حركات بعضنا ايام الامتحانات

حركات البنات أيام الإمتحانات


هروبا من المذاكرة لا اقل ولا اكثر





1:الثلاث وجبات الرئيسية لازم تقعد عليها أول وحدة وماتقوم الإآخر
وحدة(جوعانة المسكينة ياحرام)
وأحيانا تزيد وجبات إضافية لو كانت المادة دسمة وصعبة شوي...


2:تقعد تسوي روحها مالة وتعبانة وياربييييييييي ماني قادرة أذاكر ماادري
إيش فيني حاسة بلوعة يمة أحد الظاهر قاري علي أو صاكني عين...وتقعد أمها
تقول بسم الله عليك تعالي أقرأ عليك يابنتي وإذا رسبت قالوا عين...


3:بعضهم ينزل علهم وسواس النظافة أيام الإمتحانات تاخذ شور
الصبح والليل وتستشور شعرها كل مرة طبعا مايصير تخليه يخرب بكرة وراها
مدرسة....والكتاب على جنب طبعا هاذي من واجباتها اليومية ماتقدر تتركها
علشان تذاكر مايصير..(من قل الدبره)...


4:وهاذي تخلي كتابها على صوب وتقوم تقايس ملابس السهرات اللي عندها عشان
عندها بعد الإمتحانات
على طول عرس فلانة بنت فلان ولازم تحدد من الحين شنو بتلبس لا وبعضهم ليلة
الإختبار تلاقيها عند الخياطة بتعمل بروفة...


5:وبعضهم تنزل عليهم صلة الرحم فجأة تقوم تكلم وحدة من صديقاتها لها منها
يجي سنة ماكلمتها تبي تشوف إيش صار عليها وتشغلها عن المذاكرة


6:أما هاذي تنزل عليها الشطارة فجأة وتقوم تسوي عشاء لاهلها..وتغسل
المواعين عن خدامتهم وتقول لها أطلعي نامي خلاص انا أكمل (ياعيني تسوي فيها
حنونة وطيوبة)...


7:وهاذي تموووووووووووووووووت على شئ إسمه تلفون( قالبتها تشات حشى مو
مسجات) وما تحس بالوقت الاقبل الفجر بساعتين ..


8:وهاذي المسكينة اللي تعور القلب لاقفلت معها قضبت المخدة ونامت ولما تقوم
تقول يووووووووووووه راحت علي نومة....


9:×وهاذي أيام الإمتحانات تنزل عليها
حالات غريبة مشتهية أكلة معينة(حتى الوحام مو مثلها) وأمها إيه يابنيتي شنو
تبين بس يعني تبي تساعدها عشان تفتح نفسها للمذاكرة ..وهذا النوع ماتخلص
الأمتحانات الإوهي زايدة 5كيلو...





إن شاء الله عجبكم الموضوع