رواية بنات افكاري كامله , رومنسيه, خياليه,روووعه

اليازي انتبهت لنظراتهم لبعض واستغربت....مين هاذي لينه؟؟...معقولة تكون نفسها لينة الي كان يحبها...

فيصل انتبه لنفسه...بس ظل مصدوم ومو مصدق..شلون جت من الشرقية لهنا...وليه...وين تركي؟؟...

فيصل مد يده وقال بارتباك:اهلين مدام لينة...اعرفك على خ..(مايعرف ليه ماقدر يقول لها خطيبتي)...اليازي

اليازي ظلت تناظرهم...التفتت على لينة وابتسمت بهدوء:اهلين

لينة طنشتها والتفتت على فيصل:تركي مات

ماتدري ليه قالت كذا...مع ان المكان والوقت مو مناسبين ابد...

فيصل:الله يرحمه..عظم الله اجرك

لينة:اجرنا واجرك

ظل واقف مرتبك...ماتوقع يشوفها ابد...مو عارف ايش يسوي..

فيصل:تفضلي ارتاحي

لينة تنحنحت:لا....انا بروح الحين...اشوفك على خير

فيصل بسرعة:وين بتروحين؟؟

لينة ناظرت باليازي الي تطالعها بطريقة وكانها مو عاجبتها...رجعت تناظر فيصل:برجع للغرفة

فيصل:انتي ساكنه هنا؟؟

لينة هزت راسها:ايوه

فيصل:خلاص اجل خلينا نشوفك انا كل يوم هنا...اقصد انا واليازي

لينة:اوكي...(ناظرت اليازي وقالت بغيره تحاول تخفيها)...تشرفنا

اليازي ابتسمت لها وبعدين رجعت تناظر فيصل الي مانزل عينه عن لينة ولاحتى فكر انه يجلس..ومو حاسس بالدنيا من يوم ماشافها...

لينة:اوكي...مع السلامه

فيصل واليازي:مع السلامة

راحت لينة والتفتت اليازي على فيصل:لا كان رحت وراها بعد

فيصل باستغراب:ايش؟؟

اليازي:مدري عنك..شوي وبتاكلها بعيونك

فيصل ضحك بارتباك:والله انكم يالحريم عقولكم صغيرة

اليازي:حنا اجل الي عقولنا صغيرة

فيصل مسك يدها:انتي حياتي..مستحيل وحدة تاخذ مكانك...وبعدين انا قلت لك..لينة ماضي وانتهى

اليازي:بس هي جاية تشوفك

فيصل:مين قال...هي جاية تتمشى بس وتغير جو..انتي بس لا تشغلين بالك فيها...خلك معي وبس

اليازي ابتسمت:احبك

فيصل:وانا بعد احبك

*************************************

وقفت وهي تشوف الي قدامها ومو مصدقة....

سحر وهي تكلم نفسها((لا مستحيل....اكيد انا احلم....مستحيل يكون حقيقة))...

بدون ماتحس لقت نفسها واقفة جمبه وتناظر فيه....اول ماحسته بيلتفت لها سوت نفسها تبي تطلب أي شي...

تبي تتاكد اذا كان هو ولا احد ثاني...شي جواها يتمنى ان الشخص الي قدامها يكون الي في بالها...

انتبهت لما سمعت صوت زياد يناديها...

زياد حط يده على كتفها:سحر...شفيك؟؟..يلا بيبدا الفلم بعد شوي

هزت راسها وراحت معه...

ترك الجوال ورفع راسه اول ماسمع اسمها...معقولة هي...بس كيف؟؟....ليه لأ أي شي ممكن يصير....

يتمنى من كل قلبه انها تكون هي...في كلام كثير بقلبه يبي يقوله لها...

حس على نفسه وهو يسمع صوت صديقه عبد الله يناديه...

عبد الله وهو ياشر بيده على وجه وليد:هي وليد الو...سرحان بايش؟؟

ولد انتبه:ها...لا ولاشي...يلا مابدى الفلم؟؟

عبد الله:الا يالله نروح

مسك الكرسي المتحرك وبدى يدف وليد....

بعد الحادث الي صار....دخل وليد بغيبوبة...كان هو مع صديقه بالسيارة...مات صديقه وبقى هو...وبالحادث احترقت السيارة وماقدرو يفرقون الجثة اذا كانت لوليد او لصديقه...وليد احترقت رجله وماقدرو يعالجونها...فبتروها له والحين صار ملازم للكرسي المتحرك الي تعود عليه مع مرور الوقت...

************************************

فيصل:اليازي انتي وش تقولين...من جدك تبين العرس بعد اسبوع؟؟

اليازي:انا قلت اقل من اسبوع يعني نسوي كل شي بسرعة

فيصل:وليه مستعجله

اليازي((بعد ماشفت لينة وماتبيني استعجل بعد)):فيصل خلاص الي قلته سوه وخلاص

فيصل:لا فهميني أيش الي غير رايك فجأة كذا؟

اليازي تافف:يعني شنو ماراح تسوي الي قلتلك عليه

فيصل:خلاص روقي....مثل ماتبين بس هدي شوي

اليازي:انا هادية

فيصل:طيب لاتصارخين

اليازي بانفعال:مو قاعدة اصارخ...بس فيصل جد اذا تحبني..سوي الي ابيه

فيصل باس يدها:مثل ماتبين..انا كم يازي عندي

اليازي ابتسمت بهدوء((بنشوف يافيصل))...

***********************************
بالسينما...

زياد:سحر انتي بتجلسين على الطرف...وترف بالنص وانا على الطرف الثاني

ترف:لا مابي اجلس بالنص ابي اجلس مكانك

زياد:لا

ترف:الا

زياد:لا

سحر:يوه خلاص بلا حنه اجلسي انتي مكاني

زياد وهو يجلس سحر:ماعليك منها انتي اجلسي بس...وانتي(وهو يوجه كلامه لترف)...اجلسي بسرعة

ترف تاففت:جلست زين كذا

زياد ابتسم:كذا تعجبيني

سحر التفتت للجه الثانية..طفشت منهم من السيارة وهم بس يتناقرون زي الاطفال...

انتبهت للصوت مرة ثانية...التفتت لمصدر الصوت...

ماتدري ليه حست قلبها يدق بسرعة لما شافته...

سحر(اكيد هو..بس كيف...انا قريت اسمه))...

تاكدت لما سمعت صديقه يناديه...

عبد الله:وليد هنا مكانك...تبي تجلس على الطرف ولا بالنص؟؟

وليد:لا على الطرف

عبد الله:طيب

ساعده يقوم من الكرسي وجلسه على الكرسي العادي...

حطت يدها على فمها اول ماشافت الكرسي المتحرك...كيف ما انتبهت له اول مرة شافته فيها....

اول ماجلس التفت يمينه وشافها تناظره...

التقت عينها بعينه...ساكتين ويناظرون ببعض...كل واحد عنده للثاني كلام ومو عارف كيف يحكيه...كيف يقوله...كيف يوصله له...

بدى الفلم والهدوء ملى القاعة...وهم لسى يناظرون ببعض...

ماتدري ليه حست بالدموع تتجمع بعيونها...ماتدري...زعلانه عليه والاعلى نفسها والا على ايش او ايش...

بسبب هالانسان صار لها كل هاذا...تغيرت حياتها 180 درجة...لو ماعرفته ومش كان بيصير لها...

يمكن ماكانت تزوجت راكان ولاشافت الي شافته معه...ولا كان هاذا حالها الحين...

وهو...وش الي تغير بحاله...ماتتوقع تغير شي غير الكرسي الي قاعد عليه...ناس مثل كذا ماتحس ابد...

صدت عنه وجهت عيونها للشاشة وهي مو عارفة اصلا وش يصير بالفلم...الناس تضحك وتعلق وهي غارقة بهمومها...

تحس انها لما شافته...شريط حياتها مر قدامها...لحظة بلحظة وثانية بثانية ودقيقة بدقيقه...

نزلت دمعتها بدون ماتحس...مسحتها بسرعة قبل لا يلاحظها احد...

صحيح محد شافها بس كيف تخفي عنه وهو معلق عيونه عليها...

اكيد هاذي بسبته...وده يروح لها ويضمها ويهديها وياخذ الي بخاطرها...تذبحه تسوي فيه الي تبيه...بس مايشوف دموعها....

ندمان على كل الي سواه...كم مرةدعا ربه انه يشوفها ويقدر يتكلم معاها ويتاسف منها...لو يقدر يصلح الغلط الي سواه..يسوي الي تبيه...يبي يريح ضميره...

تعب من كثر ماغلط....يبي مرة وحدة يسوي شي صح...

بعد ماخلص الفلم...

خلص الفلم وهي جالسة مكانها...

ترف هزتها:سحر....سحر

سحر انتبهت:هلا

ترف:خلص الفلم

سحر:اها...طيب انزين

ترف:ههههه وشو الي انزين وطيب يلا بنوح نتغدى ميته جوع

سحر:لا انا ابي اروح السوق

ترف:يوه روحي لحالك انا جوعانه...وانت زياد

زياد:لا ترف نروح مع سحر اول وبعدين ناكل لاحقة على بطنك

ترف:لا مالي شغل وبعدين سحر بيبي عشان تخاف عليها ترا احنا بمجمع مو بالشارع

سحر:ايه زياد خلاص وديها تاكل وانا بشتري شي بسيط وبرعة وبجي على طول

زياد وهو عاقد حواجبه:متاكدة ماتبيني اجي معك

سحر:ايه عادي

زياد:على راحتك

طلعو من السنيما وراحو ترف وزياد عند المطاعم...

وسحر راحت للسوق...ماتبي تشتري شي...بس تحس انها تبي تجلس لحالها..

بهاذي اللحظة تمنت أي احد يكون جمبها...عشان ترتمي بحضنه وتبكي...

امها...لينة..حتى لو راكان...أي احد...محتاجة لأي احد..

وقفت لما شافته قدامها....رجعت خطوة لورى...ماتبي تتواجه معه ابد...

وليد بدى يدف الكرسي بسرعة لاعشان يوصل لها...

وليد:سحر...سحر لحظة تكفين

وقفت وعطته ظهرها...

وليد:لحظة تكفين..سحر انا....

سكت لما حس بيدها على خده وعطته كف....

سحر بانفعال بس بهمس:شتبي مني...خلاص روح..روح

مشت عنه بسرعة وراحت لعند المطاعم مكان ترف وزياد...

وقفت على الطاولة:زياد ابي اروح

زياد وقف:شفيك؟

سحر وهي كاتمة دموعها:تكفى رجعني الفندق...تعبانة

زياد:طيب طيب ..يلا ترف

ترف لما شافت وجه سحر الاحمر وعيونها الي مليانة دموع قامت معاهم بدون ولا كلمة...

ركبو السيارة والهدوء ملى المكان...

ترف وزياد قدام وسحر ورا....

زياد:بشغل الراديو يمكن تهدى اعصابك

ترف دزته وقالت بهمس:اقول ياليت تسكت...الي فيها كافيها

زياد بنفس نبرة ترف:هي وش فيها؟؟

ترف:مدري بس شكلها متضايقة مرة...شغل الراديو بس

شغل الردايو...واول ماسمعت سحر الاغنية تمنت لو انه خلاه مسكر...

الاغنية جت على الجرح...وماقدرت تخفي دموعها...غطت وجهها وسندت راسها على الكرسي...وتركت دموعها تسيل على راحتها...

[*****=FF0000 FF0000 FF0000 FF0000]بعلمي انتهينا ونسينا الي كان
افترقو ايدينا ماهدى

ليالي هوانا غمرها النسيان
هوانا لا صوت ولا صدى

شوجاي تخبرني من بعد الي صار
شوجاي تخبرني لما انتهى المشوار

شو بدي احكي لك عني بتحكي لك
عن قلبي الي صاير على اخر روح

روح حبيبي روح شو بدك فيي نساني تركني بحالي
ياحبيبي روح بيكفي جروح انا كنت نسيتك شلي جابك ع بالي

حاجه ترجعني للماضي الي راح
مضينا الي راح انتسا

خلي حبيبي بالقلب مرتاح
بيكفي عذاب واسى

ياعايش بروحي وتاركني وحيد
بتفيقلي جروحي من اول وجديد

انا ضايع من حالي نسيني اليالي
وانساني كرمالي ياحبيب الروح

روح حبيبي روح شو بدك فيي نساني تركني بحالي
ياحبيبي روح بيكفي جروح انا كنت نسيتك شلي جابك ع بالي[/*****] ***************************************

بعد اسبوع...

ترف وهي تجهز اغراضها بالشنطة:لينة

لينة:هلا

ترف:تروحين معي السوق اليوم

لينة:لا...((شلون تبيني اروح واليوم عرس فيصل))...

ترف:طيب في اغراض ابي اشتريها قبل لا نرجع...مين بيروح معاي

لينة:روحي مع زياد

ترف:لا وشو زياد انتي بعد ابي بنت طفشت من وجهه

لينة:خلاص روحي مع سحر

ترف:سحر مدري وش فيها من يوم مارجعنا من السينما ذاك اليوم وهي قالبه وجهها ونفسيتها زفت

لينة:ليه وش فيها؟؟

ترف رفعت كتوفها:مدري...خلاص بروح اسالها اذا بتروح معي ولا لا

ترف وهي مبتسمة:تصدقين عاد انا دايم اقول ان اكثر وحدة من خواتي احبها هي سحر

سحر:خلصيني وش تبين

ترف ابتسمت:بعد اختي فاهمتني

سحر:خلصيني

ترف ابيك تروحين معي

سحر وين؟؟

ترف:السوق...(قالت قبل لاترد)....تكفين بجيب شي بسرعة وبرجع ما ياخذ ربع ساعة وبعدين المجمع هنا قريب

سحر:طيب خلاص جيبي عبايتي

ترف نطت على السرير وباستها:الله يخليك لي

سحر ابتسمت:ويخليك لي بس فكي عني لا اهون

ترف:لا وش تهونين انا ماصدقت ترضين...دوم هالابتسامة...صدقيني مافي شي يستاهل تزعلين عشانه واذا كان راكان السبب ترى كل العايلة كذا متخصصين ينكدون على الناس حتى زياد وعمي....اساليني انا خبرة معاهم

سحر:هههههههه

*************************************

وقفت وهي تحس بقهر مو طبيعي...

فيصل بيتزوج اليوم...لا وبكل وقاحة من اليازي راسلة لها بطاقة دعوة...

لينة بحقد:غلطة عمرك يا اليازي لما فكرتي ترسلين لي الدعوة...انتي لس ماتعرفين لينة الماسي وش تقدر تسوي

رمت الدعوة على السرير وهي تفكر وش ممكن تسوي عشان تخرب العرس...

بس وقفت للحطة تفكر...وش بتستفيد لو سوت كل هاذا....اذا كانت فعلا تحب فيصل المفروض تخليه يعيش حياته مع الانسانة الي اختارها....

ومن يدري...يمكن هو يحبها...

اخذت نفس تهدى وتفكر شوي...الي تسويه غلط....فيصل احترم رغبتها لما طلبت منه يروح ويبعد عن حياتها...ليه هي تجي الحين وتخرب عليه....

اليوم اخر يوم لها في الامارات...طيارتهم الساعة 10 باليل...والعرس راح يبدى 8 ونص تقريبا...

لازم تبين لنفسها انها مقتنعة بفكرة زواج فيصل...لازم تخليه يعيش حياته مثل ماهي عاشت حياتها مع تركي...

تركي...كيف نسته...كيف قدرت تسوي كل هاذا...والولد الي ببطنها..كيف نسته بعد...هاذا ولد تركي...

لهاذي الدرجة الغيرة عمت قلبها وماصارت تحس بشي...ولا تحس ان تصرافاتها غلط بغلط...لازم تصلح كل الي سوته...وتبين لفيصل انها راضية على زواجه ومو زعلانة...حتى لو كان الي تبيه العكس....

************************************

بلبنان...

اسيل:وان شاء الله متى الخطبة؟؟

ابرار:سامي يقول يبي ينتظر زياد

اسيل:ليه زياد وينه؟؟

ابرار:يوه ما تدرين انهم سافرو

اسيل:ايه صح...طيب وهم متى بيرجعون؟؟

ابرار:اليوم

اسيل:طيب وش تنتظرون العرس بعد اسبوع

ابرار:خطوبة مو عرس وبعدين مابي...انا افكر نسوي خطبتنا انا وترف بيوم لو وافقت عشان ماتتعبين نفسك بالروحة والجية

اسيل:لا والله...تبين تسوين نفسك مهتمة فيني يعني

ابرار:الشره مو عليك علي انا الي افكر فيك

اسيل:طيب خلاص اعصابك...واذا ترف ما وافقت مع انعا بتوافق

ابرار:خلاص اذا ماوافقت بسويها بعد اسبوع

اسيل بتردد:ممم طيب ومحمد؟؟

ابرار:محمد؟؟...شفيه؟

اسيل:ممم بيحضر الخطوبة؟

ابرار:تستهبلين انتي...اكيد بيجي

اسيل:اها...طيب

ابرار:وشو الي طيب...تفكرين تتصالحين معه؟؟

اسيل:لا انا ماقلت كذا

ابرار:اجل؟؟

اسيل:انا قلت طيب

ابرار:انزين نشوف بعدين...المثل يقول الي بالقدر يطلعه الملاس

اسيل:وش قصدك؟؟

ابرار:انتي تعالي الخطوبة وبعدين يصير خير

*************************************

بالمجمع...

سحر ماشية وتتلفت حولها...ماتدري ليه صايرة متوترة هاليومين...

معقولة وليد لهاذي الدرجة شاغلها وتفكر فيه...معقولة تكون للحين تحبه...

نفضت هالافكار من راسها...مستحيل تفكر فيه بهاذيك الطريقة او بهاذاك الشكل الي كانت تشوفه فيه...

ترف هزتها:اقول سحر

سخر:نعم

ترف:وش رايك بهاذي البلوزة

سحر:تجنن

ترف:كنت عارفة بس قلت اسالك

دخلت ترف للمحل وسحر وقفت عند الباب تناظر بالملابس...

ماحست الا بصوت وراها...

وليد:سحر

التفتت تشوف مين....وقفت لما شافته...تقدمت للمحل بسرعة بدون ماتقول ولا كلمة....

وليد:تكفين انتظري...سحر تكفين

وقفت وخذت نفس...التفتت عليه وهي تحاول تمنع دموعها تنزل...

سحر:نعم

وليد:كيفك؟؟

سحر:شتبي؟؟

وليد بهدوء:انا اسف

سحر:على ايش بالضبط

وليد:على كل شي...وربي يا سحر اني ندمان ودي اصلح غلطي...وابيك تسامحيني

سحر:صعب

تركته ودخلت للمحل...

دخل وراها للمحل وقف وراها....

وليد:طيب ممكن نتفاهم....طيب طالعيني على الاقل...ادري انك زعلانة بس وربي....

سحر قاطعته وقالت بهمس وقهر:زعلانة....تفتكر الي احس فيه والي خليتني فيه اسمه زعل؟؟

وليد:ممكن نتفاهم؟

سحر:على شنو...مابيني وبين شي عشان نتفاهم عليه

وليد:تكفين بس نص ساعة ابي اقولك شي مهم

سحر رفعت حاجبها:ومحدد الوقت بعد

وليد:خذي الوقت الي تبينه...بس ابي اكلمك...عطيني فرصة اقول لك الي بقلبي

سحر:اذا بتلعب علي مرة ثانية ومفكر اني بصدقك فانت علطان

وليد:سحر وربي كل الي بقوله صدق...بس انتي عطيني فرصة

سحر تاففت:اوكي ربع ساعة بس ويمكن تنقص بعد

وليد ابتسم:اوكي... الحين؟

سحر:لا الحين معاي اختي بعدين

وليد:متى انتي طيارتك اليوم

سحر طالعته باستغراب:ما شاء الله وعارف كل شي بعد

وليد:ايه الي يهمني امره احب اعرف عنه كل شي

سحر اخذت نفس...حست بارتباك من كلمته...بس مسكت نفسها...

سحر ابتسمت:وماعرفت بعد اني تزوجت واني احب زوجي

وليد باستغراب وهدوء:تزوجتي؟؟

سحر:ايه..ليه مستغرب...كنت مفكر انك بعد مارميتني محد بياخذني

وليد:لا...انا ماقلت كذا بس....

سحر:عموما هاذا مو موضوعنا....اشوفك الساعة 4....باي

سحبت بلوزة قدامها وراحت عند ترف...

ترف انتبهت لها:بسم الله انتي من وين طلعتي...صارلي ساعة ادور عليك وين كنتي

سحر بهدوء:قريب...المهم اني جيت..خلصتي؟؟

ترف:ايه

سحر:طيب يلا نطلع

ترف:يلا

**********************************

جالس يرتب ملابسه بالشنطة....بس باله مشغول على سحر...

من يوم مارجعو من المجمع هاذاك اليوم وهي مش على بعضها...

بالتحديد من يوم ماكانو بالسنما وشافت هاذاك الرجال....

مين هو؟؟...معقولة في شي بينه وبين سحر؟؟....

نفض هالافكار من راسه...كيف يفكر كذا ببنت عمه وزوجة اخوه...

زياد تنهد:عموما احنا اليوم راجعين وان شاء الله كل شي بيرجع زي اول وبدون أي مشاكل

*********************************

بالمجمع...

دخلت للمطعم وقفت عند الباب....

ضغطت على شنطتها بقوة...تحس نبضات قلبها تدق بقوة مش طبيعية...

تحس بالذنب من الي تسويه...راكان بالشرقية ينتظرها...زوهي هنا تقابل وليد....

بس هي جاية بس عشان تعرف وش يبي منها مو عشان شي ثاني...

سحر تنهدت(انتي تكذبين على مين...الي تسوينه غلط....واكبر غلط))....

رجعت كم خطوة لورى ولفت وجهها عشان تروح...وقفت لما شافت وليد....

وليد ابتسم:كنتي بتروحين ولا توك جاية؟؟

سحر بارتباك:لا...ك...اقصد توني جاية

وليد:طيب تفضلي

مشت قدامه وهي تسال نفسها...ليه قالت له كذا؟؟...ليه ماقالت له الحقيقة...

جلست على الكرسي وحطت الشنطة على الطاولة...

سحر:هاذاني جيت...وش تبي؟؟

وليد:طيب ليه مستعجلة كذا؟؟...خلينا نشرب شي

سحر وقفت:احنا لسى بنشرب شي...لا اجل ما اعطلك باي

وليد مسك يدها:لحظة

سحر سحبت يدها بسرعة وبخوف...

وليد عقد حواجبه وهو يشوف نظرة الخوف بعيونها..

سحر تنحنحت وقالت بارتباك:لا تلمسني

وليد:طيب اهدي..ممكن تجلسين

سحر اخذت نفس وجلست بهدوء:هاذاني جلست بس خلص بسرعة لني مشغولة

وليد:مشغولة بايش؟؟

سحر:مالك شغل اخلص عاد

وليد:سحر

سحربملل:اوف..خير؟؟

وليد بهدوء:تحبينه؟؟

سحر باستغراب:مين قصدك؟؟

وليد:زوجك؟؟..تحبينه؟؟

سكتت وماعرفت وش تقول..سؤاله جاها على الجرح...هي مو عارفة اذا كانت تحب راكان او لا...شلون بتجاوب وليد....

سحر:وانت جايبني هنا عشان تقولي كذا؟؟

وليد تنهد:معاك حق...انا مالي حق اسال..بس جاوبيني تكفين

سحر:ايه...احبه

وليد طالع بعيونها...يبي يتاكد من كلامها اذا كان صح اوكذب...

وليد:ممكن اطلب منك طلب

سحر:شنو؟؟

وليد:سامحيني

سحر:على ايش بالضبط؟؟

وليد:على كل شي يا سحر..زوربي انا ندمان ومو عارف ايش اسوي..كل ليلة اتعذب وانا اتخيل شكلك قدامي...احس ذنبك سكين تقطعني...سلاسل تقيدني...تكفين حسي فيني

سحر:وانت ليه ماحسيت فيني...لما جيتك لحد عندك وترجيتك...تتذكر وش سويت وقتها

وليد:سحر...ترى الي فات مات..وربي انا ندمان..ومستعد اسوي أي شي بس عشان تسامحيني وترتاحين

سحر:لو تبيني ارتاح جد...روح من هنا ولا توريني وجهك مرة ثانية

وليد:لك الي تبينه...بس سامحيني

سحر:انا مسامحتك...ماراح استفيد شي من عذابك...بس روح

****************************************

باليل الساعة 9:30 ....

اليازي جالسة قدام المراية وتناظر نفسها....مو مصدقة ان اليوم زواجها هي وفيصل...

حلم وصار حقيقة...من متى وهي تنتظر هاذا اليوم..واخيرا جا...

سمعت صوت دق على الباب...

اليازي:تفضل

انتبهت للينة واقفة عند الباب...

اليازي باستغراب:لينة؟؟

لينة ابتسمت بهدوء:مبروك

اليازي طالعت المراية:الله يبارك فيك

لينة تقدمت ومدت لها كيس...

اليازي اخذته:ايش هاذا؟؟

لينة:هدية بسيطة...اليوم برجع للشرقية وماحبيت ارجع قبل لا ابارك لك....(قالت وهي تحس العبرة خانقتها)...ولفيصل

اليازي:تسلمين ماكان لها داعي تعبتي نفسك

اليازي حطت الهدية على الطاولة جمب صورة فيصل الي طاحت..

لينة:انا بجيبها

رفعت الصورة وانتبهت انها صورة فيصل...

دمعت عيونها اول ما شافتها...كيف بتتركه هنا وتخليه يتزوج وحدة غيرها....

حطت الصورت على الطاولة وقاتت بانفعال..

لينة:انتي مفكرة ان فيصل يحبك ولا ماخذك عشان جمالك

اليازي:انتي شفيك؟؟

لينة:انا ولا انتي....انتي وش تبين منه بالضبط...انتي اصلا ما تحبينه

اليازي وقفت:اطلعي برة

لينة:انا بطلع بس ابيك تفهمين ان فيصل ما يبي يتزوجك لانه يبحك لا...لان فيصل يحبني انا انا وبس فاهمة...تلقينه بياخذك لانك كاسرة خاطره ولا عشان فلوس ابوك

اليازي بكت:قلت لك اطلعي برة...

دخل فيصل بعد ماسمع الصراخ...

فيصل باستغراب:شسالفة؟؟

وقف لما انتبه للينة....

فيصل:لينه؟؟

اليازي وهي تبكي:فيصل...قولي انت تحبها ولا تحبني؟؟

فيصل التفت على اليازي:ليه تقولين كذا

لينة:ايوه فيصل قول لها انت تحب مين بالضبط

فيصل وقف ومو عارف ايش يقول او ايش يسوي...هاذولا شفيهم...فاجاوه بسؤالهم...

********************************

الساعة 10وتحديدا بالمطار....

جالسين بقاعة الانتظار وينتظرون الطيارة....

(النداء الاخير للرحلة رقم ********)..والمتجهة الى المملكة العربية السعودية...

زياد وقف وقال بانفعال:خواتك ذولا بذبحهم وينهم؟؟

ترف:والله ما ادري ادق عليهم ولا يردون

زياد:قلت لك ننتظرهم بالفندق قلتي لا بيجون...عاجبك كذا

ترف بصراخ:الحين صرت انا الغلطانة

زياد بنفس النبرة:اكيد يعني مين غيرك

ترف وقفت بعصبية...انتبهت لسحر الي جت...

تركت زياد وراحت عندها.....

ترف:سحر...وين لينة؟؟

سحر:ليه هي مو معاكم

ترف:حلو الحين زياد بيحط كل شي على راسي

لينة مسكت كتف سحر:اسفة ع التاخير

ترف:اقول مو وقتك الحين يلا بسرعة بتروح عننا الطيارة

زياد:مابغيتو تشرفون....وين كنتو؟؟

ترف:زياد الحين خلنا نلحق على الطيارة وبعدين يصير خير

زياد تنهد:طيب...يلا بسرعة

ركبو الطيارة وجلس كل واحد بمكانه...

بعد ما طارت الطيارة وعم الهدوء المكان....

التفتت على النافذة وحطت راسها عليها....خلاص..خلص كل شي...

لازم ترجع وتبدى بداية جديدة...وتنسى كل الماضي...بداية جديدة مع راكان....

لينة...

جالسة وحاطة يدها على بطنها...حست بدمعتها بتنزل على خدها..

لينة(ليه يافيصل...ليه تبيعني كذا...وعشان مين..عشان وحدة لا راحت ولا جت))....

تنهدت بتعب وهي تناظر ببطنها)) سامحني..او سامحيني...ادري تهورت وتسرعت...ماكان لازم اسوي كذا..انا الغلطانة))...

لازم تنساه زي مانساها...وتعيش لنفسها ولطفلها وبس...محد بالدنيا راح يحبها كثر بنتها او ولدها الي حامل فيه....

زياد التفت على ترف....

زياد:اقول توتو

ترف:خير

زياد عقد حواجبه:شفيك؟؟

ترف:ولا شي بس لايعة كبدي

زياد:ههههه ليه؟؟

ترف:اسكت بس

زياد:اقول ترف...ليكون لايعة كبدك مني؟؟

ترف:عليك نور

زياد:افا ليه؟؟

ترف:كذا...كيفي عندك مانع

زياد:لا على راحتك بس بغيت اقول لك شي

ترف:شنو؟؟

زياد:ممم..طبعا حنا كنا بدبي عشان تفكرين يموضوع الخطبة صح

ترف:وانت تخلي الوحدة تفكر...لازق لي 24 ساعة

زياد:اجل تبيني اخليك بلحالك

ترف:ايه فك عني

زياد:طيب جاوبيني اول وبعدين بخليك زي ما تبين

ترف:اول مانوصل الشرقية على خير بقول لك اوكي

زياد:تبيني انتظر لحدد مانوصل هناك

ترف:اوف زياد خلاص قلت لك اول ما نرجع..وبعدين صبرت كل هالمدة ماراح تصبر نص ساعة

زياد رجع راسه وسنده على الكرسي:نص ساعة نص ساعة....مو مشكلة

************************************

بلبنان...

اسيل جالسة وترتب شنطتها...

دخلت امها وقفت عند الباب....

ام اسيل:اسيل...شو عم تعملي؟؟...وين بديك تفلي؟؟

اسيل:برجع السعودية

ام اسيل:ليه؟؟

اسيل:بروح اشوف ابوي

ام اسيل رفعت حاجبها وقالت باستهزاء:ابوكي...هلأ افتكرتي انو عنديك اب

اسيل:يوه عاد يما انا بروح وخلاص

ام اسيل:ايه روحي شو دخلني انا..بس ماترجعيلي بعدين وتبكي وتاولي ابي عمل هيك وقال هيك ومابعرف شو

اسيل:تطمني....اصلا ابوي بالمستشفى

ام اسيل باستغراب:شو بيعميل بالمشفى؟؟

اسيل:ليه انتي ماتعرفين

ام اسيل:مابعرف شو؟؟

اسيل:ابوي بالمستشفى وهو مشلول الحين

ام اسيل:شو؟؟

اسيل:وخسر كل فلوسه

ام اسيل:خسر مصرياتو؟؟

اسيل:ايه الحقيرة الي كان متزوجها هي الي اخذت منه كل شي

ام اسيل جلست وهي مصدومة:معقولي....سعود تنسرق مصرياتو..ومن وحدي

اسيل:شفتي شلون

ام اسيل وقفت:طيب اوكي هلأ انتي ضبي اغراضيك وروحي لابوكي...كم بديك تأعدي ههونيك؟؟

اسيل:ماراح اطول...اسبوع بس

ام اسيل وهي تطلع من الغرفة:لا خدي راحتيك...شهر بتوقع بيكفي

اسيل عقدت حواجبها:شهر؟؟...شنو تبين الفكة مني

ام اسيل((هيك شي)):هههههه شو اصديك بس يعني انتي من زمان ماشفتي ابوكي ولا بنات عميك

اسيل:ايه معاك حق خلاص بجلس شهر

ام اسيل((بيكون احسن لو ماترجعي...شو بدي فيكي بعد ماخسر ابوكي كل مصرياتو))....

**************************************
بالشرقية...

اول مادخلت رمت الشنطة على الارض....

راحت عند اقرب كرسي ورمت نفسها بتعب...

لينة:انا تعبانة بروح انام

سحر:تصبحين على خير

لينة:وانتي من اهله

سحر رفعت حاجبها:زياد

زياد:نعم

سحر:مطول هنا...ترى نبي ننام

زياد:روحي نامي ماسكك انا

سحر:لا والله

زياد:اوف طيب بس لحظة شوي بكلم ترف وبعدين بروح

سحر وهي تركب الدرج:طيب بس لا تطول...بروح ارتب اغراضي وبرجع لو شفتك هنا ياويلك مني

زياد:ان شاء الله عمتي

راحت لغرفتها وزياد جلس جمب ترف..

ترف التفتت له وهي مسنده راسها على الكرسي:شنو تبي تقولي؟؟

زياد:اظن انك قلتي لي بتردين علي اول مانرجع

ترف وهي توقف:يوه زياد..والله تعبانة وابي انام

زياد سحبها ورجع جلسها:لا..ماتروحين من هنا الا لما تقولين لي وش قررتي

ترف:اوف منك زياد...يعني تسوي نفسك ماتعرف

زياد:اعرف وشو؟؟

ترف بهدوء:طبعا موافقة

باسته من خده وقالت بهدوء:تصبح على خير

ركبت الدرج بهدوء....وقفت بنص الدرج والالتفتت له...

ترف:اقول...لا تطول هنا روح قبل لا تجي سحر وتسوي لك سالفة

زياد وقف وهو حاط يده على خده الي باسته....

ابتسم بهدوء:وانتي من اهله

*******************************

دخلت غرفتها بهدوء...كان الظلام مالي المكان...

استغربت لما حست ان الجو بارد...معقولة نست تطفي المكيف قبل لا يسافرون...

فتحت النور وقفت مكانها اول ما شافت راكان نايم على سريرها...

حطت الشنطة على الارض بهدوء وطفت النور القوي..وخلت نور الابجورة بس....

ضحكت بهدوء على شكله وهو نايم...شكله تعبان مرة...نايم ومو حاسس بشي..

جلست بجمبه بهدوء وظلت تناظر فيه...بهاذي اللحظة بس تمنت ان الوقت يوقف...وتظل كذا تناظر فيه وهو مو حاس...

مدت يدها وبدت تلعب بشعره بهدوء...

شالت يدها اول ماحست فيه بدى يتحرك...

راكان فتح عينه وشافها قدامه..بالاول استغرب وجودها وظن نفسه يتخيل...بس بعدين استوعب...

راكان وهو يرجع شعره لورى:سحر؟

سحر ابتسمت:هلا

راكان:متى جيتو؟؟

سحر:تونا قبل شوي

راكان:الحمد الله على السلامة

سحر:الله يسلمك

راكان:اشتقت لك

سحر بدون ماتحس وبجراة منها مسكت يده...حتى راكان استغرب من ردة فعلها...

سحر:وانا بعد...اشتقت لك موت

راكان فتح عينه باستغراب....معقولة جت من السفر وقالت له اشتقت لك...وهي سافرت لما قال لها احبك....

سحر:ههه شفيك تطالعني كذا؟؟

راكان:لا...بس..مستغرب

سحر:عشان قلت لك اشتقت لك موت

راكان هز راسه بدون ولا كلمة...

سحر قربت منه:اجل وش بتقول لما اقول لك...اني احبك

راكان:ايش؟؟

سحر:الي سمعته....انا احبك...احبك

راكان:وانا وربي احبك موت

************************************

بعد 4 شهور...

ترف جالسة بالصالة وتكتب اسامي الي بتعزمهم بحفلة الخطوبة...

اخيرا تحقق حلمها...مو مصدقة انها بتنخطب لزياد...اخيرا قرر يتحرك ويبدى بخطوة جديدة...

ابتسمت وهي تشوفه يكلم باجوال...

ترف((الله لا يحرمني منك))...

انتبهت عليه وهو يطالعها...رد لها الابتسامة وعطاها بوسة...ترف نزلت راسها وهي تبتسم بخجل وبدت تكتب مرة ثانية...
سمعت صوت صراخ من زمان ماسمعته واشتاقت له...صار لها فترة من جتهم.. قررت تجلس معهم اطول مدة لحد ما تخلص خطوبة ترف...وخطوبة ابرار بعد....

اسيل بدفاشة وهي تبوس ترف بقوة على خدها:صباح الخير

ترف ابتسمت:صباح النور...بس وطي صوتك شوي ازعجتيني

اسيل دفتها:ياي..جتني سحر الثانية

سحر وهي نازلة من الدرج:ترى سمعتك...وش فيها سحر

اسيل:حياتي مافيها الا العافية...اقول ترف

ترف:هلا

اسيل:مو ملاحظة شي على سحر

ترف:شي زي ايش؟؟

سحر:ليه ايش في؟؟

اسيل:مم..مدري بس كانك...لاحظي اني اقول كانك...شوي سمنانة

ترف رمت القلم على الطاولة:ايه والله حتى انا لاحظت بس قلت يمكن اتوهم

سحر:لا انا مو سمنانة ولا شي

اسيل:طيب شفيك انا قلت كانك

سحر:طيب

وقفت عند المراية وناظرت بشكلها....معقولة سمنت؟؟...

سحر((لا ما اتوقع...اصلا لو سمنانة كان راكان قال لي))...

حست باحد مسك خصرها وباسها...التفتت وشافت راكان...

سحر ابتسمت:حبيبي متى جيت؟؟

راكان:توني الحين

سحر:شنو قالو الدكاترة عن حالة عمي...مافي امل؟؟

راكان تنهد:مافي غير العلاج الطبيعي...ان شاء الله يجيب نتيجة

سحر:ان شاء الله...ممم اقول راكان

راكان:ياعيونه

سحر:انا سمنت؟؟

راكان:ليه تقولين كذا؟؟

سحر:مدري اسيل وترف يقولون

راكان وهو يناظرها:ما ادري..يمكن شوي

سحر:لا والله

راكان:ههههههه انا اقول يمكن

سحر ضربته:ابعد بس

نزلت لينة من الدرج وهي تحس نفسها بيغمى عليها...

لينة بتعب:س...سحر....سحر

راكان وهو يكلم سحر:سوسو حبيبتي لا تزعلين...طيب خلاص مو سمينة ولاشي

سحر:لا تحاول...بايخ

راكان:ههههههههههه طيب مافي شي يزعل كلنا نسمن

سحربقهر:اقول لك ابعد

لينة:سحر..(صرخت باقوى ما عندها)...سحر

كل الي بالبيت التفتو....

سحر انتبهت على شكل لينة التعبان:لينة شفيك؟؟

لينة وهي ماسكة بحافة السور حق الدرج وشادة عليه باقوى ما عندها:تعبانة..ابي اروح الدكتور...احس اني بولد الحين

سحر:ايش؟؟

راكان:ما سمعتيها يلا بسرعة روحي جيبي عبايتها

سحر وقفت مكانها ومو عارفة ايش تسوي....

راكان صرخ:يلا

سحر هزت راسها:طيب

ركضت لفوق بسرعة....

راكان مسك لينة وسندها عليه:يلا بسرعة

راح وركبها السيارة وبعد ثواني نزلت سحر وراحت معاهم....

اسيل وهي تكلم زياد:وانت ليه واقف...يلا تحرك

زياد:شسوي؟؟

اسيل:ياويلي انا انت شنو ما تحس...يلا ودنا اختي بتولد

زياد:اوديكم وين؟؟

اسيل:المطعم....يعني وين اكيد المستشفى

قالت وهي توجه كلامها لترف:انا مدري شلون بتاخذين هالدلخ ذا

قالت كلمتها وراحت تجيب عبايتها....

زياد التفت على ترف الي تضحك...

زياد:تضحكين بعد

ترف:هههههههههه والله انها صادقة...طيب ليه واقف يلا روح شغل السيارة

زياد:سواق ابوك انا

ترف:روح يلا

زياد:امرك

********************************

باليل...

البيت امتلى معازيم...صوت الاغاني مالي المكان...الكل فرحان ومبسوط...

ماشية بفستانها الاصفر القصير...خلته واسع شوي عشان الحمل..رجعت شعرها لورى وهي تمشي بغرور كالعادة...من زمان ما فرحو بهالبيت..بس الكل يتمنى ان من اليوم يبدون بداية جديدة...

لينة بفستانها البنفسجي وهي شايلة تركي بين يدينها...تسلم على المعازيم والي انبسطو على تركي اول ما شافوه...

بغرفة ترف كان الجو غير...توتر وخوف...ترف من جهة وابرار من جهة ثانية...قررو يسون خطوبتهم بيوم واحد عشان تكون الفرحة فرحتين...

اسيل وهي تهدي فيهم:انتو الحين ليه كل هالخوف هاذا..وش بيصير يعني بياكلونكم...بعدين هاذي خطبه بس...جد ما عندكم سالفة

ابرار:شف مين يتكلم بس...بلاك ماشفتي نفسك يوم كانت خطبتك على محمد وش سويتي

ترف دفت ابرار يعني اسكتي...ابرار عضت على شفايفها...كيف تقول كذا وهي تعرف ان اسيل تتحسس من هاذا الموضوع...

اسيل شربت الببسي الي بيدها وسوت نفسها ان الموضوع ما اثر فيها...

اسيل:خلصو بسرعة يلا...المعازيم من زمان جاين

ابرار وقفت وراحت عند اسيل:اسيل والله مو قدصي اقول كذا...هي بس طلعت كذا..والله اسفة

اسيل:هي انتي شفيك..مين قال اني زعلانة..بالعكس.انا اليوم قررت اكلم محمد

ابرار ابتسمت:يعني بترجعون لبعض؟؟

اسيل:ان شاء الله

ابرار باست اسيل باقوى ما عندها:ان شاء الله ياقلبي

اسيل:قلبك خليه لزوجك ما ابيه

ابرار:هههههههه اقول انطمي بس

************************************

عند الرجال....

راكان وهو يسلم على زياد:مبروك

زياد ابتسم:الله يبارك فيك

راكان التفت على سامي:مبروك

سامي:الله يبارك فيك..نسيت اباركلك على الولد الجاي ان شاء الله

راكان ابتسم:الله يبارك فيك

رن جوال زياد...

زياد وقف وطلع برة:الو

......:اهلين

زياد:هلا

......:معي الاستاز زياد؟؟

زياد:ايه مين معاي؟؟

.........:انا دكتور في مستشفى ال....... ببيروت

زياد:ببيروت؟؟...شسالفة؟؟

الدكتور:ممكن احكي معك شوي

زياد:تفضل

الدكتور:انت بتعرف انسي اسما بتول خالد ال......

زياد استغرب:ايه بس ليه؟؟

الدكتور:والله الانسي بتول صار معا حاديس وهي هلأ تعباني كتير ويمكن تموت باي لحزي نحنا حاولنا نسعفا كتير وتجاوبيت للعلاج بس فجاءة تدهوريت حالتا الصحي وهي طالبي تشوفك قبل لا تموت

زياد مو مستوعب:تموت؟؟

الدكتور:ياليت تجي باسرع وقت ازا ممكن تجي اليلي

زياد:اليلة؟؟

الدكتور:هي ممكن تموت باي لحزي واضح انك غالي عليها كتير مشان هيك بدنا ياك تجي وتحقق الا اخر طلب قبل ما تموت

زياد:اوكي خلاص

الدكتور:بننتزرك

سكر الجوال وقف لثواني يستوعب الي صار...مو مصدق الي سمعه...كل شي صار بسرعة كذا...معقولة بتول بتموت....وتبي تشوفه قبل لا يموت....

حس بيد احد على كتفه...التفت وكان راكان....

راكان:شفيك؟؟

زياد:ها...لا ولاشي

راكان:مين كلمك؟؟

زياد:لا محد....يلا ندخل

**************************************

داخل البيت...

سحر وهي توجه كلامها للينة:متى بتنزل ترف؟؟

لينة:اسيل تقول بتخلص بعد شوي...بس ابرار بتنزل اول وبعدين هي

سحر:لا مايصير...لازم ترف الاول

لينة:شنو بتفرق يعني؟؟

سحر:تفرق واجد...انتي بس اسمعي كلامي وخليها تنزل اول

لينة تنهدت:طيب

اخذت جوالها ودقت على اسيل عشان تقول لها...

انطفت الانوار وتوجهت كل الانظار على الدرج....مكان ماراح تنزل ترف وابرار..

نزلت ترف بفستانها البينك الطويل وفيه شريطة بيضا من الحرير...
وبجمبها ابرار بفستانها الاورنج والفوشي...

نزلو على اغنية راشد الماجد...

[*****=FF0000 FF0000 FF0000 FF0000]بحط قلبي بين ايدينك هدية واقول لك كل عام وانت حبيبي
الله لا يغير عليك وعليه ياجعل قلبك دوم حظي ونصيبي

قلبي خذيته لاكن انه شويه تستاهل اكثر يادواي وطبيبي
اموت فيك وادري تموت انت فيه محال ظنك في هوانا يخيبي

يحفظك ربي طول الايام لي تبقى حبيبي ومن عيوني قريبي
ليت السنين تكون مثلك وفييه ولا تاخذك مني وعني تغيبي

بحط قلبي بين ايدينك هدية واقول لك كل عام وانت حبيبي
الله لا يغير عليك وعليه ياجعل قلبك دوم حظي ونصيبي[/*****]
الاغنية ذكرتها بمحمد...اشتاقت له كثير...لازم تتكلم معاه...
بس اذا كان هو ما يبغاها....او نساها...مو مهم اهم شي هي تكلمه وبعدين يصير خير...

طلعت برة بدون محد يحس فيها..طلعت جوالها عشان تكلم محمد...

بس تفاجئت لما شافته واقف برة ومطلع جواله...معقولة كان يبي يدق عليها...

اسيل بتردد:م....محمد

اول ما سمع صوتها رفع راسه...دخل الجوال بجيبه من الارتباك...

محمد:..ه..هلا اسيل

اسيل تقدمت لعنده:كيفك؟؟

محمد:بخير...وانتي؟؟

اسيل:بخير....مم...محمد ممكن اكلمك شوي

محمد:اوكي

اسيل وهي تلعب باصابعها بتوتر...مو عارفة ايش تقول له..

محمد:اسيل...شفيك؟؟

اسيل رفعت راسها:ممم...لا بس كنت ابي اسلم عليك واشوفك بس

محمد:تشوفيني؟؟....ليه؟؟

اسيل:ليه ابي اشوفك؟؟...يعني ماتعرف

محمد تنهد:اسيل اسمعيني...انا تعبت كثير لما انتي سافرتي...اشتقت لك..رحت لعندك بس تذكرين انتي وش سويتي

اسيل:محمد انا ماهربت منك...انا كنت....

محمد:اسيل خلاص...هالكلام ماعاد يعنيني الحين...انتي الحين بالنسبة لي...مجرد وحدة كانت زميلة بالشغل وبس

اسيل:وحدة؟؟...انا مجرد وحدة كنت زميلة

محمد لف وجهه:ايه

حست ان الدمعه واقفة بعينها...مقهورة منه...بعد كل هاذا ويقول كنتي مجرد زميلة...

اسيل هزت راسها بهدوء:اوكي....عن اذنك

توجهت للباب عشان تدخل...بس وقفت للحظة وكانها تذكرت شي...
التفتت عليه مرة ثانية وتقدمت له...

اسيل:ايه صح...نسيت اعطيك شي

محمد باستغراب:ايش؟؟

رجعت شعرها على الجنب وشالت السلسال الي لابسته...

اسيل:تفضل

محمد استغرب:ايش هاذا؟؟

اسيل مسكت يده وحطت السلسال فيه....

طالعت فيه والدموع بعيونها:مجرد ماضي

تركته وراحت عنه...وتوجهت للباب...

فتح يده عشان يشوف وش حطت فيها..

انصدم اول ماشاف السلسال الي هو اعطاها لها...الي مكتوب عليها اسمه..بس هي وعدته انها ما تشيلها..معنا كذا انهم خلاص افترقو على طول ومستحيل يرجعون لبعض...

ضغط على السلسال بقوة.....

محمد:وش كنت تتوقع يعني..تقول لها كل هالكلام وتظل تحبك بعد....انا الغبي ياليتني سمعتها لين الاخر...مو يمكن انا ظالمها...

*************************************

باليل بعد ما خلصت الحفلة...

ترف جالسة جمب زياد وتناظر فيه...شكله مو عاجبها من يوم الحفلة وهو سرحان وباله مشغول..بس بايش ماتعرف وهاذا الي تبي تعرفه...

ترف:زياد

زياد التفت لها وابتسم:هلا حبيبتي

ترف:شفيك؟؟

زياد ارتبك:مافيني شي

ترف:يعني انا ما اعرفك...قولي وش فيك؟؟

زياد تنهد:ترف...انا لازم اسافر اليوم

ترف:تسافر...وين؟؟

زياد:بيروت

ترف:ليه؟؟

زياد وقف:شوفي انا بقول لك...بس ابيك تهدين وتفهميني...واسمعيني للاخر بدون ما تقاطعيني

ترف:قول

قال لها كل الحكاية من الاول لحد الاخر...وقال لها انه قرر يسافر لبيروت عشان يشوف بتول...

ترف وقفت بعصبية:خير...لا حبيبي مافي روحة

زياد:ترف..افهمي هي محتاجة لي

ترف:وليه تحتاج لك...وانت وش دخلك

زياد:ترف البنت بتموت

ترف:تموت ولا تحترق احنا وش دخلنا

تقدمت له ومسكت يده:زياد تكفى لا تروح

زياد:ترف صدقيني لو هي مو محتاجة لي ماكنت راح اروح

ترف تركت يده:زياد انت للحين تحبها....دامك تحبها ليه خطبتني

زياد مسك كتفها:ترف انا احبك انتي...هي بس محتاجة لي الحين...افهمي

ترف بعدت عنه وهي تبكي:روح لها...روح ولا ترجع

زياد تنهد:سامحيني بس لازم اروح

بعد عنها وتوجه للباب...

ترف:زياد...لو رحت الحين...لا ترجع مرة ثانية

التفت عليها وتقدم لها...باس جبينها وهمس..

زياد:احبك...اشوفك على خير ماراح اطول

لفت وجهها عنه:انت سمعتني وش قلت

تنهد وطلع من البيت...اول ما سمعت صوت الباب اتسكر نزلت دموعها...اكيد للحين يحبها...لو ما يحبها ماكان راح لها وتركها هي هنا...

*************************************

اليوم الثاني بالصباح...

جالسة وترتب اغراضها بالشنطة...ولينة مسندة نفسها على الجدار وتكلمها وهي ماسكة تركي بيدها...

لينة:يعني خلاص بتتركينا

اسيل وهي تحاول تمسك دموعها:شنو اترككم الله يهديك..انا بروح وراجعه ان شاء الله

لينة:بترجعين زيارة

اسيل تقدمت لها وباست تركي...باست لينه على خدها...

اسيل:بشتاق لكم...(قالت وهي توجه كلامها لتركي)..وخصوصا انت ياحلو

رفعت السماعة الي عندها بالغرفة...وقالت للشغالة تجي لعندها...

بعد دقايق جت الشغالة ونزلت الشناط لتحت..

اسيل سلمت على لينة لاخر مرة...

اسيل:ممكن اشيل تركي قبل لا اروح

لينة:خذيه...شوي شوي عليه

اسيل شالته بكل هدوء على غير عادتها...عشان كذا ما بكا لما شالته...

اسيل ابتسمت:ياعمري...لينة ما بكا اول مرة اشيله وما يبكي

لينة:ههههه انتي بس خليك من الدفاشة وهو ما يبكي

نزلو وكانو كلهم تحت ما عدا زياد طبعا...

سلمت عليهم كلهم وراحت هي وراكان للمطار...

*************************************

طق الجرس وفتحت له الخدامة...دخل بهدوء ماله خلق يدخل بيتهم يحس انه محتاج يتكلم مع ابرار...

كانت جالسة بالصالة وتكلم بالتلفون...وهي تبكي..ضحك عليها امداها تتهاوش مع سامي....

ابرار:اوكي ياقلبي وربي بتوحشيني..اشوفك على خير...باي

سكرت السماعة وجلس محمد على الكنب جمبها...

محمد:شفيك تبكين؟؟

ابرار طالعته بعصبية وقامت...

محمد:هي ابرار شفيك؟؟

ابرار وقفت والتفتت عليه بعصبية:انبسطت الحين

محمد عقد حواجبه:شفيك؟؟

ابرار:اسيل بتسافر واكيد انت السبب

محمد وقف:بتسافر

ابرار:ايه يعني تسوي نفسك ماتدري

محمد:والله ما ادري

ابرار:كل منك...هي تحبك وتحاول انها تصلح الامور بينكم وانت تقول لها كنتي مجرد زميلة..بالله انت كيف تفكر...مو انت الي كنت بتموت عشان تشوفها...ليه تسوي كذا

محمد:ابرار انا مالي ذنب هي الي قررت تبعد

ابرار:وبعدين رجعت يعني انت تبي ترد لها الحركة وبس...بزران انتو

محمد:شتبيني اسوي يعني

ابرار:محمد...روح لها..لا تخليها تسافر...ترا اذا راحت هالمرة ماراح ترجع...وانت الخسران

وقف وطلع برة البيت...مايبي يسمع منها أي كلام...بس كلامها صح...لازم يتحرك لو ما راح لها الحين ورجعها ماراح ترجع...

محمد:وانا ليه واقف هنا

سيارته وتوجه للمطار...

************************************

بالمطار...

راكان وهو يودع اسيل...

راكان:انتبهي على نفسك...مع السلامة

اسيل:باي

سحبت شنطتها وراحت عند البوابة...

التفتت وراها قبل لا تروح...كانت على امل انها تشوفه وراها مثل ما شافته هاذيك المرة...

تنهدت لما ماشافته...(النداء الاخير للرحلة رقم *******....والموجهة الي بيروت)...

دخلت البوابة وهي متاكدة خلاص ان محمد نساها ومافي امل لرجعتهم...

دخل المطار وهو يدور عليها بعيونه..يتمنى يشوفها ولو من بعيد...
شاف راكان واقف ومتقدم له...

محمد:راكان

راكان:محمد انت وش تسوي هنا؟؟

محمد:ها..لابس صديقي مسافر وكنت ابي اودعه..انت وش تسوي هنا؟؟

راكان:اسيل مسافرة وانا وصلتها لهنا

محمد:هي خلاص راحت؟؟

راكان:ايه تو طيارتهم طارت

محمد بهدوء:اها...طيب راكان اشوفك على خير...مع السلامة

راكان:مع السلامة

طلع من المطار وهو يحس بصدمة قوية..هو السبب...هو الي ضيعها من يده...وماراح ترجع...

**************************************

بالقصر...

راكان وهو يوجه كلامه لسحر:اقول حياتي

سحر:هلا

راكان:يعني انا اقول بما ان لينة ولدت وقامت بالسلامة واسيل سافرت وترف انخطبت ممم يعني

سحر رفعت حاجبها:وش تبي تقول بالضبط

راكان:يعني...انا اقول لو نرجع للرياض احسن...ما كاننا طولنا هنا

سحر سكتت وهي تناظره...ماتدري ليه بلحظة تذكرت كل الي صار لها بالرياض من اول يوم لحد ماتركتها...ولا يوم شافته حلو هناك...صارت تخاف من هاذاك المكان...ماتحب تدخل لهاذاك البيت...

راكان مسك يدها:حبيبتي...ادري انك ماتبين تروحين...بس صدقيني انا تغيرت خلاص...كل شي تغير...انا احبك الحين

سحر وقفت وحطت يدها على بطنها الي بدى يبان ويكبر..

سحر:بس ياراكان

راكان:ثقي فيني...ولا انتي مو واثقة

سحر التفتت عليه:لا تقول كذا...انا بس

راكان:بس ايش؟؟

سحر:لا خلاص ولا شي...خلاص بروح معك

راكان ابتسم:اكيد...انتي متاكدة

سحر ابتسمت:اكيد

*************************************

سحر باست لينة واخذت منها تركي تلعب معه شوي...

لينة:حتى انتي بتروحين

سحر:اوعدك لينة كل ويك اند بكون عندك

لينة:عاد مايصير كذا اسيل سافرت وانتي بتروحين وترف حابسة نفسها بالغرفة ما اعرف ايش فيها

سحر:صح لينة ليه ما سالتيها

لينة:لاني طفشت منكم طيب

وقفت وراحت لغرفتها...

رمت نفسها على السرير وهي تحاول تداري دموعها...

كلهم راحو ومابقى الا هي وتركي...حتى ترف كلها كم شهر وتتزوج زياد وتروح....

حست باحد فتح الباب...صدت بوجهها ومسحت دمعه نزلت على خدها بسرعة...

سحر جلست جمبها وحطت تركي على السرير...

سحر:لينة لا تزعلين انا وعدتك بجيك

لينة رفعت راسها:اشوفك لابسة عبايتك بتروحين الحين؟؟

سحر:ايه

لينة بهدوء:طيب...بالسلامة

سحر:زعلانة مني؟؟

لينة:سحر انا ماراح ازعل منك لانك بتروحين مع زوجك بس انا متضايقة شوي لاني بجلس لحالي

سحر:عندك تركي

لينة طالعت فيه وباسته:فديته

راكان طق الباب:يلا سحر لا نتاخر

سحر وقفت:يلا باي لينة

لينة:مع السلامة

***************************************

رجعت للبيت اخيرا...صارت تحس انها ماتنتمي لهاذا المكان...بس ماتقدر تظل هناك وهو ما يبغاها...ماتقدر تكون معاه بوقت واحد وهو مو حاسس فيها...

فتحت الباب ودخلت بكل هدوء...سمعت صوت امها تكلم بالتلفون...

ام اسيل:ايه راح تجي اليوم...لا مابدي ليه لروح استقبلها هي بتعرف مكان البيت....شو؟؟...لا حبيبتي مابدي انا اصلا مو طايقتا من الاول بس متحمليتا بس منشان ابوها يلي كل يوم بيحول لالي مصاري وهلأ خسر مصاريه...شو بدي فيا

اسيل اول ماسمعت كلامها رمت الشنطة على الارض...مو مصدقة الي تسمعه....امها الي تركت محمد عشانها تقول كذا...

ام اسيل انتبهت لها وسكرت السماعة...وقفت وقالت بارتباك...

ام اسيل:اسيل انتي اجيتي؟

اسيل طالعتها بقهر وراحت لغرفتها....

**************************************

من امس وهو بلبنان وما راح لها...اليوم اخذ موعد من الدكتور عشان يروح يشوفها...

يا ترى كيف راح يكون شكلها...وشنو تبي تقول له...

وقف عن التفكير لما وصل للمستشفى...نزل من السيارة وتوجه للباب...

راح للرسبشن وسالهم عن غرفة بتول...

الممرضة:الغرفي رقم ***

زياد:شكرا

صار يمشي بالممرات ويناظر بارقام الغرف....لحد ما وصل لغرفتها...

وقف عند الباب وفتحه بهدوء...شافها مايمة على السرير والدكتور عندها مع الممرضة...

الدكتور:مين حضرتك؟؟

زياد:انا زياد سعود الماسي

الدكتور:اهلين استاز زياد...اجيت بوقتك...الانسي بتول حالتا خطري كتير وهي هلأ بلحزاتا الاخيري...

طلع الدكتور وخلا زياد مصدوم...كيف يقولها كذا بكل برود اعصاب...

تقدم للسرير وجلس على اقرب كرسي...

مسك يدها بهدوء عشان تحس فيه...اول ما حست بيده فتحت عيونها...

بتول ابتسمت بهدوء:زياد

زياد:كيفك بتول؟؟

بتول تنهدت:تعبانة يازياد...طبعا انت تبي تعرف انا ليه قلتلك تعال

زياد هز راسه...

بتول:زياد...ابيك تسامحني على كل شي سويته لك...يمكن اشياء سويتها بدون قصد بس الاكيد اني سويتها لاني احبك وابي اكون قريبة منك على طول...سامحني زياد

زياد:اهدي الحين لا تتعبين نفسك

بتول حست بتعب فجاءة...حاسة انها بتموت خلاص شهور وهي تقاوم بس خلاص ما تقدر...

بتول بتعب:والله احبك

زياد باس يدها:وانا بعد...كنت احبك انتي ماتعرفين انتي وش كنتي بالنسبة لي...كنتي حياتي..بس الحين انا يا بتول عندي حياتي الثانية...انا خطبت ترف

بتول ابتسمت بهدوء:الله بوفقكم

**********************************

اسيل وهي تبكي:لينة انا سمعتها باذني

لينة:اصلا انا من الاول ما حبيتها..خليها تولي وتعالي هنا..ولا تبيني اجيلك واغسل شراعها

اسيل:لا لينة...انا خلاص ما اقدر اقعد عندها انا لازم ارجع الشرقية

لينة:ايه تعالي وهي ماراح تهتم اصلا

اسيل:عارفة...محد يبيني لا امي ولا ابوي ولا حتى محمد

لينة:يا حياتي...انا ابيك

اسيل:هههه احبك لينة انتي امي الوحيدة ماكان لازم اتركك واجي معاها

لينة:خلاص الحين انسي الي صار وتعالي على طيارة بكرة طيب

اسيل:ما اقدر اصبر لبكرة اقول لك ما اقدر اتحمل اجلس معاها احس اني لو شفتها بذبحها

لينة:طيب نامي هالليلة بالفندق وتعالي بكرة مو زين لك تركبين بالطيارة مرتين باليوم

اسيل تنهدت:ان شاء الله يجي بكرة على خير

*************************************

باليل...

جالسة بالحديقة وحاطة القطوة بحضنها...

راح ولا همه شي...بس اذا رجع بتوريه شغله...بتقول له خلاص ما ابيك وبتفسخ الخطبة...

سمعت صوت الباب يفتح...التفتت وراها عشان تشوف مين...

وقفت لما شافت زياد...صدت عنه وتوجهت للباب...بس وقفها صوته...

زياد:ترف

ترف التفتت:خير...اتوقع كلامي كان واضح...قلت لك لو رحت لا ترجع

زياد تقدم لها وباس جبينها:واهون عليك

ترف صدت بوجهها:مثل ماهنت عليك

زياد:ومين قال انك هنتي علي...انتي حبيبتي

ترف طالعته:ليه رحت لها...وش كانت تبي منك

زياد:ترف...بتول توفت

ترف سكتت الصدمة على وجهها...ماتعرف وش حست فيه بهاذي الحظة...

زياد:وحتى لو كانت عايشة...انا ابيك انتي

ترف ضمته:اشتقت لك

زياد ابتسم:وانا بعد
ياما حاولت الفراق وماقويت..كنت ابي انساه لاكن مانسيت
ماعصاني قلبي بعمره ولاكن...الاكيد اني انا الي ما اشتهيت

****************************************

تمت الروآآيـة

قرآآء ممتعه

وبكرا بنقلها دحين جود نايت ^^