وآححد من أهل الحارة،،

من بعد فرقا عمر جيت زياره

لآعز شارع فآخر اول حاره

وساعة وصلت هناك طاحت دمعه

وسترت باقي الدمع بالنظاره

شفت البيوت وبيتنا المتهالك

تبكي على فرقا اهله احجاره

ماكن فيه اسراري المنسيه

وطفل هدا و اهدى الزمان اشعاره

رحت وتركت البيت ما ودعته

اخاف كفي تلتصق بأسواره

امشي و احاول ما اتلفت صوبه

حتى لمحت مراية السياره

شعرت كن ابوابه توصيني

على الصغير اللي تحفظ اشعاره

وقبل اترك الشارع و اودع نفسي

مريت وجه مر مثل بشاره

وجه تغير كل شئ الا هو

رغم الزمن و سنينه الدواره

بقى مثل ما كان وجه الطفله

اللي حفظها دفتري في اسفاره

نفس الملامح والحزن والطيبه

ونفس العيون الذبل والمحتاره

وقفت مدري قلبي اللي وقف

رحت و تركت القلب بين افكاره

تاره اقدم رجلي ابغى اسالها

و ارد رجلي كل ما امشي تاره

ارجع سنه كل ما اتقدم خطوه

كن العمر درب و هي مشواره

سالتها: ما تذكرين العاشق!!؟

ردت علي: و اذكر خذته اقداره

قلت: ايه لكن عجزت تنسيني

طفله خذت قلب ضلوعي داره

اشياء رغم فراقنا ما تنسى

يشهد عليها بيتكم و جداره

ياما انتظرتك منطوي في ظله

اخشى عيون العالم الثرثاره

وتشهد عليها المدرسه والسكه

و هالشارع اللي كم حسبنا اشجاره

لا مانسيت عيونك اللي قالت:

الحب يختارك قبل تختاره

و انا اتكلم مر طفل و طفله

قالت : فهد هذا , وهذي ساره

ويوم اسالوها: يمه وهذا منهو ؟

قالت لهم: واحد من اهل الحاره

مره روووووعه



تسلمين ياقلبو

أنتي الاروع ،،

ربي سسَلمگ ،،

أنرتي متصفححَيٰ

روعةة بمعنى الكلمة
تسَسَسَسَسَلمين يالغالية
دمتي بود

مَرورگ ألاروعٰ ،،

الله يسسلمكگ

گوني بالقربء ❤