تستعين حبه

يا حبّني لك .. وأنـت غالـي ودلـوّع

كــبّ التغـلّـي .. والـدّلــع لا تـكـبّـه

منك الدلع مسموح ماهـوب ممنـوع
يلـوق لـك .. وتلـوق معـك المحـبّـه

الله عطاك أنفاس وإحساس وطبوع
و فيـك الحـلا سبحـان ربّـي وربّــه

تفرق عن الخفرات بالشّكل والنـوع
لــو فـيـك ربّــات المفـاتـن تشـبّـه !

حبّك نـزل فـي قلبـي ولاعنـي لـوع
قـام يتسلقـط فيـه .. حتـى نشـبّ بـه

تقول ينبت لي مع ضلوعي ضلوع
لا شـفـت زولــك والهبـايـب تـهـبّـه

لعيونـك النعـاّس ميّـت مـن الـجـوع
متـى تحـسّ ومـن يحـبّـك .. تحـبّـه

زوّدتهـا حبّـه .. مثـل حـبّـة الـكـوع
وعلـيـك شـوقـي زاد تسعـيـن حـبّـه

وأصبحت أنا وياك طامع ومطموع
لـبّ النـدا .. يـا جـرح قلبـي وطبّـه

أقابلـك ساعـه مــن سـبـوع لسـبـوع
مـوقّــتــه وضـروفــنــا مـسـتـتـبّــه

على بدايتهـا .. شـذى ورد وشمـوع
وعـلـى نهايتـهـا .. يــدقّ المـنـبّـه !