ليتك تبادلني الغـلا والمواصيـل~

ليتك تبادلني الغـلا والمواصيـل~
؛
لايومي بيـوم ٍ ولا ليلـي بليـل
ولا السّعد مقبل ولا الهـم زايـل

ماغير ازم هموم واحـط واشيـل
ولاراح منها هـم جالـه بدايـل

تدرون يالعربان وش هي البهاذيـل؟
فرقى وليف وحظ مامـن صمايـل!

الوصل نعمة والمفـارق غرابيـل
ياحـظ ليتـك تعتـدل ماتمـايـل

لامن بغيت اعدّلك ترجـع تميـل
كنّك تقول اعيش وامـوت مايـل

والمهرة اللي ماتعيّن مـع الخيـل
من دونها تقصر جميع الأصايـل

من دونها ضاعت عقول الحلاحيل
وتضاربت فيهـا سلـوم القبايـل

ياشيب عيني يوم قفّت وانا اخيـل
دموعها وبلٍ علـى الخـد سايـل

وانا اتصبّر وازهم العقل والحيـل
والقلب يشكي للضلـوع النحايـل

اصبر مثل صبر الرجال المشاكيل
واخبّي جروح الزمـن واتحايـل

لأن الردي والهيس وخبل الرجاجيل
تفرح ليا وراني الزمـان الهوايـل

وانا اترفع واترك القـال والقيـل
واجبر عزا قلبٍ على الموت آيل

أشب نار الشوق وارهي المعاميل
واريّح اعصابـي ببـدع المثايـل

وإلاّ الغلا ماعاد يحتـاج تفصيـل
لأنّـه مورينـي نجـوم القوايـل

ياللي غيابك حط بالقلـب تنكيـل
ويلي على قربك ولانـي بطايـل

لاغاب صوتك ماتفيـد المراسيـل
وفر على الجوال كثـر الرسايـل

والله لـو تاخـذ لدمـي تحاليـل
تلقاك بالجينـات صايـل وجايـل

حبك تعدى حب الاكـراد لأربيـل
الاّ تعـدى حـب شمـر لحـايـل

صبيت حبك مثل صـب الفناجيـل
وين الجليلة تشرب اشواق وايـل

وانته تواعدني من اسهيل لسهيل
والشوق في قلبي مسوي عمايـل

ليتك تبادلني الغـلا والمواصيـل
وترد لي بعض الوفـا والجمايـل

تعبت من قولت ظروف وعراقيـل
وتعبت من قولت ياقـل الوسايـل

لاقلت انا احبك ومشتاق بالحيـل
تقول لي جعل العوض فالموبايـل

يعني انا ويـاك مثـل المهابيـل!
واشباهنـا فالوقـت هـذا قلايـل

غلطان من قـال المحبـة تساهيـل
راحو ا ضحيتهـا عيـال الحمايـل...

وسلامة عيون من قرأ وتاااابع.

منقووووووووووووول

كلمااااات روووووووووووووووعة
يعطيك الف عااااااااااافيه

» آه ليتك بقلبي تشعر =(
» ’ . . . / ليتك معي سآهرٍ ليل آلهـوىآ كلَّـه مآ آنوم آنا وآنت لآجل آلحب سهرآني :$ !