قصيدة رجل في عرس حبيبتهـ

لسلام عليكم ورحمة الله وبركاتة ......

هذي قصيدة قالها واحد فعرس حبيبته

والله أنه يعور القلب

أتمنـــــــــــــــى تعجبكمـ........

أبد ماجيت أبارك ولكن جيت باوصيك على الله ناوي تدخل بها الليلة معذبتي

ترى لولا الظروف اللي عطتك وحدت محاكيك قسم بالله ماتدخل عليها لو على رقبتي

ولكن النصيب أقوى ولا أدري وش أسوي فيك ....نعم صارت معزبتك
ولا صارت معزبتي

كذا شاءت الأقدار تحرمني لجل تعطيك كذا لازم عشان تفوز أنت ..أخسر
بتجربتي

تراها غالية جدا ...تدللها ...تدلعها ....تنسيها مصاحبتي

أنا من كثر ما أغليها أحس أني بديت أغليك ولا تسأل بـأيه حق ولا وش مناسبتي

لأنك لو بتسألني بتسمع شيء مايرضيك لذا ياخوي لا تسأل ولا تسمع
لأجوبتي

أبيك تحطها في داخل عيونك وبين يديك وهي دلوعه أعتادت
على كثرة مداعبتي

فداعبها شوي شوي حتى تشتهي طاريـك وشاغبها إلين تقول : بطـل
مشاغبتــــــــي

وإذا هي مالها خلقك ..ولا تضحك ولا تسليك
تحملها وإسألها : يـاعمري ليـه عصبتي

وبالك أسمع يوم أنك تضربها وهي تشكيك

مايحتاج أوري لك بفن الضـرب موهبتي

صحيح أنك بتملكها ومعك الصك بالتمليك
وأنا عارف حدود الله ومن حقك معاقبتي

وقلها المجنون وصاني وهو يعنيك يقول
أنه بينتظـرك ولو يشيب وشيبتـــــي

وأنا مجنونها اللي مانساها وأنت مايمديك
تغطي ذكرياتي في هواها......وربع تجربتي

أحس أني تماديت بكلامي ..والغصب حاديك
ولو أنك في مكاني ماتفكر في محاسبتي

كفاك الليلة تركت أشغالي عشان أجيك
دخلت القاعه برجلي ولا أدري ويش عاقبتي

وأنا ماجيت أخرب عرسك الليلة والله يهنيك
أنا جيتك عشان أخاطبك واسمع مخاطبتي

توصي ..وأنتبه ...وأحرص عليها والله يهنيك
ترى كل الكلام اللي طلع من ضيقي وكبتي

ولكن ماقدرت أقوله وأنت مايخفيــــك
أخاف أني إذا قلته تقوم وتقطع رقبتي

واااو روووعــهـ لابعد الحدووود

والله مررره تقطع القلب

يسلموو يالغلا

» انا قصيدة..
» قصائد العيد قصيدة عيد
» قصيدة......ههههههههههه
» قصيدة مضحكة
» قصيدة مضحكة