روايةتوأمي لكن أنا غير و مالي مثيل و راسي عنيدة

&&&&&&&&&&&&&&&&
توأم لكن انا غير ومالي مثيل وراسي عنيده
&&&&&&&&&&&&&
السلام عليكم
أخباركم حبايبي ان شاء الله بخير
وحشتوني كثير الصراحه اتمنى من كل قلبي تعجبكم كثير

ملاحظة:المنتدى اللي نقلت من الرواية البنت اللي منزله الروايه ما تحلل احد ينقل الرواية بدون ذكر اسمها (قلب امي وروحها)لأن هي اللي مألفة الروايه
نبدأ
بسم الله
رواية (توأمي لكن انا غير ومالي مثيل وراسي عنيده)
&&&&&&&&&&&&&&&
البارت الاول
&&&&&&&&&&&&

في الليل المظلم وقت العيون ما تكون نايمه
والبال مرتاح
ركضت لغرفتها وتصك الباب بسرعه وهي تلهث وترتجف وتقفله بسرعه بيد مرتجفه تسند ظهرها على الباب وصدرها يعلو ويهبط من سرعة التنفس والخوف
سمعت صوت الفحيح من خلف الباب:افتحي
:انقلع لأصرخ وألم اللي في البيت عليك
:افتحي ولا تخافين انا مثل أبوك
:تخسي أنتي تكون مثل أبوي ...وبصراخ:انقلع من هنا
:زين انا أعلمك وين بتروحين مني مسيرك راح تطيحين بيدي
وراح وهي جلست والخوف لحد الحين يهزها ودقات قلبها تضرب ضلوعها
وبهمس:يارب فكني منه مو كل يوم نفس الحاله انا الغبيه اللي طلعت وآنا عارفه انه راح يكون منتظرني برا انا لازم انتبه أكثر
قامت بثقل ودخلت الحمام (أكرمكم الله) وغسلت وجهها بالماء زي ما تحبه بااااارد وخذت نفس وطالعت عمرها بالمرايه وبهمس:قريب قريب راح ارتاح منك ومن هالقرف وراح استقل بنفسي
طفت النور وطلعت تسحب رجولها و انسدحت على سريرها وخلت الابجوره شغاله لأنها تخاف من الظلام و ناااامت

&&&&&&&&&&&&&&&

في البيت الكبير ذو الثلاث ادوار
أشرقت شمس على ناس ترسم البسمه على وجههم
صحت الصبح وصارت تتمغط وتحس بنشاط
:أصبحنا وأصبح الملك لله
قامت ودخلت الحمام(أكرمكم الله ) وخذت شور وطلعت ولفت الجلال وصلت وبعدها لبست البرقع والجلال على راسها ونزلت على المطبخ وسمعت صوت أحب إنسانه على قلبها:زهبي القهوه يا اندريا مو كذا ياربي على هالخدم يعني لازم الواحد يسوي كل شي بنفسه
قربت وباستها على خدها :صباح الخير على احلي جده بها الدنيا
الجده:هلا وغلا بروح جدتها هلا بالشيخه دانه
دانه:ههههههههه وش دعوه يالغاليه شيخه مره وحده
الجده:ايه وشيختهم كلهم بعد
دانه:وش فيك يا تاج راسي زعلانه
الجده:من هالخدم رفعوا لي ضغطي من ساعه وآنا احوس معاهم علشان قهوه لجدك وهذولا بقر ما يفهمون
دانه:ههههههه خلاص يا قلب دانه انا أسويها الحين
الجده:جعل عيني ما تبكيك يا بعد قلب جدتك
بدت دانه تسوي القهوه وتسولف هي وجدتها
جاتهم تركض ومعاها عبايتها:صباح الخير
وبدت تاكل بفجع
الجده وعيونها طالعه:هو هو شوي شوي يا مدى لا تموتين اللي يشوفك يقول مفجوعه ما شفتي أكل من قبل
مدى:جديده الله يهديك الحين بتصكيني بعين بموت
الجده وهي تمد عصاتها علشان تضربها:ياللي ما تستحين تقولين عن جدتك كذا
دخلت الثانيه:عادي يا أم الجدد ترى الدنيا فيها ديمقراطيه خليك ريلاكس يا حلو
الجده:كملت مدى وأسير اجتمعوا عزا الله رحنا وراء الشمس وبعدين وشو أم الجدد احترميني يا بنت
أسير:جدجد لا لا احنا كذا ما راح نتفاهم ابد
الجده وهي تضربها بالعصى:تجد جدت ركبك ياللي ما تستحين والله الشره على بناتي اللي مخلينكم على حل شعوركم
مدى:ما خبرت ان احنا صلع ومحلقين شعورنا
أسير:ايه والله شكل جدتي خرفت
الجده بعصبيه:خرفت علومك وتصككت حلوقك ياللي ما تختشين على نفسك
دانه:ههههههههه ما عليك منهم يا جدتي ترى هالثنتين يبغون يجننونك ويرفعون ضغطك
الجده:حسبي الله رفعوا ضغطي صدق
دخلت وهي تحب رأس أمها:من اللي رفع ضغطك يالغاليه
الجده :بنتك وبنت أختك في احد غيرهم
سلماء:أسور وش مسويين في جدتكم أنتي ومدو
مدى ببرائه:ما قلنا شي أصلا احنا نحب جدتي فديت هالعيون الكحيله
أسير وهي تغمز بعينها :وآنا أقول جدي وشلون طاح في غرامك يا حلو
الجده:وقص في لسانك أنتي وياها صدق اللي اختشوا ماتوا
سلماء ودانه:ههههههههههه
الجده وهي تلتفت لسلماء:إلا وين أختك وعيالها وباقي عيالك
سلماء:العيال زي العاده عند أبوي ونجود وبناتها شوي ونازلين
نجود وهي تدخل:من اللي يسال عني
الجده بحب:تعالي يا قلب اميمتك جنبي افطري
نجود وهي تبوس رأس أمها:صباح الخير
الجده:صباح النور والسرور
دخلو وهم يتناقشون:المنطق العلمي يقول غير كذا
:لا لا التحليل يقول الكلام وماله علاقه بالمنطق
الجده تطالعهم ولا فاهمه من كلامهم شي:وش تقولون وليه ما تصبحون ولا تسلمون داخلين على كفار
روابي:أسفه جدتي صباح الخير
رواء:صباح الخير
الكل:صباح النور
رواء:اقولك في كتاب فرويد المعلومه غير صحيحه ويفسر التصرف والنتيجه بطريقه أخرى
روابي:بس لو حسبناه بالمنطق والحسابات تكون النتيجه ايجابيه
مدى:وش عندهم فرويد وأفلاطون يتهاوشون هالمره
رواء وهي تعدل نظارتها:أنتي جاهله والتحليل النفسي يقول ان أنتي من نوع الفئة من الناس اللي استيعابها بطيء فانطمي
أسير:كلش ولا مدو لا تغلطين يا فرويد يا النفسيه
روابي تهز راسها بأسف:جهله والله جهله يا أختي والحسابات تقول عددهم قاعد يزيد كل يوم
رواء:نعم الدراسات تقول الكلام هذا صحيح
الجده:والله ما اعرف وش تقولون
دانه :لا تعورين راسك يا جده بها الأمور
الجده هزت راسها وسكتت
سلماء:أسور وين أختك هبه
هبه تدخل:صباح الخير
الكل:صباح النور
جلست وبدت تفطر
مدى:هبه سؤال يطرح نفسه من هالحمار اللي حط الكسور الجبريه ودي لو أشوفه واقطعه بعصا خيزران
هبه بثقل:والله لو أنتي فالحه في الرياضيات ما قلتي كذا
أسير:ما في احد قدك مدرسة رياضيات والله استغرب كيف لحد الحين ما انتحرتي
هبه:الجهله بس يقولون هالكلام
مدى:أقول أسورتي تدري وش ودي
أسير:وش ودك يا عمري
مدى:ودي أشوف هذا اللي اخترع الجبر والكسور والزحمه وأدوس ببطنه يعني ليه الفلسفه أصلا المفروض يحطون في الرياضيات جمع وطرح وضرب بس
الجده:وليه ان شاء الله
أسير:علشان نحسب الفلوس والقريشات
الجده:الله عاد من كثر فلوسكم ما في جيوبكم إلا قمل روسكم
الكل:ههههههههههه هههه
وظلت السوالف والضحك لحد ما يجي وقت الروحه على المدارس والأشغال

&&&&&&&&&&&&&&&&

في مجلس الرجال عكس الحريم الهدوء كان سيد الموقف
قاعد بهيبته بين أحفاده الثلاث
الجد:وش أحوال الشركه يا مقعد
مقعد:يسرك الحال يالغالي كل شي تمام
الجد:زين زين وأنت يا سلطان اليوم عندك سفره
سلطان:ايه والله يالغالي عندي اليوم رحله
الجد:على بلاد الكفار
سلطان:هههه ايه يا يبه على بلاد الأجانب
الجد:الله يسهل دربك يا وليدي
سلطان:تسلم يالغالي
والتفت الجد على يوسف:وش أحوال أمورك في الشغل مع المجرمين اللي ما يخافون ربهم
يوسف بهيبه وقوة شخصيه:بخير وأموري طيبه دامك فوق راسي
الجد ابتسم بفخر
وبعد الفطور قام كل واحد يروح يوصل خواته ويروح على شغله من هناك

&&&&&&&&&&&&&&

في بيت كببر بس ما يسكنه الكثير
نزلت من الدرج بعد ما تأكدت من الخدامه ان أمها تحت نزلت بكل غرور وكبرياء وجلست على طاولة الفطور:صباح الخير مامي
الأم:صباح النور
ما فاتتها العيون الدنيئة بس هي ما عطتها أي اهتمام
الأم:حبيبتي بانه ما صبحتي على عمك
بانه وهي تطالعه بغرور:ما تعودت أصبح على كل من هب ودب
قام بعصبيه:انا كل ما هب ودب يا قليلة التربيه
الأم:سعد هد شوي
سعد:ما تسمعين وش تقول بنتك يا ايه
ايه:بانه حبيبتي اعتذري
طالعته وقامت وبغرور:يخسي اعتذر منه انا ما اعتذر من احد ابد
ولفت وصعدت الدرج بهدوء وسعد عصب والتفت على زوجته:هذي بنتك يبغالها تربيه من أول وجديد
ايه تاكل ومو هامها الموضوع:فكنا واللي يرحم والديك انت تدري ان البنيه ما تحبك وهذا شي مو جديد عليك
سعد:يعني عادي عندك تغلط على اللي اكبر منها
ايه بملل:يووه سعد خلصنا خل هالصباح يمشي على خير
سعد في نفسه ونظارات الحقد من عيونه طالعه:انا اوريك يا بانه انا اوريك بس تطيحين بيديني وآنا أعلمك

&&&&&&&&&&&&&&&&

في بيت جنب البيت الكبير كان بيتهم
الكل كان على الفطور لان أي يتأخر راح يكون له عقاب
جلس على الطاوله وقال :ابدوا
الكل بدا يأكل و الابو ينقل
نظراته بين عياله الاثنين وتكلم بصوته القوي:الجمعه بكره ببيت الوالد ما ابغى احد ما يكون حاضر فاهمين
الكل:فاهمين
يزن بهمس:وش عندهم
مازن:وآنا وش دراني قايلين لك ساحر اعرف
يزن:الله يستر في العاده الجمعه كل ربوع وخميس مو يوم الأحد
مازن:اللي في القدر يطلعه الملاس
طالعهم أبوهم بحده:اعتقد قلت وقت الأكل الكل ينطم ويحترم النعمه ولا انا غلطان
يزن:السموحه يبه
مازن بهمس:آسفين
الأم:يا صالح خف عليهم شوي
صالح:شيخه لا تدلعينهم ترى ما في احد يخربهم غير دلعك
شيخه سكتت
قام صالح ووقفوا عياله الاثنين ولما راح قعدوا وهم يزفرون
شيخه:يا عيالي كم مره قلت لكم لا تتكلمون
يزن:يمه عاد احنا وش قلنا ما قلنا شي
مازن:أقول يا توأمي قم بس نروح محاضراتنا لا نتأخر
يزن :يله....... قاموا وباسوا رأس امهم بحب وطلعوا يروحون لمحاضراتهم
شيخه:الله يوفقكم وين ما حطيتوا وجيهكم يا عيالي

&&&&&&&&&&&&&&&&

في البيت الثالث جنب البيتين كان الوضع العكس تمام
نازلين من الدرج يتسابقون:انا جنب أبوي انا جنب أبوي
ووصل أول وجلس والبنت برطمت من الزعل
امهم:لولوه و لافي وش بلاكم تركضون
لولوه:يبه قومه انا ابغى اقعد جنبك
الابو:ههههههههه خلاص هو قعد أول
لافي:انثبري في أي مكان انا جنب ابو الشباب ........و يدز ابوه بكتفه
الابو:خير قاط الميانه يا ولد
الأم:انت اللي عودتهم كل كلمه و الثانيه ديمقراطيه وديمقراطيه يالله أكلها
الابو وهو يحرك حواجبه:والله إذا في احد بأكله فهو القمر اللي جنبي
لولوه ولافي:ههههههههههههههههه
الأم بخجل:صافي بس فشله شف العيال يضحكون علينا
صافي الابو:ما عليك منهم هذول عذال
جاها صوتها وهي نازله وأخوها:ما عليك منهم يا صفوي هذولا مهابيل ..وتحب رأس أمها وأبوها
الابو:هلا وغلا ببنتي آلاء هلا بالممرضه النشيطه
نادر بهدوء:صباح الخير
الكل:صباح النور
لافي:يا عيني على الرومنسيه وكناري الحب أثريك يا ابو الصف خطير وإحنا ما ندري
الابو يتصنع العصبيه:ابو الصف في عينك يا ولد مفكرني مدرسه ويا ذا الوجه
لولوه:أقول يبه دور غيرها تري ما يلوق عليك العصبيه
الابو :صدق يعني ما منيب مقنع
لافي:ابد
الابو:هجل كيف العب على أبوي واسوي روحي معذبكم قدامه والله بدخل فنون تمثيل ولا وش رايك لموي
الأم لمياء: ما عليك من احد ويا زينك مثل ما انت
الابو:احم يا عيال ما ودكم تروحون أشغالكم ..ويطالع امهم:انا وأمكم عندنا سالفه ولا وش رايك يا قمر
الأم طالعته وقامت:والله انك يا رجال صرت تخورها وتقط خيط وخيط
الكل:ههههه ههههههههه

&&&&&&&&&&&&&&&

خلوني أعرفكم بالكل وبالشخصيات
ثلاث بيوت وحولها سور كبير ويفصل بين البيوت الثلاث جدار بين كل بيت وبيت وكل جدار فيه باب تدخل منه على البيت الثاني
البيت الكبير في الوسط هو بيت الجد
كبير العايله الجد خليفه وزوجته خزير

&&&&&&&&&&&&&&

خلونا نتكلم عن الجد خليفه
هو شخص محافط على العادات والتقاليد درجه أولى يحب الإبل وغيره ترك أمور الشركات والتجاره لعياله هم اللي يديرونها وأحفاده
عياله
الكبير: صالح48 وزوجته شيخه
عيالهم
حصين27 مسافر
غصون عمرها 26وزوجها معاذ وبنتهم مي 3 سنوات
فواز عمره 22 يدرس بالخارج إدارة أعمال
مازن يزن توأم عمرهم 21 يدرسون حاسب الي وما في احد يقدر يفرق بينهم إلا امهم

&&&&&&&&&&&&&

ثاني عياله: صافي46 سنه وهو رجل متفتح غير عن باقي أهله
وزوجته لمياء
عيالهم
معاذ 28يساعد ابوه في الشغل
نادر يشتغل مع ابوه وأخوه عمره 25سنه وهو هادي وفي حاله
ألاء 24 سنه تشتغل ممرضه مع ان الكل عارض لكن أبوها وعقليته المتفتحه وافق واقنع الجد بعد ما ترجوه ووافق و الكل يهاب كلمته فما في احد قدر يعارض
لافي 23 سنه عسكري
لولوه عمرها 19 في عمر دانه و بانه سنه أولى تربيه خاصه

&&&&&&&&&&&&&&&

ثالث عياله : عبدالعزيز متوفي من زمان وراح نعرف عنه من الأحداث
بناته دانه و بانه توأم عمرهم 19 ولكن مفترقين وراح نعرف ليه من خلال الأحداث
زوجته أيه لما توفى عبدالعزيز تزوجت مره ثانيه واحد اسمه سعد وعايش هو معاهم
ولدهم بسام عمره 4 سنوات
بس هم في بيت لحالهم وأيه ما تحب الجد ولا عاداته ولا تقاليده
بانه:بنت عمرها 19 سنه مغروره وعينها قويه وما تبين خوفها وذكيه وتحب أختها كثير بس الحياه معلمتها دروس
دانه توأم بانه عمرها 19 سنه تخصص سنه أولى رياضة أطفال وهي طيبه وعمرها ما تزعل احد والكل يحبها ورقيقه وعكس أختها كليا

&&&&&&&&&&&&&&&&&

رابع عياله بنته: سلماء 42
مطلقه من سنين وزوجها ما يدري عنها ولا عن عياله
وعيالها
سلطان طيار عمره 26
مقعد 24 سنه راعي ضحك ويحب أمه ويموت فيها وهو مهندس للشركه وهو مضرب عن البنات ويقول الكل خواته
هبه 22 وتدرس رياضيات
أسير عمرها 18 أدبي وبنت فلاويه مع مدى

&&&&&&&&&&&&&&&&&

خامس عياله بنته: نجود 40 زوجها متوفي وعايشه معاهم
وعيالها
يوسف 26ضابط بالشرطه
روابي عمرها23 مدرسة لغه عربيه وتحب الفلسفه
رواء20 سنه تدرس علم نفس
رؤيه 19 سنه أولى تربيه خاصه
مدى عمرها 18 فلاويه وكوميديه درجه أولى

&&&&&&&&&&&&

في البيت الوسطي الجد وزوجته وبناته الثنتين ودانه
في البيت الأيمن صالح وعياله والبيت الأيسر صافي وعياله وولده معاذ وغصون وبنتهم
اتمنى وضحت الفكره

&&&&&&&&&&&&&&&&