الله يسامح الي صنع البي بي واخوانه هع

.,؛×~ريلي يا يبه

وش فيج يا بنتي شايله الدنيا بكتوفج؟؟

ريلي يا يبه ريلي ..وش فيني أنا من مره!!

مافيج شي ياحشاشة اليوف وش زينج ..

أجل وش فيه لي كلمته مايرفع الراس

ولا يشوف وجهي وينظره ..

ولاهيٍ بشغله وما عاد يهلي بي ..

ولا يقول يا محلا عيونج ..

ويا زينج من مره..

ولا يسولف معي ..ومجابلن فونه وما يحقره ..

ولي تغدينا ..وسمع صوت فونه فز من طوله

وقضب هالفون وقام يطقطق فأزرره ...

والمصيبه ..يا يبه مب في الفون ..

المصيبه في كم في فونه من مره ..

لي قضبته شفت هالعيون ..المكحله

وشفايف كنها شفايف صخله !!

يبه وش فيك منزلن راسك ..شوفني وقلي ريلي

وروحي شلون أرضيه وما يشوف غيري من مره ..

...والسوالف ياهي سوالف استحي أسولفها معه

أخاف لا يظن فيني ظن ماني عارفه كيف أغيره ..

وليتني أدري من هن ..كنت خذت بكشة كل وحده

وأراويها نجوم ظهره ..

[ندعوك للتسجيل في المنتدى أو التعريف بنفسك لمعاينة هذه الصورة]

ريلي يا يبه ريلي..حاشته ألام في رقبه ..

وويهه ماعاد يتشاهد من السهر ..يرد على فلانه

وأم عيون البقره ..

قلي يايبه .. وش الحل في البي بي هذا اللي ما صان حقي

قلي يا يبه وين حقوقي وأنا مره ..

ربي يسامح من أخترع هالفون التعيس

يوم إنه ريلي اللي طول عمره راسه بالسما مرفوع

ماعاد يرفع راسه من كثر ما عيونه بالشاشه مسمره ..

يبه رد علي ..وش أسوي اشتقت لريلي

وبي بي ما خذته عني وماتتنازل عنه

لو هي ضرتي كان أرحم ولو هي مره كنت أعذره ..

قلي يا يبه ..وش فيك منزلٍ راسك وتضحك ..

أنا قلت نكته ولا اهو مقلب

كسر قلبي وبعثره ..

وأخيرا رفعت راسك يا يبه ..قلي وش الحل ..

يا بنتي وش فيج تشكين لي ..

ومصدعه شيبتي بهمومج المسطره ..

شايفتني مصلح اجتماعي مثلا !!

~~~~

ترى ماصارت ويا هالفون ..الناس ماقامت تسولف مع بعضها والسبه هالبي بي

وين عن سالفة قطع الخدمة ؟!!..مقهوره من هالفون ..مو غيرانه لكن الحال يصعب علي

تشوفون اثنين بطاولة وحده وكل واحد قاضبن فونه ..يبه وش فايدة اللي قاعد يمبك عيل ؟؟

الله يصلحهم ..

.

منقول

ههههههههههههههههههههااااااااااي

يميييييين خطيييره تسلم الايادي ي سومه

هذا عجبني اكثر شي ~>>>
يبه رد علي ..وش أسوي اشتقت لريلي

خخخخخ من جد حاااله كانه حرمه ثانيه هع

تقبلي دعسستي [ندعوك للتسجيل في المنتدى أو التعريف بنفسك لمعاينة هذه الصورة]

» حقيقية ومأساة الممثله الكويتيه ملاك الصراف واخوانه السعوديين
» تم الانتهاء من اكبر موقع لرسول الله صلى الله عليه وسلم
» واحد مسمي نفسه ( الله ) في الفيس بوك >>>لعنه الله عليه
» الله لايوفق كل ولد ينوي شر ببنات الناس جعله يشوفها باهله حسبي الله
» ~*^*~(( الفرق بين انشاء الله &و& ان شاء الله وايهما اصح مهم جدا لتفادي الغلط ))~*^*~