حامد زيد (( حـد عـلمي ))

حد علمي بالغلا يوم كنت أسوى كثير
يــوم كانت ضحكتي طبع وعنادي سمــه
وحد علمي بالغلا يوم خفاقي ضرير
قبل أهدم العشق وأبنيه وأرجع وهدمــه
وحد علمي بالبكاء يوم لي قلب وضمير
قبل أشوف المسلم يموت بيد المسلمه
إيه عدّت من يدي بس ماعدّت بخير
ليلـةٍ عيّت تجينـــي وجتنـــي مظلمـــه
من عرفت إحساسها كن في قلبي نذير
والنهار المكتئب بـــــاين ٍ من مقدمـــــه
ليلةٍ حسيتها لاتجور ولاتجير
مثل طفل ٍ مـــــاحقرته وعيّت إحشمــه
وأصبحت مثل شعره وأقصمت ظهر البعير
وأبتدى في موته الجرح من حيث إختمه
صارلي بالعشق مالا هقيت أنه يصير
أنظلمت بعشـرت أنسان ماكنت إظلمه
العشير اللي تبرى من ضلوع العشير
الحلا عـــزّز خطايــــاه والحظ إخدمـــــه
لاتبسّم يكسر النور بعيون البصير
وكــــن شمس المغربيه تبات إبمبسمه
معتدل في قامته لاطويل ولا قصير
ممتلي بالزين من معصمه لــي معصمه
فيه بلوان الهدب لون غير ولون غير
مثل مـــا للرمش بالعين قصــــه مبهمه
كنها نكس البيارق على شط وغدير
ومثــل لملمت الشتات بشتات اللملمه
مع سواد مجدّل ٍ مايثور إلا يثير
كنــه اللـــي ينهم الريـــح ثــــم ٍ تنهمه
ماتجمع لين قيّد حرير ٍ مع حرير
فــي ضلام ٍ علّم الليل مـــالم يعلمــــه
ماهقيت إن الهدب صلف وأجفانه تغير
لين سلهم لعنبوا جــد ذيك السلّهمــه
ماعتقني لين ساق البشاير للبشير
يـــوم صد وجاه قلبي بشحمه ولحمـــه
والله إنه حط قلبي تحت رحمت شطير
فــي يديه وكل مــاراد يقسـمه قسمــه
ياعساني ماعدم إرضاه في برد وهجير
ولوعدمت مروّتــــــه يــاعساني معدمــه
إن طلب عيني رضا قلت ماغيره نظير
وأنشرب دمي غضب قلت يستاهل فمه
واهنيّه يرقد الليل مرقاد الغرير
كــن نومه لابغى يهزم الجفن إهزمــــه
وإلنا من صفرة عصير الى صفرة عصير
والسّـــهر يــــــايلزم العيـــن وإلا تلزمــه
لو صحيح إن الحبيبين يجمعه مصير
كان نفس اللي حرمني من النوم إحرمه
والله إن مروّتي ولّعت فيني سعير
يوم شفته تــــل قلبــي وداسه بقدمــه
مارحم زهرة شبابي وأنا توّي صغير
ليـــن ضيّق خاطري ضيّق الله إنسمـــه
إيه عدّت من يدي بس ماعدّت بخير
ليلةٍ عيّت تجـــي بس جتني مظلمــه
حد علمي في عناها عذاب وزمهرير
يوم قمت أوحي بالاضلاع صوت وهمهمه
وحد علمي بالرجا من نصير اليا نصير
يوم شفت النّفس تذبح وهي مستسلمه
وحد علمي بالبكا يوم لي قلب وضمير
قبل أشــوف المسلم يموت بيد المسلمه

مشكورة

العفوو نورتي ^.^

ووه بس ... نبي رآأإبط الإأإستمآإع
--> تتشرط ..
مششكوؤوؤرة .. مشوآأإر أإقرآ ذي الكلمـآإت كلهـآأإ

وااااااو مشكوووووورة مرة روعه
تسلم يدك ع النقل الرائع
احترامي >>>

تسلمي ياقلبي مرررررررا جونااان كلمات ولااروع

» قصائد حامد زيد تجننننننننننننننننننننننننننــــــــن
» شعر حامد زيد ..الحلمـ
» 3 اشعاار من حامد زيد
» قصيـدة من تحت لي تحت حامد زيد [ كلمـآت + إستمآع ]
» قصيده حامد زيد((الجمهره)) والله تجنن لا يفوتكم