مرثية في الامير نايف رحمه الله

السلام عليكم ورحمة الله وبركاتة
اما بعد...
عجبتني مرثيه في الامير نايف ولي العهد
رحمة الله واسكنة فسيح جناته
من الشاعر

سلطان المالكي


ياوجد روحي بعد فرقا السلاطين
اللي لهم فالارض صوله وجوله

ضمن السنه قلبي توجّد على اثنين
اثنين هيبتهم عن الفين دوله

سلطان أبو خالد بفعله بناء الزين
يوم الرديه ماتجي دوم حوله

بناء صروح المجد وابعد عن الشين
لو غاب واقفى مانسينا فعوله

ونايف جبل نايف مع الحق والدين
والأمن ساير من تدابير قوله

قضاء على الارهاب من عام الالفين
وهدم ركونه يوم دقت طبوله

اخمد لهيب النار فالوقت والحين
ولا الرديه قاصره ماتطوله

حبه سكن فالقلب والروح والعين
وخيره يشابه للمطر في هطوله

يالله ترحم من خدم بالشريفين
واسكنهم الجنه رجال البطولة

ويديم أبو متعب لنا قولوا أمين
ويحفظ بلدنا من علوم المهوله

كلمات
الشاعر

سلطان المالكي

الله يع ـآفيكگ ،،

أنرتيٰ متصفححَي ،،

كگوني بالقربء

آآآميييين


الله يرحمهم يااارب


يعطيك العافيه..


تقبلي مروري

الله يرحمة ويسكن روووووحةةة الجنة

تسلممين

آميين ،،

ربِـيٰ يسسَلممْ ققْلبگ ،

أنرتِـي ،