مكتوب بحياتي ورضيت فيه/رهيبه/كاملة

الفصل السادس عشر والاخير..
خالد كان بالسياره والخوف والقلق شل مخه ,,يارب يكون بخير,,الله يستر حادث ,,حادث يارب تجي سليمه,,نزلت دمعه غصب عنه,,شلون ماتنزل ,,هذا اخوه ,,اخوه نايف,,

نزل للمستشفى هو مايدري وين وقف سيارته توقيفته صح ولاغلط,,دخل للمستشفى وهو يركض ,,وسأل عن الحادث ,,حس من وجه صاحب الاستقبال مايبشر بخير ,,دخل داخل شوي ,,انقبض قلبه يوم شاف سرير مليان مغطى دم ,ومايبان من هذا الشخص شي,,مر السرير من عنده بس طنشه ولافكر يسأل هذا مين؟؟.,مشى خطوتين عنهم وهو مثل الانسان الضايع,, بس وقفه صوت الدكتور الي عرف ان هذا الي سأل عن صاحب الحادث,,تكلم الدكتور وهو يأشر على السرير الي شافه:::انت اخو نايف ال,,
خالد هنا تمنى يموت بمكانه ولايسمع الي قاله الكتور::انت مومن وهذا شي ربي كاتبه لناو كلنا على هالطريق,,بدون شعور مسكه وهزه بكتوفه وهو يصرخ ::مين تقصد اكيد غلطان,,!!
:اذكر الله وهدي صرخ عليه خالد ::قول مين,,
::نايف سعد ال,,,,رنت الكلمه باذن خالد كم مرهو معها صورت اخوه ..اخوي نايف ماصدق , نايف اخوي مات شلون ,,سمع الدكتور يقول حادث ومادري ايش ,,مشى تارك كلام الدكتور وراه
وقف عند السرير وقف شعر جسمه,,من شكل الشرشف هو مليان دم,,معقوله هذا اخوي ,مايبي يصدق ,, مد يده بصعوبه وهي ترجف فتح الغطاء عنه شاف الحقيقه المره الحقيقه الي لازم يرضى فيها شي مو بيده شي بيد الخالق سبحانه شي كلنا خاطين دربه ,,شاف نايف نفس ماهو كأنه نايم بس مغطى بدم,,نزل له وباس جبهته ,,ورجع غطى وجهه ,,
(يأيتها النفس ارجعي الى ربك راضية مرضيه)
طلع من المستشفى وهو مايدري وين يروح وقف يمكن ساعه عند باب المستشفى ,جواله كان يدق ,,بس مو معه ,,من قوة صدمته بأخوه ,,مانزلت منه دمعه ,,يحس جوفه محفور وجع ,,يبي اخوه.............................................

ام خالدتروح وتجي في مكانها ,,خايفه من صحت اليوم الصباح وهي حاسه بيصير شي ضايق صدرها,,رهف تحاول تهدي بأمها::يمه اذكري الله ان شاءالله مافي شي؟؟؟
ام خالد وهي تفرك بيدنها من خوفها::خالد طلعته مو طبيعيه ونايف تأخر وجواله مقفل!!
رهف وحست فعلا فيه شي من كثر خوفها يأست وبكت وهي تقول::يمه لاتخافين ان شاءالله اخواني مافيهم شي..
ام خالد دايم احساسها مايخونها ضمت بنتها ماتدري تهديها ولاتهدي نفسها,,
ابو خالد يحس كل شي بداخله يرجف::اذكر وا الله انا طلع اصلي وبروح اشوف وينهم,,,

طلع ابو خالد من هنا ,,وماصارت دقيقتين ,,الا خالد داخل من هنا والحزن مالي عيونه ::خالد وينك وشفيك طالع كذا فيه شي,,
خالد جلس على ركبه بقلة حيله على طول جلست امه على مستواه والخوف اكل قلبها زود::يمه انتي مومنه بقضاء ربك و مامداه يكمل قلبها انكمش وصرخت وهي حاطه يدها على اذنها :: لاتقول نايف ولدي مات,,
خالد ضم امه بقوه::مات يمه مات بحادث ,,
ام خالد صارت تصرخ ::لا ولدي نايف مامات ابي اشوفه ماشفته اليوم ..انت تكذب علي ياخالد ,البارح كان يضحك ومبسوط ,,كيف تقولي مات كيف,,رهف في مكانها صارت ترجف ودموعها تنزل بدون وقوف وعلى لسانها نايف اخوي ,,اخوي ,,
خالد اشر بيده لرهف الي واقفه جنبهم ترجف ضمها وضم امه وبدون دموع::ادعوا له بالرحمه هو يبي دعائكم ,,...............................................

انتشر الخبر بالعايله الي كان خبر مثل الصاعقه عليهم خبر مفجع..الا شخص واحد الى الان مايدري ,,نزل توه صاحي من النوم من بعد ساعتين ,,شاف امه منسدح على الكنب ومغطيه وجهها مو باين منها شي,,وجنبها بالكنب الثاني ام فهد,,قرب وسلم على ام فهد بعد ماتغطت,,,,
استغرب شلون امه نايمه وعندها ام فهد ::يمه شفتي ولدك الخاين من صار عنده مشروع نساني اتصل عليه مقفل جواله,,
ام فهد هنا ترحمت لحاله لانه مايعرف نزلت دمعتها؟,,,,,,
ام خالد على وضعيتهاقالت بحزن ودموعها تنزل ::نايف راح يانواف ؟؟
نواف خاف من شكل امه قال وهو يضحك ومايبي يحط الي جاء في باله::الله يهديك يمه ادري رايح؟؟
ام خالد هنا على صوتها ببكى::لا راح يعني خلاص ماعد نشوفه خلاص راح نايف ماعد يرجع,,ام فهد وهي تضمها::تعوذي من ابليس واذكري الله ,,
نواف عيونه مره تجي على خالته ومر على امه وكل الي في ر اسه وش يقولون وش يعيني راح بلع ريقه:يمه كيف يعني ماشوفه؟؟
ام خالد بصوت واطي::يعني مات؟!!
نواف حس الكلمه قويه بس ماستوعبها تركها وطلع...............
ام فهد وهي تمسح دموعها لحال ام خالد::يأم خالد اللحين يبي منك الرضا والدعاء,,
ام خالد وصوت نايف وضحكته وصورته بين عيونها وباذنها وبجوارحها ,,ولدها ضناها وهي تبكي بكى يقطع القلب::كان مبسوط البارح ,,البارح بالليل جالس عندي هنا وفرحان لان مشروعه بيبدا ,,راح ولاتهنى فرحته ,,وعلى صوتها:راح ولدي راح نور البيت,,,,,
ام فهد ماكان منها ردة فعل الاانها ضمتها لعل وعسى تخفف منها ,,مع انه صعب التخفيف شلون تقدر تخفف لها عن موت ولدها........................


في غرفة رهف,,
::رهف حبيبتي الله يخليك خلاص الدموع ماتنفع,,
رهف وهي تشاهق من البكى::نوف ابي نايف الله يخليك خليه يرجع راضيه يقول الي يبي عني بس يرجع والله احبه,,هو دايم يقول ادري انك تموتين فيني ,,ابي اقوله ايه انا اموت فيك انت اخوي وتاج راسي..
نوف ماقدرت تكتم عبرتها شهقت تبكي من كلام رهف الي يقطع القلب ومن فقدان عزيز لهم::استغفري ربك وهذا يومه ,,
رهف للحين تبكي دخلت نفسها بهدوء بالفراش وغطت نفسها,,
لامار وهي تناظر وتشوفهم يبكون كلهم وبكت ::ليس تسهون(تصيحون)
نوف ::اص حبيبتي رهف تعبانه و نامت ,,
لامار على طول سكتت,
جلست نوف تقرا قران عليها لانها خافت تنام وهي متضايقه مو زين لصحه النوم على زعل اوضيقه.......................................
اليوم الثاني,,
بعد ماصلو عليه كان المسجد مليان رجال,,من كبار وصغار وشباب,,نايف كان محبوب من الكل معروف,,بروحه الحلوه,,كانوا كلهم متفاءجين بموته,,وحزنوا عليه وحزنوا على حال ابوخالد الاصوت بكاءه مالي المكان,,,

من بعد ماطلع من عند امه طلع يمشي ولايدري هو بأي شارع ولاهو وين,,,وكأن عقله مو معه,,كل الي يقوله وهو يضحك ,,امي تبكي وتقول نايف مات ..وضحك زياده يوم تذكر جارهم اول ماطلع وهو يقوله عظم الله اجرك,,نزلت دموعه وهو يضحك,,ليش يانايف ادق عليك مقفل جوالك انا اوريك لارجعت,,
هذي حالته من امس الى اليوم ا لظهر ,,مافيه شارع بالرياض مادخله ,,وكل الي على لسانه,,نايف,,مايبي يصدق ,,الناس من حوله تشوفه وتهز راسها على حاله ,,يضحك ويبكي ويتكلم بنفس الوقت..........................
__________________________________________________ _________________


ام خالد بنفس وضعيتها من امس ونفس مكانها ,,موحاسه بالعالم الي يدخلون يعزون ,,ومعها ام فهد الي ماتركتها لحظه وحده,.................


عند الرجال,,
ابوخالد يستقبل الي يعزون ودموعه ماجفت ,,وحتى ابو فهد بهاللحظه صار مثل الطفل يبكي حزن على نايف وفهد مو اقل حال منهم,,,خالد كان هو الوحيد الي صامد كان وده يبكي فيه وجع رهييب بداخله وجع بجوفه ,,فيه الم قوي على فراق اخوه ...

فهد عقد حواجبه وهمس بأذن خالد::وين نواف من امس ماشفته,,,
انعصر قلب خالد وتذكر انه من توفى نايف ماشافه ,,صحيح احنا شلون نسيناه من امس مادري عنه ,,تذكر شلون نواف متعلق بنايف بشكل مو طبيعي ,,خاف شلون كانت ردة فعله يوم عرف.::خلاص فهد انا بروح اشوفه بغرفته وانت اتصل عليه.................................


في احد احياء الرياض,,
جالس على الرصيف على نفس حالته,,
::اخوي محتاج مساعده,,
رفع راسه::ايه نايف اخوي مقفل جواله,,
الرجال مشكك بحالة نواف::انت وين ساكن,,
نواف ضحك::اقوله اكلم نايف يقول انت وين ساكن ,,
الرجال::طيب جواللك رد عليه,,
نواف ناظر الشاشه مايبي يرد مايبي يسمع يخاف يقوله عظم الله اجرك مثل جارهم::مابي ارد بيقول عظم الله اجرك,!!!
الرجال وعرف ان الولد مصدوم من خبر وفاه سحب الجوال من يده الي كان يرن بشكل مزعج,,
::مرحبا اخوي,,
فهد استغرب الصوت::هلا والله هذا مو جوال نواف ...
::ايه وسرد له الرجال سالفة نواف انه من امس جالس ويتكلم بأسم نايف,,
فهد خاف واخذ العنوان منه وعلى طول طلع وحرك سيارته متوجه له................................................ ...



بهالوقت دخل خالد من الباب الخلفي وطلع لفوق ,,طلع يشوف نواف ,,موجود بغرفته اولا,,وقف بمكانه يوم شافها,,شاف مصدر الحنان ,,بدون شعور رمى نفسه عليها وضمها بقوه,,كأنه يستنجد فيها,,كأن يقول ريحني,,وخري الوجع الي فيني ,,بكى ,,واخيرا نزلت دموعه تعب هو كابت من امس ,,وبكى وهوضامها ويقول::نوف نايف اخوي مات هو ماتهنى بشبابه يانوف,,
نوف كانت مصدومه من شكل خالد اول مره تشوفه كذا ,,ماتحملت تشوفه كذا ,,صاير مثل الطفل الصغير وهو يبكي ضمته وهي تمسح على شعره ودموعها تنزل::خالد لاتبكي لازم تكون اقوى من كذا نايف اللحين يبي منك الدعاء والرحمه,,
خالد وهو يبكي::اه يانوف انا محتاجك لاتتركيني قالها وهو يجلس على ركبه ,,
نوف جلست على مستواه وهي عارفه قاله هالكلام لانه يبي صدر يضمه ناظرته وهي تشوفه شلون منزل راسه لركبته ويبكي,,صارت تسمي عليه وهي تمسح على شعره بدون شعور حط راسه على فخذها وغمض عيونه يبي يريحها ماغمض له جفن من قاله الدكتور نايف مات ,حس انه ارتاح غمضها وده مايفتحها ولايتحرك من مكانه,,نوف كملت وهي تقرا عليه وتسمي مع ان المكان مايسمح اوبألاحرى غلط بس ماحبت تقومه حست انه ارتاح............................................. ...



وصل فهد بعد عناء الزحمه والعنوان بعيد عنهم,,عقد حواجبه وهو بالسياره ,,استغرب شاف شلون الناس متجمهره,,نزل وبعدهم وشاف شلون نواف يضحك ويتكلم بأسم نايف,,قرب له فهد ويحس وده الارض تبلعه ولايشوف نواف كذا::نوف وشفيك,,
التفت له نواف::فهد انا اتصل على نايف جواله مقفل؟؟!!!
قرب فهد له وهو يبيه يفوق ويرضى بالواقع::نواف نايف مات خلاص
نواف ضحك وهو يقول::سمعتوا وش قال يقول نايف مات مجنون فهدههههههه,,
ماحس الابكف قوي على وجهه::اصحى يانواف نايف مات..
نواف ونزلت دموعه::_____
فهد::يانواف مايصير تسوي كذا بنفسك لازم تكون قوي ,,,قرب له فهد وضمه نواف بعد ماستوعب وصار يبكي بحضن فهد.............................................
____________________________________

بعد مرور شهرين
في بيت ابو خالد
كانوا مجتمعين كالعاده,,اتفق خالد مع رهف انه يقابل نوف ,,وفعلا دخلتها لغرفتها,,واتصلت على خالد وقالت له يدخل ,,

نوف كانت جالسه على كرسي رهف وبيدها الجوال وتقلب فيه ,,وبخاطرها اشتقتله ,,من وفاة نايف ماشفته,,الى متى بظل على هالحال ,,متى يطلقني واخلص,,واكيد اذا طلقني بنساه..........
::وش فيه سرحانه..
فرح قلبها لصوته وقفت ودموعها حايره بعيونها::خالد,,
بأبتسامه::وش تشوفين قدامك؟؟
انتبهت على نفسها ومرت من جنبه بتطلع..بس كان هو اسرع منها وسكر الباب واخذ المفتاح
منه::وين تبين تهربين حرام عليك شهرين وماتبين اللحين تسأليني طيب ولا مو طيب,,,
نوف تناظره ودها تقوله شلونك خالد ولله مشتاقتلك بس هي ماتبي تضعف هي تبي الطلاق::خالد متى نخلص من موضوعنا خلاص ابي اخلص طلقني؟؟
خالد سحب نفس ::نوف ليه موراضيه تشيلين الطلاق من راسك..
نوف وهي ماتبي تبكي::لاني عطيتك فرص تقولي اسف وترجع تجرح..بس انا عرفت السبب وانت ماتنلام لانك ماتحبني فاخلاص انا بريحك مني طلقني؟.؟!!
خالد وده يذبحها لاقالت طلقني::نوف انا ابيك مابي اطلقك!!!
نوف بحزن::انت ماتبيني انت تبي نوف الزوجه المطيعه للزوجها ماتبي نوف لنفسها..؟
خالد عصب::نوف انتي قاعده تفسرين الامور على كيفك!!
نوف ابتسمت على جنب::اوه طيب ممكن تفسرلي انت ليش تبيني؟؟
خالد ماعرف وش يرد عليها ,لانه فعلا هو مو عارف ليش يبيها,,وهومايبي يخسرها وبس...........
نوف برود جاها غصبا عه من تعابير وجهه::اشوفك مارديت ؟؟
خالد عصب من برودها وقرب لها وحط وجه بوجهها بالضبط::انا مابي اخسرك يانوف سمعتي انا ابيك وبس فهمتيني وطلع المفتاح وفتح الباب وطلع...............
نوف خافت منه يوم قرب وجهه وبنفس الوقت ابتسمت للحين تحس بحرارة انفاسه باقيه بوجهها ماودها تروح ::مصر مايطلقني اناني ياخالد................

في غرفة نواف..
::نواف لازم تشغل نفسك حتى دراستك صرت ماتهتم فيها؟!
::مو راضي يروح من بالي ضحكته صوته كل شي هنا يذكرني فيه انا وياه بسرير واحد كيف انساه والله صعبه,,
رهف ::كلنا نحب نايف بس خلاص لازم تمشي الحياه وغلاة نايف بقلب كل واحد فينا ماراح ننساه هذي الحياه يانواف تاخذ منا وتعطينا ,,
نواف وهو يبتسم بحزن::يارهف اشتقتله كثير احس اني لحالي بهالدنيا احس مالي احد فقدته والله فقدته...
رهف بسرعه وهي تمسح دمعه نزلت منها::انت الي حابس نفسك بهالغرفه اطلع علشان خاطري ارجع نواف الي اعرف قبل فقدت ضحكة نايف مابي افقدك الضحكه اختفت بهالبيت رجعها يانواف علشان خاطري...
ابتسم نواف بوسط احزانه عشان اخته ::اوعدك ارجع نواف الي تعرفينه....!!
بعد قرابة اسبوعين,,
في بيت ابو فهد
ابو فهد::ياخالد والله طول هالمده وانا احاول فيها,,؟
خالد::عمي حاول معها انا مابي اطلقها,,انا مليت وابيها ترجع..
ابو فهد قام واستاذن منه ,,


::نوف انزلي تفاهمي مع زوجك,,
::يبه انا كم مره قلتلكم انا خلا مابي ارجع ابي الطلاق,,؟؟
ابو فهد عصب::نوف خليتك على راحتك قلت يمكن البنت تفكر ترجع لعقلها بس انتي ميح,,ماعندنا بنات يتطلقون سامعه بعدين انتي حامل مافكرتي بالي بطنك,,قدامي جهزي اغراضك وروحي مع زوجك ,,
نوف وهي تبكي::يبه مابي ارو
قاطعها انزلي تفاهمي مع زوجك واياني واياك ادري انك قلتيله طلاق سامعه,,وتركها وطلع......
مسحت دموعها وهي ماتدري وش الحل ,,ماتبي ترجع له اهانه لها ماودها.............
دخلت منزله راسها وهي تقول::السلام عليكم,,
خالد وهو يوقف::وعليكم السلام,,
عرف ان عمها عطاها كم كلمه وخلاها تنزل لا باقي اثر دموع بعيونها قرب لها ورفع راسها وهو يقول::لاتنزلين راسك وانا مو جود يانوف؟!!!
نوف ناظرته::والله كلامك غريب؟؟
خالد ابتسم بتأنيب ضمير اقول كذا وانا اول من نزل راسها::نوف انا مو جاي اخذك بالغصب انا ابي اخذك برضاك,,؟
نو وهي تتذكر كلام ابوها انها حامل وتذكر ان خالد مايحبها احتارت ,,تنهدت وجلست على الكنب::والله مدري ياخالد انا خايفه؟
خالد جلس جنبها وبرجى::نوف طيب عطيني فرصه
دخلت عليهم لامار::بابا,,
خالد::هلا والله تعالي,,
خالد وانتبه لبطن نوف ان كبر شوي اخذ لامار وجلسها بحضنه وهي بقول ويحط يده على بطن نوف::شوفي هنا فيه واحد حلو مثلك,,
لامار براءة الصغار::وينه مافيه سي(مافيه شي),,
نوف كانت مكتفيه بالنظر وهي مشتته وضايعه وبوسط كلامهم وقفت:: اتركني بس كم يوم افكر واذا كنت تعز لامار تنفذ القرار الي بوصله ,,
خالد فقد الامل بنوف حس من كلامها انه مافيه امل ترجع نزل لاماروقرب لعندها وباس جبهتها وهو يحفظ ريحتها يخاف يكون المره الاخير,,طلع وتركها بحيرتها نزلت دمعه تحس روحها طلعت,,

دخلت البيت حصلت ابوها بوجهها ::بشري يابنتي طاح الحطب؟؟
ابتسمت نوف لعيون ابوها الي واضح انه خايف عليهاوقالت بمزح::يبه تحملني بس كم يوم ولاشكلك زهقت مني؟؟
ابو فهد:::الله العالم اني ابي اشوفك مرتاحه بيت زوجك,,
هزت راسها بأيجاب وهي تبتسم وطلعت لغرفتها.......
في بيت ابو خالد,,
خالد بتعب::ايه يمه وشكلها مو مغيره رايها تبي الطلاق؟؟
::طيب انت مزعلها بشي قوي
خالد بندم::عرفت اني احب ريم وعرفت اني خطبتها؟؟
ام خالد وكانت متوقعه هالشي ::شلون عرفت؟؟؟
خالد تضايق:يمه والي يعافيك سكري على هالموضوع؟!!!
ام خالد استغربت ماتدري ليه تضايق ولدها علشاان نوف ولا عشان شي ثاني::طيب اللحين وش الي مضايقك؟؟
خالد استغرب شلون يفكرون يعني يتوقعون اني اكره نوف::يمه شفيك ترى نوف زوجتي وام ولدي الي جاي بالطريق؟؟؟
ام خالد ::اها يعني انت ماتبي نوف لو ماهي حامل ولا كان طلقتها,,
عصب خالد::لايمه نوف حامل ولاموحامل انا ابيها ليش محد راضي يفهمني؟؟؟؟؟؟
ام خالد فرحت بداخلها::يعني افهم من كلامك انك حبيت نوف؟؟
خالد سكت وجمع بيده بحضنه وحركها بتوتر::يمه مدري بس الي اعرفه مابي نوف تتركني انا ابيها وبس ,,وطلع وترك امه بحيرتها........................................... .........
________________________________
بعد يومين,,
الساعه 10 الصباح,,
منسدحه على سريرها ,,اكذب على نفسي واقول برتاح لاطلقني وبنساه,,اللحين وتوه ماطلقني ..وانا كل يوم اتعذب فيه..كل ساعه ,,وكل دقيقه ,,مافي تفكيري الاهو..افرح اذا قال ابوي جاء خالد ويبي يشوف لامار,,تاخذني رجلي لدريشه وانتظره لحد مايطلع علشان اشوفه....شلون لاطلقني,,كيف وانا ماجلست معه شهرين من بعد وفاة نايف,,واحس كأنها عشرين سنه,,انا اكذب على روحي ,,ليش اتعذب واعذب نفسي,,عذابه ولاعذاب فراقه,,تعبت قلبي الي مو راضي ينساه ولاراح ينساه,,صار هواي صار اكسجيني الي اتنفسه ماقدر اعيش حياتي وهو مو معي,,بعدين انا لازم افكر بغيري,,الي بطني شلون بعيش بدون ابوه,,ونزلت عينها على لامارالي ازعجتها وهي تحرك وجهها,,قالت لنفسها يكفي معاملته الحلوه لامار,,لمت لامار بيدها وحطتها فوقهاوتحس انها رايقه وهي تقول::صباح الخير للحلو,,
لامار وهي تبتسم::ماما ابي الوح بيتنا ابي الئأبي(ابي اروح بيتنا ابي العابي)
نوف وهي تضحك::هنا فيه العاب العبي فيها...
لامار حطت راسها على صدر امها بملل لانها كل يوم تقول لها نبي نروح للبيت::ابي الوح لبابا,,
نوف ابتسمت لان لامار متعلقه بخالد::طيب امشي اغير ملابسك وش رايك..................................
في بيت ابو خالد,,
5العصر
رهف::الله يخليك خالد روح جيبه لي ضروري البسه اليوم الفزواج وماعندي فستان,,
خالد::طيب امشي اوديك للسوق واشتري لك واحد جديد؟؟
رهف وهي تتأفف::خلودي مايمديني اروح اشتري يالله روح جيبه لي,,
نواف وهو يضحك::ههههههه نوف ضعيفه شلون يجي مقاسك!!
خالدج هنا عصب::وانت وشدخلك؟؟
نواف على طول سكت استغرب كلهذا علشان رهف,,
رهف::تستاهل مالك شغل ها خال بتروح ولا لا,,
خالد::خلاص وهذا انا قايم
رهف بخاطرها مابغى::بس لاتتاخر نوف تقول باخرالدولاب بسرعه ,,,
ضحك خالد::"يب يالله فمان الله,,
رتبت المكان وضبطت كل شي ونظفته..بعد ماتفقت مع رهف ,,ماتدري قرارها صح ولاغلط,,حتى لوكان غلط لي انا,,بس في مصلحه للي بطنها ولامار,,ومتحمسه لحياتها الجديده مع خالد,,او مطمنه,,,
سمعت صوت الباب ينفتح رقص قلبها فرح واشرت لامار تتكلم..
خالد كان واقف عند الباب يحاول يفتح الباب بس مافتح استغرب سمع صوت ,,وقفت حركة يده هذا صوت لامار ,,رجع له نفس الصوت::مين؟؟
ابتسم مو غلطان هذي لامار.,قربت نوف وفتحت الباب ودخلت,,
فتح الباب خالد وعلى طول لامار حضنته وشالها::بابا انا ادول مين (بابا انا اقول مين)
ابتسم ونزلها ماهو مصدق نو ف ولامار هنا,,حس الروح رجعت له دخل داخل للصاله ماشافها ,,دخل للغرفه,,شافها جاسه على السرير رفعت راسها وناظرته ماتدري ليه ماحبت تستقبله عند الباب كانت خايفه تبيه هو يدخل يدورها::شلونك خالد؟؟؟
ابتسم خالد ::بخير وربي بخير برجعتكم؟؟
نوف دمعت عيونها::تمنى ماندم ياخالد..
خالد جلس جنبها ولف وجهها عليه وحضن كفوفها الصغيره بالنسبه ليده::ليش هالدموع يانوف راح اثبتلك يانوف وماراح تندمين ,,نوف سامحيني اوعدك ماتتطلعلك دمعه مني,,خلاص انسي ,,صدقيني يانوف انتي لك مكانه بقلبي والله العالم يانوةف,,ان قلبي يتعذب لاسمعتك بالليل وانتي تبكين,,وانا عارف السبب هو انا,,لاتتعتقدين اني اكون مبسوط وانتي متضايقه,,والله اكره ماعلي هالشي,,وكمل حتى الشقه ماجلست فيها يوم من تركتيها مالها حلى بدونك ,,وصدقيني ريم طويت صفحتها,,وانتي صفحتي الجديده ومافيه غيرك,,
نوف كانت حاسه بثقه من كلام خالد وحست انه صادق ضمته بقوه ماتبي تتركه تبيه لها هي ,,


مانختلف مين الي يبدا بالكلام ,,
مانختلف بس احنا ننوي عن غرام,,
مين الي يبدا مننا ماهو مهم انت اوانا,,
لازم نحدد وضعنا قلوبنا ذابت حرام,,
العمر يجري والوله فينا يزيد,,
فينا غزل فينا هوى وحب اكيد ,,
يكفينا اهات وسهر,,شوق ورسايل بنظر,,
انا وشوقي ننتظر,,بين نظره وابتسامه,,
ساعدني يالله قول وتجراء معاي,,
علمني كيف ابدأ واعلن لك هواي ,,
وبصدق نبدأ حبنا,,واكون شاكرلك انا,,
لا لا تضيع وقتنا,,قول احبك والســـلام,,








ماقبل النهايه,,

بعد مرور كم سنه,,

خالد بصوت عالي::يالله يانوف بنتأخر والمعازيم اكيد حضروا؟؟
لامار وهي تدخل لغرفة ابوها::بابا شرايك شكلي حلو؟؟
خالد وهو يضحك ::انتي اليوم بتغطين على العروس؟؟
تأففت لامار يوم سمعت امها تناديها::ياربي اللحين بتقول تعالي لبسي نايف جزمته ,,خافت يوم سمعت امها معصبه وهي تناديها وراحت تركض...
خالد مات من الضحك على لامار من شكلها وهي خايفه,,
دخلت نوف للغرفه وهي مشغوله تركب حلق بأذنها ,,خلصت ووقفت قبال المرايه تناظر شكلها نظره اخيره,,ابتسمت يوم سمعت صوته::قمر وربي قمر..
ابتسمت وقالت بدلع::بس شوف شلون بطني كبير طالع غلط مع الفستان(كانت لابسه فستان قصير حق حمل ناعم مره)
قرب لعندها ونزل لمستوى بطنها ::سمعت امك وش تقول منزعجه منك تقول انك مخريب شكل فستانها,,
ضحكت نوف::هههههه الي يشوف اللحين بيفهم وش تقول,,؟
رفع راسه وابتسم::ربي لايحرمني هالضحكه,,
نوف بأبتسامه وهي تاخذ عباتها::ولايحرمني منك..
دخل نايف::باب لامار عولتني ادربها(عورتني اضربها)
لامار دخلت وبغيره::كذاب ماعورته ,,بعدين هو مايضربني انت تحبني صح,,
خالد وتعود على هالمشهد اليومي وعلى غيرة لامار::اكيد احبك واموت فيك,,,
نايف برطم وصار يبكي نوف راحت تراضيه::وانا احبك واموت فيك وحتى بابا,,
خالد وهو يجلس على مستواهم::احبه واموت فيه بس مو اكثر من امه,,
نوف ابتسمت وقامت:: وانا بعد,,يالله تاخرنا ,,
خالد وقف عند الباب قبال نوف ::وانتي وشو؟؟
نوف وهي تطالع بعينها يسار ويمين::امممم مدري؟؟
خالد ::كذا يانوف اوكيه ,,بس انا ادري اني احبــــك وامـــوت فيك,,
نوف وهي تقرب وجهها بوجه وتهمس::وانا بعد احــــبــــــك واعشقك....................................






دخلت رهف بكامل روعتها مشت بهدوء على صوت الموسيقى الهاديه..وصلت للكوشه,,وكان شكلها ناعم ,,الكل سلم عليها وبارك لها,,........

بعدها دخل فهد والفرحه مو سايعته ,,دخل مع ابوه وعمه وخالد ونواف ..هذي اللحظه الي انتظرها طول السنوات الي راحت,,اخير ا تحققت,,وصل لكوشه..وانبهر فهد من رهف ,,قرب منـــها وباس جبهتها وخدها::مبروك رهف,,

بعد ماخلصو تصوير,,طلع ابو خالد وابو فهد ونواف وبقى بس خالد,,راح للطقاقه ,,وطلب اغنيه خاصه اهداء من خالد لزوجته وحبيبته نوف,,وبدت الطقاقه بصوتها..

ياقبلة الله على الي شافته عيني ,,مثل القمر نور وجهه ساطع وضاوي............................................. ..............


ونزل خالد لعند نوف وسحبها ,,نوف ابتسمت وهي مستحيه ,,من الانظار الي عليها ..ورقصت بكل نعومه وهداوه ,,مع خالد الي شوي يرقص معها شوي يصفق لها ...................................



النــــــــــهــــــــــــــــــــــــــايه,,

كلمه بعد القصه,,

شفنــــا كيف نوف عاشت حياتها .. خطوه بخطوه
,,تزوجت كبير بالسن في بداية عمرها,,وماكانت راضيه بهالشي,,بس تفكير والدها,,ارغمها على انها ترضى ,, وقدر الله انه يتوفى ,,وطلع من هالزواج بنت,,يمكن البعض يبقول اني بالغت ,,معقوله فيه احد هالايام يرغم بنته على الزواج ومن واحد كبير..راح اقولكم ايه لأسف فيه والى الان موجود ,,وبكثره بينا وفي مجتمعنا,,اذا كان هو نفسه راضي فليش البنت ترفض,,

وبعدها الله كتب ربي يجمع شمل الأخوان ,,لان ربي كتب نوف لخـــالد,, ماكانت تبي تتزوج..تبغى تربي بنتها..بس قدر الله وافقت وصارت زوجته,,وشافت منه الجفا والصد والأ مباله ,,عكس ماهي عطته ..حاولت معه كثيروصبرت ,,يمكن بعضكم قال ,,هذي ضعف شخصيه منها,,راح اقولكم لا,,نوف مو ضعيفة شخصيه ,,بالعكس الطيبه مو ضعف شخصيه..لان بالاخيـــر نالت,,لولا ,,شخصيتها الحلوه وطيبة قلبها ,,ماكان تمسك فيها خالد..صبرت وبالنهايه نالت..
عشنا معها حزنها ,,وحزنا معها,,عشنا معها دمعها ,,وبكينا معها,,عشنا معها جرحها ,, وزعلت لجرحها القوي ’’ار نفسها ولقت الحل الصح انها ترجع و انها تعطي فرصه وتصبر.. باللأخيـــر سعاده,,
شفنا شلون عاند خالد وتمسك بحبه الأول ,,بس بألاخيرحب نوف ,,وعرف قيمتها وعرف انه كان مقصر معها وحبها مع مرور الوقت,,ليش لأن الحب الحقيقي مايجي الابعد الزواج..

نصيحتي للي عايشين نفس نوف او مقاربه لها ,,لاتيأسين,,لان الطيبه والمعامله الحلوه تغلب دائما,,
ونصيحتي للي عايش نفس خالد,,يتركون مشاعرهم لبعد
الزواج افضل لهم لان الحب الحقيقي ,مايجي الابعد الزواج وهو الحب الصافي والعذري ..

شفنا كيف فهد ,,حب رهف,,واول ماحبها ,,فكر يخطبها,,كثير قالوا صغير..بالعكس المفروض تصفقون له..لانه فكر صح,,حبها,,على طول خطبها,(,الرسول عليه الصلاة والسلام..اول ماشاف عايشه وعجبته,,خطبها على طول على الرغم من صغر سنها)....
يالليت كل الشباب يكون تفكيرهم مثل فهد.,,والحمدالله تحقق حلمها وتزوجها,,......................................... .......

[color=red]وختام كلامي ,,اعذروني اذا شفتم اخطاء هذي القصه اول كتاباتي ,,واشكر من كل اعماق قلبي,,كل من شجعني وساندني ,,وقف معي ,,وكل يد ردت علي وكل عين قرأت لي,,اشكركم من صميم قلبي ,,واشكر هذا المنتدى الي استضافني هنا
انتظروني بقصه اخرى وراح تكون مختلفه تماما عن
مكتوب بحياتي ورضيت فيه,,,,

لاتنسون هذا اللأسم,,
حـــــــــــــــــــزنــــــــي الضـــــــامي,,

ووااااو مشكورة راح أقراها بعدين لي باك