفك طلال..
طلال: مين...ريم ..الحمد لله بخير وشلونكم..
ريم: الحمدلله..طلال ممكن فجر..
طلال: ليش في شي..
ريم: لا سلامتك بس ابيها شوي.
طلال: الحين فجر عروس ما يصلح تكلم أي احد..
ريم"لا صدق اليوم متسلطين علي":طلال ممكن فجر بس خمس دقايق..
طلال: طيب قولي لي وانا اقول لها..
ريم: يا اخي ما يصلح كلام بنات..
طلال: اها...طيب خليني افكر..
فجر: طلال من على التليفون..
طلال: هذي ريم تبيني في سالفه..
ريم: اه يا الكذاب نادها بسرعه..

فجر:يا نصبك ريم تبيك في سالفه اقول هات السماعه..
طلال: خذي جعل اذنيك تخفس..
فجر: الاذنين تفقع مو تخفس ..العيون تخفس يا الغبي..
طلال قعد جنب فجر عشان يسمع: كلمي كلمي وانتي ساكته..
ريم: الووو.
فجر: هلا والله معليش النشبه ما يخليني اكلم احد يقول عروس..
ريم: وليش العروس محكوم عليها بالاعدام..
فجر: ايه ما عليك منه امري وش بغيتي..
ريم: ايه عندي لك خبر يسوى فيصل زوجك كله..
فجر: مسكينه وش اللي يسوى فيصل..
ريم: بنسافر لدبي..
فجر: بس هذا اللي عندك اصلا انا ناويه اسافر عشان اتجهز من هناك..
ريم: صدق اجل وناااسه..
فجر: وخالي ابو ماجد بيرحون.
ريم: اكيد هم معنا..
فجر: حلو اجل بيطلع فله..
طلال قاطعهم: والله صدق فله..
فجر لفت عليه: انت هنا!!
طلال:لا هناك..
فجر: ريم خلاص مع السلامه..
ريم: مع السلامه..
فجر: ما تلاحظ نفسك انك منغص علي عيشتي حاشر نفسك في كل شي..
طلال: اختي واخاف عليها من نسمة الهوا..
فجر: أي واضح..اقوم اذاكر ابرك لي..
ريم سكرت من فجر وحطت السماعه وبعدها ذكرت شجون واخذت السماعه واتصلت عليها..
رغد: بعد من بقى ما علمتيه اشك ان الرياض كلها درت وانهم شوي يقولونه في الاخبار..
ريم:وانتي وش عليك اقول اسكتي رن..
ريم: الوو..
فيصل:هلا..
ريم"لا كملت":اهلين فيصل اخبارك..
فيصل: ريم هلا والله ..الحمدلله بخير وشلون خالتي..
ريم: الحمد لله كلنا بخير الا ممكن تعطيني شجون..
فيصل: شجون الحين مشغوله شوي..
ريم: طيب بس خمس دقايق..
فيصل: خمس دقايق!!!الا ما قلتي لي وش اخبار عمك وعمتك بخير..
ريم فهمت عليه: والله كلهم بخير ويسلمون عليك وذبحونا فيك..
فيصل انبسط: هههه ثواني وشجون عندك وكلميها ساعه اذا بغيتي..
ريم: هههه والله هالناس مصالح...
رغد: مين..
ريم: بعدين ..بعدين..الووو..
شجون: هلا واالله وغلا حيا الله هالصوت..
ريم: الله يحيك وش اخبارك..
شجون: الحمدلله بخير وش عندك متصله..
ريم: والله عندي خبر يسوى كريماتك كلها..
شجون: ما اظن ان في شي يسواها بس وشو..
ريم: ولا بدال هذي اللي عندك بتاخذين دبلهم..
شجون تحمست: ايه وشو..
ريم بنسافر لدبي..
شجون: احلفي ما اصدق...
ريم: والله ما اكذب تجهزي بس..
شجون: صدق طيب قلتي لعمك وعمتك..
ريم: ايوه اكيد..
شجون: اجل بيطلع وناسه..
ريم: المهم انشبي في امك..
شجون: ما يحتاج اذا امك بتروح امي رايحه رايحه.. وفيصل اذا عرف ان عمتك بيرحون طاير معنا..
ريم: اجل ما اطول عليك وسلمي لي على خالتي.
شجون: يوصل وسلمي على خالتي بعد..
ريم: يوصل مع السلامه...
شجون: مع السلامه..
فيصل: بيرحون لدبي..؟
شجون: انت هنا..ايه بنروح كلنا هناك..والله وناسه واقعد مع نوف فله..
فيصل: وفجر ليش ما تقعدين معها..
شجون: اقعد معها بس نوف نفس شخصيتي..
فيصل: اجل ربي رحمني ان زوجتي ماهي مثلك..
شجون: ايه بس انت حصل وحده مثلي..
ريم سكرت السماعه وقعدت تتذكر من بقى ما قالت له:اقول رغد..
رغد: خير؟ما خلصتي جولتك..
ريم: لا باقي..
رغد: ليه من بقى؟؟
ريم: باقي الهنوف ومها وهذولا اهم شي..
رغد: صادقه انا بدون صديقتي ما اعيش..
ريم حتى انا بدون مها ما اعيش...
رغد: عاد انتي كثري منها..
ريم: المهم بتكلمين الهنوف ولا انا اكلمها..
رغد: انتي اتصلي عليها واذا ردت عليك عطيني ايها..
ريم: طيب"واتصلت"
رغد: حافظه رقمهم..
ريم: اكيد عشان الضروره..
رغد: والله من اللقافه..
ريم:الووو..
تركي: هلا والله وغلا<<يحسبها رغد..
ريم: اهلين..
تركي عرف الصوت وقال من دون نفس:هلا..
ريم:" وش فيهم علي كلهم كأني ماكله حلالهم":لو سمحت ممكن الهنوف..
تركي: انا اعرف ان الهنوف صديقه رغد مو صديقتك.
ريم: انا واختي واحد بسرعه نادها..
تركي: وليش رغد ما اتصلت على صديقتها..
ريم: وانت وش عليك..
تركي: اسأل..
ريم تبي تصرفه: رغد تعبانه..
رغد كانت تطالعها وميته قهر انها ما تصلت هي..
تركي: سلامات وش فيها.
ريم: راسها يعورها وبطنها وتبي الهنوف عشان تسألها عن الامتحان بس صوتها رايح وأذنها ما تسمع منها وعيونها ما تشوف فا قلت اتصل انا احسن..
تركي كسرت خاطره رغد: مشا االله كل هذا فيها لايكون نفس اقروا عليها..
ريم وفيها الضحكه: شكلها عين ما صلت على النبي بس ممكن تعطيني الهنوف ..
تركي: ثواني وهي جايه..
ريم: اوووف هالعله..
رغد: جعل كل اللي قلتيه فيك ان شالله وش فيك تفاولين علي..
ريم: اسكتي اسكتي بعدين اقولك..
رغد: كل ما قلت لها شي قالت بعدين..
الهنوف وهي مرتاعه: الوو هلا وش فيها رغد عسى ما شر..عسى ماهي تعبانه مررره..
ريم: ما فيها الا العافيه بس اخوك نشبه مالقيت حل احسن من هذا..
الهنوف: اشوى طمنتيني..امري في شي..
ريم كانت بتعطي السماعه رغد بس هونت:كنت بقولك خبر يسوى روعتك ويقلبها فرحه..
الهنوف:بشري..
ريم: بنسافر دبي..
الهنوف: صدق!! احلفي..
ريم: والله وما اوصيك خلك عود في بلعوم امك لما توافق..
الهنوف: ولا يهمك ولا توصين حريص من الحين بنشب لما استلم الموافقه..
ريم: اوكيه بااي,,
الهنوف:باااي..
تركي: هاه وش صار فيها..
الهنوف: ما فيها شي بس بطنها يعورها شوي<<خافت بعصب..
تركي: طيب وش فيك فرحانه ولا شمتانه في صديقتك..
الهنوف: وش فيك انت كذا انا فرحانه لانهم بيسافرون دبي وانشا الله حنا وراهم..
تركي: صدق والله فله بس ما توقع امي بتوافق..
الهنوف: اذا انا وياك عليها بتوافق..
تركي: اجل يله قومي..
الهنوف: يله..
سكرت ريم السماعه وقعدت تفكر..
رغد: وانتي ما تعبتي من كثر ما تكلمين..
ريم: لا بس باقي شخص وهو اهم شي..
رغد: مين...
ريم: سليمان اقصد مها..
رغد: قولي كذا من زمان عشان بعدها تقولين لي وش صار في كل مكالمه لاني كل ما قلت لك شي قلتي بعدين..
ريم: طيب طيب..
وشالت السماعه وتمنت هالمره يرد سليمان مثل اللي قبل واتصلت.
ريم: الووو..
محمد: الوو.
ريم"اووووف":ممكن مها..
محمد: من اقول لها..
ريم: قل لها ريم..
محمد: اول مره اسمع هالاسم..
ريم: طيب هذا انت سمعته روح نادها..
محمد: اها عرفتك انت اللي كنتوا معنا بالشاليه..
ريم: عليك نور يله رح نادها..
محمد: لا احنا مطفين النور من شغله..
ريم: يا رببييييه على هاليوم روح نادها بسرعه يا اخوي تراني تعبانه من جد ارحمني..
محمد في نفسه "وش فيها هذي":طيب الحين مها مشغوله..
ريم: ادري قلها خمس دقايق..
محمد: واذا طولتي.
ريم: سكر السماعه في وجهي..
محمد: الا بسألك وش اخبار اخوك مشعل..
ريم: اخباره الساعه تسع شفها..
محمد:تنكتين حضرتك..
ريم:لا ما نكت استظرف..
محمد:اجل مها من المستحيلات..
ريم: محمد لو سمحت نادها ابيها في شي ضروري فيه حياة او موت..
محمد:لا وش الشي وبعدين اناديها..
ريم"اليوم ما راح يعدي على خير":اسمع انا بقول لها بعدين تقول لك وش رايك حمود..بسرعه نادها بأعد لك واحد واثنين...
محمد:ليه اصغر عيالك..
ريم: انت ما بعد رحت ياربيه ترى صدق بأصيح والله تعبت روح نادها..
سليمان: محمد من تكلم وناشب في حلقه..
محمد: هذي ريم صديقة مها..
سليمان: ريم وناشب لها هات السماعه..
محمد: نعم نعم وش هات السماعه خل السماعه بأروح انادي مها واجي سامع..
ريم من يوم سمعت صوت سليمان وعاشت جوو...
سليمان كان يناظر السماعه ووده يرفعها بس خاف محمد يفتن ويتنيذل عليه..
جات مها:الوووو...الوووو..
ريم: هلا هلا والله كيفك وش اخبارك واخبار الوالده..
مها: الحمد لله كلنا بخير وش اخبارك انتي..
ريم: الحمد لله بخير..حبيت اقولك ان بروح لدبي في الاجازه واني متمنيه من كل قلبي انكم تكونون معانا وش رايك..
مها:دبي من راح يفوتها ا نشا الله اشاور امي وارد لك وهي واعدتنا بسفره..
ريم: المهم ما اوصيك ما اوصيك لازم لااااازم تكنون معنا..
مها: بأذن الله ما في شي بيمنعنا..
ريم: سلمي لي على اللي عندك..
مها: يوصل..
ريم: مع السلامه..
مها: مع السلامه..
سليمان: من هذي<<يتميلح الاخ..
مها: هذي ريم اخت مشاري..
سليمان: اها وش عندها..
مها: تقول انهم بيرحون دبي وتبغانا معاهم..
سليمان:فديتها والله.
مها بصدمه: من هي؟؟؟
سليمان يصرف: هاه...دبي ايه دبي..
مها: ايه..
سليمان: ولا يهمكم انا اللي راح اوديكم انشا الله بس ناخذ شور امي..
مها: تسلم والله يا اخوي هذا الاخو ولا بلاش...
ريم من يوم سكرت السماعه وهي في عالم ثاني..
رغد: ريم ريم وين وصلتي انشا الله في السينما وهو جنبك..
ريم: ههههههه تصدقين ماهي شينه..
رغد: يله تعالي قولي لي كل اللي صار..
وقعدت ريم زين وقامت تسولف..
كل العوائل اخذت الموافقه وقرروا يسافرون.. بس فيه شي لازم يصير قبل السفر..
ام فوازتكلم:انا اقول الملكه قبل السفر..
ام فيصل: ونعم الراي..
ام فواز: اجل بكره.
ام فيصل: شورك وهداية الله..
وقرروا ان بكره ملكة فجر على فيصل اللي هو يوم الاربعاء اخر يوم من ايام الاختبارات..
فجر معصبه: على كيفكم طيب خليتوه يوم الخميس..
ام فواز: نسيتي دبي يوم الجمعه والخميس تستعدين لها..
فجر: طيب احس اني ما استعديت..
ام فواز: عندك من اليوم لما بكره العصر استعدي..
نوف: فجر هونيها وتهون عادي تراها ملكه..
فجر: اكيد بيتنادون العائله كلها صح..
ام فواز: انهبلتي اكيد كلهم بيحضرون ملكتك ولا وش رايك..
فجر: طيب ما عندي لبس..
ام فواز: فجر انتي وش فيك تدورين عذر..الحين اخلي طلال ولا فواز يوديك..
فجروفيها العبره: يا ربييييييه...
ام فواز: وش فيها اختك..
نوف: يمه من حقها خايفه ومتوتره..
ام فواز: روحي معها واشتروا اللي تبون و الله الله بالشي الزين..
نوف: افا ما تثقين بذوق نوف..
ام فواز: الا انا ما اثق الا فيك..
&&&&&&&&&&&&&&&&&&&&&&&&&&&&&
ريم: بكره ملكة فجر..؟؟؟
العنود: ايه وش اقولك من الصبح..
ريم: طيب انتي عندك لبس..
العنود: لا والله وش رايك نروح السوق حتى عبير ما عندها..
ريم: حتى رغد..بصراحه ما توقعتها قبل السفر..
العنود: اجل يا الغبيه وشلون يعطونها المهر وهي ما تملكت..
ريم: صح نسيت..
العنود: يله تعالي مرينا مع السواق..
ريم: طيب مع السلامه..
العنود:مع السلامه..
ريم: رغد يله البسي بنروح السوق باقول لامي.
رغد: بسرعه عشان يمدينا..
وبعدها خذوا الموافقه من امهم وراحوا بيت عمهم واخذوهم وطلعوا للسوق..
وهم ماشين في السوق..
العنودوقفت في مكانها وجنبها عبير..
رغد وريم لفوا عليهم:خير وش فيكم..
عبير: مو هذا طلال واللي معه نوف وفجر.
العنود: الا ...الا..
رغد: والله صدق هم..بروح اسلم عليهم..
ريم: وانا جايه معك..
عبير والعنود ميتين على طلال اللي لابس برمودا بيج وتيشرت بني مبين جسمه وشعره الاسود مسويه سبايكي والساعه والشوز السبورت طالع شي خطيييير...
رغد: هلا والله نوف وفجر..
نوف: هلا والله رغوده..
فجر: اهلين..
ريم: هلا والله ببنات عمتي وبالعروسه خصوصا اللي بكره ملكتها..
فجر: واللي يخليك لا تذكريني خليني الهى شوي..
رغد:ا هلين طلال وشلونك..
طلال: الحمد لله بخير..
ريم تناظر طلال بحقد:اهلين طلال..
طلال يبادلها نفس النظرات وكان في نفس الوقت كاتم الضحكه :أهلين ريم وشلونك
ريم : بخير ما دامك بعيد عني
طلال : أفااا وش جايك مني
ريم : سلامتك ما جاء منك إلا كل الشر
فجر :خلاص انتوا والله ماني ناقصه..الا وين عبير والعنود ما جوا معاكم؟
رغد: الا والله وينهم ..هم جايين معانا.
ولفوا عليهم لقوهم مطيرين عيونهم في شي بس ما عرفوا وش هذا الشي..
طلال كان يطالعهم وحس انهم يطالعونه بس بعدّ هالافكار من راسه..
رغد راحت لهم: العنود ..عبير خير وش فيكم واقفين..
العنود: هاه ابد سلامتك بس قلبي يعورني شوي..
عبير: انا مو قلبي بس كل جسمي..احس اني بموت في مكاني..
رغد اللي ما فهمت شي: يله امشوا بس البنات يسألون عنكم فشلتونا قدام طلال..بالله مطيرين عيونكم في مين..
العنود انتبهت ان عبير معاها وتطالع اللي تطالعه على طول لفت عليها تبي تتأكد من تطالع..بس يوم لفت لقت عبير تطالع رغد..
عبير: شفت واحد مزيون مر من عندكم..اقول يله مشينا..
العنود ناغزها قلبها بس ما عطت الموضوع اهميه وراحوا عند البنات..وسلموا عليهم..
العنود: اهلين طلال كيفك بشرني عنك..
البنات يطالعون العنود وهي منزله عيونها ومستغربين اكثر من اسلوبها..
طلال: الحمدلله بخير ما دامك بخير..وانتي يا عبير وشلونك..
عبير: انا بخير تسلم..
العنود لفت على عبير وبعدها على طلال"مو لازم اضعف اذا شفته..مولازم يحسون فيني":اقول ترى ما تنعطون وجه يله كل وحده تدور لها لبس تلبسه..وانتي ما لقيتي تحطين ملكتك الا بكره ضاقت يعني ولا ايش...
البنات طيروا عيونهم اكثر من تغير اسلوبها فجأه وحسوا انها رجعت لطبيعتها اللي تعودوا عليها..
رغد: يله يا بنات تفرقوا كل وحده تروح لجهه واللي تلقى شي يناسب الثانيه تتصل عليها اوكي..
البنات: اوكي"وافترقوا"
ماطلعوا من السوق الا الساعه عشره وهم من العصر رايحين..
رجعت كل وحده على بيتها..
صح ان العنود اصرت على ريم تنام عندهم بس ريم قالت بكره اذا طلعت من المدرسه راح تروح عندهم او هم يجونها..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
يـــــوم الاربعــــــــاء
هو يوم فرح كل العائله الا وحده ..اللي هي فجر كان يوم خوف ورعب وتوتر وعلى اعصابها طول الوقت ..
طلعت ريم ورغد من مدارسهم وراحوا بيتهم وخذوا اغراضهم بعدها راحوا بيت عمهم..
عبير: حرام والله فجر ما تستاهل ..روعوها قالوا لها بكره ملكتك.
ريم: مسكينه ما استعدت نفسيه..
رغد: عاد يقولون اهم شي الاستعداد النفسي..لانها اذا ما استعدت نفسيا بيخرب كل شي..
العنود: تخلي عنها الدلع..من يوم انخطبت وهي صايره دلوعه ودمعتها على خدها..
عبير: عاد انتي ما تحسين مافي قلبك رحمه ..خفّي عليها شوي..
العنود: دلع بنات لا تهمكم..
وجاتهم كوافيره وسوت لهم تسريحات وميك اب وطلعوا الاربعه شي فوق الخيال..صح العنود سوت صيحه لان ميك اب حقها اوفر بس البنات اقنعوها انه حلو وعدّتها..
رغد: لو نقوم نلبس يكون احسن..
ولبسوا البنات..
عبير: رغد اتصلي على موبايلي ماني محصلته..
رغد: موبايلي تحت..
ريم: خلاص انا بتصل..
رغد: انا نازله تحت بروح اجيبه اخاف امي تتصل..
ريم: روحي ولا تطولين عشان تحطين لي المنكير..
رغد: اوكي..
كانت لابسه رغد فستان نعوم بالمره كان ابيض على لؤلؤي توب من عند الصدر ومخصر على جسمها ولحد الركبه وكان فيه موجات الاسود.. وشريطه من الخصر واطراف الفستان دانتيل اسود..ولابسه حلق اسود ومسويه شعرها"بف" وحاطه شريطه ابيض واسود..وحاطه شدو اسود مبين عيونها الوساع العسليه..ورج احمر وعليه جلوس احمر..ولابسه سندل ربط اسود..طالعه البنت ولا ملكة جمال بصراحه ما اقدر اوصفها لكم..
نزلت تحت في الصاله تدور موبايلها في الشنطه الا وليد نازل من الدرج ووقف في نص الدرج كان يشوف قدامه ملاك ما قدر يشيل عيونه من عليها ورغد ما نتبهت له..لقت رغد موبايلها..وليد تحرك من مكانها يبي يطلع فوق بسرعه عشان ما تنحرج منه بس ما امداها لان رغد شافته وهي عند اول درجه من السلم وهومنزل عيونه عنها..ما قدر اقول لكم موقف رغد في ذاك الوقت كانت واقفه وكأن رجلها لزقت في اول درجه ووجها احمر لان فستانها عاري شوي<<شوي بس..
حتى وليد نفسه ثبت في مكانه رفع عينه عليها حصلها تطالعه وعيونها مغرقه عيونها دموع..
وليد كسرت خاطره:انا ....انا اسف ماكان قصدي..
رغد لما كلمها وليد وكأنه صحاها من جمدتها ونزلت بسرعه وهو دخل غرفته..
وليد فرحان: البنت تبي تذبحني اليوم طالعه ملاك يا ناس ملاااااك في بيتنا..ولا عيونها تدوخ تموت...تجلط..
كان مبسوط وصار يروح ويجي في غرفته والابتسامه شاقه الوجه..
رغد كانت تدراي دموعها لا تنزل ويخرب الميك اب..وتكلم نفسها: مو لازم ابكي خلاص يارغد سيطري على نفسك ما صار شي شافك بالغلط وماكان يقصد ولا انا اقصد خلاص حصل خير الحين اطلع فوق واقعد عند البنات ولا كأن صاير شي..
مرت الخدامه عند رغد..
الخدامه: مدام رغد انتي فيه كلم انا...
رغد: اوقول تعالي ....فستاني حلو..
الخدامه: ايوه مدام انتي واااااجد حلو..
رغد: مشكوره طيب تحسين انه عاري شوي..
الخدامه: هو فيه أري(عاري)شوي بس تمام..تمام والله تمام..
رغد: طيب تقلعي عن وجهي..
الخدامه: زين زين..
رغد: اطلع عند البنات قبل لا يحسون علي..
ودخلت غرفة البنات..
ريم: حشى ما صار وهذا وانا اقول لك لا تتأخرين..
رغد مقفله معها:.................
ريم: تراني اكلمك مو الجدار اللي وراك..
رغد وهي كاتمه العبره: ممكن تسكتين شوي بس شوي لو سمحتي..
ريم حست ان اختها بتبكي لانها ما تصير مؤدبه الا اذا ما حبت تبكي:رغد فيك شي..
رغد: اقول لك اسكتي عشان ما اخرب على نفسي كشختي..
ريم: اذا رجعنا بيتنا تقولين لي فاهمه..
رغد: فاهمه بس اسكتي..
العنود: وش فيكم تتساسرون علموني..
ريم: اخت واختها.انتي وش دخلك..
العنود تسوي نفسها زعلانه:افا وانا اعدكم خواتي..
ريم: اقول روحي زين مسويه بتأثرين فيني ما يليق عليك الهدوؤ..
العنود: ادري والله ادري بس خلينا نتعلم يمكن نحتاج الهدوء والركاده يوم من الايام..
عبير: رغد لقيتي موبايلك..
رغد: ايه ويا ليتني ما نزلت..
عبير: ليش.؟؟؟
رغد توهقت: هاه..........ايه بغيت اطيح من الدرج..
العنود: هههههههه والله بيطلع شكلك تحفه..
عبير: ما عليك منها عسى ما تعورتي..
رغد: لا الحمد لله..
ريم والعنود يطالعون بعض منصدمين من التغير المفاجئ اللي طرا على عبير..
ريم: عبير انتي اليوم بخير..ما فيك حراره..
عبير: ليش..؟؟
العنود: لا لا اختي مو طبيعيه وش الثقل هذا ..وش ذا الهدوء..
عبير: هاه وش رايكم يصلح علي احسن منك..
ريم: هو مو مره بس احسن من العنود..
عبير: لا زين في تقدم..
رغد: ليش تبين تتغيرين..
عبير: بصراحه تفشلت كله عربجيه حتى صديقاتي يقولون ودنا نشوفك يوم وانتي كلك انوثه فا حبيت ا جرب والحمدلله تمت العمليه بنجاح..
ريم: الله يتممك بعقلك اقول مشينا...
العنود: اقول عبير اتصلي على وليد خليه يجهز عشان يودينا...
رغد تفاجئت: وليد هو اللي بيودينا"كملت"
عبير: ماني مكلمه احد اولا موبايلي بعيد ثانيا مالي خلق ثالثا ما اشتهيت..
العنود: رابعا بيجي ذا الكعب اللي ما عرفت امشي فيه على راسك يالسودانيه..
واتصلت على وليد..
العنود: الووو..
وليد: هلا والله وغلا <<مروق على الاخر..
العنود: هلا بس وش عندك مروق..
وليد: انتي وش تبين..
العنود: كنت بقولك تودينا بيت عمتي احنا وبنات عمي..
وليد: ابشري يله انزلوا..
العنود: ان شالله"وسكرت منه"
العنود: اليوم وليد مو طبيعي..
رغد بخوف: ليش وش فيه..قال شي..
العنود: لالا ما قال شي بس اسلوبه باين عليه مروق..
رغد ارتاحت: اهااا..
ريم اللي حست ان في شي صاير بين الوليد ورغد بس مصيرها راح تعرف: يلا بنات لا يعصب علينا..
البنات: يله....
@@@@@@@@@@@@@@@@@@@@@@@@@@@@@@@@@@@@@
" نـــــــــهــــــــــــــــايــــــــة الـــــــــبـــــــــــــــــــــــارت "

الجـــــــــــــزء الثـــانــي والعشــرون
نزلوا البنات ورغد تأخرت شوي لانها تجمع اغراضها..
ركبوا البنات السياره عبير قدام والعنود وراها وريم في الوسط وخلو مكان رغد ورى وليد..
وليد: باقي احد ولا امشي..
العنود: باقي رغد..
وفي اللحظه هذي جات رغد شافت انها راح تكون ورى وليد قامت تطق الشباك على العنود..
العنود فتحت الشباك:خير..
رغد وهي مفتشله: افتحي الباب وريم زحفي يله..
العنود:روحي للجهه الثانيه لا يجيك كف يعدل راسك..
رغد وهي معصبه: هين يا عنيد..
وراحت للباب الثاني..
وليد كان مبتسم ومبسوط لان اخته ما خلت رغد تركب من الجهه الثانيه عشان يقدر يطالعها..
رغد ركبت:السلام عليكم..
الكل: وعليكم السلام..
ريم: وجع ليش تأخرتي..
رغد تهمس لها:كنت اجمع اغراضي
وتحركوا وفي نص الطريق..
وليد: احم....تصدقون بنات اليوم شفت واحد لابس ابيض واسود كان طالع عليه شي مو طبيعي"ويطالع رغد في المرايه"
رغد انصدمت من الكلام اللي قاله وطالعته في المرايه عشان تتأكد اذا كان قاصدها ولا لأ وطاحت عينها في عينه وهو مبتسم ابتسامه تدوخ..
عبير: طيب كل العيال يلبسوا ابيض واسود..
وليد: لالا هذا شي ثاني..
العنود: طيب يعني قصدك ان لبسه غريب او التيشرت غريب ولا وش قصدك..
وليد وهو شاق الخشه: لالا مو غريب الا اغرب من الغريب..
العنود وعبير سكتوا لانهم ما فهموا وش السالفه فا سكتوا..
اما ريم ما فاتها هذا الشي وعرفت ان يقصد رغد..وليد كل شوي يطالع رغد"يا ناس هالعيون تذبح والله تذبح"
وقعد يقلب في الاغاني لما حصل اغنيه راشد الماجد"العيون"
وليد:هذي اهداء خاص لكم يا بنات..
العنود: وليد ممكن اسأل سؤال..
وليد:امري اانتي..
العنود: وش متعشي امس اخاف انك متسمم..ولا اكيد تعبان..
وليد:مو انا التعبان قلبي التعباااااان...
عبير:لالا اخوك يا العنود شارب شي..
وليد: اسمعوا الاغنيه وانتوا ساكتين
$$$$$$$$$$$$$$$$$$$$$$$$$$$$$$$$$$$$$$$$$$$$$$
سود العيون كبار والشامه حلوه..شايل جمال الكون وباليني بلوه..
هالعيون وشلونا ميلها..سحر ذوبني بغزلها..
بوسه من عندك حبيبي..تسوى عندي الدنيا كلها..
ياضوى عيوني وحياتي..قلب اقدم هديه..
اطلب اش ما ردت مني..قول وادلل علي.
انت مني وانا منك..مستحيل ابتعد عنك..
ابتسم يا بعد عمري..ضحتك ماكو مثلها..
ذاب قلبي بالمحبه..لا تظن عنك اتوب..
طيرت عقلي بغرامك..ياما ذوبت القلوب..
انت حبي نبض قلبي..بس تعال شويه قربي.
يا اعز انسان عندي...واغلى من هالناس كلها
$$$$$$$$$$$$$$$$$$$$$$$$$$$$$$$$$$$$$$$$$$$$$$
رغد خلاص ذابت في مكانها"يقصدني انا ..يعني وليد صدق يحبني يا ويلي وش هالمصيبه اللي نزلت علي ..طيب انا ما احبك يا وليد .حرام اللي تسويه فيني ..مشكلتي اني ارحمك وماودي اصدمك واقولك اني ما احبك ولا حتى فكرت فيك"
ريم في نفسها:مسكين يا وليد باين حبك لرغد بس ما اظن ان رغد راح تكون لك او تكن لك أي مشاعر غير الاخوه والله كسرت خاطري على ثقالة دمك"
وصلوا بيت عمتهم كانت مكلة فجر ملكه عائليه عشان الزواج يكون كبير فا ماكان فيه احد غريب دخلوا البنات بيت عمتهم..وسلموا على الحريم وباركوا لام فواز ولام فيصل..وطلعوا لعند فجر ودخلوا عليها..
العنود:هلا والله بعروستنا..
فجر وهي خانتقتها العبره:هلا والله بأهلي وعزوتي وناسي..
رغد:مبروك فجوره وعقبال البقيه..
ريم:امييين ..مبروك فجوره بعد قلبي والله تكسرين الخاطر..
عبير:ليش شايفتها تشحذ..اقول وخري "وضمت فجر"مبروك يا فجر منه المال ومنك العيال.
فجر وهي خايفه: أي عيال واي خرابيط احس اني بكنسل الملكه الحين..
العنود: لا يا فجير لا تتهورين بعدين اخاف تعنسين..
فجر:بنات خايفه احس اني بموت..
رغد: هدي يا قلبي والخوف شي طبيعي بس سيطري عليه واذكري الله وما راح يصير الا الخير..
ريم:خلاص يافجر اليوم تاكدت ان خلاص راح تتركينا والله ماني مصدقه..
عبير:ريم لا تضيقين صدرها..بعدين هي بتهاجر تراها في بيت خالتك وبتحصلينها في بيت عمتك يعني ما راحت..
العنود:ولو بتصير حرمه وتجلس مع العجايز واحنا ما نخلي متزوجات معانا يخربونا بعدين..
دخلت نوف:الحين اكيد مجتمعين على اختي ومحجرين لها عشان تضيقون صدرها..
رغد: افااا وش قالوا لك يهود ما نحس..
ريم: صح احنا عرابجه بس مو لدرجة عديمين الاحساس..
عبير: كل واحد يتكلم عن نفسه انا من اليوم وطاالع ما راح اروح الا مع نوف وشجون..
رغد:صح ذكرتيني اتصل على الهنوف مابعد جات..
واتصلت عليها..
رغد: الووو..
الهنوف: هلا والله..
رغد:وينك؟؟
الهنوف: انا قريبه تعالي عند الباب استقبليني انا والوالده..
رغد:لا تتدلعين وتتشرطين..
الهنوف: مو من حقي ولا...
رغد: الا من حقك واذا الهنوف ما تدلعت من يتدلع..
العنود قاطه:انااااا..
رغد: ووووع مالت عليك....اقول الهنوف الحين انا نازله يله باي..
الهنوف:باي..
ونزلت رغد عند الباب..
ودخلت الهنوف وامها سلمت رغد على ام تركي:هلا والله خالتي..
ام تركي: هلا بنيتي وش اخبارك عساك بخير..
رغد: بخير تفضلي خالتي الحريم قدامك..
الهنوف: اهلين..
رغد: هلا والله وغلا..
الهنوف: وحشتيني يا رغودة قلبي..
رغد: اليوم شافتني في المدرسه..بس تسلمين..

الهنوف: عاد جامليني شوي..
رغد: هههه طيب تفضلي..
الهنوف : زاد فضلك..
رغد: اخوك دخل عند الرجال..
الهنوف: اكيد..
وتوهم بيدخلون الا رن موبايل رغد..
رغد: الووو..
ام مشاري: رغد..
رغد: هلا..
ام مشاري: قولي للسايق يجيب الاغراض اللي وصيته عليه..سمعتيني قلبي..
رغد: ابشري يمه مع السلامه..
رغد: هنوفه قلبي تفضلي وانا الحين بجيك بعد شوي اوكي..
الهنوف: اوكي..
راحت رغد جابت لها طرحه عشات تكلم السايق عند بوابة الرجال..
رغد: راجو.....راجو..
انفتح باب الرجال..
رغد وهي تعدل الطرحه زين :راجوا اسمع.......................
تركي: اصير لك راجو اذا بغيتي..
رغد منصدمه: تــــــــــــــركي..
تركي دخل شوي: ا نشا الله كنتي بتكلمبن السايق كذا"وقعد يطالعها من فوق لتحت وفستانها القصير..
رغد استحت وماتت حيا بس تكابر: اولا مو عيب عليك تطالع ناس مو محارمك ثاني شي كيفي انا حره..
تركي عصب شوي: لا مو كيفك وش تبين منه..
رغد: يا ربيه وانت وش عليك..
تركي: حرمتي كيفي<<زلة لسان..
رغد صار وجهها احمر وموف من الحيا وراحت عنه..
تركي وهو يطالعها..وهي تمشي"يا حلوها..ولابسه قصير بعد شكلها تبيني احفر قبري في بيتهم.اااخ الاسود والابيض اعشقه يا ناس من بعد ماشفته عليها..بس صدق اني ما استحي شكلي صدقت انها حرمتي..ماعليه قريب انشالله وتصير حرم تركي.."
قطع عليه وليد...
وليد وهو ماله خلق:تركي تفضل..ليش واقف..
تركي"اووووف وش يبي هذا":زاد فضلك..
دخلوا مجلس الرجال اللي كان مليان سلم تركي على فيصل وابوه وابو فواز وفواز وطلال وبارك لهم..وجلس يدور سليمان..
تركي: شكله ما جا..
مشاري: تقصد سليمان..
تركي: ايه..
مشاري: توني متصل عليه يقول قريب..
تركي:زيين..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
عنـــــــــد الحريم..
دخلت رغد ووجها احمر وموف وازرق ..كل الالوان فيه شافتها الهنوف وراحت لها..
الهنوف: خير وش فيك..؟؟
رغد: هاه ابد سلامتك..
الهنوف: رغد وجهك مو طبيعي وش فيك؟؟
رغد تدور تصريفه: آآآآ اقول وش رايك نروح للبنات..
رغد توهقت ما تدري وش تقول..والهنوف حست ان رغد ما راح تتكلم..
الهنوف: يله..
وطلعوا البنات فوق وباركت للعروس لاختها نوف..
نوف: عقبالكم انشا االله..
الكل:آمــــــــــــــــين..
شجون: تقولين مشفح..
نوف: شويه عليهم..
ريم: رغد وش فيك ...فيك شي؟؟
رغد: لالا ما فيني شي..
ريم: انتي اليوم موطبيعيه..
رغد في نفسها" المشلكه كلها جات في يوم واحد الاقيها من وليد ولا من تركي ...والله فشله من بقى ما شافني"
ريم تهمس لها: ما دريتي سليمان اليوم بيجي..
رغد تتطنز: صدق!!!...طيب وش اسوي فيه..؟؟
ريم: اقسم انك بايخه..
رغد: وان صادقه عند ربي وش اسوي فيه..
ريم عصبت: اروح عند عنيد ابرك لي..
عبير: اقول بنات خلونا ننزل ونرقص ترى الدي جي تحت شي.
ريم: يله..
فجر: لالا لا تخلوني..
العنود: احسن انطقي لحالك ويجي فيصل ويذبحك هـ هـ هـ هـأي<<من جد نذله
فجر بخوف: لا لا صدق اقعدوا عندي..
نوف: فجر ما عليك منها احقريها هالنذله انا بقعد عندك..
فجر: والله هذي الاخت السنعه..
ريم: فاضين نقعد عندك حنا جايين ننبسط ونرقص ونتميلح عند الحريم عسى وحده فيهم تخطبنا لولدها...اقول عبير امشي نترزز..
عبير: وانتي صادقه اخاف اعنس عشان فجير ودلعها اللي مدري من وين طلع..
رغد: نشوف اذا تزوجتي وش بتسوين..
عبير: عادي وش بسوي يعني..بأنبسط وافلها وبرقص بعد..
العنود: ايه هين....بس خلونا ننزل..
ونزلوا تحت وقعدوا يرقصون ويستهبلون ولا تخلوا من الضحك على رقص البنات الثانين..
العنود: شوفي شوفي هذي هههههههه..
ريم: أي واالله شوفيها هههههههه..
عبير: وينها؟؟
ريم: صدق انك حولا ..شوفيها اللي لابسها مدري وش لونه بني ما ادري وش لونه بصراحه..
عبير: هاااااذي هههههههههههههههه "وضحكت بصوت عالي"
رغد لفت عليهم: وجع انشا االله فشلتونا عند الحريم.
الهنوف: لو تموتون ما خطبوكم..
عبير: لالا خلاص بعقل اخاف اعنس..
العنود: والله هالبنات تحف..
ريم: خلينا نقوم ونرقص ونحرهم..
العنود:يله..
وقاموا يرقصون ويمشون ويصقعون خلق الله...والبنات منقهرين منهم لان رقصهم احلى ..وعبير ميته ضحك عليهم وما رقصت معاهم يقال لك عشان يقولون عنها تستحي وعاقل ويخطبونها..
وصلت مها اخت سليمان ومعها اختها نجلاء اللي ماجات يوم الشاليه..
ريم وقفت رقص..
العنود:وش فيك..؟؟
ريم: جات مها....
العنود مستغربه:طيب؟؟
ريم: لا بروح استقبلهم..
وراحت ريم تسلم عليهم..
ريم: هلا والله خالتي..
ام سليمان: هلا والله ببنيتي مشا الله وش ذا الزين..
ريم: الله يسلمك خالتي...تفضلي..
ام سليمان: زاد فضلك..
ريم: هلا واالله بمها كيفك وش اخبارك..
مها: الحمد لله بخير كيفك انتي..
ريم: الحمدلله تفضلي..
مها: تسليمن..اعرفك على اختي نجلاء..
ريم: هلا والله..
نجلاء: اهلين مشا الله احلى من الوصف اللي وصفته لي مها..
ريم استحت: تسليمن والله تفضلوا.
نجلا ومها: زاد فضلك..
ريم قعدت تطالع نجلاء كانت نسخة سليمان تشبه مره وقطع عليها تفكيرها..
العنود: من هذي اللي مع مها..
ريم: هذي هذي اخت مها..
العنود: تصدقين تشبه اخوها..
ريم ونار الغيره في قلبها: وانتي وش عرفك باخوها.
العنود: انا العنود ما يفوتني شي..بس انتي ليش معصبه..
ريم بربكه: انا معصبه من قال..
العنود: تراني شاكه فيك..
ريم تبي تغير الموضوع:اقول وين عبير ما شفتها بروح اشوفها..
العنود: مصيري اعرف سالفتك يا رويم...
الحريم كانوا يطالعون الاربعه طايرين فيهم ويوم انزلوا نوف وشجون كملت..طالعين كأنهم الولو يهبلون كل وحده فيها ميزه معينه....
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
عند الرجـــــــــــــــال ..
جا الشيخ وملك عليهم وفيصل طاير من الفرحه يحس انه عايش حلم ما وده يصحى منه..
طلال: احلى احلى يا المعرس اللي خشته شوي بتنشق من كثر ما انت شاقها..
فيصل: ههههه وانت وش عليك غاير..
طلال: وش حقه اغار اخلي ابوي يخطب لي بكره..
فيصل: طيب قم ود الدفتر عند اختك خلها توقع..
طلال: زين لالا تتأمر..
فيصل: معرس يحق لي..
طلال: يارب صبرني على هالنسيب..
فواز: يله قم ود الدفتر ترى اليشخ يبي يروح..
طلال: زين زين..
وراح طلال عند الحريم: احم احم يا ولد..
كل الحريم تغطوا وعبير والعنود ذابوا كان كاشخ مسوي السكسوكه وطالعه سودا معطيته جمال خيالي..والثوب كان مطرز من اطرافه ومن عند الرقبه ومحليه اكثر واكثر..
ام فواز: هلا بغيت شي..
طلال: يمه كل ذولي حريم..
ام فواز: استح عيب تطالع..
طلال: اسمعي يمه ودي الدفتر وخلي فجر توقع وتخلصنا..
ام فواز: زين بنادي وحده من البنات.....عبير...عبير..
عبير انتبهت ان احد يناديها وشافت عمتها وهي واقفه جنب طلال تحس ان رجولها انشلت من الحيا والخوف ورهبة جمال طلال:سمي عمتي..
ام فواز: تعالي خذي الدفتر وديه عند فجر وانا بروح اشوف الحريم..
عبير وبصعوبه قامت من مكانها ووصلت عند طلال..
طلال: احم احم هلا عبير وشلونك..
عبير كانت حاطه الطرحه على اكتوفها ومتلثمه والباقي طالع<<ما ادري ليش متعبه عمرها..
عبير: الحمد لله بخير وشلونك انت عساك بخير..
العنود شافتهم يتكلمون وتصير مثل البركان ليش دايم عبير وانا ليش ما اكون مع طلال..
طلال: الحمد لله آآآ<<يدور سالفه........اسمعي ودي الدفتر عند فجر وخليها توقع هنا سامعه..شوفي زين هنا..
عبير تطالعه كانت عارفه انه التوقيع هنا: طيب خلاص..
طلال عشان بس يطول ويقعد يطالع عيونها: لالا شوفي هنا..
عبير تناظر المكان اللي يأشر عليه: فهمت والله فهمت..
طلال: ترى اذا ما لقيته في المكان الصح يا ويلك..
عبير: طلال..
طلال بعفويه: لبيه.
عبير استحت: هات الدفتر..
وتوها بتاخذ الدفتر لمست ايدها ايديه حست كأن كهربا صقعتها ا وان الدم توه يمشي بعروقها من لمسته..
طلال ما وخر ايديه كان مبسوط وهو يشوف عيون عبير مستحيه وكان مبسوط وما يعرف ليش..
عبير خذت الدفترمنه بسرعه..
العنود شابه ناااار وتحس ودها تقوم تصفقهم كلهم بس ما ودها تخسر اختها عشان واحد ما يدري عنها..
طلال: طيب بعدين اذا وقعت خليها تنزل عشان يسألها الشيخ..
عبير: انشالله..
طلال: لو كل البنات مثلك كان الدنيا بخير..
عبير خلاص ذابت:تسلم..
وراحت عند فجر وطقت الباب ودخلت..
فجر مرتاعه: وش ذا اللي معك..
عبير: هذا الدفتر توقعين عليه..
فجر حست انها خلاص اذا وقعت بتصير عروس وزوجة فيصل..
خذت القلم ووقعت وبصمت وايدها تنتفض وبعدها قاموا البنات يزغرطون: كلللللللللوش..
فجر حست بمشاعر فرحه وحست باحساس العروس..
فجر: اوكي.
ونزلت من الباب اللي ورا عشان الحريم..
وراحت عند المجلس وسألها الشيخ..
الشيخ: هاه يا بنيتي موافقه..
سكتت فجر وفيصل خاف وحس الدم وقف في عروقه.بعدها عاد الشيخ سؤاله..
الشيخ: يا بنيتي فجر انتي موافقه..
فجر: ايه موافقه...
وبعدها رجع الدم يمشي بفيصل بعد ما وقف..
والحريم زغرطوا وام فواز تبكي عشان بنتها كبرت وصارت عروس..
ام فواز: مبروك يمه فجر..
فجر: الله يبارك فيك..
وباركوا لها اخوانها والبنات وطلعت فوق عشان تنزل على الحريم..
نزلت فجر عند الحريم وكانوا البنات حوالينها واختها جنبها وسلمت على الحريم وجلست جنب ام فيصل..
ام فيصل: مبروك يا بنيتي.
فجر بصوت مبحوح: الله يبارك فيك..
وبعدها قاموا البنات يرقصون ويستهبلون ولبسوا فجر الشبكه ا لا الخاتم عشان فيصل يلبسها طبعا هذي طلابات فجر وهي شارطه هالشرط والخاتم وياالله وافقت عليه..
وبعد دقايق دخل طلال وشاف العنود جالسه عند المدخل ومعاها ريم..
طلال: احم احم..
العنود اخذت طرحه كانت عندها وتلثموا هي وريم..
العنود: سم طلال بغيت شي.
طلال: العنود ولا عليك امر تنادين فجر عشان زوجها يبي يجلس معها..
العنود ابتسمت..بس تخيلت شكلها هي وطلال: انشا الله..
وراحت العنود..
وريم فاتحه فمها في طلال كان من قلب طالع شي:كيفك طلال..
طلال: الحمدلله ..انتي رغد ولا ريم..
ريم: لا انا ريم..
طلال: انتي النشبه..
ريم عصبت: نشبه انت يا ثقيل الدم..
طلال: وان صادق كل ما ارفع سماعة التليفون طالعه لي ..انتي ما تملين من كثر ما صرفك..
ريم قفلت معها ماعاد صارت تشوف من العصبيه: طلال اعقل عني لا احط حرتي فيك<<ما شافت سليمان..
طلال : يمه تخرعين شكلك انتي اللي معلمه فجر هالحركات..وانا اقول اختي تقلد مين اثرك انتي كل يوم تدقين عليها وتعطينها كورسات في حركات الصعايده..
ريم قفلت معها: الشرهه مو عليك على اللي معطيك وجه..
الا بجية العنود: خير وش فيك؟؟
ريم" هالنشبه طلالوه..
العنود: هههههه يا حليله..
ريم: قل الله حلاه قولي امين..
العنود: حرام عليك..

ريم طيرت عيونها في العنود: وش قلتي؟؟
العنود: قلت حرام عليك..
قامت ريم تطالع العنود بنظرات شك: اعترفي ..اعترفي بسرعه..
طلال كان بعيد شوي ويسمع بعض الكلام: العنود..
العنود: سم..
طلال: سم الله عدوك ..ناديتي فجر..
العنود: ايه وراحت تتعدل عقب الصياح وبعدين بتجي..
وطول الوقت ريم كانت تطالع العنود واسلوبها متغير ميه وتسعين درجه..
راح طلال..
العنود: آآآآآآآآآآآآآآآآآه...
ريم: العنود اعترفي مو علي هالحركات ..سم ..ويا حليله..وحرام عليك.والنهايه فيها اهاااات اعترفي يله بسرعه كاشفتك.
العنود: وش فيك يا ريم.كلتيني بقشوري ..بقولك كل شي بعدين..
ريم: انا اليوم بنام عندكم..
العنود: يكون احسن..
وشوي جات فجر وراحت مع طلال ودخلها المجلس ودخلت فجر ورجولها تتصاقع في بعض ومنزله عيونها..
فيصل شاف فجر وطير عيونه فيها كانت طالعه ولا اروع لابسه فستان ابيض فيه موجات وردي خفيفه..وكان مخصر على جسمها ووسيع من تحت..كان سيور وفتحة الصدر شوي كبيره.ومسويه تسريحه بسيطه كان مرفوع منه جزء ومسويته تكسير(مثل نانسي عجرم) والميك اب كان هادي وساحر في نفس الوقت..
فيصل: هلا والله وغلا ومرحبا تفضلي..
فجر ميته من الحيا: زاد فضلك ..
وتوها بتجلس مسك فيصل يدها وجلسها..فجر ثبتت في مكانها من الحركه حتى التنفس ما عاد صارت تتنفس ..تبي تاخذ نفس ما قدرت لما ترك فيصل يدها..
فيصل كان يطالعها وكأن وده يحفرها بعيونه ويشبع نظراته منها ..يحس ما وده يرمش عشان ما تفوته لحظه...
فجر منزله عيونها .ولما رفعت عينها عليه لقته يطالعها وبنظرات بتاكلها الا شوي...ونزلتها بسرعه..
فيصل: فجر قلبي ارفعي راسك..
فجر قال قلبي ولا ما قاله داخت وراحت عالم ثاني ورفعت راسها شوي..
فيصل: ايه كذا احلى ............وشلونك وش اخبارك.
فجر: الحمد لله...وانت؟؟
فيصل: انا...انا من يوم شفتك وانا بخير..
فجر ابتسمت ابتسامه صغيره بس تدوخ..
فيصل: آآآآه يا قلبي...والله قلبي يعورني.
فجر طالعته بخوف: وش فيك؟؟
فيصل: ابتسامتك تبي توقف قلبي..
فجر: اجل خلاص ما راح ابتسم..
فيصل قرب منها لما صار خلاص ما بينهم شي وتقريبا وجه في وجهها وهمس في اذنها: ليش تخافين علي..
فجر من قرب منها وهي تحس اطرافها جمدوا والدم وقف في راسها وثبتت في مكانها وقالت بصوت يمكن هي ما تسمعه:اكيد...
فيصل بعد عنها شوي: اه يا قلبي اليوم يوم فرحك فجر تخاف عليك..
دق الباب..
فيصل : من ذا النشبه..
طلال: النشبه انا يا النسيب..
فيصل : وش تبي؟؟
طلال: ما ودك تلبسها الخاتم..
فيصل: ايوه صح"وناظر فجر شافها لابسه الشبكه ومابقى الا الخاتم" ليش ما خليتيني البسك..
فجر استحت ونزلت راسها..
فيصل : ما عليه الجايات اكثر..
فجر خلااااااص ما عاد قلبها يتحمل اكثر ودها تقوم وتركض الا مالا نهايه..
طلال: لا تحرج اختي تراها مو متعوده..
فجر طالعته بنظره بمعنى شغلك بعدين...
طلال: ادري ادري والله يا فجر بتذبحني بسبتك يا النسيب بس خذوا الخواتم ولبسوا بعض ترى عندي اشغال..
خذا فيصل الخاتم ومسك ايد فجر حس فيها تنتفض وبارده طالعها وهو مبتسم..
فجر من يوم مسك ايدها وهي تحس انها انشلت من كل شي من التفكير والحركه والدم كل شي فيها وقف الا قلبها..
ولبسها فيصل الخاتم وبعدها قعدت فجر تطالع يد فيصل نست وش تسوي فيها وفيصل كان يستنها..
طلال:ياهوووووووه خلصينا ترى ورانا شياب ازعجونا..
فجر صحت من اللي كانت فيه واخذت الخاتم وما مسكت يد فيصل ودخلت الخاتم وودها يدها ما تلمس ايده ودخل الخاتم في اصبعه..بس فيصل مسك ايدها وباسها..
فجر قعدت تطالع فيصل وبعدها طلال..
طلال ابتسم وطلع:ترى المصوره بتجي بعد شوي..
فجر ارتاعت:من قال؟؟؟
طلال: نوف قالت..
فجر في نفسها"هين اوريك يا نويف تسوينها فيني"
ودخلت المصوره وصارت تطلب منهم يسون حركات وفجر ما بقى فيها شي من صغرها من الحيا..
طلعت فجر واخير وراحت عند البنات وفيصل طلع عند الرجال وقبل كل هذا جا فواز وسحب فيصل سحب عشان يطلع..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
البنـــــــــــــات
ماسكين فجر تحقيق..وش قلتي وش قال وش سويتي ووش سوا..
فجر ذكرت نوف:نويف تعالي هنا..
نوف عرفت وش تبي منها بس سوت نفسها ما تدري:خير..
فجر:من قال لك تجبين مصوره..
نوف: انا!!! من قاله..
فجر: احلفي بس..طلال قال لي..
نوف: هذي والله فكرة العنود..
لفت فجر على العنود لقتها مبتسمه:عنيد وش هالحركات..
العنود: هذ جزاي اللي قلت عشان الذكرى...الا ما قلتي لي متى بتطلع الصور عشان اتفرج عليها..
فجر: هين تفرجين عيلها..
ريم: فجر لا عاد لاتقولين..كفايه ما قلتي لنا وش صار بعد ما راح تخلينا نشوف..
فجر: ايه احسن تستاهلون..
عبير: صح كلامك يا فجر بس بتوريني انا وياك لحالنا..
فجر: مسكينه حتى انتي..
نوف: والله يكسرون الخاطر ..حرام..
دق موبايل ريم..
ساره: هلا والله..
ريم: اهلين سويره وشلونك..
ساره: سوير في عينك..هاه وش اخبار العروس..
ريم: ساره اسمعي..شوي واتصل عليك..الحين بيشغلون الاغاني وماراح اسمعك..
ساره: اوكي...
وفي نفس الوقت..
سليمان: ابتصل على مها اشوف خلصوا ولا لأ..
تركي: ما ظنيت..
سليمان: بتأكد.........الوووو..
مها: اهلين..
سيمان: اطلعي باكلمك برى شوي..
مها: طيب بس راح اتاخر شوي..
سليمان: اوكي بس مو مره تراني انطرك..
راح سليمان ووقف بعيد شوي عند مدخل الحريم ..وريم طلعت عشات تكلم ساره لان داخل ازعاج...
طلعت وعيونها على موبايلها وتتصل عل ساره....سليمان شاف احد طالع توقع انها مها ..ويوم شاف ريم انهبل اليوم طالعه غير عن كل مره كانت عذااااب.
ريم كانت لابسه فستان حرير اخضر..لف على الرقبه وفتحة الصدر طويله ونص الظهر طالع وفي الخصر حزام ذهبي روعه ..وبعدين قصير لحد الركبه ولا بسه سندل ربط اخضر وفيه كرستالات ذهبي ..ومسويه ميك اب ذهبي خيالي وتسريحه بسيطه رافعه نص شعرها ومسويته تكسير وفي النهايه شريطه ذهبيه واخضر ..ومن قدام على جنب شريطه صغيره ذهبيه..
سليمان فاتح فمه ومطير عيونه وريم تتجه له وهي ما درت عن هوى داره..
ريم: اهلين سوير..
ساره: اهلين رويم كيفك..
ريم: والله وش اقول لك ماني مبسوطه..
ساره: افااا ليش؟؟؟
ريم: عشاني اليوم ما شفت ســـــــ
سليمان بصوت هادي: افاا ليش رورو زعلانه من زعلها..
ريم تلفت يمين ويسار تبي تتأكد انه حقيقه: هاه..
سليمان: اقول ليش رورو زعلانه من زعلها..
ريم"يعني ما تدري":ما شفت...ماشفت ساميه..
سليمان استغرب: ساميه!!!
ريم : ايه ساميه صديقتي من ايام الابتدائي..
سليمان: اهااا..
ريم نست انها ما تغطت او بالاصح ما تسترت..
سليمان يطالعها ويحاول يشيل عينه عنها بس ما قدر ..
ريم حست ان نظراته غريبه وبعدها انتبهت لعمره: خلاص اوكي انا بروح..
سليمان: طيب ابي اقولك شي..
ريم: آمــــر..
سليمان بصوته العذب: اليوم طالعه ملكة جمال اقري على نفسك..
ريم حست انها بتتطير من الفرحه وابتسمت له: تسلم عيونك الحلوه..
ودخلت ريم وطلعت مها..
سليمان شاق الخشه ومفهي وما يدري وينه فيه..
مها: نعم سليمان بغيت شي..
سليمان: نعم انتي وش تبين..؟؟
مها: سليمان وش فيك انت متصل علي وش تبي؟؟
سليمان: انا متصل ما اذكر<<شكله فقد الذاكره..
مهاعصبت: اذا قصدك تستهبل ترى مو رايقه لك..
سليمان تذكر: ايه صح كنت بسألك خلصتوا؟؟
مها: عشان كذا مطلعني صدق انك سخيف..لا ما خلصنا..
سليمان: طيب اذا خلصتوا اتصلوا علي اوكي..
مها: زين..
ودخلت عند الحريم.....ريم من دخلت وهي في عالم ثاني ..
العنود: رويم وش فيك فاتحه فمك..على الاقل سكريه..
ريم: ما اقدر..
العنود: ليش؟
ريم: كذا ما اقدر..
العنود: تبيني اساعدك...
ريم: تصدقين اني اليوم مبسوطه بشكل مو طبيعي..
العنود: حتى انا بشكل خيالي واكيد اللي باسطك اللي شاكه فيه..
ريم قررت تعترف للعنود اذا اعترفت لها: طيب انا راح اقولك اذا قلتي لي وش عندك..
العنود: اوكي اذا رحنا بيتنا انشا الله راح يكون يوم الاعترافات..
وبعد كذا دخلوا الحريم للعشا وكان بوفيه كامل ..فيه كل اللي يحبه قلبك..
وبعد العشا راحوا الحريم وما بقى الا الاهل..
ام مشاري: ما اقول الا الله يسعدهم ويوفقهم..
ام فيصل: امين..
ام فواز: امين اهم شي التوفيق..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
عنـــــد البنات
شجون:واخيرا يا فجر صرتي مرت اخوي..
فجر مستحيه: هههههه..
نوف: فجر تصدقين لحد الان ما صدقت وما استوعبت انك تزوجتي..
فجر: طيب عادي مو لازم تصدقين..
العنود: الله يعينك يا فجر سمعت ان فيصل شري وعصبي وايده طويله ويطق على اتفه الاسباب..
فجرخافت: لالا ما اتوقع انه كذا.. لا تخوفيني..
شجون: ما عليك منها اصلا هي غايره منك وفيصل اخوي اطيب واحن قلب في الدنيا..
فجر: ادري زوجي واعرفه زين..
ريم: بدينا بدت حركات اني ادافع عن زوجي..
رغد: خلونا شوي من فجر بكره تجهزوا عشان دبي..
الهنوف: واااااي وناااسه..
العنود: انا شنطتي مجهزتها من امس..
ريم: الله..من امس وش دعوه..
العنود: يقال لكم متحمسه..
ريم: وعبير؟؟
العنود: يعني ما تعرفينها امي اللي ترتب شنطتها ..هي ما تشتهي تسوي شي..
عبير: العنود والله فيني النوم خلينا نرجع..
ريم: صح ذكرتيني بروح اقول لامي اني بنام عندكم..
رغد: بتنامين؟؟
ريم: ايوه..
رغد: انا معك...
ريم: ياربيه وانا وين ما اروح انتي وراي وراي ..ياربي وش هالعيشه..
رغد: اعصابك بعدين وش دخلك فيني انا حره انام في أي بيت يعجبني..
ريم: كيفك انا راح انزل اقول لامي ..العنود تعالي معي..
العنود: يله..
نزلوا عند ام مشاري..
ريم: ماما..ماما..
ام مشاري: هلا ..
ريم: ماما ..ممكن تخليني انام عند عمي اليوم..
ام مشاري: وش حقه تنامين عندهم..بعدين ارجعي البيت وجهزي شنطتك واغراضك..
ريم: اذا على الشنطه بكره برجع بيتنا من الظهر واجهزها..بس الله يخليك خليني انام عندهم..
ام مشاري: روحي خلاص عورتي راسي..
ريم: هيّّّّّّّّّّّّّّّّّّّّّّّــــــــا عاشت امي..
العنود: مشكوره خالتي يجي منك اكثر..
ام مشاري: ليش ذابحه ابوك انا..
العنود: مو هم يقولونها..
ام مشاري: روحي الله يهديك ترى راسي بينفجر منكم..
ريم: والله انك تحفه يا بنت عمي هذي يقولونها اذا سبك احد..
العنود: اهاااا وانا على بالي يجي منك اكثر يعني شي زين..
ريم: امشي امشي ادري ان مخك قوطي..
العنود تضربها: انا مخي قوطي...
ريم: لالا خلاص مخك درج ولا يهمك..
العنود: ريم ترى وصلت معي ترى بأرفسك لين توصلين بيتنا وفي السرير بالتحديد..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
الهنوف: انا راح امشي..
رغد: صدق ليش تو الناس..
الهنوف: أي تو الناس طالعي الساعه حوالي ثنتين وزياده..
رغد: طيب بجي واوصلك..
ونزلت مع الهنوف..عند مدخل الحريم شافت رغد تركي وهو طالع بس ما شافها..
الهنوف: رغد...رغد...
رغد: هاه..هلا بغيتي شي..
الهنوف: اتذكر انك جايه تودعيني مو جايه تطالعين اخوي..
رغد: هههههه سوري .يلا روحي بيتكم مع السلامه..
الهنوف: هين اوريك ..المشكله ما اقدر على زعلك مع السلامه..
رغد: هنوفه امزح مع السلامه يا قلبي..
وراحت....
وبعدها نفس الحركه ودعت ريم مها وشافت سليمان طالع بس عي شافته ضاعت علومها لان اللي كانت بتوصلهم راحوا وخلصوا حتى الوداع ما ودعتهم وواقفه عند الباب لحد الان..
عبير جات من وراها تبير تخرعها: بووووووووه..
ريم: بسم الله الرحمن الرحيم خير وش هالحركات..
عبير: من تطالعين عند الباب..
ريم بربكه: انا ...مين اطالع...انا كنت....انا كنت اشم شوية هوا..
عبير: والهوا بس برى.
ريم: اقول وخري عن طريقي بروح اشوف البنات ازين لي..
عبير: ههههه اقص ايدي اذا ما كانت تطالع احد...
وبعد حوالي نص ساعه راح كل واحد على بيته وريم ورغد رجعوا مع بنات عمهم..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
في بيت ابو ماجد..
وليد:العنود بنات عمي عندنا..
العنود: ايوه بنامون عندنا..
وليد والابتسامه شاقه الوجه: اوكيه خلاص مشكوره يا قلبي..
العنود:على ايش تشكرني؟؟!!!!!
وليد: عشانك اختي..
العنود: لا الولد انهبل وقام يقط خيط وخيط..روح نام شكلك يومين مو نايم..
وليد في نفسه"وين انام وانا ماشفت رغوده"
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
فــــــــي غرفة البنات...
بدلوا البنات ملابسهم ولبسوا بجايم من بجامات عبير لان العنود شوي مليانه..
رغد طلعت عليها البيجامه كبيره شوي لدرجه ان البيجامه تطيح من عند الكتف بس شكلها وهي فيها يهبل طالعه وكانه وحده صغيره.
ريم نفس الشي كبيره عليها بس احسن من رغد..
عبير: بنات من جد اسكتوا شوي خلوني انام..
ريم: قومي اجلسي معانا..
عبير: اقولك بنام ما تفهمين..اليوم مداومين وتعبانين..حشى ما تعبتوا..
رغد: بسم الله علينا من عينك قولي مشا الله..
عبير: مشا الله بس اسكتي انتي واختك..
دخلت العنود..
ريم: عنيد وين راح ننام فيه..
العنود: وش رايكم تنامون في الغرفه اللي جنبنا فاضيه وفيها سريرين..
رغد: اوكيه حلو..
ريم: نسهر هني واذا جانا النوم رحنا ننام..
العنود: اويه ريم تعالي جنبي..
ريم راحت عند العنود على سريرها وانسدحوا جنب بعض وقعدوا يسولفون..
رغد حطت يدها على خصرها: مشا الله وانا اجلس مع مين؟؟
ريم: روحي نامي ازين لك..
العنود: ويكون احسن..
رغد: والله من النذاله..ليتني ما جيت بس..
العنود تهمس لريم: اقول تراني رحمتها خليها تجلس معانا..
ريم: لالا خليها تنام ازين لها ولنا..
رغد: انا رايحه يا الخانيات<<من جد تكسر الخاطر..
رغد طلعت من الغرفه ومشت لقت غرفه مفتوحه..دخلتها وطفت الانوار وسكرت الباب وتغطت بالبطانيه..
شوي الا الباب انفتح ..رغد توقعته ريم..رغد ما حاولت تشوف مين الشخص..شغل الانوار قام وحط كريم على يديه ولبس البيجامه وهو يلبس السروال بدون القميص..وما انتبه ان في سريره احد..طفا الانوار وشغل الابجوره وفتح الحاف ورقد وغطا وجهه
@@@@@@@@@@@@@@@@@@@@@@@@@@@@@@@@@@@@@
" نـــــــــهــــــــــــــــايــــــــة الـــــــــبـــــــــــــــــــــــارت "

الجـــــــــزء الثالـــث والعشــــــــــــرون
رغد كانت لافه وجهها من جهة اليمين والشخص لم جهة اليسار..رغد ما قدرت تتحمل كان ودها تقوم وتهزء ريم ..صبرت شوي..وصبرت بعد لما خنقتها العبره ولفت على جهة الشخص..
رغد وهي تدف الشخص: ريم.....رويم....
الشخص سمع الصوت..ما استوعب ويقول في نفسه"لالا شكلي اتخيل"
رغد: ريم ادري انك صاحيه لفي علي خلينا نتفاهم..
الشخص في نفسه" هذي حقيقه ولا يتهئ لي..اخاف جنيه بس.."
رغد قربت من الشخص اكثر:ريم ردي علي قسم بالله سخيف..
الشخص" لالا اكيد انها هي..بس وش اسوي الف عليها ولا لأ"
الشخص: احم احم..
رغد انصدمت من الصوت: ريم لا تستهبلين علي ترى ماني ناقصتك..
لف الشخص عليها ورفع نفسه شوي وتسند على السرير ورجع شعره على ورىوكان نص البطانيه نازله ..وطالع صدره وشعر الاسود ابتسم لها: عيونه...
رغد تطالع منصدمه وخصوصا انها لازقه فيه.صارت تفتح وتغمض وتتمنى انه حلم او خيال او طيف او أي شي بس ما يكون حقيقه:آآآ .....وليـــــــــــــــــد..
وليد بهدوء: هلا..
رغد بعدت شوي: وش جابك هنا؟؟؟
وليد: ههههه وش جابني هنا..هذي غرفتي..
رغد بسرعه قامت عن سريره وكان شعرها منثور على اكتافها وكتف البيجامه طايح ووجهها احمر من الحيا:آآآ
وليد خاف عليها وقعد يطالعها وخصوصا ما كان في نور غير نور الاباجوره<<جو رومانسي...
وليد: حصل خير ...تصدقين يارغد انا احب غرفتي..هي اللي جمعتني فيك اول مره وهذي المره الثانيه..خلاص ما راح اغيرها طول عمري..الا لما تجين وتسكنينها انشا الله ..
رغد مطيره عيونها: ايش؟؟وش قلت؟؟
وليد: مثل ما سمعتي يا بعد عمري والله..
رغد ركضت بسرعه لما وصلت عند الباب..لفت عليه وطلعت..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
عنـــد ريم والعنود...
اول ما طلعت رغد من عندهم..
ريم: ايوه قولي لي وش سالفة طلال..
العنود: احم..مافيه سالفه..
ريم: عنيد بلا بياخه بسرعه..
العنود: بصراحه يا ريم انا متردد ه اني اقولها..
ريم: سرك في بير بس قولي حرقتي اعصابي..
العنود: ريم انا..........انا....انا احب طلال..
ريم مصدومه ما توقعت ابدا ان العنود ممكن تحب احد: أيـــــــــش؟؟
العنود: ريم مثل ما سمعتي..
ريم: بصراحه ما توقعتك تحبين ابدا..
العنود تغني: سواها قلبي يا حبيبي وحبك ما طاعني وانا عن الحب ناهيه..
الظاهر انه ما يبي غير قربك عاف الجميع واول الناس راعيه..
عليه ما وصيك لا صار جنبك صبح عليه بحب وبحب مسيه..
نبضه وفا وتضحيه كانه يعجبك صافي ولكن ما لقى من يصفيه..
خلا دروب الكل واختار دربك داريه تكفا قد ما فيك داريه..
وابشر بقلبن ما يبي غير قربك يموت وغير محبتك ما سكن فيه..<<قايله لكم من زمان الاخت طقاقه..
ريم تغني معها: ههههه يا حبي لك يا عنيد طيب انتي متاكده انه حب مو شي ثاني مثلا اعجاب..
العنود: والله ما ادري عن الحب والخرابيط بس احس اني لما اشوف طلال احس اني في عالم ثاني ما فيه الا انا وهو وبس..
ريم: احلى يا لرومنسيه ..طيب عبير تدري..
العنود: لالا ما تدري واصحي تقولين لها لما اتاكد من شي.
ريم: وشو الشي؟؟
العنود: وش اللقافه لازم كل شي تعرفينه..بعدين تعالي تسحبين الحكي مني وما قلتي لي وش سالفتك..
ريم: انا سالفتي سالفه مع سليمان..
العنود: تحبين سليمان!!
ريم: اموووووت فيه...بس لو تدرين كيف التقينا ما تصدقين تقولين هذا شي خيالي مو حقيقه..
العنود: قولي تكلمي شوقتيني..
ريم: تتذكري قد مره انحشنا من زمان من المدرسه انا ورغد يوم كنا صغار..
العنود: ههههه ايه يا حليلكم والله خطيرين..
ريم: ايوه قررنا ان نعيدها مره ثانيه قبل مدري كم شهر..
العنود: ايوه وبعدين..
ريم: المهم جهزنا العده للنحشه من المدرسه..انحشت انا من مدرستي عشان اطلع رغد من مدرستها"وكملت ريم السالفه للعنود"
العنود: قولي والله!!!
ريم:والله....
العنود: ايوه وكل هذا صار ولا قلتي لي يا الخاينه..
ريم: في البدايه من الخوف ما قلت لاحد بس بعدين نسيت السالفه..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
نرجع عند رغد..
رغد اول ما طلعت وسكرت الباب ووقفت عنده وحطت ايدها على صدرها عسى انها تهدي نبضات قلبها: اوووووووووه..
طلع ماجد من غرفته وشاف رغد وباين عليها علامات الخوف ووقف في مكانه..
رغد بعد ما حست انها هدت راحت لغرفة العنود وودها تقوم وتذبحهم لانهم هم السبب في اللي صار لها.
ماجد: وش وقف رغد عند غرفة وليد..خليني اروح اشوف..
بعد ما شاف رغد راحت..راح هو لغرفة وليد وفتح الباب.
وليد لف تامل انها رغد رجعت<<في احلامه..
دخل ما جد وشغل الانوار وسكر الباب..
وليد يوم شافه ماجد: خير وش جابك..فيني النوم..
ماجد: وش جاب رغد في غرفتك..
وليد ارتبك: من قاله؟؟؟؟
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
نرجع لعند رغد..
مشت ورجلها تخبطها في الارض من العصبيه لحد غرفة العنود وفتحت الباب بقوه..
ريم والعنود نقزوا من اماكنهممن الخوف..
رغد: الحين انتي وياها داقينها سوالف ومخليني....وبعدين تعالي يا عنيد ما قلتي لي أي غرفه بنام فيها هاه..
العنود : اهدي اهدي وش فيك تصارخين..
رغد: عشانكم ما شالله فالينها وانا زارعيني هناك المهم وين الغرفه..
العنود: ليه تو وين كنتي..
رغد ارتبكت وصرت تصارخ عشان ما يبان عليها: ما عليك مني في جهنم انشا الله وش عليك..المهم وين الغرفه..
العنود تنرفزت من اسلوب رغد: رغد تكلمي زين لا اقوم وادوس في بطنك سامعه..
رغد خنقتها العبره: ريـــــــــــــــم " وبكت"
ريم قامت وحضنت اختها..
ريم: رغد وش فيك؟
رغد ما تكلمت بس تبكي..
العنود رحمتها وقربت من عندها : رغد وش فيك تبكين..
رغد طالعت العنود وتذكرت وليد والموقف اللي صار لها ورجعت تبكي اكثر..
ريم خافت: رغد واللي يسلمك قولي وش فيك؟؟
العنود: رغد عشانا تركناك لحالك..
رغد لقت لها عذر: ايوه..
ريم: يا بعد عمري والله..انا السبب قالت لي العنود خليها ونا قلت لا.
رغد حقدت على ريم: اصلا كله منك يا الدوووبه..
العنود تسوي نفسها تكلم بزر:يا قلبوو انتي ..هدي يا بعد عمري والله..واقعدي هنا لماااااااا بكره..
رغد ابتسمت من اسلوب العنود: العنود اعقلي عني..
ريم: ايوه نبغاك كذا يلا عاد اضحكي..
العنود: والله من الدلع تبكين..عشانك ما قعدتي معنا اجل لو اني مصفقتك وش بتسوين..
رغد: اذبحك..
العنود: ايه هين...المهم اسكتي ترى عورتي راسي..
ريم: شوي شوي على اختي..
رغد: لو اني رايحه لبيتنا احفظ لكرامتي..
العنود: لالا عاد وش دعوه كرامتك محفوظه وعلى راسي من فوق..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
نرجع اعند وليد..
وليد: من قاله..
ماجد: محد قال لي انا شايفها واقفه عند الباب وباين عليها خايفه..وليد تكلم وش صاير..
وليد: ما صار شي يا ابن الحلال..
ماجد: وش عندها في غرفتك...قلي انا اخوك..
وليد: السالفه وما فيها انها دخلت غرفتي بالغلط وبعدين دخلت انا ولقيتها فيه وهي خافت وطلعت بس هذي السالفه كلها..ارتحت..
ماجد: اكيد بس كذا..
وليد بقلة صبر: ايه..
ماجد: اجل يله انا طالع..
وليد: سكر الانوار والباب..
طلع ماجد..
وليد: آآآآه...انا ورغد كنا سوى وفي سرير واحد ما اصدق ..كانت جنبي ولازقه فيني...آآآآه يا رغد ذبحتيني والله ذبحتيني..شعرها..شعرها كان منثور على اكتافها والدلع والنعومه والحيا..يا ربي ياربي هالبنت بتجلطني.يانااااااااااس اموت فيها اعشقها..احبها..اهواها..كل شي كل شي..اخ يا رغد متى يجي اليوم اللي بيجمعنا مع بعض..انتي وانا وبس..
وابتسم ونام على نفس المكان اللي كانت رغد فيه وحلم احلام يتامل انها تحقق...<<تتوقعون بتحقق..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
عند البنات..
كملوا البنات سوالف..وقامت عليهم عبير وطردتهم برى الغرفه وسكرت الباب..وبعدها راحوا ريم ورغد لغرفتهم اللي جهزتها العنود..ورغد يا عمري عليها اول ما دخلت تاكدت ان الغرفه فاضيه وانها ماهي غرفة احد<<ما تنلام..
وكل وحده راحت لسريرها..ريم نامت على طول لانها من الصباح قايمه للمدرسه بعدين الملكه يعني بالعربي هلكت..
حتى رغد كان فيها النوم بس ما قدرت تنام كانت تفكر بوليد:" وليد يحبني وانا متاكده من هالشي وباين في عيونه انه صادق..بس يا وليد انا ما احبك ولا اتوقع اني في يوم بحبك..وانا ما اشوفك غير اخ لا اكثر..ياربي محتاره ايش اسوي معاه.. اخاف اقوله اني مستحيل احبك واجرحه واذا سكت اخاف يتعلق فيني اكثر...وبصراحه اصعب حب في الحياة الحب من طرف واحد..والله انا حاسه فيك يا وليد.بعد انا مشكلتي اني ارحمه وجه من الله ينرحم..احس اني ما اقدر اقسى عليه او ابعده عني قلبي ما يطاوعني.آآآآه يا وليد حيرتني معاك" ونامت وهي ما بعد اتخذت أي قرار في مصير وليد..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
يــــــوم الخميس..
البنات ما صحوا الا على العصر..
تغدوا وبعدها قعدوا عند التلفزيون بالصاله ينتظرون سواق رغد وريم عشان يرحون لبيتهم ويجهزون اغراضهم لان الرحله لدبي راح تكون الفجر..
العنود: ريم حطي هالاغنيه احبها تكفين..
ريم: يالله يا العنود ذوقك بايخ وما ودي احطها..
العنود: اقول الشرهه مو عليك الشرهه على اللي عطاك الريموت..اقول عطيني اياه..
ريم: ما راح اعطيك اياه..بصراحه ذوقك بايخ وما تحطين الا طق وجلسات خليجيه يا ام الزار..
العنود:الله واكبر من زين الذوق عاد انتي وش تحطين ..هالفديو كليبات اللي تجيب المرض..ريم اقول جيبي الريموت بالطيب لا اخذه بالقوه..
ريم: ما راح اعطيك اياه.وش بتسوين..
رغد: تكفون عورني راسي اسكتوا شوي..
عبير: والله مليت..انتوا ما مليتوا كل شوي متهاوشين على شي..
رغد: والمشكله على اشيا تافهه..ريم عطيها الريموت وفكينا..
ريم: لو تموت ما راح اعطيها.
العنود: وانتو ما جا سواقكم عشان تنقلعون<<معصبه ماحد يشره عليها..
رغد: لالا عاد يا العنود وهذا واحنا ضيوفك تطردينا..
العنود: انتي على عيني وعلى راسي..بس اختك شغلي معها..
وقامت العنود وقعدت على رجلين ريم وتحاول تاخد الريموت منها وريم معانده<<راسها يابس..
ريم: عنيد قومي عني يا الدبى كسرتي رجولي..
العنود: عطيني اياه واقوم.يله بسرعه..
شوي الا سمعوا صوت رجال نازل توقعوه ماجد..الا الصدمه وليد كان يطالعهم وعيونه تطلع منها شرار وهذا هو الوحيد اللي ممكن يفكهم بصرخه وحده او نظره منه تكفي..
وليد بعصبيه وبحزم: وانتوا وبعدين معاكم ما تملون..العنود قومي عن ريم..
طبعا بدون نقاش قامت العنود..
وليد يكمل: وانتي يا ريم عطي الريموت"وبصوت كله نعومه" رغد...
الكل انتبه ورغد نزلت راسها.
العنود صارتتطالع وليد ورغد اللي منزلها راسها..
العنود: وش معنى رغد بدون صراخ واحنا بطيرنا من مكانا من لسانك..
وليد يصرف: انتي صيري مثل رغد وبعدين يصير خير.
ونزل الدرج وراح وجلس على كنبه مقابله لرغد.
رغد ميته حيا ما تحب احد يطالعها وعدلت حجابها..وغير هذا كله متوتره لان اللي جنبها موناس عاديين اللي جنبها ريم والعنود وعبير..اكيد ما راح يخلونها من غير تعيلقات او احراجات..
وليد يدور سالفه يسولفها مع رغد: رغد راح ترحون بيتكم الحين..
وقبل ما تجاوب رغد جاوبت ريم عناد: ايه بنروح الحين..
وليد: انتي من كلمك...
ريم: والله انا حره..وبعدين انت سألت وانا جاوبت وخلاص..
وليد في نفسه" هين يا رويم اوريك"
العنود: وليد اخوي حبيت ا ذكرك بشي كانك نسيته.
وليد استغرب: ايش هو..؟
العنود: التلفزيون من هنا"وتاشر عليه" مو من هنا"وتاشر على رغد"
وليد لقاها فرصه وخربها: وفي احد يحصله يطالع القمر ويتركه..
العنود بصدمه: وليدوه..ترى كلامك انشالله راح يوصل لوزارة الداخليه"تقصد امها"
عبير مصدومه ما تقل عن صدمة العنود من جرأة اخوها: وليد انهبلت انت وش فيك.صاير لمخك او عقلك شي..خير انشاالله وينى فيه..
وليد ببرأه:ليش!! انا وش مسوي..
العنود: وكل هالكلام اللي قلته ولا سويت شي.
وليد وبكل براه: عادي..هذا الصدق تبيني اكذب..

عبير: لالا ..لاتكذب الكذب حرام ..بس انشالله راح تتعلم الصدق على اصوله لما يدري وزير الماليه"تقصد ابوها"
وليد خاف: وزير الماليه...اجل اقوم احسن لي قبل لا تدري وزراة الدفاع والطيران..
العنود: يكون احسن وكل ما اسرعت اكثر..كل ماكان احسن وما ينتشر الخبر اكثر..
ريم كانت ساكته لانها حاقده على وليد لانه مو اول مره يصرخ عليها.
اما رغد يا عمري على حالها ما تدري وش تسوي تقوم ولا تجلس وخصوصا كل ما شافت وليد تذكرت موقف امس الي ما قد صار لها مثله ولا تتوقع راح يصير لها موقف محرج مثله..
طلع وليد وبعده بخمس دقايق وصل سواقهم وراحوا معاه لبيتهم..
بعد ما طلعوا ريم ورغد..
عبير: اقول عنيد تتوقعين وليدوه يحب رغد..
العنود: يالله انتي مغبره..من زمان ميت فيها ..
عبير/ وانتي تعرفين؟؟
العنود: منذ مبطي ..بس انتي الله يخلف عليك ما تدرين وين ربي حاطك فيه..
عبير: بس وليدوه طالع جرئ بزياده..
العنود: عاد الصراحه ما ينلام رغد تهبل تاخذ العقل..
عبير: في هذي صادقه بس عاد يمون بزياده..
العنود: لا تخافين بوقفه عند حده.
عبير: اقول روحي زين تو بغى يطيرك بس بصوته..مره ثانيه لا تستقوين على الفاضي..
العنود: لا من شوي كنت انا الغلطانه..اما الحين هو الغلطان وامسكها عليه لحد ما يقول التوبه عمتي العنود..
عبير: يا جعلك ما تمسكين علي شي..
العنود: اصلا انا ادور الزله عليك..
عبير: بالحلم يا بابا بالحلم..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
في بيت ابو مشاري..
كان الوقت بين المغرب والعشا ..تذكرت اغنية بين العصر والمغرب مرت لمك خياله<<مغبره صح..
ام مشاري: هاه..انشا الله جهزتوا اغراضكم كلها..حق عشر ايام..
ريم بثقه: لالا انا جهزت حق 15 يوم لاننا راح نقعد هناك 15 يوم..
ام مشاري: من قاله؟؟
ريم وبكل ثقه: انا اقوله..
ام مشاري: مالت عليك..
ريم: يمه صدق راح نقعد هناك 15 يوم انا راح اكلم ابوي..
ام مشاري: وش حقه 15..عشره تكفي..
ريم: يمه هذي دبي دبي ..تعرفين يعني شنو دبي..
ام مشاري: واذا..؟
ريم: يعني كل يوم مجمع..كل يوم طلعه..كل يوم مكان ما راح نمل ابد..
ام مشاري: ابسأل ابوك اول..
ريم: عاد انتي يا عمري يا ماما مو تسألين بس حاولي فيه يعني يبيله شوي ويوافق.
ام مشاري: انا بسال وبس...
ريم: يمه ليش النذاله..
ام مشاري: ريم وجع انا امك يا اللي ما تستحين..
ريم: يمه يمه اسفه والله اسفه قلتها على بالي انك رغد..بس يمه تكفين يا قلبي انتي حاولي في ابوي زين..انا طالعه اشتري اغراض..
ام مشاري: مو تقولين بتشترين من دبي..
ريم: يمه عادي هنا وهناك زيادة الخير خيرين..
ام مشاري: يا ربي هالبنت.ماراح يجيب لنا الفلس الا هي..
ريم: يمه خليك فري.انا طالعه..
راحت عشان تاخذ عبايتها ومرت من عند رغد..
رغد: على وين انشا الله..
ريم: بروح السوق..
رغد: وان شا الله كنتي بتروحين لحالك وما كان عندك نيه تقولين لي.
ريم بعربجيه: طيب وهذا انتي عرفتي ما صار شي..يله بتجين ولا اروح..
رغد: يا ربي هالبنت بتذبحني.اعصابك شوي وتقلبين ولد من كثر ما نتي عربجيه..خلي شوي عندك انوثوه..دلع..غنج..اي شي..
ريم: وبعدين يعني راح نطول ولا شلون..
رغد: هدي هدي يا ام الشباب نمبر (2) ثواني اجيب عبايتي واجي معاك..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
عنــــــــد سليمان وتركي..
كانوا جالسين في كوفي ويسولفون..
سليمان: تصدق يا تركي ماني مصدق اني راح اسافر مع ريم..
تركي/ تبيني اعطيك كف على وجهك عشان تصدق..تراك ذبحتنا كل شوي ماني مصدق ماني مصدق خلاص عورت راسي..
سليمان: عشانك ما تدري قد ايش انا مشتاق لها ولا كان عذرتني..
تركي يقلد سليمان: تصدق يا تركي اقصد يا سليمان ماني مصدق اني راح اروح مع رغد..
سليمان: حضرتك تتطنز..
تركي: لا اتغشمر هههههههاي حلوه صح..
سليمان: ما ابيخ منك الا تنطيلك البايخ..اقوم واروح بيتنا وارتاح احسن من مقابل وجهك اللي يجيب الهم والنكد والحزن..
تركي: اعصابك كل هذا عشاني ما صدقتك..يا اخي صدقتك خلاص بس اقعد..
سليمان: لالا بروح..
تركي: تكفى اجلس.
سليمان يتغلى: لالا..لا تترجاني ما راح اجلس..
تركي: اقول انقلع لبيتكم كأن احد ماسكه..
سليمان: هذا وانا اشوف غلاي عندك..واكتشفت اني ولا شي عندك..
تركي: توك تدري..عشانك خبل..
سليمان تنرفز من جد: الشرهه مو عليك الشرهه على اللي اتصل عليك وعزمك وانت مو كفو لا حشيمه ولا كرامه..
تركي وهو كاتم ضحكته: يا ابن الحلال وش فيك عصبت حتي عيونك صار يطلع منها نار......اخ حرقتني هههههه..
سليمان ساكت وعصب زياده لان تركي قاعد يضحك وابرد ماعنده وهو احر ما عنده..
تركي: وانت لا الحين واقف..اجلس يا ابن الحلال.نمزح ..والله نمزح..مشكلتك زعول بسرعه تزعل..
سليمان جلس وهو ساكت..
تركي: احلى اللي اليوم بيشوف حبيبة القلب ريم..
سليمان ابتسم بس تذكر ريم: ايه هذي السوالف السنعه..
تركي/ هونت خلاص انقلع لبيتكم..
سليمان: بأحقرك وبجلس عناد..
تركي: صدق متى الرحله اليوم..
سليمان: 3 الفجر..بس تعال قبل اوكي..
تركي: على فكره نسيت اقول لك ترى نواف وسعود راح يكنون معانا..
سليمان: احلف ..متى صار هالكلام..
تركي: والله من يومين سمعوا بس طاري الامارات على طول احجزوا على نفس الرحله.
سليمان: حلو..اجل بيطلع فله.
تركي: تقدر تقول فله ومو فله ..يعني ما راح نقدر ناخذ راحتنا مع حريمنا على الاخر..
سليمان: صح هذي ما جات على بالي..
تركي: واصلا انت قد فكرت في شي طول عمرك مفهي..
سليمان: بدينا...
تركي: لا انتهينا ههههههاي حلوه لا تقول لا..
سليمان: يا لليل ما اطولك..
وكملوا تنطيل على بعض بالكلام لحد ما راحوا لبيوتهم على الساعه 12 عشان يرتاحون وبعدها يستعدون للرحله..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
في كل البيوت الدنيا حوسه راح ناخذ مقتطفات من كل بيت..
بيــــــــت ابو مشاري..
ريم تصارخ: يمــــــــــــه يمـــــــــه..
ام مشاري: نعم خير وش هالصراخ..
ريم: يمه..شنطتي اللي جهزتها قبل ثلاث ايام وينها..
ام مشاري: وانتي مجهزه شنطه من ثلاث ايام ليش؟
ريم: يمه عشان الحماس وش عرفك...بس الشنطه اللي مجهزتها قبل يومين لقيتها بس الثانيه ما لقيتها..
رغد: شوفيها عند الخدامه..
ريم: وش وداها هناك..
رغد: وانا وش دراني..
وراحت ريم..
رغد: يمه ما شفتي عبايتي الجديده..اللي توني مفصلتها..
ام مشاري: انا حاطتها في دولابك..
رغد: يمه ما لقيتها..
ام مشاري: دوريها زين..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
فـــــــــــي بيت ابو ماجد..
وليد: يمه جهزتي شنطتي..؟
ام ماجد: ايه جهزتها..
وليد: وحقت ماجد..
ام ماجد:ايه كل شي جاهز...
شوي الا الاعصار جايهم..
العنود معصبه وطاير شعرها ومرفعه اكمامها وجهها يطلع منه حراراه..:يمه..ترى اذا ما خذتي بنتك عني لااخلي اليوم اخر يوم بحياتها..
ام ماجد وهي خايفه من العنود لانها اذا عصبت حتى ابوها ما تعرفه: و..وليش وش صاير..
العنود: ذبحتني..جابت لي الجلطه كل شي حاشره عمرها فيه واغراضي كلها في شنطتها..هذا غير العجز اللي هي عايشته.
ام ماجد: طيب خلاص روحي انتي.
العنود: لا ناديها..
وليد: ما سمعتي امي وش قالت..قالت روحي عن وجهي..
العنود: انت اصلا من كلمك..
وليد: وش قلتي ما سمعت عيديها..
العنود: قلت من كلمك انت..وماني خايفه منك وخله يصير لي شي تراك بتروح في خبر كان لان الخبر راح يوصل لوزارة الماليه"تقصد سالفة رغد"
وليد ما تكلم وطلع معصب من االصبح ما سكتها عليه وتحسف قد شعر راسه انه تكلم قدام العنود..
ام ماجد: عيب هذا اخوك الكبير..
العنود: خليه يولي..انا رايحه ..بس اذا عبير ما عقلت عني..ترى راح تشوفينها مرميه من الدور الثاني..
ام ماجد من جد خافت على بنتها وراحت لعندها..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
في بيت ام فواز
نوف: فجوره قلبي وين الجينز اللي شريته امس.
فجر: مدري والله ما شفته<<طبعا هدت من بعد ما انخطبت ونست نصف لعربجيه بس اذا عصبت رجعت نفس اول واكثر..
نوف: طيب..
دخلت ام فواز: هاه حبايبي خلصتوا.
فجر: تقريبا ما بقى شي..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
في بيت ام فيصل..
ام فيصل: شجون خلصتي..
شجون: بس باقي شنطة الملابس..
ام فيصل: اجل من ساعتين وش تسوين!!

شجون: اجهز شنطة الكريمات والميك اب..
ام فيصل: الله يخلف على امً جابتك..وشوله الكريمات هذي كلها..
شجون: اجل تبين بشرتي تخرب..مستحيل اتحرك من السعوديه خطوه بدونها..هي قبلي..
ام فيصل: والله كيفك..
دخل فيصل: اهلين يا احلى ثنتين في العالم..
ام فيصل: هلا بوليدي..تعال اقعد جنبي..
فيصل: هاه جاهزين ترى الساعه2 هناك عشان الاجرات ..
ام فيصل:ايه جاهزين..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
في بيت ام تركي..
تركي جالس عند التلفزيون ورافع رجليه على الطاوله: هنيف قومي جهزي شنطتي..
الهنوف: ما راح اجهز شي..حدي نفسي..
تركي: اقولك قومي سوي اللي قلت لك..
الهنوف: تركي ما ابي غصب يعني..
ام تركي: خير وش فيكم..
الهنوف: يمه شوفي ولدك..
ام تركي: تركي كم مره قايله لك لا تزعل اختك وش فيك ما تفهم..اذا جات حرمتك ا نشا الله اكرفها ليل ونهار ..بنتي ما عليك منها..
تركي: حرمتي اكرفها... الا اخلي بنتك تكرف لها وش وظيفتها في البيت اكل ونوم وبس خليها تشتغل عند حرمتي على الاقل نحللها قبل ما تنقلع بيت زوجها..
ام تركي: ليش هي خدامه تحللها..تعالي يمه الهنوف ولا عليك منه..
تركي: المهم جهزوا شنطتي..
ام تركي: جهزتها وخلصت..
تركي: اجل خلاص زين..سكتي البقره اللي جنبك..
الهنوف: يمه شوفيه..
ام تركي: عاد انتي بلا دلع خلاص اسكتي..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
في بيت ام سليمان
سليمان: محمد,,,محمــــــد..
محمد كان لاهي يلعب بلاي ستيشن..
سليمان: محمد..ترى بقوم وافصله..
محمد وقف اللعبه ولف عليه: نعم خير وش تبي؟؟
سليمان: تعال ابيك بشي..
محمد قام وراح عنده وهو منسدح على الكنب.
محمد: وش تبي..
سليمان: تعال همز رجولي شوي تعبان..
محمد: شايفني فلبينيه عندك اهمزك..روح زين..
سليمان: محمد بلا نذاله..
محمد: صدق بايخ"وراح يكمل لعب"..
سليمان في نفسه"هين اوريك" وقام وراح عند التوصيله وسحب السلك لما انفصل..
محمد طفا في وجهه التلفزيون: سليمانووووووووووه..
وقام يلحقه وسليمان هج وهم يلحقون بعض طيروا مها وحتى امهم بغت تروح فيها بس ربي ستر..
واخيرا جات الساعه ثنتين بالليل والكل اتجه للمطار وتجمعوا هناك..وانشالله البارت الجاي راح اقول لكم وش صار في المطار والسفره كمان...
@@@@@@@@@@@@@@@@@@@@@@@@@@@@@@@@@@@@@
" نـــــــــهــــــــــــــــايــــــــة الـــــــــبـــــــــــــــــــــــارت "

وين الردود

الجـــــــــزء الرابـــــع والعشـــــــرون
تجمعت العائلات في المطار الساعه ثنتين بالضبط..اذكركم بالعائلات..
عائلة ابو مشاري..عائلة ابو ماجد..عائلة ابو فواز مع فواز وبدور وعياله شهد وعبد الرحمن.. عائلة ابو فيصل .. عائلة ام تركي..عائلة ام سليمان..مع سعود ونواف بدون اهاليهم..
جلسوا الحريم والبنات في صالة المسافرين وطبعا ملوها ملي ماخذين الاماكن.. والعيال والابوان راحوا كل واحد يضبط اجراتهم للسفر..
واكل وسوالف وصارخ لحد ما اعلن المطار عن رحلتهم..
ريم وهي تاكل:بنات يله يله نادى..
العنود: يله يله..
وراحوا البنات والكل متجهين للطياره<<جيش ما شا الله..
وبعدها دخلو للطياره وكانوا حاجزين درجه اولى..دخلو البنات هجوم وكل وحده جلست في مكانها..خليني اقولكم عن اماكنهم في الطياره..
من عند الشباك كانت رغد وجنبها الهنوف..وفي الوسط..العنود وريم بعدين فجر..من الشباك من الجهه الثانيه نوف ومها..وقدام العنود كانت عبير وجنبها شجون ولين..العيال كانوا وراهم ما يقدرون يشوفونهم ..الحريم قدام بالمره والرجال متشتتين..
عبير بأعتراض:خير ما ابي اجلس هنا..فجر بدليني..
فجر: على كيفك اجلسي بس..لاتجي المضيفه وتطردك..
عبير: ما ابي هنا ابي جنب اختي..
العنود: توني احلى بعينك وبالبيت مطلعه عيوني انطقي في مكانك احسن لك..
شجون: تحمليني شوي..
عبير جلست: والله شجون ما اقصد كذا بس ابي ارجع ورى..
شجون: كيفك..
عبير حست بشجون: ولا تزعلين بأجلس معك ومع هذا كله بوسه على خدك"وباستها"وش تبين بعد..
شجون ابتسمت: امزح معاك اعرفك تحبين تجلسين معاهم..شي طبيعي كل انسان وميوله وارتياحه ما اقدر اغصبك على شي..
عبير: والله انتي تسوينهم كلهم..
شجون: تسلمين..
لين: اووووف طفش..
شجون: ليش يا قلبي..
لين: ليش ما حطوني مع مشعل..
عبير كاتمه الضحكه: انا قايله لهم..
لين: والله انك حقيره وتافهه..وسخيفه..
عبير: امزح معك وش علي منك..بس احسن تستاهلين..
لين: اوووف تطفشون الواحد..
واعلن كابتن الطياره بربط احزمة امان لانه راح يقلع..
العنود وهي تربط الحزام: ريموه عيى ينربط..
ريم: تراه حزام بسرعه اربطيه..
ومشت الطياره..
العنود وهي خايفه: رويم اقولك ما رضى ينربط معاي..
ريم: طيب وخري خليني احاول..
العنود تصارخ: اقولك وقف ..وقف الطياره بموت..
عبير لفت عليها: اذا ما سكتي والله لا ارميك من الشباك فشلتينا الله يفشلك..
شجون: والمشكله درجه اولى..
العنود: والله ما علي منه خله يوقف لما اربط حزامي..
ريم: طيب انتي وخري عشان اربطه..
العنود: يله ورينا..مع اني اشك ان حزامهم خربان..
ريم وسكرت الحزام: والله مخك الخربان..
العنود: سكرتيه زين..اخاف اموت..
ريم: انتي راكبه قطار الموت ولا طياره..
العنود: يعني مسويه ما تخافين..
ريم بدلع: حبيبتي انا متعوده..
العنود: والله من الفقش كلها مره او مرتين..
وبعدها اقلعت الطياره..
والعنود متمسكه في ريم ومغمضه عيونها..
ريم: وبعدين ترى فشلتيني..
العنود: تحملي محد قالك تعالي جنبي..
فجر: على ايش كل هالخوف عادي.. اعتبيريها مغامره,,
وبعد قايق..
ريم: خلاص فكيني بنوصل وهي متمسكه..
العنود فتحت عيونها: خلاص اقلعت..
ريم: من سنة جدي..
العنود: ايه اشوا..
وفكوا احزمة الامان..
ريم: تصدقين احس اني جايعه..
فجر: توك بالعه..
ريم: ولو..احس اني جايعه..
العنود: حتى انا من الخوف جعت..
عبير: حتى انا..وين المضيفه..
ريم: ما يحتاج مضيفه..جايبه العده اللازمه..
عبير: اعرفك..كفوا والله بنت عمي..
ريم تصارخ: رغـــــد..رغـــــــــد..
رغد مفتشله وتلتفت يمين ويسار عشان تتاكد احد شافها ولا لأ: نعم نعم خير وش تبين..
ريم مازالت تصارخ: عطيني الشنطه الصغيره اللي عندك..
رغد: اللي يبغى شي يجي ياخذه..ماني متحركه من مكاني..
العنود:صدق ان اختك نذله..
ريم: من زمان وهي نذله والحين زياده لان الهنوف معها..لحظه بروح اجيب الشنطه واجي..
العنود: يله بسرعه.
وقفت ريم وعدلت حجابها وصارت تلتفت يمين ويسار تدور حبيب القلب سليمان ولما شافته ابتسمت له وهو ابتسم لها <<ما صدق خبر..
وبعدها راحت لعند رغد واخذت الشنطه وقبل ما تجلس ابتسمت لسليمان مره ثانيه وهو تشقق من الوناسه وبعدين جلست..
العنود: الحين انتي قاعده توزعين ابتسامات ليش؟؟
ريم: بعدين اقول لك..
فجر: وليش ما تقولين عندنا..
ريم فتحت الشنطه وطلعت الشيبس: خذي كلي وانتي ساكته...
العنود: هذا بأيش؟؟
ريم: هذا بالجبنه..
العنود: لالا هذا مو حلو عطيني الثاني..
ريم: طيب خذي..
ريم بصوت عالي:عبيــر..عبيـــر..
عبير كمان بصوت عالي: خير..
ريم: تبين بالجبنه ولا بالملح والخل ولا ايش؟؟
عبير: لا عطيني بالجبنه..
ريم: شجـــــون...شجـــــــــون..
شجون وهي مفتشله: خــــــــير..
ريم: بأي طعم تبين..
شجون تغطت من الفشيله لان الناس بدوا يطالعونهم: ما ابي شي..
ريم: كيفك..وانتي ليون؟
لين: انا ابي مشعل.
ريم: والله هذا مو موجود تعالي بعد ساعه..
لين خانقتها العبره:اوووووف..
ريم تأشر لنوف ومها بس ما عطوها وجه..وهي على نياتها تحسب انهم ما شافوها..قامت وتصرفت..اخذت الشيبس ورمته من بعيد لنوف واخذت الثاني ورمته على مها..
نوف ومها ميتييييين من الفشيله..
العنود: اممممم الله يجنن..
ريم وفمها مليان اكل: ايه ..ايه هذا حلو..
ريم: رغد ما تبين ..؟؟
رغد: ما ابي شي بس فكيني..
ريم: انتي الخسرانه..والهنوف؟؟
الهنوف: لا تحاكيني لما ننزل من الطياره..
ريم: والله كيفكم انا عرضت عليكم خدماتي وانتوا حرين..
شوي وجوا عيال فواز عندهم..
شهد: العنود شوفي عبد الرحمن.
عبد الرحمن: العنود شوفي شهد..
العنود: تصارخ:وانا وش علي منكم روحوا لعمتكم سامعين..
شهد وعبد الرحمن خافوا: طيب طيب.
ريم: بصراحه ما احب البزارين المدلعين..
فجر: حرام عليكم وش سويتوا بعيال اخوي..
العنود: خذيهم وفكينا..
فجر: تعالوا يا بعد قلبي انتوا..
وهم يبكون وفجر تسكتهم..لما العنود طفح الكيل عندها من صياحهم ..قامت وطالعتهم نظره تخوف الجن..
العنود: قسم بالله اذا ما سكتوا ترى بأرميكم من الطياره....
وهم زادوا صياح..
قامت العنود واخذت عبد الرحمن وودته عند امه.
العنود: امسكي ولدك لو سمحتي..
بدور وهي عارفه طبايع العنود:طيب طيب..
ورجعت واخذت شهد وودتها بعد عند امها..
العنود: وامسكي هذي بعد تراها هي اساس البلا..
طبعا كل الركاب عرفوا انهم عائله وحده ومنصدمين من تصرفاتهم..
&&&&&&&&&&&&&&&&&&&&&&&&&&&&&&&&&&&&&&&&&
نرح عند العيال
مشعل ومحمد كل شوي منادين المضيفه..
مشعل: لو سمحتي..
المضيفه: أي خدمه..
مشعل: جيبي لنا كابتشينوا..
المضيفه: ايوه شي ثاني..
محمد: لا سلامتك..
المضيفه: دقايق ويكون عندك.."وراحت"
مشعل: شفت عيونها..
محمد: تذبح..
$$$$$$$$$$$$$$$$$$$$$$$$$$$$$$$$$$$$$$$$$$$$$$
مشاري: وليد شوف هذيك باللي الكرسي..
وليد: ايه وش فيها..
مشاري: تطالعنا من اول ما ركبنا الطياره..
وليد: اكيد تطالعني..
مشاري:من زينك ..لا تطالعني انا..
$$$$$$$$$$$$$$$$$$$$$$$$$$$$$$$$$$$$$$$$$$$$$$
سليمان:تركي شفت ريم وش سوت لي..
تركي: وش سوت؟؟
سليمان: ابتسمت لي..
تركي يطنز: احلف بقوه واصدقك..
سليمان:تركي اتكلم من جد..
تركي: وانا اتكلم من خال..طيب وش فيها اذا ابتسمت لك..
سليمان: يعني تبتسم لي الدنيا..
تركي: ليه دعاية شامبو..اقول اهجد يا ولد..
سليمان: ما اقول الا الله يصبرني على هالصديق البلوه..
تركي يقلد سليمان: سليمان شفت رغد طالعتني ههههههه..
سليمان: صدق انك سخيف..
تركي: هههههه خلاص التوبه بأعقل.
لفوا عليهم نواف وسعود..
سعود: وش عندكم تضحكون ضحكونا معاكم..
تركي: من قايل لكم ان احنا مسوين قطيه..
سليمان: يعني لازم كل شي تعرفونه..
نواف:سعود هذولا الاصدقاء اللي مزعجنا عليهم وتقول فله وما فله..الا يجبون الهم..
سليمان: نمزح وش فيكم تزعلون بسرعه..
تركي: هدو هدو ترى السرعه مب زينه يا وليدي..
سعود: محد قالك من قبل انك ثقيل دم..
تركي: الا سمعتها كثير..واحلى شي سمعهتا منك..
سعود: ياناس فكوني منه ومن ثقالة دمه..
تركي: اعصابك يا ابو الشباب..لا يكون تحسب نفسك خفيف دم..
سعود: ما اتوقع اني اثقل منك دم..
تركي: ليش قايسه هههههههه حلوه صح..
العيال يطالعونه بنظرة استخفاف..
تركي: وش فيكم لا يكون ما عجبتكم..
%%%%%%%%%%%%%%%%%%%%%%%%%%%%%%%%

فيصل كان سرحان بفجر.."الحين فجر تعتبر زوجتي يعني اروح واجي واسولف معها عادي الله وناسه..متى نوصل والله لا ادقها سوالف معها.. باخذ رقمها عشان اطرب اذني بصوتها وبدلعها<<اما دلع كثر منها..
ماجد جالس جنب فيصل.وفيصل صافط عليه وما عطاه وجه..
ماجد:فيصل ..فيصل..
فيصل:هلا..
ماجد:يا اخي سوالف ترى مليت.
فيصل: طيب يله سوالف..
ماجد:طيب عطني وجه.
فيصل: انا مشغول الحين مرني بعد ساعه..
ماجد يطالع فيصل يدور وش مشغول فيه: وش مشغول فيه حضرتك..
فيصل: افكر.يعني مشغول ذهنيا مثل مانت عارف معرس جديد لازم ابني مستقبلي..
ماجد: تحتاج عماله؟
فيصل: حضرتك تستظرف دمك ولا ايش؟؟
ماجد: يا اخي ابغى اضحك شوي مليت..
فيصل: الا صدق يا ماجد ليش ما تتزوج..
ماجد: تصدق ما قد فكرت بالموضوع..
$$$$$$$$$$$$$$$$$$$$$$$$$$$$$$$$$$$$$$$$$$$$$$
فواز لاهي مع زوجته وعياله لحد ما صدع راسه ونام..
العنود وريم مركبين السماعات بأذنهم ويغنون بصوت عالي وهم مو حاسيين بأنفسهم..
العنود تغني:كذا من ربي حبيته..
بسرعه يوم لاقيته..
يا ناس اللي تمنيته..
اخيرا صار محبوبي..
وريم معها خاشه جو..
اللي وراهم انزعجوا كان رجال تقريبا عمره بالاربعين وزوجته..
الرجال: يالله ايش الناس هذي ما عندهم ذوق..
زوجته: معليش ما عليك منهم..
الرجال: ما يصلح انا عندي شغل ولازم اركز وهذي اللي قدامي ما خلتني اركز من يوم ركبت"يقصد العنود"
زوجته: ما عليش عدّها..
الرجال: لالا هذا شي ما ينسكت عنه.
قرب شوي من كرسيها..
الرجال: لو سمحتي..لو سمحتي يا اخت..
العنود تغني وتدق رقبه وما تدري عن امً جابته..
الرجال قام ينغز ظهرها عشا تنتبه..
العنود حست بشي بعديت قالت"شكلي اتوهم"وكملت رقص..
الرجال رجع ينغزها مره ثانيه..
العنود فكت السماعه ولفت على ريم وسحبت السماعه من اذنها عشان تسمعها..
ريم: ليش فكيتيها؟؟
العنود: شكل اللي وراي ينغزني..
ريم: وش يبي؟؟
العنود: ما ادري عنه..
ريم: لفي عليه شوي وش يبي..
لفت العنود وبصوت عربجي: خير أي خدمه.
الرجال ارتبك ما توقع ان اسلوبها كذا:آآآآآ كنت اقول ما عليش تقصرين صوتك..
العنود تتطنز: ايش ما سمعت وش قلت؟؟
الرجال: اقول ممكن تقصرين صوتك..
العنود انفعلت: لا سكتني احسن..ولا الطياره طيارة ابوك وانا ما ادري...
الرجال: انا قلت قصري صوتك بس..
العنود: والله انا حره ..كيفي اسوي اللي ابي مالك دخل فيني..
الرجال: معليش انا اكلمك باحترام فا عامليني بالمثل..
العنود طيرت عيونها: يعني قصدك اني ماني محترمه هاه..شوف يا ولد الناس انا محترمتك لحد الان لانك رجال كبير<<ايه واضح...
بس لا تخليني اتصرف معاك تصرف ثاني..
الرجال يتطنز: يعني وش بتسوين؟؟
العنود: وش بسوي؟؟..انت لف وجهك شوف الي ورى"لف الرجال ورجع لها"...
العنود: شفت ذولا كلهم اخواني..بس بأشاره مني واقول لهم انك تغازلني..تدري وش بيصير فيك...انا اقول لك..بتلقى نفسك تحت كفر الطياره سامع..
الرجال ما رد عليها ورجع لمكانه وهي رجعت وعدلت جلستها..
ريم: والله كلتيه بقشوره..
العنود: نرفزني ما صبرت..
ريم: تصدقين رحمته..
العنود: ليه شايفتني سفاحه..
ريم: لالا حشى...انتي اعظم من كذا ..
العنود: رويم ماله داعي نتهاوش الحين..
ريم: ولا يهمك تبينا نستهبل عليه..
العنود: لالا اللي جاه يكفيه..
ريم: اجل ندور لنا احد نطلع ريحته..
العنود: وانتي الصادقه...الله وناسه..
ريم: بس نبي واحد سبيكه..
العنود:ولا يهمك..
$$$$$$$$$$$$$$$$$$$$$$$$$$$$$$$$$$$$$$$$$$$$$$
عبير: المهم اقول لك وقعدت اهزئ فيها لما صارت تبكي..
شجون مندصمه: حرااام..ليش كذا؟؟
عبير: احسن تستاهل اللي جاهها..اجل تتلزق في خلق الله..
شجون : رحمتها...
عبير: انتي خلك قويه..لا تصرين ضعيفه بعدين يا كلوك..
شجون: ليش حنا في حديقة حيونات..
عبير: واعظم يا حبيبتي..شوفي انتي اجلسي معاي ثلاث ايام بس وانا اعطيك كورسات في الطقاق والتهزئ والنظرات مجانا..
شجون: احاول..
عبير: ايوه كذا تعجبيني..
لين: وانتي ما خلصتي نصب...
عبير: قسم بالله ان ما سكتي لا اخليك تندمين عالساعه اللي صرتي تقربين لي فيها..
لين خنقتها العبره: وين مشعل يدافع عني..
عبير: احسن تستاهلين اللي يصير لك..ما بقى الا البزارين..
شجون: حرام عليك صغيره ما تستاهل.
عبير: ما عليك منها خلني اكمل لك..
$$$$$$$$$$$$$$$$$$$$$$$$$$$$$$$$$$$$$$$$$$$$$$
نوف ومها داقينها سوالف ..واللي قدامهم كانوا شابين واحد مملوح والثاني جميل..
نوف: مهاوي..
مها: هلا..
نوف: شفتي اللي قدامنا..
مها: اوه هذولا...شايفتهم..
نوف: ما شالله عليهم يهبلون...
مها: ايه ما شالله..
الشباب وكأنهم قروا افكارهم ولفوا عليهم.
الاول: اهلين بالصبايا<<مو راكب عليه اللبناني..
الثاني: هلا واالله بالحلوين..
نوف بربكه وهمست لمها: مهاوي تتوقعين سمعونا..
مها تحاول تهديها: ما اظن ..بس لا تعطينهم وجه..
نوف : ان شالله..
الاول: عطونا وجه..
الثاني: وش دعوه لهدرجه ما ملينا عينكم..
مها: لو ما لفيت وجهك ترى راح يصير لك شي ما يسرك..
الثاني: وانا ابغى اعرف وش بيصير لي.لاني متاكد ان كل شي منك حلو يا حلو...
نوف: صدق انك ما تستحي على وجهك..
مها: تعوذ من ابليس احسن لك..

فجر انتبهت للي قاعديت يتميلحون عندهم وراحت عند العيال..
شوي ما حسوا هالاثنين الا بظل ثلاثه اشخاص..كانوا طلال وسليمان ومشاري..
طلال: وين يا الحبيب مضيع لف وجهك قدام..
الاول: وانت وش عليك..
مشاري: ترى احسن لك تلف وجهك بالطيب لا الفه لك بالغصب..
الثاني: ممكن نعرف من تكنون عشان تكلمونا بالطريقه هذي..
سليمان: نكون اخوان البنات اللي وراكم..
الولدين بلعوا ريقهم ..وتوهقوا بس ما بينوا هاالشي..
الاول: احم..طيب هم خواتك..احنا وش دخلنا..
طلال: حضرتك تستعبط ولا ايش..
الثاني: شوف يا اخ..احنا واثقين من انفسنا.واحنا ما سوينا شي غلط وراح نعديها لكم اوكي..
مشاري: انت بالذات اسكت.
الثاني سكت ولا تكلم وحتى الاول..وصاروا منضبطين تمام التمام<<ما ينفع معاهم الا كذا خخخخ
ورجعوا الثلاثه لاماكنهم..
وليد: مشاري وش السالفه..
مشاري: سلامتك بس رحنا نتفاهم مع اثنين كانوا يتميلحون عند نوف ومها..
وليد: وان شالله كان فيه كم بوكس وكم رفسه وكم كف..
مشاري: كل هذولي بتصير في الطياره..
وليد: صح نسيت..ايوه وش صار..
مشاري: بس عطيناهم كم كلمه وتادبوا ...اصلا باين عليهم اول مره يغازلون يعني ما عندهم سالفه..
وليد: هههههه يا ليتني كنت معاكم.الله فله..
$$$$$$$$$$$$$$$$$$$$$$$$$$$$$$$$$$$$$$$$$$$$$$
طلال رجع مكانه...كان جالس جنب وحده امريكيه جميله لابعد حد وصغيره...طبعا انا بترجم الكلام عشان تفهمون<<ايه هين..
طلال: "لو سمحتي.."
ودخل مكانه اللي كان عند الشباك..
الامريكيه: "اكيد...هل انت سعودي.."
طلال: "نعم ..وانتي..."
الامريكيه: "انا امريكيه..."
طلال: هلا والله..اقصد"تشرفنا"
الامريكيه:"وانا ايضا..هل تدرس ام تعمل"
طلال:"لا انا طالب بالجامعه"..
الامريكيه:"جيد جدا..واي قسم تدرس"..
طلال:"ادرس قسم ادراة اعمال"..
الامريكيه:"رائع..هل لاحظت انني اكثرت عليك الاسئله"..
طلال: لا عادي تمونين<<امزح"لالا بالعكس"..
الامريكيه: "هل استطيع ان اسألك سوال شخصي".
طلال:"ممكن تفضلي"
الامريكيه:"هل انت مرتبط"
طلال:"حاليا..لا"
الامريكيه"وليس عندك حبيبه"
طلال:"قريب"
الامريكيه:"اني احسدها..لانك شاب وسيم وفي مقتبل العمر وعندك اسلوب اكثر من رائع"
طلال ابتسم ابتسامه تدوخ"شكرا"
%%%%%%%%%%%%%%%%%%%%%%%%%%%%%%
العنود: أي يا بطني من كثر البيبسي صار يعورني..
ريم: روحي لدورة المياه.
العنود: طيب تعالي معي...
ريم: يله..
راحوا لدورات المياه الدرجه الاولى حصلوها مليانه..
ريم: تقدرين تصبرين..
العنود: ولا ثانيه...
ريم: اجل خلينا نروح لدرجه الثانيه..
العنود:يله.
وهم ما رين ريم شافت سليمان وذابت عليه لانها شافته قريب بالمره وبغت توقف عنده وتسولف بس سحبتها العنود..وقبل لا يصلون..
العنود: رويم مو هذا طلال..
ريم وهي مبسوطه: ايوه هذا طلال..
العنود والشرار يطلع من عيونها: ومن هذي اللي معه..
ريم: عنيد شوفيها تاخذ العقل تهبل بعذره ولد عمتي منهبل عليها وداقها سوالف معها..
العنود: رويم احر ما عندي ابرد ما عندك..
ريم: يعني وش بتسوين..
العنود: الحين اعلمك وش بسوي..
راحت العنود ووقفت فوق راس الامريكيه وتطالع طلال..
طلال ارتبك من نظراتها له: العنود ..هلا والله وشلونك..
العنود: من هذي..
طلال: اعرفك عليها..اسمها انجلي..
العنود: احلف انها انجلي..
طلال وبكل برائه: والله انها نجلي هي قالت لي..
العنود: بعد هي اللي قالت صدق انها ما تستحي على وجهها ...هيه انتي...
انجلي: "هل تتكلمين معي"
العنود بالعربي: لا اتكلم مع الجدار اللي وراك<<تقصد طلال.
انجلي:"لم افهم عليكي"..
العنود تكلم طلال: بقره هذي ما تفهم,,
طلال: العنود ترى ما اسمح لك تتكلمين معاي بهذي الطريقه..
العنود: ومن تكون عشان تسمح لي...انا العنود اسمح لعمري فاهم..
طلال: العنود تراك مسختيها عاد..
ريم: العنود هدي شوي..ترى بتندمين..
العنود: تكفين عاد وش اندم عليه..
طلال: العنود ابي افهم انتي ليش معصبه..
العنود سكتت لانها ما تقدر تقول له عشاني احبك واموت فيك...
طلال: يعني ما عندك عذر...
ريم:طلال معليش الحين العنود معصبه بعدين ا نشا الله نتفاهم اوكي..
طلال: براحتك..
ريم سحبت العنود لدورات المياه..
انجلي:"هل تعرف هذه الفتاة"
طلال:"نعم....انها قريبتي"
انجلي:"هل تحبك؟؟"
طلال:"لا.... لماذا السؤال!!"
انجلي:"لان الحب واضح في عينيها"
طلال بسخريه: العنود تحبني هههههههه حلوه النكته...اصلا العنود تحب نكته..وشلون تحبني تطلع مسخره...
&&&&&&&&&&&&&&&&&&&&&&&&&&&&&&&&&&&&&&&&&&&&&
العنود كاتمه العبره لانها ما تحب تبكي ابدا..
ريم: بصراحه يا العنود..الحركه اللي سويتيها غلط..
العنود منفعله: اصلا من قال اني احبه..انا اكرهه اكرهه ما احبه..ما اطيقه..
ريم: خلاص عنوده هدي حبيبتي انتي الحين معصبه..اذا هديتي تفاهمنا اوكي..
العنود بعصبيه: اصلا ما ابغى اسمع سيرته فاهمه..طلال راح اطلعه من حياتي..ومثل ما دخلها بالغصب راح اطلعه بالغصب..
ريم كسرت خاطرها العنود..لانها بصعوبه اعترفت بهذا الحب ويوم اعترفت لقت اللي تحبه مو معطيها أي اهتمام..اصلا ما يعا ملها كأنها بنت وعندها احساس..دايما يعاملها على انها قاسيه وما تحس.. وغير هذا معتبرها ولد وعمره ما حسسها بانها انثى ..وهذا اكثر شي مأثر فيها..
رجعوا لاماكنهم.وهجدوا البنات لان العنود كانت طول الوقت سرحانه وتفكر..
واخيرا اعلن كابتن الطياره بربط احزمة الامان لوصولهم مطار دبي....
@@@@@@@@@@@@@@@@@@@@@@@@@@@@@
" نـــــــــهــــــــــــــــايــــــــة الـــــــــبـــــــــــــــــــــــارت "

الجــــــــــــزء الخــامــس والعشــــرون
ربط جميع الركاب احزمة الامان..وهبطت الطياره..وبعد لحظات وقفت ونزلوا جميع الركاب..وكل واحد ينتظر المستقبل وش مخبي له..
خلصت العوائل اجرات المطار وبعدها توجهوا للفندق اللي كانوا حاجزينه لانهم من جد كانوا تعبانين ويبون يرتاحون..بعد حوالي نص ساعه وصلوا للفندق..كانوا حاجزين تقريبا ممر كامل لهم..البنات اعترضوا كانوا يبون سويت لهم .بس اكيد الاهالي رفضوا وصارت كل عائله في سويتها الخاص..
عبير: ما يصير كذا.نكون مع بعض ولا يكون لنا سويت خاص..
العنود: ولا يهمكم كلها يوم نكون تحت طاعتهم.وبعدها راح نعلن العصيان..
ريم: اختي في الله ..شكل المخ عندك ملتمس..اي طاعه واي عصيان اللي انتي عايشتها..
العنود: يعني ما تبين الحريه..
ريم: اكيد ابيها..
العنود: خلاص خليك معاي..
ريم في نفسها"يا حبي لك يا العنود .تكابرين على نفسك وتسوين روحك مو زعلانه ولا كأن شي صاير بس باين عليك والله باين"
الهنوف: حسافه يا رغد..تمنيت نكون مع بعض مثل ايام الشاليه..
رغد: ولا يهمك ما سمعتي من شوي خطة العنود في حربها على الاهالي..خلاص ارقدي وامني..
الهنوف: والله العنود تحمس الواحد..
رغد: ايه يا حبي لها والله..
راحوا البنات كل وحده على سويتها..
اول ما دخلوا..
رغد:واو..بصراحه يجنن ما توقعته بالفخامه هذي..
ريم: بصراحه خيالي..
رغد: بس جوعانه...
ريم: حتى انا..
رغد: وش رايك نتصل على البنات عشان نفطر مع بعض..
ريم: اوكيه فكره حلوه.راح اتصل عيلهم..
وبعدها سمعوا صوت موبايل ريم يرن..
ريم:مين اللي متصل علي..
رغد: روحي شوفي..
ريم شافت الاسم وردت وهي مبتسمه: الوو..
العنود: هلا والله بنت عمي..
ريم: هلا والله عمرك طويل توني كنت ناويه اتصل عليك..
العنود:هههههه على قولة المثل القلوب مترابطه..
ريم: ههههه أي مثل هذا...يقول المثل النسخه الاصليه القلوب عند بعضها..وش مترابطه..
العنود: كل الطرق تؤدي الى الرياض..عادي..
ريم: المهم وش كنتي تبين..
العنود: كنت اقول جوعانه وش رايكم نفطر..
ريم: بصراحه اكتشفت اننا بنات عم اكيد..افكارنا مثل بعض..
العنود: اكيد طالعه علي..
ريم: ايه طالعه عليك خلصينا.. عبير وينها ما لها حس..
العنود: سمعت ان الفطور فيه نزله لتحت وتعيجزت تنزل فا قالت طلعوه لي فوق..
ريم: لو تموت ما طلعنا لها شي..احسن اللي يبي الشي يتحرك..
العنود: اجل مستحيل تتحرك..
ريم: احسن ما عليك منها..بس اتصلي على البنات.
العنود: اوكيه..
اتصلت العنود على البنات بعضهم وافقوا وبعضهم كان فيهم النوم فما راح يجون معاهم..
نزلوا العنود وريم ورغد والهنوف وفجر.
ريم: تراني جوعانه حدي يمكن اطلب لي عن شخصين..
رغد: بلا فجاعه..خلك ثقل..
العنود: هذا بطن ما فيه ثقل وبرستيج وما ادري ايش...
الهنوف: يله خلصونا خلونا نفطر وننااااااام تراني تعبانه حدي..
فجر: يله..
وطلبوا البنات فطور..وريم والعنود طلبوا لهم دبل وما كلوه فجاعه الله لا يبلاكم..
العنود وهي تحط الكروسان:آآآآآه بطني..خلاص ما عاد اتحمل لقمه ثانيه.
ريم: حتى انا..ما عاد اقدر اتنفس..ما ادري كيف بنام.
العنود: صادقه..
رغد: احسن تستاهلون..
ريم: هوينا تكفين..ترى تعبانه حدي.
فجر: يله حبايبي خلونا نطلع فوق ترى ما اقدر افتّح..
الهنوف ورغد: يله..
العنود: طيب ما اقدر اتحرك.
ريم: اجلسي معاي شوي..بعدين نطلع..
العنود: اوكيه..خلاص انتوا اطلعوا..
البنات: اوكيه "وطلعوا وعلى طول ناموا"
ريم بتردد: العنود...
العنود: هلا..
ريم: آآآ.....كنت اقول....اليوم...على اللي صار اليوم مع طلال..
العنود: بليز ريم لا تذكريني..
ريم: طيب انتي صدق راح تشيلينه من بالك..
العنود: ليه هو على كيفي..لو انه على كيفي كان ما خليته يدخل قلبي وحياتي وتفكيري.
ريم: اووووه صرتي شاعره..
العنود: وش دراك..صرت نجاح المساعيد..
ريم: ادعس..والله تطورات..
العنود: امزح ترى هذولا كم كلمه حافظتهم وبصعوبه..
ريم: طيب وش راح تسوين مع طلال..
العنود: ما راح اسوي شي..
ريم: راح تقولين له انك تحبينه..
العنود: هذا الشي من المستحيلات..
ريم: ليه؟؟
العنود: مستحيل افرض نفسي على احد .اذا هو مو معبرني..فا خلاص اسوي نفسي مو معبرته..لما يعاملني مثل الناس والعالم وبعدها اعامله زين..
ريم: طيب حاولي تجذبينه بأي طريقه.
العنود: هو خليه يشوفني بالاول بعدين يصير خير..
ريم من جد كسرت خاطرها العنود: طيب خلينا نسوي خطه نلفت انتباهه..
العنود تحمست: كيف..
ريم: اخليك البطله..الحنونه..المضحيه..اي شي..اتوقع انتي فاهمه قصدي..
العنود: تتوقعين ينفع معاه..
ريم: نجرب ما راح نخسر شي واذا ما نفع لاتنسين دائما وابدا معاك ام الخطط.
العنود: اوكيه ما عندي مانع..اصلا ما تفرق معاي اذا ما نحجت لانه صار عندي عادي ما صرت اهتم كثير..
ريم: لا ا نشا الله بتنجح وبتشكريني..
العنود: نشوف..طيب قولي اول شي وش اسوي..
ريم: شوفي"وقالت لها عن الخطه اللي ناويه عليها"
وبعدها طلعوا ينامون..
&&&&&&&&&&&&&&&&&&&&&&&&&&&&&&&&&&&&&&&&&&&
الساعه ثلاث العصر..
الامها والابوان صحوا<<مثل العاده..
ام مشاري تتصل على ام فيصل: هلا والله ام فيصل ..صباح الخير..
ام فيصل: الناس يقولون في هذا الوقت مسا الخير بس يله بعديها..
ام مشاري: هههههه..المهم خلينا نتجمع وننزل نتغدى مع بعض في مطعم من المطاعم..
ام فيصل: خلاص انا راح اتصل على ام فواز وام ماجد وانتي ام تركي وام سليمان..اوكي.
ام مشاري: اوكي..مع السلامه..
ام فيصل: مع السلامه..
كل وحده اتصلت على الثانيه واتفقوا انهم يصحون العائله ويطلعون مع بعض..
ام مشاري: ريم..رغد..يله عاد اصحوا عشان تصلون يله بسرعه..
رغد: اوكيه مام...........ريم اصحي..

ريم في سابع نوم..
رغد بصوت عالي: ريــــــــــــــــــــــــــــم..
ريم قايمه وهي مرتاعه: مين....سليمان....وين...
رغد تضحك: ههههههه أي سليمان واي خرابيط.
ريم: سليمان ما كان هنا..
رغد: لا في حلمك يا ماما.. اصحي يله قومي صلي عشان نطلع..بسرعه .
ريم: كم الساعه الحين..
رغد: الحين العصر..
ريم: خلاص صحيت..بس انتي روحي..
رغد: حركاتك قديمه..يله قومي الحين..
ريم:لاحوووول..طيب قمت قمـــــــــــت.
رغد تبي تنرفزها: بسرعه خلصي سامعه..
ريم: ما راح ارد عليك لاني مو رايقه لك..
رغد: غريبه وش عندك..
ريم: اكيد لاني محلمه في سليمان.
رغد: صدق انك مخفه..
&&&&&&&&&&&&&&&&&&&&&&&&&&&&&&&&&&&&&&&&&&
العنود: وجع..اصحي عورني حلقي من كثر ما اصارخ...
عبير: بالله في احد يطلع العصر...
العنود: اجل متى الناس يطلعون.
عبير: المغرب العشاء..بس الحين وقت نوم..
العنود: ما بعد شبعتي نوم يا خيشة النوم..يله اصحي ولا انادي خالتي ام مشاري..
عبير: لالالا كل شي ولا خالتي ام مشاري.."وصحت"
العنود: لو اني داريه كان قلت ام مشاري من زمان..
عبير: عشانك نذله.
العنود: بس مو اكثر منك..
&&&&&&&&&&&&&&&&&&&&&&&&&&&&&&&&&&&&&&&&&&&&&&&
العيال كانوا مجتمعين في سويت واحد..وطبعا بدون ما يحسون البنات لانهم لو دروا راح يسونك كارثه في العالم لا يعلمها الا الله ...دخلو عليهم الشياب
ابو فيصل: يله اصحوا..
ابو مشاري: يله بسرعه ترى ما صليتوا لا العصر ولا الظهر ..يله اصحوا..
مشاري: حتى هنا لاحقينا..
ماجد: وفي كل مكان راح تشوفهم..
طلال: شكلي راح احط منبه عشان ما يصحوني..
فواز: لو اني نايم مع زوجتي ابرك لي..
وليد: حرام عليك تاركها لحالها..
فواز: لا تخاف خليتها مع امي وخواتي.
فيصل: تصدق ما تستاهلها..ما ادري كيف متحملتك..
فواز: انا ابو عيالها...بس بكره راح انوم عندها عشان ما يقوموني هالشياب بالطريقه الهمجيه هذي..
سليمان: احلى ياللي مدلع..
فواز: تزوج تتدلع ..تقعد عند اهلك تتفلع..
تركي: وانت صادق..
مشاري: وش عندك شكلنا بنسمع خبر زواجك قريب..
تركي: لا عاد وش دعوه..
وليد: ما اقول الا الله يعين زوجتك..لانها اصلا ما تزوجتك الا لانها ناويه الانتحار وماله من نفسها..
تركي: يعني ودك نتضارب ولا ايش.؟؟
وليد: لالا امزح معاك..خلاص خلنا ننسى اماضي واحنا عيال الحاضر..
تركي ابتسم: يكون احسن..
العيال يصفقون ويصفرون: هوووووه واخيرا ...
دخلوا الشياب..
ابو ماجد: بشروا كم كم..
ابو فواز: اصلا بين مين ومين..
العيال فاقعين ضحك..
وليد: يبه مو مباراة..
ابو فواز: اجل ليه التصفيق والتصفير..
طلال: يبه عندنا احتفال خاص..
ابو ماجد: والله من السخافه يله اصحوا بلا حركات مراهقين"وطلعوا"
مشاري: يله اصحوا لا يفجرون فينا..
العيال: يله..
تجهز الكل ونزل تحت ينتظرون بعض وبعدها طلعوا...البنات ركبوا الجمس وابو مشاري يسوق فيهم..
راحوا لمجمع عشان هناك المطاعم تكون كبيره وتصلح لعوائل بهذا الحجم..
البنات والحريم اخذوا طاوله مع بعض ..والرجال والعيال مع بعض..
تغدى الكل وبعدها تمشوا بالمجمع وتفرقوا..
ريم: العنود الحين لازم تسوين اول خطه اللي هي انك حنونه وطيبه..
العنود: اوكيه..
ريم كان معاها عبد الرحمن ولد فواز وتضربه وكان قبالهم طلال..
ريم: احسن يله رح عند طلال..
عبد الرحمن يبكي وركض وتمسك برجل طلال..
ريم كانت صارت تتجه لهم و معاها العنود..
ريم: تعال هنا..دحوم..تعال هنا بسرعه..."وتقرب من عنده"
عبد الرحمن تمسك اكثر بطلال: مابي مابي..
وصلوا العنود وريم لعند طلال..
طلال: دحوم حبيبي اكيد العنود ضربتك..
ريم تقلب وجهها الوان بعد جملته هذي.
العنود خنقتها العبره كانت تطالع طلال وتقول في نفسها" ما فيك فايده" وبعدها لفت على ريم ناظرتها بنظره كلها الم وياس.
ريم اشرت لها لازم نبين له وانها لازم تكمل الخطه..
العنود جارت ريم بكلامها بس بنفس كلها يأس ومكسوره..
عبد الرحمن: لا هذي ريم..
ريم: دحوم تعال هنا..
طلال: ليش وش مسوي..؟؟
ريم: مخرب عباية العنود واغراضها وملعوزها وهذا جزاها وهي ماسكته..
طلال يطالع ريم كان يبي يتاكد ان الكلام اللي تقوله ريم صحيح..
ريم اشرت للعنود.
راحت العنود واخذت دحوم من طلال وشالته وحضنته وعطته بوسه وعيونها مليانه دموع..وباين عليها الانكسار لدرجة ان ريم توقعت العنود بأي لحظه بتنفجر وتبكي..
العنود بصوت حنون: حبيبي دحوم خلاص لا تبكي عشان خاطري..وبعدين يا ريم "وسكتت شوي كانت تبلع عبرتها وتخفيها"وبعدين يا ريم خلاص خليه يسوي اللي يبي انا ما طلبت منك تدافعين عني..
ريم: بس هو.....
العنود قاطعتها: خلاص اقولك سامحته...
طلال حس بتأنيب الضمير وهو يشوف عيون العنود مبين عليها الحزن والرحمه وقال في نفسه" معقول كل هالحزن عشان دحوم.العنود ممكن تكون بالحنيه هذي...مستحيل...ليش مستحيل ما هي بشر مو هي بنت وعندها قلب...بس احس انها دايم قويه ما عمري شفتها بالضعف هذا..حرام ظلمت البنت..ما توقع انها سمعتني..لانها لو سمعتني كان اخذت تهزيئه محترمه..انا اعرف العنود"

ريم: طلال....طلال..
طلال: هلا..
ريم: وين رحت..
طلال: معاك...
ريم: كنت اقولك ترى دحوم مع العنود اوكيه..
طلال مستغرب:مع العنود؟؟
ريم: ايه..
طلال :مو هي ما تحب البزران..
ريم بمبالغه:من قاله..اصلا العنود لو تشوف بزر قدامها ما تعرفه تنهبل عليه وشلون دحوم وشهد تموت عليهم..
طلال: ايه يا حليلها..خلاص اوكيه باي..
ريم ابتسمت ابتسامه عريضه: باي..
راح طلال..
ريم بصوت عالي: يــــــــس..
وراحت تركض عند العنود وصارت تنطط عندها..
ريم: عنوده نجحت الخطه الاولى..شفتي شفتي قايله لك ان"وسكتت شافت العنود تمسح دموعها"
العنود: وش بعده يا ريم وش بعده..بعد الكلام اللي قاله مثل السم على قلبي..
ريم: عنوده لا تكبرين المسأله..عادي.. وبعدين هو قال الصدق واقرب شي يوم كنا بالطياره ..رميتي دحوم على امه رميه أليمه..
العنود كاتمه الضحكه: ولو المفروض ما يقول هالكلام..
ريم: تكفين عنوده اضحكي والله ما يليق عليك الا الضحكه..واصلا احلى ما فيك ابتسامتك..
العنود: تسلمين يا قلبي..
ريم: ههههه الرومنسيه تهبل منك..
العنود: على قولة عبير خلينا نتعلم..
ريم: عشان الحبايب..
العنود: اصلا ما ذبحني الا هو..
ريم: الله يجمعكم قولي امين..
العنود:امين...وهديه لك راح اخليك تشوفين سليمان وتكلمينه بعد..
ريم: على ايدك..
العنود: يله امشي معاي..
سحبت العنود ريم وتوجهت مباشره عند تركي وسليمان..
العنود: سليمان اسمع بأترك عندك امانه وانتبه لها زين اوكيه..
سليمان ما فهم عليها: اوكيه ..بس وش هي..
العنود سحبت ريم وحطتها قبالها: هذه..
سليمان ابتسم: هذي الامانه!!
العنود: ايوه..
سليمان: اوكيه امانتك في عيوني..
العنود: ترى ما راح اطول عشان ما اكلف عليك لاني ادري ان امانتي مزعجه وما تنطاق دقيقه..
ريم عصبت: العنود وبعدين معاك..
سليمان: لالا عندي استعداد اتحملها الدهر كله..
تركي كان ساكت ويطالعهم..
العنود: اوكيه باي..
سيلمان: مع السلامه ومشكوره..
تركي: وليش الشكر ا نشا الله..
سليمان: اسكت انت...ريم اجلسي ليش واقفه..
ريم وكلها حيا: اوكيه..
سليمان: كيفك ريم..بجد من زمان عنك..
ريم: انا بخير ..حتى انت من زمان عنك..
سليمان: ايوه..سولفي"مشتاق يسمع صوتها ويروي قلبه بشوفتها"
ريم وهي متوتره: وش اقول غير ان لو اهلي لو شافوني جالسه معاكم راح اروح المقبره وبس..
سليمان: بسم الله عليك ا نشا الله عدوينك..
ريم ابتسمت ونزلت عيونها"يا ربيه ومع هالجمال كله يتغزل فيني..اليوم العنود اول مره تسوي شي زين"
تركي: نحن هنا ..معاكم على الخط عطوني وجه..
سليمان: انت هنا ...تصدق حسبتك هناك..
تركي: وتستخف دمك بعد بصراحه في انجاز كبير..
سليمان: واللي يعافيك اكرمنا بسكوتك شوي..
تركي: انا كريم وانت تستاهل وهاه" حط ايده على فمه"
سليمان: ايوه رورو وش كنا نقول..
تركي: قبل لا اسكت بقول شي..
سليمان: اووووف..يله قول..
تركي: ريم وين رغد.؟؟
ريم: رغد مع الهنوف..
تركي: هالهنوف محد راح يذبحني غيرها كل شي ناشبه فيه..
سليمان: خلصت ..ممكن تسكت الحين..
تركي: لا مو ممكن..خير انت فالها وانا لا....ابي رغد ولا ما راح اسكت..
ريم تبي ترفع ضغطه: لو سمحت ترى رغد هذي اللي تتكلم عنها هذي اختي..
تركي: احلفي بس...تصدقين توني ادري ان الغزال ممكن تكون اخته بقره مثلك..
ريم: اجل لو تموت ما راح نتشوف رغد الا على جثتي..
تركي: اجل الحين اذبحك وافتك منك ..
سليمان بدى يعصب: وبعدين..بتجي صاحبة الامانه وانا ما بعد قلت شي..
تركي: احسن هذا اللي انا ابيه..
سليمان: يا نذلك.
تركي: توك تدري ..من زمان وانا نذل..مسكينه الهنوف كل يوم تقولي هالكلمه..
سليمان: وانت بتقول قصة حياتك..
تركي: بقولها لما تجي صاحبة الامانه..
سليمان: تروك خلاص عاد..
تركي: رحمتك ..خلاص بسكت..
سليمان: ايوه رورو..
تركي: تذكرت شي..
سليمان عصب: تركي وبعدين معاك..
تركي: تصدق نسيت..خلاص خلاص بسكت.
ريم: انا بقولها..ايوه رورو..
سليمان: هههههههههه تصدقين اشتقت لهبالك...
ريم استحت: سليماااان..
تركي: احلى يا اللي يستحون.
سليمان واختفت ابتسامته: بكم القطيه يا الحبيب..
تركي: ما علي منك جب لي رغد واسكت..
مرت رغد والهنوف من عندهم
@@@@@@@@@@@@@@@@@@@@@@@@@@@@@@@@
" نـــــــــهــــــــــــــــايــــــــة الـــــــــبـــــــــــــــــــــــارت "

الجـــــــــــــــــــزء السادس والعشــــــــرون
مرت رغد و الهنوف من عندهم..
تركي على طول قام وراح لهم..
تركي: كذا اختك تجلس مع صديقي وساحبين علي لحالي..
الهنوف: وش علينا منك..
رغد عقدت حواحبها: ريم ليش تجلس معاكم من سمح لها..
تركي حس انها معصبه: هدي شوي..كانت هي مع العنود..
رغد: اوكيه..الموضوع كذا .وخر شوي عن طريقي..
تركي منصدم: وش فيها رغوده..
الهنوف : اولا ..لا تقول رغوده..ثانيا شكلها موصله معاها..
راحت رغد لعند ريم.
ريم: اهلين رغوده..
رغد بحزم: ريم ممكن شوي..
ريم خافت: اوكيه"وقامت معها"
رغد سحبتها واخذتها بعيد..
رغد: من سمح لك تجلسين معاه..
ريم بلعت ريقها: محد سمح لي.
رغد: وبأي حق جلستي معاه..او السبب اللي خلاك تجلسين معاه..
ريم: العنود هي اللي جابتني..وانتي تعرفيني زين..
رغد: طيب العنود تقولك طبي في النار تطبين..
ريم: رغد...انا..
رغد: انتي ايش..انتي اصلا لو كان عندك ذره مسئوليه كان ما جلستي معاه..انتي لو كان عندك ذره خوف ما جلستي معاه..انتي لو عندك احترام لنفسك ولا لأهلك ما جلستي معاه..
ريم: رغد انا..
رغد: انتي تعرفين لو ان مشاري شافك جالسه معاهم لحالك وش بيسوي..
ريم: طيب يا رغد..
رغد: لاتتكلمين ولا كلمه...خلاص انهي الموضوع الحين وبعدين نتفاهم..
ريم سكتت لان رغد معها حق..بس اللي قهرها انها مواهي السبب ولا قدرت تبرر لرغد..وهي تدري ان رغد تخاف عليها من نسمه الهوا..
رجعت رغد ومعها ريم للهنوف..
رغد: يله الهنوف..
تركي: رغد..
رغدلفت عليه: ايوه.
تركي: بس..كذا بتمشين!!
رغد: ليش تحتاج او تبغى شي مني..
تركي: انا.............
قطعت عليه الهنوف: اوكيه تروك بعدين مو وقته.."ومسكت رغد ومشوا"
تركي: شفت انها نذله..
سليمان وقف جنب تركي: تركي شكل رغد عصبت وريم طاحت بالسالفه..
تركي: مسكينه ريم.. بس معها حق رغد تعصب..
سليمان: وليش ان شا الله..
تركي: بصفتنا شنو جالسه معانا حتى القرابه ما تقرب لنا..لالا صدق زوجتي محترمه اخلاق وعقل وثقل..
سليمان: وش قصدك ان ريم مو محترمه..
تركي: ما قلت كذا..اقصد انها صغيره واكيد انها ما انتبهت لهشي..
جاتهم العنود تركض..
العنود: هلا وين الامانه..
سليمان: الامانه جات اختها وخذتها..
العنود: لا يكون رغد كانت معصبه..
سليمان: تقدرين تقولين..
العنود: الله يعينك يا ريم...بروح انقذها لان رغد اكيد مجهزه لها مفاجأه..
تركي: صدق بمناسبة ايش..
العنود: بمناسبة انها جالسه معاكم لحالها.."وراحت"
سليمان: شكل الموضوع اكبر من اللي تصورته..
تركي:وانت صادق..الله يعينك يا ريم لانها من جد مظلومه..
&&&&&&&&&&&&&&&&&&&&&&&&&&&&&&&&&&&&&&&&&&&&&
وبعد تقريبا ربع ساعه طلعوا من المجمع وراحوا للفندق..
في سويت ابو مشاري..
رغد: ممكن الحين تقولين تبريرك على اللي حصل..
ريم: والله مو انا ولا فكرتي ولا حتى جات على بالي..العنود هي الخططت ونفذت وانا ما ادري بالموضوع وحطتني عندهم وراحت..
رغد: ليش تروح كان جلست معك اهون..
ريم: وانا وش دراني عنها..
رغد: ريم تدرين اني اخاف عليك وماودي يصير لك شي انتي عارفه هالشي..
ريم: والله عارفه..
رغد: ريم بليز ارجوا ان ما يتكرر اللي حصل..تحبين سليمان وهو يحبك اوكيه..بس الغلط غلط..
ريم: عارفه والله عرفه وحقك علي..
رغد: زين محد شافك..
ريم: أي والله..كان ارجع السعوديه بتابوت..
رغد: ههههه صادقه..
شوي سمعوا صوت احد يدق الباب..
رغد: تفضل..
العنود بسرعه: والله والله يا رغد انا اللي قايله لها وانا اللي سويت كل شي يعني لا............"وسكتت"
ريم ورغد فاقعين ضحك على العنود..
العنود مستغربه: وش فيكم..؟؟
ريم: حلينا القضيه..وانتي حضرتك توك تجين تدافعين عني..
العنود: والله من يوم دريت وان على طول جيتكم..
رغد: خلك تسوينها مره ثانيه يا المجنونه..
العنود: هههه سوري ما كان قصدي ..وبعدين كان عقلي مو معاي..
رغد تطالعها بنص عين: اجل كان مع مين..
العنود تصرف: مالك شغل..اجل يله انا رايحه"وطلعت"
رغد تصارخ عشان تسمعها: بتهربين مني..وراك وراك والزمن طويل..
ريم: ههههه يا حليلها عنوده..
رغد: أي والله على نياتها..
ريم: مو على نياتها نياتها..بس حبوبه وتحب تهتم بالكل بس بطريقتها..
رغد: الا وين مشاري ومشعل ماني شافتهم..
ريم: تصدقين من امس ما شفتهم.
رغد: قومي ندور عليهم..
ريم: يله..
صاروا يدورن في الغرف ولا حصلوهم..
ريم: يعني وين راحوا..
رغد: باين انهم ما ناموا هنا.
ريم: اجل وين ناموا..
رغد: علمي علمك..وانا قلبي يقول لي ان العيال ماخذين سويت لهم..
ريم: لالا ما اتوقع..تدرين لو صار هالكلام صح.. لا افجر في الفندق كله..على كيفهم العيال ايه والبنات لا..
رغد: خلينا نتاكد..قومي اتصلي على العنود..
ريم اخذت موبايلها واتصلت: الوو..
العنود: هلا والله وغلا..
ريم: على السريع كذا..اخوانك وينهم؟؟
العنود: اخواني ما ادري ما شفتهم..
ريم:طيب هم ناموا في السويت عندكم..
العنود: تصدقين من امس ما شفتهم..
ريم بقهر: قايلته والله قايلته.
العنود: شنو.؟؟
ريم: العيال ماخذين سويت لحالهم واحنا يا عمري ..عشانا بنات ضايعه حقوقنا..
العنود: هين والله ما اسكت..بنجمع البنات ونسوي نقلاب..

ريم: اوكي الحين جايتكم..
وطلعوا هي ورغد وراحوا عند العنود وعبير ومن هناك اتصوا على البقيه..
الهنوف: والله ظلم..
فجر: مو على كيفهم..
العنود: فكروا معاي وش نسوي..
ريم: نكلم ابوانا ونطالب بحقوقنا..
عبير: بيوافقون؟؟
رغد: غصب مو على كيفهم..حاجرينا في الطلعه وفي الروحه..ما يصلح مايصلح..
العنود: اجل يله..
وطلع الجيش كامل والشرار يطلع من عيونهم متوجهين لابوانهم<<الله يعينهم..
اللي كانوا جالسين تحت في صالة الفندق..
ابو مشاري: كأن هذولا بناتنا..
ابو ماجد: الا هذي العنود وعبير..
ابو فيصل: كأنهم جايين لنا؟؟
صفوا البنات قبالهم والرجال يطالعونهم مستغربين التجمهر..
العنود: احم احم...ممكن الحين تحجزون لنا سويت خاص..
ابو ماجد: وليه ان شا الله..
عبير: حالنا حال العيال..
ابو مشاري: انتوا قلتوها عيال مو بنات..
ريم: لا والله وش هالعنصريه..
رغد: معليش دادي..احنا جيل المساواة مافي تفرقه..
ابو فيصل: خلوهم ينبسطون لا تضيقون صدورهم..
شجون: تسلم بابا على الكلام اللي ينقط عسل..
ابو ماجد:ولو بنات ما يصلح نخليهم لحالهم..
العنود بعربجيه: يبه....لا تطلعني من طوري..
ابو ماجد في نفسه"فشلتني الله يفشلها هي ولسانها الطويل"
العنود: هاه ..وش قلت؟؟
ابو ماجد: وش رايك يا ابو مشاري..
ابو مشاري طالع في ريم ودرى انه لو قال لا بتقعد تصيح وتفضحه عند الله وخلقه فا اضطر وقال: يله خلوهم ينبسطون..
ابو ماجد: يله افرحوا الحين ..اذا انزلوا العيال حجزنا لكم..
البنات: يــــــــس
وراحوا بدون ما يشكرون ابوانهم بأي كلمه..
ابو ماجد: بنات اخر زمن..حتى شكرا ما قالوها..
ابو مشاري: أي والله جيل غريب..
طلعوا البنات وهم في الممر قاعدين يستهبلون..مشغلين اغنيه بالموبايل ويرقصون عليها وانواع التصفير والصراخ..طل واحد من سكان الفندق وكان بيتكلم بس شاف الكم الهائل دخل وما تكلم..والبنات مو حاسين بأحد لما طلع
مشاري:خير وش هالصراخ..بيت ابوكم..
البنات عايشين الجو ومو حاسين.
طلع ماجد: وش عندهم..؟؟
مشاري: وانا وش دراني.
طلع طلال: وش صاير؟؟
ماجد: تفرج بس على الهبال...
كانت العنود وعبير يدقون رقبه واشكالهم تحففففففه..
طلال مات من الضحك لما شافهم..
العنود وعبير ميزوا ضحكة طلال ولفوا عليه وشافوه انه كان يطالعهم..استحوا على وجيهم ودخلوا على طول..
عبير: فشله..طلال كان يطالعنا واحنا ندق رقبه..
العنود: الحين وين اودي وجهي ..صار صغير من الفشيله..
البنات ميتين ضحك لان اشكالهم من جد كانت تضحك..
العنود\:انتوا اضحكوا واحنا اللي ناكلها..هين اوريكم..
عبير: شجون اسكتي عن الضحك ولا ما عطيتك كورسات
"على فكره كانت شجون طول الوقت قاعده مع عبير تعلمها الدفاشه والعربجيه على اصولها"
شجون بعربجيه ما ادري وش تبي:خلاص ريحينا عاد..
عبير تصفق: ياهوووه..صدقيني يومين زياده وتطلعين كذا..
شجون بدلع: تسلمين.
عبير:لالا كذا خربتي ..قولي كذا"وتكبر صوتها"تسلمين..
شجون تكبر صوتها مثلها: تسلمين..
ريم: شنو هذا ما يصلح لك ابد..
نوف: شجون لا تتهورين ولا تصرين تحت رحمة عبير..تراها كانت تحن علي تعلمني الدفاشه بس انا ما رضيت..
شجون: بالعكس وناسه احسن من الدلع..واحس اني اول كنت تافه..
نوف: لا البنت استخفت وقعدت..عبير اعقلي عنها..
عبير: ما عليك مني..خلينا انا وياها نصلح ..
نوف:شجون اسمعي الكلام..
شجون: تعالي معي ونفلها وننبسط..
نوف: كيفك انتي الخسرانه..
فجر: اقول ريم ما شفتوا فيصل..
ريم: احلى يا اللي تسال عن زوجها..الا شفته..
رغد: كان علمتينا نضبطك معاه..
فجر: ودي اشوفه بس وشلون..
العنود دخلت في السالفه: ولا يهمك..
رغد: اذا كان مثل يوم ريم..فكينا واللي يرحم والديك..
العنود: لالا..بخليك تشوفينه وتسولفين معاه..
فجر: وشلون؟؟
العنود: اصبري لحضه.."وطلعت موبايلها واتصلت"
العنود: الووو هلا والله وغلا.....لالا...كيف.....هههههههه..طيب اسمع بخليها تنزل..اوكي..العفو..بس انتبه ترى الشياب تحت..اذا كان كذا اوكي...يلا باي..
فجر مستغربه: مين تكلمين..
العنود ببرود: رجلك..
فجر والبخار يطلع من راسها: من سمح لك تكلمين رجلي..
العنود: انا.....اسمعي بس بيجي يمرك الحين وتنزلون مع بعض وتفلونها وتسولفون وتتغزلون في بعض..بس لي طلب واحد..
فجر: امري بس..
العنود: سجلي الكلام كله عشان اذا جيتي نسمعه..
فجر: لوتموتين..
العنود: اجل ما فيه..
فجر: مو على كيفك..خلني اروح اتكشخ قبل لا يجي..
العنود: ايه والله روحي تزيني عشان ما يهج..
فجر وهي ماشيه: مسكينه اصلا جمالي جمال طبيعي..
العنود: ايه هين..
رغد: اعقلي عنها..
العنود: لا تكفين خليني اهبل فيها..
رغد: انهبلتي انتي..اقولك خليها..
العنود: اوووف..ما تخلون الواحد يوسع صدره..
ريم: الحين تنبسطين اذا عصبتي بالناس..
العنود: قمة الوناسه..
ريم: يا نذلك..
العنود: توك تدرين..من زمان وانا نذله..
ريم: لا ادري بس الحين تأكدت..
العنود: الحين خلينا في المهم..
ريم: ايوه.وش المهم..
العنود: في غيره مهم بحياتي...اكيد طلال..
ريم: اهاا
%%%%%%%%%%%%%%%%%%%%%%%%%%%%%%
رغد: هنوفه من جد وحشتيني..
الهنوف: وانتي اكثر يا قلبي..
رغد: صراحه اخوك اليوم قهرني مره فاضي..
الهنوف: تركي اذا شافك عليه السلام..
رغد استحت: الهنوووووف..
الهنوف: هههه وانا وش قلت..
رغد: وش اخر اخباره وعلومه..
الهنوف: تبين عن اخباره العاطفيه ولا اخباره الشخصيه..
رغد: كل شي..
&&&&&&&&&&&&&&&&&&&&&&&&&&&&&&&&&&&&&&&&&&
ريم: الحين لازم اخليه يشوفك سوبر مان ..يعني المنقذ المضحي..
العنود: لا والله فلم هندي..
ريم: بتسمعين الكلام اللي بقوله ولا اسكت.شوفي الخطه الاولى جابت نتيجه..
العنود: يله كيف ا نشا الله بصير سوبر مان..
ريم: شوفي ..الفكره شوي خطيره وفيها حياة او موت..
العنود: وش هي حمستيني؟؟
ريم بتردد: اسمعي هي" وبلعت ريقها" ان نخلي شخص يوقف في وسط الشارع او حاره صغيره..
العنود: ايوه وبعدين..
ريم: وكأن سياره بتصدمه وانتي تجين كذا وتنقذينه..هاه وش رايك..
العنود تطالعها وعيونها بتطلع: من جدك انتي تتكلمين ولا تستهبلين..
ريم: والله من جدي..
العنود: ريم هذي حياة او موت مو لعبه..
ريم: كل شي يهون عند طلول ولا انا غلطانه..
العنود: طيب انا موافقه..بس من الغبي اللي راح يتبرع ويوقف في نص الشارع..
ريم: عاد هذي عليك..
العنود تطالع ريم بنظرة خبث..
ريم: وش فيك تطالعيني كذا..
العنود: لانه انتي يا ريوم اللي راح تسوينها..
ريم: وانا وش دخلني ما بعت عمري..
العنود: مو هذي خطتك يا الفالحه..وبعدين حرام عليك انا بنت عمك ومالي غيرك ومحد بيحس فيني غيرك وش قلتي؟؟؟
ريم: اقول مو كأن الخطه انتحاريه.وش رايك نغيرها,,
العنود: لالا يا قلبي بعد ما دخلتيها في راسي..بعدين شوفي ما راح توقفين في شارع عام..في حاره احسن..
ريم: واذا مت..
العنود: عادي شهيده من اجل الحب..
ريم: واذا ما حس فيك طلال..
العنود: لا تفاولين علي..يالله خلصيني..
ريم: طيب خلاص موافقه..بس اذا صار لي شي انتي المسؤله..
العنود: خلاص انا المسؤله..وبعدين ما راح يصير لك شي ا نشا الله وخصوصا معاك سوبر عنود..
ريم تكش على العنود: مالت عليك وعلى اللي تحبينه.
العنود: رويم عاد كل شي ولا طلال..ما قلتي لي متى نسويها تراني تحمست..
ريم: ادري تحمستي لموتي..
العنود: ريم بلا سخافه ..جعل يومي قبل يومك وبعدين يمكن ما يصير لك شي وتصدمني انا السياره..
ريم: عسى ا نشا الله..
ضربت العنود ريم من ظهرها: استغفري يا النذله..
ريم وهي ترفع حواجبها وتنزلها: طالعه عليك..
ودخلوا في هواش..

%%%%%%%%%%%%%%%%%%%%%%%%%%%%%%
فجر راحت على طول ولبست وتكشخت وحطت ميك اب كامل ولبست العبايه وتعطرت وطلعت..لقت فيصل ينتظرها عند الباب...
فيصل كان لابس ثوب اماراتي ومسوي العمامه الامارتيه تراني ما اعرف وش اسمها..المهم طالع شكله خيال...
فجر اول ما شافت فيصل صنمت في مكانها لدرجه انها كانت راح تسكر الباب بس يوم شافته خلته..وغير هذا كله كان فيصل مبتسم ذيك الابتسامه اللي لو اقعد اوصفها ما كفيتها تذبح فيصل بدون شي يهبل وشلون بالاماراتي يجنن غير الرزه اللي مخليته شي..
فيصل شاف فجر وانهبل عليها لان عيونها من جد كانت روعه وتحفه فنيه..وغير خشمها الطويل والصغير وشفايفها الصغار طالعه روعه روعه..فاكان مطير عيونه<<يحق له..
فيصل: احم..هلا والله وغلا..
فجر وهي ميته حيا: اهلين..
فيصل: فديت اللي يستحون..
فجر ذابت في مكانها:......
فيصل كتف ايدينه: يعني شنو بنقعد هني..
فجر رفعت راسها: لالا ما راح نقعد"وسكرت الباب ووقفت جنبه"
فيصل مد ايده..فجر تطالع ايده وتقول في نفسها"اذا الحين وانا بعيده بذوب اجل لو امسك ايده وش بصير فيني"
ومدت ايدها وشبكت اصابعها في اصابعه..
فيصل مسك ايدها وحس انها ترتجف ممن الحيا..فجر اول ما لمست ايدها ايده حست بشعور غريب شعور حلو واحساسها بالامان وبالسعاده وبالحب بعد..
ونزلوا وطلعوا برى الفندق وراحوا لمقهى راقي بدبي مو بعيد مره..وجلسوا بطاوله صغيره قبال بعض..
فيصل: فجر وش حابه تشربين..
فجر: اللي يعجبك..
فيصل: اوكي راح اطلب لك على ذوقي..
ونادى الجرسون وطلب لها وله.......ولما راح الجرسون..
فيصل كان حاط ايده على خده ويطالع فجر وهو مبتسم قاصد انه يحرجها..فجر يا عمري عليها توترت قامت تحوس بالشنطه وطلعت الموبايل تطقق فيه..تلتفت يمين..ويسار..تطالع فوق تحت أي مكان بس ما تشوف فيصل..فيصل كاتم الضحكه مبسوط عليها...فجر خلاص وصلت معاها..
فجر: فصول لا تطالعني كذا..
فيصل مطير عيونه وصار يلتفت يمين ويسار..
فجر: وش فيك..
فيصل يسوي نفسه مستغرب: فصول تقصديني انا؟؟
فجر ماتت ضحك..
فيصل خلاص فص ملح وذاب من ضحكة فجر: فجوره قلبي..ترى قلبي يعورني..
فجر خافت: ليش سلامات وش فيك..
فيصل وهو ماسك قلبه: ضحكتك...ضحكتك ذبحتني..
فجر ما مسكت عمرها وصارت تضحك..
فيصل: لاااا.اجل تبين الفكه مني..
فجر: بسم الله عليك جعل يومي قبل يومك..
فيصل: بسم الله علينا خلينا من سيرة الموت وخلينا في سيرة الحب "وصار يغني سيرة الحب"
طول عمري بخاف من الحب ..وسيرة لحب..وظلم الحب لكل اصحااااابه...
فجر: فصول ترى فضحتنا عند الله وخلقه..
فيصل: خليهم يدرون يا عمري اني قاعد مع حبيبة عمري..واني تمنيت هاليوم من زمان..
فجر/ تسلم لي والله..بس شوف الناس قاعدين يطالعونا..
فيصل بكل برائه: صدق!!"وقرب من عند فجر لان الطاوله صغيره"وينهم؟؟
فجر تاشر بعيونها :شوفهم هناك..
فيصل قرب اكثر وطبع بوسه على خد فجر..
فيصل: وخليهم يدرون اني اموت فيك.
فجر خلاص ما عاد تدري وش تسوي..تتغطى ..تضربه..تنحاش تضمه تبوسه..وجهها صار عنابي مو احمر من الحيا والسعاده كمان..
فيصل: ههههه يا حلوك وانتي مستحيه..
فجر: فصول لا تعيدها مره ثانيه..
فيصل: ليش مو انتي زوجتي..خلاص حلال علي..
فجر: بس مو قدام الناس..
فيصل بخبث: يعني بعيد عن الناس عادي..اجل يله قومي مكان بعيد عن الناس كلها..
فجر في نفسها"وش اسوي بذا الحين":حبيبي بردت القهوه ما شربتها..
فيصل: حبيبك... انا حبيبك"وقام يصارخ"يا ناس احبها..
فجر وهي تضحك اخذت شنطتها وطلعت لان الناس من جد بيطردونهم..
فيصل لحقها وصار يلف عندها: انا حبيبك....انا حبيبك....واخيرا يا قلبي واخيرا..
فجر وهي تمشي تضحك على خبال فيصل..
فيصل: فجوره حبيبتي عمري حياتي دنيتي كلها عديها ابي اسمعها منك..
فجر: مافي..
فيصل: فجوره تكفين..
فجر: لما تعقل عن حركاتك..
فيصل كتف ايدينه وسول نفسه بزر: والله التوبه ابله فجل...
فجر: ههههه ولا يهمك..حبيبي..
فيصل مسك ايدها وصار يركض وفجر وراه يسحب فيها بعبايتها وحوستها..
فجر: فصول وقف ترى تعبت..
فيصل: تبيني اشيلك.
فجر خافت: واللي يعافيك الا هذي..والله ما تسويها..
فيصل: ليش حلفتي..
فجر: وانت يالله يفيد فيك كذا..
فيصل: ترى بزعل..
فجر: فصول بعد عمري انت لا تزعل مني ترى ما اقوى زعلك..
فيصل: اجل يله غني لي اغنيه وارضى..
فجر: ومن قال لك ان صوتي حلو..
فيصل: محد قالي انا سامعه من زمان..
فجر: يمه منك..خلاص ولا يهمك اسمع هذي اهدا مني لك..بس قبل انت تحب الاغاني اللبنانيه..
فيصل: يا قلبي أي شي منك اموت فيه..
فجر: اوكيه اسمع كح كح..
بحبك و داري ليلي و نهاري
عملت فقلبي ايه
صوتك ناداني نسيت زماني
اعمل بحبك ايه
عينيك حبايبي جرحت لي قلبي
ورموش عينيك تداوي
تمسكت بايد فيصل وصارت تغني بصوتها المبحوح والهادي باحساس وهي تطالع في عيونه بكل حب..فيصل كان يبادلها نفس النظرات مع ابتسامه تقول واخيرا يا فجر حبيتني..
حبيتني كلمتني
و غصبا عني بصدقك
باين عليك و روحي فيك
ما علش نفسي اشوقك
عشقك دوا قد الهوى
و قد عمري بعشقك
بحبك و داري ليلي و نهاري
عملت فقلبي ايه
صوتك ناداني نسيت زماني
اعمل بحبك ايه
عينيك حبايبي جرحت لي قلبي
و رموش عينيك تداويني
افهم بقى متشوقة
كلملي قلبك فهمو
لو كان عليك حيدوب اكيد
و بنظرة مني حعلمو
و حغلبو و غلبو
علشان عيونو يسلمو
بحبك يا ويلي سهرت ليلي
حتى القمر سهران
انا و الليالي عشاق يا غالي
عشاق بقا لنا زمان
ملكت روحي تسكن جروحي
اجرح كمان و كمان
عملت فقلبي ايه اعمل بحبك ايه
و رموش عينيك تداويني
فيصل: تدرين اني مو بس احبك..احب حتى الارض اللي تدوسين عليها..

فجر: وانا كمان..
فيصل بعباطه: وانتي ايش؟
فجر وهي مستحيه: وانا مثلك..
فيصل يسوي نفسه برئ:ما فهمت مثلي في ايش؟؟
فجر: فصول حتى انا...انا احبك...
فيصل انجن وقعد قام يصارخ وينطط حولها: يانااااس قالت احبك..فجر تحبني..
فجر ميته ضحك عليه وحبه في قبلها كل لحظه يزيد وتحسفت انها ما نتبهت له من اول..
فيصل وقف شوي واخذ نفس..:فجورتي ممكن تعدينها..
فجر: وش رايك اعيدها بعدين ..الحين تاخرنا وبعدين انا ما قلت لامي اني بطلع معك..
فيصل ضرب رجله بالارض: يعني بنرجع..
فجر: ايوه..
فيصل: لااااا.. ليش ما بعد شبعت منك ولا راح اشبع..
فجر: فصولتي يلا الجايات اكثر..بس خلينا نرجع الحين عشان ابوي ما يعصب..
فيصل: امري لله ...مشينا..
ورجعوا للفندق..فيصل راح مع العيال في سويتهم..وفجر راحت عند البنات واول ما دخلت..
فجر تصارخ: واااااااااااااااااي..
تجمعوا البنات حولها..
فجر تضم نوف: يهبل يجنن خبلني وراح..
نوف مبسوطه معاها: مين؟؟؟
فجر: فيصل..
نوف: متى شفتيه؟؟
فجر: تونا راجعين...
نوف: ما شالله ولا قلتي لنا..
جات العنود والشله..
العنود: خير وش صاربالتفصيل..
فجر: بعدين ان شا الله..اخر الليل..
ريم:احسن عشان نعيش الجو..
رغد: خلونا نطلع ما جينا نقعد في الفندق..
عبير: وانتي الصادقه..
شجون بعربجيه: مين راح يقول للعيال .ولا اقول انا..
فجر:وش فيها هذي قلبت..
نوف: جالسه مع الاستاذه عبير..
فجر: يعني الحين عبير تعطي كورسات لشجون..
مها: بالضبط..
فجر: عز الله رحتي فيها يا شجون..
شجون: وش فيكم علي خلو الوضع اهدا اوكي بلا مهايط..
رغد: الحين يا عبير يوم علمتيها الكلمات ليش ما علمتيها متى تقولها..
عبير: بعدين..شوي شوي عليها..
ريم: شجون قلبي مهايط يعني مع احد يتهاوش معاك..
شجون بدلع: اوه سوري ما قصدت معليش مره ثانيه..
عبير: شجون..!!!!
شجون: ايه صح .."وكبرت صوتها"خلاص ترا طفشنا ما صار..
الهنوف: وش رايكم نروح السنيما..
البنات : يله..
كلموا الامهات ووافقوا واتصلوا على العيال واتفقوا معاهم..وتجهزوا وتكشخوا وطلعوا معاهم....البنات في جمس والعيال في الجمس الثاني..
واختلفوا العيال من يسوق في البنات..
ماجد: انا ما علي من احد ما راح اسوق فيهم..
وليد: خلاص انا اسوق فيهم..
مشاري: لالالا خلاص انا بسوق فيهم..
وليد: لا كل مره انت..خلاص هالمره انا اللي بوديهم..
مشاري ما كان وده بس مضطر لان كل مره يسوق فيهم:خلاص براحتك..
وليد: اوكيه يلا كل واحد على سيارته.
البنات كانوا نفس الترتيب ورغد كانت قدام على اساس انه مشاري.
ركب وليد السياره وطالع اللي جنبه شافها رغد شق الخشه متر في متر..
رغد مصدومه: وين مشاري ليش ما جا..
وليد وهو مبتسم ابتسامه على جنب: مشاري قال هالمره انت ودهم..
رغد فتحت باب السياره: خلاص انا بغير مكاني..
عبير من المرتبه الاخيره: اسمعي ما راح اركب قدام..
رغد: اجل العنود..
العنود: لو تموتين ما راح اتحرك من مكاني..
رغد: طيب ما اصلح اقعد جنب اخوك..
عبير والعنود: ما علينا منك..
وليد كان يطالعها بعدين قال:: خلاص ترى المشوار مره قريب..
رغد سكتت وسكرت الباب ورضت بالامر الواقع...
في الطريق..
رغد كانت تطالع قدام وحاطه ايدها على تكايه في الوسط بين المرتبتين وتفكر..
وليد حط ايده بالغلط على ايد رغد..
اول ماحط ايده رغد ارتاعت..
رغد بصوت قصير ومن بين اسنانها: تستهبل انت..
وليد: والله اسف ما قصدت..
رغد: موعلي هالحركات..
وليد: وربي ما كانت اقصد صدقيني..
رغد طنشته وحطت ايدها في حضنها..
وليد بين كل لحظه والثانيه يطالع رغد ويكبر حبها في قلبه مع كل نظره ومع كل حركه منها..
وصلوا السنيما واخيرا وكان الفلم اللي بيحضرونه امريكي رومنسي شوي مع اكشن..
قصوا التذاكر ودخلوا..
اقول لكم ترتيب الاماكن..
اخر الصف كان فيصل وجنبه فجر بعدين نوف ومها وشجون ..عبير وريم والعنود والهنوف ورغد وجلس جنبها وليد وجنبه مشاري اللي ما علق على الموضوع وبعده ماجد وفواز وطلال وتركي وسليمان ونواف وسعود...
سعود: نواف شفت بناتهم..
نواف: ايه شفتهم يشقون الراس..
سعود: أي والله وخصوصا ذيك"يقصد شجون"
نواف: لا نا عاجبتني الثانيه"يقصد نوف"
سعود: حتى هذي ما عليها..
نواف: خلاص لف وجهك عيب تناظر بنات الناس..
سعود: ما اقدر جمالها ما يخليني..
نواف الحين اخليك تلف وجهك صح"ومسك وجهه ولفه"
سعود: كذا احسن..
تركي منقهر:شوف وجه النحس"يقصد وليد"
سليمان: وش فيه؟؟
تركي: اليوم فالها معاها..راكب السياره جنبها والحين بعد جالس جنبها وانا حتى في السوق ما عطتني وجه..
سليمان: صراحه مالها داعي يجلس جنبها..
تركي: دبرني وش اسوي..
سليمان: لاتسوي شي وطالع الفلم..
تركي: اووووف قهر والله قهر..
مشاري في نفسه"وانا ما جلست الا بين ذولي ياليتني جالس جنب هنوفتي ام الدلع والدلال وتخيل انها معاه وعااااش احلامه"
وليد: احم احم رغد..
رغد بدون ما تلف عليه: هلا..
وليد: حلو الفلم مو..؟؟
رغد: هو بدى عشان تقول حلو..
وليد كان يطالع رغد ولا يدري وين ربي حاطه فيه: صح هو ما بدى ..بس انا قد شفته..
رغد: صدق!!
وليد: والله..
رغد: طيب خلاص..
وليد: تبيني اقولك القصه..
رغد بدون نفس: الحين بشوفه ما يحتاج..
وليد: طيب مليت خلينا نسولف لما يبدى..
رغد: سولف وانا ماسكتك..
وليد: طيب عادي اسال..
رغد: أسأل..
وليد: لو كان خاص..
رغد خافت فا ضطرت تقول:لا..
وليد: طيب ما راح اسال..سولفي انتي عن الدراسه عن طموحك عن الجامعه عن أي شي..
رغد تحمست: عندك استعداد تسمع..
وليد انبسط: اكيد..
رغد: انا حلمي يكون عندي لغه وخصوصا انجليزي..
وليد باعجاب: حلو...
رغد ابتسمت: ايوه..واكون بعدين شي مثلا ادرس برا واخذ الماجستير والدكتوراه..واحقق كل طموحاتي..
وليد: والله مستقبل وقسم مضمون..
رغد: هذا اللي افكر فيه..
وليد بعفويه: والزوج..
رغد مستغربه: وش فيه الزواج..
وليد: ما راح يكون عائق على طموحك..
رغد: لالا اشرط اني اكمل دراستي وابغى زوجي يكون عون لي..
وليد: ايوه<<يبي يجرها بالحكي..
رغد: وبس..
وليد: وش مواصفات فارس احلامك..
رغد حست انها عطته وجه بزياده: اقول بدى الفلم ولا ..
وليد: الا بدى..
رغد: ابي اشوفه..
وليد: اوكيه بروح اجيب لك ولي بوب كورن واجي اوكيه..
رغد: اوكيه..."ولما بعّد"ياربيه انا وش قلت عنده..وش قعدت اقوله..كل ما قلت بابعد عنه القى نفسي اقرب اكثر..حرام ماودي اكسر في خاطره..
بعد دقايق جا وليد وجلس..
وليد: تفضلي يا احلى رغد احلى بوب كورن..
رغد: تسلم..وصارت تطالع الفلم ووليد يطالعها..
رغد ما تحملت اكثر ولفت عليه: وليد وش فيك تطالعني..
وليد ارتبك: ها لالا انا اطالع الفلم..
رغد: اها..وكملت مع الفلم لانه رومنسي وجنبها الهنوف متمسكين في بعض..
ريم: شوفي الرومنسيه مو انتي الله يخلف عليك..
العنود: انتي خلي طلال يعطيني وجه واصيراحسن من هذي..
ريم: نشوف مع اني اشك ان ابو طبيع ما يجوز عن طبعه..
العنود:تشوفين..
نوف ومها وشجون يبكون لان البطل ترك البطله..
نوف: ليش حرام عليه...
مها: حقير والله حقير..
شجون تشاهق من الصياح.:حرام والله ما تستاهل كل هذا يصير لها..
عبير: وبعدين عورتي راسي..احسن تستاهل من قال لها تحبه..
شجون:الحب غصب عن الواحد مو بإرادته..
عبير:ولو هي غلطانه..
شجون: انتي وش علمك في الرومنسيه..
عبير: وانتي وش علمك في الحب..
ريم: ما عليك منهم تعالي معنا سولفي..
عبير: تراني رومنسيه بس اكابر..
العنود: واضح من عيونك..الرومنسيه تشع لدرجه ان عيوني عورتني من اشعاعك..
عبير: تتنطزين..اصلا انتي وش علمك في الحب والرومنسيه..
العنود: اعصابك يا جولييت ..اللي يسمعك يقول عايشه قصت حب..
عبير: وليش لأ..
ريم: يعني صدق تحبين..
العنود: ما عليك منها..لو قالوا عبير تحب كان الحب نفسه انتحر..مات..اي شي بس عبير ما تحب..
عبير: مالت عليك..

&&&&&&&&&&&&&&&&&&&&&&&&&&&&
فيصل ماسك ايد فجر ولاهين يطالعون بعض ويتغزلون في بعض وما يدرون عن اللي حولهم ..
بعد ساعه خلص الفلم ..وعند باب السنيما..
نوف كانت جنب نواف..
نواف: لو سمحتي..
نوف: انا؟؟
نواف: ايوه انتي ..مو انتي اخت فواز وطلال..
نوف: ايوه..
نواف: انا صديقهم نواف..<<اعصابك..
نوف: تشرفنا.
نواف: انا لي الشرف والله..
نوف: تسلم..تامر شي..
نواف: لالا سلامتك بس حبيت اعرفك بنفسي..
نوف: هلا والله..
وليد ورغد طلعوا مع بعض وهم يسولفون..
وليد: ايوه اقول لك البطل نفسه عندي له فلم خيالي..
رغد: قل والله..امانه امانه وليد تعطينياه.
وليد: فداك..واجيبه لك براس الخدمه..
رغد: تسلم والله..
وليد: كل اللي تبينه من افلام عندي.
رغد: يبي لي يوم اجي عندكم وألطش لي كم واحد واوسع صدري عليهم..
وليد: ا نشا الله اذا رجعنا..
مشاري: وش عندكم..
رغد: وليد عنده كل الافلام اللي نزلت هالسنه..
مشاري:ما عليك منه سارقها مني..
وليد: كذاب اصلا لو يحلم ما عطيته..
مشاري: مالت عليك..
فواز: الحين وين راح ترحون..
البنات: البحر..
العيال: المول..
مشاري: اتفقوا على شي..
البنات: البحر..
العيال: المول..
مشاري: حلفوا بس..
العنود: انا اقول البحر احسن وبكره المول..
البنات: ايه..
العيال رضخوا لطلبات البنات ..وقرروا يمرون اهاليهم..
ورجعوا للفندق..وقبل لا يصلون..
ريم: العنود الخطه..
العنود: ايوه صح الحين نطبقها..
ريم: اوكي..

@@@@@@@@@@@@@@@@@@@@@@@@@@@@

" نـــــــــهــــــــــــــــايــــــــة الـــــــــبـــــــــــــــــــــــارت "

الجـــــــــزء السـابع والعشـــرون..
ريم: العنود الخطه..
العنود: ايوه صح الحين بنطبقها..
ريم: اوكيه..
العنود: تصدقين خفت يصير لك شي ويأنبني ضميري..
ريم: روحي فداك يا قلبي بس انتي قوي قلبك وعزمك بعد..وانتبهي لعمرك اوكي..
العنود: اوكي...
وصل الجمسين عند باب الفندق نزلوا العيال و البنات..
بعض البنات والعيال راحوا داخل الفندق يبلغون الامهات والابوان..
العنود: ريم يله تحركي..
ريم: خايفه..
العنود: تشهدي وروحي..
ريم: اشهد ان لا اله الا الله.."ومشت ووقفت في نص الشارع وغمضت عيونها...العنود كانت تراقب الوضع بدقه..جات سياره وصارت تضرب هرن لريم عشان توخر ..ريم ترتجف في مكانها....قربت السياره بسرعه متوسطه وهي ما زالت تضرب هرن..العيال والبنات انتبهوا لريم وصار الكل يصرخ انها تبعد وهي واقفه....قربت السياره وما بقى الا كم مترين وربطت فرامل وفي نفس اللحظه انطلق شخصين...الاول كانت العنود..والثاني كان سليمان..والسياره راطبه فرامل بس ما بعد وقفت قربت من ريم وما بينهم الا كم خطوه..في نفس اللحظه رمت العنود نفسها على ريم وتدحرجوا..سليمان الي ما امداه على ريم لان العنود سبقته..السياره اللي لحد الان ما وقفت صدمت سليمان ورمته على الارض بقوه ونزل منه الدم على وجه وثوبه ....
ريم فتحت عيونها وهي تتألم: آآآآه...خلاص..
العنود: أأأأأي.. خلاص..
ريم: طيب قومي عني..
وقامت العنود وريم..لفت ريم وشافت شخص مرمي على الارض والشله تركض لجهته..
ريم خافت ونغزها قلبها: مـ..مين هذا..؟؟؟
العنود مصدومه: ما ادري..انا شفت واحد من العيال يركض معاي بس ما ادري مين بالضبط..
ريم خنقتها العبره وصارت ترتجف وراح لون وجهها: شكل هذا ..."بعلت ريقها وقالت الاسم بصعوبه" سليمان..."لفت على العنود" ..بس ليش الدم عليه كذا..
العنود خافت منظر سليمان ما يطمن: قومي خلينا نروح نشوف..
ريم مشت بخطوات مهزوزه ..كل شي فيها متلخبط..افكارها خطواتها..توازنها اختل ومسكتها على طول العنود وسندتها عليها...
عند سليمان...
بعض العيال حوله ومها اخته من البنات..
مها تصارخ ودموعها سيل على خدودها: سليمان قوم واللي يعافيك قووم..
تركي طاح على ركبته وجلس جنبه ويهزه بخفيف: ابو سلوم...ابو سلوم وش فيك ..انا اخوك..رد علي واللي يخليك لا تصير ساكت كذا..ابو سلوم زعلان مني..ما تحب حركاتي..طيب خلاص بأعقل..بس انت رد علي...ابو سلوم لا تتركني كفايه ابوي واللي يعافيك..
والبقيه يحاولون يهدون تركي ومها لانهم منهارين..
ريم وهي تقرب من عند سليمان والعبره خانقتها: العنود ..سليمان وش فيه ما يرد على مها..
العنود: ان شا الله ما فيه شي..
ريم: العنود قولي الصدق ليش ما يرد "وصارت دموعها تنزل من دون أذن"
ووصلوا واخيرا عند سليمان..
ريم جلست تطالع سليمان من فوق لتحت وحطت ايدها على فمها وبعد لحظات لفت على طلال..
ريم: طلال وش فيه سليمان..
طلال يطالع العنود وبعدين طالعها: ما فيه الا العافيه بس انتي اهدي.
ريم تصارخ وتهز سليمان بقوه: سليمان واللي يعافيك قوم شوفني بخير ...سليمان رد علي طيب رد على مها..سليمااااان..
العنود شالت ريم: اذكري الله ما فيه شي...طلال وش تنطر وده المستشفى ما تشوف الرجال ينزف ..
طلال : صح المستشفى صح..
راح هو وماجد وشالوا سليمان وركبوه الجمس..
وجات رغد واخذت مها وريم معها العنود ودخلوهم داخل..
داخل الفندق..
ريم تصارخ وهي منهاره: انا ..انا السبب ..آآآآ يا سليمان حرام زهرة شبابك..
مها جنبها منهاره اكثر واكثر: آآآه يا اخوي لا تروح وتتركني ترى والله مالي غيرك.. لا تتركني مثل ابوي..
ريم صدمتها الكلمه ولفت على مها وزاد اللي فيها: شوفي شوفي يا رغد شوفي اخته انا انا اللي حرمتها منه انا...
رغد بحزم: ريم وش فيك ترى كلامك ماله داعي اذكري الله ا نشا الله الولد ما فيه شي.
ريم: انتي ما شفتي الدم اللي عليه وعلى ثوبه..يا قلبي عليك يا سليمان..
العنود بأنكسار: ريم هدي وسليمان ما فيه الا العافيه..
ريم: طيب ليش ما يرد علي..
رغد: يمكن مغمى عليه..
مها زاد صراخها: وين امي....ابي امـــــــــــــي..
نزلوا في نفس الوقت الحريم ومعهم باقي البنات والعيال..
ام سليمان نغزها قلبها: وش فيهم؟؟
مشاري: ما ادري بروح اشوفهم..
راح مشاري عند رغد
مشاري: وش فيكم..؟
رغد: سليمان سوى حادث ..صدمته سياره..
مشاري طير عيونه: وش تقولين وش تخربطين؟؟
رغد: مشاري..سليمان قبل شوي صار له الحادث..
ام سليمان سمعت السالفه وراحت عند بنتها..
ام سليمان وهي تحاول قد ما تقدر تثبت: مها يمه ليش تبكين..؟
مها: يمه اخوي...اخوي بيروح مني..
ام سليمان اخذت بنتها في حضنها ودمعتها في هدب عيونها: ما في الا العافيه..سليمان قوي وانا متاكده ما راح يصير له شي..
مها : ا نشا الله يا يمه ا نشا الله .."وحضنت امها بقوه"
ريم تطالع ام سليمان ومها ويزيد عندها تأنيب الضمير : العنود انا اللي خليت ام تفقد ولدها الوحيد وخليت اخت تفقد سندها الوحيد..آآآآه يا رب خذني ولا يصير في سليمان شي..
رغد صارت تبكي: ريم...شوفي امه اقوى منك..والله قطعتي قلبي..وبعدين قلت لك الصدمه خفيفه..
عبير: ريم خلاص يا قلبي والله الصدمه خفيفه..
وتجمعوا البنات بعضهم اللي يبكي وبعضهم تحكم في نفسه والثاني منهم يهدي نفسه واللي حوله..
العيال كلهم راحوا لعند سليمان بالمستشفى..وبعد ربع ساعه لحقوهم الرجال..
الحريم والبنات تجمعوا بسويت واحد ينطرون منهم رد...
مرت ربع ساعه...نص ساعه....ساعه....ساعه ونص..
ريم تهمس للعنود: العنود..غلطنا غلطه كبيره يا العنود..
العنود: ما فكرنا بكذا.
ريم: هذا اللي ياخذ المواضيع بضحك..."وخنقتها العبره"تخيلي صدق لو صار فيني او فيك شي..
العنود: تكفين يا ريم لا تزدين علي..
ريم لفت عليها: طيب تخيلي يصير في سليمان شي..."ونزلت دموعها"..والله ما ادري وش بيصير فيني...لا لا يارب لا يصير فيه شي..
بعـــد ربع ساعه..
ريم بدى القلق يصيطر عليها: رغد تاخروا مره اتصلي عليهم..والله خايفه..
رغد: بسم الله عليه..وان شا الله ما فيه الا الخير..
العنود: ريم قلبي ادعي ترى الدعا زين..
ريم: يا ليتني ما سويتها يا ليتني..
العنود: الحين يا ليت ما تنفع ..اللي ينفع يارب
ريم: يارب خذ روحي بس سليمان لا يصير فيه شي..
بعد ساعتين ونص بالضبط اتصل مشاري على موبايل رغد..

رغد خافت: هذا...هذا مشاري..
ريم بسرعه: ردي عليه....ولا اقول لا تردين اخاف يقول شي عن سليمان..
العنود: ردي عليه..اكيد يبي يطمنا عليه..
رغد: احم...الو...
مشاري: هلا..
رغد بتردد: مشاري ....بشر..
مشاري: لا الحمد لله جات سليمه..صار يتدلع..
رغد ارتسمت على وجهها ابتسامه عريضه: الله يبشرك بالخير ..طمنتنا الله يطمن قلبك..بس وش صار فيه..
مشاري يضحك وهو يطالع سليمان: ههههه قطو بسبع ارواح... ما فيه الا كسر في ايده اليمنى ورضوض بسطيه بجسمه..
رغد: ايه الحمد لله على سلامته..اوكيه باي..
مشاري: طمني الباقي ..باي..
ريم سمعت الحوار اللي دار بينهم بس تبي تتاكد: بشري..
رغد: لا الحمد لله ما فيه الا العافيه..وصار كسر بالايد..
ريم قامت تحضن رغد: قلبي كان بيوقف عليه...وش اسوي احبه"ضحكت من بين دموعها"
العنود قامت معاهم وضمتهم: الحمد لله على سلامته يا ريم..
ريم: الله يسلمك..تعالوا نبشر امه..
راحوا لام سليمان...
رغد: ابشرك خالتي..
ام سليمان: ولك البشاره..
رغد: سليمان طيب وما فيه الا العافيه..بس كسر بالايد..
ام سليمان قامت تحضن رغد: الله يبشرك بالخير مثل ما بشرتيني.
وبعدها راحت تحضن مها اللي صارت تبكي من الفرحه..
الكل تاثر وصاروا يبكون...والحريم يهدون فيهم..
ام مشاري: قرت عينك يا ام سليمان..
ام سليمان وهي مبتسمه: قرت عينك بشوفت نبيك..
ام ماجد..وام فيصل..وام فواز: قرت عينك يا ام سليمان..
ام سليمان: قرت عينكم بشوفت نبيكم..
&&&&&&&&&&&&&&&&&&&&&&&&&&&&&&&&&&&&&&&&&&&&&&&
في المــســتشـــفـــــى
بعد ما تطمنوا الرجال و تحمدوا له بالسلامه رجعوا للفندق..
طلال: لو شفت وجه تركي كان قلت ايه هذا الصديق ولا بلاش..بس صاير كانك حبيبته مو صديقه..
تركي وهو جالس جنب سليمان وماسك ايده وكأنه خايف لايروح منه..
تركي: صديقي اذا ما خفت عليه..اخاف عليك اجل..
سليمان يطالع تركي بنظرات امتنان: الله يخليك لي..
تركي: بس اللي تنرحم مها اختك..
سليمان: اعرف اختي حساسه..بس ما طمنتوني على ريم..
مشاري: تطمن الحمد لله بخير..
طلال بأعجاب شديد: بصراحه العنود رهبيه في هذي المواقف ..انا ما قدرت اتحرك ..مشا الله انت وهي تحركتوا في نفس الوقت..
سليمان: الله يسلمك..
مشاري: هذا العشم بسليمان..رجال راعي مواقف..
تركي: مواقف بفلوس ولا مجانا..ههههاي حلوه صح..
العيال: ههه بايخه..
تركي: مالت عليكم..
مشاري: مشا الله العنود راعية مواقف..مو هذي اول مره ..
وقاموا العيال يمدحونها ويتذكرون وش كانت تسوي..لانها صدق راعية مواقف وتعجبكم..
طلال كان يسمع كلامهم وكأنه اول مره يفتح عيونه عليها..اول مره يدري انها كذا وشخصيتها كذا...ومنبهر من اللي يقولونه ..وكل يوم عن يوم يكتشف شي جديد ويزيد اعجابه بشخصيتها..
&&&&&&&&&&&&&&&&&&&&&&&&&&&&&&&&&&&&&&&&&&&&&&&
طلعوا العيال من المستشفى وخلصوا اجرات الخروج لسليمان..ورجعوا للفندق..
سلم على امه ومها اخته .وتحمدوا له بالسلامه والبنات يطالعون الموقف ويبكون..
شجون: حرام شوفي امه وباين خوفها عليه بس كانت تكابر..
نوف تشاهق من الصياح: حرام عليه خوفهم كذا..
عبير: سليمان شكله يكسر الخاطر..
العنود ساكته وما علقت على شي..
ريم تطالعه بحب وبأبتسامه شاقه الوجه و دمعة الفرح بعيونها..
رغد: الحمد لله اللي جمعهم مره ثانيه..
الهنوف تبكي: تصدقين خفت يصير فيه شي..واهله من بعده يضيعون..
رغد: وانتي صادقه..طاح قلبي عليهم..
&&&&&&&&&&&&&&&&&&&&&&&&&&&&&&&&&&&&&&&&
ارتاح سليمان كم ساعه وقرروا العوائل يكملون ما كانوا بادينه بأصرار من سليمان وام سليمان..
وتجهزوا لرحلة البحر...وانطلقوا..
وبعد حوالي ساعه مشوار وصلوا نزل الكل اغراضه..وفرش الحريم لهم فرشه..والبنات نفس الشي..
والرجال والعيال مع بعض....
البنات مسوين دائره ويلعبون لعبة الصراحه..
رغد: اسمعوا اللي تجيه راس العلبه تسأل والطرف الثاني تجواب اوكي..
البنات: اوكي..
لفت رغد العلبه..وطلع شجون تسأل نوف..
شجون: امممممم..نوف من اكثر وحده فينا تعجبك شخصيتها..
نوف: بصراحه ..رغد..لاني احس انها كبيره وعاقله وفي نفس الوقت صغيره ومهبوله..
رغد: تسليمن يا قلبي والله انتي احلاهم..
ولفت العلبه..وطلع الهنوف تسأل رغد..
الهنوف: رغود قلبي..
رغد: سمي..
الهنوف:سم الله عدوك.. ممكن يجي يوم وتتركيني فيه"وخنقتها العبره"
رغد: قامت تحضنها: بس اذا الموت خذاني يا بعد قلبي والله..
الهنوف: بسم الله عليك..
ريم: خلصونا بلا رومنسيات وخلونا نلعب..
رغد مسحت دموعها ولفت العلبه..العنود تسال عبير..
العنود: ايوه واخيرا طحتي في ايدي..
عبير: اخلصي يله اسالي..
العنود: عبير وبكل صراحه انتي تحبين احد من العيال..
عبير بحيا: ايوه..
البنات انصدموا ..وكل وحده تقلب في راسها مين ممكن يكون
العنود طيرت عيونها وعلامات الدهشه والتعجب فوق راسها:ميـــــــن؟؟؟
عبير: اللعبه سؤال واحد ولا انا غلطانه..
رغد: ايوه سؤال واحد...
ولفت العلبه والعنود لف الف سؤال وسؤال في راسها"معقوله"
مها: ريم ليش اليوم بكيتي على سليمان..
ريم: لاني احس اني انا السبب في اللي صار له..
مها: بس هذا السبب..
ريم: ايوه..
لفت رغد العلبه...
عبير: وانقلبت الايه..عنيد وانتي تحبين احد..
العنود بسرعه:لا...ما احب احد..
عبير: كذاااااااابه..
العنود تقلد عبير: اللعبه سؤال واحد ولا انا غلطانه..
البنات يضحكون..
ولفت رغد القاروره...
ريم : فجيـــر..
فجر : يمه خرعتيني<<تهوجس في فارس احلامها..
ريم: قولي لنا عن مشاعرك اول مع فيصل والحين مع التغيرات اللي حصلت..

فجر: حشى كل هذا سؤال..
ريم: احمدي ربك طلع كذا..ولا كان ودي اغطي كل ما اقدر من استفسارات..
فجر: طيب..اول سلمك الله فيصل في حياتي ماله وجود وماله اهميه..او بالاصح ما كنت اشوفه قدامي..
ريم:والحين؟؟
فجر: الحين صار دنيتي كلها..ما اتخيل لحظه ما اشوفه فيها او اسمع صوته فيها ..واذا ما حصلي كل هذا ..افكر فيه..
البنات يصفرون:ياهووووووووه على الرومنسيه..
فجر ميته حيا: خلاص لا تحرجوني..
رغد اخذت العلبه ولفتها..
رغد: اووه الحين دوري..طيب مهاوي وش شعورك يوم شفتي سليمان بعد ما طلع من المستشفى بالسلامه..
مها وعيونها مليانه دموع: يوم لقيته لقيت الامان..اللي كان بيضيع مني في لحظه..لقيت الاب والاخ والسند ..وكل شي بحياتي ..وخفت كثير من فكرة انه يتركني وحيده.."وبكت"
البنات تأثروا..
رغد: خلاص بنات..والله جايين نغير جو..
العنود تبي تغير السالفه: اقول بنات عندي لكم مغامره واكشنات..
البنات: نورينا..
العنود: وش رايكم نركب اللنش..
ريم: يقطعك على هالفكره..وشلون ما فكرنا فيها من قبل..
العنود: انا العنود يا حلو غير عن الكل فاهمه..
البنات: درينا انك غير "وضحكوا لان العنود رافعه ايدينها ومسويه حركة اصبعين حقت يوسف الثنيان"
رغد: يله نبلغ الامهات اول وبعدين العيال نروح لهم شخصيا..
البنات: يلا..
وراحوا عند الحريم..
ام مشاري: براحتكم..
ام فيصل: والله كيفكم..
ام تركي: انا اقول خلوها بكره في النهار احسن..
ام فواز: وانا راي من راي ام تركي..
الهنوف: ماما..البنات كلهم بيرحون الا انا..
فجر: اسمعي يمه..انا تزوجت والحين انا في عصمة رجلي مالي دخل فيكم..
نوف: لا والله يعني انا الوحيده اللي ما اركب ما علي منكم...
ام تركي تطالع ام فواز: هاه وش رايك..
ام فواز: في النهايه بنقول ايه فا خلينا نخلص ...يلا روحي..
الهنوف ونوف: هيّــــــا...
ام ماجد طبعا ما خذوا رايها لان عبير والعنود ما يحتاج رايهم من كيفهم..
راحوا البنات لعند الرجال....طالعوهم كلهم رجال وعيال الا شخص اللي هي لين جالسه بينهم..
نوف: شوفي اختك لا حيا ولا مستحى..
فجر: انا اصلا متبريه منها من زمان..ما اعرفها ولا تعرفني..
شجون: طيب عادي صغيره..
فجر: أي صغيره..باولى متوسط ..مهما كان على الاقل ماتجلس بينهم ..تجلس عند ابوي او مع مشعل لحاله مو حاشره عمرها مع العيال..
نوف: خليني اناديها نستفيد منها..
نوف قربت شوي: ليــون...ليـــون..
نواف لف وطالعها وابتسم ..نوف طالعته واستحت ونزلت عيونها..
وصلت لين...:مناديتني خير..
نوف: روحي نادي فواز ولا طلال بسرعه..
لين: طيب..."وراحت عند العيال"..طــــــــــــــــــــــلال..طــــــــــــ ـــــلال.
طلال: نعم نعم تراني جنبك ماله داعي الصراخ..
لين: البنات يبونك..
طلال ابتسم: البنات يبوني..
مشاري: وش عندهم البنات شكلهم سحبوا علي..
طلال: خلاص انت طاح كرتك..وجا كرتي..
وليد: قوم روح خلينا نشوف اخر مصايبهم الا وحده..
مشاري: انا امنيتي اعرف من هالوحده.
وليد: بعدين ا نشا الله تعرفها..
تركي: ما يصلح ينادوني..
سليمان: من زين الوجه ينادونك..
سعود: يا اخي احس ان بناتهم غريبين..
سليمان: كيف غريبين؟؟
نواف: صادق سعود..يعني في عاداتهم وتقاليدهم غير..
تركي: هذولي من القمر واحنا من الارض...يا اخي في شي اسمه اختلاف وجهات..هم يحبون يعيشون كذا ومتربين على كذا..انت وش عليك..
سعود: احس انهم متفتحين مره..
سليمان: لا مو مره بس شوي..المشكله انت واشكالك اللي ما تعودوا على الخير..
نواف: لا يا اللي عايش في باريس ولا لندن ..تراك في الرياض ويخب عليك..
سليمان: وافتخر اني من الرياض واهلها...
&&&&&&&&&&&&&&&&&&&&&&&&&&&&&&&&&&&&&&&&&&&&&&
طلال وصل لعند البنات...والبنات لفوا عليه بشكل دائري ..
طلال: وش ناوين عليه..ترى اهلي يبوني..
فجر: من زينك عشان اهلك يبونك..
طلال يطالع البنات..طالع عبير ووقف شوي بعدين كمل وشاف العنود ووقف وابتسم لها..
العنود خلاص بتموت من الفرحه وبصوت واطي: رويم .رويم..شفتي اللي شفته..
ريم: شفت..هذي يا حبيبتي بفضل الله ثم بفضلي وبفضل افكاري الاكثر من رائعه...
العنود: انا اصلا ما حبيتك الا عشان افكارك الاكثر من رائعه على قولتك..
طلال: الحين جايبيني تطالعون فيني..وش تبون.؟؟
رغد: شوف طلال ..بصراحه نبي ناخذ لنش الحين..
ريم: بليز طلال..
البنات: بليـــــــــــــــز..
طلال : انا موافق بس في شي...
البنات: ايش؟؟
طلال: في ثنتين ما قالوا بليز..
رغد: مين...
طلال: الخوات الكريمات عبير والعنود...
رغد: عبير قولي بليز وخلصينا..
عبير: ما ابي اقول.."طبعا معصبه لانها شافت طلال يبتسم للعنود ولاحظت ان العنود فرحانه على هالشي"
رغد: طيب ليش؟؟
عبير: خلاص هونت ما راح اروح..
طلال: ترى ما راح يروحون بدونك..
البنات: عبير يلا عاد.
عبير تطالع اشكالهم: هههه والله كأنكم شحذات عند مسجد..طيب خلاص..بليز طلال..
طلال: يله الثانيه..قولي..
العنود بفرح وخفه: بليز طلول...
ريم فقعت ضحك على العنود لانها ما صدقت على الله ولا طلول بعد..
طلال: وبعد يدلعوني من قدي..يله الحين موافق ..تجهزوا..
البنات: تسلم والله.
وراح طلال..
فجر: ما ادري وش عنده طلالوه يتدلع..
العنود: خليه يحق له..
فجر: لا والله مالت عليه..
راحوا البنات مع العيال ...
اللنش الاول ركب فيه البنات ومعاهم مشاري وماجد..
والثاني العيال كلهم الا سليمان كان تعبان وجلس عند الرجال..
وانطلق اللنش وكانت رحله بالمره ممتعه داخل البحر ولا بالليل مره وناسه..
البنات يغنون ويصفقون بقيادة اكيد الطقاقه العنود..
العنود: عزاه يا قلبي من الهـم عـزاه
من يواسي دمعتي قـال خيـره
و اشلـون خيـره بعـد فرقـاه
لا تقولو خيـره خيبـه كبيـره
البنات ماشين معها في الخط انواع الردح..
وبعد حوالي نص ساعه من الدوران في البحر..حامت كبد البنات وقرروا يرجعون..
ووصل لنش البنات نزل مشاري وماجد..ونزلت ريم وكان السلم شوي يخرع نزلته صعبه لانه عالي..

» انا جايه بكتب روايه احلى صدفه بحياتي هذهـ الروايه واقعيه وحادثه برياض
» احلى روايه سعوديه ريما&نواف
» روايه الزواج من غريب كامله رابط مباشر
» بنات رجه بس بالاناقه رزه انواع الاستهبال والرجه والدجه والاستهتار رومنسيه / روايه كامله
» مكتوب بحياتي ورضيت فيه/رهيبه/كاملة