وحيده امشي مع همي مرره حلووه

وحيدْه أمشي مع همِّي وكبيرْ الحزْن فـي ذاتـي



قسى الكون في عيني وقلبي ما إهتنى وما إلتـم ..
قسى هالوقـت يـا قلبـي وضيَّـع كـل راحاتـي


جروحي فوق طاقاتي بكيـت وفـي عيونـي دم ..
رضيت آنا على القسـوه وضاعـت كـل بسماتـي

تعبتْ / وما صِدَقْ حَظي وفوق الهم أشيل الهـم ..
صغيرهٍ فـي العمـر آنـا وكبيـره حيـل مأساتـي


محدْ يدري عن أخباري محد في دنيتـي مهتـم ..
وحيدهْ أمشي مع همِّي وكبيـرْ الحـزْن فـي ذاتـي


سِمَعْ قلبي عَنْ الراحَه واهيَّه مِنْ الوهـم أوهـم ..
أعيشْ آنا بوسـط واقـعْ نهاياتـي فـي بداياتـي

ياليت تفيدني الحسره ياليت أرتـاح لـو أنـدم ..
صعبْ أرتـاح فـي الدنيـا حزيـنهْ بكـلْ حالاتـي


سفينه مِنْ الصعب ترسى واهي مِنْ الموجْ تتحطم ..
أشوف البحر في عينـي لقيـت المـوجْ دمعاتـي

كثير قلوب غرقانه واهيه منْ الوقتْ مـا تسلـم ..
بحر هالوقـت هَـمْ يغـدر وهـذا معنـى كلماتـي


يا قلبي الطِيبْ ما ينْفَعْ عشانـي ركِّـزْ وإفهـم ..
أنـا ملِّيـتْ أعلِّـم فِيـكْ وإنـتَ تزيـدْ آهـاتـي


أمانه كان لِي خاطر مِـنْ اللِّـي صـار تتعلـم ..
ويا قلبـي إتـرك الطيبـه بعـد قصـة مُعاناتـي