روايـــة دنيـــا كفـى الله شــــرها .. كامله - قصيرة -حزينة

السلام عليكم ؟؟؟

هذه الرواية قريتها اليووم

عجبتني حييل ..

وأأحلى شي إنها قصيرة ..

..

اتمنى لكم قرآء ممتعة ...

تحيتي

ههههه من جد إدمـآآآن..

بإنتـظآآآر البـآآرت الاول..

وان شاالله اقراهاا...

موفقـه بالنـقـل..

ْْ~ْْ

يعطيكي الع ــآآفيه ع مرووورك ..

~ --.. ان شاء الله اكملهآآ

مدري اشبوو .. لمن ارسل البارت يقول ..

يجب عليك كتابة نافذة تفيذ قبل الارسال ..

وقصم انو طفشني ..

لو مرت عليكي الحآله .

أكرمينآآ

بدايـــــــة قصتي كلمــه وآخر قصتي أبيـــــــــات...
عذابٍ كل ما طــــالت سنينه شفت الموت طاولني...

أحب أعرفكم على نفسي ..أسمي نوره وعمري 20 سنه وادرس بالكليه ولكن ماكتب ربي لي اني اكملها.. ملامحي ناعمه جداً طبعاً مو أنا اللي اقوله الكل يقول كذا..

حياتي عاديه جداً روتين ×روتين انام واصحى اروح للكليه وارجع واجلس مع اهلي واذاكر وارجع انام من جديد ..
في يوم من الأيام صار شي ماكان يخطر على الباااال ابداً خطبني واحد ماتوقعت انه في يوم من الايام يخطبني ليش لأني أحبه وأموت فيه وانصدمت أكثر لما رفضه أبوي ورجع مره ثانيه وخطبني ...جا في بااالي الف سؤال وسؤال خطبني مره ثانيه معناها يحبني او انه يبي ينتقم من ابوي أو .....يالله ليش رفضه ابوي هو خلاص اللحين صار شي ثاني صار احسن من اول حتى ليش ما أخذ رأيي ؟؟؟
ما أكذب عليكم والله ان نفسيتي جداً تعبت وتحطمت الأنسان الوحيد في حياتي مايكون لي والسبب ان سمعته مو حلوه مثل مايقول ابوي..

مرت الأيام والأسابيع والشهور وانا خلاص كل يوم يجي احاول اني انساااااه....وفي يوم من الأيام أهلي كانوا مو موجودين بالبيت رايحين مزرعه وانا كنت تعبانه,,
ولافيه الا انا والخدامه وكنت جالسه بالغرفه كالعاده على النت الا واسمع صوت الشغاله تصرخ وتقول حرامي أنا مادري وش اسوي طلعت الا وصوت الخدامه راح ونزلت تحت الا وأشوف الحرامي ماسك الخدامه ويبي يربطها أنا من غبائي جلست أصررررخ وعلطول ركض عندي ومسكني وجلس يتكلم مادري وش يقول ووجهه كان متغطي بشي أسود .. ما أقدر اوصف لكم الموقف كيف كان ربط يدي وبعد اللي على وجهه وفعلاً هنا أنصدمت كان ولد عمتي اللي اكرهه كره الموت كان سكرااااااان ويدري انه مافي احد موجود بالبيت ... يالله انا ماقدر ادافع عن نفسي هو يبي يتعدى علي واللي قدرت اسويه اني اصرخ وادفه برجولي ..

شوي الا سمعت صوت رجال يقول بعد ياحقير ويمسكه ويضربه ويوطى على بطنه انا من الصدمه مو مصدقه معقوله منصور هو اللي يدافع عني .. جلست ابكي وأقول لا شعورياً منصور أرجوك لاتتركني أرجووووك ...
ولد عمتي جلس يهذي مادري وش يقول وانا لازلت مربطه منصور سحب الحقير برا والخدامه جت تفكك الربط اللي علي وهي تقول انا في اطلع برا شارع وشوف هذا رجال وقول انا في حرامي ....
رحت بسرعه واخذت الجوال ويدي ترجف ابي ادق على ابوي ولقيت جواله مقفل وادق على امي ونفس الشي وعلى اخوي ومقفل بعد دقيت الف مره ونفس الشي وش هالورطه..
أخذت عبايتي وطلعت ابي اشوف وش صار لقيت منصور بالحوش ومافي احد معااه سألته وقلت له وينه قال لي راح قلت وين راح ليش تخليه يروح كان مسكته علشان يشوفه ابوي سألني قال انتي تعرفينه قلت ايه هذا ولد عمتي قال وش عنده قلت مادري شكله سكران قال لي طيب انتي ليش تبكين خلاص هو راح وانتي بخير الحين قلت انا خايفه حتى اهلي جوالاتهم مقفله قال انا موجود معاك ؟
رديت عليه:انت ماقصرت بس لويشوفك احد عندي صارت سالفه قالي ممكن اسالك سؤال وتجاوبيني؟؟؟ زهيت راسي لاني ماقدر اتكلم كثير...
صدمني بسؤاله قال ليش رفضتي تتزوجيني ؟؟؟؟
سؤاله حرك شي بداخلي ونسيت المصيبه اللي صارت قبل شوي وقلت له مين اللي قالك اني رافضه؟؟
جاوبني وقال أبوك يقول انك ماتبيني ..
رديت وقلت له ابوي اصلاً ماأخذ رأيي هو من نفسه قرر..
قال لي طيب انتي وش رايك فيني؟؟؟
قبل ما اجاوبه سالته وقلت وش معنى انا بالذات وخصوصاً انك انت وابوي داااايم مشاكل في الحاره ؟؟
قال لأني أحبك !!!!!!!!!

يقول يحبني وهو ساكن هوااااااي
مادرى قلبي يفزله دووووم
يعلم الله انك حلمي ومناااااااي
وانك سبب جفا النوووووم

انصدمت وقلت تحبني؟؟؟؟
قال: ماتدرين انتي وش تعنين لي أنا غيرت نفسي وقلت لازم اصير رجال علشانك وفي النهايه يرفضني ابوك..
انا حسيت ان اللي جالس يصير غلط وقلت اللحين لو يرجع وش راح اسوي وحنا تونا الساعه 9 واهلي مقفله جوالاتهم قالي لاتخافين انا بجلس برا لحد مايرجعون اهلك وانتي ادخلي وخليك بالبيت وتطمني انا معاااااك...
وقبل مايطلع قلت له منصور لحظه ابي اقولك شي..قال لي تفضلي قلت له حتى انا ابادلك نفس الشعور ودخلت على طول حتى من دون ماسمع رده ....
قبل ما أكمل لكم لازم أعرفكم في منصور...هو ولد جيرانا وعمره29سنه ومعاه شهادة المتوسط ترك الدراسه بسبب المخدرات كان مدمن 11سنه وكان الكل يكره بس انا احبه ومادري وش السبب سبحان الله كنت انجذب له بشكل فضيع لأني احس انه حنون وطيب ومسكين ومافيه احد يهتم فيه طول عمره بالشارع ابوه مايدري عنه وامه ماتقدر عليه لكن الحمدلله له سنتين وهو تمااام تعالج من الأدمان وتوظف عن طريق مستشفى الامل وصادق شباااب طيبين ,,,
ملامحه عاديه وتميل للجديه لكنه جذاااااب..
المهم رجع وطق الباب الداخلي لأنه ماطلع بعد ماسمع الكلام مني وقالي ممكن اطلب منك طلب بس تاكدي أني ماراح أضرك بشي قال ابي رقم جوالك وصدقيني كل شي راح يكون مسجااات فقط .. لكن انا خفت وقلت بيني وبين نفسي يمكن يروح يوريها أبوي .. لكن سألته وقلت له وش يضمن لي انها تستمر مسجات ووش يضمن بعد ان الخبر مايوصل لبوي رد وقال انا اوعدك وابوك انا اعرفه زين ومستحيل يدري باي شي يكون بيني وبينك ولو درى فهو بيكون من عندك انتي ... قلت له اوكيه بس خلك برا لحد مايجون قال والرقم قلت انت عطني رقمك وبعدين انا ارسل لك..
المهم انا مازلت اتصل على اهلي ولكن مقفله قلت خل اتصل على عمي يمكن يكون معهم والحمدلله رد بس ماكان معهم بالمزرعه وقلت له وش صار وطبعاً هو مافهم شي من الصياح وقال انا جااااي...
ارسلت لمنصور اول رساله وقلت له عمي بيجي بعد شوي وقل له على كل شي صار من هالحقير,,
جا عمي ودخل على طول وقلت له وبعدين طلع عند منصور وشكره وأخذني معاه البيت لأنه هو يحاول يتصل على ابوي ويطلع مقفل وقال تعالي معي احسن لك..ورجعوا اهلي ودروا بالسالفه وبغى ينهبل ابوي وراح لبيت عمتي ولكن الحقير قال انا مارحت ولا شي
وابوي حب يتأكد لأنه توقع ان منصور مسوي الحركه هذي علشان يتقرب منه وبما ان الخدامه ماعمرها شافته اخذها ابوي لبيت عمتي وسالها وقال لها هذا هو اللي شفتيه قالت ايه وبعدها الله لايوريكم وش صار فيه وقاطع ابوي عمتي وصارت سالفه ولازال ابوي يكره منصور..

بعد مامرت على السالفه فتره بسيطه ارسل لي منصور يتطمن عني ويبغى يعرف اخباري ورديت له بنفس المسج وكانت كل مسجاتنا سؤال عن بعض وبس فقررت اني ارسل له شي حلو....

بسألك عن شي مابين الضلــــــــوع
ماتشـــــــوفه بس تحــــس وتسمعـــه
لايكل ولا يمــــــــــــل ولا يجـــــوع
بس يوم تصــــــــد عنــــــه توجعــــه
دوم يبكي واذ بكى ماله دمــــــــــــوع
واذا بكى من حبـــــك ابكـــــــــي معه
عرفته وش مـــــن هالأشياء يكــــــون
اذا عرفته تراك عرفت حبك وين موقعه

وشوي الا وارسل لي ...

وصلني ذكرك الغالي وشوقي بالهواء ينادي
اقول اني ابي قربك وانا فكري يبي دربك
سحرني ذوقك الدافي سحر روحي واحساسي
ياليت الحظ يجي يمك واعيش اليوم انا بدمك
بكل احساس تبي احساسي انا احبك غصب عنك...

وبعدها جاني مسج ثاني ومكتوب فيه..
نوره إذا انتي تحبيني صدق وش اللي يمنع من زواجنا..؟ ارجوك لا تحرميني من الحياة معك..
انا مادري وش ارد عليه المشكله انه يدري ان ابوي رافض وارسلت له ابوي طبعا اللي يمنع واذا عندك حل عطنياه..

رد لي وقال عندي حل وياليت يعجبك .. نتزوج من دون محد يدري
انا قلت اكيد هذ انهبل ولا رديت عليه وطنشت يومين ولقيته مرسل...
<<اهربي من البيت وتعالي معي نتزوج انا اعرف واحد يملك بهذي الطريقه بعقد زواج صحيح وموثق من محكمة العدل>>فكري زين وعطيني خبر وصدقيني انا ادري انها صعبه عليك تسوين كذا بس مافيه حل الا هذا واذا خايفه مني اوعدك اني ماتخلى عنك واذا خايفه من ابوك والناس انا احميك منهم بس ارجوك يانوره ارجوك خلينا نتزوج

لا هذا ما انهبل هذا خلاص ماعاد عنده عقل والله اني ورطت نفسي يوم اعطيه رقمي وحتى لو انا احبه ماتزوج بهذي الطريقه وابوي وش ممكن يسوي ؟؟ وامي المسكينه وش بيصير فيها والناس اللي اعرفهم والاهم سمعتي ؟؟؟
انا مانكر اني ودي اطلع من البيت اليوم قبل بكره بسبب شدة ابوي وعصبيته واسلوبه ...انا مايهمني هو اللي يهمني امي لأنها اغلى شي املكه والا ابوي ما عليه حسوفه لا تنصدمون من كلامي فعلاً انا فكرت في يوم من الأيام اني أذبحه لأني اكرهه من تصرفاته ومن اسلوبه الوحشي معاي انا بالذات ...
طبعاً منصور طنشته لأني خايفه من العواقب..ولكن جا يوم وكنت جالسه اكلم وحده من صديقاتي وكنت اضحك بصوت عالي مادريت الا وابوي يسحب الجوال ويسمع صوت صديقتي ويسكر الخط ويرمي الجوال علي ويقول انا ماعندي مكالمات بآخر الليل فاهمه والا لا لاتحديني آخذ الجوال منك .. انا ماعاد اتحمل اسلوبه وقبل كم يوم مد يده علي لأني كنت لابسه بنطلون وش رايكم كل شي فيه غلط انا لا شعورياً أخذت الجوال وسكرت الباب ودقيت عليه على منصور وجلست ابكي واقول له على اللي صار صدقوني اني مادري ليش دقيت عليه وجلست اشكي له يمكن لأني محتاجه لأحد انا احبه ومستعد انه يسمعني هو قال لي اصبري ولا تنكدين على عمرك مافيه شي يستاهل المفروض انك تكونين تعودتي عليه خلاص علشاني اذا تعزيني مابي اسمع صوتك كذا وبعد ماهديت قلت له مع السلامه...
فعلاً ارتحت بعد المكالمه كثييييير هذي اول مره اسمع صوته فيها اول مره اكلمه في حياااتي كلها انا فعلاً أحبه وأعشقه وأحياناً اقول انه مايحبني واحينا اقول يحبني وفكرت كثير بأني نتزوج بهالطريقه لكن خفت من شي واحد ان ابوي يقتلني..ولكن بعد اللي سواه اليوم خلاني ما افكر بأي شي غير الحنان اللي فقدته طول عمري وممكن القاه عند منصور وتاكدت لما سمعت صوته وهو شلون خايف علي من صياحي وتأكدت لما شفته وشلون يهديني واللي زاد تأكدي انه مافتح موضوع الزواج ولا استغل الحاله اللي انا فيها وكان كل همه انه يريحني وبس ...ومرت في بالي السالفه القديمه حقت ولد عمتي وتذكرت شكله وهو يدافع عني من اللي يقرب لي من لحمي ودمي..وقررت وتوكلت على االله وقلت ابرسل له اني الليله ابروح معاه ...كنت افكر بس وشلون ابطلع من البيت ماهمني نتزوج والا لا المهم اجلس معاااااه...

وارسلت له,,منصور انا وافقت على كلامك واليوم بروح معاك لأي مكان بس ارجوك لا تتخلى عني

ارسل لي ’’وعد مني ما اتخلى عنك ..وانتي شوفي وضعك زين على الساعه كم واعطيني خبر علشان ابروح الحين واحجز شقه وبكره الصباح نملك على بعض ..

ارسلت له,,صار ابشوف واعطيك خبر

ما انكر اني ترددت كثير وكثير وكثير وكل ما امسك الجوال بقول له اني ما اقدر..اهون وترجع لي عزيمتي بأني اقهر ابوي كنت خاااااايفه مررره المهم انا تشجعت واخذت شنطة يد شوي وسيعه علشان احط فيها اغراض مهمه وحطيت فيها اغراض مكياج وملابس داخليه وبجامتين للأحتياط...وبعد ماخلصت ترتيب طلعت برا الغرفه اشوف اذا في احد والا لا ولقيت اخوي الكبير جالس ياكل وقلت وش الورطه اكيد ماراح ينام... الا وأسمع صوت الجوال يدق وكان المتصل ميمو <<منصور>>ورحت قفلت باب الغرفه بسرعه ورديت وقال لي هااه انتي على كلامك قلت له ايه بس متردده قال لي لا تخافين وكيف الوضع عندك قلت اخوي خالد مانام وجالس ياكل والحين الساعه 1

if('/showthread.php' == '/private.php')
{
document.write('

قال لا انشاءالله يروح بس بقول لك شي علشان يكون وضعك عند اهلك حلو قلت وشو قال ابيك توضحين لهم انك مخطوفه انزلي خذي مني بخااخ منوم وحطيه بالغرفه وقبل ماتطلعين بخي شوي علشان ريحته قويه ولاتاخذين عبايه علشان مايشكون انا بعطيك عباية اختي وش رايك..قلت له حلو بس اكيد بتصير مصيبه وبيتصلون على الشرطه ويطيح كل شي فوق راسك يامنصور قال مو مهم من هنا الين يلقونا بنكون متزوجين وخالصين وإذا ملكنا على بعض انا بنفسي ببلغ اهلي وجيت بتكلم الا قالي البخاخ لاتلمسنه بيدك علشان البصمات تكون بصماتي انا ,,قلت طيب انا بروح اشوف اخوي والبيت وادق عليك علشان اخذ منك الأغراض
بعد ماسكرت منه زاد حماسي بأني انحاش شفت وشلون مايبي يورطني مع اهلي حسيت بشي غريب ماقدر اوصفه لكم لأني مادري وشو بالضبط..المهم طلعت ورحت برا لقيت مافي احد البيت كله نااايم لأنه كان وقد مدارس وطليت على اخوي ولقيته بسااابع نومه انتظرت شوي علشان اتأكد انه نام وان ابوي نايم بعد ودقيت عليه وقلت له انا عند الباب وجا وقال افتحي وفتحت وكان حاط الأغراض بكيس وبسرررررررررررررعه رحت لغرفتي وقلت له خلك عند الباب وشغل السياره
انا بخيت الغرفه ولبست العبايه وطلعت للصاله وبخيت فيها شوي ونزلت تحت وجتني فكره وفتحت الأبواب الرئيسه للمداخل وفتحت انوار المجلس لأن اخوي دااايم ينسى الأبواب والأنوار وطلعت ورميت البخاخ في الحوش وخليت باب الشارع مفتوح وطبعاً تركت الجوال في الغرفه ومسحت رقم منصور والمسجات وكل شي...

بعد ماطلعت لفت انتباهي سلم على الجدار وركبت السياره وقلت له بسرررعه بعد مابعدنا عن البيت وطبعاً كنا طول الوقت ساكتين انا ماقدر اقولكم قلبي وشلون كان ينبض من الخوف وكنت مرررره مرتبكه قطعني صوته وهو يقول انا ادري انك خايفه وحاس بكل شي قاعد يصير فيك بس المهم اننا نكون لبعض
فجأه جلست اضحك واتذكر الأكشن اللي سويته وقلت له وجلس يضحك معاي شوي الا السياره وقفت وقلت ليش وقفت قال بنزل اشتري مويه وعصير وشي ناكله اكيد انك جوعانه مثلي
انا اكتفيت بالسكوت وقلت له لا تتاخر دقايق الا هو جاي ورحنا للشقه وكانت عاديه لأنه قال لي بنمشي حالنا فيها لحد مايطلع بطاقة عايله ونروح احسن منها,,,
جلست اقول بيني وبين نفسي كل شي جد اللحين مو لعب انا هربت وبتزوج من دون ر ضى ابوي لكن قطع تفكيري وهو يقول ماودك تفصخين العبايه والنقاب اللي عليك والا ماتبيني اشوفك..قلت له يعني ماشفتني ابد قال الا بس هذيك الشوفه غير وهذي غير قمت انا وفصخت اللي علي وكنت لابسه بنطلون جينز وبلوزه طويله لونها اسود وكنت فاكه شعري وأكتفيت باني احط شوي كحل وبلاش وشوي قلوس علشان ما أغريه هو جلس يناظر وانا طول الوقت كنت منزله راسي كنت خايفه أكثر من أني مستحيه قال لي شوفي انا بتنازل واروح اسوي عشى أنا مارديت عليه وجلست على الكنب وافكر وش راح يصير بالمصيبه هذي كنت مره خاااايفه شعوري هذيك اللحظه ماينوصف بس عندي امل بأن منصور بيحميني شوي الا اسمعه يناديني ورحت عنده
وكان يقول ساعديني انا طول الوقت ساكته بان علي الخوف وكان يحاول يلطف الجو شوي وينكت ويقول اعرف اسوي نواشف صح هزيت راسي بس ولا تكلمت قال ناكل هنا والا برا عند التلفزيون قلت اللي يريحك قال برا احسن شال الصحن وراح للصاله وقال لي جيبي الخبز واخذت الخبز ولحقته وحط الأكل على الطاوله وراح شغل التلفزيون وجلس قدامي وفتح لي علبة عصير وقال اشربي وأخذت العصير منه وجلست اشرب شوي واحطه على الطاوله مد لي خبزه وكان فيها جبن وقال لي كليها انا طبعا منزله راسي وقلت مابي شي والله ماني مشتهيه ..قال طيب علشاني قلت طيب وجيت بأخذها وعيا قال انا وحط الخبزه بفمي وجلست اشرب عصير اللي استغربته انه ما اكل شي غير زيتون وكان طول الوقت يمد لي وانا اقول لا وقال علشاني خذي هذي الزيتونه انا قلت منصور الله يخليك مابي شي مابي لاتغصبني وقمت وجلست على الكنب ونزلت دموعي لا شعوري وجلست ابكي من قلب وقرب مني وجلس يمسح على راسي ويقول تكفين لا تصيحين انا آسف أدري انه ماله داعي اجلس استخف دمي وانتي بهالحاله بس والله يانوره ودي تضحكين شوي أنا آسف قام وجاب لي منديل ومويه ومسح دموعي وقال نوره تكفين والله دموعك غاليه مابي اشوفها قلت له منصور انا خايفه من ابوي
قال لاتخافين انا معك ولو صار اي شي في كل الأحوال انا خطفتك من البيت قلت طيب يمكن ياخذني بالقوه عن طريق الشرطه قال مافيه شي بياخذني منك الا الموت تكفين خلاص قومي غسلي وجهك واللحين الساعه 4 نامي شوي لحد ماتجي ااساعه8واتصل على الملاك ونروح نملك..وقمت انا ورحت غسلت وجهي فكرت اني اتحمم لكن مامعي منشفه ولا صابون واستحيت اطلب من منصور او اسأله فتوضيت وجلست اصلي وادعي الين اذان الفجر وبعد ماصليت دخل منصور للغرفه وقال تسمحين انام جنبك الليله قلت له خذ راحتك انا بنام هنا كشر وقال وين على الأرض لا لا نامي فوق السرير
واذا متضايقه ابطلع وانام برا قلت لا لاتطلع خلاص انا بنام على السرير واقول بقلبي من وين بيجيني النوم
وجلست افكر المفروض ما انام جنبه الا بعد الملكه لكن وش بيدي خلاص هو بحكم المحرم لي ملكت والا ماملكت....
المهم هو ناداني ورحت وانسدحت واعطيته ظهري ولاقدرت انام جلست اتقلب وكل شوي اقوم لدورة المياه اعزكم الله ..وحتى منصور مانام على الساعه 6 طلع من الغرفه وتفاجأت بأني سمعت صوت باب الشقه تسكر طلعت بسرعه ولقيت منصور مو موجود هنا وقف قلبي وين بيروح هذا وانا هنا لحالي حتى مامعي جوال ولا شي ياربي لايكون بيتركني شوي الا شفته داخل ولا شعوري رحت عنده وقلت وين رحت قال ليش قلت استغربت وخفت بنفس الوقت لانك تركتني لحالي
جلس يضحك هههههههههه لاتخافين ماراح اخليك لازم تتعودين على طلعاتي المفاجاه والصغيره قلت ليش قال بعد مانملك اقولك المهم انتي جهزي نفسك بنسلم الشقه وبنروح اللحين للمكتب قلت اللحين مو تقول الساعه 8 قال ايه يالله يمدينا نوصل لأنه مو بالرياض بالخرج قلت اوكي انا تجهزت وطلعنا وحنا بالطريق وقف عند سوبر ماركت وقال انزلي نزلت معاه وحنا نتمشى قال شوفي وش نفسك فيه قلت والله موبنفسي شي قال مو على كيفك خذي اي شي قلت له انت اختار مالي خلق مارد علي اخذ بسكوت وشوكلاته وشوي عصيرات وركبنا السياره وشغل على اغنيه وقال اهديها لك اسمعيها زين هزيت راسي

بيتك هنا داخل القلب وان ماكفاك القلب لافرش لك العين
انت الهوى وانت دفا الشمس للبيت ياوحشتي دونك لو غبت
تعال وارجع لي ورجع انفاسي بوجودك
تعال وحسسني بغلا ريحة ورودك
كل شي مر فغيابك حتى نور البيت ظلمه
وفرحتي دقت بابك ارتوي منها ولا اظمى
صورتك قدام عيني ما انام الا بحظنها
يالله رد الروح فيني رجع الروح لوطنها
كان مرررررررره متحمس مع الأغنيه وكان يمثلها بشكل روعه وانا غصب عني بكيت وبعد ماخلصت طفى المسجل وقال كأني اسمع صوت شهقات بكا مارديت مسك يدي وقال ليش الدموع قلت له اول مره أحس باحد يحبني هالكثر من جد الاغنيه اثرت فيني قال ومن قال اني احبك قلت انت اللي قلت
قال صح بس انا ما احبك انا اعشقك ,,,
ما اقدر اوصف لكم هو وش كثر رومنسي والله انا ما ابالغ كانت رومنسيته فظيعه وكان حنووووووون بشكل ما تتصورونه
المهم وصلنا الساعه 8 وربع ونزلنا وكان مكتب وجلسنا في غرفة الأنتظار وكان فيه غيرنا اثنين اتوقع انهم نفس حالتي انا ومنصور شوي الا دخلوا وبعد ماراحوا دخلنا حنا وكان منصور يكلم صديقه يقول لا تتأخر بعد مادخلنا سلم على الشيخ وجلس الشيخ يسألني يقول وش اسم ولي امرك وايش السبب اللي خلاك تجين هنا مع هذا قلت له لان ابوي رفض زواجي منه ومالقيت غير الطريقه هذي قال طيب طيب بالتوفيق
واعطاني دفتر وقال وقعي وقال لمنصور وقع قال فيه شهود والا لا قال منصور ايه الحين هو بالطريق شوي الا طق الباب وكانوا اثنين الاول كان صديقه والثاني كان أخوه سعود يالله وش المفاجأه اكيد قال لابوي وسالت منصور وقال لا محد يدري الا هو سعود اصغر من منصور باربع سنوات وهو شاب خفيف دم بس الولد مررررره ضايع نفس حالة منصور قبل المهم وقعوا الشهود واعطانا الشيخ ورقه وكانت هذي الورقه يابداية سعادتي او تعاستي او نهايتي واو بدايتي ماكنت ادري وش راح يصير(والشيخ طبعا يتعامل بالفلوس لأن هيئة الأمر بالمعروف والنهي عن المنكر لو تدري عنه طبعاً انتم عارفين وش راح يصير لأن لازم عقد القران مايتم الا بوجود ولي الأمر)
ولكن وبعد ماطلعنا انا ركبت السياره وكان منصور برا جالس يتكلم معهم شوي الا سعود طل علي من الشباك وقال لي مبروك يامرة اخوي اسمعي ترى منصور يحب النووووووم الله يعينك عليه,, مسكه منصور وقال يالله وخر
مشينا وسالته الحين وين بنروح قال اللي تبين قلت لا صدق وين بنسكن قال سعد صديقي حجز شقه مررره حلوه وبروح اسوي بطاقة العايله علشان نستلمها بعد ماخلص من تصليح البطاقه والله لايوريكم وش كثر تبهذلنا الساعه اللحين وحده والله اني يانوره اسعد مخلوق بهالدنيا اللحين وبس انتي لي ومحد له شغل فيك غيري
قلت له دوم انشالله قال لي شكلك مو فرحانه مثلي قلت الا والله يعلم ربي وش كثر مبسوطه بس خايفه قال الخوف ذا شيليه يالله وصلنا للعماره نزلنا انا وياه وفتح باب الشقه وكان مره حلوه ومرتبه كان فيها مجلس ودورتين مياه وصاله ومطبخ وغرفتين كانت حييييل ذوق بس يبغى لها شوي اثاث وانشالله بنكمله انا وانتي

قال تعالي خلينا نرتاح والله اني دااااايخ وما اشوف ودق صديقه عليه وكان جايب لنا اكل بصراحه انا كنت مره جوعانه المهم اكلنا هو راح ينام وانا جلست اناظر البيت اللي بسكن فيه شغلت التلفزيون وجلست اتفرج ومادريت عن نفس الا وانا بالغرفه اسغربت وطلعت برا وشفت منصور جالس يصلح التلفزيون وسألته وشلون جابني قال شفتك نايمه وشلتك وجبتك الغرفه وكان شكلك مرررره تعبان ناظرت الساعه وانهبلت لما شفتها ياللله وشلون نمت كل هالوقت الساعه كانت 11 ونص المهم قال منصور انا بروح اجيب عشا من لمطعم القريب والا وش رايك نطلع نتعشى برا قلت لا نروح نجيبه ونرجع قال اوكي هو كان شكله ماوده ياخذني معاه بس انا مستحيل اجلس بالبيت لحالي بعد ماتعشينا رحت للغرفه ورتبت ملابس منصور وجا في بالي اني اقول له ابغى اروح للسوق بس قلت مابي اضغط عليه هو من نفسه يقول وقررت اتحمم وبعد ماشفت الشامبو معه واخذته واخذت منشفته ودخلت لدورة المياه وتحممت ولبست البيجامه الثانيه اللي كنت جايبتها احتياط وبعد ماطلعت لقيت منصور بالغرفه وقال لي نعيما قلت الل ينعم عليك قال المفروض مو اللحين تتحممين بعد شوي >>>>>
انا قلبي بدا ينبض اكيد هذا ناوي على شي اليوم قلت له منصور ممكن تطلع برا انا لا حظت انا انصدم بس ماقال شي وطلع ولنا قفلت باب الغرفه على طول وكنت خاايفه مره انه يسوي شي وقلت اطلع عنده واتكلم معه وطلعت ولقيته مو موجود شوي الا هو داخل قلت منصور وين كنت قال كنت برا عند الباب قلت وش تسوي قال كنت ادخن!!

if('/showthread.php' == '/private.php')
{
document.write('

قلت ليش برا طيب مو هنا رد علي احترام لك مابي اضايقك بالدخان قلت عادي انشالله اخليك تتركه بس مو كل شوي تطلع قال انشالله فعلا كبر بعيني يحترمني الى هذي الدرجه
قلت منصور ابي اطلب منك طلب وقال آمري قلت ارجوك لا تلمسني التفت علي مندهش ويقول وشلون يعني قلت ارجوك الفتره هذي
<<<< لا تردني قال اوكي وانتم عارفين وش قصدي اكيد قال لي طيب وش رايك بكره الصبح نروح للسوق علشان تشترين اغراض لك قلت اخاف اكلف عليك قال عادي خذي راحتك انتي زوجتي واذا ماصرفت عليك بصرف على مين وقرب مني وطلع من جيبه علبه ومسك يدي وفتح العلبه وكان فيها خاااتم ولبسني لخاتم
وقال صحيح يانوره انا ماكان ودي نتزوج بهذي الطريقه لكن كل اللي صار غصب وادري ان كل وحده بمكانك هاللحظه بتكون مبسوطه بفستان ابيض وعرس وناس يباركون لها وطق ورقص ووناسه والكل فرحان علشانك وادري اي واحد بمكاني يتمنى يلبس بشت ويترزز قدام الناس بس ماحس اني بتحسف كثير على هالشي والسبب بوجودك معي وارجوك سامحيني لأني حرمتك من هالفرحه اللي تفرح فيها اي عروس واتمنى ان الله يقدرني واكون عند حسن ظنك واعوظك عن التضحيه اللي سويتيها
قاطعته وقلت له :ومن قال اني مو مبسوطه يكفي يامنصور وجودك معي ويكفي كلامك اللي قلته ويكفيني هاللخاتم ويكفي اني زوجتك جلست ابكي وقرب مني اكثر وضمني وجلس يمسح على راسي ويقول تكفين ما عاد ابي اشوف دموعك انا ضميته بقوه وجلست ابكي اكثر مدري ليش حسيت اني ماودي ابعد عنه
ودي اكون بحضنه داااااايم حسيت بالراحه حسيت بالحنان وحسيت بالامان فجأه
جواله دق وكان اخوه سعود ومنصور حط على السبيكر وقال سعود والله لو تشوف البلبله اللي صايره في الحاره كان تنهبل,,,
رد منصور ليش وش صاير قال سعود قسم بالله لو تشوف ابوها شلون منهبل كان ترحمه وتدري عاد هو سألنا عنك وقالنا منصور نشوفه يوم وشهر ماندري عنه وقال انا شاك فيه وفي ولد اختي لكن والله لو يكون منصور له دخل بالموضوع اني لأحرمه حياااته وجلس يضحك ويكمل والله لو يدري انك مملك اليوم ان ينهبل وشر ايك منصور اقول لأهلي وخل الناس يدرون بكل شي وخصوصا ان السالفه كبرت وصارت فيها شرطه وبلاغ واعلان بجرايد وتحليل بصمات وش قلت اقول لهم؟؟ انا صررررررررخت وقلت لا لحد يدري
قال سعود من وين طلعتي قال منصور ماعليك وش صار بعد قال وبس وانا من رايي انكم تتفقون وتعلنون انكم متزوجين وفيه ورقه تثبت على كذا احسن لكم والله قال منصور اوكي بس اذا صار شي جديد علمني قال اوكي وقفل الخط انا قلت لمنصور الله يخليك لا يدرون قال انتي هدي شوي واسمعيني والله يانونو اذا درو احسن بكره تصير سالفه واكيد بيشكون فيني لأني مختفي وماراح يقدر يسوي شي
احنا متزوجين اسمعي كلامي ياحبيبتي قلت انت رايك كذا قال هو احسن راي حتى سعود يقول كذا وسعد يقول نفس الكلام قلت اوكي بس لايدرون وين حنا قال اكيييد مجنونه انتي لويدرون فجر ابوك فينا المهم اني بعطي سعود صوره من العقد وبخليه يوريهم وحتى ماراح اقابله بالبيت لأني ادري سعود تيييييخ لو يهددونه بيتكلم بقابله برا واعطيه اتفقنا..
قلت اوكي بس لا تتخلى عني قال انتي روحي وعمرك شفتي احد يتخلى عن روحه قرب مني وانا كنت بستسلم له ولكن حسيت انه بيصير شي مو من مصلحتي بعدته ورحت الغرفه وقفلت على نفسي اللحين حطوا نفسكم بمكاني والله ما اكذب عليك تمنيت كل اللي صار حلم بس ارجع لبيت اهلي...كنت خايفه كثييييييير ابوي والله مايفوت السالفه على خييير والا اهلي اعمامي وخوالي وش راح يسون صدق اني غبيه ومتهوره ....

حاولت انام ماقدرت سمعت الفجر يأذن قمت وفتحت باب الغرفه وطلعت رحت ابي اشوف منصور ولقيته نايم على الكنب مسكين كان الجو شوي بارد ومن دون غطا رحمته ودخلت الغرفه وغطيته وجلست اتأمل وجهه لأني اول مره اتأمل فيه واناظر ملامحه بدقه كان جذاااااب والله هالأنسااان فظيييييع قمت قبل لايقوم ويشوفني اناظره وش بيفكني عنه عاااااد ..
رحت وتوضيت وصليت ودخلت للغرفه ابي انام اتقلب منا ومنا بس مافيه فايده طلعت الشمس وناظرت الساعه الا هي 8 اووووووووووووووووف صابني ارق الله يستر قمت ابي اشيك على المطبخ واشوف اذا فيه شي ينوكل اوينشرب للاسف مافيه الا مويه وشاهي وسكر وشوي فصفص ( جايبها سعود لنا ع باله شبااااب هههه) قلت الشكوى لله حطيت المويه ع النار وصلحت شاهي ودخلت الغرفه على طول مادري وش فيني خايفه من منصور جلست اناظر ملابسه وارتبها زين وياما دخلت وطلعت ورتبت وعدلت بس علشان اضيع وقتي رحت للتسريحه رتبت شكلي شوي حطيت كحل وقلوس وتعطرت وجلس اتخيل واستهبل جتني حاله مادري وشي ويالله شوفوا التمثيل اتخيل اني اقوم منصور للدوام وهو يهاوش صححححححح دوام منصور ما قالي انه يداوم يااااااااااااااااويلي وشلون بنعيش لا لا لازم اتكلم معاه بشكل جدي بس اللي سمعته انه يداوم بعد ماطلع من المستشفى ...
ناظرت الساعه الا هي 12 مليت وانا جالسه قلت بروح اتفرج على التلفزيون طلعت ومنصور مازال نايم شغلت التلفزيون وجلست اقلب بالقنوات قام منصور من النوم والتفت علي وقال صباح الخير قلت صباح النور سالني عن الساعه وقلت 12 ونص قال اوووه نمت والله مارديت عليه
قال ليش ماقومتيني معك قلت اصلا مانمت
وهو يقوم :وليش مانمتي؟؟؟
انا: بس ماجاني نوم
راح للحمام من دون مايرد وسمعت صوت اأذان وصليت بس الغريبه شفت منصور مايصلي الا على كيفه قلت له منصور ليش ماتصلي قااال اووووووووووووووه نسيت ان ابوك مطوع....
انا انصدمت من رده ابدا ماتوقعت يكون رده لي كذا قلت له الصلاة مو للمطوع بس لكل الناس والعهد الذي بيني وبينكم الصلاة فمن تركها فقد كفر...
سكت ولا قااال ولا كلمه وسمعته يقول وهو بيطلع انا بروح اجيب غدا وكنت استهبل معك قلت له بروح معك قال وين بروح اجيب شي ناكله 10 دقايق وانا جاي قلت ماقدر اجلس لحالي قال ترى ماينفع كل ماطلعت تروحين معي ابدا ماينفع وسكر الباب وتركني آآآآآآآآآآخ هذي البدايه احسن استاهل وانا داخله للغرفه سمعت صوت الباب ينفتح والله بغيت اموت ركضت للغرفه الا سمعت صوته يقول يالله البسي عبايتك فتحت الباب وناظرته وقلت لا
وهو يتكتف وليش؟؟؟
قلت بس ماله داعي اضايقك قال نوره يالله عاد عن المصاخه والله جالس استهبل طلعت ادخن والا مستحيل اروح شبر الا وانتي معاي ناظرته نظرة عتاب ورحت اخذت العبايه وطلعت قبله وحنا بالسياره قال وش رايك نوقف في مطعم ونتغدا احسن من البيت قلت اللي تشوفه نزلنا لمطعم وجلسنا ناكل انا بيني وبينكم استحي اتثاوب قدامه لأاني خلاص وصلت حدي ابي اناااام المهم قلت لا افاتحه بموضوع الصلاة والوظيفه
منصور
وهو يناظرني: لبيه..
ودي اقولك شي
منصور: آمري
انا: لازم تصلي كل فرض بوقته..ماقدر اشوفك ماتصلي
قالي انشالله من عيوني
قلت له وعد
قال وعد
قلت له في شي ثاني بعد؟؟
جلس ياكل قال قولي
قلت له انت تشتغل..
رفع راسه وجلس يضحك ههههههههههههههههههههه: الله يقطع بليسك احلفي انك ماتدرين؟؟
انا مستغربه: والله مادري بس سمعت قبل انك توظفت بعد ماطلعت من المستشفى
ههههههههههههه نوره الحين وشلون ابصرف على نفسي وعليك يعني ابوي بيعطيني والا امي ههههههههههههههه والله انك ضحكتيني!!
انا جلست اضحك على نفسي لاني غبيه وقلت: معليش بس مجرد استفسااار
قال: كثري من استفساراتك هذي علشان اضحك كذا
قلت: لا والله تبي اصير عندك نكته هييين هذا وجهي ان سألتك مره ثااانيه..
قال: ياولي عليك اقسم بالله اني احبـــــــــــــــك..
انا دورو وجهي اللحين صار صلصه والمشكله جلس يضحك
قلت له وشفيك ليش كل هالضحك قال مبسوط
قلت الله يدوم هالبسطه انشالله قال بوجودك قلت ايييه مو لأني نكته عندك..
قال يالله طيب قومي نروح
دفع الحساب وطلعنا وحنا بالسياره
قال اي سوق تبين
قلت مابي شي

قال يالله عاد والله ماعرف الأسواق الزينه اي سوق تبغين ..ودك تجلسين من دون ملابس ترا عااادي عندي
قلت لا والله هذا اللي ناقص
قال طيب ودك نروح لصحارى
قلت له اوكي اللي يريحك
نزلنا لصحارى وقلت له بروح لمحل العبايات قال شوفي روحي للي تبين انا هنا جبتك علشان تاخذين كل اللي نفسك فيه قلت اجل تحمل قال اتحمل بس هذا وجههي ان طبتي السوق مره ثانيه قلت انشوف بيني وبينكم انا مستحيل اخذ كل شي ابغاه فشله منه مابعد صرت امون عليه المهم رحت شريت لي عبايه ورحت شريت لي كذا بنطلون مع تي شيرت ودخلت شريت عطور وادوات مكياج ودخلت الصيدليه و أخذت بعض الأشياءالمهمه المهم اخذت كل شي احتاجه ومهم وضروري وقلت له خلاص يالله انا بروح ودي انام منصور قال لا والله طيب متأكده انك خلصتي قلت ايه وشتبي اخذ اكثر من كذا قال طيب تعالي
يااااااااويل حاااالي هذا دخلني نعـــــومــــــي قال يالله اشتري قلت منصور خلها طلعه ثانيه قال لا تخليني اسوي فضيحه عند العالم يالله تعالي شوفي هذا القميص مرررره روعه قلت طيب انا واللله استحي اطلع برا شف المحل مافيه الا رجال انت ناظرني وقال هذا مقاسك عرفت انه مافي امل يتصرف فشريت بعض الأشياء صدق انا مجبوره والا غيري كل وحده مع امها تعلمها وش تلبس وش تاخذ طاحت عيني على بيجامه مررره حلووووه وحتى قلت لمنصور مرررره فضيعه قال طيب شوفي مقاسك الحمدلله لقيت مقاسي بس كاااان سعرها مررررره غالي وقلت ماله داعي اكلف عليه وطلبت انه يرجعها لكن سحبها مني وقال اتركي عنك المصاخه... وجلسنا عند الكاشير ولما شفت الحساب بغيت امووووووت منصور بليييز خلني انقص من هالملابس شوي قال نوره تكفين اسكتي توقعو الحساب كان 3000 ريال بس غير اللي خسر في المحلات الثانيه وربي جتني الصيحه طلعت من السوق وانا خلاص متفشله منه يالله وش اقوله اللحين لا ويقول بنروح لسوبر ماركت علشان نتقضى للمطبخ المهم توكلت على الله ودخلنا وتقضينا ولا طلعنا الا الساعه 10 ونص يالله انا خلاص احس اني بدووووخ من امس مواصه ماقدر
قلت لمنصور:: الله يخليك خل نروح للشقه ابي انام
قال لا فيه عشى نتعشى ونروح

قلت منصور الله يخليك والله احس اني بدوخ
قال طيب ورحنا للشقه وساعدته في تنزيل الاغراض وسيده للغرفه نمت صحيت الساعه 1 الظهر يالله ماصليت ما صدق نمت كل هالوقت وشفت الاغراض اللي شريتها كانت على الأرض ومرتبه بشكل حلو طلعت لقيت منصور ناااايم رحت للمطبخ شفت الاغراض مرتبه وكل شي كان يحتاج للتبريد بالثلاجه ياحليلك يامنصور مرتب رحت وصليت وقومت منصور وشفته قام وصلى ورجع ينام قلت مابي ازعجه اكيد مانام الا متأخر المهم اخذت الاغرض وجلست اقوسها علي الحمدلله كل شي طلع اوكي يعني مايحتاج للتبديل والترجيع رتبت ملابسي واغراضي كلها وتحممت احترت مادري وش البس المهم لبست بجامه ساتره شوي ورتبت شعري وشكلي وحاولت اني اما اكشخ مره علشان ماغريه طبعا لاني مازلت خايفه منه وطلعت للمطبخ كنت ابي اسوي غدا حرررام مابي اخسره كل يوم مطعم سويت شي خفيف من اللي شريناه مكرونه وبيتزا طبعا هو قام وانا رحت عنده للصاله وشفته اخذ الجوال وفتحه اييييييييه علشان كذ ماحد اتصل عليه ياربي اكككيد مصايب صايره شوي الا قال يوووووووووه 140 مكالمه من سعود و30من اخوي بدر اوووووف وش صاير انا تعالو دوروني انقلب وجهي خلاص احس اني اخنقت اتصل منصور على سعود وقال وش صاير سعود جلس يهاوش يقول مقفل الجوال والدنيا مصيبه منصور قال خلص وشو قال انهم طلعو تحليل البصمات وجربوها على كل الناس ولا بقى الا انت وقلت لبدر انك تزوجتها خلاص وبغى ينهار
منصور.. طيب وبعدين
سعود: انت لازم تجي لازم وتجيب معك الورقه انا ماينفع والله ان يقتلني ابوها
منصور: طيب هو درا عن شي
سعود: لا بس لازم يدري
منصور خلاص انا بتصرف يالله مع السلامه
انا جلست اراقب وش راح يصير
شفته يتصل على خويه سعد وقال السالفه وسعد قال خلاص انا باخذ الورقه واتصرف لا تشيلون هم انبسط يالمعرس
منصور: قال الله لا يخلينا منك يالله اجل فمان الله
ناظرني وقال وشفيك منقلب لونك كذ
قلت خايفه
مسك يدي وقال نوره انا معك انا معك انا معك خلاااااص افهمي انتي مسؤليتي انا لاتخافين
قلت مادري اخاف تتخلى عني ضغط ع يدي وقال اوعدك وعد واعاهدك اني ما تخلى عنك والله والله ان ماحد راح يمسك بشعره وانا موجود خلاص نوره وش تبين اكثر من الوعد وانا اسويه ...
ارتحت وتطمنت شوي وقلت له ماتبي غدا قال الا والله قمت من ريحة الأكل وش مصلحه
مكرونه وبيتزا شي خفيف
قال اهم شي يشبع ورحت انا وجهزت الغدا وتغدينا وبعد العصر قال لي نوره:انا بطلع مشوار صغير وراجع ماراح اتأخر ربع ساعه بس
قلت وين
قال شوي وراجع خلاص لاتصيرين كذا وطلع وحتى ماعطاني فرصه اتكلم قلت اكيد بيروح يدخن كالعاده
ودخلت الغرفه وقفلت على نفسي من الخوف وجلست اتأمل الخاتم اللي اهدانيه منصور ورحت في دوامه من التفكير ياترى وش راح يصير هل انا بستمر معاه والا لا انا بموت والا لا ياررربي ساعدني ساعات اقول ليش سويت كذا وساعات اقول لا لاني اشوف تصرفات منصور معي كان واضح عليه شاريني الله يستر بس وشوي الا منصورداخل وسمعته يقول افتحي يالخوافه
جلست اضحك وقلت والله ماتبيني اخاف وانا لحالي قال خلاص هذا جوال وجبته لك تفضلي شكرته ورحت فتحت الجهاز وجلست اقلب فيه وهو كان يتفرج على التلفزيون سألته
منصور وش صار مع اهلي
قال انشالله بكره بروح لبيت اهلي واعطيهم الورقه علشان يورونها ابوك
انا جلست اترجاه انه مايروح
منصور: طيب ليش؟؟
انا: خايفه عليك يمكن اهلك مايرضون ترجع او ابوي يسوي فيك شي او احد يلحقك لحد هنا سو اي شي اما انت لا ماتروح يعني ماتروح
منصور: ههههههههه ياحظي واخيرا في احد يخاااف علي هههههه ابشري ولا يهمك ماروح يعني ما روح انا كم عندي من نوره
طيب مين بيوصلهم الخبر ويعطيهم الورقه
خلاص بعطيها سعد ويتصرف هو
انا قلت الله يستر
بيني وبينكم حياتي معاه الى الحين عااااديه جدا وحتى النقاش بيني وبينه نااااادر جدا بعد ماتعشينا انا دخلت الغرفه لأني مليت وانا لحالي بعد ما جاء منصور صديقه سعد حاولت انام ماقدرت جلست اقلب بالجوال بغيت اتصل بوحده من صديقاتي لكن خفت وقلت ماله داعي واخاف منصور يزعل والا شي شوي الا اشوف الجوال يدق وكان رقم منصور ورديت وقال اطلعي من الغرفه ترا سعد راح انا قلت له ابنااام قال اوكي براحتك

بعد ماسكرت جلست شوي وجاني مسج منه وكان كاتب
(الى متى وانتي كذا ليش الحواجز هذي كلها شوفي انا مابي اناقشك بالموضوع هذا لأني مادري وش راح تكون ردة فعلك لكن اتمنى تحسين فيني انا وانتي تزوجنا خلاص ليش تحرميني من حقي لييييييييييه)
يالله انا قلت ماراح يسكت ياربي وش اسوي انا فعلا خايفه اذا صار شي اخاف يرميني بسسس هو وعدني وحلف لي جلست افكر وقررت اني اتوكل على الله واللي كاتبه ربي بيصير ونمت وصحيت بدري وصلحت الفطور ومر هذا اليوم عاااادي وماكان يتكلم معي الا فموضوع اهلي وان سعد راح وعطى الورقه اهله وهم عاد بيتصرفون بس تغدينا وكان هذا اليوم الوحيد اللي من عشت مع منصور جدا كئيب كان واضح عليه طفشان ومتضايق والدليل انه يدخن بشراهه دخلت للغرفه وارسلت له منصور اذا ماعليك امر واذا ماعندك مانع عادي توديني للمشغل..
طبعا انا بروح اتعدل كاي زوجه تتزين لزوجها فسمعته يقول يالله انا انتظرك بالسياره طلعت وراه وسألني اي مشغل قلت اي مشغل يمر عليك وقفنا واعطاني فلوس وقال تكفي والا لا قلت انشالله تكفي
قال طيب اذا خلصتي اتصلي علي
سكرت الباب ودخلت وطلبت اني اسوي حمام مغربي وتنظيف وحطيت شوي ميك اب وكان خفيف وناعم وشعري طلبت من الكوافير تقصه قصه حلوه تناسبه وخصوصا انو شعري كان متوسط الطول وطلبت انها ماتاكله بالمقص مرره وبعد ماخلصت ناظرت شكلي وابتسمت ابتسامة رضا عن شكلي وكان جدا نااااعم وكيوت وكانت القصه مغيره شوي من شكلي المهم اتصلت بمنصور وطلعت وكنا طول الوقت بالسياره ساااكتين وحاول يقطع الصمت وسألني وش سويتي قلت كل شي حلو وانشالله يعجبك دخلنا للبيت وتفاجأت من منظر الصاله اللي كان حييييل رومنسي والشموع بكل مكان وريحة البيت جدا روعه ولما دخلت الغرفه شفت الورود منثوره على السرير يالله يامنصور مسكين شكله متعذب المهم جاني مسج منه يقول اطلعي انا جايب جاتو تعالي كلي معي انا غيرت ملابسي وطلعت وهو وقف كان منصدم من نوره اللي طلعت العصر واللي قدامه الحين وجلس يصفر وانا رحت جلست كنت احاول اتغاضى نظراته نظراته كااانت حيل تذبحني والله تذبحني ومد لي قطعه وقال تفضلي ياعروس انا بصراحه تفاجات منه كان سسسااااكت وبس يناظر قلت له منصور لا تناظر كذا ترا بدخل للغرفه قال والله كل هالزين ولا تبيني مااناظر مو على كيفك يالله اشربي عصيرك وشوي الا قرب مني ومسك يدي وحضنها تمنيت انه مايبعد يده تمنيت ان هاللحظه تطول
رفعت عيني وقلت::منصور
قال :اووووووش لا تقولين شي!!
وضمني لصدره انا مادري ليش خنقتني العبره والله بصيح مادري ليش تمسكت فيه بقوه وكاني خايفه يفلت مني وقلت له اخاف يجي اليوم وانحرم فيه من حضنك ضمني اقوى وقال هاليوم ماراح يجي الا اذا روحي طلعت
فتحت عيوني بصعوبه منصور نايم جنبي يالله يعني اللي صار مو حلم قمت بصعوبه احس بتعب توضيت وصليت وقومت منصور وقلت له يالله الساعه 4 العصر وقام من النوم وصلى وصلحت اكل وجلسنا ناكل وبعد ماخلصنا سالني عن جواله قلت مادري وين انت حاطه وقلبنا البيت عليه لحد مالقياناه لاني حاولت اتصل فيه وكان مقفل الظاهر البطاريه مخلصه وبعد دقاايق ابوه كان يتصل عليه استغربت ان منصور جلس يضحك
ههههههههههههههه ابوي مايتصل الا اذا فيه مصيبه والا يبغا يهاوش والا اذا في احد مااات
انا استغربت طيب رد عليه
قال شكلها 3 في واحد انا بالبدايه مافهمت وبعد ماحللت 3 في واحد طلع انو فيه مصيبه وانه بيهاوش وفي احد ماااات الله يستر
حط منصور ع السبيكر وكان ابوه موللللللع مرررررررره
الحين انت ماتستحي على وجهك تسوي كذا؟؟
منصور: للأسف لأ
اصلا انا ماعرفت اربيك يالهايت يالصايع لا وبعد تلعب علينا جايب ورقه تقول متزوج ومالقيت الا البنت هذي الله ياخذ عمرك ماكفاك فضيحتنا يالمدمن جاي اللحي بخطف سودت وجهي اله يسود وجهك..
منصور بطوالة بااال: خلصت ؟؟؟
كان واضح على صوته مخنوق: وش تبيني اقول بعد هااااه حسبي الله ونعم الوكيل اسمعني من اليوم ورايح لاتوريني وجهك فاااهم وانت لا ولدي ولا اعرفك انا متبري منك
طااااااااااااااااااااااااخ
منصور واضح عليه انه متعود على هالكلام فقال لا تشيلين هم ابوي كذا دااايم
انا كنت مرررره متضايقه الحين هذا ابوك اللي متعود على سوالفك وشلون عني انا ابوي وش بيسوي ابوك كان منصدم وشلون ابوي قال لا تشيلين هم ابتصل بسعود وبقوله وش صار اذا ابوك شاف الورقه والا لأ
سعود: نعم
منصور: الله ينعم عليك ابسالك وش صار على ....شاف الورقه والا لأ
سعود: ايييييييييييه شافها
منصور: وليش ماقلت لي وانا موصيك
سعود: دقيت ولقيت الجوال مقفل!!
منصور: ايه ماكان فيه بطاريه الا علمني وش صار؟؟؟؟؟؟
انا حطيت يدي على قلبي من الخوف قلت اكيد ته جلطه او ماااات
سعود: ابدا كم سبه جت لأبوي ولك وكم تهديد بس
منصور معصب: سعيدااان تكلم زين عطني بالتفصيل
سعود: طيب ابوي راح وحط الورقه من تحت الباب وشوي الا شفنا ابوها عند بيتنا ومسك ابوي وقال له بلغ ولدك اللي ما عرفت تربيه اني انا بربيه وخله يقول للي معاه قصده حبيبتك انه متبري منها وراااح بس..
منصور: بس هذا اللي صار
سعود: اييه بس والله ان شكله ينرحم مسكييين كان منصدم والله اني رحمته
منصور: طيب ان صار شي جديد علمني
سعود: وانا مرسال عندك خلاص كلم بدر انا ابوي طردني
منصور: يالله باي
منصور يناظرني:نوري عادي كلنا في الهوى سوى لازم نتعود على العيشه من دون اهل..
انا الكلمه مو قادره تطلع مني من الصدمه: ابوي تبرأ مني!!!!!!!!!!ح
منصور: اسمعيني يانوره من اليوم ورايح أنا أبوك وأنا أمك وانا اخوك واختك وصديقك وحبيبك وزوجك واهلك كلهم وانت اهلي وناسي خلاص انسي اهلك وكل شي راح انسيه فكري في حياتنا
طول الوقت وانا ساكته صعبه على الانسان يعيش بدون اهل انا حياتي صارت محكومه علي بالوحده حتى منصور مهما سوى مايقدر يعوضني عن امي عن اخواني لكن هذي الدنيا وهذي انا ولازم اصبر لأني انا اللي اخترت هالحياة بأقتناعي

if('/showthread.php' == '/private.php')
{
document.write('

صحينا على صوت الجوال وكان المتصل بدر اخو منصور وقبل ما قول وش كان عنده لازم اعرفكم على اخوانه..
بــــــدر هو الكبير وعمره 31 وماتزوج لما سالت منصور ليش قال انه مايبغى يتزوج طول عمره من دون سبب كان ملتزم واخلاقه عاليه جدا وهادئ عكس اخوانه كلهم..
وبعد بدر كان منصور وانا عرفتكم بمنصور طبعا
فـــاطمه عمرها27 اصغر من منصور ومتزوجه وعنده بنتين
وبعدها يجي سعود وبعد سعود
أمانــــي وعمرها 24 ومنصور ماكان يحبها يقول شايفه نفسها مرررره
وبعده ناصر 20 سنه
وابرار واسرار توأم وعمرهم 17 سنه
واخر العنقود زيادوعمره 12 سنه
بدر اتصل علشان يبلغ منصور ان اماني تملكت وزواجها بعد شهرين..
بعد ماانتهت المكامه منصور كانه تضايق شوي
وشفيك؟؟
منصور: مادري بس حز في خاطر اختي تنخطب وتتزوج وانا اخر من يعلم..
انا قربت منه ومسكت يده وقلت له لا تشيل هم عادي هذا حنا تزوجنا ولا عبرنا احد!!
منصور: على قولتك ......
....مرت الأيام وتزوج سعد ومنصور بدا يروح لدوامه وكانت ايامنا حلوه احيانا احسد نفسي لني تزوجت منصور الين جاء اليوم فاجاني منصور وقال لي
منصور: نوره ابي اكلمك بموضوع ضروري وبدون ماتسأليني ليش؟؟
انا قلت له: اوكي
منصور: الحين لنا تقريبا شهرين وزياده متزوجين والى الآن ماحملتي والحمدلله انه ماصار حمل الحين وبكره الصباح نروح انا وانتي لدكتوره علشان تصرف لك حبوب منع للحمل فتره لحد ماتتحسن اوضاعنا وبعدين اتركيها لأني بصراحه مابي ابتلش ببزران الحين..
انا انصدمت من كلامه وقلت: وش فيها اوضاعنا الحمدالله كل شي تمام ؟؟؟
منصور: نوره انا قلت لأتسأليني ليش انا قلت اللي عندي مو علشان تناقشيني لأ علشان اعطيك خبر بس
انا: علشان تعطيني خبر بس!!!وليه ما اناقشك اتوقع انه من حقي وليش تبي تحرمني من الأطفال لا يامنصور انا ماحب ارفض لك طلب لكن هذا انا آسفه..
وقمت ودخلت الغرفه مابي اسمع جوابه مابي اسمع شي اول مره واحد يقول لزوجته مابي عيال ..
فتح الباب بأقوى ماعنه وقرب مني وكان معصب مره: اسمعي انا ماطلبتك علشان تقولين انا آسفه هذا اول شي ثاني شي اذا قلت شي يتنفذ اذا مو بالطيب بالقوه شوفي انتي عايشه مع منصور الطيب والحنون واللي يحبك للموت لكن اذا انقلب كياني صدقيني بتكرهين الساعه اللي عرفتيني فيها لا تخليني ازعل منك لاني اذ زعلت ما اشوف غير الشر وان دريت انك ماتاكلين الحبوب اقسم باللي رفع سبع وطمن سبع انك ماراح تشوفين شي طيب واتعبريه تهديد وبكره الصبح بستأذن من الدوام على الساعه10 ونروح ولا عاد تكلميني بالموضوع..
قال كلامه وطلع وهذي اول مره اشوف منصور يتكلم معي بالاسلوب هذا جلست ابكي من الحرقه اللي بقلبي مايبي عيال ويهددني ليش كل هذا وش صاير حراااااام عليك يامنصور انا يكفي ان ماعندي اهل وبعد تبي تحرمني من الاطفال
قومني الصباح ولبست عبايتي وطلعت وبدون ما اقول اي شي وطول الطريق وحنا ساكتين دخلت على الدكتوره وبما اني ما حملت اعطتني نوع معين من الحبوب وقالت اذ حسيتي بأي شي تعالي وسألتها اذا انا فيه احتمال احمل وانا اكل الحبوب لأني سمعت كثير يحملون وهم يستخدمونها قالت لي طبعا كل شي بيد ربك واذ حملتي لا تعترضين على حكمته....وطلعت ولما وصلت البيت جاني منصور وقالي انا آسف على الكلام اللي قلته بس انتي استفزيتيني باسلوبك
انا::::لايوجد رد
منصور: قولي اي شي بس لا تسكتين!!
انا جلست اناظره وقلت: ممكن سؤال؟؟؟
منصور: اسألي!!
ابي اعرف ليش ماتبي عيال
منصور: فتره بس وما عندي اسباب لكن حاليا مابي اطفال نهائي
انا: طيب براحتك بس انا بقولك شي للمعلومه فقط..ترى الحبوب مو دايم تمنع الحمل كثير ياكلون حبوب ويتفاجاون بالحمل واذا مو مصدق رح بنفسك واسال الدكتوره وانا باكل الحبوب وبمشي عليها لن هذي رغبتك لكن ان صار الحمل لا تجي وتناقشني...
ورحت للمطبخ اصلح الغداء ,,,
مرت الأيام وانا ومنصور مانحتك في بعض كثير هو يرجع من الدوام ينام ولما يصحى انا انام ماكنت اجلس معاه كثير وكان هو بنفسه يجي ويعطيني الحبوب كان شاك باني اتركها او اني اسكته لكن هو ماتفوته هالشياء انا بديت اتقبل الموضوع او احاول اني اتقبله لأن مالي غيره ولازم ارضيه بأي وسيله فقررت انسى موضوع الحبوب والحمل واعيش حياتي واللي كاتبه ربي بيصير

وانا بصراحه مليييييت من الوحده ما اتكلم ولا اسولف الا مع منصور حتى صديقاتي منصور رفض اني اكلمهم جاب لي جهاز لابتوب علشان اسلي نفس فيه واضيع وقتي واللي صار انه 24 ساعه مع منصور قال لي تعرفي على زوجة سعد
قلت له استحي والله ماله داعي..
منصور: هي توها عروس والمفروض انتي تروحين وتسلمين عليها
انا ماعجبتني الفكره بس قلت عطني رقمها من سعد زوجها وانا بكلمها واشوف
اليوم منصور مادري شفيه من جاء من الدوام وهو طفشان ومعصب ولما سالته قال الشغل متعبه بس لا اللي فيه اكبر من الشغل اول مره احس ان منصور متضايق كذا ..حاولت الطف الجو شوي معاه علشان يروق واعطاني رقم زوجة سعد 0000
بعد فتره كلمتها وعرفتها بنفسي وقلت لها اذا فضيتي اتصلي علي علشان اجي ازورك او تعالي عندي اذ تبغين..
وزرتها وكانت مرررررررررره حبوبه واسمها منال..
سالتني عن اهلي وقلت لها انهم ساكنين بالدمام وماعرف احد غير منصور تزوجته وجيت معاه للرياض
تكلمنا في مواضيع كثيره واستاذنت منها
انا قلت لها كذا لأني انا ومنصور متفقين على كذا وسعد نفس الشي كان متفق مع منصور
طبعا منصور قالي قبل ماتطلعين اتصلي علي علشان اوقف لك عن باب الشقه ,,انا قلت ماله داعي اتصل يمكن نايم ولا ابي ازعجه ومعي مفتاح.. ..
انا دخلت البيت ناظرت الصاله منصور ماكان موجود وانا بطريقي للغرفه كنت اسمعه يتكلم..
منصور: انتي ماتفهمين,,خلاص اللي بينا انتهى,,طيب,,وش اللي تبغينه,,طيب قوليه بالتليفون,,اوكي لكن بعد مانتقابل هالمره انسي تقولين مره ثانيه وينك والا تعال
طيب طيب ,,لا ماقدر احدد لك اي يوم لاني مشغول مره ,,ليش مستعجله
خلاص انا بشوف بعد يومين اذا كنت فاضي ,,انتي لا تتصلين ابدا وياويلك ان شفت رقمك والا والا بهون
طيب لا تصيرين عله اعطيك خبر انا
وحتى انا اغليك لكن خلاص احنا اتفقنا على كل شي
اوكي
يالله مع السلامه,,

انصدمت بوقتها كني انعميت وكل قطرة دم بعروقي نشفت
وانهدم قدام عيني مابنيت والظنون الطيبه بلحظه اختفت
آآآآآآآآآآآآآآآآآه معقوله منصور يسوي كذا يخوني يخوني انا تخيلو بس لو وحده بمكاني وبالهموقف وش راح تسون قولوا لي ,,انا تمنيت اني مت ولا سمعت الكلام هذا تمنيت اني ماجيت تمنيت اني اتصلت عليه بس علشان ماسمع اللي سمعته
طلع من الغرفه وانا واقفه بمكاني والله رجولي مو قادره تتحرك من الصدمه حطيت عيني بعينه ابيه يدري اني سمعته وبنفس الوقت هو كان منصدم من وجودي سالني متى جيتي؟؟
قبل شوي..
وهو يقرب مني ليش ما تصلتي؟؟
خفت انك نايم ولا حبيت ازعجك..
ابي امشي ابي ادخل للغرفه ابي اصرخ ماقدرت والله ماقدرت
منصور: وشفيك ؟؟
انا مازلت واقفه واناظره..
منصور بدأ يرتبك فهم اني سمعته وقال انبسطتي عند زوجة سعد.؟؟
مشيت للغرفه وبدون ما ارد عليه ابي اتكلم ابي اصييييييح ابي اصرررررخ ابي اسوي اي شي اطلع القهر اللي جواي ماقدرت والله ماقدرت فسخت عبايتي وانسدحت بالملابس اللي علي منصور مازال برااا
آآآآآآآه من جور الأأيام وعودك كانت كلام
وهم في وهم وظلام صحيت من احلى منام
هانت الايام وهانت عشرتي وآآآآآآآآه
من اعز الناس ساااااالت دمعتي
جلست ابكي من قلبببببب احس بقهر احس بجررررح مافيه احد اقدر اشكي له ماااافيه ياااااااارب انت الوحيد اللي تدري باللي فيني انا استاهل هذي نتيجة اللي سويته
منصور دخل وجلس جنبي وقال نوره لاتصيحين
نوره علشاني مابي اشوف دموعك..
انا:اووووووووص
منصور: تكفين اسمعيني؟؟
انا: سمعتك والله سمعتك,,انا وش قصرت فيه علمني لييييييييييش تخوني ليييييش
قمت وجلست قلت له علشان مالي أحد الجأله بالدنيا تسوي فيني كذا؟؟
قرب مني يبي يحضني بعدته وقلت لاتلمسني
منصور: نوره ارجوك انتي فاهمه غلـــــ.....ز
بسسسسسسس لا تقول ولا شي تبي تقابلها وهي غاليه عليك وافهم غلط منصور صارحني اذا انا مقصره في شي وتروح تدوره عند غيري قل لي اذا فيني نقص ولاقيه عندها قل لي بس تقول اني فاهمه غلط لأ انا عندي عقل انا انسانه احس والا ماتعرف معنى الأحساس ..انحرمت من الناس واهلي علشانك لأني احبك حرمتني من الأطفال والحين حرمتني منك قل لي وين بروح لا تناظرني كذا قل لي وش بتسوي لو تدري اني اكلم واحد علمني ؟؟
منصور:00000000!!!ك
انا بديت اهدا:اكيد ماراح ترد لأنك ماتعرف شمعنى الخيانه00000
انا سكت ولا تكلمت وهو كان ساكت لحد ماقال تتوقعين اني بفكر بوحده ثانيه وانتي معي؟؟
التفت عليه:وانا معك تروح تقابلها؟؟
منصور: انا اسكتها لاني لو ماقلت لها كذا بتزعجني
انا: اهااااا زين علمتني
منصور يصرخ:لاتجلسين تتريقين انا وانتي اتفقنا نفتح صفحه جديده وانا غيرت رقمي وكل شي كنت اسويه قبل مانتزوج تركته بعد ماتزوجنا..

انا: طيب وش الهدف من هالكلام وشلون جابت رقمك؟؟
منصور:مادري عنها وشلون جابته بس انا مستحيل اقابلها ..
انا: جالس تبرر موقفك ولا تدري ان الخيانه خيانه اسمعني هي غاااااليه عليك واذا تبي تقابلها قابلها وتقدر تقابلها من وراي بس تاكد اني انجرحت منك مهما حاولت تقنعني وفوق هذا انصدمت منك وين حبك اللي تقوله وين راح لو تحبني صددق ماتفكر مجرد تفكير تتكلم مع وحده غيري لكن حسافه انا ماقدر قاطعني...
نوره لاتصيرين كذا ..
قلت له طيب ماراح اصير كذا وعطيته ظهري..
بطل تستاهل وسام تنام وغيرك ماينام
بارع برمي السهام والمكر عندك غرام
ما اقوى بأسك وانت لاهي وماتحس
فاقد الأحساس لايمكن يحس..

ابي اشوف ردودكم....انشالله عجبتكم
واذا فيه أي توجيه وجهوني وبصراحه ,,,,,,,,

if('/showthread.php' == '/private.php')
{
document.write('

يومين وانا على هالحاله بس منسدحه على فراشي اقوم اصلي واشرب مويه واطبخ لمنصور مهما كنت زعلانه هذا من واجبي وبس حتى الاكل ما اذوقه ولا اتكلم معاه ابد فجأه انقلبت حياتنا نكد صرت اكره حتى اناظر في وجهه دخل علي بالغرفه وكان معصب مررررره وجلس يصارخ علي :انتي الى متى على هالحاله لاتاكلين ولا تتكلمين تبين تموتين علشان يقولون اني ذبحتك
انا مارديت عليه قرب مني وهزني بقوه لدرجة اني مسكت كتفي وناظرته كان واضح انه تعبان او متضايق احس انه مخنوق
منصور: نوره يكفي تكفين قولي وش تبغيني اسوي علشان ترضين ردي علي والله اني متضايق نوره انا احتمال يطردوني من الدوام..
انا منصدمه: ليش؟؟
منصور: ابووووك ماتركني في حالي جا قبل فتره للدوام عندي وجلس يصرخ والمدير اعطاني انذار وقال المشاكل العائليه تنحل بالبيت نوره فضحني الكل بالشغل عرف عنك واليوم اخوك.
انا: ابوي متى جاء..
قبل كم يوم
انا نسيت سالفة البنت والحزن اللي فيني راح وبدا الخوف وقلت اليوم اللي جيت فيه متضايق ؟؟
قال ايه
انا سكت منصدمه اكثر انا عارفه ان ابوي جالس يخطط لمصيبه وهذا هو جا والمصيبه بالطريق يااارب انا ماعاد اقدر اتحمل احس جسمي بينشل من كثر الخوف..
منصور: نوره وش رايك انا باخذ اجازه ونسافر علشان اضمن ان المدير مايطردني..
انا : اللي تشوفه..
منصور: الله يصبرني انا جالس اقولك وش رايك اعطيني رايك ساعديني علميني وش اسوي اعطيني حل ريحيني الله يرحك انتي تدرين لو انفصل من الشغل وش راح يصير تدرين حنا بنموت من الجوع تدرين والا لأ؟؟؟
انا:............لايوجد رد
منصور:ردي وشفيك ليش صرتي متبلدة احساس ليش ماتحسين شوفي حالتـــ0000
قاطعته وانا منفعله: انا متبلدة احساس انا ماحس شويه هذا اللي قلته انا خير شر ماعندي قلب اصلا والا وحده زوجها يخونها وتسكت وحده تنحاش من بيت اهلها علشان تتزوج واحد مايوفي بالوعد علمني انت وش تيني اسوي اروح لأبوي واقوله ترى منصور بيفلصونه من الدوام والسبب انت هاااه علمني وجلست ابكي صار البكا هو الشي الوحيد اللي يرحني
قام من مكانه بيطلع واشر بيده علي دموعك كثرت مرررره ومليت من كثر ما امسحها على الطالعه والنازله تصيحين ومابي مساعده منك لأن كل اللي جالس يصير بسببي انا وتهوري الزايد..
وطلع من الغرفه طلع بعد ماقال تهور..يعني متحسف لا لا منصور يحبني والله يحبني انا انا التافه اللي اكلمه بالاسلوب هذا هو جا يشكي لي كان متضايق وزودت عليه00 بس بسس هو خاني يالله انسي يانوره خلاص هو مالك غيره والله مالي غيرك ومابي اخسرك اخاف اخسر يامنصور ..
طلعت ابي اشوفه اذا هو بالصاله والا لأ للأسف مالقيته جلست انتظره وانتظره وانتظره الييين الساعه 11 بالليل لازم اراضيه لو الفجر بس هو تاخر وم من عادته يتأخر الى هذا الوقت هو مايتركني لحالي جت الاعه وحده قررت اتصل عليه منصور مستحيل يروح ويتركني بالبيت طول هالوقت ولا يسأل حتى لو مختلفين..
اتصلت000اسمع صوت جواله لايكون ناسيه تبعت الصوت الى المجلس وفتحت النور لقيته نايم طول هالوقت انتظره وهو كان موجود ونايم والمجلس بااارد وكان نايم بالأرض وماكان عليه غطى
جبت له غطى وغطيته وجلست امسح على راسه ودي احضنه احس بالراحه وانا جنبه مسكت يده وحطيت راسي على صدره وانا ادري انه مو نايم لا ن الجوال كان صوته عالي رفع يده الثانيه وجلس يلعب بشعري
وهمست له: انا آســــــفه
منصور:وانا آســــف
كانت انفاسنا هي الشي الوحيد الي تعبر عن السكوت اللي نعيشه باللحظات.,
تنهد بقوه وهو يضغط على يدي بقوه وقال: نوره واللـــــه اني مخنوووق...
رفعت راسي وقلت له وسع صدرك واللي كاتبه ربي بيصير..حبيبي لو بيدي شي كان سويته مافي الا انك تاخذ اجازه علشان تهدي الموضوع شوي
منصور: انشالله انا مفكر بكره اروح اخذ اجازه ..
سألته:ما اتصلت عليك؟؟
هز راسه وقال الا اتصلت..
انا: طيب وش قلت لها
ابتسم: مارديت عليها انا وعدتك علشان مره ثانيه تتاكدين ان زوجك مايخلف بالوعد
قلت له:لأني مابي احد ياخذك مني مابي اي وحده تسمع صوتك وتشوفك غيري
منصور:ياحظي
انا: ايييه احظك
وهو بيجلس مسكني مع كتفي وحضني كانه يدري اني ودي بحضنه سبحان الله وش دراه:وقلت وش دراك انت ساحر؟؟
هو استغرب وقال : وشو مافهمت
قلت له انا كنت اقول بيني وبين نفسي ودي احضنك..
جلس يضحك وقال تبيني احتريك لحد ماتحضنيني انتي 00هذا بديت وحضنتك وضمني اقوى وقالي انتي لي انا وانا لك لحالك ومحد بياخذني منك ومحد بياخك مني ابجلس اكرر هالكلام عليك لحد ما اشيب علشان تعرفين انــــي أحبــــك..
تصدق كلمة احبك واحبك حيييل ماتكفي
انا ودي بكلمه مالفظها بالبشر غيري
تعبر لك عن احسايس تبين منتهى وصفي
تبين لك غلاك اللي مايكفيه تعبيري
دخيلك شق صدري شف لك داخل ضلوعي
وربي بتدمع عيونك بحب عنه ماتدري

الساعه 8 الصباح..
انا فتحت عيوني وشفت منصور نايم وطالعت الا الساعه 8: منصووووووور
منصوووور يالله قم لا تتأخر علشان تروح تقدم ع الأجازه
منصور ناااايم: لايوجد رد0000
انا اهز كتفه: منصور يالله عاد ياشين نومك يالله قم
صحى منصور بعد طلعة الروح ولبس وراح ....
انا رجعت نمت وفزيت من نومي على صوت مسج وشفتها الساعه 1 منصور راح ياخذ اجازه وش عنده طولت وفتحت المسج وقريته وكان من أميــــر قلبـــي ومكتوب فيه(انا بتأخر شوي)
استغربت .... المهم رحت صليت وصلحت الغداء وتشيكت ورتبت البيت وكل شي اوكي الساعه 5 العصر
قررت اتصل عليه اتصلت ومايرد صبرت ربع ساعه ومايرد مو معقوله منصور مايتركني كذا ومستحيل مايرد او يشوف اتصالي ومايدق انا بديدت اقلق الخوف امتلكني خلاص صرت اتخيل اشياء مرعبه بالبيت انا اخاف والله اخاف وهو يدري ليش مايطمني ع الأقل..
وجلست اتصل بشكل متواصل خلاص ماعاد يرد الساعه 6 ونص
أميــــر قلبــــي يتصل بك
رديت:الوووووو
منصور:هلا نوره
انا بصوت متقطع من الخوف: وينك ؟؟
منصور مستعجل: انا مشغول شوي لا تقلقين علي ساعتين وانا راجع انتبهي لنفسك..
انا:طيب علمني وش صاير وش الازعاج اللي عندك؟؟؟
منصور معصب: نوره خلاص انا مشغول يالله مع السلامه
بعد ماسكرت منه جلست افكر اكيد في شي بس اهم شي اني تطمنت عليه......
نرجع بالوقت الى الساعه 8 الصباح بعد ماطلع منصور من البيت وراح للداوم علشان يقدم على اجازه
دخل مكتبه علشان يخلص بعض الأوراق المهمه ويروح للمدير علشان يقدم الأجازه
فجأه وبدون سابق انذار(الشرطــــه)دخلت عليه بالمكتب وطلبت منه يروح معهم للقسم وبدون مناقشه والا بيضطرون ياخذون بالقوه
منصور يكلم الشرطي:طيب ممكن اعرف ليش؟
الضابط: مو انت منصور00000؟
منصور:ايه نعم انا منصور
الضابط:طيب تفضل معنا للقسم انت متهم بقضية خطف!!
منصور:خطف!!
الضابط:ايه نعم فلان بن فلان مقدم عليك بلاغ واتنمى تتفضل معي علشان نكمل الاجرات بالقسم
مدير القسم اللي يشتغل فيه منصور جاء وجلس يتكلم مع الضابط
المدير: خير انشالله عسى ماشر وليش الفوضى هذي كلها..
الضابط:لا ابد سلامتك بس نبغى الأخ منصور بشغله
المدير: ليش وش صاير؟؟
الضابط مارد على المدير ووجه كلامه لمنصور:تفضل..
منصور راح معاه للقسم وهناك كان كان موجود ابو نوره
الرقيب سعود:يا اخ منصور الشيخ اللي قدامك مقدم بلاغ من مده بان بنته مخطوفه وتاكد بوجود البنت معك..هل الكلام هذا صحيح
منصور: البنت زوجتي وشي اكيد بتكون معي..
ابو نوره:كذاب وشلون زوجتك هاه
قاطعه الرقيب:لوسمحت انا ما امرتك تتكلم نعم يامنصور كيف تزوجتها وهذا والدها يقول بانها انخطفت من البيت
منصور:لا انا ماخطفتها هي بأراده منها وبأقتناع جت معي..
الرقيب:طيب كيف تزوجتوا؟؟
منصور:تزوجنا على سنة الله ورسوله وبعقد زواج موثق..
المهم التحقيق مازال جااري لحد ماطلب الرقيب من منصور بان يحضر العقد حتى ولو كان صوره..بس للتأكد
والحمدلله كان معاه بالسياره عقد مصور وراح وجابه وقدمه للرقيب وياليته ما قدمه ...
الرقيب:تفضل يابو نوره استرح برا شوي
الرقيب قال لمنصور العقد هذا مزور وكثير يزعمون انهم متزوجين بوجود هذ العقد لأن الزواج مايتم الا بموافقة ولي الامر وانت عارف هالشي واللي ماتدري عنه انك متهم بقضيتين لحد الان الاولى هي خطف والثانيه تزوير
اما الخطف بتتخلص من مشكلته في حاله وحده بان البنت تعترف بانها راحت معك بارادتها وبذلك تنتهي من قضية الخطف
لكن التزوير راح نضطر تاخذ عقابك وبتتحول للمحكمه وهي بدورها بتتخذ الاجراء الازم لأن هذي النوعيه من العقود معروفه مالها اي صلاحيه والحين تفضل وقلي االبنت وين موجوده
منصور:في بيتنا..
الرقيب:طيب احنا لازم نستدعيها علشان ننتهي من القضيه اللي تخصها
منصور: وشلون تستدعيها؟؟
الرقيب: تروح وتجيبها انت مع مجموعه من الشرطه
منصور:الحين؟؟
الرقيب:ايه نعم
منصور:طيب اذا هي اعترفت بانها مو مخطوفه وانها موجوده معي باردتها وش راح يصير
الرقيب: بتنتهي القضيه وبنسلمها لولي امرها
منصور: وانا؟
الرقيب: انت زورت عقد نكاح..

منصور الحين تاكد ان اللي بيصير اعظم وانه ماراح يقدر يحل المشلكه ابد تأكد انه بيفقد حبيبته نوره تأكد انها خلاص بتروح حس بالذل حس بالاهانه حس بان كل شي حلو بحياته بيختفي الوظيفه والسمعه اللي مستحيل تكون من نصيبه بسبب المخدرات وعمره بيروح بالمحاكم والأهم الأهم بالنسبه له نوره كل اللي سواه علشانها وبلحظه تروح لا لا والف لا قالها منصور للضابط
زوجتي ماتروح مع ابوها
الرقيب:انت هدي الحين..
منصور: لو على جثتي ماروح اجيبها علشان ياخذها وابوها انت متدري اصلا هذا عدو مو اب هذا وحش بيعذبها والله صدقيني بيذبحها مستحيل تروح معاه انا انسجن يصير اي شي الا انها تروح..
الرقيب بتفاهم:طيب ليش ماتزوجتها بطريقه غير التزوير
منصور:تقدمت لها الف مره ورفض البنت تبيني وانا ابغاها مالنا الا هذي الطريقه ارجوك ابوها مايرحم
الرقيب:طيب انا مافي يدي اي شي صدقني لو بيدي شي ساعدتك تفضل الحين ولا تعطلنا روح جيب البنت..
طلع منصور مافيه بيده حيله غير ان يسمع الكلام قلت لكم حس بالذل خلاص .. وهو بالطريق اتصل على صديقه سعد وقال ينزل تحت عند العماره وقال له ان نوره خلاص بتروح.....
جالسه اتفرج ع التلفزيون سمعت صوت الباب نقزت من مكاني فرحانه وركضت عنده
واخيرا جيت..مليت وانا انتظرك
منصور يناظرني وكان وجهه يخوف وقلت حياتي وشفيك ليش وجهك منقلب كذا؟؟؟
منصور قرب مني وقال:نونو حبيبتي00انتي عايشه معي بأرادتك صح والا لا..
انا مستغربه: ايــــه
منصور:وتحبيني مثل ما انا احبك..
انا :منصور وش صاير؟؟؟
ضمني وقال :الحين انا وانتي بنروح لقسم الشرطه علشان يسالونك اذا انتي معي برضاك والا لا او انا خاطفك!
بعدت عنه وقلت ليش صاير شي وبعدين هذا مضايقك ..انت عارف اني ابيك ومايحتاج اروح للشرطه..
منصور: نوررررررره خلاص اسمعي الكلام والبسي عبايتك
لبست عبايتي وانصدمت لما شفت سيارة المرور برا وركبت مع منصور بسيارته والمرور ورانا واحنا بالسياره قلت لمنصور:علمني وش صاير؟؟
منصور:الشرطه طلبت مني عقد الزواج واكتشفوا انه مزور وابوك متهمني بخطفك والحين طحت بورطه ثانيه هي التزوير
انا جلست اصيح من الخوف وقلت: طيب وبعدين اذا رحت انا هناك وقلت لهم ؟؟
منصور:انا ماراح اخلي ابوك ياخذك مني مستحيل نوره لاتصيحين والله اللي فيني مكفيني..
وصلنا للقسم واحنا نمشي شفت شفت ابــــ ابوي ابووووي ياويلي تمسكت بمنصور لحد ما اخذنا الاذن بالدخول عند الرقيب وبعد مادخلنا سالني وقال انتي نوره
ايه انا نوره
الرقيب:انتي انحشتي من بيت اهلك برضاك والا مجبره؟
لا برضاي..
الرقيب:طيب انتي عارفه ان العقد مزور وان زواجكم هذ باطل
مارديت عليه وكنت اناظر منصور ومنصور كان يناظرني..
الرقيب:طيب انتي راضيه تعيشين معاه وهو مايعتبر زوجك وانك انتي واياه تلعبون على انفسكم بالعقد المزور..
مايهم راضيه اهم شي اني اكون معاه
الرقيب: انا اسف
بديت انتفض:وشلون يعني؟؟؟؟
الرقيب:مضطر احول منصور للمحكمه بتهمة تزوير وانتي بسلمك لولي امرك اللي هو والدك
صرخت صرخه قويه:لاااااااااا مستحيييييييييييل لااااااااااا منصور ارجوك تكلم بيودوني لأبوي ارجوك يالضابط لا تسجنونه اسجنوني انا باله ارجوك مابي اروح لأبوي والله بيذبحني والله مايخليني اعيش دقيقه..
الرقيب:اهدي انتي اللحين وانا باخذ تعهد عليه انه مايلمسك باي شي..
وشلون انا مااااااااااااااااابي اروح ماااااابي..
منصور:نوره قلبي هدي شوي هدي
منصور انت وعدتني ماتتخلى عني ارجووووك
الرقيب:انا والله لو بيدي شي ساعدتكم لكن اللي بقدر عيله بسويه..
منصور:تكفى اسجنوني من اليوم بس نوره لا ياخذها ابوها..
الرقيب:والله ماقدر لكن باخذ تعهد عليه وليبن فتره وفتره بنتطمن عليها وبانه ماسوى فيها شي
طلب منصور من الرقيب بانه يتركنا لحالنا شوي..
منصور:حبيبتي صدقيني ماراح يضرك بشي بيكتب تعهد
انا اصيبيييح وبحرقة قلب واقول له وشلون بروح معاه وانت ما اقدر والله مااقدر بدونكوالله
منصور ولااول مره اشوف دموعه :حتى انا والله بموت من دونك بس اطلع من السجن وبرجعك بالقوه اوعدك نوره..
توعدنيييي طيب انت وعدتني ماتتخلى عني والحين تخليت عني خلاص اليوم هذ اخر يوم بيني وبينك
منصور يصيح والله يصيح لا الموت هو اللي بينهي كل شي بينا
انا واحس خلاص هذا اخر يوم بعمري,,,قلت له منصور انا مت مت خلاص بس تاكد اني احبك والله احبك وبظل اتذكرك طول عمري وماراح انساك ابد واوعدك محد بيكون بعدك صدقني وامسح دومعي واكمل وبنتظرك والله بنتظرك بس لاتتاخر علي اخاف يذبحني وقمت وقفت ... ووقف معي وباسني على راسي وقال ادعي لي ما طول بالسجن وصدقيني برجع لكـــ
الرقيب طق الباب وقال:يالله تفضلي اطلعي مع ابوك

مااااااابي ارررررووووح ااااااااه تكفون مابي ..
انا انكسرت وناظرت منصور للنظره الاخيره حتى كان مكسور وطلعت واحس روحي طلعت معي
فيني الم غربه مع فرقا اعز الناس00سفينه تايهه تبحث عن موانيها
ذكرتك يوم ودعتك وضاقت فيني الانفاس000بكت عيني على فراقك لكن من يواسيها
حرم اشوف افراحي باقدام الألم تنداس00اداري دمعة هلت ومالي غير اداريها
ناظرت ابوي ابوي كان مبسوط ونظراته ليت توعد خلاص مايهمني وش بيصير منصور وراح ويالتني اروح معا ياليت ركبت مع ابوي السياره وطول الطريق انا ساكته وهو يهاوش وتكلم وانا مو معاه انا مع منصور ابوي يهدد ويصرخ ويقول والله ان تندمين على كل اللي سويته..
دخلت البيت وضربني ضرب الله لايوريكم حتى الحيوانات ماتنضرب كذا جسمي صار ازرق من الضرب كله كدمات ودم ومحد حاول يفكني من يده الكل جالس يناظر حتى امي واخواني لحد ما كتفى وقال علشاني ماخذ تعهد بس والا والله كان دفنتك هنا لكن اصبري شوي انا تسودين وجهي تنحاشين يالضايعه لا وبعد مع العن من خلق ربي خريج السجون ..
مر اسبوع على هالحال تعذبت عذاب عمري ماشفته حتى الأكل ممنوعه منه تخيلوا اكل كل يومين وجبه وحده بس غير المويه اسبوع كانه سنه فكرت انحاش لكن مستحيل هالمره حتى دورة المياه الله يعزكم اكثر من عشر دقايق ماجلس فيها ,,انا كان همي ابي اعرف منصور وش صار معاه اكيد هو بالسجن
رحت اصلي وادعي ربي انه يطلع ويرجع لي بالسلامه انا بتحمل بس اهم شي نرجع لبعض مثل اول
ابقولكم انا عندي اخت وحده اصغر مني واخواني 2 اكبر مني
جلست مع اختي وهي تسولف لي عن مدرستها لانها بأولى ثانوي جا ابوي وجلس يهاوشها يقول لاعاد اشوفك جالسه معها وانتي ياشر علي لاتجلسين مع احد فاهمه والا لا 000كاني مرض معدي لكن مالي الا الصبر..
مر اسبوع ثاني ومادريت الا ابوي يناديني ورحت عنه وقال البسي عبايتك الضابط موجود وياويلك ان قلتي شي ماهو زين
سالني الضابط ان ابوي يعاملني معامله حلوه والا لا وجاوبته ان معاملته عادي
وقلت ممكن اسالك سؤال:ابي اعرف اخبار منصور
ابوي الشر طلع من عيونه وقال والله ياقوية الوجه
جاوبني وقال منصور بخير وانا جيت خصوصي اسال عنك وامرني ابوي ان اطلع وطلعت
وشلون بخير يعني هو بالسجن والا برا ابي اشوفه لكن الصبر والصبر والصبر...
مر شهرين وانا على هالحاله تعبت ومرضت وينك يامنصور لو ما انام يشيل همي لحد ما انام وينك تشوف وش صار فيني من بعدك..اختي مالي الا اختي استغليت عدم وجود ابوي وطلبت منها تساعدني وفي البدايه رفضت تقول انها خايفه بس اقنعتها علشان تعطيني جوالها واكلم منصور المهم اتصلت علىيه وكان جواله مقفل مقفل مقفل مقفل اااااااخ وش اسوي تذكرت
سعود انا حافظه رقمه لأنه يشبه لرقم منصور واتصلت
والحمدلله رد..
الووووو
سعود:نعم
سعود انا نوره
سعود:مين نوره
انا زوجة منصور
سعود:اييييه نعم بغيتي شي
ايييه ابي اعرف وش اخبار منصور وينه؟؟

انتظروني بالباارت الجاي والآخير

سوري حبااااايبي
وهذا البااارت الاخير

مر شهرين وانا على هالحاله تعبت ومرضت وينك يامنصور لو ما انام يشيل همي لحد ما انام وينك تشوف وش صار فيني من بعدك..اختي مالي الا اختي استغليت عدم وجود ابوي وطلبت منها تساعدني وفي البدايه رفضت تقول انها خايفه بس اقنعتها علشان تعطيني جوالها واكلم منصور المهم اتصلت علىيه وكان جواله مقفل مقفل مقفل مقفل اااااااخ وش اسوي تذكرت
سعود انا حافظه رقمه لأنه يشبه لرقم منصور واتصلت
والحمدلله رد..
الووووو
سعود:نعم
سعود انا نوره
سعود:مين نوره
انا زوجة منصور
سعود:اييييه نعم بغيتي شي
ايييه ابي اعرف وش اخبار منصور وينه؟؟؟

سعود:منصور بالسجن وبيطلع بعد شهر
طيب هو بخير
سعود:الحمدلله بخير بس فصلوه من وظيفته..
سعود تكفى اذا زرته سلم لي عليه
سعود:يبلغ مع السلامه
وشكرت اختي على الجميل اللي سوته معي..
باقي شهر ويطلع منصور ياترى بياخذني والا لا وهل هو يحبني الى الحين والا لا هو دخل السجن بسببي وانفصل من دوامه بسببي بس اكيد بيجي هو وعدني بيجي,,,
جلست اعد الشهر ساعه بساعه انتظر رجعته ابوي طبعا ماراح يوافق ارجع لكن منصور وعدني وبيسوي المستحيل علشان ياخذني
ثلاث شهور من ودع وقلبي للحزن مرهون 00ثلاث شهور وعيوني تعاف النوم ورقاده
ثلاث شهور وكلنا بالثاني مفتون000 ثلاث شهور وانفاسي تشوف الموت وعناده
أنتظرت وأنتظرت وأنتظرت كثييييييير ..منصور ماله حس مرت الثلاث شهور وبعدها شهرين أيقنت ان منصور محاني من ذاكرته أجزمت بأني خلاص أصبحت شي غير مرغوب فيه من اهلي ومن منصور اللي ماجا يسال عني الى الحين وحتى ومن نفس كرهت نفسي كرهت حياتي كلها
كنت سرحانه افكر في كل شي الحلو والشين تذكرت الايام الحلوه اللي عشتها مع احب الناس لقلبي ذكريات انا عندي موهبه احبها مره وكنت بارعه فيها وهي تصميم الاعمال الفنيه يعني مثل التحف الاشياء اللي فيها تركيب وكثير من الاعمال..وبما اني منعت من الدراسه ومن الطلعه من البيت وبما ان منصور نساني قررت اني اشغل نفسي واستغل موهبتي كنت اجمع الاشاياء البسيطه عندي واركبها على بعض ...
تفاجأت من أختي جتني تركض..
وقلت:بسمالله خير وش صاير ليش كذا تركضين
نهى بصوت متقطع:منـــــ...صــ..ور منصور وأبـــ..وي يتهـــاوشــــ....ون بالشاااااارع
نا صرخت: منصووووووووور جا
نهى: ايه واسمعي صراخهم العالم كله بالشارع
انا ركضت لاشعوريا ابي اسمعهم ابي اصرخ واقول وينك تعال خذني..
فجأه اختفى الصوت ودخل ابوي وجلس يناظرني وقال
مسكينه انتي وياه..على باله بيقدر ياخذك مره ثانيه ولا بعد يقول بيشتكي بالمحكمه مسكيييين متوقع انك زوجته الى الحين
وصرخ صرخه قويه وقال فااااااااااااااارقي عن وجهي
تقدرون تقولون لي اني اكثر انسانه بهالدنيا متحطمه لازم اتقبل فعلا الحقيقه ان منصور مو زوجي بس انا العب على نفسي مرضت وتعبت محد يهتم فيني الا امي كانت تطل علي كل شوي وتقول :وش كسبيتي غير المشاكل والمذله...
أبوي من زماااان مريض بالسكر وزاد مرضه الأيام هذي مره هبوط ومره ارتفاع تدهورت صحته حييل فجاه
مــــــــــات ابـــــوي مـــــــــــــات
بكيت وحزنت كثيييير لكن مو لأنه مات وبس لااااااا هو مااااات ومو راضي علي
ورضى الله من رضى الوالدين..
اكيد بتقولون انانيه وقلبها قاسي لكن مايهم وفرحت بموته لأني فيه امل بان منصور بيرجع لي
مر على وفاة أبوي اسبوعين
ومنصور رجع وخطبني من اخوي وعاد وهو نسخه من ابوي أمي وقفت بوجهه تبي الفكه والخلاص مني واقنعته بانه يوافق ويخلينا نتزوج لأنهم على قولتها مارح نتهنى خلهم يتزوجون ونفتك من المشاكل والفضايح يكفي اللي صار...

وفي هالوقت حسيت الحياة رجعت لي صفحه جديده انفتحت في حياتي وكل مامضى طويته
ضميته بقووووه وجلست ابكي من قلب فقدته ست شهور انحرمت منه طيبته وحنانه والاهم حبه
منصور:تصدقين كل مادخلت البيت لازم تنزل دموعي
انا:ليش يوم طلعت من السجن ماجيت اخذتني؟؟
منصور:كنت اتطمن عليك من بعيد لبعيد وانا بالسجن كنت متاكد انك متي خلااااص لكن زارني سعود وعلمني باتصالك والحمدلله فرحت وحاولت ارجع لوظيفتي لكن مارضوا لحد ماتدخل احد المسؤلين الله يطول بعمره ورجعت للوظيفه وقلت باقي شي واحد لازم يرجع حاولت مع ابوك لكن خلاااااص فقد الامل رحت اشتكيت سويت المستحيل يانوره علشان ترجعين لي لكن كل الا بواب تسكرت قي وجههي وقلت مالي الا الصبر...حسيت بنقص صدقيني اشتقتلك والله واشتقت لحسك بالبيت ولسوالفك ولدلعك كرهت نفسي والناس صرت بس اتخيلك بالبيت تروحين وتجين قدامي وسمعت ان ابوك مات والله اني فرحت وقلت الفرج جاني
والحمدلله هذي انتي معي وبين احضاني...
مر أسبوع من بعد مارجعت كل شي بهالأسبوع تغير بحيانا للاحلى صار مافيه خوف الا شي واحد منصور الى الآن يبغاني ارجع واكل حبوب منع الحمل مره ثانيه وكان مصر اكثر من اول وبدون نقاش..
انا:لييييييييييش عطني سبب واحد يقنعني؟؟؟
منصور:مافي سبب انا بس مابي عيال كيفي
انا:لاوالله على حسابي وحساب صحتي انت عارف انها تضر؟
منصور:انتي اكلتيها بعد ماشاورتي الدكتوره لاتعورين راسي بكثرة الكلام اللي مامنه فايده
صرخت وقلت:الحين كلامي ماله فايده طيب,,,
وقلت بقلبي والله لو تنطبق السماء على الارض ما اكلها وعناد فيك ونشوف انا والا انت وعطيته ظهري ونمت..
قمت الصباح رتبت البيت ورحت المطبخ علشان اسوي الغداء بس لحظه انا متهاوشه معاه امس ومدام ماتهمه صحتي انا اوريه اجل مافيه غداء
دخل منصور وانا كنت جالسه اتفرج ع التلفزيون باسني على راسي وجلس جنبي الا لصق فيني..
انا بقرف:لوسمحت وخر عني
منصور يبتسم:لا
انا وقفت:خلاص انا بوخر وخلك مكانك
وانا رايحه للغرفه حسيت بيده سحبتني وقربني منه وقال
انا عازمك على الغداء تصدقين كنت ناوي اقولك لاتسوين شي مليت من طبخك..
مارديت عليه ادري يبي ينرفزني..
منصور:يالله نوره ماله داعي اللي تسوينه !!
لايوجد رد..........
منصور قرب اكثر وبعد خصلات من شعري كانت على وجههي ورجعها ورى اذني وجلس يتأملني
وانا هنا وبما اني اموت اذا شفت رقته دمعت عيوني وقلت
طيب ليش ماتبي اجيب عيال؟؟
منصور تنهد وقال:حبيبي نوره اذا عرف السبب بطل العجب!!!!
قلت له:طيب وشو السبب؟؟
منصور:لايوجد رد........
بعد عنه وكان قصدي اتريق وقلت:يعني لهدرجه يوصل الحب تحبني ماتبيني اجيب عيال اسمع يامنصور انا مايهمني شي وخلاص وباكل الحبوب وعمري ماجبت عيال
ودخلت الغرفه وسكرت الباب بقوه لدرجة انه بغا ينكسر
شميت ريحة الدخان وانا كنت ناويه على مشكله اليوم بروده يقهرني
طلعت وسحبت اليجاره من فمه وقلت له:اذا تبي تدخن اطلع برا كفايه التسمم اللي فيني وتبي بعد تسممني حتى بتنفسي
واخذت البكيت ورميته بالزباله
وقف اطالعه وقلت على الاقل ارحم نفسك شف وجهك وشلون صاير والا اسنانك المعدومه هذا غير دمك جلست اضحك ضحكه استهزاء وقلت والا انت اصلا ماعتقد عندك دم والا فيه واحد مايبي عيال,,
هنا منصور انقلب وحش حتى ماعطاني فرصه انحاش للغرفه ومسكني بقوه لدرجة حسيت يدي بتنفك من مكانه وهو يصرخ ويقول اعتقد انك كبيره والحركات هذي مايسويها االا الصغار
اقسم بالله ان شفتك تسوين هالحركه مره ثانيه لا تلومين الا نفسك وبتكون نهايتك على يدي
وانا جالسه احاول ابعده عني قلت:ايييييه افتك من ابوي تجي انت تبي تذبحني اذبحني اصلا انتم يالرجال عندكم الذبح مثل السلام عليكم وخررررررررر عني والا والله لأصرخ واخلي كل اللي بالعماره يجون
تركني وانا ركضت للغرفه..
جلست يومين على الحاله هذي اذا منصور راح للدوام قمت وسويت لي اكل وشرب واخذته عندي بالغرفه وهو يدبر نفسه ولاحتى يكلف نفسه يسال عني..
بس ليش منصور مصر مايبي عيال ليش؟؟
قطع علي تفكيري صوت الجوال
زكان المتصل منال تذكرونها هذي زوجة سعد اصلا محد يدق على الا هي ومنصور
رديت عليها..
منال:اهلين نوره كيفك ؟وش اخبارك
انا:الحمدلله بخير كيفك اني وكيف سعد
منال:بخير الله يسلمك..وش القطاعه هذي جلست فتره اتصل على جوالك وكان مقفل وسالت سعد وقال انكم انتي ومنصور مسافرين
اها بدا الكذب...قلت:ايه كنا مسافرين نغير جو شوي..
منال:حبيت اعزمك على زواج اختي بعد يومين وياليت تجين
ونسيت اتحمدلك بسلامة منصور لأن سعد قال لي انه دخل للمستشفى امس..
انا منصدمه:مستشفى..
منال:ايه امس بالليل وش فيك ؟ ماتدرين ان زوجك بالمستشفى..
انا :لا والله محد قالي..
منال:!!!!طيب اجل مابي اطول عليك..مع السلامه
قفلت منها واتصلت على منصور..
مــــره مرتيـــــن وثلاث واربـــــع
وجاني صوته:الووووو
انا مرتعاه من صوته التعبان:منصور وش فيك؟؟
منصور:كحكح مــا..فيني كح شش..شي..
قلت:منصور وينك بجي عندك..
منصور يالله يتكلم:لا ت...جين بطـــ..بطلع كحكحكح بعد شوي..
انا جلست اصيح:يعني انت بالمستشفى من امس
منصور:نوره مع السلامه
وقفل الخط بوجهي منصور مانام امس بالبيت ياربي وش فيه جليت ادعي لايكون فيه شي وانتظرت الى المغرب وكنت اتصل عليه وماكان يرد..شوي الا الباب انفتح ..

ركضت عنده وكان شكله تعبااااااااااااااان حيل تعباااان مسكت يده وبستها وقلت
وش فيك وش صار لك؟؟
وماكان يتكلم ومشيت انا وياه للصاله وبعد ماجلس قال:
نوره انا تعبان لاتعورين راسي بالاسئله ..
انا:طيب علمني وش صاير من امس وانت بالمستشفى ومحد قالي ودريت بالصدفه من منال.
منصور:ايــ كح ايه لو انك مهـــتمه كان سألتي..
انا:منصور انا اسفه بس كنت زعلانه وماتوقعت انك بالمستشفى..
منصور:طيب ماصار شي جيبي اي شي اكله
ركضت للمطبخ وصلحت له اكل وجيت عنده وجلت اكله بيديني..
لااااااااااا منصور ابدا مو طبيعي
قلت:طيب علمني وش فيك ؟؟
منصور:بس عند التنفس شوي ضاق علي
انا:اييييييييييه هذا من الدخان ولأنـــــــــــ..
منصور:اششششششششششش راسي يعورني..
الحمدلله اهم شي عرفت انه تنفس لانك ضيق التنفس مايجي الا من الدخان الله يقطعه..
مسكت يده وقومته للغرفه علشان يرتاح وحطيت راسه بحضني وجلست العب بشعره وقلت
منصور زعلان مني..
هز راسه بالنفي
قلت:طيب مسامحني..على الحركات اللي سويتها معك
مسك يدي وقال:من كل قلبي
اخذ اجازه من الدوام لانه تعبان مره وانا اربع وعشرين ساعه معه بس الغريبه انه مافتح موضوع لحبوب معي احسن يمكن نسى
من التعب...
اهتميت فيه صرت له ممرضه وزوجه وام ماتوقت ان الرجال اذا ضعف يكون مثل الطفل ماكان يبيني ابعد لحظه وحده ..
دق جوالي وكانت منال..
وانا مارديت مدري متفشله منها علشان ماكنت ادري ان منصور بالمستشفى
منصور: ردي عليها..
انا:لا اكيد يتقول تعالي زواج اختي وانا ماقدر اروح مكان وانت تعبان كذا
منصور:لا يادنيتي روحي وسعي صدرك غيري جو..
انا:لأ ماروح يعني ماروح
منصور :اللي يريحك....سكت شوي وكمل
طيب وش رايك نطلع نتعشى نغير شوي المكان
قلت له:تقدر تسوق؟؟
منصور:ايه اقدر ..
وطلعنا ...منصور كان تعبان واضح انه تعبان انا متاكده فيه شي..
منصور:نوره انتي قلتي لي تحبين الاعمال الفنيه صح..
انا:صح
منصور:طيب وش رايك تشترين اغراض وتستغلين وقتك وتصلحين اعمال واشغال حلوه لأن واحد من اخوياي عند محل حلو يبيع من هالشياء وتحف وهدايا..وقلت باخذ رايك اول علشان تستفيدن ع الاقل
انا :من وشو استفيد
منصور:ههههههه وش فيك فاهيه؟؟اقول تصلحين اعمالك واعطيها صديقي ويبيعها لك..
انا:حلوه الفكره والله اوكي موافقه
منصور:خلاص يالفنانه باخذ راي صديقي واقولك..
سكتنا شوي وبعديين قال منصور..
منصور:نوري حياتي
انا: لبيه
منصور:انتي مصره انك ماتكلين الحبوب؟؟
انا تركت الملعقه وقلت:ايه بس اذا انت ودك وما قدر ازعلك..
منصور:خلاص سوي اللي يريحك
انا ابستمت منصدمه:صدق منصور ماتبيني اكل الحبوب..
منصور:ايه صدق مابي اضيق خلقك انتي بالدنيا عندي وسعادتك تهمني وماودي انكد عليك اكثر من كذا..
قولو لي وش اسوي هالانسان ذبحني بطبته عمركم شفتوا احد مثله لا لا ما توقع اصلا منصور غييييير مافيه مثله كل الرجال يتشابهون الا هو غييير غيييير ..
مرت الايام وتحسنت حالته ورجع لدوامه والشي الوحيد اللي منكد علي هو الادخان لكن قدرت اخليه يبعد عنه شوي صار ياخذ باليوم سيجاره وحد انجاز صح
بديت انا بتصليح اعمالي والحمدلله صرت تاجره صغيره
تذكرت امي واتصلت عليها وسلمت عليها قلت لكم امي طيبه ,,, طلبت من منصور اني اشتري صدقات علشان اتصدق فيها عن ابوي لعل وعسى يغفر لي ربي..
سبحان الله مر على زواجنا سنه مثل لمح البصر ذكريات حلوه وشينه بس الاهم انها ذكريات..
في يوم من الايام كنت طالعه من الغرفه..سمعت منصور يتكلم
منصور:ماقدر والله ماقدر..انت تدري انها صعبه صح..
(00000000000000000)
منصور:بتوكل على الله على الأقل اعيش الباقي وانا عندها
(00000000000000000)
منصور:لا يا سعد والله صعبه صبعه مررره بتنصدم..
(00000000000000000)
منصور:يالله مع السلامه..
ياترى وش السالفه وش القصه اطلع اساله والا اصبر لا اصبر شوي وانا اعرف بطريقتي..
انا وش فيني بس نااااااااايمه ودايخه اسبوعين على هالحاله مال خلق شي..
تدرون طلعت حامل...

انا ماسكه بطني:اخ يالنصاب ومسوي زحمه وتقول مابي عيال شف الضحكه شاقه حلقك..
منصور:خلاص سكري الموضوع..هااااه وش تبين اسميك ام مين
انا:اذا كان ولد بسميه فارس احب اسم فارس واذا بنت كلى كيفك
منصور:طيب فيه مشكله هنا,,انا احب اسم نوره ومايصير الام نوره والبنت نوره
انا ابتسمت:طيب وش رايك ملاك منصور..حلو صح
منصور:ايه حلو مو مشكله اللي تبين سميه بنت والا ولد ..
مرت الايام والاسابيع والشهور وصرت بالشهر الرابع يالله حلو الأحساس بصير ام وانت يامنصور بتصير اب بس منصور ماعاد مثل اول مدري ليش احسه ضعيف احس كل شي صار عند عادي ..وش فيه حبيب قلبي شكله تعبان مو طبيعي..
يالله ماسويت الغداء الحين يجي ميت من الجوع صلحت الغداء وجلست انتظره شفته تاخر قلت اتصل عليه
اتصلت..رد واحد غريب,,
000:الووو
انا:الووو وين منصور..
000:انا سعد انتي نوره صح؟؟
انا:ايه..منصور وينه
000:منصور بالمستشفى وبعد شوي بجي اخذك مع منال علشان تروحين له,,
انا:ليش وش فيه؟؟
000:خلاص اذا جيتي بتدرين..
طوط طوط طوط

ياولي على رجلي وش فيه انا قلت هو مو طبيعي تعبان يالله وش فيه انتظرت سعد لحد ما اخذني عنده,,
دخلت عليه اجهزة التنفس بكل مكان وقفت منصدمه كان يناظرني بس مو قادر يتكلم أشر لي بيده علشان اقرب .. قربت حط يده على وجههي ومسح دمعه على خدي تكلمت وقلت:
مدري وش فيك ليش انت هنا وش صاير لك..
ماقدر يرد اكتفى بدموع نزلت من عينه ..
قلت له:حبيبي ليش هالدموع تتألم ؟؟
هز براسه بالأيجاب..
طلعت برا ابي اعرف وش فيه لا سعد مو راضي يقول ولا منصور قلت اسال ممرضه علشان اعرف وش فيه,,
رحت للاستقبال لمحت لوحه مكتوب فيها,,,
(((( قســـــم الأمراض الســـــرطانيــــــــــــه)))
رجولي ماقدرت تشيليني منصور فيه السرطان لا انا مو مصدقه ولا حتى مستوعبه الى الأن لازم اسال,,
لمحت ممرضه دخلت الغرفه اللي فيها منصور ورحت ركض وشفتها تعطيه ابره وتبعد عنه الاوكسجين..
الممرضه طلعت سعوديه سالتها..وش فيه
كنت اطالعها واطالع منصور مثل المسبهه
قالت
الممرضه:انتي تقربين له؟؟
انا:ايه زوجته..
الممرضه:الاخ منصور كان عنده سرطان بالرئه وبسبب الاهمال وعدم الاهتمام انتشر المرض بجسمه ولابد يستخدم الكيماوي علشان نضمن يعيش فتره من حياته.
انا طحت من طولي جلست اصيح ساعدتني اوقف رحت له ..
قلت له:ليش ماقلت لي ليش ؟؟
منصور:مابي انكد عليك..
انا ماقدرت اتكلم اكتفيت بالبكا ...انا ومنصور وبالغرفه اشتركنا بشي واحد وهو الدموع انا ماعندي شي اقوله خلاص منصور بيروح اعاتبه ؟؟ماعاد ينفع العتاب الحين قربت ومسكت يده وحطيتها على بطني اللي كان منتفخ
وقلت:تتوقع فارس والا ملاك؟؟
منصور بحزن:اللي هو.
انا:من متى وانت مريض؟؟
منصور:من يوم دخلت السجن ..
انا تنهدت:علشان كذا ماتبيني احمل كنت بيني اعيش وحيده ..
منصور:ابي اطلع من المستشفى..
انا:وشلون؟؟
منصور ضغط على زر النداء وثواني الا الممرضه جايه
الممرضه:نعم
منصور:لوسمحتي ابغى الدكتور..
الممرضه:حاضر بس تحس بشي..
منصور:ناااادي الدكتور,,
راحت الممرضه وانا واقفه بمكاني الى الان وانا منصدمه تفكيري مشتت ماقدر افكر ولا اتكلم ولا حتى اصرخ بس اللي قدرت عليه البكا وبس...
دخل الدكتور:السلام عليكم
منصور:ابي اطلع
الدكتور:لأ لأ يامنصور ماينفعش كده انت لسه مابديت ببرنامج الكيماوي
منصور:الله يخليك كذا والا كذا انا ميت ميت,,
الدكتور يطالعني:انتي مراتو؟؟
انا هزيت راسي بس..
الدكتور: احكي لك كلمه اولي اي حاجه ماينفعش يخرج وهو كده..
مارديت عليه واعطيته ظهري ومشيت وجلس على الكرسي..
منصور:دكتور ارجوك مابي الس دقيقه وحد هنا
الدكتور:حاضر بس تخرج على مسؤليتك ماليش دعوه
منصور:طيب على مسؤليتي
الدكتور:خلاص حكتب لك بعض المنشطات وربنا يشفيك..
طلع الدكتور .....
منصور يناديني:تعالي نوره
انا حاطه يدي على خدي واتامل بطني..
منصور:تعالي حبيبتي..
ناظرته وقمت عنده ...وقال
منصور:انا بطلع علشان اعيش باقي عمري عندك واموت عندك ..
انا:يومي قبل يومك..
منصور:خلاص انا يومي قرب ..
مارديت عليه ...
جلست اقرا قران (الا بذكر الله تطمئن القلوب)
هو نام جا الدكتور وقال خلاص اليوم بيطلع بس هو يتحمل مسؤليته طلتعه والمستشفى غير مسؤل..
رجعنا للبيت وكلنا مكسورين آآآآآآآآآآآه وش مخبيه الايام لي بعد ..
صلحت اكل له علشان ياخذ الدواء.
قرب مني وكانه يقول محتاج لحضنك حضنته وكانه طفل هو فعلا طفل لأن مافي بيده حيله جلسنا فتره بسكوت بس صوت شهقاتي اللي واضحه منصور بصوت وكله الم..
منصور:نوره عيوني انا آسف لأني خبيت عليك وآسف اكثر لاني صدمتك كلها ايام وانا بروح وصدقيني بانك احب مخلوق عندي بالهدنيا وانتي الأنسانه الوحيده اللي اعتبرها كل شي بالنسبه وفعلا انتي كل شي بالنسبه لي آسف لأني حرمتك من اهلك وآسف ع المشاكل اللي صارت لك بسببي واتمنى بعد موتـــــــ آآآآآآآآآآآه
بسم الله عليك يالت كل اللي فيك فيني قلتها له وانا اتمنى الموت ولا اشوفه كذا..
نام وهو بحضني وكنت طول الوقت ادعي له واقرا صدق بني ادم ضعيف بلمح البصر شوفو وشلون صار..
جرس الباب يطق تتوقعون مين كانت امه واخواته واهله كلهم جو يزورونه ويتطمنون عليه انا ماطلعت طول الوقت كنت بالغرفه انتظرهم يروحون...دخلت اخته الكبيره وتفاجات انها حضنتني وجلسنا انا وياها نبكي قالت لي الله يصبرك وانصدمت لما ناظرت بطني وقالت ان بغيتي اي شي انا اختك وامي امك وطلعت..
مرت ايام والبيت مايفضى توني ادري ان منصور محبوب وعلاقاته كثيره قررت اتصل على امي واعلمها,,
امي تضايقت من الخبر بس اللي ضايقها اكثر حملي..

ياااارب ساعدني زشلون بعيش من بعده خلاص الموت واضح عليه وجهه تصرفاته ضعفه وشلون بربي اللي ببطني كيف بيطلع على هالدنيا من دون اب ومن دون ام ..اي نعم من دون ام انا حياتي متعلقه بمنصور ان راح رحت معه وا بقى بقيت معه ياليتني مت ياليت ابوي ذبحني ياليت ماعرفتك يامنصور يالت وياليت بس خلاص
فقير الحظ من مثلي يعاني لوعة الأيام ولا له بالهوى فرصه يحقق اصغر احلامه
انا تاهت فيني الدنيا وتاهت بي الاوهام وقلبي كم شكى حظه وفكري يشكي اوهامه
بلا حاضر ولا ماضي ولا حتى امل قدام جفتني فرحة الدنيا وعمري ذبلت اعوامه
انا يائس انا بائس وانا كتله من الالام فراقك وحبي لك يزيد بقلبي الامه
انا باقي حطام انسان يحس بلحظة الاعدام يعد اليوم عقب اليوم الى من لحظة اعدامه
منصور بصوت مخنوق:نوره وينك؟؟
جيت عنده وقلت:انا هناوشفيك؟؟
منصور:بردان بردان مره..
قمت جبت له بطانيه وغطيته..
منصور:آآآآآآآآه جسمي ..أحس جسمي متنمل..
انا:علشان البرد حبيبي انشالله تدفا بروح اجيب لك شي حار والا تدري بسوي شاهي ادري تموت فيه..
كان جسمه يرتعش مررررره ناظرني كأنه يترجى اني ماروح..
احس هذي اللحظه الاخيره اللي بتجمعنا ركضت للمطبخ وصلحت شاهي وطلعت واليتني ماطلعت
لقيته لقيته طايح من على الكنب قربت منه هزيته
منصور قوووووم يالله...حطيت يدي على فمه اشوف اذ هو يتنفس والا لأ طلع مايتنفس
ركضت للجوال اكلم سعد
بسرعه رد وجاني صوته
سعد:الوووو
انا:بسرعه تعال منصور مدري وش فيه؟؟
رميت الجوال ورحت عنده منصور الله يخليك قوم لا تموت ارجوك لاتموت وشلون بعيش من دونك ,,, سمعت الباب طق رحت لبست عبايتي وفتحت لسعد
سعد:منصور تسمعني؟؟
سعد:منصور انت تحس فيني؟؟
سعد:منصور انا سعد يالله قم!
منصور:000000000000000000000!!!رااااااااااح
منصور:000000000000000000000!!!مــــــــــــات
منصور:000000000000000000000!!!تركني وحيده..........
لاااااااااااااااااااااااااااااا سعد الله يخليك خل نوديه للمستشفى ..طحت عليه على عمري على حياتي أرجوك لاتموت احركه اهزه مافيه فايده خلاص منصور رحل رحل والله رحل
لا يامنصور انا وين اروح من عقبك قلي وين اروح آآآآآه وآآآآه والف آآآآه
منال:قومي يانوره الله يهديك..
انا:وخري عني منصور مامات
سعد:الله يصبرك انشالله
ثواني البيت امتلى ,,,,,,,,,,,,,
آآآآآآآآآآآآآآآآه الله يذكرك بالخير يامنصور رسالتك قريتها الف مره وعلى فكره انا حفظتها
نسيت اقولكم بعد ماخلص العزا سعد اعطاني ورقه وكانت من منصور رساله منه...
وكان نصها..
بسم الله الرحمن ارحيم
الى زوجتي وحبيبتي الغاليه: نوره....
(علمت الآن انني تحت التراب..لأن هذه الورقه اصبحت تحت يدك
عزيزتي اعلم بان فراقي ليس بالأمر السهل عليك واعلم اننا اثنين بروح واحده ,, تأكدي باني راضي عنك
<من ماتت اومات زوجها وهو راضي عنها دخلت الجنه>
عشت معك افضل ايام عمري كنتي لي الهواء الذي اتنفسه كنتي فرحتي التي اضحك من اجلها ,,حبيبتي لاتشقي ولاتبـأسي ولا تطلبي المعونه من احد..قلت لك في يوم لن اتخلى عنك ولن يفرقنا سوى الموت وهاو اتى فراقنا وافترقنا الشقه التي عشنا فيها عمرنا كله اصبحت لك أصبحت ملك لك لأني لا اريدك ان تتشردي من بعدي ,,,,اتذكرين ذلك المحل الذي حدثتك عنه محل صاحبي فقد اصبح ملك لك ايضا والمشرف عنه هو رفيقي سعد لاني لا اريدك ان تجوعي من بعدي ..
حبيبتي..اهتمي بفارس او ملاك كنت اتمنى ان اعيش لكي اراهم واربيهم ولكن هذه رغبتك فأحسني تربيتهم,,
اهتمي بنفسك ولا اريدك ان تترملي طول عمرك من بعدي ...اعذريني ان كنت مقصر معك واعذريني ان اخطات عليك في يوم من الايام واعذريني عندما حرمتك من اسرتك..لاتبكي على فراقي فان بكاك يتعبني وانت تعلمين باني اكره دموعك..
بأذن الله سوف نلتقي بالجنه )
زوجك:منصور,,
قلبت الورقه وكتبت وراها رساله لمنصور....
بسم الله الرحمن الرحيم
الى زوجي وحبيبي الراحل:منصور
(لقد الامني فراقك حقا وكدت اموت أنت تعلم وانا اعلم بانك رحلت وروحي ذهبت معك ....تأكد باني لن انساك وسوف اعيش على ذكراك..انا مؤمنه وايقنت بأن
<كل نفس ذائقة الموت>
نعم كنت اتمنى اني عشت المرض ومت بدل عنك ولكن <قل لن يصيبنا الا ماكتب الله لنا>
لن اشكرك على مافعلته من اجلي بعد عينك لأن الشكر لايوفيك حقك ..فقد اشقاني واباسني موتك لقد خط الشيب برأسي واصبحت ذات الأربعين وانا لم اتجاوز 25 ..
لقد اصبحت ام فارس وقد كبر فارس واصبح يتمتم بعض الكلمات اتعلم اول كلمه علمته ماهي انها كلمة بابا فقد تعلم بابا وماما ومنصور ونوره ...اليوم وفي هذه الساعه بالتحديد اصبح على رحيلك ثلاث سنوات ..
حبيبي,,,,,نحن بخير انا وفارس ناكل ونشرب وكانك موجود معنا بإذن الله وان شاء الله عندي امل بان نلتقي بالجنه...)
زوجتك المخلصه:نوره

النهــــــــــــــــــــــــــايه.............

هذي نهاية قصتي نهاية عاشقين اخذهم الموت.........
الى كل من زاد بحماسي لأكمل هذي القصه الى صديقاتي وزميلاتي..الى نجلاء اول من قراء بدية هذه القصه وشجعتني بأكمالها..
منيره بشاير وسميه الذي سوف تصبح لهم مفاجأه ...الى زميلاتي
شرعا..والهيونات..وهدى وريم..ووفاء وشيخه وطرفه ومنى..
اتمنى ان تعجبكم وارحب بجميع تعليقاتكم..
الى هناء ابنت خالي اشكرك جدا وانتي تعلمين قصدي..
الى احمد فأنت سبب الحزن الذي جراني بان اكتب واعبر عن الحزن والام لن انساك
الى منصور اعذرني على قتلك لكن توقعاتي بأنها سوف تنال على اعجابك لانك اصبحت بطل لروايه..
وفي الختام هذه قصتي التي لم اسميها الى الان ولكن باذن الله سوف اجد لها عنوان يليق بها وهذه قصتي التي نسجتها من وحي خيالي اتمنى ان تحوز على رضاكم....
نــــــــــوره0000000

--->> منقووووووووووووووووله ..

قلب المحيــط

if('/showthread.php' == '/private.php')
{
document.write('

» قصة قصيرة جدآ لاكن حزينة بجد
» قصة قصيرة ان شاء الله تعجبكم
» تحميل أناشيد حزينة - مقاطع صوت حزينة mp3
» قصة حزينة
» قصة حزينة