قلت له:لو تفآرقنآ شنو تسوي بدوني؟ نآظر بعيني وجآوب:( لـوتفآرقنآ آمــوت )

جيته وكلي تعاسه والحزن يملي جفوني

والفكر يحوي سؤالن هزني عقب الثبوت


قلتله: لو افترقنا وشهو تسوي بدوني؟!
ناظر بعيني وجاوب: (لو تفارقنا أموت)




قلت في قلبي: يصير وكم مضى حبن جنوني
حب قيس وحب عنتر بالزمان اللي يفوت!




ودارت الدنيا وتفارقنا وزادت بي طعوني
وخيم الحزن بخفوقي ولعذابي جر صوت




راح في كونه بعيد ورحت انا مبعد بكوني
وأشغلتنا هالحياة بفرض عين وطرد قوت




غاب لاصوت ورسايل لا خبر حرك سكوني
غاب وأهملني وحيد ابني من أحلامي بيوت




وأذكر إني رحت أسأل كيف حاله جاوبوني؟!
قالوا بخير وحياته بين خوخ وبين توت!




ابتسمت ولانطقت وبالخبر قرت عيوني
وكم تعبيرن يجيك ويصبح أبلغ بالسكوت




مو غريبه لو يخون الحظ ويخيب ظنوني

الغريبه كيف جاوب: (لو تفارقنا اموت)؟!