رواية اشتعال السحب / بقلمي

تسسسلمي حبيبتي على ردك ... ان شالله تعجبك الروايه
لسسه ماخلصت الروايه بس باإزن الله اخلصهاا
كل اسبوع بنـــزل باارت لين مانهيهاا ...




[size=29]البارت التــآلت 3>
[/size]

هي وردة مع الايام نبتت لها اشواكا تؤذي كل من يعترض طريقها ورحيقا منعشا مكوناته الخبث والحقد لكل شخص تحاول ان تتملكه..

فهي كل ليله تتانق وترتدي ماهو جديد وكاشف ومبهر بعين كل مخمور لتخفي مخالبها وانيابها...

تظل يقظه كالذئب الذي يصرخ استعدادا لاصطياد الفريسه المعنيه الذي يظل
متهيأ للحظة الضعف كل ماتفعله هو تحدد الضحيه وتوجه اسهم الصيد نحوه ليس
بالجسد بل بالروح ويصدف احيانا الشرف...

تستدرجه بكلام معسول وتصرفات فاحشه واسلوب راق...
وماتخفيه داخلها ثوره بركانيه لن تخمد الا حين يصبح الضحيه تحت مخالب لذتها...


فــــي الصبـــآح وفي احد الشقق الرخيـــصه ..

قامــت من على الكنبـــه اللي كسرتلها ظهرهاا .. طالعت في المكان الفوضوي إللي حولينها وبعدها اتثااوبت .. متقرفه من عيشتـــهاا
افتـــكرتـــو ..فتحت عينها على وسعهااا وقامت من مكــآنهاا واتووجهت بسرعه
لغرفة نومها ..شافته لسساته نــــآيم زفرت باإرتياااح (( كوويس ماقام
قبـــلي ))
دخلت غرفـــتهاا وقربـــت من سريـــرهاا كاان مترمي على الســرير بكل إرهاق
..اتأملت وجههوو حوآجبـــه المرســـومه رموشــه الكثيـــفه
خشـــمو ..شفايـــفه ..شعره الكستناائي (( ولا اميـــر )) عجبــها جماله
وبنفس الوقـــت يخووووف من شكله حسست انو من طبقه مو هيـــنه ..
نزلت عينها على جيبـــه واغراااهااا مـــره ..قربت من السرير وبكل تردد دخلللت يدهاا في جيبـــه ولا اتحــــرك
خـــــرجت المحفظه بكل هدووء وهيا متعوده على دي الحـــركاات ..بعدت عن السرير وهيا مستغربه منـــو ومن نومتـــو دي ...
فتحت المحفظظه وابتسسمت بكل خبــــث خـــرجت كل الفلــــوس وحطتها في البـــراا ..رجعت محفظته لجيبـــه ..
راحت غيرت ملابســها لبست بجامه لونها اصفر فاتح لمت شعرها على وراا ..
مسحت مكيـــآجها اللي كان مبين اكتر قذراتها وحطت النظاره الطبيه على وجهها

اتغيــــرت مرررهـ ..سارت كلمه بريئـــه تنطبــــق عليـــــهااا ..

استنت ساعه ساعتين تلاتــــه وهوا ولا كأأنــــه (( ماسااارت نووومــــه ))
... قامت من على الكنبـــه واتوجهت مره تــآنيه على الــغرفه
وقفت عند البــاب (( اوووف متى حيـــقوم )) استنت خمســه دقاايق ووقتهاا
حرك جسمـــه ..قلبها قبضهاا على طوول ..حست انو حيقـــوم من نـــومه
خـــرجت من الغـــرفه على طوول ..

امــــآآآ هووواا فتـــح عيــنه ورجــع غمضها لما حـــس بصدااع مو طبيـــعي ..ماســـتوعب حتى المكـــآن إنو غريـــب علييييه
رفـع يده لعند جبيــنه وشد يده قال بصوتو المبحوح : اااه يااراااسي
نزل يده وفتح عيــــنه طالع بسقف إللي مصفـــر بعضـــه وعقد حوآجبه دار
وجهه يمين واستغرب اكتتتر ..رفع جسسسمه من على الســــرير وجلـــس وهوا
يطالع حوليـــنه
مو عارف هوا فيـــن
ولا عاارف ايش جـــآبه
شد على عيـــنه وهوا حاسس راســـه بينفـــجر من كتـــر مو مصـــدع ..
اتجااهل الصداااع اللي حاسس فيـــه ..يبى يعرف هواا فيــــن قااام من
مكـــآنه
خرج من الغرفه وشـــآفهاا جالســـه على الكنبـــه عقـــد حواجبـــه اكتـــر
واكتـــر ..اما هيـــآ وقفـــت واصطنعت التوتر والخوووف مشبكه اصابيعها
ببعض : انتا صحيــت
مازن طالع حوليـــنه :مين انتي ?
رغــد : ماتزكر امس ايش سار ؟
مازن مو مستوعب اي حااجه : ايششش سار ؟
رغــد سوت نفسها متفاجئه : الولدين اللي جوو اتهجمو عليك ؟
مازن عقد حوآجبه : ها ؟
رغــد : امس اخر الليل مو اتهجمو عيك ولدين ويبو فلووس و
سمع دا الكـــلام وبعدهاا ماستووعـــب اي شـــي من كلآمـــهاا يحس كل شي دخل في بعضـــه شااايف بسس فمها يتحــــرك
اتقدم بخطوات ثقيله اتجاهها وهيا بعدت مفجوعه رماا نفسسه على الكنبـــه
إللي كانت ورااهـا .. طالعت فيييه وقلبها يدق بسسسرعه ماتدري ايش بو
وماتدري هيا ايش بها كماان متوتره : ايش ببببك
نزل يده على جيبه وهوا يدور جوواله يبى يزن ولا نزااار يجوووهـ ..مو مهتم
هوا فيين ولا ايش جاابه هنا ولا مين البنت دي .. كل اللي همه انو اخوانوو
يكونو جمبـــه دحييين هما اكييد إللي حاااسين فيــــه ..
خرج يده من جــيبه وزففففر بضيـــــق طالع فيــهاا : هاتي جوالك
رغد : طيب _اتوجهت باإتجاه الطاوله واخدت جوالها الصيني واعطتــو هواا _ خد
مدت يدها واخد الجوال منهاا ... ضغط 5 اراقام ورجع قفل اتلخبط برقم ورجع ضغط الارقام مره تانيه
واتــصل ...


فـــي مكااان تـــآني .. وفي احد القصور منسدح على سريـــره ماناام إلا نص ساااعه من كتر القلق
الجوال في يده وكل مره بيعيد الاتصااال والجوال لساته مقفــــل ...رفع جسمه من على السرير وزفر بضيــق
حاسس نفســـه مخنووووق .. انفتح باب الغـــرفه ودخل نزاار : صحيت ؟
يزن : هوا انا نمت عشان اصحى
نزار حاسس انو ساير شي : ايش سايرلك ؟
يزن رمى جواله باهمال على السرير : مو انا اخوك مازن من امس ما رجع البيت
نزار قفل الباب وقدم لعند السرير : اتصل عليه
يزن : ايش بي يعني ماتصلت عليــه ..من امس مقفــل
نزار قلق بس حب يطمن يزن : تلاقييه سكر وخرج على بيت احد من البنات ولا الشباب اللي معاه
يزن : لااا ساير ششي معاااهـ انا متأكد
انفتح باب الغرفه للمره التانيه ودخل سيدهم واستغرب من تجمع نزار ويزن في دا الوقــت : صباح الخيـر !
يزن ونزار : صبااح النور
سيدهم : كويس صاحين ايش عندكم ؟
يزن : ولاشي
سيدهم : اهاا حروح اصحي مازن
نزار بردة فعل سريـعه : لا خلاص لاتصحيه دحين نازليين نفطر
سيدهم : خمسه دقايق وتكونو تحت _ خرج من الغرفه والخادمه ماشيه وراهـ _
يزن : دا لو ماشاف مازن دحين حيقوم القيامه
نزار بدون اهتمام : ماعليك في سيدك دحيين اعرف اخوك داا فين مختفيي قووم اللبس عشان نفطر ونخررج
يزن بعد اللحاف وهوا مضااايق يكره دا الشعور اللي يحس فييه ..إنو يكون مترابط مع اخوانه بالمشاااعر
يشيـــل هم بذات مازن اكتـــر من مايشيل همـــه اماا نزاار مايحس فيـــه كتيـــر زي مااازن ودا اللي مريحــه
خرج نزار من الغــرفه وهوا عارف دحيـــن سبب نومــه الللي كان كللو كواابيـــس ولا ارتاااح في نوومه

نزل لغرفه الطعااام ويزن دخل بعده بدقايق معدودهـ .. محد مد يده للأكل
سيدهم : ممازن مو كأنو اتأخر
نزار يبى تصريفه : مازن مو في البيت
سيدهم عقد حوآجبه : ليشش ؟
نزاار طالع في يززن ..ويزن كممل عنــه بتخريـــف : اسامه امس تعب ودحين هوا بالمستشفى ومازن معاه
سيدهم : وي سلااامات ايش فيي
يزن : مدري فجأه تعب كدااا
الجد : طيب نفطر ونروح نشوفو
نزار برده فعل سريعه : لا خررج
بنفسس الوقت يزن قال : لاا بيخرج
سيدهم طالع فيهم وعيونو تتنقل بينهم : خرج ولا بيخرج ؟
يزن يصرف نفسسه : انا كلمتوو قبل ساعتين وقلي بيخرج
نزار : وانا كلمتو قبل نص سااعه وقلي خاارج
سيدهم مشي علييه الموضوع وماركز في وجيههم اللي كانت موتـــرهـ ..
دق جووال يززن برقـــم غريــب رد على طوول : الوو
اول ماسمع صوت مازن قام من على الكرسي وخرج من غرفه الطعااام ..
يزن : مااازن فيينك
مازن : مدرييي تعاال خدددني
يزن من يوم ماسمع صوت اخووه صار قلبه يدق بسرعه بخووف : طيب قوولي فيينك وانا اجييك
مازن طالع في البنت إللي واقفه : فين بيتك ؟
البت وصفت البيت ومازن مافهم ولاشي منـــها
يزن اتربــش : اعطيني البت ديي وهيا توووصفلي
يزن كلم البـــنت ووصفتــلو المكــآن وعلى طوول خرج لسيارته قبل لايقــفل
سئلها وبان في صووته الاهتمام : مازن تعبان ؟
البنت طالعت في مازن اللي ساند جسمه على الكنبـــه ومغمــض عينــه قالت بهدوء : لا بس قلي راسه مصدع
يزن : اهاا طيب ثواني واكون عنـدك
قفـــل ..

اما هيــآ دخلت غرفتــها وكانت مره خاايفه اتصلت علي تتعامل معاه واعطاها الحبــوب ورد عليها وهوا متحممس
: هاا ايش سويتي
قالت بهممس : ايش هدي الحبوب ؟
الولد باإستغراب : اي حبووب ؟
رغـد : اللي اعطيتني هيا وقلتلي اعطيها لمازن
الولد : قلتلك حينسيه اللي سرلــه
رغد : واعراضها ؟
الولد ضحك بحقاره : شكلو مصدع الاخ
رغد بخوف : مررره خايفه يسرلو حاجه
الولد : لا لا ماحيسرلوو شي هوا دوبو صاحي ؟
رغد : ايوا
الولد : اوك كلها ساعتين او تلاته وحيفك انتي رووقي وسوقي البرائه دحيــن
رغد ارتـآحت : كوويس طيب يلا بروحلو باي
الولد : سلام
رغــد قفــلت وارتـآحت ..خرجت من الغرفـــه ومازن على وضــعه ..وقفت في مكانها وهيا تطالع فيه تباه يهرج
عشان تعيش اللحظه (( اوووف مكتووم ايش اسووي معااهـ _ جات في بالها فكره لاإراديا ابتسمت بخبث _ انا اورييك ))
طالعت فييه بكل براائــه مصطنــعه وممزوجه بخووف : لو سمحت انا خايفه احد يشووفك وانتا خارج هنا يعني مطول ولا كيف
مازن فتح عيــنه وطالع فيــها : مستني اخويا يجي
رغد اتوقعتو يسالها اي شي بس ردو ماعجبها (( حرمي كل شي )) : اوك بس امس لو
ماشوفتك بديك الحاله ماكان دخلتك بيتي كدا انا مره خاايفه احد يشووفك اصلا
مدري كيف اتجرأت ودخلتك هناا
مازن عقد حوآجبـــه : ايت حاله ؟
رغد : كنت سكران واتنين اخدو فلوسك واغرااضك وجالس عند العماره
مازن مو متذكر اي حاجه (( ايش دي بتخرف )) مالو نفسس يتنااقش سلكلها الموضوع : اها طيب
رغــد مره اتنرفزت بس سكتت تباااه يقوول شي يتلحلح وهوا ولا كأنه في مكـــآنه ... بعد عشره دقايــق
اتصـــل عليها رقم غريب ردت : ايوا
: انا عند العمااره
رغد بعدت الجوال عن اذنها وقالت لمازن : اللي اتصلت عليه جاا
مازن مااصدق قام من مكــآنه : فين باب البيت داا
رغد قفلت من يزن واتوجهت لباب الشقه وهيا تستنى كلمه عدله من ماازن ..بسس ماازن خرج من البيــت بدون حتى كلمه " شكرا "
مازن نزل من الدرج مفجوووع مو معقوول مو متذكر حتى انو دخل العماااره .. اول ماخرج لقى يززن واقف قبااله
يزن طالع في اخووه اللي شكلو مره مبهــدل : مازن ايش بك
مازن اتوجه بدون اي نقااش للسياره فتح الباب ودخــل ..يزن رااح ورااه ودخل السياره : ايش ساايرلك
مازن : مدددري عندك بنادول ولا اي شي
يزن : هنا لاا طبعاا
ماززن : طيب رجعني البيت بسرعه
يزن حرك الللسياره وهوا مو فاهم شي : طيب فهمني ايش جابك هناا
مازن داا اللي يموت ويعرفه : مو عاارف
يزن : انتا قلت لأسامه تبى تروح
مازن قاطعه : متى قلتلو ؟
يزن : لما كنا بسياره
مازن مره متنح : اي سياره ؟
يزن عقد حواجبه وهوا يطالع في مازن باإستغراب : في سياره اسامه _ قال بشك _ كان القروب كلو في الا نزار ورودينا
مازن سكت للحظات وبعدها قال : متى دا ؟
يزن ضحك وهوا مفجوع : من جدك انتا ؟
مازن : ايش بببك وربي مو متزكر متى داا
يزن : اممسسس ياأهببل خرجننااا عشان نروح لأكرم اللي يحب ام شاادن
مازن يحاول يتتذكر بس الللي جاه معااه شي قليل : احنا كنا مجتمعين كلنا امس وشادن حكتنا بس ماروحنا !
يزن فنجل عيينه مفجوووع : تستتتهبببل انتااا
مازن شااك بنفســـه يسكت للحظات وبعدها يهرج وهوا مفجوع : والله ماروحنا
يزن : ياأخي لاتحللف والله روحناااا
مازن سند جسسمه على الكرســـي وهوا مفجوع من نفســه لدرجه انو مايبى يتكلم في الموضوع : يزن قفل الموضوع ورجعني االبيت بســرعه
يزن سكت من الفجــعه هوا كمـــآن (( ايش بو داا ! )) كان بيقوول من كتر
ماشرب امس مو متذكر بس مو لدرجه إنو مايتذكر ايش سواا لماا خرجو بالسياره
ّ!!!! ...

[ندعوك للتسجيل في المنتدى أو التعريف بنفسك لمعاينة هذه الصورة]


في حدديــقه بيـتهم معاه جواله ودوبو اطمــن : خلاص معاك ؟ ..اوك كويــس ..بااي
خـــرج من حدوود القصــر ووقف عند البوااابـــه وعيــنو على القاعه اللي بالجهه المقــآبله (( الله يصبرني عليــهاا ))
اتـــوجـــه للقااعه وهوا جاي قبل الموعــد زي عادتــه ..
فتــح باب القـآعه واستغرب لما شاف الاضائــه والتكيـــف شغااال ..عقد حوآجبه (( قلتلهاا تطفييه وهيا خارجه ))
دوبو بيدير الا لمــحها سانده جسمها على الجدااار وحاطه راسـها على ركبتهاا اتوجهلهاا ووقف قريب منها
ناداها بصوت عاالي : رنييييم رنيييييم
انفجعت من صووته قامت من عز نومهاا رفعت راسسهاا : هااا
نزار : ايش منوومك هناا
رنيم طالعت حولينها ورجعت طالعت فيه وقالت وهيا بدون عقققل وباين التتنيح في وجهها : مددري
نزار بحده: كييف ماتدري ! اغمى عليكي مثلااا !
رنيم عقدت حواجبها مفجووعه منو مايكفي قامت على فجعه: ماحسيت بنفسي
نزار طالع فيها بنظرات قرف اشمئزاز واستحقار : شكلك متعوده تترمي في اي مكـآن
رنيم فركت عينها وماسمعتو اصلا : ايش ؟
نزار اشرلها على دوراه المياهـ : قومي بللهي اتشطفي
رنيم سندت يدها على الجدار ووقفـت : معلليش لأني نومت هنا
نزار ماهتم اشرلها بيدو بقرف يعني " روحي " : نتفاهم شويااا
رنيم مع النوم تسلك تصرفاتوو دي .. اتوجهت للحمـآم حطت الموييا بين يدهاا ومسحت فيها وجهها
لمت شعرها بالمطاط ومسدتوو من قدام بالمويــآ
... خرجت وهيا تتمطع وتتثااوب : آآه جسسمي اتكسر من دي النومه
نزار بدون اي تفاهم شغل الموسيقا : يلاا نبدأ
رنيم فنجلت عينها : دووبي مفتحه عييني
نزار : مو مشكلتي يلا ون تو ثري
رنيم واقفه مكانها ولا اتحركت مو قادره اصلا تتحرك وترقص كداا على طوول : ماابى دحين ارقصص
نزار شد على كلامه : رنيييم ابدأي ..

عينها في عينه إللي شادد علييها وبااين العصبيـــه منهاا
بلعت ريـــقهاا امس رقصت ودموعها في عينها واليوم حترقص وهيا دوبها مفتحه عينهاا ماتدري ايش ناوي عليها دااا
قالت بتردد : عيدهاا عشان ابدأ
نزار عاد الموسيقاا وهيا ترقصص ببرود مو قادره ترقصص وتتحمس وهيا دوبها صاحيه (( ايش المجااغه دي ))
حاسه انها بتهيين نفسسسهاا كدااا ..بس حتصبـــر
نزاار : دا رقص ؟
رنيم حاولت تحرك جسسمها وتتفاعل مع الموسيقاا وترضي جناابه
نزااار قرب منهاا وجاا من وراها حط يده على خصرهاا وهيا انفجعت ميل خصرهاا يمين وبعدهاا يسااار : كداااا بتنااغم
رنيم بعدت عنــه وقالت باارتبااك : طيب
نزار متعوود دي شغللتو قد شاال بنااات مو بس يحط يده على خصرهــم .. بعد عنها : يلا عيدي
نزار عاد الموسيـــقا وهيا حاووولت ترقـــص بس كل شويا بيطلعلها غلـــط قالت بعد ربــع سااعه : خلاااص طفشششت
دق جوواله وكان اسامه رد عليه وطنشهاا : ايوا خالد .. بتفطرني ؟ ههههههه فطرت بس ماحردك اوك باي
رما ريموت التحكم على الكرسي : خلاص نكمل بلليل ودي اول واخر مره تجيني وانتي مو فاطره ويكون شكلك بدا المنظر
رنيم (( مااااالت علييك )) : ان شالله
نزار خـــرج من القااعه وهيا خرجـــت وراااهـ .. وطبعا تمشي تبى تخرج من
الحي الراقي لايمكن تلاقي سياره بدا الوقت ولا تااكسي هنااا .. فاحتمشي
لين ماتخرج على الشارع العام ...


امــآ هووا اتوجه للقــصر ركب في سيارتو الليموزين ورا والشوفير ركب قداام وخرج من اسواار القصــر
اتــوجهــت السياره للشارع العاام وشافها واقفه عند الرصيــف وماده يدهاا توقف تاكسي
كل شويا ترجع خصلات بعض شعرها ورا اذنهاا ... طالع فيـــهاا ولافكر يقول للسواق يوقــف مع نفســهاا
لعده اسباب ..
لأنهاا بنسبه له وحده مو من مستواه عشان يحتك فيها
تانيا لأنها طالبه عندهـ ودي الكلمه تعني له كتيـــر هواا معلم وهيا طالبــه واللي بينهم بس قاعه الرقص لااكتر ولا اقل


ركبــت تاااكسي وراحت لحارة هتـــآن اول ماددخلت شافت الشباب والبزووره : اهللن رااامي
سمعت دي الكلمه وضحكت دارت جسمها : اهلين نضاال
نضال جاها : كييفك
رنيم : كويسسسا وانتا كيفك
نضااال : تماام مااشي حالناا
رنيم غمزتلو : على فيــن ؟
نضال : خطيبتي المنحووسه
رنيم فرطت ضحك : لييين دحيين بينكم مشااكل
نضال بتأفف : ياااشيخه طفششتني والله مو عارف ايش اسوي معاها
رنيم : اقولك مع نفسك انتا على هيييا بروح اشوف امي
نضال : طيب يوااد انتااا
رنيم انتبهت لبدله نضال : انتا من فين تجيب دي الفلووس
نضال : ههههههههههههههه ترا اكره دا السؤال روحي بس لأمك يابت
رنيم : اووكـ
راحت وهيا تجري كعادتها في الحاااره تحسس بالحيياه فييهاا تعششق الازعاااج صوت الصرييخ والضحك وكل ششييي
وصلت للبيت إلا هتــآن واقف عند الباب ... قلبها على طوول زادت دقااتـــه
قبل لاتنام دااايما تتجلس تقرقر معااه عندد باب بيتها ولما يجيهاالنوم تدخل
تترمي على فرشتهاا بس امس نامت بدون ماتكلمو ولاتسمع صوتو ولا تضحك على
تصرفاته
هتان مستنيها من اول ككدا جالس عند باب بيتهم : صباااح الخيير
رنيم اول ماشافته وقفت جري وسارت بعدها تمشي بهدوؤ لين ماوصلت حده : صباح النور
هتان : كيف امسك ؟
رنيم ابتسمـت وهيا تصطنع البســمه : كوويس وانتا ؟
هتان من ورى قلبه : جدن تمام
رنيم : امم حمدالله
هتان : ماحسيتي انو في شي اتغير عليكي امس ؟
رنيم فاهمتو بس سوت نفسها مو فاهمه : زي ؟
هتان ماحب يهرج : ولاشي
رنيم : بكرا عندك اختبار مو ؟
هتان : كويس متزكره
رنيم سكتت
هتان : حبدأ كمان اشتغل
رنيم اتفاجأت : فيين ؟
هتان : مكان ابويا ماكان يشتغل
رنيم : حارس امن ؟
هتان : حارس القصصر اللي كان يشتغل فييه ابويا
رنيم : بس دراستك !
هتان : لازم اشتغل بداله عارفه الوضع كل مالو ينزل وابويا تعبان ومحتاجين فلوس لأدويتو
رنيم : اهااا الله يعينكم ويشفيه
هتان : اميين
مرت لحظه سكووت حاسس بغراابه الوضع داا ..وهيا عشان بتكذب عليه حااسه انهاا حقيرهـ لأنها ماتعودت على دا الشي
هتان طالع في شعرها : من متى تلمي شعرك
رنيم رفعت يدها لشعرها وفتحت المطاط : كنت طفشانه منو رفعتو
هتان : مو من عوايدك
رنيم ابتسمت باارتباك : تغيير
هتان : اتمنى بس ماتتغيري كتير
رنيم عارفه انها دقه صرفت نفسسهاا : بدخل اسلم على امي
هتان بعد عن الباب : ادخلي
دخلت رنيييم وفطرت وجلسست مع امها وام هتـــآن ...هتاان دخللل ولا هرج معاهاا اخد كتابه وخرج من البيـــت
بدون مايعبرهاا حتى بنظره عارفتوو دا طبع فييه لما يكون مضاايق منها يتجنبهاا عشان لايعصب عليها ويزعلها
وهيا كانت لما تشوفو بدا المزاج تجي تااذيه وتنسيه اللي سار بينهم بس دحيـــن ماتدري ليش ماراحتلـــوو ..
جلست مع امـــها وحاولت تتناسا لأنهاا تحس انها في وضع اكبر من انها تشيل هم هتاااان دحيـــن
في كتتتير اشيااء براااســـها حتجنب هتااان لفتره على جنـــب عارفه انو يحبـــهاا عشان كدا لما حتفضى حترجعلوو
وتنسيه اللي سوتو زي العاادهـ ....



امـــآ نضــآل اتوجه لبيت خطيبــته لقى اخوها الصغير بيلعب عند بيتهم هوا واصحااابــه : هيي اختك بالبيت
الولد : لااا رااحت قبل شوويا
نضال : فين راااحت ؟
الولد : تشتري من البقاااله
نضــآل : اهااا
اتـــوجه نضاال للبقـآله وزي ماقال اخوها كانت بتشتري اغرااض مايدري ليش مو متقبــلهاا ويحس انو جفص معاها
يمكن لأنو مايجلس ولايهرج معاها عدددل وكل جلساته معاها ابوهاا يكون فيــه ..
دخل البقاله واتوجه لهاا : دا كلو تشتري
طالعت في بااستغراب : وي ايش جابك
نضال بجفاصه : الجني جااابني يعني مييين جااابني اخوكي قلي انك هناا
انفجعت طالعت حولينهاا ورجعت طالعت فييه وهيا مكسسوفه منوو: طيب ليش العصبيه دحين !
نضال : مدددري عنننك كأنك كنتي بتسوي مصيبه ومااعجبتك جيتي
شهد بلمت قالت بشك : من جدك تهرج !
نضال قال بكل جدييه : شايفتني بضحك ؟
شهد مره خافت منــو اخدت اللبن من التلاجه ومشيت من جمبو دفعت الفلووس واخدت اغرااضها وخررجت من البقاااله
اماا هواا وللللللع ليييششش تمممشي وتطنشششو كداااا ... خرج من البقاااله وهوا مره معصبب
رااح باإتجااهها ويهرج والناس تطالع فييه مايهتم ادا لفت نظظر احد : اناا بههههرج معاااكي
شهد وقفت مشي لأنهاا ماتبى احد يطالع فييها وتسير فررجه في الشارع بسببو قالت بهدوء: نضاال صلي على النبي واهرج معايا بااسلوب احسسن
نضاال : لما اكلمك ياازففففت تووقفي مكاانك فاهمه ولا لا
شهد تهرج بصوت هادء وبهمس بس هوا يسمعوو : تبانا نتفاهم تعاال بيتناا ماليا كلام معاك برا البيييت
اتـــوجهت لبيتها وهوا وااقف مكـــآنه ويطالع فيـــهاا وعيوونـــه محمره ..
خرج من الحااره وهوا ماعبرها ولا حيجيها من الاساس ويفكر اصلا يفسخ
الخطووبه دي .. مو متقبلهاا بس يجي يتضارب معاهاا ويحرق دموو عل فااضي
(( قال حب قااال ))

[ندعوك للتسجيل في المنتدى أو التعريف بنفسك لمعاينة هذه الصورة]

في آحــــد المستشفيــآت وبتحديـــد في غرفــه الاضائه فيها خافتــه جالسه على سريرها وبقمة توترهاا
وفيه ابوهاا ودكتورها وممرضتيـــن ...
: افتحي عينك ياأثيــر
فتــحت عينها وقلبها دقاته ورى بعــض لمحت ضوء ابيــض ورجعت غمضت عينهاا لما حست الضوء كتتتير بنسبه لهاا
ابوهاا متخشب مكاانه ولاقرب كدا لما يخاااف ويكون متوتر
اما الدكتوور : افتحي عينك مره تانيه يابنتي
اثير بس لما لمحت اضائه عيونها دمعت وخافت تفتح عينها مره تانيه وماتشوف شي
الممرضه حزنت عليها مسكت يدها : هبيبي افته اينك
اثير شدت على يدها ورجعت تفتح عينها بتردد ..فتحت نص عينها على انو الاضائه خافته بس برضو ماستحملتـــو وماقدرت تفتخ كل عينهاا
الدكتور والابتسسامه على فمو : هااا يابنتي
دارت راسها باأتجاههم وهيا شايفه صورتهم مغبــشه قدامهاا .رجعت غمضت عينها ونزلت دموعهاا
ابوها على طوول قرب من السرير والممرضه سابت اثير قال ودموعه في عيــنه :اثير شووفتيييني يااثير
اثير فتحت عينها دموعها تنزززل طالعت في ابوووهاا وهيا تطالع في شعره عيونه خشمه كل شششي
اول شخــص تشوووفو ..رفعت يدها اللي ترجف لوجهه مسكت جفنــه خشمه خده دقنـــه وقالت برجفه: بابا
ابوووها حضنهاا وهوا يبكـــي بصــــوتـــه مبسسسسوططط بشكل مو طبيــــعي بعد عن حضضضن بنتـــو وسجد في الارض ..
وهووا يشـــكر ربنــآ على نجاح العمليه
الممرضه قربت من اثير : امسهي دمووء مايسير كدا يبكي
اثير مسحت دموعها وهيا تطالع في وجهه الممرضــه وفي جسمهاا شعرهاا
كل شي جديـــد عليييهاا
عالم تـــآني

دايما تتخيــل كييف الملامـــح بس ماتوقعت بداا الشكــل على انها مبسسسوطه بس
قلبببها كان يدددق بخووف من العالم الجديد اللي شافتـــه دااا مو عارفه ايش تسسوي
ساارت بــس تبـــكي
الدكتـــور : الحمدالله على سلامتك اثير
اثير وجهت نظرها للدكتور وهيا تطالع فييه بتنااحه : شكرراا
الممرضه اخدت المرايه إلي على الطاوله : مايبا يششوف انتاا
اثير ابتســمت وابوها جا لعندهاا واخد المرايه من الممرضــه وهوا مبسسوط وبيطير من الفرح: لازم تشوف كل شي
اثير تطالع في ابوها وهوا يهرج ... مو عارفه تطالع في ايه ولا اييـــه حاسه نفسسها مو قادره تهرج مع الفرحه بس تطالع وتتفرج عليهم
الدكتور انسحب مع الممرضات من الغــرفه وسابهم على راحتهم
ابوهاا جلس جمبها على الســرير وحط المرايه قبالهاا : شووفي نفسسك
اثير طالعت بالمراايـــه ..رفعت يدها تبى تمسك المرايه الا ابوها مسك يدهاا وضحك : لا بس كدا شوفي
دموعها رجعت تنزل على خدها : باابا دي اناا
ابوهاا والابتسسامه على وجهه : ايواا ياأثيــر
مسكت المرايه وفضلت تطالع في نفسسها عشره دقايق تبتســـم تكشـــر وتغير بملامحها وهيا تتفرج على نفسها
وابوها جمبها يضــحك عليــهاا وكل شـــويا يبووس فيـــهااا
رجــعت تطالع في ابــوها ومدت يدها لوجــهه وتلمســـه ابوها غمض عيــنه
وهيا تلمسس وتطالع بملامـــح ابوووهااا
نص اللي اتخيلتوو من ملامح ابووها ولا جااهاا
سبـــححـــان الله ...
لســـآنها مربــوط عن الكـــلام نظراتها هيا اللي كانت تعبـــر عنهاا بدي اللحظــــه

يعطييييييييييييييييييييييييييييييييييييييييكي ربي الف الف الف عآآآآآآآآآآفية
وان شااء لي بآآك بعد القرآآءة
وبليييييييييز لا تطوولـِي علينآإ =)

دعدوعــه قلبي والله انــي نا سيه اسم روايتك الاولى بليييز ذكريني بها لانو انا قاريه الصفحة الاولى وما اقرا ذي الروايه على طول عشان ما تترخبط عندي الاحداث وبعد ما اكملها اقرا ذي الروايه لاني قريت بدايتها شكلها يحمممممممممممس من جد

يآلَبـ? أنَـــآإ’’~

الله يعافيـــكي حبيبتي [ندعوك للتسجيل في المنتدى أو التعريف بنفسك لمعاينة هذه الصورة]
ان شالله تعجبـــك ..

[ندعوك للتسجيل في المنتدى أو التعريف بنفسك لمعاينة هذا الرابط]
ياحياااتي رروايتي الاولى اسمها مداعبات لاذعه
[ندعوك للتسجيل في المنتدى أو التعريف بنفسك لمعاينة هذه الصورة]

يلا حياتي كممممممممممممممممممملي
بآأإنتظظظظظظآإر’ككك :)

خططططيرهه
بإنتظآإرك

واآآآووز
الله يسسسسسسسسآآمحك ياشيخه
أمس مانمت غير الساعه 3 ونص ههههه سهرآنه أقراآ الرورو
وصحيت الساعه 5ونص عشان السكوول -__-
والله حآأإللله ,.
بس من جد الروآية خططططططططيرة حدهآإ
أما دي رآما خششت مزآأإجي شكلي بدق معاها صحبه > برآأع هع
ورنيم نفسسسسسي أشوف شكلهآإ أحسهآ أحلى وحده من البنات > لاتكففى لاتحسي
وووو أسامه دآ صآر يقههرني :$
وآأإمممممم هتآآن يآقلبببببببي عليه حبيته :)
أما الشباب التانين إيششش مغروريييييين أقوى شي
ههههههه بس من جد البارتات روؤوعـآأإة
يلا بلييييييييييييييز بإنتظظظظظآرك لا تطوولي
ترآ بنسسسآ كل شي وبدات دحين جآية أيام إختبارات -__-"
>>>>> ياكتر هرجي هععع
يلا آخر جممممله
بلييييييييييييييييز لا تطووووولي

ر’وآيتك مرره حلووووة يأقلبي

آأإسسسسستمري ونستنى البارت الجآآي

فله . . شمعه . . منورهـ . . أكيييييييد متابعه

>>>> خرفت البنيه خخخ

عججججبتني شخصية يزن يآلببببى
=]

لك ؤؤحححلى تقييم . .

Ana motan3a
Mara raw3aaaaa
A7lA shii enha jeddawiaaaà
Lbâa è7ńā

اش روايتك رهيييييييييييييييييييييبه أقوى شي
وانا طبعن طبعن متآآآبععة
نسسسسسسسسسسسسستنآإككي قلبي
لك أطلللق تقييم يآسسوكرآا .. [ندعوك للتسجيل في المنتدى أو التعريف بنفسك لمعاينة هذه الصورة]

مَآيِشَبهُوِنيـَـ?‹‹••

تسسلمي حبيبتي على المتابعه

الشوق ذبحني

يناااسو عليكي حبيت ردك لأنك علقتي على الشخصياااات
يااااااحياااتي كااان كملتيييها على الاقل لما رجعتي من المدرسسسه
معليـــش
وتسسلميلي على مناابعتـــك انشا الله اشووفك على طوول هنااا

يآلَبـ? أنَـــآإ’’~

اكييد حستمر ان شالله بتوااجدكم معاياا
هههههههههههههههه اهم شي فله شمعه منووره

وسآدتي توآسيني دموعي

عييييونك الرووعه تسسلمي ياقلبي على المتابعه

حفيدة جدتوو..
تنووووووووووووووووريييني والله
مرررررسي على التقيـــم

[ندعوك للتسجيل في المنتدى أو التعريف بنفسك لمعاينة هذا الرابط]

دا قروبي على الفيس بوك لو عجبــكم اللي بكتبو حطو لايــك [ندعوك للتسجيل في المنتدى أو التعريف بنفسك لمعاينة هذه الصورة]



البارت الرابع 3>


حـــديــقه خضــراء سمــآء صـآفيــه ..

تـجري الطفــلـه باإستمتــآع وتتـعثــر
وتــقف دون تذمــر والإبتــسامه على شفتيــها تنظر إلى الخــلف وتنادي بمرح : أبــي
ياأتي الاب بكــل فــخر وضحكــآته ممتلئــه بالمكــآن ..يرفــع ابنـتـه من على العشــب الاخضــر ويحمــلها بين ذرآعيه
الطفــله عيونــها تتنقــل في ارجاء المكان وتـريد اشباع فضوولها السؤال الوحيد اللذي يتكرر : ماهذا ؟
والاب بكل سعاده يعرف ابنــتـه بكــل شــي
اعين بعض الناس متصوبه على الطفــله ويضحكو على تصــرفاتها الطفوليــه


فــي نفس المكـــآن ولكن اشياء كثيــره اختــلفت
الأب اعتــلى عليــه الشعر الابيــض والتقدم بالعمر ولكن يبــقى في وجهه الابتســآمه والفخر بطفلـته
عــذرا
إنها ليــست طفلــه بــل فتــآة بالغه ولكن بنفس سذاجــة الطفــله
واعيــن النــآس اختفلت هنــآ فقد تحــولت لعــدة اشــكآل
نظرات استغراب
نظرات استحقار
نظرات متعاطفــه
ونظرات شفـقـه
مهما تغيــرت الأوجـــه يبـقى افتخــآر الاب رغــم هذه النظرات
واستكشــآف الفتاة يزدآد كل بعـــد لحظه


رفعت يدها ع سماا وهيا تطالع بتعجب : بابا شوف سار لونها احمــر
قرب منها ابوها وهوا يضحك ومبسوط من قلبـه : برتتقاالي يابتي مو احمر
نزلت يدها وابتسمت لأبوها : مــره حلوو
ابـوها : قولي سبحان الله
اثيـر : سبحان الله
ابوها : لنا 5 ساعات برا البيـت ماتبي ترجعي ؟
اثيـر اشرت براسها : لا ابى اجلس هنا حلو المكـآن
ابـوها : طيب شوفي انا طالع البيت دقايق وراجعلك
اثيـر : طيب
ابـوها راح لبيـته إللي قريــب من الحـديقه وساب بنتــه لوحدهاا وبين مجموعه النــآس اللي الاغلبيه بيطالعو فيــهاا
ضمت اياديها لبــعض وعلى وجهها ابتســآمه ماختفت من 4 ايام عيونها تتفحص كل شبــر في المكـــآن
وتــزيد ابتــسامتها لما تشوف شي غريــب قربــت من عند شجره وكآن في قلــب
محفوور مدت يدها للشجره وهيا تمرر اصابعها بداخل القــلب حاولت تتذكر ايش
اللون داا قالت بصوت مسموع : اخضر ؟ لا مو اخضر اممم بني ايوا داا بني
دارت وهيا تطالع بالألوان وتحاول تحــزر ايش الالوان دي

فــي نفس المكــآن ...
جلس على الكــرسي الخشبــي : يااتركي مو من جدك حتجيبني كل يوم هناا عشان تلمح فارسه احلامك
تركي واقف وعينـو تترقب حبيتو إللي مممكن تنزل من العماره : ماازن اهجددد وبلاش قروشه
مازن : ترا على دي الخرجه حتجبلي حشيش
تركي : اوك ان شالله
مازن : الله يصـبرني بسس لو ادن المغرب انا مااشي من هنا ماحطوول
تركي بتسليك : طيب


ابتســمت لما شافت الكرسي الخشبــي : ودا لونـو بنــي
تعــبت من المــشي اتـــوجهت للكـــرسي وجلســت .. مـآزن وتــركي طالعــو
فيــهاا عيونها مره جذآبــه عسليه مايله للرصــآصي ووسيــعه وشكلها هادي
ومو عامله اي شي بوجهها
اثيــر طالعت في مازن وابتـسمت بطفوليــه طالعت بتيشـرتو وعلى الرسمه اللي عليـه اشرت على التيشرت :دا ايش ؟
مازن طالع فيها مفجوع وطالع بعدها بتركي وكأنو يقولو " ايش بها ! " وجه كلامو لأثير : تيشيرت
اثيير : ايوا عارفه _ حطت صباعها على خدها وهيا تبى تجيب الاسم اتذكرت _ اهااااا دبااابه
مازن طالع بتشيرتو وضحك بششك : لا دا دباب مو دبابه !
اثير : مافي فرق
مازن طالع بتركي واشرلو يعني مجنونه تركي ضحك ..اما اثيــر مافهمت حــركتـــو
مازن : إلا في
اثيـر : طيب ايش لونو دا ؟
مازن : ههههههههههه انتي عندك نقص _ اشر على راسو _ هناا
تركي حزن قرب منــهم ووقف قبالهم : مازن اسكــت .. انتي ايش اسمك
اثيـر طالعت بتركي ورمشت بعيونها : اثير
مازن : هههههههههههههه من الاسم تعرف السماجه
تركي فرصع عينو : ماازن استتحي
اثير مبتسمه على ضحكه مازن
تركي : فين اهلك ؟
اثير اشرت على بيتهم : هناااك بابا دحين حيجي .. وانتو فين اهلكم
مازن بتريـقه : يستنوني بسياره قالولي اجي العب مع صاحبي نص ساعه ودحين رايحلهم
تركي ضحك
واثيــر بكل برائه صدقت : آهااا
تركي : كم عمرك ؟
اثيـر : 21
مـآزن : وايش اللي عندك ؟
اثير مافهمتو : ايش هوا؟
مازن: في مخك ايش في ؟
تركي : مازن بلا هبل يعني مو فاهم
مازن : ابى اتأكد
اثيـر عيونها تتنقل بيـنهم ومو فاهمتهم : مافهمتكم ؟
تركي : اهلك كيف يسيبوكي لوحدك هنا
اثيـر : انا كبيره وبابا شويا حيجيني
مازن : اموت ياشيخه في الكبيره
تركي : وكل يوم تجي هنا ؟
اثير : بس امس جيت واليوم
مـآزن عاجبــو شكلها مرهـ واللي يزيد جمــآلها بنسبـه له غبائها يقدر يلف عليها براحــه
وقف مازن وقرب من تركي وهمســله : دي لو اخدتها معايا الشقه ماحتفهم
تركي انفجع من تفكيره : مازن دي مريــضه بلاش هببل
مازن : دي ماتفهم يامخ يعني لو سويتلها اللي اباه حنبسسط شوف جسمها بسسس
تركي مره متعاطف معاها : انسسى مالي صلااح
مازن : انتا مالك خليـك في حبيبتك دي _ وجه كلامو لأثيـر _ تجي معايا ؟
اثيـر : فين ؟
مآزن : تعالي تعالي
اثير وقفـت وجآت معاه .. مآزن غمز لتـركي : وليمه جديده
مشي واثيـر جمبـو : فيين نروح ؟
مآزن : نروح سيارتي
اثيـر : لا ماقدر بابا دحين يجي ومايلاقيني
مازن : بس شوويا ..انتي عندك اصحاب
اثير : لاا ماعرف احد
مازن : اوك اعتبريني صاحبك
اثير ابتســمت وهوا ابتــسم على طول على ابتســآمتها الجذآبـــه : طيب
وقفــو عند الرصيــف وكآن بشــآرع المقـآبل سيـآرتـه .اثيــر قدمت كآنت
بتمشي إلا بردة فعل سريعه مسك مازن يدها ووقفها : ماتشووفي انتي السياره
الشاخطه دي
اثيــر رجعت على ورى وعينها على السياره اللي مرت من قدامها بسسسرعه: مانتبهتلها
مازن : عمييا
اثيـر : كنت بس دحين مو عميا لاتقولي كدا
مازن باستغراب: كنتي ?
اثيـر طالعت فيه ولساتها ماسابت يده : قبل اربـعه ايام سويت عمليه وماسرت عميا
مآزن اختفت الابتسامه من وجهو : لكي كم سنه ؟
اثيـر : من يوم ماولدت كنت عميا وماشوف شي _ اتذكرت _ امس بابا علمني الالوان كلهاا
مازن : من جدك ؟
اثير : ايوا حفظت كل الالواان بس لساتي اتلخبط
مازن مو مصدق : لا قصدي على دا يعني من يوم ماولدتي وانتي ماتشوفي شي وقبل اربعه ايام اول مره تشوفي بحياتك !
اثير اشرت براسها : ايوا
مازن سحب يده من يدها بهدوء ماقدر ياخدها معاه للسياره : اها
اثير : بس انا مو غبيه
مازن عقد حوآجبه وهوا مو فاهم دي الدخله الغلط : ومين قال عنك غبيه ؟
اثير تهرج بعفويه ممتلئه بسذاجه مو متعوده على الاختلاط
ماتعرف تهــرج عدل : الناس عشان يشوفوني اسئل كتير واقول ايش دا يحسبوني هبله بس انا مو هبله
مازن حاسس نفسو مو عارف ايش يردلها اتعاطف معاها قال بتلكلك : مالكي باأحد
اثيـر ابتسمتلو : كككدا بابا قلي
مآزن ابتسـملها وبانت غمـآزتو على خدو ..اثير رفعت يدها وحطتها على خده وضحكت : زي بابا عنده كدا
مآزن لاشعوريا ضحــك وكلمها كأنها طفله : احسن انتي ماعندك
اثير بعدت يدها عن خدو وقالت وهيا زعلانه : ايوا ماعندي زيكم
مازن : بس برضك كدا حلوه
اثير ابتسمت : اعرف بابا دايما يقولي كدا
ماحسها لما قالتها غرور اكتــر من انها كآنت طفوليه بكلمتها دي
: اثيـــر
دارت جسمها وابتسمت وقالت بصوت عالي : بااااابااا
ابوها جا لحدها : فجعتيني ليش بعدتي كدا
اثير اشرت على مازن : هوا قلي
مازن انفجع قال بردة فعل سريعه : جلسنا نهررج الله يخليها لك
اثيـر عقدت حوآجبها : مو كنا رايحين
مآزن خايفها تفرط الشريط وتوديه في دهيه قاطعها برضو : نشتري من البقااله قالت انها عطشانه
ابوها ابتسم بخوف على بنتـو : معليش ياولدي عل إزعااج
اثير تطالع في مازن وهيا مستغربه من كلامه
ابوها : يلا اثيـر
اثيـر : طيب
ابوها قدم وهيا قالت لمازن : باي
مازن : دقيقه
اثير : ها ؟
مازن بتردد
: اي احد يقولك مره تانيه اطلعي معايا السياره لاتروحي
اثير : ليش ؟
مازن : ازا ماكنتي تعرفيه لاتروحي معاه طيب
اثير : بي احنا سرنا اصحاب ؟
مازن (( دي غبيه وربي )) : ايوا انا تجي معايا عادي بس غيري لا مايسير
اثير بطاعه اشرت براسها : طيب
مازن : يلا باي
اثير اشرت بيدها : باااي
مشيت ورجعت دارت عليه واشرت بيدها : بااي
مازن ضحك : بااي
رجــع لتــركي ..
تركي : ايش بك ماروحت
مازن جلس وماسمعــه
تــركي : هييي
مازن طالع فيه : هاا !
تركي : مو قلت تبى تاخدها
مازن ماحب يحكيــه اي شي ويطلع طيب في عين صاحبـه : دي ياشيخ مره غبيــه حتوديني في دهيه
تركي : قلتلك مايسير تاخدها شوف ابوها جااا
مازن : وحنجي كل يوم هنا ؟
تركي : مو قلت بكرا ماحتجي ؟
مازن : لو حتجبلي حشيش جااي اكيد
تركي : ايوا جااي _ شاف حبيبته جايا _ واخييييييرا جااات

ملاحــظة بسيــطه " ماقلت انها غبيــه او ساذجه لأنها كآنت عميــآ .. بس
سذاجتها كانت بسبب عدم اختلاطها بنااس حبسها على طول في غرفتتهاا والعمى
كان عامل مساعد للي هيا فيه دحين "